•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

19 August 2023 22:52

@sanaaroohi2 🩵 الكنز المدفون ↴

ـ بارت 134

.
.نور رسلت لمجموعه صاحباتها : بنات من رسلت لي هديه عيدميلادي ؟؟

بعضهن سالين اليوم عيدميلادش، ليش ماقلتي لنا، كل سنه وانتي طيبه...

نور جلست محتاره مطننه !!

فعلت الورد في الماء وشافت العطر قيمته ؟ وخاتم ذهب !! من هذا ؟ طيب مستفزه، رجعت تراسل الصفحه و رفضوا يقولوا لها، طلبت يتواصلوا مع الشخص الي رسلها تردها وانها ماتقبل..

الشخص رد لهم ونسخوا لها صوره للمحادثه وغطو الاسم...

( لاتاخذ شي منها ، قل لها لاتستعجل ،تخليها بيجي يوم وتعرف من رسلها)

نور ضبحت وخبتها في الدولاب ، ورجعت تكمل تجهيز الغدا مع جدتها.

بعد العصر

نور بتشوف من الطاقه ماعرفت حد ،

بسمه: تقلي اين هو منهم( اثنين شباب)

نور: مدري ، ماعجبونيش الاثنين

بسمه: خلاص شلي الشيبه

نور : بس خباله، معقول ! يعني واحد منهم الاثنين هولا

بسمه: ياسعم بنختار الشكل، هم الا يجو يقولو لنا خطبنا عقدنا موافقه نضطر نقول ايوه

نور ارتزحت وهي يائسه شويه : طيب ياخلق الله ايش اسمه ايش درس ، خليهم والله لارجع اقول مش موافقه واحرجهم ساع مابيخطوني بعدهم هكذا

بسمه: قولي من ذلحين ليش عاد بعدا يكفي فسختي مره ، ماعيقولو الناس

نور: محد ادالي فرصه اقول شي

بسمه: يمكن لانه ماقدي خطبه رسميه، عادو الا جلسه تعارف

نور: معرفش المهم ،مدري ليش ماعجبنيش الوضع

بسمه: انتي صلي استخاره لوقتها عيحلها الله لوقت الخطبه

نور: بعدش، بينصلي استخاره واحس كل شي بيتيسر وارتاح للموضوع بس الان ماعجبنيش حد فيهم

بسمه ضحكت: مش هو بالشكل ، كنت زوجي ماعرفه والان حنيته وتعامله معي خلاني احبه قوي .

نور : انتي قد حبيتي خلق الله كلهم

بسمه ضحكت وضربتها ع كتفها: الله يقلعش واللقانه قدنا ام خلاص تتلغجي عليا

نور جلست تحكي لها الدكتور والي حصل بينهم وبتوريها الهديه ويحاولين يعرفين من، دخلين الصفحه يشوفين من علق من فعل لايك يمكن يلقطين الشخص الي ادالها، بس كانت تعليقات ولايكات كثيره ماقدرت تركز ع حساب لو شافته كانت عرفته.



بعد ماخرجوا الناس..

اعمامها كلموا الجده ونور في الغرفه روحوا ..

نور خرجت تشتي تلحق تسمع وقد مشيو بتسأل جدتها


جدتها: خلاص ان شاءالله ، ربنا يتمم ع خير، اعمامش مرتاحين للموضوع والناس ، والولد سألو عليه يومين ونرد لهم خبر


نور : طيب من هم وكيف الولد وايش درس


جدتها جلست تجابرها : ناس محترمين مرتاحين، الولد طموح ومعه عمل ماعد تشتي يابنتي الله يتمم لش على خير


نور : طيب ياجده كيف شكله ايش اسمه كم عمره ، وين صورته

جدتها بضبح وقلبه: مانقلهم اسكه ورونا ابنكم ادو لنا صور تبسره لو عجبها او مع


نور: مافيها من حقي لو هو بشع


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

18 August 2023 22:08

@sanaaroohi2 🩵 الكنز المدفون ↴

ـ بارت 132

.ونزل يشوف بقيه المنشورات

منها يوم عيد ميلادها صور مجمعه وهي صغيره من عمر ثلاث سنوات لعمر عشر سنوات، مراحل تطور القمر بس يعلم الله ايحين يوقع بدر نكتفي لوما يكتمل القمر بدر...

وتعليقات البنات على جمال روحها وقلبها ...

نزل اكثر وجلس يستمتع بتفاصيل صفحتها وشخصيتها

شاف اخذ منه صفحتها ساعه انصدم ومعه اعمال كثيره ومقابلات ..

بينه وبين نفسه مجنونه وشخصيتها جميله عاقله

ذكر كلام صاحبه... وكلام امه عنها !!!

بيفكر مع نفسه ؟؟

رجع يشوف الحاله الاجتماعيه حقها
( انخطبت او عادها )؟؟ شاف منشور فاته صوره تجهيزات العرس( و بدأنا اسبوع العرس )

بينه وبين نفسه ( تأخرت، يلا الله يوفقها) تستاهل كل خير ان شاء الله يعوضها كسره اول خطبه لها ( مانسيش لما سمعها اول مره وعرفها فيها بموقف فسخ خطبتها والصدمه الي حصلت لها)
كان ناوي يكلم امه ، وقرر يصرف النظر ويخليها تخطب له وبس على ذوقها .

جاوب اتصال وخرج من مكتبه ..

في الجامعه..

الدكتور بعد ماكلمته اخته الي حصل في العرس وانهم رفضو وقالو مرتبطه بيعاملها بضبح و استفزها في المحاضره عشان تروح تراجع درجتها لاعنده

نور : ليش يادكتور درجتي هكذا؟ وانا قدمته كامل وقبل الكل؟

الدكتور : درجتش كامله، قلت كذا عشان اكلمش هنا، ايش الموقف الي حطيتيني فيه!! طلعتي من البنات الي يعجبهن العرض والحواشه حولهن وان الكل بيخطبهن ويرفضين

نور ضحكت ومصدومه: خير !؟ ليش هذا الكلام ؟ ايش في صلي على النبي يادكتور!

الدكتور: وقعت بأصلي ورسلت اهلي، وقالو مرتبطه ! ليش بتقلي للكل انش مش مرتبطه

نور : اولا انا فعلا مش مرتبطه! ثانياً محد قلك تديهم، لان ردي كان واضح وقلتلك مش موافقه ، ثالثاً لو مفكر انك عتنقص درجاتي وازعل واغير رأيي غلطان، رابعاً انا مش محتاجه حوشه وشو وعروض ان الكل بيجري بعدي ، فعلا في خيراات يشتوني بس انا لي القرار ارفض او اوافق..

بيتكلم طنشته وخرجت وهي معصبه...

الدكتور مستفزه كيف كنت غبي افكر في واحده مثلها.


ثاني يوم نور قامت الصبح على رساله للماسنجر من متجر هدايا..
( في معاكم هديه ممكن العنوان والرقم نرسلها لكم)

نور ابتسمت وقامت تربعت فوق السرير بعدت شعرها من وجهها لاورا وبحماس بكتبت له العنوان وهي بتتذكر( اخيرا فهمين بنات عمي على نفسهن كم مره اقلهن اشتي هدايا تجي لي هكذا مفاجأه مش ضروري حبيب يعني)

نور واحسن شي انه اليوم جمعه ماشفعلش شي لا دوام ولا الهب بطوني جو يسلمو هديتي او لا، شاستلمها بنفسي

جدتها : نووور يانوررر هيا الساعه عشر ونص

نور : ياجده جمعه

جدتها : لانها جمعه هيا قومي نفعل الغدا


نور وهي بتزحف فوق السرير زحف

جدتها مالش
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

17 August 2023 21:26

@sanaaroohi2 🩵 الكنز المدفون ↴

ـ بارت 130

.
.اخته الكبيره بتتغابى: الطالبه الي قلت تشتي نسير نخطبهالك مالك، ياسعم ذلحين او بعدين مافرقش الكل بيعرف

اخوها بضحكه: انتي شكلش تشتي بس تفعلي لي مشكله يختي

اخته الكبيره: الصدق ماعجبتنيش، كم يابنات احلى منها بمليون مره

امه عرفت الخبر: صدق قدك تشتي تتزوج؟

الدكتور عصب  : هذه غبيه بتدور هدار ومشاكل قلتلها تشوفها لواحد صاحب لكن يعجبها النثراات...

قام حنق ونزل من الدرج..
لحقته اخته الصغيره : ياخي مالك صلي ع النبي لاتزعلش، ابرد منها ، انا سرت كلمت جدتها بنفسي تقدمت لها

الدكتور : شارجع اتصلش بعدا خليني اخرج اشم هواء شويه..

خرج وقفل..

رجعت طلعت اخته وبتصيح فوق اختها: ليش تفعلي هكذا حرام عليش

اختها : حرام عليه هو ، جعجع بنا نسير لهانك ونتعب وماكلف نفسه يسألها اول، مش كسفونا اهلها وقالو قد في ناس متكلمين عليها،.

بعد العرس بأيام..

ابو عصماء للجده : انا الصدق ماعرفه ابدا ، شاسأل عليه من عيني واكلم اخوتي

امه: وشاكلم سمير لايزعل انحنا ماقلنا له ، الصدق هو يحب نور وكل ماتقدم حد نفسه يفرح بها حين مابش معه جهال

ابو عصماء : بس مدري ليش مش انا مرتاح لهم هولا الناس

امه: لاعد تسمع بنت اخوك قد رفضت الجن والانس، كم بيتقدموا وهي ولا، ذلحين وقت مناسب تنخطب وتتخرج وتتزوج.

ابو عصماء: ان شاءالله لو فيه الخير الله يتمم لها .

الجده: ولاتتحاكو قبالها بشي، هي حق من يطرحها امام امر واقع ساع بناات عمها، الحجه عندي زيدت لها الدلع

ابو عصماء: بس يمه مش هكذا ، خليها ع راحتها

الجده: ماشي يابني قد انا تاعبه يعلم الله ايحين يومي ، اشتي اركن عليها بيت زوجها وابسرها مرتاحه مفتهنه.

ام عصماء: هيا ناهي ياعمه والله ان تيه كذبه، قلنا هكذا و زوجنا وكل يوم وانا بينهمها كيف عايشه غاثيه او مع ، مرتاحه او ماشي متفاهمين او مع، لكن الحمد لله قدي سنه الحياه مابلا نتوكل على الله.

ابو عصماء: مالكن حسستنا انحنا بنرجمهن دار ايتام ،مش بنزوج ، تتزوج لكن لو اعرف واحده فيهن كلهن مش مرتاحه لاخرج عيونهم، ياسعم رجمناهن

الجده: قلدكم الله في نور هكذا توبهو لها من جيز بناتكم

ابنها: الله يسامحش يمه ياسعم بنميز بنتي عليها والله انها من غلاوه بنتي

الجده كملت تكلمهم و اتصلت لفؤاد تكلمه، ولسمير بالتلفون ، يكلمو اخوالها واهل امها عن الخطبه..

نور في غرفتها مش عارفه ايش بيخططوا لها، جالسه بتصلح ماده التقويم حق الاسنان وتفعل بها اشكال مضحكه مرعبه
نزلت صوره من الاعمال الي خربت عليها وقلبتها مجسمات مضحكه لفك مرعب ، منشور في الفيسبوك وكتبت( الي يضبحني في حياتي شارجع افعل باسنانه هكذا)


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

17 August 2023 21:25

@sanaaroohi2 🩵 الكنز المدفون ↴

ـ بارت 128

.
.زوجها: خلي العين عشان مايقع بش شي
عامر بيسمعهم ويمسح عرقه ويشرب ماء كل شويه.

كملوا يشتروا خرجوا وهو جلس فوق الكرسي وخلا ابن عمه يشوف الزباين، جالس يخزن بتوتر وقهر و زعل ، انه ضاعت من يده بسمه ، انه لعب وضحك على واحده حبته واسعدته وقتها، ماتوقع انه يعقل بيوم ويشتغل ويكفي نفسه ويتغير ويرجع يدور حنيتها وحبها واهتمامها له، بعد ما زوجته كرهته النسوان... شاف كيف خايفه تخسره، وبعدين كيف تشتي سلسله باسمه... حس بمشاعرها لما قهرها بزواجته.

في السياره..
بسمه استوعبت بعد ما تطمنت انه عدا الموقف ع خير: ليش تفجعني ، عادنا مصدومه

زوجها ضحك: قد شفتش والله اني خفت عليش يوقع بش شي تدوخي او شي

بسمه ضحكت: الحمدلله الذهب فوقني، تسلم ياروحي ماكان في داعي لها

زوجها: سهل هذه حق المصالحه والحمل، عجبني انش مابتكبري المشاكل وبتحاولي تتفهميني تستاهلي.

بسمه داخل نفسها: الحمدلله الي عوضني الله بك.

بعد يومين بيت جدتها..
بسمه تشتي تكلم نور الي حصل.. مراعيه يفضى المكان

خرجت جدتها ،و مرت عمها للصاله

بسمه : نور نوووووررر

نور ممده بتنعس : خليني ارقد

بسمه: مش وقت جينا عندكم كيف ترقدي، بعدا ماصدقت خرجو احاكيش الي حصل

نور: ها !

بسمه: لقيت عامر تخيلي خرجت مع ريان يشتري لي هديه حمل سرنا محل ذهب وهو هانك

نور: مابيفعل بيسرق؟

بسمه ضحككككت: قلعوش كيف قطعتي حماسي، ماشي بيشتغل

نور: عرفش؟

بسمه: ماشي الحمدلله ، لو عرفني لايجنن تعرفيه كيف فعل عند الدكتور

نور: معقول

بسمه: ايوه مابسرنيش الا مره  ونزل راسه

نور: عيخاف حين جنبش رجال

بسمه: - يمكن ، ماقلتي لي زد لقيتي المجنون

نور: جلست تحكي لها  اخر مواقف شافته فيها.
بسمه: مش نادمه ان انتي رفضتيه؟

نور : ابدا ، صح طيب وصاحب مواقف، بس مستفز، مقدرش اعيش مع حد مستفز عنجلس نتصايح واصل

بسمه : حالي حين تعرفي نفسش، بس لو تجلسي تتشرطي هكذا ماعتلقيش اي حد ع ماتشتي لانش ماعتعرفي اشياء الا بعد ماتعيشي معه

نور: الله من بيتفلسف بسمه قد بتنصحني جبر العاقله جبر



     
بعد ايام في عرس عصماء يوم الحفله ...

جت جلست مره جنب الجده بعد سلام ومجابره فتحت لها الموضوع: هيا قد الخبر عندش ي ام سمير وان شاءالله ربي يختار مافيه الخير،

الجده شافت نور مبتسمه : ان شاءالله ، شاكلم اعمامها وخالها و نحدد موعد للخطبه

المره مبتسمه للجده و نور: ان شاءالله باذن الله ،

الجده: بس مثل ماقلتلش، مجرد خطبه، واول ماتتم الجامعه العرس

المره: موافقين اكيد قد شرحت لكم والكل اسبابنا واحنا والكل موافقين ونشتي هكذا

الجده: الله يكتب مافيه الخير..



📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

17 August 2023 21:25

@sanaaroohi2 🩵 الكنز المدفون ↴

ـ بارت 126

.عصماء بنذاله بتشوف نور وتحارش بطريقه غير مباشره : وكم بيأكل مساكين ويفعل اجر..
الجده: ماشاءالله عيجبر قلب امه به
شافين بعض ضحكين فجأه لما تذكرين جنان الحوش

نور بتدحس: ياجده قوا اشتري البيت هذك صدق

جدتها: او انا وارثه عطان بكله، عتوقعي ساع عمش سمير

نور ضحكت: الصدق فقدنا للبيت

ام عصماء بمزح: عتكتبين عتشتغلين يا ملغجات انتي وهي

عصماء: انا عروسه محجبه ولا افعل شي..
نور شلت القلم وجلست تبخطط يدها: هيا تحجبي ماذلحين

دق الباب

نور هربت تفتح لاتستقضي عصماء وشافت بسمه وامها واخت زوجها..

دخلين جلسين يتجابرين اخت زوج بسمه بتنسق عرس عصماء وبسمه ونور بيتجابرين كل شي فاتهن...


في بلاد ثانيه..
صهيب جالس مع شله اصحابه بيتجابروا عن شخصيات البنات..

واحد: انا الصدق احب العاقله الهادئه الرزينه، الي تفهمني بدون ماتكلم،

صهيب: حب لك جوجل

الثاني قاطعهم: ياخي هذا نكد فرص، قلك هادئه عاقله رزينه تفهمني بدون ماتكلم حاسس وضعها لوحه بالبيت

انا صراحه عن نفسي احب البنت العاقله ونفس الوقت مجنونه يعني تعرف ايحين تجنن وتمزح وايحين تلتزم الصمت وتكون عاقله ،

الاول: هذا عادو متناقض ، وانت ياصهيب

صهيب جلس مطنن: مدري تغير ذوقي على فكره بعد تجربه خطوبه فاشله ، كنت احب الهادئه العاقله الرزينه و دوروا لي اهلي نفس المواصفات

الاول : ايوه وايش طلعت ؟

الثاني: قنبله موقوته

صهيب كركرر : الله يفتح عليها بس ويهديها، فعلاً كانت قنبله موقوته، حيرتني وخلتني اعجز افهم البنات عصبيتها فجاه واحنا بنتناقش شي عادي، تقلبه نكد يا غاره الله بس

الثاني: قلتلكم المجنونه والمرحه ياخي اكشن وكوميديا وكوكب زمرده عفويه وبساطه وعدم تصنع الي في قلبها ع لسانها

جلسوا يضحكوا

صهيب تذكر نفس مواصفات صاحبه هذه جنون وعقل كل شي بوقته ( نور) نفس طباعها بس ليش يحس انها مابتطيقه !

في بيت الجده..
نور : كيف العروسه حقنا، كيف زوجش
بسمه هزت راسها : مالها شي، بس اوقات ضبح،احس مقدرش افهمه ومايفهمنيش، واصل بنتحسس ونزعل من بعض

نور: وانتي لاتجلسي تسكتي وتخليهن في قلبش قليله كل شي وهو عيقلش

بسمه: صح

ثاني يوم في الجامعه..
واحد من دكاتره المواد الي معها : نور فين البحث، برفع الدرجات خلاص

نور: يووه والله انه موجود اديته دقايق ادخل اديه

الدكتور: طيب لو خرجتي ومش انا موجود بكون بالمكتب
نور خرجت نفس الخمس الدقايق وهو بيمشي لحقته وهو اسرع لما وصلت المكتب

نور بتعب : الله يهديك يادكتور مابش دقيقه الا وانت مابحد

الدكتور بضحكه : طيب افرضي ان انا بالعاني هربت
نور باستغراب رافعه حواجبها: ليش مش طلبت البحث ؟

الدكتور بقلة صبر وجديه : نور
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

16 August 2023 11:15

@sanaaroohi2 🩵 الكنز المدفون ↴

ـ بارت 124

.اول مادخلت بتتلفت مراعيه تشوفه...

الاء : وين الوسيم حق امس هذك جاركم

نور: مراعي لش، مابش معه مهره الا انتي

الاء: او بتغيري

نور: قوي قوي، لو سمحتي لاعد تتغزلي به قبالي مشاعري

الاء ضحكت: صدق وين هو مابحد

نور: مدري علمي علمش

الاء: الصدق كان امس بيضحكنا ويزبج ودلعنا وضيفنا

نور: شكلش ماصتبحتيش

الاء: بالضبط

نور: خلاص انا شادلعش بدله، واعزمش بعد التطبيق حق اليوم

الاء: يلا تمام مشتيش اي مكان، اشتي نسير مول وعلى الطريق اشتري حاجه هديه لصحبتي

نور: تمام

في الحوش صهيب كمل المكالمه وخرج بسيارته يكمل توقيع المحكمه ويقابل المحامي..


بيت الجده..

اول ماوصلوا عند امهم..

سمير : عتطرديني يا حجه؟

امه : ليش اطردك، مابنطرد ضيوفنا من وسط البيت

سمير : الله المستعان قدنا ضيف ذلحين؟؟ ماعدناش ابنش

امه: ليش انت الي فعلته يفعله ابن؟ ولا واحد غريب

سمير: شليت حقي ياخلق الله مافعلت انا لهذا كله

امه: خلاص ، قلتها بفمك شليت حقك، مابش معك شي عندنا

سمير: طيب ماعد اشتي شي ذلحين غير رضاش ومسامحتش

فؤاد سمعها انصدم !!!

امه: مسامح دنيا واخره

سمير فرح:يعني راضيه عني

امه: سامحتك لانك ابني وانا ام، مانسيت الي فعلته فينا وغثيتني لكن الله كريم سامحتك لانه ربي جبر بخاطري مش انت

سمير: صدق عترجعي البيت هذك؟

امه داخل نفسها بتستغفر انها بتكذب: ايوه شارجعه وقع لي ورث يخليني اشتري البيوت الي جنبه كمان

سمير: طيب سجلتيهن وحسبتي كم عيقع لش امد نكون عارفين فيما بعد

فؤاد انصدم منه فهم ايش يشتي

امه: ليش عادك تشتي تورثني وانا عايشه

سمير: الله يهديش يمه ماقصدش هكذا ، بس للزمن لايتلاعبوا اخوالي

امه : شفعله كله وقف

سمير: ليش وقف واحنا عيالش موجودين وعسنتفيد لنا وعيالنا

امه: وشاسجله باسم بنتي

سمير استغرب: من بنتش ؟؟

امه: نور،

سمير: والباقيات مش بناتش؟

امه: معهن اب وام، بس مامعها الا انا

سمير: وحق ابوها معها

امه: مايفعلهاش بيت للزمن

سمير: وبيوتنا ماتفعل

امه: ماكوده لنسوانك الي جالس تجحفهن

سمير: قدنا اشتي اغيرهن كلهن، ادين لي الجنان

فؤاد بيضحك

امه: الله يعينك

سمير قرر مايزيد اللغاجه لامه خرج وهو بيفحر ونادم ليش تهور قبل مايعرف انها وارثه..


في المول ..

دخلين المحل وبيبايعين

الاء: يووو كلهن حاليات

نور: بس هولا العطور غاليه بالدولار كم معش ؟

شافين واحد قرب في يده ثلاثه عطور

الاء دكمتها : لحقنا هنا

نور شافت صهيب..

صهيب كان مش منتبه ع يساره لهن بيحاسب على العطور


المحاسبه: ٥٠٠$

الاء: يااساتر

نور دكمتها تسكت

صهيب لفت لهن شافهن واقفات : اهلا، ماداومتين اليوم؟
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

16 August 2023 11:14

@sanaaroohi2 🩵 الكنز المدفون ↴

ـ بارت 122

.ام صهيب: ياعم الله يهديكم ايش من كنز وايش من تخاريف زمان لاتصدقوش، والله ان ابني انظلم بالقسمه

صهيب: يمه قدرناها والله حقي طلع البيت هذا وحقهم الي معهم

امه: يلا خيره الله، الله يحمل كل واحد يمينه

الجد: ماشسخاش عليه وانتي داريه..

صهيب : يشلو يهجعوني اذيتهم، مشتيش ندخل في مشاكل واحنا اخوه، هكذا كل واحد يشل حقه ونعيش براحه بدل المحاكم والمشاكل

امه: حسبي الله ونعم الوكيل بس

الجد مبتسم: صدقني انك الرابح، عيجي يوم ولو انا ميت تترحم عليا وتفعل لي صدقه

في مكان ثاني..

روحت بعد يوم متعب امتدت ع السرير ترتاح وجلست تتذكر لقانه صهيب قامت بضبح للمطبخ تشوف ايش تاكل وبتكلم نفسها: يووو كيف هو مستفز، ماقدرت ارد...

لقيت بطاط مسلوق فعلت فوقه شطه وبسباس وبتاكل وهي بتتبرقط انها ماقدرت ترد

جدتها: قد تغديت ماراعيت لش

نور:, يهنا قلبكم

جدتها شافتها بتاكل بسباس وبتدمع وتهوي : مالش؟ صلي ع النبي دلا

نور: اصلا ضااابحه وعادكم تقولولي والله انه صاحب مواقف ، سامج ، صح انه خير الصدق الخير الي فاعله هنيت له والأجر بس مستفز

جدتها متعجبه بتتكلم بسرعه: من هو؟؟؟

نور : صهيب الي قولتكم مابش مثله

جدتها: هو انتي لقانتش عتموتش ، لو مارديتي خلاص تفحري روحش، كن دعممي ، ابسري المواقف الكبيره للشخص لاتبعسسي عند الكلمه والكلمتين، ياسعم ماقلش لو ما انتي هكذا مبرقطه...

نور : قد بيقله الدكتور حقنا، ادينا لكم اشطر بنات، وهو يتفلسف سالني وجاوبته استشاره لاسنانه، قال مش مستغني عن اسناني على يدش، وقعتي دكتوره وماعد بش لقانه

الجده ضحكت: هو بيزبج معش اكيد ، هو انتي الي حرقه تشتي تردي ع كل شي ، لكن اعقلي ماعدنتيش جاهله

نور جلست تفكر صح ليش كبرت الموضوع! : يمكن لانه استغل انها ماتقدر ترد، بس صح ملامحه مبتسم اكيد بيمزح مش قصده..


بكره شاحاول اكون طبيعيه قدامه عشان فعلا يتاكد اني عقلت يبطل يحانك.



عصماء اتصلت لها: نور تخيلي حددو عرسي بعد شهرين

نور: هيا ناهي وبعدا اجلس لحالي

عصماء: الي يسمعش يقل انحنا في بيت

نور: يعني مش ملاحظه ان بسمه اختفت ماعد بترد حتى على رسايلنا في المجموعه،  ولا بنبسرها ساع اول كل يومين هنا

عصماء: طيب شابصم لش اني ماتغير عليش

نور: لو تغيرتي خلاص شاوافق على اي واحد يتقدم واتزوج بعدكن وبعدا احظركن للابد

عصماء ضحكت: ذلحين عتخرجي معي نتكسى

نور: يووو معي تطبيق العصر لكن لو تشتي من الساعه ست للساعه ثمان موافقه

عصماء: تمام ، انتي داريه ايش اخر خبر بيتحاكو ابي وعمو فؤاد

نور : ايش؟؟

عصماء: عترجعو البيت الاوله

نور ضحكت : هذه مشعه بيحانكو عمي سمير حين شل حقه وفحط،


.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

16 August 2023 11:13

@sanaaroohi2 🩵 الكنز المدفون ↴

ـ بارت 120

.رجع يناقش الدكتور صهيب

الدكتور: ، فكره من هذا الدار ؟ وكيف وليش

صهيب شرح له الفكره واسبابه

البنات كلهن بيتشاورين ومنبهرات به

الاء: ياربي وسامه وحنون كمان

نور ساكته بتتذكر مواقف اكثر من الي بيقولها لهم عنه  وقفته معها ومع جدتها في بيع البيت والمشاكل...الخ

المديره رجعت تناقش الدكتور والبنات يتجابرين

صهيب قطع أفكارها وكانه حس ان عقلها بيتكلم معها عنه : للان شجرتش بتتسقى

نور فرحت ابتسمت: صدق ، شكرا، في ناس ساكنين بيسقوها؟

صهيب: ايوه انا بينسير كل اسبوع اتاكد بنفسي

نور محرجه تتشكره اكثر والاء جالسه مركزه معها وتشاورها وترتها..

الاء: شكله معجب بش مابيكلم حد غيرش

نور: هذا قدو اعجاب عندش؟ بيكلمني بحكم انحنا جيران ويعرفني بس.

الاء: ومن ايحين عندنا الجيران بيتجابروا مع بعض ، الا اعترفي وبس

نور: اعترف انه معجب بي!! تمام معجب افتهنتي؟

الاء: ماشي، قولي الصدق انتي ايش بتحسي

نور: والله مابينحس غير اني ماقدرت ادافع ع نفسي واتليقن براحتي قلك معجب.

الاء: انتي مدري كيف يا شايفه نفسش يا معش حد

نور: والله مامعي غير عقلي ، مش اي حركه اشوفها افرح روحي واعشمها بأي حد، كم بينلاقي صدق حركات اعجاب ومعاذير امد يفتحو باب معي بينصد

الاء: ياسعم تشتي تقلي لي انش عاقله، في شي ومجنونه في شي

نور: ايوه

الدكتور: ماشاء الله نور والاء من اول في مباحثات ايش بتتناقشين شاركونا ، كان معاكن حاله او سؤال

نور: الاء مش فاهمه كيف تفرق بين

الاء خافت تفضحها بتبقصها

نور: كيف تفرق بين حشو الاسنان اللبنيه والعاديه

الدكتور : هو ماقد طبقناه عمليا، شكلش انتي الي سبقتينا يانور في الموضوع هذا.

صهيب وصله اتصال من اهله في البيت اضطر يستأذنهم ويمشي... وهم خلصوا وقت الاستراحه وكملوا بقيه شغلهم.


في بيت اهله..

اخوته وصلوا مع محامي بوجود جدهم عشان يخرجوا الاوراق والاملاك ويتقاسموا الورث..

بدأ المحامي يعد لهم املاكهم، منها اراضي داخل البلاد في اماكن مهمه، ومنها بيت في الخارج، و رصيد في البنك وشركه ( الي مسكوها اخوته), وشلوها لهم

الاخ الكبير: الشركه لي  لان ابي مولها برأس مال معين وانا طورتها يعني يخرج المبلغ الاساسي والباقي حقي

الاخ الثاني اعترض: على هكذا انا ماسك موضوع الاراضي وواصل بينتشارع مع الناس الي حولهن وقد تعرضت للخطر اكثر من مره

صهيب ساكت

المحامي: انت ايش معك؟

صهيب: معي اعماال خارجه عن حق ابي انا الي بدأتها بشراكه مع رجال اعمال

الاخ الكبير: بس ابي الي مولك

صهيب ضحك: هذه الاوراق كلها ، ابي ماكان راضي لي بهذه الفكره لذلك ولا دعم فلس

الاخ الكبير : وين الاثباتات؟
صهيب خرج من شنطته
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 August 2023 23:26

@sanaaroohi2 🩵 الكنز المدفون ↴

ـ بارت 118

.
.ابن اخوه : هيا ناهي لاتتعذر بعرسي ، انت من وقفتك للكل ، الكل عيوقف معك 

صهيب: مابش شي ، ياسعم مافعلت ، انا الا شغال اتصالات ولافعلت شي

ابن اخوه: يا عم فعلت لي الي مافعله ابي ،

صهيب بتنهيده: ابوووك، عادحنا نتم العرس ونبسر مافي نفسه، جنني تهديدات واتصالات وانا ماقلت له شي

ابن اخوه: ذلحين عرسو لي اشل مرتي اسافر وانتو سدو، مافيني للمشاكل، يكفي المشاكل الي دخلتها من بدايه العرس مع اهل المره

صهيب: ما انت الله يعينك، كنت بادي اترخشش انخطب ، وان شكلي شازيد آخرها لوما نسد انا و ابوك ونفصل موضوع الورث هذا

ابن اخوه مسك كتف صهيب: اهم شي، مهما حصل بينكم، انا مالي دخل به، تبقى علاقتي معك معزه و ود مثل محنا

صهيب: اكيد طبعاً ، من عيعرس لي الا انت ،

ابن اخوه: والله لاجي من المريخ انت الا بس قول بسم الله.
كملو كلامهم.. في الحوش
صهيب شاف الريح بتحرك الشجره قوي ، ذكر وخرج ..
دق باب بيت جيرانهم( المنذر سابقآ)

فتح واحد : اهلا يا فندم

صهيب: كيف انت

الي فتح له الباب: الحمدلله

صهيب: كنت اشتي اسالك بتسقي الشجره

الرجال: ايوه ، عادنا امس سقيتها

صهيب: يلا مشكور، هي امانه ناس وصوني اتفاقدها

الرجال: ولايهمك، اي خدمات اؤمرني

صهيب: اسلم الله يحفظك

بعد أسبوع انشغلو فيه صهيب عرس ابن اخوه ، ونور بنت عمها ،..

كمل العرس وكمل الانشغال وكل واحد رجع لدوامه الطبيعي..
في الجامعه

نور : يعني عنسير وين ، محد كلمني ليش؟؟..

صحبتها: عنسير كمساعدات للدكتور حقنا كل يوم عيشل مجموعه، واليوم خاوره تجي معي انتي

نور: يوو يا الاء والله اننا تاعبه بعد جري العرس والمشاوير، شاسير مع اخر مجموعه

صحبتها الاء: والله لاتجي اليوم

نور: لو يسالني الاستاذ سؤال ومش انا فاهمه

الاء: شاتقذش

نور: طيب وين؟

الاء : مدري قالو مؤسسه مدري دار ايتام او عجزه معرفش

نور : هيا ناهي سجلي اسمي، اسير اصتبح امد مايتجهزو

  بعد ساعتين...

في دار الرعايه في الإدارة..

الطبيب مع خمس طالبات بلبسهم وكفوف طبيه وكمامات..

بلغوهم يمرو يعملو كشف مجاني للحالات الي تحتاج متابعه عندهم في المركز..

دخلو كلهم في واحده في كرسي الاداره ، وقدامها شخص جالس، نور اخر واحده واقفه ورا زميلاتها ولانها مش بنفس طولهن مابتشوف من جالس

المديره : تفضلوا اجلسوا

جلسوا كلهم

نور شافته بانت الدهشه في عينها

صهيب يشوفهم بس ماعرف ان نور واحده منهم

نور اول مادخلت الدار وقرأت اسمه ذكرت الاوراق الي شافتها زمان في غرفته..

الدكتور بدأ يشرح لهم: انا اليوم جيت مع خمس طالبات، نعمل فحص طبي  للحالات الي تحتاج متابعه عندنا في المركز، وايش المشاكل والي تحتاج


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 August 2023 23:25

@sanaaroohi2 🩵 الكنز المدفون ↴

ـ بارت 116

.نور: يووو ذكرتيني الدعوات هيا حين هن فوق السياره ندخل نطرحهن

عصماء لفت من الحاره حق بيت جدها

نور : يووووه في حارتنا عرس والكل

عصماء بتشوف لوين واقفين بالسلم جدر بيت صهيب: عرس المجنووون يا يانور صح؟

نور : اكيد ماعد معهم الا هو

عصماء سالت واحد جاهل في الحاره: عرس من؟,

الولد: عرس بيت هولا ابنهم

عصماء: هيا ابسرتي

نور: الله لو كان عادحنا ساكنين هنا ، كنا سرنا نبسر الحريوه

شافين افتتح بيت جدها خرج منه رجال ورزع الباب

نور بصوت مسموع داخل السياره بس :دلا كسروا يدك على جلف ماتستااهل هذا البيت

خرجو عياله لحقوه

عصماء ضحكت : يو يانور البنت المشعفله تشبهش وانتي صغيره قوي

نور : واخوها الي شعره مابش كان صلعه مثلش...
جلسين يضحكين

عصماء يو عنجلس واقفات هكذا نتبسر خلق الله

نور شافت الساعه: يووو موعد فستاني اسير ، هيا انزلي

عصماء: انزلي انتي

نور: بس هباله يا عصماء انتي داريه اني نسيت وخرجت لابسه شبشب البيت

عصماء: ياسلام وهذا عادش عتسيري تنسقي مع صاحب الكوشه

نور: انتي الي عتنزلي

عصماء: انا عليا اسوق وبس ولا جي سوقي

نور هيا تمام موافقه ( تعلمت السواقه وبدات تسوق في الفتره الي راحت)

نزلت من الكرسي الي جنب عصماء ،

عصماء واقفه خارج السياره بتدور الدعوات..

نور على طلعتها للسياره بتشوف التاير ورجعت طلعت

صهيب ع خرجته من باب بيتهم وهو ببشوف للارض شاف قدامه واحده لابسه شبشب وطلعت السياره رفع عينه شافها هي وبتسوق؟ وايش جت تفعل معقول دخلت البيت؟؟

نور مش مركزه معه ، جالسه تعدل في الكرسي وتبعد قلافد بسمه والوساده الي ورا ظهرها
عصماء ناولته الدعوه: ناولهم لو سمحت

صهيب سحب الدعوه بيقراها يشوف عرس من
وعصماء طلعت : هيا امشي.
نور بتفحيطه وسررعه مشيت بدون ماتنتبه لكل شي حصل وصهيب الي واقف

عصماء: شفتي شكله حريو صدق

نور : من؟

عصماء : المجنون ، حالق وماشاء الله لابس

نور:, يوووو المجنون؟ ايحين؟ مابسرت وانا واقفه
عصماء : ارجعي وانتي عتبسريه بسرعه ريوسي

نور. رجعت اول ماوقفت

صهيب كان قد دخل وقفل الباب

نور: يعني يمكن مايقدروش يجو العرس عرسهم والكل نفس اليوم

عصماء: سبحان الله وخطب يوم خطبه بسمه

نور: مش فسخ؟

عصماء: قالو، المهم ايام كانت تذكري الحوش

نور جلست تتذكر ويضحكين..

في بيتهم .

صهيب ناول امه الدعوه ( مكتوب ابنتنا الغاليه)

ماعرفت نور أو بسمه مش ذاكره اسماء ابائهم..

ام صهيب: معنا عرس ولا كنت شاسير

صهيب : انا شاسير اكمل اوقف مع الي بيزينو احاسبهم

امه: تمام لو تشتي توفيه زلط كلمني

صهيب: معي ..

خرج وواقف بيفكر

البارتات عتنزل متاخره الليل🙃
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 August 2023 23:25

@sanaaroohi2 🩵 الكنز المدفون ↴

ـ بارت 114

.
.نور بضبح : خلاص مره ثاني لاتكون تتدخل وتسال حد في شي مايعنيك

صهيب بضحك: حتى لو هذا الشخص هو الي تدخل فيما لايعنيه !, بس تمام ان شاءالله عشان الشجره شاكون اسقيها

نور ضبحت طلعت السياره : هيا ياعصماء

صهيب بصوت عالي: حاسبيني حق الوايت ، ودخل بيتهم

نور : هيا اخطي وانتي مراعيه يدي اخر كلمه

بسمه بتضحك: كيف انكسفتي ياحرام ، كيف اصترعتي، لو سمحت ممكن تسقيها وو..ضحكككت

عصماء وبتقلدها: ولا يابنات مابش شي عيب الولد خاطب

نور: بطلين سماجه ، مالكن معلقات عليه والله مافي حسي

داخل بيت صهيب..

امه وجده جالسين : من الي كان بيدقدق هكذا  يابني؟
صهيب قبل مايرد: اشتي اسألش يمه؟ قد تعرفتي ع اصحاب البيت؟

امه: ماشي ، مابسرت نسوان، مابينبسر الا رجال بس

  صهيب طنن( والله انها مجنونه هذه البنت كيف تدخل ولو كان في رجال)..

الجد : ماقلت من كان

صهيب: ناس يشتو اصحاب البيت ، عاد معش يمه رقم ام سمير

امه : والله اننا غاثيه نسيت ماشله منهم ، ليش تشتيه؟

صهيب خاف تغامر مره ثانيه هكذا وتجي، وماسخيش يقول السبب حين قالت له لاتقل لحد ، اضطر يغير جوابه لامه
: مابلا لو بتتواصلي معهم ، مساكين يعلم الله مافعلت مع عيالها.

الجد : ماعلينا من الناس يابني ،

صهيب رجع يفتح تلفونه يشوف رقمها ليش ماعد بتظهر عنده في الواتس (تذكر انه بعد ماضاع تلفونه)

فوق السياره

نور : حتى لو مش خاطب ماعجبنيش طبعه ، خصمي في المزاجي يوم يفعل نفسه عاقل وصاحب مواقف ويوم يتسيمج ويتليقن ويكسف الواحد.

  عصماء: بغير خباله يانور هو بيمزح لكن طبعه الغالب الاساسي انه صاحب مواقف وخدوم ومحترم قوي

نور : بالنسبه لش، بالنسبه لي اكره هذا النوع من الرجال الي مزحهم ينرفزش

بسمه جلست تغني اغاني عليها وتزبج هي وعصماء و يهددنها عيحارشين لجدتهن لو ماشترت لهن اشياء بيطلبين منها..

بيت عمهن سمير ..

الثانيه رجعت بشنطتها من بيت اهلها دخلت شافت الاولى: وين الجنيه هذه

مرته الاولى: مراعيه لش تطلعي لها الصبوح

الثانيه: اطلع لهم السم الهاري

الاولى: لو قصدش عادو بيداري ويدلع ويفعل نفسه خايف مننا مثل زواجته بالثالثه غلطانه، الان اسكتي وتقرصي العافيه ، يشتي يخفف العدد عشان يزيد يوفي

الثانيه ضربت صدرها: يعو والفعله او قلش هكذا ؟ ،شكل الثالثه جننته يستاهل قد بينقله

الثالثه كانت في الطاقه بتسمعهن بس مابتشاركهن الكلام  رجعت ردت : بالعكس في احلامش الثالثه ، والله ماهو مستغني عني وعن الاولى بس رقم ٢ يمكن

الثانيه :, لاعتب اليوم شاسكت لش حاسه بش

شافت السياره الي في الحوش وبضربه ع باب السياره: من عندنا؟؟؟


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

12 August 2023 00:35

@sanaaroohi2 🩵 الكنز المدفون ↴

ـ بارت 112

.
.سمير انصدم لما دخل : مالكن بتخرفين؟

العروسه شافتهن وبتضحك ماسكه فمها..

الاولى: والله خورتنا الزواجه ، كل شويه وانت بتتعرس، قلنا واحنا ليش مانفرح ارواحنا ونلبس ونتكوفر،

سمير شاف الثالثه: نقل هذه كبرت وخرفت، وانتي ؟؟؟

الثالثه: وانا لو تبسر اليوم واحده قالت لي في الكوافير ، بيت من انتي، ريت وانا ابسرتش قبل مايخطبوش من جمالش، شاخطبش لابني السفير في دوله اجنبيه

سمير تبرقط : انقلعين من قدامي شقتكن يلا، وطلعين العشاء

الثالثه: وهي ليش ماتفعل العشاء ؟

سمير: بتبسريها! بالفستان؟

الثالثه شافت نفسها: وانا وهي ( للاولى) بالفستان ، اطلب لنا كلنا من المطعم

الرابعه بنظره لهن بنص عين ورجعت شافته: انا ماشاكلش من يد حد، يا يدي او من المطعم

الاولى : ليش ياحبيبتي او قالو لش انحنا مش نظاف

الرابعه : ايش ضمني تفعلين لي شي او سحر
الثالثه: والله لو بنعرف نسحر كنا سحرناه وعميناه عن غيرنا

سمير مسكها وبيطلع يهدأ الوضع ، يلا كل واحده غرفتها

الرابعه: صح اليوم فرحتي ماشتيش شي ينكدنا، وطلعت

سمير بيتحلف لهن..

الرابعه: سمير امسك الفستان شاتكحول به

سمير مسكه بعدها وطلع
الاولى شافت الثالثه: يمكسه هووو ؟؟؟ من ايحين ؟؟

الثالثه: فات الجنيه ( الثانيه) كانت حرقتهم بجاز

الاولى: جي نتصلها ونقلها والله لاتبكر الصبح وهي هنا قلك تحنق..

الثالثه: وبعدا نوريه كيف شهر العسل


في مكان ثاني بعد الاختبار حقها..

نور بتكلم نفسها ( مشتاقه للبيت ونفسها تتفاقده، بتكلم نفسها تجرب تسير تشوف لو في حد ساكن فيه او لا ، ( خايفه بس نفس الوقت نفسها تتسيمخ )
اتصلت لبسمه وعصماء وسارين..


نور واقفه جنب الباب بتكلمهن: ( نجرب ندق لو في حد داخل)

بسمه: لو في حد داخل اكيد عيغيرو الاقفال او المفاتيح

عصماء: الا جربي دقي احتياط افرضين ندخل وبه رجال

بسمه : انا وعدت ابي مافعل شي يضايقه بدون اذنه شاراعي في السياره، والله لو يعرف لايجنن فوقي

 
نور : ناهي شلوش يخ

عصماء: وانا والله ماسطا ادخل تشتي تدخلي ادخلي وحدش


نور : تمام طز فيكن يعني ماعيقع لو مابش حد

دقين الباب ربع ساعه وانتظرين محد فتح


صهيب بيسمع دقدقه من بيدق في الحاره هذا الوقت كله وبهذه الطريقه ايش في !!!!


نور طرحت المفتاح وبتشوفهن وتضحك فتحت الباب ودخلت...

هن فوق السياره بيخاولين يشوفين لداخل بس مش باين الباب مردود..


نور دخلت ( كأن المكان مهجور !!! معقول في حد ساكن ؟ والحوش هكذا؟ ملان تراب فوق البلاط حق الدرج ، والشجر يابسات نصهن .. والاكياس ملان...


خرجت تدعيهن انه مابش حد..


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

11 August 2023 00:16

@sanaaroohi2 🩵 الكنز المدفون ↴

ـ بارت 110

.نور بتحانكها: جده يشتوه بيتواصلو معه مادخلش

عصماء: مش ملاحظه من حين انخطبت وهي بتفعل نفسها عاقله قوي

نور شافت بسمه بقزازه ( مزح): من يومها وهي للناس نصوحه

بسمه : هيا نور انخطبي نفعل عرس جماعي

عصماء: قلك تنخطب يعلم الله ايش معها  هذه الفتره مهتمه بنفسها قوي،

بسمه: صح لاحظت قوي اختفين الحبوب واثارهن امانه ايش فعلتي يانور
عصماء: راحت لدكتور وشلت علاجات باربعين الف
نور : والله مانفعين تميتهن وعاد وجهي ساع الملوجه
، بس اهتميت بالاكل، بطلت شوكلاتات ببسي دهون، غسول مناسسب بينشرب شاي اخضر وبرتقال وليمون ، وماء خيرات، كريم شمس.. بس. والله انه هذا كله

بسسمه: وانا اقل ماعد بش في. شنطاتش ودواليبش ساع اول جعالات

عصماء: اشتي اتحجب قالت امي اتصلو لها العرس بعد سبعه شهور.


في مكان ثاني ( فيي الحفله حق توديع العزوبيه)

صفاء جلست مع واحده وتصاحبين قوي كان كلامهن على الموضه والازياء وذوقهن قوي يتشابه شلين ارقام بعض عشان. تعزم. صفاء عندها..

البنت روحت  تمدح صفاء لامها تخطبها لاخوها...

بعد يومين
صهيب بعد ماوصل اليمن خرج السوق ، يشتي يتصل،، فجاه مالقي تلفونه !! اتصل له مقفل حاول يبحث عنه ولا اي وجود، الي شله رجم الشريحه.. راح يقطع بدل فاقد ويشتري تلفون..

نور كانت متعوده تشوف حالاته كل يوم مراعيه تعرف وصل اليمن او لا !؛ فكرت هل يمكن لانها مخفيه انها بتشوف حالته،استثناها من القائمه!
استغربت ليش بطل !!! يمكن الغاها من قائمه المشاهدين للحاله !!

الجده: ماهو هذا يابنتي، الجيران هنا ماعجبونيش، اشتي حارتي

نور: ابردو حارتنا بيجين يهرمنكم  افتهنو ،

في دار الرعايه .
صهيب راح يزور : دخل فرح شاف نشاط وملان بنات، خفين الي في الاشارات تساعدوا معهم الامن والمرور والناس الي بتدلهم وتتساعد معهم، وصلته تبرعات اكثر وقرر يدعمهن ويدعم رواتب العاملات في الدار اكثر لانهن تعبين معهن وبدأين يتأهلين البنات في فتره بسيطه..

المديره: مستواهن تغير في ذكيات جدا، وفي مبدعات حرف ومهن ، وفي ماهرات طبخ ، نشتي لهن مشاريع صغيره يبداين فيها خياطه معامل حلويات ، محل شنط واحذيه ،

صهيب: شاجهز لكم استمارات رفع رواتب وامتيازات للموظفات هنا ، ونزيد لكم الاشياء المطلوبه..
انا خلاص تفرغت ولمده سنه مستقر في اليمن..

بعد ماروح..

امه: هيا ابني ماقلت اخطب لك

صهيب: بعد سنه يمر سنه ع موت ابي بعدا اخطب واتعرس ماشاراعيش

امه: تمام ، ادورلك ولا قبالك واحده؟

صهيب بضحك ويمازح امه ماحب يكسفها ع ذوقها الاول هي وابوه: عنبسر انا او انتي الي يلقى قبل الثاني

صهيب بيشوف من الطاقه شجره نور مع الخريف بتتساقط

ت.ع.خ🙈
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

11 August 2023 00:16

@sanaaroohi2 🩵 الكنز المدفون ↴

ـ بارت 108

.
.
ثاني يوم، خرج مع اصحابه وكان مصور تفاصيل رحلتهم

نور بتشوف الستوريات في الواتساب حق صحباتها طلعت بعدها فجاه ستوري صوره صهيب ووراه اصحابه انصدمت خرجت من الحاله تشوف ايش اداه !! ( ذكرت انها سجلت رقمه عندها )

جلس فيها فضول تشوف بقيه الستوريات كملت تشوفهن كلهن

بعد اسبوعين الصباح الساعه عشر..
الجده خرجت باخر شنطه في يد نور وطلعين السياره وقفلين الباب بعدهن والجده بتبكي، ناولت المفتاح لفؤاد..

وراحين شقتهن الجديده

فؤاد سلم المفتاح للمشتري الجديد وطلع السياره وساقهن للشقه..

نور دخلت الشقه بتحاول تغير نفسيه جدتها : الله ، هذه احلى بقعه مميزه لمامتي( جدتها)، الشمس عيكونو يبكرو يشمسو ارجلهم والحنا حقهم الي بتوقع ذهبيه مع الشيب الي في شعرهم

جدتها كانت بتدمع ضحكت: مابش شيب عادنا حنيت شعري

فؤاد بمزح: لمن بتتدلعي ، او مراعيه يجو يخطبوش مننا

امه : في الجنه ماذلحين.

فؤاد: ماتشتي شي يمه؟ اسير العمل

امه جلست تدعي له كيف هو الوحيد الي بار بها من بين عيالها ومهتم

نور بتشوف الجدر لما رتبين عصماء وبسمه

الجده: ماهو هذا حقهن البعسسه مايعجبني الصور واللوحات هذه الاوادم

نور: ليش حاليات

الجده: ماشتيش بيجي فيهن روح

نور شافت جدتها بنظره: والله  ان افكاركم تفجع اكثر من افلام الرعب ..

جدتها: قومي سيري الجامعه لاتضيعي المحاضره هذه باقي ساعه

نور ضحكت: ماشاء الله قد انتو حافظين الجدول اكثر مني

جدتها: طبعا، كم معي بنات؟ مابلا انتي، هيا سيري عيصلحش وينور طريقش.... وجالسه تدعي

نور سارت شلت شنطتها والكتاب واشيائها: وانتو؟

جدتها: شاتواله لي شويه اتفاقد القلافد وارتب شويه شويه واتعرف على من جنبنا

نور: تمام اتصلو لو تشتو شي..

وصلت جامعتها ودخلت محاضره تطبيقيه، وجلست تنزل حالات مجنونه مثلها ( صوره مقربه لطقم اسنان )  صوره المعدات الي تستخدمها للقلع والحفر والحشو...

صهيب لما شاف من شاف حالاته فتح ع اسمها وشاف حالتها استغرب !!  جلس يضحك ع جنانها..
وقام يكمل معاملاته وتجهيزاته عشان يرجع لامه وجده بعد ماخلص يختبر..

في مكان ثاني..

ام صفاء بتشكي لصحبتها وضع بنتها

صحبتها: شليها عند شيخ يقرا لها ويبسر ايش فيها عين او سحر فرصه انش هنا في مصر ملان ناس حاليه شاسال لش

ام صفاء: ولو يفعلنا خطه تدي لها زوج سوا

صحبتها: به بيني وبينش بس يشتي له شويه فلوس وعتبسري كيف تسبر حياتها

ام صفاء: مستعده افعل اي شي ولا تكتسر نفسيه بنتي ويتشمتو فينا خلق الله..

صفاء بعد اسبوعين من الي حصل معها اتفاجأت بصور خطوبه اسامه !! اقتهررررت بتوري اختها

اختها : انا لو انا بش لاقهره وانخطب واتزوج قبله،

📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

10 August 2023 00:11

@sanaaroohi2 🩵 الكنز المدفون ↴

ـ بارت 106

.
.بدأت عنده انعدام ثقه في اخوته وامه( مفكر قبل مايخرجو من البيت عيشلو الكنز ويمشو) قرر يسير عند أمه يسكن لفتره تسليم البيت للمشتري.

بعد أسبوع من الاحداث هذه

فؤاد وصل بيتهم هو وامه : خلاص نستاجرها لكم ؟

امه: تمام

سمير: اين لقيت وبكم؟

فؤاد طنشه وحناكا فيه ورجع يكلم امه : خلاص نبدا من بكره النقل

امه ( لاسباب وخطه ذكيه) : تمام

سمير ضبح: قلتلك بطل عجله خلينا نزيد نماطل شهر

فؤاد : ما اعاجل !! قد نبشت الحوش كله

سمير: باقي الجهه اليمين، ولو نستاذن بيت الجيران نهد الجدر ونرجع نرفعه

امه: مابش
فؤاد : من عيرضالك وعشان ايش سواد عيونك
سمير طنش امه بيكلم فؤاد : لو فيهم خير عيرضو احنا جيران

فؤاد بعصبيه : خير ايش مابش فيك خير انت لاهلك عيجي الجيران يفعلك خير، يخرجو من بيتهم ويدولك الكنز كله احسن

سمير: والله لاشارعهم ، قد يكون في لبنه او نص بيننا حقنا يزيد او ينقص بعدا ماشعمرش بيت بينقلك عادنا شافعلهم سور يحمدو الله

امه : انت بتسمع حين اتحاكى او ماتشتي الا قولك، مابش شي عيحصل من الي بتقوله

سمير طنشها وقام خرج ... سار بيت جيرانهم..

فتحت ام صهيب بتكلمه من ورا الباب: مابش حد ماتشتي

سمير: اين الجد؟ اشتيه في موضوع

ام صهيب:  مابيتحرك ولا اقدر ادخل حد انا وحدي هنا

سمير : خير ياختي نشتي نهد السور هذا التراب ، ونرفع ونسور بيننا سور سوا

ام صهيب: والله ماقدرش اقلك شي اتواصل مع ابني واتفقوا

بعد محاولات وتواصل مع صهيب وبيقنعه انه امن لاهله عيجو ناس غرباء، رفض رفض تام يعس شبر او تراب بيتهم

رجع سمير معصب  فتحت له نور دهفها ودخل..

رن تلفونها رقم غريب ومش من اليمن كانت واقفه وحدها في الحوش بعد مافتحت لعمها : الو

صهيب: السلام عليكم ، كيف الحال
نور مصدومه : وعليكم السلام  ، من انت؟
صهيب ضحك: الجني المجنون
نور باستغراب ابتسمت : كيف عرفت رقمي!

صهيب: قلتلش جني، ادي جدتش احاكيها ضروري

نور بتسمع صياح سمير والجده لخارج  !! : ذلحين ماينفعش تحاكيهم، تقدر تتصل بعد ساعه؟ لانهم مش وحدهم

صهيب: ايوه تمام اشتي يكونو وحدهم ،

نور: تمام
صهيب: كيف يدش تحسنت؟؟
نور بإحراج: الحمدلله

صهيب شافها مستحيه : يلا المعذره اتصلت بدون استئذان، بس الموضوع كان ضروري

نور: عادي ولا يهمك

صهيب: يا انتي غير الي عرفتها عده مرات،. يا دمي صدق مأثر فيش وعقلش

نور :ياخي ذليتني بدمك هذا كل شويه ومنيت دريت انك تبرعت وقلتلك شكراً ماعاد به

صهيب ضحككك: ايوووه خلاص تاكدت انتي نور، يلا باي..

نور ضبحت: باي

وقفلت


في مكان ثاني..

صفاء : اسامه ، للان اسبوع وامي وابي بيتسائلو حد عنده خبر منكم ماحد جا يخطب ؟؟


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

18 August 2023 22:09

@sanaaroohi2 🩵 الكنز المدفون ↴

ـ بارت 133

.
.جدتها مالش او تاعبه؟؟

نور: ماشي بس اليوم عيدميلادي عادنا صغيره ماقدرش اخطا وانتو تشتو افعل غدا

جدتها ضحكت: قومي يامدلوزه عيجو اعمامش يتغدو ويجلسو مع الناس يتجابروا يتعرفوا عليهم يتفقوا

نور بخوف قامت ووقفت : اي ناس؟

جدتها : الي عيخطبوش؟

نور: حاليه يخطبوني انا ويجلسوا مع اعمامي وانا ارجع اعرفه بعد العرس، امانه ايش من عادات وتقاليد

جدتها بخفعه فوق راسها: هيا لايسمعش سمير والله لايفعلش خطب ومحاضرات..

نور ضحكت، مشيت غسلت وجهها ومشطت شعرها وفعلت لها صبوح وسمعت تلفونها رن جريت تجاوب و فتحت الباب..


في مكان ثاني( اهل الخطيب)

المره: سيروا انتو ووقت مايقع كل شي رسمي شاسير انا، لان الي شاقوله قد قلته لها في القاعه، كما وافقو واتفقتو انا شاسير

زوجها: احس مايسبرش

المره: الا يسبر ونص، انت واثنين من اخوتي وعيالنا الاثنين ماشاءالله يكفي لوقت الخطبه سهل عيجو الكل بس حين هي معارفه امد وكلام رجال سيرو انتو تتفقو معهم

زوجها: تمام ان شاءالله ، يعني مانشل ولا شي

المره : مع لانه كلام واتفاق، كما اتفقتو ونبوني موافقين جين خطبنا

زوجها: يلا قدش اخبر، لاتخلينا نتبهذل قدام الناس عيب

المره: ماعليك شي.



في المطبخ..

نور بتحكي لجدتها ايش حصل من الدكتور

جدتها: لو يرسبش يابنتي، كنتي عتطنشيه وتدعممي

نور: الي ساعهم كل ماطنشتيه عيفكرني خايفه ويجلس يهدد بالدرجات، لكن لما اقلب فوقه هكذا، وماسكت له واشارع ان شاءالله لما اوصل لرئاسه الجامعه ماحد يقدر يرسبني بدون سبب والبحث عنده واتحداه ينكر ويراجعوه لو فيه غلطه


جدتها: يلا هانت انخطبي وتمي الجامعه ويكفيش الله شر خلقه.

نور بضحكه شر: عيجين نسوان عمي سمير

جدتها ابتسمت من مشاغبتها: ريحي لش منهن ،

نور: امانه انهن بيسلين علينا الجلسه

جدتها: ماذلحين اربع والله مابيروحين الا وقد راسي بيوجعني منهن



رن تلفونها جريت تجاوب : يارب وهو صاحب الهديه ، اول جاوبت وهو صاحب الثياب

جدتها: اين هديه

نور سارت تفتح وفرحت شافت البوكيه ورد وشوكلاته وعطر  فخم قوي قوي وخاتم ذهب

دخلت وجلست من داخل باب الباب قدام الهديه بتدور كرت ..

( سنه حلوه يا مستفزه ،والجاي أحلى)
قلبت الكرت مابش حد ولا اسم، رسلت للمتجر تسألهم من ( اعتذروا انه مايقدروا يقولو من)

اتصلت لبسمه: اسفه راقده بس هو انتي رسلتي هديه

بسمه: هديه !! انا؟ ايحين؟

نور : الله يقلعش مش انتي يلا انخمدي)

اتصلت لعصماء ..
عصماء جاوبت: مالش؟,

نور: انتي رسلتي هديه!

عصماء: معاجله عادنا في الحديده ماقد جيت ياهرمه بتدوري هديه

نور : مش انتي؟

طيب مابش معي ولا صاحبه هكذا ذواقه في الجامعه !



📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

17 August 2023 21:26

@sanaaroohi2 🩵 الكنز المدفون ↴

ـ بارت
131
.
.في الفيسبوك وكتبت( الي يضبحني في حياتي شارجع افعل باسنانه هكذا)
علقين عليها صحباتها وكانين يمنشنين لبعضهن، بسمه علقت عليها برمز ( ياريت وقتها كنتي دكتوره كنا فعلنا بدكاتره الاسنان المزيفين هكذا )
عصماء علقت عليها :( رحم الله مجنون حارتنا منش، الحمدلله سافر قبل مايجي ليدش)

نور ردت عليها: ( فكره ياريت عرفتها من قبل ، سهل الايام جايه كثير شارجع افعلها)

بعد جنانها في السوشل ميديا وتفاعل الكل معها، ومش عارفه ايش بيحصل من وراها في الصاله من تخطيط لمستقبل حياتها ..
رقدت وحلمت انها بتهرب في مكان كبير واسع ، نكزت من الحلم وقت صلاة الفجر ( صلت وجلست تدعي ان الله يهدي جدتها وان لو جدتها ماسخيت عليها وعارفه بالناس هولا ان ربي يديلها اشاره ).

ماكملت كلمتها وسمعت رعود قويه وبرق لداخل الغرفه وهي ظلام حست بشويه امان ، امتدت وتغطت بالبطانيه ورجعت تدعي يارب  طمن قلبي جدتي هي تشتي تخطبني وبس ولا عارفه انهم ناس سوا .

جدتها دقت باب الغرفه: نووور صلاااه

نور جاوبت جدتها انها صلت و رجعت تدعي ( يارب اخر اشاره تأكد لي يارب يارب لو هدأت الرعود هذه ان انا اوافق وبس)

خف المطر وقف وهدأت الرعود جالها نوم ورقدت وهي مطمنه...

فوق الصبوح..

نور : ياجده ، خلاص موافقه لا اعرف شكله ولا اصله وفصله لكن وكلت امري لله، لاذمتكم


جدتها : ماشاءالله ولد مقتدر ماله شي ، درس جامعه..

نور معاجله: سهل الباقي شاعرف لو ما اجي، اشتي ابسره الصدق ماهكذا مجابره مادخلني

جدتها ضحكت على لقانتها وجرأتها: انقلعي ، قلعو عدوش، حين لش وش ماقلهم ادو صورته تبسره لو حالي او مع

نور ضحكت رسلت لجدتها بوسه في الهواء وخرجت..

جدتها بعد موافقه الكل للعريس لانه معروف بدون مايسألو عليه اتصلت لاهله تقلهم موافقين..

وصلت له اشعارات فيسبوك دخل يتصفح الصفحه ولقي طلب صداقه من مركز الاسنان الي اشتغلو للدار حقه، وافق عليهم ..  طلعت بعدها اقتراحات صداقه

الدكتور مقدم له طلب صداقه وافق عليه، وطالبات فعل الغاء وصل لصفحه نور مكتوب طلب صداقه ماطلب جرب يدخل صفحتها...

شاف اخر منشور ضحك على الصوره وبيشوف التعليقات بسرعه يشتي يخرج لمح اخر تعليق حق عصماء و نور ردت عليها جالس شاكك في نفسه يقصدنه !!!

جاله فضول اكثر ينزل للصفحه يشوف بقيه منشوراتها افكارها، لقيها واحده ثانيه غير الي يعرفها ع الواقع بجنانها، شاف منشورات نصايح، منشور لطفل بيبيع ماء وهي معلقه على جمال ابتسامته ..

منشور للخروف وهي ملبسته فيونكات في قرونه ولابس  تيشرت صغير ، معلقه عليه ( بينحاول اغير نفسيته قبل الذباحه) يموت وهو متشيك.. ضحك

ونزل يشوف بقيه المنشورات

ازيد بارت؟


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

17 August 2023 21:26

@sanaaroohi2 🩵 الكنز المدفون ↴

ـ بارت 129

.بعد الزفه والتصوير والعروسه جلست..

بتمشي نور لاليه فستان سكري فاتح وشعرها مفتوح تسريحه بسيطه من الجوانب خصلات فيها لول والقصه( غرتها) على جنب ومكياج خفيف بناتي.

بين المعازيم جالسات..
المره : شافت اختها, مدري ليش اخوش صنف فيها، ياسعم في صحباتنا احلى منها

اختها الصغيره: قدهن عنده يشوفهن ويدرسهن واختارها، بعدين تشتي الصدق عادها احلى من نسوانه الي معه.

المره: اهم شي عاجبته.

بعد ما خلصت الحفله في الصاله و روحوا كلهم بيت عصماء..

ام بسمه: العرس الجاي نور، اليوم ماشاء الله خيرات سالوني عليها

الجده: وانا جو ،ارتحت لناس يرجعو يسالو اعمامها، والبقيه ابردي خلاص رفضتهم.

نور سمعتهم ومصدومه لانها نفس اللحظه صحبتها بتعتذر لها برساله ( نور سامحيني ماجيت العرس، الدكتور شاف الدعوه في يدي وفيه فضول سالني وبيقلي مبروك، قلتله هذا عرس من اهل نور ، رجع اخذها لاهله ، شفتيهن وسلمتي عليهن؟؟)

نور ردت عليها وهي مشتته بتسمع جدتها على من وافقت : لا ماسلمت عليهن ولا عرفت انهن جين الا ذلحين !!!

الجده: ونور قالت لي الي اشوفه صح افعله  صح يانور؟

نور : لحظه من الي جا لاعندكم ؟

الجده: واحده لابسه فستان ذهبي

نور بتوتر : يو ياجده منكم صدق كم يا ذهبي، من هي؟ وماقلتو لها! ماقالت لكم تعرفني او مع

الجده: مادراني تعرفش او مع، جت تسال عليش مش انتي مخطوبه به عليش كلام او مع ، وانا قلت الصدق، قالت نشتي البنت وجلست تمدحش وانا قلت تمام يسألو اعمامها لو خير سهل،

نور : يو ياجده عتسالوني اول

الجده: قد سالتش ذك اليوم وقلتي الي ابسره صح افعله..

نور سكتت امد ماقامين وانشغلين الي بتفعل عشاء والي بيرتبين الاشياء الي رجعنها من الصاله ..

سارت تدي لجدتها العشاء وجلست جنبها حين مابش حد، : ياجده الي جت لاعندكم ماقالت انها من طرف دكتور الجامعه!؟

الجده : مع ، مش انا عجوزه لهذه الدرجه اوافق على اي حد، وبعدا ماعليش انتي تدري من، اهم شي محترم خلاص مايسالنش البنات خيرات

نور مستغربه مالها جدتها قلبت  بس قررت تسكت لاوقتها عاد اعمامها يسألو ويشوفوا يعني ماقد في موضوع اكيد

  قاطعها اصوات بتداعيها من كل بقعه ناس من المطبخ وناس من الديوان ماعد عرفت من تجاوب ..


في بيت اهل الدكتور..
اخته الكبيره( تحب المشاكل له دائماً) رغم قلها الموضوع سر بس فضحته قدام الكل.

اخته: رحنا اليوم شفنا البنيه الي تشتيها ،

الدكتور بيبهرر : هذه ايش اليوم مالها مدعت او دخنت او ايش

اخته الصغيره  بتدكمها

اخته الكبيره بتتغابى: الطالبه الي قلت تشتي نسير نخطبهالك مالك، ياسعم ذلحين او بعدين مافرقش الكل بيعرف


ريلاكس وانتو بتقرأو بليز☹️
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

17 August 2023 21:25

@sanaaroohi2 🩵 الكنز المدفون ↴

ـ بارت 127

.جدتها:  يعني لو اقلش جالش خاطبي اي وقت عتوافقي

نور: لو تبسروه مناسب تمام شاوافق  هيا عتصدقوا ان مابش حد ؟

جدتها : عنبسر ، شفعل بش ساع ماوقع بنا، دخلت من الشارع يلبسوني الفستان قالو لي  اليوم عرسش

نور: مع ياحجه مش لهذه الدرجه ادخل من الشارع تقلي لي عرسش ، يعني اختاروا العريس لو هو سوا

جدتها: ومالش ماتفعلي ساع بنات هذه الايام تتعرفي وتحبي

نور: والله ياجده على مابينبسر صحباتي مابش فرق بين الي تتزوج عن حب او تقليد، كلهم بيرجعو شبه بعض بعد الزواج،

جدتها ضحكت: مايستويش والله ان به ناس تزوجو تقليدي وماشاء الله يحبوهن وعيموتوا عليهن

نور: لاتقارنوش زمنكم بزمننا، صح به، بس قلتلكم ماتفرقش اهم شي واحد سوا وكله نصيب.

جدتها جلست تدعي لها بالنصيب الحالي .

نور ليش راح بالها نفس لحظه دعاها لصهيب!! ليش فكرت به، بدات تحس ان الاء اثرت عليها من كثر رفاسها بموضوع صهيب.

جدتها: احس قد عشت اشياء خيرات ماعاد ناقصني غير افرح بعصماء وانتي بعدها، بعدا لاجا الموت جا

نور تضايقت من كلام جدتها: ياسلام ، ومن عيعلمني البزا ويوبه لجهالي ويربيهم ويقالعهم، مانا شاجنن معهم

جدتها ضحكت : الله يطول عمري يارب وابسر جهال جهالكن


نور حجفتها( حضنتها).

في مكان ثاني ..
بسمه :ليش جينا محل ذهب ؟

زوجها بجديه: عشان تختاري بدله حاليه للثانيه

بسمه : بس خباله

زوجها: هيا عيب تتحاكي معي هكذا قلك بس خباله ياسعم اننا جاهل قبالش

بسمه بتلفت شافت قدامها عامر نسيت كلام زوجها وانصدمت انه قدامها خافت وتجمدت اطرافها خافت يقول شي او يفضحها

زوجها شافها متوتره عس يدها : مالش يووو، كيف خفتي ،امزح معش ياحبيبي هذا لش والله

بسمه مش سامعه شي غير مخاوفها: هيا نخرج

زوجها ضحكك: يووو ياساتر  هذه الفجعه كلها من الثانيه هي مزحه.

عامر شافهم عرفها من صوتها فعل نفسه مايعرفها ، تفضلوا ايش تشتو تشوفوا

زوج بسمه: مسكينه ماعد تشتي شي قلنالها تختار للثانيه.

بسمه شافت ماسك يدها وماقدت تخرج لاحظت ان عامر ماعرفها ولاشافها شويه تطمنت رجعت تشاوره عشان لايعرف صوتها

زوجها: اين تشتي مالش؟

بسمه: حق ايش؟

زوجها: هديه الحمل

عامر لفت لها على طول

بسمه: عادي مش ضروري

زوجها: يو كيف انتي عنيده، اسكه ياخي اديلي هذه السلسله حق العين

بسمه: اشتي سلسله باسمك

زوجها: خلي العين عشان مايقع بش شي
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

16 August 2023 11:15

@sanaaroohi2 🩵 الكنز المدفون ↴

ـ بارت 125

.
.صهيب: اهلا ماداومتين( عارف) بس عشان يلقى عذر يسلم عليها(نور)
نور ساكته ماردت عليه

الاء: الا عادحنا جينا لهنا

صهيب هز راسه: موفقات ..

خرج الفلوس وناولها

البنت الي بتحاسب  خرجت عطر منهن( هذا مانصحك فيه )

صهيب: شفته جديد قلت تجربه، بس الاثنين هذولا هي عطورها المفضله

الاء بتدكم نور وتشاورها: من هي ؟؟!! مرته؟ مزوج؟

نور هزت كتفها مدري

البنت الي بتحاسب:اخذت عطر من الجداد( يعني هذا بيعجبها  وبتحبك زياده )

صهيب: يلا نشوف ذوقش ليش لا، خرج الفلوس حاسبها

نور سحبت الاء من شنطتها دلا وبتمشي وهي تبهذلها( مالش متنحه لايش مراعيه على اساس عتحاسبي العطر هذك)؟؟

صهيب شافهن خرجين فكر زعلين انه اخرهن( العفو منكن هاه خلصت)

اول ماخرجين من الباب
الاء: بيكلمنا

نور: اص ولاتلفتي كانحنا مابنسمع

المحاسبه: لاتقلق ، ماقد اختارين ايش يشتين

خارج المحل جلسين في الكفتيريا بيضحكين

نور: مالش تنحتي

الاء: مستغربه لمن بيشتري كنت اشتي اعرف

نور: وايش عتستفيدي يعني فضول بس

الاء ضحكت: صدق والله فضول مني يخ كيف اوقات اوقع

نور: لو مش انا معش لاتجلسي مطننه لبكره

الاء ضحكت: خلاص بس عتأكليني وتنتقمي تهزيء

نور ضحكت: يو ذكرتيني بنت عمي نفس كلامش وحشتني( راسلتها)

في بيتهم ..

صهيب ناول امه الكيس: كل سنه وانتي طيبه يا اغلى الغاليات

امه ضحكت فتحت تشوف الكيس عطورها المفضله: تسلم ياحبيبي وانت طيب، يسعدني بشوفتك مع بنت الحلال وجهالك ان شاءالله

صهيب: كملنا اوراق الورث كلها الحمدلله ، خلصنا

امه بزعل: الله يسامحهم بس ، ظلموك لكن ربي كبير.

صهيب: لما ارجع واستقر شاخرج انا وجهالي احفر الحوش ندور الكنز حق جدي

امه ضحكت: اصه لايسمعك يقول بنتلغج عليه.


بعد أسابيع...

رجعت نور مع المحاسبه، للدار تناولهم ملفات البنات الي عاينوهن وتشرح ايش يحتاجين بعد فتره ، وفواتير المركز..


المحاسبه : شرحت لها كم حسبوا ولايش.


المديره: تسلمي، عنحول الفواتير للاستاذ صهيب ويوقعها ونصرف لكم المبلغ، احتمال نتأخر لانه مسافر

نور استغربت وبتكلم نفسها واصل مسافر هذا ايش معه في الخارج


روحت البيت ( وجالسات عصماء وامها بيكتبين قائمه اسماء معازيمهم عشان لما يجهزين الدعوات)

نور سمعت بيذكرو اسمهم جاوبت: مسافرين

جدتها: مادراش

عصماء شافتها ضحكت شاورتها: عادش بتسيري الحاره ؟


نور بصوت عالي : ماشي بس سرنا اليوم الدار حقه وقالو لنا

عصماء : اها
ام عصماء استفسرت منها ايش الدار هذه وليش سارين..

الجده: ماشاء الله عليه كم له اجر ،حين قد حد فكر بالي فكر به هو


عصماء بنذاله بتشوف نور وتحارش بطريقه غير مباشره..





ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

16 August 2023 11:14

@sanaaroohi2 🩵 الكنز المدفون ↴

ـ بارت 123

.
.عصماء: يوه قد كنت فرحت ، بس صح كلامش، ابي كان بيحاكي عمو سمير

نور: خلاص وانا تعبت نقوله ، ماكرها تعودت على هذا البيت
ماعد اشتي ارجع البيت هذك بعد ماعاشو ناس فيه

عصماء: وهو صدق يلا ، المهم بكره تجهزي نخرج

نور: تمام من عيوني..

قامت تفعل روتينها اليومي تنظف بشرتها وتهتم بشعرها بزيوت، ورجعت تذاكر و تراجع وتجهز الخطوات الي تحتاجها عشان تساعد الدكتور في الحالات الي حددتها وعتشتغلها معه..

ثاني يوم الصباح..
ام صهيب: شاسافر معك

صهيب: بس يمه تعب على جدي

امه: خليه يسافر نفعله الفحوصات والعلاج الطبيعي حقه قد جسمه متخشب

صهيب: بس عنطول معي عمل هانك شاشتغل مشروع يمكن اجلس سنه وشويه

امه: خلاص البيت عيتقفل طالما قدو قسمك، ومابش شي نخاف منه من اخوتك عادي لو طولنا..

صهيب: تمام

امه: مارايك ازوجك ونسير

صهيب: ليش المعاجله معي شهر بس هنا اجهز اموري

امه: اخطب لك طيب

صهيب: انا قلت لكم شاحدد لما استقر في اليمن

امه: مشتيت انت حر

صهيب: اسير اتم اعمالي الي هنا.

امه: الله معك .


بيت سمير..

فؤاد: ياسمير مايسبرش تقاطع امي هكذا ، جي اعتذر لها وصالحها حرام عليك ياخي

سمير: هي الي قاطعتني وطردتني من البيت، وقالت شليت قسمك خلاص مابش لك بقعه هنا ومش هو بيتك

فؤاد: هي مقهوره منك بس، صدقني تسامح منها وجي واجلس سير وجي لوما ترضى عنك

سمير : اجي معك ع ضمانتك؟ لو تكسفني والله مازيد اجي

فؤاد: جي اول اسكه حاول ، هيا وين طاعه الوالدين ياخي الله يهديك، ما الدقنه دقنه

سمير: مادخل الدقنه، طاعه والدين بس هي اهانتني الكبير قبال نسواني واخوتي وجهالهم ماعد فعلتو لي قيمه لعمري

فؤاد: هو انت الي مافعلت قيمه لعمرك، حين كبرت المشاكل واستعجلت

سمير: ذلحين صدق اشترت امي البيت؟ وصدق به فيه كنر؟

فؤاد مستغرب: من قلك؟؟

سمير: النسوان ، بعدا اتصلت لاخوك وقال ايوه

فؤاد: الله واعلم جي وتاكد من امي انت.


(في دار رعايه وتأهيل العاملين..)


صهيب على خرجته من الاداره ( بعد جلسه اتفاق المصروفات واليه العمل والتواصل معه وهو مسافر، وتحديده مصاريف وحق معاينه الاسنان الي قام بها مركز الدكتور وطالباته) كمل يناقشهم

خرج فوق السياره في حوش الدار شغلها ووقف يجاوب اتصال

دخلين الطالبات مع دكتورهن حوش الدار هن قدام بيمشين مع الدكتور و نور والاء اخر شي ببمشين لوحدهن


صهيب جالس يتكلم في التلفون وهو بيشوفها بيراقب تصرفها...

نور بتمشي لقيت قاروره فاضيه قدامها جلست تشوتها
تمشي شويه و تشوت لما وصلت لسله زباله وطت ترفعها ومسحت يدها فوق صحبتها الاء وهي بتضحك وتهرب لداخل بسرعه.


مبتسم من تصرفها رغم المكالمه جديه


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

16 August 2023 11:14

@sanaaroohi2 🩵 الكنز المدفون ↴

ـ بارت 121

.صهيب خرج من شنطته الاوراق وطرحها قدام المحامي فوق الماسه

المحامي : اطلع عليهن، مابش شي

صهيب: كنت عايش في البيت الي في الخارج وهذا البيت ساكن فيه انا وامي وجدي

الاخ الكبير: كله عيتقسم

صهيب: تمام يتقسم حق الله الكل ياخذه بالشرع

المحامي: عتنحسب الان الاصول كلها بغير الارباح الجانبيه حق كل واحد فيكم، وتتقسم عليكم الثلاثه وثنتين خواتكم في الخارج وكلين صهيب

الاخ الكبير زعل: ليش وكلين الاخ الصغير من الاب وانا اخوهن الكبير من امهن وابوهن

صهيب: السؤال هذا هن يجاوبينك مادراه المحامي ايش اسبابهن

الاخ الكبير: هو انت الي لعبت بعقلهن

الجد: اسكت انت وانا هنا ،ساكت لك من اول بتتكلم. قلت الي تشتيه

الاخ الكبير: قدنا داري انك لحالك ياجد المحامي حق صهيب

الجد: انا مش محامي حد، انا شاهد امام الله، بيني وبين القبر يمكن ايام يمكن ساعات الله واعلم، اليوم تفصلوا كل شي

الاخ الكبير: يعني عتوافقو يبتاع البيت هذا ونشل حقنا ؟

صهيب: طبعاً ، مش هو بيتنا، هو بيت الكل

الاخ الوسط: انا واخي( قصده الاخ الاكبر) نشتي الاراضي والشركه مقابل البيت لك، والبيت الي في الخارج للبنات

صهيب: يقدر القيمه أولا لو هي متوافقه مثل مابتقل تمام

الجد: انا موافق ، موافقين قبل التقدير والتسعير؟

الاخ الكبير( لان معه بصاير الاراضي في يده) : ايوه ومستعد الان اكتب ورقه خطيه بالتنازل وابصم وانتو كذلك

صهيب يفكر جده بيخرف ويفصل مثل بعض اوقات : ياجد بس هكذا ماعينفع، يبسر المحامي اول شغله

الجد: انا قلت كلمه، وانت تقل حاضر

الاخ الكبير فرح ان تخريفه جده عتظلم صهيب: خلاص اسمع جدي ووقع مابدي بدينا عليه وهي كل واحد وحظه

صهيب يعرف جده سوا: يعرف انه ماعيخطيش خطوه الا وهو حاسبها ويحب صهيب : طيب انا بعدك ياجد.

المحامي: ماينفعش ضروري شرع الله ؟نقدر القيمه حق الاراضي والبيت والبيت الي في الخارج ونحسبها ولو متوافقه كل واحد يشل حقه ، ونشتي موافقه البنات خطيه مع التوكيل خطي معتمد من السفاره الي هن فيها

بعد مباحثات واتصال خرجوا اوراق التوكيل حقهن والتنازل وموافقه باخذ القسمه الي وقعت لهن وطلع القيمه الي من حق صهيب البيت مثل ماكان حاسبها الجد.

بعد ماخرجوا اخوته من البيت وهم فارحين انهم قدروا يتلاعبو بأرباح الشركه وارضيه في الخفى معهم اكتشفوها بالصدفه انها مسجله في مصلحه الاراضي باسم ابوهم وماظهروها للكل

داخل البيت

الام: بس ياعم ابنك الله يرحمه قال باقي اراضي

الجد: انا داري بها هي واحده ظهرت وعليها مشارعه مع الدوله مستحيل يقدرو يشلوها ، وفي حال شلوها، انا اشتي لصهيب البيت هذا ،لان فيه كنز ، وهو وشطارته يدور وين هو
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 August 2023 23:35

@sanaaroohi2 🩵 الكنز المدفون ↴

ـ بارت 119

.وايش المشاكل والي تحتاج حل ونبلغكم

صهيب: تمام والسعر مايهمك ، بس نشتي امانه ومصداقيه في العمل ، البنات هولا امانه في رقبتنا، يعني نشتي تعقيم واهتمام زي اي حد بيجي عندكم للعياده

الدكتور : اكيد يا استاذ ، وانا جبت اشطر بنات معنا وقدهن في السنوات الاخيره تطبيق متمكنات بحيث يتدربين ويكونين مساعدات لنا بما ان العدد كبير، بس تأكد ان اي شي محتاج خبرتي مابقصر

صهيب: خلاص بعدك يادكتور ،
المديره: ممكن الاسماء نسجلهن عندنا والبيانات ،عشان نبدأ جهزنا لكم غرفه للمعاينه .

الدكتور اكيد : كل واحده تعرف عن نفسها يا دكتورات

صهيب كان بيشوف الورق الي عرضها مركز الاسنان لهم اول ماسمع صوتها واسمها رفع راسه ..

نور لاحظت والكل انتبه

صهيب عشان يوضح الموقف: الدكتوره نور، كانت جارتنا ،

اهلا وسهلا بكم جميعاً وتفضلوا معنا لغرفه المعاينه..

قام معهم وطلب المديره تجهز البنات ويرتبين دخولهن..

الاء شافت نور: حركات كنتي جاره الوسيم هذا !

نور بتجاوبها بصوت واطي: وين الوسامه

الاء: يوو قدو باين كيف لوما مابتستضي، تقولي مزوج

نور سكتت ماعد قالت لها انه تقدموا لها: كان عرسه قبل اسبوع

الاء: بس مابش دبله في يده

نور: من ايحين اليمنيين بيلبسو دبل

الدكتور حس انهن منشغلات بيتكلمين وفي طرف الغرفه : دكتوره نور دكتوره الاء : تفضلين

صهيب شاف نور وابتسامه كانت زمان هذه الابتسامه لقانه

نور : نعم يادكتور

الدكتور في يده حاله عمرها عشر سنوات : هذه البنت ايش تحتاج ؟

نور : تنظيف وحشو للضرس الخلفي، وتحتاج تقويم لان عندها تزاحم بالفك ..

الدكتور : تمام اكتبي اسمها وسجلي ايش تحتاج.

الدكتور بدأ يسأل الي بعدها..

نور كملت تسجل الملاحظه..

صهيب جلس في الكرسي الي جنبها وبيسألها : ليش اسناني السفليه لونها مختلف عن الاسنان العلويه مصفره شويه.

نور : تحتاج تنظيف للأسنان في عياده عشان ازالة الترسبات

صهيب : متى تبدأو تطبيق

نور :سنتين دراسه وسنه ثالثه ماقبل السريري والان رابعه وخامسه بدأنا تطبيق عملي..

صهيب بصوت واطي بيمازحها: ها شاراعي تتخرجي، مش مستغني عن اسناني

نور ماقدرت ترد محرجه منه ولان الدكتور مركز عليهن

صهيب :  وانتي دكتوره عقلتي مابش لقانه زمان .

نور ابتسمت وساكته اشر لها الدكتور و راحت يشرح لها..

صهيب طلب من السكرتيره تضيفهم ( وصل العصاير والمعجنات) ..

بعد نص ساعه من العمل قررو يستريحوا

نور بعدت الكفوف غسلت يدها ورجعت جلست ،  نزلت الكمامه وبتشرب العصير ..

صهيب شاف تغيرت بشرتها صفيت عن زمان وقت ماعرفها ..
خرجين البنات حق الدار

رجع يناقش صهيب

الدكتور: ، فكره من هذا الدار ؟

ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 August 2023 23:25

@sanaaroohi2 🩵 الكنز المدفون ↴

ـ بارت 117

.في بيتها بعد ماتزوجت(لها شهرين) خلال الفتره الي راحت

صفاء رجعت من الكوافير ،شعر ومكياج ، خرجت فستانها الجديد الي وصل ولبست وبدأت تتجهز عشان تسير عرس من اهل زوجها...

بعد ماجهزت دخلت عمتها هي وزوجها للغرفه

عمتها: اسكه كيف وقعتي

صفاء كملت تلبس الاخراص قدام التسريحه التفتت لها مبتسمه : كيف وقع كل شي ؟؟؟

عمتها تغيرت ملامحها بعصبيه : يو حسبش الله ياصفاء والتبداع مالش

صفاء بخوف من شكلها انه يكون مش حلو: قد قلتلها هذه البايخه لاتزيده هكذا ولافهمت

عمتها : لو على المكياج سهل، انا من الفستان، كانش شليتيه من الحراج، البسي من حقنا وذوقنا الي ادينالش

زوج صفاء: والله انه حالي شكلها قوي مابش فيها شي ، سيري به بس

صفاء قد بدات تدمع وتمسح

عمتها : خلاص لاتجيش قد وجهش ساع قصعه الرنج حين تيبس، خاطرش، خرجت وغلقت غرفتهم

صفاء: بتبسر امك؟

زوجها: الله يهديش بس ، ياسعم تعرفي امي ذواقين قوي ويشتو يهنجمو بش خارج

صفاء: وانا مالي اعرف الذوق من قبلهم بس زيدو بها وياريت ع شي يستاهل مابش مايكلف

زوجها: على فكره انتي واهلي نفس الطبع سبحان الله والمشكله انكم محد عاجب للثاني، خرجيني من مشاكلكن سدين...


في مكان ثاني..
بيجهزين ليوم العرس حق بسمه سامرات كلهن..

بسمه زاعله فستانها مش على ماتشتي..

نور : خلاص مامعش الا الحاصل عتغيريه بالتسريحه والمكياج، عادي لاتزعليش نفسش مابش وقت

بسمه كانت بتراسلها ( عريسها) وبتحكي له ان الفستان مش الي طلبته وغيرو طلبها..

وصلت رساله منه : ( ولاتزعلي ، معقوله ولاشي عجبش في السوق؟؟

بسمه: الا في حاليات بس محجوزات وبعضهن بالغو في سعرهن قوي وانا حددت لكل شي مبلغ

عريسها: هاتي اسم المحل ورقم الموديل وساعتين وهو عندش ولاتهمي شي ثاني خليه عليا

بسمه فرحت بتوريهن رسالته

عصماء: سبحان الله، ماكنتي راضيه به وانخطبتي خطبه تقليديه بس جا احن من كل الي عرفتيهم

بسمه: ايوه قد بينحبه قوي

نور بدات تغني وتتليقن : قد بينحبه قويه اكثر من ذيه وذيه

بسمه بهررت وعدلت لها الاغنيه: غصبا عن ذيه وذيه( تاشر على نور وعصماء)
( الي يحكي اسراه لصحباته المقربات او خواته يندم، احس صندوقي الاسود معاكن شلوكن)

عصماء: عنخرجش بيت زوجش وندفن كل شي

بسمه: انتي انخطبتي وماجننتيني بس الله يوصلني لوما نور توصل ليدي كيف شفعل بها

نور: والله اننا اوقات احس نفسي مدري كيف، محد بيحبني، ولو حد فكر يحبني ويعجب بي، يطلع اهبل او سامج مايعجبنيش

عصماء ضحكت: ساعش اصلا ، على ايش بتضحكي عليهم.




بيت صهيب ..

ابن اخوه : هيا ياعم لو بطلت عناد وخطبت ، كان تزوجنا جمعه

صهيب: ومن عيجهز لك عرسك
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 August 2023 23:25

@sanaaroohi2 🩵 الكنز المدفون ↴

ـ بارت 115

.شافت السياره الي في الحوش وبضربه ع باب السياره: من عندنا؟؟؟

الاولى بقلبه وجه ودلع ساع الرابعه: سياره العروسه

السياره بعد الضربه طلعت صوت  انذار ماعرفين يسكتنها

الثانيه: الله واكبر عليها سياره شكلها محارشه ساع صحبتها

من الدور الي فوق بدت راسها وامنت السياره مره ثانيه: بعدين من جنب السياره لو سمحتين

الثانيه بمحانكه طلعت جلست فوقها: سعليش شاوبه لها انا..

الرابعه تحانكت دخلت بدلع لاعند سمير ، رجاء قلها واحده مستفزه ، جلست فوق السياره لو تعطف الحديد ،

سمير قام خرج من الطاقه يشوف من هي؟ :ماداش

الثانيه : رجلي

سمير: وليش جيتي ؟ كان عتجلسي هانك

الثانيه: يوو وانا اسخى ماجيش افرح لك ياروحي ، والله لاكسر على كرامتي واجي انت داري كم انت غالي عندي..

سمير ابتسم : هيا جي ماحاكيش

طلعت الدرج وهي بتزنط وتتمخطر قدام طباينها

في الدرج لقيها..

سمير:, هيا كلامش هذا والله انه خلاني ارجع اكبر مكانش في قلبي قوي

الثانيه داخل نفسها وهي بتتبرقط( انا شاوريك كيف ارجع مكاني وحقي منك ، على ايش اصبر فوق هذا الهرم والطبان كله، الا بعد ماعوض خساره جلستي معك، ضيعت عمري وشبابي ونفسي في جاهل وانت عايش بتظلم بنات الناس)

سمير مسك وجهها: يااااي من بينكلم، كلمتش وطننتي

الثانيه انتبهت: ها ياقلبي ماهو ماقلت؟
زوجها : جي تعرفي عليها ، قد امس طباينش جننين استقبلنها ساع الاشباح ،،، بيكمل لها الكلام والأحداث ايش فعلين طباينها

بعد العصر جالس مع اصحابه .
صهيب بيسمع مغامراتهم، والي حب والي مصاحب، وأصحابه  الثانيين الي تزوجو عن حب. ، وبيسأل نفسه ليش ماكنت مثل الشباب هكذا ! و ماصادفت بنت تناسبني وتدخل عقلي وقلبي، يمكن ماكنت انا منتبه ومركز لهذا الشي، جريت ورا دراستي وطموحي !!! ويمكن تنقلي مع ابي من بلد لبلد مادت لي فرصه، حتى لحد اليوم الي القاهن في حياتي مش مناسبات ابدا ، بيتحبيلا لابن صاحبه، ويتذكر امه بتتراشاه تفرح به ، شكلي اصبر على ابي سنه و اتزوج تقليدي وبس

مرت الايام والاسابيع والشهور بدون احداث مهمه
تجهيزات عرس بسمه.
الجده : وزعتين كل الدعوات للحاره؟
نور : ايوه ماعدا بيت المجنون ( صهيب) مابحد قالو مسافرين

الجده: يو كيف مسافرين ! هم قالو ماعد عيسافروش؟ من قلش

نور: مرت محسن

الجده ضحكت: زكاش عقلش انتي وياها، هذك يابنتي مش هي بحسها ماسالتيها الا هي ؟

نور: ايوه

الجده: ارجعين سيرين مره ثانيه يمكن مابحد هي

نور: حاضر لو خرجنا مشوار لهناك شاسير انا وعصماء او لبكره

بعد يومين
قبل الحفله بيومين

عصماء : يو صاحب الكوشه قريب من بيت جدي

نور: يووو ذكرتيني الدعوات هيا حين هن فوق السياره نسير
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

12 August 2023 00:35

@sanaaroohi2 🩵 الكنز المدفون ↴

ـ بارت 113

.اشرين لها لا

نور ضبحت منهن مقهوره ع شجرتها, سارت تدق الخزان فاضي

فتحت باب السياره

عصماء شغلت السياره

نور شلت شنطتها: راعي اين عتسيري

عصماء: اطلعي مالش ماتغلقي الباب؟

نور: اسير اشتري ماء وارجع.. مشيت

بسمه : يهي عاد البنت ناويه ع حفله قلك تشتري ماء

عصماء: هذه بتجنن والله لو يدروا ماعيفعلو بنا

بسمه: هيا نفعلها مقلب ، نخليها تبطل عناد وجنان

عصماء: ياسعم من بتفجعي نور !! والله مايقع مقلب الا فينا عنستحي حين فلتناها عتكمل حفلتها وترجع تكس

بسمه بضبح :, يووو منش يانور، يارب مايتصل ابي


نور رجعت بثنتين دبيب ماء كبار ..

عصماء فتحت باب السياره: ايش بتفعلي؟؟؟..ماهو هذا


نور : اصه بس ادخلي وعتدري ليش


بسمه: عيب لو يجي اصحاب البيت

نور : لابهذلهم والله ليش يفلتو الشجر هكذا يبسين حرام

بسمه : مادخلش طيب بيتهم قدو

نور دمعت: بس هذه شجرتي ، بينحس فيها امي وابي هنا اكثر من القبر

بسمه بتضحككك دخلت باب الحوش واقفه : يانووور بس خباله كذبه كذبوها وانتي صغيره وكبرتي وشلوش قبرهم عتجلسي ليحين تظني انهم هنا

نور مطنشاها و بصوت عالي  تغالط انها تسمع كلام بسمه ونصايحها  بتغني( حنيت) وتسقي الشجره..

بعد ماكان واقف في الحوش يحاول يفهم من المزعج قليل الذوق الي بيدق هكذا وسمع صوتها، مصدوم!!! له فتره البيت مابش حد فيه معقول بينتخيل او ايش ؟؟؟


خرج من باب بيتهم ووصل شاف الباب مفتوح دخل يشوف

نور مواصله تغني ظهرها للباب وبتلقط القراطيس الي حول الشجره
بسمه حست حد واقف في الباب وراها مالفتت : عصماء لحقتنا

صهيب : ما بتفعلو هنا؟

نور شافته وقفت ويدها ملان مشمعات : هااه ، ليش في ناس ساكنين هنا؟؟

صهيب : مدري بس ، استغربت شفتكم ، انتو رجعتو ؟ اشتريتو البيت؟

نور بصدمه وبتفكر انه غبي او ايش بتفهمه رغم انه فاهم( بعناه ايش اشترينا ، قد بعناه)

صهيب: ايوه بس بعدين اشتريتوه؟ او كيف ليش رجعتو

نور  ارتبشت : الشجر يابسات حرام محد سقاهن ماء

بسمه: هيا نور نروح اقطبي خلاص

صهيب : ولا حد رد ؟

نور خرجت اكياس الزباله ودبيب الماء: مدري ليش رجعنا، لقيت نفسي فقدت للبيت قوي، قلت اجي ، رجاء لاتقل لحد اني دخلت


صهيب واقف مصدوم !ساكت بيفكر في تصرفها!! هذه مجنونه او بعقلها !!

نور هيا عتبعد ؟؟؟ نخطى

صهيب استوعب خرج واقف بيشوفها..

نور قفلت الباب ، تشتي تطلع السياره رجعت

صهيب كان قدو ملتفت يروح سمع اسمه

نور : صهيب، ممكن طلب؟

صهيب: تفضلي؟

نور : ممكن تكون تطلع فوق الجدر وتسقي الشجره هذه ماء.؟؟

صهيب: اتشنقع الجدران كلهن اسقي الشجر ماء !!! ليش قالو لش مزارع او شاقي

نور بضبح ...

ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

12 August 2023 00:35

@sanaaroohi2 🩵 الكنز المدفون ↴

ـ بارت 111

.
.صهيب بيشوف من الطاقه للجدر وشجره نور مع الخريف بتتساقط اوراقها وصفرت
امه ركزت عليه: ، ما اخس البيت بعدهم الدنيا فاضيه

صهيب داخل نفسه( صح كان حوش بيتهم نفسه طاقه وحيويه من حوش بيت جدها),..: بس يتخارجوا طالما قد فيها رصاص ومشاكل سهل.

امه: انت داري ياصهيب سمعت جدك بيحاكيهم ان به كنز في هذه المنطقه

صهيب عارف استغرب امه كيف عرفت بيموه: جدي الله يحفظهم مع الكبر بيخرفو

امه: والله مابيخرف خراف، ولو هو بيخرف ام سمير بعقلها

صهيب: اشاعات كم سمعنا واشترو بيوت قفانا ونبشوهن وهدوهن ومابش شي

امه: اصلا حتى لو لقينا  كم عيقع ومدري هو شي قيم ولا تحف وكتب ما منهن فايده ،قد ابوك الله يرحمه وجدك ماقصروش ، عيشونا في عز

صهيب: الله يرحمه.


مشيت الايام والاسابيع بدون احداث..

سمير شل سهمه من البيت واختفى فتره وبعدها

سمير : ياخي امي ادتلكم نصيبكم؟؟

فؤاد: ماشي عادها قالت عتعمر لنا عماره وكلنا نسكن شقق

سمير: وانا ليش ماتحاكوني اشارك معاكم، بعتوني خلاص

فؤاد ضحك: اولا انت قطعتنا فتره، ثانيا شليت فلوسك وهي ولاعد خبر ، ثالثا يشتي لك لراسك عماره وانت ونسوانك

سمير ضحك: هيا خليها ع الله ربك عتصدق ان اليوم بعد المغرب ساير ادي الحريوه الرابعه اشتيكم تجو معي

فؤاد : لاحول ولا قوة الا بالله ، وانا اقول مالك ذكرتنا

سمير: هيا ناهي مش وقت معاتبه ساع المكالف ، عتجي او ادور ناس تجي معي

فؤاد: ناهي كلم اخوك ماعيجي ع اتصالي انا

سمير: الان شاتصل له، خالي مارضي

فؤاد: ونسوانك داريات؟

سمير: الثانيه حنقت، والاولى والثالثه  فرشين وقشعين الشقه هن

فؤاد هز راسه : ماشاءالله مافلحت ياخي انت في اي شي، الا في ضبط النسوان، واحده ومش قادر عليها انا غير الي خلقها ، متحمل هرمها ومصاريفها وهرم الجهال، وانت بتوالف لك نسوان

سمير: الرزاق الله . المال والبنون زينه الحياه الدنيا، والشرع حلل اربع، وانا اكمل ديني ، لعلها تجي الي عيسخر لي ربي منها جهال

فؤاد: اي دين ياخي اي دين ، يلا الله يعينك ويبارك لك



في مكان ثاني...

صفاء بتتكلم في التلفون مع واحده تقرب لام صهيب

ام صفاء : الحمدلله بنجهز لعرس صفاء

المره: يوه مش فسختو ؟؟

ام صفاء بزنط: طبعاً وبعدها باسبوع جو لنا بيت فلان، قدش داريه منهم وخطبوها خطبه ماقد وقعت لبنت، الذهب ذهب مفصص بالماس والقماش قماش والعطور اين ماقلش ادو شنطه بس عطور

قريبه ام صهيب: ماشاء الله ، الله يجعل في ذلك خير وسعاده يارب ويتمم لهم بخير

ام صفاء: ذلحين العرس بندور افخم قاعه ارجعي اسالي لي عنرجع نعرس



بيت سمير

سمير وصل مع العروسه ونسوانه مستقبلاتهم بفساتين بيض مكوفرات


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

11 August 2023 00:16

@sanaaroohi2 🩵 الكنز المدفون ↴

ـ بارت 109

.
.اختها : انا لو انا بش لاقهره وانخطب واتزوج قبله، اي حد يجي مناسب بطلي ترفضي

صفاء بقهر: اكيد انا اوريه هذا الي مش من مستوايا وعادو بيتخايل روحه هو وامه ابن امه .

بيت الجده..

اخوها جا لاعندها : ذلحين تشتي زلطش ؟ معش اخر مبلغ من ورث امي الله يرحمها

الجده: كم عيوقع؟

اخوها: تقريبا ثلاثين مليون سهمش

الجده بقهر بكيت: قلتلك ياخي دبرها لي قبل مابيع البيت شلو تعبي وبقعتي وكل شي كنت شاسكت سمير بها يشل حقه وينقلع

اخوها: مانفعل نصيب والبقيه عيجننوش ، هكذا تتخارجي وبس خلاص

الجده : تمام و ادي حقي شاشله هذه المره ماعد شاشارك معاكم بمشاريع، كم خسرتوني لو شي ان قد معي مصنع لراسي

اخوها بضحكه : وانا اقل ابنش لمن طلع وانه لش، الحجه عندي بينشارع لش،

الجده ضحكت: ماعد اشتيش مشاريع ياخي خلاص مابسرنا منهن الا خسارات اشتي حقي اضمن للعمر لو وقع بي شي علاج عمره حج ، كلهن

اخوها: تمام بعيني .

في مكان ثاني..

اخت صفاء لامها: بغير جنان يمه، بنتش ولافيها شي ، افكارش عتخليها صدق تصدق روحها وتتعقد، ايش من شيوخ وايش من عمل سحر ؟ عتسحري بنتش !

الام: من قال انه سحر ، بينقلش خطه

اخت صفاء: ايوه سحر بس بيدوه بطريقه ثانيه اسم عمل اسم حرز... لاتدخلي البنت بمتاهات وتمرضيها، وتصلحي المشكله بمشكله اكبر

امها: فجعتيني حسبي الله فيش من بنت كيف بتوسوسي

بنتها: حين عتسخي ع روحش وعليها تدخلين مكان هكذا، الجأين لله وادعين وهو اقوى منهم ومن عملهم

امها مطننه:, يابنتي كم دعينا وابسري ماوقع، الناس ماعتقل

بنتها : تعبتونا هرمتونا، الناس الناس، مافعلو لي الناس؟؟ تزوجت وتطلقت وتكلمو عليا ، وذلحين خايفه يتكلمو عليها! عيتكلمو وعتتزوج وعيتكلمو ، طز عيشي لنفسش عتجنني ببنتش عشان الناس

امها: بنتش وهي اختش يكفي ماقالو عليش

بنتها : طز يقولو يشبعو

امها: عنبسر كيف من قلي احاكيش فجعتيني قد كنت تشجعت.

بنتها: معي اليوم حفله توديع عزوبيه صاحبه يمنيه عنسير انا وصفاء تغير جو

امها: حالي اخرجين تنسى الي حصلها..

صفاء قررت تتناسى الي حصلها وتبدا صفحه جديده وتعيش، خرجت اضخم فستان وافضل مجوهرات، وعطر مميززز  وبدأت تهتم وتصلح شعرها ..الخ

اخر اليوم ...
جين بسمه وعصماء عند نور شقتهم الجديده يرتبين معها الملابس والدواليب

بتوريهن حالات صهيب، وتحكي لهن كيف حفظت رقمه، وشافين حالات جديده، وهو في المطار

بسمه: الله يابنات لو نسافر وحدنا

عصماء: بغير جنان وحدنا ايش لو نضيع

نور : عيدورش خطيبش عند المحمدي من لقي بنيه خطيبتي ماعرفش حتى مواصفاتها...

بسمه بتضحككك ونور بتضحك وعصماء : بس خباله ، وانتي ليش تحفظي رقمه احذفيه


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

10 August 2023 00:11

@sanaaroohi2 🩵 الكنز المدفون ↴

ـ بارت 107

.
.اسامه : اعتذر جدا يا صفاء ، صح احبش وماكنت اشتي حد غيرش، بس ماقدر نكمل سوا .

صفاء بصدمه وقهر قرأت الرسالع ولاعد ردت بحرف لا عليه، ولا على.اي شي مستغربه ليش فعل هكذا !!!

امها دخلت لاعندها: ايش يابنتي نفعل به ناس جو لاعند ابوش يشتوش وهولا مابش خبر

صفاء بانهيار بتبكي وتصيح: ماعد اشتيش حد خلاص ، مشتيش انخطب مشتيش اتزوج، خلو لي حالي، تعبتوني كلكم... وقرحت تبكي

امها جلست تقرا عليها قران خرجت تكلم زوجها وهي زاعله: بنتك يا خطيبها الاول فعلها عمل يا فيها عين.

زوجها بعد ماسمع : فيها دلع، ليش الصياح هذا كله!!! ليش بتبكي هكذا ؟؟

مرته بكيت : هذا صاحبك وابنه عقدو بنتي حسبي الله ونعم الوكيل ، من حين فسخت وهي مش هي بعقلها وافقت على واحد مايسوى وذلحين بكيت حين قلنا هذا

زوجها: يبقى القرار عندي، انا شابسر الصح والي اشوفه سوا يناسبها شاوافق، محد يصدق للنسوان ويخلي لهن رأي يبدعين بواحد.

صفاء بتسمع كلام ابوها وامها صدمه فوق صدمه خافت تتزوج اي حد ماتعرفه، تحسرت على صهيب ، واقتهرت من اسامه ،، بدأ خوفها وصدمتها يخليها تفكر تفكير غير منطقي...

صهيب وصلت له رساله منها( صفاء) : مساء الخير ياصهيب، الفتره الي بعدنا عن بعض فيها جلست مع نفسي وقدرت اشياء كثيره فيك، انا اسفه على كل شي حصل مني..
ينفع نكون لبعض؟؟؟

صهيب مصدوم !!!! ايش مال هذه اخر الليل ترسل فجاه رساله هكذا؟؟ جلس مع نفسه يفكر  و رد لها( من ناحيتي خلاص مابش نصيب، وانتي ربنا يوفقش ).


وصل له اتصال من نور

صهيب ضحك: لو افتح عليها الاتصال الان لاخرط رصيدها، كنسل واتصل هو..

نور فتحت سمعت صوته طرحت السماعه في اذن جدتها

الجده: مساء النور يابني

نور طارحه اذنها في اذن جدتها ع السماعه بتسمع معها

الجده بضبح : يانور ابعدي من جنبي خليني اسمعه

صهيب ضحك: كنت اشتي اكلمكم عم سمير اتصل يشتي السور يفعل ثاني بس جدي رافض

الجده: وانا رافضه ولاترضاش ابدا ولو ينحبس

نور مستغربه تشتي تعرف ايش بتأشر لجدتها ايش يشتي؟

الجده تبهرر لها تسكت

صهيب: سمعت انه باعوا البيت كان نفسي اشتريه بس مالحقنا

الجده:* خيره الله يابني مانفعل، قدو يشلو حقهم نتخارج


صهيب:بس قلت اوضح لكم لاتزعلو مني انا ماعندي مانع ينهد السور هذا ماتفرقش ، بس جدي مع الكبر بيعاند ورافض

الجده: وانا معه ، هو حر مايشتي يعس ارضه هو هذا ابني الله لاوفقه جعجع بنا

صهيب: الله يعوض عليكم

الجده: ويستر عليك وكثر خيرك يابني جمايلك ماشنساها،

صهيب: مابش شي اي وقت انا في الخدمه، وقفل

نور بعد ما شلت تلفونها ( سجلت رقمه الجني المجنون وصورته زومبي)

صهيب سجل اسمها ( نور طافي)


ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

10 August 2023 00:11

@sanaaroohi2 🩵 الكنز المدفون ↴

ـ بارت 105

.امها: عادنا اتصلت احانك ام صهيب واقلها الله المستعان، ومابش نصيب و ربي عوض بنتي بناس مابش قبلهم ولابعدهم وطلعو هولا ؟؟ امه زنط وفشخره ومابش مايكلف، قله ذوق

اخت صفاء بتضحك ماسكه فمها: ابسري مادولش ورد صناعي وحلاوه وهريسه يمنيه

صفاء: بينقلش مس خطوبه ، هذه زياره وبعدا امه قالت، خوره من اليمن ، ولو تشتي شوكلاته سيري افتحي درجي وكلي

اختها: قلي لروحش هذا الكلام

صفاء : ماقصدش؟

اختها : فكري قبل ماتستعجلي

صفاء داخل نفسها بعد الي فعلته كله مش مستعجله وعارفه ايش بتفعل.


في بيت اهله( اسامه)

اسامه: كيف البنت؟

امه:* مارتحت لها ولا اهلها، شايفين نفسهم، ومافيش احترام

اسامه: بس يمه البنت خازيه اكيد قوي محترمه وحبوبه،

امه: مابش محترمه وحبوبه تعرف عريسها قبل الزواج وتحبه

اسامه: هيا هاه كيف قلبتي !!! قلتي اي بنت تاشر عليها يا اسامه اخطبهالك وازوجك

امه: اذا تشتيها سير دور من يخطبها لك ، انا ماخلفت وربيت وكبرت عشان ابني يفضل بنت عليا، انا امك وعارفه ايش مصلحتك، هذه البنت ماتنفعك

اسامه شاف اخته: مالها امي؟

اخته : يا اسامه امي مش ضدك كانت معك وراحت عشانك وجت مصر عشانك تخطبها، ايش باقي بس احنا نسوان ونعرف حركات النسوان، دلع وشوفه نفس هذه بتتعبك العمر كله..

اسامه جلس مطنن شويه بدا يربط كلامهن بمواقف كثيره كان ينتقد غرورها و دلعها عليه وتعبه عشان يقنعها...

دخل غرفته يفكر

اخته لحقته : بعدين ياخي كيف تأمن على نفسك مع واحده فسخت وخطبت بنفس الاسبوع مش اسفه ولا محترمه لحد.

اسامه: عادي هذا مش مشكله

اخته: هذه حياتك وانت حر، بس باتعمل بيننا من البدايه تفرقه ، احنا عندهم يتشاورين ويضحكين علينا واضح مستقلين بنا، وامها تتليقن من اول مادخلنا، اذا ترضاها لاهلك على حساب الحب صدقني ربي مابيوفقك

اسامه اقتنع قوي بكلامها.. بعد ماخرجت اخته... فتح الرساله

صفاء: ماهو هذا يا اسامه؟ مش سالتني ايش ادي وقلتلك

اسامه: ايوه اديت ورد وحلويات

صفاء: ورد صناعي يا اسامه ؟؟ليش ايش عنفعل به ، وهريسه !!! هذه قدها حلويات الخطوبه

اسامه بدأ يفكر في كلام اهله: انتي قلتي

صفاء : بعدين ماشاء الله الجهال الي جو معاكم جن، كسرو اشياء في الشقه وعادها ايجار..

اسامه انكسرت نفسه قوي

صفاء: المهم انه الله يتمم لنا على خير ، وبعد الخطبه معي شروط خيرات  لو تشتي نكمل سوا

اسامه بدأ يفكر كيف ينسحب : خير ان شاء الله.

في مكان ثاني..

سمير  اجتمع بناس من الحاره بدأ يبحث معهم لو لقيو كنوز ، كان في ناس تأكد له ان ناس لقيت قبل ثلاثين سنه اول مادخلوا وعرفو ان في يهود ساكنين ، وناس تنفي الكلام..
بدأت عنده انعدام ثقه
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi