533
حسين سالوفة عشك مرها الذبح للتواصل @Eng_alhabeeb
مختــصر تعــب السنين
كون بس يرضى الحنين
اللــهم ارزقنــي حــسن العــاقـــبه
***
لاتــزل أقـدامي يارب بعــــد اذ هديــتني
ليتــني ربي ارجعوني وماتفــيد اللــيتني
جبت عمري بخــدمة حسيـن الذبيح
وخاف جدمي يزل واذا زليت اطيح
هوه بــس وحده اليخليــني استقـام
بصاية الله وصاية المــذبوح اصيح
حسيـن اذا ماكــض كفاي
خاف اطيح وصـعبه هاي
اللهـــم ارزقـــني حـــسن الــعاقبه
***
حسين اللـــهم اشهــد اول واخــر عشـــگ
الغيره اذا يحترك گلبي كون بالنار احترگ
عــمر جبــته ويــاه اثر يتبع اثر
وعيني كل عاشــور تبچـيله نهر
شلون اتخيل حياتي ابلا حسين
بلا حسين العاشگ يكـتـله القهر
عايــش بحــــــالة امــير
لو طردني شــراح اصير
اللهــم ارزقـــني حـــسن العــــاقبه
***
قابل الــحر قبل بيــه وچــنت تابـع للهوه
الخيمته من احتواني صار عندي محتوه
بخيــمة الـــخـــدام مـــن خـــلاني
خيـر مــن الله الحـــبيب انطـــاني
منه اطلب كـون بس وكت الممات
اسمــه كــون اخــر اســم بالساني
كون وانا ابچي الخيام
تسلـهـم اعـيوني وتـنام
اللـــهم ارزقــني حســن العــاقبه
***
ادري درب الخـدمة شائك وادري رايدله صبر
وخاف باخــر امتــحان التـــعـب ذاك ينخــسر
يا الـــهــي بجــاه كاروك الرضـــيع
التعب كل هذا التعب خوفي يضيع
والشــريته بغالي كــل هاي السنين
خـــاف برخــص ســعر تاليــها ابيع
الما اكو بگلبه حسين
ينحسب صـفر اليدين
اللــهم ارزقـــني حســن الـــعاقبه
***
حسين معناته الصراط العافه ياربي هلك
والـخدمته قــوي حــيلي ياالــهي اتـوسلك
بلــكي ارد بخـدمتي معـروفه
وكون غيره عيني لا متشوفه
حتى مايطفه مصابه البالدليل
وتبـقى تسعر بيه نـار اطفوفه
كون لاما اســـتريح
وابقى الطم عالذبيح
اللهــم ارزقنــي حــسن الــعاقـبه
***
جبت عمري ادعي يارب موتي كون بمجلسه
وكــون اخـــر نــفس بيـــه بالـــعزاء اتنفـــسه
ارد الاگي الهــشمة صدره الجياد
صدري من اللطم بي صاير سواد
هيه هاي الانتـــظرها مـن زمــان
هاي حسن الـعاقبه البيــا الـسداد
الراضي ابو اليمه عليه
الدنيـا كـلها ترضي بيه
اللهــم ارزقــني حــسن الـــعاقبه
*
حيدر تركي الكربلائي
جميع دروس المقامات الفرعية والاصلية تجدونها هنا👇🏿👇🏿👇🏿👇🏿👇🏿
https://youtube.com/channel/UCz03jT4unuka51X7foOyXcg
#دعم_مؤسسة_منبريون_الحسينية_رقم3
#ملاحظة_الدعم_3_ساعات_وينمسح_من_القناة
1/الشاعر ابو احمد الطائي
@sadqdd
2/انين الطفوف ام يحيى العبودي
@amyahaaaleabude
3/الشاعرة نشوان الكناني
@Nshwan_1999
4/قناة تعليم الاوزان فالح العامري
@abooredha
5/الشاعر عباس الصالحي
@AbbasAlsalhi
6/الشاعر فاروق العيساوي
@faroqesavi
7/الشاعر عباس المجتومي
@abaas997
8/الرادود علي الدلفي
@aliali12345aliali123
9/الرادود علي الحبيب الغزي
@Mulaali4
10/الشاعر والرادود جهاد السلطاني
@jahadsoltani
11//الشاعره كلثوم الساعدي
@ailyihg
12/القارئ والناعي عصام المحمداوي
@vkhhgfffggg57812
13/الشاعر ابو قسور العويدي
@fff45
14/ملا عمار الديباجي الحسيني
@afghgghhh
15/الشاعر حميد الشويلي
@hameedd100
16/الشاعره ام سعد الشمري
@um1966ahmed
17/الرادود محمد ابو سجاد الكعبي
@mngfuy
18/الرادود أمير الفتلاوي
@amarr_hasnn
19/الرادود عبد الزهره الركابي
@ksaiabmolahna
20/الرادود شهاب الشغانبي
@mnfvgbb
21/الرادود فارس المرياني
@almreaniy93
22/الرادود غازي الساعدي خادم. العقيلة
@KHADAMALAQELA
23/الملحن الملا فلاح الغانم
@almulla8800
24/الرادود احمد المياحي
@ahmedalmayah
25/الرادود سيد منتظر الموسوي
@Muntazar_ALMussawi
26/الرادودو السيد باسم الموزاني
@hussienbnAli
26/الرادود منير القريشي
@muncf
27/الرادود حسين القريشي
@krehte
28/الرادود شهاب الموسوي
@saidshehab27
29/الرادود والناعي ابو زينب المحمداوي
@a_1959
30/الرادود ملا عمار العامري
@Aamra3456
31/الرادود علي الشبلي
@ali_alshble
32/الشاعر منتظر الكعبي
@juhsa
33/الناعي ابو زينب المحمداوي
@a_1959
34/قصائد على لحن باسم
@qwergtyyuujjjjjkk
35/آه يادمعة رقية خاصة
@deaa1989
36/ملا علي يوشة
@MullaAliyousha
37/الناشر خادم الخدام
@alialaialai
38/قصائد زنجيل
@zngel1441
39/النعي والرثاء لمجالس سيد الشهداء
@AL_Nay_and_Alrthaa
40/محاضرات وقصائد ومعلومات
@Alhasasn18
41/صوت الحسين لنشر القصائد
@hkcjhfjoggohcc
42/فخر المخدرات زينب لنشر القصائد
@sxggnj
43/ويبقى الحسين لنشر القصائد
@qqq88997ffff
44/الشاعر رائد البزوني
@HassanKarim7
45/الشاعرة ام علي افضل الزينبي
@omali1290
46/رابطة مسلم ابن عقيل عليه السلام
@mslmapnAGyel
47/الشاعرة زمن حاتم الربيعي
@pntAlMirza_zamn
48/اشعار زينبية فاطمية
@najiqq
49/الشاعر محمد الشريفي.
@mlamemd
50/الرادود ابو محمد الدراجي
@jabeier
51/الشاعر ازهر الزيدي
@qwqerd
52/الشاعرة نور الظهور المقدس ام ليث
@Yazahraaa655
53/الشاعر عمار الغزي
@nnrjsb
54/الشاعر والرادود عقيل الكرعاوي
@akeellll
55/الشاعر كرار الزهيري
@uyyrew
56/الشاعر جاسم العامري
@jasemalameri1999
57/ الشاعر مهند الدريساوي
@mohaneedatea
58/ الشاعر حسين الطائي
@handresalrekabi
59/ حسنين المحنة
@azlvideo123
60/ الشاعرة ام علي الموسوي
@zxop1222
61/الشاعر السيد محمد الموسوي
@qwertyuiopasdfghjklasdfbnm
62/ الشاعرة رافضية وافتخر
@vgdtyhjj
63/ الشاعر ابو سجاد الجعفري
@abosajadaljafre
64/ الشاعرة هاجر الزينبية
@HH_7W15
65/الشاعرة فضيلة هاشم الموسوي
@dmoh91
75/الرادود احمد الزوار
/channel/+Jyx8QkcZqbBiNWJi
واجعفراه وصادقاه
الزهره اتحب الاقرايه
واتحب هاي الاحچايه
عله المسموم وآ ويلي
عله المسموم وآ ويلي
ــــــــــــــــــــــــــــــــــــــ
ياناس ابمجالسنه 00 الزهره عادتاً تحضر
تلطم عالوجه واتگــول 00 آ يوليدي الاموذر
بس هالليله شو لزمت 00 بديهه الضلع الامكسر
وعله صوب البقيع اتصيح 00 آ اعليك ياجعفر
يم باب الحسينيه
تقره الزهره لطميه
عله المسموم وآ ويلي
عله المسموم وآ ويلي
ــــــــــــــــــــــــــــــــــــــ
يبني دارك الـمحروگ 00 ذكرني بهذيچ النار
ومايفرق تره المسموم 00 من الذابحه البسمار
أنته هدمو گبرك 00 ومنعو تربتك تنزار
وآنه المهدي چن كبري 00 غايب عن الانظار
يالخامس ابذريتي
حرگو بيتك اوبيتي
عله المسموم وآ ويلي
عله المسموم وآ ويلي
ــــــــــــــــــــــــــــــــــــــ
صادق بالفعل والقول 00 يالجرحك كُبر بيه
يسمونك بني العباس 00 چي روحك حسينيه
ابصلاتك جنت ياالله 00 هيچ اتگول يوميه
إرزقني گبر يارب 00 بالغربه البقيعيه
حته اذكر مصيبتهه
المسبيه و خرابتهه
عله المسموم وآ ويلي
عله المسموم وآ ويلي
ــــــــــــــــــــــــــــــــــــــ
عمرك عبر عالسبعين 00 وأنته امعاشر الدمعه
عبـاده نصهن ونصهن 00 زياره بليلة الجمعه
طلّابك تگللهم 00 ياناس العمر شمعه
الماباجي عله العطشان 00 باچر محّد ينفعه
عالـمجلس توصيهم
وعالضـامي تبچيهم
عله المسموم وآ ويلي
عله المسموم وآ ويلي
ــــــــــــــــــــــــــــــــــــــ
اتوصّي الكاظم اتگله 00 يبني بآخر الانفاس
لفلي اعله الجسد رايه 00 بيـــهه ريحة العباس
وتربه كربلائيه 00 حطلياهه جوه الراس
واريدك من بعد ماموت 00 انته اتقود هاي الناس
واعله احسين تقرالي
غالي ورايح الغالي
عله المسموم وآ ويلي
عله المسموم وآ ويلي
ــــــــــــــــــــــــــــــــــــــ
يالصادق يبعد الروح 00 ياعمري ونظر عيني
جيت المجلسك لتگول 00 يمه ما حضرتيني
واعذرني خذاني الشوگ 00 والحسرات تچويني
اريدن امشي للعباس 00 وانعاله عله احسيني
واذكر ليلة العاشر
واگول ابكسرة الخاطر
عله المسموم وآ ويلي
عله المسموم وآ ويلي
ــــــــــــــــــــــــــــــــــــــ
الصادق غمض اعيونه 00 وموسى ايصيح وآ ويلي
مثل گبر الحسن هاليوم 00 يابويه انهدم حيلي
يابيت الوفه اللمني 00 وياخيمه التفييلي
ظهري انكسر ياهالناس 00 شو محّد يتچيلي
سلطان المذاهب مات
الليله صاحت الحوزات
عله المسموم وآ ويلي
عله المسموم وآ ويلي
محمد الجماسي
#اللهم_عجل_لوليك_الفرج
🚩استشهاد الصادق ع🚩
بويه بويه وسفه جبدك سمموه
بويه بويه وسفه كلبك لوعوه
بويه بويه
ــــــــــــــــــ
بويه لجلك انه كل حيلي انهدم
من شفت جبدك نزل جدامي دم
بويه ما يحملني من اوكف جدم
بويه منظر فاجعه اكبالي انرسم
بويه بويه الهادي جدك مارعوه
بويه بويه وسفه كلبك لوعوه
بويه بويه
ــــــــــــــــــ
بويه ياهو المثلي ينظر والده
يلوج والسم حيل كلش مظهده
صحت صوت الوالي الله يساعده
حمل ضيم اوه من هاي العده
بويه بويه شلون شخصك حاربوه
بويه بويه وسفه كلبك لوعوه
بويه بويه
ــــــــــــــــــ
تلوج حيل اتلوج يا بن حيدره
وجهك اتغيّر بضيم الي جره
شرد اسويلك او روحي حايره
جبدك السم كصه وكلش وذره
بويه بويه فضلك اعدانه انكروه
بويه بويه وسفه كلبك لوعوه
بويه بويه
ــــــــــــــــــ
مثل جدي الباقر مصابك حصل
ومثل جبده جبدك اتكطع وصل
اه يوم السم لعد جبدك وصل
من اهروشه وبالالم ويلي انفصل
بويه بويه بيك كلبي الّموه
بويه بويه وسفه كلبك لوعوه
بويه بويه
ــــــــــــــــــ
شفت بيك الفاجعه وكلبي انفجع
ذاب كلبي الونّتك حين السمع
سمّتك يا بويه اتباع البدع
وانت نور ونور عل عالم سطع
بويه بويه شلون ابن يشوف ابوه
بويه بويه وسفه كلبك لوعوه
بويه بويه
ــــــــــــــــــ
الشاعر محمد حسن ضيغم
جميع دروس المقامات الفرعية والاصلية تجدونها هنا👇🏿👇🏿👇🏿👇🏿👇🏿
https://youtube.com/channel/UCz03jT4unuka51X7foOyXcg
#دعم_مؤسسة_منبريون_الحسينية_رقم3
#ملاحظة_الدعم_3_ساعات_وينمسح_من_القناة
1/الشاعر ابو احمد الطائي
@sadqdd
2/انين الطفوف ام يحيى العبودي
@amyahaaaleabude
3/الشاعرة نشوان الكناني
@Nshwan_1999
4/قناة تعليم الاوزان فالح العامري
@abooredha
5/الشاعر عباس الصالحي
@AbbasAlsalhi
6/الشاعر فاروق العيساوي
@faroqesavi
7/الشاعر عباس المجتومي
@abaas997
8/الرادود علي الدلفي
@aliali12345aliali123
9/الرادود علي الحبيب الغزي
@Mulaali4
10/الشاعر والرادود جهاد السلطاني
@jahadsoltani
11//الشاعره كلثوم الساعدي
@ailyihg
12/القارئ والناعي عصام المحمداوي
@vkhhgfffggg57812
13/الشاعر ابو قسور العويدي
@fff45
14/ملا عمار الديباجي الحسيني
@afghgghhh
15/الشاعر حميد الشويلي
@hameedd100
16/الشاعره ام سعد الشمري
@um1966ahmed
17/الرادود محمد ابو سجاد الكعبي
@mngfuy
18/الرادود أمير الفتلاوي
@amarr_hasnn
19/الرادود عبد الزهره الركابي
@ksaiabmolahna
20/الرادود شهاب الشغانبي
@mnfvgbb
21/الرادود فارس المرياني
@almreaniy93
22/الرادود غازي الساعدي خادم. العقيلة
@KHADAMALAQELA
23/الملحن الملا فلاح الغانم
@almulla8800
24/الرادود احمد المياحي
@ahmedalmayah
25/الرادود سيد منتظر الموسوي
@Muntazar_ALMussawi
26/الرادودو السيد باسم الموزاني
@hussienbnAli
26/الرادود منير القريشي
@muncf
27/الرادود حسين القريشي
@krehte
28/الرادود شهاب الموسوي
@saidshehab27
29/الرادود والناعي ابو زينب المحمداوي
@a_1959
30/الرادود ملا عمار العامري
@Aamra3456
31/الرادود علي الشبلي
@ali_alshble
32/الشاعر منتظر الكعبي
@juhsa
33/الناعي ابو زينب المحمداوي
@a_1959
34/قصائد على لحن باسم
@qwergtyyuujjjjjkk
35/آه يادمعة رقية خاصة
@deaa1989
36/ملا علي يوشة
@MullaAliyousha
37/الناشر خادم الخدام
@alialaialai
38/قصائد زنجيل
@zngel1441
39/النعي والرثاء لمجالس سيد الشهداء
@AL_Nay_and_Alrthaa
40/محاضرات وقصائد ومعلومات
@Alhasasn18
41/صوت الحسين لنشر القصائد
@hkcjhfjoggohcc
42/فخر المخدرات زينب لنشر القصائد
@sxggnj
43/ويبقى الحسين لنشر القصائد
@qqq88997ffff
44/الشاعر رائد البزوني
@HassanKarim7
45/الشاعرة ام علي افضل الزينبي
@omali1290
46/رابطة مسلم ابن عقيل عليه السلام
@mslmapnAGyel
47/الشاعرة زمن حاتم الربيعي
@pntAlMirza_zamn
48/اشعار زينبية فاطمية
@najiqq
49/الشاعر محمد الشريفي.
@mlamemd
50/الرادود ابو محمد الدراجي
@jabeier
51/الشاعر ازهر الزيدي
@qwqerd
52/الشاعرة نور الظهور المقدس ام ليث
@Yazahraaa655
53/الشاعر عمار الغزي
@nnrjsb
54/الشاعر والرادود عقيل الكرعاوي
@akeellll
55/الشاعر كرار الزهيري
@uyyrew
56/الشاعر جاسم العامري
@jasemalameri1999
57/ الشاعر مهند الدريساوي
@mohaneedatea
58/ الشاعر حسين الطائي
@handresalrekabi
59/ حسنين المحنة
@azlvideo123
60/ الشاعرة ام علي الموسوي
@zxop1222
61/الشاعر السيد محمد الموسوي
@qwertyuiopasdfghjklasdfbnm
62/ الشاعرة رافضية وافتخر
@vgdtyhjj
63/ الشاعر ابو سجاد الجعفري
@abosajadaljafre
64/ الشاعرة هاجر الزينبية
@HH_7W15
75/الرادود احمد الزوار
/channel/+Jyx8QkcZqbBiNWJi
ما عودتني حسين تجفيني
اتخليني انوح او تنعمي عيني
و الوادم الذبحتك تسبيني
و اتهطرت من جيتك اهواية
گوة امشي و ايدية اعلة مگفاية
جيتك يخوية حسين شچاية
كونك تحبني حسين رد اوياي لخيامي
ما بية اروحلك و ارد متعيني اجدامي
اتعنيتك اركض و الخيم محترگة بايتامي
گوم يا خوية انهبنة
گوم و اعيونك تعبنة
گوم مو وصلت حوافرهم حرمنة
ليش ساكت وآنه احشم
و سكتتك بية تهدّم
گوم مو ركض الفلة اهواية هظمنة
حسين خوية...حسين خوية
♕♕♕♕♕♕♕♕♕♕♕♕♕♕♕♕♕♕♕
عطشان خوية او غايرة اعيونك
بس گوم، واگف خل يشوفونك
شيرجعة حيلك من يسحگونك
يبن امي گوم او آنه اتچيلك
الخاطر خواتك خوية شد حيلك
ادخيلك يحامي اضعونة ادخيلك
لحگ يخوية اعلة الحرم لا توصل الوادم
لا تبقى عالگاع او تون لتظل يخي نايم
ترضاهة تركب عالهزل؟ خوية بخت هاشم
ليش هيچ حسين رحتوا
ليش كلكم ليش طحتوا
و آنه وحدي او دورت وين اليحامي
گوم خوية او لا اتغمض
آآخ بية التعب يركض
او شيبت يا خوية من حرگوا خيامي
حسين خوية...حسين خوية
♕♕♕♕♕♕♕♕♕♕♕♕♕♕♕♕♕♕♕
يا خوية گوم الناس فرحانة
شافونة نبچي او محد اويانة
او شيصبرة ليذبحون وليانة
حاچيني يا رجواي حاچيني
تيهتة دربي حسين دليني
خوية اعلة بختك لا اتبچيني
يا خوية شو چنك متت يبن امي و اتنازع
واختك غريبة ابنص غرب والوادم اتباوع
بس گوم احلفك بالضعن خوية الضعن ضايع
گوم رد الخيل و ارجع
گوم ترضى الحرم تطلع
بالبراري حسيــــــــن و الوادم تعاين
اجدامي فوگ الجمر تسحگ
من اجيت او خايفة انطگ
گلبي شيب يامن ابگلبي انتة ساكن
حسين خوية...حسين خوية
♕♕♕♕♕♕♕♕♕♕♕♕♕♕♕♕♕♕♕
تفزعلي لو أيس يرجواية
و صبّر دليلي حسين بحچاية
بس احچي اجتني الخيل عناية
عالهزلة اروح حسين ترضاهة؟
تمشي اختك و بس غربة وياهة
ابروحي اشبقة امنين اتِّلگاهة
هاهية راح امشي ابدرب ما بي و لا واحد
من بيت ابو طالب و انة او نسوانك اناشد
او ويانة بس راسك يظل و الدم عليه جامد
گوم راح انروح لحگ
گوم خوية الشام يخنگ
و الزلم من هسة حضروهة الهلاهل
وين اروح او ماكو مگصد
و ليش وحدي اوياية محد
و ليش ميرد و آنه اصيّح يابو فاضل
حسين خوية...حسين خوية
♕♕♕♕♕♕♕♕♕♕♕♕♕♕♕♕♕♕♕
حسين الزهيري
تم نشر قصائد والحان لمحرم الحرام
للاشتراك بالقناة
/channel/+QYhwKvqAiD7e_b1P
عيني بيها الدمع يحدي .. مشتاقه للمهدي
عيني مشتاقه للمهدي
•••••••••••••
كاس الصبر بيدي انكسر مولاي
بهذا الزمن صعبه تمر دنياي
بس ذكرك الطاهر بقى وياي
شوقي الك عبدلله رايد ماي
روحي بيها ذبل وردي
مشتاقه للمهدي .. عيني
مشتاقه للمهدي
•••••••••••••
عمري الك واحلا العمر وياك
ليلي سهر بلكي الصبح القاك
انا اليتيم بنص هلي بلياك
بهواك اموت واحيي بهواك
ادري ذنبي سبب بعدي
مشتاقه للمهدي .. عيني
مشتاقه للمهدي
•••••••••••••
بسمار الك وسط الضلع ماطاب
ولسا بعد نار وحطب عالباب
يمته إلعزا الزهره تلم احباب
يمتى العلامه إلجيت الغياب
عمري لحظات ويعدي
مشتاقه للمهدي .. عيني
مشتاقه للمهدي
•••••••••••••
حرگة حجي عندي بجي وحسرات
لمن تجي تحجيلك الدمعات
لسا بعد عبدلله ضامي يبات
لسا رقيه تحسب اللحظات
دمعات مافارقن خدي
مشتاقه للمهدي .. عيني
مشتاقه للمهدي
•••••••••••••
حرگة حزن يالمهدي وين اتصيح
ودمعي مثل طفله بضعن واتطيح
الزينب خبر كل سا ايجي ويه الريح
مابيها تحمل عمتك تجريح
وتصيح الحبال في يدي
مشتاقه للمهدي ..عيني
مشتاقه للمهدي
•••••••••••••
الخادم
كريم التميمي
تنـتـظر طلـعـتك .. ارض البقـيـع بأمـل
من تـرف رايتـك .. تنـبـني گـبور الأهل
گبور من الترايب .. تنـتظرك يغايب .. يامهدي
………………………
ارض البقيع الطلعـتك
متلـهفه حيل الجيتك
وانته املها
اسنين صارت تنتظر
تبنيها من فجرك يطر
وترجع لاصلها
ترد ذيج الگبب يالمهدي تبنيها .. وتعـلي المناره
ومن كل الارض هالناس تلفيها .. وتأدي الزياره
تعـتنيها البشر .. تقره مجالس حزن
سيدي والگلب .. ينعه المصيبه ويون
ينعها المصايب .. تنـتظرك يغايب .. يامهدي
………………………
مهدومه تبقه اليازمن
ماكو على كبر الحسن
يالمهدي گـبه
السجــاد مـهـدوم الگـبر
يالمهدي ترضه لهل عصر
يم گبره غربه
والباقر لهسه مهدمه گبته .. يالمهدي مصيبه
والصادق بقت من گبره تربته .. يامحنه العجيبه
سيدي بياذنب .. گـبور الاهل تنهدم
وتنبني ياوكت .. عشنه يمهدي بحلم
ظلت بس تعاتب .. تنـتظرك يغايب .. يامهدي
………………………
وگبر الوفيه الطاهره
ام البنين الصابره
هم هدموها
للغالي ضحت اربعه
وشرفها ربها باربعه
من جاوروها
هاي ام البنين الطاهره الحره .. الضحت للحسين
يمهدي القدمت قربان للزهره .. ولدها قرت العين
وضلت ابـلا گـبـر .. ياغـربـة ام الگـمر
سيدي ومن بعـُـد .. تقره الزياره البشر
هاي ام الاطايب .. تنـتظرك يغايب .. يامهدي
………………………
بگلبك يمهدي شچم جرح
للسم گضه والمنذبح
الله اليعينك
النوب ردو عالگبر
لوينهدم لو ينفجر
وتشوفه عينك
جدامك شفت مهدومه كل دارك .. وسامره دوت نار
چـا يمـته تسـل يالمهدي فقـارك .. يمـته تاخـذ الثار
دارك من انفجر .. ينمحي رادو اثـر
ظنو بهل فعل .. يخوفونه يالمنتظر
من تطلع تحاسب .. تنـتظرك يغايب .. يامهدي
………………………
اظهر يمهدي للمله
الثار تصرخ كربله
سل ذو الفقارك
شو لسه جدك كبته
حمره يمهدي رايته
چا يمته ثارك
لــسه حسين جدك رايته حمره .. تاخذ يمته ثاره
يصب لسه يمهدي دمه من نحره .. ومن جسمه يتجاره
ندعيلك بالعجل .. يبن الحـسن والفـرج
ماضل ابغيبتك .. يالمهدي روح ومهـج
شيعتك تطالب .. تنـتظرك يغايب .. يامهدي
الشاعر عقيل الحسناوي..
اسعد الله ايامكم عيد فطر مبارك عليكم
جعلكم الله من القائمين والصائمين في كل عام
كل عام وانتم اقرب لمولانا صاحب العصر والزمان عج
اللهم عجل لوليك الفرج وسهل مخرجه
راعي الشدايد طايح بشــده
والساند الكون زينب اتسنده
شيباته صــــارن حمر
دم يبجي اذان الفجر
ـــــ& &&&&&&&&&
اليحضر الشدات كلها وحلهن بچفه
اليوم هوه بشده طايح والله الف وسفه
ماتميز ياهو اكثر دمعه لو نزفه
صوته راح ويحجي كلمه زينب اتحلفه
صوت الله ساكت محد ايصدگ
اتفتحه انا زينب جفنه من يطبگ
ماصبر راعي الصبـــر
ودم يبجي اذان الفجر
ـــ& &&&&&&&&&&&&&&
هاي اخر شده هنه اهواي شداته
امس حرگ الباب شده ومنها حسراته
شده تغسيل الزجيه ومنها شوغاته
وشدة الضلع التكسر منها شيباته
مدري التيتّــــــم هوّه لو وِلده
الكل عمره واگف ايصلي ظل گعده
راس العرش منطبر
ودم يبجي اذان الفجر
ــ& &&&&&&&&&&&&&&&
اليجزع امن ايصيح بسمه تبرد اجروحه
شلون اصدك روح زينب حاير بروحه
هذا المنشف الدمعه ادموعه مفضوحه
اتحشمه كلها العيد اجانه مو وكت روحه
الجـــــانت تشمه كلها مختنگه
ذبحو هوه الله وماتت الشهگه
امن الورد مات العطر
ودم يبجي اذان الفجر
ـــ& &&&&&&&&&&&&&
مأذنه وآذان يبجن فارگن صوته
الف طعنه والف ذبحه ولاخبر موته
راح جم يونس يموت ابلا علي بحوته
الصار بالكعبه تشيل الكعبه تابوته
يتمايل اجروح من يگعدونه
عين الله گوه يفتح اعيونه
من نزفه صارن صفر
ودم يبجي اذان الفجر
ـــ& &&&&&&&&&&&&&&&&
ينغمي اعليه ويفز زينب عله السانه
يوصي ولده اعله الغريبه وشفته ذبلانه
هاي امانه وابوفاضل عندي صاح آنه
حسين وام عون برگبتي وشال ذرعانه
من شاف الاجفوف حيدر اتلوع
وكال اختك اتضيع يوم تتگطع
ولحسين ينرض صدر
ودم يبجي اذان الفجر
ــــ& &&&&&&&&&&&&&&
علي محسن الزيادي
كل اهل الأرض بسمك ينادون
نعشك ياعلي ما شالته امتون
نزلت املاك السمه ..شيعت حامي الحمه
*
مصيبه. عجيبه تهدم الحيل الجنازه
دخيلك. اشيلك ..وعازتك يابويه عازه
طر كلبي الويل الويل ..يابويه وراح الحيل
عالفاكد ليله يطول .. بعدك شيخلص اليل
كل دمعه بخدي تنوح .. مو وكتك عني تروح
يالماخذ كلشي وياك .. ارحم كلبي المجروح
نعشك ياعلي كاسر دليلي
انخه اهل السمه شماطاح حيلي
وكل جروحي مألمه .شيعت حامي الحمه
*
زماني .. عماني .. وعالجفوني الحسره تكتل
حسرتي .. ودمعتي .. دمعه دمعه بدربي تشتل
فز كلبي بجرحه وصاح .. مايتعوض الراح
شمسوي بحالي الموت ..طير وكاسرلي جناح
المثلك مو وكته البين .. كاسر دلال حسين
اصعب لحضات تعيش .. صوره عله جفون العين
بخدودي الدمع سوت نياشين
طر كلبي الهجر يابويه نصين
اليله امي فاطمه .شيعت حامي الحمه
*
اجيتك .. لكيتك .. شايل بجفك علامه
حسافه ..الترافه .. التمسح بروس اليتامه
يتفنها اليليله اتراب .. وتارك بالدنيه احباب
جرحك ماناوي يطيب ..وابدي وي اليل اعتاب
مو طيف يمر كابوس ..جن نبله بكلب القوس
نيشان بكلبي تصيب .. وجن حافر بيه يدوس
شمجاله الجرح بالحسره يكبر
شمازاد الالم اندب يحيدر
بكلبي ناصب مأتمه .شيعت حامي الحمه
*
هضيمه .. يتيمه ..زينب اليله بدمعها
تريدك ..عله ايدك .. طاحت ولزمت ضلعها
شالو عنها التابوت .. يابويه تصيح بصوت
مو وكتك عني تروح .. شمسوي بحال الموت
بويه اضلم صار البيت .. ميته وياك اتمنيت
ياخيمه وديره افياي .. بعدك حيل انسلبت
بعيوني السهر يذبل جفنها
بزينب ياعلي اسوه حزنها
شجره كاتلها الضمه .شيعت حامي الحمه
*
بحسرتي .. ودمعتي .. اسهر اليل واكابر
اشتكليك .. برحيلك .. كمت اشوفن ليل عاشر
كل لحضه عليه بعام .. طر شيبي الحزن الشام
بس غيمة حزني تحوم ..لجروح تعد ايام
احسب كمت العثرات ..بطيفي وكثر الطعنات
دخان وشبت نار .. حتركت كل الخيمات
هذا اول جرح شفته بحياتي
يابويه برمح صارت صلاتي
مخضب بفيض الدمه .شيعت حامي الحمه
*
تمت
احمد الخفاجي
جرح راسك صعب == كسر باب الكلب ==
يحيدر – يحيدر
برحيلك ياعلي == وصيت الطف الـــي ==
يحـيدر - يحيدر
كتلي زينب هايه == وسلمتني الرايه
يحيدر == يحيدر
****
بيدك الـــــــرايه يحيدر سلمتها
وعـــينك علختك يكافل سمعتها
انكسر كلبي علزينب من شفتها
عـــــينك بعين العقيله وفاركتها
كبل موتك بجت == فقط كلمة حجت == يحيدر – يحيدر
يبويه اتيتمت == انعصر كلبي وكمت == يحيدر – يحيدر
دمعه تحجي حجايه == وسلمتني الرايه
يحيدر == يحيدر
****
كمت والــحره مــسافه وتابــعتني
عيني تجري وخلت ايديها علمتني
يا ابو فاضل انت موش اتكــفلتني
شلون احس ادموع عينك صبرتني
تكابلنه بدمع ==وحضر طاري الضلع == يحيدر- يحيدر
وتمنيت الزمن == يرد باهل الفتن == يحيدر – يحيدر
بهل الوكت لوجايه == وسلمتني الرايه
يحيدر == يحيدر
****
بويه اريدك تطمئن جلمه اخيره
اختي اميره وانه خادم للاميره
هايه زينب دللت بدر العشيره
راح اغيم علخدر وامطرله غيره
كبل لا تندفن == اريدك تطمئن == يحيدر – يحيدر
منسولف تبتسم ==بعد عندك علم == يحيدر - يحيدر
اله ادكن ثايه == وسلمتني الرايه
يحيدر == يحيدر
****
بويه بعيوني تضل زينب امانه
لوعت اوصيتك دمع للهم خذانه
هسه اريد الطف تدليني بمكانه
وباجر بجف الحرب اكطع لسانه
الم بيهم وعد == واطشر بالعدد == يحيدر – يحيدر
شلت راية عزم == ترف وي النجم == يحيدر – يحيدر
بالوفه محنايه == وسلمتني الرايه
يحيدر == يحيدر
****
وينه صوب المشرعه وعينه الائبيه
والله عد عينك لـــــــهد الغاضريه
راية الكرار لــــــــــو صارت بديه
باجر السبعين الــــف خلهم عليه
اعيشهم رعب == علي جني منطب == يحيدر –يحيدر
== وتصيح للمشرعه= اجتني الواقعه = يحيدر – يحيدر
والفرات ومايه == وسلمتني الرايه
يحيدر == يحيدر
****
ومن بعد دفنك يبويه وبهضمها
سولفتلي هواي زينب قصت امها
النجم ايد التجاسر مــــن تضمها
لسحل بجفي النجم بالكاع اطمها
تمنيت السطر == يكون اعللنهر== يحيدر- يحيدر
قسم لهل الغدر == فلا يصبح ذكر == يحيدر – يحيدر
الحرب المسنايه == وسلمتني الرايه
يحيدر == يحيدر
****
احمد الخفاجي
هم يگلبي ... ألما يهم ميت ضميره
لا لـتـبرد ... أليبرد يحدد مصيره
خلي نبضك.. للحنين الماكو غيره
أثبت وحـدد مصيرك ياگلب والدنيه عِـبره
والثبات يريد موقف والدمع محسوب نصره
لو حبيبك لو ضياعك والغشيم الضاع عمره
أنكسر قربه الخيامه
عيش مجنون بهيامه
العاقل اليظهر غرامه ،،، وي حبيبه
ياگلب دمعك قرارك
أعلن الحب وانكسارك
أنطي موقف بأختيارك ،،،للمصيبه
ــــــــــــــــــــــــــــــــــــــ
أنطي كلمه ... وبالدمع عاهد أمامك
گله رايد ... جمره تلهب من خيامك
وبخدمتك... گله سيرني بمرامك
هاي دنيه وكلشي فاني واليدوم الترضه عنه
سيدي أرضه عليه يل بدونك عمري يفنه
ياهو مثلك فاك گلبه الكل عبد رايد محنه
أبابك أستوطن كياني
وما أريد أبرح مكاني
ألگه بس يمك أماني،،، يا أماني
حبك بشرياني يسري
أنت جرحي وأنت كسري
للشكر يفتقر شكري،،، وأمتناني
ــــــــــــــــــــــــــــــــــــــ
حسين هوه.. الوصلك هاي المكانه
وبرحمته... عايش أنته بڤي أمانه
ها يگلبي ... ياحنان بگد حنانه
حسين كلشي أنطاك وأنته لسه كلشي مانطيته
أنطاك أبنه أنطاك أخيه وأنطه كل أعيال بيته
أنطاك خيمه أنطاك ظعنه وأنته شنهو القدميته
حسينك المنطيك سُمعه
تعطش يرويك دمعه
تبرد يغطيك ضلعه،،، آه ي ضلعه
ضلوعه سحگتهن حوافر
وحده ظل بلايا ناصر
ورازق أحساسك مشاعر،، لا تضيعه
ــــــــــــــــــــــــــــــــــــــ
الراد وصله ..گلبه يم بابه يذبحه
أحذر أحذر.. الغفله لتنسيك جرحه
أنسه كلشي.. وچوي گلبك لاتفرحه
الغفله من تكبر تبعدك وتبرد وتنسه المصيبه
العنده ثار شلون يفرح ومايذكره بثاره شيبه
العاشگ أيفز أبدمعته لو سمع طاري حبيبه
أتغرب بجرحك وخدمه
لا يجذبك غير أسمه
كبرياء الروح أهزمه،،، الماضي عِبره
بكل قواك أنصر خدمته
جنونك أظهرها بمحبته
أبذل الغالي بنصرته ،،،حسين أنصره
✍️حسين حمدان الدلفي
يبخت الله وحلاله طايح شلون
حته الشمس منك باگت اللـون
يل كلما شفتني اتصيح احــااا
بروده وماي كون اندارلك كون
تحاجيني .....
عليك أمي يمتعوب
تشگگ منك الـثوب
ولوجهك خويه مگلوب ….. تحاجيني
تعــذبني …..
ضعت بالدم يخي دوم
گمـر ما بين الـغـيوم
جروحك صارن هدوم ….. تعــذبني
ينسمات العشگ
اشوفك منسحگ
تجر گــوه النفس
وطيحــلك شبگ …… يبو الاكبر
~~~ـ
هـَـواك الـي يرد الـروح مگطـوع
يبدي الحيل دمعي مثل الشموع
يا نعمه ومحنه شلـــون تنعــاب
تبرد گـــلبـك اتمنـــاهه الــدموع
يبو الاكبر
يمـاخذ ضي الـعيون
حلم ادعي حلم كون
وبعدهي حلوه المتون …... يبو الاكبر
يبو الاكبر ……
عيني العاشرت نوح
ملت خويه الجروح
يريت تروح هالروح ….. يبو الاكبر
ردت يمك أضل
يجرحي الماله حل
لجن جاني الشمر
هـدل متني هدل ….. يبو الاكبر
~~~ـ
تعبانه وردت ارتاح من كل صوت
اصيح احا ياروحي شحلاته الموت
مو تدري العبايه ايعيل بيهه الريح
يهنــيـاله الــتهنئ ونايـــم بتــابـوت
يفيّ روحي .....
يا لچـمات الگلوب
صرت بالخيل مگلوب
عمت عيني بلا ثوب .. يفيّ روحي
يعز خدري …….
طحت ياسمعة الليل
عليك شخلت الخيل
تـؤن ويهـدل الحيل ….. يعز خدري
ضماد اعله الجرح
دفو صدرك يصح
يخيي مو للسحگ
ويشيلك هالرمح ..... يبو الاكبر
~~~ـ
كلشي واله وكته وينتهي ويزيح
لجن ما حسبت هيج الدلال يطيح
يهيبه امن الضوه يل خوتك تنهاب
راحت غفله يحسين بجفاف الريح
حرت تدري …..
وعليه الوجع يندار
حرت كلش بالصغار
وبالخيمه الصفت نار ….. حرت تدري
شلي بعمري ....
صرت ما بين الاجناب
وكلبي بس هضم جاب
وآه يا ثكل المصاب .... شلي بعمري
تطيح امعــثره
صعب عله المره
كرهته هالـعــمر
وحك عينك تره ….. يبو الاكبر
~~~ـ
مجفي عليك دمك جامد اعله العين
بايـگ كل حـــلاتك شفته آه يحسين
وگع من عيني حلمي ويه الــدموع
يخي مــن كـل كتر خانگني الــؤنين
يعذبني ……
گلب فارگ الخوان
واحسه هواي تعبان
يّهدم حيله دخـــان .... يعذيني
وتفززني ……
صهيل وركضت الخيل
جمر دمعاتي اتسيل
لجـمتي تدري بليل …… تفززني
~~~ـ
- خيري الصفراني
ستقام مسابقة ليلة الجمعة في هذا الكروب 👇👇
/channel/+DYFXWza6AtsxMjli
بعالم جمالك..طاف الأحساس**
ولحظة وصالك..جنت الناس**
عيوني اتفرفح ابعشگك*
توئم روحي وتشبگك..*
سومرني الهوى من جدمي للراس*
..............
شملاك..وصف والخال البخدك...وشم لاك
شملاك..حلم يلتم شمل عبدك...وشملاك
شملاك..أذا عالگاع مر جدمك... وأشم لاك
(عطر صدگ تفطر روح بيه)
تسبيحة أمل عشتك..
ليل العاشگ اسهرتك..
مرني تسيورة ضوه ابليل الخيال*
والله أطش نجم السعد لجلك تعال*
هيچي لو عندي بخت واحضى ابوصال*
ضامي وابطاريك أحس ماي الزﻻل*
أعرف أنه أخرتك..
بسهام الذنب صبتك..
سومرني الهوى من جدمي للراس*
..............
لا طاب..جرح فرگاك مو خزن..وﻻ طاب
ﻻ طاب..ذبل غصن العمر بعدك..وﻻ طاب
ﻻ طاب..سكنت ابگلبي يالمهدي..وﻻ طاب
(شخص غيرك عليه يأبن الزچيه)
أحلم أگعد ابختك..
يا اجمل حلم شفتك..
أدفن ابجرف الرمش دمع الحنين*
خايف ايمر العمر تگضي السنين*
الينتظر غايب يعيش اشگد حزين*
أرجع انمشي بخت أم البنين*
عيوني ابشوگ ناطرتك..
هاي الجمعه بس ردتك..
سومرني الهوى من جدمي للراس*
....................................
وعيناك...سوالف مشتهه وملگه...وعيناك
وعيناك...رماد الطف ترس گلبك...وعيناك
وعيناك...لكون احمل قذا ابعيني..وعيناك
(وانوح اعله المشو بالغاضريه)
هواي اجروح لچمتك..
اولهن جرح عمتك..
انه احس طعم العطش كون ارتويك*
اشكبره بخته اليرتوي اميه امن أيديك*
ولو ادري اسهام ذنبي كلهه بيك*
رغم عيبي وبيّه قابل من اجيك*
واضح وانه ما شفتك..
يمي وانه دوّرتك..
سومرني الهوى من جدمي للراس*
.................................
وهج بيك..اعمه الما يحس گلبه...وهج بيك
وهج بيك...لكون اعشگ صدگ اشرد... واهج بيك
وهج بيك...اريد انجن واريد اصرخ..وهج بيك
(واخلي احروفك ابگلبي هويه)
بسوالف انه واهويتك..
سمعت وصحت حبيتك..
عالسمع يالمهدي حبيت وهويت*
وگلبي سلمته الك طابو ورضيت*
فجر عشاگ ابزغت بيه وضويت*
وابجمال اسوالفك انه اكتفيت*
الجوارح كلهه رايدتك..
ظماير حيل عاشگتك..
سومرني الهوى من جدمي للراس*
.........................................
وهم بيه..احسّب خاف ما اشوفك..وهم بيه
وهم بيه..خطيه الما عرف دربك...وهم بيه
وهم بيه..عمت عينه وحجر گلبه..وهم بيه
(كفر بالله النكر ابن الزچيه)
بخيال ابصحوه ماشيتك..
طريق الربك اقريتك..
اليفهمك يعرف اسباب الجمال*
بگلبي فارشلك هلا وحب ودلال*
واحة انته والبشر كلهم رمال*
كامل انته وتحتوي كل الكمال*
شحلاتك روحي راسمتك..
تعال اسنيني ناطرتك..
سومرني الهوى من جدمي للراس*
علاء المياحي
الفاتحه لروح والدي
🚩استشهاد الامام الصادق ع
لسان حال زينب ع🚩
ها يجده ... انه من الشام اعتنيتك
ها يجده ... كالوا مسمم واجيتك
يبو الكاظم لاتون
هاي آنه ام الحزن
ــــــــــــــــــ
صوت من الكاظم ينادي بهظيمه
سمموا والدي يا عظم الجريمه
محنة الصادق صفت كلش اليمه
تيتمت اولادك وآنه يتيمه
ها يجده ... من سمعت آنه ونينه
ها يجده ... من الكبر جيتك حزينه
صحت يبني لا تعن
هاي آنه ام الحزن
ـــــــــــــــــ
عفت كبري وأعتنيتك للمدينه
وعفت بت حسين مهمومه وحزينه
تصيح يا عمه الكلب زايد حنينه
وعن ابو الكاظم ارجعي وخبرينه
ها يجده ... والدك يصعب مصابه
ها يجده ... اتسمم وزايد عذابه
ذابل بشكل الغصن
هاي آنه ام الحزن
ـــــــــــــــــ
جيتك وجرح المتن للساعه دامي
وجبدي وي جبدة رقيه ال هسه ضامي
اسمع العالم ينادي يا امامي
وآنه وياهم صرت لطمي اعله هامي
ها يجده ...الشيعه ما يبرد جمرهه
ها يجده .... وجدتك فكدت صبرهه
الشوفته صرت انه احن
هاي آنه ام الحزن
ـــــــــــــــــ
حين شفتك والمدامع تجري عل خد
ها يجده وانت لابس ثوب الاسود
صحت صوت بحسرتي الله ولحّد
جبد ابو الكاظم وسف بالسم تمرد
ها يجده ....شعدهه ويانه المنايه
ها يجده .... وتشهد الحزني العبايه
شكثر كلبي ممتحن
هاي آنه ام الحزن
ـــــــــــــــــ
يم ابوك وروحي صاحت ها يجده
من كبر جرحه صحت مكدر انشده
جده ادري السم صبح كلش مضهده
خله يكعد لحضه وبجفك اسنده
ها يجده ... يا امام الجعفريه
ها يجده .... صوبك سهم المنيه
هاي اخر لحضه اضن
هاي آنه ام الحزن
ـــــــــــــــــ
الشاعر محمد حسن ضيغم
يمكنكم الاشتراك بقناة زيادة متابعين
التلجرام والفيس بوك واليوتيوب والانستا الى....... اخره
للاستفسار
@ahmed_alziwar0
07732320742
من اذكر جرح ليلك
دخيل الزهره شبچيلك .. واتانيك
لو مرني الدمع طاري
وحدك تبقى خطاري .. واتانيك
__
يطاري العافيه بلياك ضلمه دنيتي ضلمه
يشوك العاشك من ينوح نسمات الهوه تلجمه
اباوع للسمه والكاك مرسوم اعله كل نجمه
فراكك غمه يا مولاي يل شوفك صدك نعمه
انتظرتك يا هوه الريه
تدري شبيه ما بيه .. واتانيك
بس الدمعه تذكاري
وحدك تبقى خطاري .. واتانيك
___
خلص عمري بسهر ملكاك وانه مكابل الشمعه
المايفهم حچي الملچوم مايفهم حچي الدمعه
ارحم عبدك متانيك من يسولف تسمعه ؟
منتظرك ضوه اعله الباب وكل ايامي بس جمعه
شثكل فكدك على متوني
يعيوني وضوه عيوني .. واتانيك
لحد ما تنطفي ناري
وحدك تبقى خطاري .. واتانيك
___
يعافيتي انتظرتك غيم عجل خلصت اسنيني
لجروحك بچيت اهواي ما ملت ابد عيني
اذا ماهل دمعتي اعليك الله المن مسويني
يلعايش بخيرك دوم بذنوبي وتجازيني
تكتل فركتك صعبه
احاجيك بدعى الندبه .. واتانيك
ححزني مچودر بداري
وحدك تبقى خطاري .. واتانيك
__
ادورك وين يل مهضوم لحد يا سالفه تكابر
الوادم تغفه تالي اليل وانته بدمعك مساهر
اكولن باجر اتلكاك يخلص ما تجي باجر
شما يكضي العمر مولاي ابقه ابابك مناطر
لشوفك سيدي ضامي
يل مستوطن احلامي .. وتانيك
بسمك دافن اسراري
وحدك تبقى خطاري .. وتانيك
__
هايم بصحاري شلون ذابل سيدي لونك
يل عايش حلم وياي اموتن واعرف شلونك
اكيد من السبي مولاي واضح جرح بجفونك
بعماتك المسبيات اكو وادم يلچمونك
بحال الطف شنو حساسك
مشيب كلبك وراسك .. واتانيك
دمعك عل خيم جاري
وحدك تبقى خطاري .. واتانيك
للشاعر : علي مخيلف
دخيل مولاي علي ابن موسى الرضا
لمشهد اخذني الشوك بدموعي
وحسراتي كام تهدم اضلوعي يمته اجيلك
مــــــــــازايرك انه العمر كله
وبروحي صارت يالرضا خله يمته اجيلك
بس هاي منك اطلب ودمعي ايتجاره
مولاي ترزقــــــــــني ولو مره الزياره
ياسيدي يالمــــــــرقدك مأوه الحياره
امنــــــــــيات وانـــــه متمـــــــنيها
دمعتي بصــــــــــحنك متى اجريها
يمته اشم ريحت ضريحك وستراح
روحي بــــــــس حبك صدك ماليها
مولاي مولاي يالرضا دخيلك
ــــــــــــــــــــــــــــــــــــــــــــــــــ
يالشايل بكلـــــبك حزن زينب
مثل العبد يم بابك ارد انحب هاذه حلمي
ناذر اذا اوصــــــــــلها اعتابك
لحسين اوزع مـــــاي يم بابك هاذه حلمي
يمته ايتحقق حلــــــمي مولاي وازورك
يالضامن ارتاح من أشم ريحت عطورك
ضلمه حياتي يالـــرضا ومحتاجه نورك
من حــــزن كلبك اريد اشويه
انطيني دمعه ابجيها للمسبيه
جرح من طف كربله منك اريد
وسجل اسمي عبد عند ارقيه
مولاي مولاي يالرضا دخيلك
ــــــــــــــــــــــــــــــــــــــــــــــــــ
مولاي مــــــــــو كايلها هاي انته
من زارني فــــــــــي غربتي زرته هاك اخذني
هوه العمر هم يسوه من دونك
مولاي جرني الديرت اعيونك هاك اخذني
مولاي مـــــدلي ايدك غركت ابحر ذنبي
خذني هوه الدنيه وضعت ونوخذ كلبي
اكبر حرام لغــــيرك امشي وانطي حبي
المايــــــحب عيونك وبيهن يهيم
مو بشر وعله العشك هاذه غشيم
الله سوه الحب لك وانت الحنين
يا لهُ ياسيدي مـــــن حب عظيم
مولاي مولاي يالرضا دخيلك
ــــــــــــــــــــــــــــــــــــــــــــــــــ
بي لذه حبك مو حجي وعابر
يالمجوي كلبك من خيم عاشر جوي كلبي
علمني اون مثــــــلك عله حسينك
يالمنرسم طــــــــــف كربله بعينك جوي كلبي
انت مُـــــهيّج كربله واحزان الحسين
مولاي رايد جمره من ذيج الصواوين
خل انجوي ارد أشعر ابجوي النساوين
انه اريــــــــــد اثنين منك يالحنين
خدمتك والدمعه في مجلس حسين
خوفي مــــــــــن الدنيه مابيها امان
خاف مـــــن دربك تباعدني السنين
مولاي مولاي يالرضا دخيلك
ــــــــــــــــــــــــــــــــــــــــــــــــــ
احسبني غــــــزاله وأمن اعليّه
مولاي ايــــــــــدك حطها بيديه لا تهدني
باب الله بابـــك مايرد سائل
اقسم عليك ابجف ابو فاظل لاتهدني
خايف اجيت ودمعتي تحجي عله خدي
ذنبي عله باب المعصيه ضل بيه يحدي
وأسمك امان من الخطر شلته عله زندي
يم رحابك يطـــمئن كل خايف
مثل عطـــــفك سيدي ماشايف
راسي دنكته بحضرتك ياعظيم
ومثل وكفـــت عبد يمك واكف
مولاي مولاي يالرضا دخيلك
ــــــــــــــــــــــــــــــــــــــــــــــــــ
حسين عبد الزهرة الدراجي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
بعيونك دمع.. وبروحك حزن جرحك يغايب
...................
الليل هاي الوادم تخلصه بنفاهه
ونته حته النوم لعيونك جفاهه
روحك ايضل التعب يركض وراهه
اجروحك انته ولابشر يعرف دواهه
كل ليل اليمر.. كبالك تنعرض كل المصايب
بعيونك دمع.. وبروحك حزن جرحك يغايب
......................
الدنيه مافرحت گلبك مره وحده
للفرح باب وتجي بوجهك تسده
انت ذاكه البلمصايب ذاب جبده
والدمع احمر اثر ضل اعله خده
اه بكل وكت.. يلجم بالگلب فگد الحبايب
بعيونك دمع.. وبروحك حزن جرحك يغايب
.......................
بگلبك ادري من تصير المغربيه
بصدرك ايموت النفس من الاذيه
محني ضهرك تگصد الباب الرزيه
وتوكف تنوح الكسر ضلع الزجيه
من كد الهضم.. دلالك صبح يالمهدي ذايب
بعيونك دمع.. وبروحك حزن جرحك يغايب
....................
منين ابدي وياك ياناعي المصيبه
حسين بالطف جثته ضلت سليبه
يجري دمه امن النحر لا والعجيبه
تاخذه الخيل بحوافرهه وتجيبه
وبحر الشمس.. ضل بلا دفن فوك الترايب
بعيونك دمع.. وبروحك حزن جرحك يغايب
.....................
نار باب الزهره كبرت نايباته
واعله زينب حركوا الخيمه الشماته
ووصلت الصادق يمهدي والبناته
داره حركوهه ويطفيهه بعباته
ويذكر عمّته ..من ضلت وحيده بلا كرايب
بعيونك دمع.. وبروحك حزن جرحك يغايب
.....................
بكل زمن عترة محمد حاربوهه
وانته شاهد يابو صالح مارعوهه
الغرقد گبور اهلك هناك اعتنوهه
مابقت گبه ومناره هدموهه
بس انته الامل.. وگلبك منفجع من النوايب
بعيونك دمع.. وبروحك حزن جرحك يغايب
محمد هادي العقابي
يا اللهي يا سميع
بينه شوگ اسمه البقيع
ندري گبر أم البنين
عينه تربي اعله الحسين
،،،،،،،،،،،،،،،،،،،،،،،،،،،،،،،
خلصن سنين العمر ،، بس ننتظر ،،، يمتى اللقاء
عيون وگلوب انتهن ،، ما طولن ،،، صارن عزاء
الف وسفه وبس تراب أگبورهم
طگ گلبنه وردنه هسه انزورهم
يا بخت گاع البقيع ابنورهم
دمعة بالعين وتضيع
بينه شوگ اسمه البقيع
،،،،،،،،،،،،،،،،،،،،،،،،،،،،،،،
يا أمامي المجتبى ،، ما نكتبه ،، مو بالرسايل
ردنه نحچيلك حچي ،، شوگ وبچي ،، يلغيره شايل
وانته باب الما يرد خطاره
ردنه يمك والدمع يتجارى
شلون حاشى وما يرد زواره
يمك آمال الجميع
بينه شوگ اسمه البقيع
،،،،،،،،،،،،،،،،،،،،،،،،،،،
زين العباد بألم ،،، گبره انهدم ،، من النواصب
الباقر ابنه وضنوته ،، ما خلته ،، چفوف النوايب
دمعة تجري ومن بعد نبچيلهم
شبينه بس ضيم الگلب نحچيلهم
غالين همه وحرنه شنوديلهم ؟
شفنه منظرهم فجيع
بينه شوگ اسمه البقيع
،،،،،،،،،،،،،،،،،،،،،،،،،،،،
جعفر الصادق كتب ،، چف الذهب ،، اعظم حضاره
دين واخلاق وعلم ،، صانع زلم ،، نهجه وقراره
ليش هسه بلا مزار نشوفه
شيعته امن ابعيد ليش اتطوفه
يا بقيع دموع تبچي الكوفه
يا ورد عافه الربيع
بينه شوگ اسمه البقيع
،،،،،،،،،،،،،،،،،،،،
فاطمه ويا فاطمه ،، أم السمه ،،عيونچ تتاني
حسين راد زيارتچ ،، ما وصلتچ،، ذيچ الاماني
ندري مشتاگه وبعيد وليدچ
حسين هم مثلچ يحن ويريدچ
شوكت نحر حسين يشفه بأيدچ
إه يا شوگ الصريع
بينه شوگ اسمه البقيع
الكلام للخادم / #رعد #الفريجي
راحو للدفنه وخلّوني
بويه افراگك يعمي اعيوني
زينب آنـي ليش اخواني
راحو للدفنه وخلّوني
ــــــــــــــــــــــــــــــــــــــ
دلالك ياعلي يا بويه شيعوضه
اودع كل فرح لو جفنك اتغمضه
من شالوك احس كلبي وكف نبضه
وبالتشييع اروح الحسن مايرضه
ظلت آهاتي اتعثرني
وحيطان البيت اتگومني
ابنص احزاني ليش اخواني
راحو للدفنه وخلّوني
ــــــــــــــــــــــــــــــــــــــ
صباح الخير اگلك چنت يوميّه
صباح الموت هسه واقره لطميّه
رايح ياعلي والهامه مدميّه
الزهره بأنتظارك عجّل الجيّه
تابوتك تنتظره الزهره
اتضمدلك يابويه الطبره
والبچّاني ليش اخواني
راحو للدفنه وخلّوني
ــــــــــــــــــــــــــــــــــــــ
وراهم گمت اصيحن يالتشيعونه
أنه ابنيته واحن النظرة اعيونه
ادفنوني ابّداله ولا تدفنونه
البيت ابلا علي اظلم تشوفونه
يم گبرك محّد ياخذني
عگبك ياهو اليسأل عني
يالتـرعاني ليش اخواني
راحو للدفنه وخلّوني
ــــــــــــــــــــــــــــــــــــــ
من راح النعش ماظل هوه ابريتي
اموت اوياك ياهو ايحقق امنيتي
ادور بالغرف چاوين عافيتي
محتاجه الحنانك يابو حنيتي
متعلقه ابحبك يالغالي
يالماخذ كــل راحت بالي
ياصيواني ليش اخواني
راحو للدفنه وخلّوني
ــــــــــــــــــــــــــــــــــــــ
دنيه ابلا علي معناهه بيت احزان
والماعدهه ابو شمعه بوسط عميان
يخنگني البچي من اسمع الآذان
وباچر راح اظل ابعـازة الخوّان
شمسويه وهيچ اتأذّوني
وباچر للشام ايمشوني
وي عدواني ليش اخواني
راحو للدفنه وخلّوني
ــــــــــــــــــــــــــــــــــــــ
باچر ياعلي الطف من يدگ بابي
واتچتف إديّه إحبال سلّابي
تاخذ كربله كل اهلي واحبابي
الخيمه اتطيح بس مايوگع احجابي
وبالوحشه اهناكه اتذكرني
وكونك ياحيدر تحضرني
لا تنساني ليش اخواني
راحو للدفنه وخلّوني
ــــــــــــــــــــــــــــــــــــــ
علي يالتحضر الـميتين بالدفنه
ياهو اللّي يجيك الليله تتمنّه
إرزقني ازورك يا هوه الجنّه
وجرحك ياعلي من دمعي اضمدنّه
والزارك حيدر هنياله
تشفعله وتشفع لعياله
ياقُرآني ليش اخواني
راحو للدفنه وخلّوني
محمد الجماسي
#اللهم_عجل_لوليك_الفرج
يبو حسين روح لله بالسلامه
يبو حسين اني اسهر عاليتامه
ياشريچ اسنيني
ولدك بنص عيني
..................
ادري اليتم ماينحمل بس انته تعرف وضعه
ولجل اليتامه ياعلي عينك تصب الدمعه
انته صرت الهم ابو بكل بيت عندك شمعه
ماحسستهم باليتم هوه اليتم شيجرعه
يعيشون من يشوفونك تجيهم
يعيشون ضحك يتحول بجيهم
الليله من تجفيني
ولدك بنص عيني
....................
ام البنين آنه وإلي دور اليتامه اتحول
وبخدمتك يابه الحسن للموت ما اتململ
انته اليتامه ال عالارض بيهم جنت تتكفل
ولولادك انه ياعلي خليني خدامه اقبل
يضلون ساكنين بكلبي كلهم
يضلون ياعلي ولدك شملهم
روح لتوصيني
ولدك بنص عيني
.....................
هنيالي وكضي هالعمر وياهم ويوميه
اكعد بنصهم ياعلي وتعلم الحنيه
من الدنيه كلشي ماردت بس ننجمع ليليه
من حسين كلمه والحسن وبنيتك المرضيه
بالانفاس عندي صاير بس هواهم
بالانفاس الهوه ماريده بلاهم
وبالوفه تدريني
ولدك بنص عيني
.....................
مودع بالله ياعلي واطمئن من ناحيتي
خليني اخبرك فد امر ولدك تره عافيتي
وبالماي لو رشهم بشر رشيته انه بذريتي
من هسه وصيت الولد ونته تعرّف تربيتي
يكرار الدنيه لو جارت عليهم
يكرار ابو فاضل فدوه ليهم
وبني مايعصيني
ولدك بنص عيني
.....................
ماوالده منهم احد بس سكنو بدلالي
يابا الحسن صرت انه ام والحسن ابني الغالي
وحسين بيه اتعَلقّت روحي وجميع امالي
وزينب الكسرت خاطرك والله تضل ابالي
عهد هاك اخذه مني وللمنيه
عهد هاك وشيمتي شيمه اعربيه
ما أعوفن ديني
ولدك بنص عيني
....................
ادري بوداعك موسهل يكسرهم ويكسرني
ولفراكك ادموعي تصب هليله من تهجرني
يابو المحنه بغيبتك بس الله اليصبرني
الجرحك لون روحي دوه انطيهه بس خبرني
تره العين بعد مايكطع دمعهه
تره العين طفو الليله شمعهه
تروح وتخليني
ولدك بنص عيني
محمد هادي العقابي
بركبتك زينب امانه .. بويه عباس
حيدر تعوض مكانه .. بويه عباس
هاك اخذها الرايه .. يبني دك الثايه.. بويه عباس
****
راح اغمض عيني واتركلك مكاني
استورثت عباس كل طيبي وحناني
ادري بيك بكل حرب كرار ثاني
ولو نزلت المعركه سبع المثاني
يبني كبعه بحنانك .. ياضوه الكون
تارس الدنيه مكانك .. ياضوه الكون
بهجمة الرمايه . يبني دك الثايه.. بويه عباس
****
ياترف يغفه النده اعلجفوف ادينك
يالفتحت الكل سهم بيبان عينك
يالي قاسمت النفس بيني وبينك
يالي تخجل روحك وتزهي بحنينك
ضلك بكل خيمة غيره .. بوادي الاطفوف
برايتك زينب اميره .. بوادي الطفوف
نفس عودك هايه . يبني دك الثايه.. بويه عباس
****
هاي اخيتك يا كمر يابو الشهامه
تغفه اريدن بالخيم مثل الحمامه
بضل وجودك يشعر النام بسلامه
ليله يصعب عاليتيم الماينامه
زينب اليله يتيمه .. وانت كفال
لاتضل بلايه خيمه .. وانت كفال
وانت منطي حجايه ..يبني دك الثايه.. بويه عباس
****
ادري من يوم الصرت تمسح بأثرها
خايف يشوفون ضلها بضل كمرها
الرايه بيدك باجر ترف اشكبرها
بيها صيت الكنطره المحد عبرها
يسجد اليل بخيالك .. ياهوه حسين
صفنت الدنيه بجمالك .. ياهوه حسين
زمزم انت ومايه . يبني دك الثايه.. بويه عباس
****
يوم شافك مالك بذيك القيافه
استعجل وكال الكمر بعده بترافه
مو كمر حيدر دخل ميدان شافه
ياغيور تلوكلك حت الخلافه
بس تريد حسين اميرك .. وانت قائد
ومايشيل الرايه غيرك .. وانت قائد
تطب للمسنايه .. يبني دك الثايه .. بويه عباس
****
يالي راسك مارفعته كبال عيني
ولو ندبتك تركض مدنك تجيني
بكل خجل عباس تغفه بين اديني
اخذ اجفوفك واشم وامسح جبيني
امسح بجفك يروح .. ادري مكطوع
خضبت شبي بجروحي .. ادري مكطوع
والنوايب جايه .. يبني دك الثايه .. بويه عباس
***
تمت
احمد الخفاجي
ساحرني بجمالك .. آسرني بدلالك
بس انته .. تنفسته .. ما غيرك .. ساحرني بجمالك
هناك .. قبل الافلاك
بعالم وياك .. من چنه .. قبل الافلاك
چان .. گلبك صيوان
لَمْ كل إنسان .. بفيايه .. گلبك صيوان
مْن العدم صنعني و الخليقة
نورك اليلمحه ما يطيقه
ينسحر يجي الك طريقه ..
حب ما يزول .. منفى العقول
سحرك بعيونك الجميلة
الينسحر ولا هده دليله
و كلشي ما شفه اله غليلة ..
يريد الوصول .. لقاءك ينول
يحن يبقه الحنانك .. العاش بأمانك
من الطينه .. يحسينه .. يحس بيها .. يا لذة وصالك
وياي .. حبك مولاي
يكبر و هواي .. مني اكبر .. حبك مولاي
شوف .. بالحب معروف
ليبذل معروف .. يحب اكثر .. بالحب معروف
يعني انته اذن صدگ تحبني
ودمعة دمعة بية خيمة تبني
بس جمالك و لا جذبني ..
غيرك مُحال .. حته بخيال
كلشي عنه عيني تدري اغضها
بس تشوفك وْ مِن حُسنِ حظها
تبچي حب الك صبح غرضها ..
دمعة جمال .. حبل الوصال
قَدَري الحتمي حبك .. وطني الأوحد گلبك
جاذبني .. معذبني .. بعيونك .. تعذبني حِلالك؟!
كون .. انطيك عيون
وسميلي اللون .. لبعيونك .. وانطيك عيون
هاك .. گلبي الحباك
وخليني وياك .. من احچي .. ما ابچي وياك
ابلا قراري اگلك أو تگلي
دمعي خدي وحده شوفه يملي
ارد احبك بدمعتي شلي؟! ..
اجمل شعور .. بگلبي يدور
بنظرة عينك اسّرت وجودي
حر اضل اذا بقت قيودي
احلى شي عشت الك ورودي ..
عَودة جذور .. تترسني نور
أرجع من اجيلك .. ما گول اعتينيلك
للفطرة .. المتجذره .. بعماقي .. العايشها اجالك
وين .. ما خذني الوين
حبك يحسين .. ما ادري .. ما خذني الوين
حسين .. يمحلي العين
بشوفك يحسين .. و بالدمعة .. يمحلي العين
تحلى عيني بس اذا بچتلك
فائدة الها جدمي لو مشتلك
والله اموت اذا آنه ما گلتلك ..
أحبك حُسين .. و أحبك حُسين
دوريته بية بس لگاني
عطرك و جماله عذباني
بحربي ويّه ذاتي مِن خذاني ..
جمالك رهين .. بمحبتك سجين
اغلالي بجراحي .. لا تطلق سىراحي
راهني .. ومتهني .. الحرية .. إلّا من خِلالك
نار .. گلبي المحتار
بكون الي صار .. ما صاير .. و كذبة الاخبار
آه .. محد شالاه
وبوسط اعداه .. يا گلبي .. شتفيد الـ لا
إنذِبح يگلبي حبي الاول
ما كتل رقية بس تخيل
سالم و تشوفه شنهو أجمل ..
من هالخيال .. عين الجمال
يمشي صاحي بي كِشخ مِدرعه
يحچي ويّه زينب و يسمعه
كافل الفواطم و يتبعه ..
مثل الخيال .. راعي الدلال
الانسان التعشگه .. ذبحه ما تصدگه
حبيتك .. تمنيتك .. ما ذبحوك .. و لا اسروا عيالك
مصطفى سلام البهادلي
صمنه ساعات و فطرنه بمشتهانه
مو عطاشه و تركض الوادم ورانه
لا فرغ عدنه مهد
فرق صوم ام الوَلد
صمنه ساعات..
.
.
.
صمنه عن العطش..ما فطرنه برمح
نفطر اويه الشمس..شوكت ما تنطرح
لچن صوم السبي..من الصبح للصبح
الصايم بنينوى..يفك ريجه بجرح
الله يساعد النسوه
و گمرهن طايح ستوه
بلا شوف الگمر اجزم
صيامك چنه ماهوه
ساعد الله النسوه من صامن وقوف
على التله مچتفه بيوم الطفوف
نسوه ما الهن سند
فرق صوم ام الوَلد
صمنه ساعات..
.
.
.
الصوم يطلب عمر..ما يصح للطفل
رغم هذا عبد.. صام صوم الكهل
تشوفه كلش سهل..بس ابد مو سهل
العدنه يفطر تمر..و عبد يفطر نبل
صام و ما گطع فرضه
بدم النحر يتوضه
لمن حرمله سدد
راوا رگبته الفضه
قبل لا يبلغ عمر اده الصيام
و انكتل بيد ال ولا ساعات صام
والعطش منه انولد
فرق صوم ام الوَلد
صمنه ساعات..
.
.
.
دققت لاحضت..طفله صامت إذن
نمتحن بالعطش..و بالهزل تمتحن
فرق راحه و سبي..وفرق فكة جفن
الينعت من الاذن..تبقه اذنه ترن
اذنها بلا قرط مسلوب
و تشوف الابو مخضوب
و دگات الگلب ميمر
گلبها بالسبي متعوب
بالسبي الصايم يجوع من الضرب
و فوگ مايابس جدم حار التُرب
فزعه يا حيدر مدد
فرق صوم ام الوَلد
.
.
.
الصامت اعله الهزل..اعله الدلال امسكت
تفطر بصم ضحك..من الضحك دنگت
هناك كلشي صحه..الغيره ابد ماصحت
فطرو من الضحك..راسها و ما حچت
شنقارن غطه و رجفه
شجاب الحجر للسعفه
صمنه و ما حصل فد يوم
الزاني يهين بالعفه
تراب و دم عباة الصايمه اعله النوگ
من حرگ الخيم ذيل العباه محروگ
و الجمر بيها لبد
فرق صوم ام الوَلد
صمنه ساعات..
.
.
.
صومنه كله الك..حتى نفهم امر
من يمرنه العطش..نعيش ظرف الخدر
حتى من ننضنك..نلطم اعله الصدر
صمنه و بلا غصب..يالغصبكم شمر
گلتها و بيها متيقنين
اذكروني بدموع العين
و اذا لامس شفاهك ماي
گول يعينك الله حسين
اذا نفرض خطأت و حاشا يا مولاي
لا يسگوك خل يشرب رضيعك ماي
چبد عبدالله انمرد
فرق صوم ام الوَلد
صمنه ساعات..
.
.
.
.
.
حسين الحمّامي
مولاتي العليلة 💔😭
ياليل سلملي على اهلي الماخذوني
كلهم كطع كلبي الهجر ليمت يجوني
كلهم ولا ليله
نامت هالعليله
لوحرك الباب الهوه يخيب ظنون
......................................
ياليل ذوبني السهر بنجومك شكد عديت
ومن كثر ما اصفن واحن ملّني حيطان البيت
ياليـل كــل لـوالدي مـن المناطـر مليت
مو كتلي يومين وترد شو راسي شاب وماجيت
يابويه موتدري الهجـر ياكـــل بالايام
جاليش طيفك مايمر حته ويالاحلام
جافيني لوناسي
مـوشيبت راسي
ليمت يجون الحملو ماحملوني
......................................
شيبت ليلي منالنشد ياليل ماشفت احبــاب
طولو ماردوالي وكلبي اعلى فركاهم شاب
طبعن جدامي عللدرب ليمت يجون الغياب
عشرت يتيم ويالدمع هيج انه عاشرت الباب
ياباب مادگـك مـــحـــب بشـــرني ياباب
موتدري كل لحظه انتظر جيه منالحباب
ليمت يــرد ليه
ظعن الكطع بيه
وشكد وراهم حشمت ماهيسوني
......................................
سالفتي صارت من رحت يابويه وي البيبان
جي ضال بيهن من كبل من دكت ايدك نيشان
ذكرى مناليام المضت كمت اكتب اعللحيطان
اهنـــا كــعدت ويــا سـوه وهنا يلاعبني جان
تجمعني وياهم صفت بس ذكرياتي
وابالي ظحكت والدي ولمت خواتي
ماتنفع الونه
راح اكطع الظنه
للخـــذو ويــاهم فــرحتي وعذبوني
......................................
تدري بجفاك شرافكَت ؟ يابويه نجمات الليل
بويه بكثرهن من يمر طاريك دمعاتي تسيل
يانجم ليش منرحلو ليلك عَلَي صار اطويــل
شو جنه صاير بيه طبع مايرحم المابي حيل
يانجم شـو ليلك علي اقـــوى منافـــراك
وانه بهجرهم انجوي وكل لحظه اشتاكَ
ماترحم بحـــالي
بيت وصبح خالي
يانجم خاف اهلي التهو عني ونسوني
......................................
حاجيني يايوم وترد موجفني شيب يحسين
يابـويه هم ساـمع كَبل بالشيب يطلع بالعين
كــل الخلكَ ونـه تون بس انـه ونـاتي اثنين
ونت فراكَك والمرض ماخلن بعمري سنين
ليله اعله ليله وخلصت كل عمري لوعات
زادي بجفـــاكـــم ونتي واتــروه دمعـــات
اخفه اعله حسراتي
وتروينــي دمعـــاتي
ماعايزه هموم بهجرهم جملوني
......................................
كل يوم اشد حيل الدمع واترس لملكَاك عيون
واگعد عللباب العصرعيني اعله درب اليمشون
كل لحظه اكلن للـــدرب بلكت عليك يمــرون
مــو كَالــو انردلج علي يادرب ينسون شلون
بويه ويهد حيل الصبر لوصـــار الغـــروب
هنوب صارت من رحت عشره ويالدروب
ماضل صبر بيه
يايوم الك جيه
عللباب من يوم الرحت ظلت عيوني
......................................
يايوم افك عيني الصبح والكاك يم باب الدار
مـالازم لطـــول العمر مـر بيّه مـرت خطّار
عبدالله اريــدن شوفته يجــويني الفراكَ بنــار
فركَنه يــابويه الزمـن واحنـه عللفراكَ زغار
يابويه اخوتي وكــل هلي عنو عليه
صار شكثر من فاركت ظحكت رقيه
ردهم ولو لحظه
حته بحلم ارضه
عافوني بجفاهم وحيده ولوعوني
......................................
ياليل هـــذا اخـــر عتب للعافـــي وراح بعيد
وخلاني علباب انتظر ليمت يجي هلال العيد
للمالـــه نيه يرد الي كثـــر المعـــاتب شيفيد
بس كبل لامــوتن ولو مــره بحلم عيني تريد
يابويه مـــر بيه بحــلـــم خليني اراويك
جم شوغه بضلوع الكَلب خلالي طاريك
ياليل مــرمـــرني
بحلامي ما مرني
حته ارسم لطوله الحلو صوره بجفوني
خادم الحسين ع
#رائد_الناشي