•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 August 2023 22:23

@sanaaroohi2 🩵 الكنز المدفون ↴

ـ بارت 166

.
.الدكتوره : ممكن تسرعي عشان في حاله منتظره

زوجه سمير خلصت تربط اللثمه: والفيتامينات ؟

الدكتوره: ماشاء الله مايحتاج عندش زياده في الفيتامينات

زوجه سمير بهررت لها لاتبين ومسكته وخرجت بسرعه لاتخبص الدكتوره

سمير: ها ماقالت لش

زوجه سمير: كل شي تمام

سمير: مالش مش انتي فارحه؟ مصفره خرجتي من عندها ، او فيش شي ؟

زوجته: يو مع من الفرحه كنت شادوخ

سمير: العين حق لانفرح قوي يوقع شي بالجاهل خليش طبيعيه

زوجته فارحه من قلبها انه ماحس : صح كلامك

في الطريق

زوجته: اين عنسير، هذا طريق البيت

سمير: ايوه

زوجته: وثياب الجاهل؟

سمير: لوماندرا ماهو

زوجته: كيف صنفت تشلني فجاه بدون ماتقلي هكذا، وبعدين انا من الان وصاعدا اشتي دكتورتي مشتيش هذه

سمير : ولايهمش ، من العيون يا ام الولد الصالح

زوجته فرحت

دخلو الحوش

نسوانه جالسات بيتجابرين في الحوش


في مكان ثاني ( في السوق)

الجده :ما رأيكم في هذه الغرفه ؟

نور : يو هذه النقشه حق ورق الشجر قديمه قوي

صهيب شاف نور ضحك : بعدا عتبسروها ساع القرد بتتسلق اي غصن

نور ضحكت : زباج

الجده مطننه بينهم مش فاهمه

صهيب قرب يكلم الجده بصوت واطي على مغامره نور وتسلقها للشجره دائماً.

الجده : هي هكذا ولاتفهم كم حذرتها من ذك البقعه ولا تعقل

صهيب : ليش مالها؟

الجده: ماقد جابرك جدك؟ بيقولو مسكونه

نور بضحك ومزح على تفكير جدتها: ولارضيو يصدقو ان مابش شي

صهيب شاف نور : صدقوها، والله محد ساكنها الا هي ، طايرت الجن والأنس.

في بيت سمير..
وصلت مرته ماسكه خصرها بيد ويد ماسكه سمير : بتتفرجهن بزنط وهن جالسات

مرته الاولى: هيا وين ثياب الجاهل قلتي عتسيري تشتري له السوق بكله؟

الثالثه  ضحكت : شكلها اكلت ورجعت

سمير : مابلا عتطلع تلف اداتها هي الان ، وتخرج من بيتي طالق بالثلاث

كلهن انصدمين وقفين

مرته لفتت له: سمير ؟؟ مالك بسم الله عليك، !! من قد سحرتك عليا

سمير ضحك: المشعوذه حقش الي بتفعل لش ماء ، والدكتوره الي بتعلميها تكذب عليا ان انتي واحمه

مرته بتبكي : بتصدق الناس وانا مع

سمير بعصبية انها بتواصل كذبها سحبها من البالطو : ولا اقلش اخرجي بدون شي

مرته الاولى مسكته : اهدأ ، اطلع امد للبيت

الثانيه شافتهن محوشات وهي مطروده: والله لاوريكن واحده واحده، تأمرتوا عليا وخربتين بيتي



في بيتهم بعد ماروحوا من السوق

الجده في التلفون: مالها نور ؟ وماتشتي منها؟

سمير : قلك انها وارثه

امه: وانت كيف دريت؟

سمير: هذك اليوم بتتحاكى ويتخايلها ان انا مابحد وسمعت مجبرها، و الدكتوره قالت انها كذابه مش واحمه طلقتها ، وذلحين قولي لنور تقطع تواصلها بها تماماً


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 August 2023 21:16

@sanaaroohi2 🩵 الكنز المدفون ↴

ـ بارت 164

.
.نور بابتسامه فرح : ان شاءالله. الحمدلله انك جيت جلست أسألك ايحين عتجي ولاقلت لي، عشان تحضر حفل التخرج

صهيب: كنت اشتي افعلش هكذا مفاجأه

نور: احلى مفاجأه

صهيب: شاراعي لش خارج تمي عملش و نروح

نور خرجت تشوف مابش حد : عادو احسن ماجيت بالسياره اليوم مدري مالها مارضت تشتغل، خلاص يكفي اليوم حالتين

صهيب: يلا بنتظرش

نور كملت غسلت يدها وجهزت نفسها ومشيت هي وياه

صهيب : ايش حابه تتغدي

نور : انت ممنوع الان من الاشياء الساخنه والاكل الي يحتاج مضغ كثير، حاول سوائل

صهيب: تمام انتي تغدي وانا اتفرجش

نور مستحيه منه، وعشان مايقدر ياكل : لا ،من قلك عنسير مطعم جدتي عيصيحوا ،ماستأذنت وهم وحدهم

صهيب ماحب يحرجها اكثر : طيب

جلس يفتح لها اغنيه وهي ترد بأغنيه..

وصلوا قدام البيت بدون مايحسوا بالوقت والطريق مجابره وشوق

نور : ماشاء الله مسرع وصلنا

صهيب مشي شويه: ولايهمش نسير نزيد نفعل لفه

نور ضحكت: يو مع خلاص روح ارتاح لو تاعب بعد سفر و ضرسك

صهيب: والله مرتاح وانا معش. تصدقي فقدت لش تعودت عليش

نور : قدو باين لما قدمت العرس وتعذرت ان معك عمل وسفر مادخلت راسي

صهيب ضحك: في الاخير كملتي ماعاد باقي الا تطبيق وبحث وهذا سهل حتى لو انتي معي لاتهمي شي كانش بيتكم.

نور : ان شاءالله

صهيب: التاريخ الي حجزتيه حلو مميز

نور : ايوه بس المشكله اننا حجزت القاعه والفنانه ونسيت ان عاد باقي معي اشياء خيرات مدري الحقها او مع

صهيب: ولايهمش عنتعاون في المشاوير انا فرغت نفسي تماماً هذه الفتره من  اي ارتباطات واعمال، اشتي نرجع نخرج نختار الاثاث

نور: تمام

صهيب حسها مرهقه وبتتقعم تشتي ترقد: يلا نرجع البيت وحاكي جده يخرجو معنا بعد العصر بعد ماترتاحي نبسر الاثاث

نور : تمام عادي لبكره انت ارتاح اليوم

صهيب: ماعليش مني، معنا شهرين بس لازم نقطب امورنا


في مكان ثاني..

سمير: ليش بطنش مابتكبرش !

مرته: لاننا رشيقه ، وعادو مايبانش الا في السابع

سمير: بتاكلي سوا ، مش وقت الرشاقه اشتي ولد بخير

مرته حاسه بتأنيب ضمير انه فارح وانها ناويه تدي له ، طفل مش ابنه وتخدعه

سمير: بتسمعي

مرته هزت راسها

سمير: يلا قومي اخرجي معي اسير اشتري لش ثيابات الجاهل الي تشتي

مرته فرحت داخل نفسها( حين قد عيخرج منه شي الجلده هذا ، افرح المره تتشجع تكمل وتركن اني شاعيش ابنها احلى عيشه)


بعد ماخرجوا وطلع هو وياها عماره

مرته بتطلع الدرج معه : اين عنسير ؟

سمير شاف رجال طالعين نازلين بهرر لها: اصه

مرته بصوت واطي : اخيرا اقتنعت تستاجر لي خارج وحدي من طبايني لايفعلين بي شي

سمير ماسك يدها ودخل العياده


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 August 2023 01:18

@sanaaroohi2 🩵 الكنز المدفون ↴

ـ بارت 162

.الجده: صلي على النبي، ايوه ماهي شي ، قد كل شي غالي ،وعاد اعمامها عيساعدوها، قلي لسمير يجهز مليون

مرته الثانيه: ماهووو ؟ والله لو تشتي ابنش تقع له سكته قليله هكذا ، من اين له !

الجده: بدل مايدي بها. نسوان

مرته: قد كمل النسوان ماذلحين الا لو عيطلقهن اما انا قدنا ام الولد

الجده : ام الصبيان أن شاء الله مش الا ولد واحد ،

مرته الثانيه شافتها بنص عين ماعرفت هي دعوه لها او عليها..


بعد أسابيع ..

نور في العياده الي تابعه المستشفى مراعيه من الصبح تطبق دخلت واحده ، بتطبق وتشتغل لضرسها

مقفيه واقفه فوق سن المريض وراها الباب دق مرتين وفتح ودخل : احم احم..

نور سمعت صوت رجال بدون ماتلفت خلفها بتكلمه: انتظر خارج لما نكمل الأخت وبعدين عتدخل..

خرج وغلق الباب مراعي بعد دقائق

السكرتيره شافت المريضه خرجت بعد المعاينه  تشتي تدخل لاعند نور

اشر لها توقف يشتي يدخل هو

نور مقفيه بتعقم الاشياء وتجهز الادوات للمريض الجاي
مشيت للدولاب خرجت كفوف طبيه بتلبسهن وهي بتشوف يدها وتمشي للكرسي فجأه تشوفه انصدمت بهررت

ممدد فوق الكرسي وفاتح فمه ابتسم لما شاف صدمتها
صهيب: مفاجأه حلوه صح ؟؟

نور : الحمدلله على السلامه ، ايحين جيت، كيف دخلت ولاحسيت ولاسمعتك

صهيب: انتي بتقلفدي السكاكين والمقصات وتجهزي يدش تذبحيني كيف عتسمعي وتحسي

نور ضحكت: حسستني انك دجاجه

صهيب شافها بتبعد الكفوف: مالش؟

نور: فكرتك مريض لبست اعاينه


صهيب: ايوه انا جيت لاعندش سني بيوجعني ابسري ماتفعلي له

نور ضحكت : بتمزح!

صهيب: لا والله انه صدق ماتعاينت هانك جيت اجرب دكتورتي شاطره او لا

نور حست بثقه وحماس اكثر راحت تدي كفوف ولبستهن ويدها بترجف مستحيه ونفس الوقت تشتي تبين شطارتها قدامه لايفكر مش فاهمه..

تغلبت على خجلها وتعاملت معه مثل اي مريض : تشتي تعاين اسنانه قاطعها

صهيب: الصدق اخاف وفيني فوبيا من ابر اللثه هذه اكرهها معش حل !

نور ضحكت: معي حل الاطفال والعجايز الي مايتحملوا الألم، اول اشوف المشكله وبعدين ابره ماقد شضرب ابره ومش داريه ايش فيك.

صهيب : طيب

نور بتشوف وتفحص اسنانه،

صهيب حاسس بتوترها وخجلها يدها بترجف شويه ، وهي بتتكلم برجفه صوت خوف وخزا

نور : تمت تشوف اسنانه وجت عينها بعينه وهو بيتأمل في عيونها

نور بعدت العدسه حق الفحص : اغلبها سليمه بس في ضرس يحتاج حشو بس قبله طبعاً لازم كشافه اتأكد لو يحتاج سحب عصب وبعدين حشو ،

صهيب: افعلي ماشتيتي انتي اخبر

نور : ايش رأيك تسير لدكتور شاقلك اسم واحد شاط

صهيب قاطعها: ليش ماتعرفيش انتي ؟

نور : الا بس ماقد جربت الصدق

صهيب: وضرسي فداش
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 August 2023 23:37

@sanaaroohi2 🩵 الكنز المدفون ↴

ـ بارت 160

.
.نور بفرحه: يو جنه لها الحمدلله عيقع لعمي اخيرا جاهل

عصماء: الله يفرح قلبه

بسمه: ابسري كيف متضايقه مرته الاوله

نور: اكيد عتتضايق مسكينه الله يرزقهن كلهن

شويه وبتوزع لهن عصاير

بسمه شافتها بتطرح لكل واحده قدامها : خلاص هذا شاخليه قدامي انا والبنات نشتي قلصات بس

مرته الثانيه: ماشي انتين يعجبكن هكذا وهي حقها مش مسكر قوي

نور : ايوه اذا هكذا حقي هذا.. شلين لكن هذك

بعد ماروحت البيت

نور  وصلت تصلي وبتدعي لصهيب وجدتها ونفسها ،.كملت قررت تشكر وتبارك مرت عمها على ميزتها لها مستغربه كيف هي اليوم طيبه

مرت سمير فرحت لما شافت رسالتها ، رسلت للمره الي فعلت لها العمل : حلال فيش كل فلس ، يوو مش معقول اول ماروحت رسلت لي

المره: قلتلش امشي بعد خطتي تقربي منها بلطافه وعتبسرىي كيف عتوقع خاتم في يدش

مرت سمير: تمام..


ثاني يوم..
قامت فجر تصلي وتقرا اذكار الصباح و سورة البقره الي كانت مواظبه عليها اخر فتره كملت، وامتدت  ترقد وصلتها رساله

صهيب: انا وصلت الان، اكيد انش راقده ، بس عشان تطمني

نور ردت على طول: ماشي قمت اصلي الحمدلله على سلامتك

صهيب: الله يسلمش ، شاتواصل معش اول ماصحى من النوم

نور :, تمام.

بعد ساعات ...
وهي في الدوام بعد تعب وشمس وعطش
نور خورت العصير حق مرت عمها طلبتها الطريقة

مرت سمير: والله لاتجي لهنا تتغدي معنا وتشلي لش معش للبيت

نور : ماشقدرش والله جده وحدهم والبيت بعيد مسافه من عندكم للبيت

مرت عمها جلست تتحايل عليها شافت رفض نور ضبحت

ادت لها الطريقه ولخبطتها مش زي ماهي..

نور شلت الاشياء و روحت تفعل العصير

جدتها : ماهو هذا المهد ؟

نور : استغفر الله ياجده هذا كوكتيل موهيتو

جدتها: صرفو، ماهو ذيه، عيقب عليش العصير والليمون بقرشه وسطه

نور : مع يقع نكهه طعيم اطعموا

جدتها: مشتيش الجغص هذا كله، عيزكيكن عقلكن بس

نور ضحكت جلست تشرب مش زي حق مرت عمها ضبحت جلست تتذكر ايش نكهته مميزه قوي لذيذه.

بعد المغرب..
صهيب رسل لها ( ممكن اتصلش فيديو بعد ساعه، معي زميلات الدراسه اجنبيات يشتين يتعرفين على زوجتي

نور : وماكلمهن ؟ الماني ! ماعرفش

صهيب ضحك: يعرفين انجليزي ولو ماتعرفيش شاترجم

نور : ها الا اعرف انجليزي، يلا تمام...

خرجت من محادثته، ورسلت لمجموعه بسمه وعصماء
الحقني ايش البس بسرعه صهيب يشتي يعرفني على زميلاته اجنبيات عيتصل فيديو..

عصماء:البسي عصبه ولا تاج يمني

بسمه بتضحك بستيكرات على عصماء: ولا تلبس لثمه جدتي


( انا حاسه انا الي شربت العصير بدل نور، مابش مود كتابه بسبب انشغال خرجات اخر الاسبوع 🤣)


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 August 2023 22:11

@sanaaroohi2 🩵 الكنز المدفون ↴

ـ بارت 158

.صهيب: مالش زعلتي؟

نور: من ايش ازعل ؟؟

صهيب: اني عشت قبلش حياه ومشاعر عائليه من نوع ثاني!

نور : مع امك وابوك وجدك وجدتك؟ لا مايزعلش؟

صهيب:  و زوجه سابقه يزعل؟

نور : مايزعلش لانها سابقه ، بس يزعل انك جاي تتحاكى ذلحين

صهيب: طيب ايحين كان لازم اتحاكى، زمان! قبل ماتزوجها استاذنش!

نور : صهيب بتمزح او ايش

صهيب: ليش امزح! كلامي فيه شي! ماكنت متوقع او اعرف انش عتزعلي ان معي تجربه سابقه

نور : تعرف ليش مصدومه! لاني اكره الكذب والتناقض اول مكالمه لنا حكيت لي كيف كنت واحد مابش مثله وما عرف حب ولا دنيا ولا حد، زعلت انك ماكنت صريح من البدايه هكذا

صهيب: هذه ثالث مكالمه لنا ! بعني مازلنا بنتعرف عادي..

نور  شافت رده انصدمت فيه معقول !!! الي كانت تسمع عنه حصل !! معقول ان الاشخاص بيكونو قبل وبعد بيبانو !!
رسلت له( طيب نتكلم  بعدين ونكمل ننصدم قصدي نتعرف على بعض ، معي ذلحين شويه شغل ومذاكره)

صهيب : طيب، رغم اني حاسس انش زاعله، بس براحتش، عادي خذي وقتش تقبلي الموضوع وكلميني اي وقت تحبيه.

نور تنرفزت اكثر كانت مراعيه يقلها انه كذب : يلا باي . قفلت


صهيب رسل لها على طول وهو بيضحك: على فكره انتي الي قلتي و زوجه سابقه وانا مشيت معش اشوف كيف ، لا سابقه ولاشي والله كل شي قلتلش صح انتي الوحيده الي هكذا فكرت فيها



في مكان ثاني

زوجته الاولى مصدومه فيها اتصلت لدكتورتها الي كانت تسير هي وطبينتها عندها: يا دكتوره كيف حامل ! انتي قلتي المشكله مش فيني بس طبينتي مستحيل لانها هي كمان مستحيل تحمل لو حتى احنا عملنا اطفال انابيب هي ماتقدر، متاكده مالخبطتي تقريري عن تقرير طبينتي !  كيف هي حامل!

الدكتور: مستحيل هي حامل يمكن بتحانكش

الزوجه الاولى: والله انها قالت لنا ولزوجي وفرح وخرجها مستحيل تكذب

الدكتوره: اتحداها لو هي حامل اديها لاعندي.

الزوجه الاولى: طيب تسلمي.
قفلت وجالسه تفكر معقول ! بتكذب بس مستحيل تكذب وهي عارفه طبع زوجها !! لو يدرا انها تكذب على قلص ماء عيطلقها كيف تكذب في شي كبير مثل هذا وعيبان! بطنها عتبان ، شكت في الدكتوره بتفكر ترجع تعرف دكتورة طبينتها بدون ماتعرف وتحس.

بعد مارجعوا

الزوجه الثانيه: مالك ماتدخل ؟

سمير: اليوم دور العروسه( الرابعه)

الزوجه الثانيه تبرقطت خايفه حد يعبيه منها ويكذبها : مش هي عروسه خلاص كملت شهر، وبعدين انا واحمه بدل ماتفرح وتجلس عندي فتره الحمل كلها ( انت انحرمت المشاعر هذه

سمير: ايوه عاد انتي واحمه كما جا الجاهل سنه شاخلي دورش

مرته: انتي داري ان الزعل يسقط الجنين! لاتجلس تبرقطني

سمير : امانه صدق؟ خلاص شاكلمها وانزل لاعندش
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

24 August 2023 02:29

@sanaaroohi2 🩵 الكنز المدفون ↴

ـ بارت 156

.
.نور: جني، لانك اين ماكان تظهر لي فجاه ، في حوش في مكان في بيت في شارع في اشاره مرور

صهيب: احكيلش قصه

نور بتلعب بشعرها: ايوه احكي

صهيب: كان في اثنين حبو بعض تزوجوا خلفوا لما كبروا العيال وحس انها خلاص، مستحيل تتركه، قرر يصارحها بشي

نور منسجمة: ايش ،

صهيب: تخيلي طلع مش انسي! وجني متنكر بهيئه بشر !

نور: صهيب ، هذه خرافه صح!

صهيب: قصه معرفش صح او لا، بس قراتها ، ولما عرفت خافت قالت له طلقني، اخاف ع عيالي منك ،قلها انا ابوهم قالت اخاف،

نور: ايوه تخيل نفسك عايش مع جنيه

صهيب: قد تسيمخت خطبتها قلك اتخيل

نور: شلوك ياسين عليا

صهيب ضحك: بس الحب الصدق بيبان في المواقف هذه، اضطرت تقرا وتفهم وتدخل بيوت الجن عشان تنقذ زوجها الجني الي تحول لنسر وتقاتل معه اعداءه

نور: ايوه ما تشتي تقلي ذلحين؟

صهيب: انش لاتخافي مني حتى لو انا جني سهل

نور: مش انا ساذجه اصدق

صهيب: مادام هكذا يعني احكيلش قصتي الحقيقيه ماعتصدقيش

نور: ايش هي؟

صهيب: انا جني

نور: تمام قدو بختي جني ولا انسي قدنا مودفه على ذمتك

صهيب ضحك: شفتي تناقضش هذا احبه قوي ، خوافه شويه بس قويه ماتصدقي شي بسهوله تعجبيني

نور : وانت تبان ملاك وجنتل ومسكين ترحم الله ، بس طلعت محانك قوي

صهيب وهو بيكركر : حتى وصفش لي تناقض مدح و ذم.

نور : اصلا مابش ايش امدحك الا انك اديت لي دم ، كلمني عنك اكثر، ايش تحب ايش تكره ، كيف كانت طفولتك، كيف حابب تكون حياتك المستقبليه

صهيب : الموضوع يشتي له افعل لي قلص نسكافيه او شاهي ، و امخمخ لش، شاشلش معي المطبخ علميني.

نور: ماعلمك؟ انا معرفش الا قهوه قشر، وانت طلع من تبع اللاتيه والتوابع حقها

صهيب بيضحك: تعرفي لما تقلبي هذه القلبه ايش اتذكر !

نور: خير ياساتر

صهيب: اتذكر شكلش لما قفزتي الحوش بهذك الشعفله والنظرات مثل السرق الخايف

نور تذكرت الموقف وجلست تضحكككك

صهيب: لما تستحي اذكر رزانتش لما جيتو تعاينوا اسنان البنات في الدار، المهم انتي اخبر ايش تشتي اجلس اذكرش كلميني بنفس الطريقه

نور بدات تقلد الرقه والكياته تتمسخر: يتخايلك شافعل هكذا ساع البنات اول ماينخطبين او يتعرفين ، ماقدرش شاقلد بس شويه وارجع لطبيعتي بدون ماحس

صهيب: هذا الي عجبني فيش

نور: كل شي عجبك ، طيب يا روحي انسى الاشياء الي بتحرجني

صهيب: یا‌ایشششش‌؟؟

نور ذكرت حمرت صفرت مسكت وجهها: متعوده اتحاكى مع بنات عمي هكذا جحفه لهن ، هههه

صهيب: طيب عادي مش هي شتمه، بس فرحت قلت اتاكد سمعت صح او مع

نور: الا تطمن ع روحك بتسمع صح وتشوف وذاكرتك ديناصوريه ، احنا نتجابر وقت الحماس هكذا دائماً.


صهيب..

ت ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

23 August 2023 21:26

@sanaaroohi2 🩵 الكنز المدفون ↴

ـ بارت 154

.ثاني يوم الصباح..
نور خرجت بسيارتها من الحوش وهو واقف اول ماشاف افتتح باب بيتهم مشي شويه يشوف من شافها نور  ، وقف قدام بيتهم
نور بتطرق تشتي تخرج بتطرررق.. نزلت تشوف من !!

ملامحها تغيرت من عصبيه الى ابتسامه وهدوء :صباح الاستفزاز

صهيب مبتسم: صباح الورد

نور : طيب ياورد لو فاتني الموعد وسارت الي كلمتها تجي احشي لها، بينطبق ويالله لقيت واحده

صهيب: ماعتفعلي

نور: شاقلع لك اسنانك

صهيب ضحك: طيب في حد يسوق ومش شايف وراه !! ليش الخانه هكذا مغطايه

نور: عادي بينشوف المرايا

صهيب: لا ابعدي الي في الخانه الاشياء

نور: هولا اشياء اشتي ارجعهن حق ناس

صهيب فتح الخانه: عفوا شاتفيضل بس عشان سلامتش خليني اساعدش

نور بتشوف الساعه مستعجله

صهيب بعدهن شويه للجوانب عشان تستضي : اسف اخرتش، هيا اخطي ومش تسيري تحنبي ورا الحاره الثانيه

نور ضحكت: بتذاكر حياتي شكلك

صهيب رفع حواجبه يحانكها مبتسم: يلا سيري ، ولو حد عاكسش اصدمي ابوه، قدش على ذمه رجال مفهوم

نور بابتسامه وضحك من جنانه و مزحه : مفهوم ، طلعت واشرت له باي ومشيت

صهيب جلس يمشي بعدها

عند اول اشاره مرور ، جنب جنبها

صهيب رفع الاغنيه للاخير

نور مثل عادتها ماتلفت للسيارات الي جنبها مدعممه بتفكر فيه

صهيب بيطرق لها معقول مابتسمع ، قرب السياره جنبها وتقدم شويه عليها

نور شافت سيارته لفتت له اشرت له بيدها( مجنون)

صهيب بيهز راسه ايوه

جت لاعنده مسكينه: ياعم يارب يزوجك ،اديلي ميه

صهيب ناولها : هذك زوجتي سيري ادعي لها يارب يزوجش بهذا الحالي

المسكينه : راحت قالت لها نفس الكلام و زيدت يحبش ياعمه وانتي اديلي ميه

نور ضحكت ناولتها

فتحت الاشاره وكل واحد مشي من طريقه هو لف يمين وهي  يسار


جلست تنتبه للمرايات ماعد بحد مشي ، وهو يشوف في المرايات مابحدها ، مشيت توقعها تلف ، كل واحد حنب بالزحمه والطريق الي هو فيها..




في مكان ثاني ...

   زوجه سمير الثانيه بتتكلم مع واحده في التلفون: انا تعبت منه ايش ماقلت له سار هو تصرف من راسه و تزوج ولا تخارج بها ،وانا مابش معي شي، هذه المره قصدتش، اشتي منش اي شي اي طريقه اي ماء مقري عليه اتقرب من نور وتخليها تحبني وتتقرب مني قوي


السعر... ولايهمش ، ماعنختلفش ولو غالي شويه بس حرام بالله لو يطلع خرط ومابش منه شي لاسمع بش صنعاء وضواحيها واخليهم يجو يسلحبوش من وسط البيت ، ..

بضحكه متدرب لاتأذيها( هاا بينمزح معش بس) انا داريه ان ماعدبش بعدش ، شاركن عليش تمام


البنت هذه مزلطه من بيت من ورث من زوج من عملها ، كل بقعه مش هي بحاجه الزلط هذه كله ، يالله ولابتفهميني اشتي وتحبني وتستمعني !
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 August 2023 23:24

@sanaaroohi2 🩵 الكنز المدفون ↴

ـ بارت 152

.
.نور حست بزعل ( كانت تفقد وجوده في بيتهم، وماقد بش بينهم شي كيف الان )! : وكم عتجلس؟

صهيب:والله لو عليا لاقطب الدنيا في يومين، بس معرفش كم ياخذ مني وقت الشغل ، بصوت فارح اشلش معي ؟

نور داخل نفسها حست بفرحه لما قلها تسافر  بس رجعت ردت :( اكيد شاجي معك بالتلفون )

   
  في مكان ثاني، بيت سمير..
  
زوجته الثانيه : انت داري ان امك كتبت نص البيت لنور

سمير كان ممدد بيلعب بتلفونه فجأه قام  جلس : ايش ؟ من اين بتخترعي هذا الكلام؟

مرته: امك قالت لام صهيب  انها وارثه نص البيت

سمير : يمكن فشر نسوان، امي ماعتظلمنا
مرته: انت اجلس دافع بس لوما تبسر محد يعبرك ، اخوتك كلهم معهم نصيب الا انت

سمير : عارفه لو يطلع مشع من راسش هذا المجبر ،لاتخرجي من ذمتي

مرته بكل ثقه وغيره انه مابش معه نصيب : تمام ، كن صدقني بس

سمير: بينصدق وارجع اندم
مرته : انت بتصدق لنسوانك وتندم ولا بتحلى استمعني بس
سمير : مافعل بينسمعش مافعل؟

مرته: كل مره بتجي لامك بتهديد ومشاكل هذه المره استعطفها

سمير : بيسمعها ويقتنع بخطتها....

بيت صهيب..
جده : اخيرا استمعت جدك ، قلتلك صدقني ماعتندم، اخطب البنت هذه وشل البيت هذا من قسمه ابوك، ودور على الكنز هولا لو فعلتهن اضمن لك تعيش مرتاح

صهيب مستغرب اهتمام جده بجدة نور : ياجد ليش انت صممت عليهم و دائما بتوقف معهم و اوراقهم كانت معك؟؟

الجد : هولا ناس يابني عشره عمر من ايام شبابي انا وابوها كنا خبره وجيران ونقلنا واشترينا البيوت هذه سوا ، وهي بنته الوحيده والكبيره ،كانت فاهمه كل شي في الاراضي و الورق كانت تسير معه وتجي ، ابوها لما مات كان واثق بي وطرح الاوراق عندي كنت اكتب وصاياهم يعني مستشار حين كنت قاضي هذك الايام

صهيب : واستمرت صداقتكم كل هذك السنين

الجد: ايوه ، وقعت مثل ابوها صاحبه واجب ومواقف وماترضى بالظلم، اختلفنا اول ماشترينا البيوت هذه حول الاراضي تخطيطها تلخبط ماعرفنا مع من الحق لها ربع لبنه او لنا، و خليناه بالتراضي بطيبه نفس بدون مشاكل هذك السور الي بينقلك تحته كنز

صهيب: ليش مابسرتو وقتها ياجد لو في كنز

الجد: مادرينا الا بعد ماعمرنا وتقاسمنا ومحد صدق كذبنا، لوما بعد فتره ناس خيرات من المنطقه خرجو وقالو لقيو في بيتنا رموز عرضوا مبالغ على البيت يشتروها اكثر من حقها واحنا رفضنا شكينا لو هو صدق ابوك مارضي يهتم انشغل بعمله ومنصبه جلس يكبر البيت ولا يستمعني املي فيك انت
اتاكد قبل ماموت هو صدق او مع فيه كنز
صهيب: من عيني ياجد الله يديلكم العافيه وطوله العمر، بس قلو لي وين ادوره؟ المنطقه الي حددتوها قد فجرت لتحت الارض ولا لقيت


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 August 2023 23:24

@sanaaroohi2 🩵 الكنز المدفون ↴

ـ بارت 150

.
.١٥٢
نور بمزح : فيسات صدمه وشقاوه ، وانا كيف اعيش ،  تشتي تموتني اعيش بلا قلب !

صهيب:من غير شر عليش، ماعيقع بش شي قد بدأتي تشلي قلبي .

نور : ماشليته ،قطرتين دم و ذليتني عاد لو اشل قلبك يعلم الله ماعتفعل !

صهيب: خلاص شاستسلم وقتها ماعد شاذلش .

بسمه وعصماء اتفقين وبيتشاورين عليها ( سحبين تلفونها)

نور ضحكت: مالكن

بسمه: مالنا امس سكتنالش واحنا مراعيات، واليوم مفلتات ازواجنا وانتي جالسه بتترمسسي

نور: ايش من رمسسه بنتقالع

عصماء : ابسري الخرط حقها، وريها كيف كانت تفعل

بسمه بتقلدها تبتسم وترجع تعقد حواجبها وترجع تبتسم بخجل

نور ضحكككت : يخ الله يقلعكن كيف بتزيدين بها،


بسمه فتحت مع عصماء موضوع نسوان عمها : ابسرتي امس كيف جلسين يتخيبلين نسوان عمي سمير لأم صهيب ؟

نور: ماهو! مافعلين!

عصماء: اكيد الثانيه صح!

بسمه: مابلا الاولى فتحت الموضوع وهن كملين

نور قربت و تربعت تسمع : ايش تكلمي

بسمه: بتجابرها مرته الاوله ليش ابنش ماقد تزوج ومدري مه، كان عتزوجيه حين هو في الخارج مادراش الولد خبرته يزيدوا عليه ، جاوبتها وهي منزعجه من فضولها ( نصيب)

نور: ايوه !

بسمه: رجعت قالت لها، نور ساع بنتي اصلا ،الصدق مشتيش شي يغثيها ولا تدرا بشي لو به شي

قلبت ام صهيب( مابتبسري او سامعه عننا ياسعم)؟

الثانيه رجعت ياسعم تصالح الوضع:( مابلا من حنجها ياسعم بتسأل اعتبريها امها عادي ماسمعنا الا كل خير الصدق ولا ماعنوافقش، صح ان بنات هذه الايام طماعات وماعد بيعجبهن ويرضين الا بالمزلط لو يقع كيف ماكان ، بس بنتنا مش هي هكذا)

عصماء لطمت وجها: يعو والفعله

نور: مالكن ماتحاكين جدتي

جدتها جاوبت : قد تحاكيت انا وسكتهن كلهن، قلت البنت مرتاحه قدي وارثه نص البيت، مابتدورش الزلط، وان هو على صهيب مابش احسن منه واخلاقه واهله ، لو ماعد كلمتي ان امه عتقرح


عصماء : هولا مفروض عمي يفعلهن حر ،يطرحهن فيه.

مش هن حق عيشه وعالم،

نور بضبح :, الحمدلله ان جدتي سمعوهن و ردوا، لو خليناهن وحدهن ان قد خربين الدنيا.


عند اصحابه

صهيب مبسوط وبيجابر وحماس عكس اخر فتره شافهم فيها

صاحبه : كيف الخطبه ياصاحبي شكلك مرتاح احسن من الخطبه الاولى

صهيب تغيرت ملامحه: ياخي مابش مقارنه صلي على النبي

ان اعتبر نفسي عادنا خطبت ذلحين، ماهذك من اولها طلاق مش خطبه

جلسو يضحكوا

صاحبه : الله يسعدك هذه الفتره احلى شي عترجع من بعد تقارن وتقل رعاها الله ايام الرمسسه والهدوء والاشياء الي حاليه وبس تبان

صهيب داخل نفسه : بيحصل عكس الي بيقوله عفويه نور  ولقانتها جنانها تذكر موقف تشنقعت فوق الشجره ومبتسم وهو بيذكرها بينه وبين نفسه


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 August 2023 23:23

@sanaaroohi2 🩵 الكنز المدفون ↴

ـ بارت 147

.
.نور : صباح الخير ، ويومك احلى .

صهيب: جهزتي الصبوح؟

نور : مزري ماقد جوعت

صهيب: واجلس اراعي لش تجوعي ! انا جاوع طيب وين الصبوح

نور : وانا مادراني وين الصبوح انزل ابسرهم

صهيب بشقاوه وممازحه : ابسر من، ماعليا من احد، انتي زوجتي تصبحيني انتي هو هكذا لازم يكون او ماشي !

نور ضحكت: ماشي طبعاً

صهيب: ها ، وانا مراعي لش

نور : لاتراعي لي عتندم لو تصتبح من صبوحي

صهيب : والله ماندم

نور: هيا اخرج للحوش قرب لاجنب السور

صهيب:  قام من فوق سريره بحماس وابتسامه نزل من الدرج فارح ..

وصل للصاله وكلهم بيتصبحوا، امه وخالاته

امه: هيا صبوح ، دافي ياسلام من يد خالتك ملوح بالتنور

صهيب: يهنى اصتبحوا ، خرج للحوش واتصل لها

نور خرجت بكيس فيه اربع من الوجبات اول ماسمعت الاتصال جاوبت: وين انت

صهيب : في الحوش

نور : طيب شارجم الكيس لاعندك امسكه

صهيب عقد حواجبه واستغرب ( كيس. ),!! :  صبوح في الكيس

نور ضحكت : هيا

صهيب شاف السياره مجنبه جنب الجدر  : طيب راعي
طلعها ووقف بيشوفها

نور : مالك ساكت

صهيب نزل راسه يتكلم بسرعه  : خلاص شبعت

نور بتحس الصوت قريب قوي : ليش. ! زعلت انه في الكيس، مش قلتلك عتندم

صهيب نسي يوطي ويتكلم: بالعكس ،احلى صبوح في حياتي

نور حست الصوت من فوق رفعت عينها شافته ابتسمت: يووو ماطلعك !

صهيب ضحك: علمونا بعض الناس ،وبعدين طلعت خلاص مرتي حلالي مش محتاج استاذن صح او لا؟

نور ضحكت وبتحاول تلم شعرها لاورا
صهيب شافها بيتأملها ( لابسه بجامه رقيقه لونها وردي فاتح فيها فراشات سماوي ) وشعرها مرفوع من ورا نصه كيرلي وبعض الخصلات نازله ع جنب) مافي ولا اي مكياج ابتسامتها فاعله لها جاذبيه : انتي بترقدي بهذه الحلاوه ولا بتحلوي وانتي راقده

نور بلقانه و رمسسه: بينحلو لما اشوفك وختمتها بضحكه

صهيب: انتي عارفه ان البيت ملان وانا مشنقع هكذا لو حد يشوفني لايضحك عليا

نور : خلاص ادخل

صهيب: بتطرديني !! بينقلش هكذا عشان ترحميني وتفتحي لي بابكم



نور : ايوه ويبسروك الي عندي ويضحكو عليك

صهيب: طيب اطلعي الشجره ناوليني الكيس وخليهم يضحكو علينا الاثنين

نور بشويه جنون ومغامره : حمشت اكمام بجامتها ، وطلعت اول خطوه للغصن ، وثاني غصن ووقفت متردده تزيد اخر غصن ( لانه قريب منه شويه )


صهيب بيضحكك عليها  : قرده كسوله شكلش تعبتي

نور لانه تحدي طلعت  : اوريك القرده سوا

صهيب : وانا اقول ليش كل شويه ونطيتي لي قدش خفيفه ،
قرب يده منها شويه يشل الكيس


نور بابتسامه : اصتبح الي فيه اقماع جبن والباقي خليه حلايه بعد الغدا



📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

21 August 2023 01:19

@sanaaroohi2 🩵 الكنز المدفون ↴

ـ بارت 145

.
.نور : اعترفت بنفسك انه انت السبب ، اعتبر الدم الي اديته لي و ذليتني به تعويض عن القارح

صهيب ضحك: يا ساتر منش ، ماذلحين مابش شي بدل شي، من الان وصاعدا كل شي بيننا بلا مقابل، افديش بروحي حتى

نور من توترها واحراجها من كلامه اللطيف جالسه تفرق خصلات شعرها المموجه ، سكتت

صهيب: مالش ساكته شكلش رقدتي

نور: لا بس  معرفش ايش اقولك انا معرفش اقول كلام حالي و رومانسي

صهيب: مش مطلوب منش تقولي الا الشي الي بتحسي به عادي قدش هذك المستفزه

نور ضحكت

صهيب: ليش اليوم جلستي تضحكي كل ماتشوفيني ، ضحكتيني والله

نور: هذه صفه اقلك عليها عشان تعرفني، لما اتوتر او انحرج وموقف جاد مثل هذا تجي لي نوبه ضحك،

صهيب: اضحكي بس، ضحكتش حلوه.

نور انحرجت وضحكت : طيب كلمني عن نفسك
صهيب: صح لان ذلحين تقريباً انا اعرفش، اسألي الي تشتيه

نور: قلت لي انك ماحبيت وماعرفت حد ، ليش وانت شخص سافر وصاحب ولف اماكن كثيره ، ايش السبب الي منعك

صهيب : من قلش ماحبيت

نور: انت

صهيب ضحك: ايوه بس حبينا ايام الطفوله كل البنات ،لما كبرنا بدأت اعرف الصح من الغلط ، اولا عشت سن المراهقه والحب مش في بلدي ماكنت مستقر حتى بمكان واحد ، لذلك كنت حريص إني اختار الشخص الصح وماصادف لقيت حد ،ولما كنت ارجع كانت فترات بسيطه ولشغل او مهمات ماكان عندي وقت فاضي للخرجات دخلات تعرف على بنات

نور قاطعته: بس كان عندك وقت تفجعنا من الحوش

صهيب ضحككك تذكر لها موقف: اهااا ، من الي يفجع من، انتي داريه انش فجعتيني انتي لما قفزتي حوش بيتنا

نور بصدمه :ايوه صح كيف عرفت ! بكاميرات!

صهيب : اي كاميرات بعيوني نفسهن بس مالمحتيني خفت عليش تخافي تخبيت

نور جلست تضحك ماسكه راسها من الخزا

صهيب: هيا من المجنون امانه!!

نور: الاثنين

صهيب: كم كان نفسي افعلش مقالب ساعها بس ماسخيت حينش بنت وكنت افكرش صغيره ماتوقعت تكوني ثانويه

نور : ايش من مقلب ؟

صهيب: كنت شاخرج لش وافجعش لانش كنتي تشوفيني وتهربي يتخايلش مجنون

نور: الحمدلله انك مافعلتهاش كنت شاموت فجيعه

صهيب: وشجاعه وخوافه يعني تنبعي لوسط بيت مهجور وترجعي تخافي كيف هربتي ذك اليوم كنت اضحك ضحك

نور : يو والله انت الي ذاكرتك ديناصوريه يارب تنسى كل هذا الجنان

صهيب: مستحيل، ضروري اذكرهن لش كل ماخورت اشوفش بتضحكي

نور : اقلك انا ايش الي خلاني احترمك واعجب بشخصيتك اعجاب لشي بتعمله مش اعجاب فيك

صهيب: ناهي دريت ماكنتي معجبه بي وعادش طلعتي عليا كلام

نور ضحكت: يو لاعد تذكر هههه انا اشتي اقول عكس الي فكرته وساء ظني فيك( طلعت حنون وطيب وشخص فعل شي ماحد فكر يفعله ابدا ، لما عرفت ان البيت هي دار تأهيل


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

21 August 2023 01:18

@sanaaroohi2 🩵 الكنز المدفون ↴

ـ بارت 143

.
.نور قامت مسحت المكياج توضت وصلت وبتدعي الله .. كملت قامت لبست بجامتها ، فتحت علبه الوجبه اكلت وهي مطننه بتفكر في كل شي حصل وقفت الاكل  وفتحت تلفونها. ردت على بسمه وعصماء..

( بكره اقلكن كل شي، لذلحين مابش الا اخبار شويه بس)

وبتفكر بينها وبين نفسها تتصله !! تتاخر شويه..

فتحت الستاره حق طاقتها وبتشوف البيت حقهم كله طافي الا غرفته والعه ، غلقت ستارتها ومبتسمه

بتسأل نفسها ( معقول !! فجأه يوقع هذا خطيبي ايش من خطيبي زوجي؟ مبتسمه )

شافت نفسها في المرايه وشعرها كيف كان بيشوفه وهو جنبها، وتنمره عليها،، ضحكت شافت اسنانها لما ضحكت ذكرت كلامه.. طفت الغرفه وامتدت وماسكه تلفونها مش عارفه تتصل او لا.. شافت رساله منه

صهيب: طفيتي الغرفه يا رقدتي او عتخرجي تكسري راسي اغاني تحت الشجره

نور بتقرا وهي مصدومه ضحكت و ردت : ( ايش عرفك؟)

اليوم ماعد خرجت تحت شجره عادنا منكره البيت شويه بعد ماتفلت بينخاف

صهيب: تخافي وانا موجود !

اتصل لها واول ماردت

صهيب: المشكله انش كنتي تخافي مني انا ! يعني مش عارف كيف احسسش بالأمان !

نور ضحكككت
صهيب: على فكره ضحكتش حلوه، للان مش ناسيها طابعه في عقلي

نور: اسناني ولا الضحكه
صهيب ضحك: لقانتش ، ايوه صح اليوم مالش كنتي مستغربه لما شفتيني، تصرفش كان غريب يعني خفت لما شفت الصدمه في وجهش


نور : تصدق لو اقلك ماكنت عارفه انه عقد وانه انت !

صهيب : بغير جنان ؟ مش خرجوا يسألوش ؟

نور : ايوه بس تفاجأت مافهمت الرجال صوته وكلامه وازعاح سمعت عمي بيقلي لما يسالش قلي موافقه

صهيب: اهم شي قلتي موافقه ، بس كيف مش عارفه انه انا.


نور: قالو لي تقدمو لش ناس تمام وماشاء الله ومن المجابره حق الاهل ، وعلى اساس شاعرف اسمك وصورتك في شنطه الخطبه ، تفاجات انه عقد دخلوني لاعندك ع طول


صهيب: احلى دخول في حياتي كله ، يانور انا انسان صريح مش حق كلام وحركات ، بس صدقيني اول مره يرتاح قلبي لحد هكذا ، شفت بنات خيرات وعرفت خيرات كصديقات مش اكثر ، بس عمري ماجربت الحب ، خطبت من قبل وماحسيت اي مشاعر رغم تواصلنا، عرفتش برضو كنت احس شي يشدني اعرفش اكثر اسمعش اكثر تعودت عليش بس حاسس اخر فتره الي سافرت فيها اني كثير بينفكر فيش مش عارف هذا حب او ايش ! بس ماحبيت اجي لش من صفحه فيسبوك او رقم، رغم كل شي معي، حبيت اجي من الباب واعرف روحش واسكن قلبش عن قرب اكثر..


نور بتسمعه مش عارفه ايش ترد:  قلت اشياء انا مثلك عشتها

صهيب قاطعها: يعني كنتي بتفكري بي !

نور ضحكت: ممم ، اوقات من فتره لفتره، اتذكر موقف، اول مارجعنا البيت ، وقفتك معي لما استعفتني..

صهيب قاطعها : غني لي




📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

19 August 2023 22:54

@sanaaroohi2 🩵 الكنز المدفون ↴

ـ بارت 141

.
.بسمه جلست جنب جدتها: ليش ماقلتوا لنا انه عقد ؟

الجده:العقد مايتحاكوش قبله، حالي يقع ومحد مركز

بسمه: طيب ماكانت داريه من هو

الجده: لانها بتتدلع وتتشرط وانا داريه بالولد كيف هو واهله ، وثاني مره يجو لها، حلفت مايرجعو، وبعدا انا سألتها لو في قلبها حد قالت مابش ،  خليها تنطرح امام امر واقع .

بسمه ضحكت وبتشوفهم وهي تتذكر كل ذكريات الحوش ولما شافنه في الحاره وهربين منه

الجده شافتها: وانتي مالش بتضحكي! يكفي المجنونه قبال الناس بتتكركر عيقولوا فارحه

بسمه: اين فارحه هي مصدومه، بعدا ياجده اقلكم سر لو تدرا نور لاتموتني، قربت توشوشها في اذنها ( اول مره نبسره قبل مانعرف انه جارنا ، مربي شعره ومتنكر من الحاره، بيخطى قفانا مش داريات ان بيته جنبنا كنا نحمل نهرب نفكره مجنون،)

جدتها بتضحك معها : عيقلع شيطانكن كركره في الشارع

بسمه: خلاص قد وقعت عتصيحو ذلحين ..

عصماء جالسه جنب بسمه يتذكرين اشياء و مواقف ويضحكين.

عند الكوشه ..
المصوره بتصلح شعر نور على جنب وخصله من شعرها حنبت في لحيته بيبعدها ويرتب شعرها يطبطب عليه يتصلح ( ماعرف كيف)

نور متوترررره بتبعد شويه منه لما مسك شعرها

صهيب: ماشاء الله هذا شعرش او تركيبه شعر !! اذكر اول يوم شفت شعرش فيه لوما نطيتي للحوش كان مثل الشمس لما تشرق

نور ضحكت وبتغطي وجهها من التصوير لايلتقطين صورها وهي بتضحك وتكركر.

صهيب :بس سرش في بير محد شافش الا انا وقتها ،وفوق هذا كله انتي وبنت عمش تقولين عليا مجنون، من المجنون امانه !

نور شافته بنظره تحدي: عادحنا عنتفاهم ، انا مش فاهمه شي، حاسه نفسي رقدت وحلمت

قاطعها: يا الهي لاتحلمي بي وانا واقع  واقف قدامش ..

نور : بينقلك كانه حلم قمت ع واقع ماعرفش عنه شي ماعرفكش مش احلم بك.

صهيب: بس انا اعرفش، واعرف كل حاجه عنش.

نور بنص عين: من وين؟ لهذه الدرجه قاتل نفسك عليا اخيرا اعترفت

صهيب ضحكك : انتي الي كنتي تلحقيني تحكي عندي كل شي عنش ، انا طول مانا في اليمن عايش معش تقريبا يومياً ، لحد مانقلتو ..

نور مافهمت: كيف ؟؟

فجاه بعد نقاشاتهم وكلام يشوفوا ماعد بش حد معازيم راحو مصوره اختفت بنات عمها مش في الغرفه، باقيه الجده وامه قامت تستأذن تروح..

صهيب شاف الساعه انحرج قام وقف واستاذن الجده و روح هو وامه.

نور بعدت الفل و رفعت شعرها كله وحمشت الفستان رفعته و. تربعت جلست قدام جدتها : اخيراااا عيني بعينكم

مالكم اليوم كلكم ؟؟؟ حسستوني اننا مجنونه او فاقده ذاكره، مش داريه مابيحصل

جدتها: لانش عنيده راسش يابس ، مافعل، اضطريت اجي لش من تحت عقلش، والي يبسر الضحكه من اول ما دخلتي انتي وياه لوما روح مايقل


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

19 August 2023 22:53

@sanaaroohi2 🩵 الكنز المدفون ↴

ـ بارت 138

.
.نور نزلت ورا الباب وبيسألها وهي مش عارفه هم يسألو او كيف ماتذكر خطبه بنات عمها انهن سألوهن..

عمها : عيسألش الأمين الشرعي وجاوبي موافقه بس تمام

نور هزت راسها: تمام

الرجال : سألها ومش مركزه مع الازعاج وصوته مش مفهوم ماسمعت حتى اسم الشخص وايش القصه بس جاوبت ع ماقال عمها ..

نور : موافقه
عمها أشر لها تطلع

نور طلعت ودخلت غرفتها بتدور تسألهن مشغولات مع الناس

مابش حد ضاااابحه..
فتحت طاقتها تشوف بيت جيرانهم ملان ناس وبينزلو شنطهم حق السفر ، داخل نفسها: شكلهم جو

دخلت عصماء: هيا ادخلي

نور بتسمع الديجي: ليش زفه!
عصماء: جده قالو، وبعدين البيت ملان صحباتش ملان الحاره حين قد جينا ، قدو يوم نفرح مالش ضابحه

نور : سألوكن موافقات او لا؟

عصماء تفتكر انها عارفه انه عقد: طبعا سالونا

نور تطمنت شويه وقامت خرجت معهن، وبيحجرين وهي مشيت بسرعه مارضت لزفه طويله دخلت جلست، الناس ملان مش مركزه من الحضور ومن جالس قربين صحباتها يسلمين عليها ومغطيات على بقيه الناس الي جالسه

بسمه قربت تشاور الجده والجده هزت راسها موافقه...

بعد المغرب بدأو يروحو الناس ، وبقي ناس قليل

نور لبسمه: ماكنت اشتي حفلتي بنفس اليوم فاتني اشوفه هيا ابسري بس وبعدين لاشفت شنطه خطبه ولاشي وين الاشياء

بسمه: جده رفعوهن من الزحمه والعين وقدش داريه بهم، اما الشوفه عتشوفيه يختي مالش معاجله.. فلتتها وخرجت تجاوب

نور انتبهت لها أشرت لها بعينها وابتسمت وبينها وبين نفسها: ماشاء الله اول ماجو من السفر جت لهنا..

نور شافت نصهن خرجين وبسمه وعصماء مش داريه مالهم ايش بيحتشرو بتسال جدتها

جدتها: بيودعين الناس ويلفلفين البيت قدش داريه كيف

بسمه شاورت جدتها: جهزنا المكان الثاني امد تشوفه ويشوفها وينزفوا لهنا

جدتها: ماعترضاش تنزف اول خليها تستوعب وبعدا سهل

بسمه عنقنعها : هيا نور جي معي

نور مسكت يدها وقامت : أخيراً ، اشتي اخرج من اول الف سؤال وسؤال وقدنا ضابحه مهتمين بالناس وخطبتي ومش فاهمه شي

بسمه ضحكت وهن في الصاله: هو عقد ياروحي ايش من خطبه وماسألوش نازل

عمها دخل مسكها من يدها : يشتي يشوفش ويبارك لش

نور مش راضيه تمشي واقفه ورا الباب: من هو و ؟ كيف عقد محد قلي

عمها: ومافعلتي نازل وافقتي ع ايش

نور: ماسمعت

عمها فتح الباب: ذلحين ادخلي وبعدا سهلي

نور : مشتيش

هو جالس بعيد من الباب جنبه مش باين من هو...

عمها بهرر ومسك يدها ومشاها صميل: نور ، بلا حركات جهال عيب ادخلي انا معش مالش

نور دخلت شافته بهرررت

عمها خرج يجاوب بسمه

جالس مبتسم بيشوفها بذهول وابتسامه..

نور وهي مبهرره : انت؟

صهيب : انا ايش؟



📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

19 August 2023 22:52

@sanaaroohi2 🩵 الكنز المدفون ↴

ـ بارت 136

.
.عصماء: قال مايشتيش يوقع ساع المره الاولى خطبه وفرحه وبعدا فسخ

نور: طيب مش كل الناس ساع بعض، انا والله ماقبل

عصماء: هيا قوا لاتتحاكي الا لما يقولوا لش، لانه مش اكيد بس سمعت عمي بيقول عيقلهم هكذا

نور: ولو قلهم ؟ افرضي قلهم !

عصماء: جده ماعيرضوش

نور : اوف ضبحتيني ذلحين اهم نقوله او اختبارات او معي تطبيق ، وماعرفش الخطيب عشان يوقع عقد مره واحده

بسمه: يعني لمن مراعيه يخطبش توم كروز، خلاص مامعش الا الحاصل جيزش من جيزنا

نور : مسرع الايام بتمشي بسرعه، ايش قد حصل هذه السنه بس احداث خيرات ، خرجنا من البيت ونقلنا وعنرجع

بسمه: وترجعي تخرجي لبيت زوجش

نور : اوف بس ضبحتوني بقصه العقد..

عصماء: بينقلش مش اكيد اسكتي ابي عيبهذلني لو دري اني قلتلش.

نور: ضروري جدتي تعرف مش هو ع مايشتو ابوش وعمي

بسمه: ذلحين يسدو البيت وبعدا تحاكي حين يحددو يوم يجو يخطبوا

نور: ان شاءالله

بعد يومين ..
نور: ياجده وحدنا عنسير ننظف؟

الجده بتتصل لسمير : وهولا مايفعلو بهن فارغات يجين يتعبين شويه من المشاكل .. جاوبها سمير هيا وين نسوانك ؟

سمير : الان بيلبسين شاديهن

نور قامت تفتح الباب..عمها فؤاد: هيا جاهزين؟

الجده قامت ونزلت معه ..

بعد مسافة الطريق وصلوا البيت..

نور فارحه حارتهم شافت اول بيت مشيو من جنبه بيت صهيب تذكرت اخر موقف لما سقت الشجره وطلبته وابتسمت... نزلو ودخلو بيتهم..

الجده جلست في اول درجه في الحوش بفرحه بحب بكيت ماصدقت..

سمير وصل دخل شافها تأثر ..

دخلين نسوانه بدأين الاكشن واللقانه حقهن.

نور فتحت باب البيت و دخلت، فاضي كل شي مثل ماهو على مافلتوه..

الجده طلعت معها ودخلو، بدأت تشغلهن وتشقيهن وينظفين ويمسحين ويغسلين..

نور شافت الشجره وبقعتها هربت بسرعه حين اعمامها خرجوا، طلعت تسلقت وشافت في لمبه والعه، وبمبه الخزان شغاله ، خرجت بنت خالته الصغيره.

نزلت بسرعه وذكرت بنات عمها وايامهن ، والان كل واحده منشغله بحياتها ، طننت ودخلت تكمل تعاونهن.


بعد ساعات كملين كل شي..

الثانيه : وليش ماجين الهوانم ولابتوبهي لهن

الجده: دورهن بكره يجين يفرشين

الرابعه : كنتو عتخلو عليا الديكور، تخصصي ،

الجده: هيا بكره ورينا شطارتش ، امد الخطبه عتقع الاسبوع الجاي حق نور

الثانيه: ناهي ياديكور هن مزهريتين ولوحه مشخبطه وعتصدقي روحش

الثالثه : وبعدين الديكور هذا هو ذوق بعض ناس يدرسو وذوقهم يع..

الجده مسكت يد نور وخرجت من الباب وطفت وهن بيصحين

نور بتضحك: ياجده مالكم

الجده: يجلسين يتشارعين لابكره ماكودهن نجي نفرش وعادهن ماكملين، بعقلش اراعي لهن اربع يتجاوبين


نور بتضحك ... خرجين بعدهم


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 August 2023 22:22

@sanaaroohi2 🩵 الكنز المدفون ↴

ـ بارت 165

.١

مرته : اين عنسير ؟

سمير : للدكتوره تكتب لش فيتامينات

مرته تنفست براحه بعد ماكانت حابسه انفاسها من الخوف : ايوه فيتامينات سهل.

سمير كلم السكرتيره ان اسمها اول اسم حجزه .
السكرتيره دخلت لاعند الدكتوره كلمتها ، وبعد ماخرجت واحده من عند الدكتوره قالت له: ادخل

سمير دخل هو وياها 

مرته بتفكر بخطط كيف تمشي الموضوع بسهوله

بعد ماجلست هي و زوجها وشرح سمير للدكتوره انها حملت بعد فتره كبيره ...الخ

الدكتوره ( كان عندها خبر من قبل مايروح ، كلمتها واحده تعرف ام سمير، تتأكد لها) تعاملت معها طبيعي ، جلست تسألها الاسئله الروتينية تشوف تناقضاتها ،

الدكتوره:نشتي نعمل تلفزيون اتطمن على وضع الجنين

زوجة سمير: لا ، اخاف على الجاهل من الاشعه، بتدي سرطانات

الدكتوره شافت سمير بنظره ( ان شكه بمحله) رجعت تشوفها : مابتدي اي تشوهات تطمني من سنين طويله ولابيحصل شي

زوجه سمير : طيب انا مشتيش لو عيقع بالجاهل شي ، لو فيه اي مشكله شاحس لكن مابش شي

الدكتوره سبقتها ورا حاجز صغير السرير وجهاز التلفزيون

زوجه سمير فكرت في خطه: خلاص شادخل وحدي

الدكتوره اشرت تمام وشافت سمير: وحدش تمام براحتش

سمير ساكت حاسس بخوف وهو بيشوف رفضها خايف ينقهر بعد الفرحه الي عاشها

اول مادخلت زوجه سمير معها مسكت يدها : انا عند الله وعندش بحجر الله يامنعاه انقذيني واوقفي معي عينقذش ويخارجش من كل بلا ، وانا اديلش من الالف للمليون

الدكتوره مصدومه: خير مالش ايش في؟

زوجه سمير: انا قلت شاتبنى جاهل ، وشامثل اني حامل عشان افرح زوجي

الدكتوره: تفرحيه كذب! عادي صارحيه انش عتتبني

زوجه سمير مسكت يدها بخوف: ماااشي، ماعيرضاش عيطلقني

الدكتوره:ولو دري انش كذابه عيطلقش، اصلا شي مثل هذا مايتخباش، عيبسر بطنش عيشلش تولدي انتي بعقلش ؟

زوجه سمير: انا رتبت خططت لكل شي ، قلت شاسير بيتنا من بعد شهرين اتعذر اني عيفته

الدكتوره مبهرره منصدمه في التخطيط والتدبير هذا كله

زوجه سمير : انتي اخرجي وقلي كل شي سليم

من ورا الحاجز
سمير بيسمع مشاورتهن وكلام و نبرات مختلفه بدأ يتاكد من مخاوفه رفع صوته يقاطعهن : هيا بشري يادكتوره بنت او ولد

زوجه سمير: قليله ولد قوا انا فدالش

الدكتوره فلتتها وخرجت لاعنده : كل شي تمام، عادو مش واضح شي
زوجه سمير كانت خايفه تلحق الدكتوره وتخرج فكرت عتحارش بها، لما سمعتها قالت هكذا فرحت وخرجت بعدها

قبل ماتخرج زوجه سمير عندهم
الدكتوره كتبت في الورقه ، اول ماخرجت زوجه سمير

الدكتوره : ممكن تسرعي عشان في حاله منتظره
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 August 2023 01:18

@sanaaroohi2 🩵 الكنز المدفون ↴

ـ بارت 163

.
.صهيب: وضرسي فداش لو خرب اسير عند غيرش اهم شي تخدريني، الا لو ماتعرفي هذا شي ثاني

نور: الا اعرف بس ماجربت، اغلبهم بيجو خلع

صهيب : يلا ، الكشافه جاهزه سويتها هانك ولما قالو لي ايش لازم اسوي قلت شاجي اختبرش بنفسي ، وقلتي الي قالوه يعني فاهمه باقي بس تطبقي وانا اول من يفدي علمش بضرسي

نور ضحكت:

صهيب سحب الكمامه منها نزلها: خليني اشوف الضحكه وحشتيني عيب عليش من حين دخلت ملثمه مني

نور ضحكت : ملثمه عشان العمل مش منك

صهيب : ارفعيها لما تشتغلي الان بنتكلم ، سيري شوفي لو مابش حد منتظر ،ابداي فيني

نور خرجت شافت مابش حد رجعت وهي خايفه: صهيب متأكد!

صهيب بكل ثقه بيهز راسه ومغمض عينه: ايوووه متأكددد

نور : طيب راعي اجهز الاشياء ، ( خرجت التخدير ومادة الحشو شافت الكشافه حقه ) وهم بيتجابرو ايحين رجع من السفر وكيف اول ماوصل جا لاعندها على طول.

صهيب شافها واقفه ومستعده : عنبدأ الان  ؟

نور : ايوه لاتقلق شافعل مخدر الان، اخذت البخاخ وفعلت للثه شويه تتخدر ماعتحس بالأبره

صهيب حس بتخدر اشر لها اوكي

نور مسكت الابره ويدها بترجف ماتشتي تبين له جلست تقنع عقلها وتكلم نفسها اهدأي ومابش شي واعتبريه غريب وووو
( بدأت بتضرب له الابره حق التخدير)

صهيب بسبب حركه يدها بيحس بتحفرها لداخل خاف بس مابش احساس الم رده فعله مسك يدها

نور ماقدرت تسحب الابره وتسحب يدها : صهيب اهدا ، كملت اصلا .

صهيب بعد يده وهدأ لما شاف كملت وسحبت الابره

نور : ها بتحس بوجع؟

صهيب بيتأمل عيونها هدأ بعد ماكملت : لا ،العفو خفت احس بالابره من كثر مافحرتيها ايش الجلافه هذه

نور بتضحك عليه وتقلده كيف بيتكلم بسبب فمه والتخدير: مش هي جلافه لازم افعل هكذا عشان ماتحس بعدين بالجلافه صدق

صهيب ضحك وبيحس فمه ع جنب: اشبه اليسا او هيفاء وهبي

نور بتضحك: عنتجابر لوما يسير التخدير ونفعل الابره الثانيه اهدأ

صهيب أشر انه غلق فمه وساكت داخل نفسه ( يارب وهي ماتفعل شي غلط، من قال لي ادعمها ع حساب خوفي واضراسي)

نور بدأت تشتغل مثل ماتعلمت كملت وعملت الحشو ، بتوريه بالمرايه

صهيب بيهز راسه بابتسامه فخر بها قام جلس : ايحين عتبعد الحشوه فعلتي لي صيني حق الي بتطبقي فيهم

نور ضحكت: ياساتر منك بدل ماتقل شكراً ، فعلت لك احلى حشوه ، من حق العياده نفسها حق الدكتور شارجع اقله.

صهيب : ها الحمدلله ، قلت

نور: ماسخاش

صهيب ابتسم لها: ياخي فنانه كأنه ضرسي الحقيقي، هذا وعادش تدرسي كيف لما تبدعي اكثر، وعد عليا اسفرش تدرسي دراسات عليا في دوله ضخمه تختاريها انتي

نور بابتسامه فرح : ان شاءالله. الحمدلله انك جيت  أسألك


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 August 2023 23:37

@sanaaroohi2 🩵 الكنز المدفون ↴

ـ بارت 161

.نور : الله يقلعكن والي يستشيركن مراعيه لكن ساعه وجايات تزبجين، رسلت لهن وطرحت التلفون قامت غسلت وجهها فتحت شعرها مشطته ( ناعم مموج بطوله، لفته من الجوانب ونزلت خصلات قصه الشعر فعلت كريم خفيف و روج فاتح طبيعي ومسكرا وكحل شويه خدود، لبست بلوزه أنيقه وبنطلون اكسسوار بسيط صبغت اظافرها وجالسه ..

كل شويه تشوف التلفون ايحين عيتصل..

تتاكد من النت، وسرعته ..

اول ماتصل فيديو و فتحت الكاميرا كانت موجهه عكس مش لوجهها ( قدام العابها وهي صغيره مرتبات العرايس والدببه فوق الصفيف)
نور مانتبهت للمربع حق المكالمه من عندها الجدر حقهم في التلفون  لان شاشه صهيب الاكبر في شاشتها ! بس شافت صورته جلست تشوفه ومستحيه تفكر بيشوفها : حاسه بتوتر ومش قادره اكلمهن فيديو بينخزا مدري كيف شكلي

صهيب بيضحك: بتخزي من ايش مابينشوفش، بينشوف العابش وانتي صغيره مجنونات ساعش مال العرايس حقش هكذا مشعفلات وممكيجات

نور انتبهت للشاشه حقها ضحكت : هذا كان يعجبني اسرحهن وامكيجهن بالوان ماعد سار منهن

قلبت الكاميرا لاعندها وبعدتها شويه وبتحرج تقفي وترجع تشوفه

صهيب: يعني وانتي قدامي مباشر حلوه وبعيده احلى

نور استحت: خلاص لاعد تقل هكذا

صهيب قام من فوق الكرسي حقه ووقف ورا زميلاته وكلمهن بالانجليزي : كيف زوجتي حلوه  صح ؟
نور مبتسمه وهي محرجه
جلسين يتحيلين لها ، او كيوت ، انها خجوله ، سعدنا بالتعرف

نور بتجابرهن وصهيب واقف وراهن ، بعد ماتكلمو شويه ومدحين صهيب واخلاقه و نور فارحه

واحده منهن قالت  مرر التلفون يتعرفوا البقيه عليها

صهيب شاف نور وبالعربي عشان محد عيفهم: مجنونات ساعش يشتين يعرفنش ع اصحابي مش داريات تعبت وقفه لحد يبسرش من وراهن وهن بيكلمنش

نور: ليش ياسعم بتغير

صهيب: لا بس لحد يعجب بش، وانتي عروستي وحدي.

نور ضحكت : حبوبات .

صهيب: وانتي اكثر

نور : ايحين عترجع

صهيب فكرها بتسأل( ايحين عيرجع سكنه): بعد شويه

نور: صدق سافرت بس عشان عمل يوم!

صهيب: قصدش ارجع هاا لا مدري ليش وحشتش !

نور بتستفزه: مع بس مابش فوق من اطبق ، واسنانك بينشوفهن يحتاجين شغل

صهيب ضحك: كلي فداش واسناني وثرمتي لو خربتيهن فداش،


ثاني يوم..

بعد العصر جت مرت سمير ومعها عصير لنور.

الجده: وانتي والكل قدش ساع هذه معلقه على العصير

مرت سمير فرحت انها عجبها: ايوه عشان نور فعلته

نور جلست وشربت

مرته سكبت لها مره ثانيه

الجده: ارجعين شلين نور السوق وابدأين جمعين لها للكسوه المهم ، اليوم جت ام صهيب ادت المهر كله

مرت سمير: كم ادت مهر؟

الجده خافت من العين قالت لها نص المبلغ: ثلاثه مليون

مرت سمير بهررت: يوو ثلاثه بكلها


.تصبحوا ع خير


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 August 2023 23:36

@sanaaroohi2 🩵 الكنز المدفون ↴

ـ بارت 159

.في الدرج لقيته مرته الاولى : مبروك مرتك واحمه

سمير: ايوه الحمدلله وأخيراً

مرته: يا سمير لاتقلش بينغير ومشتيش لك الفرحه، بس شلها بنفسك وسير انت لدكتوره غير الي هي سارت عندها، مستحيل تطلع واحمه بتضحك عليك

سمير: مالش ؟ مادراش وانتي

مرته: الدكتوره حقها قالت مستحيل تحمل ابدا هي عندها مشاكل

سمير شافها شويه ( حس انها بتغير منها قرر يجوز لها: تمام شاشلها
وطلع يكلم الرابعه ونزل للثانيه..
الثانيه خايفه من أسالته: ايوه واحمه مالك بتفعل تحقيق مش مصدق.

سمير: الا مصدق كيفه، بس بينتطمن مش مصدق من الفرحه( داخله مكسور شويه بعد كلام زوجته) دخلت في قلبه الشك.


ثاني يوم ..

صهيب بيجهز الشنط في السياره ودع امه وخرج وقف قدام بيت نور اول مادق

نور فتحت له الباب ( شافته استحت شويه مبتسمه ورجعت لاورا الباب

صهيب دخل سلم عليها : هيا اين شنطتش

نور : مابش داعي لشنطتي عيوقع الوزن زياده شالبس من حقك

صهيب ضحك تحيلا لها وشعفل شعرها : ان شاءالله عيجي اليوم الي نسافر سوا، اول ماوصل شاعرفش على اماكني المفضله  اصدقائي المفضلين، كل. شي عن حياتي

نور بتهز له راسها بابتسامه : توصل بالسلامه ان شاءالله

صهيب: الله يسلمش لي

جدتها من الباب بتدعي له

صهيب طلع للدرج سلم على الجده ونزل على خرجته : شاتواصل معش اول ماوصل

نور بملامح زعل: تمام، واخر مره تسافر وحدك

صهيب: اخر مره، المره الجايه شنطتش قبلي في السياره

نور بابتسامه هزت راسها تمام

صهيب شاف الساعه ولازم يخرج ومايشتي يخرج

نور جلست تتشاقره من الباب لما مشي بالسياره دخلت وهي زعلانه

جدتها: هيا عيس يسافر الله معه، تذاكري سوا من حين انخطبتي وانتي الا بالتلفون واصل في اذنش، عيمرضش

نور ضحكت : مايمرضش التلفون ياجده

جدتها: الا ماعرفنا السرطانات الا من بعد البلا هذا واصل الا في يدكن، ولا كان معنا سرطانات ولا اي مرض

نور : لان العلم تطور واكتشفوا ليش الناس بيموتوا فجٱه في امان الله قولتكم

جدتها ضحكت عليها: ياسعم عتطلعي لمن لقنه لي، هيا ناهي لش، بعد الغدا عزمتش مرت عمش سمير، ارجعي بدري وسيري قد بتأمني

نور:  وانتو ؟ عتجو؟

جدتها: ماقدرت اجي، سيري انتي بدلي

نور: شابسر بسمه وعصماء لو سارين شاسير


بعد الغدا..

مرت سمير جهزت كل شي وخلت العصير والشاهي حق نور وحدهن ، ( فعلتهن بماء مخصوص )

نزلين طباينها وجين سلايفها وصلت نور وعصماء..


مرت سمير قربت لهن وعدت القلص الثالث من جهه البنات لنور ..

نور شلت القلص وشربت...


عصماء: مدري كيف لها اليوم مرت عمي اخلاق وتعامل وميزه، ولاعمرها وقعت هكذا

بسمه: ايوه هي فارحه مادريتين انها واحمه
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 August 2023 21:34

@sanaaroohi2 🩵 الكنز المدفون ↴

ـ بارت 157

.
.صهيب: طيب عادي مش هي شتيمه،بس فرحت قلت اتاكد سمعت صح او مع

نور: الا تطمن ع روحك بتسمع صح وتشوف وذاكرتك ديناصوريه ، احنا نتجابر وقت الحماس هكذا دائماً.

صهيب: وايش الحماس عندكن، كيف يكون ؟

نور: ياسعم ماتعرفش، قد سمعت كل مجابرتنا وماعرفت كيف بنتكلم بحماس

صهيب: ياساتر منش محد يقدر عليش، اشتي ازيد عليش ولا

نور : مركزززه

صهيب ضحك: طيب سؤال ؟
نور: عادك عتسطر المجابره وانا ماقل جواب

صهيب بيضحك: مستفزززه، يعني مش انتي حق استئذان و ذوق بالكلام

نور: ايوه مايعجبني اللف والدوران عيضيع الوقت واحنا سؤال وانا اقلك صعب الجواب قول مافي نفسك وبس

صهيب : من اكثر حد تحبيه في حياتش؟
نور : جدتي ،و ابي وامي الله يرحمهم

صهيب استغرب عادها ذاكره ابوها وامها! كانت صغيره ماحب يزعلها او يدخل في مشاعرها اكثر اكتفى بالرد: هااه

نور شافت رده حبت تمزح معه: ماهو هاه؟ فاكر اننا شاقلك انت

صهيب ضحك: طبعاً مراعي تقولي انا، قد عقدت بدل الخطبه عشان لو تشتي تعترفي بمشاعرش لي كنت اشوفش بتحبيني تراقبيني تراعي لي تطلعي للجدر لو اختفيت تدوري عليا

نور : ايوه ميتت نفسي عليك

صهيب بنبره جديه : سألتش من صدق اشوف من اكثر شخص انتي مهتمه فيه تحبيه بس بينعرفش اكثر

نور : عارفه بينمزح معك، وقلتلك جوابي

صهيب: تقولي عيجي حد في خانتهم يكون غالي على قلبش

نور : مممم ، هو وشطارته، ممكن ليش لا

صهيب: طيب كيف يصبح الشخص شاطر ويكسب قلب حبيبته.

نور : مدري، لما أجرب واعرف شاقلك.

صهيب: ياخي اخطر منش مابش، لحالش

نور : وانت من اكثر شخص تحبه في حياتك

صهيب:  انتي

نور بتضحك : تتخايل شاتجمل منك بالعكس شاقول خرااااط

صهيب: طبعاً امي، احبها قوي صديقتي وامي واختي، كنت احب جدتي الله يرحمهم طيبين قوي، ابي والكل وجدي

نور بتضحك

صهيب: مالش؟

نور: ذكرتني مثلي وانا صغيره لما يسالوني واقول الله وماما وبابا وجده

صهيب ضحك: يا تفاهتش، من صدق العائله بتكون الحب الاول لأي طفل في حال كانو عائله مناسبه ، بعدها بتتغير نوع العائله بترجع عائلتنا الخاصه زوجتي عيالي بنفتح لهم مكانه مشابهه لنفس المحبه والمعزه

نور : الله يسمعك يقل انك تزوجت وعشت وجربت الحب نذا من قبل بتتفلسف

صهيب سكت شويه : يا نور


نور مستغربه ماله سكت توقعت يضحك يتليقن: ،الووو !

صهيب بنبره متغيره : ايوه معش بينسمعش

نور: ليش ساكت؟

صهيب:, والله كنت بينتهرب وخفت اوصل لهذا الجواب ، بس ابردي اعتبريني ماعشت ولا تزوجت ولا جربت هذه المشاعر

نور استغربت وبتفكر بينها وبين نفسها ( معقول !! حصل؟ وماتكلمش؟ بس صدق لو تكلم كيف عيقلنا ! )) جالسه تجابر عقلها وساكته


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

24 August 2023 02:28

@sanaaroohi2 🩵 الكنز المدفون ↴

ـ بارت 155

.
.زوجته الثانيه بغد ماقفلت جالسه تفكر وتخطط ( على الأقل اتقرب منها انا اشتي اوصل للكنز وشاسكن في البيت غصب عنها بس يارب وتوافق المره اسكه اتصل لاختي...

اختها: حيا ياختي عمرش طويل عادنا شاتصلش

زوجه سمير: بشري !

اختها: قالت تمام ماعتنزل الجاهل بشرط تدفعي لها حق معاينات وفحوصات ومبلغ تأكل جهالها وتصرف عليهم،

زوجه سمير: يعني اقول لسمير اني واحمه! متاكده، ماعتفرك بنا!!

اختها: ياختي ايوه، ولو فركت قلي سقطتي

مرت سمير: طيب وبعدا وين اسير ومابش بطن

اختها:  عيفي وانزلي البلاد ياسعم

مرت سمير تحمست: خلاص اليوم شافرحه ، منها اكسبه الفتره هذه كلها جنبي ويخطى بعدي، ومنها اضمن لي شي من الورث حق امه وحقه

قفلت و خرجت في المختبر جالسه مراعيه تصتاد حامل محد رضي يتساعد معها ويدي لها فحصها، كلمت واحده عامله بالمستشفى

مرت سمير تبكي وبتقلد انها في مشكله وترعش يدها: لو سمحتي يختي ، فعلت فحص حمل وضاع عليا زوجي مراعي يتاكد ، مافعل ذلحين عيطلقني عيضربني ،

المره: ادفع لش تفعليه!

مرت سمير: ماشي حاكي هذه تطبع لي بدل فاقد

المره : ماينفعش هي نتيجه تطلع

مرت سمير: امشعي لي حق اي حد واطبعيه ( جالسه تدعي لها وتبكي)

الموظفه رحمتها شافت محد في مكتب نتائج المختبر، دخلت شلت نتيجه وطبعتها بسرعه ناولتها..

مرت سمير فرحت وطلعت بسرعه مشيت روحت قبل مايجي سمير

سمير وصل : اين الغدا ؟

مرته: يوو ولاقدرت من الصبح افعل شي تاعبه

سمير: خلاص انتي والاوله تاعبات واصل، ماعد عيشه الا عند الثانياات

مرته بضبح ونص عين: ماسالتش ليش

سمير باستخفاف: ليش

مرته ناولته الفحص: ابسر ليش، عشان تعرف اننا احسن منهن كلهن

سمير: ايش هذا! مش فاهم ماهو هذه فواتير؟؟

مرته بقزازه: اعوذ بالله حسك الا عند الزلط، هذا فحص حمل ، وانا واحمه

سمير بهرر فاتح فمه بصدمه ماعرف ايش يقول:, مالش ؟؟ بعير جنان يمكن غلط

مرته: قد فعلت ثلاثه وطلع صح

سمير مش مستوعب سمع الاذان وهو في حاله صدمه وفرحه ، دخل يصلي حمد وشكر وظهر وعصر ويسبح

مرته : لاحول ولا قوة الا بالله ، سير اعتمر احسن، قد عياذن مغرب غتغدينا

سمير : الان اخرجش احسن بقعه اين تشتي

مرته جالسه تتخور وتفكر، جهزت في الحاله اسامي طباينها وبتصور تحانكهن.


في مكان ثاني ، بعد الدوام لعد مارجعو البيت

صهيب اتصل لها : كيف دكتورتي

نور مستغربه ومبتسمه : كل يوم معك لي اسم،

صهيب: على حسب تواجدش في المكان ، في الحوش مجنونه رسمياً ، في اي بقعه زوجتي، في الجامعه او مكان عملش دكتورتي

نور: بس انت تعرف ماشسميك؟

صهيب: ايش ؟

نور: جني، لانك اين ماكان تظهر لي فجاه ، في حوش في كل مكان


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 August 2023 23:25

@sanaaroohi2 🩵 الكنز المدفون ↴

ـ بارت 153

.الجد: يا عتلقاه عندنا تحت السور او بيت جيراننا تحت الشجره هولا البقعتين الي من زمن اليهود الي كانوا ساكنين هنا ماتغيرين من اماكنهن ، واوقع رجال و احفظ سرك لنفسك، لاتفعل ساع ابوك يضيع من يدك، حاكيتك وانت اخبر، لو فيني قوه كنت بنفسي لقيته، اخوتك لو فيهم خير ومابيحبوا انفسهم كان حاكيتهم ، بس أملي فيك.

صهيب حس بجديه كلام جده وعيحاول قد مايقدر يفرحه قبل مايقع به شي ويندم  ، بعد ما سرح شويه: حاضر ياجد وعد اول مارجع من السفر ادور في بيتنا وبيت نور قدي مرتي ماذلحين شاقدر اقنع الجده و ازيد عليهم وانصب الكنز لو عندهم

جده شافه بخوف : الله يهديك يابني ويصلحك حاكيتك لانك الوحيد نفسك نظيفه مش حق هذا الشي

صهيب ضحك ويمازح يد جده: انا فدالكم ياجد بينزبج معاكم.

جلس يجابر امه شويه وهو بيراسل نور

امه : عترجع وحدك؟

صهيب: ايوه

امه: انا ماشقدرش تعبت يابني سيره جيه، وجدك اهم شي فعلنا لهم الفحوص اللازمه.

صهيب :تمام حاضر ، وانا ماشطولش وعيكون اخر مشروع استلمه ، اشتي استقر هنا

امه: ايوه كمل وارجع ابدأ جهز شقتك غيرها وافعل ماشتيت 
جهز للعرس

صهيب: ان شاءالله.

امه شافته منسجم بالتلفون ماحبت تشغله : هيا خاطرك اسير ارقد لي

صهيب قام معها: انا جيت اسمر معاكم، لو عترقدو شاسير ارقد ، تصبحوا على خير

شاف الوقت متأخر شويه ماحب يتصل عشان لاتسهر وتتعب لان ثاني يوم دوام، جلس يراسلها

نور : يعني تقريبا بينسهر اوقات

صهيب: يعني لاحظت اكثر اوقاتش بتسهري فيه للساعه واحده ايام العطل وسهرات الحوش مع بنات عمش للفجر

نور مستغربه من معلوماته: هذا كنت مراقب حياتي ماشاء الله

صهيب: ايوه طبعاً ، اعرف الساعه الي عتنطي لي فيها فجأه اجلس مترقب، ما بينأمن الا اما اشوف طفيتي و رقدتي

نور ضحكت: يا الله منك لاقد علقت على شي ، عتخليني اوريك لقانتي

صهيب: يا ساتر ياسعم ماعرفهاش ! اصلا ماقد شفت غير لقانتش

نور : المشكله ، مش عارفه ليش وصلت لاعندك واعتجمت لساني ، وانا من النوع الي مابتفوتني فتفوته

صهيب: يمكن عشان اعجبتي بي مابتلقيش شي فيني تتليقني عليه

نور مبرقطه: يو ياربي ولاقدت ارد ماهو هذا رسلت له: شاجمعهن عيجي لهن يوم وتنفك عقده لساني

صهيب : عارفه انش لطيفه جداً احلى مافيش بتتقبلي كل شي مزح ولقانه ومابتجلسي تتعبيني في فهم تفسيرات كلامي( معقد من خطيبته الاولى)

نور : عادك ماشفت مني شي مالك الا يومين بتتعرف عليا لاتستعجلش

صهيب بضحكه ثقه: اعرفش اكثر ما تعرفيني.

( اليوم لاني كتبت الصبح والظهر والان احس افكاري خلاص وقفت هنا، بكره نكمل وتصبحوا على حب وسعادة
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 August 2023 23:24

@sanaaroohi2 🩵 الكنز المدفون ↴

ـ بارت 151

.بسمه شافتها مبسوطه وفارحه : نور تذكري ، كيف الخطبه الاولى كانت قوي حزينه و أثرت فيش

نور بملامح منزعجه من انها تذكرت الموقف: قوي حتى انها عقدتني وكرهتني في الحب واي شخص كنت اشوفه

بسمه: رغم ماكان عن حب، هي خطبه تقليديه

نور: بس زعلت قوي، زعلت مش لاني حبيته او. لا، لاني كنت فارحه وبقوه و زعلت من انانيته كيف مشاني على قد عقله عشان لايزعل اهله وما قدر انه يصارحني انه مايشتيني بنفس يوم خطبتي

بسمه: انتي داريه ان بنت عمه لقيتها في ولاد وبتقلي ، بعد مافسخ من بنت عمش هو كان يشتي الي بيحبها، خطبها وتزوجوا وبعد سته شهور طلقها بسبب امه تقالعت هي وياها

نور: الحمدلله ان الله بيكشف لنا من بدايتها اشياء مش خير لنا ،رغم اني زعلت وقتها بس حين قلتي لي ، فعلاً الحمدلله الف مره

بسمه:, وصهيب ؟

نور: لحد الان، الحمدلله ماقد شفت منه الا كل خير و راحه قلب

عصماء: الله يسعدش يارب ، احلى شي انش مستعده تشوفي غير الخير

بسمه ضحكت لفتت لها:, مالش صلي على النبي

عصماء: والله انه اول فتره ياسلام، بعدها بيرجع كل شي عادي وماعد بش اللهفه حق البدايات هذه

نور : مش مهم اللهفه ويجلس رومانسي واصل ، اهم شي يستمر الاحترام والحب هذا.

عصماء شافت الوقت: يلا انا مروحه

نور : مسرع

عصماء: قد معش من يونسش في الحوش تحت الشجره

بسمه ضحكت: يو تخيلي يا نور، وهو جني صدق، ومن كثر ما داعيتيه تحول على هيئه انسان !

نور بتضحك: الحجه مش عندش ، شكلش واحمه بكائن فضائي لوما خيالش هكذا

بسمه بخوف: بسم الله عليا يو منش، لسانش اطول مني

بعد ساعتين، روحين البنات وهي جلست تذاكر شويه وتفتح تلفونها كل شويه..

سمعت صوت سيارته وفتحه باب بيتهم راحت للطاقه تشوفه وصلت لها رساله (غطي البرده شعفلتش باينه لهنا)

نور ضحكت و ردتها ( بس مش انا مشعفله)

صهيب : خطبتش والنظره الي اعرفها عنش مشعفله كنتي مافرق معي هذا الشي ، اعجبت بروحش وشخصيتش ، بس عشان تدري مش انا حق شكليات.

نور : عارفه اصلا انا انحب

صهيب: اهم شي الثقه ،تاكدي دائماً اننا اقول الشي الي اعنيه، عمري ماشاجامل ودليل اني صارحتش من اول يوم تكلمنا وارتبطنا فيه اننا في البدايه ماعجبت ولافكرت بش ، بعدين جذبتني شخصيتش

نور رسلت له ستيكرات خجل و ورده

صهيب: انتي عارفه اننا ماخلصت عملي في الخارج بس جيت عشان اكون موجود يوم العقد ، رغم انه كنت قادر اعقد بتوكيل لاي حد بس كنت اشتي اتواجد معش واشوفش واعرفش عن قرب شويه ، بس للأسف يمكن اسافر الاسبوع هذا


.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 August 2023 23:23

@sanaaroohi2 🩵 الكنز المدفون ↴

ـ بارت 149

.
.١٥١
صهيب  سحب الكيس فتح الوجبه خرج السندوتش وقسمه

نور: بس هباله عتاكل هنا ؟

صهيب مد لها السندوتش : وانتي عتتهيبلي معي كلي

نور : مشتيش اول اغسل يدي مسكت الشجره والجدر

صهيب مد يده يأكلها : انا يدي نظيفه قفزت لفوق السياره

نور بتضحك : صهيب بغير جنان

صهيب ضحك: ليش ! طول عمري وانا مجنون ، جت على هذه ! بنبره جاده صياح (هيا كلي)

نور خازيه سحبت من يده واكلت : انا شكلي شاهرب لي اخرج ، تشتي تنزل وشعرها حنب في الغصن بتحاول تبعده ماقدرت قررت تهزر

صهيب بيضحك عليها : تستاهلي، عمل الهربه،  قرب شويه لطرف السياره: بيبعد الخصله التفت حول الغصن ، : دلا مش هكذا بتنتفيه

نور بعد ماساعدها: تسلم ، وبتنزل

صهيب سمع صوت باب بيتهم انفتح، قفز من فوق السياره للارض

خالته وهي خارجه : عاد انت هنا

صهيب: ايوه ، اوصلكم؟

خالته: قد ابني خارج، ادخل اصتبح .

دخلت دلا وهي بطيئه جدتها لاتحس عليها

جدتها جت من جنب الباب: اين كنتي؟

نور : ها ، خرجت ابسر

جدتها مستغربه: ماتبسري؟

نور : الخزان

جدتها: يو مسرع كمل امس عبينا!

نور: ماكملش بس مدري

جدتها : طلعي ماء يمكن كمل

نور فرحت انها مالاحظت عليها : حاضر

صهيب طلع غرفته يجهز نفسه لصلاه الجمعه وزياره قبر ابوه.
ويلتقي باصحابه.

بعد الغدا وصلين بنات عمها ..

عصماء : هيا قلي لنا ماتكلمتو من اول ماشفتيه

نور بحماس : اقلكن اخر موقف بس ، ابدا لكن من اخر شي

بسمه: ماشي احكي كل شي، من ايحين بنخبي على بعض اي شي

نور: تماااام شاحكي كل شي يافضوليه، بس اخر موقف لحاله

عصماء: احكي قلي

نور جلست منسجمه تكلمهن ويضحكين. ، رجعت تحكي لهن ايش كان يعرف عنها وايش سمع لما كانين يسهرين ...

كانت جلستهن مراجعه لما فات من ذكرياتهن وضحك وانسجام..


بسمه شافت عصماء : ابسري كيف كرهتنا في الحب و زوجتنا وهي قامت تحب

عصماء: حظها الشي الي انتقدته حصل لها

بسمه : بس ماشقدرش استقضي واقل شي لانها الصدق اعقلنا ، صبرت ولاقت.

نور : خلاص بس حش عليا قبالي .

بسمه : ورينا الهديه الي قلتي كتبها واداها وو

نور دخلت معهن الغرفه بتوريهن وصلتها رساله ( بطلي حش عليا )؟ ضحكت بتوريهن

صهيب بيقرا ردها : ( مادراك ! بس حش لطيف غير حش زمان) ابتسم و رد لها

نور بتقرا رده : ( عارف انه لطيف ، قلتلش بعد دمي رجعتي لطيفه ماصدقتي ) جلست بحماس وهي بتتليقن وتكتب له

صهيب بيقرا ردها مبتسم:( ياخي جي شلهن قد نشفين معايره)

نور كانت معقده حواجبها فجاه فردتهن وابتسمت وهي بتقرا :( شاشل بدلهن القلب بكله )


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

21 August 2023 01:19

@sanaaroohi2 🩵 الكنز المدفون ↴

ـ بارت 146

.
.
نور ضحكت: يو لاعد تذكر هههه انا اشتي اقول عكس الي فكرته وساء ظني فيك( طلعت حنون وطيب وشخص فعل شي ماحد فكر يفعله ابدا ، لما عرفت ان البيت هي دار و دخلتها بنفسي وشفت الرعايه والتغيير الي حصل للبنات الي فيه) وقفتك مع جدتي ومعنا هذك اليوم، حسيت انسان قد المسؤولية ، عكس مافكرتك ولد دلوع تعود سفريات و بيهنجم بسيارته وانه ابن مسؤول ، انت علمتني اننا ماتسرع واحكم على حد ابدا.

صهيب: انا فدا الحساسه العميقه الي غاصت في تفاصيلي

نور : ايوه صح دريت انكم وصلتو نفس الوقت الي جيت فيه، تشتي ترتاح!

صهيب: انا مرتاح

نور استحت: يعني اقلب عشان ماترتاح وتسير ترتاح

صهيب ضحك: حتى لو سرت شاجلس افكر فيش و اكون مرتاح ، بس اعترفي انه وحشش مود الاستفزاز.

قاطعهم صوت الاذان..

نور : يوووه مسرع خطي الوقت بياذن فجر !!

صهيب : وعادنا احس ماقد قلنا شي بس الجايات اكثر، يلا صلي وارتاحي

نور: وانت كمان عادك بعد سفر

صهيب: ماتشتي شي !

نور: شكراً على الهديه

صهيب: اي واحده حق اليوم او هذك اليوم؟

نور : يو تصدق عادنا ماشفت اشياء الخطوبه

صهيب ضحك: الصبح شوفيهن والان ارتاحي وارقدي

نور بنبرة هدوء :تمام، تصبح على خير

صهيب: تلاقي الخير كله

.. قفلت المكالمه وجالسه مطننه !!! معقول خلال ساعات تغير مسار حياتها كله !! يعني ايش الي حاسه به !! انعجبت به بهذه السرعه !

قامت صلت و رجعت ترسل لبسمه وعصماء : فاتكن خيرات لو تشتين تعرفين جين بكره عندي

ثاني يوم الصبح..
نور قامت ودخلت غرفه جدتها تشوف اشيائها حق الخطوبه..

جدتها : ماشاءالله ادو كسوه حريوه مش خطبه

نور بنظره هنجمه لجدتها: اكيد كسوه حريوه وانتو قد عقدتوا

جدتها ضحكت: هيا ابسري من اللقانه

نور فتحت الصندوق : منقوش ومحفور فيه اساميهم أنيق فتحت صندوق الذهب وتفاجأت من رقه البدله واناقتها ومكملاتها والأساور .. صندوق الأقمشه وصندوق خاص بأطقم العطور والبخور... جلست تشوف ايش يقصد بالهديه..
صندوق فاضي فيه ورقه ( هدية عقد القران سيتم تسليمها اول يوم تكوني عندي فيه)

نور : على حاذق يشتي يفعلهن اثنين في واحد هديه عقد وعرس ..

جدتها: ياساتر من لقانتش يانور ، هيا شليهن غرفتش وارفعيهن سوا في الدولاب.

نور شلت الي تقدر عليه اول مادخلت غرفتها سمعت رنه رساله في تلفونها  مراعيه تشوف اسم بسمه او عصماء ، شافت الرقم واستغربت وذكرت على طول ضحكت ( يو عادو الا رقم ماقد حفظته .. ايش احفظه من اسم. !! حفظته بأسم المجنون خطيبي)


ردت على رسالته صبح عليها ( صباح البدايات اللطيفه، والمشاعر الجديده، والاستفزازات اللطيفه، صباحي لأول مره انتي ، يارب يكون يومش حلو )


ت.ع.خ

📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

21 August 2023 01:19

@sanaaroohi2 🩵 الكنز المدفون ↴

ـ بارت 144

.
.صهيب: غني لي

نور: ياسعم خطبت من عرب ايدول

صهيب ضحك: لا بس سمعتش من حوشكم ايدول

نور: اهاا ، يعني انت الي كنت تفجعنا و رسلت جعاله و بروست

صهيب: ايوه ، بالذات يوم البروست مانساه كان اخر يوم افجعكن فيه ومن بعدها ماعد عرفتش اكثر الا في مواقف ثانيه

نور: مواقف مثل ايش

صهيب: امي مدحتش خيرات وقفتكم معنا في موت ابي

نور: وانت وقفت معي في مواقف كثيره.

صهيب: بس انا قدرتها وطرحتها في حساباتي

نور : كيف يعني؟

صهيب: يعني رغم ان قد امي تقدموا لش مره و رفضتو، ماكنت عارف وقتها انه انتي الي اختاروها .

نور: ولا احنا كنا عارفين ، فكرنا عمي من حقه الخطاب الي بيجو وكنت عادنا صغيره رفضت

صهيب: عادي حتى لو كنتي عارفه ، من حقش طبعاً ترفضي

نور: ايوه

صهيب: تعرفي ايش الي خلاني ارجع افكر فيش واطلب اخطبش بالأسم

نور بخجل : ايش؟

صهيب: حبيت شخصيتش ، كونت في بالي من مواقف كثيره شخصيتش واعجبت بها.

نور: ممم، مثل ايش !

صهيب: لما تعجبي بشخص بتكون عده اشياء بس شاذكر لش اكثر شي عجبني فيش

نور: ايش ! اننا مستفزه

صهيب بضحكه : طبعاً ، بس اكثر شي قوه شخصيتش واحترامش لذاتش رغم صغر سنش، حبيت انش متناقضه

نور بنبره تعجب: متناقضه ! هذا مدح ولا رزعه

صهيب ضحك: مشكلتش بسرعه تردي ادي لي فرصه اوضح لش، حبيت التناقض الجميل الي فيش، مرحه بجنون وعاقله بقوه نفس الوقت، رغم انش مريتي بمواقف صعبه في حياتش الا ان انتي قويه ولا حاجه بتأثر فيش وتحبطش، حسيت الحياه مع انسانه مثلش عتكون جميله متنوعه

نور ماعرفت ترد

صهيب: لكن مانكرش انش مستفزه هههه، ليش كنتي تفكريني مجنون!

نور: ايوه كنت بسألك نفس السؤال ليش تنكرت فتره وجودك واهلك مسافرين، كنت غامض تصرفاتك متخبي اغلب الوقت وتخرج متنكر

صهيب: اهااا، خطيره كيف لاحظتي هذا كله، كنت مفكر نفسي حاذق ومحد منتبه، حتى انكن صدقتين اني مجنون

نور: ليش فعلت هكذا ؟؟

صهيب: القصه شويه سريه وامنيه، بس قدش مني وفيني ماشخبيش عليش

نور تأثرت بكلامه وانحرجت: عادي لو ماتشتي تتكلم

صهيب: لا عادي ، هذك الفتره كان ابي مسافر ، وتعرفي انه كان مسؤول ، فكان في معه مشاكل عن اراضي وغيره ، اضطريت ابقى في البيت ونفس الوقت تمويه اننا مش انا، عشان قد اتصوبت مره واحنا بنتشارع على ارضيه .

نور بصدمه وحماس: اهاااا، يعني القارح الي وقع مره في الحاره بسبب هذا الشي!

صهيب: ماشاء الله مركززززه وذاكرتش ديناصوريه

نور ضحكت: طبعا مانسيت القارح لانه طيرني مترين

صهيب:يعني تشتي تقلي لي انا السبب ههه،  لا القارح سببه ثاني ، عتعرفي وانتي عندي

مساء التفاعل الحلو😍❤️🌹


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

19 August 2023 22:55

@sanaaroohi2 🩵 الكنز المدفون ↴

ـ بارت 142

.والي يبسر الضحكه من اول ما دخلتي انتي وياه لوما روح مايقل بتقالعيني ذلحين ، ماشاء الله رضيتي وفارحه وياسلام سلم

نور ببرقطه وهي بتصيح: جده مااااادريتش انه عقد قالو موافقه قلت ايوه يتخايل لي خطبه، ابسر عمي يدخلني لاعند الرجال ويخرج يجاوب ، كركرت من الصدمه تعرفوني لما اوقع في موقف يوترني ومحرج اضحك قلك فارحه

جدتها وهي بتغمز بعينها وتاشر باصابعها لعيونها: والله انش فارحه، بنتي او ماعرفش، ولو مش فارحه على الاقل انش تعرفيه شويه، سالتش قبلها في قلبش حد! لو جالش اي حد مناسب قلتي الي تبسروه، ولا شسخى عمري اغصبش ع شي، بس شفت لش الاصلح، الولد هذا واهله احبهم وثاني مره يتقدمو لش ماقدرت ارفضهم الصدق ، وبعدا هم يشتو خطبه عمش رفض، غثي عليش بعد المره الي سارت حين فسخو،
قالو عقد، امد يغلقو بقيه السنه حق موت ابوه ويعرسوا، يجي وقد تميتي قرايتش ، ذلحين انتي موافقه؟

نور وهي بتنتف الفل حبه حبه سارحه فيهن: وانا قد صليت استخاره مليون مره وطلبت اشارات وبينرتاح اكثر واكثر ، وان شاء الله يكون فيه الخير.

الجده : ان شاءالله ، هيا سيري بدلي وصلي وتعشي ، انا اسير ارقد قدنا تاعبه .

نور: وين بنات عمي ؟

الجده: روحين عند ازواجهن.

نور قامت هي وجدتها دخلت غرفتها، وصلتها رساله ، فتحتها
( معرفش ايش يرسلوا اول رساله لاثنين انخطبوا وعقدوا على بعضهم ، ابارك لنفسي بش!
او اقول الله يعينش عتتزوجي المجنون الي كنتي تهربي منه في الحاره!
او الجني الي ساكن البيت المهجور جنبكم، بس اقول الحمد لله الي اختارش لي قلب اسكن فيه ، و شريكة حياه للعمر كله
مبروك لنا يا مستفزه )

نور شدتها اخر كلمه على طول رسلت سؤالها :( انت الي رسلت لي هديه عيدميلادي ؟)

صهيب بضحكه: ايوه استفزني تعليق وحش لش انتي وبنت عمش عليا وعرفت من صفحتش انه عيدميلادش ، فقلت اهنيش بطريقتي)

نور : وانا مخبيه الهديه لما اعرف من صاحبها طلعت انت،

صهيب: طلعت انا في كل شي، ايوه صح اشتي اسألش سؤال محيرني، بس ماينفعش كتابه ، لما تكوني فاضيه افعلي لي رنه اتصل لش نتعرف ع بعض اكثر، واسألش وتسأليني الي تشتيه.

رساله ثانيه وصلتها من بسمه و عصماء وصحباتها، وبتوصل اشعارات ارتبشت فتحت نفس رسالته كتبت : اصبرين اتعرف اول عليه وبعدا اقلكن ماوقع( سارحه وفي حاله صدمه من كلامه مانتبهت خلفيته ورسايله الي فوق كتبت و رسلت وشافها نفس اللحظه)
وهي انتبهت لما شافت اشعار ثاني منهن ومسكت وجهها
صهيب ،ضحك باين مربوشه كتب لها : قليلهن قد حشيتين عليا لوما شبعتين تحت الشجره، ذلحين دوري احش عليش وعليهن ، اليوم لنا، افعلي لهن بلوك.

نور ضحكت : تمام وهذه فكره حلوه..
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

19 August 2023 22:54

@sanaaroohi2 🩵 الكنز المدفون ↴

ـ بارت 140

.عمها خرج يجاوب بسمه عشان تستاذنه تقله يلبسين النسوان يتصوروا جنب الكوشه..

عمها: قال طيب وخرج عشان النسوان كانو مغلقين عليهن الباب

نور بذهول وصدمه ومستغربه: انت ؟؟

صهيب مبتسم ومستغرب ردة فعلها : انا ايش !!

نور من كثر توترها بالموقف وصدمتها جلست تضحك..وتكركر

صهيب بيضحك معها من ضحكها

دقت الباب عصماء ودخلت وهم بيضحكوا (ماشافت صهيب شكله): هيا تعالو تصوروا، النسوان لبسين

دخلت امه للغرفه وسلمت عليها وباركت لها

عصماء شافته انصدمت قالت جملتها وواقفه مكانها مبلوده بتشوف نور بتسلم ع امه، خرجت هربت فجاه لاعند بسمه

بسمه قربت منها تشاورها: ايش

عصماء: كنتي عارفه ان العريس صهيب جارنا المجنون؟

بسمه كانت جالسه قامت وقفت تشوفها : ايش؟

عصماء: مش انتي داريه

الجده شافتهن وعرفت ايش قصدهن وعن ايش بيتكلمين: هيا ابسرين نور المصوره تشتي تروح

نور بتمشي جنبه وفيها ضحكه( طبيعتها لما تتوتر قوي تجي لها ضحكه)

ام صهيب سحبت يده وخلته يمسك يدها.

صهيب كل مالفت لها شافها بتضحك او مبتسمه يبتسم

بسمه بتشاور نور: بتبسري !!

عصماء: بدأت لها الحاله

بسمه: اي حاله انا حاسه انها كانت عارفه وساكته لاستقضي فيها..

عصماء بتسكتها قد دخلو والناس بتحجر(تزغرط)

في الكوشه واقفين مش قادره ترفع عينها تشوفه بتضحك لما تشوفه.. شافت جدتها قدامها اشرت لها دلا ببطء لاحد يلاخظ( من عيني)

الجده بتضحك جالسه بقعتها تشوفهم.

المصوره بتطلبهم يعدلوا الوقفه كل واحد وجهه بعيد عن الثاني

صهيب بيشوفها و داخل نفسه( كيف تغيرت كبرت شويه احلوت) بيتحيلا لشقاوتها كيف نظراتها وماسكه نفسها

نور ماقدرت تمسك نفسها شافته بيشوف عيونها شافته كركرت تضحك

صهيب بيشاورها: بس ضحك، عديت اسنانش كلهن

نور هدأت لما سمعت لقانته : اصلا ايش اداك كنت مسافر

صهيب : جيت توريني اسنانش، قصدي جمالش مايخارجني خطبه من بعيد
نور : ماعرفت ترد عليه المصوره بتقاطع ، ويناولوهم الكيك والعصير

صهيب بيأكلها الكيك: انتبهي تقحصي يدي بالاسنان هذه

نور تبرقطت منه وهو منتظر تاكله اكلتها عليه ،

وهن جالسات..

ام صهيب: كنا جايين قبل يومين نترتب قبل ، لكن قرح قلبنا والله خزينا قوي منكم مانوصل وقت العقد ، الحمدلله لحقنا ،جينا وهم ينزلو الشنط ، امانه لو ناقص شي في شنط الخطبه والاشياء قلتوا لنا


الجده: ماشاء الله اختش وعيالها و زوجها واخوتش واعمام صهيب ماقصرو جو وفعلتوا الي بيفعلوه الناس كلهم و زياده، حتى ان البنات قد حجزين الحفله كلها، بس اختش والكل جهزت، يعني مانقص الا وجودش ، مايهم يابنتي شنطه و بلايا ، اهم شي الاهل والرجال لو هو سوا.


.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

19 August 2023 22:53

@sanaaroohi2 🩵 الكنز المدفون ↴

ـ بارت 137

.بعد اربع أيام..

الجده بتتفرج : أخيرا البيت ترتب ورجع مثل ماهو واحلى

اول مره استفيد من زواجه ابني بأربع

الاولى عوجت فمها: اهم شي

الجده: الصدق ماشاء الله عليش، والله ان انتي ضخمه يامره ابني

الثانيه كانت بتبتسم حين بتعلق الصور لما شافت عمتها بتكلم الرابعه طرحتها وجلست قدام عمتها

الرابعه : تسلمو

الثانيه: على مه، كانت تفعلها هنا ونقلها هنا، لومحنا جنبها ان قد رصت لكم كل شي في شق

الرابعه: واضح مثل الصور الي علقتيهن هكذا ساع الصدف ، ماينفعش يكونين هكذا ( قامت تعدل)

الثانيه قامت تبعدهن كلهن الي صلحتهن: هيا اتعبي ساع ماتعبت وبعدا تفلسفي

الرابعه ببرود: الشي الي تحبيه ماتتعبيش ابدا تسلمي انش بعدتيهن بدل ماتعب نفسي

الجده جالسه بتضحك وتربط راسها : هيا قومين روحين لكن القوا قد انتين وانيات عمل وانا راسي تعب منكن

في غرفتها .
بسمه: حددو الخميس الخطبه

نور: داريه

بسمه : طيب اشتريتي فستان؟

نور رفعت حواجبها: اشتري فستان عشان امه وخواته ! بعقلش والله ماشتري ومش انا داريه كيف شكله اعرف يستاهل فستان او مع

عصماء بتضحك: عتوقعي شوعه ولو هو شوعه عيقولوا بتتشرط ع ايش ع حلاها

نور : ابردي مشتيش مش ضروري فستان ولا حفله

بسمه: ليش سندريلا او ايش، احنا نشتي نفرح بش

نور: وانا مشتيش ضابحه، قلنا تمام زواج تقليدي بس الصدق مش لهذه الدرجه.

بسمه: لو مابش فيه خير ربي ماعيسخاش عليش، قومي افعلي لش ماسك لوجهش

نور: مابش داعي قد قالو جده بعد بكره حين تمينا البيت نسير الحمام ( حمام بخار)

عصماء: شاجي معاكم

بسمه: وانا اجهز لكن الغدا

نور : ياسلام وتمسين ونخرج الحوش يابنات خاوره لمتنا ساع زمان

عصماء: ان شاءالله

بسمه بتوريها صفحات فساتين واختارت واحد

نور : بس هذا قوي منفوش ومطرز

عصماء: دوري لها واحد انيق بسيط مش ضروري مطرز ومنفوش عادي اي شي حالي رقيق انيق

بسمه بتقلب عجبها فستان وافقين عليه

عصماء: والتسريحه

نور : بس خباله تسريحه ايش شعري اسشوره وبس

بسمه: ناهي لوقته عنسد اهم شي اطلب الفستان؟ عجبش

نور : ايوه حالي ، سارت تجاوب جدتها

بسمه بتشاور عصماء بسرعه: مارايش نخلي تنسيق الحفله من وجبات وكوشه وديجي من هذه الصفحه.

عصماء: ايوه تعاملها لطيف قوي

يوم الخطوبه بعد العصر الناس ملان البيت النسوان فوق والرجال نازل..

وصلت من الكوافير في غرفتها

بسمه: تجنني قوي شعرش حين هو خيرات وطويل وقع بالتكسير يجنن

نور: مكياجي؟

عصماء: قووووي ناعم روعه خفيف
مرت عمها: انزلي يانور للدرج جاوبي عمش

نور مربوشه: ليش؟ الرجال نازل

مرت عمها مسكتها : هيا جي يشتو الموافقه.

نور نزلت وقفت ورا الباب وبيسأل
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

19 August 2023 22:52

@sanaaroohi2 🩵 الكنز المدفون ↴

ـ بارت 135

.جدتها: يوقع ماوقع، كما يوم الخطبه ابسرتيه ماعجبش عنقله يتسبر عشان تعجبيه

نور بضبح : هيا ناهي، اجلسوا ازبجوا ، اشتي تعرفوا مش احنا في زمنكم، تزوجونا بأي حد محترم جا وبس !

جدتها: مسختكن المسلسلات، قد انتين اخس من الرجال بتتشرطين في الشكل

نور: اقل شي يوقع مقبول مابينقل ابيض واخضر واشقر ومدري ايش ساع ماهم بيتشرطوا

جدتها: ولاتهمي

نور دخلت غرفتها ضابحه ايش الي بتمر به هذه الايام كل شي الغاز هديه لغز وخاطبي ماعجبها شكله.

وافقوا عليه وماتعرف عنه الا مواصفات شافت الكتب انسدت نفسها..

ابتسمت لما شافت هديه بسمه وكيكتها الصغيره الي احتفلين سوا في الغرفه مع عصماء بالمكالمه فيديو..

بعد اسبوع...
الجده: اتصلت لعيالها واخوها ومجتمعين ماعدا سمير...

نور وبسمه وعصماء كلهن مستغربين ايش في

نور فارحه : اقلكن او عتعرفين بعد شويه

بسمه: قلي لنا ايش الموضوع ، احنا قلنا لو هم تاعبين، اتصلو بعد صلاه العشاء

نور: يلا شاقلكن ، جده رجعو اشتروا البيت القديم

عصماء بصدمه وقفت : صدق؟
بسمه قربت منها: كيف ايش الي تغير فجاه
نور : اسكتين ، جده وقع لهم ورث، وقدروا يدبرو ثلاث ارباع المبلغ، والباقي سهم ورثي وورثهم، وسألو اعمامي لو عيوفوا الباقي من ورثهم امد لوما يستلموا بقيه ورثهم ويقضو اعمامي

عصماء: ماشاء الله جدتش هذه كم معها يختي كل فتره وخرجوا لهم ارض

نور بعوجه فم : تخيلي هذا الي بيتحاكو عنه عاد باقي الي ساكتين عنه خيرات ، لكن يلا ماعد في حسهم يشتو يرجعو هذك البيت فارحين فرح

بسمه: طيب وعمي سمير عيرجع يضايقهم ويضايق ابي وعمي، ويمكنهم نورث لو وقع بهم شي

نور: عشان هكذا بينقلكن اسكتين انتبهين تتكلمين ويوصل خبر لنسوانه وله والله لايرجع يهرمنا، جده اتصلت لاعمامي تقلهم يتفقوا انهم رجعو ورثهم وزلط جدتي وتشاركوا يردو البيت

بسمه: تمام

عصماء: و رضي الي ساكن فيه؟

نور: ايوه اصلا طلع محد سكن فيه، هو الحارس بيجي يتفاقده كان ويسير الحمدلله

بسمه: وكيف عتفعلو نقوله وخطبتش ؟

نور: مستغربين مالهم ماجو، قد ردو لهم خبر موافقين

عصماء: شكلهم فحطوا

نور: قدو بختي ، عاد الاول انخطبت وفسخت ماهذا جلسه تعارف وهرب


بسمه: لو زد عرفش شخصياً كان عيبطل يتزوج عمره...

جلسين يضحكين..

عصماء: اقلش الشرط حق عمي سمير وماتعصبيش؟

نور بخوف ايش؟

عصماء: بس لاتتكلمي اننا كلمتش قوا

نور: هيا قولي

بسمه: مالش تحاكي

عصماء: شرطوا انها على طول توقع ملكه( عقد) يعني مابش خطبه

نور بصدمه: بغير جنان

بسمه: اذا فحطوا من شرطه

نور: احنا قلنا مانشتي عرس ع طول ماله بيتفلسف عمي

عصماء: قال مايشتيش يوقع ساع المره الاولى خطبه وفسخ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi