روايات يمنية📚🇾🇪
07 March 2024 19:15
.
البــارت 129 ○
الثــروة الـمنسيـة 🍀
👌🏻👇🏻 😍
📚 @ 🇾🇪
زهور خرجت تدي الاكل
بلقيس أخذت راحتها وجلست تكلمه: انس الغيره حلوه بين اثنين بيحبوا بعض بس اوقات احسك بتزيدها في مواقف ماتحتاج عصبية وغيره منك اخاف تتعود وتزيد عندك الصدق مااتحملش ازعل منك وانا بين احبك حاول تتحكم بعواطفك وغيرتك معي لانك بتجرحني.
انس: اووووف لهذه الدرجه يابلقيس فاعله للموضوع مشكله كبيره وشاغل بالش.
بلقيس: اكيد لانه اوقات بين احس.... سكتت
انس: ايش؟
بلقيس: ولاشي ابرد لك المهم زي السنه الاولى عاد الدراسه مابدأت
انس: طيب تغديتي؟
بلقيس: شاتغدى مع زهور وانت؟
انس: الان رايح اتغدى وارجع الدوام معنا جرد اليوم لازم اسير قبل بساعه
بلقيس: الله معك.
.
.
في القريه..
واقف باب بيتهم يمسك المغلقه ويرجعها ويمسك..ومتردد رجع دق الباب
فتحوا عيال كنز الباب
دخل ووصل للصاله وكلهن مجتمعات.. عمررر ... ابني.. يو اي حين خرجت !! عمر طنش وطلع غرفته
امه لحقت بعده
سميه طلعت بسرعه لغرفه زوجها: ايمن ايمن... ياااي اخوك جاء خرج من السجن
ايمن قام معصب: قلدش الله تقيميني هكذا ! انا داري انه جاء انا سرت تنازلت وخرجته.
سميه: مجنون او بعقلك جيت تخرجه وعادك الا مسكت امور القريه
ايمن: امور معقده ساع وشه يرجع يمسكها ويسد معهم فلست وانا جالس اصلح اخطاء ابي ولا قدرت ولا عاد حد بيفهم ويتفاهم معنا خلاص الناس ماعد همها ارضها ولا حقها تشتي الا تشقا وتأجر اراضيها وتشل زلط همهم يعيشوا ياكلوا يشربوا وبس.. مادخلني وانا منهم اذا مابش في حسهم
سميه بضبح: كنت من اول تفعل هكذا ضيعنا الوقت هذا كله ع الفاضي.. استغفر الله بس
ايمن: جهزي نفسش نرجع المدارس بدأت تسجيل الجهال عيقرح جو
سميه: تمام.
@ المصدر الأول للروايات
في بيت سالم..
مرته: هيا مالك ماتحاكي اخوالك يدوا الورث حق امك
سالم: اي ورث
مرته: مش انت داري امس اجتمعوا اعمامي وتقاسموا ورث ابوهم ومع عمتي سهم ماحد كلمك؟
سالم: ماشي
مرته: هيا سير لاياكلوه ساع ما اكلوا نص حق ابي الله يرحمه
سالم: كيف !
مرته: قالوا كان عليه ديون ومستلف من عمي جابر
سالم: انتي داريه انه كان مقاطع امي اسير ذاحين اطالبه ياسعم عيديها.
مرته: انت اخبر.. والصدق انا ضابحه من البيت هذا جي نعمر لنا بيت ساع خلق الله.. متحمله بنتك في وشي قالبه اربعه وعشرين ساعه
بلقيس دخلت البيت على هذا الكلام: متحملني بيت ابي وابي والا ما انتي خليش ساكته مااشتيش افتح فمي عيب اكبر مني
خالتها: هيا ابسر بعينك وصدق
سالم: مالكن ماهو مابه للجنان هذا
بلقيس: مشكلتش مااديتي لعيونه فرصه يبسر كودش الا بتعبيه من اذنه.. دخلت وقفلت الغرفه
مرته: استغفر الله العظيم بس وانت ساكت واصل بس انت وهي
سالم لبس الكوت وفلتهن وخرج.
.
.
بلقيس في غرفتها واقفه ورا الباب بتعلق البالطو..
خالتها فتحت الباب بقوه: اشتي اطرح الثياب الوسخه عندش لوما ارجع اصبن.
بلقيس كانت ورا الباب واقفه قرشت رجلها بنرفزه دهفت الباب وخالتها واقفه
خالتها: هكذا ؟ قدو عيني عينك مداهفه وطرد
بلقيس خرجت من ورا الباب وبعصبيه: مره ثانيه تدقي الباب وماتفتحي الا لما اقلش ولما تفتحي تفتحي دلا ها ابسري مافعلتي.. واشرت لرجلها
خالتها: عمى يعميش ويكسر يدش حين هكذا فتحتي الباب
بلقيس مسكت الباب ورزعته اكثر للجدر: قسما بالله ان الجن بيتقافزوا مقافزه من عيني ماعد تعرفيني المسكنه والريحمه حق زمان ماعد بش ووقحه انا وقليله ادب وماتربيتش والسبب انتي لذلك تحملي اللي عيحصلش مني.
خالتها رجمت السله حق الثياب وخرجت بسرعه خافت منها
بلقيس شلت الثياب والسله وخرجت رجمتهن في كل بقعه ودخلت وقفلت بالمفتاح.. ساع ما رجعتني يا اباه هنا تحمل اللي عيحصلكم مني
.
.
في المعرض...
علي: الله يعينك ياعم عليهن انا بين اقل ارجع لوما اتزوج اتزوج ال2 من البدايه يتعودين ع بعض
سالم شاف له بنظره: اسكه اخطب اول لاقد فلحت.
علي: والله ياعم ان على مابين اسمع وابسر من اصحابي متخوف ماعد انا داري كيف اختار واحده على مافي النفس خلينا هكذا احسن ع يد امي
سالم: انت داري ان تفكيرك هذا هو هروب من واقعك تشتي تخطب من الاهل او على يد امك او ابوك امد لاتوقع من البنات اللي بتعرفهن
علي محرج وبيحاول يدافع ع نفسه: ماشي بس ياعم مش انت داري كيف
سالم: اللي داري به انه ماضمنك واللي عتختارها امك ماتكون نفس اللي بتبسرهن
علي: قدو ع عمايا احسن مااكون داري.
سالم: لاحول ولاقوة الا بالله امانه ان قد به جيل يتعجب له الواحد تعجاب كيف عشنا وايش اكبر همنا وانتوا ماهي الدنيا عندكم خيرة الله بس.
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
07 March 2024 19:13
.
البــارت 127 ○
الثــروة الـمنسيـة 🍀
👌🏻👇🏻 😍
📚 @ 🇾🇪
بلقيس ضحكت: ويوم انضربت ضرب منها بقصتني بقص حين قتلت الطلي
بنت خالها: يوووو يامجنونه منش صدق
بلقيس: كنت صغيره وجلست الاحقه ويهرب جنن بي نزل لنازززل وانا راس الجبل قلت ارجمه بحجره كبيره يتعب ويجلس بقعته وانها جت في راسه ومات
بنت خالها ضحكت: حسبش الله ياظالمه
بلقيس: بس والله غثيت وجلست اعدد(ابكي) عليه
ضحكين ولبسين وخرجين
@ المصدر الأول للروايات
انس بيشرف على العمال ويسايبوا اكياس السمنت والماء.
مشي ايمن: يهي يهي مابتفعل يا انس
انس: بين اسور الارض حقنا ليش او ممنوع !
ايمن: ماشي حقك بس ماقلت لي
انس: قد قلتها بفمك حقي او عاد فيها استئذان
ايمن قرب منه وطرح يده ع كتف انس: اهدأ هذا حقك وماجيت ورجعت وفلت عملي الا امد ارجع لكل واحد حقه.
المزارعين واقفين بيتفرجوا انس والعمال والكلام اللي بين ايمن وانس.
واحنا مالك ماترد حقنا
ايمن: ماعليكم شي كل شي عيرجع وكل واحد عيشل حقه.
المزارعين: اي حين كم لكم وانتوا بتواعدونا
ايمن: ما تشتوا قد انتوا بتشلوا صافي الارباح كامله لكم ارضكم عندكم ولا عاد بين اشل منكم فلس
المزارعين سكتوا: يعني ماعد عيتدخل اخوك لو رحت لك
ايمن: ما شارجع الا وكل واحد ارضه وماله وكل مايخصه معه اعرفوا من هذا الراس.
انس لمحها بتتمشى هي وبنت خالها ضبح مشي من جنبهم ويتصل بها
بلقيس تلفونها في البيت وطافي بدون شحن وكهرباء
انس ضبح ورفع صوته: هيا روحوا لكم البيت
بلقيس بتسمع مالفتت لان في رجال وفكرت بيكلم العمال
العمال لفتوا له: نتغدا ونخزن ونرجع
انس حس انه ودف سمعوا جملته هم جلس ضاااابح وبياكل نفسه.
ام بسام شافتهن: من انتين يابنات شكلكن غريب
بلقيس: انا بلقيس
ام بسام مسكتها وحضنتها تسلم عليها: ماشاءالله عليش قد انتي أطول مني تبارك الله ولا عد ابسرناش تزوجتي؟؟
بلقيس: ماشي كنت في المدينة
ام بسام: ايوه قد قالوا ولاصدقت.. صدق بتقري لحالش
بلقيس: ماشي عند ابي
ام بسام: كيف انتي وكيف جدتش
بلقيس: الحمدلله
ام بسام لفتت لبيت الشيخ: جيتي تبسري كنز
بلقيس: ماشي بين الوي فقدت للقرية
ام بسام: عاد انا كنت انا وكنز بنفرح لواحده ادخلي ابسريها
بلقيس: مره ثانيه
كنز خرجت
ام بسام: جي ابسري تعرفي من هذه؟
كنز لفتت لبلقيس: من؟
ام بسام شافت بلقيس ساكته: خبيرتش بلقيس
بلقيس: كانت خبيرتي واحنا صغار
كنز فرحت بها وسلمت عليها: بلقيس حياا كيف انتي فقدت لش
بلقيس مستغررربه: الحمدلله
كنز : امانه جي معي قلي لي كيف انتي ومااخبارش
بلقيس مصدومه مالها تغيرت !!
كنز: قد انتي دكتورة!
بلقيس: لا غيرت التخصص شريعه وقانون
كنز: كيف يعني
بلقيس استغربت مش عارفه ايش يعني وهي اللي كانت شغوفه بالدراسه اكثر منها: كيف لش بتحاكيني هكذا !!
كنز: يووه احنا خبيرات وكم لعبنا وذاكرنا جمعه ماصاحبت حد مثلش.
بلقيس مستغربه سر تغيرها !!
كنز بعد فشرها بابوها وزواجها وحسدها من دراسه بلقيس وهي لا .. تغيرت عليها الظروف تطلقت ورجعت بيت اهلها وابوها اللي كانت تزنط به ملان القريه مرض وحالهم تغير الناس كرهتهم وكرهت ظلمهم لهم
كنز شافت يدها: مخطوبه يابلقيس؟
بلقيس: ايوه
كنز: ماشاءالله اكيد للمدينه
بنت خالها ذكرت انس لما قال لها يعيشوا في القريه ضحكت: مابلا للقريه
كنز: صدق ؟ من
بلقيس: انس
كنز: انس ابن عمي سليم
بلقيس: ايوه
كنز تغيرت ملامحها: سبحان الله
وداخل نفسها دراسة ودرستي عليا .. وانس وانخطبتي به وانا زيدت الزنط وضاع كل شي من يدي.
كنز مستغربه ع ايش سبحان الله
بنت خالها سحبت بلقيس: هيا خاطرش
كنز: خليكن شويه جين معي البيت
بلقيس: مع تسلمي عنخطى
مع السلامه
كنز جلست تتفرج لها وتشوف غرورها ضبحت
@ المصدر الأول للروايات
بعد ايام..
انس كمل يصلح السور والباب وغرس شتلات البن..
ايمن وصل لاعنده: يا انس مش هكذا جاي وسط الارض تسور وتغلق دخلتني في مشاكل مع اصحاب الارض كل واحد يشتي حقه
انس: رجع لهم حقهم يا ايمن وانا ابني واسور اين مااشتيت الارض ارضي
ايمن: انت متسرع وبتدور هدار يا انس استغليت تعاوني معاكم ولا حد فيكم سطي يدي كلمه وابي شيخ وعمر ماسك المشيخه
انس: انا عادها وصلت لي اوراق ابي ماكنت خايف من حد
ايمن: رجاء يا انس
انس ضبح وعصب زبط الباب: يعني ما افعل اقلع هذا واهد السور !! ماافعل
ايمن سكت ومشي..
وقرر انه لازم يرجع لقساوة ابوه عشان يمشي حال المزارعين ويقدر يتفاهم معهم.
.
.
في البيت...
سالم وصل ومسرع: البسي سريع يله
بلقيس: ليش؟
سالم: امي...
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
07 March 2024 19:09
.
البــارت 125 ○
الثــروة الـمنسيـة 🍀
للكـاتبـة: عبيـر الكبسـي
👌🏻👇🏻 😍
📚 @ 🇾🇪
الضابط: وانتي يا حجه روحي لش البيت الرجال عيسدوا بينهم كما تنازل اخوه خرجناه.. يلا معنا عمل
ام عمر خرجت وهي بتبكي وتمشي من جنب المزارعين والكل بيدعي على ابنها ويتشمت في حبسه.. واللي بيقلوا لها قولي للشيخ قبل مايموت ويسير جهنم يدي حقنا الله لاوفقه ولا سامحه ولا ابراه لادنيا ولا اخره.
وصلت البيت دخلت وجلست عند باب الباب تبكي
طبينتها الرابعه: سبحان الله كيف انتي انانيه طول عمرش لسان وحق مكايد وتعلمي ابنش وتحرضيه وتفعلي لنا مشاكل وتحارشي وزنطتي زنط حين ابنش مسك المشيخه والحاره.. والآن جربتي كيف الدنيا صغيره !! هذا وماقد وقع شي ماغر ابنش مسجون بس
ام كنز: خلاص اهجعي انتي واطلعي لاتتشمتي فيها يرجع الله يبليش
الرابعه: قد ابلاني الله بكن وبه وبالبيت والزواجه هذه ماعد بش اكثر من هذا كله ومن اللي جربته انا بس اذكرها تطرح الموقف هذا في راسها امد لو خرج ابنها ترجع توقع طبيعية تبطل الحقد والنفاق والهواره تشتي الملك كله لعمر وانتين وجهالكن !!
ام عمر: انتي آخر من يتكلم عادش الا من امس لاحنا بندور ماله فاحنا عشنا معه اما انتي ايش !
الرابعه: انا مرته مثلي مثلش مثلهن كوولهن خلفت وشلني صغيره واحتبست في البيت هذا مع وجيهكن.
@ المصدر الأول للروايات
في بيت عمها..
بلقيس منتظره لهن يقربين جالسه في غرفه بنات عمها اتصلت له وبصوت واطي: يو والهرم فيك يو منك يا انس
انس: نفسي اعرف ليش بتخافي منه
بلقيس: كيف مااخافش اليوم سألني من راسل وانت جالس تواصل تتصل قد بنقلك غلق
انس: انتي مش داريه كيف اكرهه ابن عمش وبعدا ملبط عرض ابوش وعرضكم مايشتي ماله هكذا مرفس
بلقيس: مش هو ابن عمي اقلك ابي فوق السياره كان
انس: فاقدلش قوي
بلقيس سكتت
انس: وانتي
بلقيس: لا !
انس: والله ؟!!
بلقيس كانت ضابحه من بعض تصرفاته بس تغاضت عنها: وانت والكل قوي ضبح ومابش جامعه
انس: طبعا انا نازل القريه مارأيش تنزلي
بلقيس: ياريت فاقده للقرية
انس :هيا ونتزوج هانك
بلقيس بمسخره: زباج
انس: معنا بيت هانك وادي مهرش راس 4 غنم وشقينا انا وانتي في الارض وعشنا ساع ابي وابوش واجدادنا
بلقيس سارحه في كلامه: يا الله من صدق تغير الوقت يا انس لو شي ان احنا فعلنا هكذا بس دراستنا الآن وعيشتنا في المدينه غيرتنا
انس: تقدري تقولي تغيير مؤقت يعني ماننكرش قريتنا وعيشتنا البسيطة وماننساش نفسنا ومانطورهاش
بلقيس: انس نفسي اعرف ايش ناوي انت هذه الفتره سيره رجعه للقريه
انس: معي واحده شدفت حسي بين ادور العمل المدفون اللي فعلته لي
بلقيس: ناهي لك يا مفقعس عليك كلام يسكت الواحد
دخلت بنت عمها الصغيره: من بتحاكي؟؟
بلقيس بتقلد لها بصوت: الوحش
البنت هربت وجريت لاخارج
بلقيس: قفل يا انس أسير اتغدا ذلحين ونتواصل بعدا..
شافت مشيه مره عمها خبت التلفون سريع في جيب البالطو وفعلت نفسها بتصلح الساعه في يدها
مرة عمها واقفه بصدمه: بلقيس من بتكلمي يابنتي
بلقيس: محد
مرة عمها: قالت بنتي بتكلمي الوحش قلت او رجعت لش الحاله
بلقيس نسيت: ايش من حالة!
مرة عمها: او نسيتي قالوا ان انتي كنتي تبسريهم اعوذ بالله
بلقيس: هاا لا مابش شي يمكن جاهله بيتهيأ لها
مرة عمها بنظرات خوف: هيا غداء
انس كان بيسمع ويضحككك
بلقيس خرجت وجلست شافت عمها وابوها ومرة عمها وابن عمها استغربت كلهم مع بعض جلست واقفه متردده تقرب
عمها: هيا جي تغدي يابنتي مالش
بلقيس محرجه وبتتلعثم في الكلام: مم انا شابعه بس جيت اجاوب
عمها: مايسبرش قال شابعه جي
ابوها: جي كلي ملقام
بلقيس شافت عيال عمها جالسين منحرجه: مع تسلموا.. رجعت غرفتها
عمها شاف ابوها: يمكن مش متعوده على الجمع بتخزا
مرة عمها بصوت واطي: يا اخي زد شليت بنتك لشيخ؟
سالم: شيخ للمه !
مرة اخوه: هوذا قلتوا مسكونه وانها بتتخايل وتجابرهم
سالم ضحك: لاتصدقي للعجايز حقي الله يهديهن بس.
مرة اخوه: يوو مافركشنا الخطبه الا بذيه السبب
زوجها رجم لها اللقمه: تغدي والا قومي ادي السلته.
سالم: مابلا يمكن خازيه بس
في #الغرفة خرجت تلفونها وقرأت رساله منه: شكل الجن حقش طيبين فعلوا فيش وفينا خير... قرأتها وضحكت قفلت التلفون
دخلت مرة عمها بصحن الاكل: نتغدا هنا .. صورتش خازيه.. صورتش مش متعوده على جمعتنا هنا غير القريه
بلقيس: مش متعوده ماقد اجتمعنا الا مرتين بس.
مرة عمها: ما رأيش يابنتي اشلش لشيخ سكته لحد يدرى مابش عليش سخى
بلقيس: ماشي تسلمي ياعمه مابش فيني شي.
مرة عمها: براحتش واي حين عرسش
بلقيس: مدري
مرة عمها: لقيت بنت لعلي ماشاءالله سبحان من خلقها
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
07 March 2024 19:06
.
البــارت 123 ○
الثــروة الـمنسيـة 🍀
👌🏻👇🏻 😍
📚 @ 🇾🇪
في بيته..
سالم: انا ساير القريه ارجع خالتش وجدتش تجهزي نسير نديهن
بلقيس: طيب مااشتيش اراعي هنا
سالم: وحدش ماشي وبعدين انس عيرجع وردينا خبر ويشتي نخطب هانك
بلقيس فرحت وضبحت انه مواصل سكوته ليش!
سالم كمل يكلمها وخرج
بلقيس اتصلت له: لاي حين عتواصل تخبي ليش ماقلت لي انك سديت انت وابي ورد لك خبر
انس ضحككك: وانتي ليش ماقلتي لي انش موافقه
بلقيس: على قد عذر! طيب يا انس شاقله مش موافقه وابسر من عتخطب افرض ماكنت سرت معه القريه
انس: والله ان كان نفسي افعلش مفاجأه
بلقيس ضحكت: طيب يا مفاجأه
انس: احتمال اقله خطبه وعرس
بلقيس: ناهي لك كلهن مفاجآت؟
انس: والله يا بلقيس لو كانت ظروفي مالها شي وقادر افتح بيت ان احنا تزوجنا بس سنه اجمع وافعل جمعيات واستأجر بيت
بلقيس: الله يسهل لك يارب
انس: حسيت ان ربي بدأ يعوض تعبي وجعجعتي
بلقيس: هذا كله عشان خطبه ان شاءالله يعوضك اكثر
انس: ماعدبش شي اكثر منش.. الحمدلله تعليم ووصلت له وشغل وتبهذلت واشتغلت كل شي لوما لقيت شغل محترم بقي لي حاجتين وارتاح ارجع حق ابي لخواتي وامي ونتزوج بعدها مااشتيش من الدنيا شي خلاص.
بلقيس تنهدت وداخلها كلام كثير بس محرجه تقله يمكن هي اكثر منه نفسها تستقر معه في بيت وترتاح من جعجعه جدتها وخالتها ، نفسها تكون جنب الشخص اللي بيحبها ويهتم بها وحسسها بالأمان معه..
بعد ماقفلت قامت جهزت لها ثياب واتصلت تستشير زهور ايش تلبس
زهور: اي شي حسستيني انه عيدخل ساع الافلام ويلبسش
بلقيس ضحكت: على قولتش يلاه اشوفش لما ارجع ادعي لي.
زهور: الله يوفقش ياحبيبتي.
@ المصدر الأول للروايات
بعد يوم في القريه.
تلاقوا ايمن وسالم وانس وجالسين يتجابروا..
انس شاف الاتصال وراح الفندق يشوف الاجانب اتفقوا يخرجو المزارع اللي جنب قريتهم
الاجنبي خرج فلوس ودولارات
انس مستغرب دفع هذه الفلوس كلها ع شويه بن عشان انه اخضر !!!
الاجنبي: اسأله يقدر يوفر لنا كميه لموسم القطف السنه الجايه كم اكثر كميه يقدر يوفرها؟
تجمعوا كل المزارعين حول انس وهو بيسأل قرروا كلهم يبيعوا له بعد ماشافوا المبلغ اللي اندفع للمزارع هذا.
أنس جلس منذهل ويتجابر معهم ويسألهم..
(( أكتشف انهم جدا مهتمين بالبن اليمني وناويين يوسعوا تجاره القهوه في بلادهم ))
روحهم الفندق ورجع للقريه والكل بعده يسأله ويستفسر ...الخ
وصل ارضهم وشاف القات والبودر اللي ملانه والماء اللي بيستغرقه شاف مناظر الجهال ( الاطفال ) اللي بيخزنوا .. جلس يمشي
واحد من المزارعين: ارضكم نشفت يا انس والقات خرب مابش من يهتم عتأجر لنا الارض نزرعها؟
انس جالس سارح ويفكر: لا انا اشتيها... وصل لاعند ايمن وجلس يكلمه ع الاوراق اللي التعبت وتغيرت بسبب ابوه
ايمن: ادي لي بس فتره عاد انا بين اراجع وابسر وانت عارف عاد ابي عايش واخي هو اللي مشرف ع الارض مااقدرش اتصرف
انس وقف: خلاص تمام بس في البصاير الارض حقي
ايمن: بس ابوك كان باصم ع توكيل ابي في شؤون الارض لاتتسرع يا انس صدقني انا اشتي ارجع للناس حقها
انس: كم نراعي من وعاد انا جاهل.. ابي مات من القهر والباطل بسبب ابوك يا اخي ارضي ومحد له دخل بها ماترجع وهي في الاصل حقي خاطرك.
@ المصدر الأول للروايات
ثاني يوم ((بعد الخطوبه)) بلقيس بعد ماتموا يقرأوا الفاتحه واقفه
خالتها شافت دبله ومحبس وقطعه قماش وعطر: يووو هذه بس! بنقل على ايامكم قد بيدوا بدله وانتي يامسكينه مسترخصين فيش بدله.. هذا الزنط حقش اخرتش رضيتي ع هذه الصره
بلقيس طنشتها ولفت شنطتها وقامت دخلت غرفه جدتها وردت على رساله انس: الله يبارك فيك
انس: يله من الان تسمعي كلامي قدش مرتي
بلقيس ردت: مرتك !!
انس: ايوه ماعد بش مدينه ولا دراسه ولا شي
بلقيس جلست تضحك من كلامه وماردت
انس فاجأها برساله: احبش والله يقدرني واخليش اسعد انسانه في الدنيا
بعد ما رجع المدينه
انس جالس وقدامه اوراق بيحسب ويخطط وينسق فعل لنفسه مخطط كامل.. حسب مساحة الاراضي اللي معه شل الورقه وخرج عنده في الشقه مشارك في السكن هندسه مدنيه ومع ابوه شركه مقاولات جلس يستفسر منه كم يحتاج لو سور الاراضي حقه كم التكلفه والمده و...الخ
رجع الغرفه حسب وفكر وقرر يبدأ ينفذ اتصل للمحاسب وسأل لو يقدر ياخذ سلفه كبيره ويقسطوها من الراتب وبعد ماوافق له..
بلقيس جاوبته: ليش مش وقت يا انس مشاريعك الآن تم جامعتك
انس: فرصه يا بلقيس معي عطله شاتم الموضوع في العطله
بلقيس: انت داري انها مطوووووله لما تثمر الشجر وتكبر عادك الا عتزرع
انس: داري وحسبتها صح اكمل الجامعه وشاتفرغ لها
بلقيس: انس بعقلك...
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
07 March 2024 19:04
.
البــارت 121 ○
الثــروة الـمنسيـة 🍀
للكـاتبـة: عبيـر الكبسـي
👌🏻👇🏻 😍
📚 @ 🇾🇪
في المستشفى...
اخو سميه تسرع قبل مايفهم الموضوع من ايمن وبلغ الشرطه انه انصاب في القريه ( كان فاكر مع واحد من اصحاب الاراضي )..
في غرفه المستشفى..
الدكتور: اليوم تقدر تروح بس تنتبه لايوصل للجرح ماء وتشرب العلاجات بتتحسن..
ايمن: تمام
الدكتور خرج
سميه: ماعتقل لي ماحصل قدلي 3 ايام مراعيه تتحسن وتقلي!
ايمن: مش وقت لوما نروح لفلفي العلاجات وثيابي نخطى.
سميه: تمام اسير لاعند المرافقه اللي جنبنا في الغرفه اسلم عليها امد مايجي اخي يحاسب.
ايمن: تمام.
جلس يفكر انه لازم يحاسب اخوه لازم يفعل معه حل ويشل من يده كل الصلاحيات في الاراضي ومزارع القات اللي كانت حق المزارعين اراضي البن
وبعد 3 دقائق وصل اخوها مع ضابط من القسم ..
بعد الاستجواب استغرب اخو سميه انهم الاخوه اللي حصل بينهم هكذا الاول يضرب اخوه والثاني بلغ عنه انه هو !
مالهم ايش اللي حصل بين عيال الشيخ لوما وقعوا هكذا ... قاطعت افكاره اخته دخلت شافت الضابط افتجعت
اخوها شافها واشر لها تخرج
سميه قربت لاعند اخوها: ماهو ماله هذا هنا مابيحصل يا اخي فهمني.
اخوها مسكها وخرج هو وياها: كيف تدخلي والرجال هنا
سميه بخوف: ماله العسكري هنا ماوقع
اخوها: ولا شي بيستفسر .
سميه: اها ..طيب حاسبت؟ قالوا خلاص يروح
اخوها بيتفاقد جيوبه: تمام الآن
سميه: ناولته الفلوس من شنطتها
اخوها شلها ومشي..
@ المصدر الأول للروايات
في المحل..
أنس متوتر وبيعرق ويمسح جبهته: ياعم كنت اشتي اقلك بس قبل ماتسألني كيف وما شفعل اقلك تطمن
سالم شافه مرتبك شويه ومتوتر: خيرر ؟؟ في شي؟
انس ضحك: ياعم مش داري كيف ارتب الموضوع الخلاصه اشتي اناسبك
سالم ارتزح وطرح يده فوق المدكا وبدأ يخزن: هااا
انس سكت وندم وحس انه تسرع
سالم: يا ابني كم تقدموا لها ولا بترضى البنت تشتي تدرس
انس: وانا موافق خطوبه بس واراعي لها لما تتم .. وانا والكل بين ادرس اكون جمعت مهر واثتت شقه صغيره
سالم: متحمسس والبنت مش موافقه
انس: يعني ياعم انا داري جيتي ماتنفع هكذا لا اديت اهل ولا حد بس قدك داري مابش معي غير نفسي الله يرحمه ابي واعمامي حسهم عند نفسهم
سالم: صدقني عن نفسي ماالقى احسن منك لكن البنت انا داري بها
انس: اهم شي انت موافق والباقي على الله
سالم: والنعم بالله نكلمهم وبعدا ارد لك خبر.
انس تنهد براحه وماسك نفسه لايبين فرحته لعمه...
.
.
بعد مارجع البيت..
سالم: قربي العشاء
بلقيس: يله يفور الشاهي امد واقرب.
سالم: يابنتي اشتي اسألش
بلقيس: خير
سالم: انا مالش ماتتزوجي ساع كل البنات وتمي قرايتش
بلقيس: ومن قال انه اللي شاتزوجه عيخليني اتمها كلهم يقولوا تمام في البدايه وبعدا خلاص كما قدي عنده مابش ساع كنز بنت الشيخ
سالم: انا أضمن لش هذا العريس هذه المره الولد محترم وبيقرا والكل وعلى فكره نفس تخصصش يعني مابش احسن من هكذا
بلقيس كانت تشتي تعترض كلام ابوها سكتت لما سمعت انه نفس تخصصها وفيها فضول تسأل من هو
سالم شافها ساكته ما اعترضت: يعني الولد ماشاءالله اعرفه وعادو صغير في القريه معتمد على نفسه حق شغل ودراسه وتوفق
بلقيس ساكته وبتحس نفس صفات انس معقول هو بس ماكلمها !! اكيد مش هو
سالم: مالش سارحه؟ اليوم جاء لاعندي أنس لو تذكري سليم الله يرحمه اللي كان في قريتنا
بلقيس بهررت وانصدمت وحست بربشه بلعت ريقها وقامت: الشاهي فار اسير اقرب.
ابوها قام يغسل يده
بلقيس مربوووشه قربت العشاء وبتفكر متى كلمه وليش ماقلها وايش تقول لابوها موافقه او لا !
.
.
في البيت بعد ماخرج قرر انه لازم يعزل اخوه فترة ويصلح الوضع اللي خرب ويرجع للناس حقوقهم ومابش احسن من طريقه انه يسجنه احسن مايتقاتل معه اتصل للضابط وكلمه..
سميه كانت جنب الباب سمعته وهو بيتكلم انصدمت دخلت: عمر اخوك اللي طلق الرصاصه؟
ايمن : اووص لحد يسمعش
سميه: ليش ماقلت لي؟ ليش خبيت عليا واخوك يفعل بك هكذا !!
أيمن: وطي صوتش امش لاتسمع ولااشتي مخلوق يدرى
سميه: ليش عادك مفتجع عليه
ايمن: مش مفتجع بس مااشتيش هدره القريه ماتصدق تسمع حكايه وتناقلوا الخبر.
سميه: وكيف عتفعل معه
ايمن: اسجنه لوما امسك العمل واخرجه بعدا ابسر ماعيفعل اذا مارباه ابي انا شاوريه كيف التربيه والمرجله والاحترام.
.
.
في الطريق متردد يسألها يرسل والا ينتظر تكلمه لما يكلمها ابوها..
شاف مره كبيره في السن بتلقط كراتين ويفلتين منها رجع جمعهن لها وربطهن سوا بحبل وناولها تسحبه
جلست العجوزه تدعي له
انس بصوت واطي قال لها: ادعي لي يحقق الله مافي نفسي ويجعلها من نصيبي
العجوزه جلست تدعي له علقت على الدعاء له طول الطريق
.
.
في البيت فوق العشاء..
سالم: يابنتي انا...
📚 @ 🇾🇪
Читать полностью…
روايات يمنية📚🇾🇪
06 March 2024 19:10
.
البــارت 119 ○
الثــروة الـمنسيـة 🍀
👌🏻👇🏻 😍
📚 @ 🇾🇪
لقي نفسه قدو في الشارع وهو في حالة ذهوووول تسررررع !
كيف بيفعل الآن لو قتل اخوه !
ابوه ايش عيحصل له؟
داخل البيت في الديوان..
كلهن محوشات وام ايمن حاضنته وبتبكي وتلطم نفسها قتل ابني الله ينتقمه الله ينتقمه
ام عمر واقفه بتبكي وماسكه راسها سارت تتصل لابنها مابيرد
كنز كانت بيت اهلها: خرجت بسرعة تصيح وتدور حد ينقذه
مزارعين متجمعين بيتجابروا ساروا للباب.. دخلوا 2 يشلوه
انس شاف الكل متجمع بيت الشيخ راح للباب واقف
شاف ايمن بينزف دم ومدوخ في يدهم: حد معه سياره؟ سررريع اسعفوه للمستشفى حد يضغط ع الجرح
واحد من المزارعين: مدري وين انصاب في قلبه او وين
انس حاول يساعده معهم استغرب: من قتله؟
جاوبه: مدري خرجت امه تصيح نسعفه لقيناه في ارض الديوان وملانه دم.
انس: لاحول ولا قوة الا بالله
واحد منهم: شلوه للسياره دلا
انس: اين اخوه؟؟
باب بيت الشيخ واقفين البقيه مراعيين لعمر وانس واقف معهم
خرجت مره ثانيه تتأكد واقفه جنب الباب: لو سمحت من اسعفه
المزارع شاف الباب: شلوه للمستوصف يااختي لاتقلقي
انس سمع صوتها ووقف: اين عمر؟
كنز سمعته وبتحاول تركز عرفته: مدري دخلت وقفلت الباب وبتتصل لزوجها... بعد ماهزأها وبهذلها ع جنان اخوتها وانه مابيلحق يجي للمدينه ذلحين يتصرفوا.. دخلت تطمن ام ايمن انهم اسعفوه.
@ المصدر الأول للروايات
في المستوصف..
الطبيب: يحتاج عمليه الرصاصه دخلت في الرئتين وهنا مابش امكانيات اسعفوه المدينه
المزارع: كيف عيموت في الطريق
الطبيب: ادينا له ادويه وقربه دم وانتوا اسرعوا اقرب مستشفى ع الطريق مانفعل هذا اللي معنا
المزارع: بختك انت وابوك سرقتونا لما شبعتوا لو فعلتوا لنا مستشفى بدل مااخوك جالس يعمر بيوت وسيارات
صاحبه: خلاص مش وقت وهذا ما ذنبه والله انه احسن منهم.. هيا شليناه المدينة
عمر اتصل للبيت..
جاوبت كنز: الوو.. الوو
عمر سمع صوتها قفل وجالس يقلق.. نفسه امه ترد تطمنه ايش حصل لاخوه مات والا انصاب !
قفل واتصل مره ثانيه كانت الوحيده كنز ترد ومستغربه..
ام عمر شكت لايكون ابنها: سيري لاعند ابوش ابسريه
كنز: يوو ابي نسيناه اطلع الله يستر يارب.. من قال لي اجي اوجع قلبي بالجنان هذا.. وزوجي ولا في حسه هكذا يجاوبني!
رعاها الله ايام ما كان ابي بصحته يفعل لي ولاهلي الف حساب.. تمت تجابر نفسها وهي بتمشي دخلت لاعند ابوها وهو راقد نزلت
ام عمر جالسه جنب التلفون.. ردت: الو
عمر: اماه ماوقع به
ام عمر: وين انت؟ وماحصل! انت اللي ضربت على اخوك؟
عمر بخوووف بيسسمعها سكته
كنز سمعتها: هو عمر ؟؟؟ يووووو
ام عمر بتمسك التلفون وتقربه منها اكثر: اصاه اسكتين اسمع
عمر: اسمعي لاتودفي بي لاتقليش لحد انو انا
ام عمر: ارجع اسعف اخوك دخلنا رجال لاوسط البيت عيب عليكم يا عيال الشيخ مابتفعلوا بنفسكم!
عمر شاف مابش فايده في امه قفل التلفون
@ المصدر الأول للروايات
ثاني يوم في المدينه..
ايمن بعد مافاق من العمليه تشكر من المزارعين اللي اسعفوه وخلاهم يدوا له تلفون اتصل لمرته وكلمها
المزارع: اي خدمات عنرجع للقريه؟
ايمن: الله معكم ماقصرتوا تسلموا
المزارع: في امان الله
.
.
في الجامعه..
انس ناولها ملزمة: ذاكري منها للاختبارات شليتها من الشباب قالوا مهمه.
بلقيس سمعت تلفونها بيرن: تمام
خرجته وتشتي تجاوب: طيب لاعد توقف يا انس عيبسرونا
انس: عادي انا بين اناولش ملزمة وبعدا قدش خطيبتي
بلقيس ردت: الو
ابن عمها: الو
بلقيس: ايوه من انت؟
انس كان بيمشي سمعها وقف.
بلقيس: ها اهلا كيف انت
انس استغرب
بلقيس: تمام انا كملت شاراعي لكم
مع السلامه
انس: من هذا؟
بلقيس: ابن عمي اخطى سريع لايجوا ويبسروك يا انس.. مشيت سريع
انس ضبح واتصل: طيب وليش يتصل لش ابن عمش؟
بلقيس: مدري بس هو مع ابي يمكن هو قال له
انس: ولو ليش عاد انتي تقلي له كيف انت
بلقيس: قوا يا انس مش وقت الغيرة اخاف يتصلوا وهو مشغول
انس: يعني خايفه ع مشاعره اكثر مني! طيب مع السلامه..وقفل
بلقيس شافته قفل خبت تلفونها وقررت تفهمه لما توصل شافته مشي من جنبها ضابح وسبقها اول مره يمشي قبلها !!
بعد عشر دقايق وهي واقفه اتصل أبوها: هيا اخرجي انا فوق السيارة
بلقيس كانت خارج بتتلفت شافتهم قفلت ومشيت لاعند ابوها وطلعت السياره كان ابن عمها مع ابوها.
ابوها: عتلحقي تفعلي لنا اللحمه
بلقيس: تمام
ابن عمها: سهل ياعم نتغدا خارج مابش داعي نتعبهم
بلقيس ساكته وبتراسل انس: (( ليش زعلت))
ابوها: مع قد شليناها امد مانصلي ونشل قات عيجهز الغداء
ابن عمها سكت
بلقيس سارحه مش مركزه مع ابوها
ابوها: او ما قلتي
بلقيس: ...
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
06 March 2024 19:09
.
البــارت 117 ○
الثــروة الـمنسيـة 🍀
👌🏻👇🏻 😍
📚 @ 🇾🇪
بعد ايام في القريه..
سالم وصل باب بيت الشيخ ومتردد يدخل او لا...
ايمن وصل بالسياره ووقف جنبه نزل زجاج السياره: سلاااام عم سالم منوررر القريه
سالم ابتسم له: حياك الله اين انت
ايمن: والله شيبت ياعم قد نص شعرك ابيض
سالم تنهد وبيتفرج للأرض: يا ابني تم عمرنا في الارض وظلمنا خلق الله
ايمن تلفت حوله ونزل وبمشاوره: يا عم سالم اشتي اجلس معك ضروررري
سالم: خير في شي
ايمن: تقريبا المهم انت عادك ماقد دخلت البيت؟
سالم: اشتي ازور ابوك
ايمن: تمام المهم عمر ولا تتحاكى معه بشي بخصوص اوراق المزارعين والمواضيع هذه
سالم مستغرب: خير ان شاءالله تمام
ايمن مسكه من كتفه: حياك الله ياعم هيا ندخل وتبسر ابي
دخل هو وسالم..
@ المصدر الأول للروايات
في البيت..
بلقيس واقفه باب البيت وخااايفه تدخل بتمر قدام عيونها ابتسامة امها لو افتتح الباب ، وصوتها تصيح فوقها ( مع من كنتي بتلعبي)؟؟
دخلت وذكرت اسوأ ايامها وخبث جدتها وشر خالتها وموت اخوها .. خرجت رجلها من الباب ومشيت...
انس كان بيمشي شافها جلس يصفر
بلقيس لفتها واحد بيصفر شافته انس ابتسمت
انس جلس يغني اغنيه من حق جهال القريه وهم صغار: اين الغنم حقكم يابنت
بلقيس بتضحك وبتمشي سكته
انس خرج التلفون واتصل
بلقيس جاوبت بسرعه: مجنون لحد يسمعك
انس: اين عتسيري
بلقيس: بيت خالي
انس: ليش وبيتكم؟
بلقيس سكتت
انس ذكر كلامها له: تمام اوصلش وارجع لاعند عمتش
بلقيس: تمام
جلست تمشي وهو يتغزل بلون عيونها يسترق نظرات لاعندها
@ المصدر الأول للروايات
في بيت الشيخ..
سالم تعجب كيف قد الشيخ وانهار وتغير
الشيخ جلس يحرك بس عيونه ويحاول يتكلم بس ماكان كلامه مفهوم
سالم شافه وذكر قوته وتهديداته وسكوته عن القتله اللي يتحاموا به والرشاوي والقوه فوق المساكين... نطق فجأة : لاحول ولاقوة الا بالله.. الله يشفيك ياشيخ استغفر خيرات والله يسامحك بس.
وخرج بيمشي شاف بلقيس تعالم بالبالطو.. بتمشي وفي واحد بيمشي قريب منها بعدها بس ماعرفه خاف عليها
سالم بصوت مرتفع: يابنت.. بلقيس
انس خاف لايلتفت يشوفه ابوها لف يمين وهرب ورا الشجر
سالم جري بعده بيلاحقه
بلقيس واقفه بتتفرج وماسكه نفسها لاتضحك ع الموقف.
انس هرب وكان يجري بسرعة
سالم: انا اوريك ياكلب مابش معك مهره تلاحق النسوان
بلقيس بتدعيه: اباااه
سالم رجع لاعندها وجلس يلاحق نفسه
بلقيس: لاتقلق مابش شي محد حاكاني
سالم: اين عتسيري
بلقيس: بيت خالي
سالم: قلت لش تراعي لما ارجع
بلقيس: ماقدرت ادخل البيت كرهته بعد مامات اخي
سالم سكت وذكر الموضوع اللي حصل
وصلها ورجع
مرته: انت قلت انك بعت البيت؟
سالم: بعته للشيخ لكن محد اشتراه منه الناس كلها هاجرت من القريه
مرته: من حلاه حين عاد فيه روح
سالم: قدو يرحم الله.. الله يغفرله بس
.
.
ثاني يوم
بلقيس شافت رقمه وبنات خالها جالسات خرجت تجاوب التلفون من الحوش: يعني عتجي ذلحين امك؟
انس: ايوه
بلقيس: طيب مع السلامه
بنت خالها شافتها: بلقيس نسيتي كيف نربط الطرحه ليش فوق كتفش الناس عيبسروش غطي شعرش
بلقيس ردتها بسرعه: يو نسيت
بنت خالها: سمعتش من بتحاكي؟
بلقيس بخوف حاولت تنكر: صاحبتي يعني من !
بنت خالها: هنيت لش حين معش تلفون اسكه كيف شكله
بلقيس: مش وقت عتجي واحده كانت جارتنا تشتي تزورني لهنا سهل؟
بنت خالها: ايوه اهلا وسهلا.. راعي احاكي امي
بلقيس دخلت بسرعه للغرفه وبتمسط شعرها وغيرت بلوزتها..
بنت خالها سمعت الباب فتحت لهن
بلقيس متوتره توقف في الباب اللي داخل او تدخل الديوان.. مربوشه
مرة خالها: من تيه اللي عتجي يابلقيس
بلقيس: جارتنا في القريه تعرف امي
دخلت بنت خالها مع ام أنس و2 خواته..
ام أنس شافتها استغربت كيف كبرت واحلوت ومختلفه عن زمان وعن بنات القريه: انتي بلقيس !!
مرة خالها: ايوه او ماتعرفيهاش
ام انس: قدلي منها خيرات ماعد بسرتها
مرة خالها: هيا ادخلين حياكن الله
خرجت لاعند بلقيس وبنتها: افعلين قهوه ودخلنها
خوات انس بيتشاورين ويشاورين امهن
الام: تغيرت سبحان الله كيف قدي
اخته: بعدا كيف جالسه بشعرها
اختها: هي عايشه في المدينه
امهن: مسكينه كم تجعجعت عند خالتها الله يسخر لها
مرة خالها دخلت: اهلا وسهلا حياكن الله
ام انس: انتي مرة خالها
مرة خالها: ايوه
ام انس: جزاش الله الف خير ماشاءالله سمعنا عنش كل خير ربيتي البنت
مرة خالها: الحمدلله جيزها من جيز بناتي.
بلقيس دخلت هي وبنت خالها وجلسين..
.
.
وقت المغرب
أنس توضأ ودخل المسجد
شافه الإمام حق المسجد: من انت ياولد
انس: انا ابن سليم ياحج بس انا في المدينه بين اجي هنا زياره
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
06 March 2024 19:08
.
البــارت 115 ○
الثــروة الـمنسيـة 🍀
للكـاتبـة: عبيـر الكبسـي
👌🏻👇🏻 😍
📚 @ 🇾🇪
انس: اديها معش الجامعه اصورها واردها معش انتي داريه ان قصتهن قصه
بلقيس: انا على مااذكر ابي كان واصل يجلس يشكي لجدتي من الشيخ انه بيغصب المزارعين واهل القريه يسلموه اراضيهم يتصرف ويزرعها مايشتي
انس: ايوووووه الآن فهمت
جلسوا يتناقشوا الماضي وانه تقلعت أشجار البن كلها والسبب طمع في الربح الاسرع لشجرة القات
بلقيس: انت داري ليش اخترت شريعه وقانون لان اهل قريتنا كلهم يرحموا
انس: انتي دافعي عليهم وانا اوقع القاضي حق القريه واحبس الشيخ وجهاله
بلقيس: مني صدق بين اتكلم لاتزبج
انس: وانا والله انه مني صدق الصدق
بلقيس: انس مارأيك نصمم ونفعلها
أنس: لازم لما ارجع القريه اجتمع مع المزارعين ونشوف عيرضوا يقدموا ورقة شكوى
بلقيس: من الآن صعب خلينا شويه نتم ندرس
انس: نجمع أدلة وافاداتهم عيريعوا لنا 4 سنوات حرام
بلقيس: الايام بتمشي بسرعه عنكمل ونرد حقوقنا وحقوقهم كلهم.
انس: وحق ابي وبهذلته وجعجعتي ماافلتهم والله ماافلتهم.
بلقيس: بس اخاف عليك انت ماتعرف الشيخ كيف هو داهية
انس: انا اللي اعرفه قصدش وعانيت بسببه ويعلم الله كيف بيعانوا الان منه وجهاله.
بلقيس: يارب اي حين نتم بس ونرجع ارضنا وحقنا وحق اهل القريه.
@ المصدر الأول للروايات
في المدينه في المستشفى.
الدكتور: احمدوا الله هذه المره لحقتوه رغم الاصابه كانت قويه وحصل له عجز كامل وعيكون مايقدر يتحرك لو تتكرر الثالثه عينتهي خلاص.
عمر تنهد: لاحول ولاقوة الا بالله
ايمن بيتفرج له بضبح: ايش حصل؟
عمر شافه وجلس يكلمه: الاوراق حق ابي كانين عند مرته خبتهن
ايمن استغرب لانهن معه: لاتتسرع تحكم عليها اتأكد اول
عمر شافه بيدافع ضبح ووقف: انت اصلا مابحد مادراك بشي قلك لاتتسرع.. يوم جيت وماقدرت تتحمل اكثر ورجعت ولاوقعت مصيبه قلتوا انا
خاطرك ابوك عندك انتبه له معي عمل في القريه اخرج الورق من عينها.
ايمن لحقه: ياي اسسسسمع ياولد
عمر مطنش مشي وخرج
ايمن سكت حس كلهم مثل بعض خالاته واخوه وهوارتهم ليش يقله الورق عنده وهم مش همهم المساكين هولك قرر يسكت ويسدوا وهو يتصرف في الوقت المناسب
@ المصدر الأول للروايات
بعد ايااام وبعد مارجع سالم..
انس كان لابس ومتجهزززز اتصل لها: بلقيس
بلقيس: مالك؟ انا قلت لاتتصل وابي في البيت ماتشتي
انس: مااتصلش؟ خلاص اجي يعني
بلقيس: اين تجي بغير جنان
انس: خلاص كلميني والا والله لاجي للبيت
بلقيس ساكته مستغربه ماله !!
انس مبتسم وبيهنجم في التلفون: خلاص يله مع السلامه... قفل
واخذ نفس ودق الباب
سالم: ياي ادخلين المكان وقفلين طررريق فتح الباب وواقف في الحوش: من؟
انس: ايوه
سالم خرج وفتح له الباب ورحب به ودخل.
بلقيس واقفه جنب الباب حقها بعد مادخلت فاتحه التلفون وبتسمع صوته مع ابوها!!
انس ضغط اتصال وطرح التلفون في جيبه.
بلقيس بتسمع وقلبها بيوقف
سالم: واخيرا ابسرناك
انس: والله ياعم قررت اجي اشتكي لك
بلقيس مراعيه تفهم !
سالم: خير؟
انس دخل الديوان خلس الكوت وخرج تلفونه وقفل الاتصال
سالم: اجلس
انس: جلس
سالم: من ايش تشكي؟
انس: قبل الشكاوي اشتي اسألك شويه اسئله بما انك كنت الذراع اليمين للشيخ.. جلسوا يتجابروا وسالم كأنه لقي حد مهتم وبيصدق ويحس بمعاناته مع الشيخ لانه انس جرب هو وابوه البهذله.
بعد مجابرتهم..
سالم: ماقلت ليش تشكي لي؟
انس: يعني اعمامي استغلوا الاوراق اللي وقعها ابي وبصم عليها بالغصب من عند الشيخ
سالم: ايوه
انس: المهم ابي كان معه اراضي اكثر منهم ورث من امه وابوه وهم استغلوا وضموهن على اساس حق ابوه المهم لعبوا باوراق خيرات ولقيت بعض الصور
سالم تنهدد وجلس ينفض عودي القات في يده: انت داري يا ابني مااقتهرت على شي ساع مااقتهرت ع ابوك الله يسامحني بس مش داري ماافعل امد ربي لايعاقبني ان انا كنت شاهد على ظلم
انس داخل نفسه وافق تدي لي بنتك واحنا عنحل الظلم هذا بنفسنا
سالم شافه ساكت: المهم لاتقلق ربك كريم
انس: اكيد وانا ماشافلت حقي وحق ابي
سالم: ماشاءالله عليك تصدق كنت كل مااشوفك واتمنى ان كان معي ابن مثلك والان اثبت لي صدق ان ابوك ربي عوضه بك بعد 7 بنات
انس ابتسم: الله يحفظك ياعم
سالم: الله يوفقك مابتدرس قلت لي؟
انس توتر شويه: شريعه وقانون
سالم: ليش الكل هذه السنه معلق على التخصص هذا
بنتي فلتت الطب امد تدرسه
انس حس بتوتر بيحاول يفعل نفسه متفاجئ: اصلا هو تخصص ضخم
سالم: يله تم ادرس وارجع شارع خرج اراضيك
انس: اكيد.. شاف ساعته يله ياعم استأذنك ارجع للدوام استأذنتهم بس ساعتين قلت اجي اسلم عليك واسألك واستفيد منك اكثر قبل مااتسرع واشارعهم
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
06 March 2024 19:07
.
البــارت 113 ○
الثــروة الـمنسيـة 🍀
👌🏻👇🏻 😍
📚 @ 🇾🇪
الشيخ بدأ يتوتر ومعصصصب: بغير جنااان حد دخل البيت؟ ادعي امك وخالاتك كلهن الان
بعد ماتجمعين
ام عمر: يمكن انهن عند ايمن
الشيخ معصب ارتفع له الضغط...
@ المصدر الأول للروايات
في المدينه..
الجده: بيأذن مغرب ! او حين ابوش مابحد عتصيعي لاذلحين
بلقيس مطنشه دخلت غرفتها وقفلت بالمفتاح غيرت ملابسها ولبست ثياب الصلاه وخرجت للحمام
خالتها مرة ابوها جلست متردده تدخل تفتش غرفتها.. دخلت
ام سالم واقفه في الباب: اخرجي يامجنونه مادخلش المكان اوووبهي
مرة سالم نكززززت وخرجت بسرعه: يماااه نسسسسيت يووو
بلقيس فتحت باب الحمام وخرجت شافتهن عند الغرفه واقفات
جدتها: بتصلي؟
بلقيس شافتها: ليش او كافره
جدتها: هذا قلتي مسكونه
بلقيس: بيجوا بعد الصلاه وقت الصلاه بيهربوا
جدتها دهفتها: ادخلي بس وغلقي..
هربين للغرفه وجلسين في رعب فاتحات قران وبدأ يتهيأ لهن اي صوت يسمعنه انه من عند بلقيس
بلقيس تمت تصلي المغرب وفوق سجادتها بتدعي ذكرت الكيس قامت فتحت اول علبه الساعه فرحت وعجبتها.. ثاني علبه... انصددمت
@ المصدر الأول للروايات
الشيخ معصب ارتفع له الضغط..
عمر لحقه بالحبوب وهدأوا الوضع شويه
الشيخ: اتصل لاخوك قل له يجي ذلحين
سمعوا صوت سياره دخلت الحوش وصوت الباب.
عمر فتح الستاره: هذا ايمن جاء
الشيخ: انزل قل له يطلع
عمر: هو عيطلع من نفسه
ام ايمن نزلت تستقبل ابنها وتكلمه
ايمن وجهاله وسميه دخلوا.
ايمن: ولاعندي ورق ولا اعلم بشي
طلعوا لاعند ابوه
الشيخ: اين الورق
ايمن: عاد امي كلمتني وانا مادراني يا اباه هو سالم كان معك
الشيخ: سالم ناولني الاصول وينهن ياجن
عمر واقف وملاحظ كلهن ع وشهن الصدمه والخوف الا زوجة ابوه الاخيره عادي بتلاعب جهال ايمن
عمر: خلاص يا اباه انا دريت وينهن.
الزوجه الرابعه لفتت لعمر
عمر شاف ردة فعلها تأكد من ظنه حاول مايبين لها: اكيد عند سالم
زوجة ابوه تغيرت ملامحها وهدأت
عمر: ارجع اسير لاعنده
ايمن لفت له: ومابين اقلك من اول
عمر لفت له وسكت منه لانه قدام ابوه
الشيخ: ماجابك؟
ايمن: جيت عندك وفلت المدينه امد انتبه لك واعاون اخي
الشيخ سكت
عمر: او شاخبز تعاون
ام ايمن: تكلم مع اخوك بأدب
ام عمر : يسدوا مادخلش انتي
ايمن: انزلين افعلين عشا رضي عليكن
لفتين لها..
الزوجه الرابعه دورها تأففت ونزلت
عمر جلس في الدرج تأكد لما خرجت الحوش.. وطلع غرفتها
امه لحقته: يامجنون اين عتسير
عمر: اص لحد يدرى اسكتي واجلسي هنا راعي لحد يجي
.
.
في غرفتها..
بلقيس بتتفرج الدبله والمحبس !! قامت تتأكد الباب مقفل او لا واتصلت له
انس: الو
بلقيس: ماهو هذا؟
انس: اوالف عدة الخطبه لاعندش هنا شباب ومااركنش اطرح ذهب هنا
بلقيس: بس ليش استعجلت!
انس: استعجلت؟ لو عليا لاجي اخطبش من ابوش ذلحين بس انتي قلتي شويه
بلقيس: خلاص لما يرجع تقدم لاعنده
انس: تمام اهم شي لو ماعجبش سيري غيريها
بلقيس: الا عجبتني قوي بس كيف فعلت بالزلط
انس: جمعيه.. مقاسش؟
بلقيس: شووويه كبيره بس المحبس عليا بيمسك الدبله.
انس: عتكوني لي صح؟
بلقيس: ذاكرت
انس: وقت المذاكره!! عتكوني لي بس صح
بلقيس: قول ان شاء الله
انس: ان شاءالله ع فكره الشميز عليا بالضبط كيف عرفتي مقاسي
بلقيس: بالنظر جلست اقارن.. يعني عليك!
انس: نعم وذوقش روعه عتخلي المعجبات يزيدين
بلقيس: قدو باين هذك اللي معك يخ منها نرفزتني... اطردها
انس ضحككك: ليش هربتي مادخلها اصلا
بلقيس: خفت لاتفعل لك مشاكل
انس: ماتقدرش طبعا هذه قصتها قصه
بلقيس: مالها
انس: بتلف وتدور وتهتم بي ووو
بلقيس بنبرة غيره: ايووووه
انس: بس مااديت لها وش.. تخيلي يوم سارت..... جلس يحكي لها..
الجده جنب الباب: اسمعي صوتها بتسمعي؟
مرة سالم واقفه بعيد: مااشتيشششش اجي ياعمه والله لادخل واقفل عليش
ام سالم: مع راعي ركبي فلتين قد بين اسوووم
يا الله هذه البنت مش انا مرتاحه لها..
@ المصدر الأول للروايات
في القريه..
عمر دخل الغرفه وفتش في الملابس حقها تحت الفرش مابش.. لقي عرض الجدر طاقه صغيره خشب فتحها ولقي اكياس فتح الكيس لقي اوراق ملفوفه بعد الربل منها وبيقرأ بصاير واوراق ناس وبصماتهم..الخ
شلهن وغلق كل شي زي ماكان وخرج.
امه: لقيت؟؟
عمر: ايوه سكته ولاتحاكوا حد ولاتتكلمي بتسمعي
امه: تمام.
من نازل بيصيحوا الجهال: هيا عشااااء
عمر خباهن في الجنبيه وغلق الكوت ونزل..
.
.
في الحوش
ايمن كان بيشرب سجاره ويتكلم في التلفون لمح اخوه فلتت في الارض ورقه رفعها ودخل السياره شويه وخرج ودخل البيت..
ايمن قفل التلفون وجلس ساكت يراقب!!
عمر داخل بيتعشى معهم
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
06 March 2024 19:05
.
البــارت 111 ○
الثــروة الـمنسيـة 🍀
للكـاتبـة: عبيـر الكبسـي
👌🏻👇🏻 😍
📚 @ 🇾🇪
في المدينه.. الصبح الساعه 8
سالم فارح انه بيسافر ودعهم
بلقيس خرجت معه للحوش ودعته ومشيت لجامعتها
زهور جننتها اتصالات
بلقيس في الطريق كنسلت
انس رسل لها: بدأت المحاضره وين انتي
بلقيس وصلت الجامعه: الان وصلت خلاص عادي بدخل من بعد الاستراحه(نص المحاضره الثانيه)
خرج انس واقف شافها بتمشي مبتسم
بلقيس بتمشي
واحد من الطلاب: لو سمحتي يابنت هذا دفترش
بلقيس وقفت شافت الدفتر: لا؟ مشيت
الشاب رجع لاعند اصحابه وبيضحكوا
انس تغيرت ملامحه فهم انه بيتهيبل الولد معها اتصل لها: مايشتي منش؟ بيعاكسش؟
بلقيس: مع قال لي الدفتر حقش قلت لا بس
انس: انتي داريه انه بيتهيبل هو وخبرته التفتي.. ولاتكوني تجاوبي من مره
بلقيس التفتت تشوفهم واقفين وبيكرروا التصرف مع البنات: تمام.. الله يقلعهم فرغ
انس: اصتبحتي؟
بلقيس: عاد انا وصلت الآن
انس: كيف للآن بدون صبوح قدو ظهر تعب عليش
بلقيس: الآن بعد المحاضره شاكل اي شي
انس: لاااا.. اسير اشتري لي انا وانتي صبوح مافي نفسش؟
بلقيس: ولاشي لاتتعب نفسك
انس: يلا قفلي يا تتعب نفسك.. ولا بتهتم بنفسها ولا شي
بلقيس: ياسعم ان انا في المدرسه
انس: وزد لقانه هيا بعيني.. بيباي
قفل
بلقيس دخلت عند البنات صاحباتها وبتشوف منهن ايش اللي فاتها في بدايه المحاضره كتبت سريع
وجاوبته
انس: جي اخرجي لاعند الكراسي اللي قدام البوفيه
بلقيس عقدت حواجبها وقامت: ليش
انس: شلي الكيس هذا
بلقيس: ماعه مش من يدك
انس: خلاص اطرحه وشليه
بلقيس خرجت بسرعه شلت الكيس
انس بيكلمها في التلفون: اصيح واقلهم سارررقه
بلقيس شافته والتلفون في اذنها وبتضحكك
انس: مااحلى ضحكتش بتبان من عيونش
بلقيس انحرجت ومشيت بسرررعه رجعت لاعند صاحباتها فتحت الكيس: واوو جوعت من الشم تسلم
انس: هيا اصتبحي والمره الجايه تصبحيني من يدش
بلقيس: تمام
انس شاف الساعه: يله مابش وقت كلي بسرعه
بلقيس: تمام بعد المحاضره هذه شاسير استلم شيك بصرف راتبي من الجامعه تقدر تجي معي
انس: اكيدددد.. يله اصتبحي ذلحين وبعدا نتفاهم باقي خمس دقايق ونرجع للقاعه بتبدأ المحاضره
بلقيس بتاكل وتكلمه: تمام
انس سمعها وضحك قفل وبياكل
بلقيس تمت تاكل في طريقها للمحاضره: قفلي الآن معي محاضره اتم واجي لاعندش اليوم شارقد عندش
زهور صاحت بفرحه: امانه
بلقيس: والله
زهور: قدو تكلمي المشرفه بتسأل وين انتي
بلقيس: تمام قفلت ودخلت
@ المصدر الأول للروايات
في البيت
الجده: اي حين عتروح الجنيه
مرة سالم: اي حين ماروحت ماعلينا تغدي ياحجه.. جوعت المطبخ عندها تدخل تفعل لنفسها
الجده: انا الصدق مفتجعه يابنت لايجوا يزغطونا انتي داريه ان امها وجدها وكلهم كانوا عايشين جنب البير والبير مسكون
مرة سالم: يووو صددق قالين لي نسوان الحاره ان به كنز هانك وذهب وان الجن بيحرسوه
الجده: يا لطيف الطف بنا الصدق تدخل وتقفل ع نفسها واحنا نتم ونرقد كلنا في مكان
.
.
بعد المحاضره مشيت وانس قدامها وراحوا لمكتب شؤون الطلاب
انس: هاتي بطاقتش ادخل اعامل وانتي راعي لي هنا
بلقيس خرجت البطاقه شافت صورتها: وصورتي!
انس: سهل شاغطيها منه
بلقيس: كيف اغطيها منك
انس: لاتغطي شي اعرفش باصم لش بصم هو صدق قلي لي ليش ماكان معش فاين وانتي صغيره
بلقيس جلست تضحككك
انس شافها بتضحك ويتلفت لحد يسمع بيضحك معها ويبهرر لها تسكت
بلقيس قلبت البطاقه وناولته: الله يسامحك بس
انس شلها ودخل: انتي راعي لي هنا داخل زحمه
بلقيس: عيرضى يصرف لك؟
انس: اعامل امد وبعدا توقيعش ادخلي
بلقيس: تمام
انس شلها ودخل لاعند الموظف
الموظف خرج الكشوفات واشر على اسمها: فين هي؟
انس اشر له للباب: هذك خارج مراعيه
تلفت حوله طلاب وواصل كلامه: مع الزحمه دخلت انا
الموظف: وانت من! اخوها؟
انس ضبح من فلسفته: مابش معها اخوه انا ابن خالتها
الموظف: البطاقة
انس: خرجها وماسك ع الصورة
الموظف تأكد وسجل الرقم
انس خباها في جيبه
الموظف: تجي توقع هنا
انس خرج لاعندها وقريب منها بصوت واطي: قلت له انش بنت خالتي.. ادخلي وقعي واخرجي
بلقيس كانت محرجه منه قريب منها لاول مره مرتبشه متوتره.. دخلت معه
الموظف ناولها الورق
وقعت واستلمت منه الورق بأمر صرف وخرجوا
بلقيس بتمشي بعيد منه شويه
انس: يعني اليوم الغداء عليش
بلقيس: ماتشتي قرم (اقراص مثل الخبز) ولبن
انس ضحك: خورتيني تصدقي
بلقيس: محد يخورهن
انس: من يد عمتش غير
بلقيس استغربت: من عمتي
انس شافها بنظره: عمتش امي
بلقيس نزلت راسها وابتسمت: نسيت اقلك خلاص ابي قال عيرد خبر لابن عمي
انس فرح وبيمشوا ع نزلتهم: الآن نسير البريد تصرفي الفلوس؟
بلقيس: تمام بس اخطى قبلي مانمشي سوا
انس: تمام
📚 @ 🇾🇪
Читать полностью…
روايات يمنية📚🇾🇪
06 March 2024 14:34
.
البــارت 109 ○
الثــروة الـمنسيـة 🍀
👌🏻👇🏻 😍
📚 @ 🇾🇪
بلقيس: اول تقل لي مرتاح والان محترم اين اهم برأيك
سالم: كلهن اهم شي ولد حق طلبة الله ومحترم
بلقيس بتتخيل في ذاكرتها بهذه المواصفات انس: خلاص انت اخبر بس انا مش موافقه ومااشتيش الان انخطب او اتزوج قل لهم يراعوا
سالم: خلاص بس ادي موافقه مبدئية؟
بلقيس: لا
سالم فكر بينه وبين نفسه دلع بنات وقرر يسد هو وعلي وهي عتقتنع معها معها.
يله قومي ذاكري والا افتهني والا ماشتيتي وانا اسير اتغدا واصلي واخزن شويه وارجع العمل
بلقيس هزت راسها تمام.. وبتتفرج الغرفه كيف مرفوسه وكيف تجلس فيها وهي هكذا !! اباه؟
ابوها لفت: مالش
بلقيس: حرام اغلق غرفه اخوتي ومابش اين يلعبو اين الغرفه الفاضيه سهل شاجلس فيها احسن
ابوها: تمام على راحتش سيري.
بلقيس خرجت معه.
@ المصدر الأول للروايات
في المعرض مبسوط ورجع لطبيعته
مرام: كيفك اليوم؟
انس: بخير كل يوم ليش في شي؟
مرام ضحكت: لا مابش شي بس انت واحد اناني وبس مشيت من جنبه
انس جلس يسمع كلامها ويتعجب هي بتبدا وهي بتحنق وهو مش مدي لها وش.. جالس يفكر بكلام بلقيس وانه ما سامحته الا واكيد بتحبه ذكر الكلام اللي قال لها وانحرررج وحس بندددم للتسرع اللي سوا.
.
.
في المحل بعد المغرب..
علي جالس مخزن
سالم: انت قلت ماعتخزن !
علي: والله ياعم غيرت رأيي شويه قلت اليوم اخزن واتكلم معك في موضوع
سالم: خير مالك
علي: ولاشي.. انت زد تحاكيت معهم ع الخطبة؟
سالم ضحك: شكلك مستعجل بنقلك حتى لو وافقت عاد العرس شويه.
علي: ياعم تشتي الصدق
سالم: خير
علي: الصدق انا ماكنت اشتي اتزوج ومعي واحده احبها ومنعتها جامعه ومعهد وخليتها تجلس في البيت واستمعتني واشتي اخطبها مااشتيش اظلم بنتك معي بس هو ابي مصمم الله يهديه قلت نحلها بيننا
سالم سكت شويه: خير مفروض كنت تتكلم معي من قبل مش تسكت لذاحين
علي: عاد احنا ماقد خطبنا ولا شي
سالم ساكت
علي: المهم ياعم ذلحين مارأيك امد تسامحني تسافر معي
سالم ضحككك
علي: يعني ما افهم
سالم: من قال زعلت
علي: ولو ماكان يسبر اللي فعلته المهم عتجي معي اقطع لك تذاكر!
سالم: والله كم نفسي اسافر اقطع بس
علي: خلاص تم اجهز كل شي وانبيك.
@ المصدر الأول للروايات
بلقيس رسلت له: ذاكرت؟
انس: لا وانتي؟
بلقيس: يعني شويه شكلي من الضبح شاحفظ الكتاب غيب
انس ضحك: خلاص بكره ذاكري لي انتي
بلقيس: احلم
انس: وبتضحكككي ياسلام
بلقيس: لو تشوف ايش فعلت
انس متحمس معها بتتكلم بصوت هادئ: خير ؟؟؟
بلقيس: اول اسألك
انس: اسألي
بلقيس: لو اقلك انا فيني جن وبتجي لي حالات وافهم على المجانين عتفتجع مني..
انس: لا شاحبش مجنونه واحب الجن حقش والكل
بلقيس ضحكت: يعني فشلت الخطه
انس: اي خطه !
بلقيس جلست تحكي له بصوت هادئ اللي حصل مع ابن عمها
انس ضحككك: اكيد عتتفركش بس انا لانه احبش راضي بش وجنانش
بلقيس سمعت فتحة الباب خبت تلفونها بسرعه وماسكه الكتاب.
دخلت جدتها: صرفوا كل شيطان بتحاكي نفسش
بلقيس: بين احاكيهم
جدتها صاحت: ياساتر يا الله اعوذ بالله.. خرجت وقفلت الباب
بلقيس شلت التلفون سمعته عادو موجود بيضحك
ضحككككت معه
انس: عتجننيهم يابنت
بلقيس: خليهم مايجوا الا بطريق المشعوذين هكذا اتخلص منهم.
انس: اهم شي انش لي لو حتى توقعي جنيه.
.
.
بعد ماوصل سالم...
امه: ياابني بنتك فجعتني
مرة سالم: ليش
سالم قام للغرفه فتح الباب خير فيها شي!
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
06 March 2024 14:29
.
البــارت 107 ○
الثــروة الـمنسيـة 🍀
👌🏻👇🏻 😍
📚 @ 🇾🇪
زهور ضغطت اتصال ورجمت لها التلفون وضحكت
بلقيس انصدمت وشافتها وبتسأل ليششش
زهور: هيا لاتكبري الموضوع خلاص اللي بينكم اكبر من سوء فهم ولحظة غضب جاوبي هيا
انس: الووو
بلقيس: الو.. هي زهور اتصلت بك
انس: بلقيس لاتقفلي دقيقه ادي لي فرصه اتكلم لاتكرري غلطتي اولا انا اسف واعتذر منش والاعتذار قليل في حقش انا غلطت سامحيني
بلقيس ساكته بتسمع بدون ماترد
انس: انا عارف ان اللي فعلته كان بقمة الحقاره فيش والله اسف مدري كيف كنت غبي هذك اللحظه مااعرف ليش فكرت بغباء
بلقيس: خلاص غلق الموضوع الان
انس: صدق يشتي عمي سالم يخطبش لابن عمش؟
بلقيس: ايوه
انس: طيب انا شاسير لاعنده قلي لي فين هو واكلمه
بلقيس: لاتفعل مشكله اكبر عيشك ان احنا مع بعض ونعرف بعض
انس فرح من ردها هذا معناه سامحته!! بتحبه!! نسي الموضوع وقال: بلقيس ماعد انتي زاعله مني؟
بلقيس: الا
انس: طيب بس تحبيني صح!
بلقيس: لا
@ المصدر الأول للروايات
انس: صدقيني لو ماكنت احبش والعب عليش ماتفرق معي تكوني مع حد بس انا حسيتش خلاص حبيبتي خطيبتي جننت هذك اللحظه يامنعاه لايخلي الموقف هذا يعميش من حبي لش وخوفي عليش
بلقيس ذكرت اهتمامه بها وحبه الصادق لها: آخر مره لك يا انس تفكر والا تشك والا تتهور بأي شي صدقني المره الجايه ماعد اسامحك ولا ابقى معك لحظه واحده انت صغرتني جدا في نظر نفسي حسستني ان انا واحده غيرر
انس: اخر مره وعد.. حتى لو شفتش مع حد ماعد اشك او افهم غلط بدي لش الف مبرر لان انتي غيررر
بلقيس: طيب انا برجع البيت لاتكون ترسل او تتصل
انس: وابن عمش الان كيف نفعل به يووو لو تعرفي كم نفسي اقتله واضربه زي مافعل هذك الموقف بش
بلقيس: مادخله هو ابي السبب
انس: ناهي لاتبرري له وهو مجنون يجي هكذا فجأة يفعل
بلقيس: وانت كنت اخس منهم كلهم
انس: يا جناااه كل مااحاول انسيش تذكري قوا انسي اللي حصل يامنعاه
بلقيس ضحكت: خلاص طيب
انس: ماانحرم من الضحكه والصوت والقلب الطيب هذا قلي آمين
بلقيس: ماعه
انس: طيب كيف اكلم عمي سالم قبل مايوافق
بلقيس: انت ولاتفعل شي انا بتصرف بطريقتي
زهور سمعتها وبتجاوب: كذابه بطريقتي انا
بلقيس ضحكت: المهم خلاص ننسى اللي حصل
انس: طيب اكلتي؟
بلقيس: ايوه
انس: مرتاحه في بيت ابوش؟
بلقيس: لااا
انس: سهل فتره تحمليها اهم شي خلاص تجي الجامعه واول ماتقلي جي يا انس عتشوفيني قدام الباب
بلقيس ضحكت: ان شاءالله
انس تنهد: واخيرااااا هم وانزاح من قلبي الله يفرج همش مثل ما رجعتي ورجعتي الروح لقلبي
بلقيس: يارررب
انس: يله استأذنش اسير الحق الصلاه واي وقت تحتاجي شي او فاضيه وضابحه رسلي لي انا ماششغلش ((نسامح لإننا نحب بصدق ولكن لمرة واحده))
بلقيس: تمام.. مع السلامه
انس قفل
زهور نبعت صاحت وحضنتها: ايوه هكذااا
بلقيس ضحكت: يامجنووونه هيا نتغدا واجهز كتبي اروح اذاكر مااشتيش اشوف صورهن هانك
زهور: هياااا اسير ادي الغداء وانتي تجهزي بس
@ المصدر الأول للروايات
سالم غلق تلفونه وشاف ابن اخوه: خاطرك اسير اروح البنت من الجامعه
علي طرح اللي في يده الشواحن: خلاص اقفل نسير نتغدا ونرجع عصر شاوصلك ع طريقي ياعم
سالم فرح شافها فرصه تشوفه بلقيس اكثر وتوافق بدون مشاكل
في السكن..
بلقيس حضنت زهور: عتوحشيني لبكره يله اسير الجامعه اصور محاضرات اليوم وابي عيجي لي
زهور: بكره تداومي وبطلي جو النكد اللي انتي فيه اهم شي سديتي مع انس وموافقين تدرسي
بلقيس: اكيد بس انتي مش داريه لسانهن
زهور بعدت سماعتها من فوقها والمسجله الصغيره وناولتها: اجلسي واصل بهن ولاتسمعي حد
بلقيس ضحكت: مع خليهن خلاص شادعمم
زهور: والله لاتشليهن يله سيري لاتتأخري
بلقيس: مع السلامة
على خرجتها من السكن حست شعور غير لما دخلت وشعور امس والموقف اللي انحطت فيه.. ليش مش حاسه بخوف وحزن انها راجعه للبيت اللي خافت ترجع له ! معقول عشان الشخص اللي بتحبه وبيحبها ومهتم فيها منسيها كل شي
يعني مشاعري امس ماكانت انه زعل ارجع مع ابي.. كانت الصدمه اللي من انس!
دايما تسألني لو احبك او لا ياريت وعندي الجرأه اقلك اني مش بس احبك مشاعر مااقدر اوصفها لاني عايشاها معك.. لما امشي كل خطوه واحس انك معي فيها ، لما التفت لأي زاويه القى نظراتك بتشاكسني بها
انت مش بس حب انت شخص عايش معي وداخلي وتفكيري واحساسي وكياني ياريت وانا اقدر اشرح لك حبي لأن كلمه ماتكفي
نسيت بشاعه الغيمه السوداء اللي حصلت بيننا.. وبررتها لك سوء فهم يا أنس لاني احبك لان مواقفك معي وبطولاتك كانت اكبر من ثواني وسوء فهم وغرور وكرامه وشك وكل شي لازم نتنازل لبعض شويه ونتفهم بعض انس الشخص اللي ماعد بخسره بحاول اثبت قوة شخصيتي اللي تمنيتها به
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
06 March 2024 14:27
.
البــارت 106 ○
الثــروة الـمنسيـة 🍀
👌🏻👇🏻 😍
📚 @ 🇾🇪
بعد ماوصلت باب الجامعه ترددت تدخل حست بكل اللحظات اللي جمعتها به وفرقهم موقف كسر نفسها منه رجعت من البوابه ومشيت لطريق السكن
انس كان مراقبها من بعيد كان منتظر الصبح بدون نوم ، كان عنده أمل ترجع تداوم يفهمها يكلمها بس ماعد عنده جرأه يلاحقها نفسه يوفي بالوعد اللي وعدها بس خايف تفهم غلط ويجرحها انه بيراقبها
(( كان الأمر عاديا
وليس كما ظنيت
ولكنه أصبح عاديا
بعد
معارك هجمت على عقلي
حينها .. عانيت الف كسرا في قلبي والف دمعة ترغب بالسقوط عن عيني أن لا ترحلي من قلبي .. هكذا بين ليلة وضحاها
استنزفت كل مشاعري
دفعة واحدة وكان الأمر جدا عاديا .. الا ألف تبا لي ..!! ))
بلقيس طلعت السكن دخلت غرفتها جلست تبكي.. وصل لها اتصال.. بلقيس شافت رقمه طنشت دخلت غسلت وجهها وفعلت لها سندوتش واكلت ورقدت..
زهور وصلت وشافت انس جالس ع الرصيف المقابل للسكن: ليش جالس هنا ماكفاكش اللي حصل !
انس: لو سمحتي فهميها انتي وعقليها الآن هي فوق
زهور: ليش جالس بتراقبها !!!
انس: مش اراقبها كنت قلق عليها وخايف والله كان نفسي اكلمها بس ليش ماداومت !
زهور: مدري المهم انت لاتلحقها هنا ولا مكان وهي عتهدا من نفسها وتكلمك.. مع السلامه.. طلعت
انس قام ومشي وخرج من الجامعه.
زهور فتحت باب الغرفه دلا شافتها نوم خلتها براحتها واتصلت للمدرسه تعتذر من غيابها هي وبلقيس..
بلقيس سمعتها وقامت.. جلسين يتجابرين وزهور تبرر لأنس وتقنعها تعذره وانه بيحبها وبيغير عليها وو...الخ
بلقيس غيرت موقفها شويه بعد ما زهور جلست تفهمها موقفه واللي قاله لها.
بلقيس: بس ايش الفايده خلاص ابي عيزوجني بابن عمي
زهور: وانتي غبيه مابش معش رأي هذا وانتي بتدرسي قانون محد يقدر يجبرش على شي ماتشتيه
بلقيس: يا زهور انتوا عندكم في المدينه غير عندنا البنت ماتختار ولاترفض ولاتقل كلمه
زهور: وعندكم مابش بنات بيكملين دراستهن الا قليل وانتي كنتي المميزه وواصلتي وتعبتي والآن تقدري تفرضي رأيش عليهم
بلقيس ساكته
زهور: يعني هذك كان ابن عمش اللي يشتيش؟
بلقيس: ايوه
زهور: طيب كلميه انتي
بلقيس بتشوفها ساكته
زهور: مني صدق قلي له انا مش موافقه وابي هو اللي مصمم ليش ماتدور حد غيري
بلقيس: اخزا اكلمه وكيف وفين ماينفعش
زهور: تقدري بس شكلش راضيه خلاص انتي حره
بلقيس: كم الساعه؟
زهور: 12 الظهر ليش عتروحي؟
بلقيس: اكيد قلت لابي شاتصل له
زهور: مش انتي مستعجله اجلسي نتغدا سوا وذاكري اللي فاتش وروحي
بلقيس: شاكون اجي هنا حتى لو مابش معي محاضرات
زهور فرحت: يله انتي اليوم ضيفتي ايش افعل لش غداء
بلقيس ضحكت: ولا شي قلي لي اسامح انس او لا
زهور: من رأيي سامحيه ماله ذنب ولو انتي بموقفه اكيد عتستغربي وتشكي فيه وتزعلي
بلقيس هزت راسها: ايوه
@ المصدر الأول للروايات
في المحل..
علي شاف عمه
سالم: تأخرت وصلت بلقيس الجامعه وجيت
علي: عتخليها ياعم تتم الجامعه
سالم: ايوه
علي: وبعد الزواج كيف
سالم: اكيد شرطها تتم
علي: بس ابي خصمه في الجامعه ماخلا حتى خواتي يدرسين
سالم: بنتي غير ماشاء الله ذكيه
علي: بس ماكملت طب
سالم: واختارت قانون وهذا اللي عينفعها ما خرجنا من القريه لهنا الا لانه مابش قانون ولاحقوق لنا
علي: والله مالي علم بشي سد انت وابي
سالم: وانت ايش موقفك
علي: انا للأمانه مااشتيش مرتي تدرس وتشتغل ولا شي
سالم: خلينا في العمل الآن وكل شي من وقته
علي: انا جاهز اي وقت تردوا خبر نجي نخطب
سالم: اليوم شاكلمها وبعدا سهل
.
.
في القريه..
جالسين المزارعين بيتفرجوا عمر بيحاسب المقاول والعمال
واحد منهم: 3 ادوار طلعين في شهر سبحان الله
والثاني: واحنا مراعيين لهم شهر ونص وحقنا ماوصل
الثالث: عندي فكرة ما رأيكم نخارج نفسنا احنا كنا معهم صادقين وهم زادوا علينا
الثاني: مانفعل
الثالث: نبيع من حال اللي بنقطفهن ونخارج نفسنا
الاول: وناكل حرام
الثاني: ايش من حرام هذه ارضنا حقنا وين كان مخ اخوك وابي لوما وافق للشيخ ليش بيتحكم هو
الاول: والله مانا داري مااقلك ياخي البن كان يخارجهم زمان
الثاني: زمان ذلحين مايخارج الا القات صدقني
الثالث: المهم انا شاخارج نفسي وانتوا اجلسوا راعوا لحقكم يوصل بعد الطرحه الرابعه حق الجاهل هذا واشر لعمر
.
.
في بيت الشيخ..
عمر بيكلم نفسه ابي قد صحته تاعبه وايمن معه تجارته وانا لازم اوثق لي كم قطعه ارض بإسمي بس اين القى الورق الاصل.. جلس يفكر طلع غرفه ابوه ودخل يدور فيها..
.
.
في السكن..
انس رسل لها رساله ممكن لو انتي فاضيه تجاوبيني
بلقيس ورت زهور الرساله
زهور ضغطت اتصال ورجمت لها التلفون وضحكت
بلقيس انصدمت و...
📚 @ 🇾🇪
Читать полностью…
روايات يمنية📚🇾🇪
06 March 2024 14:25
.
البــارت 104 ○
الثــروة الـمنسيـة 🍀
👌🏻👇🏻 😍
📚 @ 🇾🇪
الباب بيدق بقووه
سالم: مانشتيش شاهي سيري ابسري الجهال
مرته سارت لاعند عمتها: يعلم الله مابتعلمه وتشكي له ياعمه مقفله الباب
الجده: رجعت من اولها بجنان ومشاكل الله يخارجنا
@ المصدر الأول للروايات
في المعرض..
انس بيتصل..
بلقيس سمعت تلفونها خااافت فتحت شنطتها وطفته
ابوها: من بيتصل؟
بلقيس: صاحبتي بتقلق اين انا
ابوها: كيف بتقلق وهي كانت معش؟
بلقيس ارتبشت: واحده ثانيه
ابوها: المهم الآن ترجعي وعيشي هنا وسيري الجامعه وافعلي مااشتيتي بس سكن ماشي.
بلقيس: مااشتيش ماعيخلين لي حالي وانت داري
ابوها: ماتدخليش بحد ومعش غرفه لاراسش
بلقيس بتبكي: مااشتيشششش
ابوها: تحملي امد عتنخطبي وتتزوجي وتفتهني من التعب هذا كله
بلقيس: بس مااشتيش ولا انا موافقه
ابوها: خلص الكلام انا سايري العمل تحتاجي شي؟
بلقيس: مطنشه وبتبكي
ابوها: لو تشتي تجلسي في الديوان لحالش براحتش وبكره نسير ادي كتبش وثيابش
بلقيس بتبكي ومستسلمه
سالم فتح الباب وخرج...
بلقيس قفلت على نفسها بعده وجلست تبكي
لفت نظرها صور اخوتها اللي ماتعرفهم معلقه في الجدر.. فتحت الستاره وبتشوف من الطاقه ابوها خرج وقفل الباب.
جلست بعدت البرقع وفتحت شنطتها خرجت التلفون ولعته واتصلت لزهور..
زهور: طمنيني قلقه عليش
بلقيسجلست تشكي لها..
.
.
في المعرض..
جالس معصب وضايق وحاسس بغمووووض ايش بيحصل كل شويه وتلفونها طافي..
وصل له اشعار تم تسليم الرساله.. اتصل لها مشغوووول
بعد ماقفلت مع زهور...
بلقيس شافت رقمه ردت: الو
انس: ليش تلفونش مشغول ومقفل ايش في ممكن تفهميني الموضوع انا على اعصابي وشاجنن
بلقيس بصوت واطي بتتكلم: عتجنن ليش قد جننت خلاص كفيت ووفيت واشتي اقلك لاعد تتصل بي رجاء
انس: مابين اسمعش ليش بتتكلمي هكذا ! اقلش انا قلق عليش وللآن مانسيت الموقف ممكن تفهميني
بلقيس: طيب بفهمك بس بعد ماتفهم لاعد تتصل ولابيننا شي خلاص
انا الآن بيتنا عند ابي ، اللي شفته ابن عمي اللي رسله يراقبني وطلع معي التكس وكان عيشلني لاعند ابي افتهنت ! اتطمن مش انا صايعه اطلع واصاحب اي حد مش معناه انه اديت لك وش وكلمتك اكلم غيرك.. للاسف ماتوقعتك هكذا ، رجاء لاتتصل عشان لا اضطر اغير رقمي.
انس منذهل حس بالندم في كل لحظه فكر فيها وكلمها هكذا تمنى لو ماتسرع او تصرف او فعل شي لما شافها: بلقيس
بلقيس: رجاء اقلك غلق الموضوع وخلاص كل واحد في طريق
انس: رجاء قدري موقفي بين اشوفش بتمشي وواحد بعدش اول شي مافكرت بشي خالص فجأة اشوف طلع نفس سيارتش وانتي ولافعلتي شي اتصل ولا تردي ايش تفسري هذا كيف ماتشتي اغير عليش وافهمش غلط.. رجاء حسي بي
بلقيس: ماعد ينفع الكلام خلاص ذلحين.. مع السلامه.. قفلت..
انس عصب ومسك التلفون بقووووه جلس يرزعه في الجدر.
المحاسب شافه وخرج للباب لاعنده: مالك خير في شي؟
انس رجع التلفون جيبه وحاسس بقهر وخوف عليها: ولاشي يا اخي غباء والله غباء.
المحاسب: مالك؟
انس: خلاص ولاشي ينفع اروح؟
المحاسب :طيب روح الله معك
انس دخل شل الجاكت حقه
مرام: انس
انس طنشها وخرج
المحاسب على خرجته: الله يفرج همك
انس مشي وحاسس بقهر عمره ماحس به من قبل دخل البقاله اشترى سجاره وخرج جلس يمشي ويكلم نفسه ايش التهور اللي فعله ليش ماتفهمها ليش ما انتظر تبرر له ليش ما سأل.. كيف يفكر في واحده عرفت معنى الاعجاب والحب معه كان هو البدايه في حياتها كيف واحده مثلها تخون!
انا غبي واستاهل والله.. جلس ينفخ السجاره وخايف ان ابوها يحرمها دراستها.. نفسه يتصل يعتذر لها الف مره بس خايف عليها يفعل لها مشاكل.. (( وفي الغياب نعزف اوتار الندم ))
.
.
في الديوان جالسه تسمع صياح جدتها من ورا الباب: افتحي ماعناكلش مالش هكذا !
خالتها: ماقدلها يوم وقد بتفعل هكذا
بلقيس مطنشه تعليقاتهن وسارحه في كلام أنس ومشاعرها له (( أتمنى لو أخبرتك اني بدونك
كنت وعدت أعيش بخوف ،
ولكن..!! غدرت بنا الظروف.
بك بدأت قصة حب لم تكملها الحروف💔))
@ المصدر الأول للروايات
في المحل مخزنين وبيتكلموا..
سالم: وبس كلمتك كل اللي حصل عشان تعذر موقفها لو حصل بينكم نصيب
علي تعاطف مع بلقيس: الله المستعان ياعم حين صدقت جدتي ومرتك والله انه ظلم لكن الآن عين الصح مافعلته اهم شي انك رجعتها
سالم: خيرة الله اللي حصل حصل والآن هي عاقله وعتعرف تتصرف معهن وتخارج نفسها اهم شي فعلت اللي عليا.
علي: الله يتمها على خير واوعدك انك تتطمن عليها.
سالم: الله يكتب مافيه الخير خليها شويه لوما تتأقلم على الوضع وبعدا نحدد موعد.
علي: ان شاءالله
سالم: ...
📚 @ 🇾🇪
Читать полностью…
روايات يمنية📚🇾🇪
06 March 2024 14:22
.
البــارت 102 ○
الثــروة الـمنسيـة 🍀
👌🏻👇🏻 😍
📚 @ 🇾🇪
زهور مستغربه فين صاحبتها تتصل لها مقفل ومش في الجامعه ولا راحت المدرسه وصلت السكن مش موجوده خافت وقلقت بدأت تفكر معقوله ابوها وصل لها !! كيف اعرف..
رغم انها مشيت من جنب انس بس ماانتبهت له ولا هو ركز عليها
@ المصدر الأول للروايات
في القريه بيت الشيخ..
عمر وصل وبشويه هنجمه بيوري ابوه كيف تفاصل مع مقاوته جداد وكيف بيغير الوضع ويزيد الزراعه ويدي لهم حقوقهم: يعني يا اباه لاتقلش بين العب ايمن بيجي يجلس يحرضهم عليا
الشيخ: اخوك؟
عمر: ايوه قالوا لي خبرتي انه بيجي يقلهم اعترضوا على عمر جعجعكم ومش فاهم بشي
الشيخ: وليش عيقل هكذا والارض حقنا كلنا
عمر: لانه ماتعب فيها ولا شقي مثلي ومثلك فلتك وحدك وسار بالزلط اللي اديت له فتح له تجاره وبياكلها وحده.
الشيخ: الله لاوفقه ولاهو ابني ولا عد له دخل في الارض اسمع الاوراق كلها تدورها ودور سالم من الجن دور اخوته واوصل لهم وشلهن
عمر: تمام مافيهن الورق هولا
الشيخ: هولا الورق مهمات قوي لما تلقاهن انا شاقلك.
عمر: اهم شي اشتي توقع هنا انك وكلتني في شؤون القريه واهلها وكل شي لان مش انا ضامن اخي يفعل مشاكل
الشيخ: ادي الورقه
عمر اطرح يدك هنا (( الختم )): وابصم
الشيخ بصم..
@ المصدر الأول للروايات
بلقيس دخلت الحاره اللي من هذك الجهه وشافت تكس وقفته وطلعت معه: الجامعه سريع لو سمحت
صاحب التكس بيتلفت: مالش !
بلقيس: امشي سريع اقلك مش وقت
صاحب التكس: مالش او به حد بيلاحقش؟
بلقيس: ايوه واحد مااعرفه يشتي اطلع السياره معه صميل
صاحب التكس: وين هو وانا انزل اربي ابوه الصميل جنبي
بلقيس: مااعرفش هربت منه لاتنزل ولاعد تدوره اخطى ياحج لو سمحت فيسع.
صاحب التكس مشي.
علي ذكر انها بترجع الجامعه وسكن البنات طلع تكس ورجع
بلقيس فكرت ماتروح للسكن بما انه عرف انها في الجامعه فاكيد ابوها هانك منتظر
السواق: اين اسير؟
بلقيس قررت تروح المكتبه المركزيه: امشي يمين
ونزلت حاسبته ودخلت المكتبه..
زهور كان اخر مكان تدورها فيه في المكتبه نزلت من السكن وهي خايفه عليها بتمشي
انس شافها استغرب فين رايحه يشتي يسألها وين بلقيس وايش حصل معها !
كانت تمشي بسرررعه
انس مستغرب فين رايحه وكمل الدوام !! تذكر وهي في طريق المكتبه المره الاولى لما تخبت فيها
مشي وأسرع من زهور
بلقيس كانت خايفه وبتبكي ومقهوره من أنس اكثر من ابن عمها وابوها لو لقيها.. مخبايه في زاويه جالسه في طاوله وقدامها كتب ومنزله طرحه البرقع وبتبكي.
انس دخل المكتبه وبيتلفت
زهور دخلت بعده ومشيت لكل بقعه وفي الاخير شافت واحده جالسه لوحدها راحت لاعندها قربت شافت شنطتها فوق الماسه
بلقيس شافتها وبكيت
زهور خااايفه وحضنتها: مالش ؟؟؟ ايش في وقفتي قلبي مالش
بلقيس ماقدرت تتكلم اخيرا لقيت حضن تبكي فيه
زهور بتهدأها ودقات قلبها بتزيد: بلقيس مالش ايش حصل تكلمي خوفتيني مالش
انس كان واقف من بعيد بيشوف ومعصب مش قادر يفهم سبب بكاها فكر انه خافت عشان شافها
زهور بنرفزه: تكلمي بس بكاء
بلقيس: راعي حاسه نفسي مكتوم مش قادره اتنفس
زهور رفعت لها البرقع شويه يدخل هواء وبتهوي بالورقه
انس متردد واقف يمشي او يرجع ويخرج؟ يتفاهم معها ويعاتبها والا يمشي لايحرجها اكثر قدام صاحبتها
زهور مسكتها: قومي نخرج خارج تننفسي شويه هنا ماينفعش نتكلم
بلقيس: خايفه يشوفني
زهور شافت انس واقف وفكرت ان في بينهم مشكله: ولو شافش محد يقدر يفعل لش شي امشي هيا قدام المكتبه نجلس
بلقيس قامت معها وبيمشين..
انس منتظر لما تمشي من جنبه تبرر موقفها وتشرح ايش اللي حصل
بلقيس شافته ومشيت وعيونها حمراء من البكاء..
انس شافها ماعبرته حنق فلتهن ومشي
قدام المكتبه واقفات شافته زهور مشي: ايش حصل بينكم
بلقيس رجعت تبكي
زهور ضبحت فلتتها: اسير ابهذله والله لابهذله
بلقيس مسكتها: اصبري افهمش ايش حصل.. بدأت تكلمها كل اللي حصل
زهور: يا الله.. الحمدلله انش هربتي منه ذلحين مابش حد قدام السكن ابوش مابحد جي نروح قبل
بلقيس: متأكده
زهور: ايوه والله محد جاء
بلقيس: هيا نمشي بسرعه
زهور: طيب اتصلي فهمي انس ماذنبه وهو غار عليش هذا دليل انه بيحبش
بلقيس: لااا يغير عليا بس مايفكر فيني هذا التفكير وهو داري كيف انا
زهور: خلاص مش وقت امشي بسرعه وبس
@ المصدر الأول للروايات
قدام السكن بعد ما اتصل لعمه وقال له كل اللي حصل.. منتظرين لبلقيس بعد ماسألوا مسؤول السكن والمشرفات وقالوا عادها ماروحت.
.
.
في المعرض
انس شاف الزباين ولا قام زي كل مره مطنش
مرام: معك زبون
انس: شوفيه
مرام قامت بدله و...
📚 @ 🇾🇪
Читать полностью…
روايات يمنية📚🇾🇪
07 March 2024 19:13
.
البــارت 128 ○
الثــروة الـمنسيـة 🍀
👌🏻👇🏻 😍
📚 @ 🇾🇪
في البيت...
سالم وصل ومسرع: البسي سريع يله
بلقيس: ليش؟
سالم: امي في المستشفى مرقده واخوتش مابش من ينتبه لهم هيا ارجعي معي اوبهي لهم
بلقيس: يا اباه لابيستمعوني ولا
سالم معصب: سررريع امي يمكن تموت اي وقت مش انا فاضي للغاجه ذلحين
بلقيس سكتت وقامت لبست ومشيت معه.
.
.
في بيتهم..
امه: تصدق رجعت لي روحي حين ابسرت ارض ابوك رجعت يا انس
انس: وهذا بيتكم ولاحد يقدر يخرجكم منه تجلسي هنا وتنتبهي على البن ولاتدخلي حد غريب
امه: وانت يا انس؟؟
انس: انا خلصت اجازتي معي عمل وقروض يمه ادعي لي
امه: الله يخارجك يا ابني ويدي رزقك مثل المطر..
انس: خاطركم
@ المصدر الأول للروايات
في الشارع...
سالم بيسوق شاف انس: الى اين؟
انس سلم عليه: اهلا ياعم كيف الحال.. والله نرجع المدينه
سالم لفت لبلقيس انزلي جنب بنت خالش: هيا اطلع
بلقيس فتحت الباب ونزلت بتشوفه مبتسمه
انس انحرج شافها نزلت طلع وقفل الباب
سالم: اطرحهم هنا ونخطى
انس كان فارح وفكر انها بتنزل بيت خالها: تمام
نزلت بنت خالها وفي الطريق.. سالم وقف السياره: انزل نتغدا
انس شاف المطعم رجال ..
سالم: راعي هنا مابش قسم عائلات
بلقيس: تمام....
انس نزل وطلب هو اكل مابش مكان وزحمه
فرشوا ع الرصيف وجلسوا ياكلوا
انس قام قبل عمه وراح طلب لها اكل..
سالم شاف في يده الكيس ابتسم وسكت
سالم شغل السياره
انس مد يده لاعند ابوها: ها ناولهم ياعم
سالم: شلي يابنت الغداء منه نسيتش..
انس منحرج مد يده لاورا
بلقيس شلت منه الغداء
سالم فارح باهتمام انس لبنته..
جلسوا يتناقشوا على الارض وكيف كان البن بيدخل فلوس بس بعد ما اهملوا تصديره وانخفض الطلب عليه ربحه قل واتجهوا للقات بما انه مضمونه مبيعاته وعليها طلب..
انس ماتكلم ع الفكره اللي في راسه
سالم جاوب تلفونه: إنا لله وانا اليه راجعون..
بلقيس فهمت ان جدتها ماتت
سالم قفل
انس: ماحصل؟
سالم: المستشفى اتصلوا امي ماعد لحقوها ماتت
انس: انا لله وانا اليه راجعون ..عظم الله لكم الاجر
سالم: الحمدلله ع كل حال
بلقيس: الله يرحمها
سالم: كانت بتأمني اسرع اديش تتسامح منش سامحيها يابلقيس..
بلقيس حست نفسها في موقف صعب..بكيت
زعلت انها مضطره تسامحها تذكرت كل شي فعلته فيها بس قلبها ماطاوعها ماتسامح.
@ المصدر الأول للروايات
بعد اسابيع بدأت الجامعه..
بلقيس عند صاحباتها في السكن راحت تزورهن جاوبت اتصاله: ها قد جيت؟؟
انس: ايوه اين انتي؟
بلقيس: روحت مع زهور ازور البنات
انس: والبطاقه؟
بلقيس: شليتها تسلم
انس: ياسلام مش قلت لش انا اللي شاعامل ماتدخلي وتشارعي بين الزحمه
بلقيس: اهدأ مالك ماكان زحمه ولاشي
انس عصب: مع السلامه وقفل
بلقيس تأففت وقفلت
زهور: ماله؟
بلقيس: مدري من بعد ماانخطبنا خلاص جنني زادت الغيره ضبحت
زهور: ياهبلا بيحبش احمدي الله بيغير عليش
بلقيس: بس قووي واصل
زهور: اكيد بيحس انش خطيبته ولو قدش مرته بيعاملش هكذا
بلقيس: وليش ماكان هكذا لما عرفته
زهور: لانش ماكنتي خطيبته هيا اعقلي يابلقيس قد بتبسري كيف اكثر الشباب هنا خراطين وكم من بنت قبال عينش بكيت فارقها وفلتها وخطب غيرها سمعتي باذنش قصص البنات كلهن
بلقيس: الحمدلله ع كل حال بس
زهور: الله يسعدكم ويسخر لي الله مثل انس يحبني الحب مثل الحب هذا كله اللي بيحبش
بلقيس ضحكت: آمين.
زهور: هيا مالش روقي
بلقيس: يااختي والله ضبحت ابي بيفحسني فحس ان انا بين ادرس مع انس وخالتي رجام كلام
وهو يزيد بها غيره تعب وين اسير ولمن اشكي
زهور ضربتها ع يدها: وانااا ياشوعه وين سرت ساعه جالسه ادلعش واراشيش ماتشتي الا انس صح.
بلقيس رجمتها بالوساده: خلاص تمام مش ناقصتش انتي كمان.
زهور: طبيعي يابنتي طبيعي يغير عليش يحبششش افهممي لانش بعيده منه لما تكوني معه خلاص بيطمن
بلقيس: ياخوفي يرجعني القريه ويقفل عليا تصدقي لما كنت هانك كان يجنن لاخرجت وجابرت نسوان القريه في الشارع مابلا في البيت
زهور: عادي.
انس رسل لها اخر مره تتصرفي من نفسش هكذا والا...!!
بلقيس اتصلت له: والا ايش؟؟
انس: والا شاتزوجش واكون المسؤول عليش اعامل لش اوصلش انتبه لش .. بدل ماشاغله بالي طول الوقت
بلقيس: قلت والا
انس: والا ايش !!
بلقيس: والا تقول شي غيره
انس ضحك: اصلا ماعتعبريني داري فقلت استفزش
بلقيس: قدك مستفزني خلقه بغيرتك باقي شويه وتقلي بتغير من زهور
انس: ايوه اغير منها ، لو كنتي سمعتي الغيره في مقطع اغنيه والا مسلسل كانت عجبتش بس ذلحين راكنه حد بيحبش خلاص بتتدلعي عليا
زهور خرجت تدي الاكل
بلقيس أخذت راحتها وجلست تكلمه: ...
📚 @ 🇾🇪
Читать полностью…
روايات يمنية📚🇾🇪
07 March 2024 19:12
.
البــارت 126 ○
الثــروة الـمنسيـة 🍀
👌🏻👇🏻 😍
📚 @ 🇾🇪
بلقيس: ماشاءالله.. الله يتمم لهم ع خير.
مرة عمها: وهولا اللي خطبوش مامعهم وكيف هم.
بلقيس: ولا معهم شي حالهم على قدهم مثلنا.
ابوها من خارج جنب باب الغرفه: بلقيس ..بلقيس
بلقيس قامت تجاوب: خير يا اباه
ابوها: انا الان شاخطى للقريه جدتش تاعبه اسير اديهم
بلقيس: طيب يا اباه اسير معك
ابوها استغرب المحبه والقلق ع جدتها: هيا سريع جي.
بلقيس دخلت سحبت لثمتها من فوق السرير: مع السلامه ياعمه تسلمي ع الغداء
عمتها: خليش عندنا يابنتي وابوش يسير ويجي
ابوها: صدق اجلسي احسن هنا
بلقيس قربت منه شاورته: مااشتيش اجلس هنا بين اخزا من عيال عمي
ابوها: ها نسسسسيت مايسبرش يلا امشي.
بلقيس مشيت معه.
@ المصدر الأول للروايات
في الطريق..
بلقيس: اشتي اجلس في القريه
ابوها: بين اقلش جدتش تاعبه كيف تجلسي
بلقيس: انت اسعفها وانا شجلس
أبوها عين عليها وعين ع الطريق: خالتش عترجع معنا
بلقيس: وانا مادخلني منها ترجع
ابوها بنبرة استغراب: وعتجلسي لوحدش؟
بلقيس سكتت شويه مستغربه سؤاله !!: جلست لوحدي وانا صغيره جت على ذلحين.
ابوها شاف انها بتفتح في المواضيع القديمه وماصدق نسيت وتغيرت: براحتش انا قلت عتفتجعي ومابش امان
بلقيس: الامان هو في القريه كنت في المدينه وهي عالم.
ابوها ساكت
بلقيس: وبعدا شاقل لبنت خالي تجي عندي
ابوها: تمام
.
.
بعد يومين...
واقفه في الباب بتتفرج ع مسافه يمين بيتهم واقف مع عمال وبيحفروا ارضهم
انس مشي شويه وشاف الباب مفتوح وواقفه.. عقد حواجبه بيصيح غلقوا الباب
بلقيس قفلت الباب وبتكلم نفسها: تغيرت يا انس في كل شي الا هذا الطبع يف منك كنت تخليني اشوفك.. جلست تتفرج تفاصيل المكان ماتغير الذكريات بتمر من قدام عينها بس الفرق انها هي اللي تغيرت اقوى من ماكانت عليه.. الضعف والخوف والظلم اللي كانت فيه قدرت تتغلب عليه.. بتتخيل ابتسامة امها ووقفتها في الباب تدعيها تمشط شعرها خرجت بنت خالها
نكزت: اعوذ بالله منش
بنت خالها: يو مالش
بلقيس: نكزتيني ولابسه نفس ثياب خالتي
بنت خالها ضحكت: هيا نروح عند امي بيتكم يا اختي يدي الضيق قديم وحالته حاله
بلقيس: امانه خلينا خورت اجي فيه وحدي القى فرصه اتذكر امي فقدت لها قوي.
بنت خالها: ذكرتي تفقدي لها اليوم ! واصل بتجوا القريه وتجي عندنا
بلقيس: لانهن هنا الثعابين مابيدين لي فرصه الا اذكر الهم والغم.
بنت خالها: ماحكيتي لي اللي خطبش كيف هو نفسه الولد هذك؟
بلقيس: اول قلي والله ماتحاكي حد
بنت خالها: والله مااتحاكا هيا بلقيس تعرفيني كيف انا خبيرتش واسرارش كلها من زمان معي.
بلقيس ابتسمت وجلست تحكي لها كل التفاصيل..
بنت خالها متحمسسسه ومنذهله وفارحه لبلقيس وكأنها هي اللي حبت وانخطبت بحبيبها.
بلقيس بعد ماكملت وسارحه: بس بيضبحني في تصرفاته قوي غيور قوي بيجنن لاسرت بيت عمي ولو اتصل وتلفوني مشغول ولو حد عاكسني يوقع مجنون ويتقاتل مع اللي في الشارع اوقات من عصبيته اخاف
بنت خالها: كان من تشتي مهند حقنا هكذا احمدي الله حين عاد هو عيخليش تكملي تدرسي قدش داريه كلهم حق القريه لاتزوجتي جلسه في البيت.
بلقيس: ياسلام تعبت هذا التعب كله اجلس والله مااجلس.
بنت خالها: والله لو القى اللي يحبني ويخاف عليا ويوبه لي مثله لاجلس
بلقيس شافتها وسكتت وجلست تفكر بمنطقها هي.
بنت خالها بتتفرج البيت مظلم: تذكري يابلقيس الحزاوي المفجعه اللي كانوا يحكوها لنا
بلقيس ضحكت: ذكرتيني استفدت من خيال امش في الجن وقصص البير حق نسوان القريه مع جدتي..
وجلست تحكي لها كيف فركشت خطبتها بابن عمها.. وصلت لها رساله منه: اين العشاء يامره ميت جوع
بلقيس قريتها وقامت للمطبخ: يوو كيف افعل كيف اناوله !
بنت خالها: من هو مالش قمتي؟
بلقيس: مسكين انس جاوع افعله قهوه وادي له من الذمول هولا
بنت خالها بتتمسخر عليها بمزح: يووو والطيبه هذه خلي حاجتنا قد اسمش لاخبزتي ولا اكلتينا سوا
تمت تجهز كتلي القهوه والقلص وربطت ذمول في كيس وطرحتهن كلهن في صحن ولفته بقواره ( قطعه قماش ) وخرجتهن جنب الباب وقفلت.
انس بعد شغل وشقا مع العمال كان بيراسلها شاف الرساله ومشي بسرعة لحد يشوف لباب بيتهم شل الصحن ورجع بقعته ياكل.
.
.
ثاني يوم الصبح..
بلقيس: ضبحت جي نخرج نلوي
بنت خالها ضحككت: نلوي !! البنت جننت وهي الا سارت المدينه عاد لو سافرتي الخارج
بلقيس: مالش حسب الله واحنا بنرعى الغنم ساع زمان
بنت خالها ضحكت: كنتي تخرجي غرقة جدتش فيهن وتراجميهن بالحجار
بلقيس ضحكت: ويوم انضربت ضرب منها بقصتني بقص حين قتلت الطلي
بنت خالها: يوووو يامجنونه منش صدق
بلقيس: كنت صغيره وجلست الاحقه ويهرب جنن بي نزل لنازززل وانا راس الجبل قلت...
📚 @ 🇾🇪
Читать полностью…
روايات يمنية📚🇾🇪
07 March 2024 19:07
.
البــارت 124 ○
الثــروة الـمنسيـة 🍀
👌🏻👇🏻 😍
📚 @ 🇾🇪
بلقيس: انت داري انها مطوووووله لما تثمر الشجر وتكبر عادك الا عتزرع
انس: داري وحسبتها صح اكمل الجامعه وشاتفرغ لها
بلقيس: انس بعقلك تعبت وتجعجعت وتبهذلت من المدينه للقريه وجلست تشقى من عمرك 14 واخرتك ترجع للأرض
انس ضحك: انفع لكل شي ماعليش شي ماشفلت دراستي لاتقلقي
بلقيس: الله يعينني عليك قرارتك كلها فجأة ومتسرع
انس: عتشوفي يابلقيس ايش في راسي وعترجعي تندمي انش جالسه تحبطيني هكذا هيا يامره عتوقعي زوجه ساع الناس تساعد زوجها وتدعمه
بلقيس: مجنوووون قلك مرته ، سير ارقد بس
انس: اكمل ارتبهن وارقد يله تصبحي ع خير.
@ المصدر الأول للروايات
في القريه..
ام عمر كملت تجاوب اخوها في الباب ودخلت تصيح وتدعي على ايمن: انت اللي حبست اخوك يا ايمن؟
ايمن ساكت ويشرب الشاهي
ام ايمن: صلِ ع النبي لاتدوريش مشاكل الله يرضى عليش
ام عمر: اخي قال مسكوا عمر وحبسوه.. سير خرج اخوك يا ايمن
ايمن هز راسه لا
ام ايمن: منك صدق؟
ايمن: ممكن محد يتدخل في عملي واللي انا شايفه صح شفعله
ام عمر: شل لك الزلط والبيت والورث وخرج ابني لو حبسته طمع الله لابارك فيك ولاوفقك
ايمن: اي ورث وابي عايش الله يسامحش ياخاله بس انا اشتي عمر يفتحس يتأدب اللي فعله مش قليل.. انا مفلت عملي وتجارتي وبيتي وجيت اصلح كل اللي فعله هو وابي
ام عمر: مابلا جيت بعد تعبهم وكل شي جاهز .. حسبك الله ياظالم بس
ايمن طنشها وخرج و رزع الباب بقوة
.
.
في غرفتها جالسه تدهن يدها شافت الدبله في يدها وبتتأملها وتفكر في امها وهي صغيره.. كانت ام بلقيس تربط لها ربل وتفعل لها بهن خواتم
نزلت دمعتها وتذكرت نفسها وهي تسأل امها: اي حين عيوقع حقيقي مثل حقش الخاتم
وترد امها: لما تكبري وتوقعي احسن واحده ويخطبوش
بلقيس جلست تبكي وتترحم على امها..
ابوها دق الباب وفتح دخل: تجهزي عنسير نتغدى بيت عمش
بلقيس عادها تشتي تعتذر
ابوها خرج وقفل ماادالها فرصه
بلقيس فكرت تسير تغير جو ضبحت من جلسة البيت وحبستها في الغرفه.. قامت رتبت ملابسها اللي غسلتهن وبدلت ورسلت لأنس: بتواصل معك بعد ما ارجع سايرين ذلحين بيت عمي..
@ المصدر الأول للروايات
في #المحل..
انس: سامحني عاجلتك وخرجتك وقت غداء بس صدقني محتاج كل دقيقه فرصه ان معي اجازه شهر من المعرض اسير أتم اموري
المحاسب: ولايهمك الله يعينك ويوفقك
انس: الف شكر ماقصرت
المحاسب: يله جي نتغدى سوا وبعدا كل واحد سار بعد عمله.
انس: ولايهمك ع حسابي
المحاسب ضحك: مزلط هااه هيا لفها.
انس: ادعي لي بس يتحقق اللي في بالي يارب بس
المحاسب: الله كريم
انس خرج ومنتظر له يقفل المحل واقف يتصلها.. شاف بتكنسل دخل الرسايل لقي رساله شاف كلمه بيت عمي وضببببح.. رسل لها: وليش سرتي ماكان لازم تسيري
بلقيس فوق السياره شافت رسالته ومسحتها بسرعه
انس: ليش مابتردي
بلقيس سمعت ابوها بيسأل من بيرسلش: صمتت تلفونها وارتبشت ، هذه الشركه
انس فكرها خايفه من تعليقاته لها وغيرته من ابن عمها اتصل لها مره ثالثه شاف مابترد ضبح اكثر
المحاسب قفل: هيا عتكمل السلته ياولد نفسي اليوم اتغداها
انس شاف الساعه: هيا هنا في مطعم ضخم عنلحق.
فوق السياره كتبت له سريع: انس مااقدرش ارد ولا ارسل ذلحين.
انس شاف رسالتها: ليشششش كما قدي مع ابن عمها ماتقدرش ترد ولا ترسل او بتخاف منه.
طفى تلفونه من ضبحه و توتره بسببها.
.
.
بيت الشيخ..
ام عمر طلعت لاعنده تبكي وتدعي ع ايمن: ابسرت ياشيخ اخره تربيه جهالك وقعت شيخ ع خلق الله وماربيت جهالك واحد رمى ع اخوه والثاني حبسه ولاعاد بينهم رحمه ولا اخوه بتبسرررر
الشيخ كان بعد اخر جلطة مايقدر يتكلم مشلول بالكامل جالس الا تنزل دموعه وفمه بيرجف بيلاحق نفسه يتكلم ومش قادر يتكلم لسانه ثقيله وكلامه مش مفهوم ويحاول يصيح ويضيع نص صوته.
مرته: لا كان منك فايده وانت شيخ ولا ذلحين اول دلعتهم وذلحين همهم الا نفسهم.
الشيخ كان الكلمه المفهومه اللي يقولها وهو مقهور: يا الله.. يا الله.
ام عمر فلتته ونزلت تتم المشاكل معهن لبست وخرجت..
.
.
في القسم..
الضابط بزنط بعد ماكان يخاف ويموت فجعه من زوجها: يلا ياحجه مابش معي لش شي ابنش في المدينه محبوس
ام عمر: هم اخوه يسدوا انتوا ماعليكم
الضابط: وانتي يا حجه روحي لش البيت الرجال عيسدوا بينهم كما تنازل اخوه خرجناه.. يلا معنا عمل
ام عمر خرجت وهي بتبكي وتمشي من جنب المزارعين والكل...
📚 @ 🇾🇪
Читать полностью…
روايات يمنية📚🇾🇪
07 March 2024 19:05
.
البــارت 122 ○
الثــروة الـمنسيـة 🍀
👌🏻👇🏻 😍
📚 @ 🇾🇪
في البيت فوق العشاء..
سالم: يابنتي انا داري بتهمي قرايتش ومامنعتش منها وابن عمش رفضتيه ورديته رغم انه ابن اخي وهذا حاكيته بشرطش وموافق .. ونصيحه من ابوش ابسرش هنا مجعجعه وفي الجامعه مابش عيشه لوحدش وسنش مناسب تتزوجي بنات القريه تزوجين من 14 سنه.. صدقي ابوش وتوكلي على الله
بلقيس محرجه: اللي تبسره يا اباه انا بعدك
سالم: يعني موافقه
بلقيس مبتسمه بخزا وبتنتف الخبز في يدها: انت قلت ماعنده مانع للدراسه خلاص.
سالم فرح: الله يتمم ع خير يعني ارد خبر ؟
بلقيس هزت راسها بتمام.
@ المصدر الأول للروايات
وقت النوم دخلت غرفتها وجلست فرحه غريبه مش مصدقه في يوم يحصل هذا كله وليش انس ماتكلم وصلتها رساله منه: ( رقدتي او عاد انتي)
بلقيس ردت بحرفين: لا
انس اتصل لها كان فيه فضول يعرف منها لو كلمها أبوها او طنش الموضوع ومش موافق.
بلقيس قررت بما انه ماتكلم تسكت مثله وبتجابره عادي
انس ضحك: مالش اليوم رايقه ومزح
بلقيس: عادي مافيني شي
انس: ها عمي روح؟
بلقيس: ايوه
انس مراعي خبر: ها كيف العمل معه في المدينه مرتاح؟
بلقيس: مدري بس اكيد ايوه
انس: كله ايوه ايوه
بلقيس: وانت كيف لك اليوم بتسأل عليه
انس: ولاشي عادي مابش مجبر
بلقيس: مابش مجبر يله رقده معنا جامعه الصبح يله خلاص ارقد
انس: ايش الزنط هذا ماعليش مني ارقدي انتي انا فاقد لش اتصلت وانتي تشتي تغلقي
بلقيس: مابلا فاقد لابي
انس: بتغيري؟
بلقيس: لا بس استغربت الحب اللي نزل فجأة
انس: عمي ابو حبيبتي كيف تستغربي
بلقيس: متأكدددد؟؟
انس: كان ايش !
بلقيس: ايوه صح ذكرت البحث لازم بكره اسلمه للدكتور انت قد سلمت؟
أنس: كتبت له موضوع يخارج نفسه هو يفعله بحث
بلقيس ضحكت: مجنون
انس: بش
بلقيس: ناهي يا قيس هذا الساع اقوم اخلص اكتب اخر سطرين واسلمه له بكره
انس: اديه وانا اسلمه له
بلقيس: ياسلام تجي ع بحث جاهز تسلمه
انس: بأسمش ياهبلا انا قد سلمت ياالله ع هوره البنت هذه
بلقيس: ليش وانا مابش معي يد وفم
انس: اغير
بلقيس: من من تغير ! الدكتور ؟ قدو ساع جدك
انس: ولو حبيبتي اغير عليها حتى من الهواء اللي جنبها
بلقيس: ناهي يا قيس شاسميك قيس وقت الغيره.. يله رقده تصبح ع خير.
انس ضحك: وانتي من اهله.
قفل وضبح يعني ماكلمها عمي...
@ المصدر الأول للروايات
ثاني يوم في القريه..
ايمن رجع وشل للي اسعفوه سلل فواكه ووزع لهم وتشكرهم .. دخل البيت
ام عمر: اين ابني؟
ايمن طنشها شاف امه: ابي راقد؟
امه: ماشي عاد انا نزلت من عنده
ايمن: شاطلع لاعنده
سميه دخلت بعده هي والجهال
متحمله الشنط بتسايبهن
ام عمر: هذا صورتكم عتنقلوا هنا
سميه شافتها بحقد انه سبب ابنها اللي حصل في زوجها: ايوه عننقل بيت زوجي
ام عمر: ماعد عتعجبش القريه حقنا
سميه: عتعجبني ببعض ناس فيها مثل عمتي وعمي وخبيرتي شافت الزوجه الرابعه اللي تصاحبت معها وتسالمين وبيضحكين
ام عمر: رعا الله ايام ماكنتي ساع الدمه ترحمي.
سميه: ذلحين عنبسر من الدمم
ام ايمن بهررت لها: اطلعي مكانش افتهني
ام عمر شافت ام ايمن: جهالش يا امان الخايفين بسبعه ارواح
ام ايمن: تف تف اعوذ بالله منش ومن عينش
ام عمر ضبحت وقلقه بتتصل لابنها وتلفونه مقفل
.
.
في غرفته فتح الاوراق وجالس يقرأ من جديد بس هذه المره بيشوف حقووق معهم اراضي اعمامه بيستغلوها ايام ماكانوا متفقين مع الشيخ .. شاف انه الان هو المسؤول على خواته وامه وهذا حقهن لازم يشارع خطط تحت بعض اراضي بيزرعهن الشيخ على مايشتي .. شاف الأوراق كانت موثقه بأراضي البن واستغرب ليش ابوه وافق وغير ارضهم للقات ولها عمر مع اجداده وابوه وهي بن...
.
.
بعد ايام وتموا الاختبارات..
في المعرض جالس دخلوا اجانب..
انس قام وقف واستقبلهم وبيعرض لهم البضاعه
واحد منهم تم يشم العطور وماعد عرف يميز
أنس فتح له علبه فيها بن وناوله يشم
الاجنبي سأله ليش ؟
انس: عشان تقدر ترجع تشم
الاجنبي: هذه قهوه يمنيه؟
انس: ايوه
الاجنبي: شفتها مطحونه عند المحلات كيف اقدر احصل عليها طازجه فين بيزرعوها؟ انا جيت ازور بن اليمن؟ حصلنا على معلومات ان البن كان مصدره الاول في اليمن ! اريد الذهاب لمزارع حقيقيه للبن
أنس تحسررر على قريتهم والاراضي حقهم: احنا كنا نزرع البن في قريتنا
الاجنبي: كنتم !! والان !
انس: خلاص بدي لكم رقمي واخذكم بنفسي للقريه اللي جنب قريتنا فيها مزارع بن.
الاجنبي تشكره وفرح وتبادلوا الارقام
انس: بعد يومين اخر الاسبوع انا رايح القريه وباخذكم معي
الاجنبي اتفقوا معه تموا يشتروا وخرجوا.
📚 @ 🇾🇪
Читать полностью…
روايات يمنية📚🇾🇪
06 March 2024 19:11
.
البــارت 120 ○
الثــروة الـمنسيـة 🍀
للكـاتبـة: عبيـر الكبسـي
👌🏻👇🏻 😍
📚 @ 🇾🇪
بلقيس سارحه مش مركزه مع ابوها
ابوها: او ما قلتي
بلقيس: تمام
ابوها: كم يشتي لها وتجهز؟
بلقيس: مدري بس بساعتها شاقطبها
ابن عمها: بين اقلك ياعم خارج صورتك عتقرح القات جو مش هم داريين كم يشتي لها مدري لو يعرفوا يطبخوها
بلقيس سمعته وقلبت عيونها وداخل نفسها سامج كل مشكله بيني وبين انس بسببك وش نحس.
اتصلت لها..
بلقيس ردت: اهلا زهور ايوه انا خطيت ابي جاء
زهور: وتسخي تخطي قبل ماابسرش فقدت لش
بلقيس: سهل بكره نتلاقى اصلا ابي جاء ماراعيت لش
زهور: شكلش ضابحه فيش شي؟
بلقيس: شارجع اجابرش لما اروح
زهور: تمام مع السلامه.
@ المصدر الأول للروايات
في المستشفى..
سميه وصلت لاعند زوجها: يوووو ماوقع بك؟
ايمن: اين الجهال؟
سميه بتبكي عليه: عند امي .. جت امس العشي هي واخي.. عادو بيدور بقعه للسياره ويطلع وصلني هو.
ماوقع بك !
ايمن: ولاشي
سميه: كيف ولاشي وكتفك ملصق هكذا ؟
ايمن: انصبت بس سلم الله مش في القلب
سميه لطمت وشها: ليش؟ انت ومن تصايحت!
ايمن: في القرية.. مش وقت نتجابر في البيت المهم طمني أمي ان انا بخير اتصلي بها
اخوها دخل...
سميه: تمام الآن
.
.
في القريه..
ام عمر: الو
سميه: وين عمتي سريع
ام عمر: من سميه؟
سميه: ايوه
ام عمر تفكرها مش داريه: تشتي ايمن؟؟
سميه : اين عمتي قوا فيسع مابش معي رصيد
ام عمر ارحمي روحش من البكاء: جاوبي مرة ابنش لاعد تقلي لها تقلق على زوجها
ام ايمن: الو
سميه: عمه كيف انتي
عمتها بتمسح انفها ووشها: نحمد الله ونشكره
سميه: قال ايمن اتصل اطمنش عليه هو بخير وانا عنده
عمتها: اين هو اشتي احاكيه
سميه: مابش معي رصيد خيرات ها حاكيه بسرعه
ايمن: الو
امه: يا روح امك انت بخير؟
وقطع الاتصال
ام عمر بصوت مرتفع: لك الحمد والشكر هو بخير؟
ام ايمن قفلت وشافتها: لاتفرحيش حرام مايفلت ابنش على اللي فعله والجنان هذا
ام عمر: وانتي محد قال لابنش يجي يدور هدار معه هو السبب فعل لابني فعله.
جلسين يتصايحين..
.
.
في المدينه... بيت سالم
بلقيس دخلت المطبخ بسرعه تفعل الغداء
انس بيتصل لها وتلفونها في الغرفه
سالم وصل: الله الله.. دخلوا الديوان..
بلقيس قربت الغداء للصاله ودعتهم يتغدوا
ابوها: اجلسي تغدي
بلقيس: شابعه تغدوا يهنى.. دخلت الغرفه وشافت تلفونها مكالمات مفقوده من انس.. عادت الاتصال به
انس: اخيرا عبرتيني !
بلقيس: انشغلت وصلت للمطبخ افعل غداء مالك اليوم؟
انس: انا والا انتي؟
بلقيس بصوت واطي: ممكن تفهمني ليش تصرفت اليوم هكذا
انس: كيف ليش بين اغير انتي مابتحسي بي ! قلدش الله مادخله يتصل بش
بلقيس: مدري وانا ماافعل له لو اتصل مافيها جاوبت وخلاص
انس: وبعدا ليش فارح بروحه واصل يجي ويسير مع ابوش
بلقيس: انت ناسي انهم بيشتغلو سوا
انس: ولو لاتنسي انه كان يشتيش
بلقيس: وردينا له ان احنا مش موافقين وخلاص.. لاعد تجلس تتحسس وتدور لنفسك موضوع تغير منه
انس: طيب يعني الحق معش دايما خلاص ناهي ماشدورش موضوع ولاشي وافعلي مااشتيتي
بلقيس: وانا ميته جوع وماتغديت معهم عشان لاتزعل لكن بما انك زاعل خلاص اسير اتغدى
انس: ها خلاص بس مش زاعل تغدي بعدا .. وعاده جاء يتغدى
بلقيس ضحكت: تغديت انت من الهرم هذا الساع معك عمل اقطب اتغدى وصلي
انس بياكل: خلاص مااشتيش اجوع نفسي معش
بلقيس سمعته بياكل: طيب امغط اول لاتشترغ من الخرط
انس ضحك: احبش وركنتي ان انا بين احبش خلاص بتزنطي عليا وتجننيني افهمي ان انا اغير عليش من البرقع اللي بتلبسيه من الدفتر اللي بتمسكيه.
بلقيس: شكلك جننت رسمي الله يعينني عليك بس.. والغيره كثرتها جنان اعقل
انس: اللي يحب ...
بلقيس سمعت صوت ابوها بيداعي قاطعته: اجاوب ابي مع السلامه.. قفلت.
خرجت للصاله
ابوها: تمينا نتغدا افعلي شاهي ورفعي
بلقيس: تمام .. رفعت وجلست تغسول وتفعل شاهي لهم..
@ المصدر الأول للروايات
في طريقه للمعرض قرر انه يحسم الموضوع اتصل لسالم
سالم: حياك الله يا انس كيف انت اخبارك
انس: الحمدلله ياعم ..كيف انت
سالم: نحمد الله ونشكره خير مافي نفسك
انس: كنت اشتي احاكيك ياعم بموضوع اي حين انت فاضي
سالم: خير ان شاءالله! مالك
انس: خير خير ..تطمن بس قلت الموضوع يفضل نتحاكا وانت فاضي
سالم: خلاص تم مارأيك تمر لاعندي المحل بعد ساعه
انس شاف الساعه ومعه دوام بس فرصه مابيضيعها: خلاص تمام شاجي لاعندك.
.
.
في القريه..
ام عمر شافتهن منشغلات مسكت التلفون واتصلت لابنها
عمر بعد ماجاوبها: لاتقلقي عليا مالي شي لو ما تهدأ الأمور وارجع
.
.
في المستشفى...
اخو سميه تسرع قبل مايفهم الموضوع من ايمن وبلغ الشرطة...
/channel/rewayatyamania/51250
📚 @ 🇾🇪
Читать полностью…
روايات يمنية📚🇾🇪
06 March 2024 19:10
.
البــارت 118 ○
الثــروة الـمنسيـة 🍀
👌🏻👇🏻 😍
📚 @ 🇾🇪
وقت المغرب
أنس توضأ ودخل المسجد
شافه الإمام حق المسجد: من انت ياولد
انس: انا ابن سليم ياحج بس انا في المدينه بين اجي هنا زياره
الإمام وقف ومشي لاعنده وجلس: انت ابن سليم؟ كم دورتك ولا لقيت حد يدلني.
أنس: خير يا شيخ عند ابي لك حاجه؟ او دين
الحج: مابلا يا ابني والله ابوك طرح عندي وصيه سرت لاباب بيتكم مالقيت حد وهو وصاني ماتوصل الا يدك ولا حد يشوف من اعمامك
انس: خير واين الوصيه ذلحين
الحج: ارجع جي لاعندي بعد صلاة العشاء للبيت
انس: تمام ان شاءالله.
@ المصدر الأول للروايات
بيت خالها..
بلقيس ودعتهن ورجعت دخلت لاعند مرة خالها وفيها فضول تعرف ايش قالين لأنس ماقدرت تتصل له
مرة خالها: عتبسري وتصدقي كلامي جين يبسرنش الظاهر لامعها ولد والا أخ تخطبش له
بلقيس بخزا وخوف: ماشي يمكن بس تسلم عليا
بنت خالها: مادراش لو هو وسيم
بلقيس: انا اشتي ادرس
مرة خالها: زيغت حسش الدراسه يابنتي لو جالش نصيب سوا تزوجي اخرج لش من خالتش وجدتش
بلقيس سكتت رن تلفونها توترت لايكون انس ..
خرجت تلفونها من جيبها وشافت ابوها جاوبت: الو
سالم: ها يابنت تجهزي عنطلع المدينه ذلحين معي عمل ابن عمش عيسافر ويشتي امسك المحل
بلقيس: تمام يله شتجهز.
.
.
بعد مارجع البيت..
انس: ها كيف يمه شفتيها؟
امه: مالها شي
انس: انا راضي بها بس اهم شي رضاش انتي
امه: لو عليا ماشتي ازوجك الا واحده اختارها لك..
انس بضبح دهف يده في الهوا: هيا ناهي
امه ضحكت: راعي ياولد لكن لو هي في نفسك ماعندي مانع الله يسعدك ويهنيك
انس: يعني الوقت المناسب احاكي ابوها
امه: مااشتيت
خواته: والله ان هي ماشاءالله الا امك ماعجبها حين سرنا وهي بشعرها
انس ابتسم لها: وكيف شعرها حالي؟
امه رجمته بالوساده: استحي ياولد عيب عليك
انس شاف الساعه وقف: يله انا شاخطى لاعند الحج صالح وارجع
امه: مايشتي منك
انس: مدري معه شي يدي لي
امه: تمام لاتتأخر.
سالم تلاقى هو وأنس تسالموا..
سالم شاف الظرف اللي في يده: او سرت بيت الشيخ؟
انس: لا ليش في شي
سالم: لا لا مابش شي ابسرت في يدك هذا قلت اوراق حين تكلمنا هذك اليوم.
انس: ماشي
سالم: يله أستاذنك انا مستعجل اشتي ارجع المدينه الآن
انس جت في باله بلقيس: اها خير تمام
سالم: ايوه ذكرت اشتيك في موضوع مهم لما ترجع للمدينه اتصل بي نتلاقى
انس: ايوه تمام اكيد
@ المصدر الأول للروايات
بعد أيام بدون احداث مهمه..
في القريه..
عمر شاف ايمن رجع وله فتره جالس عندهم بدأ يحل مشاكل المزارعين ويوزع حقهم بالتساوي وصل للبيت معصب..
امه: مالك يا ابني خير ماحصل
عمر: اين جا هذا !
دخل الديوان..
ايمن جالس ماسك دفتر وآله حاسبه
عمر بصياح من باب الديوان: ومصدق روحه وجالس الشيخ.
أيمن: وعليككممم السلاام ورحمة الله وبركاته
عمر : انت ليش تتدخل ! مالك ماترجع عملك
ايمن: وطي صوتك واجلس
عمر: مادددخلك انت تستلم الزلط منهم وتوزعها مادراك باللي له واللي عليه
ايمن: من الآن انا شاوزعها بينهم
عمر: مالك دخل انت بتفهم
ايمن مطنش
عمر: لاتخليني افعل شي مايعجبك
ايمن: لو انت حق فعل انك اشتغلت عملك سوا بس جالس تاكلهم سكته
عمر عصب زبط المدكا لاعند اخوه: اكلها او مع مادخلك كان صورتك حراف جيت تقاسمهم
ايمن قام وقف ورد له المدكا بزبط
عمر شافها فوق رجله عصب خرج المسدس من حزام الجنبيه وبيعشق
ايمن: غر اوقع رجال من حركات المكلف جالس بعد امك ماقالت ، واحد يغلط ويندم وانت عادك ماشبعت
عمر معصب: والله لاضرب بين اقلك اسكت
ايمن: قلت لك كيف وانت اخبر
عمر جلس يوسوس لنفسه انه بيستفزه وانه جاء يبسط على املاك ابوه تذكر كلمات اخوه له وبدون مايحس ضغط على المسدس
.
.
في الطريق..
سالم: رجعت معي عمل وانتي جامعه وهن عيجلسين في القريه
بلقيس: ماعد عيرجعوا المدينه؟
سالم: عادهم يشتوا يجلسوا امي بترتاح في القريه.
يلقيس داخل نفسها احسن
@ المصدر الأول للروايات
في البيت..
انس جلس فتح الملف وخرج الورق بيقرا.. بخط اليد بيحاول يفهم بعض السطور واللي فهمه انه املاك ابوه اللي تقسمت مع اعمامه... جلس يقرا وطفيت الشمعه لفهن وقرر يرجع الصبح المدينه ويكمل يقراهن في الطريق
ضبح وخرج يشم هواء ويجابر المزارعين اللي سامرين يمكن يخرج منهم معلومات تنفعه
.
.
بيت الشيخ..
في الصاله متجمعات بعضهن وبعضهن في الغرف سمعين صوت طلقة رصاص داخل البيت كلهن جرين يتساءلين
ام عمر جريت بسرعه باب الديوان
عمر دهفها وخرج بسرعه مربوش يده بترجف ومتوتر هدأ بخوووووف وبيسأل نفسه ليش ضربته ماافعل وين اسير ! اين اهرب.. مات؟ مدري وقعت في صدره او وين!! ليش ماانتبهت
لقي نفسه قدو في الشارع...
📚 @ 🇾🇪
Читать полностью…
روايات يمنية📚🇾🇪
06 March 2024 19:09
.
البــارت 116 ○
الثــروة الـمنسيـة 🍀
👌🏻👇🏻 😍
📚 @ 🇾🇪
سالم: يله تم ادرس وارجع شارع خرج اراضيك
انس: اكيد.. شاف ساعته يله ياعم استأذنك ارجع للدوام استأذنتهم بس ساعتين قلت اجي اسلم عليك واسألك واستفيد منك اكثر قبل مااتسرع واشارعهم
سالم: حياك الله اهلا وسهلا البيت بيتك اي وقت فوق العين وفوق الرأس
انس وقف وسلم عليه وتوادعوا وخرج.
سالم دق لها باب غرفتها
بلقيس مترددده تفتح او لا؟ انس ايش قال له ! حارش بي.. لا لا من الهباله سعم ان احنا جهال.. تقدم لي؟ عيقلي اكيد بس ليش جاء وماقال لي انه عيجي.
سالم: يابنت ياااي
بلقيس قوت قلبها وفتحت وواقفه متصنمه منتظظظظره سبعين توقع تخيلته في دقايق
سالم دخل ولاكلمها فتح الشنطه وخرج الاوراق
بلقيس واقفه خافت انس قال له ان انا اديت له!:
اباه مالك تشتي شي؟
سالم: والله جاء ابن واحد في القريه يشتي ورق ذكرني اراجعهن لي منهن عمر
بلقيس اخذت نفس بطمأنيه وجلست: ها
سالم: ايوه انتي تعرفيه! بيدرس معش
بلقيس حست قلبها وقف: من هو؟
@ المصدر الأول للروايات
سالم: انس سليم
بلقيس: مدري
سالم شلهن وخرج سكته ماعلق ع شي
بلقيس دخلت وقفلت الباب واتصلت له...
انس جلس يضحك: هااا كيف المقلب؟؟
بلقيس بضبح: سامج مثلك ليش جيت ماقلت له تشتكي له ايش
انس: اقله ياعم بنتك جننتني اشهد عليها ، من بين كل البنات وقعتني في حبها ، سحرتني
بلقيس ضحكت: سحرتك كنت شسحر روحي قبلك
انس: سحرتيني بطيبتش وعفويتش وبراءتش
بلقيس: صدقتك
انس: والله كان نفسي اقله بس بما انه عندخل ع عمل ومشارعه خليني اول اصاحب عمي امد توقع الموافقه سهله
بلقيس: يوافق وانا ماقد وافقت
انس: ياسعم برضاش غصبا عنش وافقتي او لا شاخطفش واهرب ساع الافلام الهنديه
بلقيس: ناهي ياهندي هيا قل لي ليش جيت
انس: يا الله من هذه البنت الهرمه اللي جاوبتها وتعيد تسأل
بلقيس ذكرت كلامه : ها صححح بس اقصد ليش ماقلت لي وليش تتخيبل تفجعني
انس: هكذا حر... ع فكره بين ابسر التافه هذا قبالي جيي لاعندكم نفسي اقتله كل ماابسره ويطلع لي قرون
بلقيس: من؟؟؟
انس: ابن عمش
بلقيس: هااا
انس: او بتقابليه؟
بلقيس: لما رجع ابي من السفر جوا اعمامي ودخلت اسلم عليهم وهو هانك ماانتبهت
انس ضبح: وسلمتي عليه؟
بلقيس: ماشي طبعا قلبت صور وخرجت اكرهه اكثر منك
انس: ومالجدته مايتزوج لاذلحين وهو مزلط مراعي لمن
بلقيس: لمن ما كان ابرد لك منه قل لي وصلت العمل او عاد انت؟
انس: نعم وصلت اضطريت اخطى اجابرش واطلع متر اختصر بقية الطريق
بلقيس ضحكت
انس: ذلحين منه صدق ابوش عترجعوا القريه يوم الخميس
بلقيس: ليش قال لك!
انس: ايوه
بلقيس: يسير الله معه
انس: وانتي ! هو بس يومين سيري انا فارح تسيري نعيد طفولتنا
بلقيس: خلاص راحت عليك ماركزت وذكرت من طفولتي الا وانا مبدعه
انس: نفسي لو سرتي اخلي امي وخواتي يجلسين معش
بلقيس: يو والخزا ماينفعش
انس: المهم لاوقتها عنسد.. المهم ابن عمش ماتحاكيه ولا تشوفيه اغيرر.. ثانيا تسيري معهم امد امي تشوفش
ثالثا منتظرش في الجامعه لاتتأخري
بلقيس سمعت صوت ابوها بتتفرج للباب لايفتح: تمام ان شاءالله ا يله مع السلامه.. قفلت
انس لحظه.. ايش من مع السلامه مستعجله من ذلحين.. محد بيرد ، بعد السماعه من اذنه .. تففل الاتصال..
بلقيس غلقت تلفونها وقامت ترفع الكتب والملازم وتكنس غرفتها
ابوها فتح الباب ودخل: بلقيس؟
بلقيس شافته: خير
ابوها: الخميس نسير نتفاقد الارض والبيت في القريه نفسش تسيري تبسري مرة خالش؟؟
بلقيس تحمست لانها بتجلس بيت خالها: ايوه
ابوها: خلاص عنتحرك الفجر تجهزي
بلقيس: تمام
ابوها يشتي يخرج
بلقيس: اشتي اجي معك اشل المكنس اكنس
ابوها شافها خايفه وبتستأذن: ليش محد ادالش او كيف
بلقيس: ماحاكيتك الا انت
ابوها اخرجي وشليتيها من المطبخ
بلقيس خرجت وشلتها من المطبخ
جدتها شافتها: ها وادخلي اكنسي لي مكاني
بلقيس اضطرت تجاوب لان ابوها جالس: تمام
الجدة اشرت لها الغرفه..
بلقيس دخلت شافت الرفيس لفت كل شي للزوه وكنستها وخرجت
الجده: وافعلي لي قهوه ومالش مقفله على روحش
بلقيس جلست تشوف حاجه بتمشي وراها في الجدر
الجده شافتها مركزه في الجدر: خلاص مااشتيش ذكرت فيني المعده
بلقيس دخلت غرفتها وجلست تضحك ع جدتها والوضع..
.
.
بعد ايام في القريه...
📚 @ 🇾🇪
Читать полностью…
روايات يمنية📚🇾🇪
06 March 2024 19:07
.
البــارت 114 ○
الثــروة الـمنسيـة 🍀
👌🏻👇🏻 😍
📚 @ 🇾🇪
ايمن لقي الامان حق باب الخانه مفتوحه دخل منها وفتش تحت الكرسي لقي ورق فتحهن وقرأ لقي كل النصب حق ابوه شلهن بسرعه وخرج من الخانه وقفل.. جلس محتار فين يسيرررر !!
فتح الباب وخرج طلع سيارته ورجع للمدينه...
سميه: اين ايمن؟
ام ايمن: خرج اول
عمر مطنش وبياكل
الزوجه الرابعه: شاخرج ادي حطب كمل وادفي له ماء واطلع لاعند الشيبه لو عيصلي
عمر بنظرة حقددد: الشيخ يا عمه اسمه الشيخ مش شيبه تمام
طنشته وخرجت للحوش ادت حطب ودخلت
.
.
في المدينة...
بلقيس جوعت لقيت في شنطتها كعك طرحت لها زهور خرجت تفور شاهي اول مافتحت الباب سمعتهن دخلين وقفلين بسرعه..جلست تضحك عليهن وفارررحه.
مرة سالم: عيدخلوا المطبخ معها ياعمه
ام سالم: صلِ ع النبي تعوذبي يابنتي.. جلست تقرا المعوذات.... وهن ميتات خوف منها
بلقيس بتدور فين الشاهي والسكر نكعين مجموعه صحون كانين مش مرتبات في الدولاب
مرة سالم صاحت: بيقلفدوا معها يمااااه ياساااتر
الجده ماسكه الجهال وجالسه تحت البطانيه تقرأ ع نفسها.
بلقيس رفعتهن وكملت تفعل الشاهي وبتغني ورجعت للغرفه وقفلت ع نفسها.
فتحت المسجله ولبست السماعه اللي ادت لها زهور وعايشه مشاعر الحب والقوه وانها قدرت على جدتها وخالتها...
@ المصدر الأول للروايات
في مكان ثاني بعد ساعات
ايمن وصل البيت وجلس يقرأ الاوراق لاحظ اكثر مساحه في الارض كانت من حق سليم وشاف اتفاق اخوته عليه وقعوا.. اقتهر وحس ابوه كيف ظلم ناس !
وعمر ليش خباهن وكذب عليه تنرفز اكثر !!
ماشبعوووش سرق ونهب حق خلق الله واخي ولا اعتبر ولا ابسر نهايه ابي اين وقع في الزوه...! والله لارويهم اخليهم يلفوا حول نفسهم... اتصال من رقم اخوه... ايمن: الو
مرته: ها اتصلت لك من تلفون عمر وين انت !
ايمن: انا رجعت للمدينه وقعت مشكله صغيره هنا مع الموظفين احلها وارجع الصبح
سميه شافت ام ايمن: هو في المدينه.. ويحين سرت
ايمن لايشك اخوه فيه: المغرب سرت
سميه: تمام خلاص اهم شي انك بخير مع السلامه.. ناولت عمر
عمر شل التلفون وخرج فوق السياره يكمل يقرأ الاوراق... فتش مالقي شي عصب وذكر انها خرحت تشل الحطب شك انها شافته وعرفت دخل معصب وطلع لاعندها
تمت تغسل يده ووشه..
عمر: اين لفيتي الورق
مرة ابوه: اي ورق؟
الشيخ شافهم وبيحاول يتكلم محد بيسمع من صوته وصياحهم
عمر: نكرتي وحسيت من كلامش انهن عندش الآن تخرجيهن قبل ماانفل البيت
زوجه الشيخ: مالك بتخرف !
عمر: لومايخرجين الورق والله لاتصل لاهلش يجوا لش الآن
ابوه معصب: اي ورق
عمر: الاوراق اللي بتدورهن خبتهن مرتك
الشيخ بيرمش بعين ويررررجف يده وفمه بيتلعثم في الكلام: صدق؟؟
زوجته: انت قلت اخبيهن
عمر شافهم وجلس: تخليني البج وانت ومرتك بتسدوا من ورايا.
الشيخ بدأ يلاحق نفسه سررريع ويمسك صدره.... ومحد منتبه له..
زوجته: ماعادك تشتي من الورق انت واخوك نص الورث في بطونكم
عمر: الآن خرجيهن بتسمعي
الشيخ حاسس بضيق نفس وشه حمرررر.. مش قادر يتنفس كان يشهق ويلاحق نفسه يحاول يمسك صدره ويده ثقيله
زوجته: مادخلني لاقال ابوك اديهن شاديهن
عمر لفت لابوه يشتي يكلمه لاحظه مكتوووم نفسه ووشه احمر: اباااه
زوجته: خالدددد ... ياخالددد ..ياغااااارتاااه
عمر: اسكتي الله ينتقمش بسببش
زوجة ابوه: انت زيدت بها قله الحياء بسببك عتطفحه انقلع اسعفه
نزلت تصيح للنسوان يطلعين
عمر توتر ماعرف ايش يفعل اتصل للدكتور اللي في القريه مابيجاوب
.
.
في المدينه..
ايمن جالس يكتب في الدفتر أسماءهم وحقوقهم ومن سنه كم والارض بيتحكم بها الأب.
.
.
في الغرفه..
بلقيس ضبحت قامت تلوي شافت شنطه حديد كبيره مقفله جاء لها فضول نفسها تشوف صور امها
بعدت من شعرها دبوس الشعر او ( الفرتكه): وفتحت القفل الصغير اللي على الشنطه..
ولقيت اوراق زواج امها وخالتها وعقود بيتهم واوراق مصوره وصور امها وجلست تبكي... تشتي ترجعهن لفت نظرها اسم ابو انس.. واسماء ناس في القريه جلست تقرا الورق ( طبق الاصل) ..
انس اتصل لها..
بلقيس: عمرك طويل
انس: خير
بلقيس: انت داري لقيت بين اوراق ابي ورقه فيها اسم ابوك
انس استغرب: اها ايش من ورق؟
بلقيس ماسكه وبتقراها: انا الموقع ادناه سليم أسلم كافة الصلاحيه بالتصرف في الاراضي الزراعيه للبن الخاصه بي لشيخ القريه... ماكملت واختصرت له: اعتقد ورقه من حق الارض
انس طنن شويه ذكر لما كان صغير الورق اللي احتار ايش هن واحتبس ابوه وسافر بسببهن
بلقيس: مالك ساكت
انس: تقدري تديها معش اشوفها
بلقيس: اخاف ابي يصيح او يدرا
انس: اديها معش الجامعه اصورها واردها معش انتي داريه ان قصتهن قصه
بلقيس: انا على مااذكر ابي كان...
📚 @ 🇾🇪
Читать полностью…
روايات يمنية📚🇾🇪
06 March 2024 19:06
.
البــارت 112 ○
الثــروة الـمنسيـة 🍀
👌🏻👇🏻 😍
📚 @ 🇾🇪
في بيته
سميه: ماينفعش تفلت ابوك سهل التجاره خلي الموظفين يمسكوا بدلك.
ايمن: اسير اتقاتل مع اخي وابي مابلا
سميه: ليش انت الكبير .. وبعدا ابوك عيبسرك جنبه عيفرح ويحس انك رجعت
ايمن: وترجعي للقريه؟
سميه: عشانك شرجع سهل
ايمن جلس يفكر في كلامها
@ المصدر الأول للروايات
في طريقها للسكن شافته بنظرة وداع ودخلت السكن
انس ابتسم ومشي خارج الجامعه.
وصلت السكن..
زهور حضنتها بفرحه
والبنات شافنها وفرحين بها: وين انتي فقدنا لش
بلقيس كانت فارحه بترحيبهن لها وفرحتهن بجيتها... حتى البنت المغروره المتنمره تغيرت وابتسمت لها وحضنتها.
واحده منهن: اليوم كلنا نتغدا
زهور: شويه وعتروح بيتهم
بلقيس شافتها
زهور بتقرب: يله يابنات فرشين قد الاكل دافي
بلقيس بتشوف الاكلات: ايش الدلع هذا كله المره اللي عتجي برجع لكن بعد شهر تفقدين لي هكذا
زهور: اذا ماشلوش الجن بعدا من صدق
جلست تضحك هي وبلقيس
بعد العصر خرجت السوق مع زهور
زهور: هيا مش وقت خليها لش هذه الزلط وردي لي اللي فوقش من الراتب
بلقيس: سسسهل؟
زهور: ايوه
بلقيس: خلاص اشتي اشتري لبنات خالي ومرة خالي اي شي شاسير ازورهن
زهور: اشلش سوق بيبيع بالجمله شلي لهن وارخص لش
بلقيس: تمام
بيتمشين لفت نظرها شميز كان معروض تخيلته فوق انس.. دخلت المحل بايعت
زهور: لابوش؟
بلقيس ضحكت وبهررت لها جنبهن البايع: ايوه
زهور: بس هذا شبابي
بلقيس بقصت زهور: بيلبس
زهور بتشاورها: يعجبني احرجش بس قدش حاذقه بتخارجي نفسش
خرجين من المحل
زهور: وبعدا ضحكني شكلش وانتي بتقيسي على الهواء وتتخيلي حجمه
بلقيس: حسيت بين ترسم طاقه
زهور ضحكت: عتروحي للبيت او عندي؟
بلقيس: خليني اليوم اروح البيت وبعدا بكره اجي
زهور: تمام هيا نخطى نشل لبنات خالش وبعدا تشلي لاعنده
بلقيس: الساعه 5 عنلحق؟
زهور: ايوه قلي لهم ماكان من عذر
@ المصدر الأول للروايات
في المعرض..
انس شاف بضاعه وصلت وانيقه جدا شل ساعه
المحاسب: ارحم روحك راتبك كله اقساط
انس: لاجل الغالي كله يهون
المحاسب: والله انها غاليه مالك بقيمة راتبك في الشهر
انس: سهل
المحاسب: صورتك جاد ياولد
انس: الله المستعان اكيد
المحاسب لفت لمرام وشافه بصوت وااااطي: البنت قتلت روحها وانت ولا بتبسر
انس ضحك: الله يفتح عليك
فجأة دخلين
انس شافها وحاول مايرتبش قدامه عشان لايعرف انها هي
انس شاف زهور: تفضلين
بلقيس بتتفرجه وفارحه بالكيس اللي في يدها بتفكر في ردة فعله بيفرح! بيتجمل منها! بيعجبه ذوقها!
مقاسه او لا؟
انس لاحظها بتتفرج الشميز اللي فوقه وبعيونها بتقيس الأكتاف.. شاف نفسه وشاف المرايه فكر في وسخ او بقعه!! مافي شي استغرب شاف عيونها
بلقيس لاحظته ركز انحرجت: مالك
انس ضحك: مالش انتي؟
بلقيس تلفتت سريع وشافت محد منتبه ناولته الكيس: ها
مرام شافتها ونظراتهم لبعض كأنه في شي ومش اول مره تجي قربت لاعندهم: ممنوع ترجعي
انس شاف مرام : تمام داري انا
بلقيس ساكته
مرام بفضول: ايش اللي رجعته؟
انس: ولاشي مش من المحل
مرام باستهزاء: ماعد فهمت من بيشتري من عند من
بلقيس خافت خرجت من المحل
زهور شافتها ولحقتها
انس كان مجهز كيس هدايا صغير وداخله الساعه الجديده سحبه من الدرج ولحق بعدها لخارج
شافهن واقفات يتكلمين
لحظه وين رايحات
بلقيس: شكلها حست لاعد تلحق
انس مد يده بالكيس: تحس مادخلها مني
بلقيس: ايش هذا
انس: خبيه سوااا وانتبهي له ولوما توصلي شاقلش ايش
زهور بتتلفت حولها لحد يشوفهن سحبتها: تموا مجابره في التلفون مش في الشارع
بلقيس شلت الكيس ومشيت معها
انس رجع المحل جنب مرام: انتي بأي حق تجي لاعند زبايني؟
مرام: عشان زباينك عتغير قانون المحل ممنوع ترجع الحاجه او تستبدل
انس: وانتي مادخلش
مرام: رجاء تكلم معي سوا
انس: انتي بدأتي تفيضلتي والان اقلش ماتدخليش مره ثانيه والا شرفع شكوى للادارة
مرام بضبح: قل آنها حبيبة القلب وعشانها ترجع اللي تشتي ولو بعد شهر
انس: ايوووه وانا حر ترجع حتى بعد سنه
مرام ضبحت ومشيت من جنبه وراحت جلست تبكي حطت نفسها في موقف بايخ معه وكسفها وتأكدت ان هذك حبيبته طيب في ايش احسن منها وشكلها عادي ولبسها عادي جدا.
@ المصدر الأول للروايات
وهن في طريقهن
زهور: افتحيها نبسر
بلقيس: مدري مغلفه خليني لما اوصل واقلش ماهي تأخرت قوي
زهور: يله خلاص لما توصلي رسلي لي
بلقيس: تمام
.
.
في القريه..
عمر ضبح بعد مادور في كل مكان ولا لقي سالم ولا الاوراق نزل لاعند ابوه: انا متأكد انه شلهن ايمن
الشيخ: مابش ايمن سار وكل شي كان عندي تأكد ياابني في غرفتي محد عسهن
عمر: نفلت كل شي ولا حاجه
الشيخ بدأ يتوتر ومعصصصب: ...
📚 @ 🇾🇪
Читать полностью…
روايات يمنية📚🇾🇪
06 March 2024 14:35
.
البــارت 110 ○
الثــروة الـمنسيـة 🍀
للكـاتبـة: عبيـر الكبسـي
👌🏻👇🏻 😍
📚 @ 🇾🇪
بلقيس نكزت سمعت ابوها جنب الباب طرحت تلفونها وسط الكتاب
ابوها دخل فجأة: مالش مريضه فيش شي؟
بلقيس شافتهن وراه واقفات مستغربه ساكته
هن خايفات جدتها ومرته بيتلفتين للطيقان ولكل بقعه
سالم فكرها هربت او تاعبه مافهم: مالها هذه بخير
امه مسكته بيده وسحبته للصاله بتكلمه
خالتها واقفه جنب الباب بتتأمل بلقيس ومنتظره تشوف تصرفاتها
بلقيس مربوشه وخايفه ابوها يجي يصيح شافت خالتها واقفه وماقدرت تتكلم في التلفون مسكت الكتاب وبتتكلم من جنب الكتاب.. غللللق غلق بتسمع.. مش وقت ذلحين به هنا جن ثانيين غلق انت ذلحين واجابرك بعدا لوما اطايرهم.
مرة سالم جلست تعوذب من الشيطان وهربت بسرعه خاااايفه ولزوجها: هذك بتكلمهم يماه والله ماتجلس عندنا
سالم صاح: بدأنا كل يوم معش قصه وكل يوم معذري احسن لش اعقلي معش جهال
امه بتغمز له بعينها الثنتين وتأشر للغرفه: والله انه صدق ياابني
بلقيس خبت التلفون في الشنطه وجلست تحفظ التعاريف وتخطط تحتهن وتسمع لنفسها بصوت مرتفع
سالم قرب من جنب الباب سمع صوتها... دخل فجأة لو بيشوف شي
بلقيس كانت مغمضه عينها وبتعد باصابعها وتتحفظ
سالم شافها وتنهد تطمن: بتذاكري
بلقيس نكزت: ايوه اي حين دخلت فجعتني
سالم: ذلحين جيت يلا تمي مذاكره ماششغلش
خرج وبيتفرج لهن بنص عين وبضبح لانهن بيدورين لها سبب يخرجنها
مرته: ماهو مابسرت
سالم: بتجابرهم.. لحد يدخل عندها ولا شي خلوا لها حالها.
امه : يوو افتحي يابنتي قران ملان البيت وبخري بتثويررر
مرته قامت: ولا حد يسير كذاك ياجهال قروا هنا
سالم كمل يصلي وشل 2 قلصات شاهي ودخل عندها
بلقيس جالسه مستغربه جيته
سالم: ارتاحي شويه من المذاكره يكفي قومي تقهوي
بلقيس طرحت الكتاب وشلت قلص شاهي وبتشرب
سالم بيقرا الكتاب: ليش تشتي تدرسي شريعه وقانون ! وانتي بتحبي الطب!
@ المصدر الأول للروايات
بلقيس: لاني كرهت الظلم وكرهت الضعف وكرهت الاقوياء اللي حيلهم على المساكين لاني نفسي ادافع على كل حد ماقدر يدافع ع نفسه مثلي وقت مااحتجت حد يدافع عني
سالم: اللي يسمعش يقول قد قتلتي والا سرقتي والا انسجنتي
بلقيس: انقتلت لما ماتت امي وجاهله في عمري تقلها جدتها انتي السبب مالحقتي امش تخيل العقده اللي كبرت بها بنت قتلت امها !! ولما كبرت وفهمت انه مالي دخل ولا سبب وهذا من عند الله وكره جدتي لي ان انا بنت فهمت انها عقدتني من كل شي !!
انا انسرقت مش سرقت ، انسرقت مني طفوله تمنيت اعيشها مثل كل الجهال
سالم حاسس بندددم: يابنتي انا دورت مصلحتش
بلقيس: انت كذبت وصدقت الكذبه ياباه ايش من مصلحه اعيش بين أسره وانا معي اسره محرومه منها والسبب ذنب مافعلته خلاني انحرم منك
انسجنت في بيتك عندك وكنت مظلومه وماقدرت اقل كلمه واحده.
سالم تنهد وشرب الشاهي وساااكت سارح في الارض
بلقيس: انا قررت ادرس شريعه وقانون اكفر عن ذنبك
سالم لفت لها
بلقيس: لما اشتغلت مع الشيخ السارق الظالم وكنت ساااكت ع كل الغلط اللي فعله مثل ماسكت عني
سالم سارح في كلامها وداخل نفسه ايش من شيخ وماقصدها !! اكيد متحمسه مع القرايه اطنشها بس ياسعم ماعتفعل اخرتها عتتزوج وتجلس في البيت
بلقيس شافت سكوته نرفزها اكثر ندمت على كل حرف قالته له ماكان يستاهل عتاب ماعنده اي ردة فعل !!
سالم جلس يتفرج الكتاب ويشوفها تذكر علي وكنسله الخطبه: بين ابسرش مهتمة بالمذاكره مارأيش الغي الخطبة؟
بلقيس فرحت لفتت له: صدق؟
سالم: ماهو
بلقيس: يعني تلغيها !
سالم: ايوه مانقطع نصيب ابن عمش مراعاه لوما تتمي
بلقيس: ايوه صدق عاد باقي لي 3 سنوات لوما اتم
سالم: خلاص الان اهتمي بقرايتش والنصيب اي حين ماجاء وانتي موافقه تم.
بلقيس ابتسمت بدون شعور مش لطيبه ابوها بس حست في امل تكون لأنس
سالم خرج من عندها.
@ المصدر الأول للروايات
بعد اسبوع بدون أحداث مهمه..
في القريه بيت الشيخ..
الزوجه الرابعه نزلت لاعند طباينها: واحده تطلع تأكله ماقدرت له.
الزوجه الثالثه: هيا مالش ماعد قدرتي لشي ذلحين ! وين الزقع والمقاتله عليه والزلط ملان جيبه
الزوجه الرابعه: على الأقل قدكن راكنات بجهالكن شفطوا جيبه وعمروا وفعلوا كل شي مانا يارحمتاه لي وجهالي لاوقع به شي عترجمني خارج
الثانيه: مالكن صلين ع النبي بتفولين عليه
الاولى فلتتهن يتحانبين وطلعت لاعنده تأكله.
.
.
عند المزارعين..
ايمن وصل عندهم وجلس معهم وناقشهم وسألهم كم شهور مااستلموا.. ادالهم من ماله الخاص مساعده او سلفه يمشوا حالهم بها امد..
/channel/rewayatyamania/51250
📚 @ 🇾🇪
Читать полностью…
روايات يمنية📚🇾🇪
06 March 2024 14:33
.
البــارت 108 ○
الثــروة الـمنسيـة 🍀
👌🏻👇🏻 😍
📚 @ 🇾🇪
و((طول الطريق بتمشي وكل فكرها حبها ومشاعرها واحساسها له.. كانت بتواسي نفسها في الطريق بذكرياتهم اللي مشيوا مع بعض المسافات هذك كلها)) انا لازم اكون اشجع من ابي اللي تخلى عني في لحظه خوف نفسي اعيش عكسه غير مبادئه وأفكاره مااشتيش اكرر صفات كرهتني فيه
يكفي خسرت من حياتي كثير ولا عشت فيها يوم حالي الا بعد ماعرفت زهور وانس.. انا من الان غير
لو سمحت هات المحاضرات لو صورت دفاتر طلاب حق اليوم لسنه اولى شريعه وقانون..
شلت الاوراق اللي تحتاجها وهي بتفكر كيف تتصرف عشان ماتندم بعدين!
خرجت والسياره واقفه قدامها للحظه افكارها كلها سكتت وطلعت بهدوء داخلها فضول ليش جاء معه!
ابي رجع هذه المره بقصه جديده لا هو اسف بي ولا حسه عندي يشتي يزوجني لابن اخوه اللي موظفه عنده.. ( ضحكت ضحكة استهزاء ) يعني ابي جاء يبيع غنمه من غنماته اللي بيخليهن يتربين في الارض من نفسهن واخر الليل يدخلهن الحوش ويحبسهن ولا جاء مشتري باعهن وذبحوهن ووقع له منها زلط!
هذه المره انا الكبش الفداء حق أبي.. طيب
سالم قاطعها: مالش ساكته! عاد الناس يردوا السلام
علي بيسرق نظرات من المرايه بسرعه ويسسوق
بلقيس: انت علمتني مااتكلمش لما يكون به حد غريب
سالم ضحك وشاف علي: ماشاءالله ابسرت مارسلت الا وانا راكن
بلقيس داخل نفسها: راكن ايش ! مش داري ان الغريب ابن قريتنا وقع اقرب لي منه وحبيته ازيد منه وحافظ كل اللي يعجبني واكرهه وتفاصيل وقتي احسن منه وقلك راكن!
مش حاسه بأي ذنب على ركنك يا اباه
سالم: وبتجي الاولى ساع المدرسة
بلقيس باستهزاء داخل نفسها حتى مش داري ايش الفرق بينهن: عاد احنا ماتمينا السنه ادرى اوائل او مع
سالم: اسكه يا ابني وقف هنا انزل بسرعه اشتري قات وارجع
علي لقيها فرصه يجابرها براحته: تمام
سالم: ماتشتي قات!
علي: مع مااشتيش اخزن بين اقطع التخازين قبل السفر
سالم نزل: تمام
غلق الباب ومشي
بلقيس جالسه بتتفرج من الطاقه الناس اللي في الرصيف اللي بيطلبوا الله فتحت شنطتها خرجت فلوس ونزلت
علي افتجع فتح الباب بعدها ونزل
بلقيس ناولت المسكين ورجعت شافته قدامها فكرت خايف تهرب..مشيت من جنبه وطلعت السياره
علي: نزلت بعدش قلت لايفجعش المجنون
بلقيس: والا عشان لا اهرب! ان هو ع المجنون تطمن فيني جن عنسد انا وياهم
علي عقد حواجبه وساكت
بلقيس: ماقالوا لك؟
علي: ايش؟
بلقيس: ان فيني جن وفي الاخير جدتك افتجعت مني وخلوني اسير بيت خالي
علي مصدوم: لا محد قال لي
بلقيس: خلاص وانت لاتكلم حد افضل وبين اقلك امد بتجي لي حالات اوقاات ويجوا لي
علي حس شعر يده وقفين شل باكت السجاره ونزل يدخن وبيفكررر
بلقيس ماسكه ضحكها حست انها تأثرت من مقالب زهور وخرطاتها رسلت لها ((خطه جديده يارب تنجح))
سالم شافه بيشرب سجاره: هيا
علي رجم السجاره وطلع معه وسااكت سارح بيفكر في كلامها منطقي نوعا ما والدليل انه عمه فلتها فتره
@ المصدر الأول للروايات
في بيتهم بعد ماوصل..
علي: انا ماعد اشتي اخطب بنت عمي
ابوه: ليش؟
علي: هكذا مااشتيش جامعيه وهي مصممه تتم الجامعه وماارتحت لها مااشتيش وبس مش هو صميل
امه: قد بنقل لابوك مابيفهم
ابو علي: خلاص ابسري له انتي ع مايشتي وبس
علي تطمن وجلس بيتخيل نفسه لو كانت معه ايش بيحصل له
.
.
في بيت ابوها..
امه: مالبنتك؟ عتتغدي؟
بلقيس: قد تغديت معي مذاكره وين غرفتي ياباه
خالتها: عادها تشتي غرفه
سالم شافها: ادخلي هنا المكان حق اخوتش
بلقيس: بس معي مذاكره ومتعوده ارقد لحالي
سالم: امد قصدي ماافرش لش غرفه عاد البيت فاضي
بلقيس: تمام شدخل اذاكر
سالم: اجلس معش شويه وبعدا افعلي مااشتيتي
خالتها بتشاور عمتها: تذاكر قذا رسبوها من الطب قلك تذاكر
في غرفه اخوتها
سالم دخل وقفل: ماشاءالله عليش جمال وذكاء وقد انتي ثانيه
بلقيس فرحت بكلام ابوها مبتسمه وساكته بتلعب باظافرها
سالم: يابنتي لو تبسري مااحلى حظش امانه انش تستاهلي كل خير
بلقيس شافته
سالم: لو تبسري ابن عمش والراحه اللي هو فيها وسفريات ومعه بيت ومحلات وكل شي
بلقيس: الله يهنيه
سالم ابتسم: اكيد الله يزيده من رزقه بس قصدي واحد يشتيش وبهذه الراحه اللي هو فيها ومن الاهل ياسلام
بلقيس: تعرف اخلاقه! كمل جامعته!
سالم: اكيد ابن عمش كيف مااعرفش وجامعته عادو عيتمها مهندس الولد
بلقيس: كيف تعرفه وعادك الا عرفتني ذلحين ان انا كبرت وتغيرت!
سالم انحرج وتوتر: احنا الرجال نفهم ع بعض الولد مصلي مايفلت فرض ومش هو حق بنات وحركات كم يدخلين لاعنده لغج وهو للأمانه محترم
بلقيس: اول تقل لي مرتاح والان محترم اين اهم برأيك
سالم: كلهن اهم شي ولد حق طلبة الله ومحترم
بلقيس بتتخيل في ذاكرتها بهذه المواصفات انس: خلاص انت اخبر..
📚 @ 🇾🇪
Читать полностью…
روايات يمنية📚🇾🇪
06 March 2024 14:28
.
البــارت 106 ○
الثــروة الـمنسيـة 🍀
👌🏻👇🏻 😍
📚 @ 🇾🇪
بعد ماوصلت باب الجامعه ترددت تدخل حست بكل اللحظات اللي جمعتها به وفرقهم موقف كسر نفسها منه رجعت من البوابه ومشيت لطريق السكن
انس كان مراقبها من بعيد كان منتظر الصبح بدون نوم ، كان عنده أمل ترجع تداوم يفهمها يكلمها بس ماعد عنده جرأه يلاحقها نفسه يوفي بالوعد اللي وعدها بس خايف تفهم غلط ويجرحها انه بيراقبها
(( كان الأمر عاديا
وليس كما ظنيت
ولكنه أصبح عاديا
بعد
معارك هجمت على عقلي
حينها .. عانيت الف كسرا في قلبي والف دمعة ترغب بالسقوط عن عيني أن لا ترحلي من قلبي .. هكذا بين ليلة وضحاها
استنزفت كل مشاعري
دفعة واحدة وكان الأمر جدا عاديا .. الا ألف تبا لي ..!! ))
بلقيس طلعت السكن دخلت غرفتها جلست تبكي.. وصل لها اتصال.. بلقيس شافت رقمه طنشت دخلت غسلت وجهها وفعلت لها سندوتش واكلت ورقدت..
زهور وصلت وشافت انس جالس ع الرصيف المقابل للسكن: ليش جالس هنا ماكفاكش اللي حصل !
انس: لو سمحتي فهميها انتي وعقليها الآن هي فوق
زهور: ليش جالس بتراقبها !!!
انس: مش اراقبها كنت قلق عليها وخايف والله كان نفسي اكلمها بس ليش ماداومت !
زهور: مدري المهم انت لاتلحقها هنا ولا مكان وهي عتهدا من نفسها وتكلمك.. مع السلامه.. طلعت
انس قام ومشي وخرج من الجامعه.
زهور فتحت باب الغرفه دلا شافتها نوم خلتها براحتها واتصلت للمدرسه تعتذر من غيابها هي وبلقيس..
بلقيس سمعتها وقامت.. جلسين يتجابرين وزهور تبرر لأنس وتقنعها تعذره وانه بيحبها وبيغير عليها وو...الخ
بلقيس غيرت موقفها شويه بعد ما زهور جلست تفهمها موقفه واللي قاله لها.
بلقيس: بس ايش الفايده خلاص ابي عيزوجني بابن عمي
زهور: وانتي غبيه مابش معش رأي هذا وانتي بتدرسي قانون محد يقدر يجبرش على شي ماتشتيه
بلقيس: يا زهور انتوا عندكم في المدينه غير عندنا البنت ماتختار ولاترفض ولاتقل كلمه
زهور: وعندكم مابش بنات بيكملين دراستهن الا قليل وانتي كنتي المميزه وواصلتي وتعبتي والآن تقدري تفرضي رأيش عليهم
بلقيس ساكته
زهور: يعني هذك كان ابن عمش اللي يشتيش؟
بلقيس: ايوه
زهور: طيب كلميه انتي
بلقيس بتشوفها ساكته
زهور: مني صدق قلي له انا مش موافقه وابي هو اللي مصمم ليش ماتدور حد غيري
بلقيس: اخزا اكلمه وكيف وفين ماينفعش
زهور: تقدري بس شكلش راضيه خلاص انتي حره
بلقيس: كم الساعه؟
زهور: 12 الظهر ليش عتروحي؟
بلقيس: اكيد قلت لابي شاتصل له
زهور: مش انتي مستعجله اجلسي نتغدا سوا وذاكري اللي فاتش وروحي
بلقيس: شاكون اجي هنا حتى لو مابش معي محاضرات
زهور فرحت: يله انتي اليوم ضيفتي ايش افعل لش غداء
بلقيس ضحكت: ولا شي قلي لي اسامح انس او لا
زهور: من رأيي سامحيه ماله ذنب ولو انتي بموقفه اكيد عتستغربي وتشكي فيه وتزعلي
بلقيس هزت راسها: ايوه
@ المصدر الأول للروايات
في المحل..
علي شاف عمه
سالم: تأخرت وصلت بلقيس الجامعه وجيت
علي: عتخليها ياعم تتم الجامعه
سالم: ايوه
علي: وبعد الزواج كيف
سالم: اكيد شرطها تتم
علي: بس ابي خصمه في الجامعه ماخلا حتى خواتي يدرسين
سالم: بنتي غير ماشاء الله ذكيه
علي: بس ماكملت طب
سالم: واختارت قانون وهذا اللي عينفعها ما خرجنا من القريه لهنا الا لانه مابش قانون ولاحقوق لنا
علي: والله مالي علم بشي سد انت وابي
سالم: وانت ايش موقفك
علي: انا للأمانه مااشتيش مرتي تدرس وتشتغل ولا شي
سالم: خلينا في العمل الآن وكل شي من وقته
علي: انا جاهز اي وقت تردوا خبر نجي نخطب
سالم: اليوم شاكلمها وبعدا سهل
.
.
في القريه..
جالسين المزارعين بيتفرجوا عمر بيحاسب المقاول والعمال
واحد منهم: 3 ادوار طلعين في شهر سبحان الله
والثاني: واحنا مراعيين لهم شهر ونص وحقنا ماوصل
الثالث: عندي فكرة ما رأيكم نخارج نفسنا احنا كنا معهم صادقين وهم زادوا علينا
الثاني: مانفعل
الثالث: نبيع من حال اللي بنقطفهن ونخارج نفسنا
الاول: وناكل حرام
الثاني: ايش من حرام هذه ارضنا حقنا وين كان مخ اخوك وابي لوما وافق للشيخ ليش بيتحكم هو
الاول: والله مانا داري مااقلك ياخي البن كان يخارجهم زمان
الثاني: زمان ذلحين مايخارج الا القات صدقني
الثالث: المهم انا شاخارج نفسي وانتوا اجلسوا راعوا لحقكم يوصل بعد الطرحه الرابعه حق الجاهل هذا واشر لعمر
.
.
في بيت الشيخ..
عمر بيكلم نفسه ابي قد صحته تاعبه وايمن معه تجارته وانا لازم اوثق لي كم قطعه ارض بإسمي بس اين القى الورق الاصل.. جلس يفكر طلع غرفه ابوه ودخل يدور فيها..
.
.
في السكن..
انس رسل لها رساله ممكن لو انتي فاضيه تجاوبيني
بلقيس ورت زهور الرساله
زهور ضغطت اتصال ورجمت لها التلفون وضحكت
بلقيس انصدمت و...
📚 @ 🇾🇪
Читать полностью…
روايات يمنية📚🇾🇪
06 March 2024 14:26
.
البــارت 105 ○
الثــروة الـمنسيـة 🍀
للكـاتبـة: عبيـر الكبسـي
👌🏻👇🏻 😍
📚 @ 🇾🇪
سالم: استأذنك اخطى وبكره رد لي نابي لو عتسافر انت او اخوك امد ندرا كيف نقسم العمل
علي: اخي مايقدر يسير انا بين اسافر واتعامل معهم لذلك انسق معهم واسير ادي بضاعه للمحل الجديد
سالم: ان شاءالله بيننا تواصل واللي حصل اليوم مايخرج في البيت عندكم
علي: ولايهمك
سالم: مع السلامه... وخرج
زهور جالسه تفكر خايفه على بلقيس تخسر انس وهو المخرج الوحيد لها من اهلها.. وخايفه من انس يكون فهمها غلط اتصلت لبلقيس..
بلقيس كانت منعسه والغرفه ظلام: الو
زهور: انتي نوم وانا بين اكل نفسي عليش! تغديتي
يلقيس: لا مقفله على نفسي الديوان
زهور: كلمتي انس
بلقيس: ايوه خلاص
زهور: خلاص ايش
بلقيس: قلت له لاعد يتصل ولا شي.
زهور: طيب اشتي رقم انس
بلقيس: ليش
زهور: اكلمه
بلقيس: مابش داعي قد كلمته
زهور: ماعليش ادي الرقم احتاج اكلمه بشي ثاني.
بلقيس: مسجل عندش في الملزمه ثاني ورقه في الاخير في رقمش ورقم في الوسط حق المديره والثالث حق ابي والاخير حقه
زهور: تمام
بلقيس: بس ليش تشتي تكلميه
زهور: عترجعي تعرفي بعدا.
بلقيس ماكان فيها طافه تسأل وتراشي وتمنع ولافرقت معها اي حاجه: طيب.. يله مع السلامه.
ابوها وصل: مساء الخير
امه: اي خير وقد بدأت بنتك العناد وقلة الحياء
سالم: رجاء محد له دخل منها فتره لوما تتعود
مرته: تتعود على ايش ياسعم جت من الفضاء تحمد الله لقيت بيت يلفها
سالم: قسما بالله لوما تغلقي فمش وتسيري من دوار المشاكل لاترجعي القريه.
مرته: الله يلعنها حين تجي وتوقع انت هكذا.
سالم عصب منها قام وفتح الديوان بقوة
بلقيس كانت بتسمعه فتحت الباب
سالم: ليش مغلقه على نفسش؟ اخرجي تغديتي !
بلقيس: شابعه.. بس اشتي اصلي
سالم: سيري مالش مخبايه هنا.. ياجهال جوا ابسروا اختكم.
بلقيس شافتهم مخبايين ورا الباب وامهم بتدعيهم ذكرت اخوها الصغير اللي مات خافت تتكلم معهم او تحضنهم... خرجت وبتسأل فين الحمام
جدتها: دوريه ماكبرش البيت
بلقيس شافت اخوها اشر لها وفتح باب الحمام دخلت وقفلت غسلت وشها وتبكي وتغسل شافت نفسها في المرايه حست انها رجعت لها ملامح الطفوله الحزينه اللي عاشتها معهم.. كل الجمال اللي كان يتغزل به انس وابتسامتها في المرايه وكنوز بتنكت وتمزح كلها راحت.. احلى ايام في حياتها اللي كأنها لحظه كملت.. ((فقط اخبرني بماذا تشعر بعد أن كنت جميعهم ووثقت بك واتخذتك سندا لي فخذلتني ))
سالم شاف مرته: جهزي العشاء
مرته: اليوم بس ومن بعدا كل واحد يخدم نفسه يله بك وجهالك وعمتي.
سالم طنشها حب يتعودين على بعض وبعدا يفرض قوانينه.
@ المصدر الأول للروايات
في غرفته جالس يتفرج الاوراق اللي قدامه وخطها ويتذكر كل لحظه كان معها وانه هذا الوقت اللي بيكلمها فيه حس بحنين وشوق وندم...
رن تلفونه قاطع تفكيره وفز بسرعه يرد شاف رقم غريب جاوب: الو
زهور: مساء الخير
انس: من انتي؟
زهور: انا صاحبة بلقيس
انس: خير فيها شي؟؟
زهور: منك صدق ذكرت تسأل هذا السؤال ذلحين بعد ايش؟؟
انس: قالت لش اللي حصل!
زهور: اكيد طبعا ما اقتهرت على الموقف اللي حصلها مع اهلها بقدر ما انجرحت واقتهرت منك
انس: خلاص بس يا اختي انا قد فهمتها موقفي ماافعل اي حد مكاني كان عيجنن ويغير ويطلع له ابليس هذك الساعه.
زهور: غلطان مش كل الناس بتفكر مثلك.. لو كنت مكانك ماافكر ابدا هكذا كنت شاقول حد خطفها حد هددها حد بيلاحقها مش اجلس اتفرج سكته
ولما تتصل لك بتبكي تزيد انت تنزل عليها كنت تتفهمها وتعاتبها قبل ماتنطق حرف واحد
أنس: خلاص قلت لش ماكان بحسي هذك الساع وفهمتها
زهور: بعد ايش انت عارف اليوم سمعت ابوها بيقلها هذا ابن عمش وعيكون خطيبش
انس مسك راسه ورجع جمززز على يده: قال هكذا؟ والله لاقتله والله لو حد يشلها مني لو حتى ابوها
زهور: يا اخي فكر بعقل وتصرف قبل ماتضيع منك سير اخطبها تقدم لها
أنس جلس يسمع كلامها: بس عتوافق بي بعد اللي حصل قفلت في وشي
زهور: اكيد ردة فعلها طبيعي اي واحده مكانها ولو انا والله ماارجع لواحد شكك بي بس بلقيس طيبه وعلى نياتها.
أنس حس بقهر اكثر: طيب لو اتصلت لش او شكت لش من شي قلي لي طمنيني عليها مااشتيش اتصل وافعل لها مشاكل
زهور: تمام .. اهم شي شك بأي حد الا بلقيس.
انس بيسمع سكته بندم
زهور: مع السلامه.. قفلت
@ المصدر الأول للروايات
ثاني يوم الصبح في الجامعه..
بلقيس قامت بنفس اللبس غسلت وجهها وتبرقعت رايحه الجامعه
سالم بيشرب الشاهي: طيب راعي اوصلش..
بلقيس واقفه منتظره له..
بعد ماوصلت باب الجامعه ترددت تدخل...
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
06 March 2024 14:25
.
البــارت 103 ○
الثــروة الـمنسيـة 🍀
👌🏻👇🏻 😍
📚 @ 🇾🇪
مرام: معك زبون
انس: شوفيه
مرام قامت بدله واستغربت ماله بس عارفه انه مريض... خرجوا الزباين وراحت شلت له من الكافتيريا عصير ليمون ورجعت: مبين عليك عادك تاعب اشرب هذا باتتحسن
انس كان حاسس حلقه ناشف ومصدع شله منها: تسلمي وخرج فلوس ناولها
مرام استفزها رجمت له فلوس: مش انا مباشره عندك.
انس شل الفلوس وانحرج من موقفه معها شرب الليمون وتشكرها.
جلس شويه هدأ اتصل لبلقيس حابب يفهم منها
بلقيس بتمشي هي وصاحبتها فتحت تلفونها توري زهور رسالته شافت الاتصال كنسلت
انس رسل: ردي لو سمحتي
بلقيس مطنشه
زهور: اكلمه انا؟
بلقيس: لا
زهور: ليششششش فهميه
بلقيس: ايش افهمه ان انا مش صايعه واطلع مع اي واحد !! طز فيه عنه لافهم
زهور سكتت..
وصلين جنب السكن..
فتح باب السياره ونزل: بلقيس
زهور حست رجلها ثلجت لما شافت ابوها
بلقيس جت عينها بعينه ماعد في مجال للكذب والهربه: خير
ابوها: تجاوبيني هكذا !
بلقيس شافت الولد اللي طلع معها فوق السياره: وانت ترسل واحد يتتبعني هكذا ويخطفني؟ هكذا!
ابوها: ابن عمش هذا وانا خليته يدورش بعد ماكذبتي
بلقيس: ليش ياسعم اعرف عيال عمي والا حتى اعمامي نفسهم او حتى انت؟ ولا اعرف أحد
ابوها: امشي معي ونتفاهم في البيت
بلقيس: مااشتيش
ابوها: امشي الآن بدون مشاكل والا حرام لاحرمش الجامعه واحبسش في البيت غصب وازوجش ابن عمش
زهور شاورتها: سيري امد اقنعيه احسن مايعاند
بلقيس خافت من ابوها وتهديداته مشيت معه وطلعت السياره.
زهور رجعت السكن دخلت غرفتها وجلست تبكي على صاحبتها وكل اللي حصل لها في يوم واحد... مش عارفه ايش تفعل
@ المصدر الأول للروايات
فوق السياره..
علي: اعتذر منش انه مافهمتش بس ماكان ينفع اوقفش واحاكيش في الشارع
بلقيس: تقوم تطلع السياره معي قدام الناس كلهم ويقولوا يعلم الله مع من طلعت.
ابوها: لاتكبريش الموضوع هذا ابن عمش وانا الي قلت له لو لقيش يديش للبيت
بلقيس: بهذه الطريقه وانا قلت مااشتيش ارجع
ابوها: مش على ماتشتي ماقد تحاسبنا.. عاد احنا في البيت نتفاهم
بلقيس: على ايش نتفاهم واي بيت انا معي دراسه
ابوها بنرفزه: قلت في البيت نتكلم.
بلقيس سكتت
وصلوا البيت...
علي: انا شرجع المحل
سالم: تمام ، تسلم شلحقك الليل
علي: عادي لو انت مشغول اليوم بكره
سالم: تمام
بلقيس واقفه جنب ابوها وحاسه بضيق في صدرها
ابوها فتح الباب: ادخلي
جدتها شافتها: اعوذ بالله من الشيطان الرجيم صرف كل شيطان
خالتها: يو وهذه من اين جت ! مش قلت انها ماتت
بلقيس شافت لابوها وضحكت باستهزاء
سالم: اصه مش وقت نتفاهم بعدا.. شاف بلقيس واقفه: ادخلي مالش
جدتها شافتها مطنشه: ولا سلام ولا كلام ! هكذا تربيتي
بلقيس ولا جاوبت حد دخلت بعده الديوان..
خالتها دخلت: كنتي مسافره؟
بلقيس مطنشه
سالم شافها مطنشه فكرها زاعله على ردة فعلهن لما دخلت
زوجته واقفه
سالم: سيري افعلي شاهي
مرته خرجت
بلقيس قامت وقفلت الديوان بالمفتاح
سالم: مالش؟
بلقيس: اشتي نتكلم ومحد يتدخل
سالم: تمام
بلقيس: ليش فعلت بي هكذا !
سالم: انا تكذبي عليا يقلوا مسافره؟ خليتيني البج عليش كل بقعه
بلقيس: لو كنت تشتيني مافلتني بيدك من الاول وناذقت بي من بقعه لبقعه حتى ريال واحد مارسلت لي.. ليش ذلحين تشتي ارجع
سالم: قلتي عتدرسي طب رضيت وبدعوا بي اهل القريه كلهم وادرا انش كذبتي عليا
بلقيس: وليش ذاحين تشتي ترجعني
سالم: لان قد انا في المدينه ومابش عذر معش سيري اقري من هنا
بلقيس: كيف لك رديتني وهن بيقلين مااداها
سالم: ماعليش من حد ذاحين ماينفع جلستش في السكن حق الجامعه عمش قال انه مش هو سوا
بلقيس: وهو مادراه؟ جاء وابسر بعينه
سالم: على مابيسمع
بلقيس: على مابيسمع لكن محد ابسر بعينه فيه بنات ناس ومحترمات اكثر من وهن في بيت اهلهن وفيه بنات الله يهديهن بس ليش فعلت معي هذا الأسلوب تخلي الكل يتحاكا عليا
ابوها: محد عيتحاكا عيدروا انه خطيبش وابن عمش
بلقيس: واي حين قد خطبت لي؟
ابوها: عمش حاكاني
بلقيس: وانا وافقت؟
ابوها: مابش عندنا بنات يوافقين او مع اللي ابسره صح تخطي بعده
بلقيس: لا ربيتني ولا تعبت فيني وجاي ذلحين تقلي اللي تبسره صح !
الباب بيدق مرته بترزع الباب
ليش كان صح تفلتني امد مرتك اتهمتني قتلت ابنها وجدتي تقلك هذه البنت نحس
ومرتك تقلك ياانا ياهي في البيت ورجمتني امد مرتك اللي واحمه بالولد!
ابوها ززززعل وعصب من اسلوبها: عيب تتحاكي معي هكذا احذرش والا شكسر راسش
بلقيس بكككيت: اكسررره احسن ريحني افتهن
ابوها شافها متأثره سكت شويه
الباب بيدق بقووه
سالم: مانشتيش شاهي سيري ابسري الجهال
مرته سارت لاعند عمتها: ...
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
06 March 2024 14:21
.
البــارت 101 ○
الثــروة الـمنسيـة 🍀
للكـاتبـة: عبيـر الكبسـي
👌🏻👇🏻 😍
📚 @ 🇾🇪
دخل الدكتور ...
علي كان واقف في الباب
الدكتور: انا قلت ادخل ومحد يدخل بعدي
علي: كنا انا وانت سوا بس سبقتني
ضحكوا اللي في القاعه
الدكتور ضحك: ادخل واخر مره
علي دخل وبيتلفت قسم البنات ذكر انه مايعرفها ولابيعرفها بين هولا البنات كلهن ..
جلس في المحاضره وهو بيفكرررر كيف يفعل شاف اللي جنبه ماسك كشوفات واسماء طلاب بيناول واحده من البنات
علي: ايش هذا؟
المندوب: الكشف بعدا شامررها وقع على اسمك
علي هز راسه ومحتار كيف يعرفها: تمام.
أثناء المحاضره...
بلقيس فتحت رسايل منه جلست توصل اجزاء الرساله بعد بعض منه (( حبيبي كان اشتي افاجئش بس خفت زهور تختارها الدبله اللي بتختاريها اليوم هي لش مش لصاحبي نقي اللي يعجبش انتي اشبع نوم وارجع اتصل بش ركزي عشان تشرحي لي سوا واكتبي بخط واضح مااشتيش خط الدكاتره وخربشه الدجاج ))
ابتسمت وردت له (( موضوع الدبله نتفاهم انا وانت بعدين بس النوم ارتاح انت مريض وبكتب لك كل شي لاتجي وانت تاعب )) وخبت تلفونها وحاسه بفرحه عجيبه منه وان الدبله لها ولافهمت اي شي في المحاضره بتفكر في كل كلمه قالها
@ المصدر الأول للرواياتت
بعد المحاضره..
بلقيس ضابحه منه وزاعله شافت تلفونها مابش اتصال.
مشيت من المدرج وبتنزل وقفت جنب الباب تفكر تتصل له او لا !!
علي لقي المندوب واقف مع واحده سار لاعنده: تعرف الطالبه بلقيس سالم؟
المندوبه: ايوه كانت جنبي تلفتت حولها شافتها ماسكه الدفتر البنفسجي حقها اشرت: هذك
علي ضحك باحراج: كلهن مبرقعات به 3 اين هي
المندوبه: اللي بدفتر بنفسجي انت تعرفها؟
علي خرج بطاقته وراها: بنت عمي
المندوبه هزت راسها بتمام
علي مشي سرررريع وخرج اتصل لعمه مابيجاوب
بلقيس فكرت عشان تفعل غداء مابش ولاشي في المطبخ قررت تخرج من الجامعه تشتري خضار ..
علي كان بيمشي بعدها بسررررعه
بلقيس خرجت من الجامعه
علي بعدها المحل اللي يبيع مقفل حاسه بصداع قررت تستأجر تكس وتروح لسوبر ماركت تشل كل شي منه وقفت التكس وشارطته وطلعت
علي فتح الباب وطلع شاف السواق: معها
السواق مشي
بلقيس تلفونها بيرن وهي بتصايح السواق: لو سمحت وقف هنا من هذا اللي طلعته !
السواق شافهم: انتي معه؟
علي: لاتصدقها هي اختي
السواق بيصيح: الله يلعنه يوم دبور من اوله ناقص مشكله على 200 ريال
بلقيس ماتسمع التلفون وبتصيح: مااعرفهش والله مااعرفه وقف لو سمحت وبتبكي
عادت الاتصال به
انس جاوب بعصبيييييه: من هو هذا اللي انتي معه !! تكلمي مع من طلعتي؟ اول ماعرفتي ان انا مش جاي اخذتي راحتش وقلتي تخرجي مع من ماتشتي صح ! ليش ساكته !!
بلقيس سااااكته بتحاول تستوعصب صوته: انس؟ شافت اسمه مره ثانيه
رجعت السماعه اذنها منتظره يضحك يغير الكلام
انس: جاووبي خايفه يسمعش هامه مشاعره اكثر مني صح؟
بلقيس منذذذذذذذذهله مصدومه ماادالها فرصه تتكلم بشي جرحها كلامه قوووووي
انس: ساكته ليش تكلمي؟ قولي اي شي مفكرتني غبي اهبل تضحكي ع عقلي ماتوقعتي اشوفش صح
بلقيس ماقدرت تتحمل تسمع اكثر من هكذا قفلت التلفون وطفته مره ثانيه ورجمته في شنطتها... وجالسه تبكككككي بقهررر طلع صوتها..
علي محرج كيف يفهمها وزعلان انها بتبكي لفت لورا: خلاص مالش نسد في البيت عمي سالم قدو في المدينه وقال اجي ادور في الجامعه.
بلقيس: مادخلك انت مننا ومن انت
علي بهرر لها: ابن عمش
السياره كانت بتمشي نسيت تتصرف في المصيبه الي كانت فيها مش عارفه كيف تفعل .
وقدها بعيده من الجامعه مكان وطريق ماتعرفه خافت اكثرررر يمكن هذا الولد كذاب والا صدق ابن عمها !!! وقف التكس في الإشارة... بلقيس جنب الطاقه بتتفرج المكان غريب واول مره تجي له شافت واحد نزل من السياره ومشي.. ولاترددت لحظه واحده فتحت الباب بسرعه ونزلت
قطعت الرصده بسرعه والسيارات بيمشين
علي نزل والسيارات بتطرررق وبعضهن بيمشي واللي بدأين يلفين
صاحب التكس بيصيح: حاسبوا ياكلاب ياصيع ياسرق مكني اختي وتطلع بنت عمه ومدري شويه صيع.
علي رجع رجم له الفلوس بسرعه: احترم نفسك وقفل فمك والله لا سجن ابوك رقم السياره معي عنتفاهم بعدا مش فاضي لك
جري بسرعه للجهه الثانيه يتلفت في واحده بتمشي جري لاعندها..
من طريق السكن بيلوي معصب يتصل وتلفونها مقفل... عصبيته وصدمته بيتذكر انه بالصدفه شافها وواحد بيمشي بعدها وهي تمشي وهو وراها وطلعوا تكس سوا خلاه يفكر بكل كلام الشباب اللي معه في السكن.. ان في بنات بيصاحبوهن من الجامعه وبيخرجوا معاهن بدأ يلف في راسه الكلام اللي سمعه الموقف وكلام اصحابه وموقف اهلها منها ! والشيطان ماخلاه يفكر او يظن فيها خير.
زهور مستغربه فين صاحبتها تتصل لها مقفل ومش في الجامعه ولا راحت المدرسة...
📚 @ 🇾🇪
Читать полностью…
22072