Вясна / Правы чалавека ў Беларусі

31 March 2025 09:46

Прарасійскага актывіста з Віцебска арыштавалі на 10 сутак за «экстрэмізм»

Як піша @vitebsk_info, Сяргей Лашкоў — вядомы тым, што актыўна прасоўвае прарасійскія ідэі сярод мясцовых жыхароў. У цяперашні час ён выдаліў частку сваіх сацсетак.

Паведамляецца, што Лашкоў прайшоў праз два судовыя пасяджэнні па адной справе ў судзе Чыгуначнага раёна Віцебска. Нагодай стаў «лайк» або рэпост — мужчыну арыштавалі на 10 сутак.

Вясна / Правы чалавека ў Беларусі

31 March 2025 08:46

✊Беларусы і беларускі Беластока працягваюць віншаваць палітвязняў з Днём народзінаў

«Нагадваем свету, што мы ёсць, нас шмат, мы памятаем аб нашых земляках, якія знаходзяцца ў няволі».

Вясна / Правы чалавека ў Беларусі

30 March 2025 14:04

🗣Дапамажыце свету даведацца пра маштаб рэпрэсій у Беларусі — паведамляйце праваабаронцам пра палітычныя прысуды

Сёння агульная колькасць палітзняволеных у нашай краіне дасягнула лічбы амаль у 1200 чалавек. Правабаронцам вядома, што рэальная колькасць такіх людзей у Беларусі значна больш.

Рэпрэсіі ў Беларусі не спыняюцца — вядома, што цяпер некаторым пратэстоўцам прызначаюць калонію за ўдзел нават у адной мірнай акцыі ў 2020 годзе — раней такім людзям звычайна прызначалі «хатнюю хімію» ці «хімію».

У СІЗА, калоніях і на «хіміях» знаходзіцца яшчэ шмат людзей, затрыманых ці асуджаных па палітычных матывах — аднак, па розных прычынах, праваабаронцам нічога невядома пра гэтых людзей. Калі вам вядомыя такія людзі, калі ласка, пішыце праваабаронцам.

З мэтаў бяспекі, вы можаце перадаць важную інфармацыю праз вашых сяброў, што жывуць за мяжой.

❗️Не маўчыце пра рэпрэсіі — дапамажыце паказаць свету маштаб катастрофы з правамі чалавека ў Беларусі!

@ViasnaSOS | @SOSViasna | @Viasnainfo

Вясна / Правы чалавека ў Беларусі

30 March 2025 09:05

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

🔹Праваабаронцы перадалі ў Міжнародны крымінальны суд доказы злачынстваў супраць чалавечнасці ў Беларусі

🔹Супраць праваабаронцы Леаніда Судаленкі ўзбудзілі новую крымінальную справу

🔹«За кошт тэрору душаць іншадумства». Што казалі НДА на інтэрактыўным дыялогу па Беларусі

🔹Заява праваабарончай супольнасці ў сувязі з інаўгурацыяй Лукашэнкі

🔹«Рэакцыя на грамадскі супраціў». У Беларусі за «экстрэмісцкія фармаванні» асудзілі мінімум 258 чалавек

🔹«Яны гублялі прытомнасць, калі ехалі ў аўтазаку»: як у Беларусі перавозяць зняволеных

🔹«Мы ўсе стаялі ў белых цішотках». Як палітвязні адзначалі Дзень Волі ў няволі

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

29 March 2025 14:20

Прарасійскую актывістку Вольгу Бондараву арыштавалі на 13 сутак за «распаўсюд экстрэмізму»

Пра гэта паведаміў яе муж Аляксандр блогеру Андрэю Павуку, калі той патэлефанаваў мужчыне пад выглядам аднадумца Бондаравай, піша @belsat.

Адвакат Бондаравай сказаў, што яе пакаралі па «экстрэмісцкім» артыкуле, распавядае Аляксандр.

«Нешта перапосціла ці што. Хутчэй за ўсё гэта было спланавана. Трэба было пасадзіць яе адмыслова, яны [сілавікі] лавілі яе, кантралявалі».

«З Брэста вось хлопца трэці раз закрывалі. Таксама патрыёт нейкі — яна распавядала».

Вясна / Правы чалавека ў Беларусі

29 March 2025 08:00

⁉️Каго пераследуюць за «стварэнне або ўдзел у экстрэмісцкім фармаванні»?

Паводле інфармацыі «Вясны», за «стварэнне экстрэмісцкага фармавання або ўдзел у ім» (арт. 361-КК) асуджаныя мінімум 258 чалавек. Па гэтым артыкуле былі асуджаныя мінімум 22 журналісты і 11 блогераў, шэсць юрыстаў і адвакатаў, 24 актывіста, 10 былых сілавікоў, 31 палітыка, 19 дзеячаў культуры.

Сярод асуджаных — 41 жанчына. 36 чалавек асуджаныя за «ўдзел у экстрэмісцкім фармаванні» за падтрымку Украіны ў вайне. 58 чалавек асудзілі завочна.

Паводле арт. 361-1 КК у спалучэнні з іншымі артыкуламі КК судзілі пяць замежнікаў: Зянковіча Юрыя, які мае амерыканскае грамадзянства, грамадзяніна Украіны Катовіча Аляксандра, немца Крыгер Рыка, грамадзянінаў Расійскай Федэрацыі Паднябеннага Андрэя і Сычова Алега.

Чытаць па спасылцы 👉 https://spring96.org/be/news/117689

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

28 March 2025 15:00

💔«Яны гублялі прытомнасць, калі ехалі ў аўтазаку»: як у Беларусі перавозяць зняволеных

Для перавозкі палітвязняў з СІЗА ў калоніі выкарыстоўваюцца аўтазакі, мікрааўтобусы ці цягнікі. У апошнім выпадку людзей перавозяць у спецыяльных вагонах, што прычапляюцца да звычайных цягнікоў — іх называюць «сталыпін».

Вагоны палітвязні апісваюць як «звычайныя», што нагадваюць купэ. Часам замест дзвярэй там краты. У адным з выпадкаў у падобным «купэ» ехалі каля 14 чалавек. З кожнага боку было па тры ярусы — больш маладыя залазілі туды. Астатнія ўсаджваліся паўбокам. У такім стане людзі ехалі больш за тры гадзіны.

Яшчэ адзін палітвязень апісвае, што ў «купэ» на шасцярых ехалі 17 чалавек, іншая палітзняволеная называе лічбу 12. У і без таго перапоўненых купэ зняволеным трэба прымудрыцца размясціць і торбы, якія яны вязуць з сабой. Многія са зняволеных паляць, часта — пры зачыненых вокнах, што таксама пагаршае ўмовы для іншых.

Чытаць па спасылцы 👉 https://spring96.org/be/news/117678

Вясна / Правы чалавека ў Беларусі

28 March 2025 12:46

У «Спіс экстрэмістаў» дадалі яшчэ 15 прозвішчаў — цяпер у ім 5088 чалавек

28 сакавіка МУС зрабіла традыцыйны пятнічны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі грамадзяніна Украіны Канстанціна Панамарова, беларуса-эмігранта Руслана Зубкова, а таксама фігуранта справы «Кадравага рэзерву для новай Беларусі» Аляксандра Куксу.

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

Вясна / Правы чалавека ў Беларусі

28 March 2025 11:20

❗️Па вяртанні з Польшчы затрымалі 64-гадовую жанчыну — яна ў СІЗА за ўдзел у пратэстах

Праваабаронцам стала вядома пра затрыманне напрыканцы студзеня Жанны Вайніловіч. Вядома, што жанчына вярталася ў Беларусь з Польшчы і была затрыманая не на мяжы, а праз некалькі дзён пасля гэтага.

Ёй інкрымінуюць «народны» арт. 342 КК (актыўны ўдзел у дзеяннях, якія груба парушаюць грамадскі парадак) за нібыта ўдзел у паслявыбарчых акцыях пратэсту. Яна знаходзіцца ў СІЗА.

Раім сур'ёзна ацэньваць рызыкі перад паездкай у Беларусь і не забываць пра правілы бяспекі — не захоўваце фота з акцый пратэсту, каб не нашкодзіць сабе і іншым удзельнікам пратэстаў. Акрамя таго, уважліва праглядзіце падпіскі ў сваіх усіх сацсетках на наяўнасць «экстрэмісцкіх» старонак, а таксама «лайкаў» і каментароў на іх.

📝Нагадваем пра правілы бяспекі пры паездках у Беларусь

🗣Паведаміць пра затрыманне
⚖️Атрымаць бясплатную юрыдычную кансультацыю
📝Абскардзіць дзеянні дзяржаўных органаў
✍️Звязацца з журналістамі «Вясны»

Вясна / Правы чалавека ў Беларусі

28 March 2025 09:16

❗️Праваабаронцы заклікаюць дакументаваць факты катаванняў і парушэнняў правоў чалавека ў Беларусі

«Вясне» вядома, што ў Беларусі працягваюцца масавыя катаванні і збіванні, утрыманне ў нечалавечых умовах у ізалятарах. Мы разумеем, што праз страх і рызыкі пераследу людзі баяцца звяртацца да праваабаронцаў для дакументавання гэтых фактаў. Але мы заклікаем з дапамогай фота і відэа самім фіксаваць сляды катаванняў і збіванняў. Акрамя гэтага, звяртайцеся да лекараў, каб зафіксаваць траўмы і захаваць медыцынскія дакументы. Гэта дапаможа ў будучыні прыцягнуць да адказнасці ўсіх датычных да рэпрэсій.

✍️Вы можаце самастойна задакументаваць ваш выпадак, дзякуючы «Практычнаму дапаможніку для пацярпелых»

🔹Калі вы пацярпелі ад катаванняў з боку сілавікоў ці сутыкнуліся з бесчалавечным і жорсткім абыходжаннем у месцах зняволення, парушэннем правоў чалавека — калі ласка, пішыце @ViasnaDOC ці viasnadoc@spring96.org

Вясна / Правы чалавека ў Беларусі

28 March 2025 07:34

Прарасійскую актывістку Вольгу Бондараву, імаверна, арыштавалі на 13 сутак

Пра арышт даносчыцы паведамілі яе расстроеныя сябры з канала «Праваслаўны Супраціў Вялікай, Малой і Белай Русі», піша @nashaniva.

Тэлеграм-канал Бондаравай не аднаўляецца ўжо два дні.

Вясна / Правы чалавека ў Беларусі

27 March 2025 15:47

🔗«Пасля транспарціроўкі я пару месяцаў не адчуваў палец на руцэ»: як у Беларусі перавозяць зняволеных

Палітвязняў этапуюць у кайданках, якія не здымаюць цягам усяго шляху, уключна з часам на сон. Адзін са сведак распавёў, што яму давялося залазіць у кайданках на другі ярус у вагоне цягніка. Да прыкладу, асуджаныя за згвалтаванне не заўсёды мусілі ехаць у кайданках.

Былы палітвязень Віталь Жук падрабязна распавёў пра этапаванне ў кайданках і праблемы, якія ў сувязі з гэтым узнікаюць:

«У чарговы раз адкрываецца кармушка, зашчоўкваюцца на запясцях кайданкі, і ты са сваімі торбамі ідзеш на нагах, што заплятаюцца, праз падвал ІЧУ да аўтазака. Чаму на нагах, што заплятаюцца? Паспрабуйце звязаць сабе рукі спераду, узяць у іх дзве-тры торбы і паспрабаваць так ісці. Вы будзеце біцца каленамі аб свае ж торбы, а праз вагу не зможаце іх несці на выцягнутых руках. І вось так вы ідзяце, б'ецеся аб торбы каленкамі, спатыкаецеся, а ў спіну крычаць: "Хутчэй!"».

Вясна / Правы чалавека ў Беларусі

27 March 2025 15:03

МУС: Беларус, які быў у вышуку за пратэсты, пры затрыманні зламаў руку міліцыянту

Паведамляецца, што мужчыну спынілі ў Гродне — дакументаў пры ім не было, таму яму прапанавалі прайсці ў пастарунак. Беларус аказаў супраціў міліцыянтам і, як сцвярджаецца, зламаў аднаму з іх руку.

Паведамляецца, што мужчына быў у вышуку за тое, што ў жніўні 20-га году нібыта распыліў у твар праваахоўнікам газавы балончык. За гэта супраць яго распачалі крымінальную справу. Ён з'ехаў з краіны, але потым нелегальна вярнуўся ў Беларусь.

Вясна / Правы чалавека ў Беларусі

27 March 2025 12:33

📝«Голы» дагляд жанчын у месцах зняволення

Праваабарончы цэнтр «Вясна» выпусціў даклад «"Нас вырашылі зусім звесці са свету". Сведчанні жанчын пра гендарную дыскрымінацыю ў месцах несвабоды Беларусі». Яго прэзентацыя прайшла 8 сакавіка.

Яшчэ адзін з відаў прыніжэння для жанчын — «голы» дагляд, які ўключае ў сябе частковае або поўнае зняцце адзення для візуальнага агляду ўсіх частак цела, пры гэтым ад зняволеных могуць патрабаваць адкрыць рот, нахіліцца, папрысядаць і пакашляць. Такія дагляды нясуць у сабе высокую рызыку для ўзнікнення сітуацый гвалту, жорсткага абыходжання і нават катаванняў, а таксама могуць зрабіцца асновай для прымусаў, дамаганняў, дыскрымінацыі.

«Ну што, шмара, распранайся. У стрынгах? А не замалыя?».

Вясна / Правы чалавека ў Беларусі

27 March 2025 11:05

🗣Дапамажыце свету даведацца пра маштаб рэпрэсій у Беларусі — паведамляйце праваабаронцам пра палітычныя прысуды

Сёння агульная колькасць палітзняволеных у нашай краіне дасягнула лічбы амаль у 1200 чалавек. Правабаронцам вядома, што рэальная колькасць такіх людзей у Беларусі значна больш.

У СІЗА, калоніях і на «хіміях» знаходзіцца яшчэ шмат людзей, затрыманых ці асуджаных па палітычных матывах — аднак, па розных прычынах, праваабаронцам нічога невядома пра гэтых людзей. Калі вам вядомыя такія людзі, калі ласка, пішыце праваабаронцам.

Таксама звяртаемся да былых вязняў — многія з вас за кратамі перасякаліся ці доўга час знаходзіліся разам з фігурантамі палітычных спраў, пра якіх нічога невядома іншым. Калі ласка, распавядзіце пра іх праваабаронцам.

З мэтаў бяспекі, вы можаце перадаць важную інфармацыю праз вашых сяброў, што жывуць за мяжой.

❗️Не маўчыце пра рэпрэсіі — дапамажыце паказаць свету маштаб катастрофы з правамі чалавека ў Беларусі!

@ViasnaSOS | @SOSViasna | @Viasnainfo

Вясна / Правы чалавека ў Беларусі

31 March 2025 09:15

КДБ арыштаваў дом у Пінску, у якім жыла сям'я кіраўніка праекту Belarus Tomorrow Аляксея Дзікавіцкага

Там ён правёў юнацтва — «мы з сябрамі [там] праяўлялі свае аматарскія фотаздымкі і слухалі метал, у 1990-м мама пашыла [там] першы ў маім жыцці бел-чырвона-белы сцяг, адтуль я 35 гадоў таму паехаў у інстытут, а яшчэ праз восем пайшоў “выкупаць нявесту” — будучую маю жонку», — прыгадвае журналіст.

Перад тым апячаталі дзедаву хату ў вёсцы, дзе Дзікавіцкі гадаваўся да школы, піша @euroradio.

«У чым мяне абвінавачваюць, за што маюць намер пазбавіць тых старых, стогадовых дамоў, якія маюць вельмі нязначную матэрыяльную вартасць, я дагэтуль не ведаю, — дадае ён. — Веру, што ў Новай Беларусі нерухомасць мне і іншым, у каго яе незаконна адбіраюць, будзе вернутая, а вінаватыя адкажуць у адпаведнасці з законам. І не таму, што я асабіста прагну помсты, не. А таму, што іначай той Новай Беларусі — прававой дзяржавы — мы ніколі не пабудуем».

Вясна / Правы чалавека ў Беларусі

30 March 2025 16:33

⁉️Што рабіць, калі ўзбудзілі крымінальную справу і апісваюць маёмасць?

Калі супраць вас узбудзілі крымінальную справу, у тым ліку завочна, паводле арт. 361-1 КК (стварэнне экстрэмісцкага фармавання або ўдзел у ім), і следчыя апісваюць маёмасць, то юрысты звяртаюць увану, што падчас ператрусу вельмі важна атрымаць дакумент пра ператрус. Важна ведаць, у які орган потым звяртацца.

Юрыстам пры працы з такімі зваротамі трэба разабрацца ў падставах адабрання маёмасці: гэта рашэнне суда аб канфіскацыі, арышт у межах прымусовага спагнання грашовай суммы, ці асобнае рашэнне з удзелам КДБ.

У межах канфіскацыі па рашэння суда ці арышту маёмасці ў межах прымусовага выканання ёсць свае правілы, якая маёмасць можа быць вынятай, а якая не — у дадзеным выпадку будзе працаваць абскарджанне арышту маёмасці.

Чытаць па спасылцы 👉 https://spring96.org/be/news/117689

✍️Калі вы сутыкнуліся з парушэннямі з боку дзяржавы, звяртайцеся па дапамогу з абскарджаннем да Юрыдычнай службы «Вясны»: @zvarot96 | zvarot@spring96.org

Вясна / Правы чалавека ў Беларусі

30 March 2025 11:35

✊ Падтрымайце «Вясну» на Patreon альбо аднаразовым данатам

На сёння за кратамі знаходзіцца пяцёра праваабаронцаў «Вясны» — іх асудзілі да пазбаўлення волі толькі за тое, што яны абаранялі правы беларусаў. Нягледзячы на гэта, праваабаронцы і валанцёры «Вясны» працягваюць сваю працу па абароне і фіксацыі парушэнняў правоў чалавека ў Беларусі.

Акрамя магчымасці падтрымаць «Вясну» падпіскай на Patreon, ёсць магчымасць зрабіць і аднаразовы данат праваабаронцам.

Усе сабраныя ахвяраванні будуць накіраваныя на падтрымку дзейнасці арганізацыі, а таксама палітзняволеных вясноўцаў.

❗️Калі ласка, рабіце пераводы толькі, калі для вас гэта бяспечна. Мы настойліва просім не рабіць пераводаў з картак беларускіх ці расійскіх банкаў

💵Падтрымаць «Вясну» аданаразовым данатам
💶Падтрымаць Вясну на Patreon
⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Вясна / Правы чалавека ў Беларусі

29 March 2025 16:06

👮‍♂️«Нас шантажавалі вадой, прыбіральнямі ды іншымі рэчамі»: як у Беларусі перавозяць зняволеных

Пры любым з тыпаў транспарціроўкі — будзь гэта аўтазак, аўтобус ці цягнік — зняволеных мусяць суправаджаць канваіры. На адзін «сталыпінскі» вагон іх можа быць сем чалавек, як узгадваў адзін са сведак.

Яны ставяцца да палітвязняў па-рознаму. Некаторыя выводзяць у прыбіральню па просьбе, даюць папіць «па раскладзе». Але здараецца і зусім іншае.

Як паводзяць сябе канваіры са зняволенымі таксама залежыць ад чалавечага фактару. Напрыклад, адзін з палітвязняў распавядае, што ў аўтазаку, які перавозіў людзей у віцебскую калонію, супрацоўнікі абражалі зняволеных і крычалі на іх. Некаторыя супрацоўнікі ігнаруюць пытанні зняволеных і не адказваюць, напрыклад, якая цяпер гадзіна. Таксама канвой могуць суправаджаць сабакі.

Чытаць па спасылцы 👉 https://spring96.org/be/news/117678

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

29 March 2025 11:04

📝«Лекары за праўду і справядлівасць» працягваюць даследванне праблем здароўя жанчын у беларускіх турмах

Пытанні цалкам ананімныя, не патрабуюць прадстаўлення аніякіх асабістых звестак, адказы будуць выкарыстоўвацца толькі ў абагуленым выглядзе.

«Мы просім былых зняволеных жанчын адказаць на пытанні трох невялікіх анкет. Адна з іх — пра здароўе падчас зняволення – агульная, дзве іншыя — пра псіхалагічны стан — асобныя для былых зняволеных, якія застаюцца ў Беларусі, і для тых, якія пакінулі краіну».

Вясна / Правы чалавека ў Беларусі

28 March 2025 19:10

❗️Знікла сувязь са спікеркай Каардынацыйнай рады Анжалікай Мельнікавай — яна не знаходзіцца на тэрыторыі Польшчы

Пра гэта паведамляе @latushka.

«Інфармую, што з 25 сакавіка адсутнічае сувязь са спікеркай Каардынацыйнай рады Беларусі Анжалікай Мельнікавай. Па наяўнай інфармацыі яна не знаходзіцца на тэрыторыі Польшчы.

Мы спадзяемся на лепшае, але разумеем, што першыя асобы дэмакратычных сіл Беларусі з'яўляюцца прыярытэтнымі мэтамі спецслужбаў рэжымаў у Беларусі і Расіі.

Мной афіцыйна пададзеная заява ў праваахоўныя органы Польшчы аб знікненні спікеркі КР Анжалікі Мельнікавай. Па просьбе праваахоўных органаў дадзеная інфармацыя не разгалошвалася.

Мы будзем інфармаваць аб развіцці сітуацыі па ўзгадненні з праваахоўнымі органамі Польшчы».

Вясна / Правы чалавека ў Беларусі

28 March 2025 14:01

📝Нагадваем кантакты Праваабарончага цэнтру «Вясна»

🔹Паведаміць пра затрыманне, даслаць інфармацыю з судовых пасяджэнняў: Telegram-бот @viasna_bot | @ViasnaSOS, @SOSViasna;
🔹Звярнуцца па дапамогу па юрыдычных пытаннях, абскардзіць дзеянні дзяржаўных органаў: @zvarot96 | zvarot@spring96.org;
🔹Калі вы пацярпелі ад катаванняў з боку сілавікоў ці сутыкнуліся з жорсткім абыходжаннем за кратамі: @ViasnaDOC | viasnadoc@spring96.org;
🔹Распавесці сваю гісторыю журналістам «Вясны»: @Viasnainfo | viasna@spring96.org.

📍Кантакты рэгіянальных прадстаўніцтваў «Вясны»: Бабруйск — @babrujskspring; Барысаў — @Spring_help_r; Брэст — @Nadbuzanski, @BrestSOS; Гомель — @homelspring; Магілёў — @maydayhelp, @mspring_help; Маладэчна — @Maladecza_help; Наваполацк — @impaynes; Віцебск — @Viciebsk_spring; Светлагорск — @svietlahorskspring

❗️Афіцыйныя кантакты ПЦ «Вясна» можна паглядзець у апісанні @viasna96 ці на старонцы «Кантакты» на spring96.org

⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Вясна / Правы чалавека ў Беларусі

28 March 2025 12:04

❗️Праваабаронцам стала вядома пра ператрусы КДБ у прадстаўнікоў прафсаюзаў

Вядома, што ў «прафсаюзнікаў» канфіскавалі тэхніку, але пасля допытаў адпусцілі. Паведамляецца, што сілавікоў цікавілі сувязі з BySOL і ByHelp, а таксама ў людзей пыталіся пра гэтак званае «фінансаванне тэрарыстычнай дзейнасці».

Калі вам вядома пра пераслед прафсаюзных актывістаў альбо іншыя факты пераследу беларусаў — калі ласка, пішыце на @ViasnaSOS ці @Viasnainfo

Вясна / Правы чалавека ў Беларусі

28 March 2025 11:00

Віцебскія сілавікі знайшлі «прыкметы распаўсюду экстрэмізму» ў прарасійскага актывіста

Актывіст з Віцебску Дзмітрый Карняенка атрымаў адказ з АУС Чыгуначнага раёна, дзе пазначана, што ў дзеяннях Сяргея Лашкова «угледжваюцца прыкметы складу адміністрацыйнага правапарушэння, прадугледжанага ч. 2 арт. 19.11 КаАП (распаўсюд экстрэмізму)».

Як піша @vitebsk_info, Сяргей Лашкоў — вядомы тым, што актыўна прасоўвае прарасійскія ідэі сярод мясцовых жыхароў. У цяперашні час ён выдаліў частку сваіх сацсетак.

Вясна / Правы чалавека ў Беларусі

28 March 2025 08:02

Прапагандысты заявілі, што сілавікі ідэнтыфікавалі 260 удзельнікаў замежных акцый да Дня Волі

Паведамляецца, што ідэнтыфікавалі ўдзельнікаў акцый у Беластоку, Познані, Варшаве, Уроцлаве, Вільні, Берліне, Філадэльфіі, Чыкага, Альберце і Маямі.

Сцвярджаецца, што 98 удзельнікаў акцый раней не траплялі ў поле зроку сілавікоў.

Вясна / Правы чалавека ў Беларусі

27 March 2025 16:03

Чарговае папаўненне Спіса экстрэмісцкіх матэрыялаў

У яго трапілі:

📍Telegram-каналы і чаты «Wild Division», «РОНІНИ», «Беларусы Познані ׀ Poznan», «Беларускі інстытут публічнай гісторыі», «СЧТН», «BY_UA акции и события белорусов в Украине»;
📍Instagram старонка «Centrum obslugi cudzoziemcow Irina Vorochkova»;
📍YouTube-канал «Вячеслав Вячеславович Яковчик»;
📍Старонкі ва «Укантакце» «Федор Шмиголь», «Беларусь/Новости/NEXTA Live»;
📍Старонкі ў «Х» «JP», «Барыс Фішар», «БЕЛА(вешкін анд)РУСЬ», «Вестник бури», «Русофобия в Беларуси», «Вячаслау Сікора», «Артемий Троицкий», «АГ-Астрахвізык Глыбоччыны», «Petrenko Andryi (Ukraine)»;
📍Старонка ў Аднакласніках «Светлана Тихановская», «Мы в Пинске», «Ликбез па Беларуску».

Вясна / Правы чалавека ў Беларусі

27 March 2025 15:22

Затрыманы ў Гродне хлопец — верагодна, Мікіта Самарын

Пра гэта паведамляе @nebovkletku.

У снежні 2020 года яго асудзілі да 4 гадоў «хіміі» за тое, што ён нібыта распыліў газ у твар амапаўцу 25 жніўня 2020 года.

Пасля затрымання 5 кастрычніка 2020 года Мікіту кінулі ў мікрааўтобус у кайданках, зацягнутых вышэй кісцяў на запясце — у яго засталіся шнары ад рэзаных ран. Прама ў аўтобусе Самарыну нажом абрэзалі доўгія валасы. У ГУБАЗіКу яму загадалі даць паказанні пад пагрозай вывезці ў лес і завядзеннем крымінальнай справы на затрыманага з ім сябра.

У сакавіку 2021-га году хлопцу замянілі прысуд на 2,5 года калоніі. Сам Мікіта ў суд не з’явіўся.

Вясна / Правы чалавека ў Беларусі

27 March 2025 14:01

❗️«Рэакцыя на грамадскі супраціў». У Беларусі за «экстрэмісцкія фармаванні» асудзілі мінімум 258 чалавек

У апошнія гады рэжым Лукашэнкі маштабна выкарыстоўвае антыэкстрэмісцкае заканадаўства для пераследу іншадумцаў. На 27 сакавіка КДБ і МУС прызналі ў Беларусі 269 «экстрэмісцкіх фармаванняў». Паводле інфармацыі «Вясны», за «стварэнне або ўдзел у экстрэмісцкім фармаванні» ў Беларусі асудзілі мінімум 258 чалавек, 58 з іх — завочна.

Хто трапляе пад крымінальны пераслед, якія змены ў заканадаўстве яго ўзмацнілі, што рабіць у выпадку ўзбуджэння справы і арышту маёмасці — разбіраемся ў матэрыяле з юрысткай «Вясны» Святланай Галаўнёвай.

«Магу сказаць, што ў нейкім сэнсе мне пашанцавала, бо тэкст майго абвінавачвання падобны на сцэнар галівудскага блокбастара, у якім дробнымі літарамі ў канцы пазначана: "Заснавана на рэальных падзеях"».

Вясна / Правы чалавека ў Беларусі

27 March 2025 11:46

🏴󠁧󠁢󠁳󠁣󠁴󠁿У шатландскім парламенце адбылася экспазіцыя, прысвечаная беларускім палітвязням

З 10 па 12 сакавіка праваабарончы цэнтр «Вясна», Libereco і Суполка беларусаў у Шатландыі зладзілі экспазіцыю ў будынку парламента ў Эдынбурзе, прысвечаную беларускім палітвязням. Імпрэзу арганізавалі, каб распавесці пра сітуацыю з правамі чалавека ў Беларусі.

Выстава дала магчымасць усім шатландскім парламентарыям даведацца больш пра палітычную сітуацыю і сітуацыю з правамі чалавека ў Беларусі.

Падчас экспазіцыі таксама больш за 20 дэпутатаў парламента выказалі зацікаўленасць далучыцца да кампаніі #WeStandBYyou на знак салідарнасці з беларусамі, асуджаных да доўгіх тэрмінаў турэмнага зняволення за іх барацьбу за дэмакратыю і свабоду, і стаць іх «хроснымі» бацькамі.

Чытаць па спасылцы 👉 https://spring96.org/be/news/117687

Вясна / Правы чалавека ў Беларусі

27 March 2025 10:08

⚡️Праваабаронцы перадалі ў Міжнародны крымінальны суд доказы злачынстваў супраць чалавечнасці ў Беларусі

Шэсць беларускіх і міжнародных арганізацый грамадзянскай супольнасці — Цэнтр глабальнай справядлівасці і правоў чалавека «M.A.R.A.», Міжнародная федэрацыя правоў чалавека (FIDH), Праваабарончы цэнтр «Вясна», Міжнародны камітэт па расследаванні катаванняў у Беларусі, Беларускі Хельсінкскі Камітэт і Human Constanta — перадалі 20 сакавіка ў Офіс пракурора Міжнароднага крымінальнага суда доказы магчымых злачынстваў супраць чалавечнасці, здзейсненых прадстаўнікамі беларускай улады.

Паведамленне ўключае ў сябе доказы дэпартацыі часткі цывільнага насельніцтва Беларусі, а таксама пераследу гэтых людзей, уключаючы беларусаў, якія пражываюць за мяжой.

Яно таксама гаворыць аб татальным пазбаўленні беларусаў у выгнанні доступа да дзяржаўных працэдур, уключаючы магчымаць атрымаць дакументы, якія ідэнтыфікуюць асобу, што вядзе да дэ-факта безграмадзянства.

Чытаць па спасылцы 👉 https://spring96.org/be/news/117683