826
@Xzeih معرفي للتواصل. ما لي سواكُمْ يَا بني الهادي مرامْ ولأجلِـــكمْ كانـــتْ "قناةُ التلگرام
مُحّرمٌ جاء واللهُ قد شاء
نُحيّي شعائر الحُسين
نّحيّي تراث العاشقين
ــــــــــــــــــــــــــــــــــــــ
الله اجتبانه ابرحمته شعليهه بينه الوادم
خالق ادينه للّطم رازقنه بالـمآتم
جبريل هز مهده وهتف ياايها العوالم
مَن مثلي وآنه أصبحت لابن الزجيه خادم
لَـمّا وَعيّناه حُزناًبكيناه
بالحُبٌ صٌرنا مؤمنين
نُحيّي تراث العاشقين
ــــــــــــــــــــــــــــــــــــــ
احسين الهوه النتنفسه موبس مجرد حضره
وهو السفينه الناجيه ابيوم العسر نعتبره
گال الرسول المصطفه ابيوم انولد للزهره
سيخلق الله لهُ شيعه تجدّد ذكره
لَهُ ينوحون عليهٌ يبكون
بُكائّنا حِصنٌ حَصين
نّحيّي تراث العاشقين
ــــــــــــــــــــــــــــــــــــــ
اخذو العشر تشهر سوه وانطوني بس هالشهرين
انطونه محرم أو صفر بيهن نعيش اوي احسين
مثل الرزق هوه الدمع واحنه صدگ مرزوقين
يشتغل رادار الگلب وايعاز ينطي للعين
فظل من الله نبكي حّسيناه
إنّا تَبٌعنا السابقين
نّحيّي تراث العاشقين
ــــــــــــــــــــــــــــــــــــــ
باول محرم من يهل عدنه تصير اقرايه
عاشور واندگ القطع والرايه يم الرايه
من بيت للثاني تظل تتنقل الـُملّايه
حتى الاطفال بهالشهر خيمتهم امعلايه
مواكبّ النور في شَهرِ عاشور
على الصُدور لاطمين
نُحيّي تراث العاشقين
ــــــــــــــــــــــــــــــــــــــ
اباب الحسينيه نشم ريحة حزن والدته
وام البنين الطاهره طول العمر خادمته
هذا الغريب العالهزل مسبيه راحت أخته
جوّه الحوافر جثته ويم العرش منزلته
ورأسهّ كان بالرمحِ قرآن
يراهّ قلبَ العارفين
نّحيّي تراث العاشقين
ــــــــــــــــــــــــــــــــــــــ
باچر نموت وهم تجي الأجيال وايذكرونه
واحنه اشكتبنه من نعي بعاشور هم يقرونه
تاريخنه ابكل الكتب اولادنه ايأرخونه
الخادم اليخدم من صدگ آل النبي ايحبونه
دينٌ ومٌنهاج كَهيبةِ التاج
يَرفعّ رأسَ الـمُخلصين
نّحيّي تراث العاشقين
محمد الجماسي
#اللهم_عجل_لوليك_الفرج
ليلة علي الاكبر ع
وين الولد وين.. حاجيني يحسين
راجعلي متعوب.. والدمعه بالعين
....................
سولف وخل گلبي ساعه ينسه الآلام
وينه الاكبر وينه ذخري السود الايام
گتلي إدعيله ودعيت اباب الخيام
وهوه من ليلة امس عطشان مانام
ماجبته وياك.. يمشي اويه ممشاك
منتضره ملكاه.. واسمع خبر زين
....................
عله ثيابك دم شفت وانصابت الروح
واني صوتي امن البواجي اعليه مبحوح
عليي خايف ماتكلي الولد مجروح
السكته هايه والدمع يعني ابني مذبوح
هاي العلامات.. يعني علي مات
يم زينب اصياح .. تبجي النساوين
..................
حسين يم زينب اوليدي وگلبي ملهوف
خل اشوفن ابني بي شمسويه الطفوف
من وصلته وشفت دمه صابني الخوف
بكثر تعبي اعليه مطبرينه بالسيوف
ضل گلبي محتار.. ماينعرف صار
كل جسمه طعنات.. وشبج بالايدين
......................
غارت الدنيه عليي يحسين شبساع
ياحلم جان بحياتي والحلم ضاع
انه ليله الراح ابنهه وما اله اوداع
نايم اعله الرمله تجوي بوجنته الكاع
شمنتضره ياروح.. ووليدي مذبوح
المن تونين.. شيفيد الونين
.......................
منين مالزمه الولد يتهاوه ويطيح
جروحه كلهه كبار يفتر بيهن الريح
ارد اشمه وخايفه من مهجتي تصيح
لاتلجمينه الولد دم منحره ايسيح
جازتني دنياي.. بجروحه الهواي
شفت انه بالعين.. موجرح وثنين
..........................
تحتضر وانه احتضر من هذا المصاب
الموت اخذ حيلك وحيلي بهذا الصواب
فتشت عيونك علي يحسين هل غاب
كون بين اضلوعي ادفنه مو بالتراب
مخنوكه الانفاس.. ومشيب الراس
بهل دنيا ضليت.. مهضومه كل حين
محمد هادي العقابي
قصيدة الاكبر
.
.
.
فاجــــعه وآلم / يلــــي بالخـــيم / تلــــگـــوني
امـن المهر هوه / ونطــفه الضوه / من اعيوني
علي رايح علي رايح
يـلـي بالخـيم
***
ويـلي .. وگـــع بالـــحـــومه الأكـبر
ويـلي .. وگـــع لــــكــــــن تـطـــشر
حيـره يابني هاشـم علي بيمن المه
وسفه .. صحـت وادري الگلب ذاب
وسفه .. علــي اولـــيدي عالتـــراب
اجيبه للخيام شلون صعبه تشوفه امه
طحت فوگاه واحـس كلشــي مـني عالــثره تبده
نمت بصف علي يبني اوضعـــت خدي على خده
اليشبه الصبح / ضامي مـنذبح / صفگت ايدي
بنحره منطـعن / صدره منطحن / علي اوليدي
وبده الصايح علـي رايح
يلي بالخيم
***
ضامي .. يبـــعـد عـــــيون الحــــسين
ضامي .. صــحــت يــاگــــرة العـــــين
يالچنك رسول الله حرام تسحگك الخيل
عطرك .. ليـــش اتطشـــره الـــسيوف
عطرك .. تـــارس ارض الطــــفـــــوف
طحت عالگاع من شفتك بيه مابقه حيل
مـن گـــد ما مگطعينك بيـــك تحــيرت اني
اشيلن جزء من عندك وگــع منك جزء ثاني
منظرك صعب / عندي بس گلب / شنو اتحمل
حــيره حــيرتي / وتجري دمعتي / يالــمـــدلل
صحت طايح علــي رايـــح
يلي بالخيم
***
حسره .. بگـــلـــبي واجــــه الـــنــار
حسره .. جـــوه اضــلوعي الگـــصار
شتسوي اذا شافته عمته ابدم تخضب
ميــت .. وي مــاتــسمـــع الصـــوت
ميــت .. يمــكـــن رأســــاّ تمـــــوت
انزل يا اللـــهي الصـــبر كله على زينب
الـــبي لاجرح لاجرحيـن حتـــى اگــلها يتشافه
امگطعته السيوف اوصال والحـــر غير اوصافه
من اعتله البچي / اتطشر الحچي / ومعاناته
الحــومه شــامته / گلبـــي زادته / بجراحاته
أبــو نـايح علي رايح
يلي بالخيم
***
يمـــه .. طـــحت مـــو مـــره مــرتين
يمـــه .. وگــــالــــو مــات الـحــــسين
الشماته بكل مكان وكل كتــــر تنظر عليه
روحــــي .. روحــــي نـــــارها اتــزيد
روحــــي .. احــســها تطــــلع تــــريد
الموت ابـتده برجليـه وبـده يوصل لديه
شـله بعــمره بنيـــادم فلـذة كبـــده من ايمــوت
يموت احسنله عن ليشـوف ابنه اگباله بالتابوت
صرحي منهدم / باقي بس اسم / ابـواليـــمه
البيه بس نفس / هيج جاي احس / ولا كلمه
حزن لايح عــلي رايح
يلي بالخيم
***
ويــــنك .. صحــت الــحـــگ يعــــبـــاس
ويــــنك .. علــــي مگـطـــعته هـالنــــاس
الحـــگ يابوفاضل خويه لاينكـــسر ظـهري
ابـــنــــي .. وشــــمغـــــلاتـــــه تــــدريه
ابـــنـــــي .. نـــــحــاول خـــــل نــداويه
ولو شنداوي بيه وجروح جسمه بكبر صبري
ترى لاطاقه الي بحمـــله الأكبر هاك اخذ مني
بعد شويه عالشاطي اجيـــلك يالاخــو محني
المنحني الظهر / خويه عالنهر / يبـوفاضل
خيامه تنسـلب / اخته تنضرب / وبلا كافل
دمع سايح علـي رايح
يلي بالخيم
***
حيدر تركي الكربلائي
ظهري انكسر ظهري انكسر
راح الاشد بيهه الظهر
راح وتركني الحالي
عباس اخوية الغالي
...1...
عالشريعه ... عاينيته ... امدد اسمع نوحه
اجفوفه يمه ... امكطعيهه ... ونازفات اجروحه
وعينه بيهه ... السهم نابت .... شاكهه ومفتوحه
والهضيمه ... خوية زينب ... بيدي فاضت روحه
كافل دلالج عالنهر .. طايح يزينب
يمناه كطيعه ويسرته .. بالدم تخضب
حاولت اجيبه الخيمتج .. بس أمرة يصعب
ما باقي بي سالم كتر .. كلشي تسلب
كلشي انتهى وي موتته
الجانت عظيمه خوته
اصرخ بصوت العالي
عباس اخوي الغالي
.....2...
راح مني ... احزام ظهري ... ياهو الي تجيلي
موته صدمه ... موته عله ... موته اخذ كل حيلي
كلشي بية ... يصيح بسمه ... رد يصاحب ليلي
ناري تسعر ... على افراكه .... ابحاجت اليدعيلي
كومي تلكيني ابعجل . عظمه المصيبه
يم النهر ودعت اخو . الجانالي هيبه
هيجي اليفاركله كَمر . يكثر مشيبه
مثله بعد وين الكه يا . زينب واجيبه
عباسي ما مثله يصح
راح وتركني للذبح
بعده اشيصبر حالي
عباس اخوي الغالي
......3..
من وصلته ..احجايه كلي ... عذري وصله الزينب
ردت اشيله ... مارضاهه .... ايرد جفوفه امسلب
عيني صارت ... على الرايه ... البيهه كلشي امترب
وماي ماكو ... الجربه بيهه... بيهه صوته الينحب
حرت انه ساعتهه اجي . لو ابقى يمه
ساعه اخليه عالصدر . وبروحي اضمه
ساعه امسح ابدمعه اليصب . ساعه اشمه
غمض اعيونه وكلي رد . للحرم ذمه
عاينته عينه اعله الخيم
مات ويوصي اعله الحرم
وكلي اعله زينب بالي
عباس اخوي الغالي
...4...
كلشي ماضل.. عندي كلشي ... راح وي عباسي
جيتج اعثر ... بالمدامع .... كَوه اجر انفاسي
عفت روحي .... عالشريعه ... يم اعز كل ناسي
ومال حملي .... من يشيله ... بعد رفعت راسي
يا زينب الكافل بعد . ما يرجع النه
مات وتركني الوحدي . الغالي امن اهلنه
هذا الزمن غصبن علي . بعَّدني عنه
سورة قدر يم النهر . مذبوح جنه
يا زينب بعينه شفت
سهم المثلث من رحت
مكطع نظرته اكبالي
عباس أخوي الغالي
....5....
شلي بعمري ... بعد اخيي ... ما اريد ايامي
الراح مني .... ما يعوضه .... كل عمر كدامي
انه بعده .... روحي ميته ... جسد باقي ودامي
ابو فاضل .... اخذ روحي ... مني كبل احلامي
ياهو اليقدملي المهر . محد الية
من عندي باكت كربله . الغالي علية
كلشي انتهى ويه الكمر . بالغاضرية
خلصت حياتي وانتظر . انه للمنية
ما ظل بعد عندي امل
كلشي اندفن ويه الكفل
جانالي مثل اخيالي
عباس أخوي الغالي
......
✍️ كلمات : موسى الخادم
أخر كلمه يحچيها وياي
مبري الذمه وفيّت وياي
من أيس شبگني
گام وظهره محني
...
من صحت خويه اجاني يركض حسين محني ظهره
من المخيم للنهر يمكن الف عام كبر عمره
يدور اعله چفوفي يتلفت اشوفه يمنه يسره
يا خلگ هو الفگد عباس شيصير من يصبره
حيره بحيره وتجري دموعه
مثل الزهره حاني ضلوعه
بعيونه دفني
كام وظهره محني
...
انطبعت چفوفه اعله خاصرته وينادي خويه اگعد
المثلي فاگد كل اخوته وعنده عدوان بيمن ايهد
جيش بالسبعين الف دار اعله الخيام وانت مبعد
اجت تطلع روحه بين چفوفي والسيف ايروح وايرد
يقره لفگدي بنبرة ناعي
شيّب گلبه من وداعي
مهدم حيلي ونّي
گام وظهره محني
...
مدري ابچي لحاله لو يبچي عليه والله حيره
يودع ابدر العشيره وهو باقي بلا عشيره
حسين منه اتطيح العمامه اعله چفي شگد چبيره
يگلي وين انطي الوجه وحدي عفتني يبو الغيره
دمعة ضامي تودع ضامي
منهو ايوصله لباب خيامي
بدموعه لچمني
گام وظهره محني
...
الاخو من ميموت ادري يموت اخيه وميتعوض
يظل كل سنينه يبچي بروحه هيهات حزنه ينفض
حسين شيّب من فگدني وراح عني شعره ابيض
من عمت عيني اعله اخيي بعد ساعه صدره ينرض
ينحب يمي واقره احساسه
بسيف الغربه ينحز راسه
مبچي الدنيه حزني
كام وظهره محني
...
گالي كلمه وهظمني بزينب اشلون رايحلها
هاي اخيتك من تطيح بشده عباس من يحلها
ترضه من بعدك شمر بيد العقيله يشد حبلها
بناگه هزله وسوط يحني تمشي للشام يالكفلها
روس اعله رماح نبچي اعليها
وتواسينه ونواسيها
حاچاني وهظمني
كام وظهره محني
...
خادم الحسين ( عليه السلام)
كرار حسين الكربلائي
( ابو كميل )
الليله ليلة جسام...انطوهه حگهه انطوهه
هذا محبوب الحسن..ضحَّه دم لسلامه
نبچي واعله امصيبته...خل ندگ عالهامه
حيلكم ياهل خَدَم...هِيَّه هاي ايامه
كون رمله تفتخر...ابمجلس اللطامه
عاللطم ماننلام...واصدركم وَسمُوهه
الليله ليلة جسام...انطوهه حگهه انطوهه
......................................
تنظر الليله العَزَه...الفاجده المفجوعه
مانلوم المنجرح...لو يهل ادموعه
ياشباب الينكسر...يعني حَس باللوعه
بالصّواني للعرس...تبچي حتى اشموعه
باللطم يالخدام...أم الولد واسوهه
الليله ليلة جسام...انطوهه حگهه انطوهه
...................................
خَلِّي نهدي التعزيه...للحسن ووليده
وبالحزن هذا الگلب...نار كون انزيده
واليدگ اعله الصدر...حيل يرفع إيده
رمله هالليله تون...واليون اتريده
بلله دگو اعله الهام...واعله الجره عينوهه
الليله ليلة جسام....انطوهه حگهه انطوهه
......................................
حَگَّه جاسم عالشباب...ياشباب الليله
نلطم الهل فاجعه...وننحب ونبچيله
عَمَّه الحسين انهظم...والفگد هد حيله
جابه للخيمه ويون...والدمع يجريله
ذبحو الأمَّه احلام...وابهالخبر فجعوهه
الليله ليلة جسام....انطوهه حگهه انطوهه
........................................
صيحو للقاسم نضل...كل وكت وياكم
عهد عدنه الفاطمه...والله ماننساكم
والله خدمتكم شرف...كل محب ناداكم
ونبقه يانجل الحسن...نلعن العاداكم
تشهد الهه الايام...شيعتكم وتدروهه
الليله ليلة جسام...انطوهه حگهه انطوهه
سيد علي الموسوي
#قصيدة_لمحرم_الحرام
نامن واستراحن شدّن الحيل
مثل هالليل هذا ما يمر الليل
باچر تنتهي العشره اوي الاحنان
باچر بيه ركض وموادع اخوان
.....................
نامن واستراحن غمضن العين آخر ليله هاي البيها تغفن
يظل عباس سالم وي الحسين خواتي بهاي أيسن لاتحلمن
اخر ليله احسبنهه بعمرچن
تنامن والگمر حارس خدرچن
باچر ما يمر مثله بالاحلام
لاخيمه ولاخوّان عدچن
باچر كلشي سكته وتحچي الدموع
اگبال عيونچن تتطفّه الاشموع
مدري اليا مصيبه دموعنه تسيل
نامن واستراحن شدّن الحيل
..............
يطيح الواي وأكسر ظهر الحسين ويرجع للخيم بس ريجه يابس
من ابعيد يومي بچفّه ويصيح راح احزام ظهري البيه انافس
كلشي بكربله يجرحنه باچر
الهوه النتنفسه يصبح خناجر
كلنه انموت خويه ومحّد يعيش
الما مگطوع راسه يدوسه حافر
الطفل بسهامهم ياخذ نصيبه
يفطمونه بسهم مومن حليبه
وترعبچن يزينب ركضت الخيل
نامن واستراحن شدّن الحيل
٠٠٠٠ ٠٠ ٠٠٠٠
اموادع للمنيه اگبال العيون ويمنه الموت واگف ينتظرنه
وحگ عينچ يخويه ارواحنه تهون بس عليچن يحدّب ظهرنه
تشوفن منظر ايكسر الخواطر
حسين ابينچن وبّيني حاير
يظل الوحّده ونسبگه عالموت
يهد حيل السمه يا يوم باچر
صور باچر ابد ما تخطر ابّال
روس امگطّعه ورماح واحبال
يخادمچن وحي وكلچن مداليل
نامن واستراحن شدّن الحيل
٠٠٠٠ ٠٠ ٠٠٠٠
النجوم الضاويه تتهاوه عالگاع ينذبحون غالي اگبال غالي
رمله اتصيح يمّه رايده ارباي ذيچ اتصيح اگعد يا دلالي
الليله اوداع اشبعن شوف منهم
احفظن لونهم واقرن شكلهم
باچر عالارض مو عالحياطين
شباب حسين تتشگك صورهم
جمال الله تخرب لونه السيوف
المعاني والحلاه تصبح للطفوف
باچر فاتحه وينصبهه جبريل
نامن واستراحن شدّن الحيل
٠٠٠٠ ٠٠ ٠٠٠٠
شدّن حيلچن باچر للفراگ فوگ ارماح يصبح ملتقانه
عتب ما اريد اسمع يجرح حسين لتگولن كفلنه وتيّهانه
اعتبن كون عندي چفوف وعيون
باچر كلشي مني ما يخلّون
اغيبن عالنهر ويبيّن الواي
هضيمه برايتي يمچن يهوسون
منظر لونبي هم ايحمله
يخويه ولامصيبه علج سهله
باچر فرد شيله عنچن انشيل
نامن واستراحن شدّن الحيل
٠٠٠٠ ٠٠ ٠٠٠٠
تركضن والركاض يزعل حسين بنات اشيوخ ما لايگ عليچن
جمر نار الخيم مو مثل الگلوب يطفه الجمر كون تلوحه اديچن
اعيون اتشيب من هول المصيبه
باچر ماكو وحده مو غريبه
هاي الخيل تسحگ صدر الحسين
وراسه عله الرمح ظالم يجيبه
باچر يا خواتي ايحير وصفه
المره التعثر ببنهه ما تعرفه
اذا المصابجن تبچي المهازيل
نامن واستراحن شدّن الحيل
٠٠٠٠ ٠٠ ٠٠٠٠
خادم اهل البيت ع
#فلاح #طالب #الماجدي
@HxzEU1
قناه نشر القصائد المنبريه
[13]قصيدة لطم
ليلة العاشر
آخر قنوت للحوراء ليلة العاشر :
في القنوتِ الأخيرْ
بالدُّعا تستجيرْ
ربَّاهُ يا ربي
صبِّر غداً قلبي
في الصباحِ المريرْ
١/رَكْعةُ الوَترِ وفيها…زينبٌ تدعو العليْ
بعليٍّ بعليٍّ…بعليٍّ بِعَليْ
ربُّ خذني قبلَ صُبْحي…قبلَ فُقْدانِ الوَلِيْ
إنَّني لستُ لِنفسي…وفؤادي ليسَ ليْ !
فَحُسينٌ…وحْدَهُ ماءُ الحياةْ
فحُسينٌ…بعْدَهُ يحلو المماتْ
يا سميعَ الدعاءْ
يا مُجيبَ الرجاءْ
يا شاهداً نَدْبي
صبِّر غداً قلبي…في الصباحِ المريرْ
٢/إدَّخرتُ ابْنَيْنِ ربِّي…لزمانٍ برَّحَا
أنتَ ترضى حينَ أرضى…عنهما إنْ أفلَحا
ربُّ خذْهُمْ في الأضاحي…لحسينٍ في الضُّحى
ولِأرْضَى ، نَصْبَ عيني…قبْلَهُ فَلْيُذْبَحا
أفتديهِ…بحياتي والبنينْ
أفتديهِ…فَهْوَ ليْ شمسُ السِّنينْ
بالحُسينِ البقاءْ
وسواهُ الفناءْ
أحيا بهِ قُربي
صبِّر غداً قلبي…في الصباحِ المريرْ
٣/قُمْتُ أرجوكَ رجاءً…لِمُلِحٍّ مُجْتَهِدْ
ربُّ بالمسمومِ أدعو…بحشاهُ المتَّقِدْ
إنْ رمى السهْمُ أخَانَا…مُخْرِجاً منهُ الكَبِدْ
دُلَّني ربي عليهِ…تحتَ رملٍ إنْ فُقِدْ !
ما تُراني…آهِ ألقَى في الثرى ؟
ما تُراني…كَبِداً أمْ خنصُرا ؟
أم عظامَ الحبيبْ ؟
أمْ كفوفَ السليبْ ؟
في الموقفِ الصَّعبِ
صبِّر غداً قلبي…في الصباحِ المريرْ
٤/ربُّ حَرْفُ "الشينِ" منهُ…لبُّ قلبي ينفَطِرْ
قيلَ في الأعدا لئيمٌ…أبْقَعٌ يُدْعَى "الشَّمِرْ"
كيفَ صبري لو أراهُ…صاعداً فوقَ الصَّدِرْ ؟!
ونداءُ الكونِ يعلو…لا تَحُزَّنَّ النَّحِرْ !
وهْوَ يدعو…فتَّ أحشائي العَطَشْ
وهْوَ يدعو…إذ بشمرٍ قدْ بطَشْ !
كيفَ عيني تراهْ ؟
فاحِصاً في ثراهْ
ويلاهُ مِنْ خطبِ
صبِّر غداً قلبي…في الصباحِ المريرْ
٥/كلُّ ضِلْعٍ فيَّ يبكي…أنتَ تدري ما يقولْ
حالفاً باسمٍ عزيزٍ…بالبتولِ بالبتولْ
هي قالتْ لي سترقى…فوقَه عشْرُ الخيولْ
بذهابٍ وإيابٍ…دونَ إشفاقٍ تجولْ..
حافراتٍ…صدرَهُ وهْوَ صريعْ
حافراتٍ…فيهِ قبراً للرضيعْ !
صارَ "وادي السلامْ"
حُفْرةً منْ عظامْ
في حُفْرةِ التُّرْبِ
صبِّرْ غداً قلبي…في الصباحِ المريرْ
٦/في الدُّعا هٰذي كُفُوفي…ليَ لاحتْ شاكيهْ
ما بها جرحٌ صغيرٌ…وبسترٍ خافيهْ
في غدٍ لمَّا أُصلِّي…منْ جلوسٍ حانيهْ
سأرى فيها حُروقاً…وجراحاً داميَهْ..
خُطَّ فيها…قَوْلُهُ حتَّى أموتْ
خُطَّ فيها…"أُذكُريني في القنوتْ"
فدعاءُ اليَدَيْنْ :
بالحُسينِ الحُسينْ
يا كاشفَ الكربِ
صبِّرْ غداً قلبي…في الصباحِ المريرْ
/channel/AliOsailyAmily
#محرم_١٤٤٧
#اللهم_عجل_لوليك_الفرج
اخوك آنه ،، متت عباس لو تسمع ؟
اخوك آنه ،، زينب تنتظر ترجع
يعباس ،، تره بظهري الخيم نار
يعباس ،، شگول السكنه محتار
أخوك آنه
**
انكسر ظهري ،، خلص عمري ،
واريدك تگعد وتسمع عذابي
الاخو انته ،، اذا افگدته
افگد عمري وسنيني وشبابي
من بعيد وطاح الهيبه وشفته يصيح
يا خويه الما عنده اخوان بسرعه ايطيح
سلم والصوت الما يطلع ضمه الريح
يا منظر چفه المتعود علتسبيح
رحت ميت ،، شفت چفينه علغبرى
رحت ميت ،، عيونه احتاجت النظره
يعباس ،، عمت عيني الرمل حار
يعباس ،، شگول السكنه محتار
***
يبو الغيره ،،، آنه بحيره
يطايح علنهر عباس اريدك
أظل وحدي ،، وحگ جدي
اذا سيف الغدر يوصل وريدك
جيتك يا كل حيل البيه وراح الحيل
تسمع عباس أگعد خويه دموعي تسيل
كافل زينب ليش بصدره ادوس الخيل
وين چفوفك هاي الوادم بينه تعيل
سهم عينك ،، اريده بعيني يعميهه
سهم عينك ،، عجيب وما سجد ليهه
يعباس ،، صحت بسكون تندار
يعباس ،، شگول السكنه محتار
***
على بختك ،،، تعوف اختك
بعدهه لهسه بالخيمه وتتاني
يهالكافل ،،، يبو فاضل
بعطش وسيوف مبيوگه المعاني
وين چفوفك يابو الغيره أوين الواك
خطار احسبني اتلگاني ومد يمناك
عباس الخوه اعله الماي اتموت وياك
تنتظرك چم دمعه وخيمه وطفله هناك
تره سكينه ،، بعدهه متانيه عيونك
تره سكينه ،، تريد تگلك شلونك
يعباس ،، انتهت يبن أمي الاعذار
يعباس ،، شگول السكنه محتار
أخوك آنه
**
تشد حيلك ؟ ،،،، واتچيلك
وترد وياي نرجع لليتامى
العطش كلمه ،،،، فگد زلمه
بعد ميموت متعيش بسلامه
طلعت روحك وانته بحظني وصرت أوحيد
ماخذ حيلي مصاب عيونك وين تريد
رديت ومحني من فراگك مات العيد
زينب عباسچ علغبرى چفوفه بعيد
عمد بيتچ ،،، وگع والخوه خلصانه
عمد بيتچ ،،، يزينب ما بقه ويانه
يعباس ،، اذا تسألني الزغار
يعباس ،، شگول السكنه محتار
**
تلاگينه ،،، جرح بينه
انه وزينب غريب ويه الغريبه
شصبرهه ،،، وأنه انظرهه
تهد الحيل دمعات المصيبه
راح اليحمي ضعونچ خويه الكافل مات
ساعه وتبقين ويه ايتام بلا خيمات
زينب هذا الطف الجايبلج لوعات
منا للشام بهالدمعه وهل ونات
يمسبيه ،،، يگلچ ذابح اخوانچ
يمسبيه ،،، بدت ما تنتهي احزانچ
يعباس ،، على ارماح الاخو صار
يعباس ،، شگول السكنه محتار
اخوك آنه
✍️✍️ رعد الفريجي
💎تمـيـز بأخــتيارك💎السته الذهبيه
👑افـضـل اللستات في التليجرام👑
💞تمتع بتصفح أجمل القنوات⇩⇩
╰━─━─━─≪ ஜ▲ஜ ≫─━─━─━╯
للطلب ولاستفسار @wps34
تصــــفح أجـــــمل القنوات⇓⇊💚
🕊🕊🕊🕊🕊🕊#المدير_ملا_علي_الواسطي
💎تمـيـز بأخــتيارك💎السته الذهبيه
👑افـضـل اللستات في التليجرام👑
💞تمتع بتصفح أجمل القنوات⇩⇩
╰━─━─━─≪ ஜ▲ஜ ≫─━─━─━╯
للطلب ولاستفسار @wps34
تصــــفح أجـــــمل القنوات⇓⇊💚
🕊🕊🕊🕊🕊🕊#المدير_ملا_علي_الواسطي
لستة دعم
كريم اهل البيت عليهم السلام ( 2 )
💜💜💜💜💜💜💜💜💜
ــــــــــــــــــــــــــ
قناة منقذ البشريه 313
💜 @ansar_emam_mahdi
ـــــــــــــــــــــــــ
الأستاذة الشاعرة هبه الموسوي
💜 @hepaam
لـــِ خادمة الرضا
💜 @aryks_313
قناة خوله و الحسن المجتبى (ع)
💜 @f3i313
صوتيات عشاق ملاباسم
💜 @rrrhz33
تلحین القصائد
💜 @alhanhussinea87
قصائدحسينية مكتوبه الناشرابوالاكبر
💜 @Qqaassaad
الشاعرهامکرار الشباني
💜 @krsnta21
الشاعره حوراء الساري
💜 @asdfghf24
قناة مسلم ابن عقيل عليه السلام
💜 @mslmapnAGyel
فجر الظهور
💜 @kafeel_zainab
ولاية على حصني
💜 @madinat_elm_alrassoul
مصممه رافضيه
💜 @SINA_IRAQ
غسق
💜 @Mujtabab
💚💜💚💜💚💜💚💜💚💜💚💜💚
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
🔺للاشتراك بدعم عبر معرف مثبت↙️
@ansar_313_m
@satobmnbot
/channel/satob_mn_ajl_al_mahde
مقطع صوتي من يا فرج الله
Читать полностью…
مقطع صوتي من يا فرج الله
Читать полностью…
شهادة السجاد
.
.
.
اكيد اعله الحسين خلص عمرك ونين
يزين العابدين
يزين العابدين
***
مابينك وبين الجزع عشرة وحــزن متروسه
والطف ابــد لا ماخلص بعــينك بقـه كابوسه
عاشور نبله بمنحرك طــول الوكت مــغروسه
شحال اليشـاهد والده صدره الخيول ادوسه
حياتك بس بكاء المصيبة كربلاء
الحزن متخذه دين
يزين العابدين
***
تتفايض اعيونك حزن وبحسين دومك تقره
وكلما يمر بيك العــذب تذكــر اليــابس ثـغره
مذبـوح مـن گـد الضـــمه ودلاله صاير جمره
ترويه بس من ياكــتر ومــگطوع ابيك نحره
بحاسيسك تصــيح صعب يروى الذبيح
يمن گلبك حزين
يزين العابدين
***
كلمــا تصــد الخاتــمك سالــوفه توجــع تـذكر
ومن هاي ليـــل الله اليمــر للــنوم حقك تهجر
الجمال بالمحبس طمع ومن ايده سلب خنصر
مـــذبوح ابوك وينســـلب عالـــبال لاماتخــطر
ثلاثه اعله التراب سليب ابلا ثياب
ابو اليمه الحنين
يزين العابدين
***
مايوم نشـــفت دمـــعتـك يا اول حســـينيه
من الصبح حد الصبح تنحب عــلى المسبيه
بذنك صدى مايختفي مناشغ بچــي العلويه
وصايح شمر عالتـنتحب ومـــشامر الشاميه
يمـــوت بهالكلام اليعيش بگلبه شام
الحصل ماله قرين
يزين العابدين
***
ماخذ ضوه عيونك جرح جرح السبي وشماته
الشامت يذبحك كل وكت من تــذكر احچاياته
مايـــنسي درب اليـــسر ومـا تنحــسب لجماته
حــقه يموت من الحـــزن الـشاهد سبي عماته
ابدليلك ذكريات تؤدي للــممات
تبچي العــالمين
يزين العابدين
***
حيدر تركي الكربلائي
قصائد الاربعين
.
.
.
حسراتك جبيرات عالراحن سبيات
ساعد الله قلبك يابوصالح
***
اتبده بوجهك المدمع / بگـد مــاي الـــنهر مرتين
الرايحلك شــرف الله / بي ريحة چفوف حسين
چانن حاسرات النوگ / الفــوكاهن اصول الدين
وحدتـهن اذا ونـــت / تجيها سياط مدري منين
عماتـك غريبــات بدنيه كلها شمات
ساعد الله قلبك يابوصالح
***
الــدروب بكــل وكت خرسه / مـن عدلين ولياهن
وحچن من شافن اعله النوگ / اخوه ماكو وياهن
العــــلويات بالـــغربــــه / الحچي اليوجع تلگاهن
خوات حسيــن والعــباس / مسبــيات جـــبناهن
كافلهن لمن مات اخـــذوهن اسيرات
ساعد الله قلبك يابوصالح
***
المحاملهن ضوه العفه / مـشن وبـلا محاملهن
الحادي صــاح متعــمد / شــو ما هـوه كافلهن
اتخذها فرصــه وتـجرء / بكل قـسوه يعاملهن
المكان البي يحس شمات / رغم عنهن ينزلهن
واستار السماوات شگد شافن معانات
ساعد الله قلبك يابوصالح
***
اجروحــك يا ابوصـالـح / الســبي أتصور اكبرهن
حريـــم الله الف وسـفه / الشــمر وسـنان اسرهن
الوحي اليستأذن اعليهن / زجر بالسوط يزجرهن
الماشـــافتــهن النـسوان / اعيون اجناب تنظرهن
يمشن چنهن ايات ويتـــبدن جراحات
ساعد الله قلبك يابوصالح
***
ســـتر عفــة بنــي هاشم / المحد شاف الها خيال
عــــذراً يــا ابـــوصــــالح / شافو طـــولها الانذال
الاديها مخاويه المصحف / حريمه امگيده بحبال
اليـسوه والـــي مايــسـوه / شاهـــدها بـــلا كفال
دمعاتك غزيرات علّي بالعرى اتبات
ساعد الله قلبك يابوصالح
***
گلبك شــايلاته الــنوگ / يعينــك الله يالمــهدي
الناس ادموعها من ماي / وعينــك من دمه تدي
بذنـــك صوتــهن يــدوي / مـــن البضـعن يحدي
وحــده تصـيح يامـــتني / وحده تصيح ياخدي
بــيك هوايه لجــمات من درب الجراحات
ساعد الله قلبك يابوصالح
*
حيدر تركي الكربلائي
(معقوله مايرجع)
. مـعـقـولـه نـايـم عـالنـهـر كـفـيـلـي
مـعـقـولـه وآنـه اتـنـطـره يـجـيـلي
يتعب بـالـسـهـر مـو طـبـع الگمر
كـفـيـلـي كـفـيـلـي
*---------------*---------------*
يـنـام أعله الـنـهـر مـو طبعه عـبـاسـي
وعد عـنـده وشـگـولـن للـوعـد نـاسـي
ثواني احسب واجرن گـوه بـٱنـفـاسـي
حـرم وٱطفال تـنـطـر و العطش قاسي
احـچـيـهه مـايرجع الـي عـجـيـبـه
احـچـيـهه وآنه زيـنـبـه الحـبـيـبـه
يـثـنـيـه الـقــدر مـو طـبـع الگمر
*---------------*---------------*
دگّـالـي الـصـدر وبـسـرعـه گـال ارجـع
واصيغ اعـذار لــ سـكـيـنه وردت تقنع
صحت عـبــاس بلكي لـ نخوتي يسمع
الـخـيَـم سنطه واشوف الخيل تتجمع
خــلانــي بالخيمه انـتـظـر رجوعه
خــلانــي ينزف ناظري ابـدمـوعـه
لـلـخـاطــر كسر مـو طـبـع الگمر
*---------------*---------------*
مـعـقـولـه الكـفـلـنـي اعلـه الـنـهـر نايم
اصـد بـالـعـيـن والـجـيـتـه الگلب هايم
يـلـوم اعـلـيــه خـلـه و يـفـرح الـلايــم
اذا ظـلـيـت أكــابــر والــدمــع دايــــم
مـعـنـاهـه مــــا يـرجـع بـعـد إلـيـه
مـعـنـاهـه عـافـانـي وصـرت سبيه
ينطيني الظـهـر مـو طـبـع الگمر
*---------------*---------------*
يروحي اتصبري ساعة ويجي انتظري
احاچي الروح بس مـا تـقـنـع ابـعـذري
ابطلعتـه وهــذا حـالـي كـافـلـي يـدري
لـزم جــوده بـيـمـيـنـه ولْزمـت ظـهـري
اتفارگـنـه ما نـلـتـم بعد هـظـيـمـه
اتفارگـنـه والغالي ارتحل جـريـمـه
مـا مـرة اعـتـذر مـو طـبـع الگمر
*---------------*---------------*
العتب مسموح لليسـوه الـعـتـب اعتب
واخـاف الجيش عگبه مخيمي ايسلب
أعـدّن لحظة لحظة وللرجوع احـسـب
مثل غيمه الجفـون بـروحته تـسـچـب
بالخـيـمـه خـلانـي وطلع نـظـرتـه
بالخـيـمـه واتأمّـل يجي بــ جربته
إيشح بـالـنـظـر مـو طـبـع الگمر
*---------------*---------------*
چانت ظـنـتـي يـجـيـب الـعـذب ويـرد
وعـن زيـنـب گـلـت عـبـاس مـا يـبـعـد
مـا يـنـسـد فـراغـه وياهو غـيـره ايسد
اطـفـال ابـدمـع ويــــن الـگـمـر تـنـشـد
بـغـيــابــه محتاره الحرم شـگـلـهه
بـغــيــابـه عـمـلاتـه الدهر عمـلـهـه
أشـرحـله الخبر مـو طـبـع الگمر
*---------------*---------------*
✍خادم العقيله زينب ع
الشاعر رعد الجريخي
نزال ليلة ابو فاضل س
.
.
.
صاحب فضل ابــــوالفضـل
نعم
على كل الخدم
***
الـــــيدگ ابــاب عبــاس لامـــايــرد خــــايب
بعيـــني شـفت يانــاس يـدگ ابابــه شـايــب
مو هم جايب اويــاهه نگــله هـــموم جــايب
وصل يم باب الحسين وگضت كل المـصايب
الما الها حل يمـــه تـُحـل
نعم
وحق رب الخيم
***
ولي نعمتنه عباس دخيل اسـمه ودخيله
وغير چفوفه الحــنان ماعدنه وســـــيله
الخادم يوم يحـــتاج يســــافرله بدلــيله
اليجي محتاجله صـــم يترسله شلــــيله
طبعه الوفه والعــاطــــفه
نعم
يسموه ابو الشيم
***
تجينه بعض الحيان نعم عــدت مســائل
الى توفيق الحسين شنو أنـواع الوسائل
وصيه لليخدمــــون مــن انــــسان عاقل
اليدور على التوفيق يدگ باب ابوفـاضل
النيته صدگ بـابـه يــدگ
نعم
يرد كله همم
***
خيمة خدمة حسين الــگمر شـايل حملها
عمود الخيمه اذا طاح تطيح الخيمه كلها
لذلــــك بــيـــد عبــاس الله الــي جــعلها
أهلهــا وســبع تنـــعام ابوفاضــــل أهلـها
من كربله صارت اله
نعم
نعم من القدم
***
عمر عبـاس أيام نطــــق ما گـــال يمه
اول كلمه عباس حچـــاها گــال خدمه
گال الرايد يـــفوز يخـــدم ابو اليــــمـه
اهو السوانه خدام فدوه انروح لســمه
من المهد حـد اللحد
نعم
بالحسين التزم
***
هوه الگــال خدام صيرو واحنـه صرنه
عمر انطو للحسين وانطــــينه عمـــرنه
خلــفله اعله عـباس الرفع بــيده قدرنه
احــنه كلـــش ازغــار وبالـخدمـه كبرنه
والي كبر لا ما نكر
نعم
راعي العلم
***
حيدر تركي الكربلائي
علي بويه ياعلي
علي بويه ياعلي
ليلة الوحشه يحماي الحميه
زينبك وانخاك مهظومه المسيه
گوم جيب النه خيم للغاضريه
راح اموت امن القهر لحِّگ عليه
حَگِّي اصيحن يالولي
علي بويه ياعلي
من عگب ماذبَّحَو بالطف زلمنه
هجمت اعلينه العِدَه وحرگت خيمنه
چم مصيبه وفاجعه البيهه انهظمنه
اتطشرينه ومافزع واحد يلمنه
گمت احَشِّم ياهَلي
علي بويه ياعلي
عگب عين حسينَّه وبدر العشيره
الخوف باين عالزغيره وعالچبيره
باليتامه والحرم محتاره حيره
كلهه كاتلهه الضِّمَه وحَر الضهيره
وسفه وِليه ننولي
علي بويه ياعلي
حيره محتاره بالاطفال وبچيهه
نار چنه العطش بويه ويچوي بيهه
ضَنَّت العباس موجود ويجيهه
شح علينه الماي واشبيدي عليهه
عالگمر دمعي ايهلي
علي بويه ياعلي
ليلة الوحشه يبويه وتجي لينه
مو بعيده الغاضريه ياولينه
رايده احچيلك عله اللي صار بينه
وحده من هاي الجروح اتسلِّبينه
هَمِّي لا ما ينجلي
علي بويه ياعلي
سيد علي الموسوي
في قَولِ الصادق...عِندَ الآهات
أللهُمَّ ارحَم...تِلكَ الصَرَخَات
الَّتي كانت لنا...التي كانت لنا
....................................
شَرَف لِحياء العزاء الليله اجينه
وصادق اهل البيت يترحَّم علينه
إشكبره حظنه وابو الكاظم يدعي لينه
وعن يقين ابَّرَكَاتَه اتوفُّقينه
يدعي الأحبابه...ويجري العبرات
أللهمَّ ارحَم...تِلكَ الصرخات
الَّتي كانت لنا....التي كانت لنا
....................................
يدعي لينه الصادق ودمعه ايتجاره
ايگول يارب ارحم اوجوه الغياره
الغيرتهه الشمس واجواء الحراره
أو وفق اللهم عشاگ الزياره
التگصد ملهوفه...اتزور العَتَبَات
أللهمَّ ارحَم...تِلكَ الصَّرَخات
ألَّتي كانت لنا....ألتي كانت لنا
.......................................
فايز اليدعيله وايذكره إمامه
يكسب التوفيق والعِز والكرامه
وجائزه لهل المجالس والخِدامه
رِبِح بالدنيا وشفاعه بالقيامه
واينول الخادم...أعلى الدَّرَجَات
أللهمَّ ارحَم...تلكَ الصَّرَخَات
ألتي كانت لنا...ألتي كانت لنا
........................................
يدعُو لِحياء الأمر صادق الشيعه
وابو الكاظم أمر يامرنه ونطيعه
عالمنابر خَبَر دوم احنه نذيعه
نبقه أحباب وخَدَم لِبن الوِديعه
للطف مرفوعه...اتضل الرايات
أللهُمَّ ارحَم...تِلكَ الصَّرَخَات
ألَّتي كانت لنا....ألَّتي كانت لنا
........................................
على حُب آل النبي الليله انجِمَعَنه
ونسأل الله ابفاطمه ايبارِك جَمِعنَه
للضهور المهدوي ندعي ابدمعنه
وابقدومه المُرتجى ايغيِّر وضعنه
الغايب بضهوره....ينهي المأسات
أللهُمَّ ارحَم....تِلكَ الصَّرخات
ألتي كانت لنا....ألتي كانت لنا
سيد علي الموسوي
#شور
لسان حال الامام المهدي ع يخاطب الحسين ع
حسين حسين حسين حسين
ــــــــــــــــــــــــــــــــــــــــــــــــــــــــ
غايب عــن هلي و ناسي
بس عنـــــك فــــلا غايب
شيضمد جـــــــرح گلبي
و جرحك بعده ما طايب
سهم الصــــــابك بچبدك
تراه لچبــدي هم صايب
شلون اشرب لذيذ الماي
و گلبك بالعطـش ذايب
لمصابك //نار تدمع عيني//يحسيــــني
يم بابك //رفرفت حسراتي//و عبراتي
حسين حسين حسين حسين
ــــــــــــــــــــــــــــــــــــــــــــــــــــــــ
انه المهدي يابــو السجاد
جمرتك جمـــــــرة مـا تطـفه
بچفة كلهن اجـــــــروحي
و انتـــــــه لوحـــــدك بچـفة
وحگ خدر العقيلة اختك
و اخـــــــوك المنگـــطع چفه
لاظل انحـــــب وانوحلك
و اسوّي اعله الصدر خسفه
بچفوفي //حومرتها اعيوني //و امتوني
لطفوفي //تنسمع صرخاتي // و حسراتي
حسين حسين حسين حسين
ــــــــــــــــــــــــــــــــــــــــــــــــــــــــ
عاشك مجلسك يحسين
و لا اشبع لطـــــم عنك
شلون الـــــروح اصبرها
و انته الخيل سحگنك
منك منگـــــطع خنصر
بيقضة و نوم اشوفنّك
يا اكبر جـــــــرح نازف
بالـــــــدلال احسَــــنَّك
يلچمني // طاري طف نيرانك //و احزانك
يهضمني // و ارتچي بدمعاتي//و حسراتي
حسين حسين حسين حسين
ــــــــــــــــــــــــــــــــــــــــــــــــــــــــ
كل مجلــــس أله اتعنّه
و احضر وين اكو قراية
الك الطم لطـم مجنون
اخلي بصـــــدري دماية
نمير اعيوني من اجلك
اسيله بسيــــل مَبچاية
و اذكر راسك المنحور
و اطَّبّر راســي مولايه
يا حيدر //اصرخ بانفاسي // و حساسي
عالمنحر //تشتعل جمراتي //و حسراتي
حسين حسين حسين حسين
ــــــــــــــــــــــــــــــــــــــــــــــــــــــــ
مو دمعـــات الك ابچي
اصب اعيوني من اجلك
شمـــا زاد الوجـــــع بيه
ازورك و احتـــمي بظلك
متگطع وِصّل يحســين
امن الشبـــــاچ اعاينــلك
و اعاين منك ايشع نور
ينبع من نحـــــر طـــفلك
للقاسم // تنضويله شموعي // و دموعي
و يتناغم // الأكبر بلوعاتي // و حسراتي
حسين حسين حسين حسين
ــــــــــــــــــــــــــــــــــــــــــــــــــــــــ
غريب و غربتي وَيَّاك
بين الـــــــونة اگضيها
لعماتي احس بحـــشاي
نـــــــار شلون اطفّيها
يدوي بالخرابة الصوت
و لا سكتــت نواعيها
لرقيـــة و عمِّتي زينب
حرت يا دمعة ابچيها
حيرانة //عيني المن تنزف// يا مــــوقف
ذبلانة //روحي من لچماتي//و حسراتي
حسين حسين حسين حسين
ــــــــــــــــــــــــــــــــــــــــــــــــــــــــ
الحمدلله
#علي_حسين_الكناني
چویني بجمر خيامك
و عيشني آهات ايتامك
و احسبني اخدم خدامك .. هاي أمنيتي
__
يا حبيب الروح روحي تسولف وياك
اسمع احچايات گلبي البيهن ارجاك
وانت المعودني شطلب گتلي اي هاك
رايد ابقالك عبد مجروح و انعاك
يحنين رايد منك
تخليني بعالم ونك
يا جرحي الما ابطلنك .. هاي أمنيتي
__
حاجة الملچوم گلبه بدمعة الليل
وانه ليلية الدمع شابع تواسيل
يا حلم عمري الاحبه الماله تأويل
ارزقني دمعة حرگه بيها الآه ترتيل
كون بكل مجلس انعه
تحرگني مثل الشمعة
وتلچم بخدودي الدمعة .. هاي أمنيتي
_
يا شعور اللا شعور انت يمولاي
حيل عطشني أرد احس مفارگ الماي
اليعطش لطفك جرح ما يتعب هواي
بالعجل ثغرات ونه يشبهن الناي
اليعطشلك بالطف حاضر
ويشاهد يوم العاشر
و تلوحه اوجاع الحافر .. هاي أمنيتي
___
يالغميجة جروح جسمك وانه مرتاح
عمت عيني و ما ضگت طعنات الرماح
كون بيه جروح گلبك و اشبع نياح
و كون تسحگني الحوافر فوگ الجراح
وبحرورة آه ابچيلك
موجوع وصحت ادخيلك
كون ادري شلون اوفيلك .. هاي أمنيتي
__
يا حبيبي خنصر ايدك بعده مگطوع
و مو كسر مطحونه ادري بذيچ الضلوع
يا فشلتي وانه كلي بطرگ الدموع
كون جمرة بگلبي حتى يصير مشلوع
سويني اصبع چفینك
وما بين السيف وبينك
خل اتگطع عد عينك .. هاي أمنيتي
__
عباس حسن السوداني
#نزلة_للامام_المهدي
عجل الله فـــرجك يمهدينه
سهل الله مخرجك يمهدينه
ــــــــــــــــــــــــــــــــــــــــــــــــــــــــ
انته يا مصحف كياني و سورة احساسي
دوم مشغولة بحـــــــروفك تلهج انفاسي
و يا بعــد عيني الثنين و اغلى كل ناسي
واجب اعليه امن اذكـــرك ينحني راسي
أنحني كلي خَجَل يمهدينه
من أناديك العَجَل يمهدينه
ــــــــــــــــــــــــــــــــــــــــــــــــــــــــ
يا نبض گلب الولاية و فـرحة الزهرة
سيدي لموعد لقـــائك روحي منتظرة
يمتى نكحــلها النـــواظر منّك إبنظرة
عالهجر ما بينه حيل و أنته بينه أدره
يمتى يا يـوم الوعد يمهدينه
تحضر و نقره العهد يمهدينه
ــــــــــــــــــــــــــــــــــــــــــــــــــــــــ
انته يال مايك زُلال و منبعك صــافي
و الله لو اندل طريقك اوصــلك حافي
عني غايب لَچَن خيرك تارس اچتافي
كافي مولاي اعله بختك للهجــر كافي
فدوة دلّيـــني الدرب يمهدينه
بالنبض نــــاده الگلب يمهدينه
ـــــــــــــــــــــــــــــــــــــــــ
بالنــــوايح خلّصــــــتها سنيــــني اتلوّه
و عيني گد ما أبچي لجلك طَبَّت لجوّه
بيّه لو تـــدري زماني عگبـــــك اشسوّه
گوّة اسند طولي صاير و امشي بالگوه
مُرني لو حته بحلم يمهدينه
بحالتي عنـدك عِلـم يمهدينه
ــــــــــــــــــــــــــــــــــــــــــــــــــــــــ
ونتّي صــــارت سلوتي أل بيها أتسله
لحظة ما انطر لَوَنّي امچـــــانك أندله
جمكرانك اعتبرني و مســـجد السهله
و بلگي يالغالي تجيني و بابي توصله
بسمــك احساسي هتف يمهدينه
بكربله و ارض النجـــف يمهدينه
ــــــــــــــــــــــــــــــــــــــــ
بندبتك من اقره اشعــــر تلتهب روحي
و حتى سابع جار يسمع ونتي و نوحي
جبل يالمهدي و غيــابك هَدَّم اسفوحي
ابغيبتك كلما اخيّط تفتـــــگ اجروحي
عايـــش أبالي جــــــرح يمهدينه
و جمعة جمعة أنـــذبح يمهدينه
ـــــــــــــــــــــــــــــــــــــــــ
الحمدلله
#علي_حسين_الكناني
الليله الثانيه
.
.
.
ما الحــبُ الا للــحبيــب الاولي
وانتــه اول الحبيتــهم يابوعلي
مستحيل ابتعد عنك
الله لايحرمني مـنك
الله لايحرمني مـنك
ياحسين
***
شكــراً الكــل الضـروف العــرفت بيـــنك وبيني
شكراً الكل شخص مؤمن على حبك فتح عيني
الينچــوي يســتاء حيل وانـه اريــدك تچــويني
بنص خيمكم يــبو الأكبر فضل منــك تخــليني
من خيــر چــفك انتــه ماليني ملي
وما سوته امي فضلك السويته الي
وما تملـني اعرفنك
الله لايحرمني منك
الله لايحرمني منك
ياحسين
***
مثلك انسان بحياتي ماشفت من عنده ثاني
لاطـردني ولا هجـرني ولانــساني ولاجفاني
ابــتعد سـهــواً ولكـــن نادمن ارجــعلك اني
رغم اخطائي ولكن گــلبك الدافـي حتواني
من كلشي ماكو سيدي سويتني
مشكور يـلي بخــيمتك خليتني
عيوني يعمن لو جفنك
الله لايحرمنــي مـــنك
الله لايحرمنــي مـــنك
ياحسين
***
ياحنين الماكو منـه ويا احـــن مـــن گــلب امي
انت التقومني اذا زل عن طريق الخدمه جدمي
ولـهذا انســـه كلـــشي بما فــيها حـــتى اســمي
الـه انتـــه المانســـيته اسمـــك مخـــلي بـــدمي
والمختصر عن لا تطول المــسأله
الحب انته اخــر شي وانتــه اوله
سوالفي مايشرحنك
الله لايحـرمني منك
الله لايحـرمني منك
ياحسين
***
سيدي ويانور عيـني بعاشــرك عيشنـي جـمره
ولو شفتني ردت اطفه عليه انـفخ من الحضره
الناس تتغزل بناس وشــعر تقــره بروح خضره
وبـيك مـن اتغــزل انــي مقتـلك يحـسين اقره
منطــيك من الذر يبو اليمه عهد
واعدتك وما اخلف اوياك الوعد
فدوه الك ذني البچنك
الله لايـحرمنـــي منـك
الله لايـحرمنـــي مـنك
ياحسين
***
بالگــلب مالك شــريك وماالــك قــط كفواً احد
السانـي يابو اليمه بسمك كل صباح ومسه ردد
كلشـي خل يـبرد بروحي اله حزنك زحمه يبرد
يالمگــطع عالتـراب الـحـــار بالصــحراء امــدد
عايش لچــن يحسين عايشـلك جرح
دلالي وي راسك احسه اعلـــه الرمح
وبعده يصرخ احبنك
الله لايحرمــني مـنك
الله لايحرمــني مـنك
ياحسين
***
حيدر تركي الكربلائي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
لستة دعم
كريم اهل البيت عليهم السلام ( 1 )
💜💜💜💜💜💜💜💜💜
ــــــــــــــــــــــــــ
قناة منقذ البشريه 313
💜 @ansar_emam_mahdi
ـــــــــــــــــــــــــ
قصائد مكتوبة
💜 @bfkcbbfjjf
الشاعرة و الملة العلوية ام زينب الحسيني
💜 @zainxvybcxvhxxa
قصائد حسينية مكتوبة الناشرابو الاكبر
💜 @Qqaassaad
المأتم الخالده
💜 @AlHosaene
الشاعرة بتول الكربلائية
💜 @pDQDJRsUu3Q3MzAy
اسرار وخفايا اهل البيت عليهم السلام
💜 @a_313gg
برداً وسلاماً
💜 @ibraheam11
الشاعرة طالبة الزهراء القريشي
💜 @sakiAtashi
سيدة نساء العالمين
💜 @nooralatrh
العتبه الفاطميه المقدسه
💜 @alfatamae
عبرة وعظه
💜 @Ebra_w_Eza
اشراقات نورانيه
💜 @hope_pictures
الحسين مصباح الهدي
💜 @Husain_Alrouh
آنتظاري قائم حتى ظهور القائم
💜 @Husseinee
خادمة اهل البيت ام عدنان
💜 @molaomadnan
يا صاحب الزمان عج
💜 @yashblzaman
عشاق الحسين صوتيات
💜 @ashaghalhosseinmidya
متن وسبك مداحي
💜 @madahifarsii
طب وعلوم اهل البيت عليهم السلام
💜 @AlwumAhlAlpyet
سراديب العشق
💜 @khadim_ahil_albayt
دروس في تجويد المبسط
💜 @Quoraaaan
💚💜💚💜💚💜💚💜💚💜💚💜💚
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
/channel/ansar_emam_mahdi
چنه وين وهسه وين
كلشي ضاع ابلا حسين
=============================
چنه من نعطش يجيب الماي بيده
انه وسكينه واخياتي وحميده
دارت الدنيا وابوي انحز وريده
منذبح والشام صار ابذبحه عيده
والأهل صاروا بعدين،، چنه وين وهسه وين
============================
چنت كل مغرب احط سجادته
ويبچن اعيوني اذا ما شفته
وفوگ صدره اغفه وأشمن رگبته
تالي ضامي وخيل داست چثته
ضاعت احلام السنين
چنه وين وهسه وين
=========================
ضعت بعده وضاعت أحلامه الطفوله
وضاع مني الچنت كل ماريده انوله
چان ابوي حسين معناة الرجوله
فوگ صدره الخيل لعبت تالي جوله
وعمي مگطوع الادين،، چنه وين وهسه وين
=============================
من عگب ذاك الدلال انه انسبي
ونارهم حرگت خيمنه والعبي
الهضمني حادي الضعون اجنبي
حايره ياهو الينفذ المطلبي
روحي ذوبهه الحنين،، چنه وين وهسه وين
===============================
نامت الچانت عزيزه اعله الترب
بخربه ظلمه ظلت بديرة غرب
الخايف من الهوه عليه تنضرب
تبچي ويراسك مشت طول الدرب
والدمع يعميلي عين،، چنه وين وهسه وين
==========================
الشاعر احسان الحميداوي
للسبي
.
.
.
ابــاب الساعات .. وگــفن ساعــات
وعالمستورات
تــنظر شمـات
****
مـــاصــارت ولاتنــعقـــل .. ولامرت ابال انسان
اليحدي ابنات المصطفى .. شمر وخوله وسنان
جـابوهن الشام الحزن .. وبيديهن احبال امتان
نســـوان وعــيون الزلم .. كـلـش تأذي النسوان
للميخــجلـون .. وكحات عيون
وسفه يصدون
عالعـــلويــات
****
مرسال اجه الحادي الضــعن .. هز راسه گلهم جيد
يمـــكن رخـــه حبل اليــسر .. رد مـن جـديد ايگيد
من اجنوده جاب اطول رمح .. ونـبته براس السيد
وللـــشـام گــال الــهـم نطــب .. لــمن اهــلها تــعيد
وگــفن حفاي .. وبلايه افيــاي
الرجلين بهاي
شبعن چويات
****
حلــفو اسالـــيب الخبـــث .. بضعن النبي يسووهن
وصـــلو الـشامات الفجــر .. وماقبـــلو ايـدخــلوهن
السوگ الضحه من يزدحم .. بنص زحمته يمشوهن
غــايـتهم عــــيون الزلـــم .. ابلا كافــل يــشوفوهن
ويـــن العبــاس .. عن هاي الناس
صدن عالراس
چيه خجلانات
****
بالشام انفــاس الـحقد .. اعله ال النبي مشحونه
واحــدهم بــگد الغـضب .. تــجــدح شرار عيونه
اهزيل العليه اخت الگــمر .. حدره الرمح يرمونه
ستـر الله فوگاه منحــفظ .. ماگــدرو ايعـــثرونه
اخ امـــن الـــشام .. شگــد بــيها آلام
واخت الضرغام
اشتحمل شوغات
****
للشام طب واحـد هتف .. مــن عنده موته بصفين
الرايد يرد ثــاره يــجي .. ابــاب المديــنه امــتانين
اليطلب علي ثار اعتنـه .. وحجــار هــمه محمـلين
الضربه برقيه من اجت .. فز عالرمح راس حسين
واكــبار ازغــار .. يشمرون احجار
المايطلب ثـــار
يرمي حچايات
****
البالشام كلها اتجمعت .. وتتعاله صوت الضحكات
اسرنه صـاحو وبفرح .. الماشـــايفتـــهن نجـــمات
من انسبه احجاب السمه .. هلهــــلن الشــامـــيات
الايات مــن فوگ الهـزل .. تبچـــي بحراره الايات
بـــيد العدوان .. وبـــلا وليان
اعليهن ماهان
شبعن لچمات
****
حيدر تركي الكربلائي
الامام السجادع
يلــخيمتك بالـــعاشر ، محترگـه يابو الــباقر
وضـحلـــــنه هاي المسأله
جسم الحسين اشحاله ، من سحگته الخياله
واتفرهد ابــــــطف كربله
ـــــــــــــــــــــــــــــــــــــــ
يـــــاعلي السجاد يا حُجة زمانــك
يلـ مُصاب احسينك امهدّم كيانــك
يلـ سمعت اضلوعه تتكسر بذانـك
ردنه تفصيل الجره وصار ابلسانك
ياشيعه گال اجروحه ، تنزف ابمطلع روحه
واعيونه صوب الــــعايله
ضامي وجمر دلاله ، من سحگته الخياله
واتفرهد ابــــــطف كربله
ـــــــــــــــــــــــــــــــــــــــ
من بعد مصرع ابوي وُ نور الـــــعيون
ابراسه الفوگ الرمح گامو يهوسون
ابـ فاطمه وحيدر حقد صارو يِشِتمون
والقصد چان ابــــگلب زينب يِحِرگون
ياوسفه ابوي الهيبه ، متخضب ابدم ، شيبه
واعله الـرمح راسه اعتله
لحد فزعله وشاله ، من سحگته الخياله
واتفرهد ابــــــطف كربله
ـــــــــــــــــــــــــــــــــــــــ
دمعي من دم لو على العطشان اصُبَّـه
مو عجب وابعيني شفت اللي يسلبَـــه
خاتم و ثوب و عـمامه و درع حربه
صعبه ظل عاري الجسد احچيها صعبه
ما خلَّت السلَّابه ، اولا خيط من اثيابه
غير الستر ما ظل أله
واتطشرت اوصاله ، من سحگته الخياله
واتفرهد ابــــــطف كربله
ـــــــــــــــــــــــــــــــــــــــ
والدي ياشيعه يوم الـــــغاضريه
طحنت اعظامه الخيول الأعوجيه
امن الجسم ثلثين ضاع ابهـلـ رزيه
والحوافر جابت ادمومه لـــــ رُقيه
ظل جسمه يوم العاشر ، حافر يشمره لـحافر
وابحسرتي اگليبي امتله
من جسمه ظل اوشاله ، من سحگته الخياله
واتفرهد ابــــــطف كربله
ـــــــــــــــــــــــــــــــــــــــ
بن سعد ناده : الخيم يلا احرگوها
وزينب ابَّين العساكر طـــلِّــــعُــوها
الـ بلــخيم صارت غنايم فرهِـدوها
ابعيني شفت ارقيه حين السَلِـبوها
ظلينه وصط الهيمه ، لا كافل ولا خيمه
واچفوف ادينه امكـبِّـله
والضعن حل ترحاله ، من سحگته الخياله
واتفرهد ابــــــطف كربله
ـــــــــــــــــــــــــــــــــــــــ
حضُّرو يوم اهدعش نوگ الــهزيله
وبعد ابو فاضل منو ايركب الـعقيله
كل خليل اعله التُرب ينظر خليله
رحنه مچتوفين بالـــسفره طويله
حين اللي سارو بينه ، بالسوط متولِينه
حـــــــادينه شمر وحرمله
كلمن حبيبه ابَّاله ، من سحگته الخياله
واتفرهد ابــــــطف كربله
ــــــــــــــــــــــــــــــــــــــ
سيد علي عبدالزهره الناجي