834
Haitham Al-Lami
(ياهلي)
ياهلي مابـيـه حـيلـه والله تعبني الـغـرب
يا هلي هالعام وحدي آنه وبموقف صعب
ياهلي ياهلي
*-----------------------*-----------------*
ياهلي يمته تجوني خاطري بحاجت جبر
مابقت دمعات عندي وبالغرب ذاب الصبر
الـصـحـن فـارغ اشوفه انـي للجيه انتظر
بيش اصبرنّـه دليلي مـنـي مايـقبـل عـذر
هل سنه تصعب عليه مـاكـو بصحني لطم
هل سنه بدموعي ابقى بين حسرات وهظم
*----------------------*-------------------*
والله منتظره تجوني حيل ماعندي بـعـد
كافي مليت البواچي ليش انـوحـن للابـد
السنه ماكو مواكب يعني هالـغـربـه اشـد
وين عباس الكفلني وين اليوفّي الـوعـد
حيل محتاجه الوجوده هالسنه بحاجت كمر
حيل تـعبنـي زماني والـظهـر مـنـي انـكـسـر
*-------------------------*--------------------*
انعادت اعليه المصايب وآنـي مابـيـه تعب
ياهلي حرموني منكم اعتب وحَـگ العتب
ليش يردوني غريبه ماعرف شنهو السبب
تنزف اجروحي بعدهه والگـلـب نـار التهب
منعو بصحني المواكب الچانت الروحي دوه
منعو الزوار تلطم الـتـنحـب واتـبـچـي سـوه
*---------------------*-----------------*
شحچي عالشام وغربته التارك بروحي جرح
ضيّـع اسنيتي وحياتي والـدمـع مـنّـه يـسـح
ماترگني الهسه بـعـده غـيّـب بعيني الصـبـح
جدد اجـروحي عـلـيـه وينـثـر بنصهن مـلـح
البُعد والغربه صـعبـه بس تسليني الخَـدم
البعد كـاتلني جـرحـه يـنـزف ادمـوم وألـم
*----------------------------*-------------------*
السبي تكفيني ناره والله ما احمل هـظـم
كافي يادنيه عذابچ روحي شيّبهه الظلـم
عاشرت نوحي اونيني عاده خليلي اللطم
تحضر الخدام يمي وحضرتّي الـهـم تظـم
السبي يكفيني وحَده ليش متحزمه عَلّي
السبي لـلـيـوم اذِكّـره خـلـه أثـآره بـأدي
*---------------------------*-------------------*
✍خادم زينب ع
الشاعر رعد الجريخي
ها يروحي شلونها الماعدها اخو
ها يروحي وانه لا ام لا ابو
ارتفع صوتي وين اخوتي كرب موتي اشلون بيه
***
عندي اخو كلش حنين وعينه لخته
عمره ما زعلني من يوم العرفته
ذاك اخوي ال عالترب عطشان عفته
حسين جوه الخيل ويأشرلي شفته
كلي ارجعي عليج اخاف من السحك
كلي ارجعي دمعتج تحرك حرك
كطعوني وعطشوني وسلبوني آل اميه
**
ها يروحي اعزاز كلبي فاركتهم
بكربله وذيج الصحاري ضيعتهم
شلون بيه الموت اجاني وما شفتهم
جنازتي ايشيلونها اخواني ردتهم
بلايه اخوتي جنازتي وحشه تصير
بلايه اخوتي راح حتى ابموتي احير
فاركوني وضيعوني وما اجوني للمنيه
****
من يكلهم ماتت ام عون بحزنها
اخوان ماعدها وتجي تحضر دفنها
من يكلهم شدو بهيده جفنها
حيل زينب بعده يوجعها متنها
من يكلهم اصياطهم ترست كفاي
من يكلهم بهيده ديرو عليها ماي
الشمر ذبني وظل يسبني شكد ضربني وشد اديه
*
امنيتي ازورن كربله كبل المنيه
وبين اخوتي اكعد وراويهم اديه
راح اموت بغربتي ومحد اليه
وراحو ايدفنوني اكلهم يم رقيه
بنيت اخيي حسين جان ايحبها حيل
بنيت اخيي بالسبي راووها ويل
طشت شافت وبويه صاحت تالي ماتت حسره هيه
**
اوكف عله التل وصيحن ها يالعزاز
مو مثل باقي الجروح اجروحي تمتاز
يهلي تدرون الجنازه اجتاف تحتاز
وانه حتى اجنازتي ما بيها جناز
ها يخوتي تربي عالباب العيون
ها يخوتي يعني أيس ماتجون
ضاع كلشي ومنو بنعشي راح يمشي ويحن ليه
*
جنازتي عله الكاع ظلت يا حسرتي
ماكو واحد شالها وحن الغربتي
وكامو ايحشمون بالناس الدفنتي
وين جنتي وهسه زينب وين صرتي
ها يزينب ما كو اخو الليله اعتناج
ها يزينب وحتى محد شيعاج
ياهو انشدج حضر عندج وحفر لحدج يالسبيه
***
تمت
ميثم العمري
@tyyuuiiopp
ميمر أنتظار الفرج.
........................
جبت العمر. . دمعه وصبر.
أحسب علامات. . أنتظر.
يا. حجة الله المحجوب. ياجبر كسر البضعه
.......................................
يا ..يوسف الزهره انتظارك لا وين..
يل عن صبرنه صبرك انت بسبعين.
بيك النوى أين استقرت .للحين.
في نينوى . . أم ذي طوى.
في اي ارضٍ ... يا ترى.
يم ضلع صابه البسمار .لو يم صريع الدمعه .
......................................
يا..فجر يمته. اتحل غياهب ليلك.
يمته الفرج صبح. ومسه ادعيلك
كثر البجي يا سيدي هدّ حيلك.
تجري الدمع. .. دم عالضلع.
والكربلائك. . تنفجع.
تستعرض الطف والباب. ذاك الهظم شيجرعه.
.......................................
وينك .. يمن سر ( الاله ) بسرك
يا. أمنية كل شائق الينتظرك
يبن الاطايب يمته عيني اتنظرك
واسمع خبر. . بين البشر
رد. من غيابه ... المنتظر
من تصد عيني بعيناك. ثق ما تلمني الوسعه
.......................................
ياحجة الله بعيني راسم رسمك.
حتى ابمنامي اشفافي تلهج اسمك.
يوميه الف مره الدليل ايحشمك.
يمته الفرج.. يبن الحجج.
يا بلسم الكل.. المهج.
ناطر لقائك. مولاي وتوسلك كل جمعه.
......................................
كل جمعه اجددلك مشاعر نوحي
واقرالك الندبه. بلفيف اجروحي.
يالشوفتك صارت اعز من روحي.
يوم الهنه. . ويوم المنه.
لو نلتقي... بهاي السنه
لجلك اجيبنهه الروح واعلگهه مثل الشمعه.
...............................
خوفي العمر يخلص واموت متاني.
وبدرب شوگ الملگه ما تلگاني.
ذاك الوكت يالغالي لا. تنساني.
يل شوگي الك. . مابدلك.
حدر الترب. . وتأملك.
يالمهدي احلفُ بحسين. منك اريد الفزعه.
..................................
✍️ أبو منتظر الحجامي. 2024
قدر زينب. عليها السلام.
....................................
ليل وحشه وگلب ذايب
غـربه والمــــدمع يعاتب
من غفت بالنعش زينب ودعت أمــها المصايب
’’’’’’’’’’’’’’’’’’’’’’’’’’’’’’’’’’’’’’’’
من يمر طاريهه زينب حرك خيمه أحنه نشوف.
نــــذكر المحنه بصبرها والحـــــزن بينه يطــــوف
جــم جــــرح ينــــزف أسمها فاجعه بكل الحروف
والـــدليـــل أم المصايب صارت بــــوادي الطفوف
عاشرت جرح المصيبه
عاشت .وماتت غريبه
هونت يـــوم المنيه يــوم تــوديع الحبايب
من غفت بالنعش زينب ودعت أمــها المصايب
’’’’’’’’’’’’’’’’’’’’’’’’’’’’’’’’’’’’’’’’
عالجنازه هناك تنحب مو أهـــل صحبة مسير
صحبه من عاشر محرم ما يناضرهه نظير
الصبر والهم والمصيبه محنه قـــّدرها القدير
ماتشوف اعيون زينب بس غرب من تستدير
لا أبو اليطبك جفنها
لا أخو اليحظر دفنها
بالجفـّــن لا أم تلفـــهه بجفها لفتها النـــوايب
من غفت بالنعش زينب ودعت أمــها المصايب
’’’’’’’’’’’’’’’’’’’’’’’’’’’’’’’’’’’’’’’’’
عـــادت التّگرب منيته ايطالـــع اوجوه الاهـــل
زينب بأخر نفسها استرجعت كلشي الحصــل
استعرضت راس اعله رمحه وعين وجفوف الكفل
ختمت بنار المخيم صورة باحضان الاجـل
اتذكرت حرك العبايه
لوعت اسياط السبايه
اتفـّــزع ومحـــد يجيها جثث متوسده التـــرايب
من غفت بالنعش زينب ودعت أمــها المصايب
’’’’’’’’’’’’’’’’’’’’’’’’’’’’’’’’’’’’’’’ قبــل لا يسكن نفسها جن احس صاحت رقيــه
عمه ما عفتج اجيتــج عمه بس ماصح بديه
جيــت اسولفلج مصايب من رجعنه اشصار بيه
جيــت وتمنيت يمــج عمــه تاخذني المنيه
حته مانصبح غرايب
نكعد انسولف مصايب
يلتقـــن گبرج وگبـــــري عمه يم ذيج الخرايب
من غفت بالنعش زينب ودعت أمــها المصايب
’’’’’’’’’’’’’’’’’’’’’’’’’’’’’’’’’’’’’’’’’
هــذا مكتوب اعله زينب تندفن والهم جفنها
حته لـــو ماتت غريبه مايفاركهــا حزنها
تندفـــن لا بالمدينه لا عله التل صح دفنها
القدر حاكم عدله ميته ما تشم تربت وطنها
حته من بعد المنـــيه
أتـــريد تسبيها أل أميه
يصيح جــن صوت العقيله عجــل بثارك يغايب
من غفت بالنعش زينب ودعت أمــها المصايب
’’’’’’’’’’’’’’’’’’’’’’’’’’’’’’’’’’’’’’’’’’’’
✍️ ابو منتظر الحجامي
(ايها الهادي)
أيها الهادي النقي يبن الأطايب
================≈====================
نعم أقسم قسم وحگ راعي العلم
انه اموالي علي اظل بكل زمن
ياعلي الهادي بضريحك ماتطيح الرايه
شلون توگع من زغرهه بأسمك امسمايه
بعفّت الحره العقيله والحبيب حسيني
أمي وصتني عليهه يبني بيك اكفايه
أيها الهادي النقي يبن الأطايب
================≈====================
يعشگي الأولي وهيامي الأزلي
الحوائج تنگضي من اگولن ياعلي
ياعلي الدنيا چبيره حبكم الخلاهه
والله بآل البيت نعمه للبشر سواهه
لو لطم نگظي عمرنه مانوفي ارباكم
أصل دين الله أنتم ياخلايف طه
أيها الهادي النقي يبن الأطايب
================≈====================
إلك عالي الندا بسِر من رئا
نصر يتبع نصر رغم أنف العِدا
آنه المعَلَم عليهه صاحب العوزيه
ما تهمني لا وحگك ريحهه الغربيه
مدد من حيدر أمامي آخذ بكل ساعه
يالتعادي هيچ اطگك طگت الشرجيه
أيها الهادي النقي يبن الأطايب
================≈====================
خزان الأنبيا وشمس الأتقيا
أيا آل الرسول بكم صار الضيا
كونهه وكل المجره خاتم بيمناهه
فاطمه وسر الله بيهه منعرف معناهه
أيها الهادي أمشي اعليكم العلويه
كون تقبلني اصيرن بالحشر وياهه
أيها الهادي النقي يبن الأطايب
================≈====================
وحگ رب السمه لون صارت دمه
يماعوفك ابد يمجلس فاطمه
مو خدم مولاي ألكم بالكره الأرضيه
ملوك صرنا بهالخدامه نعمه ربانيه
وفق الله القائمين اعله المجالس هايه
بكل شبر من هالمدينه سوو حسينية
أيها الهادي النقي يبن الأطايب
================≈====================
6/2/2022 الأحد
#الشاعر_الميرزا_محمد_الساعدي
ام البنين ع
مو صدفه دار الزهره تصـبح دارچ
الله لعقيل اوحى و عقيل اختارچ
...................
ربچ اوحى ابقدرته قُم يا عقيل
اخطب ام الأربعه لحامي الدخيل
لبوه غير اشبال قطعاً ما تشيل
حره اصيله وما تخلف بس اصيل
سرچ عظيم او واحد امن اسرارچ
الله لعقيل اوحى و عقيل اختارچ
...................
لدار حيدر جيتچ چانت ربح
وللعقيله البلسم اليشفي الجرح
ابلا شمس ما ينعرف وجه الصبح
ودونچ الطف يبقه زاد ابلا ملح
يَمُ الوفه وأكراماً لأيثارچ
الله لعقيل اوحى و عقيل اختارچ
...................
درتچ ما غذت اولادچ اضن
رضعيتيهم وفه ابدال اللبن
انتي اول ام تمنت بالزمن
اچفوف ابنها اعله النهر يتگطعن
لا مو عجب يلمرتفع مقدارچ
الله لعقيل اوحى و عقيل اختارچ
...................
زينة الدنيا انعرف مال وبنون
وانتي عندچ كلشي لحسينچ يهون
اوصيتچ لولادچ ابحدي الضعون
سالمين ازعل عليكم من تجون
يل بس عله احسين احترگتي ابنارچ
الله لعقيل اوحى و عقيل اختارچ
...................
يبني يلعباس گلتيله ابألم
يُمه حاذر لا يجي لعينك سهم
انه كل خوفي اذا طاح العلم
زينب اتضل لا كفيل ولا خيم
چي خوفچ اعله ام الخدر واعبارچ
الله لعقيل اوحى و عقيل اختارچ
...................
يلوفائچ جاوز احدود الوفاء
انتي لا شك باچر اويه اهل الكساء
بيده ابو صالح لون حان النداء
يبني الچ گبه ومقام ابكربلاء
وكل الحوائج تنگضي لزوارچ
الله لعقيل اوحى و عقيل اختارچ
...................
سيد علي عبدالزهره الناجي
الله أيعينها الفكدت ضناها
ملك الموت جم مره أجاها
عـــــدله مدري ميته عمرها أنباك سكته
الوفيه. الوفيه
...........................................
يا ناس البشر كــــــل واحد وصبره
وهاي أم البنين الطاهرة الحره
شجرة بيت لاكن ماتت الشجره
لحد آخر نفس رادت رضه الزهره
ليل أنهار ما ينشف دمعها
وملك الموت محتار بوضعها
على أخدوده دمعته عدلــــــه مدري ميته
الوفيه الوفيه
.......................................................
هي أم البنين شجــــم جرح بيها
شيــب راسها وشابت معانيــــها
مثل أهلال تمشي الهضم حانيها
الضحت أربعة بيـــــمن تجازيها
العاشت كل حزنها وشاركتها
شالت والجنازة شيعتـــــــــها
الهضم تكتل صفنته عـــــدله مدري ميته
الوفيه الوفيه
............................................
آخر خيمة طاحت وانكسر ضلها
وطاحت طيـــحت العباس كافلها
رادت من ولدها جف يغسلها
ويشيعها الكبرها وهم ينزلها
صاحت ياخلك لو تسمعوني
ولدي ألأربعة خلهم يجوني
نعشي انشال سكته عدله مدري ميته
الوفيه الوفيه
...............................................
مثلها يا مره الحملت مثل همها
عاشت كل عمرها الموت هاضمها
شنذكر يا جرح والحيل ألمها
صور من كربله بكل يبني ترسمها
عاشت ويه زينب كل حزنها
وتسأل خاف ما وفه ابنها
وصيته أعله أخيته عدله مدري ميته
الوفيه الوفيه
................................................
حارت تتجه لاويــــــــــــن محتاره
ما ضل عدها والي التكصد الداره
بير أحزانها وما يكشف أسراره
حتى وهيه ميته الدمع يتجاره
تدعي أيعجل الباري أجلها
أمن اهلها مااجه واحد حملها
انهدم سور البنيته عدله مدري ميته
الوفيه الوفيه
.....................................
خادم خدمة الحسين
الشاعر
محمد الموالي
قصيده تحكي مظلومية الزهراء وزينب من هجوم الدار حتى دخول زينب ع للشام
............
باب الساعه وباب الدار
وكسر اظلوع وخيل ونار
حطب ..حجر ...خد عزيزه انسطر
رمح .. سهم ... وحافر اعله النحر
جا وشيضل بزينب
..........
حرك الباب وحرك الخيمه
نفس القصه وبيهه ايتيمه
ارقيه اهنا واهناك الحره
ابنار احتركو
زينب فكدت امهه بعصره
وارقيه حسين انحز نحره
شافت جسمه بسيف امكطع
سلبو سحكو
طفين عاشت زينب شعدهه اسنين
طف الزجيه الاول وطف حسين
عاشر محرم سلب من عدهه الروح
خمسين عام ام الخدر مو خمسين
جم امصاب ايهد الحيل
شالت زينب حمل اثكيل
لاول عمر ... زينب انحط قهر
رمح سهم ... وحافر اعله النحر
.......
بالصدر البسمار الثابت
بطفل حسين امثلث نابت
عطشان وما شارب ميه
كطعو نحره
عالزهره الباب امن اندفعت
شافت روح حسين الطلعت
نفس الرفسه ونفس الكسره
ابذيج العصره
شافت حسين امدد اعله التربان
يصرخ وحك جدي يعالم عطشان
والشمر كاعد فوك صدره بلا خوف
يكطع وريده العاش بي كل انسان
وزينب عالتل تنظر ليه
كلشي البيهه اينوح اعليه
دمه اليصب ... الهه راسم صور
سهم رمح .... وحافر اعله النحر
.....
لو ما هجمت ذاك الظالم
جا محسن زف بيده القاسم
والطف ماصار ولا ذبحو
بي غاليهه
لا راحت زينب مسبية
من يم كافلهه ومحنية
ادير العين الصوب اجفوفه
الحنت ليهه
من يمه راحت جسد عافتله الروح
تتعثر ابممشاهه لا وين اتروح
تاخذهه حسبات وتردهه الحسبات
مدري اعله جف كافلهه مدري المذبوح
تتلفت بدموع العين
لخوتهه اتكلهم ماشين
جانت تظن ... الهه يكعد كمر
رمح سهم ... وحافر اعله النحر
......
اه يالوعت زينب لوعه
السجاد يسولف بدموعه
كسرت كلبي عمتي زينب
أباب الساعه
وكفت والشمس اتغطيها
حركت كلشي امبين بيها
توكف مره وتوكع مره
ومحد راعه
الجانت اميره ظلهه ما يوم انشاف
لسوك طبو بيها مجتوفه اجتاف
يتفرج اعليها الصلف وكح العين
وذباح اخوهه الجان من اسمه يخاف
اه يالوعت طبت الشام
ابزينب زرعت كَوم الاَم
طبل ضحك ... سمعت ابلا مفر
رمح سهم ... وحافر اعله النحر
....
الله يساعد كَلبج زينب
كسر اظلوع وجسم امسلب
وراس اعله الرمح امعلكينه
شافت عينج
نار وخيل ودوست حافر
وسوط بمتنج ظهرك كاسر
والشَّماته اهواي التضحك
الله يعينج
كل هذا شفتي بعينج اشلون اشلون
صبرج تعده ايوب ناسج يحجون
ديوانهم طبتي طبت عباس
مثل الجبل ثابت وكفتي يكولون
ركعَّتي الضنو يسبوج
ابنص مجلسهم ويهابوج
يمج وكَف ... كلشي محني الظهر
تمت
.......
كلمات
موسى الخادم
استشهاد الزهراء ع
من يجي المهدي غداً ينتقم لام الحسن
ما بين الملاين يصلب بيده الثنين
ينتقم لام الحسن
****
ابقائمته الامام اهواي وادم بس كتبها اذياب
من عمق السنين بسيف يحاسبهم گبل الاحساب
الجمّع حطب للزهره ايجيبه ايعلگه فوگ الباب
يا أهل الأرض شوفو من ذوله ابتده المصاب
تنجمع كل البشر ايعاينون المنتظر
يطلبهم تره دين يصلب بيده الثنين
ينتقم لام الحسن
****
وي صوت الوحي جبريل المهدي يصيح ومتاني
بچف حيدر تره اتعنيت حان الوعد يالجاني
من صحن النبي المختار ايطلع جثة الثاني
وينادي برفيع الصوت هذا اكثرهم اذاني
گلبي حيل امألمه هذا ضارب فاطمه
بجرحه عايش سنين يصلب بيده الثنين
ينتقم لام الحسن
****
يبدي احسابه غايبنه اهناك بفدك عالشجره
الباگ الگاع من امه بخزرة حيدر ايخزره
بسوط البي وگف عالدار واتكشخ عله الزهره
بنفس السوط ابو صالح يجلد حيل بي ظهره
انه محكمة العدل ها هنا حان القتل
احسابهم حسابين يصلب بيده الثنين
ينتقم لام الحسن
****
ابذاك اليوم كلها شهود باب الدار والمسمار
شبوني يصيح الباب واحرگت الزچيه ابنار
والمسمار تالي يصيح دفعوها علي بصرار
بضلوع ام حسن طبيت وبيها الزهره كلشي انهار
إلنفس منها انگطع وعالارض محسن وگع
ما يكفّن سيفين يصلب بيده الثنين
ينتقم لام الحسن
****
الزهره ابين موت ونار تنخه الوصي ما تگدر
بين ال وإن والشتمات بالمحسن غدت تعثر
مجبور الوصي الكرار عن الزهره يتعذر
حيدر بالوصيه انگاد وتالي چتفوا حيدر
المهدي ثاراته اشكثر ايقدموله يا عذر
حيدر حگه چا وين يصلب بيده الثنين
ينتقم لام الحسن
****
يصلبهم ولكن ثار هذا الما طفت ناره
المهدي يصيح اه يحسين ورايه ايشيلها الثاره
احفاد الهذول اهواي هد كلمن ابّتاره
بيوم العاشر بعاشور جده دمومه تتجاره
بخنجر انحز النحر وصدره بالخيل انكسر
هذا ثار الحسين يصلب بيده الثنين
ينتقم لام الحسن
****
الشاعر اياد الديراوي
انه الكسر ضهر الزلم هسه انكسر ضهري
وي فاطمه ابنص الگبر بيدي ادفنت عمري
انه علي ودافن علي
ــــــــــــــــــــــــــــــــــــــــــــــــــــــــــــــــــــــ
اجنازه شايل للگبر رحـــــــــت ورجعت اجنازه
لبيته يـــرد ميت تــــــــــره اليدفن بديه اعزازه
راح وتركــــــــني الوحـــــدي المثل الهوه اعتازه
للمثلي الحــــــــــيله تــــــــــره يراد الف عكازه
كسرت عظم هــــــدهد تره ماينجبر كسري
وي فاطمه ابنص الگبر بيدي ادفنت عمري
انه علي ودافن علي
ــــــــــــــــــــــــــــــــــــــــــــــــــــــــــــــــــــــ
لا مره مكسور بحــــــــــرب لا سيــــــــفي خاسر مره
بس هسه لا ضهري انكسر وجرحي عله طولي ابكبره
انه علي مشــــــــــيع علــــي وللــــــــــگبر ماخذ عمره
ياكسرتي الماتنوصــــــــــف لمن دفــــــــــنت الزهرة
من وسدتها عله الترب ضاگ الهوه ابصدري
وي فاطمه ابنص الگبر بيدي ادفنت عمري
انه علي ودافن علي
ــــــــــــــــــــــــــــــــــــــــــــــــــــــــــــــــــــــ
مو بس تـــــره اجـــــدمي ثگل ثگلانه حته انفاسي
من بيتنه لحـــــد الگـــــــــبر ابيض صفه كل راسي
گمت امــــشي واعثر بالهوه وشكبره جرح احساسي
مــــــن شيعتها فاطمه جــــــــــن شيعت كل ناسي
مثل الهلال امشي صرت والدمع دم يجري
وي فاطمه ابنص الگبر بيدي ادفنت عمري
انه علي ودافن علي
ــــــــــــــــــــــــــــــــــــــــــــــــــــــــــــــــــــــ
بيدي شلت للمگــــــبره الچـــانت هوه ابنص ريتي
شلت الجنازه الوحـــــدي ودمعي جره عله الحيتي
مثل الگبر بيتي صــــــــــفه موحش ويخنگ بيتي
امنيتي جانت فاطــــــــــمه وياهه اموت امنيتي
مو الها اتمنه الگـــــــــبر ريت انحفر گبري
وي فاطمه ابنص الگبر بيدي ادفنت عمري
انه علي ودافن علي
ــــــــــــــــــــــــــــــــــــــــــــــــــــــــــــــــــــــ
انه المفــــــــــحطها جنــــــــــت الخيل والخياله
هسه ابجي ودمــــوعي حمر وگلبي الحزن يبراله
موقف كسر طــــــــــولي كسر وخل دمعتي هماله
صعــــــــــبه عله الزلمه تـــره تنطگ حرمته اكباله
انه علي يـــــــــم الحـــــسن اتقبلي عذري
وي فاطمه ابنص الگبر بيدي ادفنت عمري
انه علي ودافن علي
ــــــــــــــــــــــــــــــــــــــــــــــــــــــــــــــــــــــ
روحين بــــس جنه ابجسد مانحب طاري الفرگه
عين ورمــــــــــش مانفترگ حيدر وزهرت عشگه
مرافگها خلــــــــــصت العمر ويامحله ذيچ الرفگه
من چنه نتلاكه ســــــــــوه يفيض العشگ بالملگه
بس هسه ماتت فاطمه وياحيرتي بأمري
وي فاطمه ابنص الگبر بيدي ادفنت عمري
انه علي ودافن علي
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
(( #قبر_الزهراء ))
……………………………………………………………
ألفٌ واربعُمائةَ مـخفي .. بينَ الاعداء
يندبُ حُزناً بسمِ المهدي .. قبرُ الزهراء
صوتٌ يلهبُ كالنارِ
أينَ الطالبُ بالثارِ
قبرُ الزهراء .. قبرُ الزهراء
……………………………………………………………
ابهل الگبر موجوده ورده . ذبلت بأول عمرها
مابين جذع اويه حايط . ابرهه الثاني عصرها
الواگف أخير التجمّع . سمعاها طگة كسرها
البسمار بحشاها داخل.شعره ويصل يم ظهرها
برض طاحت.ابدمع ناحت.على المحسن طفلها
على الزهره . بقت حسره . الطفل يمه يگلها
والأفجعُ نادَت يا فضه .. ليسَ الكرار
فبكى حسراتاً في الغمدِ .. سيفُ الفقار
ينزفُ جرحُ البسمارِ
أينَ الطالبُ بالثارِ
قبرُ الزهراء .. قبرُ الزهراء
……………………………………………………………
هل الكبر عايش مآسي . بنهاره وبليله وحشه
و سنين يابس ترابه . بمّيه محد يرشه
اخفاه علي اعل الصحابه . خافن تجيه وتنبشه
عود الشلب ظل عليها . امبلل ابدمعاته رمشه
گبر غربه . عليه صعبه . يجاور هالنواصب
ابدمع سايح . يبو صالح . الك يربي ويراقب
تأتيهِ بجيشٍ جرّارٍ .. و يرفُ لواك
مِن اقذرِ قبرٍ تخرجهُ .. تجلدُ صهّاك
قاتلُ أمَ الأطهارِ
أينَ الطالبُ بالثارِ
قبرُ الزهراء .. قبرُ الزهراء
……………………………………………………………
انشوف البقيع انتأذّه . گبور الائمه الي بيها
عل الاقل بيهن علامه . احجارات ظلن عليها
بس ماكو مثل الهضيمه . الـ مثل گبر ام ابيها
بالجتل خلصوا ولدها . ياهو اليوصلنه ليها
يمهدينه . حزن بينه . الك بالدمعه نشكي
توصلنه . الگبر أمنه . نريد احذاها نبچي
ونقولُ لها يا سيدتي .. نحنُ الخدام
أفنينا عمرَنا في قصةِ .. زينبُ والشام
آ يا رميَ الاحجارِ
أينَ الطالبُ بالثارِ
قبرُ الزهراء .. قبرُ الزهراء
……………………………………………………………
غيّاب أنت و گبرها . كل واحد ابصدره ناره
كل واحد ابعينه غيمه . تمطر مسيته ونهار
واحد على الشيعه عينه.اعل اترابه تقرأ الزياره
واحد وبي جرحه ياكل . ما ماخذ ابايده ثاره
عليه كلفه . فلا يغفه . ابسبب چلمة سبيه
يگوم ايون . بذانه يرن . صده صرخة رقيه
جسدٌ يعرضُ في عينيهِ .. تسحقهُ الخيل
لا خيمةُ في البرِ أمراةٌ .. باتت في الليل
زينبُ يا خدرَ الباري
أينَ الطالبُ بالثارِ
قبرُ الزهراء .. قبرُ الزهراء
……………………………………………………………
تبنيه بيدنك يمهدي . حضره و ذهب بيها داير
وبعدد كل الائمّه . اثنعش تبني المناير
وچي لأن هي الاميره . لكل المجالس تناظر
فيصير قبر الزجيه . مركز الكل الشعائر
هي تريدك . تخط بيدك . هُنا قبر الزجيه
زحف قادم . تجي الوادم . الزياره الفاطميه
يصبحُ ما بينَ الحرمين .. يسطعُ أنوار
من قبرِ الزهراءِ و حتى .. قبرُ المختار
تشخصُ كلُ الابصارِ
اينَ الطالبُ بالثارِ
قبرُ الزهراء .. قبرُ الزهراء
……………………………………………………………
الكره الارضيه كلها . تعتني ازور الزجيه
تكتب وبيكم ترحب . الروضةُ الفاطميه
يثرب اترد لأصلها . البلدةُ الهاشميه
اوساخ بيها و قذاره . نكنسهم الناصبيه
علمنه يرف . فخر نوگف . نأذن بالمدينه
اعل أُحُد نصعد . نظل نشهد . علي حيدر ولينه
يتحولُ بيتُ الاحزانِ .. بيتَ الافراح
من وجهِ الوهابيينَ .. يثربُ ترتاح
تباً يا أهلَ العارِ
أينَ الطالبُ بالثارِ
قبرُ الزهراء .. فبرُ الزهراء
……………………………………………………………
✍️ ( سيد خضر الزاملي )
/channel/rdeaa
گلبي مكسور ضلعي وياه انكسر
گلبي.مكسور.- آ. يمهدي المنتظر
*
انا و گبري و ظلام الليل
غیرك ما الي زائر
يمه اوداعت ادموعك
احس هذا الگلب فائر
عیني اعلى السمه اوليدي
و عله ارموشي الدمع سائر
يمته اينادي جبرائيل
يوليدي و تجي ثائر
يمته لِظهور يلهب ابصدري القهر
گلبي.مكسور.- آ. يمهدي المنتظر
*
اجیت اتبخبخ اترابي
ابدموع عيونك الحلوه
شسولفلك من جروحي
من بلوه الحضن بلوه
لو تدری الدهر بالروح
و ابدلّالي اشسوّه
حرگ باب الوحي المجرم
بلا استاذان و طب گوّه
الباب مسجور. و اعلى دلّالي انعصر
گلبي.مكسور.- آ. يمهدي المنتظر
*
تعال اسمع یمهدي الروح
شجوني و ضامري الينعي
من تلمس تُرُب لحدي
حَذَر. لا ينلچم ضلعي
لذت يايمه خلف الباب
ما راعوا لچن وضعي
ما بين الحجر و الباب
عصروني و صرت ادعي
جسمي معصور و العنت اشقى البشر
گلبي.مكسور.- آ. يمهدي المنتظر
*
جنيني و محسن آمالي
من عصروا عليه الباب
نشق و بشفرة البسمار
تمرد ضلعه ويلي و عاب
اظل طول العمر یبني
انعيله ابدمع سچاب
زرعته ابگلبي چن شمعه
اختفی من عمري نوره و غاب
اختفى النور. ثاره لكنّ انسجر
گلبي.مكسور.- آ. يمهدي المنتظر
*
دم ضلع الجنين ايفور
وَي دم ضلعي يالمهدي
بآلام الضلع يبني
فجيعة كربله تبدي
سطروا خد رقيه هناك
مثل ما انسطر خدي
خیام هناک محترقه
و الباب احترگ عندي
يبدي عاشور ساعة الخدّي انسطر
گلبي.مكسور.- آ. يمهدي المنتظر
*
انا ابانفاسي ساعوره
تلهب بالگلب و تلوح
کل ما اسطبي للطف
حسين اتصوره مذبوح
راسه اعلى الرمح ويلي
و جسمه بلا نحر مطروح
زينب گوّه من کتره
یعتّوهه و سبیّه اتروح
حسيني منحور. بالعطش گلبه انفطر
گلبي.مكسور.- آ. يمهدي المنتظر
*
خادم خدمة الحسين عليه السلام
ناصرالبوعبيد
/channel/rdeaa
نار شعلوها.. ضلوع كسروها
وينك علي
حيل عصروني..حيل اذوني
وينك علي
دفعوها الباب .. اوليدي نصاب
وينك علي
____
وينك علي يا بالحسن دارك تره حرگوها
وگتلهم انه بت نبي شو بالحطب زادوها
عاالباب انا من لذت بابي بحقد دفعوها
مثل ما كسرة عصى ضلوعي احس كسروها
أجدام ترفسني ..جفوف تسطرني
شفت الالم
واخ ياعيني.. اخ تاذيني
شفت الالم
جرحي الماطاب.. اوليدي نصاب
وينك علي
__
وحي الله جان امنزلي منزل نبوه وحشمه
الما يعرف يصلي تره بهذا الحجي شيفهمه
فجئه يبن عمي وجو وجيتهم ابلا رحمه
بيه تكسر جم ضلع وبخدي هم جم الطمه
باب الكوثر.. ليش اتكسر
كسرو ضلع
ناس ملتمه.. ناس مهتمه
كسرو ضلع
هاناس ذياب.. اوليدي انصاب
وينك علي
___
انه ودمعتي من طحت لمن علي شتومني
بت اشرف الناس وصحت غصبن على العادوني
التمو علي ماجن مره وكلهم تره يضربوني
اوماملگ انا بس فقط كلمة تره عيفوني
بيت الرحمه.. صار يتسمه
بيت الحزن
عيون مهضومه.. بدار مهجومه
بيت الحزن
من سيفك غاب.. اوليدي انصاب
وينك علي
___
ويايه محسن ياعلي من نعصر وبروحه
لدنيا ابني من ولد ابني انولد لجروحه
بسمار البصدري اجه جان القصد يلوحه
اگبالي يرفس من وگع عيني بقت مشبوحه
شهور مو عمره..زغير ع العصره
اومات بحقد
شعاش من روحه.. وشاف جروحه
اومات بحقد
شنهي الاسباب.. اوليدي نصاب
وينك علي
_
وي طه جان بكل حرب ماينعدِ وي رجاله
هسه علي صاير سبع اليتراجف من خياله
بس الحقد بس الغدر لمن تعد افضاله
الاذتني بذني من همس محسن انا جتاله
دموع واهاتي.. گبال شماتي
كلش صعب
شلون الحسره.. شلون الجمره
كلش صعب
ممحسبه حساب.. اوليدي انصاب
وينك علي
__
شفتك علي اتالمت زرگه شفت كل عيني
وشمااصيحلك علي تصرخ تره موصيني
مادري جم مره متت بس اسمك اليحيني
الله يساعد غيرتك مالحكت تحميني
ينوح فقارك.. صار ابدارك
اسمع يون
باب الجنه.. بدم يتحنه
اسمع يون
ودلالي ذاب.. اوليدي انصاب
وينك علي
___
تمت بعونه تعالى
احمد فلاح البديري
#الروايه الثانيه
#اليالي الفاطميه 1446ه
قصيدة بحق الزهراء عليها السلام جديد 2024
اعفيت قبر الزهراء يا سيدي
دفعاً لشر الطلقاء يا سيدي
لكن يا ابو حسين گبر المحسن وين
====================
من صوب الباب الضلع والعلة دامت فترة
الميت اكرامة الدفــن واطاك محسن عمرة
ما ندري ضل يم فاطمة ومدري دفنتة بگبرة
هاي المصــيبة المؤلمة الله يعين الزهرة
عانت بضلم الاعداء يا سيدي
لم تهنا صبحاً ومساء يا سيدي
تجري دموع العين گبر المحسن وين
==================
حالة التفطر كل گلب تنشد يحيدر ابني
يلويها من تبچي الالم ابني اريدة بحضني
هم الضلع هم الولد ما اهدة ساعة ابوني
وديني حيدر للگبر اعله الغالي زايد حزني
عيني تطوف الارجاء يا سيدي
في كل ركنٍ وفناء يا سيدي
بگلبي اتشب نارين گبر المحسن وين
======================
فگد الولد ما ينحمل والفاگد الله يعينة
شحالة الي فلذة چبدتة ميت يشوفة بعينةَ
المحسن زغير ومنچتل وي امة ومصوبينة
گبال الزچية منصرع وما بدن عمرة سنينة
عيناها سالت بدماء يا سيدي
دمعٌ غزيزٌ وبكاء يا سيدي
اه يصواب البين گبر المحسن وين
======================
اخر ولد من فاطمة محسن ثگيلة احزانة
متانينة چن جيت صبح يا للاسف ما جانة
تچوينا يا نار الولد نجري الدمع خلانة
مكتول ما عندة ذنب رايح زغير اخوانة
ماتَ بضلم اللعناء يا سيدي
والحزن ساد الأجواء يا سيدي
يبچون الحسنين گبر المحسن وين
====================
أسالكم الدعاء رائد الاسدي
استشهاد الزهراء ع
يمته طلعتك .. تاخذ بثار الزچيه .. يمته طلعتك
****
يمته يا غايبنه تظهر طولتها الغيبه
لو صبرنه انسان والله الك چا شگ جيبه
محزمين وفزعه وحده هالشباب وشيبه
ويه راية ابو فاضل سيف حيدر جيبه
ندري يمنتك .. تاخذ بثار الزچيه .. يمته طلعتك
****
الكسر ضلوع الزچيه بعده يفخر بيها
ذوله احفاده تراهم رايته امعليها
امك الها جروح كثره انته التداويها
حان وكتك آل اميه بصارمك تمحيها
هسه فزعتك .. تاخذ بثار الزچيه .. يمته طلعتك
****
يبو صالح هذا صبرك ما عرفنه اسبابه
البيده حارگ باب امك يمته تحرگ بابه
اطلعه من گبره نريدك اجه وكت احسابه
هوه لو ما چتف حيدر ما نعيش ابغابه
نرجه همتك .. تاخذ بثار الزچيه .. يمته طلعتك
****
حرگه بينه الضرب فاطم گبره واضح وينه
وامك الزهره گبرها ضايع اويه اسنينه
انته لو ما تظهر النه ياهو ليدلينه
ندعي اللهم عجل خل يجي والينه
عازه عازتك .. تاخذ بثار الزچيه .. يمته طلعتك
****
ماهو ثار وگلنه تخلص فاجعه ثاراتك
والشعار انعرفه كلنه كاتبه ابراياتك
طف ابو اليمه مصيبه منه كل آهاتك
ويه خيل السحگ صدره نستمع شوغاتك
ويه شوغتك .. تاخذ بثار الزچيه .. يمته طلعتك
****
حسين ماكو مثل يومه دمعه اله يوميه
راسه فوگ الرمح ويلي وجثته مرميه
ان چان تصبر للفجيعه ولوعتك مخفيه
شلون صابر بالله گلي عمتك مسبيه
ندري غيرتك .. تاخذ بثار الزچيه .. يمته طلعتك
****
الشاعر اياد الديراوي
(شور)
يا مآيله يا مآيله يا مآيله الدنيا اويه زينب
*------------------------*-------------------*
مالت الدنيا اويه زينب يوم حاديهه حده
تمشي وبناگه هزيله عـرجـه مابين العده
زينب اتلاهب گلبهه والهظم بيهه ابـتـده
ساعت الشافت رقيه چنهه ورده امگيده
ماصايره ماصاير ماصايره شافت عَجب
*------------------------*-----------------*
اتحمّلت ظيم البراري وطبت الشام بحزنهه
تسمع بكلمت سبيه الوادم ايـگولـون عـنهـه
تنظر اعليهه الشماته وتستر الـحـره بردنهه
تنهظم زينب يشاهد واحـد الدمعه بجفنهه
بعيونهه بعيونهه بعيونهه تحمل عَتب
*----------------------*------------------*
محد اليعرف قدرهه وجهلوا بجَدهه القرابه
بالحبل مشدوده اديهه وباتت بذيچ الخرابه
فوگ حيرتهه وسبيهه الغرب اصعب مصابه
والأشد تسمع رقيه بالدموع اتـصيـح بـابـه
مهظومه مهظومه مهظومه من التعب
*--------------------------*-----------------*
للقصر ياحاله طبت وگالوا اعليهه السبيه
مخدرت عباس هايه توكف بديوان اميه
صعبه ويردد اسمهه ابن مرجانه وسُميّه
حيره ماصارت مثلهه أتمنت اهناك المنيه
شتموهه شتموهه شتموهه ابلا سبب
*----------------------*----------------*
حـتـه موتتهه يـوادم صارت ابعيده وغريبه
عذباهه الشام حقده وماتت بعِظم المصيبه
دنيا مارحمت غربهه هاي مـو دنيا عـجيـبـه
ألهه منذوره المدامع والمحب باقـي بنحيبه
بجروحه بجروحه بجروحه گلبه التهب
*-----------------------*------------------*
✍خادم زينب ع
الشاعر رعد الجريخي
للشتمني وبالحجر ضرباني
الك يا شام الوكت ردّاني
غربه غربه ••• غربه غربه
……………………………………………………………
بس مجرد اسمك ايمثل جرح
انت ليل و ما شفت بيك الصبح
امعيده ناسك عالحسين المنذبح
صرت يا شام الجرح زينب ملح
الك حصة اسد من احزاني
الك يا شام الوكت ردّاني
غربه غربه ••• غربه غربه
……………………………………………………………
برض كلها اشواك مخنوگ الورد
و السنابل صعبه للمنجل ترد
شلون تسكن زينب ابديرة هند
برض شمات و غدر صار اللحد
بلد بي حتى الهوه سفياني
الك يا شام الوكت ردّاني
غربه غربه ••• غربه غربه
……………………………………………………………
شنسه منك يابلد ضيم و قهر
شنسه ماي الحار لو ضرب الحجر
شنسه ذاك السوك من غص ابشر
متنه من المستحه ابكثر النظر
وانا جنت مخدرت خواني
الك يا شام الوكت ردّاني
غربه غربه ••• غربه غربه
……………………………………………………………
انت شام ايزيد ماعندك شرف
امن المراجل والقيم مايك نشف
عالحرم واطفال تجمع بالسلف
البغض حيدر هل كثر بيكم شغف
ابسبنه كل واحد يوصي الثاني
الك يا شام الوكت ردّاني
غربه غربه ••• غربه غربه
……………………………………………………………
ما اريد السوطهم ورّم متن
يحضر ابتشييعي واعليه يمن
كون مثل الزهره بالليل اندفن
ولا يجيني الشامي واعليه يون
عگب عباس اتحضر عدواني
الك يا شام الوكت ردّاني
غربه غربه ••• غربه غربه
……………………………………………………………
مو وحيده وبعد ماخلصو هلي
انا ام واخت كل شيعه علي
صحني باجر بالمواكب يمتلي
بسم الحسين الحناجر تعتلي
افتخر بالشيعي لو زاراني
الك يا شام الوكت ردّاني
غربه غربه ••• غربه غربه
……………………………………………………………
✍️ ( سيد خضر الزاملي )
هاي السنه زواري ما اجوني
جيتهم تنشف دمع عيوني
واتنطر الاخبار ما جوني الزوار
هاي السنه
****
تترقب بعدها وتنظر العين
احب زواري بيهم ريحة حسين
اكيد الزارني زاير العباس
عطر وياه جايب من الاثنين
سكته الصحن ماكو ضوه المناره
هاي السنه زينب بلا زياره
وبگلبي تسعر نار ما جوني الزوار
هاي السنه
****
ظل خالي الصحن ماكو اليلطمون
نعشي اعله الأرض وين اليشيعون
وين الي يحبني ويگصد الشام
ما ترضون تبقه بحالها ام عون
مرتين گالو تنسبي وحچوها
راية نصر گدامي علگوها
وينه اليصيح الثأر ما جوني الزوار
هاي السنه
****
خالي الصحن ما جاي انظر الناس
اذا ما شوفكم تخنگني الانفاس
ما ريدن غريب يصيح مرتين
مسبيه بعدها اخت عباس
گالولي بعدچ انتي خارجيه
اكرها كلش كلمة السبيه
بنت حيدر الكرار ما جوني الزوار
هاي السنه
****
المرقد يحله بيكم هذا معلوم
كشختها السمه من تطلع انجوم
حيل ارتاح لمن يمي تلفون
اريدنها الزياره وياكم أدوم
ما ريدها ترد من جديد اليه
مرقدي بنصهم والحكم اميه
نفس الحكم اشرار ما جوني الزوار
هاي السنه
****
هذا الفعل ذكرني بخبر كان
بس أيتام يمي وماكو اخوان
حكم ازيد رايد يرجع انوب
ينسد مرقدي وتنغلق بيبان
ما ناسيه السوط وحچي الشماته
اول شخص متعذب بمماته
جدي النبي المختار ما جوني الزوار
هاي السنه
****
علي جبار الكعبي
الفاتحه لوالدي
من صبرچ انطيني
مولاتي وفقيني
يا زينب أحميني ،، دخيل ،، دخيل
-------------------------------------------
تاخذني دنيا وللأسف ،، اركض عليهه بلا وعي ،، والتالي وين ايامي ؟
شو چني گاعد من حلم ،، هو العمر شو منتهي ،، شنهي البعد گدامي ؟
لعمر الطفوله هوايه اشتاگ
شبسرعه هاي سنيني تنباگ ؟
محني الظهر لا حيل بالساگ
مو بالنهر غركان بالراگ
اي هيه خلصانه
مشوار دفانه
هالدنيا خسرانه دخيل ،، دخيل
--------------------------------------------
زينب عليچ ام الحسن ،، محتاج وكفة كافلچ ،، حاجة گليبي احچيهه ؟
ما عندي بس الله ودمع ،، باچيه على امصاب النحر ،، يم عون لترديهه
ما بيهه ذله مجدي علباب
من عندچ اطلب من ابو تراب
آنه الدخيل امحمل اعتاب
يمكم مريض لهسه ما طاب
يا ساده عينوني
بالحضره شوفوني
صوت بحچي عيوني دخيل ،، دخيل
-------------------------------------
انطيني من صبرچ صبر ،، ضيم المشو بين علي ،، من فارگوني احبابي
كلهم ترى بگاع النجف ،، وانه البقيت بلا اهل ،، يم عون هذا مصابي
فگد العزيز ايموت الاجدام
يبدي بعمى ويوصل للعظام
يخنگ بعدهم يشبه الشام
لا مو جسد توجعني الايام
بلوى وعلي بلوى
دنياي مو حلوه
گوه النفس گوه دخيل ،، دخيل
-----------------------------------------
وفقيني اخدم وانقبل ،، واتواضع لكل الخدم ،، وفقيني حسن النيه
آنه العليكم منتچي ،، بساعة ولا واحد يظل ،، يوم اللحد علويه
لو صرت جثه وتغمض العين
الكم بعد انطي الوجه وين
انترك طين ورد على الطين
تتبرى كلهه ويبقى الحسين
بيوم الگبر ظلمه
يحضرني ما حشمه
انه الگلت لامه دخيل ،، دخيل
-----------------------------------------
بيوم الحشر خوف وندم ،، وشده الابد ما تنوصف ،، ياهو اليأمن خوفي ؟
اتنخى بامچ فاطمه ،، من تشفع لاهل الدمع ،، هم آنه اشيل چفوفي
آنه اليون من يسمع ام عون
ويلطم بديه ويدگ بالعيون
بحسين لا تسأل شنو ؟ شلون ؟
عقلي اكتمل من صرت مجنون
صاحب وعي وعابد
لله فقط ساجد
هو العلي الواحد دخيل ،، دخيل
كلمات الخادم / رعد الفريجي
3 / رجب / 1445
ثوابها الى روح والدتي
وينك بويه يحسيـــــــن الحكلنه
الشالوا نعش زينب موش أهلنه
عازتكم هلي عازه
...............................................
غريبة عاشت وماتــت غريبة
ولا جنها أميــــرة وكلها هيبة
مــــــــا تحضر تشيعها عجيبة
مثل نعشك نعشها شهالمصيبة
ريتك حتى لو بس راس تحضر
وتجيب اوياك عمي الكمر تكدر
هلبت تـــــــرد بيها الروح منه
الشالوا نعش زينب موش أهلنه
عازتكم هلي عازة
.....................................................
مكسورة ضهر جتها المنيه
أيــــــــد أبأيد موتتهم سويه
عمتــي بويه زينب هاشميه
ترضـى أشلون تتشيع سبيه
ليل أنهار مـــــا ينشف دمعها
ريتك حاضر وتنضر وضعها
ومن كثــــــر البجي وياها متنه
الشالوا نعش زينب موش أهلنه
عازتكم هلي عازة
................................................
ماتت والدمــــــع يبس جفنها
زينب ما حضر واحـــد دفنها
لا أب لا أخــــــو لا من أبنها
غريبة ويكسر الخاطر حزنها
عادة اللي تموت أبين اهلها
أخوتها اللي تتولــى حملها
واحنه امن ألأهل خالـــي نزلنه
الشالوا نعش زينب موش أهلنه
عازتكم هلي عاز
..................................
الوادم تنشد الوادم عليــــها
الجنازة أمنين وتأشر أبأديها
أهلها ويــن ما تحضر تجيها
غربة الشيعوهــا ومشوا بيها
وآنه امن الحزن مشدوه بالي
عايش مدري ميت بويه حالي
أمشي واجـذب الونه أعله ونه
الشالوا نعش زينب موش أهلنه
عازتكم هلي عازة
...................................................
من الخيمة للهيمة كسرهـــــا
ميته ومحني يا بويه ضهرها
عليل وكوه بيدي أحفر كبرها
ألله أيعضم أجرك لــو أجرها
جانت كل مسه تدعي وتراقب
آه يحسين عدها النعــي واجب
وي وجه الصبح تجمع شملنه
الشالو نعش زينب موش أهلنه
عازتكم هلي عازة
...........................................
خادم خدمة الحسين
الشاعر
محمد الموالي
گعده لــ ام البنين
(لــن تَــنالوا البِــرَ حــتى تُنــفِقـوا ممــا تُحِـــبون)
وانه اعز ماعندي ولدي وفدوه الك يانور العيون
اويه اللبن من رضعتهم
عالتـــفـــاني علــمـــتهم
(لن تَنالو البِرَ حتى تُنفِقوا مما تُحِبون)
--------------------
بسم دمع اعـيوني ابدي واحچي عمَا صار بيه
الكــبرتهـم بــالمــتاعـــب والمــصاعب والاذيه
محــلل ومُــهوب بيهــم كون بس ترضى عليه
اي وحق جفني ومدمـعه .. اعرف قليل الاربعه
يـــرادلــــك للمـــشرعـــه .. اخـوه للــعباس ميه
عَشره من يرحون منهم هم يضل وياك تسعين
حتـى ماينكـسر ظهرك عالشـريعه يـمه يحسين
لون عندي جندتهم
وعالـتفاني علـمتهم
(لن تَنالو البِرَ حتى تُنفِقوا مما تُحِبون)
------------
(اتقــوا الـــنارَ بــشقِ )تمــره وانــه هـــواي عندي
ولــذلك مــو بتــمــره جــاي اتــصــدق ابـــولــدي
انچان تحسبهم شويه ويـاهم انه احسبني جندي
ابعامود اهد وموعجب .. بالمعركه مثل ام وهب
لاموعجب بس العجب .. شحچـي للزهره بلحدي
من تگلي وين اديچ وايدي كلشي ماكو بيهه
شراح اگلها يبو اليـمه وزينـب مچوايه اديهه
إي وحق الي خذتهم
عالتــفاني علمــــتهم
(لن تَنالو البِرَ حتى تُنفِقوا مما تُحِبون)
--------------
امن ازرعت بذره محبتك خضر العباس ياسك
وگتله انفاسك حسين تمـوت انته ابلا انفاسك
تاج راسك ابو اليمــه وغــيره ماكو تاج راسك
ربيته هـيچ امن الزغر .. وشــربته خــدر ام الخــدر
بشيلتهه گمطته شكثر .. حتى يعرف شنو حساسك
علي چان ايصيح بسمه الكربلائي الكربلائي
وانه ماگــله ابو فاضل چــنت اگله يالفدائي
بهالــطريقه هيئتهم
عالتــفاني علمــتهم
(لن تَنالو البِرَ حتى تُنفِقوا مما تُحِبون)
-------
وداعتــك يا ابو اليمه باچر امــن ايصير عاشر
ومايضل عندك صـديج ومايضل عندك مناصر
اربعتــهم تحت امــرك ولدي ســـويهـم گـناطر
بــس المهــم تــرجع الي .. يابو عــلي يابــو عـــلي
من تبطي تدريني ابتلي .. وابقـه مكسورة الخاطر
الدنيه ريح وريح صرصر وانتَ تـدري چني ريشه
العيشه عــگبك مستــحيله وراح ماسمــيها عيشه
واسأل اولادي اربــعتهم
عــالتــــفــاني علمـــتهم
(لن تَنالو البِرَ حتى تُنفِقوا مما تُحِبون)
----------
مــن احــط بكفه ولــدي سيدي وحــبك بـكفه
حـبي يرجع عـلى اولادي مــن كـثر مابيه لهفه
اليوم حالي حال واحد عنده ميت وعنده زفه
كودن نطيت اربع ولد .. وچـي رايح انتهَ وماترد
دلالـي احــسه منمــرد .. ويبــني من هــسه توفه
ان شاء الله ترجعلي انتَ والولد لامومهمين
ولوتــرد سالم ييــمه بعــد شــتريد ام البنين
فدوه الك من قدمتهم
عالــــتفــاني علمتـــهم
لن تَنالو البِرَ حتى تُنفِقوا مما تُحِبون
--------------
حيدر تركي الكربلائي
يبني يالاكبر يبني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هاي العساكــــر ياعلي جدامــــــــك تخيرها
مــن هسه تتراجف بــدت وتناوشت معبرها
لاتذبح المن هل ذبح بعيونك امشي اخزرها
شوف الزلم لو ماگضـــــت عاتبني ياميمرها
من هسه بسمك يحچون
چا مـــــــن تطبلها شلون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ذني الشگـــــــر كلهن الك والتعجب تخيلها
يالتلزم الماتنعـــــــدل بچفوفــــــك وتعدلها
طبالها يكبــــــــــــــر ياعلي متانينك اطبلها
اذبــــــــــح لحد ماتكتفي والزامطت فشلها
هــــــد وبعــــد ماوصيك
خل كربله اسولف بيــــك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
محتام اشوفــــك عالعرك وعيونك الواديها
هاويها اول مابــــدت يوليدي احس هاويها
كــــــــل ماأكلك يبني رد تگلي هدنيا اعليها
تگضيها خايف ياعلي شيضلي مــن تكضيها
يكبـــــــــر يملحي ولوني
يبني ويشــــــوف عيوني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يمشيم ابــــوك وعمتك يالطگتك محسومه
ملزومه هاي وخلصت بچفوفــــك الملزومه
بالحومه ماضلت زلــم شمسوي چا بالحومه
يازلمه بالله بكربله مثــل ابني حلوه اعلومه
يكبــــــر يالمفحط الخيل
وگالـــــب نهار الطف ليل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،،،، نزال للأكبر،،،،،
قصيدة ( وحشه داري ) من الحان التراث على وزن المرحوم حمزه الزغير ( دهري ذبني )
وحشه داري يوم المشيتي يمّه يالزهره
*
يـــا يمّـــه وحشه الـــدار هــاي المسيه
وليلي اليمـــر بچـــفاچ ليـــل الــرزيه
يفجعنــي يمـــه الليل لـــو مــر عليـــه
چــم ليله بيها أنصـــاب سهــم المنيــه
وأبقى بحيره يوم المشيتي يمه يالزهره
*
وحشه يــا يمّـــه الدار مـن غبتي عنّـي
من عمري خمس أسنين صاحبني ونّي
بيـــت الحــزن بجفـــاچ وارثتـــه چـنـّي
وادري يظـل للموت يـــا يمّــــه حــزني
ثوبي حزني يوم المشيتي يمه يالزهره
*
يا دمعه أهلها اليوم يا عبره اجـــرهـا
عالمــا وصل عشرين أمـــي عمـرهـا
بخدي أشوفه يصير چــف السطـرهـا
ابصدري أحس تندار لــوعة صدرهـا
وناري تسعر يوم المشيتي يمّه يالزهره
*
يا يمّه شفت النــار ابابـــچ ســـريــه
اتراوتلي چنها أخيـــام بالغاضــريــه
وظلعچ لمَن كسروها أهــل الـــرديه
چني نظرت حسين فوگــــه اعوجيه
أبصدره سحگت يوم المشيتي يمه يالزهره
*
ليل اليمر بجفاچ يسعـــر لهب نــار
سولفتي عنه أهواي وكليبي محتـار
بلا والي اظلن بي ومحاوطه أشرار
لا خيمه لا وليان لا من حمّه وجــار
ليلي يرهب يوم المشيتي يمه يالزهره
*
وصيتي گلبي و نـــار شبـت مسعـــره
وكسر الگلب هيهــات يــداوه كــسـره
گلتيلي قبلــي حسين واشتمّـي نحـــره
يـــا يمه گبـــل الخيل تسحگله صدره
صدري يلهب يوم المشيتي يمه يالزهره
**
الشاعر
موسى البديري
الشاعر الحسيني ظاهر حبيب الهليجي (للسيدة فاطمة الزهراء لسان حال أمير المؤمنين)
من الدفن رديت أهوى المنيه
هوه العمر شيفيد بعد الزجيه
*
بيدي أدفنتها اليوم زهرة سنيني
وبلا وعي امنل نوح يطلع ونيني
مو هينه من تروح الجنها عيني
البيها اشوف الكون واهل البريه
*
اليفگد عزيزه يذوب بل ون دليله
وهم ما أظن النوح يشفي غليله
يلزهره روحي إعليج صارت عليله
والعهد ابقه بنوح صبح ومسيه
*
الدمعه من رديت بعيوني حمره
ونفاسي شهگت موت والباري ادره
والله شتهيت الموت بعدج يزهره
اتحسب بدمعات عل يجره بيه
*
نبضي عليج ونين من گلبي مسموع
بفگدج احس شريان من گلبي مكطوع
والحالي حته الكون يلزهره مفجوع
يافاطمة مهضوم حامي الحميه
*
بين بياض العين بهدوب العيون
موأنتي جن اليوم انه إعله المتون
والگبري احس والله گامو يشيعون
من كثر ما ونيت لجل الوفيه
اتلث روايات قليلة العزائج فاطمه
.....
ريت كل ايامنه بهذا الزمن ...
تنكظي بمجلسج يا ام حسن
كون العمر يخلص وسط عزائج
وانتي التلقنينه ابدمع بكائج
ريت الله لا يحرمنه من دعائج
كلشي النملكه ونمتلك فدائج
اشتطلبين تأمرين وحك حامي الحمه
........
مو ثلثت اشهور لا كون اثنعش
حتى نكظي السنه دمعه اعله النعش
يالعمرج اثمن سنوات وعشرة
منوافي شخصج لو صدرنه انكسرة
لو نبجي الج طول العمر ما نبرة
مصيبتج عظمه يا ملاذ الفقرة
ندعي يا ريت عزائج على مد السمه
.....
اشما الج نبجي ونهل هذا الدمع
ما نوافي قطرة من دم الظلع
يالعشتي ما بين الحزن واللوعه
هاي الايادي الحضرتج مرفوعه
نحتاج جم كسرت ظلع مسموعه
حتى نوافي روحج المفجوعه
لطم الصدور اقل شي بعزاج انقدمه
.......
يالمصابج بجه كلشي ابهل الارض
والسمه حزنت الج طول بعرض
يالعفتي دنياج وسكنتي الهيمه
اعليج العرش قام الحداد بضيمه
لبس السواد اصبح الكل يتيمه
اكراما الزينب بنتج العظيمه
تبجي العيون على الصار وجوبا من دمه
.......
اعليج ما نلطم لجل ناخذ اجر
ولا نخدمج لجل جاه ابهل عمر
يالزهرة يل كلج وفه وحنية
ما ردنه بس مرضاج يل الابية
راحه التعب وياج يالزجية
نحي عزائج نبقى للمنية
لجل عيناج يزهراء الخدم متحزمة
.......
ندعي ربنه ما نفارك ماتمج
حتى لو ميتين نحضر نخدمج
ابدولة المهدي القائم اشحلاته
يصبح الخادم حلوه كل صفاته
يتلكه زوارج بحن جلماته
وتصير خلف المنتظر صلاته
بصحنج اليوسع الناس جميعا فاطمه
.......
الحمد الله رب العالمين
اللهم صل على محمد وال محمد
موسى الخادم
قصائد استشهاد الزهراء_ع
🥀الســلام على المكســـورة ضلعهـا
ــــــــــــــــــــــــــــــــــــــــــــــــــــــــ
يافضه محسن ما سلم جوه الضلع صابه السهم
شلعي البسمار من اضلوعي
بس لا شاف حسين ادموعي
جوه الضلع صابه السهم
++++++++
يافضه شحجيلج بعد عن يا مصاب ويا الم
هاي البسامير شكثر كدامي تتراوه بسهم
الباب شثكلها وتنطبك هاي الحقيقه ومو وهم انطبكت علي طبكه جفن يا فضه شيفيد الندم
بالباب والحايط صرت يافضه والله تكسرت
لا والله وما يسكن روعي
بس لاشاف حسين دموعي
جوه الضلع صابه السهم
++++++++
من تنسحن روحي وافز أذكر علي من انوجع
ذيج الجفوف القالعه ما كامت تشيل الدمع
تعبان من نكل الجدم مهضوم من كسر الضلع
تركض ادموعه اعله الوجن ذايب مثل ذوبة شمع
تعبان ليله بلا ضوه ما يكدر يصد الهوه
هالبسمار يطفي شموعي
بس لا شاف حسين دموعي
جوه الضلع صابه السهم
++++++++
انلجم لو اجر النفس ومن يبجي الحسين انلجم
لو كال يايمه وعلي جن هدمة البيت انهدم
من كلشي يحسين انوجع يلجمني يايمه الهدم
هذا الهوى الطب ريتي يوصل الصدري وينعدم
كمت أشبه كبور النجف صدري من الهموم انخسف
يا حالة التشبه موضوعي
بس لاشاف حسين دموعي
جوه الضلع صابه السهم
++++++++
يافضه زينب لاتجي لحكي علي غطيني
لو عنها غطيت الضلع شلون اخفي سطرة عيني
زينب حنينه وتنجرح لو لحضة ما تجيني
اشلون باجر لو متت بالبيت ما تلكيني
من طيحتي همومي ابتدن لو فاركت ابني الحسن
تكعد يم الباب تنوعي
بس لاشاف حسين دموعي
جوه الضلع صابه السهم
++++++++
التمو علي جنهم ضوه محتارة أودع ياكمر
حيدر يباوعلي بخجل خجلان جي خدي انسطر
يابا الحسن لا تعتذر مكتوبلي هذا القدر ارضه بوصيتك وصطبر الله يجازي أهل الغدر
وزينب تطوف اعله الضلع مهمومه وتشيع دمع
كل دمعه من جفوني بطوعي
بس لاشاف حسين دموعي
جوه الضلع صابه السهم
++++++++
علي صالح الدراج
تبجي يا بوحسينك.. فدوه عيني العينك
__
بدمعك علي يفرح تره ماريده جتالي
ماريدن دموعك علي تنزل تره كبالي
خليني اودعك واطمئن لاينشغل بالي
ياروح روحي ياعلي وياخيمة عيالي
حلوه عندي سنينك.. فدوه عيني العينك
___
ماجنه ضلعي النكسر جنهن علي ضلوعك
ولاتحرك بروحك مثل ما تحرك شموعك
ماشوفه دمعك من جنت بس بخشوعك
فدوه صحت اهدء تره تألمني بدموعك
يمته يهده ونينك.. فدوه عيني العينك
____
بس الله يعلم يا علي ابگلبك وحاله
من طاح محسن بدمه وطيحه جتاله
مفتاح صبرك مارهم وي كل القفاله؟
باب الحزن اثگل طلع من خيبر وشاله
بصبرك مجتفينك.. فدوه عيني العينك
__
حتى الهوى اليدخل الي يستأذن من اسمك
وشلون اني من طحت خدي انسطر يمك
وكض غيضك ولاتنفعل يالمحترگ دمك
ادري صعب بس المهم دين الله الي يحشمك
فدوه اروح الدينك.. فدوه عيني العينك
__
انت ابو الگلب الصلب مايعرف الخوفه
جفك علي الكض الجفن يتراجف نشوفه
ادري صعب وجهي تره ماتگدر تعوفه
و ادري سهل عمرك الي اترخصه معروفه
ي وحگ حسينك.. فدوه عيني العينك
___
شيعني يا حيدر بعد شمتاني شمتاني
اليمك انت بس جسد روحي طلعت اني
والله انكسر گلبي الك من شفتك تعاني
شفتك علي الشيل نعش رايد علي ثاني
ادعي الله يعينك.. فدوه عيني العينك
___
تمت بعونه تعالى
احمد فلاح البديري
07805371983
أذا نودي للمجلس - فأسعوا نحو علياها
هي الزهراء ياقـوم - وخـــير الزاد ذكرها
وما أدراك ما الــــزهراء
--------------------------------------------------------
1= تعـــال وشوفها روحك - الحزن بالـمجلس مرايه
وجنتـــك نبي تصورها - وتـــنزل دمعــــتك أيه
أحاسيسك وحي الفطره - وجفوفـــك ترف رايه
وضميرك تسلم يناديك - لأنــك صاحب حجايه
*
دع الدنـــيا ومافـــيها -- وكــن بالفعل زهرائي
وعش مغرما بالضلع -- مـــن الألف ألى اليائي
وما أدراك مالزهراء
2= فــاطم مــــثــل كاع الله - بلايه حــدود مــمدوده
وحــبــــيناها حب التين - أذا جلب بعـــــنكوده
وعلي وعباس وعيونه - وشماله ويمنـته وجوده
ندري الدمعه من أتطيح - هـــناك بشمعه مردوده
****
نقف في ساحة المحشر -- ونــــور الله يأتينا
أذا لم تأتــــــــنا فاطم -- فمن غيرها يحمينا
وما أدارك مالزهراء
*****
3= يعجبني طبع العـــيون - أذا طاح الدمع تـــدفه
وتشوف البعـــيد تصير - من تهمل دمع تصفه
تضمها دمــعة الزهراء - وباقي المدمع تحذفه
باليالي الــفاطميه يطيح - ملح بـيها ولا تغفه
*
عيوني عــندها فتوى -- لغــير الضلع لا تبكي
بــدون فاطم تخرس -- كطفــل صار لا يحكي
وما أدراك مالزهراء
4= أكيف لو كضاني الشوك - الفاطم ما أون فـــشله
للزهره جـمر بالروح - يحركـني وصحت سهله
أعاتب كلبي من يسكت - باجــــر علي شتكله
طبع الفاكـــد أم حسين - لازم يــــنكلــب شكله
*
أنا بالضلع مجنونا - جــنونا أكمل عـقـلي
وطوفانا بأضلاعي - لبنت المصطفى يغلي
وما أدراك مالزهراء
*****
5= سمار بوجــهي مو تمثيل - من حبيت صرت أسمر
ما أســهر جــــنت ياناس - والـفاطم صرت أسهر
طبعنه أهل المجالس هيج - أزغار بالحـــــزن نكبر
ثبتـــنه بطاعة الزهراء - مثل الجـــبل ما ننجر
*
ورثنا الحب والدمعه -- من الأب الى الجدي
ونحن شيعة الزهراء -- مــن المهد اللى الحدي
وما أدراك مالزهراء
**** الخادم عبد الجليل المالكي
غايب ابغايب تلاگو هالمسيه
ابو صالح وي گبر امه الزجيه
گلب بالهم منفجع •• قادم ايزور الضلع
هالمسيه •• هالمسيه
…………………………………………………………
گـبر طالـت وحشته
ماكـو وادم زارته • بترابه لهفه
وزاير اموزّر حزن
امن البچي امجرّح جفن • ما لحظه يغفه
ام غـدر بيها الدهـر
و أبن مكسـور الظـهر • و همومه كلفه
بليل الاستشهاد صارت بالمدينه شـلون جمعه
اثنين غيّاب و تلاگوا قائم ويبچي اعل بضعه
لبو صالح هل گبر اعظم جروحه
مثل جده المرتضى طوّل بنوحه
اتراب رشاه بالدمع •• قادم يزور الضلع
هالمسيه •• هالمسيه
…………………………………………………………
بده يطوف اع للكبر
ابعينه مرسوم الكسر • و دموعه هلها
يخط بجدامه الارض
كل جدم يوگف نبض• يذكر طفلها
ابگلبه چانون انصب
مثل نيران الحطب • قنفذ شعلها
يقره بالمقتل ابصوته و يشبح بكل ساعه عينه
مـاكو لا لاطـم و ناعـي يگـعد أگـباله و يعينه
لنّه يسـمع ونّه مـن داخـل گبرها
تون بهداي ام حسن ياذي كسرها
عصر بالباب و دفع •• قادم ايزور الضلع
هالمسيه •• هالمسيه
……………………………………………………………
بده يزور ابجدته
و الزياره ابيمنته • بصوت الرزيه
السلامُ اعالطُهر
السلامُ اعالكسر • و عين الزجيه
السلامُ اعالغصن
الما عرف فتحة جفن • محسن ضحيه
على الاحشاءِ السلامُ النبت بسمار ابوسطها
على العصّابه السلامُ العلى عين وخد تحطها
السلامُ اعالنفس گوه و تشمه
السلامُ اعالدمع تبچي وتضمه
و على الوجه المنصفع •• قادم يزور الضلع
هالمسيه •• هالمسيه
……………………………………………………………
و ظل يسولف وبألم
يمه و بأسمج قسم • ثارج امانه
الطبوا الدارج امس
بأيدي اعلمهم درس • گوم الخيانه
وصاحب احچاية و إن
اطبگ اضلوعه بمتن • واگطع لسانه
و بسمج ارفـع رايه خضـره يا لثارات الزجـيه
گبل جان اموصّه حيدر هسه مشيوله الوصيه
وينه هذا السوه عين الزهره حمره
الا انزل سـقر كلـها ابوسـط گـبره
وين كل ذاك الجمع •• قادم يزور الضلع
هالمسيه •• هالمسيه
……………………………………………………………
طلع صـوت امن الگـبر
يبني يا حـلم العمـر • هاي الوصيه
توصل العِـد شـيعتي
يمـته اشـوفن حضـرتي • بيهم زهيه
انسه عصرات الرجس
وانسه كل سوط و رفس• ابفيهم عليه
يمته اشوف اجفوف سمره بيها ثار وعطر حيدر
يا هـلـه ابـخـدام ابـني بالبـقيـع انصـبو مـنبـر
و انعه انا الوالـده يـحسـين يبني
يلا خل نبچي اعله زينب يلتحبني
وعلى الجف المنگطع •• قادم يزور الضلع
هالمسيه •• هالمسيه
……………………………………………………………
✍️ ( سيد خضر الزاملي )
مولاتي الزهراء. ع
اتذكرتك فوگي الباب من دفعوها
عيني بچف ياعباس من سطروها
دمعاتي نهر
وينك يالگمر
من سطروها
+++++++++
زينب يمه هالمكتوب وصليه للگمر تالي
الى حضرة ابو النوماس عباس الوفي الغالي
خلني ابالك اعله الماي مثل ماجيتني ابالي
كلمن بچه زينب غاد يبني اعتبره چتالي
ضلعي ومحسن والعين هاي اخباري
ياعباس اعله الماي تاخذ ثاري
كاتلني القهر
وينك يالگمر
من سطروها
++++++++
مابين الحيا والموت وامشاهگ عله النسمه
انوي يا علي وما صيح ما اتمالك الچلمه
گلت هيچ الگمر عباس زينب باچر اتحشمه
مو بضلاعي لا لعيون التوجعني ترى الحشمه
اشگف عن عيني صواب صرت بحيره
لو الزم طرف حجاب يابو الغيره
وزينب عالاثر
وينك يالگمر
من سطروها
++++++++++
شحچي وعمري ياعباس چان 18 بعده
شده الحايط بمگفاي وعالباب الرفس شده
محسن مختنگ وياي مثلي حيل ماعنده
اوگع وانهض وعالگاع جمره بچفي تتعده
تطلع واترد بيه الروح واتمناها
ماترجع بس زينب اه يامبچاها
صوت اختك ظهر
وينك يالگمر
من سطروها
++++++++
صحت يا فضه مدي الايد من الگاع گوميني
ماشوف الدرب لاوين ماضل كل ضوه بعيني
زينب لاتجي وياچ وعن حسين ضميني
لو گال شعجب ممشاچ محني انتي وگفيني
ماريد انظر كون حسين دمعه بعينه
ناديله امك هسه بخير وتطمنينه
لا يحني الظهر
وينك يالگمر
من سطروها
+++++++++
بفراش المرض لويات واوجاعي تگلبني
حسين او لو نظر مبچاي نظراته تعذبني
عطشانه يگلي وگام بچفوفه يشربني
واگله دِين الك وياي ارجعه كون الك يبني
يم راسك يبني بيوم هم تلگاني
مو ماي اهناك ارويك دمع احزاني
لو شفت النحر
وينك يالگمر
من سطروها
+++++++
ثائر الربيعي