1889
إن اللّٰه لا يكسِرُ قلبَ مَن توسل بالزَهراءِ 💔
📓حديث ونعي للإمام العباس (ع)* لما سقط الامام العباس على اﻷرض وفاضت روحه نادى الحسين (عليه السلام) يعز والله علي فراقك ثم بكى بكاء شديدا، فحمله على ظهر جواده، وأقبل به إلى الخيمة، وهو ويقول: ألان انكسر ظهري، وقلت حيلتي ويبكي و يكفكف دموعه بكمه، فلما رأوه مقبلا أتت إليه سكينة ولزمت عنان جواده وقالت : يا أبتاه ! هل لك علم بعمي العباس، فعندها بكى الحسين عليه السلام وقال : يا بنتاه ! إن عمك العباس قتل وبلغت روحه الجنان . واعباساه واعباساه واعباساه... *نعي مجرد:🍃* ┄┅═✧❁📓🎤-❁✧═┅┄ يگلها يبويه طاح عمچ راح اليزيح الحمل عنچ وعليه كل دمعچ اونچ ┄┅═✧❁📓🎤-❁✧═┅┄ عليه كل دمعچ ودمعي وني لعمچ بعد وانعي من طاح چفه انكسر ضلعي ┄┅═✧❁📓🎤-❁✧═┅┄ انسكر ضلعي وعيني تجري من شفت چفه انكسر ضهري وسفه خذاك وخان دهري ┄┅═✧❁📓🎤-❁✧═┅┄ خويه خذاك الدهر مني وعليك كل نوحي اوني من شفت راسك خاب ضني ┄┅═✧❁📓🎤-❁✧═┅┄ ياخويه خابت كل ضنوني وعليك اريد اعمي عيوني ياريتها امگطعه امتوني ┄┅═✧❁📓🎤-❁✧═┅┄ *من ديوان📚 عبرات وأنين في رثاء قطيع الكفين الجزء٨ *الشاعره العلويه مريم النور* *نسألكم الدعاء الفاتحه الى روح اختي وﻷمواتكم:*🍃 غير مبري الذمه من يحذف الاسم او ينسب الكلمات له...🏴أنت المعزى سيدي يا صاحب الزمان ... عظم الله اجوركم💔 ✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد. وجميع اموات شيعه أمير المؤمنين عليه السلام 🕊🌿........👩🚀. .....✏️...............🥺😭💔...خدمتكم شرف لنا كروب نشر قصائد حسينيه العلويه ام حيدر
Читать полностью…
يا حي الله بخدامه
#خويدم_آل_محمد
#الشاعر_الميرزا_محمد_الساعدي
هلا بمسلم ياهلا
هلا بمسلم ياهلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مسلم تحـــزم عليها وشـــــــــن عليها الغاره
ابـــــو ثار وماتنخــه بزلمه ياخـــــــــــذ ثاره
القصر والبالقصر ضلت خايفـــــــه ومحتاره
اليله ابن عــم الحسين اليله شــــــــد اوزاره
اليله كـــــل البالقصـر يتنخون
بلكي مسلم يتعب ويرتاحـون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
غطت الكوفه بكبرها وطاح ثلمه مــن القصر
صارت الحيطان حمره من الذبـح ذاك العصر
شكثر ذابـــــح زلم مسلم محــد يعرف شكثر
مگبل مگابلها چان الغـــــدر بس لهل الغــــدر
الله حــــي البألحرب مايرتاح
تذري گام يذري مثل المرواح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابــــن هاشـــم وال هاشـــــم تغلب وماتنغلب
الحرب كل ماگضت مسلم يرجــع يرد الحرب
الهوه راد يگطعه مسلم اشــوه اذا بس الدرب
حيله من حيل ابو فاضل والگلب نفس الگلب
ناس مسلم گالت وگالت ناس
هذا مــو مسلم الطب العباس
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الكوفــــه شبــت نار بيها ونار ابـــد ماتنطفي
وزلـــم مثـــــل الماي گامــت بشوارع تنچفي
تتعـــب وتكتفي الوادم هوه ابــــــد مايكتفي
المايموت يگول مسلم لبو الاكبر مـــــو وفي
خاف عابس گالو اعله مجنون
انه اكثـــــر منـــه يل ماتدرون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نزال المسلم
،، مصطفئ الصالحي
#نعي
خروج ضعن مولانا سيد الشهداء صلوات الله عليه من المدينة
درب السلامه يهل الضعون
وادري بسفركم ماتسلمون
ادري بدربكم موت ونياح
وذباح هذا السفر ذباح
ميلة گفاكم ميلة ارماح
ويلاه يهلنه الما تـردون
ويلاه يهلنه الفرگه تعذيب
امداره العليل يريد ويطيب
مو عنّه أهله بحاجته اتغيب
الفرگه موت وعلتي تهون
يهلي الحنين يموته الغياب
يگضي حياته امگابل الباب
بلكت تحركه اچفوف الاحباب
كافي الهوه يخيّب بالظنون
يهلي العليله اتاني مكتوب
وحشه وعليها مسرگه البوب
وتارس نظرها اتراب الدروب
گـدمـا تتانيكم ترجعون
لا يمي عبد الله وأداريه
ويصبر عيوني وأناغيه
يسليني بعيونه وأسليه
لحدما علي يهلي تعودون
لا يمي اخـو ويشيل الاثگال
ولايمي اخت واشكيلها الحال
يهلي الحمل معتاز شيّال
مال الحمل ياماي العيون
سجاد الگريزي
#اللهم_عجل_لوليك_الفرج
صباحكم حسيني
صباحكم نسيم دموع الباكين
صباحكم تلبية من القلب
لبيك ياحسين
صباحكم ارواح تطوف مع
الزائرين
صباحكم دموع تواسي بها
الزهراء وام المصائب زينب
صباحكم يتنفس عشق حسيني❤️
صباح الخير ،،،والسعادة
أحسنوا استقبال المحبة ،،،ولا تفرطوا في ثمراتها ،،،
وضعوها في خزينة الأسرار ،،،فإنها غالية وثمينة ،،،
صباح الخير ،،،لمن يرى فينا ابتسامة الصباح ،،،ونراهم لنا حياة ،،،
صباح الخير ،،،لي ولكم ولكل قلب عامر بالخير والمحبة ،،،
،،، #صباح_الورد 🌺🕊️،،،
صباح الخير ،،،والسعادة
أحسنوا استقبال المحبة ،،،ولا تفرطوا في ثمراتها ،،،
وضعوها في خزينة الأسرار ،،،فإنها غالية وثمينة ،،،
صباح الخير ،،،لمن يرى فينا ابتسامة الصباح ،،،ونراهم لنا حياة ،،،
صباح الخير ،،،لي ولكم ولكل قلب عامر بالخير والمحبة ،،،
،،، #صباح_الورد 🌺🕊️،،،
ياسيد السفاره
يادين الغياره
ياتربات الحسين
وعيونك مناره🚩
آ يمهدينه تون اليا جرح
للمشت للشام لو للمنذبح
آ يمهدي 🚩
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
السَّلامُ عَلَيكِ يَا عَزِيزَةَ الزَّهرَاءِ (عَلَيهَا السَّلام)، السَّلامُ عَلَيكِ يَا أُمَّ البُدُورِ السَّوَاطِع فَاطِمَةَ بِنت حزَام الكلابيّة
#عظم_الله_اجوركم 🏴
اللَّهُمَّ فَبِحُرْمَةِ هَذَا المَكَانِ المُنِيفِ، صَلِّ عَلى مُحَمَّدٍ وَآلِ مُحَمَّدٍ، وَاحْشُرْنِي فِي زُمْرَتِهِم، وأدْخِلْنِي الجَنَّة بِشَفَاعَتِهِم.
#صباحكم_حوائج_مقضية 💚🤲Читать полностью…
🏴4️⃣محرّم ..
السلام على أمّ البنين سيّدة الوفاء أمُّ العبّاس ومَن نذرت أولادها قُربانًا للحُسين دون أن ترفّ لها عين💔
كفيتي ،،، وفيتي ،، يم الگمر
ضحيتي ،، شنطيتي ،، يم النهر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يفاطم بت حزام
يلمخجله الكلام
حليلة يا أمام ؟
أم ليا سمى ؟
شنو اسرارج سماي ؟
بشر وچفوفه ماي
الهوى يصيحچ هواي
دخيلچ فاطمه
علم عالي ،، وطن غالي ،، سياده ومنزله
يباب الله ،، عليه صلى ،، كفيل العايله
تبقين أم الذب چفوفه
يا باب الحاجه المعروفه
والخايف ما دايم خوفه
يمچ يا جنه وموصوفه
بيهه ،، بيهه ،، لو ضاگت بس زامط بيهه
،،،،،،،،،،،،،،،،،،،،،،،،،،،،،،،،،،،،،،،،،،
ولد نعم الولد
القل هو والحمد
(غضب) (غيره) (أورد)
وطن حاظن وطن
ربى بحظنچ أمير
أله ما صح نظير
ذخر يوم العسير
أمين ومؤتمن
گمر چنه ،، شوصفنه ،، اذا الوالد علي
الوفه أمه ،، كتب دمه ،، فده لأبن الولي
ممنونه الشيعه من اولادچ
الله لهذا الموقف رادچ
ام الكافل ياهو الزادچ
بالطف موتچ وي ميلادچ
نيبه ،، نيبه ،، ظل تصرخ عباس النيبه
،،،،،،،،،،،،،،،،،،،،،،،،،،،،،،،،،،،،،،،،،،،
يمعنى المرجله
هلا والله هله
يلبوه أمعدله
يمصنع للزلم
معسكر للجهاد
درس غيره وعناد
شنو چفوفچ عتاد ؟
يچف المنتقم
وصل مايه ،، رفع رايه ،، على عناد العطش
كتب بيهه ،، شوفيهه ،، اسوي الطف نعش
محد يوصل والله الزودي
ما دام اذراعي اعله زنودي
دمعة زينب هيه حدودي
علماي العدوان أشهودي
وينه ،، وينه ،، شو لابد چا شطهم وينه
،،،،،،،،،،،،،،،،،،،،،،،،،،،،،،،،،،،،،،،،،،
وفى وطيبه ويقين
حياة أم البنين
هوى تشم الحسين
تموت الخاطره
تعرفه وتفتديه
ابنهه وحگهه بيه
اذا ماتت عليه
تنال الاخره
هوى الريه ،، يبدويه ،، يباب المغفره
تلگينه ،، بدمع جينه ،، تره نحبكم تره
يا باب الحاجه المگصوده
لو مية عگده اومعگوده
تنحل ما تبقه ومشهوده
يا راية غيره ومشدوده
غيره ،، غيره ،، من عدكم وتموت الغيره
،،،،،،،،،،،،،،،،،،،،،،،،،،،،،،،،،،،،،،،،،،،،،،،
نواليكم جميع
بلا العتره نضيع
فده الدم الصريع
فداء العيلته
فده چفوف الكفيل
يأم المستحيل
جبل غيره شيميل ؟
رسول بهيبته
الف شكرآ ،، على السهرن ،، على مصاب السهم
على عيونچ ،، ربه متونچ ،، علم شايل علم
تبقين انتي بوصفچ حيره
غيره وما جابت بس غيره
يلخيرچ ظل عايش خيره
ممنونة الكم هاي الديره
بينه ،، بينه ،، ظل عايش عباسچ بينه
كلمات خادم ام البنين
رعد الفريجي
ام البنين تصف شجاعة ابنها ابا الفضل وكأنها حاضره في الطف
****
عفيه ابني وخل يسمع خاله
ياهو اليوصله اويدناله
نافيهه العطوه وعدوانه
رجفهم من كف ردانه
هذا العباس ،، هذا العباس
*
عفيه ونعم من الكمر
شربته غيره وعنوان
حصنته بسمك يا علي
وبسم العظيم المنان
من زغره خادم للأخو
وجهزته هم للميدان
چا يمته توصل كربله
للحومه كلش عطشان
واكفل زينب ماي عيوني
واترس جربه الفوگ امتوني
للطف بگماطي اودوني
خادم لحسين ايسموني
***
حاجوز رادو ما يصح
حتى الهوى يصيح دخيل
فرسان ما توكف عدل
شوف الزلم گام تميل
دنيا الظهر وين الشمس
شبسرعه طبلهم ليل
قادة معسكرهم بچو
عباس وياهم حيل
يا هيبة حيدر وعلومه
خل الحومه اتطم الحومه
كافل زينب هذا ويومه
ضم راسه الطف صاح ادخيله
***
عباس مر بيهم عطش
خوف وبرد صحره ونار
شوفهم الموت الصدگ
رد النه ثار البسمار
صفين خيبر كلهه الك
عباس يا ذو الفقار
طف كربله مدنگ تره
صار الحچي مال اكبار
كف ردانك شيل الرايه
زلم الطگ موش الودايه
خلي الجيش يصير حچايه
بحزامك شد هاي الشيله
****
خاف النهر عاف الخيم
مر علمه هاي الچلمات
زينب عظيمة كربله
وتحت الخيم علويات
خلي الجرف فوگ الجرف
حد ما يگلولك مات
الما يروي الحسين انتهى
ذبحه بثواب الخيمات
طم مايه وخل تطلع روحه
شلون سكينه تظل مجروحه
ما يستاهل حتى اللوحه
خل مايه يرد فوگ الغيمه
***
يمخلي خوفه ابكربله
من گالو اسمك عباس
الاف سكتو ما حچو
شو سنطه حتى الانفاس
چا وين فرسان العدو
وين الزلم ؟ وين الناس ؟
صاحو يشدتنه ابتدت
كل احنه بالطف ننداس
عباس ونعرف سطراته
ما يسلم لو واحد فاته
طب النه بسيفه وريشاته
ما واحد صد نار عيونه
*
كلمات الخادم / رعد الفريجي
الحساب لطرح الاسئلة الفقهية والعقائدية
@Karballe_313
ليلة السادس من محرم 1447 هـ
نزلة للأنصار عليهم السلام
يا حـي الله بخـدامه..
بيهم مرفوعه الهامه.. حيوا الأنصار..
رعدوا عـالكافر غـيمه..
يوم العرضوا بالخيمه.. والزينب ثار..
======================
يوم الهوسـوا والـشارب غيـره اهـتز الراعـي الغيره
يـوم الوگـفـوا حـمّـايـه وخـلـوا كلـمـن جـاي بحـيره
يـوم الشـدوا عالكافـر شـدة مـوت وفـزعه اچـبيـره
هيچ احنه انحب حسين الموته شويه ولجله زغيره
ويـن الـخدمت حـيـاها
خل تخدم والله اوياها.. لا ما تحتار
رعدوا عـالكافر غـيمه..
يوم العرضوا بالخيمه.. والزينب ثار..
======================
عرضوا يمـچ يازينب ذول احـنه الما نترك صاحب
من دمنه ايفور الموت انراوي الگاصد ليكم ناصب
لا ما انفشل مولانا حسيـن وهوه انصاره الحاسب
صح سبـعينچ لكنـهم وسـط الحـومه اتزين شارب
ذوله انــصارچ خـدامـچ
ياهو اليگصدها اخيامچ.. صارولچ نار
رعدوا عـالكافر غـيمه..
يوم العرضوا بالخيمه.. والزينب ثار..
======================
مو كـل صاحـب صاحب لا احنه اليفزع بينه الكافل
من انطب سوح الحومه انشوف امشارد ذاك العاذل
مو مـثل الخانوا طـه وكـلها التعـرف شنـهو الحاصل
من نغضب ملچ المـوت ايكف چلماته ومـسرع نازل
ما دام اليـصـعـد بـيـنـه
اتراب اقدامچ حسبينه.. يخت الأخيار
رعدوا عـالكافر غـيمه..
يوم العرضوا بالخيمه.. والزينب ثار..
======================
ليهمچ جينه انصير فراش ويمشي اعلينه حسينچ
درب الحگ لا منعوفه الدين حسين ونخدم دينچ
يم عون الـموعد حان وهـاي الكلمة البيني وبينچ
يامحله انـموت بـدربه انفوز وربنه وداعت عينچ
ذول احـنه انـصار الهيبه
حگنه من ايضيع انجيبه.. رغم الأخطار
رعدوا عـالكافر غـيمه..
يوم العرضوا بالخيمه.. والزينب ثار..
======================
ياربي انطينه الهـمه ورتـبه الخـدمه اليـم اعتـابه
مـثل انـصار العلـويه انـريـد انصـير وندخـل بابه
كون بكل مجلس ثايه اندگ ونلطم لجل امصابه
وتغـطينه ام حسـين برايـه ونصـبح مـن احـبابه
كلشي امسجل محسوبه
بعشره اللطمه ومضروبه.. بسعي الزوار
رعدوا عـالكافر غـيمه..
يوم العرضوا بالخيمه.. والزينب ثار..
======================
26/5/2025 يوم الاثنين
28/ ذو القعده 1446 هــ
#خويدم_آل_محمد
الشاعر الميرزا محمد الساعدي
@tyyuuiiopp
#حدي
لمولاتي العليلة روحي فداها
يا راكبا اللي فوك سباگة الريـح
خوذ العمامي اولبوي حسين گرطاس
وگول العليله فاطمة تگوم وتطيح
وبفراگ اهلها لاويه الجيد والراس
وتگولهم فاطمه لو جسمها صحيح
بدرياكم تبگه يـطيبين لا باس
يا طارشي ارمح بالكتاب ترميح
بالخير والشر ضامره الحر حساس
وشوفني وگول الوالدي حسين تفصيح
المايرحموه هله ما ترحمه الناس
حيلي ركد بفراكهم وشوفي أشـحيح
بثنين صرت بواهمـه وبين وهواس
يا طارشي عبر النواويس وتصيح
وين المذاريب النشامه وين عباس
الشاعر المرحوم مُعين السباك
#اللهم_عجل_لوليك_الفرج
السَّلامُ عليْك يا ابا عبْد الله وعلى الاَْرْواح الَّتي حلّتْ بفنائِك عليْك منّي سلامُ الله ابدا ما بقيتُ وبقي اللَّيْلُ والنَّهارُ .
#ياأبا_عبد_الله 🤍
🌹خير ما نستهل به صباحنا المبارك هو الدعاء لإمامنا صاحب العصر والزمان أرواحنا لتراب مقدمه الفداء ..🌹
♦️اللهمَّ كُنْ لِوليكَ الحُجّةَ بنَ الحسنِ العَسكَري ، صَلواتُ اللهِ عَليهِ وَعَلى آبائِهِ ، في هذهِ السّاعةِ وَفي كُلِّ ساعةِ ، ولياً وحافِظاً وقائِداً وناصِراً ودليلاً وَعيناً ، حتّى تُسكِنهُ أرضكَ طَوعاً وَتمتعهُ فيها طويلاً برحمَتِكَ يا أَرحَم الراحِمِينَّ ♦️
🔹وَهَبْ لَنا رَأفتهُ وَرَحمتهُ وَدَعوتهُ ودُعائهُ وَخيرُه ما نَنالُ بِهِ سَعَة مِنْ فَضلِكَ وَفوزاً عِندَكَ يا كريمُ 🔹
🍃🌸اللَّهُمَّ عَرِّفْنِي نَفْسَكَ فَإِنَّكَ إِنْ لَمْ تُعَرِّفْنِي نَفْسَكَ لَمْ أَعْرِفْ نَبِيَّكَ ,
اللَّهُمَّ عَرِّفْنِي رَسُولَكَ فَإِنَّكَ إِنْ لَمْ تُعَرِّفْنِي رَسُولَكَ لَمْ أَعْرِفْ حُجَّتَكَ .
اللَّهُمَّ عَرِّفْنِي حُجَّتَكَ فَإِنَّكَ إِنْ لَمْ تُعَرِّفْنِي حُجَّتَكَ ضَلَلْتُ عَنْ دِينِي🌸🍃.
🌹🥀🌹🥀🌹🥀🌹🥀🌹🥀
🍃🌹🔹
َ
يومٌ جديد وصباحٌ جميل معه آمآل وأحلام وتحديات جديده، فـ لا تُرهقوا صباحكم بكثرة الهموم، توكلوا على من بيده الامر كله.
صبــــاح♡ الخيــــر
🌹 🍃🔸🎀
تم نشر 200 قصيده 👆👆 العشره الاولى من الهلال للعاشر حسب الترتيب
ومن اليوم سوف انشر لكم لك يوم حسب اليالي شارك الرابط لتعم الفائدة 👇👇👇
/channel/aabas78
- لـمـولاي مـسـلـم بـن عـقــيـل عـلـيـه السلام-
« سَــــيــِّــد الــســفــاره » 1447هـــــ
يـــــاســــيـِّــــدالــــــسفــــاره
يـــــــاديــــــن الـــــغــيـــــاره
يــــــاتــــربـــات اِلـــحــســيــــن
وعـــيــونــڪ مـــــنـــــاره
ـــــــــــــــــــــــــــــــــــــ
مــــنــــاره انـــي اشـــــــــوفــڪ
ذهــــــب اربـــــــع حــــــروفـــڪ
مــــــــلاذ الـــڪـــوفــــة انـــــــت
أمــــــان الــــڪـــل يـــطــــوفــڪ
يــــاصــــوت الــحـــقيــقــه
نـــــــور الله وطـــريـــقــــه
يــــــاابــــــن الـــمــيـــامـــيــــن
وعـــيــونــڪ مـــنــاره
ـــــــــــــــــــــــــــــــــــــ
يــــــاوالـــــــد حــــــــمــــيـــــــده
يــــــاجــــــرح الــــــعـــقــــيـــــده
أوّل شــــهـــيــــــد الــــــــطــــــف
عــــشـڪ يـــنـــزف وريــــــــــده
يــالـــمـــاصــــح الك نـــــد
يـــــاهــــيــبــة مُــحــمّــــد
يــــاصــــــدر الـــــــدواويــــــن
وعـــيــونـــڪ مـــنــــاره
ــــــــــــــــــــــــــــــــــــــ
رســـــالـــه مـــــن دمـــــــائـــــڪ
تــــنـــبـــض مـــــن ولائــــــــــــڪ
شـــايـــل عـــطـــش لـحــســيــــن
ولـــخــيـــــامـــــه وفــــــــائــــڪ
يـــافــحــل الـــرجـــولـــه
يــــارمـــز الــــبــطــولـــه
يـــاســـيـــف الــــمـيــــاديــــن
وعــــيــونــڪ مـــنــــاره
ـــــــــــــــــــــــــــــــــــــ
حـــزنــــڪ گـــربـــلــه مــــــولاي
عـــايــــش غـــــربــــــة الـــمــــاي
تــــنـــحـــب يــــابـــــوفـــاضــــل
دمـــعـــڪ عــــلــى الـــــوفــــاي
يــــــازود الــــــهــــواشــــم
تــشــهــدلـــه الـــمـــلاحــم
خـــــط بـــيـــده الــقــوانـــيــن
وعــــيــونــڪ مــــنـــاره
ــــــــــــــــــــــــــــــــــــــ
مــــن شــــفــــت الــــضـــمـــايــــر
مـــا تِــــــهــــوّه الــــمــــنـــــاحـــــر
تــــــڪــشـــف ڪــل الـــعــــيـــون
( ألاّ مَـــــن ) مُــــــــنـــــاصــــــــر
يــالـــڪـــاســر خـــشــمــهــم
تِــــطــشــرهــــم تِــــلـــمــهــم
يـــمـــرچــــف الـــســـلاطـــيــن
وعـــيـــونــڪ مـــنــاره
ــــــــــــــــــــــــــــــــــــــ
الـــــنّــــاس الــمــا تِـــــنــــصـــرڪ
تِــــطـــعـــن هـــــــيّ ظَــــــهـــــرک
تِــــــرڪُـــــض ورا الـــــديــــنــــار
بــــاعـــــت حــــتــى نــــحـــــرڪ
طِـلــــعــــوا بـــالــــوراثــــــــه
يِـــشِــبــهـــون الـــــثــــلاثـــــه
الــسـقـيــفــه وهــمــه وجــهـــيــن
وعـــيــونـــڪ مـــنـــاره
ــــــــــــــــــــــــــــــــــــــ
ابـــو فـــــدك الــشّــــامــي ✍🏻
آ يَمَهدينه تِوِن اليَا جَرح
للمِشِت للشَام لو للمِنذِبح
آ يمهدي
***
صَافِن وصَفناتَك اتبـﭼّـي الدِموع
النَشغَه مِن صَدرك أظِن تِطحن ضِلوع
وللتِرِضرِض صُوت واضِح بي خشُوع
مثـل ضِلع اُمَّك ابـّاب امن الجِذوع
سَاعَدَك ربك عَلى البين الوَكِح
آ يَمَهدينه تِوِن اليَا جَرح
**
مَشيِتَك تشرَح حِزن يوم الطفوف
مَحني ظَهرَك بالأرض عَينك تِطـُوف
تغسِل الـﮔـاع ابدَمِع دافي وعَطـُوف
ﭼـنّك اتـدَوّر صِبع فـَارَﮒ ﭼفُوف
تسـﭼِـب العَبره ودَمِعتك تنسِفح
آ يَمَهدينه تِوِن اليَا جَرح
**
عِشِت يوم الحِزن وَاقِع مُـو خيال
وقصّة المَذبوح وَي خَيل ونِبال
الطَشّرَت جسمَه المُقدَّس عالتِلال
واختِـلَط كلّه اويه ذرّات الرِمال
وشُبـﮔَـت الذرّات دين الله السَمح
آ يَمَهدينه تِوِن اليَا جَرح
**
شِـفِت يالمَهدي تفَاصِيل العذاب
الشَـيّب الكِلمَـات بحرُوف الكتاب
شلون زينَب فرشَت احجَاب المُصاب
ولمّت اضلوع ابن ابُوهَـه امن التِراب
وَضِـع مايتوَصّف وصَعب الشَـرِح
آ يَمَهدينه تِوِن اليَا جَرح
**
آخ لِـبصَدرَك جَـرِح مَالَه التِـئَام
امشَابِـِﭻ الهَـم ﭼَـن نَبِل صَدر الإمام
ابضوَه اعيُونك دَخنَه مِن حَرﮒ الخِيام
وشُوغِـتك بـﭼّـت تَـرَاتِيل الحمَام
ابحَرب وَي دَهرَك فلا شِفت الصِلح
آ يَمَهدينه تِوِن اليَا جَرح
**
الحَسرَه منّك تذبَح انفَاس الحيَاة
عالمِشَت مسـبيّه من يَم الفُـرات
ويّه نِسوَة خير واطفال وبَـنات
وطـبَّن المجلس شِماته امگيِّدات
وعالعَرش ذابِح زلِمهن مِنطِرح
آ يَمَهدينه تِوِن اليَا جَرح
=============
لقمان لعيبي البدران
انتي أم عباس باب الله الوسيع
وانتي ايه منزله ابتأويلج
بالحوائج جينه مليانه الصدور
وابد ماخاب الذي يشكيلج 🙏
السَّلام على مَن لا تُخيّب ظُنون قاصِديهَا
#ياام_البنين🙏🤍
#الحكمة_الصباحية🏴
رويَ_❤️_❤️_❤️ "❤️_❤️"إنه قال
"أيما مؤمن دمعت عيناه لقتل الحسين بن
علي "🤺" دمعة حتى تسيل على خده بوأه
الله بها في الجنة غرفا يسكنها أحقابا"
📚 ثواب الأعمال
✨من أدعية الإمام الحسين 📿
#دعاء_عظيم_الشأن🤲:
(اللهم إني أسألك بكلماتك ومعاقد عرشك، وسكان سمواتك وأرضك، وانبيائك ورسلك ان تستجيب لي، فقد رهقني من أمري عسراً، فأسالك أن تصلي على محمد وآل محمد، وأن تجعل لي من أمري يسراً).
📚#ورد_في_الكفعمي
قصيدة ميمر للسيدة أم البنين
تسهيل أمر يم عباس نقرالچ اللطميه
،،،،،،،،،،،،،،،،،،،،،،،،،،،،،،،،،،،،،،،،،،،
يم البنين ابمجلسچ كل مره
يحضر محمد وي علي والزهره
لا مو بعيده وي الحسين الحضره
ونصيح ها يم حسين منگلچ البدويه
**
غير انتي باب الله الرحيم الشافي
معذور لو اسمچ حرز بشفافي
يم الله ذكرچ للحوائچ كافي
يا شيعي اطلب واختار يلحاجتك مگضيه
*
هذا الدليل وباب صرتي لربچ
مو چان گلب حسين حيل يحبچ
يلچنتي منه وهمه چانو منچ
اولاد نعم الاولاد مأجوره يا علويه
****
غير الاسود ولا تجيب اللبوه
يمربيه ولدچ علوفى وعلنخوه
تروح المره اوالدهه لجلچ فدوه
ام الجمل ما تنقاس بالطاهره الشيعية
*
يم البنين (حسين نشبع منه ؟ )
هاي المجالس جسر بس للجنه
گول برگبتي شتطلب وتتمنه
وديهه بيد العباس بس گله بالمسبيه
****
بالدنيا هم بالاخره احنه وياكم
ميتين ما ميتين ما ننساكم
بيوم القيامه ونلطم لبلواكم
بالحشر نرفع رايات يتحول حسينية
كلمات خادم أم العباس / رعد الفريجي
أم الشمس وأم الگمر
باب الحوائج للبشر
جابت زلم مثل الذهب
صارو فده لشيخ العرب أم الگمر
----------------------------------------
گلت هاي الجمله ما ناسيهه
الجابت العباس شنجازيهه
لو نضحي ارواح منوافيهه
ومن اسولف بعد ما كفيهه
فاطمه التاريخ يا فرع وأصول
علي مختارچ لان بنت الفحول
يا أسم باقي وابد لا ما يزول
راح أكول ام البنين وراح أگول
بچفوفهه ،، ربت زلم صطاره
بچفوفهه ،، معروفه أم الشاره
چابت نهر ذل النهر
باب الحوائج للبشر
--------------------------------
يا سلام الله للحظن الامين
ربى جيش من الزلم لجل الحسين
عفيه والله الوگفتچ يم البنين
چبتي عباس الوفي الكف الامين
چبتي ظهر حسين عباس الكفيل
چبتي كافل زينب الفذ الجليل
صاحبة مشروع ما عدنا قليل
عدها فارس لا يخاف ولا يميل
عباسهه ،، ذل الحرب بچفوفه
عباسهه ،، خله بزلمهم خوفه
يا كافل واسمه الخطر
باب الحوائج للبشر
-------------------------------------------
صانعة ابطال لليوم الشديد
يوم همه احرار والعالم عبيد
بكربلاء الدم صبح اكبر نشيد
بالطفوف حسين ما يبقى وحيد
أشجع الفرسان نسل الاولياء
الخوه ما تلگاهه بس بكربلاء
ما يهمهم موت عنوان الفداء
والمهم حسين والعالم فناء
لعيونه ،، وگفو درع للوالي
لعيونه ،، لجل الحسين الغالي
وكت الزعل كسرو ظهر
باب الحوائج للبشر
----------------------------------------
لبوة الابطال أم المعجزات
جبتي عباس التسيد علفرات
جبتي لو هَبو شبيه الذاريات
يا چفوف الخافضات الرافعات
من زغرهم سور كلهم للإمام
للحرب فرسان بالحومه الكلام
لو تلاگو صار بالطف القيام
صدگ تتسمى صدگ ارض الحرام
وفايه ،، للزهره من گالوهه
وفايه ،، يا أمنا من نادوهه
يا فاطمه هذا النحر
باب الحوائج للبشر
---------------------------------------
باب للحاجات لليوم العسير
باب ربنه يريد محتاج الفقير
نقره لجلچ فاتحه وكلشي يصير
يلمقامچ عالي عند الله چبير
ماكو صعبه وانتي للمحروم باب
بس نگول اسمچ ولا تبقى الصعاب
يا قضيه ويا شجاعه ويا حجاب
وسفه يلكلچ ذهب گبرچ تراب
نبنيهه ،، يا حضرتچ مولاتي
نبنيهه ،، باذن الله هذا الاتي
والامر من المنتظر
باب الحوائج للبشر
كلمات الخادم / رعد الفريجي
ثوابها الى روح والدتي
كل يوم تعيشه هو هدية من الله ، فلا تضيعه بالقلق من المستقبل أو الحسرة على الماضي ، فقط قل توكلت على الله
Читать полностью…