روايات يمنية📚🇾🇪
05 March 2024 19:17
☘
بارتـات يومنـا الثلاثـاء 👆🏻😍
Читать полностью…
روايات يمنية📚🇾🇪
05 March 2024 19:13
.
البــارت 99 ○
الثــروة الـمنسيـة 🍀
👌🏻👇🏻 😍
📚 @ 🇾🇪
كلهم حوشوا وتجمعوا لاعند ايمن: صلِ على النبي انتوا اخوه لايدخل الشيطان بينكم
عمر وقف السياره بعد ماشافه وراه من المرايه فتح باب السياره ونزل معصب.. انا ساكت لك وواصله معي لهنا وانت جاي لاعندي تدور هدار
ايمن: مارضيت تتعلم الادب وتحترم نفسك
عمر: مالك دخل مني اكل شارب والحمدلله صرفتي مش من جيبك ليش احترمك
ايمن هزره بالكوت ومشي من جنب المزارعين: على الاقل افعل لنفسك قيمه بينهم وانت شيخهم
عمر دهفه: انا لو سكت لك هذك اليوم فهو عشان ابي وفي مستشفى اما تجي لاوسطنا وبيتنا وتتعيفط حرام لاوريك الوش الثاني
ايمن بعصبيه: تتحداني هاه!
عمر بيهز راسه ويرفع حواجبه باستفزاز: ايوه والا ماعتفعل؟
ايمن هزره من الشال اللي فوقه وخانقه: والله لافحرك هنا واعلمك المرجله مش هي عيفطه وتحدي وقلة ادب.
المزارعين رجعوا لاعندهم يفرعوا..
ايمن مواصل كلامه: المرجله تكون قد المشيخه اللي انت فيها تبطل لوي وصياعه ولعب بالزلط حق خلق الله وانت بتمكن ابوها عماير وسيارات وشقاير وقات
المزارعين بدأوا الشكاوي لايمن: والله يا ابني ان قد لي شهرين مراعي لحقي بعت نص الغنم حقي
عمر شافه: وبيع الباقيات مابش حق لوما تدرا من عند من تطلب... دهف ايمن ومشي لاعند سيارته.. كان قد غيروا له بعض الشباب اللي في القريه التاير الاحتياط..
واقفين جنبه: تشتي شي ياصاحبي راسي فداك
عمر شاف ايمن: لا الله المستعان عادو اخي.
ايمن عصصصب منه ورجع البيت..
الشيخ سمع الرصاص: من بيتقاتل خارج
ايمن: ولاشي هذا تاير قرح
الشيخ: طلقة رصاص
ايمن: اباه تشتي امسك الارض بدل عمر
ام عمر: ليش واخوك ماله؟ عادك ذكرت تجي وكل شي جاهز
ايمن: اشتي اتحاكى مع ابي
ام عمر بمسخره: ماقصدك تطردني !
ايمن: كلام عن العمل ماينفعش حد يكون هنا
خالته: قد تميت تفعل لك قرشين في المدينه تمت عليك الزلط رجعت ذلحين ذكرت ان معك اب وارض فلته وهو محتاجك واخوك مافلت ابوك يوم وذلحين قد عمر ماينفعش
الشيخ: ارجع بقعتك وانا افهم اخوك العمل
ايمن ضبح وكان مفلت عمله وكل شي قام وقف: خاطركم
امه لحقته لاخارج: يا ابني لاتفلت ابوك وهو هكذا دعممها هي عتحرش بينكم امد ابنها
ايمن: خليهم يخطوا في الحرام هو وابنه مصدق له سرقوا اهل القريه
امه مسكت فمه: اص اص مالك بتخرف لو حد يسمعك منهن ويحارش له والله لايخرجك من كل شي
ايمن: ومن قال اني اشتي شي كل زلطهم حرام مع عمر فتره يلعب وبعدا انا شاوريه شارجع في الوقت المناسب وخرج
امه: ايمن ارجع من الجنان وابوك !
ايمن صيح من الحوش: هوذك ابنه عنده تحتاجي شي اتصلي لي مع السلامه.
@ المصدر الأول للروايات
الليل في السكن..
كانين كلهن متجمعات بيتعشين ومتخوفات منها ..
زهور: ليش بتخافين منها
واحده منهن: اصلا كانت تجلس تهددني عرفت بسر قلت لها وشلت صوري عندها خبتهن وكل ما شافت معي شلته والا تخليني اوقع معها بالغصب والا تقل لي عتنشر صوري
بلقيس: وذلحين كيف عتفعلي؟
البنت: ولا شي دخلنا الغرفه وهي مابحد وشلينا ادواتنا ومن الان كل واحده تنتبه
زهور شافت بلقيس
واحده منهن ثانيه: وانتي يازهور اوبهي منها اول ماتجي ادخلي الغرفه عتوصل تضارب انتين تبسرين
زهور: اتحداها والله لاوريها المضاربه سوا وماحد عيحاسبني لان المشرفه داريه السبب
دخلت فجأة وهن متجمعات
كلهن لفتين لاعندها
بلقيس خايفه بتشوف زهور وتشوفها
المتنمره دخلت ومنزله راسها للارض محرجه منهن دخلت الغرفه وصرعت الباب.
كلهن بيتفرجين لبعض كملين ورفعين الصحون
اللي كانين مع المتنمره في الغرفه بيستأذنين من البنات الغرف الفاضيه ينقلين عندهن
زهور وبلقيس دخلين رفعين الصحون وغسلين شويه ودخلين الغرفه.
بلقيس بتشوف تلفونها مابش اتصال قلقت عليه لايكون حصل له شي مع الولد او تقطعوا له
في المعرض واقف
انس شاف عمه ومشي للباب: اهلا ياعم دقايق بس ادي التلفون والجاكت ونخطى.. بيمشي ويفكر داخل نفسه ايش ادا عمه فجأة بعد فتررررره كبيره وبهذه العجله ايش الموضوع المهم لهذه الدرجه.
عمه شافه ولبسه: ماشاءالله بتشتغل وصورتك مرتاح
انس: الحمدلله تعبنا شويه لوما فتح الله علينا
عمه: كلنا تعبنا محد جالها حاصله
انس داخل نفسه انت بالذات ولاتعبت في شي اراضينا واراضي اعمامي وابي متحكم بهن ومتنازل بهن للشيخ وقال تعب
رن تلفونه جاوب بسرعه: ها
بلقيس: مساء الخير
انس: مساءالنور والعافيه
بلقيس: كيف انت
انس: الحمدلله وانت كيف انت؟
بلقيس: مالك؟
انس: ولا شي بس مشغول شويه انا مع عمي ذلحين افضا واتصل لك
بلقيس: عمك من او هو ابي؟
انس ضحكككككك: ماشي والله
بلقيس: اها الحمدلله يله مع السلامه
انس قفل وهو مبتسم
عمه: وين بيتك
انس: ...
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
05 March 2024 19:11
.
البــارت 97 ○
الثــروة الـمنسيـة 🍀
👌🏻👇🏻 😍
📚 @ 🇾🇪
ثاني يوم في بيت اخو سالم..
اخوه: بغير جنان مالك بتخرف! حد يدخل بنته سكن جامعي مش انت داري ماعيتحاكوا الناس علينا !! لا لا هذا الخبر ماينفعش انت بعقلك ! صورتك مسحور ؟
اخوه: انت داري من عتصاحب ومع من تعيش؟ من البنات اللي معها وكيف سمعتهن !! الله يهديك يا اخي محد يفعل فعلتك مالك ماجرا عليك
سالم: لاتزيد تجنني قد لي اسبوع من حين جيت الوي واسير واجي
اخوه: قلك بيسير ويجي حرام انا ذلحين مااجلس دقيقه شاحاكي الجهال وعيقلوا لنا كيف وفين ندور
سالم: علي في اي قسم بيقرا؟
اخوه: هندسه لكن سهل قل لي اين سجلتها وعنبسر
سالم: قالت عتدرس امد قانون ويحولوها لطب بعدها سرت قالوا سافرت
اخوه: عنسأل كل بقعه ماعذر من خير الآن علي عيجي نتغدا ونخزن وحاكيناه يبسر كيف الخبر.
@ المصدر الأول للروايات
في المستشفى..
ايمن في الغرفه بيتفرج ابوه راقد بعد الادويه ..
وبيكلم نفسه.. زيد له الدلع هو واخوتي لوما ندم ذلحين مانفعله كم كلمناه يعلم الله ماوقع اكيد مش اتصالي السبب.. اتصل لامه وخرج من الغرفه عشان يطمنها ان حالة ابوه استقرت وانه يحتاج فتره متابعه.
جاوبت خالته ( ام عمر): نشتي نطلع جي لنا قلقه على ابوك
ايمن ضبح ومعصب: اين ابنش ياخاله بيلوي مخزن كلموه يديكم ماانا ماشافلت ابي
خالته: ماذلحين قدو ابوك وين انت وقت ما اتصل بك
ما قتلته الا انت السبب انت
ايمن حاول يكتم غضبه: مش وقت الآن الكلام هذا
خالته: اخوك قاتل نفسه بالعمل كله لاعاد سالم ولا ابوك بيعاونه كل شويه وتقطعوا له وهددوه اصحاب القريه وانت مرتاح مرتك عندك وزلطك وعملك
ايمن عشان لايتلكم بكلام يزعلها قفل التلفون وجلس ماسك نفسه من الضبح...
@ المصدر الأول للروايات
بعد الغداء بيت اخو سالم..
علي: ولايهمك ياعم خلي الموضوع عليا معي خبره وجن في كل بقعه اعرف الا اطلع لك بقعتها
ابوه بمزحه: ولو لقيتها عمك موافق يزوجك بها ورينا همتك بس
علي ضحك وجلس يقطف القات ويخزن.
سالم: وين البقيه؟
اخوه: في المحل
علي: ذلحين ياعم نخزن شويه ونخطى هانك واوريك كيف العمل تبدأ تداوم معنا هانك تتعلم كيف امد مايجهزوا المحل الثاني
سالم: تم..
@ المصدر الأول للروايات
في الجامعه..
انس بيتفرج شباب بيتكلموا ويعلقوا على عيونها
الولد: تتحداني اكلمها
الثاني: تخزينتك عليا لو كلمتك.
انس ضابح اتصل لها: امشي من جنب المكتبه اسبقي لخارج واناولش المحاضرات
بلقيس: ليش؟
انس: هكذا به شباب بيتخيبلوا يا وافعل مقاتله معهم بس مااشتيش ادريهم انش قريبتي او حبيبتي عيعاندوا ويضايقوش
بلقيس: يوو مع مع خلاص شخرج مع السلامه.
مشيت..
انس مشي بعدها
الولد قام ومشي واصحابه بيعلقوا
بلقيس خرجت من الجامعه...
انس بيمشي
الولد يجي يمين
انس يحانبه يجي يمين
الولد يرجع يسار
انس يغير مكانه
الولد: عنلعب انا وانت او ايش؟
انس شافه بنظره: لو انت حق لعب سير العب في الشارع مش هنا
الولد: ومادخلك او طريقك؟؟
بلقيس لفت باتجاه السكن
والولد ماعد شافها ولا عرف فين سارت طنشه وجلس يمشي للبوابه..
انس انتظر لما مشي مسافه ضحك ولف بعدها...
بلقيس واقفه جنب السكن
انس وصل عندها: خلاص بطلي تجلسي تراعي لي هانك بيتجمعوا الشباب اكون اديها لاعندش احسن
بلقيس: تمام تسلم
انس ناولها سريع: يله ادخلي لاحد يشوفش.. مع السلامه.
@ المصدر الأول للروايات
في البيت وصل ايمن مع ابوه..
ايمن: افعلي لابي أكل بدون ملح ولاسكر ولا دسم وزيت خضار بس
سميه: تمام قد اتصلت عمتي وخالاتك يشتين تسير تديهن
الشيخ بيتكلم وفمه اثار الجلطه معوج ولسانه ثقيله: ولا حد يجي انا راجع بنفسي
ايمن: اول ارتاح ياباه ونتابع الدكاتره هنا عشان العلاج الطبيعي
الشيخ بعصبيه: قلت لك مااشتيش بتفهم والا تشتي تموتني وتفتهنوا
ايمن: خلاص ولايهمك ارجع انت وادي لك احسن دكاتره لاعندك اهم شي راحتك لاتغثي نفسك
الشيخ هدأ وسكت: اين اخوك؟
ايمن: قال معه عمل سار وعيرجع
الشيخ: قوم شلني البلاد
ايمن: ذلحين؟
الشيخ: ايوه والا اتصل للسواق حقي لو معك عمل
سميه بهررت لزوجها: افعل له مايشتي لاتناكره
ايمن: تمام
.
.
في المعرض...
انس: ما رأيكم نفعل جمعيه؟
زميله: عاد اصحاب الفروع كلمونا
انس: بس يامنعاه انا الاول محتاجها
زميله: شاقلهم تمام.
انس: رد لي خبر واذا وافقوا انا اسلمها لك الشهر هذا
زميله: ولايهمك الان بتواصل معهم وارجع انبيك
.
.
في السكن...
المشرفه جت لاعندهن ودعتهن كلهن لخارج الصاله..
بلقيس وزهور واقفات وبقية البنات وبيتساءلين السبب ايش في
بلقيس حااااسه بخوف...
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
05 March 2024 19:07
.
البــارت 95 ○
الثــروة الـمنسيـة 🍀
للكـاتبـة: عبيـر الكبسـي
👌🏻👇🏻 😍
📚 @ 🇾🇪
فتح باب الفصل ودخلت مدرسه: الطالبه رنا تجاوب الاداره
انس شاف واحد من الطلاب: يله يا ابني كل السندوتش كله.. شافها بابتسامه وغمزه بعيونه الثنتين مع السلامه
خرج بسرعه
الاستاذه مسكت يد رنا وخرجت..
بلقيس حست يدها مجمده من الخوف والتوتر اللي كانت فيه غلقت الباب ومتركيه وراه بتتخيل دخلته فجأة وكلامه وشافها فاتشه ماسكه وشها بصدمه كل هذا اللي لخبط كيانها دقايق... شافت الكيس راحت فتحته داخله ورده وشكلاته فررررحت بالورده شمتها وابتسمت.
انس خرج وهو فارح بيمشي بسرعه ويسلم على صاحب العربيه.. وصاحب الميزان وحاسس انه اسعد واحد في الدنيا.
اتصل لها...
بلقيس: انت داري انك مجنون حد يفعل هكذا !
انس: من يحبش وما يجنن ! انتي داريه انش اجمل واحده في الدنيا؟
بلقيس: يعني شفتني يعوو والخزا
انس: ماشفتش
بلقيس: قل والله
انس: بس شفت واحده قمرررر تجنن
بلقيس انتهت حصتها وشافت الاستاذه: خلاص نتكلم بعدا بيباي.
انس قفل التلفون: انا ايش بيحصل لي بدأت اتعلق بها اكثر واكثر اكره اللحظه اللي تروح فيها ومااشوفها واللي تنشغل فيها وما اكلمها..
@ المصدر الأول للروايات
في غرفه المدرسات جالسه بتسمع ثنتين بيتجابرين
واحده من المعلمات: يااختي مابش عندنا حب ولا كلام فارغ تزوجي بس اللي تقدم لش ولاتصدقي لهذك اللي عادو ماقد جهز نفسه ولا لقي شغل لش 6 سنوات منتظرته لو هو صادق انه قد تم يجمع
المعلمه شافت بلقيس وغمزت لها
بلقيس سمعتهن وماتدخلت جلست تكتب الملاحظات في دفاتر الطلاب
المعلمه: اسألي بنات هذه الايام صح يابلقيس
بلقيس: ايش؟
المعلمه: احسن زواج هو التقليدي
بلقيس: كيف يعني تقليدي
المعلمه: يعني عبر الأهل مش حب ومعرفه
بلقيس خافت وتوترت ايش قصدهن او عرفين او حسين او شكين بس ماكانين موجودات ولاشافين انس
المعلمه: مالش ساكته شكلش معارضه رأيي
بلقيس: لا بس مدري كل واحد على مايشتي
المعلمه: انتي كيف عتختاري تتزوجي
بلقيس: مدري انا مااشتيش اتزوج اشتي اتم الجامعه
المعلمة ضحكككت: البنت طموحه
الثانيه: كلنا سنه اولى كنا هكذا همنا الدراسه تخرجنا وما قبالنا عمل غير التدريس هههه
شويه بلقيس وتغير رأيها في الدراسه
بلقيس مبتسمه لهن وبتكتب في الدفاتر وبتفكر في كلام انس وكيف شافها ذكرت الكيس نسيته في الفصل شلت الدفاتر وراحت للفصل
الاستاذه: شكلش نسيتي هذه من اين لش
بلقيس ارتبشت: من واحد طالب
الاستاذه ابتسمت لها: ماعندهم حجه يحبوش طيبه قوي
بلقيس ناولتها الدفاتر وشلت الكيس: تسلمي.. روحت على طول
@ المصدر الأول للروايات
بيت سالم وقت الظهر رجع ضابح...
مرته: ادخل اخوك في الديوان مدري كيف دري بالبيت
سالم: ايوه قد اتصل بي جهزي الغداء
مرته: يله اتم اخبز واقرب
سالم دخل للديوان وسلم على اخوه
اخوه: وين انت تطلع المدينه وماتحاكيناش
سالم: وين انتوا لاعد حد بيتصل ولا بتجي تبسر امك
امه: مسكين كان مسافر يتعالج
سالم: سلامات
اخوه: وقع لي انزلاق وسرت اتعالج
سالم: اهم شي كيف انت امورك سابره
اخوه: لله الحمد.. قالت امي انك بتدور عمل مارأيك تجي تشتغل عندي الجهال ماسكين محل تلفونات وذلحين يشتوا يفتحوا فرع قريب منك
سالم: امانه؟ على طول
اخوه: خلاص بكره انتوا معزومين عندنا غداء وتجلس مع الجهال وتحاكوا
سالم: تم
اخوه: كيف بلقيس وين هي؟ ماشاءالله كم قد معك
سالم: 4 عيال
اخوه: عوضك الله
سالم بيتهرب من جوابه: الحمدلله
اخوه: ماقلت لي وين بلقيس او زوجتها ومش احنا داريين
سالم شاف امه خرجت: والله يا اخي وقعت مشاكل في البيت وشلينا البنت عند خالها
اخوه: ذلحين هي هانك؟
سالم: ماشي
اخوه ماانتبه لجوابه الاخير: كيف تجلس بيت خالها وانت ابوها مايسبرش او زوجتها لاعندهم
سالم: ماشي
اخوه: ضخم نخطبها لعلي
سالم فرح تتزوج لبيت اخوه بس فين هي يلقاها اول: ان شاءالله خير
اخوه: المهم انت اديها وبعدا نتحاكا بكره في الموضوع هذا
دخلت ام سالم بتقرب الخبز
سالم قام خرج وقرب صحن الغداء
.
.
في السكن..
بلقيس اتصلت لزهور: اتصلتي لي وانا في الباص ماجاوبتش
زهور: سهل بس قلت اقلش ان انا سرت بيت عمي
بلقيس: يوو وشاضبح وحدي
زهور: معش انس
وبيتجابرين..الخ
نفس اللحظه.. انس بيتصل لها مشغول... ويعيد الاتصال مشغول.. بلقيس كمل رصيدها
زهور عادت الاتصال: لوتبسري القيامه قايمه هنا
بلقيس: ليش
زهور: ابن عمي اتهموه بقتل واحد وان انا مفجوعه
بلقيس: كان ارجعي
زهور: ان شاءالله مايقع شي المهم متواصلات
انس بيتصل ربع ساعه وهو مشغول..ضببببح
بلقيس قفلت... بعد خمس دقايق عاد الاتصال
بلقيس: الو
انس: اخيرا مشغول من اول
بلقيس: ...
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
05 March 2024 19:05
.
البــارت 93 ○
الثــروة الـمنسيـة 🍀
👌🏻👇🏻 😍
📚 @ 🇾🇪
لفتين لها استغربين كانت كبيره في السن فلتت عليها الستاره في الارض
زهور رفعتها وطرحتها فوق راسها
بلقيس: عادش عتلبسيها هيا تأخرنا
زهور: يو كيف قد انتي يابنت وين طيبتش اللي جيتي بها
بلقيس: انا طيبه بس اكره العجايز يجين شريرات خبيثات
زهور: مابلا جدتش بس
@ المصدر الأول للروايات
في المعرض مابش زباين ...
مل من انتظاره لرساله منها لرد لشكر لاي شي.. حس المكان كئيب بعد ماخرجت منه جلس يلوي ع نفس المكان اللي كانت تمشي فيه ويفكر كيف بيكون ردها !
.
.
بعد ماوصلين السكن على آخر دقايق قبل تسجيل مخالفه وتأخير
بلقيس تعبت مشي بسرعه جلست في الدرج وفتحت الكيس
زهور هزرته من يدها وسبقتها للغرفه
بلقيس لحقتها بسرعه وهن بيضحكين
زهور شافت في علبه مقفله وفي هديه.
بلقيس هزرته منها وجلست فوق سريرها.. فتحت الكيس لقيت الهديه مغلفه ولقيت علبه فتحتها فيها كعك بالحطب نفس اللي كانوا يخبزوه في قريتهم.. وفتحت الهدية لقيت التيشرت اللي كان نفسها فيه
زهور: يووو ما احلاه
بلقيس: مش قلتي شوعه اللون
زهور ضربتها ع راسها: مااحلى المسكين هذا حبيبش
بلقيس ردت الضربه: عيب
زهور كانت ماسكه ثياب الصلاه: كلبه اذا ماحبيتيه شاشله عليش
بلقيس: اسبقي صلي لاموتش وانتي قاطعة صلاه.. يله اسبقي وانا بعدش
زهور ضحككت وخرجت
بلقيس فتحت رسالته قريتها ودمعت
مشاعر وفرحه ماتعودتها وخايفه من هذا الاحساس لانها جربته من قبل ومابيدوم... كانت تحب امها حب وفلتتها وتعقدت انها تحب اي شي في حياتها.. اتصلت له قبل ماترجع زهور من الحمام
انس: اخيرا
بلقيس: الآن وصلت
انس: مااشتيش تقلي شكرا وتعبت نفسك ياولد
بلقيس: لا مش هذا اللي شاقوله يمكن تسمع كلام ماعيعجبك
انس: ليش هكذا !
بلقيس: لاني تعودت طول عمري اي شي احبه مايدوم لي
انس فرح: يعني بتحبيني !
بلقيس ساكته
انس: ليش التشاؤم هذا !! قصدش ماتشتي تحبيني
بلقيس: مااقصدش هذا بس كل شي حبيته ماكان يدوم امي كانت اقرب واحده لي وفلتتني وماتت وابي كان يحبني واحبه واحس الشخص الاقرب لي بعد امي وفلتني وتزوج وتخلى عني ، جدتي كانت وانا صغيره تدلعني وبعد ماكبرت كرهتني وعاملتني اخس معامله عشت بيت خالي وكان اطيب واحد وفيه طباع كثيره من امي ومات ودراستي اللي احبها ونفسي فيها تجعجعت لما وصلت للنجاح اللي وصلت له درست نفسي بنفسي وعانيت واقنعت ابي اسافر المدينه وادرس حتى صديقة طفولتي تغيرت عليا.. ماعد اشتي اتعلق بشي لاني عارفه انه مابيكمل للنهايه
انس: ليش تفكري بهذا التفكير هذا نصيب انتي مالش دخل ولا حظش ولا شي
بلقيس ساكته وبتتذكر كلام جدتها انها نحس
انس: وانا وعدتش وعند وعدي ما اتخلى عنش ولا يوم.
بلقيس ابتسمت من كلامه وصدقت لانها شايفه وحاسه باهتمامه لها من اول ماجت وحست بالخوف والوحده في المدينه الكبيره هذه: وكيف عرفت ان انا اشتي البلوزه هذه
انس: اللي يحب يعرف من نظرات حبيبه كل شي مرضه تعبه زعله فرحه كل شي بيحبه ويكرهه
بلقيس شافت الكعك اكلت واحده: يو ذكرتني بالكعك اللي كانت تفعله امي الله يرحمها وجارتنا
انس: عجبش
بلقيس: قوووي جنان ، شكرا لك ولأمك على الكعك
انس: عيب تقلي امك قلي عمتي
بلقيس مافهمت قصده: ليش انت حاكيتها عني؟
انس: مع عادني بس انا من نفسي قلت هكذا
بلقيس: يعني انت اللي اديتهن لي
انس: ايوه
بلقيس: طيب شكرا
انس: شكرا لش انش اديتي لي فرصه اثبت لش ان انا بوفي معش لآخر لحظه في عمري ومن اليوم ببدأ اجمع كل فلس واجهز نفسي اخطبش
بلقيس شافت زهور دخلت: طيب
انس بابتسامه: صدق !
بلقيس: صدق ايش؟
انس سمع جنبها صوت: ولا شي بس احسش مربوشه في حد عندش
بلقيس: ايوه
انس: طيب اشوفش بكره في الجامعه انتبهي لنفسش
بلقيس: طيب
انس: مع السلامه
@ المصدر الأول للروايات
بيت سالم..
سالم بيصتبح معاجل ويشوف الساعه
مرته: عتدور عمل !
سالم قام بسرعة: مدري ماتشتي من صرفه
مرته: ادي لنا غاز قد كملت الدبه
سالم: بتشربيها او ايش؟ عاد احنا ادينا دبه اول ماجينا
مرته: تمت مابش سخان بندفي لامك كل شويه ماء ونفصلها ونوصلها للتنور ونردها للبوتجاز ماهو هذا التعب
سالم: مش انتي قد المدينه كنتي تجلسي تحطبي واقتصدي الغاز
مرته: قل لامك مادخلني انا ، وجهالك يشتوا طلبات للمدرسه
سالم: بنقلش ماقد بش عمل ولازلط اهجعي يامره.
مرته: شاسكت وسدوا انا مادخلني
سالم خرج من البيت ضابح.
.
.
في القريه...
متجمعين المزارعين قدام بيت الشيخ..
الشيخ جالس بيتفرج الاخبار في التلفزيون
ابنه الصغير: يا اباه جاوب الناس ملان عند بيتنا
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
05 March 2024 19:01
.
البــارت 91 ○
الثــروة الـمنسيـة 🍀
👌🏻👇🏻 😍
📚 @ 🇾🇪
سالم: تكون اين ماكانت خلاص مادخلني .. بيت خالها اكيد هم معها ومستقويه بهم
امه: عترجع لك كم ما سارت وبعدا ياجنيه ماتشتي منها وانتي اللي طايرتيها من البيت
مرة ابنها: يووو ياعيبتش ياعمه انااا !! والا انتي اللي قلتي انها نحس من يوم ماجت
عمتها: ايوه هي نحس لكن انتي اللي طايرتيها من البيت وقلتي يا انتي يا هي مالش ذلحين بتدحسي خلي لنا حالنا
سالم كل مايكرهها ويقرر انه ماعد يهتم بها بسبب ردة فعلها يتذكر منهن انهن السبب في خرجتها من البيت واللي قسين قلبه عليها فقرر بخطه يفعلها في وقتها ومايكلمهن بها.
@ المصدر الأول للروايات
اول يوم في الاسبوع بعد دوام الجامعه راحت المدرسه.. سلموا لهن الراتب كان النص لزهور والنص لها بقي لها بس من المبلغ 7000 ريال بس كانت فارررحه بها اول فرحه زلط تحسها لانه من تعبها...
مشيت ولقيت واحده مسكينه مع ابنها المولود ع الرصيف بتطلب الله طرحت لها مبلغ منه وقالت لها ادعي ان الله يرحم امي ويسكنها فسيح جناته
زهور استغربت وبقصتها: ليش هذا كله؟؟ مالش ياهبلا هن خراطات
بلقيس: ماعتخرط واحده بهذه الحاله وع الرصيف الا وهي محتاجه
زهور: الناس يدوا مبلغ مش هذا كله مجنووونه
بلقيس دمعت: مش انا مجنونه تذكرت امي لوما ماتت وهي بتولد كان نفسي تدرا ذلحين ان انا تعلمت ومعي فلوس.. وتصدقت لاروحها اقل شي اقاسمها راتبي وهي بعيد عني.
زهور تأثرت من كلامها وسكتت.. بعد شويه: هيا نسير السوق اليوم
بلقيس ذكرت التيشرت اللي عجبها: ايوه نسير
.
.
في المعرض
بيتخيل نظراتها اليوم كانت متجنبه تشوفه ليش !
ماقلت كلام يزعل يمكن ماصدقتني !! انا لازم اثبت لها ولازم ابدأ أجمع ولو قيمه دبله ومحبس واثبت لها ان انا مش كذاب
مرام: ممكن اسألك سؤال يا أنس
انس شافها: نعم
مرام: في واحده بحياتك؟
انس تفاجأ من سؤالها وفضولها: ليش؟
مرام: جاوبني عشان اقتنع وابدأ اهتم بنفسي وبس
أنس شاف في زبون خارج متردد يدخل وقف وعينه لاعنده: ايوه في ، لذلك يابنت الناس اقدر العب عليش واقضي معش وقت هنا والعب في الجامعه واحب في مكان ثالث لكن مش هذه اخلاقي الله يوفقش.. ومشي
مرام زعلت وراحت قسم النساء جلست تبكي حست ان شكوكها في محلها لانه انس مش مغرور بس بيتهرب منها يعني في حد بحياته.
انس دخل مع الزبون وكان شخص مهم جدا نسق معه واختار له اكوات وبدلات وكرفتات وشمزان طلع نسبته في المبيعات مع الزبون هذه كبيررره... بعد ما مشي
المشرف: انس معك مبلغ رمزي تشتري به اي شي من معرضنا بتخفيض 90%
انس كان محتار بين بدله نفسه فيها وبين التيشرت اللي كان عين بلقيس عليه راح خرجه لانه كان اخر واحد خباه ومشي لاعند المشرف
المشرف: عتحاسب او نخصم ال10% من راتبك
انس: والله انت داري بالسلفه الاخيره اللي شليتها قبل يومين
المشرف ضحك: يبقى نخصمه من راتبك
انس: تمام .. شله وخرج للمكتبه اللي في اخر الشارع غلفها ورجع للمعرض خباها في كيس في الدرج الخاص به.
@ المصدر الأول للروايات
في سكن البنات في المطبخ..
زهور سمعت صياااحهن خرجت لاعندهن
واحده من البنات: هي بلقيس اخر واحده امس فعلت لها عشاء
زهور دخلت للغرفه: انتي فعلتي امس العشاء!
بلقيس استغربت: ايوه ليش
زهور: بيتصايحين وايناس قالت انه انتي الاخيره ومانظفتي
بلقيس قامت وخرجت لاعندهن: من قال ان انا مانظفت
ايناس: انتي محد غيرش
بلقيس ذكرت في الكتاب اللي قريته انه اهم شي في حل موضوع التهمه الأدله مشيت للحوض وشافت علبة فاصوليا وراس بصل وطماط وو: انا ماتعشيت فاصوليا !! فعلت لي قلص شاهي ودخلت اكلت جبن
ايناس لفتت لبثينه: انتي فعلتي الفاصوليا
بثينه: وغسلت مالي دخل انا
جت المشرفه وقررت تعاقبهن كلهن اللي دخلين المطبخ.
بلقيس جلست واقفه رافضه تغسل شي.
المشرفه: لاتعانديش عتتعاقبي وارفع عليكن شكوى
ايناس شافت بثينه: عيب عليش خليش شجاعه وغسلي هو انتي
زهور خافت على بلقيس راحت للمغسله غسلت قلصين وملعقتين وسكينه: انا غسلت بدل بلقيس
المشرفه شافتهن واشرت لهن يمشين.
بلقيس: ليش غسلتي مش هو انا كل مره يفعلين هذه الحركه.
زهور: مش انتي داريه بالمشاكل هنا وانتي مش ناقصه تنطردي.
بلقيس حست انها مش وحيده ومش بس انس اللي معها.. معها اخت كمان جلسين يتجابرين ايش حصل
زهور في الغرفه: كذاااابه جاء ونزلتي والله انش مجنونه
بلقيس: لحظه وعاد باقي شي اهممم
زهور: احكي وانا معي لش خبر
خرجت زهور من العلبه حقها كيك وقربت لبلقيس: هذا قسمش خبيت لش من اللي ادته لي بنت عمي.
بلقيس: جلست تكلمها باللي حصل
زهور تحمست وفرحت لها: مش قلتي نخرج السوق ! هيا سريع نصلي عصر ونخرج
📚 @ 🇾🇪
Читать полностью…
روايات يمنية📚🇾🇪
04 March 2024 20:18
.
البــارت 90 ○
الثــروة الـمنسيـة 🍀
للكـاتبـة: عبيـر الكبسـي
👌🏻👇🏻 😍
📚 @ 🇾🇪
بلقيس مسكت التلفون واتصلت له.. (( مغلق )).
جلست تقرأ في كتاب القانون ( اللي كان على اساس تدرسه مؤقت )) كل اللي فيه والقضايا اللي يتم حلها بالقانون كانت تمر من قدام عينها اشياء تذكرتها حبت جدا الاحساس هذا لانها جربت تكون مظلومه وتمنت حد يكون معها يدافع عنها فكيف لما يكون المحامي دوره يشارع لهذا كله ومش لشخص لناس كثير !!
بعد 3 ساعات قراءة قفلت الكتاب وقررت تستمر في كليه الشريعة والقانون لان المريض معه في الاخير مسكنات ومهدئات اقرب صيدليه بيقدر ياخذها ويخفف وجعه بس المظلوم اذا مافيش معه بيت خال مثلها ولا معدل جامعي يفتح لها باب احلامه واللي اخذوا بيته وارضه وحقه واللي قتلوا ابنه بدم بارد عشان سعايه والناس اللي بياخذوا حقهم بالقوه غصب عنهم وهم ساكتين بقهر عارفين انه مافيش لمن يشتكوا ولا حد بيدافع عنهم..
غمضت عينها للنوم وهي بتتخيل نفسها محاميه بتدافع عنهم وبترسم كم من ابتسامه على وجوه انهكتها الدمعات والاوجاع
@ المصدر الأول للروايات
في القريه..
خرج جنب اقرب مكان فيه تغطيه واتصل لها... بلقيس كانت بادئه تنعس شافت رقمه بسرعه جاوبت
انس: مساء الخير
بلقيس: مساء النور وينك تلفونك مقفل ليش؟
انس فرح: ليش اتصلتي لي ! فيش شي
بلقيس انحرجت: لا ما اتصلت.. بس ايوه اتصلت عشان اسألك بكم العلاجات وقعين
انس: شكلش عاد انتي محمومه.. كيف انتي اليوم
العفو تلفوني مقفل لاني في القريه ومابش تغطيه
بلقيس: ليش مابش !
انس بعد مابيتفرج الارض اللي مزروعة وكلها باسم الشيخ علق بمزح: الشيخ شافطها لبيته
بلقيس: شكلكم مثلنا معكم شيخ ظالم
انس ماركز كثير كان بيفكر فيها اكثر: ايش سويتي اليوم وهو عطله ماضبحتي
بلقيس: يعني شويه بس قريت كتابنا كله وعجبني قوي وقررت ماعد اغير للطب
انس فررح ووقف: امااااانه؟؟؟
بلقيس: والله
انس: يعني عتدرسي معي شريعه وقانون
بلقيس: ايوه
انس: وبعد مانكمل ندرس!
بلقيس: نكون محاميين
انس: لا انا اشتي اوقع قاضي عادل
بلقيس: وانا محاميه
انس: ونحبس السرق وياويلش تدافعي عنهم.
بلقيس: وانت ياويلك تخرجه براءه اللي يشل حقوق الناس
انس: خلاص اتفقنا بقي شي واحد مااتفقناش عليه
بلقيس: ايش
انس: انه لازم نكون مع بعض
بلقيس مافهمته قصدها في الشغل والتعيين الوظيفي: نقدر نحدد ان احنا نكون مع بعض !
انس: ليش اهلش بيمانعوا ! انا اهلي عادي
بلقيس: ايوه وانا عادي.
انس: يعني اي حين اخطبش
بلقيس تفاااااجأت وسكتت
انس: بلقيس.. الو.. بعد السماعه من اذنه وبيشوف المكالمه موجوده الوووو
بلقيس خزززيت ماعرفت ترد: ماتشتي
انس: مالش سكتي
بلقيس: وانت ماهو هذا الكلام ! مش وقت
انس: لاتفتكري ان انا ساع العيال بين اضحك عليش واجابرش واقضي وقت واتزوج واحده ثانيه.. انا لما اعجبت بش ولاحقتش ووعدتش مافلتش يوم كنت عند كلامي ومازلت.. ولازم اوفي بوعدي واخطبش عشان تحسي ان انا صادق.
بلقيس منحرررجه ومش عارفه ايش ترد: يله تصبح ع خير.
قفلت وغطت وشها بالبطانيه وحاسه بفرررحة وقلبها بيدددددق
انس قفل واستغرب مالها زعلت !! لو واحده مكانها مابتزعل بس ليش؟ معقوله السبب اهلها! !
قفل ومشي مستغرب وبيفكر من ردة فعلها للبيت.. تذكر بنات قريتهم لما كانين يلعبين وتخيل ان قد كل واحده فيهن مزوجه ومخلفه حماسهن للدراسه ضاع من ضمن الحقوق والعادات اللي ضيعت احلام كثير مثلهن.
بلقيس قامت جلست بعد ماقفلت وبتفكر في كلامه ولعت الكهرباء وجلست تتأمل شكلها في المرايه هي حلوه او لا !!! لبست اللثمه وجلست تتأمل عيونها ايش اللي فيها خلاه يحبها !!! البنت اللي معه فاتشه وحلوه !
واللي في الجامعه في بنات احسن من لبسها واسلوبها بس ليش مااعجب بهن ايش معنى هي !!
حست بثقة نفس اكبر اول مره تحب شخصيتها وتحس انها مثل البقيه... يعني كلام البنات ومسخرتهن بها ماعد حست هذك اللحظه بأي شي كان جارحها... رقدت وهي بتتذكر وتسمع كلامه في اذنها
@ المصدر الأول للروايات
بعد يومين..
في المدينه بيت سالم..
مرة سالم ضبحت من طلبات عمتها وضبحها من المدينه تشتي القريه تشتي تخرج تتشمس وتلوي براحتها وزعلانه على غنماتهم اللي ابتاعين والسبب كله بيرجع فوق مرة سالم قررت تدحس زوجها وتفهم قصه موت بلقيس ايش: هيا مه عتحاكينا بصدق اين بنتك ؟
سالم: تكون اين ماكانت خلاص مادخلني .. بيت خالها اكيد هم معها ومستقويه بهم
امه: عترجع لك كم ما سارت وبعدا ياجنيه ماتشتي منها وانتي اللي طايرتيها من البيت
مرة ابنها: يووو ياعيبتش ياعمه انااا !! والا انتي اللي قلتي انها نحس من يوم ماجت
عمتها: ...
/channel/rewayatyamania/51250
📚 @ 🇾🇪
Читать полностью…
روايات يمنية📚🇾🇪
04 March 2024 20:14
.
البــارت 88 ○
الثــروة الـمنسيـة 🍀
👌🏻👇🏻 😍
📚 @ 🇾🇪
انس: افتحي الطاقه
بلقيس فتحت الطاقه الاولى مابش حد راحت للثانيه شافته دخلت سريع وغلقت الستاره لانه لفت لاعندها
انس صيح: كيف تفتحي الستاره والسراج والع؟
بلقيس: ليش مايوقع!
انس: ولا شي شفتش وماسكه الفاين بتمسحي انفش
بلقيس خافت: يوووو !! صددددق !
راحت لبست فوق شعرها الطرحه شافت نفسها في المرايه كانت مشعفله لبست البالطو ونزلت
انس: الووو وين سرتي
بلقيس: كنت البس كيف جيت؟ كيف خلوك
تدخل لهنا !!
انس: عشينا الحارس سندوتش ماعد بقي لش الا 2
بلقيس كانت واقفه قدامه قفلت التلفون.
انس شافها متلثمه بلثمه اهل قريتهم بنفس الطرحه اللي لبستها.. كانت المساحه بين عيونها وحواجبها باينه اكثر شويه ومع ضوء القمر لاوشها عاكسه بياضها ولون عيونها البني، لفت لخصلة شعر كان طولها متجاوز اللثام اللي فوقها ولونها العسلي الفاتح فرق بين سواد اللثام..
بلقيس انحرجت منه متصنم: مالك
انس كان سارح فيها رجع شافها متوتره وبتتلفت شاف للكيس ومده لها: عفوا ارتبشت.. ها امسكي
بلقيس اخذت الكيس منه ومشيت بسرعه قبل محد يشوفها
انس شافها بتطلع اخر 3 درجات قدامه بسبب السرعه فلت شعرها من ورا الطرحه اتصل لها..
بلقيس غلقت لحد يسمع الاتصال مشيت بسرعه شافت واحده في المطبخ اللمبه والعه وظلها معكوس للصاله خافت وقفت لما اختفى الظل ودخلت لغرفتها وقفلت بالمفتاح لحد يكون شافها.
@ المصدر الأول للروايات
جاوبت ثاني اتصال له ردت وهي بتتفرج الاكياس العشاء والعصاير والعلاجات وفارحه مبتسمه: مالك ياولد جحفت السوق لهنا
انس بضبح: اول شي كيف تنزلي بهذه اللثمه ! ليش ماتبرقعتي؟
بلقيس: مالقيت البرقع وانت واقف خفت حد يبسرك
انس: وليش ماتلفي شعرش سوا.. مره ثانيه لوما تنزلي ربطي شعرش وغطيه
بلقيس بتتحسس وراها: يو صدق شعري؟ ابسرتني؟
انس: المهم مره ثانيه لاتتلثمي هكذا وتنزلي.
بلقيس بتسعل: تمام
انس: يله تعشي واشربي العلاج واتصل بش لما تتمي مع السلامه
بلقيس قفلت وجلست فوق سريرها بعدت اللثمه من فوقها ورفعت شعرها وفتحت الكيس خرجت السندوتش والعصير وبتاكل لقيت قدامها فوق سرير زهور مجله قامت لاعندها وشلتها جلست تتفرج وهي بتاكل وفارحه انها شافته او انه ادالها هذا كله اول مره تحس انها مهمه لشخص.
بدأت تقرأ في صفحة عنوانها كان.. العائلة السعيده.. دور الأم في المجتمع هي تلك العناية المتكامله من حنان وحب وأمان مهامها لاتقتصر على إعداد الطعام وغيرها من الواجبات المنزليه بل هي التي تسهر حتى الصباح لعناية صغارها..الخ
اما الأب.. فهو الذي يجهد نفسه وينفذ وقته في العمل من اجل إعالتهم، هو الذي يقلق ويوصل اطفاله للمدرسه والبيت...الخ
الاخ... الاخت...الخ افراد الاسرة... تمت تقراها ودمعت حست انها عايشه بدون عائله بس الشخص اللي معها وبيهتم بها كان بمثابة كل العائله اللي انحرمت منها..
انس وصل غرفته واتصل لها: شربتي العلاج
بلقيس: الان بين اقرا العلاجات وبعدا اشربها
انس: تمام
بلقيس طرحت كرتونه العلاج وبنبره كلها تعاطف وشكر: أنس
انس: اووول مره يسمعها تنطق اسمه جلس يرن في راسه وبعدها ركز على بقية كلامها
بلقيس: دايما بتتعب نفسك عشاني شكرا
انس: قلك اتعب والله ماهو تعب ان انا دريت انش مريضه وحدش ونزلت من الطريق رجعت
بلقيس: ياخزا البلا صدق ياعيباه رجعت من الطريق !
انس: مافيها شي سهل بكره الصبح وانا هانك..المهم قريتي الورق
بلقيس ذكرتهن قامت للماسه: ماشي
انس: ليش؟؟
بلقيس كانت بتفتح اخر صفحه: لان شغلتني زهور وبعدا رقدت
انس: اها سهل
بلقيس قريت وسكتت
انس: مالش ساكته!!
بلقيس بتعيد قراءة الكلمات ( يبتهج قلمي كلما كتبت لك
ومن الان وصاعدا سأكتب عنك)
انس: الو
بلقيس مافهمت اخر جمله سأكتب عنك وتجملت من اول جمله: تسلم قوي
انس: هو الا سندوتش حسستيني مدري ما فعلت
بلقيس: الآن قريت اللي كتبت لي
انس ابتسم: ايش قريتي؟
بلقيس: انك عتكتب لي المحاضرات دايما
انس: مش بس محاضرات اكتب لش وعنش
بلقيس: كيف عني!
انس: المحاضره الجايه ارجعي شوفي
بلقيس: تمام
انس: يله انا الصبح مسافر بلادنا ماتحتاجي شي قبل ما اسير !
بلقيس: تسلم.
انس: يله تصبحي على خير
بلقيس بعد ماقفلت تذكرت مديرتها وانها مارسلت لها رقمها الجديد كتبت رساله وتحتها ( بلقيس رقمي الجديد )
@ المصدر الأول للروايات
ثاني يوم الصبح..
ردت ع التلفون بعد مارن مرتين وماقدرت تقوم تجاوب من الحمى والتعب اللي في جسمها: الو
المديره: الو .. بلقيس؟ ويحين جيتي!
بلقيس: ماجيت من قال!
المديره استغربت: كيف والرقم يمني
بلقيس: ماقصدش مافهمتش
المديره: اي حين سافرتي واي حين رجعتي
بلقيس: ...
📚 @ 🇾🇪
Читать полностью…
روايات يمنية📚🇾🇪
04 March 2024 20:12
.
البــارت 86 ○
الثــروة الـمنسيـة 🍀
👌🏻👇🏻 😍
📚 @ 🇾🇪
انس: هيا قفلي
بلقيس: قفل انت اول
انس: هيا الاثنين سوا نقفل
بلقيس قفلت وخرجت
انس ابتسم ورجع للمحاضره وبعد ما بدأت المحاضره بدأ يكتب بخط حلو وينسق الأقلام
@ المصدر الأول للروايات
في القريه..
فتحت الباب ومعصبه: من بيدق الباب هكذا !!
واحد من جهال القريه : قال الشيخ اقل لابوش يجاوبه
مرة سالم: من ابي ومايشتي منه؟؟ وهي واقفه في الباب
ابنها وقف يشوف الولد
الجاهل: ابو هذا الولد يجاوب
سالم جاء للباب: من؟
مرته: جاوب الشيخ
سالم لبس وخرج مشي شويه ولقيهم متجمعين ومصياحه قرب منهم والشيخ بيتصايح مع واحد
الشيخ لفت لسالم: متأكد انك خليت اهله يوقعوا ع الارض؟
سالم: من انت ؟ اول مره ابسره في القريه؟
الشيخ سالم: مالي دخل منه انت كلمت اخوه الكبير؟
الرجال قاطعهم: اخي مات ولو وقع على الارض انا مااستلمت حقي اذا ابتاعت واذا عادها ملكنا اشتيها
سالم: كيف تشتيها انزرعت من جيز الاراضي وبندي لكم حق الارض شهريا
الرجال: انا حرررر مااشتيش زرعكم اشتيها فاضي ابنيها انا حر
الشيخ شاف سالم: هذا بيتذرب مفلت القريه عمر وعادو الا ذكرها فهمه وعقله ماشي عنفهمه بطريقتنا... ومشي
سالم سحب الرجال ع جنب وبيحاول يقنعه: يا اخي القات ززززلط ابسر الشجر كيف قدهن مثمرات كم بيبتاع والشيخ لاطرح حد في راسه ماعد عتشوف ارض ولا زلط القات
الرجال: حقي والا حقكم مادخلكم ! هذك اخي وهو عايش تصرفتوا بموافقته الان انا رافض واشتي الارض
سالم: يااخي الشيخ ماعيخلي لك حالك عنده يا واحد يخطى بعده والا يمسك نقطه ضعفك ويذلك بها والا جهز كفنك وانت اخبر.
الرجال ضبح من التهديد وراح يشتكي في القسم شافهم منحازين وبيبرروا للشيخ قرر يتخذ طريقه ثانيه.
@ المصدر الأول للروايات
في القريه..
مرة سالم نفسها تعيش في المدينه بأي طريقه: ياعمه انتي مستغنيه عن ابنش؟ تشتي يقتلوه
عمتها: فال الله ولا فال ابليسش مالش
مرة سالم: جاء الشيخ الان وناس دعوه وبين ابسر وانه مصياحه يالطيف خايفه يقتلوه
عمتها: ليش هكذا يقتله وهو صاحبه؟
مرة سالم: اين صاحبه قد قلب عليه وللمه سالم يشتي يسير المدينه الا لايقتله قد هدده.
عمتها: ومالش ماتقلي لي من يومها
مرة سالم: مارضيتي تسمعي وقال مااحاكيش مايشتي الا راحتش
عمتها: خلاص يجي واحاكيه
.
.
في المدينه في المدرسه بعد دوامهن.. في طريقهن للجامعه
بلقيس: وين بيتكم ماقلتي لي
زهور: انا ابي مات وانا صغيره وامي تزوجت وشلني عمي وتربيت عنده وبعد موته مرته جننتني كانت تكرهني وتحسد ان عمي بيعاملني ساع بناتها وجيت ادرس في الجامعه واسكن هنا احسن
بلقيس: وامش؟ مابتسيريش عندها !
زهور صوتها كله غصه وحزن: ماشي
بلقيس شافتها واستغربت: ليش؟
زهور: زوجها بيضبح يكرهني.
بلقيس سكتت بعد ماشافتها متأثرة وبتبكي.
وصلين.
زهور شافته واقف والورق في يده: هنيت لش مابش معش اهل بس يكفيش هذك المسكين بيهمش اكثر من نفسه
بلقيس ضربتها في كتفها: الله يقلعش خزيتي بي.
زهور: خاطرش مع السلامه نلتقي في الغرفه.. ومشيت عند صاحباتها
بلقيس وقفت بعيد شويه منه: قد صورت المحاضره !
انس مبتسم وعينه بعينها مد يده بالورق
بلقيس مدت يدها تسحبهن
انس رجعهن ليده وخرج قلم من جيبه وكتب جنب الموضوع اهم سطر في الملازم هذه في اخر ورقه قبل السطر الاخير... وناولها
بلقيس شلتهن منه: شكرا
انس: العفو
بلقيس شلتهن ومشيت
انس بيمشي بعدها..
بلقيس بتلف الورق داخل الدفتر وهي بتمشي
واحد مشي من جنبها وصاح فجأة نكزها: معك رقم يااااجميل؟؟
صاحبه شافه وضحك: مابش معي ماتشتي من الرقم وانا جنبك
بيتلفتوا لها ويضحكوا
انس شافهم وضابح منهم ليش نكزها وعاكسها بصوت مرتفع مشي من جنبهم ومسك وش اللي كلمها ورجعه يسار باتجاه صاحبه: هذا جميل
ليش تتحاكا مع جميل لاوسط اذنها.
الولد دهف يده ودهفه من صدره لاورا
الكل تجمع يفرعوا بينهم وكبروا المشكله بصياحهم
بسسسس..خلالاص مالكم
بلقيس سمعت الاصوات التفتت تشوف ايش في وانس واقف مع2 بيتضاربوا
خافت وجلست واقفه جنب بنات بيتفرجين ايش بيحصل !!!
الحارس حق الكليه عرف وسمعهم جاء لاعندهم: خيررر مالكم ماتتصايحوا خارج !! امشي انت وياه عند العميد يله
بلقيس خايفه عليه ! ليش العسكري مسكهم وشلهم؟ يعني اكيد عيفصلوه !
طيب ماله خور يضارب وكان ماله شي مبتسم
سمعت تلفونها خرجت تلفونها تجاوب: لا ماقد رجعت انا في الجامعه.. لا روحي انتي وانا بلحقش.. ماشي مش عشان هذا روحي وارجع اكلمش.. مع السلامه
.
.
داخل مكتب العميد..
📚 @ 🇾🇪
Читать полностью…
روايات يمنية📚🇾🇪
04 March 2024 20:11
.
البــارت 84 ○
الثــروة الـمنسيـة 🍀
👌🏻👇🏻 😍
📚 @ 🇾🇪
بلقيس: ايش قصده بالتعليم؟
انس: في قوانين تتفرع تحت القانون العام ومن ضمنها قوانين تشمل بعض الوزارات وفئات افراد المجتمع
بلقيس: مثل ايش؟
انس: مثلا يضمن حق التعليم للطلاب والمدرسين والعاملين في الوزاره وغيره
بلقيس: على خرط
انس: اقري الكتاب ايش من خرط
بلقيس: انا داريه بس مش احنا عايشين مثل الكتاب تعبت وتبهذلت لوما درست
انس: كلنا تعبنا واجبات وعمل وكل شي
بلقيس: انا درست نفسي مرحله الابتدائي
من البيت ليش مالقيت قانون يضمن تعليمي؟
انس: مناطق الارياف هذه ماوصلوا لها بشكل كافي
بلقيس: يعني نقدر نحاسبهم بالقانون !
انس: تحاسبي من؟
بلقيس تشتت: مدري بس ايش الفايده لوما ندرس شي مابيطبق في بلادنا !
انس: ندرسه عشان نطبقه احنا
بلقيس: خلي لي الطب اعالج خلق الله وانت لاحق بعد القانون اللي ماعينفع حد
انس: ليش ماينفع حد ! الا بينفع وبتطبق بعض القوانين
بلقيس: كان ليش عندنا عيب ندرس وعيب نكمل التعليم وما للبنت الا بيتها وزوجها مافايده ندرس شي ومجتمعنا شي ثاني
انس: نغيره احنا
بلقيس: انا وانت عنغيره وماقد درسنا الا محاضرتين ليش ماغيروه اللي قبلنا واللي بيدرسونا؟
انس: لان ماكان هدفهم مثلي ومثلش هم درسوا وبيدرسوا وبيشتغلوا محاميين وقضاه
بلقيس: تمام
انس: ذلحين ممكن تقلي لي ليش ضابحه كنتي؟
بلقيس: زعلت ان انا ماخليتك تكمل كلامك مع خبيرتك
انس ضحكك: خبيرتي ياسعم ان احنا في نفس المدرسه اولا هذه زميلة عمل موظفه... ثانيا مش انتي داريه بشي لاتحكميش
بلقيس: ولا لي دخل ادرا سدوا الله يسعدكم
انس: ياليلاااه كيف افهمش
بلقيس: مش ضروري تفهمني عادي انت حر
انس: لا مش حر ، بهذا التفكير انتي بتحسسيني اني واحد بيلعب ويضحك على عقول البنات.. انا معجب بواحده بس وقلت لش من هي وهذك زميلتي ومابش بيننا غير عمل مع الايام عتعرفي السبب وايش اللي حصل بيننا
بلقيس: ليش مع الايام راكن قوي ان انا شاجلس احاكيك!
@ المصدر الأول للروايات
انس: ايوه قوي راكن ولا شافلتش ولا خطوه
بلقيس سكتت
انس: ليش مااشتريتي مثل صاحبتش؟
بلقيس: ماعجبنيش
انس فهم لانه غالي: ولا شي؟
بلقيس: ولا شي
انس: او ماعجبتش البنت اللي في المعرض
بلقيس ببراءه: الا حاليه
انس: بس انا ماعد بين اشوف بعد واحده اي شخص حالي تقلي ليش
بلقيس مافهمت قصده: يمكن فاعله لك سحر
انس ضحك: لا والله انها طيبه مش حق هذه الاشياء
بلقيس: وانا ما افعل لها !
انس: ادي لها فرصه ومابتندم
بلقيس: وانا مادخلني منها
انس: الا لش دخل انتي بس اسمحي لها تحس بحبي لها
بلقيس: مااعرفهاش
انس: قومي اوقفي قبال المرايه وشوفيها عتعرفيها هي نفسها اللي بين اكلمش عليها
بلقيس فهمت كلامه وجلست تستوعبه ثواني وقطع الاتصال بينهم..
بلقيس استغربت ليش قفل !! جلست سارحه في كلامه وبتفكر ليش كان اليوم بيتكلم مع البنت وبيضحك وكأنها حبيبته ! ماقدرت تفهم شي.. وقفت جنب الطاقه وتتفرج لو ابوها جاء او لا مش موجود.
زهور: اخرجي معنا سامرات بنتجابر مدري كيف لهن قالين اين انتي
بلقيس: تمام الآن شويه واجي
جلست منتظره اتصاله... وفعلا اتصل وهو بيلاحق نفسه: كمل الكرت وخرجت اديت واحد ثاني العفو قفل لاوشش
بلقيس: سهل العفو مني انا خسرتك
انس مستغرب: انتي داريه ان فيش طيبه وبراءة غير اي بنت عرفتها
بلقيس: اهااا ليش كم قد عرفت بنات؟
انس: مابلا اللي تعاملت معهن في معهد.. زباين بس اشوفش واحده ثانيه
زهور فتحت باب الغرفه ودخلت: هيااا
بلقيس كانت واقفه جنب الطاقه اول ماسمعت فتحة الباب فجأة ردة فعل سريعه خافت لو حد من البنات نزلت التلفون في جيبها
زهور: مالش جنب الطاقه عاد انتي مفتجعه من ابوش؟ اكيد قد روح القريه مايخليه لليل خارج
بلقيس: لا مش هذا
زهور: مالش الا أتعذر له لوما يتعب ولا ترجعي القريه وعتجلسي وتدرسي وتفعلي كل مافي نفسش
بلقيس نسيت التلفون وتجملت منها: يو تسلمي الله يحفظش
زهور مسكتها من يدها: هيا جي
بلقيس بتبعد يدها: طيب دقيقه لحظه بس
زهور سحبتها بقوة: ولا ثانيه مراعيات من اول قد عنرقد معنا دوام
انس كان بيسمع كلامهن والخط مفتوح.. وتقريبا فهم اللي كان مش فاهمه ان خوفها من ابوها وكمان لما سألته عن موضوع التعليم... تذكر قريته وكيف التعليم فيها معاناه بس ماخطر على باله انها من نفس قريته وانه نظام كل القرى هكذا.. بس استغرب ليش هي طيبه وبريئى وعلى نياتها
وماخافت وماسمعت كلام ابوها ورجعت معه!
.
.
ثاني يوم..
سالم وصل للجامعه ومعصب وين بنته كيف تختفي وماعد حد يسمع عليها معقول انخطفت ! هربت او سافرت؟
وصل للمسؤول حق السكن وهو مخزن شويه وقت الظهر: ...
📚 @ 🇾🇪
Читать полностью…
روايات يمنية📚🇾🇪
04 March 2024 20:10
.
البــارت 82 ○
الثــروة الـمنسيـة 🍀
👌🏻👇🏻 😍
📚 @ 🇾🇪
عند السكن..
ابوها واقف وبيتصل التلفون مغلق..
زهور كانت بتراقب من الطاقه اول ماشافته نزلت خافت يسأل مسؤول السكن عنها
ابو بلقيس: لو سمحتي يابنت
زهور وقفت: خير
ابو بلقيس: تعرفي بلقيس سالم؟
زهور: ايووووه كانت معي في الغرفه حقي ونقلت
ابو بلقيس: فين نقلت؟
زهور: سكن طالبات الطب
ابو بلقيس: فين هو ؟
زهور: مدري اسأل ياعم
ابو بلقيس: معش رقمها بين اتصلها وهو مغلق
زهور: ماشي تلفونها خارب
ابو بلقيس ضبح ومشي
زهور فعلت نفسها بتمشي لما شافته خرج من الجامعه ورجعت للسكن اتصلت لها..
@ المصدر الأول للروايات
في المكتبه..
بلقيس جاوبت: ايوه
زهور: ابوش جاء
بلقيس: وبعدين ماقلتي
زهور: قلت نقلتي سكن الطب وخطي
بلقيس: متأكده
زهور: ايوووه خطيت معه لما خرج من الجامعه ورجعت
بلقيس: مش مطمنه شاراعي شويه واروح
انس كان بيسمع وجالس بيقرا الكتاب اللي اختارته
بلقيس قفلت التلفون
انس: الكتاب رووعة والقانون اروع اللي فاهم له يقدر يعيش حر في هذه الحياه بدون استعباد
بلقيس حست الكلام الي قاله مناسبها قوووي
أنس: ماتعبتي من الصبح لاذلحين؟ جامعه ومدرسه وزد جيتي المكتبه !
بلقيس داخل نفسها تعبت من الخوف والهروب ومالقيت راحتي الا في هذا التعب اللي بيزيدني قوة
ردت: لا ماتعبت
أنس: تشتي شي مني قبل ما اسير العمل !
بلقيس: ماشي تسلم.
انس: مش عارف ايش اللي بيحصل معش وليش غيرتي رقمش بس لو في حد بياذيش ادي رقمه وانا اتصرف معه.
بلقيس: تمام
انس: مع السلامه.. ومشي
بلقيس جلست تتأمل خطواته لما خرج من المكتبة ورجعت اخذت الكتاب اللي كان بيقراه ويتكلم عنه وشمت عطره فيه.. جلست تقرا لما وصلها اتصال من زهور
زهور: مارأيش نخرج نتمشى شويه لما يوقع مغرب امد المكتبه عتقفل وين عتسيري
بلقيس: تمام
زهور: وقع لي زلط الان هيا جي معي نسير السوق
بلقيس: انتي مزلطه انا ما افعل
زهور ضحكت: شاسلفش شكل راتبش هذا لاجيبي
بلقيس: موافقه هيا نتلاقى
@ المصدر الأول للروايات
عند البوابه..
وصل بعد ماراح يدور في سكن الطالبات حق الطب وماوصل لاي نتيجه قرر يرجع يستفسر اكثر عنها في السكن القديم متردد يدخل يسأل والا يسير يشوف البيت اللي دله عليه واحد..
.
.
في المعرض..
انس وصل خلا دفتره واوراقه في درج وعلق الجاكت وبدأ يرتب ويناقشوا على البضاعه الجديده اللي وصلت
مرام شافت الموظف زميلهم غايب لقيت فرصه تتدلع عليه وتفرض عليه يشتغل معها يمكن يعجب بها أكثر.. رشت عطر خفيف وجلست تعدل المكياج بسرعه قدام المرايه وراحت للمشرف: لو سمحت خلي انس يفرز معي الملابس كثير وتعب عليا لحالي كلهن
المشرف: انس مع مرام دفعه ملابس جديده ساعدها
انس: تمام
بدأت تخرج الملابس وترتب المقاسات وتعلقهن وتتعمد تتدلع وتخليه يساعدها: ها هذا مارضي المعلاق مدري ايش فيه
انس بدون مايلتفت لها شله من يدها وبعدهن من بعض ناولها وبيفرز بسرعه الملابس
مرام: كيف الدبله اللي بيدي
انس: وانا مادراني
مرام بضبح: طيب شوف
انس شاف بسرعه وبعد عينه: مبروك
مرام: ما انخطبتش طبعا بس طفشت من العرسان وانا ما بوافق الا على واحد بس كيف وهو مش فاهمني؟؟
انس بعد ماشاف التغيير اللي فيها: ولا اي واحد بيتفهمش ويفهمش بشم العطر هذا والكحل..
مرام: ايش قصدك؟؟
انس: مافي داعي تجذبي نظره بالعطر والمكياج لانه لو الحب هكذا ، انه حب كل واحده شافها في طريقه.
مرام: ومن قال ان انا بين اجذبه بعطري ليش كلامك دايما دفش شكلك عادك على مخ البلاد
انس: خليني على مخي هذا ووافقي على اطرف عريس صدقيني من كلام الافلام هذا.
مرام: وانت ايش دخلك بي اوافق او لا هذه حياتي وانا حره فيها اختار الشخص اللي من مستوايا ويناسبني
انس اخر مجموعه ملابس في يده فرزهن وعلى وقفته: كنتي تقلي لنفسش هذا الكلام ، انا مايخصني ولا يهمني من يجي لش ولو بتتهربي من العرسان و لمن منتظره.
مرام عصبت: والله ان انا الغبيه اللي بين اتكلم معك اصلا
المشرف سمع جملتها هذه وشافهم الاثنين وانس مطنش بيكمل ترتيب الملابس وشاف ثنتين دخلين وبيشوفهم من بيروح يشوف الزباين
مرام قربت لاعنده وبصوت واطي: لو فاكر انك بتقلد عليا دور الثقيل والمغرور وانت ميت فيني تبقى غلطان اصلا انت اخر واحد افكر فيه واهلي يقبلوا به
انس سمعها ضحك ع كلامها وبصوت واطي وهو قريب منها: ولاتحلمي
كانت على دخلتها من المحل واقفه مصدومه ان هنا انس !!! وواقف جنب البنت من هي هذه ! وحلوه وفاتشه وانيقه ؟؟ وبيضحك معها ليش قرب منها وايش قال لها وهي مشيت !!! معقول هذا انس
زهور بتسحبها: مش قلت لش عتبتلدي على اشياء فخمه عادش ولا شفتي شي جي
بلقيس: ليش مصممه من هنا جي نشوف مكان ارخص
زهور: ...
📚 @ 🇾🇪
Читать полностью…
روايات يمنية📚🇾🇪
04 March 2024 18:24
.
البــارت 80 ○
الثــروة الـمنسيـة 🍀
👌🏻👇🏻 😍
📚 @ 🇾🇪
بلقيس بخوف: يشتي يرجعني؟
زهور: قال بكره عصر تجهزي تسيري عند... كملت لها الموضوع
بلقيس خافت غلقت تلفونها
زهور: ولو قفلتي مش حل قال انه عيجي بكره كيف عتفعلي؟
بلقيس جلست تبكي
زهور: بطلي الطبع هذا دايما تبكي قوي قلبش واعرفي كيف تتصرفي البكاء مش حل
بلقيس: ما افعل؟
زهور جلست تفكر: مااعرفش والله
بلقيس: وعاد انتي ماتشتيني ابكي
زهور: ايوه البكاء مش حل.. قومي نخرج نفعل عشاء نفكر بعدها
بلقيس خرجت معها المطبخ وجالسه سارحه
خرجين البنات للمطبخ..
زهور هيا تمي قطعي الطماط البصل حرق
بلقيس كانت معصبه ومتوتره بتقطع ذبحت اصبعها
واحده من البنات لاحظتها راحت تشوفها: كيف بتقطعي مالش ماتستضي وجعتي اصبعش قوي
بلقيس مسكتها وراحت تغسل
زهور: معش لصقه
بلقيس هزت راسها: لا
المتنمره راحت تدي لصقه من غرفتها
بلقيس شافتها وانصدمت: شكرا تسلمي
المتنمره بدون كلام فتحتها وبتلصق لها.. ورجمت القرطاس في الزباله
البنات مستغربات بيتفرجين
واحده من البنات شافتها: ليش عيونش حمر بتبكي؟
زهور: ولا شي يمكن من البصل
المتنمره خرجت من الغرفه: هكذا ايش من بصل معاكن بتشوفينا خبل
زهور: يمكن معها شي ماتشتي تتكلم
المتنمره: معها فم وانتي مالش واصل بتدافعي
بلقيس: مابش شي خلاص لاتتصايحين.. انا قلقه على ابي بس
زهور تشوفها وتغمز لها تسكت
المتنمره: قطعتي يدش ويرجع يقلق عليش هو
بلقيس سكتت
زهور صلحت البيض: هيا تعشين معنا
قربين اكلهن كلهن مع بعض وجلسين يتعشين ويتذكرين مواقفهن المضحكه
بلقيس الوحيده اللي مابش معها ذكرى حلوه او مقلب بتسمع بس
واحده منهن جاوبت تلفونها تصنمت دقايق رجمت تلفونها ومسكت وشها وجلست تبكي في الارض
قامين كلهن من فوق العشاء: مالش؟
يهدأنها صلِ ع النبي مالش
البنت بتبكي: ماتت جدتي اللي ربتني
بلقيس: ياريتها جدتي اللي ماتت والله ماابكي هكذا
جلسين يهدأنها واول مره يكونين متجمعات في موقف ويسدين..
@ المصدر الأول للروايات
بعد مادخلت الغرفه
بلقيس شافت رقمه جاوبت بضبح: انا لقيت احسن حل اغير الرقم واهجع كل اللي بيحرقوا دمي
انس زززعل وتحسس منها انصدم لثواني ورد: مع السلامه.. وقفل
بلقيس حست انها تسرعت بس كانت معصبه وفعلا الفكره اللي جت في راسها لما كلمت انس كانت افضل حل تتهرب من ابوها
.
.
الصبح...بيت سالم
سالم: شاسير يومين ادور واستأجر بيت واديها وأرجع وانتي راعي عند امي
مرته بضبح: مافيها لو جيت معك
سالم: ماشي من ينتبه لامي
مرة سالم: الله يلعنها بنت حين تفلت ابوها وجدتها لو هي طايعه ماتفلت جدتها وابوها صح ياعمه او ماشي
الجده: هي هكذا دبور من يومها البنت هذه ماسبرت حياتنا الا حين انقلعت
سالم ضبح منهن خرج
الشيخ لقي سالم كان بيلوي على المزارعين ويسألهم راضيين على العمل والزلط اللي بتدخل وايش بيقلهم سالم
سالم: صباح الخير ياشيخ
الشيخ شافه ومشي وطنش
سالم مشي بعده: الله المستعان هيا مالك
الشيخ بعد ماشاف مابش مزارعين وقف
سالم سار قدامه: خير مالك ياشيخ؟
الشيخ: انا سارق ها؟
سالم: من قال؟
الشيخ: اين الاوراق كلهن حق الارض!
سالم استغرب وشك: عندك ليش؟
الشيخ: تمام.. ومشي
سالم استغرب ورجع مشي
@ المصدر الأول للروايات
في الجامعه قاعه المحاضرات..
بلقيس بتراقب مابش حد وين هو ليس ماجاش؟
كملت المحاضره وخرجت.. كانت تتلفت وراها مابحد اول مره تحس بالخوف هكذا كانت متوتره بتمشي وتحس مابش من يحميها وبتسأل نفسها ليش زعل طيب ولو زعل يجي يقرا مادخله مني
شافت الوقت في ساعه بين المحاضره هذه والثانيه قررت تروح تقطع شريحه ثانيه لايتصل ابوها.. دخلت محل الاتصالات وبتختار رقم..
البايع اشر عليه وكملت اشترته..خرجت
كان في الكبينه خرج يحاسب شافها خرجت قدامه مالحقها راح للبايع يحاسب ع الاتصال
البايع شاف المبلغ اللي على انس
انس: بكم الشرايح يااخي
البايع: بكم ماتشتي
انس بيحاول يحفظ الرقم اللي مأشر عليه: شكله محد بيشتري منك
البايع بضحكه زنط: عاد انا بعت واحد الان رقم لواحده امانه انه يستاهل تدفع فيه قيمة رقم ذهبي.. اختار رقم وعنسد
انس تم يسجله عنده شاف الشبكه مختلفه وبيكون يخسر شل رقم جديد مثل شركة رقمها ومختلف عنها برقم واحد بس.. وخرج
كانت قدامه امتار بعيد..
بلقيس تتفرج وتتلفت مابحد هو سجلت كل الأرقام اللي عندها في الدفتر ومابش معها الا 4 اقام ابوها وزهور والمديره وانس.. وطفت تلفونها تذكرت ان معها دوام المدرسه قررت ماتسير المحاضره.. وراحت خرجت من المدرسه واستأجرت باص
انس كان وراها بس مايكلمها ولايحسسها بوجوده بيتطمن عليها من بعيد لبعيد.
تطمن عليها وصلت مشي ورجع للجامعه حضر المحاضرة الثانية..
بعد ما كملت...
/channel/rewayatyamania/51250
📚 @ 🇾🇪
Читать полностью…
روايات يمنية📚🇾🇪
04 March 2024 18:17
.
البــارت 78 ○
الثــروة الـمنسيـة 🍀
👌🏻👇🏻 😍
📚 @ 🇾🇪
رجعت لطبيعتها بعد ماقلدتها: ليش جاوبتي من اساسه بطلي الحركات هذه ياخبلا قدو فاهم انش بتتعذري انش مؤدبه
بلقيس ضحكككككت واول مره تضحك الضحك هذا وبعد ماسكتين: يو تقلي عيقول مثلش ؟
زهور بتاكل خبزه: اكيد
بلقيس: هيا نتغدا جاوعات
زهور: ممم مانفعل لنا
بلقيس: زحوقه ولبن ياسلام
زهور: هيا عتجعجعيني معش انا داريه.
@ المصدر الأول للروايات
في المعرض منتظر اتصالها يروح ويرجع ويتفاقد تلفونه مل من الانتظار قرر يتصل بها قبل المغرب..
بلقيس شافت رقمه وخافت انها تقسى عليه وقدو مهتم هذا الاهتمام بها يعني فعلا بيحبها ضعفت قدام اهتمامه مثلها مثل اي بنت بالذات انها مش لاقيه حد جنبها ومعها
زهور مش عندها كانت في غرفه صاحباتها
جلست متررردده وبعد مارن كثير فتحت الخط: الو
انس: ها يابنت لاتقليش ليش اتصلت خليني اكمل كلامي للاخير
بلقيس: تكلم ناهي فيسع
انس: ماينفعش فيسع شانسى يله جمعت المجبر
بلقيس: مافي نفسك ؟؟؟
انس: اوو سؤال مهم تعرفي ايش اتمنى؟
بلقيس: ماشي
انس: انش تدي لي فرصه اثبت لش حبي وان انا صادق
بلقيس: ياولد بس خباله انت قلت انك اخي لاتقلش الحب وهذا الحكا والله انه مايسبرش
انس: ليش او حرام ! مالش هكذا عاد انتي اعظم من جدتي
بلقيس: لانه جدتي قالت لي هكذا
انس: اكيد جدتش هذه مش هي طيبه ابدا قلك مايسبرش الحب
بلقيس فعلا اللي قاله صح جدتها مش طيبه ! يعني كلامها غلط ؟الحب مش عيب ولا حرام !
انس: ليش سكتي
بلقيس: ما اقول !
انس: ليش سرتي هذك المدرسه اكيد تبسري اخوش تضارب مع صاحبه.
بلقيس: ماشي بين ادرس هانك.
انس: انتي تدرسي ! صف كم؟
بلقيس: حضانه
انس: اها ريتني ارجع للحضانه
بلقيس ضحكت: خلاص قفل مع السلامه
انس: شكلش بخيله قوووي
بلقيس: مادخل البخل في هذا
انس : مالش معاااجله كرتي او كرتش
بلقيس: طيب مابش موضوع مهم ماناش داريه مالك
انس: قلت لش معجب بش نفسي اكون معش دائما ، انتي داريه ان انا هنا وحيد اهلي في القريه ومن يوم ماشفتش خلاص حسيت معي اهل هنا
بلقيس كأنه بيتكلم عنها بالضبط معقول الصدف تجمع نفس الاشخاص ومعاناتهم ! ردت عليه: ولو في القريه على الاقل معك اهل اي حين مافقدت لهم سرت وفارحين بك
انس حس انه جرحها بعد ماشاف الموقف اللي حصل لها مع سالم حب يواسيها: انا يتيم ابي مات بعد ما قاتل في الارض والقريه عشاننا وخواتي كلهن تزوجين بقيت واحده هي وامي عند اختي اللي زوجها مغترب وانتي؟
بلقيس نسيت الخزا وكأنها لقيت حد تفضفض له وتشكي له وبيفهمها لأنه مجرب شعورها: سبحان الله شكل قصتك مثلي بس انا ماتت امي وابي تزوج
انس شاف نفسه بيأشر لصاحبه انه بيخرج ويمسك بدله
مرام شافته ماسك التلفون حست بغيره له ربع ساعه وهو بيتصل يعني معه حد اكيد معجب بواحده مادامه ماتجاوب معها ولا حس باعجابها له.
بتطبز الموظف: لاتصدق له ولا تمسك العمل مزحوم وانت كم جهدك
الموظف: انس متعاون عادي مافيها شي مالش قلبتي على انس فجأه!
انس بعد ماشاف جواب صاحبه واشر له تمام براسه خرج ومع اول هواء تنفسه وبيسمعها حس باحساس عجيب بحب ببدايه جديده حس انه لأول مره شخص مالك الدنيا كلها مش بس وحيد وغريب في بلاده معقول كل هذا الاحساس يحس به الشخص لما يحب !!
بلقيس صحته من السرحان فيها وهو معها: كأنه في حد جنبك؟
انس: خرجت من العمل
بلقيس: ليش؟
أنس: لانش بتكلميني مااشتيش حد يقاطعني
بلقيس: منك صدق؟
انس: والله
بلقيس: مجنون
انس: شكلي شجنن صدق
بلقيس: ايش بتشتغل؟؟
أنس: في معرض ملابس ، ارجعي جي وشافعل لش تخفيض وخصم خاص
بلقيس: ان شاءالله شاكلم صاحبتي واجي؟
انس: ذلحين انتي عايشه في السكن !
بلقيس: ايوه
انس: وفي العطله
بلقيس: مدري بس اكيد هنا
انس متردد يسأل خايف يجرحها فين اهلها رجع غير السؤال لعل وعسى منه يفهم: ابوش كان رافض تدرسي!
بلقيس: مش رافض ادرس هو جاء وسجلني
أنس استغرب سبب المشكله وسكت لأنه مش من حقه الان يتدخل في حياتها: انتي من المدينة؟
بلقيس: ماشي
انس بيفكر لو تشتي يعرف كانت قالت بدون مايسألها
بلقيس: يله خاطرك اذن عشاء اقوم اصلي.. مع السلامه
أنس: تسلمي ذكرتيني اسير الان الجامع
@ المصدر الأول للروايات
في بيتها جالسه مع زوجها وعيالها..
ام بسام بتحاول تستفسر: يارجال عاد أرضنا ملكنا والا بعتها؟
زوجها: ومن اين بنصرف عليش لو بعتها! ماقد في نفسش تشتي تبيعينا الارض يامره
مرته: ولا شي مابلا اسألك مالك عتدور مشكله
زوجها: ماصنف لش بالسؤال هذا الساع!
مرته: بين اسمع نسوان بيقلين ان الشيخ شل منكم الارض وخلاكم تبصموا على انها ملكه ويتصرف بها هو وانتوا الا عمال فيها
زوجها ضحك: بيضحكين على عقلش صورتش عجزتي يامره
مرته: وانت مادراك ما...
📚 @ 🇾🇪
Читать полностью…
روايات يمنية📚🇾🇪
04 March 2024 18:16
.
البــارت 76 ○
الثــروة الـمنسيـة 🍀
👌🏻👇🏻 😍
📚 @ 🇾🇪
زهور بسخريه وضحكه: من انتي ياقمررر؟ بنت رئيس الجامعه ومش داريه؟
المتنمره: اذا ما ندمتكن الثنتين طيب بعيني.
زهور: مراعيين لش .. مسكت بلقيس ودخلين غرفتهن وقفلين على نفسهن.
بلقيس جلست تبكي: ماعتفعل ؟ كل البنات بيخافين منها اكيد هي هنا مسؤوله
زهور: لا مابلا جبانات مثلش ياهبلا معش فم تكلمي شفتي كيف دافعت ع نفسي وماعد فعلت شي
بلقيس: قالت عتندمنا
زهور: كلام ياسعم من هي.
بلقيس سمعت تلفونها بيرن حست انه انس لانه محد بيتصل لها غيره
زهور: من؟
بلقيس خافت: مدري
زهور هزرت التلفون منها قريت الاسم ضحكت: المسكين الجامعه ، ايش عاد انتي بتصاحبي المساكين ياهبلا دوري واحد غني قلك مسكين
@ المصدر الأول للروايات
بلقيس شلته منها: لاتفهمي غلط هو طالب ساعدني في التسجيل
زهور بغمزه: على من هذه الحركات على غيري ، جاوبي المسكين حرااااام وفتحت الخط ورجمت لها التلفون وفرشت السجاده وخرجت الحمام
بلقيس جاوبت: عفوا منك هي صاحبتي فتحت الخط ماكنت داريه
انس: ولايهمش عادي.. كيف انتي
بلقيس: الحمدلله ، ليش اتصلت
انس استغرب من ردها: مسرع اول قلي لي كيف حالك
بلقيس: وانا مادخلني منك.. ماتشتي؟
انس كمل لها الجمله: ياولد؟
بلقيس ضحكت
انس: بس حبيت اتطمن عليش
بلقيس: انا بخير
انس: فقدت لش
بلقيس: مايسبرش يا مسمك الحكا هذا
انس: قلت لش اسمي انس
بلقيس: ناهي لاتتصل لي تكلمني
انس: يله تمام اهم شي انش بخير
بلقيس: ايوه
انس تحيلا لعفويتها وبراءتها وزاد تمسك مايشتي يقفل التلفون نفسه يعرفها أكثر: يابنت
بلقيس: ماتشتي
انس: يابلقيس
بلقيس: مالك..؟
انس: انتي من فين ؟
بلقيس خافت: وانت ماعليك
انس: لهجتش ساعنا انا من قريه....
بلقيس افتجعت: كذاب
انس: والله ليش؟ تعرفيها صح؟؟ مبين حكاش ساعنا
بلقيس: ماشي
زهور دخلت بتشاكسها وتحرجها: هيا علمتني الصلاه ونصحتني ورجعت هي تمتسخ وتمسك التلفون من بتجابري ( تخوفها بمزح ) ؟؟
بلقيس قفلت بدون كلام: مدري مايشتي مافهمته
زهور: مالش قفلتي وافتجعتي ماقال لش؟
بلقيس: ولاشي بيسأل من وين انا
زهور: انتبهي تقلي له ولاتوثقي في اي حد ولو مسكين
بلقيس خافت: تمام ولاعد شاحاكيه
زهور: لو في شي مهم ويساعدش سهل بس لاتثقي فيه وتكلميه اي شي عنش
بلقيس: تمام.. اقوم اصلي راحت الحمام
زهور شافت تلفونها جالها فضول تكتشفها من باب تنتبه لها لو بيضحك عليها ويعشمها بالحب وهي ماتعرف تتصرف مع حد شافت الرسايل كان يرسل لها رسايل عاديه عن المساء والجمعه والصباح وادعيه ضحكت وبينها وبين نفسها: مبين انه مسكين صدق.
.
.
في المعرض..
شاف التلفون تقفل ضحك وخباه..
كانت مرام بتراقبه بنظرات حقد وزعل انه ماعبرهاش.
انس لمحها وهي مركزه لاعنده.. فعل نفسه ماشافها قام وشل تلفونه والشاحن لبس الجاكت وخرج.. ودع زميله والمشرف وماعبرها زي كل مره يوصلها لطرف الطريق.
مرام بدأت تفكر تحانكه وتهتم بزميله الثاني وطلبته يمشي معها لموقف الباصات
@ المصدر الأول للروايات
ثاني يوم في القريه مجتمعين على الصبوح
سالم: انا بين اقول لو نطلع المدينه وادور لي شغل هانك
مرته: والله عادنا بين اجابر نفسي ليش مانسير امد الجهال يدرسوا في المدرسه هانك التعليم احسن واريح العيشه تعبنا
سالم: خلاص انا شاكمل اموري مع الشيخ واشل القرشين اللي معي ونعيش بها امد ماالقى شغل
.
.
في الجامعه اول يوم دراسي...
في قاعه المحاضره كان الزميلات والجو غريب عليها
بتتلفت الكميه ومختلط شباب وبنات كانت متعوده بنات بس خايفه وقلبها بيددددق جالسه في طرف الكرسي
دخل الدكتور وبدأ بالكلام معهم والتعريف عن القانون وأنه الحماية والحقوق ووو فاجأها وهي منسجمه سؤال واحد جالس في الجهه اللي جنبها: لو سمحتي معش قلم؟؟
جلست تسأل نفسها: كيف وليش جا هذا الولد وهو عيسير جامعه ثانيه؟؟
انس حس بزحمه فوق الماسه نزل في الارض بين الدرج الفاصل بينهم
خرجت قلم وناولته
بلقيس حست انه قريب منها شويه توترت
انس بيتعذر انه ماسمع جلس يسألها كل شويه
وبلقيس بطيبه بتوريه الدفتر مستحيه تتكلم معه مش عارفه انه مشاكسه منه وكاتب كل شي
بعد ماكملت المحاضره
خرجت بلقيس وعادها ماتعرف حد بتمشي
انس جلس يمشي بعد خطواتها بيتذكر لون عيونها عن قرب وتفاصيل ربشتها لما كان يكلمها
بلقيس التفتت للارض تدور رجعت شافته قدامها
أنس: ضاع عليش شي؟؟
بلقيس: غطاية القلم
انس استغرب شاف مابش شي خرج قلمه وناولها
بلقيس: لا خلاص مافيش داعي
انس: جلس يحرجها ويراشيها
بلقيس انحرجت من نظرات الكل لاعندها عشان تخلص منه شلت القلم ومشيت سريع تذكرت ان معها...
📚 @ 🇾🇪
Читать полностью…
روايات يمنية📚🇾🇪
04 March 2024 18:15
.
البــارت 74 ○
الثــروة الـمنسيـة 🍀
👌🏻👇🏻 😍
📚 @ 🇾🇪
أنس شله ومشي لاعند زميلهم الثالث: ها ادت لك مرام عصير لاتكسفهاش
المشرف كان بيشوفهم من بعيد وحب أسلوب انس انه مش حق ضحك ولعب ودايما يصدها: ليش لناس من جنب ناس واحنا مانستاهل او كيف
مرام شافت انس: هيا اعجبك اللي فعلته كنت تشربه وبس !!
انس: مره ثانيه كوني اشتري للكل والا لنفسش لاتحرجي روحش
مرام داخل نفسها: ولاحليت منك يا انس دايما تكسفني هكذا مغرور على ايش مامعك الا شكلك بس والا لو واحده تعرفك ماتفكر فيك
@ المصدر الأول للروايات
في القريه جالسه مع بناتها تجمعين يزورنها
ام أنس: ناقص وجود انس الله يحفظه ويوفقه
شمس: وارزاق يعلم الله كيف هي؟
امها: قال انس بيجابرها دايما وانها بخير مرتاحه
الام مسحت دموعها: الله يرحمك ياسليم
شمس: هيا كل ماتجمعنا وبكيتي وزعلتي ماعد درينا مايفرحش
الام: نفسي ازوجش انتي وانس وافتهن لا جاء الموت بعدا ركنت عليكم
شمس: يو من غير شر صلِ ع النبي عاد بنتش عتولد لاتزوجت من ينتبه لها غيرش مانا شاقل لأنس يزوجني لواحد من خبرته في المدينه
امها: استحي يابنت عيب عليش هذا الكلام
شمس: هيا ناهي انتي اللي بدأتي ودعيتي لي
امها: اتصلي لأنس فاقده له
شمس ضربت رقمه وناولتها السماعه
في المعرض كان تلفون انس بيشتحن...
مرام سمعت اتصال ومكتوب بيتنا جالها فضول تتكلم مع امه او اخته .. شافت انس منشغل مع زبون جاوبت: الو
ام انس: الو؟
مرام: اهلا يا خاله كيف الحال
ام انس: الحمدلله هذا تلفون ابني انس؟؟؟
مرام: ايوه انا زميلته في المعرض
ام انس بدهشه شافت بناتها بصوت واطي: يوو والفعله جاوبت خبيرته ليش تلفونه معها او ابني فيه شي؟؟
مرام سمعت وشوشتها في السماعه انحرجت: عفوا ياخاله هو معه زبون وانا رديت لو في شي مهم
ام انس: اهم شي انس بخير
مرام: ايوه لاتقلقي عليه
انس كمل الزبون ورجع شافها ماسكه تلفونه مشي سريع دخل هزر السماعه وشافها: من بتكلمي وليش تتفيضلي؟
امه: انس .. عيب يا ابني مش هي اختك تقالعها هكذت
انس: غلقي يمه شاتصل انا لاخسركم.. مع السلامه
مرام بتمثل المسكنه: بيتصل ويرن من اول خفت ليكون في شي
انس عاد الاتصال: مره ثانيه ماتلمسيش تلفوني رجاء
امه جاوبته: من هذه ياابني
انس بيغالط لايتكلم قدامها: كيف انتي وخواتي خير او في شي؟ انتي بخير !
امه: انا بخير الله يحفظك الا فقدتك قلت ابسر كيف انت
انس: انا بخير الحمدلله معي الاسبوع هذا دوام في الجامعه آخر الاسبوع وانا عندش
امه دعت له من دعواتها وبعدها: او بتحبها يا انس
انس: ماااشي يمه مالش من الخبر هذا
امه ضحكت عشان انحرج: الله يوصلني لوما افرح بك وازوجك.
انس: ان شاءالله يله خاطرش ارجع العمل بيصيحوا لي
@ المصدر الأول للروايات
في الطريق بيتمشين
زهور خرجت اللي معها: وفي لي خمسين
بلقيس خرجت لها الزلط: قدها كل اللي معي
صاحب العربيه حق البطاط سمعهن: وهذه زياده مني لكن
زهور: تسلم ياعم
بلقيس: خلاص نخليه للمغرب وناكله قدو عشاء
زهور: انا جاوعه وشويه اتصل لأختي يدوا لي زلط لاتهمي كلي بس
بلقيس: وين سايره؟
زهور: جي نتمشى بدل مانرجع للوجوه اللي في البيت
بلقيس: اين نسير
زهور: نتمشى جي ندخل محلات نتفرج
بلقيس: مابش معنا زلط
زهور: التفراج ببلاش اخطي سكته من الدحس
بلقيس ماسكه يد زهور: بس ملان ناس بين ارتبش لوما امشي
زهور ببرود: عتتعودي
جلسين يدخلين المحلات ويمشين
بلقيس شافت قد الشمس بتغرب وبدأ الظلام: هيا نروح اتأخرنا كيف نفعل
زهور: باقي هذا المعرض فخم خلينا ندخل وبعدا نرجع عنمشي سريع ونوصل لاتخافي
واقفات باب الباب..
بلقيس: ماشي خلاص يكفي اصلا مابنشتري ضبح بين اتخور كل شي
زهور: انا شدخل وانتي براحتش لو تشتي تراعي هنا
بلقيس جالسه تفكر لو ادخل عنتأخر جالسه تتفرج بمهل وتسأل وترجع تخرج ! اراعي لها هنا عشان تقطب وتخرج افضل.
زهور دخلت..
بلقيس مراعيه خارج
مرام كانت بتعرض الملابس لزهور
زهور بتتفرج وراها مالحقتها بلقيس ولما شافت الاسعار انصدمت غاليه خرجت
انس كان بيتكلم مع المشرف وظهره للباب..
@ المصدر الأول للروايات
في القريه..
سالم رجع من عند اصحاب القريه لاعند الشيخ ...
الشيخ: هيا مالك شيبت على الأرض ماعد لك هيبه الظاهر
سالم دخل في نفسه الكلام حق الشيخ: ماقصدك ؟
الشيخ: كان اول تدي كلمه والكل بعدك
سالم: ياشيخ انت مش انت داري بشي جالس الا في البيت انزل وابسر بنفسك كل يوم عتدرى الوضع كيف
الشيخ معصب وبيصيح: وانت مابتفعل !!
سالم: اول ماكان يتقاتلوا ويتقاسموا الارض والشجر قدو طمع بينهم الان بسبب القات كل من بيبسر نفسه
الشيخ: والبن كان نفس الشي
سالم بضبح بيدهف يده في الهواء: ...
📚 @ 🇾🇪
Читать полностью…
روايات يمنية📚🇾🇪
05 March 2024 19:16
.
البــارت 100 ○
الثــروة الـمنسيـة 🍀
للكـاتبـة: عبيـر الكبسـي
👌🏻👇🏻 😍
📚 @ 🇾🇪
عمه: وين بيتك
انس: اين بيت هي غرفه متشارك بها مع طلاب
عمه: ها ماينفعش جي نتجابر في الطريق نسير نتعشا اول
.
.
في القريه..
بيت الشيخ..
عمر رجع بعد اتصال امه له ان اخوه رجع المدينه
امه كانت مراعيه له في الباب: اسمع ادخل قل لابوك انك اديت للمزارعين الزلط وانك كنت بتشرف عليهم وتحل المشاكل حق الماء والساقيه المهم انك تدريه انك بتشتغل
عمر بهنجمه: انا داري.. دخل لاعند ابوه
الشيخ: سير لاعند سالم وقل له يدي لك نسخ من الاوراق اللي معه احتياط
عمر: اي ورق
الشيخ: هو داري عيديهن لك
عمر: بس مابحد هو قد سار
الشيخ: دوره انا مش داري اين الورق اللي معي الاصل اختفين دورهن
عمر شككك في اخوه: تمام
@ المصدر الأول للروايات
في المدينه بيتعشوا في مطعم صغير شعبي
انس: بس انا مالي علم بهولا الورق اللي كانين عند ابي حق ايش؟
عمه حس من ردة فعل انس انه مش داري بشي وهذا اللي كان يشتيه يتطمن انه مش عارف بشي: حق الاراضي متأكد ماتعرف ولا ورقه
انس: ولا ورقه ليش هن عند من
عمه: لوما نقلتوا مالقيت لابوك وصيه والا شي
انس: مع
عمه: تمام خيرة الله.. انا معي الاصول ارجع اصورلكم حقكم
انس: تمام تسلم ياعم الله يحفظك ويبارك فيك ماقصرت
عمه قام وهو شابع ومتطمن: يله بيننا تواصل
انس: ان شاءالله.
انس تم يشرب الشاهي وحاسب هو وضحك على عمه الطماع اللي مادفع لابن اخوه قيمه الشاهي وخرج وهو مبسوط.. اتصل لها
بلقيس: سار عمك
انس: ايوه فجعني قلت مدري ايش القصه وانه الموضوع تافه المهم انتي كيف انتي
بلقيس : الحمدلله مالصوتك متغير!
انس: شكلي شامرض حلقي وزكام
بلقيس: اشرب ليمون وشاهي
انس: ليش؟ خايفه عليا؟
بلقيس: ايوه
انس: ليش تخافي عليا
بلقيس: هكذا
انس: بتحبيني لهذه الدرجه
بلقيس محرجه تجاوب: بكره معنا محاضرات
انس: بتحبيني او مع
بلقيس: انت داري ليش تسأل
انس: اللي اعرفه ان انا اللي بين احبش ومجنون فيش بس وانتي تكرهيني مش طايقه تسمعيني
بلقيس: خراط انت بتقل هكذا من راسك واي حين انا قلت
انس: يعني بتحبيني
بلقيس: يووو منك ايوووه
انس ضحككك شاف معه خط ثاني: لحظه اجاوب وارجع لش
بلقيس: تمام
انس رد على صاحبه: ها .. أمانة؟؟؟ واي حين عنستلم
قلدك الله ! خلاص شادفع من الشهر اللي بعد هذا وسهمي اخصموها منه... تمام اتفقنا مع السلامه.
رجع لها: يابنت
بلقيس: ايوه
انس: صاحبي يشتي خدمه بس انا ماافهمش فيها
بلقيس: ايش؟
انس: يشتي يخطب واهله مثلي في البلاد عتسيري تختاري دبله ومحبس انيقات وتتصلي لي في اي محل وهو يسير يحاسب
بلقيس: تمام بعد الجامعه اسير انا وزهور السوق
انس: تمام بس مااشتيش ذوق زهور اشتي ذوقش انتي
بلقيس ضحكت: تمام من عيني
.
.
فوق السياره..
علي فهم كيف سجلوا وين ساروا: خلاص تم معك ياعم ورق او شي
سالم: ماشي مابلا على ماقلت لك
علي: خلاص مايهمك انا اعرف اخرج منهم
سالم: المهم لو اسمها موجود اتصل بي
علي: تمام على طول.
@ المصدر الأول للروايات
ثاني يوم..
علي دخل لاعند قسم شؤون الطلاب لقسم كليه الشريعه والقانون كان معه صاحب: مافي نفسك ادينا تلفونات وبالتقسيط وسعر لك خاص
صاحبه: قطف معك حد مبقي مواد؟
علي ضحك: مع مابلا اشتي اتأكد من واحد سرقني تلفون وقالوا هو عندكم مسجل ابسر الكشف اتاكد
صاحبه خرج الملف: المهم لحد يدرا انك شليته من هنا دور براحتك معي عمل
علي: تسسسسلم.
خرج سجاره لهم الاثنين ولعها وبيقلب الورق وبيمشي على الأسماء.. اسم اسم.
.
.
قبل ماتبدأ المحاضره..
بلقيس واقفه مع البنات وبتسالهن: هذه المحاضره لازم تحضير اسماء؟
المندوبه: ايوه انتبهي لازم تدخلي
بلقيس مسكت التلفون ومشيت من جنبهن: انس عادك راقد؟
انس: ايوه ليش تقيميني قلت لش شاصورها منش
بلقيس: قالوا مهمه لازم حضور وغياب الدكتور حقها مش متساهل
انس: قوا خليني ارقد يرسبوني والا ايش مافعلوا
بلقيس: فاتتك المحاضره الاولى هيا انس قد غبت من المدرسه اشوفك...
انس كان طرح التلفون جنبه ونوم مابيسمعها
بلقيس ضبحت وقفلت دخلت المحاضره.
دخل الدكتور
علي كان واقف في الباب
/channel/rewayatyamania/51250
📚 @ 🇾🇪
Читать полностью…
روايات يمنية📚🇾🇪
05 March 2024 19:12
.
البــارت 98 ○
الثــروة الـمنسيـة 🍀
👌🏻👇🏻 😍
📚 @ 🇾🇪
في السكن...
المشرفه جت لاعندهن ودعتهن كلهن لخارج الصاله..
بلقيس وزهور واقفات وبقية البنات وبيتساءلين السبب ايش في
بلقيس حااااسه بخوف واطرافها مخدره وبترجف يدها ومش متحملة الانتظار شكت ان ابوها بيدور عليها
المشرفات وواحده من امن الجامعه: وصلنا بلاغ بسرقه عندكن واحده من البناات ضاع عليها سلس ذهب وممنوع تدخلين الغرف لوما نتم التفتيش
@ المصدر الأول للروايات
بلقيس خافت بتشاور زهور: يو لو يبسروا هديه انس والوردة
زهور شاورتها: عادي مابش عندنا شي
بلقيس: عيطردونا من السكن
زهور: اهدأي مش وقت
البنت اللي ضاع عليها السلس: مالكن بتتشاورين؟
المتنمره شافت المشرفة: ابدأوا بغرفتهن هذه عادها جديده وقلبي مش مرتاح لها
بلقيس: ماقصدش ان انا اللي سرقته؟
المتنمره ضحكت: قالتها بفمها واعترفت سمعتين
المشرفه: اهدأين ومااشتيش مشاكل دخلت هي والمفتشه لغرفه زهور وبلقيس بعد مالاحظتهن فعلا مربوشات بيتشاورين
المتنمره: نوفر التعب والتفتيش والرفاس عليكن يابنات
زهور لفتت لبلقيس: طنشيها ولاتردي.. قربت منها شاورتها: اعرفي ارد لش فقعستها بعد مايخرجين
بلقيس ساكته وخايفه بس يسألوها من ادالش الورده.
خرجين بعد عشر دقايق ولافي شي..
زهور: لقيتين شي؟
المفتشه: لا وين بقية الغرف
زهور: برأيي تبدأي بغرفه هذه اللي بتدور هدار كما هي رئيسة عصابه السكن حقنا ورا كل مشكله هي
المتنمره: شكلش خاوره اوريش من صاحبه المشاكل؟
المشرفه: اهداين رجاء يابنات
المفتشه شافت تصرفات المتنمره وسألت عن غرفتها ودخلت هي والمشرفه
المتنمره بتهديد ونظرات حاده: اذا ماطيرتكن من السكن الثنتين ماتسمني.
المشرفه والمفتشه خرجين وشافنها بنظرات: البسي يله وامشي معنا...
البنات كلهن منذهلات معقول عندها! !!
المفتشه ناولت البنت السلس حقها وشلين المتنمره وخرجين.
كان الوضع بينهن صدمه..
البنات اللي معها في الغرفه جلسين يتشاورين كم ضاعت عليهن اشياء ودايما مغلقه على شنطه بقفل شكين ودخلين الغرفه يفتشين
زهور وبلقيس دخلين غرفتهن مصدومات
بلقيس: يامجنونه ذلحين لوما ترجع عتطرحش في راسها
زهور: والله ماتوقعتها بس كنت اشتي استقضي حين سرقتنا
بلقيس: دايما زناطه ومغروره ولبسها احلى واحده ليش سرقت؟
زهور: الله اعلم تقولي عيرجعوها؟
بلقيس: مدري يارب مايجين طالبات في غرفتنا قد انا خايفه.
زهور: لو اقلش شي عتزعلي
بلقيس: ايش !!!
زهور: هذه آخر سنه لي هنا
بلقيس: بس جنان وتفلتيني؟
زهور: ابن عمي سار كلم مرة عمي اللي انا عندهم وتقدم لي ويمكن العرس في الصيف
بلقيس فرحت لها: صددددق
زهور بخزا: ايوه
بلقيس: سهل الله يسعدش يارب.
زهور: عقبالش انتي وانس
بلقيس: تخيلي ماعرفته كنا نلعب واحنا جهال...
@ المصدر الأول للروايات
في مجلس تأديب الطلاب..
المتنمره: البنات بيفعلين لنا مقالب ويكرهننا ومتأكده هن اللي طرحين لي السلس
المفتشه: بس مالقينا اي شي في غرفهن ومانقدر نتهمهن انا لقيت دليل عندش وعلى فكره من ضمن اللي لقيناهن في صور لزميلات عندش وبعض اشياء مااعرف هي حقش او حقهن المهم الآن نتصل لولي امرش
المتنمره ببرود: اتصلي ياسعم انه بيجي..
المفتشه ضبحت منها وبتفتش اوراقها والارقام اللي عندها
.
.
في القريه بيت اخت انس..
ام انس في الباب بتكلم عم انس: والله يا اخي مالي علم بشي ولا مع سليم اي اوراق مانا داريه وينهن
اخو سليم: وين انس؟
ام انس: في المدينه وانت داري سافر وعادو جاهل ولا داري بشي
اخو سليم: كنت اشتي احاكيه في موضوع ادي لي رقمه
ام انس: الان اخلي اخته تديه لك.. بعد مامشي
ام انس: اتصلي لاخوش يابنت احاكيه يعلم الله ماقد يشتوا
اخت انس بتتصل مشغول..
في المعرض..
انس بيكلم عمه: انا شاكمل الدوام الساعه 9 .. تمام اي حين عتوصل ياعم؟ انس مستغرب: عتطلع الان ؟ ليش الموضوع مهم لهذه الدرجه خير!
خلاص تمام اول ماتوصل اتصل بي ونتلاقى
@ المصدر الأول للروايات
بعد المغرب بيت الشيخ..
محوشات فوقه
ام ايمن: الف سلامه عليك قدر ولطف اهم شي انك بخير
ام عمر بتتفرج بحقد لايمن: حسبه الله من هو السبب
الرابعه بتبكي: يو جعله فيهن ولا فيك حين يسخوا عليك هكذا
ايمن فلتهن وخرج للقريه..
عمر فوق السياره مخزن وبيشرب سجاره بيتفرج لاخوه بنظرات زنط
ايمن بيأشر له براسه انزل
عمر بيتفرج له بتحدي وينفخ الدخان ومطنش
ايمن ماسك اعصابه واشر له بيده جي
عمر داخل نفسه رجم بقيه السجاره من طاقه السياره وشغلها: مفكر حين قدو البكر عيتأمر عليا حرام مايشم احترام مني ولا افعل له قيمه ساع ما فلت وجالس هانك مرتاح
ايمن حس بإهانة اخوه له وزنطه عصصصصب قدام بعض المزارعين قام خرج المسدس وضرب على واحد من التواير
📚 @ 🇾🇪
Читать полностью…
روايات يمنية📚🇾🇪
05 March 2024 19:09
.
البــارت 96 ○
الثــروة الـمنسيـة 🍀
👌🏻👇🏻 😍
📚 @ 🇾🇪
بعد خمس دقايق عاد الاتصال
بلقيس: الو
انس: اخيرا مشغول من اول
بلقيس: ايوه كنت اكلم زهور
انس: هي عندش ليش عاد الخساره
بلقيس: مابحد هي
انس: شويه واتصل لش..قفل
@ المصدر الأول للروايات
في المدينه المستشفى..
الدكتور: الحمدلله انكم اسعفتوه بسرعه الجلطه اثرت على النصف الشمال
ايمن: يعني ماعيتحرك؟؟
الدكتور: يحتاج علاج طبيعي وانتباه ورعاية واهم شي الزعل ممنوع هذه الفترة
ايمن تنهد وتافف من نفسه حس انه بسبب اتصال ابوه: خير يادكتور تسلم
.
.
في السكن ( عاد لها الاتصال)
انس جاء لاعندي صاحب قفلت المهم ان انا قلقت عليش قلت لش اول ماتوصلي تتصلي لي
بلقيس: وصلت اتصلت لها كانت تتصل لي فوق الباص
انس: تمام المهم وحشتيني
بلقيس: مسرع من الخرط عادك ابسرتني
انس: والله ان انتي وحشتيني اول ماخرجت من عندش
بلقيس ابتسمت: تسلم على الورده
انس: تستاهلي كل الورد مش بس هذه
بلقيس: بس مره ثانيه لاتكررها وتجي خفت لو حد شافني
انس: قلي لهم خطيبي.. بلقيس اشتي اخطبش
بلقيس: مش وقت الكلام هذا خلينا نتم الجامعه
انس: اخطبش ونتمها عادي
بلقيس سكتت
انس: عيجبرني باللي بتخزى
بلقيس مبتسمه وتشتي تغير الكلام: تغديت
انس: شابع شفت القمر وخلاص ولاعاد اشتي اشوف شي بعدها
بلقيس: ورجع لنفس الكلام تشتي تذكرني
انس: ومااشتيش انسى ولا تفصيل واطبع ملامحش في عيوني
بلقيس: بطل خرط ياولد والله انك بتبسر احلى مني
انس: صح بنبسر خيرات بس عجبتني وحبيت واحده بس
بلقيس: مجنون
انس: بش
بلقيس: يعلم الله كيف كنت وانت جاهل تحب بنات القريه كلهن
انس: ماشي كنت احب واحده
بلقيس: هيا ابسرت انك خراط قلت لي انك ماحبيت ولا اعجبت الا بي
انس: الحب الحقيقي الان زمان كان غوا وكنا جهال وانتي ماحبيتي حد
بلقيس: ماشي كنت احب صاحبتي بس
انس ضحك: وانا حبيت واحده وعاد انا في المدرسه
بلقيس: وبعدا ليش ماتخطبها ذلحين
انس: ماعد تميت احبها تزوجت وعاد انا في المدرسه
بلقيس: وليش ماحاكيتها؟
انس: مالحقت كنت اجي المدينه وارجع وهي بعد ماكبرت بطلت تلعب
بلقيس: ايوه
انس: وحتى لو كبرت هي بنت شيخ ماكان عيرضى بي
بلقيس: ذكرتني بالشيخ حقنا
انس: ماله
بلقيس: كان معي بنته صاحبتي ولما خطبوها تغيرت عليا وزنطت وماعد صاحبتني
انس: هي الخسرانه خسرت واحده طيبه مثلش
بلقيس: بس كنز واحنا صغار طيبه معي قوي وتدرسني كانت هي الوحيده تسير مدرسه وانا جدتي ماخلتني
بلقيس: مالك ساكت
انس صاح فجأة: انتي بلقيس هذك!
بلقيس: كيف؟؟ مافهمت
انس: بلقيس صاحبتش كنز!
بلقيس: ايوه تعرفها؟
انس: يووو ياخادمه انتي بلقيس المشعفله
بلقيس ضحككككت: مالك؟
انس: ماتذكرينيش
بلقيس بتفكرر بتتذكر: لا
انس: يعني احنا من نفس القريه ! ماتذكريش خرافه البير والثروه المدفونه فيه ! نسيتي الكنز والجن
بلقيس: يووو انت الولد هذك
انس: من يوم يومي وانتي تداعيني ياولد لو حفظتي اسمي انش دريتي ان انا انس
بلقيس ضحككت: انت الخادم هذك ابو الزنه المشططه
انس: خلاص بس فضايح وانتي والكل على حلاش بالقرقوش
بلقيس ضحكت: يو يو من يصدق انو انت
انس: بس ايش حصل لش! ذلحين كلميني ليش اختفيتي من القريه انا قلت تزوجتي مثل كنز
بلقيس ذكرت كلامه: يعني كنت بتحب كنز!
انس: مش حب حتى ماحاكيتها يعني كانت تعجبني انها بنت الشيخ وتتدلع والوحيده بتدرس
بلقيس: يله سير دور لك بنت شيخ واحده ثانيه وبتدرس
انس: معي احلى بنت الشيخ سالم.. يو عاد انا لقيت ابوش انتي داريه
بلقيس قلبها ددددق: يووو او قلت له ان انا هنا وبتقرا معي
انس: ياذكيه كيف اقله وعاد انا الآن دريت ان انتي بنته مش داري كيف جيتي اوائل على الجواده اللي انتي فيها
بلقيس اتطمنت: اوبه تقل له
انس: اول فهميني الخبر وايش حصل وانا مااقله
.
.
في المستشفى.. رجع للغرفه
الشيخ بجهد ولسانه ثقيله شافهم معه: هذا آخر تعبي لكم هكذا تجازوني !! ماعد بتنسمع كلمتي وما اشوفكم الا وقت المرض مااسعفوني الا اهل القريه اللي جعجعتهم بسببكم
عمر: يا اباه الله يهديك ماقلنا شي انا بين ادي جهدي
ايمن مسكه وسحبه ع جنب وبصوت واطي: مش وقت اخرج لوما نتفاهم
الشيخ: وهذا اللي باع من مره خلاص طلع المدينه ولاعد خبر ولاعد بينزل حتى من العيد للعيد بعد اتصالات ومراشاه
ايمن: ارتاح يا اباه خلاص مش وقت تجهد نفسك احنا غلطانين وسامحنا
الشيخ: اخرج انت واخوك مااشتي اشوفكم
ايمن خرج هو وعمر وبيكلمه ان الدكتور بيحذر من انفعاله وزعله..
عمر بعصبيه: وانا مادخلني ياسعم انو انا السبب هو انت اللي مفلت كل شي فوق راسي خلاص عبيت جيبك وفحطت
ايمن هزره بجنبيته: اسمع والله لو ترفع صوتك مره ثانيه وتتكلم معي هكذا لاشنترك بها
عمر دهف يده ومشي وخرج من المستشفى..
📚 @ 🇾🇪
Читать полностью…
روايات يمنية📚🇾🇪
05 March 2024 19:06
.
البــارت 94 ○
الثــروة الـمنسيـة 🍀
👌🏻👇🏻 😍
📚 @ 🇾🇪
في القريه..
متجمعين المزارعين قدام بيت الشيخ..
الشيخ جالس بيتفرج الاخبار في التلفزيون
ابنه الصغير: يا اباه جاوب الناس ملان عند بيتنا
الشيخ: قل لاخوك عمر يجاوب
ابنه: عمر مابحد
الشيخ قام وخرج: مالكم؟
ياشيخ اين الزلط.. ابنك بيسرقنا.. والله ماعد نشتغل ماهكذا مايخارج،، وين الاتفاق قلتوا ندي الارض وتربحونا ذهب هذا مامعنا الا ديون
الشيخ: اسكتوا ياجن واحد يتكلم مالكم
واحد منهم: ياشيخ لنا شهرين بيدي لنا ربع القيمه
الشيخ: اشتغلوا كل ما شتغلتوا وقع لكم زلط من يدي
واحد منهم: لو نشتغل ونبيعه بمعرفتنا ان احنا بنينا مثل ابنك دورين في سنه.. اتقوا الله فينا انت وابنك
الشيخ: احترم نفسك واوبه لكلامك لاتندم
جاوبه بعصبيه: ماعتفعل تسجننا ! ابدأ واحنا لها المشارعه هذه.. قد كنا راضيين باراضينا وحقنا قمنا نصدقك
الشيخ دخل وقفل الباب ومعصصصصصب شل تلفونه وبيتصل لعمر
عمر جاوبه والاغاني مفتوحه في السياره ومخزن: الو
الشيخ: وين انت؟
عمر: جيت للمدينه معي عمل مع المقاوته
الشيخ: عمل ايش؟
عمر: اتفاق مع مقاوته جداد الاولين سرق
الشيخ: وانت المزارعين ملان البيت جوا بيشتكوا مابتدي لهم زلطهم
عمر: وانا من اين ادي لهم والمقاوته الاولين بيبخسوا بالقات
الشيخ: قد قلت انك فاااشل مش انت حق عمل.. قفل في وشه التلفون
أيمن جاوب تلفونه: الو
الشيخ: اسمع الان تدي مرتك وترجع البلاد
ايمن: ليش خير امي فيها شي؟
الشيخ: ماشي بس اخوك بيلعب بالزلط ويسرق المزارعين وانا ماعد قدرت للعمل ياولدي جي امسك العمل
ايمن: يا اباه ماينفعش هذا الخبر وانا معي هنا عملي وتجارتي مااقدرش
الشيخ: والاراضي لمن تشتي يجوا يقلبوا القريه على راسي فضي نفسك وارجع مكن عملك اي حد
ايمن: يا اباه ماينفعش انت فهم عمر العمل وسالم معه ومش هو غاوي اصغر منه وكنت ماسك كل شي انا
الشيخ عصصصصصب: انااا هكذا يقع بي اخر عمري وتعبي لكم !! سالم شبع وفلت العمل واخوك بيسرق ويعمر وانت شليت جهالك وسرت بعد ما زوجتك واكلتك وشربتك واديت لك زلط تفتح تجاره استغنيت عني.. الله يلعنكم واحد واحد ...قفل وجلس ماسك قلبه ومش قادر يتنفس بيلاحق نفسه فلت ودوخ
زوجته دخلت وبتصيح دخلين كلهن بعدها وخرجين للحارس يسعفه
.
.
في الجامعة
عند شؤون الطلاب قسم كلية الطب
سالم: تقدر تطلع لي كشوفات الطلاب المبتعثين للخارج؟
الموظف: يا حج قلت لك مش هنا الله يرضى عنك لاتضيع وقتك ووقتنا
سالم: كان على من
الموظف: وزاره التعليم العالي
سالم قام وبيلاعنهم: فاشلين مش هم دارين بشي
خرج من الجامعه معصب
ونسير وزارة التربيه والتعليم العالي ونشوف آخرتها بنت الكلب هذه اذا ماسرت وسحبتها بشعرها لهنا
@ المصدر الأول للروايات
في الجامعه..
انس بيتفرج بعد المحاضره مالقيها اتصل لها
بلقيس كانت في المدرسه
انس: ليش ماجيتي فيش شي؟
بلقيس: اتصلوا لي من المدرسه قالوا المربيه غايبه اسير من الصبح وارجع المحاضره الثانيه
انس: بس فاتتش المحاضره كانت مهمه ومعنا بحث
بلقيس: برجع للجامعه وصور لي المحاضره
انس: تمام بنتظرش ونشتي نتفاهم على هذا الموضوع
بلقيس مربوشه من الطلاب بتشوف واحد مشاغب: ايش من موضوع والله لاضربك
انس: والله؟؟! ضحككك مافعلت؟
بلقيس: هذا الولد جنني بيضارب الجهال
انس: يله سيري افرعي لايفصلوش
قفل وراح للمحاضره قالوا له تكنسلت المحاضره.. راح للمدرسه
بلقيس جالسه بتعلم الاطفال بالكروت التعليميه فيها صور.. دق الباب وفتح ودخل
بلقيس كانت فاتشه لثمتها فكرتها مدرسه اول ماشافته نزلت البرقع بسرعه
انس اندهش من هذه؟
بلقيس نزلت البرقع بسرعه
انس بعد مانزلت البرقع تأكد انها هي بس كانت مختلفه عن صورتها في البطاقه يعني فوق الجمال هذك جمال غير
بلقيس خازيه: كيف دخلت لهنا
انس كان محرج انه دخل بعد مادق على طول: عفوا بس مش داري ان انتي فاتشه خورت افعلش مفاجأة
بلقيس وقفت وخاززززيه من نظراته وابتسامته: ليش جيت
انس شاف ابتسامه بخجل ع عيونها: جيت اشوف ابني
بلقيس مبتسمه وبتتفرجه بنص عين
انس: لااا عفوا اقصد اللي بتكون ام عيالي
بلقيس قربت لاعنده شويه: عيب ياولد مايسبرش الجهال بيتفرجوا
انس مبتسم ناولها كيس في يده: خلاص ناهي يا استاذه لاتصيحي فوقي هذا لش
بلقيس بتتفرج للباب لحد يجي يسألها من هذا: انت داري انك مجنون
انس بصوت واطي: محد قال لش تخليني اعجب بش واحبش فعلا جننت
بلقيس: انس
انس: قلوا لها خلاص لاتبهرر اخر مره
الطلاب بيكرروا بعده: اااخرررر مررره
انس: سمعتي
بلقيس ضحكت ودقات قلبها بتززززيد كل ما ابتسم وشافها وفعل حركه طفوليه خااايفه بتتفرج للباب
انس: يله تشتي امشي؟
بلقيس: ايوه
انس: باقي اقلهم شي
بلقيس: لا
فتح باب الفصل ودخلت مدرسه: ...
📚 @ 🇾🇪
Читать полностью…
روايات يمنية📚🇾🇪
05 March 2024 19:03
.
البــارت 92 ○
الثــروة الـمنسيـة 🍀
👌🏻👇🏻 😍
📚 @ 🇾🇪
في المعرض..
وصلت لباب الباب وهي خااااايفه ومتوترره
زهور سحبتها ودخلين
انس اول ماشافها خرج عطر بسرعه والتفت تعطررر ورجع مشي لاعندهن ومربوش شويه ونظراته لاعند بلقيس ثواني وينزل نظره للارض.
زهور فلتت بلقيس ومشيت لعند مرام
بلقيس بتبهرر لها وتشتي تمشي بعدها
انس: مالش او شاكلش؟
بلقيس اول مره تكلمه وجه لوجه بعد اعترافه لها بحبه
انس شاف رموشها: فاعله مسكرا !!
بلقيس: ايش يعني؟
انس: كيف ايش يعني انتي !! ماتوقعتش تفعليها
بلقيس: ماهي؟
انس : المسكرا
بلقيس: ايوه ماهي هذه اللي قلتها
انس تعجب ماتعرفها؟ وكل الزباين اللي بيجين يجربنها فكر كل البنات تعرفها.. يعني هذه رموشش
بلقيس شافته: ماناش فاهمه قصدك.
انس تنهد من اعجابه بها: انا كل يوم اكتشف فيش حاجه وفتنتني عيونش يا الله ماتكفيني محاضره فيها
بلقيس بتتلفت لو حد سمعه: مجنون مالك ! اوووص
انس فلتها ودخل وخرج الكيس وطرح فيه علبه فيها كعك ادت له امه: راعي
بلقيس: ايش
انس: امي ادت لش حاجه.
بلقيس: امك؟
انس: ايوه شاطرح الكيس وشليه سكته.
بلقيس: لا
انس طرحه ومشي: شليه سكته لحد يشوفش
@ المصدر الأول للروايات
بلقيس توترت واضطرت تشله لحد ينتبه لهم
انس: ماعجبش شي في المحل
بلقيس بتتلفت: كله حالي
انس مشي ووقف قدامها: وانا؟
بلقيس استحت فلتته ومشيت لاعند زهور: هيا نمشي الولد جنن
زهور كانت بتجرب كريم ع يدها: لحظه اتم
بلقيس بتسأل مرام ع التيشرت اللي باعته لزهور
مرام: للاسف كملين لانهن بيجين من كل لون حبه واحده بس
بلقيس: يو اسف كان نفسي فيها
انس بيسمع سكته ومبتسم
زهور كملت اختارت وشافت بلقيس: طيب اختاري غيره
بلقيس بتشوف نظرات انس لاعندها: مااشتيش الا هذك خلاص بس هيا نخطى تأخرنا
زهور: طيب راعي احاسب من الدحس ساع الجهال
انس بيحانكها ع الصرعه
بلقيس كانت من داخلها فاررررحه بس توترها ونظراته لها خلتها تتهرب منه ومستعجله تعرف ايش اللي في الكيس من ام انس !!
المشرف بيتفرج نظرات انس وابتسامته العجيبه اللي ماشافها مع اي زبون !! حماسه ووقفته معهن رغم ان مرام موجوده للقسم النسائي؟ غريب اليوم امره الولد هذا
خرجت بلقيس بالكيس
المشرف ( المحاسب) ركز ع الكيس كان في يد انس لما رجع من المكتبه وشافه معها... ضرب ع الماسه: انسسسسس تعال انا فدال المشخره هذه جي
انس كان بيكتب لها رساله نصيه وتكمل عدد الحروف قليل جزء من النص مفقود.. كمل الباقي برساله ثانيه ومستعجل عشان يجاوبه ورسلها ..
وصلت لها نغمه الرسائل طنشته وصلت الثانيه والثالثه تعجبت فتحت الرساله وبتقراها ومش مركزه في الطريق وجهتي قلبيَ لغرامك حبيبتي
هنيئا لي بهٰذا الحب يا فاتنهِّ عيناكِ بن ذائب حتى لون شعرك
والخدود لون ثمراته قبل حصاده
ويلُ قلبي من عيونِك الناعسةْ
يابلقيس ليست هناك لك شبيهةٌ
صوت تفحيطه البريك طيرت لها كل اللي قريته...
@ المصدر الأول للروايات
عند انس ...
المشرف: ليش اليوم فرحان هكذا فرحني معك اشتي افرح لك
انس بيتفاقد تلفونه ليش مابش رد !!: من انا ؟؟؟
المشرف: يووو لو بس شفت نفسك عتعرف من
انس انتبه لكلامه: ماقصدك
المشرف: من الزباين المهمين هولا !
انس قلب وشه: مالك اليوم
المشرف: مالي شي حسيت ان المعرض رجع حديقه السبعين مالك انت ! وضحككك
انس ضحك: بتدور لنفسك مجبر بس
المشرف: والله ان انا كنت مفكر هكذا بس بعد ماشفت الكيس اللي كان في يدك عندها طلع مجبري في محله
انس هزر نظارته وعلقها جنب الكاميرا المراقبه وهو بيضحك: غير بقعتك هنا بكره ادق لك مسمار واوضع لك مدكا الصدق ماعد نحتاج كاميرات وخساره
المشرف ضحكك: بس ياولد طلعت خطير مش مبين لك انك حق هذه الحركات
انس: والله مانا حق لعب صدقني
المشرف: صدقتك بعيني
جلسوا يضحكوا ويمزحوا
خارج
زهور صيحت فوقها: مالش ماتنتبهي كانت السياره عتصدمش كلبه فجعتيني وقت التلفون كنتي عنده
بلقيس: اص مش انا ناقصه لش والله قلبي وقف
زهور: خليه يوقف شويه يمكن تحسي... كنتي عنده ودحستيني هيا نروح هيا نخطى وماقد خرجتي وماسكه التلفون
بلقيس ضحككككت
زهور: اضحكي
لفتت ليدها: اي حين اشتريتي؟
بلقيس: ما اشتريته قال امه ادت لي
زهور بتهزر الكيس منها
بلقيس ماسكته بقوة: ماعه انا اشتي افتحه اول واحده
زهور: هيا قوا
العجوزه شافتهن بيتهازرين ع الكيس ضربتهن بالعصا اللي كانت بتسند عليها: تقاتلين في البيت مغارب شلوكن بنات لاعد حياء ولا شي بيتسافطين في الشارع
لفتين لها استغربين كانت كبيره في السن فلتت عليها الستاره في الارض
زهور رفعتها وطرحتها فوق راسها
بلقيس: عادش عتلبسيها هيا تأخرنا
زهور: يو كيف قد انتي يابنت وين طيبتش اللي جيتي بها
بلقيس: ...
📚 @ 🇾🇪
Читать полностью…
روايات يمنية📚🇾🇪
04 March 2024 20:19
☘
بارتـات يومنـا الاثنـين 👆🏻😍
Читать полностью…
روايات يمنية📚🇾🇪
04 March 2024 20:16
.
البــارت 89 ○
الثــروة الـمنسيـة 🍀
👌🏻👇🏻 😍
📚 @ 🇾🇪
المديره: اي حين سافرتي واي حين رجعتي
بلقيس: ماسافرت البلاد انا هنا من يوم ماجيت
المديره: ابوش جاء يدورش للمدرسه وقلب الدنيا عليش وهددنا قال ان انتي سافرتي
بلقيس: ايوه صاحبتي قالت له هكذا بس انا ماسافرتش في السكن مكاني
المديره: وليش تكذبي عليه وتقلقيه وتجننيه مااتفقناش هكذا يابنتي ماينفعش عيب
بلقيس: مش انتي داريه بشي يا استاذه هو يشتي يرجعني عشان الناس بيتحاكوا عليه بس مايشتيني ولا عمره كان يشتيني رجم بي من وانا صغيره بيت خالي ويجي ذلحين يدورني والله ما ارجع
المديره: وانا مادخلني في مشاكلكم انا ساعدتش تدرسي بس حلي الموضوع مع ابوش انا ماقدرت للمشاكل
بلقيس: انتي قلي له مااعرفش وبس وانا وياه عنسد كما تميت ادرس شارجع بنفسي
المديره: ماينفعش تكون الدراسة عندش اهم وابوش بيدور عليش ويقلق هكذا
بلقيس كانت مع تعبها واحساس الوحده اللي فيها اشد عناد وحقد عليه واهماله لها: تمام شارجع اتفاهم معه بس انتي لو سمحتي لاتقلي له شي ولا برقمي هذا وان انا اتصلت
المديره: انا مابقدرش اكذب لو رجع يدور عليش شاحاكيه
بلقيس: خلاص وانا شاسافر من صدق.. مع السلامه
قفلت وطفت تلفونها وجلست تبكي.
@ المصدر الأول للروايات
في القريه وقت الظهر...
انس وصل القريه وبيمشي وبيتفرج الفروقات بين عيشته في المدينه وبساطه اهل قريته والحرمان من كل الحقوق اللي هربوا بعضهم للمدينه عشانها...
مشي من جنب بيت سالم لقيه: سلام ياعم كيف الحال؟ مد يده يسلم عليه؟؟
سالم سلم عليه: الحمدلله ، كيف حالك؟
انس بيتفرج وهم بيحملوا ادواتهم لسياره: الحمدلله ، شكلك مسافر وين !
سالم: المدينه
انس: اهلا وسهلا تنورنا ياعم واي خدمات ولايهمك شل رقمي لو احتجت شي.
سالم: ايوووه اديه الله يحفظك
@ المصدر الأول للروايات
تموا يسجلوا الارقام ومشي انس لقي عمر بيهنجم ويتأمر فوق المزارعين تعجب من طريقته نفس ابوه.. وواصل طريقه لما وصل لامه وخواته...
امه بفرحه: ماهو هذا كله؟؟
شمس بتخرج الهدايا عطور وشامبوهات وملابس واكسسوارات لامه وخواته..
جلست تدعي له وتعاتبه: ليش يا ابني تتعب نفسك وتكلف على نفسك هذا كله
انس: خير الله وهذا قسمكم والله يقدرني واقدر اشلكم معي ان شاءالله
امه: يا ابني ارض ابوك جوا ناس يشتروها وقالوا الشيخ مارضيش
انس: ليش؟
امه: قالوا انه هو اللي بيتصرف باراضي اهل القريه ومارضي يبيعهن
انس: بس هي ارض ابي
امه: مدري
انس: انا شاتابع الموضوع ماعليكم انتوا منه.
امه: قد انا راكنه عليك حقك انت وخواتك تابع بعده ولاحق الظالم هذا
شمس: يمه لاتخلي انس يدخل في مشاكل معه انتي داريه ماقد فعل بنا
امه مسكت راسها: يووو نسيت نسيت خلاص ياابني مانشتي شي.. الله يرحمه ابوك وصاني انك ماتقرب منه
انس: مش انا فاضي له بس افهم الموضوع وبس.
امه: تمام المهم كيف انت وقل لي مابتفعل هانك وكيف القرايه معك.
انس جلس يجابرهم وخواته بيجهزين له احسن غداء معهم.
.
.
بعد العصر ..
بلقيس حست بتحسن بعد العلاجات خرجت للمطبخ تفعل لنفسها غدا
المتنمره: مالش بتفتجعي ع نفسش وزهور مابحد تختفي وتقفلي على نفسش
بلقيس: كنت تاعبه رقدت
المتنمره: وليش تقفلي لو متي والا وقع بش شي
وبعدا امس وين خرجتي الليل؟
بلقيس خافت لو شافتها: ويحين خرجت؟
المتنمره شافت صاحبتها: قلتي انها خرجت !
صاحبتها: شفتها رجعت لابسه دخلت الغرفه استغربت كيف خلوها تدخل
بلقيس خايفه منهن: سرت ادي لي علاج
صاحبتها ضحكككت: يو بلثمه البلاد خرجتي
بلقيس: وايحين شفتيني
صاحبتها: سمعت صوت خطوات بديت من باب الغرفه وانتي راجعه لغرفتش
بلقيس: انا حره اخرج كيف مااشتي
المتنمره: عاد احنا بنرحمش وان انتي قلبتي قدش لقانه
بلقيس تمت تصلح الشاهي شلت القلص ومشيت طنشتهن.
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
04 March 2024 20:12
.
البــارت 87 ○
الثــروة الـمنسيـة 🍀
👌🏻👇🏻 😍
📚 @ 🇾🇪
داخل مكتب العميد..
العميد: مفكر الجامعه انت وهو الشارع حق ابوكم تعاكسوا وتتضاربوا؟؟
انس: يا استاذ اللي فعله مايصلح وانا بين اتحاكا معه اوريه من مفروض يحاكي هو بدأ
الولد: وانت مادخلك مني اتكلم بصوت عالي بصوت واطي مادخلك او هي حبيبتك
العميد صيح ووقف: ولا عد في اي احترام لعميد ودكاتره هنا !
انس: خلاص يا دكتور اعتذر منك
العميد: اعتذر من صاحبك ووقعوا تعهد هنا انت وياه المره الجايه لو تكرر الأمر فصل
انس مطنش انه يعتذر للشباب وقع التعهد وخرج قبلهم.
العميد شافهم وقعوا ويشتو يخرجوا: لحظه انت وياه الان شفت لكم تعهدات من قبل
الطالب: تشتي اخلي ابي يتصل بك يادكتور على فكره امني امانه اسلم عليك
العميد ضحك باستهزاء لما قري لقبه: قل لابوك لو يرتصين النجمات لاعند اصابعه.. النظام هنا نظام ومش انت في المدرسه ، انت في جامعه القانون على الكل.
@ المصدر الأول للروايات
خارج..
انس شافها واقفه فرررح انها حست به او خافت عليه مشي من جنبها وهو بيتصل وخرج من الكليه
بلقيس شافته خرج خرجت وجاوبت التلفون: مالك ماحصل فجعتني
انس فارح: خايفه عليا صح
بلقيس: ماشي خفت يفصلوك
انس: المهم ان انتي خايفه عليا
بلقيس واقفه بتتكلم في التلفون وبتتفرج لاعنده
انس: انتي عارفه وقفتش هكذا ونظراتش بتدري اللي هنا كلهم ان احنا بنتكلم
بلقيس خافت: يوو يله مع السلامه قفلت.
انس استغرب انها قفلت!! قفل ومشي لما دخلت السكن وهو خرج وطلع الباص.
بلقيس وصلت تمت تصلي واتصلت له: ذلحين على ايش تضاربتوا
انس بيتغدا وهو بيتكلم: ما قال لش وهو قريب منش؟
بلقيس: كان بيكلم صاحبه بس انا افتجعت لانه صوته عالي
انس: انتي ماشفتيه قرب راسه وبيشوفش
بلقيس: بس سمعته قال لصاحبه معك رقم ياجميل
انس ضبح وعصب ولانها جديده وماقد شافت معاكسات العيال: هو يقصدش انتي
بلقيس: الله يقلعه الوقح
انس: لو قال لش تدي له الرقم عتدي له؟
بلقيس: ليش ياسعم ان انا مجنونه
انس: وانا؟
بلقيس: انت ايش
انس: ليش اديتي لي رقمش
بلقيس ضحكت: هو انت اللي اتصلت بي وبتلاحقني
بكره اسير اشتكي بك عند العميد
انس: والله !!! وانا اليوم اتبهذلت بسببش؟؟
بلقيس سكتت
انس: تغديتي؟
بلقيس عطست ورجعت تجاوب: لا
انس: يرحمش الله
بلقيس مالحقت ترد وعطست مره ثانيه
انس: شكلش عتمرضي.... انقطع الرصيد
بلقيس شافته قفل قامت عشان تتغدا شافت الورق فوق الماسه مكتوب فيها اهم شي قبل السطر الاخير
فتحت الورق وبتقرا...
زهور دخلت: هيا غداء برد الاكل مراعيه لش
بلقيس عادها كانت بتقرا اول كلمه غلقت الورق وقامت معها خرجت..
زهور شافتها: مالش ايش حصل !
بلقيس: انا على مرواحي وشفته بيتضارب معهم ودخلوا للعميد قلت عيفصلوه وراعيت لما خرج.
زهور: اها.. بتاكل سريع اتصلت مرة عمي قالت اسير اليوم ويمكن اجلس للجمعه عندهم عمي الثاني يشتي يحاكيني الله يستر . يله شاسير اجهز الثياب
بلقيس: تمام تمي كلي بساعتش وانا اعاونش اجهز لش ثيابش سهل... بتسعل
زهور: تمام.. مالش تاعبه ! شكلش شربتي بارد
بلقيس: خرجت الصبح والبالطو ماقد نشفت يمكن بردت.
زهور قامت: رفعي انتي
بلقيس: تمام ، قامت رفعت الاكل وبتغسل الملاعق والصحون.. ودخلت لاعند زهور.
زهور جهزت ملابسها وبتلبس..
بلقيس بتتفرجها: شجلس ضبح بدونش
زهور: قد معش الاحسن مني ياخبلا.
بلقيس خزيت..
زهور تمت تلبس البرقع وخرجت
.
.
الليل..
بلقيس جاوبت على تلفونها وهي نوم: الو
انس: اخيرا جاوبتي رسلت لش رسايل واتصلت مالش ماتردي
بلقيس: كنت نوم ماسمعت ماتشتي؟
انس: نوم من عصر للآن؟؟
بلقيس بصوت متغير: ايوه
انس: مالصوتش؟ تاعبه !
بلقيس: يمكن ايوه
انس: شربتي علاج
بلقيس: لا
انس: طيب تعشي واشربي ياسعم انش جاهله
بلقيس: وانا مادراني اني شمرض
انس: يعني كيف ! هذه البنت عتجنني انا داري
بلقيس: يعني مااشتريت علاج مرضت فجأة
انس: اهااا فهمت طيب كلمي صاحبتش!
بلقيس: مابحد سارت بيت عمها
انس: طيب يله شويه واتصل مع السلامه
كان في طريقه للبلاد شاف السواق: نزلني هنا لو سمحت
@ المصدر الأول للروايات
في القريه..
سالم: كيف لوما غيرتي رأيش؟
امه شافت مرة سالم بتبهرر لها: امد المدينه اسهل اتعالج فيها
سالم فرح ان امه اقتنعت: خلاص جهزوا نفسكم ولفلفي البيت وغطوه ادي قلاب نجحف الأداة حقنا قد هانك البيت جاهز.
.
.
في المدينه..
بلقيس جاوبته بعد ساعتين من اتصاله: الو
انس: اسمعي البسي فنيليه والبالطو وانزلي شلي العلاج
بلقيس: ايش من علاج ! من عند من
انس: افتحي الطاقه
بلقيس فتحت الطاقه الاولى مابش حد راحت للثانيه شافته دخلت سريع وغلقت الستاره لانه لفت لاعندها
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
04 March 2024 20:11
.
البــارت 85 ○
الثــروة الـمنسيـة 🍀
👌🏻👇🏻 😍
📚 @ 🇾🇪
ثاني يوم..
سالم وصل للجامعه ومعصب وين بنته كيف تختفي وماعد حد يسمع عليها معقول انخطفت ! هربت او سافرت؟
وصل للمسؤول حق السكن وهو مخزن شويه وقت الظهر: ذلحين مش انت داري اذا بنتي في هذا السكن او مع
المسؤول: وانا مادراني من بلقيس من شذى ورشا وسعيده مالك ياعم هذا الساع هي بنتك او بنتي وبعدا يضيع شابه لو هي جاهله ناهي
سالم زعل وحس انها اهانه له فعلا هو ضيعها من طفولتها ماكان جنبها ولا حاسس فيها والآن رجعتها لمصلحتهم زي كل مره.
زهور خرجت من السكن وشافت ابو بلقيس رجعت سريع وقدها وراها بلقيس رجعت دهفتها وماسكه فمها لاتتكلم وتحاول تغطي لايشوف
بلقيس فهمت هربت لداخل: ايش مالش فجعتيني
زهور: ابوش واقف عند الحارس حقنا ويعلم الله ماقالوا له اقلش شي اسير احاكيه
بلقيس: عيدرا انش بتخرطي ماتعرفيش ابي انتي
زهور: لاتلحقيني وتفرجي سكته كيف انفع اوقع ممثله... اخذت نفس ونزلت البرقع وغطت عيونها لايعرفها ومشيت سريع لاعنده.. غيرت صوتها وبنبره: ياعم ماتشتي ممنوع هنا وجود ولي الامر سكن بنات
سالم: انتي ساكنه هنا معهن
زهور: ايوه
سالم: تمام تعرفي بلقيس؟
زهور: بلقيس سالم.. ادت له الاسم كامل
سالم بحماس: ايوووه هي اين بنتي؟؟
زهور بصوت واطي: هي بنتك ! كيف تجي تسأل عليها
سالم: ليش كيف مااسألش
زهور: لانها سافرت وانت اكيد داري.. وقعت لها منحه للخارج وسافرت مع بنات
سالم: اي حين؟
زهور: قبل اسبوع
سالم: بين اقل ليش تلفونها مقفل وكيف ماادت لي خبر
زهور: مدري المهم انت عتتعب نفسك ياعم هنا سيره جيه تعب عليك
سالم: اي والله تعبت سيره جيه وانها سافرت !!!
زهور: يله خاطرك ياعم.
بلقيس جلست تسمع وتلطم وشها ايش بتخرف زهور
زهور دخلت وسحبتها لاداخل وجلست تضحككك
وبلقيس خايفه: ليش تزيدي المشكله ياهبلا ماعيصدق
زهور: خلاص صدق وراح
بلقيس شافت وفعلا مشي خلاص
زهور: يلا ربع ساعه ونسير يكون خرج من كل مكان
بلقيس: تأخرنا هيا نسير وبس.
@ المصدر الأول للروايات
في قاعة المحاضرات
انس مستغرب ليش ماجت خاف يكون حصل لها مع ابوها شي اتصل بها وبمشاوره من تحت الماسه: فين انتي يا بنت بدأنا المحاضره..
بلقيس: يله مع السلامه.. ودخلت
انس قفل ورفع راسه يشوف الدكتور شافها ابتسم..
.
.
في القريه بعد ماوصل للمدرسه..
الوكيله: مابحد هي في المدينه
سالم ضابح: ادي لي رقمها الآن
الوكيله: عفوا بس من انت؟
سالم: انا ولي امر طالبه وين هي
الوكيله: طيب الموضوع ضروري
سالم: حياة او موت ويانا وياهي لوما تدي بنتي
الوكيله خافت تمام شل رقمها..
سالم سجل الرقم وخرج من عندها وضعط اتصال
المديره: عفوا من معي
سالم: انا ابو الطالبه بلقيس
المديرة: اهلا يااخي تفضل
سالم: اين البنت انا مااحملش الا انتي مسؤولية سفرها دون علمي
المديره: ممكن تهدأ وتفهمني ايش من سفر؟؟
سالم: سرت السكن وقالين الطالبات غيرت منحتها وسافرت
المديره: اتصلت بها؟
سالم: نعم .. والتلفون مقفل والان انتي السبب شجعتي بنتي انتي
المديره: ياسلام ليش وينك من بنتك وهي صغيره ! ومن اللي طلع سجلها للجامعه بنفسه الحمدلله ختمك وموافقتك في كل الاوراق ولو معك شي سير بلغ للقسم مع السلامة
سالم حس انه تسرع: طيب لو سمحتي
المديره قفلت واتصلت لبلقيس ومغلق التلفون
سالم يشوف تلفونه المديره تتصل به جاوب: نعم
المديره: شكلها سافرت.. واتمنى لبنتك الخير خليها ترجع بشهاده وترفع راسك يكفي وانت تحارب تعليمها حرام عليك وبنتك ذكيه هكذا
سالم قفل لاوش المديره وهو معصب.. ورجع لبيته ومرته: خلاص يانقلنا كلنا المدينه او مابش خطيه من هنا.
مرته: مالك ماحصل وين البنت
سالم بضبح: ماتت صدمتها سياره وماتت ماعد بش معي بنت افتهنتي؟
الجده صاحت: يووو صدق ! بتتحاكا صدق؟
مرته بتتفرجه مكذبته: لو ماتت عيجي هكذا صدقتي ياعمه شكله ماعد بيقدر عليها والبنت وقحه ردت ابوها مرتين
سالم: غلقي فمش وقربي الغداء سكته
الجده: البنت ماتت صدق
سالم بعصبيه: قلنا ايووووه ارتحتين ذلحين !!
الوضع كان غريب عصبيته وردة فعله خلتهن يسكتين..
.
.
بعد المحاضره..
انس خارج بيشوفها بتسرع بيمشي بعدها
بلقيس لفتت له وشافته بيمشي بعدها ومعهم محاضره ثانيه استغربت واتصلت: ليش تجي بعدي معنا محاضره
انس: اوصلش بسرعه وارجع
بلقيس: لوين؟
انس: المدرسة
بلقيس: اعرف الطريق مالك
انس: ولو اتطمن عليش وارجع
بلقيس انحرجت وغيرت اسلوب كلامها وبخجل: تسسسسسلم بس مااشتيش اتعبك وعشان تكتب المحاضره كلها واصورها منك
انس: تمام ولو مافهمتي اشرح لش في المكتبه
بلقيس: تسلم
انس: يله مع السلامه
بلقيس: مع السلامه
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
04 March 2024 20:10
.
البــارت 83 ○
الثــروة الـمنسيـة 🍀
👌🏻👇🏻 😍
📚 @ 🇾🇪
بلقيس: ليش مصممه من هنا جي نشوف مكان ارخص
زهور: عجبتني البلوزه هذك والله ماافلتها اشتيها.
انس مشي لاعندهن ومش مركز للعيون اشر لهن بيده
ومشي قبلهن: تفضلين هنا قسم السيدات.
زهور سبقتهم من نفسها ودخلت لاعند مرام
بلقيس بصوت واطي شافته ماانتبه لها: مبين انه قسم السيدات من ضحكك مع البنت
انس سمع صوتها ولفت راسه لورا ووقف: بلقيس؟
بلقيس: ايوه مالك افتجعت
انس دخل مكانه وبيخرج البضايع مايحسس حد بشي: مش افتجعت بس مادراش ان انا هنا ! وكيف لحقتي تجي شكلش المره هذه انتي بتتبعيني وتنتبهي لي صح ؟؟
بلقيس مش عارفه ايش اللي بيحصل معها ليش ضابحه منه هكذا وحست بكسرة نفس معقول غيره معقول بتحبه!! فلتته وبتمشي تتفرج
انس خرج ومشي بعدها شاف المشرف بيراقبهم: نقي اللي يعجبش براحتش وماركات مضمونه ومايهمش السعر
بلقيس: ايش يعني ماركات
انس: يعني علامة الملابس او الشركه المصنعه بيكونين معروفات عالميا ومضمونات
بلقيس: سبحان الله بيضمنوا الملابس واحنا مابنضمن الاوادم نفسهم كيف هذا الخبر
انس ضحكككك من تعليقها
بلقيس: شكلك رايق اليوم قوي ماعندك حجه بتشتغل مع القمر هذه
انس بصوت واطي: ليش بتغيري؟؟
زهور جت لاعندهم قطعت كلامهم: بلقيس جي اوريش اختاري لي اللون
بلقيس مشيت معها ونقت اللون البنفسجي: حالي قوي هذا
زهور باستنكار: يو منش صدق لونه بلدي قوي انا بين اقلش بين اللون الرمادي والابيض والاسود
بلقيس: قلدش الله اين البلدي ساع التلفزيون الابيض والاسود هذا حالي قوي عجبني
زهور شلت الرمادي: انا عجبني هذا
انس بيتفرجها سكته
بلقيس: مره ثانيه لاتسأليني وانتي مصممه على اللون اللي تشتيه
زهور شافتها استغربت ضحكت: ماعرفتش قد صاحبتي اللبوه ( المتنمره ) عتتغيري عليا
بلقيس كانت ضابحه: مش وقت هيا اقطبي
انس: لا عادي على راحتكن.
زهور شافته تذكرت ملامحه وشافتها: اهاااا افتهم لي ذلحين مالش
مرام جت لاعنده: اعتقد الحريم عليا روح شوف زباينك الثانيات
انس: هولا زبايني من قبل ماتتوظفي انتي هنا، وهولك عادهن جداد ف اكسبيهن لش زباين عشان تزيد لش نسبة الربح.
مرام ضبحت منه ومشيت.
زهور شافت بلقيس وغمزت لها وشاورتها: شوفي عشانش كيف بيميزونا قوا قلي له يخفضها لي
بلقيس: ماعه والله مااتدخل
زهور: خلاص ماشاسلفش
بلقيس: مااشتيش
انس بيسمعهن يتوشوشين بعد من جنبهن شويه وبيتفرج لبلقيس كان الملازم اللي تصورت عادهن في شنطتها استغرب ليش ماقد روحت السكن من الصبح
بعد ما اختارين وحاسبين خرجين.
انس جلس يتفرج لها لما خرجت
اول ماخرجين بدأين الحش
زهور: يو كيف نظراته لاعندش ولا بعد عينه منش
بلقيس: شكله مش مسكين شفتي لما دخلنا بيضحك مع البنت وواقف جنبها
زهور: صحححح عشان هكذا كنتي قالبه
بلقيس: مدري
زهور: ياخبلا لو بينهم شي مايجلس يتفرجش وواقف معنا
بلقيس: طز فيه
زهور: ليش ما اشتريتي شي اليوم
بلقيس: مابش نفس.
زهور بضحك وسفاط تساليها: جبر اللي بتغيررر جبرها اللي بتحب
بلقيس: بس خباله مايعجبني هذا الحكا
زهور: مكنتنا هكذا وطلعت احسن مني.. هيا نخرج نفعل اكل جاوعه
بلقيس: تقلي ابي ماعيرجع الليل؟
زهور: ماشي ولو رجع عنفعل خطه اخبيش ونقل مابحد انتي ولو نكذب على الكل هنا
بلقيس ضحكت: خطيره انتي ساع الجنيه
زهور: عشان صاحبتي حبيبتي شاوقع جنيه
بلقيس ضحكت وتجملت منها: الله يحفظش والله انش احسن من الاخت.
@ المصدر الأول للروايات
في البيت اللي دخله واستاجره جالس ماسك قصعه معدنيه ( علبه حليب شاهي) بيشرب فيها شاهي وياكل سندوتش: اين سارت الجنيه هذه ومالها مغلقه تلفونها كيف افعل انا ذلحين؟ ما اقلهم.. اقلهم ماتت وافتهن منها ادت لي الكلام وبدعت بي وخلتني السيره حق القريه.. اذا مالقيتها ماعد معي الا هذا الكلام وافتهن واريح راسي وبعدا معي معي ادورها وقد انا هنا اذا ماسحبتها وربطتها وحبستها في البيت غصب عنها وعن خالتها وانا اوريهم كلهم كيف الخبر..
.
.
الليل..
بعد ماوصل كمل يصلي ويراجع المحاضره وصل له اتصال استغرب اول مره تتصل له !! جاوب من الفرحه حب يمزح معها ويقلدها: ليش تتصلي يابنت؟؟
بلقيس خافت: العفو منك بس كنت اشتي اسأل اصلا مافهمت ماكتبت في السطر الثانيه في الورقه اسكه اقراه
انس ضحك انها صدقته وارتبشت: تمام اهداي سهل كنت امزح معش بس بين اقلدش
بلقيس: هااا.. بس انا مني صدق اتصلت اسأل بس
انس راعي اقرا: كقانون الضمان الاجتماعي وقانون او قانون التربية والتعليم
بلقيس: ايش قصده بالتعليم؟
انس: في قوانين تتفرع تحت القانون العام ومن ضمنها قوانين تشمل بعض الوزارات وفئات افراد المجتمع
بلقيس: مثل ايش؟
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
04 March 2024 20:09
.
البــارت 81 ○
الثــروة الـمنسيـة 🍀
👌🏻👇🏻 😍
📚 @ 🇾🇪
تطمن عليها وصلت مشي ورجع للجامعه حضر المحاضره الثانيه..
بعد ماكملت...
كان نهايه دوام المدارس رجعت بلقيس وبتسأل البنات من كتبتها تصورها..
كل واحده جلست تتعذر خطها شوعه وواحده مابش وواحده اشتي اذاكر مااقدر اسلفش وواحده هن موجودات عند صاحب التصوير والملازم
مشيت ضابحه لاعنده وتسأله.
انس وصل بالدفتر يصور لها المحاضره شافها بتسأل وزحمه: انا كتبتها تشتيها؟
@ المصدر الأول للروايات
بلقيس: ايوه
انس: كتبتي الاولى؟
بلقيس: ايوه
انس: خلاص هاتي دفترش نصورهن
بلقيس ناولته وهي محرجه من اللي حصل امس..
انس بضبح ولا شافها ناول الرجال: نسخه من هذا ونسخه من هذا
بلقيس خرجت فلوس تناوله
انس طنشها حاسب وناولها دفترها والملزمه وشل دفتره والملزمه ومشي
بلقيس حست بكسفه اقتهرت ليش هو هكذا قالب عليا !!! اللي حصل عادي مفروض مايخليه يعاملني هكذا مفروض يقلي مالش .. ليش تغير !
انس خرج وجلس خارج منتظر تخرج يمشي بعدها للسكن زي ماوعدها رغم احساسه بفرحه وهي معه والملزمه اللي بخط يدها بيذاكرها بس ليش امس عصبت فوقه هكذا ! جلس يسأل نفسه انا زيدت بها معها اكيد ماعندها حجه.. بس اخر مره تكلمنا فيها كانت غير حتى جابرتني عن نفسها..
قطعت تفكيره وخياله لما مشيت من قدامه وواصل التفكير بها وهو بيمشي معها
كانوا الاثنين بيمشوا بينهم مسافات بيفكروا ببعض بصمت فقط الخطوات بتحسب تفكيرهم
بلقيس وصلت للطريق حق السكن ووقفت جلست تفكر ايش تسوي ابوها قال بيجي لزهور يعني اكيد جاي
انس خاف لو تكون حست فيه وهو بيمشي بعدها وقف والتفت فعل نفسه مابيشوفها
بلقيس محتاره وين تسير ذكرت يوم سألت فيه زهور ليش تأخرت قالت لها في المكتبه العامه بتقرا قررت تروح وتنتظر هانك..
انس استغرب فين رايحه وماعد في اي محاضرات !!! مشي بعدها وشافها دخلت المكتبه
دخل وجلس في طاوله خرج الورق اللي صورهن وشاف خطها وفي اسفل الورقه أرقام مكتوبه بخط ضعيف كأنه خيال مشي فوقهن بالقلم الرصاص ومنهن طلع رقمه استغرب ليش كاتباهن ع الورق..
بلقيس جلست تبحث في الاقسام لقيت عن الشريعه والقانون ،
اختارت واحد وجلست تقرا الكتاب..
انس مل تم يقرا المحاضره 3 مرات وشافها مازالت جالسه... شاف الساعه باقي له ساعه ونص ويروح المعرض وماقد تغدا... راح يصلي واشترى 2 سندوتشات وعصير ورجع
بلقيس بتقلق بعدت شريحتها وتفعلت عندها الجديده اتصلت لزهور..
زهور: مدري والله لو هو نازل وبعدا لاتخافي لو سأل اي حد عيسألين ويشوفين ان انتي مابحد
بلقيس: طيب
انس وصل وهي بتتكلم في التلفون: طرح قدامها السندوتش والعصير ممنوع الاكل هنا اخرجي كلي وارجعي.
بلقيس انحرجت لما شافته قفلت التلفون والتفتت شافت اللي قدامها عادها بتسأله و تقله ليش وكيف وشكرا
انس مشي قبل ماتتكلم وترفض وخرج جلس على كرسي في حوش الجامعه قدام المكتبه وبياكل
بلقيس خرجت وفي يدها الكيس بتتفرج فين تاكل
انس اشر لها براسه تروح وقام من فوق الكرسي ومشي مسافه
بلقيس جلست ومنحرجه بعدت الورق من السندوتش وبدأت تاكل وتشرب العصير
انس شافها انبسط وفرح ابتسم لها..
بلقيس انحرجت من نظراته لها وبتاكل بدون ماتتكلم.
انس كمل قبلها وقام رجمهن في الزباله ورجع للمكتبه ودخل
بلقيس اكلت نصه وشبعت شربت العصير وخبت بقية السندوتش لزهور .. رجعت المكتبه..
بلقيس رسلت له برقمها الجديد: شكرا على السندوتش والعصير
انس استغرب رد لها: اروح اقطع لش شريحه جديده ليش ترسلي بالرقم بعد ماغيرتيه بسببي
بلقيس ردت: ماغيرته بسببك بسبب ثاني
انس: وعد ماازيد ازعجش ولا اشغلش بس انا عند وعدي اخاف عليش وبجلس احميش ولو من بعيد.
بلقيس ماعرفت ترد اي رد طرحت التلفون وندمت انها قسيت عليه وخرجت خوفها من ابوها عليه دمعت.. تمنت هذا الحب والاهتمام من اقرب الناس لها مش شخص غريب جالسه تعامله مثل مابيعاملوها
انس شافها دمعت مافهم غير انها زعلت بسبب كلامه او اتأثرت انها قسيت عليه... قام وناولها فاين وجلس مقابل لها على الطاوله شاف في بنت معهم في طرف الطاوله وبتقرا بصوت واطي همس: ليش بتبكي؟؟
بلقيس سحبت الفاين من فوق الماسه وبتنشف عيونها: ولا شي
انس: زعلتي مني؟
بلقيس ساكته بدون رد
انس: انا مااقصد شي غير مااشتيش ازعلش واحس ان انا مرثي معش
البنت انزعجت من كلامهم شافته بنظره
انس انحرج ونزل صوته بوشوشه: كله عندي الا زعلش امانه لاتبكيش والله مااقصد شي بكلامي
بلقيس: ما بكيت منك بس امس كنت ضابحه العفو منك
البنت ضبحت تأففت بصوت وضربت الكتاب على الماسه وقامت
بلقيس شافته: يو لاتشتكي بنا
انس ضحك: لمن تشتكي مش هي مكتبة ابوها.. تلاقيها بتغير مابش معها حبيب.
بلقيس ضحكككت وهي بتمسح الدموع
📚 @ 🇾🇪
Читать полностью…
روايات يمنية📚🇾🇪
04 March 2024 18:21
.
البــارت 79 ○
الثــروة الـمنسيـة 🍀
👌🏻👇🏻 😍
📚 @ 🇾🇪
ام بسام: بين اسمع نسوان بيقلين ان الشيخ شل منكم الارض وخلاكم تبصموا على انها ملكه ويتصرف بها هو وانتوا الا عمال فيها.
زوجها ضحك: بيضحكين على عقلش صورتش عجزتي يامره
مرته: وانت مادراك مامكتوب في الورقه
زوجها شك من كلامها: من اللي كلمش؟
مرته: زوجة سالم
زوجها فتح عيونه وشافها: صدق؟
مرته: والله وقالت قد عيسيروا المدينه ويفلت القريه وحين قلت لها الارض وبيتكم قالت وانتي صدقتي انها حقنا الشيخ سرقها مننا وقلع الاشجار اللي فيها وزرع اللي يشتيه.
زوجها قام لبس وخرج..
مرته خافت لايتصايح مع حد لحقته: يا رجال اول تأكد
زوجها مشي وسار عند عديله (الشيخ)
عمر فتح له الباب ودخلوا الديوان كان فيه مشايخ قرى جنبهم مخزنين مع الشيخ.
ابو بسام: هيا ياشيخ ماهو هذا الخبر اللي بيطلع في القريه
الشيخ: ايش من خبر !
ابو بسام: قالوا انها الارض كلها حقك وانك بصمتنا على الورق
الشيخ افتجع واخذ نفس اشترغ بالقات...
@ المصدر الأول للروايات
وبعد ربع ساعه يلحقوه بالماء ويدقوا ظهره.. هدأ واخذ نفس من جديد: من الكذاب اللي قال هكذا !!
ابو بسام: كيف كذاب وهو بيشتغل معك؟
الشيخ: من قصدك؟
ابو بسام: سالم
الشيخ انصدم وتفاجأ معقول سالم نفذ اللي في راسه وبيدور مشاكل معه !!: من كلمك؟ هو بنفسه؟
ابو بسام: نسوان القريه
الشيخ بنبره تهديد اها قد وصل الخبر للنسوان عشان ينتشر: تمام
ابو بسام: ماناش داري مااقلك اسألك هو صدق او كذب
الشيخ: عيب الله المستعان تكذبني وسط بيتي وتصدق لك خبر نسوان
ابو بسام ارتاح وصدقه: قد بين اقل مستحيل جيت لك للبيت على طول
الشيخ كل باله الآن ينتقم ويغلق الموضوع قبل مايخرج كل شي: سوا انك جيت احسن مافعلت ..
@ المصدر الأول للروايات
في بيت سالم...
سالم: معاكم لبكره الظهر تلفوا كل شي نخطى
امه: انا ماشتحرك من بقعتي لوما اموت هنا
مرة سالم: ياعمه هانك حالي تتعالجي وتفتهني
عمتها: والله ان انا هنا مرتاحه
ابنها: مااقدرش اخليش هنا وحدش وجلستي هنا خطر
مرته: عندي فكره مارأيك تنزل بلقيس عندها واحنا نسير
سالم لقيها افضل طريقه وفرصه ومضطر هذه المره ينفذ كلامها شل تلفونه وشاف مرته: اسمعي هذه المره كلميها انتي وقلي لها عتجلس براحتها وتدرس وتكون تسير وتجي ومحد عيجلس معها غير جدتها
مرته: تمام
سالم دور اسمها وضغط اتصال وناول مرته.
في غرفتها بتتجابر هي وزهور ..
زهور جالسه تكلمها ايش فعلين البنات وفجأه وصل لبلقيس اتصال من ابوها..
بلقيس بخوف تجمدت اطراف يدها جاوبت: الو
مرة ابوها: الو بلقيس هذه انا خالتش مرة ابوش
بلقيس تفاجأت شاورت زهور: جاوبي انتي ماتعرفينيش مابحد انا
زهور كانت قد عرفت من بلقيس خباثة خالتها وحسدها جاوبت: الو
مرة سالم: مالش مابتسمعي انا مرة ابوش
زهور: من ابي؟ انتي متأكده من الرقم
مرة سالم: ايوه هذا رقم بلقيس؟
زهور: ماشي مش هو رقمها باعته لي ماكان بش معها زلط
مرة سالم: وين هي ذلحين عندش !
زهور: ماشي خلاص نقلت جامعتها في كليه الطب
مرة سالم: ادي لي رقمها
زهور: مالعرفهش
مرة سالم: جحفه لش
زهور: مالش بتتليقني هيا كنت شاسير لاعندها بكره بس والله ماادي خطوه تعلمي كيف تتكلمي... قفلت في وشها.
بلقيس انصدمت: ماقالت لش؟
زهور: يو على وقاحه فيها بتصيح وتتكلم باوامر وتلاعن
بلقيس: هي هكذا بس ليش اتصلت؟
وصل الاتصال مره ثانيه... زهور جاوبت
سالم: كيف الرقم هذا مش حق بلقيس من انتي؟؟
زهور: واحده كنت معها في السكن
سالم: طيب يا بنتي معش رقمها
زهور: ماشي بس لو تشتي شي اسير بكره واحاكيها
سالم: ادي لها رقمي وقلي لها تتصل بي ضروري ضروري
زهور: تمام
سالم: والا اقلش قلي لها تتجهز بكره اجي اشلها عند جدتها في البلاد انا معي عمل في المدينه تتجهز عصر انا اجي لها واراعي
زهور: ان شاءالله
سالم: مع السلامه.
زهور قفلت وشافتها: ماله ابوش كل شويه ورجع يرجعش
بلقيس بخوف: يشتي يرجعني؟
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
04 March 2024 18:17
.
البــارت 77 ○
الثــروة الـمنسيـة 🍀
👌🏻👇🏻 😍
📚 @ 🇾🇪
بلقيس انحرجت من نظرات الكل لاعندها عشان تخلص منه شلت القلم ومشيت سريع تذكرت ان معها حصص من الساعه 11 الظهر لاخر الدوام..
انس استغرب كان يشوفها مسرعه وخارجه من الجامعه وشك لايكون في شي لحقها.
وقفت باص وطلعت..
انس وصل واشر للباص وطلع قدام.. بعد ماوصلت جنب المكان: على جنب
انس سمعها ونزل ناوله الفلوس: محاسب ل2...
بلقيس ماانتبهت كانت بتنزل وبتخرج الافلاس من شنطتها وقفت جنب الطاقه ومدت يدها للسواق
السواق استغرب وغمز لانس وشافها وهو بيأشر بعينه لأنس: محاسب
بلقيس لفتت وراها ع جانبها اليمين شافته واقف ضبحت طرحت للسواق الفلوس ومشيت بسرعه لداخل
انس حس باحراج من الموقف وانه زيد الملاحقه لها بس استغرب ليش مدرسه ! جلس يمشي وهو بيفكر ليش فعلت هكذا اكيد ضبحت اكيد تهور واحرجها
بلقيس بتفكر داخل: ليش بيلاحقني ماله هذا بدأت اخاف منه
زهور لقيتها منتظره المديره تدخلها الفصل اللي بتمسكه: تميتي المحاضرات؟
بلقيس: ايوه.. كانت مسكتها ليدها وبترجف وجوابها متوتره شويه
زهور: لاتقلقي والله المديره طيبه نسقت لنا الجدول على محاضراتنا ولا عيفوتنا شي
بلقيس: تمام
زهور: مالش
بلقيس بضبح: ولا شي هذا الولد زيد اللغاجه ضبحني كل بقعه وهو بعدي بعدي
جت المديره
زهور اشرت لها تسكت
دخلت بلقيس الفصل وبدأت تعرفهم على نفسها وتسألهم عن اساميهم اندمجت معهم
زهور نزلت لاعندها: اقلقتيني في شي من اللي لاحقش؟
بلقيس: هذك هو ما بش غيره
زهور بضحكه: الولد المسكين
بلقيس ضحكت: ايوه
زهور: مدري مااقلش بس انتبهي تكلميه او تجاوبيه في الشارع
بلقيس: مش انا مجنونه قد حاسب وطنشته وحاسبت
زهور ضحكت: هبلا كنتي تخليه يحاسب ويراعي يحاسب لنا بعد الدوام
بلقيس ضحكت: هيا انقلعي لايطردونا
زهور مشيت سريع وخرجت
@ المصدر الأول للروايات
بعد العصر في القريه..
مرة سالم بزنط عند نسوان الحاره المتفرطات: قد احنا سايرين المدينه خلاص.. وانتين الله يعينكن على العيشه هذه تعب
ام بسام: ماذلحين عتبيعي قريتش قدي تعب
مرة سالم: كم جهدكن للشقا هذا حطب ومسايبه ماء ودفاي ماهي من عيشه
ام بسام: ننتبه لارضنا
مرة سالم: اي ارض ياخبلا قد الشيخ شل كل شي وانتي بتصدقي
ام بسام ضحكت: والله انش مضحكه شلهن له ياسعم انهن حجار والفهن
مرة سالم: ياخبلا الورق والبصاير عنده حقكم والله مالكم علم بشي.
ام بسام انتبزت من مكانها: قلدش الله ! مادراش ؟؟؟
مرة سالم بزنط: نسيتي ان الشيخ مابيقراش وخلا زوجي يوقع المدير حقه
ام بسام: متأكده زوجش قال هكذا شل ارضنا له ؟
مرة سالم بمشاوره: ايوه بس اوبهي تحاكي حد شلهن وخلاكم توقعوا بتنازل الارض له وانتوا مش دارين بشي وقعتوا ذلحين شارعي لش لايوم المشارعه
ام بسام: وانتوا كيف عتفلتوا ارضكم له وتسيروا
مرة سالم: زوجي حاذق سعم اخبل مثلكم
ام بسام سكتت وحزت في نفسها القصه....
@ المصدر الأول للروايات
في المعرض..
مرام بدأت تستفزه لعل وعسى يغير يلتفت لها والا يندم على غروره معها بتكلم الموظف اللي معهم: ماشاءالله كيف طبعك تواضع ومرح وخفة دم رغم انك ماشاءالله تبان مالك شي وبعض ناس مش داريه ع ايش الغرور اللي فيهم بيصدقوا نفسهم قوووي
انس ماكان منتبه لها ولا معبرها ماسك تلفونه اتصل لها: الو
بلقيس ردت: انا مش قلت لك لاتتصلش !
زهور جلست تضحككك وتفعل لها حركات
بلقيس مش فاهمه مالزهور بتتنبع قدامها وتتكلم مركزه مع كلامه.
انس: العفو منش حسيت نفسي اليوم اهبل وانا بعدش مش قصدي شي والله حسيتش زعلتي بس بين اخاف عليش ووعدتش احميش واكون معش ولو من بعيد لبعيد والله مااحاكيش
بلقيس حست بذنب ماعرفت تقبل اعتذاره او تأكد له لايبطل يلحقها هي مطمنه اكثر بوجوده معها في كل مكان ، وجوده حولها ادالها جرأه شويه تمشي لحالها وتدخل في الزحمه اللي كانت تخاف منها..
كمية الاهتمام اللي بيقولها والوعود اكثر شي محتاجته هذه الفتره
انس: مالش ساكته
بلقيس: مدري مااقلك مادريت كيف
انس: عادي اي شي قلي لي والله ماازعل
بلقيس: انا من هذه ام الصبيان الله يقلعها جننتني مااسترت احاكيك مع السلامه...قفلت
انس كان بيسمع ضحك حد جنبها فهم انها ماتقدر تكلمه.
في الغرفه..
بلقيس: مالش مالش امانه وقعتي مسكونة فيش مس
زهور بضحك: نرفزتيني
بلقيس: ليش مافعلت بش
زهور وقفت وبتقلدها مسكت التلفون بيداتها الثنتين ومقربه المكرفون من فمها وبتقلد ملامحها الخازيه ومبتسمه: اول مارن تلفونش واسمه عندش جاوبتي .. انا قلت لك لاتتصل ياولد ؟؟
رجعت لطبيعتها بعد ماقلدتها: ليش جاوبتي من اساسه بطلي الحركات هذه ياخبلا قدو فاهم انش بتتعذري انش مؤدبه
بلقيس...
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
04 March 2024 18:16
.
البــارت 75 ○
الثــروة الـمنسيـة 🍀
👌🏻👇🏻 😍
📚 @ 🇾🇪
سالم: اول ماكان يتقاتلوا ويتقاسموا الارض والشجر قدو طمع بينهم الان بسبب القات كل من بيبسر نفسه
الشيخ: والبن كان نفس الشي
سالم بضبح بيدهف يده في الهواء: والله ماكان هكذا قدهم الا بيتقاتلوا رصاص واصل بيتطاير على الساقيه والماء ومقسمين الشجر والارض... اول كان كلهم يشتغلوا في الارض ويقطفو البن على حبه حبه ... ذلحين انا عندي لك رأي عمر يمسك بدلي
الشيخ: عمر معه جامعه مش فاضي للهدار حق المزارعين .. ومااقبلش حد غيرك يمسكها
سالم: انا ماقدرت الصدق وادخل في مقاتله معهم
الشيخ: محد فاهم العمل غيرك صورتك تشتي تجنني الليله
سالم: لاحول ولاقوة الا بالله
الشيخ: سير وشل سلاحك وراسي لك
سالم: ماشاقاتل حد انا يكفي العمل اللي قد فعلناه ظلمنا نفسنا بيدنا
الشيخ: ماتقصد
سالم: ياشيخ صدقني رجع لكل واحد ارضه احسن مايرجع بينهم قتل وثار .. اذا فعلوا هكذا على ورقتين قات وساقيه كيف بعدا عيقع بعيالك
الشيخ مسك دقنته وبنظره: اعتبر هذا تهديد منك ! قدك ناوي تحرضهم عليا
سالم ضبح: انا مانا داري مالك اليوم ماعد رضيت تفهمني
الشيخ: هي كلمتين شل سلاحك وتصرف والا عيقع خبر ثاني .. وبصوت مرتفع وصياح انت مجنووووون بعد تعبي هذا كله افلتها لهم
@ المصدر الأول للروايات
سالم ساكت وجالس داخل نفسه مصمم على رأيه الارض مش حق الشيخ حق المزارعين واهل القريه.. حاسس نفسه جبان وكاره نفسه لاول مره ان خوفه وتردده خلاه يخسر بنته وسكوته على ظلم الشيخ لاهل القريه.
الشيخ: ايوه هكذا اسكت وافعل الصح يلا سير تصرف قلت لك وراسي لك ماعد تشتي.
سالم ضرب ع ركبه الثنتين بيده وضبح وقام: خاطرك ياشيخ.
الشيخ: الله معك.
سالم خرج من عنده وبيشوف العمال في الحوش بيعمروا الدور الخامس وملحق في الحوش والسيارات ال3.. فتح الباب وخرج وشاف اهل القريه بلبسهم البالي ومسايبتهم للماء رغم قد بعض بقيه القرى وصلها الماء والكهرباء والشيخ بيلاحق الزلط حق اهل القريه لاجيبه وتجارة عياله... والرجال اللي متحمل ابنه فوق ظهره يسعفه لابعد مستوصف مش مؤهل ولافيه دكتور مختص !
حس بقهر وانه اخس من الشيخ اللي ساعده ووصل للظلم هذا كله..
@ المصدر الأول للروايات
في المدينه..
زهور خرجت مسكت بلقيس: يو على أشياء تجنن روعه روعه
بلقيس مسكتها: اشتي ابسر
زهور: لا تأخرنا لاتنسي عنخطى مابش زلط حق مواصلات الان مابلا لبكره للدوام والجامعه.
بلقيس: تمام مشين.
.
.
في المعرض..
أنس كمل يكلم المشرف وبيضحك بيمشي وقف في باب المعرض وبيتفرج الناس سايرين راجعين ويتخيل نفسه فين كان في قريه قدامه ارض وزراعه وشويه غنم يرعاهن.. حس انه فعل الصح لما قرر يدرس ويكمل واهم شي انه عرف واحده وحبها بس فين هي الآن وايش بتفعل جالس يكلم نفسه وهي كانت مسافه امتار جنبه مش منتبه لها
.
.
وصلين باب السكن..
تأخرتين عن الموعد.. بلقيس خايفه لاتنطرد الشارع بعد ماقالت لها زهور انها مره تأخرت وراحت بيت عمها شافتهم بيسألوهن بكيت
زهور حاولت تدي عذر: المسكينه ضيعت زلطها جلسنا ندورها وتاخرنا ها كيف قد بتبكي ترحم الله
بلقيس شافتها باستغراب وكانها مكذبتها
صدقهن ودخلين... وصلين لباب السكن وبتضحك زهور على بلقيس
وبلقيس ضحككت ع الموقف وبكاها .. جلسين يضحكين
استقبلتهن المتنمره وهي واقفه ماسكه خصرها بيد: بتضحككك يعني بالعاني.. الآن تدي بدله
بلقيس: ايش؟
المتنمره رجمت لاوشها البلوزه: قلعتي زرارها ماانتي والفه تغسلي الا جلابيات وزنين بس صح
بلقيس : والله ماعسيته غسلتهن وناولتش
زهور مسكتها من يدها: عادش عتبرري لها امشي خليها تسير تدوره وتخيطه كانت عتغسله هي
بلقيس خايفه
المتنمره بصياح: انتي مالش دخل
زهور رجعت بلقيس وراها: الا لي دخل وماعتفعلي اسكه؟
المتنمره دهفتها ع جنب: شغلي معها هي الحساده مابش معها منه تقلع حقي الان ادي بدله
بلقيس ساكته ومنتظره زهور تدافع عنها
زهور حبت تستقضي لنفسها هزرتها: مره ثانيه اعرفي كيف تتكلمي مع الناس
المتنمره مسكت يدها: تشتي ذلحين اوريش كيف تتكلمي معي وتعرفي من انا !!
/channel/+Ecxq_OzMYh40M2E0
📚 @ 🇾🇪
Читать полностью…
روايات يمنية📚🇾🇪
04 March 2024 18:14
.
البــارت 73 ○
الثــروة الـمنسيـة 🍀
👌🏻👇🏻 😍
📚 @ 🇾🇪
بلقيس سمعته بيضحك ضحكت من ضحكه وماسكه فمها من البرقع تفكر بهذه الطريقه بتكتم الصوت
وهو كان بيشوف ويسمع.. انس: ضحكتش حلوه الله يسعدش يارب
بلقيس كانت بحاجه الدعوه هذه ف بعفويه: آمين يارررررررررب وقفلت
انس: ا... الو !! سمع رنه الخط بعد ماتقفل.. كان نفسه يطول الوقت لساعات معها في التلفون وهو بيسمعها.. بقي له ظلها يتتبعه ويمشي عليه..
بلقيس جلست تمشي وتسلم على البنات اللي تلقاهن طريق طريق وفارحه وحاسه بسعاده رغم انها مش عارفه سببها.
انس يمشي خطوه ويتفرج حركاتها تصرفاتها عفويتها في بنات كانين مايعبرنها وفي بنات يرحبين بها ويضحكين معها وهو بيتتبع تصرفات وملامح وحركات واحده أسرت قلبه بصدق
@ المصدر الأول للروايات
بيت سالم..
سالم جلس وبيتفرج الصندوق اللي فيه اهم اوراقه وسلاحه.. جلس جنبه فتحه وبيخرج الاوراق ويقرا
زوجته جلست وبتتفرج اخيرا الصندوق اللي نفسها كانت تعرف ايش فيه.. خرجت صره فتحتها
سالم مندمج بيقرأ.
زوجته شافت الذهب ومصدومه 2 بليزقات و2 خواتم واخراص وسلس لبستهن وبفرحه: مالك ماتدي لي هذا الذهب ليش مخبي له !
سالم لفت لها وهي لابسته مد يده لها: اديهن سريع مابش فتحتيها
مرته: ماشدي حاجه قدهن لي انت مااديت لي ذهب سوا حين تزوجتني
سالم: ناهي هذا حق المره الله يرحمها
مرته: الله يرحمها قد قلتها بفمك لمه مخبيهن
سالم: لبنتها
مرته: امااانه ! عيجلسين مخبايات هنا !
سالم: ايوه ولا حد عيعسهن الا لما تتزوج اديهن لها.. هزرهن من يدها ولفهن وخباهن وجلس يقرا اوراق مهمه كانت تنازلات بينه وبين الشيخ
جلس يحس بقهر وبياكل نفسه من داخله كتب في الورقه كل التوضيح
فكر في الحادث اللي فعله وكان بيموت فقرر يكتب وصيته.. ولفهن كلهن مع الذهب في شنطه صغيره داخل كيس وشلهن وخرج.
دق باب بيت واحد طيب وامام جامع وشيخ وامنه يحفظ وصيته وحاجته لو وقع به شي يكونين لبنته.
@ المصدر الأول للروايات
في المعرض..
سارح بيفكر فيها ورقتها وعفويتها رغم انها مش من البنات اللي بيشوفهن كل يوم اشكال وانواع وجمال ومظاهر بس هذه البنت غير بالنسبه له مش قادر يفسر اللي حاسس به غير الحب اللي بيجمع القلوب بدون مواعيد، بس الصدف والمشاعر اللي كانت بتتحكم بأي قلبين.
.
.
بعد مارجعت السكن..
واحده من البنات اللي دايما تتنمر عليها شافتها جالسه في الارض وقدامها لجن (وعاءغسيل) بتغسل ملابسها: ها غسلي هولا معش رجمت ملابسها للارض قدام بلقيس ومشيت .. رجعت: انتبهي تزيدي لهن الفحر
ولاتفعليش كلوركس عيخربين كلهن غاليات وماركات.
بلقيس: بس معي..
البنت خرجت..
دخلت واحده ثانيه: هيا سريع اشتي اللجن اغسل
بلقيس بتغسل بسرعه: طيب دقايق اتمهن .. شافت الملابس حق المتنمره: يله اغسلهن لاتفعل لي مشاكل مش ناقصتها
زهور دخلت بتتمطط كانت نوم: يا بلقيس حاسه نفسي تاعبه ايش عتتغدي؟
بلقيس: اكلت تفاحه وعاد انا شابعه
زهور: طيب لما تجوعي وتاكلي ادعيني
بلقيس شافتها: مابش معي انا وانتي شي هذه الصرفه حق البنات
زهور: يوو مافيني من خرج للبقاله تمي قوا وسيري انتي
بلقيس: خلاص اتم ونخرج سوا الصدق افتجع وحدي.
زهور: تمام شالبس واراعي لش
بلقيس بسرعه بتغسل سكبت الصابون الباقي والماء وجمعت ملابس البنت كلهن بسرعه بسرعه غسلتهن وقامت راحت للغرفه حقها خرجت ملابسها للسله وراحت ببقيه الملابس غرفه المتنمره دقت الباب فتحت واحده من صاحباتها..
بلقيس: ها قلي لها غسلتهن ومشيت لغرفتها هي وزهور...
على خرجتهن جت المتنمره: وليش ماتضحيهن( تنشريهن) يعني بتمني عليا انش بللتيهن بماء وصابون
زهور: احمدي الله قد غسلتهن لش ع قلة عقل
المتنمره: وانتي حقها محامي الدفاع او ايش مابش معها فم صاحبتش
بلقيس: الا معي فم وانتي مابش معش يد
المتنمره ضحكت: مابش معي يد !! طيب شاوريش طولها عشان تعرفي تتكلمي معي
البنات خرجين على صياحهن ودخلين في الوسط بينهن
زهور مسكت بلقيس ومشين سوا خرجين
بلقيس بتبكي
زهور بضبح: وانتي هبلا تستاهلي ليش تغسلي لها
بلقيس: عادي قلت اهجع هدارها وكنت اغسل ملابسي على الطريق بس فجعتني عادها تشتي تضارب
زهور: لاتكوني تتكلمي معها وتجاوبيها ابدا
بلقيس: عيب
زهور: خلاص تستاهلي الضرب.
@ المصدر الأول للروايات
في المعرض...
مرام دخلت بقلصين عصير طرحت واحد لأنس: اشربه بارد
انس شاف بس قلصين رغم انهم 4 في المعرض: ليش انا وانتي بس ! وهم؟
مرام : احنا عملنا سوا ومانسيت فضلك لما علمتني كل شي
انس: عادي هذا عمل
مرام: يو كيف انت طبعك ابدا ماتتجمل ابدا ماعندك أسلوب اشربه والا طز فيك
أنس شله ومشي لاعند زميلهم الثالث: ...
/channel/+Ecxq_OzMYh40M2E0
📚 @ 🇾🇪
Читать полностью…
22072