69
Fozil Muslim shaxsiy blogi Qoʻllab quvvatlash uchun: tirikchilik.uz/fozilmuslim Bogʻlanish: @fozil_muslim
Ҳаж қилишни орзу қилмаган мўмин бўлмаса керак, а? Унинг ажри, фазилатларини билган борки, орзу қилади. Орзу қилишга арзийди...
Бир суратга кўзим тушди. Биз учун орзу бўлган, Муқаддас санаганимиз Каъба олдида селфи. Ажойиб. Борипти биз орзу қилган жойларга. Аллоҳ ажрини берсин, деймиз. Аммо яна бир жиҳатни ўйлаб қолдим.
"Ҳажжи Мабрур(мақбул бўлган ҳаж)нинг мукофоти фақат жаннат", деган ҳадисни эшитганмиз. Ҳажжи мабрур бўлиши учун бир қанча шартлар бор. Улардан бири ҳеч бир жонга озор етказмаслик. Замзам сувини талашиб тўполон қилаётган, бошқаларга озор бераётган одам "Ҳажжи Мабрур" қиляпман, дея олармикин?
Ҳажга ҳамманинг ҳам қурби етавермайди. Ана шу қурби етганларнинг ҳам кўпчилигида фақат бир мартагина бориш имкони бор. Ана шу бир марталик имкон юзага чиқиб турганда кўнгилга селфи, бўлар-бўлмас гаплар сиғишига ҳайрон қоламан. Ҳажни адо қилиб бўлибоқ "Бўлди, энди кетамиз", деб шошадиганларни, боришга бориб олиб, сотиш учун турли буюмлар, ҳатто, Замзам сувини идишларга солиб оладиганларни ҳам эшитганмиз. Савдогарлар, ишонаверинг, ўша Маккадаги буюмлар бизнинг бозорларда ҳам бор. Ҳатто, арзонроқ. Ҳаждан мақсад аввало, Аллоҳнинг розилиги, кейин ваъда қилинган улуғ ажрларга эришиш эмасми? Кўнгил Аллоҳнинг розилигидан бошқа ғамни қабул қилмай қўйиши керак бўлган ўрин бу...
Айтдик, Ҳаж агар Аллоҳ етқазса, умримизда бир бор бўладиган амал. Масжидун Набавийядаги 2 ракаат намознинг фазилати бошқа масжиддаги минг ракаат намоз билан тенг ёки афзал, дейилган ҳадисларда. Боргандан кейин селфи тушиш эмас, дунё тижорати билан шуғулланиш эмас, Замзам учун навбатда туриб қирпичоқ бўлиш эмас, Аллоҳнинг марҳаматини ҳис қилиш керак. Масжидга кириб олиб, намоздан чарчаб кетиш, шунда ҳам чиқмай ўтириш керак. Ўтган ҳар лаҳза ибодат бўлиб турганда, керак бўлса, ухласа ҳам ўша Масжидун Набавийяда ухлаш керак.
Аллоҳ ҳар биримизга Ҳажжи Мабрурни адо этишни насиб этсин!
https://telegram.me/joinchat/AAAAAEM1D63Y6iaMjy-Fuw
"Ramazonning hurmati" degan narsa bor. Roʻza tutolmagan kishi ham hurmat yuzasidan roʻzadorlar tark qilgan ishlarni ochiqcha qilib yurmasligi yaxshi. Toʻgʻri, roʻza tutmagan odam tiyilishi farz emas, lekin iymonning belgilaridan biri islom shiorlarini hurmat qilish ekanini esdan chiqarmaslik kerak.
Endi solishtiring.
"Ramazonni hurmati yoʻqmi?", desa shartta yeyishdan, ichishdan, chekishdan va hokazo, tiyilgan odamlar va huddi shu tanbehga "Nima, men yeyishimga qarab taqvoing zaiflashib qoladimi? Oʻzing uchun tutyapsanmi boshqalar bilan ishing boʻlmasin", kabi javob qaytargan odamlar.
"Hech boʻlmasa ramazonning hurmati baʼzi ishlarni qilmay turilsa boʻlardi", deyilsa maʼqullaydigan odamlar va "Ramazonda mumkinmas boshqa oyda mumkinmi?", "Boshqa oyda qilib bu oyda qilmaslik ikkiyuzlamachilikku", kabi bahonalar bilan javob beradigan odamlar.
Hurmat qilishniyam har xil tushunadigan boʻlib ketdik. Baʼzi odamlar faqat qonunni buzmasam boldi, deydigan boʻb qoldi. Insoniy, iymoniy qadriyatlar umuman keyingi oʻrinlarda...
Insofni, iymonni har birimizga bersin. Koʻp-koʻp. Darvoqe, farosatni ham. Hammamizga kerak.
@fozilmuslim
Bundan oldingi postga deyarli 2 yil boʻpti. Shu oxirgi 2 yil ichida hayotimda, jamiyatda juda koʻp voqealar, oʻzgarishlar sodir boʻldi. Koʻplab trendlar paydo boʻlib, almashib, yoʻq boʻlib ham ulgurdi.
Yoʻq, munosabatlarim, fikrlarim yigʻilib qolmadi. Koʻpi unutildi ham, hatto. Qisqa qilib birgina gap aytaman, haqiqiy maʼnoda kirish soʻzi boʻlsin:
Assalomu alaykum. Ramazon muborak hammamizga!
Ozgina motivatsiya uchun shuni shu yerda qoldiray:
https://tirikchilik.uz/fm
Majburiy emas, shunchaki xabarsiz qolmang dedim :)
@fozilmuslim
Ҳўп, ҳозир...
Учгача санайман ва... Унутаман, бас!
Бир... Дук-дук.. Икки... Гумбурақарс!
Шошма!
Учдан олдин айтволай сўнгги сўзимни.
Йўқ, сенгга айтилган қайсидир бир сўз
Сўнггиси бўлишин истамайман. Хўп.
Қайта санайман, қара:
Бир... Дук-дук.. Икки... Гумбурақарс!
Осонми ахир, ўйла ўзинг ҳам,
Кўзларинг кўзимнинг олдида турса.
Ақл ўйлама, десаю, Юрак
Унутма уни, дея буюрса.
Кел, келишамиз. Унутдим, дейлик.
Йўлимдан чиқсанг, ортга қарайман.
Боримниям билмайсан... Аммо учгача
Умримнинг сўнггига қадар санайман...
АЁЛЛАРНИНГ БЎЯНИШИ
@Savollar_kanal 11849-савол
Ассалому алайкум! Турмушга чиқмаган қиз кўчага чиқанида сездирмасдан этибор тортмайдиган қилиб бўянса гуноҳ бўладими?
ЖАВОБ:
– Ва алайкум ассалом! Гуноҳ бўлади. Эътиборни тортмасликнинг иложи йўқ. Валлоҳу аълам!
«Зикр аҳлидан сўранг» ҳайъати
✅ Манба
➡️ Каналга уланиш
Бу— ўша...
Уч минг ўн еттинчи йилнинг декабрь ойи,
Доктор эшигин қоқди хотин-эр.
Шифокор ўрнига ўрнашган кўйи,
Деди: —Нима гап, барин айтиб бер.
—Ёрдам бермасангиз бўлмайди сира,
Бормаган жойимиз қолмади ҳисоб.
Барининг ташхиси қандайдир хира,
Саволга олмадик аниқ бир жавоб.
—Ҳаяжонни босинг-у, оғирроқ бўлиб
Бир четдан сўзланг, муаммо неда?
Ҳаммасин айтинг, бир сафга солиб,
Ишонинг, ечимин топамиз тезда.
—Ўттизга кирган ўсмир боламиз
Қандайдир оғир дардга йўлиққан.
Нигоҳлари қаттиқ, ўткир боламиз
Билмадик, недандир қаттиқ толиққан.
Сўрасангиз, тайин йўқ гап-у сўзида,
Қаери оғришин ўзи ҳам билмас.
Маъно йўқ тошдай қотган кўзида
Қаттиқроқ туртмасак эътибор қилмас.
Эшитган сари уларнинг ҳикоясини
Докторнинг юзини босди совуқ тер.
Тезроқ билсам-у, ниҳоясини,
Ишқилиб, кутганим бўлмасин, оҳ, дер.
—Ўғлингиз тўсатдан қаттиқ оҳ уриб,
Кўксини чангаллаб қолмасмиди ҳеч?
Тунлари ухлолмай инграниб чиқиб,
Кўзлари киртайиб қолмасмиди ҳеч?
—О, доктор, ҳудди шу аҳвол.
Сўрасангиз, ҳатто айтмас отини.
Бизни қўрқитманг, берайлик савол,
Ўғлимга не бўлган, айтинг ростини?
—Ўғлингиз йўлиққан ушбу оғир дард
Йўқолиб кетган, дея ўйлардим.
Икки мингинчи йиллардаёқ учрамай қўйган,
Билсам, аниғин сизга сўйлардим.
Тарихий, энг ноёб битикларда ҳам
Бу дарднинг келган фақат таърифи.
Давосин излаб тополмай ҳеч ҳам,
Ожиз қолган, ҳатто, жаҳон тарихи.
Бу дарднинг ягона яхши томони
Юқумли эмасдир, хавотир олманг.
Лекин касалликлар ичра ёмони—
Давоси йўғидир, хурсанд ҳам бўлманг.
Бизда ҳам бор шундай дардга чалинган,
Ҳамширамиз, бечора, аҳволи хароб.
Гўёки юраги юлиб олинган,
Савол бериб, тузук бир олмайсиз жавоб.
Эр-хотин баробар қаттиқ оҳ уриб,
Умидли кўзларин докторга тикди.
—Доктор, охирги умид, кўринг уриниб.
Хонага уларнинг ўғли ҳам кирди.
Ота-она ўғлининг қўлидан ушлаб,
Деярли судраб олиб киришди.
Бемалол ташхис қўйсин, деб ўйлаб,
Ташқарига бир зумга чиқиб туришди.
Доктор берган оддий бир савол,
Бечора йигитга етиб бормади.
Ўйланиб, тушунди, оғирдир аҳвол,
Умид сўндиришга ҳам кўнгли бормади.
Эр-хотин хонага қайтиб киришгач,
Уларга: "Ҳаракат қиламан", деди.
"Махсус даволаш курсин ўтамиз,
Хозирча ҳамширани чақирай", деди.
Чой олиб кирган ёш бир ҳамшира
Ўзга оламдан келгандек гўё.
Шу пайт ҳеч ким кутмаганида,
Йигит бошин кўтарди: тушми, ё рўё?!
Ҳамширага қараб юзи қизарди,
Қизнинг ҳам икки юзи лолазор.
Дунёдан қиммат бойлик топгандек,
Йигит: "Сизми?", деёлди базўр.
Ҳамшираҳам дунёни гўё унутиб,
Йигитнин бағрига отди ўзини.
Улар узоқ вақт бир-бирин қучиб,
Кўзлардан тушунгандек, айтган сўзини.
Доктор хитоб қилди жимликни бузиб:
—Табриклайман, сиз ҳам табрикланг!
Менимча, бу дарднинг давосин топдим!
Ўғлингиз бошини шу қиз-ла бирланг!
—Розимиз, барига розимиз, доктор!
Биз учун ўғлимиз соғайса бўлди!
Фақат айтинг, бу қандай дард ўзи,
Ҳамшира кирганда айтинг, не бўлди?
—Бу мен эришган энг катта ютуқ,
Қанча фахрлансам арзийди албат.
Бу— Ҳазрат Навоий, Шекспирларда
Таърифи келган ўша— Муҳаббат...
Фозил Муслим
@fozilmuslim
Менинг бир одатим бор. Ким қанақалигини ўзим учун билиб олмайман. Айтишадику, "Ҳа, фалончи бунақа экан, билиб олдим ўзим учун", " Фалончи бизга бундай кўрингани билан аслида бошқача экан, билиб олганим яхши бўлди", каби гапларни. Менда унақа одат йўқ. Ҳаммани борича қабул қилавераман. Шунга бўлса керак, кимнидир шахсан ёмон кўрмайман.
Одамларни доим тушунишга ҳаракат қиламан десам хато бўлади, қандайдир, ўзи тушунилиб қолади менда. Айтайлик, чўкаётганимда имконияти бўла туриб келиб қутқармаган одамни ҳам тушунаман. Йиқилаётганимда қўлимдан тутмаган одамни ҳам тушунаман. Ҳатто, ортимдан очиқча ёмонлик қилган яқин дўстим ҳам бор Кимнидир яхши кўрсам, қайтиб уни ёмон кўриб қололмайман.
Ўзимга шу ёқади. Шундай яшаш маъқул. Лекин ҳеч кимга тавсия қилмайман.
Хуш келдинг, эй, Рамазон!
Эй, намозлари қазо қилинмайдиган ой, Марҳабо!
Гуноҳларга жазо қилинмайдиган ой, Мархабо!
Жаннат эшиклари очиладиган,
Аллоҳнинг раҳмати сочиладиган ой, марҳабо!
Нафсга қарши курашиладиган,
Савобларни талашиладиган ой, марҳабо!
Гўзал хулқдан либос кийиладиган,
Ёмон сўздан тилни тийиладиган ой, марҳабо!
Дўст-душманни кечириш ойи,
Дил оғриғини ўчириш ойи, марҳабо!
Савобимизни оширган ой,
Қадр кечасини яширган ой, марҳабо!
Гуноҳлардан қорайган қалбимиз устига келдинг,
Гўдакдек пок бўлайлик кетганингда..
Рамазон муборак, биродарлар!
@fozilmuslim
Ўзингни ўққа-чўққа урма..
Ҳеч нимани бўйнингга олма..
Бировга ожизлигингни кўрсатма..
Барибир сени ҳеч ким тушунмайди!
@fozilmuslim
Баъзилар зинонинг асосий сабаби деб аёл кишининг очиқ-сочиқ кийинишини кўрсатишади. Турли ривоятларни мисол қилиб келтиришади, эшитгансиз сиз ҳам:
"Очиқ конфет ва қоғозга ўралган конфет турса, қайси бирини еган бўлардингиз?" каби ривоятлар. Албатта, бу ҳам сабаб, аммо, асосий сабаб эмас.
Аллоҳ Таоло Қуръонда аёлларга
"Мўминаларга айтинг, ...зийнатларини кўрсатмасинлар!" (Нур, 31) деб буюрди. Ва эътибор беринг, ундан олдин эркакларга буюрди:
"Мўминларга айтинг, кўзларини тийсинлар ва фаржларини сақласинлар" (Нур, 30)
Агар асосий сабаб аёлнинг очиқ-сочиқ кийиниши бўлганида, аёлларга буюрилган хижобнинг ўзи кифоя қилса керак эди, валлоҳу аълам.
Росулуллоҳ алайҳиссалом ҳам " Бир эркак ва бир аёл хилватда ёлғиз қолса, учинчиси шайтон бўлади", деганлар, кўпчилигимиз эшитганмиз. Эътибор беринг, "Агар аёл хижобда бўлса, қолиш мумкин", демаганлар, ёки "Эркак ўзининг нафсини жиловлаган, ўзига "уверен" бўлса қолаверсин", демадилар. Шариатимиз ҳар қандай ҳолатда ҳам, бир-бирига номаҳрам бўлган аёл ва эркакнинг заруратсиз мулоқот қилишларини ман қилади. Кўпчилик айтадиган ўралган конфет мисоли эса, кейинги ўринда.
Дунёвий, одамлар ўйлаб топган ҳар қандай қонунни олинг, у бирор жиноят содир бўлгандан кейин жазолашни кўзда тутади. Ислом эса, ана шу жиноятни қилишдан тўсади ва ҳатто, жиноят эҳтимоли бўлган шубҳали ҳолатларнинг ҳам олдини олади.
Аслида, бировники бўлган конфетга, у минг ўралган бўлсин, тегилмайди. Гап шунда.
@fozilmuslim
#Эътиқод
Мен ҳаракат қиламан, У беради.
Мен ҳаракат қилмайман, У беради.
Мен ҳаракат қиламан, У бермайди.
Мен ҳаракат қилмайман, У бермайди.
Демак, ҳаммаси Унинг ихтиёрида. Ҳаракат қилиш эса, менинг бурчимдир.
Telegram | Facebook | Instagram | YouTube
Ҳозир туриб-туриб бир нарсани ўйлаб қолдим. Бизга ҳар доим, ҳар қандай ҳолатда ибрат бўлишига имон келтирганимиз, суннатда мен олдин эътибор бермаган яна бир ибрат бор экан.
Ҳеч ўйлаб кўрганмисиз, бирор яхши амал қилган саҳобанинг исми, куняси тўлиқ келтирилади ҳадисларда. Аммо, хато қилиб кўйган саҳобанинг исми айтилмай, "Саҳобалардан бири" деб кетилади. Биз саҳобаларни фақат яхши ишлари билан номма-ном таниймиз, аммо бирор саҳобадан қандайдир хатолик ўтган бўлса, айнан кимдан бўлганини билмаймиз. Зўр, а? Гўзал одоб.
Илгари аҳамият бермаган эканман, эҳтимол, қарзи билан вафот этган, Росулуллоҳ жанозасини ўқишдан бош тортган саҳоба ҳам биз исмини танийдиган саҳобадир? Эҳтимол, Росулуллоҳ буюрганидай тепаликни қўриқлаб турмай, пастга тушиб кетган камончиларни ҳам танирмиз исмларини? Аммо, суннат бизга одамларни эмас, хатоларни ёмон кўришни ўргатади.
Росулуллоҳ хато қилган кишини, хато ишни кўрсалар, хатокорнинг исмини айтиб эмас, "Сизларга нима бўлдики, фалон-фалон ишлар қилинибди", деб умумий айтардилар. Бир кишининг хатосини юзига солмаслик, яхшиликларини зиёда қилиб кўрсатиш учун энг гўзал ибрат эмасми бу?
Бизга доим энг гўзал одобларни ўргатган, гўзал хулқларнинг камоли учун юборилган Ҳабибимизга салавот-у саломларимиз бўлсин! Бизни эса, суннатни ҳаётимизда тирилтирадиган умматлардан қилсин Аллоҳ!
Хуш келдинг, эй, Рамазон!
Эй, намозлари қазо қилинмайдиган ой, Марҳабо!
Гуноҳларга жазо қилинмайдиган ой, Мархабо!
Жаннат эшиклари очиладиган,
Аллоҳнинг раҳмати сочиладиган ой, марҳабо!
Нафсга қарши курашиладиган,
Савобларни талашиладиган ой, марҳабо!
Гўзал хулқдан либос кийиладиган,
Ёмон сўздан тилни тийиладиган ой, марҳабо!
Дўст-душманни кечириш ойи,
Дил оғриғини ўчириш ойи, марҳабо!
Савобимизни оширган ой,
Қадр кечасини яширган ой, марҳабо!
Гуноҳлардан қорайган қалбимиз устига келдинг,
Гўдакдек пок бўлайлик кетганингда..
Рамазон муборак, биродарлар!
@fozilmuslim
Радикализм ўзи нима? Бирор бир фикрга ёки умуман, исталган нарсага қарши кескин чоралар кўришга интилиш, деб олайлик, холислик учун.
Айтайлик, инсон яралганидан бери бор бўлиб келган умуминсоний тушунчаларга қарши кечагина пайдо бўлган қандайдир тоифалар қарши бўлиши радикализм эмасу, уларга қарши ўз фикрингни қўйишинг радикализмми? Бир ёқлама қараш қанчалик толерантлик ўзи?
Бу постда ўзимни ҳимоя қилмаяпман, шунчаки, холисликни хоҳлайман. Радикализм қандайдир аниқ фикрга асосланмайди. Исталган фикрни ёйиш учун кескин чоралар кўриш радикализм. Кимдир уни фақат исломга, мусулмонларга қарата ишлатишни бас қилмас экан, ўзи ҳам радикаллашаётганини унутмаслиги керак.
Энг яхшиси, шунчаки, ҳеч қандай шахсиятларсиз, фикрга фикр билан жавоб бериш. Юқоридаги постнинг бирор нотўғри деб билган жойингизни кўрсатинг, асослаб беринг, хато бўлса тўғирлай. Ҳар қандай мухокама учун очиқман. Фақат, сизга асослаб берилганда сиз ҳам қабул қила олсангизгина. Бўлмаса, баҳсдан ҳеч қандай манфаат бўлмайди.
@fozilmuslim
Шунақа бўлдики, жуда кўп ва катта муаммолар ичига тушиб қолдим. Реал қараса, ҳал қилишнинг имкони йўқдек кўринадиган муаммолар. Кўз олдим қоронғилашиб, кўнглимга ҳеч нима сиғмай юрдим. Қаттиқ тушкунлик. Доим ўйлаб юрагим сиқилиб, баттар тушкунликка ботиб боравердим.
Ва яна шундай ҳам бўлдики, ана шу муаммолар қаршисида турарканман, одатий ҳаёт тарзимни деярли ўзгартирмадим. Олдин қандай бўлса, шундай кун ўтқизавердим. Чунки, бирор нима қилганим билан иложи йўқ ишлар эди бари. Фақат дуоим, сабримгина бор эди. Дархақиқат, қўлимдан ҳеч нима келмади, аммо...
Аммо ҳеч нима қилмасам ҳам, у муаммолар кун ўтган сайин йўқола, ҳал бўла бошлади. Ҳал бўлмаганлари эса, муаммо сифатида аҳамиятини йўқота бошлади кун ўтган сари. Субҳаналлоҳ. Алҳамдулиллаҳ.
Янада имоним мустаҳкамланди, барча ишлар оламлар Роббисининг қўлида эканига. Ўз ҳолимизга ташлаб қўймаган Буюк Мураббийга чексиз ҳамдлар бўлсин!
Ba'zan xayolimizga bir fikr kelib qoladi:
"Shuncha yildan beri duo qilyapman, hech qabul boʻlmayapti".
Vaqt degan tushuncha bor bizning dunyoimizda. Alloh huzurida esa, vaqt degan narsaning oʻzi yoʻq. Yaʼni, duoimizmi Alloh qabul qilsa ham, u amalga oshguncha oʻtadigan vaqt bizning nazarimizda koʻp vaqt, Alloh nazdida esa, hech qancha vaqt emas. Tushunyapsizmi?
Muso alayhissalom Firʼavnning zulmidan ezilgan Bani Isroilning iltimosiga koʻra Firʼavnni badduo qildilar. Alloh "Duoingiz qabul boʻldi, endi siz solih amal qiluvchilardan boʻling", dedi. Eʼtibor bering, "Qabul qilinadi", emas, "Qabul qilindi", dedi.
Oradan qirq yil oʻtibgina Firʼavn va uning qoʻshini dengizda halok boʻldi. Qirq yil...
Kishi duo qilarkan, hech qanaqasiga duosi qabul boʻlmay qolmaydi. Yoʻq boʻlib ketmaydi duo. Allohdan biror nima soʻrasak, Alloh yo beradi, yo oʻshancha miqdorda yomonlikdan asraydi. Yoki qiyomatga olib qoʻyadi.
Qaysi birida duoimiz qabul boʻlmayapti?
Albatta qabul boʻladigan duoni yana ramazon oyida qilayotgan boʻlsangiz, kattaroq narsa soʻrang. Ehtiyot boʻlib soʻrang.
Balki uzoq umrdan koʻra, gunohlarimizning kechirilishi foydaliroqdir bizga? Uzoq umr davom etgan gunohlar bilan Alloh huzuriga borish...
Balki, mol-dunyo, ishlarimizning rivojidan koʻra qalb xotirjamligini soʻrashimiz kerakdir? Koʻryapmizku, "Muncha pulim boʻlsa yaxshi boʻlardi", deyapmiz. Ishlarimizga rivoj soʻrayapmiz. Shuncha pulimiz boʻlyapti, ishlarimiz rivoj topyapti, lekin yaxshi boʻlmayapti.
Soʻrang. Katta-katta soʻrang. Jannatlarni soʻrab oling. Zero, rahmati cheksiz Zotdan soʻrayapsiz!
Alloh barchamizning duolarimizni qabul qilsin.
@fozilmuslim
Tavakkul
—Qizim, yo'q demagin. Yigit juda ham aqlli, esli-hushli ekan. Kelishgangina, topish-tutishi ham yaxshi.
—Oyi, aytdimku, bo'lmaydi, deb. Men uchun xayrliga o'xshamayapdi. 3kecha istixora namozini o'qib Allohdan so'radim, biror belgi ko'rganim yo'q.
—Eeh, qizim-ey. Qanaqa belgi? Nimalar deyapsan o'zi? Sen bir uchrashib ko'r avval. Mayli, yoqmasa, yo'q deb yuboramiz.
—Alloh men uchun xayrli qilmagan kishi bilan uchrashishimdan nima foyda, oyi? Yo'q deb yuboring, iltimos, bizni ham o'zlarini ham behuda qiynashmasin.
Dilafruz bekorga bunday ishonch bilan gapirmasdi. Agar xayrli bo'lsa, Alloh belgi beradi, deb qattiq ishonardi. Bunday voqealar oldin ham ko'p bo'lgan: yangi uyga ko'chayotganlarida, hozirgi ishiga joylashganida... umuman, u har bir ish oldidan Alloh bilan "maslahatlashish"ni kanda qilmasdi. Shu paytgacha noto'g'ri yo'lga tushib qolgani yo'q, bundan keyin ham adashmasligiga qattiq ixlos qilgandi.
* * *
—Qizim, kecha kelganlar sal oddiyroq oila ekan, o'g'illari oddiy usta, hunarmand. Birdaniga yo'q deb yuborish noqulay bo'ldi. Nima deysan?
—3kundan keyin aytaman javobimni, oyi.
—O'zimga sal yoqmayroq turibdida shu...
Dilafruz indamadi. Shu kech odati bo'yicha ixlos bilan istixora namozini o'qib, astoydil duo qilib so'radi. O'rniga yotib, uxlab qolgunicha salovatlar aytib yotdi....
* * *
—Oyi, anavi hunarmand borku... o'shanga rozilik berib yuboravering...
—Nimalar deyapsan? Qanday joylardan kelmadiya, sovchilar?! Oddiy hunarmandga beramizmi?
—Oyi, men Allohga tavakkul qilib qo'yganman, U Zot O'ziga ishonganlarni tashlab qo'ymaydi!
* * *
To'y o'tdi. Kuyov bola rizqini halollab topadigan oddiy usta yigit edi. To'ylaridan keyin ishlari yurib keta boshladi, qisqa vaqtda to'y xarajatlari uchun olgan qarzlaridan ham qutulib, ancha ro'zg'orini butlab oldi. Onasi Dilafruzni o'zgacha ardoqlar, "Kenja kelinim, qutlug'qadam kelinim", deya boshiga ko'tarardi. Vaqt o'tib, birin-ketin farzandlari ham dunyoga keldi. Dilafruz o'zini juda ham baxtli his qilardi. Namozlarida, duolarida, shukr qilishni kanda qilmasdi:
"Allohim, O'zingga shukr, adashtirmading!"
Fozil Muslim
Мўмин киши ҳаётининг ҳар қандай кунларида, ҳатто, мусибатли кунларида ҳам ютуқда бўлади— агар шукр қилса, ҳамд айтса.
Бошимга бир мусибат келди.
Тарк қилган амалларим, сўзлаган ёлғонларим, қилган гуноҳларим учун Аллоҳ дунёнинг ўзида жазо бериб, мусибат юборди. Алҳамдулиллаҳ.
Аллоҳ бир бандани яхши кўрса, қилган гуноҳларининг жазосини дунёда бериб, охират учун поклаб қўяди. Карийм Аллоҳ бир бандани икки марта— ҳам дунёда, ҳам охиратда жазолашдан пок Зот.
Ёки, Ундан узоқлашиб кетганман. Мусибат сабаб, Аллоҳга ёлворишим, дуо қилишим, хайрли амалларни кўпайтиришим учун мусибат юбориб қўйди. Алҳамдулиллаҳ.
Аллоҳ бир банданинг умидсизликка тушмай дуо қилиб, ҳожатларини Ўзидан сўрашини яхши кўради. Алҳамдулиллаҳ.
Ёки, имтиҳон. Бу ҳам Ўзига қайтишим учун. Оламлар Тарбиячиси бўлган Робб мени тарбия қилиш учун имтиҳонлар, синовлар юборди. Бу билан даражамни кўтармоқчи. Иймонимнинг мустаҳкамланишини ирод қилган. Алҳамдулиллаҳ.
Алҳамдулиллаҳ, ҳар қандай ҳолат учун.
"Қўрқманглар, маҳзун ҳам бўлманглар, ўзингизга ваъда қилинган жаннат Хушхабарини қабул қилинглар!" (Фуссилат, 30)
Жума муборак,
@fozilmuslim
Бирдан ярқ этиб чақнади фикр. Алҳамдулиллаҳ!
Энг яхши кунлар ширин хотираларда. Мияни аччиқ хотиралар билан тўлдиришнинг ҳеч кераги йўқ. Ширинлари қолаверсин. Эслаганда юзга табассум югурсин.
Бир кун барибир бўлиши керак бўлган, бўлиши тўғри ва ҳатто, бўлиши яхши бўлган иш бўлган бўлса, яна нима муаммо?! Барибир ҳаммамизнинг қодадиган энг охирги ўрнимиз — хотираларда.
Ҳа, муаммо бизнинг муаммога бўлган муносабатимизда. Тушундимки, муаммо деб қаралса, бахт ҳам муаммо. Аксинча ҳолда, бахтсизлик ҳам муаммосизлик. Қизиқ, а?
Тўғри, айрилиқ ҳар қандай ҳолатда хам энг ёмони. Лекин, уни эслаб табассум қиладиган кишингиз бор бўлишидан яхшироқ нима бор?! Шу яхши босиб кетмайдими, ёмонинг ўрнини?
Ҳа, айтганча, Кимдир бахтли бўлиши керак бўлади. Ўзини эҳтиёт қилиши, ҳаммаси учун раҳмат деяётганимни ҳис қилиши керак Кимдир.
Синовга тўлса ҳам ҳаётим,
Оромим олсинлар, ҳа, майли..
Лозимдир мен шуни айтмоғим:
Ишқингда Мажнунман, Сен Лайли!
...
Адашган эканман. Йўқ, ё адашдим, ё ўзгардим. Ҳар ҳолда, ким қанақалигини ўзим учун билиб олдим. Ким менга қандай кўрингани билан аслида қандайлигини билиб олдим. Ёмон кўрадиган одамим бор.
Энди.
Ҳозир бирдан эсимга тушиб қолди ва уни шу ерга ёзгим келди.
Ушбу воқеа бир неча йиллар аввал, ёш болалик пайтларимда бўлганди. Омон-омон даврлар, масжидларда нафақат толиби илмлар, балки ёш болалар ҳам Қуръондан таълим олиши мумкин бўлган даврлар эди. Мен бир ёш қори акадан дарс олардим. Талаб қаттиқ бўлсада, тартиб оддий эди: ҳар бир сурани аввал устоз ўзлари ўқиб берар, кейин кетларидан оятма-оят қайтарардим, сўнгра ўзим ўқирдим. Шундан кейингина ёдлаш учун уйга вазифа қилиб бериларди. Мен хафта давомида мактабда бўлардим, фақат шанба-якшанба кунларигина масжидга бориб, берилган сураларни топшириб, янги вазифа олиб қайтардим.
Қуръон ўқиш-ёдлашга, тенгдошларимдан ортда қолмасликка жуда тиришиб ҳаракат қилардим. Бир сафар берилган вазифани хафта давомида вақтидан олдин ёдлаб бўлдим ва араб ҳарфларини танишимдан фойдаланиб, ўзим мустақил кейинги сурани ўқиб, ёдлаб келдим. Устозимнинг мендан ташқари ҳам мен қатори ёш шогирдлари кўп, сезмайдилар, билсалар ҳам тиришқоқлигим учун мақтов эшитсам керак, деган хаёлда эдим. Аниқ эсимда, мустақил ўқиганим Мутаффифин сураси эди. Суранинг ичида қуръондаги бошқа ҳеч қайси сурада учрамайдиган ҳодиса бор эди. 14-оятда "Калла бал" калимасидан кейин бир лаҳза сукут сақланади. Мен эса ўша сукунга риоя қилмай, одатий сукунга риоя қилган ҳолда ўқиб, ёдлаб бўлгандим.
Устозимга топширар пайтда "Бу сурани ҳали ўқимагандик, шекилли?", дедилар. Мен қизариб, "Ўзим ўқиб ёдлаб келгандим", дедим. "Қани, ўқи-чи", дедилар ва ёддан ўқий бошладим. Устоз билан ёнма-ён, тиззам тиззамга тегиб ўтирардик. 14-оятга келганда тўхтатиб, тиззамнинг тепасидан сиқиб, қаттиқ урушиб бердилар. Мен оғриқдан йиғлаб юбордим. Ҳайрон эдим одатда, хато қилсам ҳам бунчалик қаттиқ сиқмасдилар. Ўшанда тушунмаганман, ҳозир, ҳозиргина эсимга тушгач, тушуниб қолдим.
Ҳа, Қуръонни ўрганиш ва ўргатиш— катта омонат. Асрлар мобайнида аҳли илмлар, ҳофизи қуръонлар бу омонатга қаттиқ риоя қилиб келишган. Ҳатто, ҳозирги кундаги ҳар бир қорининг устозлар силсиласи, ўрганган санади албатта саҳобаларга, Пайғамбаримиз алайҳиссаломга, Жаброил алайҳиссаломга ва Аллоҳга бориб етади.
Эҳтимол, шундай қаттиқ омонатдорлик сабаб Қуръонга бошқа илоҳий китоблар каби ўзгариш киритила олмай келинаётгандир...
Эҳтимол, Аллоҳ "Албатта, зикрни Биз нозил қилдик, ва албатта, Биз уни муҳофаза қилгувчимиз", (Ҳижр, 9) деган ваъдасини шу тариқа амалга ошираётгандир...
Буларнинг бари шунчаки ҳозиргина хаёлимдан ўтиб қолди, узунгина пост учун маъзур тутасиз..
@fozilmuslim
Улғайганингни, гуноҳларинг кўпайиб, Аллоҳдан узоқлашиб бораётганингни, қалбинг қорайиб, қотиб кетаётганини ва ҳоказо, нимадан биласан?
Энди Онанг сендан жаҳли чиқмайди. Энди Онанг сендан хафа бўла бошлайди..
Кечир, Аллоҳ..
Кечиринг, Она..
"Янги йил барака олиб келсин", деманг. Янги йилнинг қўлидан ҳеч нарса келмайди.
"Аллоҳ, янаги йилда барака бер", денг. Аллоҳ ҳар нарсага Қодир Зот.
Атрофингда бир атроф яқинлар. Аммо ўзингни мутлақ ёлғиз ҳис қиласан. Хафа бўласан ўзингча. Рост-да, ёрилиб, енгиллашмасанг, нимаси яқин уларнинг?
(Кўнглингни узолмасанг, нимаси узоқ уларнинг...)
Қалбинг оғрий бошлайди. Бу оғриқдан ҳузур оласан. Маза. Қанийди, доим оғриса... Ўзингча кашф қиласан: "Қалб ўзи доим оғриб туради. Ёки умуман йўқ бўлади. Қалбинг оғрияпти. Демак у бор."
Сермулозаматлиликни, сохта мулозаматни ёмон кўраман. Ёлғондан "Юринг уйга", дейиш, "Ўтирсангиз бўларди", деб алдаш, Уй-ичлари-ю, ишлари жойида жойидамаслигига қизиқиш менга умуман хос эмас.
Уйда кутишга шароит бўлса, таклиф қиламан, меҳмон кетишга ҳаракат қилса, қолинг деб ошиқча қистамайман. Сўрашганда фақат ўзидан сўрайман. Суҳбат мавзуси бурилмаса, оиласи-ю, ишларини сўрамай қўяқоламан.
Қандай қилиб Ўзбекистонда яшаяпман, аниқроғи, яшай оляпман, янаям аниқроғи нега мени ҳалиям тошбўрон қилиб юборишмади, ҳайронман. :)
Твиттерда ҳаммаёқни бошига кўтарган журналист аёл билан @javharuz нинг баҳсини кўргандим. azon.uz да шу баҳс тўла ҳолда чиқарилибди.
Ташқаридан келиб олиб дунёга бизни қора қилиб кўрсатаётган, умуминсоний қадриятларнинг парчаланишини негадир қаттиқ хоҳлаётган касни чиройли суратда фош қилиб, боши берк кўчага киритиб қўйиптилар @javharuz.
https://azon.uz/content/views/twitter-da-azon-uz-muhbiri-al-jazeera-mu
Сен демократик республикамиз, дейсан, лекин сериаллар менталитетимизга зид, ҳам дейсан.
Сен демократияни талаб қиласан, лекин жамиятдаги синфий озчиликни таъқиб қилишда, хақорат қилишда биринчисан.
Сен демократия-демократия дейсан, "уни тақиқлаш керак, буни тақиқлаш керак", деган гапларни ҳам тез-тез айтиб турасан.
Тушун, демократия сенга тўғри келмайди.
Тушунақол, демократия дегани жуда яхши нарса эмас, аслида.
Ишонмайсанми?
Қонунни бузмаяпти, деган сабабдангина бирор номаъқул ишни қилиб юрган одамга танбеҳ беролмаслигинг, ўз болангга тарбия беришда кези келганда қаттиқ гапиролмаслигинг, ўн саккиз ешдан кейинку, боланг сенинг айтганингни қилмаслиги ҳам мумкинлиги, ТВда эрта-ю кеч бериладиган бемаъниликларга твни ўчириб қўйишдан бошқа чоранг йўқлиги— мана шулар демократия. Айтчи, шуни ҳавас қиляпсанми?
Жамиятда инсон хуқуқлари деган чиройли шиорлар билан фаҳшни ёқлаб чиқувчилар учраса, у ҳам майли, уларга қарши бирор бир ишни қилолмаслигинг, қилсанг фикр эркинлиги ортига яширинган, аслида инсонийлик чизиғининг уёғида бўлган қандайдир тутуриқсиз қонунни бузиб қўйишинг мумкинлиги— шуни ҳавас қиласанми?
Бугун эмас, эртага, ёки индинга қонунни бузмай, ўғлинг билан бир синфда хаворанглилар, қизинг билан бир синфда яна алламбалолар ўқиши, шу керакми ахир? Ҳа, оз қолди, бу кетишда.
Аёл киши, эрининг кўзини қувнатиши керак бўлган, эрининг розилиги билан жаннат калитини деярли нақд қилиб олган, уйдан беҳуда, заруратсиз кўчага чиқмаслиги керак бўлган аёл киши "Нега эрим ишласа, мен уйда ўтиришим керак?", "Нима, эрим хўжайинми менга?", каби гапларни айтса, бошингни қандай кўтариб юрасан? Бу энди эртага эмас, бугун ҳам учраб турипти.
Ҳа, демократия шу. Ҳа, бу йўлнинг охири шу. Балки, бошқа йўлдан юриш керакдир? Доим айтиб келганман, тўғри йўл эмас бу.
@fozilmuslim
Ҳаммасига чидашим мумкин. Бемалол чидайман, ҳатто. Аммо...
Онамнинг кўзидан томчи ёш оқишига чидолмайман.
Чидолмайманим нимаси. Томчимас, хўнг-хўнг йиғласалар нима қилоляпман жа чидолмай?
Қанақа фарзанд бўлдимки...