•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 23:31

@sanaaroohi2 🩵 الكنز المدفون ↴

ـ بارت 76

.
.صهيب: انا مش فاضي اجلس مراعي لش تتعلمي سواقه اخر الليل انزلي خلصيني اشلها لش للبيت

نور: بينقلك اخاف مالك

صهيب بضبح معصب: اطلعي ورا

نور نزلت وطلعت ورا

صهيب بكل سلاسه رجعها لورا ولف ومشي

نور مركزه ع سواقته بهدوء وبيد واحده

وصل البيت: انزلي افتحي

نور: افتح انت

صهيب: مش انا السواق حقش

نور داخل نفسها: يا الله والسماجه الي فيه ، خلاص انزل مش انت السواق تدخلها انا شدخل السياره

صهيب نزل : هذا الي فالحه فيه خطوتين لقدام وخطوه ورا وقد فحرتي البترول والبريك ، تعلمي وبعدا سوقي وماتخرجيش اخر الليل وحدش

نور : وانت مادخلك بي انا حره

صهيب طنشها ومشي لبيتهم دخل وقفل الباب

نور دخلت بالسياره دلا طفتها وقفلت الباب و دخلت.

صهيب دخل بيته وقفل الباب: لاحول ولاقوه الا بالله ناقص انا جنان

في غرفتها دخلت وهي خايفه تتكلم امه او تقل لجدتها ماعتفعل جدتها وعادها تهددتهن لو تعرف شي

الصباح الساعه ٨
صهيب عادو رقد قبل ساعتين بعد ماستقبل اهله، وصله اتصال من شريكه في الاعمال

صاحبه: الحمدلله لقينا تساهيل خيرات ودعم قوي للموضوع حقك ،

صهيب:, اي موضوع؟ رضيو يبيعو لنا البيت؟

صاحبه:, ها مع مش حق بيت جيرانكم، بينحاكيك من حق اعاده تاهيل العاملات واطفال الشوارع

صهيب: اخي حبيبي انا موكل لك كل شي اهتم بالموضوع امد الموت  يتم وبعدا متواصلين

صاحبه:, انا داري بس قلت افرحك الله يعينك ياخي ويقويك ،مايلزم

صهيب وهو نوم: ارقد.. غلق التلفون. وهو مغمض و رقد

خرجت الصبح بنشاط للجامعه وبتدعي الله ماتلقاه ولاتصادفه لايذكر ويعايرها بجنان امس، طول الطريق بتدعي جدتها ماتعرف

وقت اذان الظهر..

الجده سمعت الباب خرجت تفتح .

اخوها بعد سلام وكلام جلس في طرف الدرج حق الحوش: كيف انتي ياختي

الجده: الحمدلله ، هيا ادخل

اخوها: ماقدرت تاعب والضعط مرتفع اسير ابسر نفسي الا جيت اقلش الله المستعان، ابنش المتدين الي يعرف الله يجرجرني محاكم اخر عمري

اخته بصدمه: يو ياساتر ليش؟

اخوها: رافع علينا قضيه انحنا ماسكين حق ابوه والورث والموضوع قدله خيرات ، والموضوع معصود عصيد على البيت

اخته: حسبي الله فيه ونعم الوكيل

شاف السياره: هو عندش؟

اخته: ماشي طرحها امس حتى مادخل

اخوها: نصيحه بيعيه وادي لهم حقهم لايتقاتلو عليه

اخته: شابيعه تمام بس لما يجي وقته

اخوها: تخارجي وعادش بخير

اخته بزعل : هذا الي عيحصل
شاجمعهم ونتفق

في مكان ثاني

صهيب مجتمع مع المحامي حق ابوه، والي كان ماسك نص اشغاله : طيب انا شاسلمها لجدي؟

المحامي: لا ابوك اصر هذا الظرف يوصل ليد جدك لو عادو عايش، يعني لازم اقابله

ت.ع.خ دلعتكم خيرات🌹


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 23:30

@sanaaroohi2 🩵 الكنز المدفون ↴

ـ بارت 74

.فؤاد تاكد وصدق كلام الدكتور لما قال هو جبان بس حب يكشف كل شي امام عامر عشان سمعه بنته لايكون عامر قال للدكتور شي ثاني ( غير موضوع تجاره الذهب): كيف مادخلك جيت لاباب بيتي تقول بنتي بتأذيك؟ ع فكره ورتني الرسايل كلها الي بينكم، وهي تقلك تقدم كلم ابي ، وانت شحات بدور بعد ذهبها وبتدور كم تسلفك وامك واخوك وانت ورجعت لاجئ مشرد تشتي بنتي تصرف عليك، هي بطيبه تعاطفت معك وادت ذهبها علاج لامك، وانت تمسخرت وقلت انه عشان تجي تخطبها ادت ذهبها لك ، شوف مش انا بلطجي ، بس لو ازيد اسمع حرف منك ولا بتدور بعدها او تفعل مشاكل وتجي وتتصل لاخفيك والي خلفوك من على الارض مايلقو لكم بقعه، خلي لامك حالها يتمت عليك انت واختك واختك عادها بعمر بنتي خليك في حالك عشان تجلس توبه لمكالفك لايجي حد يفعل مثل مافعلت واعظم ، يلا تشتي تتوكل الله معك لان الان زحمه لشارع تونس وشوعه مكالفك وحدهن في الحاره هذك

عامر مصدوم وخايف كيف وصل وعرف معلوماته !! خرج وهوو  ولانخس بيتلفت حوله يمين يسار لو حد بيراقبه او بيلاحقه ماتوقع هدوء ابوها لهذه الدرجه فكر انه لما حارس عيقتلها ويفتهن فيها مثل ماقهرته وهي بتخونه مع عامر...مواصل الطريق مشي مشتت وهو يفكر ويحلل


في العياده: العفو منك يادكتور ادوشنا راسك.

الدكتور: لا مابش شي، وماشاء الله نور وبسمه قمه الاحترام نور طالبتي وبسمه كانت تجي معها اوقات للجامعه، ف مايهمك شي من الي حصل الناس السيئه كثير بس ماشاء الله البركه فيك ونعم الاب انت.

ابو بسمه: رجاء لو جا مره ثانيه و زد فعل بلبله كلمني لو سمحت

الدكتور مسك صدره : ولايهمك اعتبرها اختي الصغيره ومستحيل اسمح بتصرف منه زياده ، اي شي يحصل شابلغك.

ابو بسمه رجع لبيت اهله ،شل بسمه وروح البيت ..

دق الباب الليل..
نور خرجت تفتح.
عمها سمير دخل سيارته الثانيه الحوش يخليها عندهم و روح

نور شلت المفتاح ودخلت لاعند جدتها
جدتها: ماله مايدخل يسلم عليا

نور: مدري

جدتها: وليش اداها ؟

نور : والله مالي علم

جدتها: شدخل ارقد وانتي؟

نور: اجهز قلافدي حق الجامعه واذاكر شويه وارقد

بعد ساعتين هدوء اخر الليل

نور جتلها فكره نفسها تجرب تسوق وفرصه سياره عمها موجوده تاكدت جدتها رقدت فتحت باب الحوش وخرجت

صهيب في غرفته بيغالط النوم وبيحسب موعد وصول اخوته يسير يديهم كان جالس في الطاقه سارح بيفكر كيف يفعل ومتى يسافر عشان يلحق الاختبارات

شاف لمبه حوشهم ولعت وفي واحده خرجت وبتمشي مشيه سرق خطوه بخطوه وهي بتسحب رجلها دلا وبترد الباب دلا
مبهرر اين عتسير الحوش! معقوله..؟؟ قام نزل وخرج الحوش

نور دخلت السياره وقفلت شغلتها وجااااالسه ضاغطه على السويس
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 23:30

@sanaaroohi2 🩵 الكنز المدفون ↴

ـ بارت 72

.تلفونات واديت لهم ، صاحبات وبتخليهن غصب عني يخرجين انا اقل مش ضروري وانت عادي ،اقلك لاتعودهن الدلع هذا وانت ولا بتفعل لي احترام ،

زوجها : ذلحين الغلط مني ومنش كنا مش منتبهين مادينالهم اهتمام عاطفي ، للاسف اهتمينا بالاهتمام المادي بس والحب عبرناه لهم بطريقه غلط ع هيئه دلع ماكنت اسخى اكسفهن في شي

مرته : طيب مافهمت الموضوع انا ماحصل وكيف وليش ادت الذهب ووين هو

زوجها جلس يفهمها كل شي وانه الحمدلله تلافى الموضوع
سرح شويه( ذكر الدكتور الي ساعدهن بحث عن اسمه وعنوانه) شاف الساعه قرر يلحق ويسير يستفسر عن عامر ويشل رقمه


بعد صلاة العشاء الكل روح من العزا بقيت ام صهيب ، اختها وبنتها طلعين وام صهيب جالسه في غرفتها

صهيب دق باب غرفه امه ودخل اول شي شافه قدامه صوره ابوه ،عطر ابوه ملان الغرفه ، قفل الباب شاف ملابس ابوه الي كانت معلقه ، امه جالسه فوق السرير بتبكي

صهيب امتد وطرح راسه على رجلها دموعه كانت تنزل ع جنب

امه: قدك تاعب ،جاوع؟ اكلت

صهيب ( اخر شي اكله البروست الي طلبه له ولهن) : مشتيش شي اشتي بس ارقد مرهق

امه: جي افعل لك شي تاكله وترقد

صهيب: لو ارقد ماشقدرش اقوم ، الساعه ثلاث شاسير ادي اخي من المطار وجهاله ومرته
يمكن يوصل هو واختي سوا

امه :طيب ارقد شويه

صهيب: هكذا انا مرتاح ،من جا اليوم؟

امه: يو والله مانسى وقفه ام سمير ، ادت الغدا وخلت بنات عيالها يفرشين الديوان مع بنت خالتك، ورجعت اتصلت للممولده( امرأه تحيي مولد ) وطلع قد حاسبتها هي ، من زمان وهم هكذا لو معنا شي مايفلتوناش

صهيب استغرب: من هي ام سمير ؟

امه: جيراننا هولا بيت المنذر

صهيب شاف امه وقفت دموعها والبكا وهي بتجابره حب يفتح معها مواضيع ينسيها شويه : ها، المره العجوز هي هذه؟

امه: ايوه

صهيب: بس معها بناات عادهن صغار

امه: بنات ابنها، واحده منهن الي كان نشتي نخطبهالك، امها كانت قوي مقربه مني الله يرحمها قبل ماتموت ، كان اي تفاريط في الحاره او عندنا او عندهم نجلس جمعه، بعد زواجهم بثلاث سنين وقد عمر بنتها نور الظاهر سنتين ،سارو الحديده وخلو البنت ربي لطف بها ، وهم ماتوا بحادث

صهيب تذكر صوتها بس وقتها ماكان قد بيميز من بيتكلم حكيت نفس القصه : هاا ، هي نور بس مجنونه هذك البنت

امه: بالعكس ماشاءالله ماحد بينتبه لجدتها والبيت بكله على راسها اليوم نص الغدا الي ادوه فعلته هي قالت جدتها وبنات عمها غير معاونه

صهيب بيتذكر لما دكمته ورجعت تعزيه بدل الاعتذار

امه: ايوه صدق ماتصلت لي حتى اتصال ام خطيبتك

صهيب: عزتني وقالت اعزيش واعتذر انها ماعتقدر تجي معهم حين يعزو مايسبرش ومدري ماهو
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 00:28

@sanaaroohi2 🩵 الكنز المدفون ↴

ـ بارت 70

.
.ابسر نور من كثر ثقتها بنفسها ماعد حسها في لبس وموضه قدنا اصيح انا فوقها بس تقلي طز انا مرتاحه هكذا انا يعجبني هكذا، اقلها ماعد عيخطبوش، مابش في حسها ، تعلم كيف تربي انت ومرتك الغلطانين مش هي وحدها ،كل واحد فيكم لاهي في عالم ومفلتين جهال بهذا السن قبال تلفزيونات وتلفونات ..

ابنها بيسمع وماقدر يرد ويغلط امه ، قام وخرج: خاطرش يمه


امه بتدعي لهم كانت تشتي تدخل بس ماحبت توفيها لبسمه ترجع تكلمها لو ما تهدأ

رن التلفون جاوبت : يو ذلحين اخرج لش البنت

يانوررر..يانور

داخل الديوان

نور: خلاص احمدي الله كنت اقل عيقتلش، ذلحين عيتصايحو ويسدو ..سمعت جدتها خرجت

جدتها: البسي الان وسيري شلي المره هي في باب بيتنا لبيت جيراننا

نور: يو جده عتقلو لها دقي الباب الي جنبنا ، ذلحين البس واخرج امد اشر لها

جدتها: تشتي تعاونيها تشلي معها القلافد طرحها التكس وخطي

نور بضبح بتلبس:, ريت والله على ستاره من حق زمان واحد يطرحها فوق راسه ويخطى.. ماعد شلبس اللثمه وانا الا جنب الباب... وهربت

جدتها : ستاره في عينش لو كان نلبس ستاير ع بنطلون جنز  هكذا ..انا اوريش يانور

نور كملت تلبس خرجت وهي ضابحه

المره في الباب مراعيه ماسكه ادوات
نور : شلت معها العمود حق السماعه، والسماعه في اليد الثانيه

دقين الباب..

صهيب كان في الحوش فتح الباب ووقف وراه لما سمع المره ردت عليه

نور دخلت وماشافت ع جنب الباب وراها بتمشي بالعمود حست ضربت في شي لفتت وهو واقف نكزت

صهيب شافها استغرب مالها وايش في يدها وليش جت

نور تشتي تعتذر ومن ضبحها دعممت ، دخلت وام سما واقفه في الباب شلت منهن الاشياء ..

نور رجعت مشيت

صهيب على خرجتها ضبح من اسلوبها توسخ طرف الثوب حق الكتف ومابش منها اعتذار ولا كلمه: مره ثانيه واحد ينتبه.. بصر ..بصر !

نور حست مش وقت مناسب تتليقن: عظم الله لكم الاجر خرجت وقفلت..

صهيب حس الكلمه افضل من كلمه اعتذار ( شاف رساله من خطيبته) : يو عادنا دريت ان معاكم موت وابوك مات( الله يرحمه وعظم الله اجركم)

رد عليها: الحمدلله على كل حال

خطيبته: عيجو اهلي يعزوكم، وانا مقدرش اجي لانه مايسبرش خطيبه تدخل بيت خطيبها قبل العرس

صهيب: حقكم البعاسس مافهمش فيها ، وقلتلش ماهتمش بها وبطلي هذه الافكار ، بس براحتش .

خطيبته : المهم عزي امك مني وقلها الي قلتلش ماشقدرش اجي.

صهيب داخل نفسه وهو بيقرا كلامها: وين الكلام الي قالوه انه بتجي مشاعر وحب وتعلق لما تعرف بنت او تتكلم معها للان مش حاسس بهذا كله ولاقد عرفت طبعها ، معرفش هي شخصيتها غير بالواقع وبالرسايل غير،  بس يلا الايام قدامنا.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 00:27

@sanaaroohi2 🩵 الكنز المدفون ↴

ـ بارت 68

.بسمه هزت راسها ب لا.. وهي بتبكي

ابوها بيصيح:, البكاء مش حل ، ايش ينفعني تبكي ذلحين ، بتبكي خايفه مني؟؟ ابوش انا! وماخفتيش توثقي بواحد من الشارع

بسمه : خلاص يا بابا انا اسفه ، هذه المره وقعت درس وخلاص

خارج الديوان دق الباب دق ولا وقف..
نور فتحت بسرعه

ام بسمه دخلت وهي بتبكي
الجده:, اين عتسيري؟

ام بسمه: اين بنتي ! ابوها قد وصل؟

الجده: انتي اخر من يوصل واخر من يدرا بنتها مابتفعل وين حسش بنتش شلت الذهب كله وانتي راقده انتي ام انتي؟

ام بسمه: ياعمه مش وقت اين بنتي

الجده: عند ابوها

ام بسمه سارت دخلت للديوان

زوحها بضبح :اخرجي

مرته: ليش اخرج مثل ما انت موجود ابوها انا امها يحق لي اصيح واضرب وافهم ايش حصل

زوجها: امها المفروض اقرب واحده لها داريه بنتش ايش بتفعل ومن بتكلم واين ذهبها لكن واصل تفاريط ومش انتي داريه ايش حصل، انتي السبب في هذا كله

مرته: وانت ابوها وعايش معنا نفس البيت ، ليش انت وين انت ؟ عمرك ماتقربت من جهالك وبناتك ولاسالتهم من اصحابهم من بيحاكو مع من بيخرجو وكل ماسالت تصيح فوقي وتقلي عيالي رجال ماتخليهم يجلسو عندش خليهم يخرجو

زوجها بيصيح : انتي بتتهربي من المشكله وتفتحي موضوع ثاني، اين ذهب بنتش ياهانم؟؟

مرته شافت بسمه: اين ذهبش؟؟

بسمه بتبكي خايفه تتكلم

امها قامت تشتي تضربها

زوجها قام صيح ومسك يدها: كنتي عتنتبهي قبل ماذلحين ماعد تمدي يدش ولا عد تفعلي شي اصلا ماعد في لازمه لش من مره في البيت ، ماتنفعيش توقعي ام يعني ماتنفعيش تكوني زوجه

بسمه زعلانه ومقهوره ابوها وامها تصايحو ووصل بهم الموضوع لهنا بسببها وهم عمرهم ماحصلت بينهم مشكله ، حاسه بشعور سيء ، كرهت نفسها وانانيتها وتهورها وكيف كانت ساذجه وحبت شخص ماكان يناسبها بس عشان تسمع كلام حب وحلو وتوهم نفسها انه عيتزوجها مثل المسلسلات الي بتشوفهن، حست هنا ان الحياه ماتنفع نقلدها ماينفع نقلد حب بنشوفه ماينفع نسلم قلب لاي حد ابتسم او قال كلمه حلوه، حست انها كانت غاليه قوي بس رخصت نفسها لشخص مايستاهل


قاطع افكارها وكلامها مع نفسها..

امها زعلت وقامت مشيت خرجت وهي بتقل لابوها: ماناش راجعه البيت، ادي ورقتي لابيتنا

زوجها: مع السلامه

بسمه بتشوف ابوها

ابوها: عجبش الي حصل!! مرتاحه!! يستاهل حبيب القلب هذا كله؟؟؟ والله لو كان جا ووقع رجال كنت شابسر لو محترم و اوافق انا مش ضد ان بنتي يعجب بها حد ويجي من الباب، بس انا ضد انش تفعلي شي من ورايا لان شي بعد شي بعد شي يخليش تخسري نفسش واهلش واحترام الناس لش ساعتها لاعاد حب ينفعش ولا اهل باقيين لش


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

28 July 2023 00:24

@sanaaroohi2 🩵 الكنز المدفون ↴

ـ بارت 66

.اول ماتكلمت وسمع صوتها فجأه رفع راسه بصدمه

نور كانت لابسه البالطو والمقرمه واللثمه مرفوعه ماقدرت تنزلها عشان امه في يدها بتبهرر لعصماء تاشر لها تنزلها

وعصماء مش مستوعبه تفكر انها بتقلها تجلس ( جلست)

نور تبهرر لها

عصماء قربت وجلست

صهيب قرب مسك امه يساعدها تقوم يدخلها

نور ماسكتها من الجهه الثانيه

صهيب ماكان في حسه يشوفها او اي شي صح لمحها بس خايف على امه، دخلوها وقاس لها الضغط وهن مراعيات في الصاله يتطمنين

ام سما خرجت:تطمنين يابناتي شويه تعب وعتفتهن تسلمين اتعبناكن الله يديلكن العافيه

نور وعصماء خرجين وهن زي الدجاج بيتناقرين

نور بصوت واطي : قلتلش تردي اللثمه

سما لحقتهن للحوش: يا نور قالت امي لو قبالكم واحده تفعل مولد ثلاث ايام

نور : حاضر شاحاكي جدتي واجي انبيكن


سما: تمام تسلمي

نور : خرجت. وسارت تسال. جدتها

  في بيتهم..
صهيب طلع الرجال الديوان ، وخرج يوزع المهام.  لعيال عمه وخالته  ، و دخلو بيمشي وراهم دق الباب رجع وفتح الباب

نور دخلت

صهيب شافها واقفه شافت الرجال بيدخلو البيت: راعي يطلعو الرجال وادخلي لاعندهم

نور : خلاص بس قلهم انه جدتي حاكت المره الي عتجي تفعل المولد  عنديها. الساعه ثلاث

صهيب : ادخلي ادخلي، ماششقدرش ادخل لاعندهن به نسسوان، عنطلع وانتي ادخلي

شاف ماابش حد واقف اشرر لها

نوور دخلت بسرعه قدامه. كلمت خااله صهيب ورجعت وهو في الحوش بيتكلم في التلفون ..

نوور على خرجتها ومنحرجه ، بتمشي. في الحوش بسرعه تكحولت وفلتت في الارض..

صهيب كان واقف ع جنبب شافها و رجع يقفي لايحرجها

نور قامت بسرعه تلفتت ماحد شافها خرجت وقفلت


دخلت بيتهم  وبسمه بتبكي ماسكه وجهها بتسمع جدتها بتتكلم في التلفون..

نور : مالش ؟؟,

عصماء : الكلب عامر سار بيتهم وكلم ابوها بكل شي ، وابوها اتصل تروح وبيحكي لجدتي القصه واسمعي جدتش ذلحين


نور خايفه بتسمع جدتها: مادخل نور ! لاتتعذرش بنور ، جي لهنا نتفاهم


الجده : ماشا الله قدك باب الباب هيا ادخل ولا تشتي نعزمك


ماعتخرج بسمه لوما تدخل انت ونتفاهم..

ابو بسمه: لو ماتخرج بنتي ذلحين لاخرجها جنازه ،

امه: هذا وانت العاقل بين اخوتك ، ادخل بينقلك ..قفلت التلفون وشافت بسمه: مافعلتي يابنتي؟ من هو هذا !

بسمه: ماقال لش اول ؟  قوا ياجده عشان اعرف ماكذب عليهم

جدتها: قال انش لاحقتيه وانه شافش جاهله ومش قد يتقدم لش ولابوش وعرف قدر نفسه وانه مسكين وقلش ماشي، وانش قلتي له تحبيه وعتساعديه واديتي له ذهبش يجي يخطبش به


  نور مصدومه وماسكه راسها


بسمه بتبكي : مافعل ذلحين مافعل ياربي مفعل

ابوها فتح الباب ودخل..

ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

28 July 2023 00:23

@sanaaroohi2 🩵 الكنز المدفون ↴

ـ بارت 64

.عصماء : يهي يهي من ايحين بتغثي على حد

بسمه بتتكلم دلا: ماغثيت عليا بعد الي وقع بي

نور : مابتدورين ! يتخايلكن اننا ساعكن هبلا ، مابلا مش انتين داريات اننا حميش وبينقوم بالواجب مع الجيران بدل جدتي

عصماء: جدتي ههههههاي ضحكتيني

بسمه: خليها تغالط روحها، احنا حاسات بشي وهي لاذمتها لو عتخبي علينا

نور دفت الماء وجهزت الطاسه ناولت بسمه: ها اعجني

بسمه مستغربه رفعت كم يدها وبعدت الساعه غسلت يدها: معرفش كيف

نور : زي عجينه الباي ابل( فطيره التفاح)

بسمه باصابعها بتناثر الدقيق مع الماء : هكذا

نور شلت شويه دقيق في يدها

بسمه منسجمة مراعيه ايش عتوريها

نور بطرف يدها قربت لافمها شويه دقيق ونفخت: هكذا هووف

بسمه وجهها كله دقيق ضحكت وبتنفض

عصماء استغلت اللحظه بتصورها

بسمه: والله انش تافهه يا نور يخ بطلي سفاط بنطلوني اسود

نور بتلف الدقيق مع الماء وتعجن : هكذا هكذا اشتحطي

بسمه غسلت يدها: ماعه والله مافعل شي هيا ها ،جلست

عصماء عجنت معها

نور شافت بسمه جالسه ماسكه التلفون شلت كيس الثوم وناولتها : ها قرشي

بسمه: يخ عيقع شم اظافري ثوم

نور : هذا يطول الاظافر يافاشنيستا ، يشبه الاسنان بس ثوم،

بسمه شافتها : ولا بينحلى واكلمش بكل شي وتجلسي هكذا

نور ضحكت : يلا قرشي سكته عيب نشتي نقطب نشل الغدا بدري

في بيتهم..
صهيب وصل بابوه للحوش دخله لاعند امه وطلع عشان يكلم جده بهدوء ..

الجد: وين انتو من امس ، بينداعي ولاحد بيرد رجعت رقدت وانا ميت عطش

صهيب فتح قاروره ماء وناوله وجلس جنبه : ها اشربو ياجد

الجد : قد شربت ، امك الله يحفظها وعمتك صبحني وشربت

صهيب : ياجد انا تاعب قوي وغاثي ، كيف عتصبرني ادي لي كلمتين تقويني ، ولا انت ماعد بش فيك قوه

الجد : قوه جسم ماعد بش يابني الله يحسن ختامنا ،اما قوه قلب ماعد بش اقوى مني كم قد عشت وكم قد تعبت وكم ابسرت في الدنيا هذه

صهيب: يعني ايش اكثر شي بيكسر ظهر الواحد !!

الجد : الغدر ، الظلم .
صهيب : طيب ولا فلتك واحد وسار

الجد : مايكسرش الظهر الا لو كان هذا الشخص راكن عليه مرتزح لظهره

صهيب وهو ماسك نفسه بس ماقدر دموعه نززلت حاول بسرعه يبعدهن

الجد: لمه من قد فلتك ،

صهيب: واحد عزيز على قلبي قوي مات

الجد: الله يرحمه ، كلنا لله راجعون ، بعدا الحزن عيشل له وقت وخلاص الدنيا بتمشي

صهيب: ولو غالي قوي عليا ومش صاحب؟

الجد: ولو اقرب الناس كل حد عيشل وقته صاحب عتزعل عليه شويه اخ عتزعل عليه اكثر اب ام يعني كل واحد ها

صهيب: والابن ؟

الجد : ماقد جربت الله يحفظهم لكن الله بيدي لكل واحد على قدر طاقته

صهيب: ولو قدر الله ومات حد ؟؟
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 July 2023 01:38

@sanaaroohi2 🩵 الكنز المدفون ↴

ـ بارت 63

.
.عصماء: زكاش عقلش ليحين نراعي، انا شخطى مع بسمه ارقد

نور دخلت معهن وجالسه جنب الطاقه مراعيه يجو ،مابش خبر

  بسمه حست بوجع شديد رسلت للدكتور رساله: ( الالم مابيروح يادكتور وقوي شديد)

الدكتور : متاكده بتستخدمي الي كتبت لش المسكن؟؟

بسمه: ماشي كان معي مسكن شربته هو

الدكتور:, لا شلي الي كتبت لش تمام هذك

بسمه: تمام شكراً يادكتور والعفو منك ازعجتك اخر الليل ، واعتذر انك دخلت المشاكل حقي انا وعامر  محرجه منك قوي.

الدكتور : مافي اي شي ، مالش ذنب ابدا، عامر واحد مراهق جاهل بيدور يستفيد مصلحه مش شخص محترم جاد، ماعرفش قيمتش وقدرش، وانتي تعلمتي الدرس. ولاعد تذكريه وتفتحي موضوعه ابدا

بسمه ماعرفت ترد : تمام شكراً لك يادكتور.



في المستشفى..
صهيب بعد مارجع بالسندات والدفع

الدكتور : عظم الله لكم الاجر ، ماعد لحقناه ، كانت قويه الجلطه

امه انهارت: قلتلك نسفره قلتلك انت السبب حسبي الله فيهم وفيك

صهيب ماسكها يهدأها : خلاص صلي على النبي ، ربي قدر يمه ،والحمدلله على كل حال

امه: كان بخير ، مكنونا من مستشفى لمستشفى حسبي الله فيهم

صهيب: يمه مادخل الدكتور هذا بالعكس هو قال لازم نلحقه يعني لو سفرناه و روحناه البيت انه مات

امه منهاره : شله مستشفى ثانيه اكيد مامات كذابين

صهيب حضنها ومسكها خرجها وصلها البيت..

الساعه ٢ الليل

نور كملت تذاكر وتتجهز للنوم جالسه جنب الطاقه بتسمع مابش اي صوت... فجأه صوت سياره..
خرجت الحوش دلا تسمع وهي خايفه انها وحدها

وصلت ام صهيب وابنها ( مر على الطريق لخالته الكبيره اخت امه)

ام صهيب دخلت الحوش وهي بتبكي : خرجنا وهو بخير  خرج برجله بيخطى

اختها ماسكه يدها بتهدأها دخلين..

صهيب : ياخاله انا راجع للمستشفى ابسر كيف نفعل انتبهي لامي ولايدرا جدي الا لما اجي ، لو تشتي شي حاكيني وخرج.

نور دخلت وقفلت الطاقه وهي زعلانه عليه

يوم الجمعه الصبح قامين بيصتبحين وصوت دريس في الجامع

الجده: يعلم الله من مات او بيدرس حين هي جمعه

نور : ماشي موت، انتو داريين من مات ، جارنا الوزير الي عادهم جو، مات.

الجده : يووو إنا لله و إنا إليه راجعون ، هيا تمين اصتبحين ، واعجنين ودخلتين معي نفعل غدا وشلينا 

نور قامت: تمام الان شدخل اعجن

عصماء شافت بسمه ونور ضحكت: حلال فيش البروست

نور بهررت لهن لاتعرف جدتهن

جدتها: اي بروست عنفعل غدا من المجنانه حقكن نسير نعزي من المطعم

ضحكين كلهن وجدتهن بتصيح فوقهن يقطبين ويبطلين لغاجه



في المطبخ

عصماء شافت نور متحمسه مابتتضابحش وتتكاسل : يااي مخطوب الرجال

 
نور بضبح: ياسامجه والله اني غثيت على امه امس


ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 July 2023 01:37

@sanaaroohi2 🩵 الكنز المدفون ↴

ـ بارت 61

.
.صهيب سمعها، طلب لهن ولنفسه ، دخل عند اهله شويه

جده جلس يجننه يتصرف في الي كلمه عليه، وابوه بينتقده انه المشروع الي بيعمله بيفعلهم مشاكل، وامه بتنتقده ليش مابيتواصل مع خطيبته ، ضبح و رجع خرج مكانه الي بيحس براحه ويضحك ، سمع كلام امه و رسل لخطيبته جاله فضول بعد ردودها يعرفها اكثر..

خطيبته: شارد عليك لما اروح مشغوله الان
صهيب مستغرب الساعه ٩ مشغوله وخارج؟ : ليش فين رحتي؟

خطيبته: اولا مش من حقك تسأل وين رحت عادك مش زوجي ،بس شجاوبك هذه المره وبس ،خرجت عند صحباتي

صهيب شاف رسالتها واسلوب ردها ضبح طنشها ومسك اعصابه لايرد عليها.

بيسمع صوت بيغني جلس يلعب بتلفونه وهو بيسمعها منطرب بصوتها
فجأه

نور : يابناات هذه الاغنيه اسمعين لجارنا المجنون

صهيب كان مبتسم مبسوط بصوتها والاغنيه ،سمع هكذا مراعي تغني ،،، سمع( مره في حينا زارنا فيل مش ظريف )
جلست تكركر وتضحك ، داخل نفسه ( ليش اليمنيات ثقيلات دم شايفات نفسهن، كم معي صديقات حبوبات في الخارج ، بعدين جاوب نفسه ( بس حقنا البنات انا فدالهن غير )

سمعها رجعت تغني عادي وصلت له رساله فتح الباب شل الاكياس  شاف الطلبيه الكثيره ربطها وطرح الكيس حقه ع جنب بيفكر كيف يفعل من فوق الجدر عيعرفين، طيب يدق الباب ،، جت له فكره لبس وطفا لمبه حوشهم والشارع ( هم موصلين لمبه باب بيتهم)

في الحوش سمعين الباب

نور: يو عمي سمير عيجنن انحنا هنا وبنغني صوتنا يووو

عصماء: طيب افتحي الاول، افتجع

نور قامت تفتح الباب : من ؟؟

غير صوته: معاكم وجباتي

نور مافهمت: هاا ؟؟

صهيب ماعرف ايش اسم التطبيق الي طلب منه: معاكم طلبيه

نور شافت عصماء : طللبيه شي ان حقش وصلت

عصماء بترد لبسمه: بس انا طلبت لبيتنا العنوان مش هنا

نور مدت يدها شلت الكيس...

صهيب ناولها كان نفسه يبقصها من برقطته منها ومشي بسرعه دخل البيت وقفل دلا

نور شافت الكيس بتحس شي دافي وبارد: بنات هذا مش شي ان، يووو والله انه عشا، انا فدالش ياعصماء ماسخيتي عليا

عصماء مبهرره لبسمه وتأشر لها بيدها ( مش انا)

بسمه ماسكه فمها لاتضحك

نور بدات تاكل الشبس: يو انا فدالها بنت عمي عيسخرلش الباري في قلب خطيبش ويجعله يبسرش الدنيا ومافيها وحور العين

عصماء: امه حنجا اصبري اول افهمي..

قاطعهن صوت صهيب : حقي الصوصات والسلطات عندكن ازغفين به

شافين بعض وبهررين ضحكين

نور : جي للعشاء كله ليش تتفيضل وتشتري

صهيب: رديه، قلتلش انش فاره حق تسلق جدران وقطاف شجر مش انتي حق دلع





📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 July 2023 00:36

@sanaaroohi2 🩵 الكنز المدفون ↴

ـ بارت 59

.
.كان يشتي يدخل لاعند الدكتور خالد وقف لما سمع صوتها وضحكتهم دخل من الغيره بدون مايدق الباب

الدكتور خالد تغيرت ملامحه. وبسمه وقفت خافت شافها واشر لها: اجلسي

عامر : يادكتور كنت اشتي اسألك ايحين عد ارجع اشتغل

الدكتورر منصدم من تصرفه : ليش دخلت فجاه هكذا؟ في. حريق؟؟ في انفجار؟؟

عامر بحسن نيه مافهم قصد. خالد: لا لا بس من وضعي شاقرح نسيت و دخلت

الدكتور قاطعه: قد معي موظفه

عامر شافها بنظره غضب: هذه

الدكتور باستفزاز لغيرته: لا الانسه بسمه ياسين عليها اتعبها هنا

عامر بيحاول يكسب تعاطفها عشان ترحمه وتسامحه وترجع تسلفه : يادكتور المره حانقه بسبب. الذهب. الي شليته واديت لك واهلي جننوني مابش راتب ومصاريف تعبت جلسه في البيت

الدكتور: دورت عمل؟

عامر: ليش ادور وانا معك.

الدكتور: لا اعتذر منك، ماعد اقدر احطك معي انا اشتي اشتغل بنفسي وحدي، وذلحين معي مريضه ممكن تتفضل لو سمحت لاتتاخر. مريضتي

عامر غار من. كلمه مريضتي معصب مسك نفسه وخرج ، بس غيرته خلته يوقف عند. الباب يسمع

الدكتور : ذلحين انتي ايش بيخوفش

بسمه: كل شي صوت الالات والابره حق التخدير ولو ماتخدرش واحس بوجع

الدكتور : طيب اصوات الالات شافعلش ساع الجهال تلبسي سماعه وموسيقى هادئه

والابره شاخدرش تخدير اطفال قبلها اخدر مكان الابره ببخاخ

بسمه: طيب بعدين كيف الخياطه في الم؟؟

الدكتور ماحب يخوفها: ان شاءالله ماشي، مع المسكنات

بسمه استحت: خلاص مشتيش السماعه عادي

الدكتور: مافيش اصوات

بسمه : شاغمض عيني اخاف اشوف الابره


الدكتور شافها متوتره بيضحك وهو بيسوي البخاخ: تمام والله انش ساع الجهال الي بيجو عندي

عامر ضبح دخل : انت شكلك صورتك طرحت عينك عليها صدق حين قلت لي

الدكتور ماسك الابره بدأ بها يضربها

بسمه ماسكه يد الدكتور من الخوف تبعدها

عامر : وماسكه يده ومن بين كل الدكاتره مالقيتي الا هذا ، والا قصدش من بدل

الدكتور قام معصب: اخرج من هنا واحترم نفسك

بسمه بتحس فمها متخدر

عامر: اعترف ان عينك على زلطها الي رجعتها لها

الدكتور : انت عارف انك غبي، انت كان حسك في ايش معها. وعينك على الي معها، بس انا لو عيني عليها فعيكون عيني عليها انه افكر كيف اخليها توقع اميره وهي معي كيف البسها وادلعها واسفرهاا وهي معي. مش كيف اوقع انا معها فهمت !!

عامر : بس انا وياها بنحب بعض

الدكتور دهفه من كتفه : اخرج ياعامر لو سمحت لاتخليني افعل هذا الاسلوب خرجه وقفل بالمفتاح

بسمه قامت

الدكتور بضبح ومعصب: خليه ينقلع امدد ويحرق قلبه واجلسي اكمل ضرسش قد ضربت المخدر

بسمه سكتت وجالسه وهي خايفه

الدكتور شافها وشاف ماينفع يقفل


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 July 2023 00:24

بماذا تفكر الان ...!

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 July 2023 00:03

@sanaaroohi2 🩵 الكنز المدفون ↴

ـ بارت 55

.
.صهيب بيكلم نفسه:( هذا مجنونه رسميا ادخل قبل ماتجي هي وجدتها ويوقع لي بهذله،)

دخل بسرعه وجالس في الصاله زي الي فعل فعله ذكر ايام جنانه ومشاغبته في الحاره في الاعداديه ابتسم( انا ايش الي جنني مع هذه المجنونه! ليش بينطرح عقلي بعقلها ويجي لي فضول اجلس اعرف اخبارها واعصب من جنانها و ازعل على زعلها ، الصدق ياريت وكان معي اخت صغيره مثلها مرحه.
بس كنت شارقدها بقتله واصبحها بقتله لانها مستفزه هذه البنت..

في الحوش..

جدتها: مابش حد يابنتي عتجنني اخرتش انتي والحوش هذا ، ادخلي البيت بكبره كله ذاكري فيه

نور: عاجبنا الجو هنا ، وبعدا مش هو على مزاجه ليش بيفلت هو بيتهم بكله ويجلس يتليقن علينا ،ماعيحبسناش وهو وعمي سمير

الجده : لو تزيدي تدعيني والله لاطبع الشبشب ( حاشيكم) هذا فوقش.

نور ضحكت: ناهي خلاص.
جدتها دخلت

بسمه: شكله اختفى ولاعد صوت

نور: يختي سامج شاوريه لوما تجي مرته اشكي لها كيف بيعاكسنا

بسمه بتضحك: قصدش يلاعنش قلك يعاكسش

نور شافتها مبسوطه غير كل يوم: خيرر بينبسرش اليوم فارحه مبسوطه ، ايش قد معنا، او متشفيه فيني

بسمه: والله ماهو تشفاي ولا غاثيه وشاستقضي على الاهبل هذا
( في وسط الكلام هذا خرج صهيب يشوف يسمع في حد بيتكلم جدتها أو ايش زد حصل محد دق الباب، بس سمعهن وجلس)

نور: كان مالش

بسمه بحماس قربت منها : اصلا روحت لاعندش اليوم عشان اقلش

نور : ماهو؟,

بسمه: وقع موقف هو عادي بس مدري كيف حسيت نظراته

نور شافتها بصدمه: انتي مش طبيعيه ،والله لو معش كيس فيمتو مش قلب ، سواء رجعتي له او واحد جديد، ماقد بعدت اثار اللطمه الاوله

بسمه ضحكت: اسكتي خليني اتكلم نفسي افهم ليش بينجي لش واحكي لش وانتي هكذا تعلقي ع كل شي

نور: طيب تحاكي

بسمه: بدأت تحكي لها الي حصل

نور ضحكت: يعني حين قد قعيتي فمش يبسر السوس الي في اسنانش حسيتي مدري ماهو نظراته، هي صدمه حين ابسر لداخل المعده


صهيب ضحككككك ماقدر يمسك نفسه جلس يكركر وهو كاتم فمه لما دمع وداخل نفسه( نفسي اعرف ليش هذك الهبلا بترتاح لها وتحكي لها كل شي وهي بتتنمر عليها هكذا)

بسمه بضبح: يخ يانور كيف انتي بتستخفي بكل شي بمشاعر الواحد

نور: قد ابسرنا مشاعرش الرهيفه كيف ادت مليون ونص بدم بارد ، هجعيني من الخباله الجامعه ملان عيال وكلهم بيتبسروا ونظرات ياسلام الي عينه زرقاء والي اشقر ولا بينحس بشي مشاعري مجمده، اغلبهم جبناء مش هم حق باب مايعجبهم الا الطيقان ساع العصفري اول ماتقلي له ادخل من الباب يطير يهرب

بسمه رجعت تقتنع بكلام نور وتحبط: طيب نفسي نحب اذا ضيعنا الاشخاص المناسبين كيف عنحب


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

24 July 2023 01:19

@sanaaroohi2 🩵 الكنز المدفون ↴

ـ بارت 53

.بعدها بيقرأ شويه من ملخص الاجتماع..
( اولا: الفحوص الطبيه الشامله لجميع الامراض المعديه)
( ثانياً: النظافه الشخصيه وتعليمهن قوانين المكان)
( ثالثاً: تقسيم المهام لتنظيف المكان بين الجميع)
( رابعاً: اعطائهن جداول الدروس التثقيفيه من دين واحترام وتعليم القراءه والكتابه واكتشاف مواهبهن والاشغال اليدويه والحرف)
....الخ بنود وشروط المخطه
صهيب : بعد هذا كل عنتكفل بعلاجهن كسوتهن تدريسهن الي حابات الدراسه وتعليم حرف يدويه للي حابه الشغل وماتشتي تدرس وبعدها نرجع نستفيد منهن..

صهيب بيوصيهن( ما ييأسين ولايتعبين يتحملوا كلهم صعوبه الموضوع في البدايه، ويفرضين قوتهن الشخصيه وقت الحااجه دون عنف او ضرب او تهزيء او جرح مشاعر ، واحتوائهن ومعاالجتهن نفسياً.

بعد مناقشه الموضوع ، خرجوا هو وصاحبه

صهيب متخوف: مدري ليش حاسس بمسؤولية ياخي وخايف بس مصمم ولو على رقبتي


صاحبه : خلاص ماذلحين تمينا ايش تهم ؟؟ الصعب سار

صهيب: تفكر تواجد البناات هنا بالقوه اوو بارادتهن سهل ؟؟ياخي صعب ، اخاف تنسحب المربياات والاخصائياات،

صاحبه: معي القائمه. الاحتياطيه ملاان ياصهيب لاتقلقنا خلي الموضوع يتم ع خير

صهيب : على الله

ثاني يوم
بسمه مع طلابها التمهيدي بتلبسهن تاج بشكل السن والعيال ضروس وناب ،وتعلمهن الانشودة وتحفظهن قبل فقره عرضهن ( خارج اولياء الامور والكل بيحضروا فقرات الحفل)

وصلت فقرتها مشيت مع طلابها طلعو المسرح وهي جلست من تحت تأشر لهم وتعلمهم. الحركات ، لما كملت مشيت هي وياهم للصف

بدأت المديره بعرض يدهش اولياء الأمور عشان يقتنعو بالمدرسه: معنا طبيب اسسنان الان بيمر على كل الفصول ويعاين الاطفال مجانا ، ويتابعهم عندنا بالمدرسه باستمرار ، تفضل يادكتور معنا... مشيت معه و شرحت له الفصول ، امد ماتخلص انشغالها مع فقرات الحفل

دق الدكتور الباب بداية بصف التمهيدي..

بسمه مقفيه وجالسسه في الارض كانت بتسكت الطفل الي بيبكي

الدكتور دخل: السلام عليكم
بسمه قامت لفتت شافته وبدهشه: وعليكم السلام


الدكتور بيتحيلا للطلاب وبيمثل لهم كيف غنو وهم بيغنو معه وهي بتضحك استحت انه شافها : كيف الحال يا. استاذه انتي هنا تدرسي؟؟

بسسمه: ايوه عادها اول سنه

الدكتور: موفقه ، نادي الطلاب بالكشف اسمائهم عشان سريع اشوفهم..

بسمه ناولته الكرسي حقها : تمام ،تفضل بالاول


الدكتور شافها ماسكه كرسي في يدها من حق الطلاب صغير: وانتي؟

بسمه جلست : عادي انا بجلس هنا


الدكتور سكت مستغرب


الطلاب فحصوا بعضهم وبعضهم خافوا

بسمه بتشجعهم: يلا يا ابطال

واحده طالبه : وانتي يا استاذه بتفتجعي مالش ماتوري الدكتور اسنانش  ؟!
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

24 July 2023 01:18

@sanaaroohi2 🩵 الكنز المدفون ↴

ـ بارت 51

.
.
بسمه ماسكه صوره خطيب عصماء: عماد وعصماء متناسبين
بس عصماء نخرتها اكبر من نخرته ، عيونش طبعا احلى منه، وشعرش

نور : نخرتها احلى اما هو مركوزه بس ابسري كانو ديناصور بينفخ نخره مطلع حين يبتسم

جلسين يكركرين
عصماء زعلت هزرت الصوره: بس خباله حرام الضحك على خلقه الله

بسمه: يووو جعلي خير من ايحين


نور: مدري ، قد بنغثى وندافع على حبيب القلب

الجده بتضحك قاطعتهن: قلعو شياطينكن كيف انتين ابليسات

مرت سمير الثانيه ( بنفس عمرهن) : بيحسدين ، الناس بعمرهن معولات وهن بيتليقنين عليها

نور بضبح منها: ابسري هذه الي بنفس عمرنا بس حين قد تزوجت عتسمح لنفسها تتليقن علينا ، مش احنا مثلش ياروحي مراعيات جنب الباب من جا قلنا موافقات، مراعيات لوما يجي الي يستحقنا ، مش نسير نخرب ..

بسمه هزرت نور لاتزيد المشاكل : يوووه يانور حقش الكتاب الي ذاكرتي به في المطر خارج..

نور قامت فجاه بسرعه معها لخارج بقعتهن: وين هو؟؟ مابش كتاب

بسمه: مالش جننتي ؟؟ ليش بتحاكيها هكذا عيب! ولو بنفس عمرش بس هي مرت عمش ؟

نور : لانها مش اول مره تتليقن، قد تمادت معي بالذات داخل وانا بينبدل دخلت عندي قالت ليش ماوافقتي ابسري عمش ع عريس ادا لعصماء، اما انتي بتتدلعي وتتشرطي ومابش معش ام واب يعني العريس لو تقدم لش انتي الي عيتشرط مش انتي( بقوه بتتكلم بدون اي دمعه او ضعف)

بسمه تأثرت قوي و دمعت: قالت لش هكذا؟

نور بتقلد مسكنه بسمه: ايوووه قالت لي هكذا يا محاميات خلق الله، بطلين مجاملات ونفاق حتى لو ماقالت لي هكذا تتكلم معنا باحترام ليش تتكلم وتحسسنا انحنا ولاشي، جدتي لاتليقنت او اعمامي يتليقنو علينا بيدوها بمزحه بس هي ملان قلبها حقد بتديها برزع وهي مبرطمه

عصماء لحقتهن: الصدق يانور تستاهل حين رزعتيها روحها تدور مشاكل بس مابحد طبينتها اليوم مركزه علينا.

صهيب كان بينزل من سياارته وقت ماخرجين رجل خارج و رجل فوق السياره اول ماسمعهن وقف بقعته : فكر عيسمع جنانهن مزح ااي كلام، بس تأثر بكلام نورر رغم مش فاهم. من قاله. وليش وعلى ايش!! غلق باب السياره و دخل.


في حوشهن نكزين

نور: صوت باب

عصماء: من الحوش او. الشارع مابش عندنا حد

نور: خلاص غلقين الموضوع لحد يسمع.

ثاني يوم..

بسمه راحت المدرسه بدأت مع صفهاا تتعرف عليهم وتكلمهم وتسكت الي يبكي وتضحك الي ضابح من الجهال..

المديره دخلت لاعندها: جهزي بكره مواضيع وثيمات واشغال يدويه عن الاهتمام وعناية الاسنان للاطفال بشكل برسوم تحفيزيه، عشان نعرض لاولياء الامور في الحفل الترحيبي بالسنه الدراسيه الجديده اهتمامنا ومتابعتنا في صحه الفم والاسنان.




📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 July 2023 23:47

‏- كيف تصنع سعادتك بنفسك  ؟ 



♕ لن يتم نشر اسماء المشاركين ♕






للمششارككهة ↓
@no_name27        ←


والنشر هنـــــا  ↓
@sanaaroohi4        ←

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 23:30

@sanaaroohi2 🩵 الكنز المدفون ↴

ـ بارت 75

.نور دخلت السياره وقفلت شغلتها وجااااالسه ضاغطه على السويس مراعيه تولع السياره شافت ماولعت رجعت مره ثانيه تشغل وهي مواصله الضغطه وقفت والسياره اشتغلت فرحت.. تذكرت اول شي تسويه تنزل الهمبريك وتعشق للواحد وتدعس البترول ..السياره مشيت خففت الدعسه ومسكت بريك لما وصلت للجدر رجعت ريوست للخلف ،شافت مابش مساحه طفت السياره ونزلت
دخلت تلبس وبتكلم نفسها فرصه محد في الشارع تخرج تجرب تسوق والشارع فاضي.

صهيب كان بيسمع كيف بتشغل السياره غلط ومشيت ووقفت مستغرب ايش في ! معقول معهم حد تاعب يشتو اسعاف او شي !! قرر يراعي في الشارع يكلمهم

نور فتحت باب الشارع دلا  وطلعت السياره وريوست وخرجت، نزلت تغلق الباب

صهيب: خير في شي

نور نكزت قوي خافت طار المفتاح من يدها للارض ماعد شافت وين هو

صهيب قرب يولع

نور لقيته لقطته وتشتي تدخل السياره

صهيب: خير في شي؟

نور:ماشي

صهيب سكت ماحب يتدخل بس مستغرب واقف باب بيتهم بيشوف.

نور طلعت وجالسه تدعس بترول تدعس والسياره ولا

صهيب رفع صوته: نزلي الهمبريك ( هذه مالها؟ تعرف تسوق او ماشي)

نور نزلته والسياره مشيت دلا دلا وهي فارحه لفت يسار من ورا بيتهم و رجعت ريوست شويه ورجعت يمين..

سمعت صوت كلاب محوشات واقفه يبعدين،، طرقت لهن

صهيب بيسمع في الحاره جنانها مستغرب مالها؟؟

مشي شويه من مكان ما مشيت بيشوف وين رايحه ؟؟

نور بترجع تريوس ماقدرت الحجر وراها  تشتي تنزل من فوق السياره وخايفه من الكلاب

صهيب قرب لاعندها بيشوف كيف بتفحر السياره والتاير والتراب ملان الشارع نزل لاعندها: مالش ؟؟

نور خايفه صوتها بيرجف فرحت لما شافته ينقذها: خفت انزل ابعد الحجره الكلاب محوشات

صهيب اول مره بعد موت ابوه نفسه يضحك بس ماسك نفسه ( من شكلها وخوفها وغبائها: انتي عادش بتتعلمي السواقه؟

نور بهنجمه: ماشي اعرف

صهيب: وين تشتي تسيري وانا اقلش كيف تفعلي

نور: ايش ياسعم شرطي مرور انت، اسير وين ماسرت ماعتقلي الا لو قلتلك وين شاسير

قاطعها وهو ضابح بدون نوم وتاعب : بينقلش يا بنت الناس اين تشتي تسيري طريقش اقلش كيف تخطي مادخلني منش تسيري وين ماسرتي

نور مضطره تجاوبه يساعدها: خلاص اشتي ارجع البيت

صهيب: طيب ليش ترجعي !! امشي يمين ولفي

نور ماقدرت تقله معرفش بدأت تحاول قدامه والسياره ولا رضت

صهيب : الهمبريك ورجعي لقدام

نور ضبحت انها بينت نفسها مش فاهمه: ايوه داريه بس بينحاول ارجع

صهيب ضحك و رجع شويه: هيا حاولي

نور رجعت فعلت الي قال عليه ومشيت ماقدرت تلف بسرعه او تمسك بريك صدمت الجدر الي قدامها

صهيب  قرب للسياره: انزلي بس

نور: اخاف من الكلاب

صهيب: انا مش فاضي اجلس مراعي لش
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 23:30

@sanaaroohi2 🩵 الكنز المدفون ↴

ـ بارت 73

.
.امه: ياسعم ماعد بش عندنا قوي حبززه هكذا لكن ماشتو

دخلت خالته بصحن فيه عشاء: هيا ابني قوم تعشا انت وامك

صهيب: مابش نفس

خالته:امك ولا ذاقت لقمه قوا اجلس انت وياها

صهيب قرب لاعند امه: هيا لو اكلتي شاكل

امه جلست معه : هذا قسمنا من الغدا

صهيب بدا ياكل ويطعم: هذا كله الطعم يجي من تيك المجنونه، ماشاءالله.


في العياده..
بعد انتظار ربع ساعه للمريض الي قبله ، كان ابو بسمه اخر واحد منتظر ،
الدكتور : تفضل

ابو بسمه جلس: معك فؤاد المنذر

الدكتور فتح عينه انتبه الاسم هذا ابو بسمه : اهلا وسهلا

ابو بسمه: عرفتني؟

الدكتور: ايوه والد بسمه؟

ابو بسمه: نعم ،طبعا عرفت بالمشكله الي حصلت

الدكتور خاف يقول شي يفعل مشكله لبسمه حاول يستفسر اول شي منه ويستدعي النسيان وعن ايش

ابو بسمه كلمه بالي شاف كان بينهم من نقاش في التلفون: يعني هذا الشخص كلمني كلام غير الي حصل وجا وفعل مشكله لوسط البيت هذا وقد الذهب معه، مش عارف ايش المشاريع الجديده هذه حق الذهب ويدي مبلغ راتب شهري وينصبو على الناس

الدكتور ارتاح انه فهم الموضوع منه عشان يتكلم براحته: انا لما بلغتني بسمه بالي حصل استغليت انه كان عندي وضمانات تجاريه وظفته بها كنت شاستخدمها وبعدين اعرف الولد جبان قوي وحالتهم ضعيفه يعني كان يشتي يتخارج مايشتي مشاكل رجعها ع طول بالفلس وزياده

فؤاد: صراحه انا جيت اشكرك انك وقفت مع بنتي ساعدتها تسترد المبلغ ، واشتي رقم

عامر دخل مش عارف من الشخص الي داخل يفكر مريض: الله المستعان بس ، ايش نيتك ليش توقف مع واحده ماتعرفها وانا بينشتغل معك عمر بيننا عيش وملح، او قدك راسم عليها عينك على الزلط ، بينقلك اهل المره ضاغطين عليا ارجعها ماشي عيخلعو

الدكتور ابتسم قام وقفل الباب لحد يسمع خارج : اجلس ياعامر

عامر توتر ماله ليش تصرف هكذا : ايش تشتي مني

فؤاد حس شي غريب

الدكتور : هذا ابو البنت اتكلم بأدب اولا ، ثانياً لو عيني عليها انا رجال وعندي الشجاعه واقلها بوجه ابوها اشتي بنتك  مش انا جبان ، ثالثاً والله لو انت اخي مش بس عشره عمر وعيش وملح لو انت ابن امي لافعل مثل مافعلت معك واخس ، اخر شي وهو الاهم انك طلعت ولا تسوى حد يفعلك احترام انا الان سمحت لك تجلس وتدخل عشان ابوها بيدورك

فؤاد راعى الدكتور يكمل كلامه : وانا ماقاطعتك ، تسلم يادكتور،
ذلحين كلامي معك انت

عامر خاف وتوتر وقام وقف يشتي يمشي: انا مادخلني

فؤاد تاكد وصدق كلام الدكتور لما قال هو جبان بس حب يكشف كل شي امام عامر عشان سمعه بنته لايكون عامر قال للدكتور شي ثاني ( غير موضوع تجاره الذهب): كيف مادخلك جيت لاباب بيتي


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 00:28

@sanaaroohi2 🩵 الكنز المدفون ↴

ـ بارت 71

.
.في بيت جيرانهم

الجده كانت عند بسمه : انتي بتحبي نفسش ؟

بسمه : ماشي ماستاهلش اصلا احب نفسي على ايش، احس اننا غبيه كيف فعلت هذا كله

الجده: انتي داريه ليش فعلتي هكذا؟؟
بسمه: ليش؟؟

الجده: لانش مابتحبي نفسش

بسمه: بس محد بيحبني ، على ايش احب نفسي

الجده: لما انتي بتحسي هذا الاحساس كيف شاحبش وانا داريه انش مابتحبي نفسش

بسمه:ايش قصدكم

الجده: لو كنتي بتحبي نفسش ماكان حد قدر يضحك عليش، كانت نفسش الي بتحبش عتمنعش تحبي اي حد وتحبي بهذه الطريقه وتدي بهذه الطريقه ، لو بتحبي نفسش عتحبي اهلش وتخافي ع مشاعرهم ، لو بتحبي نفسش كنتي مقدره قيمه نفسش وماعتراعي لواحد يحبش ويهتم بش ويدلعش ومن حقكن الخباله ها ، دريتي ، البنت الي تحب نفسها بتوقع ذكيه خايفه ع روحها و داريه ماتشتي ومن يحبها صدق ومن بيكذب عليها لانها مابترجم قلبها لاي حد..

نور دخلت : قد شليتهم وعاونتهم

جدتها: وانتي ادخلي جنبها الكلام لكن الثنتين، عتلاقين في الجامعه كم ياحكا وكم يا جهال وكم يا فرغه وهدره وهو عادو بيستاذن ابوه يخرج يلعب كره او مع، ويعلقش ويفعل نفسه طرزان ، انا شاهنيش وادلعش واعيشش في قصر
و ادي لك ياخرط ولما تقلي له ايحين عتخطبني يقلش هااه اصلا امي خطبت لي بنت عمي او ابي مارضيش او ماشوقف نصيبش ليش لانه مل ضبح حبش وشل الكلام الحالي وقدش قديمه وقت يدور غيرش ..

نور : شلوهم ما احب فيهم استغفر الله بس ، يبسرني ويتبسرني ويطنن واظن ياساتر انه قد عيموت فيني اقفي شويه وارجع وقد بيبسر غيري ،يعني عيني عينك مابيستحوش

جدتها: استحي انتي وهم ماعيبسروش قلعو عينش يتبسرش ماجالسه تتبسري فيه

نور ضحكت : يهي ياجده بينقلكم بس مابيفعلو، ابردو لكم من الطلاب نقول غاويين جهال ساعنا، انا من الدكاتره حقنا بينكتو نكت يالطيف ، ويجابرو ويحاولو يبرزو نفسهم نحبهم، وبعض بنات . مايصدقين يدو لهن وجه يحوشين حول الدكتور كأنه ميسي عيوقع لهن.

بسمه جالسه تكسر اظافرها وهي بتسمع ( داخل نفسها) : كل مره كانو يقولوا نور عجوزه نور اكبر من سنها، نور مش مهتمه بشكلها ولبسها وجمالها ، بس لما وقعت هذه القصه نور قدي احسن واحده مدري هو من كثر ماهتميت بنفسي ومحد قلي كلمه حاليه غير انتقادات صدق فرحت وسمعتها من عامر الكلب وصدقت مدحه فيني، ملكه جمال مابش مثلش انتي انيقه وانتي غير ، صح كلام جدتي



في بيت اهل بسمه

ابو بسمه وصل البيت وهي بتجهز شنطها : اطرحي الي في يدش وجي نتكلم

مرته: ماشتكلم بشي

زوجها: الي بتفعليه مش حل ومش صح ، كلام انقال وقت ضبح

مرته: كل ماربيت وشددت على جهالك انت كنت تخرب وتدلع وتدي لهم كل شي طلبوك تلفون اديت

ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

30 July 2023 00:27

@sanaaroohi2 🩵 الكنز المدفون ↴

ـ بارت 69

.
.لو جيتي وقلتي لي ها هذا الشخص يشتيني وجاي من الباب

بسمه بتتحسر لو استشارت ابوها

ابوها: من الي رجع فلوس الذهب وكيف لوما، هاتي رقمه

بسمه: هذا الشخص ماله دخل بشي هو كان موظف هذك عنده وهو استاذ نور في الجامعه فهمناه انه خدعنا وقال يشتي الفلوس يشغل عيادته ، عشان يطلع فلوس ويتقدم لي

ابوها : خرجتي معه؟

بسمه بهررت وشلت تلفونها وسارت ناولته: ماشي والله مستحيل افعل هكذا ، ها هذا تلفوني كل شي هنا

ابوها شل التلفون بيقرا كل المحادثات
( كان كلامها فيه خجل وتلمح له لو بتحبني تقدم لي بس هو جالها باعذار وامه مريضه ويشتي يخطبها قبل محد يشلها منه، وانه مطربق ديون قوي بسبب انه فتح عياده يشتي حد يسلفه مبلغ لفتره ويرجعه، شاف كلام بسمه له هذا رهن لو سمحت لاتبيعه) وبعدها شاف ردوده هروبه بعد ماسلمت له ذهب، كل رسايلها له، ايحين عترجع الذهب انت قلت تشتي اسبوع بس، ليش مابترد وينك ردوده مشغول زاعل منش مارضيتي تخرجي معي، مارضيتي تدي لي صوره ، مش واثقه فيني ، يعني شاكل صورتش ، ياسعم النت مابش فيه بنات حاليات ابسرهن بتتدلعي ( كان دمه يفووووور وهو بيقرا هذا كله) بس شاف بنته ولارضيت تدي صوره ولاتخرج ومكالمات ترفض.. ( تطمن شويه، بس مش مبين لها )

خرج وشاف اسم الدكتور فتح محادثته

من اولها( نفس الكلام الي قالت له، انه نصبهن وخدعهن عشان يعالج امه وانه دكتور، الرساله الي بعد سالته على الدواء وكتب لها
وماعد.في اي رسايل...

رجم لها تلفونها وقام

بسمه: مسكته ي بابا اسفه قوااا لاتزعلش وتفعلو مع امي مشاكل، والله اخر مره

ابوها: طبعا اخر مره ليش حماره و ناويه تكرريها!!!

مسكها لاتبوسه وتتاسف له وخرج وقفل الباب..

جلست تبكي في الأرض
نور على دخلتها لاعندها اول ماشافته خرج

عمها خاف لاتكون نور مثلها مخدوعه بحد وبالذات مابش معها لا اب ولا ام: وين تلفونش؟ اشتي اتصل تلفوني طافي

نور ناولته : ها ياعم اتصل ملان رصيد، شدخل لاعند بسمه.. ودخلت

عمها مايشتي يحسسها بمراقبته( فتح التلفون وشاف كل البرامج الاسماء الرسايل مابش معها شي) طرحه فوق الماسه وخرج

الجده: ماعتلقاش مع نور شي داري ليش

ابنها بيتفرجها سكته

الجده: لانكم ماقدرتو تربو، اقلكم مابش تلفزيون ومسلسلات للبنات الا وحد جنبهن يفهمهن ان بعضهم كذابين وان هذا تمثيل، مابش من يحازيهن ويفهمهن انه خيرات عيقولو لهن كلام حالي بس لو كانين بيسمعين الكلام هذا واصل في البيت المدح والتغزال بجمالها وادبها وانها عاقله وانها وانها ولو خرط، شبع بنتك حنان وحب واهتمام ودلع وكله ، امد تكون واثقه من نفسها ولما تسمع الكلام هذا من خارج ماياثر ويقدر اي حد يزيد عليها


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

29 July 2023 01:35

@sanaaroohi2 🩵 الكنز المدفون ↴

ـ بارت 67

.ابوها فتح الباب ودخل..
بسمه: مافعل؟؟؟
نور : كلميه بالصراحه كل شي وبس

الجده خايفه

فؤاد دخل معصب : امشي قدامي

امه : قسما بالله ماتخرج معك خرجه ادخل هنا تحاكى 

نور سارت ادت له ماء : ياعمو صلي على النبي اول اصبر اجلس

فؤاد مارضي يوقف ولا يجلس

امه: قامت وقفت مسكته وبتسحبه الديوان : العقل يابني افهم اول من بنتك لاتخلي الشيطان يزيد عليك

ابنها: امه انتي بتفهمي او مع سمعتي ماقلتلش

امه: لاحول ولاقوه الا بالله: لو حد جا حاكاني عليك شاصدق او أسألك اول؟؟

فؤاد : ادعيها لو سمحتي لو دعيتيها شاهدأ لكن هكذا حرام لاخرج غضبي عليها..

الجده بتدعيها
بسمه دخلت وهي بتبكي ويدها بترجف وخايفه

فؤاد: هكذااا تفعلي بي؟؟؟ هكذا !!! اخرتي تعبت كبرت ربيت ويجو لباب البيت يتكلمو على بنتي شويه صعاليك !

بسمه منزله راسها وبتبكي

الجده : احكي ماحصل وهي تسمع وتجاوب

فؤاد: بس لو تكذب قسما بالله ماتزيد تشوف يوم

بسمه : حاضر

فؤاد: جا واحد اسمه عامر قال عرفتيه من اين معرفش قال جننتيه ملاحقه اذيتيه رسايل اتصالات قلش يابنت الناس انا مش من مستواكم ولا قدكم وانتي ولا قلش فقير اصريتي عليه وناولتيه ذهبش وقلتي له بيعه واخطبني

بسمه بكيت: اقسم بالله انه كذاب والله

فؤاد بيصيح متشنج معصب : وكيف اصدق وخبيتي عليا هذا كله؟ من اين عرفتيه؟

الجده : اهدأ خليها تتحاكى

بسمه: عرفته دخلت اسأله كاتب انه دكتور اسنان في عياده، سألته على الم الاضراس

ابوها قاطع: سرتي تقلعي عنده

بسمه: ماشي ، سألته اول وجاوبني وبعدها تواصلنا وقال هو معجب فيني الكذاب مش انا ،

ابوها: كملي بدون كذب

بسمه: تواصلنا قلت له لو تشتي نتواصل وتثبت حبك تقدم لي
قال عادنا فتحت العياده وغارق قوي في ديون، اشتي انقاذ سلفه مبلغ منها اسدد جزء للبنك ومنها اتقدم لش  صدقته سلفته ، وبعدا ليوم سرت العياده اشوف ليش اختفى افتجعت لو في شي مش صح، سرت وهو مش دكتور مساعد طبيب وكان عرسه

فؤاد ضحك: خدعش عشان عرسه، ياغبيه، واديتي له ذهبش؟

بسمه سكتت

ابوها قام وفتح تلفونه: هذا الكلب والله ماراحت له..

بسمه: رجع الفلوس كلها اصبر اكلمك
لما شفته كذاب كلمت الدكتور الي شغله عنده وضمنه..، وتكلم معه ورجع فلوسي

ابوها: هاتي رقم الدكتور هذا الان

بسمه: ليش

ابوها:* قد العالم كله داري وساعد بنتي وانا اخر من يعلم

الجده خرجت


ابوها زاعل وملان عيونه دموع: ليش هكذا؟ قصرت معش بشي؟؟احلى عيشه واحلى مصروف واحلى دراسه واحلى لبس دلعتكن ، تدوري تساعدي واحد يجي يخطبش مش قادر ومسترخص يدبر لخطبتش !


اليوم كنت جدا منشغله، كتبت لكم الان تصبيره بكره نكمل اسفه و مقدره حماسكم🙈ت.ع.خ
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

28 July 2023 00:24

@sanaaroohi2 🩵 الكنز المدفون ↴

ـ بارت 65

.صهيب: ولو قدر الله ومات حد

الجد: نحمد الله ونشكره هذا حال الدنيا كلنا عنسير محد باقي الا هو ، ابوك مات؟؟

صهيب  حضنه :   انت قويتني ياجد ، واشتيك تقل لنفسك الي قلتلي

الجد بكي وبصوت فيه رعشه: انا لله وانا اليه راجعون ،انا لله وانا اليه راجعون

صهيب: اديته لك تبسره قبل مانقبر

الجد: شلوني معاكم

صهيب باينشغل لكن ماقدر يكسف جده: بعيني

نزل هو وياه..

الظهر الساعه ١
خرجين بالغدا لبيت جيرانهم الجده ونور وعصماء..
وبعد العزاء طرحين الصحون يشتين يمشين

ام صهيب : اسلمو كثر الله خيركم قاطعتها بنت اختها( ياخاله كيف افعل ذلحين افرش الفراشات في الصاله الي جنب الديوان عشان الرجال

الجده دكمت نور وعصماء: سيرين عاونينها

ام صهيب مستحيه منهن: قوا لكم والله مانسى جميلكن هذا ،عاد اهلي دريو واهل زوجي الكل عيجي ذلحين ، لاتتعبين نفسكن ، ورين الشغاله بس كيف تفرشهن وتكنس

الجده: الا واقطبين افرشين كلكن

نور وعصماء دخلين الديوان مع بنت خاله صهيب

نور شافت صورته معلقه دكمت عصماء بتأشر لهان

بنت خاله صهيب: مارأيكن هذا عيكفي للصاله هنا، جين ابسرين

عصماء كاتمه نفسها لاتضحك ع  مواقف نور مع صهيب

نور بتشوف معها: ايوه لو  ندي الزاويه حين البقعه مدوره

بنت خاله صهيب: تمام

نور رجعت وشافت صور ثانيه تشبهه بتسال بنت خاله صهيب: وين بقيه جهال وبنات الي مات

بنت خالته: مساكين اغلبهم مسافرين البناات تزوجين وسافرين، و صابر في الاردن عظن عيجي اليوم ،وواحد في كندا ، مابلا صهيب بس مسكين كله على رأسه
هو
نور هزت راسها وشافت عصماء

بنت خالته خرجت 

نور: اسم المجنون طلع صهيب

عصماء بهررت لها تسكت..

كملين يفرشين..
نور لبست وقدها خارجه

ام صهيب بتهوي وجهها مش قادره تتنفس وممدده في الارض عند الباب حق الحوش

عصماء : يو شكلهم دوخوا

نور رفعت راس ام صهيب : يوو ، اسكه ادي ماء حاكي هذه سما الي عاونتنا تجي

ام صهيب : الله يسامحك ياصهيب الله يسامحك والمعانده حقك ساع ابوك وتبكي بانهيار ( مافعلت من فعله انا من قلي اصدق جاهل مالي ماتصرف)

نور بتسمعها و زاعله عليها بتبكي معها وتهدأها: ياخاله اهدأو تنفسوا
سما وصلت: يوو خالتي فيهم الضغط مانفعلهم اين امي اسير ادعيها لاتفلتين لهم راسهم انتبهي يانور لايدوخو

نور جالسه وماسكه راسه ام صهيب فوقها وبتهوي لها

عصماء مبلوده مش عارفه تتصرف الماء له ساعه في يدها

نور بضبح شافتها مطننه: اسكه ادي الماء وانتي

فتح باب الحوش ودخل شاف امه ممدده في درج باب البيت وحولها بنات قلق و رجع اشر لهم يراعو خارج... دخل وقفل الباب وعينه ع الارض...الله الله... مالهم امي ( منزل راسه )
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 July 2023 01:39

طبعا الرواية من تأليف الاستاذة عبسر الكبسي
ولها كافة الحقوق ونشكرها على تعاونها معانا وسبق ان استأذنا منها في نشر روايتها ووافقت
مرة ثانية نشكرها الف شكر

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

27 July 2023 01:38

@sanaaroohi2 🩵 الكنز المدفون ↴

ـ بارت 62

.
.نور : وليش تدلعني، خطيبتك ،،مرتك

صهيب: من غير شرررر ،الحمدلله ماشي، بس قلي اختي الصغيره ، هيا ازغفي بالتوابع حقي

نور: طيب ابعد وجهك لاتزيد تفطس نخرتك جنب جبهتك..

زغفت الكيس

صهيب جلس يمثل ويصيح.. ورجع ضحك،

عصماء: يانور بطلي مجابره معه عيب لو يسمعش اهله او حد

نور : بس بينتحاكى عادي ماقلت ياسعم حب

عصماء: مش حب

نور : والله ماخاف ولا شي ولو حد سمعني بينتحاكى كلام عادي ، خلاص كلي سكته لاتكبديني بحكاش يكفي سندوتشاتش

بسمه بتتكلم دلا: بياعه بعتينا برجل دجاجه

نور بتاكل منسجمه : اوبهي للخياط انتي ، ليش بتعذبي روحش تتبسرينا قفي

عصماء بدأت تاكل معها: حاسه بينفعل شي غلط حين بيناكل معش

نور شافتها ضحكت: وانا والله ساعش، بس احسن من لقانته ، بعدين عنرد له ياسعم انحنا مطلبات محد قله يشتري قد تكلف يلا سهل

عصماء شافت بسمه: هذه البنت ياعجوز ياولد مابش فيها هكذا حق البنات الخزا والاحراج واحساس تانيب ضمير

نور : انتي الصدق غلط وجودش بيني وبين بسمه ، عاقله قوي واحنا تافهات قوي


صهيب كمل ياكل سمع امه بتصيح وتداعيه.. فجأه  خاف و رد : ايش حصل ؟؟ ماله؟؟ مشي بسرعه


سمعين واستغربين بيشوفين بعض..

شويه وصوتهم في الحوش وصوت السياره وامه : يالله لطفك

في المستشفى القريبه..

طبيب عام في الطوارئ: مابش ذلحين دكتور قلب ، ايش فيه

صهيب : كيف مستشفى بطولها وعرضها مابش دكتور قلب

طبيب عام في الطوارئ : اجلس هانك لوما نتصل للدكتور يجي

صهيب: طيب ادوله اي شي، قد حصلت له من قبل جلطه وقالو ننتبه

طبيب عام في الطوارئ ببرود اعصاب: تمام عيجي ويفعل عمله اهدأ يامرافق

الممرض بيشاوره: نصيحه شلوه مستشفى ثاني، مدري يجي مدري لا ، اقترح لك مستشفى تمام

بعد لوي نص ساعه يدورو مستشفى ثانيه في زحمه الشارع وانتظار الطبيب وصل لهم : لازم نعمل له قسطره

صهيب: قد عمل قسطره عادو قبل مانجي

الدكتور : بس يحتاج ثانيه

صهيب : تمام.

الدكتور : انزل اقطع سند وحاسب ٣٥٠٠$ ،

ام صهيب : بهذا السعر عنسفره

الدكتور: بس هذا لازم انقاذ سريع يعني خلال ثلاث ساعات ممكن يموت

صهيب شاف امه بهرر: خلاص عادي هي قسطره ، عنتفاهم خارج يادكتور ونرجع

امه بتشاوره خارج: دبر الان سفره ولا عيموتوه ويشلو الرلط هذه كلها وزلط الثلاجه والعنايه

صهيب معقد حواجبه: يمه ليش بتفاولي هكذا الدكتور ماله شي كويس وكلامه نفس الدكتور حق كندا نقدر نستشيره،

امه: لو وقع بابوك شي انت السبب. افعل ماشتيت

صهيب قرر يدفع وينقذ ابوه..

في حوش بيت جدتها
نور : يعلم الله ماوقع عندهم ، حرام

عصماء: ايوه شكله الجد تعب

بسمه : هيا ندخل

نور: راعي نتطمن


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 July 2023 00:36

@sanaaroohi2 🩵 الكنز المدفون ↴

ـ بارت 60

.الدكتور ضحك: خلاص تمام لاتتكلمي ، اشربي المضاد هذا ، والمسكن ولو تشتي اي شي ارسلي. لي ( كتب رقمه)

بعد عشر دقائق وصلت بيت جدتها وهي ماشيه مستحيه مخبيه وجهها بيدها وعلى خرجه. صهيب ماسك راسه شافها جنب الباب بتفتح و جهها مورم شاف محد في الشارع تكلم كلمتين لبسمه: وانتي شليتي قسمش منها، مربيين اسد في البيت مش هي بنت مجنونه

بسمه شافته مبهرره ويدها ماسكه المفتاح

نور فتحت اول مااسمعت صوت المفتاح: حيا بروحي حيا

صهيب: ادخلي تفعلش الشق الثاني تتوازني

بسمه دخلت. هي ماسكه نفسها لاتضحك

نور بتسمع صوته: بيتحاكى عليا


بسمه بتهز راسها ايوه

نور بضبح: ماقال؟؟

بسمه دخلت وقفلت الباب : بتكلم. مش مفهوم  وتاشر على وجهها

نور فتحت تلفونها وناولتها : ماهووو هاا، اكتبي لي ماقال

بسمه بتكتب لها

نور: سامج، اصلا فدجته

بسمه مبهرره مصدومه


نور مواصله تحكي: بينخفع الفرسك ينكعين الي طالع و قعت فوقه نفسي ادرا ماببيخرجه يجلسس هناا ساعنا

بسمه بتأشر مدري بكتفها

نور: كان قومي روحي بيتكم اليوم انتي مابش منش فايده بينحاكي روحي

بسمه بتأشرر بوجهها ييووو وشلت التلفون وبتكتب لها كل الي حصل


نور : يو هذا زيد بها يا بسمه، لو يوصل لابوش لاعمامش

بسمه بهررت لطمت وجهها

نور مسكت يدها: خلاص اسكتي ادخلي لاتجلسي بين الشمس ، لاتهميش والله لانرده هو مجنون

بسمه بخوف قامت ودخلت معها شافت نفسها وضحكت في المرايه

الجده: من فعل بش هكذا؟ ماوقع حد ضربش؟

نور بصوت واطي تسمع بسمه بس : هذا الي عينه مدري كيف بتحس حين تبسره

بسمه ماسكه الضحكه وبتضرب نور

الجده: مالها

نور: قلعت ضرس العقل ،ذلحين الله يعينكم علينا ياجده حرام. لانطير الجن واصحاب البيت. نفسهم الي ساكنين الجن فيه

بسمه ضحكت لما ذكرت وكتبت لها نور انها فدجته وشافته ماسك راسه ( وصلتها رساله):كيف انتي الان؟ حاولي تشربي سوائل مش دافيه بالمصاصه وتعقمي الجرح ولو. تشتي اي شي رسلي ( مبتسمه وبترد وهي مش سامعه جدتها ولا نور)


الليل في الحوش سامرات
نور  شافت. عصماء: مشتيش سندوتشات مجنونه مش انا ناقصه لما تخوري حد خوري سوا ولا بطلي ،


عصماء: والله لوما اخطب ايلون ماسك شاكلش برعي

نور : استغفر الله مشتيش الصدق خاوره بروست شبس ببسي يعني حاجه تقرمش ولحمه تقحصيها

بسمه بصوت بتمثل انها بتبكي (خورتها)

نور : ياجن يلي كنتو تترسلو لي جعاله ادولي بروست والله لاكله مافتجع

عصماء بتكركر وبسمه خافت بتبهرر لها وتأشر تسكت

نور بثقه وطمأنينه: ماعد بش جن صدقني، قد سكنو. الاوادم، شكله هذا الجني سمعنا ذك اليوم وقسم لنا من جعالته


الكل سأل ايش معني(ت.ع.خ،اختصار تصبحوعلى خير
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 July 2023 00:35

@sanaaroohi2 🩵 الكنز المدفون ↴

ـ بارت 57

.
.صهيب: وايش الي عتكتشفيه فيني يخليش تطلبي تفركشي

خطيبته: يعني تكون معاكس لطبعي مش متفقين ،ماعجبني طبعك

صهيب:  طيب ايش الطباع الي فيني ممكن ماتعجبش

خطيبته: ليش عشان تفعلهن ؟

صهيب مصدوم بينه وبين نفسه ليش بتفهم هكذا؟؟ رد عليها وبيحاول يهدأ : عشان اتجنب افعلهن طبعا ،ليش شخطبش اذا شاجي افعل شي مايعجبش

خطيبته جالسه جنب صحبتها توريها وهي بتضحك: ابسري كيف جننته، عادنا شاجننه سوا

صحبتها: ايوه خليش ثقيله ومغروره لايحس انش ميته عليه

خطيبته : بس يبان زناط شويه في البدايه ماعجبني لكن شاوريه كيف اعلقه بي

صحبتها بتبتتسم لها بنظرات تخفي. الغيض الي داخلها من دلعها وقدها مخطوبه وعادها بتزنط بطبعها


ثاني يوم في عياده الدكتور خالد بتتكلم في التلفون
بسمه: كيف تقلي لي اسبقش ومراعيه لي نص ساعه وبعدا تذكري معش محاضره

نور : غلقي الدكتور دخل

بسمه شافته دخل شافها: صح مادراش عادو دخل

نور بينقلش عندي يا ذكيه غلقي باي.. غلقت

بسمه حست ودفت ماتقدر تتهرب بربشه : كنت اتفقت مع بنت عمي تجي وبعدا قالت معها محاضره

الدكتور مافهم: ليش وهي عندها مشكله ؟

بسمه: ماشي بس مابلا معي

الدكتور مافهم انها موانسه، فكر تكون مرافقه ، مايحتاج حد يكون معش هي عشر دقايق ربع ساعه وكملتي و روحتي عادي

بسمه خافت تشتي نور معها: ينفع يوم ثاني


الدكتور ابتسم انها خايفه فتح باب العياده: تفضلي

بسمه: يا دكتور


الدكتور: طيب تفضلي وبعدين عنتفق ايش نجلس واقفين
بسمه دخلت وهي خايفه بتتفرج للكرسي والعده حق الاسنان..

الدكتور : اجلسي اول هنا اشوف الاشعه وافهمش تهدأي وبعدين نخلع لش الضرس

بسمه ناولته الكشافه ويدها بترجف

الدكتور : ياساتر هذا كله خوف مني ، لو ادينا الطالبه حقش هذك اللقنه عشان تستحي منها وتتشجعي

بسمه تذكرت كلام نور عنها وتهزيئتها لها : ضحكت

الدكتور بيشوف الاشعه ويحدد على الضرس الي يحتاج خلع لانه وضعيته مش تمام وعتأثر عليها.

ذكرتيني مره بموقف وانا صغير كنت افتجع من دكتور الاسنان وابي شلني يقلعهن لي صميل وعاده مش وقتهن عشان ادرس صف اول وعمري خمس

بسمه:: يووو
الدكتور: وانا ببراءه من حق الجهال دخلت وزحمه عياده حكوميه مش. ساع هذه كان في العياده عده كراسي عليهن ستاير دخلت وخرجت فعلت عطبه وغطيت فمي وخدعت ابي ان الدكتور قد قلع سني وجلست اسبوع بالعطبه في فمي اخبي الكذبه على ابي



بسمه انسجمت معه: وماكتشفو وقت اكل او بتتحاكى

الدكتور: ابدا حين احنا خيرات ماعد بيركزو وبعد اسبوع قلت له قد طلع بدله وصصدق...جلسو يضححكككو وهو بيتذكرر

كان يشتي يدخل لاعند الدكتور خالد وقف لما سمع صوتها وضحكتهم دخل من الغيره

رجاء لايك اعرف من بيتابع ومن بيتفرج بس اخر المنشورات ،.
الي بيقرا هنا بدون لايك مش مسامح😈 وقعت طيبه خيراات


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

25 July 2023 00:03

@sanaaroohi2 🩵 الكنز المدفون ↴

ـ بارت 56

.بسمه رجعت تقتنع بكلام نور وتحبط: طيب نفسي نحب اذا ضيعنا الاشخاص المناسبين كبف عنحب

نور بضحكه: بمليون ونص ، ولا نراسل شيخ مغربي يدي لنا وصفه لجلب الحبيب ، شلوش وشلوهم صدق عيال

بسمه: انتي ياساتر منش، يمين ان ابن الحارس عادو خيراات عليش، مابش قلب ولا احساس ولامشاعر ، مدري كيف انتي

نور : جنيه ، ساع المجنون هذا جارنا ، انا شاتزوج تقليدي واحبه هو وبس بدل الخداع والبكاء وغنيلي اغنيه حزينه ويطلع خاين ويطلع سارق ويطلع كذاب بيتسلى يخ

صهيب سمع مجنون ومسك نفسه لايدريها انه بيتسمع

بسمه: ورجعتي تدوري مشاكل معه اهجعيلش من ابن الجيران بعدا تدخلي لاعند جده تبكي ،من صدق محد داري كيف هم لاتدخلي بمشاكل معهم بتبسري من هم ومن احنا ع  قدنا

نور: انا بينجرب ابسر بيتسمعنا او مع ،وبعدا هو مستفز ومش انا خايفه منه قلك يخطفني اتحداه

بسمه: كيف تحسي الدكتور خالد في الجامعه بيلاحقنه بنات ؟ او بيجلس يجابرهن!

نور : لا الصدق محترم وثقيل قوي مابيدي وجه لحد، بعكس واحد دكتور لو تبسري كيف طارحني في راسه، عشان ماضحكت على نكته قالها مش محترمه ، كيف يقولها لطالبات مدري

بسمه: يوو ؟

نور: والله ، ولو تبسري كيف الي بيضحكين له ويسيرين لمكتبه يجلسين ساعه يدورين اسئله، كيف يحترمهن ويفعلهن في المحاضرات.

بسمه: مابش عندي هكذا الحمدلله ، دكاترتنا يرحمو الله، في واحد ايوه يعجبه الحاليات يجاوبهن الا هن، بس مش نكت

نور : ارجعي جي معي يوم

بسمه: صح قلي خالد اسير افعل كشافه الفك عندي متضيق عشان اضراس العقل

نور باستفزاز بتقلدها : يااااي خالد خبيرش او من هو

بسمه: ليش بتغيري او قد.حبيتيه ، ايوه خالد ياسعم على كبره اقله دكتور


نور : حبه برص انتي وياه ماعد شاحب وقد تبدعنا عنده

بسمه حاسه مشاعر داخلها مخالف لكلام نور


في بيت جيرانهم

صهيب فجاه رنت نغمه رسايل ردت على رسالته خطيبته: الله يبارك فيك

صهيب حب يمزح معها ويفتح خط للتعارف:( عادش ذكرتي، قدلنا يومين من حين خطبنا وايموجي مزح وضحكه )

خطيبته: ماعجبك ردي يعني؟
صهيب استغرب مالها جديه رد عليها : ( لا بس كنت امزح، على العموم الله يتمم لنا على خير)

خطيبته: خير ان شاء الله ، مع السلامه
صهيب مبهرر بيقرا مستغرب طنش ماعد رد

خطيبته: وكمان مطنش يعني فعلا ماعجبك ردي

صهيب: قلتي مع السلامه ماحبيت ازعجش، بس ردش عادي مافيه شي بالعكس مبسوط انش رديتي ع الرساله وبينمزح معش كنت عارف انش مستحيه لما تاخرتي، وبراحتش تشتي ترسلي ماتشتي براحتش.

خطيبته: والله انا اصريت انحنا نتعرف ع بعض سوا قبل العرس وكلمت ابي ، ضروري اعرفك قبل عشان لو ماعجبتني نفركش

(ت.ع.خ) الصبح اتم لكم🌹
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

24 July 2023 01:19

@sanaaroohi2 🩵 الكنز المدفون ↴

ـ بارت 54

.
.بسمه ضحكت بإحراج: انا قدنا

الدكتور قاطعها: يلا يا استاذه وانتي بطله وريني اسنانش والطلاب يتشجعوا

بسمه محرجه شويه: عادي يادكتور مابشغلك ابسر الجهال بس

الطالبه بتضحك: هههاي والله انش خايفه يا استاذه

الدكتور قام وقف: هيا شجعوا الاستاذه

بسمه مستحيه وقفت
الدكتور شاف اسنانها: كم عمرش يابسمه؟

بسمه: ٢٠ سنه تقريبا

الدكتور: ماشاء الله مافيش معش ولا حشو ولا خلع ولا شي صح؟

بسمه: لا

الدكتور: اسنانش تمام قوي ، بس تحتاجي اشعه عشان اضراس العقل يبان الفك صغير .

بسمه ماعد قدرت تبلع ريقها خزا وخوف و ربشه : تمام

الدكتور: هيا يا ابطال شفتو الاستاذه اسنانها ولا سوسه بتغسل اسنانها وتشرب الحليب وماتاكل شوكلاته وببسي ولبان وسكريات

كلهم تشجعوا بعدها وبدأو بيتضاربو من الاول ..

بعد ماكملهم وخرجوا

الدكتور خالد: بسمه لاتنسي مري للعياده ضروري تسوي كشافه لاسنانش نشوف الفك

بسمه هزت راسها: اوك تمام

الدكتور بابتسامه: موفقه مع اطفالش، قوي حبوبين، مع السلامه..

غلقت بعده الباب وحست قلبها بيدق مش عارفه خوف او اعجاب او توتر منن المواقف الي حصلت معه، قررت تروح لاعند نور تحكي لها

بعد العصر في الحوش
نور جالسه تلوي ملان الحوش بعد مانطردت من جدتها انها بتقلقها: جالسه تحفظ وهي بتمشي

دق الباب

نور: من؟

بسمه: انا المجنون. جاركم

صهيب في الحوش بينظف السياره من بقايا القاات حق يوم الخطبه ، خرج من السياره شل الكيس الي جمع فيه الاوساخ

وبيسمعهها

نور بتجاوب وهيي بتصييح بتضحك على بسمه وهي بتفتح: ايش تشتي ياجارنا المجنون

صهيب تلفت حوله ششاف. مابش حد. في حوشهم رفع صوته : والله ما مجنونه. الا انتي ،وكمان عنكبوته متسسلقه بيوت الناس ، وفاره اذانش كبيره بتسمعي. اسرار االناس

الثنتين اول. ماسمعين صوت رجال بيتكلم. بصوت عالي ساكتات متنحات في وجه بعض اول ماكمل يتكلم

ضحكين نفس الوقت الثنتين

نور بترفع صوتها تسمعه: يقصدني انا؟؟؟؟

صهيب: في غيرش فاره بتسسمع مثل ماتسمعي انتي

بسمه بتضحككك مش قادره تمسك نفسهاا ع الموقف حق نور وكيف. وقع وجهها

نور : لاتضحكيش والله انش سخيفه انتي وياه..


صهيب : مش اسخف منش

نور بضبح: بسمه لاتضحكيش بتبسري على جنان؟

صهيب: انتي فاولتي عليا وطلعتي عليا سمعه وقلتي مسكون ومجنون ، ولو ماتحكمي ، لاشلش من جيز البنات الي بينشلهن .



نور ماسكه فمها بصوت واطي: يابسمه يو ، اكلم جده بتبسري كيف بيهدد


بسمه: اظن بيمزح

نور بترفع صوتها تسمعه : ايش يمزح بعقلش ! والله لاحاكي جدتي

واخليها توريه العين الحمرا حقها



صهيب: حمرا ولا بنفسجي
هدوء مابشش لهاا صوت شويه وصوت الجده


ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

24 July 2023 01:19

@sanaaroohi2 🩵 الكنز المدفون ↴

ـ بارت 52

.بسمه: تمام بينها وبين. نفسسها( معي نور)

في مكان ثاني كليه الاسنان..
نور جالسه بتفتح القلم وتغلقه من فوق تضغط وتفتح وترت الي جنبها والدكتور ملاحظ تركيزها لخارج كأنها منتظره حد

: تشتي تخرجي ؟؟ أشر بيده : تفضلي.

نور مستغربه: لا ماشتيش ليش يادكتور اخرج !!

الدكتور حب يلفت انتباهها : اشوفك مركزه من اول على الباب قلت يمكن مستنيه حد

نور هزت راسها: لا

الدكتور طيب شكلكم مليتو يابنات ( كان في طلاب ماحضرو المحاضره لانهم متصاايحين مع الدكتور) باقلكن نكته..

كان في واحد متزوج رسل لزوجته .....الخ النكته..

نور لفتت لصحبتها منصدمه من النكته مااضحكين هي وصحبتها : عيب ايش هذا الكلام ، وين احنا ؟؟؟

الدكتور شاف نور: كمان ماضحكتيش؟ يعني مش عارف هل انتي مابتفهميش او مشغوله بحد خارج

نور: ليش انا حماره؟ مابينفهمش!! بس اعتقد النكته الي قلتها هذه اصلا عيب تنقال ومن دكتور لطالبات!!! ليش مابتنكت مثل هذه. النكت والشباب هناا !!

الدكتور : اوووف هذا شكلك مش انتي بسيطه ابدا ، نكديه جدا جدا ، نرجع للدرس.. رجع يشرح

بعد انتهااء المحاضره: ايش اسمك ؟؟

نور  حسسته بيهددها: .ادت. اسمها الرباعي و رقمها في بطاقه الطلاب .


الدكتور تنرفز من اسلوبها وقوتها خرج وهو معصب

بعض البنات بينتقدين نكته الدكتور !! وبعضهن بيبررين موقفه انه. طيب مسسكين. مش قصده شي.  بس يضحكنا..

في مكان ثاني ( الڤيلا )

صهيب بيشوف الغرف ويكتب محتويات كل غرفه بالتكلفه وايش ناقص.

المطبخ كان عباره عن دولاب كبير للصحون وارفف رخام حول المكان كله بين كل مغسسلتين طاوله رخام من الجدر نفسسه مثل الرف فيها شوله اابو ثلاث عيون

صهيب: ليش. ماديتو بوتجاز؟


صاحبه : كم نحتاج مايكفي واحد ولا اثنينن ولا ثلاثه وكثره الاستخدام عيستهلك بهن ومشش امن لطفلات بعضهن استخدام فرن

صهيب: حلو صح فكره.

الحمامات خليناها منفصله جنب بعض عشان التسليك وطلبنا السباك يزيد لنا مساحه لحمام اضافي جمب هذا بحيث نقسسمهن


صهيب: نشتي كاميرات خارج الحمام تكون عند المسؤوله حق السكن ، البنات هولا بعد عيشه الشوارع يشتي لهن مراقبه واهتمام مكثف

صاحبه شاف تلفونه اتصال : جت الاستاذه الي عتدير المكان

دخلو مكتب الاداره..
صهيب جالس ومنتظر بقيه الاخصائيات والمربيات الي عيديرين المكان عشان يبدأ الاجتماع المفتوح اونلاين بينهن وبين. رجال الاعمال المسااهمين عشان كل واحد يدي فكرته ويعملوا القوانين سوا...
.


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

23 July 2023 00:19

‏- كيف تصنع سعادتك بنفسك  ؟ 



♕ لن يتم نشر اسماء المشاركين ♕






للمششارككهة ↓
@no_name27        ←


والنشر هنـــــا  ↓
@sanaaroohi4        ←

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 July 2023 23:25

@sanaaroohi2 🩵 الكنز المدفون ↴

ـ بارت 50

.
.صهيب بسيارته قدام بيت جيرانهم والسيارات وراه، وبالجهه المقابله لهم سيارات جايات

فؤاد نزل من فوق السياره يأشر لهم يمشو يريوسو عشان السيارات الجايه..

وناس نزلت وبدأت تدخل في يدها القات والماء

ابو صهيب: ماشاءالله ، وهم اليوم الظاهر معهم خطبه

صهيب بينه وبين نفسه: مودف ابن مودف الي عيخطب هذك المجنونه ،الحمدلله الي خارجني الله منها.


البنات مخبايات من ورا الطيقان بيتاقرين ويصورين

نور صورت صهيب وهو واقف بالسياره مش باينه ملامحه تفتكره شخص من الناس الي جايه بس مشيو..

بعد ساعتين مشيو الرجال من بيت المنذر وبدأين النسوان يجين بعد صلاه العصر السيارات واقفه ملان الشارع

صهيب بعد ماكملو يخطبو رجعو..

امه حضنته وبتحجر وتبارك له : الف مبروك

صهيب بفرحه:, الله يبارك

امه: الله يتمم لك على خير
صهيب: على الله، يعني ذلحين كيف شكلها مش انا داري ، انا شليت لهم صناديق ملان و روحت مادولي حتى صوره اربعه في سته ابسرها

امه : والله ان معك صفاء ساع البدر تجنن

صهيب: اهم شي عجبتش واهلها عجبو ابي

امه ضحكت: سهل عتعرفها وتعجبها وتحبها والحياه هكذا كلنا كيف عشنا

صهيب: خير ، وهولا مامعهم ازعجونا

امه: قد اتصلو يحلفو علينا( يعزمونا) خطبه بنت ابنهم

صهيب: مودف الي عيشلها

امه: معرفهاش للمه مالها

صهيب (ماركز ع كلام امه ماتعرفها»قصدها عصماء ، وهو يفكر نور : مجنونه البنت مابش فيها عقل

امه ضحكت: عادها صغيره عتكبر وتتزوج وتعقل، ماعلينا منهم، ماعتفعل ذلحين، النسوان داخل عندنا من الاهل اطلع مكانك لو تشتي

صهيب: مع شاسير اخزن عند خبرتي قدهم مجهزين الطيرمانه وفنان

امه: يلا ودعتك الله.

صهيب خرج من الحوش وذكر كلامها خاطف بنات

بعد ماوصل عند اصحابه..

صاحبه: لقيت البيت والاوراق واحد عيجهزهن لنا، وجمعت لك اخصائيات نفسيات واجتماعيات ،سنهن مناسب جدا يعني عيكونين أم ومربياات، بس يا صهيب، معنا مشكله، البنات نفسهن مايشتين تأهيل و رعايه، اخاف ندخل بمشاكل


صهيب: يعني قبلها نشتي نوصل لحد كبير مسؤول عيديلنا صلاحيات ، غصب عنهن اي بنت مابش معها أهل غصب تسير هانك تتأهل وتدرس وتتربى، ياخي مابتبسر كيف ضايعات في الشوارع بيوقفين مع الي يستاهل والي مايستاهل حرام نبسر سكته الي بيحصل هذا ، ابسرهن وقلبي يحرق ، والي معها اهل نهدد ابتهم اهاليهن لو قادرين هم يشتغلو وبيشغلو البنات، ولو في حالات انسانيه قدحنا عنفعل استثناءات

 
صاحبه: والتمويل كيف

صهيب: انا مساهم انا واصدقاء رجال اعمال يمنيين في الخارج ، وعنحط الموضوع قابل لأي حد حابب يساهم



في بيت الجده..

بسمه ماسكه صوره خطيب عصماء: عماد وعصماء متناسبين

ت.ع.خ


📣┃للمزيد من الروايات 😍
اشترك في قناتنا ؏ التليجرام واستمتع بكل جديد @sanaaroohi2 ✅


➰ صنَـعـۛۛۛ♕ـۛۛۛـا۽ رَوَحُۧـي ➰
⠀ ❈⁽ From : @sanaaroohi