•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 July 2023 01:38

@sanaaroohi2 🩵 الكنز المدفون ↴

ـ بارت 62

.
.نور : وليش تدلعني، خطيبتك ،،مرتك

صهيب: من غير شرررر ،الحمدلله ماشي، بس قلي اختي الصغيره ، هيا ازغفي بالتوابع حقي

نور: طيب ابعد وجهك لاتزيد تفطس نخرتك جنب جبهتك..

زغفت الكيس

صهيب جلس يمثل ويصيح.. ورجع ضحك،

عصماء: يانور بطلي مجابره معه عيب لو يسمعش اهله او حد

نور : بس بينتحاكى عادي ماقلت ياسعم حب

عصماء: مش حب

نور : والله ماخاف ولا شي ولو حد سمعني بينتحاكى كلام عادي ، خلاص كلي سكته لاتكبديني بحكاش يكفي سندوتشاتش

بسمه بتتكلم دلا: بياعه بعتينا برجل دجاجه

نور بتاكل منسجمه : اوبهي للخياط انتي ، ليش بتعذبي روحش تتبسرينا قفي

عصماء بدأت تاكل معها: حاسه بينفعل شي غلط حين بيناكل معش

نور شافتها ضحكت: وانا والله ساعش، بس احسن من لقانته ، بعدين عنرد له ياسعم انحنا مطلبات محد قله يشتري قد تكلف يلا سهل

عصماء شافت بسمه: هذه البنت ياعجوز ياولد مابش فيها هكذا حق البنات الخزا والاحراج واحساس تانيب ضمير

نور : انتي الصدق غلط وجودش بيني وبين بسمه ، عاقله قوي واحنا تافهات قوي


صهيب كمل ياكل سمع امه بتصيح وتداعيه.. فجأه  خاف و رد : ايش حصل ؟؟ ماله؟؟ مشي بسرعه


سمعين واستغربين بيشوفين بعض..

شويه وصوتهم في الحوش وصوت السياره وامه : يالله لطفك

في المستشفى القريبه..

طبيب عام في الطوارئ: مابش ذلحين دكتور قلب ، ايش فيه

صهيب : كيف مستشفى بطولها وعرضها مابش دكتور قلب

طبيب عام في الطوارئ : اجلس هانك لوما نتصل للدكتور يجي

صهيب: طيب ادوله اي شي، قد حصلت له من قبل جلطه وقالو ننتبه

طبيب عام في الطوارئ ببرود اعصاب: تمام عيجي ويفعل عمله اهدأ يامرافق

الممرض بيشاوره: نصيحه شلوه مستشفى ثاني، مدري يجي مدري لا ، اقترح لك مستشفى تمام

بعد لوي نص ساعه يدورو مستشفى ثانيه في زحمه الشارع وانتظار الطبيب وصل لهم : لازم نعمل له قسطره

صهيب: قد عمل قسطره عادو قبل مانجي

الدكتور : بس يحتاج ثانيه

صهيب : تمام.

الدكتور : انزل اقطع سند وحاسب ٣٥٠٠$ ،

ام صهيب : بهذا السعر عنسفره

الدكتور: بس هذا لازم انقاذ سريع يعني خلال ثلاث ساعات ممكن يموت

صهيب شاف امه بهرر: خلاص عادي هي قسطره ، عنتفاهم خارج يادكتور ونرجع

امه بتشاوره خارج: دبر الان سفره ولا عيموتوه ويشلو الرلط هذه كلها وزلط الثلاجه والعنايه

صهيب معقد حواجبه: يمه ليش بتفاولي هكذا الدكتور ماله شي كويس وكلامه نفس الدكتور حق كندا نقدر نستشيره،

امه: لو وقع بابوك شي انت السبب. افعل ماشتيت

صهيب قرر يدفع وينقذ ابوه..

في حوش بيت جدتها
نور : يعلم الله ماوقع عندهم ، حرام

عصماء: ايوه شكله الجد تعب

بسمه : هيا ندخل

نور: راعي نتطمن


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 July 2023 00:36

@sanaaroohi2 🩵 الكنز المدفون ↴

ـ بارت 60

.الدكتور ضحك: خلاص تمام لاتتكلمي ، اشربي المضاد هذا ، والمسكن ولو تشتي اي شي ارسلي. لي ( كتب رقمه)

بعد عشر دقائق وصلت بيت جدتها وهي ماشيه مستحيه مخبيه وجهها بيدها وعلى خرجه. صهيب ماسك راسه شافها جنب الباب بتفتح و جهها مورم شاف محد في الشارع تكلم كلمتين لبسمه: وانتي شليتي قسمش منها، مربيين اسد في البيت مش هي بنت مجنونه

بسمه شافته مبهرره ويدها ماسكه المفتاح

نور فتحت اول مااسمعت صوت المفتاح: حيا بروحي حيا

صهيب: ادخلي تفعلش الشق الثاني تتوازني

بسمه دخلت. هي ماسكه نفسها لاتضحك

نور بتسمع صوته: بيتحاكى عليا


بسمه بتهز راسها ايوه

نور بضبح: ماقال؟؟

بسمه دخلت وقفلت الباب : بتكلم. مش مفهوم  وتاشر على وجهها

نور فتحت تلفونها وناولتها : ماهووو هاا، اكتبي لي ماقال

بسمه بتكتب لها

نور: سامج، اصلا فدجته

بسمه مبهرره مصدومه


نور مواصله تحكي: بينخفع الفرسك ينكعين الي طالع و قعت فوقه نفسي ادرا ماببيخرجه يجلسس هناا ساعنا

بسمه بتأشر مدري بكتفها

نور: كان قومي روحي بيتكم اليوم انتي مابش منش فايده بينحاكي روحي

بسمه بتأشرر بوجهها ييووو وشلت التلفون وبتكتب لها كل الي حصل


نور : يو هذا زيد بها يا بسمه، لو يوصل لابوش لاعمامش

بسمه بهررت لطمت وجهها

نور مسكت يدها: خلاص اسكتي ادخلي لاتجلسي بين الشمس ، لاتهميش والله لانرده هو مجنون

بسمه بخوف قامت ودخلت معها شافت نفسها وضحكت في المرايه

الجده: من فعل بش هكذا؟ ماوقع حد ضربش؟

نور بصوت واطي تسمع بسمه بس : هذا الي عينه مدري كيف بتحس حين تبسره

بسمه ماسكه الضحكه وبتضرب نور

الجده: مالها

نور: قلعت ضرس العقل ،ذلحين الله يعينكم علينا ياجده حرام. لانطير الجن واصحاب البيت. نفسهم الي ساكنين الجن فيه

بسمه ضحكت لما ذكرت وكتبت لها نور انها فدجته وشافته ماسك راسه ( وصلتها رساله):كيف انتي الان؟ حاولي تشربي سوائل مش دافيه بالمصاصه وتعقمي الجرح ولو. تشتي اي شي رسلي ( مبتسمه وبترد وهي مش سامعه جدتها ولا نور)


الليل في الحوش سامرات
نور  شافت. عصماء: مشتيش سندوتشات مجنونه مش انا ناقصه لما تخوري حد خوري سوا ولا بطلي ،


عصماء: والله لوما اخطب ايلون ماسك شاكلش برعي

نور : استغفر الله مشتيش الصدق خاوره بروست شبس ببسي يعني حاجه تقرمش ولحمه تقحصيها

بسمه بصوت بتمثل انها بتبكي (خورتها)

نور : ياجن يلي كنتو تترسلو لي جعاله ادولي بروست والله لاكله مافتجع

عصماء بتكركر وبسمه خافت بتبهرر لها وتأشر تسكت

نور بثقه وطمأنينه: ماعد بش جن صدقني، قد سكنو. الاوادم، شكله هذا الجني سمعنا ذك اليوم وقسم لنا من جعالته


الكل سأل ايش معني(ت.ع.خ،اختصار تصبحوعلى خير
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 July 2023 00:35

@sanaaroohi2 🩵 الكنز المدفون ↴

ـ بارت 57

.
.صهيب: وايش الي عتكتشفيه فيني يخليش تطلبي تفركشي

خطيبته: يعني تكون معاكس لطبعي مش متفقين ،ماعجبني طبعك

صهيب:  طيب ايش الطباع الي فيني ممكن ماتعجبش

خطيبته: ليش عشان تفعلهن ؟

صهيب مصدوم بينه وبين نفسه ليش بتفهم هكذا؟؟ رد عليها وبيحاول يهدأ : عشان اتجنب افعلهن طبعا ،ليش شخطبش اذا شاجي افعل شي مايعجبش

خطيبته جالسه جنب صحبتها توريها وهي بتضحك: ابسري كيف جننته، عادنا شاجننه سوا

صحبتها: ايوه خليش ثقيله ومغروره لايحس انش ميته عليه

خطيبته : بس يبان زناط شويه في البدايه ماعجبني لكن شاوريه كيف اعلقه بي

صحبتها بتبتتسم لها بنظرات تخفي. الغيض الي داخلها من دلعها وقدها مخطوبه وعادها بتزنط بطبعها


ثاني يوم في عياده الدكتور خالد بتتكلم في التلفون
بسمه: كيف تقلي لي اسبقش ومراعيه لي نص ساعه وبعدا تذكري معش محاضره

نور : غلقي الدكتور دخل

بسمه شافته دخل شافها: صح مادراش عادو دخل

نور بينقلش عندي يا ذكيه غلقي باي.. غلقت

بسمه حست ودفت ماتقدر تتهرب بربشه : كنت اتفقت مع بنت عمي تجي وبعدا قالت معها محاضره

الدكتور مافهم: ليش وهي عندها مشكله ؟

بسمه: ماشي بس مابلا معي

الدكتور مافهم انها موانسه، فكر تكون مرافقه ، مايحتاج حد يكون معش هي عشر دقايق ربع ساعه وكملتي و روحتي عادي

بسمه خافت تشتي نور معها: ينفع يوم ثاني


الدكتور ابتسم انها خايفه فتح باب العياده: تفضلي

بسمه: يا دكتور


الدكتور: طيب تفضلي وبعدين عنتفق ايش نجلس واقفين
بسمه دخلت وهي خايفه بتتفرج للكرسي والعده حق الاسنان..

الدكتور : اجلسي اول هنا اشوف الاشعه وافهمش تهدأي وبعدين نخلع لش الضرس

بسمه ناولته الكشافه ويدها بترجف

الدكتور : ياساتر هذا كله خوف مني ، لو ادينا الطالبه حقش هذك اللقنه عشان تستحي منها وتتشجعي

بسمه تذكرت كلام نور عنها وتهزيئتها لها : ضحكت

الدكتور بيشوف الاشعه ويحدد على الضرس الي يحتاج خلع لانه وضعيته مش تمام وعتأثر عليها.

ذكرتيني مره بموقف وانا صغير كنت افتجع من دكتور الاسنان وابي شلني يقلعهن لي صميل وعاده مش وقتهن عشان ادرس صف اول وعمري خمس

بسمه:: يووو
الدكتور: وانا ببراءه من حق الجهال دخلت وزحمه عياده حكوميه مش. ساع هذه كان في العياده عده كراسي عليهن ستاير دخلت وخرجت فعلت عطبه وغطيت فمي وخدعت ابي ان الدكتور قد قلع سني وجلست اسبوع بالعطبه في فمي اخبي الكذبه على ابي



بسمه انسجمت معه: وماكتشفو وقت اكل او بتتحاكى

الدكتور: ابدا حين احنا خيرات ماعد بيركزو وبعد اسبوع قلت له قد طلع بدله وصصدق...جلسو يضححكككو وهو بيتذكرر

كان يشتي يدخل لاعند الدكتور خالد وقف لما سمع صوتها وضحكتهم دخل من الغيره

رجاء لايك اعرف من بيتابع ومن بيتفرج بس اخر المنشورات ،.
الي بيقرا هنا بدون لايك مش مسامح😈 وقعت طيبه خيراات


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 July 2023 00:03

@sanaaroohi2 🩵 الكنز المدفون ↴

ـ بارت 56

.بسمه رجعت تقتنع بكلام نور وتحبط: طيب نفسي نحب اذا ضيعنا الاشخاص المناسبين كبف عنحب

نور بضحكه: بمليون ونص ، ولا نراسل شيخ مغربي يدي لنا وصفه لجلب الحبيب ، شلوش وشلوهم صدق عيال

بسمه: انتي ياساتر منش، يمين ان ابن الحارس عادو خيراات عليش، مابش قلب ولا احساس ولامشاعر ، مدري كيف انتي

نور : جنيه ، ساع المجنون هذا جارنا ، انا شاتزوج تقليدي واحبه هو وبس بدل الخداع والبكاء وغنيلي اغنيه حزينه ويطلع خاين ويطلع سارق ويطلع كذاب بيتسلى يخ

صهيب سمع مجنون ومسك نفسه لايدريها انه بيتسمع

بسمه: ورجعتي تدوري مشاكل معه اهجعيلش من ابن الجيران بعدا تدخلي لاعند جده تبكي ،من صدق محد داري كيف هم لاتدخلي بمشاكل معهم بتبسري من هم ومن احنا ع  قدنا

نور: انا بينجرب ابسر بيتسمعنا او مع ،وبعدا هو مستفز ومش انا خايفه منه قلك يخطفني اتحداه

بسمه: كيف تحسي الدكتور خالد في الجامعه بيلاحقنه بنات ؟ او بيجلس يجابرهن!

نور : لا الصدق محترم وثقيل قوي مابيدي وجه لحد، بعكس واحد دكتور لو تبسري كيف طارحني في راسه، عشان ماضحكت على نكته قالها مش محترمه ، كيف يقولها لطالبات مدري

بسمه: يوو ؟

نور: والله ، ولو تبسري كيف الي بيضحكين له ويسيرين لمكتبه يجلسين ساعه يدورين اسئله، كيف يحترمهن ويفعلهن في المحاضرات.

بسمه: مابش عندي هكذا الحمدلله ، دكاترتنا يرحمو الله، في واحد ايوه يعجبه الحاليات يجاوبهن الا هن، بس مش نكت

نور : ارجعي جي معي يوم

بسمه: صح قلي خالد اسير افعل كشافه الفك عندي متضيق عشان اضراس العقل

نور باستفزاز بتقلدها : يااااي خالد خبيرش او من هو

بسمه: ليش بتغيري او قد.حبيتيه ، ايوه خالد ياسعم على كبره اقله دكتور


نور : حبه برص انتي وياه ماعد شاحب وقد تبدعنا عنده

بسمه حاسه مشاعر داخلها مخالف لكلام نور


في بيت جيرانهم

صهيب فجاه رنت نغمه رسايل ردت على رسالته خطيبته: الله يبارك فيك

صهيب حب يمزح معها ويفتح خط للتعارف:( عادش ذكرتي، قدلنا يومين من حين خطبنا وايموجي مزح وضحكه )

خطيبته: ماعجبك ردي يعني؟
صهيب استغرب مالها جديه رد عليها : ( لا بس كنت امزح، على العموم الله يتمم لنا على خير)

خطيبته: خير ان شاء الله ، مع السلامه
صهيب مبهرر بيقرا مستغرب طنش ماعد رد

خطيبته: وكمان مطنش يعني فعلا ماعجبك ردي

صهيب: قلتي مع السلامه ماحبيت ازعجش، بس ردش عادي مافيه شي بالعكس مبسوط انش رديتي ع الرساله وبينمزح معش كنت عارف انش مستحيه لما تاخرتي، وبراحتش تشتي ترسلي ماتشتي براحتش.

خطيبته: والله انا اصريت انحنا نتعرف ع بعض سوا قبل العرس وكلمت ابي ، ضروري اعرفك قبل عشان لو ماعجبتني نفركش

(ت.ع.خ) الصبح اتم لكم🌹
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

24 July 2023 01:19

@sanaaroohi2 🩵 الكنز المدفون ↴

ـ بارت 54

.
.بسمه ضحكت بإحراج: انا قدنا

الدكتور قاطعها: يلا يا استاذه وانتي بطله وريني اسنانش والطلاب يتشجعوا

بسمه محرجه شويه: عادي يادكتور مابشغلك ابسر الجهال بس

الطالبه بتضحك: هههاي والله انش خايفه يا استاذه

الدكتور قام وقف: هيا شجعوا الاستاذه

بسمه مستحيه وقفت
الدكتور شاف اسنانها: كم عمرش يابسمه؟

بسمه: ٢٠ سنه تقريبا

الدكتور: ماشاء الله مافيش معش ولا حشو ولا خلع ولا شي صح؟

بسمه: لا

الدكتور: اسنانش تمام قوي ، بس تحتاجي اشعه عشان اضراس العقل يبان الفك صغير .

بسمه ماعد قدرت تبلع ريقها خزا وخوف و ربشه : تمام

الدكتور: هيا يا ابطال شفتو الاستاذه اسنانها ولا سوسه بتغسل اسنانها وتشرب الحليب وماتاكل شوكلاته وببسي ولبان وسكريات

كلهم تشجعوا بعدها وبدأو بيتضاربو من الاول ..

بعد ماكملهم وخرجوا

الدكتور خالد: بسمه لاتنسي مري للعياده ضروري تسوي كشافه لاسنانش نشوف الفك

بسمه هزت راسها: اوك تمام

الدكتور بابتسامه: موفقه مع اطفالش، قوي حبوبين، مع السلامه..

غلقت بعده الباب وحست قلبها بيدق مش عارفه خوف او اعجاب او توتر منن المواقف الي حصلت معه، قررت تروح لاعند نور تحكي لها

بعد العصر في الحوش
نور جالسه تلوي ملان الحوش بعد مانطردت من جدتها انها بتقلقها: جالسه تحفظ وهي بتمشي

دق الباب

نور: من؟

بسمه: انا المجنون. جاركم

صهيب في الحوش بينظف السياره من بقايا القاات حق يوم الخطبه ، خرج من السياره شل الكيس الي جمع فيه الاوساخ

وبيسمعهها

نور بتجاوب وهيي بتصييح بتضحك على بسمه وهي بتفتح: ايش تشتي ياجارنا المجنون

صهيب تلفت حوله ششاف. مابش حد. في حوشهم رفع صوته : والله ما مجنونه. الا انتي ،وكمان عنكبوته متسسلقه بيوت الناس ، وفاره اذانش كبيره بتسمعي. اسرار االناس

الثنتين اول. ماسمعين صوت رجال بيتكلم. بصوت عالي ساكتات متنحات في وجه بعض اول ماكمل يتكلم

ضحكين نفس الوقت الثنتين

نور بترفع صوتها تسمعه: يقصدني انا؟؟؟؟

صهيب: في غيرش فاره بتسسمع مثل ماتسمعي انتي

بسمه بتضحككك مش قادره تمسك نفسهاا ع الموقف حق نور وكيف. وقع وجهها

نور : لاتضحكيش والله انش سخيفه انتي وياه..


صهيب : مش اسخف منش

نور بضبح: بسمه لاتضحكيش بتبسري على جنان؟

صهيب: انتي فاولتي عليا وطلعتي عليا سمعه وقلتي مسكون ومجنون ، ولو ماتحكمي ، لاشلش من جيز البنات الي بينشلهن .



نور ماسكه فمها بصوت واطي: يابسمه يو ، اكلم جده بتبسري كيف بيهدد


بسمه: اظن بيمزح

نور بترفع صوتها تسمعه : ايش يمزح بعقلش ! والله لاحاكي جدتي

واخليها توريه العين الحمرا حقها



صهيب: حمرا ولا بنفسجي
هدوء مابشش لهاا صوت شويه وصوت الجده


ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

24 July 2023 01:19

@sanaaroohi2 🩵 الكنز المدفون ↴

ـ بارت 52

.بسمه: تمام بينها وبين. نفسسها( معي نور)

في مكان ثاني كليه الاسنان..
نور جالسه بتفتح القلم وتغلقه من فوق تضغط وتفتح وترت الي جنبها والدكتور ملاحظ تركيزها لخارج كأنها منتظره حد

: تشتي تخرجي ؟؟ أشر بيده : تفضلي.

نور مستغربه: لا ماشتيش ليش يادكتور اخرج !!

الدكتور حب يلفت انتباهها : اشوفك مركزه من اول على الباب قلت يمكن مستنيه حد

نور هزت راسها: لا

الدكتور طيب شكلكم مليتو يابنات ( كان في طلاب ماحضرو المحاضره لانهم متصاايحين مع الدكتور) باقلكن نكته..

كان في واحد متزوج رسل لزوجته .....الخ النكته..

نور لفتت لصحبتها منصدمه من النكته مااضحكين هي وصحبتها : عيب ايش هذا الكلام ، وين احنا ؟؟؟

الدكتور شاف نور: كمان ماضحكتيش؟ يعني مش عارف هل انتي مابتفهميش او مشغوله بحد خارج

نور: ليش انا حماره؟ مابينفهمش!! بس اعتقد النكته الي قلتها هذه اصلا عيب تنقال ومن دكتور لطالبات!!! ليش مابتنكت مثل هذه. النكت والشباب هناا !!

الدكتور : اوووف هذا شكلك مش انتي بسيطه ابدا ، نكديه جدا جدا ، نرجع للدرس.. رجع يشرح

بعد انتهااء المحاضره: ايش اسمك ؟؟

نور  حسسته بيهددها: .ادت. اسمها الرباعي و رقمها في بطاقه الطلاب .


الدكتور تنرفز من اسلوبها وقوتها خرج وهو معصب

بعض البنات بينتقدين نكته الدكتور !! وبعضهن بيبررين موقفه انه. طيب مسسكين. مش قصده شي.  بس يضحكنا..

في مكان ثاني ( الڤيلا )

صهيب بيشوف الغرف ويكتب محتويات كل غرفه بالتكلفه وايش ناقص.

المطبخ كان عباره عن دولاب كبير للصحون وارفف رخام حول المكان كله بين كل مغسسلتين طاوله رخام من الجدر نفسسه مثل الرف فيها شوله اابو ثلاث عيون

صهيب: ليش. ماديتو بوتجاز؟


صاحبه : كم نحتاج مايكفي واحد ولا اثنينن ولا ثلاثه وكثره الاستخدام عيستهلك بهن ومشش امن لطفلات بعضهن استخدام فرن

صهيب: حلو صح فكره.

الحمامات خليناها منفصله جنب بعض عشان التسليك وطلبنا السباك يزيد لنا مساحه لحمام اضافي جمب هذا بحيث نقسسمهن


صهيب: نشتي كاميرات خارج الحمام تكون عند المسؤوله حق السكن ، البنات هولا بعد عيشه الشوارع يشتي لهن مراقبه واهتمام مكثف

صاحبه شاف تلفونه اتصال : جت الاستاذه الي عتدير المكان

دخلو مكتب الاداره..
صهيب جالس ومنتظر بقيه الاخصائيات والمربيات الي عيديرين المكان عشان يبدأ الاجتماع المفتوح اونلاين بينهن وبين. رجال الاعمال المسااهمين عشان كل واحد يدي فكرته ويعملوا القوانين سوا...
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

23 July 2023 00:19

‏- كيف تصنع سعادتك بنفسك  ؟ 



♕ لن يتم نشر اسماء المشاركين ♕






للمششارككهة ↓
@no_name27        ←


والنشر هنـــــا  ↓
@sanaaroohi4        ←

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 July 2023 23:25

@sanaaroohi2 🩵 الكنز المدفون ↴

ـ بارت 50

.
.صهيب بسيارته قدام بيت جيرانهم والسيارات وراه، وبالجهه المقابله لهم سيارات جايات

فؤاد نزل من فوق السياره يأشر لهم يمشو يريوسو عشان السيارات الجايه..

وناس نزلت وبدأت تدخل في يدها القات والماء

ابو صهيب: ماشاءالله ، وهم اليوم الظاهر معهم خطبه

صهيب بينه وبين نفسه: مودف ابن مودف الي عيخطب هذك المجنونه ،الحمدلله الي خارجني الله منها.


البنات مخبايات من ورا الطيقان بيتاقرين ويصورين

نور صورت صهيب وهو واقف بالسياره مش باينه ملامحه تفتكره شخص من الناس الي جايه بس مشيو..

بعد ساعتين مشيو الرجال من بيت المنذر وبدأين النسوان يجين بعد صلاه العصر السيارات واقفه ملان الشارع

صهيب بعد ماكملو يخطبو رجعو..

امه حضنته وبتحجر وتبارك له : الف مبروك

صهيب بفرحه:, الله يبارك

امه: الله يتمم لك على خير
صهيب: على الله، يعني ذلحين كيف شكلها مش انا داري ، انا شليت لهم صناديق ملان و روحت مادولي حتى صوره اربعه في سته ابسرها

امه : والله ان معك صفاء ساع البدر تجنن

صهيب: اهم شي عجبتش واهلها عجبو ابي

امه ضحكت: سهل عتعرفها وتعجبها وتحبها والحياه هكذا كلنا كيف عشنا

صهيب: خير ، وهولا مامعهم ازعجونا

امه: قد اتصلو يحلفو علينا( يعزمونا) خطبه بنت ابنهم

صهيب: مودف الي عيشلها

امه: معرفهاش للمه مالها

صهيب (ماركز ع كلام امه ماتعرفها»قصدها عصماء ، وهو يفكر نور : مجنونه البنت مابش فيها عقل

امه ضحكت: عادها صغيره عتكبر وتتزوج وتعقل، ماعلينا منهم، ماعتفعل ذلحين، النسوان داخل عندنا من الاهل اطلع مكانك لو تشتي

صهيب: مع شاسير اخزن عند خبرتي قدهم مجهزين الطيرمانه وفنان

امه: يلا ودعتك الله.

صهيب خرج من الحوش وذكر كلامها خاطف بنات

بعد ماوصل عند اصحابه..

صاحبه: لقيت البيت والاوراق واحد عيجهزهن لنا، وجمعت لك اخصائيات نفسيات واجتماعيات ،سنهن مناسب جدا يعني عيكونين أم ومربياات، بس يا صهيب، معنا مشكله، البنات نفسهن مايشتين تأهيل و رعايه، اخاف ندخل بمشاكل


صهيب: يعني قبلها نشتي نوصل لحد كبير مسؤول عيديلنا صلاحيات ، غصب عنهن اي بنت مابش معها أهل غصب تسير هانك تتأهل وتدرس وتتربى، ياخي مابتبسر كيف ضايعات في الشوارع بيوقفين مع الي يستاهل والي مايستاهل حرام نبسر سكته الي بيحصل هذا ، ابسرهن وقلبي يحرق ، والي معها اهل نهدد ابتهم اهاليهن لو قادرين هم يشتغلو وبيشغلو البنات، ولو في حالات انسانيه قدحنا عنفعل استثناءات

 
صاحبه: والتمويل كيف

صهيب: انا مساهم انا واصدقاء رجال اعمال يمنيين في الخارج ، وعنحط الموضوع قابل لأي حد حابب يساهم



في بيت الجده..

بسمه ماسكه صوره خطيب عصماء: عماد وعصماء متناسبين

ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 July 2023 23:25

@sanaaroohi2 🩵 الكنز المدفون ↴

ـ بارت 48

.
.نور :, لو سمحت لاتفعلوش شي ، راعي عيجو يكلموك

طلعت بسرعه لاعند جدتها بتصيح: ياجده انزلي بسرعه جيراننا يشتو يهدمو السور بيننا قلك القصيب بتسرب

جدتها قامت مره واحده ونزلت بسرعه وهي ماسكه قلبها : اين هو؟

نور : مدري كيف الولد هذا مجنون من حين بسرناه جالس يعاندني ولارضي يراعي سيرو لبيتهم


صهيب خارج باب بيتهم بيسمع لقانتها

جدتها فتحت الباب شافته: هو هذا؟

صهيب: السلام عليكم العفو منكم

الجده : يابني مابش معنا  لا حنفيات ولا قصيب انا داريه

صهيب رفع صوته يسمع نور: انا حاكيت الجاهله هكذا زمد ماتحاكيكم جالسه تتليقن

الجده لفتت تشوف: اين جاهله مابش معنا جهال

صهيب: المهم يمه كنت اشتي اقلكم البيت كله سوره مرفوع وخصوصيه الا هذا السور من طين ونشتي نرفعه

الجده  : ممكن يابني تراعو بس شويه  حق شهرين ، معنا قسمه ورث لو قد نهد ونرفع لايرفعو ضغطي ويدفنوني

صهيب ذكر لنا سمع ابنها :  عادي ولايهمكم شهرين ماتضر عنراعي

جده : نورر الله قلبك يابني عيحفظكك الله .

صهيب : امين ، اذا تشتو. شي اي وقت انا بالخدمه ااعتبروني ابنكم.. يلا خاطركم.

الجده: جالسه تدعي دخلت ردت االباب


نور: قلك. ابنكم من غير شر يقع ابنكم ،. انتو داريين انه خاطف بنات بيشلهن البيت.

جدتها : ياعقي.  مادراش وانتي من اين تعرفيه

صهيب سمع انصدم !!!!! ايش من بنات وايش منن. بيوت من كلممها ، ررحع لاجنب بابب بيتهم واقف يسمع

نور. : سمعته والله بيحاكي التلفون بيقل لصاحبه اشتي بيت فييه. غرف ملان وشل البنات كلهن من. عمر عشر ومطلع

الجده: يو حسبي الله ونعم الوكيل ، متاكده يابنتي؟ انا. هولا الناسس. مش انتي داريه كيف. هم من اخلاق وحلا يمكن سمعتي غلط

نور : هيا ناهي مدري ليش كلكم بتدافعو عليه.

عصماء وصلت وهو واقف. بيسسمع : مااتشتي ؟

صهيب انصدم  شافته: قلي لصحبتش تبطل التسمااع ولما تسسمع تكون تصفي الننيه ، عيب ، ومشي .


عصماء مستغربه من هذا ؟ وايش يشتي؟؟

فتحت وو دخلت البيت..

نور: لذلحين الله يقلع ابليسش. يا عصماء


عصماء : مالش؟

نور بتأشر بيددها من ورا جدتها ، راعي .


الجده طلعت دخلت البيت .

نور بعصبيه بتصيح: ليش تاخرتي فكرت انش جيتي. نفخت اللبانه اوريش سعمن ووقعت وفتحت الباب لاوش المجنون هذك. الي. طلع ابن جيراننا خااطف. البنات

عصماء ضحكت: انتي. داريه انه سسمعش بتحاكي بسمه  قال اقلش عيب. التسماع وانش تصفي. النيه

نور: حاكيت جده مش بسمه يابنات يممممه والله ان الادمي هذاا مسكون مش طبيعي كيف ببيدرا اشياء .

صهيب بضبح انها سمعت. خطته كيف وايحين سمعت ؟!!


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 July 2023 23:24

@sanaaroohi2 🩵 الكنز المدفون ↴

ـ بارت 46

.نور انصدمت واقفه متصنمه دق الباي قاطعها انها تسمع.. فتحت دخلو اعمامها، ودخلت معهم.

بسمه : من جا؟؟

نور ساكته سارحه بتفكر بينها وبين نفسها ليش ايش يشتي ، يعني طلع من هذولا الي بتسمع عليهم قصص!! وتزيد تكمل ( وانا اقول ماله بيدور مجبر معنا ؟) شكله يشتي يخطفنا او ايش؟؟

بسمه جت لاقدام وجهها: يييي مااالش؟

نور : يوه ي بسمه لو تبسري ماسمعت
بسمه: ايش؟

نور المجنون هذا ابن جارنا: طلع من هولك الي بيخطفو بنات سمعته بيقل لصاحبه يشتي بيت يستاجر كبير وملان غرف وبوثائق مزوره وموضوع كبير وتعب يبسرهن من بعيد

بسمه مسكت وجهها : يو يو يوه؟؟ ياساتر؟؟ مابش امان انحنا جنبهم

نور : ذلحين نكون ننتبه منه

بسمه: ياسعم من اول مش احنا منتبهين

نور شافتها بهررت: تخيلي دخلت حوشهم وهو كان في البيت تذكري


بسمه: يوو يانور يو ستر الله

نور: تقلي لو معهم كاميرات ماعيبتزنيش؟؟

عصماء دخلت في الكلام فجاه: ايش في مالكن؟

بسمه بتحكي لها .

عصماء ببورده: ماظنش من الخباله حقكن يمكن شي ثاني، يمكن يشتي مدرسه

نور : ياذكيه قال يشتي غرف وبنات بس ما قال فصول وكل الاعمار

عصماء: انتين قد انتين اعظم من جدتي تفجعين نفسكن بنفسكن ..

بسمه بتقلد مشيتها وبرودها: طبعا خطوبتش بكره، قدو وقت تفعلي نفسش العاقله والي اكبر مننا وتبدأي تزنطي

نور شافتها وحبت تمزح: والله ماتتخايل نفسها علينا، وعتخطى هكذا( مسكت يدها وجلست تمشيها زي زمان كانت تمشي بسرعه ترفع يد وتنزل يد وترفع يد وتنزل يد زي العسكري)

جلسين يضحكين لما خرجت جدتهن بهذلتهن يطلعين يكنسين الديوان ويقشعين


داخل بيت صهيب..

الجد شاف صهيب دخل عنده: يابني معي لك وصيه لو مت ماتفتحها الا انت لا ابوك ولا مخلوق

صهيب: ليش ياجد مدري ويومي يوقع قبل يومك 

الجد: صهيب الموضوع مش سفاط وانت يابني غير الكل لاعندي وغالي عليا  وشاركن عليك

صهيب : حاضر الله يطول بعمرك ياجد




📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

21 July 2023 00:14

@sanaaroohi2 🩵 الكنز المدفون ↴

ـ بارت 44

.ام صهيب : ماشاء الله عااقله ، هادئه خجوله،

ابو صهيب : طمنيه كيف هي حاليه

ام صهيب : ماشاء الله قمر

صهيب ساكت مش حاسس بأي مشاعر فرح او حزن مش قادر يعبر شعوره

ابو صهيب : الله يتمها ع خير ، ماعيرفضوش سيري اشتري الشنطه اول مايردو خبر نسير ، واشتري احلى واغلى شي ، اشتي بياض وجه

ام صهيب: من عيني .

صهيب قام: يلا انا شاخرج شويه ماتشتو شي
ابوه: لا تتأخر

امه: و سوق دلا

صهيب: حاضر ، خرج الحوش وبيشم حريق !! في دخان من عند مكانها الي بتطلع منه تتشاقر  خرج يدق لجيرانهم باب الباب ينبههم 

نور كانت مراعيه لعصماء توصل وتدي بقيه الاشياء الي طلبتها فتحت الباب شافت رجال( تذكرت ملامحه) رجعت ورا الباب تخبت مستغربه ايش يشتي

صهيب: بس بنبسر عندكم حريق قلت ابلغكم

نور حبت تستقضي وتنتقم: هذا اسمه شواء باربكيو يا الي عايش في الخارج وبعدا مايطلعوش جدران الناس يتبسرو مابيحرقو..

صهيب ابتسم ع هبالتها وعرف انه برقطها : تمام انتبهي للجن لاينطو لش من بيتنا.. ومشي ماسمع ايش كانت بترطن ، دخل الباب بيتهم وقفل وجالس فوق السياره فاتح الطاقه يسمع رده فعلها

في حوشهم

نور: فضولي ومستفز

بسمه: ولاتفيضل ولا قال شي بينبهش بيبسر الدخان

نور: ايوه قصدي على العصر حين قال بندخل بيتهم

بسمه: قد شليتي حقش وعادش بتقولي فضولي والله مافضوليه الا انتي الي دخلتي بيتهم سبعين مره وهو الا ابسر دخان جا ينبهش

نور: الله الله ،بينبسر يابنت عمي اعجبش او قد عتحولي لاعنده، بس هذا مايشتيش ذهبش سيارته تدي عشر بدلات من حقش

بسمه ضحكت: والله ان قد خليتي الموضوع هذا بالنسبه لي يضحك الله يقلعش يانور قتلتي فيني الاحاسيس

دق الباب فتحين لعصماء

نور: اخيرا جيتي هذا وماطلبناش الا ببسي

في الحوش الثاني بيكلم نفسه: هرمه هرمه البنت هذه ماتتجملش وياويله من وقع في يدها ماترحمش ،شاف درج سيارته تذكر العروسه الي خباها عشان يخوفها ... حس انها فرصه شل خشبه طويله كانت في الحوش ولبس العروسه من فوق ووقفها فوق الشجره حقهم من داخل و راس العروسه بس باين عرض جدرهن..

وسار طلع السياره وجالس مراعي رده فعلهن وهو ماسك تلفونه بيكلم اصحابه..


في حوشهن..

عصماء منصدمه: هذه الحشيره. كلها وانتين عتشوين مارشملو و رومي، شلوكن وببسي على ايش ، انا جاوووعه ياجنيات

نور اول ماسمعت جنيات رفعت راسها تشوف الجدر الي كان تحس فيه جن وبعدت عينها ورجعت حست في شي غريب رجعت تشوف وتدقق ضوت بتلفونها وصاحت: يممممه

كلهن شافين وصاحين دخلين هربين وغلقين الباب

جدتهن: مالكن؟

نور: اعوذ بالله فوق السور واحده مشعفله بثياب ابيض حواجبها وشكلها يفجع غاضب
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

20 July 2023 00:35

@sanaaroohi2 🩵 الكنز المدفون ↴

ـ بارت 42

.نور: يخ مالقيتي الا هذك. قد كرهت كل العيال بعد عامر، بس خلاص شاسكت بس انا غاثيه عليش وبينصيح امد تعقلي للمره الثانيه

بسمه: ناهي

نور: امانه جي غيري جو معي ونسير الجامعه ونروح لهنا

نور: ايوه والله اننا ضابحه بكره شاجي للجامعه و اروح معش..


بيت جيرانهم

نفس الوقت وقت العشاء.

صهيب انصدم لما سمع انها نور جالس مبلود !!!

ابو صهيب رد : خلاص بنقلش كلمت الناس عيب،

ام صهيب: يلا مافيه الخير الله يسهل له شاسير بكره ابسرها له واحاكيهن

صهيب قام لغرفته وهو متضايق انه في قرارات بحياته لازم هو ياخذها بس ابوه مسيطر في قراراته بس بيقنع نفسه ان الحال في اليمن هكذا فلازم يتقبل ويرضى ان امه الي تختار له


ثاني يوم في الجامعه .

نور جالسه هي وبسمه منتظرات يدخل الدكتور

بسمه: مايعجبني اجلس في الاول يجلس الاستاذ او الدكتور مركز عليش ليش ماتجلسي ورا

نور : عشان افهم سوا

بسمه: يعني عقلش مايفهمش الا من قريب بس

نور شافت الدكتور دخل مقفي بيكلم بنات بيسألينه: خلاص بس لقانه..

بسمه شافته و انصدمت شافت لنور ونور لفتت لها

نور:, عيدرسنا هذا ؟؟

بسمه: يوو والخزا، الله يقلعش حين شليتيني معش يا نور

نور انحرجت: الله يقلعش حين استاذي الي عيدرسني داري بخبالتش وانش قريبتي

الدكتور شافهن وبيجابرين : ماشاء الله انتين طالبات عندنا؟

نور اشرت ع نفسها وبسمه اشرت على نور

الدكتور شاف بسمه ومبتسم : وانتي دائما معها

بسمه ماسكه يدها بتوتر وساكته استحت

الدكتور: حياكن الله،انا بدرسكم ماده...( بدأ يعرف عن نفسه للطلاب وعن قوانين الانضباط عنده ..الخ)

البنات جالسات يتكلمين بالورق يكتبين حشهن كله..

بعد ساعه وقت الاستراحه

خرجت نور وبسمه
الدكتور شافهن وخرجو سوا.. هو جالس واقف بيكلم الطالبات ويجاوب أسئلتهن وبيلمح بسمه كل شويه واقفه وحدها ومنتظره نور راحت.

بسمه جالسه مرتبكه كل شويه تصلح حجابها وتمسك شنطتها وترجع تصلح حجابها وتمسك اصابعها حسها متوتره

مشيو طلاب من قدامها و عاكسوها

بسمه توترت و رجعت شويه لورا مشيت ومتخبيه ورا العمود حق الدرج..

الدكتور بيراقب حركاتها وخجلها وخوفها بصمت

نور وصلت وبيدها اثنين عصاير ناولتها واحد وهي بتشرب



بعد صلاه العصر.

صهيب فوق السياره في الشارع مراعي لامه تخرج .

نور وبسمه وصلين واقفات جنب الباب بتدور المفاتيح ولا لقيتها.

بسمه: يو والفعله ذلحين عتدقي لما تشبعي جده ماعتسمعش

صهيب بيتصل لامه قدله عشر دقائق مراعي ولاخرجت وهن واقفات، بيتصلين ويدقين رجعين جلسين فوق درج مراعيات

قرب سيارته شويه : تشتي اقرب السياره للجدر تطلعي تفتحي ولا مابتطلعي الا من شجرتكم

ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

20 July 2023 00:35

@sanaaroohi2 🩵 الكنز المدفون ↴

ـ بارت 40

.نور قفلت كتابها وبدأت تقايس خرجت ملابسها الانيقه..

واختارت فستان ابيض شيفون بسيط رقيق ، فعلت ماسك لوجهها وصلحت اظافرها وجهزت اكسسواراتها وخبتهن في الدولاب و رقدت

ثاني يوم بعد الجامعه رجعت كملو يتغدوا وبتلبس وتصلح شعرها..

جدتها دخلت استغربت ،: ماهو هذا قدش حريوه ،انا قلت لاتلبسي مبهذل بس مش تلبسي حق عرسات هي الا جلسه بسيطه

نور ضحكت: هو حين انا حاليه بتحسيني ملبسه لعرسات ، ياجده هذا فستان عادي مابش فيه شي

الجده: و رجلش باينات

نور: ايوه نسوان ، قدش اعظم من عمي سمير

الجده ضحكت: هيا اخطي

نور مسكت جدتها شلت روج بناتي وفعلت لها

جدتها: ماعد اشتيش يابنتي لاتبدعي بي

نور: انتي مبدعه بدون ، هكذا توقعي حاليه( بتفعل في خدودها وشلت الكحل كحلتها وجدتها بترمش وتدمع)

ونور بتضحك عليها ، عطرتها وبيلبسين البالطو..

جدتها : لفي الكيك غطيه والحقي بعدي شاسبق دلا حين انا بطيئه

نور : حاضر

في حوش بيت جيرانهم..
فوق السياره مراعي الجهال يفتحو له باب الشارع يخرج بها..
بيصيح فوقهم من الطاقه: هيا افتحو الباب..

الجده دخلت وبتمشي ببطء في الحوش

العيال غلقو الباب..

صهيب نزل يشتي يفتح الباب مراعي الجهال يبعدو من عند الباب

نور بتدقدق وهم بيتضاربو من يفتح

الطفل: دوري انا افتح انت فتحت اول

الطفل الثاني : ماعه دوري

نور بصياح بتدق بيد وماسكه الصحن بيد: شلوكم افتحو وبعدا تحانبوا

صهيب سمع صوتها فتح هو الباب وواقف

نور بتشوفه وبتستوعب فين قد شافت هذا الشخص فين ، بهررت و داخل نفسها( هذا يشبه المجنون الي في الحاره) نفس الطول وملامح الوجه
بس حالق شعره مرتب و دقنته خفيفه ولابس انيق وشيك

صهيب شافها متسمره: ادخلي

نور دخلت ولفتت مره وهو بيفتح الباب يخرج بسيارته.

هي دخلت من الباب وهو لفت يشوفها وبيسأل نفسه( ماداها عندنا هذه الجنيه) عيجي لش يوم وافجعش بالعروسه الي تشبهش..

داخل البيت ناولتهن وبتسلم وجدتها بتعرف عليها انها بنت ابنها..

بعد ساعات قبل مايروحين

الجده بتعتذر لها شخصيا لام صهيب( ماكنت داريه ان العريس ابنش ولا والله مارفض واقلكم اقل شي تراعو انا سببي ان البنت تدرس هي امانه عندي

ام صهيب عارفه ان الرفض كان كمان من ابنها: ولايدخل بالكم سهل هي توقع وهذا الشي هو نصيب واحنا جيران واهل من زمان.

الجده حبتها : هيا رضي عليش ونور قلبش، هذا الي اشتيه تجلس القلوب صافيه

ام صهيب شافت نور وبتتحيلا لها: ماشاءالله سعمن قدي ياخاله كانت جاهله قبل مانسافر

الجده : هن البنات هكذا يكبرين بساعتهن

ام صهيب : الله يحفظها.

روحين وهي بتشوف الجدر وشجرتها الي بتطلع منها تتشاقر.


)عارفه تاخرت عليكم🙈(
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

19 July 2023 02:34

@sanaaroohi2 🩵 الكنز المدفون ↴

ـ بارت 38

.
.نور: المهم انها بعد ماسمعت نفس الكلام ياعمه ،سارت تخارجت بساعتها الموضوع ماله الا اسبوع

ام بسمه: بس سار ذهبها كل قطعه فيها خبيتها لها وخورتها لها وجمعتها ووفيت فوقها وبعت من حقي كان كل همي هي وبس نسيت نفسي عشانها

نور اول مره تتأثر وتحس الكلام بقلبها دمعت ( حست بحنيه الأم الي محرومه منها).. ماقدرت تستحمل خرجت الحوش تبكي وحدها في بقعتها..

سمعت اصوات في الحوش وابواب جالها فضول تشوف طلعت شجرتها وبتتشاقر ملان نسوان بيغسلين والي بيضحين غشايات وملايات...الخ

مبهرره بتتفرج ايش بيفعلو ومن هم هولا ؟؟ لفت المقرمه الي فوق كتفها على وجهها تلثمت  وبتصيح: ياي من انتو؟؟

واحده من البنات( بنت خاله صهيب) : وانتي مادخلش

نور : والله الي نعرفه بيت جيراننا مابحد مسافرين طبيعي اسأل من انتي

خاله صهيب سمعت بنتها وخرجت( ها يابنتي هذا بيت اختي جينا ننظف عيجو من السفر)

نور: ها العفو منكم لو تفيضلت بس قلقت من دخل

خاله صهيب: بالعكس كثر الله خيركم حبيبتي حين بتوبهوا للبيت.

الجده بتسمعها من الطاقه في الحوش بتتكلم بصوت عالي قلقت شافت وانها فوق الشجره خرجت لها .

نور بترد على المره: مابش شي هذا الواجب ، لو تشتين شي احنا موجودين

خاله صهيب: تسلمي

جدتها بالعصيه بتضرب رجلها وتصيح بصوت واطي: انزلي نزلت نفسش ، ماطلعش ياقرده لهنا؟؟

نور بتهرب رجلها من الضرب: ياجده شافلت هكذا  صلو
على النبي

جدتها: ماطلعش  ماقلت انا من هذه البقعه

نور وهي بتنزل دلا : قلقت بينسمع اصوات قلت ابسر لو جن ولا من دخل

جدتها: مادخلش ، بيتش ؟ عيسرقو عفشش

نور: قدو اعظم من بيتي حتى الجن صاحبتهم هنا بيجعلولي والكل

جدتها ضربتها بالعصيه: بينقلش تعوذبي من الخباله، شافت عينها مورمه ، مالش بكيتي؟

نور: ماشي مدري مادخل عيني من الشجره

جدتها : تستاهلي ، جي الف شعرش واظفره لش

نور: ياجده قدنا كبيره ، الظفاير حقش هي سبب تقصف شعري

جدتها: احسن ماتتمي شعرش بالسشوار ابسري بنات عمش على قد شعر معهن ساع ذيل الدمه( القطه) وانتي شعرش سعمن هو ساعهن الثنتين

نور بضبح: ياجده بتنتفيه هو بيكثر من كثر مابتنتفيه وتهزريه وانتي بتمشطي لي.

جدتها هزرتها وجلستها وبدأت تمشط لها

في الغرفه خرجت بسمه وامها وقد تصالحين واعتذرت لها..



جدتها: من كان في البيت من ابسرتي؟

نور: قلك هذا بيت اختي جيت انظف قد عيجو من السفر

جدتها: هااه هولا كان يشتو يخطبوش ومش احنا داريين انهم هم ، شكلهم عيجو يخطبو لابنهم

نور: يو يخطبوني؟ زكاني عقلي ادخل عند الجن الي هنا

جدتها خفعت راسها: ايش من جن ! محلا منهم ومن جورتهم الا سافرو وعادش صغيره

نور: مقصدي البيت


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

18 July 2023 00:14

- ماهي آخر هدية وصلتك 🎁  ؟ 



♕ لن يتم نشر اسماء المشاركين ♕






للمششارككهة ↓
@no_name27        ←


والنشر هنـــــا  ↓
@sanaaroohi4        ←

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 July 2023 01:37

@sanaaroohi2 🩵 الكنز المدفون ↴

ـ بارت 61

.
.صهيب سمعها، طلب لهن ولنفسه ، دخل عند اهله شويه

جده جلس يجننه يتصرف في الي كلمه عليه، وابوه بينتقده انه المشروع الي بيعمله بيفعلهم مشاكل، وامه بتنتقده ليش مابيتواصل مع خطيبته ، ضبح و رجع خرج مكانه الي بيحس براحه ويضحك ، سمع كلام امه و رسل لخطيبته جاله فضول بعد ردودها يعرفها اكثر..

خطيبته: شارد عليك لما اروح مشغوله الان
صهيب مستغرب الساعه ٩ مشغوله وخارج؟ : ليش فين رحتي؟

خطيبته: اولا مش من حقك تسأل وين رحت عادك مش زوجي ،بس شجاوبك هذه المره وبس ،خرجت عند صحباتي

صهيب شاف رسالتها واسلوب ردها ضبح طنشها ومسك اعصابه لايرد عليها.

بيسمع صوت بيغني جلس يلعب بتلفونه وهو بيسمعها منطرب بصوتها
فجأه

نور : يابناات هذه الاغنيه اسمعين لجارنا المجنون

صهيب كان مبتسم مبسوط بصوتها والاغنيه ،سمع هكذا مراعي تغني ،،، سمع( مره في حينا زارنا فيل مش ظريف )
جلست تكركر وتضحك ، داخل نفسه ( ليش اليمنيات ثقيلات دم شايفات نفسهن، كم معي صديقات حبوبات في الخارج ، بعدين جاوب نفسه ( بس حقنا البنات انا فدالهن غير )

سمعها رجعت تغني عادي وصلت له رساله فتح الباب شل الاكياس  شاف الطلبيه الكثيره ربطها وطرح الكيس حقه ع جنب بيفكر كيف يفعل من فوق الجدر عيعرفين، طيب يدق الباب ،، جت له فكره لبس وطفا لمبه حوشهم والشارع ( هم موصلين لمبه باب بيتهم)

في الحوش سمعين الباب

نور: يو عمي سمير عيجنن انحنا هنا وبنغني صوتنا يووو

عصماء: طيب افتحي الاول، افتجع

نور قامت تفتح الباب : من ؟؟

غير صوته: معاكم وجباتي

نور مافهمت: هاا ؟؟

صهيب ماعرف ايش اسم التطبيق الي طلب منه: معاكم طلبيه

نور شافت عصماء : طللبيه شي ان حقش وصلت

عصماء بترد لبسمه: بس انا طلبت لبيتنا العنوان مش هنا

نور مدت يدها شلت الكيس...

صهيب ناولها كان نفسه يبقصها من برقطته منها ومشي بسرعه دخل البيت وقفل دلا

نور شافت الكيس بتحس شي دافي وبارد: بنات هذا مش شي ان، يووو والله انه عشا، انا فدالش ياعصماء ماسخيتي عليا

عصماء مبهرره لبسمه وتأشر لها بيدها ( مش انا)

بسمه ماسكه فمها لاتضحك

نور بدات تاكل الشبس: يو انا فدالها بنت عمي عيسخرلش الباري في قلب خطيبش ويجعله يبسرش الدنيا ومافيها وحور العين

عصماء: امه حنجا اصبري اول افهمي..

قاطعهن صوت صهيب : حقي الصوصات والسلطات عندكن ازغفين به

شافين بعض وبهررين ضحكين

نور : جي للعشاء كله ليش تتفيضل وتشتري

صهيب: رديه، قلتلش انش فاره حق تسلق جدران وقطاف شجر مش انتي حق دلع





📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 July 2023 00:36

@sanaaroohi2 🩵 الكنز المدفون ↴

ـ بارت 59

.
.كان يشتي يدخل لاعند الدكتور خالد وقف لما سمع صوتها وضحكتهم دخل من الغيره بدون مايدق الباب

الدكتور خالد تغيرت ملامحه. وبسمه وقفت خافت شافها واشر لها: اجلسي

عامر : يادكتور كنت اشتي اسألك ايحين عد ارجع اشتغل

الدكتورر منصدم من تصرفه : ليش دخلت فجاه هكذا؟ في. حريق؟؟ في انفجار؟؟

عامر بحسن نيه مافهم قصد. خالد: لا لا بس من وضعي شاقرح نسيت و دخلت

الدكتور قاطعه: قد معي موظفه

عامر شافها بنظره غضب: هذه

الدكتور باستفزاز لغيرته: لا الانسه بسمه ياسين عليها اتعبها هنا

عامر بيحاول يكسب تعاطفها عشان ترحمه وتسامحه وترجع تسلفه : يادكتور المره حانقه بسبب. الذهب. الي شليته واديت لك واهلي جننوني مابش راتب ومصاريف تعبت جلسه في البيت

الدكتور: دورت عمل؟

عامر: ليش ادور وانا معك.

الدكتور: لا اعتذر منك، ماعد اقدر احطك معي انا اشتي اشتغل بنفسي وحدي، وذلحين معي مريضه ممكن تتفضل لو سمحت لاتتاخر. مريضتي

عامر غار من. كلمه مريضتي معصب مسك نفسه وخرج ، بس غيرته خلته يوقف عند. الباب يسمع

الدكتور : ذلحين انتي ايش بيخوفش

بسمه: كل شي صوت الالات والابره حق التخدير ولو ماتخدرش واحس بوجع

الدكتور : طيب اصوات الالات شافعلش ساع الجهال تلبسي سماعه وموسيقى هادئه

والابره شاخدرش تخدير اطفال قبلها اخدر مكان الابره ببخاخ

بسمه: طيب بعدين كيف الخياطه في الم؟؟

الدكتور ماحب يخوفها: ان شاءالله ماشي، مع المسكنات

بسمه استحت: خلاص مشتيش السماعه عادي

الدكتور: مافيش اصوات

بسمه : شاغمض عيني اخاف اشوف الابره


الدكتور شافها متوتره بيضحك وهو بيسوي البخاخ: تمام والله انش ساع الجهال الي بيجو عندي

عامر ضبح دخل : انت شكلك صورتك طرحت عينك عليها صدق حين قلت لي

الدكتور ماسك الابره بدأ بها يضربها

بسمه ماسكه يد الدكتور من الخوف تبعدها

عامر : وماسكه يده ومن بين كل الدكاتره مالقيتي الا هذا ، والا قصدش من بدل

الدكتور قام معصب: اخرج من هنا واحترم نفسك

بسمه بتحس فمها متخدر

عامر: اعترف ان عينك على زلطها الي رجعتها لها

الدكتور : انت عارف انك غبي، انت كان حسك في ايش معها. وعينك على الي معها، بس انا لو عيني عليها فعيكون عيني عليها انه افكر كيف اخليها توقع اميره وهي معي كيف البسها وادلعها واسفرهاا وهي معي. مش كيف اوقع انا معها فهمت !!

عامر : بس انا وياها بنحب بعض

الدكتور دهفه من كتفه : اخرج ياعامر لو سمحت لاتخليني افعل هذا الاسلوب خرجه وقفل بالمفتاح

بسمه قامت

الدكتور بضبح ومعصب: خليه ينقلع امدد ويحرق قلبه واجلسي اكمل ضرسش قد ضربت المخدر

بسمه سكتت وجالسه وهي خايفه

الدكتور شافها وشاف ماينفع يقفل


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 July 2023 00:24

بماذا تفكر الان ...!

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 July 2023 00:03

@sanaaroohi2 🩵 الكنز المدفون ↴

ـ بارت 55

.
.صهيب بيكلم نفسه:( هذا مجنونه رسميا ادخل قبل ماتجي هي وجدتها ويوقع لي بهذله،)

دخل بسرعه وجالس في الصاله زي الي فعل فعله ذكر ايام جنانه ومشاغبته في الحاره في الاعداديه ابتسم( انا ايش الي جنني مع هذه المجنونه! ليش بينطرح عقلي بعقلها ويجي لي فضول اجلس اعرف اخبارها واعصب من جنانها و ازعل على زعلها ، الصدق ياريت وكان معي اخت صغيره مثلها مرحه.
بس كنت شارقدها بقتله واصبحها بقتله لانها مستفزه هذه البنت..

في الحوش..

جدتها: مابش حد يابنتي عتجنني اخرتش انتي والحوش هذا ، ادخلي البيت بكبره كله ذاكري فيه

نور: عاجبنا الجو هنا ، وبعدا مش هو على مزاجه ليش بيفلت هو بيتهم بكله ويجلس يتليقن علينا ،ماعيحبسناش وهو وعمي سمير

الجده : لو تزيدي تدعيني والله لاطبع الشبشب ( حاشيكم) هذا فوقش.

نور ضحكت: ناهي خلاص.
جدتها دخلت

بسمه: شكله اختفى ولاعد صوت

نور: يختي سامج شاوريه لوما تجي مرته اشكي لها كيف بيعاكسنا

بسمه بتضحك: قصدش يلاعنش قلك يعاكسش

نور شافتها مبسوطه غير كل يوم: خيرر بينبسرش اليوم فارحه مبسوطه ، ايش قد معنا، او متشفيه فيني

بسمه: والله ماهو تشفاي ولا غاثيه وشاستقضي على الاهبل هذا
( في وسط الكلام هذا خرج صهيب يشوف يسمع في حد بيتكلم جدتها أو ايش زد حصل محد دق الباب، بس سمعهن وجلس)

نور: كان مالش

بسمه بحماس قربت منها : اصلا روحت لاعندش اليوم عشان اقلش

نور : ماهو؟,

بسمه: وقع موقف هو عادي بس مدري كيف حسيت نظراته

نور شافتها بصدمه: انتي مش طبيعيه ،والله لو معش كيس فيمتو مش قلب ، سواء رجعتي له او واحد جديد، ماقد بعدت اثار اللطمه الاوله

بسمه ضحكت: اسكتي خليني اتكلم نفسي افهم ليش بينجي لش واحكي لش وانتي هكذا تعلقي ع كل شي

نور: طيب تحاكي

بسمه: بدأت تحكي لها الي حصل

نور ضحكت: يعني حين قد قعيتي فمش يبسر السوس الي في اسنانش حسيتي مدري ماهو نظراته، هي صدمه حين ابسر لداخل المعده


صهيب ضحككككك ماقدر يمسك نفسه جلس يكركر وهو كاتم فمه لما دمع وداخل نفسه( نفسي اعرف ليش هذك الهبلا بترتاح لها وتحكي لها كل شي وهي بتتنمر عليها هكذا)

بسمه بضبح: يخ يانور كيف انتي بتستخفي بكل شي بمشاعر الواحد

نور: قد ابسرنا مشاعرش الرهيفه كيف ادت مليون ونص بدم بارد ، هجعيني من الخباله الجامعه ملان عيال وكلهم بيتبسروا ونظرات ياسلام الي عينه زرقاء والي اشقر ولا بينحس بشي مشاعري مجمده، اغلبهم جبناء مش هم حق باب مايعجبهم الا الطيقان ساع العصفري اول ماتقلي له ادخل من الباب يطير يهرب

بسمه رجعت تقتنع بكلام نور وتحبط: طيب نفسي نحب اذا ضيعنا الاشخاص المناسبين كيف عنحب


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

24 July 2023 01:19

@sanaaroohi2 🩵 الكنز المدفون ↴

ـ بارت 53

.بعدها بيقرأ شويه من ملخص الاجتماع..
( اولا: الفحوص الطبيه الشامله لجميع الامراض المعديه)
( ثانياً: النظافه الشخصيه وتعليمهن قوانين المكان)
( ثالثاً: تقسيم المهام لتنظيف المكان بين الجميع)
( رابعاً: اعطائهن جداول الدروس التثقيفيه من دين واحترام وتعليم القراءه والكتابه واكتشاف مواهبهن والاشغال اليدويه والحرف)
....الخ بنود وشروط المخطه
صهيب : بعد هذا كل عنتكفل بعلاجهن كسوتهن تدريسهن الي حابات الدراسه وتعليم حرف يدويه للي حابه الشغل وماتشتي تدرس وبعدها نرجع نستفيد منهن..

صهيب بيوصيهن( ما ييأسين ولايتعبين يتحملوا كلهم صعوبه الموضوع في البدايه، ويفرضين قوتهن الشخصيه وقت الحااجه دون عنف او ضرب او تهزيء او جرح مشاعر ، واحتوائهن ومعاالجتهن نفسياً.

بعد مناقشه الموضوع ، خرجوا هو وصاحبه

صهيب متخوف: مدري ليش حاسس بمسؤولية ياخي وخايف بس مصمم ولو على رقبتي


صاحبه : خلاص ماذلحين تمينا ايش تهم ؟؟ الصعب سار

صهيب: تفكر تواجد البناات هنا بالقوه اوو بارادتهن سهل ؟؟ياخي صعب ، اخاف تنسحب المربياات والاخصائياات،

صاحبه: معي القائمه. الاحتياطيه ملاان ياصهيب لاتقلقنا خلي الموضوع يتم ع خير

صهيب : على الله

ثاني يوم
بسمه مع طلابها التمهيدي بتلبسهن تاج بشكل السن والعيال ضروس وناب ،وتعلمهن الانشودة وتحفظهن قبل فقره عرضهن ( خارج اولياء الامور والكل بيحضروا فقرات الحفل)

وصلت فقرتها مشيت مع طلابها طلعو المسرح وهي جلست من تحت تأشر لهم وتعلمهم. الحركات ، لما كملت مشيت هي وياهم للصف

بدأت المديره بعرض يدهش اولياء الأمور عشان يقتنعو بالمدرسه: معنا طبيب اسسنان الان بيمر على كل الفصول ويعاين الاطفال مجانا ، ويتابعهم عندنا بالمدرسه باستمرار ، تفضل يادكتور معنا... مشيت معه و شرحت له الفصول ، امد ماتخلص انشغالها مع فقرات الحفل

دق الدكتور الباب بداية بصف التمهيدي..

بسمه مقفيه وجالسسه في الارض كانت بتسكت الطفل الي بيبكي

الدكتور دخل: السلام عليكم
بسمه قامت لفتت شافته وبدهشه: وعليكم السلام


الدكتور بيتحيلا للطلاب وبيمثل لهم كيف غنو وهم بيغنو معه وهي بتضحك استحت انه شافها : كيف الحال يا. استاذه انتي هنا تدرسي؟؟

بسسمه: ايوه عادها اول سنه

الدكتور: موفقه ، نادي الطلاب بالكشف اسمائهم عشان سريع اشوفهم..

بسمه ناولته الكرسي حقها : تمام ،تفضل بالاول


الدكتور شافها ماسكه كرسي في يدها من حق الطلاب صغير: وانتي؟

بسمه جلست : عادي انا بجلس هنا


الدكتور سكت مستغرب


الطلاب فحصوا بعضهم وبعضهم خافوا

بسمه بتشجعهم: يلا يا ابطال

واحده طالبه : وانتي يا استاذه بتفتجعي مالش ماتوري الدكتور اسنانش  ؟!
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

24 July 2023 01:18

@sanaaroohi2 🩵 الكنز المدفون ↴

ـ بارت 51

.
.
بسمه ماسكه صوره خطيب عصماء: عماد وعصماء متناسبين
بس عصماء نخرتها اكبر من نخرته ، عيونش طبعا احلى منه، وشعرش

نور : نخرتها احلى اما هو مركوزه بس ابسري كانو ديناصور بينفخ نخره مطلع حين يبتسم

جلسين يكركرين
عصماء زعلت هزرت الصوره: بس خباله حرام الضحك على خلقه الله

بسمه: يووو جعلي خير من ايحين


نور: مدري ، قد بنغثى وندافع على حبيب القلب

الجده بتضحك قاطعتهن: قلعو شياطينكن كيف انتين ابليسات

مرت سمير الثانيه ( بنفس عمرهن) : بيحسدين ، الناس بعمرهن معولات وهن بيتليقنين عليها

نور بضبح منها: ابسري هذه الي بنفس عمرنا بس حين قد تزوجت عتسمح لنفسها تتليقن علينا ، مش احنا مثلش ياروحي مراعيات جنب الباب من جا قلنا موافقات، مراعيات لوما يجي الي يستحقنا ، مش نسير نخرب ..

بسمه هزرت نور لاتزيد المشاكل : يوووه يانور حقش الكتاب الي ذاكرتي به في المطر خارج..

نور قامت فجاه بسرعه معها لخارج بقعتهن: وين هو؟؟ مابش كتاب

بسمه: مالش جننتي ؟؟ ليش بتحاكيها هكذا عيب! ولو بنفس عمرش بس هي مرت عمش ؟

نور : لانها مش اول مره تتليقن، قد تمادت معي بالذات داخل وانا بينبدل دخلت عندي قالت ليش ماوافقتي ابسري عمش ع عريس ادا لعصماء، اما انتي بتتدلعي وتتشرطي ومابش معش ام واب يعني العريس لو تقدم لش انتي الي عيتشرط مش انتي( بقوه بتتكلم بدون اي دمعه او ضعف)

بسمه تأثرت قوي و دمعت: قالت لش هكذا؟

نور بتقلد مسكنه بسمه: ايوووه قالت لي هكذا يا محاميات خلق الله، بطلين مجاملات ونفاق حتى لو ماقالت لي هكذا تتكلم معنا باحترام ليش تتكلم وتحسسنا انحنا ولاشي، جدتي لاتليقنت او اعمامي يتليقنو علينا بيدوها بمزحه بس هي ملان قلبها حقد بتديها برزع وهي مبرطمه

عصماء لحقتهن: الصدق يانور تستاهل حين رزعتيها روحها تدور مشاكل بس مابحد طبينتها اليوم مركزه علينا.

صهيب كان بينزل من سياارته وقت ماخرجين رجل خارج و رجل فوق السياره اول ماسمعهن وقف بقعته : فكر عيسمع جنانهن مزح ااي كلام، بس تأثر بكلام نورر رغم مش فاهم. من قاله. وليش وعلى ايش!! غلق باب السياره و دخل.


في حوشهن نكزين

نور: صوت باب

عصماء: من الحوش او. الشارع مابش عندنا حد

نور: خلاص غلقين الموضوع لحد يسمع.

ثاني يوم..

بسمه راحت المدرسه بدأت مع صفهاا تتعرف عليهم وتكلمهم وتسكت الي يبكي وتضحك الي ضابح من الجهال..

المديره دخلت لاعندها: جهزي بكره مواضيع وثيمات واشغال يدويه عن الاهتمام وعناية الاسنان للاطفال بشكل برسوم تحفيزيه، عشان نعرض لاولياء الامور في الحفل الترحيبي بالسنه الدراسيه الجديده اهتمامنا ومتابعتنا في صحه الفم والاسنان.




📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 July 2023 23:47

‏- كيف تصنع سعادتك بنفسك  ؟ 



♕ لن يتم نشر اسماء المشاركين ♕






للمششارككهة ↓
@no_name27        ←


والنشر هنـــــا  ↓
@sanaaroohi4        ←

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 July 2023 23:25

@sanaaroohi2 🩵 الكنز المدفون ↴

ـ بارت 49

.
.صهيب بضبح انها سمعت. خطته كيف وايحين سمعها بتقل مسكون


بسمه سارحه بتتذكر حقاره. عامر: يا. نور غني لي  اي اغنيه تشتم الي قهرني

نور : طلبش هذا عند المحمدي مش عندي.

صهيب ابتسم بعد ماكان. ضابح.

نور : ابن الجيران الي هنا قصادي. مش عارفه بس اعملو انا ايه، عمال يصفر كده وينادي وفي اي حته ياناس بلاقيه..
وهن جلسين يغنين معها ويجننين

صهيب : جاااهله ومجنونه

طلع لامه يقلها هيا يسيرو السوق يزينو ويجهزو صندوق الخطوبه..

بسمه: يانور الديوان مارفعناه لو تطلع جده تبسسر ويدرو كذبنا لايقع بنا عمل اغبر

نور : بكره عنطلع نمسح الدرج ندخل بساعتنا ننظفه

فوق السياره..
صهيب كان فاتح اغاني عشوائيه رجع فتح الاغنيه الي. غنتها بس بيتذكر صوتها..

امه: ايحين عتحلق

صهيب : اطرحكم. واسير ادي حقي الزنه واحلق

امه: اخوك قال لو حددت العرس عيجهز نفسه يجي من المانيا

صهيب: ماشتيتو. فعلتو

امه: مش انت فارح

صهيب ضحك : يمه افرح بمه وانا معرفهاش عادي عندي الشعور يمكن وقت الخطبه افرح.

امه. : الله يتمم على خير ويسعد. قلبك

صهيب: امين ، ما. رأيش في لون. الصندوق يوقع أسسود

امه:  لا اله الا. الله، يو يابني بينقلك مش. فارح قلتلي  عادي هذا قدو مش عادي ابدا


صهيب : والله انه فخم مع الفضي او. الذهبي.

امه :مع يابني ابسر لون ثاني

صهيب: خلاص افعلو المناسب على ذوقكم

امه : تمام.

يوم الخطبه قبل اذان العصر..
بيصيحين ويجرين في الديوان يكملين ترتيب لانهن نسين ينظفين الديوان كذبين الكذبه وصدقين

عصماء بتسرع معهن ترتب الوسايد  : الله يقلعكن عيجو

بسمه: نووور ، جي ابسري المجنون على شياكه..

نور وقفت جنبها : يهي يهي معهم عزومه ملان بيتهم رجال

بسمه: اووو ابسري كم القات ماهو هذا كله

عصماء : يابناااات قواااا شرق عيب هيا نكمل
بسمه سارت تكنس

نور بتمسح

عصماء ادت المبخره وبتبخر: اخيراااا

سمعين صوت الطريقات
نور جريت: يو جوووو

بسمه بتشوف من الطاقه: ماااشي هولا بيت جيراننا بتسمعين الزفه والمحاجر شكل معهم عرس او خطوبه


نور : هاا حين خطبوني وماوافقت لكيد ذلحين عيسيرو يخطبو

بسمه: تخيلين وهو خطيب عصماء؟

دق الباب حقهم !!

سمعين صوت رجال وسيارات والباب افتتح الكبير

غلقين الطاقه وقامين ينزلين بسرعه قبل مايطلعو..



نازل عند الجده..

سمير بيحانك امه: مارضيتي تعتبريني اب لنور، محسسه الكل انش احن واحده علينا ، هذه عصماء خطبت لها احلى عريس ماينرفض وانتي اجلسي عاندي يمه في كل شي في بيت في حياه في بنت اخي

بس انا شاسكت وبعدها ماعد شسكت لاني كبير البيت


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 July 2023 23:25

@sanaaroohi2 🩵 الكنز المدفون ↴

ـ بارت 47

.الجد: الكل استهون  وماصدقني وتخايلهم اننا بينخرف حين كبرت، محد كان مصدق لي غير جدتك ، اما ابوك الله يهديه وعمره كله وهو بيعاند ويطنش لوما جنني

صهيب: قصدك ياجد الموضوع هذك؟  الي كنت اجي بسببه !

الجد: ايوه

صهيب: بس هو صدق ياجدي مابش انا بنفسي دورت

الجد: ماشي مش هكذا يابني بتخدع نفسك ! انت بتدور على زرقيف! حفرت لي حفره زرقيف ، اسكه خرجني ذلحين

صهيب حس انه ودف حين ناكر جده بيهم يجهزه ويتحمله للكرسي المتحرك: اعرف ياجد بعيني ادور سوا

الجد: قم قلتلك ذلحين يلا

صهيب قام وبيجهز يخرج جده...

في بيت جيرانهم ( الديوان) ..
جالسات كل واحده ماسكه تلفونها بيورين بعض دقه تصوير كل تلفون، ومقاطع صورنها من قبل، وفستان يناسب عصماء..

الجده بتداعي من الدرج: كملتين؟

نور شافتهن مبهرره :هيا نخرط بس بكره تطلعين معي من بدري ننظف ؟؟

بسمه: تمام

نور:ايوه ياجده كملنا

الجده: هيا اخرجين الحوش لفلفين وكنسين سوا

نور: احلى حاجه هيا يابنات نخرج ننفخ قبل الليل قد بينخاف اخرج لو ظلمت
بسمه: هيا خورت نجعل

عصماء: ايوه

نزلين بسرعه وخرجين الحوش

في الحوش الثاني الي جنبهم..

جد صهيب جنب الجدر الفاصل بين البيتين:  هذاا بينقلك يابني هذااا مش انت مستغرب ليش جالس طين

صهيب : بالعقل ياجد الواحد مع مرور السنوات التربه بتتحرك مع المطر يعني يا سار مدخل او هنا ، وهنا مابش

الجد: اذكر زمان حين اشترينا البيت احنا وياهم وقالو لنا بعدها بس ولاحد قد فكر يدور

صهيب: افرض هم ؟

البنات خرجين وبيغنين

صهيب ماعد سمع صوت جده الخفيف ، مسك عربيته وبيمشي يدخله البيت كمل الموضوع مع جده

اقتنع شويه وقال له جده كلمتين يسير يقولهن لبيت جيرانهم

في البيت الثاني

نور: انتي تنفعينا لانحنا عننظف ونكنس وانتي حريوه عليش المنافعه بدأين بالطلبات شافين لبست وخرجت فتشت شنطتها نور لقيت لبان يعجبها جلست تاكل حبه بعد حبه قدو ملان فمها مراعيات لعصماء..

دق الباب

نور راعي اول انفخ اللبانه ملان وجهي وافتح لها

الباب بيدق بسمع صوت في الحوش

نور نفخت اللبان وفتحت الباب

صهيب ماعرفها : في حد كبير نتحاكى معه؟ وين ابوش ؟

نور سمعت صوت رجال ع طول تخبت شويه وهي بتلعن نفسها ليش تتخيبل وتفتح الباب بس فكرت انها عصماء.

من الصدمه شفطت اللبانه المنفوخه شافته مره ثانيه ورجعت تتخبى

صهيب: يابنت وين ابوش؟

نور : ماتشتي؟

صهيب عرف صوتها: يو واللغاجه، ادعي حد كبير قلنالش

نور : انا صاحبه البيت ، ماتشتي؟

صهيب يشتي يفجعها : عنخرب الجدر ، الماء بيسرب تحته

نور : يووه راعي اطلع اكلم جدتي راعي عيحاكوك

صهيب: ماشاراعيش انتي قلتي صاحبه البيت خلص
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

21 July 2023 00:15

@sanaaroohi2 🩵 الكنز المدفون ↴

ـ بارت 45

.
.سمع الصوت وشاف محد خرج!! جلس يضحك سحب الخشبه وبعد العروسه خباها وخرج بسيارته

هن جالسات داخل البيت وجدتهن بتقرا قران وفتحت قران

بسمه: يو نسينا الاشياء فوق النار

عصماء: هي الا رومي تحرق لازد سبرت

نور : يابنات يمه يعني تقلين مش هو الي شفته، هذك واحد مجنون حرفيا يمكن واحد يشبهه

بسمه: او قرينه

عصماء: ماهو القرين؟

نور: الي يشبهش ،يمكن على ماظن

بسمه: يعني كل. واحده فينا معها جني يشبها

عصماء: خلاص والله مازيد اجي عندكن ياتافهات كل مواضيعكن هذا الشي لما جولكن صدق

نور : خلاص بس لاتذكرين ماناقص الا يجو للبيت

بسمه: اخيرا في شي فجعش اوقات احسش انش انتي جنيه

عصماء: قلنا بسسسس  والله لاروح.
جدتهن قفلت التلفون : جا لعصماء ناس يخطبوها بكره تطلعين الديوان تنظفين وتقشعين وبعد بكره الحجره والدرجان امد مايجي الجمعه الا واحنا بنجهز عتوقع حفله نسوان ورجال

عصماء: ليش مش بيتنا ياجده؟

جدتها بمعصبه: قلعو عينش مايخطبوكن الا من هنا افرح بكن

نور: يعلم الله كيف شكله يا عصماء

بسمه: شكله ساعها خواف بينتخيله هكذا واحد خواف خزوي( خجول)

نور: انا ماشتزوجش وانخطب هكذا الصدق اشتي ابسره ولو حالي اوافق

جدتها: بسرو عينش، ماعتعيشي مع شكله مايفعلش جماله وهو ساع القرد مش هو حق عيشه

بسمه: اتزوجي الدكتور عشان يجلس يداعيش يمه

نور : يو والبياخه حين تزبجي ، مشتيش الدكتور هذك ..



جدتها : يو على قد بنات وعلى قد عمر ماعد بش خزا بينقين العرسان ساع الرز ، كيف كنا ، مادريت لا بخطبه ولا كيف شكله ولا اسمه، مادريت الا حين قالو لي ماعدبش لعب في الشارع قدش حريوه هيا ادخلي نلبسش

نور: ياسعم هذا حالي؟

جدتها سكتت شويه : احسن منكن تشراط ودلع وغنج بعمرش قد خلفت ثلاثه

نور: يعني حالي؟ هيا مالكم ماتزوجوني

جدتها: ماشي الصدق مش حالي ، لكن استحين ها

بسمه: وانتو ياجده ماعد بش رجال ساع زمان ضروري نتشرط

نور ضحكت وبصوت واطي: الا صدق حق زمان كان يدولهن جنيهات وحق تيه اليومتين يشلطو عليهن الذهب بكله

بسمه وهي بتضحك: سامجه .

ثاني يوم..
نور خرجت الحوش ترفع حفلتهن الي خربت بتسمع صوته بيتكلم قربت تسمع اكثر..

في الحوش صهيب بيكلم التلفون

صهيب: اشتي تبسر لي بيت كبير قوي فيه غرف خيرات ، ماتدي بيانااتي او انه لي، نخليه سكته بأسم مستعار ونزور الوثائق عشان الموضوع شويه كبير

نور مستغربه ايش يشتي من بيت كبير وبيتهم هذا كله؟


صهيب : بعدا عنلف بنات من عمر ال١٠ ومطلع الي مابش معهن اهالي ونشلهن البيت هذا... بضحكه، الله يقلعك بس والله يا اخي انه راحه نفسيه ولا هذه البرقطه اجلس اشوفهن من بعيد ..

ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

21 July 2023 00:14

@sanaaroohi2 🩵 الكنز المدفون ↴

ـ بارت 43

.
.قرب سيارته شويه : تشتي ازيد اقربها للجدر تطلعي تفتحي ولا مابتطلعي الا من شجرتكم


وفاتح الاغنيه الي كاانت تغنيها في الحوش ملان الشاررع 

نور انصدمت !! بيكلمها وايش عرفه انها بتطلع !! : عيب تتليقن هكذا واحنا جيران

صهيب ماسك ضحكته: وعيب يدخلو بيوت الجيران بدون استئذان... رفع صوت الاغنيه ، و ريوس سيارته شويه لباب بيتهم مادالها فرصه تتكلم

امه خرجت وطلعت السياره معه ، مشي.

نور واقفه بتتفرجه منصدمه ايش فيه ماله هذا جنن صدق لفتت لبسمه: شفتي على سماجه ومستفز

بسمه : انا مستغربه مادراه انش دخلتي بيتهم

نور استغربت:, يووو صح كيف عرف، تقلي معهم كاميرات؟

بسمه: اكيد

نور مسكت وجهها: يوو يا بسمه تذكري دخلت بدون حجاب وكنت مشعفله وبنطلون جينز يعووو

الجده وصلت من خارج شافتهن مراعيات فتحت لهن الباب: مالكن هنا ادخلين

وهن مطننات

جدتهن: مالكن بينقلكن مالكن ماتدخلين وين دوايرش يابنت

نور : هااه ، مدري في الشنطه الثانيه نسسيت ماشله


جدتها دخلت الحوش وهي مااسكه سنهاا : يابنتي اسكه ابسريلي. اسناني بتوجعني، ابسسري لو تقلعيه او تكتبي ليي علاج

بسمه مستغربه من جدتها فجأة ضحكككت : نور عادحنا نشتي جده


نور: ياجده ضروري تسيري عند دكتور


جدتها: ومالي دفعت  دم قلبي. اسجلش او ماابتفهميش

نور دخلت وقفلت الباب وبتخرج ضبح صهيب بس متمالكه اعصابها وبصوت واطي : ياجده ماقد درسست الا. اسسبوع ، عادحنا بنتعلم نعد الاسنان ، بعدا لو عالجتش وماقد. تميت ادرسس شاخليش ثرما

جدتها عقدت حواجبها: ومالهم بيمطمطو القرايه امد الزلط سررق، هن الا شويه اسنان يا قلع يا حشو ، هذه السنين كلها ليش عتصنعي. سن


نور ضحكت مسسكتها وجالسه تفهمها وهن بيدخلين البيت:  به تقويم اسنان وبه سحب عصب وبه حشو وقلع و ...الخ


جالسه تشرح لها وهي بتبعد البالطو ..

بسسمه وصلها اتصال جاوبت: ايوه انا بسمه،

نور خافت سكتت فجأه لو حد بيضايقها

بسمه: تمام بكره جايه ان شاءالله.. وقفلت

نور بهررت وبتاشر لها : من؟

بسمه: المدرسه الي قدمت ادرس فيها حضانه

نور: والجامعه حقش؟

بسمه: هي جنب بيتنا ويشتو لحضانه من عصر

نور: اها ، بس ليش عادش شليتي زلط الذهب ماتشتي من التدريس

بسمه: احب الجهال قوي بينتحيلا لهم

نور : وانا بينقل مالش ماعقلتيش بتسايري الجهال

جدتها : الي يسمعش يقل مدري كيف انتي عقلش يوزن جبل


بسمه بتحانكها..


بعد المغرب في بيت جيرانهم ..


  ام صهيب : ماشاء الله على ماقلت لي شفت البنت حاليه وحاكيت الأم ، قالو عيردو لنا خبر


صهيب : ماشاء الله اهم شي عجبتكم انتو وانا مش داري بشي

امه ضحكت: هااا بتلمح، قلي كيف هي يمه ..؟


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

20 July 2023 00:35

@sanaaroohi2 🩵 الكنز المدفون ↴

ـ بارت  41

.الليل فوق العشاء
ابو صهيب : حددت موعد مع اهل البنت تسيري تبسريها بكره وتتعرفي عليهن

ام صهيب: اي بنت؟

ابو صهيب: بنت صاحبي عشان صهيب

صهيب لفت ماكان مركز يفكر ابوه بيداعيه: ها ياباه؟ ماتشتي

ابوه: بينقل لامك تسير تبسرلك البنت وتكلمهم

صهيب: يا ابي الله يحفظك عادحنا جينا ليش المعاجله

ابوه: او معك واحده؟ بتحبها وتشتيها؟؟

صهيب: والله مافي، ياسعم استقرينا سوا الحق اعرف حد بس عادنا شارجع اكمل السنه الاخيره

ابوه: ايوه قد كلمت ابوها انها اخر سنه لك امد مايجهزو نفسهم للعرس وترجع نزوجك

صهيب بضبح: تمام سيري يمه وبردي قلب ابي

امه شافت الاب: انت داري ان عاد جيراننا جو اليوم وبتعتذر انه الرفض ماكانت داريه انه احنا ، فكرت انه عريس من عرسان ابنها لبنت اخوه يا مزوجين او كبار او مغتربين

ابو صهيب: قد قلت ليش عيرفضو مابش بيننا الا كل خير ومعزه..

ام صهيب: امانه ان معها بنت ابنها نور عاديه البنت بس تدخل القلب لطيفه قوي، مارايك نزيد نتقدم لهم؟


في بيت المنذر..

نور: ماشاءالله البيت ولا فيه شي ولا مسكون ولا خرط، بيت ماشاءالله يجنن

جدتها: الله يستر عليهم ماهو اهتجر خيرات

نور: ماشي ياجده ابنهم الي كان في الحوش كان قبل شهر فيه

جدتها: مادراش وانتي؟

نور: ابسرناه في الشارع انا وبسمه

جدتها: ، مدري والله.

نور: بعدا طبيعتهم حاليه ، فكرتهم زناطين حين قلتو كان معه منصب

جدتها: من يوم ماكان وزير وهن حاليات هكذا للحاره كلها غني وفقير

نور دخلت غرفتها و اتصلت لبسمه : طمنيني امش مافعلت؟

بسمه بصوت حزين: امي متغيره عليا ومابتكلمني ابدا حتى وانا مريضه ولا في حسها مني

نور: سهل الي فعلتيه مش شي سهل والله لو انتي بنتي ان قد دعستش وقتلتش

بسمه: ناهي خلاص معش موضوع غيره ،انا ضابحه لاتوفي ضبحي

نور بحماس: ايوه ابردي خلاص ماشغثيش، انتي داريه عادحنا جينا انا وجده

بسمه: من اين؟

نور: بيت المجنون تذكريه الي لحقنا في الحاره

بسمه: ايوه ، كيف لكم سرتو بيتهم وكيف دريتو انه بيتهم

نور: ماطلعش مجنون ، هو ابن الوزير الي جنبنا بيتهم هذك تاكدت اليوم ابسرته

بسمه: يعني مادخلش البيت طلع بيتهم

نور: ايوه ، بس اليوم ايش ، اخر شياكه والعطر بينفح ملان الحوش وماشاء الله لو تبسري على طول واناقه

بسمه: مسرع اعجبتي به

نور ضحكت بسخريه: هع، ياسعم اننا ساعش خبلا، ماعجبت به ولا سامج شكله زناط بيتخايل روحه بس بينقلش مش هو مجنون وصفت لش كيف ابسرته

بسمه مكتئبه مافيها حماس كل مره : اها

نور: وايش يا بسمه، بسرتي الخاطبي الي اداه عمي سمير، طلع من بيتهم مدري لمن كانو عيخطبوني لعيالهم

بسمه: ياريت للمجنون تعقلو جمعه
.


📣┃للمزيد من الروايات  😍
اشترك في قناتنا ؏ التليجرام واستمتع بكل جديد @sanaaroohi2 ✅


   ➰ صنَـعـۛۛۛ♕ـۛۛۛـا۽ رَوَحُۧـي ➰ 
⠀       ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

19 July 2023 02:35

@sanaaroohi2 🩵 الكنز المدفون ↴

ـ بارت 39

.جدتها: مدري صدق او كذب

نور لفتت فجأا بقوه لما خربت تسريحه جدتها لها: الله مش انتي يوميا بتصيحي ان هانك جن لانقرب الجدر

جدتها: انا بينقلكن ملان حنشان وبيقولو الجيران به جن مدري

نور: مابش حنشان ولاشي

ام بسمه جالسه وهي ساكته ومتضايقه من تصرف بنتها

بسمه جالسه مطننه وسارحه بعد كلام وعتاب امها والي فعلته

الجده: مالش انتي وبنتش عتقرحين مبرطمات

بسمه شافت امها بهررت( تراشتها لايعرف ابوها وجدتها)

ام بسمه: ولاشي الجهال يحرقو الدم

الجده : عادش مابسرتي شي

ام بسمه طنشت وجالسه سارحه بتفكر ليش بنتها تصرفت هكذا ايش احتاجت..الخ

بعد اسبوع.


نور جالسه بتتحفظ الدرس بصوت عالي وتسمع لنفسها سمعت سيارات وطريقات والقريح بيت جيرانهم بيحجرو..

مابش وقت تدخل تدي مقرمتها قررت تطلع الشجره وتتغطى بغصن وبتكلم نفسها ( شكلهم جو، محد فاضي يبسرني)  تخبت وبتشوف السيارات دخلت اخر سياره وقفت جنب الجدر ونزل من الباب الي صليها اول مانزل ذكر بقعتها رفع راسه وعينه يشوف السور( شافها ) بهرر

نور ماكانت مركزه لاعنده هي بتشوف النسوان الي بينزلين من السيارات الي دخلت قبل اخر سياره منسجمه بتعدهم كم هم

صهيب ابتسم واستغرب البنت هذه مابش معها بقعه او غرفه او كيف

دخلو كلهم ونزلو الشنط وهي تعبت واقفه برجل واحده نزلت دخلت لاعند جدتها


جدتها: مالش ؟
نور بتمسح بفاين رجلها من الدم شخطتها بغصن الشجره: ياجده جو جيراننا لو تبسري خيرات ، وكم ياشنط اكثر من الاوادم

جدتها مستغربه: مادراش بهذا كله عادنا سمعتهم جو

نور: ايوه اول ماسمعت القريح والمحاجر طلعت ابسر

جدتها: ابسري رجلش كيف قدنتي مشهوهه من الفضول حقش

نور :ناهي اسير اكمل اذاكر وادخل

جدتها طنشتها جاوبت التلفون

نور خرجت وجلست تكمل تذاكر وبصوت عالي بتسمع لنفسها


في حوش بيت جيرانهم خرج صهيب للحوش وسمعها ..

كان مع ابن عمه وابن خالته طلعو السيارع وخرجو بسرعه


نور سمعت السياره : وبتسال نفسها من عيخرج مسرع عادهم جو، يو والتعب كل شويه اشتي اطلع ابسر، شكلي ماعد شاقدر اذاكر هنا من ازعاجهم ، دخلت غرفتها تكمل مذاكرتها

جدتها: بكره لو كملتي الجامعه بدري روحي نفعل شي ونسير نبسرهم نسلم عليهم

نور بتقلب الكتاب: من ؟

جدتها: جيراننا

نور بحماس فضول تعرف كيف شكلهن  ومن هن..الخ:  هاااه،  تمام حاضر ، شارجع بدري

جدتها : والبسي شي حالي، مش حقش الجنزات المبلحه المقطعه من الركب

نور: هي موضه مايعجبش الا نطقم انا وانتي جلابيات

جدتها: احلى شي يسترش ومحد يمرعش عليا

نور : ياجده امانه، قلك جلابيه ناهي شلبس سوا

جدتها: يلا تمي ذاكري

نور قفلت كتابها وبدات تقايس

ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

19 July 2023 02:34

@sanaaroohi2 🩵 الكنز المدفون ↴

ـ بارت 37

.
.سمير شافهن وصلين بيت جدتهن ، نزلين من السياره في يدهن الكيس سحبه بيمازحهن : ايش اديتين لنا ؟؟؟!!
نور هزرت الكيس بسرعه قبل مايفتحه: يوو ياعم الله يهديك اشياء وملابس نسائيه

سمير  دهف يده ناولها قبل مايفتح: يو العفو ، انا قلت لو معاكن من هذا الحلويات والخورات حقكن

بسمه قدها متصنمه خايفه لولا تدخل نور كانت راحت فيها

نور: ماع ماشي

عمهن: يلا خير ، مع السلامه..

غلقين بعده

بسمه ذكرت بعد ماتقفل الباب تقول مع السلامه وهي سارحه

عصماء جنبت وقفلت السياره ولحقتهن: مالكن

نور بتشرح لها

بسمه: عاد الصدمه الاقوى امي لما اكلمها الله يعينني

دخلين انصدمين الكل داخل ام بسمه كمان موجوده

جت شافت كيس في يد بسمه: اين كنتين؟

بسمه : مع نور

ام بسمه: اين سرتين يانور

نور : هاه مع بسمه

ام بسمه عصبت : اين كنتين ياعصماء

عصماء: سرت اديهن على طريقي

ام بسمه: من اين مالكن مبلودات يابنات ايش في

نور بتفكر انه فرصه تساعد بسمه وتكلمها معها : بعدا ياعمه شاقلش، ذلحين ماينفعش غمزت لها على ( نسوان عمها سمير)

ام بسمه شافتهن : يلا تمام

دخلين الغرفه وهن بيعاتبين بعض كل واحده تصيح للثانيه مالش تقولي معي

نور: ضروري تكلمي امش يابسمه ولانش غبيه ماتقدري تتكلمي خليني انا اساعدش ونكلمها

بسمه: تمام بس امانه لو ضربتني اخرجين لاتشوفني

عصماء بتضحك عليها

نور شافتها بصدمه وهي بتضحك: يعني عاد بيهمش كبريائش قبالنا!! قد طار بالموقف هذا حق (عموري) بتقلد صوتها

بسمه: شفتي انش سامجه محد يكلمش شي ماتصدقي تمسكي عليه ذله

ام بسمه دخلت: ايش مالكن وين كنتين ؟؟  عتتحاكين من الطنان لوجهي كلكن هكذا .؟؟؟


بيت جيرانهم..( بيت اهل صهيب)
وصلوا ناس من اقاربهم (خاله صهيب)بينظفو ويجهزوا لهم البيت..
ناس بتغسل الحوش وناس بتضحي المفارش

اصوات بتطلع من البيت وسيارات داخله خارجه..

سمير سار لاعند عمه  : ياعم شوف لنا حل اوقف معنا يامنعاه ، وجي كلم امي مارضت تدي حقنا

عمه : وانا مادخلني قد انتو رجال خارجو انفسكم

سمير:  حق عيال اخوك

عمه: بس امك معها حق في البيت هذا هي اشترت ربع البيت من ورثها يعني غير قسمتها

سمير: بس ماقالت لنا

عمه: لانها قد عتوزعه لكم مامعها غيركم

سمير ضبح اكثر ليش امه بتتلاعب بهم وماتبيع ومستقويه ..


داخل البيت ( غرفه نور)
ام بسمه بصدمه وقهر : هكذا تفعلي شي من ورايا يابسمه؟؟ عمري انا وابوش منعناش من شي؟؟ او حرمناش شي! اخر لبس اخر موضه اخر كل شي تشتيه ، تدخلي مشاريع فاشله بذهبش ليش؟ لو سرقته عليش؟؟ كم ياسمعنا سرقات بيشلو ذهب ويدخلو تجاره ويهربو

بسمه ساكته بتبكي ماقدرت ترد وتدافع عن نفسها


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

17 July 2023 23:27

- ماهي آخر هدية وصلتك 🎁  ؟ 



♕ لن يتم نشر اسماء المشاركين ♕






للمششارككهة ↓
@no_name27        ←


والنشر هنـــــا  ↓
@sanaaroohi4        ←