1958
Ассалому алайкум! Шифокор аллерголог ва клиник иммунолог Жасур Давлатовнинг "Доктор Аллерголог" (@allergiya) Telegram саҳифасига ҳуш келибсиз!
Тошкентда навбатдаги чанг бўрони кузатилмоқда
Респиратор аллергик касалликлари бор беморлар зарур бўлмаса кўчага чиқмаганлари маъқул.
Каналга уланинг:
👉"Доктор Аллерголог"
❗️Дахшат! Ўзбекистонда четдан келган барча дорилар аслида умуман текширилмасдан аптекаларга киритиларкан.
“Док-1 Макс” сиропи лабораториядан ўтказилмаганини тан олди.
Ўзбекистонда расмий маълумотларга кўра, 65 нафар боланинг ўлимига сабаб бўлгани айтилаётган “Док-1 Макс” сиропи, давлат рўйхатидан ўтказилаётганда лаборатория текширувидан ўтмагани маълум бўлди. Бу ҳақда 6 сентябрь куни бўлиб ўтган суд мажлисида сўз олган судланувчилардан бири маълум қилди, дея хабар берди “Дарё” мухбири.
Судда сўроқ қилинган аёл Г.С., “Дори воситалари, тиббий буюмлар ва тиббий техника экспертизаси ва стандартлаштириш давлат маркази” ДУКда рўйхатдан ўтказиш бўлими бошлиғи сифатида ишлаганини, “Док-1 Макс” сиропини қайта рўйхатдан ўтказиш жараёнида сиропдан намуналар олинган бўлса-да, улар лабораториядан ўтказилмаганини маълум қилди.
Лаборатория синовлари ўтказилмаган, рўйхатдан ўтказиш бўлими ёки мен атайлаб, ёмон ниятда ёки ўлим ҳолатига олиб келишини билиб туриб, бу нарсани қилмаганмиз. Амалиёт бўлгани учун қисман айбимга иқрорман. Шу сабаб ҳам мана шу ерда (қамоқ эҳтиёт чораси назарда тутилмоқда — таҳририят изоҳи) тўққиз ойдан бери ўтирибман, — дейди судланувчи.
Айбланувчи Г.С. “Дори воситалари, тиббий буюмлар ва тиббий техника экспертизаси ва стандартлаштириш давлат маркази” ДУКда 12 йилдан бери фаолият юритаётган бўлса, фаолияти давомида бирор марта рўйхатдан ўтказилаётган дорига лаборатория синовлари ўтказилганини эслолмаслигини билдирди.
Биз лаборатория синовларини ўтказмаганмиз. Биздаги амалиётда бу ҳолат умуман кузатилмаган. Мана шу хатойимизни ҳеч ким бизга айтмаган. Улар бизга экспертиза учун бердинг, менга ҳам намуна тақдим эт дейишлари мумкин эди-ку. Қўмита синов баённомаси бўлиши учун лабораторияга айтиб, кейин бизга ҳам айтса бўлар эди-ку. Бизда амалиёт шунақа бўлган. Адлия вазирлигидан, агентликдан текширувлар келиб-кетган. Ҳеч қачон ҳеч ким бу ҳолатга эътироз қилмаган. Бу ҳақда тергов жараёнлари бошлангач, билдик, ҳамма шунда билди, — дейди рўйхатдан ўтказилаётган дорилар лабораториядан ўтказилмаганини тан олган судланувчи.
Daryo.uz
Европада ишлаб чиқарилган, қиммат бўлса хам ишончли бренд фирмаларнинг дориларини сотиб олиш керак.
Каналга уланинг:
👉"Доктор Аллерголог" (@allergiya)
Тери нега қичишади?
✅ Ушбу расмда теридаги қичишишнинг энг кенг тарқалган сабаблари келтирилган.
1. Тери қуруқлашиши
2. Экзема (Атопик дерматит)
3. Псориаз
4. Қазғоқланиш
5. Битлаш ва қўтир
6. Аллергик реакция
7. Тери таъсирланиши
8. Гормонлар ўзгариши
9. Кўп терлаш
10. Замбуруғли инфекция
11. Хашаротлар чақиши
12. Безовталик ва Стресс
13. Қуёш уриши
14. Нерв касалликлари
15. Сурункали касалликлар
16. Хомиладорлик
👉 Шунингдек, терининг юза инфекцион касалликлари (фолликулит, импетиго), соч, тук ўсиш вақтида, яралар битаётган вақтда хам терида қичишиш кузатилади.
Мободо сизда номаълум сабабли қичишиш симптоми кузатилса, аниқ ташхис қўйиш мақсадида шифокорга мурожаат қилинг!
Каналга уланиш:
👉"Доктор Аллерголог"
"Чанг" нимаси билан хавфли? (+видео)
Шаҳарсозлик ривожланиши натижасида атроф-муҳит "чўллашиб" борган сари, табиий офатлар қаторига "чанг бўронлари" ҳам қўшилди. Вақти-вақти билан юртимизда ҳам кузатилаётган ушбу ҳолат нафақат экологияга, балки саломатлигимизга ҳам жиддий зарар етказмоқда. Бундай шароитда ҳар қандай соғлом одам ҳам ўзини ноқулай ҳис қилади, нафас олишга қийналади. Кўпчилик фақат заҳарли газлардан ҳимояланиш керак деб ўйлайди, лекин чанг ҳам зарари жиҳатдан улардан қолишмайди. Чанг инсон организмида тўпланиш хусусиятига эга, нафас олиш ва қон айланиш тизимида жиддий муаммолар келтириб чиқаради.
Батафсил 🎥
📍 https://uza.uz/posts/517421
🔻Ўзбекистоннинг ягона расмий ахборот агентлиги
Тelegram | Facebook | Instagram | You Tubе
Антибиотиклар вирусли касалликларни даволамайди, аксинча... (+видео)
Дардга чалинганимизда, тезроқ соғайиб, оёққа туришни хоҳлаймиз. Оғриқлардан ҳам қанча эрта халос бўлсак, шунча яхши. Аммо бунинг энг тўғри ечими — антибиотиклар эмас! Айниқса, ўзбошимчалик билан бундай препаратларни қўллаб соғаймоқчи бўлганлар қаттиқ янгилашади!
Хўш, антибактериал препаратларнинг қандай ножўя таъсирлари бор? Улардан фойдаланишда нималарга алоҳида эътибор қаратишимиз лозим?
🎥https://youtu.be/0_q30J0zeCs
📍 https://uza.uz/posts/516929
🔻Ўзбекистоннинг ягона расмий ахборот агентлиги
Тelegram | Facebook | Instagram | You Tubе
Аллергия ҳақида нимани биламиз? (+видео)
Одатда инсон танаси учун хавфсиз бўлган нарсаларга иммун тизимини кучли жавоб реакцияси аллергия деб аталади.
📍 https://uza.uz/posts/516530
🎥 https://youtu.be/IVwpkhsmyVY
🔻Ўзбекистоннинг ягона расмий ахборот агентлиги
Тelegram | Facebook | Instagram | You Tubе
🌡 Иситма чиқишидан қўрқиш керакми?
Шунчаки шахсий фикрингизни билмоқчи эдим. Айтайлик, сизда ёки фарзандингизда иситма чиқди.
Шу вақтда кўпроқ нима қилишга ҳаракат қиласиз? Изоҳларда ёзиб қолдиринг!
Фарзандингизда аллергия пайдо бўлмасин десангиз, унда нормал иммунитети шаклланишига халақит берманг!
- Бундан 100 йил олдин шифокорлар аллергия инглиз зодагонларининг касаллиги эканлигини айтишган. Лекин у вақтда аллергик касалликлар жуда кам учрар эди. Ҳозирда Европада аҳолининг 25 дан 40 фоизигача аллергикдир. Бу жуда катта кўрсатгич. Буни изоҳлаш бўйича турли хил назариялар мавжуд.
Улардан бири гигиена
Ғарб давлатларидаги аҳоли тозаликка кўп эътибор беришган! Ва ёш болаларнинг иммун тизимида бактерия ва инфекциялардан ҳимоя қилишга жавобгар бўлган ҳужайралар шакллана олмайди.
Швейцариялик шифокорлардан бири деҳқон хонадонларида ўсган болалар шаҳарникига қараганда камроқ касал бўлишига эътибор берган. Ҳаётининг илк ойлариданоқ сигир-қўй-қўзилар билан бир ховлида катта бўлган ўша бола сутни фақат шишада кўрган боладан кўра соғлом улғайган. Бунинг сабаби шундаки, табиий қишлоқ ҳавоси таркибидаги бактериялар организмда иммунитетнинг нормал шаклланишига ёрдам беради.
Иккига бўлинган Германия мисолида кўриб чиқайлик
Жаҳон урушдан кейин Германия бўлинганида маданият ва соғлиқни сақлаш соҳаси турли йўллар билан ривожлана бошлади. ГДРдаги болалар болалар боғчасига жуда эрта боришган ва Ғарбий Германияда улар уйда кўпроқ вақт ўтказишди. "Ғарбий" оналар болаларига кўпроқ ғамхўрлик қилишган ва болаларини инфекциялардан кўпроқ ҳимоя қилишган.
Натижада нима бўлди?
Шарқий ва Ғарбий Германияда аллергия билан касалланганлар сонини солиштиришга қарор қилган Мюнхен олимларининг тадқиқотларига кўра, ГДРда болаларда аллергия улуши сезиларли даражада паст бўлгани аниқланди. Ва бу "гигиеник" гипотезанинг тасдиғидир.
Хулоса қиламиз: Фарзандларимизнинг иммунитети нормал ишлаши учун микроблар кераклигини унутмайлик. Уларни микроблардан узоқ юришлари учун максимал даражада ҳаракат қилманг. Баъзи баъзида шўхлик қилишига, уст-бошини кир қилиб ўйнашига изн бериб туриш керак.
Пастдаги видеога қандай фикрдасиз? :)
Каналга уланинг:
👉"Доктор Аллерголог" (@allergiya)
💉ДИПРОСПАН БУЮРГАН АЛЛЕРГОЛОГДАН ҚОЧИНГ!
Аллергик касалликларни даволашдаги хато препаратлардан бири, яъни Дипроспан хақида гаплашамиз. Дипроспан қабул қилган кўплаб беморлар кимнидир тавсияси билан, ножўя таъсирларини билмаган ҳолда ўзбошимчалик билан қабул қилган. Ачинарли томони, шу усулда бир-биридан эшитиб Дипроспан қабул қиладиганлар сони кўпайиб бормоқда. Хуллас, хозир беморлар учун фойдаси билан бирга зарари ҳам КАТТА бўлган дипроспаннинг зарарлари ҳақида маълумот беришга ҳаракат қиламан.
ДИПРОСПАН ЎЗИ ҚАНДАЙ ПРЕПАРАТ?
✅ Дипроспан (бетаметазон дипропионат) кучли, кумулятив (организмда узоқ вақт сақланадиган) глюкокортикостероид препарат. У яллиғланишга қарши, аллергияга қарши, иммуносупрессив, десенсибилизация қилувчи хусусиятларга эга. Таъсири жуда самарали. Дипроспаннинг аллергияга қарши самараси иммунитет фаолиятини пасайтириши орқали амалга ошади. Чунки аллергия, аслида иммунитетнинг нотўғри ишлаши. Илк инъекцияда эффекти сезилади. Камида 3-4 хафта беморларда аллергия белгилари босилади. Лекин байрам узоққа чўзилмайди. Кўплаб беморлар яна қабул қилишга харакат қилади.
ДИПРОСПАННИНГ ХАВФЛИ ОҚИБАТЛАРИ
Дипроспанни бетартиб ишлатиш қуйидаги хавфли, мураккаб ножўя таъсирларни келтириб чиқаради:
⚠️ тўқималарда сув-туз алмашинувининг бузилиши натижасида тана вазнининг патологик ортиши;
⚠️ Суяклардари калций камайиши эвазига суякларнинг тез синувчан бўлиши - остеопороз;
⚠️ сурункали юрак этишмовчилиги;
⚠️ юқори қон босими;
⚠️ стероидли миопатия;
⚠️ шиллиқ қаватлар атрофияси;
⚠️ бош оғриғи;
⚠️ бош ичи босимнинг ошиши;
⚠️ асаб ва эндокрин бузилишлар.
❗️Шуни эсда тутиш керакки, дипроспан нафақат касаллик белгиларига, балки танамиздаги нормал ишлаб турган тизимларга ҳам жуда кучли таъсир кўрсатади. Кортикостероид билан даволаш алоҳида эътибор ва эҳтиёткорликни талаб қилади. Назоратсиз қабул қилиш, гормонни дозаси ва давомийлигига тўлиқ риоя қилмаслик жиддий оқибатларга олиб келиши мумкин, бу эса ўз навбатида қайтмас (тузатиб бўлмайдиган) патологик жараёнларнинг ривожланишига олиб келиши мумкин.
❌ Аллергик касалликларни даволашдаги халқаро ПРОТОКОЛЛАРДА дипроспан беморларга тавсия этилмаган ва "МУМКИН ЭМАС" дея огоҳлантирилган.
❗️Соғлик сизники. Хулоса ўзингиздан!
Каналга уланинг:
👉"Доктор Аллерголог" (@allergiya)
Янтоқ мавзусини ёпамиз!
✅ Ҳаммамиз билган янтоқнинг илмий номи Alhagi maurorum дейилади. Қуръони Каримда ширин манна манбаи сифатида зикр этилган.
Шу вақтгача ўтказилган тадқиқотларга кўра, Alhagi maurorum таркибида флавоноидлар, ёғ кислоталари, кумаринлар, гликозидлар, стероллар, стероидлар, витаминлар, алкалоидлар, углеводлар, танинлар, тўйинмаган стероллар ва тритерпенлар каби кўплаб иккиламчи метаболитлар мавжуд.
Бу моддалар антибактериал, яллиғланишга қарши, иситмани туширувчи, оғриқ қолдирувчи, антиоксидант, диуретик ва бошқа кўплаб таъсирларни кўрсатиши мумкин.
Афсуски, Pubmed сайтида Alhagi maurorum бўйича анча мақолаларни ўқиб чиқдим. Янтоқнинг юқорида келтирилган касалликлар бўйича фойдалари кўп маротаба эътироф этилган.
❌ Лекин аллергик касалликларга фойдаси бўйича бирорта тадқиқот топилмади.
Хулоса, шифо бўлиши мумкин деб илмий исботланмаган дорини, хар ўтни, хар гиёҳни ўзингизда синаб кўрадиган даражада саводсиз бўлманг. Бошқаларга ҳам тарғиб қилманг. Хархолда соғлиғингизни лотореяда ютиб олмагандирсиз?!
Табиб айтди деб бирбалони бошлаб барибир шифокор олдига югурасиз!
Каналга уланиш:
👉 Доктор Аллерголог (@allergiya)
❗️«Dok-1 Maks» dori vositasini iste’mol qilish oqibatida 65 nafar yosh bola vafot etgan — Oliy sud
👉 @kunonline
🍅 Аллергияда ростан ҳам барча қизил маҳсулотларни емаслик керакми?
Кўпчилик орасида оммабоп тушунча бор: "аллергияда қизил рангли махсулотлар емаслик керак".
Ҳўш, аслида бу ростдан ҳам шундайми? Қизил маҳсулотлар аллергия чақирадими? Рангларнинг аллергияда аҳамияти қандай?
Каналимга бу ҳақда ёзишдан олдин машҳур тиббиёт нашрларидан бу ҳақда маълумот изладим. Энг қизиғи, ҳеч қандай хорижий манбада қизил овқатларга ёппасига аллергия кузатилади деган фикр тасвирланмаган. Демак, қизил маҳсулотларнинг "жиноятчи" эканлигига асосли далил йўқми, улар бегуноҳ!
✅ Қизил ва тўқ-сариқ рангли махсулотларга ранг берувчи компонент - бу ликопен каратиноид пигментидир. Энг кўп миқдори асосан помидорда учрайди. Ликопен озиқ-овқат маҳсулотларининг қизил рангига жавобгардир. Аммо у оқсил эмас, балги ароматик углеводороддир. Бизга маълумки, аллерген бўлиш учун сабабчи омил албатта оқсил бўлиши шарт!
Таркибидаги оқсилларга бўлган ўзаро кесишув
Aгар сизда қизил овқатларга аллергиянгиз бўлса, эҳтимол қизилларнинг ҳаммаси ҳам эмасдир деган гумонда бўлинг.
Қайин дарахти чангига аллергияси бўлган одамларда янги помидор ва қизил қалампирга ўзаро кесишган (перекрестный) аллергия кузатилиши мумкин. Помидор таркибидаги асосий алерген оқсиллардан профилин (Lyce 1), бетта-фруктофуранозидаза (Lyce 2), липид ташувчи оқсили (Lyce 3), Lyce хитиназа, глюканаза, пероксидаза ва бошқа оқсиллар мавжуд. Бу оқсиллар ичидаги Lyce 1 оқсили билан Қайин аллергенлари ичидаги Betv 2 битта гуруҳ профилин оқсиллари ҳисобланади. Шу сабабли ҳам бу икки ўсимлик ўзаро келишган реакция бериши мумкин.
Гистаминолибераторлар нима дегани?
Каналга уланиш:
👉 Доктор Аллерголог (@allergiya)
❗️AQSHda Altsgeymer kasalligiga qarshi dunyodagi birinchi dori sotuvga chiqariladi
U nafaqat simptomlarga qarshi kurashadi, balki kasallikning rivojlanishini ham sekinlashtiradi. Ammo uning narxi yuqori bo‘lib, nojo‘ya ta’sirlarni keltirib chiqarishi mumkin.
Leqembi deb nomlangan ushbu dori bilan davolanish yiliga 26 500 dollarga baholanishi mumkin
@daryo_live
Бронхиал астма касаллигини даволашнинг янги усули топилди
АҚШ олимлари астма касаллигига чалинган беморлар иммунитет тизимининг ўзига хос хусусиятларини ўрганиб, ўткир яллиғланиш реакциясини тўхтатишнинг янги усулини топди.
Энди тадқиқотчилар хасталикнинг оғир шаклида қўлланиладиган иккита муолажа турини синовдан ўтказмоқда.
Мутахассислар фикрича, ҳозир астманинг оғир шаклидан азият чекаётган беморларда қўлланилаётган стандарт даво чоралари юқори самарадорликка эга эмас. Шу боис, янги муолажа усулига эҳтиёж катта.
Хўш, тадқиқот қандай кечди?
АҚШнинг Ла-Хойи Иммунология институти олимлари астмада ўткир яллиғланиш реакциясини келтириб чиқарувчи молекуляр механизмларни ўрганиб, маълум сигналларни блоклаш оғир симптомларни енгиллаштиришини аниқлади.
Маълумки, инсон организмида аллергенлар аниқланганда, Е иммуноглобулини (IgE) лейкоцитларнинг маълум бир тури билан алоқага киришиб, уларни гистамин ажраладиган омил — HRF ишлаб чиқаришга ундайди.
Шу тариқа гистамин таъсири аллергик реакцияни юзага келитиб, нафас олиш жараёнини қийинлаштиради.
Тадқиқот давомида IgE ва HRF ўртасидаги алоқа хусусиятлари ўрганилиб, астмани даволаш учун янги “нишон” топилди.
Айни пайтда олимлар иккита даволаш усулини синаб кўрмоқда. Биринчиси — ўткир яллиғланиш реакциясини бартараф этишга қаратилган HRF-2CA молекуласи. Иккинчи усул SPF7-1 с IgE вместо HRF ўрнига SPF7-1 антитанасининг IgE билан боғланишига асосланган.
Тез орада клиник синовлар ўтказилиб, уларнинг натижалари эълон қилиниши кутилмоқда.
Соғлиқни сақлаш вазирлиги
Матбуот хизмати.
@ssvuz | @ssvmatbuotkotibi | Facebook | Instagram
Хомиладор аёлда анемия бўлиши туғилажак болада аллергия хавфини оширади
✅ EAACI Гамбург-2023 конгрессидаги фойдали маълумотлардан яна бири - овқатланишнинг аллергияга боғлиқлиги бўлди.
👉 Темир танқислиги семиз ҳужайраларининг антигенга боғлиқ бўлмаган дегрануляцияга мойиллигини оширади, яъни анемия фонида Th2 яллиғланишнинг кучайиши ривожланади. Макро ва микроелементларнинг етишмаслиги яллиғланишнинг кучайишига сабаб бўлади.
Ҳомиладор онадаги темир танқислиги болада темир танқислиги хавфини 6-8 баробар оширади ва бу холат туғилалиган фарзандда аллергия ривожланишига олиб келади.
Охирги тадқиқотларга кўра, дунё бўйлаб хомиладорларда анемиянинг учраши 36,8% ни ташкил этади. Энг кўп тарқалиш Африкада (41.7%) қайд этилган.
Каналга уланиш:
👉"Доктор Аллерголог" (@allergiya)
⚡️Аллергологлар клубига асос солдик!
➖ Гуруҳга асос солишдан мақсад ҳозирча муаммоли беморлар бўйича кўпчилик аллерголог мутахассислар орасида мухокама қилиш имконини яратишдир. Лекин келгусида хамкасбларимиз билан биргаликда катта аҳамиятга эга ижтимоий лойиҳаларни хам амалга оширишни ният қилганмиз.
Аллерголог бўлсангиз менга мурожаат қилинг, қўшиб қўямиз сизни ҳам! Муҳими, бу гуруҳда ҳечким сизга танбеҳ бермайди:)
👉 Мурожаат учун: @allergolog
Каналга уланинг:
👉"Доктор Аллерголог" (@allergiya)
Аллергия нега баҳор ва кузда "қўзийди"? (+видео)
Статистик маълумотларга кўра планетамиз аҳолисининг қарийб 40 фоизи аллергик реакцияларга эга бўлганлиги сабабли гулларнинг ёқимли ифорини ҳис қилолмайди, севимли уй хайвонини эркалай олмайди ёки бирон-бир севимли маҳсулотини истеъмол қилолмайди. Аллергиянинг одатий сабабчилари бу гул чанги, уй хайвонларининг юнги, чанг, замбуруғ ва моғор споралари, маиший кимё маҳсулотлари, дори воситалари, ҳашоратлар ва синтетик моддалардир.
🎥https://youtu.be/j9VibAauRAI
📍 https://uza.uz/posts/518182
🔻Ўзбекистоннинг ягона расмий ахборот агентлиги
Тelegram | Facebook | Instagram | You Tubе
Ҳамма асаб, хаттоки болалар ҳам:)
Айтганча, тез орада каналимизда неврологик муаммолар билан боғлиқ аллергик реакциялар бўйича фойдали пост эълон қиламиз.
Каналга уланинг:
👉"Доктор Аллерголог" (@allergiya)
⚡️Антацид препаратлар болаларда астма, аллергик ринит, атопик дерматит хавфини ошириши аниқланди!
✅ Тадқиқотчилар ушбу препаратлар буюрилган болаларда аллергик касалликларнинг сезиларли даражада юқорилигини аниқладилар. Янги мета-таҳлилларга кўра, ошқозонда кислотани камайтирувчи дорилардан фойдаланадиган болаларда астма, атопик дерматит ва аллергик ринит ривожланиши эҳтимоли кўпроқ.
АҚШ ва Европада олиб борилган бешта тадқиқот, жумладан, 13 ёшгача бўлган 1.000.000 дан ортиқ болаларни таҳлил қилиш шуни кўрсатдики, ушбу дорини қабул қилган болаларда астма хавфи 44 фоизга, атопик дерматит хавфи 12 фоизга ва атопик дерматит хавфи 40 фоизга юқори.
⚠️ Кислотани камайтирувчи бу препаратлар ичак микробиомини ўзгартиради. Ёш бола ҳаётининг дастлабки 2 йили ичак микробиомини ривожлантириш ва иммунитетида чидамлиликни пайдо бўлиши учун жуда муҳим босқичдир. Антацидлар таъсирида пайдо бўладиган ичак дисбиёзи эса Тh1 ва Тh2 регуляциясининг бузилишига олиб келиши мумкинлиги тахмин қилинмоқда.
Бу янгиликда ҳам яна нормал ичак микрофлораси ҳақида гап кетмоқда. Билиб-билмай, хар хил дорилар таъсирида ичак флорасини табиий шаклланишига ҳалақит бермайлик. Йўқса, болаларда аллергия ривожланиш ҳавфини ошириб қўйишимиз мумкин.
Каналга уланинг:
👉"Доктор Аллерголог" (@allergiya)
Сурункали идиопатик қаварчиғи бор беморларда ўз-ўзидан ремиссия пайдо бўлиши мумкин
✅ Сурункали ўз-ўзидан (идиопатик) пайдо бўладиган қаварчиқ табиий ремиссия потенциалига эга сурункали касаллик хисобланади. Аммо касалликнинг дастлабки йилларида бу камдан-кам учрайди.
Аллерголог томонидан амалга ошириладиган терапевтик стратегиялар одатда симптомларни бартараф этишни ўз ичига олади.
Иккинчи авлод, седатив бўлмаган H1-антигистаминлар биринчи даражали терапия сифатида тавсия этилади,
Бунда стандарт дозасида етарли даражада эффект бўлмаган беморлар учун стандарт доза тўрт бараваргача оширилади.
📈 Фойдали факт: Сурункали идиопатик қаварчиғи бор беморларининг атиги 39% қисмига стандарт доза самара беради ва самара бермаганларнинг ичида 63% қисмида эса юқори дозалар самарали бўлади.
Антигистаминларнинг 4 баробаргача юқори дозаси самара бермаганлар учун анти-IgЕ моноклонал антитело (mАb) иккинчи даражали даволаш босқичи ҳисобланади.
Бу хам ёрдам бермаган тақдирда кейинги босқичда mАb дозасини / жадвалини ўзгартириш ёки циклоспорин қўшишни ўз ичига олади
Каналга уланинг:
👉"Доктор Аллерголог" (@allergiya)
Иситма кўтарилса уни дарров тушириш керакми?
Ушбу қисқача пост орқали иситма ҳақида билимларингизни янгилай олсам мақсадимга эришган бўламан. Қани унда, кеттик!
✅ Иситма – организмнинг адаптив механизмдир ва унга пирогенлар деб аталувчи махсус моддалар сабаб бўлади. Пирогенлар ташқаридан кириши ёки организмда қайсидир сабаб туфайли ишлаб чиқарилиши мумкин. Бу сабабларга жароҳатлардан тортиб инфекция тушиши ва ўсма (рак) хужайраларнинг бўлиниши ҳам киради.
📈 Тана ҳароратининг ошиши иммун тизимни фаоллаштиради ва микроорганизмларнинг кўпайишини камайтиради. Юқори ҳароратда инфекцияга қарши курашиш учун зарур бўлган антителолар (иммуноглобулинлар) ва иммун хотира ҳужайралари фаоллашади, интерферонлар ишлаб чиқарилади. Кўпгина микроблар юқори ҳароратда кўпайишни тўхтатади. (Иситма чиққанда уни дарров тушириш мана шу иммун функцияларнинг охиригача боришига йўл қўймайди)
Аммо иситманинг зарари ҳам бор
Агар 40°С ва ундан юқори бўлса, унинг ҳимоя функцияси йўқолади ва организмга салбий таъсир кўрсатади:
➖Метаболизм ҳаддан ташқари тезлашади;
➖Тўқималарнинг кислородга эҳтиёжи ортади;
➖Суюқлик йўқотилиши кўпаяди;
➖Юрак юкламаси кескин ортади;
➖Оқсил денатурацияси кузатилади.
Антибиотиклар пайдо бўлишидан олдин, иситма инфекцияларга қарши курашда асосий восита эди
Антибиотиклар йўқ вақтда шифокорлар беморларга безгак касаллигини юқтириб, унда иситиш пайдо қилиб оғир нейросифилисни муваффақиятли даволашган.
Иситма кўтарилса нима қилиш керак?
➖ 3 ойгача бўлган болалар:
Агар иситма 38 °C дан ошса шифокорга мурожаат қилинг;
➖ 3-6 ойлик болалар:
Агар иситма 38,9 °C гача бўлса кўпроқ суюқлик беринг. Дори керак эмас. Агар чақалоқ уйқучан ёки асабий бўлса шифокорга мурожаат қилинг;
➖ 6-24 ойлик болалар:
Агар иситма 38,9 °C дан юқори бўлса, болага парацетамол берилиши керак. Аспиринни болаларга бермаслик керак! Агар иситма дори билан тушавермаса ёки бир кундан ортиқ давом этса, шифокорга мурожаат қилинг;
➖ 2 ёшдан 17 ёшгача болалар:
Боланинг иситмаси 38,9 °C га етгунга қадар биз унинг ҳолатини кузатиб борамиз ва кўпроқ суюқлик берамиз. Агар иситма 38,9 °C дан юқори бўлса, ёки бола ноқулай бўлса, унга парацетамол ёки ибупрофен беринг. Агар иситма тушмаса ёки 3 кундан ортиқ давом этса шифокорга мурожаат қилинг;
➖ 18 ёш ва ундан катталар:
Агар иситма 38,9 °C дан ошмаса, уларга дам олиш ва кўпроқ суюқлик ичиш тавсия этилади. Агар иситма ноқулайлик туғдирса, парацетамол, ибупрофен ёки аспирин бериш мумкин. Агар ҳарорат даволанмаса, доимий равишда 39,4 ° C ёки ундан юқори бўлса ёки 3 кундан ортиқ давом этса, шифокорга боришни кечиктирманг.
Иситмада нима мумкин эмас?
❌ Терини спирт (ароқ), сирка, чўчқа, ғоз ёғи кабилар билан ишқаламанг. Айниқса болаларда! Уларнинг териси катталарга нисбатан нозик ва юпқа бўлганига кимёвий фаол моддалар қонга дархол сўрилиб кетади ва танани заҳарлайди.
❌ Биз термометрнинг рақамларига эмас, балки боланинг ўзини қандай тутаётганига эътибор қаратишимиз лозим. Агар бола уйқучан, заиф, бефарқ бўлса (булар интоксикация белгилари) у ҳолда биз ҳароратни 37,5-38 °С дан юқори бўлмаса ҳам пасайтиришимиз шарт.
Болаларда метаболизм шундоқ ҳам кучли, иситма билан у янада кучаяди. Натижада улар кўп суюқлик йўқотадилар. Сувсизланиш хавфи болаларда юқори бўлади. Шунинг учун кўп-кўп ичимлик бериш мақсадга мувофиқ. Аммо овқат ейишга мажбурламанг: Бола организми касаллик билан курашмоқда, бу овқат ҳазм бўлишига боғлиқ эмас.
Иситмани аста-секин туширинг!
❌ 39 °C иситма вақтида иситма туширувчи дори юборганингиздан сўнг, ярим соат ичида сиз термометрда 36,6 ни кутманг. Ярим соат ичида камида 0,5 °С га пасайиш нормал. Дарҳол 39 дан 36,6 гача тушириш учун препаратни катта дозаларда беришга ҳаракат қилишнинг ҳожати йўқ.
Фикрларингизни изоҳларда кутаман!
Каналга уланинг:
👉"Доктор Аллерголог" (@allergiya)
Анжир меваси "аллерген" маҳсулот ҳисобланадими? (+видео)
Айни кунларда мавсумий мевалар бозор расталарини безаб турибди. Улар ичида энг машҳур ва сархили бу — анжир. Бу мева нафақат ширин, балки кўплаб фойдали моддаларга бой.
🎥 https://youtu.be/udu9noNT21U
📍 https://uza.uz/posts/515221
🔻Ўзбекистоннинг ягона расмий ахборот агентлиги
Тelegram | Facebook | Instagram | You Tubе
Ҳаддан ташқари тозаликка интилиш "аллергия"га сабаб бўлиши мумкин
Бундан бир неча йил аввал тадқиқотчилар келаётган асрнинг бошларида энг кўп тарқаладиган касаллик — аллергик хасталиклар бўлиши мумкинлиги ҳақида хабар берган эди.
🎥 https://youtu.be/n8AeDTrpQtU
📍https://uza.uz/uz/posts/514784
🔻Ўзбекистоннинг ягона расмий ахборот агентлиги
Тelegram | Facebook | Instagram | You Tubе
❗️Эҳтиёт бўлинг, анжир сезони бошланди. Унинг таркибида фотоактив фурокумаринлар мавжуд!
Пастдаги расмга қаранг! Шифокорлар бир қарашда Лайелло синдроми деб ўйлаши табиий ҳолат. Лекин бу холат аллергия эмас. Чунки касаллик негизида иммун механизмлар иштирок этмайди.
✅ Фитофотодерматит – тери эпителийсини қуёшнинг ултрабинафша нурланишига сезгирлигини оширадиган фурокумаринлар томонидан қўзғатилаган, иммун бўлмаган реакцияси хисобланади ва бошқача номда "ўсимликлар томонидан қўзғатилган куйишлар" деб хам аталади. (Механизмида эпителийдаги ДНК синтези кумарин сабаб блокланиши ва натижада ултрабинафша нур таъсирида унинг нобуд бўлиши ётади)
Фитофотодерматит кўпинча терининг куйиши, дори билан боғлиқ фотосезувчанлик, герпетик тошмалар, буллёз импетиго ёки контакт дерматит каби касалликлар билан чалкаштирилади.
🫐 Анжир дарахти барглари ва шарбатида бу ҳолатга олиб келиши мумкин бўлган фотоактив фурокумаринлар мавжуд. Шу сабабли Анжир дарахти ёки унинг барглари билан контактдан кейин қуёш нурининг терига тушишидан сўнг қичишиш, куйиш хисси, эритема, шиш ва оғриқ каби белгилар ривожланиши мумкин .
Мен табобатга, табибларга қарши эмасман. Лекин ақл билан фойдаланиш керак. Ушбу болани хам анжир сувида ювишган экан. Ҳарқандай ўсимлик таркибида турли хил кимёвий моддалар борлигини унутманг.
Унутманг, ўсимлик дегани доим ҳам табиий ва зарарсиз дегани эмас!
Каналга уланиш:
👉 Доктор Аллерголог (@allergiya)
🌾 Янтоқ аллергияни тузатадими?
Шу видеони кўпчилик юбормоқда. Аллерголог шифокор сифатида фикримни сўрашмоқда. Шунчаки "Ха" ёки "Йўқ" дейишдан йироқман
😎 Сизлар шу мавзуни мухокама қилиб туринглар. Мен бирпас туриб яхши маълумотлар билар қайтаман!
Каналга уланиш:
👉 Доктор Аллерголог (@allergiya)
❌ Антибиотикларга проба қўйиш шарт эмасми?
Бу врачда аллергия, сенсибилизация, тери синамалари (пробалар) хақида маълумотлари ўта саёз экани аниқ. Лекин шартмиди ўзини соҳасидан бошқа мавзуда ақллилик қилиш?
Инстаграмда шу пост комментариясига гапингизга исбот борми дейилса, у гапимни нотўғри эканига сиз исбот айтинг деяпти. Камига, бу постини реклама қилиб оммага тарғиб қилмоқда. Менимча, мақсади ХАЙП орқали аудитория тўплаш.
Одам хато гапириб "еб қўйган" вақтда хатони тан олишниям билиши керак, менимча. Нима дедингиз?
Маълумот учун: Тезкечар типдаги дори аллергиясини эрта диагностика қилишда тери синамаларидан прик-тест усули етарлича ўрганилган ва кенг қўлланилади. Секинкечар типдаги дори аллергиясини эрта диагностика қилишда эса тери синамаларидан патч-тест усули тавсия этилади. Икки усул хам тери синамаси, яъни биз билган проба усулидир. Проба қилмасдан дориларни, айниқса кенг тарқалган аллергенлар бўлмиш антибиотикларни қабул қилиш анафилактик шок каби оғир оқибатларга олиб келиши мумкин.
Каналга уланиш:
👉 Доктор Аллерголог (@allergiya)
⚡️Ваниҳоят!
Аллоҳнинг хоҳиши билан яна бир мақсадимга эришдим, Алҳамдулиллаҳ! Осон бўлгани йўқ, муҳими, энди хурсандман!
Каналга уланиш:
👉 Доктор Аллерголог
Самарқандлик беморлар, кўчага чиқманг. Хаводаги чанг миқдори энг юқори даражага етган!
Респиратор аллергик касалликлари бор беморлар учун кўчага чиқиш яхши оқибатларга олиб келмайди.
Айни дамда Самарқандда кучли чанг бўрон бўлмоқда. Яқин соатларда Тошкентга ҳам келиши кутилмоқда.
Самаркандлик аллергияга мойиллиги юқори беморлар томонидан хам мурожаатлар сони кўпайган. Уларга тавсиямиз қуйидагича:
1⃣. Имкони борича, уйдан чиқмасликка ҳаракат қилиш керак.
2⃣. Кўчада бўлганда, албатта тиббий ниқоб тақиш ва уни ҳар бир соатда алмаштириш лозим.
3⃣. Нафас қисиши, бурун битиши, акса уриш, тумов, кўзлар қизариши ва қичишиши, томоқда қаттиқ қичишиш, йўтал пайдо бўлганда зудлик билан аллерголог шифокорга мурожаат қилиш лозим.
4⃣. Шунингдек, тузли эритмада бурун ва томоқни чайиш, ойналарни ёпиқ ҳолатда сақлаш, ойналарнинг олдида нам сочиқларни ёйиб қўйиш тавсия этилади.
Каналга уланиш:
👉 Доктор Аллерголог
Урааа! Энди мен EAACI аъзосиман!
✅ EAACI, яъни Европа аллергия ва клиник иммунология академияси - бу дунё бўйлаб 120 давлат ва 70 дан ортиқ аллергия ташкилотларини қамраб олган, 12.000 нафардан ортиқ аъзоларига эга, асосий фокусини аллергик ва иммунологик касалликларни даволаш ва олдини олишга қаратган катта нотижорат ташкилот.
Каналга уланиш:
👉"Доктор Аллерголог" (@allergiya)
Эмолентларнинг фойдаси
2 ойгача хар куни махсус эмолент воситалардан фойдаланиш чақалоқларда ҳаётнинг биринчи йилида АД билан касалланиш хавфини камайтиради.
Каналга уланиш:
👉"Доктор Аллерголог"
