•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 September 2023 01:37

اسامه الحرازي:
بصراحه احلا واروع روايه ♥
ابدددددداع ـ لاول مره اتابع وانسجم معا روايه واجلس انتظر لوقت نزولها .. معا انه احياننا ماكانت تنزل او تتاخر 😒 بس من كل قلبي اتشكرك ع الابداع ـ
واكثر شي اثر فيني لمن وقع الحادث وصهيب تغير ع نور وبدا يكره وجودها فجئه وماعاد يشتي حتا يشوفها قدامه 😢
بس شخص مثل صهيب يستاهل صبر نور وتحملها لتغيره بعد الحادث
وموضوع الكنز كنت منتظر لشي يحصل لصهيب او نور 😅 وبنفس الوقت ادعي انه مايحصل لهم شي 😊
الف الف شكر ـ الله يوفقك بجميع امور حياتك


ومنتظرينك بروايه اخرى 😘❤️

بہدون اسہٰ۫م:
♕↤ ان شااء الله تبهرنا الاستاذة عبير في الروايات جديدة




#مشـــــــاركة.

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 September 2023 00:18

بمناسبة انتهاء الرواية
خلونا نتناقشش شوية
ماهو رايك فيها وايش اكثر شي احببته فيها ?

-






للمششارككهة ↓
@no_name27        ←

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

24 September 2023 23:33

@sanaaroohi2 🩵 الكنز المدفون ↴

ـ بارت 269

.
.
الممرضه: سير ادي الاشياء هذه وافتح لها ملف مرتك قد بتولد لو مالحقتوا ووصلتوا ذلحين انها ولدت في الطريق، كيف مانتبهتوا وقدلها من امس بتولد

صهيب: والله ماكان فيها شي بتتسشور وتتصلح ، شل الورقه خرج
ام صهيب شافتهم مابحد اتصلت: اين انت يابني؟ ليش ماقد رجعت ؟

صهيب: كل مادخلنا مستشفى قالو ولاد وهي ماتمت التاسع قد لفينا صنعاء

امه: يو حسبك الله ليش هكذا، ذلحين مافعلت وين انتو

صهيب: بتولد مدري اين احنا نسيت المستشفى من كثر مالفيناهن..خرج شاف اللوحه قلها اسمها

امه: شليتو الشنط ؟

صهيب:  ماشي فكرنا تسمم اسسعفتها مش داري ولاد

امه: الله يهديكم بسس، هيا شاجي ذلحين، اتصلت لجدتها و سارين

صهيب بعد مالف من صيدليه لثانيه وكمل يشل الاشياء المطلوبه وفتح ملف طلع لهن

الممرضه شلتهن منه

صهيب: اتقوا الله قدلها ساعه ونص داخل ماقد ولدت

الممرضه: ماشي

صهيب: لو ماتعرفوا شي ،خرجوها اشلها مستشفى ثاني

الممرضه شافت مش وقت نقاش معه واستفزاز دخلت تاخذ ادويه نور

صهيب بيسمع صوتها لاعنده قرب يدق الباب خايف عليها لانها بتشرح له قبل ماتولد الاخطاء الطبيه والاهمال و...الخ :  خرجوها ماعد نشتيش، ايش بتفعلوا

سمع هدوء ماسك راسه لايقولوا له ماتت

فتحت الممرضه باب الغرفه ناولته النونو وهي بتبكي بصياح النونو، الممرضه: انت ومرتك وابنك هرمين كلكم مجانين

صهيب نسي كلامها وكل شي لما شاف النونو في يده:

الممرضه: تتربى في عزك

صهيب: من هي هو ولد؟

الممرضه: بنت

صهيب: قالو لنا ولد والله، متاكده هي بنتي او غالطتوني؟

الممرضه: محد ولد ذلحين الا مرتك تطمن بنتك

صهيب فرح قوي كان نفسه بنت بس قالو له ولد، بيشوفها ويتحيلا لها

النونو مقززه بتصيح وتبكي قوي

صهيب: يوو والفعله مالش ،؟ ياساتر كيف مجنونه ساع امش

ام صهيب وصلت والجده

في الغرفه الثانيه نقلوا سرير نور وسرير النونو

نور خرجت وهي زاعله ضابحه: ولا قالو انها ولاده، كنت اشتي اجهز وازين غرفتي

ام صهيب والجده فارحات بالنونو وكل واحده بتشبه

صهيب حب يدها و راسها: الحمدلله على سلامتش ياعيوني

نور: اي سلامه مش انت داري قد قلتلك هنا مجرمين خباث

صهيب: ولايهمش اخرجش الان لو تشتي وادي الدكاتره كلهم عندش ، اهم شي البنت ذلحين كل ثيابها ازرق ورمادي وابيض وكركمي (ضحك)

نور شافته ابتسمت: قول والله بنت؟

صهيب: مش انتي داريه ؟ هذا وانتي الي ولدتي

نور بفرحه: ماشي ابسرت وجهها ، وشلوها مادريت ولاقالو لي
ادي بنتي

صهيب مسكها وبيوريها: ابسري القزازه والحواجب طالعه لش
نور ضحكت بتتحيلا لها( النونو بتبكي بعصبيه ومقززه
صهيب: ومجنونه ساعش

نور: انت والله انه انت هكذا لما تقزز

📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

23 September 2023 23:55

@sanaaroohi2 🩵 الكنز المدفون ↴

ـ بارت 267

.نور : احمد ربك ماسخيت افعل القويات الي فعلتهن انت

صهيب: ياخلق الله مالكم كلكم عليا ؟!

نور: تعرف اننا سجلتك كنت حاسه عيجي يوم وماتعرف مافعلت، اسمعك

صهيب قحص يدها : سمعيني هرمتي امي وانتي بتمثلي عليا.

نور صاحت: والله ان قحصتك قويه ادت لي مغص

صهيب ناهي يادلع ماذلحين ماشصدقش ابدا

نور متحمسه تسمعه متجاهله وجع بطنها: خرجت التلفون من الدولاب فتحت التسجيلات

صهيب بيسمع وماسك وجهه مصدوم بيضحك ويأشر اناا ، يوقف التسجيل ويتحقق من الكلمه ايش قال ويكمل يسمع

نور بعكس مشاعر صهيب الي بيضحك ع نفسه ومستحي، ماتوقعت انها تسمع هكذا وتتأثر كيف كان ( بكيت)

صهيب وقف التسجيل: مالش؟

نور: الله لاعادها ايام ، كنت مقهوره عليك كيف بتعاني ومتضايق من وحدتك ومش قادره افعل لك شي وبينعاني منك نفس الوقت

صهيب حضنها: اسف ياروحي بيمسح شعرها : انتي مش عارفه قدرش ومعزتش بقلبي كل دمعه غاليه ، لاتبكيش الحمدلله قدنا بخير

نور داريه سكتت مسكت بطنها مره ثانيه

صهيب: مالش ؟,

نور: مغص، يو لايكون ولاد خليني اقوم اجهز ادواتي

صهيب: بغير جنان ارتاحي انا شاجهز لش

نور: ماشي ، عتصيح جدتي وماما كم لهم يقولو لي اجهز الشنطه وانا مبورده

صهيب: طيب شاساعدش، يمكن من الاكل بطنش مغصتش

نور: مدري خليني افعل احتياطي..

صهيب بيشوف الساعه اربع الفجر بينعس: هيا نور مابتفعلي؟

نور : راعي باقي هذه الشق اكمل اسشوره

صهيب بينعس وينكز كل ماتطفي وتولع السشوار

نور كملت وخرجت الصباغ بتتصبغ وتلوووي من المغص

صهيب نكز شافها بتهوي اصابعها يشتي يتليقن بس مالحق النعاس غلبه ..

نور ولعت المبخره وبتتبخر

صهيب بيشم دخان فتخ عينه: نوووور اين عتسيري ؟؟ معش عرس هذا الساع مالش ماترقدي .

نور: اتجهز لو ولدت فجأة

صهيب: ولاد وانتي هكذا عادش عتتمكيجي؟

نور: مع مكياج مع بغير جنان

صهيب: والله انش مجنونه الا انتي

نور وقفت فجاه من قوه الوجع شافته:اسككت لو سمحت بتوترني وتمغصني انت بكلامك اسكت.

صهيب: سحب الوساده وغطى وجهه ورقد بس مش قادر يرقد قلق وبيهمها قام جلس شافها رجعت طبيعيه ولافيها شي: نور انتي بتمثلي تقلقيني او ماشي قوا عشان اعرف ارقد او مع ارحميني يا نور قوا

نور: ماااشي مابينمثل ، فيني شويه مغص شكلي بردت او بسباس الرز اخر الليل ..

رقدوا وكل نص ساعه تقوم تنكز وتنكزه معها وترقد

الصبح..
صهيب عادو ثقل نومه وهي بتبقصه: صهيب،،، صهيب

صهيب بيهرب لطرف السرير ويغطي وجهه: معرفش مافعلش

نور: خلاص شلني المستشفى شكله تسمم قوي قد زاد الوجع لاعد يقع شي بالنونو

صهيب فز اسعفها والكل راقد الصبح..



بكره نكمل تتعودوا شويه على الانسحاب🥲
ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

23 September 2023 23:55

@sanaaroohi2 🩵 الكنز المدفون ↴

ـ بارت 265

.
.نور: زادو عليك مش هو اصلي.

صهيب طنشها وجلس يبحث في النت عن اعراض الحمل

نور: بينكلمك وهذه ثاني مره تكرر تصرفك هذا وتدعمم وتطنش والتلفون اهم مني عندك

صهيب طرح التلفون: لا لا، بس انشغلت صاحبي، فارح له من قلبي زوجته حامل ، الله يهنيهم يابخته

نور حست بغيره: ناهي حسستني مدري مه، مش هي اول ولا اخر واحده

صهيب: واحنا ايحين يانور عيقع لنا بنيه مجنونه ساعش هكذا

نور بربشه : ان شاءالله لوما يقدر الله..

وصلت ام صهيب وهي فارحه طلعت للغرفه: نوور، يانووور

نور فتحت الباب

عمتها: يو جنه ملان الدنيا يابنتي، كم فرحت حين قالو لي انش واحمه

صهيب مسك نفسه لايضحك على موقف نور

نور بتبهرر لعمتها

عمتها: ماهو ؟ او كذب

نور: بتاشر لها على صهيب

ام صهيب: ماله؟ مش داري

نور : خلاص مابش مفاجاه ، من قلكم
صهيب بيضحك قرب حضنها وحبها فوق راسها: بتخبي عليا صح
ام صهيب: يو جعلي الخير كنتي تشتي تفاجأي زوجش مش انا داريه والله

صهيب:اعترف اعتراف الصدق، يانور قريت الورقه بس والله مافهمت عصبت غرت قوي ومشتيش اسيء فهمي لاني واثق بش بس عصبت من عيشاركني قلبش، بعدها وانا نازل وصلت رساله تقل طلعت نتيجه الفحص فهمت

نور ضربته في يده: وليش بتتخيبل وتقلي ع صاحبك

صهيب: اشتي تقلي لي افرح مشتيش اراعي تتمي تتعبي في مفاجاه وانا داري

ام صهيب: الحمدلله كان اقتهرت اننا خربتها عليش هيا قدو داري ماذلحين

نور ضحكت:كيف دريتوا

ام صهيب: كتبت نتيجه الفحص وجهزتها بنت اخي هي بتشتغل هانك

صهيب: الله والنسوان امانه انهن اسرع من النشره

نور ضحكت

صهيب مبتسم شاف امه ونور: ذلحين شاوقع اب؟ قد بينقلش نجهز غرفه الجهال قلتي مع.


ام صهيب: بطل جنان ، يجي بالسلامه وبعدا سهل، البيت كله فاضي في يومين عتجهز غرفه

نور: هو صدق كلامهم

صهيب :اشتي ابني يجي جاهز مايحس نفسه ثقيل ومابش معه بقعه

نور :, ياساتر حسستني انه عيجلس في الشارع، ايش من بقعه وغرفه وهو عيكون في حضني واصل

صهيب: مابش لاتعوديه الدلع ويشل وقتش كله له

ام صهيب شافتهم فارحين منسجمين فلتتهم وانسحبت دلا فارحه تبشر الجد


ثاني يوم

صهيب صحي وهي مابحد راقده فوق الكنب: نوور..نوررر

نور قامت شافته غطت وجهها: مالك

صهيب ضحك: مالش انتي بتتلثمي مني؟

نور: عطرك ياصهيب ارجمه .. قامت من جنبه بعدت وخرجت من الغرفه ونزلت للحوش

صهيب انكسف : مالها ! كان يعحبها

نزل يسال امه: بتحسي العطر متغير

امه ضحكت: مرتك يمكن معيفه له

صهيب: ايش يعني معيفه

ام صهيب : شرحت له


صهيب: على هكذا شكلها كارهاني بكلي مش الا العطر

امه: ممكن تحصل خيرات اغلبهن هكذا

صهيب زعل: طيب مابينزعلها والله


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

23 September 2023 23:54

@sanaaroohi2 🩵 الكنز المدفون ↴

ـ بارت 263

.امه مستغربه مالهم ماحبت تدخل: خلاص سدو يابني، الله يهديكم بس

صهيب: طيب اعتذر منش على الشي الي ضبحش وانا مش داري ايش هو

نور : مافايده ماذلحين سمعت بي لنازل خليتهم يطلعوا لاعندنا

صهيب شك انها متضايقه او مصدعه مثل كل مره ونفسيتها بتضبح: بيكلم نفسه كبر عقلك ياصهيب النسوان هكذا يارحمتاه يكفيهن التعب الي فيهن لو اسالها لاتعصب خليني مدعمم بس

نور شافته منشغل شلت البطانيه وسارت ترقد وهي بتبكي زاعله منه

صهيب مش داري انها بتبكي شافها ممدده: نور  تاعبه؟ افعلش شي تشربيه؟

نور مطنشه صهيب بتراسل بسمه وعصماء

ثاني يوم..

صهيب بيصحيها: نور هيا عتسيري دوامش

نور: ماشي

صهيب: طيب لو تاعبه ارقدي افتهني

نور داخل نفسها: ماعد في حسه مني قدو يشتي يتخلص مني بأي طريقه

صهيب: ليش مابتكلميني

نور: مشتيش اتكلم ضابحه، تصحيني من النوم وبعدا تقلي ارتاحي ليش بتفعل هكذا.

صهيب: خلاص شاخرج الان افتهني بس..

نزل وهو ضابح: مالها تغيرت عليا هكذا

ام صهيب: وين مرتك، سديتو

صهيب: مدري مالها، سهل شاتحمل هو اسبوع وكل شي عيسبر ،، خرج وظيفته

نور على اتفاقها مع بسمه وعصماء خرجت معهن، يصتبحين ويتمشين شافت نفسها مجنبه جنب مستشفى نزلت امد ماتجنب السياره ويطلبين، فعلت فحص دم ورجعت لاعندهن يصتبحين.

بعد ماخلصين صبوحهن وراجعات البيت وصلتهن نور، في طريقها وصلت رساله نتيجه الفحص(ابتسمت فرحت) و ذكرت صهيب الي مضبحها هذه الايام كيف تفاجئه وهو ثقيل دم ، جالسه تفكر افكار كيف تقله.

بعد ماوصلت البيت
ام صهيب مش موجوده ،دخلت تفعل الغدا

صهيب وصل شافها في المطبخ بتطبخ: وانا بينقول ايش الشم هذا لاخارج طلعتي انتي

نور فرحت شويه بكلامه.

صهيب: جبرني الي بتدلعني وتخورني وتطبخ لي

نور: رغم انه يخ بينحس ان الطبخ شوعه قوي اليوم ماوقعش حالي بس يلا جامل

صهيب ماسك نفسه لايقول كلمه يزعلها: مش مجامله والله ان الشم يجنن

نور: غير ملابسك امد ماقرب قدو جاهز الاكل

صهيب: تمام

نور ذكرت وهي بتقرب الورقه الي كتبتها فوق التسريحه حست لو تراعي افضل وبعدين تديها له. طلعت بسرعه

صهيب كان بيشوف رفسه فوق التسريحه غير كل مره يوصل فيها شاف كرت وقلم وشريط وصندوق قرب يشوفهن بيسأل نفسه( مش هو عيدميلادها عادو بعد فتره ولاعيد زواجنا ) معصبه لاني ماعرفت؟


فتح الكرت بيقرأ( حابه اقلك ياصهيب ان في حد عيشاركك قلبي ،مش بيدي حبه سيطر عليا ، متشوقه لليوم الي احضنه وابوسه و اشاركه كل حياته لحظه بلحظه ماكملت كلامها على اساس تطبخ وترجع تكمل

صهيب مصدوم ايش هذا الكلام المكتوب


نور دخلت لفت كل الاشياء الي فوق التسريحه: ابسرت شي؟؟ قرأت؟؟
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

23 September 2023 01:08

@sanaaroohi2 🩵 الكنز المدفون ↴

ـ بارت 261

.
.سمير جالس ضابح

فؤاد بمزحه: سبحان الله دائماً تحنق وتفلت نص الكلام وتمشي وتخرج ترزع الباب واليوم بينبسرك جالس وتتهزأ عادي، حين بعدها فايده.

سمير شافه بنظره تشكيك في تصرفه: ايش عاجبك الوضع تشتي تلهفهن لابطنك، معك اكثر مني وعادك تشتي احنق واخلي لك حقي ،تحلم

فؤاد ضحك: انت كل شي عندك ياخي حق مابش مزاح مابش مناقشه كله مشارعه عمري مابسرتك تجي او تدق باب تدخل تجلس فيه عادي وتسأل علينا وتسير

سمير: لاتدورش هدار ، خلي لي حالي لاتنبش مواضيع وتدور مشاكل من الجن

امه: صممت ع كلامها قسمت لهم كلهم( عامله حسابها لما قسمت الزياده شويه كانت لعيال عيالها اما سمير اكتفت بحصه واحده من المبلغ لان مابش معه اولاد)


سمير: و نور معها من بيت زوجها ومنش

امه: ايوه

سمير: ماتفعل به تدي لابن الناس

امه: ايوه زوجها ابن ناس صدق ويستاهل

سمير تبرقط : يلا مراعيين للصدقه،الله يكتب اجرش ويزيد رزقش( بيتمسخر) خاطركم( روح)

في بيت زوجها

صهيب: ذلحين جي ابسري المخطط

نور جت تشوف( قسم مبلغ لخواته الي من امه وابوه)
ولش مبلغ تفتح فروع لمركز اسنانش في مختلف مناطق صنعاء ، وشاطور مشروعي، وجزء منه اشتيه للخير

نور: عيكفي هذا كله

صهيب: ايوه وطبعا ششتري ارض لجهالي واعمر لهم

نور ضحكت: ماقد جوش

صهيب: يجو وكل شي جاهز ماعد الا زوجته يختارها هو
غرفهم بيتهم مبلغ تامين لمستقبلهم

نور بتضحك: ماشاء الله لما يكبرو عتحكي لهم كيف لقينا الكنز

صهيب: ايوه وصورت لهم البيت كيف غلفتيه يوم ماخفتي من الثعبان

نور بتضحك: ايش عتفعل دار جنب الي فعلتها

صهيب: لا هذك شادعمها وماشاء الله البنات بدأين يشتغلين ويخيطين والعوائد لهن ونسب لتطوير الدار هذه

بس اشتي افعل خير يغير حياه واحد ( انش تاكلي يوم ويوم ثاني يدور ايش ياكل مش خير)
وتعالجي يوم شخص والثاني من نفس العائله مش قادر يتعالج

نور: يعني قصدك عتفعل شي دائم؟,

صهيب: فكري معي ايش نفعل( انا نفسي ادعم الشباب الطموحين الاذكياء الي مش قادرين مادياً يدرسوا، والي معهم مشاريع ويشتوا دعم في البدايه ، ويرجعوه اول مايكسبوا ،وهكذا الي عيرجع عيدي فرصه لغيره

نور: فكره حلوه قوي، بس كيف عتوصلهم!

صهيب: هنا الحنبه جالس افكر بخطه كيف اعرف الي محتاج صدق من الي بيدعي الحاجه

مثلا العلاج( شاتواصل مع دكاتره مثل اشياء لازم علاجها وانقاذ لحياه شخص، مثل القلب علاج دعامات وقسطره غالي مش الكل قادر يدفعه صدقه لروح ابي الي مات بنفسس السبب مالحقناه، ودعم قسم سرطان الاطفال ، كم ياطفل ممكن يتشافى بس مالقي فرصه علاج، )


( لو كنتوا مكان صهيب، ولقيتوا كنز وانتم مرتاحين مادياً ، ايش كنتوا عتفعلو به)؟؟


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 September 2023 05:43

@sanaaroohi2 🩵 الكنز المدفون ↴

ـ بارت 259

.
.طول الليل نور تغفى وتنكز تتفرج الباب الطاقه..

صهيب نوووم

نور بتشوفه كيف قوي ولافي حسه رغم هو الي قتله وراقد بنوم عينه

الصباح..

نور نعست شويه

صهيب بيمازحها يكتشف نومها ثقل او عادها بتتنكوز مثل الليل سحب ربطه الستاره ومشاها فوق وجهها ويدها

نور فزت جلست مبهررره بتتلفت

صهيب بيضحك: بسم الله الرحمن الرحيم، كانش قمتي من قبر مش نوم، دهفها فجعتيني ارقدي

نور شافت الي في يده انه بيمازح بضبح: الله يقلعك ياصهيب ماهو هذا السفاط حرام عليك لو وقف قلبي تفجعني وانا نوم

صهيب مسك خدها معصب منها مش ساخي عليها: طول الليل تااااعب وانتي كل خمس دقايق تقلي تحت السرير بسرتي شي مشي، سمعتي صوت وتصحيني كل خمس دقايق مش حرام عليش

نور: اوف ماكنا نشتي الكنز

صهيب : غامرنا خلااااص، اين السماخه اول، قالو عيشلونا عيفعلو ويتركوا واحنا مؤمنين سبحان الله ، متحديين الجن كلهم

نور ضحكت: يو انت داري انحنا مجانين، مغلقين البيت و داخله اشياء قيمتهن ربع الي في الحفره

صهيب ضحك: صدق والله ، انتي داريه اشتي انزل ابسر، عيخرج ثعبان ثاني او ماشي، قالو انه مع كل كنز حراس ، يمكن قتلنا واحد باقي

نور: يمكن حلمي يوقع معناه هذا الشي .

نزلوا، مابش شي، في النهار وعلى ضوء الشمس السبايك بتلمع ذهبيه ومضويات الحفره

جالسين يضحكوا

ام صهيب: اصبحنا واصبح الملك لله، مابتفعلوا بكرتوا الحفره

نور: نتفاقدهن حد شلهن او مع، خرج ثعبان ثاني او مع

شافوا جدتها خرجت بالمفارس والكريك بيضحكوا عليها

صهيب: ماعتفعلي؟

الجده: ادور حقنا وين

صهيب ضحك: يمكن مابش !!
.الجده: الا بهط بيتنا وبيتكم، الا ماصدقت انا قوي الا بعد مابسرت بعيني

صهيب : خلوه انا شاتصرف بالحفر، بس بعد مانرفع هذا ، ادي عمال وبعمق معين مثل الي وصلنا لحفرتنا عنخليه علينا احنا

نور: كيف عتطلعهن ياصهيب؟

صهيب: شانزل مابش في الحفره شي

قفز ونزل ماقدر يحرك الصندوق من ثقله، جلس يرجمهن على  قطع قطع لخارج

نور مش راضيه تمسكهن خايفه حين الثعبان كان حولهن



باعهن صهيب من الظهر لاخر الليل وهو بيلوي كل محلات واسواق الذهب..

طرح الفلوس في البنك خرج منها صدقه لكل مكان
( ناس مساكين في مستشفيات حكوميه سدد لهم تكاليف. عمليات ، ادويه ،جلسات كيماوي، )

اشترا اكل ووزع لكل الي في الشارع وجبات


روح البيت هو ونور


ام صهيب: وين الفلوس ؟

نور : وزعها والباقي في البنك

ام صهيب: الحمدلله اهم شي ابتاعين والله مانا مصدقه لا اله الا الله..

صهيب: بكره نبسر بيت نور به كنز او مابش

الجد: البيت الي كان مبني قبل واندفن فيه الكنز مابين بيتنا وبيتهم يعني بقعه الكنز هذك كان بقعه من الدهليز


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

20 September 2023 23:44

@sanaaroohi2 🩵 الكنز المدفون ↴

ـ بارت 257

.
.صهيب ساكت ماعد قدر يرد عليه معصب منه

سمير شافه ساكت: خلاص خير، مره ثانيه اسير ازيد ادق

صهيب: هي و نور خارج

سمير : هاا، واصل تفاريط الفرغه، بنقلهم نشتيهم ضروري، خيره الله، يلا مع السلامه

صهيب قفل بعده

ونور واقفه وراه تضحك

صهيب: عمش هذا ينرفز

نور : قوي ، ياريت خليته يخرج الثعبان هو..

صهيب:, هيا نبسر ايش في الصندوق، لو مابش شي ، يجي العامل ينظف كل شي ويدفن هو قدنا تاعب

نور: طيب كيف نبسر

صهيب اتحملش وانزلش الحفره دلا تفتحيه

نور بعدت من جنبه : صهيب ماااااعه، والله لاهرب للشارع هكذا


صهيب : تعاالي امزح معش يامجنونه، امسكي الحديده معي ونرفع الغطايه اصلا قد الخشب حقها مهتري قوي

نور: شاغمض يا صهيب لو شي شوعه قلي لاتفتحي لو شي حالي قلي ابسري

صهيب: تمام

بيعدو الاثنين ١/ ٢

صهيب قاطعها: وطي صوتش اوبهي تصيحي لو شفتي شي يمكن عمش باب البيت او حد في الشارع بتسمعي

نور: تمام

صهيب: قسما لو يطلع صوت

نور: خلاص هيا والله ماصيح، تعبت الحديد ثقيل

صهيب واحد ..اثنين...

نور ثلاثه ,ارتفعت الغطايه

فلتو الحديده نفس اللحظه الاثنين متصنمين

نور مسكت وجهها شافته

صهيب مصدوم منذهل

الجده والام في الطيقان بيشوفين

ام صهيب:* مالكم؟؟؟ مابه !!,

نور ماعد قدرت تتكلم بتأشر لها بيدها تجي

صهيب بيشوف غرفه جده طالع، ... دخل بسرعه يدي جده

( تحمله ماعد لقي وقت ينزله بالكرسي حقه)

بيدعي العامله تلحقه بالكرسي حق الجد

نزل وهو بيعرق وينهل وجده  في يده

الجد: يووو مالك يابني هريت عظامي مالك شاصترع لابين الريح خرجتني هكذا


العامله ادت الكرسي وبطانيته

صهيب طرحه في الكرسي ودفاه وبيسوق الكرسي لاعند الحفره

الجد: عتقبرني او كيف

صهيب بيضحك: بينقل لمن طلعت زباج لكم ياجد

الجد شاف: بينقلك بينقل لابوك الله يرحمه، ولاحد سمعني ولاحد صدقني

الجده خرجت شافتهم محوشين وهي بتقرا قران والمسبحه في يدها وتتعوذب

نور: ذلحين هولا ايش نحاس او ذهب؟ افلاس او مالكم فهموني

الجده: هولا سبايك، وجنيهات ذهب

نور : يعني ذهب ذهب ؟؟؟

صهيب: سهل شاعذرش مصدومه

نور بتضحك: منكم صدددق، والله ماتوقعت يوقع هذا كله، كان تحدي فضول

الجده: كيف عتفعل يابني، قد عتظلم، مغارب

صهيب: مش انا داري والله ، اخاف ادخل حد البيت

امه: مابش معك حد مضمون

صهيب: مشتيش يخرج مواضيع ناس تفعل مشاكل تطمع،

الجد جالس يتكلم،: باقي يابني ، ايش ابسرت من اثار

نور: انا ياجد حين حفرت ابسرت دعسه بسمنت، بس مابش شي بعدها بخطوات لقينا رمز

الجد:الدعسه هذه اين موجهه؟؟؟

نور بتتذكر : هكذا(جهه بيت جدتها)

الجد: معاكم والكل

نور:خلاص خلاص، مانشتيش


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

20 September 2023 23:43

@sanaaroohi2 🩵 الكنز المدفون ↴

ـ بارت 255

.
.نور بتصيح: ابعد ...ابعددددد

صهيب يقرب ويبعد  ربشته بالصياح : نور ادخلي بسرعه وترتيني

نور: بطل خباله لو يطلع بسرعه يلقصك ىيلتف حولك

صهيب هزر الصحن الي جنبه جهز بيض مسلوق وداخلهن امواس على ماقال له الخبير يقتل الثعابين  رجم البيض للحفره...

الثعبان كان يلتف حول الصندوق ويرفع راسه يوقف يتحرك يشتي يطلع

ام صهيب من صياح نور خرجت والجده

نور: لحد يقرب

صهيب خرج المسدس من السياره: ابعدين ادخلين،، نوررررر

نور شاسكت طيب ، رجعت لورا ومغمضه ومغلقه اذنها

ام صهيب خافت دخلت وبتصيح فوقهم يرجعو يدخلو البيت

الجده رجعت البيت وقفلت

صهيب شافهن ضحك: وانتي ادخلي صوتش للشارع

نور: هميت الشارع!! بعقلك ياصهيب فلت الصندوق يلعن ابوه

صهيب ماسك المسدس بينصع ، مراعي ياكل البيض ، اكل بيضه

صهيب متحمس شويه شافه بدأ يلتوي الثعبان اكثر لما ثبت شويه نصع لراسه وضرب ثلاث طلقات للراس والذيل والجسم

نور : مابش صوت انت ضربت اكيد؟

صهيب:مسدس  كاتم صوت ياذكيه

نور بترجف من الخوف: مادراني شفتني رئيسه عصابه، مانشتيش خلاص يع توسخ الصندوق ابردلك ،

صهيب بصدمه شايفها : يع، يااااي يع ليش

نور: بتبسر

صهيب: ادخلي قلك تحفر لو خرج لش وانتي في الحفره وربطش هكذا لفش( مسك رجلها بقوه)

نور صاحت: بطل مزززرح( بكيت)

صهيب ضحك: يوووو ما السماخه سماخه

نور جالسه مركزه ع الحفره مش مركزه مع صهيب الي بيهدأها ابدا: خلاص مات؟؟

صهيب: ايوه

نور: مانفعل؟

صهيب: اتخيلي بعد الجعجعه هذه ، تطلع جمجمه داخل الصندوق

نور: صهيب رجاء والله اننا خايفه

صهيب بيصيح يبعد خوفها: تشتي كنزززز، توقعنا يخرجوا جن

نور: انتي داري قالو ان الثعابين هي اصلا جن، لو قتلته اخاف يفعلوا بنا شي

صهيب: قالو وقالو وكم يا اساطير، هيا انا عندش عنبسر ماعيقع بي ، بعدها ارجعي قولي واحكي ساع العجايز قصص


نور مسكته: من غير شر عليك

صهيب:  طيب كيف نفعل بالحنش هذا، كيف انزل

نور بتضحك عليه: بتفتجع وعادك تتفلسف عليا


صهيب: احمدي الله قدرت اقتل ثعبان

نور: ايش فعلت هو الا مسدس، كنت انا اقدر بكل سهوله

صهيب مسكها بيسافط، : ارجمش للحفره طلعيه لو انتي مش خوافه

نور مسكته بقوه: بطل سفاااااط ولا شافلتك وادخل والله


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

20 September 2023 00:10

@sanaaroohi2 🩵 الكنز المدفون ↴

ـ بارت 253

.
.ثاني يوم( يوم التخرج )

صهيب بيجاوب تلفونه خرج للصاله

نور بتلبس استغربت ليش رد وما تكلم وخرج وقفل الباب

صهيب رجع دخل بيغلق اكمام الشميز

نور: من اتصل؟

صهيب: صاحب

نور: ليش خرجت تجاوب من خارج
صهيب: لانش فضوليه، انا حر بيني وبين صاحبي اسرار، بتغيري

نور : طبعاً بينغير

صهيب رفس وجهها بيده: تطمني يكفيني مجنونه واحده في حياتي ، هيا اسرعي

نور بتلبس ساعتها والدبله والمحبس: الحمدلله انك تباخرت كنت شانحرم الفرحه هذه

صهيب بيلبس الكوت :منش صدق كنتي عتصدقيني وانتي عارفه اننا ماكنت بكامل وعيي وتنحرمي

نور: طبعاً ، كان يهمني صحتك، وماشفرحش لو انا وحدي

صهيب : هيا افرحي اليوم شاجي معش،

نور بترفع يدها وتحس بثقل: معضله قوي وانت؟
صهيب ضحك: وانا، الله يهديش من قلي اصدقش واتحمس منعنا جدتش تفتح لاي حد هدينا السور حفرنا

نور فتحت الستاره: يو الحمدلله

صهيب: بس كل شويه الليل ماخليتيني ارقد تقومي تفتحي الستاره مابتدوري

نور: ابسر لو خرج شي من الحفره

صهيب: الكنز عيخرج برجله

نور: الثعابين ياذكي

صهيب : مجنونه والله ، هيا كملتي؟ شرق

نور : ايوه باقي بس وين شنطتي، رجعت اخر نظره قدام المرايه

نزلوا وامهم مشيت معهم ومروا لجدتها وقفلوا الابواب

عمه صهيب عند الجد بتكلم اخوها : والله صهيب يا ابن اخي من بعد الحادث تصرفاته غريبه، تخيل هد السور الي بينه وبين بيت مرته، وحفره يشتي يعمر سور حجر قلك

اخوه الكبير: هذا عيفعلنا مشاكل مع عم مرته، انا شاتصل له اكلمه لو استاذن منه ياعمه،

عمته: بيخطى بعد مرته ، والمشاكل عترجع فوقنا

  
اخوه الكبير قفل واتصل لسمير..


سمير: اي سور، محد كلمني ولا استأذن؟ عيب عليه ابن اخوك مش معناته قد تزوج بنت اخي يدخل لاوسط البيت بدون احترام واستئذان، انا شاتصرف


اتصل لصهيب كان مابيسمع مع ضجه الحفل.

اتصل للجده مابترد ، نور ما بترد..

قام سار للبيت، بيدق محد بيفتح


في الحفل..

نور بتشوف كل صحباتها واقفين اهاليهن حولهن بالفل والورد والهدايا..

بتتلفت صهيب مش في الكرسي وين راح؟ حست بزعل

وقتها بتنزل من الدرج وهم بيدعو اسمها، طلعت تستلم الشهاده..

صهيب ببوكيه ورد وفل كبير بطووولها معمول بورد ومثل شعار يلتبس

نور بتسمع صحباتها ( هذا زوجها، شوفي كيف وسيم وشخصيه ، لو شفتين كيف صفحتها صور سفرياتهم...الخ)

حست بفخر وجوده جنبها بعدها جدتها وام صهيب، تصوروا معها وناولوها الهدايا

صهيب هديته بوكيه ورد فيه كرت مكتوب فيه
( هديتش بين الورود ياورده حياتي)

نور استلمت الشهاده، ومشيت شافت مابش شي بين الورد

نسيت

كملوا فعاليات الحفل خرجوا ، جنب السياره.



صهيب: ماتطلعي


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

20 September 2023 00:09

@sanaaroohi2 🩵 الكنز المدفون ↴

ـ بارت 251

.
.صهيب بيسمع نور ويفكر في كلام الجده( ماعندها مانع ينهد الجدر، هي خايفه بس يحصل لهم شي)

قام يصلي ركعتين استخاره

نور استغربت شافته بيصلي خافت رجع سلوكه يتغير: صهيب ماقد اذنش !!!

صهيب كمل يصلي : يعني ماتنفع صلاه الا بأذان،

نور: يعني صليت لله

صهيب بابتسامه هز راسه ايوه

نور : ايش عتلبس لحفل تخرجي؟

صهيب: معوز او ثوب

نور بضحكه دلع:, صهيب مش وقت مزح
صهيب: ايش ماشتيتي

نور: لو عليا ماشخليك تلبس الا لبس المجنون الي شفتك به اول مره عشان اغير عليك مشتيش حد يشوفك

صهيب: خلاص شالبس ثياب الموميا حقش الي لبستيه في عرسش يوم النقش

نور بتضحك: اسمه قميص، صهيب مش وقت مزح هيا

صهيب: افتحي دولابي واختاري اي شي على ذوقش

نور خرجت له بدله وكرفته متناسق الوانها مع لون ثياب تخرجها وحجابها

صهيب وصلته رساله: غلقي الستاير ولحد ينزل نازل الستاير مرفوعه

نور: ليش؟

صهيب مستعجل على نزلته: شاقلش بعدا

امه لقيته في الدرج: وين عتسير

صهيب: لحد ينزل الستاير مقشوعه عيدخلو رجال للحوش

امه: مصمم تهد الجدر هذك؟

صهيب: ايوه.. نزل

فتح باب الحوش للعمال/ هدو لي السور هذا بس

جلس صهيب معهم للساعه ٣ العصر ( كان مترقب لو عيلقى شي ) مابش بين الطين حق السور، خلاهم يجحفوه،  حاسبهم ، وروحوا.

صهيب شاف بيت نور وبيتهم مابش بينه حاجز، بيضحك طلع

نور بتشوف من الطاقه اول مادخل غرفتها : صهييييب ، مافعلت؟


صهيب: عشان لو سرتي بيت جدتش وفقدتش اكون ابسرش، ياريت هديته من زمان بدل ماتسمع بس

نور ضحكت: منك صدق!

صهيب : ايوه

نور : يمه يا صهيب نفس الحلم، نفس الشكل الي بسرته في الحلم خايفه يخرجين

صهيب مسك فمها: اششش لاتخافي مابش ثعابين ،ولاشي، ولو خرجين نهرب للبيت ونقفل ونتصل لحد يجي يقتلهن

نور: بتشوفه بنظرات فيها خوف ومغامره: هيا ننزل نحفر

صهيب: يشتي لنا وقت

نور: نبدأ كل يوم شويه شويه

صهيب: بس بشرط ، جدتش مايفتحوا لحد لما نتم

نور: اكيد اتصل لهم؟

صهيب: مجنونه! ننزل الان؟

نور: ايوه للمغرب وطلعنا

صهيب : هيا

نور قامت تغير ملابسها، لبست بنطلون جنز ورفعت شعرها وبلوزه ، بعدت ساعتها واكسسواراتها، لبست كوفيه من الشمس

صهيب: جاهز يا انور

نور لفتت له:, من بتداعي

صهيب: انتي

نور ضحكت: هيا

صهيب: هيا ، ننزل ناكل لقمتين ونخرج، اتصلي لجدتش

نور شافت تلفونها بيرن: قد اتصلو هم، جاوبت جدتها

بعد نص ساعه وهم في الحوش كل واحد ماسك مفرس وبيحفرو منطقه السور

الجده خايفه عليهم خرجت السماعه فاتحه قران

صهيب ونور بيضحكوا

ام صهيب خرجت واقفه بتجابر الجده: والله انهم مجانين

الجده كانت بتدعي وتقرا ، قاطعت ام صهيب، عوذبي


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

20 September 2023 00:09

@sanaaroohi2 🩵 الكنز المدفون ↴

ـ بارت 249

.
.نور: هاااا ايام مافكرتك مجنون؟

صهيب ضحك: ايوه

نور: هيا نحفر؟

صهيب: تعب كم يانحفر

نور: ندي حد يحفر

صهيب: ولو لقي؟

نور: ادي شباب وتوقف عليهم انت اول ماتحس في شي قلهم يسيرو يخزنو ويتغدو واحنا نشل الكنز

صهيب مسك خدودها بيسافطها : جااااهله ،مستحيل اخليش تدوري معي الكنز وانتي بهذه السماجه

نور: هيا مارأيك والله مالقاه الا انا

صهيب: ناهي يادكتوره مش هو ضرس العقل مدفون

نور ضحكت: فكره، هيا انا صنفت يا صهيب ندور

صهيب سحبها ودخلوا: قومي ارقدي لايخرج لش عاقل حفرة الثعابين

نور وهي نوم جالسه تحلم فزت وقامت وهي خايفه

صهيب نكز : مالش صحتي ؟فجعتيني؟ ايش فيش شي؟!!!

نور : صهيب حلمت السور الي بين بيتكم وبيتنا اتهد ،والشجره هذك كان تحتها عروق مثل السرطان طلعين ثعابين مش سرطان

صهيب بيهدأها حضنها: خلاص هو حلم، من كثر لقانتش جالش عاقل حاره الثعابين

نور ضحكت: صح احنا تجابرنا قبل مانرقد، انا اي شي اتكلم فيه قبل النوم احلمه

صهيب شافها بنظرات حب: يعني لما كنا نتواصل واكلمش كنتي تحلمي بي

نور ضحكت دهفته للوساده حقه: ارقد لاتضيع نومي مش وقت الذكريات

ثاني يوم الصبح صهيب جالس يفكر وهو بيصتبح( حفرنا كل البقع، ماعدا تحت البيت وتحت السور وشجره نور !!!) ليش مايكون حلمها اشاره !!!

نور بتأشر بيدها يمين يسار تلفت بتشوفه سارح: وين قد انت؟؟ سارح بكل قوتك


صهيب: عند عاقل حاره الثعابين

نور نكزت: يوو لاتذكرني ياصهيب كيف كان الحلم ... يخوووف

صهيب بيتعذر انها خايفه حاضنها: يووو الخوافه حقي ، نووور هيا نخرج ندور الكنز؟

نور بفرحه وحماس: هيا

صهيب شافها متهوره مش داريه كيف تدور بس متحمسه: انتي الي يبسرش ساع الي عيخرج يكتشف بيوت النمل مش كنز

نور بكسفه: هيا عتبسر ماشلقاه لك، ولو ابسرته شادعمم اننا مابسرته

صهيب سحبها من ظفيرتها: هيا هيا ، قلك عاقل حاره الثعابين عيشل الظفيره هذه له ويعجب بها ويسحبها

نور بتتقفز وهي متقززه تنفض شعرها: يمه يا صهيب بططططل ..

صهيب: البسي بالطو نسير لاعند جده اشتيهم في موضوع

نور: مش قلت نبسر الكنز؟؟

صهيب: ايوه اتشكرهم اني لقيته وانه هذا ( ماسك ظفيرتها) عاقل الثعابين

نور : هيا صهيب يو كيف قد انت لغجه

صهيب صيح: البسي يا بنت قلت بطلي لغاجه

نور ضحكت: شوعه وانت مهنجم شوووعه، سارت تلبس

بعد كلام وسلام مع جدتها ومزح

صهيب: عتسيري تدي شاهي تدي اي شي ولا ماعدوش بيتكم تضيفيني

نور سارت


صهيب( بدأ يكلمها بسرعه ويستأذنها يتصرف في اشياء عادي ؟ يهد السور بينهم؟)


الجده: يابني اوبه رضي عليك، مش مستغنيه  عنك او عن نور ، الشخص الي قبلنا حاول يدور شلو ابنه علقوه له)


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

17 September 2023 22:52

@sanaaroohi2 🩵 الكنز المدفون ↴

ـ بارت 247

.نور حسب تعليمات الدكتور( بتروح الأماكن الاولى الي راحوها سوا، مطعم اكلو فيه ، وبعدها كافيه جلسوا فيه، )

صهيب بيتفرج الناس حوله ويتشتت شويه بالاصوات والازعاج

نور : ايش احساسك؟

صهيب: احساسي انه متواجد في مكان مزعج، بس الي مخليني مبسوط انه ذكرت المره الي جينا وجلستي تضحكي عليا حين انا مقعي فيش وفي تفاصيلش وانتي بتاكلي وتجابري وغمست الكنافه في الصوص الفح حق البروست وانا على بالي انها الشيره


نور ضحكت وعيونها مليانه دموع بتشجعه: شفت ياروحي كيف ذاكر كل شي ، والاشياء الحلوه، الحمدلله انك بخير ،

صهيب: يعني ذلحين انا ناسي الاشياء السيئه بس! الي فعلتها!

نور : ايوه بس ، الباقي كله ذاكرتك سليمه

صهيب بنص عين ونظره تشكيك: ياساتر منكن النسوان، مادراني لو بتضحكوا عليا! ايش معنى شنسى الي فعلته بكن، ومانساش شي ثاني،

نور ضحكت بنظره تحدي لعيونه: بطل فقعسه، الدكتور قال انه مبسوط انك اتصلت له وتسائلت عن تفاصيل حالتك، وانك استعدت شخصيتك وسلوكك، بينتواصل معه واتابع حالتك

صهيب ضحك: يعني غريب الصدق الموضوع، اشتي ترجعي تقلي لي كل شي سويته( بعض الاشياء الي شافها في الدفتر)

نور: ما فايده مش قلنا نبطل عتاب ونبطل نتذكر شي مش مهم الان، المهم نركز ع حياتنا

صهيب: اذكر انحنا عرسان

نور ضحكت( تشتي تقله فقدوا النونو، بس تذكرت ممنوع تذكر له اشياء سيئه، صعب وضعها بيتطلب تعامل حذر معه)

صهيب: هيا نروح

نور: هيا

وهي بتسوق مشيت من جنب الدار حق صهيب

صهيب: وهذه عاد حسابها معي، اتصل لها ولا بتجاوب

نور ماسكه نفسها لاتضحك وهي بتسوق: تشتي تنزل نبهذلها انا وانت؟

صهيب: الوقت متأخر عيب لبكره

نور داخل نفسها( الا تغير جبرني براسه واخلاقه).


صهيب: انتي عارفه اننا اكثر شخص محظوظ بزوجه مثلش يانور، صراحه عمري ماكنت اتخيل توقفي معي الوقفه هذه وتصبري،

نور : مافعلت! اي واحده مكاني عتفعل هكذا

صهيب: صح، بس ماعتصبرش على الاشياء الي سويتها فيش

نور: ومادراك ماسويت؟ بتتذكر؟

صهيب: لا بس امي قالت لي، قرأت شويه من دفترش، ويعلم الله مازد سويت، انا اشكر الله على اللحظه الي اختارش قدري في الدنيا هذه

نور خففت سرعتها ووقفت: عتخليني اسوق ، الدموع غشوشت عيني، تشتي افقد الشخصيه وتتحملني وتوقع واحده بواحده، وضحكت

صهيب مسك يدها وباسها: من غير شر عليش يمسش اي شر او سوء ،

نور ( عشان يكسر خوفه): تعال سوق انا تعبت كتفي وجعني

صهيب متردد خايف بيتذكر الحادث بس ماسخيش على يدها وبيحاول يكابر قدامها

شغل السياره وبدأ قلبه يدق بقوه ويلاحق نفسه

نور بتغني له الاغنيه الي تعجبه : يلا شاعلمك تسوق، شغل السياره


ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

17 September 2023 22:51

@sanaaroohi2 🩵 الكنز المدفون ↴

ـ بارت 244
صهيب : وانا تعبت، كيف تسخي تفلتيني، فاعله نفسش ملاك جالسه عشاني بس خليتيني لوحدي

نور: ذلحين ايش؟ مش فاهمه بتصيح ليش

صهيب حضنها: لانش وحشتيني وخليتيني اجلس اعاني وافكر ايش مزعلش وانتي الي زاعله مني ،

نور ضربته في كتفه: انت كملتني فجايع، تعبت اتحمس وانكسف، بحجر الله لازد مزحت هكذا ياصهيب،

صهيب: مقدر قوي كل لحظه مريتي بها وعانيتي بسببي سواء عرفتها او ماذكرت ،ماعرفش والله ايش سويت ولا ذاكر بس بينتعذر لش مش داري ايش افعل عشان تسامحيني

نور:انا شاقلك ايش تفعل تبطل مزح ، وتبطل تعصب لفتره حتى لو انت معصب لاتعصبش

صهيب ضحك: ايوه

نور: مدري، مش مهم الي حصل انا فارحه انك بخير ورجعت مثل اول وماعد في بالي شي

صهيب: عادش بتقلي انا تعبت ،

نور: تعبت لأني ماقدرت اغيرك ولاني ماقدرت استوعب تغييرك ، انا عرفتك شخص وتعايشت معك الفتره هذه الي سارت كلها شخص ثاني، تخيل تعيش مع اقرب شخص لقلبك وانت بتحسه غريب

صهيب: بالضبط نفس الي انا عشته، بس انا ماقدرت اتحمل الوضع انتي قدرتي وساكته ومدعممه وجالسه هنا لوحدش

نور ماحبت تضغط عليه شافته مش فاهم ولا مستوعب ومتذكر تصرفاته:  طيب ياصهيب انت عتفهم مع الايام ليش جلست لوحدي .

صهيب بفرحه انها مش زاعله منه وبتكلمه طبيعي،ماسكها بقوه من يدها قرب كتفها: خلاص مسامحه ماعد.نشتي نضيع ايام جنب الي سارت واحنا بنلوم ونعاتب بعض

نور سحبت الجانب اليمين شويه

صهيب خاف ليش تبعد منه:مالش؟

نور: هذه اليد عادها توجعني شويه لما ارقد عليها او حد يمسكها تألم

صهيب فلت يده دلا بيطبط عليها : اسف حبيبي، قالت امي انش والكل فعلتي عمليه وتضررت رقبتش ويدش، ياربي انا ايش الي حصل معي مافقدت ذاكره صح؟

نور هزت راسها : لا

صهيب: طيب اسير اشوف تلفوني وارجعلش

نور مستغربه ايش خلاه يقطع كلامهم فجأه وايش عيسير يشوف في تلفونه؟ خلته براحته وجلست ترتب غرفتها وهي بتضحك على الي حصل لهم وعلى حنقتها من غرفته لغرفه ثانيه

في غرفته ماسك دقنته وهو بيتكلم مع الدكتور : اوو ، فهمت،  تمام، نعم اخذها باستمرار ماكنت عارف لأيش الان فهمت انها السبب الي رممت الاعصاب الي تلفت أثناء الحادث،.. شكراً لك يادكتور ماعرف كيف اشكرك..
اكيد انا محظوظ بها( الدكتور قال له: اشكر زوجتك هي لاحظت غرابه تصرفاتك وتواصلت معي ووصفت لها الأدوية الي ساعدتك، )

صهيب دخل الغرفه يشتي يمزح معها يقلد تصرفاته بس ذكر انها حلفته انصدم وهي بتلفلف: مابتفعلي

نور: انقل ثيابي

صهيب ضحك :شكلي شليت عليش الدولاب

نور ابتسمت: الله ياصهيب، احلى شي انك مش ذاكر شي ولا ماكنت عتمزح معي هكذا أبدا لو ذاكر تصرفاتك.
.
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 September 2023 01:37

بنت السروري:
قسم انني مادريت انها كملت الا من رسالتك😕😕النهايه ماكانت تتدل انها كملت وبالنسبه للروايه نوعأ ما كانت حاليه

بہدون اسہٰ۫م:
♕↤ خوسااارة



#مشـــــــاركة.

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

24 September 2023 23:34

@sanaaroohi2 🩵 الكنز المدفون ↴

ـ بارت 300

.
.ام صهيب والجده بيضحكين على الثياب والشنطه الزرقا ، خرجت ام صهيب ثياب لون ابيض ولبسو النونو

صهيب خرج يجاوب الممرضه يشل بقيه الادويه( ذكر انها زاعله عشان مش عامل حسابها لشي، اتصل لمحل تنسيقات تزيين يجو يزينو غرفتها وطلب ورد، وصل الادويه للممرضه وراح محل يشتري ملابس ورديه لبنته' وصل لقي صاحب الورد شل منه ودخل لاعندها

نور بضبح: ليش فلتني وحدي اين انت من اول

جدتها: يو مايفعل عندش، وبعدا يا وحدي كيف وحدش واحنا مابنفعل؟


نور انحرجت: ماشي بس قصدي عيسير يلوي ويفلتني ماعرفش مافعل لبنته بتبكي

جدتها: وهو مايفعل لها

صهيب شاورها: قلي انش بتفقدي لي

نور هزت راسها بابتسامه :ايوه

ام صهيب بتهز النونو تسكتها: ماعتسموها كنتو مجهزين اسم ولد

الجده بتشوف ايش الثياباات الي اشتراهن

صهيب شاف نور: مارأيش كنز

نور ضحكت: حالي

دخلين ثنتين بنات بعد مادقين الباب بيزينين الغرفه

نور فرحت بصوت واطي: من قلهن المستشفى؟

صهيب عقد حواجبه : ايش من مستشفى، انا ( بابتسامه) وهذا والكل بس مابسرتيه( ناولها الورد( لون وردي وابيض)

نور بحركات واشارات لايشوفين جدتها وعمتها( بوسه في الهواء)

صهيب بممازحه رفع صوته: شاقل لامي، وجدتش والكل

نور ضحكت

جدته: ماهو ؟

صهيب ضحك شافها بيحانكها: مارضيت اسير ادي لها اكل

الجده: قد حاكيت مرت عمها تفعل لها اكل وتجي

نور: ماشاءالله ايحين اتصلتي ماسمعت؟

الجده: واحنا في الطريق .

نور: ماشاء الله عليكم يعني مابش داعي اتصل لبسمه وعصماء

دقين الباب ودخلين فارحات ونسوان عمها وعمها فؤاد وأبو عصماء ماعدا سمير.


بعد ماخرجوا البيت

نور شافت الدرج والبيت مزين: يو ماهو هذا كله قدو عرس

ام صهيب: شافعلش اضخم ولاد في صنعاء كم معي نور وكم معي صهيب

صهيب طلع بنته ونور نازل بتطلع وحدها( ذكرت لما كان يساعدها)

دخلت غرفتها

صهيب بيتحيلا ويتغزل بها: شاطلع عينه الي يجي يتقدم لش يوم من الايام، انتي كنزي حبيبه بابا

نور : ياسلام وانا شليتني بدون محد يطلع عينك

صهيب: هذه روحي مالش

نور: وانا.

صهيب: وانتي

نور بزعل: بس هي اديتها من قلبك

صهيب ابتسم طرح بنته وحضن نور: انتي قلبي انتي، وانتث روحي وانتي الاصل، وانا فدا الي بتغير من بنتها ياساتر

نور : شليتها وطلعت وانا وحدي بينطلع

صهيب بيعاملها طفله جهز لها السرير مسك يدها وبيرقدها: انا اسف قد رجمتها ولا شاعسها

نور ابتسمت لدلعه لها:حرام وهي حبيبتنا

صهيب شافها: خلاص حبيبي قد ولدتي عنبطل هرم

نور شافته بنظره حب وحنيه: بينهرمك وادلع عليك عشان حسيت الحب والحنان والابوه والامومه الي انحرمت منها فيك


#انتهت

الى اللقاء في روايه اخرى


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

24 September 2023 23:33

@sanaaroohi2 🩵 الكنز المدفون ↴

ـ بارت 268

.
.صهيب فز اسعفها والكل راقد الصبح..

الدكتوره خرجت:ولاده، سير ادي هذه الادويه

صهيب: لاا، ماكملت التاسع هي فيها تسمم

الدكتوره: مابش تسمم، قدها نص التاسع

صهيب: ضروري تكمله، لايخرج الطفل ناقص

الدكتوره معصبه من مكارحته: عتكذبني في عملي

صهيب: لا العفو منش بس
الدكتوره رجعت دخلت..
صهيب جالس مصدوم مستحيل ولاد المره طول الليل بتتصلح ولا كأن معها عرس لو شي انها تاعبه بيكلم نفسع محتار ايش يفعل : شاف نور خرجت

نور : هيا نهرب بسرعه
الممرضه مسكتها: ماينفعش تخرجي

نور : مش هي مدرسه او حبس، مشتيش اولد

الممرضه: لو وقع بش شي على مسؤوليتكم ،راعو اسير ادعي الدكتوره

نور مسكت صهيب بتبكي: والله ماولد هنا شوعه الدكتوره بتصيح اخاف تموتني والمكان مش نظيف هربني بسرعه

صهيب مسكها : هيا امشي مش على مايشتو .

وهم بيمشو

الدكتوره بتصيح: ياااي يا اخ ماينفعش هكذا

بيخرجو من الباب

لحقهم الأمن: يشتي يوقعوا انهم خرجوا ع مسؤوليتهم

نور طلعت وقفلت

صهيب شغل السياره ومشي بسرعه

جلسوا يضحكوا في الطريق

نور ماسكه يده بقوه : صهيب بسرعه مستشفى

صهيب لفت لها: عتدي لي الجناااان، عادحنا كنا هنا في المستشفى قلتي مع

نور وهي بتصيح: ايوه اشتي واحده نظيفه

صهيب : طيب ليش بتصيحي اهدأي، ايش دراني اين تشتي

نور: عادو بيقل ليش بتصيحي مش انت فاهم شي،

صهيب وصلها افضل مستشفى يعرفها وسأل عليها بعد ماراحوا اكثر من واحده تدخل تخاف منهن وتخرج

نور: لو قالو ولاده لاترضاش تمام

صهيب: ايوه مافعل اهرب بش؟

نور بتبكي: مددددري ، اصلا ايش همك انت مفتهن عتجلس تغني فوق السياره لما يقولو لك مبروك وانا التعب لي

صهيب بيشوفها ومتوتر مش عارف ايش يفعل: يانور والله اني حاسس بش

نور صيحت : لاتقل حاسسسس بي كذذااااب..

صهيب بيشوف قدامه واحده مجنونه حرفياً ، نزلها وبيداريها مداراه دخلوا المستشفى وهو بيشجعها : هيا اين السماخه والتحدي والشجاعه حق المجنونه حقي، تسلقت شجر وجدران وحفرت كنز وخطفت قلبي خطف من بين بنات العالم وخايفه عشان عيجي لنا احلى نونو مثلها

نور هدأت شويه بكلامه وراحت المغصه

صهيب: تخيلي النونو اول مابسرها تضحك ضحكتش الي تحصل لش لما تبتلدي

نور حست بالمغصه قويه : بقصت يده ، اسكت مش وقت زبج انت بتنكت وتبهذلني وانا هكذا تاعبه حرام عليك

صهيب شاف الممرضه والدكتوره يشتي حد ينقذه منها: دخلوها شكلها تاعبه قوي

نور بتبكي وهي بتشوفه بيكلمهن: هكذا بتسخى عليا هكذا ترجمني

الدكتوره : يوو اين يرجمش صلي ع النبي، خايف عليش انتي والنونو ..

دخلت الغرفه مع الدكتوره

صهيب مراعي خارج جالس قلق


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

23 September 2023 23:55

@sanaaroohi2 🩵 الكنز المدفون ↴

ـ بارت 266

.
.بعد شهووورر ومعاناه صهيب مع نور..

نور بتشوف التقويم وبطنها: يووو مسرع قد بينجهز لولادي

ام صهيب: اي والله صدق مسررع


جدتها: الايام بتخطى حمله

صهيب بيتفرجهن كلهن بصدمه: قسماً بالله انها اطول سنه مرت عليا في حياتي

ام صهيب بابتسامه وفرحه: يوو مغلاك من الفرحه ياحبيبي من التشواق للنونو

صهيب قاحص اسنانه وهو بيتكلم ويحش بطريقه مش مفهومه بس سمعته نور لانها جنبه: من الفرحه ياحبيبي مش هم داريين ليل ونهار ايش بينعاني قد قلبي مورم. ساع بطنها واكثر


نور : صهيب



صهيب خاف تسمعه: ها ياروحي مالش؟ او بتحسي عتولدي


نور بضبح: عادنا بطل تفاول لما اتم التاسع، بينسمعك بتجابر روحك علي صوتك

صهيب:هو بيندعي لش ياروحي تعبت لش هكذا الصدق ابسرش واتعب لش،

نور: بطني او بطنك، لايسمعك النونو حرام يحس انك مابتهتم به
صهيب: حتى النونو بيحس هكذا ساعش ( مسك راسه)

نور: صهيب خاوره زربيان

صهيب شاف الساعه: نور السساعه١١ الليل

نور: انا قلت لك تطبخ؟ انا قلتلك خاوره اقل شي تفعله تشتريه



صهيب: بس يانور ليل مدري فاتحين مدري به زربيان، لبكره

نور: مادخلني اشتي ذلحين لو مابش خلاص مشتيش ولا يوم

ام صهيب مستغربه

الجده: بس خباله تجننه هذا السع من اين به مطاعم

نور: خلاص مشتيش

صهيب قام: خلاص الان شادور وماروح الا بزربيان


راح وتراشا صاحب مطعم يطبخ له ويدي له كم مايشتيي وقدو مغلق المحل وفارح انه جهزه وصل البيت بحمااااس

بعد ساعه ونص بيداعي ويشوف البيت طافي

نور طفت الضوء وراقده

صهيب بفرحه: نور زربيان

نور : بعقلك هذا الساع وين انت من اول ماذلحين كله انت

صهيب مصدووووم طرح الكيس ودخل الحمام


نور خرجت شلت الكيس ونزلت المطبخ اكلت اكلت لما شبعت وخبت الباقي في الثلاجه وطلعت

صهيب خرج من الحمام: نور

نور طلعت: مالك فجعتني

صهيب: بتختفي. اخاف عليش لايسسير يوقع بش شي وين سرتي

نور: اكل، قصدي ارفع الاكل الثلاجه ( وضحكت)

صهيب بفرحه: اكلتي ؟؟

نور هزت راسها لا وعيونها وحواحبها ايوه

صهيب: ايشششش اكلتي او مع

نور ضحكتت: ياخي مارايك؟ كيف الاكشن هذا

صهيب: اي اكشن

نور: كيف انا وانا واحمه طباعي

صهيب خايف تزعل وتقلب عليه: حاليه يارروحي بكل حالاتش

نور بتضحكككك عليه وعلى المسايره حقه لها:، يعني عاجبك تداريييني هكذذا ماتعبتش

صهيب تنهد: تعبت بس سهل تستاهليي

نور ضحكت: الصدق اوقات مامثلتش عليك كنت اضبح اتعصب اوقات كنت اشتي ابسر موقفك عتتحملني

صهيب: الصدق انتي وحامل واحده ثانيه غير الي اعرفها نكديه هرمه دلعيه يوووو بس، لكن احبش


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

23 September 2023 23:54

@sanaaroohi2 🩵 الكنز المدفون ↴

ـ بارت 264

.
.صهيب شافها مربوشه بتلفلف: مالش خايفه ؟ ايش شفت!

نور وهي مبتسمه: قرأت ورقه هنا؟

صهيب: لا

نور: الحمدلله

صهيب: ليش لمن؟

نور: عترجع تعرف بعدا

صهيب :مابلا الان

نور : ماكملت الورقه اشتي اكمل اكتبها واجهز واديهالك

صهيب: لي ؟ ايش عتدي
نور: اصارحك بشي

صهيب : نووور تحاكي من الورق والالغاز

نور : ماشتحاكا، ويلا بدل وانزل اتغدا قد قربت.
خبت الورقه و نزلت.

وصل لتلفونها رساله ثانيه فوق التسريحه شاف الرساله بدون ماعيس التلفون

(( بسمه: بشريني طلعت نتيجه الفحص ؟))

صهيب ابتسم وهو بيقرا وفهم قام بدون مايلمس التلفون، قرر يواصل انه مش فاهم شي عشان مايخرب مفاجأتها.

بينزل من الدرج وهو بيفكر داخل نفسه( الله يهديهن بس على قد مفاجعات يعني تقلي تشاركه قلبي وتحبه وتحضنه وانا دمي بيفور ، عتقلي جاي لنا جاهل ياحبيبي في الطريق وانا ازقرع واجنن جنان)

جلس فوق السفره وهو ماسك نفسه لايبين فرحته فاعل نفسه زاعل عشان لايبتسم ويضحك لان نور بتعرف وهو فارح كيف بيكون

نور شافته: مالك ضابح؟

صهيب: تعب العمل هرم

نور: اتصلت لماما قالو عيتغدو بيت خالتك

صهيب هز راسه تمام

نور: زاعل مني من امس

صهيب لقي فرصه يتدلع عليها بنفس الهنجمه والسكته هز راسه ايوه (, مراعي تتاسف له وتدلعه زي ماتعود)

نور : قدنا داريه انه عاده الضبح والقلبه لك

صهيب خاف تزعل : ماشي ماشي، مش زاعل زعل، بس مافهمت مافعلت انا

نور :هو هذا الي مجنني ان انت مش فاهم ولا رضيت تفهم وماتشتيش شكلك تفهم اصلا

صهيب اكتبد بالاكل داخل نفسه( مابش فايده فيها)

نور : يلا براحتك ، بس عشان تدرا انك تغيرت

صهيب: طيب يانور
نور: ها

صهيب: كيف واحد يدرا مافي مرته! مابش معاكن كاتالوج او منيو ! 

نور بضبح طرحت الملعقه:* يعني ياصهيب جالس تتمسخر وكان مشاعري عندك نكته تزبج كل شويه ماعديش خفه دم قدي ثقاله دم.. قامت من فوق الاكل


صهيب قام بعدها:وانا الحمدلله لو ماعتاكليش شاقوم

نور لفتت له وهي بتطلع الدرج:* ياسعم تشتي تقلي انه محبه، مابلا شكله ماعجبك طبخي وبتتعذر

صهيب ضبح من دلعها بيمازحها بجلافه: طيب ولو ماعجبني افرضي صدق ماعجبني اكل صميل!!

نور صح كلامه أقتنعت: لا، بس داريه ان طبخي حالي قوي

صهيب جلس يكركر مسك يدها قحصها،: مابتدوري انتي ماتشتي هاااا،

نور ضبحت منه لما قرب منها: ايحين غيرت عطرك

صهيب بيشم نفسه:ماغيرته

دخلوا الغرفه

نور بتدور فوق التسريحه

صهيب سحب العطر تعطر : هذا عطري الي يعجبش سحب تيشرته يخليها تشم

نور قربت تشم العطر

صهيب باسها على راسها : شفتي اني ماغيرته

نور : مش الاصلي.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

23 September 2023 01:08

@sanaaroohi2 🩵 الكنز المدفون ↴

ـ بارت 262

.
.نور منسجمه معه:شاساهم معك طيب ( كل يوم بينخاف انحنا شلينا حق ناس من قبل وحد يأذينا)

صهيب: لاتفكري هكذا، فكري حرام كم جلس مدفون وكان قادر يغير حياه ناس ويحييهم

نور: بس يشتي لك تبدأ على حبه حبه عتضيع بين هذه الدوامه كلها

صهيب: ايوه ، الفتره الجاي عتكون انشغال كلها، وانتي يلا شغلي مخش طوري مراكزش واختاري دكاتره تمام ووفري لهم عمل واشهري اسمش ونفسش، ونشوف بعد سنه ايش تغير معنا فينا وسويناه


بعد خمسه شهور..

صهيب قرب منها يوريها : يانور، شوفي شوفي ماشاء الله هذا الشاب بخمسه شهووور بس على ارباح خياليه طلع، عنده هوايه وابداع في صناعه الحقائب تقليد بفخامه لشنط ماركات( ماتصدقي كميه المبيعات رجع المبلغ الي دعمناه حق رأس مال، وفوقه مبلغ منه يساعد غيره، كان الولد هذا حالتهم حاله ابوه وامه امراض ومعه اخوه كثير) بيعيلهم كلهم

نور بتبعد شويه من جنب صهيب وبدون حماس لكلامه: حالي

صهيب لفت لها باستغراب: حالي وبس! هذا رهيب بخمسه شهور جهز هذه الكميه كلها، الان وظف كم ايادي عامله ارامل ومحتاجات بيعيلين اسر

نور: تمام ياصهيب تمام

صهيب لاحظها متغيره: مالش؟ زاعله مني ؟

نور قامت  : ماشي

صهيب: ايش فيش طيب

نور: يو ياصهيب ولاشي ضايقه

صهيب قرب جنبها مره ثانيه مسك يدها :خير فيش شي؟ معش مشكله ؟

نور هزت راسها: لا

صهيب: كيف ماشي وضايقه تحاكي

نور: مابش فيني شي

صهيب زعل من تصرفها وقلب وجهه راح جلس يكمل شغله

نور : عتجلس طول الوووقت اتصالات تعبت، شاجلس ساكته عشان تتكلم

صهيب شافها: مالش بتدوري مشاكل؟ جالس اكلمش مطنشه

نور: ماطنشتك كلمتك وكملنا نتكلم وجالس ماسك التلفون واصل شغل شغل شغل واحد لايقدر يتفرج تلفزيون ولا يتكلم ولا اسجل لصحبتي واتس

صهيب بيشوفها مستغرب: نور ؟؟ فيش شي مضايقش مني


نور: هذا كله ، وتسالني فيش شي مضايقش !! بتستفزني وترجع تقلي مالش( بكيت)

صهيب: إنا لله و انا اليه راجعون ، ايش بيبكيش طيب هذا كله والبكاء لش ، قد شابكي انا منش؟

نور: تبكي مني! يعني مابتفهمني ولا بتحس

صهيب: مافعلت

نور: ها ابسر كيف بتصيح

صهيب: بينصيح لانش مش داريه مالش

امهم بتسمع الصياح خافت دقت الباب دقت مره ثانيه: شادخل ،

نور بتبكي

ام صهيب مسكتها: مالش؟ ماقد فعلت؟

صهيب: مش داري مالها

امه بضبح منه: ماعتبكيش بدون سبب، تحاكى مالها ؟

صهيب مصدوم: نور ، تكلمي مالش، قلتي ضايقه!

نور: متضايقه وانت بتزيد تضايقني ولا بتهتم وترجعني انا غلطانه

امه: تمام اخرج تتفاهموا؟ فكرت الموضوع كبير دخلت

صهيب: ماشي افهموها اسكه وفهموني ماعرفت مالها ومافعلت بينسالها بتبكي ،حيرتني معها



ت.ع.خ بكره النهايه🥲


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 September 2023 05:44

@sanaaroohi2 🩵 الكنز المدفون ↴

ـ بارت 260

.
.ثاني يوم
ثلاثه عمال بيحفروا مستطيل كامل مساحه مابين بيت نور وصهيب
واحد من العمال بيحفر بالمفرس سمعوا كسر شي

صهيب خاف يشكوا بشي صيح: كسرت قصبه الماء، التسليك هنا كله !!!

العامل خاف: العفو ماقلتليش

صهيب خلاص يكفي لهنا: روحوا بكره شاتصل لكم

روحوا صهيب اتصل للجده تخرج ونور

صهيب نزل وفيه خوف يطلع له ثعبان حدد المكان الي سمع صوت كسر فيه وبعد التراب لقي جره ، طلع بسرعه من الحفره مراعي لو يخرج ثعبان او شي !!

نور: لاتفتحها وانت نازل ، جرب كسر وانت واقف  من خارج

صهيب كسر الجره : ملان سلوس ذهب، جنيهات اوراق ممسوح فيها الكلام، قدها مهتريه، نزل حفر جنبها سمع نفس الصوت

بعد ما مسح المنطقه كلها ويطلع وينزل ( لقي اربع جرات متفاوته الحجم، بعضهن فيها نحاس وبعضهن ذهب، عملات معدنيه اوراق..))

نور ماسكه وجهها من الصدمه: هذا الظاهر كان كنز القبيله كلها مخبايه وهذا بيت العاقل

ضحكو صهيب والجده

صهيب: طلع ذهبكم اكثر مننا، اربع جرات، شكله الي هنا ياسارق، يامرزوق

بيسمعوا الباب بيدددق سمير بيصيح من خارج: ليحين عتدعمموا عتفتحوا؟؟

الجده: نور اتصلي لعمش، قليله جدتي سارت البلاد مع اخوها اسرعي لايكسر الباب

صهيب: هذا يشم الرزق شم ، ماشاء الله عليه المشكله بيجي وقدو حاصل مابيتعب

نور اتصلت لعمها

سمير: كان افتحي لي انتي اشتي ادخل البيت

نور: الحوش فيه نسوان ياعم

سمير.: ماهو هذا الخبر حقكم، كل يوم نسوان الله المستعان ماعد بتميزي عمش، ضاق بيتهم او كيف. لوما قد نسوانهم عايشات في الحوش

نور: ياعم وانت الله يهديك بتجي اوقات مش مناسبه العصر بنخرج الحوش

سمير: يحرم عليا ازيد ادخل بيتش حتى لو موت ..وقفل

بعد اسبوع

تم الحفر والتاكد من المنطقه كلها مابش شي رفع السور صهيب وناولوا الجده المبلغ الي عتوزعه لعيالها وجهالهم ونور وخرجت سهم الصدقه والخير لصهيب تضم فلوسها مع فلوسه



بعد العصر وصلوا عيالها وكلمتهم،،.

فؤاد: ايحين حصل هذا. كله


الجده: هد الجدر صهيب يفعل سور وبيحفرو الاساس لقيو حقنا وحقهم

سمير ضحك: حتى انت خبو عليك، الغريب رجع اقرب من القريب

فؤاد: ناهي ياخي كثر خيره ، يتخايلك سهل ! بعدين ما شله ، هو الا فعل خير على طريقه

سمير: انت ياخي ترحم الله بعقليتك هذه

الجده: مادخلك تفتح فمك ، عاد كلهم معهم حق في البيت هذا ما انت اخر واحد تتكلم حقك في بطنك


سمير: بس وحقي في الكنز!

امه: مش ورث ابوك عشان تقاسم فيه ، هذه لقيه والي لقيها وله حق في هذه الارض يشل، لكن لو شادي فهو لاني ام ماشفرق بينكم في خير اداه الله لطريقنا

سمير: يعني قصدش صدقه صح

امه: افهم ماشتيت كلامي واضح،


ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

21 September 2023 00:14

@sanaaroohi2 🩵 الكنز المدفون ↴

ـ بارت 258

.
.صهيب: انتي خلاص مادخلش، انسحبتي ومش قد التحدي اما انا شاخرج عاقل حفره الثعابين

نور شافته: يو ياصهيب، ماعد نشتي الحلم كان في بيتنا

صهيب: ادخلي انتي مادخلش مني، بس الي لقي لقي مادخلي بيتكم او بيتنا ( غمز للجده)

نور : هو حق جدتي سد انت وياهم

صهيب: ذلحين كيف نفعل ياجد كيف نتحمل هذا؟

الجد: انزل انت معك ايدي وارجل

صهيب شاف نور: بس نور حرمت وطلقت مانزل الحفره الي قتلت الثعبان فيها، خايفه عليا

نور بتضحك عليه: هو مفجوع ياجد لاتصدقوه

صهيب: وين يبتاعين هولا كيف نفعل حنبنا قسماً بالله ، قدحنا هاجعين لنا

الجد: سير بيعهن ،

صهيب: عيقولو سارق

الجد: بيع في كل محل قطعه تصرف

صهيب سمع الباب: ادخلين العامل

الجده: انا لابسه، اشتي احاكيه يحفر مارايك ياصهيب

صهيب: يجي بكره؟

الجده: ايوه نتعذر له اي شي

صهيب: شادي له مبلغ ماعيقول ولا عيتلوه لشي

الجده واقفه رفعت لثمتها وواقفه

العامل: اوووو وين لقيت هذا انتبه لو باقي

صهيب: ماعليك شي، هدينا السور الطين نشتي نبني سور، ولقيناه

العامل: اها

الجده: عتجي يابني تحفر لي بكره هنا؟ بس بكر من الصبح

صهيب حس انه ودفو ماقد رفع الكنز: عنتصل له احنا

الجده ( ماتشتي وقت صهيب المتاخر وقت المغرب بتخاف) مع الصبح

صهيب لفت للعامل بصوت واطي: شاتصل لك تمام

العامل ( شل كل شي وغرف بالكريك الحجار رتبهن مثل ماكان) : تمام

خرج وقفل الباب

الجده: غطي بطربال او اي شي

صهيب: معنا زنك شاغطي بها امد الحفره للصبح

الجده وهي بتمشي وتدعي لنور وصهيب: يا الله رضاك ، يالله الطف بهم عيالي لاسمعتني عليهم شر..

صهيب دخل البيت الغرفه طرح المسدس وبعد الساعه ودخل يتغسل

نور: مالك؟

صهيب: مدري متضايق حين قتلته

نور بمزاح: حلت عليك التعويذه حق الكنز عتبدأها مضايقه وتحتك وبعدا تجنن

صهيب: ازبجي، مفتهنه

نور جلست شويه ركزت: صهييييييب لقينا كنز صدددددق انت مستوعب

صهيب: قد كنت داري انه في

نور بتقلده وتتلغج عليه: قد كنت داري انه في ، كلنا داريين بس للان مش مستوعبه ابسرت بعيني شي مثل القصص

صهيب: لقينا الكنز عندنا وبكره عنلقى الجماجم حقهم عندكم

نور: يماه ياصهيب قوا والله ماشقدر ارقد

وقت النوم

صهيب بيشوفها جالسه تغلق وتغطي كل شي ايش بتفعلي ؟؟؟

نور: خايفه

صهيب: ابسرتي خوفش هذك اليوم خلاش تحلمي..

نور ماشطفيش نرقد والسراج والع

صهيب: تمام ، هيا نور قدنا تاعب اشتي ارقد الساعه ثلاث الفجر من الساعة عشر وانتي بتغلفي الغرفه تغليف مش تغلقيها


نور: ايوه ايش همك سمخ وشجاع، عترقد وانا اجلس خايفه

( حالتي مثل نور، كتبت وفصلت وتخيلت الان كيف ارقد 🥺🥲😂💔🤦)

ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

20 September 2023 23:44

@sanaaroohi2 🩵 الكنز المدفون ↴

ـ بارت 256

.
.صهيب جالس واقف متوتر، كيف يفعل ، صعب يدي حد ويشوف الصندوق والحفره وتطلع بلبله، وصعب يجلس واقف هكذا...

نور جالسه تحتك وتنفض شعرها ويدها وتتفاقد رجلها وتتقفز

صهيب متوتر وتصرفاتها وترته اكثر: نووورر بحجر الله ادخلي، قدو مني الصدق،

نور : ماعه والله مافلتك

صهيب : ياشيخه فلتيني ، سهل سسسسهل مسامحه انتي وترتيني بتفهمي

نور: ادي اي حد

صهيب: ياسلام وبعدا يبسر الصندوق

نور بتمزح بس تعابير وجهها خوف كانت باين كلامها جدي : اقتله بمسدس كاتم صوت

صهيب مسك راسه: المره جننت

نور : امزح بس خايفه

صهيب: من ايش خاااااايفه مااااات، مراعي يشتل حركته اشله اخرجه

نور: والله لو تشله انت مامسكك ولا اجلس معك ولا ارقد عندك

صهيب جالس يضحك على جنانها: طيب شليه انتي!..


نور: يممممه

صهيب سحبها بالقووووه غصب دخلها البيت وغلق من خارج ، وخرج جالس يلف ويدور ويشوف ايش في قدامه يقدر يساعده يرفعه يبان ثقيل وطوله تقريباً متر ونص.


جهز الحبل نفسه الي سحب بالسياره الحجره بس فعله من جهتين حاول بالعصا يدخل الثعبان في الحبل وربط سحبه ( ثقيل) بيكلم نفسه( هذا جالس يتغذى حجار او ايش)

ربط الحبل في السياره وشغلها لما طلع الثعبان من الحفره للارض قدو ميت( بيفكر وين يوديه،)

نور بتشوف هي وامه من الطاقه ايش بيفعل !!

صهيب ( اتصل لواحد عامل يدي معه اي صندوق او كيس قوي ويجي يشل لحديقة الحيوان، الثعبان هذا او يتصرف به)


بعدها جلس يشوف الحفره، كيف ينزل كيف يفعل تعب، دخل للبيت يشرب ماء ويتغسل

نور: ايش عتفعل ؟ عنخلي الحفره هكذا ؟ لو به غيره

صهيب:  رجع خرج هو. ونور


نور: ذلحين اول افتخ الصندوق بأي حديده او عصايه، لو يستاهل اديناه، ماشي ادفنه لو داخله ثعابين


دق باب بيتهم..

صهيب يفكره العامل: ادخلي بسرعه ادخلي،


نور دخلت

صهيب فتح الباب يشوف سمير بيحاول يدخل

سمير: مالك شابح للباب هكذا؟

صهيب: به نسوان هنا

سمير وقف طبيعي: اشتي ادخل ابسر البيت كيف

صهيب: ايش من بيت؟

سمير: السور

صهيب: ومالك ماتسير البيت؟

سمير: محد فتح، قلت اجي من هنا

صهيب ضحك: هو سور واتهد وعيبتني يعني ايش عتشوف؟


سمير: عادو بيتنا ضروري رجال يوقف ، امي وحدها

صهيب: الله المستعان وانا مابينفعل؟؟

سمير: ايوه كثر خيرك محد نكرك، بس ولو قدو الضروري ضروري

صهيب: تمام شرسلك حق الهد الفاتوره، وتكاليف السور السمنت والحجر والنيسه وحق الشاقي

سمير توتر بيحك راسه: ها ، تمام على طول، رسلهن لامي ماعتقصرش عتحاسبك

صهيب: خلاص تفاهم معهم انت

سمير: يعني مايقدرين يدخلين النسوان؟ قد انا هنا ابسر !


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

20 September 2023 00:11

@sanaaroohi2 🩵 الكنز المدفون ↴

ـ بارت 254
الجده: يو حرام يابني

ام صهيب: ابسر على زحمه خليها تطلع نروح هيا

نور واقفه جنب الباب بتدق الزجاج:

صهيب فتح الزجاج: شفتي الهديه؟

نور: ياهمتاه ذلخين عتذلني بها

صهيب: ياهبلا دوري بين الورد بينقلش الهديه

نور بتشوف سريع: مااابش ياصهيب ماهو
شافت ظرف صغير مسكته داخله مفتاح خرجته ضحكت: ماهو هذا يامجنون

صهيب اضغطي الريموت حقها وابسري اين هي
نور ضغطت واشرت السياره الي نفسها فيها : مجنووون اشتريت هذه!

صهيب: يلا اطلعي سيارتش

نور فرحت فلتتهم وسارت بسيارتها

جدتها: ياهمتاه ذلحين لها عتسرع بها تسير تفعل شي هي مجنونه مالك يابني كنت فارحه بالصغيره بينحسها على قدرها

صهيب ضحك: ماشاء الله بتسوق احسن مني ياجده تطمنو عليها ، ماشسخاش

ام صهيب: بعد الي وقع بهم، اعتقد الاثنين لازم يعقلوا من الجنان هذا حق السرعه

صهيب سمع تلفونه جاوب: ايوه من معي

سمير: من معك، مابلا رقم غريب عتجاوب عليه ، اما رقمي دعممه

صهيب: العفو منكم كنا في حفل تخرج نور ماسمعت والله

سمير: اكيد ماعتسمعش وعتدعمم بالعاني

صهيب فتح السبيكر تسمع الجده اسلوب ابنها : خير ؟

سمير: ايش من خير، من سمح لك تهد الجدر حق بيتنا

الجده جاوبت من بقعتها : انا، وانت مادخلك

صهيب مد يده لورا بالتلفون تكلمه امه

الجده سحبت التلفون بتهزأ سمير ايش دخله ومن قله

ام صهيب لفتت لابنها لما سمعت انه اخوه

صهيب: وهذا مادخله الثاني قد تنازلت لهم بورثي كله مقابل البيت

الجده: ماشروحش والبيت مقفل،

سمير: اشتي احاكيش روحي

الجده: بينقلك ماعنروحش اليوم محتفلين

سمير: روح


راحوا مطعم ورجعوا البيت ،

الجده شدخل معاكم من بابكم امد هذك مقفل بقفل

صهيب:تمام، ان شاءالله نقطب الموضوع وبعدا نفتح له


ثاني يوم..

نور بتحفر معه : صهيب شكلها خرطه مابش شي

صهيب بيضحك: استسلمتي

نور شافت حجره محفور فيها حفر رمز

صهيب : مافهمت الرمز هذا ؟

نور : ولا انا، بس راعي جلست تحفر حولها

صهيب ساعدها دخل هو الحفره جلس ينبش الحجره يطلعها ثقيله، طرح تحتها حديد ثقيل حق البناء وربطها بحبل وسحبها بالسياره

نور : بس وقف وقف ارتفعت الحجره

صهيب بيبعد الحبل

نور في الحفره بتصيح : صهيب... صهيب

صهيب خاف عليها جري واقف : مالش

نور مبتسمه بخوف: ابسر في صندوق خشبي نفس رمز الحجر خايفه افتحه

صهيب نزل الحفره تحملها وطلعها وخرج : لازم نفتح بحذر واحنا بعيد شويه  لو خرج شي نجري بساعتنا لداخل

نور بترجف: يمااه بتقرا قران

صهيب بيرفع غطايه صندوق الخشب بالحديد طلع وقف فوق الحديد ارتفعت الغطايه

نور كانت تصيح تصيح.:ابعد ابعدددد بسرعه..

توقعاتكم؟!!!

ت.ع.خ
.
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

20 September 2023 00:10

@sanaaroohi2 🩵 الكنز المدفون ↴

ـ بارت 252

.
.الجده كانت بتدعي وتقرا ، قاطعت ام صهيب، عوذبي، اذكري الله : لاتقلي مجانين انا خايفه وهم ولافي حسهم

ام صهيب باستغراب : ليش؟؟؟

الجده تشتي تحكي لها خافت تذكر هذه الاشياء في هذا المكان: شارجع اقلش بعدا مايسبرش ذلحين


صهيب يشوفها ويضحك متحمسه وتحفر وترجع تطحس وتقوم تكمل

نور: لو لقيت الكنز في بيتنا، شاحاسبك حق الحفريات والجدر

صهيب: ولو لقيته في بيتنا شاحاسبش حق الحفر بس

بيسمعنهم ويضحكين

ام صهيب: نور، لاتزيدي العمل انتي اطرحيه كتفش لايرجع يتضرر و رقبتش

صهيب شاف كم قد حفرت : لو فيها شي ان قد وقفت، هي بخير

اذن مغرب

الجده: خلاااااص يكفي اليوم مابش،

صهيي طرح المفرس شاف الجده: يامنعاه مثل ماقلت لكم، لحد يجي وتفتحوا

نور شافت طرف ثياب : نفسي ادرا ليش كان يدفنوا ثيابهم الناس كم خرجنا شناتر واكياس

الجده افتجعت قربت رجمت من يدها المفرس: خلاص قلنا افهمي مغارب، اعوذ بالله

الله يزكيكم عقلكم، جالس تحطم وتصيح، شادخل اصلي

نور: اجي معاكم؟

جدتها: سيري صلي وجهزي نفسش، ضروري اجي معش بكره؟

نور: ايوه ضروري وتلبسو الي جهزت لكم،

جدتها: تمام

ام صهيب بتضحك عليها: ماعليش مننا طقمي انتي و زوجش ؟؟

نور: مع اشتي نوقع مميزين لانحنا صدق عائله مميزه

صهيب بيمشي جنبها طرح يده على كتفها: ايوه يا انور ماخبارك، عتتخرج بكره، وايديك هكذا

نور شافت يدها: يوووو الله يسامحك ليش ما ذكرتني جهزت كفوف البسهن ونسيت من الحماس


بعد ماطلعوا..
صهيب: وجهي بيلهب من التراب فيني تحسس منه

نور: جي افعلك عنايه معي بكره توقع وسيم

صهيب غمض عينه مسلم وجهه لها: افعلي اي دهان يبرد الحساسيه

نور : شلت ماسك الفحم لونه اسود وفعلت له

صهيب مش داري ايش بيحصل فيه: الله مساج للوجه جا لي نوم بعد التعب هذا

نور ماسكه ضحكتها كيف شكله : هيا جي ابسر

صهيب بيبتسم استغرب : بينحس وجهي بيشتد مافعلتي لي
قام يشوف نكز : ماهو هذا يانور بيلحقها

نور ضحكت: هربت سبقته للحمام وغلقت

صهيب جالس يقرش وجهه وهو متقزز

امه دقت الباب تدخل لهم عصير شافته ضحكت: ماهو هذا؟

صهيب معقد حواجبه: هذه المجنونه قلتلها تفعل لي كريم فعلت لي من هذا

ام صهيب طرحت العصير : الله يجبرني بكم، وخرجت.

صهيب وهي داخل الحمام بيطفي ويولع: بعد حفر اليوم وحلم امس، بتتحممي ذلحين وعيونش مفتحه صح، الشامبو بيحرق عينش

نور مستغربه: كيف دريت، يمه لاتطفيش طيب

صهيب: بيغششوني الي عندش قد صاحبتهم

نور بتصيح: صهيب بطل خباله، لبست منشفتها وخرجت

صهيب بيضحك عليها شعرها ملان شامبو: تستاهلي، دخل وقفل الباب: شاتحمم قبلش

نور طفت عليه: هكذا يقع بك

صهيب: مابينخاف


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

20 September 2023 00:09

@sanaaroohi2 🩵 الكنز المدفون ↴

ـ بارت 250

.
.صهيب جلس مطنن: يمكن كانت من حق زمان قصص انقالت تخوف لحد يدور بعد الكنز حق الناس الي دفنوه، طبيعي  يفجعو الناس، بعدين الخوف من الشيطان واحنا في حمايه الله، قد تحدا الشيطان وقله ماعيتبعك الا الي خايف منك

الجده: صح يابني بس ليش المغامره، مش انت ناقصك شي مرتاح وماشاء الله في خير ونعمه و رزق من الله

صهيب: قولوا فضول شباب ، يمكن خير و زيادته نعمه وخير وبركه، محد داري ماهو، ذلحين انا شاجرب اهد السور بس

الجده: كان به يابني كل فتره وخرج لنا حنش ، انا خايفه منهن

نور دخلت سمعت: يووو كلمكم على الحلم حقي، والله اننا خفت

صهيب شافها تحمست بالكلام دخلت والصحن في يدها جلست وماقدمت له : واضح ان انتي خايفه ملببه قد الصحن في حضنش بيضحك

نور ضحكت : عادك اصتبحت

الجده: يو عيب عليش يبنتي مالش

صهيب بيحانكها

كملوا كلام عادي..

رجعو البيت

نور: هيا نحفر

صهيب ضحك عليها سحبها: اطلعي ، احس اوقات انش جاااهله يانور عتحفري اين ولا اين

نور: طيب طز فيك كنت شالقالك الكنز، خليني اجهز وانسق حفل تخرجي

صهيب : تمام، وانا معي شويه تلفونات عمل قد لي فتره هامل كل شي كل واحد ينطلق بعد عمله....



صهيب ترك العمل وجلس مصمم يلقى الكنز بدأ يبحث ناس خبراء في اكتشاف دلالات الكنوز، وفين اكثر الناس لقيوه! بحث كيف يسمم الثعابين تحسباً لايخرجين مثل ماوصفتهن نور في حلمها ، تواصل مع خبير ثعابين في الهند وجلس يكلمه ويشرح له...

نور بعد ساعتين ونص جت لاعند صهيب : ما رأيك هذا الشوز ولا هذا احلى

صهيب لفت لها بسرعه شاف: كلهن حاليات، اسكه البسي ابسرهن اين احلى

نور لبست قايست

صهيب وقف الشاشه ولفت يشوفها: احسش بهذا مش مرتاحه

نور: صح

صهيب:ومش حالي قوي لمعته زياده، جربي الثاني

نور: جربت

صهيب عجبه: خلاص هذا يعتمد ولا كلمه

نور فرحت: والله انه الي عجبني في البدايه بس قلت ازيد استشيرك

صهيب شافها هكذا حب يضبحها: بس تشتي الصدق الاول افخم

نور : صح؟ انا حسيت هكذا الاول افخم ، بس الثاني حالي

صهيب: وايش عتختاري؟

نور: طبعا هذا الثاني المريح مش مهم الفخامه والشكل وانا بينتعذب

صهيب ابتسم من قلبه: مازلتي مثل ماعرفتش وحبيتش اول مره،

نور: شكراً لانك وقفت عملك رغم اني قاطعتك

صهيب مبتسم رد عليها ببوسه في الهواء

نور ابتسمت ومشيت

صهيب رجع يكمل عمله ويكتب كل المعلومات،

ناقش نور بالي فعله

نور: مارأيك ادي الهندي هذا مايخاف من الثعابين، والجن ماعيشلوه لانه بوذي


صهيب جلس يضحك: انتي مجنونه ولابعقلش، وين الي امس  بتدور تخرج تحفر الكنز


نور: هيا ، والله مانا خايفه

صهيب متردد يصدق جنانها ولا يستعين بخبراء؟




📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

20 September 2023 00:09

@sanaaroohi2 🩵 الكنز المدفون ↴

ـ بارت 248

.
.اسلوب نور استفز صهيب

صهيب ماحب يبين قدامها انه خايف او نسي او متوتر، حاول يهدأ نفسه ، نزل وطلع جلس

نور ملاحظه انه بيكابر ومتوتر بتلطف الجو وتمازح وتزبج معه

صهيب شغل السياره ،

نور بتغني وتجنن وتتصرف بطفوليه

صهيب تنهد وهدأ شغلها ومشي طبيعي

نور بدأت تهدأ خايفه توتره اكثر زي اخر مره كانو سوا، تذكرت هي تفاصيل الحادث وماعد نطقت بأي كلمه

صهيب بدون مايلفت لها: ليش ساكته؟,

نور بتغالطه لاتحسسه خوفها: بينبسر الي هانك في الجوله

صهيب لفت شاف: في بنات
نور: ايوه في، بس شكلها مع امها،

صهيب: بعضهن مش امهن، بس رافضات يشتغلين او يستقرين، يشتين يجلسين يشحتين قلك دخلهن اكثر

نور ضحكت: جعلهن الخير بس، كنت اخرج حقي المصروف اقسمه بالنص بيننا من كثر مارحمهن

صهيب: ايوه وهي بتسقف بحقش المصروف

نور شافته متحكم بالسواقه تمام حبت تشجعه: تذكر لما علمتني السواقه  تكلموا لما وصلوا البيت

صهيب اول مادخل الحوش، لفت للسور حقهم : نور، زد لقينا الكنز الي هنا؟ ذكريني ايش حصل ؟

نور ضحكت واستحت تفتكر بيلمح لها هي: ايوه لقيناه وهذا انا قدامك

صهيب وهي بتتكلم بيرفع حواجبه من الموقف المحرج الي نور طرحت نفسها فيه جلس يضحك: مش انتي ياهبلا، اقصد الكنز الي تحت السور

نور عقدت حواجبها بعد مانكسفت: اي كنز

صهيب: الي قالو مدفون من زمان حق اليهود

نور: صدق ؟

صهيب: شكلش فقدتي الذاكره مثلي

نور: ايحين كلمتني به عشان اذكر او افقد ، معرفش والله

صهيب: طيب انتي داريه يمكن حتى بيتكم فيه

نور: مابش ، احنا معنا ثعابين لو تحفر لايخرج لك عاقل الحفره حق الثعابين

صهيب ضحك: تمام جالسه تزبجي ومش مصدقه

نور: بغير جنان قد زرعنا وحفرنا و زرعنا، مابش شي

صهيب: لو نلقى البقعه بس ، مالقيناها او ماحددناها، بس معنا اوراق و دلالات خيرات

نور شافت الموضوع جدي طلعت جلست فوق السياره من خارج:, صهيب بتتكلم صدق؟؟؟ انا قوي تعجبني هذه المواضيع


صهيب: انتي ذلحين تحت تأثير نتفليكس طبيعي تعجبش ، اما انا جدي جنني شهور وايام واحنا مسافرين اجي ادور واحرس الحوش

نور: ها ايام مافكرتك مجنون؟







،🌹🌹 صباح الخير للناس الحلوين، مليتوا من القصه؟ على العموم هي قدها في نهايتها بس كم اضبح من تعليقات سلبيه،مابتقدر ان الكتابه يحتاج لها حبكه واسلوب عشان ماتوقع مكلفته ناقصه احداث ولاتوقع لغاجه، يعني معاجلين بيشوفوها ممله مكرر يشتو اقطب لو تعذرت او تاخرت ، خلاص تميها هيا اقطبينا بيحسسوني بينقطف بلس، اخر فتره انقطعت خيرات لاني مليت الكتابه، هذه المره بعد ماشفت الاغلبيه كيف متفاعلين،اقول للي بيضبح والسلبيين في الخاص لو ماعجبكم لاتتابعوش 😌🥰


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

17 September 2023 22:51

@sanaaroohi2 🩵 الكنز المدفون ↴

ـ بارت 246

.
.صهيب : كنت شاهرب من البيت لو تذكرت تصرف سيء واحد فعلته لش وامي سحب يدها رجم الثياباات : مش وقتهن ، البيت كله بيتش غرفتي هذه الغرفه اجلسي وين ماترتاحي

تعالي بس نتكلم ونتجابر وحشتيني سارو الغرفه

صهيب: اشتي نرجع مثل اول ايام واحلى ايام بس، ننسى كل الايام الصعبه ، ساعديني انسيش لاني انا نفسي مش ذاكر شي

نور دخلت الغرفه حست بالضيق الي كانت تحسه لما اخر فتره صهيب متغير : اول شي نغير الغرفه شويه؟

صهيب: على طول ، اتصل للمحل الان يدي واحده ثانيه

نور ضحكت: لا انا اقصد نغير شكلها هكذا بيذكرني بايام تعبك

صهيب: هااا فهمت، طيب وانا كيف تحبيني اتغير

نور: مثل ماعرفتك اول مره

صهيب بغرابه سمعها مش عارف كيف يرجع مثل اول مره لانه مش عارف الان كيف هو وكيف تغير: على يدش انا اعتبريني طفل ربيني من اول وجديد

نور ابتسمت وبتطمن نفسها انه صهيب تغير


في بيت جدتها..

سمير جا لاعند امه: لقيت حد يشتري البيت

امه: من طلب منك تدور مشتري

سمير: بينقلش ظروفي ساع الزفت اشتي افعل مشروع اعيش فاتح ثلاثه بيوت

امه: مش كانو عيحبسوك

سمير ارتبش نسي انه كذب عليها: هاا ، ايوووه بعدا واحد قدم لي ذلحين يشتي ارد حقه

امه: بيع البيت حقك واستأجر بيت ثلاث غرف لنسوانك كفايه
عيقع غدا واحد بدل الخساره

سمير كيف ماجت له هذه الفكره بيخليها احتياط اخر شي

امه شافته جالس سارح: وادي لاخوك منها صغيره وضعه صعب بعد ولاد بنته

سمير بعصبيه: انتو عرسو افخم اعراس وهو يفعل لبنته افخم ولاد وانا ابيع روحي وادي لكم ، وانتي خلي حقش لبنت ابنش الي وارثه البيت هذا بكله

ام سمير: عينك الله واكبر ، قد خارجهم الله من الموت بسببك

سمير ضحك: انتو عتبلو نفسكم صدق وانتو بتمثلو المصايب امد تكسروا العين..

ام سمير : ابسر ما انت فيه من سواد قلبك وعادك وعاد، عيوريك الله تحمل كم جهد ظهرك وقلبك مصايب الدنيا

سمير تعصب وقام روح

الجده اتصلت لأم صهيب : تسأل على نور و زوجها فرحت قوي لما سمعت ان صهيب تعافى


في غرفتهم..

نور وصهيب بيتجابروا

نور : ايش رأيك  نخرج؟

صهيب : انتي نفسش تخرجي؟

نور : على راحتك

صهيب: كرهت الخرجه والسياره اشتي احتبس معش عمري كله ولايقع بنا شي مره ثانيه

نور ضحكت: انت ناسي انك كنت تخرج؟

صهيب: صدق؟ لي فتره بالبيت !

نور : ايوه بس قبل شهر كنت بتخرج وتدخل و ( تشتي تقله كان يفعل مشاكل، سكتت)

خلاص انا اليوم شاسوق وانت تقيم سواقتي

صهيب: اخاف عليش

نور ( الدكتور قال عشان يعدي الصدمه لازم يتقبل ويواجه الخوف عشان ترجع حياته طبيعيه ): تخاف وانت في عيوني ! شسخى، هيا سريع شاراعي لك دقيقتين ولا شافلتك واسير


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

17 September 2023 22:51

@sanaaroohi2 🩵 الكنز المدفون ↴

ـ بارت 243

صهيب: انا قلت هكذا ؟ اشتي وحدي! انا اذكر اننا كنت متضايق بس من الجلسه وحدي، لاحظت تصرفاتكم معي تغيرت قوي وكل واحد لوحده و كأن نور مقربه منش وانتي امها ماعد عاملتيني ابدا زي اول بتعامليها هي بدلي

امه: تصدق يابني ان هذه نور ،والله ماتلقى مثلها ، بحجر الله قلدك الله لاسخيت تغثيها يوم ! لو به شي مضايقك منها حاكيني انا بس انتبه تزيد تلومها وتصيح وتعاملها بقسوه

صهيب مستغرب: وايحين قد سخيت عليها، مش انتوا داريين كم بينحبها

امه ماعد قدرت تجرحه وتدخله صدمه ثانيه وتشرح له ايش فعل سكتت وابتسمت له: الله يسعدكم ،هيا سير اتقهوى قد برد الشاهي واجلس مع مرتك، معها حفل تخرج قريب تشتي تأجله عشانك اقنعها

صهيب قام وحضنها: ماتقلقوا ، اهم شي خلاص النفوس صافيه؟ ماعتدعمميني؟

امه دمعت وحضنته : الف حمد وشكر لك يارب، ولا شادعممك،ولادعممتك من قبل والله انه ماكنت يابني تشتي حد فينا

صهيب: يشهد الله، مانا داري من الي قلتوه شي، لكن انتو هنا( مسك راسه)

امه : هيا سير عيب هي وحدها اجلس معها خليها تفرح بك كم لها مراعيه ترجع ساع زمان يوم بعد يوم

صهيب هز راسه قام خرج شاف مابحد هي في الغرفه فكرها في غرفه خواته دخل ماكانت موجوده بس مستغرب انها عايشه ثيابها اشيائها جهاز الكمبيوتر شاحن كتبها  الدفتر هذا يذكره !! جا له فضول يفتح يشوف يتذكر ايش الدفتر هذا ( ذكر انه لقيه لما نور دخلت تديه) شاف القلم في صفحات الدفتر الاخيره قدو ملان كله مكتب فيه بيكلم نفسه

( هذه بتكتب طلاسم او ايش ؟؟) شاف كلامها كانت بتكتب تارىيخ اليوم وأخيراً صهيب رجع بعد ماجنن قلبي و روحي  ضحك قلب الصفحه شاف خواطر حزينه بتوصف مشاعرها
الصفحه الي قبل عتاب لتصرفاته، مصدوم

دخلت نور بتقلده: ليش دخلت غرفتي

صهيب: غلق الدفتر بسرعه لاتحس انه كان بيشوف جمع الكتب والدفتر والاشياء

نور عادها متخوفه  لو ماتغير: مابتفعل؟

صهيب بشويه زعل :  وين كنتي؟

نور خافت لو رجع لطبيعته: كنت عند جدك؟

صهيب: ماهو هذا كله؟
نور: ماهو؟

صهيب: منش صدق عايشه هنا !!

نور: ايوه

صهيب يشتي يشوف ردة فعلها عتواجهه باسبابها او لا: ايوه ليش تفلتيني وتجي هنا

نور: انت طلبت

صهيب: وانتي تصدقي وتسخي وتفلتيني

نور: ايوه ، لما شفت اننا شاكون توتر وقلق وعصبيه لك، شسخى

صهيب:ليش ماسرتي بيتكم طيب ، لو كانت طباعي لاتطاق

نور: وهذا بيتي اين تشتيني اسير

صهيب بعصبيه مسك كتفها: تشتي تقنعيني انش ملاك او ايش ؟؟؟

نور حست بيأس انه ماتغير بتغمض عينها بخوف

صهيب: جاوبي

نور بتبعد منه بس ماسك يدها بقوه:صهيب خلاص انا تعبت



📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi