8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
#نعي
مولاي زين العابدين روحي فداه
منو مثلي فكد خوانه واهله بيوم
ومنو مثلي نسبت كدامه نسوانه
منو مثلي عليل وشهر ممشه يروح
مجتوفات اديه وتكوده عدوانه
هم شايف شهم تنطك خواته بسوك
ومن دم راس ابوه مايابس اردانه
شصيرن للخيم لو للتدوسه الخيل
وتجي تبجي رقيه تكلي عطشانه
اليدفنله عزيز يرد نفس ودموع
يريد ملاكه ناس وياه حزنانه
انه الرديت دافن كل حياتي بكاع
بس لاكتني وادم حيل فرحانه
يبو حمزه شفت مشهد
شفت مصلى ابوي حسين فوكاه الشمر يكعد
شفت عماتي من اطيح ماعدهن جتف يسند
شفت الدمع من ينزل يخضر شيب فوك الخد
الشاعر مصطفى الحسني
#اللهم_عجل_لوليك_الفرج
بالغرب وحدي عمه يالمهدي احضر لعمتك
ــــــــــــــــــ
حيرتي يوليدي حيرة ودهري متحزم الي
ومن اريد انهض انادي يا محمد يا علي
جفني غيمة من المادمع بالهظم من يمتلي
روحي قربان يصبرها قربتاً من تبتلي
بالحمد ابدي عمه يالمهدي احضر لعمتك
ــــــــــــــــــ
عمه يالمهدي بغيابك وانته تسمع قصتي
من وكع شايل علمنا مني وكعت دمعتي
أظهر وشوف الجرالي عمه وانظر حسرتي
قلبي ما يحمل مصيبة وحزني يشرح حالتي
والزمن ضدي عمه يالمهدي احضر لعمتك
ــــــــــــــــــ
عمه من حرگو خيمنه بلا خيم ظل الخدر
ياصبر ينفع جرحته ويادمع يكفي الصبر
من بعد عزنا وفخرنا وي ابو فاضل عمر
جابوا النوگ الهزيلة وصعدونه بكل زجر
والغرب يحدي عمه يالمهدي احضر لعمتك
ــــــــــــــــــ
تدري يالمهدي من اجينة لكربلة من أرض الوطن
لا نخاف ولا نبالي بهالسفر يبن الحسن
والله حاطتنة السلامة وبس أمان اعله الضعن
وهسه نمشي بلا سلامة من غدر هذا الزمن
يا نفع يجدي عمه يالمهدي احضر لعمتك
ــــــــــــــــــ
من بعد موت الهواشم والله ما ظل كل أمل
لا عشيرة ولا حماية وغربة ما واحد سئل
عالرمل ذبحوا أهلنا وهسه احنا بلا اهل
وضاگت الدنيا الوسيعة عمه من عودي انجتل
مابقوا عندي عمه يالمهدي احضر لعمتك
ــــــــــــــــــ
اني أكابر عالمصايب والألم نفس الألم
قلبي من ذبحوا اخوتي يحترك وي الخيم
وعيني من دمعتها صارت جنها جود وبي سهم
ولدي فدوه اعله الترايب حيلي لحسين انهدم
فدوه كل ولدي عمه يالمهدي احضر لعمتك
ــــــــــــــــــ
يمتى تظهر يا فرجنا وتأخذ بثار الذبح
وبظهورك يا علمنا وامرك بحق يتضح
والضلامة الحنا بيها عمه والهم بنشرح
ينجلي لليل المصايب باجر وانته الصبح
ياشمس وعدي عمه يالمهدي احضر لعمتك
ــــــــــــــــــ
الشاعر زين العابدين الشمري
#شهادة_المَولى_السّجّاد(ع)◼️
#ذو_الثّفِنات
لزَينِ العِبادِ العليلِ سلام
أسيرًا سَباهُ الأعادي اللِّئام
بكَتهُ السّماءُ بيَومِ الرّحيل
ألا فاندُبوهُ جوًى يا كِرام
لزَينِ العِبادِ العليلِ سلام
ألا فاندُبوهُ جوًى يا كِرام
◼️◼️◼️◼️◼️
بِكَربِ البَلاءِ بَدا شاهِدا
رأى ما جَناهُ جُنودُ العِدى
يُواسي العقيلةَ في رُزئِها
يَمُدُّ لكُلِّ اليتامى اليَدا
لزَينِ العِبادِ العليلِ سلام
ألا فاندُبوهُ جوًى يا كِرام
◼️◼️◼️◼️◼️
يُعينُ الكريمُ صِغارًا كِبار
وَسِرًّا يجولُ بِكُلِّ الدِّيار
كذا فِعلُ أسيادِ كُلِّ الورى
فَحَقُّ الوُجودِ لهُم أن يَحار
لزَينِ العِبادِ العليلِ سلام
ألا فاندُبوهُ جوًى يا كِرام
◼️◼️◼️◼️◼️
نَعى إخوةً قد غدَوا بالعَراء
وصَحبًا رأى غُسلَهُم مِن دِماء
أيا عينُ فابكي مُصابَ الإِمام
فرَأسُ أبيهِ بأَعلى القِناء
لزَينِ العِبادِ العليلِ سلام
ألا فاندُبوهُ جوًى يا كِرام
◼️◼️◼️◼️◼️
لِذي الثّفِناتِ دُموعي تَسيل
بُكاءٌ ونَوحٌ لِخَطبٍ جَليل
وذا قلبُ كلِّ الأنامِ اكتوى
بِجَمرِ الرّحيلِ، فحُزني طويل
لزَينِ العِبادِ العليلِ سلام
ألا فاندُبوهُ جوًى يا كِرام
◼️◼️◼️◼️◼️
#السّلامُ_على_سيِّدِ_السّاجدين
زينب الموسوي
#بنت_الزهراء
لاستشهاد الإمام علي بن الحسين زين العابدين عليه السلام
سيدي ومولاي زين العابدين
كربلا اسوت ابحالك والسنين
صارت عليك الطفوف
اشد من ذبح السيوف
كربلا اسوت ابحالك والسنين
★★★★★
ماشفت مثل الطفوف ولاتشوف
امسلحه على حسين ملتمه الالوف
انذبحت بدور الهواشم بالسيوف
صفوف يوم تعسكروا بعد الصفوف
اشتدت العله على الجسم النحيل
من بقيت ابغربتك . بالطف عليل
الهظم بجروحك يطوف
اشد من ذبح السيوف
كربلا اسوت ابحالك والسنين
★★★★★
خانك الحيل وعجز حيلك تگوم
وحمره ارض الطف دمه وحر وسموم
علخيم هدت عساكرهم تحوم
شمس آل البيت غابت والنجوم
منعتك زينب عليك الشر يحوم
علامامه تخاف واركان العلوم
بين حسره وبين خوف
اشد من ذبح السيوف
كربلا اسوت ابحالك والسنين
★★★★★
حيل ميلات النوايب من تميل
خلت دموعك جمر علخد تسيل
كل مصاب ابوزن نايبتك قليل
يوم مر عليك ابد ماله مثيل
لااخو ظلك ولا عم وقريب
راح ابواليمه انذبح راح الحبيب
فراگ ابو اليمه العطوف
اشد من ذبح السيوف
كربلا اسوت ابحالك والسنين
★★★★★
ظالم بسوط الحقد لمن لفاك
لاحك إچم سوط منهم ماخطاك
وذني مسبيات عماتك وراك
الف رميه القهر والشامت رماك
ماكو بس عدوان ماظلك صديق
ادير وجهك المن بهذا الطريق
عيونها عليك الالوف
اشد من ذبح السيوف
كربلا اسوت ابحالك والسنين
★★★★★
شوكت من جور المصايب تستراح
چم عزيز الماتظنه يروح راح
صدر ابوك تلگته اسهام ورماح
وعمك بصف الشريعه هناكه طاح
الذكريات وياك من همها تنوح
وين منها اتصير لوعنها تروح
وضحكة الشامت تشوف
اشد من ذبح السيوف
كربلا اسوت ابحالك والسنين
الشاعر حسن لعيبي الحريشاوي
محرم 36
لشهادة الامام السجاد عليه السلام..
اشلون بيك الليله ويلاه
اشلون بيك الليله ويلاه
.........
هالدنيه والله اتعيل وياك
هالليله رَدَّت بيك وهناك
موت وضليمه ودمع يِنضَاك
صدرك تراه من الحِزِن ضَاك
كلبك هِوَى فوك الهَوَى راد الهَوى يِشِمَّه
دمعك نزل يحفر نهر صعب الفُكَد يُضُمَّه
اشلون بيك الليله ويلاه
.........
حتى الجروح العِندَك ادموع
ونار الي تِحرِك بين الضلوع
حتى الحزن بالنِفَس مَسموع
شجره لَجَّن ابلايه الفروع
بعينك جَمُر مَات الصَبُر صَعبه عله اليوَصفَه
موتك كِرَب هذا السبب ماطَاب جَرح ويِشفَه
اشلون بيك الليله ويلاه
.........
صورة رقيه وسِكنَه بالعَين
يركضن يندهن الكُمر وَين
نار الخيم والكلب نارين
ايحِملَن عِطَش بس سَالم حسين
شَوك بجِدَم كِلهَه أَلَم والشَمِس جَنهَه جَمرَه
جن التُرب كُلهَه حَرُب بالدِمَه صَارت حَمرَه
اشلون بيك الليله ويلاه
.........
تجوي دليلك والخِيَم نار
جمر وشرار ايجَّوي لزغَار
والعِدَى تُضرُب حَتى بحجَار
الله واكبر ذاك النهار
راحت تِرِد تُمرِد مَرِد خيل اكصدت لحسينك
وانته فزَعِت كُمت وطِحِت والحَسرَه لِسَّه بعينك
اشلون بيك الليله ويلاه
.........
شِفت الجِفِن فوك الجِفِن طَاح
روحك اظن الليله ترتاح
سهم المنيه للكَلُب لاح
وجسمك يمولاي الكَبُر رَاح
شايل حجي دمع وبجي هالليله جَدَّك يسمع
كل الوِجَع كل الجَزَع هالليله كِلِّه يِطلع
اشلون بيك الليله ويلاه
.........
ابو مريم الاسدي ..
17/7/2025 ..
⚫️ للسيدة شريفه ع ⚫️
طور هاي ام البنين شعندك انخاها
__
يلعندك مرض روح اقصد الحلّه
من تقصد شريفه تبره كل عله
00000
روح اقصد وشوف اهناك مرقدها
لوحات الشكر بابواب حضرتها
كم عله شَفَتْها وشدّه حلّتها
من بنت الحسن امرادك تحصله
00000
أورام و عقم وأجساد مشلوله
كلها بذمة المهيوبه مكفوله
من كل بلده وكل قريه و دُوله
تعناها و سريع الألم تشيله
00000
ما مستعصي عدها اعلاج لو حاله
دكتوره و طبيبه بغير أي آله
بيديها الشفا معقوده آماله
ما يصعب عليها و كل شي تحله
00000
مضيافه مثل جدّتها الزهره
من دار الحسن ممدوه هالسفره
بيبان الكرم مفتوحه للفقره
والمديون يرجع بالفرج لاهله
00000
هاي امجربه واسأل إذا رايد
ما ضرّها اليشك بيها ولا الحاقد
الباري جعلهم في الارض شاهد
هم الواسطه للباري وحبله
00000
صيح الها يباب الله يعلويه
جاي ادخيل والهم ما هو شويّه
انريد الحوايج كلها مقضيّه
والمدمع شكر عد قبرچ انهله
00000
خادمتهم
فاطمة حبيب
١٤٤٧ هـ
▪️نشر جديد
في استشهاد الإمام السجاد عليه السلام
بعد دفن إمامنا السجَّاد (عليه السلام) في البقيع بقرب عمِّه الإمام المجتبى (عليه السلام) كأنِّي بهذا الحوار جرى بينهما :
١/لهفي على السَّجادِ وارَوْهُ الثَّرى
فدعا الزكيَّ المجتبى مُستعْبرا
يا عمُّ ما أنبيكَ عنْ رُزءٍ جرى
وأنا رأيتُ أبي ذبيحاً في العراءْ
٢/يا عمُّ بِتُّ اليومَ في أرضِ البقيعْ
قُربَ البتولِ وأحْمَدَ الهاديْ الشَّفيعْ
لكنْ حسينٌ بعدَما أمْسى صريعْ
في قَفْرِ غُرْبَتِه ثوَى في كربلاءْ !
٣/لمْ أنسَهُ واللهِ إِيْ لَمْ أنسَهُ
فَصَلُوا ببتَّارِ الضغائنِ رأسَهُ
رفعوا على سُمْرِ العوالي شمسَهُ
فقضيتُ كلَّ العمرِ في ليلِ البلاءْ
٤/هجَمَتْ أُمَيُّ على مضارِبِنا بِنارْ
ناديتُ عمَّاتي "عليكنَّ الفرارْ"
فرأيتُ حيرةَ زينبٍ بينَ الصِّغارْ
والشمرُ أقبل سالباً حُجُبَ النِّساءْ
٥/يا عمُّ قيَّدَنَا العدوُّ بأسْرِهِ
فرجعتُ أُلحِدُ والديْ في قَبرِهِ
شاركتَني في جمْعِ أَضْلُعِ صَدْرِهِ
وشهدْتَ ما فعلتْ بهِ خيلُ العِداءْ
٦/"سبعٌ وخمسونَ" انتهتْ حزناً شديدْ
فبسمِّهِ المشؤومِ أرداني "الوليد"
وأنا الذي منْ قبلُ أرداني "يزيدْ"
في عِلَّتي أُوقِفتُ بينَ الأدعياءْ
٧/مهما مزجتُ الماءَ مِنْ دمعاتِ عيْنْ
لا ما وفيتُ مصابَ ثاني السيديْنْ
فأمامَ عيني هشَّموا ثغرَ الحسينْ
وأرى الحرائرَ أُوثِقَتْ مثْلَ الإماءْ
تمت بعناية الحجة عجل الله فرجه
حرم أمير المؤمنين عليه السلام
الشاعر علي عسيلي
#الإمام_السجاد
#اللهم_عجل_لوليك_الفرج
وينك خويه حاچيني الحگ
فوگ متوني شو صار الطگ
**
يبو فاضل لفيتك يا بعد حيلي
من الخيمات اجيتك يا بعد حيلي
شگلك والله وسفه يا بعد حيلي
طحت ياهو النكلفه يا بعد حيلي
چا وين چفوفك حاچيني
چتالك بيك يبچيني
انته الكافل لتخليني
گوم افزع جتك غزايه
**
أظل بالحومه يمك ،، ها يكافلنه
اريد اگعد واشمك ،، ها يكافلنه
تره الخيمات طاحن ،، ها يكافلنه
وبنات حسين تاهن ،، ها يكافلنه
آنه المحد شاف خيالي
اركض عباس اول تالي
من ريت الحافر چتالي
شافوهه الحگ زينب هايه
**
اجيت ودمعي جاري ،، ما ترد لينه
يچنك موش داري ،، ما ترد لينه
صحت خويه دخيلك ،، ما ترد لينه
آنه المتعلمه أجيلك ،، ما ترد لينه
من يمك واحد جراني
متعلگه ايتامك برداني
صارت عيله وموتى اخواني
لو حشم غيرك ترضاهه
**
اجانه وسوطه بيده ،،، وانته بالحومه
تعرف الي يريده ،،، وانته بالحومه
يشد بحبال ادينه ،،، وانته بالحومه
يبو الغيره انسبينه ،،، وانته بالحومه
مو وكت النوم اعله ترابه
شتمو زينب هاي اطلابه
يا خويه اگعد وينك يابه
فوگ الناگه رادوني أصعد
***
رحيل بعيد منكم ،،، وانه مسبيه
رحت عباس عنكم ،،، وانه مسبيه
وداع بدون شبگه ،،، وانه مسبيه
الجفن هيهات اطبگه ،،، وانه مسبيه
راح أمشي ومشدوده چفوفي
فوگ الناگه وصاحو شوفي
بت حيدر علمنحر طوفي
يا كافل زينب رد بيهه
كلمات خادم الحسين / رعد الفريجي
*التوسل بالعترة الطاهرة* تقرأ بطور الجفيري ~
بالخمسة اصحاب الكساء
بالعترة وانوار السماء
قسم بحسين وكربلاء
بالفجر وايات الكتاب
〰️〰️〰️〰️〰️
أقسم على الله بفاطمه
اجيت بمدامع ساجمه
تنجّيني نار الحاطمه
وتشفعلي في يوم الحساب
〰️〰️〰️〰️〰️
لو مني يتدنّى الأجل
وأنفاسي خلصت بالعجل
بس عندي بالعترة أمل
يسقوني مالكوثر شراب
〰️〰️〰️〰️
لو حانت ايام الرحيل
وزادي على ظهري ثقيل
يحضرني عباس الكفيل
بكفّه يسهّل لي الصِّعاب
〰️〰️〰️〰️〰️
خادم على الكفن انكتب
والدمعة درّة من ذهب
ومن ينثروا عليّه الترب
يحضرني زاير ٱبو تراب
〰️〰️〰️〰️〰️
لو نزّلوني باللحد
اصرخ يا حيدرنا مدد
يحضر إليّه بالشدد
وبٱشارة يرفع كل عذاب
〰️〰️〰️〰️〰️
يشفعلي بالجنة الحسن
من اسكن بجنّة عدن
يسقيني شربة بكل وطن
طوبى وحسن ذاك المآب
〰️〰️〰️〰️〰️
يحضرني لا شك الحسين
يْرِدْ دِيْنَهْ يوم الاربعين
وينطيني صكِّي باليمين
بحضر ونحره دم خضاب
〰️〰️〰️〰️〰️
يحضرني مقطوع النحر
واضمن نجاتي بالقبر
وساعة حسابي بالحشر
ويجزيني بالدمعة الثواب
〰️〰️〰️〰️〰️
يتوّجني تاج لخدمته
والجنة أجر زْيَارِته
يوزّع ثواب بدمعته
وينطيني بيميني الكتاب
خادمة آل محمد ✍🏻
احوال السبي وسبايا العترة /لحن يا ناقتي للسيد علي حجازي~
من كربله ~ حُرمه بصف حُرمه مشت
من كربله ~ كنها الجبال وسُيّرت
من كربله~ المخدرة اليوم انسبت
بنت العفاف~ مسبيّة من فوق الهزل
بنت العفاف ~ وايديها مچتوفه بحبل
بنت العفاف ~ تتكفّل بحرمه وطفل
المدلّـلـه~ تسمع شتم تسمع صياح
المدلّـلـه~ طول الدرب ما تستراح
المدلّـلـه~ واگبالها رووس ورماح
حادي الظعن~ شمر الخنا حادي الظعون
حادي الظعن~ وسوط الشمر فوق المتون
حادي الظعن~ والدمعه سكته بالعيون
راح الدلال~ ما من ستر فيَّ الحرم
راح الدلال~ عيون العدا كنها سهم
راح الدلال~ چا وينه شيّال العلم
خادمة آل محمد✍🏻
نادوا *سبايا العترة وحرائر الرسالة في الكوفة*
قال الراوي عندما أقبلت العشائر ونادت نسائها وأخذوها من السبي بقيت امرأة واحدة من بني أسلم أقبل عشيرتها ونادوها فلم تجب وكانت جالسة إلى جنب العقيلة زينب فهددها قومها أنهم سيدخلون بين النساء ويخرجونها قسرا لئلا تكون عاراً عليهم فالتفتت إليها العقيلة زينب وقالت أخية قومي قبل أن تهاني قالت كيف أقوم وأتركك ولم يناد باسمك مناد من عشيرتك قالت قومي لا بأس عليك فقامت وبقيت زينب تتلفت يميناً وشمالا فلم تر إلا نساء الهاشميات وامامنا عينيها رؤوس أخوتها~ لحن الخضيب او البحراني~
إجت العشاير بالعجل وبكل إسم صاحت
ويّانه گومي من السبي والتفتت وگامت
لن كل أسيرة استأذنت من زينب وراحت
وظلّت يتامى والحرم لاذت بأم الاحزان
〰〰〰〰〰〰〰〰
اجتها يتيمه تنتحب وتگلها يا عمه
وين الهواشم ما إجو ولاكبر وابو اليمه
واحنا يتامى باليسر وانت بعد حُرمه
وين الكلفنا ما حضر وينه گمر عدنان
لحن الفراق~
صعبه والله~ للسجن ٱجت كل عشيره
صعبه والله~ نادوِا عْلى كل أسيره
صعبه والله ~ واحنا يا عمه بحيره
وين اهلنه~ يخلصونا من الأسر
وين اهلنه~ يرضوا ندخل للقصر
وين اهلنه~ ما حم بينا الدهر
خادمة آل محمد✍🏻
*وارقيتاه~ يا زهراء مدد*
موقف تصويري مؤلم~
رقية تخاطب حامل الطشت ~ تگله
يلي جبت لي راس الولي جسمه تركته وين~
ما تدري آنه رقيته وهذا أبويه حسين~
بيديها اويلي حضنته وتصرخ ينور العين~
اجاني الأبو بلا يا جسد چاوينه گلّي الراس
〰️〰️〰️〰️〰️
شفته بحلم اجاني الأبو وماخذنيِ بالأحضان
وبيده مسح راس اليتم وناديته يالعطشان
خلصني من درب السبي والخربه والسجّان
ما حسّبت راسه انظره ويتگطع الإحساس
〰️〰️〰️〰️〰️〰️
واتمددت جنب الرأس وتگله حاچيني
بنتك انا المدلـلّه وانتظرك اتجيني
انت وعدتني يالأبو لا ما تخليني
بهاي الخرابه والسبي وبالغربه بين الناس
خادمة آل محمد✍🏻
#وارقيتاه / لحن اسمع عتابي~
لهاي اليتيمه ~ المحنه عظيمه
مدفونه بالشام ~ غربة وأليمه
جابو إليها ~ راس الـ وليها
بالطشت حطوه ~ ما بين ايديها
يم راسه ناحت ~ مفجوعه صاحت
تخضب وجهها ~ بدمومه راحت
تگله يغالي ~ عزي ودلالي
راسك اشوفه ~ ودمعي يلالي
اخذ روحي وياك ~ ما ٱگدر عا فرگاك
بويه وحبيبي ~ حسين الله وياك
شهگت على الراس ~ وخمدت الأنفاس
مصاب اليتمة~ يگطع الاحساس
خادمة آل محمد✍🏻
https://youtu.be/RsYn1i6972g
*الرأس الشريف* / *خدمة العبرة المقدسة* 🩸
*رأس الإمام الحسين ع المنصوب بأعلى الرمح وشيبه الخضيب بدم نحره واويلاه واحسيناه والآثار من رشق السهام وضرب الحجارة بجبينه وحلقه وشفتاه المشققتين من العطش واويلاه واحسيناه واعطشاناه*
شفت الراس ومذبّله عيونه~
راس الولي براس الرمح يِشيلونه~
بناته بهالحال الله شلون يشوفونه~
من وريده دمه ينزف من منحره
~~
سمع ونّين زينب وجذبت الونّات
فتح عيونه شافت وتعالت الصيحات
صاحت گلبي فطرته وسالت العبرات
وتنحنح الراس وزينب تلطم بحسرات
فتح عيونك يا بدر فوق الرمح انبرا
خادمة آل محمد✍🏻
قال الإمام زين العابدين عليهالسلام : «والله ، ما نظرت إلى عمّاتي وأخواتي إلاّ وخنقتني العبرة ، وتذكّرت فرارهن يوم الطفّ من خيمة إلى خيمة ، ومن خباء إلى خباء ، ومنادي القوم ينادي : أحرقوا بيوت الظالمين»
دمعة عيني ما جفّت وجلبابي الحزن والنوح
صورة كربله بعيني
وخدر عماتي والمذبوح
هدم حيلي مصاب الطف
الأبو شفته بعد مطروح
ثلاث تيام عالغبره
ودفنته بيديِ بلا راس
〰️〰️〰️〰️〰️〰️
وبالطف خاتمة الاحزان
اگبالي بسوط ضربوها (اه يا زينب)
حرگوا بالطف خْيمها والأطفال سلبوها
وعيني تعاين النسوان من خيمتها طلْعُوها
وعالرمضا تگوم تطيح وتصيح بصوت يا عباس~
خادمة آل محمد ✍🏻
هذا ما كان يتردد على مسامع امامنا زين العابدين ع وهو داخل الخيمة والنار تشتعل بالمخيم وصراخ الاطفال والنساء يفرون من خيمة الى خيمة (فقط اريد ان تتخيل هذا المشهد وتسمع صراخ الاطفال المرعوبة من زعقات الخيول واصوات الرجال ولهيب النار…) ففررن بنات رسول الله من خيمة إلى خيمة ، ومن خباء إلى خباء… لحن الخضيب♪
زين العباد بحسرته يعاين على الخدّر
نار وخيم ضيعة حرم وقلب الطفل فطّر
من خيمة عد خيمة تفر بثوب الخدر تعثر
طفله تطيح على الترب وعدها القلب مرعوب
آيزينب آيزينب آيزينب آه
مشهّد يألم هالقلب ونار الخيم تلهب
فرّت يتامى من الضرب ومن الألم تنحب
ما عند حيل بعلّتي وانظر الى زينب
شبت عبايتها وخدر كل الحرم مسلوب
آه يا زينب آه يا زينب آه يا زينب آه
خادمة آل محمد ✍🏻
#نعي
مولاتي العقيلة على هزل النياق
تندب كفيلها أبا الفضل العباس
روحي فداهما وتقول :
وينـك يسـايـگ ناگـتـي ، ويالناشر اعليه الواك
واتكفلت ضعـني وگلت ، ما اطلع الا آنـه وياك
شوف الحبل والسلسله،شمسويه بمتوني اعداك
يالما بـعـد جـابت اخـو ، مثلك وطلـگـت دنياك
ويـنك يـشـيال العـلـم ،زيـنـب تصـيح وتنـتـخي
ماعـدهـا غـيـرك يالگـمر، فيّ وسـتر بيه تنـتچي
ماصايـره بزينب گـبل،وآدم غــرب بيها اتـحـدي
والچانو اطراف الزلم شاخو على اسياد الحچي
ومـتـعـمـد الـحـادي يـمـر ،يـمـهـا ويشــتم بـيـهـا
ويحرگ گـلب زيـنـب صدگ ،من ينـشـتم واليها
ومن تسـمع الشتمه الحرم، تصفگ وسـف بديهـا
اخـلافـك يـسـبـع الگـنـطـره، جار الشـمـر عليـهـا
والكـتل زيـنـب يالگمر ،الـحـادي مـن طر السوگ
وبلا هـوادج وبسـتر ،وانت اعرف ابمشي النوگ
والـكـوفـه كلهم شمات ،خاف وتلظ بيهه حلوگ
وبين الأجـانـب يالگمر ،وگـفـتـهه ماظنها اتلـوگ
واحـد على الثاني ايهمس. هـاي المن المچتوفه
الـفـرحـانـه واتـدگ بالطبل. لاگتـهـا أهـل الكوفه
هاي المخليه ابكل گلب.حسره على ظلهايشوفه
زينب السايل رد إلـه . وسـفـه وصـفـگ بچفوفه
يالـسـايـگ إظعون اليـسر ،ونـي ابمسيرك بهداي
تـعـبـانـه ماتـــدري الـحـرم ،وايام مـاشـربـة ماي
لاتـوگـف ابـحـر الشمس ،دورلنـه يالحادي افياي
كـلـهـن ثواكـل هالـحـرم ،واطـفـال تدري الـوياي
نسألكم الدعاء
السيد حسين الياسري
#اللهم_عجل_لوليك_الفرج
گعديه السيدة زينب (ع)
هالليله زينب بقت وحدها
شيريد هذا الزمن عدها
ضلت بلا وليان
وحسين عالتربان
شيريد هذا الزمن من عدها
١
الليله زينب بالمدامع حايره وتكسر الخاطر
صافنه بليل المواجع عالجثث گامت تناضر
اتعاين حسين بدمعها امهشمه ضلوعه الحوافر
محتاره بدموع الصبر
زينب ومشدوهه الفكر
للسبي ضلت تنتظر
تدري راح اتروح باچر
بالطف تنادي منهو يسمعها
مجبوره من هلت مدامعها
لا خيمه لا صيوان
وحسين عالتربان
شيريد هذا الزمن عدها
٢
ضلت بحيره تعاين والأفكار اتدور بيها
وين چانت وين صارت سكته مخنوگه ابچيها
زينب العالمه الحره الناس تتفرج عليها
من بعد عزها الطالبي
ايشاهدها گام الاجنبي
ومحرگه اطراف العبي
بعد مافگدت وليها
زينب وحيده بغير اخوتها
تجري على الخدين دمعتها
بس هيه والنسوان
وحسين عالتربان
شيريد هذا الزمن عدها
٣
بده ليل الصبر توه وزينب اتعاين بعبره
بعينها اتشوف الكواكب والگلب مليان حسره
تدري بحسين ومصابه الخيل من هجمت صدره
زينب وحيده وصابره
الياصوب تمشي حايره
معقوله كل هذا الجره
يمها لو حاضره الزهره
اتمنت الزهره هسه لو تحضر
اتشاهد حسين اعله الثره اموذر
فوگ الثره الصحبان
وحسين عالتربان
شيريد هذا الزمن عدها
٤
صدت الصوب الشريعه والأم بالروح يكبر
وين كافلها وحماها دمه ينزف بعده أخضر
اتعاين بعيده المسافه شلون توصل يمه تگدر
محتاره تمشي بالفله
لو نوت تتوجه اله
شلون تگدر توصله
والنهر مليان عسكر
فوگ النهر قربان
وحسين عالتربان
شيريد هذا الزمن عدها
٥
شسوه بيها الزمن انظر زينب وشاهد وضعها
عالجره والصار ابدن مانشف لحظه دمعها
چم ضلع الها تهشم حنت ولزمت ضلعها
بالحومه قدمت چم ولي
زينب ودمعها ايهلي
وبصوت نادت ياعلي
لچن محد ماسمعها
ضلت وحيده ومحد وياها
من بعد ماضحت بولياها
قرآن يم قرآن
وحسين عالتربان
شيريد هذا الزمن عدها
المصيبه
زينب الضلت وحيده شحالها بهاي المسيه
لا اهل لا والي عدها بهذا ليل الغاضريه
والأطفال اتحوم يمها اتعاين السكنه ورقيه
ليل الصبر ليل الدمه
والعيله بالبر هايمه
وزينب تعاين للسمه
حايره بليل المواجع ضلت بهذا وضعها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
زينبْ تنادي للسماء فوقَ صعيدِ كربلاء
قضى حبيبْ اللهْ
🛑🛑🛑🛑🛑
سبطُ النبيِ قدْ خرج لربهِ لبى
فهذا شبلْ المرتضى للذلةِ يأبى
خانوا بمنْ كانَ لطهْ منْ ذوي القربى
فوقَ الثرى قدْ قطعوا أحشاءهُ إربا
تجري دماء الانبياء فوقَ صعيدِ كربلاء
قضى حبيبْ اللهْ
🛑🛑🛑🛑🛑
بكربلا غدا أخي للبيضِ والسمرِ
فوقَ الثرى رأيتهُ دماءهُ تجري
والخيلَ فوقَ صدرهِ فداؤهُ صدري
لهُ فزعنا ولها حيرى منْ الخدرِ
قد سفكت اطهر دماء فوقَ صعيدِ كربلاء
قضى حبيبْ اللهْ
🛑🛑🛑🛑🛑
فوقَ ألقنا رأسَ أخي أضحى فوا لهفي
وفوقَ جسمهِ غدتْ ريحُ الصبا تسفي
شمرَ الخنا لنحرهِ قدْ حزَ بالسيفِ
قدْ ماتَ شبلْ المصطفى فوقَ وغى الطفِ
فهذا ابن الاولياء فوقَ صعيدِ كربلاء
قضى حبيبْ اللهْ
🛑🛑🛑🛑🛑
أقمارنا فوقَ الثرى بڪـربلا غابتْ
ذاكَ صريعٌ قد قضى بهِ العدا جارتْ
وذاكَ أضحى للضبا ومنهُ قدْ نالتْ
فوقَ أخي صنوَ الهدى خيلهم سارتْ
قدْ سلبوا منهُ الرداء فوقَ صعيدِ كربلاء
قضى حبيبْ اللهْ
🛑🛑🛑🛑🛑
___
بنا المآسي عظمتْ ووضعنا طالا
باليسرِ سارَ ضعننا والدمعُ قدْ سالا
طاغي الملا بسوطهِ منْ عندنا نالا
عليلنا مقيدٌ طالتهُ أغلالا
قد كبلو كَفَّ اَلضِّياء فوقَ صعيدِ كربلاء
قضى حبيبْ اللهْ
🛑🛑🛑🛑🛑
بالطفِ هذا ما جرى كأنهُ المحشر
كتابَ اللهِ دمهُ يجري منْ المنحر
جاؤوا بنارٍ أحرقوا مخيمُ الخدر
بغضا بقتالِ العربِ وقالعُ خيبر
قدْ غدروا بالأتقياءِ فوقَ صعيدِ كربلاء
قضى حبيبْ اللهْ
🛑🛑🛑🛑🛑🛑🛑🛑🛑🛑🛑🛑🛑
وليد المندلاوي
محرم 37
نزال (عكيلي)لشهادة الامام السجاد عليه السلام..
مات السجاد ابهل الليله
.........
عاش الدنيه دمعه بدمعه
نار بكلبه تحرك ضلعه
بانفاسه إيون دوم اتسمعه
وليالي الاحزان طويله
.........
لسه امحَفر الكيد ايدينه
وعلِيه ظلت دمعة عينه
بجفونه صوره لحسينه
من يوم الطف انهد حيله
........
بعيونه الماراحت صوره
اضلاع الصدر المكسوره
عظام حسين شكد منثوره
لو طاحت عالدهر اتميله
........
كل دمعه لو طاحت جمره
بيهه من كلبه جم حسره
لون الليل الكلبه يفطره
وساعات اليكضيهه اثكيله
........
يبجي احسين وكل اعياله
وعباس العافه بيا حاله
تحرك بي لوعة دلاله
كل الصور الليله اتجِيلَه
........
غمض عينه وودع اهله
عاش بدنيه كلهه عِلَّه
ماجَت وياه ابداً عَدلَه
للموت اتظل دمعه اتسيله
.........
ابو مريم الاسدي ..
17/تموز/2025 ..
على بوالباقر .. وا ويلاه
@@@
هذا العليل بيوم عاشور
الشايف ولينه وراسه منحور
كل البلايه اعليها مگدور
الا بولكبر يوم بلواه
@@@
صاير دليله مثل لشموع
ذاب ابحياته ابصب لدموع
لا اتلوم گلبه الصار مفجوع
ونبضات صدره اتصيح احاه
@@@
اباله صورهم بارض لطفوف
كل يوم صوره منهم ايشوف
لو هو مهاد ولو هي اچفوف
ولوهو وافي ظهره احناه
@@@
واصعب واشد اعليه آلام
لمن دخلها امگيد الشام
صوت الشماته ايطگ لعظام
ويزيد فرجه بأسره خلاه
@@@
منهو يتحمل عرضه مكشوف
واصبح سترهن بين لچفوف
وذيچ الهوازل بيهن اطوف
وعساها تعمه الصد عيناه
@@@
شما نحچي حاله بأيد هالجور
وصف المصايب نگطه ببحور
مولانه تالي چبده مفطور
والسم تالي گلبه فتاه
@@@
زين العباده المات مسموم
لليوم ويلي ابگبره مظلوم
بين السلاسل صار مهدوم
ولمن نزوره انصيح ويلاه
@@@
علي أحمد الحمود
١٧-٧-٢٠٢٥
شهادة السجاد ع
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الشاعرة ام ذو الفقار إلمانيا
❤️ @kjhgkkb
خادمه الزهراء الملا أم حسن السراي
❤️ @hasanAbas100
⚡️قناة أهل البيت (ع) للمواليد
❤️ @ahlulbayta
كلمة الله
❤️ @t999gil
إرشاد القلوب
❤️ @shjgbbgdsju
العباس باب الحوائج
❤️ @alrbeaae92
النعي والرثاء لمجالس سيد الشهداء
❤️ @AL_Nay_and_Alrthaa
ريــآحيـــن فآطـمـهہ🌿🕊
❤️ @nasayimaymanih
ذكر الامام علي بن أبي طالب (عليه السلام)عبادة
❤️ @qwpaslzmx
ادعية ايام الاسبوع
❤️ @dsjjdgsb
العــشـق الـمهـدوي
❤️ @avkq1
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
اجمل صور
❤️ @Afubxev
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan
لقاء العاشقين
❤️ @jkhkll
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة فقه النساء
❤️ @fakhh1
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
#إستشهاد_الإمام_السّجّاد(ع)🏴
#زينُ_العِباد
سلامٌ عليكَ أزَينَ العِباد ْ
بِيَومِ الطُّفوفِ حُرِمتَ الرُّقاد ْ
أيَقضي الحُسينُ ظمِيًّا ذبيح ْ
وتُسبى العقيلةُ بينَ البِلاد ْ!
عليٌّ عليٌّ عليٌّ علي
أيا نَفحةَ الأُنسِ في العابرين ْ
◼️◼️◼️◼️◼️
تُرِكتَ بأرضِ البَلاءِ وَحيد ْ
رُؤوسُ البُدورِ بِأيدي يَزيد ْ
لِزينبَ تشكو الجَوى والمُصاب ْ
لِمَن أذهَلَتهُم بِقَولٍ سَديد ْ
عليٌّ عليٌّ عليٌّ علي
أيا هَمسةَ العشقِ في السّاجدين ْ
◼️◼️◼️◼️◼️
عَليلٌ تُداوي فُؤادي الحزين ْ
سأرثيكَ وال"آهُ" حَزَّ الوتين ْ
أُروّي ثراكَ بِفَيضِ الدُّموع ْ
فَروحي اكتوَت مِن جِمارِ الأنين ْ
عليٌّ عليٌّ عليٌّ علي
أيا شُعلةَ الحقِّ في الخالدين ْ
◼️◼️◼️◼️◼️
توسَّدتَ تُربًا بأرضِ البقيع ْ
بكتكَ السّماءُ بِدَمِّ النّجيع ْ
عليكَ الملائِكُ تَتلو العزاء ْ
كما قد تلَت لِأخيكَ الرّضيع ْ
عليٌّ عليٌّ عليٌّ علي
أيا صَرخةً في نِدا الثّائرين ْ
◼️◼️◼️◼️◼️
نَعاكَ الرّسولُ كذاكَ البتول ْ
ودَمعُ اليتامى عليكَ هَطول ْ
إذا ما مَضَيتَ لِربٍّ كريم ْ
فحُزني عليكَ لِدهرٍ يَطول ْ
عليٌّ عليٌّ عليٌّ علي
أيا نُدبةً في دُعا العابِدين ْ
◼️◼️◼️◼️◼️
#أعظم_اللّٰه_أجوركم◼️
زينب الموسوي
#بنت_الزهراء
لسيدتي رقية
جابولي راسك بل طـشت بـوية
شميته حـيل ودمــعــت بـوية
معقولة گلت الغالي هذا الغالي
معقولة راسه تشوفه عيني أگبالي
❁ ❁ ❁ ❁ ❁ ❁
❁ ❁ ❁ ❁ ❁ ❁
لمن شفت راسك يبويه بعيني
تمنيت روحي الكربلة توديني
الجـثتك ويـمـها ايصير ونـيني
وبعدك گلت شلي انه بسنيني
حالك يغالي اذاني
وزيــدالي احـزاني
وضل الحزن لمن رحت يبرالي
معقولة گلت الغالي هذه الغالي
❁ ❁ ❁ ❁ ❁ ❁
لمن ظربني بصوطة حيل اذاني
وگلت ابوي انا شعجب ماجاني
وجم موته بعدك ميته بحـزاني
لمــن تـرد ثــوب وعــظم تلكاني
انــه رقـيــة بــحــيــرة
طفلة وخذوني اسـيرة
وثوب اليتم يابويه مايحلالي
معقولة گلت الغالي هذه الغالي
❁ ❁ ❁ ❁ ❁ ❁
انفاسي مشتاكة اشكثر لنفاسك
وايدي امدهه بويه جـوه راسك
قراءن مخلوق بشكل وحساسك
وأذوا احبابك من رحت وي ناسك
انـه رقيـة بنــتك
يابوية ماعرفتك
وانته الجنت نور الله لليالي
معقولة گلت الغالي هذه الغالي
❁ ❁ ❁ ❁ ❁ ❁
وهسه ضليت شكثر مجروحه
وحيل گلبي من كسر من نوحه
انه طفله وبالحجي مذبوحه
من اسمعت گالولي طلعت روحه
بعدك عشت بذلة
وبس الدمع اهلة
و بس الدمع من عيني ضل يلالي
معقولة گلت الغالي هذه الغالي
❁ ❁ ❁ ❁ ❁ ❁
مابيه حيل بإيدي ألمه صدرك
يل من ذبح بس باقي يمي عطرك
وخليني ابوسنه واشمة نحرك
وأيدي امدها معودة اعله ضهرك
ومكسور هسة ظهرك
والخيل سحكت صدرك
ويكسر خواطر كل ونيني وحالي
معقولة گلت الغالي هذه الغالي
❁ ❁ ❁ ❁ ❁ ❁
الشاعر محمد البنداوي
*حرائر الرسالة وسبايا العترة / لحن اسمع عتابي*
رووس العشيره ~ اقبال الأميره
من دِخلت الشام~ زينب أسيره
عيون الشماته~ تعاين خواته
راس الولي يلوح~ يبچي بناته
كافلها غايب~ تفگد حبايب
عالشاطي مطروح~ فوق الترايب
حسرة عليها~ تندب وليها
وتعاين الرووس~ وله تشتكيله
*نعم زينب تبث شكوها لأخيها الحسين ع صحيح انها لم تضعف وحاشى ان تظهر بموضع الذلّ والتوهين ولكن قلبها مكسور على الحسين*
من تحت الخمار~ تندب يا كرار
لو عينك تشوف ~ زينب عا الْكوار
خادمة آل محمد✍🏻
*وازينباه*حال حرائر الرسالة / في طريق السبي*
*طور الجفيري♪
دلاّلي ذاب من الهضم
وثقل السلاسل والألم
حبال بإدينه والزلم
تصد وتعاين عالخدر
〰️〰️〰️〰️〰️
مشّونه من فوق الهزل
شمس وسلاسل والحبل
ويضربني بـ سوطه النذل
بين الشماته والزجر
〰️〰️〰️〰️〰️
عجفه الهزيله ومايله
وبعيني دمعه سايله
شسويتي بينه كربله
ذْبحتينه بسيف الهجر
〰️〰️〰️〰️〰️
راسك يخويه انظره
وبحاله آنه محيّره
يعاين عليّه ميسّره
ارافق اجانب باليسر
خادمة آل محمد✍🏻
*وارقيتاه~* يا زهراء مدد
*موقف في خرابة الشام زينب وحرائر الرسالة يندبن ويبكين مصاب اليتيمة وقد احاطن بالجنازة بعد ان حفروا قبرها الصغير بالدموع والأنين ولوعات الوداع ولسان حال زينب ع*
لحن الجفيري~
رقية يا غصن الورد
بعدچ صغيره عاللحد
دمعتنا ما تنشف أبد
هالدفنة صعبه بالترب
〰️〰️〰️〰️
منهو يفصّل هالكفن
يشيل الجنازة للدفن
غدّاره يا شام الزمن
نعوفنّچ بأرض الغرب
〰️〰️〰️〰️〰️
تسيل المدامع عالگبر
وتنادي يا ربي الصبر
يالماخذه وياچ العمر
ميته رقيه بيا سبب
〰️〰️〰️〰️〰️
لحن الفراق~
يا رقية ~ محنتك صعبه عليّه
يا رقية ~ علينا جددتي الرزيه
يا رقية ~ واللقا يم الزچيه
*الليلة اللقاء مع فاطمة الزهراء ع*
خبّريها ~ عن مدامع هالجفن
خبّريها ~ عالخرابه والمحن
خبّريها ~ وراري ليها هالمتن
شبيها رقية ؟؟؟؟
زرگه المتون
وحمره العيون
اشتاگت للحسين
وخذها هالحنون
مغمّضه العين
بحضن الحسين
الليله نامت
واجاها هالبين
وارقية وارقية~وارقية وارقية~
خادمة آل محمد✍🏻
*موقف مؤلم لما المغسلة ارادت ان تغسل رقية ورات جسدها والمتون زرقاء متورمة واويلاه ~* لحن الجفيري
واويلي مسوّدة المتون
يبكوها بدموع العيون
واثر السياط من السجون
واثر السياط من الضرب
〰️〰️〰️〰️〰️
حطوها فوق المغتسل
ومغسله جابو بعجل
ومن يمها حطوها الاهل
موقف أليم شگد صعب
〰️〰️〰️〰️〰️
ومن جرّدتها من الثياب
وحطتها من فوق التراب
شافت اثر ضرب ومصاب
مذهوله وتنادي العجب
〰️〰️〰️〰️〰️
وزينب تنوحن معوله
ودمعتها عالخد سايله
شافت وضع المغسله
محتاره ما تدري السبب
〰️〰️〰️〰️〰️
نامت وِمغْمضّه الجفن
وبيها أثر سود المتن
جيبو اليها هالكفن
ومحروقة ايديها بيا سبب
خادمة آل محمد✍🏻
*زينب ورأس الامام الحسين ع*
وهذا مشهد بكت له زينب واحترق قلبها وتجددت احزانها ولوعتها لمحنة اخيها الحسين ع فساعد الله قلبها حين رات الظالم يضرب راس الحسين ع صح ونادي واحسيناه~~~ لحن الخضيب
راس الولي لا تضربه بسوطك يهالظالم
تشوف العيون مذبّله كنّه الولي نايم
هذا سبط طه النبي وسيد بني هاشم
أثر الجراح بجبهته وشفافه ذبلانه
واحسينا واحسينا واحسينا آه
〰〰〰〰〰〰〰
كل ضربة في قلبي سهم تصوبنيِ بروحي
الظالم بسوطه يضربك وجروحك جروحي
يألمها روحي من انظرك ولاجلك بعد نوحي
شيحمل بعد گلب الأخت آلامه واحزانه
خادمة آل محمد✍🏻
*وارقيتاه ~ لحن. الجفيري قلب امك يبني مفتت~*
رقية اقتربت من الراس مدت يديها الصغيرتين وضمته اليها وصاحت حسين`~
گعدت يمه تجذب ونّه
تجري العبره فوق الوجنه
تعاين نحره بدمه محنه
تگله بويه فتّح عينك
〰️〰️〰️〰️〰️
صاحت راسك هذا اقبالي
جسمك وينه آيالوالي
يا بعد الروح انت الغالي
نور الباري بوسط،جبينك
〰️〰️〰️〰️〰️
نوبه تحبه ونوبه تضمه
ونوبه براسه راح تشمه
تگله محلا بويه اللّمه
لكن مذبوح الله يعينك
〰️〰️〰️〰️〰️
اخذني وياك يا روح الروح
ما ٱگدر انظر نحرك مذبوح
بوجهك طعن وآثار جروح
كنّي اسمع صوت ونينك
〰️〰️〰️〰️〰️
شفافك ذبلت وجهك اصفر
انظر دامي بويه المنحر
من يتّمني يابو الأكبر
ذِبحك ظامي من وتينك
خادمة آل محمد ✍🏻
https://youtu.be/CejRG5FhkTg
#وازينباه
*زينب ع في مجلس الطاغي لعنه ورأس اخيها الحسين ع*
راسك خويه حين الشفته
تلعب عصا يزيد بشفته
گلبي تفطّر ودمعي ذْرَفْته
رسالت دمعة عيني سكته
خويه خويه خويه خويه²
〰〰〰〰〰〰
نخيتك يا راس خويه الغالي
فتّح عينك وانظر حالي
حرمه وحدي عزي فْگَدتِه
بوسط الديوان من غير والي
خويه خويه خويه خويه²
〰〰〰〰〰〰
الظالم ينشد يا هي زينب
قيود بإيدي وحالي يصعب
يضرب راسك ويشمت بيّه
وسوطه بگلبه سهم وصوّب
خويه خويه خويه خويه
خادمة آل محمد✍🏻
https://youtu.be/CejRG5FhkTg