Telegram-канал tyyuuiiopp - 🖤قناة للقصائد الحسينيه🖤: Unsorted

🖤قناة للقصائد الحسينيه🖤

21 July 2026 11:01

#نشر_أول
#جديد

وكأني بلسان حال فاطمة صلوات الله عليها وهي تطوف وتحاكي الأجساد الطاهرة بعد طف الكرامة والإباء

صوت من السما ينادي وين حسين والوليـان
عالغــبرة طحت يــُمّه كالوا منـذبح عطشان
ــــــــــــــــــــــــــــــــــــــــــــــــــــــــــــــــــ ١
الله يـساعدك يـحسين بـيك إشــسوه ذبّـاحك
ذَبْح المكَفه يوجع حيل بس ماطفّه مصباحك
آنه أمك يبعد الروح خَلْني أمــسحن أجـراحك
تنزف حيل يُمّه دماك كـَلي جــَم سـهم لاحــك ؟

صوت من السما ينادي وين حسين والوليـان
عالغــبرة طحت يــُمّه كالوا منـذبح عطشان
ـــــــــــــــــــــــــــــــــــــــــــــــــــــــــــــــــ ٢

الله يساعدك عــباس جودك طايــِح وجــفّــك
بني هاشم اذا شافوك ولا واحد يجي يعـرفـك
زينب وأنسبت للشام ،صار الصار لـمـْخـوفـك
نص عينك غفت لِخْيام من الموت أجه بصفك

   صوت من السما ينادي وين حسين والوليـان
عالغــبرة طحت يــُمّه كالوا منـذبح عطشان
ـــــــــــــــــــــــــــــــــــــــــــــــــــــــــــــــــ ٣
الله يســاعدك يَـكْـــبر شــبـابـك وذرِته الوادِم
والله يــساعد ظـعـونك من طيّحـوها العمايِم
يوجهك يـشبهه الجدَك ليش اعله الترب نايِم
كـَـومِـلهم أذا تكـَدر وأرجـع   للـظـعـن سـالــم

صوت من السما ينادي وين حسين والوليـان
عالغــبرة طحت يــُمّه كالوا منـذبح عطشان
ـــــــــــــــــــــــــــــــــــــــــــــــــــــــــــــــــ ٤
الله يساعدج زينب العبايه من الشمس حَمرة
وجـدامــج يـبـعد أمـج تِــنزف دَم أثـر عــثرة
لبــوة حيـدر أبنــيتي ؛ حبيـّبة فاطمة الزهـرة
تَـعــبج بـان أريدنـج ضُمـّي بكـَلبـج الحـسـرة

صوت من السما ينادي وين حسين والوليـان
عالغــبرة طحت يــُمّه كالوا منـذبح عطشان
ــــــــــــــــــــــــــــــــــــــــــــــــــــــــــــــــــ ٥
الله يــساعد الـقــاسم بــَعــده مابـلـغ حـلـمه
إجه يتـعنى يسـتشهد وفدا روحـه لجل عمه
حسين النعمة منعوفه وواجب نحفظ النعمة
يم عـــمّك أشوفنَّك لـحمك فدوة يم لــحمـه

  صوت من السما ينادي وين حسين والوليـان
عالغــبرة طحت يــُمّه كالوا منـذبح عطشان
ـــــــــــــــــــــــــــــــــــــــــــــــــــــــــــــــــ ٦
الله يساعد الرضعان يعـبد الله اللبــن مكَطوع
وأمك فوكـ ذيج النـوكـَ ونياط والكَلب مشلوع
مصيبتكم تهد الروح حِـزنكم بالـكَلب مطـبوع
أنــاغيلك تعـال ويـاي بالـجنة الـفـرح مشروع

صوت من السما ينادي وين حسين والوليـان
عالغــبرة طحت يــُمّه كالوا منـذبح عطشان
ـــــــــــــــــــــــــــــــــــــــــــــــــــــــــــــــــ ٧
الله يسـاعد الخــيمـات وَجــرّن كـل خـِـبابـيها
وِكَعت فوكــَ لِـحْريمات ؛ نــار وتــشتعل بــيـها
وزينب مـن بعد عباس جيــش إبليس سابـيها
ابنــيات الرسالة أغراب مـنو أينشف بـواجيها

صوت من السما ينادي وين حسين والوليـان
عالغــبرة طحت يــُمّه كالوا منـذبح عطشان
أصــغركــم
لــبابــة آلــ ياســيـن
١٦ تموز ٢٠٢٦

وزن طويل

#لبابة_آل_ياسين
#الحسين
#السبي
#زينب