Вясна / Правы чалавека ў Беларусі

23 June 2025 14:45

💔Холад і голад — галоўныя прычыны хваробаў. У якіх умовах утрымлівалі вызваленых палітвязняў

21 чэрвеня апынуліся на волі адразу 14 палітзняволеных. Памілаванне адбылося пасля візіту ў Мінск спецпрадстаўніка прэзідэнта ЗША Дональда Трампа — Кіта Келага. Вызваленых палітвязняў адразу вывезлі ў Літву.

Сабралі выказваннні вызваленых палітвязняў пра ўмовы ўтрымання ў беларускіх калоніях і СІЗА, а таксама пра іх вызваленне.

«Я вам хачу сказаць, калі хаця б з мяне акуляры не здымалі, магчыма, мне было б лягчэй, таму што так я адчувала сябе залішне безабароннай са сваёй блізарукасцю. І там было вельмі холадна, імунітэт паціху абтрапаўся.

Агулам усё дрэннае, што я магла перажыць, я перажыла на Акрэсціна яшчэ. Там былі невыносныя ўмовы, пра якія мы ўсе ведаем».

Вясна / Правы чалавека ў Беларусі

23 June 2025 14:00

«Абурала беззаконне». У 17 гадоў беларус выйшаў на пратэсты і патрапіў у калонію — яму патрэбная дапамога на эміграцыі

Ілля Бохан быў асуджаны да 3,5 гадоў калоніі паводле гучнай «пінскай справы». У зняволенні ён паспеў ажаніцца і развесціся, адчуць сапраўдную падтрымку родных, і адначасова — поўнае бяссілле перад сістэмай. Яго прыніжалі, каралі за любую дробязь, кляймілі як «палітычнага» і трымалі ў карцарах ды ШІЗА ў сценах з цвіллю.

Пасля выхаду на волю Ілля быў вымушаны з'ехаць з Беларусі, бо яму пагражалі новым зняволеннем.

«Адразу пасля вызвалення да мяне прыехаў ГУБАЗіК. Пасля праверкі тэлефона яны сказалі, што калі яшчэ раз мяне заўважаць на такіх мерапрыемствах [акцыях пратэсту], то прастрэляць калені».

Вясна / Правы чалавека ў Беларусі

23 June 2025 12:02

Сяргей Ціханоўскі расказаў новыя падрабязнасці пра сваё зняволенне

Са словаў былога палітвязня, за час адзіночнага зняволення ён «амаль забыў, як гаварыць»: яго трымалі ў поўнай ізаляцыі, адмаўлялі ў медыцынскай дапамозе і не давалі дастаткова ежы.

«Калі б вы бачылі: мне на талерку кідалі ўсяго дзве лыжкі кашы — дзве маленькія лыжкі. Часам мне давалі маленькі цюбік зубной пасты, кавалачак мыла — як падачку. Часам давалі, часам — не.

Супрацоўнікі турмы ўвесь час паўтаралі: «Ты прабудзеш тут не толькі 20 гадоў, якія мы табе ўжо далі. Мы асудзім цябе зноў». Яны казалі: «Ты ніколі не выйдзеш». І ўвесь час паўтаралі: «Ты тут памрэш».

Былі скурныя захворванні, ва ўсіх былі праблемы з ныркамі праз холад — і ніхто толкам не разумеў, што адбываецца. У мяне ішла кроў з рота, з носа. Часам бывалі курчы — але гэта ўсё ад жудаснага холаду, калі сядзіш у карцары. У турме няма ніякай медыцынскай дапамогі — наогул ніякай, проста каб вы разумелі».

Вясна / Правы чалавека ў Беларусі

23 June 2025 09:15

SOTA: Палітзняволены блогер Руслан Ліннік выйшаў на волю

Па інфармацыі расійскага выдання, вызваленне блогера адбылося некалькі дзён таму. Ліннік застаецца ў Беларусі.

Руслан — беларускі YouTube-блогер, які з 2020 года рабіў ролікі на грамадска-значныя і палітычныя тэмы. Яго затрымалі 20 лютага 2021 года, а пазней абвінавацілі па шэрагу артыкулаў Крымінальнага кодэксу і асудзілі да 4 гадоў пазбаўлення волі ў калоніі ва ўмовах агульнага рэжыму.

У мінулым кастрычніку ён не выйшаў на волю па адбыцці тэрміну, а быў затрыманы па новай крымінальнай справе.

Вясна / Правы чалавека ў Беларусі

23 June 2025 08:45

Вызвалены палітзняволены грамадзянін Эстоніі Алан Роя: «У турме да мяне ставіліся вельмі дрэнна»

Грамадзянін Эстоніі быў сярод 14 вызваленых палітвязняў, якія ў суботу апынуліся на волі. Ён прыляцеў у Эстонію, дзе даў каментар журналістам. Алан быў стомлены, але расчулены да слёз.

«Знаходзіцца за кратамі — гэта адно, але з 2021 года я фактычна быў закладнікам у Беларусі. Да мяне ставіліся вельмі дрэнна. Хутчэй за ўсё, я зраблю гэта справай свайго жыцця і распавяду праваабарончым арганізацыям пра тое, у якіх умовах там утрымліваюць людзей. У XXI стагоддзі ніхто не павінен жыць у такіх умовах».

Вясна / Правы чалавека ў Беларусі

22 June 2025 16:31

📝«Тыдзень супраць катаванняў»: анонс мерапрыемстваў

З 23 па 29 чэрвеня каманда Прававой ініцыятывы і Міжнароднага камітэта па расследаванні катаванняў у Беларусі сёмы раз праводзіць кампанію «Тыдзень супраць катаванняў», прымеркаваны да Міжнароднага дня ААН у падтрымку ахвяр катаванняў.

Сумесна з партнёрамі арганізатары падрыхтавалі цыкл мерапрыемстваў анлайн і афлайн (Варшава/Вільня). Яны запрашаюць далучыцца да іх, каб як мага больш людзей ведала і памятала пра тое, што ў Беларусі адбываецца сістэмны гвалт і што гэта прамое парушэнне правоў чалавека.

Анонс мерапрыемстваў 👉 https://spring96.org/be/news/118144

*Увага: праграма ўвесь час абнаўляецца

Вясна / Правы чалавека ў Беларусі

22 June 2025 13:30

🗣Паведамляйце праваабаронцам пра сваіх родных, якія ўтрымліваюцца за кратамі па палітычных матывах

Па стане на сёння ў Беларусі прызнаныя палітычнымі вязнямі каля 1200 чалавек, агулам жа праваабаронцам вядома пра больш за 7000 фігурантаў крымінальных палітычных справаў з 2020-га году. Відавочна, што гэта далёка не ўсе людзі, якія сутыкнуліся з палітычным пераследам у Беларусі за апошнія гады.

❗️Калі нехта з вашых блізкіх ці знаёмых апынуўся за кратамі, але пра іх лёс нічога невядома праваабаронцам, калі ласка, паведамляйце пра гэта «Вясне»: @ViasnaSOS | @Viasnainfo

📱У мэтах бяспекі, вы можаце перадаць такую інфармацыю праз знаёмых, што знаходзяцца за мяжой.

✍️Дапамажыце зафіксаваць усе факты рэпрэсій, каб паказаць свету маштаб катастрофы з правамі чалавека ў Беларусі!

Вясна / Правы чалавека ў Беларусі

22 June 2025 11:29

📻«Мы яго называлі радыё "Суіцыд"». Як вязням у СІЗА круцяць прапагандысцкія перадачы

Як кажа былы палітвязень, у СІЗА рэжым утрымання складзены такім чынам, каб трымаць вязняў у пастаянным стрэсе. Адзін з такіх прыкладаў — радыё ў камерах з прапагандысцкімі перадачамі.

«Там увесь час вязням тузаюць нервы. Ты пастаянна там на стрэсе. Нібы і прад’явіць няма чаго. Але з розных дробязяў складаецца агульны стрэсавы стан, які ніколі не сканчваецца. Напрыклад, штодзень цэлыя суткі з 6 раніцы да 22 вечара ў камеры працуе дзяржаўнае радыё, ад якога церпяць не толькі палітычныя. Мы яго называлі радыё "Суіцыд". Кожная раніца пачыналася з праслухоўвання гімна. Круцілі Першы нацыянальны канал Беларускага радыё, шмат было выступаў Гайдукевіча. Часам была нізкапробная няякасная музыка. У іх мала перадач, таму цягам тыдня мы слухалі адное і тое ж».

Вясна / Правы чалавека ў Беларусі

22 June 2025 08:53

Яшчэ адзін вызвалены палітвязень — грамадзянін Польшчы Ежы Жывалеўскі

Пра гэта паведамляе @nashaniva.

Грамадзяніна Польшчы абвінавацілі паводле арт. 358-1 Крымінальнага кодэкса (агентурная дзейнасць). Паводле інфармацыі праваабаронцаў, у Гродзенскім абласным судзе 22 сакавіка 2023 года мужчыну асудзілі да 4 гадоў пазбаўлення волі. Свой тэрмін ён адбываў у віцебскай калоніі № 3.

Жывалеўскага прапагандысты называлі кантрабандыстам, які нібыта быў завербаваны пад псеўданімам Пасейдон на польскай мяжы палкоўнікам Аўдзіем Збігневым.

🔹Сяргей Ціханоўскі і яшчэ 13 палітвязняў на волі

Вясна / Правы чалавека ў Беларусі

21 June 2025 19:04

«На руках — кайданкі, на галовах — мяшкі, а на суседніх сядзеннях — канваіры». Ігар Карней распавёў пра сваё вызваленне

Вызвалены 21 чэрвеня журналіст «Радыё Свабода» Ігар Карней, разам з якім на волі апынуліся яшчэ 13 палітзняволеных, распавёў @zerkalo_io пра дэталі свайго вызвалення і выезду з краіны.

Раніцай 20 чэрвеня ў мозырскай калоніі № 20 за ім прыйшлі супрацоўнікі адміністрацыі. Мужчына вырашыў, што яго адправяць у штрафны ізалятар. Але замест гэтага ўжо на наступны дзень журналіст апынуўся ў Вільні.

«На такіх машынах з калоніі вывозяць толькі ў кампаніі супрацоўнікаў КДБ. Далей усё было па класіцы жанру: кайданкі, мяшок на галаве, і мяне павезлі. Праз тры з паловай гадзіны мы даехалі ў Менск, у галоўны будынак КДБ на праспекце Незалежнасці».

Вясна / Правы чалавека ў Беларусі

21 June 2025 18:07

Першыя відэа вызваленых палітвязняў на волі

Крыніца: @radiosvaboda

Вясна / Правы чалавека ў Беларусі

21 June 2025 17:11

Вызвалены палітзняволены грамадзянін Эстоніі Алан Роя

Пра гэта паведамляе @reformby.

🔹Сяргей Ціханоўскі і яшчэ 13 палітвязняў на волі

Вясна / Правы чалавека ў Беларусі

21 June 2025 16:27

Вызваленыя палітвязні размаўляюць са Святланай Ціханоўскай

У руках Сяргея Ціханоўскага пашпарт.

🔹Сяргей Ціханоўскі і яшчэ 13 палітвязняў на волі

Вясна / Правы чалавека ў Беларусі

21 June 2025 16:18

«Мы не скончылі. Усе павінны быць вызваленыя» — Святлана Ціханоўская пракаментавала вызваленне палітвязняў

Яна падзякавала Дональду Трампу і іншым амерыканскім чыноўнікам.

«Мой муж Сяргей на волі! Цяжка апісаць радасць у маім сэрцы. Мы не скончылі. 1150 палітычных зняволеных застаюцца за кратамі. Усе павінны быць вызваленыя», — напісала яна ў «Х».

🔹Сяргей Ціханоўскі і яшчэ 13 палітвязняў на волі

Вясна / Правы чалавека ў Беларусі

21 June 2025 16:03

На дадзены момант вядома пра вызваленне Сяргея Ціханоўскага, былой дацэнткі МДЛУ Наталлі Дулінай, журналістаў «Радыё Свабода» Ігара Лосіка і Ігара Карнея, 69-гадовай беларускі Швецыі Галіны Краснянскай, актывіста анархічнага руху Акіхіры Гаеўскага-Ханады, фігуранта справы «Саюза Беларускага Нацыянальнага Шчыта» Кірыла Балахонава.

Вызваленых палітвязняў адразу вывезлі ў Літву.

🔹Сяргей Ціханоўскі, Ігар Лосік і яшчэ 13 палітвязняў на волі

Вясна / Правы чалавека ў Беларусі

23 June 2025 14:15

Адзін з 14 памілаваных — паляк Хуберт Мруз, асуджаны за наркотыкі

Яго гісторыя не мае нічога агульнага з палітычнымі ці шпіёнскімі гісторыямі, піша «Наша Ніва». Аднак Польшчы змагла дастаць яго з беларускай турмы.

Год назад ён паехаў у Брэст вырваць зуб — бо гэта ўдвая танней, чым у Польшчы. На мяжы ў Мруза знайшлі ў кішэні марыхуану і амфетаміны, якія ён забыў дастаць. Рэч у тым, што Хуберт спажываў наркотыкі 14 гадоў, лячыўся ў клініцы — але марна.

За спробу кантрабанды наркотыкаў ён атрымаў каля пяці гадоў зняволення. У траўні прапагандысты з БТ запісалі ў калоніі яго кароткі маналог пра абставіны справы.

Цяпер Мруз вярнуўся ў Польшчу.

Вясна / Правы чалавека ў Беларусі

23 June 2025 13:05

🗣Паведамляйце праваабаронцам пра сваіх родных, якія ўтрымліваюцца за кратамі па палітычных матывах

Па стане на сёння ў Беларусі прызнаныя палітычнымі вязнямі каля 1200 чалавек, агулам жа праваабаронцам вядома пра больш за 7000 фігурантаў крымінальных палітычных справаў з 2020-га году. Відавочна, што гэта далёка не ўсе людзі, якія сутыкнуліся з палітычным пераследам у Беларусі за апошнія гады.

❗️Калі нехта з вашых блізкіх ці знаёмых апынуўся за кратамі, але пра іх лёс нічога невядома праваабаронцам, калі ласка, паведамляйце пра гэта «Вясне»: @ViasnaSOS | @Viasnainfo

📱У мэтах бяспекі, вы можаце перадаць такую інфармацыю праз знаёмых, што знаходзяцца за мяжой.

✍️Дапамажыце зафіксаваць усе факты рэпрэсій, каб паказаць свету маштаб катастрофы з правамі чалавека ў Беларусі!

Вясна / Правы чалавека ў Беларусі

23 June 2025 11:01

💔«Супрацоўнік крычаў, каб не білі». Як палітзняволенаму Дзмітрыю Сушчыку за кратамі паведамілі пра смерць мамы

«Мяне замкнулі ў "стакане", пакуль шукалі атрадніка. Вядуць мяне на званкі. Я набіраю мамчын нумар тэлефона, падымае мой брат. Пытаецца, ці прыходзілі да мяне псіхолагі. Я пытаюся: "Навошта". Ён сказаў, што гэта тое, пра што я цяпер падумаў — мамы больш няма. Я кідаю слухаўку, не пытаюся з кім цяпер мае дзеці, таму што жонка з першай хвіліны пасля суда мяне пакінула.

На эмоцыях проста кінуў слухаўку. Пабег па калідоры, супрацоўнікі — за мной. Адзін, які слухаў, усё разумеў. У мяне цякуць слёзы. Ён крычыць каб не білі і не чапалі. Мяне не абшукваюць і заводзяць у карцэр. Я пачынаю паліць».

Вясна / Правы чалавека ў Беларусі

23 June 2025 09:00

За 2025 год у Беларусі затрымалі 14 чалавек за «шпіянаж» і «здраду дзяржаве»

Пра гэта распавёў Старшыня КДБ Беларусі Церцель.

«Гэта грамадзяне Рэспублікі Беларусь і замежныя грамадзяне, якія ажыццяўлялі дзейнасць, звязаную са шпіянажам (гэта тычыцца замежнікаў) і здрадай дзяржаве (калі гаворка пра грамадзян Рэспублікі Беларусь)».

«Мы затрымлівалі замежных грамадзян краін Заходняй Еўропы, шэрагу іншых».

Вясна / Правы чалавека ў Беларусі

22 June 2025 18:00

Вызвалены журналіст Ігар Карней сустрэўся з жонкай, з якой не бачыўся два гады

Відэа @radiosvaboda

Вясна / Правы чалавека ў Беларусі

22 June 2025 13:55

❗️«Юстыцыя ў Беларусі не памерла — у яе проста маленькая дзірка ў ілбе». Сяргей і Святлана Ціханоўскія выступілі на сумеснай прэс-канферэнцыі

Падчас канферэнцыі Сяргей Ціханоўскі некалькі разоў заплакаў. Гэта здарылася падчас пытання ад журналістаў з залі пра першую сустрэчу Сяргея з дзецьмі, а таксама тады, калі Ціханоўскі распавядаў пра тое, як ён знаходзіўся ў адзіночнай камеры і як яго пастаянна закідвалі ў ШІЗА.

«Зняволены ж чалавекам застаецца... Гэта бесчалавечна, гэта кашмар, гэта трэба спыніць... Гэта катаванні… Здароўе ў турме то няма. Гэта кашмар», — прагаварыў Ціханоўскі скрозь слёзы.

На пытанні журналістаў да ўсіх вызваленых, ці прымяняўся да іх фізічны гвалт падчас зняволення, яны адказалі адмоўна. Але тыя ўмовы, у якіх яны знаходзіліся, можна назваць жорсткімі і бесчалавечнымі.

Чытаць па спасылцы 👉 https://spring96.org/be/news/118176

Вясна / Правы чалавека ў Беларусі

22 June 2025 11:30

🎥Сумесная прэс-канферэнцыя Святланы Ціханоўскай і вызваленых палітвязняў

Пачатак у 12:30.

https://www.youtube.com/live/cN99Dal-xww

Вясна / Правы чалавека ў Беларусі

22 June 2025 10:04

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

🔹Сяргей Ціханоўскі і яшчэ 13 палітвязняў на волі

🔹За подпіс пад петыцыяй пагражае крымінальная адказнасць? Petitions.bу прызналі «экстрэмісцкім фармаваннем»

🔹Што трэба ведаць пра супрацу з КДБ: распавядаюць юрысты «Вясны»

🔹«Уражанне, што ты касманаўт, які вярнуўся з далёкага палёту»: як праходзіць рэсацыялізацыя былога палітвязня Андрэя Кузнечыка

🔹«Мы не заклікалі ні да якіх забастовак»: кіраўнік незалежнага прафсаюза пра сваё зняволенне

🔹Cупрацоўніца банка, шматдзетны бацька: хто трапіў у абноўлены «спіс тэрарыстаў»

🔹«Мы працягнем патрабаваць вызвалення кожнага і кожнай», — праваабаронца «Вясны»

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

21 June 2025 19:36

«З гуманных меркаванняў». Эйсмант пракаментавала вызваленне палітвязняў

«Гэта была просьба прэзідэнта Злучаных Штатаў Амерыкі.

У асноўным гэта замежнікі: 2 грамадзяніны Японіі, 3 грамадзяніны Польшчы, 2 — Латвіі, а таксама грамадзяне Эстоніі, Швецыі і ЗША. У спісе і некалькі беларусаў. Гэта асобы, асуджаныя за экстрэмісцкую і тэрарыстычную дзейнасць.

Сяргей Ціханоўскі ў тым ліку. Рашэнне аб вызваленні Ціханоўскага было прынята Лукашэнкам выключна з гуманных меркаванняў, з мэтай уз'яднання сям'і».

Вясна / Правы чалавека ў Беларусі

21 June 2025 18:23

«Я не ведала пра цябе нічога больш за два гады», — першая тэлефонная размова Святланы Ціханоўскай з Сяргеем Ціханоўскім.

Крыніца: @tsikhanouskaya

Вясна / Правы чалавека ў Беларусі

21 June 2025 17:25

«Мы працягнем патрабаваць вызвалення кожнага і кожнай», — праваабаронца «Вясны»

Адразу 14 палітзняволеных былі вызваленыя з беларускіх турмаў, сярод якіх шэсць беларусаў і восем замежных грамадзянаў. Пры садзейнічанні амерыканскага ўраду іх памілавалі і адразу з месцаў няволі вывезлі ў Літву. Праваабаронца «Вясны» Павел Сапелка пракаментаваў вызваленне палітзняволеных.

«Вызваленне 14 палітвязняў — безумоўна, пазітыўная навіна. Але нельга забываць: яны не павінны былі правесці ў зняволенні ні дня.

У беларускіх турмах па палітычных матывах засталося больш за тысячу людзей, там па-ранейшаму лаўрэат Нобелеўскай прэміі міру Алесь Бяляцкі і яшчэ некалькі праваабаронцаў — Валянцін Стэфановіч, Марфа Рабкова, Уладзімір Лабковіч і Наста Лойка. Мы працягнем патрабаваць вызвалення кожнага і кожнай. Толькі спыненне штодзённых новых арыштаў і вызваленне ўсіх палітвязняў будзе казаць аб пераходзе ад палітыкі дзяржаўнага тэрору да аднаўлення нацыянальнай згоды».

Вясна / Правы чалавека ў Беларусі

21 June 2025 17:04

❗️Паводле інфармацыі @belsat, сярод вызваленых сёння палітзняволеных – тры грамадзяніна Польшчы

Іхныя імёны пакуль не раскрываюцца.

Вясна / Правы чалавека ў Беларусі

21 June 2025 16:22

Першае фота Сяргея Ціханоўскага і іншых палітвязняў на волі

Крыніца: @radiosvaboda

🔹Сяргей Ціханоўскі і яшчэ 13 палітвязняў на волі

Вясна / Правы чалавека ў Беларусі

21 June 2025 16:08

«Наша Ніва»: Пацверджання вызваленню Ігара Лосіка няма

Сярод палітвязняў, якія прыехалі ў Вільню, яго не было.

🔹Сяргей Ціханоўскі і яшчэ 13 палітвязняў на волі

Вясна / Правы чалавека ў Беларусі

21 June 2025 15:47

Вызваленыя беларускія палітвязні

Фота: @tsikhanouskaya