•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

14 September 2023 03:42

@sanaaroohi2 🩵 الكنز المدفون ↴

ـ بارت 226

.
.مرت عمها سمير الثالثه: والزلط تفعل دور لو مابش زلط عتموتي ، لكن احمدي الله كنتي في الخارج وافتهنتي ولقيتي رعايه

نور : الف حمد وشكر ، والزلط ماتفعلش كل شي هي تساعد بس ، القدر مكتوب على بني ادم وين ماكان ، به ناس ربي رازقهم بس بيزغفو الزلط يمين يسار لوما مش مبين عليهم جالسين عيونهم ع زلط خلق الله ومابيبسروش كم قد رزقهم ربي وانعم عليهم

مرته الثالثه: ماقصدش

نور: الي فهمتيه هو قصدي

مرته الاولى قاطعت: ادخلي يانور افتهني امتدي تعب عليش


نور قامت غرفتها وحشتها والبناات معها

نور : اين الحمام يابنات

جلسين يضحكين وفاقدات لها ويطلبين تسامحهن حين حشين عليها اعترفين بكل حش وغبطه كانت في قلبهن عليها


جدتها دخلت: هيا ابعدي الاحزمه هذه الي فوقش شافعلش خلطه تلم الكسر لم

نور بصدمه مبهرره: ياجده بغير سفاط يامنعاه ، ماينفعش انا فاعله عمليه

جدتها: مافهم الدكاتره والله مالهم علم جربي هذا عليا

بسمه: مع ياجده فيها خياط مايسبرش
الجده: صدق؟

نور : ايوه

جدتها:  يو كان افعلي لزوجش

نور بزعل: صهيب الضربه وقعت في راسه مخيط كله

جدتها: يو صرف كل شيطان ، جعله العمى الي اعماكم

بسمه وعصماء ضحكين: مع ياجده قوا، والله انحنا حسدناها من سفر لسفر عادحنا تسامحنا منها قوا

جدتها: يلا قومين غسلين

نور : بتضحك عليهن فتحت تلفونها بتراسله( حبيبي اكلت شي، شربت علاجك؟)

صهيب فتخ الرساله شافهل ومارد


نور تشتي تجلس معهن وتشتي تسير تشوف صهيب قلقه عليه

جدتها لاحظت وهي بتراسل وهي سارحه مش مركزه معهن :مالش

نور: نسيت علاجي في البيت

جدتها: سيري اديه، وابسري زوجش وجيتي

نور استاذنتهن تسير وترجع ..

وصلت البيت..

نور دخلت غرفتها: صهيب

صهيب فاتح تلفونه: ها

نور : تصدق حسي عندك الله يهديك التلفون في يدك مالك ماتطمني عنك خليتني اجي لهنا تعب

صهيب لفت لها باستغراب ورجع لتلفونه: تعب اتكسرين ارجلش هن خطوتين جنب الباب

نور: المهم اننا جيت عشانك

صهيب: عتذليني ذلحين ارجعي ، ماهو عشاني

نور شافته: صهيب طيب لما تمزح كون غير ملامح وجهك شويه ادرا انه مزح بتخمعني( تكسفني) هكذا

صهيب تأفف: استغفر الله بدأنا هرم النسوان ماتشتي جيتي تهرميني ماهو

نور ضحكت: ماشاء الله عليك يعني قادر تقع ساع بعض رجال نكديين بس تشتي تدريني انك حالي خلاص بطل مزح

صهيب قاطعها قام وهو بيمشي: والله ان هرم جدي اخف منش قدش لغجه..خرج

نور جلست متنحه شويه وبتتذكر يعني تصرفاته فوق الطايره ع رجعتهم مش مزح وذلحين مش مزح...

لحقت بعده: صهيب شاسير عند جدتي

صهيب: اوصلش،

نور زعلت منه وقامت خرجت


بتنزل من الدرج وهي تتلفت عيلحقها .؟؟!





📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

14 September 2023 03:41

@sanaaroohi2 🩵 الكنز المدفون ↴

ـ بارت 224

.
.
نور خايفه ماله هكذا مش عادته جالسه تدعي الله يطمن قلبهم عليه في العوده..

بعد اسبوع فحوصات ورنين للدماغ وكل شي سليم قالو لهم يقدرو يرجعوا

حجزوا يسافرو و اول ماوصلوا اليمن

ام صهيب بتغطي بقيه اثار خفيفه دكمات ع وجه نور بالبودر وخافي العيوب : على الاقل حين يبسروش مايفتجعو امد وبعد مايبسروش بخيره تقولي لهم ماوقع وبعدها تبعدي البالطو وثاني يوم او حين تغسلي وجهش يبسرو الدكمات يكونوا استوعبوا

نور :يا ماما احس ماشقدرش اتكلم وحدي ، قوا جو معي

ام صهيب: حاضر بعيني بس قلت لو تشتي تسيري وحدش لازحمش واضايقس

نور: بالعكس احس لو يوقع بهم شي شاخاف معرفش اتصرف، جده يفتجعو من السعله كيف لو ابسرو الي فوقي هذا كله حزام رقبه ويد وكتف

ام صهيب حق يدش ابعدي امد قال الدكتور سهل حق كتفش ورقبتش غطيهن بمقرمه ، هيا جي نخطى انا وانتي

نور : اطلع اتفاقد صهيب طلع وحده سكته، بتلاحظو قدله فتره متغير

ام صهيب هزت راسها ومتاكده: ايوه كلمت الدكتور والكل ، قال طبيعي اكتئاب بسبب الحادث ، عيخف

نور بزعل: يعني اطلع او مع اخاف يكسفني ويدعمم ساع كل مره

ام صهيب: مابش فيه شي، خليه وانتي البسي هيا وجي نخطى امد ارجع انا عيجين خواتي واعمامه يزوروكم

نور حاضر.. لبست ومشيت معها

جدتها مراعيه وبسمه ونور ونسوان عمها فارحات بها ومراعيات بالبيضه والملح ( عاده تعويذه للعروسه لما تجي عند اهلها اول عزومه بعد الزواج ،اعتقاد انها تحمي من العين)

اول مادقين الباب وافتتح حست ورا الباب حد

نور قدها عارفه بحركاتهن: عيكسرين ذلحين بيضه

ام صهيب ضحكت

عصماء لفتها حول نور وجلسين يحجرين اول مادخلت

بسمه بتضحك على مشيتها  لعصماء: بنت عمش عادها يتخايل لها انها حريوه، ابسري كيف بتخطى كانها فوق الممر

عصماء: خلاص هي معها كان باقي اليوم ويوم شكمتها وبعدا تخطى ساعنا بشحطه

نور شافتهن: بتحشين عليا صح

يشتين يحضننها

ام صهيب مسكتهن: ممكن بعدا نتسالم جين اول ندخل

وقفين بقعتهن متصنمات اقتهرين

عصماء منصدمه في نور مشيت منها صدق ولا سلمت !!!
بسمه : يو يو يو الله المستعان، اقسم بالله ماعاتبها ولا عد لي نفس ادخل ابسرها

عصماء  :ولا انا،

جلسين في الحوش زعلانات من تصرف نور

نور شافتهم مش وراها: يااي مالكن جين فاقده لكن

بسمه شافت عصماء قامين لحقين بعدها

نور بتشاورهن: ( اسمعين ماقدرت اول اتكلم او اسلم لاستوجع اصيح افجع جدتي حين كانو واقفين في الباب، ادخلين عتعرفين الان القصه)

معقدات حواجبهن مش فاهمات اي شي من الي قالته دخلين

في الصاله

نور مسكت يد جدتها الي من جهه الوجع عشان لاتلفها حولها وحضنتها نص حضن وسلمت عليها دلا

📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

12 September 2023 22:53

@sanaaroohi2 🩵 الكنز المدفون ↴

ـ بارت 222

.
.صهيب : صح راسي مربط بس يداتي احسن من يدش اقوم لش

نور : مع خلاص لما تفتهن الان مش وقت سفاط مابش معي يد ولا كتف ولا رقبه ولا ظهر

صهيب سمعها وسارح زاعل

نور: مالك

صهيب: صدق كنتي حامل؟

نور :قالين في المستشفى ماكنت داريه


صهيب: الله يعوضنا

نور : ان شاءالله

صهيب: وتجي لي مجنونه ساعش

نور : وانا اشتيه ولد ساعك لان مابش مثلك خيرات، اشتيه بحنيتك بحبك مثل قلبك الكبير الي واسع كل الناس المسكينه، برجولتك الي ماعد بش خيرات مثلك

صهيب ابتسم بيشوفها بنظرات حب : انتي لما تفصلي وتوقعي انسانه كيوته وتحبيني بهذه الطريقه تخليني انسان ثاني ، الله يقدرني اسعدش العمر كله يا نور عيني انتي


ام صهيب سمعت اخر جمله دخلت وهي مبتسمه بصحن الاكل : دام الوضع كله كلام يفتح النفس اكيد عتاكلو من الدلع وتريحو قلبي

نور : صميل عناكل وانتو معنا هيا قد انتو تاعبين بدل ماتجو نضيفكم ندلعكم واخدمكم انا جيتو اتعبكم

ام صهيب: يو انا فدالش، انتو بس تعافو ماصدق قلبي يابنتي يو لك الحمد يارب، شافت صهيب جالس : اسكه قوم اخطى

صهيب قام بيضحك جالس يرقص: ها تطمنتي ياحجه بخير بخير

نور ضحكت بفضول بتفتح بيد الطاسه: اسكه ابسر مافعلو لنا

صهيب : قبل ماتتعبي نفسش شاقلش: مطيط، هذه وصفه امي للمرض

نور فتحت في نفس اللحظه الي قال فيها صهيب وضحكت

ام صهيب: ذلحين تطمنت انك بخير وذاكرتك شغاله ولسانك ولا تأثر

بيصتبحوا كلهم مفتهنين...

في اليمن..

بيت الجده

سمير رجع لامه: هيا امه ماقلتي، اليوم الليل عيحبسوني، يامنعاه بينقلش بهذا الجاه ( طرح الشال)

امه: كنت عتتحزم به وترقص قلك جاه وفاعل نفسه شيخ وبيحكم، كان عتقبل جاه امك واخوك واحنا بنحلفك لاخرجتنا، بينقلك مابش معي انت بتفهم او مع، عاد فوقي دين بقيه قيمه البيت

سمير: بنت ابنش غارقه زلط تدي بس حزامها الذهب، وبعدا شارده لها وعد

امه: قسماً بالله لو تتصل او تحاكيها وتطلبها شي، لاتبرى منك دنيا واخره

سمير قام وقف معصب: انتي هكذا دائما ظالمه، انانيه، بتحبي ابنش قد ربي شله ومات وجالسه تحبيه وتحبي بنته، وانا تكرهيني حين ماعولتش ولا معي جاهل ، يعلم الله انتي امي صدق ولا فعلتي اجر فيني وربيتيني... خرج و رزع الباب معصب

ام سمير اقتهرت ورسلت لنور رساله : اين انتي اتصلي لي..


نور شافت الرساله : اتصلت لجدتها


ام سمير: مع اشتي هذك البرنامج الي به صورتش فيه اشتي ابسرش

نور خايفه تشوفها هكذك: ياجده احتذف عليا

جدتها: قلدش الله يابنتي انتي بخير؟ عترجعي ايحين هيا طولتي،

نور بتشوف حركه فم عمتها وهي بتعلمها ايش ترد : يكملوا عمتي الفحوصات، وتبسروني قبالكم

جدتها: تمام اسمعي


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

11 September 2023 00:13

@sanaaroohi2 🩵 الكنز المدفون ↴

ـ بارت 220

.
.صهيب كلم واقنع الدكتور صديقه ان زوجته ماتعرف اي لغه ولا حد وانهم يشتوا يكونو بغرفه سوا

بعد مادخلوا غرفه الاثنين

ام صهيب مرهقه بدأت تنعس

نور لفتت شافت صهيب راقد بسبب المهدئات ، عمتها راقده وهي حاضنه الجاكت الي فوقها متدفيه به ، سحبت بيد بطانيه وراحت غطتها..

ام صهيب نكزت شافتها مسكت يدها حبتها: يو انا فدالش حبيبي قمتي عشاني

نور انصدمت ماعرفت كيف تمسك عمتها لما باست يدها، بس حست بشعور منها حنيه، طيبه : ارقدوا سوا وتدفوا شكلكم مرهقين

ام صهيب: قوي مارقدت ، رجعت في نومها

نور رجعت واقفه جنب صهيب بتتأمله عن قرب بتلعب بشعره بيدها وهي بتحمد الله وتشكره انه بخير متعافي ماحصل له اي شي..

صهيب نكز شافها: مالش؟ ليش قمتي

نور بتأشر له يوطي صوته امه راقده: قمت اغطيهم واشوفك فارحه قوي انك بخير

صهيب: انتي كيفش بتحسي بوجع

نور حاسه ومقهوره انها كانت حامل بس ماحبت تزعله الان : لا الحمدلله ، اهم شي انحنا بخير سهل الوجع وسهل كل شي يتعوض

صهيب مسك يدها باسها: اكيد ياروحي ، امتدي لاتجلسي هكذا ساع الرجل الالي ترهقي نفسش

نور ضحكت: لاتتنمرش ناهي ، وانت ساع امي حنجا رابط راسك

صهيب: ماهو هذا شهر العسل قدحنا في المالديف

نور ضحكت: الحمدلله على كل حال..


في اليمن عزومه بيت فؤاد لاهله وامه.

عصماء لبسمه: مش ملاحظه نور ولا عاد بتراسل ولاشي ، هذا الي وقعت وكتبت تعهد ماتتغير وماتنسانا من ايحين جا يوم وماتراسلنا

بسمه: وانتي من بقعه لبقعه ومن بلد لبلد يعلم الله اين الان سافروا

عصماء: محد توفق بزواجته غيرها

بسمه: اي والله ، معي زوج بينحاول اكسبه بكل الطرق ومافعل لي ربع الي هي فيه نور

عصماء: ومن سمعش عاد زوجي كل شي عنده مش مهم مش ضروري

بسمه: يلا خلي نور تعوض بدلنا،

سمير بعد الغدا دخل الغرفه الي فيها بسمه وعصماء: وين نور ولاعد بنسمع لها حس ، معاكن رقمها اسال عليها

بسمه تشتي تحانكه: نور مش فاضيه جالسه تسافر من بلد لبلد

سمير بيتبرقط تساعده: هيا ادين رقمها نسأل عليها، مش بعدا يقولوا اننا كريه ومدري ماهو

عصماء:اصلا ليش مابش معك رقمها ياعم مفروض انه معك

سمير: معي واحد بس مابترد عليه، قلت يمكن غيرت

بسمه: هو نفسه بس لها اسبوع مافتحت يمكن انها مسافره

سمير: لو تواصلت معاكن قلين لها اشتيها وانا شاتواصل معها


(ليش ماتكتبي بدري، انا معي مسؤوليات، اي لحظه بينلقى فيها فرصه بينكتب، الكتابه بتاخذ وقت برضو فلما اكتب بيكون بعد ماكون فاضيه اكتب وانزل وارجع اكتب يعني حتى الكتابه ارهاق بعد يوم طويل ومع ذلك تقديراً لحماسكم  وتعبي الي يشتي ينام يقراها الصبح تمام؟
احبكن يا احلى متابعات🥰

ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

11 September 2023 00:13

@sanaaroohi2 🩵 الكنز المدفون ↴

ـ بارت 217

.
.نور : انا السبب انا الي قلت له اسرع ، كان يضحك يشوفني ويسرع ويفعل كل شي أقوله ، لو حصل له شي والله ماسامح نفسي عمري كله

الممرضه: اهدأي انا سمحت لش تجي هنا عشان تكلميه مش تدخليه في حاله اسوأ

نور قربت منه وبصوت يرجف: صهيب مارأيك اقلك احبك وتفتح عينك مثل الاتراك والهنود ضحكت وهي بتبكي ، قوا حبيبي تعافى ، انا اسفه كل هذا بسببي ، بس انت عارف اننا كنت حامل ومش عارفه خسرت النونو لاتخليني وحدي واخسر كل شي قوا

الممرضه بدأت تقلها خلاص ترجع ترتاح غرفتها. خرجتها ورجعت غرفتها وهي بتراشيهم يخرجوه عندها

بعد مهدئات وأبر ويومين ماتغير شي في حاله صهيب سمحوا لنور تروح، بس رفضت وجالسه مرافقه في المستشفى

وصلت ام صهيب من المطار على طول للمستشفى

نور اول ماشافتها قرحت تبكي ماقدرت تحضنها او تسلم عليها بسبب الجبس والاصابه حق يدها ورقبتها

ام صهيب مسكت يدها الثانيه ضغطتها بقوه وبتشوف وجهها فيه كدمات ومورم ورقبتها وكتفها ويدها مربطات : ليش انتي هنا، ليش ماترتاحي في غرفتش وين صهيب

نور بتبكي: في العنايه

ام صهيب بتهدأها: عيلطف الله حبيبتي ، ربي ماعيسخاش به عمره مافعل الا كل خير في حياته

نور : ياريت ماخرجنا ياريت ماوقع الي وقع كله بسببي

ام صهيب: استغفري الله، خلاص هذا مقدر، وحصل اهم شي تكونوا بخير .. شافت الدكاتره دخلوا لاعنده لحقت تشوفه

الممرضه خرجتها : لو سمحتي انتظري

ام صهيب: ابني هذا انا امه

الممرضه: تمام بس انتظري الاطباء دخلوا لاعنده لانه بدأ يصحصح ويفوق

نور بفرحه: صدق فتح عينه؟؟ هو بخير

الممرضه: انتظروا ماعرفش بس مؤشراته كويسه

مراعيات جالسات بيدعين وامه تقرأ قرآن ، نور سارحه بتتذكر تفاصيل الحادث واخر نظره له ضحكته وهو بيلتفت لها وهي ماسكه راسها

الدكاتره خرجوا والممرضه طمنتهن انه فاق وعيخرج غرفه بعد ماتستقر حالته وانه يقدروا يشوفوه

ام صهيب مدت يدها تساعد نور

نور خايفه من رده فعله : ادخلوا انتو اول مش قادره

ام صهيب: قوا لاتبكيش وتزيدي تزعليه حين قد صحصح هيا امسحي دموعش وجي

نور: اسبقوا اول انتو

ام صهيب: تمام ,دخلت

نور خايفه انه يفقد ذاكره او شي مثل ماقالت لها الممرضه، منتظره رده فعل ام صهيب

واقفه بتشوفهم من ورا الباب ( مفتح عينه، بيتكلم وامه مبتسمه) عرفت انه بخير فتحت الباب ودخلت

صهيب : من انتي؟
نور بهررت وبكيت : عمه ذكركم؟

ام صهيب مصدومه: ايوه ذكرني بيكلمني كان طبيعي، صهيب هذه مرتك

صهيب: مابش معي مره انا ماتزوجت

نور : يوو فقد ذاكرته بي بس ..


ام صهيب: حبيبي، هذه نور مرتك تزوجت وجيت انت وياها

صهيب: انا خطيبتي هذك الي في اليمن جيراننا المجنونه هذك،


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

09 September 2023 23:37

@sanaaroohi2 🩵 الكنز المدفون ↴

ـ بارت 215

.
.نور : قوا اخر واحده قبل ماتدخل مكان فيه اشارات ومرور

صهيب : طيب لاتوقفي احتياط ، توقع مخالفه سرعه مش مخالفتين

نور بزعل: يوووه، انا حبيت الوقفه، بس طيب اسرع اقوا شي قدنا جالسه لاتخاف عليا

صهيب: طيب ليش جالسه ورا كنتي عتنطي وتجلسي قدام

نور: انت قلت اجلس جلست

صهيب ضحك لفت لها يشوفها وهي حانقه، وهو بيسرع انحرفت السياره شويه...

في مكان ثاني..

سمير بيكلم مرته الثالثه في الحوش: ذلحين ولاتقلقي، شاجلس اتمسكن لامي لوما تديها ،

مرته الثالثه: ايوه لاتجي لها بالعناد جي لها بالمسكنه

سمير: اهم شي اعرف امور مش تقلي لي فلست البضاعه مامشيت

مرته: اين افلس بينقلك صحبتي في شهرين اشترت سياره،
برقه ودلع قلبت كلامها( التجاره يشتي لها ذوق وانت بفمك قلت لي اننا اذوق واحده في نسوانك)

سمير: خلاص اعرفي اخرجها من الجن ، ولو افعل عليها تمثيليه

مرته الاولى يدها بترجف وهي فاتحه السماعه حق التلفون وطارحتها في الطاقه ، وهم واقفين عرض الطاقه بس لان الستاره غامقه مش باين انها بتسمع حد في التلفون

ام سمير بتلعنه وتدعي عليه

مرته الثالثه: ولا اقلك ياروحي ماتفعل امك شكلها قدها ملان منك الله يهديها، حاكي نور ذلحين بتنعث الفلوس نعث هذا ولاشي عندها

سمير: صح فكره ضخمه، هيا راسليها واحكيلها انتي اننا شاحتبس

ام سمير عصبت منهم، اتصلت لنور مابترد ، اتصلت لصهيب مابيرد ، رسلت بالواتس رساله لنور تحكي لها كل شي حصل وتحذرها لاتدي فلس


في مكان بعيد ، في الطريق...

السياره مقلوبه في الطريق وهم داخلها تلفون بيرن اتصال وتلفون نغمات مسجات..

مشيت سياره من الطريق شافتهم واتصلت للشرطه والاسعاف..

الشرطه شافت وقت الحادث داخل السياره..

نور مع الصدمه ولما السياره تقلبت ضربت راسها عرض الكرسي الامامي حق صهيب لانها كانت جالسه وسط والسياره انقلبت يسار،

صهيب ضرب راسه ومقدمه الجبهه في حافه باب السياره حق الطاقه  ..

خرجوهم واسعفوهم للمستشفى..


في المستشفى عرفوا بيانات صهيب اما  نور ماكان معهم ملف ولا تأمين بس من ضمن وثائق صهيب عرفوا  انها زوجته
..دخل صهيب غرفه العمليات يوقفوا النزيف الي حصل في الجمجمه، و نور  في غرفه عمليات العظام بسبب إصابه في مفصل الكتف .

حاولوا يتواصلوا مع حد مالقيو، خرجو من ضمن اوراق ووثائق صهيب، ( ملف العائله تواصلوا مع الاب، متوفي، اخوته، مسافرين بلدان ثانيه وكانوا يجاوبوا مدراء اعمالهم، اتصلوا لامه جاوبت ( تعرف انجليزي شويه) انصدمت بالخبر الي سمعته ..

اتصلت لعمة صهيب تجي تجلس عند ابوها وهي تسافر تشوفهم وهم لحالهم..( بس مش لاقيه حجز بسهوله)

ت.ع.خ 🥲😥


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

09 September 2023 23:37

@sanaaroohi2 🩵 الكنز المدفون ↴

ـ بارت 213

.
.صهيب رفع الاكل والمطبخ ورتب الاشياء غسل يده جاوب تلفونات شغل وراسل الي في اليمن استلم تقارير العمل، وقام يشوف نور ليش مارجعت الصاله عنده

دخل وهي نور نوم مغطيه وجهها قرب يحس جبهتها ووجهها حامي فتح الدرج ادالها  حبوب خافض للحمى وماء تشرب

نور شربتهن ورجعت رقدت

صهيب شاف الليمون والعسل ماشربت الا شويه: يامغااالطه، هيا اشربي هذا

نور : لا خلاص يكفي العلاج

صهيب هزر البطانيه: اشربيهن

نور : قوااا يا صهيب مشتيشس

صهيب سار يدي ماء مثلج واقف فوق راسها: لو ماتشربي والله لاسكب الماء من فوقش ثلج

نور بضبح قامت جلست وهي بترجف خافت من الماء، شربته وهي بتدمع باقي شويه وتبكي : طيب هكذا شامرض اكثر بالغصب وماشتيش

صهيب بيقلدها:, يووو وانا فدال الجاهله حقي الي قد.عتبكي ..

نور رجمته بالوساده و قامت تدي البطانيه

صهيب : ماينفعش تدفي وانتي محمومه هكذا نار

نور : ماعه اشتي اتدفا برد

صهيب : تغطي والله لو زادت لاتحمش وارجمش لوسط البانيو ملان ثلج

نور خافت لانه يفعلها دام حلف طرحت البطانيه ع جنب وبترجف وعيونها ملان دموع : طيب بردانه

صهيب جلس جنبها : انا شاسد الريح لاتبردش

نور ضحكت : ماشكسفك ضحكت رغم بايخه،

صهيب جلس يسافطها : بايخه هااا بعيني

ثاني يوم..

نور قامت حست نفسها احسن جهزت الصبوح وبتصحيه

صهيب قام وهو بيحس بتعب وجسمه مكسر ومصدع جلس بدأ يعطس: كيف قد انتي ، ليش قمتي وانتي تاعبه

نور : يو مال صوتك مشحب

صهيب: شكلها بدايه مرضه

نور بابتسامه شر وانتقام: يو لاحارب المرض حرب حين يسخى على حبيبي

صهيب: مش انا دلوع ساعش شافعل لنفسي لازيد.اتعبش ياسعم من بتهددي

نور بتخطط له وهي مبتسمه وبيصتبحو

صهيب كمل ورجع تحت البطانيه بيحس ببرد

نور قطعت بصل وليم وادت شرابات وجت تفعلهن داخل الشرابات وتلبسه

صهيب نكز بيحس بشي غريب: مالش؟ ماهو هذا

نور : هذا يسحب المرض من جسمك

صهيب: نور والله لو ماتبعدي لاسحبش انتي سحب

نور بتضحك: هيا يادلوع بغير دلع والله لو تبعدهن لادي مكعبات الثلج كلهن مش الا ماء بارد

صهيب بيضحك ومنرفز منها : ذلحين من قلش انحنا كنا بنتضارب لو ما بتستقضي هكذا

نور: مابلا ياحبيبي كل واحد يوبه للثاني بطريقته

صهيب: ماهو طريقته باقي تدخلي رجلي الفرن تحنذيها ليم وبصل عتلفي قصدير بدل الشرابات

نور بهررت: بس زبج هيا من الدلع ارقد ساعتين وخلاص

صهيب بضبح منها: إنا لله وانا اليه راجعون، حانب لك جاهله


في اليمن..

سمير وصل عند امه : يمه اشتي تسلفيني عشره مليون

امه مصدومه: ليش؟

سمير: تسلفت قبل فتره من واحد لمشروع، وفلس، ذلحين اشتي ارد حق الناس او عيحبسوني


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

09 September 2023 23:36

@sanaaroohi2 🩵 الكنز المدفون ↴

ـ بارت 211

.
.نور ماسكه نفسها : ايوه وايش وصلها لاعندك وحبتك وهي مساعده لو تشتي تقنعني انها الي حبتك

صهيب بتبرير وانفعال عشان تصدقه: عشان بينساعدها من فتره لفتره، هي مسكينه بتشتغل مش بتدرس في الجامعه ، مكنتني انت احن واحد وانت احسن واحد، انا حبيتك، انا معجبه فيك، ينفع نوقع اصدقاء،

نور بتشوفه بنظره غضب

صهيب: وقلت لها لا، اعتبريني اخوش اي شي تشتيه لو اقدر عليه من عيني بس والله العظيم انها كذابه لو قالت شي غير هذا هيا خليني اتصل لها ابسر مال جدتها هذه( معصب)

نور ماقدرت تمثل اكثر كركرت تضحكككك

صهيب مصدوم بيشوفها : ؟؟؟؟

نور : تستاهل اكلت المقلب أولا ، ثانياً تعرف ان معك محقق كونان مش زوجه بس، تصدق ماقالت ولاشي، بس حسيت من بينهن كلهن انها كارهه لي لو عليها عتموتني

صهيب ضحك مسك يدها وقحصها( عضها) : انا مش خايف لاني واثق من نفسي، انااا كنت خايف انش ماتتفهمي او تزعلي ونتصايح بدون شي حقيقي بس ، اما انش محقق ، فعلاً تفوقتي عليهم مش الا .

نور: المهم تعرف ان معك مره مفتحه عينها

صهيب بسفاط سحب عيونها وهو مبهرر يشوفها: هاا فتحيهن، معش زوج مش شايف بعيونه وقلبه غيرش

نور حضنته: يووه جعلي خير عليك، فديت عيونه حياتي

صهيب لما حضنته يده ع ظهرها من ورا عند كتفها بعد شعرها شويه من وجهه وبانت في كتفها اثر جرح خفيف( ايوه كم لي اشتي اسألش ماهو هذا )

نور عرفت اين اشر بعدت شافته وبعتاب بعد فتره: هذااا !! انت دارري انه انت غريمي

صهيب ضحك( لانه قد سمعهن في الحوش هذك الايام بس حب يتأكد هي نفس الاثر حق الطاقه الي علمت فيها يوم ماسوا التفجير في حوشهم)

نور شافته بيضحك قطعت كلامها: ليش بتضحك

صهيب: لانه كنت اشتي اتاكد وطلع صح كلامي

نور : وما دراك ؟ عادك الا سألتني

صهيب : سمعتكن

نور : هذا كنت عايش معنا مش الا سمعتنا

صهيب: من قلش تعيشي في الحوش، وعادش تنطي حوشنا

نور ضحكت: بس عادك ذاكر، يلا قد سامحتك يوم ماسعفتني واديت لي

صهيب كمل لها: دمي

نور: يووو منك ذلحين لو وقع بي شي ماعد اشل قطره منك،

صهيب: غصب عني وعنش

نور قامت مسكت يده وسحبته: تعال ابسر مافعلت من حلا

صهيب: طعم بالملعقة جلس يتلذذ ، خبيها بعد ما اتعشا نحلي

نور بمسكنه ودلع: ما افعل لك عشاء؟ قدنا تاعبه تجهيزات وحلويات

صهيب: شافعلش انا، قد من نفسي خورت اخورش طبخه بينفعلها

نور بفرحه: صدق

صهيب : صدق، اسير ابدل واجي
نور شلت الاكياس دخلتهن المطبخ، وجهزت له العده الي عيحتاجها للطبخ

صهيب دخل يلا يابرنسيسه شويه لو سمحتي عشان ابهرش بطبخي وحركاتي

نور : دلا علينا ياشيف حسن

صهيب ببهرره: من حسن!! تعرفي غيري طباخين؟؟


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

09 September 2023 23:35

@sanaaroohi2 🩵 الكنز المدفون ↴

ـ بارت 209

.
.نور :عادي قوي  طبعاً ، وشكراً لانك عادك بتاخذ رأيي.

صهيب: ياخي لو دريت اني تزوجتش من اول لحظة عرفتش وشفتش فيها

نور باستغراب : ليش؟؟

صهيب: لاني كنت ماشحكم عليش من بعيد، طلعتي لطيفه قوي، فكرتش شرسه مجنونه

نور: من قلك مش انا شرسه، انا اسد مع الي يستفزني، ولطيفه مع اللطيفين

جلسوا يتجابروا ويضحكوا ويكملوا فسحتهم..

بعد الشهر ( يوم جمعه)
عيال الجده كلهم عندها متجمعين شلو غداهم وسارو يونسوها

فؤاد: ايحين عترجع نور، ماخبارها

الجده :مالها شي الحمدلله، عادها اليوم سافرت المانيا، مع زوجها عمل عتجلس شهرين

فؤاد مبتسم: الله يوفقها ويسعدها

سمير : هذا قليل ذوق زوجها،مش فاعل لنا قيمه يتخايله البنت بلا اب واهل او ماهو

الجده مستغربه صيحت: مالك مابه؟

سمير: ما استأذن من رجال انه يشلها المانيا، عرفنا شهر عسل، بس مفروض ندرا

الجده: استحي ع نفسك لاتبدع بنا ويسمعك حد، ياسعم انها صحبته، يستأذن منك، هي مرته اين ماسار قدي بعده

سمير: هيا ناهي ، لو حصل شي بينهم لاعد تحاكيني بشي، لان شاقلش المره بعد زوجها

امه بضبح: انت لاتتدخل بها وهي ماعيقع بينهم شي.

فؤاد ضابح من سمير ليش رجع هكذا ، كان يجنن ع فلوس بس الان ماله ايش يشتي مصدوم فيه

بيت اهل صهيب..

خاله صهيب: ماشاء الله ماقد جو يعني

ام صهيب: مع ، ماعليهم خليهم ينبسطو ، احلى ايام هذه لاقد به جهال ولا شغل ولا شي، بعدا مسكين جاله عمل قال عيسير شهر شهرين حسب مايكمل المشروع

اختها: الله يوفقهم ، وكيف البنت يختي مرته ! مالها شي او من حق مشاكل

ام صهيب: يو والله انها بنت ساع النسمه،

اختها: ساع مرت ابني، جلست اتحيلا لها وادلعها لكن شافت نفسها علينا ، وذلحين جي ابسري كيف قدي ، نصيحه لاتدي لها وجه

ام صهيب: ما عد معي الا صهيب جنبي جنبي ، سعادته سعادتي ، ماشستفيد لو عكننت عليه، بعدا لو هي شوعه حين تبسر طباعي معها عتسبر، لكن الحمد لله لحد الان ، البنت على مافي القلب

اختها: يلا قدش اخبر هو حين انتي ياختي طيبه بس بينقلش توبهي

ام صهيب: ماحبش استبق الاحداث، ولاشحكم عليها، في النهايه هي مرته، انا مادخلني منها ابسر كيف هي واقيمها، لو عاجبه له يسدو

اختها: الله يجعلها على قدر نيتش طيبه وماتغثي لش قلب



في المانيا ..

نور: يو والبرد قوي قوي

صهيب : عاد عينزل بعد اسبوع ثلج وتبسري الجو يتحسن شويه

نور مبهرره: يتحسن !! ينزل ثلج ويتحسن

صهيب : ايوه، جلس يشرح لها


نور : خاوره اسوق اجرب فوق الثلج


صهيب: لازم بطايقش شاقطع لش هنا رخصه وتسوقي

نور : تمام ، شاقوم ارتب الشقه عشان زميلاتك الي عيجين


صهيب: قدهن فارحات انش جيتي يتعرفين عليش





📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

07 September 2023 23:55

@sanaaroohi2 🩵 الكنز المدفون ↴

ـ بارت 207

.
.ثاني يوم ..
نور صحيت على هذا الجو، وصلهم الصبوح..

جالسه تصور ،خرجت العربيه وفعلت صوره على البحر .

صهيب صحي من النوم شافها مابحد، خاف لو راحت البحر ، خرج يشوف وهي بتصور : انا ميت جوع ومرتي بتصور

نور ضحكت: تعال نصتبح هنا ابسر على جو

صهيب : يلا اغسل وجهي واجي

نور رتبت الاكل فوق الطاوله سوا

صهيب جا جلس: ايحين قمتي

نور: قبلك بشويه

صهيب شافها متشيكه وفاعله ميك اب خفيف ومسرحه شعرها خصلتين من الجوانب ظفرتهن للخلف وشعرها مفتوح ، لابسه فستان صيفي مورد شيفون رقيق

نور: ياصهيب محد عيجي قبالنا كشف؟

صهيب : لا، هذه المنطقه وقبال الشاليه كلها حقنا

نور : كم عنجلس هنا؟

صهيب: لما تضبحي وتقولي نرجع

نور : مستحيل اضبح

صهيب: هيا اصتبحي  والبسي  عشان يبدأ برنامجنا الترفيهي المجنون

في اليمن..

بيت الجده
كلهم عندها مجتمعين منتظرين نور تسير .

الجده: استودعتها الله، زوجها فعلها مفاجأه سفرها الخارج

سمير :ماعد كفاها البيت هذك بكبره ماقد جلست سوا على الاقل اسبوع

زوجته الثالثه: هكذا الناس يتزوجوا، احنا المفاجأه  الوحيده الي ابسرناها الرابعه .

عصماء بتشوف بسمه وهي بتضحك: لوتدري وين هي عتجنن

بسمه: اسكتي بس، قد عيقرح قلبهم لانها سافرت ، عاد لو يدرا عمي ونسوانه عيحرقوا

الجده وصلها اتصال من نور: حيا ببنتي و روحي، كيف انتي( حابسه دموعها) طمنيني مرتاحه بتاكلي سوا

نور بصوت مبسوط وفرحه: الحمدلله ، قوي قوي مرتاحه اتطمنوا، معي اضخم زوج في الدنيا

صهيب بيشوفها بنظرات وابتسامه حب.

الجده: الله يسعدش يصرف عنش كل عين خبيثه ( شافت سمير)



بسمه: الصدق، ماتوقعت نور الي عمرها ماتفكر بالحب ولافيها اي ذره رمسسه، تعيش هذا كله

عصماء،:الله یسعدها  والله انها تستاهل، نور انحرمت من اشياء عشناها ، يارب مايقع ساع حقنا، وقعوا حاليين بالبدايه، بس بعدين عرفنا طبعهم محد انخلق يدون عيوب

بسمه: یختی هذا مابش حب وفعلها اعظم من الي حبوا

عصماء: يمكن حبها

بسمه: ماكان بينهم حب يا عصماء تعارف عادي ساع اي اثنين مخطوبين

عصماء مستغربه كيف بدأت بسمه تغير من نور وتقارن...


بااكمل بقيه البارتات بعد ساعه


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

07 September 2023 23:55

@sanaaroohi2 🩵 الكنز المدفون ↴

ـ بارت 205

.
.ثاني يوم ..
ام صهيب بتودعهم

نور فارحه عشان رايحه البحر ، ودعوا ام صهيب وجده، وخرجت تسلم على جدتها وتودعها

نور وصلت المطار مستغربه: ليش ؟

صهيب: نسير بطياره احسن من الطريق بينتعب

نور فارحه: احلى شي نفسي اطلع طياره( كنت خايفه نخطى الطريق معقده من بعدحادث ابي وامي، كم مرات عمي يقل يسفرنا ولارضيت

صهيب: وكيف كنتي عتسيري معي في الطريق؟

نور : مدري حسيت بأمان معاك

صهيب تجمل من كلمتها كان ماسك يدها ضغط عليها بقوه يعبر عن امتنانه لها وكلمتها..
وصلت كملوا إجراءات السفر ومره بتسألها وين رايحين عدن؟ او مصر

نور هزت راسها ايوه عدن

صهيب ساكت طلعوا الطياره جلسها جنب الطاقه تصور

اول ما اقلعت الطائره

نور جلست تكركر جت لها حاله الضحك بسبب التوتر والخوف

صهيب يضحك معها

نور اعلى نقطه اقلاع جلست ماسكه يد صهيب بقوه:, يمااااه

صهيب: خلاص الان عتحسي نفسش ماشيه طبيعي ماعد بش الا وقت الهبوط والاقلاع

نور: جالسه ساكته مستغربه وضع السفر واذانها وتتلفت لها
صهيب قرر يغالطها  بيتجابر معها ويعرفوا بعض اكثر

صهيب،:ايش اكثر شي يستفزش او يضايقش ويعصبش
نور بتجاوبه على اسئلته الي بيعرف فيها شخصيتها اكثر : يعني اكثر شي اخاف منه ،  او يضبحني ، انه حد يهددني يساومني بشي احبه ،يعايرني

صهيب: من عيسخى عليش اصلا، جعله مكسر

نور: وانت؟

صهيب: اخس شي ويستفزني مقالب الماء والمنازفه تستفزني واعصب بقوه

نور : هممم

بعد ساعات وصلوا مصر، نزلوا المطار

نور:, طولت الرحله مش قلت ساعه

صهيب:, الطريق زحمه

نور : اوو يعني به طايرات خيرات

صهيب جلس يكركر: ما اسمجش صدقتي ، امزح معش، هيا عننزل الان

نزلوا ونور مستغربه شايفه ناس غير الي في اليمن، نسوان بشعرهن ولهجه غير : وين احنا ياصهيب؟

صهيب: كايرو

نور بهررت وبصدمه: منك صدق مش قلت عدن

صهيب:, فعلت لس مفاجأه

بعد معامله الوجهه الثانيه وإجراءات ،طلعوا طايره ثانيه

نور: وليشش طائره ثانيه


صهيب: عشان ننتقل للمدينه الثانيه

نور : اهاا

صهيب: عتتعبي شويه، بس الطائره هذه مريحه مش زي الطيران حقنا.

نور طلعت الطائره بتتفرج النظام والوضع غير كراسي مريحه حجز لها درجه اولى على طيران فخم : اخيرا قد فيني نوم

صهيب: بعد الاقلاع شامد الكرسي وامتدي

نور: لا في شاشات خلينا نتفرج

صهيب: يلا نختار فيلم ونشوفه سوا

نور: زي الفيلم الي شفناه بالتلفون
صهيب: بس ذلحين انتي جنبي

جلسوا يشوفوا فيلم ويضحكوا سوا،

صهيب بيصحيها:, نوررر،، نور

نور نكزت: هاااه، خليني ارقد

صهيب:  هيا وصلنا عتوصلي الفندق ترقدي

نور هي نوم مش مركزه ايش بتقول: مع انا مرتاحه هنا ، خليني ارقد


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

07 September 2023 23:54

@sanaaroohi2 🩵 الكنز المدفون ↴

ـ بارت 203

.نور بتشوف صهيب كيف بيعامل جده بحنيه واهتمام ومزح

ام صهيب: ابسري ماشاء الله على ذاكره معاهم رغم قد عدو الميه سنه

نور بتعجب: ماشاء الله تبارك الله، يديلهم الصحه والعافيه يارب

ام صهيب: وانا اشل الحاجه وهي في يدي وانسى وين طرحتها

نور ضحكت: والله اننا هكذا اوقات

صهيب شاف نور : انتي في حد شاغل عقلش

نور استحت من امه بهررت له

ام صهيب بتشوفهخ وتضحك وفارحه بهم : هيا نور كلي

نور مسكت الخبزه ومستحيه بتقسمها صغار

صهيب: هيا لاتصتبحي صبوح عرايس و دلع، ورينا حقيقتش

امه: خليها على راحتها يابني مستلمها من حين نزلت

نور بتضحك نفسها تتليقن بس مستحيه من امه

ام صهيب بتقرب لها وتغرف لها : هيا كلي سوا ماهو هذا الاكل او ماعجبش اكلنا

نور : الا

صهيب: رعاها الله ايام ماكانو بعض ناس يلحقوني باللقمه، ماذلحين شكلنا خلاص منسيين

امه ضحكت: انت مابش عليك خوف ، بس هي ابسر كيف بتلقط لقاط.

ام صهيب: لوما تحتاجي حد يانور يساعدش كلمي العاملات يطلعين يرتبين الدولاب وشنطش يساعدنش

نور : تمام

ام صهيب: عيجو يتغدوا الاهل، لو رقدتي ذلحين شويه، وبعد العصر ، عيجين نسوان

صهيب : هيا ناهي، كمل العرس مايشتين هولا النسوان واصل سيره جيه ، قد ابسرين مرتي اكثر مني

نور بتضحك عليه

امه: يو يابني هكذا بنفعل

صهيب: افعلو انتو ماشتيتو، انا ماشسمح لها تنزل

امه: خلاص قد التغى الثالث بسببك

صهيب بهرر لها لاتتكلمش

نور مش منتبهه لهم جالسه بتشوف الشاي وتذكر جدتها كيف تشربه وكيف يعجبها وسارحه بتفكر هي غاثيه عليها او لا بتبكي او لا

صهيب: يهيي ما نور مطننه في وادي ثاني

نور لفتت لهم: عفوا ماسمعت

ام صهيب: خلاص اتفقنا ينزلش شويه عندنا وبعدين المغرب يرجع ويشلش علينا

نور : تمام

ام صهيب: حاكيت اهلش كلهم

نور فرحت عتشوف جدتها : تمام..

صهيب سبقها طلع يتصل لواحده، اول ماسمعها طلعت قطف الكلام بسرعه وقفل.

نور شافت الشنط يحتاج تجهز لها ملابس للعصر..

صهيب: مالش بتعدي حجره بقره

نور: جالسه اخمن في اي شنطه فعلنا الفساتين

صهيب ضحك: طيب جي اجلسي انتي ناوليني وانا اعلقهن، وقدو نجهز شنطه صغيره عنسافر بكره الحديده

نور فرحت ، كم كان نفسها تسافر بس عشان جدتها بتتعب في الطريق..: طيب

جلسو يرتبوا الملابس

صهيب: ليش هذا الثياب كله، خيرات، عتحصل ازمه او حرب او كيف

نور بتضحك: كسوه عروسه

صهيب: طيب عروسه ماقلنا شي، بس ليش من كل شي كميه

نور: عشان تغير وتنوع

صهيب: ناهي من منعكن تنوعين، بس حسستيني ماعد عتشتري ثياب ابدا

نور: اصلا تخيل توصل عروسه وتمكنه اشتري لي اديلي اشتي ،

صهيب: قدها مرته مافيها طيب، قدها مسؤوله منه
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 September 2023 23:44

@sanaaroohi2 🩵 الكنز المدفون ↴

ـ بارت 201

.نور متفاجئه بأبتسامه وفرحه: منك صدددق؟؟ بس عادنا ماكملت

صهيب: تكملي وتبدأي وتشتغلي في عيادتش افضل، لو تشتي تنجحي بحياتش تعلمي تشتغلي وتشتهري وتكبري نفسش بنفسش قد يكون شغلش المتميز وشهر عياده الشخص الي بتشتغلي عنده التعب لش والشهره والربح لمركزه.

نور مبتسمه : تسلم قوي ، مش عارفه كيف اشكرك

صهيب ضحك: بتكلميني كان عادحنا عيال جيران ، قدش مرتي ،شريكه حياتي مافي داعي تشكريني، كوني مبسوطه معي وبس
نور بتشوف المفتاح ومش قادره تعبر وتقول شي .

صهيب : ايوه ، باقي اسمها عليش ، سميها الي تشتيه من وقت ماتبدأي ونعلق اللوحه مش الان

نور: نرجع نفكر انا وانت اسم حالي

صهيب: مابش احلى من اسميش سميها النور عيادة النور

نور ضحكت: حسيت الاسم محطه ماء مش عياده
صهيب جلس يضحك

في بيت الجده..

الجده دخلت غرفه نور وهي هادئه طافيه فاضيه، حست بغصه وحزن جلست فوق السرير بتبكي
جت بسمه وعصماء ولعين الكهرباء يواسين جدتهن، بمزح وضحك ويتذكرين جنان نور وايش كانت تفعل وقصص الجني الي طلع صهيب ولما فكرنه مجنون ولحقهن

الجده مسحت دموعها وجلست تضحك، وتحكي لهن عن شقاوتها وهي صغيره وايش كانت تفعل لجدتها من مقالب..

بسمه شافت جدتها قد بتنعس بعد ماضحكن وجابرتهن، خلنها ترقد زي ماكانت في سرير نور ، دفتها بالبطانيه عصماء وخرجين الثنتين يتكلمين ويحشين على نور وكيف عتكون معه مجنونه مثل طبعها وعفويتها ولا عاقله وهادئه مثل مابتسير بيت الناس معزومه..


ثاني يوم ساروا اعمامها يسلموا عليها ويباركوا لها..

سمير بيطلع الدرج لشقه نور وهو يتلفت للتحف واللوحات والمفارش

فؤاد بيشوفه بيتاخر وهو يتفقد ويلمس ويتاكد من خامه كل شي: هيا اخي اطلع مالك

سمير طلع: انتي داري هذا البيت غير قيمه الارض وقيمه البناء، كم عيثمن الاثاث وحده عيطلع بقوله

اللوحات هذه مش من هنا، والمفارش مفارررش تغرس رجلك فيها

ابو عصماء: الله يهديك ياخي مش وقت لحد يسمع

سمير: من عاد عيقدر يسمع تارسين الاثاث ترس في الدرج قدها كاتمه للصوت ، بنت اخوك محظوظه زوج وجدتها في جيبها و عملها يدخل ذهب واحنا مامعنا الا نسير نسلم ونجي نسلم

وصلوا شقتها دخلوا..

نور كانت لابسه فستان أنيق والذهب ومكياج خفيف دخلتهم الديوان

صهيب جلس يضحك عليها ويأشر لها  اشر بيده جهه يمين

نور على مابتفتح الباب: المطبخ ، انحرجت شافت صهيب بيضحك ضحكت

فؤاد: سهل سهل عاد انتي لوما تعرفي البيت سوا

نور بتضحك مستحيه: نسيت ( مشيت على ماشر لها صهيب)

صهيب: كان يشتي هو الي يدخلهم بس شافها فتحت حب تستقبلهم براحتها وتضيفهم هي بيتها..

دخلوا الديوان

فؤاد فارح لها من قلبه على كل شي هي فيه..
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 September 2023 23:44

@sanaaroohi2 🩵 الكنز المدفون ↴

ـ بارت 199

.
.نور ضحكت: عادي لو اجي هكذا، ماعتغيرش اصلا عليا عادك عتستحي اننا مرتك

صهيب: امانه سلفي سريع

نور: والله ماعتبسر منظري اليوم الا بعد ما قد انا عندك ،

صهيب: والله مابسر الا ذلحين

نور: صورت بس ارجلها وهن مربطات والمشمع( بلاستيك) باين منهن وحولها قماش عشان النقش يعرق

صهيب جلس يضحك رسل لها: خلاص شاسير الجوله ابيعهن، واطرحش باب الجامع على طريقي تجمعي لنا قرشين

نور جلست تكركر وتضحك...

بعد صلاة الفجر رقدين وقد جهزين شنطها وصورين وبكيت نور انها اخر ليله عند جدتها باقي الايام عتكون مسيه  زيارات

الساعه ثمان الصبح قامت من الازعاج والبرع وصوت الزفه ملان الحاره

قامت معصبه ماشبعت نوم رسلت له رساله : ياخي ازعجتونا يومين مابنغمض ساع الناس جنان من صباح الصبح

صهيب ضحك: مابش رقده ماصدقت يجي اليوم ويطلع الصبح يلا لفلفي شنطش وجيتي

نور ابتسمت : طيب عتخلوها للساعه عشر نشتي نرقد

صهيب: واحنا نشتي نفرح انا عريس لاحلى عروسه في صنعاء كلها

نور  ضحكت: خلاص غني بس.

كانت اخر رساله بينهم..

صهيب انشغل بالبرع حق الصبح وخرجوه دوره، و رجع غدا مع المعازيم وبعدها مقيل و زفه


نور راحت الساعه ١٠ الصباح الكوافير

البنات في البيت بيرتبين بقيه اشيائها الي عتحتاجها وتلبسها وشويه يواسين جدتهن..
العصر بدأين يجين نسوان الحاره ومعاريفهم

وصلت نور بعد صلاة المغرب دخلت غرفتها

بسمه: هيا ع ماتفقنا

نور بفرحه: ايووووه

عصماء،:, ايش اتفقتين؟

نور: مش وقت النسوان قد ابسرني يوم الثلوث، خليني اطلع ابسر زفه صهيب

عصماء: يوو لازم تتجهزي وتلبسي الفستان ، بعد الزفه عيجو بابا واعمامي يخرجوش

نور: هيا وانتي،هو الا فستان، شالبسه بساعتي نص الزفه اهم شي ابسر

بسمه: طيب كيف نهربش من بين النسوان

عصماء: اخرجي قلي لهن طريق بابا يشتي يطلع الديوان

جلسين يضحكين ع خطتهن ونفذنها ، اول ماطلعين

بدأت الزفه والميكوفرنات

نور كان قلبها يدق شافته غير كل الايام الي شافته فيها
( وسيم وانيق وهيبه باللبس الي لابسه ) و رقص معهم

جلست تصوره وعيونها ملان دموع انها عتفارق جدتها والبيت، وانها. عتبدأ حياه جديده..



نص الزفه الكل بيداعي ويصيح وينهن

طلعت ام بسمه تشوفهن بيتفرجين، هزأتهن

نور لبست فستانها وفتحين خصلات شعرها الي كانت مرفوعه رتبين الطرحه، وتبخرت ونزلت عند النسوان قبل مايجو اعمامها يخرجوها..

الجده جالسه قووويه وماسكه نفسها قدام نور عشان لاتزعلها وتحسسها بزعلها على فراقها


النسوان بيتفرجين نصهن بدأين يستاذنين يسيرين يسبقين بيت صهيب يشوفنها هانك

نور بتشاور بسمه: لو دريت مانزلت وقد عيبسرني هنا وهانك


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 September 2023 23:43

@sanaaroohi2 🩵 الكنز المدفون ↴

ـ بارت 197

.
.الأم لبنت حماها من باب الباب: صلي على النبي ، مالهم؟ خرجنا وهم بخير

بنت عم صهيب: اطلعوا ياعمه ابسروهم

وهم في غرفه الجد

ام صهيب: مالكم يا اباه سلامتكم

الجد: انا تاعب تاعب، فلتوني كلكم ، وخليتوني وحدي وانتو مرتاحين وانا وحدي

ام صهيب: بساعتنا سرنا عرس مرت صهيب مايسبرش مانسيرش وقد خليت عندكم البنات ، سامحوني، بس ماقلتو لي مابيوجعكم

صهيب طلع وبيقيس لجده الضغط : طبيعي قوي ماشاءالله ، قاس السكر، طبيعي
ام صهيب فرحت ان مابش شي وانه منه زعل انه لوحده بالبيت

صهيب: خلاص بكره بقعه جدي تتسبر راس الكوشه ولا شاتزوج الا وانتو جنبي

جده فرح: اخيرا وصلني الله لعرسك

صهيب: لكن لاتكونوا تفجعونا ، مش انتو تاعبين، بخير وماشاء الله ضغطكم احسن من ضغطي
الجد فرح

ام صهيب : انزل اجهز لكم العشاء واجي

الجد: قد تعشيت الحمدلله ، شارقد بعد ماطمنت انكم جيتو وانتو جنبي

صهيب جلس حنب راس جده يراسل نور، لما رقد جده.

ثاني يوم..

نور راقده

عصماء بتهزور بطانيتها: هيا نوررر قوووومي

بسمه فوق راسها :* نوووور

نور: يوووو خلاص خلصنا خلني ارقد قلدكن الله، مارقدنا الا فجر

عصماء: اليوم نصتبح سوا زي ايام زمان بدون معاجله، وقبل مايجو الرجال نودع الشجره

نور غطت وجهها بالوساده: شابعه

بسمه هزرت شعرها: قووومي اغسلي المثبت ، قومي المره عتجي تنقشش

نور طيرين نومها قامت جلست فوق السرير وقدها مشعفله

صاحين : ياساتررر

نور بترجع شعرها من قدام وجهها

بسمه: بحجر الله كوني تسشوري قبل ماترقدي وانتي عند زوجش على الاقل شهر لما يتعود عليش

عصماء: اصلا عيفتجع عيفكر لمستش كهرباء

نور ضحكت: شلوكن صدق، مايكفي تنكزين واحد

بسمه: هيا  قدحنا جاوعات جي ابسري ع بقعه فعلت لنا

قامت معهن : اغسل وجهي والحقكن،

سبقين قربين الي باقي وجالسات مربعات مراعيات لها

نور خرجت وفاعلات لها زينه(غمازات) فوق شجرتها وفارشات والصبوح جبن ومربى وبيض وجبن وفاصوليا وملوح والشاي  وفواكه مقطعه وعصير

نور انبسطت ابتسمت : يووو انا فدالكن، عنصتبح وحدنا؟

بسمه: وحدنا يعلم الله ايحين نزيد نجتمع هكذا بدون ملاحقه  ازواجنا وبزا


اصتبحين جلسين يتكلمين ويضحكين ويعلقين على بعض ..الخ


الصباح خرج صهيب الحوش بيفتح باب سيارته ويسمعهن استغرب !!


صهيب رفع صوته يسمعهن : اصبحنا واصبح الملك لله، انا خاور الجنيه تدي لي قلص بن مثل حق امس ماقد اصتبحت

كلهن سمعين وضحكين

نور فعلت له سندوتشات، وسكبت له شاي حليب و رافعه صوتها: قالت الجنيه تديهن من فوق الشجره او للباب

صهيب ضحك ومارد عليها خرج ودق الباب..

نور مدت يدها وناولته

صهيب: ماشبسرش؟

نور: ماااشي..


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

14 September 2023 03:41

@sanaaroohi2 🩵 الكنز المدفون ↴

ـ بارت 225

.
.جدتها : مالش قدش هكذا متخشبه مابسر الا عيونش بيخطين يمين يسار، ياسعم ماعد بش تاج فوق راسش

ام صهيب ضحكت سلمت على الجده مسكتها وجلسين

نور جالسه بتشوف جدتها: كيف انا ياجده تغيرت

جدتها بتضحك : ماقدلها الا شهرين وشويه وقلك تغيرت لو تسير سنه عيتخايل لها مانعرفهاش، مابش فيش شي قمريه

نور : الحمدلله ، يعني انا بخير مرتاحه افتهنتوا

الجده: ايوه

ام صهيب: الحمدلله ، ماقدرت تتكلم تاركه الفرصه لنور

نور شافت عمتها وتأشر لها مافعل

الجده شافت ام صهيب: كيف انتي ماقالو لش تعاينتي؟

ام صهيب بابتسامه: تصدقي يا ام سمير، انا سرت اتفاقد ابني فعل حادث وله الحمد والشكر انه بخير كنت اقل شاوصل وهو ميت

الجده بهررت شافت نور: ماله زوجش يابنت ؟
نور بتاشر مدري من الخوف لاتتكلم
ام صهيب: فعل حادث

الجده: يو كيف هو ذلحين يو جعلش الخير صدق حين ماقلتي لي مالش ماتقلي لي نسأل عليه اتصل له

ام صهيب ابتسمت: قدو بخير الحمد لله ماكنا نشتي نقلقش قلنا نجي لهنا تبسريهم بخير وبعدا نقلش

الجده شافت نور: وانتي ماهو؟؟

نور بعدت المقرمه: انا رقبتي بس الحمد لله مابش فيها شي

بسمه وعصماء ماسكات وجههن يو يو يو
بسمه :, بينقل مالها

عصماء: جعلنا خير عليها هيا ها

الجده قامت جنب نور تتفاقدها بعدت البالطو: اسكه مال رقبتش يوو وظهرش ماله؟

نور: حزام للكتف  فعلت عمليه، وقدنا بخير وبينحرك يدي بس تشتي راحه ذلحين

الجده بكيت : والله ان كان حاسه ان فيش شي قلت ماعتختفيش وانتي من حين تزوجتي يوميه تسالي عليا

مرت سمير الثالثه بتسمع الي حصل وتكتب لزوجها

سمير رد لها: وانتي صدقتي التمثيليه حقها هي وامي، عاد امي اخطر من مستربن حين تفعل خطه وتكسر العين

جلسو يتجابروا ،. ام صهيب استاذنت و روحت تشوف صهيب والزوار..

الجده قامت تخلط خلطات واعشاب من حق الكسور والحوادث

نور بتجابر بنات عمها

بسمه: والله قلنا تغيرت البنت خلاص تزوجت وكذبت علينا بالتعهد هذك كله ولابسرنا شي

عصماء: كيف زوجش ذلحين

نور تنهدت: كان يجنن كنا ياسلام سلم، من حين فعل الحادث وهو مسكين انصاب راسه وجع ونوم ومايشتي ضوء ولا ازعاج واا اي حد عنده

عصماء: حين قدو بخير ، هذا كله سهل يشتي وقت يتعافى

نور: تقلي؟

بسمه: اكيد، شكلها عيوننا جلسنا نقول ماحد مفتهن الا نور وانه استغفرالله قد وقع فيكم هذا كله

نور : الحمدلله قدر ولطف وحين نجانا له الحمد والشكر

مرت عمها سمير الثالثه: والزلط تفعل دور لو مابش زلط عتموتي ، لكن احمدي الله كنتي في الخارج وافتهنتي ولقيتي رعايه

((معاكم ناس حاسده في حياتكم ؟؟))


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

12 September 2023 23:28

@sanaaroohi2 🩵 الكنز المدفون ↴

ـ بارت 223

.
.نور :خير ؟؟

جدتها: لحد يسمع

نور بدأت ترد بطريقه مبين انها ماتشتيش تتكلم قدامهم: هاا مم ايووا

ام صهيب انسحبت ترفع الاكل بعد ماكملوا

الجده: عمش الكلب هذا قد طلق الرابعه، وبيجنني يشتي زلط، انتبهي انتبهي تدي فلس عيجي لش بشكاوي مرض وموت وحبس، كذاب اتصلت مرته قالت انه كذاب مخطط مع الثالثه يفعل مشروع، ومع الاوله بيحانكها يدي بدل الثانيه والرابعه، يمين لو ادرا انش دريتي زوجش او اديتي له فلس او زوجش اداله لازعل وماسامحش

نور كانت ساكته بتسمع

صهيب شاف ملامحها زاعله وقلقه بيأشر لها ايش في؟

نور اشرت له يراعي : حاضر ياجده من عيني ولاتقلقو، والله مافعل الا الي قلتوه

جدتها: نور الله قلبش ورضي عليش هيا اوبهي لنفسش واتصلي لي ابسر صورتش اتصال فاقده لش شجنن عليش

نور معوجه فمها وبتلطم خدها وهي مبتسمه: من عيني حاضرررر. شاتصلكم فيديو لما احمل البرنامج..غلقت

صهيب بيضحك: من عينش الصغيره او الكبيره المزرقه


نور : من جبهتك جعل لي خير عليها هي وراسك

صهيب بيضحكء: ياساتر كيف الرد في طرف لسانش ،فضيعه

نور :بتحانكه بعيونها

صهيب: مالهم ؟.

نور ماعرفت ايش تقول: عمي سمير رجع يجننهم على البيت

صهيب: هذا لاذمتي يحبسوه يفتهنوا منه

نور : الله يهديه بس.. شافت عمتها خرجت قامت ومش داريه  ادكت على يدها صاحت ورجعت جلست بقعتها

صهيب قام مسكها يساعدها تقوم :يوو كيف انتي ماتفهميش قال الدكتور تمتدي تريحي فقرات رقبتش

نور : طيب اكل وانا ممدده

صهيب: تمينا ناكل امتدي

نور واقفه: اسير ابسر عمتي قصدي ماما وين سارو

صهيب رفع حواجبه: ياعلي ماما محلاها منش

نور تذكرت جدتها  فقدت لها دمعت:  هيا صهيب تباخر قوا، فقدت لهم اشتي ارجع

صهيب مستغرب: يو مش قلتي تشتي تتزلجي ونلف دول ثانيه

نور: نرجع نرتاخ شويه في اليمن وبعدت نسافر

صهيب: وانا فقدت جدي والله

نور سارت تشوف عمتها وهي بتمسح دموعها

عمتها ممدده راقده

نور قفلت الطيقان ودفتها وغلقت الباب وخرجت

صهيب كان وراها شافها ورجع مشي مع نور، خرجوا الحوش شويه

نور : تذكر ياصهيب لما كنا في الحوش

صهيب بيهز راسه: ايوه بدون ماينطق

نور بحماس: امانه قلدني حين نبعت للحوش حقكم ساع كل مره لما تقلدني

صهيب مش شايفها وهي بتتكلم بيسمعها وهو بسشوف الحوش وتفاصيله

نور: ليش بتدعمم بينحاكيك
صهيب: بينسمع طيب

نور رجعت تبتسم وتعيد الكلام: قلت لك قلدني

صهيب وقف: مره ثانيه مصدع قوي فلتها ودخل..

نور خافت لو الجرح فيه شي لحقت بعده قربت له وساده تحت راسه سحبت البطانيه ، شربت علاجك

صهيب هز رأسه ايوه وغطى وجهه

نور خايفه ماله هكذا مش عادته جالسه تدعي الله يطمن قلبهم عليه


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

12 September 2023 22:13

@sanaaroohi2 🩵 الكنز المدفون ↴

ـ بارت 221

.بعد ثلاثه ايام( خرجوا البيت )

ام صهيب في التلفون بتكلم اخت زوجها( عمة صهيب)
الحمدلله خرجوا اليوم، مغلاهم الاثنين قوي تاعبين وبيكابروا ويضحكوا محلاهم ، له الحمد والشكر الي لطف بلطفه

عمة صهيب: وماقال الدكتور طمنيني صهيب مابش ضرر

ام صهيب: ماشي الحمدلله الحمدلله ذاكرته تمام فعلوا له فحص نظر ، بيخطى تمام، بس قال يحتاج متابعه نرجع عوده ويبسروا لو كل شي تمام نروح

عمة صهيب: دام قد الخطيرات كلهن سلم منها خلاص مابش قلق

ام صهيب: ايوه الحمدلله ، يلا خاطرش اقوم اقرب لهم غدا يشربوا العلاجات

في غرفتهم ، نور جالسه بتحاول تبعد الرباط حق رقبتها ويدها مش قادره مراعيه لصهيب يخرج من الحمام يساعدها

دقت الباب عمتها
نور فتحت وهي على بالها صهيب: ساعه وا
ضحكت العفو ياعمه فكرته صهيب مراعيه له من اول

عمتها : هو في الحمام

نور : ايوه ضبحت اشتي ابعد هذه اغير ملابسي ولاقدرت

عمتها قربت منها تشتي تساعدها

نور محرجه من عمتها: خلاص تسلموا الباقي شاقدر انا

عمتها : قال الدكتور ممنوع ترفعي يدش، خليني شاساعدش..

ساعدتها بعدت رباط الرقبه والكتف واليد، فتحت الدولاب بتسألها ، ايش اديلش من ملابس

نور بتوريها وتختار، كملت تخرج الثياب: شكراً ياعمه

عمتها : خليني اساعدش قدنا مثل امش : ، وقلي لي ماما لو عادي، بينحنجش مثل بنتي

نور : حضنتها بيد: الله يحفظكم انا كنت اشتي اقول بس خفت تضايقو

صهيب دخل الغرفه : يهي يهي الي سرقت امي مني، الدلع والحب قدو لها

نور بتحانكه..

صهيب حس بتعب شويه جلس بدون ردة فعل لنور

ام صهيب رفعت الملابس والغرفة وخرجت : انا شاسير ادي لكم الاكل تاخرتوا العلاجات

صهيب : شابع مشتيش

نور : وانا مشتيش

ام صهيب: يو ، قوا لكم ياجهالي انا تاعبه نفسياً من الصدمه والفجعه عليكم، وتاعبه سهر مابينرقد من حين عرفت وقلبي ناكز، وذلحين عتقرحو قلبي مراشاه اكل وعلاجات مش الاثنين

نور : لو اكل صهيب شاكل

صهيب: شابسر لو اكلتي شاكل

ام صهيب شافتهم: هنيت لعيني بكم، جالسه اراشي ساعه وانتو بتغنجو ع بعض، الله يحفظكم ويسعدكم العمر كله ولاغير عليكم حال

خرجت وهي فارحه لابنها انه اخيرا تزوج واستقر ومقتنع وبيحب نور، فرحت حتى ان نور مهمته وبتحب صهيب دخلت تفعل لهم اكل وتجهز عصير..

في الغرفه..

صهيب حاسس بصداع

نور : يوو  فيني ولافيك

صهيب: مش انتي ناقصه، لو كانت الضربه وقعت في راسش انش ذلحين مجنونه رسمياً قد ستر الله

نور بنص عين ومزح : انت الي مجنون كنت بس بعد الحادث بينحسك عقلت كان راسك رجع مكانه

صهيب : صح راسي مربط بس يداتي احسن من يدش


مساء الخير اعتذر عن الانقطاع شكراً لكل من سأل وقلق ورسل🌹
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

11 September 2023 00:13

@sanaaroohi2 🩵 الكنز المدفون ↴

ـ بارت 218

.
.ام صهيب مسكت يدها: سهل يانور سهل يابنتي لاتزعلي حين قد فتح عينه، عيذكرش حبه حبه ابسري كيف ذاكر انش خطيبته، يمكن ماعرف ملامحش مع الحادث

نور هزت راسها ايوه وهي بتبكي

صهيب : ليش بتبكي ! ومن انتي ايش حصلش ! انتي يمنيه

نور بنبره رجاء وخوف : صهيب

صهيب : من هذه يا امه مالها اطوت روحي

نور ضبحت تشتي يتذكرها صميل : انا نور جارتك المجنونه نسيت تزوجنا وسافرنا المالديف وجينا هنا

صهيب: عيب عليش انا خاطب لاتقلي اننا زوجش

نور  شافت عمتها: خلاص خلوه لما يرجع يتذكرني ماشضبحه

صهيب ضحك: والله ماضبحش الا انتي يا مجنونه، ماصدقت اشوفش بخير قدامي من فرحتي قلت ابرقطش شويه مش قادر اعبر عن فرحتي

نور بكيت وبتضحك: سامج والله انك سامج ، مش قادره اضربك حتى مربطه

امه بتضحك : يو يارب لك الحمد ولك الشكر

صهيب شاف امه: وبعدا انتو الي يبسركم يقول جايين من حده تزوروني، يعني اول ماعرفتو جيتو !! ليش وجدي ؟؟

امه: جدك عنده عمتك، ماعد قدرت اراعي لي يومين ماذقت نوم مش انتو داريين على فجيعه وقعت لي مالقيت حد يعامل لي كنت انت كل شي مسكت يده تحبها

صهيب تأثر بأمه رفع اصبعه مسكها شاف نور واقفه: اجلسي مالش واقفه

نور : ماقدرش اجلس، يا اوقف يا امتد ساع المومياء الي فاولت عليا يوم النقش

صهيب ضحك نص ضحكه ونظره فيها حزن وكسره قلب عليها : افسح لش تجي جنبي بتتعذري يعني

نور ضحكت: مع ارتاح انت بس اخرج غرفه عاديه بعدا سهل

جو طاقم التمريض ينقلوه من العنايه لغرفه عاديه..

نور : عمه

ام صهيب: ها ياروحي

نور : جده دريوا بشي؟

ام صهيب: مع ابدا قلت لهم معي عوده بس قلقين عليش مابتراسليهم، عيخرفو لان انا والكل يومين ولا راسلت ولاطمنت حد نسيت

نور : مدري وين تلفوني

ام صهيب فتحت شنطتها خرجت التلفون: قلي لهم تلفونش ضاع لايقلقوا، وكلميهم من عندي

نور مسكت بيد التلفون وراسلت جدتها رسايل صوت وفيها رجفه بكاء حذفتها وعادت وحذفت، لما هدأت سجلت مقطع صوت..

جدتها ردت نفس الوقت وهي بتلاعن وتصيح: انتي هكذا كل مره تزغفي تلفونش والاحق بعدش ، كم مره اقلش اوبهي لفلفي تفاقدي ، مبورده تقرحي القلب،

صهيب بيضحك: سهل لاتزعليش، امهاتنا حين يقلقين ويحبين يعبرين عن مشاعرهن وعاطفتهن بعنف بس اعرفي انها محبه


نور وهي بتضحك: سهل اهم شي مايقلقوا، متعوده يقالعوني هكذا كانو يتصلو معي محاضره ماجاوب يقولو قد ماتت قد خطفوها، قد شرحوها

ام صهيب وصهيب بيضحكوا


صهيب بيكلمهم انهم يخلو غرفه نور. صهيب مزدوجه سريرين في نفس الغرفه

الممرضه بتفهمه: انها لازم تكون قسم العظام ، وهو قسم المخ والأعصاب

صهيب طلبها اسم دكتور يعرفه يشتي يكلمه


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

10 September 2023 22:34

@sanaaroohi2 🩵 الكنز المدفون ↴

ـ بارت 216

.
.ام صهيب : كانت عاجزه وهي مش قادره توصل لصهيب، كان مسهل كل حياتها، بتدعي يقومه بالسلامه ومايصيبه اي شي، يعيش كيف ماكان ولو مشلول اهم شي مايموت هو ونور..

رفعت السماعه تشتي تكلم جدتها ، خافت يحصل لها شي، ...
الجده جاوبت قبل ماتغلق السماعه ام صهيب

ام صهيب كانت سارحه بتفكر والجده بتجاوب: الووو

الجده: مدري مال السماعه بينقول الو ساعه، عمرش طويل عادنا شاتصلش

ام صهيب: ليش خير ، مالكم

الجده: مستغربه نور اليوم ولا رسلت ولا جاوبت ولاشي ، قلت لو قدهم راجعين

ام صهيب بتحاول تمثل انه مابش شي: يووه عادهم الا سافروا المانيا ماقد لهم نص شهر.

الجده: سهل يجلسوا كم ماجلسوا على عافيتهم لاقدهم بخير، بس استغربت ماقد قطعتني هكذا، اراسل ولا بترد ولافتحت

ام صهيب: تطمني مابش شي لو هم راقدين او خارج ، وانا اشتي اقلكم اننا مسافره، اشتي اسير معي عوده متابعه عند دكتوري وقدو امد الاقامه

الجده مش فاهمه شي في الاقامه وغيره: يووو فرحتيني حين عتسيري شاركن واطمن وانتي عندهم

ام صهيب بتمسح دموعها وكاتمه التنهاد والبكاء : اطمنوا ، باقي اكمل الحجز واسير وعمي عيجلس مع بنته عتجي عندهم

الجده: تمام، في وداعه الله تشتي شي او شي

ام صهيب: سلامتكم

غلقت واتصلت لابن اختها يدبر لها تذكره مستعجله ولو بكم ماكان وحجز لها ثاني يوم الفجر..


في المانيا في المستشفى..

نور خرجت من غرفه العمليات الغرفه ، بيكلموها الماني وهي ولابتفهم، تشتي تقوم تسير تدور صهيب وهي بتبكي

الممرضه بتفهمها وتشرح لها بالانجليزي اصابتها خطره ممنوعه الحركه عشان فقرات الرقبه والعمود..

نور بتسألها على صهيب

الممرضه مراعاه لمشاعرها: هو في قسم ثاني في غرفه مرقد فعل عمليه

نور : هو بخير؟؟ فيه شي

الممرضه: اصابات خفيفه والحمدلله بخير .

نور جالسه تبكي مش قادره تحرك يدها ورقبتها...

(( بتذكر اخر شي حصل وانه بسببها هي الي قالت له اسرع ))

وتبكي

في العنايه المركزه..

الدكاتره بيتكلموا ويشرحوا حالته: يعتمد على افاقته، لو صحصح من الغيبوبه عتبان حالته ايش حصل له فقدان ذاكره او عمى وغيره...


ثاني يوم الصباح..

سمحوا لنور تمشي وهي طلبت تشوف صهيب

الممرضه : ادخلي كلميه يمكن يتفاعل معش ونشوف مؤشراته الحيويه..



نور اول ماشافته كانت ترجف بكلها وتبكي مقهوره انها السبب ماقدرت تقرب وتكلمه كانت تحس عيلومها عيصيح فوقها، طيب لو كلمته ومافتح عينه عتنهار اكثر

الممرضه شافتها بتبكي ومنهاره مسكت يدها وبتمشيها دلا لاعنده

نور كل ماتشتي تنطق اسمه تبكي وتقول للممرضه: انا السبب


(( اعتذر على التأخير، مشغوووله بس قلت ان تأتي متأخر خيراً من ان لاتاتي صح؟؟))


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

09 September 2023 23:37

@sanaaroohi2 🩵 الكنز المدفون ↴

ـ بارت 214

.
.ام سمير: صدق يعووه برد قوي عليك هانك، ارجع وكف لك بطانيه وثلاجه لو بدينا عليك ندي لك شاي وقهوه تدفى

سمير : يمه بغير زبج ذلحين، بينتحاكى صدق

ام سمير: وانا من فرحتي بك شازبج، والله ان مني صدق ، احتبس مايقع بك، سهل فتره وخرجت

سمير : ياجناااه لليوم هذا، انا جيت وماعد بش معي اين اسير

امه: سير هزور الدنادش حق نسوانك وبيعهن ولا بعت نسوانك لو مابش منهن فائده وبعت البيت وقضيت ديونك

سمير: مالش قاسيه يمه هكذا بتتحاكي هكذا

امه: هذه قسوتك رجعت لك بيوم من الايام دخلت امك محاكم وشرايع وقاضي ومحامي او نسيت، بيعتني بيتي وخرجتني وخليتني ماسواش شي

سمير: وذلحين رجعتي بيتش ووراثه ومعش ملان الخزانات زلط

امه: من فضل ربي رحمني برحمته، مش منك، وانت خلي طمع الدنيا ينفعك

سمير اقتهر منها وخرج..

امه قلبها بيحز عليه مش ساخيه اتصلت لمرته الاولى بتسألها بطريقه غير مباشره عن وضعه واحواله وفلوسه

مرته : ماله شي ذلحين يشتي يدخل مشروع مع صاحبه بيدور راس مال

امه: غير الي قد دخل وفشل فيه!

مرته : مع ياعمه ماقد دخل عادو عيدخل بيدور عشره مليون

ام سمير: هوذا جا لاعندي قال دخل وفلس وعيسجنوه

مرته الاولى: اقلش بس قوا لاتقلي اننا الي قلت لش، هو فعل هكذا امد ترحميه وتدي له

ام سمير: ابن بطني وانا عارفه ايحين بيكذب وايحين صادق، حسيت و رزوعته وخرجته مقهور بس قلبي بيفحر قلت اتاكد

مرته: هيا قوا لكن لاتنسو وتقولوا اننا الي قلت

ام سمير: ماشقلش ولاشي.


ثاني يوم .



نور : من يصدق قدلنا مزوجين شهر واسبوعين، كانه كان امس

صهيب: اي والله

نور : بس كيف فعلت هذا كله الخطه وانت منشغل بالعرس كل شي كان مرتب ماشاء الله

صهيب: الي بتحجز لي كل مره، رتبت معها حجوزات الرحله كامله للمالديف بفندق بكل شي

نور : وايحين كلمت بنت من ورايا

صهيب مسك خدودها : عشانش  كلمتها عشانش ، عتبطلي جنان

نور بتبعد يده : ايوووه بس خلاص بس ماشزيد


صهيب: مجنونه

نور: انت

صهيب : انتي

نور: هيا نخرج

صهيب: وين نسير

نور : اي بقعه نتمشى حبستني بسبب المرض، ذلحين خاوره نخرج

صهيب: طيب البسي بس مابش ايسكريم من ذلحين تمام يابطله

نور : شادفيه

صهيب:, أقلهم يدخلوه ميكرويف او ايسكريم مشوي

نور : هيا ياصهيب بطل وانت ياسعم اننا جاهله

صهيب: خلاص مابش خرجه


نور : خلاص وعد ماطلب شي

صهيب: مع  انا قلت بارد بس مابش ولا اطلبي كل شي عيوني لش

نور : فديت عيونك

خرجوا وهي مبسوطه

نور: الشارع فاضي قوا اسرع وانا واققه هكذا( كانت واقفه في الوسط وراسها مم خارج سقف السياره


صهيب: بس يامجنونه ادخلي عيفعلوا لنا مخالفه


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

09 September 2023 23:36

@sanaaroohi2 🩵 الكنز المدفون ↴

ـ بارت 212

.نور بمحانكه: ايوه اعرف بس بالتلفزيون لمن انت الاول في حياتي
صهيب ابتسم بفرح وحب وتحمس من كلامها :لبس المريله وبيحد السكينه وشاف التجهيزات: اول مره حد يدلعني ويجهز لي هكذا بروفيشنال ( الخضار مغسلات في صحن ،والسكاكين باحجامها والقطاعه والطيسان .. الخ) و مزهريه الورد قدامه

نور: واصل شادلعك لو قد عتطبخ..

صهيب: لاتركنيش مش واصل واصل بس ع حسب المزاج

نور طلعت جلست فوق الطاوله وماسكه في يدها ورده على انها ميكرفون وبتصور بتلفونها: ايوه يا شيف احكي لنا خطوه بخطوه عشان اخبي الوصفه هذه لنور والجمهور

صهيب بلهجته اليمنيه (تشلي البصله هذه تفلعي ابوها نصين، وتقطعيها صغننه صغننه هكذا اها

نور بتضحك

صهيب وتحمي ام الطاسه وتفعلي زيت وارجمي البصل امد القتره هذك تطلع الطعم والنكهه..

نور جالسه تصوره وهو بيمزح معها ويضحكوا شويه يقطعوا الشرح من الكركره ويواصلوا شرح وتوصيل، لما قرب الاكل جلسوا يتعشوا سوا

نور : يو ماشاء الله عليك احلى فاهيتا طعمتها في حياتي مش مجامله من صدق

صهيب بكل ثقه: داري فعلتها لش بحب اصلا

نور بابتسامه ملان وجهها: صهيب ليحين عنجلس هكذا سمن وعسل ! كمل شهر العسل، قالو بتبدا المشاكل حق المزوجين اول سنه، وانا كل يوم بعد يوم بعد يوم بينحبك وافهمك واحس باستقرار معك اكثر

صهيب عقد حواجبه بسبب كلامها الاولوهو مبتسم من كلامها الاخير : من قال لازم مشاكل، مش شرط ، هو المشكله ايش اختلاف اراء بتبدأ في ناس بتناقشها وتتقبلها وتتقبل اختلاف الرأي وفي ناس بتفرضها فرض وكل واحد يعاند من جهته

نور : معقول انا وانت متوافقين هكذا ميه في الميه

صهيب: من ايحين واحنا اوقات بتوصل بنا ساع الجهال معانده، بس عادي بينتقبل رأيش وانتي بتتقبلي وجهة نظري

نور : صح،

صهيب ضحك ع سؤالها: مابتدوري ياذربه،  تشتي اقوم ابكيش ذلحين

نور : اتحداك ولا عتقدر

صهيب: صح ماسخاش ، ان شاءالله ماتبسري معي ولا دمعه

نور بدأت تعطس: امين

صهيب: يرحمش الله

نور : جلست بعد بعد تعطس

صهيب: استبردتي او كيف..

نور : يمكن

صهيب قام للمطبخ فعلها فاير وليمون وعسل: اشربيه

نور : يو وانت والكل ساع جدتي ، مايعجبنيش

صهيب: صميل

نور بترفع الاكل والعشاء: طيب خليه يبرد امد مارفع

صهيب شلهن من يدها الصحون: انا شارفع سيري البسي سوا لبس يدفي وشلي الفاير امد ماجي


نور رفعت معه وغسلت يدها وشلت القلص وهي بتشوفه بنظرات حب و امتنان..

غيرت ملابسها ولبست شي يدفي ،بدأت تحس بصداع وحمى دخلت تحت البطانيه..



.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

09 September 2023 23:36

@sanaaroohi2 🩵 الكنز المدفون ↴

ـ بارت 210

.
.صهيب ساعدها شويه و راح يلبس

نور : اين عتسير؟

صهيب: شاسير ابسر الخطه حق المشروع ونحدد ايحين نبدأ اشغل ، يعني اجتماع بسيط

نور : وانا ، عيجي وانا وحدي؟

صهيب: راكن تقدري تتفاهمي معهن، ومش انتي خجوله بالعكس لقنه، يعني مابش عليش خوف، انا خايف عليهن

نور في يدها بخاخ الزجاج قربت لاوجهه تهدده: خايف على من!!

صهيب شاف البخاخ الي في يدها مش لناحيته: خايف عليهن

نور رشت بالبخاخ وجا لوجهها

صهيب: جلس يضحك، فتح باب الشقه هرب وهو بيصيح عليهن هن

نور بتضحك ع المقلب الي وقع فيها ودعته وغلقت الباب و دخلت تكمل ترتب، وتتجهز وتلبس

في الإجتماع..

صهيب وصل وجلس يتكلم معهم وينسقوا ويعلملو خطه العمل

صاحب صهيب: يعني تقريباً المشروع عيحتاج سنه

صهيب : مش اتفقنا انه ثلاثه شهور، كمل شهر مشينا حسب الخطه

صاحبه: انت كمل معنا بس لشهرين لوقت التنفيذ عادي مش مهم نكونع موجود ، عنتواصل معك اونلاين

صهيب : ايوه تمام، يعني نفس اتفاقنا،


في شقتها

نور تجهزت لبست وصلحت شعرها ومكياج خفيف قوي رقيق، رتبت لهن للضيافة اشياء بتشوف الساعه سمعت الباب راحت تفتح لهن..

دخلين مجموعه ،  ٦ بنات من مختلف الجنسيات سلمين عليها ناولنها الهدايا ومبتسمات كل واحده بتعرف على نفسها
الا واحده سلمت عليها بدون ابتسامه او هديه وكأنها مغصوبه الجيه حتى ان ملامحها الحزينه خلت نور تركز ع اسمها بالذات

كلهن بيتكلمين كيف عرفين صهيب( صديقاات جامعه ، مجموعه طبق معها، مجموعه عرفها في المكتبه ، نور شافت الكل بيتكلم يتفاعل الا هذك الحزينه وانتي ياليلى من وين عرفش صهيب؟

ليلى تنهدت انا الي عرفت صهيب كنت عامله في الجامعه

نور ماحبت تحرجها اكثر وتسألها هي التفاصيل

بيحكين لها مواقف صهيب اخلاقه وشخصيته جاده ،وكيف كان ثقيل تعامله مع الكل، وكيف قدرت هي تلفت نظره.

نور مبتسمه وهي بتسمع ان كل اصحاب صهيب كان معهن فيهم حبيب او حد الا صهيب كان يرفض يبادل اعجاب اي بنت..

بعد ماخرجين و روحين..

صهيب وصل في يده مصاريف

نور فتحت له الباب وهي قالبه بدون اي ابتسامه او ملامح شوق او كلام كثير تشتي تقوله مثل ماتعودها يخرج وترجع

صهيب: مالش؟

نور شافته بنظره رافعه حاجب : مالي ؟ اديت لي حبيبتك بينهن لوسط البيت تسلم عليا وتبارك لي

صهيب ضحك: والله مامعي حد

نور : وليلى

صهيب تغيرت ملامحه خاف : ليش ايش قالت لش ؟؟؟

نور : ايش قالت ! وعاد لك عين تسألني انا !!  اسألها

صهيب : نور ، والله انها هي الي كانت بتدي رأيها ومشاعرها وارفض واقلها ماشي

نور ماسكه نفسها : ايوه وايش وصلها لاعندك وحبتك وهي مساعده لو تشتي تقنعني انها الي حبتك



📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

09 September 2023 23:35

@sanaaroohi2 🩵 الكنز المدفون ↴

ـ بارت 208

.بسمه: يالله ربي يسعدها يتمم على خير، اتمنالها كل خير، بس بينقلش لاتقع صدمتها مثلنا بس

عصماء: على الله، مايقع الا كل خير لنا ولها

شافت بسمه رساله من نور : فقدت لكن قوي ، خاوره وانتين هنا معي ، نجنن كلنا سوا،

عصماء شافت نفس الرساله لها كمان ، شافت بسمه: رسلت لش نور

بسمه : ايوه جبرها ،بتخورنا معها.

بعد ساعتين..

نور: اين عنسير

صهيب: نغوص تحت البحر

نور مبهرره: صهيب بغير جنان والله ماعرف اسبح

صهيب: سهل شاسحبش بعدي

نور: هيا صهيب لاتمزح

صهيب : يعني بعقلش حسستيني اننا سمكه، ياسعم اعرف اغوص، عندخل غواصه

نور: لو نغرق ؟

صهيب: عنوقع قصه مثل تايتنك

نور ضحكت : يعني قد جربت قبل امن؟

صهيب: لا والله هنا شاجرب كل شي معش لاول مره

نور : خلاص طمنتني...

دخلوا الغواصه كانت تشوف أعماق البحر منبهره بالجمال ، بتوريه بحماس ، السمكات

صهيب بيتصور هو وياها سيلفي ،

نور بتحانكه تخرب السيلفي تفعل حركات مجنونه

بعد ماوصلوا .

نور بعد ماسبحنا وكان في اعشاب احس عادهن بيخطين في ارجلي،

صهيب ضحك: تخيلي يربطنش ويسحبنش البحر وتوقعي حوريه بحر، وانا اشتغل صياد

نور بتضحك وتتنمر على قصته: ايوه وبعدين تصتادني وتحبني

صهيب سحب يدهل: ايوه وبعدين اشويش واكلش

نور شافت يدها: يووو والله لارجع ابرد اسنانك خليني اوصل العياده  اخليك اثرم..( بتفكر بينها وبين نفسها كيف تستقضي)..

بعد مارتبت ملابسهم ، شافت صهيب ممدد بيرتاح

خرجت كانت شايفه سطل صغير فعلت فيه ماء ، طرحته فوق الباب وهي واقفه وراه، دعته جا خرج يجاوبها

نور شافت الماء فوقها فجأه

صهيب مصدوم!!! : بيضحك دعيتيني توريني كيف بتمقلبي نفسش ؟


نور بضبح: مااااشي كنت شافعل لك المقلب وانت دهفت الباب لاعندي ، بدلع وضبح ( ماعه والله مادخلني قدو ثالث مقلب تفوز عليا)

صهيب جالس يتكركر على شكلها وخططها الفاشله..


خامس يوم..

جالسه الجده تتفرج فيديوهات بترسل لها نور ، على جمال المكان والغروب ، والغوص، وكيف طلعوا دراجات مائيه وهي بتسوقها

الجده بتتفرج وهي بتسبح الله في خلقه وجماله على المكان، وشويه تشوف نور بتسوق تقلق ياساتر احفظ بنتي..


شافت صهيب بيطرح لها ورده في الكوفيه الي لابساها : بتدعي لصهيب ونور


مستمتعه معهم وهي بتشوف تفاصيل رحلتهم وتطمن عليها اول بأول..


صهيب: نلف كمان الاسبوع هذا بقيه الجزر والفعاليات، وبعدها اشلش تبردي بعد الحما هذا

نور : وين؟

صهيب: معي عمل في المانيا، والان موسم ثلوج اشلش تكملي الفسحه وتتزلجي مارأيش


نور بفرحه وحماااس: اكيد موافقه عادك بتسألني


صهيب: يعني لازم اشوف رأيش ، لان يمكن نطول هانك شهرين
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

07 September 2023 23:55

@sanaaroohi2 🩵 الكنز المدفون ↴

ـ بارت 206

.
.صهيب بيضحك: هيااا نوررر وصلنا الطائره عتغلق عليش الباب

نور صحصحت قامت رتبت حجابها وقفت بتدور شنطتها حق اليد

صهيب: قدها معي شليت كل شي، باقي شويه واتحملش انتي

نور ابتسمت: كم لنا وين احنا والساعه كم ايش اليوم، احس قدلنا خيرات

صهيب: مدري علمي علمش ، رقدت وصحوني انحنا وصلنا

نور بتمشي معه: بس احس ياصهيب قدلنا خيرات صخ كانه يوم

صهيب: مع صلي ع النبي بس قلي رقدنا خيرات

نور نزلت وبتحس جو حامي شويه

وصلوا المطار ..
نور مستغربه : صهيب وين احنا ( قرأت لوحه ترحيبيه للمسافرين بوصلوهم مطار المالديف)..

صهيب كان ماسك يدها بيمشي معها

نور: بتقرا وتشوف فلتت يده ولفتت له بنبره متافجئه صاحت: صهيييييب ، احنا في المالديف؟؟؟؟


صهيب: انتي لو يخطفوش ويشرحوش ويسرقوا اعضائش مش انتي داريه بشي ، يعني شليتش مصر  ويتخايلش عدن، مدينه ثانيه وانتي هنا

نور بفرحه قاطعت كلامه حضنته : شكراً قووووي على المفاجأه الحاليه استوعبت انها خارج مش وحدها شافت الناس بيشوفوهم ويضحكوا ، انحرجت

صهيب بيضحك: جبرش وانتي ساع الجاهله

نور : فارحه بشكل مش مصدقه ايحين نوصل

طلعوا التكسي

صهيب: وصلنا اين تشتي تسيري

نور: نسير البحر ، انا شابعه نوم

صهيب: اديت البحر لاعندش انتي بدل ماتسيري له

نور مافهمت قصده بس لما وصلت الشاليه على البحر : جلست فارحه طرحت شنطها وخرجت على طول من باب الشاليه حقهم للبحر

صهيب خاف عليها تتهور وتدخل المسبح وحدها ليل، طرح شنطته والفلوس والاشياء المهمه في الغرفه، قفل ولحقها

نور واقفه بتتفرج وماسكه وجهها من الفرحه

صهيب مسك يدها بقوه وجري لداخل الماء

نور بتحاول توقف ماتشتيش: اخااااف، قوا ياصهيب راعي طيب اصبر..

صهيب بممازحه دخلها للماء وفلتها: باي باي نلتقي في عدن

نور بتضحك عجبها الماء : معرفش اسبح

صهيب دخل معها : الان بس تبعدي الخوره، بس الصبح على شروق الشمس شاعلمش السباحه سوا

لعبوا شويه تنازفوا دخلوا الشاليه، طلبوا عشا وغيرت ملابسها ، وخرجوا يسهروا على البحر

صهيب تشتي تطلعي هنا ( سرير من سعف النخيل مربوط من شجره لشجره)

نور: يو روعه بس كيف اطلع

صهيب تحملها ..

نور جلست تتكركر

صهيب مستغرب: مالش؟

نور: بينتدغدغ ، طلعت  وهو جلس يدهفها وهي تضحك وتصيح دلاااا، عتطيرني

صهيب: عتعقلي او مع

نور بتصيح: ماااااعه فجأه تذكرت جدتها قامت جلست: صهيب

صهيب: ها مالش؟؟

نور: جده يوو جدتي عيقلقو

صهيب : كلموهم امي تطمني ، شويه يوقع وقت مناسب عندهم ونتصل لهم

نور : تمام

صهيب: فرحت انش ترقدي، عشان لاتخرب المفاجأه

نور: كنت نوم، وقلت يمكن مصر هكذا ، بس لما قرأت اللوحه ماتوقعت


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

07 September 2023 23:54

@sanaaroohi2 🩵 الكنز المدفون ↴

ـ بارت 204

.
.صهيب: قدها مرته مافيها طيب، قدها مسؤوله منه طلباتها كلها

نور : مش كل الرجال مثلك ياحبيبي، بعضهم بينتقم من المهر الي دفعه لو تقله تشتي شي عيقلها وين المهر

صهيب: معقول ، مهر حقها المفروض مش تشتري له السوق بمهرها وتجي عنده

نور داخل نفسها ( يو لو يسمعين بسمه وعصماء لايجننين، الي يبست ماسكرتها وعايرها انها عادها حريوه مسرع عاد معها كسوه، ولا بسمه الي تشتي فستان خاص بالحمل وهو بيعد لها يوميا كم معها فساتين في الدولاب)

صهيب اي شي يعجبه من ملابسها ويناسب السفر كان يطرحه على جنب في شنطه فاضيه من شنطها..

كملو ترتيب،  صهيب دخل يتجهز لصلاه الجمعه ،خرج من الحمام شافها نوم قرب يدفيها ومبتسم بيكلم نفسه ، ذلحين هذه الجنيه من صدق قدها عندي

نور حست لما غطاها فتحت عينها وهو بيشوفها

صهيب نكز

نور خافت لما نكز : مالك

صهيب : وقفتي قلبي ،الله يسامحش بينقل قدش في سابع نومه بينقل هذه الجنيه قدي عندي من صدق وانتي فتحتي عينش

نور ابتسمت ورجعت تغمض بتنعس

صهيب خلاها راقده وخرج دلا يسير يصلي الجمعه في المسجد.

بعد مارجع دخل وهي نوم ، رن تلفونها خلاه صامت غلق الستاير ، ونزل يتغدا مع الضيوف اعمامه واخواله ..

نور قامت شافت الساعه ٣:٣٠ ، بتشوف مابش حد عندها..

غسلت وجهها وتوضت للصلاه، بدأت تصلي..

دخل دلا دلا صهيب تفاجأ شافها بتصلي: يو ايحين صحيتي ،

نور كملت تسلم من الصلاه: يو قد جين النسوان؟

صهيب مسك وجهه: ياهمتاه لهولا النسوان، ارقدي اشبعي نوم

نور: خزا من عمتي

صهيب: عادهم بيتغدوا ، اتصل لنازل يطلعوا غدا

نور: عادي شنزل

صهيب: لا، كلي ع راحتش بينشوفش بتخزي، حتى انا قد تغديت ، قلت اخليش براحتش، خرجي الوحش لي داخلش

نور ضحكت: اي وحش

صهيب: هذك حق الحوش المضاربه والخورات واكلكن اربعه وعشرين ساعه

نور ضحكت: يووو يعني مهما فعلت ماقدرش اتصنع الكياته، معي سوابق عندك

صهيب: ابدا ماتحاوليش تتعبي عالفاضي

نور شافت الشنطه: ياصهيب هذا خيرات اشله وهي الا الحديده

صهيب: مش خيرات، طرحت كل شي عجبني، طلعتي ذواقه ياجنيه

نور : من بعض ماعندك يامجنون، بتشوف صوره الي معلقه ليش كنت تبدع بنفسك وانت بهذا الاناقه والشياكه

دقوا لهم الباب دخل الغدا طرحه فوق السفره..

ام صهيب: قل لنور ، تكمل تتغدا وعتطلع لاعندها الكوافيره تصلحها ونزلت مستعجله

صهيب: تمام

بعد ماتغدوا ، شافها بتجهز ملابسها واكسسوارها، نعس و رقد

نور بتضحك كيف فاتح عين ومغمض عين وهو نوم ، قربت لقطت له صوره  نزلت خصله من شعرها فوق وجهه ونكز فتح عينه مبهرر

نور ماقدرت تمسك نفسها ضحكت وبعدت خافت: خلاص ارقد غمض عينك، فجعتني



📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 September 2023 23:45

@sanaaroohi2 🩵 الكنز المدفون ↴

ـ بارت 202

.
.
دخلوا الديوان

فؤاد فارح لها من قلبه على كل شي هي فيه ديوان ماشاءالله

سمير : واحد يشتي سياره داخل الديوان من كبره ومكرفونات امد الي في الطرف يسمع الي علاو

صهيب ضحك: عنجلس جنبك ياعم لاتتعب صياح

نور جلست جنب عمها فؤاد

فؤاد ناولها ظرف( طرح او رفد عن البعض يسمى) هديه العرس

سمير فعل نفسه مش مركز

ابو عصماء ناولها علبه خاتم ذهب

سمير داخل نفسه: قد البنت عيوقع لها ضغط فقرات بسبب الذهب الي فوقها واخوتي عادهم بيحملوها

صهيب خرج يدي الضيافه يضيفهم عصير وكعك ..الخ

نور خرجت معه

سمير بيشاورهم:كيف تحرجوا واحد وانا مابش معي

فؤاد ضحك ضحكه تعجب على بخله: صلي على النبي معك مدخول ايجار ست شقق اين بتجي بها

سمير: يلا اجمعها ، بعدين ماعد تفعل بحقكم الذهب والزلط قد البنت رقبتها عتقتلع امي خرجت لها الورث كله

فؤاد: مهر البنت سته مليون

سمير: الله واكبر ، شادي به اربع نسوان
فؤاد مستاء من تصرفه بيشوف اخوه

دخلوا نور وصهيب في يدهم العصير والمكسرات والكعك وهم سكتوا..

سمير بيشوف السقف والديكور: بكم عيثمن بيتكم لو بعتوه ياصهيب

صهيب استغرب من سؤاله ضحك: ليش عتشتريه ياعم

سمير انحرج : ماشي بس بينقارن ببيتنا حين ابتاع

صهيب ماحب يتفاخر ويدي مبلغ اكثر من مبلغ بيت سمير رجع يتعذر: مدري هم حسبوا الاملاك كلها سوا واقتسموا

سمير:  يعني هذا حقك وحدك

صهيب: ايوه

سمير مطنن ساكت بيتفرج

نور ضبحت من تصرفه مراعيه ايحين يستأذن يروح قبل مايبهذل بها..

سمير: بس ياولد خسرت قوي مهر وعرس مش اي عرس

فؤاد مصدوم تضايق منه قام وقف: احنا نستأذنكم معي زياره اسير ازور قبر ابي

نور ذكرت انه بيزور قبر ابوها وامها جنب جدها ، خرجت ادت الفل حقها والريحان والشذاب وبوكيه الورد وجت لاعند فؤاد وقدو نازل : ياعم تقدر تطرح هولا فوق قبر ابي وامي يمكن يحسوا او يدروا اننا عروسه وهولا حقي

سمير عصب من تفكيرها: استغفري الله، بتصدقي للكفار ان ارواحهم عايشه خلاص..

صهيب قاطعه بهرر لسمير وغمز له عشان نور لاتزعل :فكره حاليه قوي مارأيك ياعم فؤاد
فؤاد: من عيني تيه قبل تيه..

ابو عصماء مسك يد سمير وسحبه مشيو نزلوا ..

روحوا ونزلوا معهم يودعوهم للباب..

ام صهيب كانت تشتي تطلع الصبوح في يدها الصحن..

صهيب شله من يدها .

نور :, ليش عاد التعب ونطلع، نجلس نصتبح سوا كلنا

ام صهيب مبتسمه لها : ماشي اطلعي على راحتش  اصتبحي طالع تشتي ذلحين تشتي بعدا

نور : عادي وهنا مابش مشكله لو تشتوا

صهيب طرح الصحن وجلس: عيجلسو يتعازموا

امه ضحكت عليه رفعت الصحن و دخلتهم الصاله  عند جد صهيب وجلسوا يتصبحوا ..

نور بتشوف صهيب كيف بيعامل جده بحنيه

📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 September 2023 23:44

@sanaaroohi2 🩵 الكنز المدفون ↴

ـ بارت 200

.
.بسمه : سهل عتبسري العرس كله عنده

نور: انا مش منه، انا هاربه مشتيش ابسر جده وابكي عليهم.
( عينها امتلت دموع)

بسمه: بتبسريهم مشغولين دخله خرجه، جده يلا عندهم نتزوج اكبر فرحه،

نور هدأت شويه : بس شافقدهم

بسمه: احمدي الله خطوتين وانتي عندهم

نور جالسه بتوتر و زعل على جدتها :

دخلوا اعمامها سلمو عليها وعاجلوها تلبس سريع

لبست عبايتها وخرجين معها البنات طلعت السياره المزينه..

كان المخرجين الي جايين من بيت صهيب واقفين بسيارات في الحاره، والسيارات حق اهلها واعمامها وقرايبهم  ملان الحاره..

ودعت جدتها حضنتها
جدتها بكل قوه متماسكه لاتبكي بابتسامه وفرح بتدعي لها
قريت عليها الاذكار وخرجت، طلعت السياره حق عمها فؤاد في الحوش..

وخرجو فعلو زفه ولفه و رجعو. نفس الحاره وهم بيضحكوها

فؤاد: خلاص هيا نروح بيتنا

نور: هيا افعلو نفسكم ياعمو نسيتو

بسمه: بعدا عنبسرهم عيجو من فوق الجدر، سرقنا المهر وهربنا

الناس واقفين من بدايه الحاره يستقبلوهم فتحوا باب وحوش بيت صهيب ، دخلت سياره عمها الحوش وقفت باب بيتهم

نزلين وام صهيب والنسوان واقفات بيتسقبلين، شلين الشنط منهم حق نور..

طلعين نور وبسمه وعصماء ومرت عمها معها..

الشقه حق نور مرتبه مبخره مزينه بورد طبيعي والعشاء فوق السفره مغطى ..

دخلوا اعمامها معها..

طلع صهيب سلم عليهم ووصوه عليها وخرجوا

نور عيونها بتلاحق بسمه وعصماء..

خرجين

امه طلعت وبنات خالته وعماته يصورينهم ويحجرين

نور شويه نسيت لحظه الفراق وقت المزح ام صهيب معها ومع صهيب لطفت الجو..

نزلين بقيت هي وياه

صهيب لفت لها : ثلاث ساعات لوما تجي والبيت جنب البيت ، رعاها الله ايام النط والتقفاز من فوق السور

نور ضحكت

صهيب: ايوه اضحكي، مشتيش اشوف غير الضحكه هذه.
ايش النقش الحالي هذا ،

نور شافت يدها وابتسمت

صهيب: يوو نسيتي حاجه بيتكم !

نور: ايش؟

صهيب: الحمدلله مانسيتي ، بينقول لسانش خبيتيه ، مابش لقانه..

نور مبتسمه : يعني مش من اولها اتليقن خليني اجمعهن

صهيب: الله يستر، كيف الغرفه عجبتش؟

نور : ايوه ، وقعت احلى بلون ورق الحائط هذا غيرتها

صهيب وقف ومسك يدها: جي ابسري بقيه تفاصيل الشقه

نور شافت الدواليب : انا لقفت هذا كله

صهيب ضحك: وانا خليت ثيابي هنا بس من تهديدش يوم ماسرنا المحل( فتح الدولاب حقه اقل من حقها)

نور ابتسمت

صهيب خرج صندوق مربوط بفيونكه: تذكري لما قلتلش الهديه حق الخطبه يوم العرس

نور بابتسامه استفهام؟

صهيب افتحي

نور فتحت لقيت كرت فتحته: (( انتي البدايه لحياتي السعيده القادمه، حبيت اكون البدايه لش في مجال عملش المفتاح في الدرج حق عيادتش




📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 September 2023 23:44

@sanaaroohi2 🩵 الكنز المدفون ↴

ـ بارت 198

.
.صهيب بيعاندها شافت الباب بيندهف يشتي يدخل،

نور : ماااشي مش عشان مشعفله. عشان بنات عمي هنا

صهيب جلس. يضحكككك على العفويه كيف فضحت السبب ونفس الوقت خافت عليهن.. شاف في ناس في الشارع  سحب الباب : يلا انا شاخطى ماتشتو شي غلق الباب

نور جلست تضحك هي وياهن

بسمه : يووو يانور لو ابسرش صدمه عمره بعد جمال امس

عصماء: كله كوم وعيونها الي فيهن نص رموش ونص مهزورات

نور: مافعل مارضي يبعدين

بسمه: امسحيهن بزيت لوز بفازلين بمزيل مكياج.


نور: الان، جالسات يتجابرين دق الباب وصلت المنقشه وتشوفهن مفرشات في الحوش

المنقشه: وين الحريوه

نور برقبتها اشرت ع نفسها

المنقشه بهررت: ومابتفعلي في الحوي وشكلش عاد انتي ماقد تجهزتي؟ انا معي عمل قد قلت لهم...

بسمه قاطعتها: قد جدتي مراعيين لش بالصبوح من اول هيا ادخلي امد ماتسلمي عليهم وهي تتجهز تنقشيها

المنقشه هدأت شويه

نور دخلت شلت منشفتها وجريت للحمام

صهيب رسل لها: ادخلين من الحوش ولاتخرجين عيجو طباخين

نور بعد ماخرجت من الحمام: عيجو جنب جدرنا؟ واجهه بيتكم ليش؟

صهيب : ماشي قفا البيت بس صوتكن لايستمع بينغير

نور: اهاا ، تمام قد دخلنا جت المنقشه ماعد شاخرج ،

بعد صلاة العشاء ، وصلوا اصحاب وأهل صهيب والعشاء جاهز ، والمساعدين حق الفنان قد جهزوا السماعات والشاشات لنازل عند النسوان..

الحوش كله لمبات والعه والطباخين، بيقربوا العشاء للديوان الخارجي حق الضيوف ( ايام ماكان ابو صهيب يغديهم فيه)

نور مربطه يداتها وارجلها عشان النقش ، شافت البنات طلعين من الديوان يتشاقرين وهم في الطيرمانه( بتمشي زي البطريق تلحق تشوف معهن

جدتها قد لثمتهن ولبستهن وطفت الاضواء وشرطت يتشاقرين من قفا الستاره لحد يلمح

نور بتشوف معهن وطلبت صهيب عشانهن ( يفعل سماعه فوق الجدر من جهة بيتهم يسمعين

بسمه: افتحي الانستا حقش( فاعل بث مباشر لاصحابه ابسري وهو لابس معهم)

نور مربطه يدها فتحت نقش الرمز حق تلفونها بدقنتها وهن بيضحكين


البنات حولها مجمعات بيحجرين اول ماشافين صهيب،

نور  مبتسمه ومنسجمه معهن ومع صهيب ..

بسمه: مسكين قد رقبته مكسوره بالفل

عصماء: مفروض لاعد يلبسوه يبعدهن

نور راعين امانه واحده تكتب له رساله بدلي مش في التعليق ، لرقمه

بسمه: ما اكتب

نور: شاشلك الجوله بكره الصبح تسير تبيعهن الي فوقك هولا كلهن

جالسات يكتبين ويضحكين

متحمسات بيشوفينه مباشر عيفتح رسالتها او لا

صهيب اول ماحس بهزه في جيبه تلفونه الثاني خرجه وشاف الرساله وجلس يكركر وهن بيشوفين ويضحكين

جدتها ونسوان عمها بيضحكين ومستمتعين معهن بجنانهن .

صهيب رد لها: ماعتجيش تتصوري معي ساع ماجيت


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

05 September 2023 03:18

@sanaaroohi2 🩵 الكنز المدفون ↴

ـ بارت 196

.صهيب قرب رفع لها الطرحه بعد ما مسك راسها وقرأ الفاتحه، ودعا لها( يخليش لي اسعدش العمر كله) ومشي جنبها حاسس بفخر وسعاده وفرحه ،

نور ابتسامتها مافارقتها وهي بتمشي معه وينزفوا...

جدتها بتكلم بسمه: هيا ابسري الي في العقد قالعتنا، كيف ممشخره فارحه به

بسمه وعصماء بيضحكين على تعليقات جدتها..

الجده: بتدعي لها وتترحم على امها وابوها وداخل قلبها( يارب ترضى عني، سامحني لو قصرت في حق البنت هذه، يشهد الله قد اديت جهدي وحاولت افعل لها الي عيفعلوه امها وابوها لو عايشين)..

وهم فوق الكوشه..

ام صهيب وقفت بينهم الاثنين حضنتهم وبتكلم نور ( اداش الله لي بنت بدل البنت، الله يسعدكم ويتمم لكم على خير)

صهيب بيد لفها حول امه ونور ويد ماسكه يد امه وهم بيتصوروا..

خواته تصورين معهم وبيباركين لها وفارحات انها وقعت من نصيب اخوهن..

نور كانت عايشه في قمه السعاده هذك اللحظات مش قادره حتى تتكلم بينها وبين نفسها عن الاحساس الي حاسه فيه


فضيت القاعه واخر اغنيه غنوها الفرقه، المصوره روحت

الكل لابس مراعيين لهم يمشو

نور وصهيب فوق الكوشه بيتكلمو ويضحكوا

الجده بتكلم ام صهيب وهي بتتقعم وعيونها حمرا بتدمع: ايحين عيكملو المجابره، عنروح

ام صهيب ضحكت : شكلكم قد انتو نوم، شكلنا عنخليهم ونخطى

الجده: يو ياعقي مع بغير جنان

ام صهيب: بينمزح معاكم، بس ماسخيت الصدق اقول هيا

الجده: وانا قلت مدري مامعهم لاقد اعاجلهم

بسمه: بابا اتصل قال هيا

الجده: سيري ادي عبايتها ناوليها وبعدا سهل

صهيب شاف ادولها العبايه: ايش قد عنروح

نور: ايوه خلاص قدهم يشتو يغلقو القاعه

صهيب : طيب ادخل السياره حق للحوش

نور: قد عمي دخل سيارته يمكن

صهيب: يسيرو معه هم وانتي معي

نور ضحكت: ماينفعش

صهيب: كيف ماينفعش مرتي

امه كانت واقفه: ياحبيبي ماينفعش ، الا حين تجي عندك غمزت له( هيا لاتحرج مرتك)

صهيب: خلاص ماشروحش

نور خازيه بتشوف عمتها ومعانده صهيب

امه: خلاص شاروح معهم انا وانت اجلس

صهيب قام وقف بيصلح الكوت: الصدق العرس قوي معاجله كله، كل مادخلت انطردت

بيضحكين وهن بيسمعين كلامه

نور لبست عبايتها و روحت مع اعمامها بزفه وسيارات صهيب واهله معهم بيزفوا، وصلوا الحاره سوا بعد لفه الطريق والزفه والتصوير..

الشارع كله كان لمبات والعه حق عرس صهيب الي عيبدأ يوم السمره من بكره..


وصلين البيت كلهن تاعبات بينزلين الاشياء  و نور بتحانكهن، انا حريوه ماشعاونكن ، دخلت غرفتها طرحت اشيائها وشنطتها شافت عطر صهيب تعطرت به وغمضت تخيلته لما كان قدامها بيتصوروا مبتسمه ، بتبعد الطرحه والتاج والاكسسوار


بيت صهيب وصلوا وجده تاعب

ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi