💔Вярнуць сабе голас: як аповед сваёй гісторыі дапамагае лекаваць траўму

У псіхалогіі наратыў — гэта паслядоўны аповед сваёй гісторыі, што дапамагае чалавеку асэнсаваць і ўпарадкаваць уласны досвед. Пісьменнае аднаўленне гэтай гісторыі дапамагае людзям, якія перажылі катаванні або жорсткае абыходжанне, перапрацаваць траўму і вярнуць сабе цэласнасць.

Пра тое, як ствараць умовы для гэтага, а таксама траўматычную памяць, валідацыю перажыванняў і легалізацыю права быць пачутым, у межах Тыдня супраць катаванняў мы пагаварылі з псіхалагіняй Юліяй Лагвіненкай, што працуе з людзьмі, якія перажылі траўматычны досвед.

«Траўма аднаго чалавека можа стаць часткай калектыўнай траўмы, калі грамадства прызнае, што гвалт сапраўды адбываўся».

Чытаць па спасылцы 👉 https://spring96.org/be/news/118201

🌿Калі вы пацярпелі ад катаванняў, сутыкнулися з парушэннем правоў чалавека — калі ласка, пішыце на @ViasnaDOC | viasnadoc@spring96.org. Таксама вы можаце распавесці сваю гісторыю журналістам «Вясны»: @Viasnainfo

Читать полностью…

🌿«Дакументуем, каб злачынствы не былі забытыя». Праваабаронца «Вясны» ў Міжнародны дзень у падтрымку ахвяр катаванняў

26 чэрвеня міжнародная супольнасць адзначае дзень, прысвечаны салідарнасці з ахвярамі катаванняў і барацьбе за свет без гвалту і бесчалавечнага абыходжання. У Беларусі катаванні і жорсткае абыходжанне працягваюць заставацца маштабнай з’явай.

Праваабаронца Павел Сапелка распавёў, наколькі крытычнай застаецца сітуацыя, чаму дакументаванне гвалту мае вырашальнае значэнне, і як праца «Вясны» ўжо дала вынікі на міжнародным узроўні.

«Мы назапашваем доказную базу, захоўваем сведчанні, знаходзім непасрэдных вінаватых, працуем з экспертамі. Так не рабілі ў 30-50-х гадах, калі забівалі ад імя савецкай улады, не рабілі ў 60-80-е, калі пазбаўлялі волі дысідэнтаў. Гэта дае падставы для надзеі, што і злачынцы з Беларусі 21-га стагоддзя будуць у рэшце рэшт асуджаныя».

Падрабязнасці 👉 https://spring96.org/be/news/118196

🔹«Вясна» дакументуе факты катаванняў — пішыце @ViasnaDOC | viasnadoc@spring96.org

Читать полностью…

З пачатку году ў «камісію па вяртанні» звярнулася каля 60 чалавек — генпракурор называе гэта «павелічэннем у два разы», але хлусіць

«Камісія па вяртанні» пад кіраўніцтвам генпракурора Шведа за амаль 2,5 гады працы атрымала каля 300 зваротаў ад беларусаў, якія цікавіліся магчымасцю вярнуцца ў краіну. Генпракурор адзначае, што «ў бягучым годзе колькасць зваротаў павялічылася ў два разы» — алё ён відавочна хлусіць.

Справа ў тым, што ў лютым Швед паведамляў, што камісія атрымала 241 заяву ад беларусаў — агулам за 2024 год у камісію было каля 100 зваротаў. Тады генпракурор таксама сказаў, што ў камісію «сталі звяртацца больш актыўна».

Атрымоўваецца, за 2024 год камісія атрымала каля 100 зваротаў, за шэсць месяцаў бягучага году каля 60.

Праваабаронцам вядомыя выпадкі, калі людзей, якія звярталіся ў камісію, пасля вяртання ў Беларусь затрымлівалі па крымінальных справах. А напачатку года пасля вяртання ў Беларусь затрымалі жанчыну, якая памерла праз некалькі тыдняў пасля сутак у ІЧУ.

Читать полностью…

Спецслужбы шукаюць фатографаў на мітынг Ціханоўскіх праз скрадзены акаўнт арыштаванай рэдактаркі Вікіпедыі

Сёння ў чатах беларускай дыяспары з'явіліся дзясяткі паведамленняў, дзе невядомыя шукалі тых, хто будзе фатаграфаваць беларусаў на мітынгу Святланы і Сяргея Ціханоўскіх у Варшаве — асабліва просяць фота твараў. І гатовыя шчодра заплаціць.

Таксама скідалі фэйкавы анонс мітынгу — з няправільнай датай і месцам (на ім пісалася, што сустрэча ў 20 гадзін каля помніка Пілсудскаму — насамрэч жа мітынг будзе а 19-й каля помніка Каперніку).

Большасць акаўнтаў пустыя. Але некалькі паведамленняў пра пошук фатографаў напісаныя з акаўнта рэдактаркі беларускай Вікіпедыі Вольгі Сітнік, захопленага сілавікамі. Гэта вельмі падобна на почырк ГУБАЗіК — яны і раней пісалі з акаўнтаў затрыманых.

Вольгу затрымалі ў траўні. Сутнасць абвінавачанняў невядомая, але падобна, што Сітнік праходзіць па крымінальнай справе з іншымі адміністратарамі беларускай Вікіпедыі, якія цяпер за кратамі, піша «Наша Ніва».

Читать полностью…

🌿У Варшаве працягвае працу арт-інсталяцыя, прысвечаная палітзняволеным вясноўцам

У цэнтры Варшавы 17 чэрвеня пачала дзейнічаць арт-інсталяцыя «Нязломныя», прысвечаная палітзняволеным праваабаронцам «Вясны» Валянціну Стэфановічу, Алесю Бяляцкаму, Уладзю Лабковічу. Упершыню інсталяцыя адбываецца без партрэту Андрэя Чапюка — 18 красавіка ён выйшаў на волю.

Паказ у Польшчы адбываецца дзякуючы супрацоўніцтву кампаніі салідарнасці з палітзняволенымі вясноўцамі #FreeViasna і Amnesty International Poland.

Варшава стала восьмым горадам, дзе быў прадстаўлены праект. Арт-інсталяцыя ўжо было паказана ў Брусэлі, Капенгагене, Берліне, Познані, Вільні, Рызе і Празе.

Наведаць інсталяцыю можна да 7 ліпеня ў Кракаўскім прадмесці каля помніка Мікалаю Каперніку (Krakowskie Przedmieście, Pomnik Mikołaja Kopernika).

Читать полностью…

💔Палітвязня Ігара Лосіка ўтрымліваюць за кратамі роўна пяць гадоў

Журналіста арыштавалі 25 чэрвеня 2020 года ў Баранавічах. Яго прызналі вінаватым паводле двух артыкулаў Крымінальнага кодэкса і прызначылі 15 гадоў пазбаўлення волі.

Як піша @radiosvaboda, большую частку зьняволення Лосік правёў у наваполацкай калоніі № 1, адміністрацыя якой паўтара году не дазваляла палітвязню камунікаваць з роднымі і атрымліваць перадачы. У калоніі Ігара часта змяшчалі ў ШІЗА і ПКТ.

Дар'ю, жонку палітвязня, напачатку 2023 года асудзілі на два гады калоніі за інтэрв'ю пра мужа тэлеканалу «Белсат» вясной 2022 году. У красавіку 2025 году сілавікі затрымалі малодшага брата Ігара — 25-гадовага Мікіту Лосіка. Яго вінавацяць у "садзейнічанні экстрэмісцкай дзейнасці" за нібыта перасылку некалькіх фота ў "Беларускі Гаюн".

Дачцэ Ігара Лосіка Паўліне сёлета споўнілася 6 гадоў. На момант арышту Ігара ёй было крыху больш за год.

Паводле інфармацыі "Свабоды", ад восені 2024 году Ігара трымаюць ў СІЗА КДБ у Мінску.

Читать полностью…

У чатах беларусаў Варшавы шукаюць фатографаў для здымак акцыі Ціханоўскага — так могуць дзейнічаць беларускія спецслужбы

«Тэрмінова шукаю рабят на 26.06. Трэба будзе фатаграфаваць і здымаць на відэа. Пішам у асабоўку. Добрая аплата». Такая абвестка 25 чэрвеня двойчы з розніцай прыкладна за гадзіну з'явілася ў Telegram-чаце «Беларусы Варшавы: Mokotów і ня толькі».

Адзін з чытачоў MOST звязаўся з аўтарам, каб удакладніць, пра якую менавіта працу ідзе гаворка. Аказалася, што трэба зняць на відэа мітынг ля помніка Каперніку — там 26 чэрвеня з 19.00 будзе праходзіць акцыя салідарнасці з удзелам Сяргея і Святланы Ціханоўскіх.

Цікава, што аўтар аб'явы, хоць і адказваў на пытанне па-руску, але прозвішча Капернік напісаў праз «а» — Капернік — як было ў анонсах акцыі, напісаных па-беларуску.

За здымку ён паабяцаў выканаўцу 100 еўра, піша «MOST».

Читать полностью…

Дапамога былой палітзняволенай Ганне Пышнік, асуджанай за відэа расійскіх верталётаў

Ганна была затрымана 22 сакавіка 2022 года ў Мазыры. Паводле версіі абвінавачвання, яна «зняла відэа з перамяшчэннем верталётаў для ангажаванага дэструктыўнага рэсурсу». Пазней яе асудзілі да 3 гадоў калоніі.

Жанчына цалкам адбыла тэрмін і ў лістападзе 2024 году выйшла на волю.

Пасля вызвалення Ганна была вымушана пакінуць Беларусь пад пагрозай далейшага пераследу. Цяпер ёй з дачкой патрэбна дапамога, каб пачаць жыццё ў новай краіне.

Падтрымаць Ганну на pomagam

Читать полностью…

Шматдзетную маму, якая займаецца астралогіяй, асудзілі за ўдзел у пратэстах

Юлія Каробка жыве ў Ждановічах, мае статус індывідуальнай прадпрымальніцы. У ёй трое дзяцей — дзве непаўналетнія дачкі і паўналетні сын.

Пра сябе Юлія піша, што яна астралагіня, таралагіня, нумералагіня і энергатэрапеўтка. У яе сацсетках няма аніякага палітычнага кантэнта — фота з дзецьмі, успаміны пра розныя падзеі і астралагічныя прагнозы.

Жанчыну асудзілі ў 2025 годзе за «ўдзел або арганізацыю дзеянняў, якія груба парушаюць грамадскі парадак» (арт. 342 КК). Далі хатнюю хімію, піша «Наша Ніва».

Читать полностью…

Чарговае папаўненне «Спіса экстрэмісцкіх матэрыялаў»

У яго трапілі Telegram-канал «Витебск», cтаронка ў «Аднакласніках» «Якуб Жнiва Якуб Жнiва», а таксама TikTok-старонкі «pov_belarus», «Klim Zlobič».

🔗Хроніка палітычнага пераследу

Читать полностью…

💔«З сынам я знаёміўся двойчы»: як праходзіць рэсацыялізацыя былога палітвязня Андрэя Кузнечыка

Тэма вяртання да жыцця пасля турмы ў Беларусі — далікатная і недаследаваная. Асабліва, калі гаворка ідзе пра палітвязняў. Іх стан, як псіхалагічны, так і фізічны, змяняецца, але самі яны часта не знаходзяць словаў, каб яго апісаць. Аднак былы палітзняволены Андрэй Кузнечык, які за сваю журналісцкую дзейнасць у «Радыё Свабодзе» ўтрымліваўся ў няволі больш за 3 гады, паспрабаваў гэта выказаць максімальна дакладна і шчыра.

Мы публікуем вялікую размову з Андрэем без скарачэння цытат, каб захаваць поўную глыбіню яго досведу.

«Баюся, што ў свядомасці застанецца, што тата — гэта той чалавек, якога не было дома столькі гадоў і які прапусціў столькі падзей. Зразумела, што мама застаецца больш блізкім чалавекам, таму ў крызісныя моманты ён ідзе да яе».

Чытаць па спасылцы 👉 https://spring96.org/be/news/118168

Читать полностью…

🔗Катаванні і жорсткае абыходжанне ў шклоўскай ПК № 17

На працягу некалькіх гадоў каманда дакументатараў, аналітыкаў і праваабаронцаў Міжнароднага камітэта па расследаванні катаванняў у Беларусі фіксавала і аналізавала сведчанні былых палітвязняў, якія адбывалі тэрміны ў мужчынскай папраўчай калоніі №17 у горадзе Шклоў. У выніку быў выяўлены шырокі спектр грубых парушэнняў правоў чалавека і злачынстваў супраць чалавечнасці.

Сведчанні сведкаў дапамаглі аднавіць дэталёвую, месцамі шакавальную карціну таго, што адбываецца за калючым дротам ПК №17: ад умоваў утрымання і працы да механізмаў ціску і пакаранняў, якія прымяняюцца да палітычных зняволеных.

У працэсе падрыхтоўкі справаздачы былі вывучаны сведчанні 18 былых вязняў рэжыму, змешчаных у ПК №17 у перыяд са снежня 2020 па чэрвень 2024 года. Агульны аб’ем прааналізаваных матэрыялаў склаў 836 старонак. Асаблівая ўвага ў расследаванні нададзена смерці Вітольда Ашурка ў траўні 2021 года

Чытаць справаздачу па спасылцы

Читать полностью…

У «спіс тэрарыстаў» дадалі 2 чалавек

Камітэт дзяржаўнай бяспекі абнавіў спіс «асоб, якія маюць дачыненне да тэрарыстычнай дзейнасці» — там з'явіліся прозвішчы двух чалавек.

Гэта грамадзянін Уганды Абубакар Сваллех, а таксама 45-гадовы беларус Вячаслаў Малышаў, асуджаны паводле арт. 361 КК (заклікі да прычынення шкоды Беларусі).

Цяпер у «тэрарыстычным спісе» 1305 чалавек, з іх 610 — беларусы.

⁉️«І цяпер я бел-чырвона-белы тэрарыст». Адказваем на пытанні пра «спіс тэрарыстаў»

Читать полностью…

Вядомую мінскую трэнерку па танцах асудзілі за ўдзел у пратэстах

Аляксандры Ашурка 38 гадоў. Яна родам з Крэва (Гродзенская вобласць). Вучылася ў Міжнародным гуманітарна-эканамічным інстытуце на факультэце міжнародных адносін. Аляксандра замужам.

Шмат гадоў дзяўчына займаецца танцамі. Яна заснавальніца вялікай студыі Devil Dance studio. У 2016 годзе Ашурка была прызнаная харэографам года па версіі Bizon Awards — гэта адна з самых прэстыжных харэаграфічных прэмій на постсавецкай прасторы. У 2015 і 2017 яе намінавалі на харэографа года. Нумары, якія яна ставіць, рэгулярна выйграюць узнагароды на розных танцавальных чэмпіянатах.

Аляксандра паставіла сотні танцавальных нумароў, ставіла спектаклі і флэшмобы. Таксама яна арганізоўвае танцавальны фестываль Hot Weekend Minsk. Дае майстар-класы ў розных краінах і судзіць чэмпіянаты.

Яе асудзілі ў 2025 годзе па ч. 1 арт. 342 КК — «арганізацыя або ўдзел у дзеяннях, якія груба парушаюць грамадскі парадак». Прысуд, меркавана, «хатняя хімія», піша «Наша Ніва».

Читать полностью…

На пачатку ліпеня пачнуць судзіць палітзняволенага Мікіту Самарына

Судовы працэс пачнецца 2 ліпеня, хутчэй усяго ў будынку абласнога суда, піша «Гарадзенская Праваабарона». Вядома, што самога Самарына надалей утрымліваюць у ШІЗА.

Нагадаем, пра затрыманне палітвязня стала вядома 27 сакавіка. Як паведаміла Міністэрства ўнутраных спраў, мужчыну спынілі ў Гродне — дакументаў пры ім не было, таму яму прапанавалі прайсці ў пастарунак. Беларус нібыта аказаў супраціў міліцыянтам і, як сцвярджаецца, зламаў аднаму з іх руку.

Паведамляецца, што мужчына быў у вышуку за тое, што ў жніўні 20-га году нібыта «распыліў у твар праваахоўнікам газавы балончык». За гэта супраць яго распачалі крымінальную справу. Ён з'ехаў з краіны, але потым нелегальна вярнуўся ў Беларусь.

Читать полностью…

Будзьце ўважлівыя: Спецслужбы пад выглядам «друку сімволікі і сцягоў» спрабуюць падбіць беларусаў замежжа перадаць свае асабістыя звесткі

Невядомыя пачалі рабіць па чатах дыяспары новую рассылку. Цяпер яны прапануюць беларусам замежжа пакінуць свае кантактныя звесткі — імя і тэлеграм або інстаграм.

Узамен нібыта можна атрымаць у Варшаве сувенірную прадукцыю з нацыянальнымі беларускімі колерамі.

«Раздаваць будзем да 18:30 каля галоўнага ўваходу ў Базіліку Святога Крыжа», — пішуць яны.

Падобна, што за гэтым стаяць лукашэнкаўскія спецслужбы. Акаўнт (id7579123793), з якога гэтым разам вядзецца рассылка, створаны зусім нядаўна. Ён нідзе і ніколі не быў заўважаны раней. Акаўнт ад учора ўступае ў чаты і раскідвае аднатыпныя паведамленні па ўсіх чатах дыяспары, у якія можа увайсці, піша «Наша Ніва».

Читать полностью…

🇪🇺У беларускіх палітвязняў з'явіліся новыя «хросныя» з Нідэрландаў, Латвіі ды Германіі

У межах кампаніі #WeStandBYyou Іса Кахраман (партыя «Новая грамадская дамова», Нідэрланды), Юргіс Клоціньш (партыя «Нацыянальнае аб'яднанне», Латвія) і Канстанцін фон Нотц (партыя «Саюз 90 / Зялёныя», Нямеччына) узялі на сябе сімвалічнае «шэфства» над беларускімі палітвязнямі Дзмітрыем Слуком, Генрыхам (Генадзем) Акалатовічам і Людмілай Чэкінай.

«Беларускія ўлады павінны спыніць гвалт, рэпрэсіі і адвольныя арышты, забяспечыць правядзенне свабодных і справядлівых выбараў, а таксама нарэшце гарантаваць выкананне асноўных дэмакратычных стандартаў і вяршэнства закона».

Чытаць па спасылцы 👉 https://spring96.org/be/news/118197

✊#WeStandBYyou. Распавядаем, хто такія «хросныя» палітвязняў і чым яны займаюцца

Читать полностью…

✊Беларусы і беларускі Беластока працягваюць віншаваць палітвязняў з Днём народзінаў

«Вы сталі закладнікамі рэжыму і ахвяруеце сваім здароўем і жыццём дзеля вольнай Беларусі. Не губляйце надзеі на то, што ўсё дрэннае абавязкова скончыцца, што ўсё не дарма. Беражыце сябе».

Читать полностью…

«Экстрэмісцкай» прызналі старонку ва «Укантакце» брэсцкай піцэрыі, якая публікавала прарасійскія і праўладныя допісы, а незадаволеным пагражала ГУБАЗіКам

Суд Ленінскага раёну Брэста 20 чэрвеня прызнаў «экстрэмісцкімі матэрыяламі» старонку «Культ Пиццы | Брест», на якую падпісаныя амаль 12 тысяч чалавек.

Гэта акаўнт «Укантакце» поўніцца пастамі са зняважлівымі выказваннямі аб Украіне і краінах Захаду ды праслаўленнем Расіі. Багата допісаў з мацюкамі. Як пісала «Наша Ніва», адміністратар старонкі раней казаў, што асабліва не ведае беларускай мовы, прапановаў кантакт ГУБАЗіКа і заклікаў «збеглых» вяртацца, бо ў «Беларусі ах***а» .

Таксама ў «экстрэмісцкі спіс» дадалі старонку ў «Viber» «Плоска-Мощенка», TikTok-старонкі «sergeyxxx21», «realnaia_belarus», старонку ў Instagram «FRANЦ», а таксама Telegram-чаты «Правовая защита учителей» і «Чат. Перевоз РБ-РП. Переезд».

🔗Хроніка палітычнага пераследу

Читать полностью…

Па чатах беларускіх дыяспар пачалі раскідваць фэйкавыя анонсы акцыі Святланы і Сяргея Ціханоўскіх у Варшаве

Як паведамляюць чытачы, анонсы публікуюцца ботамі ў чатах беларусаў па ўсім свеце — на іх стаіць несапраўдны час сустрэчы і пазначана зусім іншае месца збору.

Таксама актывізаваўся ГУБАЗіК, які пачаў пужаць людзям адказнасцю за наведванне акцый.

Читать полностью…

📊Article 19: У рэйтынгу свабоды выказвання меркаванняў Беларусь апярэджвае толькі Нікарагуа і Паўночную Карэю

Свабода выказвання меркаванняў знаходзіцца пад пагрозай ва ўсім свеце, заявіла міжнародная праваабарончая арганізацыя Article 19 у сваёй штогадовай справаздачы Global Expression Report. Паводле звестак маніторынгавай арганізацыі, больш чым дзве траціны насельніцтва свету сёння маюць меншую свабоду выказвання, чым дзесяць гадоў таму.

Па ўзроўні свабоды выказвання меркаванняў сярод краін Еўропы і Цэнтральнай Азіі Беларусь займае апошняе 49 месца, а ў сусветным рэйтынгу яна апярэджвае толькі Нікарагуа і Паўночная Карэя (159-ае месца з 161).

За апошняе дзесяцігоддзе ў 26 краінах Еўропы і Цэнтральнай Азіі адбылося зніжэнне ўзроўню свабоды выказвання, але толькі ў трох з іх гэта зніжэнне было значным (падзенне на 20 і больш пунктаў): у Грузіі (−27 пунктаў), Кыргызстане (−23) і Беларусі (−21).

Чытаць па спасылцы 👉 https://spring96.org/be/news/118192

Читать полностью…

📍Паведамляйце «Вясне» пра затрыманні, ператрусы і «выклікі на размову»

Мы збіраем і захоўваем факты пераследу, што асабліва важна ў цяперашніх умовах.

Па жаданні, ваша інфармацыя можа застацца непублічнай. Вы таксама можаце перадаць такія звесткі праз вашых сяброў, што жывуць за мяжой.

@viasnainfo| @viasna_bot | @ViasnaSOS

Читать полностью…

📝Нагадваем кантакты Праваабарончага цэнтру «Вясна»

🔹Паведаміць пра затрыманне, даслаць інфармацыю з судовых пасяджэнняў: Telegram-бот @viasna_bot | @ViasnaSOS, @SOSViasna;
🔹Звярнуцца па дапамогу па юрыдычных пытаннях, абскардзіць дзеянні дзяржаўных органаў: @zvarot96 | zvarot@spring96.org;
🔹Калі вы пацярпелі ад катаванняў з боку сілавікоў ці сутыкнуліся з жорсткім абыходжаннем за кратамі: @ViasnaDOC | viasnadoc@spring96.org;
🔹Распавесці сваю гісторыю журналістам «Вясны»: @Viasnainfo | viasna@spring96.org.

📍Кантакты рэгіянальных прадстаўніцтваў «Вясны»: Бабруйск — @babrujskspring; Барысаў — @Spring_help_r; Брэст — @Nadbuzanski, @BrestSOS; Гомель — @homelspring; Магілёў — @maydayhelp, @mspring_help; Маладэчна — @Maladecza_help; Наваполацк — @impaynes; Віцебск — @Viciebsk_spring; Светлагорск — @svietlahorskspring

❗️Афіцыйныя кантакты ПЦ «Вясна» можна паглядзець у апісанні @viasna96 ці на старонцы «Кантакты» на spring96.org

⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Читать полностью…

❗️ПАСЕ прызнала адказнасць Лукашэнкі за перамяшчэнне ўкраінскіх дзяцей

У прынятую рэзалюцыю Парламенцкай асамблеі Савета Еўропы ўнесенае дапаўненне, якое тычыцца адказнасці Аляксандра Лукашэнкі за перамяшчэнне ўкраінскіх дзяцей з акупаваных Расіяй тэрыторый Украіны. Рэзалюцыя «Прававыя аспекты і аспекты правоў чалавека агрэсіі Расійскай Федэрацыі супраць Украіны» была прынятая 24 чэрвеня падчас летняй сесіі ПАСЕ.

Восенню мінулага годы праваабарончыя арганізацыя Freedom House, «Вясна», ZMINA (Украіна) і ініцыятыва былых сілавікоў BelPol падрыхтавалі даклад «Скрадзенае дзяцінства», дзе сярод іншага адзначылі, што перавыхаванне ўкраінскіх дзяцей на тэрыторыі Беларусі ва ўмовах вайны Расіі супраць Украіны кваліфікуецца як дыскрымінацыйны пераслед, які з’яўляецца злачынствам супраць чалавечнасці.

У сярэдзіне верасня аўтары дакладу перадалі дакументы ў Міжнародны крымінальны суд у Гаазе.

Чытаць па спасылцы 👉 https://spring96.org/be/news/118189

Читать полностью…

📝Заўтра адбудзецца прэзентацыя Нацыяльнага індэкса правоў чалавека

Беларускі Хельсінкскі Камітэт правядзе анлайн-прэзентацыю ацэнкі стану права на свабоду ад катаванняў у 2024 годзе ў межах Нацыянальнага Індэкса правоў чалавека, які з 2019 года штогод ацэньвае сітуацыю з правамі чалавека ў Беларусі. У распрацоўцы Індэкса ўдзельнічаюць вядучыя эксперты грамадзянскай супольнасці.

Падчас размовы з праваабаронцам Паўлам Сапелкам, адным з экспертаў Індэкса, будзе абмеркаваная сітуацыя з правам не падвяргацца катаванням за 2024 год, а таксама будуць дадзены адказы на пытанні ўдзельнікаў.

Спасылка на мерапрыемства будзе дасланая зарэгістраваным удзельнікам. Чаканая працягласць мерапрыемства 1 гадзіна.

📍25 чэрвеня, 17:00 па мінскім часе
✍️Спасылка на рэгістрацыю

Арганізатар: Беларускі Хельсінкскі Камітэт

Читать полностью…

⚖️У Беларусі кожны дзень працягваюцца суды па экстрэмісцкіх артыкулах. Паведамляйце праваабаронцам вынікі

Нагадаем, ужо больш за тры месяцы на сайце Вярхоўнага суда вядуцца «рэгламентныя работы». Праз адсутнасць афіцыйнай статыстыкі па крымінальных і адміністрацыйных асуджэннях складана ацэньваць рэальную сітуацыю з правамі чалавека ў Беларусі.

Але праваабаронцы нагадваюць, што сіла беларусаў — у салідарнасці. Таму заклікаем працягваць паведамляць праваабаронцам пра ўсе вядомыя факты палітычнага пераследу. Напрыклад, можна перадаваць інфармацыю праз сваіх блізкіх і сяброў, якія знаходзяцца за мяжой і якія могуць бяспечна камунікаваць з праваабаронцамі. Або проста папярэдзіць, што інфармацыя для статыстыкі, а не для распаўсюду.

Дапамажыце зафіксаваць усе факты рэпрэсій, каб паказаць свету маштаб катастрофы з правамі чалавека ў Беларусі!

@ViasnaSOS | @SOSViasna | @Viasnainfo

🔹Праваабаронцы «Вясны» пра тое, як рэжым знішчае доказы сваіх злачынстваў

Читать полностью…

«Каб зноў не трапіць у турму, я ламаў сабе мізінцы». Экс-палітзняволены ў эміграцыі мае патрэбу ў дапамозе

Былы палітвязень Дзмітрый Сушчык ужо больш за месяц знаходзіцца ў Варшаве. У Беларусі жыхар Навагрудка правёў у зняволенні амаль 2,5 года. За гэты час ён перажыў сыход жонкі і смерць мамы. Большую частку свайго тэрміну мужчына правёў у штрафных ізалятарах за адмову падпарадкоўвацца рэжыму ў турмах і калоніі.

Падчас зняволення мужчыну выдралі тры зубы, пачаліся праблемы з мачавой сістэмай і псіхасаматычныя засмучэнні. Цяпер яму патрэбна лячэнне, базавая стабілізацыя.

«Галоўнае для мяне цяпер – вывучыць мову, знайсці працу і нарэшце пачаць жыць па-чалавечы. Вельмі спадзяюся, што салідарныя беларусы не пакінуць мяне ў гэтай кропцы ніжэй за нуль».

💵Падтрымаць мужчыну фінансава на BYSOL

🌿«Будзеш дзёргацца — страляць будзем». Гісторыя Дзмітрыя Сушчыка, экстрадаванага з Расіі

Читать полностью…

🗣«Моцны сімвал надзеі для ўсіх палітвязняў». Як свет адрэагаваў на вызваленне Сяргея Ціханоўскага і яшчэ 13 палітзняволеных

Сусветныя палітыкі і праваабарончыя арганізацыі павіншавалі лідарку беларускай апазіцыі Святлану Ціханоўскую з вызваленнем яе мужа, былога палітзняволенага Сяргея, і яшчэ 13 палітвязняў з беларускіх турмаў. Вось што яны напісалі і сказалі:

📍Freedom House: «Гэта дзеянне не павінна дазволіць незаконнаму рэжыму Лукашэнкі пазбегнуць адказнасці за рэпрэсіі супраць беларускага народа і за ўдзел у вайне Расіі супраць Украіны»;

📍Борыс Джонсан: «Выдатныя навіны. Цяпер — за свабодныя выбары»;

📍Раберта Метсола: «Цудоўныя навіны! Наша барацьба за вызваленне ўсіх палітвязняў у Беларусі працягнецца!»;

📍«Мемарыял: «Нельга забываць, што ў Беларусі ў найцяжэйшых умовах няволі па-ранейшаму застаюцца больш за тысячу людзей, пазбаўленых волі толькі за мірнае ажыццяўленне сваіх правоў, за легітымны супраціў дыктатуры, за падтрымку Украіны».

Падрабязнасці 👉 https://spring96.org/be/news/118184

Читать полностью…

Палітзняволены грамадзянін Латвіі ў беларускай турме схуднеў на 26 кілаграмаў і цалкам пасівеў

Дмітрыйс Міхайлаус быў асуджаны ў Беларусі за каментары да 4 гадоў зняволення. МЗС Латвіі раней паведамляў, што ў Міхайлауса праверылі тэлефон і ўладам не спадабаліся паведамленні, якія асуджаюць рэжым Лукашэнкі.

Мужчына быў вызвалены па памілаванні 21 чэрвеня і распавёў журналістам пра свой пераслед.

«У мяне былі ружовыя акуляры. Мінск — супергорад. Усё было добра. Карціна была добрай. Я ўбачыў там патэнцыял. Двухмільённы горад… Ніякіх пярэчанняў з боку КДБ не было. Пакуль не з'явіліся тыя каментары».

У 2020 годзе, у разгар каранавіруса, каля 130 бізнесменаў стварылі закрытую групу ў мэсэнджэры Signal, дзе абмяркоўвалі барацьбу за зніжэнне арэнднай платы. Паралельна з гэтым у Мінску пачаліся акцыі пратэсту, якія патрапілі на відэа. Мужчына пачаў іх каментаваць.

«І я пачаў іх каментаваць», — распавёў мужчына, адзначыўшы, што падчас знаходжання ў Беларусі ён не пісаў ніякіх паведамленняў.

Крыніца: Люстэрка

Читать полностью…

⁉️Што трэба ведаць пра супрацу з КДБ: распавядаюць юрысты «Вясны»

Беларусы за мяжой атрымліваюць прапановы аб супрацоўніцтве з КДБ — часам гэта гучыць як «выгадная магчымасць», а часам — як пагроза або шантаж. Аднак гэта варта расцэньваць як яшчэ адзін спосаб ціску на актывістаў за палітычную ці грамадскую дзейнасць.

Юрыдычная служба «Вясны» тлумачыць, ці мае права КДБ звяртацца да грамадзян, што значыць «супрацоўніцтва», калі яно лічыцца добраахвотным і ці давядзецца за яго адказваць перад законам — беларускім або замежным.

• Што прадугледжвае супрацоўніцтва з КДБ?
• А гэта наогул законна?
• Якую працэсуальную форму і наступствы мае супрацоўніцтва?
• А ці могуць прыцягнуць да адказнасці супрацоўнікаў?
• А ці можна прыцягнуць да адказнасці тых, хто супрацоўнічае з КДБ?
• Што рабіць, калі табе прапануюць супрацоўніцтва, а ты знаходзішся за мяжой?
• Што рабіць, калі табе прапануюць супрацоўніцтва, а ты знаходзішся ў Беларусі?

Чытаць па спасылцы 👉 https://spring96.org/be/news/118166

Читать полностью…