•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

02 September 2023 02:37

@sanaaroohi2 🩵 الكنز المدفون ↴

ـ بارت 181

.
.صهيب: حركاتش هذه ودلعش لحالش
نور : وانت اكتشفت ان ضحكتك جميله لما اشوفك تضحك اخور تجلس هكذا مبتسم واصل

صهيب : فين تخوري نسافر

نور تفتكر بيمزح بتمزح معه : المالديف

صهيب: تصدقي الوحيده الي ماقد سرتها، رغم سرت بلدان كثيره

نور : خلاص ابشر اشلك انا

صهيب ضحك: سمخه ، تعرفي اليوم ساع ما جننتيني شافعلش مقلب

نور : ايش

صهيب: بكره الذبال عندنا لما تجي عتبسري بعينش

نوربتضحك : خلاص ماشاجيش
صهيب: عتجي غصب عنش
نور : والله ما اجي

صهيب: يو طيب ازبجي لكن لاتحلفيش

نور : مش زبج ،مالك منك صدق مش داري

صهيب: ماهو ؟ عزموكم ولا مع

نور : ايوه اكيد عزمونا بس عيجو اهلي العروسه ماتجيش

صهيب: يو وهم فعلو هذا لش او كيف

نور : مع ، يوم الذبال الي يفعلوه اهل العريس، لأهلها وهي ماتجيش الا يوم الخميس

صهيب : وانا بينخطط، اتقطع لش وابسرش واتشاقرش

نور بتضحك: ياسلام وتبسر جنبي النسوان كلهن

صهيب : خلاص قهرتيني مابش فايده، طيب ليش يفعلو هكذا حرام، عرسنا ، واهلي واهلش متعرسين واحنا وحدنا

نور: عادات وتقاليد

صهيب: طيب اجي اوانسش

نور بمحانكه : لا، مابش جيه ولاعتشوفني الا وقت تصوير يوم الحمام ويوم النقش والحفله
صهيب : وانا ماشاجيش ،ليش ما انتي تتدلعي

نور ضحكت:لاني العروسه

صهيب: ياخي انتين دلوعات البنات بس انتي وحدش يحق لش الدلع ،هو حد تجي له فرصه يبسر القمر ويقول لا

مكان ثاني .

طليقه سمير جاوبت تلفونها : مع مشتيش

المشعوذه: اذا ماجيتيش عيخرب كل شي فعلتيه

طليقه سمير ضبحت:, اصلا ياكذابه ولا قد وقع شي خسرتيني كل شي، ذلحين انا مريضه مش لاقيه حق علاج، عيجعله فيش وتجربي

المشعوذه قفلت وهي مطننه بتشوف عيالها قدامها راقدين خافت من دعوه طليقه سمير ، جالسه تتصارع مع عقلها ( انا ماسحرتهاش يعني الله ماعيفعل شي بي وجهالي، ضميرها بيرد عليها(( بس انتي سرقتيها خدعتيها ، دخلتي نيه السحر ولو ماسحرتي))



صباحكم ورد، جمعتكم مباركه 🌹💌


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

02 September 2023 02:36

@sanaaroohi2 🩵 الكنز المدفون ↴

ـ بارت 179

.
.نور وقفت شافت نفسها حبت قوي تسريحه شعرها بسيطه مرفوع شويه من قدام ومسشور كله مكسر من ورا ومكياج ناعم وردي فااااااتح خفيف ورسمه وماسكرا ورموش
حاسه نفسها فراشه..

اتصلت لعصماء انها جاهزه .

عصماء: بابا مراعيين لش خارج البسي واخرجي،

نور : وسيارتي؟

عصماء: عمو فؤاد معاهم عيسوقوها لش هم

نور فرحت انها مش لوحدها: حاضر
في الطريق..

نور : يو ياعمو ، وين عنسير ؟ قدحنا خارج صنعاء

عمها : شاشلش للعجوزه الي في الجبل بتسكت الجهال البكايين

نور ضحككككت امتلت عيونها دموع

عمها ذكر ابوها وكلامه وهي صغيره عمرها سنه لما كان يحب نور ويقول بنتي ماشزوجها لحد، : عادش تذكري يانور، حين كنتي تبكي واصل واقلش هكذا وتسكتي

نور ضحكت: ايوووه، ذلحين شافرح اقلكم ايوه شلوني

عمها: ليش ؟
نور : مدري لاوقت الصدق واحس ليش وافقت ! غاثيه شافلت جده وحدهم

عمها: انتي اكثر واحده عتكوني قريبه منها عتبسريها يوميا ، ومع ذلك بيني وبينش هي فرصه نتقرب منها اكثر نكون كل عائله تجي عندها يومين ثلاثه نغير لها جو

نور : ان شاءالله ، بس ياعمو وين الحفله !! اين عنسير المكان بعيد، صحباتي عارفات بالعنوان؟,

عمها:, ايوه البنات رسلين العنوان للكل ولاتقلقي

وصلوا ودخلو بالسياره..

نور منبهرررره : يوووو فعلين في المزرعه !!

ساكته بتتفرج التزيين ( المسبح والبالونات حوله وطاوله كبيره فيها صوابين توزيعات اسمها واسم صهيب، وعطور صغيره توزيعات باساميهم مرتبه)

في الجهه الثانيه مكان البوفيه مصممه بشكل رهيب انواع العصاير والوجبات والسناك وفواكه..

لفتت للخلف الكوشه عينها ملان دموع، توقعت مافعلين شي

بسمه: عجبتش المفاجأه؟؟

نور : قوووووي

بسمه: هيا مس وقت دموع المكياج عيخرب، تعالي ابسري داخل تجهيزاتنا

شافت معلاق اللبس حق الوصيفات الي عيلبسنه بنات عمها وهي ...

المصوره: هيا نور تعالي ناخذ لش صور قبل محد يجي

نور : طيب ابعد العبايه واغير لبسي بسرعه

بدأت حفلتهن..

والبنات بدأين يتجمعين، وفتحين الديجي، بيغنين ويرقصين

ويصورين نور بتوقع على شروطهن..

صهيب كل شويه يفتح تلفونه يشوف رسلت له!! نزلت حاله ؟؟ فيه فضول يشوف تفاصيل يومها وحفلتها ..

اخر اليوم..

صهيب بيراشيها: هيا نور قوا ابسرش بسرعه

نور : هو انا هذك نور الي تعرفها ماعتبسر خليك متشوق

تبسرني العرس حاليه

صهيب بضبح : بس خباله هيا ، مراعي لش من الصبح

نور بتحانكه رسلت له صور وتفاصيل الحفله

اتصل لها فجاه فيديو ، وهي جالسه تلفلف ادواتها من فوق سريرها فتحت تفكر اتصال عادي السماعه في اذنها، ؤ

صهيب ماسك نفسه لايضحك وتنتبه

نور : الوو

صهيب: ايوه كيف كان يومش




📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 August 2023 23:37

@sanaaroohi2 🩵 الكنز المدفون ↴

ـ بارت 177

.
.نور شافت الساعه ١١ بتصيح وين البنات قالين لي عيجهزين الحفله !!! مابش شي وينهن

جدتها :قد بنقلش لاتتعبيش نفسش ابردي من الحفلات الزياده افعلي ثلاث ايام بس

نور: هن ثلاث ايام بس ياجده، حمام ونقش وحفله

جدتها: ايوه ويوم دروع ويوم حنا ويوم صبغه

نور بتضحك: ذلحين صدق محد جا؟

جدتها: والله محد بدي بديه

نور بتتبرقط بتتصلهن مابيردين بينها وبين نفسها: ( اطلع ابسر الدواوين يمكن قد جهزين)

بتطلع بسرعه تشوف ولا حد ولا شي جاهز، لا كوشه ولا الديوان مرتب

مبهرره ايش تفعل وقد عزمت صاحباتها حق الجامعه ، وبنات تعرفهن ، بتنزل بسرعه من الدرج وقلبها بيدق
اتصل لها صهيب

صهيب سمعها بتلاحق نفسها: وين قد بتتسلقي

نور وقفت نص الدرج وجلست تكلمه: ( تنهدت): تخيل وقع لي مقلب رهيب، عازمه اليوم صحباتي حفله توديع العزوبيه وركنت على عصماء وبسمه خططين وجهزين وقالين اركن عليهن اليوم هذا عليهن ولا قد جت واحده.


صهيب: اوو، يمكن منشغلات، قدش داريه مزوجات واكيد انشغلين

نور: ايوه بس مش يركنين واحد، يجاوبين عشان اتصرف

صهيب : طيب شويه وعيدي لهن الاتصال يمكن مانتبهين

نور: طيب

صهيب: روقي وانا جنبش لو احتجتي اي شي ، في ساعه كل شي عيجهز ولايهمش،معي ارقام تنسيق حفلات خيرات بيتعامل الدار معهم

نور هدأت شويه تطمنت: صح طيب  شاتصلهن وانبيك

صهيب: تمام لاتهمي شي، من اليوم العد التنازلي لش بعدين شخطفش لبيتنا

نور ضحكت: ليش تخطفني شاجي برجلي

صهيب: اصلا تعب عليش تتسلقي كل مره

نور : هاااهاي وعليها ولاعد نسيتها
صهيب بضحكه: ولا شنساها عمري ، يلا حبيبي غلقي، شوفي ايش خطه اليوم وانا جاهز بأي وقت

نور: تمام ، غلقت شافت الساعه قدها١١:٤٠ بتتبرقط، كيف الوقت بيمشي بسرعه اتصلت لعصماء

عصماء: ها نور ، ماتشتي ؟

نور منصدمه: ايش ماشتي بعقلش!! وين انتين لذلحين، ولا قد شي جاهز ومعرفش حجزتين وجبات او لا كوشه ماقد جو يصلحوها


عصماء: هااااه، نسينا نقلش الخطه تغيرت الحفله ماعتوقع بيت جده، لاسباب بعدين شاقلش، المهم انتي ذلحين تجهزي نفسش وبس ماعليش من تجهيزات الحفله كل شي جاهز كله، قومي تسشوري وتصلحي ولما قدش جاهزه اتصلي يجو لش


نور بزعل شويه انه مش بيت جدتها بس قالت يلا عادي عمها يمكن يشتي يفرح بها في بيته مش مشكله

نزلت تكلم جدتها بخطتهن: يلا ياجده انا شاتحمم واسير الكوافير

جدتها: كوافير ليش! عتتلثمي

نور: مافيني من صلح شعري هذا بكله ، اللثمه مش من اليوم من يوم الطقوس اليمنيه ، اليوم لصحباتنا

جدتها: هيا ناهي لكن، حالي الحريوه يجي يوم العرس وهي قمر لاتزيدي مكياج وتسريحه


نور نفس الكلام الي اتقال لبسمه وعصماء : حاضرررر


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 August 2023 23:36

@sanaaroohi2 🩵 الكنز المدفون ↴

ـ بارت 175

.نور:عادك على الجو؟

صهيب بضحكه: ايوه، ما بتفعلي ياعروستي الحاليه
نور : كنت ياسعم معصبه بينكتب بقيه الاشياء بس تعصيبك نساني اسبابي كلها

صهيب ضحك: مارأيش ترتاحي شويه من تجهيزات وضغوط العرس، ونشوف فيلم سوا

نور قلبت له الوجه حق جدتها : يهي يهيي ، ما انت قد زيدت بها قوي قوي مش معناه لاقد خرجت معك يعني خلاص تصدق روحك ونبسر فيلم سوا، حلقت! باقي عشر ايام ونبسره جمعه بغير جنان انت داري الساعه كم الان، مش انت في اوروبا صحصح انت في صنعاء،،،، سكتت وهي بتسمعه بيكركر

صهيب بيكركرررر : يا سامجه يامستفزه، مشكلتش تتحاكي وماتتنفسيش بتشفطي الهوا كله، ماديتي لي فرصه اتكلم

نور: ماعتتكلم وقدك تشتي نبسر فيلم سوا

صهيب : يامجنونه نبسره سوا كل واحد من غرفته ، فارحه بروحش تشتي تجي عندنا هذا الساع!! عاد شي حيا

نور ضحكت: ايوه استقضي انت الي قلت الاول

صهيب: وان قصدي نروق بدل ضغط التجهيزات ونشوف فيلم ، يعني نشوفه سوا، اتصل لش وانا اشوف من شاشتنا وانتي من شاشتكم، ولا نطلع فوق الجدر وقدحنا هولك القرود


نور ضحكت : والله فكره ضخمه، بس مابش معي افلام

صهيب: معي حساب حملي التطبيق واديلش كلمه السر حقي وادخلي شوفي معي


نور : طيب، بس يشتي لنا نجهز جو للفيلم

صهيب: ايش تشتي؟

نور: سير اجعل لنا ياخي

صهيب: من عيني اكتبي ماتشتي برساله وكملي شغلش امد ماسير وارجع


نور بحماس : يلا تمام


رتبت غرفتها بسرعه وغيرت ملابسها لبست بجامتها ، وتمشطت ، و لعت اضاءه خفيفه جو فيلم، وصلت رساله منه انا خارج افتحي

خرجت دلا تشل منه الكيس، تجابروا شويه لما حس انها بردانه و رجع بيتهم، هي في غرفتها جهزت لها جعاله رتبتهن وصورت ، واتصلت له يطبق نفس خطواتها

صوروا لبعض جوهم واتصل لها و بدأو يشوفوا الفيلم
( تامر حسني بحبك)

لقطه العرس وهو ع التلفون صهيب:( واحنا عنفعل عرس ساعهم ،الله)

جالس يغني مع الاغنيه، اول ماسمعها بتدندن معه وطى صوته وسكت يسمعها


نور لما كملت وكمل الفيلم.

صهيب بنرفزه: نور ، والله عيب عليش

نور خافت: ايش ؟؟

صهيب: كم لنا نعرف بعض ومخطوبين معقودين مش مخطوبين، عرسنا بعد عشر ايام

نور: ايش في؟

صهيب: قلك ايش في هيا اسمعلك

نور بهنجمه: عتتحاكى ؟

صهيب: اول قلي لي ايش اسم الفيلم الي شفتيه الان ؟

نور تفكر انه فكرها مش مهتمه او مركزه جاوبت بسرعه : ( بحبك)


صهيب: وانا احبش

نور جلست تضحك وخازيه ماسكه فمها قاطعها


صهيب : من صدق احبش، حبيتش من داخل قلبي ، وقررت اعترف لش وقت ماحس الكلمه حرفياً ، انتي اسعدتيني من اول مادخلتي حياتي، سواء دخلتيها رسمي او نطيتي من الحوش، بدأت ابتسامتي يوم ماعرفتش
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

29 August 2023 21:42

@sanaaroohi2 🩵 الكنز المدفون ↴

ـ بارت 173

.نور : شاسير اختار الوجبات بزعل وضبح( هكذا لما تتزوج اخر واحده في العائله ومابش معها اخوه واخوات

صهيب : طيب يلا انا الان جاي معش بصفتي اخوش مارأيش؟

نور ابتسمت فرحت : طيب نفسي اجرب احساس ان معي اخ كبير

صهيب : طيب شاوقع اخ اخ صدق ، انسي اننا صهيب داعيني اخي حتى، عشان ماتزعلي من تصرفاتي تجربي كيف الاخوه.

نور : موافقه ، بس بشرط مش زي اي اخ ، اشتي اعرفك انت كيف بتعامل خواتك

صهيب : اها تمام من عيني.

نور مشيت قدامه

صهيب : خلي سيارتي هنا شاجي معش بسيارتش ،

نور : طيب تسوق انت

صهيب: لا عادي، مش انا من هولك الي كيف تسوقني مكلف، عادي، وريني سواقتش

طلع قدام جنبها ..
شغلت السياره ومشيت

صهيب جالس بيسمع الاغنيه ويغني معها.

نور تلفت ع يمينها شويه تشوفه وترجع نظرها عادي

صهيب سحب النظاره الشمسيه منها

نور ارتبشت شويه اعتوج السكان : يو مالك

صهيب: ماعتستضيش بعدين خايف ندخل الرصيف

نور ضحكت وبذكاء فهمت غيرته : هكذا بتغير على خواتك !

صهيب رجعها لفوق عيونها: لا ، بس دائما يعجبني اشاكسهن شويه

نور: هاااه

صهيب شاف بنت جاهله في السياره الي جنبهم بتبكي بهرر لها تسكت

نور بتشوف ايش بيفعل وتضحك: منك صدق بتحانكها

صهيب : ايوه

نور مشيت بالسياره قدمتها شويه ، عشان لايبهرر فوق البنت

صهيب ضحك : تذكري اول مره تعلمتي السواقه فيه الساعه واحده

نور ضحكت: يووه هذك اليوم جننت وتخيل سياره عمي سمير ،، فجاه قطعت كلامها( يوووو ذكرتني اقل لجده ، الي حصل) بيد خرجت تلفونها ويد في السكان ومركزه في السواقه وبتكلمه ايش عتفعل لو ماسبقت هي تكلم جدتها، وبتأشر لصاحب المساحات لايغير المساحه

صهيب مطنن بيشوف الاكشن الي هي فيه

نور استغربت سكوته لحظه انتظارها جدتها تجاوب والتلفون بيرن: مالك

صهيب : معاكن سبعين عقل ويقولوا ناقصات تعبت لش بس وانا اشوفش في ثانيتين فعلتي هذا كله

نور ضحكت ردت جدتها عليها جاوبتها ( حكيت لها كل شي حصل وقفلت)

صهيب: بس عجبتني المقدمه والخرطه الي لبستيني هي

نور ضحكت: اصلا لو. اق

صهيب قااطعها: اصلا انا مش عارف ليش جالسه بتتعاملي انحنا خطاب انا زوجش يعني محد عيحاسبش ياختي

نور ضحكت وهي بتجنب السياره: زوجش ياختي، طلعت ممثل فاشل.

صهيب : ماننزل نفعل

نور: نطعم ونقرر ايش نختار

صهيب : نطعم مش ناكل

نور وهي بتقفل السياره: هو كله اكل

بعد ماختاروا الاصناف..

خارجين من المحل وفي عيال بيدخلو و المكان صغير شويه مد يده حولها يحوز لاحد يدكم كتفها بالغلط

صهيب خرج وهو بشويه ضبح وملامح مقززه
نور لمحته ومبتسمه: يمه كيف شكلك لما تضبح، مالك؟
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

29 August 2023 21:42

@sanaaroohi2 🩵 الكنز المدفون ↴

ـ بارت 171

.
.في الشارع..
نور بتتصل لصهيب انتظار بعد ماقفل من طليقه سمير اتصل لها

صهيب: عفوا ياروحي كان معي اتصال.

نور : عادي بس شفتك بالسياره مريت من جنبي وانا بنشرت سيارتي قلت تجي تساعدني

صهيب نفس اللحظه كان عند الاشاره دور ورجع : فين انتي بالضبط ؟؟

نور بتشرح له المكان،، وصل..

في مكان ثاني..

زوجه سمير الاولى جاوبت تلفونها : من عيني شاقله يديها، بس انتي الله يهديش ليش فعلتي هكذا حد يكذب هذه الكذبه لو تبسري كيف هو مريض يرحم الله

طليقته الثانيه وهي فوق التكس: يستاهل ، المشكله فيه، وعاد الواحد يشتي يفرحه ماضره لو تبناه الجاهل هذا واعتبره ابنه

زوجه سمير: يووو ماينفعش حرام عليش عتوهميه انه ابنه!! قلي له انه نتبناه فهميه مش تفرحيه هكذك كذب

طليقته الثانيه: قد ربي ماسخر له على نيته كيف هو بياع بيدور اتفه سبب وينذقنا، و دورش عيجي لاتفرحيش.

زوجه سمير ضحكت : انتي الي بتفرحي وتتشمتي مانا ليش افرح حين دوري عيجي

طليقته سكتت : المهم قلي له يدي زلطي الي فوقه لي

صوته دخل بتسمعها وهي بتكلمه

سمير : ولا فوقي لها فلس ، الكذابين يتعاقبوا دنيا واخره.


طليقته شافت انها وصلت للدار مش فاضيه لنقاش سمير  ومناكرته وطمعه ، قفلت وقالت للتكس  : وقف هنا.



في الشارع بعد ماصلحوا السياره وهو بيشرح لها انه رايح يقابل هذه الي تشتي تدعم الدار

نور بغيره وفضول راحت معه، بعد ماوصلوا..

صهيب مراعي لنور تكمل تتكلم في التلفون

نور بعدت التلفون من اذنها شويه: اسبقني الان شالحقك، هذه المخيطه بتقلي عن التعديلات

صهيب هز راسه تمام ومشي للمكتب دخل وهي جالسه مع المديره..
المديره : يلا استأذنك استاذ صهيب معي اجتماع مع بعض العاملات في الدار .


طليقه سمير فارحه انها وحدها عتكلمه تاخذ راحتها : ماشاء الله عليك يا استاذ سمير ، صغر سنك هذا ،وكيف قلبك طيب وعقلك حق عمل .

صهيب بثقل : مشكوره ، تفضلي كيف عتساعدي الدار ، وعرفيني عن نفسش ايش عملش

طليقه سمير بضحكه وطارحه رجل فوق رجل: مابش عمل، انا مرتاحه الحمدلله مش محتاجه اشتغل، عملي الوحيد هو مساعده الناس

صهيب ماسك الكشف حق المساهمين: كم  ناويه تحطي للدار

طليقه سمير: يو ماتوقعتك هكذا مادي بسرعه مستعجل تشتي الفلوس ، من حقي افهم طبيعه العمل وايش قدمتو ومن المساهمين

دخلت نور وسمعت صوتها مصدومه اشرت لصهيب بيدها عند فمها ( 🤫)

صهيب عقد خواجبه مستغرب تصرف نور معقول تجنن ذلحين وتفعل مزاح !!

طليقه سمير مقفيه ظهرها لباب مدخل المكتب يعني مش شايفه نور: مالك يا استاذ ماعجبك كلامي ، بينمزح معاك

تتفاعلوا=تتدلعوا💌 ( كتبت خيرات، كله حسب التفاعل❤️


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

29 August 2023 02:45

@sanaaroohi2 🩵 الكنز المدفون ↴

ـ بارت 169

.طليقه عمها: مش انتي حاسه بشي ، معش بيت و زوج مزلط، ووظيفه كلها ذهب ، قلك ابردي،

نور بتسمعها مصدومه ساكته

طليقه عمها: كان حاكي زوجش يبسر لي وظيفه عنده، من اين اصرف الله يقلع عمش رجمني هكذا

نور : ان شاءالله تمام

طليقه عمها: سامحيني لو غثيتش ، بس كنت معصبه محد يحس بحد

نور تشتي تقلها وتتكلم بالي حصل رجعت سكتت قررت تطنش لاتعاندها..

ثاني يوم..
طليقه سمير بتتكلم مع : اسمعي خسرتيني فلوس وماقلت شي، مكنتيني جلب محبه ومافادتني بشي، ذلحين اشتي سحر بصريح العباره ، واشتيه لزوجها كيف افعل !

المشعوذه: ادي اي شي من ثيابه او شعر راسه او ساعته .

طليقه سمير: بس ماذلحين تفعلي بذمه وضمير ، ماشي والله ماسكت، معي ناس عيجو يسلحبوش للسجن

المشعوذه: السحر ايش تشتي يطلقها او

طليقه سمير: يحبني يجنن فيني يطلقها ويتزوجني اقهرهم كلهم

المشعوذه: خلاص ادي الي قلتلش.

طليقه سمير:يامنعاه تفعلي شي سوا ، ماعد بش معي الا هذه التعليقه ابيعها لش، لكن لو شليت الرجال هذا اعرفي اديلش شهرياً مبلغ

المشعوذه تحمست اكثر : تمام.

طليقه سمير قفلت وهي مقهوره مبرقطه خايفه يتشمتين فيها طباينها لو لقيتهن، مراعيه خطتها تنجح بسرعه قبل ماتلقاهن في اي مكان .

بعد محاولات واتصالات لنور لمده اسبوعين..ضبحت وتشتي تلحق قبل عرسهم تخربها سارت بيتهم .

طليقه سمير قدام بيت صهيب متنكره بثياب قديمه مشططه فيها تراب دخلت انصدمت الجده داخل في يدها دعوات العرس

جلست في الحوش مراعيه لما خرجت الجده.

ام صهيب للشغاله: اسكه ابسري من الي في الحوش من اول ماتشتي اطوت روحي

الشغاله: تشتي ثياب لابنها

ام صهيب فرحت : هيا قلي لها تراعي ، عاد صهيب خرج ملان شنطه ثياب قديمه مايشتيهن وقلافد من حقه.

الشغاله : وين هن؟

ام صهيب:في المخزن

الشغاله دخلت المخزن في اشياء كثيره مرفوعه في اكياس وشنط مكتوب للصدقه شلتهن وناولتها

طليقه سمير شلت اصغر شنطه: والباقيات شارجع لهن بكره..

خرجت وهي بتلعن الشغاله: زكاها عقلها صدقت روحها عتدي لي البيت كله صدقه شاتحمل بواقي الناس مافعل بهن، سحبت شميز من الشنطه ورجمت الشنطه جنب زباله ومشيت تناول المشعوذه و روحت البيت، حاسه انها منتصره،

بعد مارجعت من السوق..

نور لقيت بنات عمها عندهم في البيت جلسين يتجابرين ويحكين لها ايش شافين بيت صهيب من تجهيزات ليوم الذبال ،

نور : ليش ماسرتين تفعلين. ومسرع بيجهزوا باقي اسبوع

عصماء: شلينا الدعوات مع جده

نفس اللحظه بيت صهيب

ام صهيب بزعل : يوو مسكينه المره شلت ثياب زوجي الله يرحمه، وهي تشتي لابنها الثياب..


( توقعاتكم ايش يحصل لطليقه سمير🥲😂🌚
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 August 2023 22:23

@sanaaroohi2 🩵 الكنز المدفون ↴

ـ بارت 167

.
.زوجته الاولى:  بتسأله كيف عرفت ؟؟

سمير : الدكتوره طلبتها لما حجزت اننا شاكك ومشتيش مرتي تحس لاتغثى، ولو طلعت والكل كذابه انتبهي وبيني قدامها انها حامل ،( خرجت من عندها وكتبت لي في الورقه( مافيش حمل، فعلا كذبت عليك)

كنت اشتي ابسر كيف عتكذب واطول فتره قلقها، بس اقتهرت ماعد طقت ابسر لاوجهها دقيقه كيف شاتحملها  الفتره هذه كلها قلت اوصل البيت تشل اداتها والله معها

زوجته الاولى: طيب مايسبرش تخرج الليل وحدها ، سير معها لاعند.اهلها وفهمهم الي حصل وتخارج

سمير وانتي لفي كل اشيائها بكره اشلهن ماعد بش لها جلسه في البيت ولا حتى دقيقه.

خرج يوصلها..

مرته الثانيه في باب البيت بتبكي: مشتيش، اتصلت لاخي يجي لي

سمير: احسن شي، وفرتي عليا

مرته: ليش هكذا ، كنت عتتفهم

وصلت سياره اخوها

سمير فتح الباب خرج سلم عليه

اخوها بصدمه: مالكم خير صلوا على النبي

سمير: ادخل

اخوها' ماشي, فهمني بس ماحصل

سمير: لو مرتك كذبت عليك انها واحمه وفرحتك وكانت عتخليك تربي واحد وانت مفكر انه ابنك، ماعتفعل؟

اخوها : حرام لاقتلها ، ليش ماوقع

سمير: اختك شلها مثل ماديتها لاشاقتلها ولا لها عيشه معي، ورقتها وقلافدها عيوصلين لها..

اخوها انكسف قوي نزل راسه وخرج بعدها وهو ضابح من تصرفها بيهزأها..


في غرفتها..

الجده دخلت عند نور  :مابتفعلي ؟

نور كانت بتكلم صهيب: ولاشي

الجده : عيزكيكم عقلكم كم يالغاجه فيكم عادكم روحتوا

صهيب بيسمع ضحك : يلا ابسريهم ولما تكملي عنتواصل

نور مبصمه في وجه جدتها ردت عليه: تمام ، وقفلت

جدتها : بعد ماشربتي عصير وماء عند مرت عمش سمير ماحسيتي بشي؟

نور : مثل ايش؟

جدتها: مدري اي شي؟

نور : ماشي

جدتها:ماطلبتش زلط او بتحسيها بتتقرب منش؟

نور : الا يوميا بتراسلني كانت تسريحات فساتين، وتراشيني نخرج، بس حين منشغله ماقد فضيت لها
جدتها : لاعد تفضي ولاتجاوبي عليها , عاد خالش طلقها... بتحكي لها كل شي حصل

.

جدتها :افتحي قران بدل المجابره واجلسي اقرأي قرآن ، وحصني نفسش

نور: بينفعلهن كلهن ، تطمنوا ولا انا خايفه منها ولا عيقع بي شي بإذن الله.

الجده خافت عليها لاتمرض او يدخل في بالها : ومدري هي مشعوذه ولا واحده مدكومه ساعها بتخرط عليها

نور : حتى لو صدق مشعوذه، انا في حمايه الله اكبر منهم كلهم وقادر عليهم يبطل كل شي وانا مافعلت بها شي

الجده: اي والله والنعم بالله، هيا تصبحي على خير، سارت غرفتها...


نور رجعت تتواصل مع صهيب رسلها صور وتصاميم لتنسيق بيتهم، اي تنسيق عجبها اكثر تختار مثله..

صهيب : بينحسش بعيده قوي رغم انش جنبي، ياريت وابعد الجدر الفاصل بيننا

ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 August 2023 22:22

@sanaaroohi2 🩵 الكنز المدفون ↴

ـ بارت 165

.١

مرته : اين عنسير ؟

سمير : للدكتوره تكتب لش فيتامينات

مرته تنفست براحه بعد ماكانت حابسه انفاسها من الخوف : ايوه فيتامينات سهل.

سمير كلم السكرتيره ان اسمها اول اسم حجزه .
السكرتيره دخلت لاعند الدكتوره كلمتها ، وبعد ماخرجت واحده من عند الدكتوره قالت له: ادخل

سمير دخل هو وياها 

مرته بتفكر بخطط كيف تمشي الموضوع بسهوله

بعد ماجلست هي و زوجها وشرح سمير للدكتوره انها حملت بعد فتره كبيره ...الخ

الدكتوره ( كان عندها خبر من قبل مايروح ، كلمتها واحده تعرف ام سمير، تتأكد لها) تعاملت معها طبيعي ، جلست تسألها الاسئله الروتينية تشوف تناقضاتها ،

الدكتوره:نشتي نعمل تلفزيون اتطمن على وضع الجنين

زوجة سمير: لا ، اخاف على الجاهل من الاشعه، بتدي سرطانات

الدكتوره شافت سمير بنظره ( ان شكه بمحله) رجعت تشوفها : مابتدي اي تشوهات تطمني من سنين طويله ولابيحصل شي

زوجه سمير : طيب انا مشتيش لو عيقع بالجاهل شي ، لو فيه اي مشكله شاحس لكن مابش شي

الدكتوره سبقتها ورا حاجز صغير السرير وجهاز التلفزيون

زوجه سمير فكرت في خطه: خلاص شادخل وحدي

الدكتوره اشرت تمام وشافت سمير: وحدش تمام براحتش

سمير ساكت حاسس بخوف وهو بيشوف رفضها خايف ينقهر بعد الفرحه الي عاشها

اول مادخلت زوجه سمير معها مسكت يدها : انا عند الله وعندش بحجر الله يامنعاه انقذيني واوقفي معي عينقذش ويخارجش من كل بلا ، وانا اديلش من الالف للمليون

الدكتوره مصدومه: خير مالش ايش في؟

زوجه سمير: انا قلت شاتبنى جاهل ، وشامثل اني حامل عشان افرح زوجي

الدكتوره: تفرحيه كذب! عادي صارحيه انش عتتبني

زوجه سمير مسكت يدها بخوف: ماااشي، ماعيرضاش عيطلقني

الدكتوره:ولو دري انش كذابه عيطلقش، اصلا شي مثل هذا مايتخباش، عيبسر بطنش عيشلش تولدي انتي بعقلش ؟

زوجه سمير: انا رتبت خططت لكل شي ، قلت شاسير بيتنا من بعد شهرين اتعذر اني عيفته

الدكتوره مبهرره منصدمه في التخطيط والتدبير هذا كله

زوجه سمير : انتي اخرجي وقلي كل شي سليم

من ورا الحاجز
سمير بيسمع مشاورتهن وكلام و نبرات مختلفه بدأ يتاكد من مخاوفه رفع صوته يقاطعهن : هيا بشري يادكتوره بنت او ولد

زوجه سمير: قليله ولد قوا انا فدالش

الدكتوره فلتتها وخرجت لاعنده : كل شي تمام، عادو مش واضح شي
زوجه سمير كانت خايفه تلحق الدكتوره وتخرج فكرت عتحارش بها، لما سمعتها قالت هكذا فرحت وخرجت بعدها

قبل ماتخرج زوجه سمير عندهم
الدكتوره كتبت في الورقه ، اول ماخرجت زوجه سمير

الدكتوره : ممكن تسرعي عشان في حاله منتظره
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 August 2023 01:18

@sanaaroohi2 🩵 الكنز المدفون ↴

ـ بارت 163

.
.صهيب: وضرسي فداش لو خرب اسير عند غيرش اهم شي تخدريني، الا لو ماتعرفي هذا شي ثاني

نور: الا اعرف بس ماجربت، اغلبهم بيجو خلع

صهيب : يلا ، الكشافه جاهزه سويتها هانك ولما قالو لي ايش لازم اسوي قلت شاجي اختبرش بنفسي ، وقلتي الي قالوه يعني فاهمه باقي بس تطبقي وانا اول من يفدي علمش بضرسي

نور ضحكت:

صهيب سحب الكمامه منها نزلها: خليني اشوف الضحكه وحشتيني عيب عليش من حين دخلت ملثمه مني

نور ضحكت : ملثمه عشان العمل مش منك

صهيب : ارفعيها لما تشتغلي الان بنتكلم ، سيري شوفي لو مابش حد منتظر ،ابداي فيني

نور خرجت شافت مابش حد رجعت وهي خايفه: صهيب متأكد!

صهيب بكل ثقه بيهز راسه ومغمض عينه: ايوووه متأكددد

نور : طيب راعي اجهز الاشياء ، ( خرجت التخدير ومادة الحشو شافت الكشافه حقه ) وهم بيتجابرو ايحين رجع من السفر وكيف اول ماوصل جا لاعندها على طول.

صهيب شافها واقفه ومستعده : عنبدأ الان  ؟

نور : ايوه لاتقلق شافعل مخدر الان، اخذت البخاخ وفعلت للثه شويه تتخدر ماعتحس بالأبره

صهيب حس بتخدر اشر لها اوكي

نور مسكت الابره ويدها بترجف ماتشتي تبين له جلست تقنع عقلها وتكلم نفسها اهدأي ومابش شي واعتبريه غريب وووو
( بدأت بتضرب له الابره حق التخدير)

صهيب بسبب حركه يدها بيحس بتحفرها لداخل خاف بس مابش احساس الم رده فعله مسك يدها

نور ماقدرت تسحب الابره وتسحب يدها : صهيب اهدا ، كملت اصلا .

صهيب بعد يده وهدأ لما شاف كملت وسحبت الابره

نور : ها بتحس بوجع؟

صهيب بيتأمل عيونها هدأ بعد ماكملت : لا ،العفو خفت احس بالابره من كثر مافحرتيها ايش الجلافه هذه

نور بتضحك عليه وتقلده كيف بيتكلم بسبب فمه والتخدير: مش هي جلافه لازم افعل هكذا عشان ماتحس بعدين بالجلافه صدق

صهيب ضحك وبيحس فمه ع جنب: اشبه اليسا او هيفاء وهبي

نور بتضحك: عنتجابر لوما يسير التخدير ونفعل الابره الثانيه اهدأ

صهيب أشر انه غلق فمه وساكت داخل نفسه ( يارب وهي ماتفعل شي غلط، من قال لي ادعمها ع حساب خوفي واضراسي)

نور بدأت تشتغل مثل ماتعلمت كملت وعملت الحشو ، بتوريه بالمرايه

صهيب بيهز راسه بابتسامه فخر بها قام جلس : ايحين عتبعد الحشوه فعلتي لي صيني حق الي بتطبقي فيهم

نور ضحكت: ياساتر منك بدل ماتقل شكراً ، فعلت لك احلى حشوه ، من حق العياده نفسها حق الدكتور شارجع اقله.

صهيب : ها الحمدلله ، قلت

نور: ماسخاش

صهيب ابتسم لها: ياخي فنانه كأنه ضرسي الحقيقي، هذا وعادش تدرسي كيف لما تبدعي اكثر، وعد عليا اسفرش تدرسي دراسات عليا في دوله ضخمه تختاريها انتي

نور بابتسامه فرح : ان شاءالله. الحمدلله انك جيت  أسألك


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 August 2023 23:37

@sanaaroohi2 🩵 الكنز المدفون ↴

ـ بارت 161

.نور : الله يقلعكن والي يستشيركن مراعيه لكن ساعه وجايات تزبجين، رسلت لهن وطرحت التلفون قامت غسلت وجهها فتحت شعرها مشطته ( ناعم مموج بطوله، لفته من الجوانب ونزلت خصلات قصه الشعر فعلت كريم خفيف و روج فاتح طبيعي ومسكرا وكحل شويه خدود، لبست بلوزه أنيقه وبنطلون اكسسوار بسيط صبغت اظافرها وجالسه ..

كل شويه تشوف التلفون ايحين عيتصل..

تتاكد من النت، وسرعته ..

اول ماتصل فيديو و فتحت الكاميرا كانت موجهه عكس مش لوجهها ( قدام العابها وهي صغيره مرتبات العرايس والدببه فوق الصفيف)
نور مانتبهت للمربع حق المكالمه من عندها الجدر حقهم في التلفون  لان شاشه صهيب الاكبر في شاشتها ! بس شافت صورته جلست تشوفه ومستحيه تفكر بيشوفها : حاسه بتوتر ومش قادره اكلمهن فيديو بينخزا مدري كيف شكلي

صهيب بيضحك: بتخزي من ايش مابينشوفش، بينشوف العابش وانتي صغيره مجنونات ساعش مال العرايس حقش هكذا مشعفلات وممكيجات

نور انتبهت للشاشه حقها ضحكت : هذا كان يعجبني اسرحهن وامكيجهن بالوان ماعد سار منهن

قلبت الكاميرا لاعندها وبعدتها شويه وبتحرج تقفي وترجع تشوفه

صهيب: يعني وانتي قدامي مباشر حلوه وبعيده احلى

نور استحت: خلاص لاعد تقل هكذا

صهيب قام من فوق الكرسي حقه ووقف ورا زميلاته وكلمهن بالانجليزي : كيف زوجتي حلوه  صح ؟
نور مبتسمه وهي محرجه
جلسين يتحيلين لها ، او كيوت ، انها خجوله ، سعدنا بالتعرف

نور بتجابرهن وصهيب واقف وراهن ، بعد ماتكلمو شويه ومدحين صهيب واخلاقه و نور فارحه

واحده منهن قالت  مرر التلفون يتعرفوا البقيه عليها

صهيب شاف نور وبالعربي عشان محد عيفهم: مجنونات ساعش يشتين يعرفنش ع اصحابي مش داريات تعبت وقفه لحد يبسرش من وراهن وهن بيكلمنش

نور: ليش ياسعم بتغير

صهيب: لا بس لحد يعجب بش، وانتي عروستي وحدي.

نور ضحكت : حبوبات .

صهيب: وانتي اكثر

نور : ايحين عترجع

صهيب فكرها بتسأل( ايحين عيرجع سكنه): بعد شويه

نور: صدق سافرت بس عشان عمل يوم!

صهيب: قصدش ارجع هاا لا مدري ليش وحشتش !

نور بتستفزه: مع بس مابش فوق من اطبق ، واسنانك بينشوفهن يحتاجين شغل

صهيب ضحك: كلي فداش واسناني وثرمتي لو خربتيهن فداش،


ثاني يوم..

بعد العصر جت مرت سمير ومعها عصير لنور.

الجده: وانتي والكل قدش ساع هذه معلقه على العصير

مرت سمير فرحت انها عجبها: ايوه عشان نور فعلته

نور جلست وشربت

مرته سكبت لها مره ثانيه

الجده: ارجعين شلين نور السوق وابدأين جمعين لها للكسوه المهم ، اليوم جت ام صهيب ادت المهر كله

مرت سمير: كم ادت مهر؟

الجده خافت من العين قالت لها نص المبلغ: ثلاثه مليون

مرت سمير بهررت: يوو ثلاثه بكلها


.تصبحوا ع خير


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 August 2023 23:36

@sanaaroohi2 🩵 الكنز المدفون ↴

ـ بارت 159

.في الدرج لقيته مرته الاولى : مبروك مرتك واحمه

سمير: ايوه الحمدلله وأخيراً

مرته: يا سمير لاتقلش بينغير ومشتيش لك الفرحه، بس شلها بنفسك وسير انت لدكتوره غير الي هي سارت عندها، مستحيل تطلع واحمه بتضحك عليك

سمير: مالش ؟ مادراش وانتي

مرته: الدكتوره حقها قالت مستحيل تحمل ابدا هي عندها مشاكل

سمير شافها شويه ( حس انها بتغير منها قرر يجوز لها: تمام شاشلها
وطلع يكلم الرابعه ونزل للثانيه..
الثانيه خايفه من أسالته: ايوه واحمه مالك بتفعل تحقيق مش مصدق.

سمير: الا مصدق كيفه، بس بينتطمن مش مصدق من الفرحه( داخله مكسور شويه بعد كلام زوجته) دخلت في قلبه الشك.


ثاني يوم ..

صهيب بيجهز الشنط في السياره ودع امه وخرج وقف قدام بيت نور اول مادق

نور فتحت له الباب ( شافته استحت شويه مبتسمه ورجعت لاورا الباب

صهيب دخل سلم عليها : هيا اين شنطتش

نور : مابش داعي لشنطتي عيوقع الوزن زياده شالبس من حقك

صهيب ضحك تحيلا لها وشعفل شعرها : ان شاءالله عيجي اليوم الي نسافر سوا، اول ماوصل شاعرفش على اماكني المفضله  اصدقائي المفضلين، كل. شي عن حياتي

نور بتهز له راسها بابتسامه : توصل بالسلامه ان شاءالله

صهيب: الله يسلمش لي

جدتها من الباب بتدعي له

صهيب طلع للدرج سلم على الجده ونزل على خرجته : شاتواصل معش اول ماوصل

نور بملامح زعل: تمام، واخر مره تسافر وحدك

صهيب: اخر مره، المره الجايه شنطتش قبلي في السياره

نور بابتسامه هزت راسها تمام

صهيب شاف الساعه ولازم يخرج ومايشتي يخرج

نور جلست تتشاقره من الباب لما مشي بالسياره دخلت وهي زعلانه

جدتها: هيا عيس يسافر الله معه، تذاكري سوا من حين انخطبتي وانتي الا بالتلفون واصل في اذنش، عيمرضش

نور ضحكت : مايمرضش التلفون ياجده

جدتها: الا ماعرفنا السرطانات الا من بعد البلا هذا واصل الا في يدكن، ولا كان معنا سرطانات ولا اي مرض

نور : لان العلم تطور واكتشفوا ليش الناس بيموتوا فجٱه في امان الله قولتكم

جدتها ضحكت عليها: ياسعم عتطلعي لمن لقنه لي، هيا ناهي لش، بعد الغدا عزمتش مرت عمش سمير، ارجعي بدري وسيري قد بتأمني

نور:  وانتو ؟ عتجو؟

جدتها: ماقدرت اجي، سيري انتي بدلي

نور: شابسر بسمه وعصماء لو سارين شاسير


بعد الغدا..

مرت سمير جهزت كل شي وخلت العصير والشاهي حق نور وحدهن ، ( فعلتهن بماء مخصوص )

نزلين طباينها وجين سلايفها وصلت نور وعصماء..


مرت سمير قربت لهن وعدت القلص الثالث من جهه البنات لنور ..

نور شلت القلص وشربت...


عصماء: مدري كيف لها اليوم مرت عمي اخلاق وتعامل وميزه، ولاعمرها وقعت هكذا

بسمه: ايوه هي فارحه مادريتين انها واحمه
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 August 2023 21:34

@sanaaroohi2 🩵 الكنز المدفون ↴

ـ بارت 157

.
.صهيب: طيب عادي مش هي شتيمه،بس فرحت قلت اتاكد سمعت صح او مع

نور: الا تطمن ع روحك بتسمع صح وتشوف وذاكرتك ديناصوريه ، احنا نتجابر وقت الحماس هكذا دائماً.

صهيب: وايش الحماس عندكن، كيف يكون ؟

نور: ياسعم ماتعرفش، قد سمعت كل مجابرتنا وماعرفت كيف بنتكلم بحماس

صهيب: ياساتر منش محد يقدر عليش، اشتي ازيد عليش ولا

نور : مركزززه

صهيب ضحك: طيب سؤال ؟
نور: عادك عتسطر المجابره وانا ماقل جواب

صهيب بيضحك: مستفزززه، يعني مش انتي حق استئذان و ذوق بالكلام

نور: ايوه مايعجبني اللف والدوران عيضيع الوقت واحنا سؤال وانا اقلك صعب الجواب قول مافي نفسك وبس

صهيب : من اكثر حد تحبيه في حياتش؟
نور : جدتي ،و ابي وامي الله يرحمهم

صهيب استغرب عادها ذاكره ابوها وامها! كانت صغيره ماحب يزعلها او يدخل في مشاعرها اكثر اكتفى بالرد: هااه

نور شافت رده حبت تمزح معه: ماهو هاه؟ فاكر اننا شاقلك انت

صهيب ضحك: طبعاً مراعي تقولي انا، قد عقدت بدل الخطبه عشان لو تشتي تعترفي بمشاعرش لي كنت اشوفش بتحبيني تراقبيني تراعي لي تطلعي للجدر لو اختفيت تدوري عليا

نور : ايوه ميتت نفسي عليك

صهيب بنبره جديه : سألتش من صدق اشوف من اكثر شخص انتي مهتمه فيه تحبيه بس بينعرفش اكثر

نور : عارفه بينمزح معك، وقلتلك جوابي

صهيب: تقولي عيجي حد في خانتهم يكون غالي على قلبش

نور : مممم ، هو وشطارته، ممكن ليش لا

صهيب: طيب كيف يصبح الشخص شاطر ويكسب قلب حبيبته.

نور : مدري، لما أجرب واعرف شاقلك.

صهيب: ياخي اخطر منش مابش، لحالش

نور : وانت من اكثر شخص تحبه في حياتك

صهيب:  انتي

نور بتضحك : تتخايل شاتجمل منك بالعكس شاقول خرااااط

صهيب: طبعاً امي، احبها قوي صديقتي وامي واختي، كنت احب جدتي الله يرحمهم طيبين قوي، ابي والكل وجدي

نور بتضحك

صهيب: مالش؟

نور: ذكرتني مثلي وانا صغيره لما يسالوني واقول الله وماما وبابا وجده

صهيب ضحك: يا تفاهتش، من صدق العائله بتكون الحب الاول لأي طفل في حال كانو عائله مناسبه ، بعدها بتتغير نوع العائله بترجع عائلتنا الخاصه زوجتي عيالي بنفتح لهم مكانه مشابهه لنفس المحبه والمعزه

نور : الله يسمعك يقل انك تزوجت وعشت وجربت الحب نذا من قبل بتتفلسف

صهيب سكت شويه : يا نور


نور مستغربه ماله سكت توقعت يضحك يتليقن: ،الووو !

صهيب بنبره متغيره : ايوه معش بينسمعش

نور: ليش ساكت؟

صهيب:, والله كنت بينتهرب وخفت اوصل لهذا الجواب ، بس ابردي اعتبريني ماعشت ولا تزوجت ولا جربت هذه المشاعر

نور استغربت وبتفكر بينها وبين نفسها ( معقول !! حصل؟ وماتكلمش؟ بس صدق لو تكلم كيف عيقلنا ! )) جالسه تجابر عقلها وساكته


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

24 August 2023 02:28

@sanaaroohi2 🩵 الكنز المدفون ↴

ـ بارت 155

.
.زوجته الثانيه بغد ماقفلت جالسه تفكر وتخطط ( على الأقل اتقرب منها انا اشتي اوصل للكنز وشاسكن في البيت غصب عنها بس يارب وتوافق المره اسكه اتصل لاختي...

اختها: حيا ياختي عمرش طويل عادنا شاتصلش

زوجه سمير: بشري !

اختها: قالت تمام ماعتنزل الجاهل بشرط تدفعي لها حق معاينات وفحوصات ومبلغ تأكل جهالها وتصرف عليهم،

زوجه سمير: يعني اقول لسمير اني واحمه! متاكده، ماعتفرك بنا!!

اختها: ياختي ايوه، ولو فركت قلي سقطتي

مرت سمير: طيب وبعدا وين اسير ومابش بطن

اختها:  عيفي وانزلي البلاد ياسعم

مرت سمير تحمست: خلاص اليوم شافرحه ، منها اكسبه الفتره هذه كلها جنبي ويخطى بعدي، ومنها اضمن لي شي من الورث حق امه وحقه

قفلت و خرجت في المختبر جالسه مراعيه تصتاد حامل محد رضي يتساعد معها ويدي لها فحصها، كلمت واحده عامله بالمستشفى

مرت سمير تبكي وبتقلد انها في مشكله وترعش يدها: لو سمحتي يختي ، فعلت فحص حمل وضاع عليا زوجي مراعي يتاكد ، مافعل ذلحين عيطلقني عيضربني ،

المره: ادفع لش تفعليه!

مرت سمير: ماشي حاكي هذه تطبع لي بدل فاقد

المره : ماينفعش هي نتيجه تطلع

مرت سمير: امشعي لي حق اي حد واطبعيه ( جالسه تدعي لها وتبكي)

الموظفه رحمتها شافت محد في مكتب نتائج المختبر، دخلت شلت نتيجه وطبعتها بسرعه ناولتها..

مرت سمير فرحت وطلعت بسرعه مشيت روحت قبل مايجي سمير

سمير وصل : اين الغدا ؟

مرته: يوو ولاقدرت من الصبح افعل شي تاعبه

سمير: خلاص انتي والاوله تاعبات واصل، ماعد عيشه الا عند الثانياات

مرته بضبح ونص عين: ماسالتش ليش

سمير باستخفاف: ليش

مرته ناولته الفحص: ابسر ليش، عشان تعرف اننا احسن منهن كلهن

سمير: ايش هذا! مش فاهم ماهو هذه فواتير؟؟

مرته بقزازه: اعوذ بالله حسك الا عند الزلط، هذا فحص حمل ، وانا واحمه

سمير بهرر فاتح فمه بصدمه ماعرف ايش يقول:, مالش ؟؟ بعير جنان يمكن غلط

مرته: قد فعلت ثلاثه وطلع صح

سمير مش مستوعب سمع الاذان وهو في حاله صدمه وفرحه ، دخل يصلي حمد وشكر وظهر وعصر ويسبح

مرته : لاحول ولا قوة الا بالله ، سير اعتمر احسن، قد عياذن مغرب غتغدينا

سمير : الان اخرجش احسن بقعه اين تشتي

مرته جالسه تتخور وتفكر، جهزت في الحاله اسامي طباينها وبتصور تحانكهن.


في مكان ثاني ، بعد الدوام لعد مارجعو البيت

صهيب اتصل لها : كيف دكتورتي

نور مستغربه ومبتسمه : كل يوم معك لي اسم،

صهيب: على حسب تواجدش في المكان ، في الحوش مجنونه رسمياً ، في اي بقعه زوجتي، في الجامعه او مكان عملش دكتورتي

نور: بس انت تعرف ماشسميك؟

صهيب: ايش ؟

نور: جني، لانك اين ماكان تظهر لي فجاه ، في حوش في كل مكان


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 August 2023 23:25

@sanaaroohi2 🩵 الكنز المدفون ↴

ـ بارت 153

.الجد: يا عتلقاه عندنا تحت السور او بيت جيراننا تحت الشجره هولا البقعتين الي من زمن اليهود الي كانوا ساكنين هنا ماتغيرين من اماكنهن ، واوقع رجال و احفظ سرك لنفسك، لاتفعل ساع ابوك يضيع من يدك، حاكيتك وانت اخبر، لو فيني قوه كنت بنفسي لقيته، اخوتك لو فيهم خير ومابيحبوا انفسهم كان حاكيتهم ، بس أملي فيك.

صهيب حس بجديه كلام جده وعيحاول قد مايقدر يفرحه قبل مايقع به شي ويندم  ، بعد ما سرح شويه: حاضر ياجد وعد اول مارجع من السفر ادور في بيتنا وبيت نور قدي مرتي ماذلحين شاقدر اقنع الجده و ازيد عليهم وانصب الكنز لو عندهم

جده شافه بخوف : الله يهديك يابني ويصلحك حاكيتك لانك الوحيد نفسك نظيفه مش حق هذا الشي

صهيب ضحك ويمازح يد جده: انا فدالكم ياجد بينزبج معاكم.

جلس يجابر امه شويه وهو بيراسل نور

امه : عترجع وحدك؟

صهيب: ايوه

امه: انا ماشقدرش تعبت يابني سيره جيه، وجدك اهم شي فعلنا لهم الفحوص اللازمه.

صهيب :تمام حاضر ، وانا ماشطولش وعيكون اخر مشروع استلمه ، اشتي استقر هنا

امه: ايوه كمل وارجع ابدأ جهز شقتك غيرها وافعل ماشتيت 
جهز للعرس

صهيب: ان شاءالله.

امه شافته منسجم بالتلفون ماحبت تشغله : هيا خاطرك اسير ارقد لي

صهيب قام معها: انا جيت اسمر معاكم، لو عترقدو شاسير ارقد ، تصبحوا على خير

شاف الوقت متأخر شويه ماحب يتصل عشان لاتسهر وتتعب لان ثاني يوم دوام، جلس يراسلها

نور : يعني تقريبا بينسهر اوقات

صهيب: يعني لاحظت اكثر اوقاتش بتسهري فيه للساعه واحده ايام العطل وسهرات الحوش مع بنات عمش للفجر

نور مستغربه من معلوماته: هذا كنت مراقب حياتي ماشاء الله

صهيب: ايوه طبعاً ، اعرف الساعه الي عتنطي لي فيها فجأه اجلس مترقب، ما بينأمن الا اما اشوف طفيتي و رقدتي

نور ضحكت: يا الله منك لاقد علقت على شي ، عتخليني اوريك لقانتي

صهيب: يا ساتر ياسعم ماعرفهاش ! اصلا ماقد شفت غير لقانتش

نور : المشكله ، مش عارفه ليش وصلت لاعندك واعتجمت لساني ، وانا من النوع الي مابتفوتني فتفوته

صهيب: يمكن عشان اعجبتي بي مابتلقيش شي فيني تتليقني عليه

نور مبرقطه: يو ياربي ولاقدت ارد ماهو هذا رسلت له: شاجمعهن عيجي لهن يوم وتنفك عقده لساني

صهيب : عارفه انش لطيفه جداً احلى مافيش بتتقبلي كل شي مزح ولقانه ومابتجلسي تتعبيني في فهم تفسيرات كلامي( معقد من خطيبته الاولى)

نور : عادك ماشفت مني شي مالك الا يومين بتتعرف عليا لاتستعجلش

صهيب بضحكه ثقه: اعرفش اكثر ما تعرفيني.

( اليوم لاني كتبت الصبح والظهر والان احس افكاري خلاص وقفت هنا، بكره نكمل وتصبحوا على حب وسعادة
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

02 September 2023 02:36

@sanaaroohi2 🩵 الكنز المدفون ↴

ـ بارت 180

.
.صهيب: كيف كان يومش ؟

نور بحماس وهي بتعلق الفساتين الي فوق سريرها والتلفون في يدها مش منتبهه له ان الكام مفتوحه، : قوي روعه تخيل ماكنت داريه بالمفاجأه

صهيب: ايش من مفاجأه؟

نور بتحكي له بحماس موقفها

صهيب : واوو بس روعه احسن من التخطيط توقع الفرحه فرحتين

نور : ايوه الحمدلله اني ماتسرعت وبهذلتهن انهن ماجين يجهزين البيت

صهيب : طلعتي قمر اليوم

نور ضحكت بخجل: يعني فعلت لمسات بسيطه حين حفله بنات

صهيب: طيب انا دوخت والله وانا قالب راسي ١٨٠ درجه وفي الاخير بينبسر السقف

نور انصدمت بهررت رفعت تلفونها تشوف ( صهيب بيضحك وبيشوفها) : شلوك وانت من اول بتبسر نخري والتلفون مقعوس

صهيب بيتكركر: تستاهلي اغدر بش ، لو اطلبش لاتتليغجي ومراشاه ساعه، هكذا يقع بش

نور ضحكت وبتتهرب تشوف نفسها  بتبعد الشاشه

صهيب صاح : بنت حولتيني، وريني الطرحه طيب
نور بشقاوه بعدت الطرحه من فوقها ومسكتها بتوريه الطرحه لوحدها

صهيب ضحكك وبضبح: يا سماجتش ، نور والله العظيم، لاجي ذلحين

نور : ماشفتح لك

صهيب: والله لانط من فوق الجدر واجي اقيم جدتش

نور : عيصيحوا

صهيب: هيا راعي والله لافعلها

نور رجعت الطرحه فوقها ومسكت التلفون قدام وجهها: مجنون ،بعقلك، بعدين مالك بينمزح معك

صهيب: مش حاسه بي متشوق من الصبح وتمزحي معي، تحرميني شوفتش ليش

نور : يعني بينحس مدري كيف بيوقع شكلي بالكاميرا الاماميه

صهيب : بعدي يدش شويه لاورا وعتوقع تمام

نور : رفعت التلفون شويه ونزلته وقعت واضحه بتتمرى وتصلح شعرها

صهيب: فين كنتي مخبيه الحلاوه هذه كلها، او بدأت اشوفش بعين قلبي

نور مبتسمه
صهيب:منتظر اللحظه الي اجابرش براحتي فيس تو فيس ، لا اهم وقت ولا اجلس اسمع صوتش واحاول اتخيل واتذكر ملامحش، ويضيع مني كل الكلام الي اشتي اقوله لش

نور : انت عارف لما نغلق، اقول ياريت قلت له وقلت، اوقات اكلم نفسي شاقله، واول مانتكلم معرفش كيف بيننسى كل شي.

صهيب: نفسي نختصر الايام الباقيه هذه ويجي يوم العرس على طول يكون بكره

نور : عتخطى الايام هذه بسرعه

صهيب: ومثل بكره وانتي عندي

نور : ايوه ونتضارب على الدولاب وعلى التسريحه وازاحمك باشيائي اكثر منك

صهيب ضحك: فداش الغرفه كلها لش تنوريها تزينيها وتنوري حياتي كلها

نور : يووو جبرني بك ياحبيبي انا فدالك صدق

صهيب زقرع من كلمتها : لما تقولي كلمه حاليه تجلس تتردد في اذني مثل الصدى مشتيش اسمع بعدها اي شي

نور خزيت سحبت الطرحه تلثمت بها

صهيب : أخيراً عرفت وحسيت الحب كيف

نور ميلت راسها ع جنب مبتسمه خازيه: وانا مثلك

صهيب: حركاتش هذه ودلعش لحالش





📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 August 2023 23:37

@sanaaroohi2 🩵 الكنز المدفون ↴

ـ بارت 178

.
.نور نفس الكلام الي اتقال لبسمه وعصماء : حاضرررر

دخلت تجهزت وجهزت اللبس الي نسقين هي والبنات بجايم حرير بريش في الأطراف ( حقها ابيض اوف وايت مطرز بذهبي في الظهر  ( نور ستصبح عروس) بالانجليزي

جهزت شنطه مكياجها وادواتها و راحت الكوافير وبتكلم نفسها وهي بتسوق( كم قد تعبت مذاكره وجامعه ورفيس وحرقنا تحت الشمس ، اول مره احس اننا انثى، والله لاتدلع اوقع عروسه صدق) شاصلح اظافري وتنظيف بشره وكل شي واتسشور، صح احبكم ياجده بس والله ان القبله بتجي بالاهتمام مش بالتلثام )

اختارت افضل كوافير ، دخلت الكوافير ( اشتي احسن عنايه للأظافر واحسن تنظيف بشره وماسكات لشعري ، عتقدرين تقطبين خلال ساعتين يامنعاه) عادنا ذكرت اهتم بنفسي وقدنا حريوه مابش معي خوات يجلسين يهرمني ويشحطني افعل خلطات وعنايه ، كان زمان بنات عمي ذلحين مزوجات ماعد بيلحقين يمشطين شعرهن

الكوافيره ضحكت وتحيليت لعفويتها : طيب من عيوني نحاول نفعل الي نقدر عليه عشانش بس..

جهزين لها مكان يكون مناسب واحده تفعل اظافر يدها وواحده ترتب اظافر القدم ، وواحده تسشور شعرها

( جالسه قدام المرايه والكوافيره بتسشور لها) بتكلم نفسها

اقترب موعد الزفاف، وشاوقع عروسه، معقول قد بينستعد لعرسي ! كم جلست اتخيل كيف شاوقع في هذك اليوم، بس لما قدو الصدق حسيت العرس مش فستان ابيض وبس ، في حياه جديده،وعتتغير حياتي ،شافلت بيت عشت فيه عمري كله، واسير اعيش في بيت ثاني،يارب عوضني بالبيت الي سكنت فيه ، بسكن وطمأنينة في البيت الي شانتقل واعيش فيه بقيه عمري، ويارب صهيب يكون الشخص الصح الي شاكمل عمري معه.

الكوافيره قاطعتها: ارفع لش من قدام شويه ؟

نور : خليه طبيعي انفخي بشعري نفسه مشتيش حشوه ، خففي من هذا ليش ربيته وتحملته عمري كله الا استفيد منه

الكوافير بتضحك:, صلي على النبي، ماشاء الله شعرش كثيف وجميل قوي

نور: جميل قوي هذا قد شبعني حياه شعفله

الكوافير: يشتي له عنايه وكريمات وبلسم ، بس يجنن ماشاء الله

صهيب اتصل لها: ها اختي

نور : ابتسمت ، ها ؟

صهيب: ذلحين بينحاكيش صفتي اخوش مش زوجش

نور: هاه ، تمام ماتشتي ياخي

صهيب: سلامتش، كملتي ؟ اجي لش

نور : هاااه لاااا، مابش اخوه في هذا الشي خلاص، من اليوم وليوم ماجي لك 


صهيب : طيب ، يعني تحايلت عليش ابسرش مانفعش، ينفع اجي ادي لش غدا

نور : شابعه

صهيب: لا ، عتوصلي على انشغال، وحفله وو

نور : هي فيها اكل، لاتقلق حفله بسيطه مش عرس، وفر هذا العرض لايام العرس لانه فعلا الكل بينسوا العروسه


صهيب ضحك: تمام، اي شي تشتيه كلميني

نور  : حاضر ، تسلملي وغلقت

الكوافيرات كملين شغلهن...


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 August 2023 23:36

@sanaaroohi2 🩵 الكنز المدفون ↴

ـ بارت 176

.صهيب شافها ساكته ماتفاعلت معه عرف انها محرجه..
حب يكسر حاجز الخجل : بس عارف انه حب من طرف واحد

نور بتسرع مثل كل مره : مع ، ليش قلت هكذا مش من طرف واحد، بينحبك والكل

صهيب ابتسم : صدق

نور : اكيد

صهيب ضحك: خليتش تقوليها

نور : مش مهم تتقال، اهم شي تتحس، حتى لو ماقلت لك، انت ايش حاسس؟؟ حاسس اننا بينحبك

صهيب: مع

نور ضحكت: طيب يا تافه

صهيب: الا صدق حاسس ، فعلاً ، الكلمه هذه مش كلمه وبس ،لأنه مش اي حد بنحس نفس الاحساس هذا معه

نور : وعارف ايش احلى حاجه؟

صهيب: انتي

نور ابتسمت: احلى حاجه، انك تخلي المشاعر هذه وتعيشها مره بس مع الشخص الصح، عشان لما تعيشها اكثر من مره مع اي حد وكل حد ماعد يكون لها احساس

صهيب: كنتي عتقلي لي من زمان ، فاتني هذا الاحساس

نور : ليش كم مره حبيت

صهيب: كنت افكر انش اول مره، بس طلع انه ثالث مره،

نور تغيرت ملامحها بتسمع سكته بزعل

صهيب : اول مره انتي بشخصيتش المجنونه وثاني مره انتي بشششخصيتش الجاده وانتي مهنجمه دكتوره ، وثالث شي وانتي خطيبتي واكشن العقد والتواصل والمفاجات الي حصلت

نور فرحت ومبتسمه ملان وجهها : والرابعه والاخيره لما اكون زوجتك معك في بيت واحد وهكذا يكون الشرع حلل لك اربع

صهيب وهو بيتكركر ويضحك: ايوه


في بيت اهلها
سمير بعد ماجلس مع اخوها يشرح له الي حصل كله و روح

طليقه سمير في غرفتها جالسه بتتكلم في التلفون مع جارتها ..

جارتها: ماصدقت انش تطلقتي بيقلين طباينش كلهن، قلت اسالش ليش

طليقه سمير: تخيلي ماعد بش خير هذه الايام، فعلت فيه خير عرضت عليه نتبنى جاهل وقيم قيامتي، تشتي تبهذلي بي عند الناس ، اننا مابش معي جهال

جارتها: يو حسبه الله، حين سخي عليش ، شلوه ، وانتي لاتزعليش، دوري احسن منه هذا الشيبه


دخل اخوها فجاه وهي بتتكلم بيصيح: هكذا تبدعي بي بين الناس اخرتها يجي طليقش يشتكي منش

طليقه سمير متصنمه مصدومه ( بتسأل نفسها معقول سارت تحارش بي نور ، الي بينقل عليها مسكينه!!)

جارتها: مال اخوش بيصيح

طليقه سمير: غلقي شاحاكيش بعدين


اخوها هزر التلفون: الله المستعان ، هكذا جزاتهم الي ربوش ووقعوا رجال جنبش تنزلي راسهم بالارض !! بدعتي بنا وانتي وسط بيتنا ، تسيري تلاحقي وتلفي وتدوري على زوج بنت اخو طليقش

اخته: الله المستعان فيك انت مش فيهم ، حين عتصدق على اختك الخبر هذا والحكا الي بتسمعه، عتجي تسألني ابسرت بعينك!! هو مقهور بيفحر ، ليش اسير ادور عمل
مافيها

اخوها هدأ ومعصب : وليش يتكلم عليش هكذا

اخته : قلتلك مفحور مقهور


ثاني يوم..

نور شافت الساعه ١١ بتصيح وين البنات قالين لي عيجهزين الحفله !!! مابش شي وينهن



.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

29 August 2023 22:07

@sanaaroohi2 🩵 الكنز المدفون ↴

ـ بارت 174

.
.نور لمحته ومبتسمه: يمه كيف شكلك لما تضبح، مالك؟

صهيب: ماشفتيش كيف كانهم اول مره يشوفوا بنت

نور: نظرهم ضعيف والله ، لو شافوا عينددموا

صهيب بنفس الضبح معقد حواجبه: بس هباله وانتي لاتزيدي بها

نور استغربت: ايش ؟

صهيب: تجلسي تقولي هكذا، مش ع ماتشتي ، شايفه انش عاديه وانا شايف انش اكثر واحده مميزه بكل شي

نور: طيب، عارفه اننا مميزه وحلوه ومافيني اي عيب، بس قلتلك هم متعودين يشوفوا اي شي واي حد ويتنحوا هكذا لاتتعب نفسك معهم

صهيب: من حقي احافظ على اختي واحميها

نور ضحككككت : طيب اشتريلي ايسكريم

صهيب: معش زلط ، اشتري لش انا ليش

نور: هذه حقي الزلط عتكمل، بس انت اشتري لي، مابش معك في ايش تصرفه

صهيب : يانصابه، طيب سلف وترديها

نور: تمام، عادنا شاحسب لو فوقك لي من شي حاسبت لك من قبل

صهيب بيتحيلا لها، والوقت الي بيطير معها مثل خفه روحها والتناسب الي هم فيه

في بيت جدتها..

سمير وصل: وين نور ؟؟ اشتي افهم منها سوا، انتي احيان تطرحي واحد في راسش وتزيدي

امه: ولا بينبالغ والله انها اتصلت قالت الي قلتلك بالحرف

سمير : وين هي طيب..

نور دخلت وهي مبتسمه وفارحه من خرجتها معه، والاشياء الي استلمتهن مثل ماكان في نفسها الخياط

سمير شافوها بتدخل: هذه بتضحك ولافيها شي

نور تغيرت ملامحها لما شافته ذكرت الموضوع: ياعم قد كلموك جده؟

سمير: ايوه ماحصل

نور ناولت جدتها الاكياس وجلست تحكي له بالتفصيل

سمير مانتظرش تكمل وتسكت قام على طول وخرج

الجده: عيزكيها عقلها ماتشتي تفعل ياسعم مافي نفسها، عيسير يفعل مشكله مع اهلها

نور: تستاهل يفعل يربوها، هيا ابسروا كيف الفساتين؟

جدتها ابتسمت لما شافت: روعه ماشاء الله طبقتهن طبق ساع ماقلنا لها.


نور: يووو حاسه راسي عيقرح بينهم باقي اشياء خيرات  وعاد كل شي على ماهو ..

جدتهاء: ذلحين افعلين حقكن المجنانه حفله العزوبيه بكره وبعدا عتتفضي ماعد بش عمل ولا شي احجزي بالتلفون ساع ماكنل نفعل زمان، الا ذلخين فيكن فضول ياساتر تشتي تسير وتختار كل شي

نور ضحكت: تمام

جدتها :وماعد هذه العزوبيه تفعلين لها حفله وقد عتتعرسي

نور: هي حفله صغيره بسيطه بيننا الصاحبات كلنا والاهل

جدتها:, خيره الله، بتوالفين لكن بعاسس وترجعين تصيحين مابتلحقين شي.

نور: قد جهزين بسمه وعصماء كل شي ، انا شادخل ادفي لي ولش عشاء

بعد ساعتين..

نور جالسه تكتب النواقص، ولائحه التاكيد ع الحجوزات، ردت على تلفونها

صهيب اول ماسمعها بنرفزه : وين رفعتي الريموت حق التلفزيون ضيعتيه كل مره اقلش خليه بقعته ،لاترفعيش مكاني

نور: صهيب؟؟ مالك

صهيب:  اخس مسرع نسيتيني ياختي

نور: ها عادك على الجو..


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

29 August 2023 21:42

@sanaaroohi2 🩵 الكنز المدفون ↴

ـ بارت 172

.
.صهيب : ها ،عفوا، ماسمعت ، ايش ذلحين تشتي تعرفي عن الدار ، مثلا المساهمين انا وبعض ناس خيرين ورجال اعمال، مهتمين بصحه وعلاج وتعليم وكسوه واكل وتعليم وتربيه العاملين الي في سن معين إناث في الشوارع بنعيد تأهيلهن

طليقه سمير بمزح: مابش عليك سخى تقرح قلبك بقصص الناس هذه عادك ساع الورده ، مارأيك اجي انا هنا اشتغل وامسك لك الدار

صهيب: معي مديره

طليقه سمير: تشتي اعاونها، انا قلتلك مرتاحه مشتيش اتوظف بس الصدق انت قدوه شجعتني حبيت موقفك

صهيب: معش السي ڤي حقش اطرحيه عند السكرتيره خارج لو احتجنا عنقلش

طليقه سمير :يو ياسين عليا تخلوني احتياطي

نور بتحرك فمها بس( تكلم صهيب باشاره الفم ( ايش اسمها ، وتأشر للمره)
ماقدرت تصبر مشيت دخلت جلست قدامها

طليقه سمير تصنمت نزل اللثمه ومسكت فمها جلست تتنحنح(, ياسعم مشحبه)  شلت شنطتها وقفت

نور قامت وقفت قبلها سدت طريقها : حيا حيا ، مرت عمي كيف انتي، مامعش هنا

صهيب: تتعارفين؟

طليقه سمير مبهرره لاتفضحها اشرت لها لا

نور: يو طبعا، هذه كانت مرت عمي الثانيه تطلقت امس مدري قبل امس، صح ( شافت لها)

طليقه سمير : ( ساكته مصدومه كيف فضحتها)

صهيب مستغرب ليش نور تحرجها : طيب انا شاخرج

نور : لحظه ازيد اقلك ليش طلقها، تخيل كذبت عليه انها حامل تشتي تدي له ولد من الشارع انه ابنه، معه حق عمي او لا، معه حق، بس نفسي اعرف بتكذب عليك الان بأيش؟

صهيب: تشتي تساعدنا وتساعم

نور قاطعته ضحكتها : تساااعد؟ قصدك تشتي مساعده! او تعيش هنا ؟

صهيب ماقدر يتحمل الموقف محرج قوي بيبهرر لنور خلاص،، سبقها خرج استاذنهن يجاوب التلفون

نور : ماقدرتي عليت جيتي لزوجي !! ليش الساحره حقش كمل العصير حقها! عتسحري زوجي بفلوس

طليقه سمير بقهر بعد ما بهذلتها قربت هزرتها وخانقه لها بالمقرمه:  اقسم بالله ماذلحين لاوريش  صدق انتي وعمش كيف اخرج حقي منكم

نور دهفتها بقوه و خرجت دعت لها الامن: خرجوها هذه سارقه

صهيب جري شافها محمره فتحت المقرمه شويه خاف عليها: ( مالش ؟) فعلت شي !, وجهش احمر قوي،

نور : ايوه هزرتني وخنقت بالمقرمه، هذه مجنونه الحمدلله اني جيت معك، كانت عتسرقك وتفعل لكم فعله.

صهيب : مش مهم اي شي ذلحين مش غبي تسرقني، قام ادالها ماء، رد المكتب، افتهني شويه اجلسي

مسكها وجلسها جالس جنبها: ماتوقعت انها لهذه الدرجه فكرتش انتي واخذه موقف منها وزيدتي بها.

هذه مجنونه لو دريت كان سحبتها من اولها لخارج ،لانها مستفزه


ماسك يدها بيطبطب عليها : مره ثانيه لاتعرضي نفسش للخطر مع واحده متهوره مثلها

نور انحرجت  سحبت يدها دلا وقامت : شاخلي جدتي توريها

صهيب وقف : عتروحي؟


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

29 August 2023 02:46

@sanaaroohi2 🩵 الكنز المدفون ↴

ـ بارت 170

.
.الشغاله : لو هي محتاجه بترجع.

في مكان ثاني( بيت المشعوذه)

بعد ماخرجت من عندها طليقه سمير جالسه تعد الفلوس ومبتسمه

زوجها بيصيح من الصاله: هيااا قد البيت ملان دخان طفحتينا الله يطفحش

المشعوذه : يطفحوك يا فارغ ما صارفه عليك الا انا، لو ما الدخان هذا انك ميت جوع قلك طفحته عيجعله صدق

زوجها شاف الفلوس في يدها فرح: كم وقع اليوم؟

المشعوذه: حق شهر

زوجها: زيدي مكنيها خلطات وطلبات

المشعوذه : قالت مابش معها الا هذه

زوجها : ياحنونه يا مسكينه رحمتش قوي وانتي بترحميها

ضحك، هيا جاوعين قربي

المشعوذه،: سير خرج المبخره خارج البيت لايرجعو يجو لنا صدق

بيت الجده..

كلهن طالع بيفرشين الديوان.

بسمه : وتذكري في خطبتي وانتي بتتشاقري المجنون واليوم المجنون زوجش

نور ضحكت : عمري ماتخيلت بعد كسره النفس حق فسخ خطبتي ازيد افرح ، بس الحمد لله الي نساني وقواني وعوضني بصهيب

عصماء: الله بيعوض اكيد الخير دائما بيختاره لنا

نور واقفه في الطاقه وهي بتكلمهن شافته دخل الحوش خرجت راسها وصفرت له ودخلت

بسمه: لاتخليه يبسرش

نور : ليش؟

بسمه: يفقد لش

عصماء: اصلا ماعيشوف فيها وهي صفراء هكذا مهرده،

نور ولابتسمعهن واقفه تبتسم له: قال اننا حاليه بكل حالاتي خلاص يتحمل كلمته

عصماء: بغير جنان

نور مطنشتهن مش سامعه وهي منسجمه معه فعلها اشاره قلب وبوسه في الهواء واشر لها باي و دخل.

بسمه : تخيلي تتعب مرت عمي سمير منش حين مابتشربي عصيرها ، تقوم تشرب صهيب وتسحره

نور : فال الله ولا فالش من غير شر

عصماء: ماعتوصل له هو مشغول واصل وهي عتنفصح سيره جيه لهنا


نور : اسكه انسوها، هي جبانه لو تقدر تفعل شي عتفعله بدون ماتفضح روحها ، خلنا نعيش ونفرح ونتعرس ،


بسمه: تخيلي عمي سمير يتزوج معش

نور ضحك: خلاص قدكن مبرمجات لغجات والله لادعيلكن جده يشحطوكن..

بمشاغبه هربت لنازل تحارش بهن لجدتها..

و جالسه تكمل تشوف الاشياء الي لازم تفعلهن وتحجزهن...

معها مشاوير ،شغلت سيارتها وخرجت..


في مكان ثاني..

طليقه سمير شلت رقمه من الدار حق رعايه وتأهيل العاملات
: اتصلت له ، كيف انت استاذ صهيب ؟؟

صهيب : الحمدلله من معي ؟

طليقه سمير : انا واحده فاعله خير اشتي اساهم بمبلغ للدار بس ممكن نجتمع انا وانت عشان نتفاهم

صهيب: تقدري تسيري للدار وتتفاهمي مع المديره هي ماسكه كل شي

طليقه سمير: لا ماينفعش، لما نتقابل شاقلك ليش، حدد لي موعد

صهيب شاف الساعه: ينفع بعد ساعه يعني على الساعه خمس تقريباً تجي للدار

طليقه سمير: ماينفعش خارج؟

صهيب: لا المعذره لو تحبي نتفق للعمل تعالي لمقر العمل

طليقه سمير: تمام


ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

29 August 2023 02:45

@sanaaroohi2 🩵 الكنز المدفون ↴

ـ بارت 168

.١

صهيب : بينحسش بعيده قوي عني رغم انش جنبي ، ياريت وابعد الجدر الفاصل بيننا.

نور : مع نبعده بعد العرس

صهيب ليش؟ ماعتفرق خلاص قدش مرتي حلالي

نور ضحكت: عشان لما اكون اضحي وانا مشعفله و ببجامه مش مطقمه ماجلس اهم تبسرني او مع

صهيب ابتسم: الي يسمعش يقول ماكنت ابسرش الا وانتي اخر اناقه ،مابسرتش اخر اناقه الا في العقد، ماعرفتش ، انا اعرفش الا مشعفله ف عادي عندي

نور : تخيل لو هدينا الجدر الي بيننا وخرجو لنا الجن و اذونا انا وانت، ابرد مانشتيش ، خلي كل شي ع ماهو، نجلس نتتقد اهلنا وكلامهم ونقول بيخرفوا بس في حاجات خيرات كلامهم صح

صهيب: يو عيعينك الله ياصهيب معك عجوز مصغره

نور ضحكت: قدك ساع بنات عمي ، جحفه لكم يا متنمرين

صهيب : صح ذكرت باقي شي عن تجهيزات العرس ماتكلمنا منها

نور بنبره جديه ومركزه: ايش ؟

صهيب: مش كل شي تشتيه غريب وماقد وقع وحاجه جديده وفكره جديده

نور. بحماس: ايوه

صهيب: لما يدوش لاعندي ،مابش داعي خساره بترول ولفه وتزعجي صنعاء بالزفه وطريقات وقريح وجنان وملاحقه في الشوارع ،

نور : ماقصدك طيب ؟اجي بدون زفه !

صهيب بضحكه: اطلعي من فوق الشجره وانا شافعل لش درج ساع حق الطايره تنزلي منه( صدقيني محد قد فعلها اول واحده انتي)

نور باستفزاز وهي بتضحك معصبه: ساااامج يا صهيب، انسجمت قلت مدري ماعتدي من فكره اجنبيه

صهيب : باقي معي الا اسابيع وتوقع الهرمه هذه مرتي ، اشتي الحق اشبع هدوء و روقان

نور : خلاص سارت عليك ، حتى ذلحين مابش هدوء ولا شي ، هيا اتصل لصاحب الستاير يوريك الموديلات الي تناسب الصاله
صهيب : يعني بينكلم القمر هذه مالي ومال صاحب الستاير .

نور بضحكه:, لاتحاولش ، بطل كسل هيا، نكمل البيت عشان اتفرغ لبقيه اشيائي ناقصني خيرات

صهيب: طيب عتخليني اجي اوصلش واختار معش

نور بمزح : الله تختار معي، وتكون قد ابسرتهن بعدين ماعتتفاجئ بهن وتحس اي تغيير لما البس

صهيب ضحك: يو على بعسسه فيكن منش صدق

نور : امزززح


في مكان ثاني..

طليقه سمير: وهذه مالها مابتجاوب مشغول واصل ، اول واخر من انخطبت


نور بعد ماقفلت والوقت متأخر شافت اتصال منها استغربت ذكرت كلام جدتها وهي خايفه منها جلست تشوف الرقم و راحمه لها لو تكون تشتي شي جاوبت: الو


طليقته: ها يانور مالش من اول مشغول

نور : خير مالش في شي؟

طليقه عمها: ياسعم مش انتي داريه عمش طلقني ، وانا ضايقه قوي، قلي لجدتش اجي عندهم بكره يحاكوه، عمش ظلمني قوي

نور ماتشتي مشاكل قبل عرسها ( عمي كان معصب قوي وجده تعرفيهم من زمان مابيدخلوش ابدا ، لذلك خلاص ابردي

طليقه عمها: ايوه ابرد بسهوله مش انتي حاسه بشي...
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 August 2023 22:23

@sanaaroohi2 🩵 الكنز المدفون ↴

ـ بارت 166

.
.الدكتوره : ممكن تسرعي عشان في حاله منتظره

زوجه سمير خلصت تربط اللثمه: والفيتامينات ؟

الدكتوره: ماشاء الله مايحتاج عندش زياده في الفيتامينات

زوجه سمير بهررت لها لاتبين ومسكته وخرجت بسرعه لاتخبص الدكتوره

سمير: ها ماقالت لش

زوجه سمير: كل شي تمام

سمير: مالش مش انتي فارحه؟ مصفره خرجتي من عندها ، او فيش شي ؟

زوجته: يو مع من الفرحه كنت شادوخ

سمير: العين حق لانفرح قوي يوقع شي بالجاهل خليش طبيعيه

زوجته فارحه من قلبها انه ماحس : صح كلامك

في الطريق

زوجته: اين عنسير، هذا طريق البيت

سمير: ايوه

زوجته: وثياب الجاهل؟

سمير: لوماندرا ماهو

زوجته: كيف صنفت تشلني فجاه بدون ماتقلي هكذا، وبعدين انا من الان وصاعدا اشتي دكتورتي مشتيش هذه

سمير : ولايهمش ، من العيون يا ام الولد الصالح

زوجته فرحت

دخلو الحوش

نسوانه جالسات بيتجابرين في الحوش


في مكان ثاني ( في السوق)

الجده :ما رأيكم في هذه الغرفه ؟

نور : يو هذه النقشه حق ورق الشجر قديمه قوي

صهيب شاف نور ضحك : بعدا عتبسروها ساع القرد بتتسلق اي غصن

نور ضحكت : زباج

الجده مطننه بينهم مش فاهمه

صهيب قرب يكلم الجده بصوت واطي على مغامره نور وتسلقها للشجره دائماً.

الجده : هي هكذا ولاتفهم كم حذرتها من ذك البقعه ولا تعقل

صهيب : ليش مالها؟

الجده: ماقد جابرك جدك؟ بيقولو مسكونه

نور بضحك ومزح على تفكير جدتها: ولارضيو يصدقو ان مابش شي

صهيب شاف نور : صدقوها، والله محد ساكنها الا هي ، طايرت الجن والأنس.

في بيت سمير..
وصلت مرته ماسكه خصرها بيد ويد ماسكه سمير : بتتفرجهن بزنط وهن جالسات

مرته الاولى: هيا وين ثياب الجاهل قلتي عتسيري تشتري له السوق بكله؟

الثالثه  ضحكت : شكلها اكلت ورجعت

سمير : مابلا عتطلع تلف اداتها هي الان ، وتخرج من بيتي طالق بالثلاث

كلهن انصدمين وقفين

مرته لفتت له: سمير ؟؟ مالك بسم الله عليك، !! من قد سحرتك عليا

سمير ضحك: المشعوذه حقش الي بتفعل لش ماء ، والدكتوره الي بتعلميها تكذب عليا ان انتي واحمه

مرته بتبكي : بتصدق الناس وانا مع

سمير بعصبية انها بتواصل كذبها سحبها من البالطو : ولا اقلش اخرجي بدون شي

مرته الاولى مسكته : اهدأ ، اطلع امد للبيت

الثانيه شافتهن محوشات وهي مطروده: والله لاوريكن واحده واحده، تأمرتوا عليا وخربتين بيتي



في بيتهم بعد ماروحوا من السوق

الجده في التلفون: مالها نور ؟ وماتشتي منها؟

سمير : قلك انها وارثه

امه: وانت كيف دريت؟

سمير: هذك اليوم بتتحاكى ويتخايلها ان انا مابحد وسمعت مجبرها، و الدكتوره قالت انها كذابه مش واحمه طلقتها ، وذلحين قولي لنور تقطع تواصلها بها تماماً


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 August 2023 21:16

@sanaaroohi2 🩵 الكنز المدفون ↴

ـ بارت 164

.
.نور بابتسامه فرح : ان شاءالله. الحمدلله انك جيت جلست أسألك ايحين عتجي ولاقلت لي، عشان تحضر حفل التخرج

صهيب: كنت اشتي افعلش هكذا مفاجأه

نور: احلى مفاجأه

صهيب: شاراعي لش خارج تمي عملش و نروح

نور خرجت تشوف مابش حد : عادو احسن ماجيت بالسياره اليوم مدري مالها مارضت تشتغل، خلاص يكفي اليوم حالتين

صهيب: يلا بنتظرش

نور كملت غسلت يدها وجهزت نفسها ومشيت هي وياه

صهيب : ايش حابه تتغدي

نور : انت ممنوع الان من الاشياء الساخنه والاكل الي يحتاج مضغ كثير، حاول سوائل

صهيب: تمام انتي تغدي وانا اتفرجش

نور مستحيه منه، وعشان مايقدر ياكل : لا ،من قلك عنسير مطعم جدتي عيصيحوا ،ماستأذنت وهم وحدهم

صهيب ماحب يحرجها اكثر : طيب

جلس يفتح لها اغنيه وهي ترد بأغنيه..

وصلوا قدام البيت بدون مايحسوا بالوقت والطريق مجابره وشوق

نور : ماشاء الله مسرع وصلنا

صهيب مشي شويه: ولايهمش نسير نزيد نفعل لفه

نور ضحكت: يو مع خلاص روح ارتاح لو تاعب بعد سفر و ضرسك

صهيب: والله مرتاح وانا معش. تصدقي فقدت لش تعودت عليش

نور : قدو باين لما قدمت العرس وتعذرت ان معك عمل وسفر مادخلت راسي

صهيب ضحك: في الاخير كملتي ماعاد باقي الا تطبيق وبحث وهذا سهل حتى لو انتي معي لاتهمي شي كانش بيتكم.

نور : ان شاءالله

صهيب: التاريخ الي حجزتيه حلو مميز

نور : ايوه بس المشكله اننا حجزت القاعه والفنانه ونسيت ان عاد باقي معي اشياء خيرات مدري الحقها او مع

صهيب: ولايهمش عنتعاون في المشاوير انا فرغت نفسي تماماً هذه الفتره من  اي ارتباطات واعمال، اشتي نرجع نخرج نختار الاثاث

نور: تمام

صهيب حسها مرهقه وبتتقعم تشتي ترقد: يلا نرجع البيت وحاكي جده يخرجو معنا بعد العصر بعد ماترتاحي نبسر الاثاث

نور : تمام عادي لبكره انت ارتاح اليوم

صهيب: ماعليش مني، معنا شهرين بس لازم نقطب امورنا


في مكان ثاني..

سمير: ليش بطنش مابتكبرش !

مرته: لاننا رشيقه ، وعادو مايبانش الا في السابع

سمير: بتاكلي سوا ، مش وقت الرشاقه اشتي ولد بخير

مرته حاسه بتأنيب ضمير انه فارح وانها ناويه تدي له ، طفل مش ابنه وتخدعه

سمير: بتسمعي

مرته هزت راسها

سمير: يلا قومي اخرجي معي اسير اشتري لش ثيابات الجاهل الي تشتي

مرته فرحت داخل نفسها( حين قد عيخرج منه شي الجلده هذا ، افرح المره تتشجع تكمل وتركن اني شاعيش ابنها احلى عيشه)


بعد ماخرجوا وطلع هو وياها عماره

مرته بتطلع الدرج معه : اين عنسير ؟

سمير شاف رجال طالعين نازلين بهرر لها: اصه

مرته بصوت واطي : اخيرا اقتنعت تستاجر لي خارج وحدي من طبايني لايفعلين بي شي

سمير ماسك يدها ودخل العياده


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 August 2023 01:18

@sanaaroohi2 🩵 الكنز المدفون ↴

ـ بارت 162

.الجده: صلي على النبي، ايوه ماهي شي ، قد كل شي غالي ،وعاد اعمامها عيساعدوها، قلي لسمير يجهز مليون

مرته الثانيه: ماهووو ؟ والله لو تشتي ابنش تقع له سكته قليله هكذا ، من اين له !

الجده: بدل مايدي بها. نسوان

مرته: قد كمل النسوان ماذلحين الا لو عيطلقهن اما انا قدنا ام الولد

الجده : ام الصبيان أن شاء الله مش الا ولد واحد ،

مرته الثانيه شافتها بنص عين ماعرفت هي دعوه لها او عليها..


بعد أسابيع ..

نور في العياده الي تابعه المستشفى مراعيه من الصبح تطبق دخلت واحده ، بتطبق وتشتغل لضرسها

مقفيه واقفه فوق سن المريض وراها الباب دق مرتين وفتح ودخل : احم احم..

نور سمعت صوت رجال بدون ماتلفت خلفها بتكلمه: انتظر خارج لما نكمل الأخت وبعدين عتدخل..

خرج وغلق الباب مراعي بعد دقائق

السكرتيره شافت المريضه خرجت بعد المعاينه  تشتي تدخل لاعند نور

اشر لها توقف يشتي يدخل هو

نور مقفيه بتعقم الاشياء وتجهز الادوات للمريض الجاي
مشيت للدولاب خرجت كفوف طبيه بتلبسهن وهي بتشوف يدها وتمشي للكرسي فجأه تشوفه انصدمت بهررت

ممدد فوق الكرسي وفاتح فمه ابتسم لما شاف صدمتها
صهيب: مفاجأه حلوه صح ؟؟

نور : الحمدلله على السلامه ، ايحين جيت، كيف دخلت ولاحسيت ولاسمعتك

صهيب: انتي بتقلفدي السكاكين والمقصات وتجهزي يدش تذبحيني كيف عتسمعي وتحسي

نور ضحكت: حسستني انك دجاجه

صهيب شافها بتبعد الكفوف: مالش؟

نور: فكرتك مريض لبست اعاينه


صهيب: ايوه انا جيت لاعندش سني بيوجعني ابسري ماتفعلي له

نور ضحكت : بتمزح!

صهيب: لا والله انه صدق ماتعاينت هانك جيت اجرب دكتورتي شاطره او لا

نور حست بثقه وحماس اكثر راحت تدي كفوف ولبستهن ويدها بترجف مستحيه ونفس الوقت تشتي تبين شطارتها قدامه لايفكر مش فاهمه..

تغلبت على خجلها وتعاملت معه مثل اي مريض : تشتي تعاين اسنانه قاطعها

صهيب: الصدق اخاف وفيني فوبيا من ابر اللثه هذه اكرهها معش حل !

نور ضحكت: معي حل الاطفال والعجايز الي مايتحملوا الألم، اول اشوف المشكله وبعدين ابره ماقد شضرب ابره ومش داريه ايش فيك.

صهيب : طيب

نور بتشوف وتفحص اسنانه،

صهيب حاسس بتوترها وخجلها يدها بترجف شويه ، وهي بتتكلم برجفه صوت خوف وخزا

نور : تمت تشوف اسنانه وجت عينها بعينه وهو بيتأمل في عيونها

نور بعدت العدسه حق الفحص : اغلبها سليمه بس في ضرس يحتاج حشو بس قبله طبعاً لازم كشافه اتأكد لو يحتاج سحب عصب وبعدين حشو ،

صهيب: افعلي ماشتيتي انتي اخبر

نور : ايش رأيك تسير لدكتور شاقلك اسم واحد شاط

صهيب قاطعها: ليش ماتعرفيش انتي ؟

نور : الا بس ماقد جربت الصدق

صهيب: وضرسي فداش
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 August 2023 23:37

@sanaaroohi2 🩵 الكنز المدفون ↴

ـ بارت 160

.
.نور بفرحه: يو جنه لها الحمدلله عيقع لعمي اخيرا جاهل

عصماء: الله يفرح قلبه

بسمه: ابسري كيف متضايقه مرته الاوله

نور: اكيد عتتضايق مسكينه الله يرزقهن كلهن

شويه وبتوزع لهن عصاير

بسمه شافتها بتطرح لكل واحده قدامها : خلاص هذا شاخليه قدامي انا والبنات نشتي قلصات بس

مرته الثانيه: ماشي انتين يعجبكن هكذا وهي حقها مش مسكر قوي

نور : ايوه اذا هكذا حقي هذا.. شلين لكن هذك

بعد ماروحت البيت

نور  وصلت تصلي وبتدعي لصهيب وجدتها ونفسها ،.كملت قررت تشكر وتبارك مرت عمها على ميزتها لها مستغربه كيف هي اليوم طيبه

مرت سمير فرحت لما شافت رسالتها ، رسلت للمره الي فعلت لها العمل : حلال فيش كل فلس ، يوو مش معقول اول ماروحت رسلت لي

المره: قلتلش امشي بعد خطتي تقربي منها بلطافه وعتبسرىي كيف عتوقع خاتم في يدش

مرت سمير: تمام..


ثاني يوم..
قامت فجر تصلي وتقرا اذكار الصباح و سورة البقره الي كانت مواظبه عليها اخر فتره كملت، وامتدت  ترقد وصلتها رساله

صهيب: انا وصلت الان، اكيد انش راقده ، بس عشان تطمني

نور ردت على طول: ماشي قمت اصلي الحمدلله على سلامتك

صهيب: الله يسلمش ، شاتواصل معش اول ماصحى من النوم

نور :, تمام.

بعد ساعات ...
وهي في الدوام بعد تعب وشمس وعطش
نور خورت العصير حق مرت عمها طلبتها الطريقة

مرت سمير: والله لاتجي لهنا تتغدي معنا وتشلي لش معش للبيت

نور : ماشقدرش والله جده وحدهم والبيت بعيد مسافه من عندكم للبيت

مرت عمها جلست تتحايل عليها شافت رفض نور ضبحت

ادت لها الطريقه ولخبطتها مش زي ماهي..

نور شلت الاشياء و روحت تفعل العصير

جدتها : ماهو هذا المهد ؟

نور : استغفر الله ياجده هذا كوكتيل موهيتو

جدتها: صرفو، ماهو ذيه، عيقب عليش العصير والليمون بقرشه وسطه

نور : مع يقع نكهه طعيم اطعموا

جدتها: مشتيش الجغص هذا كله، عيزكيكن عقلكن بس

نور ضحكت جلست تشرب مش زي حق مرت عمها ضبحت جلست تتذكر ايش نكهته مميزه قوي لذيذه.

بعد المغرب..
صهيب رسل لها ( ممكن اتصلش فيديو بعد ساعه، معي زميلات الدراسه اجنبيات يشتين يتعرفين على زوجتي

نور : وماكلمهن ؟ الماني ! ماعرفش

صهيب ضحك: يعرفين انجليزي ولو ماتعرفيش شاترجم

نور : ها الا اعرف انجليزي، يلا تمام...

خرجت من محادثته، ورسلت لمجموعه بسمه وعصماء
الحقني ايش البس بسرعه صهيب يشتي يعرفني على زميلاته اجنبيات عيتصل فيديو..

عصماء:البسي عصبه ولا تاج يمني

بسمه بتضحك بستيكرات على عصماء: ولا تلبس لثمه جدتي


( انا حاسه انا الي شربت العصير بدل نور، مابش مود كتابه بسبب انشغال خرجات اخر الاسبوع 🤣)


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 August 2023 22:11

@sanaaroohi2 🩵 الكنز المدفون ↴

ـ بارت 158

.صهيب: مالش زعلتي؟

نور: من ايش ازعل ؟؟

صهيب: اني عشت قبلش حياه ومشاعر عائليه من نوع ثاني!

نور : مع امك وابوك وجدك وجدتك؟ لا مايزعلش؟

صهيب:  و زوجه سابقه يزعل؟

نور : مايزعلش لانها سابقه ، بس يزعل انك جاي تتحاكى ذلحين

صهيب: طيب ايحين كان لازم اتحاكى، زمان! قبل ماتزوجها استاذنش!

نور : صهيب بتمزح او ايش

صهيب: ليش امزح! كلامي فيه شي! ماكنت متوقع او اعرف انش عتزعلي ان معي تجربه سابقه

نور : تعرف ليش مصدومه! لاني اكره الكذب والتناقض اول مكالمه لنا حكيت لي كيف كنت واحد مابش مثله وما عرف حب ولا دنيا ولا حد، زعلت انك ماكنت صريح من البدايه هكذا

صهيب: هذه ثالث مكالمه لنا ! بعني مازلنا بنتعرف عادي..

نور  شافت رده انصدمت فيه معقول !!! الي كانت تسمع عنه حصل !! معقول ان الاشخاص بيكونو قبل وبعد بيبانو !!
رسلت له( طيب نتكلم  بعدين ونكمل ننصدم قصدي نتعرف على بعض ، معي ذلحين شويه شغل ومذاكره)

صهيب : طيب، رغم اني حاسس انش زاعله، بس براحتش، عادي خذي وقتش تقبلي الموضوع وكلميني اي وقت تحبيه.

نور تنرفزت اكثر كانت مراعيه يقلها انه كذب : يلا باي . قفلت


صهيب رسل لها على طول وهو بيضحك: على فكره انتي الي قلتي و زوجه سابقه وانا مشيت معش اشوف كيف ، لا سابقه ولاشي والله كل شي قلتلش صح انتي الوحيده الي هكذا فكرت فيها



في مكان ثاني

زوجته الاولى مصدومه فيها اتصلت لدكتورتها الي كانت تسير هي وطبينتها عندها: يا دكتوره كيف حامل ! انتي قلتي المشكله مش فيني بس طبينتي مستحيل لانها هي كمان مستحيل تحمل لو حتى احنا عملنا اطفال انابيب هي ماتقدر، متاكده مالخبطتي تقريري عن تقرير طبينتي !  كيف هي حامل!

الدكتور: مستحيل هي حامل يمكن بتحانكش

الزوجه الاولى: والله انها قالت لنا ولزوجي وفرح وخرجها مستحيل تكذب

الدكتوره: اتحداها لو هي حامل اديها لاعندي.

الزوجه الاولى: طيب تسلمي.
قفلت وجالسه تفكر معقول ! بتكذب بس مستحيل تكذب وهي عارفه طبع زوجها !! لو يدرا انها تكذب على قلص ماء عيطلقها كيف تكذب في شي كبير مثل هذا وعيبان! بطنها عتبان ، شكت في الدكتوره بتفكر ترجع تعرف دكتورة طبينتها بدون ماتعرف وتحس.

بعد مارجعوا

الزوجه الثانيه: مالك ماتدخل ؟

سمير: اليوم دور العروسه( الرابعه)

الزوجه الثانيه تبرقطت خايفه حد يعبيه منها ويكذبها : مش هي عروسه خلاص كملت شهر، وبعدين انا واحمه بدل ماتفرح وتجلس عندي فتره الحمل كلها ( انت انحرمت المشاعر هذه

سمير: ايوه عاد انتي واحمه كما جا الجاهل سنه شاخلي دورش

مرته: انتي داري ان الزعل يسقط الجنين! لاتجلس تبرقطني

سمير : امانه صدق؟ خلاص شاكلمها وانزل لاعندش
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

24 August 2023 02:29

@sanaaroohi2 🩵 الكنز المدفون ↴

ـ بارت 156

.
.نور: جني، لانك اين ماكان تظهر لي فجاه ، في حوش في مكان في بيت في شارع في اشاره مرور

صهيب: احكيلش قصه

نور بتلعب بشعرها: ايوه احكي

صهيب: كان في اثنين حبو بعض تزوجوا خلفوا لما كبروا العيال وحس انها خلاص، مستحيل تتركه، قرر يصارحها بشي

نور منسجمة: ايش ،

صهيب: تخيلي طلع مش انسي! وجني متنكر بهيئه بشر !

نور: صهيب ، هذه خرافه صح!

صهيب: قصه معرفش صح او لا، بس قراتها ، ولما عرفت خافت قالت له طلقني، اخاف ع عيالي منك ،قلها انا ابوهم قالت اخاف،

نور: ايوه تخيل نفسك عايش مع جنيه

صهيب: قد تسيمخت خطبتها قلك اتخيل

نور: شلوك ياسين عليا

صهيب ضحك: بس الحب الصدق بيبان في المواقف هذه، اضطرت تقرا وتفهم وتدخل بيوت الجن عشان تنقذ زوجها الجني الي تحول لنسر وتقاتل معه اعداءه

نور: ايوه ما تشتي تقلي ذلحين؟

صهيب: انش لاتخافي مني حتى لو انا جني سهل

نور: مش انا ساذجه اصدق

صهيب: مادام هكذا يعني احكيلش قصتي الحقيقيه ماعتصدقيش

نور: ايش هي؟

صهيب: انا جني

نور: تمام قدو بختي جني ولا انسي قدنا مودفه على ذمتك

صهيب ضحك: شفتي تناقضش هذا احبه قوي ، خوافه شويه بس قويه ماتصدقي شي بسهوله تعجبيني

نور : وانت تبان ملاك وجنتل ومسكين ترحم الله ، بس طلعت محانك قوي

صهيب وهو بيكركر : حتى وصفش لي تناقض مدح و ذم.

نور : اصلا مابش ايش امدحك الا انك اديت لي دم ، كلمني عنك اكثر، ايش تحب ايش تكره ، كيف كانت طفولتك، كيف حابب تكون حياتك المستقبليه

صهيب : الموضوع يشتي له افعل لي قلص نسكافيه او شاهي ، و امخمخ لش، شاشلش معي المطبخ علميني.

نور: ماعلمك؟ انا معرفش الا قهوه قشر، وانت طلع من تبع اللاتيه والتوابع حقها

صهيب بيضحك: تعرفي لما تقلبي هذه القلبه ايش اتذكر !

نور: خير ياساتر

صهيب: اتذكر شكلش لما قفزتي الحوش بهذك الشعفله والنظرات مثل السرق الخايف

نور تذكرت الموقف وجلست تضحكككك

صهيب: لما تستحي اذكر رزانتش لما جيتو تعاينوا اسنان البنات في الدار، المهم انتي اخبر ايش تشتي اجلس اذكرش كلميني بنفس الطريقه

نور بدات تقلد الرقه والكياته تتمسخر: يتخايلك شافعل هكذا ساع البنات اول ماينخطبين او يتعرفين ، ماقدرش شاقلد بس شويه وارجع لطبيعتي بدون ماحس

صهيب: هذا الي عجبني فيش

نور: كل شي عجبك ، طيب يا روحي انسى الاشياء الي بتحرجني

صهيب: یا‌ایشششش‌؟؟

نور ذكرت حمرت صفرت مسكت وجهها: متعوده اتحاكى مع بنات عمي هكذا جحفه لهن ، هههه

صهيب: طيب عادي مش هي شتمه، بس فرحت قلت اتاكد سمعت صح او مع

نور: الا تطمن ع روحك بتسمع صح وتشوف وذاكرتك ديناصوريه ، احنا نتجابر وقت الحماس هكذا دائماً.


صهيب..

ت ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

23 August 2023 21:26

@sanaaroohi2 🩵 الكنز المدفون ↴

ـ بارت 154

.ثاني يوم الصباح..
نور خرجت بسيارتها من الحوش وهو واقف اول ماشاف افتتح باب بيتهم مشي شويه يشوف من شافها نور  ، وقف قدام بيتهم
نور بتطرق تشتي تخرج بتطرررق.. نزلت تشوف من !!

ملامحها تغيرت من عصبيه الى ابتسامه وهدوء :صباح الاستفزاز

صهيب مبتسم: صباح الورد

نور : طيب ياورد لو فاتني الموعد وسارت الي كلمتها تجي احشي لها، بينطبق ويالله لقيت واحده

صهيب: ماعتفعلي

نور: شاقلع لك اسنانك

صهيب ضحك: طيب في حد يسوق ومش شايف وراه !! ليش الخانه هكذا مغطايه

نور: عادي بينشوف المرايا

صهيب: لا ابعدي الي في الخانه الاشياء

نور: هولا اشياء اشتي ارجعهن حق ناس

صهيب فتح الخانه: عفوا شاتفيضل بس عشان سلامتش خليني اساعدش

نور بتشوف الساعه مستعجله

صهيب بعدهن شويه للجوانب عشان تستضي : اسف اخرتش، هيا اخطي ومش تسيري تحنبي ورا الحاره الثانيه

نور ضحكت: بتذاكر حياتي شكلك

صهيب رفع حواجبه يحانكها مبتسم: يلا سيري ، ولو حد عاكسش اصدمي ابوه، قدش على ذمه رجال مفهوم

نور بابتسامه وضحك من جنانه و مزحه : مفهوم ، طلعت واشرت له باي ومشيت

صهيب جلس يمشي بعدها

عند اول اشاره مرور ، جنب جنبها

صهيب رفع الاغنيه للاخير

نور مثل عادتها ماتلفت للسيارات الي جنبها مدعممه بتفكر فيه

صهيب بيطرق لها معقول مابتسمع ، قرب السياره جنبها وتقدم شويه عليها

نور شافت سيارته لفتت له اشرت له بيدها( مجنون)

صهيب بيهز راسه ايوه

جت لاعنده مسكينه: ياعم يارب يزوجك ،اديلي ميه

صهيب ناولها : هذك زوجتي سيري ادعي لها يارب يزوجش بهذا الحالي

المسكينه : راحت قالت لها نفس الكلام و زيدت يحبش ياعمه وانتي اديلي ميه

نور ضحكت ناولتها

فتحت الاشاره وكل واحد مشي من طريقه هو لف يمين وهي  يسار


جلست تنتبه للمرايات ماعد بحد مشي ، وهو يشوف في المرايات مابحدها ، مشيت توقعها تلف ، كل واحد حنب بالزحمه والطريق الي هو فيها..




في مكان ثاني ...

   زوجه سمير الثانيه بتتكلم مع واحده في التلفون: انا تعبت منه ايش ماقلت له سار هو تصرف من راسه و تزوج ولا تخارج بها ،وانا مابش معي شي، هذه المره قصدتش، اشتي منش اي شي اي طريقه اي ماء مقري عليه اتقرب من نور وتخليها تحبني وتتقرب مني قوي


السعر... ولايهمش ، ماعنختلفش ولو غالي شويه بس حرام بالله لو يطلع خرط ومابش منه شي لاسمع بش صنعاء وضواحيها واخليهم يجو يسلحبوش من وسط البيت ، ..

بضحكه متدرب لاتأذيها( هاا بينمزح معش بس) انا داريه ان ماعدبش بعدش ، شاركن عليش تمام


البنت هذه مزلطه من بيت من ورث من زوج من عملها ، كل بقعه مش هي بحاجه الزلط هذه كله ، يالله ولابتفهميني اشتي وتحبني وتستمعني !
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 August 2023 23:24

@sanaaroohi2 🩵 الكنز المدفون ↴

ـ بارت 152

.
.نور حست بزعل ( كانت تفقد وجوده في بيتهم، وماقد بش بينهم شي كيف الان )! : وكم عتجلس؟

صهيب:والله لو عليا لاقطب الدنيا في يومين، بس معرفش كم ياخذ مني وقت الشغل ، بصوت فارح اشلش معي ؟

نور داخل نفسها حست بفرحه لما قلها تسافر  بس رجعت ردت :( اكيد شاجي معك بالتلفون )

   
  في مكان ثاني، بيت سمير..
  
زوجته الثانيه : انت داري ان امك كتبت نص البيت لنور

سمير كان ممدد بيلعب بتلفونه فجأه قام  جلس : ايش ؟ من اين بتخترعي هذا الكلام؟

مرته: امك قالت لام صهيب  انها وارثه نص البيت

سمير : يمكن فشر نسوان، امي ماعتظلمنا
مرته: انت اجلس دافع بس لوما تبسر محد يعبرك ، اخوتك كلهم معهم نصيب الا انت

سمير : عارفه لو يطلع مشع من راسش هذا المجبر ،لاتخرجي من ذمتي

مرته بكل ثقه وغيره انه مابش معه نصيب : تمام ، كن صدقني بس

سمير: بينصدق وارجع اندم
مرته : انت بتصدق لنسوانك وتندم ولا بتحلى استمعني بس
سمير : مافعل بينسمعش مافعل؟

مرته: كل مره بتجي لامك بتهديد ومشاكل هذه المره استعطفها

سمير : بيسمعها ويقتنع بخطتها....

بيت صهيب..
جده : اخيرا استمعت جدك ، قلتلك صدقني ماعتندم، اخطب البنت هذه وشل البيت هذا من قسمه ابوك، ودور على الكنز هولا لو فعلتهن اضمن لك تعيش مرتاح

صهيب مستغرب اهتمام جده بجدة نور : ياجد ليش انت صممت عليهم و دائما بتوقف معهم و اوراقهم كانت معك؟؟

الجد : هولا ناس يابني عشره عمر من ايام شبابي انا وابوها كنا خبره وجيران ونقلنا واشترينا البيوت هذه سوا ، وهي بنته الوحيده والكبيره ،كانت فاهمه كل شي في الاراضي و الورق كانت تسير معه وتجي ، ابوها لما مات كان واثق بي وطرح الاوراق عندي كنت اكتب وصاياهم يعني مستشار حين كنت قاضي هذك الايام

صهيب : واستمرت صداقتكم كل هذك السنين

الجد: ايوه ، وقعت مثل ابوها صاحبه واجب ومواقف وماترضى بالظلم، اختلفنا اول ماشترينا البيوت هذه حول الاراضي تخطيطها تلخبط ماعرفنا مع من الحق لها ربع لبنه او لنا، و خليناه بالتراضي بطيبه نفس بدون مشاكل هذك السور الي بينقلك تحته كنز

صهيب: ليش مابسرتو وقتها ياجد لو في كنز

الجد: مادرينا الا بعد ماعمرنا وتقاسمنا ومحد صدق كذبنا، لوما بعد فتره ناس خيرات من المنطقه خرجو وقالو لقيو في بيتنا رموز عرضوا مبالغ على البيت يشتروها اكثر من حقها واحنا رفضنا شكينا لو هو صدق ابوك مارضي يهتم انشغل بعمله ومنصبه جلس يكبر البيت ولا يستمعني املي فيك انت
اتاكد قبل ماموت هو صدق او مع فيه كنز
صهيب: من عيني ياجد الله يديلكم العافيه وطوله العمر، بس قلو لي وين ادوره؟ المنطقه الي حددتوها قد فجرت لتحت الارض ولا لقيت


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi