533
حسين سالوفة عشك مرها الذبح للتواصل @Eng_alhabeeb
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
درب_الشام💔
درب الشام رايد حيل وانه اجدامي متعوبه
ورايد ناس تندل بيه وانه متيهه بدروبه
كلشي محسبه يجري وياي هاي الــموش محسوبه
درب ليل ونهار *** تعب،ضيم ,انتظار
چوه اجدام الزغار .... جمرْ
درب خلگه طويل *** بكبر جرح العليل
وعيوني من المسيل.... حمرْ
يربي انشالله الطلعه الاخيره
انخزيت من النظر وانه الاميره
༺༺༻༻༺༺༻༻
شكثر حنيت لخيامي أول ما حده الحادي
لو بيدي اوگف النوگ واضلن أبچي بالوادي
انادي اخواني بالهيمه و بكلت فزعه لمنادي
ابو فاضل تعال *** جزه وكت الدلال
وبقت بس الحبال .... ألــيْ
حرمه حقي احير *** بعيوني أديــر
يشتمون الامير ..... عليْ
هوان الدنيه كله يمر علينه
بدينه الدنيه ويچتفون ادينه
༺༺༻༻༺༺༻༻
اول ما وصلت لسوگ ميته وموش تعبانه
ولگيت الناس لضعوني بيهم وگفة متانه
مو فزاعه اهل الشام كل الشام شمتانه
حچي يعور گفاي *** و شتايمهم وراي
غريبه بلايه راي .... وسفْ
ضعن كله عفاف *** من النظره يخاف
بسوگ اخر مطاف .... وگفْ
بسوگ عيون طبوها الاسُارى
وعين الكافل لضعنه أتّــجارى
༺༺༻༻༺༺༻༻
مشيت وعثراني الضيم كل خطوه بألف ونه
وماكو ألي يصبر الروح إذا للهظمه تــتـعنه
تلگوني بحجر يا حيف وعيون الزلم حَــنَــه
عيال المصطفى *** بعد هذا الجفى
افى تجرها لـ افى .... تــوّن
رقيه شگد بچت *** يم راسه حچت
الطفله الفارگت... تـــحـن
مدري شجم شبر و الضيم غطاها
وحلوات المحاچي ماتن واياها
༺༺༻༻༺༺༻༻
يا ليل الخرايب موت ما يخلص چبير الـ هَـم
اتبده اعله طولي ادموع وارجع لليتامى ألتم
واحشم ياهو ضل وياي ؟ كون الروس تتحشم
مبچاي اليصب *** شلعان الگلب
من طول الدرب .... غـــربْ
نحلان العظم *** من كثر الظلم
ما هان الهظم.... صــعــبْ
حيره گلبي ما منها بعد حيره
وين الله وبعد ماشوف هلـ ديره
ابو_نوح_الكناني
للمشايا
بدرب ابو اليمّة الفطن..راعي الحزن ..
راعي الدمع
للبواچي هالدرب..العنده گلب
بي ينفجع
بالتـأسّـي انـشـغل
افتحها عين العقل
__
انگل اجدامك بدربه..تـواسـي كـل نيتك اله
لكربلة لو ناوي ترحل..اعـرف بـطـف كـربلة
اشصار بضعون الهواشم..وشجرى بالعايلة
الله عــلّالــك مـقـامك..غـفـلـتـك لـتـنـزّلـه
هاي.. فرصة اسـتغـلها
ال اه..هـنـانـا مـحلـهـا
حسـيـن.. نعمتنا كلهـا
ليوم القيامة
تشوف..النعمة بطريجه
حسين.. هـــو الـوليـجة
الغاد..يــبـســلـي ريـجه
استظل بخيامه
لازم اتواسيه لان..فضله الزمن
ما حجّمه
ولو بردت بهالدرب ..صيح بگلب
يافاطمة
هالدرب مو سهل
افتحها عين العقل
___
صادق العترة حجاها..بهالرواية كـون احـس
رحم الله الوجوه ال..اتـغـيرت بحر الشـمس
رحمة من معصوم اليّة؟ودعوة المولى اُنس
عيش اجواء التأسّي..واتـرك اجـواس النفس
الله..يبارك خطوتك
خير..يجزي عـبرتك
حب..تنعد حسرتك
حسرتك نجاتك
تراب ..درب الزيارة
بيه..اعـظـم بـشاره
ليك..ما تلـفـي ناره
طهارة حياتك
هالترب لو مس جسم..ماينختم ..بنار الوعد
تنطي هالتربة العبد..حزن الخُلد..لا مــا بـرد
اتنفعه مِيت وعدل
افتحها عين العقل
_
وي كل خطوة اتخطيها..ايوظّف الله جم مَلَك
تسـبّـح لربها بـثـوابـك..وبـالـطـريـق اتـهـلـلـك
ماخسر يوم بحياته..ال عـالـدرب جـدمه سلك
الممشى والدمعة عبادة..لـلــزجـيّـة اتوصـلـك
لوين.. رايــد تـعـلّــى
هنا..بــهالنـعمة تعلة
وين ..من عدها احله
طقوس الزيارة
النوح..اعلى المراتب
امـلاك ..الله تـواكـب
الماي..زمزم يشارب
تشربه بطهارة
حسين زمزم لو روى..وراعي اللوى..يسگي الخدم
والمواسي لو شرب ..ماي العذب..يبچي بألم
حسين حبل الوصل
افتحها عيـن الـعقل
___
حُسن اصحابك ضروري..اختارلك صاحب فطن
(المرءُ يُعرف بقرينه)..اخـتـار ابـو الـجدم الـرزن
الـيــوصيّك بصلاتك..والـيـحـشـمـك عـالـحــزن
هذا امشي وياه وانت..مـنّـه گـلـبـك مُـطـمـئـن
اختار..حلو الرفاگة
الكون..متّزنة ساگه
وياه..امشي بسياگه
ينفعك مسيره
الناس..كلمن خليله
وبيه.. يلگه الطويلة
شوف..البالحب وسيلة
اليعادل عشيرة
وصاحبك لو عالدمع..ولطم الضلع..يتوسلّك
اشـتــريـه بـأي ثـمـن..لاجمـل وطن..ايوصلّك
عنّك ايشـيل حمل
افتحها عين العقل
___
من تظلّك خيمة اذكر..ماكو خيمة اعله الضعن
انت يمشي براحه جدمك..وهنّـه بالگـوّة مـشـن
غاية الممشـى الدراية..بَـهـمْ مـداليـل ام حسن
اسوةً بهل الرسالة …هــالـــدرب هـنّـه اسـسـن
لصوت.. هل من منـاصر
صيح.. جـيـت انـي ناصر
صـيــر..جـنــدي مـثـابــر
لمهدي الزچيّة
بيك..مــا بــيــك انـصـره
الحب..اصــرخ واظـهــره
الـغـيـر ..بـوجـهـه انـكـره
وتحمّل اذيّة
المهدي كل ليلة يأن..لام الحزن..ودرب السبي
ينتظر ثاره بشجن..لام الحسن.. وسبط النبي
وثــار درب الـهـزل
افتحها عين العقل
___
كرار رحمن
تعبانه ياستر العبي _ امن الفركه لو سوط السبي
مشغولة البال _ وجروحج أثكال
ياغريبه _ ياغريبه
...........................
هجران _ وحزان _ والليل أعله حاله يكسر الخاطر
أتحنين _ تبجين _ شيجيبه التهشم صدره بالحافر
ونيتي يزينب والجرح يكبر
تمشين أعله نيتج والجدم يعثر
بالمصايب"
تونين أعله كيفج روحج أمخلصه
الدمع تارك عله اخدود الخدر نصه
أشكد نوايب"
ذبلانه كد طاري العطش _ محتاجه عباس ونعش
بس ماكو أمال _ وجروحج أثكال
ياغريبه _ ياغريبه
.................................
جم عين _ تربين _ للميت خبرهم والدرب عثره
جم أه _ أو ويلاه _ ودمعة فاكده أتطيح أويه كل نضره
ميت واهسج مابين الف حسبه
ساعات الهجر ما تنحمل صعبه
ياغريبه"
كل اليوجعن بكليبج ألتمن
أعيونج راح من كثر الهجر يعمن
يالحبيبه"
يالفاكده أخوان وأهل _ برض الغرب موتي أبعجل
ثكل الحمل مال _ وجروحج أثكال
ياغريبه ياغريبه
.............................
أهات _ حسبات _ مات النبض بيج أولا خبر منهم
بدموع _ وضلوع _ حانيهه المعاتب والنشد عنهم
وين الكال آنه ودك الج صدره
معقوله نسه يا زينب العشره
والله صعبه"
هذا الموت أجاج وأنتي بالغربه
حسين أبعيد دربه مو سهل دربه
أيكلبه"
شيجيبه محزوز النحر _ عشتي أبقهر موتي أبقهر
يا هضمة الحال _ وجروحج أثكال
ياغريبه ياغريبه
............................
لحسين _ أتحنين _ أنحنيتي وبينت الحدبه أبعباتج
نضرات _ حسبات _ وعثرت جلمة الخويه أبلهاتج
تحجين أويه روحج إي يجي هسه
وتدنكين أبحسرتج جنج أمأيسه
ما يجونج"
الداسته الخيول ابعشر خياله
الدفنوه بحصيره أشيجمع أوصاله
يا ضنونج"
الشابع سحك شابع ذبح _ وماشاج راس أعله الرمح
وتكطع أوصال _ وجروحج أثكال
ياغريبه ياغريبه
...........................
أثار _ للنار _ أجدامج والجفوف اهواي محتركه
وهموم _ ودموم _ وركبتج من أثر حبل السبي زركه
أجروحج لسه خضره زينب ورطبه
بس كدم السياط أمخزنه وصلبه
يا هضيمه"
أمشيب رمش عينج شيبه يم شيبه
موتج حان ماكو العلتج طيبه
يا حريمه"
أرتاحي يعمه أمن الإلم _ أوصيتج أجفنج بالعلم
وذكره أمن الحبال _ وجروحج أثكال
ياغريبه ياغريبه
..........................
من كال _ ينشال _ نعشج زينب أعله أمتون شماتج
أتموتين _ تبجين _ قهر وتبلل التابوت دمعاتج
يشيلون الجنازه أجرت وادم
أعتذر عباس أخوج أعله النهر نايم
ما يجيلج"
أشما أهيل الترايب ونتج تعله
أفراك حسين أبوي ابكلبج أشخله
هده حيلج"
يالفاكده أخوان أشكثر _ والمثلج إيقبله العذر
مو جلمه تنكال _ وجروحج أثكال
ياغريبه ياغريبه
.......................
حسين باهض الحلفي
رايح للحبيب رايح للطبيب
حسين انته نـور البصر
حسين كاتب أعله النحر
ــــــــــــــــــــــــــــــــــــــ
اوياي اخذت اوليدي .. واتوكلت بسم الرضه
وشايب اتلگانه .. وادموعه عالخد فايضه
إمحزّم بشيباته .. وبخدمتك عمره انگضه
دنگت لجدامه .. واستغفر الله ومارضه
مشايه اتعنيتك وبچفي العلم
من اتذكر زينب ابچيلك خيم
عطشني وعثرني وعورني بسهم
تحرگ بيه نار هايم گلبي صار
حسين عمري كسرة ظهر
حسين كاتب أعله النحر
ــــــــــــــــــــــــــــــــــــــ
بس احط اجدامي .. وحّدهه تندل الدرب
الله خالق خيمه .. ماخالق ابصدري گلب
بالطريق ادموعي .. وي السبايه خل تصب
والهوه المو منك .. ماريده بانفاسي يطب
من اعطش خل اعطش خليني انچوي
يالـماشارب گطره واشلون ارتوي
يالسوّيت الشايب بأيّامك قوي
ناسي كل الم امحزم بالعلم
حسين يامتاع السفر
حسين كاتب أعله النحر
ــــــــــــــــــــــــــــــــــــــ
قربة لعيونك .. خطواتي صاحن كربله
كون اصيـرن رگبه .. والدنيه نبلة حرمله
حباً بسجّادك .. لف أعله اديه السلسله
امشي وي زوارك .. والمهدي رب القافله
ياقابل ذنب الحر اجعلني عبد
يالأمك ماجابت غيرك لم تلد
والماشم اتـرابك ما زارع ورد
عطرك بي جمال دربك بي دلال
حسين والمواكب فخر
حسين كاتب أعله النحر
ــــــــــــــــــــــــــــــــــــــ
الما اجالك زاير .. يتندم ابيوم العرض
وشيگول السانه .. عالباري لمّن ينعرض
اربعينك واجب .. وازيارتك صارت فرض
لو نشيل الحضره .. ماتبقه رحمه أعله الارض
لو طفك يلغونه وينسد الصحن
بالاسلام اشيبقه غيـر اهل الفتن
يالرافع دين الله تاج أعله الزمن
عگبك ماكو دين گلبك بي حنين
حسين العاري بيك انستر
حسين كاتب أعله النحر
ــــــــــــــــــــــــــــــــــــــ
عيّرونه وگالو .. هذا الحچي ماينقبل
كل سنه تمشوله .. وامسودنين بلا عقل
صــحنه بيك آمنه .. والكل فعل ردة فعل
اعوج العادانه .. وبس مبدأك هوه العدل
لو يرجع طف ثاني وتل الزيني
النيران انهـــــددهه وماتحرگ عبي
ومانرضه ابنياتك يمشن للسبي
زينب تبقه تاج ثوره واحتجاج
حسين وغصبن أعله الدهر
حسين كاتب أعله النحر
ــــــــــــــــــــــــــــــــــــــ
يالحدود انفتحي .. وخلي المنافذ تنترس
كافي من الظلمه .. خل تشرق اعلينه الشمس
لازم احنه انفكر .. ناخذ عبر من هالدرس
احسين اجو زواره .. واحنه اهـل عزة نفس
نخدمهم نكرمهم وانادي هله
والسفره امن البصره اتطخ ابكربله
وام عباس التطبخ والله امعدله
تطبخ بالطفوف اتوكل بالضيوف
حسين والمدامع نهر
حسين كاتب أعله النحر
محمدالجماسي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
اجمل قصائد للمشاية ستجدونها هنا
/channel/wwalmndlaue
غريبه هالحكايه سبيه امن السبايه
كتلها راس ابوها بخرابه شيعوها
+++++++++
ماتت ومشبوگه اديها ابلهـفه چانن شابكات
طابعه اشفافه اعله خدها امن العطش متفطرات
موت ملگه مدري فرگه اثنينهن متجمعات
اجفونها الماترضـه تنسد مـن شهـر ماطابگـات
روت قصه عجيبه محب كاتل حبيبه
على طشته لگوها بخرابه شيعوها
+++++++++++
ساعة ازمان وگضنّه اجهاز ميتهن سريع
ادموعهن كافي الغسلها التمن اعليها الجميع
ماكو تابوت اعله گدها فصلوا مهد الرضيع
گعده من صلّن عليها امصاب طفلتهن فضيع
صلاة اعله الاميره ابتكبيرة اسيره
بصعوبه ايكبروها بخرابه شيعوها
++++++++++++
دارن بصحن الخرابه شييعنها اويه العليل
يامتن مافوگه لچمه والنعش رايدله شيل
وحده تتچّه بالاخره بالمشي مابيها حيل
يا ونين اهل الخرابه ينسمع والدنيه ليل
واصعب من فگدها يدفنوها وحدها
غريبه الودعوها بخرابه شيعوها
++++++++++
اتكرر الصوت ابدفنها هم مثل دفن الذبيح
للگبر من نزل اخته يسمع ارقيه تصيح
لا توسدني اعله خدي ينلچم خدي جريح
بهيده بتراب التهيله فوگ اذني لايطيح
صعبه وانت تدري گبري بهذا عمري
اهلها الفارگوها بخرابه شيعوها
+++++++++++++
فاتحه ازغيره اعله گدهن فرشن الماتم تراب
بالدموع استقبلتهن سكنه هيه ام المصاب
تجرح انواعي حميده ناحت بطور العتاب
آه يرقيه ومصابچ عيدي صاحتها الرباب
الاكبر من ابنها تذكرها بحضنها
الخالي وعذبوها بخرابه شيعوها
++++++++++
ثائر الربيعي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
هله ومية هله حله الشارع حله
يبعد عيوني الاثنين هله بزوار الحسين
..........
هله يانور العيون الخادم صاح ممنون
اجيتو وماتهابون ذهب كلكم ذهب
مشيكم بيه مواسات للراحن غريبات
للذل صحتو هيهات تسوون العجب
هله يل بيكم ترف الرايه
الدنيه ظلمه ونورها المشايه
وعد هذا كل سنه بهمه تجون
يم ضريحه ناصبين قرايه
يل بحبكم مجانين
هله بزوار الحسين
.........
تاج انتم عله الراس هله يا أغلى هالناس.
يغيره وكلكم حساس وفايت وعد
العالم بيكم يحير لغز يلماله تفسير
السنه شما رادت ادير يزداد العدد
الشوارع خل تشع بأنواركم
شيعت المختار الله اختاركم
اخوان صرنا بهل درب ماكو غريب
دار هالخدام صارت داركم
كحل يل صرتو للعين
هله بزوار الحسين
.............
ميت يحيي الگلوب ينطي وهو مسلوب
ابابه تطيح الذنوب يستاهل تعب
مثله ماكو انسان يروي وهوه عطشان
غركنه بالأحسان معلمنه الادب
حسين يمفضل علينه بخيره
بحبه صرنه اخوان من كل ديره
ياهله كل بيت للزاير يصيح
موقف محير النظر تصويره
بالحر عفيه ماشين
هله بزوار الحسين
...........
التمت كل الأوطان تمشي چنها خوان
بيهم ماكو تعبان. صلب يسند صلب
صداهم للسماوات گطعوا هالمسافات
الخطوه اعدال حجات الهم تنحسب
شحلات الموكب علينه يمر
على الناس الواگفه يوزع اجر
تدوم هاي النعمه بجاه الغريب
بلايه حب حسين مايسوه العمر
عبرو ها القوانين
هله بزوار الحسين
..........
خادم اهل البيت ع
فلاح طالب الماجدي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
س/ زينب ص ..بماذا توصفين كفليچ يا ام الخدور؟
ج ////👇👇👇
سألوني ....
سألوني يا ام الخدر احچيلنه اعله العباس
والرجفه اخذتني وگلت ماتحتمل هاي الناس
الله ونبيه وحيدره..كلهم بسبع الگنطره
ومنين ماشوفه احساس...يعباس
ياناس...
بگلب عباس سبع اشياء يا ناس
عباتي وشيلتي وعصابة الراس
وهيل وهوه بارد ماله مقياس
وضوه ملثم وغيمه تنگط احساس
يل شايل صفات هواي ما تنعد صفاته
وجه حيدر وقلب حسين عباس شحلاته
سألوني..بيمن يذكرچ كافلچ اختاري من هاي الناس
گتلهم العباس ابد مايشبه الا العباس
شيمه ورجوله مسطره...كلهن بسبع الگنطره
ومنين ماشوفه احساس يعباس
*
بحمايه...
يأول شيبه سوده انته بحمايه
ضوه العباس طالع بل عبايه
احس بشواربه يرفن ورايه
يرايه معلگه اعله متون رايه
من طين العشگ مخلوق ياناس الكفلني
اول ما اجه لدنياه شال ايده وشبگني
سالوني..بيمن يصبرچ لو حزن گلبچ يروح العيله
گتلهم انه افرح صدگ لو زامط اعله الشيله
هاي الصفات الفاخره...كلهن بسبع الگنطره
ومنين ماشوفه احساس يعباس
*
مرتين....
فلا مثلك بشر مخلوق مرتين؟؟ شلون
سحب روحك الاهك طلع حسين
ماگولن بعد بس هل چلمتين؟؟
الف رحمه اعله روحچ يم البنين
يل مخلفه نبي ومرسول وانطيج الدلاله؟؟
دعوته يوصللهن ماي نسوان الجلاله
سألوني..لو كربله ترد هل وكت تنخينمن ياحرمه؟؟
گتلهم انه انخه الفظل كبران صاير زلمه
القسور ابن القسوره...كلهن بسبع الگنطره
ومنين ماشوفه احساس يعباس
شفته...
بس واحد يشبهك مره شفته؟؟
اگلك منهو يل عباس؟؟؟؟ انته
سكته يموت اليمر بيك سكته
انه اخته ومتت عود انه اخته
طلع للجيش دون نگاب ما لابس چفافي
خله الجيش لو تدرون صافن يمشي حافي
سألوني..بالطف صدك ذاك النهر تيه جروفه ودربه
والماي من كدما رفس كطع خيوط الجربه
والسهم غار وطب تره.كلهن بسبع الكنطره
ومنين ماشوفه احساس يعباس
*
لو فات...
نجوم جبال تسجد يمه لو فات
حيل الله ونزل بالغاضريات
اذا زينب تدنگلهه المجرات ؟؟؟
اذن عباس رجال السماوات
اذا كوكب الارض حسين حوله الگمر يفتر
اذن زينب زحل ياناس بحجابه المدور
سألوني..ليش الكفيل اسمه الگمر والگمر مرات هلال
گتلهم يبين نصف چي لابس براسه عگال
حتى النجوم ال بل ثره...كلهن بسبع الگنطره
ومنين ماشوفه احساس يعباس
**
گمرهن...
خواتك ذني بس انته گمرهن
علي وصاك بيهن يا سترهن
اذا تدعي وتسولف لله عنهن؟؟
الله يجاوبك ها يابو كلهن
انه ام عون ما احتار بس حيرني مقطع؟؟
ادري الكمر وكت الليل مو ظهريه يطلع
سألوني..بيمن تحلفون القسم لو عالت العياله
گتلهم اگبال الگمر نچتف احنه گباله
نقسم بچفه الطاهره..كلهن بسبع الگنطره
ومنين ماشوفه احساس يعباس
*
ابو قسور العويدي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
*مشتاگلك وُلماي غَيَّر لونك !!!*
*مشتاگلك بشِّرني هسّه اشلونك ؟؟*
*بَشِّرني اشلونك زين؟؟؟*
*ان شاءالله ابخیر حسين*
*مشتاگلك .... مشتاگلك*
___
یحسین بَشِّرني اشخبر سالم بَعَد هاي او هاي
سولفلي عَنَّك يا حلو خَل نِنسه موضوع الماي
احچیلي عن ذاك الوكت زینب غُفَت و انت افیاي
ماريدن اسمع وَحَّدك سولفلي من چنتوا اهواي
*گاعد صَدُر و ابدَلته قاسِم یِکرِم*
*اِمسَیرین ابوفاضل علیک او مسلِم*
*تِسئلهم الأكبر وين ..!؟*
*ان شاءالله ابخیر حسين*
*مشتاگلك .... مشتاگلك*
_
اَرد اَرجع اوياك القَبِل مِن بَشِّروك ابمولود
مِن جابه عبّاس او اجه ذاك الوكت عنده ازنود
سولفلي خل اتصوَّرك فرحان و الدنيه اُورود
عبدالله نايم مبتسم لولَوَّه متروس الجود
*سولفلي من چانت رباب اتکحله*
*سولفلي عالكاروك مو عالنبله*
*ینباس مِن عین العین*
*ان شاءالله ابخیر حسین*
*مشتاگلك .... مشتاگلك*
_
يحسين وُرجَعلي بَعَد وُ حچیلي عالعِلويّات
العصريّه يِلتَمَّن عبي او يِبدَن عليك اِمرايات
ابحضنك رقيه تبتسم و تراوي بالترچیّات
وتگلهه فدوه الهالوجه یَه بنَیتي اشگد حلوات
*شاریهن العبّاس عمِّي اتگلَك ...*
*هذا التحبه اهواي و اهوا ايحبك*
*یا اَحله خوّان اثنین*
*ان شاءالله ابخیر حسین*
*مشتاگلك .... مشتاگلك*
_
خلَّيك بعمامه او بِشِت مِحتَفَّه بيك الخُوّان
ارجوك لا تذكُر نَهَر ما حِب أسامي النِهران
يحسين يا غيم او مُطر چا لیش گالوا عطشان
غیر انت میدان العشگ چالیش صدرک میدان
*یَحسین غیر انت اُخو العِلویّه*
*چا لیش صاحولك اُخو المسبيّه*
*يا ماي وجه الغالين*
*ان شاءالله ابخير حسين*
*مشتاگلك .... مشتاگلك*
_
گالولي عنَّك منجرح گلتلهم اجروحا اتطیب
گالولي شَيَّب عالرمح جاوبت يحلاله الشيب
گالولي چا مات الگمر گلت الگمر طبعا ایغیب
المَيِّت له اُخو مثل الگمر یَمِّ الزلم حگه ایعیب
*گالولي مجروح ابجرح ما يُبره*
*گلتلهم الیوجِع تِشِدَّه الزهره*
*بَس خنصُرَك تلگا وین ؟؟*
*ان شاءالله ابخیر حسین*
*مشتاگلك .... مشتاگلك*
____
*✍🏻 ... #نسيم الناصري _ الأهواز*
[ لسان حال مولاتي زينب يوم الاربعين ]
مجبوره عفتك وانت تدري ابحالي
بلا راس نايم حيل شاغل بالي
رده المجانه وصير خويه گبالي
منيتي اشوفك
____
تدري شكد كسر كلبي امن اذكر نحرك اموسد
حته ابنومه ما مرتاح اخيّ الشاف ضيم اشكد
حسين اول بشر ميت نحره اعله الترب مو خد
نَساني ليالي الشام راسك للجسم من رد
ماتدري هسه شلون بي فرحانه
راس الحسين وياي رد لمجانه
لو بيك حيل امن السبي اتلگانه
منيتي اشوفك
___
جبت راسك يبعد اختك بس شلون اشوفنك
عفتك عالوجه نايم بوكتها كوه اعرفنك
عفتك خويه تحت الخيل برجليهن يجلبنك
لا راس ويدلي اعليك كلي شفتهم منك
كبل السبي وكبل الدفن تيهتك
خويه وغلاتك مابقه بكلب اختك
ريت ابحلم يالغالي ومجابلتك
منيتي اشوفك
____
اذا لمك علي ابخرگه راسك ياكتر ينحط
اليحفرله لحد مسحوك اضنه ابجسمه يتورط
ينگطوله اليموت ادري وانت بياكتر نكط
گول الراس رديته الباقي شلون يتصفط
بالخيم وانه اسمع اضوعك طكت
شسوت ابجسمك خيلهم من سحكت
ماضنها شي خويه الحوافر خلت
منيتي اشوفك
_
رحت حيره وارد حيره كبرك هسه شيحفره
كل ضني امن رد للطف الكه اخواني منتضره
حسبالي امن شوف حسين اردن زينب الحره
وهسه ابراسه حرت اردود منيتي يرجع النحره
خفت اعله اراسك حته ارده الجسمك
واتفتح اعيونك وحنه نكعد يمك
ياعطر امي البيك ريت اشتمك
منيتي اشوفك
_
منيتي اتكلي يازينب ليش هناكه طولتي
واسولفلك على الشفته لحد متكلي بس يختي
واكلك عالزم طبيت واسولف مختصر قصتي
وانت اتكلي بسج عاد رمح حجيج ابخاصرتي
سوالف ابكلبي لو بقت تكتلني
اتمنه خويه اعله السبي تسألني
وعن متني تنشدني ويضهدك متني
منيتي اشوفك
_
راسك عندي مجبوره افتح كبرك وانضر
عاده اليجهب الموته ماي اعله الترب ينثر
وانه الماي الك جبته نحرك ادري متفطر
امنيتي موتتي يمك ويم لحدك لحد احفر
مابيه حيل افراك شفت هوايه
حره صرت محد يجرني ابرايه
وعيالي فوك الكبر كلها ويايه
منيتي اشوفك
__
بسام قابل الياسري
لخواني حنيت. وبالروس رديت.
راسك ادفنه ويالجسد. .. ويحسين ماشوفك بعد
ــــــــــــــــــــــــــــــــــــــ
من الناكه يم كبرك طحت. وتدري اشعلوها الناكه
يحسين مشتاگه الك. وشيصبر المشتاگه
راسك بعد ضيم ويسر. ويالجسد يتلاكه
وجهك الما فاركني ابد يكتلني راح افراگه
يالصدرك انداس. اشلون ادفن الراس
كلبي عله جروحك نشد. ويحسين ماشوفك بعد
ــــــــــــــــــــــــــــــــــــــ
يمك جبت راس الطفل. ما شايفك تدري هواي
عبدالله من ذاك الذبح. لليوم ما شارب ماي
شميت عطره بحفرتك. ريحت اكماط ابنك هاي
ابجي بقيت اعله النحر. وام الطفل تبجي وياي
نزلته وياك. وجفي انترس هاك
امحدبه الرباب اعله المهد ويحسين ماشوفك بعد
ــــــــــــــــــــــــــــــــــــــ
وياي خويه امن اليسر. راس المهيل جبته
عباس ما يدري الحبل. ما فارك جفوف اخته
يبن امي تدري بالكلب. يم النهر دافنته
ذاك الدلال بكربله. ويه الكمر ضيعته
جيت ادفن الراس. وينك يعباس
حيل اختك اهواي نضهد ويحسين ماشوفك بعد
ــــــــــــــــــــــــــــــــــــــ
ضليت احفر بالكبر. واخذ نفس ما اكدر
حانت مراسيم الدفن. وندفن نريد الأكبر
كل احنه طحنه اعله الكبر. ويم حفرتك نتعثر
صدرك شبكناه بالدمع وصدرك يخويه امكسر
وراس ابنك وياي. شلعت كلب هاي
اصعب جرح جرح الولد ويحسين ماشوفك بعد
ــــــــــــــــــــــــــــــــــــــ
ام جاسم العريس اجت. ادور اعله ابنها تريده
حكه يتيه المكبره. اليفكد يناس اوليده
صاحت علي عمه بحزن راس ابني نزله بهيده
اوليدي انحرم من العرس. والحنه يبست بيده
تعب العمر راح. ضل بخت الرماح
وانه صحت وين السند. ويحسين ماشوفك بعد
تمت
تحسين الخفاجي
يدرب الشام حس ابهاي الضعون
وارحم حال زينب والغريبات
عفيفات وخدرهن دوم مصيون
وگطعن بيك كل ذيج المسافات
مسافات والنياگ هزيلة
مسافات عل العيال طويلة
مسافات والحبال ثگيلة
وين يادرب السبي ماخذهه وين
هاي زينب بت علي واخت الحسين
من خدرهه للسبي يادرب ليش
هيه هاي الگبل ما شافتهه عين
***ا
يادرب السبي رد بالمشن بيك
تره العباس ما يرضه ابسبيهن
مايرهم وياهن دوم طاريك
ولاطلعن بلا راية وليهن
وليهن لمن ودعنه
وليهن جسد بس لگنه
وليهن ابد ماكو منه
يادرب ماتدري بالضامي الغريب
والثلثتيام عل الذاري سليب
كل جرح لابد أله يرهم ضماد
بس ابو السجاد جرحه ما يطيب
*****ا
من زينب بعد يا شام شتريد
كافي اعليهه حسرة كربلائهه
تدري ابساعة وحده اثمنطعش حيد
فگدتهم وخلتهم وراهه
وراهه ضحاية العشيرة
وراهه زلم كلهه غيرة
وراهه خذتهه انت اسيرة
هاي ماصارت ابد ياشام ليش
تمشي مسبيه مره واخوتهه جيش
الناس تطلب ثار من بدر وحنين
وانت يادرب السبي تطلبهه بيش
*****ا
لم دربك ضعن هاشم تعب حيل
وگصر بالمسافات الطويلة
والتمشي ابنهار وتبچي بالليل
صارت هاي بس وي العقيلة
عقيلة وخدرهه مهابة
عقيلة وتطب للخرابة
عقيلة جرحهه ومصابة
طلعت ابذاك الظهر تركض يشام
فگدت اخوتهه و اولدهه والعمام
شبچت العشرة وعله التلة تصيح
حسين لحگ حرگو اعلينه الخيام
*******ا
نسوان وعليهن كثرة الهموم
والمچتوف حيلة امن المشي ايبيد
ضعنهن صار ينقص يوم عن يوم
ودربك والايام اعليهن اتزيد
اويلاه عله الطلعوهن
اويلاه سباية خذوهن
اويلاه منوة اخوهن
اليحدي بضعون الشرف بس الكفيل
هيبة الله ذني والجدم الثگيل
ابد ما صارت گبل زينب تروح
ابضعن يحدي اجنبي وممشة طويل
****ا
الشاعر
مصطفى البديري
#زوار_الحسین
زوّار نگصـد اصفـوف
زوّار نعتنـي ازحـوف
زوّار والمَلـه اتشـوف
لإبــن الزچـیـّـه
ـــــــــــــــــــــــــــــــــــــــــــــــــــــــــــــــــــــــــــــــــ
مشّای اجیتڪ سیدی وحافي الضریحڪ قـادم
اتعنه مو بس عالجدَم ازحف و اجیلڪ هایـم
حگه الیجن بمحبّتڪ یالجننّیت الـوادم
لا ما الومه الیعشگڪ و اشما یلوم اللایـم
مشّای ڪل سنه و عـام
مشّای حافـي الأجـدام
مشّای لإبــن الأڪـرام
تحلـه المـنیـّـه
ـــــــــــــــــــــــــــــــــــــــــــــــــــــــــــــــــــــــــــــــــــ
نتعنّـه زوّار و خدَم مشّایـه ڪلنه احبابڪ
غایتنه نوصل گبْتَڪ و نسجد نقَبـْل اعتابڪ
شیبه و شباب و ڪل طفل یهمل دمعتـه ابّابڪ
للموت نبقیٰ ابهالحزن نبچي اعله یـوم امصابڪ
للموت نمــشي زوّار
للموت نفـدي الأعمـار
للموت رغــم الأشــرار
و النـاصـبیـّـه
ــــــــــــــــــــــــــــــــــــــــــــــــــــــــــــــــــــــــــــــ
خدامڪ احنه ونفتخر یاسیدی ابهالخدمـه
سِر النجات ابخدمتڪ والخادم اتعلّي اسمـه
نعمه خدمتڪ سیدي تاج الشرف والرحمـه
احسبنه عبیدڪ للأبد و ارزقنه های النعمـه
خـدّام لآخر الأنفـاس
خـدّام ضـد الأرجـاس
خـدّام نـرفـع الـراس
ابهـای الهـویـّــه
ـــــــــــــــــــــــــــــــــــــــــــــــــــــــــــــــــــــــــــــــــــــ
ڪل عام نگصد حضرتڪ و ابأربعینڪ نحضـر
لو تنگطع رجلینه و انحور و جثث تتـوذّر
متهمنه ارهاب وقتل نفدیڪ گطع المنحـر
واجب علینه ازیارتڪ و المایزورڪ یخسـر
خسران من یضـدّڪ
خسران مـایگصـدڪ
خسران وانتـه جدڪ
سـیـد البـریـــه
ـــــــــــــــــــــــــــــــــــــــــــــــــــــــــــــــــــــــــــــــــــ
طول الدرب یبن النبي نذڪر مشي المظلومـه
من ردّت ابعیله وحـرم تنعیٰ اربعینڪ یومـه
من ونهـه زینب سیدي المیت یفز من نومـه
یم گبرڪ و گبر الڪِفل مدمعهه سال ادمومـه
بـالآم ردت اتـنــوح
بـالآم دمهه مسفـوح
بـالآم صِد یمذبــوح
حال السبیـّـه
ــــــــــــــــــــــــــــــــــــــــــــــــــــــــــــــــــــــــــــــــــــ
بقلم الرادود یعقوب البوغبیـش
۹ / ذي القعده / ۱۴۳۹
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
السيدة رقيه ع
جبت الماي وجيتك اركض
كلما اعثر ليش اتغمض
الگطعو رگبته .. ما يگدر .. يباوع
بس انت ميٍّت .. وعيونك .. تنازع~ك اركض والركض للمچوي بلوه
جيت
ابيا رمح كلها عرف والروس حلوه
جبت طاسة ماي وصلت بيدي گوه
وتدري نگلّ الماي رايد خطوه خطوه
شفت الرمح ..صوغة جرح
رافع راسك شارب دمك
نفسي انحبس .. جسمك يبس
تنزف ساعه ومحد يمك
من الخوف ورهبة دربي
جيتك ناشف دمي وگلبي
ملچوم اصبعي .. من اعثر .. اشده
ماي وجبتلك .. بس نصه .. تبده~~~حلة وصل جدمي اعله رمحك
اول الر
نگّط اعله ايدي دمه امن اعيون جرحك
تلمع النجمة اعله عيني من المحك
فطر اشافك يضحك وموش انت تضحك
رمحك صعد .. كلش بِعَد
صوتك ناصي وهوسه بأذني
مدري شحچة .. وجفنك بچة
عالگاع ايرن دمعك هزني
مرفوعه اتظل ايدي اليسرة
واتلم دمعك ايدي الاخرة
كل هذا تعبي.. و ازغيره .. ادية
اترجعلي حيلي .. امن اتباوع .. علية~~~~الوحك ع الرمح لو دم اشمك
لو
لو اشربنك ردت بس شفّة ارسمك
گلبي صاير ساعه ما گادر يفهمك
شلعوا الترچية مدري شلعوا اسمك
عطرك شلب .. دمك رطب
راسك ليّن توه امعلّگ
ابوجهك ضمه .. برمشك دمه
لونك شيبك بالدم يعتگ
حتى الكاع امخضرة ابدمعك
وحتى الخنجر ناحر صبعك
خنصر يمينك .. هم ضايع .. مثلنه
جاباني عطرك .. ياريحة .. اهلنه~~ملامح راسك وضايع عليه
بس
بلف يا وينك علي وطاح بأديه
وين اعرفن جسمك وگالوا اليه
قطع جسم الاكبر وجسمك سويه
صاير وذر .. رگبه ونحر
گالوا عالماي اشگد دوّر
ما اريدن اَي .. شي امن ادي
اشرب ماي و رد اتطشّر
شفت اشفافك دم مصبوغة
شوف امن اذني انباگت صوغة
الصوغه عزيزه .. الجايبها .. حبيبك
تهت وعليه .. ياشوغه .. التجيبك~~~~ الزغر تتشيّل الميت وليها
امن
چلمة البابا سهم تنحر حچيها
الما لزمهن چف ابو تبرد اديها
الشام والطف واليتم كلهن عليها
اچفوفك سمر .. اهدومك حمر
الچنت افتح عيني بشمتهن
راحن دفن .. ايد وحظن
ياهو اليتمني وموتهن
چي اسم امك اسمي اتظمه
صايحلي اشگد ها يا يمه
اسمي رقيه .. وفاطمتي .. تگلي
اتسميني روحي .. وسميتك .. يكلّي~~~~يبو طول الرزن طولك تخرّب
ها
تعب راسك كثر ما عالرمح منظب
امن الشمس شيبك سمار اشگد تنگّب
الرمح لو نخلة وعلي چا هسه رطّب
جابوا طشت .. منه خفت
حسبالي الزاد ووخرته
محد حچت .. زينب بچت
راوتني اعيونك بالسكته
اول لحظة واخر لحظة
شفت الراس اعيونه امغمظة
وحده اعله رمحك .. من گتلك .. اجيتك
ووحده ابقصرهم .. بس منحر .. لگيتك~~ي الخزعلي
علي هاد
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
السيده رقيه ع
راسك مايشبه احلامي
بويه حسين مبين ضامي
شمسوين وخاطف لونك شمسوين
شنهو الذبل هاي عيونك بويه حسين
* *
متجمعه الوان الرعب خربه وحبال ونايحه
والطفله تتفزفز تضل لو عاشت بنص فاتحه
ماتامن الطفله اللتي مخليه ابوها ورايحه
وماترتوي اشواگ الگلب من العيون الطافحه
وضلت رقيه بهالحزن بس بالاحلام الجارحه
يتحفر الخد بالدمع لو يبقه محد ماسحه
ضلت تشكي بگلب الحاني
تگول انشدمن عن احزاني
كون حسين يصدلي واگله اغيابك وين
شنهو الذبل هاي عيونك بويه حسين
* *
جابولها الراس بطشت ضلت تحاجي حسينها
ضلت تون من الاسى وفاضت مدامع عينها
وعد اللقاء المنتضر شيبه بدم مخضبينها
وين القوام الحيدري وذيج الملامح وينها
ومفطره شفاك الشمس لو بالضمه مفطرينها
لو خيزران ابن الدعي بضرباتها مجرحينها
بويه حسين احجيلي احوالك
ياهو الگطع ذيج اوصالك
شمخلين بذيج ارسومك شمخلين
شنهو الذبل هاي عيونك بويه حسين
* *
تشبح على عينه النضر طفلتك بويه احجيلها
لورايح انت بهالدرب متگلي شتخليلها
بعدك غريبه ميسره وفيض الدموع تسيلها
من غيبتك عن طفلتك تحيي بنوايح ليلها
شال الطشت راسك لچن جثتك ياهو يشيلها
جلوها لو فوگ الصدر جالت حوافر خيلها
ياهو الحز بالسيف وريدك
ياهو تضل عطشان يريدك
وفوگ العين الدم النازل هذا منين
شنهو الذبل هاي عيونك بويه حسين
* *
تنشد على صواب الحجر فاتح جبهته صوابه
نازل على عيونه الدمه وبشيبه ضل خضابه
گالت عزيز المصطفى يصعب عليه مصابه
ونصبت عزا بنص النسا بدموعها السجابه
ضلت بونها تناشده عن راسه ياهو الجابه
لجمو النحر بشيلته لو حسبوله حسابه
لو بالرمح تعلگ راسك
وانلچمت وي جرحك ناسك
فوگ جروح الغربه عيالك مجروحين
شنهو الذبل هاي عيونك بويه حسين
* *
جامد على وجهه الدمه مسحته بطرف اردانها
وتنشد على اصحابه وهله فتية علي وشبانها
جاوين عنك ساعِدك ليث الوغه و ميدانها
عباس ضل بيا كتر يدري نسبت نسوانها
وين اكبر سيوفك علي ذخر الولي وعدنانها
وين الهواشم هم درو من احرگو صيوانها
وتگله تموت الروح بدونك
ماعيش انه بدون عيونك
وشهگت فوگ الراس وغمضت ذيج العين
شنهو الذبل هاي عيونك بويه حسين
* *
خادم الحسين ع
علي العزامي
(( الدنيه دارت ))
الدنيه دارت بينه تالي
وفارگتهم غالي غالي
ضعني راح وفـَي دلالي ..... آاااه
لابو فاضل لا علمنه
وبهزل نرجع لهلنه
من الهزل چم مره طحنه ..... آاااه
اشعرفني الحبل ..... مهيوبه چنت
اجيت ابفي علم ..... وبهزله صرت
راح الكفيل وذيچ المحامل
ونرجع سبايه ابنوگ الهزايل
الذابح اخوتي بضعوني كافل ..... آاااه
"" "" "" "" "" "" "" "" "" "" "" "" "" "" ""
يازمن هونك عليه
انه اميره وهاشميه
فارگت اهلي وسبيه ..... آاااه
للسبي ماخوذه گوه
ونينوى سلبتني خوه
وبالجمر جدمي تچوه ..... آاااه
مارحت ابسبي ..... اول مره اروح
وي روس اخوتي ..... وتنفس جروح
الراحه عفتهه جثه رمِيه
ابحر الصحاري فوگ الوطيه
مو قدري اميره ومشي سبيه ..... آاااه
"" "" "" "" "" "" "" "" "" "" "" "" "" "" ""
اتغيرت مو انه چني
امفارگ الخوه كتلني
الكلفه اخوي وماعرفني ..... آاااه
اشسوه بيه افراگ اخوتي
وياهم اتمنيته موتي
عالنهر طاحت نخوتي ..... آاااه
غيرني اشكثر ..... عاشر كربله
مسبيه رحت ..... وانه امدلـلـه
رسمي تغير كلشي تغير
امشلي خطوه وبخطوه اعثر
غيرني حيل افراگ ابو الاكبر ..... آاااه
"" "" "" "" "" "" "" "" "" "" "" "" "" "" ""
بالعرب والدنيه كلهه
يامرء مثلي جره الهه
تمشي اسيره ابروس اهلهه ..... آاااه
ماجره البيه اعلى حرمه
اگبالي ذبحو چبدت أمه
الزلمه ضيمي مايهضمه ..... آاااه
الشفته أبد ..... ماصار وجره
اروحن عالهزل ..... وخوتي عالثره
مذبوحه اخوتي هذا الجرالي
وتبچي الهزيله يهلي اعلى حالي
اسمي العقيله واشبه خيالي ..... آاااه
"" "" "" "" "" "" "" "" "" "" "" "" "" "" ""
تالي ماتالي ابهزيله
وتدخل الشام العقيله
بس حبل مابيدي حيله ..... آاااه
شفنه بالشام العجايب
شرد اسولف يامصايب
بت علي وگعد خرايب ..... آاااه
شكثر ياگلب ..... تتحمل بعد
طبيت القصر ..... مامثله أبد
الاكثر يهاشم زيد بچينه
المو زلمه صاير زلمه علينه
من السلاسل ماكوله ادينه ..... آاااه
"" "" "" "" "" "" "" "" "" "" "" "" "" "" ""
خادم السلطان
سيد محمد الياسري
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دموع السجاد بالزاد چانت تهوه
والمسبيات عمات اله يتلوه
ماسامع لا موجود
چان وياهن مگيود
والمسبيات عمات اله يتلوه
………
محد حاچي للسجاد.. چان المسبي والشاهد
بصدره الجامعه ومگيود..وي عمته بحبل واحد
حگه من البواچي يموت.. وحگه للاجل رايد
گدامه النسه وحسين.. فوگ اعله الرمح صاعد
الينضح غيره .. تكتله الحيره
من ديره اتطب..عمته الديره
بني هاشم آه والله كلهم نخوه
موهينه تشوف مچتوف چف النسوه
حيد ومن ظهر حيود
چان وياهن مگيود
والمسبيات عمات اله يتلوه
………
بعد الشافه من اهوال..حگه تفارگه البهجه
من عماته صعدن نوگ..هزله مكشّفه وعرجه
صعبه هاشمي ومعصوم..يصبح للخلگ فرجه
صعبه ينشتم من ناس..وبي جبريل يترجه
باب الرحمه..الناس اتشتمه
الله اكبر.. من هالأمه
شاف الماصار والصار مايتوصف
والمامرتاح من راح سبي بعد الطف
معلول بروحه يجود
چان وياهن مگيود
والمسبيات عمات اله يتلوه
………
ياعالم علي السجاد..نغّصَت عيشته الكوفه
الحيدر من گبل بچّاه.. گباله يضحك يشوفه
اشتد السوط عالنسوان ..والنسوان مچتوفه
يشگف بالچفوف يريد.. بس مربّطه چفوفه
انشدت ايده.. ويه وريده
ويفزع الهم.. كلها تريده
يصد بالانظار محتار يم ايتامه
بهاي المأسات شمات ظل گدامه
ويعينه الله المعبود
چان وياهن مگيود
والمسبيات عمات اله يتلوه
………
اما الشام والبالشام..ماتنگال مأساته
وابوابة الساعات..چانت اشد ساعاته
تقشرن بالشمس ياناس..كل وجوه عماته
تلگّاه بطبل ودفوف.. من الباب شمّاته
تلگوا جرحه.. بعيد وفرحه
يزيد بعرشه.. حسين برمحه
من شاف يزيد ويزيد عينه بعينه
ينكث ويزود بالعود راس حسينه
ويمرد گلبه الممرود
چان وياهن مگيود
والمسبيات عمات اله يتلوه
………
الشاف بعينه هالايام..شلون يكمل ايامه
يبچي هواي من يشوف..جاري الماي گدامه
واسم حسين من ينجاب..يلطم بيده عالهامه
شما صد اعله زينب چان..يذب من راسه العمامه
عالسابيها.. ينحب ليها
حتى ومن مات.. مات اعليها
حگه من يلوع مفجوع حگ من ينحب
ويصيح بصوت للموت آه يازينب
ودمعاته العمته شهود
چان وياهن مگيود
والمسبيات عمات اله يتلوه
………
الشاعر
حسين حيدر الكربلائي
كربلاء المقدسة
ضلن لجماته ابكلبي.. جرح العاشر
من شفت حسين بحيره .. ويكسر خاطر
انه السلبو عماته .. وبيهن حاير
___
من جرح الجرح
ماذيني الذبح
راس اعله الرمح
جدامي شفت
ذبحو عليني
اسرو عمتي
ياهي حيرتي
هواي اتحيرت
حيرني الابو وحده بقه ولا من ينصره
اتوجه أطلعت من الخيم عثره اعله عثره
طايح بالعره شفته ومشت خيل اعله صدره
متربع شمر فوكه وگطع جدامي نحره
يتلوه اكبالي شفته .. من اجروحه
بالحافر وسفه حسيني .. طلعت روحه
الذبحو جدام عزازه ..شينفع نوحه
___
والاصعب بعد
جيش علينه هد
والحال نضهد
دارو عالخيم
بالخدر حرت
مراكضهن شفت
لياصوب التفت
تلاكين الحرم
جهبني وكلت فرن بعد ما تبقه خيمه
ركضن عالوجه كلهن عمت عيني هضيمه
الوحده بلا زلم من الزلم شردن حريمه
ماعنده بعد غير الدمع واعيونه غيمه
طشرتهن نار الخيمه .. الجانت تلهب
غير العوجيه البيدي .. كلشي اتسلب
والوادم كلها اتصيح .. طلعو زينب
____
ركضن عالحرك
اليوگف تنسحك
ماعدهم خلك
يحجون بغضب
عيشونه ابرعب
يسمونه الغرب
اخذونه ضرب
موتنه التعب
جرح البيه ضل موجر بقت عيني جريه
من شفت حبل بيده وشفت خوفت رقيه
اصعب موقف انه الكمت اجتفهن بديه
يكلولي العده لمهن سبيه ابصف سبيه
اجفوف الناعمه ابذاك .. الحبل شلهن
الما جانن كبل يطلع .. اثر ضلهن
اخذوهن سبي وعثرن .. شفت كلهن
____
من طف كربله
بذيج العايله
طلعت قافله
راحت لليسر
روس ويه الضعن
جدامي مشن
كل خطوه بزمن
ويه ام الخدر
مرو عالجثث اسمع كمت صوت الثكاله
شي عافت ولد شي ما لكت شي من جماله
وزينب ودعت فوك الهزل راعي الكفاله
المدلل ضعن كله بوكعته اسرو دلاله
ضل فوك النهر عطره .. وعلم واكع
من دون الكمر كلشي .. بعد ضايع
اول مره من دونه.. الضعن طالع
____
فرن جم قصر
ربيبات الخدر
بكل ديره النمر
يوكفونه العده
من بلد البلد
مابينه بعد
واحدنه انمرد
من ضيم السده
اخذونه البلد مابي بشر ترحم غربها
نوك القافله من الفزع تيهت دربها
بعيوني شفت عمتي شمر عمدن ضربها
جدام الشماته والغرب لوعو كلبها
وكفونه شكثر حته .. الخلك تطلع
الحادي وسوطه بمتوني .. اثر يطبع
الكيد ابركبتي خضر .. منو يقنع
_
علينه اتجسرو
وبالطك اوجرو
البينه مادرو
انموت اوننعدل
فتر بينه الدهر
تعبنه القهر
الماعنده خبر
مات اشجم طفل
ياجرح الطشت يبقه الاخذ منه رقيه
طفله امعلمه بذاك الحضن تكضي المسيه
زغيره اعله السبي ماينحمل ضيم السبيه
تالي اعله الطشت ويه الابو راحت سويه
ماتكدر بعد تحمل .. قهر بعده
مكابلها الرمح يمشي .. وصل حده
اتلاكو وانتها كلشي .. ومشت عنده
سيد بسام قابل الياسري