487
شاعر قصائد حسينيه منبريه .... ادعمنا فقط في الاشتراك للتواصل @Mert3338
لنشر اعمال محرم 1445 على قناة اليوتيوب التواصل مع ( شرط المقطع ما بي حقوق)
للتواصل @ahmed_alziwar0
رابط القناة للاشتراك👇👇👇👇
user-ni9em8be7m" rel="nofollow">https://www.youtube.com/@user-ni9em8be7m
تم بعون الله نشر قصائد الليله الثانيه 👆
Читать полностью…
(قصيده الرئيسيه لليله الثانيه ١٤٤٥ )
ياارض الموت ياارض النار ... هليوم حسين يمج خطار
خطارج صاير مولاي ... لاتعطشينه اسكيه الماي
هليوم حسين يمج خطار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اليوم ابو السجاد ضيف اعليج نازل وي هله
نشد عن اسمج واجاه الرد وصلت لكربله
كال بلله استعيذ امن الكرب وامن البله
كال انصبو اخيام يله اهناه محط القافله
خيمة ام عون اهناه نصبوها ... وعن العباس لتبعدوها
العباس الجايج عناي ... لاتعطشينه اسكيه الماي
هليوم حسين يمج خطار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ادري انتي اتراب صحره وشوك كاعج وي حجر
وارد اوصيج أعلى امامي بذيج الساعات الظهر
خده لايجويه رملج لو وكع من المهر
تحت خده اوساده صيري وناظري ليبس الثغر
متفطره اشفاه لمن يوكع ... مرتين الخيل تسحكه وترجع
ويطعنه الرايح والجاي ... لاتعطشينه اسكيه الماي
هليوم حسين يمج خطار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
برادً اقري وسلاماً على اتراب الي يعج
كربله ياكاع ضلمه بيج جم خيمه التوج
حسين اجالج من اراضي ناس ماخلوه يحج
وراح برضج يفدي دينه ابحرم وارواح ومهج
والبكاروك هم يقدمه ... وعبد الله يكول لرضج كلمه
يكلج رويتني ادماي ... لاتعطشينه اسكيه الماي
هليوم حسين يمج خطار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كربله ومن هسه زينب غدت منج خايفه
حين شافت تل ترابج اتصورت اعليه واكفه
اتصّيح أعلى حسين أخيها من الرعب متراجفه
واتخليت جن شمر طكه ونوه يذبحه من الكفه
جن جاها أسنان جايب رمحه ... متنّطرالراس الشمر يذبحه
ويضل جسمه ابلايه افياي ... لاتعطشينه اسكيه الماي
هليوم حسين يمج خطار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هاي مو عادة ضيافه الضيف صحره ارياكه
كربله وسهم المثلث ابكلبه من يتلاكه
اليفيي اعلى اخته اجالج من شمس حراكه
يخاف زينب سبي تطلع منج أعلى الناكه
ضلن جم يوم وينشال الراس ... وزينب تفكد حسين وعباس
لارايه تضل ولاراي ... لاتعطشينه اسكيه الماي
هليوم حسين يمج خطار
# الشاعر عباس محمد الحميداوي
١٤٤٥.٢٠٢٣ محرم الحرام
رئيسيه ...وصية ام لولدها حول الخدمه الحسينيه )
انا لحسينً وانا للخدمه راجعون
واليهم حين لاينفع مال او بنون
خدمه ورفعه وفخر وشرف وشهامه
عبره وعبرهَ وخير انشوف الخدامه
****
من جنت بالمهد وانه اتلوح فوك اسماعي
اسمع امي تكلي خادم صير يبني الواعي
يمه كالت خادم انته بأجرتك ماتداعي
خلي روحك وقف دائم ولبريده ساعي
تعكس أخلاقه وايمانه ومبادئ ثورته
حسين ابنص الموت وماعاف اعبادته
وماضن واحد يبخل روحه لأمامه
عبره وعبره َ وخير انشوف الخدامه
****
بهل الخدامه شكد قوانين الصعب تتحرف
قسم إخلاص النوايا وهم بعد تتألف
من قسم بيه الجوارح والكلب يتنظف
وصالح ليا مده حزنك هذا بيه انت اعرف
أتصور زينب فوك التله والفرح ارفضه
أتصور شمر بصدر حسين وشيبه يقبضه
اخدم فلمخدوم امسلب ثوبه والعمامه
عبره وعبرهَ وخير انشوف الخدامه
* ***
هل العمل يوم القيامة اتشوف كل إنتاجه
حسين سوه الخدم عنده ملك والعز تاجه
باجر جنة رحمته اطبها كل افواجه
بيده يسكي الشيعه وهو صحره ارياجه
الله يكول أباياته وسعت كلشي رحمتي
وحسين ينادي بلمحشر شيعتي شيعتي
والسالك دربه حسين اليرفع مقامه
عبره وعبرهَ وخير انشوف الخدامه
***
السنه الراحت لو حبيب امسجلك بكتابه
زحمه هاي السنه اسمك مايّحسب احسابه
عدم التوفيق ابروحك شوف شنهو اسبابه
شعجب ماهزتك جلمة حسين آه يمصابه
لحسين بشهر احسين كلشي اله جاذب
ابخدمته الأرض وسمانه وكل الكواكب
المنبر والزنجيل جاذب ومحلاتج ياقامه
عبره وعبره َ وخير انشوف الخدامه
****
الله سبحانه وتعالى يكول مو من العمر
هاي ساعات الخدامه ذخر للماله ذخر
والله حلوه هل العباره تنكتب بئسم الكبر
خادم احسين والقراها يترحم اعليه اليمر
الخادم لو مات ولحسينه بالخدمه ناصر
بيه الكاع اترحب وتهلي بجسمه المكابر
التعب سهل شاب وكهل ماعنده ندامه
عبره وعبرهَ وخير انشوف الخدامه
***
الخادم : عباس محمد الحميداوي
اراشيف
محرم الحرام
(نزلة الليله الثانيه )
كلوله يفهم خدمتي المافاهم ... العام خادم والسنه هم خادم
مرزوقين بنعمه ... سميناها الخدمه
_____
فرّعت شجرة الخدمه اشتدد عود اغصانها
وابحرت روح الموالي والدمع ربانها
وفتحت ارباب المجالس للعزاء بيبانها
ورجعت الخدمه أمانه والوفي الي صانها
المكتوب اسمه مستمر ودائم ... العام خادم والسنه هم خادم
مرزوقين بنعمه ... سميناها الخدمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
والخدمه مو تكلفة نفس وكلمن ابكد حاله
اكو خادم وسعه يسمع مجلس ويه اعياله
اكو شايب نحل جسمه يذب بس اعكاله
واكو شيخ ابنص مضيفه يجفي كل ادلاله
في سجل حسين هذا مساهم ... العام خادم والسنه هم خادم
مرزوقين بنعمه ... سميناها الخدمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حسين ينظر للكلوب الصافيه ويلفيها
وبنار الحركه اعلى زينب سيدي يجويها
وتره هاي الدمعه مو لأي شخص ينطيها
حسين يعرف منهو يستاهلها ويراعيها
كون اعماله تفّرح القائم ... العام خادم والسنه هم خادم
مرزوقين بنعمه ... سميناها الخدمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
واليريد يصير خادم اكو اشروط تأسسه
كون خادم صدك خادم ابلا ذنوب تنجسه
يعني كون يصير قدوه لغيره بل مدرسه
كون من يشوف خادم مايروح ينافسه
البقى قدوه خيربينالوادم ... العام خادم والسنه هم خادم
مرزوقين بنعمه ... سميناها الخدمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لذه بيها هل الخدامه وبيها عبره وموعظه
واسوه عدنه بيها من ذاكه زمنه الي مضى
مثل ياسين الرميثي اومثل عبد الرضا
اومثل حمزه الزغير والجبير ابهل الفضا
وشنهو من منزله لسيد جاسم ... العام خادم والسنه هم خادم
مرزوقين بنعمه ... سميناها الخدمه
#الشاعر عباس محمد الحميداوي
محرم الحرام
ليلة الخدام
شوط كربلائي ...( لسان حال الخادم مع مولاه قبل رحيل الخادم)
غير احسين ماعندي ... وسيله ابساعة الشده
وخسران اليعوف احسين ... ويوالي الطلع ضده
_
غير الله واهل البيت ... سند بل الدنيه ماعندي
واتشرف مع الخدام ... اباب اسيادنا انجدي
اريده بليله الوحشه ... ايحضرني بساعة الوحدي
احلفه بأم كلب لهفان ... يحضر عندي العطشان
بيوم اليخلص الدفان ... وجسمي ينزل ابلحده
____
العمل ماينشره وينباع ... اهناك امنين انه اجيبه
لساني انعجد واتلفلف ... ذاك الياخذ الغيبه
والامل ضل بأابو السجاد ... وادري ظني مايخيبه
ردته لكبري انه فزاع ... ايحضرني المابكله اضلاع
بوكت خدي بتراب الكاع ... والوذ ابكبري انه بسده
___
ابوكت ميزان تنحط بيه ... اعمالي البيها يتحدد
لو للجنه لو نيران ... بيها هل العبد يخلد
ابوكت هاي الجوارح هاي ... عليه بصدق تشهد
ويكلي الله اعبر اصراطي ... وتدري اهواي اغلاطي
بسبب جهلي وافراطي ... اريد اعليه اتعده
_
يمن منطيني وجه وجاه ... بسبب خادمك اتسمه
اريد بوكت كلمن فر ... من ابوه واخوته وامه
تساعدني لجل دمعي ... الجانت فاطمه تلمه
جانت عيني الك تجري ... وجدمي لحضرتك تسري
وجنت ناذر الك عمري ... واهد لخدمتك هده
____
انه الجنت الك مشاي ... ترضه النار تدناني
يحسين وعشت وياك ... وخادم جان عنواني
بيوم التنحشر كل روح ... اريد اهناك تلكاني
ماتنساني ادري اهناك ... يل ماعودتني انساك
الجنه الصدك بس وياك ... مثل جنتك ولا وحده
••••••
الخادم : عباس محمد الحميداوي
مقدمة الليله الثانيه
( لسان حال الخادم مع مولاه الامام الحسين عليه السلام)
مثل الهوه اتنفسك .... ياحزن السنين
وياك اريد اكظي العمر ... خليني يحسين
تقبلني اضل ممنونك ... شنهو الحياة بدونك
ياحزن السنين ... ياحزن السنين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
انته النفس يابو علي .. احنه بخدمتك نعتلي .. ومانزغر احنه
خدامك احنه بكل زمن ... محلفلك بضلع ام الحسن ... سجلنه كلنه
توقير لليخدم الك .... وهاي الخدم تتوسلك ....ويحسين صحنه
بذيج السفينه الناجيه ... اليصعدها عابر
يحسين وانت الواسطه ... بذيج المخاطر
حطني وي اليخدمونك ... شنهو الحياة بدونك
ياحزن السنين ... ياحزن السنين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ان هوى النفس شديد .... وبدنيتي بس انته اريد .... هذا شعاري
ان يوم اخطائت المسير .... دليني ماريدن احير .... وصحح مساري
جاه الملوك لدى الخدم .... وبلخدمه خلني ملتزم .... بليلي ونهاري
خليني اجريلك دمع .... واسكيك دمعي
وطبع الحزن بيه انرسم .... ويامحلى طبعي
وانه اصبحت مجنونك .... شنهو الحياة بدونك
ياحزن السنين ... ياحزن السنين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
منبر اصير لخدمتك ..... تشملني رايد نظرتك ...... غايتنا هيه
اليشمله عطفك تره ..... ربحان دنيا واخره ...... بهاي القضيه
بدعوتك لو مره انذكر ... يحسين تسوالي العمر ... دعواك اليه
ياسيدي خلي الكلب .... موقوف الكم
وخلوني ابجي بكل عزه .... وابجي لحزنكم
ابجي لجمال عيونك ..... وشنهو الحياة بدونك
ياحزن السنين ... ياحزن السنين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لو كان لترب عيون .... لرائيتهم لك ينحبون .... وتنعى الحناجر
حتى السماء تبكي لكم .... والارض ترثي فقدكم .... بدمع المحاجر
قد وزعو اشلائكَ ..... تندب وحيداً مالكَ ..... عونا وناصر
هو اليشوف مصيبتك ..... لو جزع معذور
عطشان نايم على الرمل .... فوكاها منحور
وشمسوي ويسحكونك .... شنهو الحياة بدونك
ياحزن السنين... ياحزن السنين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يذكرها ابن محي الدين ... كالو يكطعون ايدين ... وانطينه ادينه
ندفع دنانير الذهب ..... وماهمنا وللكبرك نهب .... ونزور اجينه
كالو يموت اليعتني ..... والموت ماهمنا ونجي .... وانته ادره بينه
ومن طاح عرش الطاغيه .... بلهفه اجيناك
ولبيك صحنه بحضرتك ..... كلنه وندبناك
وين الذي يعادونك ..... وشنهو الحياة بدونك
ياحزن السنين ... ياحزن السنين
#الشاعر : عباس محمد الحميداوي
اراشيف
محرم الحرام
هذا القصيده مهديه الى روح المرحوم خميس حبيب الحميداوي
[نزلة ليلة الهلال ١٤٤٥]
مفتاح لعالم الخدمه ... اهلال شهرك ياابو اليمه
يحسين ياعنوان للرحمه
حسين مولاي ... حسين مولاي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اتحزمت بل الغيره ... وصاح صوت الديره... هلا بشهرك
الضمه لاح اهلالك ... حاله جن من حالك ... من ينظرك
منتضر هالطلعه ... حتى اصب الدمعه ... لفيض نحرك
ومنهو كلك ناسي ... حسين ويه انفاسي ... ودوم اذكرك
يحسين وادعي وتعلم بحالي ... الله يثّبت ذكرك ابالي
وبلكي حبيب تكله سجل اسمه
يحسين ياعنوان للرحمه
حسين مولاي ... حسين مولاي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
منطلق من صمتي ... حسين ياعاصمتي ... ابكبريائك
مجلسك اي بيتي ... وخذت كل تربيتي ... من عزائك
ابعالم الذر واني ... صوت الك جاباني ... ومن ندائك
واسمك امن لفظته ... احساس امانك ضكته ... بحرف حائك
أحروف اسمك سيدي تلمع ... سالم ارسمك منذبح تطلع؟
متعوب تطلع حتى بالرسمه
يحسين ياعنوان للرحمه
حسين مولاي ... حسين مولاي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خيره اخذ وارجع ... وادري شنهو اليطلع ... حسين وحسين
ونفسي اخيّر بيها ... العاقبة اشترديها ... المستقر وين
واثنين اليخوفني ... وخايف ايبعدني ... ذني الاثنين
الذنوب وموتي ... وبعد يخمد صوتي ... اوي المعزين
وابلا رجوع لعقلي الهايم ... قررت اضلن عدكم خادم
اوقعت قابل وابصمت بصمه
يحسين ياعنوان للرحمه
حسين مولاي ... حسين مولاي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خط خدمتك منهج ... نوره ضل يتّوهج ... ماطفى النور
راحه صارت عدنه ... لو محرم يدنه ... ونلطم اصدور
ارتباطي ابحزنك ...وانت ماكو منك ... ياهوى وسور
انته قمة القمه ... انته شهرك نعمه ... شهر عاشور
بجاه الي وكفت علتل وكفه ... ارزقني حبك وعطفه
لو نور حبك لو اضل أعمى
يحسين ياعنوان للرحمه
حسين مولاي ... حسين مولاي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
صار ذكرك أنسي ... كمت احس بنفسي ... تعيش بيه
امي من لولتلي ... نعي امي اقرتلي ... وجم عزيه
ولو كماطي تفله ... صدري جنت اندله ... ابلطم اديه
ومن كبرت شوايه ... جنت اضن ملايه ... امي هيه
ماجنت راضي تسكت النبره ... بذيج البراء احس بلزهره
تنادي على التربان يايمه
يحسين ياعنوان للرحمه
حسين مولاي ... حسين مولاي
# الشاعر-عباس محمد الحميداوي
١٤٤٥.٢٠٢٣
(نزله ... ليلة الهلال )
القرآن آياته حزينه ونايحه
عاشرك مذبوحه بيه الفاتحه
الروح نادت والعقل ... ... الحزن يظهر من تهل
عاشرك مذبوحه بيه الفاتحه
***
اطلق القلبُ نداءً يله حي أعلى العزه
والجزع بس للحسين الله هو مجوزه
وكتبت أنفاس الموالي بحروفٍ عاجزه
إنما الروح التي تعشق حسيناً فائزه
الحناجر غدت كلها صايحه
عاشرك مذبوحه بيه الفاتحه
وهذا اول مستهل ... ... الحزن يظهر من تهل
عاشرك مذبوحه بيه الفاتحه
*
راسم بكلبي مجيئك والك كلشي محضره
ابو الموكب نصب موكب وجهزلاك منبره
والسواد أعلى النجوم انرسم لونه ومظهره
ياهلال حسين بيك انذبح ضامي منحره
جرح ناده جرح بنبره جارحه
عاشرك مذبوحه بيه الفاتحه
بيك منهو الينكتل ... ... الحزن يظهر من تهل
عاشرك مذبوحه بيه الفاتحه
*
لأعلى الباكي ودمع العين دماً ينذرف
من حرج او انتقاد بل شرف يتبع شرف
نهر ابو السجاد هذا وهنيئا من غرف
حسين الحاضر الخالد مو ماضي قد سلف
احزانك بكلبي مظاهر واضحه
عاشرك مذبوحه بيه الفاتحه
ومن العزاء محد يمل ... .... الحزن يظهر من تهل
عاشرك مذبوحه بيه الفاتحه
***
موسم الحب والوفاء وللحسين نعيشه
موسم التضيحه خطت فوك كلبي الريشه
يندثر العاده الشعائر ولايذكر بتهميشه
ذاك جيش الشمر وهذا الحسين وجيشه
عسكر الضامي مجالس نائحه
عاشرك مذبوحه بيه الفاتحه
وخاسر الرجله تزل ... ... الحزن يظهر من تهل
عاشرك مذبوحه بيه الفاتحه
***
احنه سبحه وبيد فاطم وحسينها شاهودها
وعاشرك ثورة عقيده وابو اليمه يقودها
احنه اول خدم نبقى الما اتضيع اجهودها
كلها مأجوره الخادم وشيخها ورادودها
والخدم هايه حتماً رابحه
عاشرك مذبوحه بيه الفاتحه
والفضل لله الفضل ... ... الحزن يظهر من تهل
عاشرك مذبوحه بيه الفاتحه
الخادم: عباس محمد الحميداوي
اراشيف
١٤٤٤.٢٠٢٢ محرم الحرام
(قصيدة الهلال : حوار بين الهلال السيده زينب عليها السلام )
يهلال الطلع حسرة دمع بل العاطفه تفور
ثوب ابجف سمه املطخ دمه لحسين منشور
آثار الحوافر ليهسه بثيابه
بس اهلالك انته اتمنى غيابه
*_* _*_*_*_*_*_*_*_*_
انه زينب ياهلال الفاجعه العشت بألم
بسرعه مرت سنه اعليه وبهلالك انصدم
تذكر انت شيعشتني اشركتضي ابيا خيم
بعاشرك لا ضلت اخوه ولاعرب تملك شيم
ابراي الشمر اقدس خدر أصبح مسيره
جثامين اخوتي وياحسرتي من امشي اسيره
اهلالك يامحرم راجعلي ابعذابه
بس اهلالك انته اتمنى غيابه
*_*_*_*_*_*_*_*_***_
كوه اوجد كمت منك الضوه وبصيصه
ونشرت جفوف الملائك لمقدمك قميصه
ثوب الحسين الي روحه لدينه بس رخصيه
ماجنت للسمه اناظر من شوفتك حريصه
اهلالك من ظهر يعني الحجر صوب جبهته
معناها انذبح واعلى الرمح شايفته اخته
معناها اجتني كعدات الخرابه
بس اهلالك انته اتمنى غيابه
*_*_*_*_*_*_*_*_***_
اسود الثوب العلينه مانبدله احنه بلبس
وانته من تهل تراها تستحي حتى الشمس
تذكر الحر العلينه أتوجه وسوط الرجس
ومو سنه جنها عليه الواقعه جنها امس
أتصور كمت حين اركضت واعدانه تنهب
اوين الدللج وراحو هلج كالو يزينب
واكابرهم انه وأضل ابصلابه
بس اهلالك انته اتمنى غيابه
*_*_*_*_*_*_*_*_*_*_
احلام جم شاب ادثرتها بطلعتك ويوم الوغه
بيك حار حسين يناظر خيم ربعه الفارغه
ان يومَ العاشرِ يومَ المصيبهَ البالغه
حّرم الماءُ علينا وللمجوسِ لذاتهُ بل سائغه
مهر الطاهره الماي الي جره واعلينه يمنع
اجاكم لا أشر ومفسد بطر وتاليها يتكطع
منبعكم غدر ماكو كل غرابه
بس اهلالك انته اتمنى غيابه
*_*_*_*_*_*_*_*_*_*_
اتناقضت عندي المشاعر لاتروح ولاتطول
مدري اكلك طوّل انته مدري استعجل تزول
من اكلك روح يعني اتذكر الشام وطبول
ومن اكلك ضل اشبع بجي نيتي من اكول
ضلتك يعني تل وركبت هزل ومشيك ندامه
ميته وانحيي أبيت النعي أعلى أهلي النشامه
راحت كل هلي وذيج المهابه
بس اهلالك انته اتمنى غيابه
الشاعر : عباس محمد الحميداوي
اراشيف
١٤٤٤.٢٠٢٢ هجري محرم الحرام
[نعي مجاريد لهلال شهر محرم الحرام ١٤٤٥]
اجاني شهر حزنك اجاني
الخداكم ابموت وماخذاني
بين الدور ابوحشه اتركاني
انه ضليت من الفركه اعاني
انه الفاكده الما صح مثلها
بصبحيه فكدت كل أهلها
من بعد عز تركب هزلها
بنص سوكهم يوكف جملها
انه زينب الماعرفتني امي
من كثر مامتعوب رسمي
من السوط ينزل بكه دمي
ياكون واحد سهله همي
لاجرح واحد بيه ويطيب
واشبساع عني اخواني تغيب
واصل لرمشي ياهلي الشيب
وهسه الهلال لكلبي شيجيب
يهلال طالع بل المدينه
اتذكرنه اهلنه المشو بينه
بلعز ترانه من مشينه
من غابو وكلنه انسبينه
وعن لسان الزهراء عليها السلام....
ابحزن من مرت بروحي ايامك
وهاي الناعيه وتبجي اي امك
لمن ذبحوك يوليدي اي يمك
خدت راسك شمر جره من اديه
وعن لسان حال زينب ....
الشهر الماخذ اخواني والاهل بيه
لا رحبت بهلاله ولا هلاه بيه
لتكفين ياعيني وهلي بيه
ادموع ادموعج لهاي الرزيه
عباس محمد الحميداوي
١٤٤٥.٢٠٢٣
( ابيات من النعي والابوذيات عن لسان حال السيده زينب تخاطب شهر محرم الحرام )
لو شفنه ايامك ياشهر كربت
تذكرنه العزيزه البجيتك نحبت
منك ياشهر ماتذكر شطلبت
كالت ياشهر لاتمر من عدنه
بيامك تراهي مثكلى النسوان
هاي امفاركه ابنها وذيج الخوان
مريت وكلبنه بجم حزن مليان
حزنك ياشهر الما ساعه يهدنه
بيك شكد زلم ضلت على الغبره
وبيك الكفل بلا يمنه ولايسره
بيك حسين حزو ياشهر نحره
وبعاشر ايامك العدو فرهدنه
يشهر النايبه يل مسرع بجيتك
خل نفرض رقيه جانت بنيتك
وخل نفرض زينب جانت اخيتك
ترضاها سبايا والنبي جدنه
ترضه ياشهر ندخل بنص ديوان
ويتنوع علينه افلان ويه افلان
ترضاها الخرايب صايره النه مجان
وتنسب امنه كل ساعه ويه والدنه
___
بدمع عيني تلكيتك فرحب
والخديته مني بلعاشر روح ييب
يمتى جيتني وشهرك فرح ياب
تجيب احزان وتذبهن عليه
بشهرك طور كل ناعي دره اخته
ومدري الكفل كالوله ودره اخته
الشمر جم بلد من بعده دار اخته
بلاد الشام والكوفه سويه
تهل وصيوان بيامك لنا شاب
ودليل الحرم من جيتك لنا شاب
طفل مذبوح وشيخ النا ولنا شاب
واسبعطش راحو من اديه
الرد الشمس لو جيتك يردها
وعبي النسوان من حرك يردها
يزيد بشهرك اسكينه يريدها
خدامه اتخدم عد آل أميه
****
الخادم : عباس محمد الحميداوي
محرم الحرام
(قصيده لشهادة الامام الباقر )
أعلى الباقر خلونه انون ... واعلى مصابه الكلب يحن
وخلي انعين ابنه الصادق ... وخلونه بثوب المحزن
_____**
أبين العالم خل تسري ... كل اعلومه واخباره
وتابوته من الكتب يصير ... روحو وبلغو نجاره
فتح عينه ابوجه الطف ... واستلهم من أسراره
أبيت السجاد اتدرس ... البيه جبرائيل استوطن
__________
خل يكتب كل التاريخ ... وندري التاريخ اتزور
وخل يتكتم عن فضله ... وبدليل العقل يبرر
الباقر العلم الزاخر ... وشانئهو جاهل وابتر
حكنه واعليه حزنانين ... وبلدمعه ذني يبجن
________
بحزام امعزب نوكف ... وبلهفه انلاكي امصابه
الباقر مسموم وميت ... واعليه اتون احبابه
اليوم السجاد ابلحده ... أعلى الباقر لف انكابه
الميت واحد من عدنان ... خل الدنيه ابهم تعلن
_______
شاهد أعلى يوم الطف ... وشاهد ابسبي الخدر
ايتذكر باب الساعات ... الساعات اوكفن بلحر
يتكطع عليهن سوط ... واليذوى ابثاني يتغير
واول سبب الباقر مات ... ابسبب طف نينوى المحزن
__________
الباقر من رحل منه ... حزنت اعليه كل مهجه
واعليه سبعة المعبود ... الأرض والسمه مرتجه
راحل منه ابو الصادق ... بسابع شهر ذي الحجه
الحجاج اسود يلبسون ... عليه والبيض يتبدلن
ذي الحجه
شهادة الامام الباقر عليه السلام
[نزله لشهادة الامام الجواد عليه السلام ١٤٤٤]
ضلمه دارك ضلمه .... ياجواد العصمه
ابحزن كل زوارك ... بل الصحن ملتمه
.............................................................
جفت الأقلام والبحرُ مداد
في كتابة خبر موتك يلجواد
ونشر جبرائيل فوك ارض السواد
رحل شاب ابن الرضا قيمو الحداد
وابلا عجز هبينه ... ومجلسك سوينه
وندري حضرت فاطم ... تصيح ويلاه يمه
.............................................................
سيدي يالبقه جثمانك طريح
فوك سطح الدار ياشيعه يصيح
بالعطش والحر شابهت الذبيح
وانت ميت شفنه دمعاتك تطيح
شفنه دمعة عينك ... سالت أعلى حسينك
جنت يمكن ناوي ... العمر دمعه تختمه
.............................................................
سيدي يلمتت بلسم ومهجتك مقهوره
على نسوان ابو اليمه الفرن المعموره
اليوم بمصابك الشيعه سيدي مأجوره
وكل سنه وفقها تحضر الضريح تزوره
كل سنه وكل ذكرى ... نجي ويه الزهره
وعلى الميت بلسم ... انادي ويلي بلطمه
...............................................................
بني العباس وجلاوزة العصر تتفانه
واحنه ضلت كبته تلمع ذهب يامولانه
هذا معناه صح طريقه والله رافع شانه
انحمد الله شيعه صرنه ونفتخر خلانه
ذاك درب الاعوج ... وهذا الدرب المنهج
المشى بحبكم عابر ... ويرتفع للقمه
__________
دوحه احزانك جبيره وجان همها العاشر
رغم عطشان انت ميت لجن دون الحافر
سيدي ومولاي صار اسنين واحنه اناطر
بجاهك عد الله عجّل فرج ذاك الثائر
يجي ويأخذ حيفه ... وبعداك يذبح سيفه
عجّل الله عجّل ... فرج مهدي الامه
# الشاعر عباس محمد الحميداوي
١٤٤٤.٢٠٢٣ شهادة مولاي الجواد عليه السلام
(قصيده الى الامام الجواد )
آه على ابن الرضا ... بسمِ غدراً قد قضى
وخل نلبس السواد ... لمحمد الجواد
آه على ابن الرضا ... آه على ابن الرضا
________
اليوم ابو الهادي قضى نحبه ابغربه ابوحده
فوك السطح غمض اعيونه متأثر بسم جبده
فزعت الشيعه اعلى الخبر وشيّعته لحد لحده
دفنوه وكل شيعي رد تجري دمعته ابخده
قالو بدمعً منذرف ... لشفيعنا اسف اسف
ريت العمر يعاد ... لمحمد الجواد
آه على ابن الرضا ... آه على ابن الرضا
__________
بعمر الشباب الماتعده من العمر ثلث اعقود
غدروه اتباع السقيفه ابحقد ابكلبهم موجود
وبموته من الطف جم موقف البيه معيود
ميت وثلث ايام فوك الدار ويلي ممدود
ملقىً بأعلى دارهِ ... والقلبُ تسعرُ نارهِ
لجله انعلن حداد ... لمحمد الجواد
آه على ابن الرضا ... آه على ابن الرضا
________
شارق سنا علم ابو الهادي اواصل لسابع كون
ومن يحل اصعب مسائلات البيها جانو يحيرون
عكس البشر جانو اعليه اهوايه حيل يحقدون
لهذا السبب من شخصه رادو بأي طرق يتخلصون
والله اخلدَ ذكرهُ ... وبينَ المعالي قبرهُ
جنة في بغداد ... لمحمد الجواد
آه على ابن الرضا ... آه على ابن الرضا
__________
وفاطمه هليوم بشغف اتعنت ابحزنها الشاجر
ويم راسه هوايه نعت وضل الدمع يتناثر
وكالتله مصابك تراه اهون من العاشر
ويلي اعلى جدك الهشمو صدره بهذاكه الحافر
حزنكم قد يهون ... مقابلَ المطعون
والحيل مني باد ... لمحمد الجواد
آه على ابن الرضا ... آه على ابن الرضا
___________
يمحمد مالك حرم ابحبل الخشن تتشدد
يمحمد مالك اعلى الشاطي اخو متمدد
مالك اخت كالت منو يطرش يخبّر محمد
يكله خدر زينب ابين اعيون غربه تفرهد
حزن لك نعم ... بلكون فجراً عم
والله هيجي راد ... لمحمد الجواد
آه على ابن الرضا ... آه على ابن الرضا
الخادم : عباس محمد الحميداوي
شهادة مولاي قاضي الحوائج الامام محمد الجواد عليه السلام
جميع دروس المقامات الفرعية والاصلية تجدونها هنا👇🏿👇🏿👇🏿👇🏿👇🏿
https://youtube.com/channel/UCz03jT4unuka51X7foOyXcg
#دعم_مؤسسة_منبريون_الحسينية_رقم3
#ملاحظة_الدعم_3_ساعات_وينمسح_من_القناة
الشاعر ابو احمد الطائي
@sadqdd
انين الطفوف ام يحيى العبودي
@amyahaaaleabude
الشاعرة نشوان الكناني
@Nshwan_1999
تعليم الاوزان فالح العامري
@abooredha
الشاعر عباس الصالحي
@AbbasAlsalhi
الشاعر فاروق العيساوي
@faroqesavi
الشاعر عباس المجتومي
@abaas997
الرادود علي الدلفي
@aliali12345aliali123
الرادود علي الحبيب الغزي
@Mulaali4
الشاعر والرادود جهاد السلطاني
@jahadsoltani
الشاعره كلثوم الساعدي
@ailyihg
القارئ والناعي عصام المحمداوي
@vkhhgfffggg57812
الشاعر ابو قسور العويدي
@fff45
ملا عمار الديباجي الحسيني
@afghgghhh
الشاعر حميد الشويلي
@hameedd100
الشاعره ام سعد الشمري
@um1966ahmed
الرادود محمد ابو سجاد الكعبي
@mngfuy
الرادود أمير الفتلاوي
@amarr_hasnn
الرادود عبد الزهره الركابي
@ksaiabmolahna
الرادود شهاب الشغانبي
@mnfvgbb
الرادود فارس المرياني
@almreaniy93
الرادود غازي الساعدي خادم. العقيلة
@KHADAMALAQELA
الملحن الملا فلاح الغانم
@almulla8800
الرادود احمد المياحي
@ahmedalmayah
الرادود سيد منتظر الموسوي
@Muntazar_ALMussawi
الرادودو السيد باسم الموزاني
@hussienbnAli
الرادود منير القريشي
@muncf
الرادود حسين القريشي
@krehte
الرادود شهاب الموسوي
@saidshehab27
الرادود والناعي ابو زينب المحمداوي
@a_1959
الرادود ملا عمار العامري
@Aamra3456
الرادود علي الشبلي
@ali_alshble
الشاعر منتظر الكعبي
@juhsa
الناعي ابو زينب المحمداوي
@a_1959
قصائد على لحن باسم
@qwergtyyuujjjjjkk
آه يادمعة رقية خاصة
@deaa1989
ملا علي يوشة
@MullaAliyousha
الناشر خادم الخدام
@alialaialai
قصائد زنجيل
@zngel1441
النعي والرثاء لمجالس سيد الشهداء
@AL_Nay_and_Alrthaa
محاضرات وقصائد ومعلومات
@Alhasasn18
صوت الحسين لنشر القصائد
@hkcjhfjoggohcc
فخر المخدرات زينب لنشر القصائد
@sxggnj
ويبقى الحسين لنشر القصائد
@qqq88997ffff
الشاعر رائد البزوني
@HassanKarim7
الشاعرة ام علي افضل الزينبي
@omali1290
رابطة مسلم ابن عقيل عليه السلام
@mslmapnAGyel
الشاعرة زمن حاتم الربيعي
@pntAlMirza_zamn
اشعار زينبية فاطمية
@najiqq
الشاعر محمد الشريفي.
@mlamemd
الرادود ابو محمد الدراجي
@jabeier
الشاعر ازهر الزيدي
@qwqerd
الشاعرة ام ليث
@Yazahraaa655
الشاعر عمار الغزي
@nnrjsb
الشاعر والرادود عقيل الكرعاوي
@akeellll
الشاعر كرار الزهيري
@uyyrew
الشاعر جاسم العامري
@jasemalameri1999
الشاعر مهند الدريساوي
@mohaneedatea
الشاعر حسين الطائي
@handresalrekabi
حسنين المحنة
@azlvideo123
الشاعرة ام علي الموسوي
@zxop1222
الشاعر السيد محمد الموسوي
@qwertyuiopasdfghjklasdfbnm
الشاعرة رافضية وافتخر
@vgdtyhjj
الشاعر ابو سجاد الجعفري
@abosajadaljafre
الشاعرة هاجر الزينبية
@HH_7W15
الشاعرة فضيلة هاشم الموسوي
@dmoh91
الاستاذ مريم
@Mulla_Maryam
الشاعرة نور الحساني
@N_H_313
الشاعر عباس محمد الحميداوي
@qs3qw
قصائد زنجيل
@alhusseinabaabdlah
الشاعر احمد الميالي
@Ahmedalm313
الشاعرة ام الحسن الزيدي
@umalhasn
يتم الان نشر قصائد محرم 👇👇👇👇
/channel/+QYhwKvqAiD7e_b1P
[نزلة ١٤٤٥.. ندبه لصاحب الزمان(عج)]
ياعزاء اتحضره ... يابو غتره الخضره
ابهذا محرم يابو صالح وينك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
انت ويه الزهره ابجتفك اتجيها
أعلى المواكب تفتر ودمعتك تجريها
وحيل تالم كلبك الناعي من يحجيها
يكول طلعت زينب تصيح ويلي اعليها
كلبك ابلهافته ... وحسين لسه اهاته
الف عام وباقي ون حسينك
ابهذا محرم يابو صالح وينك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابكل عزاء يامهدي ادري هاي امهتمك
اتعطر الحسينيه ابعطر من عاطفتك
وترجع تجيب امك فاطمه الشاغلتك
من تكّعد فاطم ترد تكابل عمتك
امكابل اعلى دمعه ... وفاطمه الي تنعى
تكله بحجر خسفو ييمه اجبينك
ابهذا محرم يابو صالح وينك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابجوكت اللطامه الوكفه هاي تودها
اتسوي بيهم حركه والقصيده تشدها
وكل نهايه مجلس تدعي واترددها
الجمره عد الشيعه ربي لاتبردها
يكول انتم ولدي ... الخدم جند المهدي
وابعين الزجيه الخدم تبقى وعينك
ابهذا محرم يابو صالح وينك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يمتى ذاب الاسود حتى اسود تلبس
من دمه تصب دمعك الصبح لو يتنفس
وبخنصر ايدك تخجل لو تحط المحبس
وتفرح ابحين المواكب تكثر وتأسس
حتى حزنك يكبر ... والمجالس تكثر
اويانه حاضر واحنه ماناسينك
ابهذا محرم يابو صالح وينك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وننصب اقرياتكم كله من توفيقك
وندعي أظهر وندري ذنوبنه الي تعيقك
والصبر كلناله كافي لا منطيقك
امنيتنه اظهورك ويمتى من تحقيقك
وأظهر النه أظهر ... سيدي نتنطر
اتعدت الغيبه الف عام اسنينك
ابهذا محرم يابو صالح وينك
# الشاعر عباس محمد الحميداوي
١٤٤٥.٢٠٢٣ محرم الحرام
(نزله .. لسان حال الخادم يتكلم عن الخدمه مع أرباب العزاء ١٤٤٤)
ان الأبرار لفي المجالس ... مجالس الضامي هيه المدارس
بلمجلس ايماني اكتمل ... هو الوسيله والأمل
*
بهل اليالي العشره اتخيل انت بمنجم
شكد تلم وتأخذ اكثر اكثر تغنم
والجوهرة البدموعك لاتظن تتقيم
خطوه يقرب لله النحو خطوه أتقدم
والفجر وليالٍ عشرِ ....وللخدام المجلس حشرِ
الخدام قمة كل جبل ... هو الوسيله والأمل
****
وين ماتسمع اقرايه وكلبك بحزنه يفز
احضر وخلي دمعتك ماتصاب بأي عجز
تدري بهاي المجالس يوجد العد والفرز
ثبت اجذور العقيده وبالك الدنيه تهز
عاشوراءً ليلةُ القدرِ ... تنزلَ الذبحُ والاسرِ
وياجرح لحسين اندمل ... هو الوسيله والأمل
****
احجاية مسبيه زينب اجبيره هاي السالفه
مالها حمّاي يفزغ انذبح شيخ الطايفه
لهاي لطمتنه وبجينه بسوك زينب واكفه
بعد خدر الله وتفرهد الحيل المن عايفه
بربوةً ذاتِ قرارً معين ... انهم ياناس خدام الحسين
والدمعه لحسين العمل ... هو الوسيله والأمل
*
اختيار من الله خلاني اكعد بهذا العزاء
ومع الباكين اجهش صارخاً بعد البكاء
على من خلو ثلاثاً جسمه في كربلاء
ملئت الارض سواداً ساد بل حتى السماء
وقال النبي في منقبه ... لحسين الحراره اللاهبه
بكلب الشيعي تشتعل ... هو الوسيله والأمل
****
خدمته وكل حزني مو شي يتجدد
ثابت ابنص روحي غصن حي يتورد
جبت عمري لابس لمنحره ثوب اسود
ومنهو من خدامه اسمه ما متخلد
من حمزه كبيرُ العطاءِ ... والان باسم الكربلائي
وبلكبر لو منكر سئل ... هو الوسيله والأمل
الخادم- عباس محمد الحميداوي
١٤٤٤.٢٠٢٢ محرم الحرام
(نزله لليله الثانيه )
بدفترك خليني ... خادمك ياحسيني
خدمتك هاي ....خلها وياي
____
كبل ماخدمك زغير ... وصرت بلخدمه جبير ... بخيرك
حسين ياعشك الصدك ... هل الكلب بسمك يدك ...مو غيرك
الخدمه ايه منزله ... بهل العزاء مرتله ..... بتفسيرك
انته تفسيرك جنان .... حسين يارمز الحنان ... اتخيليك
شكبره بين الودام ... اسمي الك جي خادم
خدمتك هاي .... خلها وياي
____
انته ياسر روحي .... شنهو دمعي ونوحي .... مو كافي
المايخدمك هل العمر ... كل حياته في خسر .. ومتعافي
بزغر عمري من جنت .... للخدامه اتحزمت ... وبشفافي
رددت كلمه عهد ... . احسين احبك للئبد ... وماوافي
اسمك ابحساسي.... احسين ياانفاسي
خدمتك هاي .... خلها وياي
___
حسين سواني بشر ... حسين خلاالي قدر .... وفقني
بااسمه رافع هامتي ... كون يقبل خدمتي .... ويقبلني
بدربه لا مانبتعد ..... وانه مو خادم عبد .... يسجلني
خدمته وياي اكبرت ... وروحي للخدمه انذرت ... ومتهني
العمر لو مو خدمتك ... شنهو يسوه وداعتك
خدمتك هاي .... خلها وياي
____
حسين يااقدس نحر ... انبذل من اجل الخدر ... ولدينك
خيميتك خيمه سعد ... رابح ابفيها الكعد .... بنص عينك
الله الك سواني .... انخلط طين احزاني ... من طينك
خدمتك اعظم نعم ... والربح بس الخدم .... بتعينيك
وماطلبنه احنه الجزاء .... خدمتك هيه العطاء
خدمتك هاي ... خلها وياي
___
لو خدمت اخدم صحيح ... بعينه بالك لا تطيح ... يل تخدم
خلي نيتك بلصفاء ..... بلا تكبر ولا رياء .... وهاك افهم
حسين جابك من العدم ... وتسجلت من الخدم ... بس اعلم
من الدرب بالك تزل .... من الخدامه لاتمل .... وتتندم
شرف هاي الخدمه ..... نعمه واعظم نعمه
خدمتك هاي .... خلها وياي
_____
شما اريد اوصف بعد ... القلم بيدي ارتعد ... ويتعذر
القلم كلي بكلمته ... اشلون اوصف خدمته ... مااكدر
تعذرت كل الحروف ... ومشت على الكبه تطوف... تتبشر
اجتمعن باارض الخيام .... وكتبن احسين الهيام ... الاكبر
أدن بصحنك النداء .... حسين يارمز الفداء
خدمتك هاي .... خلها وياي
___
الخادم ... عباس محمد الحميداوي
محرم الحرام
ليلة الخدام
(ميمر )
تودع خدمها أم احسين ... كل يوم خادم شايل
__
فاطمه مكسورة كلب بكل توديع
وتحضر بكبر الخادم وبل التشيع
تنطيه امان الجان روحه الها يبيع
منكر يسد سجله وراح .... موصى بحسابه تنازل
____
لو نزل منكر من يخلص الدفان
تحضر الزهره تكله اهلا يافلان
محسوب النه عوفه حت لو غلطان
اتكله خادم للحسين ... واعفو عن الي فاعل
____
لفكد الخدم تحزن وتهل الناظر
وتكول هذا شكد بجه بل العاشر
وتعرف الخادم جان الهم شاعر
ويكتب قصايد واشعار ... وضيف بحماهم نازل
_____
و يضل كلبها موجر ولا ما يهود
لحين الظهور اهناك والفرحه تسود
و تحزن لون تسمع بموت الرادود
كلهم على الزهره اعزاز ... الباقين والي راحل
____
ويبقه الحزن صاحي وابد مانايم
ويتكرر اعليها البجي بكل خادم
اشصار بيها بموت سيد جاسم
ينعى الها جان بكل حين ... وصك خدمته هم نائل
___
اليخدم الزاير جان والي معزب
واليرتقي المنبر ويقره ويخطب
تكلهم الزهره هذا ابن الموكب
لا حاشا ماتمسهم نار ... ولد ابني وابو فاضل
__
و كل البذل لحسين حتى الذره
فاطمه بليلة و حشته اتحضره
وماتنسى أبو الزنجيل والدك صدره
كلهم بسجل الزهراء ... مقيد اسم كل باذل
الخادم : عباس محمد الحميداوي
ليلة الخدام
(تجليبه)
ها يحسين اريدن طلبتي منك
اريد بكل محرم انه اخدمنك
___
يلموفقني وموفق الخدم تخدم
اريدن اخدمك كل مايجي محرم
اريد بكل عزاء تشوفني محزم
وحك امك وابوك اهواي احبنك
_____
من صيتك تره الخادم صبح صيته
وجان فلان اوهسه الملا سميته
ربح وياك كلمن صافيه نيته
وصفّي نيتي يحسين احلفنك
__
صفاء النيه حصه والوكيل العام
اسمه بل كلوب انخط ابو الخدام
مصفينه انته وأشما تخبط الايام
وأمي كالت ادموعك يصفنك
_____
ابوي شكالي جلمه بوزنها اجبال
كلي درب ابو اليمه اليسوي ارجال
تنطي احسين ذره يردها الك مثقال
وكلي تعوف دربه هواي احذرنك
__
جنت من الزغر بصوره اتمعن
ومن انظرلك عيوني كبل صبن
اريد ابهل الدرب يحسين انه اضلن
وتسولفلي المجالس سيدي عنك
____
مثل تسيورة الشايب فلا تنمل
خدمتك وكل دمعي الي لجلك هل
حكي من انوحك حافظ المقتل
انه واتصورك وكل ساع اذكرنك
____
اكتب اسمي كل عام اعلى مكتوبك
وتطرد خادم ابدا ً هاي مو ثوبك
وادري الخير كله يجي من صوبك
ولو تطردني هم ارجع اواندبنك
•••••••
#الشاعر : عباس محمد الحميداوي
اراشيف
محرم الحرام
تم بعون نشر قصائد الليله الأولى ليلة الهلال☝️☝️
Читать полностью…
[قصيدة ليلة الهلال ١٤٤٥]
ام البنين وفاطمه العليله ... اتلاكن ابدار الحسين الليله
ام البنين تكلها تدرين ... طالع اهلال لعاشر حسين
____
خايفه وملهوفه اجت ام البنين اشبيها؟
لدار العليله اتوجهت مخطوف لون البيها
للسمه تعاين وعالوجه تطلم غدت بيديها
رايده تخّبر فاطمه ام الوفه ثاريها
فتحت وياها شلون موضوع ... كوه حجت وتصب الدموع
للسمه تكلها لاتنظرين ... طالع اهلال لعاشر حسين
...............................................................
من سمعت بهذا الخبر بت الحسين اتلوت
ماكدرت اتكوم وتكع تاليها شنهو شسوت
راحت زحف للباب وبطي الاحزان اطووت
يهلال عطشانه نظر لحسين ماهي اتروت
رفعت نظرها فاطمه لفوك ... شافت اهلال بحزنه مخنوك
هساع كالت حالي موزين ... طالع اهلال لعاشر حسين
____
جابتها ام الاربعه واعليها غدت متسنده
ماهودن من البجي وحده التّبجي بوحده
دارت وجهها فاطمه اتعتب الهلال بشده
لو طالعه روحي ولا طلعتك هاي المده
وام البنين تكلها عتبج المن ... هو الدهر ينحزر لو يتّأمن
لابسمه ولاكاع التأمنين ... طالع اهلال لعاشر حسين
____
لا لا تأمنين بسمه الحسين يرميها بدم
هاي السمه تهوى الرمح المشيول ويكّطر هم
ولا كاع يابت النبي بيها الجسد يتّخذم
الكاع التطشر كل هلج واعلنسه تشب اخّيم
لو هسه وياهم وهاي اللحظه ... ونشوف الهلال بدماء اتوضه
وننشد أبوج انروح بلحين ... طالع اهلال لعاشر حسين
__
كلما افز كمت الصبح يايمه اكول بسكته
أتعجب وبيه نفس لهسه اشعجب ماميته
وهسه الهلال الي طلع صبري بثواني فتّه
ويم البنين اوالدي يمكن نسه امه وبته
قسمتنه هايه انه وياج... وعن الاهل ماضن خبر جاج
وهذا بشر صايح بلونين ... طالع اهلال لعاشر حسين
الشاعر # عباس محمد الحميداوي
١٤٤٥.٢٠٢٣ محرم الحرام
ليلة الهلال
(نزله .. لسان حال الخادم والهلال )
ياشهر كلبي فلا يتمالك ... من يناظر بلسماء اهلالك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اشلون يتمالك كياني وصامد يضل يمك
من يشوف اهلال حزنك ياشهر وي همك
لون الاحمر دم أمامي هذا لو لا دمك ؟
اهلال دمعه اهلال حزن اهلال لوعه يرسمك
والمهدي دم عينه دمه اجرالك ... من يناظر بلسماء اهلالك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يسود لون الاسود أعلى الكون ويلبسه العرش
وتكنس الزهره المواكب ومن دمعها تنفرش
وزحمه مايتبلل ابدمعة اعيونه كل رمش
اهنانه رايح تجي فاطم اتنوح ويصير الجهش
وشيخها ورادودها اليقرالك ... من يناظر بلسماء اهلالك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تأدية حج المأتم ينفرض ابكل الفضه
حي حي اعلى المجالس هلتنادي الرافضه
والمعزى طه والزهره اوعلي المرتضى
فحسينا ً بلعراءِ في الطفوف قد قضى
ومثل حال الشيعي اضنن حالك ... من يناظر بلسماء اهلالك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الذره عد احسين ماهي تضيع ومحسبوبه
وبلعقيده الدمعه عند الشيعي تمحي اذنوبه
بيك ياشهر المصايب محب وي محبوبه
يلتقي جف ايد تلطم اعلى السلبو ثوبه
وينجرح مولاي خلها بالك ... من يناظر بلسماء اهلالك
__
المهدي من ينظر هلالك طالع للوادم
يذكر الطف ومصابه والنحر والخاتم
لجن يفرح من يشوف الخادم وي الخادم
أحياء شعيره من الشعائر بعزم وي القائم
رزق لو من دعه المهدي ينالك ... من يناظر بلسماء اهلالك
••••••
الخادم : عباس محمد الحميداوي
محرم الحرام
ليلة الهلال
(ثكيل .. لسان حال السيده زينب عندما رائت الهلال في السماء )
ثوب الحزن شفت السمه لابسته .. وانته الوحيد التختلف فاتحته
منصوبه فاتحتك ... والناعيه اختك
ياابا عبد الله ... ياابا عبد الله
____
انه اخيتك زينب الي من شفت هلال الكدر
انصاب كلبي وروحي ذبلت من جاني الشهر
ابحين مرني طاري شهرك مرن اعليه الصور
صورة اطفال اتراكض ورمح شايله نحر
وصورة سبي وصورة حرك صيواني .. وصورة مره تنادي اريد اخواني
الضلت مناطرتك ... والناعيه اختك
ياابا عبد الله ... ياابا عبد الله
__
شناسيه من الطف يخويه بله شنهو ضنونك
وشنهو الضل اعلى بالي وعشته من دونك
أوجاع متني وحبل ايدي انست أي وعيونك
ورسخن ابالي مواقف عذبنها أم عونك
وهلال المحرم يثير كل احزاني .. لمن وكعتو واحد اعلى الثاني
من وحدك شفتك ... والناعيه اختك
ياابا عبد الله ... ياابا عبد الله
_____
بوجه السمه هلال المحرم تدري شراسملي
راسمك متمدد وجيش اعداك هل واصلي
اواحد بثاني يخويه بيه وسفه يّدلي
يحسين وهلال الحزن بس الدمع جايبلي
وضليت اتاني يجيبلي الماخذهم ... واتأمل وادري بعد مايردهم
ردهم على بختك ... والناعيه اختك
ياابا عبد الله ... ياابا عبد الله
____
ومن اقترب شهر الحزن ولهجت الناس بذكره
خويه قمصيك بسمه امنه الزجيه تنشره
امّزك قميصك ياوسف بسبب ذيج العشره
الناديتهن ميلن عن المحزوز كلبه ونحره
ولوما ونينك زينبك ما طلعت .. ومن حين شافت الزلم هل فزعت
من سلبو بنتك ... والناعيه اختك
ياابا عبد الله ... ياابا عبد الله
_____
الدنيه مدري شنهو ثار العدها ويه ايامي
سلبت فرحتي وضافت ألاام فوك الاامي
ذبحت راحة عمري يحسين وكدامي
واختمها دهري يبو اليمه اجه شهر الضامي
اجه يحسين شهرك العافنه العام .. وانه لهسه اعليه رماد الخيام
وشكواي ماجتك ... والناعيه اختك
ياابا عبد الله ... ياابا عبد الله
•••••••
الخادم : عباس محمد الحميداوي
محرم الحرام
نعي لهلال شهر محرم الحرام
_____
ياهلال الحزن طول بلغياب
بيك زينب فاكده شيب وشباب
منك شكد شافت الحره مصاب
لاتهل بارض المدينه ياهلال
من تشوفك زينب اشصبح الحال
بيك راحت زينب وفوك الجمال
من تهل ياهلال شهر المحن
بيك تنعاد المصايب والحزن
لو تشوفك زينب اتصير بشجن
ياهلال ولو طلعت بهل السمه
بيك يحزن علي وتحزن فاطمه
ويبجي المهدي لجل جده دمه
ياهلال ارجوك طول بلمغيب
لو تهل وياك الحزن لازم تجيب
بيك راح الاكبر وجاسم وحبيب
ياهلال محرم ارجوك الصبر
بيك زينب فاجده كافل خدر
وبيك احسين محزوز النحر
___
وعن لسان زينب تخاطب الهلال
ايام الحزن على الحره بانت
وفوكها المصايب بيت بانت
اله بيك انسبن للحسين بنات
وخذو زينب وياهن سبيه
هلال الحزن هل بين وهلي
بيك لابكى من احد اهل لي
وبيك الدمع صبيته وهل لي
دمه مو دمع بارض الغاضريه
هلالك مو فرح لابل ألم بيه
وبيك اللا ابو يمي ولا أم بيه
رحت لحسين اجمعنه والم بيه
شلم وجروحه الف وتسعميه
الخادم : عباس محمد الحميداوي
محرم الحرام
[نزله لشهادة الامام الباقر ١٤٤٤]
حافي جدمه ابلا عمامه وحاسر
الصادق اشّسوه أعلى ابوه الباقر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بآل هاشم ثلمه صارت موتته
وحكه ابنه طلع وابلا اعمامته
العلم واهل العلم لمن فكدته
لكو كل اكتاب تنزل دمعته
وينكسر كلبه البعينه يناظر
الصادق اشّسوه أعلى ابوه الباقر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جان يمه الصادق ايده من سبل
وغمض اعيونه وبجه ويمه الاهل
راح امامك جاوبه كلمن سئل
وغسله ابدمع العيون ابمغتسل
أعلى الابو منهو ابحزنه يكابر
الصادق اشّسوه أعلى ابوه الباقر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا ابو الصادق طريحه اجنازته
وصفت طلاب العلوم ابعازته
وآل اميه أهل النفاق اشجازته
والمنايه على الغيبه وزاته
وموقف ابكل كلب يبقى و حاضر
الصادق اشّسوه أعلى ابوه الباقر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
باقر العلم الرفيعه اعلومه
اليوم روحه بسم غدر مسمومه
اعليه حزنت أهل بيته وكومه
امصاب عاشر جن تجدد يومه
اليوم اليناشد شنهو اشصاير؟
الصادق اشّسوه أعلى ابوه الباقر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مو حصيره انشال بيها ومنذبح
الباقر مابيه الف طعنه وجرح
بس الحسين انرفع راسه برمح
اتلث ليالي على الرمله منطرح
وحاله جسمه انكسر ليه الخاطر
الصادق اشّسوه أعلى ابوه الباقر
# الشاعر عباس محمد الحميداوي
١٤٤٤.٢٠٢٣ ذي الحجه
(ثكيل ... لشهادة الامام الباقر عليه السلام )
البطف جان وياهم حاضر ... وشاف الصار بيوم العاشر
غمض عينه محمد الباقر
أمامي ... أمامي
__
الجان حاضر نينوى وعمره خمس اسنين
السمع ميمون الولي اشكال من طاح حسين
الشاف ابوه بكل وكت تنزل دمعته من العين
سمو جبده ياوسف وغمض اليوم الجفنين
اليتصابح بدمعه ويمسي ب آه ... بمثل اليوم احنه افكدناه
الي ابحر الدمعه مسافر
غمض عينه محمد الباقر
أمامي ... أمامي
_____
اعلوم ارض الله وسمائه جان اهو باقرها
البزهده وعلمه اكلوب عدوانه ابفخر قاهرها
اقسى العصور واصعب سنين الظلم عاصرها
روحه عد رب السمه اصعدت عد فاطرها
فوك تابوته العمامه انحطت ... وللبقيع الشيعه بيه كصدت
القاسى الظلم من حاكم جائر
غمض عينه محمد الباقر
أمامي ... أمامي
__
الجده اله باعث سلام من كبل يوم اصياره
ياشيعته الليله بحزن مظلم اوحشه ابداره
يمتى افواج الخلك تتعنى الهم ازياره
وان شاء الله ابن الحسن ياخذ اكيد بثاره
البين الحزن عاش ومات ... اعليه تصب هل الدمعات
لازم بدمه يطالب الثائر
غمض عينه محمد الباقر
امأمي ... أمامي
__
علم ونسب جاه وكرم رفعه وشرف عنوانه
شيخ اعلى مشيخة العرب الكل تجي لديوانه
اليعرف بكلشي وماعرف يسد باب من بيبانه
اليوم خده اعلى الترب وملفوف ابجفانه
بغدر الاعادي ينتهي عمره ... والفاتحه يم امه الزهره
المثل امه اعلى الهضم صابر
غمض عينه محمد الباقر
امامي ... أمامي
_____
الدنيه وي ولد الزجيه عدها عينا ً صلفه
وكل يوم الهم شخص بجتله الكفر تتشفه
والباقر نشهد نعم امصيبته كلش كلفه
لاجن اهون من الذي منحور من المكفه
الف وتسعميه جرح صابه ... ومسبيه اخته امسلبه اثيابه
المسحوك جده بذاك الحافر
غمض عينه محمد الباقر
أمامي ... أمامي
•••••
الخادم : عباس محمد الحميداوي
ذي الحجه ... شهادة الامام الباقر عليه السلام
بسمه تعالى ... بعون الله سيتم نشر قصائد ليالي شهر محرم لسنة ١٤٤٥هجريه في بدايه شهر ذي الحجه ومن الله التوفيق نسألكم الدعاء
Читать полностью…
سيدي طال الامل ... العجل مهدي العجل
جرحي والمسافات ... كتبلك عبارات
العجل مهدي العجل
__________
طالت الغيبه ياغايب فقط بعيون البشر
وين يابو الدمعه صاير الك يامهدي مقر
والله مشتاك لجمالك اعليه لو مره تمر
انه احبك بدون رؤيه ياامامي المنتظر
من الفركه اندبك ... وتدري بيه احبك
والحب واللقائات ... كتبلك عبارات
العجل مهدي العجل
_________
جم حزن كمنه بغايبك سيدي احنه نضوكه
ونار المفارك نكلك بكل كلب معلوكه
وانته تدري بل يحب دم العشك بعروكه
وكلبي الك زايد حنينه وينتظر معشوكه
ودرس بلحب اخدته ... التقي بلي عشكته
وهجرك والعتابات ... كتبلك عبارات
العجل مهدي العجل
___________
ادري جم مره اني لاجم كلبك اني ادريها
وادري اني وذنوب كلبي الطلعه مأخريها
ادري بحب دنيه روحي سيدي ماليها
وادري انه ابعين كلبي الذنب عاميها
ذنوبي ادري اتأخرك ... لجن ابقى اتنطرك
رسايل واعتذارات ... كتبلك عبارات
العجل مهدي العجل
___________
اسنين المتانة خلصن والصبر ينفذ بده
والك نار الشوك بيه لحد هسه موقده
وكلي يلموعود يمته الظهور وموعده
العجل يردد لساني وروحي لروحك فده
من الهجر اشكيلك ... وانهض وشد حيلك
وحزني والمعانات ... كتبلك عبارات
العجل مهدي العجل
__________
جندي بجيشك اصيرن والزم افضل واجب
وشوفت اعيونك عندي سيدي اعلى راتب
بخدمتك خليني يبو صالح انه مواضب
وبحبك خليني انجح وبحب دنيتي راسب
يامالك بيه الشعور ... سيدي يمته الظهور
وبكلبي جراحات ... كتبلك عبارات
العجل مهدي العجل
__________
لحد ماينكطع صوتي ولحدما انفاسي تجن
راح كلبي وي لساني يايبو صالح يرددن
كن اللهم حافظ لوليك ابن الحسن
ولو اموتن من قبري اخرجني مأتزر الكفن
ارجع حتى انصرك ... وبعيني هايه انظرك
ورموشي المشيبات ... كتبلك عبارات
العجل مهدي العجل
الخادم : عباس محمد الحميداوي
(رسائل حب الى المولى المغيب )