Вясна / Правы чалавека ў Беларусі

11 February 2025 19:07

🌿Праваабарончая праграма «Вясна»

1:15 Што такое КЛДЖ і якія былі яго дасягненні ў свеце

5:18 Як беларускія ўлады справаздачыліся ў КЛДЖ і што ім там казалі

24:15 «Мы даціснулі сітуацыю», — Паліна Шарэнда-Панасюк

Вясна / Правы чалавека ў Беларусі

11 February 2025 15:17

Былы палітвязень Сяргей Гунь мае патрэбу ў падтрымцы: аднаўленне здароўя і новае жыццё

Сяргей — былы дырэктар івэнт-агенцтва KRONA. Яму інкрымінавалі арт. 342 КК (групавыя дзеянні, якія груба парушаюць грамадскі парадак), а таксама ч. 1 арт. 130 КК (распальванне варожасці) і ў выніку асудзілі на 2,5 гадоў калоніі агульнага рэжыму. Мужчына цалкам адбыў тэрмін і выйшаў на волю.

«Я спрабаваў знайсці іншую працу, але чалавеку, які мае тэрмін паводле палітычнага артыкула, у сучаснай Беларусі зрабіць гэта амаль немагчыма. Прыватнікі браць на працу баяцца, а дзяржаўныя прадпрыемствы адразу адмаўляюць. Таму ўзважыўшы ўсе рызыкі, я вырашыў з'ехаць.

За час, праведзены ў калоніі, я страціў шмат здароўя. Пастаянны стрэс, галадоўкі і ўмовы ўтрымання моцна аслабілі мой арганізм. Старыя праблемы абвастрыліся і з'явіліся новыя сімптомы, якія я не магу ігнараваць.

Мне трэба прайсці абследаванне і пачаць лячыцца. Таксама мне патрэбны сродкі, каб здымаць кватэру першыя 2-3 месяцы».

Вясна / Правы чалавека ў Беларусі

11 February 2025 14:02

Даклад БАЖ і JFJ: у 2023–2024 гадах адбылося 759 атак на беларускіх журналістаў

Фонд Justice for journalists і Беларуская асацыяцыя журналістаў апублікавалі сумесны даклад «Напады на работнікаў СМІ ў Беларусі ў 2023–2024 гадах». Поўны тэкст дакумента можна прачытаць тут.

Даследчыкі прааналізавалі 759 атак/пагроз у адносінах да прафесійных і грамадзянскіх медыяў і рэдакцый традыцыйных і анлайн-СМІ. Практычна ўсе інцыдэнты супраць работнікаў медыяў ініцыявалі ўлады. 96% усіх зафіксаваных інцыдэнтаў адбываліся праз судовы і/ці эканамічны ціск. У 2017–2020 гадах колькасць такіх атак складала 83–85%, а ў 2021–2022 гадах гэты паказчык вырас да 94%.

Цяпер за кратамі ў Беларусі знаходзіцца 41 медыйшчык.

Даследчыкі спасылаюцца на лічбы БАЖ, паводле якіх з 2020 года каля 400 журналістаў пакінулі Беларусь, а астатнія, якія засталіся ў краіне, працуюць у падполлі або сышлі з прафесіі.

Крыніца: БАЖ

Вясна / Правы чалавека ў Беларусі

11 February 2025 13:15

Футбольнага фаната з Оршы асудзілі на 7 сутак арышту за «распаўсюд экстрэмізму»

9 лютага ў судзе Оршы і Аршанскага раёна судзілі 25-гадовага Аляксея Сукорскага. Хлопца затрымалі на мінулым тыдні і змясцілі ў ІЧУ. Судовы працэс праходзіў у Аршанскім РАУС. Адміністрацыйны пратакол за «распаўсюд экстрэмізму», складзены па ч. 2 арт. 19.11 КаАП, разбірала суддзя Юлія Вяршыніна. На судовы разбор яна патраціла ўсяго 10 хвілін.

Што стала падставай для судовага разбору, пакуль не ясна, але вынік вядомы: хлопца асудзілі на 7 сутак.

Упершыню пад увагу сілавых структур хлопец трапіў яшчэ ў 2018 годзе. Тады падставай для судовага разбору стаўся інцыдэнт, які здарыўся на аршанскім стадыёне падчас матчу паміж футбольнымі камандамі Оршы і Ліды. Дзяжурныя міліцыянты заўважылі на шапцы Сукорскага нашыўку з надпісам «A.C.A.B.».

Аляксея тады затрымалі. У выніку хлопец двое сутак правёў пад вартай, а судовы разбор скончыўся штрафам за «непадпарадкаванне міліцыянтам».

Крыніца: «Віцебская Вясна»

Вясна / Правы чалавека ў Беларусі

11 February 2025 11:45

🌿«Страху ў школе значна паболела». Пасля размовы з КДБ у настаўніцы пачаліся панічныя атакі

Настаўніца матэматыкі з Ляхавічаў Таццяна Крапіневіч вымушаная была бегчы з Беларусі пасля паклёпніцкіх публікацый даносчыцы Бондаравай. Зімою 2024 года да Таццяны на працу прыйшлі міліцыянты, калі тая знаходзілася ў мінскім шпіталі. Яны паказвалі скрыншоты пастоў у сацсетках жанчыны за 2020 год. Таццяна за суткі сабрала рэчы і з’ехала з краіны разам з дачкой. Некалькі месяцаў яны вымушаныя былі жыць у розных краінах, пакуль сёлета ў студзені не пераехалі ў Польшчу.

«Вясна» пагутарыла з Таццянай пра страх і немаўчанне, пра насаджэнне дзяржаўнай ідэалогіі ў школе і размову з КДБ. А таксама пра тое, з чым цяжэй за ўсё было развітвацца перад ад’ездам.

«У вучняў ёсць сваё крытычнае мысленне і пазіцыя на гэты конт. Гэта не часы Савецкага саюза, калі ўсё было за "жалезнай заслонай". На ўроках я заўсёды ім казала: "Думайце сваёю галавою"».

Вясна / Правы чалавека ў Беларусі

11 February 2025 09:51

❗️За ўдзел у пратэстах, верагодна, будуць судзіць вядомую фітнэс-інструктарку і чэмпіёнку СССР, якая мае падзяку ад Лукашэнкі

17 лютага ў судзе Маскоўскага раёну Мінска будуць разглядаць справу ў дачыненні да Наталлі Мікалаеўны Наважылавай. Ёй інкрымінаваны «народны» артыкул 342 КК (арганізацыя групавых дзеянняў, якія груба парушаюць грамадскі парадак, альбо актыўны ўдзел у такіх дзеяннях). Суддзя — Кацярына Мурашка.

Ініцыялы жанчыны цалкам супадаюць з ініцыяламі фітнэс-інструктаркі міжнароднага класа катэгорыі «Elite» Наталлі Наважылавай.

Наталля — старшыня міжнароднага грамадскага аб'яднання «Федэрацыя фітнэсу», майстарка спорту па спартыўнай гімнастыцы, чэмпіёнка СССР, стваральніца Нацыянальнай школы фітнэс-трэнераў. Наталля Мікалаеўна з'яўляецца таксама афіцыйнай прадстаўніцай Фітнэс праграм універсітэта Reebok і Nike.

Яна таксама праводзіць Усебеларускія канферэнцыі па праграме «За здаровы лад жыцця». Узнагароджана Ганаровай граматай Лукашэнкі «За значны ўклад у прапаганду здаровага ладу жыцця».

Вясна / Правы чалавека ў Беларусі

11 February 2025 09:00

60-гадовую Наталлю Ладуцьку працягваюць судзіць за салідарнасць з палітвязнямі

Жанчыну затрымалі 23 студзеня 2024 году падчас масавага рэйду КДБ за дапамогу палітвязням. Наталлі прад'явілі абвінавачванне паводле ч. 1 і ч. 2 арт. 361-4 КК (садзейнічанне экстрэмісцкай дзейнасці).

Суд над ёй распачаўся 16 студзеня ў Мінскім абласным судзе. Справу разглядае суддзя Уладзімір Арэшка.

Вясна / Правы чалавека ў Беларусі

11 February 2025 08:01

З'явіліся фэйкавыя боты нібыта ад імя выдання «Флагшток»

Выданне адзначае, што яно не выкарыстоўвае ботаў для сувязі з чытачамі.

Адзіны канал для сувязі з «Флагштокам» у тэлеграме — акаўнт @fuckshtok.

Вясна / Правы чалавека ў Беларусі

10 February 2025 15:16

Вярхоўны суд пакінуў без зменаў прысуд Вользе Радзівонавай

Вярхоўны суд 7 лютага разгледзеў апеляцыйную скаргу журналісткі Вольгі Радзівонавай на прысуд да 4 гадоў зняволення. У выніку судовая калегія пад старшынствам суддзі Эдгара Марцірасяна пакінула рашэнне першай інстанцыі без зменаў, піша «БАЖ».

10 снежня 2024 года суддзя Мінскага гарадскога суда Вера Галаўкова асудзіла Вольгу да 4 гадоў пазбаўлення волі з адбыццём у папраўчай калоніі агульнага рэжыму. Вольгу абвінавацілі паводле ч. 1 і 2 арт. 367 КК (паклёп на Лукашэнку), арт. 369–1 КК (дыскрэдытацыя Рэспублікі Беларусь), ч. 1 арт. 130 КК (распальванне расавай, нацыянальнай, рэлігійнай альбо іншай сацыяльнай варожасці або варажнечы), ч. 1 арт. 368 КК (абраза Лукашэнкі).

Радзівонава працавала да 2020 года ў KYKY.оrg, пераважна для рубрыкі «Боль», таксама супрацоўнічала ў якасці фрылансеркі з беларускімі і замежнымі медыя.

Вясна / Правы чалавека ў Беларусі

10 February 2025 14:20

🗣Паліна Шарэнда-Панасюк: «Цяжка было і псіхалагічна, і фізічна вытрымліваць усе гэтыя катаванні»

Былая палітзняволеная Паліна Шарэнда-Панасюк, якая пасля вызвалення з ПК №24 з'ехала з Беларусі, 10 лютага распавяла пра ўмовы ўтрымання ў калоніі, пра рэпрэсіі ў дачыненні да яе і іншых палітзняволеных жанчын, адказала на пытанні журналістаў. Сустрэча з прадстаўнікамі СМІ адбылася ў Вільні, у творчай прасторы Kropka.

Найбольш цяжкімі, па словах Паліны, былі маральныя катаванні і псіхалагічны стан. Асабліва ў ШІЗА.

«У пэўныя моманты ты адчуваеш, што пачынаеш страчваць кантроль над сваім розумам, сядзіш, напрыклад, у ШІЗА, разумееш, што ўжо фабрыкуюць 411 артыкул, і ты сядзіш дзесяць дзён, яшчэ дзесяць дзён, і ведаеш, што потым яшчэ накінуць. І ты не можаш проста так адключыць свой розум, і ўключыць яго ізноў праз месяц. Адчуванне бяссілля проста».

Вясна / Правы чалавека ў Беларусі

10 February 2025 13:15

У Крычаве сёння за «экстрэмізм» судзяць дзейную натарыуску

У натарыяльнай канторы Крычаўскага раёна дзейнічаюць усяго два натарыусы, калі верыць спісу Беларускай натарыяльнай палаты.

Адну з іх — Ірэну Янаўну Разанцаву — сёння выклікалі ў суд Крычаўскага раёна з пратаколам па ч. 2 арт. 19.11 КаАП (распаўсюд экстрэмісцкай інфармацыі). Весці працэс прызначаная Вольга Салтыкова.

Як адзначае @vitebsk_info, у Ірэны Разанцавай на 14 лютага прызначаны выезд у аг. Чырвоная Буда, дзе яна будзе весці выязны прыём.

Вясна / Правы чалавека ў Беларусі

10 February 2025 12:00

Знікла сувязь з брэсцкім журналістам Алегам Супрунюком

Паводле сяброў і знаёмых, Алег перастаў адказваць на тэлефанаванні пасля 22 студзеня. Не з’яўляецца журналіст і ў сацыяльных сетках.

Спачатку калегі прытрымліваліся версіі, што ён можа быць затрыманы і асуджаны па адміністрацыйнай справе. Але прайшло ўжо больш за 20 дзён, а ў раскладах працы брэсцкіх судоў імя Супрунюка так і не з’явілася. Таму ёсць верагоднасць, што ён насамрэч затрыманы, але ў межах крымінальнай справы.

Падобным чынам брэсцкі журналіст быў затрыманы ўвечары 6 ліпеня 2021 года. Тады дома ў Алега Супрунюка правялі ператрус, забралі камп’ютарную тэхніку і іншыя лічбавыя носьбіты. Да наступнай раніцы ніхто нічога не ведаў пра далейшы лёс затрыманага. Назаўтра Супрунюка судзілі за распаўсюд «экстрэмісцкай інфармацыі» па ч. 2 арт. 19.11 КаАП і аштрафавалі на 20 базавых велічынь.

Крыніца: БАЖ

Вясна / Правы чалавека ў Беларусі

10 February 2025 10:15

👩‍🦰«Няма закона аб гендарнай роўнасці». Як у ААН крытыкавалі беларускія ўлады

У ААН прайшло 2124-е пасяджэнне Камітэта па ліквідацыі ўсіх формаў дыскрымінацыі ў адносінах да жанчын (КЛДЖ, англ. CEDAW). Камітэт разгледзеў дзявяты перыядычны даклад Беларусі, які быў прадстаўлены паводле спрошчанай працэдуры прадстаўлення дакладаў. Беларусь як дзяржава-ўдзельніца Канвенцыі па ліквідацыі ўсіх формаў дыскрымінацыі ў адносінах да жанчын адсправаздачылася ўпершыню за апошнія дзевяць гадоў.

«Вясна» паглядзела пяцігадзіннае пасяджэнне і ў трох частках (адпаведных раздзелам Канвенцыі) распавядае пра тое, як дакладчыкі Камітэта крытыкавалі беларускія ўлады ў сваіх выступах і якія пытанні задавалі.

Тут вы прачытаеце першую частку гэтых выступленняў (артыкулы з 1 па 6 Канвенцыі), у якой гаворыцца пра дыскрымінацыю ў адносінах да жанчын, гендарныя перадузятасці, гандаль жанчынамі і эксплуатацыю прастытуцыі.

Чытаць па спасылцы 👉 https://spring96.org/be/news/117394

Вясна / Правы чалавека ў Беларусі

10 February 2025 08:45

📝Міжнародная платформа па адказнасці для Беларусі перадала ў Гаагу матэрыялы супраць рэжыму Лукашэнкі

Міжнародная платформа па прыцягненні вінаватых да адказнасці для Беларусі (IAPB) прадставіла доказы і юрыдычны аналіз у Канцылярыю пракурора Міжнароднага крымінальнага суда (МКС) для папярэдняга вывучэння пытання аб тым, ці валодае Суд юрысдыкцыяй для расследавання і пераследу меркаваных злачынстваў супраць чалавечнасці, уключаючы дэпартацыю, пераслед і іншыя бесчалавечныя акты, здзейсненымі беларускімі высокапастаўленымі службовымі асобамі з першага траўня 2020 года.

Адзначаецца, што база дадзеных Платформы змяшчае больш за 29 000 дакументаў, якія маюць дачыненне да 2 600 апытаных, і больш за мільён архіваваных матэрыялаў з адкрытых крыніц.

Як адзначыла кіраўніца Платформы Андрэа Хубер, перадача Літвой справы ў МКС азначае сабой важную вяху на шляху да правасуддзя для пацярпелых ад злачынстваў супраць чалавечнасці ў Беларусі.

Чытаць па спасылцы 👉 https://spring96.org/be/news/117390

Вясна / Правы чалавека ў Беларусі

09 February 2025 16:03

🔗«Калі трапіш у беларускую турму, то зразумееш, пра што пісаў Салжаніцын», — былая палітзняволеная пра сваё зняволенне

Яна Жураўлёва адзначае, што для яе нават было плюсам, што з «жоўтай катэгорыяй» не хочуць або асцерагаюцца мець зносіны іншыя зняволеныя:

«Я не хацела з імі мець зносіны. Я хацела чытаць кніжкі — мне больш нічога не трэба было.

У калоніі я чытала Салжаніцына, і ў мяне быў 5D-кінатэатр з такім паглыбленнем... Я не ведаю, навошта яго чытаць на волі, бо ты нічога не зразумееш. Калі трапіш у беларускую турму, то зразумееш, пра што пісаў Салжаніцын. За столькі гадоў змяніліся толькі дэкарацыі, а сістэма тая ж».

Вясна / Правы чалавека ў Беларусі

11 February 2025 16:04

🤡«Такое жыццё». Што пра палітычны пераслед беларускіх студэнтаў сказала прадстаўніца афіцыйнай дэлегацыі Беларусі ў ААН

Экспертка Рангіта дэ Сільва дэ Алвіс звярнула ўвагу на палітычны пераслед беларускіх студэнтаў.

«Некалькі гадоў таму многія беларускія студэнты былі затрыманыя і арыштаваныя па крымінальных справах. Іх прыцягнулі да адказнасці за ўдзел у пратэсных рухах. Мы апыталі 11 студэнтаў і аднаго прафесара з інстытутаў. 9 з 11 студэнтаў падвергліся пераследу за ўдзел у пратэстнай дзейнасці, а жанчына-прафесар была арыштаваная. Шэраг іншых жанчын-супрацоўніц універсітэта страцілі сваю працу».

Вясна / Правы чалавека ў Беларусі

11 February 2025 14:31

👩‍🦰«Прыйшоў час перагледзець пазіцыю жанчын». Як у ААН крытыкавалі беларускія ўлады

Камітэт па ліквідацыі ўсіх формаў дыскрымінацыі ў адносінах да жанчын разгледзеў даклад Беларусі, які быў прадстаўлены паводле спрошчанай працэдуры прадстаўлення дакладаў. Беларусь як дзяржава-удзельніца Канвенцыі па ліквідацыі ўсіх формаў дыскрымінацыі ў адносінах да жанчын адсправаздачылася ўпершыню за апошнія 9 гадоў.

«Вясна» паглядзела пяцігадзіннае пасяджэнне і ў трох частках (адпаведных раздзелам Канвенцыі) распавядае пра тое, як дакладчыкі Камітэта крытыкавалі беларускія ўлады ў сваіх выступах і якія пытанні задавалі.

Тут вы прачытаеце трэцюю частку гэтых выступленняў, у якой гаворыцца аб адукацыі і ліквідацыі стэрэатыпнай канцэпцыі роляў мужчын і жанчын, праве на працу і роўных магчымасцях для яе, ахове здароўя і доступе да яе жанчын у сельскай мясцовасці.

«Розніца ў заробках паміж мужчынамі і жанчынамі склала больш за 26%».

Вясна / Правы чалавека ў Беларусі

11 February 2025 13:21

❗️Наталлю Ладуцьку асудзілі да 4 гадоў калоніі за салідарнасць з палітвязнямі

У Мінскім абласным судзе 11 лютага 60-гадовую палітзняволеную Наталлю Ладуцьку прызналі вінаватай у «садзейнічанні экстрэмісцкай дзейнасці» і асудзілі яе да чатырох гадоў пазбаўлення волі і 600 базавых велічыняў штрафу (24 000 рублёў), піша @dissidentBY.

Прысуд вынес суддзя Яўген Пісарэвіч.

Нагадаем, Наталлю затрымалі 23 студзеня 2024 году падчас масавага рэйду КДБ за дапамогу палітвязням. Наталлі прад'явілі абвінавачванне паводле ч. 1 і ч. 2 арт. 361-4 КК (садзейнічанне экстрэмісцкай дзейнасці).

Чытаць па спасылцы 👉 https://spring96.org/be/news/117404

Вясна / Правы чалавека ў Беларусі

11 February 2025 12:45

За «экстрэмізм» будуць судзіць уладальніка гандлёвага цэнтра, які згарэў у Віцебску

Разгляд справы вядомага ў Віцебску бізнэсоўцы Віктара Вялюгі, распачатай па ч. 2 арт. 19.11 КаАП (распаўсюд экстрэмісцкіх матэрыялаў), прызначаны на 19 лютага, ён пройдзе ў судзе Чыгуначнага раёна Віцебска.

Суддзёй прызначана Кацярына Цыбульская — пераважна ёй у гэтым судзе аддаюць палітычныя «адміністратыўкі», піша @vicspring.

Пасля пажару з ГЦ «Беларусь» у медустановы трапілі два дзясяткі пацярпелых. Будынак цэнтра прызналі непрыдатным для далейшага выкарыстання, яго мяркуюць знесці.

Неўзабаве пасля пажару ў гандлёвым цэнтры Віктар Вялюга быў затрыманы: афіцыйныя СМІ паказалі яго ў наручніках. Паводле папярэдняй версіі, пажар у гандлёвым цэнтры здарыўся праз няякасную праводку.

Вясна / Правы чалавека ў Беларусі

11 February 2025 10:46

31-гадовага беларуса пачынаюць судзіць праз два гады пасля затрымання

Максім Ермаловіча затрымалі яшчэ ў студзені 2023 года. Тады праўладныя тэлеграм-каналы сцвярджалі, што ён павёўся на фэйкавую рассылку плана «Перамога» і напісаў, што гатовы «выконваць заданні».

Як адзначае «Наша Ніва», акаўнт Ермаловіча дагэтуль актыўны, і нехта пакідае з яго каменты. Выданне схільнае лічыць, што гэтым займаецца ГУБАЗіК, бо затрымлівалі Максіма менавіта яны, а ўсе каментары з акаўнта прысвечаныя крытыцы ўдзельнікаў «Байпола», у кіраўніцтве якога былыя губазікаўцы.

Ермаловіча пачынаюць судзіць 11 лютага ў Мінскім гарадскім судзе. Абвінавачваюць Ермаловіча па двух артыкулах — «абраза прадстаўніка ўлады» (арт. 369 КК) і «ўдзел у экстрэмісцкім фармаванні» (ч. 3 арт. 361-1 КК). Яму пагражае да шасці гадоў калоніі.

Працэс прызначана весці суддзя Анжэла Касцюкевіч.

Вясна / Правы чалавека ў Беларусі

11 February 2025 09:34

У Беларусі прызналі «экстрэмісцкімі» сацсеткі расійскага журналіста Аляксандра Няўзорава

Гаворка пра ягоны Telegram-канал, старонкі ў Instagram, Facebook, YouTube, «X». Адпаведнае рашэнне прынятае судом Цэнтральнага раёну Мінска 7 лютага.

Таксама Спіс экстрэмісцкіх матэрыялаў папоўнілі:

📍Telegram-каналы і чаты «Połk Kalinoūskaha / Полк Каліноўскага», «Пул Францьй», «Глаза Минска - Юг», «Ямницкий флот»;
📍Instagram-старонкі «Беларуская кнiга | Жыветэка | Варшава», «Вольга Кавалькова», «Двiжбот», «ahdpusha»;
📍Старонкі праекту «UA Беглый в Украину»;
📍Старонкі ва «Укантакце» «ВОЛАТ», «Маргарита Левчук».

Вясна / Правы чалавека ў Беларусі

11 February 2025 08:15

Сёння пачынаюць магілёўца, які з нажом адбіваўся ад губазікаўцаў. Яму пагражае прымусовае лячэнне

У Магілёўскім абласным судзе 11 лютага ў закрытым рэжыме пачынаюць разглядаць справу 62-гадовага жыхара Магілёва Аляксандра Кандрычына. Працэс будзе весці суддзя Васіль Галкоўскі. Магілёўца абвінавачваюць паводле трох крымінальных артыкулаў, у тым ліку ў «замаху на забойства».

Судзіць Аляксандра будуць як «асобу, якая здзейсніла грамадска небяспечнае дзеянне». Гэта значыць, што яму не пагражае крымінальнае пакаранне, але да яе будуць прымяняць прымусовыя меры бяспекі і лячэння.

«Будзе разглядацца пытанне аб накіраванні яго на прымусовае псіхіятрычнае лячэнне. Гэта значыць, што не будзе стаяць пытання аб прызнанні або непрызнанні яго вінаватым».

Вясна / Правы чалавека ў Беларусі

10 February 2025 16:10

❗️Будзьце ўважлівыя: з'явілася фэйкавая рассылка аб нібыта новым тэлеграм-боце BYSOL

Пра гэта паведамляе @Grodno_grab.

У чатах распаўсюджваецца ілжывая інфармацыя аб нібы створаным боце BYSOL — паведамленні пра гэта з'яўляюцца ў розных чатах.

Сапраўдныя кантакты для сувязі з камандай BYSOL можна паглядзець у канале @bysol

🔗Хроніка палітычнага пераследу

Вясна / Правы чалавека ў Беларусі

10 February 2025 14:51

🇺🇳«Пытанні гендару — гэта праблема». Як у ААН крытыкавалі беларускія ўлады.

Камітэт па ліквідацыі ўсіх формаў дыскрымінацыі ў адносінах да жанчын разгледзеў даклад Беларусі, які быў прадстаўлены паводле спрошчанай працэдуры прадстаўлення дакладаў. Беларусь як дзяржава-удзельніца Канвенцыі па ліквідацыі ўсіх формаў дыскрымінацыі ў адносінах да жанчын адсправаздачылася ўпершыню за апошнія 9 гадоў.

«Вясна» паглядзела 5-гадзіннае пасяджэнне і ў 3 частках (адпаведных раздзелам Канвенцыі) распавядае пра тое, як дакладчыкі Камітэта крытыкавалі беларускія ўлады ў сваіх выступах і якія пытанні задавалі.

Тут вы прачытаеце другую частку гэтых выступленняў, у якой гаворыцца пра роўнасць у ўдзеле ў палітычным і грамадскім жыцці краіны, пра права жанчын прадстаўляць свае ўрады на міжнародным узроўні і ўдзельнічаць у працы міжнародных арганізацый, а таксама пра пытанні грамадзянства.

Чытаць па спасылцы 👉 https://spring96.org/be/news/117398

🔹«Няма закона аб гендарнай роўнасці». Як у ААН крытыкавалі беларускія ўлады

Вясна / Правы чалавека ў Беларусі

10 February 2025 13:45

💔Палітзняволеных Алену Гнаук і Вікторыю Кульшу змясцілі ў ПКТ

Былая палітзняволеная Паліна Шарэнда-Панасюк распавяла апошнія навіны пра жанчын:

"Пасля некалькіх тыдняў у ШІЗА яны былі пераведзеныя ў ПКТ. Гэта 99%, што супраць іх зноў будуць фабрыкаваць 411-ы артыкул".

Таксама Паліна дадала:

«У Вікторыі Кульшы ўжо, напэўна, адмовілі ныркі. Яна трымала галадоўкі проста месяцамі, яна адмаўлялася ад вады і піцця. Яна ўскрывала сабе вены. Яе кідалі з гэтым у ШІЗА – яна ў ШІЗА ўскрывала сабе вены. Яна ў ПКТ трымала галадоўкі. Яна адмаўлялася ад дапамогі лекараў».

Нагадаем, Алена і Вікторыя адбываюць тэрміны ў жаночай калоніі № 24 у Зарэччы, адкуль днямі выйшла Шарэнда-Панасюк. Жанчын раней асудзілі за "злоснае непадпарадкаванне адміністрацыі калоніі". Увесь час адміністрацыя ўстановы жорстка цісне на палітзняволеных.

Вясна / Правы чалавека ў Беларусі

10 February 2025 12:31

💔«Яе білі па галаве, яе білі па жываце», — Паліна Шарэнда-Панасюк пра збіццё Кацярыны Андрэейва ў гомельскай калоніі № 4

Былая палітзняволеная распавяла пра збіццё журналісткі Кацярыны Бахвалавай (Андрэевай) у лютым 2022 года:

«Я чула [ў ШІЗА], як яна прасіла лекара. Яна казала, што мяне моцна збілі: "Мяне білі па галаве, паклічце лекара, паклічце лекара..." Зразумела, што ніхто ёй лекара не паклікаў. Гэта было 9 лютага. 10 лютага яе вывезлі ў СІЗА на Гомель. У мяне атрымалася пагаварыць з дзяўчынай, якая распавяла сітуацыю, што калі Кацю выклікалі і азнаёмілі з тым, што супраць яе ўзбуджаная чарговая справа [заўв. — за "здраду дзяржаве"], у яе проста здалі нервы. У яе здарылася гістэрыка. Што яна там рабіла — я не ведаю, але гэтая дзяўчына сказала, што яна была збітая. Яе збівалі чатыры чалавекі: оперупаўнаважаны Чорны, Ганчароў, Алёхін і Зюзін. Вось гэтыя чатыры мужычны — "героі" — накінуліся на адну Кацю. Яе білі па галаве, яе білі па жываце».

Больш з Кацярынай у месцах няволі Паліна не перасякалася.

Вясна / Правы чалавека ў Беларусі

10 February 2025 11:40

​​«Маечка на брытэльках» ці «пінжак на голае цела». Былая палітзняволная распавяла пра ўмовы ШІЗА для жанчын

Былая палітзняволеная Паліна Шарэнда-Панасюк за ўвесь час зняволення правяла ў штрафных ізалятарах 270 сутак. На прэс-канферэнцыі яна распавяла, што гэта такое:

«Калі тычыцца побатавых умоваў, гэта проста голае памяшканне, дзе няма нічога. Абсалютна нічона няма. Табе выдаюць нейкую такую форму, на спіне якой напісана "ШІЗА". Форма можа быць маленькая: пінжак на табе не зашпільваецца, спадніца на табе, прабачце, як у пэўных катэгорыях з нізкай маральнай адказнасцю. Яшчэ адміністрацыя можа гуляцца.

Калі ў ДВП напісана, што жанчына ў ШІЗА можа знаходзіцца ў кашулі з доўгім рукавом, але на "усмотрение начальника колонии", а ён угледзеў, што жанчына ў ШІЗА можа знаходзіцца увогуле ў маечцы на брытэльках. У шмат якіх людзей гэтых маечак няма — яны проста пінжак апрануюць на голае цела. Калі ты сядзіш месяц, ты не можаш змяніць гэтую форму. Ты месяц сядзіш у гэтай форме. Ты ў ёй ходзіш, спіш».

ШІЗА — камеры халодныя і вільготныя камеры без шпацыроў. У дзень даецца толькі 20 хвілін гарачай вады, у камеры адкрыты ўнітаз, абсалютнае пазбаўленне свежага паветра і сонца, 24/7 уключаныя відэакамеры, якія ў тым ліку закрануюць зону туалета. Матрац і коўдру не выдаюць — сон на голых драўляных дошках. Паліна называе ўмовы ў ШІЗА катаваннямі:

«Гэта і здзекі псіхічныя, і катаванні фізічныя».

Вясна / Правы чалавека ў Беларусі

10 February 2025 09:35

Сёння пачынаюць судзіць беларуса, які вярнуўся з Польшчы дадому

Руслану Зубкову 26 гадоў. Мяркуючы па сацсетках, ён у апошнія гады жыў і працаваў у Польшчы, піша «Наша Ніва».

У снежні 2023 года Зубкова ўнеслі ў спіс удзельнікаў экстрэмісцкага фармавання «Расія — гэта зло». Гэта невялікі тэлеграм-чат на 135 чалавек, дзе актыўныя цяпер толькі тры чалавекі. У лютым 2024 года Руслана аб'яўлялі ў вышук на тэрыторыі Беларусі і Расіі — гэта значыць, што на той момант ён яшчэ быў на свабодзе.

Калі Руслан быў затрыманы — таксама невядома. У першы раз яго судзілі ў чэрвені 2024 года за «абразу Лукашэнкі» ў Камянецкім раённым судзе. Прысуд невядомы.

Цяпер Зубкова пачынаюць судзіць зноў. Працэс пачынаецца сёння ў Брэсцкім абласным судзе. Хлопца абвінавачваюць па двух артыкулах — «садзейнічанне экстрэмісцкай дзейнасці» (ч. 1 арт. 361-4 КК) і «абраза Лукашэнкі» (ч. 1 арт. 368 КК). Судовы працэс прызначана весці Сянько Руслана.

Вясна / Правы чалавека ў Беларусі

10 February 2025 08:00

Сёння пачынаюць судзіць маці і цётку анархіста Францкевіча

Таццяну Францкевіч і Наталлю Лабацэвіч абвінавачваюць паводле арт. 361-4 КК (садзейнічанне экстрэмісцкай дзейнасці). Сясцёр затрымалі 19 ліпеня 2024 года ў Наваполацку. Пакуль невядома, што дакладна ім ставіцца ў віну.

Іх справу сёння пачынаюць разглядаць у Віцебскім абласным судзе. Працэс будзе весці суддзя Галіна Бондал.

Нагадаем, Таццяна — маці палітзняволенага Аляксандра Францкевіча, асуджанага да 17 гадоў і 9 месяцаў калоніі. Наталля — маці экс-палітвязня Іллі Лабацэвіча, які адбыў паўтара года ў зняволенні.

Вясна / Правы чалавека ў Беларусі

09 February 2025 13:05

У Віцебску асудзілі вядомага журналіста і культуролага

7 лютага ў раскладзе суда Першамайскага раёна з'явілася імя і прозвішча Георгія Каржанеўскага, журналіста і культуролага, які рабіў агляды мастацкіх падзей для розных рэгіянальных выданняў. Яго вінавацілі ў «распаўсюдзе экстрэмізму» (ч. 2 арт. 19.11 КаАП) і «прапагандзе нацысцкай сімволікі» (ч. 2 арт. 19.10 КаАП).

Адміністрацыйную справу разбірала суддзя Кацярына Цыбульская. Вынік судовага пасяджэння высвятляецца, піша «Віцебская Вясна».