•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

09 September 2023 23:36

@sanaaroohi2 🩵 الكنز المدفون ↴

ـ بارت 211

.
.نور ماسكه نفسها : ايوه وايش وصلها لاعندك وحبتك وهي مساعده لو تشتي تقنعني انها الي حبتك

صهيب بتبرير وانفعال عشان تصدقه: عشان بينساعدها من فتره لفتره، هي مسكينه بتشتغل مش بتدرس في الجامعه ، مكنتني انت احن واحد وانت احسن واحد، انا حبيتك، انا معجبه فيك، ينفع نوقع اصدقاء،

نور بتشوفه بنظره غضب

صهيب: وقلت لها لا، اعتبريني اخوش اي شي تشتيه لو اقدر عليه من عيني بس والله العظيم انها كذابه لو قالت شي غير هذا هيا خليني اتصل لها ابسر مال جدتها هذه( معصب)

نور ماقدرت تمثل اكثر كركرت تضحكككك

صهيب مصدوم بيشوفها : ؟؟؟؟

نور : تستاهل اكلت المقلب أولا ، ثانياً تعرف ان معك محقق كونان مش زوجه بس، تصدق ماقالت ولاشي، بس حسيت من بينهن كلهن انها كارهه لي لو عليها عتموتني

صهيب ضحك مسك يدها وقحصها( عضها) : انا مش خايف لاني واثق من نفسي، انااا كنت خايف انش ماتتفهمي او تزعلي ونتصايح بدون شي حقيقي بس ، اما انش محقق ، فعلاً تفوقتي عليهم مش الا .

نور: المهم تعرف ان معك مره مفتحه عينها

صهيب بسفاط سحب عيونها وهو مبهرر يشوفها: هاا فتحيهن، معش زوج مش شايف بعيونه وقلبه غيرش

نور حضنته: يووه جعلي خير عليك، فديت عيونه حياتي

صهيب لما حضنته يده ع ظهرها من ورا عند كتفها بعد شعرها شويه من وجهه وبانت في كتفها اثر جرح خفيف( ايوه كم لي اشتي اسألش ماهو هذا )

نور عرفت اين اشر بعدت شافته وبعتاب بعد فتره: هذااا !! انت دارري انه انت غريمي

صهيب ضحك( لانه قد سمعهن في الحوش هذك الايام بس حب يتأكد هي نفس الاثر حق الطاقه الي علمت فيها يوم ماسوا التفجير في حوشهم)

نور شافته بيضحك قطعت كلامها: ليش بتضحك

صهيب: لانه كنت اشتي اتاكد وطلع صح كلامي

نور : وما دراك ؟ عادك الا سألتني

صهيب : سمعتكن

نور : هذا كنت عايش معنا مش الا سمعتنا

صهيب: من قلش تعيشي في الحوش، وعادش تنطي حوشنا

نور ضحكت: بس عادك ذاكر، يلا قد سامحتك يوم ماسعفتني واديت لي

صهيب كمل لها: دمي

نور: يووو منك ذلحين لو وقع بي شي ماعد اشل قطره منك،

صهيب: غصب عني وعنش

نور قامت مسكت يده وسحبته: تعال ابسر مافعلت من حلا

صهيب: طعم بالملعقة جلس يتلذذ ، خبيها بعد ما اتعشا نحلي

نور بمسكنه ودلع: ما افعل لك عشاء؟ قدنا تاعبه تجهيزات وحلويات

صهيب: شافعلش انا، قد من نفسي خورت اخورش طبخه بينفعلها

نور بفرحه: صدق

صهيب : صدق، اسير ابدل واجي
نور شلت الاكياس دخلتهن المطبخ، وجهزت له العده الي عيحتاجها للطبخ

صهيب دخل يلا يابرنسيسه شويه لو سمحتي عشان ابهرش بطبخي وحركاتي

نور : دلا علينا ياشيف حسن

صهيب ببهرره: من حسن!! تعرفي غيري طباخين؟؟


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

09 September 2023 23:35

@sanaaroohi2 🩵 الكنز المدفون ↴

ـ بارت 209

.
.نور :عادي قوي  طبعاً ، وشكراً لانك عادك بتاخذ رأيي.

صهيب: ياخي لو دريت اني تزوجتش من اول لحظة عرفتش وشفتش فيها

نور باستغراب : ليش؟؟

صهيب: لاني كنت ماشحكم عليش من بعيد، طلعتي لطيفه قوي، فكرتش شرسه مجنونه

نور: من قلك مش انا شرسه، انا اسد مع الي يستفزني، ولطيفه مع اللطيفين

جلسوا يتجابروا ويضحكوا ويكملوا فسحتهم..

بعد الشهر ( يوم جمعه)
عيال الجده كلهم عندها متجمعين شلو غداهم وسارو يونسوها

فؤاد: ايحين عترجع نور، ماخبارها

الجده :مالها شي الحمدلله، عادها اليوم سافرت المانيا، مع زوجها عمل عتجلس شهرين

فؤاد مبتسم: الله يوفقها ويسعدها

سمير : هذا قليل ذوق زوجها،مش فاعل لنا قيمه يتخايله البنت بلا اب واهل او ماهو

الجده مستغربه صيحت: مالك مابه؟

سمير: ما استأذن من رجال انه يشلها المانيا، عرفنا شهر عسل، بس مفروض ندرا

الجده: استحي ع نفسك لاتبدع بنا ويسمعك حد، ياسعم انها صحبته، يستأذن منك، هي مرته اين ماسار قدي بعده

سمير: هيا ناهي ، لو حصل شي بينهم لاعد تحاكيني بشي، لان شاقلش المره بعد زوجها

امه بضبح: انت لاتتدخل بها وهي ماعيقع بينهم شي.

فؤاد ضابح من سمير ليش رجع هكذا ، كان يجنن ع فلوس بس الان ماله ايش يشتي مصدوم فيه

بيت اهل صهيب..

خاله صهيب: ماشاء الله ماقد جو يعني

ام صهيب: مع ، ماعليهم خليهم ينبسطو ، احلى ايام هذه لاقد به جهال ولا شغل ولا شي، بعدا مسكين جاله عمل قال عيسير شهر شهرين حسب مايكمل المشروع

اختها: الله يوفقهم ، وكيف البنت يختي مرته ! مالها شي او من حق مشاكل

ام صهيب: يو والله انها بنت ساع النسمه،

اختها: ساع مرت ابني، جلست اتحيلا لها وادلعها لكن شافت نفسها علينا ، وذلحين جي ابسري كيف قدي ، نصيحه لاتدي لها وجه

ام صهيب: ما عد معي الا صهيب جنبي جنبي ، سعادته سعادتي ، ماشستفيد لو عكننت عليه، بعدا لو هي شوعه حين تبسر طباعي معها عتسبر، لكن الحمد لله لحد الان ، البنت على مافي القلب

اختها: يلا قدش اخبر هو حين انتي ياختي طيبه بس بينقلش توبهي

ام صهيب: ماحبش استبق الاحداث، ولاشحكم عليها، في النهايه هي مرته، انا مادخلني منها ابسر كيف هي واقيمها، لو عاجبه له يسدو

اختها: الله يجعلها على قدر نيتش طيبه وماتغثي لش قلب



في المانيا ..

نور: يو والبرد قوي قوي

صهيب : عاد عينزل بعد اسبوع ثلج وتبسري الجو يتحسن شويه

نور مبهرره: يتحسن !! ينزل ثلج ويتحسن

صهيب : ايوه، جلس يشرح لها


نور : خاوره اسوق اجرب فوق الثلج


صهيب: لازم بطايقش شاقطع لش هنا رخصه وتسوقي

نور : تمام ، شاقوم ارتب الشقه عشان زميلاتك الي عيجين


صهيب: قدهن فارحات انش جيتي يتعرفين عليش





📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

07 September 2023 23:55

@sanaaroohi2 🩵 الكنز المدفون ↴

ـ بارت 207

.
.ثاني يوم ..
نور صحيت على هذا الجو، وصلهم الصبوح..

جالسه تصور ،خرجت العربيه وفعلت صوره على البحر .

صهيب صحي من النوم شافها مابحد، خاف لو راحت البحر ، خرج يشوف وهي بتصور : انا ميت جوع ومرتي بتصور

نور ضحكت: تعال نصتبح هنا ابسر على جو

صهيب : يلا اغسل وجهي واجي

نور رتبت الاكل فوق الطاوله سوا

صهيب جا جلس: ايحين قمتي

نور: قبلك بشويه

صهيب شافها متشيكه وفاعله ميك اب خفيف ومسرحه شعرها خصلتين من الجوانب ظفرتهن للخلف وشعرها مفتوح ، لابسه فستان صيفي مورد شيفون رقيق

نور: ياصهيب محد عيجي قبالنا كشف؟

صهيب : لا، هذه المنطقه وقبال الشاليه كلها حقنا

نور : كم عنجلس هنا؟

صهيب: لما تضبحي وتقولي نرجع

نور : مستحيل اضبح

صهيب: هيا اصتبحي  والبسي  عشان يبدأ برنامجنا الترفيهي المجنون

في اليمن..

بيت الجده
كلهم عندها مجتمعين منتظرين نور تسير .

الجده: استودعتها الله، زوجها فعلها مفاجأه سفرها الخارج

سمير :ماعد كفاها البيت هذك بكبره ماقد جلست سوا على الاقل اسبوع

زوجته الثالثه: هكذا الناس يتزوجوا، احنا المفاجأه  الوحيده الي ابسرناها الرابعه .

عصماء بتشوف بسمه وهي بتضحك: لوتدري وين هي عتجنن

بسمه: اسكتي بس، قد عيقرح قلبهم لانها سافرت ، عاد لو يدرا عمي ونسوانه عيحرقوا

الجده وصلها اتصال من نور: حيا ببنتي و روحي، كيف انتي( حابسه دموعها) طمنيني مرتاحه بتاكلي سوا

نور بصوت مبسوط وفرحه: الحمدلله ، قوي قوي مرتاحه اتطمنوا، معي اضخم زوج في الدنيا

صهيب بيشوفها بنظرات وابتسامه حب.

الجده: الله يسعدش يصرف عنش كل عين خبيثه ( شافت سمير)



بسمه: الصدق، ماتوقعت نور الي عمرها ماتفكر بالحب ولافيها اي ذره رمسسه، تعيش هذا كله

عصماء،:الله یسعدها  والله انها تستاهل، نور انحرمت من اشياء عشناها ، يارب مايقع ساع حقنا، وقعوا حاليين بالبدايه، بس بعدين عرفنا طبعهم محد انخلق يدون عيوب

بسمه: یختی هذا مابش حب وفعلها اعظم من الي حبوا

عصماء: يمكن حبها

بسمه: ماكان بينهم حب يا عصماء تعارف عادي ساع اي اثنين مخطوبين

عصماء مستغربه كيف بدأت بسمه تغير من نور وتقارن...


بااكمل بقيه البارتات بعد ساعه


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

07 September 2023 23:55

@sanaaroohi2 🩵 الكنز المدفون ↴

ـ بارت 205

.
.ثاني يوم ..
ام صهيب بتودعهم

نور فارحه عشان رايحه البحر ، ودعوا ام صهيب وجده، وخرجت تسلم على جدتها وتودعها

نور وصلت المطار مستغربه: ليش ؟

صهيب: نسير بطياره احسن من الطريق بينتعب

نور فارحه: احلى شي نفسي اطلع طياره( كنت خايفه نخطى الطريق معقده من بعدحادث ابي وامي، كم مرات عمي يقل يسفرنا ولارضيت

صهيب: وكيف كنتي عتسيري معي في الطريق؟

نور : مدري حسيت بأمان معاك

صهيب تجمل من كلمتها كان ماسك يدها ضغط عليها بقوه يعبر عن امتنانه لها وكلمتها..
وصلت كملوا إجراءات السفر ومره بتسألها وين رايحين عدن؟ او مصر

نور هزت راسها ايوه عدن

صهيب ساكت طلعوا الطياره جلسها جنب الطاقه تصور

اول ما اقلعت الطائره

نور جلست تكركر جت لها حاله الضحك بسبب التوتر والخوف

صهيب يضحك معها

نور اعلى نقطه اقلاع جلست ماسكه يد صهيب بقوه:, يمااااه

صهيب: خلاص الان عتحسي نفسش ماشيه طبيعي ماعد بش الا وقت الهبوط والاقلاع

نور: جالسه ساكته مستغربه وضع السفر واذانها وتتلفت لها
صهيب قرر يغالطها  بيتجابر معها ويعرفوا بعض اكثر

صهيب،:ايش اكثر شي يستفزش او يضايقش ويعصبش
نور بتجاوبه على اسئلته الي بيعرف فيها شخصيتها اكثر : يعني اكثر شي اخاف منه ،  او يضبحني ، انه حد يهددني يساومني بشي احبه ،يعايرني

صهيب: من عيسخى عليش اصلا، جعله مكسر

نور: وانت؟

صهيب: اخس شي ويستفزني مقالب الماء والمنازفه تستفزني واعصب بقوه

نور : هممم

بعد ساعات وصلوا مصر، نزلوا المطار

نور:, طولت الرحله مش قلت ساعه

صهيب:, الطريق زحمه

نور : اوو يعني به طايرات خيرات

صهيب جلس يكركر: ما اسمجش صدقتي ، امزح معش، هيا عننزل الان

نزلوا ونور مستغربه شايفه ناس غير الي في اليمن، نسوان بشعرهن ولهجه غير : وين احنا ياصهيب؟

صهيب: كايرو

نور بهررت وبصدمه: منك صدق مش قلت عدن

صهيب:, فعلت لس مفاجأه

بعد معامله الوجهه الثانيه وإجراءات ،طلعوا طايره ثانيه

نور: وليشش طائره ثانيه


صهيب: عشان ننتقل للمدينه الثانيه

نور : اهاا

صهيب: عتتعبي شويه، بس الطائره هذه مريحه مش زي الطيران حقنا.

نور طلعت الطائره بتتفرج النظام والوضع غير كراسي مريحه حجز لها درجه اولى على طيران فخم : اخيرا قد فيني نوم

صهيب: بعد الاقلاع شامد الكرسي وامتدي

نور: لا في شاشات خلينا نتفرج

صهيب: يلا نختار فيلم ونشوفه سوا

نور: زي الفيلم الي شفناه بالتلفون
صهيب: بس ذلحين انتي جنبي

جلسوا يشوفوا فيلم ويضحكوا سوا،

صهيب بيصحيها:, نوررر،، نور

نور نكزت: هاااه، خليني ارقد

صهيب:  هيا وصلنا عتوصلي الفندق ترقدي

نور هي نوم مش مركزه ايش بتقول: مع انا مرتاحه هنا ، خليني ارقد


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

07 September 2023 23:54

@sanaaroohi2 🩵 الكنز المدفون ↴

ـ بارت 203

.نور بتشوف صهيب كيف بيعامل جده بحنيه واهتمام ومزح

ام صهيب: ابسري ماشاء الله على ذاكره معاهم رغم قد عدو الميه سنه

نور بتعجب: ماشاء الله تبارك الله، يديلهم الصحه والعافيه يارب

ام صهيب: وانا اشل الحاجه وهي في يدي وانسى وين طرحتها

نور ضحكت: والله اننا هكذا اوقات

صهيب شاف نور : انتي في حد شاغل عقلش

نور استحت من امه بهررت له

ام صهيب بتشوفهخ وتضحك وفارحه بهم : هيا نور كلي

نور مسكت الخبزه ومستحيه بتقسمها صغار

صهيب: هيا لاتصتبحي صبوح عرايس و دلع، ورينا حقيقتش

امه: خليها على راحتها يابني مستلمها من حين نزلت

نور بتضحك نفسها تتليقن بس مستحيه من امه

ام صهيب بتقرب لها وتغرف لها : هيا كلي سوا ماهو هذا الاكل او ماعجبش اكلنا

نور : الا

صهيب: رعاها الله ايام ماكانو بعض ناس يلحقوني باللقمه، ماذلحين شكلنا خلاص منسيين

امه ضحكت: انت مابش عليك خوف ، بس هي ابسر كيف بتلقط لقاط.

ام صهيب: لوما تحتاجي حد يانور يساعدش كلمي العاملات يطلعين يرتبين الدولاب وشنطش يساعدنش

نور : تمام

ام صهيب: عيجو يتغدوا الاهل، لو رقدتي ذلحين شويه، وبعد العصر ، عيجين نسوان

صهيب : هيا ناهي، كمل العرس مايشتين هولا النسوان واصل سيره جيه ، قد ابسرين مرتي اكثر مني

نور بتضحك عليه

امه: يو يابني هكذا بنفعل

صهيب: افعلو انتو ماشتيتو، انا ماشسمح لها تنزل

امه: خلاص قد التغى الثالث بسببك

صهيب بهرر لها لاتتكلمش

نور مش منتبهه لهم جالسه بتشوف الشاي وتذكر جدتها كيف تشربه وكيف يعجبها وسارحه بتفكر هي غاثيه عليها او لا بتبكي او لا

صهيب: يهيي ما نور مطننه في وادي ثاني

نور لفتت لهم: عفوا ماسمعت

ام صهيب: خلاص اتفقنا ينزلش شويه عندنا وبعدين المغرب يرجع ويشلش علينا

نور : تمام

ام صهيب: حاكيت اهلش كلهم

نور فرحت عتشوف جدتها : تمام..

صهيب سبقها طلع يتصل لواحده، اول ماسمعها طلعت قطف الكلام بسرعه وقفل.

نور شافت الشنط يحتاج تجهز لها ملابس للعصر..

صهيب: مالش بتعدي حجره بقره

نور: جالسه اخمن في اي شنطه فعلنا الفساتين

صهيب ضحك: طيب جي اجلسي انتي ناوليني وانا اعلقهن، وقدو نجهز شنطه صغيره عنسافر بكره الحديده

نور فرحت ، كم كان نفسها تسافر بس عشان جدتها بتتعب في الطريق..: طيب

جلسو يرتبوا الملابس

صهيب: ليش هذا الثياب كله، خيرات، عتحصل ازمه او حرب او كيف

نور بتضحك: كسوه عروسه

صهيب: طيب عروسه ماقلنا شي، بس ليش من كل شي كميه

نور: عشان تغير وتنوع

صهيب: ناهي من منعكن تنوعين، بس حسستيني ماعد عتشتري ثياب ابدا

نور: اصلا تخيل توصل عروسه وتمكنه اشتري لي اديلي اشتي ،

صهيب: قدها مرته مافيها طيب، قدها مسؤوله منه
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 September 2023 23:44

@sanaaroohi2 🩵 الكنز المدفون ↴

ـ بارت 201

.نور متفاجئه بأبتسامه وفرحه: منك صدددق؟؟ بس عادنا ماكملت

صهيب: تكملي وتبدأي وتشتغلي في عيادتش افضل، لو تشتي تنجحي بحياتش تعلمي تشتغلي وتشتهري وتكبري نفسش بنفسش قد يكون شغلش المتميز وشهر عياده الشخص الي بتشتغلي عنده التعب لش والشهره والربح لمركزه.

نور مبتسمه : تسلم قوي ، مش عارفه كيف اشكرك

صهيب ضحك: بتكلميني كان عادحنا عيال جيران ، قدش مرتي ،شريكه حياتي مافي داعي تشكريني، كوني مبسوطه معي وبس
نور بتشوف المفتاح ومش قادره تعبر وتقول شي .

صهيب : ايوه ، باقي اسمها عليش ، سميها الي تشتيه من وقت ماتبدأي ونعلق اللوحه مش الان

نور: نرجع نفكر انا وانت اسم حالي

صهيب: مابش احلى من اسميش سميها النور عيادة النور

نور ضحكت: حسيت الاسم محطه ماء مش عياده
صهيب جلس يضحك

في بيت الجده..

الجده دخلت غرفه نور وهي هادئه طافيه فاضيه، حست بغصه وحزن جلست فوق السرير بتبكي
جت بسمه وعصماء ولعين الكهرباء يواسين جدتهن، بمزح وضحك ويتذكرين جنان نور وايش كانت تفعل وقصص الجني الي طلع صهيب ولما فكرنه مجنون ولحقهن

الجده مسحت دموعها وجلست تضحك، وتحكي لهن عن شقاوتها وهي صغيره وايش كانت تفعل لجدتها من مقالب..

بسمه شافت جدتها قد بتنعس بعد ماضحكن وجابرتهن، خلنها ترقد زي ماكانت في سرير نور ، دفتها بالبطانيه عصماء وخرجين الثنتين يتكلمين ويحشين على نور وكيف عتكون معه مجنونه مثل طبعها وعفويتها ولا عاقله وهادئه مثل مابتسير بيت الناس معزومه..


ثاني يوم ساروا اعمامها يسلموا عليها ويباركوا لها..

سمير بيطلع الدرج لشقه نور وهو يتلفت للتحف واللوحات والمفارش

فؤاد بيشوفه بيتاخر وهو يتفقد ويلمس ويتاكد من خامه كل شي: هيا اخي اطلع مالك

سمير طلع: انتي داري هذا البيت غير قيمه الارض وقيمه البناء، كم عيثمن الاثاث وحده عيطلع بقوله

اللوحات هذه مش من هنا، والمفارش مفارررش تغرس رجلك فيها

ابو عصماء: الله يهديك ياخي مش وقت لحد يسمع

سمير: من عاد عيقدر يسمع تارسين الاثاث ترس في الدرج قدها كاتمه للصوت ، بنت اخوك محظوظه زوج وجدتها في جيبها و عملها يدخل ذهب واحنا مامعنا الا نسير نسلم ونجي نسلم

وصلوا شقتها دخلوا..

نور كانت لابسه فستان أنيق والذهب ومكياج خفيف دخلتهم الديوان

صهيب جلس يضحك عليها ويأشر لها  اشر بيده جهه يمين

نور على مابتفتح الباب: المطبخ ، انحرجت شافت صهيب بيضحك ضحكت

فؤاد: سهل سهل عاد انتي لوما تعرفي البيت سوا

نور بتضحك مستحيه: نسيت ( مشيت على ماشر لها صهيب)

صهيب: كان يشتي هو الي يدخلهم بس شافها فتحت حب تستقبلهم براحتها وتضيفهم هي بيتها..

دخلوا الديوان

فؤاد فارح لها من قلبه على كل شي هي فيه..
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 September 2023 23:44

@sanaaroohi2 🩵 الكنز المدفون ↴

ـ بارت 199

.
.نور ضحكت: عادي لو اجي هكذا، ماعتغيرش اصلا عليا عادك عتستحي اننا مرتك

صهيب: امانه سلفي سريع

نور: والله ماعتبسر منظري اليوم الا بعد ما قد انا عندك ،

صهيب: والله مابسر الا ذلحين

نور: صورت بس ارجلها وهن مربطات والمشمع( بلاستيك) باين منهن وحولها قماش عشان النقش يعرق

صهيب جلس يضحك رسل لها: خلاص شاسير الجوله ابيعهن، واطرحش باب الجامع على طريقي تجمعي لنا قرشين

نور جلست تكركر وتضحك...

بعد صلاة الفجر رقدين وقد جهزين شنطها وصورين وبكيت نور انها اخر ليله عند جدتها باقي الايام عتكون مسيه  زيارات

الساعه ثمان الصبح قامت من الازعاج والبرع وصوت الزفه ملان الحاره

قامت معصبه ماشبعت نوم رسلت له رساله : ياخي ازعجتونا يومين مابنغمض ساع الناس جنان من صباح الصبح

صهيب ضحك: مابش رقده ماصدقت يجي اليوم ويطلع الصبح يلا لفلفي شنطش وجيتي

نور ابتسمت : طيب عتخلوها للساعه عشر نشتي نرقد

صهيب: واحنا نشتي نفرح انا عريس لاحلى عروسه في صنعاء كلها

نور  ضحكت: خلاص غني بس.

كانت اخر رساله بينهم..

صهيب انشغل بالبرع حق الصبح وخرجوه دوره، و رجع غدا مع المعازيم وبعدها مقيل و زفه


نور راحت الساعه ١٠ الصباح الكوافير

البنات في البيت بيرتبين بقيه اشيائها الي عتحتاجها وتلبسها وشويه يواسين جدتهن..
العصر بدأين يجين نسوان الحاره ومعاريفهم

وصلت نور بعد صلاة المغرب دخلت غرفتها

بسمه: هيا ع ماتفقنا

نور بفرحه: ايووووه

عصماء،:, ايش اتفقتين؟

نور: مش وقت النسوان قد ابسرني يوم الثلوث، خليني اطلع ابسر زفه صهيب

عصماء: يوو لازم تتجهزي وتلبسي الفستان ، بعد الزفه عيجو بابا واعمامي يخرجوش

نور: هيا وانتي،هو الا فستان، شالبسه بساعتي نص الزفه اهم شي ابسر

بسمه: طيب كيف نهربش من بين النسوان

عصماء: اخرجي قلي لهن طريق بابا يشتي يطلع الديوان

جلسين يضحكين ع خطتهن ونفذنها ، اول ماطلعين

بدأت الزفه والميكوفرنات

نور كان قلبها يدق شافته غير كل الايام الي شافته فيها
( وسيم وانيق وهيبه باللبس الي لابسه ) و رقص معهم

جلست تصوره وعيونها ملان دموع انها عتفارق جدتها والبيت، وانها. عتبدأ حياه جديده..



نص الزفه الكل بيداعي ويصيح وينهن

طلعت ام بسمه تشوفهن بيتفرجين، هزأتهن

نور لبست فستانها وفتحين خصلات شعرها الي كانت مرفوعه رتبين الطرحه، وتبخرت ونزلت عند النسوان قبل مايجو اعمامها يخرجوها..

الجده جالسه قووويه وماسكه نفسها قدام نور عشان لاتزعلها وتحسسها بزعلها على فراقها


النسوان بيتفرجين نصهن بدأين يستاذنين يسيرين يسبقين بيت صهيب يشوفنها هانك

نور بتشاور بسمه: لو دريت مانزلت وقد عيبسرني هنا وهانك


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 September 2023 23:43

@sanaaroohi2 🩵 الكنز المدفون ↴

ـ بارت 197

.
.الأم لبنت حماها من باب الباب: صلي على النبي ، مالهم؟ خرجنا وهم بخير

بنت عم صهيب: اطلعوا ياعمه ابسروهم

وهم في غرفه الجد

ام صهيب: مالكم يا اباه سلامتكم

الجد: انا تاعب تاعب، فلتوني كلكم ، وخليتوني وحدي وانتو مرتاحين وانا وحدي

ام صهيب: بساعتنا سرنا عرس مرت صهيب مايسبرش مانسيرش وقد خليت عندكم البنات ، سامحوني، بس ماقلتو لي مابيوجعكم

صهيب طلع وبيقيس لجده الضغط : طبيعي قوي ماشاءالله ، قاس السكر، طبيعي
ام صهيب فرحت ان مابش شي وانه منه زعل انه لوحده بالبيت

صهيب: خلاص بكره بقعه جدي تتسبر راس الكوشه ولا شاتزوج الا وانتو جنبي

جده فرح: اخيرا وصلني الله لعرسك

صهيب: لكن لاتكونوا تفجعونا ، مش انتو تاعبين، بخير وماشاء الله ضغطكم احسن من ضغطي
الجد فرح

ام صهيب : انزل اجهز لكم العشاء واجي

الجد: قد تعشيت الحمدلله ، شارقد بعد ماطمنت انكم جيتو وانتو جنبي

صهيب جلس حنب راس جده يراسل نور، لما رقد جده.

ثاني يوم..

نور راقده

عصماء بتهزور بطانيتها: هيا نوررر قوووومي

بسمه فوق راسها :* نوووور

نور: يوووو خلاص خلصنا خلني ارقد قلدكن الله، مارقدنا الا فجر

عصماء: اليوم نصتبح سوا زي ايام زمان بدون معاجله، وقبل مايجو الرجال نودع الشجره

نور غطت وجهها بالوساده: شابعه

بسمه هزرت شعرها: قووومي اغسلي المثبت ، قومي المره عتجي تنقشش

نور طيرين نومها قامت جلست فوق السرير وقدها مشعفله

صاحين : ياساتررر

نور بترجع شعرها من قدام وجهها

بسمه: بحجر الله كوني تسشوري قبل ماترقدي وانتي عند زوجش على الاقل شهر لما يتعود عليش

عصماء: اصلا عيفتجع عيفكر لمستش كهرباء

نور ضحكت: شلوكن صدق، مايكفي تنكزين واحد

بسمه: هيا  قدحنا جاوعات جي ابسري ع بقعه فعلت لنا

قامت معهن : اغسل وجهي والحقكن،

سبقين قربين الي باقي وجالسات مربعات مراعيات لها

نور خرجت وفاعلات لها زينه(غمازات) فوق شجرتها وفارشات والصبوح جبن ومربى وبيض وجبن وفاصوليا وملوح والشاي  وفواكه مقطعه وعصير

نور انبسطت ابتسمت : يووو انا فدالكن، عنصتبح وحدنا؟

بسمه: وحدنا يعلم الله ايحين نزيد نجتمع هكذا بدون ملاحقه  ازواجنا وبزا


اصتبحين جلسين يتكلمين ويضحكين ويعلقين على بعض ..الخ


الصباح خرج صهيب الحوش بيفتح باب سيارته ويسمعهن استغرب !!


صهيب رفع صوته يسمعهن : اصبحنا واصبح الملك لله، انا خاور الجنيه تدي لي قلص بن مثل حق امس ماقد اصتبحت

كلهن سمعين وضحكين

نور فعلت له سندوتشات، وسكبت له شاي حليب و رافعه صوتها: قالت الجنيه تديهن من فوق الشجره او للباب

صهيب ضحك ومارد عليها خرج ودق الباب..

نور مدت يدها وناولته

صهيب: ماشبسرش؟

نور: ماااشي..


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

05 September 2023 03:18

@sanaaroohi2 🩵 الكنز المدفون ↴

ـ بارت 195

.في غرفتها بتوريها المصوره اللقطات ولحظه دهشه صهيب بها ونظراته وملامحه، مبتسمه بفرحه ودموع ملان عينها داخلها مشاعر عمرها ماتوقعت تعيشها، كانت طول عمرها مقتنعه وموافقه بالزواج التقليدي بس جا لها موضوع زواجها تقليدي بحب ، بتحكي للمصوره كيف انخطبوا وتعرفوا على بعض..

خارج عند باب الباب

ابن اخوه شافه سارح وواقفين باب الصاله : ها ياعم نمشي ؟

صهيب مطنن

ابن اخوه بيضحك : ووووو عمممممم

صهيب نكز: مالك ياجني،

ابن اخوه: الله قد عمي بيعصب، الي طول عمره هادئ

صهيب: مالك بتصيح جنب اذني

ابن اخوه: ساعه بيندعيك وين حسك

صهيب داخل نفسه بيرد مع نور: ولاشي مراعيين لو يشتو شي

ابن اخوه: من ؟

صهيب: امي

ابن اخوه شاف اتصال من امه جاوب: ايوه، ماتشتو؟

صهيب بيشوفه وهو بيتكلم

ابن اخوه لفت يشوف ورا : اين نسيتين؟ ايش الكيس !

صهيب ناوله كيس : هذا حق الورد والفل

ابن اخوه : يلا شانزله لهم وارجع

صهيب مش بحسه: ادي شاشله انا

ابن اخوه ضحك: مع انت خليك العريس مايسبرش ، عتخرج لمياء( اخته) تشله

صهيب رسل لها : ايحين شدخل العشي

نور منتظره يزفوها بعد ماكملت تتصور التلفون بيدها شافت رسالته كتبت له: شانبيك برساله او هم عيتصلو لك لما يجو اعمامي ، عاجلوها تنزل قبل المغرب تنزف اضطرت تطرح التلفون وماعد ردت عليه.

بدأت زفتها متوتره بعكس شخصيتها المجنونه المرحه كانت خايفه وهي بتشوف الكل بيشوف لاعندها وهي واقفه شويه وبعد ماولعت الكهرباء وبدأت الزفه الحماس رجعت تتفاعل وتبتسم وتكون طبيعيه بطبيعتها وعفويتها ، وجدتها تبهرر. لها لاتزيد الابتسامات والضحك ومجابره البنات الي جنب الطاولات وهي ولافاهمه جدتها مالها بتبهرر، عايشه اللحظه بفرحه وحب..

ام صهيب قبل ماتطلع كوشتها لبستها عقد ورد جوري احمر كبير مابين الورده والورده حزام فل وسلمت عليها وهي مبتسمه لها وماسكه يدها ترقيها وتتحيلا لها..

صحباتها ملان الكوشه بيزفنها ويصيحين ويتفاعلين مع المغنيه ونور فارحه بوجودهن معها كلهن، ماتوقعت يطلع كل شي مثل ماتشتيه ...

طلعت الكوشه تصورت مع جدتها وبنات عمها وسلمت على صحباتها ورقصين بدأو الناس يروحوا وقدو وقت يجو يروحوهن دخلوا اعمامها يتصوروا معها ويتصوروا مع صهيب..

واقف بدايه الممر وهي مع عمها فؤاد وعمها ابو عصماء ( سمير رفض يحضر بين النسوان)

كان ماسكها كل جهه عم وصلوا لاعند صهيب..

عمها فؤاد ( سلمه يدها وهو ماسك يده باليد الثانيه يأمنه عليها)

ابو عصماء: معها بدل الأب اثنين، بنتنا في عيونك وفي رقبتك)...الخ التوصيات

وصهيب بيسمعهم ونفسه يعبر لهم على مشاعره الي داخل قلبه انه ماعيسخاش عليها وعيسعدها ويعتبرها بنته
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

05 September 2023 03:18

@sanaaroohi2 🩵 الكنز المدفون ↴

ـ بارت 193

.نور : تصدقوا ياعمه ان تكلفه خياطه بحق يومين ايجار، شويه تنسيقات للقماش دمج بين قماش الجزء العلوي خليته شي فخم قوي، والي نازل شي انيق رقيق بسيط وقع احلى قوي من الي شفناهن، كل شي وفيه عيب

مرت عمها الثاني: بس الصدق مش باين ابدا ابدا انه خياط ، قوي فخم وطريقه دمج الاقمشه خلته كله يبان شي فخم.


الجده ماقدرت تمسك نفسها وهي بتشوفها بالفستان ذكرت امها لما دخلت عروسه كيف تشبهها قوي، وتذكرت تفاصيل عرس ابنها وفرحتهم بنور و حزنها على موتهم بس نور جبرت خاطرها هذه السنوات كلها

نور كانت بتتفرج نفسها في المرايه في الصاله وبتلف تشوف من الجانب كيف الظهر لمحت جدتها  فكرت عشان عتتزوج وتسير سارت جلست جنب جدتها حضنتها: مالكم جعلي خير ليش بتبكوا؟

جدتها: فارحه بش، مش مصدقه قدش مره عتتزوجي

نور تطمنت : يو مغلاكم ، اهم شي كيف انا حاليه ولا ابطل

جدتها صيحت مسحت دموعها: بغير خباله، يكفي دلع قدش اكثر واحده تدلعت، درستي تميتي، ماعاد باقي اشتي افرح بجهالش

نور ضحكت: طيب لاتغثوني وتبكوا، هذا وانا جنبكم لو عاد سرت بقعه ثانيه

جدتها: مع الله يستركن كلكن اين ماسرتي واين ماجيتي حتى لو سافرتي، قدش بعد زوجش اين ماكان

الجهال بيلعبو ويتلاحقو حولها

جدتها: قومي ابعدي الفستان عيدعسوش وعلقيه ولا لفيه للشنطه وارقدي بدري ،

نور: قدحنا تاعبات اليوم لوي من الصبح ماعنسمرش

بسمه وعصماء شافنها ضحكين كل يوم يقولين هكذا وسمرين

نور دخلت رتبت اشيائها سهرين شويه ونعسين

الصباح جدتها بتصحيها وتلاحقها بالبن والصبوح

نور بتلفلف اشيائها وتعد الفلوس حق الكوافير خبتها في شنطتها، ناولت جدتها بقيه الفلوس حق القاعه والمضيفات...الخ

عصماء في الحوش بتطرق لها بالسياره

بسمه دخلت: هيااا نور جاوبي عصماء شرق الكوافيره عتضايق تاخرتي

نور خرجت معاجله وقلص البن في يدها
خرجين من باب البيت

صهيب كان فوق سيارته شاف التاير حق عصماء مبنشر قرب ياشر لهن

عصماء يو والفعله مش وقته

صهيب ناولها مفتاح سيارته: ها سيرين بها ، عنسبرها وندخلها الحوش هذه

عصماء خايفه تسوق سيارته ( ليكزس) بس هذه كبيره

نور بتزبج عليها: خايفه تصدم بها

صهيب شافها بتشرب البن في يدها شل القلص منها وشاف نور مبهرر مهنجم وهو يتلفت للناس: فداش السياره سيرين بس ، هيا اقطبي الرجال ملان الشارع اطلعي

طلعين مشيين وهو خلا ابن خالته يصلح السياره ، وخرج بسيارته الثانيه.

في الكوافير وصلين وبدأت تتصلح وتتدلع مابين قلق وتوتر كيف يطلع شكلها، وكيف عينسقوا ، كل شي عيكون مثل ماتشتي او لا، مانسيت تعزم حد، صهيب ماعيتأخر عليها وعلى المصوره، مشي الوقت بسرعه


جاهزين نعرس؟
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

04 September 2023 02:46

@sanaaroohi2 🩵 الكنز المدفون ↴

ـ بارت 191

.نور بتشوفه وتضحك

صهيب خرج راسه من القناع ولاقدر يشوفها : ظلام كيف بتتنفسي

نور بتهوي شويه شويه ترفع القناع بحيث مايششوفها عشان يشوفها بعدين بالفستان

صهيب شاف الخاتم فيه شذابه يفكر حنب فيه يشتي يبعده

نور: مع خليه هي فعلته هكذا

صهيب بيضحك : والكل هذه الحركه تراث ؟ كأنش تسلقتي الشجره حقكم وحنبين اغصان في خواتمش

المصوره تعبت تسكتهم وتوقفهم لقطت صور عفويه لهم طلعت احلى بكثير وهو ماسك يدها بيبعد الشذابه وهو بيتشاقرها من تحت مغمغ القميص..

الجده جت تعاجلهم: يكفي الليل تصوروا النسوان قد عيدخلين

صهيب خرج بسرعه وهي مشيت معه لغرفه العروسه تراعي هانك


دخلين النسوان الصاله..
وهي في غرفه العروسه بتشوف نفسها بالقميص الاحمر بخيوط ذهبيه لابسه المرجان والذهب والخواتم والشبكه والبليزقات( الاساور)


شكلي مومياء صدق

بسمه ضحكت: قد قلش مومياء شلوه

نور: ياسين عليه حرام

بسمه: الله عشنا وشفنا صدق قد بتدافع على حبيبها

الليل  كانت لابسه فستان شمامي ( برتقالي فاااااتح) وشعرها كيرلي مموج بطوله من قدام مرفوع ولابسه تاج بكريستال من نفس لو الفستان والطرحه وقصه ( غره شعر) ولثمه باكسسوار ذهبي وفصوص نفس لون الفستان والتاج وذهبها مكياجها ناعم خفيف مثل فستانها ، عيونها بارزه وحواجبها مثل السيفين بعد مارتبتهن لها الكوافيره غيرين تشكيله عيونها..

دخل وهو لابس الثوب والكوت والشال والجنبيه ( لف فوق الجنبيه عقود الفل ،اول مامشيت لاعنده نص الممر لبسها الفل ) وباسها فوق راسها ومسك يدها ومشيو بزفه..

المصوره جلست تصورهم وبعد الصور اقنعتهم يرقصو سوا تصورهم فيديو

نور بتشاوره: تعرف (يعني ماعتحرج؟).
صهيب بيضحك: خايفه ابدع بش، عادي شارقص مصري

نور : صهيب بغير جنان

صهيب ضحك : داريه ليش خايفه من كثر ما حشيتي على خلق الله وانا بينسمعش وانتي تحت الشجره خايفه يحشو عليش

نور ضحكت ضحكه تأكد توقعه

نسوان سمير الاخيرات: ها كيف بعمرنا على زواجه تزوجت من يوم عقدها وهي بتضحك معه، واحنا مابسرنا يوم ضحكه، عمها دفن فرحتي بطبعه وبخله وتشدده كرهت الزواجه، بس مافعل اين اسير ، مابش عند اهلي حاجه اسمها حنقه وطلاق

زوجته الثالثه: جيزش من جيزي قد تعودت ماعد بش معي قلب ، يلا ربي يسعدها نور مسكينه انحرمت من ام واب خليها تتعوض بزوج سوا ، جدتها ماعتدوم معها العمر كله.


بعد مارجعوا البيت وتعشو وترتبوا و تجهزوا للنوم  رسل لها رساله : المصوره حق اليوم ضخمه الصدق اديها الحفله


نور ابتسمت وذكرت ليش: عجبتك اللقطه الاخيره صح البوسه ، بعدين خفت جلست تمسح خدك واقلك ماتطبع وماصدقتني

صهيب: اصلا عيعلقوا اصحابي لو ابسروها

ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

04 September 2023 02:45

@sanaaroohi2 🩵 الكنز المدفون ↴

ـ بارت 189

.صهيب سمع صوتها متغير : مالش خير، ايش كان في.

نور: ولاشي بس لابد منها هذه المواقف تحصل ، نسيت احجز وجبات بكره تخيل من كثر ماتقسمنا انا والبنات المهام نسينا

صهيب: وكيف عتفعلي، قد حددتي  في الكرت ان في وجبات؟

نور ضحكت: مع مايحددوش في الكرت ماكتبت، شاوزع اي بسكوت او كيك رغم ماشتيش ماعد حد بيوزع هكذا

صهيب: اها ، سهل عتعوضيهم يوم الحفله ،كم كانو معازيم يوم النقش؟

نور: تقريباً ٦٠٠ واحده.

صهيب: او ، خيرات ماشاء الله
نور: ايوه، عاد هولا الا اخترناهم المقربين بس، الباقي عنعزمهم الحفله

صهيب: انا لولا اخوتي الكبار وامي ومعاريف ابي الله يرحمه، ماكان شعزم اكثر من خمسين واحد، معاريفي هنا قليل، قاطعها فجاه، نور

نور: ها

صهيب: خمس دقايق يا فلتي معي اتصال وارجع اتصل لش

نور ابتسمت على كلمه فلتي: تمام.

صهيب اتواصل مع معاريف ومنهم واحد علاقات مع مطاعم وغيرها : المهم شوف افضل اماكن بيعملوا وجبات اعراس، واعمل ٧٠٠ وجبه لبكره ، شوف اي حد عيقبل الحجز ولو تضيف له مبلغ لو يحتاج اكثر..

الجده بتكلم فؤاد في الصاله: نسين الوجبات

سمير: مابش داعي، تأكل مساكين بدل العرس الي مكلف هذا قوي

بسمه: من مهرها ياعم، هي حره، محد وفالها فلس تفعل ماشتت

سمير: ايوه بس حرام المبالغة عيصرعوها عين

امه بنبره هنجمه وضبح منه مامنه فائده: (( والله خير حافظ)

سمير: خاطركم، مابتفهموش

فؤاد طنشه: مانفعل يمه ماتشتي

امه: سير اشتري بسكوت او كيك اسال نور واحجز الببسي والماء لبكره تشلوهن للصاله

نور بعدت الفل وغيرت ملابسها وكملت تصلي  تشتي تخرج تجاوب عمها رن تلفونها جاوبت

صهيب: خلاص حليتها

نور: ماهي؟

صهيب: حجزت لش ٧٠٠ وجبه احتياط يزيدين ولاينقصين

نور بصدمه متفاجئه مبتسمه: صدددق ايش الوجبه؟ ومن وين

صهيب: حين هو يوم نقش وهكذا يوم تراث على قولتش، قالو بيفعلو للولاد والمناسبات برعي و زلابيا

نور بتسمع صوت عمها بيداعي وجاي لاعندها وساكته بعد جمله صهيب : يتوزع في عرسها برعي و زلابيا.. جلست تضحك وعيونها ملان دموع من الصدمه

عمها بيدورها



نور بصدمه بتضحككك بتكركر

عمها دق الغرفه: نور

نور : زلابيا و برعي لبكره ؟ من سألت؟

صهيب: ايوه واحد بينسق للي في الدار

نور بتضحك مره ثانيه سمعت عمها وفتحت الباب: راعي اجاوب عمو

عمها شافها منشغلة بتتكلم وعينها بتدمع وتضحك: خلاص شاخليش تكملي تتكلمي

نور بتهز راسها لا : ماكنتو تشتو ياعم

عمها: نحجز لبكره بسكوت او كيك ؟؟

نور ذكرت صدمه صهيب جلست تضحك ومحرجه من عمها تشتي تفهمه على ايش مش قادره تمسك نفسها: اسمعوا صهيب قد حجز لبكره ٧٠٠ وجبه


بسمه قربت جنب ابوها تسمع
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

04 September 2023 02:45

@sanaaroohi2 🩵 الكنز المدفون ↴

ـ بارت 187

.قبل يوم النقش ( يوم الدروع)
وقت الظهر
المنسقه رتبت الكوشه علاو الديوان، والتوزيعات، بجوانب الكوشه في سلل خزف عقود فل مع اكياس صغيره فيها بودره غسل مدبساات بكرت اسامي العرسان فيه( نور &صهيب)

الجده: كملتي يابنتي؟

المنسقه: ايوه ، هيا كيف اعجبكم؟

الجده: ماشاءالله تسلم الايادي

نور دخلت انبسطت: تسلمي قوي ، قوي روعه
المنسقه: اهم شي عجب عروستنا، هيا انا استأذنكم لو ماعد في شي

نور مسكتها: اين تستأذني اجلسي اليوم قد انتي هنا

المنسقة: انا فدالش ياقمر ، معي عمل

نور: سهل على الاقل تغدي وسيري

المنسقه محرجه: ماشي يهنا قلبكم

الجده:مابش حد يخطى من بيتي بدون غدا هذا الساع..

جلسين يتغدين و رفعين  ولبسين الدروع وطقم الفل كلهن سوا الا نور زياده عنهن طرحه مصلحه من الفل وحزام فل وشبكه يد فل ،مكيجتها جارتهم وصلحت شعرها تسشور ووقع جميل بطوله و مزين شعرها طرحه الفل ..

في مكان ثاني..

صهيب متجمل من وقفه الناس معه، معاريف و أهل واصحاب، كل واحد يتصل له ويقله عليا شي ، حجزت لك الصاله الفلانيه ، الفنان الفلاني،( تسهلت له الصعوبات ، و رجع له عمل الخير كله الي كان يفعله)

ابن اخو صهيب: ياعم ماعليك انت ، بدري او مع، فارحين بك ونشتي يجلسين اللمبات اسبوع

صهيب: عنضايق الجيران مايسبرش

ابن اخوه: ماعيتضايقوا ، اصلا اهم حد في الجيران فرحتهم من فرحتكم ( غمز له) سراجه واحديه لكم الاثنين


صهيب ضحك: انا مادخلني لو حد تضايق من الضوء واشتكوا عتجاوب انت

ابن اخوه دق صدره: عليا ، هو انت ماقد تعرف الاشياء هذه، عادي جدا ،الكل بيعرس ويعلق زينه العرس

صهيب: يلا انت كمل الي في الورقه البعاسس  ، وانا اسير اراجع سندات الدار والفواتير ، عشان بعدا ماشفضاش


ابن اخوه: ولايهمك، الله معك ، احنا هنا خيراات عنوزع المهام بيننا

صهيب في الطريق للدار رسل لها : ايحين اجي اتصور ؟

نور ماشافت تلفونها هو في غرفتها وهي مع صحباتها في الديوان والاغاني والرقص ( كانت بتقول لبسمه انها رافضه يتصوروا لانه مش يوم مميز ومابش داعي)

عصماء شافت الرساله من فوق فتحت و ردت عليه ( انا شافعل لك رنه وجي) غلقت تلفونها بسرعه لاتشوف اي كلمه او رساله بينهم ىبتكلم نفسها( استغفر الله تفيضلت، بس عترجع نور تشكرني بدل ماتصيح فوقي)

بعد ماروحين البنات وماعد في الا من الاهل

نور: عصماء ادي تلفوني اتصور قبل مابعد الفل

عصماء ذكرت : حاضر الان

سارت الغرفه رنت له

صهيب وصل جنب بيتهم اول ماشاف الرنه ، جنب السياره ونزل دق الباب

عصماء بتأشر لهم كلهن يخرجين بتدعيهن من خارج الباب ونور مش شايفه

شاورتهن يلبسين ان صهيب داخل يتصور معها
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

03 September 2023 04:15

@sanaaroohi2 🩵 الكنز المدفون ↴

ـ بارت 185

.
.صهيب خرج من عندها وهو بيرسلها:( لو دريت انش عتتلثمي ، كنت ماشحلقش شافعل ساعش الف وجهي بالسماطه )

نور مالحقت تشوف رسايله وترد عليه..

صهيب خرج و راح يكمل ترتيبات و دفع الحجوزات حقه.

بدأت حفلتها
في غرفتها واقفه بتصلحها الشارعه( كوافيره للبس التراث اليمني)

بسمه دخلت بتسرع لاعندها : يانور لو تبسري من جا، بكل قله حيا تخيلي من

نور ماعرفت: طليقه عمش؟

بسمه: مع ياريت، جت ام سامي( خطيبها الاول الي فسخ)

نور رفعت حاجبها باستغراب : منش صدق؟

بسمه: والله

نور: من عزمها ؟

الشارعه بحكم كبر سنها تدخلت على كلامهن( عيب بيت العرس يجي من ما جا ، مايسبرش تقلين هكذا )؟

بسمه: ليش ماتعرفوش منهم وليش قلنا هكذا

نور : خلاص ابردي مش وقت

بسمه: عزموها جده، قلك مش هم اسفين بها ولا ابنها تجي تخزق عينها بالعرس والنصيب الي حالي الي وقع لش

نور: الله يهديهم جده عيبردو بس طز فيهم.

بسمه: والمضحك ماهو ، بيقلولها جده وين مرت ابنش
قالت قد طلق عادهم خطبوا له ثانيه وعيزوجوه بعد شهر

نور : قدي مهره عندهم

بسمه: يلا شاسير ابسرهم ، وخرجت

وقت الزفه خرجت نور و دخلت الديوان وجلست

عمتها لبستها عقد فل بسلاسل فل من الجهتين للارض وحبتها ومسكت يدها وهي مبتسمه: عيجعلها زواجه الدنيا والاخره ويتمم لكم بخير ياحبيبتي

والنسوان من الجيران بيتكلمين ويتهامسين

تستاهل نور الصدق عمه ساعها ماشاء الله ماحلى من قلبها ام صهيب وطيبتها وتواضعها

ام سامي خطيبها الاول بتسمعهن سكته وتتفرج نور، تغيرت احلوت، وعرفت انها قدها دكتوره اسنان ، تذكرت ابنها كيف عاندهم ووقفت معه وفي الاخير صدقت ان الغلط من ابنها ودلعه يشل اي شي يشتيه ويترك بكل سهوله..

بعد ماروحين النسوان وفضي المكان، دخل صهيب يتصور معها ( ماشاء الله كل يوم عن يوم بتتطور اللثمه، اليوم قدها جنيهات ذهب ملثمه بهن، خرجتي الكنز حق اجدادنا )

نور ضحكت: ايوه

صهيب: والعرس عتتلثمي والكل؟

نور: ماشي طبعاً

صهيب: بس شكلش حالي وكل يوم عن يوم جمال بيفرق عن الثاني، اما انا مش عارف كيف اتشيك واتغير والبس عشانش

نور: وانت حضورك كيف ماكان له هيبته وجماله

صهيب اضطر يسكت عشان لقطه الصوره بس عيونه كانت بتتكلم وهو بيشوف لعيونها...

بعد ماروحت ام سامي البيت اقتهرت من دلعه وكل يوم يحب ويتعرف ويشل واحده ويطلقها ويتعرف ويتزوج ضبحت ان حياته مش مستقره بتحانكه..

سامي: من اين جيتي يمه؟
ام سامي: سرت اليوم عرس نور

سامي ناسي: من نور؟

ام سامي: الي خطبناها لك، وسرت تقلها يوم الخطبه ماتشتيها

سامي ساكت

امه: ماشاء الله على قد جمال وحلا و ركزه فيها ، دكتوره اسنان، وجالها ابن فلان ابوه كان


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

02 September 2023 02:37

@sanaaroohi2 🩵 الكنز المدفون ↴

ـ بارت 183

.
.نور بتضحك ومعصبه بتصيح: ليشششش تبسرني

صهيب: والله انش جننتيني ، بعمري ماجننت وراهقت وذلحين مفروض اننا شيبه، خليتي حياتي جنان وحب ومغامرات وشقاوة مافعلش

نور: طيب انزل

صهيب: ماعه

نور : شادخل انا

صهيب: ماشاجيش اتصور معش بكره

نور : اخس منك تحنب واحد شاقفي لاتبسرني ،، قفت لايشوف وجهها

صهيب: بس كيف حرقتي ماقلتي لي

نور : ماسك الفحم هذا مادراك اصلا عرفتك وانت مشعفل

صهيب: ايوه مجنون الحاره

نور : ضحكت ، بيتكم ملان لحد يبسرك

صهيب: قلتلهم صاحب غلقين وسكتين مسكينات بيضحك

نور : يو لو يدروا اهلي اننا هنا وبنتجابر ، لايزفوني سوا

صهيب: ياشيخه ،عيشي حبي افعلي ماشتيتي مابنسرقش انتي حلالي خلينا نجنن

نور: قد جننا عاد عنجنن

صهيب : يهي عادش الا عتبسري الجنان سوا

نور : ليش كلهن بيخوفني ،انه لاتفرحيش نفسش هذه الفتره بس عتعيشي هكذا بعدين خلاص ، عتتعودي حياه روتينيه ويتغير

صهيب: اصابعهن مش سوا، كل واحد وله طباعه ، يمكن هن المملات ويمكن أزواجهن مملين مادو لهن فرصه يجننين
لما تكون حياه متغيره فيها ضحك ونقاش ومعاتبه بلطف واهتمام على حنيه عتجلس الحياه حلوه بين اي اثنين

نور : صح كلامك، مش كل غلط وملل من المرأه نفسها قد يكون الزوج هو نفسه ممل

صهيب: وانا كيف ممل؟

نور : قوي ممل ، انزل طيب خليني اقول انك مش ممل

صهيب: قد نزلت اووول

نور لفتت تشوف

صهيب واقف واضح قدامها: ضحكككك

نور بالليمونه الي في يدها رجمته

صهيب فعل نفسه طاح : يو كحولتيني جت في عيني

نور بخوف: صدق !! صهيب يووه لفتت واقفه بتشوف مابش له اثر

صهيب رجع وقف و رد لها الخفعه بالليمونه

دق باب بيت صهيب

نور ضحكت عليه لما سمعت قفزته بسرعه وبيجاوب  : من !

صهيب: اسير اجاوب يعلم الله من .قفل
دخلت بسرعه وهي بتضحك

عصماء وبسمه شافنها بيضحكين عليها

نور بتشاورهن الي حصل وهن يضحكين وينصحين تبطل تتواصل وتتكلم معه ويشوفها


وداخل نفسها( مقتنعه مع صهيب نفس تفكيره يعيشوا كل لحظاتهم بعفويه)


ثاني يوم...

قبل ماتسير الحمام رسل لها يصبح عليها

نور : كتبت له انها عتنشغل ويكون يوم طويل ونسوان

صهيب: تصدقي اول مره اعرف تفاصيل عرسنا هذه كلها ، يمكن لان خواتي تزوجين في الخارج كان يوم واحد بس في فندق وعزمنا ناس يمنيين نعرفهم وسارت مع زوجها ، اول مره اكتشف معش عاداتنا اليمنيه وتفاصيلها


نور : اها عشان هكذا مش داري باشياء خيرات تسالني فيها


صهيب بمزح: ايوه ، مستغرب ليش عتسيري الحمام، مابش معاكم ماء او كيف

نور  بتضحك: ايوه مابش معنا

صهيب: قررت افعل مثلش كنت رافض تفاصيل خيرات، بس الان حبيت افرح بكل لحظه عتربطني بش


ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

09 September 2023 23:36

@sanaaroohi2 🩵 الكنز المدفون ↴

ـ بارت 210

.
.صهيب ساعدها شويه و راح يلبس

نور : اين عتسير؟

صهيب: شاسير ابسر الخطه حق المشروع ونحدد ايحين نبدأ اشغل ، يعني اجتماع بسيط

نور : وانا ، عيجي وانا وحدي؟

صهيب: راكن تقدري تتفاهمي معهن، ومش انتي خجوله بالعكس لقنه، يعني مابش عليش خوف، انا خايف عليهن

نور في يدها بخاخ الزجاج قربت لاوجهه تهدده: خايف على من!!

صهيب شاف البخاخ الي في يدها مش لناحيته: خايف عليهن

نور رشت بالبخاخ وجا لوجهها

صهيب: جلس يضحك، فتح باب الشقه هرب وهو بيصيح عليهن هن

نور بتضحك ع المقلب الي وقع فيها ودعته وغلقت الباب و دخلت تكمل ترتب، وتتجهز وتلبس

في الإجتماع..

صهيب وصل وجلس يتكلم معهم وينسقوا ويعلملو خطه العمل

صاحب صهيب: يعني تقريباً المشروع عيحتاج سنه

صهيب : مش اتفقنا انه ثلاثه شهور، كمل شهر مشينا حسب الخطه

صاحبه: انت كمل معنا بس لشهرين لوقت التنفيذ عادي مش مهم نكونع موجود ، عنتواصل معك اونلاين

صهيب : ايوه تمام، يعني نفس اتفاقنا،


في شقتها

نور تجهزت لبست وصلحت شعرها ومكياج خفيف قوي رقيق، رتبت لهن للضيافة اشياء بتشوف الساعه سمعت الباب راحت تفتح لهن..

دخلين مجموعه ،  ٦ بنات من مختلف الجنسيات سلمين عليها ناولنها الهدايا ومبتسمات كل واحده بتعرف على نفسها
الا واحده سلمت عليها بدون ابتسامه او هديه وكأنها مغصوبه الجيه حتى ان ملامحها الحزينه خلت نور تركز ع اسمها بالذات

كلهن بيتكلمين كيف عرفين صهيب( صديقاات جامعه ، مجموعه طبق معها، مجموعه عرفها في المكتبه ، نور شافت الكل بيتكلم يتفاعل الا هذك الحزينه وانتي ياليلى من وين عرفش صهيب؟

ليلى تنهدت انا الي عرفت صهيب كنت عامله في الجامعه

نور ماحبت تحرجها اكثر وتسألها هي التفاصيل

بيحكين لها مواقف صهيب اخلاقه وشخصيته جاده ،وكيف كان ثقيل تعامله مع الكل، وكيف قدرت هي تلفت نظره.

نور مبتسمه وهي بتسمع ان كل اصحاب صهيب كان معهن فيهم حبيب او حد الا صهيب كان يرفض يبادل اعجاب اي بنت..

بعد ماخرجين و روحين..

صهيب وصل في يده مصاريف

نور فتحت له الباب وهي قالبه بدون اي ابتسامه او ملامح شوق او كلام كثير تشتي تقوله مثل ماتعودها يخرج وترجع

صهيب: مالش؟

نور شافته بنظره رافعه حاجب : مالي ؟ اديت لي حبيبتك بينهن لوسط البيت تسلم عليا وتبارك لي

صهيب ضحك: والله مامعي حد

نور : وليلى

صهيب تغيرت ملامحه خاف : ليش ايش قالت لش ؟؟؟

نور : ايش قالت ! وعاد لك عين تسألني انا !!  اسألها

صهيب : نور ، والله انها هي الي كانت بتدي رأيها ومشاعرها وارفض واقلها ماشي

نور ماسكه نفسها : ايوه وايش وصلها لاعندك وحبتك وهي مساعده لو تشتي تقنعني انها الي حبتك



📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

09 September 2023 23:35

@sanaaroohi2 🩵 الكنز المدفون ↴

ـ بارت 208

.بسمه: يالله ربي يسعدها يتمم على خير، اتمنالها كل خير، بس بينقلش لاتقع صدمتها مثلنا بس

عصماء: على الله، مايقع الا كل خير لنا ولها

شافت بسمه رساله من نور : فقدت لكن قوي ، خاوره وانتين هنا معي ، نجنن كلنا سوا،

عصماء شافت نفس الرساله لها كمان ، شافت بسمه: رسلت لش نور

بسمه : ايوه جبرها ،بتخورنا معها.

بعد ساعتين..

نور: اين عنسير

صهيب: نغوص تحت البحر

نور مبهرره: صهيب بغير جنان والله ماعرف اسبح

صهيب: سهل شاسحبش بعدي

نور: هيا صهيب لاتمزح

صهيب : يعني بعقلش حسستيني اننا سمكه، ياسعم اعرف اغوص، عندخل غواصه

نور: لو نغرق ؟

صهيب: عنوقع قصه مثل تايتنك

نور ضحكت : يعني قد جربت قبل امن؟

صهيب: لا والله هنا شاجرب كل شي معش لاول مره

نور : خلاص طمنتني...

دخلوا الغواصه كانت تشوف أعماق البحر منبهره بالجمال ، بتوريه بحماس ، السمكات

صهيب بيتصور هو وياها سيلفي ،

نور بتحانكه تخرب السيلفي تفعل حركات مجنونه

بعد ماوصلوا .

نور بعد ماسبحنا وكان في اعشاب احس عادهن بيخطين في ارجلي،

صهيب ضحك: تخيلي يربطنش ويسحبنش البحر وتوقعي حوريه بحر، وانا اشتغل صياد

نور بتضحك وتتنمر على قصته: ايوه وبعدين تصتادني وتحبني

صهيب سحب يدهل: ايوه وبعدين اشويش واكلش

نور شافت يدها: يووو والله لارجع ابرد اسنانك خليني اوصل العياده  اخليك اثرم..( بتفكر بينها وبين نفسها كيف تستقضي)..

بعد مارتبت ملابسهم ، شافت صهيب ممدد بيرتاح

خرجت كانت شايفه سطل صغير فعلت فيه ماء ، طرحته فوق الباب وهي واقفه وراه، دعته جا خرج يجاوبها

نور شافت الماء فوقها فجأه

صهيب مصدوم!!! : بيضحك دعيتيني توريني كيف بتمقلبي نفسش ؟


نور بضبح: مااااشي كنت شافعل لك المقلب وانت دهفت الباب لاعندي ، بدلع وضبح ( ماعه والله مادخلني قدو ثالث مقلب تفوز عليا)

صهيب جالس يتكركر على شكلها وخططها الفاشله..


خامس يوم..

جالسه الجده تتفرج فيديوهات بترسل لها نور ، على جمال المكان والغروب ، والغوص، وكيف طلعوا دراجات مائيه وهي بتسوقها

الجده بتتفرج وهي بتسبح الله في خلقه وجماله على المكان، وشويه تشوف نور بتسوق تقلق ياساتر احفظ بنتي..


شافت صهيب بيطرح لها ورده في الكوفيه الي لابساها : بتدعي لصهيب ونور


مستمتعه معهم وهي بتشوف تفاصيل رحلتهم وتطمن عليها اول بأول..


صهيب: نلف كمان الاسبوع هذا بقيه الجزر والفعاليات، وبعدها اشلش تبردي بعد الحما هذا

نور : وين؟

صهيب: معي عمل في المانيا، والان موسم ثلوج اشلش تكملي الفسحه وتتزلجي مارأيش


نور بفرحه وحماااس: اكيد موافقه عادك بتسألني


صهيب: يعني لازم اشوف رأيش ، لان يمكن نطول هانك شهرين
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

07 September 2023 23:55

@sanaaroohi2 🩵 الكنز المدفون ↴

ـ بارت 206

.
.صهيب بيضحك: هيااا نوررر وصلنا الطائره عتغلق عليش الباب

نور صحصحت قامت رتبت حجابها وقفت بتدور شنطتها حق اليد

صهيب: قدها معي شليت كل شي، باقي شويه واتحملش انتي

نور ابتسمت: كم لنا وين احنا والساعه كم ايش اليوم، احس قدلنا خيرات

صهيب: مدري علمي علمش ، رقدت وصحوني انحنا وصلنا

نور بتمشي معه: بس احس ياصهيب قدلنا خيرات صخ كانه يوم

صهيب: مع صلي ع النبي بس قلي رقدنا خيرات

نور نزلت وبتحس جو حامي شويه

وصلوا المطار ..
نور مستغربه : صهيب وين احنا ( قرأت لوحه ترحيبيه للمسافرين بوصلوهم مطار المالديف)..

صهيب كان ماسك يدها بيمشي معها

نور: بتقرا وتشوف فلتت يده ولفتت له بنبره متافجئه صاحت: صهيييييب ، احنا في المالديف؟؟؟؟


صهيب: انتي لو يخطفوش ويشرحوش ويسرقوا اعضائش مش انتي داريه بشي ، يعني شليتش مصر  ويتخايلش عدن، مدينه ثانيه وانتي هنا

نور بفرحه قاطعت كلامه حضنته : شكراً قووووي على المفاجأه الحاليه استوعبت انها خارج مش وحدها شافت الناس بيشوفوهم ويضحكوا ، انحرجت

صهيب بيضحك: جبرش وانتي ساع الجاهله

نور : فارحه بشكل مش مصدقه ايحين نوصل

طلعوا التكسي

صهيب: وصلنا اين تشتي تسيري

نور: نسير البحر ، انا شابعه نوم

صهيب: اديت البحر لاعندش انتي بدل ماتسيري له

نور مافهمت قصده بس لما وصلت الشاليه على البحر : جلست فارحه طرحت شنطها وخرجت على طول من باب الشاليه حقهم للبحر

صهيب خاف عليها تتهور وتدخل المسبح وحدها ليل، طرح شنطته والفلوس والاشياء المهمه في الغرفه، قفل ولحقها

نور واقفه بتتفرج وماسكه وجهها من الفرحه

صهيب مسك يدها بقوه وجري لداخل الماء

نور بتحاول توقف ماتشتيش: اخااااف، قوا ياصهيب راعي طيب اصبر..

صهيب بممازحه دخلها للماء وفلتها: باي باي نلتقي في عدن

نور بتضحك عجبها الماء : معرفش اسبح

صهيب دخل معها : الان بس تبعدي الخوره، بس الصبح على شروق الشمس شاعلمش السباحه سوا

لعبوا شويه تنازفوا دخلوا الشاليه، طلبوا عشا وغيرت ملابسها ، وخرجوا يسهروا على البحر

صهيب تشتي تطلعي هنا ( سرير من سعف النخيل مربوط من شجره لشجره)

نور: يو روعه بس كيف اطلع

صهيب تحملها ..

نور جلست تتكركر

صهيب مستغرب: مالش؟

نور: بينتدغدغ ، طلعت  وهو جلس يدهفها وهي تضحك وتصيح دلاااا، عتطيرني

صهيب: عتعقلي او مع

نور بتصيح: ماااااعه فجأه تذكرت جدتها قامت جلست: صهيب

صهيب: ها مالش؟؟

نور: جده يوو جدتي عيقلقو

صهيب : كلموهم امي تطمني ، شويه يوقع وقت مناسب عندهم ونتصل لهم

نور : تمام

صهيب: فرحت انش ترقدي، عشان لاتخرب المفاجأه

نور: كنت نوم، وقلت يمكن مصر هكذا ، بس لما قرأت اللوحه ماتوقعت


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

07 September 2023 23:54

@sanaaroohi2 🩵 الكنز المدفون ↴

ـ بارت 204

.
.صهيب: قدها مرته مافيها طيب، قدها مسؤوله منه طلباتها كلها

نور : مش كل الرجال مثلك ياحبيبي، بعضهم بينتقم من المهر الي دفعه لو تقله تشتي شي عيقلها وين المهر

صهيب: معقول ، مهر حقها المفروض مش تشتري له السوق بمهرها وتجي عنده

نور داخل نفسها ( يو لو يسمعين بسمه وعصماء لايجننين، الي يبست ماسكرتها وعايرها انها عادها حريوه مسرع عاد معها كسوه، ولا بسمه الي تشتي فستان خاص بالحمل وهو بيعد لها يوميا كم معها فساتين في الدولاب)

صهيب اي شي يعجبه من ملابسها ويناسب السفر كان يطرحه على جنب في شنطه فاضيه من شنطها..

كملو ترتيب،  صهيب دخل يتجهز لصلاه الجمعه ،خرج من الحمام شافها نوم قرب يدفيها ومبتسم بيكلم نفسه ، ذلحين هذه الجنيه من صدق قدها عندي

نور حست لما غطاها فتحت عينها وهو بيشوفها

صهيب نكز

نور خافت لما نكز : مالك

صهيب : وقفتي قلبي ،الله يسامحش بينقل قدش في سابع نومه بينقل هذه الجنيه قدي عندي من صدق وانتي فتحتي عينش

نور ابتسمت ورجعت تغمض بتنعس

صهيب خلاها راقده وخرج دلا يسير يصلي الجمعه في المسجد.

بعد مارجع دخل وهي نوم ، رن تلفونها خلاه صامت غلق الستاير ، ونزل يتغدا مع الضيوف اعمامه واخواله ..

نور قامت شافت الساعه ٣:٣٠ ، بتشوف مابش حد عندها..

غسلت وجهها وتوضت للصلاه، بدأت تصلي..

دخل دلا دلا صهيب تفاجأ شافها بتصلي: يو ايحين صحيتي ،

نور كملت تسلم من الصلاه: يو قد جين النسوان؟

صهيب مسك وجهه: ياهمتاه لهولا النسوان، ارقدي اشبعي نوم

نور: خزا من عمتي

صهيب: عادهم بيتغدوا ، اتصل لنازل يطلعوا غدا

نور: عادي شنزل

صهيب: لا، كلي ع راحتش بينشوفش بتخزي، حتى انا قد تغديت ، قلت اخليش براحتش، خرجي الوحش لي داخلش

نور ضحكت: اي وحش

صهيب: هذك حق الحوش المضاربه والخورات واكلكن اربعه وعشرين ساعه

نور ضحكت: يووو يعني مهما فعلت ماقدرش اتصنع الكياته، معي سوابق عندك

صهيب: ابدا ماتحاوليش تتعبي عالفاضي

نور شافت الشنطه: ياصهيب هذا خيرات اشله وهي الا الحديده

صهيب: مش خيرات، طرحت كل شي عجبني، طلعتي ذواقه ياجنيه

نور : من بعض ماعندك يامجنون، بتشوف صوره الي معلقه ليش كنت تبدع بنفسك وانت بهذا الاناقه والشياكه

دقوا لهم الباب دخل الغدا طرحه فوق السفره..

ام صهيب: قل لنور ، تكمل تتغدا وعتطلع لاعندها الكوافيره تصلحها ونزلت مستعجله

صهيب: تمام

بعد ماتغدوا ، شافها بتجهز ملابسها واكسسوارها، نعس و رقد

نور بتضحك كيف فاتح عين ومغمض عين وهو نوم ، قربت لقطت له صوره  نزلت خصله من شعرها فوق وجهه ونكز فتح عينه مبهرر

نور ماقدرت تمسك نفسها ضحكت وبعدت خافت: خلاص ارقد غمض عينك، فجعتني



📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 September 2023 23:45

@sanaaroohi2 🩵 الكنز المدفون ↴

ـ بارت 202

.
.
دخلوا الديوان

فؤاد فارح لها من قلبه على كل شي هي فيه ديوان ماشاءالله

سمير : واحد يشتي سياره داخل الديوان من كبره ومكرفونات امد الي في الطرف يسمع الي علاو

صهيب ضحك: عنجلس جنبك ياعم لاتتعب صياح

نور جلست جنب عمها فؤاد

فؤاد ناولها ظرف( طرح او رفد عن البعض يسمى) هديه العرس

سمير فعل نفسه مش مركز

ابو عصماء ناولها علبه خاتم ذهب

سمير داخل نفسه: قد البنت عيوقع لها ضغط فقرات بسبب الذهب الي فوقها واخوتي عادهم بيحملوها

صهيب خرج يدي الضيافه يضيفهم عصير وكعك ..الخ

نور خرجت معه

سمير بيشاورهم:كيف تحرجوا واحد وانا مابش معي

فؤاد ضحك ضحكه تعجب على بخله: صلي على النبي معك مدخول ايجار ست شقق اين بتجي بها

سمير: يلا اجمعها ، بعدين ماعد تفعل بحقكم الذهب والزلط قد البنت رقبتها عتقتلع امي خرجت لها الورث كله

فؤاد: مهر البنت سته مليون

سمير: الله واكبر ، شادي به اربع نسوان
فؤاد مستاء من تصرفه بيشوف اخوه

دخلوا نور وصهيب في يدهم العصير والمكسرات والكعك وهم سكتوا..

سمير بيشوف السقف والديكور: بكم عيثمن بيتكم لو بعتوه ياصهيب

صهيب استغرب من سؤاله ضحك: ليش عتشتريه ياعم

سمير انحرج : ماشي بس بينقارن ببيتنا حين ابتاع

صهيب ماحب يتفاخر ويدي مبلغ اكثر من مبلغ بيت سمير رجع يتعذر: مدري هم حسبوا الاملاك كلها سوا واقتسموا

سمير:  يعني هذا حقك وحدك

صهيب: ايوه

سمير مطنن ساكت بيتفرج

نور ضبحت من تصرفه مراعيه ايحين يستأذن يروح قبل مايبهذل بها..

سمير: بس ياولد خسرت قوي مهر وعرس مش اي عرس

فؤاد مصدوم تضايق منه قام وقف: احنا نستأذنكم معي زياره اسير ازور قبر ابي

نور ذكرت انه بيزور قبر ابوها وامها جنب جدها ، خرجت ادت الفل حقها والريحان والشذاب وبوكيه الورد وجت لاعند فؤاد وقدو نازل : ياعم تقدر تطرح هولا فوق قبر ابي وامي يمكن يحسوا او يدروا اننا عروسه وهولا حقي

سمير عصب من تفكيرها: استغفري الله، بتصدقي للكفار ان ارواحهم عايشه خلاص..

صهيب قاطعه بهرر لسمير وغمز له عشان نور لاتزعل :فكره حاليه قوي مارأيك ياعم فؤاد
فؤاد: من عيني تيه قبل تيه..

ابو عصماء مسك يد سمير وسحبه مشيو نزلوا ..

روحوا ونزلوا معهم يودعوهم للباب..

ام صهيب كانت تشتي تطلع الصبوح في يدها الصحن..

صهيب شله من يدها .

نور :, ليش عاد التعب ونطلع، نجلس نصتبح سوا كلنا

ام صهيب مبتسمه لها : ماشي اطلعي على راحتش  اصتبحي طالع تشتي ذلحين تشتي بعدا

نور : عادي وهنا مابش مشكله لو تشتوا

صهيب طرح الصحن وجلس: عيجلسو يتعازموا

امه ضحكت عليه رفعت الصحن و دخلتهم الصاله  عند جد صهيب وجلسوا يتصبحوا ..

نور بتشوف صهيب كيف بيعامل جده بحنيه

📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 September 2023 23:44

@sanaaroohi2 🩵 الكنز المدفون ↴

ـ بارت 200

.
.بسمه : سهل عتبسري العرس كله عنده

نور: انا مش منه، انا هاربه مشتيش ابسر جده وابكي عليهم.
( عينها امتلت دموع)

بسمه: بتبسريهم مشغولين دخله خرجه، جده يلا عندهم نتزوج اكبر فرحه،

نور هدأت شويه : بس شافقدهم

بسمه: احمدي الله خطوتين وانتي عندهم

نور جالسه بتوتر و زعل على جدتها :

دخلوا اعمامها سلمو عليها وعاجلوها تلبس سريع

لبست عبايتها وخرجين معها البنات طلعت السياره المزينه..

كان المخرجين الي جايين من بيت صهيب واقفين بسيارات في الحاره، والسيارات حق اهلها واعمامها وقرايبهم  ملان الحاره..

ودعت جدتها حضنتها
جدتها بكل قوه متماسكه لاتبكي بابتسامه وفرح بتدعي لها
قريت عليها الاذكار وخرجت، طلعت السياره حق عمها فؤاد في الحوش..

وخرجو فعلو زفه ولفه و رجعو. نفس الحاره وهم بيضحكوها

فؤاد: خلاص هيا نروح بيتنا

نور: هيا افعلو نفسكم ياعمو نسيتو

بسمه: بعدا عنبسرهم عيجو من فوق الجدر، سرقنا المهر وهربنا

الناس واقفين من بدايه الحاره يستقبلوهم فتحوا باب وحوش بيت صهيب ، دخلت سياره عمها الحوش وقفت باب بيتهم

نزلين وام صهيب والنسوان واقفات بيتسقبلين، شلين الشنط منهم حق نور..

طلعين نور وبسمه وعصماء ومرت عمها معها..

الشقه حق نور مرتبه مبخره مزينه بورد طبيعي والعشاء فوق السفره مغطى ..

دخلوا اعمامها معها..

طلع صهيب سلم عليهم ووصوه عليها وخرجوا

نور عيونها بتلاحق بسمه وعصماء..

خرجين

امه طلعت وبنات خالته وعماته يصورينهم ويحجرين

نور شويه نسيت لحظه الفراق وقت المزح ام صهيب معها ومع صهيب لطفت الجو..

نزلين بقيت هي وياه

صهيب لفت لها : ثلاث ساعات لوما تجي والبيت جنب البيت ، رعاها الله ايام النط والتقفاز من فوق السور

نور ضحكت

صهيب: ايوه اضحكي، مشتيش اشوف غير الضحكه هذه.
ايش النقش الحالي هذا ،

نور شافت يدها وابتسمت

صهيب: يوو نسيتي حاجه بيتكم !

نور: ايش؟

صهيب: الحمدلله مانسيتي ، بينقول لسانش خبيتيه ، مابش لقانه..

نور مبتسمه : يعني مش من اولها اتليقن خليني اجمعهن

صهيب: الله يستر، كيف الغرفه عجبتش؟

نور : ايوه ، وقعت احلى بلون ورق الحائط هذا غيرتها

صهيب وقف ومسك يدها: جي ابسري بقيه تفاصيل الشقه

نور شافت الدواليب : انا لقفت هذا كله

صهيب ضحك: وانا خليت ثيابي هنا بس من تهديدش يوم ماسرنا المحل( فتح الدولاب حقه اقل من حقها)

نور ابتسمت

صهيب خرج صندوق مربوط بفيونكه: تذكري لما قلتلش الهديه حق الخطبه يوم العرس

نور بابتسامه استفهام؟

صهيب افتحي

نور فتحت لقيت كرت فتحته: (( انتي البدايه لحياتي السعيده القادمه، حبيت اكون البدايه لش في مجال عملش المفتاح في الدرج حق عيادتش




📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 September 2023 23:44

@sanaaroohi2 🩵 الكنز المدفون ↴

ـ بارت 198

.
.صهيب بيعاندها شافت الباب بيندهف يشتي يدخل،

نور : ماااشي مش عشان مشعفله. عشان بنات عمي هنا

صهيب جلس. يضحكككك على العفويه كيف فضحت السبب ونفس الوقت خافت عليهن.. شاف في ناس في الشارع  سحب الباب : يلا انا شاخطى ماتشتو شي غلق الباب

نور جلست تضحك هي وياهن

بسمه : يووو يانور لو ابسرش صدمه عمره بعد جمال امس

عصماء: كله كوم وعيونها الي فيهن نص رموش ونص مهزورات

نور: مافعل مارضي يبعدين

بسمه: امسحيهن بزيت لوز بفازلين بمزيل مكياج.


نور: الان، جالسات يتجابرين دق الباب وصلت المنقشه وتشوفهن مفرشات في الحوش

المنقشه: وين الحريوه

نور برقبتها اشرت ع نفسها

المنقشه بهررت: ومابتفعلي في الحوي وشكلش عاد انتي ماقد تجهزتي؟ انا معي عمل قد قلت لهم...

بسمه قاطعتها: قد جدتي مراعيين لش بالصبوح من اول هيا ادخلي امد ماتسلمي عليهم وهي تتجهز تنقشيها

المنقشه هدأت شويه

نور دخلت شلت منشفتها وجريت للحمام

صهيب رسل لها: ادخلين من الحوش ولاتخرجين عيجو طباخين

نور بعد ماخرجت من الحمام: عيجو جنب جدرنا؟ واجهه بيتكم ليش؟

صهيب : ماشي قفا البيت بس صوتكن لايستمع بينغير

نور: اهاا ، تمام قد دخلنا جت المنقشه ماعد شاخرج ،

بعد صلاة العشاء ، وصلوا اصحاب وأهل صهيب والعشاء جاهز ، والمساعدين حق الفنان قد جهزوا السماعات والشاشات لنازل عند النسوان..

الحوش كله لمبات والعه والطباخين، بيقربوا العشاء للديوان الخارجي حق الضيوف ( ايام ماكان ابو صهيب يغديهم فيه)

نور مربطه يداتها وارجلها عشان النقش ، شافت البنات طلعين من الديوان يتشاقرين وهم في الطيرمانه( بتمشي زي البطريق تلحق تشوف معهن

جدتها قد لثمتهن ولبستهن وطفت الاضواء وشرطت يتشاقرين من قفا الستاره لحد يلمح

نور بتشوف معهن وطلبت صهيب عشانهن ( يفعل سماعه فوق الجدر من جهة بيتهم يسمعين

بسمه: افتحي الانستا حقش( فاعل بث مباشر لاصحابه ابسري وهو لابس معهم)

نور مربطه يدها فتحت نقش الرمز حق تلفونها بدقنتها وهن بيضحكين


البنات حولها مجمعات بيحجرين اول ماشافين صهيب،

نور  مبتسمه ومنسجمه معهن ومع صهيب ..

بسمه: مسكين قد رقبته مكسوره بالفل

عصماء: مفروض لاعد يلبسوه يبعدهن

نور راعين امانه واحده تكتب له رساله بدلي مش في التعليق ، لرقمه

بسمه: ما اكتب

نور: شاشلك الجوله بكره الصبح تسير تبيعهن الي فوقك هولا كلهن

جالسات يكتبين ويضحكين

متحمسات بيشوفينه مباشر عيفتح رسالتها او لا

صهيب اول ماحس بهزه في جيبه تلفونه الثاني خرجه وشاف الرساله وجلس يكركر وهن بيشوفين ويضحكين

جدتها ونسوان عمها بيضحكين ومستمتعين معهن بجنانهن .

صهيب رد لها: ماعتجيش تتصوري معي ساع ماجيت


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

05 September 2023 03:18

@sanaaroohi2 🩵 الكنز المدفون ↴

ـ بارت 196

.صهيب قرب رفع لها الطرحه بعد ما مسك راسها وقرأ الفاتحه، ودعا لها( يخليش لي اسعدش العمر كله) ومشي جنبها حاسس بفخر وسعاده وفرحه ،

نور ابتسامتها مافارقتها وهي بتمشي معه وينزفوا...

جدتها بتكلم بسمه: هيا ابسري الي في العقد قالعتنا، كيف ممشخره فارحه به

بسمه وعصماء بيضحكين على تعليقات جدتها..

الجده: بتدعي لها وتترحم على امها وابوها وداخل قلبها( يارب ترضى عني، سامحني لو قصرت في حق البنت هذه، يشهد الله قد اديت جهدي وحاولت افعل لها الي عيفعلوه امها وابوها لو عايشين)..

وهم فوق الكوشه..

ام صهيب وقفت بينهم الاثنين حضنتهم وبتكلم نور ( اداش الله لي بنت بدل البنت، الله يسعدكم ويتمم لكم على خير)

صهيب بيد لفها حول امه ونور ويد ماسكه يد امه وهم بيتصوروا..

خواته تصورين معهم وبيباركين لها وفارحات انها وقعت من نصيب اخوهن..

نور كانت عايشه في قمه السعاده هذك اللحظات مش قادره حتى تتكلم بينها وبين نفسها عن الاحساس الي حاسه فيه


فضيت القاعه واخر اغنيه غنوها الفرقه، المصوره روحت

الكل لابس مراعيين لهم يمشو

نور وصهيب فوق الكوشه بيتكلمو ويضحكوا

الجده بتكلم ام صهيب وهي بتتقعم وعيونها حمرا بتدمع: ايحين عيكملو المجابره، عنروح

ام صهيب ضحكت : شكلكم قد انتو نوم، شكلنا عنخليهم ونخطى

الجده: يو ياعقي مع بغير جنان

ام صهيب: بينمزح معاكم، بس ماسخيت الصدق اقول هيا

الجده: وانا قلت مدري مامعهم لاقد اعاجلهم

بسمه: بابا اتصل قال هيا

الجده: سيري ادي عبايتها ناوليها وبعدا سهل

صهيب شاف ادولها العبايه: ايش قد عنروح

نور: ايوه خلاص قدهم يشتو يغلقو القاعه

صهيب : طيب ادخل السياره حق للحوش

نور: قد عمي دخل سيارته يمكن

صهيب: يسيرو معه هم وانتي معي

نور ضحكت: ماينفعش

صهيب: كيف ماينفعش مرتي

امه كانت واقفه: ياحبيبي ماينفعش ، الا حين تجي عندك غمزت له( هيا لاتحرج مرتك)

صهيب: خلاص ماشروحش

نور خازيه بتشوف عمتها ومعانده صهيب

امه: خلاص شاروح معهم انا وانت اجلس

صهيب قام وقف بيصلح الكوت: الصدق العرس قوي معاجله كله، كل مادخلت انطردت

بيضحكين وهن بيسمعين كلامه

نور لبست عبايتها و روحت مع اعمامها بزفه وسيارات صهيب واهله معهم بيزفوا، وصلوا الحاره سوا بعد لفه الطريق والزفه والتصوير..

الشارع كله كان لمبات والعه حق عرس صهيب الي عيبدأ يوم السمره من بكره..


وصلين البيت كلهن تاعبات بينزلين الاشياء  و نور بتحانكهن، انا حريوه ماشعاونكن ، دخلت غرفتها طرحت اشيائها وشنطتها شافت عطر صهيب تعطرت به وغمضت تخيلته لما كان قدامها بيتصوروا مبتسمه ، بتبعد الطرحه والتاج والاكسسوار


بيت صهيب وصلوا وجده تاعب

ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

05 September 2023 03:18

@sanaaroohi2 🩵 الكنز المدفون ↴

ـ بارت 194

.ام صهيب في غرفته بتجهز له شنطه صغيره

صهيب: ذلحين ليش اشل عطري هانك اتعطر هنا وبس والبس الساعه

امه: عشان تصوركم

صهيب: طيب بيقرأ اللائحه الي كتبت له نور ،الساعه وعلبتها والعطر والكرفته وعلبه الكبك : تعب اعراس اليمن شاتم عرسها وابدأ جنان عرسي

امه بفرحه: بس حالي نفرح سوا ، لو عليا لافعلك شهر ياصهيب

صهيب شلهن حبها فوق راسها ودخل يحب جده ويسلم عليه وخرج بسرعه وصله ابن اخته للصاله..

ابن اخته: عادو بدري ياعم، بيدخلوا الليل ، ليش انت عتسير من ذلحين؟ هو مش ساع الخارج

صهيب ضحك: يتخايلك شاسير من الصبح ساع الخارج؟ هذا معنا موضه جديده نسير نتصور وبعدين الليل ثاني

وصلوا الصاله طلع لغرفتها

نور كانت بترتب العطر فوق الماسه وتفعل حوله لماع عشان تصور

دق باب الغرفه

المصوره فتحت شووويه شافت صهيب خرجت وقفلت الباب دخلت راسها ( هيا نور) : الوقفه الي قلتلش

نور واقفه مقفيه والباقه الورد في يدها قلبها بيدددددق

خارج صهيب

صهيب: ذلحين هذه غرفه العروسه؟

المصوره : ايوه بس اشتي اصور اول نظره لك تشوف العروسه شادخل وافتح الباب وانت توقف تدخل تمشي ببطء شويه..

صهيب بمجرد ماشافها واقفه كان قلبه يدق ، دخل مثل ماقالت..

وصل لاعندها حط يده على كتفها

نور لفتت له و ابتسمت

صهيب كان مبتسم من الدهشه تجمدت ملامحه  بينه وبين نفسه( هذه نور ) ؟!!

نور عجبتها بدلته اناقته

صهيب ماسك راسه بربشه: او ماشاءالله تبارك الله

نور مبتسمه: كيف التسريحه والفستان

صهيب: انتي انتي الي حليتيهن تجنني قمررر

المصوره مبسوطه بعفويتهم، اخذت لهم لقطات وبدأت تصورهم مقاطع وفيديو وهي بتمشي وهو بيمشي لاعندها ويتلاقو ،...الخ لقطات التصوير


مشيو في الممر وهو بيشوفها مابيشوف الارض كل شويه ومنبهر برقتها وجمالها

وصلوا للكوشه تصوروا قطعوا الكيك رقصوا ...كملت مشاهد التصوير

صهيب: والله حرام عرسنا واخرج ماقد شبعت من جمالش

نور ضحكت: سهل عتبسر صوري العمر كله

صهيب : بس مثل هذه اللحظه مابش ، تخيلتش كيف عتوقعي بس فاجأتيني ايش الذوق والرقه برنسيسه من برنسيسات ديزني

نور مستحيه مبتسمه: خلاص احرجتني متعوده منك الزبج واللقانه

صهيب: اليوم اعذريني مابش لقانه ابدا

المصوره: هيا ياعريس النسوان يشتين يدخلين

صهيب فلت يدها ببطء وخرج وهو مايشتي يفلتها...


نور طلعت غرفتها وهو خرج



فتحوا الستاره ودخلين النسوان بدأت المغنيه ( حجزتها بسمه افضل مغنيه واحلى فرقه) معازيم كثير وكل شي مرتب منسق مش ناقص الحضور اي شي..


في غرفتها جالسه تصورها ، شافت صهيب نسي عطره، خبته مع اشيائها..


ام صهيب وصلت هي ومعازيمهم والاهل زفوها و رحبوا بها
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

05 September 2023 03:18

@sanaaroohi2 🩵 الكنز المدفون ↴

ـ بارت 192

.نور انحرجت: هي المصوره ، معانده اقلها مع ومارضيت

صهيب ضحك وهو بيمازحها: لاتصدقي طز باصحابي وبالكل

نور: بعدين هي ماتطبع اولا في الهواء ، ثانياً الروج

صهيب : خلاص ناهي قلتلش فداش مالش مربوشه كنت امزح والله بس وقعت حركه مفاجئه وحلوه

نور بضبح: سامج

صهيب بهنجمه: اها شاقلب، ماعد بش لقانه، زوجش احترميني، قلك سامج ، مجنون ، جني، خلاص

نور : يمممه ،كيف لوما تقلب ،تخوف

صهيب: ايوه عادش ما قد شفتي شي

نور بشويه خوف مع صدمه : صهيب

صهيب بروقان: عيونه

نور : هيا ماذلحين انك سامج ، ماعد بينعرف مزحك من جدك

صهيب: اتجهزي يوم السمره تجي تتصوري معي وتروحي على طول

نور بتضحك: تمام، ما البس

صهيب:, المومياء حق اليوم امد لحد يبسرش، ومع ذلك والله انش مزه باللبس هذك ، انيق قوي

جلسوا يتكلموا فجأه شاف الساعه ذكر يتصل لواحده ، قاطعها استأذنها غلق واتصل للبنت...

في غرفتها..

نور بعدت الحشوه من شعرها والتاج ودهنته بزيت بعد المثبت ومسحت مكياجها وهي بتتذكر نظراته وكلامه ومزحه ، ونبره صوته الي بتتغير وتكشف لها شخصيته في كل مره بتعجب بشي جديد فيه

بسمه دخلت تقاطعها : يا نووور تخيلي ، اتصلت المغنيه كنسلت الحجز قلك عترجع الفلوس اكتشفت معها حجز في هذا التاريخ من قبلنا

نور بضبح :مالها هذه

بسمه: اقدر اخلي زوجي يتصل يفعلها مشكله بس اخاف تجي تغني لنا شوعه تنتقم لو جت غصب

نور : اصلا على حلاها ، طز فيها نخلي الفرقه وبس تغني

بسمه: ماشي والله ماهو على مايشتين

نور: استغفر الله ليش بيوقع بنا هكذا ليله المناسبه نكبه ياسعم رتبنا خططنا حجزنا بدري

بسمه: عشان المنقذ حقش يجي

نور : ماعينقذني يدي حمود وملاطف

بسمه ضحكت: اسمعي راعي شافعل اتصالات وشابسر واحده فخمه تجي

نور : هذه والله مانلقاها الا بعد مدري ايحين

بسمه طنشتها وقررت تجرب خرجت من الغرفه..
نور ضابحه قررت تعيد تتصل تاكد كل شي كوشه وجبات فرقه المصوره تبسر من عيكنسل من عيجي ..

عصماء بتداعيهن : يابنات جين ابسرين ، اللمبات لداخل حوشهم وخارج جنب بابنا وبابهم ،غطوا الحاره كلها لمبات

قامين كلهن ونور بتتكلم بالتلفون بتشوف مبتسمه

بسمه: غلقين الستاير او طفين الضوء

ثاني يوم الاثنين الصباح راحت الكوافير و رجعت مع البنات حجزين مسبح وساونا ، و راحين يتغدين،  انبسطين قضين يوم لهن وحدهن

مرت عمها راحت الصاله شافت كل شي و رجعت..

نور والبنات رجعين الليل معهن الفستان والاكسسوار حق الزفاف

اول ماوصلين..

الكل عجبه فستانها انيق رقيق بسيط

مرت عمها: ليش خسرتي نفسش خياط يانور هو الا يوم عتلبسيه

نور : تصدقوا ياعمه ان تكلفه خياطه بحق يومين ايجار
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

04 September 2023 02:45

@sanaaroohi2 🩵 الكنز المدفون ↴

ـ بارت 190

.بسمه جنب ابوها بتسمع ماقدرت تسمع صوت صهيب
فجأه فؤاد ضحك بيكركر: منك صدق؟

صهيب بيضحك: والله ان شكلي فعلت فعله، مادراني انا سألته

فؤاد: سد انت و مرتك، وبلغوني باتصال اخر قرار عندكم، انا شاروح يانور ( ناولها التلفون)

نور شافت عمها خرج وبسمه لحقت ابوها تسأله ماقال  لقيت فرصه تعصب: صهيب منك صدق؟؟

صهيب: والله اننا سألت صاحب قال اخر مناسبه لمرته فعل توزيعات هكذا عيحجز مضمون من افضل مكان

نور: قله يكنسل هيا بسرعه اقطب وارجع اتصل لي افهمك

صهيب لحق الرجال كنسل الموضوع واتصل لها

نور بتشوف الساعه ١١:٣٠ من عيقبل طلبيه هذا الوقت مستحيل

صهيب بيضحك: والله مالي علم قال ان هذا بيدو توزيعات للولاد ، مش داري ايش مناسبتنا، المهم انه لاتقلقيش قد سألت وحجزت

نور: الا والله لقلق قوي، لاتسير تدي كدم و زحاوق

صهيب بيضحك: شلوش لاعندي لكن، مش انا اهبل لهذه الدرجه خلاص سألت امي وتصرفت مع المكان المناسب افخم وجبات لأفخم عروسه مجنونه، حد يضحك في موقف مثل هذا يبكي،

نور: هكذا يقع بي وقت الازمات

صهيب: حتى ازماتش مجنونه مثلش

نور : تسلم قوي قوي قوي ، قل لي كم حسابهم و رقم حسابهم ، احول لهم المبلغ واسال تفاصيل الوجبه

صهيب: ماعلى جنانش من الحساب، حسستيني بتكلمي صاحب بقاله

نور: بس يعني انه وقع شرط ومهر وقد اديت ومعك التزامات ومصاريف عرسك حرام اكلف عليك

صهيب: كلفي بس مايغلى عليش شي، مش من قيمتش وماهو شي قد حاسبتهم، لو تشتي رقمها عشان تسألي تفاصيل الوجبه شاديلش الرقم وغيري لو ماعجبش اختيارهم

نور: تمام، انا فدالك مايحرمني منك، يا مجنوني وسندي انت

ثاني يوم..
الصبح قبل ماتروح الكوافير بتتأكد من شنطتها ( لبس
القميص موجود ، الاكسسوار حقه ، الفستان الي عتلبسه بعدين وبدله الذهب )

الجده : خلاص كل شي موجود اهم شي الشنطه هذه تكون معش لاحد يشل الذهب ، اوبهي يابسمه



بعد العصر..

الجده بتتفاقد النسوان الي بيرتبين الوجبات وماء وببسي

ام بسمه ذكرت فؤاد ضحكها على الوجبه جت تشوف ايش فعلوا بدلها( فطيره وكيك، سندوتش وبقلاوه)

بتحكي للجده القصه حق صهيب والبرعي..

وصلت نور بدري قبل النسوان، لبست القميص  وهو مراعي في الكوشه دخلت بتمشي والمصوره بتمشي معها


صهيب شافها مصدوم وقف خاف تتكحول : هذه كيف بتستضي وتمشي هكذا


نور وصلت لاعنده: بسرعه عنتصور ، عشان عيجين النسوان، والليل باللبس الثاني

صهيب: ليش هذا اللبس ساع حق المومياء

المصوره ضحكت

نور: تراث

صهيب: يعني ضروري تختنقي انتي والتراث هذا بينبسرش واطفح

المصوره بتصلح وقفتهم واللقطات وهم بيضحكوا ضحكات عفويه


صهيب بيتشاقرها من تحت القناع( غطاء الوجه)
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

04 September 2023 02:45

@sanaaroohi2 🩵 الكنز المدفون ↴

ـ بارت 188

.
.نور مستغربه اين بيخرجين كلهن، جالسه تربط خيط الدرع الي حنب في خاتمها وهزر التطريزه

صهيب دخل وشاف مابش حد لقي فرصه يتكلم براحته : مساء الفل والي لابسه الفل ، الفله حقي

نور بهررت مبتسمه بصدمه : كيف جيت

صهيب: انتي رنيتي لي

نور بتضحك: من العصر ماقد ابسرت تلفوني
صهيب : يعني وقع مقلب حالي في صالحنا من بنات عمش

نور ضحكت..

صهيب سلم عليها وهو بيتحيلا لريحة الفل وشكلها : كيف غرستي هكذا وسط شجره فل

نور: زباج

صهيب مسك يدها وبوسهن : من عيصورنا ذلحين؟

الجده بتصيح فوق عصماء : اين جيتين بحقي السجاده

عصماء بصوت واطي وفي يدها تلفون نور: صهيب داخل وانتو بتصيحوا

الجده: قالت ماعتتصورش؟

عصماء: الا نشتي نفعلها فيديو يوم العرس صور ايام العرس كلها

الجده: عيزكيكن عقلكن، ماعد عيتيقبل لها يوم العرس وهو بيبسرها يوميه، دخلت تصلي

وعصماء ضحكت وبتدعي نور: يانورر

نور كانت بتكلم صهيب:, الحالي انك صادف اليوم لبست معوز مناسب للدروع

صهيب: لو دريت انش فنانه هكذا ، كنت خليتش تنسقي عرسي ولبسي

نور: سهل شانسق حياتك بكلها مش الا عرس، وبعدين قد عتفعل اضخم عرس مش مراعي لي..

عصماء من خارج وهي بتربط اللثمه : جاهزين تتصورو..

تصوروا كم صوره، وصهيب انحرج ان البيت ملان، استأذنها يروح ومشي

بسمه: يو عادو الا جا مسرع خطي..

عصماء: ذواااق الصدق ، نكون نعزمه يوميه

نور قامت لهن: من الي كلمته!

عصماء بتحدي وهنجمه : انا

نور: كنت اشتي يبسرني الا يوم النقش والحفله بس الباقي مابش داعي عيضبح مني

بسمه: بطلي خباله يانور قدش ساع جده

الجده: مالها جده يا فارغات، قد لو ما زوجش راجمش عندنا واصل

جلسين يضحكين كلهن على الصرعه الي وقعت لها وسمعتهن الجده

رجعت زوجه فؤاد من القاعه : ماشاء الله ، القاعه تنسيقها ضخم قوي قوي قوي، ماقد شفت هكذا

نور : ماختارت ياعمه! كان في تنسيقين انا قلت لها تختار الافضل مع الوان وتصميم فستاني

مرت عمها: الصدق ضخم قوي ، راعي شاوريش الصور تعرفي اين هي، بعدين من حظش ان اليوم ماكان احد مستاجر القاعه سارو صلحوها بدري وقطبوا

الجده: مازد فعلتين جنب الماء والببسي؟

مرت عمها : مدري ماقد دريت ماهو ، ماعتفعلي يانور

نور: يووو يووووو والفعله بنات من تواصلت مع حق الوجبات

بسمه: انا حجزت حق الحفله

عصماء هزت راسها ماشي

نور  انصدمت انها نسيت  سارت تشوف دفترها قائمه تخطيط العرس، مابش نسيت الوجبات والماء والببسي حق يوم النقش

كان يتصلها صهيب وتكنسل بعدها رسلت له ( مشغوله قوي اصبر شويه واتصلك.


نور حانبه مالقيت اي حجز، اقنعتها جدتها يفعلين اي كيك او بسكوت وماء وهي زاعله


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

03 September 2023 04:15

@sanaaroohi2 🩵 الكنز المدفون ↴

ـ بارت 186

.
.امه: ماشاء الله على قد جمال وحلا و ركزه فيها ، دكتوره اسنان، وجالها ابن فلان ابوه كان وزير، قالو مهرها مدري كم على كم، عوضها الباري

سامي ساكت مطنش تذكر اليوم الي كسر قلبها فيه وقلها يوم خطبتها انه مايشتيها..


اخر الليل في بيت العرس..

نور: احلى شي ان بنفعل فواصل بين كل يوم ويوم، تعب

بسمه: بس تحمسنا على فكره حين فعلنا بين ايام الفواصل مناسبات لنا وصحباتنا يعني عتضطري تلبسي تتصلحي ونجلس يومياً

نور: خلاص بكره ارقد ليحين مااشتي ، وبعد بكره النقش عتقولولي بكري الكوافير المدري ماهو

عصماء: ماعنقول شي، لو تبسري يانور بتحاكينا واحده صاحبه ام سامي قالو قدي ثالث واحده يخطبها ، ان قد تزوج مرتين وطلق وخطب مرتين وفسخ هذا كله في فتره بسيطه

نور: الحمدلله الي خارجني الله قبل مايكون في نصيب وعوضني باحلى عريس في الدنيا
بسمه:, ماهذا صدق، تعوضتي به، ووقع نصيبش احسن نصيب فينا

عصماء: الله يجعله هكذا ولاغير عليهم حال.

نور: يابنات، يوم الربوع ، لاتفعلين اي مناسبه قوا ،

بسمه: ليش، عيجين البنات ونسمر معش ،الخميس ماعنلحقس عتسيري كوافير وبعدين يشلوش

نور: عادي البنات واحنا بس مش نسوان ، عيفعل صهيب السمره في حقهم الطيرمانه في بيتهم وعيجي  حمود

بسمه: قولي له يعزمنا

نور: لو ما جاش احد عندنا نخرج الحوش نودع بقعتنا

ضحكين عليها

بسمه: اين تودعيها الي يسمعش عيقل مدري وين عتسيري انتي الا عتنتقلي للطرف الثاني من الجدر حقش هذا

عصماء: بس بغير جنان نخرج الحوش والرجال سامرين طيرمانتهم، قلي نطلع الجبا نفعل لنا بقعه

جدتهن سمعتهن وهزأتهن : جالسات مدلوزات قدكن مزوجات ولاعقلتين وصورتكن ماعتعقلين، اين تطلعين والمنقشه لمن

نور: مش ضروري

جدتها: ارجعي يوريش الفيديو حقه

بسمه: قلي له يفتح لش بث مباشر

نور: هو قد قال عيحضرو اصحابه معه بث مباشر نرجع نبسره


جدتها : هيا قومين رفعين ولفلفين بدل الفرغه 

وعلى من اركن بكره تسير تتفاقد القاعه

بسمه: ماما قالت عتسير بدلكم

نور سمعت كلمه ماما وجتلها غصه وتذكرت امها ، لو كانت عايشه هي وابوها ماحست بفقد رغم الكل معوضها و اقف معها وفعلوا لها احلى عرس، ترحمت عليهم وقامت تغسل مكياجها وتتجهز للنوم،
وجود بنات عمها معها نستها زعلها واحساس الوحده الي فيها كان ،مجابرتهن وساهرات بيضحكين ويتذكرين مواقف وذكريات اذن فجر وهن صاحيات


نور : كم قد فعلت اهتمام و تحجبت وجيتين عتخربين كل شي في اسبوع العرس، انتين داريات لنا يومين مارقدنا غير ساعتين ثلاث بس

بسمه: هي احلى ايام هذه والمكياج عيفعل كل شي لاتقلقيش

عصماء: بالذات انش حاجزه عند افضل كوافيره


ت.ع خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

03 September 2023 04:15

@sanaaroohi2 🩵 الكنز المدفون ↴

ـ بارت
184
.
.نور: يعني ايش كنت تشتي تفعل هو عرسكم. الرجال قليل

صهيب: ماكنت اشتي اغدي ولا سمره ولا زفه عند البيت، خلاص مقيل و زفه في القاعه وبس

نور: اهم شي بمقدرتك افعل كل شي نفسك فيه وافرح، ساع مانا شافعل

صهيب: يعني انتي فارحه بي

نور: مع فارحه اننا عروسه

صهيب: ايوه يعني عروستي

نور: ايوه عروستك الي تبرعت لها بالدم ، هههه

صهيب: طيب يالقنه بعيني، قومي ارقدي شرق عليش ، بكره يومش اشتيش تنبسطي يجي ووجهش مثل القمر

ثاني يوم جالس في غرفته بيتكلم مع ابن اخوه الي بيجهز لصهيب عرسه ، سمع صوت السيارات وصلين و فاتحين الزفه للاخير غلق التلفون بسرعه وراح وقف جنب الطاقه بيشوف دخلت السياره الحوش ونزلين بنات وواقفه واحده لابسه ستاره وبيزفنها النسوان والمغنيه بيسأل نفسه ( ليش بيزفو العجوزه هذه الي بالستاره؟ طيب وين نور ، اين سارت..

دخلين بعد الزفه وهو مستغرب  رسل لها رساله : ( من العجوزه الي بيزفوها بالستاره)؟؟

بعد الزفه والكل بيتجهز للغدا دخلت نور غرفتها ترتاح شويه امد مايجهزين ذكرت تشوف تلفونها( ما اخذته معها ) فتحت الدرج وشافت رسايل من بين الكل فتحت رساله صهيب وجالسه تضحك ردت عليه: عتجي بعد الغدا وقبل النسوان تتصور مع العجوزه هذه تمام

صهيب رد عليها: ليش من هي جدتش؟

نور جالسه تضحك ردت عليه: عتعرف لما تجي

صهيب قام يرتب دقنته ويحلق وبيتجهز عشان يسير يتصور معها

بعد الغدا في الديوان ( الكوشه كلها من التراث مصممه ومزاهر الشذاب وثيمات العروسه وصحباتها واهلها ، كملت نور تتغدا والمصوره جالسه تصورها وحدها قبل الناس بالثياب الي رجعت به من الحمام

الي باتلبسها لبس بعد العصر بتعاجلها تروح تلبسها اللبس الصنعاني الخاص بيوم الحمام

بسمه: اتصلي له ابسري وين

وصل صهيب دخل وانصدم اول ماشافها لابسه لبس تراث قديم بالفضه والستاره واللثمه الملس مبتسم للاخير ومستحي يضحك يكركر قدام النسوان الي واقفات من الاهل

وصل جنبها وقف

صهيب: كيف انتي يا امه حنجا

نور: شلوك

صهيب : ذلحين مالش ملثمه عتتصوري هكذا؟

نور : ايوه

صهيب مستغرب وبيلتفت للمصوره وهي بتعلمهم كيف يتصوروا

وقفوا قدام بعض وهي لابسه اللثمه الملس ( شفافه بتبين ملامحها وعينها مكحله و برسمه وماسكرا)

صهيب بيتحيلا لها. مبتسم ويشوفها ويضحك

نور : هيا بطل ضحك عليا

صهيب: فكرت وجهش حرق بعد ماسك امس


قاطعوهم و عاجلوهم

صهيب : يعني ذلحين مافعل اروح؟ ولا اجلس معش في الكوشه

نور جالسه تضحك ، رجعت تفهمه، :الان تصورت معي هكذا بعدين العصر شالبس والليل نتصور

صهيب: واجب اتصور و اروح، محانكه بس اتصور وانطرد

نور بتضحك:  هيا مش وقت النسوان بيبسرنا


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

02 September 2023 02:37

@sanaaroohi2 🩵 الكنز المدفون ↴

ـ بارت 182

.
.ثاني يوم ( بعد العصر ) ( يوم الذبال)

اول ماوصلين بيت العريس..

الجده وبسمه وام عصماء وام بسمه دخلين

ام صهيب استقبلتهن بزفه ورحبت بهن وجلستهن في علاو الديوان

كانين مبسوطات من ميزتهم واحترامهم، انبهرين  بتفاصيل الحفله والترتيب والتنسيق ..

في البيت..
نور مع صحباتها فاتحات زفه وبيرقصين ويغنين ، وبيلصقين ويجهزين توزيعات يوم الحمام ويزينين سله الحمام

في المطار..

صهيب استقبل خواته حضرين عشان العرس..

وصلين المغرب لحقين العرس شويه وقع بيتهم فرحتين


اخر الليل..

صهيب رسل لها : مش ملاحظه اليوم ماتواصلنا !

نور : صورت له التجهيزات الي شغلتها عنه

صهيب : صور لها اللقاء في المطار كيف كان ،

اتصل لها بعدها

نور بتشوف اتصاله وين ترد عليه البيت ملان،،،

بنات عمها في غرفتها ، جدتها ونسوان عمها في الصاله بيجهزين لغدا الحمام

الكل مشغول مانتبه لها...

خرجت الحوش تحت الشجره

صهيب : ايش حصل كان ازعاج عندش قوي ذلحين صوتش هدوء

نور : ايوه البيت ملان بيجهزو للغدا حق بكره

صهيب عرف انها في الحوش بيدور كيف ينزل لحد ينتبه لان البيت ملان من اهلهم ، حب يفاجئها:غلق التلفون لاتسمعه.. ونزل في الدرج بسرعه وهو بيصيح( الله ،الله)

كلهن تخبين

امه: اين عستير ذلحين؟

صهيب: اجاوب صاحب في الباب واجي، لحد يخرج الحوش

امه: تمام

صهيب: غلقين الطيقان والستاير سوا


امه : تمام، بتصيح فوق البنات يغلقين ويسكتين


صهيب خرج مبتسم ابتسامه انتصار

في الحوش اتصل لها

نور : ليش غلق

صهيب: مدري هذا التلفون فقد لش قال اغلق

نور : كيف تغلق

صهيب: القفي من فوق الجدر الي شرجمه

نور : ليش : انت في الحوش؟

صهيب : ايوه

نور : طيب لاتطلع تتشاقر  انتبه

صهيب: ليش؟

نور: لانك عتبطل تتزوج

صهيب جاله فضول وهي بتكلمه وهو بيطلع فوق السياره وقرب يشوفها

نور واقفه تشوف تحرس لايطلع

صهيب: بيتشاقر بعيونه بس، لانه ظلام عنده ماركزت من تحت ورق شجرتهم

نور : مالك ساكت

صهيب: مستغرب ليش ابطل اتزوج

نور فاعله ماسك اسود في وجهها وشعرها كله مرفوع فيه خلطه عنايه بالشعر وبتدهن يدها بالليمون

صهيب: نور

نور وهي منسجمه التلفون في جيبها والسماعه في اذنها وبتدهن يدها بالليمون :ايوه اصلا من جمالي اخاف تبطل تتزوج

صهيب: واضح ماشاء الله ، نورش لاعندنا

نور : هيا ابسرت شاوفر عليك تفعل لمبات في الشارع

صهيب: بس اي فرن دخلتيه لما قرح فوقش هكذا


نور لفتت له بتدور

صهيب طلع بيضحكككك على شكلها

نور : شلوووك ياصهيب ، يوه منك محد يقلك بشي

صهيب : طيب مافيها ماتشتي ابسر الا شكلش الحالي، مش عتعيشي معي عمر كله تشتي تبدأيه بخديعه


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi