الناشر احمد الفاطمي

29 October 2026 13:28

#شور


واويلاه .. عالزهره وبزرهه
واويلاه .. عالزهره وبزرهه

===============

علويه ما كالوا ابد عصروهه بس عصرة موت
ومن شدة الرفسه الضلع طك وطلع منه الصوت
مثل الخشب من ينكسر هيج الصدى اتخيل اه
كالوله للجاني ام حسن كلهم وإن خل اتموت


اليوم الضلع نكسره
خلف الجذع نعصره
ميهمنه حتلو مره .. عصروها

بين الرفَس والضُرَب
جاويهه ذاك الحطب
دم ودمع سوه صب .. كسروها

____

واويلاه .. عالزهره وبزرهه
واويلاه .. عالزهره وبزرهه

===============

بالمحسن البسمار اجه وبراسه نابت ويلاه
خر منذبح فوك الارض متخضب ابطوله ادماه
وهيه المصيبه انسحك من الهجموا اعله ام حسين
وبكل حقد ويلي العده مرتين داسوا فوكاه


تنظر بزرهه نزف
بالرفسه صدره انخسف
صاحت ييمه وسف .. يايمه

حيل الزجيه برد
صاحت ييمه الولد
حضرته حضني مهد .. يايمه

____

واويلاه .. عالزهره وبزرهه
واويلاه .. عالزهره وبزرهه

===============

مو بس كسر مو بس ذبح مو بس رفس اسمع هاي
ردوا على ام زينب تره وبالسوط ضربوهه هواي
وصاحت يبويه الحك الي الحك تره هواي الصار
باكوا حلالك بالعلن وباجر يبوكون الماي


باجر جبير الخطر
باجر ضمه ودم نحر
عالغالي يغله النهر .. عالغالي

مو بس ضلع ينكسر
باجر عشيره وخدر
مشتت شملهه الضهر .. عالغالي

____

واويلاه .. عالزهره وبزرهه
واويلاه .. عالزهره وبزرهه

===============

الكل خيره من جف النبي وسفه عليه جفه يطول
بجدام محسن منسحك وحسين باجر بخيول
وزينب عله النوك الهزل باجر غريبه احا
للشام لو طب الضعن يستقبلونه بطبول

زينب تحب الستر
عدهه اغله من البزر
مالايك الهه اليسر .. ياويلي

من الضرب والحبل
جم طفله ميته وطفل
وجماله فوك الهزل .. ياويلي

____

واويلاه .. عالزهره وبزرهه
واويلاه .. عالزهره وبزرهه

===============

كلمات
الخادم حسن الكريماوي ✍️🏻.

الناشر احمد الفاطمي

29 October 2026 13:26

قصيدة شجاعة الاامير ع||
نزال


علي ياحيدر علي
علي ياحيدر علي
ـــــــــــــــــــــــــــــــــــــــــــــــــــ

نـار يـافـحـل الـحرايب ياجـبل
ومـثل حملـةحيدره محد حمل
صال بيها وماهده حرب الجمل

زلـمة الله تـحـزمـلها ابكل عـزم
المـاعرف ويـن الزلم هاي الزلم

علي ياحيدر علي
علي ياحيدر علي

ـــــــــــــــــــــــــــــــــــــــــــــــــــ

صوچ روحه لماعرف ضربة علي
مـاعـت بچـفينه قـاده وتصـطلي
هـوه سيف الله الـعظيم اليعـتلي

مثله ماشافت زلـم هـاي الـخلگ
المايطـگه گـبال چـفينه احـترگ

علي ياحيدر علي
علي ياحيدر علي
ـــــــــــــــــــــــــــــــــــــــــــــــــــ

ابـن ابو طالب بعد سيفه الحكم
خـله روس الچـهبته صارت ردم
هـاشـم ومـمـلوحـه مـاتـبـرد نعم

حيدر الهـا المـايجيله گـباله حط
بيده ملچ الموت خادم مـافـحط

علي ياحيدر علي
علي ياحيدر علي

ـــــــــــــــــــــــــــــــــــــــــــــــــــ

هيبة الله هيبته شما طب حرب
يشمر بروس لعده ويسحگ گلب
علي حيل الله الصـدگ مايـنغلب

علـي صامـد والزلـم مـنه تخـفگ
علي برمشة حاجبه يشرگ شرگ

علي ياحيدر علي
علي ياحيدر علي
ـــــــــــــــــــــــــــــــــــــــــــــــــــ

جـندل ابطال الـعرب وبكل فخر
يحرگ بعينه الزلـم فـارس مـضر
علي شيخ وهـابـته الجن والبشر

صاحت لغوث ليطب بيها بغضب
هـذا حيدر لـو عـذاب الله يصب

علي ياحيدر علي
علي ياحيدر علي


ـــــــــــــــــــــــــــــــــــــــــــــــــــ
الشاعر مهندالعايدي

تمت بفضل الله وال محمد
نسالكم الدعاء

الناشر احمد الفاطمي

29 October 2026 13:26

قصيدة شجاعة ابالحسن•&
نزال


يأامير المؤمنين
يأامير المؤمنين
ـــــــــــــــــــــــــــــــــــــــــــــــــــ

يـاصـگــارهــا ونـزاع الاارواح
يالطولك فخر والجيش سباح
صايـود الزلـم چـف الله چـفك
موت الله وفقارك صعب يلاح

بس الله اليعرفك
يازلمه اليوصفك

يأامير المؤمنين
ـــــــــــــــــــــــــــــــــــــــــــــــــــ

يافـخـر الهـواشم يـاغـضنفر
ماتـخسر حرب عالكون تگدر
وينه الگـابلك بالحرب ويـنه
حيل الله بقدرتك كاسر الشر

ماواحد يـچهبك
چن بركان چفك

يأامير المؤمنين
ـــــــــــــــــــــــــــــــــــــــــــــــــــ

ياحـيـد المـعارك منـك الصيت
وكل الزامـطت رجعت توابيت
بـعـيـونك كـتلـهـم مـوش فـقار
سيف الله ونعرفك سيد بخيت

فخـر الـزلم حيدر
برف اللواك تسطر

يأامير المؤمنين
ـــــــــــــــــــــــــــــــــــــــــــــــــــ

يالطگك ثـچيل وخاسف الگاع
ويمك دنـگـت قـادات الااسباع
ماواحد يعبرك ونت ابوحسين
واليعبر حدوده بسطرتك ضاع

معنه الزلم كلها
منـك يـافحلـها

يأامير المؤمنين
ـــــــــــــــــــــــــــــــــــــــــــــــــــ

حار بـحار طبعك بالـعرك حار
من چفك يحيدر طلـعت النار
ياملح العرك والجيش ماصخ
الله بـكـل وجـودك دوم يفخر

يـاسبع الشـدايـد
بيك الجيش بايد

يأامير المؤمنين
ـــــــــــــــــــــــــــــــــــــــــــــــــــ

يالسيفـك رعيده وصـوته چتال
من هيبت خصالك تنحني جبال
ياجيش اليچـهبك صـايـر ارماد
دومـك مـنتـصر يـاسـيد الـرجال

يالـتاريـخـك الـعز
بيدك كلشي ينجز

يأامير المؤمنين
ـــــــــــــــــــــــــــــــــــــــــــــــــــ
الشاعر مهندالعايدي

تمت بفضل الله وال محمد
نسالكم الدعاء

الناشر احمد الفاطمي

29 October 2026 13:26

قصيدة جروح فاطمه ••||
شور دمعه


يافاطمه المظلومه
يافاطمه المظلومه
ـــــــــــــــــــــــــــــــــــــــــــــــــــ

ملچومه يمه مـن لعصر تعبانه
حرگولي بابي وغيروهـا الوانه
ماضلي حيل بعصرته يـاذيـني
وحـرگو اديـه مـن شعل نيرانه

ريت ابوالحسن ريته
يـفــزع ألـيـه امـنيـته
وضـربـو سـتـر بيـتـه
اويلااه

بنار ورمـح ذاك بسهـم
انشغ وصيح من الاالم
مـحد فـزع لـمـن اجــه
لكسرة علي كلمة هجم

يافاطمه المظلومه
يافاطمه المظلومه
ـــــــــــــــــــــــــــــــــــــــــــــــــــ

تعبانه تدري وانه حمره عيوني
يمه بسطرته خله زرگه چفوني
بابي حترگ وانه استر بجفيني
من هل مصيبه يمه رايح لوني

محسن وگع وسفه
ابكسر الظـلع نـزفه
صـار ومـشه بالهفه
اويلااه

فوگ الترب طـاح الـولد
دمعي يصب گلبي نمرد
ومـ، اضلـت گبالـي زلـم
شبااه الزلم هواي وعدد

يافاطمه المظلومه
يافاطمه المظلومه
ـــــــــــــــــــــــــــــــــــــــــــــــــــ

يايمه مگـطوع النفس والصعبه
مـرعوبه منهم والجره من الغربه
ريتك تجيني وتگضي موضوعي
مصيبه وهضيمه امــك بـلا گـبه

يـمـته العـجل يمـته
طولي نـدفن سكـته
وكـلشي شفت أنته

يمته الاامر لجل الضلع
نوحي بقه وزاد الوجـع
بشوگ ودمع محد ندب
فوگ الگبر يمته الدمـع

يافاطمه المظلومه
يافاطمه المظلومه
ـــــــــــــــــــــــــــــــــــــــــــــــــــ

نار الكسر يـايـمه تـدري بگـبري
بالعصره ذيچه خلصت كل عمري
دمعي وكسرتي للـگبر مـاخـذته
كسر الظلع ياروحي كاسر ظهري

ثـار الظـلـع ثـارك
يـايمـه شـب نارك
ماتنطفي اسرارك

بدمعه وهضم ابني الگبر
گبري اندفن طول الـدهر
يـالـغـايـب ابـكـل الـزمـن
طفي الخيم وجبر كسر

يافاطمه المظلومه
يافاطمه المظلومه
ـــــــــــــــــــــــــــــــــــــــــــــــــــ
الشاعر ••مهندالعايدي

تمت بفضل الله وال محمد ع
نسالكم الدعاء

الناشر احمد الفاطمي

29 October 2026 13:26

يا دُرةَ المُختارِ
يا زوجةَ  الكرارِ
يا حكمةَ الجبارِ /// يا فاطمه
/////////////////////////////
١=
ممنونج /// يا فاطمه
ممنونج /// من ما كسرتي بكَـلبي 
وللخدمه وفقتيني

احجيهه /// طول الزمن
احجيهه /// العالم خدمتج اني  
ما استحق جبتيني

اشلون اجازيج
أسنيني  انطيج
هم اضل امقصر الساعة مماتي

خيرج اهواي
قطره في ماي
اني يم افضالج الآخر حياتي

مولاتي يا مضلومه  … يا أم  الانسانيه 
أشلون ارد افضالج … علميني يالعلويه
أقسم عليج بحيدر … وبزينب المسبيه

يا قبلة الاحرارِ

//////////////////////////////////////
٢==
مولاتي /// يم الحسن
مولاتي /// رغم الذنوب العندي
وايدي فلا عفتيهه

مشكوره /// يم الوفه 
مشكوره /// احسبتيني مثل اوليدج
كَـبلج منو امسويهه

يم الحسين
طول الاسنين
أغلط وانتي اشوف اتسامحيني

كَـد الاغروب
ساتره عيوب
بيه لو غيرج عرفهه ما يجيني

جا ظهره والله انطاني … وبوجهي سد بيبانه
بس انتي متسويهه …وي روحي اسولف انه
كلج وفه وحنيه … يا فاطمه السلطانه

يا كعبة 🕋 الاسرارِ
//////////////////////////
٣===
ما وافي /// طيبج أبد
ما وافي /// لو عمري اخلصه ابابج
أقره الدمع لطميه

جبتيني /// من العدم
جبتيني /// وبراسي حظ سويتي
وناسي تسولف بيه

كلج احسان
يم الاحنان
قيمه صارتلي لمن أسمي قريتي

اويه اليخدمون
ألج ممنون
روحي من مستنقع الذل طلعيتي

الف انعم الله احجيهه .. من كلبي يا مولاتي 
لو ما لطفتي بحالي … واغفرتي عن زلاتي
جا عيشتني ابذله … مثل الشمر دنياتي

يا حُجةَ الأقدارِ
//////////////////////////////////
٤====
من أمي /// انتي أحن
من أمي /// تتفكَـديني احوالي
وكل العلل تشفيهه


تقضيهه /// كل حاجه الي
تقضيهه /// متعلكَـه اعله اجتافي
ما ممكن اتخليهه

وين ما روح
ذكرج ايفوح
يا سلام الله اعله طبعج يالأميره

انتي لا غير
منبع الخير
بيج اسولف بالزغيره وبل جبيره 


ما أسوه كلشي بدونج … يالعالمه ابأسراري
غيرج منو يدك بابي .. ويسألني عن اخباري 
بس انتي يا مولاتي … الدوم انظرج خطاري

يا روضةَ الأَذكارِ
//////////////////////////////////
٥=====
خليني // عندج عبد
خليني // بلكت ارد اشويه
من دينج المطلوبه

بدروبج /// كلي انفرش
بدروبج /// اتراب وتدوسه اجدامج
يالروحي الج  محسوبه 

يالزجيه
للمنيه
تبقى صيحاتي الج سمعاً وطاعه

يالحبيبه
يالنجيبه
الغير بحرج مركبي ما رف شراعه

اختم نضم اشعاري … بسمج يبضعة طه 
وبكبري بسمج ألهج … احروفج فلا انساهه
ميت عدل ماعوفج   …  وبخدمتج اتباهه

يا موطنَ الأشعارِ
=========================
✍️🏻 كلمات #موسى_الخادم ٢٠٢٥

الناشر احمد الفاطمي

29 October 2026 13:26

ايعينك الله يا علي
بموتي باجر تبتلي
وينسمع ونينيك .. وماكو من يعينك
ايعينك الله يا علي
1////<<<<<<<<<<<<<<<<<

يا علي الليله الاخيره … باجر امشي الموتي اسيره
ومني ضلوعي كسيره /// علي

ليله ضلت يالحميه /// وروحي تاخذهه المنيه
شده حيلك للرزيه /// علي

كفف ادموعك يروحي // يل ألك يتعاله نوحي
جرحك اكبر كل جروحي /// علي

من قبل ما روحي تطلع // رايده كلماتك اسمع
بالبجي الميت ميرجع  /// علي


أدري مو سهل الأمر ___ إنسه موتي والكَـبر
وخلهه عيني ابعينك
وماكو من يعينك
ايعينك الله يا علي .. ايعينك الله يا علي

2///////////<<<<<<<<<<<<<<<<<<

محنتك اولهه باجر /// من تشاهد بالنواظر
مني البسمار كاسر /// ضلع

عنك اخفيت الجرالي /// خوفي اهضمك وانت غالي
سهري من كل  الليالي // ضلع

اكَـبالك اتلاوه اويه كسري /// زينه اكلك وانه ادري
بايكَـ امن اسنيني عمري /// ضلع

من تغسلني بجفوفك // منكسر ما ريد اشوفك
روحي عد راسك تطوفك /// ضلع


فدوه الك يا خيمتي __ اضلوعي يا كل دنيتي
أيدي خل بدينك
وماكو من يعينك
ايعينك الله يا علي .. ايعينك الله يا علي

3//////////<<<<<<<<<<<<<<<<<

أجمل ايام العشتهه // بصحبتك والله شفتهه
الوصور من كَـلبتهه /// شفت

انت كلشي بعمري انته // العايش ابروحي وجدته
كَـلبي يا حيدر ملكته // شفت

عشرتك جانت جميله /// دللتني ابكل وسيله
الشكر لله وخليله /// شفت

هالكلام ايأذي كَـلبك // بس عليَّ واجب اخبرك
تبري ذمتي يالأحبك // شفت

ما بقى الموتي وكت __ ابري ذمتي لو متت
ولجلي بطل اونينك
وماكو من يعينك
ايعينك الله يا علي .. ايعينك الله يا علي

4////////////<<<<<<<<<<<<<

يا علي يا راعي بيتي// ارد اوصيك ابوصيتي
من توافيني منيتي  /// ردت

بيدك اتغمضلي عيني /// وتحفظ ابنيتي وبنيني
تخلص اوياكم سنيني  // ردت

من يجي الليل بضلامه /// نعشي شيعه اويه اليتامه
ما أريد اهل الضلامه /// ردت

يحضر الدفني اليحبني /// موش التعده وعصرني
وعل الوجه ويلي سطرني //
ردت

اليحفر اوياك اللحد ___ تاخذه الحسبه وترد
مثل حال احسينك
وماكو من ايعينك
ايعينك الله يا علي .. ايعينك الله يا علي

5///////////<<<<<<<<<<<<<<<<<<<

أدري مو هينه المصيبه /// اعليك يا جرحي وطبيبه
ايموت اليفاركَـ حبيبه // صدكَـ

البيده يدفن ام بنينه /// يدفن اوياهه سنينه
ايعينك الله يا علينه // صدكَـ

بصبرك اتحزم امانه /// حتى اموت ابراحه انه
ابحاجتكً زينب ضوانه /// صدكَـ

من تغطيني بترابي /// رجَّع الزينب حجابي
امصابهه اكبر من مصابي // صدكَـ

باجر اتروح السبي /// بحاجه لحجاب وعبي
الحجي بيني وبينك
وماكو من يعينك
ايعينك الله يا علي .. ايعينك الله يا علي
===========================
✍️🏻 كلمات #موسى_الخادم ٢٠٢٥

الناشر احمد الفاطمي

29 October 2026 13:26

لسان حال رسول الله ص
يخاطب علي ع بعد وفاتها

رش ضلعها ابماي /// لو غسلتها
وللكبر بهداي /// لو نزلتها

1
/////
يا علي اترجاك // لو غسلتها /// هونك عليهه
الضلع مكسور ///خايف اتلجمه/// ويثكل بجيهه
طعنت البسمار /// وصلت الريه // ما تدري بيهه

يا علي الزهره …
ماتت بعصره … هاي المسيه

ياهو يتلكاك /// لو جفنتها
وللكبر بهداي /// لو نزلتها

2
////
يا علي الكرار /// لا تشيل ابساع /// بنتي الكبرهه
خلهه تشبع شوف // منهه ولدهه /// وزينب ذخرهه
تدري كلب حسين /// ذايب اعليهه /// ونام ابكترهه

آخر التشيع …
وساعت التوديع … يابو الحميه

اشيسكت الايتام /// لو شيعتها
وللكبر بهداي /// لو نزلتها


3
////
يا علي اوصيك // وسع لحدهه // الخاطر ضلعهه
لا تلجمه الكاع /// والنزف يكثر /ويصب دمعهه
وللكبر بهداي /// لو نزلتهه /// شايف وضعهه

الضلع مكسور …
مثل عود ابخور … اه اشرزيه

وانت هم مكسور /// ساعت شلتها
وللكبر بهداي /// لو نزلتها

4
/////
يا علي ادريك /// منكسر ضهرك /// بعد الزجيه
ومثل نار الباب /// تسعر ابكلبك /// هاي المسيه
ومثلك انه اليوم /// ناري البصدري /// يا بو الحميه

اتحزم ابصبرك …
ولله فوض امرك // رب البريه

روحك ادري اتلوب /// جي فاركتهه
وللكبر بهداي /// لو نزلتها

/////
كلمات
موسى الخادم

الناشر احمد الفاطمي

29 October 2026 13:26

يالتخدم الزهره
اخدمهه عالفطره
مالك شغل بالغير .. مالك شغل بالغير
١///////////////////////////////////

صفيهه نيتك لام حسن صفيهه
واترك القال وقيل لتجاريهه
الزهره تحب الخادم اليخدمهه
ميماشي ناس الغيبه ميخاويهه

ايماشي الصدكَـ خادم
الما يحجي عالوادم
اليتمنه الهم خير ... مالك شغل بالغير
٢/////////////////////////////////////////////////

خل فكرك بأُم الحسن خل فكرك
واشلون تقبل خدمتك واتشكرك
مالك غرض بالناس خلك بيهه
بس فاطمه الباجر تجيك الكَـبرك

ما تنسه خادمهه
الحاضر المأتمهه
تحضر اله شميصير .. مالك شغل بالغير
٣//////////////////////////////////////

عوف الرياء اويه العُجب يا خادم
الزهره اهم من مغريات الوادم
الهسه يمدحك باجر ايذم فعلك
كلشي اترك وجلب أبأمك فاطم

بس هيه التشوفك
من ناسك اتعوفك
ومن الظروف اتحير ... مالك شغل بالغير
٤/////////////////////////////

خل وجهك ابيض لا تذله الشهره
فاطمه التريده توصله ابنظره
أخدم وكَـلهه بايه لتصعديني
لو كَـمت أتكبر انه اعله الفقره

مولاتي خليني
لا لا ترفعيني
خليني حر كالطير  .. مالك شغل بالغير
٥////////////////////////////////////////

خل الزجيه ابخدمتك تتباهه
واتكَـول يستاهل على امجازاهه
لتخلي همك بالأجر والسمعه
خدمتك هاي الناس تتمناهه

عالخدمه حاسدتك
وادكَـول يا بختك
بالك من التقصير ... مالك شغل بالغير
٦/////////////////////////////////////

اشكُر الباري ابكل وكت عالخدمه
وكَـله إلاهي اديم هاي النعمه
الترضى عليه ام الحسن يتوفق
بدنياته وابأخرته رابح إسمه

تاج الذهب يلبس
وبيمنته المحبس
ويصبح مقامه اجبير ... مالك شغل بالغير
==========================
✍️🏻 كلمات #موسى_الخادم ٢٠٢٥

الناشر احمد الفاطمي

29 October 2026 13:26

تَزودو من أُمّكُم فَاطِمه / هالجمله كَـالاهه الولي
تَزودو من أُمّكُم فَاطِمه /// هالساعه يدفنهه علي
شَبعو النظر من فاطمه 
ناده وبجت لجله السمه 
علي /// علي
/////////////////// ١=
صاح بعلو صوته يولدي
من امكم اتزودو بعدي
قبل ما شد الجفن

محني نظرته المره الاوله
ودمعاته تتجاره اعلى طوله
على فراكَـ ام الحسن

عمري جان انه ابوكتهه اربع سنين
بس نظرت اليتم ويلي بوجه الاحسين
والحسن طاح اعله طوله وباجي العين
وانه محتاره بقيت ابين الاثنين

تَزودو من أُمّكُم فَاطِمه /// معناها محد ضل الي
_/////
٢==
منظر صعب يا كافل اخته
جن علي هو المات شفته
موش أمي فاطمه

كلشي انتهه شفت ابعيونه
عمره كُبر وانخطف لونه
علي حماي الحمه

ابد ما جنه القلع خيبر ابيمناه
حيله مهدوم اعله موت الزهره شفناه
وشيبه تارس لحيَّته واسنينه تنعاه
بعده ما دافن الزهره ودفن ذكراه

تَزودو من أُمّكُم فَاطِمه ////  هدت علي يا كافلي
_/////////
٣===
من علي راد يشد جفنهه 
مثل النده طاح ابحضنهه
الحسن وحسين النفل

بهل لحضه شفت الزهره امهم
شالت اديهه أتريد ضمهم
والجفن رادت تحل 

رادت اطيح السمه من منظر الصار
وصوت اجه امن العرش يخبر حامي الجار
نَحيَّ عن ام الحسن ولدك يكرار
بجو املاك السمه اوجدهم المختار

تَزودو من أُمّكُم فَاطِمه //// هالامر الأجه امن العلي 
__////
٤====
شيع علي الزهره الكَـبرهه   
وردالي كسره ابكَـد بكسرهه
امترب ودمعه يصب

ضمني اعله صدره وكلمه كَـلي
راحت الجانت مثل ضلي
عني غطاهه الترب

مسح راسي مثل ما يمسح عالايتام
وكَـلي الله ايعين كَـلبج باقي الايام
أمنيدي اخذني الحجرت امي وفك الالثام
ما عرفته هواي شكله امغيره الالام    

تَزودو من أُمّكُم فَاطِمه /// غيرت ملامح كل هلي
_/////
٥=====
والدار صار اخلاف امنه
موحش على اصورهه يلمنه
وعلى والونه والدمع 

وي دمعي اسولف طول ليلي
ازغيرة عُمُر ماتت يويلي
ماتت بكسرة ضلع

جم سنه مرت عليه وقصة الباب 
ما نسيت ولا نسيت اشجابلي امصاب 
طيحت امي وطيحت المحسن عالتراب
ما تفاركَـ عيني والهه أحسب احساب

تَزودو من أُمّكُم فَاطِمه /// صيحة هضم ما تنجلي 
============================
✍️🏻 كلمات #موسى_الخادم ٢٠٢٥

الناشر احمد الفاطمي

29 October 2026 13:26

حرك الباب وحرك الخيمه
ناتجهه اجم طفله ايتيمه
جم ظلع مكسور
.......
أبعاد الهجمه المشؤمه اهواي ... لوردنه نحجيهه
انطت ضوه أخضر لليكطع ماي ...والعيله يسبيهه

ناتج حرك الباب الحره اتشوف
سطرت عين الزهره
وناتج حرك الخيمه ارقيه بخوف
تنظر كسرت ظهره

من يفكد حيله اعله إخوانه
ويبس من اضماه السانه
بيام عاشور



........
أكبر غدر أبتاريخ الاسلام ... صار بسقيفتهم
طه ابكبره ما صايرله ايام .... علنو خيانتهم

سلبو روح المحسن وجه الخير
كدام اهله وناسه
مارعو حق حرمه اهل التكفير
كلمن بيّن ساسه

كشفو كل مستور العدهم
ما واحد ملعون بكدهم
انذكرو بالسطور

.......
النظم ذيجه الفعله الكسر اظلوع... مهد كسر ظلعه
نفسه الأفته بركضت احله شموع ... بالهيمه متوجعه

صورة دفع الباب اعله ام حسين ...
تشبه حيل اهوايه
صورة خيل ادوس ابصدر حسين ...
واظلوعه أمدمايه

البسمار ابظلع البضعه
والحافر يا ناس ابظلعه
ودمه البقى يفور

.......
غصب الحق الاول اصعب جان ....
حق الخلافه أعني
نصَبو ظالم من ربع الشيطان ....
لا شيعي اولا سني

من ذاك اليوم الهل يوم أمصاب
عايش مهدي الامه
ساعه يون عالخيمه وساعه الباب
ذاك العصر امه

الله يساعد كلب الحجه
ما شاف الراحه ولا بهجه
بحزانه منحور

.......
كلمات
موسى الخادم

الناشر احمد الفاطمي

29 October 2026 13:26

ماتت امي وماتت اوياهه حياتي
ماتت وعافت جروح بكد صلاتي

.......
راحت امن ايدي الي جانت بلسم اجروحي
وبية عافت نار تسعر تاكل بروحي
كلشي بية ايصيح يمه انهدت اصروحي
من بعدهه رافكَتني دمعتي ونوحي

راحت وانه انطفت كل امنياتي
.......
الماتت امه بساعه يكبر تركض اسنينه
ينحني ظهره ودموعه تكثر بعينه
فرحه ما تبقى بحياته بعد الاحنينه
ليله يخلص بالبواجي ونوحه واونينه

وانه بعد امي بقت بس ذكرياتي

......
ينطفي البيت ابغياب ام ابيته معروفه
موحش يصير ويسكنه الحزن ويطوفه
ايساعده الله الامه ماتت تنشف اجروفه
حاله ميسر لا صديق ولاعدو يشوفه

هذا حالي والمدامع شاهداتي
......
بية يشعر كلمن امه ماتت ابزغره
لليتم يصبح أسير ومحد يعبره
اشحال اذا جانت الامه فاطمه الزهره
ايموت كبل الموت مو مره الف مره

كلشي بية ايصيح يايمه الوفاتي
.......
بعمر ست سنين انه وفاركيت امي
شيعتهه بخدهه سطرة والضلع مدمي
العني ينشد ياهو اني وينشد اعله اسمي
الحسن انه الما وصل واحد ابد همي

جبدي مسموم وعلى امي نايباتي
......

كلمات
موسى الخادم

الناشر احمد الفاطمي

29 October 2026 13:26

نزله

لعنة الله على من شب الحطب ..
بداري فاطمه
.....

دنية واخرة ... لعنة امسجلة ...
على الجاب الحطب واتعنى للزهرة

محضر ينفتح  ...بي اول جرح ...
ابنها ابيا ذنب مات وخلص عمرة

محكمه باجر تنصب بالمحشر
والقاضي بيها يكون رب الكوثر
توكف الزهرة ويمها يوكف حيدر
والحكم يصدر عل ضلعها كسر

لعنة الله على من شب الحطب ... تقَّر المحكمه
......
كل اهل الارض ... كل اهل السمه ...
شهود اعله السطر خد فاطمه بجفه

مو صاحب نبي .... صاحب ناصبي ....
ابد ما عنده ذرة غيرة لا عفه

اليضربله حرمه هذا ابد مو زلمه
محسوب عالنسوان نكتب اسمه
ثوب الشجاعه ما يلامس جسمه
البعروكه تسري الجاهلية ودمه

لعنة الله على من شب الحطب ... تصيح ارض و السمه
.......
كل صاحب علم ... باجر ينسئل ...
على حق الولا ية وفاطمه البضعه

ايمانه صفر ... من عادة الطهر .....
حتمية القضية ابلا كل رجعه

العادة الزجية ما نسولف عنه
بالحلم ما يشتمها ريح الجنه
متفق عند الشيعه عند السنه
مساله ما بيها اختلاف وضنه

لعنة الله على من شب الحطب ... بباب العالمه

......
سلطان العرش ... لجل ام الحسن ...
خلق هذا الوجود وجوهر  اسرارة

اكرام الفاطمه ... الحره العالمه ...
انخلق طه النبي وحيدر وفقارة


كلشي انخلق لعيون امنه فاطم
لولاها ما طلعت شمس عالوادم
حتى الهوه اعليها صبح متزاحم
الف السلام اعليها نادة القائم

لعنت الله على من شب الحطب ... ابد منسالمه
.....
كلمات
موسى الخادم

الناشر احمد الفاطمي

29 October 2026 13:26

نزله

يالخدم رفعت راس ... اتباهه بيكم عباس
هله برجال الليالي الفاطمية
......
هله بعشاك الشعائر والمجالس واللطم
هذا يوم الزهرة لتقصرون حد كسر  العظم
الزهرة تستاهل بواجيكم وشوغات  الهضم
لا تبخلون بدمعكم وانت حيلك لا تضم

الخاطر ام الحسينين ... يالخدم طيحو العين
هاية ليلتكم يفرسان العزية
......
خل نشوف الناصبية شنهو ولد ام الحسن
لجل عيناها ورضاها  نوكف ابوجه الزمن
على طول السنه ننصب ماتم الها ابكل وطن
ونلعن الكّسّر ضلعها بالخفاء وباللعن

الله يلعن من عاب ... صدر فاطم بالباب
وخله دمعتهه على الوجنه جرية
......
يله يخواني النشامه خل نردد ما يلي
احنه غير الزهرة ما عدنه وحق ربنه العلي
لا مره الا الزجية ولا فتى الا علي
خل نردد هالشعار بصيحه وحدة تعتلي

فاطمه سر الله ... وعلي حيدر صاناه
تشهد الاملاك ماخان الوصية
......
لحضر مجلس للزجية رضه الباري حصله
باجر بيوم القيامه اينول اعظم   منزله
علي يشفعله ورسول الله وحُسين يقبله
والاملاك بتاج من در تعنتني وتستقبله

وجنة الله اتحييه .. وعلى الراس اتخليه
اكرامأ الام الحسن جنه زهية

......
ما يحب الزهرة بس الصدك طاهر بالنسب
الرايد ايراجع شنو اصله ايشوف كلبه شنهو حب
والدليل الحرك باب الزهرة والجاب الحطب
هذا مو طاهر حليبه امه شرَّايت ذهب

مو رجل من ارجال ... بالنسب عنده اشكال
ماله ابو المعروف نحجيه القضيه
........

تحت راية ابو صالح ننجمع نوكف حرس
انطالب ابثار الزجية الحد كطع اخر نفس
انحاسب الكسّر ظلعها والصفعها والرفس
ابد ما ننسى ظلعها البيه بسمار انغرس

امربع انرد الثار ... ما نعوفه اشما صارر
قسم ابدم نحر الحسين واخية
.....
كلمات
موسى الخادم

الناشر احمد الفاطمي

29 October 2026 13:26

وينج .... صار الليل وما جيتي
وينج .... ابزينب ياهو الوصيتي
وينج ... وحشه اخلافج ظل بيتج
وينج ... وينج
......
يمه وينج يالحبيبه ... اعليه مو هينه المصيبه
كلبي خلص من نحيبه ... ردي الية
ظلمه من دونج حياتي ...اي وحك صومي وصلاتي ... ابموتج اتحل نايباتي ... يالزجية

ما اتخيل عمري بدونج ...
ابقى الوحدي امن يدفنونج ...
وين انظرهن بعد اعيونج ...

طولج .... ما شوفن بعد الساعه
طولج .... راح يضمونه بنص كاعه
وينج .... وحشه اخلافج ظل بيتج
.....
زينب انه يالزجية .... يمه بعدج يا هو الية
ضاكت الوسعه علية ... يمه يمه
من كثر ما تبجي عينه ... حسين تيهدربه وينه
ما تجينه يالحنينه ... بردي دمه

متعود كل ليلة ايشوفج ...
مينام الا ايحب اجفوفج ...
مثل الكعبه ابروحه يطوفج...

جرحه .... ما يتشافه الا بجيتج
جرحه ....متشابه وي جرح ابنيتج
وينج . لو يرهم جا روحي انطيتج
......

يمه يالزهرة وغلاتج ....تنعرضلي ذكرياتج... وانتي يومين الوفاتج .... اه يناري
اشلون اصبر روحي بعدج ...ذايبه الروح اعله فكدج ... كلشي عني ما يبعدج .... وحشه داري

بعدج صارت وحشه ايامي ...
يالضاعت وياج احلامي ..
اشلون انساج وجرحج دامي ....
ا
ماتت .... روحي بموتج ياسلوه
ماتت .... ضحكاتي اعيوني الحلوه
وينج .... يمي اظلين اتمنيتج

.....
راح انام ابهل مسية .... وحدي من غير الزجية
بوية حيدر رد علية ... روحي ذابت
صعبه اعيش ابلاية امي ... كلها ترجع ساعه يمي
راح حيلي وزاد همي ... صغيره ماتت

الها اهواية اشتاكيت اني ...
زغيرة وشيبت امن احزاني ...
كلها حسينج ظل وحداني ...

يمنه ... اعرف جاي اتسمعينه
امنه ... رحتي وما ودعتينه
وينج .. مشتاكين الحنيتج
وينج
.......

لو يصح بيدي يربي ... جا نطيت الزهرة كلبي
موحش ابلايها دربي ... انت تعلم
ريتي تتنفس هواها .... روحي ما تعشك سواها
وعيني متعودة ضواها ... حالي ارحم

البيت ابلا ام مابي فرحه
موحش ليله وموحش صبحه
صيحات الايتام اجرحه ... يا ربي

روحي ... شلون اقنعها افراكها
روحي ... ما ترهم الا اوياها
وينج ... يمه بدمعي امتانيتج
وينج ...

.....
الحمدالله رب العالمين
اللهم صل على محمد وآل محمد
موسى الخادم

الناشر احمد الفاطمي

29 October 2026 13:26

شور

صل الله عليك فاطمه

يم الحسن هاليوم اجينه بعبرة
لمصابج انهل الدموع بحسرة
نار بكلبنه اموجرة و ما تبره
اشما نلطم اعليج الظلع نذكرة

يا رحمت الله الواسعه برض وسمه
صل الله عليكِ فاطمه
.....

اعليج السماوات العله مختنكه
واهل الارض حزانه من الفركه
مصابج جمعنه عاللطم والحركه
كل شهكه بينه فاطمه كل شهكه

اسمج يدور اويانه مسرات الدمه
صل آلله عليكِ فاطمه

......
يارحمة الله البلارض منشورة
ندعي الله يشفي اظلوعج المكسورة
نبعث الج هاي العزية بصورة
منذورة الج هاي الخدم منذورة

ليل ونها الخدمتج متحزمه
صل آلله عليكِ فاطمه
......
يل ما الج كبه وصحن  لا راية
نزروج نيابه عن بُعد بقراية
ما عدنه بالدنية امنيات اهواية
اوية المهدي كبرج نعتنيه مشاية

من كربلاء نتعنه الج يالعالمه
صل آلله عليكِ فاطمه
....
ليل ونهار بخدمتج نتباها
محلاها سفرت خدمتج محلاها
كلناها كلمه امن الزغر كلناها
ما يخسر اليخدم الج يم طاه

عاقبته خير ينول حُسن الخاتمه
صل آلله عليكِ فاطمه
.......
كلمات
موسى الخادم

الناشر احمد الفاطمي

29 October 2026 13:26

قصيدة جراحات وباب••♕
ثگيل


يافاطمه يايمه
يافاطمه يايمه
ـــــــــــــــــــــــــــــــــــــــــــــــــــ

كتلني فـراگچ وحـزنچ عليه التمت الحسره
مـخنـوگ وگلب بـي نـار ضلت بيه مستعره
غريب حسينچ بدونچ وظلعچ بالدفع كسره
عجيب شلون بيت الله تطبه رجاس يلحره

والنيران••والدخان ••والطغيان ••يكتل

يافاطمه يايمه
يافاطمه يايمه

ـــــــــــــــــــــــــــــــــــــــــــــــــــ

ماضل واهس بدنياي عگب عيونچ الحلوة
يـروح الله يـايـمـه وظـهـري عـگبـچ تـلـوه
بعدني زغير عـالـفرگه بـدونچ بلـوتـي بلوه
بابچ چـنه بـالعـاشر وطـفـالي بعطش تروه

ضل الباب••بس عطاب•ماكو احباب•ماتت

يافاطمه يايمه
يافاطمه يايمه
ـــــــــــــــــــــــــــــــــــــــــــــــــــ

ضلمه البيت ياروحي وچنتي بالگلب شمعه
حلوة گعدتچ چانت وگلبي البين الي فجعه
هوه المات مـاريجـع عليه شلون ألـچ رجعه
ياشمعة وجودي اليوم جرحي موتچ يفدعه

راح النوم••ضل مرسوم ••وجهچ دوم •بيه

يافاطمه يايمه
يافاطمه يايمه
ـــــــــــــــــــــــــــــــــــــــــــــــــــ

عـشتهـن كل جراحاتچ ولدنيه تصب جروح
عـليه المـوت مـاخله عزيز وعـالگلب مذبوح
اشوفن بابـچ لمحروگ اشيطن ولسهام تلوح
اشوف خيامي بجروحچ عاشر ولزغار تنوح

ضل مكسور•گلبي يفور•راح السور• مني

يافاطمه يايمه
يافاطمه يايمه
ـــــــــــــــــــــــــــــــــــــــــــــــــــ

بعـمر اثمنطعش ورده رحـتي للگبر يـاحيف
تصوب ضلعچ بسمار وحسين يوذره السيف
عليه باچر الحافر يسحگ عـالسجد بالكـيف
بين مصابچ وجرحي عطشان وخيالچ طيف

كلشي الصار•• باب ودار ••خيمه ونار•تلهب

يافاطمه يايمه
يافاطمه يايمه
ـــــــــــــــــــــــــــــــــــــــــــــــــــ
الشاعر مهندالعايدي

تمت بفضل الله وال محمد ع
نسالكم الدعاء

الناشر احمد الفاطمي

29 October 2026 13:26

قصيدة قبر الزهراء ع••||



يم الحسن يازهراء
يم الحسن يازهراء
ـــــــــــــــــــــــــــــــــــــــــــــــــــ

ويـن الگبر يـالمـهدي وينه
ماضل مچان الهه الحنينه
أمك الـزهره شـلون مولاي
ضـلـت غـريـبـه بـالمـديـنه

ماكو حضره ونزور
هـاي ايـام عـاشـور
عاشور ام الحسين
ونته اعليها مكسور

يم الحسن يازهراء
يم الحسن يازهراء

ـــــــــــــــــــــــــــــــــــــــــــــــــــ

بغربه نعيش وهـاي غربه
وماشـفنه منها حته تـربه
تبچـي عليها بلـيل ونـهار
نتمنه عـدهـا تـصـير گـبه

گـوم وطـلع الـغاب
تدري الگلب عطاب
نريده الصحن مبني
بزودك يبن ابوتراب

يم الحسن يازهراء
يم الحسن يازهراء
ـــــــــــــــــــــــــــــــــــــــــــــــــــ

مـاشـفـنه گـبره ولا گـبرهـا
المحسن يكتله الي عصرها
زينب زغيره وشبعت فراگ
شفت المصايب يـاضخرها

حيره لمحسن شلون
لاحـضـره ويـشيعون
نـار الـحرگـت الـباب
حرگت خيمة ام عون

يم الحسن يازهراء
يم الحسن يازهراء

ـــــــــــــــــــــــــــــــــــــــــــــــــــ

مخفي گبرها وغـايب انته
جمر ليحب مشتعل سكته
ونتـمنه نلـطم يـم گـبـرهـا
وتحضر عزاها وكل دمعته

دمـعك ضل عليها
عالكسره وبچـيها
لو عـالراحن بنوگ
هزله وحادي بيها

يم الحسن يازهراء
يم الحسن يازهراء
ـــــــــــــــــــــــــــــــــــــــــــــــــــ

صوت لضريح وصوت لونين
بگـلبك يـمـهدي صـاير اسنين
الرايـد يــزور ام الحسن دوم
يبچـي عـليك انـته والحسين

لامـن صـحـن لانـاس
تبچي عليك بحساس
حـضرة فاطمة وياك
الـزهـره وعين عباس

يم الحسن يازهراء

ـــــــــــــــــــــــــــــــــــــــــــــــــــ
الشاعر مهندالعايدي

تمت بفضل الله وال محمد
نسالكم الدعاء

الناشر احمد الفاطمي

29 October 2026 13:26

قصيدة حيرة ام عون••||
شور گعده


على الحسين واويلااه
على الحسين واويلااه
ـــــــــــــــــــــــــــــــــــــــــــــــــــ

اجيتك والشمر عرضالي يحسين گاطع گلبي
چتالك

ياخويه التعب من جدمي الراس ونار بخيمة
اطفالك
وسفه بنص زلم زينب يالحسين ونت الخيل
تبرالك

عجـوز مدوهـنـه ومشتعـله نيرانـي
جزيت ابني وجيت لشوفت خواني

على الحسين واويلااه
على الحسين واويلااه

ـــــــــــــــــــــــــــــــــــــــــــــــــــ

اگومن وعثر بـهاي المچـاتيل يـاجـرحي
ويحزني
العطش ماخله واحد عدل وياي حت اني ذبحني
الخيل السحگتك كسرتلك ظلوع يالموتك
فجعني

مناشغ والصريـخ وخيمه مـحترگه
والهاتي من التعب يحسين مطبگه

على الحسين واويلااه
على الحسين واويلااه

ـــــــــــــــــــــــــــــــــــــــــــــــــــ

حـرمـه انـه وچـبيره بين شمات ماواحد
فزعلي
العطش ماخله عدي الحيل بسوط وزجر
ردلي
مامرتاح گلبي ويركض بساع كل الجيش
صدلي

يالعريان گوم استرنه مـن چم عين
بس الله وعباتي الستر صار حسين

على الحسين واويلااه
على الحسين واويلااه

ـــــــــــــــــــــــــــــــــــــــــــــــــــ

شيسوي اليضل وگلبه مذبوح فـوگ الترب
عاري
عيالك بالصحراي وشبعت سياط ودم لدمع
جاري

مـطحـون بحـوافر خـيلـهم ليش يـافـي
الصحاري

يـحسين العده مـارحمت ام عون
وصاحو للسبي وكلهـم يضحكـون

على الحسين واويلااه
على الحسين واويلااه
ـــــــــــــــــــــــــــــــــــــــــــــــــــ
الشاعر مهندالعايدي

تمت بفضل الله وال محمد
نسالكم الدعاء

الناشر احمد الفاطمي

29 October 2026 13:26

اليوم اجتك شيعتك واحبابهه
اتعظم اجرك سيدي بمصابهه
////////////
=١
اليوم اجينه ابصحنك انصب الدموع
عالخذاهه الموت مكسورة ضلوع
والارواح اعليهه ذابت كالشموع
ايعين كَـلبك وانته شفت اصوابهه
/////////////
==٢
اليوم اجينه الكربله انقيم العزاء
وانجمعنه ابدمعه يم  باب الرجاء 
عظم الله اجرك واجر حامي اللواء
عالوكَـع محسنهه فوكَـ اعتابهه
////////////
===٣
اليوم اجينه بنوحنه اونه الثجيل  
انشيل من حملك على الزهره نشيل
نصيح لبيكَ يبن حامي الدخيل
كل وكت تلكَـانه نحيي امصابهه
//////////////
====٤
اليوم اجينه الكربلائك يا حسين
نحي ذكراهه امك المسطوره عين
وثوب الاسود يبو اليمه لا بسين
عالمشت للكَـبر ويه اخضابهه

//////////////////
=====٥
اليوم اجينه بجفنه نلطم عالصدور
وبالإنابه عن ابو صالح نزور
ندعي  ربنه  ايعجل بيوم الظهور
وثار امك ناطرين احبابهه
=======================
✍️🏻 كلمات #موسى_الخادم ٢٠٢٥

الناشر احمد الفاطمي

29 October 2026 13:26

ما فرحه تجبر خاطره 
الدافن عزيزه ابمكَـبره

////
_١
الدافن عزيزه بالترب يا دنيه تحلاله 
تصبح ونسته المكَـبره متفاركَـ اخياله   
والحزن يذبح ضحكته والدمعه تبراله
وحده يعيش بحسرته ما واحد ابحاله

ماكو اليعينه //// الدافن حنينه
ايموت ابونينه /// وسط المكَـابر 

احلام عمره امطشره
الدافن عزيزه ابمكَـبره

//////
__٢
أسنين عمره تنتهي الفاركَـ اعز ناسه 
الشيب ياكل لحيته وياكل بعد راسه 
مثل الحسين ابكربله الحافر فرس داسه
يبقى يدور عالهوه وما يلكَـه لنفاسه

ألفاكَـدله غالي /// يسهر ليالي
والموت تالي //  يهوه ويريده

يوم الأجل يتنطره
الدافن عزيزه ابمكَـبره 

/////
___٣
الشيع اعزازه للكَـبر روحه اشيواسيهه
بالمكَـبره اسنين العمر يمشي ويخليهه
والثوب الاسود ما يذب لابس يكَّضيهه
عاشور عايش كل وكت والدمعه يجريهه

تخلص حياته /// وي نايباته
اتموت امنياته /// الميت عزيزه
 
دمعاته تترس ناظره
الدافن عزيزه  ابمكَـبره 
////
____٤
جم غالي ابغالي رحل وانظم بالترابه
وبس ذكرياته والصور خلاهه بغيابه 
كل يوم الي ايمره ابسنه من فاركَـ احبابه
هيج علي ابفكَـد ام حسن يا بويه يا يابه

بعد ام الحسين /// ينطي الوجه وين
دم تجري العين /// الأجل الزجيه

ما جنه قالع خيبره
الدافن عزيزه ابمكَـبره
/////
_٥
ما واحد ايلومه علي ما واحد ايلومه
بعد ام حسن عمره دفن واظلم صبح يومه
ودمعات عينه ابكل وكت المبلله اهدومه
من كثر ما إلهه حزن اتغيرت ارسومه

اليفكَـد حبيبه /// يكثر مشيبه
ويعله نحيبه /// لاخر سنينه

روحه تظل امكدره
الدافن عزيزه  ابمكَـبره 
[[[[[[[[[[[[[[[[[[[[[[[[[[]]]]]]]]]]]]]]]]]]]]]]]]
✍️🏻 كلمات #موسى_الخادم ٢٠٢٥

الناشر احمد الفاطمي

29 October 2026 13:26

زينب زينب زينب
الله يصبرج زينب
ويعظم اجرج زينب
زينب زينب
///////////////////////////////////////////
÷١
الله يصبرج يالعقيله ابهل مسيه
ماتت وغمضت عينهه الزهره الزجيه
ياهو بعد يتفكَـدج يالهاشميه
ويكَـعد اوياج ايسولف ابكل مغربيه

زينب زينب زينب
واضح قهرج زينب
الله يصبرج زينب
زينب زينب
////////////////////////////////////////////////
÷÷٢
ازغيرت عمر عنج مشت ويلي بكسرهه 
وانتي زغيره ويتمج باب العصرهه  
كلشي انتهى بعد امج النامت كَـبرهه
مثلج منو بعمر الورد دفنت عمرهه

زينب زينب زينب
خلَّص عمرج زينب
الله يصبرج زينب
زينب زينب
////////////////////////////////////////////////
÷÷÷٣
بعد الزجيه ياهو الي يكَـلج اشلونج
وابيا حضن يا زينب اتغمض عيونج
ثوب اليتم مالايكَـ الطولج ولونج
وهاي المصيبه الراتبه هدلت امتونج

زينب زينب زينب
مايل ظهرج زينب
الله يصبرج زينب
زينب زينب
/////////////////////////////////////////////////
÷÷÷÷٤
الله يعينج دارج امن الزهره خالي
يعني وحيده نومتج باقي الليالي
وحشتج يا هو ايسدهه يا أخت الغوالي
ومن يسمع الشكواتج ونوحج العالي

زينب زينب زينب
ياهو الكسرج زينب
الله يصبرج زينب
زينب زينب
////////////////////////////////////////////////
÷÷÷÷÷٥

ابهاي الليالي اشلون عشتي اويه المصيبه   
وياهو الأجه العزاج بفراكَـ الحبيبه  
فاتحت أمج من حضرهه يالغريبه
والبكَـه ابراسج كَـلج بعالي نحيبه

زينب زينب زينب
خانج دهرج زينب
الله يصبرج زينب
زينب زينب
<><><><><<><><><><>>><><><><><>
✍️🏻 كلمات #موسى_الخادم ٢٠٢٥

الناشر احمد الفاطمي

29 October 2026 13:26

عَلى كُلشي شُكراً /// فاطمه يم الحسن
عَلى كُلشي شُكراً /// يا أماني ابهل الزمن
////////////////////////////////
١=
كَـبل لا اعرفج جنت ضايع تراني
بكيفه ياخذني اويرد بيه زماني
لاهي بالدنيا وفلا واحد حواني
اسنين عمري الي مضت لا مو مكاني  

عَلى كُلشي شُكراً /// يل صبحتيلي وطن
عَلى كُلشي شُكراً /// فاطمه يم الحسن
//////////////////////////////////////////
٢==
قبل لا طب عالمج يمنه الزجيه
صفحة اعمالي تفشل مو زهيه
أبعيد عن درب الله بُعد المشرقيه
وعلى فعل المعصيه كل خير بيه

عَلى كُلشي شُكراً /// قربيتيني لأن
عَلى كُلشي شُكراً /// فاطمه يم الحسن
/////////////////////////////
٣===
يالزجيه اوداعتج لو ما نضرتج
جان ما أعرف وجودي ولا عرفتج
ألف شُكراً يالرحمتيني ابخدمتج
كلشي ما أسوه جنت سواني بختج

عَلى كُلشي شُكراً /// يمج اسنيني حلن
عَلى كُلشي شُكراً /// فاطمه يم الحسن
//////////////////////////////////
٤====
فاطمه يم الحسن لآخر سنيني
ألج دين ابركَـبتي وشيسده ديني
لوما أنتي ما عرفت الله اوديني
جان باقي الهسه ذنبي اليعتريني

عَلى كُلشي شُكراً /// على الجاي وعل مضن
عَلى كُلشي شُكراً /// فاطمه يم الحسن
//////////////////////////////////
٥=====
صاحبة أكبر فضل إنتي يزهره
دوم اكَـولنهه ودموعي اطيح عشره
لو ألج اكَـضي العُمر ألطُم وأقره
ما أوافيلج عليه افضال كثره

عَلى كُلشي شُكراً ////  وما أوفيج الثمن
عَلى كُلشي شُكراً /// فاطمه يم الحسن

/////////////////////////////////////
٦======
يا ملاذي ابكل وكت أنتي شفتهه
كلمة الشُكراً قليله اشما كَـلتهه
المجلسج جبتيهه روحي العذبتهه
أوعوضيتني اصعب ايام العشتهه

عَلى كُلشي شُكراً //// والمدامع وضّحن
عَلى كُلشي شُكراً /// فاطمه يم الحسن
==========================
✍️🏻 كلمات #موسى_الخادم ٢٠٢٥

الناشر احمد الفاطمي

29 October 2026 13:26

أُماه يا زهراء // أُماه يا زهراء // أُماه يا زهراء
[][][][][][][][][][][][][][][][][][][][][][][][][]
-١
يا عزيزة // كَـلبي اسمعي // صيحتي انه الحسن 
من مشيتي // الهسه يمه // أنه عايش بالمحن

عايش بالمصاب / والباب / شهودي 
كلما أصد ليه / ابجيه / اعله مودي
يحبيبه انعاج / والكاج / وجودي

أُماه يا زهراء // أُماه يا زهراء // أُماه يا زهراء
[][][][][][][][][][][][][][][][][][][][][][][][][]
--٢
عمري دونج // ما أريده // ردت موتتنه سوه
روحي أنتي // وكل حياتي // وعندي أغله امن الهوه

من رحتي لليوم // محروم // حنانج
أغفه على الآه // والله // بمكانج
شيرجع ايام /// واحلام // زمانج

أُماه يا زهراء // أُماه يا زهراء // أُماه يا زهراء
[][][][][][][][][][][][][][][][][][][][][][][][][]
---٣
مري بيه // ابطيف يمه // أرد اشوفج واسألج
اشلونه حالج // بالمقابر // وحدج لو يم هلج 

لو صار الغروب // الاكَـلوب /// تزورج
يالشوفتج عيد // وابعيد /// حضورج
ما أحمل افراكَـ // مشتاكَـ /// لنورج

أُماه يا زهراء // أُماه يا زهراء // أُماه يا زهراء
[][][][][][][][][][][][][][][][][][][][][][][][][]
----٤
ظلمه يمه / الدنيه بعدج / صارت ابلايه طعم
كلشي بيهه / نحري ذابح / ونعشي مصيوب بسهم

ريتج تنظرين // بالعين /// لحالي
مكسور الاجناح // من راح /// دلالي
تعبتني الاحزان // سهران /// ليالي

أُماه يا زهراء // أُماه يا زهراء // أُماه يا زهراء
[][][][][][][][][][][][][][][][][][][][][][][][][]
-----٥
داري بعدج / وحشه صارت / الحسبه تاخذهه وترد
الفرحه غابت / من مشيتي / وذبلت اغصان الورد

مطفيه الاشموع // بدموع /// دريتي
خاويت الاهموم // من يوم /// مشيتي
والفرحه مذبوح // بالروح /// لكَـيتي

أُماه يا زهراء // أُماه يا زهراء // أُماه يا زهراء

[======]===[=====[=====]====]
✍️🏻 كلمات #موسى_الخادم ٢٠٢٥

الناشر احمد الفاطمي

29 October 2026 13:26

الج باب الله منفتح
حروفج بلسم الجرح
امن اذكرج كلبي ينشرح
يا خير النساء
......١....
حرامات اختفى بدرج
وانتي اثمنطعش عمرج
مكسورة ضلع متي
وناسج ما رعت قدرج

غصبو حقج حركو بالشر بابج
سطروج اعله العين بيوم امصابج
الجانو يتسمون اصحاب الهادي
ما راعو حقج لا حق احبابج

شهدلج كلشي فاطمه
اعله حايط دارج الدمه
جروحج شافت السمه
يا خير النساء

......٢.....
رحلتي بكسرت الخاطر
ودموعج تارسه الناظر
هضمتج ما يصح منهه
وعلي اعليج الظهر كاسر

قالع خيبر يتجه اعله ابنينه
شايب صار ابموتج الله يعينه
هموم الدنيه اعليهه انجمعت بعدج
شله بعمره وشله بهاي سنينه

اعله حيدر خيم الحزن
العشرتج ذيجه ضل يحن
بعد موتج صبح يون
ياخير النساء

......٣......

مشيتي امحمله بالاَمج
الجروح ابكثرت ايامج
ضايع حيلج بكسره
مثل ما ضاعت احلامج

بالبسمار احلامج ضاعن كلهن
قصتج ما تتسولف اصعب منهن
محسن مات ابعصرت ذاك الظالم
وظلوعج ويه ابنج هم كسرّهن

الكسر من عندج الضلع
الغدر بي منزرع طبع
خصيمه الباري والشرع
ياخير النساء

.......٤.....

دفنتج صارت ابظلمه
وعليج الصايحه بهضمه
فتحي اعيونج الحلوه
لتعوفينه يايمه

كل ساعه ابدونج ما تنعد ساعه
كبل الطف حسين ايهم بوجاعه
ما متعود يومه ايخلص ابدونج
يا أول زهره المزروعه ابكاعه

خبر موتج يزهرته
اخذ من عنده ضحكته
علن لحبابه ذبحته
يا خير النساء

......٥.....
حفر كبرج علي بدمعه
انهدم حيله اختلف وضعه
عليج ابكسرت الخاطر
صبح يا زهرته ينعه

بجه الكون بساعة دفنج حيدر
ساعه يكوم وساعه يطيح امكدر
مايدري بكبرج يحفر لو كبره
ياروحه الفاركهه ابظلع امكسر

يروحه الماتت ابعجل
عليج امكدر الفحل
يتاني ساعة الأجل
يا خير النساء

.....٦......
مصابج ما يصح مثله
فرح بالدنية ما خله
بكلب ناس اليحبونج
ترك جم لوعه جم عله

كبل العاشر عاشورج يا زهره
معذور الحبج لو مات بقهره
بسمارج والحافر نفس الصوره
حسين امدمه وبيج الدم اشكثره

الصور تتشابهه الصور
اختلاف البيهن النحر
فلا انصفكم الدهر
ياخير النساء
.......
كلمات
موسى الخادم

الناشر احمد الفاطمي

29 October 2026 13:26

شوررر
........

بين اضلوعي يمه وضلعج الآم
وصيحة غالي يم غالي
انه اوياج نتشابهه بالجروح
وكلشي ابالج ابالي
بالبسمار انتي عمرج يضيع
وانه الرمح جتالي

كربله اشبع منهه طعنات
الحالي تظل تبجي السماوات
يمه اموتن وانه عطشان
و زينب تضل ابين  شمات

بعدج ما تضل روح
من هسه انه مذبوح
فوك احلامي مطروح
ودمي اكبالي مسفوح
.......


كل جرت نفس ترميج بسهام
وانه انفاسي افاركهه
بابج محترك يايمه بالنار
ونار اخيامي تحركهه
هاي الصورة اشوف ابطارف البال
وسوط ابنيتي لاحكهه

بعدج ييمه حالي يا حال
حزني اعله طولي امفصل افصال
فتحيلي عينج بيج ما بيج
لو بالنعش وياج انشال

اليدفن امه بتراب
يخلص ايامه بمصاب
يجيبه وياخذه أعتاب
وتظل عينه على الباب
.........
بين الباب والحايط دمه يسيل
تنظر عيني يايمه
كل ما التفت كدامي الكاج
ويه احزانج امحزمه
كضيتي ايامج اعله الونه والاه
ليل انهار متألمه

ارتاحي يمه وغمضي العين
ما شفتي راحه ابهاي الاسنين
مو سهل يمه افراكج الموت
من عندي ياخذ يمه روحين

بعدج ظلمه دنياي
كعدي وسولفي اوياي
عطشانه الج عيناي
مثل ما اعطش الماي
.......
ما حسبت اودعج يمه للموت
لا عالبال ابد جانت
جنت احسب سوية الكربله انروح
بس احلامي ما صارت
الي مكتوب اروح الكربله اوحيد
ومن هسه الأخت حارت

يا يمه باجر كربله تريد
تكطع وريدي وكبرج بعيد
تحتاجج ابنياتي الاصغار
وزينب أخيتي المالهه اعضيد

تبقى ابوليت الكوم
وانه بذبح ملزوم
علي سيف العده يحوم
ومن ملكاج محروم
.......
باجر أبني عبدالله يذبحون
وانه انظرله بعيوني
مثل المحسن اوليدج يزهراء
ابموت اوليدي ياذوني
تنعاد القصص باجر بالطفوف
ساعة ما يذبحوني

حركة الباب وحرك الاخيام
وبسمارج ورشكات الاسهام
يتشابهن وأدموع الاصغار
بس اختلاف بطبت الشام

جبيره طبت السوك
على اخت الجسمه مسحوك
غريبه وصاعده النوك
ومنهه الحيل مبيوك
.......

كلمات
موسى الخادم

الناشر احمد الفاطمي

29 October 2026 13:26

أتلث روايات قليلة  العزائج فاطمه

.....
ريت كل ايامنه بهذا الزمن ...
تنكظي بمجلسج يا ام  حسن

كون العمر يخلص وسط عزائج
وانتي التلقنينه ابدمع بكائج
ريت الله لا يحرمنه من دعائج
كلشي النملكه ونمتلك فدائج

وشتطلبين تأمرين وحك حامي الحمه
........

مو ثلثت اشهور لا كون اثنعش
حتى نكظي السنه دمعه اعله النعش

يالعمرج اثمن سنوات وعشرة
منوافي شخصج لو صدرنه انكسرة
لو نبجي الج طول العمر ما نبرة
مصيبتج عظمه يا ملاذ الفقرة

ندعي يا ريت عزائج على مد السمه

.....
اشما الج نبجي ونهل هذا الدمع
ما نوافي قطرة من دم الظلع

يالعشتي ما بين الحزن واللوعه
هاي الايادي الحضرتج مرفوعه
نحتاج جم كسرت ظلع مسموعه
حتى نوافي  روحج المفجوعه

لطم الصدور اقل شي بعزاج انقدمه
.......
يالمصابج بجه كلشي ابهل الارض
والسمه حزنت الج طول بعرض


يالعفتي دنياج وسكنتي الهيمه
اعليج العرش قام الحداد بضيمه
لبس السواد اصبح الكل يتيمه 
اكراما الزينب بنتج العظيمه

تبجي العيون على الصار وجوبا من دمه
.......
اعليج ما نلطم لجل ناخذ اجر
ولا نخدمج لجل جاه ابهل عمر

يالزهرة يل كلج وفه وحنية
ما ردنه بس مرضاج يل الابية
راحه التعب وياج يالزجية
نحي عزائج نبقى للمنية

لجل عيناج يزهراء الخدم متحزمة
.......
ندعي ربنه ما نفارك ماتمج
حتى لو ميتين نحضر نخدمج

ابدولة المهدي القائم اشحلاته
يصبح الخادم حلوه كل صفاته
يتلكه زوارج بحن جلماته
وتصير خلف المنتظر صلاته

بصحنج اليوسع الناس جميعا فاطمه
.......

كلمات
موسى الخادم

الناشر احمد الفاطمي

29 October 2026 13:26

شور

هي من .. بنت من ... زوج من ... ام من
فاطمه فاطمه ... فاطمه فاطمه
......
إ: (إِنَّا أَعْطَيْنَاكَ الكَوثَرَ * فَصَلِّ لِرَبِّكَ وَانْحَرْ * إِنَّ شَانِئَكَ هُوَ الأَبْتَرُ).

يا ام الحُسين ... بيج امجنين
والكوثر نهر ... يروي العاشقين
والعاب النبي ... ابتر ناصبي
انتي فاطمه ... فخر الطالبي

العيِّر ابوج ابخلفته موش ازلمه
خير الله انتي البلارض يافاطمه
شمس الله انتي الطالعه ابهاي السمه 
وكلشي اعلمودج ربنا بيدة راسمه


.....
مَرَجَ الْبَحْرَيْنِ يَلْتَقِيَانِ*بَيْنَهُمَا بَرْزَخٌ لاَ يَبْغِيَانِ*فَبِأَيِّ آلاَءِ رَبِّكُمَا تُكَذِّبَانِ*يَخْرُجُ مِنْهُمَا اللُّؤْلُؤُ وَالْمَرْجَانُ) الرحمن: 19ـ22

بحرين العطاء ... يا خير النساء ...
انتي وحيدرة .... سيد الاوصياء
واللؤو حسن ... يام الحسن
ومرجانج حُسين ... سلطان الزمن

سورة متفسرة على اللسان الرسول
والمصادر كثرة لو ردنه نكول
هالخطاب انوجهه الاهل العقول
كلش بالدنيا انخلق لجل البتول
......
فَمَنْ حَاجَّكَ فِيهِ مِنْ بَعدِ مَا جَاءَكَ مِنَ العِلمِ فَقُلْ تَعَالُوا نَدْعُ أَبنَاءَنَا وَأَبنَاءَكُمْ وَنِسَاءَنَا وَنِسَاءَكُم وَأَنْفُسَنَا وَأَنْفُسَكُم ثُمَّ نَبْتَهِلُ فَنَجْعَلُ لَعْنَةَ اللهِ عَلَى الكَاذِبِينَ) [آل عمران: 61].

بالنص الصريح ... اتباع المسيح
اتفسير النبي ... كالو مو صحيح
والهذا السبب ... بيهم من طلب
ايباهلهم يجي ... العله كلبه احب

يوم الي شافو نورج ايشع للسماء
رفضو يباهلهم رسول الله برجاء
وعرفو حقيقة سرج التحت العباء
لو ايدج ارفعت ميردلج دعاء
........
وَيُطْعِمُونَ الطَّعَامَ عَلَى حُبِّهِ مِسْكِيناً وَيَتِيماً وَأَسِيراً * إِنَّمَا نُطْعِمُكُمْ لِوَجْهِ اللهِ لا نُرِيدُ مِنْكُمْ جَزَاءً وَلا شُكُوراً) [الإنسان: 8 ـ9].

ما مرت عليج ... اتبخلين البيدج
كل سائل يجي ... تنطينه العليج
بابج كله خير .... فرحت كل الفقير
يالجبت العمر ... خبزات الشعير

ياهو اليصوم اتلث ليالي ابلا اكل
وينطي الفقير اكله ويكله انت اكل
ما مر عليج ابليله تحجين افضل
كل التسوينه البشر عن طيب اصل
....
إِنَّمَا يُرِيدُ اللهُ لِيُذهِبَ عَنْكُمُ الرِّجْسَ أَهْلَ البَيْتِ وَيُطَهِّرَكُمْ تَطهِيراً) [الأحزاب: 33].

يا ام  الرسول ... يا اُنس العقول
من تحت الكساء ... جبريلٌ يقول
فأتاه النداء ... من عرش السماء
ياملكِ الامين ... هم اهل الكساء

هم فاطمٌ والمصطفى وبعلها
هم فاطمٌ والحسنانِ روحها
هم فاطمٌ الطهرُ البتول واهلُها
باسمكِ الربُ بدا وقالها
.......
كلمات
موسى الخادم

الناشر احمد الفاطمي

29 October 2026 13:26

يزهرة عمري واسنيني .. عليج العشرة حاجيني
رحت فدوة العيونج
علي ميت بدونج
........
يبنت المصطفى الهادي عليج ابداعت العشرة
الي فكيهن اعيونج ...مابية بعد كسرة
علي من بعدج ايامه تخلص بنايحه وعبرة
ويظل مثل الفكد طولة يمشي ومنحي ظهرة

خبر موتج يهد حيلي ... ارجعيلي ارجعيلي
يعافيتي اعله هونج

......
يزهرة الدنيا بغيابج كبر لسنيني احسنها
حياتي ابلاية ملكاتج بواجي ودمعه اخلصنها
يريت ابدفنتج روحي يروحي اوياج ادفننها
طعم مابيها دنياتي بلا شوفج اشوفنها

غيابج مو سهل عندي ... يعجل روحتي اللحدي
وحك رسمج ولونج

.....
عجب يازهرة ايامي رحلتي وما اخذتيني
مو تدرين انه ابدونج اموتن يا نظر عيني
غيابج مو سهل عندي احس بنارة تجويني
يمن موتج اخذ كلشي ضحكتي وحيلي واسنيني

يفاطمتي كبر عمري .... لحيتي ابيضت وشعري
افتحيلي جفونج
علي ميت بدونج
.....
يأغله امن النفس عندي وهواهي الداخل بريتي
الي ساعة زمن ردي يعافيتي يعافيتي
بيتي ابلاية شوفج راح يتحول كبر بيتي
يريت الميته مو انتي اني وانتي ظليتي

لون صح بيدي ابدلنها ... المنية الروحي اخلنها
عيالج ينطروج
......
امري الربي فوضته هو اليرحم ابحالي
روحي امودعه بدمعي يفرحة عمري وامالي
نام بكبرج ارتاحي انه اتكفل اعيالي
عساها بحضة وبخته الحرمني شوفتج تالي

الكسر ظلعج كسر ظلعي ..اخذ عمري وترك دمعي
علي لو ناشدونج
علي ميت بدونج
......
الحمد الله رب العالمين
اللهم صل على محمد وآل محمد
موسى الخادم

الناشر احمد الفاطمي

29 October 2026 13:26

بعد من يلمنه .... مشت عنه امنه ... اليتامة اسمنه .... وسف صار ... وسف صار
......
ماتت امنه ذيج الجنهه قداح
بعده يا حضن بي نغفه نرتاح
عساها بحضه وابخته الشعل نار
وخله ابيتنه يتعاله الاصياح

عساه بالمصيبه ... الحرمنه الحبيبه ... وتركني غريبه ... بالاخبار

......
راحت كل عمرها اثمنطعش عام
ما عاشت فرح عاشت باالاَم
وردة وذبولهه ابأجمل اسنين
ماراعو حقوق الزهره ظلام

التسمو صحابه .. تبينو ذيابه ... لعنهم كتابه
الاشرار
......
كل ليلة التمر نذكرهه بدموع
عليه اشلون دارت ذيج الجموع
لساها الصور معروضه بالبال
من دفعت الباب الكسر ظلوع

ما ننسى دمها ... عالعتبه يمها ... وصيحت المها
والاثار
......

انه والحسن وحسين كل حين
على امصلايت امنه انطيح العين
اه يالوعت افراكج يزهراء
نصيح بصوت ما يتفرزن اونين

يمنه الحنينه ... دارج حزينه ... ردي العلينه
علي احتار
.....

خلف الباب لاذت امنه يا ناس
رعاية للستر من عين الارجاس
لجل عفته امنه ضحت الروح
ومحسنها سقط عالعتبه وانداس

صاحت يفضه ... عينيني لحضه ... ما بية نهضه
عن النار

......
الحمدالله رب العالمين
اللهم صل على محمد وآل محمد
موسى الخادم






...

الناشر احمد الفاطمي

29 October 2026 13:26

قصيده تحكي مظلومية الزهراء وزينب من هجوم الدار حتى دخول زينب ع للشام
............
باب الساعه وباب الدار
وكسر اظلوع وخيل ونار
حطب ..حجر ...خد عزيزه انسطر
رمح .. سهم ... وحافر اعله النحر
جا وشيضل بزينب
..........
حرك الباب وحرك الخيمه
نفس القصه وبيهه ايتيمه
ارقيه اهنا واهناك الحره
ابنار احتركو
زينب فكدت امهه بعصره
وارقيه حسين انحز نحره
شافت جسمه بسيف امكطع
سلبو سحكو

طفين عاشت زينب شعدهه اسنين
طف الزجيه الاول وطف حسين
عاشر محرم سلب من عدهه الروح
خمسين عام ام الخدر مو خمسين

جم امصاب ايهد الحيل
شالت زينب حمل اثكيل
لاول عمر ... زينب انحط قهر
رمح سهم ... وحافر اعله النحر

.......
بالصدر البسمار الثابت
بطفل حسين امثلث نابت
عطشان وما شارب ميه
كطعو نحره
عالزهره الباب امن اندفعت
شافت روح حسين الطلعت
نفس الرفسه ونفس الكسره
ابذيج العصره

شافت حسين امدد اعله التربان
يصرخ وحك جدي يعالم عطشان
والشمر كاعد فوك صدره بلا خوف
يكطع وريده العاش بي كل انسان

وزينب عالتل تنظر ليه
كلشي البيهه اينوح اعليه
دمه اليصب ... الهه راسم صور
سهم رمح .... وحافر اعله النحر

.....
لو ما هجمت ذاك الظالم
جا محسن زف بيده القاسم
والطف ماصار ولا ذبحو
بي غاليهه
لا راحت زينب مسبية
من يم كافلهه ومحنية
ادير العين الصوب اجفوفه
الحنت ليهه

من يمه راحت جسد عافتله الروح
تتعثر ابممشاهه لا وين اتروح
تاخذهه حسبات وتردهه الحسبات
مدري اعله جف كافلهه مدري المذبوح

تتلفت بدموع العين
لخوتهه اتكلهم ماشين
جانت تظن ... الهه يكعد كمر
رمح سهم ... وحافر اعله النحر
......

اه يالوعت زينب لوعه
السجاد يسولف بدموعه
كسرت كلبي عمتي زينب
أباب الساعه
وكفت والشمس اتغطيها
حركت كلشي امبين بيها
توكف مره وتوكع مره
ومحد راعه

الجانت اميره ظلهه ما يوم انشاف
لسوك طبو بيها مجتوفه اجتاف
يتفرج اعليها الصلف وكح العين
وذباح اخوهه الجان من اسمه يخاف

اه يالوعت طبت الشام
ابزينب زرعت كَوم الاَم
طبل ضحك ... سمعت ابلا مفر
رمح سهم ... وحافر اعله النحر

....
الله يساعد كَلبج زينب
كسر اظلوع وجسم امسلب
وراس اعله الرمح امعلكينه
شافت عينج
نار وخيل ودوست حافر
وسوط بمتنج ظهرك كاسر
والشَّماته اهواي التضحك
الله يعينج

كل هذا شفتي بعينج اشلون اشلون
صبرج تعده ايوب ناسج يحجون
ديوانهم طبتي طبت عباس
مثل الجبل ثابت وكفتي يكولون

ركعَّتي الضنو يسبوج
ابنص مجلسهم ويهابوج
يمج وكَف ... كلشي محني الظهر

تمت
.......
كلمات
موسى الخادم