الشاعر الحسيني نسيم الحميداوي

27 July 2023 20:10

يبني الأكبر بيك أشوف الهادي جدي
يبني الأكبر إنت تسوه الدنيه عندي
خوفي تبعد•••ليه مترد
«««««««««»»»»»»»
ياورد عمري وربيعه ياحلم طاف على عيني
أنه أخاف عليك يبني من كثر خوفي على ديني
بالورد أتثر طريقك ودي وزرعــــــلك حنيني
إشلون أودعك وانه أدري لورحت لاماتجيني

إنت وحدك بعيني إلك مرسومه صوره
من أفكدك ينجــــرح گلبي وشعوره
بنورك إنت••••طه شفته
««««««»»»»»»»
جدي راويلي المصيبه بالنــــــوايب كلها أدري
گربله تفـــــــجع دليلي وبـــيها أودع أنه عمري
يبني من بعدك تراني ينكطع من عندي نحري
وتنسلب مني ثيابي وتسحك إخيول على صدري
مايهمني تهشم ضلوعي الحوافر
الفجعني تكطعت إگبالي البواتر
وأنه أنضر ••••يبني شصبر
«««««««««»»»»»
يبني يعــــقوب على إبنه عيونه بالمدمع عمنه
وآحدعش من ولده عنده إواحد المفكود منه
وغايب ويعـــــرف يردله وماكطع بالفركه ونه
إشلون لو مثلي ويشوفه ينذبح جدامه إبنه
أنه نحري ينكطع مثلك يغالي
إنت بدري وسوده بعدك هاليالي
بيدي أچفنك•••شلون أدفنك
««««««««««»»»»»
للذبح يبني أقدمـــــك وللمـــــنيه إكبالي رايح
ومن شفت جفتك رميه چن محمد شفته طايح
بسكته أون وماأصيحن بس أحس بگلبي صايح
ومن كثر حزني على فكدك بوجهي ماضلت ملامح
إنت تدري الدنيه ماتحلالي بعدك
دمعي يجري من دمه ضل على فكدك
حزني ضاهر•••ليلي أساهر
««««««««««»»»»»
إنت بدر إضوي ليلي بدونك الدنيه مضلمه
إنت شمسي إشلون أدفنك والنهار بچفي أطمه
إنت نسمه ومن أشمك چن محمد عطره أشمه
من أودعك عمري أودعه وماتضل عالشفه بسمه
يبني بعدك ذبحو البسمه على شفتي
من فركتك الدمعه متفارك وجنتي
هذا حالي ••••دمعي هالي
«««««««««««»»»»»
(للشاعر نسيم الحميداوي)
/channel/NasimAlhamdawi

الشاعر الحسيني نسيم الحميداوي

27 July 2023 19:45

موبدينه من مشينه.••• والسناسل بس بدينه
لــخوتي من ودعت . •• أنه حجيت وطفت
أشــــواط سبعه تممت .••من مــــشينه
••••••••••••••••••
أنه زينب صعــبه أطــلع لليــسر وبــــلا حمــاي
ألتفت كل خطوه أمشي من إجه من أهلي وراي
بچــفي أأشر ما أســولف صوتي رايح من ضماي
والشتمــنه. والسبــانــه إشلون نشرب منه ماي

ماشربنه من عدونه•••نشرب إحنه بچف إخونه
من بعد چف الكمر••••مــايــروينه النــهر
بغيبته اللحظه دهر••من مــــشينه
••••••••••••••••••
ٱل ميــــه بلا حميه منــهم أرحم لو يهود
من إدينه أخذو أساور ولبسونه إحنه القيود
وعالترب من كد تعبنه نغفه ونوسد الخدود
نغفه ونفز من ضمانه لو سمعنه بطاري جود

كلها صاحت جانه عمنه •••وراسه عالرمح الكفلنه.
هــذا بحر العاطفه••عــالرمح ينزف وفه
شاف إدينــــه مچتفه••• من مشــــينه
•°•°•°•°•°•°• °•°•°•
من رحت أندب يخوتي منهو منكم ضل عدل
خل يكوم وياي يمشي راح اركب عالهزل
لحد إيفاركني أكلهم كلبي أبد مايحتمل
ليش ماواحد فزعلي كيدو چفي بحبل

موطبعهم مايجوني•••بدنيه وحشه فاركوني
بس أحس ليلي خدر••صرت اخاف من الفجر
لوبزغ وانه بيسر•••••من مشينه .
°•°•°•°•°•°•°•°•°•°•

محد المثلي أنه فكدت بلحظه ضيعت الحنين
أنضر بعيني إخوتي عالــترب ومذبحين
عون عثمان ويجعفر. والكفيل ويالحسين
هذا مسلوبه ثيابه. وذاكه ماعنده إدين
من عفتهم كُّلبي عدهم•••ورحي ضلت يم جثثهم
والله عنهم من رحت•••أنه الف موته متت
ويالعليل إتكيدت••••من مشينه
°•°•°• °•°•°• °•°•°•
إحنه بالكوفه إنسبينه والله احس ذاب الدليل
كل قبيله عدها حُرمه. ويانه طــلعها كــفيل
وإحنــــه نتلفت بقينه. وينه حماي الدخيل
وين أبو الغيره علينه. أصرخ ودمعي يسيل

أبچي سكته ومااونن•••بس لخوتي دوم أحنن
كُّلبي ذاب من الغصص•••باليسر حيلي خلص
بدمعي أرويها القصص••••من مــــشينه
••••••••••••••••••
الصفا والمرى إخوتي بيهم أنه شكد سعيت
إوصل المذبح كفيلي. وللحسين ارجع نويت
حِجت المسبيه أحجن. وحنيت الضلع إنحنيت
هايه أول مره أركض. عالجمر بس مــــارميت

من نحرهم يجري زمزم••••شفته لاچن هذا من دم
همه أبد ماقصرو••••ويالظعن روس ومشو
لوصحت كلهم بچو•••من مــشينه
°•°•°•°•°•°•°•°•
للشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

27 July 2023 19:45

كلشي نفسره   كلشي نفسره      
  للــيــنــكــر مظلومه العتره
                                                    ****
مــن هـالأمه الهادي شعانه    
   ساحر كـالـو عـــن مولانه
شــاعــــر ومــــألف قرأنه
رادو نترك ديــــنه وذكــره
                                                    ****
والزهره الماتت مظلومه 
من كسر الضلع ومهضومه
وضلت مخفيه ومكتومه
ولا مــرقـــد الهه ولا حضره
                                                    ****
وحيدر من ينساه مصابه
 ســاجـد ويصلي بمحرابه
وسيف الظالم غدر وصابه
والكون انهز مــن هلطبره
                                                **
والمسموم النقضو عهده
ومن سمهم متكطع جبده
ومتعذب من مهده الحده
 ولظلمة ايظل شاهد كبره
                                               **
وحسين المايضمد جرحه  
 افجع كـــل الـــعالم ذبحه
وبدمه القرأن امـــوضحه
كطعو راسه وينطق نحره
                                                **
وعــبـــاس الـكـطـعـو جفينه  
   هــلــوفاي الصــابو عــينه
وجم سهم بصدره مصوبينه 
     وظل يقاتل سيفه بثغره
                                                **
وزينب هلراحت مــجتوفه 
من طاحن عــــباس اجفوفه
مــسبيه من الطف للكوفه 
 تشكف سوط الوجه تستره
                                                  *
ومن ينسه الاكــبر بلمصرع 
  ضامي ومنه الجسم توزع
روح الهادي ونوره اليسطع
  بالخيل اعداه رضو صدره
                                                   ****
وجسام البدمومه اتحنه 
 للـمــذ بــح زفــوه وتعنه
هــالشاب المــايــوم اتهنه
  ســـفــكو دمه بأول عمره
                                               **
وعبد الله المتروي بــد مه
    مذبـوح ولا يعرف اسمه
مات وفوك اشفافه البسمه
   تعني الوحي بموته يبشره
                                             ***
ثارات الهم صــارت عــده 
 صــاحبهه الغــايب هلمده
لابد هلصــمصام ايجــرده
 وياخذ ثاره ويخمد جمره

   اهل البيت (ع)
 خــــــــــــــــــــــــــادم
  نسيم الحميداوي
/channel/NasimAlhamdawi

الشاعر الحسيني نسيم الحميداوي

26 July 2023 08:29

گلبي طايح مـــــــن الضلوع
حسيني شفـــته راسه مكطوع
والحوافر هشمنه•••عالترب هيبة أهلنه
«««««««؛؛؛؛؛؛؛»»»»»»

أمشي مكسورة ضهر بليلة مابيها گمر
والكمر كافلنه طايح عالنهر
ليلة چن وجه الشمر، بيها كل ثعلب نمر
عليه صاير من عكب عين الگمر
إخيامي كلها توجرت،، واليتامه إطشرت
وانه ألمــــــــن بيهم بليل وخطر
زينب أنه تعذبت،،، چم مصاب تحملت
وانه مرتين نكسر مني الضهر

ضهري صاير ««بهمي نصين
عالكفلني ««وفكد الحسين
الماتمل عيوني منه•••عالترب هيبة أهلنه
«««««««««••••••»»»»»»
دمعي خلص من ضماي••بعده مايهنالي ماي
راح إخوي الأروه چنت بشوفته
عليه أشد موقف صعب •وعصرت ضلوعي الگلب
تربع الشمر على صدره بحربته
سمه بسم الله اللعين•وحز لبو اليمه الوتين
گبر الذبحه وكطعـــــــــــله رگبته
ليش إخوي من النحر •إثنعش طبره نطبر
ثنعش معصوم مات بذبحـــــته

بعيني شفته ••حسيني مخضوب
مـــــــــاعرفته ••ثـــــــوبه مسلوب
«««««««««•••»»»»»»

راسه ماعنده ويون••العيلته گلبه يحن
عالرمح راسه ويصد صوب الخيم
ثيابه منه تسلبت•ضلوعه كلها تهشمت
كل ضلع من الحوافر ماسلم
والگمر مر بي كسوف•بطيحت الرايه وچفوف
راسه حطه على الرمح سواه علم
الشاف أخيه ومنذبح•مثلي بي خضر جرح ومن أسولف قصتي يشعر باالألم

بگلبي جمره•جمرة إخيام
بعيني عبره •عبرة أيتام
وعالأهل كل ليلي ونه••عالترب هيبة أهلنه
٪٪٪٪٪٪٪٪٪٪٪٪٪٪

حاله أبد ماينوصف •جروحه ست ميه وألف
والله أكثر هي أبد ماتنحسب
طعنه عالطعنه صفت•أوصاله كلها تكطعت
وليش مذبوح وثيابه تنسلب
عندي أعز من الهوه•هوه لعيوني ضوه
هو شمسي إشلون بالدم ينحجب
بروحي أنصبله عزاء•كل حياتي كربلاء
مثلي يحزن كون لحسين المحب

كل حـــــــــياتي •تجري العـــــــيون
ذكـــــــــــــرياتي•سوط المــــــــتون
والدهر شتت شملنه•«» عالترب هيبة أهلنه
««««««««؛؛؛؛؛؛؛؛؛؛»»»»»»»

شفته طايح عالتراب•دامي مرمي بلا ثياب
للخـــــــــيم من نحره إله ون إنسمع
ماسلم منه ضلع••أوصاله أبد ماتنجمع
جسمه طايح هو للسبعه إرتفع
إلكيته طايح عاالأرض•ساجد إيأدي الفرض
ساجد بنحره لأن راسه نكطع
هذا بالدم منخضب••ذاكه دامي ومنسلب
منهو مثلي بدنيته گلبه إنفجع

أنه زيـــــــــنب •إخت الأبطال
ماكو بيدي• بس الأحـــــــبال
من رحل عنهم ظعنه••عالترب هيبة اهلنه
•««««««««»»»»»»»»
للشاعر نسيم الحميداوي
/channel/NasimAlhamdawi

الشاعر الحسيني نسيم الحميداوي

24 July 2023 22:42

موشح الى ابي الفضل العباس (ع) وداع


انه أخوك حسين  وحدي بغربتي
    وإنت ياعباس حامــــــــل  رايتي
                •••؛؛؛؛؛•••
    إنت يامــــهيوب قــــائد  عسكري
    وانه تدري عليك  شابح  ناضري
    تعرف يگطعون بعدك   مــنحري
    وإنت  درعي تصير ساعة شدتي
                 ••••؛؛؛؛؛؛••••
    إنت  بالأيتام  خــــــويه   تكفلت
    وينگسر ضهري  بغيابك لـورحت
    إنت بدري  وبيك أحلامي شفت
    سوده كلها تصير بعــدك  دنيتي
                 ••••؛؛؛؛••••
    عالنهر  لوطاح  جودك   والعـــلم
    إشلون أشيلك يابو فاضل للخيم
    إمكـــطع الچفين  وبعينك   سهم
    ومن دماك  الطاهر أصبغ شيبتي
               ••••؛؛؛؛؛؛••••
    جاوب العباس راعي   المرجله
    تريد  أرجع اليوم هاي القافله
    لوتريد حسين أكلب  كــــــربله
    وإنت تعرف  بالحروب بصولتي
            ••••؛؛؛؛؛؛••••
    إنت گلي حسين بس گلي شتريد
    كلها يم رجلــيك أركعهـا   العبيد
    تريد أجيبه إيقبل إجدامك يزيد
    بالغضب بركان تصـــبح  غيرتي
              ••••؛؛؛؛؛••••
    أنه أخاف عليك من چـف الغدر
    ومالي ناصر  بعدك وإنت الذخر
    ضهري مـن تروح لاشك  ينكسر
    وانت  يوم العسر تصبح سلوتي
                ••••؛؛؛؛؛••••
                ••••؛؛؛؛؛••••
    نسيم الحميداوي•؛•؛
/channel/NasimAlhamdawi

الشاعر الحسيني نسيم الحميداوي

24 July 2023 17:25

مقدمه إلى ابي الفضل العباس ع

مضحي جفينك    وجسمك موذر
وصوبو عينك      ليـش تـتـعـذر
يا جفيلي ياجفيلي   يا ابو فاضل
****
حسين من عندك رجع دمعه يجري
وضهر ابو اليمه انكسر   وي ضهري
كتلـه مـن اختي اعتذراوفي تدري
وذنـي جـفـينـي نذر    والها عذري

فاكد  عيونك   هاك اخذ عيني
فدوه لجفوفك  خـويه جفينـي   
يا ابو فاضل
★★
سـاهـر بعـينـي الدمع  يكضي ليلي
ما خـطه سهم الـدهـر  وبـدلـيـلــي
شلون اعـوفك يا كمر وانته حيلـي وضعني ناوي على السفر يا جفيلي

انه من دونك       ما يهابوني
من يذبحونك     توكع امتوني
    يا ابو فاضل
★★
اشواط سبعه على الجسد  تـممتهـا
جفوفك المروه وصفى    ودعـتهـا
روحت المضطر رحت   من عفتها
وهجرت الهادي بحزن    هاجرتها

عفتك ودامي        والظعن رايح
ادري يالجافل        كلبك يسامح     يا ابو فاضل
★★
خوية لو اروح بيسر   ماكو حيره
وياي راسك عالرمح    كلة غيره
وحته لو بيدي الحبل ابقه اميره
ومو اسيرة لو رحت  لا سفيره

امشي يالغالي       انشر افكاري
وراسك كبالي       والدمع جاري    يا ابو فاضل

مـن يحـن كلبـي الك يبجي جرحه
ليلي بعدك ماخلـص  وانت صبحه
راسك برمحه انصلب جسمه رمحه
انـه حـلـمانـه اضــن   يمته اصحه

رؤيه كل ظني     امشي متيسره
من حده ضعني     وانته عالغبره    يا ابو فاضل
★★
حسـين عالـتل اصـعدت مـن ندبته
كبالي ضل يبجي الصخرانـه شفته
كـلـبـه لـو مـثـل الـبـشـر ما كسرته
الـحـجـر كـلـبه تــرف  يبجي سكته

من نضر حالي     سالت عيونه
لو نحر عنده        هم يذبحونه
    يا ابو فاضل★★
الشاعر نسيم الحميداوي
/channel/NasimAlhamdawi

الشاعر الحسيني نسيم الحميداوي

20 July 2023 22:24

شمع گلبي ذايب••• بفركتك يغايب
على باب الأماني؛؛؛؛ أنوح وأراقب
بديه وردتي••••على خدي دمعتي
           •••؛؛؛ •••؛؛ •••
على أوراق الشجر أكتب وأراسلكم
شوكت بويه تردون المنازلكم
روحي سافرت وي الظعن  إلكم
العليله بس جسد ضلت تراقبكم

اذا رد ضعنكم نذر وعلى بتكم
أطشن هلاهل ••••إورد انثرلكم
واحس من فرحتي••على خدي دمعتي
••••
عبد الله ورقيه وسكنه   كلها  إوياك
بس انه العليله على الجمر اتناك
بقت وحشه المنازل مقفره بلياك
مكدره وچن مقابر من عكب عيناك

سهرت الليالي •••عالفكدك يغالي
الصخر من ونيني •••يون على حالي
عفتني بحسرتي••• على خدي دمعتي
•••••؛؛؛؛؛؛ ••••
ورده بچفي إلك وتنطرك ترجع
وتلكاك يمته وتمسح المدمع
كل لحضه التمر دلالي يتكطع
اصبر  روخي بعدك كلبي مايقنع

يندبك عذابي•••وتحس بمصابي
يريتك تدلي ••••وتدك إنت بابي
أتاني بلهفتي •••على خدي دمعتي
••••؛؛؛؛ ••••
رحت عني وعفتني الوحدي أتألم
وكضيت اليالي بجيتك انه احلم
إجه ناعي المصيبه بشر بن حذلم
سالته عن  الاكبر والأبو  والعم

يگلي بسؤالچ•••••بچيت على حالچ
صبحتي يتيمه ••••والاسود حلالچ
ركضت على عمتي•••على خدي دمعتي
••••؛؛؛؛؛ •••••
إجيت العمتي أركض والكلب مجروح
أكلها أشلون أعيش وعني ابوي ايروح
عليچ أقسم يعمه بالعرش   واللوح
صدك حسين أبوي بكربله مذبوح

عرفت إبچيها •••إنذبح لن وليها
وأثر للسلاسل •••أعاين بديها
صرخت بسكتي•••على خدي دمعتي
•••••؛؛؛؛؛ ••••
للشاعر نسيم الحميداوي
/channel/NasimAlhamdawi

الشاعر الحسيني نسيم الحميداوي

19 July 2023 21:16

إلى فاطمه العليله ع🍂

تلهب بالگلب جمرة سفركم
بويه اليابلد طوح ظعــنكم
عفتوني وحزينه••رحتو اليامدينه
««««((()))»»»»

فاطمه أنه العليله بويه محد ضل إليه
حته هالدار بغيابك ظلمه يحسين وخليه
لوبچيت وإنت يمي تنشف دموعي الجريه
من رحت دمعي على خدي ومسح دموعي بأديه

على دروب السفر أكضي الليالي
وكل ظعن اليمر يبچي على حالي
أنشد ياظعينه«» رحتو اليامدينه
«««((()))»»»

روحي يعصرني حزنها إمكيده بخوف إتركتني
إنكلبت الفركه ذيابه ليلي كله إمحاوطتني
چن غزاله الدنيه لبوة وبالمخالب كطعتني
بداري أحس وحشة مگابر هذا حالي من عفتني

ميته من غبت بعدك عساني
غرگانه إبحر حـــــزني تراني
يالصرتو السفينه•••رحتو اليامدينه
«««((()))»»»

إنتم أتصور رجعتو من يمر ظعن على بابي
أسأل عليكم دليلي يسكت ومارد جوابي
وي طير إلي يهاجر إلكم أنه أبعث عتابي
طفله وحدي وهم عليله ليش عفتوني بعذابي

عيني على الدرب وتنطر إلكم
وعلى نجوم السحر أتبع أثركم
ودلالي بونينه•••رحتو اليامدينه
«««««(((())))»»»»»

تمشي تسحك إنت دربي بويه من خوفك عليه
بالورد تزرع طريقي خاف شوكه تجرح إديه
ماأريد الدنيه بعدك أطلب من الله المنيه
بويه لاتفجع دليلي لاتهـــــاجر رد إليه

حلم وفاركت يابويه عيني
وللطف لو رحت ماظن تجيني
گلبي إشتد حنينه•••رحتو اليامدينه
«««««(((())))»»»»»

من بعد صبري ونحيبي ردت اظعون الفواطم
بس حرم كلها ويتامه وبس عليل وياها سالم
أنشد بعمتي وأكلها وينه چابدر الهواشم
وينه عبد الله والأكبر وين أبوي إوينه جاسم

ثاري إذبحو بالغاضريه
وعمتي والحرم كلها سبيه
وصوتي إنحز وتينه•••رحتو اليامدينه
«««««(((())))»»»»
الشاعر نسيم الحميداوي


/channel/NasimAlhamdawi

الشاعر الحسيني نسيم الحميداوي

19 July 2023 20:06

نزله إلى كاشف الكرب عن وجه أخيه🍂

يعباس هاي إختك وحاميها
يعباس بچفوفك إمــــنيها
لاتنسه سبع الكنطره ••••وصتني إمي وحيدره
««««««««»»»»»
سلم بچفي أميره وعندي أمنها
گال ماريد بغيابي ينكطع ظنها
الدهر بمها وابوها هي محنها
يبني لاتنسه الوصيه وتبتعد عنها


يوفــــــــاي ضِل إنت صير إوياها
يوفــــــــاي طـــــير اليمر فوكاها
إكطع يچافل منحره••••وصتني إمي وحيدره
««««««««««»»»»»»»
إمي كالت هايه إختك وانت حاميها
حطها بعيونك يچافل حافظ عليها
خايف بعيني من أحطها نبله تاذيها
راح أسوي ضلوعي خيمه بكلبي أخليها

بالعــــــيون زينب أريد أخفيها
بالعــــــيون خاف السهم يسبيها
بضلوعي أضمها الجوهره••وصتني امي وحيدره
«•«•«•«•» •» •» •»
صدري دگيته بيميني وكلت أدللها
إشلون لوكطعو إديه وانه كافلها
لوطحت يم الشريعه من يضل إلها
طلبت الماي وأكلــــها هايه مسهلها

شنو المــــــاي روحي بديچ أطيها
تره دمـــــــــاي رايد إلچ أهديها
بيچ الوفيه الطاهره•••وصتني إمي وحيدره
««««««««««»»»»»»
سيفي مشتاك المناحر روس عدواني
راسه أكطعه العينه صدت صوب صيواني
حته لوكطعو إديه فدوه ذرعـــــــاني
بس أريد الجربه تسلم بيها أرد أني

على المــــــــاي أطبع أثر بصماتي
تره إعــــــداي تعرف انه بحملاتي
إله إلهم أحفر مقبره•••وصتني امي وحيدره
««««««««««»»»»»
إشلون لوشاف الأمانه وهي متيسره
يحترك گلبي الصميده وتنزف الطبره
إشلون أستعذر لحيدر هو والزهره
راح أحط بچفها يمنه وراسي واليسره

بالطفوف كطعو إلي ذرعاني
والچفوف بيها الوفه عنواني
وفوك النهر كتبت تره•••وصتني إمي وحيدره
«««««««»»»»»»»
((للشاعر نسيم الحميداوي))
/channel/NasimAlhamdawi

الشاعر الحسيني نسيم الحميداوي

19 July 2023 20:00

ياسهم من هالطفل شنهو الجـــره
إشلون عبد الله تصوب مـــنحره
««««««»»»»
ماجفلت إشلون من شفت النحر
چنه غصن إوجها چن فلقة گمر
گلبه يسعر نار ضامي على النهر
ورتوه العطشان من دمه الجره
«««««»»»»»
يلسلبت أنفاس عبد الله بخطف
بأول أيامـــــــه الورد ماينقطف
ياسهم مابيك رحمه ولا عطف
والصخر ذبح الرضيع إيفسره
««««««»»»»»
ياسهم هالنور ماشفته اليشع
إنت لو لك عين صبيت الدمع
إنت لو لك گلب گلبك. ينفــجع
ليش أبو اليمــــه دليله. تفطره
««««««««»»»»
إيناغي طفله حسين ضامي إيبسمه
وبالسهم صابــــــوه والدم وسمه
إشلون مـــاتمطر سمانه من دمه
إشلون مايبچي الشجر ويه الثرى
«««««««»»»»»»
بالمهد مذبوح عــــبد الله وصريع
وفوك صدر حسين مذبوح الرضيع
بياذنب هذا الطفل نحره گطيع
وجمره خله بكل دليل إموجره
««««««««»»»»»
الشاعر
نسيم الحميداوي
/channel/NasimAlhamdawi

الشاعر الحسيني نسيم الحميداوي

13 July 2023 20:55

من ذبحو حسين بالغاضرية @ اتبرت الكاع من ال ميه
وتسـتـره بـتراب•• مسلوب الـثيـاب 
                   «««««»»»»»»    
 منهم تـبـرت كـربـلـه وتـبــره عـاشور   
كطعونحر ينزف سور عالغبره منحور   
تبچي الفلق والقارعه مـن  ذبحو النور
ينعه الوحي يم العرش والتلـطم الـحور
                
مـن شـافـو الـراس برمحه مـرفـوع  
ومن صدر الحسين ما سلمت ضلوع         
        ذكرها بالباب••••مسلوب الثياب
••••••؛؛؛؛؛؛••••

ليش اثنعش طبرة انطبر منــحــر حـسـيـنـا
تعني الأيمه اثنـى عشـر  ونذبــحـو  ويــاه
  شلون انكطع نحر الشمس لا ماعرفــنــاه
إشلون انسلب نور الـعرش ضل مخفـي معناه
                                 
سبعه السـماوات وية الـوطية
   صارن مضـــلمات من هالرزية 
           صوبهن صواب  •••مسلوب الثياب
••••••؛؛؛؛؛؛؛؛؛•••••• 
 
  تـلـطـم بــقـت عالمنذبح حـتـه الــكـواكـــب
  وسـيرهـا ربنه الكـــــربله  مـثـل الـمـواكـب
    هاي اﻷرض صارت تره أرض الـعـــجايـب
     سموهـــا هي وبت علي أم الــمـصـايـــب
                          
         حته المجـرات تنـــور بضــواها
           من دمه الحسين قدس ثراها
     هذا إبن اﻷطياب••••••مسلوب الثياب
•••••••؛؛؛؛؛؛؛••••
طبع اﻷرض من تنزرع تــطــلـع نتـباتـات
وبيها الحسين من إندفن خـضـر كـرامـات
أقـسم إذا كـبـره إنـحـفر  تـطـلعـلـك أيـات
  الـمـنذبـح تـلـكاه عــدل وبــكبـره مـامـات
                                    
          مـولـود الحسـين سـاعة وفاته
          بالدنيه عمــرين صارت حياته
عاش وفنه أحزاب•••••مسلوب الثياب
،••،•،•،•،•،•،
بالطف هتف صوت اﻷرض يـسـمـع يـقـيــــنـي
يــاربــي مــالــي كــل ذنــب تـربـي حــــــسيـني
حسين على ضهري من إنذبح تبـچيـله عـيـنــي
خـافـن  أجـي بـيـوم  الـحـشـر وصـمـه بجـبيـني
                         
                 من طاح الحسين إكسرلي ضهري
                    ضميته بالعين ودموعي تجري
                                     أبجي أنه لمصاب
الشاعر نسيم 🖋
الحميداوي
/channel/NasimAlhamdawi

الشاعر الحسيني نسيم الحميداوي

12 July 2023 21:47

عن لسان القاسم بن الحسن ع««

النصرتك أميري •••لبه إلك ضميري
رخصت دمائي•••أنه إلك فدائي
••••
أنه جاسم عمي عاشك  للمنيه
من إبوي من الزغر عندي وصيه
لو أشوفك وحدك  بالغاضريه
أنه أقدم نحري  ياعم  الهديه

من زغر تراني •••تملكت كياني
بنصرتك بقائي ••أنه إلك فدائي
•••؛؛؛••
أنه أريدن عمي أهديلك حياتي
ماأريدن كل عرس رايد مماتي
اليوم أحسن أنولد ساعة وفاتي
أنه حلمي بدمي أكتب تضحياتي

بذبحتي يغالي••أرتقي المعالي
ويفتخر ولائي•••أنه إلك فدائي
••؛؛؛•••
بحسره هل من ناصراً  من إنت ناديت
بصيحتك حته الصخر ياعمي  بچيت
لابس إثياب العرس  متعني إلك جيت
أنذبح عــــــندي ألذ من  ورده شميت
نحري إلك نذرته•••والعرس شمعته
إتنَــــــور  بعـــــــزائي ••أنه إلك فدائي
•••؛؛؛•••
عالغــــــــريب إجمعت  هاي العساكر
والله ماعدهم ذمم  ميته  الضمائر
بايعو كلهم يعمي   همه    فاجـــــــر
وياعجيبه المثلك إنت   ماله  ناصر

من مثل خصالك•••منفجع لحالك
ومن دمه بكائي•••أنه ألك فدائي
•••؛؛؛؛؛؛•••••
أنه إجيت النصرتك  مـــــاخذ قراري
عمي أحسن للحرب  طال  إنتضاري
من أطب المعركه  بيها   إفتخاري
بدمي ياعمي أرده أسجل  إنتصاري

جردت حسامي•••وهالحرب هيامي
والفخر ردائي•••أنه إلك فدائي
••••؛؛؛؛•••
هذا سيف المجتبى  سليته  بيدي
وخلي ياعم ينكطع   لجلك  وريدي
روحي أكلها من تحن ياروحي هيدي
إبين إديك الموت  أشوفه هوه عيدي

حل وكت رحيلي •••إودعت خليلي
بالحشر لقائي•••انه إلك فدائي
•••؛؛؛؛؛••••/channel/NasimAlhamdawi

الشاعر الحسيني نسيم الحميداوي

04 July 2023 22:03

نزله
تريد أعوف حسيني ••إله أبدل ديني
«؛«؛«؛«؛؛«؛؛«؛؛«؛؛»؛؛»؛؛»
خل تحاربني المذاهب مـــــاأعوف حسيني
روح طب الجنه إنت وبسقر خـــــــــــليني
إنت عامــــــيك التعصب مارضيت بدينــي
أنه رافظ فكرك. إنت ورافضي تسميـني

وشيعي أنه بتكويني••إله أبدل ديــــــني
«؛؛«؛؛«؛؛«؛؛»»؛؛»»؛؛»»؛؛»»
دوم ضل حســــين شامخ ثابت بعنوانه
وين أسلافك يضالم وين إبن مــرجانه
هذا أبو السجاد رحمه راحم العــدوانه
والله من أجله خلقني وروحي بي ولهانه

وحقك تعاديني•••إله أبدل دينــــي
«««««««««»»»»»»»
خضر بگلبي مـــــــنابر وصه بي قرأني
أنه أبو اليمه تبعــــــته وانت للسفياني
أنه ألطم صدري لجله مالطمتك أني
من زغر أنه هويته وماأحــــــبن ثاني

مايفارك عــــيني •••إله أبدل ديني
««««««««««»»»»»
گلي مثل حسين عندك واضح بأيمانه
عالرمح راسه ويرتل مـــــاترك قرأنه
منه مسلوبه ثيابه ومحترك صيوانه
وكون أخو العباس عنده الكطعو ذرعانه

والله بس دليني•••إله أبدل ديــــــــني
«««««««»»»»»»»
الدنيه لو محسين بيها والله تصبح غابه
بثوبه ساترها الشريعه السلبوله إثيابه
إشلون ماعلكها بيرغ روحي أنه إبابه
وإمه يم الحوض تحضر هي تسگي أحبابه

وإنت إذا تسكيني•••إله أبدل ديــــــــــني
«*«*«*«*»*»*»*»*»*»*»*»
((للشاعر نسيم الحميداوي))/channel/NasimAlhamdawi

الشاعر الحسيني نسيم الحميداوي

01 July 2023 22:14

هلال محرم

شهر عـــاشور    عسه بسنيني مامريت
    كطعت إنحور   وعليه بگل سنه رديت
إجيت اليوم  تسبيني ««»» لورايد تواسيني
                        ««««««»»»
    إذا تسبيني  رايد أنه  مسبيه
    منو المثلك ضلمني ومارحم بيه
    أظن نادم  إجيت وتعطف عليه
    يوجـــه الشر  روح ولاترد   ليه

إجيت اليوم   بعدك عاشگ الدمعي
يشهر الشوم  عليك بگل  مسه أدعي
روح  بنوحي خليني «««»» لورايد تواسيني
                  «««««««»»»»»»»»
    ياشهر النوايب عـــــذبت حالي
    زينب  مـــــانسيتك طفك إبالي
    سهمك ماخطاني وصاب دلالي
    ذبحت أحباب عمري وماتت أمالي

بعد شتريد  ذبحت إكبالي أحبابي
إجيت إتعيد  عليه لوعت  إمصابي
تنسر  من تبچيني««««»»» لورايد تواسيني
            «««««««»•••»»»»»»»»
    بعد بيمن إجيت اليوم تفجعني
    جمرات  المـــخيم  لسه يچوني
      مــــثلك ياشهر  بالدنيه  عذبني
     إهلالك من  يهل بحزانه يذبحني

علي سليت  سيف إهلالك الذبحي
إذا هليت  يهل وسط الگلب  جرحي
وانه الهم  يباريني ««««»» لورايد تواسيني
                 ««««««««»»»
    عسه  بدرك  أبد  بالدنيه  مايطلع
    بعد  ذبح  الگمر  كل ظني  مايسطع
    يظم وجها خجل وكبالي  مايلمع
    يضل  يبچي المصابي والنجم يدمع

على بلواي  بچت أهل السمه السبعه
ذهيلت راي  أضمد جرحي   بالدمعه
أنه دموعي تكفيني««««»» لو رايد تواسيني
                  •«««««»»»»»» •
    چـــــــم نحر نكطع  بيامك  الكشره
    حته  البالمهد  ضامي نكطع نحره
    بيك حسين شفته منسحك صدره
    شفـــــت عباس  لايمنه  ولايسره

الكمر چفين   طاحن  عالترب  يمه
عضيده حسين  شفته مخضب بدمه
بعد شكثر تراويني•••لورايد تواسيني
            ««««««««»»»»»
    كل ليلة شمع  أشعل  لولياني
    ودور عالنهار بشمعة  أحزاني
    أشتل باالأمل  وتكطع  أغصاني
    عاشور إنت يومك حيل  أذاني

أوج شموع   دربي  وتنطفي الشمعه
أهل دمـــوع   ظني الميت   إترجعه

أشعل شمعت إسنيني•••لو رايد تواسيني
      ««««««»»»»»»»»
للشاعر نسيم الحميداوي
/channel/NasimAlhamdawi

الشاعر الحسيني نسيم الحميداوي

30 June 2023 13:38

جميع دروس المقامات الفرعية والاصلية تجدونها هنا👇🏿👇🏿👇🏿👇🏿👇🏿
https://youtube.com/channel/UCz03jT4unuka51X7foOyXcg

#دعم_مؤسسة_منبريون_الحسينية_رقم3
#ملاحظة_الدعم_3_ساعات_وينمسح_من_القناة
1/الشاعر ابو احمد الطائي
@sadqdd
2/انين الطفوف ام يحيى العبودي
@amyahaaaleabude
3/الشاعرة نشوان الكناني
@Nshwan_1999
4/قناة تعليم الاوزان فالح العامري
@abooredha
5/الشاعر عباس الصالحي
@AbbasAlsalhi
6/الشاعر فاروق العيساوي
@faroqesavi
7/الشاعر عباس المجتومي
@abaas997
8/الرادود علي الدلفي
@aliali12345aliali123
9/الرادود علي الحبيب الغزي
@Mulaali4
10/الشاعر والرادود  جهاد السلطاني
@jahadsoltani
11//الشاعره كلثوم الساعدي
@ailyihg
12/القارئ والناعي عصام المحمداوي
@vkhhgfffggg57812
13/الشاعر ابو قسور العويدي
@fff45
14/ملا عمار الديباجي الحسيني
@afghgghhh
15/الشاعر حميد الشويلي
@hameedd100
16/الشاعره ام سعد الشمري
@um1966ahmed
17/الرادود محمد ابو سجاد الكعبي
@mngfuy
18/الرادود أمير الفتلاوي
@amarr_hasnn
19/الرادود عبد الزهره الركابي
@ksaiabmolahna
20/الرادود شهاب الشغانبي
@mnfvgbb
21/الرادود فارس المرياني
@almreaniy93
22/الرادود غازي الساعدي خادم. العقيلة
@KHADAMALAQELA
23/الملحن الملا فلاح الغانم
@almulla8800
24/الرادود احمد المياحي
@ahmedalmayah
25/الرادود سيد منتظر الموسوي
@Muntazar_ALMussawi
26/الرادودو السيد باسم الموزاني
@hussienbnAli
26/الرادود منير القريشي
@muncf
27/الرادود حسين القريشي
@krehte
28/الرادود شهاب الموسوي
@saidshehab27
29/الرادود والناعي ابو زينب المحمداوي
@a_1959
30/الرادود ملا عمار العامري
@Aamra3456
31/الرادود علي الشبلي
@ali_alshble
32/الشاعر منتظر الكعبي
@juhsa
33/الناعي ابو زينب المحمداوي
@a_1959
34/قصائد على لحن باسم
@qwergtyyuujjjjjkk
35/آه يادمعة رقية خاصة
@deaa1989
36/ملا علي يوشة
@MullaAliyousha
37/الناشر خادم الخدام
@alialaialai
38/قصائد زنجيل
@zngel1441
39/النعي والرثاء لمجالس سيد الشهداء
@AL_Nay_and_Alrthaa
40/محاضرات وقصائد ومعلومات
@Alhasasn18
41/صوت الحسين لنشر القصائد
@hkcjhfjoggohcc
42/فخر المخدرات زينب لنشر القصائد
@sxggnj
43/ويبقى الحسين لنشر القصائد
@qqq88997ffff
44/الشاعر رائد البزوني
@HassanKarim7
45/الشاعرة ام علي افضل الزينبي
@omali1290
46/رابطة مسلم ابن عقيل عليه السلام
@mslmapnAGyel
47/الشاعرة زمن حاتم الربيعي
@pntAlMirza_zamn
48/اشعار زينبية فاطمية
@najiqq
49/الشاعر محمد الشريفي.
@mlamemd
50/الرادود ابو محمد الدراجي
@jabeier
51/الشاعر ازهر الزيدي
@qwqerd
52/الشاعرة نور الظهور المقدس ام ليث
@Yazahraaa655
53/الشاعر عمار الغزي
@nnrjsb
54/الشاعر والرادود عقيل الكرعاوي
@akeellll
55/الشاعر كرار الزهيري
@uyyrew
56/الشاعر جاسم العامري
@jasemalameri1999
57/ الشاعر مهند الدريساوي
@mohaneedatea
58/ الشاعر حسين الطائي
@handresalrekabi
59/ حسنين المحنة
@azlvideo123
60/ الشاعرة ام علي الموسوي
@zxop1222
61/الشاعر السيد محمد الموسوي
@qwertyuiopasdfghjklasdfbnm
62/ الشاعرة رافضية وافتخر
@vgdtyhjj
63/ الشاعر ابو سجاد الجعفري
@abosajadaljafre
64/ الشاعرة هاجر الزينبية
@HH_7W15
65/الشاعرة فضيلة هاشم الموسوي
@dmoh91
66/ الاستاذ مريم
@Mulla_Maryam
67/ الشاعرة نور الحساني
@N_H_313
68/ الشاعر عباس محمد الحميداوي
@qs3qw
قصائد زنجيل
@alhusseinabaabdlah
الشاعر احمد الميالي
@Ahmedalm313

يتم الان نشر قصائد محرم 👇👇👇👇

/channel/+QYhwKvqAiD7e_b1P

الشاعر الحسيني نسيم الحميداوي

27 July 2023 19:46

•••دفن الأجساد الطاهره••••

الميت إيوسدونه عالترب خده
إوسدت محبوبي وراس ماعنده
السلبوله إثياهبه•••إشلون أهيل ترابه
★★★
أنه ياشيعه علي زين العــباد
كمطوني من الولاده بالسواد
ناحت السبعه على إمصابي الشداد
أنه من موتي شكثر طالب مراد

من كثر ألامي •عمري مليته
هذا شمس أحلامي •بيدي واريته
ودمعتي سچابه•••إشلون أهيل ترابه•
★★★
ريت مــــاولدتني إمــي للعناء
وماأشوف بعيني محنت كربلاء
الشمس ضمت وجها من الحياء
شافــت المذبوح عاري بلا رداء

الميت إيغسلونه•وينحفر لحده
إشلون أغمض عيونه••وراس ماعنده
تحيرت بمصابه••إشلون أهيل إترابه
★★★
منهو مثلي بدنيته شايف عذاب
بعيني شفت مذبحه كل الشباب
وشفت إبوي على الترب وبلا ثياب
وكمت أدور خنصره بذاك التراب

حاير بتوسيده•وحفَرت كبره
ماكو خنصر بيده •ولن نطق نحره
ينشد على أحبابه•••إشلون أهيل ترابه
★★★
أنه چــم مــحنه شفتها بالطــفوف
عمي شفته على النهر وبلا چفوف
معفر بدمه الكُّمر چن بي خــسوف
وشفت إخوي الأكبر تكطعه السيوف

هذا إخوي شحاله•بعيني صديته
إمكطــعين أوصاله•بيــدي لمــيته
إتصوبت بصوابه••إشلون أهيل ترابه
★★★
إشلون أدفن شمسي بچفوفي الثنين
أنه ميت من شلت جــسم الحُسين
أنذبــح كل لحظه يذبحــني الحنين
عمري خلــص بالنحيب وباالأنيــن

أجري بي دمعاتي •الماي لوشربه
ماطفت جمراتي•وروحي متعذبه
عليه صعب إغيابه••••إشلون أهيل ترابه
★★★
بيدي شلته للكبر جسم الصريع
ربي صبرني أصيحن ياسميع
ولني أسمع صوت من نحر الكطيع
فوك صدري بويه وسدلي الرضيع

بويه ماشميته••وراسي أنتضره
ليه لو رديته•••ارده أشم عطره
ويسأل على غيابه•••إشلون أهيل ترابه
★★★
للشاعر نسيم
الحميداوي.
/channel/NasimAlhamdawi

الشاعر الحسيني نسيم الحميداوي

27 July 2023 19:45

إنت يحسين بضميري~~وأفتخر انت اميري
نحري مايغله عليك~~  أنه عبدك بين إديك
                       ★★★★

أنه جــنيت بمــحــبتك ياإمــــام
لــويذبحــوني إلك أنــزف غــرام
مايــوصفك إنت يعــجز كل كلام
مــن أجيلك يــستعر بيــه الهيام
بكلبي جمره إبالي فكره~~بعيني دمعه وانت ادره
بدمي يحسين أفتديك~~أنه عبدك بين إديك

                       ★★★★
أنه عــبدك سيدي وبــيك أفتــخر
عمــري إلك مــولاي قــدمته نــذر
وبخــدمــتك أنه مــــارايــد أجــر
بــس أريــدك ليه تــشفع بالــحشر
بدنيتي إنت ربيعي~~ماأحب غيرك شفيعي
أترك الدنيه وأجيك~~~أنه عبدك بين إديك
                        ★★★★

عالــترب يحسين صــارت ذبحــتك
وانه كــل يوم أنــذبح بمــصيــبتك
ريــت كــطعو ركَّبــتي مــو ركــبتك
ريــت داســتني خــيول الــداستك
يلي سلبولك ثيابك~~عمري خلصته بمصابك
أنعه ولطم صدري ليك ~~أنه عبدك بين إديك
                        ★★★★

إنــت مــامــذبوح أنــه المــنذبــــح
بــيه كــل لحــظه يخضرلك جــرح
عاشك أنه أتخــيل بوجــه الــصبح
راسك المكطوع أشوفه على الرمح
كل فجر أتصورك أني~~يلي مالك كل كياني
إودوم تحلم عيني بيك~~أنه عبدك بين إديك
                         ★★★★
 
إنــت إلك مــرفوع راس على القناة
لسه ظل إيصيح حــي على الصلاة
حــته موتك إنت إلك صــار الحياة
علمتنه بهالدرس عــالتــضــحــيات
إنت موتك مايهمك~~ونتصر عالسيف دمك
وطبعي بالشده أنتخيك~~أنه عبدك بين إديك
                          ★★★★
                          ★★★★
🖋الشاعر نسيم الحميداوي 🔗
/channel/NasimAlhamdawi

الشاعر الحسيني نسيم الحميداوي

26 July 2023 08:31

رئيسيه إلى سيد الشهداء♕

عجيبه المنكطع منحر عجيبــه
راسه على الرمح كِّبر عجــيبــه
يِرتــل أيــات °°°°°عـَـدل مــامــات
★★★
ڪل ذباح إجــاه تحــير بأمــــره
رمــه سيفه ويڪول حسين مانحره
سمعتــه إيناجي ربه وبالڪهف يقــره
ترڪت الأرض طــراً والعــيال أســره

أريدن شــوفتك ربــــي إلھي
إلك ينزف عشك ڪِّلبي إلھي
يجــرحــسرات••••عــدل مــامــات
★★★
دَك صدره الشِــمر ڪال أنه ذباحه
لــون جــبريل يمه أڪطع إجناحه
إجيته وأرده أنحره بروح مرتاحه
وتمنيت من ذبحه أسمع إصياحه

قِــره يــس مــامــهتم سمــعته
سيفي بــمنــحره إثلم نضــرتــه
إنــثلم طــبرات•••عــدل مــامــات
★★★
عِــمر يسأل شمــر ويڪله بــشرني
ذبحت حسين ڪلي بذبحه فرحني
أبد ميمــوت ڪال بمــوته حــيرني
ذبحته وراسه بيدي وظل يخاصمني

بحوافر من دست صدره ﻫشمته
ڪلت خل ينسحك ضهره ڪلبته
علي صــولات •••عدل مــامــات
★★★
حسين الچان من عنده الجدم ينباس
عــجيبه بلاثيــاب وعــالترب ينداس
ڪل واحد يشوفه إتحير مــن الناس
الرمح منبر إله وصار الخطيب الراس

ذبيح يحامي عالخدر. حُسينا
غيــور وعالحرم يفتر حُسينا
نــزف دمــــعات••••عــدل مــامــات
★★★
طلــع من الطــفوف الراس مــشايه
إوي رڪب الســبايه وعالقنى رايــه
ڪل خــطوه يــرتل بالــدرب أيــه
وتڪصدله العــقيله وتــاخذ بــرايه

راســــه عــليها يتــألم تــشوفه
وإذا حزنت بچه من دم تشــوفه
يــهل عــــبرات••••عدل مــامــــات
★★★
طب مجلس يزيد الراس ڪله جروح
وعلى راس الرمح ربنه نفخ بي روح
شافه إيزيد يحچي ومنه دم مسفوح
إذبحو الراس صاح وهذا مــامــذبوح

أسمع نحـــره يتڪلم رعــــبني
وأشوفن ثغره يتبسم ذهــــلني
إبــتسم مــرات••••عدل مــامــات
★★★
للشاعر نسيم
الحميداوي🖋🖋🔗🔗🖋🖋
/channel/NasimAlhamdawi

الشاعر الحسيني نسيم الحميداوي

26 July 2023 08:29

ليلة الوداع»»

أخر مسه أهلي وياي   باچر أسيره ويعداي
  وحدي  أظل  بغربـــتي   ليه تضل بس دمعتي
                                 **
ياليل   طول  خل أودع  أحبابي
ظعن  اليسر باچر أشوفه إبابي
ونار  العده تحرگ جميع أطنابي
وطلع أسيره إمكبعه   بمــــصابي
 
  ولمن أطب الكوفه••  برمح الشمس مكسوفه
      بعيوني تضلم دنيتي    ليه تظل بس دمعتي
                                     **،،،،،،،،،،،،،،،،،،،،،،،،،،،،،،،،،،،،،،،،،،،،،،،
باچر  أودع    للذبح     خــواني
وأبقه  وحيده من عكب  ولياني
وهاي العده تنكر جــــــﻻلة شاني
زمره خبيثه  وضالمه  عــــدواني
    
وكت الصلاة إيصلون••   ولبن الرسول إيذبحون
           أتمنه  كطعو ركبتي   ليه تضل بس دمعتي
                                **     ،،،،،،،،،،،،،،،،،،،،،،،،،،،،،،،،،،،،،،،،،،،،،،،
ماتغفه كل عين  اليمر بيها   الخوف
ومر بيه طيفي بيقظتي وعيني تشوف
بدر  السمه دامي أشوفه ومــــكسوف
حس كــــلبي  عباس اليكطعوله جفوف

   الچف الكفاله إيكطعون •• حته الخيمنه إيحركون
     ولو أني حركو  خيمتي   ليه تظل بس دمعتي
                              ***،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
باچر    أروح   إمكــيده  إبين إعداي
ويم  النهر   أترك چــفيلي   الــوفاي
بعد  الكمر علكم   صبح ريت المــاي
وريت الله أخذ  روحي وأودع دنياي
      
أتمنه  يكرب أجلي  صعب اليسر عالمثلي
          أنه اﻷميره بهيبتي   ليه تظل بس دمعتي
                          *،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خيمه إخوتي ليه وأنام   بضلهم
بليل الكدر عيني تشوف بضيهم
فوك الثرى باجر عيوني تصدهم
وعنهم أروح  وعالترب   أتركهم
     
أمشي  وأدير عيوني ••  وين إخوتي إيشوفوني
            إلهم ألوح  بيمنتي   ليه تضل بس دمعتي.
                               ***،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هذا أبرها الشمر  وعلينه   إتحزم
والكعبه   باجر   عالحرم     تتهدم
 ونحر  الحسين المنكطع جن زمزم
والمروه زينب     باليسر      تتألم

عن  اﻷهل ظعني  إيشيل••  وأمشي أنه وي أهل الفيل
أمشي   وأعوفن   كعبتي    ..ليه تضل بس دمعتي
                                 ***،،،،،،،،،،،،،،،،،،،،،،،،،،،،،،،،،،،،،،،،،،    للشاعر نسيم الحميداوي🍂🍂
/channel/NasimAlhamdawi

الشاعر الحسيني نسيم الحميداوي

24 July 2023 18:00

ابوذيات

التجرحه الشام والكوفه دواوين
أطب بكيدي ياوسفه دواوين
گبل إسمي بشعر ماطب دواوين
أريد المــــــــــاشعر يكتب عليه
••؛؛؛؛؛؛ •••
علتي الشام مايحصل طب إلها
ظعني بروس خـواني طب إلها
وادم ركصت ودكت طبلهــــــا
إوادم بالحجر تشمر عليـــــــــه
•؛؛؛؛؛ •••،
يخي لو بيدي أضل يمك لطم ليك
ميت والشمر شفته لطم ليك
لجيم عليك كل عمري لطم ليك
لحد ماتوكع عيوني بديه
««»»»««»««««««»»
بچفك ردت أضل رايه ومرحل
العمر وياك أحس لحضه ومرحل
الفرات بطيحتك علگم ومر حيل
شربته وبي أحس دمعة رقــــــــيه
««««««««»»»»»»»»
جرحــــي الحير العـــــالم بطيبه
ولي گلب اليحـــــــن لهلي بطيبه
لاچن ياأهل ضلــــــــو بطيبه
جثث ياحيف ضلو عـــالوطيه
«««««««»»»»»»
المــصايب غيـمـت بيه. وخــيمات
الڪفلني كطعو چفوفه وخي مات
بي حرڪو ڪلب زينب وخــيمات
شبت وحترك ثــوب الــرقيه
••★★••
من ريش الوحي فصل عبي أيات
مــحمد بــيده لبــسنه. عــــبايات
فواطم ســوط رتلنه عيب أيات
بعــد ذبح الكُّمر وحســين أخيــه
••★★••
لاوالــــي الأفــــزعه لاحمه أتني
الشمر سوطه ڪفيلي لاح مــتني
أحــشــمك لاكمــتلي لاحــمتنــي
وطــلع صوتي الڪبل حجبته إليه
••★★••
نبيه بالحزن روحي. وحــــالي
الدهر بالطف الف محنه وحالي
أميره وبت علي حيدر وحالي
إنحنه ضهري مثل إمي الزچيه
★★★
لادمــــعي اليــرويني ولاماي
نار أحزاني بضلوعي ولاماي
بعلي مامر أنه إمصابي ولاماي
إخــوتي مــذبحه فوك الوطيه
★★★
يزيد الجــــرد. أنيابه وحدها
بقصره من لمح زينب وحدها
خَذت ثار إبدر كلـــــها وحدها
علي المطلوب وحسين الضحيه.
★★★
أنيابه الطاغي جردها. وسلها
نشد وين الكفل ظعنج. وسلها
نضرة عالرمح راسه وسلها
إصبري إيصيح ماعندي إديه
★★★
عرشك لاتظن دايم وفــاني
جفيلي مانسه وعده. وفــاني
راسه على الرمح يهتف وفاني
وعلى طول الدرب يبچي عليه
★★★
بكلبهن لوعت إمهن لوعه أبيهن
خوات حسين يسره لوعه بيهن
يِلــزمن سوط ضالم. لــو عبيهن
وبديهن كيد بعد أهل. الحميه
★★★
عليك حسين يالــمهدي ولاها
الشمر طك عمتك زينب ولاها
بــــونه ماشفه كًّلبك ولا آه
يــشفه إشلون زينبكم سبيه.
★★★
كلوب الشيعه يتلاهب. يمرها
الدنيه بغيبتك صارت. يمرها
المثلك دنيته يكــدر. يمرها
ويعــــجل بالفرج. يابو. الحميه
★★★
يمــته إيرفرف علينه علاماك
لســه ماخذت ثارك. علاماك
على حسين السبط حزنك على ماك
لو حزنك على عمتك. سبيه.
★★★
باليم لو جره دمــعي. يمـريم
تعالي وشوفي طف زينب يمريم
لون لحظه مصابي اني. يمر يم
أيــوب ويــمــوت بلا. وصــــيه
★★★
أيامي بكــــربله جــــارن. ونحسن
وطلعت من الخيم أصرخ وين حسين
دنيت المــــذبحه. وسمع. ون حسين
بذاك الحال. وصاني. برقيه
★★★
علي محنت طفوف حسين شدت
بنحري للسبايه احبال. شــدت
شماالطم ونوحن كلت شديت
شمــــاضحيت ماأدي. العليه.
★★★
متن إختك وكع خصمك. جلدبي
وظن سوط الشمر مني. جلد بي
الحجر كلبه إنكسر كالو. جلد بي
وبچه بفكــــــدك يبو فاظل عليه.
★★★
جفني من حزن زينب لها شاب
ودليلي. بنار خــــيمتها لها شاب
نحت نوح إم ولد فكدت لها شاب
على زينب ولطم الوجه بأديه
««««»»»»»
أبوذيات) عن لسان الحوراء زينب( ع)
عدل حسين أشوفه بلكي لنه
الحوافر هشمنه بل كلنه
وصل نصه الخيمنه بل كله إلنه
لأن نصه بحوافر آل ميه
««»»»
بيه الطف ولاذره ترك حيل
حسين الشوفته العيني تره كحل
وكع والخيل بضلوعه ترك حيل
ثنعش ضلع نكسر حسيت بيه
«««««»»»»
بعد حسين ماأروه باالنهار
بالطف دنيتي ضلمت بالنهار
التل من سمع صوتي بله إنهار
صحت يحسين گوم إلحك عليه
«««««««««»»»»»»»»»
سهم صد الوفي بعينه بدل ماي
تألم من سهم ثاني بده الماي
تمنه إيشرب إسكينه بده الماي
إنكطع چفه وأمل سكنه ورقيه
•••««»»»»
بزغ يم النهر وجهــــا شع الماي
مد چفه وجمر چبده شعل ماي
لون بالطف ثبت أصله شيعي الماي
ماعطشت أبد چا فاطـــــــــميه•
«««««»»»»»
زمـاني إيگـــول ماغيرچ حدبلي
وضهري من مصاب الطف حدبلي
شمر عـــــــباس يرضاها حدبلي
وحبل من رگبتي الرگبت رقيه
«»»««««


للشاعر نسيم الحميداوي

الشاعر الحسيني نسيم الحميداوي

24 July 2023 17:24

انـشــد اجـيـتـك يـا نـهــر•••مـا ردلـي عبـاس
وحسين اخو ضهره انكسر•••ما عندك احساس
يمك وكع راعي العلم ما تشعر انت بكل الم

★★★

وديــت اخــوي بـجـربتـه ما رد الي إحماي
مـوانـت مـهـر لـفـاطـمــة جـاوبـنــي يـا مـاي
مـا تـنـدل اخـيامي صرت مـو خـيمـتـي هـاي
كـون انت تطفـح مـستحـه كـبل الـكـمـر جاي

بمايك تفيضها الخيم ••••• ما تشعر انت بكل الم
ماعندك إحساس
★★★
بـعـده الـهـوه لـمـن يـهـب يلـجمـلي الجـروح
ما تشـعـر انـت بكـل ذنب يـالـمـاخـذ الـروح
كـون مـن اسـألـك تنـتحب والـحسرتـي تنـوح
چـفـوفـه طـاحن جـافـلـي ولـكــيـته مــذبـوح

وبعينه شفت انه السهم ••••• ما تشعر انت بكل الم
★★★
جـيـتـك يـنـهـر الـعـلـكـمي بعـيونـي ما شـوف
راس الكـمر صابه الـعـمـد وبـدمـه مــكـسـوف
ويمـك جـفيـلـي انـه نـغــدر كـطعـوله الجـفـوف
بـا چــر تـضـل بـحـضـرتـه كـل عـمرك اطـوف

تتوسل براعي الشيم••••ما تشعر انته بكل الم
ماعندك إحساس
★★★


بـطـيحـت إخـوي اشعـر متت لا ضـلـت امـال
وضهـر السـبط شـفـته إنحـنه چن حنيت اهلال
وبالـي احـس مـنضـر خـطـر مامر علـى البال
شـفــت انـه روحـي مـيـسـره ومــكيــده احـبال

هذا الامر عندي انحسم••••ما تشعر انته بكل الم
★★★
يا وســفـه شـمـر وحـرمـلـه مـنـك يـشـربـون
وايـتـام ابـو الـيمـه الـعـجـب يـمـك يـعطشون
بـخـيـامـي لـو بـيـهـم تـحـس تتـفـجر اعـيـون
مـن الـضـمـه اطـفال وحـرم ما تدري يبجون

وعـباس اجـاك ومـاسلـم••••ما تشعر انته بكل الم
★★★
بالـمـحـشـر اتحـس بالألـم روح وكـلب ليك
وضامي انت للكوثر تجي بـس مـا ارويــك
وبيـدك رقـيـه تـشـد حـبـل وسكنه التجر بيك
وكـبـالـي تـوكــف مـتـهــم وانه احـكـم عليك

بالـدنـيه مـاتـعـرف نـدم••••ما تشعر انته بكل الم
★★★
لخادم اهل البيت عليهم السلام
نسيم الحميداوي
/channel/NasimAlhamdawi

الشاعر الحسيني نسيم الحميداوي

20 July 2023 22:18

مــــاعرف تفسيره،، حسين نور عــيوني
عليه ڪلمه چبيره،، خــــــادم إيسموني
الضحه إلي بذريته•••صيتي عالي بصيته
★★★
الوحــي هز مــهده بيده مــن أبــو اليمه طفل
وچم مَــلك ينزل يخدمه هــذا من أطهر نسل
نزلــت الحــور على بابــه ســوت ترابه ڪحل
گلبي عرش حسين صاير غيره ماواحد يحل

بروحي عاش حسيني وماأعيش بدونه
صورته بنص عــــيني عنــي ميبعدونه
بالدمه حسيته،،،،،،،، صيتي عالي بصيته
★★★
هوه مــشڪات الجلاله حسين إله ربنه يعز
إسمه فوك الماي أرتلــه وشرب حروفه حرز
بشــدتي أصبح مــلاذي وروحي ذاخرته ﮔنز
لوغفيت أحــلم أشوفه ولــزم چــفوفه وأفــز

من دمعتي أتوضه وخــتم القــرأني
من قبــل. لالفظه أنه أوضي لساني
وأذڪر التضحيته•••• صيتي عالي بصيته
★★★
أفــتخر سموني خادم هــالقب تاج الشرف
ڪلمه آڪبر من مقامي بيــها دلالي إعترف
اليسمي روحه خــادم ماكمل وعيه وعرف
شنهو هاي الكلمه تعني إله ڪون براسه طف

وانه طف بروحي. ملــحمه ثوريه
شاهدت بجروحي زينب ومسبيه
والظعن صديته•••صيتي عالي بصيته
★★★
حسين أصعب سوره عندي منه متكطعه الحروف
إهناڪه خنصر أيه طايح ضلوعه أيات الطفوف
توضت بدمه الحوافر وصلت بجسمه السيوف
ياغــريب ومــالــه ناصــر وحده مــــابين الألوف

إشسوو بمحبوبي من وكع عالــغبره
هذا يسلب ثوبه ذاكه يكطع نحره
شنطي مــــاوفيته•••صيتي عالي بصيته
★★★
ڪلمن الرايد نـَـجاته بــدنيته عايش حَذر
اليعوف حسين أقسم بــالحَشر مــاله عــذر
سنيني أوزعها بثوابه ڪلها لعــيونه نــذر
فدوه ماگــول الترابه فــــدوه لأثار المُــهُّر

منخلق عالفطره أنه مــن ترابه
روحي أظنن شجره منها سوو بابه
حقي لــــــو حــــبيته•••صيتي عالي بصيته
★★★
شكــد تحمل من أجلنه وچم سهم ڪُّلبه حِمل
جرحه ظل يتبسم إلنه مــن يبس ثــغره وذبل
بلــرمل جــسمه تچوه وعــالرمح راسه إنشتل
خضر أيات ومعــاجز وچم وحي الراسه نزل

عــالرمح صدوله والڪهف يقراها
ضلو. يلــــطموله والسمــه بچاها
ودمعي دم هليته••••صيتي عالي بصيته
★★★
الشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

19 July 2023 20:07

نزله إلى أبي الفضل العباس عليه السلام••

أنه عباس منتظرها الغاضريه
أنه عباس اليوم أذلهم آل ميه
لو وصل واحد عريني••ينكطع راسه بيميني
«««««««««»»»»»
عالنحور بسيفي أعزف لحن الإيثار
هذا مـــن حيدر أمانه بچفي بتار
بصولتي أذعر جحافل هاي الأشرار
إله أخـــــلي الدنيه كلها ليه تذكار

تنادي للثار عالفرات إضلي رايه
ليه أثار النهر يذكرني مايه
چفوفي راح إضل علامه••للوفه اليوم القيامه
أنه عــــــــباس
«««««««««»»»»
بالوعد تعرفني زينب أنه وفـــــــاي
وأنه كلتلها العقيله إنتي بحــــماي
حان يوم الأوفي إلها بنحري ودماي
اليوم أروي الكاع كلها من دمه إعداي

أروي الرمال إي وحق سبع المثاني
أسحك أبطال براسي غيرة حيدر أني
ماتهمني أنه الكتايب••سيفي أذن للحرايب
أنه عـــــــــــــــــــباس
««««««««»»»»»
أنه وصتني وصيـــــــــه إم البنين
بالطفوف أفـــدي إديه دون الحسين
فدوه نحري الأختي زينب وهدي چفين
ماتهمـــــني چفوفي توكع لاتهم عـين

أهوه الأخطار وسلك دروب المخاطر
عــــــندي بتار ماعشك غير المناحر
وانه مكتوب بچفوفي•••من أواعد انه أوفي
أنه. عــــــــــباس
«««««««««««»»»»»»»
أنه أموت وجودي بيدي وبقه عطشان
بدمي أكتب عالشريعه ليه عنوان
من تطيح الرايه. مـــــني إوياها ذرعان
الدينــــي أرفع راسي رايه فوگ الأسنان

راسي مرفوع عالرمح يحدي الضعينه
يجري الدموع لونضر أهل الضغــــــينه
تسأل بأختي عليه•••راسي يبچي وتبچي هي
انه عــــــــباس
««««««««»»»»»»»»

(للشاعر نسيم الحميداوي)/channel/NasimAlhamdawi

الشاعر الحسيني نسيم الحميداوي

19 July 2023 20:05

♕رئيسيه آلى باب الحوائج العباس ع♕

يمي لوظل كـافلي بدر العــشيره
ﻻوحك هامت علي مارحت أسيره
من يكيدني بحبل**لو أبو فاضل عدل
🩸🩸

إفراك أبو فاظل صــعب دﻻلي رظــه
أنه مــــــــاجر النــــــفس إله وينبظه
إشلون أروح ويالشمر من بعده يرظه
أنه ما أدري بحــــــــلم ما أدري يقظه؛

عالرمح راسه ونزف من حزنه غيره
بالدمه بدري إنكسف ماصح نضيره
؛إلنه چا لم الشمل▪ لو أبو فاضل عدل
☆☆☆
فرت إكباله الزلم والحومه طــــبها
الميسره عالميمنه بسيفـــــه كلبها
من هجم شفت اﻷرض دخت تربها
صايم وگطرة عـــذب ﻻمــــاشربها

ضامي بس ساكي صبح عزب بالطفوف
دينه إجه طالب نصر قدمله الجفوف
كل صعب عنده سهل ▪ لو إبو فاظل عدل
☆☆☆
سَجل بطف كربله أروع ملاحــم
صار منهل للمعاجز والمـــــــكارم
يمي لو حارس بقه بدر الهواشم
محد اليوصل خيم بيها الفواطم

مـــــــن كصر چفه بغدر طالت لسنهم
ومن سكت صوت الكمر أسمع شتمهم
أنشتم ماتنعقل ▪ لو أبو فاضل عدل
☆☆☆☆
النواظر هالشهم لو صد عليــــهن
ما أسولفله الحزن يفهم حچيهن
لو مسح بيده الدمع فسر بچيهن
عيوني تتيتم إذا يرحل ولـــيهـن

هسه أمشي وي ظعن مابي كَفيلي
بدمعت الفكدت إخو خلصته ليلي

مابقه دمعي يهل ▪ لو أبو فاضل عدل
▪☆▪☆▪
صرخت الماإلها إخو مابيها فـزعه
صوتي حجبته بصبر ماريد أفرعه
هذا تل الزينبي من عيني دمــــعه
ماتظل دنيه لون بس چفي أرفعه

دعوتي بذاك اﻷلم تهـــدم سماوات
علينه من حركو خيم تعني الكمر مات
خيمه أبد ماتنشعل ▪ لو أبو فاضل عدل
☆☆☆☆

صوغه من الطف خذت لهل المدينه
رايه جبـت من الكُّمر صعبه وحزينه
بيها چفــــين النصر وبنبله عــــينه
وبيها مـــــــــهد المنذبح ومكمطينه

صح مشيت إميسره وأشكف بالسياط
بس فجعني المنذبح وبعمر الگمــاط
منهو يذبحله طفل...لو أبو فاضل عدل
☆☆☆☆
للشاعر نسيم الحميداوي🖌🔗🔗
/channel/NasimAlhamdawi

الشاعر الحسيني نسيم الحميداوي

19 July 2023 20:00

في غرام الحسين ع

من حــبيناك••لامــــــاننساك
يحسين نموت.. ونظل نهواك

كل.  عاشك  حــبيبه ساكن  عيونه
وعن   درب   اليحبه  مــــايبعدونه
وإذا بحبــك يذبحــونه.  ويصلبونه
مــانعشك  ســواك شمــــايــعذبونه
نوالي الوالاك••نعادي العاداك
نحــبك يحسين.. ونضل نهواك
                   ★★★★
 
ياســر   المــحبه  وروضة   العــشاك
ياكــعبة غرامي الألها دوم   أشــتاك
وسط انضاري ألمحك من احس بفراك
وكصدلك اذا كلبي على شوفك ضاك
عشت بدنياك••خصم الفركاك
انت المحبوب••ونضل نهواك
                    ★★★★

الك مثل الطيور  تــهاجر  احــبابك
وتوكر بالضريح  وتــــذكر مــصابك
يشفه من العلل من  يذكر  امصابك
وماخاب  القــرع  ياســيدي بابــــك
من نتعناك••مــــنبع نلكــــاك
فايض بالجود••ونضل نهواك
                  ★★★★

محــبتك عالكواكب ڱــڵـها مــنشوره
وعلى وجه الشمس يحسين إلك صوره
الخـــالق صــورك وطاك مــن نــــوره
وجسمك مــوجــسم ايات  مـــــنثوره
ربك سواك ••سيد الأمــلاك
انت القرأن••ونضل نــهواك
                   ★★★★
 
يالمضحي بدمــاك وناصر القــرأن
وروحك قــدمــتها قُــربه للــديان
ووصالك تــسبح  ربها عــالتــربان
وتدعي خالقك يرحم بني سفيان
محد ضاهاك••راحم بعداك
شافع للناس••ونضل نهواك
                     ★★★★

لْـۆن انت على خصمك جفك ترفعه
تكــلب  بالــدعاء السبعه عــالسبعه
لجن حته الشمر من راسك ايكطعه
تدعي الله يرحمه وتهمل  الــدمعه

الباري من اوحاك••جهلو معناك
حط بيك اسرار••ونضل نهواك.
🔗🔗🔗🔗🔗🔗
الشاعر
        نسيم
      الحميداوي🖋🖌
/channel/NasimAlhamdawi

الشاعر الحسيني نسيم الحميداوي

12 July 2023 21:48

«إلى أنصار الحسين عليه السلام رئيسيه»

لجلك ربنه. خالقنه   يبو الاكبر
إلك ترخص منا حرنه يبو الأكبر
فخر إلنه •••اذا متنه
•••••؛؛؛؛؛؛؛ ••••
الك. انصار اجينه وعفنه دنيته
نموت نعيش حبك هوه غايتنه
اذا ذبحونه مانترك محبتنه
ماعشنه بمذله وبشرف متنه

يرخص دمنن لعيونك يبو اليمه
مايسوه العمر دونك يبو اليمه
نعيش احنه •••اذا متنه

•••••؛؛؛؛ ••••
طلكنه النسه وعفناها دنيانه
الك نهدي نحور ونرخص إدمانه
الك ربنه خلقنه واحنه سوانه
اذا عفنام عفنه الهادي قرأنه

بيك انت النبي جدك   ضرب أمثال
دم حسين من دمي   نبينه كال
يحذرنه••••اذا متنه
•••؛؛؛؛؛ ••••
ألف مره الخصم لو أحنه يذبحنه
واذا بعد الذبح بالنار يحركنه
لاعنك عدوك    مايفركنه
ولنحور  العده إشتاكت. مناحرنه

مثل طفل اليحن لامه   گلبنه إشتاك
نرسم   لوحه   للامه ونهج   عشاك
سعادتنه••اذا متنه
••••؛؛؛؛؛ •••••
الوفي بيــــــــوم  الشدد يحسين يجرب
يصير إنعوف  شخصك عالثره مخضب
وتموت إنت ونعيش إحنه وعذب نشرب
علينه الله ورسوله سيدي   يغضب

علينه لوغضب ربنه  تمــــسنه النار
إحنه من الله مطلبنه  نموت أحرار
      إنتصر دمنه•••إذامتنه
••••••••؛؛؛؛؛؛؛•••••••
جحافل حاشده بسوح الوغى ضدك
منعــــــــوفك أبد ياسيدي    إنودك
إشلون  إنتركك  بطف كربله  وحدك
وين إنظم وجهنه من النبي   جدك

شنكول الأمك  الزهره   يبو الاكبر
اليعوفك منه تتبره      تره الكوثر
تحاسبنه••••إذا متنه
•••••؛؛؛؛؛؛؛؛••••••
فاجرهم يزيد  إشكد   يقـــدسونه
شسع نعله  على إكصصهم يخلونه
مثل ربهــــــم صبح   ضلو  يعبدونه
كاللهم  إبـن  فــــــــاطم    تذبحونه

يزيد الفاجر  الطامع   إله تبعـــــو
وانت البالحشر شافع   إلك بغضو
شفيع إلنه•••إذا متنه
••••••••؛؛؛؛؛؛؛؛•••••••••
الشاعر.نسيم الحميداوي
/channel/NasimAlhamdawi

الشاعر الحسيني نسيم الحميداوي

10 July 2023 12:20

أبي قد دعوني بكل ولاء ••لكي يذبحوني بذاك العراء
أنا ذا حسينً•••بقيتُ وحيداً••بذاك العراء
•••••؛؛؛؛؛ •••••
إلي كتبو تعال وإنت مـصلحنه
مثل شخصك أبد يحسين ماعدنه
نطش دربك ورد بس إعتني إلنه
يايوسف زمـــــــانك إنت منقذنه

فقُل مالديك وخُذ مــــــاتريد
فنحن إليـــك سنبقى عبيد
فأين العبيداً••••بقيتُ وحيداً
••••؛؛؛؛؛؛•••••
گالو كل شيء بعدك سيدي تغير
لاشمـــــس بسمانه لابدر يضهر
تعال ونَور الدنيه يبو الأكبر
إلك نفدي دمانه ويرخص المنحر

فأنت إلينا كشمس تغيــــب
ونحن عشقنا وانت الحبيب
فجأتُ سعيداً•••بقيت وحيداً
•••••؛؛؛؛؛؛••••
ذبحــــــو جاسم وذبحو علي الأكبر
وشفت عباس إخوي على الثره إموذر
وحته البالمهد كطعو إله المنحــــر
وبعد ماعندي ناصر ياعلي حيدر

وصرتُ إونادي بقلبٌ كسير
بنارَ فؤادي طلبتُ نصيـــــر
ألا من معينً•••بقيتُ وحيداً ••بذاك العراء
•••••؛؛؛؛؛؛؛•••••
صرت مثل الحسن يوم البقه وحده
مــــــــرد گلبه الألم من سمته جعده
وتكطع بالسهم چبدي مثل چــــــبده
وجسمي على الترب ضل محد إيوسده

وفوقَ الرمالي كستهو الدماء
وتبكي لحالي لنجوم السماء
رأتني صريعً•••بقيتُ وحيداً ••بذاك العراء
••••؛؛؛؛؛••••
ماخلو ضلع بضلوعي مــــاكسروه
ولاثوب على جسمي بويه ماسلبوه
ومن بعد الذبح راسي بقنى شالوه
اليزيد الراس هذا ياعلي يهدوه

ورأسي خـــــضيبا برمحً يُشال
وجسمي سليبً وفوق الرمال
ومامن مغيثا ••بقيتُ وحيداً••بذاك العراء
•••••؛؛؛؛؛•••••
شيبي منخضب ووصالي متدكطعه
وبنار الخيم أطـــــــفالي متروعه
علي حزنت ملائكة السمه السبعه
على العدوان شافت أهمل الدمعه

مضيتُ بقتلي لربً رحيــــــــم
وقوماً لأجلي ستسقى الجحيم
عليهم حزينً••بقيتُ وحيداً••بذاك، العراء

للشاعر نسيم الحميداوي
••••؛؛؛؛••••



/channel/NasimAlhamdawi

الشاعر الحسيني نسيم الحميداوي

04 July 2023 11:39

عندي الذبح. هين سبي عيالي الألم
راسي برمح وعيوني ضلت عالخيم
جثتي أنه أحشم بيها•••ردت الخيم تطفيها
★★★
طــــلعت رقــيه بس ركض بنار الخيم مچويه
ضليت أحــشم بجــــثتي وهي تحــشم بيه
إشلون أركض وراسي برمح وبعدن علـّۓ رجليه
وانه إنسبيت ويالظــــعن. وي عيلتي المــسبيه

مذبوح أنه. وراسي مــشه وي عيلتي
فوك القنا . ورمح إحترك من غيرتي
دمعاتي دم أجريها••••ردت الخيم تطفيها
★★★
جسمي على إسهامه زحف مــن طفلتي ندبتني
يمــي رُقــــيه ڪٍّربــــت بمنظر صعب شافتني
لطمــت وجــها من الحزن ومن الڪفه حضنتني
تكلــي سهام البالصــدر مــن شبكتك حرمتني

يمي إجت • وصدري بحوافر منسحك
بس من بچت• قلــبي الرقيه ظل يدك
ڪلمه بدمع تحچيها••••ردت الخيم تطفيها
★★★
لمن طحت فوك الترب هاجت جــميع ألامــي
ماشــوفن عــيالي بعد خــــيل وزلم جدامي
ياربي راويــني الخيم چفــي رفعته ودامــي
حِكمه نرفع راسي برمح حته أنه أشوف خيامي

راسي إرتفع• أذن ألم صَــله الجــــرح
فارس رجع • حارس ظعن صاعد رمح
والعبره دم يبچيها•••ردت الخيم تطفيها
★★★
سجدت بواتر عالجسم وبدمي كــــلها إتوضت
وصدري إنهشم ياشيعتي وضلوعه رض إنرضت
روحي على ذبحي تغض نضر بس عالحرم ماغضت
شفت الحراير بالسبي والروح أحسها تشضت

راسي بدمه •يبچي وعلى زينب يون
شفت السمه • غــيم وجها من الحزن
كل غيمه أصدن ليها••••ردت الخيم تطفيها
★★★
إختي شفــتها بياوضع حافي وجمر يچويها
محنية زينب چن ضلع فكد الأهل حــــانيها
من الضمه ماظل دمع عدها وشمر سابيها
من بعدي لوتشرب نهر زينب فــــلا يرويــها

حته الضوه• نتقاسمه چــنه سوه
بس الهوه •عني بحبل چفها إنطوه
لن زينب إمڪيديها••••ردت الخيم تطفيها
★★★

★★★
للشاعر نسيم
الحميداوي/channel/NasimAlhamdawi

الشاعر الحسيني نسيم الحميداوي

30 June 2023 13:38

قصائد محرم مع الحان لكل قصيدة تجدونها هنا👇👇👇👇👇👇


/channel/ahmed_alziwar

الشاعر الحسيني نسيم الحميداوي

30 June 2023 13:37

قصائد محرم مع الحان لكل قصيدة تجدونها هنا👇👇👇👇👇👇


/channel/ahmed_alziwar