-
حلم وردي...افز من الصبح والگة بابنه المهدي ويعم الخير... ومااشوفن بالتقاطع يوگف مجدي
لحن قصيدة ها عباس
ملاحظه بسيطة
من انطيت جفين
تنقري مو من انطيته جفين
القصيدة گعدية
----------
خدام.يا محله العمر لبن الزجيه
نمشي بدربه وإحساس عدنا يرفع الراس
يامحله العمر لبن الزجيه
-------------------------------------
برحي طعم حسين حبه ولذته ملْكَت لساني
روحي يذبل كل ورگها لو عفت دربه ثواني
أمنيتي غيمه بعين صيفه وانطر الجيته وتاني
قاسم بواحد احد
باقي ماعوفه عهد
حبه بيه من المهد
واترس الوسعه بحناني
حسين..عشگه مختلط وي دمي بيه
ماكو مثل الحسين مالك كلبي والعين
------------------------------------------
كل جبير اگباله يزغر والجبال ابعينه ابره
وخادم حسين بمماته جنة لجل حسين گبره
الخادم الزهره تشوفه بگصته من عباس گطره
فاطم تحضره وعلي
منه كل هم ينجلي
ويحضنه لحسين الولي
ويبقى بيه يفوح عطره
والروح .. تبقى بخدمته كلش ابيه
الخادم يبقى عنوان. رايه بكل الازمان
--------------------------------------------
الدنيه غابه وليل وحشه وانته ماعندك حسامك
منين تطلع والمخالب كثرت وطلعت امامك
اهنانه يلي حسين عندك يختفي ويرحل ظلامك
تمشي وتراب الخدم
يصبح أبايدك سهم
وبيدك يرفرف علم
قائد تصير بكلامك
وتعيش.. ايه بخدمته وتملك هويه
يمك تخضع اركاب وانته بزوده تنهاب
------------------------------------------
اني ماي الخدمه جرفي وماعفت دربه وحضنته
حسين كبرني اعله جيلي واني من زغري عشكته
حسين حرز امي اعله جتفي واني شايب ماتركته
هي هاي المرجله
تعرف حسين وهله
والعرف طف كربله
گصته متفارك تربته
حسين..اني بدونه من يسئل عليه
حبه تارس الروح مني يدواي الجروح
----------------------------------------
الدنيه بير الخدمه دلوه والعطش واصل لهاتي
حسين ماي بزوده اعيشن يمشي بيه وسر حياتي
هو قران وطريقة يحقق اصعب امنياتي
اسمك يزيل التعب
واوكف اگبالك وهب
عاشگ وگلبي كتب
حسين يااية نجاتي
ماعوف.. دربك لوجمر حد المنيه
اسحك حتى بالنار الخدمه درب الاحرار
-------------------------------------
والمصيبه حسين كله مكطع وفوگ الوطيه
حيل مطحونه ضلوعه من الخيول الاعوجيه
والرمال امچويه جسمه وفارگت عينه رقيه
وكاعد بگلبه رمح
وينزف بنحره جرح
وشيعو وجه الصبح
وكبرت جرحه السبيه
مذبوح..وحده اعله الثره بالمغربيه
بدمه سابح سبوح نحرحسيني مذبوح
خادم رقية عليها السلام
الشاعر مهند الدريساوي
المن ياكتر ومگطعه اوصالك
واگعد گعدت المشتاگ وانعالك
وابچي عليك يوميه انه وقرالك
حسين بياسهم ملچوم دليني
حيل اسهام صدرك حيل ياذنك
اتمناهن عكس حتى اني اشبگنك
حلات جروحي لوصارن جزء منك
حسين بياسهم ملچوم دليني
ليله بعاشور
انطينا نحور
واحنه مضحين
بوجوه النور
ريح اعله الخيم تفتر عطش ساكن خيمها
وحسين بوداع عيونه اخر ليله يمها
لون طر الفجر زينب يِكثر بيها همها
بأجر ينذبح وإليها واخر شوفة امها
وباجر تظلم الدنيا عليها
زينب منذبح ظهراً وليها
من طگ السياط ازرگ يظل لون بمتنها
بالخيل أنداس
تشمت ناس
ياصدر حسين
طاح بلاراس
صبح عاشر متربة هيج صارت ربي بينه
خلص واحد وره واحد ذبح واحنه الگضينة
طلعنا لكربله احنه بكل عوائلنه واجينه
وارد الاهلي هودج فارغ يطب للمدينة
واني اهلي المشت روس اعله الارماح
اهلي استشهدوا لاناعي لاصياح
ورجعنا بنص غرب حبل السبي طابع بدينه
هزل يانوگ
طبت للسوگ
زينب ياحيف
بگلب المحروگ
رغم درب السبي وسوط المتن ستر السباية
وگع راس ونحر طايح ولاطاحت عبايه
مشت زينب فخر هاشم مشي وروس الحماية
علي جنهه بهذاك الطف ترفرف جنها رأيه
زينب للحرم يحسين لاتخاف
زينب كعبة الله وهي تنطاف
إنه زينب يخو زينب اخط بيدي النهاية
امن يحسين
لا تسال وين
اطفالك هاي
ابنص العين
يحسين الهضمني الشام ادخله واني اختكم
وانه المعروفة زينب بالخدر ياخوتي يمكم
نمت وسط الخرابة إلبيها ماتت خويه بتكم
دنزلوا من الرمح ياخوتي خل نرجع وطنكم
وترجع لمت احباب الغوالي
ويرد ذاگ المچان الماهو خالي
وخل نرجع سوه من الذبح ياخوتي المكم
ونلتم ابيت
نلتم ياريت
ومنريد اوداع
اني اتمنيت
نرسم حزني بالم عگب المشن ذيچ الليالي
شلم بيدي شبقى منهم وذر جسم الغوالي
انه زينب اعرف الطف قست حيل بعيالي
وعليك اسئل يخو زينب يظل يفتر سوالي
اجيت وياك هم ترجع إليه
واني اختك يخوي الهاشمية
عگب ذاك الدلال ابقه وحيده بلا دلالي
خاطر مكسور
مات الناطور
اختك يحسين
تبچي بعاشور
خادم رقية عليها السلام
الشاعر مهند الدريساوي
إنه مذنب واعتنيتك ياابوصالح
ياامامي الدنيه وحشه وانته نوري
وأنه هذا المذنب وشايف قصوري
واني ادري تحبني وترتب اموري
واني سلمت الگلب بيدك شعوري
وأنه اموت بدونك وكل حيلي رايح
إنه مذنب واعتنيتك ياابوصالح
نظره منك تكفي عني بكل حياتي
واني اريدك تنزل بگبري بمماتي
منهو غيرك شاغل گليبي يغاتي
كون اشوفك تظهر وهاي امنياتي
الندبه تمشي بدمي واحساسي اني رابح
إنه مذنب واعتنيتك ياابوصالح
إنه ذاك المنسجن وي الرعيه
غير شخصك منهو اني يحن عليه
كون اعيشن ليلة العاشر بديه
وصدري كون اطحنه خيل الاعوجيه
حتى احس بجرحك بكل الجوارح
إنه مذنب واعتنيتك ياابوصالح
اني مسجون بذنب دنيه غريبه
وأنه ذاك المنتظر يطلع حبيبه
اعله جدك عايش بلون المصيبه
وأنه ذاك المشتعل گلبه بلهيبه
واني عطري بنتظارك مني فايح
اني مذنب واعتنيتك ياابوصالح
خادم رقية عليها السلام
الشاعر مهند الدريساوي
سجن دلالي مافك من خيمات
وعدوك بيده يحرك من خيمات
غريبه ابوحدي واركض من خيمات
وصبح جرف النهرسجان اليه
لهيب الطف وانه اتنطر بطشتاه
يزيد بقصره ماهمني بطشتاه
جبان وصاح جيبولي بطشتاه
راس حسين ونموت رقية
ثكل بالطف عليه .......كله وانه (كل هوانه)
وصده اجروحي يتفتك كله وانه
اجيتك واعثربهمي
اطيح وانته مويمي
اشوفن راسك واشهك
اجيلك وبكفاي انطك
اكوم واعثربظلي
لجحت اعيونك اتكلي
يزينب عينج عليهه
رقيه ابنيتي داريهه
نارالخيم تجويهه
دوس الخيل ياذيهه
خايف تعرف شبيهه
يخي كطعوا تراجيهه
بعباتي اركض واغطيهه
وعلي متني يتشطب كله وانه
اشاكف والسياط اتلوح بيه.
الحس بجرحه زينب شله بالماي
اطب الماي وادفن شله بالماي
المثل حسين عنده شله بالماي
يذكره ويرتوي ابير الحميه
گل لخته يزينب شوفي عالماي
وأنه السابع كتبهم شوفي عالماي
ثنيت ركبي لجلج شوفي عالماي
من جرفه اجيب الماي ومشبگ شبوگ
وبالهودج انرد بي ونصعده عالنوگ
العطش وي أخته ابوفاضل شطرهه
طرهه الجانت تزامط شطرهه
بعمود الغادر الهامه شطرهه
وگع عباس والهامة دميه
اشم عطر اليزور حسين بالشام
كاني بذبح اخوي الجيش بالشام
نفس الطف علي نعاد بالشام
رجعت تحكم انذال ال امية
منو الباقيلي مامذبوح ياخيل
ياعم العدل مامات ياخيل.
بهداي ويه صدر حسين ياخيل
مومالت دپج يالعوجيه
الله يحبه كلمن طفه لحسين
خيمة وكله يرعب طف حسين
وعلي لودمه طايح طفل لحسين
جاكالو بقت ع الكاع اميه
نهج عدهم ذبحته ماكو راسة
الشمر تاريخه شنهي ماكو رأسه
وگع بالطف يازينب ماكو راسه
اخوج حسين ظل اعله الوطيه
قصيدة استشهاد مسلم بن عقيل عليه السلام
وحق جدك
الرسايل مونضيفه وبيها دم
وهاي بعدك
حسين مات وشيعوا كل الخيم
ياغريب شلونك
وناسك انته تخونك
ن_______
مو امان ولاثقة
خانتك ولد الحرام
ولا گلب عدهم نضيف
لاديانه ولا التزام
ناس ماعدهم ضمير
وساتر عليها اللثام
صعبه تلگالك صديج
مثل عابس والإمام
هاي ديرة
الگصة ميته لاضمير ولاندم
وانته وحدك
بلامكان ولانصير وبس الم
كلش يعرفونك
وناسك انته تخونك
ن_______
ياسفير المعجزات
حسين گلبك من يدگ
روحك بصفه بقت
خاف بأجر تفترگ
ياحميدة ويابُعد
گلب مسلم محترگ
الوداع البي وداع
صار واقع من صدگ
وانت رايح
چم حميدة تيتمت وبدون ابو
ودمعه طايح
چنها ليل من الشتة وبلا دفو
ودعتها اعيونك
وناسك انته تخونك
ن ______
يشتم حسين ويعيش
وعنده اعز من الهوه
مو ابن عمه وخلاص
همه عشرتهم دوه
امتداد لكل صداقه
عاشوا وماتوا سوه
الله خصهم بالعلاقة
قبل ادم وي حوه
بذرة الله
انزرعت اعله الكاع مسلم بيها
هله هله
شمعة تضوي وياهو لِيطفيها
واهلك يحبونك
وناسك انته تخونك
ن_____
ماكو واحد بي بياض
وحده بس العانتك
ليل هندس والنفاق
وطوعه طوعة وضمتك
ويه كل سجدة صلاة
زمرة تشرد عافتك
ناس تطعن بالظهر
نفس حيدر خانتك
شني بيدك
الاگلوب المونضيفه البس تخون
دم وريدك
الها تنطي وناسك المايستحون
تعلم يطعنونك
ناسك انته تخونك
ن_______
القصر والبي قُصر
همه كلهم مذنبين
تموت وانته الماتموت
عايش بكلب الحسين
موقفك صاير درس
لليحب وليينطي عين
ياامان الماله امان
ياامير المحسنين
عالي گدرك
واليشوفك بالبصيره ومو بصر
وسع صدرك
اتَحملت وادم وحوش وموبشر
من قصر يرمونك
وناسك انته تخونك
خادم رقية عليها السلام
الشاعر مهند الدريساوي
ام الخدر
زينب علي
مات الحسين بكربله وانتقلت الها الرايه
شالت حملها العايله وانطت النحره حجايه
گالتله اني ام الخدر وأنه الكفيله وكافل
عفته أنه صدرك عالرمل بس فكرك انته ويايه
صارت كفيله وكافل لكومه ايتام
تعبانه زينب ونسبت لأرض الشام
ام الخدر
زينب علي
من بعدك اني تعذبت والشام طلع روحي
مابين ركضي والچمر زادت دمعتي ونوحي
مدري اني لمن بالجثث لو اني أعثر بيها
كل ما اشوفن منذبح تنزف علي جروحي
حرمة وچبيرة بگدها لازم ترتاح
موتمشي ويقود بضعنها الذباح
ام الخدر
زينب علي
من شفتك اني اعله الذبح عطشان يابو الأكبر
من دمك الينزف عطش والشيب صاير احمر
والتموا عليك بحقد مفتره خيل وظلام
والخنصر اعليش انگطع محبس تجره وينجر
واختك وحيده وتركض أبين الخيل
ساتر عليها من البشر عتم الليل
ام الخدر
زينب علي
صح راسك انته أعله الرمح ومسنسلين السجاد
بس ظلت اگبال الخيم مسحوگه كل الأجساد
واني اعرف بنحرك وجع من تلتفت لعيالك
وبعينك تشوف النذل يضربني حيل الجلاد
يضربني واني مدللة أهل البيت
يكسرها ايدك الله يامن طگيت
ام الخدر
زينب علي
طبيته يحسين القصر بعد السبي طبيته
خليته يهتز بالعدو يرجف رجف خليته
بالخطبه يحسين اخطبت ويزيد خاف ويرجف
سويته حرمة بلاخجل من خطبت ذليته
واني بقصرهم عرَفت معنى شلون
هذا الجواب اعله الرمح يسوه الكون
ام الخدر
زينب علي
خادم رقية عليها السلام
الشاعر مهند الدريساوي
فتحت عزه لسيدي ومولاي مسلم بن عقيل عليه السلام
مسلم ودع عياله
وبنته برده تبراله
وصل اخر وجع چان اعله طوله جروح
وحميده البلخيم ظلت تحن وتنوح
ساعه حسين يوصل يمها ساعة يروح
وتعرف باچر الكل بالخيم مذبوح
رادت تعرف أحواله
وبنته برده تبراله
جرح وداعه نار المارضت تخمد
شيريح الگلب حتى الگلب يبرد
الحزن مفتر علينه فرة المعضد
طاح من القصر مسلمنه واستشهد
وانت تصور الحاله
وبنته برَده تبراله
ضوه دمع اليتيمه اگبال وجه حسين
مسح راس اليتيمه وكل دمع بالعين
دمعچ ياحميده يَفطر الخدين
وانتي بعز بناتي بخيمتي تباتين
مني الدمعه هماله
وبنته برَده تبراله
من قصر الإماره لطف ابو الأكبر
مسلم وده روحه تَنشف المنحر
بچه حسين بدمعته وگلبه يتفطر
على الطايح شهيد من المقصر ينجر
گبر بگلبه ظماله
وبنته برَده تبراله
مسلم روحه تفتر عالخيم وهواي
باچر تحترگ يمطر عليهن ماي
ميت بس ضميره عايش الوفاي
ثابت موقفه وماخله خله براي
عاش الموقف بجاله
وبنته برَده تبراله
خادم رقية عليها السلام
الشاعر مهند الدريساوي
قصيدة /علي الأكبر
العنوان/ #تلگيني_ياليلة
تلگيني ياليله بروح الاعزاز
تلگيني ياليله ملكه جناز
ابنچ فتشت العين
ميت جابه الحسين
تلكيني ياليله ملكه جناز
__
ابنچ عودج وفتشات العيون
شلته وصدره كله بخيل مطحون
ذيج الساعه كون هناك مدفون
وماشوفن علي بارماح مطعون
موذاكه علي نوره وجماله
هسه مگطع وبالطف وصاله
سالم شنهي تلگين
ميت جابه الحسين
تلكيني ياليله ملكه جناز
__
ياليله عزيزج تِرسته إسهام
نفس الوادم التهجم عالخيام
نفس الوادم التسبيكم ايام
هيه القتلته عباد الأصنام
طايح عالثره ومتروس طعنات
اليوم ابنج شهيد بحضنج يبات
رايح هالولد وين
ميت جابه الحسين
تلكيني ياليله ملكه جناز
_
تلگيني ياليله وشوفي الأحوال
ميت وابني بيدي اليوم ينشال
وباجر ماكو يمچن يبقه رجال
بأجر والجفوف مگيده حبال
طايح هيبتج عطر الهواشم
ماكو بجسمه كلشي اليوم سالم
حقج ليله تبچين
ميت جابه الحسين
تلكيني ياليله ملكه جناز
__
شوفت وجهه يشبه لنبي هواي
عطشان ويشربه كاس من ماي
وحط أيده اعله رأسه يسوي الفياي
محمد لو علي متمييز بهاي
نسخة من النبي كله بصفاته
ماخذ خلقه وعيونه وحلاته
واحد همه بثنين
ميت جابه الحسين
تلكيني ياليله ملكه جناز
____
تذكر صورته وتعبك والاربات
رايح يالولد ترجع سلامات
جبته للخيم بجفوفي من مات
جبته من الوغى شبعان لچمات
حال المنكسر ياليله حالي
مشيول وجبت بيدييه غالي
رايح تعب الاسنين
ميت جابه الحسين
تلگيني ياليله ملگه جناز
__
لومات الابن حال أمه ياحال
تبقه صور ابنهه تشتت البال
ويصير الحمل متشيله الاجبال
تصير الذكريات برأسك خيال
وتغيم عليك اهمومك اتلول
وتذكرسهره واربات ودلول
ابني انشيلك منين
ميت جابه الحسين
تلكيني ياليله ملكه جناز
#خادم_رقية_عليها_السلام
#الشاعر_مهند_الدريساوي
قصيدة السيدة رقية عليها السلام
ترهب وحشة الليل
فوگك داست الخيل.
والوحده تچويني. يابويه حاجيني
ترهب وحشة الليل
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
احبنك وشوف عيونك تگلي
من هسه الجرح صار بكبر ضلي
أول مره كعده بنيتك تصلي
طفله تيتمت من دون البحلي
شفت الخيمه تابوت
مني يگرب الموت
خلص دمع عيني. يابويه حاچيني
ترهب وحشت الليل
٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫
احس الخيمه جاي عليك تدنه
وتگلي الحضن للخيل لوانه
رقيه اتلاحكيله الخيل داسنه
يون من الوجع واني اسمع الونه
جسمه اعله الرمل صار
مچوي من الشمس حار
من حضنك انطيني يابويه حاچيني
ترهب وحشة الليل
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ياطعم المحنه المن بطن تفاح
النحر سكته الرمح تارس ضميري اصياح
الگبل شمه النبي هسه بسهم يلاح
الحضن نحره وشبع بس الرمح مرتاح
شفت الغالي مذبوح
واني امسح بالجروح
هل تنزف اسنيني يابويه حاچيني
ترهب وحشة الليل
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
وين انطي الوجه واتعنه عگبه لوين
وين الگالي واحد مثل أبوي حسين
اشم عطره وانام بحضنه صار سنين
عليك اپجي ويگلي الحادي لاتبجين
مايرجعلج الراح
شعندج وي الانياح
وبسوطه ياذيني يابويه حاچيني
ترهب وحشة الليل
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ايد اعله الدمع وايد اعله خاصرتي
ويمك بالي بويه وساعه يم اختي
ومن دون الخلگ صاحو تيتمتي
وكعت من الوجع بس اسمك بشفتي
ظهري مثل الاهلال
حزني مطيح اجبال
بحضنك دخليني يابويه حاچيني
ترهب وحشة الليل
خادم رقية عليها السلام
الشاعر مهند الدريساوي
اليوم السادس /الاصحاب
العنوان / #المرضع_الطاهر
كل اصحابك كلهم
شمرضعتهم امهم
انطو كلشي اليسوه العدهم حتى الروح
موفاي بذيج اللحظه المامذبوح
شمرضعتهم امهم
''''''''''''''''''''''''''''''''''''''''''
درس الصحبه مثل الخوه
تعيش وياه تموت وياه
صاحب صدگي تعرفه بموقف
من تختبره الصحبه هناه
موكل صاحب ينعد صاحب
بيهم يشرد ماتلگاه
هذا تعوفه يخونك باول
شده تلوحك لاتنداه
بس انته معلمهم
منطينك كل دمهم
الزلمه تعرفه باول نظره الماملوح
موفاي بذيج اللحظه المامذبوح
شمرضعتهم امهم
'''''''''''''''''''''''''''''''''''''''''
ربعي اعرفهم من وگفتهم
كلهم نور بدون ذنوب
بيهم عاشك واحد هايم
يفده الحبه وبيهِ يذوب
الحلوه البيهم كلهم گدهه
عرفو موت هنا مكتوب
حسين يصاحب زلمة بكلشي
ماكو بربعه المامتعوب
والدنيا متعبتهم
والله ِيساعدهم
نخل الصحبه ثمر يخضر مامليوح
موفاي بذيج اللحظه المامذبوح
شمرضعتهم امهم
''''''''''''''''''''''''''''''''''''''''
عابس ثبت عشگه جنونه
شگ هدومه ومحد لام
شاف اگباله الدين وركنه
حسين يمثل دين اسلام
وجون يفرفح رايد يبرز
طب العسكر دون الثام
هاي الصحبه البيهه اتزامط
رأسك بارد من تنام
ويسجل موقفهم
والزينب وگفتهم
ازغر واحد طلع مترس كله جروح
موفاي بذيج اللحظه المامذبوح
شمرضهتم امهم
'''''''''''''''''''''''''''''''''''''''''
ابنه مظاهر شيخ الصحبه
وصاحب صاحب رفعة راس
شريان ابهر وزع ربعه
يم خيمهم كل حراس
خيمة زينب احنه انمَوت
گلهم كلنه وماتنجاس
والأنصاري وهب الزلمه
عاشگ حيدر والعباس
وتخبل صحبتهم
والحلوه جمعتهم
ماينضم العاشك سره يظل مفضوح
موفاي بذيج اللحظه المامذبوح
شمرضعتهم امهم
'''''''''''''''''''''''''''''''''''''''''
والحر الحر ثبت موقف
يسوه الدنيه بفرة خيل
قائد عسكر عاف العسكر
حظن حسين وفاح الهيل
صاحب مبدا ميز دربه
كسب الجنة وعاف الويل
نجمة تلالي ابين اخيمهم
وجهه اليبرج نص الليل
وحسين محصنهم
وبگليبه مگعدهم
فدوه الروح لخيمة زينب كله تروح
موفاي بذيج اللحظه المامذبوح
شمرضعتهم امهم
'''''''''''"""""""''''''''''''''''''
هو الصاحب وگت الشده
تَعرف المعدن من ياطينه
وربع حسين تعادل خوة
هيج أصحابه النصرة دينه
بيهه موذر بيهه مطبر
بيهه استشهد منطي عينه
رفعة راس وهيبة وزوده
بنص ارماح وممخلينه
معروف بمعدنهم
اصلي وماكو منهم
گلب حسين لگلب الصاحب ظل مفتوح
موفاي بذيج اللحظه المامذبوح
شمرضعتهم امهم
#خادم_رقية_عليها_السلام
#الشاعر_مهند_الدريساوي
ها عباس...... انته الروح لحسين
يالوفاي...........من انطيت چفين
وانت لثوبت عينك
كلها لخدمة حسينك
ها عباس
💧💧💧💧💧💧💧💧💧💧💧💧
راعي الجود
انته المثلت ناصر
زلمة بهوست العاشر
موقف ينحسب باجر
راعي الجود
بالعامود
راسك ثبت الموقف
طبرت راسك تِشرف
فارس انت ماتخلف
بالعامود
برأسك صار.....طبرت عشك خوه
وانت الحار... راسك بالمروه
وانت الناذر سنينك
كلها لخدمة حسينك
ها عباس
💧💧💧💧💧💧💧💧💧💧💧💧
الوفاي
تمشي بدمك الخوة
حار وكلك امروه
المثلك لخته ماسوه
الوفاي
يالمجروح
عينك والگلب ليها
وزينب تفزع عليها
وانت اتنومست بيها
يالمجروح
يالوفاي... وانته الماي كله
عزيزي الروح.. مثلك هيچ قله
حامي الاختك ودينك
كلها لخدمة حسينك
هاعباس
💧💧💧💧💧💧💧💧💧💧💧💧
وانته بهاي
حافر بالطفوف اسمك
زينب عاشت بسدك
منهو اليگدر يفهمك
وانته بهاي
راعي الجود
رافع بالحرب رايه
لختك منطي الحچايه
وانته الثبتت ثايه
راعي الجود
اني الگاك.. بكل الخيم تسري
وانت تعيش..مثل الماي تجري
تارس طفك بزينك
كلها لخدمة حسينك
هاعباس
💧💧💧💧💧💧💧💧💧💧💧💧
جبت الماي
من العلگمي بجودك
وانت الناذر زنودك
عاشت كربله بزودك
جبت الماي
يالمعروف
انت البلضعن فيهم
زينب صاحتك حيهم
وانت الكافل أولهم
يالمعروف
مثلك وين.. نلگه بضعن حارس
وانت وحيد ..اول بشر فارس
وانت المنعرف وينك
كلها لخدمة حسينك
ها عباس
💧💧💧💧💧💧💧💧💧💧💧💧
من غدروك
كل خيمهم احترگت
زينب منك افترگت
طفلة صرخة وشهگت
من غدروك
الله وياك
عگبك بالخيم دخان
تركض خايفه النسوان
وحسينك صفه حيران
الله وياك
راسك هاذ...فوگ ارماح ينشال
من الجيش...گمنه نشوف اهوال
مدمه ينزف اجبينك
كلها لخدمة حسينك
ها عباس
خادم رقية عليها السلام
الشاعر مهند الدريساوي
لحن قصيدة يلچمنه عاشور
من السنة ادور
يلچمنه عاشور
من السنه الدور
ونشوف الحسين
رأسه عل الارماح
بارماد الاخيام.. اطفالك تنام..ودور الايام... ضعنك سبايه
روحك شهيده ..واختك بعيده..تعثر وحيده ..بطرف العبايه
نار وخيم وخيول ومگوطر الليل
وصدرك صبح ينداس بحوافر الخيل
ليل ١١ مذبوح يانجمة سهيل
ونشوف الإسهام
طبت عل الخيام
ونشوف الحسين
رأسه عل الارماح
والاعوجيه.. خيل ال اميه...بالغاضريه... صدرك تطحنه
وادري الرمل حار..وجسمك جمر صار..والخيمه والنار...تشرح وضعنه
بجسمك يراعي البيت شفت الحوافر
كلهه تدوس عليك من طبنه عاشر
نحرك عرفته حسين دون المناحر
واتخيل شلون
متوذر الكون
ونشوف الحسين
رأسه عل الارماح
كل الوگف طاح..بس نسمع صياح..وتفرهد الراح...جسمه وقميصه
هجموا بالسيوف ..واتگطع اجفوف..والشامت يشوف..وادم حريصه
تحرص تريد تبوگ كلشي بحياته
من الجمر والسوط تركض بناته
حتى الطفل مبيوگ نحره وحلاته
والشامت ارتاح
من الگمر طاح
ونشوف الحسين
رأسه عل الارماح
غربة ودمع ثار ...ومگاطف احجار...ومتيهه الازغار...من المصايب
مثل الرحه ادور..فرتنه ناعور...ومگطعه انحور... بيد الكتايب
ماكو زلم والخيل تفتر عالخيام
والعله بالسجاد وصلت للعظام
وسهرت يتامه بخوف ماتگدر تنام
والتمت الناس
اتگاطف الرأس
ونشوف الحسين
رأسه عل الارماح
خادم رقية عليها السلام
الشاعر مهند الدريساوي
أسست معنا الكفالة وضحت بعباسها
هي مدرسة الشهادة ومايدنك راسها
ضحت بكلهم ولدها ورسخت معنا الوفاء
زرعت احجاية بختها وخضرت طف كربلاء
هاية ام عباس هاية جهادت وانطت دماء
ترست العباس غيرة توزعت بحساسها
امتدت الغيرة لزمنه. وانتجت عدنه الحشد
هي امنه وحشمتنة. وچنها گالت للولد
هايه ارض الطف جديده. وينه عنها المايرد
اني امكم وابوفاضل ثبتلكم ساسها
الروس مرفوعة بعزمها. ترفرف بزود الشهيد
انتو گدها والحرايب. عدكم شلون الوعيد
ودمي دمكم والشهادة تبين بدم الوريد
والشهيد الطاحت ايده گضها ابني وباسها
الرسالة العدنه وصلت وأثمرت زين الرجال
ولدي عاشوا من ولدكم فزعت بنص القتال
هيج واحدكم وكفته خجلت حتى الجبال
هسه مرتاح الحسيني واسمه عالي بناسها
خادم رقية عليها السلام
الشاعر مهند الدريساوي
يهلال شلوني
تعميهه اعيوني
من تهل احزان أحزان
شهرك يجرح اي انسان
يهلال شلوني
بداية لوعتي وجروحي ومصابي
من تهل عليه وتگرب ابابي
وبيك اتحزمت كل اني واصحابي
شهرك من يهل بي تذبح احبابي
وتهيج جروحي
وتزيد نوحي
واسود شهرك مو الوان
شهرك يجرح اي انسان
يهلال شلوني
مسيت اغروب اباوع وابچي واتحسر
يهل شهرك واشوف اجروحي تتحضر
انته اول شهر بيك انصب منبر
بيك اتگطع العباس وتوذر
وعيوني تناطر
بيك يهل عاشر
ودموعي اتفزز عميان
شهرك يجرح اي إنسان
يهلال شلوني
شهر بيك الرماح استفحلت عالروس
وشهر بيك الخيول اعله الضلوع ادوس
وشهر بيك الدموع امترسات الطوس
وشهر بيك الصدر من الحزن متروس
بيك الخياله
ترهب بعياله
والصار يَحچي الخرسان
شهرك يجرح اي انسان
يهلال شلوني
شهر دمع العقيلة من الوداع يهل
وشهر بيك الجبان تحزم ويگتل
وشهر بيك الدخان مفرع ويفتل
وشهر بيك المنايه تحزمة عالكل
وسهام هوايه
ترمي الرمايه
وعلينه مفرج العربان
شهرك يجرح اي انسان
يهلال شلوني
شهر بيك الحزن مصدر اولهه
وبيك اتذبحة وادم عوائلهه
صارت مجزرة بيت النبي كلهه
وجثث بالطف تضيع ومنهو يندلهه
وحسيني موذر
مكطوع المنحر
مسلوب حسين وعريان
شهرك يجرح اي انسان
يهلال شلوني
ختامك مو مسك ومگطع نحور
تنهيه بسبي وتستفتح بعاشور
بديت من الحسين ولرضيع الدور
وشهرك ينتهي وبينه الحزن ناعور
انت ادره بحالي
ميت كفالي
بيك موذرين القران
شهرك يجرح اي انسان
يهلال شلوني
خادم رقية عليها السلام
الشاعر مهند الدريساوي
حسين عيوني لمصابك تجاره
عليك اليبعد ومخلص تجاره
خادم ماخذت دربك تجاره
رضاتك عني هيه فلوس اليه
الحن اوداعك بروحي ورتل
ثكيل السان المفارك ورتل
عكب حسين تالي البد ورتل
وانه الجان التراب يلوذ يه
كلش جميل الجره بطف كربله بيمال
وايوب يمي وكف صبره خلص بيمال
والطاغي مابي سند من ينتبع بيمال
من احجي يحجي النحر من تستمع قافله
وبكلبي خاتم علي حب الولي قافله
ركعت روس الزلم واني اركب القافله
وامشي برسالة نبي للشام اطب بيمال
قصيدة علي الأكبر عليه السلام
افراگ الولد شيبني. قبل الكبر حدبني
الجنت اني حيل بعازته
هسه اني اشيل اجنازته
افراگ الولد شيبني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عشت بوداعك شمع يغلبني حتى الهوه ومن كل كتر دمعتي
مشيني فوك الجمر بس كون ابني عدل حتى الجمر راحتي
فرتني فرت غزل ودموعي مثل الطفل متعذب بدنيتي
موانئ ذاك الجبل هسه اني بس الهدم من ودعت سلوتي
ظهري انكسر من شلته
تون بوجع عايلته
شفت الخيول السحگته
كسرت ضلوعه وكتلته
واني اصرخت اه يبني
،،،،،،،،،،،،،،،،،،،،،،،،،،،،،،،،،،،،،،،،،،،،،
منه وعرفت الوجع حتى أكبر من السهم
لمن يموت الظنه
تتمنى ذاك الوكت ماعايش بموتته وگبله انته ميت بسنه
امشي ويهل الدمع وهلال ظهري صبح
من موتتك وانحنه
هنياله كلمن وگف فوگ ابنه من انكتل
لحگ عليه جفنه
ويشيعه كون ابيده
ويحضن حبيبه وليده
وبصفه ينزل بالكبر
عگب الولد شنهي العمر
اخلافه الدهر دولبني
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
هذا ابني الأكبر علي بصدره نام الرمح وجروحه مثل الحطب
وبريجه شب الجمر واصل لگلبه العطش
من النهر ماشرب
ويشربه جده النبي مايضمه بعده ابد والكاس طعم الرطب
يابويه گلبي انفجع والفاتحه بكل سمه
وجادر الزهره انصب
برمشت جفن فاركته
ابني بجرح ودعته
عاشر محرم ياعلي
خلاني بعدك انحني
من ارحلت تعبني
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
تدعيلك من الدمع سالم ترد خيمتك عين امك اتفطرت
گلب امك من انصبت مثل الگطع سنبله ومالحك اطشرت
شحجيلك بيا جرح وارماد صار الجفن والخيل ماقصرت
عذالي گد المطر منتظره مني انحني ولعثرتي اتنطرت
عيوني العدو منتظره
من يوگع ابن الزهره
تفرح خيم كل العدو
ميهمهم اجروح الابو
گبل الكبر كبرني
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ربيتك اني بتعب للخيل صدرك صفه وصاحبني بس الدمع
حبيتك من الزغر چي تشبه انته النبي
ومنهجه وكل طبع
بالريه انته النفس والموت عني شبر تخنكني من تنگطع
مذبوح گلبي ونزف ذبلني موت الولد واخلافه اني انفجع
مثل الورد ذبلانه عيوني بدمع غرگانه
گبلك متت حتى النفس
مثل السهم بيه انغرس
وريت الولد شيعني
خادم رقية عليها السلام
الشاعر مهند الدريساوي
لونزل بيه الكبر دفاني
اني اعرفه حسين ماينساني
اني اعرف حسين لوجاني الممات
لوقرب ريح الوداع من الحياة
واني اعيش بنفسي كل المغريات
واني بنفاسي الاخيره متاني
لعالم البرزخ نروح بلا جدال
رهبة المشهد تولدلك سؤال
منهو ينقذني ويخلصلي الثگال
حسين يحضرني ويضوي امچاني
اني أتوسل حبيبي من احتضر
اني خايف حيل يضغطني الگبر
واني احضر مجلس والطم صدر
واني اعرفك لوضعت تلگاني
اني اعرف حسين ابوگلب الحنين
مايعوف الخادم بكل السنين
الموت شنهي واني خادم للحسين
هو سندي وعزوتي وعنواني
اني رايح شايل ادموع وجزع
يامحطة ريل هاي اخر وداع
بروحي شلت الطف دمع وي المتاع
حسين ماينساني ابد واني بضياع
حسين من منكر نكير انجاني
حسين مايترك حبيبه وخادمه
بالحشر تحضر شفاعة فاطمة
الباچي دمعه عله الحسين تكلمه
اني ابني حسين الك وداني
خادم رقية عليها السلام
الشاعر مهند الدريساوي
لحن قصيدة السيدة رقية عليها السلام
ترهب وحشة الليل
لحن قصيدة الامام العباس عليه السلام
شنطيت الله والله انطاك