27011
💰Реклама:👉 @almmedia 🕵️Мурожаатнома): @Moriarty_professor 😎 Жаннатмакон каналим:👉 @Zafarello
Араб амирликларида қотиллик қилганларни оқламанг!
3 та ўзбек битта яҳудий раввинни ўлдирганини, унинг учун ўлим жазо олганини кўплар қаҳрамонлик деб қабул қилаётир. Бу жуда ачинарли, эмишки, Фаластинда яҳудлар қанча одамни ўлдирди, битта яҳудийни ўлдирганига шунча зулм эмиш!!
Биринчидан, бу қотиллик Араб давлатида юз берди. Агар еврейларни кимдир ўлдириши керак бўлса, у биринчи навбатда арабларнинг ўзи бўлиши керак. Чунки Фаластиндаги ўлаётганлар ҳам араблар, араб тилида гаплашади. Лекин, у раввинни ўлими айнан ўзбекларга керак бўлгани, бу биздаги тоқатсизлик ва нафратнинг чўққисига чиққанидан далолат. Бу раввинни ўлимини оқлаш учун баъзилар у жангари бўлган деб фейк тарқатяпти. Йўқ биродарлар, у бор йўғри раввин, яъни дин соҳаси ходими.
Иккинчидан, бу қотиллик расман Амирликлар томонидан террористик акт деб эътироф этилди. Бу эса жуда жиддий сиёсий оқибатга эга бўлган ҳодисадир. БАА ўзини энг тинч жой ва инвестиция, туризм учун энг қулай давлат сифатида гавдалантиради ва бу имиджни илгари суриш учун йилига миллиардлаган доллар сарф қилади. Бу кабий сиёсий қотиллиқ эса, уларнинг мана шу иши учун, мамлакат барқарорлиги ва иқтисоди учун жуда қаттиқ зарба. Улар бу қотиллиқни ҳеч қачон кечирмайди ва тўғри қилади. Шу имиджи учун ҳам еврейми, хитойми, ҳиндми бемалол эмин-эркин яшаб юрибди бу мамлакатда. Айтганча, БААда алоҳида бағрикенглик вазирлиги бор, одамлар, миллатлар ва динлар орасидаги илиқ муносабатларни қўллайди, бутун бошлиқ вазирлик. Давлат эса шу сиёсати орқасидан бойиган, бойимоқда.
Учинчидан, бу қотиллиқ орқасидан ўзбекистонликлар бўйича жуда ёмон фикр шаклланди. Ҳар бир учиб бораётган самолетдан одамлар орқага қайтарилмоқда, сал шубҳа қилса тамом, сўраб ўтиргани йўқ. Чунки давлатини тинчлиги керак ҳаммага, террорчи ўзбек келиб яна бир бало қилса, унда яна мамлакат ижтимоий-сиёсий барқарорлигига таъсир қилади. Ўзбекларнинг бундай имиджи эса бизга яна қимматга тушди, яна тушади. Биз билан ҳамкорлиқ қиламан деганлар ўйлаб иш қиладиган бўлади. Шу Амирлик давлатининг ўзи Ўзбекистонга охирги йилларда 20 млрд доллар инвестиция киритган. Хўш, нима наф бизга бу ўлимдан? Яна четга чиқиб қолишимиз керакми? Хитой ёқмаса, ҳинд ёқмаса? Қани биздаги озгина бўлсада толерантлик? Қолаверса, одам ўлдиришни ҳеч қачон оқлаб бўлмайди, инсонни жонини олиш, қотиллиқ қилиш бу жоҳилликдир, ҳайвонийликдир.
Оламда юз бераётган адолатсизликлар жуда кўп, асрлар давомида бўлиб келяпти, яна давом этаверади. Лекин ўзингча адолат ўрнатаман деб, қайсидир миллат учун, шу миллат аъзосини куппа кундуз куни ўлдириш – бу аҳмоқлик ва буни қўллаётганлар ҳам бизга зарарлидир. Қотиллик жазоси билан бўлади. Шуни араблар таъминлаяпти холос.
👉 @Zafarbek_Solijonov
Қора туйнук ичида вақт ва макон жуда кучли эгилади, бу эса ғалати ҳодисаларга олиб келади.
Унинг ичига кирган нарса ташқарига чиқа олмаганидек, ёруғлик ҳам қайтолмайди. Назарий жиҳатдан, қора туйнук марказига яқинлашган кузатувчи ташқаридаги келажакни тезлаштирилган ҳолда кўриши мумкин. Чунки тортиш кучи вақтни шунчалик секинлаштирадики, ташқаридаги воқеалар унга жуда тез ўтаётгандек кўринади.
Тўлиқ видеога ҳавола:
https://youtu.be/evCsuPa2IcM?si=Fy-l8iLX9U60W0da
Инстаграмимга янги видео қўйдим. Комментларда қўллов кутаман. Тунги вақтда компютерхоналарда рейдларда қўлга тушаётганлар ҳақида.
👉 Инстаграм саҳифам
@Zafarbek_Solijonov
Агарда фильмларга қизиқмасангиз ҳам, “ўзбек фоҳишаси ҳақидаги фильм” деган шов-шувларни эшитган бўлишингиз аниқ. Анора филми атрофида тарқалган гап-сўзлар кўпчиликнинг қизиқишини ўзига тортди.Баъзилар эса бундан ғазабланди. Кимдир ҳақиқатни билиб олди, кимдир эса ҳануз нотўғри тушунчага эга. Хавотир олманг, чунки Анора ўзбек қизи эмас. (Аслида у қиз ҳам эмас.)
Сусамбил жамоаси ушбу мавзуни тўлиқ ёритиш мақсадида "Anora" фильмига бағишланган махсус сон тайёрлади. Жуда зўр таҳлил чиқибди! Сиз ҳам кўриб чиқишингизни тавсия қиламан.
Ҳавола эса мана бу ерда:
https://youtu.be/wGehh9vgsEU?si=cNJMqmD_4ItSx_Ku
👉 @Zafarbek_Solijonov
Вау! Ишониш қийин. Яқинда Қурултой подкастининг “Ислом даври адабиётида турк мифологияси”га бағишланган махсус сонини кўриб чиқдим. Ҳақиқатдан ҳам ҳайратда қолдирадиган маълумотлар жуда кўп экан!
Масалан, сиз “исириқ” сўзининг асл келиб чиқиши ҳақида билармидингиз? Ёки, эснаганимизда катталар нега “оғзингга шайтон кириб қолади” дейишганининг сабабини-чи? Булар шунчаки урф-одат эмас, балки минг йиллик мифологик қарашлардан келиб чиққан анъаналар экан!
Хўш, сиз эшитган ҳамма нарса фақат Ислом дини билан боғлиқми? Ёки ундан аввалги эътиқод ва афсоналар ҳам бугунги кундалик ҳаётимизда яшаб келадими?
Бу ва бошқа саволларга жавобни Қурултой подкастининг шу сонида топасиз. Ишонаверинг, ўйлаб қоладиган жойлари кўп!
🎧 Тўлиқ подкастни шу ҳавола орқали томоша қилинг:
https://youtu.be/aGXOGgtW1DY
200 нафардан ортиқ эрта туғилган чақалоқ ҳаёти сақлаб қолинди
Барча ота-оналар фарзандининг ўз вақтида ва соғлом туғилишини хоҳлайди. Аммо, баъзида бола ўз вақтидан олдин туғилишга шошилади.
Бундай ҳолатда чақалоқ ҳаёти кувёз инкубатори ёрдамида сақлаб қолинади.
Олий Мажлис ҳузуридаги Жамоат фонди томонидан ажратилган давлат ижтимоий буюртмаси доирасида “Меҳр-шафқат ва саломатлик” фонди Қашқадарё вилояти бўлими вилоят Она ва бола маркази ҳамда Болалар кўп тармоқли тиббиёт марказига 10 дона кувёз аппаратини тақдим этди.
Ушбу аппаратлардан вилоятда кам вазнли ва чала туғилган чақалоқларни парваришлаш ҳамда улар ўртасида перинатал ўлим ҳолатларини камайтиришда фойдаланилмоқда.
Бугунги кунга қадар 200 нафардан ортиқ муддатидан олдин ва кам вазн билан туғилган чақалоқларга юқори технологияли тиббий хизмат кўрсатилди.
👉 @Zafarbek_Solijonov
Асакабанк коррупцияга қарши муросасизлигини билдирмоқда
Асакабанк томонидан 19-20 март кунлари Наманган банк хизматлари марказида "Асакабанкда коррупцияга қарши муросасиз кураш — тоза бизнес ва ишончли молиявий муҳит йўлида" мавзусида амалий чора-тадбирлар ўтказилди.
Тадбирда Наманган шаҳар прокуратураси ҳамда Марказий банк масъул ходимлари иштирокида банкда очиқлик ва шаффофликни таъминлаш масалалари муҳокама қилинди.
Бундан ташқари, Наманган вилоятидаги махалла банкирларига Асакабанк томонидан коррупцияга қарши курашишга оид ҳужжатлар жамланмасидан иборат қўлланмалар тақдим этилиб, тегишли тушунтиришлар берилди.
👉 @Zafarbek_Solijonov
Ўзбекистон ички сиёсати билан боғлиқ кўп ишларни кузатаман. Ўзимча хулосаларам қиламан. Энди шулар ҳақида кузатувларимниям улашиб турмоқчиман. Охирги вақтлар диққат билан кузатаётган воқеа — собиқ Қишлоқ хўжалиги вазири Азиз Воитов кейси бўляпти. Воитов янги даврда карьерасида сакраб-сакраб кетаётган ёш кадрларданиди. СҚБга раис, инвестиция вазири биринчи ўринбосари, кейин Ўзбекистондаги энг катта соҳа — Қишлоқ хўжалигига вазир бўлди.
Бироқ нимадир асосий сабаб бўлди-ю, ёш кадрдан воз кечворишди. 2023 йил Умрзоқов Президент Администрацияси раҳбарлигидан кетиши билан у ҳам вазирликдан олинди, сал ўтмай қўлга олингани хабариям тарқади. Баъзилар ўша вақтда таъсири тобора ортиб бораётган Умрзоқов жамоасини кучсизлантириш мақсад қилинганини таҳмин қилади. Айримлар эса коррупцияга қарши курашишда ўндан ортиқ мансабдор қўлга олинганда рўхатга уям кириб қолган дейди. Лекин ҳозирча "қалами синиши"га асос бўлган бу сабабни билолмасак керак.
Аввалига растрата ва мансабини суистеъмол қилиш айбловлари қўйилган бу шахсларга кейинроқ жиноят кодексининг ўндан ортиқ моддаси билан (электр, иссиқлик энергияси, газ, водопроводдан фойдаланиш қоидаларини бузишгача) айблар қўйилгани маълум бўлди. Суди бошланиши билан қизиқ ҳолатлар кузатила бошлади. Президент фармони бўйича коррупцион ишлар бўйича суд мажлислари онлайн узатилиши керагиди. Антикоррупция агентлигиям шуни сўради. Бироқ адвокатлардан бири журналистлар орасида "хорижлик агентлар" бўлиши мумкинлигини айтиб, уларга суд жараёнини ёритишни тақиқлашни сўради.
Кейинги мажлисда журналистларга фото, видео, аудиоматериал олиши тақиқланди. Сал ўтиб судни ёпиб қўя қолишди. Аксар адвокатлар жараёнлар очиқ кўрилишини сўраганди. Бироқ ишни ёпиқ кўришни сўраган адвокат нимани кўзлади, нега бу илтимосномани киритди, ўз хоҳиши билан бўлдими, нима учун айнан унинг мижозига тегишли қисм ёпиқ кўрилмади, ҳалиям шу саволлар менга қизиқ.
Кейин Азиз Воитовнинг айблов хулосаси тарқади. Воитовга нисбатан қўйилаётган айбловларнинг бир қисми унинг “Ўзсаноатқурилишбанк” АТБ бошқаруви раиси сифатида ишлаган давригаям боғлиқлиги маълум бўлди. Талон-торож қилинган кредит маблағлари, бюджет пуллари ҳамда давлат манфаатларига етказилган зарар миқдори 200 млрд сўмдан ошиқ дейилди. Айблов хулосасида Воитов бу ишларни асосан курсдоши, қайнотаси ва бошқа яқинлари орқали қилгани келтирилган.
Аммо Воитов юқоридаги айбловларни қисман тан оляпти. Ҳатто бир фирмада қайнотаси таъсисчи бўлганини терговда билганини таъкидлаган. Айблов хулосада яна бир қизиқ жойи бор: кўрсатмасида вазир лавозимида ишлаган даврида “Ўздонмаҳсулот” АКга қарашли бинони бош вазир ўринбосари Жамшид Хўжаевнинг рухсати билан демонтаж қилганини, унга ишонганидан чуқур афсусдалигини маълум қилган. Яқинда бу иш бўйича биринчи инстанция суди ҳалиям давом этаётгани, апеляция ҳақида гап йўқлиги айтилди. Жараёнларга Бош вазир ўринбосариям жалб қилинганмикан? Саволлар жуда кўп. Бироқ Воитов тепадан чиқарилган "ҳукм"га розимаслиги кўриняпти. Қизиқ жараён.
👉 @Zafarbek_Solijonov
☢️ Технопловнинг сўровномасида дастлабки 1400 та одамнинг 87% радиацияни хавфли деган. Улар яқинда шок бўлиши ҳам мумкин, чунки Технопловнинг ЯНГИ ВИДЕОСИДА сиз қуйидаги саволларга жавоб оласиз:
• Нега уйдагиларингизни ҳар қучоқлаганингизда сиз радиацияга чалинасиз?
• Бананларни Атом Электростанцияси учун ёқилғи сифатида ишлатса бўладими?
• Овқатимиз радиоактивми?
• Қандай қилиб радиацияга чалиниб ўлиб кетмаслик мумкин?
• Радиация орқали Ҳалкка айланиш иложи борми?
• Радиациядан қандай ҳимояланиш мумкин?
👉 @Zafarbek_Solijonov
Сенат раиси Танзила Норбоева Гарвард университети ва Массачусетс технология институти магистрантлари ҳамда докторантлари билан учрашди😎
Манба
👉 @Zafarbek_Solijonov
2024 йилгача фақат Хитойликлар Ўзбекистонга визасиз кириш имконига эга эди. Бу, албатта, иқтисодий ҳамкорликни янада мустаҳкамлаш учун яратилган имконият эди. Лекин 2025 йилдан бошлаб Ўзбекистон фуқаролари ҳам Хитойга визасиз кириш ҳуқуқига эга бўлишмоқда! Бу қандайдир кичик ўзгариш эмас, балки минтақавий иқтисодий алоқаларнинг янги босқичи дейиш мумкин.
Бироқ, шундай қулай шароитлар пайдо бўлган бир вақтда, ижтимоий тармоқларда Хитойга нисбатан ишончсизлик кучаймоқда. “Уларни қувиб чиқариш керак!”, деяётганлар ҳам бор. Нима учун? Сабаб нима?
Шу саволларга “Қурултой” жамоаси жавоб топишга ҳаракат қилди. Подкастда тарихий фактлар, иқтисодий таҳлиллар ва энг муҳими, холис ёндашув бор.
Мазкур мавзу сизни қизиқтирса, мана шу ҳаволани босиб, подкастни кўринг!👇
https://youtu.be/JznCuTL8_m0?si=1sbutEtE1Fi5etqm
Ўзбекистон жаҳон парламентаризмининг марказига айланади😎
2025 йилнинг 5-9 апрель кунлари 190 та мамлакатни бирлаштирган Парламентлараро Иттиффоқнинг энг йирик халқаро тадбири – 150-юбилей Ассамблеясига Ўзбекистон мезбонлик қилади.
Бундай тадбир Марказий Осиё давлатлари тарихида илк бор бизда ўтказилмоқда.
“Ижтимоий тараққиёт ва адолат учун парламент ҳаракати” мавзусида ўтказиладиган Ассамблеянинг туркум йиғилишларида бутун дунё парламент делегациялари томонидан:
✅Аҳолини ижтимоий ҳимоя қилиш ва камбағалликни қисқартириш;
✅Қонун устуворлигини таъминлаш;
✅Инсон ҳуқуқларини ҳимоя қилиш;
✅Гендер тенгликни таъминлаш;
✅Илм-фан, технологияни ривожлантириш ва ёшларни қўллаб-қувватлаш каби долзарб масалар муҳокама қилинади.
👉 @Zafarbek_Solijonov
Қўшнилар билан алоқаларни яхшилашда давом этиш керак. Барча соҳада ҳамкорликни ривожлантириш куни келиб натижа беради. Президент ёрдамчиси Саида Шавкатовна Қозоғистон давлат маслаҳатчиси Ерлан Карин билан учрашди.
Учрашувда апрелда бўлиши режалаштирилган "Марказий Осиё — Европа Иттифоқи" саммити ва Орол маданият саммитига тайёргарлик муҳокама қилинди. Режалар белгилаб олинди. Шунингдек, ижтимоий платформаларни тартибга солиш бўйича тажриба алмашишга ҳам келишиб олишган.
👉 @Zafarbek_Solijonov
Сенат раиси: Омбудсман тизимли муаммоларни чуқур таҳлил қилиши лозим!
Олий Мажлис Сенати раиси Танзила Нарбаева ялпи мажлисда Омбудсман фақат мурожаат қабул қилиш билан чекланмаслиги кераклигини таъкидлаб, қатор масалаларни ўртага ташлади:
“Агар одамлар доим бир хил муаммо билан мурожаат қилаётган бўлса, демак, қонунларда бўшлиқ бор ёки унинг ижроси суст. Балки масъуллар ўз ишига лоқайд қараётгандир?”
Дунёнинг турли бурчакларидан келган парламент аъзолари, сиёсий лидерлар ва экспертлар бир жойга тўпланмоқда. Тошкент сиёсий марказга айланяпти😎
Парламентлараро Иттифоқнинг 150-ассамблеясига ҳозирда халқаро делегациялар келмоқда. Муҳим мавзулар муҳокамага тайёрланмоқда. Тошкент эса янги имкониятлар эшигини очмоқда.
Биргаликда кузатамиз!
👉 @Zafarbek_Solijonov
Жигарим Фируз Аллаев ёзмоқда:
"Охирги вақтда кузатиб, ўзим учун яна бир бор тасдиқлаган нарсам, кўплаб инсонлар нима хоҳлашини билмайди. "Сиз нима хоҳлайсиз?" деган савол одамларни шошириб қўяди. Шу савол берилганда кўпинча турли хил мужмал жавоблар бошланади. "Йўқ, аслида нима хоҳлайсиз" деган савол бўлса жуда кўп инсонни қотириб қўяди.
Жуда кўпчилик ҳаётда ҳақиқатдан нима хоҳлашини билмайди. Нима учун хоҳлаши у кейинги даража. Хоҳлагани унга нима бериши ҳам.
Хулосам шуки, кўпчилик ҳаётда умумий ҳам, кўплаб эпизодларда ҳам нима хоҳлашини билмайди. Билганлар ҳам уни аниқ ва тиниқ ифода этишга қийналади".
👉 @Zafarbek_Solijonov
Футболга “масхарабоз”лар нега керак?
🎬 Видеони кўриш
👉 Мақолани ўқиш
Расмий саҳифаларимизга обуна бўлинг:
RASMIY | LIVE | SPORT | FM | ENGLISH
Коррупциядан холи ҳудуд – шунчаки шиорми ёки реал мақсад?
Қорақалпоғистоннинг Тўрткўл туманида Сенат Раиси Танзила Нарбаева бошчилигида Коррупцияга қарши курашиш миллий кенгашининг сайёр мажлиси бўлиб ўтди. Акмал акаям ўша ерда эди.
Коррупцияга қарши кураш бўйича реал ҳолат ўрганилди. Ҳужжатларда барқарорлик кўрсатилган бўлса-да, амалда ички ишлар, соғлиқни сақлаш ва таълим тизимларида жиддий муаммолар борлиги маълум бўлди. Айрим раҳбарлар қонуний чоралар ўрнига қуруқ ҳисоботлар билан кифояланиб келаётгани ҳам қайд этилди.
Натижада Тўрткўлни “коррупциядан холи ҳудуд”га айлантириш режалаштирилди. Ишга масъул идораларга аниқ топшириқлар берилди. Энди ҳамма бир ёқадаг бош чиқарсагина, реал натижага эришишимиз аниқ.
Манба
👉 @Zafarbek_Solijonov
Нима деб ўйлайсиз, ногиронлиги бўлган инсонлар қайси соҳаларда ишламоқда ва уларнинг маоши қанча?
Ногиронлиги бўлган инсонлар қандай шароитда ишлаб келмоқда, уларнинг ишга кириш имкониятлари ҳақида ҳеч ўйлаб кўрганмисиз? "Рақамли воситалар орқали жамоатчилик назорати" лойиҳаси айни шу масалага эътибор қаратиб, таҳлилий материаллар эълон қилаётган экан.
Тошкент шаҳрида 2024-йилда 1500 дан ортиқ ногиронлиги бўлган шахслар иш билан таъминланган бўлса-да, уларнинг аксарияти кам ҳақ тўланадиган ишларда меҳнат қилмоқда.
Айниқса, аёлларнинг иш билан таъминланганлик даражаси паст: улар асосан фаррошлик, тикувчилик ва бошқа шу каби вазифаларда ишламоқда.
Бу мавзуда яхши мақола тайёрланибди. Мақолада қанча одам умуман даромадсиз ишлаётгани, ўртача иш ҳақи миқдори қанчалиги ва ҳудудий номутаносибликлар ҳақида (қайси туманларда иш ўринлари кўп, қайсиларида кам) батафсил маълумот олишингиз мумкин.
Бу сизга ногиронлиги бўлган шахсларнинг меҳнат бозоридаги ҳақиқий аҳволини тушуниш имконини беради. Ҳар бир инсон ўз меҳнатининг маҳсулини олишга ҳақли албатта.
Мақолани батафсил ушбу ҳавола орқали ўқишингиз мумкин.
👉 @Zafarbek_Solijonov
“Фарзанд ота-она билан 90 фоиз ўтказган вақти биринчи 18 ёшда бўларкан”.
Парда Подкастда қизлар уйда ўтириб ишлаш тажрибаси ҳақида гапирган. Фойдали подкаст)
https://youtu.be/Kx5-D4SxC_w?si=ksml0wSRhLzDEnpW
Охирги вақтлар дунёга машхур футболчимиз Абдуқодир Ҳусанов атрофида ҳар хил паразит блогерлар пайдо бўлиб қолди. Шулар масаласида инстаграм саҳифамда фикрларим ва ҳуқуқий маслаҳатимни айтдим.
👉 Саҳифам
@Zafarbe_Solijonov
Эртага соат 18:15 да Ўзбекистон 24 телеканалида фракция йиғилишларидан бирини томоша қилишингиз мумкин.
Фракция йиғилишларида мамлакатимиз ижтимоий сиёсий ҳаётига дахлдор, ислоҳотларни янги босқичга олиб чиқишга қаратилган муҳим қонун лойиҳалари кўриб чиқилади.
Йиғилишда қонун лойиҳалари бўйича муҳокама, тортишув, фикрлар кесишуви бўлиб ўтади.
📹 Тизерда шуларни 10 дан бири кўрсатилган.
Андижонда ёрдамга муҳтож болалар, ёшлар, ногиронлиги бор шахслар ва қариялар учун ғамхўрлик ва қўллаб-қувватлашни таъминловчи янги ижтимоий хизматлар маркази иш бошлади.
Бу ерда болалар учун физиотерапия бўлимлари, етим болалар учун кичик уйлар, кундузги гуруҳлар, эрта ривожлантириш ва касб-ҳунар ўргатиш марказлари фаолият юритади. Оғир ҳаётий шароитга тушган ёшлар ва катталар учун комплекс реабилитация ва таълим дастурлари амалга оширилади.
Ижтимоий ҳимоя агентлиги директорининг биринчи ўринбосари Шаҳноза Мирзиёева бу шунчаки марказ эмаслигини, бу минглаб одамларнинг ҳаётининг бир қисмига айланадиган ғамхўрлик, қўллаб-қувватлаш ва умид муҳити эканини таъкидлаган.
👉 @Zafarbek_Solijonov
Қўштирноқ подкастда коррупция масаласида яхши суҳбат чиқди. Кўришни тавсия қиламан. Коррупцияга қарши курашиш агентлиги ходими Шерзод Сапаров “давлат томонидан берилган имтиёзлардан биз доим қўрқиб турамиз” демоқда. У қандай имтиёзлар ва нимани назарда тутган? Давлат хизматчилари даромадлари декларацияси ва шу каби бошқа саволларга жавоб олмоқчи бўлсангиз, ҳаволага ўтинг.
▶️ https://youtu.be/l5VTiE_xSg0
Охирги пайтлар "коррупцияни йўқат, давлат харажатларини қисқартириш, миллий машиналарга ўтиш" деган сўз бирикмалари селекторда президент томонидан бот-бот янграйдиган бўлди. Шу вақтгача ўзининг оташин "есть бажарамиз, ҳўп бўлади"си билан мансабини сақлаб келаётган садоқатли Бош вазир Арипов ҳам бу чақириққа биринчи бўлиб "лаббай"ини кўрсатди.
Арипов жаноблари яхши сиёсатчи. Нечтаси алмашди, лекин президент бир вақтлари Самарқандга ҳоким бўлганда ўзини кўрсатган Арипов рутбасини яхши сақлаб келяпти. Мирзиёевга малибу машинаси ёқишини уям таҳмин қилса керак. Сурхонда малибу мингани ва шу каби воқеаларни эслаб қолган менимча. Бирдан иномарка хизмат машинасидан воз кечиб, малибуга ўтиргани шуни кўрсатяпти.
Қўли кўксида бўлган Арипов ижро ҳокимиятида (қонунан) биринчи шахс. Ҳамма ҳокимлар векторини унга қараб олиши керак. Ичида "уффф" деган вазирларам машинасини BYD song ёки Equinox кабиларга алмаштиряпти. Бироқ Жиззахга яқинда ҳоким бўлган Улуғбек Мустафоев эса президент селекторини баҳона қилиб, автосаноат каттаси бўлган адашидан бирдан бир миллиард турадиган, бензиннинг тозасини пақирлаб ичадиган, запчастлари қиммат Tahoeʼни сўраган.
ОАВда кутилганидек фаол бўлмаган (интернетда қилаётган ишлари ҳақида маълумот тополмадим), ишларини етарлича ёритмаётган в.б. ҳоким селектордаги "харажатларни қисқартириш" деган жумлаларни ё тушунмаган, ёки тушунмаганга оляпти. Ҳокимликнинг аввалги хизмат машиналари иномарка бўлганми, улар аукционга чиқарилдими деган саволларгаям бу катта занг ҳалигача жавоб бергани йўқ.
Арипов вилоятларга хизмат машинасида кўп боради, малибу ва tahoe тўқнашувини кўргиси келяпти бу кўнгулнинг. "Ҳўп бўлади, Абдулла Ниғматович" деб катта машинага чиқиб кетиш саҳнаси чиройли чиқса керак а?) Менича Улуғбек Мустафоев "Ўзбекэнерго"га бош бўлиб юрганда ҳашаматга ўрганиб қолган шекилли. Янги сиёсатни ҳалиям тушуниб етмаган бу ҳоким в.б.ликдаям узоқ қолмаса керак, шу кетишда. Хулоса қилиб қолар.
👉 @Zafarbek_Solijonov
Инстаграм саҳифамга Рамазонда эшитиладиган видео жойладим. Барчага манфаатли.
👉 Саҳифам
⚡⚡Президент янги фармонни имзолади. Мактаб директори ва унинг ўринбосарлари ҳамда мактабгача таълим ташкилоти директорлари иш ҳақи миқдорлари оширилмоқда:
2025-йил 1-сентябрдан бошлаб умумий ўрта таълим ташкилотлари директори лавозимининг базавий тариф ставкаси 20 фоизга, ўринбосари лавозимининг базавий тариф ставкаси 15 фоизга оширилиб, боғчаларимиз директорлари лавозимларининг базавий тариф ставкалари ИИИ ва ИВ гуруҳдаги умумий ўрта таълим ташкилоти директори ўринбосари лавозимининг базавий тариф ставкаларига тенглаштириш орқали оширилади;
– 2026-йил 1-январдан бошлаб умумий ўрта таълим ташкилотларининг директор жамғармаси маблағлари ҳисобидан директор ва унинг ўринбосарларига фаолият самарадорлиги кўрсаткичлари (КПИ) натижасига кўра базавий тариф ставкаларига нисбатан тегишлича 20 ва 10 фоиз миқдорида ҳар ойлик устамалар белгиланади;
– Туман бўлимларида қўшимча штатлар ажратиляпти ва бу ўқувчилар билимини баҳолашни мониторинг қилиш, ўқувчиларга хорижий тил ва касбга ўргатиш вазифаларини амалга ошириш учун тегишли лавозимларни жорий этиш имконияти яратади;
– Ҳудудий бўлинмалари ходимларингнинг кўп йиллик хизмати учун рағбатлантириш жорий этилмоқда (Вазирлик тизимидаги қарийб 15 минг нафар бошқарув ходимларига кўп йиллик хизмати учун рағбатлантириш тизими йўлга қўйилади);
– Мактаб ходимлари мукофот пули миқдорини меҳнатга ҳақ тўлашнинг энг кам миқдорининг 75 фоизигача (амалда 50 фоизгача) миқдорида этиб белгиланмоқда;
– мактабларимизнинг бўш турган бинолари ижарасидан тушган маблағларнинг 40 фоизигина ўша мактабда қоларди. Эндиликда ушбу маблағларнинг 75 фоизи ўша мактаб ривожига сарфланади.
👉 @Zafarbek_Solijonov
Гендер тенглик сиёсати янада кучайтирилади. Табиий фанлар, технологиялар, техник ижодкорлик, математика йўналишларида ўқишни истаган хотин-қизларни қўллаб-қувватлаш, хотин-қизларнинг илмий ва стартап ғояларини рўёбга чиқариш кўникмаларини шакллантириш, уларни илмий-инновацион фаолиятга кенг жалб этиш каби ишлар амалга оширилади.
Манба
👉 @Zafarbek_Solijonov
Ўзбекистон МДҲда бутун мамлакат бўйлаб 5G тармоғини жорий қилган биринчи давлат бўлибди
Бугунги кунда интернет – шунчаки қулайлик эмас, балки эҳтиёж. Шу маънода, UZTELECOM'нинг бутун мамлакат бўйлаб 5G тармоғини ишга тушириб, Ўзбекистонни бу борада МДҲдаги биринчи давлатга айлантиргани жуда зўр янгилик бўлди.
Ўзи анчадан бери UZTELECOM миллий бренди телекоммуникация инфратузилмасини ривожлантириб, сўнгги технологияларни жорий қилиб келарди ва мана, бу ўз самарасини — мижозларнинг кундалик ҳаётини янада осонлаштирадиган ва ортиқча югур-югурларни олдини оладиган инновацион хизматлар ҳамда ечимлар таклиф қилиш имконини берябди. Яна шуни қўшимча қилиш мумкинки, бу янгилик оддий фойдалнувчилардан тортиб, бизнес вакилларигача кенг қулайликлар яратади.
Миллий бренднинг ватандошларимизга янада яқин бўлиб, уларнинг оғирини енгил қилаётгани рости қувонарли ҳолат.
👉 @Zafarbek_Solijonov