826
@Xzeih معرفي للتواصل. ما لي سواكُمْ يَا بني الهادي مرامْ ولأجلِـــكمْ كانـــتْ "قناةُ التلگرام
💎تمـيـز بأخــتيارك💎السته الذهبيه
👑افـضـل اللستات في التليجرام👑
💞تمتع بتصفح أجمل القنوات⇩⇩
╰━─━─━─≪ ஜ▲ஜ ≫─━─━─━╯
للطلب ولاستفسار @wps34
تصــــفح أجـــــمل القنوات⇓⇊💚
🕊🕊🕊🕊🕊🕊#المدير_ملا_علي_الواسطي
يعباس جيب الماي لسكينه
يبو فاضل دخـــــــــــــــيلك
،،،،،
يعباس انه اختك المحشومه
يعباس اعثر گمت بالحــومه
يعباس كل الطرق ملزومــــه
يبو فاضل دخـــــــــــــــــيلك
،،،،،،
يعباس اختك عفتها بحيــــره
يعباس بالگوم مامش غيــــره
يعباس تدري برقيه زغيــــــره
يبو فاضل دخـــــــــــــــــــيلك
،،،،،،
يعباس فدوه رحت لنفاســــك
يعباس مصيوب خويه براسك
يعباس حاچيني لو بحساســك
يبو فاضل دخــــــــــــــــــــيلك
،،،،،،
يعباس تنشد عليك سكيـــــــــــنه
يعباس وتگلي اخيچ وينــــــــــه
يعباس يابو المحنه الزيـــــــــــنه
يبو فاضل دخــــــــــــــــــــــيلك
،،،،،،
يعباس شيبت ماتدرينـــــــــــــــي
يعباس ماتت وياك سنينـــــــــــي
يعباس يامن عمتلك عينـــــــــــي
يبو فاضل دخـــــــــــــــــــــــيلك
،،،،،،
يعباس ياهدمي ياعصابتــــــــــي
يعباس تبچّيك كلش حالتـــــــــي
يعباس يابيرغي وياشارتـــــــــــي
يبو فاضل دخـــــــــــــــــــــــيلك
،،،،،
يعباس خويه الهزل جابـــــــــوها
يعباس اختك ام عون اذوهــــــــا
يعباس لمن طحت شتمـــــــــــوها
يبو فاضل دخــــــــــــــــــــــــيلك
،،،،،
لخادم الحسين ع
محمد الفهداوي
تمت الزيارة في صباح يوم عاشوراء نيابة لجميع مشتركي قناة تلحين القصائد
الحسينية فاعظم الله اجورنا واجوركم باستشهاد ابي عبد الله .ع. وتقبل الله اعمالكم جميعا
تقـدم -- تحـزم -- مثل حيدر
آجـاهم -- فناهم -- علي الاكبر
------------
كلهه صاحت هذا آيه أمن الجـمال
هوه عطشان أومثل مـاي الزلال
مو مثلهم يختلـف بـزر الحـلال
من اجاهم گامت اتلوذ الرجال
الله يستر ،،،، علي الاكبر
-----------
هـد عليهـم مايفكر بالرجـوع
سيفه حوت واحذر الحوت اليجوع
ناره تلهب رادت الحومه تمـوع
يفرح اشما تكثر اعـليه الجموع
گـلبه مرمر -- علي الاكبر
---------------
گـالـو الكرار طـب لـرض الطفوف
من أديـهم گامت اتطيح السيوف
شاب بعده اوما يهاب امن الألوف
حضره صارت كربله أوبيهه يطوف
بيده أشر -- علي الكبر
----------------
شال سيفه وگام بالعسكر يغير
كلهه صاحت من الاول للأخير
هذا الأكبر بالحرب فارس خطير
يبن غانم غطي راسك لايطير
ثاره يضهر -- علي الاكبر
-------------
وجهه يلمع يشبه البدر التمام مايهم
يطرب الهه اشما تمر بيـه السهـام
جايب الصيده اورجع صوب الخيام
راس ابـن غانم حـضر يم الأمـام
يگطع الشر -- علي الاكبر
---------------
للشاعر فاخر علي الشبيبي
أويلاه يفاطمه… اويلاه يفاطمه ... اويلاه يفاطمه
اويلاه يفاطمه
……
زينب وحيدة بكربـلة.. اويلاه يفاطمه
دمعتهة عالخد سايلة.. اويلاه يفاطمه
حيرهة جـمع العايلة.. اويلاه يفاطمه
اعليهة الهموم امكللة.. اويلاه يفاطمه
ماظل كفيل اتحشمه… اويلاه يفاطمه
… ..
طاح الكفيل اعلى النهر .. اويلاه يفاطمه
مدمي الصدر مدمي النحر .. اويلاه يفاطمه
لخـــيامة مشبوح النظر .. اويلاه يفاطمه
بدمـــوعة لسكينة اعتذر .. اويلاه يفاطمه
وسهم البعينة ألمة… اويلاه يفاطمه
… ..
خيل العدة حسين اسحكت .. اويلاه يفاطمه
بحافرهه جـــلدة علكت .. اويلاه يفاطمه
بالرفس جبـدة شككت .. اويلاه يفاطمه
ابكل حقد جرحة غمكت .. اويلاه يفاطمه
رمح البكلبة لا جمه ... اويلاه يفاطمه
… .
عبدالله مذبوح الالـــم .. اويلاه يفاطمه
من غدر امية ما سلم .. اويلاه يفاطمه
روه جــبده بالسـهم .. اويلاه يفاطمه
بجروحة الحسين اللجم .. اويلاه يفاطمه
مات ويصارع للضمه .. اويلاه يفاطمه
… ..
القاسم انعجنت حنته .. اويلاه يفاطمه
بدم هامته ودم ركبته .. اويلاه يفاطمه
بالحومة صارت زفتة .. اويلاه يفاطمه
صينتة دمعت عمتة .. اويلاه يفاطمه
ناح الحسين القاسمه ... اويلاه يفاطمه
… ..
الاكبر علي بكاع الحرب ... اويلاه يفاطمه
اتولوه بسيوف الغـرب .. اويلاه يفاطمه
من كل كتر دمة يصب .. اويلاه يفاطمه
وجسمة تطشر عل الترب .. اويلاه يفاطمه
منظر بجتلة ارض وسمه ... اويلاه يفاطمه
… ..
خيمـت السجاد احركـو .. اويلاه يفاطمه
سكـنة ورقـيـة سـلبـو .. اويلاه يفاطمه
زينب بالاسياط اضربو .. اويلاه يفاطمه
بحبال الايتـام اسحبـو.. اويلاه يفاطمه
تتجارة اياديهم دمه .. اويلاه يفاطمه
… .
نادينة يا زهـرة بحـرج .. اويلاه يفاطمه
يا ساعة يا يوم الفـرج .. اويلاه يفاطمه
للمهدي مشتاكة المهج .. اويلاه يفاطمه
كثـر الـدمـع لله عـرج .. اويلاه يفاطمه
بالحال انتي عالمه .... اويلاه يفاطمه
…… .
الحمدالله رب العالمين
اللهم صل على محمد وال محمد
موسى الخادم
تلگيني يزينب طاحت الراية
تلگيني يزينب طاحت الراية
***
طاحت والنواظر طاحن اوياها
وگبل الگاع فَر گلبي اوتلگاها
يا خويه بعد چا بيمن أتباها
وهاشم عالأرض هالطايح الواها
بعد ياهو الخدرچن يختي حَمّايه
تلگيني يزينب طاحت الراية
طاح واليهه.. خیمچن ها يزينب
***
طاح إعلى النهر يا زينب الحامي
وبگلبي أحسهن طاحن سهامي
بعد المن تظل خل توگع إخيامي
وخليها الحوافر تاخذ ايتامي
ولصدري تجيه الخيل عنايه
تلگيني يزينب طاحت الراية
ما يهابونه، الما عنده ابوفاضل..
***
ها يم الخدر زينب تلگيني
وعلى دروب الخيم ياخويه دليني
ترا سهم لمثلث نابت بعيني
والطاحن على التربان چفيني
ومن ذاك العمد هامِتي امدمايه
تلگيني يزينب طاحت الراية
تيه دروبي.. يا سهم إلِمْثلث
***
وين أنطي الوجه يا خويه گليلي
تراه الحيل راح وما يرد حيلي
إجيتچ والجرح عباس يا ويلي
ما يگطع دماه شما تشديلي
ومن جرح الگلب هالطلعت حچاية
تلگيني يزينب طاحت الراية
تنزف جروحي.. من صواب أخيچ
***
هم عاش الفگد يا زينب اخوانه؟؟
لو بعد الفگدهم هادت احزانه؟
أنه العباس شفته بلايه ذرعانه
نايم عالنهر بس يابس السانه
ما ضاگ الفرات وعيلِتي إضمايه
تلگيني يزينب طاحت الراية
راح ساگيهه.. عطاشا البل مخيم
***
يا خويه تهت وتحيرت بامري
معميه النواظر والدمع يجري
طاح احزام ظهري وانكسر ظهري
بعد شصبر يزينب وانذبح صبري
ياهو الچن بعد لو داسوا الثاية
تلگيني يزينب طاحت الراية
الطايح حزامه ، تدوس الخيل ظهره
الشيخ منير السعد
/channel/hxzeu1
لخاطر شيباتي _ عوفو ابنياتي _ ردوهه الخيل
ليش متعبيهن _ يعثرن بعبيهن _ مابيهن حيل
////////////////////////////
موش عشر اخيول جيبو _ خل يسحكن بيه ميه
اظلوع اوزع للحوافر _ ولا تلوح اخيامي اذيه
يالخذيتو الخنصر اقبل _ من تكطعوهن اديه
وانته يالماخذ قميصي _ عوف ترجيت رقيه
يمك هذا اني _ اترك نسواني _ ارجع لتروح
واسحك بالحافر _ من هسه لباجر _ وياك اخذ الروح
///////////////////////////
لاني ميت لاني واكف _ شلون مدري ارجع الهن
زلمه ما شافن بناتي _ وترسن الهيمه بركضهن
الليله ادري ما ينامن _ ونايم الشوج بجدمهن
كل عفاف الدنيه بيهن _ بالخيم بين خجلهن
اوكف مااكدر _ نص صدري مطشر _ ازحف ظليت
هنه يشوفني _ بس شيوصلني _ حيل احتاريت
////////////////////////////
شمس ماشافن بناتي _ شلون تردوهن يطلعن
عوفو علوياتي كافي _ ما معودهن يركضن
التهوو بيه تعالو _ وللخيم ماشين المن
خمسه فوك الخيل اصعدو _ بصدري خلوهن يسحكن
ماعدكم غيره _ تشوفوني بحيره _ بااخر لحظات خيامي تحركوهن _ ليش توازوهن _ مو علويات
////////////////////////////
امن الضمه مبوح صوتي _ خانك انفاسي التراب
شايله عبدالله تركض _ ذيجه مو جنهه الرباب
طلع شامت من خيامي _ بيده مدري شنهو جاب
ياحسافه كبال عيني _ هذا طالع ذاكه طاب
كاروك وليدي _ السويته بأايدي _ شامت شالااه
عطره اشتميته _ بحظني تمنيته _ يوليدي احاه
////////////////////////////
اخذو كلشي بيه غالي _ اخذو حته انفاسي مني
وبشرط عوفو بناتي _ جاي يبجن تعبني
لاني اكدر اوصل الهن _ وهنه لا كدرن يجني
ارماح خشنه بالخواصر _ هواي كمت وطييحني
راضي تذبحوني _ بس توعدوني _ تنطوهن ماي
عطشن اعرفهن _ جاي اسمع ونهن _ الركضن حفاي
////////////////////////////
شيبي عدكم ماله خاطر _ وما لزمكم مستحاكم
اطفالي سحكتهه الحوافر _ رحمه ماعدكم شجاكم
عالرمل وشلتو دمي _ وللخيم ازحف وراكم
والله ماعدكم حميه _ وبس ابو فاضل دواكم
السوط محظرينه _ وين مودينه _ شراح تظربون
انهض مابيه _ ماتن رجليه _ عوفوهه ام عون
////////////////////////////
تمت ____ علاء الزيدي
ضهر المهدي علينا من ثنــيات العزاء
وَجَبَ الشُـــــكرُ يَقِيناً فَشَكرناهُ بُـكاء
****
جـاء من اقصـــى المواجع رجلٌ محني الضهر
صاحب الدمعه الجريه. و ندب مگــطوع النحر
ويانه يبچي لعمته زينب بدمعته المهدي حضر
وطاري من جبنه لرقيه. خاطره وگلـبه انكــــسر
بعزانا المهدي حاضر
يجي مكــسور خاطر
محني وگلبه مشلوع
يعيش أيامه عاشر
بچف ابو فاضل دعينا ذاك البعلو السماء
وَجَبَ الشُـــــكرُ يَقِيناً فَشَكرناهُ بُـكاء
**
هايه ايـــــام السبايا الـ روحه رجعه مجتفات
عليهن الــمأتم نجــــيمه. واللطــم سر الحياة
اتخيل المهــــدي امامك ذاك البدمعاته بااااات
وياك تجري دموع عينه لمجلسك بدموعه فاات
اذا متشوفه. شمه
لگلبك. جيب. هِمَه
تره اليتاني مولاه
كــلش خوش زلمة
يلا الطم واحني ضهرك بس للحسين البقاء
وَجَبَ الشُـــــكرُ يَقِيناً فَشَكرناهُ بُـكاء
**
هذا في الإرجاءِ يسعى زلمه ســـالفته نيـاح
غمض عيونك تشـــوفـــه ذاكه البطوله الجراح
من يجي طاري السبايا گلبه ما ضن يستراح
گوه انفاسه يـــجرها مره يمشي ومره طاااح
زلمه ويمــشي گــوه
يشــوفه البــي امروه
يگول لجدي الحسين
حيل الدمعه تسوه
يلا فك أبواب روحك سافر ودور لقاء
وَجَبَ الشُـــــكرُ يَقِيناً فَشَكرناهُ بُـكاء
**
اكسر بصدرك حسرتك. كسرت اضلوع الحسين
ديين هاي الخدمة فكر. ضايع الماعنده ديين
حاضر المهدي بعزائك. اترس گليــــبك يقيين
اسمع بگلبك عبرته .. صاحب الگلب الحنين
تخيل وجهه ذبلان
تخيل حاله تعبان
حرام تشوفه تجزيي
وهو ايعرفك افلان
محني للمذبوح ضهره ويبچي مسلوب الرداء
وَجَبَ الشُـــــكرُ يَقِيناً فَشَكرناهُ بُـكاء
***////
انت من تنــصب عزيه ومـنك دموعك تطيح
هاي تعني المهدي حاضر يبچي عطشان وذبيح
عيشها الدنيا مجالس. .. و دير بالك تستريح
شوف شيسوي امامك صاحب القلب الجريح
موكب گلبك يصير
المهدي يعيشك بخير
نوح عله الخيم نوح
اترك عيشت الغير
الهوه ال بلمجلس ايهب. يختلف عن الهواء
وَجَبَ الشُـــــكرُ يَقِيناً فَشَكرناهُ بُـكاء
خالد عبد الساده البديري
قصائد الاربعين
.
.
.
حسراتك جبيرات عالراحن سبيات
ساعد الله قلبك يابوصالح
***
اتبده بوجهك المدمع / بگـد مــاي الـــنهر مرتين
الرايحلك شــرف الله / بي ريحة چفوف حسين
چانن حاسرات النوگ / الفــوكاهن اصول الدين
وحدتـهن اذا ونـــت / تجيها سياط مدري منين
عماتـك غريبــات بدنيه كلها شمات
ساعد الله قلبك يابوصالح
***
الــدروب بكــل وكت خرسه / مـن عدلين ولياهن
وحچن من شافن اعله النوگ / اخوه ماكو وياهن
العــــلويات بالـــغربــــه / الحچي اليوجع تلگاهن
خوات حسيــن والعــباس / مسبــيات جـــبناهن
كافلهن لمن مات اخـــذوهن اسيرات
ساعد الله قلبك يابوصالح
***
المحاملهن ضوه العفه / مـشن وبـلا محاملهن
الحادي صــاح متعــمد / شــو ما هـوه كافلهن
اتخذها فرصــه وتـجرء / بكل قـسوه يعاملهن
المكان البي يحس شمات / رغم عنهن ينزلهن
واستار السماوات شگد شافن معانات
ساعد الله قلبك يابوصالح
***
اجروحــك يا ابوصـالـح / الســبي أتصور اكبرهن
حريـــم الله الف وسـفه / الشــمر وسـنان اسرهن
الوحي اليستأذن اعليهن / زجر بالسوط يزجرهن
الماشـــافتــهن النـسوان / اعيون اجناب تنظرهن
يمشن چنهن ايات ويتـــبدن جراحات
ساعد الله قلبك يابوصالح
***
ســـتر عفــة بنــي هاشم / المحد شاف الها خيال
عــــذراً يــا ابـــوصــــالح / شافو طـــولها الانذال
الاديها مخاويه المصحف / حريمه امگيده بحبال
اليـسوه والـــي مايــسـوه / شاهـــدها بـــلا كفال
دمعاتك غزيرات علّي بالعرى اتبات
ساعد الله قلبك يابوصالح
***
گلبك شــايلاته الــنوگ / يعينــك الله يالمــهدي
الناس ادموعها من ماي / وعينــك من دمه تدي
بذنـــك صوتــهن يــدوي / مـــن البضـعن يحدي
وحــده تصـيح يامـــتني / وحده تصيح ياخدي
بــيك هوايه لجــمات من درب الجراحات
ساعد الله قلبك يابوصالح
*
حيدر تركي الكربلائي
(معقوله مايرجع)
. مـعـقـولـه نـايـم عـالنـهـر كـفـيـلـي
مـعـقـولـه وآنـه اتـنـطـره يـجـيـلي
يتعب بـالـسـهـر مـو طـبـع الگمر
كـفـيـلـي كـفـيـلـي
*---------------*---------------*
يـنـام أعله الـنـهـر مـو طبعه عـبـاسـي
وعد عـنـده وشـگـولـن للـوعـد نـاسـي
ثواني احسب واجرن گـوه بـٱنـفـاسـي
حـرم وٱطفال تـنـطـر و العطش قاسي
احـچـيـهه مـايرجع الـي عـجـيـبـه
احـچـيـهه وآنه زيـنـبـه الحـبـيـبـه
يـثـنـيـه الـقــدر مـو طـبـع الگمر
*---------------*---------------*
دگّـالـي الـصـدر وبـسـرعـه گـال ارجـع
واصيغ اعـذار لــ سـكـيـنه وردت تقنع
صحت عـبــاس بلكي لـ نخوتي يسمع
الـخـيَـم سنطه واشوف الخيل تتجمع
خــلانــي بالخيمه انـتـظـر رجوعه
خــلانــي ينزف ناظري ابـدمـوعـه
لـلـخـاطــر كسر مـو طـبـع الگمر
*---------------*---------------*
مـعـقـولـه الكـفـلـنـي اعلـه الـنـهـر نايم
اصـد بـالـعـيـن والـجـيـتـه الگلب هايم
يـلـوم اعـلـيــه خـلـه و يـفـرح الـلايــم
اذا ظـلـيـت أكــابــر والــدمــع دايــــم
مـعـنـاهـه مــــا يـرجـع بـعـد إلـيـه
مـعـنـاهـه عـافـانـي وصـرت سبيه
ينطيني الظـهـر مـو طـبـع الگمر
*---------------*---------------*
يروحي اتصبري ساعة ويجي انتظري
احاچي الروح بس مـا تـقـنـع ابـعـذري
ابطلعتـه وهــذا حـالـي كـافـلـي يـدري
لـزم جــوده بـيـمـيـنـه ولْزمـت ظـهـري
اتفارگـنـه ما نـلـتـم بعد هـظـيـمـه
اتفارگـنـه والغالي ارتحل جـريـمـه
مـا مـرة اعـتـذر مـو طـبـع الگمر
*---------------*---------------*
العتب مسموح لليسـوه الـعـتـب اعتب
واخـاف الجيش عگبه مخيمي ايسلب
أعـدّن لحظة لحظة وللرجوع احـسـب
مثل غيمه الجفـون بـروحته تـسـچـب
بالخـيـمـه خـلانـي وطلع نـظـرتـه
بالخـيـمـه واتأمّـل يجي بــ جربته
إيشح بـالـنـظـر مـو طـبـع الگمر
*---------------*---------------*
چانت ظـنـتـي يـجـيـب الـعـذب ويـرد
وعـن زيـنـب گـلـت عـبـاس مـا يـبـعـد
مـا يـنـسـد فـراغـه وياهو غـيـره ايسد
اطـفـال ابـدمـع ويــــن الـگـمـر تـنـشـد
بـغـيــابــه محتاره الحرم شـگـلـهه
بـغــيــابـه عـمـلاتـه الدهر عمـلـهـه
أشـرحـله الخبر مـو طـبـع الگمر
*---------------*---------------*
✍خادم العقيله زينب ع
الشاعر رعد الجريخي
نزال ليلة ابو فاضل س
.
.
.
صاحب فضل ابــــوالفضـل
نعم
على كل الخدم
***
الـــــيدگ ابــاب عبــاس لامـــايــرد خــــايب
بعيـــني شـفت يانــاس يـدگ ابابــه شـايــب
مو هم جايب اويــاهه نگــله هـــموم جــايب
وصل يم باب الحسين وگضت كل المـصايب
الما الها حل يمـــه تـُحـل
نعم
وحق رب الخيم
***
ولي نعمتنه عباس دخيل اسـمه ودخيله
وغير چفوفه الحــنان ماعدنه وســـــيله
الخادم يوم يحـــتاج يســــافرله بدلــيله
اليجي محتاجله صـــم يترسله شلــــيله
طبعه الوفه والعــاطــــفه
نعم
يسموه ابو الشيم
***
تجينه بعض الحيان نعم عــدت مســائل
الى توفيق الحسين شنو أنـواع الوسائل
وصيه لليخدمــــون مــن انــــسان عاقل
اليدور على التوفيق يدگ باب ابوفـاضل
النيته صدگ بـابـه يــدگ
نعم
يرد كله همم
***
خيمة خدمة حسين الــگمر شـايل حملها
عمود الخيمه اذا طاح تطيح الخيمه كلها
لذلــــك بــيـــد عبــاس الله الــي جــعلها
أهلهــا وســبع تنـــعام ابوفاضــــل أهلـها
من كربله صارت اله
نعم
نعم من القدم
***
عمر عبـاس أيام نطــــق ما گـــال يمه
اول كلمه عباس حچـــاها گــال خدمه
گال الرايد يـــفوز يخـــدم ابو اليــــمـه
اهو السوانه خدام فدوه انروح لســمه
من المهد حـد اللحد
نعم
بالحسين التزم
***
هوه الگــال خدام صيرو واحنـه صرنه
عمر انطو للحسين وانطــــينه عمـــرنه
خلــفله اعله عـباس الرفع بــيده قدرنه
احــنه كلـــش ازغــار وبالـخدمـه كبرنه
والي كبر لا ما نكر
نعم
راعي العلم
***
حيدر تركي الكربلائي
علي بويه ياعلي
علي بويه ياعلي
ليلة الوحشه يحماي الحميه
زينبك وانخاك مهظومه المسيه
گوم جيب النه خيم للغاضريه
راح اموت امن القهر لحِّگ عليه
حَگِّي اصيحن يالولي
علي بويه ياعلي
من عگب ماذبَّحَو بالطف زلمنه
هجمت اعلينه العِدَه وحرگت خيمنه
چم مصيبه وفاجعه البيهه انهظمنه
اتطشرينه ومافزع واحد يلمنه
گمت احَشِّم ياهَلي
علي بويه ياعلي
عگب عين حسينَّه وبدر العشيره
الخوف باين عالزغيره وعالچبيره
باليتامه والحرم محتاره حيره
كلهه كاتلهه الضِّمَه وحَر الضهيره
وسفه وِليه ننولي
علي بويه ياعلي
حيره محتاره بالاطفال وبچيهه
نار چنه العطش بويه ويچوي بيهه
ضَنَّت العباس موجود ويجيهه
شح علينه الماي واشبيدي عليهه
عالگمر دمعي ايهلي
علي بويه ياعلي
ليلة الوحشه يبويه وتجي لينه
مو بعيده الغاضريه ياولينه
رايده احچيلك عله اللي صار بينه
وحده من هاي الجروح اتسلِّبينه
هَمِّي لا ما ينجلي
علي بويه ياعلي
سيد علي الموسوي
في قَولِ الصادق...عِندَ الآهات
أللهُمَّ ارحَم...تِلكَ الصَرَخَات
الَّتي كانت لنا...التي كانت لنا
....................................
شَرَف لِحياء العزاء الليله اجينه
وصادق اهل البيت يترحَّم علينه
إشكبره حظنه وابو الكاظم يدعي لينه
وعن يقين ابَّرَكَاتَه اتوفُّقينه
يدعي الأحبابه...ويجري العبرات
أللهمَّ ارحَم...تِلكَ الصرخات
الَّتي كانت لنا....التي كانت لنا
....................................
يدعي لينه الصادق ودمعه ايتجاره
ايگول يارب ارحم اوجوه الغياره
الغيرتهه الشمس واجواء الحراره
أو وفق اللهم عشاگ الزياره
التگصد ملهوفه...اتزور العَتَبَات
أللهمَّ ارحَم...تِلكَ الصَّرَخات
ألَّتي كانت لنا....ألتي كانت لنا
.......................................
فايز اليدعيله وايذكره إمامه
يكسب التوفيق والعِز والكرامه
وجائزه لهل المجالس والخِدامه
رِبِح بالدنيا وشفاعه بالقيامه
واينول الخادم...أعلى الدَّرَجَات
أللهمَّ ارحَم...تلكَ الصَّرَخَات
ألتي كانت لنا...ألتي كانت لنا
........................................
يدعُو لِحياء الأمر صادق الشيعه
وابو الكاظم أمر يامرنه ونطيعه
عالمنابر خَبَر دوم احنه نذيعه
نبقه أحباب وخَدَم لِبن الوِديعه
للطف مرفوعه...اتضل الرايات
أللهُمَّ ارحَم...تِلكَ الصَّرَخَات
ألَّتي كانت لنا....ألَّتي كانت لنا
........................................
على حُب آل النبي الليله انجِمَعَنه
ونسأل الله ابفاطمه ايبارِك جَمِعنَه
للضهور المهدوي ندعي ابدمعنه
وابقدومه المُرتجى ايغيِّر وضعنه
الغايب بضهوره....ينهي المأسات
أللهُمَّ ارحَم....تِلكَ الصَّرخات
ألتي كانت لنا....ألتي كانت لنا
سيد علي الموسوي
#شور
لسان حال الامام المهدي ع يخاطب الحسين ع
حسين حسين حسين حسين
ــــــــــــــــــــــــــــــــــــــــــــــــــــــــ
غايب عــن هلي و ناسي
بس عنـــــك فــــلا غايب
شيضمد جـــــــرح گلبي
و جرحك بعده ما طايب
سهم الصــــــابك بچبدك
تراه لچبــدي هم صايب
شلون اشرب لذيذ الماي
و گلبك بالعطـش ذايب
لمصابك //نار تدمع عيني//يحسيــــني
يم بابك //رفرفت حسراتي//و عبراتي
حسين حسين حسين حسين
ــــــــــــــــــــــــــــــــــــــــــــــــــــــــ
انه المهدي يابــو السجاد
جمرتك جمـــــــرة مـا تطـفه
بچفة كلهن اجـــــــروحي
و انتـــــــه لوحـــــدك بچـفة
وحگ خدر العقيلة اختك
و اخـــــــوك المنگـــطع چفه
لاظل انحـــــب وانوحلك
و اسوّي اعله الصدر خسفه
بچفوفي //حومرتها اعيوني //و امتوني
لطفوفي //تنسمع صرخاتي // و حسراتي
حسين حسين حسين حسين
ــــــــــــــــــــــــــــــــــــــــــــــــــــــــ
عاشك مجلسك يحسين
و لا اشبع لطـــــم عنك
شلون الـــــروح اصبرها
و انته الخيل سحگنك
منك منگـــــطع خنصر
بيقضة و نوم اشوفنّك
يا اكبر جـــــــرح نازف
بالـــــــدلال احسَــــنَّك
يلچمني // طاري طف نيرانك //و احزانك
يهضمني // و ارتچي بدمعاتي//و حسراتي
حسين حسين حسين حسين
ــــــــــــــــــــــــــــــــــــــــــــــــــــــــ
كل مجلــــس أله اتعنّه
و احضر وين اكو قراية
الك الطم لطـم مجنون
اخلي بصـــــدري دماية
نمير اعيوني من اجلك
اسيله بسيــــل مَبچاية
و اذكر راسك المنحور
و اطَّبّر راســي مولايه
يا حيدر //اصرخ بانفاسي // و حساسي
عالمنحر //تشتعل جمراتي //و حسراتي
حسين حسين حسين حسين
ــــــــــــــــــــــــــــــــــــــــــــــــــــــــ
مو دمعـــات الك ابچي
اصب اعيوني من اجلك
شمـــا زاد الوجـــــع بيه
ازورك و احتـــمي بظلك
متگطع وِصّل يحســين
امن الشبـــــاچ اعاينــلك
و اعاين منك ايشع نور
ينبع من نحـــــر طـــفلك
للقاسم // تنضويله شموعي // و دموعي
و يتناغم // الأكبر بلوعاتي // و حسراتي
حسين حسين حسين حسين
ــــــــــــــــــــــــــــــــــــــــــــــــــــــــ
غريب و غربتي وَيَّاك
بين الـــــــونة اگضيها
لعماتي احس بحـــشاي
نـــــــار شلون اطفّيها
يدوي بالخرابة الصوت
و لا سكتــت نواعيها
لرقيـــة و عمِّتي زينب
حرت يا دمعة ابچيها
حيرانة //عيني المن تنزف// يا مــــوقف
ذبلانة //روحي من لچماتي//و حسراتي
حسين حسين حسين حسين
ــــــــــــــــــــــــــــــــــــــــــــــــــــــــ
الحمدلله
#علي_حسين_الكناني
چویني بجمر خيامك
و عيشني آهات ايتامك
و احسبني اخدم خدامك .. هاي أمنيتي
__
يا حبيب الروح روحي تسولف وياك
اسمع احچايات گلبي البيهن ارجاك
وانت المعودني شطلب گتلي اي هاك
رايد ابقالك عبد مجروح و انعاك
يحنين رايد منك
تخليني بعالم ونك
يا جرحي الما ابطلنك .. هاي أمنيتي
__
حاجة الملچوم گلبه بدمعة الليل
وانه ليلية الدمع شابع تواسيل
يا حلم عمري الاحبه الماله تأويل
ارزقني دمعة حرگه بيها الآه ترتيل
كون بكل مجلس انعه
تحرگني مثل الشمعة
وتلچم بخدودي الدمعة .. هاي أمنيتي
_
يا شعور اللا شعور انت يمولاي
حيل عطشني أرد احس مفارگ الماي
اليعطش لطفك جرح ما يتعب هواي
بالعجل ثغرات ونه يشبهن الناي
اليعطشلك بالطف حاضر
ويشاهد يوم العاشر
و تلوحه اوجاع الحافر .. هاي أمنيتي
___
يالغميجة جروح جسمك وانه مرتاح
عمت عيني و ما ضگت طعنات الرماح
كون بيه جروح گلبك و اشبع نياح
و كون تسحگني الحوافر فوگ الجراح
وبحرورة آه ابچيلك
موجوع وصحت ادخيلك
كون ادري شلون اوفيلك .. هاي أمنيتي
__
يا حبيبي خنصر ايدك بعده مگطوع
و مو كسر مطحونه ادري بذيچ الضلوع
يا فشلتي وانه كلي بطرگ الدموع
كون جمرة بگلبي حتى يصير مشلوع
سويني اصبع چفینك
وما بين السيف وبينك
خل اتگطع عد عينك .. هاي أمنيتي
__
عباس حسن السوداني
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
حـيـدر ياعلي گـوم
شوف حسينك اليوم
داست خيل اميه فوگ صدره
يلي ديـن المصطفى بسيفك حياته
ويلي منقذ يونس وبسمك نجاته
وحضـرت سلمان في ساعة مماته
مـاحـضرت حسين وحـده ابنايباته
ظـل ايـدير العيون
بـين المـايرحمون
وحـده ابغربته رادك تحضره
موعتب بس ياعلي ننشد حياره
چف اليرد الشمس بس بالاشاره
شلون ماطب كربله وجرد فقاره
وليش ثار الله علي ماطلب ثاره
بين العسكر حسين
حـيـدر والـده ويـن
افزعله الشمر لايحز نحره
ولّـي اكـثـر ياعـلـي للـجـرح الّم
ينزف ومشبوحه عينه أعلى المخيم
السـهـم المثلث الصابه ابـد مـاهم
نـحـر لاگه الـسيـف وابـوجـها تبسم
من الشاف الخدر راح
ويـنك ياعلي صاح
بويه انهض بناتك راحن اسره
بـويه ياكـرار اضـن مـاعندك اخبار
تـستغيث اختي ابين الخيل والنار
من شفتها السوط تشكف عن الزغار
لهاي رتك من بقيت الوحدي محتار
كمت وطحت للكاع
راحـوا كـل الاسباع
وصحت القلع خيبر شنهي صبره
وهاي اشد واصعب علي من المنيه
اوبعد اشد من ديرت العسكر عليه
الله اكبر مـن شـفت دمعة رقيه
درت عيني وصحت وين أهل الحميه
جرحي ينزف جروح
بروحي مابقت روح
وبـخدها العزيزه شفت سطره
ابگـلبي نـار اوجـرتـها نـار الاخـيام
ابعيني دمعه مو الحالي الحال الأيام
الـروح نهضت لـچن ماشالتها الاجدام
من شفت مچتوفه زينب والدرب شام
صحت بأخـر انفاس
راحت اخت عباس
وهسه الشمر لخت الگمر يبره
هاني ناصر السعيدي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
يبني علي يالأكبر ... جسمك لكَـيته امطشر
من يا كتر أشمك ... من صدرك امن المنحر
بويه علي .. بويه علي
.....////////////////////////\\\\\\\\\\\\\\\\\
١=
أشلون اردك للخيم محتار أني
كلما شلت منك جزء يوكَٓع الثاني
شيلمك امن الكَـاع يا زهرة زماني
جنت احسب انته اتصير دفان ابمكاني
كبرني حيل امصابك .. شيب لحيتي اخضابك
اكَـعد علي محتاجك .. يذبحني بويه اغيابك
بويه علي .. بويه علي
..........////////////////\\\\\\\\\\\\\\\\\\
٢==
عالغبره مثل السبحه بويه امطشرينك
وليش السهام امشكَـكَـه اجفونك وعينك
وبصوب رجليك انظرلهه وصوب ادينك
والخاطر الله اصبر بعد يالذابحينك
كلشي الي راح امن ايدي.. وأصبر بعد يوليدي
موتك فجع دلالي .... وغيَّب اهلالي بعيدي
بويه علي .. بويه علي
.....///////////////////////\\\\\\\\\\\\\\\\\
٣===
لابيه اشيلك لا اعوفك عالوطيه
اكَـعد وحاجيني يمذبوح الرزيه
اشلون ارجعك لامك المنتضره جيه
مو هينه تنظرلك ذبيح ابين اديه
من طلعتك تدعيلك ... سالم ترد ادخيلك
افتحلي عينك بويه ... وللخيمه خل اشيلك
بويه علي .. بويه علي
...../////////////////////////\\\\\\\\\\\\\\\\
٤====
يابوية كَـوه المصرعك جاباني دمعي
جبت الدرب عثرات يبني وشوف وضعي
غالي انته مو بس عندي لا حتى اعله ربعي
موتك تركني ابلايه روح اعليك انعي
فكَـد الولد شيعوضه .... ايموت ألأبو كل لحضه
وبعدك مصيري اني .... بدموع عيني اتوضه
بويه علي .. بويه علي
...../////////////////////////\\\\\\\\\\\\\\\\
٤====
بعدك على الدنيه العفه يبني وحبيبي
اصبح نصيبك موت والهم من نصيبي
جرح الكَـلب ما يشفه بعدك يا طبيبي
وحزني يضل دايم عليك ابكَـد نحيبي
جرحك أشَد اجروحي . يا نبض كَـلبي وروحي
بعدك حياتي اشبيهه .بس حزني بويه ونوحي
بويه علي .. بويه علي
//////////////////////////=====\\\\\\\\\\\\\\
✍️🏻 كلمات #موسى_الخادم ٢٠٢٥
#جديد_محرم_الحرام_١٤٤٧هـ✍️
@HxzEU1
#قناه_نشر_القصائد_المنبريه ✍️
#الناشر_مصطفى_المياحي
مو دمع جمرات صبت عينهه
زينب اعله الصار الله يعينهه
مذبحين اخوانهه،، تشمتت عدوانهه
=======================
باچر الـحافر يوسفه ايدوسهم
وفوگ الارماح نصد لروسهم
باچر اعله السبي تبدي ادروسهم
وفوگ الخدود الدموع اتبوسهم
ويبتدن أحزانهه،، مذبحين اخوانهه
========================
عگب الحسين بدا دور اليتم
وزينب وعيلتهه باچر تنشتم
حايره ووحيده من عگب الزلم
والخيم تصبح رماد وتنهدم
اتغيرت ألوانهه،، مذبحين اخوانهه
=======================
حايره لياعون من عدهم تصيح
ومن علناگه طفل كلسا يطيح
والحسين اعله الثره ضامي وذبيح
وماكو خيمه عدهه خاطر تستريح
وبس صبرهه العانهه،، مذبحين اخوانهه
==========================
باچر بكل خطوه تبدي اجروحه
زينب للعرش يـوصل نوحه
ولو يتيمه بچت تلچم روحه
ابلا ذبح زينب مست مذبوحه
والدمع عنوانهه،، مذبحين اخوانهه
=====================
صبر عد ام عون ماظل كل صبر
وللشريعه أيتام ظلت تنتظر
صيح مايسوه بلا اخواني العمر
كون عگب الصار ياخذني الگبر
اخواني خالي مچانهه،، مذبحين اخوانهه
=========================
حيل مالومه وجرح خضر جرح
ماتعرف الليل مرهه لو صبح
اخوان زينب كلهه باچر تنذبح
الچثث فوگ الغبره ويلي تنطرح
وتنظر ال چثمانه، مذبحين اخوانهه
=======================
احسان الحميداوي
الليله ليلة جسام...انطوهه حگهه انطوهه
هذا محبوب الحسن..ضحَّه دم لسلامه
نبچي واعله امصيبته...خل ندگ عالهامه
حيلكم ياهل خَدَم...هِيَّه هاي ايامه
كون رمله تفتخر...ابمجلس اللطامه
عاللطم ماننلام...واصدركم وَسمُوهه
الليله ليلة جسام...انطوهه حگهه انطوهه
......................................
تنظر الليله العَزَه...الفاجده المفجوعه
مانلوم المنجرح...لو يهل ادموعه
ياشباب الينكسر...يعني حَس باللوعه
بالصّواني للعرس...تبچي حتى اشموعه
باللطم يالخدام...أم الولد واسوهه
الليله ليلة جسام...انطوهه حگهه انطوهه
...................................
خَلِّي نهدي التعزيه...للحسن ووليده
وبالحزن هذا الگلب...نار كون انزيده
واليدگ اعله الصدر...حيل يرفع إيده
رمله هالليله تون...واليون اتريده
بلله دگو اعله الهام...واعله الجره عينوهه
الليله ليلة جسام....انطوهه حگهه انطوهه
......................................
حَگَّه جاسم عالشباب...ياشباب الليله
نلطم الهل فاجعه...وننحب ونبچيله
عَمَّه الحسين انهظم...والفگد هد حيله
جابه للخيمه ويون...والدمع يجريله
ذبحو الأمَّه احلام...وابهالخبر فجعوهه
الليله ليلة جسام....انطوهه حگهه انطوهه
........................................
صيحو للقاسم نضل...كل وكت وياكم
عهد عدنه الفاطمه...والله ماننساكم
والله خدمتكم شرف...كل محب ناداكم
ونبقه يانجل الحسن...نلعن العاداكم
تشهد الهه الايام...شيعتكم وتدروهه
الليله ليلة جسام...انطوهه حگهه انطوهه
سيد علي الموسوي
يبني علي يالأكبر ... جسمك لكَـيته امطشر
من يا كتر أشمك ... من صدرك امن المنحر
بويه علي .. بويه علي
.....////////////////////////\\\\\\\\\\\\\\\\\
١=
أشلون اردك للخيم محتار أني
كلما شلت منك جزء يوكَٓع الثاني
شيلمك امن الكَـاع يا زهرة زماني
جنت احسب انته اتصير دفان ابمكاني
كبرني حيل امصابك .. شيب لحيتي اخضابك
اكَـعد علي محتاجك .. يذبحني بويه اغيابك
بويه علي .. بويه علي
..........////////////////\\\\\\\\\\\\\\\\\\
٢==
عالغبره مثل السبحه بويه امطشرينك
وليش السهام امشكَـكَـه اجفونك وعينك
وبصوب رجليك انظرلهه وصوب ادينك
والخاطر الله اصبر بعد يالذابحينك
كلشي الي راح امن ايدي.. وأصبر بعد يوليدي
موتك فجع دلالي .... وغيَّب اهلالي بعيدي
بويه علي .. بويه علي
.....///////////////////////\\\\\\\\\\\\\\\\\
٣===
لابيه اشيلك لا اعوفك عالوطيه
اكَـعد وحاجيني يمذبوح الرزيه
اشلون ارجعك لامك المنتضره جيه
مو هينه تنظرلك ذبيح ابين اديه
من طلعتك تدعيلك ... سالم ترد ادخيلك
افتحلي عينك بويه ... وللخيمه خل اشيلك
بويه علي .. بويه علي
...../////////////////////////\\\\\\\\\\\\\\\\
٤====
يابوية كَـوه المصرعك جاباني دمعي
جبت الدرب عثرات يبني وشوف وضعي
غالي انته مو بس عندي لا حتى اعله ربعي
موتك تركني ابلايه روح اعليك انعي
فكَـد الولد شيعوضه .... ايموت ألأبو كل لحضه
وبعدك مصيري اني .... بدموع عيني اتوضه
بويه علي .. بويه علي
...../////////////////////////\\\\\\\\\\\\\\\\
٤====
بعدك على الدنيه العفه يبني وحبيبي
اصبح نصيبك موت والهم من نصيبي
جرح الكَـلب ما يشفه بعدك يا طبيبي
وحزني يضل دايم عليك ابكَـد نحيبي
جرحك أشَد اجروحي . يا نبض كَـلبي وروحي
بعدك حياتي اشبيهه .بس حزني بويه ونوحي
بويه علي .. بويه علي
//////////////////////////=====\\\\\\\\\\\\\\
✍️🏻 كلمات #موسى_الخادم ٢٠٢٥
#جديد_محرم_الحرام_١٤٤٧هـ✍️
@HxzEU1
#قناه_نشر_القصائد_المنبريه ✍️
#الناشر_مصطفى_المياحي
مُحّرمٌ جاء واللهُ قد شاء
نُحيّي شعائر الحُسين
نّحيّي تراث العاشقين
ــــــــــــــــــــــــــــــــــــــ
الله اجتبانه ابرحمته شعليهه بينه الوادم
خالق ادينه للّطم رازقنه بالـمآتم
جبريل هز مهده وهتف ياايها العوالم
مَن مثلي وآنه أصبحت لابن الزجيه خادم
لَـمّا وَعيّناه حُزناًبكيناه
بالحُبٌ صٌرنا مؤمنين
نُحيّي تراث العاشقين
ــــــــــــــــــــــــــــــــــــــ
احسين الهوه النتنفسه موبس مجرد حضره
وهو السفينه الناجيه ابيوم العسر نعتبره
گال الرسول المصطفه ابيوم انولد للزهره
سيخلق الله لهُ شيعه تجدّد ذكره
لَهُ ينوحون عليهٌ يبكون
بُكائّنا حِصنٌ حَصين
نّحيّي تراث العاشقين
ــــــــــــــــــــــــــــــــــــــ
اخذو العشر تشهر سوه وانطوني بس هالشهرين
انطونه محرم أو صفر بيهن نعيش اوي احسين
مثل الرزق هوه الدمع واحنه صدگ مرزوقين
يشتغل رادار الگلب وايعاز ينطي للعين
فظل من الله نبكي حّسيناه
إنّا تَبٌعنا السابقين
نّحيّي تراث العاشقين
ــــــــــــــــــــــــــــــــــــــ
باول محرم من يهل عدنه تصير اقرايه
عاشور واندگ القطع والرايه يم الرايه
من بيت للثاني تظل تتنقل الـُملّايه
حتى الاطفال بهالشهر خيمتهم امعلايه
مواكبّ النور في شَهرِ عاشور
على الصُدور لاطمين
نُحيّي تراث العاشقين
ــــــــــــــــــــــــــــــــــــــ
اباب الحسينيه نشم ريحة حزن والدته
وام البنين الطاهره طول العمر خادمته
هذا الغريب العالهزل مسبيه راحت أخته
جوّه الحوافر جثته ويم العرش منزلته
ورأسهّ كان بالرمحِ قرآن
يراهّ قلبَ العارفين
نّحيّي تراث العاشقين
ــــــــــــــــــــــــــــــــــــــ
باچر نموت وهم تجي الأجيال وايذكرونه
واحنه اشكتبنه من نعي بعاشور هم يقرونه
تاريخنه ابكل الكتب اولادنه ايأرخونه
الخادم اليخدم من صدگ آل النبي ايحبونه
دينٌ ومٌنهاج كَهيبةِ التاج
يَرفعّ رأسَ الـمُخلصين
نّحيّي تراث العاشقين
محمد الجماسي
#اللهم_عجل_لوليك_الفرج
ليلة علي الاكبر ع
وين الولد وين.. حاجيني يحسين
راجعلي متعوب.. والدمعه بالعين
....................
سولف وخل گلبي ساعه ينسه الآلام
وينه الاكبر وينه ذخري السود الايام
گتلي إدعيله ودعيت اباب الخيام
وهوه من ليلة امس عطشان مانام
ماجبته وياك.. يمشي اويه ممشاك
منتضره ملكاه.. واسمع خبر زين
....................
عله ثيابك دم شفت وانصابت الروح
واني صوتي امن البواجي اعليه مبحوح
عليي خايف ماتكلي الولد مجروح
السكته هايه والدمع يعني ابني مذبوح
هاي العلامات.. يعني علي مات
يم زينب اصياح .. تبجي النساوين
..................
حسين يم زينب اوليدي وگلبي ملهوف
خل اشوفن ابني بي شمسويه الطفوف
من وصلته وشفت دمه صابني الخوف
بكثر تعبي اعليه مطبرينه بالسيوف
ضل گلبي محتار.. ماينعرف صار
كل جسمه طعنات.. وشبج بالايدين
......................
غارت الدنيه عليي يحسين شبساع
ياحلم جان بحياتي والحلم ضاع
انه ليله الراح ابنهه وما اله اوداع
نايم اعله الرمله تجوي بوجنته الكاع
شمنتضره ياروح.. ووليدي مذبوح
المن تونين.. شيفيد الونين
.......................
منين مالزمه الولد يتهاوه ويطيح
جروحه كلهه كبار يفتر بيهن الريح
ارد اشمه وخايفه من مهجتي تصيح
لاتلجمينه الولد دم منحره ايسيح
جازتني دنياي.. بجروحه الهواي
شفت انه بالعين.. موجرح وثنين
..........................
تحتضر وانه احتضر من هذا المصاب
الموت اخذ حيلك وحيلي بهذا الصواب
فتشت عيونك علي يحسين هل غاب
كون بين اضلوعي ادفنه مو بالتراب
مخنوكه الانفاس.. ومشيب الراس
بهل دنيا ضليت.. مهضومه كل حين
محمد هادي العقابي
قصيدة الاكبر
.
.
.
فاجــــعه وآلم / يلــــي بالخـــيم / تلــــگـــوني
امـن المهر هوه / ونطــفه الضوه / من اعيوني
علي رايح علي رايح
يـلـي بالخـيم
***
ويـلي .. وگـــع بالـــحـــومه الأكـبر
ويـلي .. وگـــع لــــكــــــن تـطـــشر
حيـره يابني هاشـم علي بيمن المه
وسفه .. صحـت وادري الگلب ذاب
وسفه .. علــي اولـــيدي عالتـــراب
اجيبه للخيام شلون صعبه تشوفه امه
طحت فوگاه واحـس كلشــي مـني عالــثره تبده
نمت بصف علي يبني اوضعـــت خدي على خده
اليشبه الصبح / ضامي مـنذبح / صفگت ايدي
بنحره منطـعن / صدره منطحن / علي اوليدي
وبده الصايح علـي رايح
يلي بالخيم
***
ضامي .. يبـــعـد عـــــيون الحــــسين
ضامي .. صــحــت يــاگــــرة العـــــين
يالچنك رسول الله حرام تسحگك الخيل
عطرك .. ليـــش اتطشـــره الـــسيوف
عطرك .. تـــارس ارض الطــــفـــــوف
طحت عالگاع من شفتك بيه مابقه حيل
مـن گـــد ما مگطعينك بيـــك تحــيرت اني
اشيلن جزء من عندك وگــع منك جزء ثاني
منظرك صعب / عندي بس گلب / شنو اتحمل
حــيره حــيرتي / وتجري دمعتي / يالــمـــدلل
صحت طايح علــي رايـــح
يلي بالخيم
***
حسره .. بگـــلـــبي واجــــه الـــنــار
حسره .. جـــوه اضــلوعي الگـــصار
شتسوي اذا شافته عمته ابدم تخضب
ميــت .. وي مــاتــسمـــع الصـــوت
ميــت .. يمــكـــن رأســــاّ تمـــــوت
انزل يا اللـــهي الصـــبر كله على زينب
الـــبي لاجرح لاجرحيـن حتـــى اگــلها يتشافه
امگطعته السيوف اوصال والحـــر غير اوصافه
من اعتله البچي / اتطشر الحچي / ومعاناته
الحــومه شــامته / گلبـــي زادته / بجراحاته
أبــو نـايح علي رايح
يلي بالخيم
***
يمـــه .. طـــحت مـــو مـــره مــرتين
يمـــه .. وگــــالــــو مــات الـحــــسين
الشماته بكل مكان وكل كتــــر تنظر عليه
روحــــي .. روحــــي نـــــارها اتــزيد
روحــــي .. احــســها تطــــلع تــــريد
الموت ابـتده برجليـه وبـده يوصل لديه
شـله بعــمره بنيـــادم فلـذة كبـــده من ايمــوت
يموت احسنله عن ليشـوف ابنه اگباله بالتابوت
صرحي منهدم / باقي بس اسم / ابـواليـــمه
البيه بس نفس / هيج جاي احس / ولا كلمه
حزن لايح عــلي رايح
يلي بالخيم
***
ويــــنك .. صحــت الــحـــگ يعــــبـــاس
ويــــنك .. علــــي مگـطـــعته هـالنــــاس
الحـــگ يابوفاضل خويه لاينكـــسر ظـهري
ابـــنــــي .. وشــــمغـــــلاتـــــه تــــدريه
ابـــنـــــي .. نـــــحــاول خـــــل نــداويه
ولو شنداوي بيه وجروح جسمه بكبر صبري
ترى لاطاقه الي بحمـــله الأكبر هاك اخذ مني
بعد شويه عالشاطي اجيـــلك يالاخــو محني
المنحني الظهر / خويه عالنهر / يبـوفاضل
خيامه تنسـلب / اخته تنضرب / وبلا كافل
دمع سايح علـي رايح
يلي بالخيم
***
حيدر تركي الكربلائي
ظهري انكسر ظهري انكسر
راح الاشد بيهه الظهر
راح وتركني الحالي
عباس اخوية الغالي
...1...
عالشريعه ... عاينيته ... امدد اسمع نوحه
اجفوفه يمه ... امكطعيهه ... ونازفات اجروحه
وعينه بيهه ... السهم نابت .... شاكهه ومفتوحه
والهضيمه ... خوية زينب ... بيدي فاضت روحه
كافل دلالج عالنهر .. طايح يزينب
يمناه كطيعه ويسرته .. بالدم تخضب
حاولت اجيبه الخيمتج .. بس أمرة يصعب
ما باقي بي سالم كتر .. كلشي تسلب
كلشي انتهى وي موتته
الجانت عظيمه خوته
اصرخ بصوت العالي
عباس اخوي الغالي
.....2...
راح مني ... احزام ظهري ... ياهو الي تجيلي
موته صدمه ... موته عله ... موته اخذ كل حيلي
كلشي بية ... يصيح بسمه ... رد يصاحب ليلي
ناري تسعر ... على افراكه .... ابحاجت اليدعيلي
كومي تلكيني ابعجل . عظمه المصيبه
يم النهر ودعت اخو . الجانالي هيبه
هيجي اليفاركله كَمر . يكثر مشيبه
مثله بعد وين الكه يا . زينب واجيبه
عباسي ما مثله يصح
راح وتركني للذبح
بعده اشيصبر حالي
عباس اخوي الغالي
......3..
من وصلته ..احجايه كلي ... عذري وصله الزينب
ردت اشيله ... مارضاهه .... ايرد جفوفه امسلب
عيني صارت ... على الرايه ... البيهه كلشي امترب
وماي ماكو ... الجربه بيهه... بيهه صوته الينحب
حرت انه ساعتهه اجي . لو ابقى يمه
ساعه اخليه عالصدر . وبروحي اضمه
ساعه امسح ابدمعه اليصب . ساعه اشمه
غمض اعيونه وكلي رد . للحرم ذمه
عاينته عينه اعله الخيم
مات ويوصي اعله الحرم
وكلي اعله زينب بالي
عباس اخوي الغالي
...4...
كلشي ماضل.. عندي كلشي ... راح وي عباسي
جيتج اعثر ... بالمدامع .... كَوه اجر انفاسي
عفت روحي .... عالشريعه ... يم اعز كل ناسي
ومال حملي .... من يشيله ... بعد رفعت راسي
يا زينب الكافل بعد . ما يرجع النه
مات وتركني الوحدي . الغالي امن اهلنه
هذا الزمن غصبن علي . بعَّدني عنه
سورة قدر يم النهر . مذبوح جنه
يا زينب بعينه شفت
سهم المثلث من رحت
مكطع نظرته اكبالي
عباس أخوي الغالي
....5....
شلي بعمري ... بعد اخيي ... ما اريد ايامي
الراح مني .... ما يعوضه .... كل عمر كدامي
انه بعده .... روحي ميته ... جسد باقي ودامي
ابو فاضل .... اخذ روحي ... مني كبل احلامي
ياهو اليقدملي المهر . محد الية
من عندي باكت كربله . الغالي علية
كلشي انتهى ويه الكمر . بالغاضرية
خلصت حياتي وانتظر . انه للمنية
ما ظل بعد عندي امل
كلشي اندفن ويه الكفل
جانالي مثل اخيالي
عباس أخوي الغالي
......
✍️ كلمات : موسى الخادم
أخر كلمه يحچيها وياي
مبري الذمه وفيّت وياي
من أيس شبگني
گام وظهره محني
...
من صحت خويه اجاني يركض حسين محني ظهره
من المخيم للنهر يمكن الف عام كبر عمره
يدور اعله چفوفي يتلفت اشوفه يمنه يسره
يا خلگ هو الفگد عباس شيصير من يصبره
حيره بحيره وتجري دموعه
مثل الزهره حاني ضلوعه
بعيونه دفني
كام وظهره محني
...
انطبعت چفوفه اعله خاصرته وينادي خويه اگعد
المثلي فاگد كل اخوته وعنده عدوان بيمن ايهد
جيش بالسبعين الف دار اعله الخيام وانت مبعد
اجت تطلع روحه بين چفوفي والسيف ايروح وايرد
يقره لفگدي بنبرة ناعي
شيّب گلبه من وداعي
مهدم حيلي ونّي
گام وظهره محني
...
مدري ابچي لحاله لو يبچي عليه والله حيره
يودع ابدر العشيره وهو باقي بلا عشيره
حسين منه اتطيح العمامه اعله چفي شگد چبيره
يگلي وين انطي الوجه وحدي عفتني يبو الغيره
دمعة ضامي تودع ضامي
منهو ايوصله لباب خيامي
بدموعه لچمني
گام وظهره محني
...
الاخو من ميموت ادري يموت اخيه وميتعوض
يظل كل سنينه يبچي بروحه هيهات حزنه ينفض
حسين شيّب من فگدني وراح عني شعره ابيض
من عمت عيني اعله اخيي بعد ساعه صدره ينرض
ينحب يمي واقره احساسه
بسيف الغربه ينحز راسه
مبچي الدنيه حزني
كام وظهره محني
...
گالي كلمه وهظمني بزينب اشلون رايحلها
هاي اخيتك من تطيح بشده عباس من يحلها
ترضه من بعدك شمر بيد العقيله يشد حبلها
بناگه هزله وسوط يحني تمشي للشام يالكفلها
روس اعله رماح نبچي اعليها
وتواسينه ونواسيها
حاچاني وهظمني
كام وظهره محني
...
خادم الحسين ( عليه السلام)
كرار حسين الكربلائي
( ابو كميل )
الليله ليلة جسام...انطوهه حگهه انطوهه
هذا محبوب الحسن..ضحَّه دم لسلامه
نبچي واعله امصيبته...خل ندگ عالهامه
حيلكم ياهل خَدَم...هِيَّه هاي ايامه
كون رمله تفتخر...ابمجلس اللطامه
عاللطم ماننلام...واصدركم وَسمُوهه
الليله ليلة جسام...انطوهه حگهه انطوهه
......................................
تنظر الليله العَزَه...الفاجده المفجوعه
مانلوم المنجرح...لو يهل ادموعه
ياشباب الينكسر...يعني حَس باللوعه
بالصّواني للعرس...تبچي حتى اشموعه
باللطم يالخدام...أم الولد واسوهه
الليله ليلة جسام...انطوهه حگهه انطوهه
...................................
خَلِّي نهدي التعزيه...للحسن ووليده
وبالحزن هذا الگلب...نار كون انزيده
واليدگ اعله الصدر...حيل يرفع إيده
رمله هالليله تون...واليون اتريده
بلله دگو اعله الهام...واعله الجره عينوهه
الليله ليلة جسام....انطوهه حگهه انطوهه
......................................
حَگَّه جاسم عالشباب...ياشباب الليله
نلطم الهل فاجعه...وننحب ونبچيله
عَمَّه الحسين انهظم...والفگد هد حيله
جابه للخيمه ويون...والدمع يجريله
ذبحو الأمَّه احلام...وابهالخبر فجعوهه
الليله ليلة جسام....انطوهه حگهه انطوهه
........................................
صيحو للقاسم نضل...كل وكت وياكم
عهد عدنه الفاطمه...والله ماننساكم
والله خدمتكم شرف...كل محب ناداكم
ونبقه يانجل الحسن...نلعن العاداكم
تشهد الهه الايام...شيعتكم وتدروهه
الليله ليلة جسام...انطوهه حگهه انطوهه
سيد علي الموسوي
#قصيدة_لمحرم_الحرام
نامن واستراحن شدّن الحيل
مثل هالليل هذا ما يمر الليل
باچر تنتهي العشره اوي الاحنان
باچر بيه ركض وموادع اخوان
.....................
نامن واستراحن غمضن العين آخر ليله هاي البيها تغفن
يظل عباس سالم وي الحسين خواتي بهاي أيسن لاتحلمن
اخر ليله احسبنهه بعمرچن
تنامن والگمر حارس خدرچن
باچر ما يمر مثله بالاحلام
لاخيمه ولاخوّان عدچن
باچر كلشي سكته وتحچي الدموع
اگبال عيونچن تتطفّه الاشموع
مدري اليا مصيبه دموعنه تسيل
نامن واستراحن شدّن الحيل
..............
يطيح الواي وأكسر ظهر الحسين ويرجع للخيم بس ريجه يابس
من ابعيد يومي بچفّه ويصيح راح احزام ظهري البيه انافس
كلشي بكربله يجرحنه باچر
الهوه النتنفسه يصبح خناجر
كلنه انموت خويه ومحّد يعيش
الما مگطوع راسه يدوسه حافر
الطفل بسهامهم ياخذ نصيبه
يفطمونه بسهم مومن حليبه
وترعبچن يزينب ركضت الخيل
نامن واستراحن شدّن الحيل
٠٠٠٠ ٠٠ ٠٠٠٠
اموادع للمنيه اگبال العيون ويمنه الموت واگف ينتظرنه
وحگ عينچ يخويه ارواحنه تهون بس عليچن يحدّب ظهرنه
تشوفن منظر ايكسر الخواطر
حسين ابينچن وبّيني حاير
يظل الوحّده ونسبگه عالموت
يهد حيل السمه يا يوم باچر
صور باچر ابد ما تخطر ابّال
روس امگطّعه ورماح واحبال
يخادمچن وحي وكلچن مداليل
نامن واستراحن شدّن الحيل
٠٠٠٠ ٠٠ ٠٠٠٠
النجوم الضاويه تتهاوه عالگاع ينذبحون غالي اگبال غالي
رمله اتصيح يمّه رايده ارباي ذيچ اتصيح اگعد يا دلالي
الليله اوداع اشبعن شوف منهم
احفظن لونهم واقرن شكلهم
باچر عالارض مو عالحياطين
شباب حسين تتشگك صورهم
جمال الله تخرب لونه السيوف
المعاني والحلاه تصبح للطفوف
باچر فاتحه وينصبهه جبريل
نامن واستراحن شدّن الحيل
٠٠٠٠ ٠٠ ٠٠٠٠
شدّن حيلچن باچر للفراگ فوگ ارماح يصبح ملتقانه
عتب ما اريد اسمع يجرح حسين لتگولن كفلنه وتيّهانه
اعتبن كون عندي چفوف وعيون
باچر كلشي مني ما يخلّون
اغيبن عالنهر ويبيّن الواي
هضيمه برايتي يمچن يهوسون
منظر لونبي هم ايحمله
يخويه ولامصيبه علج سهله
باچر فرد شيله عنچن انشيل
نامن واستراحن شدّن الحيل
٠٠٠٠ ٠٠ ٠٠٠٠
تركضن والركاض يزعل حسين بنات اشيوخ ما لايگ عليچن
جمر نار الخيم مو مثل الگلوب يطفه الجمر كون تلوحه اديچن
اعيون اتشيب من هول المصيبه
باچر ماكو وحده مو غريبه
هاي الخيل تسحگ صدر الحسين
وراسه عله الرمح ظالم يجيبه
باچر يا خواتي ايحير وصفه
المره التعثر ببنهه ما تعرفه
اذا المصابجن تبچي المهازيل
نامن واستراحن شدّن الحيل
٠٠٠٠ ٠٠ ٠٠٠٠
خادم اهل البيت ع
#فلاح #طالب #الماجدي
@HxzEU1
قناه نشر القصائد المنبريه
[13]قصيدة لطم
ليلة العاشر
آخر قنوت للحوراء ليلة العاشر :
في القنوتِ الأخيرْ
بالدُّعا تستجيرْ
ربَّاهُ يا ربي
صبِّر غداً قلبي
في الصباحِ المريرْ
١/رَكْعةُ الوَترِ وفيها…زينبٌ تدعو العليْ
بعليٍّ بعليٍّ…بعليٍّ بِعَليْ
ربُّ خذني قبلَ صُبْحي…قبلَ فُقْدانِ الوَلِيْ
إنَّني لستُ لِنفسي…وفؤادي ليسَ ليْ !
فَحُسينٌ…وحْدَهُ ماءُ الحياةْ
فحُسينٌ…بعْدَهُ يحلو المماتْ
يا سميعَ الدعاءْ
يا مُجيبَ الرجاءْ
يا شاهداً نَدْبي
صبِّر غداً قلبي…في الصباحِ المريرْ
٢/إدَّخرتُ ابْنَيْنِ ربِّي…لزمانٍ برَّحَا
أنتَ ترضى حينَ أرضى…عنهما إنْ أفلَحا
ربُّ خذْهُمْ في الأضاحي…لحسينٍ في الضُّحى
ولِأرْضَى ، نَصْبَ عيني…قبْلَهُ فَلْيُذْبَحا
أفتديهِ…بحياتي والبنينْ
أفتديهِ…فَهْوَ ليْ شمسُ السِّنينْ
بالحُسينِ البقاءْ
وسواهُ الفناءْ
أحيا بهِ قُربي
صبِّر غداً قلبي…في الصباحِ المريرْ
٣/قُمْتُ أرجوكَ رجاءً…لِمُلِحٍّ مُجْتَهِدْ
ربُّ بالمسمومِ أدعو…بحشاهُ المتَّقِدْ
إنْ رمى السهْمُ أخَانَا…مُخْرِجاً منهُ الكَبِدْ
دُلَّني ربي عليهِ…تحتَ رملٍ إنْ فُقِدْ !
ما تُراني…آهِ ألقَى في الثرى ؟
ما تُراني…كَبِداً أمْ خنصُرا ؟
أم عظامَ الحبيبْ ؟
أمْ كفوفَ السليبْ ؟
في الموقفِ الصَّعبِ
صبِّر غداً قلبي…في الصباحِ المريرْ
٤/ربُّ حَرْفُ "الشينِ" منهُ…لبُّ قلبي ينفَطِرْ
قيلَ في الأعدا لئيمٌ…أبْقَعٌ يُدْعَى "الشَّمِرْ"
كيفَ صبري لو أراهُ…صاعداً فوقَ الصَّدِرْ ؟!
ونداءُ الكونِ يعلو…لا تَحُزَّنَّ النَّحِرْ !
وهْوَ يدعو…فتَّ أحشائي العَطَشْ
وهْوَ يدعو…إذ بشمرٍ قدْ بطَشْ !
كيفَ عيني تراهْ ؟
فاحِصاً في ثراهْ
ويلاهُ مِنْ خطبِ
صبِّر غداً قلبي…في الصباحِ المريرْ
٥/كلُّ ضِلْعٍ فيَّ يبكي…أنتَ تدري ما يقولْ
حالفاً باسمٍ عزيزٍ…بالبتولِ بالبتولْ
هي قالتْ لي سترقى…فوقَه عشْرُ الخيولْ
بذهابٍ وإيابٍ…دونَ إشفاقٍ تجولْ..
حافراتٍ…صدرَهُ وهْوَ صريعْ
حافراتٍ…فيهِ قبراً للرضيعْ !
صارَ "وادي السلامْ"
حُفْرةً منْ عظامْ
في حُفْرةِ التُّرْبِ
صبِّرْ غداً قلبي…في الصباحِ المريرْ
٦/في الدُّعا هٰذي كُفُوفي…ليَ لاحتْ شاكيهْ
ما بها جرحٌ صغيرٌ…وبسترٍ خافيهْ
في غدٍ لمَّا أُصلِّي…منْ جلوسٍ حانيهْ
سأرى فيها حُروقاً…وجراحاً داميَهْ..
خُطَّ فيها…قَوْلُهُ حتَّى أموتْ
خُطَّ فيها…"أُذكُريني في القنوتْ"
فدعاءُ اليَدَيْنْ :
بالحُسينِ الحُسينْ
يا كاشفَ الكربِ
صبِّرْ غداً قلبي…في الصباحِ المريرْ
/channel/AliOsailyAmily
#محرم_١٤٤٧
#اللهم_عجل_لوليك_الفرج