533
حسين سالوفة عشك مرها الذبح للتواصل @Eng_alhabeeb
لو عندي بس وحده بنيه وفضه اسميها
وي الضعن تطلع ولزينب خدامه اخليها
امنيه يم عون للطف ردتها
بنية أم البنين تمشي وي اختها
****
بنيه وحده تصير للطف لام البنين
نذر خدامه لختها بظعن الحسين
يمه اوصيج اعله زينب من تروحين
وصيتي هاي ام الخدر خليها بالعين
مثل امها بدويه علويه لزينب شبه بيها
مثل الكمر تمشي والكافل صارت معانيها
للطف يهالناس بيدي صغتها
بنية أم البنين تمشي وي اختها
****
كون عندي بنيه والكرار ابوها
شتطلع وعباس راعي الغيره اخوها
مدلله واولاد حيدر دللوها
بعفة الحره العقيله يوصفوها
بين الخدر آيه وهوايه متروسه حنيه
مرفوعه هامتها بخوتها وتنفذ الوصيه
وي اربع اولاد امنيه طلبتها
بنية أم البنين تمشي وي اختها
****
امنيتي كون وياج تمشي من البدايه
بهل البنيه تصير عندي بيها غايه
من تشب نار الخيم بارض المنايه
خيمه تنصبلج يزينب بالعبايه
هذا حلم عمري بنيتي مثل الكمر تطلع
تمشي وره جدامج واثاره فوك الاثر تطبع
بعيوني الاحلام ماوصفتها
بنية أم البنين تمشي وي اختها
****
تكبر بنيتي ردتها لذيج الايام
دور اخت عباس تحرس كل الخيام
يغفن عيون النجم بس فضه متنام
وتوكف لشوفة خيالج طبة الشام
توكف جبل عنج والصدج ماينضرة خيالج
يشوفون اخو زينب المهيب من توكف كبالج
من حكي العيون لو وشلتها
بنية أم البنين تمشي وي اختها
****
مثل اخوها هناك بالطف كلها غيره
هي خدامه الج وانتي الاميره
جنها اخوها البشدد ماصار غيره
بالخيم موجوده اخت بدر العشيره
وتحامي عالعيله كل ليله اخت البدر هايه
تركض عله ايتامج وخيامج لو طاحت الرايه
جلمه بكفه النوك بدمعي كلتها
بنية أم البنين تمشي وي اختها
****
الج تفرش جف اديها الدور الاول
الرمل حار تريد زينب تصعد التل
يحلم يشوفج غريم شما تخيل
وكون يازينب مكانج هيه تنسل
وكون الترد هي مسبيه واسئلها منهو انتي
الطف يعذبها ويسلها وما اعرف بنيتي
مو مثل الرسوم من ودعتها
بنية أم البنين تمشي وي اختها
****
تمت
احمد الخفاجي
يتوفر لدينا
1- زيادة متابعين ومشاهدات يوتيوب
2- زيادة متابعين انستا
3- زيادة متابعين فيس مع اعلان ممول
4- زيادة متابعين تلجرام
@ahmed_alziwar0
07732320742
صاحت ومحد سمعها ..شكالت وينزل دمعها
افتهموا بلزمة ضلعها ..اخوي ..اخوي
راح اخوي وحامي خدري
****
مشية الفاكد مشت واعله اخوها حدبت
تطيح .. تصيح .. عجيبه
وين اخوي ابو الفضل ميت بروحي عدل
احير .. واصير .. غريبه
منكسر كلبي واعاين عالشريعه
بلكت يرد لاخته ابو جفوف الكطيعه
ضيعتي بوادي الغرب ياخويه ضيعه
عفيه عيني وشافت اهوال الفجيعه
ندبت ومحد حضرها ..عالنهر غايب كمرها
ناحت ولزمت ضهرها ..اخوي ..اخوي
راح اخوي وحامي خدري
****
ينزل بخدها الدمع ..الصعبه مكسور الضلع
طريح ..ذبيح .. تشوفه
نابت بكلبه السهم ..ينازع بذاك الألم
سؤال ..محال .. تعوفه
الاخت وي الاخو غيره ومحنه
تكول مو زينب تعوفه وتمشي عنه
عالجسد كامت تفيي بصوت ونه
الاخو صعبه خواته يفاركنه
قرر الراس بسبيها .. يمشي ويعاين عليها
وكامت تأشر بديها ..اخوي ..اخوي
راح اخوي وحامي خدري
****
وين زينب والغرب بالدمع تطوي الدرب
مصاب .. عذاب .. حزنها
صعدت التله تون .. يشيب الراس الحزن
حسين ..سنين .عمنها
اللحضه بالطف اعله زينب جنها الف عام
سلها جفن عيونها المايقبل ينام
شتنسه زينب يامصيبه بجرح السهام
و انتها باخر جرح من حرك الخيام
شافت حسين ورضيعه ..والكمر يم الشريعه
طايح جفوفه كطيعه ..اخوي ..اخوي
راح اخوي وحامي خدري
****
شيبتها نينوه ..وكوه تشتم الهوه
سيوف ..تشوف ..تجيها
حرمه خمسين العمر ..وطكها بالصوط الشمر
عيال ..حبال ..بديها
بناكه عرجه عله الهزيله طلعوها
مروا بجسم الحسين ولوعها
طلعت وتمشي الشماته براس اخوها
وينه يازينب دلالج سمعوها
هضمه والهضمه شكبرها ..زينب بهذا عمرها
بالحبل واحد يجرها ..اخوي ..اخوي
راح اخوي وحامي خدري
****
للمصايب تستعد ..تلتفت من تبتعد
وداع ..ضياع ..بعدهم
هاي نضرات العتب ..بيهن هوم وتعب
حنين ..ونين ..عليهم
الدمع بس المنجرح يفهم حجيهن
مدللات وصبحن مجتوفه اديهن
صعبه لو نطرن عزيز ومايجيهن
المده تعمي العين لو طالت عليهن
طالت المده بحزنها ..ليله مايطبك جفنها
صاحت بعالم حزنها ..اخوي ..اخوي
راح اخوي وحامي خدري
****
تمت
احمد الخفاجي
يركض حبيب اعله الخيمه ..يهل الشيمه ..صاح بصوت
زينب رادت بس تعرفكم ..وبهمتكم ..لاكوا الموت
الصحبه بيها زماط ..ذب بالخيم رباط
زامط يحسين بصحبانك
****
هوس بالخيام وكال ذوله احنه الزمط بيهم
بالشده الثكال حسين خل ايذبهن اعليهم
زينب لا تحسب حساب ربعه حسين شاريهم
شرايه الحرب والموت وكت الشده يدريهم
ذوله احنه ربع حسين خل تشهد الناس
منعوف ابو السجاد حد كطع الانفاس
وغيرتنه من كافل زينب ..المهيب ..غيره وزود
مانرجع يم عون بكلمه ..ويابو اليمه ..وراعي الجود
بزغره اليكطع اكماط..ذب بالخيم رباط
من عباس الغيره البينه
****
بخاجيته وحلات الشيب كام يهوس الربعه
حي الله يربع حسين زينب رادت الفزعه
صاحو يا هلا بالموت صوت اهل السمه تسمعه
ودجوا دجه بالصيوان بيها اهتزت السبعه
صاح واجو حفاي كلهم يركضون
جبنه الركب قربان خل تسمع ام عون
عيد ونعيد بالحرب ..كلنه نطب ..زلم حسين
حجه وداع اعلى الخيم ..نرخصله دم ..صار سنين
وطوفتنه سبع اشواط ..ذب بالخيم رباط
والكعبه حسين وحجينه
****
طب شيخ الطفوف يصيح وين ام الخدر تبشر
نركض عالمنيه بزود كون حسينج يأشر
نطب بغيرة العباس روس اعلى الجثث نشمر
وعينج للنجف حفاي نخليها الزلم تعبر
نتسابك ويالريح يوم المنيه
من الخيم عالموت نركض سويه
والعايل نشلعله عيونه ..يكرب كونه ..للاخيام
احنه حسين الزامط بينه ..والتمينه ..كلنه حزام
علينه المعسكر حاط .ذب بالخيم رباط
والعايل نشلعله عيونه
****
حبيب برايته الخضره بيرغ ضل يرف بيها
وي عمره القيافه تلوك حلوه ولايك اعليها
تشبه راية العباس بجفوفه يعليها
حالف يكلب الصوبين سافلها اعله عاليها
طب الها راعي الشيب والرايه بيده
حالف يحني الماي من دم وريده
واهتزت بيمينه الحومه ..ثبت يومه ..بالطف غار
مثل الصكر صاير صيده ..الرايه بأيده ..الجيش احتار
حكه الكلب لو شاط ..ذب بالخيم رباط
ياويله اليكرب لحسيني
****
رفعت هامه بالحومه شايب طالع بهمه
شيخ ويا حلات الشيخ بيه الرايه متحزمه
من شيبه عطر للياس ضل حت الهوه يشمه
حي الله يبن ضاهر حار وما برد دمه
كللها يخت حسين كولي شتطلبين
ذوله احنه عد عيناج خدام الحسين
اشلعلج يازينب عيني ..بس طلبيني ..زينب صاح
لازم يخط بالطف جلمه ..ينزف دمه .. عازم راح
حسين عله شيبه خاط ..ذب بالخيم رباط
وخطيت اسم حسين بدمي
****
تمت
احمد الخفاجي
شد حيلك تگلي وآنه متت كلي
گمت اعثر بظلي يا ابوفاضل
ابني علي راح ومني الگلب طاح
*
ياخويه گلبي محترك وجرحي عله ابني شكبره
ضيعته مدري انه الضعت وضيعت ذيج العشره
ناداني موتني العطش يابويه اريدن گطره
مگطع ولم بي بدمع والخيل مني اتطشره
شگد تنزف اجروحه ضامي گضت روحه
وگلبي ارتفع نوحه مگطعينه
أميه من صاح مني الگلب طاح
*
طاح ورحتله بدمعتي وحيلي انهدم من شفته
بطوله تمددت وصحت هذا انته لو مو انته
حاجيني يبني شيوجعك گلبي علي گطعته
الزم كتر يوگع كتر يا اباالفضل من شلته
جم حافر بصدره اضلوعه متطشره
شميته من نحره وصحت يبني
من طعن الارماح مني الگلب طاح
***
نايم لگيته عله الترب لو تدري بيه شصاير
مايگدر ايجر النفس كاسر اضلوعه الحافر
امنين ما الزمه يون يم جسمه كاعد حاير
مگطعينه وبصدره رمح الظهره رمحهم عابر
شگد انطبر راسه وجم حافر الداسه
ايجر گوه انفاسه معذبينه
ما ضني ارتاح مني الگلب طاح
***
ما تنعد اجروحه علي الطعنه فوك الطعنه
الخيل اعتنت ليه وصحت ياخيل ابعدن عنه
كافي ابني راح من السحگ براحه يون عوفنه
مگطع وضامي ومنجرح وشظال بيه شوفنه
ما ظل كتر منه خاطر تسحگنه
بهداي رضنه راح صدره
عليه الحجر ناح من الگلب صاح
***
ما تدري جم مره شهگ بكل شهگه تطلع روحه
والشده خويه من شفت كلهن اتراب اجروحه
ابني جبيره مصيبته وتعبني حيل بنوحه
عيوني وحياتي بروحته راحن بعد فد روحه
بونينه شيبني وبحاله عذبني
وبصوابه صوبني وكسر ظهري
بعده الحزن لاح مني الگلب طاح
*
روحي گضت يا ابالفضل شحاله اليموت اوليده
فارگني وفراگه صعب وبعده العمر ماريده
الفاگد ولد المن يظل ووليده راح من ايده
ياجرح المضيع ولد غير الدمع شيفيده
ياخويه جدامي ابني انذبح ضامي
شيردني لخيامي والله حيره
لازمها الصفاح مني الگلب طاح
*
تمت
ميثم العمري
ورده ودمعه // حنه وشمعه
امك تنعه // يمه يمه
//////////////////////
ليش عايف خيمتك يمه اعله بختك
بنار كلبي لو طفت اشعل شمعتك
مخلي عالعاكول يمدلل ركبتك
يابعد طولي اعتذر من ما حظنتك
سهام بصدرك // وشوج الحدرك
مسلب عطرك // يمه يمه
//////////////////////
ظلت ابنفسي احني يمه جفك
وحالي حال الخلفن تكبر وازفك
تالي خلاني الوكت بالكوه اعرفك
عطش وتراب وتغير ذاك وصفك
حنتك يبست // روحك طلعت
بنفسك ظلت // يمه يمه
//////////////////////
يمه حاجيني يجاسم كون كاعد
ادري عطشان وجبتلك ماي بارد
ابقه بين اهمومي جنه الزمن رايد
ثوب عرسك لابسه لاكاني واحد
مخيط بيدي // ثوب اوليدي
باكو عيدي // يمه يمه
//////////////////////
البجي مايصلح يكلولي عجيبه
يبرد اجروحه البجي الفاكد حبيبه
عكب عينك يالولد امك غريبه
يوم عرسك صار يالغالي مصيبه
مازفيتك// يالحبيتك
يالربيتك // يمه يمه
//////////////////////
الليل اجه استبطيتك وافرك بديه
عفت حظني ونايم ابحظن المنيه
ماكلت ياهو البعد ينشد عليه
الليل كال ابنج بعد مامنه جيه
يمه شلونك // مغمض اعيونك
ميته بدونك // يمه يمه
//////////////////////
نعي عد راسك قريت يوشل العيون
ما يردون النحبهم ما يردون
انته ميت وانه عدله ترهم اشلون
تدري نعشي راح يبقه بعازت امتون
كمت ادعيلك// مدري ابجيلك
لو لوليك // يمه يمه
//////////////////////
تمت ____ علاء الزيدي
مسافة شيب بينه وبين الخيام
ماميز كمت صدره من الاسهام
علي حيرني حيره
هدم نص العشيره
////////////////////////////
معروف العطر لو مات_ نسمات الهوه تشيعه
وانه ابني عكس ياناس _ عطره الحافر امضيعه
بقيت اتهمس ابلا شوف _ انعميت وظاكت الوسعه
مثل الحنطه فوك الكاع _ مطشر ابني شيجمعه
همست باأذنه بويه اليوجعك وين
علي بصفك تمووت راح الحسين
اله وجهي منديره
هدم نص العشيره
////////////////////////////
يالمدلل ابوك اهواي _ يبعد اعيوني حاجيته
لميته رمل وجروح _ ابني باايدي لميته
طرحت اعمامتي اعله الكاع _ كمت وبهدمي غطيته
الابو اليفكد ابن هيهات _ بعد مايلكه عافيته
حرت عن الشمس اوكفله افياي
لو اركض ادور بالخيم ماي
ابو الرايه الجبيره
هدم نص العشيره
////////////////////////////
نكال انكل كمت ياناس _ لخيامي بعلي الاكبر
يارايح عليه وراد _ ما ينشال الموذر
شاغت روحي شوغت موت _ اعوف اوليدي مااكدر
صدر ابني خشب متروس _ يجر اظلوعه من ينجر
تلمسته وبست وجهه ولحيته
نص منه تره ظايع لكيته
جمعت ابني بحصيره
هدم نص العشيره
////////////////////////////
الغالي بهيمه ما ينعاف _ بش اتعوفه يتفرهد
طول بطول اريد وياه _ بهل الظهريه اتمدد
شعر ارموشي ابيض صار _ وكبل اشويه جان اسود
الهاظمني علي عطشان _ هواي اجروحه ماتنعد
انه طول الدرب خلصته عثرات
الهظيمه مكابلتني كلهه شمات
تركني الكله غيره
هدم نص العشيره
////////////////////////////
ثكيله خطوت المتعوب _ شبعدهه صارت اخيامي
ظلينه اعله شربت ماي _ ظامي ايدور الظامي
موقف اذه كلبي هواي _ التعب بين عله اجدامي
بعمامت علي السلاب _ يفتر بيهه كدامي
الهوه بكيفه يودي بيه ويجيب
رجعت امفرع امشي مبين الشيب
كلت كلمه الاخيره
هدم نص العشيره
////////////////////////////
تمت ____ علاء الزيدي
توئم روحي _ طلعت روحك
كون يديرن _ بيه اجروحك
عباس خويه خويه خويه
/////////////////////////
ياابو فاضل رد لخيتك _ كلشي بيه متاني جيتك
ارد اموتن فوك اديتك _ هذا حلمي
ياهو يرهملي ابدالك _ كوم دللني ابدلاالك
تخلي من تمشي خيالك _ جان يمي
عليك تنشدني رقيه _ هسه اكللهه اعله جيه
توازت اوياي المنيه _ انته همي
كل ما انظر _ خالي امجانك
كاسر ظهري _ وظهر اخوانك
عباس خويه خويه خويه
/////////////////////////
روحك وروح العقيله _ تفاركن لا مستحيله
صارت انفاسي ثكيله _ من عفتني
سومرت من لاحك الحر _ وين روحك هسه تفتر
بيه صيحه تترس البر _ حيرتني
موش اول مره اكلفك _ بيدي ربيتك واعرفك
ما يعطلك عني جفك _ ظيعتني
كطعو منك _ ثنين اجفوفك
لا ما تكدر _ روحي تعوفك
عباس خويه خويه خويه
/////////////////////////
بين افراكك بخوتك _ الخوه ماتت ويه موتك
فدوه بس سمعني صوتك _ كلي زينب
عطرك اشتمه بعباتي _ عندك اعرفهه غلاتي
صعبه من دونك حياتي _ رايح اتعب
ادري طبعك ما تجافي _ راح اجيك وجدمي حافي
بلكي تطلع خويه غافي _ جفني شيب
ادري بطبعك _ ماتنساني
ماكو يشبهك _ واحد ثاني
عباس خويه خويه خويه
/////////////////////////
حسين راجع توه منك _ يبجي ويسولفلي عنك
ماره الخيل اعله متنك _ وانته كافل
ظاميه ومنتظره ظامي _ بي عتب تفهم كلامي
سلمت رجع سلامي _ ياابو فاضل
افراكك اتبده اعله لوني _ موتوك او مووتوني
بخيمتك ميته لكوني _ ودمعي سايل
ردلي حسينك _ لازم ظهره
صاح الغالي _ انطاجن عمره
عباس خويه خويه خويه
/////////////////////////
تصيحلي جنت الحبيبه _ هسه صار اسمي الغريبه
تهزني كل ساعه مصيبه _ خويه تدري
تردني عنك مستحاتي _ ماتت ابعيني امنياتي
الخيل سحكت ذكرياتي _ تالي عمري
للخيم واصل ونينك _ ياحبيبي شبيهه عينك
جرح كالولي بجبينك _ دمه يجري
سهم بعينك _ طفه اعيوني
اوصل يمك _ ماخلوني
عباس خويه خويه خويه
/////////////////////////
بطلت تسال عليه _ يعني أيس ماكو جيه
العشره خلصت هاي هيه _ لا دخيلك
طولك اتفرحني جيته _ لاني عدله ولاني ميته
وانته بالك يم اخيته _ تشتكيلك
روحي متعلقه بحنينك _ خويه وينك خويه وينك
يالطحت الله يعينك _ اندعيلك
باليل اكعد _ يمك انعه
واشمر روحي _ بخدك دمعه
عباس خويه خويه خويه
/////////////////////////
تمت ____ علاء الزيدي
جاي اشوف _ دمك ايخضر مناره
جاي اشوف _ ينهدم قصر الاماره
انته تسبيحت دمعتي
بخدمتك كشخت سمعتي
***
الكوفه محتاره بقت ياابو حميده
انته شايل سيف لو شايل قصيده
حته موتك بي شفت فكره جديده
وياك اسمي ينذكر انه الوحيده
ياسفير _ فضلك الهسه اعله طوعه
ياسفير _ جفني غركان ابدموعه
بظهرك اشمحله طلعتي
بخدمتك كشخت سمعتي
***
يخلق الله من الشبه ماكو بجبينك
جاي اشوفك واحد وماكو اربعينك
الزلم ماتوصل تره لأضفر ادينك
وبس ابواليمه يمسلم ترس عينك
ياشهيد _ محد ايشبهك أشوفه
ياشهيد _ كبرك الدنيه تطوفه
سجلت موقف فزعتي
بخدمتك كشخت سمعتي
***
ينهدم هذا القصر ويطيح باجر
ورايتك تبقه ترف فوك المناير
صار دمك خارطه يدلي الضماير
انته مسلم واليضدك هذا كافر
والدليل _ ذهب يتبده اعله اسمك
والدليل _ يخضر وينشاف دمك
واشعل اباب شمعتي
بخدمتك كشخت سمعتي
***
الكوفه ظلت صافنه بهيبت عظمتك
تسوه اهلي وروحي يامسلم خدمتك
انته نعمه وياهو اليقدر نعمتك
عتب بعيونك قريته وافتهمتك
كتلي راح _ يخلد التاريخ ذكرج
كتلي راح _ هواي ياطوعه اشكرج
رايه بالكوفه انرفعتي
بخدمتك كشخت سمعتي
***
خلص بسم حسين ليلك كله تسبيح
اسمك ايخضر مواقف لمن اتطيح
القصر مثل الريشه وانته جايهم ريح
والجهنم يبقه بيهم سيفك ايزيح
ياحسين _ كتله لا تهتم عضيدي
يا حسين _ بالذبح ينزف وريدي
عالوجه صارت وكعتي
بخدمتك كشخت سمعتي
***
فضل سويت واجيت لباب داري
جان طوعه محد ايجيب الهه طاري
بيك افكر صافنه ليلي ونهاري
مقصره اقبل سيدي فدوه اعتذاري
من ازور _ فوك كبرك دمعه اخلي
من ازور _ ميت وعطرك يصلي
بيك كالولي انفجعتي
بخدمتك كشخت سمعتي
***
تمت ____ علاء الزيدي
كعدنه البارحه _ ومكانك خالي
ابشرك زينه _ وتحسن حالي
وصيت الهوى الهاب *** يكلك كل جرح طاب
///////////////////////////
سافرت بيه المحنه _ من كثر مابيك اهم
كاف كل احلامي ماشي _ عاد خليلي حلم
كبل مااغفه جنت اشتم لحيتك
ليش فزيت بحجرتك ما لكيتك
الوحشه ترست من رحت حيطان بيتك
انسه روحي يالعفتني و ما نسيتك
بحجرتك اكعد _ اشم بثيابك
سهم حسيته _ بركبتي اغيابك
شوكت افتحلك الباب *** يكلك كل جرح طاب
///////////////////////////
صبحت يابويه زينه _ جنهه طابت علتي
مافرحت الروحي تدري _ لان انته فرحتي
شوكت اشوفك كلي خل يرتاح بالي
من كثر ما منتظره ملتني الليالي
بيك اسولف للصبح انه وخيالي
بويه كل ابنيه ابوهه عدهه غالي
انام اتوقع _ وعباتي براسي
تجي تاخذني _ يكلي احساسي
تجي من بعد الغيايب *** يكلك كل جرح طاب
///////////////////////////
البارحه بطاريك جنه _ وحده مثلي محيره
جانت ام عباس يمي _ شكد تحبك هالمره
اعليك تدري تكابلن حزني وحزنهه
وحده تبجي اعله الابو وحده اعله ابنهه
بيك مثلي تعلقت وتموت اظنهه
سولفتلي عنك ونمت بحظنهه
اكلهه الغالي _ تكلي شلونه
تره ثنيناتنه _ نموت ابدونه
كعدنه كعدت احباب *** يكلك كل جرح طاب
///////////////////////////
شمعه خليت بمكانك _ اكبالي كمت اتخيلك
حيل مشتاكه اشبكك _ ارجعلي فدوه اتوسلك
كل امان الدنيه ما يوصل امانك
العبره تخنكني من اصد خالي مجانك
طفلتك تدريهه محتاجه الحنانك
فاركتني وشبعد رايد زمانك
يعيش الشافك _ تطيب اجروح
اليفارك وجهك _ يفارك روحه
لزماني محمله اعتاب *** يكلك كل جرح طاب
///////////////////////////
الهوه وصيته يمرك _ ما وصل يمك بعد
كتله اخذ عطري بطريقك _ توصله اريدن للمهد
عبد متعود ينام ابحظني ليله
بلكي يحجي من يشم عطري اندعيله
وهوه يبجي يصيح جيبولي العليله
تعلمت باايدي اكمطنه واشيله
الهوه مر بيه _ كمت وصيته
لمهد عبدالله _ من امس وديته
خبر ليهسه ماجاب *** يكلك كل جرح طاب
///////////////////////////
تمت ____ علاء الزيدي
اول ذبيح وعطشان // فاتحله عشرت بيبان
صوره اله ابالي .محبوبي .أحله من الرسم
عندي اسم واحد . ياخادم . هذا اقدس اسم
خادم _ خادم _ خادم
///////////////////////////////
هذا البشر غالي شرفني وتاج اعله الراس
شايل لغز واظح بعيونه وجه العباس
الله تره يحبه من اترابه خالق هالناس
سواني اله خادم بااحسانه اجمل احساس
من كد ما كريم حسين _ الكرم قبله باأيده
من جاه السهم عطشان _ رواه بركبت اوليده
صار الكرم اسمه حسين // يستاهل اهديله العين
فوك الرمح راسه . وبحساسه .لا كن مبتسم
عندي اسم واحد . ياخادم . هذا اقدس اسم
خادم _ خادم _ خادم
///////////////////////////////
ماكو احله من عنده وجروحه محليته اهواي
ينزل نده الغبشه اعله شفافه يتمنى الماي
يفرحلي لو كتله يابويه ولحظانك جاي
حاسبني مثل ابنه ماتنعد وكفاته وياي
امي جانت اتلولي _ عليه بدمعه سجابه
تهز كاروكي تقرالي _ آ يحسين ومصابه
كبل السمع كبل الشوف // حافض جنت احله حروف
يحسين ابو اليمه . رددته . بكلبي هالاسم
عندي اسم واحد . ياخادم . هذا اقدس اسم
خادم _ خادم _ خادم
///////////////////////////////
يلوذ الضوه بشيبه وبكيفه تهب النسمات
المدلل الفقره يسمونه قاظي الحاجات
شفت الذهب ساجد بعتابه ليليه يبات
رغم الحزن بيهن ايامه وكلهن حلوات
حسين يقدر الخادم _ طبيعه عنده معروفه
الدك بابه واجا معتاز _ يرجع تارس اجفوفه
بجفوفه مفتاح الخير // يرزق تره حتى الطير
بكل شده اركظله . يكظيهه . يمه وتنحسم
عندي اسم واحد . ياخادم . هذا اقدس اسم
خادم _ خادم _ خادم
///////////////////////////////
شمس الله تستأذن من عنده الغروب تغيب
غيم السمه العالي من شافه حب لون الشيب
ترتيبت ارموشه رادانه بهذا الترتيب
اليتمسك ابحبه وبالخدمه ما راح يخيب
ظريحه قبلت العشاك _ العشك يم بابه يترجه
بس ازيارة العطشان _ تنعد بألف حجه
مثل العطر عشكه يفوح // اول عدل بس مذبوح
سون مناراته . بلمعتهن . واهس للنجم
عندي اسم واحد . ياخادم . هذا اقدس اسم
خادم _ خادم _ خادم
///////////////////////////////
علاء الزيدي
العايش حياته بدونك
محد يكله شلونك
واعقل بشر مجنونك
ياابو علي _ ياابو علي
////////////////////////
من اتراب اجدامك _ تمنت خدامك _ تحصل ياريت
الطب لحسينيتك _ خطار ابيتك _ هذا اطهر بيت
حسين سالفتك تلوك بكل مكان
انته اول واحد يوزع حنان
الدنيه غابه ومجلسك اكبر امان
ياحبيبي ياحبيبي
بخت التجيس احساسه
وبالخدمه ترفع راسه
يهابونه بسمك ناسه
ياابو علي _ ياابو علي
////////////////////////
شكد اتهم بينه _ تريد النه الزينه _ تقربنه اعليك
الما يندل دربك _ مايوصل ربك _ الما فكر بيك
منهو ظامن روحه ومحصل رضاك
كون التصيحه يجي مغمض وراك
عمره مايسوه وعلي الما شم هواك
ياحبيبي ياحبيبي
الما رادك لتاليته
ميشم هواك ابريته
الحبك ضعف حبيته
ياابو علي _ ياابو علي
////////////////////////
الشالك بعيونه _ تحط نور بلونه _ تخلي محبوب
المسلمك روحه _ يسولف بجروحه _ ومثلك مرغوب
اهمس بااذن اليحبك عندي ثار
حته باله ينشغل ليل ونهار
عالخيم كون اليخدمك كلبه حار
ياحبيبي ياحبيبي
الما ناسي جرحك ليله
تضل بالاسم تدعيله
وبكل عزه تشد حيله
ياابو علي _ ياابو علي
////////////////////////
الفاتحلك كلبه _ من يبوس التربه _ يحسك مذبوح
يالبعدك حاير _ وتشكي من الحافر _ شكد بيك اجروح
نريد نبجيلك عمر مانستراح
يالقفص صدرك سحك ثلثينه راح
وباقي عطشان وبتت فوك الرماح
ياحبيبي ياحبيبي
عالتربه لو صلينه
بس انته التبجينه
يومك فلا ناسينه
ياابو علي _ ياابو علي
////////////////////////
يربح ما يخسر _ الرباه المنبر _ تحترمه الناس
اليفنيلك عمره _ تسد وحشه كبره _ ادزله العباس
يكفله ابو فاضل التحسبه عليك
البايس المنبر كائن بايس اديك
ولعزائك بس التريده يجيك
ياحبيبي ياحبيبي
العنك حياته بعيده
مايصول النه نريده
الرادك تلزمه منيده
ياابو علي _ ياابو علي
////////////////////////
تمت _ علاء الزيدي
ودوني يم اوليدي ودوني
اشبع بجي بصف كبره خلوني
ضهري انكسره توه وصرت امشي بالكوه
***
ابني واغله من حياتي وللوكت ردته سند
وما تحس بجروح كلبي بس المضيعه ولد
ابني من يكلي يمه جانت تهون الشدد
يمه جاسم احله كلمه والمن احجيها بعد
غالي الضنه وماكو اعز منه
بدم المنيه جاسم اتحنه
والفركه مو حلوه صرت امشي بالكوه
*
كلت اعرسله وزفه وفرح وتضوي الشمس
ما دريت ايروح عني وفاتحه يصير العرس
الموت فاجئني برحيله ودارت الدنيه عكس
ايدي يم عيني امن احطها ادموع وصور تنترس
كلت الولد باجر يزفونه
ما ادري هيج ايغمض عيونه
نبض الكلب هوه صرت امشي بالكوه
****
الما مخلفه اشلون بيها اعله الولد تبجي اشكثر
تريد فرد اوليد حته تكظي وياه العمر
وانه الوحيد فكدته وغير موتي شنتظر
من يمر اسمه اعله بالي ينعصر كلبي عصر
ما بيه حيل افراك تدروني
اشما يكبر ابني يحله بعيوني
والجيته اتلوه وصرت امشي بالكوه
****
حضريت اثياب عرسه وجنت اعد الزفته
وللحرب من ودعيته ابسرعه يبست حنته
صاب كلبي ولوعاني وحيراني بفركته
سابح بدمه لكيته واصل الدم ركبته
ابني حلو واسنينه معدوده
ليش التراب مخرب خدوده
جا وين المروه صرت امشي بالكوه
****
ابني ربيته بحناني وردته ليام الكبر
ما حسبت احساب افكده وبالولد هيج انكسر
بدمعتي اتعنيت يمه وكتله كافي امن الهجر
ارد اسولفله اعله حالي ورمي روحي اعله الكبر
ردته امن اموت ايشيل الجنازه
ابني حنين وعازته عازه
لجله الدمع يسوه صرت امشي بالكوه
*
وألولد يا ناس غالي ومحد ايعوض الضنه
وانه من يوم الجفاني ما شفت طعم الهنه
عكبك اللحضات يبني من تمر جنها سنه
ليش عايفني يجاسم امشي يمه مدوهنه
الله يعين اليفكد اوليده
ماريده عمري اخلافه ماريده
بلوه بأثر بلوه وصرت امشي بالكوه
****
تمت
تحسين الخفاجي
ياوحي ادموعي تعال _ واصفن بهذا الجمال
اشعل ابراسي المخيم
تلكه بين ارموشي زمزم _دمعت العاشك حلاال
//////////////////////////////
اطهر لحظه هاي لكلبي _ من تنزل دمعه من العين
بحب الفطره انته اشهدلي _ وماكو بكلبي بس حسين
واحد زائد واحد عندي _ ثبتن هسه يلله ثنين
مطبوعات بصدري الكاهن _ بكل مجلس ذني الجفين
البل مجالس صدره حار _ بكلبه هذا تلكه ثار
عندي جف ظايع اصبعه
وانه محسوب اعله ربعه _دمعت العاشك حلاال
//////////////////////////////
شوف اللوحه بهذا المجلس _ راسمهه اعظم رسام
سلطان بكد ما متواظع _ حسين يموت اعله الخدام
ذبلك جمره اعله العصابه _ المشدوده براس اللطام
صيح براسي من اول ليله _ الزينب محتركات خيام
طفي بدموعي الخيام _ تنجوي طفله حرام
بالي كله يم رقيه
وانه هذا الصح بديه _دمعت العاشك حلاال
//////////////////////////////
ياوحي ادموعي الجم جرحي _ وعيشني الطف بالحظات
موت حيلي بيوم العاشر _ عالمفطوم بنبله ومات
اهمس بذني بيني وبينك _ بالبر ركضن علويات
حته ادموعي من الحركه _ هم يطلعن مسبيات
تدري للتل من اروح _ هناكه الكه شكد جروح
واقره زينب ياغريبه
تنولد بيه المصيبه _دمعت العاشك حلاال
//////////////////////////////
هنيالك ياوحي ادموعي _ تحظر مجلس وي الناس
لو بيدي ابجيهه اعيوني _ من يوصل يوم العباس
يالجايبلي رزق الزهره _ دموع منكعهن بحساس
بس حسين بعمري الغالي _ تاج وينحط فوك الراس
راح اجاوب ابجي ليش _ حته هالمنبر يعيش
منبر ويملك مشاعر
بكل عزاء ويانه حاضر _دمعت العاشك حلاال
//////////////////////////////
عندي المجلس عالم ثاني _ احظرله بكلبي المكسور
انه اتمنه يخلص عمري _ كون ولا يخلص عاشور
شكد ارتاح من البس اسود _ من زغري خادم منذور
عصريتي زنجيلي بظهري _ وباليل احظر مجلس شور
واحله شي بالدنيه هاي _ من اوزع بيدي ماي
اسود المذبوحي لابس
انعم الله اعله المجالس _دمعت العاشك حلاال
//////////////////////////////
تمت _ علاء الزيدي
فاركونه _ وتارسه البيت الصور
فاركونه _ بينه كسرو جم ظهر
وين صحباني صحت // الاخدم اوياهم جنت
/////////////////////////////
كل سنه . تعودت .. اخدم اوياهم سوه
بالصور . كلبت .. وخدي بدموعي انجوه
غفو حدر التراب الجانو احزامي
من عيني المكابر باكت احلامي
فراغ ابروحي صار وبهتن ايامي
بكل مجلس اصد ماهمه كدامي
يالمشيتو _ ظلمه تدرون اللحد
يالمشيتو _ الراح منكم ما يرد
كبورهم يمهه نمت // الاخدم اوياهم جنت
/////////////////////////////
انسأل . وانحرج .. وين صحبان العمر
مادرو . خاطري .. غصن شجره وينكسر
الغالي من تفكده بغيره ما تقنع
جم واحد مشه وادريبه مايرجع
تطك روحي اعله ساعه من الجسد تطلع
قميصي من البجي بدموعي ظل ينكع
ادري بيهم _ شكد يحبون اللطم
ادري بيهم _ بدونهم حيل انهظم
بنص كطن شيبه طحت // الاخدم اوياهم جنت
/////////////////////////////
غربو . والصدك .. افراكهم ما ينحمل
ننجمع . بالدمع .. كل محرم من يهل
صورهم علكوهه بيهه اساميهم
حسيته محرم ينشد اعليهم
اكيد حسين ابو اليمه يلاكيهم
بصف اخيامه خيمه راح ينطيهم
هل محرم _ عدنه جم خادم نقص
هل محرم _ بعبرتي ظليت اغص
عالصور من سلمت // الاخدم اوياهم جنت
/////////////////////////////
اختنك . واندعي .. كون يمهم اندفن
تعاندت . ويالزمن .. ما اذب ثوب الحزن
ليش الي اذكرنه ويجي ابالي
مكانه الكاه حته من الهوه خالي
وين البي محنه يجافي والغالي
يم اكبور ناسي الكعده تحلالي
تذكرتهم _ سوه جنه احله خدم
تذكرتهم _ الفركه صابتني بسهم
بالعزاء جني شفت // الاخدم اوياهم جنت
/////////////////////////////
تختلف . عشرته .. ال ببو اليمه مرتبط
والعسل . يضل عسل .. لو ملح فوكه تحط
محرم هل علينه محظر اثيابي
اريد افرش شليلي وابدي بعتابي
الزمن شيريد مني وطشر اصحابي
حته اسود صبغته من الحزن بابي
ودعتهم _ وصاحبت هسه السهر
ودعتهم _ عمري وي شوفي كصر
ريت وياهم متت // الاخدم اوياهم جنت
/////////////////////////////
تمت ____ علاء الزيدي
رايح ياعلي .. رايح ياعلي
**
من المخيم روحي طلعت بس وراك تشم هوه
ياشمس تمشي اعله طولك وتارس عيوني ضوه
ماكو بالعالم جمالك انت والهادي سوه
يانضر عين يغالي شيبتني نينوه
رايح ياعلي .. رايح ياعلي
**
يبني الأكبر من غلاتك روحي وي روحك مشت
بخطوة جدامك اعاين يبني كل حيلي خذت
تخوصرت يم المخيم وبالدموع اتبللت
وماي عيني تبده كله عليك يبني وشلت
رايح ياعلي .. رايح ياعلي
**
كون اموتن يبني كبلك وما اشوفك منذبح
الدنيه صارت كلها ضلمه بعين المضيع صبح
ياجرح عاش بدليلي وما يمر مثله جرح
منين اجيب الحيل يبني وراسي احسه عالرمح
رايح ياعلي .. رايح ياعلي
**
العطش كطع دليلك ويابس لسانك بعد
ومن طحت ضامي اعله وجهك كلبي يوليدي انمرد
اركض بلا حيل اجيتك حال المفارك ولد
منين اشبكك يالعفتني مكطع اوصال الجسد
رايح ياعلي .. رايح ياعلي
**
نامت اسهام اعله صدرك حيره اطلع ياسهم
خضبت يوليدي شيبي شما نزل بجفوفي دم
شلتك بلاحيل يبني وحيلي بالطف انهدم
يادلالي بهذا وضعك شلون اردن للخيم
رايح ياعلي .. رايح ياعلي
**
شلتك ودمعات عيني لزمن بخدي سره
رسوم وجهك ياحبيبي ليش كلها مغيره
مادريت بهذا حالك ينكسر ظهري تره
للخيم رديت اكابر وناره كلبي موجره
رايح ياعلي .. رايح ياعلي
**
تمت
احمد الخفاجي
جميع دروس المقامات الفرعية والاصلية تجدونها هنا👇🏿👇🏿👇🏿👇🏿👇🏿
https://youtube.com/channel/UCz03jT4unuka51X7foOyXcg
#دعم_مؤسسة_منبريون_الحسينية_رقم3
#ملاحظة_الدعم_3_ساعات_وينمسح_من_القناة
الشاعر ابو احمد الطائي
@sadqdd
انين الطفوف ام يحيى العبودي
@amyahaaaleabude
الشاعرة نشوان الكناني
@Nshwan_1999
تعليم الاوزان فالح العامري
@abooredha
الشاعر عباس الصالحي
@AbbasAlsalhi
الشاعر فاروق العيساوي
@faroqesavi
الشاعر عباس المجتومي
@abaas997
الرادود علي الدلفي
@aliali12345aliali123
الرادود علي الحبيب الغزي
@Mulaali4
الشاعر والرادود جهاد السلطاني
@jahadsoltani
الشاعره كلثوم الساعدي
@ailyihg
القارئ والناعي عصام المحمداوي
@vkhhgfffggg57812
الشاعر ابو قسور العويدي
@fff45
ملا عمار الديباجي الحسيني
@afghgghhh
الشاعر حميد الشويلي
@hameedd100
الشاعره ام سعد الشمري
@um1966ahmed
الرادود محمد ابو سجاد الكعبي
@mngfuy
الرادود أمير الفتلاوي
@amarr_hasnn
الرادود عبد الزهره الركابي
@ksaiabmolahna
الرادود شهاب الشغانبي
@mnfvgbb
الرادود فارس المرياني
@almreaniy93
الرادود غازي الساعدي خادم. العقيلة
@KHADAMALAQELA
الملحن الملا فلاح الغانم
@almulla8800
الرادود احمد المياحي
@ahmedalmayah
الرادود سيد منتظر الموسوي
@Muntazar_ALMussawi
الرادودو السيد باسم الموزاني
@hussienbnAli
الرادود منير القريشي
@muncf
الرادود حسين القريشي
@krehte
الرادود شهاب الموسوي
@saidshehab27
الرادود والناعي ابو زينب المحمداوي
@a_1959
الرادود ملا عمار العامري
@Aamra3456
الرادود علي الشبلي
@ali_alshble
الشاعر منتظر الكعبي
@juhsa
الناعي ابو زينب المحمداوي
@a_1959
قصائد على لحن باسم
@qwergtyyuujjjjjkk
آه يادمعة رقية خاصة
@deaa1989
ملا علي يوشة
@MullaAliyousha
الناشر خادم الخدام
@alialaialai
قصائد زنجيل
@zngel1441
النعي والرثاء لمجالس سيد الشهداء
@AL_Nay_and_Alrthaa
محاضرات وقصائد ومعلومات
@Alhasasn18
صوت الحسين لنشر القصائد
@hkcjhfjoggohcc
فخر المخدرات زينب لنشر القصائد
@sxggnj
ويبقى الحسين لنشر القصائد
@qqq88997ffff
الشاعر رائد البزوني
@HassanKarim7
الشاعرة ام علي افضل الزينبي
@omali1290
رابطة مسلم ابن عقيل عليه السلام
@mslmapnAGyel
الشاعرة زمن حاتم الربيعي
@pntAlMirza_zamn
اشعار زينبية فاطمية
@najiqq
الشاعر محمد الشريفي.
@mlamemd
الرادود ابو محمد الدراجي
@jabeier
الشاعر ازهر الزيدي
@qwqerd
الشاعرة ام ليث
@Yazahraaa655
الشاعر عمار الغزي
@nnrjsb
الشاعر والرادود عقيل الكرعاوي
@akeellll
الشاعر كرار الزهيري
@uyyrew
الشاعر جاسم العامري
@jasemalameri1999
الشاعر مهند الدريساوي
@mohaneedatea
الشاعر حسين الطائي
@handresalrekabi
حسنين المحنة
@azlvideo123
الشاعرة ام علي الموسوي
@zxop1222
الشاعر السيد محمد الموسوي
@qwertyuiopasdfghjklasdfbnm
الشاعرة رافضية وافتخر
@vgdtyhjj
الشاعر ابو سجاد الجعفري
@abosajadaljafre
الشاعرة هاجر الزينبية
@HH_7W15
الشاعرة فضيلة هاشم الموسوي
@dmoh91
الاستاذ مريم
@Mulla_Maryam
الشاعرة نور الحساني
@N_H_313
الشاعر عباس محمد الحميداوي
@qs3qw
قصائد زنجيل
@alhusseinabaabdlah
الشاعر احمد الميالي
@Ahmedalm313
الشاعرة ام الحسن الزيدي
@umalhasn
الشاعر محمد ابو باقر الحجي
@mohammed_alhajiy
قصائد حسينية شور
@alimtmf
يتم الان نشر قصائد محرم 👇👇👇👇
/channel/+QYhwKvqAiD7e_b1P
ماشفت ا صحاب مثل اصحابي
راداني الموت حرسو بابي
ذوله اصل العز واهل النخوه// حي الله حي الله
سجل ياتاريخ الخوه // حي الله حي الله
@@@@@@@@@@@@@@@@
يالله ياتاريخ سجل ملحمة وادي الطفوف
وهب نصراني وتشيع كال جنه حسين اشوف
ابد ماهزهم كثافة جيش ينعد بالالوف
مثل انصار العقيده ابدنيتي لامااشوف
خوتكم هاي وين الكيه
منهاج اتصير نمشي عليه
من سبعين اورادو عطوه //حي الله حي الله
سجل ياتاريخ الخوه //حي الله حي الله
@@@@@@@@@@@@@@@@
قادة الجيش الحسيني عابس وجون وحبيب
صاحو بصوت العشاگه ما نعوفك يالحبيب
دام ابو فاضل ويانه ما يصير اسمك غريب
احنه من عندك عزمنه وبينه ضنك ما يخيب
درسوها اجيال هاي الغيره
وشال الماي وجه ايديره
طشر جيش اوفاتح فجوه // حي الله حي الله
سجل ياتاريخ الخوه // حي الله حي الله
@@@@@@@@@@@@@@@@@
ذوله انصار العقيده وهمه مرسال السلام
نصرو حسين ابدماهم ابوكت ممنوع الكلام
سور صارو عالمخيم دمهم الحنه الخيام
درع صارولي ابصلاتي اصدورهم صد لسهام
غيره ونوماس ذوله انصاري
طفو ياناس بلطف ناري
كالو حب احسبن اليسوه // حي الله حي الله
سجل ياتاريخ النخوه // حي الله حي الله
@@@@@@@@@@@@@@@@
غربليت اصحابي كلهم اطمني ياام الدلال
ذوله مابيهم يخون كلهم ارويحة حلال
من يصل ظلج يازينب حتى بطيوف الخيال
لو نفس موجود بيهم منهو يوصلج محلال
عوجيته الشيخ هوس بيه
الخيمه البي زود يكرب ليه
رد الجيش اتقدم خطوه //حي الله حي الله
سجل ياتاريخ الخوه // حي الله حي الله
@@@@@@@@@@@@@@
هو مو اي كان يوصل وهالشرف هذا ينول
بعد ماجابت الدنيه ابد من هاي الفحول
ذوله لاجل الدين باعو دنيا واموال اوخيول
بقسوت الموت ابتسمتو والله حيرتو العقول
صاحو هيهات منه الذله
عنك ياحسين مانتخله
بالموت وغارك بالنجوه // حي الله حي الله
سجل ياتاريخ الخوه // حي الله حي الله
@@@@@@@@@@@@@@@@@
يالله
حسين الزيدي
بناتي بناتي باجر بيهن اشلون
خواتي خواتي راح تروح المتون
حيرتهن جبيره ما عدهن عشيره
**
حاير ما نمت ليلي بناتي تحيرت بيهن
يروحن وين اذا باجر الخيم يحترگن عليهن
تجلب بيهن النيران وما واحد يطفيهن
وباجر من يجي السلاب ياهو بعدي يحميهن
مصيبه مصيبه يرحن لو متت وين
غريبه غريبه تصرخ زينب حسين
باجر والله حيره ما عدهن عشيره
**
بناتي ازغار ما يدرن من بعدي يشوفن ويل
حر نار وحبل وسياط وجروح وعذاب وخيل
تعبانات عطشانات وبيهن ما يظل كل حيل
وين وخيمه ماعدهن ينامن من يصير الليل
يتامه يتامه وبيهن زينب تحير
علامه علامه حزنهن واختي شتصير
وحدتهن اسيره ما عدهن عشيره
**
وراهن باجر شگد ضيم وكل وحده جرح بيها
هاي امتونها ايروحن وهذيج احبال بيديها
وهاي عله الجمر تركض ومحترگات رجليها
ورقيه راح اذنها اتروح لو سلبو تراجيها
رقيه رقيه من المها اتگوم وتطيح
أديه أديه بويه احترگن اتصيح
هيه اشگد زغيره ما عدهن عشيره
**
بناتي مدللات اشلون باجر راح يسبوهن
وما بين الزلم والخيل راح اشگد يوگفوهن
ويظلون العده بالسوط يمشوهن يگعدوهن
ما متعودات شلون عالهزل يصعدوهن
سبايه سبايه يمشن راح للشام
ضمايه ضمايه وكلها اجروح وآلام
وحدتهن اميره ما عدهن عشيره
*****
يلعبن بالخيم وشلون راح الليله اودعهن
ما يدرن شمر باجر بسوطه اشگد يلوعهن
يضربهن وبويه حسين متنه ايصيحن اسمعهن
يركضن بس ركض اطفال وعالخد يجري مدمعهن
صحتهن صحتهن بناتي وتجري عيناي
ردتهن ردتهن يجن واشبگهن اهواي
يا شمس الظهيره ما عدهن عشيره
*
الخواتي والبناتي انظر شلون بحالهن مدري
باجر من يشوفني الشمر صاعد عله صدري
لازم لحيتي بيده وبسيفه يحز نحري
ويرفع عالرمح راسي ودمي من النحر يجري
تنظره تنظره زينب نحري مگطوع
يكسره يكسره گلبها وراسي مرفوع
ناظرها تديره ما عدهن عشيره
**
تمت
ميثم العمري
شفته بمنامي ويگلي ضامي
توني فارگتك ياضوه عيوني
وزينب اتگلي خويه ذبحوني
**
بالطيف اجاني وايده عله صدره
شلونج سألني وبگلبه حسره
انته شلونك يحسين ياخويه اضلوعك وين
بصدرك هالحفره منين اشوف
تحجي وصوتك مخنوك جا خويه شگد مسحوك
بظهرك صدرك مطبوك اشوف
تنزف جروحك وخلصانه روحك
والشمس گتلي غيرت لوني
وزينب اتگلي خويه ذبحوني
**
يحسين اشوفن اجروح بوريدك
وياخويه انشدك وين اصبع ايدك
بنحرك شفتك مطبور خويه وصدرك محفور
واصبع ايدك مبتور حسين
بالعاشر شفت الويل وشمسويه بيك الخيل
داساك الحافر حيل حسين
اشلونه ضلعك خليني اسمعك
هدمت حيلي وخابت اضنوني
وزينب اتگلي خويه ذبحوني
**
اشلوني يختي گطعولي نحري
وبعده يزينب يوجعني صدري
سحگتني الخيل اهواي عشره الصعدن فوگاي
والحافر رايح جاي جريح
من عنده اشگد مجروح يسحگني وروحي اتروح
المن ظلتها الروح جريح
عطشان اگلهم وسبوني كلهم
كسرو ظهري وخويه سحگوني
وزينب اتگلي خويه ذبحوني
**
اهنا يزينب خلوني وحدي
بسهم المنيه گطعو جبدي
الخيل التمت والناس وآنه بآخر انفاس
انده وينك عباس تعال
گامو بيه ايطعنون وحيل بصدري ايسحگون
وظلو بيه ايسلبون تعال
عباس اريده يحضر عضيده
عازته عازه من يطعنوني
وزينب اتگلي خويه ذبحوني
**
هذا يزينب برمحه طعني
وذاكه اجاني بصدري رفسني
بالطف شفت الما صار ناس بخيل وبحجار
وناس اتسب حامي الجار عجيب
يومي ما مثله يوم شمسوي الهاي الگوم
ماخلت عندي اهدوم عجيب
طعنه عله طعنه وما بيه ونه
تنزف اجروحي وخويه لجموني
وزينب اتگلي خويه ذبحوني
**
الشمر اعتناني وجاثي عله صدري
لازم لحيتي ويگطع بنحري
بنحري ظل يطبر حيل وبعيوني صارت ليل
بكل طبره شفت الويل عذاب
عانيت من الطبرات واكثر خويه الطعنات
شگد اتحمل شوغات عذاب
راسي يگطعه برمحه يرفعه
عالترب زينب مرمي خلوني
وزينب اتگلي خويه ذبحوني
**
تمت
ميثم العمري
عين اليحب عالباب لو صار الغروب
كل عمره ما يرتاح ليتاني محبوب
كل مغرب اعكد شيلتي
واسمه اكتبه بدمعتي
//////////////////////////
بعيوني مرسومه الصور
تعبني بفراكه السهر
يوديلي منتظره خبر ... محبوبي
بولادي ابد ما فكرت
توني بحبيبي اتحلمت
ويا شجاني ما رحت ... محبوبي
لحسين من كد السهر _ بابي بدمع حنيته
ولا واحد بولدي انتظر _ بس هوه المتانيته
اتوجه عالحيطان لمن يجي الليل
هوه المشه ياناس ماخذ وياه الحيل
خلاني اغص ابحسرتي
واسمه اكتبه بدمعتي
//////////////////////////
جفه اذا بابي يدك
اركضله ركضت محترك
يحله لبو اليمه العشك ... تانيته
يتم ابيتي الضوه
بفراكه شرجي الهوه
يمكن حلتله نينوه ... تانيته
يشهد علي الله صدك _ مثل الصلا حبيته
كاتلني حيل المستحه _ اربع شباب انطيته
اعله اولادي ازعل كون رجعولي عدلين
عندي المهم مرتاح يرجعلي الحسين
لعيونه فدوه خلفتي
واسمه اكتبه بدمعتي
//////////////////////////
يالمغربيه اصعب وكت
عالباب بدموعي التفت
صوته اسمعه اتوقعت ... يحاجيني
يم البنين ينادي الي
اتخيل يكلي اتحملي
كل الهله بريحت علي ... يحاجيني
المغرب احسه من يجي _ مثل الملح بجروحي
اعله حسين من كد القهر _ ياساعه تطلع روحي
امنيتي حبيبي اليوم لمن الاكيه
بالعتبه اشمر راح روحي اعله رجليه
شوفت حبيبي فرحتي
واسمه اكتبه بدمعتي
//////////////////////////
انفتحتلي بيبان الصبر
لاخر نفس ابقه انتظر
ما اكعد ابفي الظهر ... مستحيه
بكد الوفه بحلكي الهله
بلكت يرد من كربله
مثل المضيعه استقبله ... مستحيه
يوميه اكعد بالشمس _ وارفع ادي وادعيله
الجيت حبيبي من السفر _ اعكد لجيته الشيله
شمس الظهر بالراس تجويني وتهون
انه ادري بالغياب فتره ويردون
من الله يرجع طلبتي
واسمه اكتبه بدمعتي
//////////////////////////
انه ابعباتي مكبعه
لن ناعي اصنت نعه
يسولفلي عن الاربعه ... ما ردته
يفراكه كاتلني كتل
ماادري ميت لو عدل
يالخبر هذا مو سهل ... ما ردته
مرت ابصفي وتيهت _ زينب اجت متغيره
هذا الخبر بس لا صدك _ محبوبي كطعو نحره
راجع ضعنه اشبيه شو كله نسوان
كاللي مات حسين بالهيمه عطشان
ذبحو حرام ارويحتي
واسمه اكتبه بدمعتي
//////////////////////////
تمت ____ علاء الزيدي
مدلل عمامه طلع _ مثل الكمر _ من خيمته
من فرحتي هلهلت _ جنه الحسن _ بعمامته
بجمال ابن الحسن // صفن كلشي صفن
//////////////////////////////
بثوب العشك . كام وكشخ _ ومن عمه تانه حجايه
حسين ابتسم . يهل الخيم _ زفوله كومو الرايه
جاسم امدلل عمته _ جنه الحسن من شافته
وكفت تعدل اعمامته _ بالخيم بالخيم
بالحنه حنة رايته _ وللحومه صارت زفته
ماتنوصف يافرحته _ بالخيم بالخيم
خلتله زينب عطر _ عطر الحسن _ و استورحه
بعيونه لؤلؤ لمع _ من فرحته _ لو مستحه
استحه ابني لان // صفن كلشي صفن
//////////////////////////////
وجه وكفه . شايل شبه _ ونكلت جدم خطواته
ابن الحسن . جنه الحسن _ شبعن بجي عماته
حط ايده بمتونه الكفو _ العم طلع وابن الاخو
العسكر سال هذا منو _ من طلع من طلع
فوك المهر من اعتله _ صاحت دخيلك كربله
صاحاله ابو اليمه هله _ من طلع من طلع
الكاسر ضواه عالشمس _ العمه التفت _ طب بزعل
بيمينه سيف الحسن _ الكل عرفته _ اسمه الاجل
الحرب لمن علن // صفن كلشي صفن
//////////////////////////////
بضي شمعته . ماغرته . عاف العرس واحلامه
عن الحسد . عندي علك . شديته فوك احزامه
حاجيته بحجايه ابتسم _ عمك تره مامثله عم
طالع شباب من الخيم _ هلهلي _ هلهلي
ودع شمعته وصد الي _ بكل خطوه اصيحن ياعلي
كومي يزينب هلهلي _ هلهلي هلهلي
بوجهه قريت الفلق _ عن الحسد _ لا ينحسد
شد بيرغ ابكصته _ كبال الخيم _ يروح ويرد
اله اجفوفي اندعن // صفن كلشي صفن
//////////////////////////////
صح يختلف . كلش ترف . عطر الورد بنفاسه
راح ورجع . لجفي ركض . دنك عليه وباسه
بجفوفي حبني وكصتي _ توكل صحت يافرحتي
يابعد روحي وشيبتي _ يالولد يالولد
كبالي سجد سجدت شكر _ يوليدي كتله شتنتظر
غاليك ارخصله العمر _ يالولد يالولد
ياقوته وكت الظهر _ الكل انتبه _ تلمع بقت
طالع ضوه من الخيم _ الكل شافته _ وتعجبت
الضوه هذا لمن // صفن كلشي صفن
//////////////////////////////
لمن برز . شبل الحسن . تجدح شرار اعيونه
يصيد بحذر . مثل الصكر . ما يتعب ايشوفونه
مملوحه بالطك سطرته _ شمحلاهه جانت وكفته
رحم الله بطن النكلته _ شكد سبع شكد سبع
وبروح ابو لمن حلف _ وظع الحرب كله اختلف
يركض وراهم للنجف _ شكد سبع شكد سبع
فحطهه خيل وزلم _ من الركض _ يله اقتنع
وانه اعتقد من هجم _ طب للنجف _ زار ورجع
لعلي واصل اظن // صفن كلشي صفن
//////////////////////////////
متن بمتن . يتمشه ظل . بالحومه ويه احسينه
تدعي الزلم. كافي بعد . بس لا ايرد اعلينه
القاسم سمعهم من حجو _ الجرت النفس ما لحكو
والسيفه كلهم دنكو _ ماتعب ماتعب
راسه يطير الما شرد _ خلصنه كالوله بعد
هذا الشبل من هالاسد _ ماتعب ما تعب
والهوه بسد رايته _ خايف لبد _ياهيبته
بالحومه يقره شعر _ شبل الحسن _ الكل عرفته
شهد حته الزمن // صفن كلشي صفن
//////////////////////////////
تمت ____ علاء الزيدي
عمه زينب _ بهودجج صعديني
حته امشي _ ومحد ايحاجيني
ابقه ماعندي كلب
ما اتعبج بالدرب
//////////////////////////
يم حجي الذهب يجري الدمع فظه
احط ايدي اعله كلبي يخفك ابنبضه
شكد حاجيت ابوي وامشي ما يرضه
يفاجئني الظعن ماادري يالحظه
يقدرج اهواي _ الج يمه احجايه
تمشي يحسين _ العليله اويايه
شلون اضلن بالغرب
ما اتعبج بالدرب
//////////////////////////
كليله العليله حظرت كلشي
شعجب بس انه كال ويانه ماتمشي
اول شيبه طلعت من البجي برمشي
إذا ازت الظعن معناهه ازت نعشي
ماكو غيرج _ انتي التحليهه
والعليله _ بحظنج اتكعديهه
للخيم اتمنه اطب
ما اتعبج بالدرب
//////////////////////////
كلت خاف الظعن من يغبش بسكته
يم العتبه عمه افراشي فارشته
وجبت عبدالله يمي بحظني نومته
اراوي اهلي عبد متعلق بااخته
نايم وفز _ وبالنحر شميته
ماي بارد _ ارتاح من انطيته
فراك عبدالله صعب
ما اتعبج بالدرب
//////////////////////////
بعد ما ظل وكت وتراقب اعيوني
لبست أعبيتي واتانيهم يصيحوني
كوديني من اديه وخل يشوفوني
يعمه بناكتج خلي يصعدوني
اطيب علتي _ لو مشيت وياكم
خاف اغمض _ وعيني ماتلكاكم
بعتبت الباب انصلب
ما اتعبج بالدرب
//////////////////////////
كدام الظعن متقصده اتمشه
من هسه ودليلي ذبحته الوحشه
عله الطلعه سمعت اتفقو الغبشه
ومن باجر افراشي محد تفرشه
سكنه باليل _ تكعد اتسليني
من ابرد تحس _ تركض تغطيني
تصدلي والمدمع يصب
ما اتعبج بالدرب
//////////////////////////
ابوس ايدج يعمه هوايه محتاره
بروح امج سويلي فرد جاره
ابوي ايريد اضل الوحدي بداره
فراك الغالي كلبي ينجوي بناره
لحل وصلنه _ بي قنعت شويه
من وعدني _ الأكبر ايرد ليه
خايفه من الحرب
ما اتعبج بالدرب
//////////////////////////
تمت _ علاء الزيدي
(((((((نزله )))))))
صوت الهجر بذني همس يالاحباب
ماضل الج بس النفس يالاحباب
/////////////////////////
عفتوني جرح _ وفركاكم ملح
ويلجمني السهر
شوفتكم دوه _ يالرحتو سوه
طولتو السفر
انه العليله من احجي مجبوره
عالاقل يهلي سيرو تسيوره
كل ساعه ارسم للظعن صوره
الملجومه مثلي وتبجي معذوره
ليش الفرج عني انحبس يالاحباب
ماضل الج بس النفس يالاحباب
/////////////////////////
لاكاني الحزن _ ماعنده حظن
وزاعلني الفرح
ماعدكم علم _ عندي جم حلم
بالعتبه انذبح
ولا ضحكه مرت يهلي بشفافي
كافي تعالو من الهجر كافي
صدكوني اتلكه الظعن حافي
تنامون ليل وجفني ما غافي
راسي بعد شيب انترس يالاحباب
ماضل الج بس النفس يالاحباب
/////////////////////////
يوميه العصر _ بالباب انتظر
واكشخ بالدمع
تاخرتو اشعجب _ وضحولي السبب
يمته ننجمع
ظل بالي يمكم وانتو البالي
جنه هجركم ما اله تالي
هاي المصيبه التعبت حالي
ماكو بضعنكم راح مو غالي
بكلبي الهجر سهمه انغرس يالاحباب
ماضل الج بس النفس يالاحباب
/////////////////////////
كل غايب رجع _ ومن اهله شبع
وانه محيره
بيت بلا اهل _ اسمعو بلا زعل
جنه المكبره
مشتاكه الكم والله مشتاكه
شيجيبه طول يوم الملاكه
عبدالله موتني تره افراكه
وامنيتي اصعد هودج الناكه
طفله ولاجن كلبي حس يالاحباب
ماضل الج بس النفس يالاحباب
/////////////////////////
ياحظن الابو _ مثله وين اكو
مشتاكه اله
حجاياته الذهب _ تنسيني التعب
ويشبكني بهله
فراك الحنين الهدل امتوني
ياساعه مدري يعمن اعيوني
شكلي اعله موده تغير ولوني
ودوني اشوف حسين ودوني
فراك الابو حافر فرس يالاحباب
ماضل الج بس النفس يالاحباب
/////////////////////////
ريشه بنص هوه _ كون النينوى
ياخذني القدر
الكعده البل الخيم _ تنسيني الالم
انه اسعد بشر
بدمعاتي اكتب كمت اساميكم
يمكن اطيبن من الاكيكم
تفكرون بيه وفكرت بيكم
صوركم اطلعهه واحاجيكم
بدمعاتي مو جفي انترس يالاحباب
ماضل الج بس النفس يالاحباب
/////////////////////////
تمت ____ علاء الزيدي
خواتي راح اعطلجن // اسمعن طلبتي زين
صيحلي إذا تلكن // مكان بظعن الحسين
احلفجن _ إذا تلكن _ الي تصيحن
مكان بظعن الحسين
/////////////////////////////////
وحده وحده عليجن افتر
شوفلي حل القصتي المجهوله
محظره روحي وجاي اتاني
معقوله ما امشي صدك معقوله
من امشي _ يجوز اتشافه تصير الروحه سبب
بعيونه _ من يباوعلي يدري انسه التعب
بظعونه _ يحمل شفته وكلبي يحمل عتب
الجانت تغفه بحظينه// بعد تغفه اعله التراب
بدمعهه المثلي واتاني// تبلل عتبت الباب
احلفجن _ إذا تلكن _ الي تصيحن
مكان بظعن الحسين
/////////////////////////////////
صعبه كلش ابقه وحدي
عصريتي كلهه جنت الم بثيابي
بهودج ردت نكعد سوه
هذا الحسبته وطلع مو بحسابي
كل ظني _ فراشه اطير بجنحي فوك الخيم
ماادري _ ليش انه وحد حصتي الالم
فهمني _ حسين يصدلي بدمعه وثغره ابتسم
محيرتني صدك شغله // اظل الوحدي شلون
ياخياتي ماتدرن // عكبجن تعمه العيون
احلفجن _ إذا تلكن _ الي تصيحن
مكان بظعن الحسين
/////////////////////////////////
ماكو واحد كلي كومي
وجوه الاحبهه مقرره تفاركني
هدومي بيدي ويمهم افتر
ادموعه اعله متني يطيحن اليشبكني
مروتجن _ عطلن ظعن الماشي شويه الي
ماتدرن _ تكبر علتي راح بفركت هلي
اتلفت _ اومي بأيدي لروحي الأكبر علي
علي الأكبر يباوعلي// وكلبه لحالي مكسور
احسه يكلي مو بيدي // صحته خويه معذور
احلفجن _ إذا تلكن _ الي تصيحن
مكان بظعن الحسين
/////////////////////////////////
خطوه خطوه اكبالي امشن
كلمن دربجن لو طحت عوفني
عندي طلب وكت العصر
كلما كعدتن بالدرب ذكرني
تعطلتن _ توكلن بالله وكومن روحن بعد
وياهم _ حته اليرضع ماشي وبعده بمهد
دلاالي _ فوك العله بهاي الفركه انمرد
يظعن التشبه السبحه// عفتلك خرزه بالبيت
وحك الزهره وياكم // امشي شكد تمنيت
احلفجن _ إذا تلكن _ الي تصيحن
مكان بظعن الحسين
/////////////////////////////////
ذكره ذكره شيبه شيبه
كل شيبه ذكره من الاهل جواهه
صفنه وجرح دمعه وعتب
حالي مثل ريشه وهوه لاكاهه
اتمنه _ بظهر الخيمه نكعد واشتم هوه
اتمنه _ جفي بجف الغالي ونمشي سوه
معروفه _ الشمعه التطفه يموت وياهه الضوه
خواتي وياجن ادعلي// ادعن علتي اطيب
تره البعمري صدكني // ماتعرف شني الشيب
احلفجن _ إذا تلكن _ الي تصيحن
مكان بظعن الحسين
/////////////////////////////////
تمت _ علاء الزيدي
ياابو صالح .. يعينك الله .. تعثر ابخطواتك
المغربيه .. بهيمه تركض .. وي ركض عماتك
المغرب ادريك ____ ينغمي اعليك
/////////////////////////////
عن باقي الخلك مولاي _ كلش يختلف ليلك
الوحدك تركض بهيمه _ تطيح ومحد ايشلك
المغرب يغالي تعبك حيل
تتمنه احسك ما يجي الليل
تشوف اعله جدك تسحك الخيل
بضلوع صدره الحافر يشيل
تشوف جدك .. بلايه خنصر .. الك رافع ايده
تضل تشاهد .. سهم رايح .. كطع راس اوليده
شكد يبجيك ____ ينغمي اعليك
/////////////////////////////
المثلك صعبه ما يرتاح _ خصوص العمته مسبيه
كل ساعه الشمر بالسوط _ يكوم يطكله علويه
اطفال عدكم جنهه جمار
وي الخيام احتركت بنار
للتل يمحني تروح محتار
يكلك يمهدي بزينب شصار
هناكه وكفت .. للكفلهه .. شلون اخوهه تشوفه
الشمر تدري .. شاف زينب .. وشمر يمهه اجفوفه
من تحاجيك ____ ينغمي اعليك
/////////////////////////////
يبو ادموع الحمر متعوب _ بالك شدهته احزانك
حكك ما تنام الليل _ طرن هيمه نسوانك
ليلك تخلصه يم الخيام
كل لحظه كام يلجمك الشام
صعبه بخرايب زينب اتنام
لييعيد الله ذيج الايام
عاد غمض .. ساعه وحده .. نام ريح اعيونك
متن زينب .. لو لجمهه .. تلجمك انته امتونك
والالم بيك ____ ينغمي اعليك
/////////////////////////////
يحزن اربعطعش معصوم _ الله يساعد اكليبك
ليليه السبي النسوان _ تبلل بالدمع شيبك
بالهيمه وحدك رايح وجاي
عمات عندك ركضن اهواي
وعالشوج سحكن هنه حفاي
اعليهن يمهدي حرمو الماي
صوت طفله .. تصيح عمه .. شوفي يالرديتي
ذاكه هوه .. من أذاني .. عمه جر ترجيتي
تحس تناديك ____ ينغمي اعليك
/////////////////////////////
كلهن ذكرياتك دم _ راح اتكتلك الحركه
تتمشه بطريق الشام _ يوميه حبل تلكه
بالك يروح بسرعه لم عون
صعدت الناكه مجتفه اشلون
كعبت خدركم بيهه يدرون
ويلي بكلبهه ظل يحركون
احبال خشنه .. تضب اديهه .. من بجت معذوره
بعتقادي .. جفوف اديهه .. من الحبل مكسوره
الحركه تجويك ____ ينغمي اعليك
/////////////////////////////
نذكرك بالمجالس دوم _ يمهدي حالتك صعبه
نبجي اعله الظعن وياك _ غريب وعايش ابغربه
تحظر مجالس شايل اجروح
لمن نخلص عدمن اتروح
الفاكد نعرفه صوته مبحوح
تثكل خطوته العنده مذبوح
بالمجالس .. يا ابوصالح .. بالفرج ندعيلك
لخاطر اهلك .. اظهر النه ..من الغياب ادخيلك
الغربه تاذيك ____ ينغمي اعليك
/////////////////////////////
تمت ____ علاء الزيدي
انته اول واحد تسحرني عيونه
وانته اول واحد خفت ايحسدونه
شفت النجم شايل حلم من عالم الاحلام
وهاي الشمس سوت عرس وتنادي يا جسام
****
صحت سبحانه الخلق رمشك والعيون
كمت اخاف اعليك من عين اليحسدون
الما يحبونك تره منك يغارون
انته يايمه بجمالك ماكو بالكون
كل ساع اتعوذ والآية اقراها
وهاي عيونك سبحانه السواها
طولك نده وجرحي بده ما يحمل الآلام
وهاي الشمس سوت عرس وتنادي يا جسام
*
كامت الدنيه بجمالك كلها تحلف
وهيه مو سهله الكمر عالكاع يصدف
كربله صارت زليخه وانته يوسف
رحت عني وعين كامت عكبك اترف
تتغازل ضلت وياك الكمره
وصاحت تحله الليله وياك السهره
خدك لمع نورك سطع وطير النورس هام
وهاي الشمس سوت عرس وتنادي يا جسام
***
كمت اخاف أمن الهوه عن لا يلمسك
يا حلاتك وانته لابس ثوب عرسك
ضلمه صارت دنيتي وديلي شمسك
انته روحي وأقرب من الروح احسك
بخرت الخيمه وكحلت عيونك
وعماتك صاحن يمته ايزفونك
أشعل شمع وانثر دمع وجفني ابد ما نام
وهاي الشمس سوت عرس وتنادي يا جسام
****
عادت اليعشك يضل سهران ليله
وأنه قصتي اويالعشك قصه طويله
كلها صاحت يله رمله هلهليله
وجاسم العريس كومي اتباركيله
حضرت الحنه وشلت الصينيه
ومن عندك غارت حته الحوريه
العاشك صدك من يحترك يوليدي ما ينلام
وهاي الشمس سوت عرس وتنادي يا جسام
***
هامت أفكاري وسرح عكلي بخيلك
وحته يوسف صفن من شدت جمالك
حسين سورة الفلق شفته قرالك
ويا حبيبي والزعل كلش حلالك
كل ورده بعرسك شايلتك ورده
وحز الزهره بزندك صاحت شده
جنك كمر بدرك سحر يا زهرت الأيام
وهاي الشمس سوت عرس وتنادي يا جسام
**
انته شمعه ناضري وجرحي وطبيبي
وادري غالي اعليك يوليدي حليبي
لو رحت عني الحزن يصبح نصيبي
يا حبيبي وماكو اغله من حبيبي
انه ادري انته بكد الدنيه اتحبني
ناديت الله اعله افراك يبني
ليش ارحلت يبني صحت العرسك نصبت خيام
وهاي الشمس سوت عرس وتنادي يا جسام
****
تمت
تحسين الخفاجي
ارتاحت نفسيتي _ وحققت امنيتي
من انتميت الخدمتك
جابتني يمك رحمتك
***
طبيت لعالم رظوانك _ عاشك حنيتك
يااول واحد بالدمعه _ انته اندليتك
يلي تجازي تعب الوادم _ بيمن جازيتك
كادتني الفطره لبيبانك _ مدنك لاكيتك
بعالم رضوانك _ فاتح ذرعانك
شكد روحي بالحب عطشتك
جابتني يمك رحمتك
***
يلي بكلشي لازم ظهري _ وشديت احزامي
بس وياك اشهد عز الله _ حلوات ايامي
امي شكد حنت بيبانك _ لتحقيق احلامي
شكد فرحت من شافتني اخدم _ مولاي الظامي
شكد مثلي مداري _ وحررت افكار
عالفطره امي وفهمتك
جابتني يمك رحمتك
***
عالم اوهامي المتلوث _ اسود ماضيه
وهسه بفضلك كلشي تغير _ يحسين البيه
امسح بيدك كلبي القاسي _ وانطي حنيه
حته اسمع بنتك من تبجي _ الطفله المسبيه
عطشني بهيمه _ وراويني الخيمه
الطاحت عليهه دمعتك
جابتني يمك رحمتك
***
برماد اخيامك طهرني _ وانطيني الحركه
لطام ورايد اتباهه _ بظلوعي الزركه
شفت اليدك بابك يضل _ صافن بالملكه
الحبك اكيد تجننه _ وعابس من حكه
مثلك ياواحد _ ما طارد واحد
النعمه الجبيره امحبتك
جابتني يمك رحمتك
***
ياشيخ الدنيه الما مثلك _ يالكلك هيبه
العالم كله احتار بكلبك _ شكد شايل طيبه
شفت الينوي يصبح خادم _ تروح انته تجيبه
تكل الربك امسح ذنبه _ الخاطر هالشيبه
يالعايف ظلعك _ ومهتم بربعك
من فدوه اروح الشيبتك
جابتني يمك رحمتك
***
الف انعم الله سيدي _ بعطفك حبيتك
كمت الكه روحي وراحتي _ بس بحسينيتك
انه يتيمك وانته ابو _ لفني بخاجيتك
اختار التريده انته الي _ انه اختاريتك
شوف انته بعيني _ بدربك دليني
وكعدني دوم بخيمتك
جابتني يمك رحمتك
***
تمت ____ علاء الزيدي
سميت بسم الزهره سميت
ومن كد فرحتي دمعه هليت
ريحت محرم ترست البيت
اهلن يغالينه ___ اهلن يغالينه
///////////////////////////
يالبيك ريحه من الخيم _ يالمنطي هيبه للخدم
نحسبلك ايام
بجيتك تجيس اهل العشك _ بس انته ياشهر الصدك
تعيشنه بحلام
العلكله رايه اعله السطح _ من كربله تنطي جرح
وتحزمه احزام
عن باقي الاشهر منفرد _ بجيتك مشاعر تنولد
متحظره خدام
بس انته النه تدور الزين
شمحلاته اسمك شهر الحسين
ملينه كلشي وما انمليت
اهلن يغالينه ___ اهلن يغالينه
///////////////////////////
حسين بمضيفه يختلف _ يضيف العرف والمو عرف
من فدوه اله اندار
اهلن وسهلن يا شهر _ جيتك صدك احله خبر
يااغله خطار
شمحلاهن انجمعن سوه _ انته جرح وانته دوه
ياشهر الاسرار
راحتنه لحسين التعب _ ودمعتنه اغله من الذهب
غالي الدمع صار
ياحزن شايل فرحت العيد
غير المجالس كلشي منريد
انسان هسه بروحي حسيت
اهلن يغالينه ___ اهلن يغالينه
///////////////////////////
محسوب من عدنه صرت _ لازم تجينه من وكت
وتهيج الاحزان
الجمنه برضيع العايله _ ازغر شهيد بكربله
مذبوح عطشان
برمضان الك كلشي استعد _ متانيك حته البل المهد
وتحسه ذبلان
فراكك اخذ ثلث لعمر _ اترس ليالينه عطر
ودمعتنه قربان
يل منه انته وبينه محسوب
حته دمعنه البيك مرغوب
لا تبطي عنه كون ياريت
اهلن يغالينه ___ اهلن يغالينه
///////////////////////////
شرجي يمر جان الهوه _ وما ننجمع هيجي سوه
وماعدنه واهس
وهسه بفضل جيتك ترد _ مثل الحدايق والورد
نقيم المجالس
ندريبك تثمن الحجي _ يالعودتنه اعله البجي
وسود الملابس
لحسين يالعندك علم _ ربيتنه وصرنه زلم
وصرنه العوابس
توزع مشاعر وغيره عالناس
وداهن النه الكمر عباس
من انته جاي وبيه مريت
اهلن يغالينه ___ اهلن يغالينه
///////////////////////////
بين السمه وبين الارض _ بيد الزجيه ينعرض
ثوب احمر اللون
بهيده تون ما تنسمع _ معناهه اجه شهر الدمع
خل تبجي العيون
انته الوحيد بهل الزمن _ ويانه تواسي ام الحسن
رغم اليكرهون
هنياله بيك الينحسب _ نعرفك يغالينه شتحب
تحب اليتعبون
الزهره اكيد تحبه طاريك
نشرت قميص حسين بس بيك
عالنبي بجيتك بدمعي صليت
اهلن يغالينه ___ اهلن يغالينه
///////////////////////////
تمت _ علاء الزيدي
رسالة لكل رادود جان عايف التلجرام وهسه رجع لان محتاج قصائد 👆👆👆
Читать полностью…