834
Haitham Al-Lami
جرح الثاني
يا دنيا شبقه __ حيدر توه غاب
محتاجه لعلي__يوكف بالمصاب
شدله الجرح بالورده
فكد الابو شيسده
المرضه اجولك بويه رادو بلكت ايفيدك دواهم
حســــبو تكــعد يحيـدر رادو اتچـمل هــواهم
تارس الكاع ابمشيتك انته ياطلعت ضواهم
وينه وينه الصار فاكد وين اليهدم جفاهم
طاري المكبره__ رايد جم نهر
فراكك يا علي __عايزله ظهر
خير الله كله اتبده
فكد الابو شيسده
هالوحيده ويتمتها بنيتك بعازة حنانك
انت بستانك عطرها شنهو اليسده مجانك
جنت بسمة وجه امنه وحكمة الله تعلي شانك
هسه بين تراب روحك ارد اكلك الله عانك
شيداوي الجرح__ لو فز ياعلي
مكسورة گلب__واندب ياهلي
صاح الگلب شيضمده
فكد الابو شيسده
روحي مشتاگه لوجودك وحشة البيت اشكبرها
بحسره اصيرن من اسولف تعرض الذكره وصورها
كمنه ندعي يا عشرتك الله اليطول عمرها
يلي تارك بين ربعك صوره ما ضايع خبرها
بعمرك ما تغِث __ واحد بالكلام
اسمك مرتفع__ رايه للسلام
صار الحزن من عنده
فكد الابو شيسده
والله وسفه وياهو يرضه حسين نام بلايه والد
ساعه ساعه يموت كلبه الفركه ما يحملها واحد
كون اليدور حنينه بكلبه كل الشــوك كاعد
كل سوالفنه اعله راسك اخ يا گلب اليواعد
ماخذ ياحزن__لوني ال بالسمه
حسيت بعلي _راحت فاطمه
تلجمني هاي الوحده
فكد الابو شيسده
عين الغروب اعله بيتك راسم احزانه ابمشاعر
حتى طير السمه الطاير نازل امحمل خواطر
خبر هجرك بالكواكب بالمصاحف بالمنابر
الماذكر فضلك حريمه يصيح باجر ها يباجر
الينكر موقفك___ باجر بالحشر
يوكف مستحي__يندب معتذر
تنشف اليضدك خده
فكد الابو شيسده
ليث كريم جحالي
قُتل علي المرتضى😭😭😭
أشهدُ أنَّ عليًّا وليُّ الله😭😭😭😭😭
#فزت_ورب_الكعبة
((خلصت صلاة الفجر))
خلصت صـلاة الفجر ويـرجـع ابـوي انتظر
مـا أدري هـذا الـجـره
راسـه أنـطـبـر حيدره
*-----------------*---------------*
جاني الخبر علي انـطـبر والهامـه تـنـزف
الخير العمل دمـعي همل وجدامي ترجف
راح الــولـي وشضل ألـي مـذهوله وهتف
بسهم الزمن گلبي انطعن مـامـرّه ينـصـف
مـاعـنـدي غير الدمع وعادولي كسر الضلع
مـابـيـه أحـمـل تـــره
*-----------------*---------------*
أصعب فـجر مـــــر بالعـمر لـمـن أجـانـي
بفيض الدمه حامي الحمـه وانظرله آنـي
شيب الـحمد أحــمــر يــرد آيـا زمــانـــي
أشـگـد نـزف وجهه أختلف مشهد عماني
كلشي أختلف بالولي مـاچـنـه حـيـدر علي
يـصـعب عَلّي منظره
*-----------------*---------------*
أگبالي أنرسم مـنـظـر ألـم يعمي النواضر
دم الـــجــرح وجه الصبح شـفـتـه وأكابر
حـيـدر وگـــع گـلبي أنشلع بـالـگـوه صابر
عــنـدي عِـلـم وأدري اليتم يـكسر خواطر
يجرحني حيل الزمن ريــت الـنـواظـر عمن
خـل يـسـمـع الـمـادره
*-----------------*---------------*
شـأمــل بـعـد هـذا الـسـنـد هـامـه تـصـوّب
بـويـه صحت شفته ونحت شيبه التخضب
صبري أرتحل راس الفـحـل مـافاده معصب
مـن يـبــتـعـد نـار الــحـقــد لخيامي تـگـرب
سولفلي وادري الخبر شـيـسـوي بيّه الـدهر
بـاچـر اضـل حــايــره
*-----------------*---------------*
گلـبي أنكسر وصه الگمر ويـگـله أختك
يـابـو الفضل زينب تضل ذمـه بـرگبتك
صوتي أعتله وناديت أله مودع عرفتك
بسيل الـدمـع كتله الضلع رد بـطـبـرتـك
نـاديـتـه مـن تـبتـعد الـدنـيـه تصبح لـحد
مـدفـونه فوگ الثره
*-----------------*---------------*
هـــذا وعـــد وشـگـد بـعـد احمل مصايب
أمـشي بدرب بـيـن الغـرب وبـلا حـبـايـب
جفني أنجرح وأسم الفرح بسنيني غـايب
أخـــر حـچـي بـس البچي ونـار الـنـوايـب
تـچويني نار الخيم وللموت اعيش بألم
بـكـل لحظه أتذكره
*-----------------*---------------*
✍خادم أمير المؤمنين ع
الشاعر رعد الچريخي
في حق الامام علي. ع
يزينب بويه بسج لا تونين
ضمي دمعتج لمصاب الحسين
باجر كربله وحسره
اخيج ينهشم صدره. يزينب
-------------------
هذا مقدر ومكتوب يازينب اعذريني
سيف الضالم الغدار فرهد مني اسنيني
اشوفن منخطف لونج وهل موقف يذيني
عله امصابي يبت حيدر كون انتي تعينيني
يزينب من طلعتي طلعت الروح
يبويه بونتج زيتي. الجروح
مصابج ادري شكبره
اخيج ينهشم صدره. يزينب
--------------------
زحمه خاف من الناس تعاين تنضر الشخصج
اصبري عله الجره والصار ومسحي بمعصبج دمعج
مثل ضلع امج الكسروه اشوفن منحني ضهرج
مالومج شما تبجين اعرف حالج وضعج
جرحج من مصابي ينزف ادموم
من زغرج ربيتي وي الهموم
كسر الكلب شي جبره
اخيج ينهشم صدره. يزينب
---------------------
حيلج ويه حيدر راح ضهرج منحني محدبه
ابوج الحاضر الشدات كل الوادم اتندبه
بس اشبيدي عله الموت يزينب حالتج صعبه
رايح عنكم تعرفين وباجر كربله وغربه
هنياله اليموت بهاي اليام
يخلص من حياته بكبره ينام
بلهم ينكضي عمره
اخيج ينهشم صدره. يزينب
----------------------
بدموعج عتب تبجين يازينب مرد جبدي
منج تطلع الحسرات وانه دمعتي بخدي
راحل عنم بهل اليل وناعي مصيبتي يحدي
شبيدي عله الزمن غدار وجروج الهجر تدي
يزينب عذبتني دمعت العين
مني تفرهدت ياوسفه السنين
كلبج يلتهب جمره
اخيج ينهشم صدره. يزينب
-----------------------
عفت كلشي البنيته وراح هاي الدنيه غداره
اجل مكتوب اعرفنه حكم الباري. وسراره
بس افراكم يذبح وشوفج حيل محتاره
ليالي الهجر ماترحم وكلبج تشتعل ناره
اليودع احباب كلبه يروح مرتاح
جروحه تلجم من يسمع اصياح
هذا مقدر ويجره
اخيج منهشم صدره. يزينب
-----------------------
الخادم
رحيم الصالحي
/channel/rdeaa
في حق لامام علي. ع
بهل مسيه حان. الوداع
بهل مسيه حزن وظياع
حيدر. بزينب. يوصيه. وصيته
لئن يدري رايح. وكربت. منيته
بهل. مسيه
----------------
بهل مسيه حيدر. يودع الحبايب
يدري باجر عنهم الكرار غايب
يوصي ابزينب لئن ام. المصايب
تبقه من بعده وحيده الكلب ذايب
يعاين. الهه زينب اتنوح
يعاين الهه وكلبه مجروح
ذمه. زينب. هاي. عدكم. ذممته
حيدر يوصي الحسن عدكم عفته
بهل. مسيه
----------------
راح اروح وكلبي عفته يم اختكم
ودري يولادي تره تنذل. بعدكم
عل. وفه والطيب انه. علمتكم
والله لو. بيدي. اضل ما فاركتكم
علي الكرار رايح اليوم
علي الكرار جرحه مسموم
يعاين بعينه علي يشوف اليتامه
ويجرن عله خدوده دمعات الندامه
بهل. مسيه
---------------
بويه. يازينب امسحي ادموع عينج
يلجم اجرحي. اذا. اسمع. ونينج
باجر . انتي. بكربله. الله. يعينج
بلايه والي. حايره. ومسلبينج
بس اليتام يمج. اتلوع
بس اليتام تجري الدموع
باجر انتي واليتامه فوك الجمال
مجتفه يدج يزينب وسفه بحبال
بهل مسيه
-----------------
خلهن اعيوني يشبعن شوف منكم
هاي اخر ليله. ادوي انه. يمكم
لو. متئت باليل يحبابي دفنكم
وكبري كون انتم تحفرونه بديكم
هيلو التراب من تدفنون
هيلو التراب وجرو العيون
ادري وحشه صير من بعدي اليالي
انتم عزاز الكلب ونتم. غوالي
بهل مسيه
----------------
كافل. اضعونج يزيب ابو الغيره
بجاله انتي مخدره ونتي اميره
من. بعد. عباس. مسبيه واسيره
لاكفيل ولاخدر. وبلا. عشيره
بين الجناب تبجي اليتام
بين الجناب وغربت الشام
الناس كله اتصيح هاي الخارجيه
هاي اخت عباس مجتوفه سبيه
بهل. مسيه
-----------------
الخادم
رحيم. الصالحي
/channel/rdeaa
قصيدة(تهدمت والله اركان الهدى)
تهدمة والله اركان الهدى.
قد نادة جبريل بأرض وسما.
__
طبرو علينه المرتضى ياشيعته.
ومحرابه فايض وامتله ابدم هامته.
واشناده جبريل اوتعالت صيحته.
وكل بيتآ سمع هذا الندى.
___
طايح ولينه المابعد مثله ولي.
فاركنه هالليله ابو الحمله علي.
صيحتنه وي جبريل خلي تعتلي.
والله لاننسا عليآ ابدا.
___
الكعبه نواسيهه بمصابه والجرى.
ويه امه طلكت بيه اوجابت حيدرا.
المثله يويلي شلون يتوارى الثرى.
علي ولي الله وهوه المرتضى.
_
هالليله خيبر ينعه بابه الفاجعه.
الماشاله واحد غير جفه واقلعه.
خلي نصيح ابصوت والكل يسمعه.
نحب امير المؤمنين قد قضى.
_
الليله سفينة نوح تنعاه ابحزن.
والحوت ينعه اويونس لفكده يون.
ارواحنه الليله اويحيدر تندفن.
وكل نفس له مولانا فدى.
_
خلي نصيح ابصوت وانجدد عهد.
ومصاب ابو الحسنين ماننساه أبد.
ماخاب من ناداه ياعلي مدد.
رغم انوف الشامتين والعدى .
لخادم امير المؤمنين
الشاعر
ابو عبدالله الشمري
من تاج الدين
.#شور
للامام علي عليه السلام
من الهواشم شايل الحيد
شيخ المكارم وابن اجاويد
مضروب راسه ياخلگ ويل
ويمصيبته اتهدم الف حيل
شيخ المكارم وابن اجاويد
♾♾♾♾♾
الليله شايل ياخلك حـيدر
شيخ العرب والقائد العام
وجبريل لمصابه تره مكدر
واتهدمـــن يركان الاسلام
هذا الوجوده بعالمه خير
وسفه يطيح وتنزف الهام
وسفه بغيابه انفارك العيد
من الهواشم شايل الحيد
♾♾♾♾♾
يهلال عيد وفركته اشلـــون
وعن شوفته مانكدر انصوم
و ايامنه اخـــــــلافه بلا لون
رايح علي ولرواحنــه انلوم
الله يعينج زيــــنب ام عون
حيدر علي اتفكدينه للدوم
غايب عليج وساكن ابعيد
من الهواشم شايل الحيد
♾♾♾♾♾
حيدر عـــــــلي نايم بالتراب
واســـــدده اخلافه الدواين
هذا علي الــــــقالع الف باب
وسفه يموت وتغمض العين
كل الهواشــــــم لفت انگاب
واللطم جمـــعيه لابو حسين
و ونينهم زايد ولا يــــهيد
من الهواشم شايل الحيد
♾♾♾♾♾♾
زاد الونين وزاد النيـــــاح
وكل الهواشم تصرخ احاه
ياشيخنه بمحرابه من طاح
ياريت كلنه طحـــــــنه وياه
نفدي علي كلنـــه بالارواح
لو ندري وحده ماتركـــناه
هسه الدمع بغيابه شيفيد
من الهواشم شايل الحيد
♾♾♾♾♾
ام زينب الحسيني
تهدمت والله أركان الهدى
:::::
اليــوم جبرائيل كبــر بالسمه
انطبر حيدر علي حامي الحمه
الليله هاي الليله كلش مؤلمه
مو جرح جرحين صار بفاطمه
تبچیلك الزهراء أركان الهدى
:::::
انطبر حيــدر علــي خير العمل
بالجوامع صوت ابو اليمه انچتل
حيره شكتبلك علـــي يا مستهل
شلــــون بالتابوت ينشال الجبل
ظل النبي ينعى أركان الهدى
:::::
اليوم تنعى المرتضى ليلة قدر
شلون لو تنظر علي ام الخدر
صعبة مثلك يا علي يضمه الگبر
اليوم عالخد مو دمع ينزل جمر
جرحك فلا ننساه أركان الهدى
:::::
الله يلعـن ابــن ملجــم والسبب
شال سيفه وبي ضرب اطهر نسب
عجب تنشال بنعش حيدر عجب
بالحــديد شلــون ينقاس الذهب
كون اليتامه وياه اركان الهدى
:::::
الليله زينب تنتظر حيدر يـرد
الليله حتى العطر ميت بالورد
كلها مفجوعه السور حتى الحمد
ابن ملجم چان عند حيدر عبد
مجرم ضرب مولاه أركان الهدى
:::::
تنتظــر عــالباب زينب رجعته
لون اخوها الحسن اصفر شافته
حسين شنهي الخبر رگضت حاچته
گــالها الکـــرار طبــرو هامته
عالمرتضى ويلاه أركان الهدى
::::
علي جبار الكعبي
الفاتحه لوالدي
@tyyuuiiopp
اضغط عل الرابط 👆 قصائد والاحان
قتلوا الصلاة في المحراب😭💔
Читать полностью…
يا علينا صرخة أيتامك
يا علينا احنا خدامك
ــــــــــــــــــ
ليلة مصابك عظيمة وتدمه الك عين الحرب
هدم الأركان جرحك يا علي وداعك صعب
مو سواد اهدوم نلبس نلبس احزان القلب
على الصليب الروح تصلب والخواطر تنصلُب
يا علينا طحنه گدامك
يا علينا احنا خدامك
ــــــــــــــــــ
يالكفلت أيتام عرفوا انته المنگب علي
وبقوا ينتظرون جيتك همهم الما ينجلي
تعرف الجوع اختباره والفقير اليبتلي
خل يسمعون الخذوها هاية أخلاق الولي
يا علينا راحت ايامك
يا علينا احنا خدامك
ــــــــــــــــــ
بالقدر نحيي مصابك مئة لطمه اعله الصدر
كسرة جناح الحمامة بينة ما اظن ينجبر
بينة اصبح حزن عاشر من محرم بالصبر
و الاجر ضعفين أصبح من تضاعف هالاجُر
يا علينا نبجي للالمك
يا علينا احنا خدامك
ــــــــــــــــــ
نصوم من الماي لكن ما نصوم من الدمع
ليلة الوحشة الأصابع نشعل بجرحك شمع
ياعلي بداعته مصابك يا علي اعليك الضلع
كون ماتحرمنا منها وبالمجالس ننتفع
يا علينا جمرة خيامك
يا علينا احنا خدامك
ــــــــــــــــــ
هاي انفاس المجالس تختلف عن الهوى
بيها روحانيه نشعر جنها بالضلمه الضوه
والمريض يصير لطمه عالصدر بيها دوه
باجر بيوم القيامة من شفاعتها ارتوه
يا علينا والدوه الهامك
يا علينا احنا خدامك
ــــــــــــــــــ
يلي تمسح عل اليتامه امسح ذنوب الخشه
يا علي معروف جودك ماترد خادم حشه
وما تخذله لحضه وحده وتتركه منك مشه
بابك المفتوح دومه وما عليه اصبح غشه
يا علينا شدة حزامك
يا علينا احنا خدامك
ــــــــــــــــــ
الشاعر زين العابدين الشمري
تهدمــت والله أركــــان الهـــــدى
1
ياعلـــي الليلــة مصابــك حـل علينه
هامتــــك مطبــــوره ويلـــي ياولينه
كـــــل يتيــم الليلــــة ينعــــاك بانينه
وزينـبــك يابــو الحسـن ظلت حزينه
تهدمــــــت والله أركــــــــان الهـــــــدى
2
ياعلـــي يـــوم الــذي رأســـك تتطبر
كلشـــي يابو اليمـــه بالعالـــــم تغير
الصخـر ون وعـلـه هجـرانـك تفطر
لوعانـــه بهـــل مسـه أفراكك يحيدر
تهدمــــــت والله أركــــــــان الهـــــــدى
3
ناحـــت السبـــع المثانـــي لهل الرزية
والأمـــلاك تنتحـــــــب يابـــــو الحمية
ابـــن ملجــم الصوبــــك هــاي المسيه
روع أيتامــــك علــــي وسبـــــب أذية
تهدمــــــت والله أركــــــــان الهـــــــدى
4
ياعلــي شلــون النـــذل يكــدر يصيبك
ينحـــب اكبـــالك وكــــف حاير طبيبك
عاليتامـــة ماطفـــت جمــــــرة لهيبك
بالمنيــــة وعينــــك أتصـــــد الحبيبك
تهدمــــــت والله أركــــــــان الهـــــــدى
5
ياعلـــي مافكـــرت مـــــن لليتامــــــة
لــو رحـــت تتجــاوز أعليهـا الظلامة
لــو غفــت عينــك فــلا تبقـى بسلامة
تنــزل بمتــن العقيلــــة أجــــم علامة
تهدمــــــت والله أركــــــــان الهـــــــدى
6
مــن تنــــام بحفرتــك تبــــدي المصيبة
مــن الظلــم جبـــد الحسن يأخذ نصيبة
والحسيـــن ابكربلــــــه جثتـــــه سليبة
والعقيلـــة أم الخــــدر تصبــــح غريبة
تهدمــــــت والله أركــــــــان الهـــــــدى
7
فــي زمانـــك ماكـــو ابــد وادم فقيرة
كلهــا جانـــت عايشـــه بزودك أميرة
جفـــك أيقســـم عليهـــا وينطي خيرة
حاكـــم وكاعـــد يحيــــدر عالحصيرة
تهدمــــــت والله أركــــــــان الهـــــــدى
8
أنتهـــت يابالحســــن قصــــة حيــــاتك
والقـــرار مــن الله ترحل فـي صـــلاتك
ودعــت عنــــد اليتــــامــــة ذكريـــاتك
يلــه حامــــي الحمــــة حانــــت وفاتك
تهدمــــــت والله أركــــــــان الهـــــــدى
بغداد
امجد صاحب الشطري
تهدمت والله اركان الهدى
......
صوت جبريل اعتله ابسابع سمه
صوبو هامت علي حامي الحمه
خضبو محرابه ويلي بالدمه
ويتمو ولد الزجيه فاطمه
وزينب الصارت غريبه
ياعظم هاي المصيبه
تهدمت والله اركان الهدى
......
علي ماتمم صلاته بالفجر
بالسجود الاول وراسه انطبر
ويلي ما كمل صيامه ابهل الشهر
والمناجاته بجه الليل ابقهر
واعتله بفكده نحيبه
ياعظم هاي المصيبه
تهدمت والله اركان الهدى
.......
ضجه صارت بالارض لجل الولي
وصيحت الاذان ارجع ياعلي
اليتامه اخلاف عينك تبتلي
الفكد مثلك همه ابد ما ينجلي
بعدك الوحشه رهيبه
ياعظم هاي المصيبه
تهدمت والله اركان الهدى
.......
بعد عينه الدنيه فاركهه الفرح
كلشي بيهه اتغير وكلشي انذبح
وشهر رمضان اعله توديعه انجرح
جرح ما يشفه الامر واقع صبح
صوبو هامت حبيبه
ياعظم هاي المصيبه
تهدمت والله اركان الهدى
.......
ألعرش واللوح بمصابه انفجع
ويلي عالكرار صيحاته رفع
وحشه ظل محرابه خالي امن الجمع
واله يشتاك السجود اويه الركع
الصلاه لجله كئيبه
ياعظم هاي المصيبه
تهدمت والله اركان الهدى
.......
باجر المهدي ابطلعته ينتفض
ياخذ ابثار الصميدة والفرض
ويمحي كل جور وظلم فوك الارض
وبيده ينشر خيرهه بطول وعرض
بس تضل روحه سليبه
ياعظم هاي المصيبه
تهدمت والله اركان الهدى
.......
كلمات
✍ موسى الخادم
/channel/rdeaa
استشهاد الامام علي ع
بويه علي بويه علي
وياك اخذني
بالطف تره راح انولي
وياك اخذني
****
اصبر شلون واشوفك منطبر
تدري بيه بروحتك راح انكسر
يا علي وياك اخذني للگبر
حظر السوط ويتانيني الشمر
ليك امن اصد ليك امن اصد
ياذيني متني
بالطف تره راح انولي
وياك اخذني
****
الدللتها شلون تقبل تنفجع
منلچم لسه دليلي امن الضلع
ويه امي الزهره بويه ارد انجمع
فرصه هاي اترس حضنها بالدمع
بويه بعجل بويه بعجل
مو حزني هدني
بالطف تره راح انولي
وياك اخذني
****
منظرك يفجعني شيبك كله دم
بيه ريته يا علي هذا الالم
راسي كونه اوياك هالليله انثلم
حتى باچر ما احسّب بالخيم
ما ينحمل ما ينحمل
جمره وچوتني
بالطف تره راح انولي
وياك اخذني
****
يا علي هذا الهجر ما ينحمل
انه محميه اذا تبقى عدل
بس تغمض عينك اصعد عالهزل
بطارف اذيالي يچلب چم طفل
ترضه العده ترضه العده
لو سلبتني
بالطف تره راح انولي
وياك اخذني
****
صح بقالي حسين وعضيدي الحسن
انه اعرفه اشضام لخواني الزمن
والنعم من الگمر حامي الضعن
بس چفوفه اعله النهر يتگطعن
فوگ النهر فوگ النهر
ايبعدونه عني
بالطف تره راح انولي
وياك اخذني
****
باليصير اعله الاخو عندك علم
ينسحگ بالخيل يالوالي الجسم
ينذبح بويه وعَلَي تلتم زلم
انه وانته وسفه بالطف ننشتم
وضعي صعب وضعي صعب
شامت يسبني
بالطف تره راح انولي
وياك اخذني
****
ما اريدن بويه بالشام اندفن
آل اميه للحقد تبقى تحن
ينذبح كلم عله امصابي يون
ما يرحمون الچبير ولا ابن
بآخر زمن بآخر زمن
امصايب تمرني
بالطف تره راح انولي
وياك اخذني
****
الشاعر اياد الديراوي
نعش الوالي
من وزن الموشح
شعر د. كاظم جاسب المعقلي
..........................................
وين ماشين ابنعش والينه عدنا حسبه اوياه ومتانينه
……… .
عدنا حســبه اوياه نريد انودّعه
انريد نعشه ال يم بناته انرجّعه
اننشده عن جرحه الغميج اليوجعه
بلكي نكسر خاطِره ايحاجينه
………
ريضو يهل النعش ريضو ابشيلته
خلي نشبع من علي ومن شوفته
لحظه بس ويحين موعد فركته
ومن بعدها المرتضى ايجافينه
………
اشويه اخوتي اتماهلو انعاتب عتب هذا أمر الله وعلى الجبهه انكتب
بلله شيلو أچفانه عد زينب طلب
أرد اشبكه وأرد ابوسه ابعينه
………
أرد أشبكه وأرد أحط خد اعلى خد بلكي يگعد وأرد أناشد لو گعد
أرد اكله الغيبه منك ليها حد
لو تروح وما ترد اعلينه
………
أرد أغسّل هامته ابفيض الدمع وأرد أونن ونّتي الماتنسمع
أوياه أروح اوياه اذا گبره يسع اوياه اريد الكبر لو يكفينه
………
أرد اسولفله وأخبره ابحسرتي امصيبتين أمست عليّه امصيبتي
بعد مانشفت على امي دمعتي ورحت ياخيمتنا ومخلينه
……… .
أرد أكله لو رحت يابو الحسن
حكها زينب تهمل المدمع مِزَن
جدي وأمي ومحنتك أم المحن أمري وأمرك ياعلي البارينه
……… .
حگي لو من دم بجيت ولو نحت ولو ندبت ابعالي صوتي ولو صحت
بويه سلّملي على امي لو رحت كلها طگها الدهر بسچاچينه
……… .
آه يافكد الابو ايفت الكلب گربه جنه وبعده نار وتلتهب
ولو بناته ايعن عليها وينطلب
ويلي لو صاحن الغايب وينه
……… .
أمري لله وأطلب من الله الصبر اشلون اشم ريح العذب وانت ابگبر
بويه بينه العيد اذا باچر يمر يكبر امصابك يحيـــدر بينه
…………
ورحم الله من صلى
على محمد وآل محمد
د- كاظم المعقلي
/channel/rdeaa
استشهاد الامام علي ع
هلي يا عين راح ابو حسين
بشهر الاصيام صرنه ايتام
****
گلبي محزون والعيون عسن گد السمه
اشگد تمنيت ترجيت يفيضن بس دمه
حدر الاتراب بالاخظاب وسف حامي الحمه
عايشه جروح عله الروح چبيره الموزمه
ظلت الآه صبري وياه
جفني ما نام صرنه ايتام
****
مات الاحساس والانفاس ولا بيها طعم
جمر الافراگ والاشواگ عله ضلوعي هجم
والدي راح اطگ راح على راح الالم
وحشه دنياي بگت هاي مثل وجه العدم
موحش الدار بصدري چم نار
سوده الايام صرنه ايتام
****
بداري انعاه وجر آه صرت لمصيبته
اشينفع اونين وابو حسين بقت بس ريحته
من يجي الليل اون حيل وطب الحجرته
اتدور اچفوف انه اشوف سبحته وتربته
الغالي مفگود وسفه ميعود
كلشي محتام صرنه ايتام
****
دمعي ما مات والاهات تفتر ما رضت
كلشي بالکون شكو عيون على حالي بچت
اشگد مساكين بالاونين لعد بابي اجت
ثاري يردون يمرون عله چفوف البخت
اليمسح الراس ما اله انفاس
دنگ الهام صرنه ايتام
****
تدري بالحال يلاهلال يريتك ما تطر
تبقه بسماك انه ارجاك بعد هذا الفجر
تطلع اتريد وانه الحيد دفنته بالگبر
بلون الاحزان والاشجان صرت هيكل صبر
بين الاچفان اغلى انسان
اندفنت احلام صرنه ايتام
****
الشاعر اياد الديراوي
وداعآ ياعلي حامي الحمه
////////////
الدنيا ماترحم يتامه ياعلي وايتامك
كلهه مطبوره يحيدر ويه طبرة هامك
كلمن اچفوفه اعله گلبه ماترد ايامك
بالگبر حسيت چنك ماتتم اصيامك
يحيدر هاي صيحة فاطمه
وداعا ياعلي حامي الحمه
///////////////
عدمن اتودع اعيالك ياعلي بخلافك
وين يلگون الشبك والي بيه اوصافك
ويلي ملك الموت لمن گرب من اشفافك
اشلون من اجفوف زينب يهدون اچتافك
اشيصبر ياعلي
وداعا ياعلي حامي الحمه
///////////////
هذا الحسين اعله راسك طايحات ادموعه
والحسن صبر خواته والحزن موضوعه
وانه وي حسين لجلك ياعلي مفجوعه
ضلعي يلچمني وسطرتي عالوجن مطبوعه
واجيتك والاضلوع
وداعا ياعلي حامي الحمه
///////////////
ياهو الايلمهم يحيدر لو اتغمض عيونك
وانته كلشي ايهون عدهم لمن ايشوفونك
علي ابنص اليل فزو خاف مايلگونك
اشكثر صاحلك يحيدر من مشيت ابهونك
بناتك علي اعليك امعلمه
وداعا ياعلي حامي الحمه
///////////////
ياعلي وشوف المصيبه اذكرهه وتبچيني
باجر ابطف المنايه ياعلي اتلاگيني
انته الحك خدر زينب وانه انعه حسيني
انه اواسيك المصابه وانته هم واسيني
على الگاع واليرويه الدمه
وداعا ياعلي حامي الحمه
خادم اهل البيت علي الزرگاني
خبــر مـوجـع
صدح هذا الخبر وي الفجر من طر
وليكم هامته بسيف الغدر تنطر
وا ويلاه يا با الحسن
خبر موجع ينادي بحسره و بوَنَّـه
علَى الشيعه صواعق لن نزل چنه
لحگوا المرتضى بدم هامته اتحنه
وليكم ساجد ابمحرابه و اتطبر
وا ويلاه يابا الحسن
يِّعلَـم حيـدرا بهــاي آخـر أيـامـه
و يدري بالمرادي يفلـق الـهـامـه
غَرگَت بـالدمايه ابراسه لعمامـه
من راسه الدمه ميزاب تتفجر
وا ويلاه يابا الحسن
أبن ملجم يشيعه المسجده أتعنه
حُـرَم اهلـه و حرمنه يا خلگ منـه
راسـه انطر قسيم الـنـار و الجنـه
يتچولـه رجـع للبيـت يتعثــر
وا ويلاه يابا الحسن
رد البيتـه راسـه اتشـده عصــابـه
يهالشيعه كلف حيـدركم أصوابـه
بسيف امسمم الملعون من صابـه
ما ينفع دوه السم بالجرح أثَّـر
وا ويلاه يابا الحسن
خَطِر لصواب والله ومن كثر هوله
گام و ما گدر يسند علي طوله
الحسن وحسين لن اخذوا يتچوله
ما يمشي اعله طوله وسفه ما يگدر
وا ويلاه يابا الحسن
علـى وسادة منيته لــن يوسدونه
و على عياله تدير و تدمع اعيونه
بعــد يـوميـن اهلـه مـا يشوفونـه
منظر هَز عرش بارينه هالمنظر
وا ويلاه يابا الحسن
شُبگته العقيله و سالت ادموعـه
حس ابشبگته شگد بنته موجوعه
حتـار شلون منهـا ايسكن الروعه
و وصاها الطفوف حسين تتحظر
وا ويلاه يابا الحسن
خبرهـا بأخوها حسين و طفوفه
باچر عالرمح راس الولي تشوفه
و ابو فاضل يطيح امگطعه چفوفه
و بعد حرگ الخيم للشام تتيسر
وا ويلاه يابا الحسن
كريم الحاج فليح
يا عمار إن رأيت عليّاً قد سلك وادياً وسلك الناس وادياً غيره فاسلك مع عليّ
حديث عمار بن ياسر وأبي أيوب رضي الله عنهما أن رسول الله صلى الله عليه واله وسلّم قال: (يا عمار إن رأيت عليّاً قد سلك وادياً وسلك الناس وادياً غيره فاسلك مع عليّ ودع الناس، أنه لن يدلك على ردي ولن يخرجك من الهدى.
اتقدم بخالص العزاء والمواساة إلى سيدي ومولاي صاحب العصر والزمان بهذا المصاب الجلل ،،وأسأل الله لي ولكم إن يجعلنا من الموالين والسالكين بطريق أمير المؤمنين علي عليه السلام ومن شيعتة ومحبية
خبــر مـوجـع
صدح هذا الخبر وي الفجر من طر
وليكم هامته بسيف الغدر تنطر
وا ويلاه يا با الحسن
خبر موجع ينادي بحسره و بوَنَّـه
علَى الشيعه صواعق لن نزل چنه
لحگوا المرتضى بدم هامته اتحنه
وليكم ساجد ابمحرابه و اتطبر
وا ويلاه يابا الحسن
يِّعلَـم حيـدرا بهــاي آخـر أيـامـه
و يدري بالمرادي يفلـق الـهـامـه
غَرگَت بـالدمايه ابراسه لعمامـه
من راسه الدمه ميزاب تتفجر
وا ويلاه يابا الحسن
أبن ملجم يشيعه المسجده أتعنه
حُـرَم اهلـه و حرمنه يا خلگ منـه
راسـه انطر قسيم الـنـار و الجنـه
يتچولـه رجـع للبيـت يتعثــر
وا ويلاه يابا الحسن
رد البيتـه راسـه اتشـده عصــابـه
يهالشيعه كلف حيـدركم أصوابـه
بسيف امسمم الملعون من صابـه
ما ينفع دوه السم بالجرح أثَّـر
وا ويلاه يابا الحسن
خَطِر لصواب والله ومن كثر هوله
گام و ما گدر يسند علي طوله
الحسن وحسين لن اخذوا يتچوله
ما يمشي اعله طوله وسفه ما يگدر
وا ويلاه يابا الحسن
علـى وسادة منيته لــن يوسدونه
و على عياله تدير و تدمع اعيونه
بعــد يـوميـن اهلـه مـا يشوفونـه
منظر هَز عرش بارينه هالمنظر
وا ويلاه يابا الحسن
شُبگته العقيله و سالت ادموعـه
حس ابشبگته شگد بنته موجوعه
حتـار شلون منهـا ايسكن الروعه
و وصاها الطفوف حسين تتحظر
وا ويلاه يابا الحسن
خبرهـا بأخوها حسين و طفوفه
باچر عالرمح راس الولي تشوفه
و ابو فاضل يطيح امگطعه چفوفه
و بعد حرگ الخيم للشام تتيسر
وا ويلاه يابا الحسن
كريم الحاج فليح
/channel/rdeaa
لا فتــى الا علــي
لا فتــى الا علــي
:::::
علي اول مو اخير علي بس انت الامير
يا علي ذكرك عباده للبشر
بس علي خير العمل علي حل للماله حل
علي حبك دائمي مو كم شهر
ما تهمنه المرتبه نحبك علي
فدوه احنه نروحلك انه وهلي
يبقة حبك علــي هــو الازلي
لما يحبك هذا غلطان شكثر
انت يا حيدر علي ليلة قدر
الشفاعه نريدها بيوم الگبر
لا فتــى الا علــي
:::::
بيك نعبر عالصراط اليبغضك عنده انحطاط
الما يحبك عنده خله من العرگ
انت باء البسمله الما هل انت هله
يا علي للموت ابد ما نفترگ
الما يحبك هـــذا لازم ينقرض
الفرض وبدون ذكرك مو فرض
باچــر الاعمال يمــك تنعرض
انت من ادگوم تنطق يا اسم
بيا علي الكرار تصبح بالعزم
هذا ابو الحسنين شيخ اعله الزلم
لا فتــى الا علــي
:::::
قبل من تدخل حرب درب ما الهم درب
أقوياء بالعنزه ما يبقه الهدم
ياهو قالع خيبره لو علي لو حيدره
بهاي يا ابو حسين تشهدلك زلم
من طلع عمر ابن ود محد برز
صار بيدك سبحه ومطشر خرز
انت بيدك يا علي كلشي أنجز
تبقه وحدك يا علي انت الامير
يا رئيس الدوله يگعد عالحصیر
الما يصير ويم علي حتمآ يصير
لا فتــى الا علــي
:::::
علي صاگرهم صگر بالصلاه ما ينعبر
اسد غالب يا علي يرهم الك
علي سر ما ينحرز بس علي صدر وعجز
الملك حبك يا علي كلشي ملك
احنه من دونك نهر وبلايه ماي
وانه اشمنك علي ما شهم هواي
بيدك يدور الفلك ارض وسماي
انت يا حيدر رئیس المعجزات
بيك تنحل يا علي النايبات
علي بفراش النبي بس هو بات
لا فتــى الا علــي
:::::
علي حيرت العقول يا علي فحل الفحول
يا روايه تكفي يا كاتب قصص
علي دور عالفقير علي ما يلبس حرير
ندري غيرك يا علي يدور حصص
عدنه اسمك احنه احلى من العسل
يطلـع يخبـل بأسمــه المستهـل
الدين يا حيدر علي بيدك كمل
الأحاديث شكثر مــا تنوصف
انت يم الباري يا حيدر عرف
چنت وحدك يا علي تنعد بألف
لا فتــى الا علــي
:::::
علي جبار الكعبي
الفاتحه لوالدي
/channel/rdeaa
خَيْرَةُ اللهِ وَصِهْرَا لِلنَّبِي**
عِنْدَ بَيْتِ اللهِ مَخْضُوبُ الجَبِينِ**
===================
حِينَما كَانَ يُؤَدِّي فَرْضَهُ**
قَدْ أَتَاهُ الأَشْقَى بِالحِقْدِ الدَّفِينِ**
===============
مُزِّقَ القُرْآنُ وَالحُزْنُ اعْتَلى**
وَ هَوَى اليَوْمَ أَمِيرُ المُؤْمِنِينِ**
================
هُدِمَتْ وَاللهِ أَرْكَانُ الهُدَى**
نَادَى جِبْرِائيلُ فِي الجَوِّ حَزِينِ**
================
خُضِّبَ الشَّيْبُ الشَّرِيفُ بِالدِّمَا**
نَادَى فُزْتُ أَيْ وَرَبِّ العَالَمِينِ**
=================
فَوْقَ أَكْتَافِ الحُسَيْنِ وَالحَسَنِ**
كَانَ مَحْمُولًا بِحُزْنٍ وَأَنِينِ**
=================
لَهْفِي لِلْحُورَاءِ كَانَتْ تَنْتَظِرُ**
فَأَتَوْهَا يَحْمِلُوهُ الحَسَنَيْنِ**
=================
فُجِعَتْ فِيهِ وَصَكَّتْ وَجْهَهَا**
أَبْتاهُ مَنْ لِي فِي بَاقِي السِّنِينِ**
=================
قَلْبُنَا قَدْ صُبَّت يَا خَيْرَ الوَرَى**
حَسَنٌ نَادَاهُ مِنْ ثُمَّ الحُسَيْنِ**
================
اسالكم الدعاء رائد الاسدي
علياً واعليا
؛::::::::::
علي النبض بكلبنه عشكنه وشكنه
على حبه ربينه ولا غيره عرفنه
ابو حسين بمصابه اله مأتم نصبنه
اله تلوك الولايه الرفع بيده علمنه
علياً واعليا
؛؛::::::؛؛
حمدنه الله ونشكره علي حيدر ولينه
يحبه الله اليحبه يخيمه انت علينه
علي اول نحسبه ملك حبه يلمنه
الامر من الله بيده عرفنه الله عله دينه
عليا واعليا
::؛؛؛؛:::؛؛؛
يقران الجلاله الك تحله القياده
امير اعله البريه ملك عينه العباده
يمصباح الهدايه يسلطان الشهاده
لبس تاج الامامه امير من الولاده
عليآ واعليا
؛::؛؛؛؛؛؛؛؛:؛؛؛
اجه بسيفه المرادي طبر راسه الامامه
الدمه خضب لحيته صفت حمره العمامه
اجت تجري دمعها عله بابه الايتامه
يكسرتنه الجبيره يرب رده بسلامه
عليا واعليا
؛::::::::
يبونه الفركه صعبه عشرتك بينه حلوه
قليله شما حجينه عمرنه لعمره فدوه
يبو تراب وابونه علي يلكله نخوه
اليخاف انت امانه كلبنه بهم تجوه
عليا واعليا
هاشم الدراجي
يا ضوانه وعـايف البيت
عالجنازه بحسره ناديت
ترحل شلون............حمره العيون
بويه...بويه
==============================================================================
1️⃣
الفركه صعبه.........والتحبه
الـدمعـه مـن تـوكـع تنـدبـه
وكلشي واضح.....بالملامح
الجـان خـيمه اليـوم رايـح
~~~
ياضوه عيوني شعجب عايفني وحدي
مـن يـضل فـارغ مـكانك حـزني يبـدي
والـمـدامـع كـلـها طـاحـت فـوك خـدي
~~~
كلشي يسأل يا بو الحسين
باقي حـزنك تـارس الـعـين
وكلشي محزون........حمره العيون
بويه.....بويه
=====================
2️⃣
كلبي صاير........بعده حاير
وحـضرت كـل دمـعه باجر
صبري قاسي....من يواسي
بـدال راسـه كــــون راسـي
~~~
مـن نـزف راسـه ذبـل عــطـر المحـنه
مـن اختـفه صـوته تطـشر كل شملنه
مـن اخـتنك صدره بعد يا جف يلمنه
~~~
ابليله سـافـر والدمـع حـار
وحـشه ظلـت تـسأل الـدار
عمري مدفون...........حمره العيون
بويه....بويه
=====================
3️⃣
الحسن شفته..يبجي سكته
وتـجـري ع الـوالـد دمـعـتـه
ظهره مايل......حزنه واصل
مـن الفكـد أصـعب مـراحـل
~~~
وكل جفن خالي مـثل محرابه شفته
والدمـع نازل يـضل من فكده سـكته
من يـفاركنـه الهـوه يا روحـي مـيتـه
~~~
الحسن كلبه عليك مجروح
من البواجي صوته مبحوح
ودنيته اتهون............حمره العيون
بويه....بويه
=====================
4️⃣
شفنه الحسين...داير العين
يـم حـجــرتك زاد الـونـيـن
بصوته حسره...شاف ذكره
صـاح كــلبـي مـن يـصـبره
~~~
من لطم صدره نجمعنه اكـباله نسمع
من شفـت بعيونه كلمة حسـره تطلع
من عكب عينه صعب ينشفلي مدمع
~~~
الفركه صعبه وهدت الحيل
بشهكه يـخلص بعـدك الليل
شما يشيعون............حمره العيون
بويه......بويه
=====================
5️⃣
تدري زينب....كلبي شيب
مـن عـذابـك نـاره تلـهـب
وهذا عباس...دنك الراس
هـيه فـركه تهـضم الناس
~~~
ابحيره عايش كلبي ولجيته يتوسل
واليـتم كاصـد اجـه وحـلمي يتـبدل
وكصدت البابه نـشوف ايتامه تسأل
~~~
ماكو رجعه وسافر الماي
تبقه زينب تعطش هواي
وسافر الكون............حمره العيون
بويه.....بويه
=======================================
محمد خشان ✍️.
=======================================
📖
📃 زيارة الامام علي (عليه السلام
ماانسه ذاكه الصبح.. طر گلبي صابه برمح
متعني جايب جرح... ماله طبيب ايداوي
.................
جرح الهجر عرفته.. بعيوني حين الشفته
يبس الحيدر شفته ... واني تغير لوني
جاب الحزن وجاني.. بلادمعه ماخلاني
يم والدي بجاني.. وشيضمه دمع عيوني
يحاجيني ابوي بدمع عينه
حجي مخنوك مابيني وبينه
ضل الألم ياكل بيه ياناس
ابدال اسوالفه اسمع ونينه
انضر علي مو علي.. وحيله مشه الاولي
بس عينه تنضر الي.. ماله طبيب ايداوي
......................
ذكره وتضل جديده.. ويوميه جرحه اعيده
العام موبعيده... من طب عليه بدمه
ماانسه ذاك المنضر.. وي روحي ضل يتكرر
مسندينه اخوتي ويعثر.. وكوه يطلع الكلمه
هواي الصور بس وحده اعله بالي
كبالي ايلوج اشوفه العندي غالي
ابوي اعله الوساده ولونه مخطوف
أسأله ومايجاوب عن سؤالي
شلونك اكله بحزن... مايهز حته الجفن
موطبعه لاكن يون.. ماله طبيب ايداوي
.......................
مكسوره أكعد يمه .. جرحه كلف ويلجمه
وتلجمني شوفت دمه .. يعصر بگلبي صوابه
ايسيل الدمه امن الهامه ... وماكو اعله راسه عمامه
مايهده من الامه ... ضماد الجرح عصابه
موقف اخذ روحي الله اكبر
معصب راس ابوي ووجهه اصفر
يدير عيونه بيني وبين عباس
اكو بگلبه حجي امن اصوابه اخطر
بكربله يدري انهضم... ومن اخوتي انحرم
اصوابه جازي العظم... ماله طبيب ايداوي
.................
دمعه اعله خده نازل... ويصيح يابو فاضل
عباس انته الكافل.. زينب امانه بأيدك
حط ايدك بأديهه.. وبعيونك تخليهه
هاذا الزمن ياذيهه.. انته الكفيل تريدك
ياراعي الامانه هايه زينب
بوجودك مااريد اسمعهه تنحب
عليهه هواي خايف ياابو الجود
لون عنها غبت زينبك تتعب
بيه يوصي الگمر.. لو عال بيه الدهر
ذبل عيونه السهر.. ماله طبيب ايداوي
......................
شفت الحسين بدمعه.. والحسن لازم ضلعه
حاروا اخوتي بوضعه.. مسموم سيف الصابه
البلحرب ثابت عزمه.. ومارجف من كل زلمه
عياله عليه ملتمه... طايح وسط محرابه
الدنيه الدارت بحيدر عليي هم
تدير وتحرك اعليه المخيم
احير ابين غربه وولية اجناب
وصدر حسين كدامي ايتهشم
واليسر دربه صعب.. والناس كلها غرب
ياخلك جرح الگلب.. ماله طبيب ايداوي
محمد هادي العقابي
الليله مطبور الولي
ياعلي الله واكبر ياعلي
***
عمامتك حيدر بقت
ساجده لله اوشكت
زينب الحره بچت
لا ولي الا علي
ياعلي الله واكبر ياعلي
***
صاح جبريل اوثقب
طاح سيدهه انظرب
اليله محزونه العرب
لا ولي اله علي
ياعلي الله واكبر ياعلي
****
سيف عدوانك غدر
خالي محرابه الفجر
الليله مخسوف البدر
لا ولي اله علي
ياعلي الله واكبر ياعلي
***
الحسن يوم السمع
حيدر انصاب اوكع
حافي وبسيفه طلع
لا ولي اله علي
ياعلي الله واكبر ياعلي
****
صوت يهتف بالسمه
علي طبره مسممه
صيحو ياحامي الحمه
لا ولي اله علي
ياعلي الله واكبر ياعلي
*****
ياعلي كوم بسلامه
صاحت الليله اليتامه
راحل اوبانت علامه
لا ولي اله علي
ياعلي الله واكبر ياعلي
****
خادم خدام اهل البيت
محمد نعمه السكيني
وداع امير المؤمنين ع
ليلـة اوداع ومـصيـبة .. حيدر ايـودع الغـريبة
العـبرة غصت بالحناجر
وفاضت ادموع النواظر .. ليلة وداع
…………………………………………
هاي اخـر ليلة الـه حامي الحـميه
بدنـيـتـه المـنـها شبـع ضيم واذيه
راح روحـه تـعـرج بـهاي المـسيه
وتـلـتـقي راح ابمـحـمـد والزچـيه
لكن اليكسر فرحـته .. بالاحزان ايعوف بنـته
اختلطت ابروحه المشاعر
وفاضت ادمـوع النـواظر .. ليلة وداع
……………………………………………
يودع احبابه علي وبصدره حسره
ودمعـته تنزل على الخدين جـمره
وداعه هاليلة علي كـاسرلـه ظهـره
ينـظر بذيـچ الوجـوه اشلون نظره
هايـه نـظرات الاخيره .. تركت بنص روحه حيره
بالـوداع اللـيلـه حـايـر
وفاضت ادموع النواظر .. ليلة وداع
……………………………………………
عينه بعـيون الغـريـبه ودمـع العـيـون
يشرح الحـيدر مصيـبة غربـة ام عون
چـن تـگـلـه بالمدامـع بـاچـر اشـلـون
هم تجي بالطف يبويه تشوف المتون
لـو تخـلـيني يحـيدر .. وحدي ابلا خيمة بالبـر
بويـه اريد اهناك حاضر
وفاضت ادموع النواظر .. ليلة وداع
……………………………………………
بويه كونك تحضر بطف المصايب
تشوف شبـان الهواشـم عالـترايب
وبالبـراري تـركـض هـناك الغـرايب
وما كو واحد يفزلعـنه من الغوالب
كلها نومه اعله الوطيه .. مذبحين اهل الحميه
جـثث بويه ابـلا مناحر
وفاضت ادموع النواظر .. ليلة وداع
……………………………………………
كـون تحـضر كربلـه بساعـتـها واتـشوف
خيام محترگـه وعجاج الخليل والخـوف
وعالحـرم ذيـچ العساكـر تـفـتـر اصفـوف
بيش ادافع واني حرمة وچفي مچـتوف
حرمة مفجوعة وحزينه .. بويه اندبـك ما تجينه
تحامي عنه من العساكر
وفاضت ادموع النواظر .. ليلة وداع
……………………………………………
كون تحضر ياعلي وتشوف الحسين
نايم بحـر الشمـس وموسـد الايـدين
وعالشريعـة كـافلي مگـطوع چـفـين
وسهـم المـثلث نبت يا بويه بالعـيـن
من العشيره ما صفالي .. بس عليل ايشد حبالي
ياهـو يدفعـها المخاـطر
وفاضت ادموع النواظر .. ليلة وداع
الشاعر عقيل الحسناوي..
ايتامك ايتامك
من وزن المجرشه
شعر دكتور كاظم جاسب المعقلي
♡♡♡♡♡♡♡♡♡♡♡
أيتامك أيتامك.... يابويه أيتامك
تبجي ابعبره
بدمعه وحسره
يابويه أيتامك
*****
يا با الحسن فاض الصبر
ما ظــل صـــبر بغــيابك
صــاب الكتاب ابهــامـتـه
وهد ركنه سيف الصابك
ناح العرش وأهله ابهظم
نــزلــت تــون ابــبابـــك
خضـبو هـــامات العـرش
مـن دم البمــحـرابــــــك
مفجوعه مفجوعه.... بالطبره مفجوعه
بيوم الطبره
تبجي ابحسره
.... يابويه ايتامك
*****
ياحيدر ابلحـظه انــهدم
سور الاسلام اتلوّه
لمن هتف ناعي الحزن
وبصوته بالهم دوّه
سيف المرادي ابضربته
ويه الايتام اشـسوه
چافــلنا صـاحو ياكـتـر
عاف الايتام او نوّه
چافلها چافلها ... تبجي اعلى چافلها
شال لگبره
تبجي ابحسره
يابويه ايتامك
*****
يابويه دارك موحشـــه
والمنبر ايعــزيـــها
والمسجد أركانه ابدمع
محرابك ايواسيــها
بويـه الارامل فـكـدتــك
من بعدك ايمر بيها
وتـيـتـمـت بعـد اليـتــم
أيـتـامك ابـوالـــيها
حزنـانه حزنـانه.... مهظومه حزنانه
وعالخد جمره
تبجي ابحسره
... يابويه أيتامك
******
من طش خبر ناعي الحزن..
وتكـدرت دنيانه
صـاح الوحي الديـن انـثلم
وتـهـدمت أركـانـه
ونعش الولي ابحين انحمل
وأستبشرت عدوانه
حن او ركـع جــذع النـخـل
وي حايط الحنانه
وفـقـّاره فـقـاره.... وشحاله فـقـــاره
حار ابأمره
تبجي ابحسره
.... يابويه أيتامك
*******
يادمعه فيضي اعلى الجفن وشتعـلي يا نــيرانـي
راح الـتفـكده أهــل العـــلم من فگده كلها اتعاني
جابـتــه الـدنــيــه ومابـعــد تطلك وتــولـــد ثـاني
آيــا هـظــمــنه ابغــيـبته
چـف الـوفا المتفاني
شـيعوده شـيعوده... والينــا شيعـوده
تحـت الغــبره
تبجي ابحسره
يابويه أيتامك
*****
هاللـيله وحـشـه وعـيلتك
آيـا حــــزن هـلعـيـــلـه
خالي المجان اتصد الـه
ومـن دم دمعها اتسيله
لــيلة حــزن آل الـنــبـي اشيـكضيها هاي الليله
چلچـلت بالــهم والقـهـر
حزن الاكــوان اتشيله
والشيعـه والشيعه... ما غمضت الشيعه
بعد المســره
تبجي ابحسره
.... يابويه أيتامك
******
ينصركم الله - يالنصرتوني
دمع العـزيه - كحل عيوني
*
1= أنه حــــيدر - مـــــا تأخر - عــنكم بــــيوم القيامه
باجر أحضر - للي يضطر - أزرع بــــوجه بتسامه
أنه كــــافل - وأبو فاضل - بكــــربله مني علامه
أحنه أهلها - مـــا نخـلها - الشيعه توكع بالضلامه
****
أنتو تهووني - وأنه أهواكم
أنه والزهـــره - باجر ويـاكم
**
2= أدري دربي - درب شائك - أيتعب اليسلك طريقي
وبالــــنهايه - الماتــركني - باجر أعـــــتبره رفيقي
هاي دنــيه - طلكــــــتها - وأبد ماضاكت رحـيقي
صيرو مثلي - لا تـــغركم - واليطلـــــــــكها صديقي
****
لا تغــــرركم - حلو ملمسها
باجر تــــبيعه - لليــقــــدسها
3= خيـــــــبريه - وحنينيه - أنه ياشـيعه حروبي
ناصر الحق - ما أبالي - ما أغــيره بيوم ثوبي
معــــجزاتي - ليه تشهد - أيوكـع الفارس هبوبي
أنه ثابـــت - أنه قــادر - محد أمسجل هروبي
*
فقاري تشهد - بي جحافلهم
أني الصميده - أني قاتـــلهم
****
4= ضوكـــــوني - شكد متاعب - شفت بيامي العشتها
أنغصب حقي - احـترك داري - وعصرة الزهره شفتها
من حقــدهم - شاب كلـــبي - دنيه يمهم مـــاردتها
صرت وحدي - مالي صاحب - حباب روحي ودعـتها
****
أيشيب عذابي - مـــن أشرحنه
أحــنه أهلها - وكلشي ما ألنه
5= وأنه صايم - بيه غــدرو - حته مـــــــا تمم صيامي
وبسجــودي - أنطبر هامي - وفرضي حرموه من قيامي
رحــت وأنه - زغار ولدي - وأنه البزينب هــــــيامي
ودعــــــتها - ويتمــــــتها - وهـــــيه تصرخ يا أمامي
*
يتمت زينب - مني حرموها
بنتي بغيابي - تبجي خلوها
*
الخادم عبد الجليل المالكي
/channel/rdeaa
يوم الشهاده
من وزن التجليبه
شعر د- كاظم جاسب المعقلي
*****
علي بيوم الشهاده رسم اروع عباده
غارك من دما اصوابه
يم منبره ومحرابـه
رسم اروع عباده
*****
علي ابلوح العرش فوك العرش آيه
علي بسيفه الحما الدين وحما الثايه
علي الراي السديد الماخطا ابرايه
علي الليله الصميده ابجرحه وبدايه
جرح يلماله طيبه
منه أيس طبـــيبه
وتكرّب معاده
رسم اروع عباده علي بيوم الشهاده
*****
علي الليله الجريح امخضب الهامه
علي ابشهر الصبر ماتمم اصيامه
تون من ضربته وتتحسر ايتامه
ويون منبر علي ومحرابه وأعلامه
ثكيل الليله فگده
يغيب وماله رده
والكوفه اتتناده
رسم اروع عباده علي بيوم الشهاده
******
علي ويا قل هو اللـهُ علي الشافع
علي الكاسر حصن خيبر علي القالع
علي الماشافه واحد من حرب راجع
علي اول احزام بكل حرب فازع
علي معنىٰ الامامه
علي رمز الزعامه
يدين الله وعماده
رسم اروع عباده علي بيوم الشهاده
******
علي النقطه ابحرف باء الذكر حيدر
علي علوم الغميجه البيها يتبصر
علي اليقسمها نار وجنه بالمحشر
علي اشلون انضرب والخاطر اتكدر
جبل ياوسفه واگع
يون وبدمه ناگع
ابسجوده الباري راده
رسم اروع عباده علي بيوم الشهاده
*****
علي ولوما سجوده الدنيا من تلتم
يهدها احزامه حيدر كونه يتحزم
اله ابخيبر شجاعه اشلونه من دمدم
انا السمتني امي وهتف يترنم
شلع باب وتحده
خلع بس چفه مده
تسدد بالاراده
رسم اروع عباده علي بيوم الشهاده
*****
علي اليوم ايتلوه وتستعر ناره
طريح وماركد بگرابه فقاره
اله المسجد نعى ودمعاته تتجاره
وعلى اطراف الثنيه اتعوده زواره
تريد الكل تودعه
تون عالوجنه دمعه
ترد تذكر جهاده
رسم اروع عباده علي بيوم الشهاده
*******