921
قصائد حسينيه مكتوبه
أستشهاد العباس قمر العشيرة عليه السلام
رجع مولاي الحسين إلى الخيام
يخاطب مولاتي العقيلة عليهم السلام
يا زينب كسر گلبي شفت عباس يتلوه
لزمته و كتله يا خويه انته موافي للخوه
نكسر گلبه و رفع عينه بس باوع الي گوه
گد ما مستحي العباس أصفر چنه مو هوه
شلت راسه يخويه بحضني گعدته
و گتله أكعد يذخري الموت مو وكته
ما رد ليه أخوچ و هيج جروحي
من أيدي وگع تدرين من شلته
ضليت أون يم راسه و أنحب
حد ما وگع رمشي يزينب
صار النعي يم راسه يكتل
و من النعي عباس شييب
===================
لتگولين هاذا الدم شنهو يا بعد بيتي
شلت من دم گلب عباس و الدم ترس خاجيتي
گتله وداعت الزهره خويه نگضت عافيتي
ساكت ما حچه چلمه و ضل ضاك الهوه بريتي
گمت كلما ألزمه دموم بس بيدي
الف مره گلتله أنهظ أعظيدي
ما ينهظ أخوي و يكسر الخاطر
الگاطع نحره والله گاطع أوريدي
گلب الأخو مديوس حافر
و شاجر صبح دلالي شاجر
عيني نعمت من شفته معمي
شفت السهم نص عينه صاير
=====================
أنهز مره يا زينب و حرك راسه لبحضني
من آنه جبت طرواچ بحلگه الكافل يكظني
ما عندة أخوي أچفوف أول مره يهظمني
من عينه عرفته شگال وصيته صعبه تلچمني
گال أعليك زينب باوع لزينب
الما باچي العمر ضل يثغب و ينحب
هاي مدللة حيدر علي الكرار
هيچ يكلي هوة بدمه لمخضب
رغم السهم بس طاح دمعه
و حچي الدمع أكثر يوجعه
ما يوجعنه بگدچ الخيل
من السحگ يم رجله ضلعه
====================
يزينب طوله ماهوة طوله ذاك المعتبر
گد ما منسحگ عباس واصل يم علي الأكبر
الچان يلمچ بگلبه يا خويه ترة مطشر
لو أگدر ألمنه بس والله ولا أكدر
أعذريني يزينب عفته متمدد
علغبره أخوي و بلگلب يمرد
من ذاك السهم ما يگدر يغمض
كون المات خويه بلدمع يگعد
لـبچي أله مربع و أونله
الفارگ أخو بالدنيا شله
والله وگع يم جسمه گلبي
من النهر للخيمه أصدله
===================
يزينب وحده هظمتني يتعذر و أهو بيا حال
من كتله اليتامه هناك دمع العين طاح و سال
يبچيكم و أهو بحاله ( من أجروحه ما ينشال )
گلي كلشي ما يكتل فراگك والله بس چتال
من عفته و أجيت دموعي ترستني
گد ما منسحگ ما يصعد لمتني
رديت و جرح يسحگ جرح بلروح
و من گد الدمع مشگوگ ضل ردني
راح الذي چان ألنه حارس
يم النهر مذبوح يابس
فوگ الترب علغبرة عاري
و مشگگه فوگه الملابس
علي حسين الخفاجي
#اللهم_عجل_لوليك_الفرج
﷽قصيده
نخوه للسیده زینب ع
اچیت انخاچ یالرحتی اسیره
علیله وعلتــي کلش چبــیره
علــیچ ارقیه ولراس
وچــف البطل عباس
مــریضه ونتخی اباب الامیره
᯽᯽᯽᯽᯽᯽᯽᯽
مـــواجع كلبــي بالدنيـــه ثگيــله
وجيت اشكي الج وانتـي العقيله
هـــم الكلب غــــيرج مـــن يـزيله
تجرد منــي لحساس
عليج ارقــية والراس
اجيت انخاج يالرحتي اسيره
᯽᯽᯽᯽᯽᯽᯽᯽
يازينب اخــبرج هظــم،كلبي
تعبني المرض ماشــوف دربي
وعيني لحضرتج هاللیله تربي
ضاكت بيــه النفـاس
عليــج ارقية ولراس
اجيت انخاج يالرحتي اسيره
᯽᯽᯽᯽᯽᯽᯽᯽
حسرات الکلب تخنک دلیلي
ناحل هالچسد واذاب حیـلي
اون مـــن الالم مانمت لیـلی
بچاة الصدره انــداس
علیچ ارقـــیة ولــراس
اجيت انخاج يالرحتي اسيره
᯽᯽᯽᯽᯽᯽᯽᯽
افر من المواچع وین ماوین
وچرح لبلکلب لاواحد ثنیـن
اتوسل الــچ براس الحسین
حزنی بالعـظم چاس
علیـچ ارقــیه ولراس
اجيت انخاج يالرحتي اسيره
᯽᯽᯽᯽᯽᯽᯽᯽
اقسم بالسبایه وحرک الخیام
کل معلول شافی بچاه الیتام
یازیــنب دلیلـــی محــمل الام
التقوهه انتي ولساس
علــیج ارقیــه ولراس
اجيت انخاج يالرحتي اسيره
᯽᯽᯽᯽᯽᯽᯽᯽
مـن صبرج ارید اعله النوایب
الله یساعدچ شفتی لمصایب
حـاربنی الدهـر شـد الحرایب
اچرع امر من کاس
علیچ ارقیة ولراس
اجيت انخاج يالرحتي اسيره
᯽᯽᯽᯽᯽᯽᯽᯽
★
تمت بعون الله تعالى*
✍🏻الشــاعره مـــريم العــبوديه اسيــرة الاحـــزان💔
نسالكـــم الدعاء بتــعجيل الـــفرج لصاحب العصر ولـــزمــان،، ع،،
غير مـــبري الذمــه من يـحذف الاسم
#اللهم_عجل_لوليك_الفرج
◇◈◇⇩..تابعونا..⇩◇◈◇
خويه شوف .. شلون مأذيني
لــو خرابه لو هزل
خويه شوف ..ليش مجتفيني
راح اموت من الحبل
خويه ليش ..وينك يحسيني
وين اخوي ابو الفضل
خويه ماي ..تذكر من كتلي
وماكو ماي اتعذبت
والله هاي ..لسه تأذيني
يانضرتك من رحت
ياحسين تكسر كلب اختك
ماي الك ماحصلت
شفت شلون يبن امي الاخت من دون واليهه
اسيره وتلتفت بالشام بجي الخجل عاميهه
(( اليوم يوم الغيرة ))
دگت اجراس الحريبه
اتحزمو شيبه اعلى شيبه ... والصوارم باليمن ملزومه
گومو ياربعي النشامه
يدوي ابن ضاهر كلامه ... اتوسط ابشيبه حبيب الحومه
اليوم گلهم يالغياره
الجيش يعلن انكساره ... وتركض السبعين الف مهزومه
اليوم يوم الغيرة ... ربعي ماوصيكم
الجيش يركع رايد ... الحدر رجليكم
حسين حضنه اشكبره ... صحبتي امسميكم
هزو الحومه هز...
وخل يحير الفارس ابمشراده
غيض الغيرة فز...
ونتم الواحد كتيبه اعناده
المنكم لو برز...
اطيح گدامه الزلم والقادة
"" "" "" "" "" "" "" "" "" "" "" "" ""
ما اوصيكم عليها
الحومه لمن نعتنيها... اسيوفكم لرگابهم عطشانه
خلو بالحومه الفوارس
مثل الأطيور الترافس... روسهم ماترفع ويانه
واحد ابواحد يشده
ظهره بالعركه ويسنده... والسبع يتندم اللآگانه
خوف يآكل روحه... اليشوف اسيوفكم
وينچوي كل فارس... ابشرار اعيونكم
الخيم يوصل رايد... صوت سطر اچفوفكم
فزعو اعلى الحرب...
يومكم يهل الوفه الوفايه
وسدو كل درب...
وسوو الطف للأجيال احچايه
احنه أهل الصعب...
وكلمن الگابلنه تيّه رآيه
"" "" "" "" "" "" "" "" "" "" "" "" ""
خلو بالحومه زلمها
ريشه بالشرده جدمها... والثگال اگبالكم تتراجف
يعثر الطايح ابطايح
يعتلي صوت النوايح... وبصواجعكم يموت الخايف
يومكم خلوه عِبره
للأجيال الطف تذكره... ويومكم مامثله واحد شايف
درس لقنو الحومه... ولقنو فرسانها
وركض حد الكوفه... وصلو شجعانها
خل يحير اگبالكم... كربله دفانها
غيرة امن الگمر...
بيكم وشارة وغضب ظهروها
كل فارس وذر...
جثته وسط الفلّه طشوها
وخل صوت الخطر ...
اصحاب الحسين اعتلى طبوها
"" "" "" "" "" "" "" "" "" "" "" "" ""
غيرة بيكم هاشميه
هزو ارض الغاظريه ... والسباع اگبالكم ذلوها
خلي تتوسل زلمها
وخايفه اتيّه اسمها ... واللسن التعتلي گصوها
كلكم اسباع وشهامه
مايرد واحد سلامه ... والمعارى ابكربله گلبوها
اللسن من تطاول ... تنگص ابيمناكم
خلي وسط الحومه ... يندم العاداكم
الگمر شد احزامكم ... و علي وياكم
فيضو الحومه دم ...
من صوارمكم يزلم النيبه
من راعي العلم ...
مايگوم اتعلمو الي يصيبه
صيحو اعلى الخيم ...
احنه اصحاب الحسين الهيبه
"" "" "" "" "" "" "" "" "" "" "" "" ""
خادم السلطان
سيد محمد الياسري
(( غريبة واللتفت ))
غريبة واللتفت ...
أخو ايفز هلبت أخته ... خذوها اعلى الهزل
وشوفن كلشي سكته ... فقط دمعي اليهل
اتاني ابلهفة مو مثل اليتانون
واحر من الجمر دمعات الأعيون
وين الله وأخو يفزعلي ويگوم
يفك أحبال أديّه ورجع ام عون
خويه .... اگعدو وعوفوا نومتكم
خويه .... ابحليب الخوه احلفكم
راح أمشي والحادي أجنبي وچفوفي مچتوفه ابحبال
من كربله الشام الغرب ونتم يخوتي عالرمال
"" "" "" "" "" "" "" "" "" "" "" "" ""
تغيّر محملي ...
العلم مو نفسه اشوفه ... القبل بيد الگمر
الأجيت ابفـّي حروفه ... وترِس روحي فخر
أجيت امن المدينة شامخه الراس
وثمنطعش حامي ابضعني حراس
اورديت مو بس فاگده أخوان
حته الرآية مو رآية العباس
راحت .... يخوتي هيبة اضعوني
راحت .... وغرب ياوسفه ماشوني
رحتوا وزهّد بيها العدو ام العفاف الطالبي
زينب قبل كلشي اختلف أسمي تغيّر بالسبي
"" "" "" "" "" "" "" "" "" "" "" "" ""
اسولف بالدرب ...
وعلى روحي امن اباوع ... هضم ابچي ابهمس
اشتغيّر طولي طالع ... القبل ما ينهجس
خجل ابچي ودموعي امنگعّه الأثياب
زينب وين آنه اوين الأجناب
من يمته افتر البلدان عالنوگ
ونه الماطالعه امن الباب للباب
اسكت .... ودمعتي تشرح المنظر
اسكت .... مآله رآي الأميّسر
بيدي امسح اعيوني اشكثر هلبت حلم ماصدگت
وشما مسحت اعلى الهزل الگاها روحي اتحيرت
"" "" "" "" "" "" "" "" "" "" "" "" ""
وصلت ودنگت ...
اعلى باب الساعة وسمع ... فرح كل البشر
ودعيت الروحي تطلع ... انخزيت امن النضر
الشام ابلا ضمير اهواي چتال
حته اطفالهم مو مثل الأطفال
اجوا يم الضعن عمداً يلعبون
لان شافوا رقية ابيدها الأحبال
أسمع .... حچي ماسامعه ابعمري
أسمع .... يدخل للقصر خدري
من دخلوني اعلى القصر ميته عساني ولاشفت
گاعد يزيد اعلى العرش وحسين راسه بالطشت
"" "" "" "" "" "" "" "" "" "" "" "" ""
يلوليلي التعب ...
وخجل مدري ابچي حيره ... جرح شابگ جرح
القصر ميت ضميره ... وخوتي اعلى الرمح
اشكثر حاولت أغمض عيني ورتاح
بس اشتغفه عينه الأهله برماح
يفززني الحزن شنسه امن الأجروح
سبي وطف وقصر والحادي ذباح
روحي .... اشتنسه وهالحزن بيّه
روحي .... يهلي اتموت ليليّه
يموت الگلب غير وتفض من العذاب اتمرمرت
اشما استراح ايفز جرح لاعدله لاميته صرت
"" "" "" "" "" "" "" "" "" "" "" "" ""
خادم السلطان
سيد محمد الياسري
الوداع الوداع زينب تصيح الوداع
باجر فراك وقهر يتبع قهر
بتجر يلوح الحرم صوط الشمر
باجر يگطعون م ـــِْن عِنـ. ـديّنحر
باجر العباس راسه ينطبر
باجر يخلصون حلوين الطباع
الوداع الوداع زينب تصيح الوداع
باجر يخلصون زلم المرجله
باجر يشوفن ضيم بكربله
باجر يصوب رضيعه حرمله
باجر تذلين ونتي مدلله
باجر تشوفين ياخويه الضياع
الوداع الوداع زينب تصيح الوداع
باجر تضيعن مابين العده
باجر تشوفين ضيم الماسده
باجر خيامج تصير مفرهده
باجر خوانج تضل مدده
باجر ينامون بلحومه السباع
الوداع الوداع زينب تصيح الوداع
باجر ينامون بلحومه خوتج
باجر العدوان تحرك خيمتج
باجر وباجر جبيره مصيبتج
باجر اعله حسين تثكل ونتج
باجر حكج وبسرعه صاع
الوداع الوداع زينب تصيح الوداع
الگـــاع شكـبـرهــا بكربلــه
وحسين شابـع بـس سحـگ
والمــاي تــارس هـل الأرض
وبصدره احس نار و حرگ
من السهم من الضمه
مـن الخـيـول اتهشمه حسين
****
ابن امــي هـذا يــا خـلگ
منَ العطش دلاله احترگ
گبـل الذبــح نـار التهــب دلاله
الگـــاع شكبرها بكــربله
ليش اعلى صدره جايله
منْ السحگ ما رحمته الخياله
هــذا ريحانـــة محمــد هــذا نفســه وروحــه
هذا جرحه الما تشافه حسين اقسى اجروحه
حسين لـــو ســر الديانـه جثتــه المطــروحه
سبــط النبي فــوگ الرمل
جمســه تطشـــر عالارض
وبصــدره مــا سالم ضلع
عشره الخيول الي ترض
صار بحوافرهن دمه
من الخـيول اتهشمه حسين
****
نهــر الفــرات ومنبعه
مهــر الزﭼيه الشافعـه
ليش نمنع عنه الفــرات بطوله
وعبدالله ﭼن عمر الورد
راد العذب ينــزف يــرد
مو ماي لا سهم الذبــح وَدّوله
الراضع ابهـام النبوه ليـش بالطـف ضامي
الجده شَمّه ابنحره تالي نحره ينزف دامي
خيَّامي بيهن سر محمد نـار وسط خيامي
يـــا نــار ظلــت تسـعتر
نـار الخيّـم نــار الذبــح
نار السهم وسط الگلب
لو نار من راس الرمــح
ياهي الي ظلت مضرمه
مـن الخـيـول اتهشَمّــه حسين
****
للتل شطـت بعـد الجــره
نــاديت يــا جــد منحره
بسيفه الشمر يگطع يوسفه اوريده
يا حيف من بعد الذبـح
راس الولي فوگ الرمح
ومگطوع خنصر يـا اسف من أيـده
عالرمح يا راس شفته هذا راس حسيني
كــون دونه ولا نظـرته شيبه دامي بعيني
صرت من شفته اسـيره والعّـده مسلبيني
راس الامامه اعلى الرمح
بالجبـهه اثــر لصــوابــه
راس النبــي ﭼنه انـرفــع
مـــن دمه صــار اخضابـه
بالنوح تنعاه السمّه
مـن الخـيـول اتهشمه حسين
****
ضامي على كتر النهـر
ومرخوص مايه للبشر
وممنوع ليش الماي لابن الزهره
حر الشمس نار الضمه
من نــار محنة فاطمه
مو بس ظلع الحسين رضو صدره
حسين ماي الجنه بيده وضاميات اشفافه
والفرات يموج مايه فايض اعلى اضفافه
غائره اعيونه بمضماها وذابلات اوصــافه
ودلاله مــن بعـد الذبـح
مثل الخيم نــار استعـر
وسهم النوايب بالگلب
طالـع يويلي من الظهر
حــيله يويلي امهدمه
مـن الخـيـول اتهشمه حسين
****
الشابع دليله بس الم
ترويه ماي ومو سهم
ليش السهم يروي العطش البگلبه
وبگلبه الأكبر والگمر
ومتحمل الام وقهـر
من الماسي حسين أصبــح كعبه
اطــوف بيــه كــل المــآسي المّـرن بــدلاله
طيحت انصاره واخوته وعطش گلب أعياله
وفوگ كل هاي المواجــع سحگته الخيّــاله
ضاگــت الگـــاع بنينـوى
وبصدره صــار الهن ركـض
مــا ﭼنه ابــن المصصطفى
من الله حبّه اصبح فــرض
روح الزﭼيـــه فاطمه
مـن الخـيـول اتهشمه حسين
****
الشاعر
موسى البديري
شفتك جوه الخيل تنازع ... يمه
نص گلبك من ظهرك طالع ... يمه
چا غير يعوفوك // مو ميت شافوك
////////////////////////////
گتلك اجيك الكربله _ وعنك صعب اتأاخر
جسمك لگيته من السحگ _ ثلثين منه مطشر
طحنوك بالحافر طحن _ يالبيك كلشي مكسر
نحرك اباوع بي ثلم _ بالسيف ثاري امطبر
صاح الربعه الجاك برمحه ... يمه
حسين ينازع خل نذبحه ... يمه
اگبال امك ذبحوك// مو ميت شافوك
////////////////////////////
ظهريت العاشر شمس _ يمه الحديد تصهره
بس انته من دون الخلگ _ مديور گلبه بظهره
دخان من صدرك طلع _ عطشان يبن الزهره
الما لحگ يطعنك تره _ يگلوله اللجم نحره
اليوصل يمك ميت شافك ... يمه
يسحگ ظل بلحم اچتافك ... يمه
بجروحك طعنوك// مو ميت شافوك
////////////////////////////
مشتبهه لو طولك گصر _ يحسين بيك شصاير
كل ساع الگالي ظلع _ مشلوع وي الحافر
الله واكبر وحدك _ وجيش اعله جسمك داير
ضليت اصيحن ياعلي _ فرهد اوليدي العاشر
الحافر ينگل ظل بعظامك ... يمه
واصل بيهن يم اخيامك ... يمه
توصل ويرجعوك// مو ميت شافوك
////////////////////////////
شريان شريان انگطع _ من رگبتك گدامي
مو سيفهم ريجك خشن _ بوكت الذبح يالظامي
كل ساع شامت بالحجر _ يركض يجي متحامي
يوليدي فضخو جبهتك _ وشيبك اباوع دامي
بوداجك ظل سيف الحاقد ... يمه
يگطع بيهن واحد واحد ... يمه
دم تنزف خلوك// مو ميت شافوك
////////////////////////////
كل حافر امتيه درب _ بصدرك تره يدلونه
والزايد ابچفه رمح _ من ظهرك ايطلعونه
من ينعدل جسمك رفس _ ياابو علي يگلبونه
صاحو يموت من العطش _ كل ماي لا تنطونه
دارو فوگك كل شماتك ... يمه
ماخلو حرمه الشيباتك ... يمه
من شيبك لزموك// مو ميت شافوك
////////////////////////////
مايرهم الجسمك غطه _ يوليدي چا غطيته
لميت صدرك بي نقص _ بس المهم لميته
مدفون نحرك بالرمل _ حرموني ما شميته
ذاك الاجه گص خنصرك _ لو بيدي ماخليته
اصبع چفك شني اخباره ... يمه
بهاي الهيمه يريد دواره ... يمه
كل هذا وسلبوك// مو ميت شافوك
////////////////////////////
تمت ____ علاء الزيـــدي
(((فزاعيه شور)))
احاه خويه يحسين ... احاه خويه يحسين
////////////////////////
توه الشمر خلص ذبح _ احاه خويه يحسين
وصعدو راسك عالرمح _ احاه خويه يحسين
الف وتسع مية جرح _ احاه خويه يحسين
بيك العده شمسوين ... احاه خويه يحسين
////////////////////////
مذبوح ليش من الگفه _ احاه خويه يحسين
وفوگ الرمل دمك صفه _ احاه خويه يحسين
بنيرانه گلبي ما طفه _ احاه خويه يحسين
شالو الراس مكيفين ... احاه خويه يحسين
////////////////////////
ركضو اباوع بس طحت _ احاه خويه يحسين
فرهود خويه تفرهدت _ احاه خويه يحسين
كلمن وحصته توزعت _ احاه خويه يحسين
مسلبين كلشي مسلبين ... احاه خويه يحسين
////////////////////////
بصدرك ولا سالم ظلع _ احاه خويه يحسين
بيا ذنب اصبعك ينگطع_ احاه خويه يحسين
حاچيني بيمن تنجمع _ احاه خويه يحسين
جسمك تطشر ثلثين ... احاه خويه يحسين
////////////////////////
چم حافر ابطولك عثر _ احاه خويه يحسين
جرحك جديد البل النحر _ احاه خويه يحسين
وفوگاك تل من الحجر _ احاه خويه يحسين
واعليك دارو صوبين ... احاه خويه يحسين
////////////////////////
يالنايم ابگلبك سهم _ احاه خويه يحسين
صح بيك بس بيه الالم _ احاه خويه يحسين
فوگانه حرگوهه الخيم _ احاه خويه يحسين
نركض بقينه متيهين ... احاه خويه يحسين
////////////////////////
تمت ____ علاء الزيـــدي
(( حسين أخوي ))
أحترگت أخيامي العذاب ... والحسين اعلى التراب
من ركضت أگباله شفته
دار وجهه ويبچي سكته .... حسين أخوي
"" "" "" "" "" "" "" "" "" "" "" "" ""
ياهلي ذيچ المسيَّه حيرتي مامنهه حيره
فزعت اعليّه العشاير وليَّه مافزعت عشيره
نار وخيول وأجانب الياكتر وجهي اديره
امن الخيام اتشردينه والخلگ مابيهه غيره
أركض ويركض وراي ... الشمر سوطه ابگفاي
من سمع طلعَّوا أخيته
دار وجهه ويبچي سكته .... حسين أخوي
"" "" "" "" "" "" "" "" "" "" "" "" ""
السمه والگاع تلهب والركض ماخذله صفحه
المايموت من المصايب العطش كافي يذبحه
والحچي المحد يحمله وخاطر الزلمه يجرحه
دنگت من عيروني شالوا أحسينچ ابرمحه
دارت أعيوني عليه ... يآمن يوصلني ليه
عالرمح بس ؤن سمعته
دار وجهه ويبچي سكته .... حسين أخوي
"" "" "" "" "" "" "" "" "" "" "" "" ""
حاولت أجمع شتآتي والبقه من اليتامه
والمصيبه اشما ألمهم اطشهم اچفوف الضلامه
واحد الواحد اسمعه يگله ضلتهم ندامه
فوگ أبوهم أذبحوهم لايضل واحد سلامه
اشيبقه بگلوب الزغار ... خيل وسياط وشرار
اشلون حالك خويه صحته
دار وجهه ويبچي سكته .... حسين اخوي
"" "" "" "" "" "" "" "" "" "" "" "" ""
چلچل الليل وگعدنه عالترب انه وخواتي
ولآيذات من الاجانب كلهن حسين ابعباتي
وحته لايسمعني واحد همس ابچي مستحاتي
ابكثر ماتعبانه روحي گعده ياخويه صلاتي
أستحي من الغرب ... اتشوف دمعاتي تصب
أمنيتي يمي حسين انته
دار وجهه ويبچي سكته .... حسين أخوي
"" "" "" "" "" "" "" "" "" "" "" "" ""
خلصينه الليل ندعي ماكو بينه المستراحة
لآيطر فجره علينه ننسبي ابطلعت صباحه
امگابلينه ابروس أهلنه والضحك عآلي صياحه
والضعن يآهوا اشوفه امحدب ويبچي ابنياحه
وعمداً اگبال الضعن ... يسولفون اعلى الوطن
أعذرني گلبك لو لچمته
دار وجهه ويبچي سكته ... حسين أخوي
"" "" "" "" "" "" "" "" "" "" "" "" ""
خادم. السلطان
سيد محمد الياسري
بي تعطش الناكه مشونه بدرب
اجيت من المدينه امدللة خدري
برسوم الكمر مشتد عزم صبري
ماجان اعله بالي انغدر من دهري
وفارك كل هلي ومسبيه ارد عمري
من عله الناكه ... ودعة أبو فاضل
************
اسيره وللغرب يردوني ع الناكه
ينازع كلبي باقي ابلوعة اشواكه
تره المثل ابو فاضل يصعب افراكه
لعيون الكفيل اعيوني مشتاكه
ينخطف لونه ... اذا صاحو سبيه
************
مجتوفه وحبلهم ماكل جفوفي
ذبلني العطش خويه وركد شوفي
جفن عيوني شاب وشابت أزلوفي
وكل لعيوني فوك اعله الرمح طوفي
ينحب انشوفه ... حسين شما بجينه
************
مؤقف مر علينه وحيل ماذينه
خويه الشام كله يباوع علينه
شمر وي حرمله شتترجه يحدينه
الماعدهم حميه اشمتو بينه
شام الاموازه ... بي ندخل سبايه
************
بخرابه والترايب ماكله اعيوني
من ياصوب اكضهن ياذن امتوني
اذا سمعو نياحه العده ايّسبوني
حرة ماميزه صار من التعب لوني
شحت ارسومه ... وجهي من المصايب
*************
عبد زينب
محمد مسلم الأسدي
(( مصايب كربله ))
هـا يا هـلـي اعله بـابـي
وگـفـت زلـــم مـصـابـي
طـفــو ألـــي خــيـامــي
لا تــحـتـرگ ثــيــابـــي
آه ... كلشي عـدنـه سـلـبـوه
آه ... مهد عبد الله حـرگـوه
آه ... العليل أبهيمه طلـعـوه
ويــن انـروح وهــاي الـوآدم
ماكو البـيـهـم بـيـنه يـسـالـم
بأسمي يصيح السابق خادم
ما تـرهـم حسين ... يـم الصـواويـن
تـتـراكــض أزلام ... وي النـسـاويــن
يا مصايب كربله... يا مصايب كربله
"" "" "" "" "" "" "" "" "" "" "" "" "" ""
كـل هضمتي وسـؤالـي
يــرجــع بــعــد دلالـــي
شـافـتـه غـربـه خـويـه
كـل طـولـي مـو خيالي
وين ... أمشي ومحد ويــاي
وين ... الما طلعت گبل هاي
وين ... حاطت بـيـه أعـدآي
صاحو زينب هسه شلونچ
ويـن الچانو ميـعـوفـونـچ
ما گـامـو كـون يحـبـونـچ
بيه الحچي أهوآي ... وين أشكي بلوآي
بـس النـسـواويــن ... ما عـنـدي حـمـآي
يا مصايب كربله ... يا مصايب كربله
"" "" "" "" "" "" "" "" "" "" "" "" "" ""
جـيـت أركـض أو أمايل
يلچحني فـشـلـه عـاذل
شافونـي عـمـده صاحو
هــاي أخـتـه أُبُـو فاضل
گوم ... شوف أختك يعـباس
گوم ... بـيـهـا أتشمتت نـاس
گوم ... خدرك بيد الأرجـاس
مـا تـرحـم زيـنـب تـدريـهـا
تشـمـت كـلـها أضـل بـيـهـا
وتضحك كلها أتأشر اعليها
لــو شافو أم عـون ... كـلـهـم يضحـكـون
بكل خطوه عباس ... مـزروعـه الأعـيـون
يا مصايب كربله ... يا مصايب كربله
"" "" "" "" "" "" "" "" "" "" "" "" "" ""
جــابــو هــــزل ألــيـــه
ويـدرونــي هـاشـمـيــه
مو زينب أسمي صاحو
أسـمـي صــرة سـبـيــه
حيل ... تـعبـني الطـف أهـواي
حيل ... محتاجه أختك أفياي
حيل ... عطشانـه بــلا مـــــاي
بـادة من المـمـشـه أجدامـي
لـؤن الهندس هـسـه أيـامـي
عفتك عاري ابهيمه وضامي
خلص عـذابــات ... ضـعـن الـغـريــبـات
بين الغرب ليش ... نـگـطـع مـسـافــات
يا مصايب كربله ... يا مصايب كربله
"" "" "" "" "" "" "" "" "" "" "" "" "" ""
بـعـد المشي وزجـرهـم
ذبـحـونــي من أمـرهـم
نـدخـل غصب سـبـايــه
سوگ ونطب قـصـرهـم
ضيم ... شفـنـه ابطبت السوگ
ضيم ... اعيون أنتسرت النوگ
ضيم ... سـلـبـو مـن الأحگـوگ
أسـم الـشــام يـهـد أبحيلي
مـا يطبگ بي جفني أبليلي
كـل أمصابي البيه يا ويلي
شحچـيـلـك الشـام ... كـبـرنـي أعـوام
وسط الگلب شًَيَبْ ... مـن كـثـر ألـلآم
يا مصايب كربله ... يا مصايب كربله
"" "" "" "" "" "" "" "" "" "" "" "" "" ""
عبد زينب
محمد مسلم الأسدي
(( نعمة الله ))
داسـت نـعـمـة الله الـخــيــل مـاعـرفـت مـعـانـيـها
فـوگ الجـبـها هـيـه اتـصـيـر مـو بـجـدام رجـلـيـها
طشرة كـل مـعـانـي حسـيـن ماخـلـت رســم بـيـها
شصبر عـالجــره يـحـسـيـن چـا چـنـدوب أعـديـها
اعلـه كيفچ مابـقـه بحيـلـه
بـــس يـــرتــاح أرجـعـيـلـه
مــن الـســـيــف للـحـافـــر
نــــــوح يـخـلـص الــيــلــه
"" "" "" "" "" "" "" "" ""
شعاتـب ونـتـه بـس اجـروح وعـتـابـي الــك ذابـح
عليك الجيش صاير طـوگ ماشـوفـك أبـد واضـح
صحت حسين أجتنه الخيل مؤقف لاحضة جارح
أشوفنك تـريـد دگـوم وتـرد اعـلـه الـوجـه طـايـح
بـيــك ألــــف وتـسـعـمـيـه
وآنـــه أكــثــر بــعــد بـِـيـه
تـذبـح حـالـتـك يحـسـيـن
بــقـيــت ابــعـــازة أمــيــه
"" "" "" "" "" "" "" "" ""
ما انـگـل جـدم ضليت نـاحـل بالـركـض حـيـلـي
بعد عينك يبو السجاد عـذاب ايـمـر علي لـيـلـي
وكــت خـلانــي أطــر ازلام ولا چـــف اليفـيِـلِـي
ونتـه اعـلـه الثره يحسين نايـم بالشمس ويـلـي
البــيـك اتـــواردا ابـحـالـي
يـاطــول اخـتــك الغـالــي
مـاوچـدِ الــدرب ضـلـيـت
چنت أنـتـه النـضـر مـالـي
"" "" "" "" "" "" "" "" ""
لــيــش اتـضـل ثـلـثـتـيام مـحـد فـرع وشـالــك
مشدوها الفكر يحسين ابـد مـا ينوصف حـالــك
علـه كبر الأرض نشروك طشو بـالفلـه اوصـالــك
متعوده اعله طولك چان بيش أقنعهم اعـيالــك
داســـو عـتـبـت الخـيـمـه
الـمـا عـدهـم ابـد شـيـمـه
الطف راواني ضيم انواع
ومشتد الـوكــت ضـيـمـه
"" "" "" "" "" "" "" "" ""
من كثر العطش يحسين وجهك ضايعه ألـوانـه
ياهـو القبله بـس حسين خشبه صايـر ألـسـانـه
تيهت الـعـرف ونــوب العـطـر دلانـي بمـچـانــه
صعبه شلون يبقه حسين عـاري ومالـه دفـانــه
نــايــم عـالـرمــل عـــاري
وبـگـلـبـي جــمــر ســاري
من شفتك ابـهـاذ الـحـال
شـــلال الــدمــع جـــاري
"" "" "" "" "" "" "" "" ""
عبد زينب
محمد مسلم الأسدي
(( صار العصر يحسيني ))
صـار الـعـصـر يحسيني
وبـروحـي زاد أونـيـنـي
طـولـك يـفـارگ عـيـنـي
مطشره خـويـه أسنيني
بعد عينك ... عـنـدي مـا بـقـت خـيـمـه
بعد عينك ... مـو طبعي أطلع أبـهـيـمـه
حسين خويه ... حسين خويه
"" "" "" "" "" "" "" "" "" "" "" ""
يـجـري دمـع بـعيـونـي
ضـايـع دلال أضعـونـي
الهضمتني غيرة لـونـي
زيـنـب غـرب شافونـي
بعد عينك ... تـعـب مـن الركض حـالـي
بعد عينك ... تـــؤارد آنـــه وخــيالــــي
حسين خويه ... حسين خويه
"" "" "" "" "" "" "" "" "" "" "" ""
حـرمـه وشـلـم مـحـتـاره
وعــلـــيـــه دارة غـــــاره
مـــات الـگـلــب بـخـبـاره
دخـــان أشـــوف ونـــاره
بعد عينك ... عـلـيـل أبخدري وطـفـالـك
بعد عينك ... شــلــم تــطــشــر أعـيـالـك
حسين خويه ... حسين خويه
"" "" "" "" "" "" "" "" "" "" "" ""
يـحديـنـي صـار العـايـل
يـهـلـي وضعنكم شـايـل
شـوفـي أبـدربكم مـايـل
يـفـزعلـي هسه الـكـافـل
بعد عينك ... مـشـيـت أبـلا أخــو وكـافـل
بعد عينك ... غـصـنـي مـن الـتـعـب ذابـل
حسين خويه ... حسين خويه
"" "" "" "" "" "" "" "" "" "" "" ""
أبدرب الصحاري أمشينه
وحـــر الأرض مــاذيــنــه
أمـگـشـر جـلـد رجـلـيـنـه
يـتـعـب مـشـي حـاديـنـه
بعد عينك ... طــاري الــراحــه نــاسـيـنـه
بعد عينك ... زلـــم تـتـمـرجــل أعـلـيـنــه
حسين خويه ... حسين خويه
"" "" "" "" "" "" "" "" "" "" "" ""
عبد زينب
محمد مسلم الأسدي
(((((شور ليلة العاشر )))))
علويات .. تعبانات .. وين انبات .. حاجني
//////////////////////
يعلوياتي عينني
بديه خيامي حركني
اركضن ليه طفني ... تعالن
النار امجلبه برداني
ارد واحد يجي الثاني
شتمني الذابح اخواني ... تعالن
اطفي اردان .. يوج اردان .. يهال النسوان .. طفني
//////////////////////
العليل الحاير ابظيمه
عليه اشتعلت الخيمه
ينادي ركضي بالهيمه ... يعمه
ركضت وبالجمر اسحك
ودخان النفس اشهك
لزمته بجفي المحرك ... يعمه
يكلي شلون .. اجيتي ام عون .. بقن العيون .. يحركني
//////////////////////
احتركنه وهايه وتاليهه
ركض لو وكفه نكضيهه
افراش الهيمه مابيهه ... اكعدن
انتجن ورتاحن اهنانه
تعبانه اعله عطشانه
عدونه صعبه يلكانه ... اكعدن
ذبلانات .. عطشانات .. مصدومات .. تبجني
//////////////////////
عرف مابيهه هالديره
حيرتنه صدك حيره
وادم نزعت الغيره ... عجيبه
سوده تباوع ايامه
عادي البكاك العمامه
تركض حرمه كدامه ... عجيبه
ظلام وليل .. حوافر خيل .. ماظل حيل .. سمعني
//////////////////////
شوج امحمله رجليجن
التراب التارس اعبجن
عيوني يبجن اعليجن ... هظيمه
زلمنه مذبحه بهمهه
الخيل محجله بدمهه
اجساد الساده شيلمهه ... هظيمه
برماد العين .. ادور وين .. اخوي حسين.. خلني
//////////////////////
تمت ____ علاء الزيدي
✍🔥 لطميه ثكيله حزينه ومأثره اصدارجديد للسبي🔥
من ديوان زينب والطفوف 👇
الجزء الرابع عشر
كلام مقدمة اللطميه
زينب لمن جابو الهه النوگ النوگ هزله احتارت زينب شلون تصعد على هذه النياگ منو يصعدهه من بعد جف ابو فاضل اخذت زينب تنظر للناكه هزله عرجه تصعب عليها الركبه اخذت تنظر الهه زينب وتوصيهه وتشكي حالها لها حنت الناكه اونت الحال زينب شتكلهه
📚اللطميه
تدرين بيه مدلله ياناكه
تدرين بيه مدلله ياناكه
هزله يناكه والشمس حراكه
حر الشمس يجويني.... راح الكبل يحميني
ويلي. ويلي.
رحمني هاياناكه. رحمني هاياناكه
❥━──➸➽❥❂❥━──➸➽❥❂
تدرين بيه امدلله ومحشومه
هسه سبيه اعله الهزل مهضومه
ضلو اخوتي اعله لثره شو نومه
كفالي وين اجفوفه.... ريته الضعنه يشوفه
رحمني هاياناكه... رحمني هاياناكه
❥━──➸➽❥❂❥━──➸➽❥❂
راح الگبل بجفوفه يفيلي
شلون اصعد وحدي كليلي
شنهي البصر ياناكه ماتحجيلي
راح الولي الجاباني.... شو بالهضم خلاني
رحمني هاياناكه.... رحمني هاياناكه
❥━──➸➽❥❂❥━──➸➽❥❂
طول الدرب راية كفيلي اعليه
وهذا الهوه ياناكه ميمر بيه
هسه اسيره عالهزل مسبيه
واويلاه 😭
راح الخدر من عدي.... والشمر بيه اليحدي
رحمني هاياناكه... رحمني هاياناكه
❥━──➸➽❥❂❥━──➸➽❥❂
ياناكه ارد اوصيج امشي بهيده
خاف الاطفال اطيح وسط البيده
تدرين بيه بلا ولي ووحيده
ياناكه رحمي بحالي.... ماضل الي كل والي
رحمني هاياناكه.... رحمني هاياناكه
❥━──➸➽❥❂❥━──➸➽❥❂
امشي يناكه بهيده لاتميلين
تدرين بيه لاسند لامعين
بالوادي خاف اطيح ايتام حسين
ماعدي ضلو وليان.... بس الحرم والرضعان
رحمني هاياناكه.... رحمني هاياناكه
❥━──➸➽❥❂❥━──➸➽❥❂
ادري يناكه الحالتي حنيتي
من جر ونيني ادري هم ونيتي
ياناكه ارد اوصيج لو عثريتي
بهيده يناكه وياي... ولله الهضم فت اجلاي
ويلي. ويلي. 😭
رحمني هاياناكه... رحمني هاياناكه
❥━──➸➽❥❂❥━──➸➽❥❂
تمت✍️ الشاعره والمله ام حسين العامري 🏴أنت المعزى سيدي يا صاحب الزمان ... عظم الله اجوركم💔
✍️..(مشكول الذمه الي يحذف الاسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩🚀.....................🥺😭💔..
موش تــــــــــــنساني اذا ينسوني
بالكبر يحــــــــــــــسين لو نزلوني
""""""""
""""""""""
تدمع عيوني جنــــت لومر ضعــــن
اذكر ايتامك وانوحن عالمشــــــــن
جنت بالموكب ادك فوك المــــــــتن
اثر زنجيلك يــضل بمــــــــــــــتوني
"""""""""
"""""
اقسم اعليك بعلي وخدر المشــــت
حسين تحضرني اذا باجــــــر متت
جنت اقرالك نعي وياما صــــــحت
ما اعوفك والله لْـۆ كطــــــــٽٽــعوني
"""""""""""
يمن فضــــلك سابق اعليه نعــــــم
سيدي احسبني خدم عنــــد الخدم
ما اضن خايب ارد يابو الشــــــــيم
وادري ما تنسه الدمع بعيــــــــــوني
"""""""""""
كلشي ما رايد قسم بس نضــــرتك
احسبني لو ذرة رمل يم خيــــمتك
ريت يسحكني جدم مـــِْن عيــــلتك
حتى افخر عيلــتك سحــــــــــــكوني
"""""""""""
بعد يمك ضــــلت وانــــــته الوفي
اتريد تقبلني فضل يبن النبــــــــي
خيط كون اتــريد بطــــراف العبي
بعد يمك وانته ترس اضــــــــــــنوني
"""""""""""
بقلم الملا ناجي الصالحي ✏✏✏
ونسالكم الدعاء🏴منبر العقيله ع
مقطع صوتي من سيد محمد الياسري
Читать полностью…
(( سيدي أعذرني ))
سيدي أعذرني ...
اهواي اجيلك نادم
وأنتَ فضلك دايم ... مآتسد بابك عليّه
كلشي أحرمني ...
ولا تدير اعيونك
وين أروح ابدونك ...لآتهد أچفوف أديّه
من الدنيه أحرمني قابل سيدي ابكلشي
بس اللزمني بچفوفك وخليني عدل امشي
وأسمك لآخر أنفاسي يضل يتردد ابنعشي
لآسامح الله وتبعد عني
ومن العزاء خايف تحرمني
وتسمه خادم عند الوآدم
بس من اجيلك ماتعرفني
"" "" "" "" "" "" "" "" "" "" "" "" ""
اليمته بفعآلي ...
ابقه اجرحك اكثر
ومن اطيحن وعثر ... اللتفت لأسمك وحشمّه
وأنت تبرآلي ...
قبل اهلي وناسي
تجي وترفع راسي ... المثلي بذنوبه وترحمّه
أسود وجهي وبدمعي أبيض سيدي اتشوفه
رغم تقصيري وذنوبي ورحمتك فوگي معطوفه
كريم ومآتضيع أنتَ عبد لو صاحب اتعوفه
ماعندي غيرك وعندك غيري
وخوفي اضيعن من تقصيري
وياك اريداً يخلص عمري
بيدك حياتي وبيدك مصيري
"" "" "" "" "" "" "" "" "" "" "" "" ""
طهر افكاري ...
وبآلي اشغلّه ابأسمك
حلم يقضه ايرسمك ... ويهجر احلامه وعذابه
وتشتعل ناري ...
اعلى العزاء والخدمة
وماكو غيرك اسمه ... يحترگ گلبي المصابه
يمعلم وهب للحب علمني أحب مثلّه
يالخالقني من طينك يامولاي مو سهلّه
رايد اسلم التركي اصيراً سيدي ابفعلّه
الدنيه اترك وهلي وناسي
وجيت زهير اتعنه احساسي
وتلزمني بيدك لزمت جونك
وبچفوفك اللفض اخير انفاسي
"" "" "" "" "" "" "" "" "" "" "" "" ""
يمته اوآفيلك ...
ودري بيك اتحبني
امن العدم جايبني ... رغم تقصيري ابخدمتك
وعد انطيلك ...
هاي آخر مره
گلبي اگلك عذره ... تايب واطلب رحمتك
ماجرحك بعد آسف وعد ونطيلك احچاية
بعد مااذنب واعصي وياك اللتزم هايه
احبك واليحب وآجب يقيناً يثبت ابرايه
مو بالكلام الحب بالطاعة
اتميز اليحب ابفعل اطباعه
وجهة وجهي وسلمته أمري
يحسين اوعدك من هالساعة
"" "" "" "" "" "" "" "" "" "" "" "" ""
خادم السلطان
سيد محمد الياسري
(( أخآه وآضيعتآه ))
من المُخيم أتعنيته وآنه بخيالي أعثر
فززني صوته أدركني خويه ها يآبو الأكبر
ساعة لگيته شحچي يزينب ياخويه منظر
خليني ... سمعته يگلي ... لحضه أمهلني
تانيني ... أودع حسيني ... وبس يودعني
گتله آنه أخوك حسين هذا ... أحزام الظهر
وگلي أخي أعذرني اعلى حالي ... هذا القدر
أخآه وآضيعتآه يآ بالفضِل
"" "" "" "" "" "" "" "" "" "" "" "" ""
حاولت أشبگه وصدره لگيته ملعب رمآيه
گتله يخويه وگلي يخويه هاي النهايه
آنه الهضمني حچي الشماته التضحك ورايه
دليني ... شسوي أخلافه ... بالغرب وحدي
حاچيني ... العده شافوني ... دمعتي أبخدي
راح الگمر من دونه ضلمه ... وخيل وعدو
يرحمه منو من الغربه يختي ... الماعنده أخو
أخآه وآضيعتآه يآ بالفضِل
"" "" "" "" "" "" "" "" "" "" "" "" ""
طايح دلآلچ ياخويه عفته يم الشريعه
وسهم الأعادي امطفيهه عينه ذيچ الوسيعه
ومهشم الراس وچفوفه عباس مِنَّ گطيعه
واليمسح ... يخويه أثارچ ... غمض أعيونه
واليجرح ... عيروني اگباله ... حته يآذونه
روحي أطلعت من ردت أرجعه ... وگلي أعتذر
أمواعدهه أرد بالماي أنه أختي ... أم الخدر
أخآه وآضيعتآه يآ بالفضِل
"" "" "" "" "" "" "" "" "" "" "" "" ""
لِمي اليتامه التنطر رجعته الطوس ابأديهم
وتعزي بالله وهاي الضعينه عينچ عليهم
طيحت علمهم هاي البدايه الرحلة سبيهم
يازينب ... بعد كافلهم ... راحت الشيمه
والأصعب ... رقية ساعة ... وتركض أبهيمه
ساعة زمن وبلا حمه يضل ... خويه الضعن
ومن گاع أهلچن غصب تمشن ... وبلا وطن
أخآه وآضيعتآه يآ بالفضِل
"" "" "" "" "" "" "" "" "" "" "" "" ""
سود المصايب فرگة عيونه يختي العقيله
اتريد الأعادي ذبحي يخويه ساعة رحيله
باچر يزينب راسي أبرمحهم ونتي أبهزيله
الصعبه ... تروحين أنتي ... عالهزل باچر
والغربه ... تدوس أضلوعي ... بعده بالحافر
من السحگ صدري اعلى ظهري ... هم ينطبگ
ونتي ابسبي وكل خِيّم خِدرچ ... تشبع حرگ
أخآه وآضيعتآه يآ بالفضِل
"" "" "" "" "" "" "" "" "" "" "" "" ""
خادم السلطان
سيد محمد الياسري
قصيدة ليلة الدفن
رايحه وظل بالي يمكم
عالترب ظلت جثثكم
من رحت ياخويه عنكم. مو بديه
…….
من شبعت سيوف الذبح. وتأكدو مات
صعدو راسك عالرمح. يحسين شمات
وظلت على لساني بهظم. چلمة حرامات
خلونه ندفنهم لچن. صاحولي هيهات
منك يبعد اختك شلم. يرادلك حزمة زلم
ماتدري لو عندك علم. كيدوني
عذروني يا اهل المحنه
ومنين اجيب اليفزعلنه
من رحت ياخويه عنكم. مو بديه
……
مفتوح صدرك من كثر. دوس الحوافر
وكل خوفي يوكع كلبك. وظل كلبي حاير
عادة الميت يندفن. واهله تسافر
مو يبقه عاري اعله الترب. يكسر الخاطر
صاحت الوادم وشبعد. ماله عشيره هالجسد. ماله اخو ماله ولد. سمّعوني
احچي ويروحي ودمعي نازل
منين آنه اجيبك يابو فاضل
من رحت ياخويه عنكم. كيدوني
………
عباس ماانسه شكثر. تعبتك وياي
مشلوع كلبك عالخيم. يالطولك فياي
تمنيت اوافيك واجي. وعندي حچي هواي
وانته وجفوفك تندفن. ضامي بحضن ماي
زينبك مو زينب قبل. ماباقي بالطف بس هزل. ونسوان واطفال وحبل. واعتذاري
ادريك تقبل اعتذاري
نومك هضيمه بهالصحاري
من رحت ياخويه عنكم. مو بديه
……..
السجاد من الكوفه رد. للغاضريه
وصيته بهداي الدفن. لبن الزچيه
لمه بحصيره مطشرينه اعله الوطيه
وچفوف تلكه اعله النهر شمهن اليه
وتسمع الصوت من النحر. من نحر عباس الكمر. كبلي ادفن حسين بقهر. يبن اخويه
وخبرهه زينب ياحزينه
كل خطوه تلچم نحر بينه
من رحت ياخويه عنكم. مو بديه
…….
ادفنهم واكتب على. كبور النحبهم
ان وعد الله حق. والله انتجبهم
ارتاحو وظلت للدمع. والضيم اختهم
ميموت الحسين وفلا. مات الخدمهم
يعيشون مادام الهوه. ومشعل مناحرهم ضوه. عاشو وعاشت نينوى. الله يشهد
بكلهن يخويه تسامحوني
ما راضيه وعنكم خذوني
من رحت ياخويه عنكم. مو بديه
………
نسألكم الدعاء
حسين صادق العقابي
قصيدة ليلة الدفن
رايحه وظل بالي يمكم
عالترب ظلت جثثكم
من رحت ياخويه عنكم. مو بديه
…….
من شبعت سيوف الذبح. وتأكدو مات
صعدو راسك عالرمح. يحسين شمات
وظلت على لساني بهظم. چلمة حرامات
خلونه ندفنهم لچن. صاحولي هيهات
منك يبعد اختك شلم. يرادلك حزمة زلم
ماتدري لو عندك علم. كيدوني
عذروني يا اهل المحنه
ومنين اجيب اليفزعلنه
من رحت ياخويه عنكم. مو بديه
……
مفتوح صدرك من كثر. دوس الحوافر
وكل خوفي يوكع كلبك. وظل كلبي حاير
عادة الميت يندفن. واهله تسافر
مو يبقه عاري اعله الترب. يكسر الخاطر
صاحت الوادم وشبعد. ماله عشيره هالجسد. ماله اخو ماله ولد. سمّعوني
احچي ويروحي ودمعي نازل
منين آنه اجيبك يابو فاضل
من رحت ياخويه عنكم. كيدوني
………
عباس ماانسه شكثر. تعبتك وياي
مشلوع كلبك عالخيم. يالطولك فياي
تمنيت اوافيك واجي. وعندي حچي هواي
وانته وجفوفك تندفن. ضامي بحضن ماي
زينبك مو زينب قبل. ماباقي بالطف بس هزل. ونسوان واطفال وحبل. واعتذاري
ادريك تقبل اعتذاري
نومك هضيمه بهالصحاري
من رحت ياخويه عنكم. مو بديه
……..
السجاد من الكوفه رد. للغاضريه
وصيته بهداي الدفن. لبن الزچيه
لمه بحصيره مطشرينه اعله الوطيه
وچفوف تلكه اعله النهر شمهن اليه
وتسمع الصوت من النحر. من نحر عباس الكمر. كبلي ادفن حسين بقهر. يبن اخويه
وخبرهه زينب ياحزينه
كل خطوه تلچم نحر بينه
من رحت ياخويه عنكم. مو بديه
…….
ادفنهم واكتب على. كبور النحبهم
ان وعد الله حق. والله انتجبهم
ارتاحو وظلت للدمع. والضيم اختهم
ميموت الحسين وفلا. مات الخدمهم
يعيشون مادام الهوه. ومشعل مناحرهم ضوه. عاشو وعاشت نينوى. الله يشهد
بكلهن يخويه تسامحوني
ما راضيه وعنكم خذوني
من رحت ياخويه عنكم. مو بديه
………
نسألكم الدعاء
حسين صادق العقابي
اغرب وداع تسمعه رايح
ظليت اسمعه وانه طايح
وداع اعظائي بچاني // واحد ودع الثاني
/////////////////////////////
بااول وداع اتعجبت _ وي طيحتي كمت اسمع
وي السهم صاح الگلب _ من الظهر راح اطلع
سهم المثلث اجه رايدني تدرون
عالرمل يشمرني راح اگبال العيون
حسين لو صاحن بناته يوگف شلون
عالرمل يزحف يظل وما يوخرون
حيرني حيره هذا الوداع
اعظائي رايح تترس الگاع
بگلبي السهم لاحاني // واحد ودع الثاني
/////////////////////////////
اظلوعي احسن اتشابگن _ وصلن صلاة الحاير
والجلد صاح استعجلن _ يركض اجاچن حافر
الخيل حافرهه ثكيل وهذا وضعه
الظلع التلوحه تره وياهه تشلعه
توقعن حتى النفس رايح تگطعه
وزينب اتلم المطشر قطعه قطعه
هنانه النفس ظليت اشهگه
راح الصدر حافر يسحگه
سحگ اظلوعي اذاني // واحد ودع الثاني
/////////////////////////////
راسي يسولف للجسد _ شلون العده يذبحونه
واثنعش طبره من الگفه _ بالخنجر ايطبرونه
راح يفترون بيه اگبال الطفال
دمي بعده ينزف ومن شعري انشال
برگبتي يخلون رايح رمح چتال
حالي حالك يالجسد هم بالشمس ضال
چتالي يگعد فوگ صدري
يعلعلني حيل بگطع نحري
واگله اذبحني شمتاني // واحد ودع الثاني
/////////////////////////////
ودع اصابع يمنتي _ وگللهن انه اتغيب
راح انگطع بس انشمر _ من محبسي يتسلب
طمع بالمحبس يگصون الاصابع
بالرمل بين الحوافر ابقه ضايع
وانه مثلك بالصدر هم سحگ شابع
حسين بيمن يلتهي وگاعد ينازع
زينب تدور خنصري ب آه
يشلع گلبهه يله تلگاه
التتعب يله تلگاني // واحد ودع الثاني
/////////////////////////////
كلهن اعظائي توادعن _ قربت نهاية عمري
بخاصرتي طعنوني برمح _ حد ما عبر من ظهري
على اعضائي مطشره ظل وجهي يندار
ناس ترميني بسهام وناس بحجار
وانه بالي يم اخيتي ويم الزغار
ادعي ربي للعبي لا توصل النار
حچايتهن اعظائي الاخيره
تجمعنه نتاامل حصيره
بحصيره موصي دفاني // واحد ودع الثاني
/////////////////////////////
تمت ____ علاء الزيـــدي
((((شور ))))
متعنيه الخيل شيردهه متعنيه الخيل
دورلك حيل يبن امي دورلك حيل
/////////////////////////
علوه ونصه گاع الطف _ ماعايز بعد ظهرك
اغمض اعيوني وادعيلك _ كون الحافر يعبرك
الخيل ولا شريف يگوم _ من جواهن يوخرك
يتعبن يمته چا يحسين _ مو شلعن قفص صدرك
غير يبطلون من يمك غير يبطلون
گام يطشرون بظلوعك گام يطشرون
/////////////////////////
تزحف للخيم المن _ محد صاحتك الحگ
اشوفك گاعد تنازع _ شو تتلفت وتشهگ
يشبه طگت الحرمل _ گبل شويه ظلعك طگ
شيسوي الرمح يحسين _ بخاصرتك بقه معلگ
وجهك گلوبه عالغبره وجهك گلبوه
الماي يبدوه گدامك الماي يبدوه
/////////////////////////
تلاثه تلاثه صعدوهه _ الخيل الغارت تسحگك
يعني اختك بعد يحسين _ ما تشبگهه وتشبگك
شفت واحد اجه يركض _ و حسبالي انه يحبك
ذب المستحه يمك _ ومتسرفن اجه يسلبك
متانيك اطيح سلابك متانيك اطيح
فرهود يصيح بهدومك فرهود يصيح
/////////////////////////
تعلعل موتتك صارت _ يل ما ميت بسرعه
لمچانه ترد گلبك _ والحافر يجي يطلعه
الما لحگ يطعنك ليش _ لسهم الطالع يدفعه
يحد بخنجره الچتال _ رايح راسك يگطعه
متسرفن جاك چتالك متسرفن جاك
تنزف خلااك من نحرك تنزف خلااك
/////////////////////////
ذباحك ذبح خلص _ ويه الرگبه ماقصر
من شيبك رفع راسك _ وظل يم الخيم يفتر
حصيره حضرت لليل _ المن بيهه المطشر
مو بس شفتك يحسين _ من الحر جسمك اتفطر
بس يوخرون من يمك بس يوخرون
تلگاهه ام عون جامعتك تلگاهه ام عون
/////////////////////////
تمت ____ علاء الزيـــدي
ترست الهيمة امن النزيف اجروحه
بعيني شفت بالخيل طلعت روحه
شمسوي ويسحكونه،،،شمسوي ويسحگونه
ــــــــــــــــــــــــــــــــــــــ
هاي الخيل اجت گوم
ماخلولك اهدوم
الحوافر مدري شتريد
تاخذ منك النوم
هوه شضال بيك وردو لجسمك
لاراسك وصبعك يالنشف دمك
هاي. الخيل راح تطشرك وكلي
ياهوه اليجي يبن امي ويلمك
يالـسـاكـت انه ابسـكتتك مذبوحه
بعيني شفت بالخيل طلعت روحه
شمسوي ويسحكونه،،،شمسوي ويسحگونه
٭٭٭٭٭٭٭٭٭٭٭٭٭٭٭٭٭٭٭
شگد ماترحم الناس
اخت ماعدها عباس
صحت حيهم للاطفال
هذا حسين ينداس
التمينه اعله جسمك انه وضعونك
ترجينه العساكر مايسحگونك
ادافع خيل گمت وماطلع بيدي
المّك ساعه بس ساعه ويطشرونك
گـد الـسحـك ياناس صايـر لوحـه
بعيني شفت بالخيل طلعت روحه
شمسوي ويسحگونه،،،شمسوي ويسحكونه
٭٭٭٭٭٭٭٭٭٭٭٭٭٭٭٭٭٭٭
ياخويه الضعن طاح
وراسك شالته ارماح
لاخيمه ولا ماي
گلي شلون نرتاح
يبن امي الخيم ياوسفه حرگوها
وزينب بالسياط الگوم ضربوها
لا انـتـه ولا عـبـاس شـنـســـوي
وتـرجـيـة رقـيـه اگبالي جروها
المالاحه سهم السوط خويه ايلوحه
بـعـيني شـفت بالخيل طلعت روحه
شمسوي ويسحكونه،،،شمسوي ويسحكونه
٭٭٭٭٭٭٭٭٭٭٭٭٭٭٭٭٭٭٭
نـســوان وغـدت ويـن
ابهيمه وماكو الحسين
الـعسـاكر هـاي شـتريد
تـروع بــالـنــسـاويـــن
شسولفلك يبـو السـجـاد عـن حالي
ضعن متروس چان وهسه رد خالي
تـفـرهدنـه الضهر مـو ليـل يبن امي
وبـيـرغ بـنـي هاشـم طـايح اگبالي
ظلـت جـنـايـزهـم هـلي مطروحه
بعيني شفت بالخيل طلعت روحه
شمسوي ويسحگونه،،،شمسوي ويسحگونه
٭٭٭٭٭٭٭٭٭٭٭٭٭٭٭٭٭٭٭
شعدنه وننطلب ثار
وذبحوا حته الازغار
العطش مايخمد ابماي
اذا گلبي اشتعل نار
نهيم امن العطش والرمل يچوينه
ودرب الـمـشـرعـه مـحـد يـدلـينـه
اريد امشي لبو فاضل واگله ايگوم
احشمه وخل يذب السهم من عينه
عگبك صفت كلمن يحـير ابنـوحه
بعيني شفت بالخيل طلعت روحه
شمسوي ويسحكونه،،،شمسوي ويسحكونه
حسين علي الگرغولي
(( مشتاكه ألك ))
تريد الصدك مشتاكه الك•••وعيوني تِربي الشوفك
يا خويه ياذيني الهِجِرّ•••يمته أنه أشوف أطيوفك
صعبه نعوفك يا نفِل•••أويه الغربه نمشي أنعوفك
مشيِ الغرب يحني الضهر
أرد أمشي وي ذاك الكمر
يا خاطري حيل أنكسر
بجفوفي صارت سلسله
وكادوها كل العايله
عفتك يخويه أبكربله
هذا حالي من بعدكم
شلون أوصف شوكي الكم
ياكل أبروحي هجركم
يابا الفضل ياخويه ••• يابا الفضل يا خويه
*****************
يا حيرتي بذاك الظهُر•••من شفت أخوي من المُهر
طاح الحسين عله الثره•••وضلوعه داسوها الكُفر
بعيوني ضلت دمعتي•••ياخويه لو أبجي أنصطر
سال الدمع فوك الوجن
من البجي شاب الجفن
والشوفتك كلبي يحن
بطولك أكحل ناضري
ومسح دمع عيني الجري
ع الغبره ماشوفك عّريِ
بالهجر يصبح عذابي
ويكبر أبروحي مصابي
لحظه ما يبطل نحابي
يابا الفضل يا خويه ••• يابا الفضل يا خويه
******************
خويه اليسر مو للمره•••فشله اذا تمشي بدرب
ياحرمه مثلي أتيسرة•••وكوطر ضعنهه أويه الغرب
بس زينب أخذوها بسبي•••وفوك اليسر لوعه وضرب
باجر نطب سوك الفشل
وبلا ولي بعد الكفل
ونوك الصعدناهن هزل
رؤس أخوتي فوك الرمح
زاد الهضم زاد الجرح
ميته عسه بذاك الصبح
الفشله للشام أدخلونه
خويه والسوك أشتمونه
حرم بالباب أوكفونه
يابا الفضل يا خويه ••• يابا الفضل يا خويه
******************
من ديره الديره أطب•••والحيره نفس الحيره
كل ديره بيهه أدخل متت•••من أسمع كلام أيسيره
والحادي من وجه تشح•••ياخويه أسم الغيره
أمنيتي أموت ولا صرت
مسبيه مجتوفه رحت
من المصايب شيبت
زينب مشيت بلا ولي
وتنخه محد من هلي
حجيك سهم عمه علي
حجيك أسمعته وهضمني
جلمتك يا عمه بذني
ليته أمي لم تلدني
يابا ألفضل يا خويه ••• يابا الفضل يا خويه
******************
عبد زينب
محمد مسلم الأسدي
شوفت اهلاله تبچي اعيون زينب
فــدوه لا تـهـل يـهـلال الأمـصـايــب
گـلـبـي من طلعتك بــالحــزن ذايـب
اليـه أشچم اخـو يـوم التهل غـايـب
ابعينك ما وگف شاب اوگف شايـب
تهدل أجفوني بيك من البواچي
"" "" "" "" "" "" "" "" "" "" "" ""
أتـعـب بـيـك زيـنـب ما ضگت راحـه
مـگـطـوع الگـلـب ما بـاقـي سـباحـه
بيك اشـبـع بـواچـي وشـبـع أنـياحـه
أبن أمي اعله الثره ويحديني ذباحه
ساكنه الهيمه تالي تصير زينب
"" "" "" "" "" "" "" "" "" "" "" ""
ارحــم حــالــي زيـنـب آنـــه عـلـويـه
طاحت خيمتي وعـودي انكسر فَـيِـهِ
تـقـبـل بـالـجــمــر رجـلـيـه مـچـويـه
وعله نوگ الهـزيـلـه أمشي مسـبـيـه
عالنوگ مغصوبه هزله أگضي الدرب
"" "" "" "" "" "" "" "" "" "" "" ""
فـــوگ الـنـاگــه مـن ديـره لـعـد ديـره
مــو عــبــاس يـحـدي كـافـلـي غـيـره
مايـرضـه الـبـواچـي وحيرتـي حـيـره
الشمس ضيعت رسم وجهي وتعابيره
حفاي بالهيمه ركضنه اعله الحجر
"" "" "" "" "" "" "" "" "" "" "" ""
ابزود اخواني چنت ألمع مثل نجـمـه
هسه اتغيره حته اسـمـي راح أسـمـه
ضعني امطشر وماضـل أخــو يـلـمـه
حته الحادي صار اعله الضعن زلـمـه
للسوگ طبوها زينب يا هلي
"" "" "" "" "" "" "" "" "" "" "" ""
عبد زينب
محمد مسلم الأسدي
نيران بخيامي ألحگو يا هلي
شـيـب راسـي بـأول فـتحـت الـعين
الشمر بجدامه يرفس شفته بحسين
تـهـت بـالـهيمه أركـض ماعرف ويـن
ألـــوذ أبـيا كـتـر مـامـش صــواويـن
الخيم حرگوها يحسين بويه
الـحـرم وآزوها يحسين بويه
مامخلينه مهد عبدالله سالم
"" "" "" "" "" "" "" "" "" "" "" ""
النعرف أحـنـه أبـدلال أتـعيش الأزغار
مــو شــابــع جـدمـها أبلـسـعـت الــنار
شمس أغروب وجهي من العطش صار
نــحـلانــه وضـرب مـــن كـــل الأكــتار
التراچي أنباگت يحسين بويه
هـديـتك راحـت يحسين بويه
طابعه أبعيني أديه لمن صطرني
"" "" "" "" "" "" "" "" "" "" "" "" ""
أبجدمي أزغير أسابگ ركضت الخيل
أعـثـر كــل شـبـر ومـفـرهـد الـحـيـل
بـــويــه أبــلا ضــواك يـتـعـب الـيـل
ردن مـاكـو وينشف دمعي ألي يسيل
علـه وجـناتـي يحسين بويه
أنزلت دمعاتي يحسين بويه
شوغة أمصابه گلبي الحجر تفطر
"" "" "" "" "" "" "" "" "" "" "" ""
نـگـعت كـل ثـيابـي أبـكثر الأدمـوع
صوتي مـن الـعطش ماچنه مسموع
مؤقف بويه أسولف يحني الأضلوع
مـاي الـخـيـل شـربـة وحـنه ممنوع
صحت عطشانه يحسين بويه
رقـيـتـك آنـــــه يحسين بويه
يچفون گدامي الماي شما صحت
"" "" "" "" "" "" "" "" "" "" "" ""
فوگ أرماح أشاهد راسك وياي
شيقنع الـگـلـب ويـصبـره أبهاي
بعيونك سـوالـف تـطلب الـمـاي
أشما صدلك وحقك يكثر أبچاي
شمس بعيوني يحسين بويه
تـغـيـر لــونــي يحسين بويه
بركاض ممشانه خلصنه الدرب
"" "" "" "" "" "" "" "" "" "" "" ""
مشوني أبدرب ماسحگته أجدام
الما طـلـعـت گـبـل طبوها للـشام
تـارسني الـنضر نـيـشـان الأسهام
الخطوه هناكه تنعد بيه ألـف عام
الغـرب شافوني يحسين بويه
العده يضربوني يحسين بويه
حضنك أخلافه ينيموني بخرابه
"" "" "" "" "" "" "" "" "" "" "" ""
عبد زينب
محمد مسلم الأسدي
(( شمس اغروب ))
يـدفـع طـولــي حـتــه الــريــح تـعـبانـــــه
مـن كــثـر الــركــض يـحـسـيـن ذبــلانــــه
شـيـب گــلـبـي مــن أمـصـابـه وحــزانــــه
مـا رحـمـو أخــوي وحــتــه ونــســوانــــه
ذريـــة نــبــي ومـحـد نــغــر لـيـنـه
زلم وخيول بعدك هجمت اعـلـيـنـه
بكل أجروحك ويـــاك
دوآي أمضيـعـه ودوآك
جـابـو بـعـدك الـمــــاي
وصمنه ألخاطر أشفاك
زينب آنه يا هلي ... زينب آنه يا هلي
"" "" "" "" "" "" "" "" "" "" "" "" "" "" ""
خــــرز ضـعـنـي تـطـشـر بـالـغـرب يـهـلـــي
بــعــد الشـفـتـه مـيـتـه ويــــاك أرحـمـلـــي
عـسـانـي لا أجـيـت ولا مـشـت رجــلــــــي
أنـذبـحـو كــل هـلـي چـا هـسـه أحـسـلـــي
أرد المن بعد يـا خـويـه مـا ادري
گـبـل نحرك يريته منگطع نحري
أروحن بعدك ألـويــن
ماكو البـيـهـم حسين
اليسلب خنصرك هاذ
مـا يحرگ صـواويـن
زينب آنه يا هلي ... زينب آنه يا هلي
"" "" "" "" "" "" "" "" "" "" "" "" "" "" ""
شـمـس أغـروب صـار مــن الـعـطـش لــونـــك
يساگيهم نـهـر بـالضـيــج أشبيهم يعطشـونــك
الأعرفه النعمه ما تنداس أشوفنهم يسحكونـك
يحسين الذبحني وبيه حط حسره
تـوك خلصت ذبـحــك وجـن عشره
راحـه مـا شفـت دوم
گضيت اهموم بهموم
سـلـبـو مـنـك أعـيـال
ومـن المـاي مـحروم
زينب آنه يا هلي ... زينب آنه ياهلي
"" "" "" "" "" "" "" "" "" "" "" "" "" "" ""
مــو بــس أنـتــه بـيــك ألــــف وتـسـعـمـيــه
أبــگــد أجــروحـــك آنــــه اضـاعـفـن بــيـــه
الـمـا شــايــف خــيـالـــي أيــأشــر اعــلـيــــه
زيــنــب حـضــري روحــچ گــلــي مـسـبـيــه
شيب رمشي خويه وشابت ازلوفي
مـن جـابـو سلاسل تـاكـل أچفوفي
أطـلـع وحـدي يـدوآي
حـلـم ماصدگ أبـهـاي
گـبـل من أطلع أبلـيـل
أخواني وحيدر ويـاي
زينب آنه ياهلي ... زينب آنه يا هلي
"" "" "" "" "" "" "" "" "" "" "" "" "" "" ""
أطـــيـــح مـــن الــهـــزل كـلـمــا يـذكــرونـــك
رمــحــك يــمــي جـــابـــو حـــتـــه يـآذونـــك
تـبـچـي اعـيـونـي ونـضـر فـايـضـه اعـيـونــك
تـسـولـف دمـعـتـك تـنـحـب عـلــه أضـعـونــك
منين أتلگه ضيمي من السبي منك
رقـيـه أشـلـون لـو صاحت اريدنك
وحـقـك تـشغـل البال
صعب تقنعها الأطفال
يجيبونه أبطشت راح
وتموت أبشلت الحال
زينب آنه ياهلي ... زينب آنه ياهلي
"" "" "" "" "" "" "" "" "" "" "" "" "" ""
عبد زينب
محمد مسلم الأسدي
لخاطر شيباتي _ عوفو ابنياتي _ ردوهه الخيل
ليش متعبيهن _ يعثرن بعبيهن _ مابيهن حيل
////////////////////////////
موش عشر اخيول جيبو _ خل يسحكن بيه ميه
اظلوع اوزع للحوافر _ ولا تلوح اخيامي اذيه
يالخذيتو الخنصر اقبل _ من تكطعوهن اديه
وانته يالماخذ قميصي _ عوف ترجيت رقيه
يمك هذا اني _ اترك نسواني _ ارجع لتروح
واسحك بالحافر _ من هسه لباجر _ وياك اخذ الروح
///////////////////////////
لاني ميت لاني واكف _ شلون مدري ارجع الهن
زلمه ما شافن بناتي _ وترسن الهيمه بركضهن
الليله ادري ما ينامن _ ونايم الشوج بجدمهن
كل عفاف الدنيه بيهن _ بالخيم بين خجلهن
اوكف مااكدر _ نص صدري مطشر _ ازحف ظليت
هنه يشوفني _ بس شيوصلني _ حيل احتاريت
////////////////////////////
شمس ماشافن بناتي _ شلون تردوهن يطلعن
عوفو علوياتي كافي _ ما معودهن يركضن
التهوو بيه تعالو _ وللخيم ماشين المن
خمسه فوك الخيل اصعدو _ بصدري خلوهن يسحكن
ماعدكم غيره _ تشوفوني بحيره _ بااخر لحظات خيامي تحركوهن _ ليش توازوهن _ مو علويات
////////////////////////////
امن الضمه مبوح صوتي _ خانك انفاسي التراب
شايله عبدالله تركض _ ذيجه مو جنهه الرباب
طلع شامت من خيامي _ بيده مدري شنهو جاب
ياحسافه كبال عيني _ هذا طالع ذاكه طاب
كاروك وليدي _ السويته بأايدي _ شامت شالااه
عطره اشتميته _ بحظني تمنيته _ يوليدي احاه
////////////////////////////
اخذو كلشي بيه غالي _ اخذو حته انفاسي مني
وبشرط عوفو بناتي _ جاي يبجن تعبني
لاني اكدر اوصل الهن _ وهنه لا كدرن يجني
ارماح خشنه بالخواصر _ هواي كمت وطييحني
راضي تذبحوني _ بس توعدوني _ تنطوهن ماي
عطشن اعرفهن _ جاي اسمع ونهن _ الركضن حفاي
////////////////////////////
شيبي عدكم ماله خاطر _ وما لزمكم مستحاكم
اطفالي سحكتهه الحوافر _ رحمه ماعدكم شجاكم
عالرمل وشلتو دمي _ وللخيم ازحف وراكم
والله ماعدكم حميه _ وبس ابو فاضل دواكم
السوط محظرينه _ وين مودينه _ شراح تظربون
انهض مابيه _ ماتن رجليه _ عوفوهه ام عون
////////////////////////////
تمت ____ علاء الزيدي
انطاجن عمره // كال بحسره
طلعت بالسحك روحه
اعيونه اعلينه مفتوحه
///////////////////////////
علي ناده تعالن جاي .. طرف الخيمه ارفعنه
بعد ساعه احسبن راح .. الخيل اعلينه تتعنه
ماجنهه رايح تفض
الحافر يهز الارض
واتحظرن للركض .. بالهيمه
توه ابونه انذبح
بدم نحره جسمه سبح
يخوف وضعنه صبح .. بالهيمه
صوت اضلوعه // اطك مسموعه
ظامي وشفته مجروحه
اعيونه اعلينه مفتوحه
///////////////////////////
الشمس جنهه تريد اطيح .. اكيد الغالي متحير
يجر بالمحبس السلاب .. رايح يكطع الخنصر
محبس ابونه انسلب
تدرن وراجن تعب
يعني التراجي الذهب .. ينسلبن
من الخدر ماكو اهم
كل ساعه يعبر سهم
معناهه حتى الخيم .. ينسلبن
صاحو نمشي // نفرهد كلشي
نهمشه النكدر انلوحه
اعيونه اعلينه مفتوحه
///////////////////////////
بس يهدء غبار الطف .. اخيام العفه يحتركن
طحنن صدر ابوي الخيل .. عشرتهن تره يسحكن
بنص الحوافر وكع
ولا خير انظر فزع
من صدره كلبه طلع .. يشوفونه
بالرمح جابو طعن
وبالحجر دفنو دفن
بخاصرته ايده ويون .. يشوفونه
خيل الغربه // شلعن كلبه
واصل للخيم نوحه
اعيونه اعلينه مفتوحه
///////////////////////////
الوادم فزعت اعله حسين .. بكلبهم ماكو كل رحمه
اليتعلم ذبح جابوه .. يذبح ظل باابو اليمه
وكفو اشوفن سره
كلمن لزم خنجره
يتعلم ابمنحره .. ياحسره
راس الغريب انبتر
شالوه من الشعر
واعله التراب انشمر .. ياحسره
هذا يلجمه // ذاكه يشتمه
نحره تحركه الملوحه
اعيونه اعلينه مفتوحه
///////////////////////////
تعرفنه حنين اهواي .. وعليجن فاتح اعيونه
يزحف للخيم شافوه .. صاحو لا تخلونه
صاب الحجر كصته
طاحت نهر دمعته
واحد لزم لحيته .. وشيباته
شمس الظهر جوته
خيل وزلم سحكته
جسمه شبر خسفته .. وشيباته
الحافر شده // ساحك خده
اظلوعه بصفه مطروحه
اعيونه اعلينه مفتوحه
///////////////////////////
من كد العطش ويلاه .. سواد اعيونه صار ابيض
الرمل تارسهن ارموشه.. ولحظه وحده ماغمض
طلعن وركضن سوه
ظل يجوي حته الهوه
لجروحه مامش دوه .. بهل الصحره
والله الركض مو سهل
ثمانين طفله وطفل
ميت عطش جم عدل .. بهل الصحره
لعلوياته // كل نظراته
جم عطشانه مبحوحه
اعيونه اعلينه مفتوحه
///////////////////////////
تمت ____ علاء الزيدي