2148
ما أخطأ من دعاك قمرًا؛ مذ خُلقت وأنتَ تستمدّ سناك من شمس الحُسين، وتمثّل لنا إشراقًا مستمرّا. 🧡 °°قَصَائدَ حَسَيَنَيَهَ • ❥˓#ألُِحٍآن حٍسينيهـ يـ๛ـ؏ـدنـا تـواجـدڪـم مـ۶ـنـا
مقدمة العليلة
اول اجروحي السفر واخر اجروحي النحر
وبين هاي وهاي ادري
راح يكـتلني القـهر
***
شال وشالـت اجـروحي .. ما لا يقـتدر حمله
وردت الــيوم اسـولفـله .. سالوفــة مرة ثكله
النواعي المغربيه شلون .. للفاگــد هــله تحله
صح طفله ولكن شــوگ .. بيه مال الف طفله
انتظر وجه الصبح يردلي بس ما منذبح
وبين هاي وهاي ادري
مايضل عندي نظر
***
عمري بنگلة اجـــدامه .. ريش وبالـهوه تبعثر
اتلملم سـوالف شـوگ .. والنوب ارجع اتطشر
بين السفـرة والمـذبح .. ابكل ليــليه اتهــستر
حقه ايمــوت الِيـفارگ .. شخـصية ابـو الاكبر
السهر جفنــي آرقـه يمتى صدره استنشقه
وبين هاي وهاي ادري
مايجي منه خبر
***
المـــرض بالنســـبة للفاگد .. ابــــد لا مايــفـكر بيه
العــليل الفـــارگ احبــابه .. تــگــوم الفرگه التأذيه
اليسـألني اعـله عافــيتي .. شگله العافيه مگطعيه
الحچي المضموم عالوادم .. عيوني بوجنتي تبديه
عالتراب بكربله بنحره نبلة حرمله
وبين هاي وهاي ادري
بثنعش طبره انطبر
***
يتراكض دمــع عــيـني .. بــدگة البــاب يتحــلم
والسالوفته اويه ابـعاد .. يضل وي روحه يتكلم
العليله شما يجيها الليل .. الحيل الــبيها يتهـدم
ويتهيالي اسمع صـوت .. يشبه صوت ابن حذلم
گلبي حسيته انگطع الناعي من صوته انسمع
وبين هاي وهاي ادري
السالفه بيها خطر
***
چـــانت اول اجـــروحــي .. انتظار وچان كلش مر
اليـــــوم الي يــــمـــر بـــيه .. ياخـذ روحي اله يمر
البيت اخلاف ابويه حسين .. مثــل المقـــبره اشعر
المحبس صح جماد يكون .. بس يحن عله الخنصر
صعب اتحمل صعب وانه هم عندي گلب
وبين هاي وهاي ادري
راح اعيش اعله الصور
***
صاح الناعـــي والنـاعي .. يوجـــع صــوته للفاگد
وتــدنه عليــه الصــــوت .. چنــــة المنزلي گاصد
يبن حذلم صحت بـَشر .. صاح احتسبي للواحد
التنطرينه علــى صــدره .. حافـــرخيلهــم صاعد
گلبي من صدري وگع هالخبر لمن سمع
وبين هاي وهاي ادري
ظهري حسيته انكسر
***
حيدر تركي الكربلائي
ألآهــــي أنظـــر البكائي
وأستمع ندائي وأستجب دعائي
——————————————
يالآهــــي هــذا عبــدك وأبن عبــدك
شال أديه وجاي يدعي ويشكي عندك
ربي شمله برحمتك والرحمـه وعدك
وأرحــم أدمــوع الذي ماعنــده بعدك
ألآهــــي من كلب ينادي
تعلم بمرادي رحمتك رجائي
——————————————
يالآهي ركــــد ثوبي وجزع صبري
وأجر حسره بأثر حسره طول عمري
كل حياتي بعبرتي مختنك صـــــدري
أشما أصدن للبقيع أدموعي تجـــــري
ألآهـــي ياوكت أشاهد
تنبني مراقد قبلة أقتدائي
——————————————
أنفطر كلبي يالآهي ونار بيــــــه
على زيارة سادتي خير البريــــه
الحسن والسجاد والزهره الزجيه
والامام الباقر السموه أميــــــــــه
ألآهــــي يمته ألنحبهم
ننظر الكببهم ويبتشر ولائي
——————————————
ربي يايوم النشوف المهدي ثايـــر
يمتـــه أبوصالح يجينـــــه بالبشاير
يبني كبــه أمذهبـــه ويبني المنايـر
وللمدينـــه السيدي أتعنـــه زايــــر
ألآهــــي لوظهر ولينه
يبني بالمدينه كبة أوليائي
—————————————
ربي عجل في ظهور المهدي مولاي
خلها من نوره الشريف تنور دنيـــاي
ربي داي أفراكه بينه وصعب هالداي
ربي خلينـــه نشوفـــه برايتـــــه جاي
ألآهــــي أبعث ألنه نوره
وعجل بظهوره وأنهي كل عنائي
——————————————
سلام المشعل
واجعفراه وصادقاه
الزهره اتحب الاقرايه
واتحب هاي الاحچايه
عله المسموم وآ ويلي
عله المسموم وآ ويلي
ــــــــــــــــــــــــــــــــــــــ
ياناس ابمجالسنه 00 الزهره عادتاً تحضر
تلطم عالوجه واتگــول 00 آ يوليدي الاموذر
بس هالليله شو لزمت 00 بديهه الضلع الامكسر
وعله صوب البقيع اتصيح 00 آ اعليك ياجعفر
يم باب الحسينيه
تقره الزهره لطميه
عله المسموم وآ ويلي
عله المسموم وآ ويلي
ــــــــــــــــــــــــــــــــــــــ
يبني دارك الـمحروگ 00 ذكرني بهذيچ النار
ومايفرق تره المسموم 00 من الذابحه البسمار
أنته هدمو گبرك 00 ومنعو تربتك تنزار
وآنه المهدي چن كبري 00 غايب عن الانظار
يالخامس ابذريتي
حرگو بيتك اوبيتي
عله المسموم وآ ويلي
عله المسموم وآ ويلي
ــــــــــــــــــــــــــــــــــــــ
صادق بالفعل والقول 00 يالجرحك كُبر بيه
يسمونك بني العباس 00 چي روحك حسينيه
ابصلاتك جنت ياالله 00 هيچ اتگول يوميه
إرزقني گبر يارب 00 بالغربه البقيعيه
حته اذكر مصيبتهه
المسبيه و خرابتهه
عله المسموم وآ ويلي
عله المسموم وآ ويلي
ــــــــــــــــــــــــــــــــــــــ
عمرك عبر عالسبعين 00 وأنته امعاشر الدمعه
عبـاده نصهن ونصهن 00 زياره بليلة الجمعه
طلّابك تگللهم 00 ياناس العمر شمعه
الماباجي عله العطشان 00 باچر محّد ينفعه
عالـمجلس توصيهم
وعالضـامي تبچيهم
عله المسموم وآ ويلي
عله المسموم وآ ويلي
ــــــــــــــــــــــــــــــــــــــ
اتوصّي الكاظم اتگله 00 يبني بآخر الانفاس
لفلي اعله الجسد رايه 00 بيـــهه ريحة العباس
وتربه كربلائيه 00 حطلياهه جوه الراس
واريدك من بعد ماموت 00 انته اتقود هاي الناس
واعله احسين تقرالي
غالي ورايح الغالي
عله المسموم وآ ويلي
عله المسموم وآ ويلي
ــــــــــــــــــــــــــــــــــــــ
يالصادق يبعد الروح 00 ياعمري ونظر عيني
جيت المجلسك لتگول 00 يمه ما حضرتيني
واعذرني خذاني الشوگ 00 والحسرات تچويني
اريدن امشي للعباس 00 وانعاله عله احسيني
واذكر ليلة العاشر
واگول ابكسرة الخاطر
عله المسموم وآ ويلي
عله المسموم وآ ويلي
ــــــــــــــــــــــــــــــــــــــ
الصادق غمض اعيونه 00 وموسى ايصيح وآ ويلي
مثل گبر الحسن هاليوم 00 يابويه انهدم حيلي
يابيت الوفه اللمني 00 وياخيمه التفييلي
ظهري انكسر ياهالناس 00 شو محّد يتچيلي
سلطان المذاهب مات
الليله صاحت الحوزات
عله المسموم وآ ويلي
عله المسموم وآ ويلي
محمد الجماسي
#اللهم_عجل_لوليك_الفرج
ابوذيات
على لسان من ورثت المصائب بعد الزهراء ع
يـريـت الـصـار بـيـچ ايـصـيـر.. بعداچ
ودهــري بـسـاع يـم الـحـسـن.. بعداچ
مـثـل عـمـر الـــورد تــزهــيــن.. بعداچ
أشـجـنـيـتـي وشفتي بالعـصـره المنيه
*----------------*----------------*
گـبـل جــنـــه الــعــمــر يــمــچ.. وحالي
مـشـيـتـي وضـلـت الــدمــعــة.. وحالي
يتـيـمـه أصـبـحـت مـن زغـري.. وحالي
يـبـچّـي الـحـجـر مـن تـلـفـي الـمـسـيـه
*-----------------*---------------*
✍بقلم خادم الزهراء ع
الشاعر رعد الجريخي
تم زيادة 1000 متابع لقناة اليوتيوب
اذا تحب ازود متابعين قناتك راسلنة خاص👇👇👇👇👇👇
للاستفسار واتساب 07732320742
@ahmed_alziwar0
#الناشر_ملا_حسين_السعيدي_
****
عدهن احساس •• النوگ صاحن صوت رفقن بالعقيله
عدهن احساس •• مـوش هـنّه الـناس غـيرتهم هِزيله
عدهن ابزينب درايه
ناحن الدمع السبايه
____
ناگه تبچي ويمها سبعين الف ضحكت
هُـمّـه مـا ملكو عـقـل بـس هي ملكت
شـافت حسيـن انذبـح و بلحظه هزلت
ابصوت واحد هـي و الميمون صرخت
••••••••••
يا ظليمه •• عـلى وادم تذبح ابعترت نبيها
يا ظليمه •• ولبنات الزهره محتاره ابعبيها
اخوان ماكو ولا حمايه
ناحـن الدمـع السـبايه
__
صاحت الناگه الجبيره ومني اسمعن
يا مـعاشـر نوگـنه و بـهـيده تمـشن
لو خـوات حسين جابوهن يصعدن
هـنّـه تعـبانات وي الـگـاع نوّخـن
•••••••••
صعبه تصعد •• زينب و متعوده بجفوف الكفلها
صعبه تصعد •• بيدها احبال و ركض ورّم رجلها
ارگابچن سوّنها بايه
ناحن الدمع السبايه
_
وانتي صيري ابنصنه يا ناگة رقيه
خـاف مـنـج توگـع ابلـيل السبيه
من تريد اتنام خـل ظـهرج تچـيه
مـو تلچمين الاذن مجروحه هيه
••••••••••
لاخر النوگ •• ردي لو شفت الشمر و السوط بيده
لاخر النوگ •• تـره راس حـسـين يهـتز ابحـديده
عيونه الها اضل ربايه
ناحـن الدمـع السبايه
__
و انتي يا ناگـة عـلي حِنّي الغربته
مـن حـديد الجامـعه حفرت رگبته
لا تخـليـه يلـچم تـذبـح لـچمته
واعله هونج بالمشي لو هل دمعته
••••••••••
علي ابلا روح ••دفن روحـه بالكبر وي والده حسين
علي ابلا روح ••چـم مصيبه وفاجعه شافتهن العين
ترك روحه اوي الضحايه
ناحـن الدمـع السـبايه
___
لو وصلنه السوگ خـل انسوي ركضه
للـعيـون الحـرم هـايه اتصـير عُرضه
و اعله زينب هالمصيبه اهـواي عظمه
الشمس عرگت من خجلهن غدت ظلمه
••••••••••
فرجه فرجه ••سوگ والصايح وصل ضعن الاساره
فرجه فرجه ••مستحه او مو دمع بالعين ايتجاره
واستحت حتى العبايه
ناحـن الـدمع السـبايه
_
فوك ارفعن روسجن صيرلهن ادروع
للـحجار الشام كلها اصطفت اجموع
احجاره مره اعالوجه مره اعالضلوع
تشگف ايد و ايد بيها اتنشف الدموع
•••••••••••
آ يلطفال ••وجوه صفره الخوف نشف حتى دمهم
آ يلطفال •• الجـوع ومن جـلودهـم باين عـظمهم
ازغار ما تحمل رزايه
ناحن الدمـع السبايه
_
✍️ ( سيد خضر الزاملي )
#اللهم_عجل_لوليك_الفرج
#التواصل_مع المدير_@vt_lc
اوصل الكبرك وشمه حلمي حلمي
والبقيع بشوكي ارسمه حلمي حلمي
تجري يالصادق دمعتي // يمته ازورك يا فرحتي
**
يا حبيبي اليا وكت اطحن صبر واليل وحشه
اشكد بجيتك ودربك بدمع الامل قررت ارشه
كافي غربه الطير الي هاجر يحن لابد العشه
حزني طول وجفني بغيابك ابد ما طبك رمشه
انسه احزاني يغالي حلمي حلمي
وطيفك ايمر اعله بالي حلمي حلمي
وندعيت الله بحسرتي // يمته ازورك يا فرحتي
***
يا امامي يمته كلبي ايهيد ويبطل نحيبه
وين اهاجر ينزف بروحي الجرح وانته طبيبه
بخدي دمعه ومن مصيبه العمر كظيته المصيبه
هذا حالي بكلبي حركه عاشك اشتاك الحبيبه
نلتقي ونشبع سوالف حلمي حلمي
انه من فركاك خايف حلمي حلمي
تكسر الخاطر صفنتي // يمته ازورك يا فرحتي
*
الدنيه جارت الدنيه ما تسوه العتب المن اعاتب
بعيد دربي وكمت من ابعيد اسلم عالحبايب
يمته اشوفك الياوكت احصد امل وكعد وراقب
عذبتني انه فارش دمعتي بس للمصايب
اقتصر كون المسافه حلمي حلمي
النورس ايحن الضفافه حلمي حلمي
حركت اجفوفي شمعتي // يمته ازورك يا فرحتي
**
بكل زياره كمت ازورك والكلب ياخذني يمك
حلليته دمي والناتج طلع كالولي دمك
يا نسيمي من أشمن بالهوه معناها اشمك
صادق انته والمدارس تفتخر تتسمه بسمك
راح اجيك بكل طريقه حلمي حلمي
حته اشوفك بالحقيقه حلمي حلمي
اتحير ايوب بمحنتي // يمته ازورك يا فرحتي
***
بالمجالس انه ادري الزهره ميته اعليك حركه
انته غالي واليتاني ايموت لو طالت الفركه
يا حبيبي هيجي واحظن كبرك بشوكي وشبكه
امنيتي اشوفك صارت الدنيه بغيابك والله خنكه
يا غصن عمري وحياتي حلمي حلمي
يمك اختمها صلاتي حلمي حلمي
يا امامي ارحم غربتي // يمته ازورك يا فرحتي
***
هيه فتره وراح ينشر رايته المهدي ابو صالح
الكفرانه ما نمد اجفوفه الجفه ونصافح
انطينه كلمه وبعد لهل الظلم ما نقبل تسامح
والمراقد يشرف اعليهن اكيد الحجه رايح
هيجي والموعود اشوفه حلمي حلمي
ارد اقبلهن جفوفه حلمي حلمي
كل وكت تسعر جمرتي // يمته ازورك يا فرحتي
****
تمت
تحسين الخفاجي
ابوذيه مع نعي بحق الاحباب
العشره ويه الاهل ياخلك كفت
ويهدوم الحزن بس علي كفت
بجيت اوشلت العيون كفت
((عمت من الفراك شلون بيه))
رفيجي الجان دومه شال منه
شال الما عليه شال منه
كحيل وابد ما ينشبع منه
((بلسم للجرح هيبه وتجيه))
اهلنه جزونه ومايعودون
وهيهات ويانه يكعدون
ماتنحمل فركتهم شلون
شلون بالفركه شبدينه
ايشيل النوده وما يجينه
الحيل كله راهنينه
رهنو الحيل و ايسينه
و يفراكهم بيد ادينه
يرجعون ذاك البخت وينه
هيهات للديران يلفون
وتشوفهم وتنام العيون
عزاز كلش ما يهونون
يفراكهم يلجم بالجروح
وعلبال ذكراهم وليروح
عاشرنه بس الدمع والنوح
بقلم الشاعرة أم كرار الساعدي
القصيده 📄بيرغ نينوى
الرادود🎤 عباس عجيد العامري
الشاعر✍علي خزعل الصالحي
ياعشگنه واملنه يبيرغ نينوى
كالشي منك خذينه تره حتى الهوى
صله دمعي اعله خدي بغرامك بالعزه
ويه وجهك توارت وياك الضوء
♦️♦️♦️♦️♦️♦️♦️♦️♦️♦️
طايح ويبات بعينك ليلك
طايح ومشل منك حيلك
طايح جا ياهو اليتجيك
اه وحسينا اه وحسينا
♦️♦️♦️♦️♦️♦️♦️♦️
يا نفسنا وهوانا حلم كلمن يحب
تعطش الماي والگلوب ترويه بعذب
حسين الحساس والاسلام يقينن منحرك
لون الحسين يعشاگ بقلم ربك كتب
♦️♦️♦️♦️♦️♦️♦️♦️♦️
عالي كلمن حبك من گلبه
عالي راسك بديار الغربه
عالي هذه الما عايف ربه
يحسين يحسين يحسين
اه وحسينا اه وحسينا
♦️♦️♦️♦️♦️♦️♦️♦️♦️
يا نظر هاي يعيناي يدرب المايزل
الميت اعليك وذابيك بجنون الطف عدل
يوگف اليل يتانيك انه بعازت گمر
اتودع عباس بالانفاس يشع طوله ويهل
♦️♦️♦️♦️♦️♦️♦️♦️♦️
ليلك لو غمض عين ابلا جف
ليلك يم نحرك يوگف كل صف
ليلك مخلوق من اوجاع الطف
آه وحسينا اه وحسينا
♦️♦️♦️♦️♦️♦️♦️♦️♦️
وخيرك اهواي والفياي تودي كل شمس
دمك يسيل يمعشوك اشوف الطف امس
يحب باخلاص يضل. دوم اله طولت حبل
وانت حبيت ألاهك شعائرنا درس
♦️♦️♦️♦️♦️♦️♦️♦️♦️
ناسك يم كعبت روحك طافت
ناسك وشكد بدروبك ماتت
ناسك غير البالمجلس هامت
اه وحسينا اه وحسينا
♦️♦️♦️♦️♦️♦️♦️♦️♦️
اخر اشواگ بلا افراگ نموت ابلا ذبح
انودعك اغروب نتانيك شمس اول صبح
واليحبك يالحسين يقدملك دمع
كالشي نملك الك هاي نسدلك جرح
♦️♦️♦️♦️♦️♦️♦️♦️♦️
جرحك اشما نبجي انقلل ضيمه
جرحك يبدي من احترگت خيم
جرحك اشفافك صحره ابلا غيمه
يحسين يحسين
♦️♦️♦️♦️♦️♦️♦️♦️♦️♦️
آلگآتبهہ
جوهہرهہ آلجنهہ
عاشت ايدك - والله مسلم
عاشت ايدك – بالزلم تعدم
*1***
ذوله – الخانو بالعهد –
منهم – لاتخلي احد
قائد – تبقى انت الاسد
– بسيفك اكضيهم
اضرب – هامات الكفر
– حارب - لاتقبل عذر
اقتل – ذوله اهل الغدر
– كون تفنيهم
مسلم – منك والنعم
– سيفك ـ طك روس الزلم
اذبح ـ بيهم لاتهم –
حيل دك بيهم
انت عادل – وابد ماتظلم
عاشت ايدك – بالزلم تعدم
2*
بحيدر – ذكرهم علي
وكرر – صولات الولي
فارس – راسك معتلي
– روسهم ذلهه
اذن – كبر للحرب –
قرر – بيهم تنكلب
ويله – الي عندة ذنب –
الكوفه زلزلهه
البس – درع المرتضى –
وسيفك ـ خل يلمظ لضى
واسحك – خشم المارضى
– خشوم تسحلهه
هذا حكمك بالعدل تحكم
عاشت ايدك – بالزلم تعدم
*3**
ثوره – بأسمك تنكتب –
فارس – وحدك بالحرب
اعليهم – اكطع كل درب –
عاشو بحيره
اعليهم - نزلت واقعه –
وسورة – موت وفاجعه
جيش – ابكبره رجعه –
هذا ابو الغيره
يشبه – عباس البطل –
بسيفه – يقرون الاجل
يمه – ماينجه الوصل
– الموت تفسيره
سيفه اله - وبالركب تثلم
عاشت ايدك – بالزلم تعدم
*4**
الكوفه – اسرهه اله –
وياهه – يطبك كربله
بيهم - يحصد منجله –
ماتعب سيفه
يكدر – يصعد عالشمس-
هوس – واطاهم درس
فنه – النجه بالنفس –
مسلم بكيفه
يكطع – راسه الي بده
– منهم – ويله العاندة –
العسكر – كله شردة
– وما أخذ حيفه
ريحت الموت – اعداك خلهه تشم
عاشت ايدك – بالزلم تعدم
**5*
سيفك – سابيهم سبي –
لبسو – عدوانك عبي
بيدك - عصات النبي
– موسى وتطكهم
انت – راعي المرجله
– افعل – بيهم مقتله
زرعك – دنك سنبله
– وباقي تحصدهم
رتل - ايات النصر –
والعن – كل كذاب اشر
الخانو – لاتقبل عذ ر
– الخانوا اطردهم –
والحرب يمك – لو ردت تحسم
عاشت ايدك – بالزلم تعدم
،،،،،،،،،،،،،،،،،،،،،،،،
حيدر موسى الرميثي
هاي الزهره ادير العين
مابين الصادق وحسين
...........
هليله الزهره ابلوعتهه
محنيه وخنكت عبرتهه
لصادق صبت دمعتهه
وشينشفهه ادموع البين
.........
مره اتعاين صوب الحومه
وتتذكرالحسين ويومه
وبيوم الصادق مهمومه
صارت بالهم للصوبين
.........
حزنانه الزهره حزنانه
للصادق راحت لهفانه
يوليدي جيتك غضبانه
يالصادق واحمل جرحين
........
يالصادق بهموم العتره
تتعنالك راح الزهره
تدري شظمت عنك صطره
والظلع الصايرنصين
..........
محنيه وكوم اتلكاهه
شافت بس ضيم ابدنياهه
روح الكبر احسين وياهه
وجيبلهه اهناك الجفين
..........
واسيهه ابدمعات عيونك
من جتك وتكول شلونك
شافت اصفرصاير لونك
شافت جبدك صار ثنين
.............
علي الحاج الصبيحاوي
شي من الوجدان بحق
مالك الروح والوجدان
#ياحسين_ياشهيد_كربلاء
مگدر الحب اعله اطوله
ياعشكنه من الطفوله
موبدينه من هوينه----ياحسين
يامالك اكلوب البشر بالفطره
ثاري المحبه من الزغر هم شمره
تلكاهة بذرة ومحله ذيج البذره
كلمن يحب هذا عارف قدره
ياحسين شلون بينه
هل عشگ لا موبدينه
موبدينه من هوينه----ياحسين
----------------
يحله العشگ لمن اصل للحظره
لمن انظرك وانته منك نظره
صاحب بخت يابو علي لتحظره
كل لحظه يمك تسوه حجه وعمره
انته ياشيخ اعله كلبي
افتخر بس الك حبي
موبدينه من هوينه----ياحسين
-------------
من الزغر وانه طفل بيامي
من اضحك حسين اليجي بحلامي
عل فطره گلبي شكد حقيقي اسلامي
ماعندي غيرك انت بس كدامي
نعمه يانعمه شكبرهه
هسه حسيت بثمرهه
موبدينه من هوينه----ياحسين
-----------------
مشكور ياگلبي عرفت وحبيت
نعم الحبيب حسين من اختاريت
ياريت من عدنه بعد اه ياريت
باب العشك سديته مني ارتاحيت
عشگ الحسين شحلاته
هل بشر ماكو بغلاته
موبدينه من هوينه----ياحسين
----------------
لذت عشگ بشفافي من ادعيله
لا اشر بجفي ولا اوميله
بعيوني يعرف حاجتي من اشكيله
قران اسمه يلفظ ترتيله
عدنه عشره من الطفوله
مايرد شما نكوله
موبدينه من هوينه----ياحسين
مهند الشمري
ضلت تشب وسط الحشى نار ام البنين
حنه بدو وكله البدو تتباها بحسين
ما تركنه افعالنا حنه سود ادلالنا
****
ليه فاركَت الكَبيله وخيبت امالنا
مالنا وماله المنايا والمنايا مالنا
فركتك بالعون صعبه وما طيب جرحنا
منهو يستكبل مجانك من يعاود ضيفنا
يامن حزمت امتاعك وناوي عله ارحيل
ما كان ابد في بالنا يا شيخنا تشيل
فاركيت اديارنا وحنه سود ادلالنا
****
كَلبي من بعده الحبايب لا تضن جرحه يطيب
حنه في دنيانه هاذي مالنا كَسمه ونصيب
اشركَت بالدار شمسك ليه عن دارك تغيب
تدري غيرك يشهد الله ما كَصدنا يالحبيب
ياعزوة المجدي يبو اجفوف الصخيه
وام البنين اطباعها كلها ابدويه
يا رجانا وفخرنا حنه سود ادلالنا
****
بدمعتي عباس كتله لا تعاود يولدي
والله لو يحصل بيدي بروحي لحسين افتدي
لا تخلي اوحيد خيك وانته فاهم مكَصدي
بكربله نول المعالي يا ضناي وساعدي
يابه الفضل مافي احد مثلك من الناس
بالك تفاركَ بالضعن خيتك يعباس
تبكَه زينب عزنا وحنه سود ادلالنا
****
افرسك عباس طلعو ونوكَ اخيتك شدها زين
ولا تدير اضهرك عنها وبالدرب لا تغفه عين
انته يا عباس ذخري وانته ولد ام البنين
ضحي بجفوفك وعينك لجل مولاك الحسين
حادي الركايب طوح وضل يحدي بالنوكَ
كَلبي عليهم خايف وذابحني الشوكَ
لله ما شفته الهنا وحنه سود ادلالنا
***
ارحلو بالنوك وبكت ظلمه كل ابيوتنا
من بعد ذيج النشامه يعلم الله بحالنا
كثرت الاحزان فينه وما كتمنه دموعنا
وسارت بعيده القوافل ليه عن عيوننا
بربع بنيني اتبرعت لبنه الغيارى
وتأملت فجره المنى يطلع نهارى
ليه تهدم سرحنا حنه سود ادلالنا
**
تمت
تحسين الخفاجي
جديد محرم الحرام ٢٠٢٣
فتحة مجلس بحق فاطمة العليلة
وي الـهـوى ٭٭ وديت ألك مرسالي
گلبي نجوه ٭٭ من سافرت يالغالي
٭ــــــــــــــ❀❀✿❀❀ـــــــــــ٭
طفله وعليلة بالا اهل ظليت اون بداري
ويچن علي ليل الاسى يا حسرة انتظاري
وحدي ويعذبني البعد يا لوعتي ومراري
بعيوني مـا مـيـز الوگت ليلي شبه نهاري
راح الضوه ٭٭ الدنيا ظلمة گبالي
گلبي نجوه ٭٭ من سافرت يالغالي
٭ــــــــــــــ❀❀✿❀❀ـــــــــــ٭
شيصـبر الفـاگد ابـو نـار الـگـلـب لـهـابـه
حزني عليه ماينگضي يادمعتي السچابه
هيج ويذكرني العطركل ساعة اشم بثيابه
أيست ما عندي امل يوم المشه وسد بابه
ماظل دوه ٭٭ دمعي يضل يلالي
گلبي نجوه ٭٭ من سافرت يالغالي
٭ــــــــــــــ❀❀✿❀❀ـــــــــــ٭
اكتب رساله بدمعتي وشرح غربتي وخوفي
والحبر دم من ناظري والحسره هيه حروفي
يانسمة حمليها بعجل وخذيها من چفوفي
بلغي الاهل بيه شجره رايح عليهم شوفي
جسمي خوه ٭٭ والذكريات أبالي
گلبي نجوه ٭٭ من سافرت يالغالي
٭ــــــــــــــ❀❀✿❀❀ـــــــــــ٭
ساعة رحيلك تبتدي يابوية كل احزاني
جمرة افراگك تستعر تلهب تظل نيراني
من واعدتني برجعتك عشت بأمل أتاني
والمدة شو طالت علي ياخوفي لاتنساني
ضهري التوه ٭٭ محني يظل للتالي
گلبي نجـوه ٭٭ من سافرت يالغالي
٭ــــــــــــــ❀❀✿❀❀ـــــــــــ
دلالي بالهم أمنله لمـــــــن يفارك خله
ومنين اجيبك ياصبر مودربي مااندله
غياب الاهل كلش كلف لا ابد مو محله
كملها عبدالله ومـشه خلف بگلبي عله
حزني حتوه ٭٭ ضيم والم دلالي
گلبي نجوه ٭٭ من سافرت يالغالي
٭ــــــــــــــ❀❀✿❀❀ـــــــــــ٭
الشاعر غازي الساعدي
حال مولاتنا فاطمة صلوات الله عليها
#######################
ست اشهور احسبله احساب
وضيع تعبي ذاك الباب
ابني ومنتضرته يصير
وتالي ايموت بچف سلاب
ليش اوليدي ما مرتاح
شفته بعيني المحسن طاح
ردته شويه بحضني ينام
وجاله البسمار الذبااح
الطفل لو طاح غير يصيح يمه
المحسن ما حچه المسكته دمه
تطشر انتظاري بدفعة الباب
وردت بس مره وحده كون اشمه
رايح حناني .. يمه يمه
الخاين زماني .. يمه يمه
بس مره گلي .. يمه يمه
ليش ابقى اعاني .. يمه يمه
###
اغفه براحه أوليدي ونام
بلكي وتطلع هاي احلام
شده وتخلص يمه انگول
حضني لطولك ضل محتام
اگـعـد بـعـد أمــــك والروح
ما اريدك من حضني تروح
ماني مصدگه أوليدي تموت
بلـكــي وتـطــلع ما مذبوح
ردت بس مره كون تصيح بسمي
ما ميـت واگـعـدك بـيـدي يـبني
من النسمه اخاف اعليك تدريني
چا تاليها اشــوف تـمـوت يمي
راح انتظاري .. يمه يمه
يبسو خظاري .. يمه يمه
تعبتني روحي .. يمه يمه
وباگو نهاري .. يمه يمه
##
فدوه اتنفس ليش اتموت
اشويه اضحكلي لو بسكوت
التاكل بيه يـبـني اهـواي
ما يـرهـمـلك اي تابـــوت
رحت من ايدي يمه ابساع
المثلي تربي وتاخذ گاع
ما همني ضلعي المكسور
الهمني اوليدي مني ضاع
صـعــبـه الـيـتـعب يضيعونه تعبه
اريده بحضني مـو بالگـاع يـربه
أعطشت مثل الحسين وانه احسك
وجبتلك ماي گلت اوليدي اشربه
الماي اشطلبنه .. يمه يمه
اهوايه تعبنه ... يمه يمه
شعده وي بزري .. يمه يمه
ما چنه حبنه ... يمه يمه
###
چنت امحضرتلك كاروك
وجاني الموت بگلبي يروك
ياعطر امك واحله اوليد
ليش الوادم ما شموك
يالما مشتم حتى انفاس
تهضمني وتجرحلي احساس
ما گالو بأبني أعله الخير
الله يعوضه تگول الناس
اشم بريـحـتك وأدمـوعي تجري
يشمامـة الزهره وتـعـب عـمـري
اريد اسأل الفگدن عن الأولاد
خاطر لو رضن اقـبـل بكسري
گلبي كسرته .. يمه يمه
بيوم الهجرته .. يمه يمه
ليهسه اصيحن .. يمه يمه
وابني خسرته .. يمه يمه
####
✍️ابو فضه الحميداوي
#_ليلة_الخدام
#_أعظم_الله_لنا_ولكم_الأجر
#_موشح
:::::::::::::::::::::::::::::::::::::::::::::::::::::::::::::::::
الحمد لله والشكر صرنه خدم
هاي نعمه مـو مثل كـل النـعم
:::::::::::::::::::::::::::::::::::::::::::::::::::::::::::::::::::
هاي نـعمه تـستحق كـل الشكـر
بيها ربنه هـواي متفضل اشكثر
اعليها محسودين كل هذا العمر
خـادم العـتره مكـانه بالـقـمـم ...
:::::::::::::::::::::::::::::::::::::::::::::::::::::::::::::::::::
وبـالــشُـكـر اتـدوم كـالــنـه الإلـه
غير هـذا الدرب مـا عـدنه سواه
نهجه واضح والقصد وي مبتغاه
مصدر الإلهام صارالنه اوهـمـم ...
:::::::::::::::::::::::::::::::::::::::::::::::::::::::::::::::::::
خـادم الزهـراء مـو سهـلـه تـره
وخادم حسين اتسمـه وحيدره
هـالاســم ويّـاك دنـيـا وآخــره
بالك ابفـد يـوم وتـزل الـقـدم ..
:::::::::::::::::::::::::::::::::::::::::::::::::::::::::::::::::::
معركـة تـثـبـيت والباقي إسِم
يالله ويّه الهمّه شدوها الحزِم
خيـر أهـل البيت ما تطلع تِـلِم
خاسر الما راد والخادم سلَم ..
:::::::::::::::::::::::::::::::::::::::::::::::::::::::::::::::::::
باب مـفتاح الـفرج هـوَ الصبر
والخدامـه تـنـحسب النه ذخر
بـاجـر الـبـرزخ ورانـه والـقـبـر
ما نِعَظ اصبعنه عالخدمه ندم ...
::::::::::::::::::::::::::::::::::::::::::::::::::::::::::::::::::
ونسألكم الدعاء
لخادم أهل البيت(ع): علي فائز الخفاجي
نزله العباس ع السلام
عبدالهادي العريفاوي
وسفه نايم ياشهم نومك حله
ونته للشدات زود ومرجله
ليش نايم ياشهم صوب النهر
هاي منك لو نكول من القدر
بنومتك عباس مو ظهري انكسر
ونته حماي الظعينه بكربله
زينب انه وتدري بيه مخدره
مااظن تقبل يسبع الكنطره
يااله الكون شنهي المجزره
وبالمصايب دنيه ليش مهلهله
اتحيرت مابين حالي وحيرتي
يامصيبه اللي تشابه بلوتي
اندب بكل صوت ماكو امنخوتي
اه ياويلي بمصيبة كربله
عفت اخوك حسين ياراعي الشدد
وسفه راسك يالاخوا صابه العمد
بطيحتك عباس كل حيلي انظهد
انه جنت بجال اخوي امدلله
يالعفت زينب غريبه بلا اهل
من شفت عباس عالشاطي انجتل
شرد اجاوب لليجي وعنك سال
منهو عكبك يعدل النه المايله
كلبي محتار بونينه ولوعته
عيني صدت صوب اخوي وشافته
عالنهر مطروح صارت نومته
من وكع عباس جن ضاك الفله
ظل وحيد حسين والحيل انهدم
من وكع عباس من ايده العلم
عينه للعدوان لو صوب الخيم
وتدري كلب حسين يم العاايله
أبيات ابوذيه الى الإمام الحسين عليه السلام
سحــر مــاخــذ دليلـي يا هوى حسين
شحلاته بريتي يصعد يا هوى حسين
يســـألنـي المعـــانــــد يــاهــو حسين
عـــزيز الله ومحمــد والزچيـــه
*-----*-----*-----*-----*
قسم بل الــي جعلهـا قبـله لحسين
فـــاز البــل خــدامــه قبلَه الحسين
المحب بيـوم طبـعت قبله لحسين
حيــــاتــه أتحــولت نــوح ورزيه
*-----*-----*-----*-----*
الشاعر
موسى البديري
جميع دروس المقامات الفرعية والاصلية تجدونها هنا👇🏿👇🏿👇🏿👇🏿👇🏿
https://youtube.com/channel/UCz03jT4unuka51X7foOyXcg
#دعم_مؤسسة_منبريون_الحسينية_رقم3
#ملاحظة_الدعم_3_ساعات_وينمسح_من_القناة
1/الشاعر ابو احمد الطائي
@sadqdd
2/انين الطفوف ام يحيى العبودي
@amyahaaaleabude
3/الشاعرة نشوان الكناني
@Nshwan_1999
4/قناة تعليم الاوزان فالح العامري
@abooredha
5/الشاعر عباس الصالحي
@AbbasAlsalhi
6/الشاعر فاروق العيساوي
@faroqesavi
7/الشاعر عباس المجتومي
@abaas997
8/الرادود علي الدلفي
@aliali12345aliali123
9/الرادود علي الحبيب الغزي
@Mulaali4
10/الشاعر والرادود جهاد السلطاني
@jahadsoltani
11//الشاعره كلثوم الساعدي
@ailyihg
12/القارئ والناعي عصام المحمداوي
@vkhhgfffggg57812
13/الشاعر ابو قسور العويدي
@fff45
14/ملا عمار الديباجي الحسيني
@afghgghhh
15/الشاعر حميد الشويلي
@hameedd100
16/الشاعره ام سعد الشمري
@um1966ahmed
17/الرادود محمد ابو سجاد الكعبي
@mngfuy
18/الرادود أمير الفتلاوي
@amarr_hasnn
19/الرادود عبد الزهره الركابي
@ksaiabmolahna
20/الرادود شهاب الشغانبي
@mnfvgbb
21/الرادود فارس المرياني
@almreaniy93
22/الرادود غازي الساعدي خادم. العقيلة
@KHADAMALAQELA
23/الملحن الملا فلاح الغانم
@almulla8800
24/الرادود احمد المياحي
@ahmedalmayah
25/الرادود سيد منتظر الموسوي
@Muntazar_ALMussawi
26/الرادودو السيد باسم الموزاني
@hussienbnAli
26/الرادود منير القريشي
@muncf
27/الرادود حسين القريشي
@krehte
28/الرادود شهاب الموسوي
@saidshehab27
29/الرادود والناعي ابو زينب المحمداوي
@a_1959
30/الرادود ملا عمار العامري
@Aamra3456
31/الرادود علي الشبلي
@ali_alshble
32/الشاعر منتظر الكعبي
@juhsa
33/الناعي ابو زينب المحمداوي
@a_1959
34/قصائد على لحن باسم
@qwergtyyuujjjjjkk
35/آه يادمعة رقية خاصة
@deaa1989
36/ملا علي يوشة
@MullaAliyousha
37/الناشر خادم الخدام
@alialaialai
38/قصائد زنجيل
@zngel1441
39/النعي والرثاء لمجالس سيد الشهداء
@AL_Nay_and_Alrthaa
40/محاضرات وقصائد ومعلومات
@Alhasasn18
41/صوت الحسين لنشر القصائد
@hkcjhfjoggohcc
42/فخر المخدرات زينب لنشر القصائد
@sxggnj
43/ويبقى الحسين لنشر القصائد
@qqq88997ffff
44/الشاعر رائد البزوني
@HassanKarim7
45/الشاعرة ام علي افضل الزينبي
@omali1290
46/رابطة مسلم ابن عقيل عليه السلام
@mslmapnAGyel
47/الشاعرة زمن حاتم الربيعي
@pntAlMirza_zamn
48/اشعار زينبية فاطمية
@najiqq
49/الشاعر محمد الشريفي.
@mlamemd
50/الرادود ابو محمد الدراجي
@jabeier
51/الشاعر ازهر الزيدي
@qwqerd
52/الشاعرة نور الظهور المقدس ام ليث
@Yazahraaa655
53/الشاعر عمار الغزي
@nnrjsb
54/الشاعر والرادود عقيل الكرعاوي
@akeellll
55/الشاعر كرار الزهيري
@uyyrew
56/الشاعر جاسم العامري
@jasemalameri1999
57/ الشاعر مهند الدريساوي
@mohaneedatea
58/ الشاعر حسين الطائي
@handresalrekabi
59/ حسنين المحنة
@azlvideo123
60/ الشاعرة ام علي الموسوي
@zxop1222
61/الشاعر السيد محمد الموسوي
@qwertyuiopasdfghjklasdfbnm
62/ الشاعرة رافضية وافتخر
@vgdtyhjj
63/ الشاعر ابو سجاد الجعفري
@abosajadaljafre
64/ الشاعرة هاجر الزينبية
@HH_7W15
65/الشاعرة فضيلة هاشم الموسوي
@dmoh91
75/الرادود احمد الزوار
/channel/+Jyx8QkcZqbBiNWJi
لطميه للعباس (ع) زينب (ع) تخاطب ابو الفضل (ع) عندما حضروا النياق الى السبي
الشمر حضر ناكتي وشد الحبل بيميني
وشد الحبل بيميني
عباس نزلت دمعتي وعالنهر دارت عيني
وعالنهر دارت عيني
يالنايم انته براكه
شلون اركب عله الناكه
وعالنهر دارت عيني ٢
يالنايم براك النهر اكعد وعاين حالي
ياهو اليركبني صحت ياهو اليركب اطفالي
ريتك تشاهد منظري والشمر من صاحالي
الناكه هزله ومتعبه وبجفوفي شد احبالي
ونار الكلب حراكه
شلون اركب عله الناكه
وعالنهر دارت عيني ٢
*
جريت حسرة من الكلب والنار سعرت بيه
حيرانه بثنين اصبحت عيني بكت مجريه
بركبت الناكه اتحيرت وبجلمة المسبيه
تمنيتها عيوني طفت وي عينك المطفيه
ولاشمر ضعنك ساكه
شلون اركب عله الناكه
وعالنهر دارت عيني ٢
من جدم انياكه الشمرلوتدري بيه شحسيت
واكف اكبالي برايتك واسمع ونينك ونيت
انه كفيل ام الخدر ويم النياك ادنيت
توميلي خويه بيمنتك وتكلي يازينب جيت
الجف كافلي مشتاكه
شلون اركب عله الناكه
وعالنهر دارت عيني ٢
من شوك كلبي ليمنتك ونت الروح بهيده
روحي عليك اتحسرت جف الكفاله تريده
واجابني لازم يجي وذاك الزمان يعيده
محد يكرب ناكتي غير الكفيل وايده
منين اجاني افراكه
شلون اركب عله الناكه
وعالنهر دارت عيني ٢
***
عباس منك ايست وسلمت امري الباريك
مريت صوب المشرعه وعيوني هيه تحاجيك
يالنابت بعينك سهم وشلون الاعتاب عليك
جاشني كلب ام الخدرفوك الشريعه تخليك
والدرب راد ارفاكه
شلون اركب عله الناكه
عالنهر دارت عيني ٢
✍ الشاعره ام زينب
شنسه منكم روحي وعيوني بضعنكم
شنسه منكم ذكرياتي بكد عطشكم شنسه منكم
دورت كلبي وراكم مالكيته ..يمكن بكاروك عبدلله لكيته
شافني عبدلله ناغه وكض اديه
جنه ابني وحيل متعود عليه
كتله اخذ كلبي ويه كاروكك هديه
بلكي كلبي يذكر الماشين بيه
جنه كلنه ..نلتم ونكعد سوويه
جنه كلنه ... ويغفه عبدلله على اديه
هسه كلبي هناك وي عبد لله غافي
يكله نايم يلولد نوم العوافي
..................................................
شكد جبيره من حبيبك ينوي فركه
تسوي روحك صابر وحزنك تخنكه
بحجه اتزته لجن نيتك تلحكه
تريد بس ايصيحك وتركض تشبكه
مايصيحك ..ونت حاير تبقه وحدك
مايصيحك ... شكم تعال تموت عندك
شايف من اتاني غالي يصيح باسمك
ظل تاشرله لحد ما يجفي دمك
..................................................
خايفه والحيره تاخذني وتردني
امجلبه سكينه واجه حسين وصلني
شفته يتلفت عليه حد ماعبرني
من حجه عيونه عرفته ماحسبني
امنيتي جلمه .. كومي البسيها عباتج
امنيتي جلمه ...ركبي وي هودج خواتج
من شبكته وهو شابكني بجفوفه
عفته بس شيقنع جفوفي تعوفه
..................................................
واكفه بنص الدرب لمن عبرتو
مثل شمس المغرب ابسرعه
الهضمني اعليه كلساع التفتو
جا لمن شفتوني اركض ماركضتوو
دورتكم ...بلجروح وماشفتكم
دورتكم ...ياهلي ودمعي رسمكم
دمعي يرسم نار ومجلبه يتيمه
كلبي اجاه ونجوه بجمرات خيمه
..................................................
راح اطش سنيني يابويه بضهركم
بلكي بيهن حووبه ويردن ضعنكم
ماكلفكم ردت بس طيف منكم
ارد اعاينكم وشمنكم وجيكم
من شفتكم ..هلي يلكوه اعرفتكم
من شفتكم ...هواي متغيرين جنكم
بكثر مامتغيره او ماعرفتي زينب
جيتكم ملهووفه بيه الشووك يلهب
لسان حال زينب اتگل للعباس :
اخاف ينلچم گلبك ... بلاماي
ينايم عالنهر تدري ... بلاماي
احسين انذبح جدامي ... بلا ماي
وثلث تيام ضل اعله الوطيه ...
ابو فاطمة الطائي
يحسين زينب لفت حيهم يواليه
@@@@@@@@@@
مهضومه وتشتمت محترمه من الشمس
ومتوته تفرهدن والصود ماذيه
تعبه درب اليسر وبت حيدر وعودت
مستاكه انه للخدر وتديد اهاليه
وتصيح يافزعتك
يحسين ومروتك
رد راسك الركبتك
لو راس ما بيه
@@########
نسوانكم عودت حمر العبي من الشمس
شوفله خيمت ستر خل تتستتر بيه
بحسين بعده الضعن بي روح من الخدر
من كربله للقهر لاتنخسف بيه
مشتهيه منك هله
ينايم لكربله
كوم احسب العايله
يمكن نقص بيه
############
عكب الخدر والحرم بين العرب والعجم
كل ماتطيح الحرم تتفرج عليه
يحسين تالي اصبحت بين الفشل والشمر
وعيوني جيتك دمه وداخان عاميه
تعبني ضيم اليسر
يحسين فك الكبر
وبكربله اخذ العمر
مريد انه اجزيه
@@@@@@@
جم اه يمك. صحت بس ماكمت يلمتت
يلكتلي بيدي الخدر بحبال تاليه
يم راسك ولاصحت يلجم نحرك خفت
بس هسه يم الكبر خل جلمت احجيه
يم راسك وجلبت
بسوك وتعثرت
وركض كمت وطحت
والشيله الف بيه
@@@@@@###
يحسين رد الضعن بس موضعن حيدره
يازينب ام الخدر فركاك سابيه
بلكوفه وعل هزل لاهودج ولاستر
والرايه بيد الشمر يمي ويهز بيه
صارت تراجي الخدر
حصت بنات الشمر
بس وكفتي البقصر
ماكدر احجيه
@@@@@@@@
نعي بحق سيد محمد الصدر طور گرناوي
يبو حچي الحلو يا منبع الـطيب
يـاشيبت بخت بخدود المعمرين
حرام تروح واحنه بعازت اخيار
المنبر فـاگدك هــل صـارله سنين
،،،،،،،،،، ،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،
الـــكوفـه تنـوح والـمنبر والايام
شـمـا دارت سنـه تنعـاد الاهـات
خلن چـم جـرح بگلوب الاحباب
شما طالت يـسيد هـل مسافات
،،،،،،،،،،،،،،،،،،،،،،،،،،،،،،،،،،، ،،،،،،،،،،،،،، ،،،،،،،،،،،،،،،،، ،،
الجمعه تريد آهلها اوتنشد اهواي
ماواحد تشوفه يسد هل المچان
بــس انته اجمعت يا سيد الناس
اوحيل تعلمت عن صوت الحنان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اخــــر يـوم اصبح يـوم ميشوم
اخذتو اگلوبنه يــل كلكم اعـزاز
يـريت المـــوت يتبدل واراويـك
اصـير انــــــه ابدالك بـيد جنـاز
،،،،،،،،،،،،،،،،،،،،،،، ،،،،،،،،،،،، ،،،،،،،،،،،،،،،،،،،،،،،،،،،،،، ،
احـــــنه ابعازتك ونريدك اتـعـود
علينه اشچم جبان السانهم طـال
يـل بيدك اترده اوعينه تــــشـوف
صـار فراگك ألنـه بثگل الـجبال
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابـــنك لازم امـچانك،،،، والك بار
فديت اولادك القاسم،،،،والك بار
نهيـــم ابحر ما نوفي،،،،،والك بار
تهنه اومـــــا عـــــرفنه اليا نويه
،،،،،،،،،، ، ،،،،، ،،،،،،،،،،،،،،،،،،،،،،،،، ،، ،، ،، ،،،،،،،،،،،
الشاعر ابو ماجد الشغانبي
غيور صبور
حبيب بن مظاهر
شـيخ وذب الخاچـيه
اكبال حيود البــدويه
حبيب بن مظاهر
➖➖
شيخ بمضيفه وبالحرب هم شيخ ميدان
والـــدّله سيفه وضل يفر بالـزلم فـــنجان
ضل يذبح العشره سوه مـــن دون عــوان
يردم ردم ضل بالــزلم ما چنـه عطــشـان
كضاه الدناه ... ابد ما چـنه شايب
ضل يطگ ميه بميـه
اكبال احيود البدويه
حبيب بن مظاهر
➖➖➖
يم الخيم صاح وفتـح ميدان الانصار
ورفت بيارغهم ســوه ورباطـهم حــار
مهوالهم عابس صبح ضل يرتجـل نار
لليدنه علـوية علي راسه انحسـم طار
زهير برير .. اله سوو عــراضه
يهوس كام بعـوجيه
كبال احيود البدويه
حبيب بن مظاهر
➖➖➖
صاحلها ها يا بت علي امني اعله الخيام
والعين التصـــد للـــحرم اعميــها بسهام
رايد مـــنيته اليوصـــلج يا بنــت الاكرام
ذوله احنه سور اعله الخيم كل احنه خدام
جبير واصير .. شباب بساعة الكر
وتحــــــزّم بالجــفيه
كبال احيود البدويه
حبيب بن مظاهر
➖➖➖
بروس الزلم عزب مثل ما عزب الضيف
من دخّن ابراسه العزم وتناوش الـسيف
عطّاب من ايده طــــلع وستنگه بالكيف
جمرة سموم وهد لهب بحرورة الصـيف
اليفوت يموت .. اليلاكيه ابنزاله
وعي الطف بيهم عيه
كبال احيود البـدويه
حبيب بن مظاهر
➖➖➖
شايب لجن مـا ينلوي ماكو زلم صاح
فـر الزلم بيـده مثـــل فــرت المسباح
والما يلوحه من الزلم بعوچيته ينلاح
تستنگه عينه عالرگب صمصامه ذباح
علاه لواه .. عله بعلو المناير
تكفه اتكـله العلويه
كبال حيود البدويه
حبيب بن مظاهر
➖➖➖
✍️حيدر عبدالله السعيدي
في وفاة السيدة زينب (ع)
يرفعة راسي .. سِكَنْتِي احساسي
تصيح أنفاسي .. مدد يا زينب
&&&&&
يمن نوَّرتي دربي .. او سِكَنْتي هذا كلبي
وَقِفْ خليته حبي .. إلِج يا بت محمد
يزينب بعتقادي .. تلزمي لي الأيادي
الشلتها وآنه اَنادي .. الحوايج كلها باليد
يبنت الهادي .. أريد امرادي
ينادي افادي .. مدد يا زينب
&&&&&
أدوِّر عن شفائي .. منِ اجروحي او بَلائي
البشر وِصْفوا دوائي .. أو دلّوني اعله كبرِج
أعرفِج إنتي رحمه .. او حروفِج أحلى نسمه
امن أجيب الظامي إسمه .. إلي يفزع لي خِدْرِج
ابوجوه اَحبابِج .. مَيِنْسَد بابِج
أبد واترابِج .. مدد يا زينب
&&&&&
إذا ضاكت عليه .. يبت حامي الحميه
دموعي اتظل جِريه .. وَكِلّج ها يحُرَّه
بعد ما عندي غيرِج .. أنا عبدِج واَسيرِج
واذا يشملني خيرِج .. فلا اتمُر بيَّه حسره
لطُمها اضلوعي .. يسكّن روعي
أخِط بدموعي .. مدد يا زينب
&&&&&
خدِمْتِج عندي غايه .. يمن إسمِج هدايه
أضحِّي لِج دِمايه .. وِ لِج أهدي مناحر
بدونِج شنهي دنيه .. إلي حزنِج هويه
او مصاب الغاضريه .. رِسَم خط الشعائر
أظل يا زينب .. أوِن لِج و اَنحَب
محبتِج مذهب .. مدد يا زينب
&&&&&
حشا ما لحظه ناسي .. اللي شفتي امن المآسي
نِعالِج فوكـ راسي .. يَلِمْشَرْفه العوالم
إذا عندك عداله .. او تدوِّر عن بَسَاله
المجد حِطّ ابِّداله .. عقيلة آل هاشم
أبد ما اَعوفِج .. دليلي ايطوفِج
وَرَتْلِ احروفِج .. مدد يا زينب
&&&&&
خادم زينب (ع) : إبراهيم الدريس
ضلت تشب وسط الحشى نار ام البنين
حنه بدو وكله البدو تتباها بحسين
ما تركنه افعالنا حنه سود ادلالنا
****
ليه فاركَت الكَبيله وخيبت امالنا
مالنا وماله المنايا والمنايا مالنا
فركتك بالعون صعبه وما طيب جرحنا
منهو يستكبل مجانك من يعاود ضيفنا
يامن حزمت امتاعك وناوي عله ارحيل
ما كان ابد في بالنا يا شيخنا تشيل
فاركيت اديارنا وحنه سود ادلالنا
****
كَلبي من بعده الحبايب لا تضن جرحه يطيب
حنه في دنيانه هاذي مالنا كَسمه ونصيب
اشركَت بالدار شمسك ليه عن دارك تغيب
تدري غيرك يشهد الله ما كَصدنا يالحبيب
ياعزوة المجدي يبو اجفوف الصخيه
وام البنين اطباعها كلها ابدويه
يا رجانا وفخرنا حنه سود ادلالنا
****
بدمعتي عباس كتله لا تعاود يولدي
والله لو يحصل بيدي بروحي لحسين افتدي
لا تخلي اوحيد خيك وانته فاهم مكَصدي
بكربله نول المعالي يا ضناي وساعدي
يابه الفضل مافي احد مثلك من الناس
بالك تفاركَ بالضعن خيتك يعباس
تبكَه زينب عزنا وحنه سود ادلالنا
****
افرسك عباس طلعو ونوكَ اخيتك شدها زين
ولا تدير اضهرك عنها وبالدرب لا تغفه عين
انته يا عباس ذخري وانته ولد ام البنين
ضحي بجفوفك وعينك لجل مولاك الحسين
حادي الركايب طوح وضل يحدي بالنوكَ
كَلبي عليهم خايف وذابحني الشوكَ
لله ما شفته الهنا وحنه سود ادلالنا
***
ارحلو بالنوك وبكت ظلمه كل ابيوتنا
من بعد ذيج النشامه يعلم الله بحالنا
كثرت الاحزان فينه وما كتمنه دموعنا
وسارت بعيده القوافل ليه عن عيوننا
بربع بنيني اتبرعت لبنه الغيارى
وتأملت فجره المنى يطلع نهارى
ليه تهدم سرحنا حنه سود ادلالنا
**
تمت
تحسين الخفاجي
اي يزينب وينهم
دمعه صرتي بعينهم
كافلج وحسين شو ما بينوا
عالهزل مجتوفه عافوج وغفوا
ما اجوج اثنينهم
__؛
إمبين عله اجدامج تعب
محتاره اشوفج ياعجب
وين النشامه..
يمكن عله خدودج دمع
لو هذا يا زينب شمع
تارك علامه..
سهرانه اشوفج للصبح
واتصور ابمتنج جرح
ينزف ملامه..
تتراكض ادموعج ركض
جم مره طحتي اعله الأرض
مثل الحمامه
خايفه إمن اخيالج
وبس شمر يبرالج
جنهم اخوانج يحره إتوذروا
عالهزل مجتوفه عافوج وغفوا
ما اجوج اثنينهم
____؛
جدمج إذا يمشي ويرد
يملي الارض ياس اورد
شو هسه حافي
وين اخوتج عنج مشوا
ولو كلتي يازينب غفوا
نوم العوافي
مو سهله وحدج بالفله
إيخزرج سنان وحرمله
وراح اليوافي
حكج إذا تتألمي
آنه أدري طبع الهاشمي
لا ما يجافي
إشماله جدمج حافي
والجمر بي طافي
انتي مو إخت الأبد ما دنكوا
عالهزل مجتوفه عافوج وغفوا
ما اجوج اثنينهم
____؛
وين الكمر يخت الكمر
جنج ندهتي واعتذر
لو ما ندهتي
ومن حركوا خيام وعمد
عن الوفه وعن الوعد
يمكن سألتي
معقوله ما كلتيله فز
شوف الحبل بختك يحز
لو ما حرجتي
كلتيله يا راعي الفضل
جابوا يعباس الهزل
وجم مره صحتي
إشعطله اعله امتونج
وكاموا ايضربونج
وبيج وبحامي الحميه شتموا
عالهزل مجتوفه عافوج وغفوا
ما اجوج اثنينهم
_؛
مكسوره اشوفج يا جبل
ما جالج حسين وسأل
شلونج يزينب
ضليتي جمره بنص خيم
لا هوه لا راعي العلم
وخيامه تلهب
من جان اخوج ابدنيتج
جنتي بأمان بخيمتج
اولا طفله تنحب
تلعب رقيه اعله الصدر
بس هسه يا ام الخدر
خياله تلعب
عالرمح شو راسه
إيعاين العباسه
وما ينظرونج لأن حيل إستحوا
عالهزل مجتوفه عافوج وغفوا
ما اجوج اثنينهم
____؛
ما أنسب الذله إلج
لكن سؤالي عن هلج
يم المصايب
جانوا يحرسون الضعن
وعباس الج سور اوطن
شو هسه غايب
جانوا إذا مرج هوه
يابت علي إكبالج سوه
اترف الشوارب
ليش بدمه اعيونج تدر
وباجر تطبين القصر
وارض الخرايب
اي يزينب كولي
جرحي صار بطولي
وفاجئوج ومن ندهتي اتعذروا
عالهزل مجتوفه عافوج وغفوا
ما اجوج اثنينهم
____؛
دوم اعله بالي حالتج
وبكلبي تلجم دمعتج
واتمنه اواسي
إنتي شرف رب السمه
وطبق الاصل من فاطمه
يا اغله ناسي
ما أكدر أسمع عالهزل
وجلمة يجروج ابحبل
إتذوب الرواسي
وي خاطرج كلبي انكسر
والله يبت فارس مظر
شيبتي راسي
يا شرفنه الغالي
راسج ايضل عالي
وعنج اخوانج ابد ما قصروا
عالهزل مجتوفه عافوج وغفوا
ما اجوج اثنينهم
____؛
ش/علي الإبراهيمي
منشور ريحانة المصطفى
ترقبو قريبا نشر قصائد محرم للشاعر الموفق ( محمود رحيل)
صاحب القلم الجميل لن تندم على الاشتراك بقناته
رابط القناة👇👇👇
/channel/+-UrxOrwfb7JkMmNi