Вясна / Правы чалавека ў Беларусі

10 March 2025 10:36

💔Дапамога сям'і былога палітвязня Яўгена Харашкевіча

«За сваю грамадзянскую пазіцыю я быў арыштаваны, потым асуджаны і адпраўлены ў турму на 4 гады, пакінуўшы цяжарную жонку адну ў самых складаных абставінах. У жніўні 2024 года, пасля поўнага адбыцця тэрміна, я выйшаў на волю. Але пераслед нашай сям'і не спыніўся. Увосень 2024 года ў нашу кватэру зноў прыйшлі сілавікі з ператрусам.

Тры месяцы мы хаваліся ў Грузіі, жывучы ў пастаянным страху. А калі, нарэшце, змаглі пераехаць у Польшчу, нас чакаў яшчэ адзін удар: грошы, якія мае бацькі перадалі нам на першы час у эміграцыі, былі скрадзеныя.

Мы звярнуліся ў паліцыю Польшчы і рыхтуем заяву ў паліцыю Грузіі, але шанцы вярнуць скрадзенае малыя. Цяпер мы засталіся без сродкаў да існавання і без той фінансавай падушкі, якая дазволіла б нам пачаць новае жыццё».

Вясна / Правы чалавека ў Беларусі

10 March 2025 08:35

«Машына мамы». Экс-палітзняволеная ўкраінка адрэагавала на спробу ўладаў Беларусі прадаць забраны ў яе аўтамабіль

У канцы лютага стала вядома, што ўлады Беларусі спрабуюць прадаць з аўкцыёна аўтамабіль, які яны адабралі ў грамадзянкі Украіны, былой палітзняволенай Наталлі Захаранкі. Раней жанчыну асудзілі да 9 гадоў калоніі, але пазней вызвалілі па абмене вызвалілі з беларускай турмы.

«Гомельская Вясна» папрасіла Наталлю пракаментаваць намер уладаў Беларусі распарадзіцца адабранай у яе маёмасцю.

«Самае цікавае, што гэтая машына не фігуравала ў крымінальнай справе, як прылада здзяйснення “злачынства”, у якім мяне абвінавацілі. Больш таго — гэта ўласнасць не мая, а маёй мамы, я гэтай машынай кіравала паводле даверанасці. Дакументы пра гэта так і засталіся ў міліцыянтаў і следчых у Беларусі. Тым не менш, яе забралі, нібыта дзеля пагашэння штрафу, які мне прысудзілі».

Вясна / Правы чалавека ў Беларусі

09 March 2025 16:02

🎧«Справядлівасць патрабуе часу». Вікторыя Фёдарава — сезон «Жанчыны ў праваабароне»

Гераіня новага выпуска падкаста «Вясна прыйдзе» — Вікторыя Фёдарава, дырэктарка Прававой ініцыятывы, спецпраектам якой з’яўляецца Міжнародны камітэт па расследаванню катаванняў у Беларусі.

Пагаварылі з ёй пра справядлівасць і пра магчымыя шляхі прыцягнення да адказнасці вінаватых у катаваннях. А таксама пра саму Вікторыю і яе шлях да праваабароны.

Soundcloud | Spotify | Apple podcasts | Youtube | Castbox | Іншыя пляцоўкі

Вясна / Правы чалавека ў Беларусі

09 March 2025 12:02

⁉️Як юрысты расцэньваюць артыкул за «заклікі да санкцый» і масавы пераслед іншадумцаў па ім

Артыкул 361 КК прымяняецца для палітычнага пераследу самастойна толькі ў адзінкавых выпадках, што толькі пацвярджае яго інструментальнасць для мэтанакіраванага здушэння свабоды слова, запужванні і пакаранні актыўных, прыходзяць да высновы юрысты «Вясны».

«Іншымі словамі, такія дзеянні, як заклікі да санкцый — гэта спробы ўплыву на міжнародных актараў, якія маюць пэўныя адносіны з Рэспублікай Беларусь, дзе апошняй ёсць што губляць.

А санкцыі накіраваныя на тое, каб змяніць паводзіны або палітыку дзяржавы. Так ці інакш, любыя выказванні наконт санкцый – гэта палітычная думка — і падпадае пад ахову артыкула 19 Міжнароднага пакта аб грамадзянскіх і палітычных правах — права на свабоднае выказванне свайго меркавання».

Вясна / Правы чалавека ў Беларусі

09 March 2025 08:03

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

🔹У Празе адкрылі арт-інсталяцыю «Нязломныя», прысвечаную палітзняволеным праваабаронцам «Вясны»

🔹Сітуацыя з правамі чалавека ў Беларусі. Люты 2025

🔹«Вызваленне палітвязняў мусіць быць прыярытэтам». У Лондане прайшла дыскусія з беларускімі і расійскімі праваабаронцамі

🔹Мінімум 13 чалавек у лютым выйшлі на волю па заканчэнні тэрмінаў, яшчэ трое — па памілаванні

🔹«Экстрэмістаў» чакае пажыццёвая забарона на педагагічную дзейнасць? Каментар юрыста

🔹«Улады дамагаюцца таго, каб само слова санкцыі выклікала страх»: у Беларусі асудзілі мінімум 188 чалавек за заклікі да іх

🔹Выбары*2025. Фінальная аналітычная справаздача паводле вынікаў назірання за выбарамі Прэзідэнта Рэспублікі Беларусь

🔹«Нас вырашылі зусім звесці са свету». Выйшаў даклад пра гендарную дыскрымінацыю ў месцах несвабоды

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

08 March 2025 16:02

Для былой палітзняволенай Ксеніі Луцкіной сабралі больш за 7000 еўра за некалькі дзён

У аўторак стала вядома, што былая палітзняволеная эвакуіравана з Беларусі — у той самы дзень быў абвешчаны збор у падтрымку Ксеніі. Для Луцкіной за гэтыя дні сабралі ўжо больш за 7000 еўра.

Нагадаем, былую журналістку Белтэлерадыёкампаніі асудзілі да 8 гадоў калоніі. У зняволенні ў яе пачаліся моцныя праблемы са здароўем — у яе расла пухліна ў галаўным мозгу. Мінулым летам Ксенія выйшла на волю па памілаванні.

Падтрымаць яе фінансава можна на BYSOL.

Вясна / Правы чалавека ў Беларусі

08 March 2025 10:32

🏃‍♀️Amnesty Polska заклікае далучыцца да кампаніі #BiegamDobrze, каб падтрымаць беларускіх палітвязняў

Далучайцеся да кампаніі #BiegamDobrze і паўдзельнічайце 30 сакавіка ў адным з забегаў, якія ладзіць Maraton Warszawski: Варшаўскага паўмарафону ці New Balance Bieg na Piątkę.

Вам неабавязкова быць прафесійным бегуном — вы можаце прабегчы або прайсці па маршруце! Зарэгіструйцеся на сайце biegamdobrze.pl, абярыце каманду Amnesty International і далучайцеся да падтрымкі беларускіх палітвязняў!

Рэгістрацыя працягваецца да 16 сакавіка.

Вясна / Правы чалавека ў Беларусі

07 March 2025 15:32

✊Еўрапейскія амбасады ўзгадалі беларускіх палітзняволеных жанчын

Адпаведныя заявы былі апублікаваныя ў сацыяльных сетках еўрапейскіх амбасад у Мінску.

«У гэты Міжнародны жаночы дзень #IWD2025 мы ўзгадваем 150 жанчын-палітвязняў у Беларусі. Вікторыя Кульша і Алена Гнаўк — адны з тых, хто знаходзіцца ў зняволенні, маючы сур’ёзныя праблемы са здароўем, і не атрымлівае неабходнай медыцынскай дапамогі. Гэта бесчалавечна. Мы патрабуем неадкладнага аказання медыцынскай дапамогі і вызвалення ўсіх палітвязняў».

Вясна / Правы чалавека ў Беларусі

07 March 2025 14:15

❗️«Улады дамагаюцца таго, каб само слова санкцыі выклікала страх»: у Беларусі асудзілі мінімум 188 чалавек за заклікі да іх

У Беларусі за чатыры гады мінімум 188 чалавек асудзілі паводле арт. 361 КК за «заклікі да мер абмежавальнага характару (санкцый) , іншых дзеянняў, накіраваных на прычыненне шкоды нацыянальнай бяспецы Рэспублікі Беларусь». Гэтая крымінальная норма стала адным з інструментаў рэпрэсій пасля пратэстаў 2020 года, дазваляючы караць за выказванні ў сацыяльных сетках і медыя.

Пад пераслед трапляюць не толькі актывісты і палітыкі, але і прадстаўнікі розных прафесій — адвакаты, журналісты, праваабаронцы, лекары і прадпрымальнікі. Сам артыкул юрысты называюць інструментам палітычных рэпрэсій, які не адпавядае міжнародным стандартам правоў чалавека, а пераслед па ім — запужваннем людзей.

«Вясна» распавядае, каго і як у Беларусі пераследуюць за «заклікі да санкцый», а Юрыдычная служба каментуе гэтую заганную практыку.

Чытаць па спасылцы 👉 https://spring96.org/be/news/117578

Вясна / Правы чалавека ў Беларусі

07 March 2025 12:40

🎧«Справядлівасць патрабуе часу». Вікторыя Фёдарава — сезон «Жанчыны ў праваабароне»

Гераіня новага выпуска падкаста «Вясна прыйдзе» — Вікторыя Фёдарава, дырэктарка Прававой ініцыятывы, спецпраектам якой з’яўляецца Міжнародны камітэт па расследаванню катаванняў у Беларусі.

Пагаварылі з ёй пра справядлівасць і пра магчымыя шляхі прыцягнення да адказнасці вінаватых у катаваннях. А таксама пра саму Вікторыю і яе шлях да праваабароны.

Soundcloud | Spotify | Apple podcasts | Youtube | Castbox | Іншыя пляцоўкі

Вясна / Правы чалавека ў Беларусі

07 March 2025 10:45

У «Спіс экстрэмістаў» дадалі яшчэ 33 прозвішчы — цяпер у ім 5023 чалавекі

7 сакавіка МУС зрабіла традыцыйны пятнічны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі грамадзяніна Украіны Вячаслава Бародзія, бізнесоўца Генадзя Саўрыцкага, журналістку Вольгу Радзівонаву.

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

Вясна / Правы чалавека ў Беларусі

07 March 2025 08:45

Пачынаюць судзіць журналістку Паліну Піткевіч

Паліна нарадзілася ў 1994 годзе. Скончыла факультэт журналістыкі БДУ (2016). Яна захаплялася тэатрам і нейкі час грала як актрыса ў Лабараторыі сацыяльнага тэатра ў Мінску. Як журналістка пісала на культурніцкія тэмы.

Таксама Паліна вядомая сваёй любоўю да жывёл — на яе старонках у сацсетках можна знайсці мноства аб’яў пра дапамогу бяздомным хвастатым. Па словах знаёмых, у Паліны ў самой дома жыў не адзін выратаваны кот, пісала «Наша Ніва».

7 сакавіка Паліну пачынаюць судзіць у Мінскім гарадскім судзе. Яе абвінавачваюць ва ўдзеле ў «экстрэмісцкім фарміраванні» (ч. 3 арт. 361-1 КК). Суддзя — Святлана Чарапанава.

Калі ў чэрвені 2024 года КДБ Беларусі абвясціў праект Media IQ экстрэмісцкім фармаваннем, то называў Піткевіч сярод яго ўдзельнікаў.

Вясна / Правы чалавека ў Беларусі

06 March 2025 15:45

💔Мінімум 13 чалавек у лютым выйшлі на волю па заканчэнні тэрмінаў, яшчэ трое — па памілаванні

На дадзены момант у Беларусі налічваецца 1219 палітвязняў, а іх колькасць павялічваецца амаль штотыднёва. Пры гэтым кожны месяц некалькі дзясяткаў палітвязняў выходзяць з месцаў зняволення або па заканчэнні тэрміну, або пасля суда да накіравання ў ПУАТ ці пачатку адбыцця тэрміну на «хатняй хіміі».

Па інфармацыі «Вясны», у лютым на волю выйшлі мінімум 16 чалавек: 13 цалкам адбылі тэрміны, яшчэ трое палітзняволеных былі памілаваныя Лукашэнкам і вывезеныя з Беларусі.

За што палітзняволеныя адбывалі тэрміны і колькі іх утрымлівалі ў месцах няволі — распавядае «Вясна» ў штомесячным дайджэсце.

Чытаць па спасылцы 👉 https://spring96.org/be/news/117570

🌿Калі ласка, паведамляйце праваабаронцам навіны пра палітвязняў, а таксама пра іх вызваленні — @Viasnainfo. Па вашым жаданні, інфармацыя застанецца непублічнай і нідзе не будзе апублікаваная

Вясна / Правы чалавека ў Беларусі

06 March 2025 14:45

💔Дапамога сям'і былога палітвязня Яўгена Харашкевіча

«За сваю грамадзянскую пазіцыю я быў арыштаваны, потым асуджаны і адпраўлены ў турму на 4 гады, пакінуўшы цяжарную жонку адну ў самых складаных абставінах. У жніўні 2024 года, пасля поўнага адбыцця тэрміна, я выйшаў на волю. Але пераслед нашай сям'і не спыніўся. Увосень 2024 года ў нашу кватэру зноў прыйшлі сілавікі з ператрусам.

Тры месяцы мы хаваліся ў Грузіі, жывучы ў пастаянным страху. А калі, нарэшце, змаглі пераехаць у Польшчу, нас чакаў яшчэ адзін удар: грошы, якія мае бацькі перадалі нам на першы час у эміграцыі, былі скрадзеныя.

Мы звярнуліся ў паліцыю Польшчы і рыхтуем заяву ў паліцыю Грузіі, але шанцы вярнуць скрадзенае малыя. Цяпер мы засталіся без сродкаў да існавання і без той фінансавай падушкі, якая дазволіла б нам пачаць новае жыццё».

Вясна / Правы чалавека ў Беларусі

06 March 2025 13:02

👩Сумесны дабрачынны збор у падтрымку палiтзняволеных беларусак

Паводле інфармацыі праваабаронцаў, на сёння ў Беларусі за кратамі знаходзяцца каля 150 палітзнвяоленых жанчын. Напярэдадні 8 сакавіка некалькі ініцыятыў аб'ядналіся і распачалі збор у падтрымку беларусак.

На кожную жанчыну плануецца выдаткаваць каля €150. Калі атрымаецца сабраць больш — падтрымка будзе больш шырокай, і яшчэ больш жанчын яе атрымаюць.

Падтрымаць збор

Вясна / Правы чалавека ў Беларусі

10 March 2025 09:16

Працягваецца суд па справе палітзняволенага японца Наканісі Масатосі

Наканісі — грамадзянін Японіі. Яго затрымалі яшчэ ў ліпені, але падрабязнасці яго пераследу распавялі ў сюжэце БТ толькі ў верасні. Сцвярджалася, што мужчына «ажыццяўляў збор і перадачу на адрас японскай спецслужбы разведвальнай інфармацыі вайсковага характару».

Судовы працэс у дачыненні да японца пачаўся 10 студзеня ў Мінскім гарадскім судзе. Наканісі інкрымінаваны арт. 358-1 КК (агентурная дзейнасць). Працэс у закрытым рэжыме прызначана весці суддзя Анжэла Касцюкевіч.

Грамадзяніну Японіі пагражае да 7 гадоў калоніі.

🔹Сфабрыкаваныя пераклады і ілжывыя абвінавачванні. Што пішуць японскія СМІ пра затрыманых грамадзян у Беларусі

Вясна / Правы чалавека ў Беларусі

10 March 2025 08:00

Бізнэсмена з Гродзеншчыны пачынаюць судзіць за «паклёп на Лукашэнку» і «распальванне варожасці». Апошняе, што ён апублікаваў — відэа з адпачынку ў Грузіі

Віталю Пятрэнку 46 гадоў. Па звестках з сацсетак, ён родам з Гродзеншчыны, з вёскі Міратычы Карэліцкага раёна. У мужчыны ёсць жонка і дзіця. Віталь займаецца бізнэсам. Спачатку ён спецыялізаваўся на сэндвіч-панэлях для будаўніцтва дамоў. А з 2018 года ўзначальвае кампанію «Еўрапейскія будаўнічыя тэхналогіі».

Невядома, калі Віталя затрымалі, але сацсеткі перасталі абнаўляцца ў сярэдзіне верасня 2024 года. Апошні ягоны апдэйт — відэа з адпачынку ў Грузіі. З таго часу Пятрэнка нідзе не анлайн, пісала «Наша Ніва».

Віталя пачынаюць судзіць 10 сакавіка ў Гродзенскім абласным судзе. Яго вінавацяць па двух артыкулах — «паклёп на Лукашэнку» (ч. 2 арт. 367 КК) і «распальванне варожасці» (ч. 1 арт. 130 КК). Суддзя — Мікалай Рачынскі.

Вясна / Правы чалавека ў Беларусі

09 March 2025 14:01

📝«Нас вырашылі зусім звесці са свету». Выйшаў даклад пра гендарную дыскрымінацыю ў месцах несвабоды

Праваабарончы цэнтр «Вясна» выпусціў даклад «Нас вырашылі зусім звесці са свету». Сведчанні жанчын пра гендарную дыскрымінацыю ў месцах несвабоды Беларусі». Яго прэзентацыя прайшла 8 сакавіка.

Даклад падзелены на некалькі раздзелаў. Сярод іх:

• Прыніжэнні, фізічныя і псіхалагічныя катаванні паводле гендарнай прыкметы, сэксуалізаваны гвалт
• Як «выпраўляюць» жанчын у калоніях
• Прыцягненне жанчын да цяжкай працы
• Жаночае здароўе за кратамі
• Псіхалагічныя праблемы
• Разлучэнне маці і дзіцяці ў выніку палітычна матываванага пераследу

👉Чытаць даклад па спасылцы

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

09 March 2025 10:01

💔Другая гадавіна ўтрымання Сяргея Ціханоўскага ў рэжыме інкамунікада

9 сакавіка — два гады з моманту, калі сваякі Сяргея атрымалі апошнія звесткі ад палітвязня, піша @tsikhanouskaya.

«Прайшло два гады з дня, калі я апошні раз чула навіны пра Сяргея. Два гады пастаяннай трывогі і страху. Кожны дзень мяне мучаць пытанні, на якія ніхто не можа адказаць. «Як ён сябе адчувае сёння?», «Ці дазваляюць яму выходзіць на вуліцу?», «Як яго здароўе?».

Я ведаю, што я не адна ў сваім горы. Я ведаю, што сотні дзяцей чакаюць дня, калі зноў пачуюць голас таты, зноў адчуюць яго абдымкі. Сотні жонак пакутуюць ад расстання з мужамі і з цеплынёй узгадваюць сумесныя вячэры.

Калі я знаходжуся сярод беларусаў і бачу, як нашыя боль і злосць штурхаюць нас да змены сітуацыі ў Беларусі, я адчуваю, як той летні вечар з сям’ёй становіцца крыху бліжэй. Мы не спынемся, пакуль усе нашы родныя не вернуцца дадому. І тады Беларусь стане краінай, дзе не трэба штодня баяцца за сваіх блізкіх».

Вясна / Правы чалавека ў Беларусі

08 March 2025 16:36

📝«Нас вырашылі зусім звесці са свету». Выйшаў даклад пра гендарную дыскрымінацыю ў месцах несвабоды

Праваабарончы цэнтр «Вясна» выпусціў даклад «Нас вырашылі зусім звесці са свету». Сведчанні жанчын пра гендарную дыскрымінацыю ў месцах несвабоды Беларусі». Яго прэзентацыя прайшла 8 сакавіка.

Як падкрэсліла праваабаронца «Вясны» Марына Кастылянчанка, мэтай праваабаронцаў праз даклад было паказаць, як рэжым сістэматычна парушае правы жанчын па гендарных прыкметах. Былая палітзняволеная Ксенія Луцкіна падчас прэзентацыі даклада распавяла, што кожнае з сілавых ведамстваў паводзіць сябе па-рознаму.

«Быў выпадак: люты ці студзень 2021 года, на Валадарцы быў Міша. Ён стаў і глядзеў на мяне, калі я была на ўколе. Я прасіла выконваць інструкцыю МУС [каб ён на мяне не глядзеў], і я на маце выслухала пра сябе: “журналістачка ё*аная, гвалтаваць я цябе не збіраюся”. А я настойвала на тым, каб ён не глядзеў на той момант, калі я была без штаноў».

Вясна / Правы чалавека ў Беларусі

08 March 2025 13:03

👩Сумесны дабрачынны збор у падтрымку палiтзняволеных беларусак

Паводле інфармацыі праваабаронцаў, на сёння ў Беларусі за кратамі знаходзяцца каля 150 палітзнвяоленых жанчын. Напярэдадні 8 сакавіка некалькі ініцыятыў аб'ядналіся і распачалі збор у падтрымку беларусак.

На кожную жанчыну плануецца выдаткаваць каля €150. Калі атрымаецца сабраць больш — падтрымка будзе больш шырокай, і яшчэ больш жанчын яе атрымаюць.

Падтрымаць збор

Вясна / Правы чалавека ў Беларусі

08 March 2025 08:04

🔗Лічбы рэпрэсій — як у Беларусі судзяць за «заклікі да санкцый»

За «заклікі да санкцый» у Беларусі асудзілі мінімум 188 чалавек. Сярод іх — 46 чалавек. Калі да пачатку 2023 года паводле арт. 361 КК было вынесена 48 прысудаў, то да пачатку 2025 года — ужо 173.

157 чалавекам, якіх судзілі ў тым ліку за «заклікі да санкцый» было прызначана пазбаўленнне волі ў калоніі.

39 чалавек за «заклікі да санкцый» асудзілі завочна. Чатыры асуджаных — замежныя грамадзяне: латвійцы Міхайлаўс Дмітрыйс і Ганінс Юрыйс, Дуднікаў Ягор з Расіі, Зянковіч Юрый, які мае амерыканскае грамадзянства.

Ва ўразлівай групе палітвязняў з сур'ёзнымі праблемамі са здароўем знаходзяцца 15 палітвязняў. Пяць асуджаных, у тым ліку за «заклікі да санкцый», цалкам адбылі тэрміны і выйшлі на волю, яшчэ 10 былі памілаваны.

🔹«Улады дамагаюцца таго, каб само слова санкцыі выклікала страх»: у Беларусі асудзілі мінімум 188 чалавек за заклікі да іх

Вясна / Правы чалавека ў Беларусі

07 March 2025 15:02

Чарговае папаўненне Спіса экстрэмісцкіх матэрыялаў

У яго трапілі:

📍Telegram-каналы і чаты «Диаспоры Беларуси против войны Дзечат:dze.chаt», «Напильники», «Crimethlnc. Ex-Workers
Collective», «Хранители», «Чат ПарламентБел», «Выведка "ТЭРОР"», «ГЦУ "ТЭРОР"», «Суполка Беларусы Уроцлава», «Оперативний ЗСУ»;
📍Instagram старонкі «belarusian», «zubr_in», «eurobelarus», «alieh_baradzin», «belaryski.patruyot.47», «storks_histoty»;
📍Інтэрнет-старонка «belpol.prо»;
📍Старонка ў Аднакласніках «Виталий Рымашевский»;
📍Старонкі ў TikTok «nexokeist», «kirillsarychevrlz», «Sapraudny Liwin», «Александр».

🔗Хроніка палітычнага пераследу

Вясна / Правы чалавека ў Беларусі

07 March 2025 13:36

⁉️«Экстрэмістаў» чакае пажыццёвая забарона на педагагічную дзейнасць? Каментар юрыста

Група Спецыяльных дакладчыкаў ААН звярнулася напрыканцы лютага да ўрада Беларусі з нагоды прынятага ў першым чытанні законапраекта «Аб папраўках у законы аб забеспячэнні правоў дзяцей».

Паводле гэтага законапраекта, асобам, якія былі асуджаныя за «злачынствы экстрэмісцкага характару», альбо асуджаных паводле артыкулаў Крымінальнага кодэкса, звязаных з незаконным абаротам наркотыкаў, будзе забаронена займацца педагагічнай дзейнасцю і займаць пасады, звязаныя з рэгулярнай працай з дзецьмі.

Сутнасць законапраекту, які пасля яго прыняцця зробіць больш жорсткім і без таго драконаўскія правілы перагагічнай працы для асобаў, якія былі асуджаныя за «злачынствы экстрэмісцкага характару» каментуе юрыст Праваабарончага цэнтра «Вясна» Павел Сапелка.

Чытаць па спасылцы 👉 https://spring96.org/be/news/117576

Вясна / Правы чалавека ў Беларусі

07 March 2025 11:16

За ўдзел у пратэстах асудзілі 71-гадовую пенсіянерку

7 сакавіка МУС зрабіла традыцыйны пятнічны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі 71-гадовую Ніну Барысевіч. Паведамляецца, што ў дачыненні да яе набыў моц прысуд суда Маскоўскага раёну Мінска паводле ч. 1 арт. 342 КК. У спісе МУС пазначана, што яе «судзімасць не пагашана».

Вясна / Правы чалавека ў Беларусі

07 March 2025 10:05

💔«Нас вырашылі зусім звесці са свету»: прэзентацыя агляду парушэнняў правоў жанчын у месцах няволі

Праваабаронцы «Вясны» запрашаюць 8 сакавіка на анлайн-прэзентацыю агляду «Нас вырашылі зусім звесці са свету», прысвечанага парушэнням правоў жанчын у месцах несвабоды Беларусі.

У дакуменце сабраныя сведчанні жанчын, якія сутыкнуліся з катаваннямі, прыніжэннямі і гендарнай дыскрымінацыяй падчас затрымання, адміністрацыйнага арышту, утрымання ў следчых ізалятарах і калоніях.

Падчас сустрэчы ўдзельнікі і ўдзельніцы пазнаёмяцца з асноўнымі высновамі агляду, абмяркуюць актуальную сітуацыю са становішчам жанчын у месцах зняволення і разгледзяць магчымыя спосабы іх падтрымкі.

📍8 сакавіка ў 14:00 па Мінскім часе
✍️Патрэбна папярэдняя рэгістрацыя па спасылцы
⁉️Падрабязнасці мерапрыемства

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

07 March 2025 08:02

Беларускай актывістцы Аляксандры Васілевіч, якая ўжо сем гадоў жыве ў ЗША, патэлефанавалі з КДБ

Пра гэта паведамляе @nebovkletku.

«Мне сёння тэлефанавалі на беларускі нумар з УКДБ па Гродзенскай вобласці з запрашэннем на размову. На пытанне прадставіцца і выслаць позву супрацоўнік сказаў, вось прыйдзеце і прадстаўлюся. Тэма гутаркі таксама засталася нераскрытай («паразмаўляць і пазнаёміцца»), як і пытанне як наогул пра мяне ўспомнілі, калі я не актыўнічала ў Беларусі апошнія 7-8 гадоў. Размова скончылася, калі яму стала зразумела, што я не прыйду і пад'ехаць да мяне на размову яму таксама наўрад ці атрымаецца», — распавяла актывістка ў Facebook.

У Беларусі яна 10 гадоў займалася палітычным актывізмам. Апошнім часам узначальвала гродзенскую арганізацыю Аб'яднанай грамадзянскай партыі і моладзевую арганізацыю АГП «Маладыя дэмакраты».

Вясна / Правы чалавека ў Беларусі

06 March 2025 15:06

АМАП затрымаў украінца, якому раней забаранілі ўезд у Беларусь за «экстрэмізм»

Полацкія памежнікі ў Верхнядзвінскім раёне затрымалі ўкраінца за парушэнне латвійска-беларускай мяжы. Таксама ўсталяваныя і затрыманыя ягоныя «змоўшчыкі», паведамілі ў Дзяржпамежкамітэце.

«Як стала вядома, украінец меў намер ехаць у Расійскую Федэрацыю для ажыццяўлення экстрэмісцкай дзейнасці. Высветлілася, што яму забаронены ўезд у Расію і Беларусь як асобе, якая выношвае намеры па дэстабілізацыі грамадска-палітычнага становішча і арганізацыі ячэек экстрэмісцкіх структур у інтарэсах Украіны».

Вясна / Правы чалавека ў Беларусі

06 March 2025 13:56

📝Агляд сітуацыі з правамі чалавека ў Беларусі ў лютым

📍За месяц праваабарончая супольнасць прызнала палітвязнямі 39 чалавек і запатрабавала рэабілітацыі 16 былых палітвязняў;
📍У лютым падлічана колькасць асуджаных у студзені — 89 чалавек. З гэтай колькасці 65 складаюць мужчыны, 24 — жанчыны;
📍Праваабаронцы па-ранейшаму рэгулярна выяўляюць, збіраюць і сістэматызуюць факты прымянення катаванняў і забароненых відаў абыходжання ў ходзе расследавання палітычна матываваных крымінальных спраў;
📍За тры гады, якія прайшлі з поўнамаштабнага ўварвання Расійскай Федэрацыі ва Украіну, у нашай краіне працягваюць масава пераследваць за любую падтрымку Украіны і выказванне салідарнасці;
📍Заключэнне Дзяніса Івашына ў ШІЗА, як паведамляецца, за выкарыстанне беларускай мовы — прыклад моўнай дыскрымінацыі, накіраванай на выцясненне нацыянальнай ідэнтычнасці і прымусовую русіфікацыю.

Справаздача цалкам 👉 https://spring96.org/be/news/117560

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

06 March 2025 11:32

Бацькоў выклікаюць у школы, каб адгаварыць вучыць дзяцей за мяжой

У Беларусі зноў актывізавалі барацьбу з паступленнем абітурыентаў за мяжу. Бацькоў некаторых вучняў выклікаюць на размову з настаўнікамі і адміністрацыяй.

«Ідэалагічная апрацоўка ідзе ад самага пачатку навучальнага года. У школу рэгулярна прыходзяць ідэолагі, якія распавядаюць дзецям, як выдатна жыць у Беларусі, якія вялікія перспектывы іх тут чакаюць. Паралельна з гэтым расказваюць, як дрэнна жывецца беларусам у Еўропе, як там яны нікому не будуць патрэбныя», — распавядае мама адзінаццацікласніка.

Адміністрацыя спрабуе пераканаць бацькоў, каб іх дзеці заставаліся ў Беларусі, а не выязджалі на Захад, піша «Наша Ніва».

«Пачалі расказваць, як беларуская дзяржава клапоціцца пра моладзь, пра перспектывы, якія іх тут чакаюць. Пыталіся, што нам не падабаецца ў Беларусі, калі мы збіраемся адпраўляць дзяцей за мяжу», — згадвае жанчына.

🔹Суботнікі, зборы грошай, экскурсіі ў турму: як абараніць правы дзіцяці ў школе?