14478
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
У Магілёве забаранілі продаж 170 найменьняў імпартных тавараў для дзяцей і дарослых
Як абгрунтавалі: https://smarturl.click/E1ZR0
У прыватнасьці, уласьнік крамы ня меў дакумэнтаў аб ацэнцы адпаведнасьці тавараў, а інфармацыя для спажыўца была прадстаўленая ня ў поўным аб’ёме.
Лукашэнка прызначыў генэральнага дырэктара МТЗ і рэктараў буйных ВНУ
https://smarturl.click/RegD8
Генэральным дырэктарам МТЗ прызначылі Тараса Мурога, рэктарам Беларускага дзяржаўнага тэхналягічнага ўнівэрсытэту — Сяргея Касьпяровіча, рэктарам Магілёўскага дзяржаўнага ўнівэрсытэту — Юрыя Машына.
Яраслаў Раманчук: «Лукашэнка праводзіць сацыяльную палітыку навыварат»
У Беларусі, калі гаспадар кватэры ня мае афіцыйнае працы, усіх яе жыхароў пазбаўляюць субсыдыі на выплату камунальных паслугаў. На думку эканаміста Яраслава Раманчука, гэта яскравы прыклад «сацыяльнай палітыкі навыварат», то бок замест сапраўднай сацыяльнай падтрымкі беларусаў дзяржава ўводзіць яшчэ адзін від пакараньняў. Усё гэта толькі паскарае адток моладзі зь Беларусі.
Падрабязнасьці ў відэа Свабоды.
🇱🇹 Сейм Літвы ўхваліў стварэньне ў Вільні інфармацыйнага цэнтру Рады Эўропы для грамадзян Беларусі
https://smarturl.click/Y3g1j
Міністэрства замежных справаў Літвы прапануе разьмясьціць цэнтар у Нацыянальнай бібліятэцы, вызваліўшы яго ад арэнднай платы.
Рада Эўропы абавязуецца пакрываць расходы на абсталяваньне і абслугоўваньне памяшканьняў, пэрсанал і ўсе іншыя выдаткі, зьвязаныя зь яго дзейнасьцю.
На месцы залатагорскіх могілак вядзецца будаўніцтва Акадэміі КДБ. На Google Earth Pro зьявіўся здымак катлавана
https://smarturl.click/oVZRB
Сэрвіс Google Earth Pro абнавіў спадарожнікавыя здымкі беларускай сталіцы. На сьвежых кадрах можна ў дэталях разгледзець маштабы будаўніцтва на Залатагорскіх могілках, заўважыла @nashaniva
Новыя здымкі пацьвярджаюць, што ранейшыя ацэнкі маштабаў гэтай амаль сакрэтнай будоўлі былі дакладнымі: гіганцкі катлаван «праглынуў» практычна ўсю вольную тэрыторыю квартала. Гэта азначае, што пад каўшамі экскаватараў апынулася большая частка гістарычных Залатагорскіх могілак, якія існавалі тут яшчэ з канца XVIII стагодзьдзя.
Нягледзячы на адкрыцьцё памежных пунктаў, літоўскія грузавікі яшчэ ня могуць вярнуцца зь Беларусі
https://smarturl.click/lAbOB
«Да гэтага часу ніводная літоўская грузавая машына не праехала празь які-небудзь кантрольна-прапускны пункт, — заявіў LRT прадстаўнік літоўскай памежнай службы Гедрыюс Мішуціс. — Зь Беларусьсю не адбываецца абмену інфармацыяй пра тое, хто чакае на іхным баку, але, грунтуючыся на інфармацыі ад фураў, якія заехалі празь Меднікі, ёсьць неафіцыйная інфармацыя, што на беларускім баку, у самім пункце, літоўскіх грузавых транспартных сродкаў няма».
За час працы Астравецкай АЭС электрычнасьць для людзей падаражэла на 36%. Навошта ўладам Беларусі другая атамная станцыя
https://smarturl.click/E1Zg4
Лукашэнка чарговы раз заявіў пра намер пабудаваць у Беларусі яшчэ адну атамную станцыю. Нібыта электраэнэргія зь яе можа спатрэбіцца «паўднёваму захаду Расеі».
Разьбіраемся, чым дапамагла беларусам АЭС і ці можа быць эканамічны вынік ад яшчэ адной.
Сяргей Бесараб, радыяцыйны хімік: «У працы АЭС таннае толькі паліва, а ўсё іншае непараўнальна дорага, асабліва выплаты за крэдыт. І яны ўжо зашытыя ў тарыфы для людзей. Людзі плацяць за факт будаўніцтва станцыі. Таксама ж там улічаныя заробкі вельмі дарагім расейскім экспэртам, рамонт каштуе грошай, дэталі, бясьпека».
ЗША схіляюць Украіну да значных саступак Расеі на фоне буйнога карупцыйнага скандалу ў Кіеве
https://smarturl.click/b5zD8
Новы праект мірнай прапановы ЗША, як паведамляецца, прадгуледжвае тэрытарыяльныя саступкі на карысьць Расеі, скарачэньне ўкраінскага войска, забарону на зброю далёкага радыюсу і іншыя выгадныя Расеі ўмовы.
Зяленскі, тым ня менш, падзякаваў прэзыдэнту ЗША за «рашучыя крокі і лідэрства», «кожную моцную і справядлівую прапанову, каб закончыць гэтую вайну».
«І толькі прэзыдэнт Трамп і Злучаныя Штаты Амэрыкі маюць дастатковую сілу, каб вайна нарэшце скончылася», — напісаў Зяленскі.
❗️Лукашэнка памілаваў двух каталіцкіх сьвятароў
https://smarturl.click/13Rj5
Гэта зьняволеныя з палітычных прычынаў сьвятары
• Генрых Акалатовіч, асуджаны на 11 гадоў калёніі, і
• Анджэй Юхневіч, асуджаны на 13 гадоў калёніі.
Пра іх вызваленьне паведаміў сайт Catholic.by з спасылкай на прэсавую службу Канферэнцыі каталіцкіх біскупаў у Беларусі.
Дзяржаўнае агенцтва БелТА ў сваім паведамленьні адзначыла, што два сьвятары, якія «ўчынілі цяжкія злачынствы супраць дзяржавы», былі «вызваленыя на падставе памілаваньня».
Канферэнцыя Каталіцкіх Біскупаў у Беларусі падзякавала тым, хто спрычыніўся да вызваленьня:
• кардыналу Кляўдыё Гуджэроцьці,
• апостальскаму нунцыю ў Беларусі Іньяцыё Чэффаліа,
• старшыні Канфэрэнцыі Каталіцкіх Біскупаў Беларусі арцыбіскупу Іосіфу Станеўскаму.
Адзначана, што рашэньне было прынята Аляксандрам Лукашэнкам «у знак міласэрнасці і павагі да Папы Рымскага».
Пра затрыманага 4 верасьня манаха з Польшчы Гжэгажа Гавэла, якога вінавацяць у «шпіянажы», згадкі ў паведамленьнях няма.
Паліцэйская дзяржава замест сацыяльнай: што стаіць за падаражэньнем камуналкі для «дармаедаў»
https://smarturl.click/zd9GE
Новы раунд барацьбы з «дармаедамі» наўрад ці прынясе ўладам вялікія эканамічныя дывідэнды. Верагодна, выдаткі дзяржаўнага апарату па іх пошуку не акупяцца, і вялікага сацыяльнага ці палітычнага плёну ўлады не атрымаюць. А вось вялікае раздражненьне многіх беларусаў гэтыя новыя захады ўжо выклікалі, піша Валер Карбалевіч.
💬 Барацьба з дармаедзтвам выцякае з самой прыроды патэрналісцкай дзяржавы, якая існуе ў Беларусі.
💬 Эвалюцыя палітычнай сыстэмы ў бок таталітарызму падводзіць да неабходнасьці ўзмацненьня кантролю над грамадзтвам.
💬 Адзіны і ўнівэрсальны спосаб вырашэньня любых праблем у сёньняшняй Беларусі — гвалт і прымус.
💬 Цяперашняя кампанія супраць «дармаедаў» — гэта помста рэжыму ўсім, хто зьехаў за мяжу.
Аднавілі працу пункты пропуску ў Салечніках і Медніках на літоўска-беларускай мяжы
https://smarturl.click/3Q3Xm
Сумежныя беларускія пункты пропуску Беняконі і Каменны Лог таксама аднавілі пропуск.
Пра гэта паведамілі памежныя ведамствы Беларусі і Літвы.
🚗 Паводле сайту ДПК, чэргаў на выезд зь Беларусі ў краіны Эўразьвязу легкавікоў і аўтобусаў на ўсіх пунктах пропуску няма.
🚚 У Каменным Логу чакаюць на выезд 570 грузавікоў, у Беняконях — 355, у Казловічах на польскай мяжы — 1055.
Польскія памежнікі паведамляюць, што чаканьне грузавікоў на выезд у Беларусь у Баброўніках складае 7 гадзін, у Кукурыках — 14 гадзін.
Паводле літоўскіх памежнікаў, у Медніках чакаюць выезду ў Беларусь 34 грузавікі, у Салечніках — 25. Прыблізны час чаканьня — 5 гадзін.
Асноўнае за 19 лістапада
• «Наркотыкі толькі для прыкрыцьця». Навошта ў Беларусі прынялі новы антынаркатычны закон
• Урад Літвы вырашыў адкрыць 2 пункты пропуску на мяжы зь Беларусьсю
→ Абодва бакі захавалі твар, — літоўскі палітоляг аб завяршэньні крызісу з закрыцьцём мяжы
→ «Літоўцы „міргнулі“ першыя». Класкоўскі пра тое, хто перамог у супрацьстаяньні Менску зь Вільняй і Варшавай
→ Літва пакуль ня будзе патрабаваць новыя санкцыі супраць Менску, — дыпляматычныя крыніцы
→ Польшча адкрыла мяжу — Беларусь сьвяткуе, быццам выйграла джэкпот
• Расея запусьціла па Ўкраіне больш за 470 дронаў і 48 ракет. Шмат загінулых і параненых
• Амэрыканскі кангрэсмэн Коэн напісаў ліст беларускай палітзьняволенай Калесьнікавай: «Мы не забыліся на Вас»
• Reuters: плян ЗША па завяршэньні вайны ўключае адмову Ўкраіны ад тэрыторый
• «Паступовы адкат». Упаўнаважаная Ўкраіны ў абароне дзяржаўнай мовы адрэагавала на расейскую ў школах
• Былога байца палка Каліноўскага Максіма Ралько прыгаварылі да 10 гадоў калёніі
• Двойчы ляўрэат прэміі Гедройця расказаў пра бацьку-«сілавіка», масонскую канстытуцыю і дзяцей у Беларусі і на Занзібары
Reuters: плян ЗША па завяршэньні вайны ўключае адмову Ўкраіны ад тэрыторый
Прапанаваны Злучанымі Штатамі плян па завяршэньні вайны паміж Расеяй і Ўкраінай уключае
1️⃣ адмову Кіева ад часткі тэрыторый,
2️⃣ адмову ад некаторых відаў зброі,
3️⃣ скарачэньне колькасьці Ўзброеных сілаў Украіны, перадае Reuters з спасылкай на свае крыніцы.
Некаторыя дэталі пляну паведаміў журналіст Financial Times Крыстафэр Мілер, спасылаючыся на крыніцы. Паводле ягоных зьвестак, сярод прапаноў — скарачэньне ўкраінскага войска ўдвая і адмова Кіева ад Данбасу.
Як піша Мілер, прэзыдэнт Украіны Ўладзімір Зяленскі гэтым плянам незадаволены.
Раней выданьне Axios паведаміла, што ў гэтым пляне 28 пунктаў.
Беларускія ўлады даведаліся пра адкрыцьцё літоўскіх пераходаў на мяжы з СМІ
https://smarturl.click/e0A6D
Дзяржаўны сакратар Савету бясьпекі Аляксандар Вальфовіч заявіў, што Беларусь не атрымала афіцыйнага паведамленьня ад Літвы пра аднаўленьне дзейнасьці двух пунктаў пропуску.
«У сродках масавай інфармацыі зьяўляюцца нейкія паведамленьні пра тое, што ўрад Літвы зьбіраецца адкрыць закрытыя імі ж пункты пропуску», — сказаў Вальфовіч.
«На жаль, ніякіх афіцыйных паведамленьняў ні аб закрыцьці пунктаў пропуску, ні аб адкрыцьці, як гэтага патрабуюць міжнародныя дамовы, на сёньняшні дзень не паступала», — дадаў ён.
Абодва бакі захавалі твар, — літоўскі палітоляг аб завяршэньні крызісу з закрыцьцём мяжы
https://smarturl.click/4Oop1
Закрыцьцё мяжы Літвой аказалася дзейным інструмэнтам узьдзеяньня на рэжым Аляксандра Лукашэнкі ў Беларусі. Такое меркаваньне ў інтэрвію Свабодзе выказаў літоўскі палітоляг Віціс Юрконіс.
💬 Пасьля адкрыцьця мяжы сытуацыя вярнулася да стану, у якім яна была некалькі месяцаў таму.
💬 Літоўскія перавозьнікі, машыны якіх захрасьлі ў Беларусі, павінныя былі разумець, што робяць бізнэс зь неправавой дзяржавай.
💬 Літва разам з ЭЗ і ЗША ўжываюць адносна Беларусі тактыку «добрага» і «злога» паліцэйскіх.
Удар расейцаў па Цярнопалі. Што кажуць відавочцы і сваякі ахвяр
У выніку ўдару Расеі па ўкраінскім Цярнопалі загінулі 26 чалавек, шмат параненых і зьніклых бязь вестак.
Другі дзень запар краіны Эўразьвязу не фіксуюць спробаў незаконнага пераходу мігрантаў з тэрыторыі Беларусі
https://smarturl.click/4OoZW
У 2025 годзе на ўсёй мяжы Эўразьвязу зь Беларусьсю былі спакойныя толькі шэсьць дзён — 10, 13, 17, 22, 23 студзеня і 4 сакавіка.
Ад пачатку лістапада Літва не зарэгістравала ніводнай спробы нелегальнага пранікненьня на сваю тэрыторыю.
Польшча паведамляе пра брак спробаў пераходу мяжы па-за пунктамі пропуску тры дні запар (17–19 лістапада).
Польшча патрабуе ад Беларусі выдаць двух дывэрсантаў, якія ўчынілі падрыў на чыгунцы
https://smarturl.click/MGBj4
Часоваму паверанаму ў справах Беларусі ў Варшаве выдалі ноту з просьбай аб экстрадыцыі двух украінскіх дывэрсантаў, якія падарвалі рэйкі на ўсходзе Польшчы.
Мужчынаў абвінавачваюць у шпіянажы, які ўключае дывэрсіі ў інтарэсах расейскіх спэцслужбаў, стварэньні пагрозы катастрофы наземнага транспарту і выкарыстаньні выбуховых рэчываў. Ім пагражае пажыцьцёвае зьняволеньне.
У справе аб дывэрсіях затрымалі яшчэ некалькіх чалавек, але абвінавачаньні ім пакуль ня выставілі.
Асудзілі менчука, які зьневажаў украінцаў і крытыкаваў Лукашэнку
https://smarturl.click/9oX1p
Менчуку Яўгену Валыхіну прысудзілі 4,5 года зьняволеньня паводле трох палітычных артыкулаў. Яўгену Валыхіну 52 гады, ён жыве ў Менску, мае ўласны бізнэс. Да арышту ў чэрвені 2025 году займаўся вырабам і ўсталяваньнем ПВХ-вокнаў і бальконных рамаў, шкліў і ўцяпляў гаўбцы і лёджыі.
Сьледчы камітэт агучыў дэталі забойства жанчыны ў Менску і плянаваньня помсты яшчэ 40 чалавекам
https://smarturl.click/w4bv8
У Менску перадалі ў суд гучную справу пра забойства 33-гадовай жанчыны ў Серабранцы ў 2021 годзе. Нападнік, 29-гадовы Аляксандар Ліпскі, пераапрануўся ў форму міліцыянта, пракраўся ў пад’езд і двойчы стрэліў у яе. Яе муж уцёк праз балькон і падняў трывогу. Ліпскі зьбег, але пакінуў сьляды крыві, што дапамагло яго ідэнтыфікаваць.
Матывам сьледчыя лічаць помсту. У 2019 годзе Ліпскага асудзілі за хуліганства і напад на суседа. Паводле матэрыялаў справы, забітая стала выпадковай ахвярай — Ліпскі хацеў адпомсьціць ейным сваякам.
У 2024-м Ліпскага знайшлі ў склепе ў кватэры бацькоў (на фота). Ён адкрыў агонь па сілавіках і быў застрэлены.
Ягоных бацькоў абвінавацілі ў трыццаці эпізодах — замахаў на забойствы і падрыхтоўкі да іх.
У іхным чорным сьпісе былі больш як 40 чалавек — пацярпелых, сьледчых, судзьдзяў і нават мэдыкаў, піша Сьледчы камітэт.
Абвінавачаныя віны не прызналі.
У Брусэлі ў адказ на ініцыятыву ЗША заявілі, што любы мірны плян для Ўкраіны патрабуе ўдзелу Кіева і Эўропы
https://smarturl.click/aRxpg
Пасьля паведамленьняў пра тое, што ЗША рыхтуюць прапановы па мірнай дамове, кіраўніца зьнешняй палітыкі ЭЗ Кая Калас заявіла, што Кіеў і Эўропа павінны быць уцягнуты ў любы мірны плян для Ўкраіны.
«Каб любы плян спрацаваў, неабходны ўдзел украінцаў і эўрапейцаў», — сказала Кая Калас.
Што кажуць людзі, якія аднымі зь першых перасеклі беларуска-літоўскую мяжу на зноў адкрытым пераходзе
https://smarturl.click/ggQVD
20 лістапада Літва адкрыла два памежныя пераходы, закрытыя 29 кастрычніка.
Людзі на памежным пераходзе ў Салечніках выказалі радасьць з нагоды адкрыцьця.
Яны лічаць, што з суседзямі трэба сябраваць, а не канфліктаваць, і што трэба дамаўляцца.
Людзі адзначалі, што заўсёды жылі ў міры, працавалі разам і мелі шмат кантактаў зь літоўцамі.
Пасьля адкрыцьця 2 пераходаў «Мінсктранс» аднаўляе пяць штодзённых рэйсаў у Літву і адзін у Латвію
https://smarturl.click/XDgEQ
Дадатковыя аўтобусы паедуць зь Менску ў Вільню, Коўна, і Рыгу.
Кошты на квіткі — ад 185 да 300 з гакам рублёў.
🇵🇱 Пасьля дывэрсіі на чыгунцы Польшча накіруе 10 тысяч вайскоўцаў на крытычныя аб’екты
https://smarturl.click/XDgEQ
Яны будуць абараняць аэрапорты, лініі сувязі і іншыя жыцьцёва важныя аб’екты, піша DW з спасылкай на польскае агенцтва PAP.
Раней Польшча абвінаваціла Расею ў дывэрсіі на чыгуначнай лініі Варшава — Люблін.
«Сёньня многія экспэрты сьцьвярджаюць, што мы жывем у часы, якія нельга назваць вайной, але і мірам таксама. У эпоху гэтых гібрыдных пагроз і ўзьдзеяньня, якое наш праціўнік спрабуе аказаць на сацыяльную структуру, мы павінны абʼяднаць намаганьні ўсіх дзяржаўных службаў», — заявіў кіраўнік польскага МУС Марцін Кервіньскі.Читать полностью…
Сьвятлану Ціханоўскую ўганаравалі прэміяй за свабоду слова Index on Censorship
https://smarturl.click/aRxDg
Беларуская дэмакратычная лідэрка Святлана Ціханоўская стала адным зь ляўрэатаў прэміі «Індэкс цэнзуры — 2025» за свабоду слова.
«Яна нястомна выступае за вяртаньне беларускага дэмакратычнага руху і абараняе сотні палітычных зьняволеных, якія ўтрымліваюцца ў лукашэнкаўскіх турмах», — гаворыцца на сайце арганізатараў прэміі.
«Гэтыя пераможцы нагадваюць нам пра надзвычайную мужнасьць у той час, калі вакол нас, здаецца, апускаецца цемра, — сказала генэральная дырэктарка Index on Censorship Джэміма Стайнфэльд. — Няхай іх гісторыі паслужаць прыкладам для ўсіх нас, у тым ліку для тых з нас, хто ў Вялікабрытаніі, на шчасьце, змог успрымаць асноўныя правы ў значнай ступені як належнае, але цяпер бачыць, што нічога, нават свабода выказваньня меркаваньняў, не гарантаванае».
Ужо сёньня. 5 гадоў таму ў Менску тысячы людзей разьвіталіся з забітым Раманам Бандарэнкам
https://smarturl.click/qBpbv
📅 20 лістапада
1648 — вялікім князем ВКЛ і польскім каралём выбралі Яна Казімера.
1930 — Янка Купала спрабаваў скончыць жыцьцё самагубствам.
1945 — у Нюрнбэргу пачаўся судовы працэс над галоўнымі ваеннымі злачынцамі нацысцкай Нямеччыны.
1985 — выйшла апэрацыйная сыстэма Microsoft Windows 1.0.
1995 — у Воршы паставілі помнік Уладзімеру Караткевічу.
2020 — у Менску пахавалі Рамана Бандарэнку, які памёр пасьля жорсткага зьбіцьця і затрыманьня на «плошчы Перамен».
🌱 Нарадзіліся: Георгі Каніскі, Міхась Клімковіч, Міхась Зарэцкі, Лявон Карась, Яўгенія Янішчыц, Міхаіл Баразна.
🕯 У памяці: Крыштап Мікалай Радзівіл Пярун, Леў Талстой, Стэфан Жаромскі, Леў Клейнбарт, Юрка Геніюш, Гаўрыла Гарэцкі, Галіна Старавойтава, Віктар Цітоў.
«Літоўцы „міргнулі“ першыя». Класкоўскі пра тое, хто перамог у супрацьстаяньні Менску зь Вільняй і Варшавай
https://smarturl.click/b5zol
Рашэньне Літвы закрыць мяжу было кепска падрыхтаваным, у выніку завяршэньня крызісу ў публічнай плашчыні выйграў Лукашэнка, лічыць палітычны аглядальнік інфармацыйнага агенцтва «Позірк» Аляксандар Класкоўскі.
💬 Літоўскія ўлады кепска падрыхтаваліся да закрыцьця мяжы.
Адміністрацыя Трампа ў гэтым крызісе меркавана ціснула і на Менск, і на Вільню.
💬 Крызіс паказаў, што Лукашэнка мае пэўную суб’ектнасьць, самастойнасьць ад Расеі.
💬 Ні рэжым Пуціна, ні рэжым Лукашэнкі ня ёсьць белымі і пухнатымі, але лёгіка секʼюрызацыі не павінная перамагаць здаровы глузд.
Сын высокапастаўленага сілавіка выбраў беларушчыну і расказаў пра гэта ў сваёй кнізе
https://smarturl.click/WR5yW
Гаворка пра Сяргея Дубаўца, які атрымаў прэмію Ежы Гедройця за кнігу «Занзібар. Сталеньне маладой душы».
Яго бацька, Іван Дубавец, быў галоўным ідэолягам МУС, а сын сьвядома проціпаставіў сябе камуністычнай уладзе.
Сяргей Дубавец быў каля вытокаў нацыянальнага моладзевага руху, а потым і стварэньня Беларускага народнага фронту.
Дзясяткі загінулых, разбураныя шматпавярховікі: украінскія гарады пасьля масаванай расейскай атакі
https://smarturl.click/5ZXWD
У Цярнопалі пасьля начной атакі загінулі 25 чалавек, у тым ліку трое дзяцей. Яшчэ 73 чалавекі, у тым ліку 15 дзяцей, атрымалі раненьні.
Ратавальнікі расчышчаюць завалы, пад якімі ўсё яшчэ могуць знаходзіцца людзі. У горадзе пашкоджаныя два 9-павярховыя жылыя будынкі: у адным — пажар, у другім — разбурэньні ад трэцяга да дзявятага паверхаў.
У Харкаве ў выніку нападу пацярпелі 46 чалавек, у тым ліку двое дзяцей.
Таксама расейцы атакавалі Львоў.
У Менску будаўнікі мэтро пашкодзілі вадавод. Затапіла частку вуліцы Крапоткіна
https://smarturl.click/8pwx8
Вада паднялася так высока, што некаторыя легкавікі заглухлі, ня здолеўшы праехаць затоплены ўчастак вуліцы Крапоткіна паміж вуліцамі Кульман і Харужай.
Прычынай лякальнага патопу стала пашкоджаньне мэтрабудаўнікамі вадаводу дыямэтрам 60-сантымэтраў. Такія вадаводы выкарыстоўваюцца для перадачы вялікіх аб’ёмаў вады — таму вуліцу затапіла ў лічаныя хвіліны.
Пасьля пачатку будаўніцтва мэтро ў гэтым раёне на Крапоткіна перанакіравалі транспартныя плыні з вуліцы Багдановіча, якая стала аднабаковай. Таму здарэньне выклікала заторы і затрымкі грамадзкага транспарту.
Ілюстрацыя — БелТА