3570
خدمة الزهراء ع والحسين ع لموالد الآل الأطهار والمناسبات الأخرى
هوسات في ذكرى ميلاد المجتبى (ع)
يسلطان الكرم يالدلَّلِت جارك
نار الدنيه تطفى او ما طُفت نارك
الوادم لو تصيرن كِلها خِطَّارك
ديوانك ما ينسد بابه
&&&&&
اليشوفك يَبِن داحي الباب .. كرم يلكه ابشكل إنسان
وإذا للدين أكو قُرآن .. إنته للبَذِل قُرآن
تِوَكِّل بيدك الأيتام .. او تِنام ابكل مِسَه جوعان
مثلك لا ما مَرِّ اعلينه
&&&&&
حاشه يالحسن أنساك .. عليه شاهد المولد
إذا إسمك يمر طارِيْه .. أقره بالحَمِد و أسجد
صِرِت ما أدري وين اتصير .. عنك كل شِي كمْت أنشد
لن شخصك بالروح اِلْكيته
&&&&&
خادم الحسن (ع) : إبراهيم الدريس
لمناسبة ولادة الامام الحسن المجتبى عليه السلام
جنه مولدك يلحسن مولاي
الشجر اصبح يناغي الطير والماي
يگول الكرم والجود اليوم الحسن مولود
جنه مولدك يلحسن مولاي
★★★★★
أملاك السمه نزلوا يهنون
يهنون النبي ومثله يفرحون
حروفك نور بيها أزهر الكون
محله السين بين الحاء والنون
عقد ليل الفرح اجمل مراسيم
بميلاد المعارف والمفاهيم
لجماله صارن اشهود اليوم الحسن مولود
جنه مولدك يلحسن مولاي
★★★★★
يا اول ثمر من نور الاحرار
يارابع گمر مابين الأنوار
محلاها بوجودك صارت الدار
من بيت النبوه وبيت الاطهار
يامحله الفرح كل ليل ينعاد
عيد على البريه أحله الاعياد
باب الحزن مسدود اليوم الحسن مولود
جنه مولدك يلحسن مولاي
★★★★★
لهذا اليوم شتوصف العبارات
محطه للفرح بيه والمسرات
البلحومه ولا نزلتله رايات
شبل المرتضى صاحب الحملات
يا بن هل أتى هل أتى وياسين
يبن الموزمه يمثبت الدين
الزمن بلخير موعود اليوم الحسن مولود
جنه مولدك يلحسن مولاي
★★★★★
اعذرنه بلفرح لوعدنه تقصير
بفرح احنه وفرحنه مثله ميصير
مولود الكرم والجود والخير
لامحتاج يشكي وسائل ايحيير
المحتاجين فرحوا واليتامه
وعذاب العوز ماترجع أيامه
فرحنه ما إله احدود اليوم الحسن مولود
جنه مولدك يلحسن مولاي
★★★★★
ابنورك نحتفل يلمولدك عيد
ابتهانينا نعطر الدنيا ونزيد
ماشين على نهجك مثل متريد
نعرف طاعتك للباري توحيد
ياخط المجد والحق والانصاف
ياعطر الامامه ونهج الاشراف
وتظل مبتسمه الورود اليوم الحسن مولود
جنه مولدك يلحسن مولاي
الشاعر حسن لعيبي الحريشاوي
#هوسات_لولادة_الحسن
مضيف الحسن هاليله انفتح بابه
وين العنده حاجه وعنده الطلابه
دك باب الكريم اوكف على اعتابه
ينطيك مراد مجربينه
⊹───⊹⊱🌸⊰⊹───⊹
هله بنور الحسن بالدنيا لمن هل
كريم ومايرد سائل اجاه يسأل
فاتح للمضيف ابواب ماتنمل
اهلا يالزار مضيفه يتلكاه مولاه
⊹───⊹⊱🌸⊰⊹───⊹
الليله من الحسن ناخذ حوائجنه
شهر رمضان وبهاليله يجمعنه
تدوم افراحنه وتكثر محافلنه
فرحان الكون بميلاده
⊹───⊹⊱🌸⊰⊹───⊹
كون بحظرته نطش الورد والياس
ونعلكله الشموع ورافعين الراس
وبصحنه نهوس نذكر العباس
اهلا يالكلك غيره تستاهل خوان
⊹───⊹⊱🌸⊰⊹───⊹
#2023
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
بميـــلاد الحسن نــادت محبيـك
مهدينـــا يبــــو صالــح نهنيــــك
يالمهــــدي بـزغ بـدر المســــرات
ميلاد الحسن بحـــر الكرامــــات
غير امحَبِّتَـــه ما عدنه غايــــات
والينـــه الحسن وانتــه نواليــك
يالمهدي يظــــل دايـــم سـرورك
بالمحفـــل شرف إلنـــه حضورك
وندعي ايعجـــل الباري بظهورك
من كل شر لطف بارينه يحميك
ويـــن اليِدِّعـــي ميعادك ابعيــد
خـــل يسمــــع اناشيد المواليــد
اتبشرنـــه ابظهورك والفرج عيد
كــــل ساعـــه يبو صالح نتانيك
ابمحفــــل مولــد المجتبى جدك
يالمهـــدي الحوائج سهلــه عندك
احسبنــــه من انصـــارك وجندك
هالحاجه اضن ما تصعب اعليك
نتـــرقـــــب علاماتـــك يموعــود
والفرحــــه الچبيـــره لمــن اتعود
وابدرب انتظــــارك ننثــــر اورود
صخـــره انصير بدروب اليعاديك
والخاتمــــه بِسْم المجتبـى اتكون
مولاي الحسن بيـــك آنـه مجنون
بوصافك يبحـــر الجـــود مفتـون
من زغـــري يبو محمد همت بيـك
عمار الراشدي
مولد للامام الحسن عليه السلام
يا رابع الانوار نورة نورة
من حيدر الكرار نورة نورة
العقل بيه احتار نورة نورة
بيت النبي ابتشر
يا محلة هالخبر
لجلك ضوة الگمر
وية نجومة حياك
صدر النبي انشرح
وبيه الكرم فرح
وطير السعد صدح
غالي ومحلة ملگاك
هاليوم فرحان الهادي
حياك يا بچر اولادي
عالخير يازهرة ينادي
ومبارك .. من صار الغالي
================
يا سر من الاسرار نورة نورة
صاغة العلي الجبار نورة نورة
رابع من الأطهار نورة نورة
بالدنيا شع ضوة
وشمع ورد سوة
وليك الگلب هوة
ساكن وسط الگلوب
حيدر فرح الك
ويفرحلك المَلك
والزهرة اتقبلك
گلبي بشوفتة يذوب
جبريل مهدك يبرالة
بجناح گام وهفالة
ومبروك حيدر گالالة
هز مهدة .. وگام ايلوليلة
=================
هاشم اجتها اخبار نورة نورة
نور ويشع بالدار نورة نورة
ومن النبي المختار نورة نورة
اليوم الفرح بدة
يا محلى مولدة
وگلب المحب غدة
لجلة ينبض بشوكَ
نهني النبي وعلي
والفرحة تعتلي
وفرحانة كل هلي
صار الليلة معشوكَ
جيناك بشموع وزينة
مبروك مولد والينة
افراح هليت اعلينة
ميلادك .. شعت انوارة
===============
أسالكم الدعاء رائد الاسدي
جكليت وشمع وسط الصواني
هذا اليوم نحسبله الثواني
عيد الليله أجمل كل الأعياد ندعي بالفرح كل عام ينعاد
بميلاد الحسن أحلى التهاني
......................................
فرحان النبي بهاي الولاده
وحيدر يشعر أبهجه وسعاده
بكماط الحسن زهد وعباده
أبد ماينوصف حيدر شعوره بَسمه أعله الوجه تشرح سروره
اليوم أتحققت أحلى الأماني
..............................
على عناد الكفر وأهل السقيفه
سبط المصطفى من أول خليفه
الحسن من الزغر عامر مضيفه
الكرم والجود والحكمه خصاله كل الدنيا تتباهه بجماله
هذا المجتبى حلوو المعاني
................................
بأبيات الشعر وأجمل قصيده
شمحله المجتبى هالليله عيده
عساك بخير وأيامك سعيده
يومك يالحسن مومثل الأيام أعيوني من الفرح ماتقبل تنام
قبل عيد الفطر هالعيد أجاني
...................................
يضوي بنص شهر رمضان نوره
أبن الزهره بأبهى وأحلى صوره
علي دمع الفرح يوصف شعوره
الليله عالوجه أحلى أبتسامه الحسن مثل البدر ليلة تمامه
مثل هالنور ماموجود ثاني
...............................
ميلاد الحسن هاي أحلى ليله
كل غيض وزعل واجب نشيله
شما نفرح نحس كلش قليله
شمس الله أستحت ضمت ضواهه نور الحسن يتلاله بسماهه
أبن حيدر علي وسبع المثاني
................................
حيدر مطر العبادي
حكه امن ابتشر طه ونس باه
الحسن منهو المثل اصله ونسباه
واحد بالخلك ينعد
الحفيد الاول لأحمد
الحل بين اديه والشد
فاطم ياخلك امه
ودم حيدر جره بدمه
الله الي وضع اسمه
مو بالانبيا ينقاس
لا با ادم ولا بالياس
هذا الحسن خير الناس
من بعد النبي وحيدر
ساد اعله الخلك بالذر
يوم البعث والمحشر
يوكف بيده وايأشر
الوالا عالسراط ايمر
وخلي الي رفض يعبر
اعرفه منين يالي اتشك وأنسباه
بعد حيدر اهو سيد البريه
كل الخير اجانه
بمولد مجتبانه
حي الله حي الله الحسن
...
ملاك ابهيئة انسان..كريم العتره
زغير أو چنه قران..كريم العتره
علي سواله ديوان..كريم العتره
الضيافه عنده عنوان..كريم العتره
من طلع هلاله
هلهلن دِلاله
حي الله حي الله الحسن
...
مطر واعله الزرع طاح..هله بميلاده
بدر والشيعته لاح..هله بميلاده
ابذكره اتهيم الأرواح..هله بميلاده
علي يافاطمه صاح..هله بميلاده
هوه والنزاكه
بالشمس شراكه
حي الله حي الله الحسن
....
ابو احروف الضويات.. سحر بعيونه
يطوفنه الفراشات..سحر بعيونه
اتخجل منه العبارات..سحر بعيونه
تصليله السموات..سحر بعيونه
طشو التهاني
وحلت الاماني
حي الله حي الله الحسن
...
ابنصف من شهر الاصيام.. اجانه بنوره
محقق كل الاحلام..اجانه بنوره
بدر من فاطمه التام..اجانه بنوره
ابوه الحطم اصنام.. اجانه ابنوره
لبسوه عِمامه
وهوسو عَمامه
حي الله حي الله الحسن
...
بني هاشم يهتفون..هله بغالينه
نحطك وسط الاعيون..هله بغالينه
يطبخون ويوزعون..هله بغالينه
وعله الرايه يكتبون..هله بغالينه
ليلة الولاده
مفخره وسعاده
حي الله حي الله الحسن
....
الشاعر محمد الجماسي
اللهم عجل لوليك الفرج
محتار بوصافك اه يالحسن
تتغازل بعيونك جنة عدن
هذا الحسن........جنة عدن
*******
ابسورة جلاله يرتل لساني
بيك اني اشوفن سبع المثاني
يابو الكرامه ابعث تهاني
داخت حروفي تكتب معاني
يالشاغل افكاري اعليك اعتمد
مرسوم بوجداني سورة الحمد
اسمك وطن .......جنة عدن
*******
بحسنه وجماله هاجس مشاعر
شعري وظنوني يرسم خواطر
بعيوني ساكن شوف النواظر
جنح الحمامه يمك يسافر
يالساكن بظنوني عقلي ارتوه
موجود ابنفاسي نسمة الهوه
بيك الوسن.....جنة عدن
*******
يمك يسافر شوكي وهيامي
بحساسي ساكن قبلة غرامي
ويه الحمامه يشتد مرامي
عليك اني اسلم تسمع سلامي
يالعايش بعيوني مصحف غزل
ياقران الباري بسمك نزل
شوك العلن.....جنة عدن
*******
حاير سؤالي ومنين اوصفك
حلمي وشعوري يمليني عطفك
اجيت عله بابك ينطيني چفك
دنيانه تضحك صارت تحفك
يالمالك انفاسي تاج اصبحت
وبعالم احساسي عبدك صرت
يالمؤتمن ......جنة عدن
******
مرات ارسمك شمسي وهلالي
سارح خيالي بطيفك نوالي
بنبضي لكيتك والله يغالي
عرش الله عرشك بالقمه عالي
كلبي يصرخ عابس بيك انفتن
يالحبك بجنوني صاح الحسن
يالمرتهن....جنة عدن
*******
خادمكم
يوسف الفتلاوي
اهازيج عامة تقرا بين
فـقــرات صيغة المولد
*( للزفاف )*
صلوات صلوات زفّــو إلــه هـالـطـاهـره
——————
صلوات صلوات مـنـهـم هـلاهـل صادره
صلوات صلوات تمـشـي بحسنها امنوره
صلوات صلوات ولورود عـلـيـهـا امنثره
صلوات صلوات نـدعـي يــارب المقدره
صلوات صلوات كل اعزب ايحصل مره
صلوات صلوات وتـقـبــل عليه امعطره
*( للحمل )*
*بالوالي حملت وشــعــشـع نورها*
——————
وچـالـقــمـر تــزهـي تــرى بسرورها
وانــرفــع عـنـهـا الـهـظـم واكدورها
بالفـــرح تــمـلــي الارض وابحورها
ابهالحفل طشو يـاشيـعـه اعطورها
وكـل مـره تـجـــبـر ياربي اكسورها
الـضـنـا اعـطـيـهــا وتوفي انذورها
*( بعد الولادة )*
هــــلا هــــلا مــــولانه
ــــــ
وامــيــمـــتــك فرحانه
وضمك ابــوك بحضانه
مــيـة هـــلا بــرجـوانه
وطـيــر الـسـعــد ويانه
وايـــغـــرد ابـــألـحـانه
بـسـمــك يـــرف الوانه
يـــالــنـــورت دنــيــانه
وخــيـــرك بعـد غطانه
كـل شـيـعـتـك فرحانه
ولــزيـــارتـــك ولـهـانه
وتــقــول إلــك رجوانه
شــافـي لـنــا مـراضانه
وعــجــل فــرج مولانه
تمت بحمد الله ومنه 1446 هــ
تمت بحمد الله ومنه
1446/2/5 هــ
*لخادم اهل البيت عليهم السلام*
*المُلا محمد سامي المرعي* الأحسائي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
العباس باب الحوائج
❤️ @alrbeaae92
النعي والرثاء لمجالس سيد الشهداء
❤️ @AL_Nay_and_Alrthaa
ريــآحيـــن فآطـمـهہ🌿🕊
❤️ @nasayimaymanih
ذكر الامام علي بن أبي طالب (عليه السلام)عبادة
❤️ @qwpaslzmx
ادعية ايام الاسبوع
❤️ @dsjjdgsb
العــشـق الـمهـدوي
❤️ @avkq1
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
اجمل صور
❤️ @Afubxev
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan
لقاء العاشقين
❤️ @jkhkll
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة فقه النساء
❤️ @fakhh1
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
لولادة الإمام الحسن ع :
إمتَلى الكون ُ بهاء ْ
وانتَشى وحيُ السماءْ
وتراتيلُ الثريا هنـئَت خيرَ الديار ْ
وتعالَى في السماءِ صوتُ مدحٍ وابتِشار
لوليدٍ من ضياء ْ
إمتَلى الكون ُ بهاء ْ
صادحٌ صوتُ الزمن ْ
حسنٌ جاء الحسن ْ
**
إبنُ طه والبتول ِ
فاقَ تفسيرَ العقول ِ
نورُه الزاهرُ كانا
دائم ٌ دونَ أفول ِ
حُسنهُ حسنٌ فريد ْ
كان في السِحرِ العميد ْ
لمسةُ الإبداعِ فيهِ جمَّـلَت نورَ الوَقار ْ
وتعالَى في السماءِ صوتُ مدحٍ وابتشار
**
مُفردٌ بينَ الأنام ِ
طَرفُهُ مثلُ الحُسام ِ
أدعَجُ العينينِ زاهي
أبيضٌ مثلُ الغَمام ِ
بالمُنى ورداتُ عيد ْ
صَاغها المَنان جِيد ْ
عِمَّـةٌ فوقَ الجبينِ مثلُ عُشب ٍ وسطَ نار
وتعالَى في السماءِ صوتُ مدحٍ وابتشار
**
مالكٌ سحرَ البيان ِ
مالهُ في الخلقِ ثاني
في صفاتِ الخيرِ طُراً
كان كالسبعِ المَثاني
ذو سخاء ٍ لا يُجارى
صاحبُ الغَرثى الحيَارى
زاهدٌ سهلٌ حليمٌ ذو سماحٍ واصطِبار ْ
وتعالَى في السماءِ صوتُ مدحٍ وابتشار
================
لقمان البدران
الحِسن من الحسن كل حِسن يداه
تمطر بالكرم والجود يداه
يقره الفاتحه بثواب يداه
الضيف اليعتنيله بكل مسيه
🍃🍃
جبير اخوانه وابن اول خليفه
شيخ احمولته وعامر مضيفه
احر من زاده سيفه بروس الانذال
وثلث تنعام من والد شريفه
🍃🍃🍃
علي حسين المنصوري
السلام على الحسن المجتبى
السلام عل الحسن المجتبى
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
للقوافي المالحات الباشطات اليوم رخيت الرسن
فززت وين البطن والغافيات ولبو القاسم هوسن
يلصفاتك حيرت كل الصفات المصطفى عنك يگول
العقل لو كان رجل مثل الرجال جا يصير أسمه الحسن
كمال أحمديا _ رباه عليا
ماكو با الدنيه مثيله أربعين هواي ما واحد يشبهه
سوا بحله صوره _ من نور الله نوره
جان مو نور الكمر يضوي المدينه الضوه بوجهه
جمال الله برسومه _ يغالي وصعب سومه _ حسن مولى
يصفن الخلگ لو مر _ وقار وعزم حيدر _ حسن مولى
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
خير الله الحسن چان بوكته ذاك ولسه هوه الحسن خير
لكلشي بلدنيه نضير يصير كون والحسن بلكرم ماصحله
نضير
يامشبع صحنك الجن والاملاك يامشبع الطايره والماتطير
الزلم تدخل عدله مابيهه عواج وتطلع محدبه لأن تارسهه لير
يراعي اللغز والحل _ سخي وبلكرم أول
للكرم لو جبنه طاري الحسن أول أسم طبعاً سيقال
هلا من بعيد تسمع _ من چلماته تشبع
وين اكو معزب وصل بلكرم ماله يزرع بروس الجبال
تطب تطلع محدب _ ايا اكرم معزب _ حسن مولى
اليچهبه بهلا يشبعه _ وصل صيته للسبعه_ حسن مولى
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يابو چانون اليوج ليل ونهار يلترحب بلعرب والمو عرب
اليطب لمضيفك يحس روحه هيج موش لمضيفك يحس للجنه طب
الهاك تطلع گبل لا يطلع سلام وگبل لايحجي تعرف معنه الطلب
صحره چانت گبل لا مو من فراغ بكثر ماچانونك تذبله حطب
يابو الجود ألاوحد _ يتربايت محمد
هاي تربيت الهواشم مالحين واهل ملگه وأهل عز
يلمامثلك تجيب _ يمتعب المعازيب
الفقره تدخلك وتطلع منك افقرهم ترس جيبه كنز
ولا بردت دلاله _ الكرم والله يحلاله _ حسن مولى
هذن يلگن عدمن _ يحط ليره باالتمن _ حسن مولى
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بلشجاعه منين اطب منين أجيك فحل ومخلفك فحل
علي اطاك الميمنه مومن فراغ لأن شافك جبل والباقين تل
يلبرمحك طيحت ماي الوجوه وطيحت ذاك الجمل
بلعرك ماتحسب شگد الكتول معزب وطبع المعزب مايعد شگد كتل
أبن كرارهه الحگ _ بحر والفاجه يغرگ
يامكسر أطواگهه وكسرت كل الجيش هوه وذاك ثگله
شبل ياحيد ياحر _ تكر والوادم تفر
انت شبل الاسد ذاك الماتگابل والملقب أسد الله
اليثمنك يعرفك _شجاعة علي بچفك حسن مولى
يراعبهم بسيفك _ يذابحهم بكيفك _ حسن مولى
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الصافي
ولادة الامام الحسن بن علي (ع) ١٥ من شهر رمضان المبارك
هاليوم هاليوم هتف گلبي وعلن
هاليوم هاليوم يهل نور الحسن
وبهاي فرحتنه
نرسمها بسمتنه
هاليوم هاليوم يهل نور الحسن
١
افراحي يادنيه هالليله ابتدن
يم حيدر اشواگي تاليهن صفن
بالمولد لن اسمع هالمحفل لمن
هالفرحه والبهجه جاوبته الحسن
يانور يانور شع مثل الشمس
يانور يانور وانطانه درس
وبهاي لمتنه
نرسمها بسمتنه
هاليوم هاليوم يهل نور الحسن
٢
اشواگي همساتي انثرهن سوه
ميلادك يالغالي شع مثل الضوه
من گالو هل نورك شميتك هوه
من حبك بس گلبي حسيته ارتوه
عنوان عنوان ميلادك صبح
عنوان عنوان والهمسه فرح
وبهاي هسمتنه
نرسمها بسمتنه
هاليوم هاليوم يهل نور الحسن
٣
عرش الله بالمولد شعشع بالسمه
املاكه افلاكه چانت نايمه
بالفرحه مزهيه هسه وهايمه
وتهني بالمولد أمه فاطمه
فرحان فرحان من طش الخبر
فرحان فرحان كل واحد حضر
بميلاده دنيتنه
نرسمها بسمتنه
هاليوم هاليوم يهل نور الحسن
٤
بشفافي بسماتي تعلن فرحتي
بالمولد بالفرحه تطلع همستي
بمعشوگي هالليله تزهي دنيتي
صباحي مانايم صارت حجتي
مانام مانام سهران النده
مانام مانام كلها امعيده
والدنيه نادتنه
نرسمها بسمتنه
هاليوم هاليوم يهل نور الحسن
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
زهيري لذكرى مولد الامام الحسن المجتبى عليه السلام
أيامه خير وفرح هلن علينه وجن
ماكو حزن بلگلب لادمع تارس وجن
وابليس مهموم مسلوب عقله وجن
ابليس وي العده حنظل شرابه وسام
غابر حقدهم قبل ميصير حام وسام
ابرمضان رب السمه للدين حط وسام
بمولد امامي الحسن فرحانه انسن وجن
الشاعر حسن لعيبي الحريشاوي
💥أبارك لكم جميعاً مولد السبط الإكبر مولانا وإمامنا الحسن بن علي المجتبىٰ عليه السلام . 15 رمضان عام 3 هـ🌹🌹
غابَ كلُ الحُسْنِ مُذ بانَ(الحَسَنْ)
إنهُ النُورُ لسبِط ِ (المؤتَمن)
فَلنُبارك لامهِ (الزهرا) معاً
مرحباً فالخيرُ قد عمَّ الوجودْ
ورسولُ اللهِ أبدىٰ فرَحا
وبهِ صدرُ عليِ انشَرحا
وكذا القرانُ فيهِ امتَدحا
آيةُ التطهيرِ والقربى شهودْ
أقبلت (فاطمُ) نحوَ (المرتضى)
سَمّهِ إسماً جَميلاً يُرتضىٰ
قال لا فالحقُ (للهاديِ) اقتضى
باسمهِ أدرىٰ لهُ الأولىٰ يعودْ
يا أبا (الزهراءِ) هيا سَمّه ِ
قال لن أسبقَ ربي باسمه ِ
فاذا الوحيُ أتىٰ في حَسمِه ِ
سمّهِ (شبرَ) ياخيرَ الجُدودْ
يالهُ إبناً حوىٰ كلّ السجايا
شرفُ جودُ سخيُ في العطايا
فهوَ فرعٌ أصلُه خيرُ البرايا
نجمهُ لاحَ كسعدٍ في السُعودْ
يا كريماً حاجتي في المولدِ
أنت معطاءٌ وذو الكفِ الندي
إن دهاني العوزُ تبقىٰ سندي
قلبـُكَ الحاني وبالجودِ يجودْ
#سمير_الصالحي
#البصرة_الفيحاء
#القرقيعان_تأريخ_تحتضنه_مجتمعاتنا
#أقول_فيه :
ببشارةٍ قد جآءَنا رمضانُ
وبنصفه ِ تتزين ُ الأكوان ُ
ولدَ الزكي ُ المجتبىٰ يامرحباً
هو ذوالسخآء ِ وجودُهُ عنوان ُ
وبفرحة ٍ هرعَ الجميع ُ لأحمد ٍ
مرحىٰ #وقرقيعانُ قرقيعان ُ
✴️ قد يخفى على الكثير حقيقة معنى (القرقيعان أو القرقاعون أو الگرگيعان)
وهي من التقاليد الإجتماعية المنتشرة في الخليج كالكويت والبحرين وو وبعض مناطق العراق تحديداً (البصرة)،
وموعدها ليلة النصف من شهر رمضان المبارك
حيث ترى الأطفال يجوبون الشوارع والطرقات ويطرقون الأبواب على الناس طلباً للحلوى والهدايا ويهتفون قرقيعان وقرقيعان كتعبير عن الفرحة بمولد سبط النبي ص مولانا وإمامنا الحسن ع ..
والمهم أنها كعادة جرت أصلها يوم مولد الإمام ع حيث الفرحة العظمىٰ في دار علي وفاطمة مع النبي ص بحلول أول وليد مبارك هو ريحانة وسبط الرسول وامتداد نسله من الزهرآء ع ..
وقد هرع المسلمون بهنئونه ويباركون له مولد سبطه الأكبر وأكيداً بعبارات التهاني المتداولة والمتعارفة كقولهم مثلاً (مرحى مرحى بخ بخ طوبى .. ولكن التركيز كان على مفردة قرة عين قرة عين) كما نستعملها نحن اليوم ومن قبلُ قد استعملها القرآن الكريم عن لسان آسية تحديداً في موضع الولادة أو وجود وليد كما في قصة موسى النبي ع (قالت قرة عينٍ لي ولكَ لا تقتلوه عسى أن ينفعنا أو نتخذه ولدا) بمعنى فرحة العين وسرور العين ..
وهو خطاب المسلمين لرسول الله ص ..
ثم تغير اللفظ بمرور الأزمان وتغير اللهجات وابتعادها عن الفصحىٰ فكانت (قرقيعان) ..
والبعض يقرأ التواشيح (ماجينه ماجينه لولا الحسن ماجينه .. ماجينه ياماجينه حلي الچيس وانطينه) كنايه عن العطاء وبذل الهداياً فرحاً في ليلة مولد الحسن ع ..
والمهم أن كل هذا الذي ذكرته لكم هو تراث مهم وتقليد اجتماعي له مضمون ولآئي عظيم لأهل البيت ع في الإبتهاج بولاداتهم وكيف يتربى الصبية على حبهم ويتعودون على المناسبات لما فيها من بذل وإطعام وحلوى وأموال وهدايا يفرحون بها .. على الرغم من أن الكثرة الخليجية هي على مذهب العامة إلا أن التأريخ والفطرة والتقاليد الشعبية المتوارثة جيلاً عن جيل تركت التعصب وأجبرتهم على الإحتفاء والإحتفال بهذه المناسبة .. ومع أني مدركٌ جيداً أن قسماً كبيراً منهم لا يعرف سبب ذلك وليس له شأن به لكن تراه يردد الأهازيج الخاصة بهذه الليلة ...
#قرقيعان
#مولد_الإمام_الحسن_المجتبى_ع
#سمير_الصالحي
#النجف_الأشرف
💥ميلاد_قرة_عين_الزهراء💕
وُلدَ الزكيُ وشَعتِ الانوارُ
وتنفّست انسامَهُ الازهارُ
وتهللّ الاملاكُ ثم تباشروا
بالخيرِ ثم تلاهمُ المختارُ
والبضعةُ الزهراءُ عمّ سروُرها
ولها بمولدِ شُبرٍ أسرارُ
وعليٌ الكرارُ كان بفرحةًٍ
والوجهُ ازهرَ وانجلت أكدارُ
في مولدِ الحسنِ الكريمِ فإننا
نُهدي التحايا أيها الأطهارُ
وسلامُنا يصلُ البقيعَ ومَنْ بهِ
ذاكَ الامامُ السبطُ فهو منارُ
#سمير_الصالحي
#البصرة_الفيحاء
#مولد_للحسن_المجتبى
هله بميلاده هله
هذا ابن عقد الوله
✫───⊹⊱❤️⊰⊹───✫
ياهله بسبط النبي
صار مولود لعلي
بي فرحت كل هلي
الفرحه عدنه شامله
✫───⊹⊱❤️⊰⊹───✫
دنيانه هاليوم ازهرت
بااسمه سمانه نورت
والشمس لجله اشرقت
نور الحسن هل كمله
✫───⊹⊱❤️⊰⊹───✫
اول منبدي وشنكول
الف الصلاة اعله الرسول
وبجيته فرحانه البتول
فرحت الليله العايله
✫───⊹⊱❤️⊰⊹───✫
الليله الحسن ميلاده
مولد چبير الساده
مستبشره بااعياده
بالحسن كل المرجله
✫───⊹⊱❤️⊰⊹───✫
والكون هنه فاطمه
فرحانه اله ارض وسمه
بي الفخر والغانمه
بهليله دين الله عله
✫───⊹⊱❤️⊰⊹───✫
#2023
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
هوسات للامام الحسن عليه السلام.. جديد
من صار الحسن حتى السما ابتشرت
شع بيها الگمر ونجومها انتشرت
واملاك السما نزلت تهني اليوم
يم باب النبي افواجها انحشرت
مبارك كلها تنادي
صيار ابنك يالهادي
فوكَ السبعة اشدادي
ابميلادة.... ويهني الباري
===================
نزل جبريل بسمك شايل البشرة
فرحان ونزل للمصطفى يخبرة
مو (شبر) تگل لحيدر الكرار
گول اسمة الحسن يا فاطمة الزهرة
تسمع احلى بشارة
اسمة الباري اختارة
وحفة بكل انوارة
وسر خلة من اسرارة
ايعرفونة ... ماخلة الناس
==================
من طينتكم الباري خلقنة الكم
نفرح لو صدر يوم الفرح منكم
شيعتكم نضل نحيي بفرحكم دوم
وهذا الخير كلة البينة من عدكم
نعيش نموت وياكم
سادتنا ونهواكم
كلشي الباري اطاكم
حجة انتم خلاكم
بعلومة ... حجة اعله العالم
==================
اسالكم الدعاء رائد الاسدي
أبوذيات للامام الحسن ع
——————-
ابليلة منتصف زاهي حِسنها
يشيعي ابفرحه هالليله حسنها ( حسنّها )
وهني الزهرا في مولد ( حَسنها )
وعلّگ زينه توصل للثريه
@@@@@
تعلمنه الولايه من ( علينه )
وبيها للمعالي مِن علينه
ابكريم البيت ربنا من علينه
يجود ومايرد ابن الزچيّه
@@@@@
إخذ اضلاع يوفي افداك يوفي
وخلها اعله الگبر ( يو باب يو في )
عسنّه ضامري المولاه يوفي
تمن بيها يابو محمد عليّه
@@@@@
الكرم كل الكرم عنده وگَف له
على اعتابه ونذر نفسه وَگِف له
يگلّه بابي اغلگنّه واگفله
يمن جودك تعداها الثريّه
@@@@@
يبخت اللي ابفرحنه من حسنّه
حُسن هالدنيه كلّه من حُسنّه
وياهو العنده احسن من حسنّه
الحسن نوره تعداها الثريه
@@@@@
تمسك بالحسن حبله و جَوده
تنال الخير من فضله و جُوده
تراها الدنيا كلها من وجوده
سبب خلاه ربه للعطيّه
------------------------
ثامر بوجبارة الأحسائي
الحسن بهجه وسط حظن البتول
وقرة اعيون الوصي ابروحه صفه
الله يافرحة نبينه ابيوم اجاه
ياهلا ابريحانتك يالمصطفه
من يمر طاري الحسن گالوا الكريم
والكرم في صاحبه طبع اوصفه
خل نوسع دائرة هذا الكلام
هالطبع هوه الي يحچي او يوصفه
ابوگفة امجدي على بابه اجاه
اويحسبه خطار داره اوضيفه
--------------------------
ثامر بوجبارة الاحسائي
مولد الأمام الحسن ع
تعله الأصوات .. بالصلاوات
الليله ميلاد الحسن بهجه ومسّرات
.........................
بالمهد من شعشعت أنواره ..
امكمط وياه الكرم بأكتاره ..
من الزغر كاروكه بيه دله و مضيف
أبد مايحتار كلمن زاره ..
باسط الأيد .. شوفته العيد
مبتسم ثغره شحلاته وطيب الذات
.............................
ياحلاته وياجمال أعيونه ..
ياعلي ضم وجهه ليحسدونه ..
بالمدينه نوّر ويزهي ضواه
ياكمر والدنيه ظلمه بدونه ..
الليله أفراح .. والحزن راح
حنه وأبخور وشمع عدنه أحتفالات
..........................
الكون محتار بجمال أوصافه ..
العسل يتناكط من أشفافه ..
أنت يكفيك الفخر أول أمام
شايله طاهه النبي على أجتافه ..
شايل النور .. وكلبه مسرور
يدري سبطه المجتبى بحر الكرامات
.............................
الزجيه بهالولد تتباهه ..
وَجنته تشع نور يامحلاهه ..
خمسطعش رمضان أفراح و سرور
حيدر الكرار بشّر طاهه ..
بأحلى مولود .. بعطر الورود
بالتسع تشهر حمل تقره أمه آيات
............................
أذن آذان النبي بأسماعه ..
وأبتسمله يعني أمر وطاعه ..
بالشجاعه والكرم ماله مثيل
من الزغر محد يلاوي أذراعه ..
نوره وضاح .. وجهه مصباح
يكتب بحبه الشعر أحلى العبارات
..............................
الكون هالليله حلت أفراحه ..
لحد مايطلع فجر مصباحه ..
ياعطر جوري الورد جاك و يريد
يالحسن منك عطر قداحه ..
حبك أنفاس .. تشهد الناس
يالحسن صيتك وصل سابع سماوات
..............................
حيدر مطر العبادي
الليله للحسن مولاي نبعث احلى ترحيبه
ولأن هوه كريم الال تارس ناسه بالطيبه
فرشنه اعيونه ابابه وصرناله معازينه
بديوانه كلنه امعزبين
محمد الجماسي
اللهم عجل لوليك الفرج
(لكريم اهل البيت الامام الحسن)
كريم انت أورثت اوصاف يداك
يــــمهدم جــــبال الـــــفقر يداك
وخير الله زرعته ابطيب يـــداك
وعمَّـت نــــعـمـتك كل البريـــــه
~
حيدر بشار الدراجي
🌹موشحات صلواتيه🌹
بخمسه اصحاب الكسا ابدي الكلام
وبالايمه الـتـسـعـه مـن ثـالـث إمام
(من يـريـد الباري يـبـدي بالـكـرام )
وبـس نصلي اعليهم ايـزول الظلام
اهـم بــاب الله لـنـا اوحصنه المنيع
واللي ماايحبهم تـــرى لازم ابيضيع
ربـي ثـبـتـنـا اعـلـى خطهم ياسميع
وبـالـصـلاه أمنـــو عالـدعـوه جميع
الـخـيـر كـلـه اويــاهــم و اشهد انا
(أولـه واصـلـه وفـرعـه ومـعـدنـه)
ربي ثـبـتـنـا اعـلــى حـبـهـم كـلـنـه
مـن يـوالـيـهـم يحـصّـل كـل هـنـى
واجتمعنا كـلـنـه ابـفـرحـه وسـرور
مـحـلـى ذكــراهـم (شِفَاءٌ للصدور)
من تصـيـر ضـدنـا تـصـعـب الأمور
الـصـلاة اعـلـيـهــم اتـعــدل دهــور
وطيب الـولاده ابـشــرك يا اموالي
ابـشـرع الله جــيـــت ابــد لا تبالي
والــدلــيــل لانــك مــحـب يالغالي
الـجـنـه تـنـتـظـرك وكل شي حالي
وقولن لـلـيـعــادي الـعـتـرة لاطهار
اذا انـتـه عـــن اصـلـك ردت أخبار
ابعجل تحـلـيـل اخـذ يـنـزاح لغبار
لـ دي أن ايه يـخـبـرك بـالـذي صار
ـ ( DNA ) ـ 😂
تمت بحمد الله ومنه
1446/6/14 هــ
*لخادم اهل البيت عليهم السلام*
*المُلا محمد سامي المرعي* الاحسلئي
مولد الامام الحسن المجتبى عليه السلام
*عالبركه هالمـولـود عـالـبـركـه يـا فـاطـمـه*
*عالبركه هالمولود يـا فـاطـمـه و ياعالـمـه*
*في نص شهر الله بان ونوّر ارضين وسما*
*عالبركه اول ضنى منّچ ومن حامي الحمه*
*اول سبط للـهادي ورحـمـة الباري الدائمه*
*الحـور لـجـلـه فرحـت هم الملايك بالسما*
*وكلها تتشرف تـكــون للحسن كلها خادمه*
*بجـاهچ يازهـرا نـظـري لينا نريد المكرمه*
*كل حاجه و مراد وكــل طلب منا عالمه*
*اعلى الولايه نثـبـت ونريد حسن الخاتمه*
*وبالقبر ليـنـا حضري ونجينا منّ الحاطمه*
تمت بحمد الله ومنه
1443/9/13 هــ
*لخادم اهل البيت عليهم السلام*
*المُلا محمد سامي المرعي* الأحسائي
مولد للامام الكريم الحسن المجتبى ع
……………………………………………………………
فرحانه الزجيه . وي حامي الحميه
ميلاد الحسن صار . ميلاد الحسن صار
……………………………………………………………
نص الليل . لن جبريل . جايب للنبي ابشاره
ابنك صار . يالمختار . شعت بالسمه انواره
الحيدر روح . تلكه الروح . روح المقدس ابداره
روح هناك . والاملاك . تمسح جنح بكتاره
عيسى ايسوي مهده . وموسى ابيده ورده
ميلاد الحسن صار . ميلاد الحسن صار
……………………………………………………………
يا محمود . هالمولود . قائد والحسن اسمه
يشبه ليك . طبعه اعليك . مثلك مشيته و رسمه
لا جبريل . واسرافيل . محد يوصل العلمه
بدر النور . منه ينور . يحجب نوره كل نجمه
شمس الله الضويه . تاخذله التحيه
ميلاد الحسن صار . ميلاد الحسن صار
……………………………………………………………
حيدر گال . وبآمال . اول غصن يالزهره
بيه الدين . وي حسين . يبقى ويستمر ذكره
تبقى اجيال . علو اجبال . دوم اعمامته الخضره
ولعاشور . اسس دور . نصر حسين من نصره
صلح الحسن غايه . بالطف يغدي رايه
ميلاد الحسن صار . ميلاد الحسن صار
……………………………………………………………
الموكد جان . والفنجان . جاباهن علي عنده
خرزة جود . للمولود . الدله امعلكه ابمهده
اليكرب ليه . استورح بيه . ريحة كهوه من زنده
حرورة جاه . للزاراه . كماطه احزام ويشده
ويردد لسانه . مرحب بالاجانه
ميلاد الحسن صار . ميلاد الحسن صار
……………………………………………………………
تنظر ليه . وتناغيه . بيه الزهره فرحانه
بيه اتهيم . تنسه الضيم . لم الحسن ريحانه
يمه تحوم . تنسه النوم . تبقه احذاه سهرانه
تنسه الاه . و بمحجاه . شمحله اليمه بلسانه
عيد الزهره عدها . فرحانه ابولدها
ميلاد الحسن صار . ميلاد الحسن صار
……………………………………………………………
يالمولود . منك جود . تكرم شيعتك هايه .
معترفين . و مقصرين . وي ابن النبي اهوايه
انمشي اعليك . جرح البيك . زينب و الحمل رايه
للمظلوم . نبقه الدوم . على المعتقد وفايه
ننجن بالمجالس . مرجع النه عابس
ميلاد الحسن صار . ميلاد الحسن صار
……………………………………………………………
✍️ ( سيد خضر الزاملي )
هلا بنور الحسن
هلا بنور الحسن
❇❇❇❇
هلا بميلاد النور
لؤلؤ ودر منثور
فرحت املاك وحور
والعلي يهنئن
❇❇❇❇
كل مضيف وميدان
ب ابو محمد فرحان
والكرم والاحسان
بجيته اتبشرن
❇❇❇❇❇
ضوه بحروفه الكون
حاء والسين ونون
عن جماله يكولون
بعيونه وطن
❇❇❇❇❇
من معاجز رمضان
الحسن والقران
بيهن اعظم برهان
على النبي اتنزلن
❇❇❇❇
الحِسن من حِسنه يغار
والشعر بي محتار
شيوصف ابن الكرار
بوصفه حار الزمن
❇❇❇❇
علي حسين المنصوري
#زوار_الحسن
*يا زوار الحسن بإسمي ذكروني*
*يا زوار الحسن بإسمي ذكروني*
————— (١) ————
بسم الله و رسوله و حيدره و فاطم
أقـدم هالطـلب الـ سيدي القــائم
أعـرفه هالمسـه ايزور الحسـن لازم
*و يزور النــــــبي القـــــال زروني*
————— (٢) ————
في هالليله يكــون اهو اول الزوار
و اول من يقدم الـ عمه الأزهـــار
و يهـني النبي و الزهره و الكـــرار
*و يقول ابفخــر يا شيعة هنوني*
————— (٣) ————
ايقول لزيارتك يا عمي قلبي ارتاح
و أشم امن القبر عطر النبي فواح
في جــنة بقيعك بعقد الافــــراح
*و تحضر شيعتك يمك يسندوني*
————— (٤) ————
بعد أحمــل رســالة الشيعة الزهـره
زوروا للحســن لو في الســـنه مــره
ترى الخطوه بالف حجة و ألف عمره
*و هنيياله اليقــول لزياره قلــدوني*
————— (٥) ————
يا يمتى يا شيعة في نصف رمضان
في أرض المدينة نسـوي قـرقيعان
انزور الحســن و نهـــني الولـــيان
*و الهـاي الزياره اوياكم أخذوني*
————— (٦) ————
يا زوار الحسن وصلوا له هالمكتوب
قولوا له " مفضل* " للزياره يــذوب
عن حب الحسن لا لا ابد ما يتـوب
و عن ازيارتك حاشا يمنعوني
*تم استخدام لكي يتناسب مع فكرة المستهل ، بالإمكان كلمة آخر (اليحبك ) أو أي أسم يناسب الوزن
————— (٧) ————
يـ زوار الحسن يا أعظـم الزوار
الزار المدينــة ما تمــسه النار
رايد من بقيعه كومة من لغبار
*يمكــن علتي بيها يشـافوني*
————— (٨) ————
يا زاير الحــسن يا ألف هـنيالك
من تمشي البقيعه اخلع انعالك
خل ثوب السكينه أول أعــمالك
*ميهم لو يقولوا هذا مجـنوني*
————— (٩) ————
مـ يهمــك يا زاير لو يلومــونك
المثل الحسن ميخيب اظنونك
قلّه سـيدي و الله آنا مجنــونك
*و هم آنا ابعضيدك جن اجنوني*
————— (١٠) ————
من تنهي الزيارة أقعد بقـربه
قلّه يسـيدي يا "آية القـربى"
يا يمتى أشوفن لمعة القــبة
*هاي أجمل حدث أتشوفه عيوني*
————— (١١) ————
من تمشي البقيعه و قبره تدّنى
عني بالنيــابه شـم عطـــر منه
عــني قلّه طلبه ســـيد الجــنة
*زاير للحـسن رايد يسمـــوني*
————— (١٢) ————
من توقف يا زاير عتبته و بابه
سلم بالنيــابة عــنّ أحـــبابه
يا محلاها و الله شمــت ترابه
*و ريت بتربته باچر يدفوني*
————— (١) ————
يا محــلاها يمه لمة الخــطار
و للقبة الخضره تنظر الأنظـار
هالليلة ابد ما هي من الاعمار
*احلى امن الجنان هالقعده صدقوني*
يُهدى ثواب هذا العمل إلى روح المرحوم الحاج حبيب علي السهو*
🖋 عبد مُحمد وآل مُحمد / #مفضل_حبيب
سيهات - القطيف
١١-٩-١٤٤٦
❣️نور المجتبى ❣️
في مولد كريم اهل البيت
سطع نور المجتبى وضوانه
بيه املاك السما فرحانه
—————
سطع نور اول ولد الفاطمه
ضوه دنيانه وطفى الحاطمه
ياهلا ابشبل الزچيه العالمه
( ضواها الدنيه ابميلاده )
———
سطع نور اول سبط للمصطفه
ابنور هادينه السطع انوصّفه
ياهلا بيه و هلا لمن لفىه
(انهنيها بصياره الزهره )
————
انهني بصياره ولينه حيدره
بيه فرحان وصحبته اتناطره
والهواشم بالحسن مستبشره
(ابمولوده شرف دنيانه )
————
ضوّه دنينه وضوت من طلعته
محله اوصافه وتجنن بسمته
كون هالليله اشمها نسمته
(فاح اعلينه عطر الجنه وفاح اعلينه)
———
كون هالليله انام ابحضرته
امسك الشباك وارفع رايته
امجابله الزهره واهني بصيرته
وانطش ازهور بميلاده)
———-
ياهلا بالجود يانبع الكرم
رحمة الله وبيك هالعالم رحم
اضيوف عندك زيح منه كل الم
(ومن جفك مولاي اعطينه))
——-
بنت الشمري
ياثوره ضد الفتن لاستشهاد
الامام الحسن المجتبى عليه السلام
سبط النبي يلحسن ياثوره ضد الفتن
للجود أسمك علم ياسيد اهل الكرم
ياثوره ضد الفتن
★★★★★
عالم اسرار الزمن بالدنيا طول وعرض
ماتخفه عنك ابد لابالسمه و الارض
ياسيدي وطاعتك معلومه عدنه فرض
ماهمنه لوم العده والهمه بس يعترض
منهج علي منهجك وبهلعلم توجك
نور بظلام المحن
ياثوره ضد الفتن
★★★★★
منظومه من العلم واضح رسمها وجلي
حروف البلاغه اثر بصدرك طَبْعَّهَا علي
كل حيره لوطَوَّلَت من طلعتك تنجلي
قبل البشر منخلق من نور ربي العلي
يانور من سر خفي انواره ماتنطفي
بيك البلايا انمحن
ياثوره ضد الفتن
★★★★★
قوة وجدارة نفس واكبها درب العلم
بلهجة سلم فاوضت الماعنده لهجة سلم
للدين من صالحت ماعنده غيرك مهم
لادم ردت ينسفك ولاحق ردت ينكتم
والمافهم للاسف يحسب ظميرك ضعف
اتحملت جور الزمن
ياثوره ضد الفتن
★★★★★
سبط النبي يلحسن ياكلب طاهر سمح
تصوروا منك ضعف لمن قبلت الصلح
تحمي الشرع غايتك وهاي البشر تنصلح
اطماع وكراسي وحكم خسروا الرادوا ربح
ولماعرف غايتك يدور على زلتك
محيي الشرع والسنن
ياثوره ضد الفتن
★★★★★
محد فهم مبدئك ومحد عرف غايتك
احفظت نسل النبي ابفكرك وحكمتك
ظنوا مثلهم صرت دنيا وطمع رادتك
مستوعبوا هلفكر. سلبوا أسف راحتك
للباري بعد الصبر سَلَّمَت بيده الامر
مايوم تعرف وهن
ياثوره ضد الفتن
الشاعر حسن لعيبي الحريشاوي