492
قناة خاصة بنشر قصائد اهل البيت عليهم السلام للتواصل مع الشاعر @Alshmree89
لو سولفت ذاك الحصل
تعمه العيون وماتضل
يهلال انت الشاهد---يهلال انت الشاهد
ماناسيه كل الحصل ما انسا
انطيت اخوتي والاخو وين الكا
بثنينهم ياهل خلگ عشت ويا
بذيج الطفوله بكربله يوم ادما
وين المعدل والبطل
تعمه العيون وماتضل
يهلال انت الشاهد---يهلال انت الشاهد
--------------------
بذاك الظهر كل الجره كدامي
عين اعله اخوتي وعين صوب ايتامي
والنار بذيالي بدت وخيامي
ضامي يشرب ماي عينه الضامي
وي هلتك دمعي يهل
تعمه العيون وماتضل
يهلال انت الشاهد---يهلال انت الشاهد
--------------------
وين المعدل والشهم ودعته
كل واحد من الموت ماخذ حصته
والكسر كلبي اموذر ومن عفته
رغم الجروح وعينه صدت لخته
ملاني حزني وما امل
تعمه العيون وماتضل
يهلال انت الشاهد---يهلال انت الشاهد
--------------------
صارو زلم والخيل وصلت يمنه
والكافل اعله الگاع ياهو يلمنه
هواي الجره والصار بس الهمنه
فوك الحرك والموت من سب أمنه
يهلال رديت الحمل
تعمه العيون وماتضل
يهلال انت الشاهد---يهلال انت الشاهد
--------------------
درب السبي والنوگ ماخذ حيلي
ومعارك ويل النجم لو مر ليلي
فوگ الرمح والراس جن يحجيلي
مقصر يخيتي وياج من يوميلي
حرمه وحيده بلا اهل
تعمه العيون وماتضل
يهلال انت الشاهد---يهلال انت الشاهد
مهند الشمري
محرم 2023
1445
@mohand8989
سلام عليكم اخوتي احبتي سنكون معكم في الايام القادمة ان شاء الله تعالى بنشر قصائد محرم الحرام لهذا العام اسال الله ان يوفقنا جميعآ لخدمة محمد وال محمد الاطهار
نسالكم الدعاء
شي من الوجدان بحق
مالك الروح والوجدان
#ياحسين_ياشهيد_كربلاء
مگدر الحب اعله اطوله
ياعشكنه من الطفوله
موبدينه من هوينه----ياحسين
يامالك اكلوب البشر بالفطره
ثاري المحبه من الزغر هم شمره
تلكاهة بذرة ومحله ذيج البذره
كلمن يحب هذا عارف قدره
ياحسين شلون بينه
هل عشگ لا موبدينه
موبدينه من هوينه----ياحسين
----------------
يحله العشگ لمن اصل للحظره
لمن انظرك وانته منك نظره
صاحب بخت يابو علي لتحظره
كل لحظه يمك تسوه حجه وعمره
انته ياشيخ اعله كلبي
افتخر بس الك حبي
موبدينه من هوينه----ياحسين
-------------
من الزغر وانه طفل بيامي
من اضحك حسين اليجي بحلامي
عل فطره گلبي شكد حقيقي اسلامي
ماعندي غيرك انت بس كدامي
نعمه يانعمه شكبرهه
هسه حسيت بثمرهه
موبدينه من هوينه----ياحسين
-----------------
مشكور ياگلبي عرفت وحبيت
نعم الحبيب حسين من اختاريت
ياريت من عدنه بعد اه ياريت
باب العشك سديته مني ارتاحيت
عشگ الحسين شحلاته
هل بشر ماكو بغلاته
موبدينه من هوينه----ياحسين
----------------
لذت عشگ بشفافي من ادعيله
لا اشر بجفي ولا اوميله
بعيوني يعرف حاجتي من اشكيله
قران اسمه يلفظ ترتيله
عدنه عشره من الطفوله
مايرد شما نكوله
موبدينه من هوينه----ياحسين
مهند الشمري
@mohand8989
#عظم الله لك الاجر مولاي ياصاحب الزمان
قصيدة بمناسبة هدم قبور أئمة البقيع عليهم السلام…
كبه الهم بالكب معموره
ويا دكات الكلب انزوره
الكبه معناهه العقيده
حيدر امشيدهة بيده
صفح التاريخ واقراه شكاتبين
احنه أصحاب العقيده من سنين
بعالم الارواح نصرخ ياحسين
وجنه من انزور ننطيهه الادين
ما اكابر بالهدم هدمونه
من جديد انخضر ايعرفونه
هدم الاحجار شيفيده
حيدر مشيدهة بيده
--------------------------
انه شيعي وحيدري بالعالمين
وسط روحي عايشه ام البنين
انته تفكيرك بعيد وانه وين
انه انطر يومهم وبجيلي عين
بعالم الاصلاب حبهم طابع
بينه غيره ادكول يوم السابع
عوف البالك بعيده
حيدر مشيدهة بيده
------------------------
منهج الصادق نعرفه من الزغر
ماتغير منهجه بهدم الكبر
شوف قبلك شنهو سوا الشمر
وشوف غير حسين ياهو الينذكر
الله يعرف وين يوضع سره
ماتسمعون الحقيقه ومره
ربك أختار اليريده
وحيدر مشيدهة بيده
--------------------------
واهم ورايح بعيد العنده ضن
اليهدم الكبه ويفلش كل صحن
ينهي موضوع العقيدة ويطمأن
حبهم بنص الكلب مثل الوطن
ما تفرقونة ابد لا مستحيل
من فروع الدين حبهم بالدليل
مسلم وحن الحميده
وحيدر مشيدهة بيده
---------------------------
باجر المهدي يرد يبني القبور
ونكطع جفوف الكفر شيعه ونثور
وحق عباس الكفل ننطي النحور
ونلغي كل واحد دخيل وماله دور
يالثارات البقيع بهل شعار
ناخذ مربع ابد ماننسه ثار
المهدي كل حقنه يعيده
وحيدر مشيدهه بيده
مهند الشمري
@mohand8989
بويه أخذني وياك لا تخليني
الفرگه صعبة وبعدك أياذيني
بويه حاجيني اريدن صوتك
انه بنتك فدوه رد امروتك
كلشي متوقعه فقط بس موتك
كون ميته ولا اشوف ابعيني
الفرگه صعبه وبعدك أياذيني
-----------------------
بويه خذني وياك حطني بالكبر
بدون عينك ابد مايسوه العمر
فدوه دليني بدرب بي انتظر
حتى احجي وياك وتحاجيني
الفرگه صعبه وبعدك أياذيني
------------------------
بويه حيدر شو تغير لونك
صد عليه ولاتغمض اعيونك
تدري زينب ماتعيش بدونك
دون عينك ما اريد اسنيني
الفرگه صعبه وبعدك أياذيني
-----------------------
بويه وحشه شلون اخلص ليلي
صوتك يمثل وحي ويوحيلي
والله مشتاگة الحروفه احجيلي
فرگتك يابو الحسن تعميني
الفرگه صعبه وبعدك أياذيني
-----------------------
بويه مرلي بطيف سكن روحي
وصل حد سابع سلف حد نوحي
جروحي حيل كبار بويه جروحي
والله نيران البعد تجويني
الفرگه صعبه وبعدك أياذيني
مهند الشمري
@mohand8989
#قصيدة_بحق_مولاتي_خديجة
#عليها_السلام
عام الاحزان بخديجة مبتدي
شلون حالج فاطمه وحال النبي
ياعظم هاي المصيبه ياعظم
ماتكفي هل مجالس واللطم
حيل كون اندك صدرنه للعظم
اليوم جنه الشام وايام السبي
ــــــــــــــــــــــــــــــــــــــــــــــــــــــــ
بكل مجان نخلي مجلس تنذكر
على اعناد الرافضه واهل الكفر
مانخلي مصيبتج سكتة وتمر
من زمان تعلمت انه وصبي
ــــــــــــــــــــــــــــــــــــــــــــــــــــــــ
ساعد الله الليله كلب المصطفى
لانشف دمعه ولا جفنه غفه
شلون عام وبيش والله نوصفه
جن مصيبة كربلة وحرك العبي
ــــــــــــــــــــــــــــــــــــــــــــــــــــــــ
ما كمل مثل الخلك رمضانه
فطر بدموعة النبي واحزانه
مثل بيت الزهره بي نيرانه
حزن ويا الموالي والأبي
ــــــــــــــــــــــــــــــــــــــــــــــــــــــــ
وي رسول الله نردد هل نداء
ساعة اغيابج يحل بينه البلاء
يوم توديعج بچت حتى السماء
شكم رسول البجت عينه شكم نبي
مهند الشمري
@mohand8989
السلام عليكم اخوتي اخواتي
مبارك لكم شهر الله الفضيل اسالة بحق محمد وال محمد ان يتقبل منكم صالح الاعمال ويكتبكم من الصيام القيام
وان لاتنسوني من خالص دعائكم
اخوكم
مهند الشمري
ياهلا بزورا موسى ياهلا
ياهلا بالجاي لينه
نعزبه ونوكله مندينه
(ذوله احنه مجربين)
المواكب كلهه بيتك
منين ماجانت هويتك
(هيج علمنه الحسين)
نركض مسابگ نخدمك
شرف النه اتراب جدمك
(ماتغيرنه السنين)
ياهلا بزورا موسى ياهلا
/////
الله خالقني الخدمتك
لا تفشلني اعله بختك
(سولف وتامر امر)
انته بس كول التريده
بالحظه ونيجب البعيده
(الك مرخوص العمر)
انته زاير باب حاجه
وباجر الناس اتلاجه
(شلون وشلون العذر)
ياهلا بزورا موسى ياهلا
/////
طيور ملتمه اعله حظره
فزعه والزاير نحظره
(هذا خطار الامام)
والبگلبه احنه نقره
كلشي عدنه رغم فقره
(وحگ زينب والخيام)
راهنو نترك دربكم
كل سنه يزاد حبكم
(بخدمته ننسه ننام)
ياهلا بزورا موسى ياهلا
/////
الخير من خيره ونعزب
واليمرنه بي نجلب
(ابد مانخلف وعد)
احنه تربات المضايف
اصل عندي موش طايف
(نلتزم عدنه عهد)
والدليل اليجي زاير
زادي والم جايي فاير
(ننطي ميهمنه العدد)
ياهلا بزورا موسى ياهلا
/////
شما يطول العمر بينه
احنه عشاگ وهوينه
(مانبدل هل درب)
هذا خيري من وجوده
الله خالقني اعله موده
(غيره مانهوه ونحب)
من الزغر ويا ربينه
معدليين ويدري بينه
(بالمواكب بالحرب)
مهند الشمري
@mohand8989
تعنينة الاسد بغداد
من كل صوب هل جينه
تحزم بينه رجلينه
يسوة واله اتعنينه
حزنه بكل سنه ينعاد
-----
من البيت للحظره
نبجي اعيونه حمره
يابو اعمامة الخضره
معدل هذا وابن اجواد
-----
جدمي اتسابك بجدمي
امشي وكلبي اله يدمي
اسود رايتي وهدمي
اتراب الزاير النه امراد
-----
نقفل مانضل بالبيت
انه وكل هل اتعنيت
ونضل بهل درب ياريت
بخت هذا الدرب يراد
-----
بكل خطوه يقيني يزيد
تقرا الكلب شيريد
عن الشيعه موش ابعيد
خيري من عرفتك زاد
------
ياموسى يبن جعفر
لا همنه البرد لاحر
حبك فطره مانگدر
عقيده وبيهه خيط اعناد
------
وخيرآ انته يامولاي
وفقني اجي مشاي
ووزع بالمواكب ماي
كلهن بالقيامه الزاد
مهند الشمري
@mohand8989
-ما يبقة وحده اعلة الجسر-
-أمشونه يشيعة انشيلة-
شدو الحزم شدو العزم
خطوات نكظيهة لطم
الصدر لازم ينهدم
بجفونة يرف العلم
نعزي مهدينة بحزن
ونتوسل بتعجيلة
ــــــــــــــــــــــــــــــــــــــــــــــــــــــــ
الأف نتعنة اله
بغداد جتة وكربله
صوت الحزن بيهم عله
وكل دار من اهله خله
الشيعة بدموع الحزن
حفاي اجت تمشيلة
ــــــــــــــــــــــــــــــــــــــــــــــــــــــــ
حفاي نوصل كل سنه
يا اغلى من كل الضنه
ظهري عله مصابه انحنه
ناذرلك اعيوني انه
ازغار وكبار ونسه
محنية اله وتبجيلة
ــــــــــــــــــــــــــــــــــــــــــــــــــــــــ
ياوسفه سمو الكفر
مرمي بقة فوك الجسر
بقيود ظهرة منكسر
خلصهة من عسر العسر
بكلوب تارسهة الألم
الاف اجت تشكيلة
ــــــــــــــــــــــــــــــــــــــــــــــــــــــــ
هارون خلا بسجن
ليله ونهارة بس يون
كلبة علة الشيعة يحن
ياوسفة مسجون الوطن
ربعة وعمامة بكل فجر
بكل ركعة الة تدعيلة
ــــــــــــــــــــــــــــــــــــــــــــــــــــــــ
مايبقة وحده بلا اهل
بجتاف لازم ينحمل
موسى عقد بيكم امل
والچبد متگطع وصل
والكلب من فوك الجسر
بدگاتة الة يوميلة
ــــــــــــــــــــــــــــــــــــــــــــــــــــــــ
علنت حداد العاصمه
بغداد اجته لاطمه
تبجي الارض تبجي السمه
وتعزي امه فاطمه
يم الجسر لمن يصل
كل شيعي ناذر حيلة
مهند الشمري
@mohand8989
#يازينب
يادفان سولفلي عليهه
محنه كربله شمخليه بيهه
صدك حجي اليكولون
ميته وزركه المتون
يادفان ريض من تخلهه
ملجومه كلب ومضيعه اهلهه
مثل حل الكصيبه لو تحلهه
ماتت بالغرب وبعيد خلهه
ماتت من زمن موهسه ميته
من راعي العلم طولت جيته
سولف خل يسمعون
ميته وزركه المتون
-----------------------
بهداي الترب لمن تهيله
جتك من سبي ورحله طويله
محنه ومن صدك محنه ثجيله
بدت برض المدينه والعليله
بس نوك وسبي خلص عمرهه
فوك اعله الرمح عافت كمرهه
خل تدري الميدرون
ميته وزركه المتون
------------------------
نوح اعله الكبر خل تسمع الناس
وكتب عل كبر اختك يعباس
صح ماتت غريبه برض الانجاس
ضلت بت علي ما دنكت الراس
ليتام ونسه صارت كفيله
مثل حسين وارثته وخليله
صعبه شلون وشلون
ميته وزركه المتون
------------------------
سولف عل خلك لاضم يدفان
بجفن بت النبي شميت دخان
خافن باقيه من حرك صيوان
لو حضنت طفل محترك عطشان
محنتهه وعلي كلش جبيره
ذبح بيهه وسبي ونوب اسيره
خلص شوف العيون
ميته وزركه المتون
------------------------
عد راس العقيله انعه اعله الحسين
ترتاح ابكبرهه بصوت الونيين
بجت شبعت بجي وماشبعت العين
شكم احسين عدهه قابل ثنين
يازينب وداعا ياعقيله
يازينب وداعا ياعليله
صابت كل الضنون
ميته وزركه المتون
مهند الشمري
@mohand8989
#استشهاد_الامام_الهادي
اليوم سامراء غطاهه الحزن
تلطم بحركه والم فوك المتن
بس سواد اليله متروس الضريح
الموالي بحركة يم بابه يصيح
شفت دمعه وعبره بعيون المسيح
حزنك يلم الطوائف كل ذبيح
هذا تربات الكرم--- اله هنياله اللطم
والطيور بعبره عل حظره تون
تلطم بحركه والم فوك المتن
-----------------------
اجت بغداد بحزنة واعتنت
ويالثار العسكري الصرخه اعتلت
وبدمع عاشر عله اعتابه بجت
والشفاعة ابليل توديعة ارتجت
كفو من يمهم كفو---من طرف موسى اجو
يالثار العسكري بصوت الشجن
تلطم بحركه والم فوك المتن
-----------------------
اجت رايت كربله اتعزي اله
بالحزن وال اه جته مكبله
صاح يومي مو اشد من كربله
ياهلا بالجاينه ويمت هلا
انته مرجع للعرب---المثل بيك انظرب
رب الاكوان الحزنه هل اذن
تلطم بحرگه والم فوگ المتن
--------------------------
صوت الدموع بضريحه هل هتف
اجت رايه اتعزي من صوب النجف
مثل حيدرنه علي دمه نزف
وانطفه عاشر نجم يا للاسف
وحك حماي الحمه---نبچي لمصابه دمه
نطبر الراس لمصابه من السنن
تلطم بحرگه والم فوك المتن
----------------------------
اي وحك احسين ما نخلف وعد
شيعه اصحاب العقيده ومعتقد
عدنه هذا اليوم شيرجعه بعد
نجدد بدمعاتنة نجدد عهد
بالدمع عدنه خبر---تصير شمعه بالكبر
الوطن مجروح جن فاگد وطن
تلطم بحرگه والم فوك المتن
مهند الشمري
@mohand8989
#نزلة
#ام_البنين
أنطينة أمراد يم عباس
يم بابج اجينه
انتي اصل الكرم والوجد
اسمج بالعرش موجود
محلفج بالكمر والجود
كل غايب يرد يعود
نهر ومن علي الكرار
من عنده ارتوينه
-----
حرمه ومن ظهر لبطال
تاريخج يهز اجبال
مظرب صرتي للامثال
اسمج علم للاجيال
هذا الخير من عندج
وبخيرج علينه
-----
جرب مرة واسلهه
ودمعات بصدق هلهه
عليج احسين بس كلهه
الحاجه العندك اتحلهه
الحاجه انريد يل حره
مدينه ادينه
-----
هاي ام الگمر معروف
اسمج كعبه بي انطوف
كلبي عليج ها ملهوف
مري بطيف كحلي الشوف
من ذاك الوكت لليوم
بجودج هل ربينه
-----
أزغار اكبار مجلسنه
حاجه جبيره هل عدنه
حاشه ام الوفه اتردنه
يمتى الغايب يردنه
صار سنين منتظرين
وننتظرة يجينه
مهند الشمري
@mohand8989
#قصائد_شهادة_فاطمة_الزهراء_ع
#اللهم_اللعن_قتلت_الزهراء
بگد الهوى بگد السمه
نلعن عدوج فاطمه
بگد الدمع لنهله
نلعن عمر والشله
ابلا تقيه ولا اشاره ولافلان
ملعون ذاك الباگ منج بستان
بالمستهل خليته حتى امننعيد
تحفظ وتلعن عدنه حتى الرضعان
تاريخه اسود والسبب
مو خير ومالت عتب
باگ العنب والسله
نلعن عمر والشله
---------------
واجب حقيقي ومن فروع الاسلام
عدنه التبري من الظلم والظلام
افعالة شينه ويكطف اعليه احجار
مو جام بيته انوب ماعدهم جام
شگد عدلو وكحلو
چاهيه گوه مو حلو
اشكال جاب وخله
نلعن عمر والشله
---------------
كلمة حقيقه ابهاي ما جاملنه
ماله وصف حتى نشبهه بجنه
تايهه نسب دورنه كل العربان
سبعين والد هذا اله اتوصلنه
مابالغ بكل الكلت
حسيت نفسي جاملت
ابگلبي اضم العله
نلعن عمر والشله
---------------
لاهم شجاعه ولاكرم لا وكفات
بكل المعارك دورة چان الفلتات
كاظيهه حيدر يفزع الهذا وذاك
متلوگ لو كلنه عمر للكلفات
بس العلي ايلوگ الوصف
زلمه وعلينة شگد گلف
هيهات منا الذله
نلعن عمر والشله
---------------
اخر كلام وتبقه بيه الحصره
خدهه انصطر والعين صارت حمره
لوما الوصيه وحيدر اموصه بهاي
مو وذره چا سوا ميت وذره
هذا الكلام ابمعتقد
وصو الوالي بهل وعد
للدين يعرف خله
نلعن عمر والشله
مهند الشمري
@mohand8989
#قصائد_شهادة_فاطمة_الزهراء_ع
بويه شو رديت وعيونك غريبه
بويه سولفلي الجره وين الحبيبه
امنه وين بيا كتر
والله ماضلي صبر
من أمس لليوم كلبي ابلايه راي
كلبي عطشان ويريد الزهره ماي
والله مو مالت بعد انه بصباي
واليتم ذل البنت معروفه هاي
بويه اشوف اتراب ودموع بلحيك
لاتكول من الكبر لا هايه جيتك
وياك اخذني للكبر
والله ماضلي صبر
ــــــــــــــــــــــــــــــــــــــــــــــــــــــــ
انته داحي الباب بس مو انته ذاك
اعيونك تسولف دمع شنهو الوراك
ياعلي مخنوك جن دافن هواك
وعني متعطل دكلي العطلاك
كلشي بيك يكول دافنلك سمه
مو نفس حيلك علي حامي الحمه
بويه سولفي الامر
والله ماضلي صبر
ــــــــــــــــــــــــــــــــــــــــــــــــــــــــ
انه عندي احساس ماريده يصيب
شما اصد الشفتك بيهه نحيب
انه متاكده علي دافن حبيب
والدليل بهاي حيدر كله شيب
وياهه خل نموت لو عنه ارحلت
شلي بالدنيه بعد امنه ومشت
نستعد جانه العسر
والله ماضلي صبر
ــــــــــــــــــــــــــــــــــــــــــــــــــــــــ
حتى باب الدار جنه يصد الي
يدري هذا البيت هل اصبح خلي
جنه يدري بهل مسه راحو هلي
وللدمع وال اه ضلت بت علي
بويه بالتابوت سويلي مجان
فقط يم امي احسن ب الامان
بعد مايسوه العمر
والله ماضلي صبر
ــــــــــــــــــــــــــــــــــــــــــــــــــــــــ
شلون كلي شلون تغمض عيني
ياهو اليصبح عليه وياهو اليمسيني
زينب ابنيتي الحبيبه ياهو اليسميني
والكلب يشبه ضلعهه ومحد يتجيني
شلون دنيه تدفن كليبك بديك
والمصيبه بهاي محد يدري بيك
بعد مامنهه خبر
والله ماضلي صبر
مهند الشمري
@mohand8989
ادور مجلسك جن ام الوحيد
من اسمع نعي لدموعي اجه العيد
دوار وادور بالدرابين
ماعدكم نعي محتاج لحسين
عطشانه ابختكم تبقه هل عين
دلوني وروحن مايهم وين
بير دموع عيني شتنگص ازيد
من اسمع نعي لدموعي اجه العيد
-----------------------
من اسمع مجالس بسمك اصيح
جن ثوب اعله طولي الدمعه الطيح
نار الشوگ بيه اهلالك الريح
عاشورك صدگ بجه التماسيح
و اليبجي المصابك بعد شيريد
من اسمع نعي لدموعي اجه العيد
-----------------------
ضاع الراي مني وانشد الناس
شوغات ابدليلي ترست الراس
شاب الشوف كله حتى الاحساس
لان مرت سنه وما باچي عباس
شما يذكر مصابك نصرخ ايعيد
من اسمع بجي لعدموعي اجه العيد
-----------------------
دمع اطفال ابچي فخر مو عيب
ادگ ابرجلي حيل وراسي بي شيب
لاشك بقضيتك ابد لا ريب
منصوصه بكتب من عالم الغيب
لايرضه جرحنه ينام ميهيد
من اسمع بجي لدموعي اجه العيد
-----------------------
روحي امفرفحه الذيج الدواوين
حج الطم عدنه برگبتي دين
اشلع اجفوف اديه كون الاثنين
متكفي سنه كون الطم اسنين
بدون حسين شنهو العمر ميفيد
من اسمع بجي لعدموعي اجه العيد
مهند الشمري
محرم 2023
1445
#عظم_الله_لكم_الاجر
#نسال_الله_القبول
#جعفر_الصادق
الصادق اهل البيت ابچي اعيوني
هذا ابونه وجعفري ايسموني
هذا ميزان الحقيقة والوفاء
واليحبه لازم يقدم دماء
جعفر الصادق امام الأتقياء
انه اتشرف اله يحسبوني
------------------------
هزنه حيل هواي أذانه الزمن
والمصيبه بدينه صارت فتن
غير جعفر احنه ماعدنه وطن
انه شيعي وثابت يعرفوني
-----------------------
كالو انسا والك وشما تريد
وياي كتلهم حجيكم مايفيد
همه ما يدرون جن حبل الوريد
ثابت بروحي وحلم يشروني
------------------------
نسال الله الثابت بهل درب
بغير حبهم مايدگ كون الكلب
لا حله زادي ابعدهم لا شرب
خيري منهم همه اليوفقوني
-------------------------
للبقيع هناك ابعثلك سلام
هدم گبرك مايضر انته امام
بكل كلب شيعي الك گبه ومقام
هوه ديني وخلهم يلموني
--------------------------
محزمه الخدام للصادق خدم
محزمين احزام مشدوده الهمم
بكل مواكبنه يرف باسمة العلم
كون خادم بس اله يسجلوني
مهند الشمري
@mohand8989
السلام عليكم اسعد الله أوقاتك بكل خير صيام مقبول وتقبل الله طاعتك وكل عام وأنت بخير وصحة وسلامة وسعادة إن شاء الله.🙏.
اخوكم
مهند الشمري
#ياعلي_ابن_ابي_طالب
#عظم_الله_لكم_الاجر
مات ابونه وخلصت احروف الكلام
مات ابونه وبعد عل دنيه السلام
كلشي عندي وماعشت
انه مو انته المتت
ماتو ابونه
وياك أخذهن يالرحت ماريدهن
العينه رمده اي كحل ما يفيدهن
غاب الهلال وتفرهد عيدهن
وهاي ضلتهن بطر من ايدهن
مدري ابونه مدري مدفون الهوه
عمري بعده هوه والماكو سوه
وياك بترابك ردت
انه مو انته المتت
مات ابونه
ــــــــــــــــــــــــــــــــــــــــــــــــــــــــ
منين ماصدن اشوفه بكل كتر
بكلهن الزينات اسمك ينذكر
بلا وعي دمعي يتوزر ينفجر
بويه ساعة نريد رخصه من الكبر
شوفي شيعيته وشطبت سنيني
ما اشوفن جني دافن عيني
حيل بعده تمرمرت
انه مو انته المتت
مات ابونه
ــــــــــــــــــــــــــــــــــــــــــــــــــــــــ
اليوم دگ رجله الگلب ل عزازاه
وعازة الولد يعالم عازه
لو بچيت اعيوني ما يجازه
اني عايش بس نفس وجنازه
احسد العنده ابو ويشوفه
والله مشتاگ الحنان اجفوفه
گلبي عطشانك صحت
انه مو انته المتت
مات ابونه
ــــــــــــــــــــــــــــــــــــــــــــــــــــــــ
شيبي تارسني واريد احظانك
هذا يا خال اليعوض امچانك
و لا تعوضني كثر خوانك
انته عنوان وصعب عنوانك
سر عظيم بشخصه وبحنيته
روحي اصبرهه بعطر خاچيته
بليلي عگبه اتلوعت
انه مو انت المتت
مات ابونه
ــــــــــــــــــــــــــــــــــــــــــــــــــــــــ
كلشي بينه يكول ما ناسينك
بشده واندور فزعت وينك
هذا خطار اجه متانينك
هواي شنساهن البيني وبينك
كون اموت وكون بس نتلاكه
حتى كلبي يبرد من اشواگه
كمت چم مره وطحت
انه مو انته المتت
مات ابونه
مهند الشمري
@mohand8989
#ياعلي_أمروتك
#ياعلي_ياابوالحسن
#عظم_الله_اجركم
ياليل سولفلي بعلي شنهو الجره
اسمع نياح بداري وانه امخدره
شنهو الجره وشنهو الصار
چا وين عنه الفقار؟؟
ياليل سولفلي بعلي حاجيني
سابع سمه واصل ياليل ونيني
من البواچي بجفي طاحت عيني
انطيك كلشي بس ابويه انطيني
بالكوفي اسمع صوت ماخذ حيلي
والدمع بطراف الجفن يوميلي
اضلم احس صار الدار
چا وين عنه الفقار؟؟
---------------------
واهس بچي بعيوني مدري شجاري
ونيران باب الزهره تشبه ناري
كلهن اجن ابراسي والله الداري
يعگوب حالي ومثله اكره داري
كفيت منهه وبعده واهس بيه
بين فجرهه والدي بلا جيه
والكلب كاعد محتار
چا وين عنه الفقار؟؟
---------------------
مرتين حلفتة بعلي گلبي وكال
عندي سوالف والحجي ماينكال
مو ذاك حيله الصال بالكوفه وجال
دمه اعله طوله حيدر وهذا الحال
صاحي اعله روحك ياگلب والكلته
ولو ادري حيدر بيهة ما سالته
والكون جن بيه اندار
چا وين عنه الفقار؟؟
--------------------
من اليوم هذا وكلشي بينه تيتم
غاب الفرح والدنيا صارت ماتم
كعدن اجروحي من دفنت البلسم
كلشي بغيابك ياعلي يتالم
حتى الهوى من يفوت يجرح ريتي
زينب جنت هسه اليتمه صيتي
والقدر ليه شمختار
چاوين عنه الفقار؟؟
----------------------
دمعي اعله طولي والنفس متوازي
شيبي غزاني بالحظه تارس راسي
ياناس مأدري شيوصف احساسي
عدله اعله طولي وميته بيه انفاسي
وياكم اخذوي ويه ابوي اتوسد
بس هذا حيدر عگبه ماعندي احد
بالروح هل شبت نار
چاوين عنه الفقار؟؟
مهند الشمري
@mohand8989
#قصيدة_بحق_مولاتي_خديجة
#عليها_السلام
راحت خديجه اليوم عن دار الاحباب
كلبي النبي مكسور من عظم المصاب
حال النبي مكسور من هل رزيه
ام الوفه من يوم جتهه المنيه
نوح وبجي ودموع حال الزجيه
الجانت ضوه للبيت غطاها التراب
-----*-----*-----*
رح الضوه من البيت وياهه غايب
مو سهل عل جناز دفن الحبايب
كلبي للنبي لليوم جن شمعه ذايب
مقدر علينه الموت بس صعب الغياب
-----*-----*-----*
ذاك الملك والجاه ما عز عليهه
كلته فدوه يروح وانطت بديهه
والكعبه الج وكفات هل نحجي بيهه
شمايطلگ التاريخ مثلج فلا جاب
-----*-----*-----*
وكفت زلم شجعان للهادي وكفت
جنت حيدر الكرار وبكلشي ضحت
منهه ثلاثت انعام وفت وكفت
مجروح اجه الاسلام وبوكفتج طاب
-----*-----*-----*
رب العرش من راد كفؤ النبينه
بالخلق هوه اختار من نفس طينه
يعني الاسلام بخير يدريج امينه
يومج علينه هواي جن عصرة الباب
مهند الشمري
@mohand8989
#ياصاحب_الزمان
اندبه بكل صبح كل ليل وشوفه بعين وجداني
يمتى الفرج يامولاي وبسمك يفرح الساني
لاضن البعد مولاي يطفي اشواكنه الحره
لو اسمك يمر عل روح ريح ومرت بجمره
ندري العشك هم يموت لو مرت عليه فتره
بس احنه عشكنه يدوم شوف اعيونه الحمره
حمره وتهمل اعله الخد
من السهر جفني اسود
رمشي من التعب ارمد
لو ضل يوم بالدنيا اضل امتاني ومتاني
-------------------
طال البعد يامولاي وشيب كل صبر بينه
تعب كلشي اعله هاي الگاع بس احنه بعد بينه
مثل ايوب صبري وياك ابد ما يوم ملينه
بس الگلب هم يريد محبوبه ويقر عينه
المفارك عزيز يموت
يتمنى نومت التابوت
مشتاگ الهذاك الصوت
لمن يأمر اسرافيل وشوفه من البعد جاني
----------------
افگ ريچي وكولن وين بس الوين تبرالي
ومن گد مانشدت اعليك ناشد صدگ اخيالي
فگري وبالي يم مولاي بس الجسد لعيالي
غالي الضنه مثل الروح فوگ الغالي هم غالي
اغله انسان مربيه
بعيد وكله حنيه
احسه وياي ليليه
حين اليغفن ادموعي اكول المهدي مراني
---------------
ما أدري اليشبهك وين حتى بشوفته اتسله
انطي اسنيني واسنيني بس الگا ووصله
ياناس البعد چتال كلشي بروحي ماخله
مثل الملح للمجروح حط بالروح الف عله
شوكك عايش بصدري
حبك بالكلب عذري
الله بحالي بس يدري
شكرآ يا اله الكون نعمه حبك انطاني
----------------
شكم جمعه المضت مولاي وانه بدربك اتنطر
مثل النهر وبلا ماي كلشي بروحي متفطر
مرني بطيف يالمعود عاد بطيفك اتصبر
تنام جروحي لو لحظات من فرگاك ماتكدر
اظلم هل العمر دونك
حلمي شوفت اعيونك
اشوفك واسال اشلونك
ماكابر بعد مولاي بعدك كلي هداني
مهند الشمري
@mohand8989
يا اول سجين وصوته مسموع
رغم ماسولفنه بس بالدموع
صرخ هيهات للذل
رساله من السجن وداهة النه
مثله انصير لو يثكل حملنه
من دك باب واحد يفزعلنه
نصبر والصبر مفتاح جنه
اعرف بالمشي من الشعائر
بس بخطوتي بخطوا سائر؟؟
صرخ هيهات للذل
--------------------
أمر ثاني مهم مولاي راده
خلي بكل عمل عندك اراده
هارون بعظمته وكل بلاده
مولاك بدعاء وتربه باده
خلي بكل عمل للباري نيته
امامك للبشر هاذي وصيته
صرخ هيهات للذل
--------------------
خل صومك صلاتك واقع تكون
الله اليدري بيهن موش يدرون
موسى الدنياعنده ويحكم الكون
مافارك فرض وسنين مسجون
يتوضى من الصبح لليل ساجد
كاظم غيظ كلبه الربه عابد
صرخ هيهات للذل
-------------------
تعلم من امامك ذني الاطباع
بكسرة خبز عاش وعمره ماجاع
ضل صاحب عقيده وابد ماباع
ذل الريح صيته مثل الشراع
يااول سجين يحبه سجان
حر الفكر عاش بوسط قضبان
صرخ هيهات للذل
-------------------
أخذ عبره بسلوكه واقره عنه
عارف كون قدره من اتعنه
عاش ومات ناذر عمره النه
نعيش احرار بس هاي يتمنه
نخلي (الا) بوجوه اليحكمون
احنه اتباع موسى خل يسمعون
صرخ هيهات للذل
مهند الشمري
@mohand8989
ياموسى ابن جعفر هاي اخبارك
تحجيهة ٲفخر متعنية زوارك
زوارك تعنة والحزن بيهة
اجت بيك اتعزة وانتة عزيهة
انة بكلبي امانة ولزم احجيهة
يا باب الكرم مشهودة اثارك
بسواد اتوشح العالم عله مصابك
وتلطم هلمسة بالصحن احبابك
تتعنة وتطوف اليوم يم بابك
وبعطرك يبعد الروح تتبارك
تلبسلك سواد وترفع الراية
يا اية صبر وانتة ٲصبحت اية
اجتك هل احباب اليوم مشاية
والصوت يتعالي اليوم يا ثارك
تنصبلك مواكب وزعت زادك
يا مولاي نظرة رايدة مرادك
كل احنة خدم احسبة لولادك
واملاك السمة ويانة تتشارك
جنة علة الارض ياسيدي قبرك
ومجانين العشك متعنية وتخبرك
علمني الخبر علمني شنهو امرك
هذا الكون كلة حبك ٲختارك
متاكد اردن اخذ ٲمرادي
وارجع والفرح باين علي بادي
اريدك تحفظ الزوار وبلادي
وانتة اصل الكرم واليوم خطارك
مهند الشمري
@mohand8989
#يازينب
چبيره بكد سمانه---عزيزه بكد هوانه
الچ لليوم وكفات--صوتچ يدوي هيهات
چبيره بكد سمانه
ياراية نصر بالمعركه اترف
يانهر الوفه لليوم ماجف
ياشمس المواقف يشهد الطف
ماهزج عددهم رغم چم صف
عقيله انتي وكفيله--ورثتي وخليله
ذكرج بينه مامات---صوتج يدوي هيهات
---------------------------------
يا أول جرح يهزم الجلاد
ياعباس ثاني وكلج اعناد
شكد حاول يهزج لجن مافاد
زينب انتي زينب بنت الأجواد
ياسر من الاسرار--بيج الجنه والنار
جرعتي اسنين مرات--صوتج يدوي هيهات
------------------------------
يا أول اسيره اتفك القيود
رغم موت الولي بس جنه موجود
وگفتج ردت العباس الزنود
وكلامج يروي زينب عوض الجود
اخت عباس انتي---ومثله شكد حملتي
جزيتي هواي صعبات--صوتج يدوي هيهات
-------------------------------
ياقبلة شرف حيرتي الاجيال
الج وكفات زينب مالت ارجال
زينب بت علي مضرب للامثال
خيالت مواقف وخت خيال
شحده اليصل يمج--بكلهن جنج أمج
خطابج كله حملات---صوتج يدوي هيهات
-------------------------------
جن حيدر علي وكفاتج انتي
ياكعبة صبر وشكد حملتي
عباس وعلي وحسين صرتي
ومن أمج الزهرة شكد ورثتي
رغم دخيان الاخيام--ورغم مگيوده للشام
هزمتي جيوش شمات--صوتج يدوي هيهات
مهند الشمري
@mohand8989
#يازينب
(أمشونه نشيع بت علي)
يله يشعه امشونه-(أمشونه نشيع بت علي)
وصرخاتكم سمعونه (أمشونه نشيع بت علي)
شيعة علي يسمونه(أمشونه نشيع بت علي)
نجزع ولا يلومونه(أمشونه نشيع بت علي)
وي زينب ايجفنونه(أمشونه نشيع بت علي)
انه وعمامي وكل هلي(أمشونه نشيع بت علي)
ــــــــــــــــــــــــــــــــــــــــــــــــــــــــ
دمعاتكم فوك الوجن(أمشونه نشيع بت علي)
تستاهل نجدد حزن(أمشونه نشيع بت علي)
مسبيه راحت للوطن(أمشونه نشيع بت علي)
والمتن يالون المتن(أمشونه نشيع بت علي)
نلطم ونلطم بالعلن-(أمشونه نشيع بت علي)
دار الوحي اصبح خلي(أمشونه نشيع بت علي)
ــــــــــــــــــــــــــــــــــــــــــــــــــــــــ
يخسه اليكول مسلبه(أمشونه نشيع بت علي)
بالناگه وبچفهه العبة(أمشونه نشيع بت علي)
عفه وشرف من الصبه(أمشونه نشيع بت علي)
بت حيدر ونعم الربه(أمشونه نشيع بت علي)
مو مالت گيود وسبه(أمشونه نشيع بت علي)
الله يعينك يالولي(أمشونه نشيع بت علي)
ــــــــــــــــــــــــــــــــــــــــــــــــــــــــ
خلونه نلطم عل صدر(أمشونه نشيع بت علي)
بسمانه مبيوگ البدر(أمشونه نشيع بت علي)
نبچي دمع لم الخدر(أمشونه نشيع بت علي)
والقدر باكاهه القدر(أمشونه نشيع بت علي)
يأمر من هذا الأمر(أمشونه نشيع بت علي)
والحزن صوته يعتلي(أمشونه نشيع بت علي)
ــــــــــــــــــــــــــــــــــــــــــــــــــــــــ
وي فاطمه نصب الدمع(أمشونه نشيع بت علي)
وصوت البچي خل ينسمع(أمشونه نشيع بت علي)
وگلب ذايب چل شمع (أمشونه نشيع بت علي)
والحزن بينه يجتمع (أمشونه نشيع بت علي)
چفي عله وجهي انطبع(أمشونه نشيع بت علي)
رايات زينب تعتلي(أمشونه نشيع بت علي)
مهند الشمري
@mohand8989
قصيده الى سيدي ومولاي محمد بن علي الهادي عليه السلام(سبع الدجيل)
معروفه افعاله ومعهوده
شايل غيره من اجدوده
اوصل يمه وكله الحاجه
يترس جفك بالمحتاجه
اوصل يمه وشوف افواجه
تاخذ منه وما مردوده
----------------
ابن الهادي وماخذ منه
عطاي امراد بلا منه
حاشه يردك من تتعنه
جن عباس ويسكي بجوده
---------------
انشد عنه وشوف افعاله
مايترك محتاج الحاله
ناره اموجره و سود ادلاله
هواي افعاله الناس اشهوده
---------------
بكلهن حاضر ما يتئنه
من ازوره ادكول الجنه
ينطي مراد وكله محنه
وشوف الرايه شكد معگوده
---------------
حاضرهن كلهن ويانه
ومن هدو سرفن ذرعانه
زلمه ومايترك خوانه
ردهم ماوصلو لحدوده
----------------
داعش رادو بس عاندهم
قائد حشدي بنفسه وردهم
تاه المشرد من واحدهم
وذيج اشلاء شكد ممروده
-----------------
شال الرايه وحشم ربعه
وعنده ازلام مغمضه اتبعه
حشد المذهب سيفه ودرعه
ردو كل عايل وبزوده
مهند الشمري
@mohand8989
#ياام_البنين
بكل وضوح بكل أمانه
چن علي صارت حمانه
منين ماضاگت اروح أنخاهه
بس أنزل جفي عندي الگاهه
أزغير وعيني أفتحتهه اعليهه
الگه امي بكل وگت تدعيهه
وكت مغرب والصبح قبل الصلاه
بعيني اشوف شلون من تنطيهه
گلبي رادج وشتراچ
ماحوه كلشي وحواچ
هيج چن هيل ويطش طرواهه
بس أنزل چفي عندي الگاهه
ــــــــــــــــــــــــــــــــــــــــــــــــــــــــ
انتي فتح الله والنصر المبين
الله رادج عون للماله معين
عوف كل مخلوق ونظر للبقيع
وصيح كون اصيح يا ام البنين
كبل لا تطبك شفاك
تباوع امرادك وراك
بكل گلب شيعي محل سگناهه
بس انزل چفي عندي الگاهه
ــــــــــــــــــــــــــــــــــــــــــــــــــــــــ
شجره من جنه علي مضويتله دار
هزهه بدموعك صدك تنطي الثمار
توضه بالعباس واسجد بالحسين
شيل راسك تلگه بالصحره خضار
مجربيهه من سنين
احجي عن ام البنين
چنهه امنه سنين عشنه وياهه
بس آنزل چفي عندي الگاهه
ــــــــــــــــــــــــــــــــــــــــــــــــــــــــ
يونس بحيدر تنخه من سلم
وانه احلفج بالشهم راعي العلم
عينج اعله الحظر مأتم والبجاچ
كون أبيض گلب يبقه ابلايه هم
فاطمه واسمچ عليج
والحوائج من اديج
الشيعه لذت من زمن بحماهه
بس أنزل چفي عندي الگاهه
ــــــــــــــــــــــــــــــــــــــــــــــــــــــــ
انتي يم عباس صيتچ بالسمه
يكفي بس هذا الفخر يافاطمه
اسمج بنص العرش وبكل مكان
مثل حيدر صرتي حماي الحمه
نجمه ومحليه السماء
الف شكرا يا إله
بالمواقف زلمه يا محلاهه
بس أنزل چفي عندي الگاهه
مهند الشمري
@mohand8989
#قصائد_شهادة_فاطمة_الزهراء_ع
زهراء اه يم الحسن
انتي ياخير النسه وافضل مره
لو بچيت اعيون انه مقصر تره
ياثريه واحنه خدامج ثره
زهراء اه يم الحسن
ــــــــــــــــــــــــــــــــــــــــــــــــــــــــ
انتي تفسيرج صعب ايه حمد
انتي دنيه واخره نلتي المجد
شما اسولف بيج ما اوفي بعد
زهراء اه يم الحسن
ــــــــــــــــــــــــــــــــــــــــــــــــــــــــ
ام ابوهه ويكفي بس هذا اللقب
يعني امنه بلا عجيب ولا عجب
مظلم التاريخ بس اسم ذهب
زهراء اه يم الحسن
ــــــــــــــــــــــــــــــــــــــــــــــــــــــــ
فاطمه وتفطم ركبنه من العذاب
نظره من عينج ييمه للشباب
كلهه تنعيج وتعظم هل مصاب
زهراء اه يم الحسن
ــــــــــــــــــــــــــــــــــــــــــــــــــــــــ
يابتول وطاهره الله اصطفاج
وكل نساء الكون هل ضلت وراج
ماتلوحه النار البعينه بجاج
زهراء اه يم الحسن
ــــــــــــــــــــــــــــــــــــــــــــــــــــــــ
كوثر وتسكين كل شيعي الحظر
المجلسج هل يوم دلاله انفطر
ياللهي العن الفاعل عمر
زهراء اه يم الحسن
مهند الشمري
@mohand8989
#قصائد_شهادة_فاطمة_الزهراء_ع
بقت بس ذكراها
والله ما انساها
كون اموت وياها
امي جنه--امي جنه
ياصباح الخير من اتكولهه
شكبر بخته الي سمعهه ينولهه
والله مشتاگ الحجيهه وطولهه
انه مشتاگ وعلي كلولهه
ياخلگ واسوني
بچلمه بس عيوني
رح اخلص اعيوني
امي جنه---امي جنه
ــــــــــــــــــــــــــــــــــــــــــــــــــــــــ
شمعه جان البيت بيهه و ضاوي
والحجي بشفافهة شكد راوي
ما دريت الموت رادج ناوي
أختار وين الكلبي راده وراوي
شلون يمه وتالي
ياهو ينشد حالي
انه دافن غالي
امي جنه---امي جنه
ــــــــــــــــــــــــــــــــــــــــــــــــــــــــ
كلشي بيه يحن الج وبعيده
كلبي صار هلال ميت عيده
بعد هيهات الزمن شي عيده
ومن اديهه ناخذ النريده
كلشي حلو وياها
بعجل ضيعناها
كربله فركاها
امي جنه---امي جنه
ــــــــــــــــــــــــــــــــــــــــــــــــــــــــ
كون اموت وياج يمه ادعيلي
يمه وحشه البيت لو مر ليلي
انه زلمة والبعد هد حيلي
يمه صرنه اطفال مترجعيلي
والبعد هداني
اعترف اذاني
والدمع جواني
امي جنه---امي جنه
ــــــــــــــــــــــــــــــــــــــــــــــــــــــــ
شكد بخيت العنده امه يشوفهه
يكول يمه وشحلات احروفهه
خل تزيد اجروحه يمهه يروفهه
مثل كعبه بكل مسيه يطوفهه
موت ياكلبي بعد
هيج راداهة الوعد
اهدو وياي الحمد
امي جنه---امي جنه
مهند الشمري
@mohand8989