الشاعر محمد المشعلاوي

15 November 2024 16:23

غدار ياهـــــــــذا الزمن
اليعشگ علي يدفع ثمن
بغضن لان تعشگ علي
كسرو ضلع لم الحسن

بغضن بحيــــدر كَسّرو ضلع الزجيه
في حب علي أم الحسن اول ضحيه
ومحسن فزع لمّه اوگع عالكاع دمه
واهتزت السبعه لمن طاحت رميه

هاي امصيبه الماصح من عدها مصاب
عرش الله اهتزلها واتوعـــــد عـــذاب
كلمن غاصب حقها والدافعله بـــــاب

اعظم شهيده فـــــــاطمه
ناحت عليهه ارض وسمه
واعليهه ضل ماينجبر
مكسور يا حامي الحمه
ـــــــــــــــــــــــــــ
بعد النبـــي كلشـــــي بـده
من اهل السقيفه الحاقده
هجموا على الدار ابحقد
ومنهم سده الـــي ماسده

عصروها فـــاطم والضلع منها تهشم
لاذت وره البـــاب وبگه يتسايل الدم
لاجل الحجاب الفاطمي ماتت شهيده
بس فاطمه وهمه عدد شتضنهه تسلم

جمعو كل احـقاد وثــــارات اليهود
ودفعو باب الزهره وخلوهه تجـود
لوحيدر سل سيفه جا خيبـر تعود

لوما الوصيه حـــاكمه
جا سوه بيهم ملحمه
لاچن وصيه من النبي
أن ينگطع سفك الدمه
ـــــــــــــــــــــــــــ
الاصحاب جانو للنبي
بين بغضهم يم علي
اتناسو رسول الله لمن
وصاهم بحيـــدر ولــي

اجتمعو تحت سقف الغدر سنو حقدهم
انقلبو على اعقاب ورجــــع بين غدرهم
بعده الرســــول ابلا غُسل خلو خليفه
وسنّو حرگ دار الذي يخـــــالف امرهم

دار الزهره احترگت واسباب العِداء
الحب حيدر يتحارب والتهمه الولاء
ونار الباب الحرگت خيمه ابكربلاء

جانت سقيفه بكل زمن
هيه اساس الكـــل فتن
باب الزجيه اول مصاب
منها ابتدت كل هلمحن
ـــــــــــــــــــــــــــ
هاي المصيبه الماسدت
عالزهــره باب اتهشمت
كل ماتجر هيه النفس
بكسر الضلوع اتئلمت

مخنوگه من شم الهوه من كسر الاضلاع
ويلي عليهه ام الحسن حتى النفس ضاع
مارحموا الزهـــــــره ولا راعــــو نسبها
عصروها ويلي وصگطو محسنها ع الكاع

محسن سبط الثالث معصوم وامام
تمنت فاطم يكبر في دار الســـــــلام
يرد النار التحــــرك يم زيـنب خيـام

حلم الزجيـه ماكــــــبر
ذبحوه قبل ذبح النحر
ثار الزجيه ومحسن يعود
لمن يعـــــــــود المنتظر
ـــــــــــــــــــــــــــ
محمد المشعلاوي

الشاعر محمد المشعلاوي

07 November 2024 06:51

ملازم ورد جاهزة لجميع المواد للمعلميين والمدرسين.


/channel/ahmed_alziwar14

الشاعر محمد المشعلاوي

07 October 2024 02:08

حيدر امفارگ حيــاته
وبالنهايه الهم جـــزاته
كسرو اضلوع اليحبهه
اخ من غــدر الشماته

بيده دافـــــن اغله ناسه
اتزاحم الشيب اعله راسه
البيده قالــــع باب خيبر
حيله باد وضيم جــاسه

ويلي يفراك الزجيه خله حيـدر حيله راح
يحدب الفارگ حبيبه وعينه ماضن تستراح
من يذكره همه يكثر وتلتم اعليه الجراح
اخ يفراك النحبهم بعالي صوته گلبه صاح

شيحمله الهجــر شيحمله
مايحله العمـــر مايحله
يزهـــراء
شيسكته الدمع شيسكته
هاظمته علــــي هاظمته
يزهـــراء
ـــــــــــــــــــــــــــ



كلشي هين اله انتـــي
يامن ابروحي سكنتي
انه جنت وياج عايش
هسه ميت من رحلتي

والله يازهــــــرة حياتي
شفته بفراگـــــج مماتي
تعودت روحي اعله روحج
ليش هجرانــــج جزاتي

انتي جوه اتراب صرتي وانه عايش ياهظيمه
روحي يالزهـــره بغيابج عايشه بدور اليتيمه
صافيه جـــانت حياتي بروحتـج مرتني غيمه
الدنيه صارت من رحلتي موحشه ومرّه وأليمه

بعيوني الحجي بعيوني
لاموني اشكثر لاموني
يزهــــراء

شيصبره بعد شيصبره
من دونج علي يالزهـره
يزهــــــــراء
ـــــــــــــــــــــــــــ


ادعي الله يحن عليه
حيل ماضل دوم بيه
عايش المن كون ميت
ولاشفت موت الزجيه

كلشي وحشه وداري غربه
وما اطيـــق العيشه صعبه
اليندل ادروب الخفيـــــه
ابيته گــــــــام ايتيه دربه

فرگتج صعبه عليه وبِين ابحالي انكسار
من اذكرج گلبي احسه تشتعل ابنصه نار
وصفن بروحي واسولف بلكي اصدك كلشي صار
روحتج يالزهره حيره فكري بيهه وعقلي حار

كاسرني البعد كاسرني
ياروحي الفگد هاظمني
يزهــــــــراء

موضوعي الحزن موضوعي
ماتخلص عليج ادمـــــوعي
يزهــــــــراء



روحـي يالزهره عليله
فرگتــــج كلش ثجيله
انتي جـوه اتراب صرتي
وحيدر امفارك خليــله

هذا حــــالي انه بغيــابج
مستحيــل انسه مصابج
ليش ماخـذ مني روحي
كاعد واحجي وي ابابج

ليش ياباب المنيه ليش ماخذ مني روح
مني ماخذ كلشي احبه وبيه تارك بس جروح
مابقه بس ذكــرياتج ابالــــي ماتقبل تروح
ردي يامن عفتي حيدر ينحب اعليج اوينوح

رديله علـــــــي رديله
اشكيله منو الاشكيله
يزهــــــــراء

كاسرني يكسر اضلاعج
بوداعـج متت بوداعج
يزهـــــــراء

ـــــــــــــــــــــــــــ
محمد المشعلاوي

الشاعر محمد المشعلاوي

07 September 2024 23:27

رد ضعن الغريبات

شور

الشاعر محمد المشعلاوي

30 August 2024 21:48

حرگو خيمتي ومارحمت النــــار
ماتعرف علاوي البالخيم هــــاي

البيته يحترگ تفزع اله النـــــــاس
وبالطف كلشي ضدنه الناس والماي

ركضنه بهيمه كلنه وصرنه طشار
ونرگض عالجمر ماندري حفاي

بذيج الساعه كون الگمر موجود
جا ما عال بينه الراح والجاي

ياهو العده غيره المثل عباس
اجيب امنين مثلك خويه وفاي

محد سلم بالطف حته الازغار
عطاشه اتلوع بالطف ماكو حماي

ركضنه بهيمه من حرگوها الخيام
نريد اللوذ بيـك انـدور افيـــــــاي

جا شمسويه بيك الخيل يحسين
ليش بهمه داس بصدرك اهواي

اشكثر لميت بيك وضـــال طشار
وانه الجيت اكلك گــــوم وياي

رد وگلي زينـــب واصبر اتهون
ترا باجر سبي وماعدي حداي

محمد المشعلاوي

الشاعر محمد المشعلاوي

20 August 2024 00:18

يبن امي عفتك فـــوك التراب
وحيلي اعله فگدك انحل وذاب
الحــدّر الضلع لو يدگ جذاب
الفــــــاگد هله بگليبه ينصاب

الهاظمني جسمك عالترب ضل بالشمس يالغالي
وفوك الرمـــح راسك مشه طـول الدرب يبرالي

شسويت بيه بفرگتك هــاي
عافيتي ترجع كونك اوياي
محتاجه الك مارايده الماي

وازينباه -- وازينباه
ـــــــــــــــــــــــــــ
يبن امي گلبي اعليك مشتاگ
ماينجرع ياطـــاري الفـــــراگ
دمعي اعله فگدك خويه حراگ
مرّ بجفـــاكم كلشي ينضاگ

حگي امن اموت امن القهر انه الفگدت اخواني
ميته امن هد ذاك الصبح عود الحـــزن سواني

انه الجنـت عدهم أميره
ياوسفه سموني الاسيره
گمت انشتم والله جبيره

وازينباه -- وازينباه
ـــــــــــــــــــــــــــ
عطشـــــانه بس مارايده المــاي
ابن امي اريده يرجـــــع اويــاي
چانالي خيمة وچــان الي فياي
راح وتركــني فاجـــــــــده الراي

انفت دليلي امن العطش بس ماردت يتروه
عطشانه روحي اعله خوتي ماتروه بس بالخوه

موته تركتهم بالصحــــاري
تجويهم اشموس الظهاري
عليهم بگت مشتعله نـاري

وازينباه -- وازينباه
ـــــــــــــــــــــــــــ
يالمامفارگ عيني لحظات
عالوا بخيتك خويه شمات
صحت ابوفاضل صيحو مات
دمعي اعله خدي يطيح ويبات

يالعينك اتخوف الزلم عباس خويه اسمعني
شامت اجه براسك الي وجدام عينك سبني

ماترضــه بيه الـــوادم اتعـــيل
طگو امتوني وصحتك ادخيل
ودموعي سكته ضلت اتسيل

وازينباه -- وازينباه
ـــــــــــــــــــــــــــ
من اهد الذبح مفروگه هلروح
ومافارگت دمعاتــــــي والنوح
يحسين اصيح ابصوت مبحوح
كلشي بغيــــابك بيــــه مذبوح

انه الجنت وردة هلي ذبلانه من فرگاهم
مو عدله اضل الوحدي چا كون ميته وياهم

ضليت عدله ومامتت ليش
من شفت اخوي انحاط بالجيش
جابيش اجازي الخوه جابيش

وازينباه -- وازينباه
ـــــــــــــــــــــــــــ
ياروحي مو كافي تنوحين
أيسي بعد مايرجع حسين
وامن البواچي كافي ياعين
باجـر سبي وبيمن تشوفين

انه الخلص حيلي امن هد ما داس اخوي الحافر
ياريـت ميته ولاشفت الشفته يوم العـــــــاشر

ذبحوا اخوتي وانه ضليت
يذبحوني كون انه التمنيت
شتنفع بعد چلمة الياريت

وازينباه -- وازينباه
ـــــــــــــــــــــــــــ
محمد المشعلاوي

الشاعر محمد المشعلاوي

13 August 2024 00:55

اكسر گلبي واعمي اعيوني
وعذب روحي عليك اهواي
عطش روحي بنار الفرگه
يالماشارب گطـــــرة ماي

كون الصاير بهلي وناسي
وحرگوا بيتي موش اخيامك
وكون الحافر يسحگ صدري
وكلهن بيه ريت اسهامك

ياخوفي مولاي
باجر اموت وانته ما راضي عليه
ياخوفي مولاي
ومانكتب من الخــدم عند الزجيه
ياخوفي مولاي
تزاعلني عينك وانه اضل شيصير بيه

سامحني مولاي .. وارزقني بالخدمه الادب
اجروحك اهواي .. وانه الزدت تعبك تعب
ـــــــــــــــــــــــــــ
احرگ روحي بنار اخيامك
وخليني ابجي اعله الخيمات
عيشني الطف خاطر انسه
هاي الدنيه وحـــــب الذات

اخذ اسنيني وكل ما املك
واتركني ابجي العينك هاي
انه انســــــان مضيع دربه
وغيرك ماكو الروحه افياي

عيشني بمصاب
لمصيبتك وامصيبتك اعظم رزيه
عيشني بمصاب
وخليني احس يعني شنو زينب سبيه
عيشني بمصاب
بي اجبر اليبجي دمه صبح ومسيه

ماشارب الماي .. وبالطف الك ثوب انسلب
اجروحك اهواي .. وانه الزدت تعبك تعب
ـــــــــــــــــــــــــــ
خليني اجزع كل ما اسمع
فوك اضلوعك داست خيل
غربنــــي وعيشني الغـربه
واخذ الحيلك مني الحيل

خلي ابالــي بس امصابك
وعيشني بكل يوم العاشر
خاطــــــر اعرف نعمة الله
يسحگ ضل فوكاها الحافر

عيشني بجروح
وأول جـرح كون النحر بالغاظريه
عيشني بجروح
بالغربه موتني مثل حالت رقيه
عيشني بجروح
اركب هزيله وانسبي مجتوفه اديه

ماعندك افياي .. والذابحك كلشي نهب
اجروحك اهواي .. وانه الزدت تعبك تعب
ـــــــــــــــــــــــــــ
غرگان ابحب هاي الدنيه
ورايد مدت ايدك ريت
انه العاصي وانه المذنب
بس بحبك ما زليت

فطرة گلبي الراحت ترجع
بس لو تنضر عينك گلبي
ارشدني ودليني ابدربك
انه انسان امضيع دربي

عيشني مكسور
بس الخيامك والضعن والطبت الشام
عيشني مكسور
عالركضن بهيمة غرب من حرگ الخيام
عيشني مكسور
الجرحك فلا ريد انجبر جن كسرة الجام

انطيني بس راي .. يغنيني رايك عن ذهب
أجروحـك اهواي .. وانه الزدت تعبك تعب
ـــــــــــــــــــــــــــ
اعمي اعيوني الماتبجيلك
المن الله انطاني اعيون
انت الگطعو راسك بالطف
ماابجيلك صعبه اشلون

الطم عمري وما اوفيلك
يالضليت اثلث تيـــــام
مامدفون بذيج الصحره
جسمك ضل متروس اسهام

عيشني مهظوم
مو سهله قصة كربلا وشام الغريبه
عيشني مهظوم
وخليني يوميه الك عايش مصيبه
عيشني مهظوم
يالعاري ضليت وبقت جثتك سليبه

طالب رضه جاي .. واحسبني خادم عد وهب
اجروحك اهواي .. وانه الزدت تعبك تعب
ـــــــــــــــــــــــــــ
محمد المشعلاوي

الشاعر محمد المشعلاوي

03 August 2024 02:06

صاحب شهامه ورفعه للراس
حدّ للرجــــوله وماله مقياس
اول بشر ماعنــــده اشبــاه
راعي الكـفاله الگمر عبــاس

طالع امن الخيمه وبيده رافع رايه
ارعب الخياله .. عباس
شايخ اعله الحومه بسيفه وبخزراته
زلمه گد افعاله .. عباس

مّخيم عالشجــــاعه ماهو طالبها
شماكثرت جيــوش الدنيه غالبها
بيده المعــــــركه يغلــق مهاربها
شجاع الحومه
ياعبـــــاس ياعبـــــــاس
ــــــــــــ ــــــــــــ ــــــــــــ ـــــــــــ
قــائد شجــاع الكمر معروف
بحيدر علي العباس موصوف
محد يصد العينه بـ شهـــود
رجف گلب مالك امن الخوف

حيل ابوه ادخيله لوغضب مايبرد
يادخيل اعيونه .. عباس
الهيبه مامعقوله بكل حرب ماخاسر
حيدر يوصفونه .. عباس

الصعبه الماكو حل الهه گمر حلها
ولو مالت گــــــــمرنا بيده يعدلها
زينـب تفتخـــر عبــاس كافلــها
يغيرة هاشم
ــــــــــــ ــــــــــــ ــــــــــــ ـــــــــــ
شيخ الحرايب ماهدا بيوم
من الزغر عالسيف مفطوم
كل الهواشــــم زامطت بيه
بكل الصعايب جايب اعلوم

يافخر كل هاشم بالعلم والهيبه
ربته البدويه .. عباس
ياجمال الســاده وياقمر للزهره
كافل العلويه .. عباس

يامن بالعــــــوالم ماكو امثالك
لحسينك فديته الاندعه بخالك
غير احسين ابد ماشايل ابالك
امير الساده
ــــــــ ـــــــ ــــــــــ ــــــــ ــــــ
حي الله ابو الريشات حياه
بخزرة عيونه راهب اعداه
بيه الوصف محتار شيكول
شنوصفه محـتاريـن والله

يادخيل الباري دخيله لمن صور
عيونه احد من سيفه .. عباس
بالوفه وبالغيره والكرم عنوانه
خالي مارد ضيفه .. عباس

شمانوصف بحر مانوصل القطره
يالبيك اتشيم فاطــــــمة الزهره
ياشيــخ الزلم يالصيتك اشكبره
يكافل زينــــب
ــــــــــ ــــــــــــ ــــــــــ ــــــــــ
حي الله اخو العلويه لو صال
اجمل محـــارب واحله خيال
ابجرت حسامه طيح اجيوش
حي الله اخو زينب الكفــال

تحزم وشد رايه اعله النهر متعني
اتسيد اعله الحومه .. عباس
بسيف لمن يشهر تشرد السيافه
ياحلات اعلومه .. عباس

داس اعله الشوارب هيبة الساده
طب اعله الشريعه وذبـح القــاده
ماخذ عالحرب من زغره بعنـاده
اشحلات اعنــاده
ياعبــاس ياعبـــاس
ــــــــــ ــــــــــــ ـــــــــــ ـــــــــــ
محمد المشعلاوي

الشاعر محمد المشعلاوي

20 July 2024 09:42

#دفن_الاجساد_الطاهره

اويلاه … ابو الباقر هدم حيلي
اويلاه … يحشم عمه تجيـــلي
ــــــــــــــــــــــــــــــــ
رجع من دفنت احبابه وعينه من الدمع حمره
يحشم عمه الحگيــلي اجيت وبالگلب جمره
چا هـوه العمـر شيفيد اذا بنادم دفـن عمـره
وانه البيدي دفنته اهناك وي الـوالد ابگبــره

اويلاه ... رجع والحسره بعيونه
اويلاه ... التعب هادلهن امتونه
ــــــــــــــــــــــــــــــــــــ
عمت عيني عليك اهواي امبين تعبك بعينك
سولفلي يعمه اشلون دفنته الوحدك احسينك
عليل انته وغريبه الناس ماكو واحد يعينك
سولفلي يعمه اشصار لاجـــن بيني اوبينك

اويلاه ... تخــاف ارقــيه لاتسمع
اويلاه ... ببوها وجسمه المگطع
ــــــــــــــــــــــــــــــ
وذر متوذر اعله الگــاع بگـد ماخيل ساحگته
ثلث تيام ضل مطروح الشمس ياعمه حارگته
كل وصله بكتر لميت بحصيره حسين جمعته
ابوي امگطعينه اوصال شفته وريت ماشفته

اويلاه ... بحصيره نجمعت اوصاله
اويلاه ... محـــد غسله وشـــــاله
ـــــــــــــــــــــــــــــــــــ
مشيت المصرع العبـــــاس ادور عنه ماشـوفه
هاذاك الي حلف بحسين اخوي حسين ماعوفه
لگيته اعله النهر ياحيف اخوج امگطعه جفوفه
ياوسفه يموت اشلون الخله بكل گلب خــوفه

اويلاه ... على العبـــاس ياعمه
اويلاه ... ضامــي والنـهر يمه
ـــــــــــــــــــــــــــ
جايبلج سلام اويــــــاي من عبـــاس المشكر
سلامي الزينب اخذه وياك وگلها اهواي يتعذر
وگلها كافلج يم عـــون كـون اويـــاج ماقصر
اجفوف وعين ذن اشواي يكول وبعده يتحسر

اويلاه ... ماقصر صدك كافل
اويلاه ... ونعم منك يابو فاضل
ــــــــــــــــــــــــــــــــــــــــ
اجيتج من بعد شوغــات يعمه الحزن غاطيني
ابن يدفـن ابـــوه اشلون حـاله يصير حـاجيني
اخـوي الاكــبر المهيوب دفنته ودمعتي بعيـني
وعمت عيني اعله عبدالله جرحه اهواي ماذيني

اويلاه ... عبد الله انذبح ضامي
اويلاه ... هدم حيلي ندفن دامي
ـــــــــــــــــــــــــــــــــــــــ
دفنت اصحاب ابوي حسين واحد من بعد واحد
هذوله السجلو تاريـــخ وعنهم كربـله الشــــاهد
الرفضو عيشت الذلــه الواحدهم بالـــف قــــائد
ادفنتهم يم عزيز الروح وذكرهم بالگلب كـــاعد

اويلاه ... اجيت وعيني سجـابه
اويلاه ... عله ابوي حسين ومصابه
ـــــــــــــــــــــــــــ
محمد المشعلاوي

الشاعر محمد المشعلاوي

21 June 2024 00:13

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
/channel/ahmed_alziwar1

الشاعر محمد المشعلاوي

10 June 2024 21:05

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
/channel/ahmed_alziwar1

الشاعر محمد المشعلاوي

15 March 2024 17:50

امنيات العقيله | ملا حمزه المشعلاوي | الليالي الزينبيه 1445 هــ
https://youtube.com/watch?v=ZqPxYJUCfqM&si=x7zYBc1ZPqU7s_Ka

الشاعر محمد المشعلاوي

02 February 2024 14:28

https://youtu.be/rVIWTvQVnAg?si=OuoKBmLjoVuLf7yU

الشاعر محمد المشعلاوي

20 January 2024 20:43

#امنية_العقيلة



تمنيت اندفـــــن مابين اخــــــوتي
مو بالشــام كون بكــربله مـــــوتي
انه الهاظمتني بغـــــربه يانـــــاس
حيهم لوصحت مافـــزعو الصوتي

غصه بگلبي ضلت هايه
ماعندي اخـــوان وتشيع
شترجه من الناس الغربه
الميت بالشام اسمه يضيع

اتمنيت اخوتي تصير جنــــــــازه اليه
وكافـــي بعد ماريــــــد اســم السبيه
عذبني درب الشام وجروحه الاهواي
هـــزله وحبــل واحجـــار والخارجيه

ويلاه يازينـــــــــب
ــــــــــــــــــــــــــــــــــــــــــ
الموت ابينكم يهلي اشحـــــلاته
الميــت بين اخوته ياغــــــــلاته
جا بالشام اموتن يهلي ترضون
ديره ابلا عـــرف كلهم شمـــاته

لو ميته وياكم يخواني
ولا ميته بديرة شمات
خلص عمري غربه بغربه
وتعبن گلبي اشكد حسرات

حسره اعله حسره وراح خلصته عمري
بديـرة غــــرب شمــات تاليته گبـــــري
جا وين اخوتي اليوم تفزعلي وتشوف
محتــاره بين اجنـــاب مل مني صبري

ويلاه يازينـــــــــب
ــــــــــــــــــــــــــــــــــــــــــ
زينــب وين بالله وشـــامهم وين
گوم الحـك عليــه خويه يحسين
اموت وعندي بس جلمات ويـاك
اخيــتك وينهه اوين الدواوويـن

اجروح اهواي وشرد اتذكر
من طبينه السوگ الناس
صاحو ياهو الماشايفهه
زينـب هاي اخت العباس

طبــونه ذاك الســــوگ وامگيـــدينه
ذول الخــــوارج ذول صاحو علينه
ياعـازة الخــــــــوان بالغــربه عازه
عگب الدلال الجــــان وليه انولينه

ويلاه يازينـــــــب
ـــــــــــــــــــــــــــــــــــــــــــ
الهاظم گلبــــي من طبينه للسوگ
صاحو هاي اخوه بخيل مسحوگ
ياهو الماعرف زينـــــب يهالناس
فوگ ارمــــاح اهلها وهيه عالنوگ

بهاي الساعه اتمنيت انه
ميته ولا هل موقف صار
راسك جدامي يخلونه
وضل يرمون اعليه احجار

يرمونه ضل بحجار راسك يالحسين
گلبي اشتعل نيران وتشــــاهد العين
ذبو عليـنه الماي من فوك الاسطوح
الكل شاركت بالشام حته النساوين

ويلاه يازينــــــب
ــــــــــــــــــــــــــــــــــــــــــــــــ
الهوه البالشــام غصبن عني اجرعه
صوت خيـــــولهم لسه انـه اسمعه
بعدهي اذاني تسمع فزعة الخيل
هدن عله ابن امـي وكسرَن ضلعه

عشره اخيول الهدن صوبه
وسحگن فوگه رايح جــــاي
طابگ صدره بضهره الحافر
مات وماضاگ اسم المــــاي

بالطف كضيت اهناك من هجمت الخيل
راح العمر والشـــــوف ماضل بعد حيل
شجم موته مت اهناك من شفت الحسين
صدره انطحن بالخـيل جن طحنة الهيل

ويلاه يزينـــب
ــــــــــــــــــــــــــــــــــــــــــــــــ
محمد المشعلاوي

الشاعر محمد المشعلاوي

12 December 2023 09:54

دعم الرواديد والشعراء  بالتيلكرام😍👇✅

✅تواصل معنا  للاشتراك 😍👇✅
 
  [ @Ahmepo11  ✅   @Ahmepo11 ]




[✅✅✅✅✅✅✅✅✅✅✅✅✅✅]
✅@Alittio99
✅الناشر احمد الفاطمي

✅ @Housen_hamed_85
✅ قصائد والحان حسين حميد


✅ @NahjElsahih
✅ النهج الصحيح لتربية الرادود الفصيح

✅ @saagtupe
✅ الشاعر عبد الله ثامر الجبوري


✅ @mulasajjed
✅خادم العترة ساجد الكربلائي


✅ @Ali_Anaily000
✅الشاعر علي النائلي

✅ @yassen1967
✅ملا  ياسين الوائلي

✅ @ya_zahra_albtool
✅الشاعر والملحن خضر عبد الخالق

✅ @ML_mahhde
✅الرادود والملحن ملا مهدي

✅ @HTM_HTM_2020
✅تعليم المقامات للرواديد

✅ @mumuggeeww
✅الشاعر والملحن ملا مهدي الكليباوي


✅ @Mohammed_almassl
✅الشاعر محمد مشعل


✅ @FATIMA99991111
✅الشاعرة فاطمة الحلفي

✅ @wwwertyyuiuooww
✅الخطيب والشاعر سيد محمد الموسوي

✅ @gggkkkkHal
✅قصائد مكتوبة

✅ @hussein_almajjidi
✅ الملا حسين الماجدي

✅ @bilal_alnajar
✅ الملا بلال الفتلاوي

✅ @abadalamear
✅الشاعر الشيخ عبد الامير الكعبي

✅ @httpsm80100000
✅الرادود مصطفى سعد

✅ @muhigdoohhk
✅قصائد منبرية مكتوبة


✅ @Fal4wQQAAAAAFFZbSs
✅ ملا عمار للقصائد والألحان

✅ @Aleulawiuhamnuwr
✅قناة الخطيبة المنبرية  ام نور الميسانية

✅ @mhsui
✅قناة الشاعر محسن الجنابي


✅ @hseana
✅أشعار وقصائد حسينية


✅ @aboZainabaldalime
✅ الشاعر ابو زينب الظالمي


✅ @wwmka
✅ الشاعر ايهاب الحميدواي


✅ @omadnanmvalib
✅ افراح ومواليد أهل البيت عليهم السلام

✅ @wwaspqtt
✅الشاعر مصطفى النائلي
ص


✅ @tteef
✅ الشاعرة أم علي الساعدي


✅ @ttrre
✅ قناة رثاء  العترة

✅ @azizalfesli
✅ الشاعر عزيز الفيصلي

✅  @falehalameri
✅ قناة الشاعر فالح العامري

✅ @falehalameri111
✅ قناة أفراح آل محمد للقصائد

✅ @aseel1278
✅ خادمة الزهراء ام حيدر للقصائد

✅ @fvyhbib
✅ قناة خادمة الزهراء ع للقصائد

✅ @yahassN
قناة الحسن للشاعرة ام ليث المالكي

✅ @Yazahraaa655
قناة رابطة مسلم ابن عقيل ع


✅ @ashaghalhosseinn  2k
✅ قناة مواليد و افراح


✅ @ashaghalhossein3  2k
✅ قناة  الأبوذیة مكتوبة

✅ @ghsahdhossinyat 7k
✅ قصاید نسائیة فقط


✅ @ashaghalhosseinmidya 1k
✅ لطمیات صوتیات


✅ @ashaghalhossein  5k
✅ تلحين قصاید الحسينية


✅ @madahifarsii
✅قصايد فارسیه مکتوبة

✅ @qwrrrtyyup
✅قناة أهل البيت ع للقصائد

✅ @dhdhddkp
✅ قصائد حسينية مكتوبة

✅ @jzlaf
✅ الشاعر احمد الخفاجي


✅ @ayy264
✅ قصائد حسينية نزال

✅ @Muntazar_ALMussawi
✅ الرادود سيد منتظر الموسوي

✅ @KADMTAMALBNEN
✅ الخادمة ام محمد تقي الموسوي

✅ @mkmkmk313
✅قصائد والحان ملا احمد السالمي

✅ @yuioptre
✅ الشاعر مؤيد العامري

✅@falehalameri
✅الشاعر فالح العامري
✅ @AL_Nay_and_Alrthaa
✅النعي والرثاء
✅@mmhhrr444
✅النعي والرثاء للنساء
[✅✅✅✅✅✅✅✅✅✅✅✅✅✅]

❗️#غير_مبري_الذمة_الي_يحذف_البوت❗️
‏
/channel/Alittio99

الشاعر محمد المشعلاوي

08 November 2024 20:05

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
/channel/ahmed_alziwar1

الشاعر محمد المشعلاوي

15 October 2024 18:56

https://youtu.be/Zn0r1Oq7yOM?si=0TJlZUEupZ-f59S3

الشاعر محمد المشعلاوي

10 September 2024 21:06

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
/channel/ahmed_alziwar1

الشاعر محمد المشعلاوي

07 September 2024 03:45

#رجوع_الضعن


رد ضعن الغريبات - رد بس گله حسرات
وردت زينب اتصيح - حداي الضعن مات

ردن للمديــــنه وبالضعـــن حـســـره
امشيب جم گلب من ضيم هالسفره
وازغر طفــل صاير شايـــب اشكبره
والسجــــاد محني ومنـــكسر ظهره

رد ضعــن المداليـل - بس مابــيه رايـه
كبرانه وعلي اهواي - زينب موش هايه
ردت زينـــــب بـ آه - شتذكـر اهــــوايه
بس هـيـه البدايات - مو مثـل النـهــايه

آه آه ياضعن الحــسـين
ـــــــــــــــــــــــــــ

كبــرانـه يعيـنــــاي - أتغير شكلج أهـــواي
شمسوي الدهر بيج - امتعبج زينـب المـاي ؟

العطش ما تعبــاني التعب بالفـــــــرگـه
وموش اخيامي تسعر روحي محترگـه
من طـاح الگـمر يمـه اشهگـت شهـــگـه
منـها وبـگـت روحـــي لهسه مخـتنـگـه

آه يفـــراك عبـــــــاس - هـوه الكبــراني
امشيب گلبي والراس - يافگده عمـــاني
لأجل اطفال الحسين - ما ميته تره اني
عفت اخواني ميتين - والچـاتل سبـاني

آه آه ياضعن الحــسيـن
ـــــــــــــــــــــــــــ

مگابـل صـار الونــين - زينــــب وأم البنيــن
وحده اتصيح عبـاس - وحده تصيح يحسين

صارت فاتـحــه وكـثــرت نواعيـــها
بديـــار الخليــه المـاهـــو راعيـــــها
التنعئ ام البـنيـن التمــن اعليــــــها
امضيعه اربع ولد وحـسيـن ياذيــها

احجـــن يالنســــاوين - عـن الـغـاظـريـه
عبد الله الطفــل ويـن - شو ماناغــه ليـه
الجــان يعوف الگماط - وينـام اعله اديه
دورت الظــعــن زيــن - هم مابيه رقيـــه

آه آه ياضـعـن الحـسـيـن
ـــــــــــــــــــــــــــ

اليعشگ يوصل الموت - يون سكته بلا صوت
أرقيــه تحب الحسين - وماتت فوگه بسكوت

مشتاگـــه لبـوي ارقيـــه من صاحت
جابوه الها راس اوشبگــته اوطاحت
بيه ريحــة محنه من الطشت فاحت
ماتـت بالخـــــرابـه ابكـــثر ما ناحت

شبگت فوگه بالشــوگ - محتـامه الوليـها
شهگت شَهگـة المـوت - ومالحـــگنه بيها
جــان يحبها الحسين - ومايـبعـد عليـها
اخذهـا اتمــوت ويـاه - ما يحمل بچيــها

آه آه ياضـعـن الحـسـين
ـــــــــــــــــــــــــــ

شفنه اهموم الايــــام - من طبيــنه للشـــــام
طبـونه ابــدواويــــن - وخرايـب ماهن أولام

باگــــو نوگـــــنه وبهـــــزله ردونــــه
طبونـه ابــخــرابـه وبيـــها خلـــونه
شرد احجي بعد بالشــــــام أذونــــه
بالسب والظـرب هالنــاس جـازونــه

اه يمعاين النــــــاس - شيب گلب زينـب
ومن صاحو سبـيات - رمش العين شيب
من فوگ الحياطين - الماي اعلينه ينذب
أه يا علة الشــــــام - نـــار وبيـــه تلهب

آه آه ياضـعـن الحــسـين
ـــــــــــــــــــــــــــ
محمد المشعلاوي

الشاعر محمد المشعلاوي

30 August 2024 21:47

عطاشه ونار تلهب وسط الاصدور
واسم الماي بالطف صاير اشحيح

من گد العطش ما يطلع الصوت
بحيث من التعب مانكدر انصيح

ركضنه من الخــيم لحسينه اريد
ومن گد ما تعبنه انگوم وانطيح

طلعنه من الخيم من شبت النار
رماد اصبح ضعنه وبمهب ريح

الضعن بستان جان وبيه الاورود
وهسه الورده عد المو فلاليح

رقيـــه تعـودت ماتغفه وتـنـــــام
بس بحضن ابوها انفاس تسبيح

وهسه ابكربلا ماعـرفـت النـوم
شما تغفه ابئذنها اصوات تجريح

ضلمه الظهر صارت ماكو اي نور
السبب مذبوحه بالطف المصابيح

الدنيه تغيرت من طاح الحسين
سفينه وكثرت اعليهه الملاليح

شلون اقنع براس حسين مكطوع
هـاي الفكـــره يرادلها تصحيـح

محمد المشعلاوي

الشاعر محمد المشعلاوي

20 August 2024 00:17

رقيه تريدك اليله ... تراها الشوگ كاتلها
تدري اتحبك اهوايه ... غيرك جا منو الالها
تصيح بابا يابابا ... ويجي بصوطه العدو يطگها
عليك اتعودت هيه ... بروحك دوم شايلها

يبو ارقيه .. گلبي تكسره جلمه .. ابويه وينه عمه
لو گالت انهار
يبوي ارقيه .. صرت محتاره بيها .. شيهود بجيها
ويابجيي الازغار

تون ارقيه .. وتريدك يمها .. الك مشتاگه
تناشغ ضلت .. شكبر حسرتها .. بدمع حراگه
وحگ اعيونك .. متت من صاحت .. گتلني افراگه

ياخــــــــويه يحسين ماتت رقيه
ـــــــــــــــــــــــــــ
رقيه اتگلي ياعمه ... انه اشتاگيت اله اهوايه
وينه والدي وينه ... اشو وادم غرب هايه
اشو لاهوه لاعمي ... ماشافتهم اعيوني
ادور عنهم وماشوف ... ولاتبره الضعن رايه

يبو ارقيه .. الگبل جانت اميره .. صفت تالي اسيره  .. ماترحم الناس
يبو ارقيه .. عگبك محد النه .. فوك ارماح اهلنه
  ولاعدنه عباس

يمن جنت الها .. امان اوخيمه .. امان احتاجت
ترد وتگلها .. تعالي بحضني .. لبوها اشتاكت
بكثر ما مرها .. هظم كبرانه .. بعمرها اشافت
ــــــــــــــــــــــــ
يخويه اليله مرعوبه  .. رقيه تصيح يابابا
القصر يسمع بواجيها .. تون احسين وامصابه
اجه واحـــــد يگلنه .. لاتزعجــــنه سكتوها
عليمن تبجي هل طفله .. وسوأله يعرف اجوابه

يبو ارقيه .. جابو الها تالي .. راسك ها يغالي
اتشبگه وتنام
يبوي ارقيه .. شهكة فوگه هيه .. يالوعة رقيه
بنص خربة الشام

نضم دمعتنه .. فلا نبجيها .. وتحس ارقيه
الهظم والغربه .. بكتر وارقيه .. بكتر مسبيه
العذر سامحني .. رقيه ماتت .. اعله راسك هيه
ـــــــــــــــــــــــــــ
يخويه قصة  ارقيه .. ماتت شوگ بالغربه 
تعوفك هيه مو سهله .. ابدونك مارضت تربه
بحلم من شافتك ماتت .. الله يساعد ابنيتك
جابو راسك الها وحيل .. هاي اعله الطفل صعبه

يبو ارقيه .. ماتت والمصيبه .. بالشام الغريبه  بيدي ادفنتها
يبو ارقيه .. ماتت بالنهايه .. ورده امن السبايه
وازرگ متنها

رقيه الجانت ..عزيزة گلبك .. وتموت اعليها
متنها الازرگ .. واثار اسياطه .. بعدهن بيها
وحگ نوماسك .. كتلها افراگك .. وسبي أمذيها
ــــــــــــــــــــــــــــــــــــــــــــــــــــ
محمد المشعلاوي

الشاعر محمد المشعلاوي

08 August 2024 20:55

راحت اسيره - الجانت اميره
مجتوفه وسفه - هاي الجبيره

راحت گـــوه تمشي وعينهه ادور
تربي اعله المصارع صوب البدور
ذبحو كل اهلها وراحت اتــــروح
وسافه بغير كافـــــل ام الخدّور

راحــــت وهلها ويــاهه برمــــــاح
كل خطـــوه بيهه تزيد الاجـــراح
من فــوك الهزيله وصــــار الوداع
وزينــــب گلبها اعله النهر طـــاح

راحت .. وضل گلبهه ينوح يم اخـوتها
راحت .. والهظــــم كاتلها ياحـسرتها
راحت .. وابد ماگـدرت تضم دمعتها
يامصيبة زينب
ـــــــــــــــــــــــــــ
راحت سبيه - ام عون الابيه
واخوته ميتين - اعظم رزيه

اخذوها بحبل مجتوفه ياناس
وصعدت عالهزل من غير حراس
ياريته حضر ويشوفهه اشلون
مجتوفه بحبل اختك يعبــاس

راحت والدمع يجـــري اعله خدهه
الاجت مكفوله امس رجعت وحدهه
بكفاله امن الوطن من طلعت ام عون
وكـــافلها انذبــــــــح ياهو اليــردهه

صاحت .. وينه كفـــالي يجي يرجـــبني
صاحت .. اخته واعرف گلبه حيل يحبني
صاحت .. راس اخوي اعله الرمح عذبني
يامصيبه زينب
ـــــــــــــــــــــــــــ
اخــر چلمتين - واخــر نضرتين
من صار الاوداع -اعذرني يحسين

للكوفه مشت واخوته بس روس
فوك ارماح يضون جنهن اشموس
طبت بت علي وسفه بدواووين
طبت والقصر بالنــــاس متروس

بحرمهم طالبوا جمع امن الاعراب
بس زينــب بقت ماعدها طــلاب
انهظمت بت علـــي بديرة ابوها
ياوسفه الهواشم صاروا اجنــاب

ناحت .. ياهظيمه اغراب صرنه بدارنه
ناحت .. ياوكت يفـــــــزع بعد طلابنه
ناحت .. غربه هاي الناس موش اگدارنه
يامصيبة زينب
ــــــــــــــــــــــــــ
اعظم مصيبه - زينــــب غريبه
ماعدها وليان - ام عون الحبيبه

راحت والضــــــعن من غير حدّاي
وگلها تصيح زينــــب ياخلك هاي
حماي الخـــدّر جــــان الهه عباس
وهسه ام الخــــدر ماعدهه حماي

الزينب هاي ما جانت بالاحــــلام
من الكـــوفه راح اتـروح للشــام
والتهظم بعـــد ياطبت الســــوك
وارقيــــه بخـــــاربه باجــر اتنام

ويــلي .. هاي ام خيال المحد يشوفه
ويــلي .. للشام راحت هسه مجتوفه
ويــلي .. وين ابوفاضل رادت اجفوفه
يامصيية زينب
ـــــــــــــ ــــــــــــ ــــــــــــــ ــــــــــــ
محمد المشعلاوي

الشاعر محمد المشعلاوي

24 July 2024 03:45

حسين يالحبك فرض
جدمك مشرف الارض
ليش راسك ينذبح
وحافـر بصدرك يرض
ــــــــــــــــــــــــــــــــــ
يابداية كلشي انته حسين باء البسمله
اسمك يحلي السوالف انته يا هاء الهله
شرفت كاع الله كلها وبالاخص بكربله
غالي عبدالله ونْطَيته كَبال نبلة حرمله

اغله شي عندك نطيت
تنذبح تدري ورضيت
بيش نوفيلك بعد
يالي كفَيت اوفيت
ــــــــــــــــــــــــــــــــــــــــ
حسين يا سر الحياة الماي ماضله وجود
انـته ثبت الوجـود بكربله بذاك الصمـود
أعتنه الماي وأجالك أشـرتله وگتلـه عـود
ماي البگصتك يروي الدنيه بكملها ويزود

يا أمير بكل زمــان
تارس الدنيه حنــان
خيرك تعده الحدود
وانته للتايه أمـــان
ـــــــــــــــــــــــــ
رادت الدنيه بثواني ينقره اعليه السلام
وانته جيت وحررتها والثمن حرگ الخيام
صحت خل نموت فدوه ولا يحكمون اللآم
كون يثبت دين جدي مرحبا بضرب السهام

صحت كلا يايزيد
حكمك الجائر يبيد
حررت أمه بكبرها
قبل لاتصبح عبيد
ــــــــــــــــــــــــــــــــ
احنه لو ما انته هسه مانعرف اسم الحلال
حسين يانور الهدايه الطلعانه من الضلال
ياسفينة نــوح حبك يانجـاة ابـــلا محال
يالمقربنه اعله ربـنه بحبك وحـبك وصـال

ياوصــال العـاشـقـين
الـئ رب الـعـالمــــين
حبك السـر العظيم
يانـجـاة الغـــارقــين
ـــــــــــــــــــــــــــــــــــ
يامـلاذ الـعـاف دربه تـقبل اليرجـع دخـيل
يالقبلت الحر دخيلك اقبلني في حبك ذليل
منزلة خـادم جبيره ارزقني منك شي قليل
ارزقني دمعه بالمجالس خلي دمعاتي سبيل

ياشفيـع المـذنبيـن
يا انيس الخائفين
أنْــنَــا لله ربــنـا
واليــكَ راجــعيـن
ــــــــــــــــــــــــــــــــــــ
محمد المشعلاوي

الشاعر محمد المشعلاوي

29 June 2024 19:59

ياسيدي ارزقني بگلب
يهواك بس انته بعشگ
يالامنه بخيمه ودفــو
واخيامك انته تحترگ
هنيـــالنه بيـك اوعلـي
بس احنه ماعدنه صدگ
طبع اليحب امن الگلب
أيمــوت لمن يفتــرگ

احبك واليحبك زلمه يتسمه
يمن اسمك هواي وانه اشتمه
يبو اجروح الجثيره يا ابو اليمه
اريد بخدمتك همه وبعد همه

انطيني اديك .. رايد اجيك .. من العدم
ماعندي راي .. وانت رجاي .. جيت بندم
تحسبني اريد .. من العبيد .. موش الخدم

يامـــولاي : يا ابا عبد الله
ــــــــــــــــــــــــــــــــــــــــــ
شما ابعد عليك ارجعت
عطفك يردني عله الدرب
تنطيني اديك ابكل لطف
وتگلي ماعندي صعب
تاخذني منك غفلتي
والغيرك أيميل الگلب
هل مره جيتك سيدي
منك ردت بس القرب

عبدك وبن عبدك جيتك ابذنبي
اريد ارجع الدربــك تيهت دربي
حب الدنيه احذفه بس الك حبي
اريدن نضره منك تنضر الگلبـــي

وعره الدروب .. رايد أتـوب .. وارجع الك
كافـي ضياع .. الدنيه متاع .. الحبها هلك
الحبك يصير .. بالدنيه امير .. وجنه ملك

يامــــولاي : يا ابا عبد الله
ــــــــــــــــــــــــــــــــــــــــــــ
جنت بضايع الدنيه امس
بس جلبت بيك او عشت
محد وكف غيــــــرك الي
وبهــــــاي ابد ما حسبت
مــــولاي لو ماخـــدمتك
صح انه عايش بس متت
ماعندي غايه ابخدمتي
كل غايتي حبـــك ردت

انا بلا وجــــــودك كلشي ما اسـوه
اطيح ومن اطيح تصير الي تچوه
يضعف حيلي لاجـن بيك اتگــــوه
وعد مـــولاي غيرك بعد ما اهـــوه

المذنب يجيك .. تنطيله اديك .. وترزقه حب
حملي الجبيـر .. يمك زغيــر .. تسهل الصعب
جيتك الووب .. من الذنـوب .. طهر الگــــلب

يامـــــــــولاي : يا ابا عبد الله
ــــــــــــــــــــــــــــــــــــــــــــــــــ
جبت اعتذاراتــــــي الك
ويم باب عفوك چوچبت
استجدي من عطفك الي
مولاي انه دونك ضعت
راجعلك اوماضل عذر
ياقابل الحر أيـيـست
رجع فطرتي من جنت
بس اسمع اسمك دمعت

انه القصرت ويــــــاك بس راجع
خجل وذنوب جبت ابابك وراكع
تطرد سائل ابابـــــك فلا ســامع
انه ابين هذا وذاك احس ضـايع

جيتك جريح .. ارد استريح .. بفيي خيمتك
صدرك وسيع .. تتركني اضيع .. مو شيمتك
ارزقني بدموع .. خليني اللووع .. لمصيبتك

يامــــــــــولاي : يا ابا عبد الله
ــــــــــــــــــــــــــــــــــــــــــــــ
محمد المشعلاوي

الشاعر محمد المشعلاوي

20 June 2024 13:14

تعالوو جبتلكم الرادود والملحن مهدي الزينبي قصائد محرم الحرام 1446ه‍ هيه ولحنهه تعالوو اشتركوو تستفادون على الرابط التالي

/channel/ML_mahhde/11493

الشاعر محمد المشعلاوي

24 April 2024 13:38

زعل وعليه زعل بان
غظب والغظب بركان
دخيل الكافــل اليوم
زلم سواها نســــوان

زعل عباس وعليه الزعل يحله
الي يخزره ابو فاضل بالعمر شله
عيونه اتخوف الشجعان مو سيفه
الله اليستر من السيف اذا سله

محتــــــاره بشم الهـوه
خلاهــــــا بطف نينــوه
صاگرهم جف ابو الفضل
الي يسطره ماله كل دوه

يا ابالفضل .. يا ابالفضل
ـــــــــــــــــــــــــــــــــــــــــــ

بخزره وكاسر الجيش
اليخـزره يحلم يعيش
اذا عبـــاس موجــود
يطبون الحـرب ليش

عليه خزرة اعيون الگمر من يغضب
يطر الجيش ويه الكاع لو ضهضب
هذا ازماط حيدر وامه بدويــــــه
بيه شمرة علي لمن شطر مرحب

من اعيونه تخاف الزلم
بالعركه يــــــردم ردم
من عبـــاس محد سلم
چي بحسين شد العزم

يا ابالفضل .. يا ابالفضل
ـــــــــــــــــــــــــــــــــــــــــــــــ
الحـرب حاسمها عباس
يطبها اورافــع الــراس
العزم بجفوفه اله اسباب
علي بجـــف الگمـر باس

من حيدر علي كل حيله البجفه
واذا ميدان يدخل بانت الرجفه
الشاهد ضلت الگنطره اعله فعاله
بجفه الگمر واكف والجثث جفه

خـــلاها بحـــــور الدمه
حين الصـاح يافــاطمه
اليوصل گام يمه ينذبح
بذاك اليوم وحده ملحمه

يا ابالفضل .. يا ابالفضل
ـــــــــــــــــــــــــــــــــــــــــ
الكــرم والسيف عنـوان
هذن عد گمر عدنـــــان
الغيره العد أخو حسين
فلا موجـده بانســـــان

ابو فاضل بشر مخلوق من غيره
الغيره العده ابد ماصحت ابغيره
اشكثر كتاب كتبت عن ابوفاضل
محد يحل سره الصعب تفسيره

مو تشبيه وجـهه كـ القمر
نوره بنور وجهه قد ضهر
راعي الماي صاحب الفضل
من جـــوده تـــارس النهر

يا ابالفضل .. يا ابالفضل
ـــــــــــــــــــــــــــ
ابد ماعنده اشبـــــاه
كفيـل ام عون حياه
بجماله محير الناس
بعـنايه الباري سـواه

جماله الگمر كـــامل محــد ايوصفه
صافــي وحته من المـاي هم اصفه
الكواكب كلها يم اعيونه ماتوصل
الجمال البالگمر من نوره او عطفه

ريشــــــــاته تلاعب الهوه
من اعيونه مصدر الضوه
من يمشي اشمحله هيبته
وجهه ونور الشمس سوه

يا ابالفضل .. يا ابالفضل
ــــــــــــــــــــــــــــــــــــــــــــــــ
محمد المشعلاوي

الشاعر محمد المشعلاوي

23 February 2024 15:05

سيد الكـــــــون انولد هليله
بالفرج كلنه اليـــوم ندعيله
هلا بالمهدي هلا
ــــــــــــــــــ***ــــــــــــــ
هلا ياصاحب زماني
تحققت كل الاماني
ونورك اليله غزاني - هلا يامهدينه

نور الدنيه ابوجوده
اليله ماكو قطعه سوده
نكشخ اليله اعله موده - بلكت يمر بينه

الدنيه اذا ضاكـت بيك تشكيله
بالفـــــــرج كلنه اليـــوم ندعيله
هلا بالمهدي هلا
ــــــــــــــــــــ***ــــــــــــــــــــ
اليوم عيد المهدي عيدي
بالفرح يادنـــــــيه زيدي
امبايــــع او رافعله ايدي - بجيته نتبارك

الفرح ضيف اليله عدنه
ياهــــلا بجيت عشگـنه
بطلعتك يكمل فرحـــنه - نصير من أنصارك

من عمرنه ياناس نطيله
بالفرج كلنه اليوم ندعيله
هلا بالمهدي هلا
ــــــــــــــــــــ***ــــــــــــــــــ
ياهـلا بفرحـة الزهــره
الانتشر بالدنيه عطـره
والارض سواها خظره - من شرف غالينه

فرحـت اليله النــــوارس
فرح عدنه وعدنه واهس
من الفـرح بيض الملابس - من انولد والينه

مولد يعــم بفــــراح نحيله
وبالفرج كلنه اليوم ندعيله
هلا بالمهدي هلا
ـــــــــــــــــــ***ــــــــــــــــ
طلعتك بالكـي قـريبه
يوسف يرد من مغيبه
عاشگ ايلاگي حبيبه - وشوك بينه ازياده

نحسب نريدك تجينه
تلمنه بيديك الحنينه
وتعطف بعطفك علينه - ياحنين الساده

بنص الاگلوب البيت نبنيله
وبالفرج كلنه اليوم ندعيله
هلا بالمهدي هلا
ـــــــــــــــــــ***ـــــــــــــــــ
محمد المشعلاوي

الشاعر محمد المشعلاوي

01 February 2024 16:10

امصيبة الكـــــاظم مصيبه
هم مثل عمته الغـــــــريبه
جتفو ايده بسـلاســــــــل
وبالگب كاظـــــم نحـــيبه

بطاموره كل عمــره كضا
وسفه بسجن يابو الرضا
سابع امـــام اعله الارض
بسـَم الغــــدر تالي حضا

ويلي اعله ابن جعفـــر المسموم
مضلوم خلـص عمـــــره مضلوم
خلصت حيـاته بسجــن ويـــلاه
بطــــــامورة الاحــــزان مهمـوم

علئ الغريــــب واويـــلاه
ـــــــــــــــــــــــــــــــــــــــــ
عايــف الكــــاظم مصابه
وسجنه واگيوده واعذابه
وهوه بالطـــاموره يـذكـر
عمته زينــب والخــــرابه

بطامــورة السنــدي اشكثر
يبجي اعله عمته ام الخدر
ياويلي زينب بت علـــــــي
عالهزله راحــــــــت لليسر

ويلي اعله زينب بالسجن صاح
الشافت وليها حسين من طاح
اشكد عظيمه مصيبتج هـــــاي
مسبيه رحتي وهمه برمــــــاح

على الغريـــب واويــــــــلاه
ــــــــــــــــــــــــــــــــــــــــــــ
منجـــرح گلبـه اعله زينب
بمحــنته وعليـــها ينحــب
ما مفارك بــــــاله منظـــر
عمته مجلس غربه تچهب

ماصايــــره ابـال النبــي
علويـه ماخـوذه بســبي
عد الهــواشم ضل جرح
ماطاب جـرح ام العبـي

مهضومه زينب طبت السوگ
ياوسفه صعدت هــزّل النوگ
مجروح امامك عالجره وصار
ومحروگ گلبه اعليها محروگ

على الغريـــــب واويـــــلاه
ـــــــــــــــــــــــــــــــــــــــــــ
عالــــــهواشـم هايـه صعبه
اطب حرمهم ســوگ غـربه
طبن الشـــــــام العــــلاوي
اليستمعها يوجـــــعه گلبه

ومّصيبة الكــــاظم مثــل
عمته الي صعدت عالهزل
هيه الخرايب هم سجــن
واثنيــــنهم نفـس الحـبل

هيه المصيبه امصيبة ام عون
باقي المصايب سهله واتهـون
مو هينه زينب حتى تنشــاف
الصار اويه زينب يدمي الاعيون

على الغريـــــب واويـــــلاه
ــــــــــــــــــــــــــــــــــــــــــــــــ
ويلي بسموم المنيـه
خلصو ولد الزجـــيه
مالت الدنيه بأهلنه
من رزيه لحـد رزيه

ياويلي من ضلم الدهــر
معصوم وبســـم انغــدر
هذا الغريب امن استمع
يعصرني گلبي من القهر

وين اهله راحو خل يحضرون
الصاحو گبــل خلهم يشوفون
هذا ابن جعفـــــر أسد بغــداد
افترت الدنيـــه اوينه هـارون

علي الغريـــب واويـــــــلاه
ــــــــــــــــــــــــــــــــــــــــــــــــــ
محمد المشعلاوي

الشاعر محمد المشعلاوي

11 January 2024 11:34

مولاي السجاد في استشهاد مولاتي زينب عليهم السلام
ـــــــــــــــــــــــــــــ

ماتــــــت زيــــنب وانـــه بحـــــيره
بديـــرة غـــــربه وشـحــة غـــيره
محـــد حـــاضر من اخـــوتــــــها
ولا واحـــــــد شـــال اجـــنازتـــها
بديرة غربه وشحة غيره
ــــــــــــــــــــــــ
يهل الشام شسوت زينب
من ماتت هيج اتضلموها
من طبت ليكم مسبيه
بحجار الناس اتلكوها
ودارت دنيانه وهم ردت
تسكن بالشام يريدوها
ماتت مقهوره اعله اخوتها
الرادتهم همه ايشيعوها

زينب هاي .. رسمت بالعفه أجمل صوره
زينب هاي .. بقرأن الطف أعظم ســــوره
زينب هاي .. شمس الله بأرضه المعموره

البيديها احبال اومجتوفه
زرعت بيكم رهبه و خـــوفه

ماتت بالشـــام أبحـــسرتها
ولا واحد شـــال أجــنازتها
بديرة غـــربه وشحت غيره
ــــــــــــــــــــــــ
آه يالشـام مشيب گلـبي
اشجم موقف وي زينب خَله
بأسواگ يفــــرون الخـدّر
هاذا المــوقـف أكـــــبر علّه
ماشافت ضلهن كـــــاع الله
ينظرهـــن صار البـيه خلّه
عيون الوادم مارحـــمتهن
والتكتل نظــــــرات الذلّه

أهل الشام .. أبســـوك الخدّام انطبيـنه
أهل الشام .. أبحـــقاد أينظرون اعليـنه
أهل الشام .. الرايـح والراد أيسب بينه

يالما بيـكم غيــره ورحــمه
بينه اشخليتو اشجم لچمه

عميـــه اعيــوني اولاشــافتــــها
ولا واحـــد شـــــال أجـــنازتـها
بديرة غربه وشحـة غيــــره
ــــــــــــــــــــــــ
ما عدهم موقف ويــانه
ولا بيهم واحد رف گلبه
عاميهم حب هاي الدنيه
محد منهم يعـــــرف ربه
اخ الشام شسوه بزينب
عيشها اوموتها بغــــربه
بموكب جانت لمن تطلع
وحشه أجنازتها اشكد صعبه

هظمه اشلون .. ما عدها اخوان أيشيعون
هظمه اشلون .. يمها اهل الشام يضحكون
هظمه اشلون .. أبماي التغسيل ايسومون

الطـــف أبجـــفه والأيــــتام
العــــذب زيــنب جرح الشام

أتمنـــــت عبـــــــاس أبســــــاعتها
ولا واحـــد شــــــــال أجــــــنازتها
بديـــرة غــربه وشحــة غيــره
ــــــــــــــــــــــــ
متعوده اعله حسين أتشوفه
ومايـــبعد عنـــها اولا لحضه
بس بالعاشــر زينب شــــافت
صدر احسين الخـــيل اترضه
وادم شرايــت دم جـــــــانت
ماخــــــلـوه يكــمـــل فـرضه
طـــاح أو هجمو كلهم صوبه
مسابگ ياهو ابراسه اليحضه

ضل ابوحده .. وكلهم ركضوله يذبحـــونه
ضل ابوحده .. اعله الكاع يطيح ايتانونه
ضل ابوحده .. والزيــنب دارها اعيـــــونه

بنحـــره المختار أشكد بـــــاسه
اللهُ اكـــــــــــبر ذبحـــو راســـه
ذبحــــة راســــه اشكد ذبحــــتها
ولا واحـــــد شــــــال أجــــــنازتها
بديـــــرة غربه وشحـــة غيـــره
ــــــــــــــــــــــــ
جم موقف بالطف شاهدتي
الله يســـاعد گلبــج عـمه
شفتي حسين وحزة نحره
والحـــافر متحـــني بدمه
التمو فوگــه وسلبو ثوبه
وكطعو خنصر أيده ابهمه
دخـان اخيمنه الحرگوها
بعده بثوبج جاي اشتمه

لا ما طاب .. من الســــــوط امورم متنج
لا ما طاب .. ابمجلسهم من سـألو عنــــج
لا ما طاب .. جــــرح الماخذ روحج منج

الله يعيــــــنج شفتي اشكــال
من الطف ميته وبيــج أشضـال

ليهسـه أثــــــــــار أبــــــوجنـــــــتها
ولا واحــــــد شــــــال أجــــــنازتها
بديرة غربه وشحة غيره
ــــــــــــــــــــــــ
محمد المشعلاوي

الشاعر محمد المشعلاوي

25 November 2023 10:28

‏تابع قناة الناشر احمد الفاطمي في واتساب: https://whatsapp.com/channel/0029VaDTmQUL2ATx8IG7EN43

سويتلكم قناة على الواتساب اشتركوو بيهه اذا اتحبون ❤️للعلم اذا اشتركت بلقناه كولشي ما ايبين حتى اني ما اعرفك مشترك لولا ولا يطلع حساب ولا يطلع رقم لتخافون 👍