Вясна / Правы чалавека ў Беларусі

03 March 2025 11:45

У Калінкавічах сёння пройдзе суд за «парушэнні на выбарах»

3 сакавіка ў судзе Калінкавіцкага раёну будуць судзіць Наталлю Кацубу. Ёй ставяць у віну арт. 10.9 КаАП РБ (парушэнне заканадаўства аб выбарах, рэферэндуме, рэалізацыі права заканадаўчай ініцыятывы грамадзян). Судовы працэс будзе ўзначальваць суддзя Аксана Макарэвіч, піша «Гомельская Вясна».

Гэта будзе чацвёрты на Гомельшчыне судовы працэс з гэтай нагоды, пра які стала вядома праваабаронцам.

Вядома, што 28 студзеня — праз два дні пасля выбараў* — Наталлю судзілі за «распаўсюд экстрэмізму». Вынік таго судовага пасяджэння высвятляецца.

Вясна / Правы чалавека ў Беларусі

03 March 2025 10:35

🗣«Досыць, трэба спыняць гэтую грамадзянскую вайну!». У гадавіну прысуда ўзгадваем «апошнія словы» палітзняволеных «вясноўцаў»

«Сітуацыя поўнамаштабнага крызісу ў дзяржаве моцна небяспечная для суверэнітэту Беларусі. Перад намі агромністыя геапалітычныя выклікі — краіна зайшла ў тупік.

Адзіным магчымым выйсцем з усебаковага крызісу, у якой апынулася Беларусь, бачыцца пастаянны доўгатэрміновы пошук кансэнсусу, раўнавагі ў грамадстве з улікам інтарэсаў розных слаёў грамадства. Дзеля захавання Беларусі як дзяржавы, дзеля будучыні нашага народу, нам усім, а найперш — уладам, трэба праявіць мудрасць і дальнабачнасць.

Трэба пачаць шырокі грамадскі дыялог, накіраваны на нацыянальнае прымірэнне, як бы гэта цяжка не здавалася бы камусьці пайсці на гэта. Перадумовай такога дыялогу мусіць быць вызваленне ўсіх палітычных зняволеных, правядзенне шырокамаштабнай амністыі, спыненне рэпрэсій, бо няма сэнсу ў амністыі, калі адной рукой людзей вызваляюць, а другой працягваюць саджаць».

Апошняе слова Валіка, Уладзя і Алеся

Вясна / Правы чалавека ў Беларусі

03 March 2025 09:34

У Гродне пачынаецца чарговы суд за «здраду здяржаве»

3 сакавіка ў Гродзенскім абласным судзе пачынаецца судовы працэс у даыненні да Ягора Вітальевіча Сацішура. Яму інкрымінавана ч. 1 арт. 356 КК (здрада дзяржаве). Працэс прызначана весці суддзя Зінаіда Барцэвіч.

Ініцыялы фігуранта справы супадаюць з 22-гадовым Ягорам Сацішурам. Згодна з інфармацыяй з сацыяльных сетак, хлопец вучыўся на юрыдычным факультэце ў Брэсце, а пасля жыў у Польшчы.

У студзені прапагандыст Азаронак даў інтэрв'ю журналістцы Ксеніі Сабчак. Падчас размовы Сабчак узяла са стала Азаронка ліст з пастановай аб прызнанні яго пацярпелым па крымінальнай справе.

Сабчак зачытала на камеру дэталі пастановы. У лісце гаворыцца, што нейкі Сацішур сабраў і даў замежнай дзяржаве персанальныя дадзеныя Азаронка. Прапагандыст распавёў, што гэта ён падаў заяву на Сатышура за тое, што ён выклаў у інтэрнэт асабістыя дадзеныя журналіста, пісала «Люстэрка».

Вясна / Правы чалавека ў Беларусі

03 March 2025 08:31

Дзяўчыну з Баранавічаў, якую раней затрымалі ў Маскве, сёння пачынаюць судзіць у Беларусі за ўдзел у пратэстах

Ірыне Пазнякевіч (Шульга) 26 гадоў. Яна родам з Баранавічаў, таксама жыла ў Івацэвічах. Па звестках з сацсетак, дзяўчына працавала ў розных сферах — напрыклад, была санітаркай. А па стане на 2019 год у яе было малое дзіця.

У кастрычніку 2020 года Ірына знаходзілася ў ізалятары ў Жодзіне — дзяўчыну затрымалі нібыта за ўдзел у пратэстах, піша «Наша Ніва».

У лютым 2021 года яна перабралася ў Расію. Тэрмін яе легалізацыі скончыўся 14 студзеня 2024 года, але яна не выехала з Масквы на радзіму, а засталася там. У кастрычніку 2024 года Ірыну судзілі ў Мікулінскім раённым судзе Масквы. Ёй прысудзілі 5000 расійскіх рублёў штрафу (каля 50 даляраў) і дэпартацыю з Расіі.

Працэс над Ірынай пачынаецца сёння ў судзе Кастрычніцкага раёна Мінска. Яе абвінавачваюць «у грубым парушэнні грамадскага парадку» па ч. 1 арт. 342 КК. Суддзя — Вольга Лаўрыновіч.

Вясна / Правы чалавека ў Беларусі

02 March 2025 15:35

🎧«Нармальна не ўпісвацца ў нормы». Наста Базар — новы сезон «Жанчыны ў праваабароне»

Падкаст «Вясна прыйдзе» вяртаецца з новым сезонам «Жанчыны ў праваабароне». Мы будзем запрашаць праваабаронак і гутарыць з імі пра іх дзейнасць, у тым ліку ў вымушанай эміграцыі.

І першая госця — Наста Базар, «Праваабаронца года 2024», якая працуе ў сферы правоў жанчын, правоў ЛГБТК і іншых уразлівых груп, фем- і квір-актывістка, стваральніца і PR-менеджэрка сацыяльных праектаў.

Пагутарылі з Настай пра яе стаўленне да прэміі «Праваабаронца года», нядаўняе наведванне ААН і харасмэнт.

Soundcloud | Spotify | Apple podcasts | Youtube | Castbox | Іншыя пляцоўкі

Вясна / Правы чалавека ў Беларусі

02 March 2025 10:31

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

🔹Тры гады вайны. Як у Беларусі пераследуюць за падтрымку Украіны

🔹Студзень: большасць выпадкаў палітычна матываванага пераследу паводле артыкула 342 КК

🔹Супрацоўніцу «Пеленга» асудзілі да калонііі

🔹«Сур'ёзныя рэпрэсіі ў дачыненні да абаронцаў правоў жанчын». Што сказаў КЛДЖ у сваіх рэкамендацыях Беларусі

🔹Мытнік, выкладчыца, прадпрымальнікі: каго прызналі палітвязнямі ў лютым

🔹«Першы раз накрыла, напэўна, праз тыдзень пасля вызвалення»: з якімі праблемамі сутыкаюцца беларускія палітвязні пасля вызвалення

🔹Як мяняецца рэпрэсіўная практыка ўладаў Беларусі: разбіраемся разам з праваабаронцамі

🔹Настаўніца, праграміст, нафтаперапрацоўшчык, фатографка: каго судзілі на гэтым тыдні

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

01 March 2025 15:02

Сталічную настаўніцу фізкультуры будуць судзіць за ўдзел у пратэстах

У судзе Ленінскага раёна Мінска 5 сакавіка пачынаецца працэс над Янай Андрэеўнай Чобат. Дзяўчыне інкрымінаваны «народны» арт. 342 КК (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх). Суддзя — Анастасія Ачалава.

Яне Чобат 28 гадоў. Яна мінчанка. Пасля школы дзяўчына скончыла ўніверсітэт і працуе настаўніцай фізкультуры ў адной з мінскіх школ.

Таксама яна фітнэс-трэнер. Захапляецца аматарскім трыятлонам і конным спортам, піша «Наша Ніва».

Вясна / Правы чалавека ў Беларусі

01 March 2025 10:15

🌿У Празе адбудзецца вечар салідарнасці са зняволенымі праваабаронцамі «Вясны»

У гадавіну прысуду праваабаронцам Алесю Бяляцкаму, Валянціну Стэфановічу і Уладзіміру Лабковічу, 3 сакавіка, у Празе адбудзецца імпрэза салідарнасці: адкрыццё арт-інсталяцыі «Нязломныя» і дыскусія, прысвечаная «Вясне» і сітуацыі з правамі чалавека ў Беларусі.

Менавіта ў гэты дзень два гады таму віцэ-прэзідэнт FIDH Валянцін Стэфановіч, каардынатар кампаніі «Праваабаронцы за свабодныя выбары» Уладзімір Лабковіч і заснавальнік «Вясны» Алесь Бяляцкі былі асуджаныя на працяглыя тэрміны зняволення за сваю мірную дзейнасць па дапамозе людзям.

Каб выказаць падтрымку тым, хто пацярпеў за абарону свабоды і справядлівасці ў Беларусі, «Вясна» разам з чэшскай арганізацыяй People in Need ладзіць у Празе імпрэзу салідарнасці. Далучайцеся!

🗓3 сакавіка, панядзелак, 18:00
📍Langhan Café, 37, Vodičkova 707/37, Nové Město, Praha
🗣На ангельскай мове
⁉️Падрабязнасці

Вясна / Правы чалавека ў Беларусі

28 February 2025 19:00

🎧«Нармальна не ўпісвацца ў нормы». Наста Базар — новы сезон «Жанчыны ў праваабароне»

Падкаст «Вясна прыйдзе» вяртаецца з новым сезонам «Жанчыны ў праваабароне». Мы будзем запрашаць праваабаронак і гутарыць з імі пра іх дзейнасць, у тым ліку ў вымушанай эміграцыі.

І першая госця — Наста Базар, «Праваабаронца года 2024», якая працуе ў сферы правоў жанчын, правоў ЛГБТК і іншых уразлівых груп, фем- і квір-актывістка, стваральніца і PR-менеджэрка сацыяльных праектаў.

Пагутарылі з Настай пра яе стаўленне да прэміі «Праваабаронца года», нядаўняе наведванне ААН і харасмэнт.

Soundcloud | Spotify | Apple podcasts | Youtube | Castbox | Іншыя пляцоўкі

Вясна / Правы чалавека ў Беларусі

28 February 2025 15:32

👩Сумесны дабрачынны збор у падтрымку палiтзняволеных беларусак

Паводле інфармацыі праваабаронцаў, на сёння ў Беларусі за кратамі знаходзяцца каля 150 палітзнвяоленых жанчын. Напярэдадні 8 сакавіка некалькі ініцыятыў аб'ядналіся і распачалі збор у падтрымку беларусак.

На кожную жанчыну плануецца выдаткаваць каля €150. Калі атрымаецца сабраць больш — падтрымка будзе больш шырокай, і яшчэ больш жанчын яе атрымаюць.

Падтрымаць збор

Вясна / Правы чалавека ў Беларусі

28 February 2025 13:35

Футбольнага фаната з Оршы зноў асудзілі за «распаўсюд экстрэмізму»

27 лютага ў судзе Оршы і Аршанскага раёна судзілі 25-гадовага Аляксея Сукорскага. Адміністрацыйны пратакол за «распаўсюд экстрэмізму», складзены па ч. 2 арт. 19.11 КаАП, разбірала суддзя Юлія Вяршыніна, піша @vicspring. Вынік пасяджэння высвятляецца.

Менавіта яна 9 лютага ўжо асудзілі Аляксея па гэтым самым артыкуле — тады Сукорскаму прызначылі 7 сутак арышту.

Упершыню пад увагу сілавых структур хлопец трапіў яшчэ ў 2018 годзе. Тады падставай для судовага разбору стаўся інцыдэнт, які здарыўся на аршанскім стадыёне падчас матчу паміж футбольнымі камандамі Оршы і Ліды. Дзяжурныя міліцыянты заўважылі на шапцы Сукорскага нашыўку з надпісам «A.C.A.B.».

Аляксея тады затрымалі. У выніку хлопец двое сутак правёў пад вартай, а судовы разбор скончыўся штрафам за «непадпарадкаванне міліцыянтам».

Вясна / Правы чалавека ў Беларусі

28 February 2025 11:21

📝У Крымінальны кодэкс уносяць змены: юрысты распавядаюць, што важна ведаць

Закон «Аб змяненні кодэксаў паводле пытанняў крымінальнай адказнасці» афіцыйна апублікаваны на Нацыянальным прававым інтэрнэт-партале pravo.bу. Ён уносіць змены ў Крымінальны кодэкс, Кодэкс аб адміністрацыйных правапарушэннях, Працэсуальна-выканаўчы кодэкс.

У дакуменце перагледзелі санкцыі 97 складаў злачынстваў, з іх 65 складаў дапоўненыя больш мяккімі відамі пакаранняў. Нягледзячы на шэраг пазітыўных зменаў, таксама з'яўляюцца новыя падставы для палітычна матываванага пераследу.

Юрыдычная служба «Вясны» распавядае пра некаторыя важныя змены.

Чытаць па спасылцы 👉 https://spring96.org/be/news/117536

Вясна / Правы чалавека ў Беларусі

28 February 2025 09:32

У «Спіс экстрэмістаў» дадалі яшчэ 21 прозвішча — цяпер у ім 4990 чалавек

28 лютага МУС зрабіла традыцыйны пятнічны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі былога старшыню Віцебскага падраздзялення БНФ Іосіфа Дулебу, былога інспектара Службы бяспекі аэрапорта «Мінск-2» Анатоля Крупіна, а таксама 71-гадовага Пятра Філіповіча.

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

Вясна / Правы чалавека ў Беларусі

28 February 2025 08:02

Яшчэ адну супрацоўніцу «Пеленга» будуць судзіць за «заклікі да прычынення шкоды Беларусі»

Ірына Суржык з Мінска. Яна вучылася ў Беларускім нацыянальным тэхнічным універсітэце. Вядома, што больш за 15 гадоў Ірына працуе на ААТ «Пеленг» — найбуйнейшым праектна-канструктарскім прадпрыемстве аптычна-электроннай прамысловасці.

Апошнім часам Суржык была інжынерам-канструктарам 1 катэгорыі ў навукова-канструктарскім упраўленні СКС (яго яшчэ называюцца «дваццаткай») у сектары сістэмнага забеспячэння вытворчасці. Хутчэй за ўсё, жанчыну затрымалі падчас аблавы на «Пеленг», якая пачалася мінулым летам, піша «Наша Ніва».

Суд над Ірынай пачынаецца 12 сакавіка ў Мінскім гарадскім судзе. Жанчыну абвінавачваюць у «закліках да прычынення шкоды Беларусі» (ч. 3 арт. 361 КК). Суддзя — Святлана Макарэвіч.

Нагадаем, нядаўна асудзілі яшчэ адну супрацоўніцу «Пеленга» — 29-гадовую Карыну Праташчык. Ёй па тым жа артыкуле прысудзілі два гады калоніі.

Вясна / Правы чалавека ў Беларусі

27 February 2025 15:04

❗️У Беларусі +6 новых палітвязняў

Гэта Яўген Бойка, Аляксандр Краўчук, Паліна Піткевіч, Арцём Палякоў, Вадзім Сенчанка, Максім Бельчанка.

Хто гэтыя людзі і чаму праваабаронцы лічаць іх справы палітычна матываванымі 👉 spring96.org/be/news/117529

Спіс усіх палітвязняў Беларусі 👉 prisoners.spring96.org

Вясна / Правы чалавека ў Беларусі

03 March 2025 11:01

Праграміста з «Атланта» пачынаюць судзіць за «заклікі да нанясення шкоды Беларусі»

Аляксандру Гаршунову 45 гадоў. Ён мінчук. У 2004 годзе скончыў Беларускі нацыянальны тэхнічны ўніверсітэт. Мяркуючы па сацсетках, працаваў праграмістам на мінскім заводзе «Атлант», піша «Наша Ніва».

Суд над Аляксандрам пачынаецца 3 сакавіка ў Мінскім гарадскім судзе. Яго абвінавачваюць у «закліках да нанясення шкоды Беларусі» (ч. 3 арт. 361 КК). Працэс прызначаны весці суддзя Аляксандр Рудэнка.

Вясна / Правы чалавека ў Беларусі

03 March 2025 10:02

🌿У Празе адбудзецца вечар салідарнасці са зняволенымі праваабаронцамі «Вясны»

У гадавіну прысуду праваабаронцам Алесю Бяляцкаму, Валянціну Стэфановічу і Уладзіміру Лабковічу, 3 сакавіка, у Празе адбудзецца імпрэза салідарнасці: адкрыццё арт-інсталяцыі «Нязломныя» і дыскусія, прысвечаная «Вясне» і сітуацыі з правамі чалавека ў Беларусі.

Менавіта ў гэты дзень два гады таму віцэ-прэзідэнт FIDH Валянцін Стэфановіч, каардынатар кампаніі «Праваабаронцы за свабодныя выбары» Уладзімір Лабковіч і заснавальнік «Вясны» Алесь Бяляцкі былі асуджаныя на працяглыя тэрміны зняволення за сваю мірную дзейнасць па дапамозе людзям.

Каб выказаць падтрымку тым, хто пацярпеў за абарону свабоды і справядлівасці ў Беларусі, «Вясна» разам з чэшскай арганізацыяй People in Need ладзіць у Празе імпрэзу салідарнасці. Далучайцеся!

🗓3 сакавіка, панядзелак, 18:00
📍Langhan Café, 37, Vodičkova 707/37, Nové Město, Praha
🗣На ангельскай мове
⁉️Падрабязнасці

Вясна / Правы чалавека ў Беларусі

03 March 2025 09:04

✊Беларусы і беларускі Беластока працягваюць віншаваць палітвязняў з Днём народзінаў

Яны правялі акцыю, на якой ўзгадалі палітзняволеных, што святкавалі свой Дзень народзінаў у лютым.

Вясна / Правы чалавека ў Беларусі

03 March 2025 08:00

💔Роўна два гады таму быў вынесены прысуд праваабаронцам «Вясны»

3 сакавіка 2023 году суддзя Марына Запаснік прысудзіла «вясноўцам» вялікія тэрміны: Уладзю Лабковічу — 7 гадоў калоніі, Валянціну Стэфановічу — 9 гадоў калоніі, Алесю Бяляцкаму — 10 гадоў калоніі. Праваабаронцы не прызналі віну ні па адным артыкуле, які ставіўся ім у віну.

Пазней Алеся этапавалі ў папраўчую калонію №9 у Горках, Валянціна — у папраўчую калонію №15 у Магілёве, а Уладзя — у папраўчую калонію №17 у Шклове.

💌Месца ўтрымання «вясноўцаў»:
- ПК № 9, 213410, Горкі, Дабралюбава, 16, Аляксандру Віктаравічу Бяляцкаму
- ПК № 15, 213105, Магілёў, п/а Вейна, Слаўгарадская шаша 183, Валянціну Канстанцінавічу Стэфановічу
- ПК № 17, 213004, Шклоў, 1-я Заводская, 8, Уладзіміру Мікалаевічу Лабковічу
💻Напісаць анлайн
💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

02 March 2025 13:02

💔4 гады і 5 месяцаў за кратамі ўтрымліваюць палітзняволенага валанцёра «Вясны» Андрэя Чапюка

У верасні 2022 году Андрэю прысудзілі 6 гадоў калоніі. Чапюка абвінавацілі паводле ч. 1 арт. 13 ч. 2 арт. 293 (падрыхтоўка да ўдзелу ў масавых беспарадках), ч. 2 арт. 285 (удзел у злачыннай арганізацыі), ч. 1 арт. 130 (распальванне іншай сацыяльнай варожасці), арт. 341 (апаганьванне збудаванняў і псаванне маёмасці — за графіці супраць Еўрапейскіх гульняў у 2019 годзе).

Пазней Вярхоўны Суд скараціў тэрмін на тры месяцы — да 5 гадоў і 9 месяцаў зняволення. Пазней Чапюка этапавалі ў івацэвіцкую калонію, дзе ён і адбывае свой тэрмін.

💌Месца ўтрымання Андрэя: ПК № 22. 225295, Брэсцкая вобласць, Івацэвічы, ст. Даманава, а/с 20, Андрэй Сяргеевіч Чапюк
💻Напісаць анлайн

Вясна / Правы чалавека ў Беларусі

02 March 2025 08:04

Экс-палітвязень, які слаба бачыць, збірае грошы на кампутар для дыстацыйнай працы

Мужчыну арыштавалі ў верасні 2021 года і асудзілі на два з паловай гады зняволення па «справе Зельцэра». Цалкам адбыўшы тэрмін, ён выйшаў на волю ў сярэдзіне 2023 года, прайшоўшы праз катаванні, маральны і фізічны ціск з боку супрацоўнікаў калоніі. Акрамя таго, умовы ўтрымання падарвалі ягонае здароўе — ён часткова страціў зрок і цяпер займаецца яго аднаўленнем.

Нягледзячы на ​​ўсе цяжкасці, мужчына не апускае рук і плануе зарабляць дыстацыйнай працай, каб аднавіць здароўе і забяспечыць сябе. Але для гэтага яму неабходны кампутар з якасным маніторам, які будзе бяспечны для зроку. Ён не просіць грошай на жыццё — яму патрэбен працоўны інструмент, які ён не можа дазволіць сабе без сталага даходу.

Падтрымаць мужчыну на BYSOL

Вясна / Правы чалавека ў Беларусі

01 March 2025 13:02

✊ Падтрымайце «Вясну» на Patreon альбо аднаразовым данатам

На сёння за кратамі знаходзіцца пяцёра праваабаронцаў «Вясны» — іх асудзілі да пазбаўлення волі толькі за тое, што яны абаранялі правы беларусаў. Нягледзячы на гэта, дзясяткі праваабаронцаў і сотні валанцёраў «Вясны» працягваюць сваю працу па абароне і фіксацыі парушэнняў правоў чалавека ў Беларусі.

Акрамя магчымасці падтрымаць «Вясну» падпіскай на Patreon, з'явілася магчымасць зрабіць аднаразовы данат праваабаронцам.

Усе сабраныя ахвяраванні будуць накіраваныя на падтрымку дзейнасці арганізацыі, а таксама палітзняволеных вясноўцаў.

❗️Калі ласка, рабіце пераводы толькі, калі для вас гэта бяспечна. Мы настойліва просім не рабіць пераводаў з картак беларускіх ці расійскіх банкаў

💵Падтрымаць «Вясну» аданаразовым данатам
💶Падтрымаць Вясну на Patreon
⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Вясна / Правы чалавека ў Беларусі

01 March 2025 08:05

🏃‍♀️Amnesty Polska заклікае далучыцца да кампаніі #BiegamDobrze, каб падтрымаць беларускіх палітвязняў

Далучайцеся да кампаніі #BiegamDobrze і паўдзельнічайце 30 сакавіка ў адным з забегаў, якія ладзіць Maraton Warszawski: Варшаўскага паўмарафону ці New Balance Bieg na Piątkę.

Вам неабавязкова быць прафесійным бегуном — вы можаце прабегчы або прайсці па маршруце! Зарэгіструйцеся на сайце biegamdobrze.pl, абярыце каманду Amnesty International і далучайцеся да падтрымкі беларускіх палітвязняў!

Рэгістрацыя працягваецца да 16 сакавіка.

Вясна / Правы чалавека ў Беларусі

28 February 2025 16:15

Чарговае папаўненне Спіса экстрэмісцкіх матэрыялаў

У яго трапілі:

📍Telegram-каналы і чаты «Rost Rudzık», «Беларуcкi Янкi», «Polk Kalinouskaha/Полк Калiноўскага», «Кунцевщина Минск TUT☮️», «Уручча», «ЧАТ Малиновка 5/6», «Беларуская диаспора в Черногории», «Беларусы Щецина», «Беларусы Торуня і Быдгашчы/Быдгощ», «Беларусь. Акции у посольства в Берлине», «Чат. Восточный округ №107 г.Минска. Работа с депутатами», «Калиновский избирательный округ N 108. Депутат Гайдукевич», «Беларусы Iрпень/Буча», «Cі4 Team (4мб ОПБр)», «hatory», «Хабза Береза»;
📍Instagram старонкі «podiia.infо», «volgazh»;
📍Старонкі ў «Х» «Horbac», «Dżmitry Hurniević»;
📍Старонкі ў TikTok «infobel», «Ник и майк», «Правильный Беларус», «Новости Беларуси - TUT BY», «Новости Беларуси».

🔗Хроніка палітычнага пераследу

Вясна / Правы чалавека ў Беларусі

28 February 2025 14:42

⚖️Настаўніца, праграміст, нафтаперапрацоўшчык, фатографка: каго судзілі на гэтым тыдні

З 24 па 28 лютага ў беларускіх судах разглядалі 50 крымінальных палітычных справаў, у межах якіх судзілі 67 чалавек. Мінімум cем судовых працэсаў праходзіла ў закрытым рэжыме.

Найбольш распаўсюджаны палітычны крымінальны артыкул — «народны» артыкул 342 КК. Па ім судзілі 42 чалавекі. За «здраду дзяржаве» на мінулым тыдні судзілі мінімум тры чалавекі. Агулам паводле дыфамацыйных артыкулаў судзілі 34 людзей.

У палітычных судах у згаданы перыяд прымалі ўдзел мінімум 46 суддзяў. Найбольш рэпрэсіўная суддзя тыдня — Юлія Шут (суд Ленінскага раёна Мінска). Яна разглядала адразу тры палітычна матываваныя справы.

Распавядаем пра палітычна матываваныя крымінальныя суды за мінулы тыдзень.

Чытаць па спасылцы 👉 https://spring96.org/be/news/117541

Вясна / Правы чалавека ў Беларусі

28 February 2025 12:06

🔗Як мяняецца рэпрэсіўная практыка ўладаў Беларусі: разбіраемся разам з праваабаронцамі

Першая хваля адміністрацыйнага і крымінальнага пераследу і запалохвання грамадства, якая адбылася ў 2020-2022 гадах ужо не можа задаволіць беларускія улады. Таму яны пачалі актыўна прыбягаць да новых рэпрэсіўных практык, як у дачыненні да тых грамадзян, якія застаюцца ў краіне, так і да тых, хто вымушаны быў з'ехаць за мяжу.

Рост завочных судоў, пераслед сваякоў асуджаных і вобшукі ў іх, рэпрэсіі ў дачыненнні да ЛГБТК+ супольнасці — вось далёка не поўны спіс рэпрэсіўных практык, якія ўлады выкарыстоўваюць супраць свайго народу.

Разбіраем разам з праваабаронцамі некаторыя з іх.

Чытаць па спасылцы 👉 https://spring96.org/be/news/117535

Вясна / Правы чалавека ў Беларусі

28 February 2025 10:15

💔«Нас вырашылі зусім звесці са свету»: прэзентацыя агляду парушэнняў правоў жанчын у месцах няволі

Праваабаронцы «Вясны» запрашаюць 8 сакавіка на анлайн-прэзентацыю агляду «Нас вырашылі зусім звесці са свету», прысвечанага парушэнням правоў жанчын у месцах несвабоды Беларусі.

У дакуменце сабраныя сведчанні жанчын, якія сутыкнуліся з катаваннямі, прыніжэннямі і гендарнай дыскрымінацыяй падчас затрымання, адміністрацыйнага арышту, утрымання ў следчых ізалятарах і калоніях.

Падчас сустрэчы ўдзельнікі і ўдзельніцы пазнаёмяцца з асноўнымі высновамі агляду, абмяркуюць актуальную сітуацыю са становішчам жанчын у месцах зняволення і разгледзяць магчымыя спосабы іх падтрымкі.

📍8 сакавіка ў 14:00 па Мінскім часе
✍️Патрэбна папярэдняя рэгістрацыя па спасылцы
⁉️Падрабязнасці мерапрыемства

Вясна / Правы чалавека ў Беларусі

28 February 2025 08:30

Аналітыка Андрэя Паротнікава асудзілі да 10 гадоў калоніі

У Мінскім абласным судзе да дзесяці гадоў калоніі ва ўмовах узмоцненага рэжыму асудзілі аналітыка і палітолага Андрэя Паротнікава. Палітвязня абвінавацілі паводле пяці артыкулаў Крымінальнага кодэкса, у тым ліку ў «здрадзе дзяржаве» (ч. 1 арт. 356 КК) і «змове з мэтай захопу ўлады» (ч. 1 арт. 357 КК).

Прысуд Вячаслаў Тулейка вынес яшчэ 31 кастрычніка 2024 года, але пра яго стала вядома толькі цяпер. Працэс адбываўся ў закрытым рэжыме, таму падрабязнасці абвінавачвання і пазіцыя Паротнікава невядомыя. На 14 сакавіка прызначаны разгляд апеляцыйнай скаргі на прысуд палітвязня.

Андрэй Паротнікаў — палітолаг, спецыяліст па праблемах бяспекі. Кіраўнік аналітычнага цэнтру Belarus Security Blog; член Рады арганізацыі «Правы альянс» (2010-2011).

Чытаць па спасылцы 👉 https://spring96.org/be/news/117530

Вясна / Правы чалавека ў Беларусі

27 February 2025 16:01

«Экстрэмісцкай» прызналі старонку журналісткі Алены Чарняўскай у Instagram

Адпаведнае рашэнне прынятае судом Цэнтральнага раёну Мінска 25 лютага.

Таксама «Спіс экстрэмісцкіх матэрыялаў» папоўнілі старонкі ў Instagram «Асацыяцыя Палітвязняў Беларусі» і «Чаты 97%», старонкі ў «Аднакласніках» «Зьмiцер Кайтанаў», «ИННА БОРИСЕВИЧ», «Виталий Казимир», «Беларусь-Украина за мир!», «Беларусь-Польша-Украина-Литва», а таксама Telegram-канал «ГРИФОН501».

Вясна / Правы чалавека ў Беларусі

27 February 2025 14:16

Сяргея Чалага збіраюцца прымусова высяляць з мінскай арэнднай кватэры

У судзе Савецкага раёна Мінска 27 лютага разглядаўся грамадзянскі іск камунальнага прадпрыемства «Мінскія гарадскія інтэрнаты» да Сяргея Вячаславіча Чалага.

Як вынікае з прадмету спрэчкі, яго збіраюцца прымусова выселіць з займанай арэнднай кватэры, але ў нікуды ўсё ж не выганяць — узамен прапануюць нейкае іншае жыллё, піша «Наша Ніва».

Сяргей Чалы — вядомы эканаміст. З 2021 года знаходзіцца ў вымушанай эміграцыі, жыве ў Польшчы.