Вясна / Правы чалавека ў Беларусі

21 February 2025 16:33

Адну з найлепшых дзіцячых анкалагінь Беларусі асудзілі за пратэсты

У судзе Першамайскага раёна Мінска 30 студзеня асудзілі Алену Шарафановіч паводле ч. 1 арт. 342 (актыўны ўдзелу дзеяннях, што груба парушаюць грамадскі парадак) Крымінальнага кодэкса. Справу разглядала суддзя Наталля Дзядкова.

Як заўважыла @nashaniva, прозвішча лекаркі з’явілася ў «спісе экстрэмістаў» з пазнакай «судзімасць не пагашаная». Гэта значыць, што Алене прызначылі абмежаванне волі без накіравання ў папраўчую ўстанову адкрытага тыпу («хатнюю хімію»). Дакладны тэрмін праваабаронцам невядомы.

Алена — адна з найлепшых дзіцячых анкалагіняў Беларусі, у медыцынскіх чатах і суполках немагчыма ніводнага негатыўнага водгуку пра яе ад пацыентаў.

Чытаць па спасылцы 👉 https://spring96.org/be/news/117492

Вясна / Правы чалавека ў Беларусі

21 February 2025 14:51

⚖️Сямейная пара, журналіст, фітнэс-трэнерка: каго судзілі на гэтым тыдні

З 17 па 21 лютага ў беларускіх судах разглядалі як мінімум 58 крымінальных палітычных справаў, у межах якіх судзілі 72 чалавекі. Мінімум 11 судовых працэсаў праходзілі ў закрытым рэжыме. У палітычных судах у згаданы перыяд прымалі ўдзел мінімум 50 суддзяў.

Найбольш распаўсюджаным палітычным крымінальным артыкулам з'яўляецца «народны» 342 КК. Па ім судзілі 34 асобы. За «заклікі да санкцый» на гэтым тыдні судзілі мінімум восем чалавек. Агулам паводле дыфамацыйных артыкулаў судзілі 46 чалавек.

Распавядаем пра палітычна матываваныя крымінальныя суды за мінулы тыдзень.

Чытаць па спасылцы 👉 https://spring96.org/be/news/117484

Вясна / Правы чалавека ў Беларусі

21 February 2025 13:45

У Віцебску сёння пройдзе суд за «парушэнні на выбарах»

21 лютага ў судзе Першамайскага раёна Віцебска будуць судзіць Аляксандра Канстанцінава. Яму ставяць у віну арт. 10.9 КаАП РБ (парушэнне заканадаўства аб выбарах, рэферэндуме, рэалізацыі права заканадаўчай ініцыятывы грамадзян).

Агулам жа, як адзначае @vitebsk_info, кіраўнік Віцебскага аблвыбаркама паведамляў аб каля 10 парушэннях, якія былі заўважаныя ў Віцебскай вобласці падчас галасавання.

Вясна / Правы чалавека ў Беларусі

21 February 2025 12:46

💔«Мова як пратэст». Як (не)жыве беларуская мова ў зняволенні

Нягледзячы на фармальна аднолькавы статус рускай і беларускай мовы — абедзве па Канстытуцыі з'яўляюцца дзяржаўнымі — першая дамінуе ва ўсіх сферах, а людзі, якія карыстаюцца беларускай мовай, штодзённа сутыкаюцца з дыскрымінацыяй. З ціскам праз ужыванне беларускай мовы сутыкаюцца і палітзняволеныя ў некаторых месцах няволі.

За выкарыстанне беларускай мовы некаторых палітвязняў змяшчалі ў ШІЗА, пазбаўлялі званкоў і перадач, выпісвалі «парушэнні» за даклад на роднай мове, абгрунтовываючы гэта тым, што зняволеныя выкарыстоўвывалі неіснуючыя словы накшалт «гадзіннік».

Да Дня роднай мовы ўзгадваем наш архіўны тэкст, у якім праваабаронцы сабралі сведчанні былых палітвязняў і арыштантаў пра ўжыванне беларускай мовы ў зняволенні і ўспрыняцце яе ў месцах няволі.

«Следчы параіў не размаўляць па-беларуску з "вяртухаямі" ды падчас суду, бо можна атрымаць большы тэрмін».

Вясна / Правы чалавека ў Беларусі

21 February 2025 11:45

📝«Кабанчыку моташна на каруселі». Эксперты БХК прадставілі новы агляд трэндаў дзяржпалітыкі

Беларускі Хельсінкскі камітэт апублікаваў агляд «Правы чалавека ў Беларусі: асноўныя трэнды дзяржаўнай палітыкі: верасень-снежань' 24» і кароткую прэзентацыю трэндаў за ўвесь 2024 год.

БХК маніторыць і адсочвае не любыя парушэнні заканадаўства, а толькі тое, што вядзе да якаснай змены і пераходу на новы ўзровень палітыкі дзяржавы, якая парушае правы чалавека наўпрост або стварае ўмовы для іх парушэння. Якасныя змены адсочваюцца паводле трох напрамкаў: агульныя захады, праваўжывальная практыка і ключавыя рашэнні ды рэакцыі міжнародных структур. Перыядычнасць аналітык — тры разы на год, гэта значыць кожны трыместр, або кожныя чатыры месяцы.

Зараз БХК прадставіў рэпорт за трэці трыместр 2024 года.

Чытаць па спасылцы 👉 https://spring96.org/be/news/117479

Вясна / Правы чалавека ў Беларусі

21 February 2025 11:00

З'явілася інфармацыя пра затрыманне галоўнага рэдактара «Народных навін Віцебска» Сяргея Серабры

Пра гэта паведамляе @vitebsk_info са спасылкай на @orshaeu.

Сайт ННВ цяпер выдалены, а сацсеткі Сяргея закрытыя. На дадзены момант невядома, у якім статусе знаходзіцца журналіст.

🗣Паведаміць пра затрыманне
⚖️Атрымаць бясплатную юрыдычную кансультацыю
📝Абскардзіць дзеянні дзяржаўных органаў
✍️Звязацца з журналістамі «Вясны»

Вясна / Правы чалавека ў Беларусі

21 February 2025 09:49

Ініцыятыва «Вольная Беларусь» трапіла ў спіс «экстрэмісцкіх фармаванняў» — у спісе датычных да яе Зянон Пазняк

Адпаведнае рашэнне аб прызнанні ініцыятывы «экстрэмісцкім фармаваннем» было прынятае МУС 21 лютага.

Паводле ведамства, дачыненне да яе маюць Зянон Пазняк, Алена Самусева, Віктар Каралькоў.

Вясна / Правы чалавека ў Беларусі

21 February 2025 09:02

У Брэсце пад «экстрэмісцкую адміністратыўку» патрапіў, падобна, дырыжор аркестра акадэмічнага тэатра

У раскладзе суда Ленінскага раёна Брэста ўчора было заўважана імя Аляксандра Анатольевіча Куўшынікава. Мужчыну ставілі ў віну ч. 2 арт. 19.11 КаАП (распаўсюд экстрэмісцкіх матэрыялаў).

З такімі ініцыяламі ў Брэсце ведаюць дырыжора сімфанічнага аркестра Брэсцкага акадэмічнага тэатра драмы (з 2007 года) і кіраўніка духавога аркестра Брэсцкага музычнага каледжа.

У сацсетках ён быў апошні раз у панядзелак, 17 лютага, піша @vitebsk_info.

Вясна / Правы чалавека ў Беларусі

21 February 2025 08:05

Сёння пачынаюць судзіць журналіста Ігара Ільяша

Мужчыну абвінавачваюць у «дыскрэдытацыі Беларусі» (арт. 369-1 КК) і «садзейнічанні экстрэмісцкай дзейнасці» (ч. 2 арт. 361-4 КК). Яго справу пачынаюць разглядаць у Мінскім гарадскім судзе. Працэс будзе весці суддзя Сяргей Кацэр.

Нагадаем, пра затрыманне Ігара Ільяша стала вядома 22 кастрычніка. Праўладныя тэлеграм-каналы пісалі, што Ільяш займаўся «садзейнічаннем экстрэмісцкім фармаванням» — даваў інтэрв'ю незалежным СМІ, а таксама нібыта «займаўся зборам звестак для замежных разведак» — даваў каментары ўкраінскім выданням.

Жонка Ігара — палітзняволеная журналістка Кацярына Бахвалава.

Вясна / Правы чалавека ў Беларусі

20 February 2025 15:59

Вярхоўны суд апублікаваў статыстыку аб крымінальных справах, разгледжаных судамі ў 2024 годзе, але схаваў даныя аб «палітычных» прысудах

Згодна з апублікаванай статыстыкай, за мінулы год суды агульнай юрысдыкцыі вынеслі прысуды па 29 162 крымінальных справах. Па іх было асуджана 31410 чалавек, піша reform.

Даныя па палітычна матываваных справах патрапілі толькі ў асобную статыстыку па асуджаных непаўналетніх. Усяго летась прысуды былі вынесены 593 падлеткам. З іх 152 чалавекі атрымалі пакаранне ў выглядзе пазбаўлення волі. Колькасць непаўналетніх, асуджаных па «палітычных» артыкулах:

• «распальванне варожасці» — 3 чалавекі,
• «масавыя беспарадкі» — 2 чалавекі,
• «удзел у дзеяннях, якія груба парушаюць грамадскі парадак» — 29 чалавек,
• «абраза Лукашэнкі» — 3 чалавекі,
• «заклікі да санкцый» — 2 чалавекі,
• «здрада дзяржаве» — 1 чалавек,
• «абраза прадстаўніка ўлады» — 1 чалавек.

Вясна / Правы чалавека ў Беларусі

20 February 2025 14:49

💔У Брусэлі ўшанавалі памяць палітвязня Ігара Ледніка, які памёр за кратамі ў Беларусі год таму

Беларусы Бельгіі зладзілі хвіліну маўчання ў гонар памяці праваабаронцы, грамадскага актывіста і сябра Беларускай сацыял-лэмакратычнай партыі (Грамады) Ігара Ледніка.

У верасні 2022 году Леднік быў асуджаны на 3 гады калоніі за «паклёп на Лукашэнку». У турме ў яго моцна пагоршылася здароўе, што і прывяло да смерці.

Вясна / Правы чалавека ў Беларусі

20 February 2025 13:29

🕯Год таму за кратамі памёр палітзняволены Ігар Леднік

У верасні 2022 года Ігара асудзілі да 3 гадоў калоніі. Ветэрана партыйнага руху абвінавацілі ў паклёпе на Лукашэнку (ч.2 арт. 367 Крымінальнага кодэкса). Справу разглядала суддзя Таццяна Шоцік.

Згодна з матэрыяламі справы, Леднік прадставіў для публікацыі ў адзін з часопісаў артыкул з загалоўкам «Міжнародна прызнаны нейтралітэт Беларусі – гарантыя бяспекі ў рэгіене АБСЕ». У ім ўтрымліваліся «загадзя ілжывыя звесткі, якія ганьбяць і зневажаюць гонар і годнасць Лукашэнкі, злучаныя з абвінавачваннем у асабліва цяжкіх злачынствах, у тым ліку супраць бяспекі чалавецтва».

Ігар памёр 20 лютага 2024 году ў турэмнай бальніцы ў Калядзічах, куды быў планава дастаўлены з бабруйскай калоніі № 2, дзе ўвесь час знаходзіўся ў медчастцы. Прычынай смерці палітвязня стала спыненне сэрца. Медыкі спрабавалі яго рэаніміраваць, аднак беспаспяхова.

Вясна / Правы чалавека ў Беларусі

20 February 2025 12:32

У Гомелі за «распаўсюд экстрэмізму» судзілі кіраўніка колішняга дылера ўкраінскай кампаніі

18 лютага ў судзе Навабеліцкага раёна Гомеля адбываўся судовы працэс па адміністрацыйнай справе ў дачыненні да Канстанціна Карпава. Ягоную справу паводле ч. 2 арт. 19.11 КаАП (распаўсюд экстрэмісцкіх матэрыялаў) разглядаў суддзя Аляксандр Зінчук. Вынік судовага пасяджэння высвятляецца.

Як паведамляе «Гомельская Вясна», Карпаў працуе кіраўніком сумеснага таварыства з абмежаванай адказнасцю «Белпалімергаз». Гэтая кампанія да паўнамаштабнай узброенай агрэсіі Расіі супраць Украіны з’яўлялася, у тым ліку, дылерам украінскага таварыства з абмежаванай адказнасцю «ТерПолімерГаз» з горада Цярнопала ва Украіне.

Кампаніі выраблялі і прадавалі паліэтыленавыя трубы ды іншыя часткі для мантажу трубаправодаў вода- і газазабеспячэння.

Вясна / Правы чалавека ў Беларусі

20 February 2025 10:59

У «спіс тэрарыстаў» дадалі пятнаццаць чалавек

Камітэт дзяржаўнай бяспекі абнавіў спіс «асоб, якія маюць дачыненне да тэрарыстычнай дзейнасці» — там з'явіліся прозвішчы 15 чалавек.

Сярод іх Яўген Дземянёў, Мікалай Швец, Алег Сычоў, Віталь Якуцік, Міхаіл Дзёмін, Яўгенія Тачыцкая, Сяргей Лапароў, Аляксей Клюшнічэнка, Ігар Кузаўка, Андрэй Прыходзька, Генадзь Саўрыцкі, Ірына Саўрыцкая, Віялетта Вярбіцкая, Віталь Скібінскі, Ігар/Ілля Ільюкевіч (у спісе КДБ блытаніна ў ягоным імені).

Цяпер у «тэрарыстычным спісе» 1248 чалавек, з іх больш за 550 — беларусы.

⁉️«І цяпер я бел-чырвона-белы тэрарыст». Адказваем на пытанні пра «спіс тэрарыстаў»

Вясна / Правы чалавека ў Беларусі

20 February 2025 09:44

У Гродне ў сакавіку пачнецца чарговы суд за «здраду здяржаве»

3 сакавіка ў Гродзенскім абласным судзе пачнецца судовы працэс у даыненні да Ягора Вітальевіча Сацішура. Яму інкрымінавана ч. 1 арт. 356 КК (здрада дзяржаве). Працэс прызначана весці суддзя Зінаіда Барцэвіч.

Ініцыялы фігуранта справы супадаюць з 22-гадовым Ягорам Сацішурам. Згодна з інфармацыяй з сацыяльных сетак, хлопец вучыўся на юрыдычным факультэце ў Брэсце, а пасля жыў у Польшчы.

У чым абвінавачваюць Ягора — невядома.

🌿Калі вам вядомыя акалічнасці справы ці інфармацыя пра Ягора — калі ласка, паведамляйце праваабаронцам на @Viasnainfo

Вясна / Правы чалавека ў Беларусі

21 February 2025 15:32

⁉️Суботнікі, зборы грошай, экскурсіі ў турму: як абараніць правы дзіцяці ў школе?

Прымус да суботнікаў і сельскагаспадарчых работ, удзелу ў палітычных акцыях і агітацыйных мерапрыемствах, зборы грошай для патрэб школы, экскурсіі ў турму, умяшанне ў асабістыя рэчы і перапіску — гэта адны з распаўсюджаных парушэнняў у беларускіх школах. Што рабіць у такіх сітуацыях бацькам і настаўнікам, каб абараніць правы дзіцяці ў сённяшніх рэаліях?

З эксперткамі «Беларускага Хельсінкскага Камітэта» расказваем, якія меры абароны можна распачаць пры парушэннях правоў дзіцяці ў школе.

«У выпадку палітычна матываваных дзеянняў рэкамендуецца пазбягаць прамога канфлікту, паколькі гэта можа быць звязана з рызыкамі для сям'і. У такіх выпадках прапануюцца рашэнні, якія дазволяць ухіляцца (напрыклад, медычныя даведкі) для абароны дзіцяці».

Вясна / Правы чалавека ў Беларусі

21 February 2025 14:16

⁉️Механізм універсальнай юрысдыкцыі: «чалавек, які здзейсніў асабліва цяжкае злачынства, не застанецца беспакараным»

Калі ў краіне вычарпаныя альбо немагчымыя нацыянальныя механізмы абароны правоў чалавека, застаюцца магчымымі міжнародныя механізмы. Для Беларусі немагчымы ні Міжнародны крымінальны суд у Гаазе, бо дзяржава не падпісала Рымскі статут, ні Еўрапейскі суд па правах чалавека, бо краіна не ўваходзіць у Савет Еўропы.

У такіх умовах хіба не адзіная магчымасць прыцягнуць да адказнасці вінаватых у злачынствах супраць чалавечнасці ў Беларусі — гэта ўніверсальная юрысдыкцыя. Гэты механізм аказваецца асабліва важным ва ўмовах, калі нацыянальная судовая сістэма аказваецца пад палітычным ціскам і не можа забяспечыць незалежнае раследаванне.

Але таксама варта заўважыць, што ў 2024 годзе адбылася вельмі важная падзея, якая зможа адчыніць і дзверы МКС — Літва звярнулася да пракурора МКС з просьбай расследаваць злачынствы супраць беларусаў.

Чытаць па спасылцы 👉 https://spring96.org/be/news/117485

Вясна / Правы чалавека ў Беларусі

21 February 2025 13:15

Еўрапейскія дыпламаты прыйшлі да будынка Мінскага гарадскога суда, каб падтрымаць палітзняволенага Ігара Ільяша

«Свабода слова павінна быць гарантаваная. Журналістыка — гэта не злачынства. Цяпер у Беларусі за кратамі 39 супрацоўнікаў медыя. Усе палітычныя зняволеныя павінны быць вызваленыя неадкладна і безумоўна», — напісала прадстаўніцтва ЕС у Беларусі.

Вядома, што да акцыі далучыліся прадстаўнікі дыпламатычных місій Аўстрыі, Чэхіі, ЕС, Фінляндыі, Бельгіі, Нідэрландаў, Швецыі, Славакіі, Вялікабрытаніі.

Нагадаем, Ігара Ільяна абвінавачваюць у «дыскрэдытацыі Беларусі» (арт. 369-1 КК) і «садзейнічанні экстрэмісцкай дзейнасці» (ч. 2 арт. 361-4 КК). Яго справу пачынаюць разглядаць у Мінскім гарадскім судзе. Працэс будзе весці суддзя Сяргей Кацэр.

Вясна / Правы чалавека ў Беларусі

21 February 2025 12:15

На гэтым тыдні дваіх жыхароў Фаніпаля судзілі за ўдзел у пратэстах

У судзе Дзяржынскага раёна 19 лютага разглядалі крымінальную справу паводле ч. 1 арт. 342 (актыўны ўдзел у дзеяннях, што груба парушаюць грамадскі парадак) супраць Ігара Булата і Таццяны Ломнік. Працэс вяла суддзя Таццяна Фядчук.

З дапамогай «Белпол» высветлілі, што 37-гадовы Ігар апошнім часам працаваў у Фаніпалі на прыватным прадпрыемстве «M1 oil production» па вытворчасці змазачных матэрыялаў.

Чытаць па спасылцы 👉 https://spring96.org/be/news/117482

Вясна / Правы чалавека ў Беларусі

21 February 2025 11:16

У «Спіс экстрэмістаў» дадалі яшчэ 21 прозвішча — цяпер у ім 4969 чалавек

21 лютага МУС зрабіла традыцыйны пятнічны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі 22-гадовую дзяўчыну з Баранавічаў Ганну Курыс, а таксама 17-гадовага навучэнца са Жлобіна Канстанціна Ціхамірава.

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

Вясна / Правы чалавека ў Беларусі

21 February 2025 10:31

🗣Блог Алега Мацкевіча: Некалькі слоў пра моўнае пытанне

Праваабаронца Алег Мацкевіч разважае пра стаўленне дзяржаўных чыноўнікаў да Дня беларускай мовы.

«Мне няцяжка ўявіць, як напярэдадні дня агульнага шанавання роднага слова гаспадарчыя работнікі ўстаноў на загад аддзелаў ідэалогіі лезуць у каморы, дзе захоўваецца арсенал рэдкапатрэбных, але неабходных на розныя жыццёвыя выпадкі прадметаў. Навагоднія гарнітуры казачных герояў, плакаты да майскіх святаў, дэкарацыі да патрыятычных мерапрыемстваў, сцэнічны інвертар і яшчэ процьма ўсяго. Дзесці сярод гэтага багацця ляжаць папярова-фанерныя візуалізацыі літары “Ў” – бадай, самага важнага артэфакту, які адным сваім існаваннем павінны сведчыць аб нашай вечнай любві да мовы.

Варта стрэсці пыл з зашмальцаванай рэліквіі, павесіць яе на сцяну ў бачным месцы і прачытаць на яе хвалу пару заклінанняў у вершаванай форме на “роднай” мове і тады… можна будзе з спакойнай душой паставіць галачку ў справаздачы».

Вясна / Правы чалавека ў Беларусі

21 February 2025 09:33

Сямейную пару судзілі ў Дзяржынску за ўдзел у пратэсных акцыях

У судзе Дзяржынскага раёна 19 лютага разглядалі крымінальную справу паводле ч. 1 арт. 342 (актыўны ўдзел у дзеяннях, якія груба парушаюць грамадскі парадак) Крымінальнага кодэкса супраць Ірыны і Аляксандра Бабок. Працэс вёў суддзя Раман Крыловіч.

Пра абвінавачваных вядома няшмат. З дапамогай «Белпол» высветлілі падрабязнасці.

Чытаць па спасылцы 👉 https://spring96.org/be/news/117478

Вясна / Правы чалавека ў Беларусі

21 February 2025 08:20

💔«Да ты што, звар’яцеў тут па-беларуску размаўляць?»: як дыскрымінуюць беларускую мову і пераследуюць за яе ў калоніях

Дзень роднай мовы адзначаецца штогод 21 лютага. Ягоная мэта — абарона моўнай і культурнай разнастайнасці народаў свету. Гэты дзень заснаваны ЮНЕСКА і ад самага пачатку ягонага абвяшчэння ў 2000 годзе ўнесены ў беларускі праваабарончы календар.

Дыскрымінацыя беларускай мовы ў таталітарнай Беларусі пачала набываць размах пасля 1995 года, калі паводле вынікаў рэспубліканскага рэферэндуму, рускай мове «прыпісалі» статус другой дзяржаўнай. Разам з узмацненнем рэпрэсій пасля выбараў 2020 года пад моцны пераслед патрапіла і родная мова беларусаў.

Сёння пра шматлікія факты дыскрымінацыі мовы сведчаць маніторынгі і аналітычныя агляды парушэнняў моўных правоў, якія праводзяць адмыслоўцы.

«За размову на беларускай спачатку адзін раз у ШІЗА пасадзілі, потым другі раз, затым зачынілі ў ПКТ, а пасля павезлі на "крытую" турму».

Вясна / Правы чалавека ў Беларусі

21 February 2025 07:30

❗Мадэль і былую бортправадніцу Qatar Airways будуць судзіць за ўдзел у пратэстах

Вераніцы Жалубоўскай 29 гадоў. Яна з Мінска. Скончыла мінскі ліцэй №1, а пасля адвучылася ў Мінскім дзяржаўным Лінгвістычным універсітэце, які скончыла ў 2017 годзе. Мяркуючы па анкеце, адначасова вучылася ў Беларускай дзяржаўнай акадэміі мастацтваў.

У 2016 годзе дзяўчыну прызналі пераможцай сталічнага конкурсу «ВелаМіс».

Пасля сканчэння МДЛУ Вераніка адпрацавалатры гады сцюардэсай у Катарскіх авіялініях. Яшчэ адно захапленне Веранікі — мадэлінг і акцёрства. Яна знялася ў эпізадычных ролях у чатырох фільмах пад псеўданімам Вераніка Бруснікіна і супрацоўнічала з мноствам мадэльных агенцтваў.

Апошняе фота ў сацсеткі дзяўчына выклала 18 лістапада 2024 года з Турцыі. Пасля гэтага яна паехала ў Беларусь — імаверна, тады яе і затрымалі, піша «Наша Ніва».

Суд над Веранікай пачынаецца 4 сакавіка ў судзе Фрунзенскага раёна Мінска. Судзяць яе па «народным» артыкуле — ч. 1 арт. 342 КК.

Вясна / Правы чалавека ў Беларусі

20 February 2025 15:14

👩Сумесны дабрачынны збор у падтрымку палiтзняволеных беларусак

Паводле інфармацыі праваабаронцаў, на сёння ў Беларусі за кратамі знаходзяцца каля 150 палітзнвяоленых жанчын. Напярэдадні 8 сакавіка некалькі ініцыятыў аб'ядналіся і распачалі збор у падтрымку беларусак.

На кожную жанчыну плануецца выдаткаваць каля €150. Калі атрымаецца сабраць больш — падтрымка будзе больш шырокай, і яшчэ больш жанчын яе атрымаюць.

Падтрымаць збор

Вясна / Правы чалавека ў Беларусі

20 February 2025 14:14

📈Іранскія праваабаронцы кажуць пра «жахлівы рост» колькасці выкананых смяротных прысудаў

Летась у Іране было выканана 975 смяротных прысудаў. Гэта самая вялікая колькасць з 2008 года, калі праваабарончыя арганізацыі пачалі іх фіксаваць.

«Пакаранні смерцю з'яўляюцца часткай вайны Ісламскай Рэспублікі Іран супраць уласнага народа з мэтай утрымання ўлады. У мінулым годзе кожны дзень каралі смерцю ў сярэднім пяць чалавек», — сказаў дырэктар арганізацыі Iran Human Rights Махмуд Аміры-Магаддам.

Мяркуецца, што Іран – другая, пасля Кітая, краіна ў свеце па колькасці пакаранняў смерцю. Праваабаронцы абвінавачваюць улады Ірана ў выкарыстоўванні смяротнага пакарання для запалохвання грамадства, асабліва пасля масавых пратэстаў, якія ўспыхнулі ў 2022 годзе, піша @byplradio.

👀Актуальную інфармацыю пра стан смяротнага пакарання ў Беларусі, а таксама навіны Кангрэсу можна адсочваць у Telegram-канале «Праваабаронцы супраць смяротнага пакарання ў Беларусі»

Вясна / Правы чалавека ў Беларусі

20 February 2025 13:14

💔Палітзняволенаму святару Генрыху Акалатовічу ў СІЗА КДБ забаранялі мець крыжык

Асуджаны на 11 гадоў зняволення па абвінавачванні ў «здрадзе дзяржаве» ксёндз Генрых Акалатовіч не мае магчымасці адпраўляць святую Імшу і прымаць Камунію. Але, як даведаліся вернікі, яму дазволілі мець у камеры невялікі драўляны крыж.

У СІЗА КДБ, дзе святара трымалі больш за год, мець крыж забаранялі, а ў СІЗА-1 у Мінскім раёне, куды ксяндза перавялі на час абскарджання прысуду, такой забароны няма, піша @katolik_life.

Таксама вернікам распавялі, што ў святара кепскае самаадчуванне — нагадаем, ён знаходзіцца ў зняволенні пасля перанесенага інфаркту і аперацыі па выдаленні страўніка з прычыны анкалогіі.

Тым не менш ксёндз Генрых не губляе бадзёрасці духу і кажа, што ў яго лёгка на душы, бо нічога супрацьзаконнага ён не здзяйсняў, а сваё зняволенне ўспрымае як пераслед за веру, за Бога, за Каталіцкую царкву.

Вясна / Правы чалавека ў Беларусі

20 February 2025 11:44

⁉️Міжнародная платформа па прыцягненні вінаватых да адказнасці для Беларусі: для чаго яна створаная і як працуе?

У лютым гэтага году Міжнародная платформа па прыцягненні вінаватых да адказнасці для Беларусі (IAPB) абвясціла, што прадставіла доказы і юрыдычны аналіз у Канцылярыю пракурора Міжнароднага крымінальнага суда (МКС). Яны імкнуцца вывучыць пытанне, ці валодае Суд юрысдыкцыяй, каб раследаваць меркаваныя злачынствы супраць чалавечнасці, што здзейснілі беларускія высокапастаўленыя службовыя асобы з першага траўня 2020 года.

Да гэтага, у кастрычніку 2024 году, IAPB прывітала накіраванне ўрадам Літвы справы аб сітуацыі ў Беларусі ў Міжнародны крымінальны суд.

Сёння разбіраемся ў тым, як і для чаго была створаная гэтая Платформа, якія мэты яна ставіць перад сабой і якое месца займае ў яе працы Праваабарончы цэнтр «Вясна».

Чытаць па спасылцы 👉 https://spring96.org/be/news/117472

Вясна / Правы чалавека ў Беларусі

20 February 2025 10:33

У Гомелі паводле двух артыкулаў пачынаюць судзіць студэнта ўніверсітэта імя Скарыны

На 20 лютага ў Гомельскім абласным судзе запланаваны пачатак разгляду крымінальнай справы ў дачыненні да Данілы Чыбісава. Яму інкрымінаваныя ч. 3 арт. 361 КК (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Беларусі) і ч. 1 і 2 арт. 361-4 КК (садзейнічанне экстрэмісцкай дзейнасці). Працэс прызначаны весці суддзя Анатоль Сотнікаў.

Даніла — студэнт Гомельскага дзяржаўнага ўніверсітэта імя Францыска Скарыны. 18 кастрычніка 2024 года ў судзе Навабеліцкага раёна Гомеля яго разам з маці Аленай Чыбісавай асудзілі паводле ч. 2 арт. 19.11 КаАП (рапсаўсюд экстрэмісцкіх матэрыялаў). Вынік таго судовага пасяджэння невядомы.

Крыніца: Гомельская Вясна

Вясна / Правы чалавека ў Беларусі

20 February 2025 08:59

❗️72-гадовага Васіля Дземідовіча пачынаюць судзіць у дзявяты раз

У судзе Смалявіцкага раёна 20 лютага будуць разглядаць ужо дзявятую крымінальную справу супраць пенсіянера. Гэтым разам яго абвінавачваюць паводле арт. 369 КК (абраза прадстаўніка ўлады). Справу будзе весці суддзя Аляксандр Казлоўскі.

Агулам Васіля асудзілі да сямі гадоў пазбаўлення волі, пры гэтым вынік апошніх трох судоў пакуль невядомы. У зняволенні Васіля Іванавіча ўтрымліваюць амаль тры гады.

Цяпер Дземідовіч адбывае тэрмін у івацэвіцкай калоніі № 22. У сувязі з тым, што палітзняволенага ўнеслі ў «спіс тэрарыстаў», яму нельга рабіць грашовыя пераводы. Адзначым, што за апошнія гады пенсіянер перажыў дзясяткі этапаў. Этапуюць палітвязняў у цяжкіх умовах — таму гэта пакідае вельмі дрэнны адбітак на здароўі Васіля.

(Не) апошняе слова Васіля Іванавіча на адным з судоў