533
حسين سالوفة عشك مرها الذبح للتواصل @Eng_alhabeeb
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
انا لله. مات الهادي
انا لله. كلها اتنادي
بيش ايطلبونه. ليش ايسمونه
**
نعه الناعي بألم والوادم التمت
والشيعه بحزنها اعله النعش ركضت
عكبك ضعنه نادت وبالم ونت
وسامره برحيلك سيدي انفجعت
اتنوح لأيتام وتبجي ابابه
اتنوح الأيتام. لجل امصابه
بدمعه يودعونه. ليش ايسمونه
**
ناح العسكري وتوله تغسيله
وصله اعليه وجروحه تتجيله
يبجي والملائك كلها تبجيله
راح يشيل نعشه ونهدم حيله
من التعذيب. ازرگ جسمه
من التعذيب. ينزف دمه
غمضها عيونه. ليش ايسمونه
****
الهادي بالسجن كضاها كل عمره
ويصلي صلاة الليل بالحفره
ومن الصوط ما يكدر يكض ضهره
امكيد والسلاسل حارت بأمره
سجن الهادي. وسجن الكاظم
سجن الهادي. بامر الظالم
يخضع يردونه. ليش يسمونه
**
اظلم سجنه والسجان فوكه يحوم
وحته من الهوه ومن الشمس محروم
الإمام الهادي يا شيعه اشكثر مظلوم
مثل الكاظم الهادي رحل مسموم
محد يكدر. جان يزوره
محد يكدر. يحجب نوره
وتغير لونه. ليش يسمونه
***
اشلون المعتز اعله الهادي يتعده
وركن الدين كله بفعلته هده
الإمام اسبلها ايده والجفن سده
وبداره كضه نحبه وبقه الوحده
عاش بغربه. ومات بغربه
عاش بغربه. وحسره كلبه
اشلون يظلمونه. ليش يسمونه
***
الشاعـر تحسين الخفاجي
ليلة ٣/رجب /١٤٤٧ هجري
الأربعاء 24\12 \2025
ليلة استشهاد الإمام علي
الهادي عليه السلام
#قصائد1447
يعـود الله الـزياره
حلم شوف المناره
يزينب يا غــريـبه
يزينب يا غــريـبه
ــــــــــــــــــــــــــــــــــــــ
يزينب مـو سهل عدنا ،، هـذا افـراگـج وهمـچ
رجعتي الغربة الهيمه ،، رجع ذاك الضحك يمچ
يمنعون البچي ابـابـچ ،، وأنتي المحترگ دمچ
هم هاي السنه عدت ،، ورحنه نشكي لأبن امچ
يحسين أختك ما زرنـاهه ابهذا الـعـام
يحسين أختك بين الغربه بضيم الشام
يحسين ابلا نــاعي اليقـره ولا خــدام
رأية الصحن طاحت .. ابغربه زينبك صارت
صحنه للوكت كافي .. يمته زينب ارتـاحت
العمر خلصّ خساره ,, يعـــود الله الـزياره
يزينب ياغريبه ،، يزينب ياغريبه
=======ـ
صارت ذكريات الروح ،، ذيچ الگعده يم بابچ
يعود الله اليالي كون ,, ونرد انواسي بمصابچ
دخيلچ والله مو متنه ،، بحسرة شمت اترابچ
ما هوّد جرحنه ايعيل ،، يزينب يذبح اغيابچ
ردنه أكبال الباب الاخضر نعمي اعيون
ردنه انفارگ هاي الدنيه موش أم عون
ردنه اگبالچ كون ابلطمه انـذب امـتون
صعبه غـربة الديره .. حيره بت علي حيره
تبچي تنتظـر زايــر .. ماكو بالغرب غيـره
الگلب يغفه اعلناره ،، يعـــود الله الـزياره
يزينب ياغريبه ,, يزينب ياغريبه
========ـ
أشتاگينه الدرب شامچ ،، وصرنا ابعازة الملگه
السوالف والبچي ايهونن ،، بينه اگلوب محترگه
سنتين احنه مــو يمـچ ،، شسولفلچ عله الفرگه
فاضحنه الحنين اعليچ ،، وشابگنه الدمع شبگه
هذا افراگج يخت الكـافل چنه الموت
هذا اليكتل بينه ابصحنچ مامش صوت
كلشي انحسه ابابـچ شامت من ايفوت
فــدوه يمه عـذرينه .. هم تره احنه ما جينه
دربـچ انگطع هضمه .. وحـرگـوا الگلب بينه
بعد ما عدنا چاره ،، يعـــود الله الـزياره
يزينب ياغريبه ,, يزينب ياغريبه
========ـ
ندري الشام اخذ حيلچ ،، والنوب اگطعوا دربه
خذاچ بعيد عن حسين ،، ما خلص بعد حربه
چنـه مـن نجـي ابابچ ،، نحس انخفف الغـربه
وهسه ابضيم متروكه ،، ياهـو اليحتمـل گـلبه
شيعديها ايــام الغربه وضيم الشام
من چان العباس اوياهه خوش أيام
هساعه بضيم ومجروحه وماكو أخيام
كل بچينه عالغربه .. هضمه واشكثر صعبه
يكسر الگلب بابـچ .. مـاكــو زايــر ايطبه
بأمل هاي الغياره ,, يعود الله الزياره
يزينب ياغريبه ,, يزينب ياغريبه
========ـ
- خيري الصفراني
أمير المؤمنين بلسان الحال يخاطب الزهراء روحي فداهما بعد دفنها :
وين اروح .. روحي يل زهره عگب عينچ غريبه
وين اروح .. صبر ما ضل عندي من هاي المصيبه
يمن چان ابشوفتچ جرحي يطيب
علي مكسور الجنح ضل او غريب
وين اروح وين اروح
__
چلچل الليل او عيوني چن ملح محطوط بيها
لا تنام اسويعه تقبل لا رضت تگطع بچيها
اعيوني مشبوحه الحجرتچ جَر تجرجرني عليها
والگه بس اعبايه سوده عل جدار امعلگيها
هل عباه .. اصد ليها او گلبي ايفر من مچانه
هل عباه .. صور بيها عن فرح راح ابزمانه
راح وابدال الفرح حل النحيب
علي مكسور الجنح ضل او غريب
وين اروح وين اروح
__
آنه عگبچ يل زچيه طير عشه امهدمينه
حدره الصياد جاعد او صگر فوگ اتخزره عينه
لو اجي الگبرچ انوحن خاف الچمچ يل حنينه
او من ترد للدار روحي تلگه باب امحرگينه
الگه باب .. على دم اضلوعچ أيأشرلي چنه
ألگه باب .. اهنا يحيدر ماتت الكلها محنّه
وآنه كلما اصدله دلالي يشيب
علي مكسور الجنح ضل او غريب
وين اروح وين اروح
__
دهري والليل وجروحي اعليه متحزمات كلهن
وين اروح او اشكي المن تعّبني او تعّبتهن
فاطمه كلشي احتملته اشگد مصايب عبّرتهن
لچن بس ساعات هجرچ يصعب اعليه احتملهن
بس تعاي .. لاني ميت لا عدل عگبچ يروحي
بس تعاي .. ردي يل بعدچ مثل يعگوب نوحي
الباب طفوها او بقه ابگلبي اللهيب
علي مكسور الجنح ضل او غريب
وين اروح وين اروح
__
هاي أول مره اوگع وانكسر مني جناحي
فاطمه رحتي او دليلي اتگول تحفر بي مساحي
اعيوني ليل انهار تجري وين اليگلها استراحي
وين اليردچ أليه واليداوي لي جراحي
امن العيون .. ياهو يمسح صورت الطيحه الرهيبه
امن العيون .. اشلون اوخر عصرة الباب او لهيبه
او صيحة الـ آخ الّي عنّي ما تغيب
علي مكسور الجنح ضل او غريب
وين اروح وين اروح
__
يا حياه تنعاش عگبچ او ياطعم بيامي باقي
وآنه من ينجاب اسمچ روحي توصل للتراقي
ابكل نفس تطلع لي شيبه وابكثر شيبي اشتياقي
ريت گبرچ ليّه ينطر او تحصل أسويعة تلاقي
ارد اجيچ .. او شوفي اضلوعي الغدت عگبچ نحيله
ارد اجيچ .. يمچ ارفع ايدي ل الله وارد اسيله
وارد اگله اقبضني ابجاه الحبيب
علي مكسور الجنح ضل او غريب
وين اروح وين اروح
__
آخ يل زهره وحگچ المر علي محد يحمله
او دمع عيني الي هملته غيم ما يگدر يهمله
يوم بغيابچ كتلني اشلون لو طالت المهله
يمته هل شيبه اتخضب واندفن والموته تحله
يل بتول .. علي مو نفسه علي حامي الحميه
يل بتول .. علي صار اخيال عگبچ يل زچيه
شاحب او نحلان محزون او كئيب
علي مكسور الجنح ضل او غريب
وين اروح وين اروح
__
ابو فاطمة الطائي
كأني بالملائكة يخطابون امير المؤمنين ع
كلميني... كلمة طلعت من يتيم بحرگته
كلميني… احسين ابو اعيون الحنينة بچّته
ياعلي عن الجسد .. وخّر اولادك بَعد
~~~
حسين صيّح كلميني والعرش هزّه
حگة هاي امه الحنينة الكلش اتعزّه
ياعلي اعذرني اعله چفني اتگلة الامجهزَه
امن الچفت طلعن اديها بحرگة الفزّه
كلميني… غير من گالاها طيحلة سمة
كلميني… فتِشَت و تحركتله فاطمة
صاحب الموت استعد .. وخّر اولادك بعد
ياعلي~
اليمة تطلع منّه تچوي وبيها حنّية
غصّت الدنيه بكلمته و حرگت الريّة
بوية متأكدلي هيه خاف مو هيّة
ألچفن ما تلبس امي تلبس النيّة
كلميني… هيه ست احروف بس بيها حچي
كلميني... من حچاها انكسر گلبة امن البچي
الميت بصوته گعد .. وخّر اولادك بعد
ياعلي
~~
هوّ المعّود عله امه ايكتله فرگاها
وامه مو اي ام يوادم حته ينساها
الثاني يوم الناس تبچي وتنسه موتاها
وهو طاحت ايده يدعي ايموت اوياها
كلميني… الگالها وي الهجر داخل حرب
كلميني… شنهي من كلمة التعدللها گلب
اجنازتك حطلها حد .. وخّر اولادك بعد
ياعلي
~~~~
بالهوة الكاتل يذبها ذمة اشموعة
الما يفارگ فوگ راسة الشيبة ممنوعة
يمة بس گعدي يگلها ويچوَن ادموعة
عوزچ اشچم ضلع اخذي صدري وضلوعة
كلميني .. لا اموتن موته صدمة اعله العمر
كلميني .. خضّرت بيدي الرسايل للهجر
ال(بعَد) شتفيد البَعد .. وخّر اولادك بعد
ياعلي
~~~~
وگطعت الوگفة وجعها منتشر بيها
لحّگ اعله امك تعال وشوفها شبيها
بچة املاك الله كلها من يحاچيها
الدنية ماتوگف عله احد وگفت اعليها
كلميني… انتي مو مالة جنايز انتي الي
كلميني… من تنهَّد عالچفن بچّه علي
والدمع للرب صعد .. وخّر اولادك بعد
ياعلي
~
حسين أمة شَيله شَيله بريته حاسبها
شفته متعوده اعله اديها اتصلي ويحبها
ينغمي اعله امه بگبرها وحيدر اينبها
بلّحد كلما يحطها بيده يسحبها
كلميني… عش حمامة بيتچ امتّرس نِشِد
كلميني… افراشچ ابيتچ اشعندچ باللحد
لأمة حنّان الولد .. وخّر اولادك بعد
ياعلي
~~
علي هادي الخزعلي
((تبچيلچ))
تبـچـيلچ همس وراچ
مخنوگه ومشه هواچ
زينب بالصمت تصيح
يـايـمه الـگـلـب بچاچ
ريـض يبـويه بـدلالـي ماتحمل ترب
تاني بـغـرامي الاحـبه ودگات الگلب
امــي الحبيبه العزيزه ماتعرف هجر
يعثر دليلي وسؤالي ودمعاتي تصب
يـــــايـمه شلون
تـــدريني وآنــــه زغيرونه
ومخطوفه اللون
عفتيني بضيمي ومحزونه
يايمه يافاطمه ...
"""""""""""""""""""""""""""""""""""''''''''''''
بيــتي بفرگتچ غريب
رحتي وياگلب يطيب
دمـعـات الـهجر عذاب
وحسراتي بألم تشيب
يــايمه ضـلعـچ خيـالي وساعات الحرگ
وشفت الهجم على داري وبسوطه يدگ
هـيـه الـهـضـيـمه چـبيره مچتوف بحبل
حـيدر ابـونه مـصـيـبه يـجرونـه صــدگ
حـيدر مـچتوف
والدار من الناس محروگه
وبصدره سيوف
خلوهن وأنفـاس مخنوگه
يايمه يافاطمه ...
"""""""""""""""""""""""""""""""""""''''''''''''
يايمه الهـجر مصاب
ودمـعه ونار وعذاب
حـضـنچ يايمه ليش
عافانه وحضن تراب
ودع دلـيـلـي حـبـيـبه وحسيت انذبح
هيه الخساره عظيمه وحسين انـجرح
يبچي ويعصر چفوفه وبدموعه السهر
جـفـن الـموده مـصـابه نـيــشانه القرح
وعيون حسين
يــايمه وباتـت سهرانه
مانعــرف وين
عفتينه وگلوب حيرانه
يايمه يافاطمه ...
"""""""""""""""""""""""""""""""""""''''''''''''
ضـلمه والنـعـش يـفـوت
تشييعچ همس السكوت
يــايـمــه الـحـسن وراچ
چـم موته اضـن يــموت
يــتــلــوه يـمه حـبيبچ بجــدامه إيـعثر
حــيـدر يــيـمه يــگـلـي ودعـــت الـعمر
بـالـگـوه شـايـل دمـعتـه ومـدوهن فـكر
يسولف ابونه ويه روحه ومچوي بجمر
ينومنه بـآه
ويگعد يم الباب يحچيله
يغطبنه بآه
ويـگعد هوه يشم بالشيله
يايمه يافاطمه ...
"""""""""""""""""""""""""""""""""""''''''''''''
چم عين التصب عليچ
و مـچويه بـجمر اديچ
بــخـمـارچ يــيـمه نــار
بســمار ولـسـعــته بيچ
قـنفذ يـيمه يـضـربچ بـعـيـوني شفت
بساعتها گلبي لـچمني شو چني متت
بعينچ زراگ الامامه والعشگ الـصدگ
وآنـه سـبيه هـضـيمه من بعدچ رحت
لــلشام لــلشام
يـــــايـمه وكتي ومشاني
نسوان وإيتام
بالغربه ومذبوحه اخواني
يايمه يافاطمه ...
عبد زينب
محمد الابراهيمي
شايل تابوت لوعمري نشال
دمعات العين تشرح هالحال
نعشج هادل متوني
دمعه اتغرگ عيوني
شايل تابوت
****
العشرتها حلوه للقبر راحت
تعاند سكوتي دمعتي الطاحت
غير الهضم واللوعه ماشافت
فاطمه لچمات اشكثر شافت
ياصبر يفيد ومضيع اعزاز
بنعش الزهراء طالع جناز
مايل ضهري شافوني
دمعه اتغرگ عيوني
شايل تابوت
****
مثل الجمر يسعر وسط روحي
بغيابج شمكثرهن اجروحي
بعدج تره ماينگطع نوحي
كلبي نذبح سميته مذبوحي
عاشرت النوح بغياب النور
ضلع الزهراء وگلبي المكسور
اشهگ حسره سمعوني
دمعه اتغرگ عيوني
شايل تابوت
****
فكيت ريجي بدمعة عيوني
نعش الحبيبه شالته متوني
درب المقابر غيره لو ني
مكسور ضهري وحيلي شافوني
ذاك البسمار تاركلي آلام
بس الحسرات وبالدار أيتام
ولدج من يسألوني
دمعه اتغرگ عيوني
شايل تابوت
****
دافنها بيدي وراجع بدمعه
الفارگ حبيبه ينكسر ضلعه
اگعد حزين ابداري أو انعه
النايم بگبره لبيته شيرجعه
الدافنله احباب يرجع مكسور
راحت ياناس قنديل النور
بفگد الزهره كسروني
دمعه اتغرگ عيوني
شايل تابوت
****
انضر ايتامي ودمعتي بخدي
مكسور گلبي تيتمو ولدي
عام الحزن بفگد ام حسن يبدي
راحت أم روحي وباقي لوحدي
زينب بالنوح شبتلي النار
لأمي اشتاقيت ترجع للدار
عنها لاتمنعوني
دمعه اتغرگ عيوني
شايل تابوت
****
بالدمعه ذابت عيني بغيابج
يوميه ايتامج تجي لبابج
فكدچ يزهره هاظم احبابج
ليليه امشي واشتم اترابج
كل حسره دگول بگلبي المصيوب
الشيعله احباب دلاله يذوب
ميت إني شيعوني
دمعه اتغرگ عيوني
****
علي محسن الفرطوسي
تفرح الزهـره إبلطمكم ... لاتقصـــرون
ورده بالمجلس يشمكم ... عابس وجون
يعشاگ الدمع الطمو اعله الظلع
إلطمو إعله الظلع ... لاتقصرون
ــــــــــــــــــــــــــــــــــــــ
يالمودتكم فاطميه
البايس المنبر كــــأن بايسله قـــرآن
واليصب دمعه إعله الزچيه
ينحسب عالگله شمعه إبيت الاحزان
ينفتح باب السماوات ... لو صـــار اللطم
حلــوه أيام العـزائات ... إشگد بيهن طعم
ويسمع المهدي بچيكم ... والصوايح
شيعته وينـظــر عـليـكم ... أبو صالح
فخور ابهالجمع الطمو اعله الظلع
إلطمو إعله الظلع ... لاتقصرون
ــــــــــــــــــــــــــــــــــــــ
مجلس الزهره من نحضره
قـُل اعــوذو إمن السقيفه نقره ياناس
الثاني والاول ما نعذره
ذوله گطعو زهـرة الله إبلايه احساس
نبتو بعيـــون الاحسين ... بســـمار ورمــــح
وكتلو العمره ضحكتين ... إبگد فرض الصبح
ياجــرح كــل مانشـده ... ينزف آهات
باچر المهدي يضمده ... بأنتصــارات
إبجماله من يشع الطمو اعله الظلع
إلطمو إعله الظلع ... لاتقصرون
ــــــــــــــــــــــــــــــــــــــ
اليلبس الأسود نيته بيضه
حتى لو گالو بُدع هـاي وخــرافات
ينحسب قنبر وله فضه
اليخدم إبهاي الليالي الفاطميات
البالعَلم كاتب يـزهـــراء ... الله ايبشره
ويكتب اسمه ويه أسماء ... شيعة حيدره
أدري بدمــوعــك يتيمه ... يالموالي
إهوايه عند الله عظيمه ... هاليالــي
الوفه عدكم طبع الطمو اعله الظلع
إلطمو إعله الظلع ... لاتقصرون
ــــــــــــــــــــــــــــــــــــــ
فاطمه الليله إبگد عمرهه
اتمنطعش شمعه أعلگو يالموالين
إلساني يطهر لو ذكرهه
وهايم ابعاشورهه وعاشور الاحسين
خلي أشتم ريحة الباب ... وخـــر ياهـــــوه
الدنيه لو ما أم الاطياب ... ظلمه أبلا ضوه
الحرگو الدار الشريفه ... خل يسمعون
علي وما غيـره خليفه ... لا يتــعــبــون
نـــداء ويرتفع الطمو اعله الظلع
إلطمو إعله الظلع ... لاتقصرون
ــــــــــــــــــــــــــــــــــــــ
فاطمه الچانت من تصلي
تزدحم يم بابهه أملاك السموات
اتنادي ياشيعه وحگ طفلي
إبنار بابي تحتـرگ باچــر عبايات
الطيحو محسن يعرفون ... باچـر لو كُبَر
ثاني أبو فاظل يشوفون ... واگف عالنهر
وهذا بسمار المنيه ... الميت احساس
رمح چن بالغاضـريه ... ويرفــع الــراس
وأبد ما ينشلع الطمو اعله الظلع
إلطمو إعله الظلع ... لاتقصرون
ــــــــــــــــــــــــــــــــــــــ
عمري للزهره ناذر أيامه
أشهدُ أن المجالس عصمة الله
خالق الباري إچفوفي لطامه
إبعالم الـــذر وانادي وا حسيناه
فاطمه الزهره بالعيون ... إحسين أتنفسه
عـــدل ميت يالتلومـن ... أحـضر مجلسه
حتى لـو ظلت إليه ... بس دمعـتـيـن
دمعه تجري للزچيه ... ودمعه لحسين
الحزن ما ينگطع الطمو اعله الظلع
إلطمو إعله الظلع ... لاتقصرون
محمد الجماسي
#اللهم_عجل_لوليك_الفرج
ام حسين توجع سالفتها
علي بنص بيته ناصب فاتحتها
بين أولاده گاعد
وما دك بابه واحد
علي بنص بيته ناصب فاتحتها
_
1
من بالديره يسمع جان شده يركض ايحلها
علي الماگاطع بواحد بفاتحته اگطعت كلها
ليش اقرب انسان ل الله
يون وحده وفارغ ديوانه
فوگ افراگ ام بيته اليذبح!!
محد راح ودگ بيبانه...بهذا اليوم
ابداره اضماد الدنيه امصوّب
يبجي الزهره ويبجي اوليده
جا وصلت بي وين الغربه؟؟
وحيدر هاگد يفرك بيده..شگد مهضوم
شثگلها اتحس غريب ابين ناسك
ماگالوله حتى البگه براسك
بخده ادموعه شاهد
مادگ بابه واحد
علي بنص بيته ناصب فاتحتها
/////////////////////////////////
ألطفّه اجم گلب محروگ بيته وگلبه وج بالنار
شبيها الجوره متكتّره و ما فزعت لحامي الجار
ياكسرة جبّار الخاطر
الخلصن بالتغسيل اعيونه
الوان الناس ابخير وهوه
مدري اشگد اتغير لونه.... امن الحسرات
يتلفت مابين اولاده
ساعه ايمين وساعه أشماله
وهاي اول مره بديوانه
حيدر تهفت نار ادلاله.. شگد لجمات
گدما تانه تعبت امنياته
وغطه الحسن وحسين بعباته
حيله كله راكد
ومادگ بابه واحد
/////////////////////////////////////
امنهد ما شييع ام حسين وشيخ الساده متغرّب
على الزهره ولا واحد ابهاي الديره متنگب
قالع خيبر لازم ظهره
وازغاره ابهيده يتجوله
بالبسمار وذيج العصرة
محسن وام محسن راحوله.. برمشة عين
كلما صد عالباب ايدنگ
ويعصر گلبه ومدري شيحجي
وكل ما گالو محسن يرگض
يم كاروكه ويگعد يبجي.... يموت اونين
الوادم تضحك بذيج المسيه
ولا جن ميته بالديره الزجيه
حيدر كلشي فاگد
وما دگ بابه واحد
علي بنص بيته ناصب فاتحتها
///////////////////////////////
بده ايحاجي علي اولاده حسن صاح ولزم جبده
واويلي لمن جاب احسين وحط خده على خده
باجر هذا الخد يتجوّه
بتراب الطف المايرحم
وكل ماي ابهالدنيه ايخونك
عن عبدالله وعنك ينضم...تهضم هاي
من طگ ضلع امك طگ گلبي
انعه واتذكر موضوعك
يامذبوح امك شرد احجي
من تتكسر كل اظلوعك..احجي وياي
ولا واحد يجي بالغاضريه
مثل الزهره فاتحتك خليه
وعليلك بس يشاهد
ومادگ بابه واحد
//////////////////////////////////
ويم زينب خفت صوته
وبجه وأشر اعله امتونه
گوه أمسّكت السانه
الما سّكت حجي اعيونه
گوه ايطلع الجمله لزينب
ويتراجف حيدر من خوفه
گض جفها وصاح ودگ راسه
اخ الشام واخ الكوفه.. دموع وآه
ياعلوية بيت الزهره
باجر سوط وضيم وحيره
والتكتل حداّي اضعونج
وين المابي ذمه وغيره... واويلاه
يلماكاعده بيوم بترابه
اعذريني على ذيج الخرابه
اويلي شگد مشاهد
ومادگ بابه واحد
اللهم عجل لوليك الفرج
احمد ماجد الكلابي
استشهاد مولاتنا الزهراء (عليها السلام)
شلون ليله... كل سوالفها دمع
شلون ليله... وجارح الريِّه الضلع
گاعدين وننظر أمنه شكبر همها
نريد نحضنها ونخاف يزود ألمها
شلون ليله
الشمس تنحب لمن غربت... واجه المغرب ينحب اكثر
والظلام اليخفي كلشي... الليله جاي ودمعه أحمر
والنجوم الحلوه صارت... بالسمه مفجوعه تفتر
كلشي ما ظل بمكانه... وكلشي صوت الله اكبر
الزهره تتنفس تحاول... من الكسر ما چنها تگدر
وتخنتگ وتضم ألمها... حتى لا يتأذه حيدر
عنه تخفي...بچفها خدها المنسطر
عنه تخفي...وچفها أزرگ يِنِظّر
كل نفس تشهگ لأن تشعر لچمها
نريد نحضنها ونخاف يزود ألمها
شلون ليله
ـــــــــــــــــــــــــ١ــــــــــــــــــــــــ
من النهار المر علينه... بينه لوعه وبينه لچمه
أمنه چا يضربها قنفذ... ياهو يحمل هيچي صدمه
قنفذ الأهل المدينه... كلها تستزغر تكلمه
ايلَوّع أمنه بسوطه ننظر... وحتى محد گله زحمه
وخالد وحطاب وأول...اوين واحد ماله حشمه
بيهم تلثميه هجمو...وضربو أمنه والله هضمه
أمنه تنحب... ويضحك الجاوب وإن
أمنه تنحب... ويضرب اكثر من تون
اركضنه ليها وتشعر الاكثر هضمها
نريد نحضنها ونخاف يزود ألمها
شلون ليله
ـــــــــــــــــــــــــ٢ــــــــــــــــــــــــ
ننظر لحيدر أبونه... عينه مَتفارگ جفنها
وهذه أول مره أمنه... ما تسولفله بحزنها
وينهض ويگعد نشوفه... ويطلع نباوعله عنها
ومن وراه نطلع نشاهد... تهضم الونَّه اليونها
وتمشي محنيه وتگله... عيوني تحتاج لوطنها
من تفارگني يحيدر... روحي تطلع مني چنها
ابلا وجودك ... ما يظل يمي هوه
ابلا وجودك... تعطش عيوني ضوه
بهالحچي الدافي السمه تنادي بأسمها
نريد نحضنها ونخاف يزود ألمها
شلون ليله
ـــــــــــــــــــــــــ٣ــــــــــــــــــــــــ
سكته كلشي وبس دمعنه...يگدر يسولف ألمنه
نباوع لإيديها زرگه...ونختنگ من گد هضمنه
وننظر لنظرتها نعرف... ايديها تتمنى تلمنه
بس ضلعها مهشمينه... بيا حضن تگدر تضمنه
واحنه ننظر ليها صارت...تنلچم كلما تشمنه
ما نوِّن نكتم نحاول...وگوه تطلع لو كتمنه
الينظر أمه...گبال عينه وتنضرب
الينظر أمه... ينشلع منه الگلب
وصرخه تبدي الونَّه ما ينفع كتمها
نريد نحضنها ونخاف يزود ألمها
شلون ليله
ـــــــــــــــــــــــــ٤ــــــــــــــــــــــــ
شمثگل ايام التجينه...وأمنه وي كل لحظه تذبل
ونسمع الباب اعله محسن... من عذابه يقره مقتل
من خشب بس عنده غِيره... احسن من الويه الأول
دفعو وقاوم ولكن...بالحرگ مجبور وانحل
وهذا حال امنه بظلمهم... بكل نفس نشعرها تنحل
يغضب الباري ورسوله...ال بالجره اعله الزهره يقبل
دينه زائف...بهالظلم كلمن رضه
دينه زائف... الما يحب المرتضى
خصمه جدنه المن فدك كلمن حرمها
نريد نحضنها ونخاف يزود ألمها
شلون ليله
ـــــــــــــــــــــــــ٥ــــــــــــــــــــــــ
أحمد البصراوي العبادي
(( يوم الأموادع ))
يوم الأموادع وحقچ اشلون افضهه قصته
الأسمه حلال الشدايد هسه حار ابشدته
حيدر الماباچي عمره ابطوله طاحت دمعته
الشمس بعيونه ضلمه البيده يدفن شمعته
اليدفن بيده الزهره
اهلال من ايرد ضهره
النسمه اجيسه اتعوره ..... ومابيه كل حيل
ورده وذابل لوني
شالت موگ اعيوني
ودمعي امقرح اجفوني ..... اشلون اغفه ابليل
رديت البيت امشيب من ارجعت
مادافن بس الزهره روحي ادفنت
انه الكلمن فارگ احبابه صبر
هسه ابفرگت فاطم ما اصبر صرت
فاطمة انا حبيبكِ علي .....
"" "" "" "" "" "" "" "" "" "" "" "" "" "" ""
اليطخ الغيم طوله هسه حدب فاطمة
ومو السابع جار توصل ونِته السابع سمه
البالبن شيبه يؤچد لحضة افراگچ عمه
البيده شايل باب خيبر نسمه هسه اتئلمه
رحتي وبين كسري
خنگه بنفسي وصدري
يگصر بعدچ عمري ..... وكل عمري اجروح
راحت راحت روحي
خلت دمعي ونوحي
وليلي وهم اجروحي ..... من الهم مذبوح
نجمه نجمه احسبهن ماطابگ جفن
اگعد كل يوم انه بمچانچ أون
وحشه البيت اخلافچ رحتي ياضوء
اشلون أصبر ومفارگ حرمه وإبن
فاطمة انا حبيبكِ علي .....
"" "" "" "" "" "" "" "" "" "" "" "" "" "" ""
روحي وياچ ادفنتهه بس جسد راجع عدل
اليدفن ابيده عزيزه دمعته الموته تهل
شاب حيدر وبوداعچ هسه متغير كهل
ناحل وأشبه خيالي والله سليتيني سل
كلما عاين بابچ
يكبر جرح اغيابچ
وذكر باب امصابچ ..... من طحتي اعليه
ليلي ايمر بدموعي
وكسرچ حاني اضلوعي
بس جرحچ موضوعي ..... بكل لحضه انعيه
دمعي اعيوني يسولف فگدچ والهضم
حيدر ضل بفراگچ بس جلد وعظم
شالت بير اسراري وبروحي حچي
ليلي يخلص بعدچ بالنوح ولطم
فاطمة انا حبيبكِ علي .....
"" "" "" "" "" "" "" "" "" "" "" "" "" "" ""
عمري مابي طعم بعدچ فاطمة بس البچي
التنتخي بأسمه الشوارب على الحايط ينتچي
الفاگد اعيونه تسولف بالدمع كل الحچي
وينتضر ساعة وفاته والاجل يمته يجي
ذكرى الضلت منچ
دم ونار وحزنچ
وباب الطيح ابنچ ..... بي موتي يصير
رسمچ تارس عيني
اشگد جرحچ يآذيني
يگعد الموته اونيني ..... بي موته اتحير
جرح افراگچ يكلف مامثله جرح
حيدر خلآ ينحب من صبح الصبح
كلما حاولت اغفه طاريچ يمر
وگعد چني ابجرحي بغيابچ ملح
فاطمة انا حبيبكِ علي .....
"" "" "" "" "" "" "" "" "" "" "" "" "" "" ""
فاطمة شمعة سنيني ضلمة بعدچ دنيتي
السعف هين وحقچ من اقيسه ابكسرتي
ثوبي ليل انهار ناگع فاطمة من دمعتي
روحي تهده اشلون بالله وبيدي دافن زهرتي
بابچ حيلي يهده
رحتي ابعمر الورده
امچانچ ياهو يسده ..... ضل فاهي البيت
دم العتبه الباقي
يهدم كل اعماقي
دفنچ كل اوراقي ..... طيح من جيت
حيدر ذاك اليكلف ذابل فاطمة
بعدچ ناحل كله وكلشي ايئلمه
حيدر ذاك اليصبر ماعنده صبر
بعدچ واصل گلبه دخانه السمه
فاطمة انا حبيبكِ علي .....
"" "" "" "" "" "" "" "" "" "" "" "" "" "" ""
محمد مسلم الأسدي
يازهراء ،،،
يازهراء ،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انتي روحـــــــــي شلون افارك روحي
يموت الانسان اليفارگ روحـــــــــــــه
جرحه مده ويگضي اليجرحه الغريب
والعزيزه يجرحـــــه تبطي جروحـــــه
اليله مو بس صوتي مبحـــوح بجفاج
اليله حتئ دموعي هــــــــم مبحوحه
تفرفـــح نفرفـــح ترئ گمنــــه عليـچ
مثل الطيــور الذبـــــــح مذبوحــــــه
،،
يالحنينه،، يالعليچ عيونه يصبــــــن دمه
يالحنينه،، الفركه مامريوده منـچ فاطمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انه والدنيا بعـــــــــد موش اعله حال
ومالي غير الدمعه بعــــدچ صاحـــب
مثل مايركــــب الغيـــــم اعله الجبال
علئ راسي الشيــــب الابيض راكــب
ماني شايـــب لچن من ضيمي عليچ
ياعزيزة روحي صايـــــر شايــــــــب
الوكـــــــــت يوميــه يبز گلبي بعزيز
وبعد مدري شضام اليه شكاتـــــــب
،،
يالحبيبه،، يالبچتلچ حتئ العيـــون الغرب
يالحبيبه،، الگلب كافـي تعور هواي الگلب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مالـــــي واهس بعـــــد للكلشي وراچ
والهوه الأشتمه هـــــــــــم ماريـــــده
لو يصــح بيـــــدي اموتن هسه اموت
علي بس الموت هســــــــه يفيــــــده
ايـــدي ماشيلنــــها گايــــــــم للسلام
علي واگف رمشه مـــو بس ايـــــــده
حفضو اسمـــچ حتئ الاطفال الزغار
بكثــــــر مايلزهره روحي تعيـــــــده
،،
ياهضيمه،، عنــي رحتي وبعد ماشوفچ بعـد
ياهضيمه،، الروحه هاي الروحه صارت للأبد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بعــــد غيـــر الحلم مايجمعني بيـــچ
والحلم مــــــــــــو دوم مـــره ومــره
اليكسر ابن ادم شرط مــــو اله اخوه
اكو اكثر مــــــــــن اخـــــــوه يكسره
علي اليصيبــر شكـــــو مفارگ عزيـز
ماكـــــو واحــــــــــد عالفراگ يصبره
صلب گلبـــــي وسهم مايعبــــر عليه
وهســـــه حتئ الضــــــوه گام يعبره
،،
ياكسرتي،، يالعليــــــچ العمر خلصتــه انتچي
ياكسرتي،، شحم عيني عليچ طاح من البچي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
ماضل دمع عندي ابجي العمر وحدي
يا يمه انه المهدي .. يا يمه
يوميه اعيش الصار الباب والبسمار
وبگلبي سعرت نار .. يا يمه
يا سر الله خزانة اسراره وبأيد غداره
اندفع بابج
من هاجمو بس فاطمه ياهضمت الجن مايعرفوها
اهل الكفر گالو وأن لمو الحطب والدار احرگوها
يا زهراء يا يمه
___
مكسور من يومج من طاحن ادموعج
وانعصرن اضلوعج .... يا يمه
بيه الجرح يكبر من اذكر المنضر
والمغرب اتحير .... يا يمه
من الهضمه عايش عله دموعي الباب موضوعي
وعمر خلص
ماريد اعيش اكثر بعد وبطلعتي ثارج الي
يم الحسن بمصيبتج تكبر علي هضمة علي
يا زهراء يا يمه
__
هتگو عتبته الدار بيت النبي المختار
بغضاً عله الكرار .. يا يمه
لا حگ ولا طلاب ملعون ابن خطاب
يدفع عليج الباب .. يا يمه
دمعة زينب تكبر ترا وياها والموقف اذاها
فلا تنسه
اتيتمت من الزغر عاشت عله دموع الحزن
يا فاطمه يا فاطمه تتذكر و تگعد تون
يا زهراء يا يمه
___
محسن طفل مضلوم ذبحو ييمه الگوم
عمره انتهى بهليوم .. يا يمه
بعده بحضن مانام واستقبلو ضلام
هذا الفرح مادام .. يا يمه
من العصره طايح عله اعتابج ومصابه بمصابج
ابن حيدر
شنهو الذنب هذا الورد تحت الترب من الزغر
وصط الگلب ما تطفى ابد اعله الطفل لوعه وجمر
يا زهراء يا يمه
___
اللهم بحق فاطمه عجل لوليك الفرج
احمد محمود الحريشاوي
الباب لــو هـــم الجنين
الضلع لو صدر الحسين
لياهي منهن تجري دمعة عيني
*
يا مصابي
المن اجري أدموع عيني ليـا مصيبه
يا مصابي
شحــال گلبــي الـــودع الليله الحبيبه
يا مصابي
عمري خمس اسنين سموني الغريبه
يا مصابي
ضلــع والسطـره وطفل أمي النجيبه
شفت أنـــواع المحن
من ضلـــع ام الحسن
بس مصايب وانه خمسه أسنيني
لياهي منهن تجـــري دمعة عيني
*
تطفه ناره
گلبي مــا أظن يمه بعــدچ يالزچيه
تطفه ناره
يمه باب الــدار ادري تظل ســريه
تطفه ناره
مــا أظــن حقــد السقيفه وال أميــه
تطفه ناره
گلبي لــو ظل مستعـــر بالغاضــريه
نار بابچ من يشب
بالخيم يسعر لهب
وماكــو كافـــل يستمـــع لــونيني
لياهي منهن تجــري دمعة عيني
*
بصدري عبره
للجنين وللضلــع لجــل الـــرزيــه
بصدري عبره
لان طفله وأمــي راحــت من أديـه
بصدري عبره
عبـــره ما تخلص ابد حــدْ المنيـه
بصدري عبره
عبره تذبحها الخيول الاعــوجيــه
مدري أنوح ليا صدر
بالدمــع راح العمـــر
والضلوع بكـــل وكــت تاذيــني
لياهي منهن تجري دمعة عيني
*
ابچي يا طف
وانـــه طـــف البــاب شاهدته بعُيوني
ابچي يا طف
وي كســـر ضلـــع الزچيـــه گيـدوني
ابچي يا طف
من رحل نعش أمي أحسنهم سبوني
ابچي يا طف
وي وداع أمـــي إِخـــوتي ودعــوني
بيه چم عاشر يمر
يمه مــا يطفـه الجمر
جمـــر بابـــچ والخيــم يچـــويني
لياهي منهن تجري دمعــة عيني
*
يمه اصبري
يمه باچـــر لـــو يطـــر الليل فجــره
يمه اصبري
حسين لو فوگ الترب گطعوله نحره
يمه اصبري
باچـــر أتشوفين خيل أدوس صدره
يمه اصبري
والكفيــل أبلا يمين ابـــلايا يســره
وراسه مهشوم أبعمد
يمه ويمر الأشد
بالخرابــه أهنــــاك وتذِكِــــرينــي
لياهي منهن تجري دمعــة عيني
*
الشاعر
موسى البديري
نهاية عشره خلتْ بيتي منهوب
ومـا طفّه الدمع حرگان الگلوب
سد الموت عينچ
الليله أمودعينچ
========ـ
توسط بيتي نعشچ يم الحسين
صدمة عمري هايه ..
واگف عالجنازه وصافن اهواي
مـو هيـچ النـهايه ..
غير احنه التعاهدنه سوه انموت
ذبحـتـني المنايه ..
أعطـل بالجـنـازه وبلـكـي للـيل
يبدل الموت رأيه ..
يزهره أنه هذا علي هذا اليحاچيچ
ما أگدر تره أقــره الـفاتحـه اعـليچ
وكـلش فاگدينچ
الليله امودعينچ
========ـ
مشيت بليله ضلمه بروحي جناز
مو روحچ يزهره ..
مكانچ گلبي مو وحشات الاگبور
وأنتي اهوايه أدره ..
مــن ابعيـد صرت اجّـبل يگولون
بيك اهواي كسره ..
إذ كــل ذكـرياتـي اعبرهه ويــاچ
هاللـيل اشعـبـره ..
مابي كـل طعم هـذا العمـر نارر
تعالي وشوفي بيه ابفگدج اصار
يم حسين وينچ
الليله امودعينچ
========ـ
صعبه الفـاگد ايسـد عينه ويـنـام
شلون ينام يگدر ..
احط أيدي اعلگلبي وجرحي ياذيه
حاير حيره وافتر ..
مـو أنـتي مـثـل كــل اليـمـوتـون
أنتي الجرح الأكبر ..
ليش استعـجـليتي هسه شيـصير
لو موتچ تأخرر ..
كلش خايف انه ابكثر الؤنين
يموتون اعليدي الحسن وحسين
يالباگوه حنينچ
الليله امودعينچ
=======ـ
مو بحسابي هـذا اليوم مـا چـان
يمر لحظة اعلبالي ..
أطـب الـبـيـت وأم البيـت مـا بي
حال الضيم حالي ..
سوده اعليه ولدچ ذبلـوا اهــواي
من هاي الليالي ..
عله اعتاب الحزن والشوگ والليل
ماخذ كل خيالي ..
ابنـادم من يفــارگ گلبه ايمـوت
وأنه اليوم اريد الجرحي تابوت
يالـذابح ؤنينچ
الليله امودعينچ
=======ـ
- خيري الصفراني
بين مولاتي زينب ع والامام الهادي ع
يالهادي يا عمة .. هاك الحرگ شمة .. تارس عباتي
سامرة مو تلة .. الزنزانة مو هزلة .. وعثرت بناتي
——————-
للسجن جيتك يعمة و آنه عطشانة
تذكرت حايط خرابة الطاح فوگانة
عمة حتى الهوة هناكة عاند اويانة
بسندس اخضر ما ينام الذبحو اخوانة
يالهادي اسمع هاية .. فطرت گلبي حچاية
امشي بشور الحادي .. وانه امشي اعله الراية
ذبحوا گمر عيني .. الايده تمشيني .. ومأمنه يمة
صح السجن خنگة .. بس آنه محترگة .. وتحرگني نسمة
——————-
عمة شوف اتراب طفهم بعده بمتوني
عمة لو مگطوع راسي ولا يسبّوني
عمة شفت حسين يشهگ واطبگ جفوني
امن الذبح وحدها ادية ايسدن اعيوني
گطعوا رگبة راسة .. ومحد راح وباسة
وصلت روحي لراسي .. من الحافر داسة
هيچي ايدي عالحاجب .. وشفت البخت ذايب.. جوه الحوافر
ابن امي ما شوفة .. بس طارف اچفوفة .. چنهن مناير
—————-
عمة عباس ابو فاضل عينة ممرودة
ومن حَمار الدم يعمه مغرب اخدودة
گطع شريان الحياة الگطّع ازنودة
شگ سمة الله ولاح گلبي يا سهم جودة
والاصعب من ذني .. يمة وما يندلني
من دخان الخيمة.. زينب ما يشتمني
يالهادي ظل يسأل .. انتي مرة لو تل ؟ .. يمتربه اهواي
لون العباية احمر .. زينب بعيد الشر .. شسوالچ الماي
————————
عمة لون السجن يشبهه خيمة محترگة
والشمر سجان چان و ايدة والطگة
وماكو زلمة اتطگ حميتة يردة ويحگة
وابن الحسين النشبگة بسلسلة مشبگة
سجانك مو مثلة .. مُر امرورة دلة
عين وعمدة يهزها .. بس مو نخلة الهزلة
بدرب السبي الزلمة .. ينشف عرِگ دمة .. واجدامة تذبل
حتى الجبل ينطَر .. لو طفلة تتعثر .. كل عثرة مقتل
——————-
ما سبوها اختك حكيمة ولا يسبّوها
وزينب بچم شام يكتل عمة فروها
وانت ماعندك رقية بنحر كتلوها
وانت ما عندك سكِينة وجربة گطعوها
عمه الهادي اعذرني .. بس جدك كاسرني
محد يهدم زينب .. وحسين امطشرني
يا عمة بچيتّك .. و الوين وديتك .. بس هذا صاير
كل الحچي بصفحة .. بس نشغة الذبحة .. بنص گلبي حافر
—————————
علي هادي الخزعلي
ها يهل أم عون .. ما بين اعيون .. زينبكم
ما غمضت عين .. من عكب احسين .. زينبكم
الهن متلوگ .. فروهن سوك .. خدركم
ما ظل الي بالدنيا غالي
اوحوش الفلا تبجي اعله حالي
ما يرجع اعليه دلالي
لخت الكمر مو خوش تالي
:
:
تعثرني الريح .. وعيوني اتصيح .. يا اهلي
بين الشمات .. سكته الونات .. يا چتلي
يخواني الشام .. ما ادري اشضام .. للمثلي
يوجعني من السوط متني
ادورب اليسر والله عمنّي
جا ميته وياكم عسني
ضيم اليسر كلش هدمني
:
:
ترضون ابهاي .. الچاتل حداي .. بضعوني
تمنيت الموت .. او لا اسمع صوت .. يسبوني
هاي العدوان .. عكب الوليان .. ضربوني
جا كون هاشمنه يسمعون
او سيّافه للحره يفزعون
حبل اليسر عني يفكون
وصوابي بيديهم يخيطون
:
:
تاليتي اهنا .. من آه الآه .. كل دربي
امشي بلا روح .. يم المدبوح .. ظل گلبي
وصواب الماي .. يحفر بچلاي .. يا تعبي
مشوني لارض الشام كوه
يا عازتي بهالحال خوة
والسوط فوك امتوني دوّه
ما شفت عكب احسين حلوه
:
:
طبيت اقصور .. وعيوني اتدور .. لخواني
حاجيت الروس .. بدمعي المحبوس .. يخواني
شام الويلات .. بطبل الشمات .. إتلّكْاني
يا وسفه بت شيخ الطوايف
الما جان واحد ظلي شايف
بجفوفي عن العين اشاكف
وقصور طبيت او مضايف
:
:
فاضل عباس الخزاعي
بداعت اوليد الرباب // خل ادكلج مره باب
مولاتي هالمره صدك حاير
خايف اموت وانه مازاير
**
يم عون انه اريد العون _ عليج بكلبي الف حسره
شوكت امنيتي تتحقق _ وازورج بالعمر مره
مالت علي دنياي
وعندي امنيات اهواي
ويالرايح ويالجاي __ ابعث الج سلام
حتى بمنامي ابجيج
تصيحيلي اجي متانيج
محتركه روحي عليج _ مثل حرك الخيام
بغربتج عندي شعور // ولذالك ارد ازور
شتبقه بملامح وجهه اليساهر
خايف اموت وانه مازاير
*
عليج الغربن وياج _ اريدن منج ابشاره
امشي اعليج ابو فاضل _ اقسميلي هالزياره
مو عمري عود ابخور
لايكضي يمته نزور
يشبه رجب عاشور _ رايدله حفنه ادموع
زينب بجي الخدام
جي وحدج بالشام
تقبليهه هذا العام _ دربج صدك ممنوع
يمتى اطب ذاك الضريح // وياغريبه هناك اصيح
بالغربه هسه بحالج شصاير
خايف اموت وانه مازاير
**
الرجعو منج انشدهم _ ويرد مدمعهم اعليه
يكلولي نحس زينب _ بعدهه لهسه مسبيه
يكلولي من اتروح
كلك ترد مجروح
كبالك تحس مذبوح _ حسين وتسحكه الخيل
وياسدت البيبان
ما الهه اي عنوان
تحس بعبد عطشان_ بس يعتنيك الليل
وهناك صعبه من تنام // تضل تحلم بحرك خيام
براسك خيام بصدرك الحافر
خايف اموت وانه مازاير
**
صحنج فارغ يكولون _ هاي التهضم اهوايه
كسرة خاطرج يمعون _ مبينه برفت الرايه
وهاي اصعب الصعبات
حرمه بوسط شمات
الشبعت بجي وطيحات _ التغفه اعله ضهر النوك
الخنكت اديها احبال
ماتلكه راحت بال
مكابلها جم جتال _ محاوط صحنها السوك
عندي يامولاتي راي // لكربله يمنه تعاي
ومنج لخيج ركضت العاشر
خايف اموت وانه مازاير
**
تعبني الزمان اهواي _ وبذلت لجيتج جهدي
ضل عندي امل واحد _ اجيج بطلعت المهدي
وباجر زماني يشوف
اتعنه الج ملهوف
بالحضره راح نطوف_ ونشبك عله الشباج
عدنه برجب تحضير
اكبر عزاء يصير
من الدمعه للتطبير _ ونبجي مثل مبجاج
المهدي من يعلن حداد // الدنيه تلبسلج سواد
نسبي السبوج وداعتج باجر
خايف اموت وانه مازاير
**
تمت ____ علاء الزيدي
لا تجفنها _ بويه تانيني
انده الزهره _ خل تحاجيني
تفتر عالوجوه حيرة حزنهه
شمسويه وظلوع مكسوره منهه
////////////////////////
رخي ياحيدر جفنهه _ شويه من جهت الصدر
امي متهشم ضلعها _ والجفن ياذي الكسر
تباوع بيهه وشو تندار
شلايح كلب امي البسمار
توقع حيدر شيضل بيه
اليوكع فوكاه باب الدار
هجمو اعليهه _ تخيل المنظر
لقوة العصره _ الحايط اتفطر
وارماد الجذوع عدله ودفنهه
شمسويه وظلوع مكسوره منهه
////////////////////////
حرمتك صفحت وجهه _ مورمه لطراف الجفن
تنلجم لو وسدتهه _ شلون رايح تندفن
شتغسل حيدر شتعوف
بوجه ام بيتك طبع جفوف
مطفييه من السطره العين
جانت بس بوحده تشوف
بويه ياجانب _ من توسدهه
اظلوع مكسوره _ ومنسطر خدهه
للمكبره تروح وازرك جفنهه
شمسويه وظلوع مكسوره منهه
////////////////////////
تلكت الباب بااديهه _ وانه كلبي ظل يدك
ثاري فوك المحسن ابنك _ جذع طايح محترك
صاحت فضه ركضي وياي
طفي اوليدي بطاست ماي
للحجره من ايدي اخذيه
انه الوحدي وهمه اهواي
تجوت الزهره _ شوف اصابعهه
توكف وشامت _ يجي يدفعهه
تكلب بالجذوع تدور اعله ابنهه
شمسويه وظلوع مكسوره منهه
////////////////////////
بويه فدوه اندهه اليه _ عندي وياهه حجي
احسب امن تشد جفنهه _ يعني اموت امن البجي
جانت كعده الزهره تنام
من الباب تخاف الاحلام
متفاجى حتى التابوت
راح يشيعله اجم عام
زينب ابدونج _ تعاني كللهه
ترضه بسنيني _ امي ابدلهه
ما يكدر الكون يعوضني عنهه
شمسويه وظلوع مكسوره منهه
////////////////////////
الرحه من تفرهه جانت _ صوت يطلع ينسمع
تدري توني اله عرفته _ ياعلي صوت الظلع
من تمشي تكض الحيطان
تضل تشهك شهكت غركان
بهاي الحاله تحاجي حسين
يوليدي خو ما عطشان
اليوم ياحيدر _ صبحت زينه
فدوه كللهه _ لا تخلينه
بلكي الله وتكوم تلمنه بحظنهه
شمسويه وظلوع مكسوره منهه
////////////////////////
موسم افراك الزجيه _ تميز ابموجت يتم
بويه بس يطلع نعشهه _ مايظل عدنه حلم
مايتعوض بويه الراح
المكسوره ظلوعه شيرتاح
لكبره الغالي من يروح
لايرهم باب ومفتاح
تدري ياحيدر// البرد ياذيهه
بهدمك بهيده// بويه غطيهه
امي من الالام ناحل بدنهه
شمسويه وظلوع مكسوره منهه
////////////////////////
تمت ____ علاء الزيدي
يافاطمة يافاطمة
****
يل كاسر ضلوع
ياباب الجذوع
مخليني إطفه واشتعل نار ومصاب
فاطم وره الباب
صدر السمه انصاب
دمعه بجفن طاحت تسولف ياعذاب
ظهري نكسر بمصابج .. كلما امر ابابج .. بنفاسي دُخان
گلبي يفز لعيونج .. وايتامج يريدونج .. بيتي امتله احزان
كلما يمر طاري الج دمعي يهل نهران
يم الحسن ضاع العمر بالونه والأحزان
اني علي يافاطمة بنعشج رحت دفان
طاح العمر ... يم القبر
يازهرتي .. ضاع الصبر
يافاطمة يافاطمة
****
شايل نعش نور
يادرب الگبور
شيعتها ودربي رسميته أبجروح
اصعب جرح چان
بم حسن دفان
واليشيع غالي يرجع كله نوح
يم الحسن حاجيني .. مافززاج اونيني .. ضاع العمر ضاع
الفاتحه أمن اقراها .. فوگ القبر ونعاها .. ياكسر الضلوع
جان الحلم نگضي العمر وانتي السند للروح
هسه بغيابج فاطمه ماأهوه غير النوح
صبري انجله يازهرتي بجرح الهجر مذبوح
فگدج صعب .. كاسر گلب
حيدر علي .. ودمعي يصب
يافاطمة يافاطمة
****
بروحي تشب آه
الغالي فگدناه
18 عمر الورد مومالت اجروح
گلبي الشبع ضيم
بجفوني اثر غيم
هوه اليفاركله غالي اتشوفه مذبوح
واضح جرح بعيوني .. اطفالج يسألوني .. آمنه متى تعود
زينب تون يم بابج .. ضاعت عليها اخبارج .. والغالي مفگود
هاي اليتميه اتحيرت زينبنه ماترتاح
مابيدي غير اصبر بعد وادري الصبر مفتاح
اليدفن حبيبه بنص لحد مايلگه غير اجراح
ام الخدر .. هل تنتضر
بسيل الدمع .. حد الفجر
يافاطمة يافاطمة
****
ليل الفگد صار
من عنده احتار
ماتغفه عيني أو اشبع بدمعي اليصب
ياجرح الاحباب
منه الجفن ذاب
ايهزني يالزهره الهوه لمن يهب
الفركه هدت حيلي .. صاحي ونوح ابليلي .. فاجعني المصاب
بدري بتمامه مشيعه .. راجع كسير ابدمعه .. وبثيابي الاتراب
بجفوفي ادفنها ورد ومسح بالجفون
ذكره مريره ومؤلمه الغالي مدفون
والله غيابج فاطمه مبين بالعيون
كسرة ضلع .. نار وصفع
بابي احترك .. سال الدمع
يافاطمة يافاطمة
****
علي محسن الفرطوسي
السان حال عن مولاتي زينب ع
عندما رجع علي ع من الدفن
وين أمي وين أمي
يابويه راجع خالي
موفطرت دلالي
٠٠٠٠ ٠٠ ٠٠٠٠
زغيره بعدني عله اليتم وضيم اليتم شيحمله
يابويه اطلبنك طلب الباب كون تميله
مسمار كاسرله ضلع وشلون ذيج النبله
والمثلي امه تفارگه بهذا العمر موسهله
بعدني بسن طفوله وشابت عيوني
شفت منظر ذهلني ونخطف لوني
ياجلمت يتيمه الخضرت بالبيت
اواسي اخوني لوهمه اليواسوني
الدمعات عالخد سالت
زهرة زماني انشالت
وين أمي وين أمي
٠٠٠٠ ٠٠ ٠٠٠٠
ابجي عله حالك ياعلي مدري ابجي انه الحالي
الجناز ياخذ والگبر مايوم رجع غالي
فراگ الحنينه بكل وكت جتالك وجتالي
شمعت ليالينه نطفت من الدنيه راح هلالي
امي هاي يل ماكو بمحنتها
الله يعين روحي شلون شافتها
طاحت جنه ميته من عصرها الباب
ومحسن طاح من شوغات طيحتها
انشد واصيح شلونك
بويه الدمع بعيونك
وين أمي وين أمي
٠٠٠٠ ٠٠ ٠٠٠٠
شلون گلبك طاوعك بالحد فاطم تنزل
منها الضلوع مكسره الشيل الثره ماتحمل
يل جايني مصوب حجي وعينك وكلبك يهمل
شافوك شمات شكثر وعين الشماته التكتل
بظلام اليل ياحيدر تشيعه
وعن هاي البشر رادت تضيعه
الحارك دارهه وعاصرها عله الباب
تخاف من الحد باجر يطلعه
صاح الحسن بدموعه
زغير وحناها ظلوعه
وين أمي وين أمي
٠٠٠٠ ٠٠ ٠٠٠٠
بويه الورد مو للگبر ابستان كون وينشم
عطر النبي جوه الثره من هالظلم يتألم
وبياذنب من الزغر حسين وحسن يتيتم
بذهانه صورت جمر من عدها ابد مانسلم
دخيل الله ودخيلك بويه ياكرار
بدايتنه ظلع وحايط وبسمار
اخذني للحنينه وشلي بيها الروح
هاي النار باجر بويه نفس النار
باجر أصعب المنظر
اصيح وگلبي يتفطر
وين أمي وين أمي
٠٠٠٠ ٠٠ ٠٠٠٠
هوه الهضمني ياعلي راجع وضهرك محني
محتار من الفاجعه بيا فاجعه اتصبرني
كل خطوه بويه بمشيتك بيوم الطف تذكرني
هم مثلك ابقا الوحدي وخيل العده تعثرني
عله زينب ياعلي يتكرر المشهد
الهيب النار بخيامي حزن يصعد
افر من الخيم وركض الخوي حسين
وشوف حسين بخيول العده مفرهد
لاخنصره ولانحره
واركض واصيح الزهره
وين أمي وين أمي
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
( قصيدة گعدة للزهراء عليها السلام)
أول ليلة علينا.. بحضنچ مـتنيمينا.. خيرج يم حسين
عينچ يا يمه تغطيها
ايدچ بالگوه ترفعيها ... خيرج يم حسين
ــــــــــــــــــــــــــــــــــــــ
من بدت هاي الخليقة ربنا جاعل على الفطره
الأم يخليها حنينه، شلون لو جانت الزهره
امنا معدن رحمة الله وتبچي لو شافت الفقره
معودتنا بنت المصطفى
تغذينه بجفوف الوفه
وكل بيتنا اليوم انطفى
بدونها موحشه السفره
طعم الزاد تغير.. هاي مره الكوثر.. ما گعدت عالزاد
وينج يايمه اناديها
ايدچ بالگوه ترفعيها ... خيرج يم حسين
ــــــــــــــــــــــــــــــــــــــ
الزاد ما ضگنا، واجيتي گبالنه ياله اكلنه
اجه الليل وليج اجينه وينه يا يمه حظنه
احنه إذا مو فوگ ايدج أبد ما يغمض جفنه
كل ليلة يمج نجتمع
واليوم مو نفس الوضع
بيدج تسندين الضلع
ماكو ايد اليوم النه
وين انام الليلة.. ياهوه النمشيله.. متعودين عليج
متغيره احوالچ ندريها
ايدچ بالگوه ترفعيها ...خيرج يم حسين
ــــــــــــــــــــــــــــــــــــــ
خيرج اللية ييمه النفس گوه تجرينه
اليوجعج شنهو يزهره ريت كل البيج بينه
احجيلنه وريحي گلبنه ليش نحلانه وحزينه
وانتي بصلاتج قائمة
جنها ضلوعج وارمه
ووكت الدعاء يا فاطمة
چف وحيد الترفعينه
متغيرات اوصافچ.. وحيدر لمن شافج.. جر حسرات هواي
ويكول الزهراء شبيها
ايدچ بالگوه ترفعيها ... خيرج يم حسين
ــــــــــــــــــــــــــــــــــــــ
طول هذا الليل وانتي گاعده وما تغفه عينج
خارج الحجره طلعتي حتى ما نسمع ونينج
ليش محنيه ييمه وبعدج بأول سنينج
تاذيج نسمات الهوه
لو يحصل لعلتج دوه
ونرجع مثل أول سوه
نعيش كل احنه بحنينج
دمعاتج مسحيها.. والبسمه ترجعيها.. لو شفناج بخير
نار بگلبچ شيطفيها
ايدچ بالگوه ترفعيها ... خيرج يم حسين
ــــــــــــــــــــــــــــــــــــــ
الابن يفرح لمن ينظر عينه اجت بعين امه
ولون درتي الوجه عنه تصير كل دنيانا ظلمه
هاي عينج ليش حمره جنها بيها أثر لطمه
عالهادي گلبج منفجع
وحسبالنه كثرة دمع
ما ندري وجهج منصفع
وهذا جفنج يجري دمه
ثاري عيونج حمره.. هم دمعه وهم سطره.. كلهن صارن بيج
عيونج بهداي تفتحيها
ايدچ بالگوه ترفعيها ... خيرج يم حسين
ــــــــــــــــــــــــــــــــــــــ
على هذا الحال يمه صارلج أيام انتي
ومن هدء ونّچ شويه فرحنه وتوقعنه طبتي
ولمن للحجره دخلنه ما درينه بيج متي
يا زهره صحنه وماكو رد
وحسين يم رجلج گعد
ما ساكته عنه أبد
ليش هالمره سكتي
أول مره علينه.. نكلمج متكلمينه.. راح نموت اليوم
ميته واولادج شبگيها
ايدچ بالگوه ترفعيها ... خيرج يم حسين
ــــــــــــــــــــــــــــــــــــــ
#المصيبة
اليوم أصبحنه يتامه بعد عينج يالزجيه
واليتم هم موت ثاني مو فرق عن المنيه
لون مرينه بحجرتج نختنگ كل مغربيه
الدار البلايه فاطمه
وحشه وحزينه ومظلمه
هنيالها بيج السمه
ترك محرابج الخالي جرح ما يبره بگلبنه
مصطفى الشافعي
عيش وي احزانك صاحت روحي
راحت ام بيتي وراحت روحي
من ودعت الحبيبه
عشت بدنيه غريبه
بعد الزهراء
...
ذابل حزن وجه السمه
غيمه وعشت عمري بضمه
من ايدي راحت فاطمه وماخذها التراب
الهاظمني بابي يندفع
وبچفوفي خيبر منقلع
من صدري كسر چم ضلع
ما يعلم الباب
المن اسولف دمعتي والناس ما هُم ناسي
والشيب بيّن بالگلب من گبل شيبة راسي
وبطيف مساهر هامت عيني
تنام الدنيه وما نامت عيني
بجمرة گلبي ولهيبه
عشت بدنيه غريبه
بعد الزهراء
...
ما ينگضي ليل الهجر
وبعالمي مات الصبر
روحي ادفنتها بالگبر عايش بلا روح
مخنوگ ودعني الهوه
دنياي ظلمه بلا ضوه
مجروح ادور عن دوه تلچمني الجروح
چنت من اشوفن فاطمه انسه الجروح البيه
تشتاگ روحي والتفت ام الحسن ما هيه
اطول من كل حسراتي ليلي
ونجومه بگد دمعاتي ليلي
جرحي ميت طبيبه
عشت بدنيه غريبه
بعد الزهراء
...
هيهات ما يرجع امس
والدنيه دارت بالعكس
البسمار ذابحلي شمس ما يملك احساس
بيا ذنب محسن فاطمه
يتوضه وجهه بالدمه
مقتول بالعتبه انرمه يا ءيها الناس
من گبل لا يشتم هوه دخان ترسو صدره
وانعرف عند اهل السمه المحسن شهيد العصره
للمحسن اعلگ شمعه ويلي
مثل امه اتكسر ضلعه ويلي
صعدت روحه خضيبه
عشت بدنيه غريبه
بعد الزهراء
...
مات النده ومات الفجر
عايش حياتي شنتظر
يا ريته ما طال العمر بعد ام الحسين
عافتني مكسور الگلب
ومفارَگ الغالي صعب
مثل المطر دمعي يصب ما فارگ العين
طيف الاحبه ما يُمر بهالسبب كاره نومي
مكتوب لي اكضي العمر بين الدمع وهمومي
خل يرخص دمعي ويرخص عمري
يا ريته بلحظه ويخلص عمري
هو الراح شيجيبه
عشت بدنيه غريبه
بعد الزهراء
...
لباقي حياتي ما ردت
وابيت الاحزان اگعدت
واعله المناحه تعودت انه ويتاماي
ساعه اصبر بالحسن
وحسين فاگدله وطن
زينب يعذبها الزمن ويلا يدنياي
سبحه ويطشرنه الوكت من مشت عنه الزهره
طبره وطشت بس الاشد لحسين ينحز نحره
بعد حسين يسلبوها زينب
تصعد هزله ويسبوها زينب
يوم العاشر مصيبه
عشت بدنيه غريبه
بعد الزهراء
...
خادم الحسين ( عليه السلام)
كرار حسين الكربلائي
( ابو كميل)
#لمولاتي_فاطمة_الزهراء_ع
مو مالت افراگ .. عشرتنه مالة ملگة
مو مالت افراگ .. يكتل حنين الفرگة
_يالزهرة بفراگچ صرت كل اغروب
_ابچي واصيح اخذيني صيحة متعوب
يكتل حنين الفرگة
————-
بسمارچ ايدگ بالنفس .. يطلع ضلع وي نِفْسي
واليمسي چان بشوفتچ .. بالشوغة ظل ايمّسي
ما صارخ بعمري و الچ .. بالصرخة طبّگ حسّي
من عميه عينك يالگبر .. بنص مترة تدفن شمسي
كتّاله الاشواگ .. وگلبي الچبير اتفتّه
كتّاله الاشواگ .. انه الدفن سالفتّه
امشي بجرح رديت مشية مصيوب
ابچي واصيح اخذيني صيحة متعوب
يكتل حنين الفرگة
—————
اول بشر يدفن گلب .. بيده وتخنگة الهظمة
سموّني دفان الشمس .. چي رجعتي اعله الظلمة
گمت اطرد بريتي الهوه .. بس الهوه شيظمة
يا ام ابوها بروحتچ .. گمت امشي واصرخ يمة
من دمعچ الطاح .. تربة صلاتچ شابت
من دمعچ الطاح .. خرزة سبحتچ ذابت
صبر الصبرته بسكتتي ايموتْ ايوب
ابچي واصيح اخذيني صيحة متعوب
يكتل حنين الفرگة
—————-
دمچ ترس بابي ونشف .. جيبيلي چف ايمسحة
من انگطع نفسچ شفت .. انگطع خيط السبحة
ما يرهم اعليچ الگبر .. يا دم علي او يا جرحة
التاخذ زهرتي ابلا عطر .. هاي المگابر وكحة
بحظان الاتراب .. ادفن حبيبة روحي
بحظان الاتراب .. شوفيلي حل لجروحي
رايدله بوداعچ علي عشر اگلوب
ابچي واصيح اخذيني صيحة متعوب
يكتل حنين الفرگة
—————-
ما مقتنع ميتة وعلي .. شو چنچ بنص عيني
صارن حروف ابلا نقط .. مابيها معنى اسنيني
ظهرين سواني الهجر .. من فرگتچ شوفيني
مايعرف ايلاگي الگبر .. متعلم اتلاگيني
هادمني فرگاچ .. بدموعي صار اسلوبي
هادمني فرگاچ .. واصل سوادي لثوبي
هالمرة ماغالب علي ورد مغلوب
ابچي واصيح اخذيني صيحة متعوب
يكتل حنين الفرگة
—————
فاطمتي كاتلها الرفس .. بس گوة لازم صبري
بالمغتسل شفت الضلع .. طالع و ابد ما ادري
ركضة النار اعله الگطن .. يركض الشيب بشعري
شايب چبير بفرگتچ .. ما يمشي گايم عمري
ما باقي بس ثوب .. زين وتشوف عيوني
ما باقي بس ثوب .. كلساع اتيّه لوني
چا يمته من عندي الهجر عود ايتوب
ابچي واصيح اخذيني صيحة متعوب
يكتل حنين الفرگة
————-
ايسموني ابو اتراب الخلگ.. چي مترب اعله البضعه
اخذيني احسبيني الچفن .. ألشوگ يكتل رَبعه
يل ميّت ابطنچ نفس .. يل ذبتي ذوبة شمعه
بس هو اليحبني صدگ .. للرفسة يفتح ضلعه
يل بيش اجازيچ .. يا بعد سبع اضلوعي
يل بيش اجازيچ .. خدي درب لدموعي
ذيچ السوالف ما يسدها المكتوب
ابچي واصيح اخذيني صيحة متعوب
يكتل حنين الفرگة
———-
علي هادي الخزعلي
حنت وآنت ثم نادتني
يحسين يمه أدنى شمتني
حدر الضلع ما ظن يدگ ماااااات
حاچيتچ حبيبه سلاماااااات يمه
*
آنه الما شابع من امي آنه الحاظن عبايتهه
آنه المحروم من عدهه انتهت عشره ابدايتهه
تون وبعينهه اتلولي
حنينه تباوع الطولي
ييمه شيوجعچ گولي تون
ألم بضلوع والدتي
تصدلي وهم تصد لختي
شسولف كلهه سالفتي آلم
نضرة وداع بحسره مدفونه
يا شدة التحچيلك عيونه
يحنينه مو هاي البدايااااات
حاچيتچ حبيبه سلامااات يمه
-----------------------------------
حاچيني الگلب تعبان فتحي عيونچ شويه
وداعت ضلعچ المكسور لا حيل البعد بيه
اريد ال يمه گوليهه
آخر مره احس بيهه
يمه وشنهي تاليهه اظل ؟
ما متعود بدونچ
ردي الينشد شلونچ
وين الغاليه عيونچ طفن
حظنچ تركني وچفچ گبالي
هذا انه يمه حسينچ الغالي
صعبه العمر من يبدي لچمااات
حاچيتچ حبيبه سلامااات يمه
-----------------------------------------
ها يمه الضلع ما طاب يلما نايمه بليلچ
بشريني ودگومي وياي گعدي وراح اتچيلچ
شنهو الصار شو سكته
لا صوتچ ولا ونته
حتى النفس ما شفته خفت
هيچ امدده وآنه
احس بضلوعي بردانه
الگبر دليني بمچانه متت
ما ادري ياهو المات يمه آني
فدوه رحتلچ لزمي ذرعاني
ما اريد احس بيهه النهاياااات
حاچيتچ حبيبه سلامااات يمه
-----------------------------------------
ميته ومدت الذرعان رادت امي تشبگنه
ونت واليون جيريل الله ايعين والدنه
بعمر اثمنطعش ماتت
حانت يم حسن حانت
چني اسمعهه من صاحت علي
تبديت وصعب شلتم ؟
على عيوني انصب مآتم
ها يوليدهه اتحزم مشت
ياهو اليواسي الفاگد الليله
اليبچي اعله امي بگبره اتچيله
عينوني خلص عمري ونااات
حاچيتچ حبيبه سلامااات يمه
-------------------------------------------
ماتت وانتهينه بساع خربت چلمة اليمه
چا عدمن بعد نرتاح ياهو يشمنه ونشمه
غطاهه الترب وسفه
تالي تعوفني وتغفه
تحت الگاع ما تدفى صعب
خلصت للاسف قصتي
ودوني اعله والدتي
ما متعوده ما تبطي تجي
تسمع بابنهه الليل ما نامه
ميته وترد وتصير گدامه
وتگله يمه اليتم شوغات
حاچيتچ حبيبه سلامااات يمه
كلمات الخادم / رعد الفريجي
26 / ربيع الاخر / 1447
ثوابها لروح والدتي
حوار الامام الحسين مع المحسن صلوات الله عليهما
يلمشيت… وانه ضمة مگفة ضميتك الية
حسبيت ... بالطفوف يطيح دمك فوگ ادية
عدك ام تشگف عصرتك..اشيطرد العشرة اليجون
بأربعين امن الحوافر علصدر يتسابگون
تدري بيش.. خيل بس مو خيل واثجيلة وزن
ما اعيش .. تنطبگ فوگ الضلع طبگ الجفن
عازة الخوة تصير .. .... اهنانة اغله امن الضمير
================
مات اخوي .. اليم يمنتي بالضنك حاجز مكانة
ابن ابوي ..… الردت يم شماتي اگلهم هذا انة
وگفتك تسوة اليدمعن من يشح بية النِصير
حسبيتّك خوية محسن ألحسن بس الزغير
للعيون .. امنين اجيب الجابتة امي الما يرد
واقرة كون .. الحمد لله لجيّته موش الحمد
تمشي مگلوب السنين .. ليش بس وي الحنين
=============
ما اشوف… بگلبي وبعيني بقت حسرة اعله شكلك
بالطفوف.... الباب مهري وراح اطيحن منه مثلك
وبالرمح راسي يصبّح باچر ايغثة الصُباح
بالمشي تعرض رگبتي والشمس تچوي الرماح
والسهام… من اخيّك تاخذ امچان الصدر
بالخيام .… يحرگ ويمها يأشرلي الشمر
وابقة اتگلب و اموت .. امن الشمر يمي يفوت
=============
ما يصير .. الموت موش بحلّك وتمشي اوية موتك
راح احير.. ماهو كواك الدهر يزغير اخوتك
انه اطيحن جوة حافر وانت طايح جوة باب
انه تابوتي الحصيرة وانت تابوتك تراب
عله الريح .. باچر بشيباتي يتحنّة الرمل
من اطيح… وذر جسمي يصير بس ما ينّگل
والخيم غيمة حداد .. ويترس اجروحي الرماد
================
بالسموم .. زينب اتريدك ظهر لركاض باچر
خوية گوم .. انه اريدنك شگف عن الخناجر
أَلْحگ بسبعين آية وانت تلحگ بالرسول
انت ثوبك ضامينة وانه ثوبي بالخيول
واليبوگ .. ياخذ المحبس اويگطف خنصري
ما تلوگ.. تمر عايلتي سباية اعله الغري
جدي سولفلي شيصير .. باچر انلم بالحصير
============
بالسواد .. ايصير عبد الله السهم شامة برگبتة
الشمر غاد .. ايهوس براسي وترس ضرسة ضحكتة
والتدوس بگلبي أكثر من يجي وايسب وراي
هاي يرادلها زلمة كافل ولازم گفاي
امشي موت… امودع بألله يكسران الظهر
ما تفوت .. رايح ايعوضنة الله بچف گمر
اسمة عباس امن ابوي .. يجي وبي عطرك يخوي
==========
علي هادي الخزعلي
ارسم جرح لو رسمج . . . تاليها طايح دمج
يا فاطمه. . . يافاطمه
∆∆∆∆∆∆∆∆∆∆∆∆∆∆∆∆
لا تلوميني اعله كبرج من ابات
مكابل الليلِ وادور بالجهات
وين احط روحي اباوع كلبي مات
الماتت امه شله باقي بهل الحياة
هو الكمر ما يندفن امي اشعجب مدفونه
ضايع حنانج بالترب وابنج صحاري اعيونه
يمه اشكثر بيه التعب ردّي
من يختنك صدري اظل وحدي
ثاري الحزن مابي وكت يبدي
ضاع الهوه ابصدر ابنج. . . . تاليها طايح دمج
••••••••••••••••••
بفيء عباتج يمه نكعد نستراح
انتي ظلي الفوك راسي وهسه طاح
يمه راح الفرح عكبج يمه راح
طير احس بروحي مكسور الجناح
انتي الامان العاطفي وجنة عدن جلماتج
بس للاسف راح العطف هسه ال بقن لجماتج
يمه بظلامي وغربتي ذايب
مثلج بشر رايد الي صاحب
لاهب يجمرِ ال بالكلب لاهب
يايمه مامش مثلج. . . تاليها طايح دمج
••••••••••••••••••••••
منين احصل يمه مثلج حتى اشيل
يمه كسْرت ضلعج امفطره الدليل
اتخيلي بالفاكد يصير اشكد عليل
مو لـ خدي الدمعه وصلت للشليل
يـ ام الحسن بيتج فرغ عفتي ابكلبنه كسره
اليفكدها امه من الزغر شنهي اليصير ابعمره
بين الحرك شفت اشكثر لجمه
طاح الجبل من طاحت القمه
اليوكف يباوع حالتج يعمه
مكسوره روحي لكسرج. . . . تاليها طايح دمج
••••••••••••••••••••••••
يانبع روحي وكسرتي يا ضماي
طاحت امي طيحت الصخره اعله ماي
هيه تشهك وانه كوه اشهك هوااي
شلون اخلص الليل ضلمه ياضوي
بين النزف شهكت افا وصاحت يـيمه الحكلي
خافت عليه من الحرك مو عالجرح صاحتلي
انه الحسن يمها اعثرت جمره
ظل جفها ما ينمد الي حسره
وسفه الوكت ما يرحم الزهره
من ضلعي هاج لضلعج. . . . تاليها طايح دمج
•••••••••••••••••••••••••••
الله صاغج حتى يزداد الامان
الما يعرفج عينه ماتصلح مجان
فاطمه الرباها طه لكل زمان
مو عجيبه انشوف اسمج بالاذان
خير العمل جانت الج تالي ابكسر جازوها
عطر النبوه سبحتج بس سبحتج كطعوها
عطرج ييمه ايزامط ابأهله
مارادو الزهره تظل عدله
دم بت نبي فوك الارض فشله
ايدي اعله راسي لسمج. . . . تاليها طايح دمج
ليث كريم جحالي
مالِي وَقَفتُ عَلى القُبورِ مُسَلِّماً
قَبرُ الحَبيبِ فَلَم يَرُدَّ جَوابي
واكف عالگبر مكسور واسلم عليج يا زهرة
رديلي السلام ارجوج ترة بگلبي بقت حسرة
بهت لوني بوجه محزون عمري النايم بگبرة
اصفر عليج امن الجفة يا زهرتّي
عودي يبس من الشمس وبحيرتّي
عايش بقيت بلا گلب بس دمعّتي
تنزل على خدودي جمر من حرگّتي
يا زهراء يا زهراء
__
أَحَبيبُ مالَكَ لا تَرُدُّ جَوابَنا
اَنَسيتَ بَعدي خِلَّةَ الأَحبابِ
باقي بصفنتّي وانطر جوابج يرجع لسمعي
بالسكتة جا ميتين لا طبعج ولا طبعي
مادري منو المكسور مو ضلعج اضن ضلعي
يالزهرة لا تنسي علي بهذا الگبر
يا خلة الاحباب ومفارگ عمر
يالرحتي محزونة وتهمي بالكسر
مكسورة روحي بموتتج بيد الكفر
يا زهراء يا زهراء
____
قالَ الحَبيبُ وَكَيفَ لِي بِجَوابِكُم
وَأَنا رَهينُ جَنادِلٍ وَتُرابِ
وي صوت الدمع اسمع اشلون الجواب يكون
اذا جان النفس مگطوع وبترابة الجسد مدفون
لا بيه واگومن ليك ولا بيه اسكت عيون
بنص الثرى مطروحة يالجنتي وطن
ضايع علي حاير بقة ياام الحسن
بگلبي شلت دمع وهظم ما ينحجن
ووجهي يسولف غربّتي بهذا الزمن
يا زهراء يا زهراء
_
أَكَلَ التُرابُ مَحاسِني فَنَسيتُكُم
وَحُجِبتُ عَن أَهلي وَعَن أَترابي
الحنينة وياكل بخدهه التراب اشلون يا جبدي
الظليمة تصير من بابي وهي امن الحرگ تبدي
اجت بالزهرة مو بالريش وغير الزهرة ماعندي
معصورة فاطم وانحجب نور البصر
ظلمة صفت وما يرهم لعيني نظر
كلشي مشة شباقي الي بهذا الدهر
بس اليتامة وضيعتي وضيم وقهر
يا زهراء يا زهراء
_
فَعَلَيكُمُ مِنّي السَلامَ تَقَطَّعَت
مِنّي وَمِنكُم خِلَّةَ الأَحبابِ
اقرب من روحي جنتي واخر مرة ازورنج
حسافة وغصة تهدم حيل جوة اتراب اشوفنج
يالجنتي بوسط گلبي وهسه انياطي يردنج
متگطعة انياط الگلب وشح الدوة
اتمايل صرت ياخذني ويردني الهوى
محد رهم غيرج الي وصاير ضوة
بالظلمة عايش والگبر جفي لوة
#محمد فرج الحريشاوي
(( #زينب_عدها_اعتاب ))
……………………………………………………………
زينب عدها اعتاب الليله . زينب عدها اعتاب
ما عذرك يا باب الزهره . ما عذرك يا باب
بيك اتشوف العين .. لوعات ام حسين
………………………………………………….………
تدري انت يباب اجذوعك اثجيله
اعل حايط من صخر لو توگع اتميله
وامي چالخيال امحنبه و انحيله
الرحّه امتعبه چفها و يصعب اتشيله
انتچه اعليك النذل يعصر ابكل حيله
سوه ظل الدمه و المدمع اتسيله
ظلت بين اجذوع و حايط . ظلت بين اجذوع
طبگيت اعل ضلوع الزهره . طبگيت اعل ضلوع
قالع خيبر وين .. لوعات ام حسين
……………………………………………….....……
صرت يا باب من حرگ الرجس جمره
واچفوف أمي منك بگت مستعره
طبگة قلم وسط اگتاب هاكبره
هيج ابلايه رحمه انعصرت الزهره
اصوّر اكو ناس الاوچبت بره
كلها ابصوت واضح سمعت الكسره
والوالد سمعاه واتحسر . والوالد سمعاه
يجذب مية اه باللحظه . يجذب مية اه
دمعه اعل الخدين .. لوعات ام حسين
…………………………………………………….……
تدري ابظهرك ابسامير مگواها
چنها ارماح و ابن اصهاك شالاها
يباب و منها واحد دخل بحشاها
شويه و جا طلع من وسط مگفاها
ويمكن رية ام حسين چاساها
تدوّر عالهوه البسمار خنگاها
تعرف هالبسمار اشوضعه . تعرف هالبسمار
احمر يلهب نار ويچوي . احمر يلهب نار
ذابح منّه اثنين .. لوعات ام حسين
………………………………………………......……
الـ محسن جنت يا هالباب اتنطّر
امحضرتله الگماط اوياه مهد اخضر
طاح و امي تنظر ليه تتحسر
موش ابمهد بالتربان يتعفر
لا شاف الضوه و لاشم هوه امعطّر
ولا گاللها يمه و بويه يا حيدر
محسن جرح الروح الخالد . محسن جرح الروح
ابسمارك مذبوح ابن امي . ابسمارك مذبوح
مات وبعده اجنين .. لوعات ام حسين
……………………………………………………………
يباب ابزغري و اتحوّل يتيمه اسمي
واثگل من جذوعك هل صبح همي
افز نص الليالي و ماكو احد يمي
مامش جلمة اصملّه ابلسان امي
يباب امن الحزن اسود لبس دمي
عليه الدهر بسهام الهظم يرمي
وبلا ام ظليت ايتيمه . و بلا ام ظليت
وحشه اعليها البيت و ظلمه . وحشه اعليها البيت
يكظي الليل اونين .. لوعات ام حسين
……………………………………………………………
يباب وخيمه اشوفنك علي باجر
مثل نارك جمر بجدامي ظل ساعر
مثل امي وحيده بساحة العاشر
اركض و الجدم وسط الرمل عاثر
اذا انت ضلع من ام حسن كاسر
حسين ضلوع بيهن يطحن الحافر
الـ محسن ابچي اليوم ابعبره . الـ محسن ابچي اليوم
وعبدالله المفطوم ابنبله . وعبدالله المفطوم
اه اعل الطفلين .. لوعات ام حسين
……………………………………………………………
✍️ ( سيد خضر الزاملي )
يافاطمة يافاطمة
****
يل كاسر ضلوع
ياباب الجذوع
مخليني إطفه واشتعل نار ومصاب
فاطم وره الباب
صدر السمه انصاب
دمعه بجفن طاحت تسولف ياعذاب
ظهري نكسر بمصابج .. كلما امر ابابج .. بنفاسي دُخان
گلبي يفز لعيونج .. وايتامج يريدونج .. بيتي امتله احزان
كلما يمر طاري الج دمعي يهل نهران
يم الحسن ضاع العمر بالونه والأحزان
اني علي يافاطمة بنعشج رحت دفان
طاح العمر ... يم القبر
يازهرتي .. ضاع الصبر
يافاطمة يافاطمة
****
شايل نعش نور
يادرب الگبور
شيعتها ودربي رسميته أبجروح
اصعب جرح چان
بم حسن دفان
واليشيع غالي يرجع كله نوح
يم الحسن حاجيني .. مافززاج اونيني .. ضاع العمر ضاع
الفاتحه أمن اقراها .. فوگ القبر ونعاها .. ياكسر الضلوع
جان الحلم نگضي العمر وانتي السند للروح
هسه بغيابج فاطمه ماأهوه غير النوح
صبري انجله يازهرتي بجرح الهجر مذبوح
فگدج صعب .. كاسر گلب
حيدر علي .. ودمعي يصب
يافاطمة يافاطمة
****
بروحي تشب آه
الغالي فگدناه
18 عمر الورد مومالت اجروح
گلبي الشبع ضيم
بجفوني اثر غيم
هوه اليفاركله غالي اتشوفه مذبوح
واضح جرح بعيوني .. اطفالج يسألوني .. آمنه متى تعود
زينب تون يم بابج .. ضاعت عليها اخبارج .. والغالي مفگود
هاي اليتميه اتحيرت زينبنه ماترتاح
مابيدي غير اصبر بعد وادري الصبر مفتاح
اليدفن حبيبه بنص لحد مايلگه غير اجراح
ام الخدر .. هل تنتضر
بسيل الدمع .. حد الفجر
يافاطمة يافاطمة
****
ليل الفگد صار
من عنده احتار
ماتغفه عيني أو اشبع بدمعي اليصب
ياجرح الاحباب
منه الجفن ذاب
ايهزني يالزهره الهوه لمن يهب
الفركه هدت حيلي .. صاحي ونوح ابليلي .. فاجعني المصاب
بدري بتمامه مشيعه .. راجع كسير ابدمعه .. وبثيابي الاتراب
بجفوفي ادفنها ورد ومسح بالجفون
ذكره مريره ومؤلمه الغالي مدفون
والله غيابج فاطمه مبين بالعيون
كسرة ضلع .. نار وصفع
بابي احترك .. سال الدمع
يافاطمة يافاطمة
****
علي محسن الفرطوسي