8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
اصعب آلام عشتهن اصعبآلام
كالوا الشام يويلي كالوا الشام
..............
من ثنايا أحزان نوحي و من ألم يتبع ألم
و من بواطن دمعة بيهة الحيل ياويلي انهدم
بيهة تحتار العقول و بيهة يحتار القلم
بيهة لوعة و بيهة حسره و بيهة دمعة تنرسم
مثل الاوهام شفتهن مثل الاوهام
كالوا الشام يويلي كالوا الشام
..............
يا مُصيبة و يا رزية و يا جرح ما منهن بره
ردنه نسمعهة بلسانك لمن شفته اعله الثره
جسم ابوك حسين لمن منه كطعوا نحره
من شفت بالخيل صدره كل ضلوعه أمكسره
و يا جفن نام بعدهة يا جفن نام
كالوا الشام يويلي كالوا الشام
..............
يا علي السجاد دمعك يشرح أجروح الهجر
من شفت لحسين راسه كاعد يكطعه الشمر
أشلون حالك وانته تنضر من كعد فوك الصدر
وزينب أمن الخيمه ركضت والعساكر تنتضر
الحرك الخيام تنوح الحرك الخيام
كالوا الشام. يويلي كالوا الشام
........................
أصعب أجروح العشتهن تبدي ويلي بيا جرح
بالحبل مجتوفه زينب وانذبح وجه الصبح
راس أبوك اشلون شفت يا علي فوك الرمح
والكفل خدر العقيله بلا جفوف ومنذبح
أمترس اسهام لكيته أمترس اسهام
كالوا الشام يويلي كالو الشام
..........................
أيعينك الله وهذا وضعك وانته قيد الجامعه
والضعن وياك يمشي ومن دمه أيهل مدمعه
شجم عزيز أكبال عينك شفته لاكه مصرعه
وراس أبوك أوياك يمشي وجثته متوزعه
دهرك شضام مصايب دهرك شضام
كالوا الشام. يويلي كالوا الشام
.........
كلمات الشاعر محمد الموالي
قصيدة للإمام السجاد عليه السلام عن الإمام الباقر عليه السلام ينعى والده.....
انـــحب واجري عيني وما اگطع ونيني
روحي اعله الابو تذوب رايح ما يجيني
======================
انه الفاگد وحگي من انوحن حيل
عيني اعله الابو ما تســتراح الليل
انه الباقــــر وگلبي علــــيك اعليل
بوية ابشوفتك چانت همومي اتزيل
انسى غيابك شلون ساكن وسط العيون
بوية بغيـــبتك دوم اتچوة بحــــنيني
__
الفاگدلة ابو ايحــــس ابالم گلبي
اطـــــيني الصبر عالفـــرگة يا ربي
ياعيني اعله ابوي اجري ودمع صبي
عيـــني اعله الدرب ظلت الك تربي
نايم حدر التراب عن عيني الابو غاب
آه ياوكت الغروب ياخذ كل سنيني
----------------------------------------------
شمعة واحــــتركَ يا بوية بغيابك
ياخـــذني الحنيـــن واوگف ابابك
ارسم صورتك وانحب على مصابك
وأكثر احتركَ من تنـــشد احبابك
تبچي وتنشد عليك احبابك تناديك
نعقد مجلس انياح انه وكل بنيني
----------------------------------------
راح الچان الي ذخر والي تچوة
چان ابكل حياتي والدي سلوة
المفاركَ ابو انياحة وبچي يهوة
الحياة ابلا ابو صعبة وفلا تسوة
رايح سلوة الروح يسوة الونة والنوح
أظل مطلوب الك دين ما وفيتة ديني
---------------------------------------------
ما اصـــدكَ تغيب وتــــبتعد عني
أشعر انتة عايـــش تســـتمع وني
صوتك دوم اسمعة وانظرك چني
يا وسفة الدهر خان وخذك مني
ما عني غبت يوم انه بعازتك دوم
عشرة ابطول السنين بين الهم وبيني
--------------------------------------------
أسألكم الدعاء رائد الاسدي
ابو حمزه الثمالي ... خذت حيلي الليالي
بعدها اكَبال عيني ... افاركَ غالي غالي
مصيبتنه جبيره ...اسيره اتجر اسيره
اليفكَد واحد اتهون ... وأنه الفاكَد عشيره
كل حيلي ...راح من شفت الخيم حركَوهه
كل حيلي ...راح حين ام الخدر شتموهه
كل حيلي .. نهدم وي سكنه لمن ضربوهه
ـــــــــــــ
أنه المالذ شرابي ... بعد أعرف عذابي
لون كون الله كلّه ... فلا يحمل مصابي
المهر من ردلي خالي ...احير بوصفه حالي
ردت الحكَ عالحسين ... شمكَوم اعثر شجالي
سنديني ...صحت ياعمه ارد اشوف احسيني
سنديني ...غبره حالت بين اخوج وبيني
سنديني ...راسي لو شيّب حزن عذريني
ـــــــــــــــــ
جرح طف حزني عشته ...هظم بكَليبي شلته
الماي شما اشربه ... بدموعي مزجته
الشام شخلّه بيّه .... راواني المنيّه
تبجي الهه السماوات ... بس محنة رقيه
دمعاتي ...تحجي الك عظم الجره اعله الخدّر
دمعاتي ... تخبرك أوجوه انتهت من الحر
دمعاتي ...على طفله ماتت اعله المنحر
ــــــــــــــــــــ
والشاهد عليّه ... هاك انظر اديّه
نجرحن من الاحبال ...مثل اختي رقيه
والاصعب علينا ...بسوك الذل مشينه
من شدّة نظرهم .... للخدر خُزينا
خلّوني ... ميت موته آنه اموت بهايه
خلوني ...مجلس ايزيد ادخله بلا رايه
خلوني ...يبيد حيلي شما سمعت احجايه
ـــــــــــــ
شسولفك مصايب ... دليلي منهه ذايب
البيهن وصّى الله ... نامن بالخرايب
التاكل من ادينه .... تتصدّق علينه
دنيه بلايه رحمه ... آل الله انسبينه
هضموني ...سوكَ بي شمات من دخلونه
هظموني ...سرعه نمشي ونعثر يخلّونه
هظموني ...ياثمالي بالحجر شمرونه
ـــــــــــــــــــــ
الشاعر محمد حسن ضيغم
/channel/kasaedalatharDaygham
#شاقَني_الحنين💔
سَيلٌ منَ الدّمعاتِ
يمشي نحوَهُ
يَسقي عَطاشى كربلا
يَطفي الظّما
والرّكبُ في
دربِ الحُسينِ مَسيرُهُ
يرجو قَبولَ السّعيِ
من ربِّ السّما
كم شاقَني
ذاكَ الحنينُ لنَينوى!
قُم نعزِفِ الأشواقَ
لحنًا مُؤلِما
نُنشِد حَكايا الوالهينَ
على الملا
يَفدونَ سِبط المُرتضى
حَتمًا دِما
قُم نعبُرِ الأزمانَ...،
نطوِ مسافةً
نروِ الثّرى حيثُ ارتَقى
حامي الحِمى
أوَ نترُكُ العبّاسَ
يَقضي ظامئًا!؟
كلّا..؛ وعَهدُ اللّٰهِ
فينا أُبرِما
في الطَّفِّ حَشدٌ،
مِن حبيبٍ عَزمُهُ
لبّى نِداءَ السّبطِ
نصرًا مذ رَمى
✌️✌️✌️✌️
زينب الموسوي
#بنت_الزهراء
#نعي
ياطارشي البيدة دطرها
وبـيـوت هاشم روح مرها
حيهم يـ عدنان ومضرها
صيح ويمنتك حيل فرها
گلهم ترى يهظم خبرها
طلعت الحره من خدرها
والهيمه ماينحمل حرها
ونوگ الهزل غرب شمرها
مسبيه حشم ياضخرها
مچتوفه بحبال ويجرها
عالهزله ويشوبح نضرها
وين الكلف ليفك أسرها
ويبنيلها خيمه السترها
ادري بمحمد لو نحرها
وعوچيته مغتاض وكسرها
يتجادح أعيونه جمرها
والمهره لو هزت شعرها
يعت الرسن ويطگ ظهرها
لو حل العمامه ونشرها
وولادة يمه أدگ صدرها
ويطرد على الحومه صگرها
أرگاب الكفر سيفه يكرها
والروس تتساگط حدرها
ويـضـّوگ العدوان مـرهـا
صل هاشمي ورداد شرها
خل يخلس الگوم وخطرها
لو زمخ بيها ولو زجرها
بظهورها ييبس بزرها
ومن الجثث يدفن نهرها
✍🏻حسين حمدان الدلفي
#اللهم_عجل_لوليك_الفرج
#ابوذية
يگـلبـي موت المن === ظال متني
الهزل والناس والتل === ظال متني
عگـب عـباس للطگ === ظال متني
هذاه وذاك كيفه ايهد عليه
سجاد ابراهيم الكعبي
#اللهم_عجل_لوليك_الفرج
غابن ابكهف النايحه انجومي
حزني أشوفه ابـ صحوتي و نومي
ابوجهي المناحه امشرعه ماانسه ذیچ الفاجعه
*******
آنه اسمي علي السجاد
صرت أذرف نمير العين
إذا بالگوه ارد اوگف
تدفعني دواهي البين
مصاب الطف کسر گلبي
من حیلي هدم ثلثین
ظل ينحرني يوميه
و ماادري لفاني امنين
غیر الدمع یادنیتي اشعندي
نار المصیبه تحرگ ابچبدي
الفاگد دمه ایهل مدمعه ماانسه ذیچ الفاجعه
*******
اشعدها الدنيا ويايه
و دهري اويايه ما ينصح
خلصت العمر كله
دم من ناظري يسفح اريد احچي غصص گلبي
عن كل الجره اشرح
شفت ابعاشر امحرم
اهلي ابخطة المذبح
و انه نحيل و یرتعش جسمي
ابطف كربله موتي گلت حتمي
و الروح هایه امصدعه ماانسه ذیچ الفاجعه
*******
مرعوبه الحرم انظُر
و اشوف اطفال عطشانه
زينب عمتي شتصير!!!
أبهاي العيله حيرانه
عبدالله الطفل شفته
يلوج و هوه بمچانه
اخويه و عمره ست اشهور
ظامي و يابس السانه
تالي انرمه عبدالله بالنبله
و امصاب اخويه الغالي شيحمله
و الدم فلا جف منبعه ماانسه ذیچ الفاجعه
*******
علیل ابـ خيمتي و انظر
گضت بالمعرکه الفتیان
و انصار الوفه السبعين
طاحو كلها بالميدان
اخوتي و كل بني هاشم
جثث متگطعه عالتربان
و ابوالغیره الگمر عباس
عله الشاطي بلا ذرعان
وحده ابويه و ضاقت أنفاسي
و ابـ لحظه صار ابيض شعر راسي
ضده الزلم متجمعه ماانسه ذیچ الفاجعه
*******
ابـ فَمَه شفت الحسين انصاب
ابويه و يجري ظل دمه[١]
وحيد ابولية الأعداء
ناس الـ باعت الذمه
عطشان و يريد الماي
ولا ناصر حظر يمه
رغم اجروحه نوره ايشع[٢]
ابروحه ايجود ابواليمه
مهره اجانه و السرج مايل
راسي لطمته و دمعي ظل سايل
و ابالي صورة مصرعه ماانسه ذیچ الفاجعه
*******
هلا ابجيتك صحت ياموت
و اعوام انتظر هاليوم
من هالدنيا راح ارتاح
لچن مني الچبد مسموم
هالیوم انختم عمري
عله اعیوني الأجل مرسوم
و السَم يسري بدمايه
و علیه طیر المنیه ایحوم
الباقر يشيع نعشي بدموعه
و اعله مصابي يلزم اضلوعه
چبدتي ویلي امگطعه ماانسه ذیچ الفاجعه
*******
لخادم الحسين علي فلاح الواسطي
١٨محرم الحرام
١٤٤٧هـ٢٠٢٥مـ
قال هشام : حدّثنى عمرو بن شمر ، عن جابر الجُعْفىّ، قال : عطش الحسين حتى اشتدَّ عليه العطش ، فدنا ليشرب من الماء ، فرماه حصين بن تميم بسهم ، فوقع فى فمه ، فجعل يتلقى الدم من فمه ،و يرمي به إلى السماء ، ثم حمد اللّه وأثنى عليه ، ثمّ جمع يديه فقال : اللهم أحصهم عدداً ، واقتلهم بدداً ، ولا تذر على الأرض منهم أحداً .
راجع الطبري ص ٣٦١
مقتل الحسين ابو مخنف ص ١٨٩
قال هلال بن نافع كنت واقفاً نحو الحسين و هو يجود بنفسه فوالله ما رأيت قتيلاً قط مضمخاً بدمه احسن منه وجهاً ولا انور!و لقد شغلني نور وجهه عن الفكرة في قتله فاستقي في هذه الحال ماء فأبوا أن يسقوه
راجع مقتل الحسين للمقرم ص ٢٨١
اللهوف لأبن طاووس ص ٧٥
العوالم للبحراني ص ٣٠١
استشهاد الامام السجاد ع
(يمكن قراءتها ب طور قصيدة " يقارورة " )
〰〰〰〰〰〰〰
كأني بمولاي السجاد "ع" وهو يخاطب السم الذي أصابه بنبرات العتب و الاستنكار و يتذكر كل غدر السم الذي جرى على أهل بيته منذ الامام الحسن المجتبى " ع "...
يسم چبدي عليك اعتب
بهضم غدرك أظل احسب
چبد عمي مردته
وانه گلبي لچمته
............1.............
اول هضم منك شفت
من عمي سالت دمعته
يا سم الاصعب والاشد
بيديهه جعده غدرته
السبط الحسن ويلي وصل
بالطشت صارت چبدته
يتلفظه بآه و حزن
وزينب تشاهد حالته
بألم نادت يخال ابني
عسه موتي گرب مني
دمع زينب هملته
وانه گلبي لچمته
............2.............
يا سم عطر غدرك ألم
شميته ريتي اتوصفه
اتذكرت آهات الأبو
يصرخ عله الدنيا العفه
من صوبت راعي العلم
بعينه ويه سهم الماوفه
سممته عباس البطل
مذبوح عالشاطي غفه
يذبحونه بسهام البين
یِسِمونه لعضيد حسين
غدر ثاني حملته
وانه گلبي لچمته
............3.............
كل الجره و گلبك جمر
رايد غدر لاهل الشيم
لازمت سهمه لحرمله
گلت اذبح الطفل و أسِم
شلون گدرت نحر الطفل
قبّلته و دخلت الجسم
منك يرفرف ماشفت
بحضن الابو من الالم
يرف بيده الطفل شفته
شكه بدمعه غدر أمته
جرن دمعاتي سكته
و انه گلبي لچمته
............4.............
احچي يَسَم النايبة
رايد مْواجَهْ محكمة
ماشفت ابوية بهالفله
چبده يلوج من الظمه
الف و تسعمية جرح
مصيوب حماي الحمه
فوگ الجرح سم انسكه
بَچّه الارض ويه السمه
يَسَم غدرك شده بالي
تخليني بلا والي
دليل الوالي صبته
و انه گلبي لچمته
............5.............
يا سم عمامي والاهل
ماقصريت بهالحزن
وقعت تذكار الغدر
واحلفت ليه هم تحن
حلفك ابد ماتكسره
بشوگك تعنيت بحضن
سريت بدمايه وكيفت
من اسمعت بيه أون
سِهام الطف رمت گلبي
گضيت بسم أنه نحبي
نصيبي اليوم اخذته
و انه گلبي لچمته
............6.............
عگب الرزية اللي جرت
الباقر عله مصابي يون
يصرخ يبوية يالذخر
دمعاته تچويله الوجن
ناده ميكفي كربله
بيهه شفت آه و حزن
لحگتني سمة والدي
خلت دليلي يمتحن
صحتله ابني يهالباقر
مثل حالي الك باجر
هم ايسمّوك انته
و انه گلبي لچمته
๑๑๑๑๑๑๑๑๑๑๑๑๑๑๑
✍🏻ذكرى الخفاف
موشح الى الامام السجاد عليه السلام وعظيم صبره
شكبره صبـرك سيدي بطــف كربله
ليا مصيــبه ادمــوع عيــنك هامــله
****
شكبره صبرك سيدي لعظم المصاب
چــم محمد شفتــه نـايــم عالتـراب
گلبـــك يــــا ليـا نايبه بالــوّنــه ذاب
للسبــي لـــو للذبــح يـــا معــضــلـه
****
للـذبــح مالـــوم اه مــن الـــذبـــح
لجـــرح دلالك دوه مـا اظن يصح
مو جـــرح واحد اظن 100 جرح
مثــل عينـــك كـل جروحك سايله
****
مثل عينك مــا نشف منهـا الدمـع
يالورثت البـــاب والهــم والضلـع
ليا مصيــبه اليــوم گلبك ينفجـع
للعليه خيــل النــواصـب جــايلـه
****
جــالت ابصدر السبـط خيـل العده
شلون بعــد السحگ گلبـك شاهده
جثته بخيــول العـــده متفــرهــده
برمح راس حسين خصمك شـايله
**
ليا مصيبــه جفنــك يهــل مدمعـه
للگمــر مـــن شفتــه يـم المشرعـه
بكتره جـــوده والــــزنود مگطـعه
البقت تنتظـــره جميـــع العـــايله
****
آه يــا صبرك صعــب مــا نوصفــه
مــن شلت بيــدك شبيه المصطفه
دمـــع عينك لـــو دمه ظل تــذرفه
يـــا اخـــو مثلك اخيـــه شــــايله
****
ليا مصيبه ادمـوعك يصبّن دمّـه
للرضــع الذابَحـــه سهــم الضِمـه
صـــارت اگبالك مصــيبة فاطمه
طفــل بالباب وطفـل من حرمله
****
يا مصيبة سبي عمتــك عالهـزل
حــرم صعبــه من يشدوها بحبل
نظـــرت الشمّــات اشد من النبل
وتالي لأرض الشام زينب راحله
****
عفيه گلبك مــا نفـــذ منه الصبر
وگفت السوگ الاشد لـو بالقصر
كلــها شمات وتصــد ذاك الخدر
وسفــه عدوان بضحك تستقبله
*
الشاعر
موسى البديري
☘لاستشهاد الامام السجاد ع ☘
نعي //جنوبي
كاني بلسان حال الامام الباقر ع
ينعى ابيه السجاد ع
شيگول:-
يبن الميامين ٢
حيف واسف يبن الميامين
حزت بالوتين ٢
يلجامعه حزت بالوتين
صارت نياشين ٢
بيد ورجل صارت نياشين
🏴🏴🏴🏴🏴
وآنه الاداويه ٢
حگه عليه آنه الاداويه
ياهو الاخليه٢
ياهو الاشده وياهو اخليه
انعى واواسيه ٢
من علّته انعه واواسيه
🏴🏴🏴🏴🏴
مايرهم اعليه٢
جرحه كلف مايرهم اعليه
شومانفع بيه٢
كل الدوه شومانفع بي
شنه الاسويه٢
مابيدي شي شنه الاسويه
🏴🏴🏴🏴🏴
یجهر بالونين ٢
چبده انمرد يجهر بالونين
يلگلبه احنین۲
مات بقهر يلگلبه احنین
والي النساوين ٢
گظه مسموم يا والي النساوين
🏴🏴🏴🏴🏴
بس الترابات٢
ياگبره ظل بس الترابات
فوگه احجارات٢
كومة ترب فوگه احجارات
وين المنارات۲
لاصحن لاحضره ومنارات
🏴🏴🏴🏴🏴
حتى الزيارات٢
منعوها اسف حتى الزيارات
تلطم الهامات ٢
والشيعه بس تلطم الهامات
مايرد هيهات ٢
راح الوصي مايرد هيهات
🏴🏴🏴🏴🏴
✍بقلم شاعرة اهل البيت عليهم السلام
☘ ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
☘️قصيده للامام السجاد ع☘️
سموووك سمووووك
اهل الخيانه والغدر
سموووك سمووووك
من الله باجر شلعذر
🏴🏴🏴🏴🏴
ليش سموه شيطلبونه اللئام
منلسجود انرسم بجبينه وسام
ساجد وعابد يسمونه الامام
سيدي موجوع مايكدر ينام
غدروك ... غدروك
يا أبن فاطمة الطهر
سموووك سمووووك
اهل الخيانه والغدر
🏴🏴🏴🏴🏴
جان يحدي بالضعن لمّن سره
من الالم بلصدر عبره مكسره
هلّت اعيونه على الصار وجره
حیف ابوه حسين وسفه مادره
خلوك ... خلوك
تجهر ونينك مِن عَصر
سموووك سمووووك
اهل الخيانه والغدر
🏴🏴🏴🏴🏴
يبو الباقر ما تهون اعلينه
وانت النه فخر يا والينه
وليك متعنين كلنه وجينه
نبجي اعله امصابك الهد حيلنه
ضلموك .... ضلموك
لشوكت جمدوب الصبر
سموك .... سموك
اهل الخيانه والغدر
🏴🏴🏴🏴🏴
اعليك ياسجاد دلالي انمرد
حبنه الك ماينوصف مهما ورَد
ونعجز شماكلنه بيك شما نعد
انت بحر اعلومنه يمته ترد
لتروح لتروح
لتروح مانحمل هجر
سموك...سموك...
اهل الخيانه والغدر
🏴🏴🏴🏴🏴
منلمرض مولاي ظهرك انحنه
بلمصايب عمرك الغالي انفنه
تالي مسموم الاجل منك دنه
ننصب الماتم عليك بكل سنه
مولاي ....مولاي
ظل دوم گلبي منفطر
سموووك سمووووك
اهل الخيانه والغدر
🏴🏴🏴🏴
يااملنه وين رايح ياعلي
يضل ذكرك فخر للشيعه وألي
مهما طال الزمن تبقى انت الولي
وبيك أشد العزم والهم ينجلي
يفداك .... يفداك
كل النواصب والكُفر
سموك .... سموك
اهل الخيانه والغدر
🏴🏴🏴🏴🏴
تمت بعون الله باقلام ✍✍ شاعرات
اهل البيت عليهم السلام
✍☘ام فراس الساعدي ☘
و✍ ام محمد الحسناوي
غير مبري الذمه لكل من يغيير الاسماء
او ياخذ كلمات القصيده وينسبها اليه
☘قصيده للامام السجاد ع☘
بندريه/_
__
هنايمن تحرك خيمنه
ريضو....؟..لاتحركونه
عدنه سيد بالخيم
وحده ضل...؟... بضعونه
___١
عندنه سيد بالمخيم
خله اطلعه من الحريق
ضهره مكسور عله اهله
والمرض جسمه يعيق
اشكفت النار بيدي
وكمت اسويله طريق
طلع من حلك الجمر
ينحب ويلهم صبر
كتله كوم اكعد يعمه ....؟.. هالكفر حركونه
✍️العلويه ام رقيه
___
لزم عصاته الأمام وعينه ينظر عمته
شافته وصاحت يعمه بساع زينب همته
ياعلي ابني تكله الخيم تلهب طلعته
النار تطشر تُمر
ينحب ويلهم صبر
طلعي يازينب خواتي....؟..تكفليتي اضعونه
✍️ام علي المالكي
___
مدري زينب تتچيله مدري هيه التنتچي
شلون حال المايطمن بعد ميفيد الحچي
شهگت لربها وتعاين تندعيله او تشتچي
كوم عمه شتنتظر
ينحب ويلهم صبر
النوك هزله واجت يمّه.... ؟.. للاسر يردونه
✍️☘️ام فراس الساعدي ☘️
___
تعثر ومتعب وضعها حرمه وسفه بلاحمه
الچانت بصايه اهلها والاخوان محزمه
هسه لاظل اليلمهه تلتفت متالمه
خيم ماظل للخدر
ينحب ويلهم صبر
صاحت ام الخدر عمه...الشمر اذه متونه
✍️بقلم العلويه ام رقيه
فيض الطف
___
امتونه اذاهن شمرهم حاط بيهن جامعه
عود اجا يودع عمامه ركض ليه ومانعه
مثل هاي امصيبه صارت أبدلا ماسامعه
وعد بيد الله الامر
ينحب ويلهم صبر
على الناكه يسيل دمّه ... وتصد ليها عيونه
✍️☘️ام فراس الساعدي ☘️
___
حرگوا اخيمنه علينه وبالحرب نومه الزلم
زينب اتلم باليتامه محد يطفي الخيم
السوط يتلوه ابمتني وين شيال العلم
أبونه وبلوعه وقهر
ينحب ويلهم صبر
وين اهلنه وين راحوا...اجناب ويشتمونه
✍️ام علي المالكي
__
تمت القصيده بعون الله
بأقلام شاعرات ساقي عطاشى كربلاء
✍العلويه ام رقيه الموسوي فيض الطف
✍ام علي المالكي
✍☘م فراس الساعدي ☘
ونسألكم الدعاء
☘قصيده للامام السجاد ع ☘
عليل واويلاه واويلاه واويلاه
اريد اصرخ واسممع صوتي بصياح
للسجاد اريد اكتب قصيده
وكون الناس كلهه تنملي جراح
هل قصه الجرت هيه الفريده....
عليل واويلاه واويلاه واويلاه
مشه بليل العليل ويه الحرم راح
من كوفان وي شمر ليزيده
حبل بلجامعه وبالركبه دم فاح
سلاسل من حديد برجله وايده....
عليل واويلاه واويلاه واويلاه
مسجون العليل بسجن بي ناح
على العباس عمه وهم عضيده
راسه بكل بلاد افتر بالرماح
مشه بديره غريبه وهم بعيده.....
عليل واويلاه واويلاه واويلاه
ليزيد النذل طب وخطب صاح
انه ابن الصفا والمروه بيده
انه ابن الحسين الي هوى وطاح
وبسيفه الشمر حزه بوريده...
عليل واويلاه واويلاه واويلاه
مته تظهر يقائم ليل مصباح
ويوم الطف اريد انت تعيده
مثل مامر على زينب النياح
اريد انياحهم يترس البيده....
عليل واويلاه واويلاه واويلاه
✍بقلم شاعرة اهل البيت عليهم السلام
✍☘ ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
عنوان النعي: لو تنشدني 🏴
المناسبة: شهادة الإمام السجاد (عليه السلام)
١٤٤٥ هـ
رُوي أنه لمَّا سُئل الإمام السجاد (عليه السلام) أي المصائب كانت أشد عليكم في واقعة الطف؟ قال ثلاثاً: «الشام، الشام، الشام»
▪️▪️▪️▪️▪️▪️▪️
لو تنشدني شالأصعب، على قلبي وعلى روحي
مصايب كثره بعيوني، ذكرها ايزيد بجروحي
وگت طبينا أرض الشام، بلاد الشَّـام آذتـنـا
على سوق البلد مَرَّوا، تكثر حتى شوفتنا !
وأعوف اللي جرى بيها، وأعوف العيد والشمَّات
وأذكر ليك هالموقف، وبروحي أجر حسرات
أنا بيدي خَذِت لحبال، وقِلت للعمَّه عذريني
ومدِّي الإيد يا زينب، وبالله لا تنظريني
عظيمه عمِّتي ومدَّت، قبل ما انهي چلماتي!
خَذَت منِّي الحبل طاعه، وجريت بخدِّي دمعاتي
صِحت يابوالفضل آسف، اقيِّد خيِّتك عمِّي!
هانت ذبحة الأحباب، اُو زاد الهالأمر همِّي.
▪️▪️▪️▪️▪️▪️▪️
✍🏻 بقلم /خادمة ولي النعمة ( قصائد ولي النعمة
📃 عنوان القصيدة: ضميه بالأحضان 🏴
المناسبة: شهادة الإمام السجاد (عليه السلام)
١٤٤٢ هـ
▪️▪️▪️▪️▪️▪️▪️
المستهل /
يا زهرا بهمومي
جالچ علي قومي
جالچ علي قومي
ضميه بالأحضان
١/
قومي يَزهرا استقبلي اِبنچ
من يمِّي رايح اُوقاصد اليَّمچ
قومي ابعجل ضميه ابحضنچ
تعبان ابويه و راحته عندچ
أعوام ابوي آلام
ومن كربلا مانام
من كربلا مانام
ضميه بالأحضان
٢/
يمچ دفنته يم حسن بالهم
راح اُو تركني بعده اميتَّم
فوق المغيسل ماچنت احلم
محفور جسمه ومختثر به دم
شال اللي ماينشال
اشقد اذته لأغلال
اشقد اذته لأغلال
ضميه بالأحضان
٣/
بهموم زغري دافِنه الغالي
بعلوم طف الفاجِعه البالي
عن التريدي نشدي الوالي
كل كربله ابـ دمعه الهالي
خليه يفصِّل لچ
شلون انذبح ابنچ
شلون انذبح ابنچ
يالزهرا عطشان
٤/
حسرات قضَّى الوالد اسنينه
مايه يخلطه ابدمعه من عينه
عن كربله اشما ردتي نشدينه
لاچن قبلها يُمه ضمينه
الشايف سبي عمته
شيخفف الـ وَنْته؟!
شيخفف الـ وَنْته
ضميه بالأحضان
٥/
تعبان يازهرا علي امن الشام
ما عنده حيل ايباريَ الأيتام
چانت هضميه ابعينه الأيام
التسهر معانا زينب اُو مَتنام
مابيْه على النهضه
وعالحورا مايرضى
عالحورا مايرضى
و اهواي خجلان
٦/
السجاد شايل كربله بتفصيل
شايل ذبح، شتم اُو نياق اتميل
يمچ دفنته وبعده وحشه الليل
و ابلا أبو تدري العمر بس ويل
مأجوره اُو مأجور
جالچ صبر عاشور
جالچ صبر عاشور
ضميه بالأحضان.
▪️▪️▪️▪️▪️▪️▪️
✍🏻 بقلم / خادمة ولي النعمة ( قصائد ولي النعمة )
▪️▪️▪️▪️▪️▪️▪️
🧷 طور القصيدة: ياجدي قدامي، للشيخ علي البيابي
https://youtu.be/lQUT004tP9A
.
قصيده مربعه حزينه
للاستشهاد السيده خوله
((عليها السلام))
درب الشام راواني شكثر لوعــــات
عفه گلبي اويـ خوله ياخلگ مامات
🏴🏴🏴🏴🏴🏴
عفه گلبي يعمه ما متت وياچ
مشينه وبالگبر يحبيبه خليناچ
جمر دمعي اصبه وبالدرب انعاچ
عليچ دموعي ما تنشف بعد هيهات
🏴🏴🏴🏴🏴🏴
عليچ دموعي ماتنشف يبت حسين
يريت ويـاچ ياخوله خذاني البيــن
امشي اويـ الضعن وعليچ ادير العين
وحيده وبرض غربه هالمسيه تبــات
🏴🏴🏴🏴🏴🏴
برض غربه منيتچ ويلي يـاعمـــه
شلون امشي واعوفچ والگبر ظلمـه
ييمه وداعــة الله لو گلت زحمـــــه
اظل وياچ لـــو احرس المسبيــــات
🏴🏴🏴🏴🏴🏴
رحت عنچ يخوله والدموع اعبار
وحبل گيدچ اخذتــه منـچ و تذكار
اشم بي ريحة ايدچ والگلب بي نار
نيرانچ ابــد ما يطفـــن مسعــــرات
🏴🏴🏴🏴🏴🏴
تسعر نار گلبي وبالحشه جـمره
عله الماتت بدرب الشام منقهره
غُمضَت عينها وهيه تجر حسره
اويلي ع الگضن وماتن غريبات
🏴🏴🏴🏴🏴🏴
بنات حسين ماتن وآنه خلني
بضيم وللمصايب ليش عفتني
وياچن ريت ياعمه اخذتني
گبل مايصل ضعني لديرة الشمات
🏴🏴🏴🏴🏴🏴
تمت بحمد الله
✍️. أم محمد علي الشيباني
▪️ في استشهاد الإمام زين العابدين (عليه السلام)
وردَ عنْ إمامِنا السجَّاد (عليه السلام) أنه أنشأ لسهل بن سعد الساعدي في الشام :
(أُقادُ ذليلاً في دمشقَ كأنَّنيْ
من الزِّنجِ عبدٌ غابَ عنهُ نصيرُ)
(وجدِّي رسولُ اللهِ فيْ كلِّ مشهدٍ
وشيخِي أميرُ المؤمنينَ أميرُ)
(فَيَا ليتَ أمِّيْ لمْ تَلِدْنِيْ ولمْ أكنْ
يرانيْ يزيدٌ في البلادِ أسيرُ)
ألمْ يكفِ ما في كربلاءَ رأيْتُهُ ؟
ومنهُ الجبالُ الرَّاسياتُ تمورُ
حسينٌ حبيبُ المرتضى، وابنُ فاطمٍ
ذبيحٌ على حرِّ الصَّعيدِ عفيرُ
وقد داستِ الخيلُ الصَّفونُ بصدرِهِ
وراحتْ على تلكَ الضلوعِ تدورُ
ونصبَ عيوني هرولتْ فخرُ خِدْرِنا
فبالنَّارِ شبَّتْ للنِّساءِ خدورُ
وأقبلَ سلاَّباً لِقُرْطَيْ رُقيَّةٍ
بِعُنْفٍ لَعينُ الوالدينِ كَفُورُ
أيَجْذبُ نَطْعي ثُمَّ يقلِبُني الخنَا
وبِيْ عِلَّةٌ منها يُدَكُّ ثبيرُ ؟!
وأُسْبى على عُجْفٍ ويُضربُ عاتقي
بسوطٍ ، ومنْ متني الدماءُ تفورُ
وكمْ مرَّةٍ عنْ ناقتي ملتُ للثَّرى
فمدمَعُها ممَّا تراهُ غزيرُ
وأُرْشَقُ بالأحجارِ مِنْ شرِّ أمَّةٍ
تراني غريباً ما لديَّ مُجيرُ
فطرْفُ عليٍّ بالدموعِ مُجرَّحٌ
وطرفُ ابنِ حربٍ بالمصابِ قريرُ
الشاعر علي عسيلي العاملي
#الإمام_السجاد
#اللهم_عجل_لوليك_الفرج
النه الجيش بغض وحقد عاده
ونفس الظلم يوم الباب عاده
صحيح القتل ان صبح عاده
لجن زينب صعب تمشي سبيه
.......
الشاعر محمد حسن ضيغم
فزاعية للأمام علي السجاد عليه السلام ( دار الهواشم صبحت )
دار الهواشم صبحت
غير اللطم مابيهه
بس المناحه واللطم
شايل يشيال الهضم
امصيبته اتلوح العظم
والعيون تعميهه
تعمي العيون امصيبته
شايل وكلفه شيلته
ارجع خواته نادته
واشلون يرجع ليهه
مايرجع الراح بنعش
والبيت وامچانه وحش
الناعي ينعه بالعرش
والطاهره ايعازيهه
جبريل عازه الطاهره
حمل علي للمگبره
الدار وحشه امكدره
ظلمه اندفن راعيهه
الدار ضلت مظلمه
راح اليحل الموزمه
امتونه تتناگط دمه
واجروحه شيداويهه
ضلت امتونه امجرحه
بالدار نصبو فاتحه
عد الفواطم نايحه
نصبت عزه الواليهه
نصبن الواليهن عزه
وجنازه بضعونه جزه
حمل اليحضر بالوزه
والمايله ايساويهه
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
#نعي
الـبـاقـر حـين للـتـغـســـيل جـابـه
ابـوه أوجـرد امـن الـولـي اثـيـابـه
شـاف امتونـه سـود وصاح يـابـه
ألف وسفه اعلى سلـطان النجابـه
يـبـويـه الـمـاي خـافـنـه يـلـچـمـك
يـبـويـه مــن يـلــوح آثــار مـتـنـك
أنـا احـتـاريت بويه أمنـين ألـزمك
خـاطــر يـوالــي أگـــــدر اغـســلك
يـامـكــبـر رزيـتـه وعـظـم يــومــه
يـوم الـشـاعـة اعله الـكـل اعلـومـه
وشـالـوه للبـقـيـع اهـلـه او گــومـه
ويـم عمـه الحـسـن وارو ارسـومـه
اشكبر صـبره الباقـر مــن نـزل وياه
أو وسد خده ابـوه وعالـترب خـلاه
وعلـيـه رد الـتـراب وعـالگـبر هـالاه
يكـسـر كـل گلب حين الرجع ممشاه
يكفكف بالدمع وإيده اعلى مـگـفـاه
مــنــــــدوم أويـــــذب آه بـــثـــر آه
لاچن هـم نگول اشوه اويخف حزنه
يـوم الـمـات مـاكـو اخـيـول داســنه
ولاصـدره حـوافـر فـرس سـحـگــنه
آ يـحـســـين يالـيــومــك فـــلا مــنه
نسألكم الدعاء.
#اللهم_عجل_لوليك_الفرج
عشرين اعوام تنحب يا نور الأيمان
عشرين اعوام گلبك مرکز للأحزان
ماتخلص دمعاتك معروف ابـ اهاتك
*******
كافي تبچي سيدي يازين العباد
من تجر الحسره تتهدّم الأطواد
تنحب اعله اهلك اشوفك رايح و راد
اتموت راح امن الحزن یاعلی السجاد
ارحم حالك خايف يا مولاي اتموت
ارحم حالك يونس انته ابوسط الحوت
ماتخلص دمعاتك معروف ابـ اهاتك
*******
سيدي و القتل عدكم صار عاده
هاي كرامتكم من الله الشهاده
شكر الله سعيك السجاد ناده
هَم سمعت انته سبو عمة الساده
راحت زينب مسبيه اتشتمها الناس
راحت زينب عالهزّل أخت العباس
ماتخلص دمعاتك معروف ابـ اهاتك
*******
الساني یگصر لو اعدد بالمصايب
لا اهل ظلت علينه و لا گرایب
روحي طلعت و الگلب من عندي ذایب
من شفت كل اهلي طاحو عالترايب
كلها اتنادي نطلب من عدهم ثارات
كلها اتنادي ضربو ابـ حرگه العلویات
ماتخلص دمعاتك معروف ابـ اهاتك
*******
علي الأكبر دارو اعليه بالعواسل
جاسم العریس شفته دمه سایل
عله الشاطي صوبو عين ابوفاضل
طاح ابوالغيره و حملنه عگبه مایل
وحسین اینوح لازم ظهره و ظل ينعاه
وحسین اینوح و ايخضب راسه بدماه
ماتخلص دمعاتك معروف ابـ اهاتك
*******
انه ابو الباقر عليه المرض خيّم
ركن عزمي ابـ كربله شفته تهدم
مُهر ابويه حسين اجانه امخضّب ابدم
لنها ساعه و حرگو اعلینه المخيّم
فوگ الغبره جاسم طایح و الأکبر
فوگ الغبره و حسین ابدمه امعفر
ماتخلص دمعاتك معروف ابـ اهاتك
*******
عگب ما ذبحو زلمنه یسرونه
و ابحچي الما ینحچي اشگد سمعونه
الشام و الكوفه الشماته شتمونه
راس ابويه حسين وسفه يضربونه
طبينه الشام وگفونه اباب الساعات
طبینه الشام علویات و مستحیات
ماتخلص دمعاتك معروف ابـ اهاتك
*******
گرب موتي و الدمع عالوجن منثور
انختم عمري ابهل مسه ودلالي مکسور
السم بقه یسري ابدمایه و چبدي مجمور
و انه میت من شفت فاجعة عاشور
حفرو گبري و الباقر نعشي ایشیله
حفرو گبري و المدمع دم ایسیله
ماتخلص دمعاتك معروف ابـ اهاتك
*******
لخادم الحسين علي فلاح الواسطي
٢٠محرم الحرام
١٤٤٧هـ٢٠٢٥مـ
قال الأمام الصادق عليه السلام : بكى علي بن الحسين عليه السلام عشرين سنة، وما وضع بين يديه طعام إلّا بكى، حتى قال مولى له : جعلت فداك، يا بن رسول اللّٰه، إنّي أخاف أن تَكُونَ مِنَ الْهالِكِينَ ) .
قَالَ : إِنَا أَشْكُوا بَنِّي وَحُزْنِي إِلَى اللهِ وَأَعْلَمُ مِنَ اللهِ مَا لا تَعْلَمُونَ إنّي لم أذكر مصرع بني فاطمة إلّا خنقتني العبرة
راجع المازندراني ص ١١١ ج ١١و أمالي الصدوق ص ٢٠٤ مج ٢٩ ح ٢٢١
و الخصال ص ٢٧٣ ح ١٥ و روضة الواعظين ص ١٧٠
نعي للامام السجاد ع
...........
على ياهي الاسولف هاي لوهاي
مصايب كربله فتت لبيب حشاي
واذا اكظم المها اسولف عضاي
احس الفاجعة متعوفني وياي
اسولف عن عطش اطفال للماي
لوعن جسد ماضل عليه فياي
لوعن عذابي الراح والجاي
شفت زينب سبوها بغير حماي
شفت تبجي سكينه تنوح بهداي
بويه حسين وين انته يرجواي
...
شفت حرك الخيم وملاهب النيران
شفت سبي الحرم من غير وليان
شفت مذبوحه يمي بسهم رضعان
عبد الله شفتها النبله بالشريان
شفت جسم ابوي الباقي عريان
ترض صدره خيول مغطه تربان
اسولف ياهظم ياضيم واحزان
تطب مجلس يزيد الطاغي نسوان
وعلينه عيون تنظر كلها عدوان
اسولف حال عمتي شلون جان
تصد للراس ظلت والكلب لهفان
عليك شلون سبيي كفيلي هان
..........
الشاعر
اياد الفرح المهدوي
ابوذيه الى الامام السجاد عليه السلام حين دخول الشام
الناس أمعّيـد فـرحــانه شفاها
وينظر عمّتــه الشـامت شفاها
شاف أيزيد مـن يضرب شفاها
وتشمّت بالنبي وأله سويه
الشاعر موسى البديري
١_شبيها
٢_نظرها
٣_شفتي الحسين
٢_
☘لاستشهاد الامام السجاد ع☘
على طور /للحومه اعتنيتك
الرادود المبدع / محمد الطرفي
كاني بلسان حال الزهراء ع ترثي
الامام السجاد ع شتگول :-
جثيره الگوم والصحبان سبعين
والعدوان هجت مثل الوحوش...
لبس درعه وطلع ابن الميامين
ابو الباقر ابد ماهمته جيوش...
صال وجال بيهم سبع ضرغام
بصولاته علي هز حتى العروش...
فنه اليوصله ماينگدر دوووم
مثل عمه بطل يتسمه مريوش...
فاحت الريحه ... صاحت الصيحه ... سور ويهدمّه
سجاد يايمه يايمه يايمه
🏴🏴🏴🏴🏴
قاتل وي ابوه شوّفهم الويل
بسيفه الباشط وماتعب هيهات...
تصوّب بالمعاره وحل الحزام
ندامه وحيف جسمه بي جراحات...
ظل ايون وابد مايگدر يگوم
وعمته تشدشد جروح الصوابات...
يلوب من الجروح بليل ونهار
بوسط الخيمه نايم يجهر اهات ...
بالعطش والحر ... من الوجع يسهر... وامه تخدمه
سجاد يايمه يايمه يايمه
🏴🏴🏴🏴🏴
صارت ليلة العاشر بالطفوف
حرگوهه الخيم ذوله الملاعين ...
وظل عباس يم النهر مطروح
وابوه حسين حزو منه الوتين ...
والنسوان فرت منها الاطفال
وزينب حايره تنطي الوجه وين...
والسجاد مابي گومه ياناس
يحامي العمته والباجي النساوين...
لزم عصاته ... يحامي عماته ... بس ثگل هدمه
سجاد يايمه يايمه يايمه
🏴🏴🏴🏴🏴
مشه ويه السبايه بخس كل حال
يجر بالجامعه وهيه التجره...
يعاين عل رماح الروس تبراه
تتگاطر دمايه شعظم صبره...
مدري يحير باطفال اليتاما
لو ذباح ابوه اليسبي خدره...
تمنى ايموت ويه اهله المذابيح
ولا دمعة رقيه الجنهه جمره
ايزيد واعوانه ... يطب ديوانه ... بصوته ايردمه
سجاد يايمه يايمه يايمه
🏴🏴🏴🏴🏴
للسجاد اجيت بهومه ياناس
ادور بالبقيع ومحني ظهري...
بس تراب شفته بين الگبور
وانه ناحله ودموعي تجري...
لگیته موسد التربان العليل
مسموم الولي خاين يدهري ...
حمل لوعات بالطف جان معلول
وي زينب حده ويگلها اصبري..
الجامعه بيده ... مزنجل بجيده ... ويه جدمه
سجاد يايمه يايمه يايمه
🏴🏴🏴🏴🏴
✍بقلم شاعرة اهل البيت عليهم السلام
☘ ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
☘لاستشهاد الامام السجاد ع ☘
[ طور //الفراق
يابو باقر .... شيعتك متعنيه ليك
يابو باقر .... بروح ملهوفه تجيك
يابوباقر .... تلطم الهامه عليك
🏴🏴🏴🏴🏴
جينه كلنه .... نبجي الزين العباد
جينه كلنه ....نعلن عليك الحداد
جينه كلنه ....نلبس هدوم السواد
🏴🏴🏴🏴🏴
خل نعازي ... اليوم كل آل الرسول
خل نعازي .... حيدره فحل الفحول
خل نعازي .... امك الزهره البتول
🏴🏴🏴🏴🏴
ياامامي.....نذكرك ليل ونهار
ياامامي..... تنعه اعليك الديار
ياامامي..... بيك احنه نستجار
🏴🏴🏴🏴🏴
تعمه عيني .... عليك انت يلعليل
تعمه عيني .... ويظل ينعاك الدليل
تعمه عيني .... مودمع من دم تسيل
🏴🏴🏴🏴🏴
ليك. اجينه.... تهل دمعات العيون
ليك اجينه.....كلشي،بينه خل يهون
ليك اجينه.....نبجي وندك عالمتون
🏴🏴🏴🏴🏴
نظره منك .... انت يازين العباد
نظره منك .... سيدي فضل ومداد
نظرة منك .... نامل نحصل مراد
🏴🏴🏴🏴🏴
تمت بعون الله باقلام ✍✍ شاعرات
اهل البيت عليهم السلام
✍☘ام فراس الساعدي ☘
و✍ ام محمد الحسناوي
غير مبري الذمه لكل من يغيير الاسماء
او ياخذ كلمات القصيده وينسبها اليه
☘️لاستشهاد السجاد ع☘️
للسجاد وني وسيلي دمعات
ماننسه مصابه ابد هيهات...
🏴🏴🏴
وني للامام واجري الدمعه
هذا امه الزجيه فاطمه البضعه
دمعتج بلگبر تلگينها شمعه
كومي اليوم عازي، الفاطميات...
🏴🏴🏴
عازيهه الزجيه وكل اخياته
عالمسموم يجهر حيل وناته
ونوب العزه نوجهه لبنياته
يستاهل حزن ننصب عراضات...
🏴🏴🏴
شدي لطمته وزينب اتسجلهه
علمسموم وني وعلى مدللهه
مصايبنه جثيره وهوه اليحلهه
اوياهه اتگابلي بللطم نوبات....
🏴🏴🏴
نواسي بلحزن للباقر وليده
وننصب ماتم المسموم ونعيده
بكل عام اليمر مجلسنه نزيده
لطمنه يصير كلّه على الوجنات...
🏴🏴🏴
وين الي تجينه وتحضر المجلس
لوسمعت نعي خلي تعلي الحس
جسمها النارابد گلولهه متمس
ليل انهار خل تلطم الهامات...
🏴🏴🏴
تمت ومن الله التوفيق
باقلام شاعرات اهل البيت عليهم السلام
✍🏻 ☘️ام فراس الساعدي ☘️
✍🏻وام روكان الشمريه
☘☘ للسبي. ☘☘
مشتقه من طور //خادم انه
لطمه حيدريه/ بنهاية المجلس
انه زينب. انه زينب
انه زينب. انه زينب
غطيت وجهي بلعباية
شفت خواني ضحايه
خذونه منعدهم سبايه
انه زينب انه زينب
بشمس ضلو ثلث تيام
اجسادهم مليانه بسهام
حيف اخوتي برمل نيام
انه زينب انه زينب
حيف ركبوني الهزيله
منليسر انه. نحيله
حملي مابيه اشيله
انه زينب انه زينب
روسهم شالوهه برماح
يمشي جدّامي الذباح
ايتامي تتلاوع و بنياح
انه زينب انه زينب
حسين وولاده عطاشه
صارت الرمله افراشه
ابد لا ماانسه حاشا
انه زينب انه زينب
شلون كعدونه بخرابه
ارقيه صاحت ويه ييابه
كلف ياجرحه وصوابه
انه زينب. انه زينب
عذبوها گوم الارچاس
ويلي لمن شافت الراس
علنحر گطعت الانفاس
انه زينب. انه زينب
ماتت بديره غريبه
صحت ياعمه الحبيبه
گلبی مایبرد لهیبه
انه زينب. انه زينب
✍ بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه
عنوان النعي: متأخر اهواي 🏴
المناسبة: شهادة الإمام السجاد (عليه السلام)
١٤٤١ هـ
▪️▪️▪️▪️▪️▪️▪️
متأخر اهواي ، هسَّه إلي جاي ، ياموتي بهداي
هونك عليَّه
بالطف عفتني، آه عذَّبِتني ، مسبي شِفتني
وماجيت إليَّه
ذبحوا اخويه، اُو سِحقوا ابويه، اُو عمْتي ابـ لويه
وآنه اشبديَّه
هدني المرض هد ، ابچي اُو تِنهد ، اُو بالقيد انشَد
لـ ابن الدعيَّه
ودوني للشام، آنه والايتام، بالخُربه انَّام
اُو ماتت رقيَّه
مِتأخر انته، زينب بختها ، ضاع اُو شفتها
طاحت عليَّه!
ياموتي اهلًا ، ياموتي سهلًا ، اعضاي حنَن
اشقد للمنيَّه.
▪️▪️▪️▪️▪️▪️▪️
✍🏻 بقلم / خادمة ولي النعمة ( قصائد ولي النعمة )
▪️▪️▪️▪️▪️▪️▪️
🧷 النعي بصوت الرادود مكي الصادق 🎙:
https://youtu.be/U7uUuuzIrYI?si=nePOmZz0RLJL4x7O
##وجع_يلتم
•••
مابين أخيامي المحترگه
أركض وأوگع من الحرگه
وأوصـلك وتردني الفرگه
خويه حسين.
•••
يمـك والفـراگ أيلـــــوح أشعنده يمك.
ودمك على أرمــاد الخـيم يتبده دمك.
وين ألتفت وألگه مـــــــنك أشويه
وكلشي أيصــــيح زينب رايد أميه
الماي المنچـــــفي شيلمــــه طاريه
رحـــــــ ـت واليل يخنگني بمعانيه
ولميتك وجـروحي أتلالي
وعالگاع ودمك ضل عالي
وفراگ الغالي آشگد غالي
وينك وين.
•••
آشگد شربت الگاع أبدمـــــــــك وأنته آشگد.
أتفرهد حتى جرحك والحچي الگلته أتفرهد.
يم باب الخــــــــــيم نشاط دمك طاح
وصلنه ومستحاه مــــــــــاشالها الذباح
الرمل مدري الألـم مثل الصفگله أجناح
وباب أخـيامنه إتخوصرت شفت أرماح
وتخيـلت الحرگه الباچر
وبصدرك مكسور الحافر
وشيلــم العاشر عالعاشر
أبلاچفين.
•••
أجيتك والمــــحنه أتگودني وأعثر أجيتك.
لگيتك وانه ضعت أبلوعـــة المنحر لگيتك.
شقرالك وأهـيدن والحــــــــزن دلهم
ومـطرة عيني والمنحر وجــــع يلتم
أضـلوع أمطشره وأجـــدام كلهن دم
علــــى ضـهر الرمـــــل يامقتل الغيم
وعالگاع أمــ ــطشر يالهيبه
وأهـــناك أنسحگتلك شيبه
وشافاهااليسحگها أمصيبه
عميه العين.
•••
وضمن دمعتي يم جرحك الواضح وضمن.
ولمن حــــــــيلي گوه بحيلك الطايح ولمن.
وسولفلـــــــك عليه وحــيرتي حيره
عــــــــباتي أتربت يالمــــنترس غيره
ليل الوحـــشه أجاني وشنهي تدبيره
والخير أعله الرمل ماحد عرف خيره
محتاره بجسمك شيلمك
ذبحـوك ومـاعرفر أسمك
ياخير الله الشايل حلمك
آه يالبين.
•••
وشاهـد وانه يمك للخـــــيــم صوره وشاهد.
وعاهــد بالرمـــــاد البل الهوه أيدوره وعاهد.
باچــــر بالسبي مــــــاأهتم الكلهم
ونصــرآ مـــــــــن الله باچر أگللهم
مــــــــن الله الفخر هيهات يندلهم
الروس العل الرماح أبشيلها أتذلهم
والروس أتذللهم بالممشه
مــن الغبشه الحد الغبشه
وذلينه الباطل بالوحــشه
أيفوز الدين.
•••
خادم آهل البيت،،ع،،
أبوحسين السرگودي...