•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 August 2023 23:35

@sanaaroohi2 🩵 الكنز المدفون ↴

ـ بارت 119

.وايش المشاكل والي تحتاج حل ونبلغكم

صهيب: تمام والسعر مايهمك ، بس نشتي امانه ومصداقيه في العمل ، البنات هولا امانه في رقبتنا، يعني نشتي تعقيم واهتمام زي اي حد بيجي عندكم للعياده

الدكتور : اكيد يا استاذ ، وانا جبت اشطر بنات معنا وقدهن في السنوات الاخيره تطبيق متمكنات بحيث يتدربين ويكونين مساعدات لنا بما ان العدد كبير، بس تأكد ان اي شي محتاج خبرتي مابقصر

صهيب: خلاص بعدك يادكتور ،
المديره: ممكن الاسماء نسجلهن عندنا والبيانات ،عشان نبدأ جهزنا لكم غرفه للمعاينه .

الدكتور اكيد : كل واحده تعرف عن نفسها يا دكتورات

صهيب كان بيشوف الورق الي عرضها مركز الاسنان لهم اول ماسمع صوتها واسمها رفع راسه ..

نور لاحظت والكل انتبه

صهيب عشان يوضح الموقف: الدكتوره نور، كانت جارتنا ،

اهلا وسهلا بكم جميعاً وتفضلوا معنا لغرفه المعاينه..

قام معهم وطلب المديره تجهز البنات ويرتبين دخولهن..

الاء شافت نور: حركات كنتي جاره الوسيم هذا !

نور بتجاوبها بصوت واطي: وين الوسامه

الاء: يوو قدو باين كيف لوما مابتستضي، تقولي مزوج

نور سكتت ماعد قالت لها انه تقدموا لها: كان عرسه قبل اسبوع

الاء: بس مابش دبله في يده

نور: من ايحين اليمنيين بيلبسو دبل

الدكتور حس انهن منشغلات بيتكلمين وفي طرف الغرفه : دكتوره نور دكتوره الاء : تفضلين

صهيب شاف نور وابتسامه كانت زمان هذه الابتسامه لقانه

نور : نعم يادكتور

الدكتور في يده حاله عمرها عشر سنوات : هذه البنت ايش تحتاج ؟

نور : تنظيف وحشو للضرس الخلفي، وتحتاج تقويم لان عندها تزاحم بالفك ..

الدكتور : تمام اكتبي اسمها وسجلي ايش تحتاج.

الدكتور بدأ يسأل الي بعدها..

نور كملت تسجل الملاحظه..

صهيب جلس في الكرسي الي جنبها وبيسألها : ليش اسناني السفليه لونها مختلف عن الاسنان العلويه مصفره شويه.

نور : تحتاج تنظيف للأسنان في عياده عشان ازالة الترسبات

صهيب : متى تبدأو تطبيق

نور :سنتين دراسه وسنه ثالثه ماقبل السريري والان رابعه وخامسه بدأنا تطبيق عملي..

صهيب بصوت واطي بيمازحها: ها شاراعي تتخرجي، مش مستغني عن اسناني

نور ماقدرت ترد محرجه منه ولان الدكتور مركز عليهن

صهيب :  وانتي دكتوره عقلتي مابش لقانه زمان .

نور ابتسمت وساكته اشر لها الدكتور و راحت يشرح لها..

صهيب طلب من السكرتيره تضيفهم ( وصل العصاير والمعجنات) ..

بعد نص ساعه من العمل قررو يستريحوا

نور بعدت الكفوف غسلت يدها ورجعت جلست ،  نزلت الكمامه وبتشرب العصير ..

صهيب شاف تغيرت بشرتها صفيت عن زمان وقت ماعرفها ..
خرجين البنات حق الدار

رجع يناقش صهيب

الدكتور: ، فكره من هذا الدار ؟

ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 August 2023 23:25

@sanaaroohi2 🩵 الكنز المدفون ↴

ـ بارت 117

.في بيتها بعد ماتزوجت(لها شهرين) خلال الفتره الي راحت

صفاء رجعت من الكوافير ،شعر ومكياج ، خرجت فستانها الجديد الي وصل ولبست وبدأت تتجهز عشان تسير عرس من اهل زوجها...

بعد ماجهزت دخلت عمتها هي وزوجها للغرفه

عمتها: اسكه كيف وقعتي

صفاء كملت تلبس الاخراص قدام التسريحه التفتت لها مبتسمه : كيف وقع كل شي ؟؟؟

عمتها تغيرت ملامحها بعصبيه : يو حسبش الله ياصفاء والتبداع مالش

صفاء بخوف من شكلها انه يكون مش حلو: قد قلتلها هذه البايخه لاتزيده هكذا ولافهمت

عمتها : لو على المكياج سهل، انا من الفستان، كانش شليتيه من الحراج، البسي من حقنا وذوقنا الي ادينالش

زوج صفاء: والله انه حالي شكلها قوي مابش فيها شي ، سيري به بس

صفاء قد بدات تدمع وتمسح

عمتها : خلاص لاتجيش قد وجهش ساع قصعه الرنج حين تيبس، خاطرش، خرجت وغلقت غرفتهم

صفاء: بتبسر امك؟

زوجها: الله يهديش بس ، ياسعم تعرفي امي ذواقين قوي ويشتو يهنجمو بش خارج

صفاء: وانا مالي اعرف الذوق من قبلهم بس زيدو بها وياريت ع شي يستاهل مابش مايكلف

زوجها: على فكره انتي واهلي نفس الطبع سبحان الله والمشكله انكم محد عاجب للثاني، خرجيني من مشاكلكن سدين...


في مكان ثاني..
بيجهزين ليوم العرس حق بسمه سامرات كلهن..

بسمه زاعله فستانها مش على ماتشتي..

نور : خلاص مامعش الا الحاصل عتغيريه بالتسريحه والمكياج، عادي لاتزعليش نفسش مابش وقت

بسمه كانت بتراسلها ( عريسها) وبتحكي له ان الفستان مش الي طلبته وغيرو طلبها..

وصلت رساله منه : ( ولاتزعلي ، معقوله ولاشي عجبش في السوق؟؟

بسمه: الا في حاليات بس محجوزات وبعضهن بالغو في سعرهن قوي وانا حددت لكل شي مبلغ

عريسها: هاتي اسم المحل ورقم الموديل وساعتين وهو عندش ولاتهمي شي ثاني خليه عليا

بسمه فرحت بتوريهن رسالته

عصماء: سبحان الله، ماكنتي راضيه به وانخطبتي خطبه تقليديه بس جا احن من كل الي عرفتيهم

بسمه: ايوه قد بينحبه قوي

نور بدات تغني وتتليقن : قد بينحبه قويه اكثر من ذيه وذيه

بسمه بهررت وعدلت لها الاغنيه: غصبا عن ذيه وذيه( تاشر على نور وعصماء)
( الي يحكي اسراه لصحباته المقربات او خواته يندم، احس صندوقي الاسود معاكن شلوكن)

عصماء: عنخرجش بيت زوجش وندفن كل شي

بسمه: انتي انخطبتي وماجننتيني بس الله يوصلني لوما نور توصل ليدي كيف شفعل بها

نور: والله اننا اوقات احس نفسي مدري كيف، محد بيحبني، ولو حد فكر يحبني ويعجب بي، يطلع اهبل او سامج مايعجبنيش

عصماء ضحكت: ساعش اصلا ، على ايش بتضحكي عليهم.




بيت صهيب ..

ابن اخوه : هيا ياعم لو بطلت عناد وخطبت ، كان تزوجنا جمعه

صهيب: ومن عيجهز لك عرسك
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 August 2023 23:25

@sanaaroohi2 🩵 الكنز المدفون ↴

ـ بارت 115

.شافت السياره الي في الحوش وبضربه ع باب السياره: من عندنا؟؟؟

الاولى بقلبه وجه ودلع ساع الرابعه: سياره العروسه

السياره بعد الضربه طلعت صوت  انذار ماعرفين يسكتنها

الثانيه: الله واكبر عليها سياره شكلها محارشه ساع صحبتها

من الدور الي فوق بدت راسها وامنت السياره مره ثانيه: بعدين من جنب السياره لو سمحتين

الثانيه بمحانكه طلعت جلست فوقها: سعليش شاوبه لها انا..

الرابعه تحانكت دخلت بدلع لاعند سمير ، رجاء قلها واحده مستفزه ، جلست فوق السياره لو تعطف الحديد ،

سمير قام خرج من الطاقه يشوف من هي؟ :ماداش

الثانيه : رجلي

سمير: وليش جيتي ؟ كان عتجلسي هانك

الثانيه: يوو وانا اسخى ماجيش افرح لك ياروحي ، والله لاكسر على كرامتي واجي انت داري كم انت غالي عندي..

سمير ابتسم : هيا جي ماحاكيش

طلعت الدرج وهي بتزنط وتتمخطر قدام طباينها

في الدرج لقيها..

سمير:, هيا كلامش هذا والله انه خلاني ارجع اكبر مكانش في قلبي قوي

الثانيه داخل نفسها وهي بتتبرقط( انا شاوريك كيف ارجع مكاني وحقي منك ، على ايش اصبر فوق هذا الهرم والطبان كله، الا بعد ماعوض خساره جلستي معك، ضيعت عمري وشبابي ونفسي في جاهل وانت عايش بتظلم بنات الناس)

سمير مسك وجهها: يااااي من بينكلم، كلمتش وطننتي

الثانيه انتبهت: ها ياقلبي ماهو ماقلت؟
زوجها : جي تعرفي عليها ، قد امس طباينش جننين استقبلنها ساع الاشباح ،،، بيكمل لها الكلام والأحداث ايش فعلين طباينها

بعد العصر جالس مع اصحابه .
صهيب بيسمع مغامراتهم، والي حب والي مصاحب، وأصحابه  الثانيين الي تزوجو عن حب. ، وبيسأل نفسه ليش ماكنت مثل الشباب هكذا ! و ماصادفت بنت تناسبني وتدخل عقلي وقلبي، يمكن ماكنت انا منتبه ومركز لهذا الشي، جريت ورا دراستي وطموحي !!! ويمكن تنقلي مع ابي من بلد لبلد مادت لي فرصه، حتى لحد اليوم الي القاهن في حياتي مش مناسبات ابدا ، بيتحبيلا لابن صاحبه، ويتذكر امه بتتراشاه تفرح به ، شكلي اصبر على ابي سنه و اتزوج تقليدي وبس

مرت الايام والاسابيع والشهور بدون احداث مهمه
تجهيزات عرس بسمه.
الجده : وزعتين كل الدعوات للحاره؟
نور : ايوه ماعدا بيت المجنون ( صهيب) مابحد قالو مسافرين

الجده: يو كيف مسافرين ! هم قالو ماعد عيسافروش؟ من قلش

نور: مرت محسن

الجده ضحكت: زكاش عقلش انتي وياها، هذك يابنتي مش هي بحسها ماسالتيها الا هي ؟

نور: ايوه

الجده: ارجعين سيرين مره ثانيه يمكن مابحد هي

نور: حاضر لو خرجنا مشوار لهناك شاسير انا وعصماء او لبكره

بعد يومين
قبل الحفله بيومين

عصماء : يو صاحب الكوشه قريب من بيت جدي

نور: يووو ذكرتيني الدعوات هيا حين هن فوق السياره نسير
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

12 August 2023 00:35

@sanaaroohi2 🩵 الكنز المدفون ↴

ـ بارت 113

.اشرين لها لا

نور ضبحت منهن مقهوره ع شجرتها, سارت تدق الخزان فاضي

فتحت باب السياره

عصماء شغلت السياره

نور شلت شنطتها: راعي اين عتسيري

عصماء: اطلعي مالش ماتغلقي الباب؟

نور: اسير اشتري ماء وارجع.. مشيت

بسمه : يهي عاد البنت ناويه ع حفله قلك تشتري ماء

عصماء: هذه بتجنن والله لو يدروا ماعيفعلو بنا

بسمه: هيا نفعلها مقلب ، نخليها تبطل عناد وجنان

عصماء: ياسعم من بتفجعي نور !! والله مايقع مقلب الا فينا عنستحي حين فلتناها عتكمل حفلتها وترجع تكس

بسمه بضبح :, يووو منش يانور، يارب مايتصل ابي


نور رجعت بثنتين دبيب ماء كبار ..

عصماء فتحت باب السياره: ايش بتفعلي؟؟؟..ماهو هذا


نور : اصه بس ادخلي وعتدري ليش


بسمه: عيب لو يجي اصحاب البيت

نور : لابهذلهم والله ليش يفلتو الشجر هكذا يبسين حرام

بسمه : مادخلش طيب بيتهم قدو

نور دمعت: بس هذه شجرتي ، بينحس فيها امي وابي هنا اكثر من القبر

بسمه بتضحككك دخلت باب الحوش واقفه : يانووور بس خباله كذبه كذبوها وانتي صغيره وكبرتي وشلوش قبرهم عتجلسي ليحين تظني انهم هنا

نور مطنشاها و بصوت عالي  تغالط انها تسمع كلام بسمه ونصايحها  بتغني( حنيت) وتسقي الشجره..

بعد ماكان واقف في الحوش يحاول يفهم من المزعج قليل الذوق الي بيدق هكذا وسمع صوتها، مصدوم!!! له فتره البيت مابش حد فيه معقول بينتخيل او ايش ؟؟؟


خرج من باب بيتهم ووصل شاف الباب مفتوح دخل يشوف

نور مواصله تغني ظهرها للباب وبتلقط القراطيس الي حول الشجره
بسمه حست حد واقف في الباب وراها مالفتت : عصماء لحقتنا

صهيب : ما بتفعلو هنا؟

نور شافته وقفت ويدها ملان مشمعات : هااه ، ليش في ناس ساكنين هنا؟؟

صهيب : مدري بس ، استغربت شفتكم ، انتو رجعتو ؟ اشتريتو البيت؟

نور بصدمه وبتفكر انه غبي او ايش بتفهمه رغم انه فاهم( بعناه ايش اشترينا ، قد بعناه)

صهيب: ايوه بس بعدين اشتريتوه؟ او كيف ليش رجعتو

نور  ارتبشت : الشجر يابسات حرام محد سقاهن ماء

بسمه: هيا نور نروح اقطبي خلاص

صهيب : ولا حد رد ؟

نور خرجت اكياس الزباله ودبيب الماء: مدري ليش رجعنا، لقيت نفسي فقدت للبيت قوي، قلت اجي ، رجاء لاتقل لحد اني دخلت


صهيب واقف مصدوم !ساكت بيفكر في تصرفها!! هذه مجنونه او بعقلها !!

نور هيا عتبعد ؟؟؟ نخطى

صهيب استوعب خرج واقف بيشوفها..

نور قفلت الباب ، تشتي تطلع السياره رجعت

صهيب كان قدو ملتفت يروح سمع اسمه

نور : صهيب، ممكن طلب؟

صهيب: تفضلي؟

نور : ممكن تكون تطلع فوق الجدر وتسقي الشجره هذه ماء.؟؟

صهيب: اتشنقع الجدران كلهن اسقي الشجر ماء !!! ليش قالو لش مزارع او شاقي

نور بضبح ...

ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

12 August 2023 00:35

@sanaaroohi2 🩵 الكنز المدفون ↴

ـ بارت 111

.
.صهيب بيشوف من الطاقه للجدر وشجره نور مع الخريف بتتساقط اوراقها وصفرت
امه ركزت عليه: ، ما اخس البيت بعدهم الدنيا فاضيه

صهيب داخل نفسه( صح كان حوش بيتهم نفسه طاقه وحيويه من حوش بيت جدها),..: بس يتخارجوا طالما قد فيها رصاص ومشاكل سهل.

امه: انت داري ياصهيب سمعت جدك بيحاكيهم ان به كنز في هذه المنطقه

صهيب عارف استغرب امه كيف عرفت بيموه: جدي الله يحفظهم مع الكبر بيخرفو

امه: والله مابيخرف خراف، ولو هو بيخرف ام سمير بعقلها

صهيب: اشاعات كم سمعنا واشترو بيوت قفانا ونبشوهن وهدوهن ومابش شي

امه: اصلا حتى لو لقينا  كم عيقع ومدري هو شي قيم ولا تحف وكتب ما منهن فايده ،قد ابوك الله يرحمه وجدك ماقصروش ، عيشونا في عز

صهيب: الله يرحمه.


مشيت الايام والاسابيع بدون احداث..

سمير شل سهمه من البيت واختفى فتره وبعدها

سمير : ياخي امي ادتلكم نصيبكم؟؟

فؤاد: ماشي عادها قالت عتعمر لنا عماره وكلنا نسكن شقق

سمير: وانا ليش ماتحاكوني اشارك معاكم، بعتوني خلاص

فؤاد ضحك: اولا انت قطعتنا فتره، ثانيا شليت فلوسك وهي ولاعد خبر ، ثالثا يشتي لك لراسك عماره وانت ونسوانك

سمير ضحك: هيا خليها ع الله ربك عتصدق ان اليوم بعد المغرب ساير ادي الحريوه الرابعه اشتيكم تجو معي

فؤاد : لاحول ولا قوة الا بالله ، وانا اقول مالك ذكرتنا

سمير: هيا ناهي مش وقت معاتبه ساع المكالف ، عتجي او ادور ناس تجي معي

فؤاد: ناهي كلم اخوك ماعيجي ع اتصالي انا

سمير: الان شاتصل له، خالي مارضي

فؤاد: ونسوانك داريات؟

سمير: الثانيه حنقت، والاولى والثالثه  فرشين وقشعين الشقه هن

فؤاد هز راسه : ماشاءالله مافلحت ياخي انت في اي شي، الا في ضبط النسوان، واحده ومش قادر عليها انا غير الي خلقها ، متحمل هرمها ومصاريفها وهرم الجهال، وانت بتوالف لك نسوان

سمير: الرزاق الله . المال والبنون زينه الحياه الدنيا، والشرع حلل اربع، وانا اكمل ديني ، لعلها تجي الي عيسخر لي ربي منها جهال

فؤاد: اي دين ياخي اي دين ، يلا الله يعينك ويبارك لك



في مكان ثاني...

صفاء بتتكلم في التلفون مع واحده تقرب لام صهيب

ام صفاء : الحمدلله بنجهز لعرس صفاء

المره: يوه مش فسختو ؟؟

ام صفاء بزنط: طبعاً وبعدها باسبوع جو لنا بيت فلان، قدش داريه منهم وخطبوها خطبه ماقد وقعت لبنت، الذهب ذهب مفصص بالماس والقماش قماش والعطور اين ماقلش ادو شنطه بس عطور

قريبه ام صهيب: ماشاء الله ، الله يجعل في ذلك خير وسعاده يارب ويتمم لهم بخير

ام صفاء: ذلحين العرس بندور افخم قاعه ارجعي اسالي لي عنرجع نعرس



بيت سمير

سمير وصل مع العروسه ونسوانه مستقبلاتهم بفساتين بيض مكوفرات


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

11 August 2023 00:16

@sanaaroohi2 🩵 الكنز المدفون ↴

ـ بارت 109

.
.اختها : انا لو انا بش لاقهره وانخطب واتزوج قبله، اي حد يجي مناسب بطلي ترفضي

صفاء بقهر: اكيد انا اوريه هذا الي مش من مستوايا وعادو بيتخايل روحه هو وامه ابن امه .

بيت الجده..

اخوها جا لاعندها : ذلحين تشتي زلطش ؟ معش اخر مبلغ من ورث امي الله يرحمها

الجده: كم عيوقع؟

اخوها: تقريبا ثلاثين مليون سهمش

الجده بقهر بكيت: قلتلك ياخي دبرها لي قبل مابيع البيت شلو تعبي وبقعتي وكل شي كنت شاسكت سمير بها يشل حقه وينقلع

اخوها: مانفعل نصيب والبقيه عيجننوش ، هكذا تتخارجي وبس خلاص

الجده : تمام و ادي حقي شاشله هذه المره ماعد شاشارك معاكم بمشاريع، كم خسرتوني لو شي ان قد معي مصنع لراسي

اخوها بضحكه : وانا اقل ابنش لمن طلع وانه لش، الحجه عندي بينشارع لش،

الجده ضحكت: ماعد اشتيش مشاريع ياخي خلاص مابسرنا منهن الا خسارات اشتي حقي اضمن للعمر لو وقع بي شي علاج عمره حج ، كلهن

اخوها: تمام بعيني .

في مكان ثاني..

اخت صفاء لامها: بغير جنان يمه، بنتش ولافيها شي ، افكارش عتخليها صدق تصدق روحها وتتعقد، ايش من شيوخ وايش من عمل سحر ؟ عتسحري بنتش !

الام: من قال انه سحر ، بينقلش خطه

اخت صفاء: ايوه سحر بس بيدوه بطريقه ثانيه اسم عمل اسم حرز... لاتدخلي البنت بمتاهات وتمرضيها، وتصلحي المشكله بمشكله اكبر

امها: فجعتيني حسبي الله فيش من بنت كيف بتوسوسي

بنتها: حين عتسخي ع روحش وعليها تدخلين مكان هكذا، الجأين لله وادعين وهو اقوى منهم ومن عملهم

امها مطننه:, يابنتي كم دعينا وابسري ماوقع، الناس ماعتقل

بنتها : تعبتونا هرمتونا، الناس الناس، مافعلو لي الناس؟؟ تزوجت وتطلقت وتكلمو عليا ، وذلحين خايفه يتكلمو عليها! عيتكلمو وعتتزوج وعيتكلمو ، طز عيشي لنفسش عتجنني ببنتش عشان الناس

امها: بنتش وهي اختش يكفي ماقالو عليش

بنتها : طز يقولو يشبعو

امها: عنبسر كيف من قلي احاكيش فجعتيني قد كنت تشجعت.

بنتها: معي اليوم حفله توديع عزوبيه صاحبه يمنيه عنسير انا وصفاء تغير جو

امها: حالي اخرجين تنسى الي حصلها..

صفاء قررت تتناسى الي حصلها وتبدا صفحه جديده وتعيش، خرجت اضخم فستان وافضل مجوهرات، وعطر مميززز  وبدأت تهتم وتصلح شعرها ..الخ

اخر اليوم ...
جين بسمه وعصماء عند نور شقتهم الجديده يرتبين معها الملابس والدواليب

بتوريهن حالات صهيب، وتحكي لهن كيف حفظت رقمه، وشافين حالات جديده، وهو في المطار

بسمه: الله يابنات لو نسافر وحدنا

عصماء: بغير جنان وحدنا ايش لو نضيع

نور : عيدورش خطيبش عند المحمدي من لقي بنيه خطيبتي ماعرفش حتى مواصفاتها...

بسمه بتضحككك ونور بتضحك وعصماء : بس خباله ، وانتي ليش تحفظي رقمه احذفيه


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

10 August 2023 00:11

@sanaaroohi2 🩵 الكنز المدفون ↴

ـ بارت 107

.
.اسامه : اعتذر جدا يا صفاء ، صح احبش وماكنت اشتي حد غيرش، بس ماقدر نكمل سوا .

صفاء بصدمه وقهر قرأت الرسالع ولاعد ردت بحرف لا عليه، ولا على.اي شي مستغربه ليش فعل هكذا !!!

امها دخلت لاعندها: ايش يابنتي نفعل به ناس جو لاعند ابوش يشتوش وهولا مابش خبر

صفاء بانهيار بتبكي وتصيح: ماعد اشتيش حد خلاص ، مشتيش انخطب مشتيش اتزوج، خلو لي حالي، تعبتوني كلكم... وقرحت تبكي

امها جلست تقرا عليها قران خرجت تكلم زوجها وهي زاعله: بنتك يا خطيبها الاول فعلها عمل يا فيها عين.

زوجها بعد ماسمع : فيها دلع، ليش الصياح هذا كله!!! ليش بتبكي هكذا ؟؟

مرته بكيت : هذا صاحبك وابنه عقدو بنتي حسبي الله ونعم الوكيل ، من حين فسخت وهي مش هي بعقلها وافقت على واحد مايسوى وذلحين بكيت حين قلنا هذا

زوجها: يبقى القرار عندي، انا شابسر الصح والي اشوفه سوا يناسبها شاوافق، محد يصدق للنسوان ويخلي لهن رأي يبدعين بواحد.

صفاء بتسمع كلام ابوها وامها صدمه فوق صدمه خافت تتزوج اي حد ماتعرفه، تحسرت على صهيب ، واقتهرت من اسامه ،، بدأ خوفها وصدمتها يخليها تفكر تفكير غير منطقي...

صهيب وصلت له رساله منها( صفاء) : مساء الخير ياصهيب، الفتره الي بعدنا عن بعض فيها جلست مع نفسي وقدرت اشياء كثيره فيك، انا اسفه على كل شي حصل مني..
ينفع نكون لبعض؟؟؟

صهيب مصدوم !!!! ايش مال هذه اخر الليل ترسل فجاه رساله هكذا؟؟ جلس مع نفسه يفكر  و رد لها( من ناحيتي خلاص مابش نصيب، وانتي ربنا يوفقش ).


وصل له اتصال من نور

صهيب ضحك: لو افتح عليها الاتصال الان لاخرط رصيدها، كنسل واتصل هو..

نور فتحت سمعت صوته طرحت السماعه في اذن جدتها

الجده: مساء النور يابني

نور طارحه اذنها في اذن جدتها ع السماعه بتسمع معها

الجده بضبح : يانور ابعدي من جنبي خليني اسمعه

صهيب ضحك: كنت اشتي اكلمكم عم سمير اتصل يشتي السور يفعل ثاني بس جدي رافض

الجده: وانا رافضه ولاترضاش ابدا ولو ينحبس

نور مستغربه تشتي تعرف ايش بتأشر لجدتها ايش يشتي؟

الجده تبهرر لها تسكت

صهيب: سمعت انه باعوا البيت كان نفسي اشتريه بس مالحقنا

الجده:* خيره الله يابني مانفعل، قدو يشلو حقهم نتخارج


صهيب:بس قلت اوضح لكم لاتزعلو مني انا ماعندي مانع ينهد السور هذا ماتفرقش ، بس جدي مع الكبر بيعاند ورافض

الجده: وانا معه ، هو حر مايشتي يعس ارضه هو هذا ابني الله لاوفقه جعجع بنا

صهيب: الله يعوض عليكم

الجده: ويستر عليك وكثر خيرك يابني جمايلك ماشنساها،

صهيب: مابش شي اي وقت انا في الخدمه، وقفل

نور بعد ما شلت تلفونها ( سجلت رقمه الجني المجنون وصورته زومبي)

صهيب سجل اسمها ( نور طافي)


ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

10 August 2023 00:11

@sanaaroohi2 🩵 الكنز المدفون ↴

ـ بارت 105

.امها: عادنا اتصلت احانك ام صهيب واقلها الله المستعان، ومابش نصيب و ربي عوض بنتي بناس مابش قبلهم ولابعدهم وطلعو هولا ؟؟ امه زنط وفشخره ومابش مايكلف، قله ذوق

اخت صفاء بتضحك ماسكه فمها: ابسري مادولش ورد صناعي وحلاوه وهريسه يمنيه

صفاء: بينقلش مس خطوبه ، هذه زياره وبعدا امه قالت، خوره من اليمن ، ولو تشتي شوكلاته سيري افتحي درجي وكلي

اختها: قلي لروحش هذا الكلام

صفاء : ماقصدش؟

اختها : فكري قبل ماتستعجلي

صفاء داخل نفسها بعد الي فعلته كله مش مستعجله وعارفه ايش بتفعل.


في بيت اهله( اسامه)

اسامه: كيف البنت؟

امه:* مارتحت لها ولا اهلها، شايفين نفسهم، ومافيش احترام

اسامه: بس يمه البنت خازيه اكيد قوي محترمه وحبوبه،

امه: مابش محترمه وحبوبه تعرف عريسها قبل الزواج وتحبه

اسامه: هيا هاه كيف قلبتي !!! قلتي اي بنت تاشر عليها يا اسامه اخطبهالك وازوجك

امه: اذا تشتيها سير دور من يخطبها لك ، انا ماخلفت وربيت وكبرت عشان ابني يفضل بنت عليا، انا امك وعارفه ايش مصلحتك، هذه البنت ماتنفعك

اسامه شاف اخته: مالها امي؟

اخته : يا اسامه امي مش ضدك كانت معك وراحت عشانك وجت مصر عشانك تخطبها، ايش باقي بس احنا نسوان ونعرف حركات النسوان، دلع وشوفه نفس هذه بتتعبك العمر كله..

اسامه جلس مطنن شويه بدا يربط كلامهن بمواقف كثيره كان ينتقد غرورها و دلعها عليه وتعبه عشان يقنعها...

دخل غرفته يفكر

اخته لحقته : بعدين ياخي كيف تأمن على نفسك مع واحده فسخت وخطبت بنفس الاسبوع مش اسفه ولا محترمه لحد.

اسامه: عادي هذا مش مشكله

اخته: هذه حياتك وانت حر، بس باتعمل بيننا من البدايه تفرقه ، احنا عندهم يتشاورين ويضحكين علينا واضح مستقلين بنا، وامها تتليقن من اول مادخلنا، اذا ترضاها لاهلك على حساب الحب صدقني ربي مابيوفقك

اسامه اقتنع قوي بكلامها.. بعد ماخرجت اخته... فتح الرساله

صفاء: ماهو هذا يا اسامه؟ مش سالتني ايش ادي وقلتلك

اسامه: ايوه اديت ورد وحلويات

صفاء: ورد صناعي يا اسامه ؟؟ليش ايش عنفعل به ، وهريسه !!! هذه قدها حلويات الخطوبه

اسامه بدأ يفكر في كلام اهله: انتي قلتي

صفاء : بعدين ماشاء الله الجهال الي جو معاكم جن، كسرو اشياء في الشقه وعادها ايجار..

اسامه انكسرت نفسه قوي

صفاء: المهم انه الله يتمم لنا على خير ، وبعد الخطبه معي شروط خيرات  لو تشتي نكمل سوا

اسامه بدأ يفكر كيف ينسحب : خير ان شاء الله.

في مكان ثاني..

سمير  اجتمع بناس من الحاره بدأ يبحث معهم لو لقيو كنوز ، كان في ناس تأكد له ان ناس لقيت قبل ثلاثين سنه اول مادخلوا وعرفو ان في يهود ساكنين ، وناس تنفي الكلام..
بدأت عنده انعدام ثقه
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

10 August 2023 00:10

@sanaaroohi2 🩵 الكنز المدفون ↴

ـ بارت 103

.
.سمير : كنتي بتحاكيها؟

مرته الثانيه: ايووه وجالسه تقول والله مافلته لاجننه لو يدي فوقي واحده

سمير: اها هي قالت هكذا

مرته الثانيه: تحمست ايوه ماحد قلبه عليك الا انا

سمير: هيا خلي الورث يجي بس وابسري كيف وماشفعل لش .

فؤاد جالس يرتب مع امه الاوراق والبصاير الي عيحتاجوهن للبيع ، وصل خاله واخوه ابو عصماء

الجده ناولتهن الكراتين اطرحين هنا القلافد الصغار الي طالع كلهن ولصقين الكرتون

نور: ياجده مسرع ، يمكن عادهم عيفعلو شي

الجده: ماعيفعلو شي خلاص ، رتبين كل شي ماعدلا نلقى بيت ونقلنا

بعد ساعتين شغل وترتيب نزلين ياكلين ويرتاحين شويه .

البنات جالسات تحت الشجره..

نور شلت السكينه الي كانت بتقطع بها الليمون، وبدات تنحت في الشجره اساميهن، والمجنون طلع جارنا، و قالو ان هنا جن بس احلى بقعه لنا.

بسمه: ياسعم مابتفعلي

نور : استعطف الجن شكلهم طيبين كانو يجعلو لنا ، بس طلع الجني جارنا ، تحسين هنا في جن؟؟

عصماء بتتلفت لفوق وتشوفهن: سألتي؟ اسمعي لنداء الطبيعه هذا هم ها

كان في ريح قوووويه والقراطيس ملان الجو

بسمه: شكلش جرحتي مشاعرهم لما نحتي وطعنتي الشجره

بدأ يوقع صوت الريح قوووي زي العاصفه قامين بيضحكين ويصيحين خوف في نفس اللحظه


ثاني يوم..
صاحب صهيب اخذ من صحبتها اشياء الخطبه..

صفاء بتكلم صحبتها

صحبتها: في التلفون: تخيلي جلس يتفاقد كل شي، شكله يشتي يسير يخطب

صفاء بمسخره : ماشي قلك عيديهن لاي حد محتاج ، الي عيخطبها ماتلبسش بواقي حد


صحبتها: ايش فعلتي قدرتي تقنعي ابوش

صفاء: ايوووه نسيت اقلش من كثر ماقرحت قلبه انهم جو شلو كل شي، وفيت كلام يقهرهم، اول ماسار اسامه لاعند ابي، رجع ابي يقول سبحان الله ماخسرش الا هو، عيال الناس في الباب ملان يشتوش

صحبتها ضحكت: سبرت لش سبحان الله، كل شي مشي مثل مافي نفسش ياحظش

صفاء: يلا ادعي اليوم عيجين امه وخواته ياسعم يتعرفين ويكلمين امي،

صحبتها: وقلي لي كل شي عيحصل بالتفصيل شاراعي..

صفاء : تمام

في مكان بعيد .
صهيب تعب مذاكره قرر يشوف فيلم وصل لمشهد نفس مشهد نور واصابه يدها، وتذكر ومرت التفاصيل مره ثانيه في باله وهو بيشوف الفيلم، بس سرح في المشاهد وجالس يذكر نور ولقانتها والي حصل ، رجع يركز مع الفيلم رن تلفون رساله شاف من( صاحبه)

صاحبه: اشيائك عندي خبيتهن لما تجي تشلهن تتصرف بهن

صهيب: تمام ، شل الورقه الي قدامه وقلم رصاص وحاول يتذكر شكلها يرسمها ( ولا صوره كيوت في باله لها، رجع يضحك وطرح القلم والورقة)




بعد ساعات، ( زياره اهل اسامه)


ام اسامه ومرت اخوه واخته المزوجه وجهالها وعيال اخوه..


اخت صفاء جريت تقلها جو


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

09 August 2023 00:03

الكاتبة عبير الكبسي تقول لكم

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

07 August 2023 23:57

@sanaaroohi2 🩵 الكنز المدفون ↴

ـ بارت 100

.
.صهيب ضحك : يابنت الناس، مش فاضي لش افعلي ماشتيتي ،انا سهران مع اصحابي مبسوطين، ازعل ليش ، عليش ؟ لاتحسي ولا ترسلي، سيري بعد حالش الله معش ، رساله واحده ترسليها عنوان البنت ولاعد اشوف رقمش ، سلام

صفاء قامت وقفت بعد ما قرأت الكلام وضابحه بتاكل اظافرها  وتمشي ملان البيت..

اسامه اتصل لها

صفاء بضبح : ايش يا اسامه

اسامه: قال ابوش اجي لاعنده الصبح

صفاء : تمام

اسامه: مالش؟

صفاء: ولاشي بس معصبه من موقف، المهم شوف ايش عيقلك وكلمني الصبح، انا شرقد.

جلست تفعل صورها مغطايه ستوريات وتفعل كلام واغاني ( تندم صهيب عليها) شافت ماشاف واخر ظهور من وقت ماكلمها بدات تقنع نفسها( اكيد معه حد، اكيد معه صاحبات ، ليش وانا اغثي نفسي، معي اسامه كيف يحبني وشاريني صدف. طز فيه مغرور سامج شايف نفسه على الفاضي..

بتطلع المحادثه وتشوف اسلوبه و روقانه ومزحه  وتقنع نفسها ان مافيه شي وانها هي الي كانت تشتي تتخلص منه

   رسلت له عنوان صحبتها و رجاء لاعد ترسل لي

صهيب : رجاء انتي الي ماعد اشوف رقمش ولا اقلش ، عفوا عمري ماسويتها بس اضطريت ( بلوك)

صفاء عصبت ولعنت واتصلت لصحبتها وهي مبرقطه منه

صحبتها: طز فيه انتي الان معش اسامه

صفاء: كلهم سامجين يخ.

في حارتهم..

سمير واقف مع ساعي ومشتري للبيت

المشتري: اشتيه بأي ثمن

الساعي حسب طلب سمير لابين انه ابن صاحب البيت: ادو فيه خمسميه مليون وقليل قوي
المشتري: اين خمسميه انا شادي مليار وبيعه لي

سمير : اوف، خلاص بيعه له

الساعي: مالك ياخي شطحت

سمير عصب: وانت مادخلك خليه

المشتري: اصلا مش انتو داريين البيت هذا وهذا والي قفاهن اثنين كانين كلهن  بيت  واحد ليهودي كان غني قووووووي قالو الناس انهم دفنوا كنز وقت ماهربو على اساس يرجعو له وماقدرو يرجعو ، ناس ، تقسمو البيوت وباعوهن

سمير بصدمه قدو في وجه المشتري: بتتكلم صدق او بتمشع تخديره قات

المشتري ضحك: قلك تخديره قات قد اشتريت البيت الي وراكم، باقي هدفي هولا الاثنين، متاكد ساع اسمي لقيت النقوش ونس الخريطه ،

الساعي: يشوف سمير

سمير: اين خرايط؟ وريني

المشتري: ماتفهمش فيهن انت الموضوع معقد جلست سنوات افهم لوما بدات التمس الاماكن الي فيها الكنوز حق اليهود

سمير فضح نفسه: على هكذا ماعنبيع

المشتري: وانت مادخلك عنسد انا وياه

سمير: انا صاحب البيت ماشبيع، به غيرك ملان ولا شديه لحد

المشتري ضحك: الاربعه الي جو لكم قدهم في جيبي
سمير للساعي: ياخي بينقلك ماعنبيع

الساعي: مش على ماتشتي الحكم اصدر من المحكمه خلاص
المشتري طلع السياره وأشر للساعي بيده اتصال

(الكيبورد عدلها وفاء(صفاء خطيبه صهيب) ازيد باارد تفاعلكم


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

07 August 2023 23:57

@sanaaroohi2 🩵 الكنز المدفون ↴

ـ بارت 98

.
.الجده شافت نسوان سمير الثلاث ، لفتت لام بسمه: وهولا ما اداهن ؟؟

ام بسمه : انا عزمتهن مادخلهن من زوجهن، واحنا سلايف ياعمه

الجده: هيا تبدعي وافرعي بينهن قبال اهل خطيب بنتش

ام بسمه ضحكت: ماظن يقع شي، هي راس المصايب الثانيه واليوم ابسري كيف هي الظاهر مريضه

شويه ودخلت بسمه بينهن لبسنها الفل والدبله والمحبس والبدله

الثانيه بهررت لما شافتها وبتتبرقط قامت جلست جنب بسمه : من اين تعرفهم أمش هولا

بسمه: مدري

مرت سمير الثانيه: انتي داريه ان نفسي عتخرج في تيه البدله قدلي شهر البح عليها وحظش وقعت لش

بسمه :خلي عمي يشتريلش، هوذا قد عيورث

مرته الثانيه اقتهرت: اولا مابش الا الي معش على فكره، هذه البدلاات نوع واحد بس ، ثانياً عنورث بس عمش يشتي يتزوج الرابعه

بسمه: ماشاء الله

خالتها:على ايش على الخيابه الي احنا فيها

زوجته الاولى( تحب نور قوي) جالسه جنبها: كيف يدش ذلحين

نور : الحمدلله

زوجه سمير الاولى: انتي داريه لما يجي يوم خطبتش انا الي شاقوم بالواجب وافعلش احلى خطبه

نور ابتسمت: ان شاءالله

زوجته الاولى: انتي داريه ان كان نفسي اشلش انا اربيش، بس عاندت عمتي الله يحفظها ومارضيت( لو شي ان معي بنت ذلحين)

نور داخل نفسها زعلت عليها وفي نفس الوقت حمدت الله ان سمير مش ابوها او يكون بمكان ابوها : الله يعوضش ياعمه، وجده الله يحفظهم ماقصرو

مرت عمها: ومش هم غاثيين على البيت؟

نور : الا طبعا بس ماعيفعلو..
شويه وقامت من جنبها بعد ماضبحت تحقيق معها..
جلست جنب بسمه

نور: بسمه ابسري اخت زوجش ( كانت بتبهرر وتصيح فوق بنتها) عتكون هكذا تتصايح معش تخيلي

عصماء ضحكت

بسمه ضحككت وبصوت واطي : رجاء انتي وعصماء ولا اسمع كلمه حش خلوني اوقع محترمه

عصماء: بالذات الضحكه القويه

نور بتشوف الذهب: ماشاءالله ماشاءالله حاسه جالسه جنب معرض ذهب ، ابسري كيف الناس يجو مش يشلو عشان يجو ويدو

بسمه ضحكت: يو وين كان حسي صدق ، سحروني الجن الي عند شجرتش..

بعد مجابره و وقت عدى روحين النسوان وهن جلسين يشوفين الشنطه ويصورين ويخططين موديلات للاقمشه .

فؤاد دخل وبيكلمها ويوصف اخلاق خطيبها ومدح الناس فيه

الجده: على الله ، ان شاءالله يقع هكذا

عصماء بتقرا اساميهم في المصحف الي في الصندوق: بسمه و ريان

بسمه خازيه يلمحها ابوها وبتأشر لهن يسحبين الصوره

نور بتحاول تفهم ايش قصدها وبصمت بتحرك شفايفها بالكلام .( ا ل م ص ح ف)

بسمه بتهز راسها مبتسمه وتأشر لها داخله

نور : اخبيه؟

بسمه بتهز راسها لا: هاتيه

نور : ندي المصحف؟
بسمه تعيد تاشر لها : داخل المصحف
نور ضبحت  بصوت عالي: تشتي المصحف او نخبيه ماهو. تحاكي جننتيني


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 August 2023 23:50

@sanaaroohi2 🩵 الكنز المدفون ↴

ـ بارت 96

.
.صهيب:, يعني خليش متفاهمه وواثقه من نفسش وصارحيني قلي لي انتي تشتي تفسخي وبتتعذري؟

خطيبته جالسه متوتره ماعرفت ايش ترد ، رسلت لصحبتها تسالها

صحبتها:( ياشيخه افسخي وبس قليله ولا اقلش قلي له، انا ماكان عندي اي مشكله، بس صراحه اسلوبك منرفز، مش قادرين نتفق، ومن البدايه احلى شي ان الواحد يعرف اذا قادرين نتفاهم او لا ،لحد الان ماحسيت اي مشاعر لاعندك ، يعني معرفش ايش اقلك انت قرر)


خطيبه صهيب رسلت له الرساله نسخ لصق وماركزت على البدايه الي كتبتها لها صحبتها وقفلت الشاشه خافت من الرد..

صهيب بيقرا مستغرب ويعيد يقرا مره ثانيه..
رسل لها : قلتلش اوقعي صريحه وواثقه من نفسش وقولي الي بنفسش مش تخلي حد يعلمش، على العموم وصلت. مافي داعي للف والدوران هذا كله عتقليها بكل بساطه، لان سبحان الله نفس الشعور بس الفرق اني ابن ناس حاولت اتفهم واديلش وقت واقول يمكن في سوء تفاهم لان تواصلكم تلفون، افهمها ياصهيب والان فهمتش، موفقه والله معش

خطيبه صهيب رسلت لصاحبتها: يمه يمه فسخ، فارحه قوي قوي ، اخيرا اسير ابشر اسامه...

صحبتها: عتردي لهم الاشياء ؟

خطيبه اسامه: طبعا مش مراعيه منه لشي، ع الاقل ضميري ماينبني

صحبتها: جدعه يابنت، يلا موفقه واخيرا فسخنا، ذلحين نراعي لاسامه عشان توقع الفرحه سوا

خطيبه صهيب بتتنطط فارحه ...


صهيب بيقرا رسالتها ( وانت الله يوفقك، باي)
مستغرب وجالس مطنن فكر انه ماكان مرتاح لها بس عشان ابوه، والان ضميره مرتاح مازعل. ابوه ولاجرح البنت ..


في الحوش ..
بسمه: غني لنا يانور

نور ذكرتيني سمعت مقطع عجبني قوي ..

( حبيبي .. مهما سافرت.. مهما بعدت
ومهما غبت.. يا روحي عني .. قريب مني
مهما طالت رحلتك .. مستنياك .. قلبي معاك
يا حبيبي .. في غربتك
مستنياك يا روحي بشوق كل العشاق
مستنياك تعبت تعبت من الأشواق
مستنياك وانا دايبه يا عيني من الفراق)



صهيب نسي الرساله اول ماسمع صوتها ( صوتها رهيب رهيب)

اضطر يقطع جلستهن ويدخل يكلم امه بكل شي حصل ، ويخرج يكمل اشياء ويشل وداعات اصحابه عشان يسافر.


ثاني يوم الصبح بدري

نور نكزت من النوم بعد ماشفت حلم غريب ان معها تحت شجرتها شنطه وهي صغيره من حق العيد فيها فلوس وعسب خيرات ، دخلت تفسر وانه اموال كثيره ( زعلت  وشكت انه يمكن يبتاع البيت)


جدتها صحتها: هيا عتقومين معنا ناس وخطبه قومين مسحين واطبخين وبخرين طالع قطبه، باقي الحوش اغسلينه وارفعين قراطيس الي عند الشجر حقكن حق امس

ام بسمه لبنتها: ذلحين ايش عتلبسي ؟ عيجين النسوان

بسمه: اي شي ، خلوني ارقد سامرات للصبح عادحنا رقدنا


عصماء بتسافطها بالماء: قومي عيجو وعيونش مورمه


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 August 2023 23:49

@sanaaroohi2 🩵 الكنز المدفون ↴

ـ بارت 94

.
.الجده : البنات يطل

عصماء كملت كلامها: يطلعين يقشعين ويجهزين

جدتها شافتها وفيها دمعه حسره: قدي اخر طلعه لكن، بعدا يعلم الله اين عنقشع لخطبه نور

نور جالسه فوق الدرجه ويدها ع خدها زاعله ع البيت وبقعتها( الحوش والشجره)

بسمه واقفه زاعله انها عتنخطب خطبه لشخص ماتعرفه ولاتحبه ، كانت متوقعه ابوها يقلها الدكتور بس لما سمعت المواصفات للعريس انصدمت وماعرفت ايش ترد

عصماء بدات تجهز المكانس وبتشوفهن كل واحده سارحه: يااي هيا ، او عتنتقمين حق تجهيزكن لخطبتي

واحده يدها بتوجعها والثانيه حين هي خطبتها

طلعين معها سكته بدون جدال كل واحده معها همها..

دخلين الديوان جلسين

عصماء : مالكن؟؟

بسمه  بكيت: ماكنت اشتي خطوبه هكذا، كنتي اشتي حد اعرفه ويعرفني

عصماء: يسرقش ويهرب
نور : هي قصدها الدكتور

بسمه شافتها بنظره ( اخيرا حد حس بي) : انتي حسيتي انه كان معجب فيني؟

نور : لاااا ، بتوهمي نفسش كنتي بعد العلاقه الاولى الفاشله انه معجب وانش معجبه، كان تصرفه عادي ، كان عيتصرف معش او مع غيرش، الرجال طلع محترم

بسمه: انتي ماشفتيه في المدرسه كيف مازحني

نور: شافش طفله من جيز الاطفال مازحش عشانهم مش عشان سواد عيونش، بيمازح كل يوم الطالبات ويعاملهن باحترام. مثل ماشفته عاملش

بسمه: خلاص ماذلحين حتى لو كان يعاملني غير خلاص قدنا لواحد معرفه ولايعرفني

نور: عتعرفو بعض كم ما جلستو

بسمه: يارب وانتي هكذا تنخطبي عشان تبطلي تتفلسفي

نور: عادي ، اهم شي انسان محترم ، يا بسمه مابينحسدش او مشتيش لش الخير ، افهمي انش بعد الحب الي خدعش تشتي اي حب ينسيش ويتعاطف معش في كل الاحوال ماعينجح

عصماء: عتكنسين قومي بيد امسحي الطيقان، وانتي جي تحملي معي الوسايد ماتحتاجي اظافرش مش هو حبيب تتصورو جمعه

بسمه : الله يقلعكن كيف انتين خبيثات يخ منكن

نور وعصماء بيضحكين عليها

عصماء: تعرفين عمي سمير الله ماداله جهال مدري هو من نيته، او من دعواته بالذريه الصالحه لانهم ماعيجوش صالحين

نور: استغفري ربش مادخل هذا بهذا حرام، لانتليقن على وضعه

بسمه: كيف بتدافع ويدها معوقه بسببه

نور: كل شي في بابه، صح انه كريهه وشاكرهه لاخر يوم في حياتي، بسبب الي فعله في المحكمه، لكن مايجوز نعاير انه مابش معه جهال بسبب طبعه .


نور بدات تمسح الطاقه شافت صهيب: يابنات عنفقد للمجنون هذا

بسمه قربت تشوفه : مجنون ، او حبيتيه عتفقدي له

نور شافتها ببهرره : احبه ليش ع ايش لقانته، او عشان انقذني يوم!! انتي داريه يابسمه، اضمن لش مليون في الميه انش عتحبي خطيبش من اول ورده عيزين بها صندوقش

عصماء ضحكت هي ونور وبسمه ضابحه بتتبرقط منهن..


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

05 August 2023 23:19

@sanaaroohi2 🩵 الكنز المدفون ↴

ـ بارت 92

.امه: ابني عادك خطبت ماقد عرفتها سوا مالك صلي ع النبي ، بس تشتي الصدق، انا اهلها مارتحت لهم بس ماشحكمش من لقائين بس، خلي المناسبات والايام تجي ونتعرف اكثر

صهيب: خير

امه: قد كنت على نور بس مارضيت والله انها دخلت قلبي هذه البنت

صهيب شافها بتعجب: ماعجبش فيها مجنونه تصرفاتها مجنونه ولقانه لسان شبر ونص

امه: مادراك وانت، ياسعم تعرفها والله مافيها اي جنان، صح مش جميله بس مقبوله.

صهيب: ذوقش تغير في اليمن، الله يستر كيف الي خطبتيها لي شكلها وبتقلي جميله.

امه: اوريك صورتها وهي صغيره مع بنت اخي في حق المدرسه الحفلات (, راسلتها واتساب ترسل لها الصوره)

صهيب: يلا تمام ابسر هو ذوقش هكذا او البنت سحرتش

بعد عشر دقايق

امه طلعت لاعنده: هيا ابسرها ها ( بتوريه الصوره)

صهيب شافها ( بنت صغيره بعمر ثمان سنوات لابسه زي المدرسه، شعرها تسريحه عبسي، مبتسمه وقالعه اسنانها) ضحك ، هيا ناهي ها ،يدو صوره بدل هذا العذاب

امه: المهم الصبر يابني لانظلم بنت الناس عيب بنات الناس مش لعبه ، انت داري ايش يعني واحده تفسخ يعني تدخل بزعل غير الناس الي ولابيغلقو فمهم فضول ليش وكيف ويعلم الله ويطلعو ويزيدو كلام

صهيب كان ناوي يفسخ: بس تذكر لما سمع نور وهي زاعله مقهوره لما فسخو خطبتها، قرر يدي فرصه يعرفها اكثر ويقرر

في مكان ثاني..
صحبتها جت تودعها قبل سفرها : ها قد كلمتيه؟

خطيبه صهيب : ماشي قلت اول شي اكرهه فيني ، حرام اقله وعاد به مشاعر شويه لاعندي اشتي اقنعه وبعدا اقله.

صحبتها: انا قصدي فرصه عشان ننفذ خطتنا وتسبر
خطيبه صهيب: يعني تقلي عتسبر؟

صحبتها: ان شاءالله عنحبكها لوما تسبر اهم شي نعرف كيف نجي لابوش

خطيبه صهيب: عيدي الخطه لاني نسيت من صدق بدأت اميل واعجب بصهيب يختي ملاك اما اسامه اوقات بيعصبني كيف يمدح روحه وفارح بروحه ، بس الصدق بيحبني قوي

صحبتها ضبحت: بطلي لغاجه الخطوبه وقعت من اهلش وابوش عشان صاحبه وذلحين مات صاحبه، ماعنفعل عنطلع ان امه كريهه، ساع ما قالت امش حين سارت تعزيها ان محد ميزها وعبرها سوا ، بعدها عتطفشي صهيب وتتصايحو ويحصل فسخ الخطوبه، ماتقلي لابوش ، تقلي له انه قال بعدي عتجلسي لوما تعجزي محد يخطبش

خطيبه صهيب: بس الي قال هذا الكلام اسامه، لذلك قلت اقهره اوافق الخطبه عشان ابي وافعله درس يتعلم وبعدا افسخ

صحبتها: تمام داريه انه اسامه الي قال انتي ردي في هذا وابوش عيقمر ويوافق ع اي حد يتقدم، وبما انه الشيخ اسامه قد معه مشروعه الخاص ومرتاح وهو محترم بين الناس معروف من ايام شغله الاول السياحه الطبيه، ف عيشهدو باخلاقه كلهم ووافقو عليه، تخيلي فرحتكم سوا
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 August 2023 23:26

@sanaaroohi2 🩵 الكنز المدفون ↴

ـ بارت 118

.
.ابن اخوه : هيا ناهي لاتتعذر بعرسي ، انت من وقفتك للكل ، الكل عيوقف معك 

صهيب: مابش شي ، ياسعم مافعلت ، انا الا شغال اتصالات ولافعلت شي

ابن اخوه: يا عم فعلت لي الي مافعله ابي ،

صهيب بتنهيده: ابوووك، عادحنا نتم العرس ونبسر مافي نفسه، جنني تهديدات واتصالات وانا ماقلت له شي

ابن اخوه: ذلحين عرسو لي اشل مرتي اسافر وانتو سدو، مافيني للمشاكل، يكفي المشاكل الي دخلتها من بدايه العرس مع اهل المره

صهيب: ما انت الله يعينك، كنت بادي اترخشش انخطب ، وان شكلي شازيد آخرها لوما نسد انا و ابوك ونفصل موضوع الورث هذا

ابن اخوه مسك كتف صهيب: اهم شي، مهما حصل بينكم، انا مالي دخل به، تبقى علاقتي معك معزه و ود مثل محنا

صهيب: اكيد طبعاً ، من عيعرس لي الا انت ،

ابن اخوه: والله لاجي من المريخ انت الا بس قول بسم الله.
كملو كلامهم.. في الحوش
صهيب شاف الريح بتحرك الشجره قوي ، ذكر وخرج ..
دق باب بيت جيرانهم( المنذر سابقآ)

فتح واحد : اهلا يا فندم

صهيب: كيف انت

الي فتح له الباب: الحمدلله

صهيب: كنت اشتي اسالك بتسقي الشجره

الرجال: ايوه ، عادنا امس سقيتها

صهيب: يلا مشكور، هي امانه ناس وصوني اتفاقدها

الرجال: ولايهمك، اي خدمات اؤمرني

صهيب: اسلم الله يحفظك

بعد أسبوع انشغلو فيه صهيب عرس ابن اخوه ، ونور بنت عمها ،..

كمل العرس وكمل الانشغال وكل واحد رجع لدوامه الطبيعي..
في الجامعه

نور : يعني عنسير وين ، محد كلمني ليش؟؟..

صحبتها: عنسير كمساعدات للدكتور حقنا كل يوم عيشل مجموعه، واليوم خاوره تجي معي انتي

نور: يوو يا الاء والله اننا تاعبه بعد جري العرس والمشاوير، شاسير مع اخر مجموعه

صحبتها الاء: والله لاتجي اليوم

نور: لو يسالني الاستاذ سؤال ومش انا فاهمه

الاء: شاتقذش

نور: طيب وين؟

الاء : مدري قالو مؤسسه مدري دار ايتام او عجزه معرفش

نور : هيا ناهي سجلي اسمي، اسير اصتبح امد مايتجهزو

  بعد ساعتين...

في دار الرعايه في الإدارة..

الطبيب مع خمس طالبات بلبسهم وكفوف طبيه وكمامات..

بلغوهم يمرو يعملو كشف مجاني للحالات الي تحتاج متابعه عندهم في المركز..

دخلو كلهم في واحده في كرسي الاداره ، وقدامها شخص جالس، نور اخر واحده واقفه ورا زميلاتها ولانها مش بنفس طولهن مابتشوف من جالس

المديره : تفضلوا اجلسوا

جلسوا كلهم

نور شافته بانت الدهشه في عينها

صهيب يشوفهم بس ماعرف ان نور واحده منهم

نور اول مادخلت الدار وقرأت اسمه ذكرت الاوراق الي شافتها زمان في غرفته..

الدكتور بدأ يشرح لهم: انا اليوم جيت مع خمس طالبات، نعمل فحص طبي  للحالات الي تحتاج متابعه عندنا في المركز، وايش المشاكل والي تحتاج


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 August 2023 23:25

@sanaaroohi2 🩵 الكنز المدفون ↴

ـ بارت 116

.نور: يووو ذكرتيني الدعوات هيا حين هن فوق السياره ندخل نطرحهن

عصماء لفت من الحاره حق بيت جدها

نور : يووووه في حارتنا عرس والكل

عصماء بتشوف لوين واقفين بالسلم جدر بيت صهيب: عرس المجنووون يا يانور صح؟

نور : اكيد ماعد معهم الا هو

عصماء سالت واحد جاهل في الحاره: عرس من؟,

الولد: عرس بيت هولا ابنهم

عصماء: هيا ابسرتي

نور: الله لو كان عادحنا ساكنين هنا ، كنا سرنا نبسر الحريوه

شافين افتتح بيت جدها خرج منه رجال ورزع الباب

نور بصوت مسموع داخل السياره بس :دلا كسروا يدك على جلف ماتستااهل هذا البيت

خرجو عياله لحقوه

عصماء ضحكت : يو يانور البنت المشعفله تشبهش وانتي صغيره قوي

نور : واخوها الي شعره مابش كان صلعه مثلش...
جلسين يضحكين

عصماء يو عنجلس واقفات هكذا نتبسر خلق الله

نور شافت الساعه: يووو موعد فستاني اسير ، هيا انزلي

عصماء: انزلي انتي

نور: بس هباله يا عصماء انتي داريه اني نسيت وخرجت لابسه شبشب البيت

عصماء: ياسلام وهذا عادش عتسيري تنسقي مع صاحب الكوشه

نور: انتي الي عتنزلي

عصماء: انا عليا اسوق وبس ولا جي سوقي

نور هيا تمام موافقه ( تعلمت السواقه وبدات تسوق في الفتره الي راحت)

نزلت من الكرسي الي جنب عصماء ،

عصماء واقفه خارج السياره بتدور الدعوات..

نور على طلعتها للسياره بتشوف التاير ورجعت طلعت

صهيب ع خرجته من باب بيتهم وهو ببشوف للارض شاف قدامه واحده لابسه شبشب وطلعت السياره رفع عينه شافها هي وبتسوق؟ وايش جت تفعل معقول دخلت البيت؟؟

نور مش مركزه معه ، جالسه تعدل في الكرسي وتبعد قلافد بسمه والوساده الي ورا ظهرها
عصماء ناولته الدعوه: ناولهم لو سمحت

صهيب سحب الدعوه بيقراها يشوف عرس من
وعصماء طلعت : هيا امشي.
نور بتفحيطه وسررعه مشيت بدون ماتنتبه لكل شي حصل وصهيب الي واقف

عصماء: شفتي شكله حريو صدق

نور : من؟

عصماء : المجنون ، حالق وماشاء الله لابس

نور:, يوووو المجنون؟ ايحين؟ مابسرت وانا واقفه
عصماء : ارجعي وانتي عتبسريه بسرعه ريوسي

نور. رجعت اول ماوقفت

صهيب كان قد دخل وقفل الباب

نور: يعني يمكن مايقدروش يجو العرس عرسهم والكل نفس اليوم

عصماء: سبحان الله وخطب يوم خطبه بسمه

نور: مش فسخ؟

عصماء: قالو، المهم ايام كانت تذكري الحوش

نور جلست تتذكر ويضحكين..

في بيتهم .

صهيب ناول امه الدعوه ( مكتوب ابنتنا الغاليه)

ماعرفت نور أو بسمه مش ذاكره اسماء ابائهم..

ام صهيب: معنا عرس ولا كنت شاسير

صهيب : انا شاسير اكمل اوقف مع الي بيزينو احاسبهم

امه: تمام لو تشتي توفيه زلط كلمني

صهيب: معي ..

خرج وواقف بيفكر

البارتات عتنزل متاخره الليل🙃
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 August 2023 23:25

@sanaaroohi2 🩵 الكنز المدفون ↴

ـ بارت 114

.
.نور بضبح : خلاص مره ثاني لاتكون تتدخل وتسال حد في شي مايعنيك

صهيب بضحك: حتى لو هذا الشخص هو الي تدخل فيما لايعنيه !, بس تمام ان شاءالله عشان الشجره شاكون اسقيها

نور ضبحت طلعت السياره : هيا ياعصماء

صهيب بصوت عالي: حاسبيني حق الوايت ، ودخل بيتهم

نور : هيا اخطي وانتي مراعيه يدي اخر كلمه

بسمه بتضحك: كيف انكسفتي ياحرام ، كيف اصترعتي، لو سمحت ممكن تسقيها وو..ضحكككت

عصماء وبتقلدها: ولا يابنات مابش شي عيب الولد خاطب

نور: بطلين سماجه ، مالكن معلقات عليه والله مافي حسي

داخل بيت صهيب..

امه وجده جالسين : من الي كان بيدقدق هكذا  يابني؟
صهيب قبل مايرد: اشتي اسألش يمه؟ قد تعرفتي ع اصحاب البيت؟

امه: ماشي ، مابسرت نسوان، مابينبسر الا رجال بس

  صهيب طنن( والله انها مجنونه هذه البنت كيف تدخل ولو كان في رجال)..

الجد : ماقلت من كان

صهيب: ناس يشتو اصحاب البيت ، عاد معش يمه رقم ام سمير

امه : والله اننا غاثيه نسيت ماشله منهم ، ليش تشتيه؟

صهيب خاف تغامر مره ثانيه هكذا وتجي، وماسخيش يقول السبب حين قالت له لاتقل لحد ، اضطر يغير جوابه لامه
: مابلا لو بتتواصلي معهم ، مساكين يعلم الله مافعلت مع عيالها.

الجد : ماعلينا من الناس يابني ،

صهيب رجع يفتح تلفونه يشوف رقمها ليش ماعد بتظهر عنده في الواتس (تذكر انه بعد ماضاع تلفونه)

فوق السياره

نور : حتى لو مش خاطب ماعجبنيش طبعه ، خصمي في المزاجي يوم يفعل نفسه عاقل وصاحب مواقف ويوم يتسيمج ويتليقن ويكسف الواحد.

  عصماء: بغير خباله يانور هو بيمزح لكن طبعه الغالب الاساسي انه صاحب مواقف وخدوم ومحترم قوي

نور : بالنسبه لش، بالنسبه لي اكره هذا النوع من الرجال الي مزحهم ينرفزش

بسمه جلست تغني اغاني عليها وتزبج هي وعصماء و يهددنها عيحارشين لجدتهن لو ماشترت لهن اشياء بيطلبين منها..

بيت عمهن سمير ..

الثانيه رجعت بشنطتها من بيت اهلها دخلت شافت الاولى: وين الجنيه هذه

مرته الاولى: مراعيه لش تطلعي لها الصبوح

الثانيه: اطلع لهم السم الهاري

الاولى: لو قصدش عادو بيداري ويدلع ويفعل نفسه خايف مننا مثل زواجته بالثالثه غلطانه، الان اسكتي وتقرصي العافيه ، يشتي يخفف العدد عشان يزيد يوفي

الثانيه ضربت صدرها: يعو والفعله او قلش هكذا ؟ ،شكل الثالثه جننته يستاهل قد بينقله

الثالثه كانت في الطاقه بتسمعهن بس مابتشاركهن الكلام  رجعت ردت : بالعكس في احلامش الثالثه ، والله ماهو مستغني عني وعن الاولى بس رقم ٢ يمكن

الثانيه :, لاعتب اليوم شاسكت لش حاسه بش

شافت السياره الي في الحوش وبضربه ع باب السياره: من عندنا؟؟؟


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

12 August 2023 00:35

@sanaaroohi2 🩵 الكنز المدفون ↴

ـ بارت 112

.
.سمير انصدم لما دخل : مالكن بتخرفين؟

العروسه شافتهن وبتضحك ماسكه فمها..

الاولى: والله خورتنا الزواجه ، كل شويه وانت بتتعرس، قلنا واحنا ليش مانفرح ارواحنا ونلبس ونتكوفر،

سمير شاف الثالثه: نقل هذه كبرت وخرفت، وانتي ؟؟؟

الثالثه: وانا لو تبسر اليوم واحده قالت لي في الكوافير ، بيت من انتي، ريت وانا ابسرتش قبل مايخطبوش من جمالش، شاخطبش لابني السفير في دوله اجنبيه

سمير تبرقط : انقلعين من قدامي شقتكن يلا، وطلعين العشاء

الثالثه: وهي ليش ماتفعل العشاء ؟

سمير: بتبسريها! بالفستان؟

الثالثه شافت نفسها: وانا وهي ( للاولى) بالفستان ، اطلب لنا كلنا من المطعم

الرابعه بنظره لهن بنص عين ورجعت شافته: انا ماشاكلش من يد حد، يا يدي او من المطعم

الاولى : ليش ياحبيبتي او قالو لش انحنا مش نظاف

الرابعه : ايش ضمني تفعلين لي شي او سحر
الثالثه: والله لو بنعرف نسحر كنا سحرناه وعميناه عن غيرنا

سمير مسكها وبيطلع يهدأ الوضع ، يلا كل واحده غرفتها

الرابعه: صح اليوم فرحتي ماشتيش شي ينكدنا، وطلعت

سمير بيتحلف لهن..

الرابعه: سمير امسك الفستان شاتكحول به

سمير مسكه بعدها وطلع
الاولى شافت الثالثه: يمكسه هووو ؟؟؟ من ايحين ؟؟

الثالثه: فات الجنيه ( الثانيه) كانت حرقتهم بجاز

الاولى: جي نتصلها ونقلها والله لاتبكر الصبح وهي هنا قلك تحنق..

الثالثه: وبعدا نوريه كيف شهر العسل


في مكان ثاني بعد الاختبار حقها..

نور بتكلم نفسها ( مشتاقه للبيت ونفسها تتفاقده، بتكلم نفسها تجرب تسير تشوف لو في حد ساكن فيه او لا ، ( خايفه بس نفس الوقت نفسها تتسيمخ )
اتصلت لبسمه وعصماء وسارين..


نور واقفه جنب الباب بتكلمهن: ( نجرب ندق لو في حد داخل)

بسمه: لو في حد داخل اكيد عيغيرو الاقفال او المفاتيح

عصماء: الا جربي دقي احتياط افرضين ندخل وبه رجال

بسمه : انا وعدت ابي مافعل شي يضايقه بدون اذنه شاراعي في السياره، والله لو يعرف لايجنن فوقي

 
نور : ناهي شلوش يخ

عصماء: وانا والله ماسطا ادخل تشتي تدخلي ادخلي وحدش


نور : تمام طز فيكن يعني ماعيقع لو مابش حد

دقين الباب ربع ساعه وانتظرين محد فتح


صهيب بيسمع دقدقه من بيدق في الحاره هذا الوقت كله وبهذه الطريقه ايش في !!!!


نور طرحت المفتاح وبتشوفهن وتضحك فتحت الباب ودخلت...

هن فوق السياره بيخاولين يشوفين لداخل بس مش باين الباب مردود..


نور دخلت ( كأن المكان مهجور !!! معقول في حد ساكن ؟ والحوش هكذا؟ ملان تراب فوق البلاط حق الدرج ، والشجر يابسات نصهن .. والاكياس ملان...


خرجت تدعيهن انه مابش حد..


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

11 August 2023 00:16

@sanaaroohi2 🩵 الكنز المدفون ↴

ـ بارت 110

.نور بتحانكها: جده يشتوه بيتواصلو معه مادخلش

عصماء: مش ملاحظه من حين انخطبت وهي بتفعل نفسها عاقله قوي

نور شافت بسمه بقزازه ( مزح): من يومها وهي للناس نصوحه

بسمه : هيا نور انخطبي نفعل عرس جماعي

عصماء: قلك تنخطب يعلم الله ايش معها  هذه الفتره مهتمه بنفسها قوي،

بسمه: صح لاحظت قوي اختفين الحبوب واثارهن امانه ايش فعلتي يانور
عصماء: راحت لدكتور وشلت علاجات باربعين الف
نور : والله مانفعين تميتهن وعاد وجهي ساع الملوجه
، بس اهتميت بالاكل، بطلت شوكلاتات ببسي دهون، غسول مناسسب بينشرب شاي اخضر وبرتقال وليمون ، وماء خيرات، كريم شمس.. بس. والله انه هذا كله

بسسمه: وانا اقل ماعد بش في. شنطاتش ودواليبش ساع اول جعالات

عصماء: اشتي اتحجب قالت امي اتصلو لها العرس بعد سبعه شهور.


في مكان ثاني ( فيي الحفله حق توديع العزوبيه)

صفاء جلست مع واحده وتصاحبين قوي كان كلامهن على الموضه والازياء وذوقهن قوي يتشابه شلين ارقام بعض عشان. تعزم. صفاء عندها..

البنت روحت  تمدح صفاء لامها تخطبها لاخوها...

بعد يومين
صهيب بعد ماوصل اليمن خرج السوق ، يشتي يتصل،، فجاه مالقي تلفونه !! اتصل له مقفل حاول يبحث عنه ولا اي وجود، الي شله رجم الشريحه.. راح يقطع بدل فاقد ويشتري تلفون..

نور كانت متعوده تشوف حالاته كل يوم مراعيه تعرف وصل اليمن او لا !؛ فكرت هل يمكن لانها مخفيه انها بتشوف حالته،استثناها من القائمه!
استغربت ليش بطل !!! يمكن الغاها من قائمه المشاهدين للحاله !!

الجده: ماهو هذا يابنتي، الجيران هنا ماعجبونيش، اشتي حارتي

نور: ابردو حارتنا بيجين يهرمنكم  افتهنو ،

في دار الرعايه .
صهيب راح يزور : دخل فرح شاف نشاط وملان بنات، خفين الي في الاشارات تساعدوا معهم الامن والمرور والناس الي بتدلهم وتتساعد معهم، وصلته تبرعات اكثر وقرر يدعمهن ويدعم رواتب العاملات في الدار اكثر لانهن تعبين معهن وبدأين يتأهلين البنات في فتره بسيطه..

المديره: مستواهن تغير في ذكيات جدا، وفي مبدعات حرف ومهن ، وفي ماهرات طبخ ، نشتي لهن مشاريع صغيره يبداين فيها خياطه معامل حلويات ، محل شنط واحذيه ،

صهيب: شاجهز لكم استمارات رفع رواتب وامتيازات للموظفات هنا ، ونزيد لكم الاشياء المطلوبه..
انا خلاص تفرغت ولمده سنه مستقر في اليمن..

بعد ماروح..

امه: هيا ابني ماقلت اخطب لك

صهيب: بعد سنه يمر سنه ع موت ابي بعدا اخطب واتعرس ماشاراعيش

امه: تمام ، ادورلك ولا قبالك واحده؟

صهيب بضحك ويمازح امه ماحب يكسفها ع ذوقها الاول هي وابوه: عنبسر انا او انتي الي يلقى قبل الثاني

صهيب بيشوف من الطاقه شجره نور مع الخريف بتتساقط

ت.ع.خ🙈
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

11 August 2023 00:16

@sanaaroohi2 🩵 الكنز المدفون ↴

ـ بارت 108

.
.
ثاني يوم، خرج مع اصحابه وكان مصور تفاصيل رحلتهم

نور بتشوف الستوريات في الواتساب حق صحباتها طلعت بعدها فجاه ستوري صوره صهيب ووراه اصحابه انصدمت خرجت من الحاله تشوف ايش اداه !! ( ذكرت انها سجلت رقمه عندها )

جلس فيها فضول تشوف بقيه الستوريات كملت تشوفهن كلهن

بعد اسبوعين الصباح الساعه عشر..
الجده خرجت باخر شنطه في يد نور وطلعين السياره وقفلين الباب بعدهن والجده بتبكي، ناولت المفتاح لفؤاد..

وراحين شقتهن الجديده

فؤاد سلم المفتاح للمشتري الجديد وطلع السياره وساقهن للشقه..

نور دخلت الشقه بتحاول تغير نفسيه جدتها : الله ، هذه احلى بقعه مميزه لمامتي( جدتها)، الشمس عيكونو يبكرو يشمسو ارجلهم والحنا حقهم الي بتوقع ذهبيه مع الشيب الي في شعرهم

جدتها كانت بتدمع ضحكت: مابش شيب عادنا حنيت شعري

فؤاد بمزح: لمن بتتدلعي ، او مراعيه يجو يخطبوش مننا

امه : في الجنه ماذلحين.

فؤاد: ماتشتي شي يمه؟ اسير العمل

امه جلست تدعي له كيف هو الوحيد الي بار بها من بين عيالها ومهتم

نور بتشوف الجدر لما رتبين عصماء وبسمه

الجده: ماهو هذا حقهن البعسسه مايعجبني الصور واللوحات هذه الاوادم

نور: ليش حاليات

الجده: ماشتيش بيجي فيهن روح

نور شافت جدتها بنظره: والله  ان افكاركم تفجع اكثر من افلام الرعب ..

جدتها: قومي سيري الجامعه لاتضيعي المحاضره هذه باقي ساعه

نور ضحكت: ماشاء الله قد انتو حافظين الجدول اكثر مني

جدتها: طبعا، كم معي بنات؟ مابلا انتي، هيا سيري عيصلحش وينور طريقش.... وجالسه تدعي

نور سارت شلت شنطتها والكتاب واشيائها: وانتو؟

جدتها: شاتواله لي شويه اتفاقد القلافد وارتب شويه شويه واتعرف على من جنبنا

نور: تمام اتصلو لو تشتو شي..

وصلت جامعتها ودخلت محاضره تطبيقيه، وجلست تنزل حالات مجنونه مثلها ( صوره مقربه لطقم اسنان )  صوره المعدات الي تستخدمها للقلع والحفر والحشو...

صهيب لما شاف من شاف حالاته فتح ع اسمها وشاف حالتها استغرب !!  جلس يضحك ع جنانها..
وقام يكمل معاملاته وتجهيزاته عشان يرجع لامه وجده بعد ماخلص يختبر..

في مكان ثاني..

ام صفاء بتشكي لصحبتها وضع بنتها

صحبتها: شليها عند شيخ يقرا لها ويبسر ايش فيها عين او سحر فرصه انش هنا في مصر ملان ناس حاليه شاسال لش

ام صفاء: ولو يفعلنا خطه تدي لها زوج سوا

صحبتها: به بيني وبينش بس يشتي له شويه فلوس وعتبسري كيف تسبر حياتها

ام صفاء: مستعده افعل اي شي ولا تكتسر نفسيه بنتي ويتشمتو فينا خلق الله..

صفاء بعد اسبوعين من الي حصل معها اتفاجأت بصور خطوبه اسامه !! اقتهررررت بتوري اختها

اختها : انا لو انا بش لاقهره وانخطب واتزوج قبله،

📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

10 August 2023 00:11

@sanaaroohi2 🩵 الكنز المدفون ↴

ـ بارت 106

.
.بدأت عنده انعدام ثقه في اخوته وامه( مفكر قبل مايخرجو من البيت عيشلو الكنز ويمشو) قرر يسير عند أمه يسكن لفتره تسليم البيت للمشتري.

بعد أسبوع من الاحداث هذه

فؤاد وصل بيتهم هو وامه : خلاص نستاجرها لكم ؟

امه: تمام

سمير: اين لقيت وبكم؟

فؤاد طنشه وحناكا فيه ورجع يكلم امه : خلاص نبدا من بكره النقل

امه ( لاسباب وخطه ذكيه) : تمام

سمير ضبح: قلتلك بطل عجله خلينا نزيد نماطل شهر

فؤاد : ما اعاجل !! قد نبشت الحوش كله

سمير: باقي الجهه اليمين، ولو نستاذن بيت الجيران نهد الجدر ونرجع نرفعه

امه: مابش
فؤاد : من عيرضالك وعشان ايش سواد عيونك
سمير طنش امه بيكلم فؤاد : لو فيهم خير عيرضو احنا جيران

فؤاد بعصبيه : خير ايش مابش فيك خير انت لاهلك عيجي الجيران يفعلك خير، يخرجو من بيتهم ويدولك الكنز كله احسن

سمير: والله لاشارعهم ، قد يكون في لبنه او نص بيننا حقنا يزيد او ينقص بعدا ماشعمرش بيت بينقلك عادنا شافعلهم سور يحمدو الله

امه : انت بتسمع حين اتحاكى او ماتشتي الا قولك، مابش شي عيحصل من الي بتقوله

سمير طنشها وقام خرج ... سار بيت جيرانهم..

فتحت ام صهيب بتكلمه من ورا الباب: مابش حد ماتشتي

سمير: اين الجد؟ اشتيه في موضوع

ام صهيب:  مابيتحرك ولا اقدر ادخل حد انا وحدي هنا

سمير : خير ياختي نشتي نهد السور هذا التراب ، ونرفع ونسور بيننا سور سوا

ام صهيب: والله ماقدرش اقلك شي اتواصل مع ابني واتفقوا

بعد محاولات وتواصل مع صهيب وبيقنعه انه امن لاهله عيجو ناس غرباء، رفض رفض تام يعس شبر او تراب بيتهم

رجع سمير معصب  فتحت له نور دهفها ودخل..

رن تلفونها رقم غريب ومش من اليمن كانت واقفه وحدها في الحوش بعد مافتحت لعمها : الو

صهيب: السلام عليكم ، كيف الحال
نور مصدومه : وعليكم السلام  ، من انت؟
صهيب ضحك: الجني المجنون
نور باستغراب ابتسمت : كيف عرفت رقمي!

صهيب: قلتلش جني، ادي جدتش احاكيها ضروري

نور بتسمع صياح سمير والجده لخارج  !! : ذلحين ماينفعش تحاكيهم، تقدر تتصل بعد ساعه؟ لانهم مش وحدهم

صهيب: ايوه تمام اشتي يكونو وحدهم ،

نور: تمام
صهيب: كيف يدش تحسنت؟؟
نور بإحراج: الحمدلله

صهيب شافها مستحيه : يلا المعذره اتصلت بدون استئذان، بس الموضوع كان ضروري

نور: عادي ولا يهمك

صهيب: يا انتي غير الي عرفتها عده مرات،. يا دمي صدق مأثر فيش وعقلش

نور :ياخي ذليتني بدمك هذا كل شويه ومنيت دريت انك تبرعت وقلتلك شكراً ماعاد به

صهيب ضحككك: ايوووه خلاص تاكدت انتي نور، يلا باي..

نور ضبحت: باي

وقفلت


في مكان ثاني..

صفاء : اسامه ، للان اسبوع وامي وابي بيتسائلو حد عنده خبر منكم ماحد جا يخطب ؟؟


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

10 August 2023 00:11

@sanaaroohi2 🩵 الكنز المدفون ↴

ـ بارت 104

.
.اختها بصدمه وتهويل : يو ياصفاء جو ونص البيت جهال ،ماقد دخلو وقد كل واحد في يده شي، وهن ( ضحكت مسكت فمها) الحمدلله انش مسافره ومابش حد هنا من الي حضر خطبتش الاولى، ولا كانوا عيقارنو الصدق

صفاء بضبح وحفاظاً على موقفها: اصلا عادها مش خطبه مالش انتي

اختها: عتخرجي وتبسري ( وتضحك)

صفاء متوتره بتفكر في اسامه ( جنتل ولبيس و رومانسي قوي صح فارح بروحه ويتفشخر كثير بس هي بتفعله نفس الشي وتكسر زنطه) حست انها بردت قلبها وراجعت نفسها لا  ماشخليش حد يغير رأيي فيه.

خارج عند النسوان..

ام اسامه : لا مقدمه ولا فتحت موضوع مبدأي، على طول بعد ماتعرفت ع امها و اختها ومرت اخوها ( وين العروسه حقنا)

ام صفاء شافت لبنتها ومرت ابنها ورجعت تكلمهن بشويه زنط: اين هي عروستكن؟

ام اسامه بضحكه : هيا كيف قالو ان البنت قد فسخت، جينا نشوفها

ام صفاء: جيتو تشوفوها ولا قدي عروستكم

مرت اخو اسامه : قصدها عمتي الله يحفظها ، جينا نشوف عروستنا المستقبلية أن شاء الله وبتتاكد لو قد فسختو حين سالتيها باستغراب عروستكم

ام صفاء ماعجبها الوضع بالذات قارنتهم بأهل صهيب : خير ايش ماهو مكتوب عند الله

دخلت صفاء وعيونها بتتلفت يمين يسار على الجهال الي بيطلعو فوق الكنب ويتقفزو والي بيتعلق طرزان فوق ستاره الصاله والي بيلعبو ملاحقه ملان البيت جري محد بيكلمهم ولا بيصيح ، سلمت وجلست وهي مصدومه

ام اسامه بشويه تغيير ملامح ابتسامه متلاشيه: هي هذه الي قلنا عليها اسامه

صفاء بهررت مصدومه بينها وبين نفسها ليش بيتكلمو هكذا!

مرت اخو اسامه وهي بتصلح نبعتها بمعنى( انا احلى): ايوه ياعمه هي هذه

اخت اسامه: حاليه

ام اسامه: مش مهم الشكل هي خلقه ربي، اهم شي الاخلاق والتفاهم

ام صفاء: ايحين جيتو مصر؟

ام اسامه: احنا بنسير البلاد ونرجع لمصر وارجع اروح لابني اتفاقده واشوف وضعه وربك يعين

ام صفاء: اها يعني مابش معاكم بيت في صنعاء

ام اسامه: الا معنا بيت بنتي

ام صفاء: واسامه معه بيت؟

ام اسامه: اكيد ان شاءالله قد عمر لكن حلفت مادخلها الا حين يتزوج

اخت اسامه: هيا كلميهم ونمشي عيب العيال كسروا المزهريه

ام اسامه ضحكت : هولا الجهال ياساتر يخزو بواحد ، المهم جيت اتقدم لبنتكم قد الخبر عند ابوها وانا جيت اديلش كلمه و ربي يكتب لهم مافيه الخير

بعد كلام ووو روحوا

صفاء فارحه بتراسل اسامه انهم مشيو من عندهم الان وكلمو امها

ام صفاء: يعني جننتينا عليه ومن اول يوم ماشاءالله مارتحت لهم

صفاء: هو بسبب الجهال، سهل هم جهال، اهم شي طلع صادق ماكذبش

امها بتصيح: انتي موافقه؟؟

صفاء: ايوووه

امها: عادنا اتصلت احانك ام صهيب واقلها الله المستعان !


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

10 August 2023 00:10

@sanaaroohi2 🩵 الكنز المدفون ↴

ـ بارت 102
.
سمير قفل في وجهها التلفون وطفاه وجالس بعصبية يدور ويسير ويجي شل المفرس، ذكر كلام كان يسمعه من ابوه وجده ، ذكر انهم كانو يضربو السسور ويسمعو لو الكنز فيه ، راح يشتي يحفر خاف، المكان هذك معقد منه عقده خوف من الطفوله، ربطوها في عقله انها مسكونه و هو ربط كل الاحداث السيئه الي حصلت له فيها( مره فلت وكسر رجله، ومره بيلعب وقطع يده بزجاج

رجع وبيداعي فؤاد من الباب

فؤاد شافهم: هذا عادو هنا!؟ مابيفعل

امه :بيدور الكنز مقطوب ماشاء الله.

.نور : بس ياجده تذكرو لوما جو يصلحو القصب حق الماء حفرو الأرض كلها ومابش شي

جدتها: جدش حفر حول البيت كله مابش ، مالنا استسلمنا، الا كان عندي امل لو هو تحت البيت

نور: والشجره هذك؟

جدتها: مع اوبهين، قد وقع بنا عمايل حين حاولنا هانك، ليش بنصيح فوقكن لاتسيرين

نور: بس ولا مره حسيت

بسمه قاطعتها : يمممه ياخراطه مش وقع...الخ سردت لجدتها الاحداث.

جدتها صيحت فوق نور..

فؤاد تعب من غباء اخوه : ياخي امي قالت لك هكذا تقهرك مابش شي مانحفر بغير جنان

سمير بتعب وهو بيعرق ويلاحق نفسه جلس وماسك ركبه ويمسح العرق بطرف يده : انا قدنا تاعب بقت هذك البقعه سير احفر( المكان الي خايف منه)

فؤاد: لا الا هذك البقعة

سمير: هيا اشتحط عيب عليك بنتك والبنات يوميا جالسات هانك مابش شي

فؤاد : ابدا يا سمير . وبعدا امي قالت فتشو زمان ابي وجدي ومابش شكله تحت البيت

سمير: مستحيل ، ليش هولا جو يشتو يشترو واشترا المنطقه كلها يعني مالقي فيهن يشتي بيتنا افرض فيه !!

فؤاد: و افرض مابش كنز

سمير: قدو رابح عقار وكنز

فؤاد: الله يقنعك ياخي من طمع الدنيا، بسببك حصل هذا كله، لو صدق تاخرنا وسمعنا بهذا الموضوع كنا هدينا البيت وبعناه ارض بس انت خربت الدنيا

سمير تعب يدور وتعب يسمع تأنيب ضمير ، لبس الكوت وعدل الثوب حقه وخرج


الثانيه اتصلت لطباينها تبلغهن ان زوجها عيتزوج ، محد منهن اهتم او بين لها انه متضايق ، جلست تعبي الثالثه، تستاهلي ابسرتي اخر احترامش له طلع مايستاهل عقلتي وفي الاخير عيدي الرابعه فوقش

سمير دخل وهو بيسمع الكلام كله صوتها ملان البيت وهي ماحست بدخوله

الثالثه بكل هدوء و برود ردت بجمله : ماتفرقش يدي بعدي واحده او عشر وقد قبلي واحده مثلش.. اسير اتم عملي، باي.

سمير فعل نفسه ماسمع دخل و رد السلام( يشتي يتاكد من كانت بتكلم شاكك انها بتكلم طبينتها)

مرته الثانيه وهي معوجه فمها: وعليكم السلام ، لقيت الكنز ،بيزيدو عليك بيبسروك هكذا بعد الفلوس ويندعو مشعات وانت تنبع، عتخلي لك شخصيه اتصلت مرتك الجديده النسمه حقك الي مابتحانب ولابتفعل شي، قلك وعدتها من الورث سياره صدق؟؟

📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

07 August 2023 23:57

@sanaaroohi2 🩵 الكنز المدفون ↴

ـ بارت 101

.الساعي:تمام.. طلع سيارته ومشي

سمير جلس يتبرقط  دق الباب جلس يزبط الباب.

بسمه  جريت تفتح: من هذا؟؟؟!,

فؤاد لحقها من داخل: من ؟ لاتفتحيش

بسمه : مدري واحد صوت رجال


سمير : أفتحوو

فؤاد فتح له:  مالك بتجنن هكذا؟؟,

سمير: اين امك،،دخل البيت

امه بتصيح: ماتشتي كسرو يدك حين بتدق هكذا

سمير: ابسرتي المماطله حقش مارضيتي تخارجينا، لوما ودفنا هذه الودافه، البيت فيه كنز

فؤاد ضحك بيتكركر عليه

امه: عادك دريت وليش بينقلك راعي راعي الصبر مارضيت طمع الدنيا ياساتر تشتي قرشين ساع الكلب تلحق بعدهن

سمير ضرب الباب بيده: يعني كنتي داريه ان به كنززز

امه: يهياااه من حين دخلنا البيت

سمير: اين هو

امه ضحكت:, عمرنا فوقه عتهد البيت ؟ وحق اخوتك والمحكمه الي سبقت الشكوى لها ! ماذلحين تحسر ع روحك واعدمت حق اخوتك بيدك
سمير: حرااااام عليش ، ماهو هذا الغباء كيف ساكته

فؤاد قام وهزره من ثيابه : تكلم بأدب، قدنا منك للنخر،

سمير دهفه بقوه: محد فيكم رجال مراعيين للمكلف تبيع لكم وتدي حقكم ساكتين

فؤاد رفع يده يشتي يلطمه: امك ياحيوان

امه مسكت يده 
سمير متصنم بيصيح ويشتم..

فؤاد محاصر امه ماسكه يده نتفق دقنته: احترم الدين الي لابسه لبس بتخلسه اوقات وتلبسه اوقات وقت النصيحه يا فاجر ياعاصي
امه مسكت يده
ودهفت سمير دلهفته فتحت الباب وطردته: سير لاحق المحاكم ماذلحين ماجيتك للبيت ماعدوش لي ولا لك مقلع

سمير جلس في الحوش مقهور ، بينبش الحوش يحاول يدور يلقى اي اثر اي رمز من الي كلمه المشتري.

داخل البيت كلهم محوشين على الام
فؤاد: صدق كلامه؟

الام: قالو لنا والله واعلم

فؤاد: ليش ماتحاكيتي؟

الام: ماتحاكا بعقلك؟ اهد ثلاثه ادوار عشان نبسر لو في كنز او ماشي، ؟؟ ولو مابش !! مانفعل!!

نور لبسمه بيمزحين: ذلحين حزويه من حزاوي زمان وعمي سمير اهم شي يقلو له زلط

بسمه: والله لو يقلو له ذيه الفانوس عيخرج منه علي بابا لايكسره

نور بتضحك : اصه لايسمعونا ابسري هم في ايش واحنا بنزبج

بسمه: يارب تنقلو جنبنا الصدق ونجتمع يوميا

نور: وافلت الكنز بغير جنان

بسمه ضحكت هي ونور

سمير معصب شاف اتصالات مرته الثانيه وهو جالس يقلفد الحوش ولا لقي فيه شي : ماتشتي يا ام المصايب

مرته الثانيه باسلوب مستفز بتسحب في الكلام: عند من انت منهن لوما قالب عليا هكذا

سمير : لعنه تلعنش والساعه الي صدقتش فيها

مرته : يا مؤمن المؤمن ليس بلعان هيا مه ،مالك عليا

سمير: ودفتي بي يا مصيبه الله في ارضه من قلي اصدقش وارفع القضيه ، في البيت كنز

مرته بتتكركر : كنز مه او كانين الغنايم حق الغزوات الي فعلتها..وتضحككك

سمير عصب منها ..
ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

07 August 2023 23:57

@sanaaroohi2 🩵 الكنز المدفون ↴

ـ بارت 99

.
.تحاكي جننتيني اشارات ، ها قصدش الي داخل المصحف !!

الكل لفت لهن..
عصماء فتحت المصحف وشافت الصوره

الكل ضحكوا..
الجده : عتمكنيها سكته فضحتيها.
بسمه انحرجت قوي ،ناولوها الصوره مارضيت تشوفها طرحتها..

الجده : حركات، ذلحين لو قد تدخلي الغرفه لاتجلسي تتبسريها وتتحفظي شكله ، يالله قد انتين الرابحات، تتشاقرين ويدولكن صور وتبسرين في الفسبوك

نور: الفيسبوك ياجده

الجده: قصدش

فؤاد أشر لهم يسكتو جاوب تلفونه: ايش ؟؟, ليش بهذه السرعه، ماينفعش هكذا، ياخي شهر مايكفي نشتي ندور بيت للايجار اول ، مشتيش تدي لي انت ع مزاجك بيت عندور احنا..
خير ان شاء الله

الجده بخوف تسمع تاكيد للكلام لي سمعته: ماهو ؟

فؤاد: قال تجهزوا يفضى البيت خلال شهر مارضي اكثر، قال امر من المحكمة


في مكان ثاني بيتكلمو في التلفون
اسامه : يا وفاء اهلي بيرجعو صنعاء بعد اسبوع دبري الموضوع نتخارج نخطب هنا عشان نعمل حفله لاني مستحيل ارجع صنعاء هذه الفتره

وفاء:( خطيبه صهيب) اقلك بيقولو فسخت اليوم وخطبت الجمعه

اسامه: يقولوا يعني هميتي الناس ذلحين؟ وماهميتي وقت الفسخ

وفاء:  طيب وابي بيوافق بهذه السهوله ، ايحين ناوي تتكلم ان شاءالله معه ؟

اسامه : اليوم لو تشتي وين هو؟
وفاء: معرفش وين اتصل له، بالرقم الي عندك

اسامه: تمام

وفاء قفلت وسالت صحبتها : رجعتي صناديق الخطوبه؟حقهم؟

صحبتها: لا ، انتي قلتي بتخبريني

وفاء: اوف ماعد اشتي اتكلم معه ، بس طيب بساله

فتحت الواتساب وشافت منزل ستوريات شافت انه سافر: مساء الخير صهيب، الحمدلله على السلامه ، اشتي اسألك صناديق الخطوبه مع صاحبتي ، من بيروحلهن

صهيب:ما رد على كلامها الاول غير اخر شي خليهن لصحبتك

وفاء: اقصد الذهب والاشياء

صهيب: ها ، بديهن لاي مسكين مش قادر يخطب

وفاء : ليش وانت معد ناوي تخطب او كيف

صهيب ضحك: ليش تعقدت ياسعم! او خلاص عدمين البنات! بس حق بنت الناس يكون جديد مانعطى لحد قبلها وعلى الموضه ، مستحيل ارضى لخطيبتي ببواقي الناس

وفاء تنرفزت من رده: على فكره ماحد لمس الصندوق من وقت ماجبتوه

صهيب: عارف، شاخلي صاحبي ظروفه صعبه يخطب رسلي عنوان صاحبتش وانا شاحاكيه يسير يشلهن.

وفاء بضبح و نرفزه من اسلوبه جالسه تفكر كيف تقهره ماقدرت : تمام( اشتي بسرعه اخلص من الموضوع عشان خطبتي الاسبوع الجاي)

صهيب شاف رسالتها وطنش

وفاء تشتي تفتح اي موضوع عشان تشوف رده فعله ليش مش زعلان عليها : مالك احسك زعلت؟

صهيب ضحك : يابنت الناس، مش فاضي لش افعلي ماشتيتي ،انا سهران مع اصحابي مبسوطين، ازعل ليش ، عليش ؟ لاتحسي ولا ترسلي، سيري بعد حالش الله معش ، رساله واحده ترسليها عنوان البنت


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 August 2023 23:50

@sanaaroohi2 🩵 الكنز المدفون ↴

ـ بارت 97

.
.عصماء بتسافطها بالماء: قومي عيجو وعيونش مورمه عيقولوا نوامه مش هي مشحوطه

نور: انا نكزني الحلم، فيني نوم، ماقد تهنيت وافتهنت، طول اليوم تحت الشجره وانا راقده بينحفر تحتها..

جدتها انصدمت لما سمعتها خافت: ايحين حفرتي؟

نور: في الحلم

جدتها: اعوذ بالله ، قومي صلي ركعتين

بسمه وعصماء ضحكين: مابش فايده قومي صلي  واخرجي احفري الوسخ الي تحتها قلك زلط

جدتها: عوذبين حين تقربين هانك واقرأين الاذكار، من حين دخلنا وكل مره توقع هانك فعله

شافين بعض ذكرين لما حرقت المشاوي حقهن

ولما سمعين اصوات

بسمه: يعني مش هي الي كانت تدي لنا يمكن هم

عصماء بضبح: خلاص قومين ضروري من صباح الصبح نبكر ع هدايم يف منكن

الجده بزعل خرجت وحاسه روحها ثقيله وموجوعه من ابنها اكثر شي.

ام بسمه شافتها لبست: اين عتسيري ياعمه؟

الجده: شاسير بيت الموت شويه واجي

ام بسمه : تمام

نور تشتي تهرب من العمل: اجي اساطيكم

جدتها: قومي عاونين هيا شرق الرجال طالع والنسوان نازل

نور: المشكله في خطبتي ولا واحده فيكن عتكون فاضيه مزوجات معاكن جهال

ام بسمه: مادراش الله وقد خطبتش بعدهن وتتزوجين كلكن

كلهن اعترضين ،،مايشتين سوا

بدأين يشتغلين في البيت وفاتحات الزفه، ويضحكين

في بيت جيرانهم..

صهيب ع خرجته بالشنط، وامه بتودعه وتبكي ،
الجده: اين عتسير يابني؟

صهيب: مسافر شرجع اختبر

الجده: الله يعينك ويوفقك، شكلي جيت وقت غلط

ام صهيب: مع ادخلو ولاعليكم

الجده قربت منها:  سيري ودعي ابنش ، شاحاكي عمش.

دخلت لاعند الجد وشكت له الي فعلوه عيالها وعشان لو طلبو شهادته ...الخ و روحت

في بيت المنذر

الجده رجعت وقد الحوش مغسل والشجر والزباله مرفوعه

والبيت بينظفين

نور : عادهم فاعلين عزا؟

الجده: ماشي ،مسكينه قدي وحدها كل جهالها سافروا

نور: مامعها الا صهيب

الجده: هو سافر ذلحين سرت وهي بتعدد ياساتر

نور استغربت شافت بنات عمها بتشاورهن: مش عادحنا بسرناه

بسمه بكتفها: مدري

نور: مسكينه هي وعمها وحدهم

الجده: ايوه حتى بنتها سافرت قبل يومين

نور: يشلها معه

الجده: مايسبرش تسافر

بعد العصر..جا وقت الخطوبه

كانت مشاعر بسمه عاديه واقفه معهن تشوف خطيبها من ورا الستاره ..

عصماء : واووو ماشاءالله، تقلين هو ذيه؟

نور: اذا هو بسمه عتحبه ع طول

عصماء ضحكت

بسمه بتوتر: بطلين سخافه قد زيدتين بها

نور لفتت لها: مالش بنمزح

بسمه: مشتيش مزح خلاص يكفي لغاج

سكتين وراحين يستقبلين النسوان وبسمه جالسه ضابحه متوتره بتشوف أظافرها وتقرش اطرافهن من الصباغ



دخلين بلطافه اهل العريس وقدمين الهدايا  وجلسين

ت ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 August 2023 23:49

@sanaaroohi2 🩵 الكنز المدفون ↴

ـ بارت 95

.
.كملين ينظفين ويرتبين ونزلين الحوش

عصماء: برد عليش يا نور يدش عتوجعش

نور : خليني أودع البقعه حقي

بسمه: ليش بتفاولي يمكن مايبتاع، هو بس محجور عليه

نور: قالت جده عيبتاع

في الحوش بيسمع صوتهن قرب يسمع ايش من بيت يبتاع!.

بسمه: افرضي مايبتاع، محد يشتريه

عصماء: يعني عمش قدر يسير يفعل مشاكل في للمحكمه ياسعم مايقدرش يدي من يشتريه

نور: فهميها ،قهر والله قوي

بسمه: يلا خير وانتي لاتزعليش اخرجي انتي وجدتي شقه صغيره وشليتي سياره وكملتي دراسه عيجي خاطبي وتزوجتي وانهم عيجلسو وحدهم وهذا البيت كبير عليهم

نور: اتزوج وافلتهم!! بغير جنان الي يشتيني يشلني معهم

بسمه: كم مهر جدتي

عصماء ضحكت
نور : سامجات

بسمه: مسكين المنقذ حقش، عيفتهن منش ، مكنتيه جني جني وهو يصرف عليش طلع هو واحنا بنجرب الجن

نور: ضحكككت ، تخيلين قلي حين كان تلفوني بيتهم، واتصلت ادور تلفوني قال اننا هلوست ولاعنته، الصدق اول مره اخزا منه ولعنت نفسي، ويبان الولد طيب

بسمه: قلتلش

نور: لاتقلي لي ولا اقلش والله مش انا ساعش مشتيش اركز في شي ذلحين واتعب روحي ومش لي ، خلاص وبعدا عيب نمزح هكذا وهو خاطب


في الحوش بيسمع وهو بيتفاقد السياره مستغرب ايش قالين لها لما ردت هكذا..


في بيت سمير..

الثانيه: شفت كيف سارين يحارشين لامك ويتمسكنين انهن مش هن معاك

سمير: انا شاوريهن ، لا ابسرين فلس بعيني

الثانيه فتحت تلفونها: ابسر هذه البدله نفسي فيها قوي شجنن عليها قدنا خايفه لو انا واحمه

سمير: قدنا خايف انا منش ، صلي على النبي هذه بكلها لعروسه مش لش قلي للرابعه

الثانيه: بغير خباله ياسمير بطل جنان

سمير شافها بصدمه: مش انتي قلتي اربي الثالثه ؟

الثانيه: بس مش وقت ذلحين كنت اكلمك زمان

سمير: ليش!! ذلحين عتوقع لي زلط وخليني ادبهن الثنتين

الثانيه بكيت بترفع صوتها وهو بيمشي يسمعها: والله ياسمير جالسه اخطط لك ايام ولما قدها عتسبر لك تسير تدي الرابعه

سمير خرج و قفل الباب اتصل لواحد ساعي بيوت: خلاص ذلحين البيت معروضه مزاد ابسر لي حد عيدي لهم قيمه سوا مش يبخسو بنا

الساعي: ابشر ولايهمك معي اربعه اكثر واحد عيدي شاقلك



في مكان ثاني ..


بيت صهيب وصلت له رنه رساله

خطيبته : صهيب زاعل مني؟

صهيب: ليش ازعل!

خطيبته: ليش مابتجابرني!!

صهيب: انتي طلبتي؟نتواصل بعدين

خطيبته: ماطلبتش انت الي بتدور القطيعه، احسك ندمت وماتشتيني

صهيب: لو ماشتيش شافسخ، لاتدوري كلام وتقولي اشياء ماقلتها

خطيبته: تصرفاتك كلها واضحه يعلم الله من معك وبتدور اعذار

صهيب: مش انا حد انجبر على بنت ، انا رجال اختار واوافق على الي اشتي


خطيبته: يعني ايش


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

05 August 2023 23:20

@sanaaroohi2 🩵 الكنز المدفون ↴

ـ بارت 93

.
.خطيبه صهيب فرحت: يارب تسبر يارب ، خلاص شرجع احاكيه واحاول ازيد اكرهه فيني والمح له انه ماعد اشتيه

في دار الرعايه..

دخل صهيب وشاف في الحوش بعض من البنات، الي صغار بيلعبين ، والي شابات بيتعلمين الزراعه وبيزرعين مع ثنتين معلمات في الحوش، دخل للاداره.

المديره: حياك الله استاذي كيف انت تفضل

صهيب جلس وهو مبتسم: الحمدلله ، الوضع هنا حياه ، كيف بسرتهن في بقعه تحميهن من الشارع ترد الروح، قلي لي معش اي مشاكل بتواجهيها

المديره: جدا يا استاذ ، مشاكل لاتعد من ناحيه النظافه ،الالفاظ ،المشاكل وصياح ومضاربه، سرقه، مسكت ثنتين يشتين يخرجين يشحتين بيتفقين ويرجعين الليل

صهيب: هذا كله طبيعي تربين على هكذا وعاشين هكذا، يشتي لهن شغل كيف الاخصائيات الي هنا؟

المديره: للامانه مايكفين الصدق، اشتي ثنتين جنبهن ، لانهن يشتين تربيه وقيم ومبادئ لراس كل مجموعه

صهيب: لو لقيت دعم عنوازن مابين عدد الي عنضيفهن من مربيات وعدد البنات الي ندخلهن هنا

المديره: تمام
بعد شويه نقاشات ودفع مبالغ و رواتب للمديره خرج.

ولقي رساله منها : انا مسافره بعد ساعتين رايحين المطار ، شاخلي لك صنعاء مع الي فيها تشبع ع راحتك بدوني

صهيب استفزته رسالتها : للاسف ما ششبعش في يومين بس، لاني مسافر بس لما ارجع ان شاءالله

خطيبته جالها فضول: صدق عتسافر وين؟ اوبه تقل عتجي بعدي

صهيب: اجي بعدش ليش؟ كنتي مراعيه لي الحق بعدش ههههه، انا رايح اختبر  وارجع لصنعاء والي فيها.


خطيبته : الله يعينك

صهيب: ويعينش

خطيبته عصبت ليش بيكلمها هكذا: ليش بترد بطريقه كانك تكرهني فيها

صهيب رسل ضحكه ملان الصفحه: اكرهش؟؟ ماقد حبيناش بعض عشان الحق اكره

خطيبته انكسفت وحست بصدمه وهي الي فاكره انها تنحب واي حد عيحبها وبالذات انه خطبها وهي حلم غيره، معقول بدأ يكرهها ولا ليش بيتصرف هكذا ؟؟


ردت عليه:  ذلحين تشتي شي ! انا اتصلت عشان اودعك مش عشان اقلك تحبني او تكرهني

صهيب: الله معش توصلو بالسلامه.


خطيبته بدأت تفعل ستوريات مستفزه كلماتها واغاني كلها عتاب وفراق..


في بيت فؤاد بعد ما زار نور وتطمن عليها و روحو البيت..

بسمه : كنت اشتي امسي عندهم يا بابا ليش ماخليتني

ابوها : لاني اشتي اكلمش بموضوع

بسمه خافت: خير؟

ابوها: تقدمو لش ناس لاعندي محترمين والولد معروف ماشاءالله علم ومال واخلاق وصاحب مسؤوليه ، عن نفسي راضي به انا وامش وباقي انتي

بسمه : كيف اوافق وانا مش داريه على من يعني من هو ايش درس ايش بيشتغل ؟؟


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

05 August 2023 00:35

@sanaaroohi2 🩵 الكنز المدفون ↴

ـ بارت 91

.شاف امه: انا عارف امد جهالش مش راضيه تبيعي وتدي حقي، لكن عنجلس اعداء لوما اشل حقي وحق امس الا بدايه لحرب يا انا يا هم

امه : جلست تدعي عليه لما خرج

مرته الاولى بعد ماخرج هو ومرته الثانيه: مارايكم تدو قسمه وحده تخلصوا

امه: هو انتي والكل بتعلميه، تشتين زلطه، بتعبينه الثلاث

الثالثه: انا مادخلني ولاتدخلت بشي

الاولى: انا مابينعلم، بينقلش اهجعي اذيته

امه: يوريني ماعيفعل

الاولى: صدقوني ان قدو ناوي ، ومعه خطط ومحاميين ويشتي الزلط صميل، دبري له حقه واديتي له

عمتها تعصبت : خلاص بطلين شحت انتين وياه، انا الي اقرر ايحين ادي حق الكل ، يلا لو عتكسري راسي لحقي بعدهم انتي وياها( الثالثه)

زوجته الأولى زعلت :كنت ناويه اجلس ومادخلني يسير ولا جلس بس قد انتي بتعاملينا مثله من كرهش له، وانا من غثايا لاتغثي ونواياه بينحذر بس اخر مره افتح فمي

عمتها: احسن غلقين فمكن بس، واجلسي وانتي مغلقه فمش  اجلسي بدون سيره البيت والبيع

مرته الاولى اقتهرت: يلا الله يشفيش يانور، مع السلامه..  خرجت

الثالثه لحقتها وهن في الحوش وقد سمير خرج : انتي طيبتش قتلتش تشتي توقعي حاليه وتنصحيها وهي ولا في حسها قادره تفعل ماشتت

الاولى: قهرني يتخايلها انحنا بنلاحق زلطه، مش هي داريه أن الثانيه الي جننته وعتلهفها هي، وانحنا جينا نحاكيها تنتبه منهم وخططهم

الثالثه: طز فيهم كلهم


في بيت جيرانهم وقت الغدا

ام صهيب وابنها وحدهم بيتغدو

صهيب بعد ماسمع مشكله جيرانهم: واخوتي نفس الشي، اخي سافر بدون مايودعنا ويودع جدي،

ام صهيب: طز الحق يتوزع بين الكل.

صهيب: قد قلتله ، لما شافني ناولته كل البصاير والاملاك وقلت له اقسم ، ساع الي تطمن قال مش وقت شرجع مره ثانيه

ام صهيب: كيف خطيبتك
صهيب طرح الملعقه من يده: لاتذكرينيش ،اليوم نزلت ادورش اسالش؟

امه: ماهو؟

صهيب: انتي تحاكيتي مع البنت؟ تجابرتي معها

امه: على ايش؟؟

صهيب: على اي شي ع اي موضوع حتى جمله جملتين ع بعضها

امه باستغراب: ايوه مالك؟

صهيب :طبيعيه؟؟ بتفهم ؟؟؟ او تحسيها فيها غباء شويه! تاخير فهم

امه بصدمه: بالعكسسس شخصيتها قويه وكياته و رزانه و دلع

صهيب: اها يعني مش غباءطلع دلع وغرور

امه: ليش

صهيب بدا يحكي لها ويشكي

امه ضحكت: يمكن بتغير عليك وماتشتي تبين ،ويمكن صدق هي مدلعه بيت اهلها سهل يابني قدي عندك عتعقل

صهيب: طيب يمه مش مرتاح لها خالص، مش قادر اتفاهم معها واستمتع باي نقاش، كيف عنعيش العمر كله

امه: ابني عادك خطبت ماقد عرفتها سوا مالك صلي ع النبي ، بس تشتي الصدق، انا اهلها مارتحت لهم


اعرف انكم تشتو اكثر بس الجمعه انشغال قوي يلا حاولت اكتب (ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi