•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
13 July 2023 23:56
@ 🩵 الكنز المدفون ↴
ـ بارت 25
.
.في اليمن ( جا سمير زياره لأمه هو واخوته)
سمير: اقنعينا ليش مانتصرف في البيت احنا مش ساكتين الا تقدير انش ام
امهم: انا شاحدد لكم الوقت الي تتصرفو ببيعه البيت. الان ماشي محد يعس شبر فيه
فؤاد حب يهدأ الوضع عارف سمير عيفعل مشكله مع امه: ها يا نور عتوقعي دكتوره قالو سجلتي اليوم طب اسنان
نور: ايوه الي مايغسل اسنانه شاقلعهن له
فؤاد: يااساتر قلعه مره واحده عترسبي من اولها
سمير: والجامعه مختلطه؟
نور خافت ترد لايرفض: مدري ماظنش
سمير: مابش داعي لهذا التخصص انا رافض تدرسيه كله اختلاط وتعايني رجال ، افعلي اجر وادرسي قران او اسلاميه
نور: وهذا اجر نخفف وجع الناس ونحيي اعصابهم واسنانهم يقدرو ياكلو حين يصومو ويفطرو ويتحاكو حين يقرو قران
بسمه بتشوفها من بعيد وتضحك( على لقانه نور) وهي ماسكه فمها
سمير: مابش دراسه قري في البيت ، اخرش للمطبخ مافايده
فؤاد غمز لها تطنشه وتسكت
نور: حاضر.
سمير: ايوه هكذا بارك الله فيش.
امه: رجعت مرتك؟
سمير: ماشي ، بينجهز ورقتها
نور: يو ياعم الطلاق المفروض يكون اخر حل ماينفعش ( إن ابغض الحلال عند الله الطلاق).
سمير: يشتي لها أدب ادي واحده بدلها
نور بتتفرج بسسمه وتبهررر مصدومه في عمها. سارت جلست جنب بسمه وبصوت واطي: عمي ليش جالس بيغيرهن كل فتره يطلق واحده ويتزوج واحده
بسمه: فاعل جبر خواطر ونشر السعاده بيفررحهن يوم وينكدهن لما يجننين ويطلبين الطلاق..
سمير بصوت ونبره عاليه: يا نور يابنتي انا في مقام ابوش صح او ماشي؟؟
نور اكتفت بهذا الرد لانه محد مثل ابوهاا: الله يرحمه ،
سمير: الله يرحمه ياعمو ، وانتي بنتي ربي مارزقني بنت ، لذلك انا رضيت لش بخلق ودين واحد يشتي يكمل نصف. دينه وطالب يناسبنا بأي طريقه و إصرار
امه: ماشي مش انا موافقه
سمير: اانا بينسأل البنت يمه ليش هكذا. بتفعلي تعاندي وتخالفي كلمتي دائما
امه: لانك غلطان مابتتكلم شي صح ابدا
سمير: استغفري ربش يمه ماقلت شي غلط ، قلت الذي ديننا حثنا عليه وانتي. بتلعبي بعقل البنت او هي بتلعب بعقلش وتتدلع عليش
فؤاد: ياخي مش كل شي صميل، البنت عادها صغيره حتى لو وافقت
سمير: ايش من صغيره النبي تزوج وااحده عمرها تسع
فؤاد بعصبيه: خيرة الله عليك هذك النبي عنقارنه بالخطيب الي تقدم لاعندك؟؟؟
سمير عصب. وقام: انتو الجهل والفساد اثر عليكم ولعب بافكاركم هذا الغزو الفكري ( اشر للتلفزيون)
امه: الله يهديك يابني لصراطه المستقيم بس ويسامحك
في ( كندا)
صهيب بعد ماجلس يدندن ويتذكرها ويفكر ايش بتسوي الان وايش اخر خططهن وهل عادهن بيخافين
امه قاطعت افكاره و دخلت تكلمه عن العروسه
ت.ع.خ
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
13 July 2023 23:23
@ 🩵 الكنز المدفون ↴
ـ بارت 23
.
.بسمه. : يو مسكين مابش اين يعيش يمكن
نور بتصيح بخوف لما تذكرت: انا الي مسكينه دخلت لاعنده هذك اليوم لو خطفني
صهيب بيرد عليها في نفسه: تخطفي قريه انتي والجنان حقش هذك شلوش
دخلين البيت يكملين مجابرتهن...
صهيب بيذكر بديتها عليه وكيف صاحت ويضحك صور السور والشجره حقهم ذكريات له.
جاوب تلفونه (موظفه التداكر ): ايوه انا صهيب ،رقم البطاقه الشخصيه ٠٠٩٥٦٤١١ ، ورقمي ٧٧٧٧٢٠..جلس يمليها،، عمري ٢٧ سنه ارسلي لي صوره التذكره على رقمي هذا..
مستغرب بعض البيانات مش مطلوبه بس ليش سألته تجاهل ودخل يتجهز للسفر حلق دقنته و غسل اسنانه رتب شعره ومشطه بعد كريمات وبلسم وتنظيف بشره وماسك تعطر ولبس وتفاقد البيت كله، خرج في يده الزباله والشنط حقه وخرج وهو بيشوف الجدر وصوت الشجر بتتحرك مع الريح كأنها بتودعه تذكر وجه نور وبينه وبين نفسه( كوني بخير) .
لقي في الارض جنب السور ربطه يد فيها حروفها بمكعبات حديد صغيره بيتهجاها ( نور) ذكر يوم مادخلت وهو مبتسم
في بيت جيرانهم...
نور خرجت بسله ملابسها تضحي الثياب من جانب البيت يعني تقريبا ( نص السور من الجهه الي داخل مش جنب الشجره) بتغني وهي بتضحي ملابسها ومنسجمه ( تخيل ان هذا اليوم اخر يوم في عمري وهذه اخر ايامي واخر لليله احياها...الخ الاغنيه)
صهيب طرح شنطه وقرب من الجهه الي صوتها فيها بيسمع الاغنيه وصوتها حس بحزن شويه مش فاهم ايش سبب حزنه صوتها او احساسها او الكلمات كان يحسها بتوصف وداعه...كمل يسمعها لما سكتت وخرج قد صاحبه اتصل ارربع مرات وهو يكنسل ويسمعهاا..
خرج وقفل الباب بالقفل وطلع السياره ومشي.
صاحبه: مالك ساعه اتصل لك مراعي قاطع الشارع
صهيب بحزن: تماام ياخي قد خرجت
صاحبه: مالك؟,
صهيب هز راسه: ولاشي
صاحبه: حسستني اان ذلحين ودعت اهلك كلهم ماهو هذا الحزن فيك
صهيب: مدري ياخي نفسي يرجعو اخلي ونستقر تعب هكذا لاقدرت اعيش وحدي ولارضيو يرجعو
صاحبه: كل واحد يختار يعيش مثل مايشتي هذا كلامك انت ولا ماشي
صهيب هز راسه ب ايوه وهو بيلتفت لبيت جيراانهم اخر لفته قبل مايخرجو من الحاره..
ثاني يوم في الطريق رايحات للعياده
نور : قلت لجده شاجي لاعند صحبتش والدكتور الي بتشتغل معه امد نستفسر عن التقديم للجامعه
بسمه: يو قد سالتني قلت نسير تفعلي سحب عصب
نور.شافت الباب بيفتتح حق البيت ، فتخت باب الشارع: سحبو ابليسش مسكت يد بسمه وخرجت: اهربي قبل مايمنعونا الخرجه عيشكو ليش نكذب.
بسمه: مادراني ، خايفه يانور لو نشوفه
نور: شوفيه بهذليه عادو احسن
بسمه: هو في اجازه بس الله لايوفقه
نور: شافت باب بيت جيرانهم: انا مستغربه
كيف ادمي عايش هنا وبابه مقفول
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
13 July 2023 00:00
بماذا تفكر الان ...!
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
12 July 2023 22:15
@ 🩵 الكنز المدفون ↴
ـ بارت 20
.في مكان ثاني..
بسمه وصلت عيادة الأسنان الي قال بيشتغل فيها اول مره تتجرأ تجي، بس خافت لايكون ماعجبه شي ومطنشها او فيه شي....
السكرتيره: تفضلي ايش عندك؟
بسمه: فين الدكتور عامر ؟
السكرتيره ضحكت : ماتشتي منه ؟
بسمه ضبحت من اسلوبها وسخافتها سيطرت عليها الغيره: ايش اشتي منه طبعاً اشتي اعاين اسناني.
السكرتيره رفعت حاجبها مصدومه من ردة فعلها وجوابها بهدوء و بروده اعصاب بتسحب في الكلام بطريقه مستفزه: طيب اعصابش حبيبتي اهدأي واجلسي افهمي اول شي واسألي يعني صلي على النبي...
بسمه قاطعتها فلتتتهاا وفتحت باب الدكتور ودخلت وفي مريض داخل
السكرتيره لحقتها بعصبيه: اخرجي لو سمحتي هذه قله ذوق على فكره مش اسلوب
الدكتور شاف الي حصل خرج بسرعه لاعند بسمه: خير ايش في؟
بسمه: وين الدكتور عامر؟
الدكتور ابتسم : هو المساعد الي معي مش دكتور، تعرفيه او تشتي منه شي؟
السكرتيره: مابتفهمش بتعصب وبينكلمها تطنشني وتفتح وتدخل هكذا
الدكتور : اصبري ، انتي تشتي عامر او الدكتور الي بيشتغل عنده عامر.؟؟
بسمه مصدومه انه مش دكتور ماعرفت تكذب اكثر: اشتي عاامر
الدكتور: اليوم مش مداوم معه اجازه عرسه لمده شهر بعدها عيداوم.. و رجع للمريض حقه قفل الباب
السكرتيره شافتهاا بنص عين عوجت فمها انه بتدور عامر و راحت جلست مكتبها.
بسمه امتلت عينها دمووع ماقدرت توقف راحت جلست جنب مكتب السكرتيره : يمكن عامر ثاني ممكن. لو سمحتي تقلي ايش اسمه ولقبه ولا لو في معه صوره؟
.السكرتيره فهمت وحست ع طول انه كذب عليها : هو قلش انه دكتور؟؟
بسمه هزت راسها ايوه وهي بتتنهد والغصه فيها ملان دموع بتننزل
السكرتيره فتحت تلفونها على الستوري حق عامر عندها صورته بثياب العرس في الدعوه واسم ابوه وشرفونا والمقيل والزفه..... بتحاول تتنفس مش قاادره ولاقادره تسحب اكسجين حسن الدنيا كلها واقفه ( ثياب العررس الي في الصوره. اليي اشترت له)!!!!!!!
السكرتيره: مالش؟؟؟
بسمه بتلاحق نفسها : مش قادره اتنفس .
السكرتيره قامت لجنبها بتهوي بالكرت الي في يدها فتحت لها شويه من حجابها، ادت لها قاروره ماء
الدكتور خرج من العياده ومش منتبه لبسمه: خلص المرضى الباقيين اجليهم لبكره ساير العرس حق عامر العصر
شاف بسمه: سلامات ايش فيها؟
السكرتيره: يمكن حصلها هبوط
الدكتور: دخليها الغرفه ترتاح فوق السرير ..
بسسمه تذكرت. قصص جدتها الي بتخوفهن بها قامت فجاه شلت شنطتها خافت يخطفوها يخدروها..
خرجت بسرعه بدون اي كلاام
الدكتور خررج بعدها
لايك سريع= انشر الي بعده سريع ❤️
.
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
12 July 2023 22:13
@ 🩵 الكنز المدفون ↴
ـ بارت 18
.نور نطت لفوقه وبدأت تنزل ماعد صبرت اخر ثلاث درجات قفزت للارض حق حوش جدتها ودخلت ضربت بسمه : يعني قلدش الله انا عند الجني حانبه وانتي بتدوري تكسي المطلب حقش
صهيب سمعها ضبح بينه وبين نفسه( ليش بتجلس تسميني جني او اننا ساكن البيت) ياريت وانا خرجت لها وفجعتها تبطل تقل جني..
عند البنات في الحوش...
بسمه : اي كتفي بطلي جلافه، قد اديت لش السلم
نور: والله لو ما انتي رقيقه لازبطش ابرد قلبي ولا ازغفش داخل تبسري مابسرت وليش خفت
بسمه: يمه مابسرتي
نور: الجعاله الي وصلت لنا امس به منها عند الجني ومعه ماء ثلج وشاي في القلص عادو حد شرب يعني في حد ساكن البيت هذك
بسمه: بس هم مايكلوش ويشربو ساعنا
نور: مادراش او مابتتخوري وحدش الا انتي، ماقال لش؟
بسمه ماسكه التلفون: جالسه مراعيه ماعيقلي يمكن بيسوق او في حد معه
نور: هيا ندخل قد بطوني في القع
صهيب بهرر ورفع حواجبه من صدمته(تعجبني البنت هذه مجنونه مش طبيعيه تفعل الفعايل هذه كلها وتخاف اخر شي) بس جنانها هذا مش معقول وراه كميه الاحساس والحساسيه الي فيها وصوتها الشجي سبحان الله...
اتصل لصاحبه يحجز له تذاكر يسافر ضبح جلسه في البيت وحده.
داخل البيت..
بسمه شافت الرساله: شكرا حبيبتي دائما ذوقش غير لايعلى عليه راقي مثل صاحبته، عرفت من اختار ، متشوق اشوف ذوقش انتي ولبسش و و
نور: ماقد في نفسه او بيلمح لصوره، وريني ياقتش وريني لون فستانش
بسمه بضبح قطعت رومانسيتها: امه حنجا خلي لي حالي ، دوري ماتنقي وتعاوني جدتش انتي هذا الحكا مالش فيه
نور: ناهي والله انش خبلا عتندمي انه سامج ساعش
في البيت بينظف كل شي بيتجهز للسفر وكل تفكيره مع نور وكلامها وشخصيتها وملامح منظرها وهي بتنط مشعفله وحواجبها عريضه وكثيره قصيره شويه ، ابتسم بعد ما مرت على باله...
ثاني يوم ..
بسمه ماسكه تلفونها كل شويه تتصل وتطرح تلفونها
نور: مالش ؟؟ او قد قالو لش تروحي
بسمه بالانجليزي لاتفهم جدتها : ماشي تلفونه مغلق ضبحت
نور غااطت الكلام لاتتحسس جدتها : هيا صبوح
بسمه : مشتيش
جدتها: افعلي لها صبوح اجانب عتزنط ذلحين بكلمتين
بسمه ابتسمت نص ابتسامه: شابعه ياجده
نور : يوووو غلقي الطاقه يابسمه البيت الي قفانا يوميا بيحرقو يوميا من بيسحورهم
جدتها ضحكت: هذه امش حفيظه كل ماتطبخ لحمه تحرق كراتين تفتجع من العين على جهالها
نور: مادخل الكراتين بالعين
جدتها: لايدرو خلق الله انها بتفعل لحمه وتوقع نفسهم فيها
نور جلست تتكركر : يو على قد جنان، الحاره كلها ناس مرتاحين ما يرحمو الا هم من عيمرعهم
جدتها: قدي طبيعه قدلها عشرين سنه وهي هكذا
.
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
10 July 2023 22:10
@ 🩵 الكنز المدفون ↴
ـ بارت 16
.دق الباب فتحت لبسمه وهي بتضحك
بسمه: مالش؟؟
نور: الحمدلله لحقتيني كان فيوزاتي قرحين ضبحت وحدي جلست ادور لما سومت
بسمه مربوشه لحد يشوفها: مش وقتش ، قليلي قد روحت جده؟
نور رفعت صوتها: عمي سمير داخل ابسرش في السوق محل رجالي اتصل لابوش يسأله ليش يرسلش للمحل وابوش جا وهذك هم داخل
بسمه صفرت حمرت خضرت: يووو قلدش الله؟ الله يقلعني من قلي ماتلثم
نور ضحكت سحبت الاكياس الي في يدها : رحمتش ع فجعه، بينمزح ، بتشوف الاكياس والمحلات والملابس ...وتصيح (اوووف يامجنونه؟؟ ايش هذا كله؟)
بسمه: والله اني قرحت٥٠٠$ كنت مخبيه اشتري لي فستان لعرس صحبتي بس يهنى قلبه
نور: ليش بتخرفي شليتي اشياء مكلفه؟؟
بسمه: والله ان الشال كشميري عمل يد هو اكثر شي كان غالي، وشليت له كوت فخم وعطر يجنن، والثوب ماشاءالله تراشيت يبيع لي حق واحد كان قد فصل له نفس قياساات عموري
نور: عمرو عينش يامجنونه ليش هذا كله هو طلبش ثوب. بس
بسمه: اشتيه يهنجم ويتخايل روحه بين خبرته بذوقي طالما مايعجبه الا ذوقي يبقى ماششتريش اي شي
نور : والله انش خبلا ماقد ادالش هو؟
بسمه: ماقد اداش بيخاف عليا فديته لاحد يبسر معي شي ويسالوني من ادالي
نور ضحكت ضحكككه ملاااااان الحوش ضحكه مستفزززه سخريه عليها : اقسم بالله انش من حق الجنه ترحمي، لقي واحده يخترفها
بسمه: بتحسدددي حبي يختي وهجعيني هدارش عنبسر ماعتفعلي
نور : والله لاخاف عليه هو حد يبسر معه شي مني ، واطلب مره بس حاجه سوا للعمر
بسمه بتقلد جدتها: عتطلبي حبه جنيه ولا ارض
نور ضحكت: هيا ادخلي خبيهن لحد يجي يبسرهن ويشلهن عليش
بسمه: مع مراعيه له عيجي لهن
نور: لهنا؟؟؟؟ بعقلش يا بسمه؟
بسمه: بساعته عيمر يشل الكيس ويخطى بسيارته
نور : ايحين اشتريتي له السياره ؟؟
بسمه عوجت فمها: بس لغاجه ذلحين عتجلسي تزبجي لبكره
نور بتحس مطر فوق راسها: يووووه يابسمه!!! دفتر حياتي عيبتل
بسمه شافت الشجره: مابش؟ وين هو ؟؟
نور: رجمته لداخل السور
بسمه: ادخلي اديه وعادو ضوء انتي ساطيه؟
نور: طبعااا شدخل بس لو جت جدتي قليلهم اننا في الحمام
في الحوش صهيب كان بيقرا مقتطفات من دفترها بيسمع قلق لاتطلع تشوفه وخاف يطرحه بين المطر يتبلل ، قرر يسرع يتصرف طرح الدفتر وغطاه بمشمع شفاف وتخبى ورا عمود في الحوش..
في حوشهن ....
بسمه: تمام مش انتي خايفه ؟ ماشي ابوه!
نور ماااااشي شاديه مش انا خايفه.. بس اجلسي جابريني احس بأمان
بسمه : حاضر
نور رفعت شويه بنطلونها الجنز من عند القدم وغيرت الشبشب لحذاء رياضي( حاشيكم) ، رفعت شعرها ونزلت اكمام الفنيليه عشان لاتخدشها الاغصان وبدأت تتسلق الشجره حقهم ...
.
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
10 July 2023 22:07
@ 🩵 الكنز المدفون ↴
ـ بارت 14
.
صهيب بعد الي سمعه زعل خرج تلفونه كلم صاحبه وقفل
سمير فوق السياره بيتصل للمشتري: حياك الله بينتصل لك ومشغول او قد وصلت؟؟ ها الحمدلله كنت اشتي اغير العنوان تجي لبيتي انا نتفق .. ماهو؟؟ ليش !! ايش السبب عادي عننزل بالسعر، يعني مش انتو حق بيعه بتلعبو.. عصب وقفل
بيت جدتها زاعله على الي سمعته وعلى زعل جدتها وبسمه وعصماء بيتجهزين مروحات بعد ماقضت معهن يومين حلوات ضحك ومغامرات وجنان..
بسمه: مالش ؟
نور : ولاشي
بسمه: خايفه حين عتكوني وحدش مع جدتي
نور شافتها: ماشي زاعله عليكن انكن رايحات
بسمه: انا ماشسيرش عشانش شمسي
نور فرحت : صدق الحمدلله
بسمه: ذلحين ماهو يا نور هذا الجعاله والشطه نسير لشيخ؟
نور : ايوه لو هم بيلوو حولنا الشيخ يدخلهم عقلش صميل ويوهمش انش مسكونه عشان تجلسي تدفعي له وتسيري عنده
بسمه: طيب طبيعي الي حصل
نور: ماشي مش طبيعي مدري عقلي وقف عن التفكير الصدق
بعد مامشيو كلهم والجده راحت مشوار مارضيت تكلم او تخلي عيالها يوصلوها استاجرت تكس ..
بسمه و نور وحدهن في البيت
بسمه: نور جي ندخل البيت فاضي
نور: بيجي لي ضيق داخل وحمى ويفجع اكثر، الحوش مريح اكثر
بسمه: اقلش شي وماتصيحيش؟قبل ماتجي جده وماقدرش اكلمش
نور: الله يستر قولي
بسمه: ذهبي ماشله اخي انا بعته وسلفت
نور : سلفتي من؟؟ لاتقلي الي مراعي لورثش؟
بسمه: ايوه هو معه بس امواله في البنك لما يلقى بطاقته
نور: انتي غبيه يا بسمه ولا بتستغبي بتصدقي بسهوله ؟
بسمه: مالش يانور لو تبسري ع عيشه عايشينها مرتاح مش مراعي لحقي
نور: ياختي مادراش والعز الي فيه يمكن شحت وطلاب
بسمه ضابحه سارحه : الي يزعل مش هذا
نور : ايش؟
بسمه: الي يزعل انه مايوقع حالي ويحبني الا لما اديله شي ولا بيجلس ضايق وضابح وماقدرش اشوفه هكذا
نور : بيعي كليتش امد تفرحيه ويبتسم الا زعل ابن امه
بسمه: ذلحين معه عرس ابن عمه طلبني ثوب وشال اخرج افصل على ذوقي عيحول لي الزلط
نور: قليله ذوقش شمات عتختاري له زنه جرز وشال جسميكو يسير هو مافهمش انتي بسوق الرجال
بسمه: يانور لاتوقعي هكذا بينحاكيش امد انتي الوحيده الي عتساعديني ونخرج نشتري
نور : والله ماخرج اكسر رجلي الف سوق امد واحد بشنب يخرج هو كسرو رجله
بسمه: يخ كيف انتي هرمه نكديه، والله لافلتش وحدش في البيت واسير اشتري
نور: فجعتيني سيري الله معش بس لاترجعي تبكي حين ينذقش ويرجمش لغيره يشتريش مايقدر عليش هو تمام !!
بسمه: هذك زمن جدتش هذا الحكا ماعد بش ناس هكذا الناس كلها بتحب وتنحب وتتزوج عن حب انتي الي عايشه في كذبات جدتي الي ربتش بها. ... شاسير بساعتي
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
10 July 2023 22:06
@ 🩵 الكنز المدفون ↴
ـ بارت 12
.
.بيغسولين بعد الصبوح
نور: ابسرتين كلهم كيف محد سامر امس
بسمه: ايوه والله صدق ولا باين ع اي حد انه فعلها
,عصماء: ان شاءالله ذلحين تكونين تصدقين لما اقلكن الليل يخوف
نور : خلاص نخرج اكثر شي لاقبل ١٢ من بعد ماشي
بسمه: بعد المغرب ماشي ياسعم انش سندريلا قلك ل١٢
نور : ليش عتخافي طلعو جن بيت وزير يعني حاجه راقيه من الي يعجبش
عصماء جلست تضحك هي وبسمه
نور : خلاص كملنا غسوله جين نسير نتسلى امانه
بسمه : اين ؟
عصماء: الحوش ؟
نور: ماشي من الخباله مانفعل نرد لهم الشطه يفعلو غدا؟ اقلكن جين نسير نتسلى فقره عمي ونسوانه لطيفه
بسمه: اخرتش على طباين يانور شلوش
في حوش بيت جيرانهم
صهيب ماسك القلص بيتقهوى والورقة قي يده بيلوي حسب المخطط الي قد خططه في الارض فعل دايره حول البقعه المأشر عليها في الورقه وفعل اكس عطفها في جيبه وسار بقعه التفجير يشوف مابش شي ولا اي اثر دخل البيت واتصل اتصال دولي هكذا كانت المكالمة
صهيب : متأكد، مابش معنا حل غير تزيدو المبلغ ونشتري البيت حقهم وبسرعه لاني ضبحت اشتي اسافر
بيت المنذر
بسمه: وقعت لش صرعه قد روح عمي ونسوانه
نور ضحكت: طيب جين نخرج نلعب شويه
جدتها: اين تسيرين جي قد عجنت شويه حنا احني شعرش ابسري كيف قدو مشعفل
نور : ياربي ماتفهموش انه هذا نوع من انواع الشعر يجي كيرلي مموج مش هو مشعفل الحنا ياجده عتشعفله
جدتها : قد عجنت جي هيا وانتي مشطي وجهزي بعدها ، وانتي ( لحقت اخر واحده عصماء)
بسمه: انا شعري مصبوغ ماينفعش
عصماء: انا شعري اسود اشتي يجلس اسود
جدتها بتفتح شعر نور وتحنيه: عادو احسن وفرتين الحنا قليل وشعر الجنيه هذه خيرات وطويل
نور وهي بتتحنا: عندي فكره اتحنا واسير ارجع الشطه نرد لهم الفجيعه حق امس
جلسين يضحكين
بعد ربع ساعه خرجين الحوش يشوفين مابش شطه!!! وين سارت ؟
نور عندي فكره: هو عنتاكد بهذه الطريقه لو اذيناهم عيأذونا ساعتها عندرا من وين خرجو امس لو هو صدق من بيت الجيران
صهيب بيسمع اصواتهن قد خرجين بس مش فاهم ايش بيقولين وهو جالس بيدفن بقعه التفجير الي فعله
بسمه : ايش الفكره؟
نور : لفلفين معي هذه القراطيس والزباله الي هنا
جمعين من الحوش اثنين اكياس ربطتهن ورجمتهن لبيت الجيران
انصدم صهيب الكيس فوق راسه والثاني جنبه بيشوفهن زباله !!! عصب وقف مسح شعره وشل الاكياس يشتي يرجعهن بس مسكهن وقرر يردهن بطريقه ثانيه.
نور: ابسرتين مابش شي،
بسمه : نشتي شطه
عصماء: مابيجو الا الليل
نور بتصيح: نشتي جعاله بدل حق امس الي مع الفجيعه خليتونا نطيرهن في الحوش،
بعد خمس دقايق
وصلهن كيس الزباله مربط بكيس جعاله؟
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
08 July 2023 23:32
- ماهي الكلمة تجعلك تنهض من نومك بسرعة ؟
.
♕ لن يتم نشر اسماء المشاركين ♕
للمششارككهة ↓
@ ←
والنشر هنـــــا ↓
@ ←
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
08 July 2023 22:34
@ 🩵 الكنز المدفون ↴
ـ بارت 10
.
.بارت ١٠
دخلين البيت مابش حد البيت طافي هدوء بيتلفتين لبعض بصمت..
دخلين غرفتهن وقفلين..
عصماء بترجف يدها : قلتلكن لانخرج، وبعدين المكان الي جده يصيحو منه ، مسكون.
نور بمزح : بس شكلهم مسخرين لنا حالي ماكملنا الكلمه الا وقد الشطه في حضن بسمه
بسمه بتتقفز ولعت الكهرباء: يمه يمه اصه خلاص اسكتي
نور : هيا نجرب نطلب شي ثاني
عصماء: والله لاصيح لما اصحي الي في البيت كلهم بسببش
نور بتضحك وجلست وسطهن الثنتين: والله اننا خايفه موت بس عادي نمزح شويه
عصماء قامت جلست في الوسط: خليني هنا مشتيش من طرف الطاقه
بسمه: هيا نسير نرقد عند جده
نور: ولو يخرجو لنا في الدرج
عصماء بكيت: يمه يمه بتسمعين الصوت من هذا؟
نور : يمكن دمه ولا حمامه جنب الطاقه.
بسمه فتحت القران بتلفونها: خلاص هيا نقرا قران بدل مانفجع نفسنا...
جلسين يقرأين قرآن ونعسين وهن راقدات جنب بعض الثلاث جالسات من الخوف.
بيت صهيب
داخل المنزل اغلبه مغطى مقفل مش ساكن غير بجناح في الطابق الاول ، متنقل مابين الديوان والحمام وغرفته بقيه الغرف مقفله ، لأن أهله مسافرين في الخارج مش في البيت
صهيب صحي من النوم على صوت التلفون : الو، ايوه ، يوووه صح نسيت الان اخرج، ياسعم امس سهرت لاقبل الفجر بس ظلام ماقدرت احدد شي ، الان شاخرج..
اخذ دش ودخل يفعل له صبوح شاف المطبخ ناقص اشياء رجع يلبس ويموه شكله ( كان لبسه عشوائي مش مرتب الثوب واسع شويه ومش مكوى ، رفعه وربطه بشال رغم أفخم الجنابي واغلاهن معلقه، لبس كوت عادي قديم ضيق عليه شويه دقنته الي مغطيه نص وجهه شعفلها شويه وشعفل شعره الي طوله للاذان ولف شال حول راسه ،) شاف نفسه مش معروف ولا واضحه ملامحه شل فلوس وطرح تلفوناته وخرج للبقاله
بيت المنذر
نور بتسمع لجدتها: تمام زبادي و بيض وسكر وصابون بس ؟
جدتها : بس
نور: هيا يا بسمه
خرجين للبقاله ينفعين جدتها
الجده:لنسوان عيالها ، لو خلفتين عيال مابنخرج بنات في سن زواجه ينافعين، الا من حلاكن ماعولتين عيال ولا قدرتين تضبطين ازواجكن رقده للظهر.
نسوان ابنها سمير كل واحده بتنافس الثانيه في المطبخ وكانهن فاعلات مسابقه..
مرت فؤاد بترتب البيت بهدوء وتفنن ، مرت أنور جالسه تنتقد الجده على كلامها
في البقاله..
نور دخلت: السلام عليكم ياعم شيبان ، ادي سكر و زبادي تاريخ سوا مش عينتهي بكره،
بسمه بتداعيها وفي يدها الشطه: يانور تشتي شطه !؟
واقف بيلفلف للكيس روتي سمع صوتها بهرر ولفت لهن
نور شافته خافت قربت شاورت بسمه( اسكتي لاتلفتي انتباه المجنون هذا )
صاحب البقاله ناولهن الكيس وشل الحساب من صهيب وخرجين بيمشين ويلتفتين شويه وهو يمشي بعدهن
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
08 July 2023 22:31
لعشاق الروايات اليمنية 😍😍
لقراءة رواية #الكنز_المدفون من البداية اضغطوا الرابط
/channel/sanaaroohi2/36407
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
08 July 2023 00:00
@ 🩵 الكنز المدفون ↴
ـ بارت 7
عمها: تشبه بالكفار..
في حوش بيت الجيران..
صهيب دخل البيت وطلع الجبا حقهم يشوف ويراقب بيت المنذر..
ضبح وجالش منتظر اي خبر يسمعه عنهم مش عادتهم كل هذا الصمت...
بيت المنذر
نور: ياعمو جبركم؟؟ الله كبير غفور رحيم الا بيغفر لنا اخطائنا البسيطه هذه لو اخطأنا ، هيا عمو ساحت الكريمه في يدي قوم ادعيلنا يامنعاه وجلست تغني وهن معها بنات عمها مبتسمات ومستقويات بها بيصفقين للجده..
فؤاد بيضحك على. سمير الي متغصب جو مثل هذا: ماسطاه يتفلسف حين هي امي ساكت
الجده حضنت نور وحبتها: قدنا عجوز يابنتي على هولا الاشياء حق الجهال
نور: اشتي افعلش كل شي فعلتي لي ومانقصتي عليا شي عن الامهات الشابات الي بيفعلنه لبناتهن
وكلي هذه كلها حقش وحدش وهم كيكتهم في المطبخ يسيرو يوزعوا هيا بسمه وزعين..( شاورت جدتها): كيكتهم كبانه الي ماتعجبش
الجده هزت راسها بابتسامه وهي فاهمه لها وانها خايفه عليها لاتشوف الكيك لانها يعجبها السكريات..( كيف ظهرش)؟؟
نور بتحرك ظهرها يمين يسار وتوطي : بخيرر ولافيني شي ابسري
الجده بدات تاكل وهم قامو ياكلو كيكهم داخل
الجده: مابش مرواح اليوم لحد بعد القارح كلكم تجلسو هنا..
نبسر الصبح ايش القارح.
البنات تلتفين وفرحين انهن عيمسين مع نور..
بدأو يتوزعوا في غرفهم والبنات اتفقين يرقدين بغرفه نور...
للساعه ١ الكل نوم..
بسمه: هيا يابنات والله انهم نوم
نور : هيا خرجي الكيس الي تحت السرير قد لفلفت كل الجعاله فيه..
عصماء: ليش مانسمرش هنا مابتخافين انتين
بسمه: من ايش نخاف امانه جي معنا ابسري على منظر نجوم وقمر والهواء يجنن
عصماء مبهرره والغرفه طافيه( عيونها كبار شويه) : كيف من ايش نخاف والقارح الي وقع لوما دهفش للوسط
نور بتشوفها وبتتخبى ورا بسمه: والله مابيفجعين الا عيونش وانتي مبهرره هكذا
بسمه بتضحك بصوووت وتصفق
نور تمسك يدها وهي بتضحك: اص عيسمعونا ويجو لنا
عصماء شافتهن بيضحكين وخايفات منها وتصيح وتقرب منهن: مالكن عليا
بسمه ماقدرت تمسك نفسها قامت : انا شسبق قبل ماجدتي تفعل لنا صوت
نور مسكتها وقامت معها..
عصماء بخوف: راعين لي يا تافهات الله يقلعكن شاجي صميل وفيني بكاء خايفه...
خرجين الحوش دلا صوت مشاورتهن وخشخشه الورق حق الشجر اليابس ..
صهيب كان بيخطط البيت حسب الاوراق الي في يده سمع صوت وقف وبيمشي حول الحوش يفكر في حد !!
وصل جنب السور حق بيت جيرانهم وسمع ضحكتهن استغرب صوت بنات ولابيتهيء له؟ معقول هذولا طبيعيات هذا الساع بعد القارح يخرجين؟؟. !
عصماء بخوف بتتلفت وجالسه بينهن
نور: خلاص بس عادها بتزيد تتدكى فوقي ظهري بيوجعني
.
.
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
07 July 2023 23:58
@ 🩵 الكنز المدفون ↴
ـ بارت 4
.البارت ٤
دخلين البيت وقت اذان العشاء..
في الحوش حق بيت جيرانهم بيتكلم في التلفون: الا متأكد والله انها هي ابدأ الخطه ذلحين؟؟ بينحس الان وقت مناسب
الرجال الي بيكلمه في التلفون: تمام الان جايي، بس ظلام ياصهيب
ابن الجيران صهيب : عادو احسن مانشتي الا ظلام محد يدرا من وين المكان.
الرجال الي معه: الان جاي يا فندم.
صهيب : اقلك ابردلك من الالقاب هذه
الرجال : حاضر ولايهمك العفو.
صهيب قفل التلفون وجالس في الحوش بيتمشى وهو بيفكر.
بيت جيرانهم ( بيت المنذر)
نور جالسه مع اهلها واعمامها ونسوانهم وجنبها بسمه بتتفرجهم
بسمه قربت تشاورها: شوفي اخرتش ساع مره عمي سمير الاولى الي مصدقه الجو والخرطه الي خرطها عليها بدقنته ومطواعته انها عتدخل الجنه حين سمحت له يتزوج وهو تزوج لانها مابتهتم بروحها ساع الثالثه الي جنبه
نور قربت ترد عليها وتشاورها: شفتي قلتي الثالثه يعني عادها حريوه مصيرها مصير الاولى والثانيه عيكسر لها اظافرها بأسم الحرام والفتنه والغيره ويخليها تغسل بيدها عشان تقاطع الاجهزه المستورده من الكفره.
بسمه : ابسري محلا زوجة عمي انور كانها حريوه وقدلها سبع سنين الاناقه واللبس الحالي والدلع..
نور : دائماً انتي بتغريش المظاهر يابسمه، بس قليلي هي مرتاحه؟؟؟ ولا كل يومين وهي عند جدتي تتصل وتبكي وتشكي منه وكيف بيجابر بنات بالتلفون
بسمه: والله انش ممله مادخلنا بمشاكلهم بينقلش شوفي محلاها
نور: ليش ماتقلي محلاها مرت عمي فؤاد احلى واحده ايش مافعل زوجها من مشاكل مع جدتي واعمامي وقلبنا عليها حاليه لاعندنا مابتتغيرش وتجي في اي مواقف وواجب ومتواضعه وطيبه
بسمه: ايوه بس تحسيها قديمه قوي
نور : امانه غيري المواضيع يا بسمه بتغاثيني قدش ساع الجهاز حق المحاسب الي يطرح الباركود ويسعر كل شي ماحبش هكذا
بسمه انكسفت لمحت في المطبخ واقفات بنات عمها بيضحكين ويفعلين لهن قهوه: عتقومي تشربي معنا لاتيه ولا مايعجبش الا القشر يمه حنجه؟
نور بابتسامه عريضه هزت حواجبها: قشر طبعا انتين والغساول البارده تمغص البطون قلك لاتيه، وقامت من بقعتها سارت ورا الطاقه جلست تجابر مرت عمها فؤاد..
فجأه سمعو صوت قارح اهتر الزجاج الي وراها نزل للارض وطار اللوال الخشب الي ورا نور دهفها لوسط الغرفه
كلهم بيتسائلو ايش في ايش هذا الصوت ؟؟
الي يرد هذا يمكن دبه غاز قرحت
اعمامها كلهم قامو يشتو يخرجو
الجده كانت ماسكه نور صيحت: لا ولا حد يخرج اجلسوا نبسر اول ايش هذا لايرجع فوقكم راجع او رصاص او حد بيتقاتل مع حد
كلهم شافو نور : فيش شي؟ حصلش شي؟
في حوش الجيران( صهيب الشخص الغامض في الحاره مجهول الهويه مش اجتماعي)
.
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
07 July 2023 01:35
@ 🩵 الكنز المدفون ↴
ـ بارت 2
.البارت( ٢)
نور : قال ان ابوه حرم وطلق وانه حب يتم الخطوبه عشان امه لاتقرح من ذمه ابوه بس انه صاحب مبدأ وذمه وضمير وايش صارحني من اول يوم
بسمه: ماقتنعتش بهذا العذر يمكن ماعجبتيه
نور اقتهرت بس كتمت في نفسها وساكته
بسمه بحجه نصيحه بتصيح وتعاتبها: قلتلش اهتمي بنفسش افعلي فرد لشعرش افعلي كريمات تبييض اهتمي بلبسش والبسي اشياء فخمه مثلنا جالسه تلبسي اشياء حق سن مراهقه ..
نور لمحت حاجه زي العيون بتتحرك من حفره صغيره في السور الي من طين جالسات جنبه خافت وقفت : يمه والله انه في حد شافني
بسمه خافت قامت واقفه وراها..
جدتهن خرجت بتصيح وتدورهن : جالسات في هذه البقعه المسكونه بنقلكن فيها حنشان وجن هيا ادخلين مغارب.
من الجهه الثانيه خلف السور الي جالسات فيه، البيت الي جنبهم ( جيرانهم ) سمع كلام الجده وخوفهن وجلس يضحك اكثر شي لما جت عينه بعينها...
رجع يشوف تلفونه من اتصل به ويتصل فيه مره ثانيه.
نور خرجت بسرعه لنفس البقعه ..
بسمه لحقتها : لقيتي تلفونش؟
نور: لا
بسمه: مليني الرقم وانا اتصلش
نور بتمليها الرقم وتعيده تتاكد منه لقين التلفون ودخلين.
وقت المغرب بعد الصلاه..
بسمه: ياجده ليش تجلسوا تخوفونا من هذك البقعه مابش فيها شي.
جدتها: مش انتين داريات بشي ريحين لكن من هانك ، البيت كله حدثناه الا هذك البقعه ماخلو لنا حالنا
نور : منهم؟
جدتها: عوذبين مغارب
نور شافتها باستغراب:
قطع الكلام عمها:هي بتخرط علينا عشان لانعس البيت حق ابوها يتخايلها عنشله غصب
الجده: ايوه ماضمني بطمعكم قد بتتقاتلو قبال عيني ع قرشين كيف لوما يبتاع
نور بتشاور بسمه: عندي فضول اخرج وابسر هو صدق في شي او خرط
بسمه: وانا معش هيا نرجع الحوش
نور: بدون ضوء
بسمه: بدون ضوء تحدي.هيا
((البارتات قليل مؤقتا لما يوصل للأغلبيه المتابعين مايتجمعين عليهم كثير))
.
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
06 July 2023 23:23
- ما هو شعورك الحالي في جملة قصيرة ..؟
.
♕ لن يتم نشر اسماء المشاركين ♕
للمششارككهة ↓
@ ←
والنشر هنـــــا ↓
@ ←
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
13 July 2023 23:24
@ 🩵 الكنز المدفون ↴
ـ بارت 24
.طلعين التكس وصلين العياده..
نور بكل ثقه وهدوء و زنط للسكرتيره: فين الدكتور ؟
السكرتيره: ايش تشتي؟
نور: جيت مع بنت عمي، نسترد حقوقها من موظف عندكم اسمه عامر اوهمها انه طبيب ، ولان معها مشروع اخذ منها اشياء بكميه ومبالغ غاليه وكذب وهرب. قفل تلفونه
.
الدكتور دخل شاف بسمه: انتي؟ كيف.اصبحتي ؟
بسسمه مستغربه تذكررها ومستحيه ساكته..
السكرتيره: سمعت يادكتور... بتحكي له.الي قالين لها
نور : المهم تصرفوا معه لو سمحتوا يرجع حقها ويدفع الي فوقه
الدكتور اعتذر منهن كثير وقلهن ماعرفش انه عمل كذا واول مايجي بكلمه وان شاء الله يرجعها.
قامين ومشين و بسمه مرتاحه انها غيرت نظرتهم عليها..
في بلاد ثانيه ( كندا)
صهيب جالس جنب جده( ابو ابوه) :ياجد مابش صدقني انا احس انه بيتهيء لك قد فعلنا فعايل ومالقينا شي
الجد (٧٨ سنه) بصوت مشحب ولسان ثقيل ورعشه بالصوت: قل لابوك يرجعني بقعتي اشتي بيتي.
صهيب جالس بيفكر لو جده زهايمر وهو جالس يصدقه وبالذات انه وصاه لايكلم حد لا ابوه ولا اي مخلوق بالموضوع !!!
دخلت لغرفته ..
ام صهيب : هيا ابني الغدا جاهز قوم تغدا
صهيب قام معها باس راسها : هيا ، قدنا خاور اكلش قوي.
امه: يلا اهم شي سرت غيرت جو
صهيب: يمه كيف البيت شوعه بدونكم والله انه ضبح وحرام وقهر بيت ينهجر بهذك الفن الي داخله
امه: مانفعل احنا بعد ابوك قد بتبسر عناده وين وصلنا يابني ياسعم اننا فارحه بالعيشه هذه، خواتك كل واحده مزوجه وفي بلد وتعبنا الوضع هذا ( لجوء) الي لاخلانا نسير نلتقي بهن ولا قدرين يجين
ابو صهيب خرج من غرفته.. وهم سكتوا
جلسوا فوق السفره بدأو يتغدو
ابوه بيقط الكلام بالقطاره ومهنجم ضابح: كيف كانت سفرتك؟
صهيب بأسلوب يحسر ابوه: امانه رديت روحي افتهنت ، هذك بلاد اليوم بس فيه اربعه اجواء الدفء والشمس وبعدا الهجوه هذك بعد العصر و زنينه مطر تبرد على قلبنا ، والبيت بكبره اقشع الا ستاير الديوان ويدخل الضوء والشمس هذك يرد الروح لفت للطيقان( مش ساع الجو هنا كئيب)
ابو صهيب جالس بياكل بضبح وهو بيفكر : امك حاكتك؟
صهيب شاف امه: ايش؟
امه: لقيت لك بنت ماشاءالله
صهيب طنش وبياكل
ابوه: واهلها اهم شي ناس تمام محترمين اهم شي في الزواجه الاهل والنسبه
صهيب بضبح: كيف اتزوج وماقد استقريت بقعه ولاحددت اين استقر ماقدرت اجلس ولامكان
ابوه: حتى لو تشتي اليمن ماعندي مانع براحتك سير لاترجع هنا
صهيب: ومن هذه بنت من وكيف هي؟
امه: تم تغدا وبعدا نتجابر كل شي
كمل يتغدا وجلس في الطاقه يدندن الأغنيه الي كانت تغنيها ويتخيلها ويشوف من طاقته هدوء ومافي اي حد الا ذكريات بيدندن عليها مبتسم
.
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
13 July 2023 23:23
@ 🩵 الكنز المدفون ↴
ـ بارت 22
.
.نور: مش مهم من انا ، المهم انت بانت حقيقتك ياكذاب وعادك مخبي عليها عشان تواصل تصرف عليك وعلى وجهك والي خلفوك ، لكن تمام بعيني انا مش هبلا وشاعديها على خير، اذا ماخربت الزواجه هذه ع راسك واخسرك كل فلس دفعته مهر وعرس حاضر يانذل خلي الحريوه تعرف تاريخك الاسود .. قفلت في وجهه
بسمه شافتها: ماقال؟
نور بهدوء بعد عصبيه: عيرجع لش قيمه الثوب
ضحكت شويه وكملت: ماديت له فرصه يرد قلت الي عندي وغلقت
بسمه: ذلحين ماقل لجده ابسري كيف وجهي مورم
نور: قلي رسبتي اي شي
بسمه: و سمعتي كيف نزلت من نفسي ومكانتي وسرت الحقه بقعه عمله وافضح روحي بان عليا والكل عرف اني انخدعت خزا قوي والله
نور: ليش ماحصل؟؟
بسمه: حكت لها تفاصيل الموقف الي في العياده: يعني ماعيقولو عليا جايه تدور دكتور ومايطلع دكتور..الخ
نور : جت لي فكره ،نسير مره ثانيه وانتي رافعه راسش تقلي لهم ممكن تبلغوني لما يرجع يداوم، الاخ اشترا من عندي بمبلغ وقال انه دكتور ومكان عيادته وبعدها ماعد حاسبني.
بسمه : تمام افعلي ماشتيتي انا خلاص ماعد بش لي نفس لشي
نور: مش وقت عتاب وتشفاي ذلحين بس انتي اعقل مني واكبر مني قد عمرش عشرين سنه ماعد باقي ، كم نصحتش يا بسمه وقلتلش انتي في الطريق الغلط الحب مش هكذا، الحب هو يديلش ، يا شيخه الجن حق البيت هولا دلعونا وجعلولنا وماخلو في نفسنا شي وهذا عايش يشل منش وبس ولادالش يوم لبانه
صهيب سمعها بين نفسه: انا اوريش ياجنيه بينحلمهم بسببش ماعدناش قادر اعيش في البيت هذا من كثر ماوهمتيني انه عايش معهم
بسمه يعني هكذا بغمضه عين يروح كل شي؟؟ اسير ارقد فيني نوم دخلت..
نور جالسه بتفكر في الي حصل لبسمه و زاعله عليها
( أدركت بصفعة أنها وجدت في حياته لتعلمه ماهو الحب الغير مشروط ، وتم تواجده في طريقها ليعلمها مامعنى ان يتعرض المرء للوجع إثر حب احدهم ،
شكرا من القلب ع الوجع والشكر الأكبر على درس الحياة)
جالها فضول تشوف البيت الي جنبهم عاد في قاروره الثلج والملابس المضحايه ،!! طلعت سكته تسلقت الشجره
صهيب بيتغدا سمع صوت الشجره مطنش وبياكل فكرها بتهزها عشان تلقط توت سمع صوت ( يماااااه) : رفع راسه شافها
نور شافته ومبهرره خايفه مصدومه بياكل نزلت بسرعه من الشجره
بسمه جت تشتي تكلمها: مالش؟
نور: ابسرتي المجنون الي في الشارع لحقنا ذاك اليوم
صهيب بيسمع مصدوم
بسمه: ايوه ماله جا ؟
نور: مع انا طلعت ابسر من عايش في البيت لو به حد وهو داخل ذلحين بياكل
صهيب: حسبي الله فيش يامجنونه انتي، الحمدلله قد شاسافر قبل ماتطلع قصه في الحاره
بسمه. : يو مسكين مابش اين يعيش يمكن
😌🌹
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
12 July 2023 23:10
@ 🩵 الكنز المدفون ↴
ـ بارت 21
.
.الدكتور خررج بعدها: ماينفعش تمشي وانتي دايخه
طلع الاصنصير معها ، لو خايفه كنتي عتتصلي لحد من اقاربش يجي وتننتظري بس تمشي. وانتي دايخه. مخاطره اكبر تدوخي في الشارع في الطريق في السياره
بسمه متوتره وعقلها مش معها، مش مستوعبه نصايحه وكلامه سارحه ومطنشه خرجت اول ماوقف المصعد
وطلعت تكس كان واقف اشر لشخص وراها (الدكتور)وهي فكرت لها بيااشر لو. تشتي تكس ،ادت. له العنوان وطلعت.
الدكتور طلع. سيارته ومشي...
في حارتهم رجع من خارج بكيس الأكل شاف وقف التكسي جنب بيت جيرانهم فتح الباب و دخل..
بسمه شافته بس حسها مش عنده في موضوعها...
جلست تدق الباب رغم المفتاح معها من الصدمه الي هي فيها
نور خرجت تفتح: ماااان نفسي ادرا كيف واحد يفتح الباب لحد مابيقلش انا ولا بيجاوب لو فتحت ف شافتح عشان انزعجت راسي اكتسر
..
صهيب داخل الحوش اول ماسمعها بتصيح ابتسم كان يشتي يدخل البيت بطل بيحس بضيق ويتونس بجنان نور...
تربع وجلس في الارض فتح كيس الغدا الي معه وبدأ يفرش وياكل
في حوشهن...
نور اول ماشافتها دخلت على حضنتها وبكيت في حضنها مصدومه وساكته مراعيه تقلها مالها...
بسمه بتبكي وبتتنهد ومش قادره تتكلم ماصدقت توصل لنور تشكي لها.
نور خافت : خلاص بس صلي ع النبي مااااالش ماوقع لاتفجعيني ماهو !! حد ابسرش؟
بسمه بتهز راسها لا
نور: انفصلتو؟ تصايحتو؟
بسمه زادت تبكي اكثر وتهز راسها ايوه و لا
نور صيحت: ماهووو تحاكي جننتيني مالش ماوقع
بسمه : طلع كذاب كذب عليا و سرقني ومش هو دكتور واليوم عرسه
نور جت لها ضحكه بس بتحاول بكل قوتها تمسك نفسها لاتشوفها بسمع و تزعل ( هزرت بسمه حضنتها عشان لاتشوف وجهها)
جلست دقيقه نور واستوعبت : كيف كذب.عليش كيف؟؟
بسمه : بدأت تحكي لها كل شي حصل
نور معصبه : هاتي تلفونش...
بسمه: ليش ؟؟
نور: هاتيه وشاقلش ( اتصلت له وهو مغلق ) كتبت رساله
( رد بسرعه انا داريه انك محول التلفون رد ع اتصالي موضوع حياه او موت)
بسمه: بتمسح دموعها وهي بتشوف عيجاوب نور او لا
نور بعصبيه صاحت : قلتلش واحد مطلب ماعيتشرط ويطلب هذا كله منش الا واحد ماعنده كرامه وشحات يلا خليه يجاوب وانا اوريه..
اتصل..
بسمه: ادي احاكيه يانور هاتي
نور هربت من جنب باب الشارع والبيت و سارت بقعتها ورا الشجره الي جنب جدر صهيب..
( الو ، دام الله سرورك يا مطلب ياشحات، كنت عتخليها تعاونك في كسوة الحريوه والكل مالك ماتكلمت نفرق لك حق المهر
عامر: من انتي؟
نور: مش مهم من انا ، المهم انت بانت حقيقتك ياكذاب وعادك مخبي عليها عشان تواصل تصرف عليك وعلى وجهك والي خلفوك ، لكن تمام بعيني انا مش
ت.ع.خ
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
12 July 2023 22:14
@ 🩵 الكنز المدفون ↴
ـ بارت 19
.
.
في المطبخ بعد مارفعين الصبوح..
بسمه بتوتر وضبح بتغسول وتعاون نور بسرعه
نور : مالش معاجله؟عاد القلص فيه صابون
بسمه: ليش بعد رساله امس ولا كلمني ولا رسل شي
نور : يمكن مشغول
بسمه: معه عرس ابن عمه بس يعبرني يرد عليا كيف كنت في عرس بنت خالتي مشغوله واجاوبه واكلمه ويزعل لو دعممت شويه
نور: هو حين يبسرش تلاحقيه واصل هكذا بيضبح يتهرب حاولي تثقلي شويه خليه يفقدش
بسمه غلقت الحنفيه ونشفت يدها وشلت التلفون من جيبها حاولت تتصل اخر اتصال( مقفل) : انا شاسير لمكان عمله قلقت
نور بصدمه: بسمه بغير جنان ، ماعتقلي لجده ولو حد يبسرش
بسمه بضبح: ولو حد بسرني يبسرني انا في عياده اسنان مافيها
نور: هو دكتور؟
بسمه: ايوه
نور طننت شويه تطمنت انه مابيشحت منها وانه يمكن فعلا معجب بذوقها
بسمه: يلا يا نور شخرج بساعتي وكما قدنا خارج لو جده سألوش قلي سرت للدكتور
نور هزت راسها تمام وهي ساكته
بسمه لبست بسرعه وخرجت...
الجده شافت نور: ذلحين ايحين عتسيري تسجلي جامعه يابنتي؟
نور : مش انا داريه مادرس
الجده: ادرسي خياطه
نور ضحكت: مابش خياطه
الجده: يو على قد عمر معاكن على ايام زمان كان يدرسو خياطه
نور: في المدرسه ايوه بس الجامعه الي شدخلها مابش
الجده: وانتي مافي نفسش؟
نور: نفسس ادرس طب اسنان بس معدلي قليل
الجده: ادخلي خاص
نور: غالي شويه
الجده: مايغلى عليش هيا سيري سجلي ولاتهمي شي.
نور فرحت: تمام بكره ان شاءالله.. بتكلم نفسها ( لما تجي بسمه ازيد اساالها تسأل حبيبها كم سنوات درس وايش احسن جامعه ...الخ)
في بيت جيرانهم..
صهيب جالس في غرفه أمه وابوه (يتفرج صورهم) : وهم في عدة دول سافروها ،كيف كان ابوه صغير ومبتسم في اغلب صوره كيف كان بيتهم الي الان مابيسمع فيه اي صوت كله ناس وحياه وضيوف وعزايم وشم طبخ وسيارات ملان الحوش المرافقين يفرشو لهم ملان الحوش والبيت داخل الوزراء اصحاب ابوه...
تنهد تنهيده عميقه وهو بيشوف صوره ابوه وبيسأل ويعاتب ابوه داخل نفسه
( ليش ي ابي فعلت هكذا؟ كنت في خير ونعمه من خير اهلك وورثك واراضيكم ومالكم ، ليش تركت هذا كله وسرت لاجئ في. بلاد غير بلادك ، شتتنا ،حرام جالس ساكن في ربع مساحه مثل. البيت الفخم هذا وتخلي بيتنا هذا ينهجر ،
انا اكيد مش غلطان ولا عاصي لما خالفتكم وقررت ارجع بلدي واسافر دوله ثانيه اكمل دراساتي فيها ولو وحدي بس قاادر اسير واجي بلدي براحتي )
رجع الصور مثل ماهي غلق كل شي وهو بيتمنى ترجع يوم من ايام زمان مسح طرف الدمعه الي في عينه.
في مكان ثاني..
بسمه وصلت عيادة الأسنان الي قال بيشتغل فيها اول مره تتجرأ تجي..
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
10 July 2023 23:12
@ 🩵 الكنز المدفون ↴
ـ بارت 17
.
.شافت طرف السور من الجهه الي داااخل عرض الجدر الحجر مش التراب في مكان تقدر تدخل منها وشافت انها بعيده وبتهم كيف تطلع لها بسلم وتعب، قررت تقفز لفوق تبه نيسه ( تراب) ..
قفزت
صهيب سمع الصوت خاف لاتكون استوجعت قرب عينه من العمود يشوف دلا وهي بتقوم من الارض بتنفض التراب من يدها وتبعد الحصى الصغيره الي في قاعه يدها .. تخبى بسرعه وخايف
بسمه: نور
نور: هاااه
بسمه: استوجعتي؟
نور: ماشي يدي بس
صهيب بيسمع صوتها عنده وفيه ضحكه على جنانها وماسك نفسه
نور: لقيته الحمدلله ماتبلل..
بدأ المطر يوقع غزير ويزييييد
بسمه : يووه يانور كيف عتفعلي
نور بتدور اي كيس سوا تخبيه فيه: انا شفعله وسط كيس وارجمه لاعندش وانتي خبيه وانا اطلع بعدا دلا شابسر كيف افعل
بسمه: يو لو تحنبي وجدتي تجي
نور: يوووه نسيت البس بالطو كنت شاخرج من باب الشارع
بسمه: هاتي دفترش اخبيه واديلش البالطو
نور جلست تتفرج الحوش بتلف حول الأماكن وديكورات الحوش اماكن للجلسه من الشجر مع طاوله ومضله وبقعه النافوره وبقعه البحيره صغيره يمكن كان فيها بط.. بتجابر نفسها وترد على بنت عمها: حاضر
وهو يشوفها تقرب ويلف حول العمود لاتشوفه
شافت في قاروره فيها ثلج وببسي وقلص فيه بقايا الشاي واكياس جعاله نفس الي وصلتها
في حبل مضحى فيه شال ومنشفه ومعوز وبجامه بدات دقات قلبها تسرع تسرررررع أكثررر كل الكلام الي حق عصماء جدتها الجيران البيت المهجور المسكون ، حست نفسها شويه وتدوخ من الفجيعه بدأت تبكي
بسسسسسسمه انا خااااايفه بسسسسسسسمه مافعل ماقدرت اطلع جسمي بيرجف من الخوف في حد كان هنا بصوت كله رجفه وخوف ( الماء بارد والشاي عادو مايبس في القلص يعني في حد) ... بتبكي
صهيب عض ع فمه ماعرف كيف يتصرف مايشتي يفضح نفسه انه بالبيت ولو خرج الان يطمنها عتخاف اكثر وتصيح قرر يسكت ويجلس بقعته مخبى...
بسمه : راعي اخرج الكيس
نور خايفه وشافتها بتهم حبيبها: ياكلبه وقت المطلب حقش وانا خايفه ( جلست تقرا قران وتستغفر) اسفه يارب سامحني دخلت بيت ناس بدون استئذان استغفر الله يارب ساعدني بفكره اطلع قوا يارب قوا..
صهيب بيضحك كيف بتدعي بخوف
نور: قررت تطلع من طرف البيت البقعه الي شافتها في الزاويه فيها حجار من الارض لفوق تقدر تطلع فوقها مثل الدرج وتطلع للسور ومن هانك تدي لها بسمه السلم...
بسمه دخلت بسرعه: مافعل قليلي
نور: هاتي السلم يا تافهه والله لاوريش ..
بسمه طرحت السلم
نور نطت لفوقه وبدأت تنزل ماعد صبرت اخر ثلاث درجات قفزت للارض حق حوش جدتها ودخلت ضربت بسمه : يعني قلدش الله انا عند الجني حانبه وانتي بتدوري تكسي المطلب حقش !!!
ت.ع.خ
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
10 July 2023 22:07
@ 🩵 الكنز المدفون ↴
ـ بارت 15
.
.بسمه خرجت وقفلت الباب بعدها..
نور طنشتها وجالسه وحدها في الحوش جنب الشجره الكبيره الي بتجلس عندها رافعه راسها بتشوف حركه الاغصان فوقها : عارفه ليش مابينخاف من هذه البقعه ، لان وانا صغيره صدقت ان ابي و امي مدفونين هنا، كنت كل مابكي تقلي جده بابا وماما عيسمعوش ويزعلو ، صدقت الكذبه وانا داريه انها كذبه، احسش يا شجره المكان الي بيريحني لو زاعله او ضايقه مدري انا مجنونه مدري انا عاقله بينجابر شجره بس هذا الي احسه، ضبحت اشكي لاوادم بيجلسو يطبطبو عليا وبعدا يعايروني مابش معش من يربيش هذا وهو متدين.
بدأت تدندن وتغني ومنسجمه وحدها في الهدوء..
ورا الجدر كان جالس بيسمعها في البدايه يشتي يضحك ع قصتها وهي صغيره بس تأثر ، وانصدم بجمال صوتها وهي بتغني داخل نفسه ياريت تجلس تغني بس.
كان فاصل بينهم سور تراب بسسسس حاسس بروحها رغم مش شايفها، وهي رغم المقالب الي حصلت لهن والقصص الي سمعتها من جدتها الا انها اكثر مكان آمن بيريحها ..
نور بتكتب شويه خواطر وترسم شويه رسومات وجوه بنات حزينه فيها دموع...
كتبت في الدفتر الي دائماً تفضفض فيه مشاعرها
(متى سيقدر لنا الأشخاص الذي نتمناهم ونستحقهم للابد؟
ليس لفترة دون أخرى !
ليس في الأفراح فقط،
وإنما في المواقف السيئة ايضاً !!
ليس في الضحكات وإنما في الدموع ..
ليس في النجاحات وإنما في الأزمات..
ليس لوهلة و إنما للأبد..
متى سيأتي فعلاً من نستحق ؟؟
يأتي ولايغيب !
يأتي لمرة ،
مرة تدوم للأبد!!
متى ؟))
كملت تكتب وفجأه غنت وبصوت عااالي تخرج ضبحها..
دق باب بيتهم سكتت
نور : من .. مممممااان بضبح ليش بيدق قووي
نور واقفه والدفتر في يدها سمعت عمها سمير خافت رجمته للشجره( دايما تخبيه بين الاغصان) بس هذه المره مع الخوف رفعت يدها قوي و رجمته وصل للحوش..
ضبحت راحت تفتح
عمها سمير: وين امي؟
نور: مابحد
سمير : من في هنا؟
نور: انا وحدي
سمير : اعمامش محد جا منهم؟
نور: ماشي محد جا
سمير: ولا حد جا لاعند امي يحاكيها على البيع والبيت؟
نور: ماشي محد جا
سمير: وين سارت؟
نور متحمله غضبها منه وغباء تفكيره: ماقالت لي
سمير : طبعا مابش رجال في البيت كل واحد بيفعل الي يشتيه تخرج وتدخل محد داري وين عتسير ولابترضى تجاوب تلفون
نور مستغربه ليش بيتكلم عن امه هكذا !! بتشوفه بصمت
سمير: يلا مع السلامه.خرج وقفل
نور قفلت بعده وفرحت انه ما صيحش فوقها انها مش لابسه حجاب ، تلفتت شافت مابش بيوت كبيره لابيتهم الا البيت الي جنبهم محد ساكن فيه ، تطمنت اكثر انها مش غلطانه.
جلست تلوي وتسقي الشجر وتغني وتدور وتضحك لما حست بدوخه
لايك=ينزل الي بعده بسرعه
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
10 July 2023 22:06
@ 🩵 الكنز المدفون ↴
ـ بارت 13
.نور بتصيح: نشتي جعاله بدل حق امس الي مع الفجيعه خليتونا نطيرهن في الحوش،
بعد خمس دقايق
وصلهن كيس الزباله مربط بكيس جعاله؟
(صهيب دخل بسرعه للمطبخ وهو بيضحك ع جنان الطفلات هولا ربط الجعاله الي معه في المطبخ مع كيس الزباله وقرب لطرف البيت من جهة الشارع و رجم بقوه لبيتهم الكيس )
شافين الكيس حق الزباله ، والجعاله صاحين بصووووت
خرجت جدتهن وامهن : مالكن؟؟
عصماء هربت دخلت للبيت
نور بتصيح: لو تفتحي فمش ياويلش
بسمه بترجف يدها: ماهذا قدو الصدق ماهو
نور راعين شطلع ابسر من في الحوش :( طلعت فوق شجره التوت )
صهيب سمعها ودخل بسرعه يتخبى بيضحك عليهن.
نور طلعت بدت راسها تشوف الحوش مصدومه مابش حد !!!!
بسمه بصوت واطي: ها مالش ؟؟؟ لقيتي حد
نور بصوت بيرجف: ماشي مابش حد ولامخلوق تصدقي ، بتنزل دلا وهي مطننه مصدومه من رجم مش من الشارع اكيد الزباله كانت في البيت المهجور..
صهيب بيشوف من الطاقه واحده شعرها مرفوع ومن ورا مشعفل عيونها باينات والصدمه في ملامح وجهها بيضحك ع المقلب
جدتها شافتها: ماطلعش الشجره ؟؟
نور: سمعنا صوت وانتو قلتو مابش حد طلعت ابسر
جدتها: لحد ياذيكن انا قلت محد يقرب هذه البقعه كم قد قتلنا حنشان فيها
نور : ناهي محد قرب الا جينا نبسر
الجده: ومادخلش من الفضول تطلعي تبسري ايحين عتعقلي قدش مره
نور : ماعد بش عقل ياجده ، كان به ذرتين عقل طارين بتفجعونا بالبيت هذا
وصل سمير عادو دخل من الحوش: وصل لي اتصال عرض سعر للبيت ماحصلش ولا عيحصل اين اخوتي قد اتصلت للمشتري يجي نوقع ونستلم ونسلم البصاير
امه: وانا وين سرت بتقرر من راسك
سمير: نشتي حقنا
امه: وانا مشتيش ابيع
سمير: انتي مامعش الا الثمن ،يعني كلنا نشتي نبيع وانتي ماشي
امه: وانا ولو مابش معي فلس لو قلت مابش بيع مابش
سمير بعصبيه : ليش بتفعلي هكذا ليششش ، هيا حرام لايبتاع البيت ولو فعلتي مافعلتي ولا اقلهم عدم اهليه تقرر محد عيسال رأيش
صهيب بيسمع الصياح بيسمع الموضوع ماله دخل بالجعاله وغيره، موضوع بيت !! بيسمع سكته
نور اقتهرت على جدتها كيف انصدمت من كلام ابنها : كيف ياعم تتكلم مع امك هكذا وانت اكبرهم واعقلهم ومتدين هكذا يكلموا الأم هكذا طاعه الوالدين!!
سمير : ادخلي الان ماخرجتش الحوش بشعرش مابش من يربيش ماتربيتي على يد رجال يكسر راسش تخرجي حوش بشعرش
نور اقتهرت من كلامه كيف جارح دخلت حانقه
الجده فتحت باب الشارع: اخرج يلا من هنا ماتدخل البيت هذا الا وانت محترم الي فيه
سمير: هيا ناهي عنبسر من عيخرج هذه الخرجه ، الله يهديش كيف بتعترضي على حق الله وتعصي الله يمه الله يهديش خرج وهو معصب
.
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
09 July 2023 01:58
- ماهي الكلمة تجعلك تنهض من نومك بسرعة ؟
.
♕ لن يتم نشر اسماء المشاركين ♕
للمششارككهة ↓
@ ←
والنشر هنـــــا ↓
@ ←
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
08 July 2023 22:34
@ 🩵 الكنز المدفون ↴
ـ بارت 11
.
.صاحب البقاله ناولهن الكيس وشل الحساب من صهيب وخرجين بيمشين ويلتفتين شويه وهو يمشي بعدهن
صهيب مستغرب ليش بيتفرجين لاعنده
نور : يمه والله انه بيلحقنا
بسمه : جي نغير الطريق نخطى يسار
نور قد البيت قريب امشي بس اسكه الفتي انتي
بسمه تلفت وهو وراها بالضبط: يمه المجنون قفانا كان بيسمعنا اخطي بسرعه
صهيب سرع خطواته ومشي ذكر انهن عيشوفين وين عيدخل رجع يمشي دلا
نور : ماله هذا بيسابقنا، يو الحمدلله وصلنا البيت
بسمه: جالس واقف هانك
نور: كان عيوقف من اول شلوه فجعنا ، دخلين وقفلين الباب
صهيب دخل البيت بسرعه وقفل غير ملابسه لبس برمودا وتيشرت لف شعره وبيفعل صبوح .
بيت المنذر فوق الصبوح
نور: من كان سامر امس بياكل اخر الليل ؟
جدتها شافتها : من غيركن بيسمر ويمكنها خورات
بسمه: هيا صدق من منكم امس قام سمعنا صوت في البيت.
الجده شافت عيالها: الصدق ياجهالي بينفتجع من البيت الي جنبنا سعمن هو ومهجور ، قد الجيران والكل بيشكو بيسمعو صوت في الحوي اخر الليل
بسمه ونور وعصماء شافين بعض بخوف ...
نور : عاد الجيران هولا مرتاحين، اكيد بيقع اصوات في الحوش ، دمم وعصافير وحشرات يعني سهل
بسمه: و شطه عادي
عصماء ضحكت
ام بسمه: ايش من شطه؟ مالش يابنتي بتخرفي
نور: هي هكذا ياعمه فاصله واصل
الجده: وين زوجش ينزل يصتبح ؟؟
نسوان سمير الثنتين ردين نفس الوقت : خرج الحوش
نور بصوت واطي جنب بسمه وهي بتحش( كأنهن صدى صوت)
بسمه ماسكه ضحكتها..
الجده: وين عصماء؟
نور ضحكت: راقده مسكينه مارقدت الا الصبح
ام نور : ليش؟
بسمه كانت بتفضح سرهن: كانت خايفه
نور قاطعتها :كانت خايفه مراعيه للقارح الثاني..
دخل فؤاد ( ابو عصماء ) من الحوش : مابش شي، لكن الجدر من الامطار قدو بيهتد
الجده: هذك البقعه لحد يقربها يابني لايأذونا عوذ بالله منهم وساعتهم ، ماخلو لبيت جيراننا حالهم، كانوا راس في الدوله وجهالهم جهال ماشاءالله والتربيه وماخلو لهم حالهم كيف وقعو يا سااتر
سمير بغضب: هو من الفساد حق جارنا من سرقته للبلاد وخيراتها و
فؤاد : الله المستعان ياخي ، إن بعض الظن إثم، كان جار طيب وفي أصيل شابع وخيره سابق للحاره كلها ، الكلام الي طلع عليه بعد احداث البلاد ماعلينا منها احنا نتحاكى بالي شافته عيننا هيا مه، وين الدين حقك
سمير : خيره هذا الي بتقل عليه من اين له !! كيف جمعه؟ قصر معه مش بيت ، يعني كان يزكي على المال المسروق حين يفتح بيته لعزا او عرس حق جيران الحاره وتقلي فاعل خير !
الجده قاطعته: ياااي كانو شابعين من قبل مايتعين منصب في الدوله عاد البيت هذا حق أمه ورثه منها ماعينوه وزير الا وهم في هذا البيت
ت ع خ
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
08 July 2023 22:33
@ 🩵 الكنز المدفون ↴
ـ بارت 9
.بسمه: تمام ، لكن مش تصيحين فوقي
نور شافتها وشافت عصماء: قدها عارفه انحنا عنصيح ، هيا اتحاكي
بسمه: نور بس سخافه، قصدي لاتغلطنيش يعني قولين لي انا صح او غلط
عصماء : تكلمي طيب
نور: هيا بسمه
بسمه: مش قلتلكن في واحد عيجي يخطبني
نور: الي قلتلش لاتصدقي
عصماء: الا مش كذاب رسلها صور امه واخته وبيكلمها بكل شي مش هو كذاب
نور: اها ماشاء الله عليكن ومادراش انها امه او اخته عزمكن الولاد حق اخته او العزاء حق كلبتهم
بسمه: الا يانور بيكلمني وبينبسر
نور لطمت وجها: بتفتحي له الكام
بسمه : والله انش اخس من جدتي، ماشي طبعاً هو يفتحها وانا مع
نور : ولو تفتتح بالغلط او بيسجل المكالمه او
بسمه: خلاص لاعد تفجعينيش اسمعيني وبس
نور: ايوه
بسمه: حبينا بعض وحسيته واحد قوي محترم طيب بيوقف ويخدم الكل صاحب واجب مابيفلت حد لا جار ولا اخ ولا أهل يختي يومه كله وهو بيفعل خير
عصماء: للجنه غطوس
نور: ماشاءالله عليكن
بسمه: بغير لغاجه اسمعي، بس بعد فتره بدأ يسأل كم ورثش وكم عيقع
عصماء بهررت
نور دهفت وجهها : انتي لاتبهرريش ، ايش من ورث ياجنيه عيورث ابوش حي ؟؟؟
بسمه: اصلا انا كذبت عليه وقلت له انه ابي ميت امد لايعرفنيش
نور ضحكككت: طيب ماحبش انتي عيحب واحده بمواصفات انتي حكيتيها له
بسمه: امد اختبره
عصماء : والله انش مجنونه
بسمه: انا حره بيفعل احتياطي وماندمتش اسمعين اكمل لكن
بعد ماشفت انه بيسال ويلاحق ورجع يحترمني ويهتم بي ويحبني قوي ويلحقها بسؤال عن الورث وماشفعل به ولو اشتي يساعدني في مشاريع وأعمال..الخ حسيت انه مابش في حسه مني وذلحين تبرقطت منه رديت عليه ماقد قسمو الورث رجع يصيح ويتعصب ويلعن اعمامي يتخايلش الا حقه
نور وعصماء بيضحكين عليها
نور فتحت الجعاله وبتقرمش البطاطس من البرقطه على بسمه
بسمه : طبعاً هو من صدق شابع مش مراعي لفلوسي بس عشاني انا يشتي يفعل لي مشروع ضخم دريتين
نور: ايوه يعني عيزيدش فوق الثراء اهم شي هذا الجدر يدخل من ضمن مشاريعكم قوا افعلوه لنا حجر بدل التراب والنمل الي لقصني....
عصماء : الصدق الجو حالي الحمدلله اني خرجت وجيت معاكن مابش شي يخوف
نور: شكل الجني راقد بدري دوامه نهار مش ليل
بسمه : ياريت وخرجنا الشطه مع البفك والبطاطس
نور:هيا نسير نديها
عصماء: مااشي قوا هيا قد بعدت الخوف
شافين الشطه ارتجمت لاوسط مكان جلستهن
نور اول واحده خافت وقفت صاحت وجريت لداخل
بسمه شافتها ومصدومه بتلحقها
عصماء بتبكي وتصيح ماعد قدرت تمشي بسرعه
ورا الجدر خاف ايش شافين جالس يخمن ايش حصل ! ليش قامين وصاحين فجأة ! طلع يشوف مابش شي الحوش فاضي ، معقول لمحين صرصور
.
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
08 July 2023 00:01
@ 🩵 الكنز المدفون ↴
ـ بارت 8
.عصماء وهي خايفه: قولي لروحش الي طيرش القارح لوسط المكان وطارت الطاقه فوق ظهرش وظهرش ملانه خشب و زجاج وعاد انتي تشتي تخرجي تسمري انتي والمجنونه هذه
نور : تمام ظهري انا . بيوجعش انتي ؟؟ يا تسكتي او قسما بالله لاندعيلش قليلها من يا بسمه
بسمه : الجني حق اول الي نغمته نوكيا
نور : وايش نوكيا قديم اول نوكيا في الحياه ع كوكب الارض يعني عيشلش للزمن هذك يا لاتيه زمانش انتي وياها
صهيب بيسمعهن رافع حواجبه بيستوعب انهن بيقصدنه بيضحك ماسك نفسه..
عصماء: بحجر الله قلدكن الله ماذلحين اسكتين يامنعاه غيرين الموضوع ، ايوه يانور قليلنا ليش فسختي
نور غمزت لبسمه : ماعجبنيش مش هو ستايلي ، اشتي واحد اظافره كبار وشعره مشعفل له سنه مامشط
عصماء: يع يانور بس خباله هيا مالش
نور تنهدت: مابش نصيب ، مايشتينيش اوف منكن ضروري نباش ضبح
بسمه غمزت لها تسكت
عصماء: اصلا يمكن هو نكدي يشتي واحده عاقله مش مجنونه ومرحه مثلش
بسمه ماقدرت تمسك نفسها كركرت تضحك: تشتي تكحليها اعميتيها خلاص اسكتي لاتواسيهاش..
نور ضحكت : الصدق ضحكتني مدري ايش ماكان خلاص لاعد تسالين شي ضبح كل من دري اننا فسخت سال ضببح، ماذلحين يمين بالله مانخطب ع شور حد وقد هددت جده
بسمه: يا ساتر هددتهم
في الحوش بيراسل صاحبه: والله ياخي لافندم ولا بطيخ ماوصلت لشي جالس متفرط مع شله جهال بينحس نفسي راعي غنم، او حارس مدرسه ماعد دريت وضعي ايش بالضبط .
صهيب رد على رسالته: انا شقرح الثانيه لو مايدخلين هولا وابسر عملي..
في حوشهن ...
عصماء: محلاش يانور اليوم حين فرحتي جده وفعلتي لهم حفله خزيو وفرحو قوي
نور شافت بسمه منشغله بتلفونها : بسمه
بسمه كانت مثل المتوتره وهي بتكتب الرساله بعصبيه وبتهز رجلها و بتعض ع فمها
نور بصوت اعلى: بسسسسمه مااالش من بتحاكي هذا الساع؟
بسمه طفت تلفونها بسرعه: هاا. ، محد
نور شافتها وشافت عصماء: من بتحاكي قلك محد
بسمه: بس لغاجه يانور مش وقتش
نور: بسمه ولو انتي اكبر مني بس يمين بالله لارفسش واشل التلفون صميل منش واعرف بطريقتي مالش !!!
بسمه بان عليها الخوف تعرف ان نور قويه وجلفه : ولاشي
نور وقفت
عصماء مسكتها: خلاص يانور هي حره ماتشتيش تتحاكى
نور: ماشي مش هي حره احنا خوات مابنخبي على بعض شي ، بينكلمها كل شي، وهي بتكلمني. الان فيها شي اعرفها ليش خايفه مالش ؟؟؟
بسمه : طيب قولين والله ماتحاكين حد..
نور بلغاجه ساع الجهال بتقلد صوت الاطفال: و راس امي وابي ماقل لحد
عصماء ضحكت: تستاهلي قدحنا وحدنا وعادش تأمنينا
بسمه: تمام ، لكن مش تصيحين فوقي..
( ❌مسامحه أي حد يقرأ بدون لايك)
.
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
07 July 2023 23:59
@ 🩵 الكنز المدفون ↴
ـ بارت 6
.بسمه : لاتتعبيش نفسش مابينفهمش مابتشاوري بس صدقيني اعرفها مابش معها احساس ماعتزعلش ولاتخافي ع مشاعرها لو شي ماشسخاش عليها وانا اقرب واحده لها..
نور ممدده بيبعدين الخشب من كتفها ولا اهتزت بتسمعهن سكته بهدوء وبتكلم نفسها : عندي احساس ومشاعر وبينتوجع بس معرفش القوه هذه بتجي لي اوقات من وين عندي اكون قدامهم قويه بلا احساس ومشاعر احسن ماكون ضعيفه يتيمه وحيده كل واحد يتصدق عليا بمشاعره ويتاففو ويتضابحو اعمامي من يشلني ويرعاني عنده يارب طول في عمر جدتي عشان ماكون عاله عند حد..
نور : (بصوت مسموع )عمر جدتي.. يوو اليوم نسيت قد جهزت لها .
بعدين يدهن: ايش؟مالش ؟
نور : كملتين؟
بسمه: ايوه وحشينا عليش شفناش ساكته قالت زعلتي قلت تطمني ماعندها احساس
نور رجعت البلوزه غطت كتفها وقامت : ايوه خليت لش الاحاسيس يا أنيقه ياجميله هيا جين معي
عصماء: وين؟
نور : جين للمطبخ اول فعلت حاجه لجده اليوم عيدميلادها
بسمه: يو بغير جنان عمش عيجنن مايعجبه البدع هذه
نور بكل برود وهي بتحرك اكتافها وتمرن ظهرها تبعد اثار وجع الضربه: يجلس يستغفر ولا يسير يفعل له ركعتين
ومشيت
بسمه ضحكت: اتحداش تقلي له هكذا لو صيح
عصماء: لاتتحديها تفعلها مجنونه
دخلين المطبخ.
عصماء شافت جاتوه صغير: ايش هذا ؟؟
نور: كيف شكل الكيكه؟
بسمه: انتي بتحانكينا ليش هذه صغيره تكفي من ولا من؟
نور : جده فيهم سكر فعلت لهم هذه بالسكر حقهم وطحين لوز وجوز هند ، وحقنا مخبايه ناكلها سكته لايخوروها
عصماء: انا فدا الحنونه جدتي ماوقع لهم بنات ساعش وحنيتش عليهم
نور دمعت : وانا بنتهم اصلا معرفش ايش يعني اب و أم الا هم
بسمه مسكت نفسها لاتدمع ويقلبنها دموع مزحت: اخيرا شفنالش شويه احساس ومشاعر هيا اقطبي قبل مانروح
عصماء مبتسمه خرجين بعد نور وهي في يدها الكيكه جلست جنب جدتها وبتغني لها
عمها سمير قاطعها: استغفر الله ماهو هذا يا بنات
عصماء اشرت لها بحواجبها هي وبسمه مبتسمات يذكرنها بتحديهن
نور: ياعمو لو متضايق وانت بتبسرنا استغفر امد ولا افعل ركعتين ادعي لنا ربنا يهدينا امد مافرح جده بسرعه اليوم وبس..
عمها سمير: عادش قمتي من الموت بدل ماتحمدي الله ان الله انقذش بتعصيه..
نور : حاشا لله نعصيه ماظن ادخال فرحه وسرور لقلب جده تعصي الله، بعدا يا عمو لا طبل ولاغناء ولاشي غنيت لها انا وكيكه
عمها: تشبه بالكفار..
في حوش بيت الجيران..
صهيب دخل البيت وطلع الجبا حقهم يشوف ويراقب بيت المنذر..
(🥺ارقيكم يامتابعيني مالكم تفاعل بارد عدد المشاهده بتوصل لأكثر من ميه شخص و٢٠ لايك بس ؟؟ ليش ؟؟ كنت ناويه ازيد بارت بس مابش تفاعل خالص، تعليقات واعفيتكم منها، اظن لايك مابش اي تعب ان واحد يضغط زر اللايك اقل شي تقدير للمجهود )
.
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
07 July 2023 23:58
@ 🩵 الكنز المدفون ↴
ـ بارت 3
.البارت 3
جدتها: عوذبين مغارب
نور شافتها باستغراب:
قطع الكلام عمها:هي بتخرط علينا عشان لانعس البيت حق ابوها يتخايلها عنشله غصب
الجده: ايوه ماضمني بطمعكم قد بتتقاتلو قبال عيني ع قرشين كيف لوما يبتاع
نور بتشاور بسمه: عندي فضول اخرج وابسر هو صدق في شي او خرط
بسمه: وانا معش هيا نرجع الحوش
نور: بدون ضوء
بسمه: بدون ضوء تحدي.هيا
خرجين وجالسات
نور ضحكت: وصاحب كيف والكل بيشقور الجني الي هنا
بسمه : خلاص يا نور خرجنا لكن لاتدي سيرتهم
نور ضحكت: بتخافي
بسمه: وانتي ياسعم مابتخافيش ؟؟
نور : لا ولا اي شي بيخوفني في هذه الدنيا
بسمه : قدو باين انرفضتي وبكيتي وتحسستي
نور : يا سامجه مادخل الخوف بالزعل انا قلتلش معي احساس بس قويه
بسمه: خلي قوتش تنفعش بنقلش اهتمي بنفسش نعمي شعرش وبيضي وتسبري
نور : عشان انخطب؟
بسمه : طبعا
نور: وليش مايشلني مثل مانا بسمرتي وشعري الكيرلي وابتسامتي الحاليه هذه
بسمه: مشكلتش مسايرتش للعجايز خلتش الثقه عندش الف ، ابسري كيف قد البنات
نور: مشتيش اوقع مثل حد ، اشتي اجلس مثل مانا بطباعي بدون كلفه بينتعب لما اقلدكن حياتكن تعب كلها عرض عشان الناس، اشتي اعيش لنفسي مافيها البس ابو خمسميه
بسمه: يع امد يعرفو ان فوقش ممسحه
نور: منهم
بسمه: الناس
نور: يعرفو عتدي عيشترولي الغالي !
بسمه: بس لغاجه محد عيصاحبش ولا يخطبش ولايحبش عتجلسي فقريه عمرش كله.
نور ببرود : عااادي .
بسمه: طز فيش يانوررر من صدق طز حتى ابن السواق ماعيقبلش بش لو تعاندي هكذا وانتي حره.
نور : ماعليش من النصايح جابريني مافعلتي مع اخوش زد رجع لش ذهبش !
بسمه : ماشي ولاسخيت احارش له لحد
نور : مش محارشه بس لاتخبي الموضوع عن امش كلميها الولد اين بيجي بالفلوس هذه كلها واحد يفتجع لو حد بيبتزه
بسمه: صح تصدقي بينفقدش واوقات كثيره اشتي اكلمش كل شي اول باول ، من بتجابري وانا مابحد؟؟
نور بضحكه: بينجابر الشجر والعصافير تصدقي
بسمه: سهل الجنان اوله تعلام.
صوت هزاز تلفون تلفتين لبعض
نور : الحمد لله مش هم الجن ، هذه رساله فيس
بسمه : من رسلش
نور: واحد سامج احظره ويرجع
بسمه : قلتلش ماعتخلي لش حد لاتحبي ولاتنحبي ولا شي بطباع جدتي هذه الي فيش
نور: انتي يا اخرف واجنن ساعش ياما طبع جدتش ، ايوه انا جدتش ماشجابر واحد تافه مايفهم ع روحه.
دخلين البيت وقت اذان العشاء..
في الحوش حق بيت جيرانهم بيتكلم في التلفون: الا متأكد والله انها هي ابدأ الخطه ذلحين؟؟ بينحس الان وقت مناسب
.
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
07 July 2023 01:35
@ 🩵 الكنز المدفون ↴
ـ بارت 1
.بارت رقم ١
قاطعهن صوت من السور و نكزين ،
من هذا ؟؟ في حد ؟؟
تلفتين شافين بعض ؟...
نور بتصيح وقفت وبتسأل: من هنا ؟؟؟
بسمه قامت تشوف معها: مابش حد ،يمكن انها دمه في البيت الي جنبنا
نور : هذا قدو بغل ايش من دمه ، صوت مشيه حد
بسمة : شكل جدتي بتفجعنا لو لمحتنا هنا
نور: يمكن
بسمه ماسكه العود حق الشجر اليابس وبتحفر في الارض منسجمه : هيا تحاااكي مالش بتخرفي ؟؟
اشتي اول افهم ايش حصل!!
عشان اعرف ابهذلش في ايش بالضبط قد قلبي منش ملان.؟؟
نور تعبت نفسياً وهي بتنسأل من الكل نفس السؤال تعبت تبرر بس لانهم كبار ماقدرت تصيح كان حيلها على بسمه، بصوت مرتفع : لأنه ماكان في شي طبيعي يوم الحفله نفسها عاد اهله خرجو وانا ماقد بعدت الفل والتسريحه ويرسل لي رساله ( هنا زادت اكثر عصبيه وتوتر وتصيح): يقلي بختصرلش الموضوع عشان لاتنصدمي بس اشتي اقلش اننا ماشتيش ...
بسمه: ايششش ؟؟ بتمزحي يا نور بحجر الله؟ ليش !
نور : ليششش
صوت عطسه مكتومه قاطعتهن مره ثانيه.
بسمه : سمعتي؟
نور: طز يتسمع من ماتسمع بس معد حد يفتح الموضوع هذا معي لاني موجوعه وبينكابر قبالهم
بسمه: تنوجعي ليش ؟ لا كان حب ولا معرفه ولا شي ، طز هم جو وهم انقلعو ، بس ليش يانور ماسالتيه؟
افتتح باب بيتهم وبيخرج عمها وهو بيصيح: البيت عيبتاع يعني عيبتاع خرج وقفل الباب..
سمعين صوت رنه تلفون قديم نوكيا .
نور ضحكت : الجني الي ساكن هذا السور قديم قوي قد رحمته اشتي اشتريله تلفون.
بسمه: لاتغالطيش ليش قلش مايشتيش جاوبي. !!!
((مساء الجمال ، الي طلبوكم تبلغوهم لما انشر لطفاً تعمليهن لهن مشاركه منشور 🌹🌹))
.
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•
06 July 2023 23:16
@ 🩵 الكنز المدفون ↴
ـ بدأت حكايتي بإختيار خطأ.. ترتب عنه بصمه وجع كل ماحاولت شفائها كان من حولي يلوث شفائها، كنت إنسانة عادية جداً ، بسيطة جداً ، مفعمة بالحيويه رغم انني وحيده دون أب وام فقدتهم منذ ان كنت في الثانيه من عمري أصابهم حادث وقتها ، وأخذتني جدتي وظننت انها والدتي الى ان كبرت، تعلمت منها الكثير ، أنشر سعادتي للجميع رغم انها على عدد الاصابع واخفي كل احزاني ، هذا الخطأ لم يكن سببي ربما اختياري ولكنه قدري ،بعد أن طفأ فيني حيويتي اعيش لاكل واشرب وانام واتنفس كجثه فقط، نعم كل الأخطاء تغتفر إلا كسرة القلب ندفع ثمنه في كل مرة نصادف شخصاً نقياً ونهرب منه ،فقط لأن الفرحة الاولى كسرت فينا ثقة الحياة ،
أنا نور أبلغ من العمر ١٨ سنه ،
أعيش مع جدتي و أعمامي منذ ١٦ سنه،
حينما فقدت والداي بحادث سير اثناء سفرهم في يوم ممطر الى الحديده وانزلقت الصخور حتى أعاقت سيرهم ، تعايشت مع الأمر لم اذكر وجعي وبكائي لاني كنتي صغيره، جدتي لم تشعرني بأي نقص كنت ومازلت المميزه من اولاد اعمامي وعمتي لا اعلم ان كان شيئا جميل ان يتعاطف معك الجميع لانك وحيد ، أنهيت الثانوية العامة بمعدل متوسط ، أسكن في هذا البيت القديم البسيط حتى اني اخذت من صفاته وبساطته وعشوائيته ولكنه دافئ مريح لا أعرف كيف أصفه، وهذا السور أكثر مكان أجد سريتي وحريتي والمتسع من الأسرار والاحاديث والخطط مع بنت عمي المقربه نهرب دائما ونجلس تحت الشجره التي في الزاويه ، سور من طين تقاسمنا النمل فيه مخابئها مثلنا وتتنصت على أسرارنا .
بسمه( بنت عم نور): نور اوووف منش وبرودش ياشيخه اقطبي هيا قبل ماتغرب الشمس نتجابر قبل مانروح.
نور بتسلم بعد الصلاه:الساعه ثلاث ونص عصر ايش تغرب صلي على النبي معنا ساعتين ونص.
بسمة قامت سحبتها من يدها ومشين للحوش جنب السور ومكانهن السري.
نور : مالش مستعجله اصبري لحد يشوفنا كنا بنفتضح ويعرفو بقعتنا.
بسمه بصوت مرتفع بتصيح: ماعد اقدر اتحمل بروده اعصابش ، انتي منش صدق حد يفعل الي فعلتيه !!!! تفسخي بنفس اليوم حق خطوبتش ليش ؟جو لش ناس ولا في الأحلام يابنتي محد يدي حزام ذهب في خطبه انتي غبيه او بعقلششش ؟ كلميني محد رضي يقلي السبب كلهم بيقولو نصيب، بس اعرفش اكثر واحده في الدنيا مستغربه ايش حصلش ؟؟؟
قاطعهن صوت من السور و نكزين ،
من هذا ؟؟ في حد ؟؟
تلفتين شافين بعض ؟...
( وهذا منشور أولي تستعدوا لما يجتمع الكل، وكل حد يعرف شخص كان يتابع معه يعيد نشر المنشور للخاص عنده بليز..منشنواااا وبعفيكم من التعليقات عشان تتفاعلو بلايك واعادة نشره)
.
.
📣┃للمزيد من الروايات 😍
اشترك في قناتنا ؏ التليجرام واستمتع بكل جديد @ ✅
➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @
Читать полностью…
1629