•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

05 August 2023 00:35

@sanaaroohi2 🩵 الكنز المدفون ↴

ـ بارت 90

.
.صهيب بعفويه يفكر كلامها مزح رد عليها بضحكه : تصدقي من حظي امس انها فعلا حلقت ماكان في الا انا كله كوم وتوقيع العمليه هذك اللائحه الي يهددوش انه لو وقع ووقع ووقع مسئوليتك

خطيبته: اهم شي فارح ببطولاتك و فيس بيقلب عيونه ويعوج فمه

صهيب تضايق شويه انكسف : جالسه بتغيري!! عادها صغيره والموقف انساني اسعفتهااا بتفهمي

خطيبته ب ايموجي مبهرر واستخفاف : من قلك شاغير من وحده ساعها لا شكل ولا ستايل ولا لبس و دوشانه ولقنه وين هي ووين انا، متقارنش بحد انا.

صهيب ضحك : والله انها غيره من اين اديتي فيها هذا كله وانتي ماتعرفيها الا وبتغيري منها.

خطيبته: انت مابتفهمش !! بينقلك مابينغيرررر من هذه الاشكال، وصفتها لي صحبتي ووصفت طبعها وكل شي وانك جالس جنبها ومرافقها وتبرعت بدمك و روحك وساهر عندها
ماعاد باقي

صهيب : ولاشي ، شاحترم الان موقفش وانش زعلتي ونتناقش لما تهدأي.

خطيبته : ماتستاهل ازعل عشانها بس بينقلك، اننا مصحصحه وكل شي بايوصلني

صهيب : عادش مرتاحه، تشتي اكون افتح لش بث!! وين ماسرت وجيت، مش ملاحظه انحنا كل مانتواصل بنتزاعل !!
ولا مره تكلمنا برواق وضحكنا وعرفنا شي مميز عن بعض


خطيبته: لذلك الافضل مانتواصل فتره ولا لبعد الزواج نتواصل

صهيب قرر يسمع ويشوف هل فعلا عتقدر ماتكلمه ! ويتواصلو بعد الزواج رد لها : تمام بعدش

خطيبته ماعد ردت ، على الرساله..

صهيب ضبح ونزل يدور امه يشتي يكلمها...مابحد

في بيت المنذر .

الجده استغربت جت ام صهيب !

ام صهيب جلست طرحت الورد والشوكلاته: الحمدلله على سلامه نور خير ماوقع يا ام سمير؟؟

الجده: حسبي الله فيهم ونعم الوكيل بس جهالي جننو امس في ذمه الورقه ، الله يهديهم سلم الله بها

نور في غرفتها ممدده فوق السرير..

ام صهيب: قد حاكاني ابني ، عيعينش الله ويسد مابينكم ، ويخارجكم، اين نور اسلم عليها واسير بساعتي لايجين نسوان

الجده: ماكنتيش عتجي ومعش عزا وموجله

ام صهيب: قدو الضروره يا ام سمير جيت ازور مريض وقدكم جنبنا البيت واحدي ، جيت ابدي عليها بساعتي حين هو صبح وشاسير ذلحين ،اين هي

الجده: هذه في غرفتها جي حياش الله وشغلتي نفسش

ام صهيب دخلت وسلمت على نور : يو جعلي خير عليش، كيف قد انتي يابنتي

نور : الحمدلله

ام صهيب: الحمدلله لطف الله بش ، ووقعت في يدش ، ذلحين انتبهي لنفسش والله يشفيش ، اقوم اسير البيت والله اننا اول مادريت قلت شابدي خمس دقايق بس وارجع لايجين نسوان وانا خارج مايسبرش

نور مستحيه تطلبها تلفونها..

ام صهيب سمعت تلفونها بيرن شافت اسم صهيب ، ذكرت تدي تلفون نور خرجته وناولتها و جاوبته : ها يابني


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

04 August 2023 00:52

@sanaaroohi2 🩵 الكنز المدفون ↴

ـ بارت 88

.
.صهيب ماعرف ايش يرد : خير انا تاعب شطلع ارقد

في غرفته اول ماتغسل وبدل وامتد سمع صوت منبه نغمه ، يشوف تلفونه طافي قام لحق الصوت فوق الكنبه لقي تلفون وقطعه قماش تلتبس تحت الحجاب شل التلفون عمل الغاء التنبيه ظهرت صورتها في الخلفيه وهي محجبه بثياب تخرج ثالث ثانوي(ضحك حتى تلفونش بيلاحقني ) فعل الغاء المنبه طرحه على جنب ونعس من التعب و رقد  

وقت الفجر سمع المنبه مره ثانيه كسل يقوم يطفيه رجع رقد، ولا سكت المنبه قام ضابح( منبه لغجه ساعها ): شاف مكتوب( صلي الفجر) شل التلفون جنبه و رجع يمتد بعد ماسكته حس بتانيب ضمير قام يصلي و دعا لها.
   رجع رقد الصباح سمع المنبه الساعه سبع (طفا تلفونها ورجع رقد),

ثاني يوم الظهر خرجت من المستشفى وصلت البيت هي ومرت عمها

الجده قامت الصبح تسال وين نور( قالو لها سارت الجامعه)
مستغربه ليش بسمه وامها عندها وعصماء : ذلحين ياسعم انتين هنا حين دوخت

بسمه بممازحه وفارحه ان نور قدها في الطريق :ايوه او ماتشتوناش عندكم ، قد بتلمحو نروح، عادحنا على قلبكم هنا يومين.

الجده بفرحه حضنتها : يوه في عيني حياااا بكن.

ام بسمه: مانفعل غدا

الجده : انا من نور الوقحه ولا حتى تتصل ولاتبدي تقلي صباح الخير وتسال عليا ، بعيني ماراحت لها.

ام بسمه بتشوف بسمه وعصماء من ورا عمتها وتغمز لهن : يووو مسكينه

عصماء: انفعكم ياجده للسوق

الجده: ايوه وبتقلها ايش تشتري.

وصلوا من خارج وهم قدام البيت نزل عمها يفتح الباب وهي جالسه ورا شافت باب بيت صهيب مفتوح وخرجت سيارته .

وراهم وصلت سياره فؤاد

صهيب شافها يشتي يرجع يدي تلفونها بس خزي يناولها قدامهم قرر لما يرجع..

نور شافته واستحت : يو والفعله كيف قد لاعنته وفعلت به، وهو فعل هذا كله عشاني متجمله من قوي(, كلمتها الممرضه انه اتبرع بدم ونزل وسار وجا و...الخ)

صهيب نزل لما شاف فؤاد جاي لاعنده يسلم عليه: ها كيف طمنونا

فؤاد تشكره قوي ع وقفته في القسم وعلى وقفته معهم في المستشفى

صهيب: ولايهمك، اهم شي كيف البنت قدها تمام

نور بتسمع وهم قدامها

فؤاد: الحمدلله كل شي تمام، خرج المبلغ وطرحه جيب صهيب

صهيب خرج يده والمبلغ وبيحلف : والله مايرجعين عيب يارجال الله المستعان
فؤاد: والله انك عتشلهن ياخي قد انا مستحي منك
صهيب : حرام وطلاق ماشل فلس 
فؤاد مش داري انك مزوج: عادنا قلت اخدمك بعرسك

صهيب ضحك: على الثانيه ان شاءالله

دخلت سياره نور مع عمها ابو عصماء

فؤاد: خلاص سدينا.. جلسو يضحكو شويه ويتكلمو و دخل فؤاد بعده.


داخل البيت..
الجده شافتها مصفررره ومرهقه: مالش؟؟؟ هكذا تسيري وترجعي ترقدي وتبكري الجامعه، وتفلتيني ولا حتى سوال؟؟


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

04 August 2023 00:51

@sanaaroohi2 🩵 الكنز المدفون ↴

ـ بارت 86

.صهيب وقع وناولها، طول فتره انتظار نور وهو خايف وحاسس بمسؤولية انه موقع ع عمليتها ولو حصلها شي بسببه مش ناقص ذنب وتأنيب ضمير جنب الذنب الي حاسس فيه حق ابوه ، داخل نفسه ( هذه البنت ليش هكذا من حين رجعت وهي بعدي بعدي، يعني حتى لما اسعفها مابش غيري ، وياريتنا بنسد، محد طايق الثاني ،حسبي الله بس )

ذكر يعيد يتصل للضابط الي قله اتصل لي بعد شويه ادي لي اسمه وفي اي قسم، اتصل له كلمه، وقله عيهتم بالموضوع

شاف اتصال من امه جاوب : ها يابني وين انت تاخرت
صهيب: انا خارج معي عمل شويه و اروح..وقفل

جت ممرضه لاعنده كانت في القسم الي هو فيه، تشوفه وترجع جت لاعنده تسأله: انت اسمك صهيب صح؟

صهيب ايوه تعرفيني؟

الممرضه:ايوه ، تشتي شي او خدمه، من معك هنا؟

صهيب مافي حسه سؤالها بس مستغرب من اين تعرفه وهو عايش نص عمره في الخارج :اسعفنا بنت الجيران ، من اين تعرفيني

الممرضه بلغاجه: من مكان وخلاص ضحكت

صهيب :مطنن ساكت مستغرب ليش تضحك ،

الممرضه حست نفسها سخيفه : او سلامتها ، انا صديقه خطيبتك

صهيب: ومن وين عرفتي انه انا ؟

،الممرضه بسذاجه بتتكلم: لما نزلت بالفيس انها انخطبت وعملتلك اشاره

صهيب هز راسه : تمام خير.

الممرضه انكسفت ومشيت.

خرجت الممرضه : مرافق نور ، اخذت الغرفه؟ المريضه كملت العمليه والان تفوق ونخرجها

صهيب محد كلمه: كيف اخذها ، من عند من، ليش ماتشلوها انتو الغرفه يعني

الممرضه: انزل اختار الغرفه وحاسب

صهيب: مشي وهو ضابح، ليش مايفعلو كل الي عليهم ويدو فاتوره اخر اليوم، ياسعم اننا فندق احجز غرفه.

خرجوها للغرفه بعد التخدير..
صهيب واقف ف الباب خارج

الممرضه : لو سمحت تعال عند المريضه

صهيب بيرفع صوته تسمع وهو واقف من خارج: يختي بينقلش مش هي قريبتي مايسبرش

الممرضه بضبح: وانا ايش دخلني الان افلت عملي والمرضى واجلس ارافق، اسمك اسعفتها تم جميلك، هذه ورقه ادويه روح جيبها واجلس مع المريضه ولا اتصل باي حد... وخرجت

صهيب: عادي تجلس وحدها؟؟

الممرضه: عادها بعد التخدير ممكن تاذي نفسها وشكل البنت عصبيه جننتنا داخل هزرت المغذيه من يدها نتفت مكان العمليه يستحسن تتصل لحد.. ومشيت

صهيب اتصل لفؤاد مابش رد مابش معه حل غير يتصل لامه تتصرف تنقذه محرج سمعها بتصيح وتبكي وتتكلم، دخل راسه شافها تشتي تقوم ، دخل على طول يهدأها : نور نووررر ، لاتفعليش هكذا عتوجعش العمليه

نور بلسان ثقيله: مادخلك يامجنون ليش بعدي بعدي

صهيب بيهدأها: حرام عليش لاعرفش ولا اصرفش وجالس معش وتقليلي مجنون.. الان عيجو عندش اهلش

نور : اسفه، ونعست رجعت رقدت

صهيب فرح انها رقدت فلتها وخرج يدي الادويه..
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

04 August 2023 00:51

@sanaaroohi2 🩵 الكنز المدفون ↴

ـ بارت 84

.نور : مشتيش اموت، خايفه

صهيب: ماتموتي صلي ع النبي هي عمليه بسيطه مجارحه

الممرضه: ناقص دم، روح جيب دم  وتعال وقع

صهيب مشي وهو ضابح: مستشفى تشليح انزل ادي علاج اطلع ادي مخدر، باقي ادخلها انا اشلها وافعلها العمليه

عند بنك الدم
الموظف: مابش هذه الفصيله شوف متبرع

صهيب معصب: ايش الفصيله يالغاجتااااه ،حسبي الله بس ونعم الوكيل

الموظف قله الفصيله(- O)

صهيب: الحمدلله انا نفسها اسكه هجعني السيره والجيه اسحب دم

الموظف: لازم فحص بالاول ونشوف كيف

صهيب هيا قوم اقطبنا

في القسم..
فؤاد: ياخي هكذا عيب اقلك والله ان البنت في المستشفى وحدها ابن الجيران معها مايسبرش عيب، في دفع في موافقه

العسكري مخزن : ياخي مافعلك، راعي لما يجي الفندم اتصلنا له

فؤاد: يعني المشاكل والقتل صدق في كل بقعه، ليش لاعندي وحلقت، ياخي والله لارجع، كان ادي التلفون اتصل لحد

العسكري بعصبيه: ياخي خلاص جننتنا اهدأ بتفهم انا مالي صلاحيه اتصرف بشي حارس هنا ، راعي يجي

فؤاد جلس وهو ساكت  و داخله حقد على سمير وعلى التعامل والوضع الي هو فيه ومافعلش شي، بنت اخوه الي لوحدها مع واحد غريب.

في البيت..
الجده بعد ماقاس ضغطها ابو عصماء وادالها الادويه هو وبسمه ، وصلت مرته وعصماء وام بسمه ، ونسوان سمير الثلاث ، سمير خارج فوق السياره في الشارع مراعي يرجعو من المستشفى بيتصل لفؤاد ومابيرد ، ويتصل لنور محد بيرد

الجده : وين نور ولا ابسرتها

بسمه : كان معها مذاكره

الجده: ماقد تمت؟

بسمه: الا وبعدا ، سارت مع عمي فؤاد يشترو لش علاجات

امها بهررت لها (ليش تكذب)

الجده : يو ليش مابش فيني شي ، الا هو السكر

زوجه سمير الثانيه : رغم عاد انتي صغيره ياعمه، شكل اول زوجه ابن لش جننتش و رفعت ضغطش والسكر( قصدها مرت سمير الاولى)

الجده: بالعكس، ولا حتى نسوان جهالي الثانيات مابلا من بعد ماثنى وثلث قرحين عروقي من كل بقعه

الزوجه الاولى كركرت : يو محلاش ياعمه صدق ماعد بينفتح فمي بتشلي حق الكل انتي

الزوجه الثانيه جالسه تكابر بروحها وتفعل نفسها ماصترعت : سهل قد في علاجات للضغط والسكر ، اهم شي اني دخلت حياته والبقيه لو مايشتوني براحتهم

الجده : عترجعي تجربيهن العلاجات هولا ، حين يطلعو عيالش لابوهم ويدخلين حياتهم من كل شق وصوب
الزوجه الثانيه قلبت عينها و مدعممه
الزوجه الاولى للثالثه : لاقد عيقعين ساع مسك الختام  يدو عيالي الثانيه والثالثه من عينتها هي بس.

الجده: انا بينحاكيها هي مش انتي، وبعدا ماداكن عندي ذلحين اخر الليل نتقالع



( اخس شي عندي اوعد واخلف والكثير كان منتظر امس، بس لاسباب خارج الاراده ، العفو 🙈بس بارتات تبرد قلبكم
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

02 August 2023 00:11

@sanaaroohi2 🩵 الكنز المدفون ↴

ـ بارت 83

.صهيب دخل معها عند الطوارئ

الممرضه دخلتها غرفه الطوارئ: سير ادي هولا

صهيب بعد موت ابوه: ايش عتفعلو ذلحين فين الدكتور

الممرضه: اول نديلها مسكن ومغذية راح نص دمها مرتك، بايش تعورت؟؟؟

صهيب ماركز ع كلمه مرتك: ضربه رصاصه طايشه

راح يدي الادويه

الممرضه استدعت الطبيب المناوب

صهيب دخل بيده الادويه : ها يا دكتور ايش الوضع؟

الدكتور: ضروري تدخل الان العمليات بنتصل لجراح

صهيب يعرف دكتور جراح صديقه اتصل له، وطلع بيداوم في هذه المستشفى قله جاي

صهيب يشتي يسير عند عمها لايخبص ماله تاخر ؟!

الممرضه: خليك هنا عشان لو تحتاج شي او دواء مافيش مرافق معها

نور صحصحت : يدي بتوجعني الله يلعنهم، وين جدتي هي مريضه وين هي دوخت

صهيب ماقدر يطنشها ومش عارف ايش يجاوبها بيعرق ومتوتر  واقف عند الباب وبيشوف للارض: جدتش بخير بالبيت ، بس انتي

نور بتهلوس مع المسكن: هو انت الي بعدي بعدي، والله عيب عليك اسعفتني وانت خاطب.

صهيب خرج راسه من الغرفه حقها شويه وضحك ماقدر يمسك نفسه

نور بتصيح: سمعتك بتضحككك عليا هااا ، يددددددي الله يلعنهم مالهم فلتوني كلهم، لو كان امي عايشه وابي مافلتوني.. وبتبكي

صهيب فجاه تغيرت مشاعره وابتسامته اختفت و زعل عليها تأثر بكلامها وبكاها خرج يداعي الممرضة ويصيح، اجلسي عندها انتي وانا ادفع لش حق شهر راتب اسير اشوف المشكله الي معنا

الممرضه: اصلا القسم كله فوق راسي

صهيب فلت و راح يشوف وين عمها

الامن: انت من؟ شلوه القسم تحقيق هانك!! وانت تقرب له؟ معهم؟

صهيب: ماشي انا جارهم قالو اجي لهنا ابسر وادفع للمريض

الامن: ادخل

صهيب رجع لداخل وبدا يتصل لمعاريفه يساعدوا فؤاد يخرجوه

وصل الدكتور الجراح بعد نص ساعه ..
صهيب: خير يادكتور يعني ليش هكذا النظام عندكم مابش مناوبين جراحين للحالات الطارئه زي مستشفيات العالم، تعرف ابي مات  بسبب الانتظار هذا من دكتور لدكتور

الجراح مطنشه بيكلم الممرضه والطبيب يجهزوها للعمليه

الممرضه ناولته الورقه: جيب هذولا

صهيب: انتي الا اجلسي ساع امي ادحسيني منافع، بينقلكم ماعتفعلو للبنت

نور سمعت لقانته على الممرضه وضحكككت بصوت

صهيب استغرب عليها

الممرضه: ماعليك نزفت كثير لذلك بتهلوس

صهيب خاف خرج ومشي بسرعه و راح يدي الادويه


مربوش مش عارف كيف يتصرف

نور: مشتيش اسير العمليه وين هم ،وين عمي وين بسمه

صهيب: عمش خارج لاتقلقي ،بيكمل اوراق المستشفى، ماكلمنا جدتش لاتقلق

نور بتبكي : مشتيش عمليه مشتيش اموت

🤍
تعرفو اليوم دلعتكم دلع سته بارتات  من الصبح للان سته

( البارتات اليوم برعايه لصقه جروح هنديه وقع الاكشن هندي )😂

للاسف تصبحوا على خير ،
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

02 August 2023 00:10

@sanaaroohi2 🩵 الكنز المدفون ↴

ـ بارت 81

.
.صهيب مانتبه لها ( جالسه فوق الكنبه الي  يمين مدخل الباب وجنبها عمود تعليقه ملابس فيها اكوات وشيلان ..ماكان مبين مع لبسها الاسود انها جالسه) وهو دخل ولف يسار يشوف الدولاب فتح الباب هزر الشنطه وغلق الدولاب

مرت اخوه لحقته تقله و قدو داخل في الغرفه بثواني بس فعل هذا كله

نور ماسكه فمها معد قدرت تتحرك

صهيب لفت يمشي ويشوفهن في هذا الوضع : عفوا ماعرفت ان في حد هنا

خرجت نور سريع دخلت عند جدتها( سهل جده ولا عنده )

مرت اخوه: العفو منك دخلت غرفتك بدون استئذان بس مادريت وين نجلس

صهيب قاطعها: عادي عادي الله المستعان مابش شي ، المعذره يختي مستعجل، دخل لاعند جده وهي قدامه مسك دقنته من التوتر

نور قامت وخرجت بسرعه ونزلت

صهيب جلس فتح الشنطه وهو مرتب لكل الاوراق.
جده قله اين هي

صهيب خرجها وناولها

الجده: تقدر تنسخها لي يابني

صهيب : الطابعه مابش فيها حبر، بس سهل شاخرج وع طريقي شانسخها واديها لاعندكم

الجده: تمام بارك الله فيك

صهيب نزل بسرعه وخرج

نور بعد مالبست البالطو وودعت الي تعرفهن انها ماشيه بتمشي في الحوش بضبح كيف وقعت بموقف بايخ

خرجت تشتي تقفل الباب حست مارضي رجعت تشوف

صهيب ماسك الباب: شاخرج خليه، بعدي بعدي انتي ماهو القرين حقي او ايش

نور: ايوه على حلاك وسارت باتجاه بيتهم فتحت الباب ودخلت.

صهيب ضحك عليها كيف طبعها اندفاعي يعجبه يستفزها، طلع سيارته ومشي لما وصل العنوان دخل الدار
وبعد ماعزوه كلهم اجتمع بالاداره
المديره: في بعض بنات وافقين وجين بفرح

صهيب: الحمدلله: مثل الخطه اقنعتوهن عيقع لهن خوات واهل وبيت و يدرسين

المديره: بالضبط ، والي رفضين جلسين يساومين ، وماعيقع لنا فلوس ! ومابش شغل؟ قلت لهن شغل الدار نفسه كانكن بيتكن كل واحده تنظف غرفتها تغسل ثيابها ، بس مع ذلك بيسالين بكم

صهيب : طيب ادي لهن اشغال بسيطه، مثلا يخيطين ليف ، يعملين بخور، لصقه نقشات، علموهن هذه الأشياء ونفعل لهن خارج الڤيلا ، باب الحارس يقع دكان يبيع لهن

حاولي توجدي لاعذارهن حلول ، اخر شي يوقع الاجبار انه ممنوع بنات صغار يشتغلين في الشوارع لوحدهن لاخر الليل

طبعا ماشنزلش بش راكن عليش ، تضبطي المكان ولو عتتعبي شويه، يمكن اسافر بعد اسبوع اختبر واجي،...كمل بقيه تعليماته لها و روح

في بيت الجده

نور بتحكي لجدتها :اوف ع ربشه وخزا بنتلاحق انا وياه

جدتها شافتها: ابسرتي محلا اللبس المستر حين تقع تيه المواقف وانتي ملفلفه ،ادي لي تلفوني اتصل لعمش واخي يجو نبسر حل للمجنون هذا

بعد ساعه دق باب بيتهم تفتكر عمها وبسمه وصلوا فتحت
صهيب
(


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

02 August 2023 00:09

@sanaaroohi2 🩵 الكنز المدفون ↴

ـ بارت 79

.
.مرت اخوه: العفو منش ابني راقد في المكان لو افتح لايقوم جي ندخل هنا امد مايتحاكو ( غرفه صهيب)

 
نور جالسه

مرت اخوه بممازحه بتفتح موضوع تتكلم مع نور :  مش داريه هو ينفع او مع ادخل غرفه صهيب بدون استئذان بس مانفعل شارجع استأذن

نور مبتسمه هزت راسها

مرت اخوه: صف كم انتي يانور

نور: سنه اولى طب اسنان

مرت اخوه انصدمت: صدق ماشاء الله مش باين انش جامعه ، يبين عليش صف تاسع

نور ضحكت

بكي ابنها استأذنت نور وخرجت من عندها

نور جلست خمس دقايق عشر دقايق ضبحت قامت جالسه تلوي في الغرفه وبتشوف من الطاقه لبيتهم ،

جنب الطاقه طاوله سمعت التلفون هزاز التفتت للماسه وشافت جنب التلفون ورق عده شعارات وتصميمات لحقت اخر كلمتين بقيه الجمله فوقها ورق( سكن ورعايه و إعادة تأهيل العاملين... ورقه جنبها ، سيڤي وصور نسوان فيها

حست انها بتتفيضل وتشوف اشياء مش لازم تشوفها رجعت نظرها للطاقه وبعدين دخلت رجعت جلست بتشوف الدولاب الي امامها نصه زجاج فيها شهايد وصوره لما كان لاعب تيكواندو، وصوره في مسابقه سباحه، وصور في مسابقه ركوب الخيل..

دخلت مرت اخوه وهي واقفه بتتفرج: شكلش ضبحتي

نور : ايوه رجعت اتبسر من الطاقه شويه والصور شويه

مرت اخوه شافت الصور: كان روحه واصل يفوز بالمسابقات كم جمع ميداليات ، بعكس زوجي روحه يجمع الزلط بس

ضحكين الثنتين

في الغرفه الثانيه .

الجده: اشتي لو معاكم صوره من الورقه الي انتو شاهدين فيها حين ابي ادالي ثلاث لبن خارج القسمه حق زوجي ابو عيالي( والكلام الي كتبه بخط يده الله يرحمه ان الباقي اشتراه مني وبالمبلغ والتوضيح كله قد انتو داريين )

جد صهيب: اكيد معي بعد الموضوع الي قالو لنا، واجتمعنا انا وابوش الله يرحمه و زوجش مع ابي الله يرحمه قبل الموت حين حاكانا ان به كنز مدفون

الجده: هو لو كنا داريين الورقه الي فيها الرمز مدري الدلاله الي قالو عليها كان تمام

الجد: ايوه بس المشكله حين عمرنا ملحق ونافوره ابني الله يرحمه كان يعاند ذلخين مش انا داري وين وكيف نلقى الدلالات

الجده: المشكله لو حاكيت جهالي مابش فيهم خير ، الكبير رافع عليا قضيه بيندور الورق الي تثبت له ان معي حق في البيت متخيل بيندور لابني اثبات !

الجد : خيره الله ،مانفعل ، انا ذلحين والكل بينهم عيال ابني الله يرحمه جن، عيرجعو يتقاتلوا

لكن اسمعي برايه ذمه اليوم وصلتني الورقه الي فيها دلاله مدري رمز( كانت مع اوراق ابني ومش داري بها او كان مكذب للموضوع ويمكني خرافات)

الجده: ذلحين من تركن عليه انت!

الجد: صهيب ابن ابني الله يحفظه( اسكه خليهم يتصلو له يجي يدي الورقه حقش هي




📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

01 August 2023 00:19

@sanaaroohi2 🩵 الكنز المدفون ↴

ـ بارت 77

.
.بعد مالقي فرصه صهيب يكلم جده ناوله الأوراق..

الجد شل نظارته وبيحاول بعدسه ثانيه مكبره يكبر الخط ويقرا..

صهيب فيه فضول: بتقدر تقرا ياجد او اقرا لك؟

الجد: مع اسكت اخرج تم عملك

صهيب: اخي يشتي يطلع لاعندك

الجد خاف خبى الورقه بسرعه: صهيب انت الوحيد الي اثق فيه وعندك امانه ولو حلفتك بكتاب الله انك تحتفظ بالورقه هذه الى حين مارفقها بورقه ثانيه وصيه اقلك ماتفعل بها ولو مد الله في عمري قدحنا عنحلها سوا

صهيب بضبح متمالك نفسه رغم فضوله: تمام ياجد حاضر

اخوه دخل : كيف انت ياجد ، كيف حالك ، عظم الله لنا الاجر

الجد ( مايحب اخو صهيب مثله) : الحمدلله على كل حال

اخو صهيب  بضبح : ذلحين باقي بكره وتم العزا؟

صهيب: ايوه

اخوه: وعتجلسو هنا او ترجعو

صهيب: انا معي اختبارات شاسافر وجدي وامي مدري

اخوه: كيف مدري عتخلي جدي وحده

صهيب بنظره جاده: امي معه ، معي اختبارااات !! انت داري مافتحت كتاب ولابحث

اخوه ببرود: هو الا ماجستير مدري دكتوراه، يكفيك ، خليك معاهم وانا راجع عشان عملي

صهيب ساكت

اخوه: بتسمع؟

صهيب: طبعا بينسمع ايش شايفني اصنج؟

اخوه : ماشاء الله ماشاء الله ،الله يرحمه سار وماقد رباك سوا

الجد: متربي احسن منك

اخوه( من الاب) : واضح الصغير يجي وقدهم تاعبين يربو

صهيب طنشه يتكلم وحده وخرج.

اخوه لحقه للممر : اسمع

صهيب: نعم

اخوه: دور على بيت اصغر من هذا ، شل لك لنص السنه وانا راجع بالصيف ابيع البيت نتقاسم الورث وكل واحد بعدا يسير بعد عمله ودراسته

صهيب زعل ع ابوه الي ماقد نشف تراب قبره ، طنشه يتكلم ونزل

اخوه عصب وبضبح اتصل للمحامي حق ابوه وحقه ايام ماكان يشتغل مع ابوه ( يتصرف ببيع البيت),

بيكلم نفسه:  يومين نقوم بالواجب قبال الناس، وبعدين انا اوريكم كيف الطريق

في الشارع..

خارج من البيت وهو معصب  رزع الباب بقوه ونور ع مشيتها لبيتهم سارحه في الارض نكزت صاحت وشافته( مالك)؟
صهيب طنشها طلع السياره وشغلها و دعس بترول فحط ومشي

نور بتفتح الباب وهي تكلم نفسها :زكاه عقله سعم انه زوجي غارق( حانق) بعد امس طز فيك محد قلك تلاحق وتتفيضل دخلت وغلقت


جدتها بتبكي جالسه ماسكه راسها

نور : يو مالش ياجده في الحوش مالش بتبكي ؟؟

جدتها : عيالي عيالي ابني بكري يرفع عليا قضيه بالمحكمه؟؟ حمي الدقنه فيه؟ حمي كتاب الله الي حافظه

نور : ولا تغثي ولا شي ، انا ادورلش احسن محامي

جدتها: يبيعوه، ماغير كان نفسي ازيد لهم الخير خيرين في ذمتي محلفه عليه

نور : ماهو؟

جدتها : شاقلش في وقته


( اعتذر متابعيني الاعزاء ع التاخير منشغله شويه, بعد ساعه بكمل الباقي )


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 23:30

@sanaaroohi2 🩵 الكنز المدفون ↴

ـ بارت 75

.نور دخلت السياره وقفلت شغلتها وجااااالسه ضاغطه على السويس مراعيه تولع السياره شافت ماولعت رجعت مره ثانيه تشغل وهي مواصله الضغطه وقفت والسياره اشتغلت فرحت.. تذكرت اول شي تسويه تنزل الهمبريك وتعشق للواحد وتدعس البترول ..السياره مشيت خففت الدعسه ومسكت بريك لما وصلت للجدر رجعت ريوست للخلف ،شافت مابش مساحه طفت السياره ونزلت
دخلت تلبس وبتكلم نفسها فرصه محد في الشارع تخرج تجرب تسوق والشارع فاضي.

صهيب كان بيسمع كيف بتشغل السياره غلط ومشيت ووقفت مستغرب ايش في ! معقول معهم حد تاعب يشتو اسعاف او شي !! قرر يراعي في الشارع يكلمهم

نور فتحت باب الشارع دلا  وطلعت السياره وريوست وخرجت، نزلت تغلق الباب

صهيب: خير في شي

نور نكزت قوي خافت طار المفتاح من يدها للارض ماعد شافت وين هو

صهيب قرب يولع

نور لقيته لقطته وتشتي تدخل السياره

صهيب: خير في شي؟

نور:ماشي

صهيب سكت ماحب يتدخل بس مستغرب واقف باب بيتهم بيشوف.

نور طلعت وجالسه تدعس بترول تدعس والسياره ولا

صهيب رفع صوته: نزلي الهمبريك ( هذه مالها؟ تعرف تسوق او ماشي)

نور نزلته والسياره مشيت دلا دلا وهي فارحه لفت يسار من ورا بيتهم و رجعت ريوست شويه ورجعت يمين..

سمعت صوت كلاب محوشات واقفه يبعدين،، طرقت لهن

صهيب بيسمع في الحاره جنانها مستغرب مالها؟؟

مشي شويه من مكان ما مشيت بيشوف وين رايحه ؟؟

نور بترجع تريوس ماقدرت الحجر وراها  تشتي تنزل من فوق السياره وخايفه من الكلاب

صهيب قرب لاعندها بيشوف كيف بتفحر السياره والتاير والتراب ملان الشارع نزل لاعندها: مالش ؟؟

نور خايفه صوتها بيرجف فرحت لما شافته ينقذها: خفت انزل ابعد الحجره الكلاب محوشات

صهيب اول مره بعد موت ابوه نفسه يضحك بس ماسك نفسه ( من شكلها وخوفها وغبائها: انتي عادش بتتعلمي السواقه؟

نور بهنجمه: ماشي اعرف

صهيب: وين تشتي تسيري وانا اقلش كيف تفعلي

نور: ايش ياسعم شرطي مرور انت، اسير وين ماسرت ماعتقلي الا لو قلتلك وين شاسير

قاطعها وهو ضابح بدون نوم وتاعب : بينقلش يا بنت الناس اين تشتي تسيري طريقش اقلش كيف تخطي مادخلني منش تسيري وين ماسرتي

نور مضطره تجاوبه يساعدها: خلاص اشتي ارجع البيت

صهيب: طيب ليش ترجعي !! امشي يمين ولفي

نور ماقدرت تقله معرفش بدأت تحاول قدامه والسياره ولا رضت

صهيب : الهمبريك ورجعي لقدام

نور ضبحت انها بينت نفسها مش فاهمه: ايوه داريه بس بينحاول ارجع

صهيب ضحك و رجع شويه: هيا حاولي

نور رجعت فعلت الي قال عليه ومشيت ماقدرت تلف بسرعه او تمسك بريك صدمت الجدر الي قدامها

صهيب  قرب للسياره: انزلي بس

نور: اخاف من الكلاب

صهيب: انا مش فاضي اجلس مراعي لش
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 23:30

@sanaaroohi2 🩵 الكنز المدفون ↴

ـ بارت 73

.
.امه: ياسعم ماعد بش عندنا قوي حبززه هكذا لكن ماشتو

دخلت خالته بصحن فيه عشاء: هيا ابني قوم تعشا انت وامك

صهيب: مابش نفس

خالته:امك ولا ذاقت لقمه قوا اجلس انت وياها

صهيب قرب لاعند امه: هيا لو اكلتي شاكل

امه جلست معه : هذا قسمنا من الغدا

صهيب بدا ياكل ويطعم: هذا كله الطعم يجي من تيك المجنونه، ماشاءالله.


في العياده..
بعد انتظار ربع ساعه للمريض الي قبله ، كان ابو بسمه اخر واحد منتظر ،
الدكتور : تفضل

ابو بسمه جلس: معك فؤاد المنذر

الدكتور فتح عينه انتبه الاسم هذا ابو بسمه : اهلا وسهلا

ابو بسمه: عرفتني؟

الدكتور: ايوه والد بسمه؟

ابو بسمه: نعم ،طبعا عرفت بالمشكله الي حصلت

الدكتور خاف يقول شي يفعل مشكله لبسمه حاول يستفسر اول شي منه ويستدعي النسيان وعن ايش

ابو بسمه كلمه بالي شاف كان بينهم من نقاش في التلفون: يعني هذا الشخص كلمني كلام غير الي حصل وجا وفعل مشكله لوسط البيت هذا وقد الذهب معه، مش عارف ايش المشاريع الجديده هذه حق الذهب ويدي مبلغ راتب شهري وينصبو على الناس

الدكتور ارتاح انه فهم الموضوع منه عشان يتكلم براحته: انا لما بلغتني بسمه بالي حصل استغليت انه كان عندي وضمانات تجاريه وظفته بها كنت شاستخدمها وبعدين اعرف الولد جبان قوي وحالتهم ضعيفه يعني كان يشتي يتخارج مايشتي مشاكل رجعها ع طول بالفلس وزياده

فؤاد: صراحه انا جيت اشكرك انك وقفت مع بنتي ساعدتها تسترد المبلغ ، واشتي رقم

عامر دخل مش عارف من الشخص الي داخل يفكر مريض: الله المستعان بس ، ايش نيتك ليش توقف مع واحده ماتعرفها وانا بينشتغل معك عمر بيننا عيش وملح، او قدك راسم عليها عينك على الزلط ، بينقلك اهل المره ضاغطين عليا ارجعها ماشي عيخلعو

الدكتور ابتسم قام وقفل الباب لحد يسمع خارج : اجلس ياعامر

عامر توتر ماله ليش تصرف هكذا : ايش تشتي مني

فؤاد حس شي غريب

الدكتور : هذا ابو البنت اتكلم بأدب اولا ، ثانياً لو عيني عليها انا رجال وعندي الشجاعه واقلها بوجه ابوها اشتي بنتك  مش انا جبان ، ثالثاً والله لو انت اخي مش بس عشره عمر وعيش وملح لو انت ابن امي لافعل مثل مافعلت معك واخس ، اخر شي وهو الاهم انك طلعت ولا تسوى حد يفعلك احترام انا الان سمحت لك تجلس وتدخل عشان ابوها بيدورك

فؤاد راعى الدكتور يكمل كلامه : وانا ماقاطعتك ، تسلم يادكتور،
ذلحين كلامي معك انت

عامر خاف وتوتر وقام وقف يشتي يمشي: انا مادخلني

فؤاد تاكد وصدق كلام الدكتور لما قال هو جبان بس حب يكشف كل شي امام عامر عشان سمعه بنته لايكون عامر قال للدكتور شي ثاني ( غير موضوع تجاره الذهب): كيف مادخلك جيت لاباب بيتي


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 00:28

@sanaaroohi2 🩵 الكنز المدفون ↴

ـ بارت 71

.
.في بيت جيرانهم

الجده كانت عند بسمه : انتي بتحبي نفسش ؟

بسمه : ماشي ماستاهلش اصلا احب نفسي على ايش، احس اننا غبيه كيف فعلت هذا كله

الجده: انتي داريه ليش فعلتي هكذا؟؟
بسمه: ليش؟؟

الجده: لانش مابتحبي نفسش

بسمه: بس محد بيحبني ، على ايش احب نفسي

الجده: لما انتي بتحسي هذا الاحساس كيف شاحبش وانا داريه انش مابتحبي نفسش

بسمه:ايش قصدكم

الجده: لو كنتي بتحبي نفسش ماكان حد قدر يضحك عليش، كانت نفسش الي بتحبش عتمنعش تحبي اي حد وتحبي بهذه الطريقه وتدي بهذه الطريقه ، لو بتحبي نفسش عتحبي اهلش وتخافي ع مشاعرهم ، لو بتحبي نفسش كنتي مقدره قيمه نفسش وماعتراعي لواحد يحبش ويهتم بش ويدلعش ومن حقكن الخباله ها ، دريتي ، البنت الي تحب نفسها بتوقع ذكيه خايفه ع روحها و داريه ماتشتي ومن يحبها صدق ومن بيكذب عليها لانها مابترجم قلبها لاي حد..

نور دخلت : قد شليتهم وعاونتهم

جدتها: وانتي ادخلي جنبها الكلام لكن الثنتين، عتلاقين في الجامعه كم ياحكا وكم يا جهال وكم يا فرغه وهدره وهو عادو بيستاذن ابوه يخرج يلعب كره او مع، ويعلقش ويفعل نفسه طرزان ، انا شاهنيش وادلعش واعيشش في قصر
و ادي لك ياخرط ولما تقلي له ايحين عتخطبني يقلش هااه اصلا امي خطبت لي بنت عمي او ابي مارضيش او ماشوقف نصيبش ليش لانه مل ضبح حبش وشل الكلام الحالي وقدش قديمه وقت يدور غيرش ..

نور : شلوهم ما احب فيهم استغفر الله بس ، يبسرني ويتبسرني ويطنن واظن ياساتر انه قد عيموت فيني اقفي شويه وارجع وقد بيبسر غيري ،يعني عيني عينك مابيستحوش

جدتها: استحي انتي وهم ماعيبسروش قلعو عينش يتبسرش ماجالسه تتبسري فيه

نور ضحكت : يهي ياجده بينقلكم بس مابيفعلو، ابردو لكم من الطلاب نقول غاويين جهال ساعنا، انا من الدكاتره حقنا بينكتو نكت يالطيف ، ويجابرو ويحاولو يبرزو نفسهم نحبهم، وبعض بنات . مايصدقين يدو لهن وجه يحوشين حول الدكتور كأنه ميسي عيوقع لهن.

بسمه جالسه تكسر اظافرها وهي بتسمع ( داخل نفسها) : كل مره كانو يقولوا نور عجوزه نور اكبر من سنها، نور مش مهتمه بشكلها ولبسها وجمالها ، بس لما وقعت هذه القصه نور قدي احسن واحده مدري هو من كثر ماهتميت بنفسي ومحد قلي كلمه حاليه غير انتقادات صدق فرحت وسمعتها من عامر الكلب وصدقت مدحه فيني، ملكه جمال مابش مثلش انتي انيقه وانتي غير ، صح كلام جدتي



في بيت اهل بسمه

ابو بسمه وصل البيت وهي بتجهز شنطها : اطرحي الي في يدش وجي نتكلم

مرته: ماشتكلم بشي

زوجها: الي بتفعليه مش حل ومش صح ، كلام انقال وقت ضبح

مرته: كل ماربيت وشددت على جهالك انت كنت تخرب وتدلع وتدي لهم كل شي طلبوك تلفون اديت

ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 00:27

@sanaaroohi2 🩵 الكنز المدفون ↴

ـ بارت 69

.
.لو جيتي وقلتي لي ها هذا الشخص يشتيني وجاي من الباب

بسمه بتتحسر لو استشارت ابوها

ابوها: من الي رجع فلوس الذهب وكيف لوما، هاتي رقمه

بسمه: هذا الشخص ماله دخل بشي هو كان موظف هذك عنده وهو استاذ نور في الجامعه فهمناه انه خدعنا وقال يشتي الفلوس يشغل عيادته ، عشان يطلع فلوس ويتقدم لي

ابوها : خرجتي معه؟

بسمه بهررت وشلت تلفونها وسارت ناولته: ماشي والله مستحيل افعل هكذا ، ها هذا تلفوني كل شي هنا

ابوها شل التلفون بيقرا كل المحادثات
( كان كلامها فيه خجل وتلمح له لو بتحبني تقدم لي بس هو جالها باعذار وامه مريضه ويشتي يخطبها قبل محد يشلها منه، وانه مطربق ديون قوي بسبب انه فتح عياده يشتي حد يسلفه مبلغ لفتره ويرجعه، شاف كلام بسمه له هذا رهن لو سمحت لاتبيعه) وبعدها شاف ردوده هروبه بعد ماسلمت له ذهب، كل رسايلها له، ايحين عترجع الذهب انت قلت تشتي اسبوع بس، ليش مابترد وينك ردوده مشغول زاعل منش مارضيتي تخرجي معي، مارضيتي تدي لي صوره ، مش واثقه فيني ، يعني شاكل صورتش ، ياسعم النت مابش فيه بنات حاليات ابسرهن بتتدلعي ( كان دمه يفووووور وهو بيقرا هذا كله) بس شاف بنته ولارضيت تدي صوره ولاتخرج ومكالمات ترفض.. ( تطمن شويه، بس مش مبين لها )

خرج وشاف اسم الدكتور فتح محادثته

من اولها( نفس الكلام الي قالت له، انه نصبهن وخدعهن عشان يعالج امه وانه دكتور، الرساله الي بعد سالته على الدواء وكتب لها
وماعد.في اي رسايل...

رجم لها تلفونها وقام

بسمه: مسكته ي بابا اسفه قوااا لاتزعلش وتفعلو مع امي مشاكل، والله اخر مره

ابوها: طبعا اخر مره ليش حماره و ناويه تكرريها!!!

مسكها لاتبوسه وتتاسف له وخرج وقفل الباب..

جلست تبكي في الأرض
نور على دخلتها لاعندها اول ماشافته خرج

عمها خاف لاتكون نور مثلها مخدوعه بحد وبالذات مابش معها لا اب ولا ام: وين تلفونش؟ اشتي اتصل تلفوني طافي

نور ناولته : ها ياعم اتصل ملان رصيد، شدخل لاعند بسمه.. ودخلت

عمها مايشتي يحسسها بمراقبته( فتح التلفون وشاف كل البرامج الاسماء الرسايل مابش معها شي) طرحه فوق الماسه وخرج

الجده: ماعتلقاش مع نور شي داري ليش

ابنها بيتفرجها سكته

الجده: لانكم ماقدرتو تربو، اقلكم مابش تلفزيون ومسلسلات للبنات الا وحد جنبهن يفهمهن ان بعضهم كذابين وان هذا تمثيل، مابش من يحازيهن ويفهمهن انه خيرات عيقولو لهن كلام حالي بس لو كانين بيسمعين الكلام هذا واصل في البيت المدح والتغزال بجمالها وادبها وانها عاقله وانها وانها ولو خرط، شبع بنتك حنان وحب واهتمام ودلع وكله ، امد تكون واثقه من نفسها ولما تسمع الكلام هذا من خارج ماياثر ويقدر اي حد يزيد عليها


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

29 July 2023 01:35

@sanaaroohi2 🩵 الكنز المدفون ↴

ـ بارت 67

.ابوها فتح الباب ودخل..
بسمه: مافعل؟؟؟
نور : كلميه بالصراحه كل شي وبس

الجده خايفه

فؤاد دخل معصب : امشي قدامي

امه : قسما بالله ماتخرج معك خرجه ادخل هنا تحاكى 

نور سارت ادت له ماء : ياعمو صلي على النبي اول اصبر اجلس

فؤاد مارضي يوقف ولا يجلس

امه: قامت وقفت مسكته وبتسحبه الديوان : العقل يابني افهم اول من بنتك لاتخلي الشيطان يزيد عليك

ابنها: امه انتي بتفهمي او مع سمعتي ماقلتلش

امه: لاحول ولاقوه الا بالله: لو حد جا حاكاني عليك شاصدق او أسألك اول؟؟

فؤاد : ادعيها لو سمحتي لو دعيتيها شاهدأ لكن هكذا حرام لاخرج غضبي عليها..

الجده بتدعيها
بسمه دخلت وهي بتبكي ويدها بترجف وخايفه

فؤاد: هكذااا تفعلي بي؟؟؟ هكذا !!! اخرتي تعبت كبرت ربيت ويجو لباب البيت يتكلمو على بنتي شويه صعاليك !

بسمه منزله راسها وبتبكي

الجده : احكي ماحصل وهي تسمع وتجاوب

فؤاد: بس لو تكذب قسما بالله ماتزيد تشوف يوم

بسمه : حاضر

فؤاد: جا واحد اسمه عامر قال عرفتيه من اين معرفش قال جننتيه ملاحقه اذيتيه رسايل اتصالات قلش يابنت الناس انا مش من مستواكم ولا قدكم وانتي ولا قلش فقير اصريتي عليه وناولتيه ذهبش وقلتي له بيعه واخطبني

بسمه بكيت: اقسم بالله انه كذاب والله

فؤاد بيصيح متشنج معصب : وكيف اصدق وخبيتي عليا هذا كله؟ من اين عرفتيه؟

الجده : اهدأ خليها تتحاكى

بسمه: عرفته دخلت اسأله كاتب انه دكتور اسنان في عياده، سألته على الم الاضراس

ابوها قاطع: سرتي تقلعي عنده

بسمه: ماشي ، سألته اول وجاوبني وبعدها تواصلنا وقال هو معجب فيني الكذاب مش انا ،

ابوها: كملي بدون كذب

بسمه: تواصلنا قلت له لو تشتي نتواصل وتثبت حبك تقدم لي
قال عادنا فتحت العياده وغارق قوي في ديون، اشتي انقاذ سلفه مبلغ منها اسدد جزء للبنك ومنها اتقدم لش  صدقته سلفته ، وبعدا ليوم سرت العياده اشوف ليش اختفى افتجعت لو في شي مش صح، سرت وهو مش دكتور مساعد طبيب وكان عرسه

فؤاد ضحك: خدعش عشان عرسه، ياغبيه، واديتي له ذهبش؟

بسمه سكتت

ابوها قام وفتح تلفونه: هذا الكلب والله ماراحت له..

بسمه: رجع الفلوس كلها اصبر اكلمك
لما شفته كذاب كلمت الدكتور الي شغله عنده وضمنه..، وتكلم معه ورجع فلوسي

ابوها: هاتي رقم الدكتور هذا الان

بسمه: ليش

ابوها:* قد العالم كله داري وساعد بنتي وانا اخر من يعلم

الجده خرجت


ابوها زاعل وملان عيونه دموع: ليش هكذا؟ قصرت معش بشي؟؟احلى عيشه واحلى مصروف واحلى دراسه واحلى لبس دلعتكن ، تدوري تساعدي واحد يجي يخطبش مش قادر ومسترخص يدبر لخطبتش !


اليوم كنت جدا منشغله، كتبت لكم الان تصبيره بكره نكمل اسفه و مقدره حماسكم🙈ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

28 July 2023 00:24

@sanaaroohi2 🩵 الكنز المدفون ↴

ـ بارت 65

.صهيب: ولو قدر الله ومات حد

الجد: نحمد الله ونشكره هذا حال الدنيا كلنا عنسير محد باقي الا هو ، ابوك مات؟؟

صهيب  حضنه :   انت قويتني ياجد ، واشتيك تقل لنفسك الي قلتلي

الجد بكي وبصوت فيه رعشه: انا لله وانا اليه راجعون ،انا لله وانا اليه راجعون

صهيب: اديته لك تبسره قبل مانقبر

الجد: شلوني معاكم

صهيب باينشغل لكن ماقدر يكسف جده: بعيني

نزل هو وياه..

الظهر الساعه ١
خرجين بالغدا لبيت جيرانهم الجده ونور وعصماء..
وبعد العزاء طرحين الصحون يشتين يمشين

ام صهيب : اسلمو كثر الله خيركم قاطعتها بنت اختها( ياخاله كيف افعل ذلحين افرش الفراشات في الصاله الي جنب الديوان عشان الرجال

الجده دكمت نور وعصماء: سيرين عاونينها

ام صهيب مستحيه منهن: قوا لكم والله مانسى جميلكن هذا ،عاد اهلي دريو واهل زوجي الكل عيجي ذلحين ، لاتتعبين نفسكن ، ورين الشغاله بس كيف تفرشهن وتكنس

الجده: الا واقطبين افرشين كلكن

نور وعصماء دخلين الديوان مع بنت خاله صهيب

نور شافت صورته معلقه دكمت عصماء بتأشر لهان

بنت خاله صهيب: مارأيكن هذا عيكفي للصاله هنا، جين ابسرين

عصماء كاتمه نفسها لاتضحك ع  مواقف نور مع صهيب

نور بتشوف معها: ايوه لو  ندي الزاويه حين البقعه مدوره

بنت خاله صهيب: تمام

نور رجعت وشافت صور ثانيه تشبهه بتسال بنت خاله صهيب: وين بقيه جهال وبنات الي مات

بنت خالته: مساكين اغلبهم مسافرين البناات تزوجين وسافرين، و صابر في الاردن عظن عيجي اليوم ،وواحد في كندا ، مابلا صهيب بس مسكين كله على رأسه
هو
نور هزت راسها وشافت عصماء

بنت خالته خرجت 

نور: اسم المجنون طلع صهيب

عصماء بهررت لها تسكت..

كملين يفرشين..
نور لبست وقدها خارجه

ام صهيب بتهوي وجهها مش قادره تتنفس وممدده في الارض عند الباب حق الحوش

عصماء : يو شكلهم دوخوا

نور رفعت راس ام صهيب : يوو ، اسكه ادي ماء حاكي هذه سما الي عاونتنا تجي

ام صهيب : الله يسامحك ياصهيب الله يسامحك والمعانده حقك ساع ابوك وتبكي بانهيار ( مافعلت من فعله انا من قلي اصدق جاهل مالي ماتصرف)

نور بتسمعها و زاعله عليها بتبكي معها وتهدأها: ياخاله اهدأو تنفسوا
سما وصلت: يوو خالتي فيهم الضغط مانفعلهم اين امي اسير ادعيها لاتفلتين لهم راسهم انتبهي يانور لايدوخو

نور جالسه وماسكه راسه ام صهيب فوقها وبتهوي لها

عصماء مبلوده مش عارفه تتصرف الماء له ساعه في يدها

نور بضبح شافتها مطننه: اسكه ادي الماء وانتي

فتح باب الحوش ودخل شاف امه ممدده في درج باب البيت وحولها بنات قلق و رجع اشر لهم يراعو خارج... دخل وقفل الباب وعينه ع الارض...الله الله... مالهم امي ( منزل راسه )
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 July 2023 01:39

طبعا الرواية من تأليف الاستاذة عبسر الكبسي
ولها كافة الحقوق ونشكرها على تعاونها معانا وسبق ان استأذنا منها في نشر روايتها ووافقت
مرة ثانية نشكرها الف شكر

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

04 August 2023 00:52

@sanaaroohi2 🩵 الكنز المدفون ↴

ـ بارت 89

.نور بيد واحده حضنتها و دمعت : وتسخو هكذا تصيحو فوقي

جدتها :ناهي مالش مصفره

فؤاد: امس طارت الرصاصه ليدها بس ال..

ماكمل كلامه

الجده صاحت وضربت على رجلها: يو جعلي مكسر على بنتي ،يو حسبكم الله ليش ماحاكيتوني

نور : اهم شي ذلحين قدنا بخير.
الجده : كبف كيف وماوقع..

فؤاد جلس يحكي لها وهي تتحسبن وتدعي على سمير.

بسمه وعصماء حضنين نور وسلمين عليها وجالساات جنبها، سمعين بطولات صهيب وجلسين يعلقين عليها.

في مكان ثاني

صهيب راح يكمل اعماال و اوراق ويوقع عقود حق الدار ، و رجع اشترا ورد وشكلاته ، ودخل لاعند امه : قدي في البيت يمه(لو تشتي تزوريها)

بنت خاله صهيب بتشوف الورد شكله رهيب والشوكولاته حسدت: هذا قدو خطوبه مش زياره مريض

ام صهيب: ابسرتي مافعلو معنا وكيف وقفوا وبالذات نور هذه على بنت ماشاء الله حميش.

بنت اختها : هيا ناهي ياخاله مافعلت شي مكلف بتفعل كل الي بنفعله

ام صهيب ماحبت تحرجها قدام ابنها وتقلها امها ليش بتشتكي بها لاعندها.

صهيب طلع غرفته شاف انه طفا تلفونها ذكر يولعه لاتقلق لو اتصلت..

وصل اتصال نفس اللحظه..مكتوب بسمه

صهيب : الو ( سمع صوتها )
نور ناسيه وين ضيعته: اين لقيت التلفون هذا ياولد!

صهيب : التلفون يابنت هذا بعدي بعدي ماخلانيش ارقد امس، ساع الرازم مثل صاحبته

نور سمعت صوته عرفته : هاا هو عندك يعني كان فوق السياره

صهيب ضحك: لا كان في الغرفه نسيتيه فوق الكنبه، كنت اشتي اسالش كيف انتي ، بس واضح ماشاء الله انش بخير قوي

نور: الحمدلله ، وتسلم قوي ع كل شي فعلته، حتى انك سحبت دم، قوي شكرا

صهيب: ماشاءالله بينقل ايش هذا الادب والتغيير مصدوم وطلع لانهم نقلو لش دم مني

نور ضحكت : نفسي ارد بس من كثر ماتجملت شاسكت لك اليوم بس، شكرا مره ثانيه

صهيب ضحك: تمام، مابش شي انتي مثل اختي الصغيره، التلفون امي عتجي لاعندكم شاناولها.

نور: تمام

قفل و رسل لخطيبته رساله : كيف انتي، جالسه مشغوله كم شنط عتشلي من امس بتجهزيهن وايموجي ماسك راسه

خطيبته ردت : اها اخيرا فضيت وعادك بتتفلسف، ماشاء الله عليك منقذ الارواح مابش احد في الحاره الا انت تسعف بنات الناس

صهيب:( رد بضحكه ) بتغيري عليا مسرع

خطيبته ردت بضحكه : اغير عادك مسكين، بس بينكتشفك

صهيب: ياساتر تكتشفيني ليش تتعبي نفسش اسالي واجاوب عليش ببساطه، امس اسعفت بنت الجيران انا وعمها و هو سار القسم وانا جلست لوما جا

خطيبته :ياحنووون اخر حبه في البيت والحاره، عدموا الاوادم في بيتهم

صهيب بعفويه يفكر كلامها مزح رد عليها بضحكه : تصدقي من حظي امس انها فعلا حلقت ماكان في الا انا كله كوم وتوقيع العمليه

ت.ع.خ🌹جمعة مباركه
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

04 August 2023 00:51

@sanaaroohi2 🩵 الكنز المدفون ↴

ـ بارت 87

.
.صهيب فرح فلتها وخرج يدي الادويه..

رجع وقد فؤاد وصل بعد توصيات صهيب للقسم عنه وبعد ماحققو معه..
وصل فؤاد وصهيب الغرفه نفس اللحظه كل واحد من اتجاه بعد ماسال فؤاد على غرفتها وين

بيتجابرو باب الباب وقد في ناس داخل والممرضه.
فؤاد دخل شافها في الارض: اووه ايش حصل مالها

الممرضه معصبه: بنقلكم مريضتكم بعد تخدير مفروض حد جنبها فين الي كان هنا قلتله يدخل ومارضيش، البنت تشتي تمشي دوخت بسبب التخدير وعلى جهه الجرح حق يدها

صهيب حاسس بتانيب ضمير: يختي ماقلت لش ماشدخل بينقلش مايسبرش مش انا قريبها ومع ذلك حين غطيتيها دخلت شفتها رقدت نزلت ادي الادويه

فؤاد احترمه قوي وتجمل منه : ياخي الله يحفظك بس مدري كيف سخرك الله هذك اللحظه لولاك ان البنت راحت من يدنا، تسلم ماعرف كيف ارد دينك


صهيب داخل نفسه: كيف العم محترم والبنت لقنه ولا تجملت بشي، ناولها الادويه: مابش شي، فعلنا الواجب، اتصل للوالده تجي عندها ؟

فؤاد مسك كتفه بامتنان وشكر: تسلم الله يبارك فيك، الان عيجو من البيت عندها.

صهيب: خلاص خليك معها الان، وبعدا ارجع قلي ماحصل في القسم ومايلزم اي وقت هذا رقمي سجله عندك..

في البيت..
الجده: وين نور تاخرو قد فيني نوم قوي

ام بسمه : تاخرو السياره وقفت عليهم بيصلحوها، انتو ارقدو ياعمه وانا شكلي شامسي.هنا لان فؤاد يعلم الله ايحين عيجي

ام عصماء اتصل لها زوجها تسير معه يوصلها لاعند نور تجلس معها.

بعد مسافه الطريق وهو بيسوق ويتذكر الي حصل معها و زعلاااان عليها كيف فلتت للارض بسببه انه فلتها جلس ضميره يأنبه عليه ، تذكر كلامها وهي بتهلوس مابش معي ام واب ، ومقهور ومعصب من سمير ليش يضرب رصاص وسط البيت ..

وصل البيت

امه : وين انت تاخرت يابني

صهيب دخل جلس في الارض قدو تاعب : خليها على الله بس، ماسمعتي الغاره الي وقعت

امه : ماشي؟؟ايحين !!

صهيب: وقعت مصايحه وطلق نار بيت المنذر

امه : بيتهم يووو انا قلت عرس

صهيب : تخيلي بيتعاصرو والمسدس في يدهم والفضوليه نور تخرج لاوسطهم ووقعت الرصاصه في يدها واسعفناها

امه مسكت وجهها : يعو والفعله يوو، وكيف هي الان الحمدلله انها في يدها، يو ياساتر استر لو وقعت في راسها او قلبها لطف الله، مسكينه جدتها عتجنن

صهيب: ماظنش حد داري لان جدتها قالو دوخت من صياحهم ومقالعتهم ماقد دريت الي وقع

امه : لاحول ولاقوه الا بالله، عادها كانت تشتي تكلمه من اخوته شافته تاعب سكتت .

صهيب اطلع غرفتي ارقد قدنا تاعب

امه: تشتي عشا

صهيب : لا شابع اشتي ارقد

امه: انت داري اهل خطيبتك جت امه واختها بس خمس دقائق يعزين و روحين ، وثاني يوم فاعلين جلسه بمغنيه عندهم لصحبات خطيبتك !!!


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

04 August 2023 00:51

@sanaaroohi2 🩵 الكنز المدفون ↴

ـ بارت 85

.زوجه سمير الثانيه :مدري اتصل قال لنا جين ذلحين بيتنا، وصلنا قالين ( بتاشر لام بسمه وعصماء ) انش مريضه وانش احسن مني ياعمه

الجده: هيا قومي روحي ارقديلش ،الله معش

الزوجه الاولى شافتها وبتضحك وهي ماسكه فمها لاتبين لها ياسعم

الزوجه الثانيه اتصلت لسمير : هيا عنروح امك قد بتطردنا.

سمير : اخرجي انا باب الباب

الزوجه الثانيه قفلت: يو انا فداله قال انه من اول مراعي لي باب الباب لوما اتصل له

الزوجه الثالثه ضحكت:  هو مراعي يجو اخوته يدخل يتقاسم حقه ، لو مراعي لش كان اداش مش جالسه مراعيه ليزن(ابن الاولى) يوصلش.

الجده : قسمو عينه جا صايح وتبدع وتقالع مع اخوته لوما رفع ضغطي ، ولاعيشم فلس، والي بتوزوزه منكن شادعي عليها ليل ونهار

الثانيه: يو بسم الله على عينه ، ادعي ياعمه عينتقمها الله الي بتدحسه( شافت الاولى)

ام بسمه ضبحت و توترت منهن خرجت للحوش تتصل لفؤاد ولا بيرد ..قدها بتقلق

في المستشفى

صهيب بعد ماسحبو له دم وجالس ممدد  ومنتظر نتيجه الفحص( راسل خطيبته)
خطيبته : ماشي ماقدرش اكلمك ذلحين بينجهز شنطه سفري

صهيب: اين عتسافري؟

خطيبته: اول شي طبعا عنسير لمصر بعدها عنبسر من هانك لوين

صهيب: ايحين

خطيبته: بعد يومين
صهيب متفاجئ : ها وليش ماقلتي لي

خطيبته: ليش اقلك ياسعم انك ولي امري، عادك الا خطيب

صهيب بضبح : ليش ماقلتي لي اعرف بس مش مانعش ولاعندي مشكله حتى لو انا ولي امرش، انتي نفسي افهم ليش كل مره نتكلم بتفعلي مشكله

خطيبته: لان اسلوبك مستفز بعض اوقات عليك اسئله بتحسسني ان انت قدك زوجي

صهيب: طيب عتوقعي زوجتي مش غريب الموضوع وانتي خطيبتي لما اسال بينحب اعرف كيف نظامش كيف حياتش بتمشي اعرف كيف شاعيش مع الانسانه الي خطبتها مش تحقيق ولا امنعش

خطيبته: طيب بس ماحلقت ذلحين تعرف حياتي كيف ماشيه وانا بينجهز شنطتي مشغوله

صهيب بهرر لما بيقرا هذه مالها متشنجه ع طول رسل لها : لازم لش علاج يرخي الاعصاب عشان تستمتعي بالسفره، حظ موفق وتوصلو بالسلامه ، باي

خطيبته قرأت الرساله وعصبت : ليش ترد عليا هكذا و باي ايش قصدك بباي ؟؟

صهيب ماعد رد عليها طلعت نتيجه الفحص كل شي تمام ومناسب : اخذ الدم و طلع

الممرضه: الحمدلله انك لحقت في الوقت المناسب ، لانها فقدت دم كثير، المهم وقع الاوراق هذه هنا لو سمحت عشان قدها داخل في العملية

صهيب شل بيقرا اتعهد انا .. كتب اسمه ولي امر ..نور.. ماعرف اسم ابوها كتب المنذر  اذا ... بيقرا ياساتر ولاوقع بها شي اتحمل انا؟؟

الممرضه مافيها طافه تشرح له :هي الا هكذا ورقه وقع بس ، قد كل شي بيمشي بقرشين اليومين هذه

صهيب وقع وناولها، طول فتره انتظار نور وهو خايف
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

03 August 2023 01:03

الرواية عتتاخر اليوم

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

02 August 2023 00:10

@sanaaroohi2 🩵 الكنز المدفون ↴

ـ بارت 82

.
.صهيب: ايش في خير، قد القسم جاي لهنا
فؤاد قلق وخايف مش داري وين الرصاصه وخاف ع نور لتكون ماتت مش داري انها دوخت: سيارتك بالباب؟؟؟

صهيب: ايوه ليش

فؤاد:نسعف بنت اخي

صهيب: الان اقربها ، اسرعوا قبل مايجي القسم

سمير جالس مصدوم ماقدر يتحرك او يتصرف يفكر نور ماتت

بسسمه خايفه بتبكي

ابوها هزر من. فوقها المقرمه: لبسيها معي سريع غطيها، انتبهي حد يعرف. جدتش او اي حد من الحاره

فؤاد شاف اخوه ابو عصماء وهو معصب : اجلس مع المجنون هذا ولا سير اسعف امي شوفوها مدوخه، تصررفوا ، الله يلعنه المدبر هذا ، شاف سمير ، قوم اخرج. خرجت نفسسكك، قسما بالله. لابلغ القسم الان يجي لهنا ، ليش عاد حنا نخبي ونغطي. علييك

صهيب دخل باب الحوش: ااقطب ياعم االسياره حق صاحبي محوزه ع سياره القسم امد

صهيب شافهم بيسحبوهاا يمشوها مدوخه و الدم بيسيل: ربطتو الجرح؟؟

فؤاد: معرفش ، شاغسل سياارتك. في المغسسله لاتقلق

طلعوها السياره يخرجوهاا. امد من الناس

فؤاد: ماتتفرق الناس خلاص مانقدر نخبي شي اهم شي البنت

صهيب شغل. السياره وبيمشي بسرعه

صهيب: ياعم اضغط ع بقعه النزيف ( مارككز ولا داري من هي ) كان.وجهها مغطى، طيب اسالها

فؤاد مش انا داري وين :نوور


صهيب بدون. شعور التفت للورا شاف

نورر صحصحت: يدي بتحرقني بتوجعني


فؤاد شاف يدها: اين

نور مسكت الجرح وصاحت

فؤاد مسك بقعه الرصاصه اعلى يدهاا مابين الكتف ومفصل اليد ، يو في دم خييرات ب اايش اربط

صهيب بعد شاله من فوقه: ها اربط قوي وشد ولو وجعهاا

فؤاد سحب. الشال و طرحه. تحت يدهاا وربط


نور من كثر وجعها رجعت تدوخ

صهيب ناوله قاروره ماء: شربها

فؤاد نزفها بيرش وجهها. فتح الطاقه, اشربي نوور

نور فتحت عينها وهي مدوخه : حق من القاروره ، مش جديده، مشتيش

صهيب مبتسم وماسك نفسه. لايضحك، عليها

يعني قددها عتموت عتفرق معها الان الماء حق من...

وصلوا المستشفى..

فؤاد نزلها ماسك يدها الثانيه

صهيب لحقه مسسكه: من ضربها؟

فؤاد: مدري طايشه مش بعاني

صهيب: هنا مابش هكذا ، عيحبسو الي ضربها

فؤاد فكر من عيفرع بين نسوانه وجهاله، ومايشتوش بهذله

طيب نقول هي

صهيب: عيقلك كيف، اسكه وين الرصاصه شاف نور بقعه الرصاصه ..: قبل مااتدخل قول انها كانت بتجرب السلاح هي تتعلم الرمايه وبتصوب ع الجهه اليسار بيدها اليمين وبتصور سلفي بيدها اليسار امامها مستقيمه وانها ثقلت يدها اثناء الضربه نزلت شويه وضربت طرف يدها..

( بعد ماشاف وين الجرح وكيف)

فؤاد: انا مش قادر اتكلم ممكن تتكلم انت

صهيب: عيقولو من انت وايش تقرب لها لانزيد الكذب نفتضح

فؤاد لصهيب: جو امن المستشفى دخلها انت لوسمحت


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

02 August 2023 00:10

@sanaaroohi2 🩵 الكنز المدفون ↴

ـ بارت 80

.
.الجد: صهيب ابن ابني الله يحفظه( اسكه خليهم يتصلو له يجي يدي الورقه حقش هي في شنطه مخبايه عنده)

الجده : حاضر ( واشتي اكتب وصيه واطرحها عندك

الجد ضحك: هيا اخطي يابنتي ها قلك وصيه، قدنا على حافه القبر عاد انتي ٥٧ سنه ماشاء الله

الجده:قدي توقع مع اوراقكم ووصيتكم لاذمته من لقي الكنز اداه بالورقه الي شاقسم فيها لمن وكم

الجد: ماضمنش انا نفسي وجهال ابني الله يحفظهم مابيسدوش ، مابلا لااتحمليني يابنتي قوا ، دوري حد ثقه ، انا رجعت الا لصهيب حين قدني مطروح

الجده: ذكرتني اسير اقلهم يجي يدي الورقه شرق عليا

الجده خرجت : بتداعي

خرجت مرت اخو صهيب

الجده كلمتها

مرت اخو صهيب اتصلت له( كان في الحاره، طلع)


في مكان ثاني..
بسمه مستغربه روقان ابوها وامها هدأو بيعاملوها طبيعي

ابوها : مارأيكم نخرج اليوم نتعشا

مرته : اخيرا

بسمه ماقدرت تقول كلمه

اختها : ايوه بدون موافقه

اخوها الصغير: مشتيش اخرج ، مراعي للمباراه

ابوه: طز فيك شاخرج مع بناتي

الولد شاف امه بينهن وهو ماسكها : وهذه بنتك

ابوه ضحك حبها فوق راسها: وهذه بنتي قبل ماتوقعو كلكم ابنائي

خرجو وهم ماشيين طالعين المطعم

ثنتين بنات شابات بعمر بسمه بيتليقنين ويعلقين لما شافين الاب ماسك بسمه في يده اليمين وبثينه في اليسار ومرته قدامه بتمشي ( شكل هذه الاولى ، والثانيات الثانيه والثالثه)
بيضحكين

الاب سمعهن و رد وهو مبتسم: صح هذك الاولى والاخيره ،وهولا بناتها الثنتين

انحرجين البنات ومشين بسرعه وهن مكسوفات من فضولهن ولقانتهن

بسمه مس قادره تمزح وتتكلم حاسه بعد الي حصل بزعل قوي انها زعلتهم

بثينه بمزح : احلى شي وانا في يدك يا بابا محد يقدر يبسرني او يعاكسني

ابوها ضحك: ولو مش في يدي اتحدا ابوه الي عيعاكي ويأذي بناتي

جلسو وبدأو يطلبو الاكل ويتعشو ويضحكو

في مكان ثاني..

صهيب طلع ودخل يجاوب. جده بعد ما رد السلام حين دخل على الجده

الجد : ابسرت الظرف الي فيه بصيره هذا البيت والاوراق حق البيت القديم حقي الي بعته، اسكه اديهن

صهيب: انا لفيتهن كلهن بشنطه اديها؟

الجد : تمام

نور ضااابحه كل شويه مرت اخوه بتروح تشوف ابنها او تجاول وهي لحالها اتصلت لعصماء تجابرها وتسأل عنها..


بتقول ( هيا قوا جي عندنا قدلش خيرات مننا فقدتش، الصدق اشتي تجي تعلميني السواقه ،هيا يا عصماء بطلي اعذار) قفلت وجالسه تلعب بتلفونها


معاجل يشتي يناول جده الاوراق عشان يسير يشوف الدار هذا..

مرت اخوه لحقته تقله و قدو داخل في الغرفه

صهيب مانتبه لها ( جالسه فوق الكنبه الي  يمين مدخل الباب وجنبها عمود تعليقه ملابس فيها اكوات وشيلان،ماكانت مبينه مع لبسها الاسود


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

01 August 2023 00:19

@sanaaroohi2 🩵 الكنز المدفون ↴

ـ بارت 78

.
.نور : ليش بتبكو سهل يبيعوه يشلوه ، مانفعل به بكله ها سعمن هو قدو مسكون واحنا الا في الطرحه الي نازل انا وانتي

جدتها: بعدا عادو مش هو حقهم مابيفهموش هولا، ان معي نصيب فيه وسهم، الله يرحمه جدش ، حقه هذه الارض هو ادا نصيبي ثلاث لبن والباقي باعهن لجدش يعني ذلحين معي غير الثلث في هذا البيت حق ثلاث لبن ومعالمه لهن وماعيبتاه البيت الا برضايا انا

نور مش فاهمه مال جدتها مصغره عقلها و بتعاند عيالها يمكن كبر السن !!

جدتها مسحت دموعها: جهزي لي ثياب اسير اعزي اليوم اخر يوم

نور ذكرت جنانها حق الليل: ماع لاتسيروش وانتو هكذا غاثيين يو كيف قد وجهكم ساع الفلبينيات

جدتها: يوقع ماشتى، انا غاثيه وهو موت سهل

نور : مع ياجده قوا افتهنوا

جدتها قلبت : وانتي لاتقرحي قلبي، طز فيش شاسير اجهز لروحي قلي انش كسله لكن لاتحلبطينيش( تأخرها وتكاسلها),

نور قامت وهي بتهم: وانا اقول عمي لمن هو عنيد الا لكم..

جهزت ثياب لجدتها وبتفكر طالما ضابح يعني صدق معصب منها واكيد كلمهم ، بتفكر تجي مع جدتها عشان لحد عاتب يعاتبها هي وحدها مش ينقل لجدتها وتوصل لها هي


جدتها دخلت بتلبس:, وانتي جي معي ماشخليش وحدش يجي عمش يجنن يصيح يكسر شاقلق عليش وحدش

نور ع طول وافقت: تمام حاضر ، بس شجلس مع العزبات مش مع النسوان

جدتها: اجلسي اين ماشتيتي اهم شي تخطي معي

نور دخلت تروشت وخرجت نشفت شعرها ولبست وتدهونت وبتتعطر

جدتها دخلت : هيااا لي ساعه بيننعس وانتي بتحتشري في روحش هو موت موت

نور كملت تلبس  : ناهي ولا هو موت اسير بشعري هذا بكله ضروري انشفه والفه

جدتها: اصلا شعرش عتغطيه بطرحه هو موت بينقلش من اللغاجه

نور كملت تتجهز : مادراني وانا مابيلبسو للموت ،هيا خطينا .

في بيت جيرانهم ، قبل المغرب

الجده استاذنت ام صهيب تكلمها خارج

ام صهيب خرجت معها
الجده : كنت اشتي اتحاكى مع عمش يابنتي هو بخير عادو بحسه؟

ام صهيب: ايوه ماشاء الله قوي، مابلا مطروحين وقع لهم شلل بعد الجلطه

الجده: اشتيه ضروري في كلمتين، من عيطلع معي، انتي معش نسوان

ام صهيب أشرت لمرت اخو صهيب: اطلعي معهم لو سمحتي عند عمش

مرت اخو صهيب: حاضر من عيني ، طلعتهم. ونور بتمشي بعدهم مش فاهمه شي ليش جدتها تشتي تكلم جدها معقول صهيب كلمه او يشتي يكلمها صهيب معقول صهيب طالع!!

راسها بيلف ويودي ومش مركزه وين سايره

مرت اخو صهيب احترمت الجده لو تشتي تتكلم براحتها مع الجد وبتجابر نور : مارايش جي نخرج نشم هوا

نور بتمشي معها

مرت اخوه: العفو منش ابني راقد في المكان لو افتح لايقوم جي ندخل هنا امد مايتحاكو ( غرفه صهيب)



بكره الصبح اعوضكم بارت على قلص بن
ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 23:31

@sanaaroohi2 🩵 الكنز المدفون ↴

ـ بارت 76

.
.صهيب: انا مش فاضي اجلس مراعي لش تتعلمي سواقه اخر الليل انزلي خلصيني اشلها لش للبيت

نور: بينقلك اخاف مالك

صهيب بضبح معصب: اطلعي ورا

نور نزلت وطلعت ورا

صهيب بكل سلاسه رجعها لورا ولف ومشي

نور مركزه ع سواقته بهدوء وبيد واحده

وصل البيت: انزلي افتحي

نور: افتح انت

صهيب: مش انا السواق حقش

نور داخل نفسها: يا الله والسماجه الي فيه ، خلاص انزل مش انت السواق تدخلها انا شدخل السياره

صهيب نزل : هذا الي فالحه فيه خطوتين لقدام وخطوه ورا وقد فحرتي البترول والبريك ، تعلمي وبعدا سوقي وماتخرجيش اخر الليل وحدش

نور : وانت مادخلك بي انا حره

صهيب طنشها ومشي لبيتهم دخل وقفل الباب

نور دخلت بالسياره دلا طفتها وقفلت الباب و دخلت.

صهيب دخل بيته وقفل الباب: لاحول ولاقوه الا بالله ناقص انا جنان

في غرفتها دخلت وهي خايفه تتكلم امه او تقل لجدتها ماعتفعل جدتها وعادها تهددتهن لو تعرف شي

الصباح الساعه ٨
صهيب عادو رقد قبل ساعتين بعد ماستقبل اهله، وصله اتصال من شريكه في الاعمال

صاحبه: الحمدلله لقينا تساهيل خيرات ودعم قوي للموضوع حقك ،

صهيب:, اي موضوع؟ رضيو يبيعو لنا البيت؟

صاحبه:, ها مع مش حق بيت جيرانكم، بينحاكيك من حق اعاده تاهيل العاملات واطفال الشوارع

صهيب: اخي حبيبي انا موكل لك كل شي اهتم بالموضوع امد الموت  يتم وبعدا متواصلين

صاحبه:, انا داري بس قلت افرحك الله يعينك ياخي ويقويك ،مايلزم

صهيب وهو نوم: ارقد.. غلق التلفون. وهو مغمض و رقد

خرجت الصبح بنشاط للجامعه وبتدعي الله ماتلقاه ولاتصادفه لايذكر ويعايرها بجنان امس، طول الطريق بتدعي جدتها ماتعرف

وقت اذان الظهر..

الجده سمعت الباب خرجت تفتح .

اخوها بعد سلام وكلام جلس في طرف الدرج حق الحوش: كيف انتي ياختي

الجده: الحمدلله ، هيا ادخل

اخوها: ماقدرت تاعب والضعط مرتفع اسير ابسر نفسي الا جيت اقلش الله المستعان، ابنش المتدين الي يعرف الله يجرجرني محاكم اخر عمري

اخته بصدمه: يو ياساتر ليش؟

اخوها: رافع علينا قضيه انحنا ماسكين حق ابوه والورث والموضوع قدله خيرات ، والموضوع معصود عصيد على البيت

اخته: حسبي الله فيه ونعم الوكيل

شاف السياره: هو عندش؟

اخته: ماشي طرحها امس حتى مادخل

اخوها: نصيحه بيعيه وادي لهم حقهم لايتقاتلو عليه

اخته: شابيعه تمام بس لما يجي وقته

اخوها: تخارجي وعادش بخير

اخته بزعل : هذا الي عيحصل
شاجمعهم ونتفق

في مكان ثاني

صهيب مجتمع مع المحامي حق ابوه، والي كان ماسك نص اشغاله : طيب انا شاسلمها لجدي؟

المحامي: لا ابوك اصر هذا الظرف يوصل ليد جدك لو عادو عايش، يعني لازم اقابله

ت.ع.خ دلعتكم خيرات🌹


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 23:30

@sanaaroohi2 🩵 الكنز المدفون ↴

ـ بارت 74

.فؤاد تاكد وصدق كلام الدكتور لما قال هو جبان بس حب يكشف كل شي امام عامر عشان سمعه بنته لايكون عامر قال للدكتور شي ثاني ( غير موضوع تجاره الذهب): كيف مادخلك جيت لاباب بيتي تقول بنتي بتأذيك؟ ع فكره ورتني الرسايل كلها الي بينكم، وهي تقلك تقدم كلم ابي ، وانت شحات بدور بعد ذهبها وبتدور كم تسلفك وامك واخوك وانت ورجعت لاجئ مشرد تشتي بنتي تصرف عليك، هي بطيبه تعاطفت معك وادت ذهبها علاج لامك، وانت تمسخرت وقلت انه عشان تجي تخطبها ادت ذهبها لك ، شوف مش انا بلطجي ، بس لو ازيد اسمع حرف منك ولا بتدور بعدها او تفعل مشاكل وتجي وتتصل لاخفيك والي خلفوك من على الارض مايلقو لكم بقعه، خلي لامك حالها يتمت عليك انت واختك واختك عادها بعمر بنتي خليك في حالك عشان تجلس توبه لمكالفك لايجي حد يفعل مثل مافعلت واعظم ، يلا تشتي تتوكل الله معك لان الان زحمه لشارع تونس وشوعه مكالفك وحدهن في الحاره هذك

عامر مصدوم وخايف كيف وصل وعرف معلوماته !! خرج وهوو  ولانخس بيتلفت حوله يمين يسار لو حد بيراقبه او بيلاحقه ماتوقع هدوء ابوها لهذه الدرجه فكر انه لما حارس عيقتلها ويفتهن فيها مثل ماقهرته وهي بتخونه مع عامر...مواصل الطريق مشي مشتت وهو يفكر ويحلل


في العياده: العفو منك يادكتور ادوشنا راسك.

الدكتور: لا مابش شي، وماشاء الله نور وبسمه قمه الاحترام نور طالبتي وبسمه كانت تجي معها اوقات للجامعه، ف مايهمك شي من الي حصل الناس السيئه كثير بس ماشاء الله البركه فيك ونعم الاب انت.

ابو بسمه: رجاء لو جا مره ثانيه و زد فعل بلبله كلمني لو سمحت

الدكتور مسك صدره : ولايهمك اعتبرها اختي الصغيره ومستحيل اسمح بتصرف منه زياده ، اي شي يحصل شابلغك.

ابو بسمه رجع لبيت اهله ،شل بسمه وروح البيت ..

دق الباب الليل..
نور خرجت تفتح.
عمها سمير دخل سيارته الثانيه الحوش يخليها عندهم و روح

نور شلت المفتاح ودخلت لاعند جدتها
جدتها: ماله مايدخل يسلم عليا

نور: مدري

جدتها: وليش اداها ؟

نور : والله مالي علم

جدتها: شدخل ارقد وانتي؟

نور: اجهز قلافدي حق الجامعه واذاكر شويه وارقد

بعد ساعتين هدوء اخر الليل

نور جتلها فكره نفسها تجرب تسوق وفرصه سياره عمها موجوده تاكدت جدتها رقدت فتحت باب الحوش وخرجت

صهيب في غرفته بيغالط النوم وبيحسب موعد وصول اخوته يسير يديهم كان جالس في الطاقه سارح بيفكر كيف يفعل ومتى يسافر عشان يلحق الاختبارات

شاف لمبه حوشهم ولعت وفي واحده خرجت وبتمشي مشيه سرق خطوه بخطوه وهي بتسحب رجلها دلا وبترد الباب دلا
مبهرر اين عتسير الحوش! معقوله..؟؟ قام نزل وخرج الحوش

نور دخلت السياره وقفلت شغلتها وجااااالسه ضاغطه على السويس
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 23:30

@sanaaroohi2 🩵 الكنز المدفون ↴

ـ بارت 72

.تلفونات واديت لهم ، صاحبات وبتخليهن غصب عني يخرجين انا اقل مش ضروري وانت عادي ،اقلك لاتعودهن الدلع هذا وانت ولا بتفعل لي احترام ،

زوجها : ذلحين الغلط مني ومنش كنا مش منتبهين مادينالهم اهتمام عاطفي ، للاسف اهتمينا بالاهتمام المادي بس والحب عبرناه لهم بطريقه غلط ع هيئه دلع ماكنت اسخى اكسفهن في شي

مرته : طيب مافهمت الموضوع انا ماحصل وكيف وليش ادت الذهب ووين هو

زوجها جلس يفهمها كل شي وانه الحمدلله تلافى الموضوع
سرح شويه( ذكر الدكتور الي ساعدهن بحث عن اسمه وعنوانه) شاف الساعه قرر يلحق ويسير يستفسر عن عامر ويشل رقمه


بعد صلاة العشاء الكل روح من العزا بقيت ام صهيب ، اختها وبنتها طلعين وام صهيب جالسه في غرفتها

صهيب دق باب غرفه امه ودخل اول شي شافه قدامه صوره ابوه ،عطر ابوه ملان الغرفه ، قفل الباب شاف ملابس ابوه الي كانت معلقه ، امه جالسه فوق السرير بتبكي

صهيب امتد وطرح راسه على رجلها دموعه كانت تنزل ع جنب

امه: قدك تاعب ،جاوع؟ اكلت

صهيب ( اخر شي اكله البروست الي طلبه له ولهن) : مشتيش شي اشتي بس ارقد مرهق

امه: جي افعل لك شي تاكله وترقد

صهيب: لو ارقد ماشقدرش اقوم ، الساعه ثلاث شاسير ادي اخي من المطار وجهاله ومرته
يمكن يوصل هو واختي سوا

امه :طيب ارقد شويه

صهيب: هكذا انا مرتاح ،من جا اليوم؟

امه: يو والله مانسى وقفه ام سمير ، ادت الغدا وخلت بنات عيالها يفرشين الديوان مع بنت خالتك، ورجعت اتصلت للممولده( امرأه تحيي مولد ) وطلع قد حاسبتها هي ، من زمان وهم هكذا لو معنا شي مايفلتوناش

صهيب استغرب: من هي ام سمير ؟

امه: جيراننا هولا بيت المنذر

صهيب شاف امه وقفت دموعها والبكا وهي بتجابره حب يفتح معها مواضيع ينسيها شويه : ها، المره العجوز هي هذه؟

امه: ايوه

صهيب: بس معها بناات عادهن صغار

امه: بنات ابنها، واحده منهن الي كان نشتي نخطبهالك، امها كانت قوي مقربه مني الله يرحمها قبل ماتموت ، كان اي تفاريط في الحاره او عندنا او عندهم نجلس جمعه، بعد زواجهم بثلاث سنين وقد عمر بنتها نور الظاهر سنتين ،سارو الحديده وخلو البنت ربي لطف بها ، وهم ماتوا بحادث

صهيب تذكر صوتها بس وقتها ماكان قد بيميز من بيتكلم حكيت نفس القصه : هاا ، هي نور بس مجنونه هذك البنت

امه: بالعكس ماشاءالله ماحد بينتبه لجدتها والبيت بكله على راسها اليوم نص الغدا الي ادوه فعلته هي قالت جدتها وبنات عمها غير معاونه

صهيب بيتذكر لما دكمته ورجعت تعزيه بدل الاعتذار

امه: ايوه صدق ماتصلت لي حتى اتصال ام خطيبتك

صهيب: عزتني وقالت اعزيش واعتذر انها ماعتقدر تجي معهم حين يعزو مايسبرش ومدري ماهو
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 00:28

@sanaaroohi2 🩵 الكنز المدفون ↴

ـ بارت 70

.
.ابسر نور من كثر ثقتها بنفسها ماعد حسها في لبس وموضه قدنا اصيح انا فوقها بس تقلي طز انا مرتاحه هكذا انا يعجبني هكذا، اقلها ماعد عيخطبوش، مابش في حسها ، تعلم كيف تربي انت ومرتك الغلطانين مش هي وحدها ،كل واحد فيكم لاهي في عالم ومفلتين جهال بهذا السن قبال تلفزيونات وتلفونات ..

ابنها بيسمع وماقدر يرد ويغلط امه ، قام وخرج: خاطرش يمه


امه بتدعي لهم كانت تشتي تدخل بس ماحبت توفيها لبسمه ترجع تكلمها لو ما تهدأ

رن التلفون جاوبت : يو ذلحين اخرج لش البنت

يانوررر..يانور

داخل الديوان

نور: خلاص احمدي الله كنت اقل عيقتلش، ذلحين عيتصايحو ويسدو ..سمعت جدتها خرجت

جدتها: البسي الان وسيري شلي المره هي في باب بيتنا لبيت جيراننا

نور: يو جده عتقلو لها دقي الباب الي جنبنا ، ذلحين البس واخرج امد اشر لها

جدتها: تشتي تعاونيها تشلي معها القلافد طرحها التكس وخطي

نور بضبح بتلبس:, ريت والله على ستاره من حق زمان واحد يطرحها فوق راسه ويخطى.. ماعد شلبس اللثمه وانا الا جنب الباب... وهربت

جدتها : ستاره في عينش لو كان نلبس ستاير ع بنطلون جنز  هكذا ..انا اوريش يانور

نور كملت تلبس خرجت وهي ضابحه

المره في الباب مراعيه ماسكه ادوات
نور : شلت معها العمود حق السماعه، والسماعه في اليد الثانيه

دقين الباب..

صهيب كان في الحوش فتح الباب ووقف وراه لما سمع المره ردت عليه

نور دخلت وماشافت ع جنب الباب وراها بتمشي بالعمود حست ضربت في شي لفتت وهو واقف نكزت

صهيب شافها استغرب مالها وايش في يدها وليش جت

نور تشتي تعتذر ومن ضبحها دعممت ، دخلت وام سما واقفه في الباب شلت منهن الاشياء ..

نور رجعت مشيت

صهيب على خرجتها ضبح من اسلوبها توسخ طرف الثوب حق الكتف ومابش منها اعتذار ولا كلمه: مره ثانيه واحد ينتبه.. بصر ..بصر !

نور حست مش وقت مناسب تتليقن: عظم الله لكم الاجر خرجت وقفلت..

صهيب حس الكلمه افضل من كلمه اعتذار ( شاف رساله من خطيبته) : يو عادنا دريت ان معاكم موت وابوك مات( الله يرحمه وعظم الله اجركم)

رد عليها: الحمدلله على كل حال

خطيبته: عيجو اهلي يعزوكم، وانا مقدرش اجي لانه مايسبرش خطيبه تدخل بيت خطيبها قبل العرس

صهيب: حقكم البعاسس مافهمش فيها ، وقلتلش ماهتمش بها وبطلي هذه الافكار ، بس براحتش .

خطيبته : المهم عزي امك مني وقلها الي قلتلش ماشقدرش اجي.

صهيب داخل نفسه وهو بيقرا كلامها: وين الكلام الي قالوه انه بتجي مشاعر وحب وتعلق لما تعرف بنت او تتكلم معها للان مش حاسس بهذا كله ولاقد عرفت طبعها ، معرفش هي شخصيتها غير بالواقع وبالرسايل غير،  بس يلا الايام قدامنا.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 00:27

@sanaaroohi2 🩵 الكنز المدفون ↴

ـ بارت 68

.بسمه هزت راسها ب لا.. وهي بتبكي

ابوها بيصيح:, البكاء مش حل ، ايش ينفعني تبكي ذلحين ، بتبكي خايفه مني؟؟ ابوش انا! وماخفتيش توثقي بواحد من الشارع

بسمه : خلاص يا بابا انا اسفه ، هذه المره وقعت درس وخلاص

خارج الديوان دق الباب دق ولا وقف..
نور فتحت بسرعه

ام بسمه دخلت وهي بتبكي
الجده:, اين عتسيري؟

ام بسمه: اين بنتي ! ابوها قد وصل؟

الجده: انتي اخر من يوصل واخر من يدرا بنتها مابتفعل وين حسش بنتش شلت الذهب كله وانتي راقده انتي ام انتي؟

ام بسمه: ياعمه مش وقت اين بنتي

الجده: عند ابوها

ام بسمه سارت دخلت للديوان

زوحها بضبح :اخرجي

مرته: ليش اخرج مثل ما انت موجود ابوها انا امها يحق لي اصيح واضرب وافهم ايش حصل

زوجها: امها المفروض اقرب واحده لها داريه بنتش ايش بتفعل ومن بتكلم واين ذهبها لكن واصل تفاريط ومش انتي داريه ايش حصل، انتي السبب في هذا كله

مرته: وانت ابوها وعايش معنا نفس البيت ، ليش انت وين انت ؟ عمرك ماتقربت من جهالك وبناتك ولاسالتهم من اصحابهم من بيحاكو مع من بيخرجو وكل ماسالت تصيح فوقي وتقلي عيالي رجال ماتخليهم يجلسو عندش خليهم يخرجو

زوجها بيصيح : انتي بتتهربي من المشكله وتفتحي موضوع ثاني، اين ذهب بنتش ياهانم؟؟

مرته شافت بسمه: اين ذهبش؟؟

بسمه بتبكي خايفه تتكلم

امها قامت تشتي تضربها

زوجها قام صيح ومسك يدها: كنتي عتنتبهي قبل ماذلحين ماعد تمدي يدش ولا عد تفعلي شي اصلا ماعد في لازمه لش من مره في البيت ، ماتنفعيش توقعي ام يعني ماتنفعيش تكوني زوجه

بسمه زعلانه ومقهوره ابوها وامها تصايحو ووصل بهم الموضوع لهنا بسببها وهم عمرهم ماحصلت بينهم مشكله ، حاسه بشعور سيء ، كرهت نفسها وانانيتها وتهورها وكيف كانت ساذجه وحبت شخص ماكان يناسبها بس عشان تسمع كلام حب وحلو وتوهم نفسها انه عيتزوجها مثل المسلسلات الي بتشوفهن، حست هنا ان الحياه ماتنفع نقلدها ماينفع نقلد حب بنشوفه ماينفع نسلم قلب لاي حد ابتسم او قال كلمه حلوه، حست انها كانت غاليه قوي بس رخصت نفسها لشخص مايستاهل


قاطع افكارها وكلامها مع نفسها..

امها زعلت وقامت مشيت خرجت وهي بتقل لابوها: ماناش راجعه البيت، ادي ورقتي لابيتنا

زوجها: مع السلامه

بسمه بتشوف ابوها

ابوها: عجبش الي حصل!! مرتاحه!! يستاهل حبيب القلب هذا كله؟؟؟ والله لو كان جا ووقع رجال كنت شابسر لو محترم و اوافق انا مش ضد ان بنتي يعجب بها حد ويجي من الباب، بس انا ضد انش تفعلي شي من ورايا لان شي بعد شي بعد شي يخليش تخسري نفسش واهلش واحترام الناس لش ساعتها لاعاد حب ينفعش ولا اهل باقيين لش


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

28 July 2023 00:24

@sanaaroohi2 🩵 الكنز المدفون ↴

ـ بارت 66

.اول ماتكلمت وسمع صوتها فجأه رفع راسه بصدمه

نور كانت لابسه البالطو والمقرمه واللثمه مرفوعه ماقدرت تنزلها عشان امه في يدها بتبهرر لعصماء تاشر لها تنزلها

وعصماء مش مستوعبه تفكر انها بتقلها تجلس ( جلست)

نور تبهرر لها

عصماء قربت وجلست

صهيب قرب مسك امه يساعدها تقوم يدخلها

نور ماسكتها من الجهه الثانيه

صهيب ماكان في حسه يشوفها او اي شي صح لمحها بس خايف على امه، دخلوها وقاس لها الضغط وهن مراعيات في الصاله يتطمنين

ام سما خرجت:تطمنين يابناتي شويه تعب وعتفتهن تسلمين اتعبناكن الله يديلكن العافيه

نور وعصماء خرجين وهن زي الدجاج بيتناقرين

نور بصوت واطي : قلتلش تردي اللثمه

سما لحقتهن للحوش: يا نور قالت امي لو قبالكم واحده تفعل مولد ثلاث ايام

نور : حاضر شاحاكي جدتي واجي انبيكن


سما: تمام تسلمي

نور : خرجت. وسارت تسال. جدتها

  في بيتهم..
صهيب طلع الرجال الديوان ، وخرج يوزع المهام.  لعيال عمه وخالته  ، و دخلو بيمشي وراهم دق الباب رجع وفتح الباب

نور دخلت

صهيب شافها واقفه شافت الرجال بيدخلو البيت: راعي يطلعو الرجال وادخلي لاعندهم

نور : خلاص بس قلهم انه جدتي حاكت المره الي عتجي تفعل المولد  عنديها. الساعه ثلاث

صهيب : ادخلي ادخلي، ماششقدرش ادخل لاعندهن به نسسوان، عنطلع وانتي ادخلي

شاف ماابش حد واقف اشرر لها

نوور دخلت بسرعه قدامه. كلمت خااله صهيب ورجعت وهو في الحوش بيتكلم في التلفون ..

نوور على خرجتها ومنحرجه ، بتمشي. في الحوش بسرعه تكحولت وفلتت في الارض..

صهيب كان واقف ع جنبب شافها و رجع يقفي لايحرجها

نور قامت بسرعه تلفتت ماحد شافها خرجت وقفلت


دخلت بيتهم  وبسمه بتبكي ماسكه وجهها بتسمع جدتها بتتكلم في التلفون..

نور : مالش ؟؟,

عصماء : الكلب عامر سار بيتهم وكلم ابوها بكل شي ، وابوها اتصل تروح وبيحكي لجدتي القصه واسمعي جدتش ذلحين


نور خايفه بتسمع جدتها: مادخل نور ! لاتتعذرش بنور ، جي لهنا نتفاهم


الجده : ماشا الله قدك باب الباب هيا ادخل ولا تشتي نعزمك


ماعتخرج بسمه لوما تدخل انت ونتفاهم..

ابو بسمه: لو ماتخرج بنتي ذلحين لاخرجها جنازه ،

امه: هذا وانت العاقل بين اخوتك ، ادخل بينقلك ..قفلت التلفون وشافت بسمه: مافعلتي يابنتي؟ من هو هذا !

بسمه: ماقال لش اول ؟  قوا ياجده عشان اعرف ماكذب عليهم

جدتها: قال انش لاحقتيه وانه شافش جاهله ومش قد يتقدم لش ولابوش وعرف قدر نفسه وانه مسكين وقلش ماشي، وانش قلتي له تحبيه وعتساعديه واديتي له ذهبش يجي يخطبش به


  نور مصدومه وماسكه راسها


بسمه بتبكي : مافعل ذلحين مافعل ياربي مفعل

ابوها فتح الباب ودخل..

ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

28 July 2023 00:23

@sanaaroohi2 🩵 الكنز المدفون ↴

ـ بارت 64

.عصماء : يهي يهي من ايحين بتغثي على حد

بسمه بتتكلم دلا: ماغثيت عليا بعد الي وقع بي

نور : مابتدورين ! يتخايلكن اننا ساعكن هبلا ، مابلا مش انتين داريات اننا حميش وبينقوم بالواجب مع الجيران بدل جدتي

عصماء: جدتي ههههههاي ضحكتيني

بسمه: خليها تغالط روحها، احنا حاسات بشي وهي لاذمتها لو عتخبي علينا

نور دفت الماء وجهزت الطاسه ناولت بسمه: ها اعجني

بسمه مستغربه رفعت كم يدها وبعدت الساعه غسلت يدها: معرفش كيف

نور : زي عجينه الباي ابل( فطيره التفاح)

بسمه باصابعها بتناثر الدقيق مع الماء : هكذا

نور شلت شويه دقيق في يدها

بسمه منسجمة مراعيه ايش عتوريها

نور بطرف يدها قربت لافمها شويه دقيق ونفخت: هكذا هووف

بسمه وجهها كله دقيق ضحكت وبتنفض

عصماء استغلت اللحظه بتصورها

بسمه: والله انش تافهه يا نور يخ بطلي سفاط بنطلوني اسود

نور بتلف الدقيق مع الماء وتعجن : هكذا هكذا اشتحطي

بسمه غسلت يدها: ماعه والله مافعل شي هيا ها ،جلست

عصماء عجنت معها

نور شافت بسمه جالسه ماسكه التلفون شلت كيس الثوم وناولتها : ها قرشي

بسمه: يخ عيقع شم اظافري ثوم

نور : هذا يطول الاظافر يافاشنيستا ، يشبه الاسنان بس ثوم،

بسمه شافتها : ولا بينحلى واكلمش بكل شي وتجلسي هكذا

نور ضحكت : يلا قرشي سكته عيب نشتي نقطب نشل الغدا بدري

في بيتهم..
صهيب وصل بابوه للحوش دخله لاعند امه وطلع عشان يكلم جده بهدوء ..

الجد: وين انتو من امس ، بينداعي ولاحد بيرد رجعت رقدت وانا ميت عطش

صهيب فتح قاروره ماء وناوله وجلس جنبه : ها اشربو ياجد

الجد : قد شربت ، امك الله يحفظها وعمتك صبحني وشربت

صهيب : ياجد انا تاعب قوي وغاثي ، كيف عتصبرني ادي لي كلمتين تقويني ، ولا انت ماعد بش فيك قوه

الجد : قوه جسم ماعد بش يابني الله يحسن ختامنا ،اما قوه قلب ماعد بش اقوى مني كم قد عشت وكم قد تعبت وكم ابسرت في الدنيا هذه

صهيب: يعني ايش اكثر شي بيكسر ظهر الواحد !!

الجد : الغدر ، الظلم .
صهيب : طيب ولا فلتك واحد وسار

الجد : مايكسرش الظهر الا لو كان هذا الشخص راكن عليه مرتزح لظهره

صهيب وهو ماسك نفسه بس ماقدر دموعه نززلت حاول بسرعه يبعدهن

الجد: لمه من قد فلتك ،

صهيب: واحد عزيز على قلبي قوي مات

الجد: الله يرحمه ، كلنا لله راجعون ، بعدا الحزن عيشل له وقت وخلاص الدنيا بتمشي

صهيب: ولو غالي قوي عليا ومش صاحب؟

الجد: ولو اقرب الناس كل حد عيشل وقته صاحب عتزعل عليه شويه اخ عتزعل عليه اكثر اب ام يعني كل واحد ها

صهيب: والابن ؟

الجد : ماقد جربت الله يحفظهم لكن الله بيدي لكل واحد على قدر طاقته

صهيب: ولو قدر الله ومات حد ؟؟
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 July 2023 01:38

@sanaaroohi2 🩵 الكنز المدفون ↴

ـ بارت 63

.
.عصماء: زكاش عقلش ليحين نراعي، انا شخطى مع بسمه ارقد

نور دخلت معهن وجالسه جنب الطاقه مراعيه يجو ،مابش خبر

  بسمه حست بوجع شديد رسلت للدكتور رساله: ( الالم مابيروح يادكتور وقوي شديد)

الدكتور : متاكده بتستخدمي الي كتبت لش المسكن؟؟

بسمه: ماشي كان معي مسكن شربته هو

الدكتور:, لا شلي الي كتبت لش تمام هذك

بسمه: تمام شكراً يادكتور والعفو منك ازعجتك اخر الليل ، واعتذر انك دخلت المشاكل حقي انا وعامر  محرجه منك قوي.

الدكتور : مافي اي شي ، مالش ذنب ابدا، عامر واحد مراهق جاهل بيدور يستفيد مصلحه مش شخص محترم جاد، ماعرفش قيمتش وقدرش، وانتي تعلمتي الدرس. ولاعد تذكريه وتفتحي موضوعه ابدا

بسمه ماعرفت ترد : تمام شكراً لك يادكتور.



في المستشفى..
صهيب بعد مارجع بالسندات والدفع

الدكتور : عظم الله لكم الاجر ، ماعد لحقناه ، كانت قويه الجلطه

امه انهارت: قلتلك نسفره قلتلك انت السبب حسبي الله فيهم وفيك

صهيب ماسكها يهدأها : خلاص صلي على النبي ، ربي قدر يمه ،والحمدلله على كل حال

امه: كان بخير ، مكنونا من مستشفى لمستشفى حسبي الله فيهم

صهيب: يمه مادخل الدكتور هذا بالعكس هو قال لازم نلحقه يعني لو سفرناه و روحناه البيت انه مات

امه منهاره : شله مستشفى ثانيه اكيد مامات كذابين

صهيب حضنها ومسكها خرجها وصلها البيت..

الساعه ٢ الليل

نور كملت تذاكر وتتجهز للنوم جالسه جنب الطاقه بتسمع مابش اي صوت... فجأه صوت سياره..
خرجت الحوش دلا تسمع وهي خايفه انها وحدها

وصلت ام صهيب وابنها ( مر على الطريق لخالته الكبيره اخت امه)

ام صهيب دخلت الحوش وهي بتبكي : خرجنا وهو بخير  خرج برجله بيخطى

اختها ماسكه يدها بتهدأها دخلين..

صهيب : ياخاله انا راجع للمستشفى ابسر كيف نفعل انتبهي لامي ولايدرا جدي الا لما اجي ، لو تشتي شي حاكيني وخرج.

نور دخلت وقفلت الطاقه وهي زعلانه عليه

يوم الجمعه الصبح قامين بيصتبحين وصوت دريس في الجامع

الجده: يعلم الله من مات او بيدرس حين هي جمعه

نور : ماشي موت، انتو داريين من مات ، جارنا الوزير الي عادهم جو، مات.

الجده : يووو إنا لله و إنا إليه راجعون ، هيا تمين اصتبحين ، واعجنين ودخلتين معي نفعل غدا وشلينا 

نور قامت: تمام الان شدخل اعجن

عصماء شافت بسمه ونور ضحكت: حلال فيش البروست

نور بهررت لهن لاتعرف جدتهن

جدتها: اي بروست عنفعل غدا من المجنانه حقكن نسير نعزي من المطعم

ضحكين كلهن وجدتهن بتصيح فوقهن يقطبين ويبطلين لغاجه



في المطبخ

عصماء شافت نور متحمسه مابتتضابحش وتتكاسل : يااي مخطوب الرجال

 
نور بضبح: ياسامجه والله اني غثيت على امه امس


ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi