🖤قناة للقصائد الحسينيه🖤

30 July 2026 12:57

حسينٱ واحسين
....
زينب أجت وياها الأيتام
ووياها روس اخوتها گدام
مشتأكه تكعد ويه الأحباب
بعد الجره اعليها بالشام
.....
تحاچي حسين
تحاچي حسين...الضل عاري على الغبره تحاجي حسين
تهل العين
تهل العين.....تشكي تگله ضلموني تهل العين
ـــــــــــــــــــــــــــــــــــــــــــــــــــــــــــ
گالتله من طاح الي عباس
شافوني خويه ذيچه الناس
وانه الأميره الجنت بحماه
نمت بخرابه اعليها حراس
خلص كل حيل
خلص كل حيل بحركت خويه خيمتنه خلص كل حيل
هجوم الخيل
هجوم الخيل عرفنه الدنيه غدرتنه هجوم الخيل
ـــــــــــــــــــــــــــــــــــــــــــــــــــــــــــ
تلكونه بالزينه والدفوف
وتتفرج الشماته وتشوف
تمنيت ميته خويه يحسين
ولاعايشه بهمومي والخوف

رمونه حجار
رمونه حجار..ونشكف نبقه بدينه رمونه حجار
چوونه بنار
چوونه بنار..فوك بيوتهم صعدو..چوونه بنار
ــــــــــــــــــــــــــــــــــــــــــــــــــــــــــ
ليزيد خويه من دخلنا
متچتفات ومحد النا
يهضم رقيه بنحرك حسين
شبگتگ خويه ومتنه كلنا

رقيه هناك
رقيه هناك... ماتت خويه ملچمومه رقيه هناك..
حجت وياك
حجت وياك...ونته ماتحاجيها حجت وياك
ــــــــــــــــــــــــــــــــــــــــــــــــــــــــــ
اكعد الي نمشي لاهلنه
هناك العليله تنتنضرنه
شمحلاها تسمع رد ابوها
ولاتسمع الشام السلبنه
حيره شلون
حيره شلون..شلون الكاها ياخويه حيره شلون
تصد لعيون
تصد لعيون...منتضره تجي خوتها تصد لعيون


مقتدى الشبلاوي

🖤قناة للقصائد الحسينيه🖤

30 July 2026 12:55

يوم اربعينك نعتني مشاية
واسمك نشيله اعله ألجفوف براية

....1....
نكصد ضريحك ياحبيب الزهره
براية كمر هاشم نصير العتره
كل واحد البينه نــذرلك عمره

وياك ..... وياك .... يبن الزهره منعوفك
للموت ... للموت ... نكصد كبرك نطوفك
غايتنة وحدة وانت هاي الغاية




....2....
كلمن يــزورك زايــر الله بعرشه
واجهنم ابيوم الحشر ما يخــشه
درب الصراط ايصير اله اجمل فرشه

يحسين ... يحسين ... دنيه اواخره نريدك
نهواك ... نهواك ... ونتمنه نبوس ايــدك
نتعنه الك يا سيدي عنّاية
....3....
لأخــر نفــس مشاية الك نتعنه
و نهدي المسافات بثوابك كلنه
غــايتنه انت ما نــريد الـــجنه

هيهات .... هيهات ... هاي الصيحه نحيها
رايات ...رايات .... عزتنه نعليها
ما عدنه بالدنيا امنيات اهواية
.....4.....
دربك حرام اعله المحب ايعــوفه
واجب عليه صبح ومسية ايطوفه
نقســـم الك بالكطعـوها اجفـــوفه

حفاي ... حفاي .... نتعناك والينه
واهناك ... واهناك .... ننثرلك بواجينه
يالعزّبت للدين روحك هاية
....5....
يوم اربعينك والله يا بو اليمة
نحسبله مثل الـــولد رايد امه
هنياله كلمن بره اوياك الذمه

مشاي ... مشاي .... حتى المهدي الك باجـــــر
عنوان .... عنوان .... يحجي الماضي والحاضر
وية الامام المنتظر وفاية
......
الحمد الله رب العالمين
اللهم صل على محمد وآل محمد
موسى الخادم

🖤قناة للقصائد الحسينيه🖤

30 July 2026 12:50

قصيدة ( آه يا جابر ) من وزن الموشح بعد عودة الامام السجاد عليه السلام ولقائه بجابر بن عبدالله الانصاري


آه يـــا جــابــر تنــــاشــد عـالجـــره
منين اسـولف والله روحـي مّحيره

*----------------*---------------*

منين أبـديلك واسولف يــا مصـاب
مــن مصــايـب كــربلــه دلالـي ذاب
عن أبــوي حسين لــو عـــن الشباب
اجســوم ظلت مــن دمـاهـا أمعفره

*----------------*---------------*

أرد اسولفلك علــى حسين شسده
بعــد ذبحــه داستـه أخيـول العـده
وجثتــه ظلت عالــرمـال أمــوسده
بعــد مــــا گطعــت أميــه منحـــره

*----------------*---------------*

آه يــا جابــر بعــد عيني شتشـوف
عالشريعه الگمر مگطوع الچفــوف
قِبلِــه صــايــر للنـــبال وللسيـــوف
وجثتــه عالشــاطــي بگت متوذره

*----------------*---------------*

أهنــاه يجابر طـاح الأكـــبر عالتـراب
وجاسم ابكتـره دماه أصبح خضـاب
يا مصــاب الطــفل مــا مثلـه مصاب
آه يـــــا نبلـــة ضــمـــاه امـــوجــره

*----------------*---------------*

آه يـــا جــابــر شسـولــف يــا الـــم
يــوم شــبت نــارهم وسـط الخـّيم
عمي بالطف هجـتْ أطفــال وحـرم
وين تشرد والطفـــوف أمحـاصــره

*----------------*---------------*

آه يــا سهـم ألــي صــوّب مهـجتّــي
يمْ يــزيــد بحســره وگفــت عمّــتي
شلــون يــا جــابـر أبطــل دمعـتّــي
وگلب زينــب نـــــار تلهــب مسعـره

*----------------*---------------*

آه يــــا شــام الشمــاتــه وحســرتّــه
تبقى حـــد المــوت تسعـــر جمـــرتّـه
يا مصاب احچيــه روحـي الشـافـتّه
عن رقيه أمصــاب مــا مثلـه جـــــره

*----------------*---------------*

آه يــا جابــر جمــر مـــا أظـن يهيد
روس فوگ أرمــاح وبأيدي الحديد
ابتشر يـا وسفــه وشمّت بينـا يزيد
تظـــل  جمـــراتـي  لحّــدْ الاخـــره

*----------------*---------------*

الشاعر
موسى البديري

🖤قناة للقصائد الحسينيه🖤

30 July 2026 12:49

هوسات لطم ..

مثل دور الرحى وبـزينب اندارت
مسبيه الاميره عله الخلگ چانت
خدر الزهره طبت ياوسف ديوان
وفرجـه للشماتـه بـت علي صارت

( دخلت وعيون / تنظرها بشماته )

……………………

جـليله مخـدره چـانت ولا تنـشاف
هسه بكل بلد صارت وسف تنطاف
لا خــوان ضلـت عـدهـا  لا حــمـاي
يلحگـها الشمـر مـا خله الهـا اچتاف

( طاحت والسوط / رض اعظام المتون )

……………………
الماعـدها اخـو بـين الغـرب هـضمـه
عليـها عـيون كـل النـاس مـزدحـمـه
تموت اشوه العزيزه ولا هذيچ الناس
جرح افراگ اخـوها بالحچي اتلچـمه

( ماتت زينب / من ذبحو اخوها )

……………………
بت افحـول هاشم بـت مضر عدنان
لو ميته ويه اخوها ولا تطب ديوان
ذاك الطـول چـان اخـياله مـا ينشاف
لعـيون الغـرب هالطـول وسفه ايبان

( محنيه تگـوم / من نظرات العيون )

عقيل الحسناوي..

🖤قناة للقصائد الحسينيه🖤

30 July 2026 10:14

نعي
   مولاتنا  ام البنين 
عندما  أستقبلت مولاتنا زينب  وتجاوبها عن لسان الحال
__
من ريحت حسين    هذوله  البينو      من ريحت حسين

ماتكذب    العين     زينب   والظعن     ماتكذب     العين

چنهم    متعبين    من درب اليسر       چنهم     متعبين

يوالادي   البنين     الج  كلهم فده       يولادي    البنين

بيمن     تأمنين     بعد  راح الكفل       بيمن     تأمنين

بيمن   تفرحين    يام   أم   الگمر      بيمن      تفرحين

تحچيلج  العين     لفيت  وبلدمع       تحچيلچ     العين

مذبوح  الحسين   أجيت بلاولي       ومذبوح   الحسين

ظلو     نياشين    أخوتي عل ترب     ظلو        نياشين
__
الشاعر الحسين ستار الخفاجي

🖤قناة للقصائد الحسينيه🖤

30 July 2026 10:14

يعباس اكفلت عسري ويسري

اجيتك من بعد غربه  ويسري

يخويه  مچتفه  بهزل  ويسري

عدوكم  والشتم امنه  الزچيه


الشاعر الحسين ستار الخفاجي


@tyyuuiiopp

🖤قناة للقصائد الحسينيه🖤

30 July 2026 10:11

طير البچالك و انكسر • و امخضب اجناحه ابدمة
راح البني قومة ابخبـر • منه اخـتـلف لـون السمة
اشلون التهي بدنيه وشفت • ذبحو عـزيز الفاطمة
عشرة اعوجية اتسابگن • و امفطر اشفافه الضمة

(ه..☆☆☆☆☆☆☆☆☆☆☆ه..)

الطير اليشوفك مطمئن • و انته بمراسيم الـذبح
ءمن آياتُــنا كانو عـجب • يتلوها راسـك عـ الرمح
ماكو مثل حزنـك حـزن • لاكو مثل جـرحك جـرح
يا قـابــل الـحر اعـتـذر • ذنـبـي على جرحك ملح

(ه..☆☆☆☆☆☆☆☆☆☆☆ه..)

يحسين اخذني اتعذبت • ليلية بذنـوبـي اخـتـنـگ
سامحنـي عنك منشغل • بـ الدنية ما شايف صدگ
المفروض مني ابكل وكت • بـ نـار المخيم محتـرگ
كلشي اكتشفت و أكـدت • بس انته تستاهل عشگ

(ه..☆☆☆☆☆☆☆☆☆☆☆ه..)

النفس المطمئنة || هادي شبيب الخيگاني

🖤قناة للقصائد الحسينيه🖤

30 July 2026 10:07

على لحيتك حليب ودم
معقوله مشه عبدالله ما سلم
توني اطيته الك ومگمط ونعسان
شو رديت ماتحجيلي وملثم

كشفلي المغطه بعباتك
يحسين لا اندهه خواتك
اسم الله لا البالي مصيوب
واحجيلي شمغير حلاتك

تاخذني روحي اعليه ملچومة
يمه الولد لا هذا مو يومه
…………………….

افتحلي عباتك تدري خوافه
شنو هذا السهم المبين اطرافه
كلشي ولا بصدرك هذا يحسين
بس عبد الله وينه اليابسه اشفافه

حاچيني فدوه ياحسيني
وخليها اعيونك بعيني
وديته يم زينب تباريه
لو طاح من ايدك بنيني

بس گلي وينه وانه اركضله
فگد الضنه يحسين مو سهله

…………………………
اخ حسين مااحمل بعد كسره
من جوه عباتك واسمعت شغره
ريحت عبد هاي بهدمك حسين
انه الوالده من بعيد اشم عطره

عطر الولد يحسين محطوط
وريحة الدم وياه مخلوط
شارب سهم لو ماي الوليد
وگماطه فله بعده مربوط

كشفلي عنه حسين لا تخفي
من ابچي علي كل عمري مايكفي

…………………………………….

هاي الكاع احسن لو دفو حضني
اطنياه وخل انگع بدم ابني
شفت الشاچ بيه اواصل الزردوم
شلون انشلعه يحسيني دفهمني

يبن القلع بيبان خيير
يصعب عليك السهم ينجر
بس جره من نحره واغمض
فرفح اوليدي الله اكبر

جر السهم يحسين بس وخره
عيوني عمت لمن شفت نحره
………………………………………..

طبت فاطمه للخيمه تنعيله
وزينب گابلتها بصوت تبچيله
رسول الله اجه وجر السهم منه
وطاح حسين ودم نفط عله الشيله


من نحره فوك اشفافه نگط
وعباله ماي لروحي فحط
حركه شفافه وسبل ايديه
واشلون بعد امه يتگمط

ندهولي زينب خلي تسندني
واعله اللطم خلي تگابلني
………………………………………

اخذني وياك اذا تنوي عله دفنه
وبيدي حسين انزلنه واودعنه
مايحتاج تچفين الولد يحسين
بس الدم امسحه بدمعي اغسلنه

خليني بدموعي اغسله
واخر سوال بروحي اساله
هم قصرت وياك فد يوم
شمالك تحط بروحي عله

خليني اقبل خدهه وجيده
وهيل التراب اعليهه وبهيده

……………………..


الاقل شرفاً
كرار اللامي
#محرم الغربة

🖤قناة للقصائد الحسينيه🖤

30 July 2026 10:05

بدموعي رويت الدرب
والموقف ايفوق الصعب
يالكافل امشي ويالغرب
وينك يعباس         وينك يعباس
.....................
حال  زينب  ياهلي  الما ترهملهه
امخدره وعنهه غفل يمشون اهلهه
يا مصيبه البالخلگ ماصح مثلهه
ليل وعيال وسبي ابلايا الكفلهه
بالطف ولا يحصل رحم
والناس مبيعوة  ذمم
لااخوه عدهه ولاخيم
وينك يعباس  وينك يعباس
.....................
الفارگ اخوانه يحس مبيوگ حيله
ويلچم اجروحه اذا يلفيه ليله
يهل زينب شدتي كلش ثجيله
امحيره وياهو الاگصده واشتكيله
لا اخوه عندي ولا خدر
وهمومي ياخويه شكثر
حال الفواطم مايسر
وينك يعباس وينك يعباس
...................

ياهلي والمات حاجوني اشيرجعه
بليل افز  والگلب بالياريت  اقنعهه
ترس ذاني الصوت من حسين اسمعه
جن  يحاجيني  لمن  عالناگه اودعه
يحسين كتله وجنه رد
ويرد عليه من الجسد
والنظر يم كفالي صد
وينك يعباس وينك يعباس
....................
هاي ماجانت علي البال المصيبه
يا مصيبه ومنهه محتاره العجيبه
بت رسول الله مشت تبجي وغريبه
والله عازه الكافلي وشنهو اليجيبه
طبينه للسوگ وشفت
بيكم الوادم شتمت
گالت خوارج مادرت
وينك يعباس وينك يعباس
......................
واكو اليعرف حيدر وعني سئلني
وگتله هاي آنه وخواتي هم هذني
طبت الديوان صعبه اوموتتني
وگتله يبره ويالضعن راس الكفلني
لاما اذل من الجره
بيه الفخر من حيدره
انه اخت سبع الگنطره
وينك يعباس وينك وينك
....................
واكو اليعرف حيدر وعني سئلني
وگتله هاي آنه وخواتي هم هذني
طبت الديوان صعبه اوموتتني
وگتله يبره ويالضعن راس الكفلني
لاما اذل من الجره
بيه الفخر من حيدره
انه اخت سبع الگنطره
وينك يعباس وينك وينك
.......................
يا هلي وام الخدر اسمي السبيه
وبالخرايب گعدونه ابلا حميه
والاشد من الحبل ميتات اديه
والله ما اگدر امد ايدي الرقيه
ما تنوصف يا حالتي
محتاره الم ابعيلتي
يا هلي تكتل غربتي
وينك يعباس وينك يعباس


خادم اهل البيت علي الزرگاني


@tyyuuiiopp

🖤قناة للقصائد الحسينيه🖤

30 July 2026 09:12

هوسات لطم ..

مثل دور الرحى وبـزينب اندارت
مسبيه الاميره عله الخلگ چانت
خدر الزهره طبت ياوسف ديوان
وفرجـه للشماتـه بـت علي صارت

( دخلت وعيون / تنظرها بشماته )

……………………

جـليله مخـدره چـانت ولا تنـشاف
هسه بكل بلد صارت وسف تنطاف
لا خــوان ضلـت عـدهـا لا حــمـاي
يلحگـها الشمـر مـا خله الهـا اچتاف

( طاحت والسوط / رض اعظام المتون )

……………………
الماعـدها اخـو بـين الغـرب هـضمـه
عليـها عـيون كـل النـاس مـزدحـمـه
تموت اشوه العزيزه ولا هذيچ الناس
جرح افراگ اخـوها بالحچي اتلچـمه

( ماتت زينب / من ذبحو اخوها )

……………………
بت افحـول هاشم بـت مضر عدنان
لو ميته ويه اخوها ولا تطب ديوان
ذاك الطـول چـان اخـياله مـا ينشاف
لعـيون الغـرب هالطـول وسفه ايبان

( محنيه تگـوم / من نظرات العيون )

عقيل الحسناوي..

🖤قناة للقصائد الحسينيه🖤

30 July 2026 09:11

انه وامـــــــي بهل مسية جايتكم
وعجبة ماماتت يروحي الفارگتكم

وهسه يعزاز الگلب
گومو يله من الترب
انه واااااامي
::::::::::::::::

امي تنعه وانه أون وياها بحساس
والله يستاهل بواجي المثل عباس
دللاني بجاله اخوي اليرفع الراس
ارد حط راسي اعلى گبرك يبو النوماس

روحي ملهوفة وتريدك
تمسع الدمعـات بيدك

يلي عفتونــي بغرب
گومو يله من الترب
انه واااااامي
::::::::::::::::

والله ماشبعانة منــــك ياضوه العين
خلي يمــك ابقه وامي تمشي لحسين
ولا يشـيب تـراب گبــــرك من الونين
احنه بس هل ليلة يمك خويه ماشين

وگــوم وتلگاني أخيتك
زينب ام عون بحميتك

بيه مر موقف صعب
گومـو يله من الترب
انه واااااامي
::::::::::::::::

يل حنان انه اختكم گلبي مكسور
جيـــت أتعثر ودور بيـــن الگبور
خويه مو مثل اليريد براحته يزور
يهلي يم گبوركم والحادي ناطور


صحت ياحادينه هونك
عوفنا منتــــريد كونك

متنه مو مـن الرعب
گومو يله من الترب
انه واااااامي
::::::::::::::::


ذكرت من الحوافر خسفت الضلوع
وانه ابجــي وعلاحبهم گلبي مشلوع
وشفت گلب الدللاني هواي موجوع
أطلعت مـــــن كربلة للشام بدموع

على التل وگمت اصيح
ومثل دمع عيون اطيح

ماخذه أحبابي الحرب
گومـو يله مــن الترب
انه واااااامي
::::::::::::::::

هاي آخر ليلة يمكـم وامشي لشام
وخلي أگول بهل خــــبر وزيد الالام
وماتت اهناك رقــية بذيــــج الايام
طفلة ويردلهه بوهه عدهه الاحلام


اهناك ماتت حشميتك
طفلت حسين ونخيتك

من الهضم ومن الضرب
گومو يله من الترب
انه واااااامي
::::::::::::::::

الشاعر محمد البنداوي

🖤قناة للقصائد الحسينيه🖤

30 July 2026 09:11

موشح


هاي زينب ردت اباحزانها
ومحد استقبلها من اخوانها
ويلاه يم الخدر ويلاه يم الخدر
****
وين راحت وين وداها الزمن
حرمه وحدها وتگود ابهل ظعن
ردت وكل الملامح شيبن
موش زينب وسفه ذيچ الوانها
****
اشسوه بيها ام المصايب هالدهر
عل هزيله شلون يتلوه الظهر
امدللة عباس مو مالت سفر
هاي يم عرش الله كون امچانها
****
آه يا مدمعها زينب من يصب
چم وطن چم ديره مسبيه تطب
شلون لسه يدگ بعد عدها الگلب
والخرايب يا وسف عنوانها
****
بربعين حسين ردت كربله
والاخت محد تلگاها بهلا
ونقص واضح چان بين العايله
چملت ارقيه بعد نيرانها
****
لهفه چانت تارسه عيون الخدر
تشوف اخوها حسين مشتاگه اشكثر
عاليه الناگه وهوت فوگ الگبر
دموع فرگه اطشرت امن احضانها
****
گبره فوگه دموم زينب شافته
شمت اتراب الحبيب وباسته
لطمت وفوگ العبايه طشته
الدنيه وياها تنوح اركانها
****
الصوب كافلها الگمر تالي مشت
مثل اخوها حسين يم گبره انحنت
تصيح ياكفالي زينب هل إجت
لا لگتك لا لگت صيوانها
****

الشاعر اياد الديراوي

🖤قناة للقصائد الحسينيه🖤

30 July 2026 09:11

نسمات صباح يوم الخميس من كربلاء 15 صفر

صباح عند الإمام الحُسينِ (عليه السلام) يُنـير القلوب صباحٌ يُزيل الأسى و الكروب 💔 ...



#صباحكم_حسيني_مبارك 🤲

🖤قناة للقصائد الحسينيه🖤

30 July 2026 09:11

إِلَهِي بِجَلَالِ كِبْرِيَائِكَ أَقْسَمْتُ وَ بِدَوَامِ خُلُودِ بَقَائِكَ آلَيْتُ إِنِّي لَأَبْرَحْتُ مُقِيماً بِبَابِكَ حَتَّى تُؤْمِنَنِي مِنْ سَطَوَاتِ عَذَابِك‏.

صبحكم الله بالأمن والإيمان ورضى الرحمن🤲

🖤قناة للقصائد الحسينيه🖤

30 July 2026 09:11

دعاء كل يوم من شهر صفر الخير لدفع الوباء والبلاء :

يقرأ عشر مرات ..

( يا شَديدَ الْقُوى وَيا شَديدَ الْمِحالِ يا عَزيزُ يا عَزيزُ يا عَزيزُ ذَلَّتْ بِعَظَمَتِكَ جَميعُ خَلْقِكَ فَاكْفِني شَرَّ خَلْقِكَ يِا مُحْسِنُ
يا مُجْمِلُ يا مُنْعِمُ يا مُفْضِلُ يا لا اِلهَ اِلاّ اَنْتَ سُبْحانَكَ إِنّي كُنْتُ مِنَ الظّالِمينَ فَاسْتَجَبْنا لَهُ وَنَجَّيْناهُ مِنَ الْغَمِّ وَكَذلِكَ نُنْجِي الْمُؤْمِنينَ وَصَلَّى اللهُ عَلى مُحَمَّدٍ وَآلِهِ الطَّيِّبينَ الطّاهِرينَ )

🖤قناة للقصائد الحسينيه🖤

30 July 2026 12:55

من السبي استقبلها
أختك يَمَن كافــلها


ـــــــــــــــــــــــــــــــ


عبـــــاس ، زينب ﮔـوم اجتك يا حيد
تشكي الهضم يمك يـــــكافلها اتـريـد
نادت يـَـمـَن دگيت الي ابصدرك أيد
شلون اقبلت مـچتوفه اروحن لــيزيـد


يامن كفلت اضعوني
ترضه الغرب يسبوني
عـﮕـبك سبوها الما بشر صد الها
أختك يـَـمن كــافـلهه


ـــــــــــــــــــــــــــــــــ


عفتك رميه اعله النهر يلوالي
أعذرني فارگتك جَبُر يلغالي
شهر وعشر تيام يمك بالي
جيت وجبت راسك يسوري العالي


خويه وينبضة صدري
ضاع ابغيابك خدري
فوگ الهزل لا رايه لا محملها
أختك يـَـمن كــافـلهه


ـــــــــــــــــــــــــــ


بعدك شسولف يا هضم بينه المر
خيل وعساكر غارت اعله الـخدر
ريتك تشوف اخيامي من تتوجر
أركض يخويه وبالجثث اتعثر


لن اسمع اتناديني
يم الخدر عذريني
معذور ﮔــــــــــــتلك والدموع اهملها
أختك يـَـمن كــافـلهه


ـــــــــــــــــــــــــــــــــــ


گادوني يا غيرة علي مسبيه
للكوفه والشام وحبل بيديه
ما صارت وگبلي انسبت علويه
هذا اليطگني وهذا يشتم بيه


لمن فـگدت اخواني
ريت الأجل وافاني
واعليّه متصد الـــــــــــــــــعواذل كلها
أختك يـَـمن كــافـلهه


ــــــــــــــــــــــــــــــــــ


منظر يخويه ابگلبي خله الجمره
راس الحسين وناصبي ايطگ ثغره
هلمشهد اتخيل رقيه اتنظره
چانك عدل لا ما گدر يتجره


ما ينوصف خويه الشام
موت وخرابه وآلام
اتبات ابـــــخرايب ها يلــــــــمدللها
أختك يـَـمن كــافـلهه


ـــــــــــــــــــــــــــــــــــ


رديت للطف قصِّتي تاليها
وارجاك لا تسئل رقيه اعليها
ماتت لمن شافت حلم واليها
لحضانه شايلها ويقبِّل بيها


يم راسه تنحب باتت
ياخويه حد ما ماتت
موتها فرﮔـــــــــــــــــــاه وهضم عاذلها
أختك يـَـمن كــافـلهه


ــــــــــــــــــــــــــــــــــــــ
سيد علي عبدالزهره الناجي

🖤قناة للقصائد الحسينيه🖤

30 July 2026 12:50

جينه للطف زائرين
نحيي يوم الاربعين
كلشي بالدنيه حسين
كلشي بالدنيه حسين
...
بس ابواليمه ابعمرنه..وكلشي ماعدنه سواه
تربته النسجد عليهه.. هيه عنوان الصلاه
الدنيه لو خلص هواهه..نبقه نتنفس هواه
احسين نطلب من رحمته..بس رضه الزهره ورضاه

بالحشر هوه الشفيع
وكل تعبنه مايضيع
عنده ايمان ويقين
كلشي بالدنيه حسين
...
الدنيه لو دارت وجهه..وقفل ابوابه الزمان
نعتني الباب الحسين.. ونلكه يم بابه الامان
ابوفاضل منه نشرب..غيره ياناس وحنان
ومن حبيب ابن مضاهر..نستلم صك الجنان

انفرح الزهره نريد
من نجي الكبر الشهيد
نبقه نزحف عالادين
كلشي بالدنيه حسين
...
ادم وحواء دكو..باب ابو اليمه برجاء
وحصلو من الله نظره..لان زارو كربلاء
وعيسى بالضامي توسل..وارتفع عنه البلاء
وموسى شك البحر لمن..ندب سيد الشهداء

كل رسالات السماء
فسروهه الانبياء
وعرفو الشي الثمين
كلشي بالدنيه حسين
...
حبا بسيد البريه..وحبا بحامي الحمه
وبالحسن حب وكرامه..واحترام الفاطمه
من نزور احسين النه..تنزل ارزاق السمه
احسين وي نبضة كلبنه..عايش ابمجره الدمه

الماتمسك بالامام
يبقه عايش بالضلام
واحنه بالدم كاتبين
كلشي بالدنيه حسين
...
من عطيه العوفي ناده..جانه ياجابر رزق
اني جاي انظر سواده.. وكلبي ياجابر يرق
جابر ايكله يخادم..روح الهم وانطلق
ولو طلع ضعن السبايه..أنته حر وتنعتق

اعمه جابر بالطفوف
لاكن بكلبه يشوف
شاف ضعن الطاهرين
كلشي بالدنيه حسين
..
العسكري كال بحديثه.. وهذا ثابت بالصحيح
خمسه للمؤمن علايم..بيهن اذنوبه تطيح
وأعظم الاشياء هيه..ازيارة احسين الذبيح
اخذو كل الدنيه بس..انطونه شمه امن الضريح

والحمد لله نكول
من عرفنه ابن البتول
صرنه وادم مؤمنين
كلشي بالدنيه حسين
..

#محمد_الجماسي
#اللهم_عجل_لوليك_الفرج

🖤قناة للقصائد الحسينيه🖤

30 July 2026 12:49

(قصيدة مردّ الروس)

يحفار التراب احفرلي الگبور
رد روس اخوتي وي هاي الانحور
ـــــــــــــــــــــــــــــــــــ
وصلت الكربله والحيل متعوب
هد حيلي السبي وتربان الادروب
اجيت اعله الهزل وبضعن منهوب
هاي آنه العقيله وأخت الابدور
ـــــــــــــــــــــــــــــــــــ
يحفار اللحد وسع اللحد زين
ابراضه من تنزل راس الحسين
الرمح خله ببو اليمه نياشين
كلشي ابجسم ابو السجاد مكسور
ـــــــــــــــــــــــــــــــــــ
جيب الماي شربه حسين عطشان
وماي اعلى الگبر رشه يدفان
عميد الساده هذا وشيخ عدنان
الشيخ شلون يصبح دمه مهدور
ـــــــــــــــــــــــــــــــــــ
گصدت المشرعه ومختنكه الانفاس
عله الخوان احط اتراب عالراس
اجيت ابجي واشم بجفوف عباس
وارجعها الامانه الراس مطبور
ـــــــــــــــــــــــــــــــــــ
البي ريحة اخوي الغالي جسام
طفت شمعة شبابه وعالترب نام
ابعمته كونه يدري اشسوت الشام
دمعي اعلى الترايب صار منثور
ـــــــــــــــــــــــــــــــــــ
علي الاكبر يويلي اموذز اوذار
الضل جسمه على التربان طشار
شبيه المصطفى وبحالته اشصار
فكولي الگبر خل ادفن النور
ـــــــــــــــــــــــــــــــــــ
اجيت امن اليسر ضعني تلگوه
وتراب الگبر بالله دشگوه
ردو الروس وانوبه دهيلوه
گلبي اعلى اخِوتي ياناس مجمور
ـــــــــــــــــــــــــــــــــــ
حيدر بشار الدراجي

🖤قناة للقصائد الحسينيه🖤

30 July 2026 12:49

كعده بعد انتهاء الاربعينيه




ايام اربعينك ياضوه العين
خلصت وانتهت بدموع يحسين
والخدام يبجون
من رجعو لأهلهم

١

الخادم بليل اربعينه واگف بدمع انتظاره
فارغ الشارع يعاين خلصت بساع الزياره
ناده واتسمعه المواكب ينظر بحيره ومراره

خلصت الخدمه بيا وضع
مابين آهات ودمع
والخادم المحني ضلع
خدمة الزاير شعاره

بكل لهفه المواكب من ينصبون
تعال انظر عليهم من يرجعون

بالمدمع ينوحون
من رجعو لأهلهم
٢

اربعين الخدمه جنه وتگصد العشاگ ليها
والمواكب كلها تحضر تستعد تنوي وتجيها
اسبوع واسبوعين تخدم الزهره واتعاين عليها

كل المواكب والخيم
مقبوله أي كلها نعم
صك الشفاعه للخدم
اتوقعه الزهره بديها

بخدمت اربعينيتك علامه
الزهره اتسلمك صك الخدامه

بشاره خل يسمعون
من رجعو لأهلهم
٣

الخدمه حلوه وبيها لذه
من تعوف اهلك وتحضر
تشعر بعابس الخدمه چنك وتشعر بقنبر
الناس تزغر بالخدامه وبربعينك انته تكبر

تحضر وجاي بنيتك
تشعر اللذه بخدمتك
بس المصيبه برجعتك
بيك ترجع نار تسعر

تنظر للدرب مابي مواكب
خلصت خدمتك والگلب ذايب

وانقبلوا يسألون
من رجعو لأهلهم
٤

سنه يجمع ابو الموكب فلوس ويحسها قليله
حتى بيها اسبوع يخدم وخدمته ايحسها طويله
يدعي كل هاي الخدامه
كون ترضاها العقيله

من تخلص الخدمه بألم
اتشيل المواكب والخيم
والخادم ايحس بالندم
ويرجع اهمومه ثگيله

وتهل الخدم بالحيره دمعه
وبطارف الموكب كلها تنعه

كلها تبچي لعيون
من رجعو لأهلهم
٥

تفرغ بساع المواكب والمواجع تبدي بينه
نسأل وماندري احنه بره لو جوه السفينه
حسين نسأل بالمدامع خاف ماقابل علينه

لو شافنه انهل الدمع
وانحلفه بكسر الضلع
يقبلنه ندري بأي وضع
حسين ابو الروح الحنينه

ينزف نحر ابو اليمه عجايب
مذبوح ويحن اعله المواكب

چم عاشگ ومجنون
من رجعو لأهلهم



المصيبه


خلصن ايام الخدامه واربعين حسين عده
ورجعت اتون المواكب والحنين البيها بعده
اتعاين الخادم بحيره صافن ودمعه اعله خده

رافع اديه صوب السمه
عالخدمه روحه هايمه
ايحلف الباري بفاطمه

ايسجل اسماء المواكب والخدم هاي المسيه






لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

🖤قناة للقصائد الحسينيه🖤

30 July 2026 10:14

رقيه   الي   وكتها    مالبيها

بحظنها الراس خلت مالبيها

تگله  الدنيا  عگبك  مالبيها

اموت من الزغر أهون عليه


الشاعر الحسين ستار الخفاجي



@tyyuuiiopp

🖤قناة للقصائد الحسينيه🖤

30 July 2026 10:11

يا عـمة گـومــنْ لـمنْ عبيچن
طاح الحُسين وراح امن اديچن
يا زينب اخذي الهيمة و ركضنْ
خاف الخيول ايسحگن عليچن

عمة عمة عمة
أخـذن هـاي الهيمة و ركضنْ
الـ بـالخيمة ايضلن يـحتـرگنْ

عمة عمة عمة
شاء الله أن ايــشوف السبايـة
محترگه منهن چـف و عبـايـة

(ه..☆☆☆☆☆☆☆☆☆☆☆ه..)

يا عمـة جابـو نــوگ الهزيلة
يا عمـة گومّي الرحلة طويلة
لا مّــا تـرد حسين الـبواچـي
عـ الرملّة عاري ومحد يشيلة

عمة عمة عمة
مّـا مسـتعـجـل بـــي ذبـاحـهّ
ايگلّبّ بحسـين اعله اصفاحـه

عمة عمة عمة
گــام ايحط رجلة اعله اجروحه
ايخليه يشهـگ تطـلـــع روحـه

(ه..☆☆☆☆☆☆☆☆☆☆☆ه..)

يا عمـة زيـنــب شلعو گـلّْبّـه
مـدري الـوادم بيـش اتطلّبّـه
ايـريد ايــگوم ايـرد للـخيـمة
هذا ايگـوّمّـه و هذا ايـگـلّبّـه

عمة عمة عمة
هـــاي الزغيره التركض رقية
لحگيهه فلتت عمه امن ادية

عمة عمة عمة
كسرتلي گـلبي ابكثر البواچي
سـلبـوّ رقـية حـتة الـتراچي

(ه..☆☆☆☆☆☆☆☆☆☆☆ه..)

ابوجـه حسين انصير املاگة
مشدوديـــن ابـ ضهر الناگة
اشلون اموادع يكسر گـلبـچ
يلــ ما مـتـعودة اعله افراگة

عمة عمة عمة
الخيل الركضت سحگت صدرة
و حـافـر منهـن عـثـر ابـنحـرة

عمة عمة عمة
يـرحن خمـسة ايـردنْ خـمسة
عمـة الحد مّــا گطعن نـفسـة

(ه..☆☆☆☆☆☆☆☆☆☆☆ه..)

الرحلة الطويلة | هادي شبيب الخيگاني

🖤قناة للقصائد الحسينيه🖤

30 July 2026 10:08

خويه ليل أسَود أجاني
وأنه اتاني ،، عاليتامه يرف لولآك
غُـربه وعيـونك ردتِـهـن ،،
مَـو وكتهـن ،، يغفن وتگطع ضواك

درب الوعرّ يحسين درب السبيه
خويه شبديه .. الحگ دلالي
أفرش وانام اشلـون فوگ الترابه
هاي الخرابه .. تغيرلي حالي

ماشايف ..
شكثر شتموني يبن أمي يم رأسك
حاچيني ..
ولتني الـغـربه وما يـفـزع عباسك
بالهيمه ..
غفيت وحافر وفوگ عيونك داسك

=======ـ

گطعّت گلبي المناحه
ماكو راحه ،، منين اجيبن هسه ماي
رأسك العالي ابجروحه
ما الوحه ،، الخيل عالت بيه هاي

ترضاهه خويه حسين تطلع عباتي
أنه وخواتي .. بين الشماته
صعبه چبيره اشلون ماعندي والي
اشكيله حالي .. يعاين اخواته

ياخويه ..
هضيمه اگبالك شماتك طگوني
متغيره ..
صرت من فگدك ماشوفن بعيوني
ياويلي ..
دريت ابموتك طگوني اعلمتوني

=========ـ

عالـهـزل مـشـونه گـوه
يابو خوّه ،، خويه وبچفي الحبال
وينه بخت الساده وينه
شو مشينه ،، للسبي تالي القتال

گدامك ايهوسون هاي المصيبه
زينب غريبه .. فوگ الهزيله
تمنيت اموت اوياك ويفض عذابي
يجرح عتابي .. وبظهري ميله

گدامك ..
زجر يأذيني وما ترهملي حجايه
هالغربه ..
عگب فيّ عينك ياخويه حـدّايه
ما ترهم ..
عله العلويه بنص غربه بلا رأيه

========ـ

خويه من رحنه وجفيتك
ودعيتك ،، عالهزيله وگلبي ذاب
مدري وين الحادي رايح
وانته طايح ،، صارت دروبه عذاب

علويه أختكم ما ترهم سبيه
خويه شبديه .. محد فزعلي
هاضمني ممشه النوگ يلچم دليلي
ماباقي حيلي .. بالدنيه شلي

محتاره ..
يخويه الوادم للسوگ يودوني
ترضاهه ..
اعله زينب تمشي والغربه يحدوني
ما تگعد ..
تشوف اعيالك وتشوف أنه شلوني

========ـ
- خيري الصفراني

🖤قناة للقصائد الحسينيه🖤

30 July 2026 10:07

شلمك غير اعرفك كون شنهي البيك صاحي وظل
شما عاين واتلفت شي باقي من شيخ الكل
ثغبت بكل بكايه الحيل ياهو الشاف المعدل
انه المنسمع حسي كلفه اعليه من اسال
صوتي الماتسمعه اذني
انسمع من الشمر طكني
وروح امك الصار وياي
اكثر من حجي متني
………….،،
خويه الركظتي غايه من طريته الصوبين
كسرت الخاطر اتعثر كله ادكول طلعت وين
حته الخيل لو ركضت عليه تلفت يحسين
بلجي ادوسني قبلك وين الله تصح بلجين
من شافوني خويه اركض
واوكع وانهطر وانهض
عيون الصلفه تتباوع
اشوكت هاي الطلابه تفض
…………،،
موش من التعب يحسين اختك وانته تعرفني
من امشي التكول اهلال محنيه وقهر هدني
لا واظلوعك الراحن حدر حافر الحكني
العبايه وسطرت اعيوني نفس اللون وي متني
خويه احرورت الطگه
اتبين من وره الشهگه
من حروت اصوابي
ادور لليبوه ملكه
…………..
حسين اتشوف جف ايدي شلون النار ماكلته
احتركن بيدي الصوغه الجبته من الجمر شلته
قماش اجفوفي اه يحسين النار بجفي طبعته
خويه وداعت اعيونك الحرگ ياذيني بس عفته
اتلفت وارد اسكت
الوجع يايذيني بس اكبت
انكطعن كون الياشرن
الحيدر تراي البت
…………….
يعتني اكليبي صوب الراس اصيرن هاكبر بالشوك
الليل اليمر بجفاك طللابه وبيه خرسه احلوگ
خويه مخوصره الوادم شفته من دخلنه السوگ
تشاور اعلينه الناس ومنهم خويه طگ النوگ
كلهه اتاني طيحتنه
يملوحت اخبيزتنه
هسه اسمعهم يشتمون
الجانت عايشه بسدنه
………….
استبطيتك وبلكي اتعود يكود الله واعليه اتصيح
مشوهه الهزل يحسين عمدا وي مهب الريح
تعرف ماكلك واذيك خافن وحده منه اطيح
شمعلمني اطبن سوگ انه كل عمري بس تسبيح
يبعد الشايلات الشوف
خذه من عمري حفنه الخوف
راسك هاذ وجسمك غاد
يجلمة شلون صرت احروف
…………..


الاقل شرفاً
كرار اللامي
#محرم الغربة

🖤قناة للقصائد الحسينيه🖤

30 July 2026 09:13

السيده زينب تخاطب الحسين بعد رجوعها الى كربلاء.
هواي اسرار شحچيلك ... من اسراي
سريت وتهمل ادموعي ... من اسراي
اسيره وجيت لحسيني ... من اسراي
لچن هل مره جيت بلا رقيه.


التعب بمتوني ضل يمشي ..ويسراي
اتعبت يمناي المشاكف .. ويسراي
اسيره وكل هلي راحت .. ويسراي
يطشرونه ونرد نلتم سويه.

🖤قناة للقصائد الحسينيه🖤

30 July 2026 09:11

جزء ثاني لأمير المؤمنين علي مع مولاتي زينب حديث الاربعينة

اليوم حالج يم عون كلش قهرني
وبويه  ونج لحسين كلش كسرني
——————

ليـش محتاره ام عون
ومـن سـمعت يگولون
بـــــــيج بويه يعيرون
وانتي بت  شيخ الكون

اوحيرانه يم عون الليلة

———1———

أنضـــرب متنج والراس
گبال جـــــــف العباس
وبيج مجروحه احساس
وشامته    هواي      الناس

اومهظومة زينب دمعاتج

———2———

امشي بدموعـــي وياج
اوشــــفت بويه الاذاج
ويلگــــــــمر   ماخلاج
ومن      سمعته السباج

اوتردينه عبــاس الهيبة
———3———

جيت وبگلــــبي  النار
وبيج يم عــون  الصار
اوحايـــــره بليل  نهار
اوياج        يبجون ازغار

اوديــني للضارب متنج

———4———

اشلون عطـشانه هواي
وجنج حـــــسين بهاي
ليــــش حرموج الماي
وياج         شابت دنياي

وملوعينه گلبج يم عون

———5———

الشاعر محمد البنداوي

🖤قناة للقصائد الحسينيه🖤

30 July 2026 09:11

شوگ زينب

يللي تنشد عل گلب وشحارگة
تسعة  وتلاثين      يوم امفارگة
**{}*****

تسعة  وتلاثين يوم انشد اجيت
وين اخوتي الروح صاحت من بجيت
وكون ميته اليوم انه ولا لفيت
واشلون ترضون انه اضل بلايه بيت

وبدون هودج جيت فوگ الناگة
تسعة     وتلاثين      يوم امفارگة
**{}*****

خايفه من أوصل  گبر محد يگوم
وراح اگللكم   يخوتي  وعل عموم
انه زينب صار (ثوبي) من الهموم
اوين    عباس    الولا    زاعلني يوم

ريت ياجفنه السهم  ماشابگة
تسعة  وتلاثين      يوم امفارگة
**{}*****

گمت گبل دموعي عيني هسه اطيح
والگلب ياخو   الگلب بعدك جريح
وصوتي مامسموع بس خلوني اصيح
گوم    ياعباس       والحگ     للذبيح

فوگ صدره اخيولهم متسابگة
تسعة   وتلاثين      يوم امفارگة
**{}*****

راد من      الضيم    وأيام   ألجروح 
راده الكم بس جسد ماعندي روح
ساتره   اعليه    البواجي ومن أنوح
خايفه     من أوصلكم بساع واروح

وجيت رجلي اعله الجمر هم ساحگة
تسعة  وتلاثين      يوم امفارگة
**{}*****

صارلي   ويل    يوم هذا الأربعين
جيت محتامة       وادور علحنين
وراح وياكم     دلالي   بهل سنين
جايتكم     والگلب      ماضنه زين

ومتني ياخوتي الشمر شو طاگة

تسعة  وتلاثين      يوم امفارگة
**{}*****


الشاعر محمد البنداوي

🖤قناة للقصائد الحسينيه🖤

30 July 2026 09:11

أجْيتَك بأربعُِينك والِعبّي أتِراَب 💔🥀.

ـــــــــــــــــــــــــــــــــــــــــــــــــــــــــــــ

🖤قناة للقصائد الحسينيه🖤

30 July 2026 09:11

#الحكمة_الصباحية 🏴

روي عن الإمام جعفر الصادق "عليه السلام"

«إن الرجل ليخرج إلى قبر الحسين (عليه السلام) فله إذا خرج من أهله بأول خطوة مغفرة ذنوبه، ثم لم يزل يقدس بكل خطوة حتى يأتيه، فإذا أتاه ناجاه الله تعالى فقال: عبدي سلني أعطك، ادعني أجبك، اطلب مني أعطك، سلني حاجة أقضها لك، وقال (عليه السلام): وحق على الله أن يعطي ما بذل».

📚 كامل الزيارات – ص 233

🖤قناة للقصائد الحسينيه🖤

30 July 2026 09:11

زِيَارَة الإِمَام الحُسَيْن (عَلَيْهِ السَّلَام)

اللهُمَّ اجْعَلْني في مَقامِي هذا مِمَّن تَنالُهُ مِنْكَ صَلَواتٌ وَرَحْمَةٌ وَمَغْفِرَةٌ.اللهُمَّ اجْعَلْ مَحْيايَ مَحْيا مُحَمَّد وَآلِ مُحَمَّد، وَمَماتي مَماتَ مُحَمَّد وَآل مُحَمَّد🤲

🖤قناة للقصائد الحسينيه🖤

30 July 2026 09:11

15صفر الخير 1448🏴

السيده زينب تقتربُ من كربلاء

المسافة تَقصر ، وَ اللهفة تكبر ، والدموعُ تكثر أربعون يوماً ستمضي أيُّ قلبٍ يَحملٌ فراقَ حبيبة


اللهُمَّ اجعلنِا مِن زوار الحُسَين يوم الأربعين🤲"