Вясна / Правы чалавека ў Беларусі

24 April 2025 17:15

⁉️«Не вызваляе ад адказнасці». Што трэба ведаць пра яўку з павіннай?

Беларускі рэжым працягвае пераслед удзельнікаў пратэстаў 2020 года і ўсё часцей прапануе ім з'явіцца ў органы і напісаць яўку з павіннай. Беларусаў заклікаюць «добраахвотна» паведаміць пра ўдзел у масавых мерапрыемствах ці пра фінансавую падтрымку ініцыятыў, якія пасля былі прызнаныя экстрэмісцкімі. Але важна разумець: сама яўка з павіннай не азначае вызвалення ад адказнасці. Наадварот — яна можа стаць прамым шляхам да крымінальнага пераследу.

З Юрыдычнай службай «Вясны» распавядаем, што трэба ведаць пра яўку з павіннай.

«Калі чалавек напіша яўку з павіннай, то будзе ўзбуджаная крымінальная справа. Яўка з павіннай не вызваляе ад адказнасці. Чалавеку ў любым выпадку пагражае пакаранне».

Вясна / Правы чалавека ў Беларусі

24 April 2025 16:45

Студэнта з Гродна будуць судзіць за паведамленні ў «Беларускі Гаюн»

Як паведамляе @nebovkletku, 3 сакавіка распачалі дзве крымінальныя справы па ч. 1 і ч. 2 арт. 361-4 КК (садзейнічанне экстрэмісцкай дзейнасці) у дачыненні да 20-гадовага навучэнца Гродзенскага дзяржаўнага электратэхнічнага каледжа імя Івана Шчаснага.

Паведамляецца, што хлопец у перыяд з 2022 года па 3 сакавіка 2025 года перасылаў паведамленні ў чат «Беларускі Гаюн», прызнаны ў сакавіку 2022 года «экстрэмісцкім фармаваннем». У тым ліку пісаў аб перамяшчэнні ваеннай тэхнікі ў Беларусі. У лютым 2025 года доступ да чата атрымалі сілавікі.

🔗Хроніка палітычнага пераследу

Вясна / Правы чалавека ў Беларусі

24 April 2025 15:40

❗️Пецярым беларускім добраахвотнікам завочна прызначылі ад 12 да 20 гадоў зняволення

Генпракуратура 24 красавіка паведаміла, што ў Мінскім гарадскім судзе ў парадку спецыяльнай вытворчасці быў вынесены прысуд у дачыненні да пяці беларускіх добраахвотнікаў «Полка Кастуся Каліноўскага»: Арцёма Бігеля, Вячаслава Граноўскага, Ігнація Кірэева, Анастасію Махамет, Яна Мельнікава.

Іх прызналі вінаватымі па шэрагу артыкулаў Крымінальнага кодэксу, сярод якіх «акт тэрарызму» і «арганізацыя дзейнасці тэрарыстычнай арганізацыі». Фігурантам справы прызначылі пазбаўленне волі тэрмінам ад 12 да 20 гадоў.

Апроч гэтага, «каліноўцам» прызначылі штрафы памерам ад 500 да 3 500 базавых велічыняў (ад 21 000 да 147 000 рублёў).

Чытаць па спасылцы 👉 https://spring96.org/be/news/117825

Вясна / Правы чалавека ў Беларусі

24 April 2025 14:30

🎬У Варшаве заўтра адбудзецца прэм'ера дакументальнага фільма «Вясны» пра рэсацыялізацыю былога палітвязня

Яна пройдзе на XI Фестывалі нефільтраванага кіно.

Кароткаметражны фільм «Цень радасці» расказвае гісторыю былога палітвязня Артура, які пасля трох гадоў зняволення пачынае жыццё з нуля ў Польшчы. Праз яго вочы глядач бачыць цяжкасці адаптацыі: моўны бар’ер, пошук працы, сацыяльную ізаляцыю, настальгію па радзіме і спробы захаваць надзею.

🎫«Цень Радасці» будзе паказаны заўтра, 25 красавіка, у Варшаве. Пачатак а 18-ай гадзіне (Kinoteka, Pałac Kultury i Nauki (wejście od al. Jerozolimskich), Plac Defilad 1). Квіткі па спасылцы

26 красавіка прэм'ера фільма адбудзецца ў Хельсінкі (26.04, 19.00, Kitchen Lab Tarvo). Пазней ён будзе даступны для прагляду на ютубе «Вясны».

Над фільмам працавалі Зміцер Пылыпіў і праваабаронца «Вясны» Дзіяна Пінчук.

*Фестываль «Нефільтраванае кіно» з’явіўся як адгалінаванне кінафестывалю Сinema Perpetuum Mobile і праводзіўся ў Мінску на розных пляцоўках.

Вясна / Правы чалавека ў Беларусі

24 April 2025 13:00

17 беларусаў расказалі пра КДБ. Выйшла даследаванне аб тым, як абараніць сябе ад вярбоўкі

Даследаванне вярбоўкі КДБ і спосабаў абараніць правяла Freelance Journalist Group пры падтрымцы праваабаронцаў у снежні-сакавіку. На аснове 17 кейсаў у даследаванні апісана, каго выбірае КДБ, як гэтыя людзі дзейнічаюць, каб абараніць сябе — і нават тое, як бы яны прапанавалі даведацца таемнага агента КДБ іншым.

• Як сябе паводзіць, калі вас вярбуюць?
• Што рабіць, калі вас завербавалі?
• Колькі ў КДБ «пазаштатных» супрацоўнікаў?

«Парушэннем з’яўляецца не сама супраца з сілавікамі, а яе выкарыстанне для барацьбы з іншадумствам і палітычнага пераследу, а тым больш у спалучэнні з пагрозамі і нават гвалтам».

Вясна / Правы чалавека ў Беларусі

24 April 2025 11:04

Улады анансавалі вялікую амністыю да 80-годдзя Перамогі — пад яе трапяць каля 8 тысяч асуджаных

У законапраекце захаваны падыходы мінулых гадоў, але прадугледжаны і шэраг навацый.

Пералік асоб, якія цалкам вызваляюцца ад пакарання і іншых мер крымінальнай адказнасці, дапоўнены новай катэгорыяй асоб з пэўнымі захворваннямі. Але што гэта за катэгорыя, невядома.

Таксама прапануецца раней не судзімым асобам, якія дасягнулі 70-гадовага ўзросту і асуджаным да пазбаўлення волі на тэрмін да шасці гадоў уключна, замяніць пакаранне больш мяккім у выглядзе абмежавання волі без накіравання ў папраўчую ўстанову адкрытага тыпу.

Таксама будзе прымяняцца частковая амністыя ў выглядзе скарачэння пакарання на адзін год да асоб, асуджаных за неасцярожныя злачынствы, якія прывялі да смерць чалавека.

Асноўнымі ўмовамі для прымянення амністыі з'яўляюцца поўнае пакрыццё шкоды, а таксама станоўчая характарыстыка асобы ў перыяд адбыцця пакарання.

Вясна / Правы чалавека ў Беларусі

24 April 2025 09:01

Стала вядома пра чарговыя ператрусы ў Дзяржынску

Гэтым разам, яны адбываюцца пераважна ў тых, хто з'ехаў з краіны — вядома пра як мінімум чатыры такія выпадкі. Пры гэтым паведамляецца і пра выпадкі ператрусаў у людзей, што не з'ехалі.

Вядома, што пратаколы ператрусу складаюць у адным экзэмпляры, на рукі людзям нічога не аддаюць.

🗣Паведаміць пра затрыманне
⚖️Атрымаць бясплатную юрыдычную кансультацыю
📝Абскардзіць дзеянні дзяржаўных органаў
✍️Звязацца з журналістамі «Вясны»

Вясна / Правы чалавека ў Беларусі

23 April 2025 16:20

У «Спісе экстрэмісцкіх фармаванняў» з'явілася прозвішча Аляксандра Царука — мужчына памёр год таму

Сёння МУС абнавіў Рэспубліканскі спіс экстрэмісцкіх фармаванняў — у ім з'явіўся праект «Ямницкий Флот». Паводле ведамства, дачыненне да яго маюць Андрэй Тупоўскі і Аляксандр Царук.

У 2020 годзе Аляксандр Царук быў назіральнікам на выбарах. Яго некалькі разоў затрымлівалі: агулам ён правёў за кратамі 40 сутак. Пасля пачатку поўнамаштабнай вайны ва Украіне Аляксандр далучыўся да беларускіх добраахвотнікаў — тады яшчэ батальёна Каліноўскага і ўзяў пазыўны «Сашко».

Вярнуўшыся з вайны, мужчына цяжка захварэў на анкалагічную хваробу, якая хутка забрала ягонае жыццё. Яго пахавалі летась у красавіку ў Вільні.

🔗Хроніка палітычнага пераследу

Вясна / Правы чалавека ў Беларусі

23 April 2025 15:05

У Беларусі новае «экстрэмісцкае фармаванне»

Гаворка пра праект «Ямницкий Флот». Адпаведнае рашэнне было прынятае МУС 22 красавіка.

Паводле ведамства, дачыненне да праекту маюць Андрэй Тупоўскі і Аляксандр Царук.

🔗Хроніка палітычнага пераследу

Вясна / Правы чалавека ў Беларусі

23 April 2025 13:10

Сілавікі паказалі відэа з затрыманымі за каментары на адрас «жыхароў цудоўнай краіны Пакістан» — ім пагражаюць крымінальнай справай

Міністэрства ўнутраных спраў апублікавала афіцыйную заяву наконт чутак аб нібыта злачынствах пакістанцаў у Беларусі. А яшчэ апублікавала відэа з затрыманымі хлопцам і дзяўчынай, піша «Наша Ніва».

У МУС адзначылі, што ўжо выявілі «актыўных правакатараў, якія наўмысна спрабавалі напружваць становішча ў краіне і маніпуляваць грамадскай думкай». Сілавікі пагражаюць крымінальнымі артыкуламі за «разварушванне міжнацыянальнай варожасці і дэстабілізацыю сітуацыі ў краіне».

Напярэдадні блізкі да сілавікоў канал упершыню за доўгі час апублікаваў відэа з затрыманымі за каментары і ролікі ў тытоку маладымі людзьмі. На камеру 18-гадовага хлопца і 20-гадовую дзяўчыну прымусілі прасіць прабачэння за распаўсюджванне фэйкаў і «гнеўныя каментары на адрас жыхароў цудоўнай краіны Пакістана».

У якім статусе знаходзяцца маладыя людзі, невядома.

Вясна / Правы чалавека ў Беларусі

23 April 2025 10:30

❗️Гарадзенца асудзілі да 10 гадоў калоніі за «здраду дзяржаве»

У Гродзенскім абласным судзе 10 сакавіка быў вынесены прысуд 42-гадоваму палітзняволенаму Сяргею Цераховічу. Яго абвінавацілі ў «здрадзе дзяржаве» (ч. 1 арт. 356 КК) і прызначылі дзесяць гадоў калоніі ва ўмовах узмоцненага рэжыму. Падрабязнасці справы невядомыя, бо працэс праходзіў у закрытым рэжыме. Прысуд вынес Юрый Казакевіч.

Пра Сяргея вядома няшмат. Ён нарадзіўся і ўсё жыццё пражыў у Гродне. Паводле звесткак «Белпола», ён да канца 2016 года служыў старшым тэхнікам у памежнай часці 2141, якая абслугоўвала пункт «Брузгі» на беларуска-польскай мяжы.

Па звестках Digital Intelligence Team, пасля 2016 года Цераховіч заняўся ўласным бізнэсам. Сяргей стаў дырэктарам фірмы «Севіры Сэрвіс», якая надавала рытуальныя паслугі. Таксама ў яго ёсць статус ІП, сферай дзейнасці якога пазначана «Паштовая ды кур'ерская дзейнасць».

Чытаць па спасылцы 👉 https://spring96.org/be/news/117813

Вясна / Правы чалавека ў Беларусі

23 April 2025 10:01

Стала вядома пра смерць беларуса, якога раней дадалі ў спіс «экстрэмістаў»

Віталю Бычкову было 44 гады. Родам ён з пасёлка Колас Быхаўскага раёна, які пазней далучылі да Быхава. Калі меркаваць на сацсетках і расійскіх базах, перыядычна ездзіў працаваць у Расію па розных рабочых спецыяльнасцях.

У 2022 годзе у судзе Быхаўскага раёна Бычкова асудзілі па артыкуле 364 КК — «гвалт або пагроза гвалта ў дачыненні да міліцыянта». Не кожная такая справа звязаная з палітыкай. Аднак пасля суда сілавікі палічылі патрэбным дадаць Бычкова ў спіс «датычных да экстрэмісцкай дзейнасці», піша «Наша Ніва».

Прысуд Бычкову невядомы, як і акалічнасці справы. У спісе экстрэмістаў Бычкоў атрымаў пазнаку «адбывае пакаранне». Гэта азначае, што яму маглі прысудзіць тэрмін у калоніі альбо хімію з накіраваннем.

Віталь памёр 28 кастрычніка 2024 года — невядома, ці адбыў ён пакаранне цалкам. Па звестках Digital Intelligence Team, прычынай яго смерці стаў інсульт.

🌿Калі вам вядомыя падрабязнасці, калі ласка, пішыце на @Viasnainfo

Вясна / Правы чалавека ў Беларусі

22 April 2025 17:34

🎬У Вільні заўтра адбудзецца прэм'ера дакументальнага фільма «Вясны» пра рэсацыялізацыю былога палітвязня

Яна пройдзе на XI Фестывалі нефільтраванага кіно.

Кароткаметражны фільм «Цень радасці» расказвае гісторыю былога палітвязня Артура, які пасля трох гадоў зняволення пачынае жыццё з нуля ў Польшчы. Праз яго вочы глядач бачыць цяжкасці адаптацыі: моўны бар’ер, пошук працы, сацыяльную ізаляцыю, настальгію па радзіме і спробы захаваць надзею.

🎫«Цень Радасці» будзе паказаны заўтра, 23 красавіка, у Вільні. Пачатак а 19-ай гадзіне (CreateCulture Space, Karmelitų g. 5). Квіткі па спасылцы

25 і 26 красавіка прэм'ера фільма адбудзецца ў Варшаве (25.04, 18.00, Kinoteka) і Хельсінкі (26.04, 19.00, Kitchen Lab Tarvo). Пазней ён будзе даступны для прагляду на ютубе «Вясны». Падрабязнасці і квіткі тут: https://unfilter.by/schedule/

Над фільмам працавалі Зміцер Пылыпіў і праваабаронца «Вясны» Дзіяна Пінчук.

Вясна / Правы чалавека ў Беларусі

22 April 2025 15:40

«Экстрэмісцкай» прызналі асабістую старонку лідара гурта Dzieciuki

Гаворка пра старонку Аляксандра Дзянісава ў Facebook і ва «Укантакце». На старонцы ў Facebook спявак мае больш за 4,8 тысячы сяброў, ва «Укантакце» — больш за 1,8 тысячы.

🔗Хроніка палітычнага пераследу

Вясна / Правы чалавека ў Беларусі

22 April 2025 15:04

📚Праект 361.1 выпусціў кнігу «Гайд Палітзняволення»

«Наша мэта — не толькі распавесці пра тое, што перажываюць палітзняволеныя кожны дзень, але і нагадаць свету, што беларусы ўсё яшчэ тут, што нам патрэбная падтрымка, і што наш голас не павінен знікнуць.

На працягу паўтара года мы рыхтавалі ўнікальную ілюстраваную кнігу — Гайд Палітзняволення, аснаваную на малюнках палітвязняў, якія мы атрымалі. Гэтыя малюнкі — сведчанні сілы, болю і надзеі.

Беларускамоўную версію ўжо можна замовіць праз наш інстаграм бесплатна! Хутка выйдзе і англамоўная версія».

Вясна / Правы чалавека ў Беларусі

24 April 2025 17:00

Чарговае папаўненне «спіса экстрэмісцкіх матэрыялаў»

У яго трапілі:

📍Telegram-каналы і чаты «Думки русопата», «Курилка русопата»;
📍Instagram старонкі «alexANDR», «cutpolitics», «brukhan_artsiom»;
📍Старонка ў Facebook «Ирина Сергиевич»;
📍YouTube-канал «belarusnovosti»;
📍Музычная кампазіцыя «Дирлевангер» гурта «Русский корпус»;
📍Старонка ў «Аднакласніках» «ViktorMalashuk»;
📍TikTok-старонкі «_krynica_», «Lizaveta Vodzina», «Lipstick», «Республика Беларусь Новости».

🔗Хроніка палітычнага пераследу

Вясна / Правы чалавека ў Беларусі

24 April 2025 16:20

⚖️«З адвакатам лепш»: Павел Сапелка тлумачыць, чаму нават у час рэпрэсій права на абарону мае значэнне

У Беларусі адвакатура перажывае беспрэцэдэнтны крызіс. Пасля падзей 2020 года інстытут, які павінен быў стаяць на варце правоў чалавека, апынуўся пад поўным кантролем дзяржавы. Нядаўна «Вясна» сумесна з міжнароднымі праваабаронцамі і юрыстамі прадставілі ў межах Універсальнага перыядычнага агляду ААН даклад, прысвечаны страце незалежнасці беларускіх калегій адвакатаў.

Павел Сапелка, праваабаронца «Вясны» і юрыст, распавядае, як адвакаты ператварыліся з абаронцаў у інструмент ціску, і што гэта азначае для грамадзян, чые правы павінны быць абаронены.

«Адвакатура ў Беларусі ў сур'ёзнай ступені дэмаралізавана і замест абароны правоў стала сама выконваць рэпрэсіўныя функцыі. Яна стала прыдаткам дзяржаўнай правапрымяняльнай сістэмы, і гэта ў максімальнай ступені адбілася на магчымасцях адвакатаў ажыццяўляць паўнавартаснае прадстаўніцтва і абарону».

Вясна / Правы чалавека ў Беларусі

24 April 2025 15:23

🏥Эксперты ААН: «Прымусовае лекаванне можа быць прыраўнавана да бесчалавечнага або зневажаючага годнасць пакарання»

Незалежныя эксперты па правах чалавека выказалі моцную занепакоенасць у сувязі з паведамленнямі аб тым, што беларускія крымінальныя суды практыкуюць адпраўку абвінавачаных на прымусовае псіхіятрычнае лекаванне ў адплату за ажыццяўленне імі грамадзянскіх і палітычных правоў.

«Мы атрымалі паведамленні, што з пачатку палітычнага крызісу вакол прэзідэнцкіх выбараў 2020 году прынамсі 33 чалавекі, у тым ліку пяць жанчын, былі адпраўленыя на прымусовае псіхіятрычнае лекаванне праз тое, што яны выказалі нязгоду з уладамі».

Вясна / Правы чалавека ў Беларусі

24 April 2025 13:55

У Беларусі новае «экстрэмісцкае фармаванне»

Гаворка пра праект «Гэта Моладзь» / «This is Youth». Адпаведнае рашэнне было прынятае КДБ 21 красавіка.

Паводле ведамства, дачыненне да праекту мае Маргарыта Ворыхава.

«Гэта Моладзь» — гэта ініцыятыва, створаная Прадстаўніцтвам па моладзі Аб'яднанага пераходнага кабінета Беларусі, каб падтрымаць маладых беларусаў і беларусак у любы час і ў любым пункце свету. Яе мэта — абарона правоў маладых людзей, прадастаўленне ім доступу да магчымасцяў і падтрымцы іх актыўнага ўдзелу ў пабудове дэмакратычнай Беларусі.

🔗Хроніка палітычнага пераследу

Вясна / Правы чалавека ў Беларусі

24 April 2025 12:01

🗣Калі вы знаходзіцеся ў бяспецы — распавядзіце пра палітычны пераслед, з якім сутыкнуліся вы ці вашыя блізкія ў Беларусі

Для людзей у Беларусі камунікаваць з праваабаронцамі небяспечна, таму апошнім часам можа здавацца, што сітуацыя ў Беларусі стала лепш і рэпрэсіі спыніліся. Аднак гэта не так.

Чаму гэта важна?

• Кожная гісторыя дапамагае дакументаваць злачынствы рэжыму. Гэта доказ, які застаецца.
• Чым больш сведчанняў, тым цяжэй свету ігнараваць тое, што адбываецца ў Беларусі.
• Без дакументаваных фактаў немагчыма будзе прыцягнуць вінаватых да адказнасці.

❗️Па вашым жаданні, інфармацыя, якую вы дашлеце, не будзе нідзе апублікаваная і будзе выкарыстоўвацца толькі для статыстыкі. Мы не патрабуем ад вас асабістай ці ўразлівай інфармацыі — паведамляйце толькі тое, што лічыце важным і бяспечным для сябе і для людзей у Беларусі.

Кожная гісторыя — гэта кавалачак вялікай карціны таго, што адбываецца ў Беларусі.

@ViasnaSOS | @SOSViasna | @Viasnainfo

Вясна / Правы чалавека ў Беларусі

24 April 2025 10:34

❗️Праваабаронцы заклікаюць дакументаваць факты катаванняў і парушэнняў правоў чалавека ў Беларусі

«Вясне» вядома, што ў Беларусі працягваюцца масавыя катаванні і збіванні, утрыманне ў нечалавечых умовах у ізалятарах. Мы разумеем, што праз страх і рызыкі пераследу людзі баяцца звяртацца да праваабаронцаў для дакументавання гэтых фактаў. Але мы заклікаем з дапамогай фота і відэа самім фіксаваць сляды катаванняў і збіванняў. Акрамя гэтага, звяртайцеся да лекараў, каб зафіксаваць траўмы і захаваць медыцынскія дакументы. Гэта дапаможа ў будучыні прыцягнуць да адказнасці ўсіх датычных да рэпрэсій.

✍️Вы можаце самастойна задакументаваць ваш выпадак, дзякуючы «Практычнаму дапаможніку для пацярпелых»

🔹Калі вы пацярпелі ад катаванняў з боку сілавікоў ці сутыкнуліся з бесчалавечным і жорсткім абыходжаннем у месцах зняволення, парушэннем правоў чалавека — калі ласка, пішыце @ViasnaDOC ці viasnadoc@spring96.org

Вясна / Правы чалавека ў Беларусі

23 April 2025 17:30

Стала вядома пра затрыманне каталіцкага святара з Мінска Сяргея Трысценя

Некалькі незалежных крыніц паведамілі @christianvision пра сённяшняе затрыманне чарговага каталіцкага святара. Айцец Сяргей Трысцень — настаяцель манаскай супольнасці кармелітаў босых у Мінску, дырэктар Школы сямейнага жыцця, выкладчык Мінскага тэалагічнага каледжа святога Яна Хрысціцеля.

Нагода для затрымання — невядомая.

🔗Хроніка палітычнага пераследу
🗣Паведаміць пра затрыманне
⚖️Атрымаць бясплатную юрыдычную кансультацыю
📝Абскардзіць дзеянні дзяржаўных органаў
✍️Звязацца з журналістамі «Вясны»

Вясна / Правы чалавека ў Беларусі

23 April 2025 16:05

🇪🇺У беларускіх палітвязняў з'явіліся новыя «хросныя» з Латвіі, Аўстрыі ды Шатландыі

У межах кампаніі #WeStandBYyou Антаніна Нянашава («Прагрэсіўныя», Латвія), Хельмут Брандштэтэр (Еўрапейскі парламент, «NEOS/Renew Europe», Аўстрыя) і Біл Кід («Шатландская нацыянальная партыя», Шатландыя) стануць сімвалічнымі «хроснымі» Анастасіі Пакаташкінай, Аляксандра Ігнацюка і Надзеі Лапцёнак.

«Нельга дазваляць такім дыктатарам, як Лукашэнка, прымушаць людзей замаўчаць — Еўропа павінна сачыць і дзейнічаць».

Вясна / Правы чалавека ў Беларусі

23 April 2025 14:20

❗️Евангельскага пастара з Хойніцкага раёна Алега Лойку затрымалі па крымінальнай справе

Яго абвінавачваюць у перадачы інфармацыі аб перасоўванні расійскай вайсковай тэхнікі па тэрыторыі Беларусі.

48-гадовы Алег Лойка з'яўляецца пастарам царквы хрысціян веры евангельскай у вёсцы Небытаў Хойніцкага раёна. Вядома, што ў снежні мінулага года ён быў арыштаваны на 10 сутак за «распаўсюд экстрэмізму».

Пастар шмат гадоў займаўся рэабілітацыяй людзей з наркатычнай залежнасцю ў рамках місіі «Вяртанне». Дзякуючы яго дзейнасці сотні чалавек вярнуліся да нармальнага жыцця. Пра мужчыну раней неаднаразова з захапленнем пісалі дзяржаўныя СМІ.

🔗Хроніка палітычнага пераследу
🗣Паведаміць пра затрыманне
⚖️Атрымаць бясплатную юрыдычную кансультацыю
📝Абскардзіць дзеянні дзяржаўных органаў
✍️Звязацца з журналістамі «Вясны»

Вясна / Правы чалавека ў Беларусі

23 April 2025 12:00

🧹Шукаем людзей, якіх прымушалі ўдзельнічаць у суботніках

Для прадастаўлення звестак у ААН, збіраем інфармацыю аб суботніках і аб мерах, якія прымаюцца супраць тых, хто ўхіляўся ад такой працы.

Калі вы гатовы падзяліцца інфармацыяй, напішыце, калі ласка, нам — @zvarot96

Вясна / Правы чалавека ў Беларусі

23 April 2025 10:16

У мінулым годзе ў Беларусі распачалі 44 крымінальныя справы за данаты

Пра гэта расказаў старшыня Камітэта дзяржкантролю Васіль Герасімаў. Ён назваў гэтыя ахвяраванні «фінансаваннем экстрэмісцкай і тэрарыстычнай дзейнасці», піша @reformby.

Паведамляецца, што дзейнасць КДК у сферы стрымання такога фінансавання сканцэнтравана на аналізе абароту крыптавалют і кантролі плацежных сэрвісаў розных электронных сістэм і сацсетак.

У мінулым годзе органы КДК выявілі 2,7 тысячы такіх крыптавалютных транзацый. Распачаты 44 крымінальныя справы. Герасімаў у якасці прыкладу прывёў топ-мэнэджара адной з IT-кампаній, які зрабіў крыптавалютныя пераводы на 290 тысяч долараў.

Вясна / Правы чалавека ў Беларусі

23 April 2025 09:03

📝Нагадваем кантакты Праваабарончага цэнтру «Вясна»

🔹Паведаміць пра затрыманне, даслаць інфармацыю з судовых пасяджэнняў: Telegram-бот @viasna_bot | @ViasnaSOS, @SOSViasna;
🔹Звярнуцца па дапамогу па юрыдычных пытаннях, абскардзіць дзеянні дзяржаўных органаў: @zvarot96 | zvarot@spring96.org;
🔹Калі вы пацярпелі ад катаванняў з боку сілавікоў ці сутыкнуліся з жорсткім абыходжаннем за кратамі: @ViasnaDOC | viasnadoc@spring96.org;
🔹Распавесці сваю гісторыю журналістам «Вясны»: @Viasnainfo | viasna@spring96.org.

📍Кантакты рэгіянальных прадстаўніцтваў «Вясны»: Бабруйск — @babrujskspring; Барысаў — @Spring_help_r; Брэст — @Nadbuzanski, @BrestSOS; Гомель — @homelspring; Магілёў — @maydayhelp, @mspring_help; Маладэчна — @Maladecza_help; Наваполацк — @impaynes; Віцебск — @Viciebsk_spring; Светлагорск — @svietlahorskspring

❗️Афіцыйныя кантакты ПЦ «Вясна» можна паглядзець у апісанні @viasna96 ці на старонцы «Кантакты» на spring96.org

⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Вясна / Правы чалавека ў Беларусі

22 April 2025 16:34

Ужо больш за месяц на сайце Вярхоўнага суда вядуцца «регламентныя работы»

Там публікавалі расклады судоў, у тым ліку па адміністрацыйных, грамадзянскіх і крымінальных справах. Таксама з сайту знік раздзел «спецыяльная вытворчасць», у якім публікавалі не толькі інфармацыю пра будучыя завочныя суды над тымі, хто вымушана пакінуў Беларусь, але таксама і выніковыя часткі прысудаў.

Праз адсутнасць афіцыйнай статыстыкі складана ацэньваць рэальную сітуацыю з правамі чалавека ў Беларусі. Таму ў цяперашніх абставінах прыкладныя лічбы, якімі валодаюць праваабаронцы, могуць казаць не пра адлігу ў краіне, а як раз наадварот — пра стабільна катастрафічнае становішча з рэпрэсіямі, якія так старанна хавае рэжым.

🗣Заклікаем працягваць паведамляць праваабаронцам пра ўсе вядомыя факты палітычнага пераследу. Мы клапоцімся пра вашу бяспеку, таму зробім усё магчымае, каб немагчыма было выкрыць крыніцу.

@ViasnaSOS | @SOSViasna | @Viasnainfo

🔹Праваабаронцы «Вясны» пра тое, як рэжым знішчае доказы сваіх злачынстваў

Вясна / Правы чалавека ў Беларусі

22 April 2025 15:30

Інфармацыйныя прадукцыя парталу «Медыя-Палессе» прызнаная «экстрэмісцкімі матэрыяламі»

Адпаведнае рашэнне прынятае судом Пінска і Пінскага раёну 16 красавіка.

У абноўлены «экстрэмісцкі спіс» таксама трапілі:

📍Instagram старонкі «andrei_volat_pivavarevich», «alesia.mierynava», «hleb.vajkul», «dimastut», «mayamova.cо», «belanarchistinpl», «jestem_tatiana», «jedrzejt»;
📍Старонка ў Facebook «Дзянісаў Аляксандр»;
📍Сайт і сацсеткі праекту «Вольныя», праекту «BEROC», «Petitions.bу»;
📍Старонкі ў «Аднакласніках» «Ник и Майк», «Valery Nezhavets», «Катя Bakinouskaya»;
📍Старонкі ва «Укантакце» «Павел Кулаженко», «Александр Денисов»;
📍TikTok-старонкі «alexandrgopnik».

🔗Хроніка палітычнага пераследу

Вясна / Правы чалавека ў Беларусі

22 April 2025 14:15

Збор сродкаў да Міжнароднага дня абароны правоў людзей з інваліднасцю

«Хуткая гуманітарная дапамога» запускае новы збор для падтрымкі людзей з інваліднасцю, якія апынуліся ў складанай сітуацыі праз палітычныя рэпрэсіі.

Куды пойдуць сродкі?

🔸медыкаменты і медыцынскія сродкі (напрыклад, вазкі, бандажы, прылады для рэабілітацыя і іншае);
🔸аплата медыцынскіх маніпуляцый, умяшанняў і кансультацый медыкаў;
🔸аплата сацыяльных таксі і іншых транспартных паслуг, што неабходныя для атрымання медыцынскай дапамогі.

Арганізатары плануюць сабраць 10 000 еўра. Памер выплат для кожнай сям'і будзе залежаць ад іх патрэб. Максімальная сума выплат — 300 еўра.

Падтрымаць збор можна па спасылцы