3570
خدمة الزهراء ع والحسين ع لموالد الآل الأطهار والمناسبات الأخرى
بمناسبة ولادة الامام الحسن المجتبى عليه السلام
لا من تربه لاماي انخلق من نور مولاي
على عرش السمه يدور
الحسن مخلوق من نور
انخلق من نور مولاي
★★★★★★
زاد النور يوم الهلت انواره
ابسعاده وخير حيدر تنملي داره
من الزهره نوره. وكوثرانهاره
ومن هيبة علي ومن خالص اسراره
إله هيبه وكرامات
كريم القدر والذات
حكيم وثاقب الراي انخلق من نور مولاي
★★★★★
اليوم اشرق بنوره وزادت الفرحه
وذاب الليل من هل وطلع صبحه
الفرح مد ونشر فوگ الارض جنحه
وبلون الورود الدنيا متوشحه
ينور النور ينظاف
ومن طه إله اوصاف
ومن الحوض سگاي انخلق من نور مولاي
★★★★★
يامحله الجنان وضي مشاهدها
هوه والحسين هناك سيدها
كل نفس اليمرها بنوره يسعدها
يكرمها وذليله ابد ميردها
يعطر الجنة وتصير
بنور وفرح وابخير
وأگل للرايح وجاي انخلق من نور مولاي
★★★★★
نور الحسن حتما يغني عن وصفه
مد بلاجزر بحر وكرم جرفه
مهبط للمحبه ذاته والالفه
فرقد بالسمه كل كوكب يعرفه
ولاده ويوم ميمون
بنوره ازهر الكون
لظلام الليل محاي انخلق من نور مولاي
★★★★★
يامهجة الهادي بروحه يفديها
ياروح الوصية الأكد عليها
(باهل) بيك طاها وحاله يدريها
لوتغضب اجبال الارض تفنيها
لان يدري بمزاياك
الحق ايميل وياك
وآني اقسم ابهاي انخلق من نور مولاي
الشاعر حسن لعيبي الحريشاوي
مناجاة
يارحمان يامنَّان
ارحم عبدك الحيران
يارحمان يارحمان
★★★★★
ياكافي وعظيم وغافر ورحمان
ياواهب النعمه وصاحب الاحسان
قابلت النعم بالهجر والعصيان
صلف گلبي لئيم ومارجع ندمان
ياوهاب ياحَنَّان
ارحم عبدك الحيران
يارحمان يارحمان
★★★★★
اعرفك يااله الكون يامنان
من فيض الكرم خليتني خجلان
ماتقبل مذلتي شماچنت غلطان
قابلت الاساءة بنعمة الاحسان
ياجبار ياسلطان
ارحم عبدك الحيران
يارحمان يارحمان
★★★★★
وين انطي الوجه كلهم مشوا عني
السند چانوا اليه اتكتروا عني
من غيرك على عِلاتَّي يقبلني
اتوب واذنب وترجع تسامحني
يابو الرحمه والغفران
ارحم عبدك الحيران
يارحمان يارحمان
★★★★★
يَمطَلَّع النبي يونس من الظلمه
غرگتَّه الگلب بالخير والرحمه
ماناسي اشتكيلك لوعشت أزمه
بس ناسي جميلك ياولي النعمه
يرب الحشر والميزان
ارحم عبدك الحيران
يارحمان يارحمان
★★★★★
يارب الفلق والناس ياربي
اسمك ثَبتَّه بلساني وبگلبي
من دنيا عنيده تركض التعبي
وگفت بينك وبيني وسط دربي
ياقدوس ياديَّان
ارحم عبدك الحيران
يارحمان يارحمان
الشاعر حسن لعيبي الحريشاوي
لولادة الامام الحسن المجتبى عليه السلام
هذا مَحَّاي الفتن اشرق بنوره الزمن
اليوم ميلاد الحسن اليوم ميلاد الحسن
★★★★★
طَلعَة النور السمح دوه الكل عِلَّه وجرح
بالفرح لاح الصبح والليالي نَورَّنَ
اليوم ميلاد الحسن
★★★★★
إلهوه ايروح ويرد عاشگ اغصان الورد
وكل موالي منسعد فارگ اعيونه الوسن
اليوم ميلاد الحسن
★★★★★
ياهله بنور البدر الكون كله مبتشر
الحمد لله والشكر الطاعته سر وعلن
اليوم ميلاد الحسن
★★★★★
هَنَّه طه فاطِمَه وَهَنَّه حمَّاي الحمَه
كرم من رب السمه شوفِتَه جنة عدن
اليوم ميلاد الحسن
★★★★★
سبط للهادي ونَظَرْ منولد بأعظم شهر
خجل من نوره الگمر هذاجَلَّاي المِحَن
اليوم ميلاد الحسن
★★★★★
شحچي متحَيِّر بعد بمولد الحب والسعد
الكرم هليوم انولد للكرم چفه وطن
اليوم ميلاد الحسن
الشاعر حسن لعيبي الحريشاوي
هوسات لمولاي الامام الحسن.. ع..
•••
سمره أحـچايتك تطلــع أتگول أطحين
وچبيره سفـرتك تارسهه خــــــير ودين
اليچهبك يلگه بابك صوره بيهه حسين
هاها.. والدنيه أتصير أبصم أيده
•••
يغيره والقراها أتـــــــسرفن أردانه
حتى أيعيش عايش تحچي ذرعانه
حـــــــــاتم موكريم أوذابح أحصانه
هاها… أمه المتنسيه أدگ بابك
•••
خادم أهل البيت.. ع..
أبوحسين السرگودي...🕊🕊🕊
ابوذيات لمولاي كريم آهل البيت الأمام الحسن،،ع،،
•••
يطوف الكرم وبچفك قبل بيه
ولو مـــا چفك اﻻكرم قبل بيه
چنت أبمهدك أوهوه قبل بيه
زغير أوعزبة شايل حميه
•••
يرگاب العـــــوز بس يمه شكرچان
اليچهبه أيحس هوه الله شكرچان
نزل جبريل جــــــــــايبله شكرچان
أمنالله وبوسه أله أتنگط حميه
•••
خادم أهل البيت..ع..
أبوحسين السرگودي...
حبك سكن دلالي....يالمجتبى
اجمل اسم يحلالي...يالمجتبى
عاشك اسمك يالحسن
*******
حاتم سجد يمك خجل شاف المكارم
ديوانك ابكلشي انعرف يحوي المغانم
وظيوفك احنه ونبتهج تاج العوالم
فخر العرب انت أصبحت بالقمه راسم
محفلنه بس للغالي...يالمجتبى
اجمل اسم يحلالي....يالمجتبى
*******
اجمل بشاره من السمه رفعت شعاره
وتهني امك فاطمه بأجمل عباره
وتلولي حضرت بالمهد فرحانه ساره
انت الحسن نورك يشع راسم مناره
عالي وتظل بالعالي.....يالمجتبى
اجمل اسم يحلالي.....يالمجتبى
*******
شبر يسمونك صرح يا طيب الذات
والدنيا حارت بالوصف منبع كرامات
شفت القصيده بوجنتك محلاها الابيات
وتهلهل اشموع الفرح ياروح الايات
عاقد عليك امالي......يالمجتبى
اجمل اسم يحلالي ...يالمجتبى
*******
اجمل اسم صار الحسن ربك يسميك
بحر الكرم جود وعلم كل هذا يكفيك
مجنونك اني واعترف مالحظه ناسيك
انت العشك صار النبض محبوبي اناديك
عشكك صبح للتالي ...يالمجتبى
اجمل اسم يحلالي.....يالمجتبى
*******
انت الهوه وبكل فرض معشوك الأنفاس
حب الحسن خطيته انه بدم الاحساس
انت العشك بيك ابتده علمنه عباس
وترجمت بيك الصور من اجمل الياس
بحر الكرم يصفالي.....يالمجتبى
اجمل اسم يحلالي.....يالمجتبى
*******
تمت بعون الله تعالى
#الشاعر ....يوسف الفتلاوي
قصيدة ( اول نور ) لميلاد الامام الحسن المجتبى عليه السلام
اول نــور للزهــره وعلـي الليله
صلوات احنه هـاي الليله نهديله
ابو محمد ابو محمد
كريم ال النبي الهادي
****
اول نــــور للــزهــره
علينه اليوم شع بدره
صلاوات
الكرم مولود والنخوه
كريم وخــوته خــوه
صلاوات
بحر يتفايض بــزوده
ابد ما حدته احـدوده
صلاوات
جــده اليوم رافــع ايـده يدعيله
صلوات احنه هاي الليله نهديله
ابو محمد ابو محمد
كريم ال النبي الهادي
****
محمد قبّـل اعـيونـه
فرح والكــل يهنـونه
صلاوات
اجــت امـلاك بارينه
تهني اليــوم هـادينه
صلاوات
الكرم مولود ديوانه
فتح من زغره بيبانه
صلاوات
الكرم جوعان چف الحسن يوميله
صلوات احنــه هــاي الليله نهديله
ابو محمد ابو محمد
كريم ال النبي الهادي
****
تصلي الليــله فرحانـه
هل الامــلاك بسمـانه
صلاوات
من الله جــابت البشره
واجت متعنيه للزهــره
صلاوات
شــع الحسن بأنــواره
يــا محلاها البشــاره
صلاوات
وأمــه بأيــة الكــرسي تنـاغيله
صلوات احنه هاي الليله نهديله
ابو محمد ابو محمد
كريم ال النبي الهادي
****
الامان مچلب ابداره
كرم تتفايض اكتاره
صلاوات
اليمــد لبـو الفـقــره
ابو محمد يعز قدره
صلاوات
يترس ايده وعيونه
الكريم اهله يسمونه
صلاوات
يگضيها لــون بالــدمعه تشكيله
صلوات احنه هاي الليله نهديله
ابو محمد ابو محمد
كريم ال النبي الهادي
****
رغـم مهدومــه بيبانه
ابـد مــا مــره ينسانه
صلاوات
ضنونـه الكـفـــر ننسه
الحسن ماغربت شمسه
صلاوات
رغم ما حضرته بعيده
تنطي من البعد ايده
صلاوات
باچر حضره وي المهدي نبنيله
صلوات احنه هاي الليله نهديله
ابو محمد ابو محمد
كريم ال النبي الهادي
****
الشاعر
موسى البديري
❤يا أبا محمد 🌷الحسن🌷 بن علي ع❤
. . مــــولانـــــه يــبــن الــزجــيـــه
يــلـــنـــورك ضــــوه الــبــريـــه
يـاصـاحـب الـجـود
يـاصـاحـب الـجـود
💚---------------💛----------------💚
يـا إمــامــي الــغــالــي تــبـقــى شـاغــل بـالـي
انـتــه نــور عــيــونــي الــعــايــش ابـــدلالـــي
الـمــولـدك هــالـلــيـلـه الـگـلــب شــد حــيـلـه
يــاحــلات احــروفــك يـبـن حامـي ادخـيـلـه
فــرحــانـــه الـسـبـعـه وارضـها
الــلـــيـــلـــه قــامــت فـرضـهـا
💚---------------💛----------------💚
اتــهـيّـمــت بـحـروفـك يـالحسـن ما اعـوفـك
يـاحــبــيــبــي الـغـالـي والــكـرم مــعــروفــك
الــتــســجّــل خـــــادم مــلــك بـــيــن الــوادم
عـمـري خلـص خـدمـه وافـــتـــخــر بـالـقــادم
الـــخـــــادم يــقــره لــحـبـيـبـه
اتــــشــــرف اســمـك اجــيــبــه
💚---------------💛----------------💚
عــايــش بــوجــدانــي قــبــلــتــي وقــرآنـــي
فـرحـــتــي بـمــيـلادك مــا اهــــم لاحــزانـــي
اتــخــيّـلـيـت الـصـوره فـاطـــمـــه مــســروره
شــافــتــك مــــولانـــه وجــهـك ايـشــع نـوره
نــتــبــاهـــه بـسـمـك فـرحـنــه
مــــيــــلادك طـيّــب جـرحـنــه
💚---------------💛----------------💚
امـنــيــاتــي اهـوايـــه يـالـخِــدِمْــتــك غـايــه
اتـمـلّـكيت احـسـاسـي والله مـوش احـچـايـه
غـرِّگـتْــنــي افـضـالـك شــرّفــتــنـــي اقـرالـك
يــاكـــريـــم الــعــتــره الــــفـــــرح يـــحـلالـك
لـعــيــونــك نــاذر حـــيـــاتــــه
خَــــدّامـــك صـيـتـه اشحلاتـه
💚---------------💛----------------💚
بـالـخــتـام احـچـيـهـه دنــيــتــي ومـابــيــهـه
الــخـــدم يــالـــوالـــي صــيــتــك امـعـلـيـهــه
اتـحـيّـرت كـلـمــاتـــي واعـــتـــذر بـابْــيـاتــي
مـا اجـيـب اوصـافــك يـالــتـعــيــش بـذاتــي
ديــــوانــــك بـالـدنـيـه صـيتـه
والـعــاشــگ حُــبّــك قـضـيـتـه
💚---------------💛----------------💚
✍ خادم الأمام الحسن ع
الشاعر رعد الجريخي
🌹🌹
((مبارك لكم ميلاد كريم ال محمد))
مولاي مولاي مـاعـوفـه ابــد
مولاي مولاي يالحـبـه شـهـد
هـذا مـحبـوبـي وأمـامـي إمـامـي
مـالك احساسي وهيامـي هـيـامي
*------------------------*--------------------*
الـيـوم أردد وفـتـخـر بأسـم الحسن
الـيـوم مـيـلاده وحـلـه بـيـه الـزمن
هـذا شـبـل المرتضى اعلومه عـلـن
وكــل مـعـاني الـخـيـر يـمـه أتنزلـن
مـولـود مـولـود يـحـلالـه الـشعـر
مـولـود مولـود يـشـبــه لـلـبـدر
عـاجـز يـوصفـه كـلامـي كـلامـي
*------------------------*-------------------*
هايـه فرحـه وغـنّـت اطيـور الشجر
سـطـع نـور الـمجـتبى وعـم الـبـشر
الـقلـم يـكـتـب والشعـر بـيـه أفتخر
يـاقوافي اتـوصـفـه هـاي ويـابـحـر
افـراح افـراح مـيـلاد الـحسـن
افـراح افـراح رغـمـن عـالـزمـن
ابـعـث اشـواگـي وسلامي سلامي
*---------------------*-------------------*
گـامت امـلاك الـسـمـه اتـروح أوترد
فـرحـه عدهـه وعالمهد طشـت ورد
الحسن سـر قـل هوه وبـاء الحـمـد
اجــه لـلدنـيـا واجــه ويـاه الـمـجـد
شيصير شيصير الـجـده النـبـي
شيصير شيصير الأصلـه طالبي
هل أسـم احـلى الأسـامي اسامي
*--------------------------*-------------------*
هـذا وارث حـيــدره نـوره أعـتـلــه
الـلـيلـه ايـات الــغــزل نــقــره ألــه
ربـنـه خص المجتبى بـهـل منـزلـه
مـاحلـه الغَـيره الشـعـر لا مـا حلـه
معروف معروف وارث لـلـولـي
معروف معروف زوده مـن علي
للحسـن حـبـي وغـرامي غـرامي
*-------------------------*-------------------*
✍خادم الامام الحسن ع
الشاعر رعد الجريخي💐
كعديه إلى كريم ال محمد الامام الحسن المجتبى عليه السلام
برمضان الحسن أشــرق جماله
صلي أعلـى النبــي الليله والــه
اليوم أنولد ديــوان
للزهــره الزچــيه
****
الليله أول نــور أزهـر للنبي وشــع بكمــاله
اليله حتى أمــلاك ربنه عالنبي صلـت واله
لان اول نــور ازهر للزچيه بكــل خصــاله
يا نــور وي شهر الفـرض
عم السما طول وعــرض
نور الحسن شع عالارض
والكــرم تــمم كمـــالــه
أيــه وللكــرم جـــده تــلاهــا
للزهره وعلي البــاري نطاها
بــاب الكرم موصوف للــزهـره الـــزچـيه
****
بلهفه حيدر شاله بيده وعطــر للجنه يشمه
يا علي سمـيه گالت فاطمه وفــرحانه أمــه
گلها يـا بت النبوه من الله راح يكون اسمه
وبعينه صــدله المصطفى
غــــذاه حكمــه ومعــرفه
من جده ماخذ كل صفــه
نوره من نوره أويه رسمه
وارث جــده بأخـلاقـــه وصفـــاتــه
وظل شخص الحسن مـن معجزاته
ايه الحسن لليوم للزهــره الزچــيه
****
نور من صلب الصميده ومن رحم امه الزچيه
شــابه المخـتار جــده أوالـده حــامي الحميه
كــوّنــه رب الجـــلاله ســيد لـهــاي البــريـه
لليوم أنــــواره تشــع
لكل غانمه هــوه نبع
ابن المبادئ والشرع
رغــم كــل الناصبيه
رغم أهــل الحقـد يبقى أمامي
وآنه بكل فرض ابعث سلامي
وادري يوصل الشوگ للزهــره الزچــيه
****
عالكرم لـو ردنــا نحچي حاتم يحّيــر بــزمـانـه
صعبه ما نگـدر نقـــارن بالحسن هـــايه خيـانه
فرق بين الوهب عمره وبين واهاب بس حصانه
باب الكرم سده الحسن
يشهد اله باقــي الـزمن
بالســر مضيـف وبالعلن
والوصف حــاير لسـانه
أهــلا بالحــسن نــاده مضيــفه
بحيره يظل عمر كلمـن يضيفه
يبقى الحــسن عنــوان للزهــره الزچــيه
****
شكثر تاريخ النواصب حــاول يغــير الحقيقه
الحسن مثل الذهب باقي واضح ويلمع بريقه
لان نهجه نهــج جــده والنبي واضح طـريقه
ضــده الصحــاح اتجنـدت
وچم عوره من عدها بدت
مــن ربنــا كلــها اتفـنـدت
والبقــت بــــس العــريقــه
من نفس الصحاح اقره حياته
تظهــر للعـلن كــل مكــرمــاتــه
شع رغم الحقد نور للزهــره الزچــيه
**
الشاعر
موسى البديري
قصيده ولادة الامام الحسن (ع)
١٥ رمضان
اول انواره السماويه
من علي شع بمعانيه
للحسن بارينه من راده
نزله بحكمه آلهيه
١
اشرق الليله بجماله والحسن رباني
اغله كل الناس عندي وعايش بوجداني
منهجي وسبحت صلاتي والحسن قرآني
بجده وبنهج الرساله
مكتمل أيماني
مولدك آيه
يبو احچايه
بترافه فاطميه
تبقه محبوبي
ضوه ادروبي
الك روحي هديه
افرح اشگد بيه مابيه
واحمل بنص گلبي حنيه
للحسن والباري ياساده
نزله بحكمه آلهيه
٢
بالسمه وجهك يلالي
وانعكاس بنوره
عالارض يرسم جمالك
تزهي اجمل صوره
يالحسن نورك تجله
يشبه البلوره
روحي من حضرت تشارك حضرت ومسروره
الك اتعنه
عطر جنه
واشمك هالمسيه
ساكن احلامي
ألك ضامي
تظل روحي وفيه
ليله بس بالمنتصف هيه
من شهر رمضان قدسيه
الليله خل اتموت حساده
نزله بحكمه آلهيه
٣
انته عنوان القداسه والجمال الراقي
يالحسن بالروح انته وساكن بأحداقي
الك كل اسنين عمري
والك فيض اشواقي
كلها من الگلب تطلع
وانته وحدك الباقي
عايش وياي
يمولاي
يبو الروح النقيه
وانه ممنون
اذا كون
الك اخذ تحيه
ابصم بروحي الحسينيه
للحسن بصمه ولائيه
بالفرح جبريل من ناده
نزله بحكمه آلهيه
٤
يالحسن عشت بضميري
وبدموع الناظر
ارسم الليله بشجوني وبخيال الشاعر
الك همساتي واحسك
أنته يمي وحاضر
يالحسن تاخذني نصعد عالبراق انسافر
نصعد انحوم
عالنجوم
شرط فوگ الثريه
نرحل ابعيد
احس عيد
اذا تلزم اديه
گلبي ويحقق مساعيه
يمك بأوله وتاليه
للحسن وبفرحة اعياده
نزله بحكمه آلهيه
٥
اختم بصومي وصلاتي وافطر بميلادك
لان بارينه العلينه
اول انته رادك
احتفل واحضر الليله
وافرح بأعيادك
بغيض خلي اتموت كلها
يالحسن حسادك
واليحسدون
يموتون
ولا منهم بقيه
بس الاحباب
عالعتاب
يحضرولك سويه
احضرنه للراضيه المرضيه
ومنها نطلب احنه ليليه
نظره منها انريد وزياده
نزله بحكمه آلهيه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
مقطوعه لولادة الامام الحسن (ع)
١٥ شهر رمضان
--------
انصاف الحسن واجب على الخدام
الماينصف حسن ماناصف العتره
حسن ثمرة الزهره وجده طه يصير
واجب على الخادم يحضر ينصره
مو مستحب واجب تحضر انته هنا
لان المهدي گبلك محفله ايحضره
موشح وممكن يقرأ مربع لولادة الحسن (ع)
للحسن جينه بشرف عنايه
١
الليله بالميلاد ملتمه الأحباب
كلها متعنيه وتدگ للفرح باب
الزهره خلي تشوفنه بعد الغياب
نحضر و رايه تلوذ برايه
للحسن جينه بشرف عنايه
٢
بالفرح جينه خدم تدرونه
نشعل اشموع الفرح خلونه
للحسن نحضر وضي اعيونه
بالحفل والمخلصين ويايه
للحسن جينه بشرف عنايه
٣
للحفل جينه شرف أعظم شرف
انوصل المبروك احنه للنجف
بصوت واحد بينه كل خادم هتف
الفاطمه ومنطين احنه احچايه
للحسن جينه بشرف عنايه
٤
للحسن بفراحنا المعتاده
كل سنه نحضر نجي بميلاده
نحلف ومنبطل احنه العاده
نحتفل چم سنه صار اهوايه
للحسن جينه بشرف عنايه
٥
راية الخدام ما ألها مثيل
ترف خفاقه بسم حامي الدخيل
شما نقدم بالحفل احنه قليل
وهاي غايتنه الولاده هايه
للحسن جينه بشرف عنايه
٦
احنه أهل خط العشك والاحتفال
أبد مانگطع أبد هذا الوصال
كلمن ايحب الحسن جيبه تعال
خل يشارك والولاده الغايه
للحسن جينه بشرف عنايه
٧
نقره نختم بالفرح هذا الدعه
للحسن نقره الحمد والقارعه
صوت كل خادم الليله يسمعه
وينعكس صوت الخدامه أمرايه
للحسن جينه بشرف عنايه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
مولد الامام الحسن ع🌺
مولاي مولاي مولاي الحسن
ــ…………………………ــ
الحسـن عنوان الهله
حروف اسمه امهيله
الكـــرم لايگ بس اله .. فخر لهل الغــيره
الزهـره جابت دلته
وحضــــرتله گهوته
وحيل باست يمنته .. اليفض بيها بخيره
عنوانه وديوانه يشهدن بالكرم
ويعــــزب للوادم ويفض بالنعم
مولاي مولاي مولاي الحسن
ــ…………………………ــ
وفي ومشــــيم الخدم
رافع اسمي امن العدم
المشــــه ابدربه ماندم . ابوللشيعه ومحب
شاهد ايضل الزمن
لا كريم الا الحسن
لليتيم اصبح وطن. هذا ابوالملگه العذب
اليتعنه اشيتمنه ينول امن الحسن
خطاره يحطلهم لير اعله الصحن
مولاي مولاي مولاي الحسن
ـ……………………………ـ
حبه عاش ابمهـــجتي
على نيتــــي وفطرتي
صار صيتي وكشختي .. بأسمه دوم اتباهه
ندى ومفرح الورد
وبجـــــماله منفرد
احروفه ايات الحمد.. كل وكت نقراهه
يارحـــمه ويانعمه يمعجب العجب
وتراب البجدامك اغله امن الذهب
مولاي مولاي مولاي الحسن
ـ………………………ـ
كرم وخــــــلاق وعلم
الحسن تاج اعله الزلم
بمــــــولده طه ابتسم . حضنه صايرله مهد
والامـــــــلاك تكلمه
وحفل سوو بالسمه
انولد راعي الغانمه . المثله مايحصل ابد
ونشوفه لضيوفه محزم بالهله
مايفرغ ماعونه ولاسد باب اله
مولاي مولاي مولاي الحسن
ـ………………………ـ
الحسن مثل البسمله
دوم الاول نجــــــعله
كاسب اعظــــم منزله. هذا ابودلال السمر
بعلمه ابوالزهره شهد
وهــــــوه نايم بالمهد
ملك وبهــــــــيئة ولد. ذكره بلسم من يمر
يامـنبع يامصــنع للعز والفخر
وياك ابقه ياانقه سيد عالبشر
مولاي مولاي مولاي الحسن
ـ………………………ـ
ملك نازل عالارض
وكتمل بيه الفرض
بخيره عالفقره يفض. منه جفهم ينملي
صار عنــــــوانه الوفه
ومـــــركز ايدر معرفه
الكرم عنده اجمل صفه. ورث من حيدر علي
بفضــــــاله وبفعاله يشهدله الدهر
خيمتنه ونعمتنه الاغلى من النضر
مولاي مولاي مولاي الحسن
ـ…………………………ـ
✍الخادم
كامل السعيدي
ابوذيات لمولد الامام الحسن عليه السلام
بدر وجــه الحسن نــوره تــلالــه
أوجــدّه أبفخــر كــم آيــه تــلالـه
جبــل وبّصفــه محتــاره تــلالـه
شجاعه وكرم جود ابن الزچيه
*
مــــواليــن وألك دايــم هـــوانـه
شحلاته أبعطــرك ينسم هــوانـه
العمــر دونك فلا يسـوه هـوانـه⃰
العمر حبك أنطاه قيمه وهويه
3- ⃰هوانه .. يعني ذله
**
الشاعر
موسى البديري
☘️مولود الامام الحسن ع☘️
على طور غالي يبو السجاد
للرادود المبدع الحاج باسم الكربلائي
ياهلا بمولود الحسن من جانه
نورت بيه واستبشرت دنيانه
جانه جانه
ياهلا بمولود الحسن من جانه
🌸🔆🌸🔆🌸🔆
هلا نورت بيتك .. ياهيبة ثنيتك ...
يافرحة زماني
دورت ولگيتك .. بالروح افتديتك ..
ولشخصك اتاني
للدار اعتنيتك ..ملهوف واجيتك ..
مولودك حيياني
حبك يضل للابد يا مولانه**
بالعشره نبصم على عناد اعدانه**
جانه جانه
ياهلا بمولود الحسن من جانه
🌸🔆🌸🔆🌸🔆
حلت كلهه اليالي.. صبح مرتاح بالي ..
حصّلت الهديه
نولد اغلى الغوالي.. بيه ينصلح حالي..
بوجود الشفيه
فرح گلب الموالي .. مقامه صار عالي ...
نتبارك سويه
احضر المحفل للصبح سهرانه**
اكتب شعر واتميز بالحانه**
جانه جانه
ياهلا بمولود الحسن من جانه
🌸🔆🌸🔆🌸🔆
بامان الله ورسوله .. نهنيها البتوله ..
بجيتك يامامي
كل حزني يزوله .. انه مرادي انوله ..
يتقبل صيامي
ليلوم شيگوله ..خل يبعد فضوله..
مايفهم كلامي
بيت الرساله هل فتح بيبانه
كلب المحب هسه انطفت نيرانه
جانه جانه
ياهلا بمولود الحسن من جانه
🌸🔆🌸🔆🌸🔆
گعدنه بانتضارك .. نحب نعرف اسرارك..
تنطينه رسائل
نحب نوصل الدارك .. ونطرق باب جارك
ونجيب القبائل
بهلفرحه نتبارك .. نعييد ونتشارك
ونعلّي الهلاهل
نعيش بعرس كلنه وهزج خلانه**
كل محب صفگله و رفع ذرعانه**
جانه جانه
ياهلا بمولود الحسن من جانه
🌸🔆🌸🔆🌸🔆
تمم ربنه دينه .. بشبل حيدر علينه
ياعزنه وفخرنه
نتراكض اجينه .. وشموع بادينه..
مولودك يسرنه
ورد علگنه زينه .. ضوّينه المدينه...
يلبيك ابتشرنه
شافع الامه وهم يشيل الوانه**
شوكه بوسط عين الكفر عدوانه**
جانه جانه
ياهلا بمولود الحسن من جانه
🌸🔆🌸🔆🌸🔆
بقلم شاعرة اهل البيت عليهم الصلاة والسلام
✍️☘️ام فراس الساعدي ☘️
غير مبري الذمه لكل من يغيير الاسم او ياخذ كلمات القصيده وينسبها اليه
لذكرة ولادة الامام الحسن المجتبى عليه السلام
مولاي الحسن
مولاي الحسن
★★★★★
الكرم والجود والطيبه
العزم والزود والهيبه
وصي من الله تنصيبه
الطاهر من ارض طيبه
مولاي الحسن
مولاي الحسن
★★★★★
الرشيد العارف العالم
الكريم الفاضل الحازم
ابغرة بدر من هاشم
بده ثغر الزمن باسم
مولاي الحسن
مولاي الحسن
★★★★★
الامام الصابر الزاهد
الحكيم العادل العابد
الامين العارف الساجد
حليم بوجه كل حاقد
مولاي الحسن
مولاي الحسن
★★★★★
بلاغه وموقف وقوه
وفصاحه ومعرفه وتقوه
سماحه وعاطفه ونخوه
سيفه على الكفر قسوه
مولاي الحسن
مولاي الحسن
★★★★★
سليل النور والرحمه
امامي رابع العصمه
الوجيه وصاحب الحكمه
النهار بلاضواه ظلمه
مولاي الحسن
مولاي الحسن
★★★★★
سعيد الزمن بأخباره
امام الهلت انواره
علي عمها الفرح داره
أجته اعظم أبشاره
مولاي الحسن
مولاي الحسن
الشاعر حسن لعيبي الحريشاوي
لولادة الامام الحسن المجتبى عليه السلام
أحله واجمل يوم من عمر الزمن
سطع يوم خمسطعش نور الحسن
بالامامه والكرامه والسلامه
سطع يوم خمسطعش نور الحسن
★★★★★
شعت بشهر العبادة والنِعَمُ
شعت انوار الامامه والقيم
مولد الروح الرحيمه والكرم
زها نور الدنيا والكون ابتسم
بالسماحه والرجاحه والفصاحه
سطع يوم خمسطعش نور الحسن
★★★★★
عيد الاول مولده وسط الشهر
قبل عيد الفطر هل على البشر
احتفل بيه الكون وبنوره ابتشر
بنوره بيت المرتضى البيت ازدهر
ابجماله وبجلاله وبكماله
سطع يوم خمسطعش نور الحسن
★★★★★
من الحجاز النور اشرق لليمن
كل مكان ازدهر من نور الحسن
هذا محاي الشدايد والمحن
حبه دايم جره بشريان الزمن
بالسياده وبالاراده وبالقياده
سطع يوم خمسطعش نور الحسن
★★★★★
سلسبيل العذب من حوض النبي
والوجاهه من الامام الطالبي
صاحب الامجاد والنهج الابي
منهجي حبه وطريقه مذهبي
بالولاية وبالعطايا والهداية
سطع يوم خمسطعش نور الحسن
★★★★★
ابن زمزم والمشاعر والصفا
هذا ابن اهل السماحة والوفا
هذا ابن طه الحبيب المصطفى
وابن حماي الحما والمعرفه
بالفراسه والرئاسه والقداسه
سطع يوم خمسطعش نور الحسن
الشاعر حسن لعيبي الحريشاوي
لميلاد الامام الحسن المجتبى
اجينة اليوم اجينة
نبارك يانبينة
ميلاد الحسن عيد
ولولا ما اجينة
شفنة النور بالدار
ومنة تشع الانوار
سئلنة عن الاخبار
انولد كالو ولينة
مبارك يا نبينة
ولولا ما اجينة
اجينة وجبنة الزهور
نشاهد مصدر النور
شفنة النبي مسرور
وطلع نورة علينة
مبارك يانبينة
لولا ما اجينة
وكفنة اباب حيدر
ونور الحسن ازهر
سمعنة النبي كبر
واجت كلهة المدينة
مبارك يانبينة
لولا ما اجينة
بفرحة نصف رمضان
نبينة اليوم فرحان
يوزع جفة مليان
يملي بخير ايدينة
مبارك يانبينة
ولا ما اجينة
وكفنة صفوف وصفوف
اباب المرتضى نشوف
كمر بكماط ملفوف
وبي نور وسكينة
مبارك يانبينة
لولا مااجيتة
اول فرحة ميلاد
والله يزيد الاولاد
ايمة لخير العباد
وبيهم اهتديتة
مبارك يانبينة
لولا ما اجينة
فاطمة المگصوصي
محبوبي...محبوبي....محبوبي
يالمجتبى..يالمجتبى محبوبي
*******
فرحة اعيون المحب هالليله
موعد اشواگ وغرام احچيله
جنه وجهك يالحسن نادينه
والمناره ابكل الگلب بانيله
سيدي حبيتك....بالعشگ ناديتك
انت ساكن روحي....يافرح هادينه
يافؤادي الهادي.....فدوه الك اولادي
يالحسن واليتك.....بالوفه تدرينه
معشوگي.....معشوگي...معشوگي
يالمجتبى...يالمجتبى...معشوگي
*******
اسمه ابعيوني اشحلاته احروفه
حلم ساحرني ابقيع اطيوفه
سفرتك معروفه تحچي افعاله
بالكرم حي الله كل اضيوفه
يا حلات اطيابك....فرحتهه احبابك
حلوه شبر اجانه......يافرح دنيانه
نورتهه اسنيني......حبك امكفيني
بس اريدك انت....ياعظيم احسانه
بنفاسي.......بنفاسي.......بنفاسي
يالمجتبى....يالمجتبى...بنفاسي
*******
چان معروف الحسن بحسانه
ينطي بچفوفه الرخي جيرانه
ما يسد الباب معروف الكريم
هذا ابو محمد عظيم ابشانه
ما ترد خطارك.....من بعيد آثارك
انت نور الزهره.....ياالحسن حبينه
شامخ بعنوانك......والعدل ميزانك
يا حلات اعيونك...نورت والينه
مضموني....مضموني....مضموني
يالمجتبى...يالمجتبى...مضموني
*******
يالحسن گلب المحب مفتونك
ابد ما يفرغ صحن ما عونك
اية القربى الثبت تعنيينهه
حگه والله شيعي بس مجنونك
امشرعه بيبانك....واضح ابرهانك
انت شمس الباري......شيعتك فرحانه
والهيام البيه......بالعشك يوميه
رتلت بحروفك.....روحي الك ولهانه
بعيوني.......بعيوني......بعيوني
يالمجتبى...يالمجتبى..بعيوني
*******
كون اصيرن قنبر ومحبوبك
واكتب ابروحي العهد ودروبك
عاجز ابمدحك ورسمك جنه
ساعي بنفاسي الهوه مكتوبك
كاتب ابحساسي...انت تاج ابراسي
انت باب الرحمه......مولدك هنينه
بالحفل نتشارك....والولاده امبارك
شبر أجمل بسمه....بخدمتك تلگينه
ياشوگي......ياشوگي....ياشوگي
يالمجتبى....يالمجتبى..ياشوگي
*******
تمت بعون الله تعالى الشاعر___يوسف_الفتلاوي
#جديد
ميلاد الإمام الحسن المجتبى عليه السلام
طور : سيدي الكاظم
https://youtu.be/A3oeEOPpe3I
.
.
رابع الساده
رابع الساده
رابع الساده ..
المِنْ خيره ساگینه
وتارسها ايدينه
وابحبه سابينه
ميلاده هاليوم
____
هالليله الحسن ميلاده
عادت عالوسيعه اعياده
وما تخفه عسه هالعاده
هالليله على أعتابه
وانگرگع نريد ابابه
ايفرّحها المسيه أحبابه
ندگ بابه المسيه .. رابع الساده
ونِهنيها الزچیه .. رابع الساده
وإله نبعث تحيه .. رابع الساده
الما عدنه بس حبه
العشنه بلُطف گلبه
يا ريت بس گربه
انكون المسيه
مدد مولانه
مدد مولانه
مدد مولانه
___
هذا أول هدية لحيدر
أول فرحه واسمه شبّر
سبحانه لجماله الصوّر
فرحان النبي والزهره
والحور اهبطت مبتشره
منه تلتمس لو نظره
الملايك كلها يمه .. رابع الساده
تحب مهده وتشمه .. رابع الساده
تردد كلها بإسمه .. رابع الساده
يا فرحة الزهره
بهالليله مستره
للحسن منتظره
أول فرحها
مدد مولانه
مدد مولانه
مدد مولانه
____
يا قرة عُيون الهادي
هالليله ضواك البادي
يالإسمك نبض بفادي
هالليله فرحنه بنورك
يالوالي ونريد انزورك
اتمنينه الحفل بحضورك
ننادي يا هَوانه .. رابع الساده
يشمعتنه وضوانه .. رابع الساده
يكاشف كل بلانه .. رابع الساده
هالليله لك صحنه
انخيناك فرحنه
يا كاشف المحنه
ونظره المسيه
مدد مولانه
مدد مولانه
مدد مولانه
____
محلاه الفرح لو يمك
يالغالي ونردد باسمك
وانزورك ونهني أمك
يجمعنه الصحن والحضره
والرايه ترفرف خضره
نتمنى بحلم هالبشرى
ونجي يمك نزورك .. رابع الساده
ونشاهد والله نورك .. رابع الساده
ونشم بالحب عطورك .. رابع الساده
بدموع فرحتنه
للمهدي دعوتنه
وانسوي حفلتنه
والله ابظهوره
مدد مولانه
مدد مولانه
مدد مولانه
_
دلالي يعوف أحزانه
مولودك فرح غطانه
والغايب نريده اويانه
بالفرحه نريده يظهر
مولانه وشعاعه الأزهر
بمولودك عبيره ينثر
نسئله في سرورك .. رابع الساده
يشع يمتى ينورك .. رابع الساده
وتفرحنه بظهورك .. رابع الساده
يا سيدي الغايب
دلالي الذايب
ببابك صرخ تايب
ابفرحة حسنّه
مدد مولانه
مدد مولانه
مدد مولانه
_
تمت ببركات مولانا الإمام الحسن المجتبى عليه السلام
#فاطمة_كريم
و #بنت_الشمري
♦️هوسات ♦️
♦️في مولد الامام الحسن عليه السلام♦️
ابفرحه جينا وابهلاهل انهني مولانه علي
صاير الليله جبيره الحسن يا نعم الولي
هذا ابو الچف الكريمه عنده كل هم ينجلي
بسمه هالليله حفلنه وبسمه فرحه تعتلي
(وانطش ازهور ابميلاده)
♦️♦️♦️♦️♦️♦️♦️♦️♦️
فرحانه الزجيه اليوم وفرحان النبي اوياها
هذا اول سبط مولود هديه امن الله اعطاها
وابنص الشهر مولود بدر والدنيا ضواها
اجانا ابمنتصف رمضان وعطش لقلوب رواها
(ابميلاده تتْرَوّه افراحي)
♦️♦️♦️♦️♦️♦️♦️♦️♦️♦️♦️
كريم ومولده افراح وبهجه اعله البشر كلها
اليعرفه الما يعرفه اشلون يوزع حلوته ومنها
وانا الليله على بابه اريد الخدمه يقبلها
يفرج كل ألم واهموم ومشاكل شيعته ايحلها
(امن اجفوفه ناخذها الحاجه)
♦️♦️♦️♦️♦️♦️♦️♦️♦️♦️♦️
#بنت_الشمري
💐هوسه للأمام الحسن ع
مو كلمن فـتـح ديـوان يعني مـعـزب وگدهه
اكـو بالماكو ايـحيّك واكـو شِحت هله عدهه
أسأل عالكريم وشوف السانه اشكثر رددهه
مـا طـاحـت دوم اعـلـه الـسـانـه
*--------------------------*--------------------*
✍خادم الامام الحسن (ع)
الشاعر رعد الجريخي
الشاعر أبوحسين السرگودي…:
أبيوم مـــــــــيلاد الكريمه
مسحت اجروحه القديمه
فرحت حسين أشكبرها
واذن الشوگ بعــــمرها
الكل تنادي يارقيه.
•••
انولدت أزغر خيمه خضره وچنها عيد
وأذن حسين وفرح وجــــــــــهّ القصيد
چنها محــــــــــــرابه اليسولف بي يريد
كل مـناجـــــــات العشگ والحب بريد
الفرحه شالتها المسيه
الكل تنادي يارقـــــيه
•••
أنفتحت أبواب المحــــــنه ابهل الشهر
بخــــــــــــــبر ميلادچ فرح حتى الخبر
حــسين خلـــــــه الفرحه بيه خلت أثر
والرسالـــــــــــــــه التنكتب شالت سهر
مولدچ شايل قضيه
الكـل تنادي يارقيه
•••
بكبر عطـــــرچ مولـــــــدچ شايل ورد
بيچ حسينه رغــــــــــــــــم ذاك البعد
حــــسين مــــــرتين انه اگولن نستعد
أبمولده وأبمولدچ هـــــــــــــــم ينولد
رحمة الله هاشميه
الكل تنادي يارقيه
•••
شكو خصلــــــــه ابفاطمه حطاها بيچ
الله يدري أباچــــــــــــر ايشبكنه أديچ
حسين بس منحر وضل خــايف عليچ
وده راسه أمــــــــــــواعدچ لازم يجيچ
ياعشگ شايل منيه
الكل تنادي يارقيه
•••
خادم آهل البيت،،ع،،
ابوحسين السرگودي...
#قصيدة مولد الأمام الحــسن°°ع°°
...
الحسن فك باب الكرم بيدة..
والهله بيهم چـــــن مواليدة..
...
مـــــــن أنولد ليهسه تبراله
الدله صـــارت تشبه أخياله
مــاطفت ناره الجمر يقراله
•••والكرم نفسه أمچلب أيريده
...
مــــــايسد باب ولا..أبد سده
والخير مـــــــن أكتاره يتبده
واليمر تارس جيبه من عنده
•••وغرد الطــير أبأسمه تغريده
...
يكرم السائل لحـــــــد مايغنه
وسئل ترى يالگلـــــــت بالغنه
بصدر الروايه أيعيش مـبلغنه
•••والـــــراد يتأكد ترى أنزيده
...
والكربله مــــــد أيده ونطاهه
معزب وحتى أبروحه گهواهه
عزب أبخيمه وجاسم أوياهه
•••شايل كرم من الله تسديده
...
أكبر رســــــــاله الحسن للعالم
والكرم وي بابه ترى أتوالـــــم
مـــــــن فظل الله يكرم أبنادم
•••ويشبع اليذكر أسمه بالبيده
...
خادم أهل البيت،،ع،،
أبوحسين السرگودي...🕊️🕊️🕊️
أهازيج للامام الحسن المجتبى عليه السلام
آنـــه بمـــولدك مديــت اليك چفـــوف
يسلطان الكــرم باب الكـــرم معروف
فــز مني الگلــب متعنــي ليك يطوف
(( وبابك يطلب حاجاته ))
***
كــون بكربـله يالحـــسن يم حسين
نبنيــلك ضـــريـــح بين هالــگبتــين
ونگصدلك زحف لو تنگطع رجلين
(( ونلبي وخل يسمعونه ))
***
ألك حضره بگلب كل شيعي مبنيه
اطوفنها أبدمـــوع العين يــوميــه
خـــل ابغيضها أتمــــوت الوهابيه
(( ونطوف الحضره أبكل ساعه ))
***
ال سعــــود صبراً والزمان يــدور
چف المهدي يهدم يالبغايا أقصـور
ويبني للحسن گبـه وضريــح ينور
(( وبالحضره يردد آذانه ))
الشاعر
موسى البديري
ولادة الامام الحسن (ع)
صلوات صلوات هالليله تفرح فاطمه
١
ارد انه اهني الليله كل ساداتي
بيوم الولاده وارد اطش ضحكاتي
بأول أمام وهالفرح من ذاتي
هالليله تفرح للحسن مولاتي
تحيات تحيات نرسلها لعنان السمه
صلوات صلوات هالليله تفرح فاطمه
٢
لمن نزل جبريل جاب البشره
اول خبر شع بسماء العتره
نور الحسن صاغه آله القدره
وانطاه هديه الحيدره والزهره
سماوات سماوات مبتهجه تزهي وحالمه
صلوات صلوات هالليله تفرح فاطمه
٣
شجرة علي اول غصن بغصانه
منها طلع نور الحسن بسمانه
والزهره صوت الي يحب نادانه
لجل الحسن يفرح الليله ويانه
علامات علامات وسط الگلوب الهايمه
صلوات صلوات هالليله تفرح فاطمه
٤
من نور جده النبي ونوره اختاره
رب العله وطش عالمله انواره
محد عرفها للحسن اسراره
اهل الكرم والجود بي محتاره
كرامات كرامات چفه تبوس اتسالمه
صلوات صلوات هالليله تفرح فاطمه
٥
أجمل هديه الحسن هل اعلينه
والليله كلنه نحتفل خلينه
نرفع ادينه وندعي يابارينه
بجاه الحسن عجل فرج مهدينه
والافراح والافراح ندعيها ربي دايمه
صلوات صلوات هالليله تفرح فاطمه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ولادة السبط الحسن بن الامام علي عليهم السلام
نفرحلك نفرحلك يا أمامي
١
للحسن نعلن اجينه
بالولاده ولهفه بينه
مو بصابعنه احنه نبصم
نبصم وبثنين أدينه
هالليله
نبصم بهذا العهد
هالليله
مانعوفه للأبد
هالليله
يالحسن صحنه مدد
الرباط
خدامه نبصمله الليله
خدامه
٢
للحسن جينه سويه
شوگ بيك وشوگ بيه
بالحفل نعلن ولانه
بسم حيدر والزجيه
بالفرحه
نحتفل جينه سوه
بالفرحه
طير ياخذنه بهوه
بالفرحه
نشتعل مثل الضوه
الرباط
بالفرحه نحضر هالليله
بالفرحه
٣
جينه نبصمله ونعاهد
عالعهد بارينه شاهد
بالحفل نحضر سويه
خادم وجايبله خادم
بالمحفل
نحضر ونقسم قسم
بالمحفل
للحسن نبقه خدم
بالمحفل
يرف بيدينه علم
الرباط
شوفوها والدنيه امعيده شوفوها
٤
كل سنه بهذا عددنه
انعاهد وثابت عهدنه
حتى لو متنه احنه باجر
للحفل تحضر ولدنه
منعوفه
محفل الحب والشجن
منعوفه
نشعر المحفل وطن
منعوفه
عهد ننطي يالحسن
الرباط
خدامك وانته الوالي خدام
٥
نرسل الليله التهاني
اشهد اشهد يازماني
للحسن بالمحفل أحنه
نختم بهاي الأماني
نتمنه
كون مقبول العهد
نتمنه
ينشمل هذا العدد
نتمنه
يالحسن ننطي بعد
الرباط
هالليله يرضه بمحفلنه هالليله
لاتنسون والدي ووالدتي وأبني عباس من الرحمه والمغفره
خادمكم رياض الرسل الجابري
🌷مقطوعه🌷
الى كريم اهل البيت ع الأمام الحسن
گـالـوا كـريــم الـنـفـس گـلـت الـكـرم عـاده
مـاخـذهـه من وآلـده ومـن اهـلـه وجـداده
چـا هوّه غـيـر الـحـسـن ربـك فـخــر زاده
أُمـه الـطـهـر فاطمـة الـكـل الـعُـلى أگـلاده
وحيدر ابـوه ونِعـم تكـفـي الوصي امجاده
وجده النبي المصطفى البسمه العرش ناده
گـالـولـي سـولــف بــعــد لازم اكـو أزيـاده
هَـم شـارك بـمـعـركـه وَهـم الـحـرب جـاده
گلـت الـجَـمـل شاهـده خـت موت حِسّاده
*------------------------*---------------------*
خادم الأمام الحسن ع
✍الشاعر رعد الجريخي
جكليت وشمع وسط الصواني
هذا اليوم نحسبله الثواني
عيد الليله أجمل كل الأعياد ندعي بالفرح كل عام ينعاد
بميلاد الحسن أحلى التهاني
......................................
فرحان النبي بهاي الولاده
وحيدر يشعر أبهجه وسعاده
بكماط الحسن زهد وعباده
أبد ماينوصف حيدر شعوره بَسمه أعله الوجه تشرح سروره
اليوم أتحققت أحلى الأماني
..............................
على عناد الكفر وأهل السقيفه
سبط المصطفى من أول خليفه
الحسن من الزغر عامر مضيفه
الكرم والجود والحكمه خصاله كل الدنيا تتباهه بجماله
هذا المجتبى حلوو المعاني
................................
بأبيات الشعر وأجمل قصيده
شمحله المجتبى هالليله عيده
عساك بخير وأيامك سعيده
يومك يالحسن مومثل الأيام أعيوني من الفرح ماتقبل تنام
قبل عيد الفطر هالعيد أجاني
...................................
يضوي بنص شهر رمضان نوره
أبن الزهره بأبهى وأحلى صوره
علي دمع الفرح يوصف شعوره
الليله عالوجه أحلى أبتسامه الحسن مثل البدر ليلة تمامه
مثل هالنور ماموجود ثاني
...............................
ميلاد الحسن هاي أحلى ليله
كل غيض وزعل واجب نشيله
شما نفرح نحس كلش قليله
شمس الله أستحت ضمت ضواهه نور الحسن يتلاله بسماهه
أبن حيدر علي وسبع المثاني
................................
حيدر مطر العبادي
☘ لمولد الامام الحسن المجتبی ع💫☘
فرحانه شيعه اليوم وكلها سعیده،،
الحبُ الحسن هلیوم اکتب قصیده،،،
🪷💎🪷💎🪷💎🪷
أصوغ الشعر اصیاغ من کل البحور،،
وانضم قصیده ابشوگ تطرز زهور،،
احله القوافی الیـــوم بفکاری ادور،،
امـحمل دلیلی اشعار ابوزن الریــــده،،
ام مهدی مجدم✍🏻
🪷💎🪷💎🪷💎🪷
محمل دليلي أشعار لبن الزچيه
المولد کریم البیت اتـخط اديـه
للــهادئ والـكرار ابــــعث تـــحيه
الشعر الهل البيت اسمع واعيده
✍️ام محمد التميميه
🪷💎🪷💎🪷💎🪷
شنظم انه احتاريت شكتبلك اشعار
يانفــــل يامغوار ياحلو الصيار
من الصغر معروف تكرم الخطار
شايل كرم وطيب من زغر بيده
ام رحمه الگاظميه
🪷💎🪷💎🪷💎🪷
اكتب شعر منثور للعالي صيته
بيه الكرم معروف ومتروس بيته
روحي اعتنتله اليوم گصدت ثنيته
ايوزع يفرح الجاي ابترست ايده
زهره الكناني✍🏻
🪷💎🪷💎🪷💎🪷
مانوصف شمنگول ببن المیامین
بثاني العتره اشعار نکتب دواوين
فرحانه كلهه اليوم مولود الحنين
نعمه واجانه الخير ربي يزيده
✍️☘️ام فراس الساعدي ☘️
🪷💎🪷💎🪷💎🪷
ايوزع ابأيده ارزاق لجداده ساده
وكلمن حضر هااليوم يطلب امراده
وبيديه جاب اوورود ويقرا انشاده
يلمايرد طلاب يبن الصميده
✍ام مرتضى الخزرجي
🪷💎🪷💎🪷💎🪷
باقلام شاعرات رابطة كفيل زينب ع
غير مبري الذمه لكل من يغيير الاسماء او ياخذ كلمات القصيده وينسبها اليه
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
النعي والرثاء لمجالس سيد الشهداء
❤️ @AL_Nay_and_Alrthaa
ريــآحيـــن فآطـمـهہ🌿🕊
❤️ @nasayimaymanih
ذكر الامام علي بن أبي طالب (عليه السلام)عبادة
❤️ @qwpaslzmx
ادعية ايام الاسبوع
❤️ @dsjjdgsb
العــشـق الـمهـدوي
❤️ @avkq1
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
اجمل صور
❤️ @Afubxev
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan
لقاء العاشقين
❤️ @jkhkll
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة فقه النساء
❤️ @fakhh1
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde