Daryo — LIVE

27 July 2025 18:36

BAA va Iordaniya G‘azoga havodan gumanitar yordam tashladi

Ikki davlat sektorga Isroil tomonidan yordam kirishiga ruxsat etilganidan keyin gumanitar harakatlarni boshladi. Shuningdek, Iordaniya va Misr quruqlik orqali ham yordam karvonlari jo‘natilayotganini ma’lum qildi. Xususan, eng zarur oziq-ovqat mahsulotlari bilan to‘la 60 ta yuk mashinasi yo‘lga chiqqan.

@daryo_live

Daryo — LIVE

27 July 2025 13:32

O‘zbekiston aholisining ichimlik suvi bilan ta’minlanganlik darajasi

2025-yil iyul oyi holatiga ko‘ra, mamlakat bo‘yicha bu ko‘rsatkich 81,5 foizga yetdi. Hududlar kesimida quyidagicha:

🔹Andijon viloyati — 92 foiz;
🔹Buxoro viloyati — 74,3 foiz;
🔹Farg‘ona viloyati — 82,5 foiz;
🔹Jizzax viloyati — 75,3 foiz;
🔹Navoiy viloyati — 85,8 foiz;
🔹Namangan viloyati — 87 foiz;
🔹Qashqadaryo viloyati — 61,2 foiz;
🔹Samarqand viloyati — 78,6 foiz;
🔹Surxondaryo viloyati — 66,5 foiz;
🔹Sirdaryo viloyati — 87,7 foiz;
🔹Toshkent viloyati— 79,9 foiz;
🔹Xorazm viloyati — 91,6 foiz;
🔹Toshkent shahri — 98,4 foiz;
🔹Qoraqalpog‘iston Respublikasi — 74,2 foiz.

@daryo_live

Daryo — LIVE

27 July 2025 11:00

O‘zbekistonda hafta boshida harorat nisbatan salqinroq bo‘ladi

Qoraqalpog‘iston Respublikasi va tog‘li hududlarda 28-iyul kuni qisqa muddatli yomg‘ir yogishi mumkin.

@daryo_live

Daryo — LIVE

27 July 2025 10:07

Isroil G‘azoda 10 soatlik “tinchlik” o‘rnatadi

Yahudiy davlatining ta‘kidlashicha, 27-iyul kuni soat 10:00 dan 20:00 gacha (O‘zbekiston vaqti bilan 12:00 dan 22:00 gacha) Al-Mavosiy, Dayr-al-Balo va G‘azo shaharlarida gumanitar yordam kirishi uchun tinchlik o‘rnatilib, o‘t ochish to‘xtatiladi.

@daryo_live

Daryo — LIVE

27 July 2025 08:15

Toshkentdagi 59 ta obyektda qurilish ishlari butunlay to‘xtatilib, elektr ta’minotidan uzildi

Poytaxt hokimligi uy-joy xarid qilishda nihoyatda ehtiyotkor bo‘lishga chaqirdi.

🔹Sotib olayotgan ko‘chmas mulkingizga oid barcha hujjatlarning asl nusxalarini (kadastr, ekspertiza xulosalari va kengash qarorlari, texnik ko‘rik dalolatnomasi) talab qiling va ularni sinchkovlik bilan tekshiring.
🔹Sotuvchilarga pulni naqd yoki norasmiy yo‘llar bilan bermang, shartnomaning barcha bandlarini diqqat bilan o‘rganib chiqing.
🔹Quruvchi yoki obyektning qonuniyligi xususida ozgina shubha tug‘ilsa, shuningdek, kompaniya hujjatlarni taqdim etishni paysalga solsa, Toshkent shahar hokimligining rasmiy botiga murojaat eting. Sizga obyektning qonuniy maqomi haqida ma’lumot beriladi.

Daryo — LIVE

27 July 2025 07:40

Turkiyada rekord darajadagi issiq tufayli o‘rmon yong‘inlari avj oldi. Yong‘inlar Antaliya viloyatining sharqida boshlandi. 26-iyun kuni hududda havo harorati qariyb +50℃ ga yetgan.

Rasmiylarning aytishicha, kuchli shamol tufayli yong‘inlarning tarqalish geografiyasini oldindan aytib bo‘lmayapti. Mahalliy OAV ma’lumotiga ko‘ra, olov allaqachon turar-joy mavzelariga yaqinlashgan: minglab odamlar evakuatsiya qilingan, 10 nafar o‘t o‘chiruvchi halok bo‘lgani xabar qilinmoqda.

@daryo_live

Daryo — LIVE

27 July 2025 06:48

“Cobalt datchiki ko‘rsatgan haroratga ishonavermaslik kerak” — iqlimshunos

Erkin Abdulahatovning bildirishicha, uning datchiki O‘zbekiston iqlimiga moslashtirilmagan. Avtomobil yo‘riqnomasida datchik 40 darajadan keyin “o‘ynab ketishi” haqida yozilgan.

“Oddiy misol, Urganchda 2020-yilda ishlab chiqarilgan oq va qora Cobalt avtomobillarida eksperiment o‘tkazilgan. Mashinalar bir joyga yonma-yon qo‘yilgan. Shaharda havo harorati 41 daraja issiq bo‘lgan. O‘sha paytda oq Cobalt haroratni 48 daraja, qorasi esa 56 daraja issiq ko‘rsatgan. Bir joydagi mashinalar harorat haqida turlicha ma’lumot bergan”, dedi iqlimshunos.

Daryo — LIVE

27 July 2025 05:11

🌤 O‘zbekistonda bugun havo sezilarli salqinlashadi: harorat 33-38 daraja, tog‘li hududlarda 25-30 daraja bo‘ladi

@daryo_live

Daryo — LIVE

26 July 2025 17:16

NATO Polshani Rossiya Yevropa bilan urushga 2027-yilgacha tayyor bo‘lishi mumkinligi haqida ogohlantirgan.

Bu haqda mamlakat bosh vaziri Donald Tusk ma'lum qildi.

@daryo_live

Daryo — LIVE

26 July 2025 15:56

Tailand qirollik armiyasi Ukrainada ishlab chiqarilgan BTR-3E zirhli transport vositalarini chegaraga joylashtirdi

Mamlakat 2010-yillarda Ukrainadan mazkur modeldagi jami 233 ta zirhli transport vositasini sotib olgan.

@daryo_live

Daryo — LIVE

26 July 2025 14:11

Kambodja qirollik kuchlarining da'vo qilishicha, Tailandga tegishli F-16 qiruvchi samolyoti urib tushirilgan

Hozircha Bangkok iddao yuzasidan rasmiy munosabat bildirmadi.

@daryo_live

Daryo — LIVE

26 July 2025 09:42

Toshkent viloyatida faoliyat yurituvchi advokat jazoni ijro etish muassasasida jazo muddatini o‘tayotgan fuqaroni mansabdor tanishlari orqali ozodlikka chiqartirib berishini aytib, evaziga mahkumning turmush o‘rtog‘idan 30 ming AQSH dollari talab qiladi.

DXX va Bosh prokuratura huzuridagi IJQK Departamenti Toshkent shahar boshqarmasi hamkorligida o‘tkazilgan tezkor tadbirda advokat oldindan 20 ming AQSH dollarini olgan vaqtida ashyoviy dalillar bilan ushlandi.

@daryo_live

Daryo — LIVE

26 July 2025 07:35

Sudyalar oliy kengashining qarori bilan Sudyalar oliy maktabini muvaffaqiyatli tamomlagan yana 27 nafar nomzod sudyalik lavozimida bo‘lishning birinchi besh yillik muddatiga tayinlandi.

Qayd etilishicha, kengashning navbatdagi yig‘ilishi doirasida bitiruvchilar bo‘sh sudyalik lavozimlari uchun e’lon qilingan ochiq tanlovda ishtirok etgan.

@daryo_live

Daryo — LIVE

26 July 2025 06:57

“Toshkent shahar elektr tarmoqlari” MCHJning 28 nafar mansabdori intizomiy javobgarlikka tortildi

Bosh prokuratura tomonidan Toshkent shahrining turli tumanlarida elektr energiyasi ta’minoti bilan bog‘liq avariyalar hamda tarmoqlarda kuchlanishning pasayib ketishi kuzatilgani bois mutaxassislarni jalb etgan holda o‘rganish olib borilgan.

O‘rganishlar davomida bir qator xato va kamchiliklar aniqlangan.

@daryo_live

Daryo — LIVE

25 July 2025 19:23

⚡️ Davlat oliygohlariga kirish imtihonlarida minimal oʻtish balli o‘zgarishsiz qoldi

Bunda talabgordan davlat granti asosida oʻqishga kirish uchun kamida 68 ball, to‘lov-kontrakt boʻyicha 56,7 ball yigʻish talab etiladi.

@daryo_live

Daryo — LIVE

27 July 2025 15:17

BMT Falastin davlati qurilishida yordam berishini ma’lum qildi

Bu haqda BMTning Inson huquqlari bo‘yicha oliy komissari Folker Tyurk shunday bayonot berdi:

“Biz inson huquqlari va qonun ustuvorligi asosida barpo etiladigan Falastin davlatini qurishda falastinliklarga yordam berishga tayyormiz. Vaqti kelganda jabrlangan va omon qolganlarga yordam berish dasturlari adolat qaror topishi va tovon to‘lanishida muhim vosita bo‘ladi”.

Daryo — LIVE

27 July 2025 11:51

AQSHda Boeing 737 MAX samolyoti parvozga ko‘tarilishidan oldin yong‘in chiqdi

American Airlines’ga tegishli samolyot Denverdan Mayamiga yo‘l olayotgan bo‘lgan. Bortidagi 173 nafar yo‘lovchi va 6 nafar ekipaj a’zosi evakuatsiya qilingan.

@daryo_live

Daryo — LIVE

27 July 2025 10:33

Kambag‘al oila a’zosi bo‘lgan xotin-qizlarga uy-joy ta’miri uchun 20,6 mln so‘mgacha pul ajratiladi

Turar joy ijarasi uchun to‘lovlarning bir qismi ham qoplab beriladi.

@daryo_live

Daryo — LIVE

27 July 2025 08:26

Mo‘ynoqdagi quduqdan chiqayotgan gaz aholi turar joylaridan uzoqda va tarkibi zararsiz — Energetika vazirligi

Vazirlikka ko‘ra, gaz bosimi kutilgan darajadan yuqori bo‘lganligi sababli, barcha xavfsizlik qoidalariga amal qilgan holda quduqni likvidatsiya qilish va bosimni bartaraf etish ishlari olib borilmoqda. Ustyurt hududidagi barcha konlardan olinadigan tabiiy gaz tarkibida oltingugurt uchramaydi.

“Hech kim tan jarohati olmagan. Shu sababli odamlardan vahimaga tushmasliklarini so‘raymiz”, deyiladi bayonotda.

Daryo — LIVE

27 July 2025 07:49

Mo‘ynoqda gaz burg‘ulash vaqtida texnologik jarayon buzilishi natijasida yerdan katta bosimda gaz sizib chiqqani aytilgan videolar tarqaldi

Hozircha holat yuzasidan rasmiy ma’lumot berilmadi.

@daryo_live

Daryo — LIVE

27 July 2025 07:12

Ichki ishlardan pensiyaga chiqqanlar pul evaziga huquqbuzarliklar profilaktikasiga jalb etiladi

Bu Toshkent va Farg‘ona viloyatlarida joriy etiladi, ularga olayotgan pensiyasi miqdorida haq to‘lanadi.

@daryo_live

Daryo — LIVE

27 July 2025 06:37

Toshkentda 100 MVt quvvatli elektr energiyasini saqlash tizimi quriladi

@daryo_live

Daryo — LIVE

26 July 2025 18:58

Donald Tramp Tailand va Kambodja bosh vazirlari bilan telefon orqali suhbatlashdi. Oq uy rahbari tomonlar sulhga yaqin ekanini aytgan

"Har ikkala tomon ham zudlik bilan o‘t ochishni to‘xtatish va tinchlikka erishishni istamoqda...

Ularning uzoq va boy tarix hamda madaniyati bor. Umid qilamanki, ular bundan keyin ham ko‘p yillar davomida yaxshi munosabatda bo‘lishadi. Hammasi yakunlangach va tinchlik qo‘lga kiritilgach, men ikkala mamlakat bilan savdo bitimlari yakunlanishini intiqlik bilan kutaman!", degan u.

Daryo — LIVE

26 July 2025 16:24

Indoneziya Mudofaa vazirligi Turkiyaning Turkish Aerospace kompaniyasi bilan KAAN 5-avlod qiruvchi samolyotlaridan 48 ta sotib olish uchun shartnoma imzoladi.

@daryo_live

Daryo — LIVE

26 July 2025 15:04

Yapon olimlari Daun sindromini 47-xromosomani olib tashlash orqali davolashga muvaffaq bo‘lishdi

Bunga qadar 47-xromosomani olib tashlash imkonsiz hisoblangan edi, biroq tadqiqotchilar CRISPR texnologiyasi yordamida buni amalga oshirishdi. Mazkur texnologiya DNKni o‘zgartirish va ortiqcha qismlarni olib tashlash imkonini beradi.

@daryo_live

Daryo — LIVE

26 July 2025 13:50

Yakkasaroyda ko‘p yillik archalar yonib kul bo‘ldi

25-iyul kuni tumandagi Yunus Rajabiy ko‘chasida yong‘in sodir bo‘ldi. O‘t o‘chiruvchilar yong‘inni 5 daqiqa ichida bartaraf qilishgan, ammo aholi daraxtlarni kimdir yoqib yubordi degan gumonda. “Daryo” voqea joyidan reportaj tayyorladi.

@daryo_live

Daryo — LIVE

26 July 2025 09:20

O‘rmonlarda yong‘inlarni yuzaga kelishini oldini olish uchun nima qilish kerak?

FVV e’lon qilgan ushbu videorolikda o‘rmonzorlarda yong‘inga sabab bo‘lishi mumkin bo‘lgan asosiy omillar ko‘rsatilgan.

@daryo_live

Daryo — LIVE

26 July 2025 07:16

Kecha 25-iyul kuni tungi soat 01:05 larda Shayxontohur tumani Nurafshon ko’chasida 2005-yilda tug‘ilgan haydovchi Spark rusumli avtomashinasini boshqarib ketayotib, rul boshqaruvini yo'qotib, beton ustunga to'qnashishi oqibatida yo'l transport hodisasi sodir bo'lgan.

YTH oqibatida haydovchi voqea joyida vafot etgan, avtomashina ichida bo’lgan yana 1 nafar yo’lovchiga shifokorlar tomonidan birinchi tibbiy yordam ko’rsatilgan.

Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining tegishli moddasi bilan jinoyat ishi qo‘zg‘atilgan.

@daryo_live

Daryo — LIVE

26 July 2025 06:14

🌤 Bugun harorat 38-40 daraja, tog‘li hududlarda 28-33 daraja bo‘ladi — “O‘zgidromet”

@daryo_live

Daryo — LIVE

25 July 2025 19:05

Misr Qo‘shma Shtatlardan 4,7 mlrd dollarlik havo mudofaa tizimlari sotib oladi

Qohira bitim doirasida NASAMS havo mudofaa tizimlari, jumladan, to‘rtta AN/MPQ-64 Sentinel radar kompleksi, yuzlab raketalar va uchirish qurilmalarini qo‘lga kiritadi.

@daryo_live