Вясна / Правы чалавека ў Беларусі

06 March 2025 10:30

❗️Праваабаронцы заклікаюць дакументаваць факты катаванняў і парушэнняў правоў чалавека ў Беларусі

«Вясне» вядома, што ў Беларусі працягваюцца масавыя катаванні і збіванні, утрыманне ў нечалавечых умовах у ізалятарах. Мы разумеем, што праз страх і рызыкі пераследу людзі баяцца звяртацца да праваабаронцаў для дакументавання гэтых фактаў. Але мы заклікаем з дапамогай фота і відэа самім фіксаваць сляды катаванняў і збіванняў. Акрамя гэтага, звяртайцеся да лекараў, каб зафіксаваць траўмы і захаваць медыцынскія дакументы. Гэта дапаможа ў будучыні прыцягнуць да адказнасці ўсіх датычных да рэпрэсій.

✍️Вы можаце самастойна задакументаваць ваш выпадак, дзякуючы «Практычнаму дапаможніку для пацярпелых»

🔹Калі вы пацярпелі ад катаванняў з боку сілавікоў ці сутыкнуліся з бесчалавечным і жорсткім абыходжаннем у месцах зняволення, парушэннем правоў чалавека — калі ласка, пішыце @ViasnaDOC ці viasnadoc@spring96.org

Вясна / Правы чалавека ў Беларусі

06 March 2025 08:46

За ўдзел у пратэстах пачынаюць судзіць 74-гадовага мінчука

Вячаслаў Шчаўлік родам з горада Долінска, які знаходзіцца на востраве Сахалін за амаль 10 тысячаў кіламетраў ад Мінска. Па звестках Digital Intelligence Team, чалавек з такімі ініцыяламі ў Беларусі адзін.

У 90-я спрабаваў адкрыць ІП, але яно закрылася ў 1996-м. Працаваў ахоўнікам і вартаўніком у Мінску. У яго ёсць жонка і двое паўналетніх сыноў. Невядома, калі яго затрымалі, але ў сацсетках і месенджарах Шчаўлік даўно не анлайн. Выглядае так, што ён за кратамі, піша «Наша Ніва».

Шчаўліка пачынаюць судзіць 6 сакавіка ў судзе Фрунзенскага раёна разам з Любоўю Голубевай і Ірынай Голубевай-Палуян. Іх вінавацяць па «народным» артыкуле за ўдзел у пратэстах (ч. 1 арт. 342 КК). Суддзя — Ала Скуратовіч.

Вясна / Правы чалавека ў Беларусі

06 March 2025 07:45

Валожынскім школьнікам зладзілі экскурсію на Акрэсціна

Валожынская раённая газета «Працоўная слава» паведаміла, што ў рамках акцыі «Сябруем з законам!» супрацоўнікі інспекцыі па справах непаўналетніх Валожынскага РАУС зладзілі вучням з розных школ раёна экскурсію ў Мінск.

Месцам наведвання стаў прыёмнік-размеркавальнік для непаўналетніх УУС Мінаблвыканкама, які месціцца на завулку Акрэсціна, паведамляе «Наша Ніва».

«Падчас экскурсіі школьнікам патлумачылі асновы і парадак утрымання ў прыёмніку. Хлопцы змаглі пагутарыць з дзецьмі, якія на гэты момант знаходзяцца ва ўстанове. У ходзе размовы яны пажадалі адзін аднаму поспеху і цярпення», — піша раённая газета.

🔹Суботнікі, зборы грошай, экскурсіі ў турму: як абараніць правы дзіцяці ў школе?

Вясна / Правы чалавека ў Беларусі

05 March 2025 15:46

🌿«Вызваленне палітвязняў мусіць быць прыярытэтам». У Лондане прайшла дыскусія з беларускімі і расійскімі праваабаронцамі

У Лондане 4 сакавіка адбылася дыскусія з праваабаронцамі з Беларусі і Расіі. Праваабаронца «Вясны» Наталля Сацункевіч разам са старшынёй Беларускага ПЭНа і паэткай Таццянай Нядбай, а таксама даследчыцай і праваабаронцай «ОВД-Инфо» Аленай Ліпатавай распавядалі актаульную сітуацыю з правамі чалавека ў гэтых краінах, абмяркоўвалі выклікі і магчымасці, а таксама тлумачылі брытанскім уладам, як можна дапамагчы грамадзянскай супольнасці Беларусі і Расіі. Дыскусія прайшла ў брытанскім парламенце.

Наталля Сацункевіч падзялілася, што абмяркоўвалася на панэлі, якія праблемы былі агучаныя, а таксама якія рэкамендацыі па падтрымцы беларусаў былі агучаныя брытанскаму ўраду.

«Агульнае мэта паездкі — данесці інфармацыю і заручыцца падтрымкай, прадаставіць сітуацыю, якая ёсць з правамі чалавека ў Беларусі, даць нашыя рэкамендацыі ўраду».

Вясна / Правы чалавека ў Беларусі

05 March 2025 14:30

У 15-тысячным Астраўцы за «распаўсюд экстрэмізму» у мінулым годзе канфіскавалі 51 тэлефон

У Астравецкім раёне за 2024 год па артыкуле аб «распаўсюдзе экстрэмізму» асудзілі 51 чалавека, паведаміла @zerkalo_io са спасылкай на «Астравецкую праўду». Пры гэтым, ва ўсіх гэтых людзей канфіскавалі тэлефоны.

Адзначым, што мясцовая раёнка рэгулярна справаздачыцца аб самых распаўсюджаных парушэннях у раёне за тыдзень — і амаль заўседы «распаўсюд экстрэмізму» сярод лідараў гэтага антырэйтынгу. Напачатку верасня ў райвыканкаме нават праводзілі спецыяльную нараду — сярод іншага, абмяркоўвалі вялікую колькасць «распаўсюду экстрэмізму» ў раёне.

Вясна / Правы чалавека ў Беларусі

05 March 2025 13:05

У Чачэрску хлопца будуць судзіць за «масавыя беспарадкі»

Жыхара Чачэрска Рамана Емяльянава збіраюцца судзіць 14 сакавіка ў мясцовым судзе. Яму інкрымінуюць ч. 3 арт. 293 КК (масавыя беспарадкі). Судовы працэс будзе ўзначальваць суддзя Мікалай Сергіевіч.

У чым менавіта абвінавачваюць Рамана — невядома, піша «Гомельская Вясна».

Паведамляецца, што ў мінулым годзе гэты самы Мікалай Сергіевіч судзіў хлопца паводле ч. 1 арт. 24.23 КаАП (несанкцыянавае пікетаванне).

Вясна / Правы чалавека ў Беларусі

05 March 2025 11:45

📝Выбары*2025. Фінальная аналітычная справаздача паводле вынікаў назірання за выбарамі прэзідэнта Рэспублікі Беларусь

• Поўны ўціск права на свабоднае выказванне меркаванняў, свабоду мірных сходаў, свабоду асацыяцый ды іншых правоў чалавека, без належнай рэалізацыі якіх немагчыма казаць пра свабодныя і дэмакратычныя выбары;
• Узгодненыя ўладамі кандыдаты, якія пабудавалі свае перадвыбарныя праграмы не на крытыцы палітыкі Лукашэнкі, а на яго поўнай падтрымцы (за выключэннем Канапацкай);
• Працяг практыкі прымусу выбаршчыкаў да ўдзелу ў датэрміновым галасаванні;
• Атмасфера запалохвання з забаронамі на фатаграфаванне і вынас бюлетэняў, дзяжурствам некалькіх супрацоўнікаў міліцыі на ўсіх участках для галасавання;
• Непразрыстая працэдура падліку галасоў;
• Поўная адсутнасць незалежных назіральнікаў.

Падрабязнасці 👉 elections2025.spring96.org/be/news/117551

Вясна / Правы чалавека ў Беларусі

05 March 2025 10:21

💔«Нас вырашылі зусім звесці са свету»: прэзентацыя агляду парушэнняў правоў жанчын у месцах няволі

Праваабаронцы «Вясны» запрашаюць 8 сакавіка на анлайн-прэзентацыю агляду «Нас вырашылі зусім звесці са свету», прысвечанага парушэнням правоў жанчын у месцах несвабоды Беларусі.

У дакуменце сабраныя сведчанні жанчын, якія сутыкнуліся з катаваннямі, прыніжэннямі і гендарнай дыскрымінацыяй падчас затрымання, адміністрацыйнага арышту, утрымання ў следчых ізалятарах і калоніях.

Падчас сустрэчы ўдзельнікі і ўдзельніцы пазнаёмяцца з асноўнымі высновамі агляду, абмяркуюць актуальную сітуацыю са становішчам жанчын у месцах зняволення і разгледзяць магчымыя спосабы іх падтрымкі.

📍8 сакавіка ў 14:00 па Мінскім часе
✍️Патрэбна папярэдняя рэгістрацыя па спасылцы
⁉️Падрабязнасці мерапрыемства

Вясна / Правы чалавека ў Беларусі

05 March 2025 08:05

Сталічную настаўніцу фізкультуры пачынаюць судзіць за ўдзел у пратэстах

У судзе Ленінскага раёна Мінска 5 сакавіка пачынаецца працэс над Янай Андрэеўнай Чобат. Дзяўчыне інкрымінаваны «народны» арт. 342 КК (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх). Суддзя — Анастасія Ачалава.

Яне Чобат 28 гадоў. Яна мінчанка. Пасля школы дзяўчына скончыла ўніверсітэт і працуе настаўніцай фізкультуры ў адной з мінскіх школ.

Таксама яна фітнэс-трэнерка. Захапляецца аматарскім трыятлонам і конным спортам, піша «Наша Ніва».

Вясна / Правы чалавека ў Беларусі

04 March 2025 16:15

📝Агляд сітуацыі з правамі чалавека ў Беларусі ў лютым

📍Сітуацыя з правамі чалавека ў Беларусі застаецца вельмі цяжкай: працягваюцца рэпрэсіі супраць удзельнікаў пратэстаў 2020 года, а таксама пераслед іншадумцаў;
📍Працягваюцца адвольныя затрыманні беларусаў за рэалізацыю сваіх грамадзянскіх правоў — у лютым «Вясна» зафіксавала мінімум 656 выпадкаў рэпрэсій (у тым ліку затрыманні, ператрусы і г.д);
📍На працягу лютага ў судах разглядаліся крымінальныя справы ў дачыненні да як мінімум 304 абвінавачаных, вынесена мінімум 352 пастановы па адміністрацыйных справах;
📍Захоўваецца рост колькасці завочных палітычна матываваных судоў і тэндэнцыя пашырэння прымянення спецвытворчасці ў дачыненні да непублічных, не медыйных людзей;
📍Набылі моц змены ў Крымінальны кодэкс, якія пашыраюць магчымасці трансгранічнага пераследу па палітычных матывах.

Справаздача цалкам 👉 https://spring96.org/be/news/117560

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

04 March 2025 14:45

Чарговае папаўненне Спіса экстрэмісцкіх матэрыялаў

У яго трапілі:

📍Telegram-каналы і чаты «Гвоздодёр Live! ВОЙНА», «ЧОРНАЯ КНІГА СЛУЧАКА», «Климовичи», «KRKN_FPV_COMPANY»;
📍Instagram старонкі «Sviatlana Nekh», «yulia_sliuko»;
📍YouTube-канал «Павел Латушко»;
📍Сайт ініцыятывы «Честные люди»;
📍Старонка ў Facebook «Юлiя Грэбень»;
📍Старонка ў TikTok «Alex_kamis».

Вясна / Правы чалавека ў Беларусі

04 March 2025 13:06

💔Журналістка Ксенія Луцкіна: Не памятаю прыезд у калонію, таму што вывалілася з аўтазака і страціла прытомнасць

Журналістка Ксенія Луцкіна выехала з Беларусі. Былая палітзняволеная расказала «Нашай Ніве», як цяпер яе здароўе і што плануе рабіць.

📍«Цяпер я хачу рабіць самае галоўнае — жыць. Па магчымасці працаваць, рабіць, ды проста жыць поўным жыццём. Я вельмі люблю жыццё і вельмі люблю сваю прафесію. Для мяне было б цудоўна, калі б я магла рабіць нешта практычнае, але я пакуль не вельмі разумею, як гэта магчыма».

📍«Перш за ўсё, я не памятаю, як увогуле прыехала ў калонію, таму што вывалілася з аўтазака — страціла прытомнасць. Мяне ў інвалідным вазку адразу прывезлі ў бальніцу, першы тыдзень я знаходзілася там».

📍«Штодзень табе там кажуць, што пра цябе ўсе забыліся і ты нікому не патрэбная, а ты дакладна ведаеш, што гэта няпраўда і пра цябе не забыліся, і ты разумееш, што ты патрэбная. Дзякуй вялікі ўсім і кожнаму, хто быў усе гэтыя гады са мной і працягвае быць».

Падтрымаць Ксенію фінансава на BYSOL

Вясна / Правы чалавека ў Беларусі

04 March 2025 12:00

У Наваполацку двух чалавек судзяць за пратэсты 2020 года

У судзе г. Наваполацка 4 сакавіка адбываецца два працэсы паводле арт. 342 Крымінальнага кодэкса (актыўны ўдзел у дзеяннях, што груба парушаюць грамадскі парадак).

Дзмітрыя Цюкаева судзіць Ірына Жарова, а Арцёма Васільева — Алла Гаціх. Апошняга, апроч удзелу ў пратэстах, судзяць таксама за «ўхіленне ад мерапрыемстваў прызыву на вайсковую службу» (ч. 1 арт. 435 КК).

За год у Наваполацку па «народным» артыкуле прыцягнулі да крымінальнай адказнасці мінімум шэсць чалавек.

Вясна / Правы чалавека ў Беларусі

04 March 2025 10:46

Траўматолага калумбійскага паходжання судзяць у Віцебску за «экстрэмізм» — раней, верагодна, судзілі яго жонку

Сёння ў судзе Кастрычніцкага раёна Віцебска адзначылася імя Хорхе Еліесера Даса Гайтан. Мужчыну ставяць у віну ч. 2 арт. 19.11 КаАП (распаўсюд экстрэмізму).

Судзячы па сацсетках, мужчына родам з калумбійскай Арменіі, вучыўся ў віцебскім медуніверсітэце і застаўся ў Беларусі працаваць. Па бэйджы на фатаграфіях можна зразумець, што ён працуе траўматолагам.

Раней @vitebsk_info паведамляў пра аналагічны суд над Вольгай Даса Гайтан, супрацоўніцай віцебскай філіі «СберБанка» — верагодна, жонкай Хорхе Еліесера. Яе таксама судзілі за «распаўсюд экстрэмізму».

🔗Хроніка палітычнага пераследу

Вясна / Правы чалавека ў Беларусі

04 March 2025 09:55

Была палітзняволеная Ксенія Луцкіна эвакуіравана з Беларусі

Яна знаходзіцца ў бяспецы, піша @stryzhak.

Нагадаем, былую журналістку Белтэлерадыёкампаніі асудзілі да 8 гадоў калоніі. У зняволенні ў яе пачаліся моцныя праблемы са здароўем — у яе расла пухліна ў галаўным мозгу. Мінулым летам Ксенія выйшла на волю па памілаванні.

Падтрымаць яе фінансава можна на BYSOL.

Вясна / Правы чалавека ў Беларусі

06 March 2025 09:16

«Пасылак больш чым на 500 кілаграмаў»: падрабязнасці справы палітзняволенай Наталлі Ладуцькі, якую адправілі ў калонію за дапамогу палітвязням

«Наша Ніва» даведалася, што ж канкрэтна суддзя Яўген Пісарэвіч палічыў злачынствам. Фармулёўка суда гучыць так: «бязвыплатныя пералічэнні грашовых сродкаў і адпраўленняў прадуктаў харчавання, прадметаў адзення, сродкаў асабістай гігіены і іншых прадметаў асобам, якія ўтрымліваюцца пад вартай і ў месцах выканання пакарання, звязанага з пазбаўленнем волі». «Экстрэмісцкае фармаванне», у садзейнічанні якому абвінавацілі Наталлю, — Dissidentby.

У справе пералічана 177 эпізодаў — гаворка ідзе пра грашовыя пераводы і пасылкі. Вось некалькі прыкладаў таго, што ставілася ў віну: пералічыла 100 рублёў на турэмны рахунак вязня, даслала пасылку вагой 4 кілаграмы.

Наталля рабіла адпраўленні трохі больш за два гады. За гэты час яна пералічыла больш чым 4000 рублёў і адправіла пасылак больш чым на 500 кілаграмаў.

Чытаць па спасылцы 👉https://spring96.org/be/news/117404

Вясна / Правы чалавека ў Беларусі

06 March 2025 08:14

Новыя ініцыятывы сілавікоў. Беларусаў просяць паабяцаць, што яны не вернуцца на Радзіму

Пра гэта паведамляюць чытачы «Белсату».

Беларуска Аксана, якая даўно жыве ў Польшчы, расказала, што на адрас, дзе яна прапісаная ў Беларусі, на яе імя прыйшоў ліст з дзіўнай прапановай — падпісаць ужо падрыхтаваную заяву пра тое, што яна не плануе вяртацца на Радзіму.

Справа ў тым, што жанчына знаходзіцца за мяжой 14 гадоў. За гэты час яна пабралася шлюбам з грамадзянінам Польшчы і стала жыве ў Варшаве. Аксана сачыла за падзеямі 2020-га і ходам рэпрэсій супраць суайчыннікаў. На сваёй старонцы ў Facebook яна крытычна выказалася аб дзеяннях сілавікоў. Гэта стала падставай для завядзення супраць яе крымінальнай справы за абразу прадстаўніка ўлады. Просьбы зʼявіцца ва ўпраўленне ўнутраных спраў для дачы паказанняў жанчына ігнаравала.

Ад Радзімы Аксана адмовіцца не гатова — «Я напісала што нічога не падпішу і няхай закрываюць «за адсутнасцю складу злачынства». Адкрываць справу згоды не пыталіся. Хай гэтак жа і закрываюць».

Вясна / Правы чалавека ў Беларусі

05 March 2025 18:45

Беларускага драматурга Мікалая Халезіна абвясцілі ў вышук — яго збіраюцца шукаць на беларускіх вакзалах

Сын міністра ўнутраных спраў Беларусі разаслаў міліцэйскаму кіраўніцтву арыенціроўку на вядомага беларускага драматурга, сузаснавальніка і арт-дырэктара Беларускага Свабоднага тэатра Мікалая Халезіна.

Сярод іншага, прапануецца шукаць Мікалая на вакзалах і прывакзальных плошчах.

Крыніца: @nicolai_khalezin

Вясна / Правы чалавека ў Беларусі

05 March 2025 15:16

💌Беларусы Масквы даслалі лісты палітзняволеным жанчынам

Напярэдадні 8 сакавіка заказныя лісты і паштоўкі са словамі падтрымкі павінны атрымаць Глінская Валерыя, Аблаб Ганна, Гнаўк Алена, Барысюк Антаніна, Кульша Вікторыя.

📨Адрасы і спіс усіх беларускіх палітвязняў
💻Напісаць анлайн

Вясна / Правы чалавека ў Беларусі

05 March 2025 13:46

«Калі мы страцім праўду – страцім дэмакратыю». Святлана Ціханоўская адкрыла цырымонію ўручэння прэміі Сахарава

Гэтую прэстыжную ўзнагароду ў 2020-ым годзе атрымалі дэмакратычныя сілы Беларусі.

«Памятаю, як разам з беларускімі сябрамі атрымлівала прэмію Сахарава ў Еўрапейскім парламенце. Гэты жэст падтрымкі беларусаў выпаў на вельмі цяжкі момант, калі рэпрэсіі супраць нашага народа сталі асабліва бязлітаснымі. І гэтая прэмія натхніла нас працягваць, змагацца. Упэўненая, яна аказвае такі ж уплыў на ўсіх лаўрэатаў. Яна паказвае – яны не самі па сабе.

Рэжым спрабуе заглушыць праўду гвалтам і ізаляцыяй. За кратамі застаюцца больш за 1200 палітвязняў. Адзін з іх – Алесь Бяляцкі, лаўрэат прэміі Сахарава і Нобелеўскай прэміі міру. Яму прысудзілі дзесяць год турмы. Валянцін Стэфановіч, Марфа Рабкова, Уладзімір Лабковіч і Андрэй Чапюк таксама атрымалі велізарныя тэрміны. Дыктатар хоча зламаць іх, не даць праўдзе ўбачыць свет. Але схаваць праўду за турэмнымі мурамі немагчыма».

Вясна / Правы чалавека ў Беларусі

05 March 2025 12:18

Па пастанове пракурора Мінскай вобласці абмежаваны доступ да інтэрнэт-рэсурсу «Legalize Belarus»

Падставай для прыняцця такога рашэння сталі парушэнні Закона Рэспублікі Беларусь «Аб сродках масавай інфармацыі».

Сцвярджаецца, што на рэсурсе публікавалася «не адпаведная рэчаіснасці "фейкавая" інфармацыя, накіраваная на фармаванне ў грамадзян ілжывай перакананасці ў адсутнасці грамадскай небяспекі шэрагу злачынстваў супраць здароўя насельніцтва, неабходнасці легалізацыі свабоднага абароту наркатычных сродкаў, іх бясшкоднасці ўжывання».

Таксама на партале «размешчаны спасылкі на інтэрнэт-рэсурсы экстрэмісцкіх фармаванняў, справаздачы аб працы "дэмакратычных сіл", якія знаходзяцца за мяжой».

Вясна / Правы чалавека ў Беларусі

05 March 2025 11:01

У Беларусі новыя «экстрэмісцкія фармаванні»

Гэта праекты «Democratic Media Institute», «Nastaunik.іnfo», «Пра Віцебск». Усе яны былі прызнаныя «экстрэмісцкімі фармаваннямі» па рашэнні КДБ.

Паводле ведамства, дачыненне да «Democratic Media Institute» маюць грамадзянін Літвы Герман Бернотас (Гардзееў), а таксама Марыя Буднік, Сяргей Сацюк, Георгій Загайнаў, Ганна Валынец, Дзмітрый Гамеза, Мікіта Моніч, Дзмітрый Новікаў, Аляксандр Кухта, Андрэй Казакевіч, Яраслаў Раманчук, Максім Жбанкоў, Аляксандр Чарнуха, да «Nastaunik.іnfo» — Людміла Рыбчынская, Святлана Іванюшына, Мікалай Запрудскі, Алена Казлова, Тамара Мацкевіч, Ірына Яфрэмкава, Марына Зялёная (Калініна), да «Пра Віцебск» — Ірына Базылевіч, Сяргей Пятроў, Яўгенія Патапава, Наталля Лантух.

Вясна / Правы чалавека ў Беларусі

05 March 2025 09:15

У Мінску пачынаюць судзіць гаспадыню аграсядзібы з Баранавічаў Тамару Патоцкую

Тамару затрымалі 5 снежня 2024 года ў Баранавічах. Пазней стала вядома, што жанчыну перавялі ў Мінск у СІЗА № 1. Яе абвінавачваюць паводле ч. 1 арт. 342 КК (актыўны ўдзел у дзеяннях, якія груба парушаюць грамадскі парадак).

Судзіць Тамару пачнуць 5 сакавіка ў судзе Першамайскага раёна Мінска. Працэс будзе весці суддзя Анастасія Ляйкоўская.

Паводле яе знаёмых, жанчына грамадскай актыўнасці пасля 2020 года не праяўляла. Займалася толькі аграсядзібай. Але ў 2020 годзе яна была ў ініцыятаўнай групе Святланы Ціханоўскай, была арыштавана на 15 сутак. А ў 2022 годзе атрымала штраф за "распаўсюд экстрэмісцкіх матэрыялаў" (арт. 19.11 КаАП).

Вясна / Правы чалавека ў Беларусі

04 March 2025 19:08

🌿Праваабарончая праграма «Вясна»

1:23 «Нашыя калегі знаходзяцца за кратамі ў невыносных умовах». Два гады таму быў вынесены прысуд чацвярым вясноўцам

6:11 Пікет у падтрымку вясноўцаў у Варшаве: «Страшны прысуд, сфальсіфікаваная цалкам справа»

14:38 Сустрэча «85-я угодкі першай савецкай дэпартацыі з Заходняй Беларусі ўглыб СССР» прайшла ў Варшаве

21:22 Асоба: Алесь Міхалевіч — юрыст, сябра Чэскай палаты адвакатаў, а таксама — былы кандытат у прэзідэнты 2010 года

Вясна / Правы чалавека ў Беларусі

04 March 2025 15:32

📍У Мінску на гэтым тыдні будуць судзіць гаспадыню аграсядзібы з Баранавічаў Тамару Патоцкую

Тамару затрымалі 5 снежня 2024 года ў Баранавічах. Пазней стала вядома, што жанчыну перавялі ў Мінск у СІЗА № 1. Яе абвінавачваюць паводле ч. 1 арт. 342 КК (актыўны ўдзел у дзеяннях, якія груба парушаюць грамадскі парадак). Судзіць Тамару пачнуць 5 сакавіка ў судзе Першамайскага раёна Мінска. Працэс будзе весці суддзя Анастасія Ляйкоўская.

Паводле яе знаёмых, жанчына грамадскай актыўнасці пасля 2020 года не праяўляла. Займалася толькі аграсядзібай. Але ў 2020 годзе яна была ў ініцыятаўнай групе Святланы Ціханоўскай, была арыштавана на 15 сутак. А ў 2022 годзе атрымала штраф за "распаўсюд экстрэмісцкіх матэрыялаў" (арт. 19.11 КаАП).

Вясна / Правы чалавека ў Беларусі

04 March 2025 14:13

📝Нагадваем кантакты Праваабарончага цэнтру «Вясна»

🔹Паведаміць пра затрыманне, даслаць інфармацыю з судовых пасяджэнняў: Telegram-бот @viasna_bot | @ViasnaSOS, @SOSViasna;
🔹Звярнуцца па дапамогу па юрыдычных пытаннях, абскардзіць дзеянні дзяржаўных органаў: @zvarot96 | zvarot@spring96.org;
🔹Калі вы пацярпелі ад катаванняў з боку сілавікоў ці сутыкнуліся з жорсткім абыходжаннем за кратамі: @ViasnaDOC | viasnadoc@spring96.org;
🔹Распавесці сваю гісторыю журналістам «Вясны»: @Viasnainfo | viasna@spring96.org.

📍Кантакты рэгіянальных прадстаўніцтваў «Вясны»: Бабруйск — @babrujskspring; Барысаў — @Spring_help_r; Брэст — @Nadbuzanski, @BrestSOS; Гомель — @homelspring; Магілёў — @maydayhelp, @mspring_help; Маладэчна — @Maladecza_help; Наваполацк — @impaynes; Віцебск — @Viciebsk_spring; Светлагорск — @svietlahorskspring

❗️Афіцыйныя кантакты ПЦ «Вясна» можна паглядзець у апісанні @viasna96 ці на старонцы «Кантакты» на spring96.org

⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Вясна / Правы чалавека ў Беларусі

04 March 2025 12:30

У Гомелі за «распаўсюд экстрэмізму» судзілі лекарку гарадской паліклінікі

28 лютага ў судзе Чыгуначнага раёна Гомеля адбыўся разгляд судовай справы ў дачыненні да Аліны Жукавай. Яе абвінавацілі ў распаўсюдзе экстрмісцкіх матэрыялаў (арт. 19.11 КаАП). Справу разглядала суддзя Аксана Шавякова. Вынік судовага пасяджэння высвятляецца.

Як паведамляе «Гомельская Вясна», Аліна Жукава, прынамсі да гэтага суда, працавала лекаркай-атарыналарынголагам у Гомельскай цэнтральнай гарадской клінічнай паліклініцы.

Вясна / Правы чалавека ў Беларусі

04 March 2025 11:15

🌿У Празе адкрылі арт-інсталяцыю «Нязломныя», прысвечаную палітзняволеным праваабаронцам «Вясны»

Трэцяга сакавіка ў Празе, у гадавіну прысуду палітзняволеным праваабаронцам «Вясны» — Валянціну Стэфановічу, Алесю Бяляцкаму, Уладзю Лабковічу — адбылася імпрэза салідарнасці. У яе межах «Вясна» разам з арганізацыяй «People in Need» адкрылі арт-інсталяцыю «Нязломныя» і зладзілі дыскусію, прысвечаную сітуацыі з правамі чалавека ў Беларусі.

Арт-інсталяцыя створана ў межах кампаніі салідарнасці з палітзняволенымі праваабаронцамі «Вясны» #FreeViasna. Прага стала сёмым горадам, дзе быў прадстаўлены праект. Арт-інсталяцыя ўжо было паказана ў Брусэлі, Капенгагене, Берліне, Познані, Вільні і Рыгі.

Праваабаронца Канстанцін Старадубец падчас адкрыцця інсталяцыі зазначыў, што яна з'яўляецца сведчаннем мужнасці палітзняволеных праваабаронцаў і заклікам да дзеяння для кожнага з нас.

Чытаць па спасылцы 👉 https://spring96.org/be/news/117558

📍Наведаць інсталяцыю можна ў пражскім пасажы «Люцэрна» (Lucerna) да 31 сакавіка

Вясна / Правы чалавека ў Беларусі

04 March 2025 10:20

📍У Мінску хутка пачнуць судзіць эстонца і вядомага баскетбольнага суддзю

Мінскі гарадскі суд 17 сакавіка пачне разглядаць крымінальную справу супраць эстонца Алана Роя і баскетбольнага суддзі Аляксандра Сырыцы, якога затрымалі летась па вяртанні ў Беларусь. Палітвязняў больш за год утрымліваюць пад вартай. Іх справу будзе разглядаць суддзя Анжэла Касцюкевіч.

У залежнасці ад ролі кожнага іх абвінавачваюць паводле ч. 2 арт. 361-1 КК (стварэнне экстрэмісцкага фармавання альбо ўдзел у ім); ч. 1 арт. 367 КК (паклёп у дачыненні да Лукашэнкі); ч. 1 арт. 368 КК (абраза Лукашэнкі); ч. 3 арт. 130 КК (распальванне іншай сацыяльнай варожасці або варажнечы); ч. 1 арт. 361-1 КК (стварэнне экстрэмісцкага фармавання альбо ўдзел у ім).

Вядома, што 16 студзеня 2024 года КДБ прыняў рашэнне аб прызнанні «экстрэмісцкім фармаваннем» фонду «Fund of Belarus Friend LTD». У рашэнні ведамства былі пазначаныя людзі, якія нібыта маюць дачыненне да фонду: Алег Стэфановіч і Аляксандр Сырыца, а таксама Алан Роя.

Вясна / Правы чалавека ў Беларусі

04 March 2025 08:33

Мадэль і былую бортправадніцу Qatar Airways пачынаюць судзіць за ўдзел у пратэстах

Вераніцы Жалубоўскай 29 гадоў. Яна з Мінска. Скончыла мінскі ліцэй №1, а пасля адвучылася ў Мінскім дзяржаўным Лінгвістычным універсітэце, які скончыла ў 2017 годзе. Мяркуючы па анкеце, адначасова вучылася ў Беларускай дзяржаўнай акадэміі мастацтваў.

У 2016 годзе дзяўчыну прызналі пераможцай сталічнага конкурсу «ВелаМіс».

Пасля сканчэння МДЛУ Вераніка адпрацавалатры гады сцюардэсай у Катарскіх авіялініях. Яшчэ адно захапленне Веранікі — мадэлінг і акцёрства. Яна знялася ў эпізадычных ролях у чатырох фільмах пад псеўданімам Вераніка Бруснікіна і супрацоўнічала з мноствам мадэльных агенцтваў.

Апошняе фота ў сацсеткі дзяўчына выклала 18 лістапада 2024 года з Турцыі. Пасля гэтага яна паехала ў Беларусь — імаверна, тады яе і затрымалі, пісала «Наша Ніва».

Суд над Веранікай пачынаецца 4 сакавіка ў судзе Фрунзенскага раёна Мінска. Судзяць яе па «народным» артыкуле — ч. 1 арт. 342 КК. Суддзя — Юлія Ваўковіч.