492
قناة خاصة بنشر قصائد اهل البيت عليهم السلام للتواصل مع الشاعر @Alshmree89
بويه أخذني وياك لا تخليني
الفرگه صعبة وبعدك أياذيني
بويه حاجيني اريدن صوتك
انه بنتك فدوه رد امروتك
كلشي متوقعه فقط بس موتك
كون ميته ولا اشوف ابعيني
الفرگه صعبه وبعدك أياذيني
-----------------------
بويه خذني وياك حطني بالكبر
بدون عينك ابد مايسوه العمر
فدوه دليني بدرب بي انتظر
حتى احجي وياك وتحاجيني
الفرگه صعبه وبعدك أياذيني
------------------------
بويه حيدر شو تغير لونك
صد عليه ولاتغمض اعيونك
تدري زينب ماتعيش بدونك
دون عينك ما اريد اسنيني
الفرگه صعبه وبعدك أياذيني
-----------------------
بويه وحشه شلون اخلص ليلي
صوتك يمثل وحي ويوحيلي
والله مشتاگة الحروفه احجيلي
فرگتك يابو الحسن تعميني
الفرگه صعبه وبعدك أياذيني
-----------------------
بويه مرلي بطيف سكن روحي
وصل حد سابع سلف حد نوحي
جروحي حيل كبار بويه جروحي
والله نيران البعد تجويني
الفرگه صعبه وبعدك أياذيني
مهند الشمري
@mohand8989
#يارسول_الله
#يارسول_الله
#عظم_الله_لكم_الاجر
يافطمه يم الحسن
الله يعنينج عل محن
جن طاحت اليوم السمه
الله يعينج فاطمه
من عيونة الباب السمه صوغه الدمع دزينه
بهاي المصايب فاطمه انعينج اتعينينه
شيعه احنه تربات الحزن يم الحسن تدرينه
من عالم الذر والخلق عل مجلس اتربينه
اليوم مجلس للنبي
شايبنه يلطم والصبي
وعيون واست للعمه
الله يعينج فاطمه
######
شنواسي والشايل نبي كل الحزن مو كده
عنوانه يترسله سمه ياهو بمكانه يسده
يافاطمه بس الدمع والشيعي حيله بخده
والهامه ناذرهة الج والصدر هذا العنده
عطشانه الگلوب وتون
والكون غيم بس حزن
والغيمه بالوان الدمه
الله يعينج فاطمه
######
يافاطمه بنت النبي الله يعينج عل صبر
غمض اعيونه والدج والضلع بالباب انعصر
حال الولي وگلب سوه اثنينهم ضل منكسر
حصرات ودموع والم فوك الوجن سكته ويدر
حزنان كلشي اعله الارض
والحزن بالطول وعرض
الكون كلبه يالمه
الله يعينج فاطمه
######
متانين ربعك موتتك يانبي ربعة متانين
عدهم سقيفة ساعدة والربع كلشي محضرين
يمثلون دور اعله النبي اصحابه ماعدهم دين
امسوين فتنه ضدعلي كلشي اليضده مسوين
لادين عدهم لانبي
اسسو مناك السبي
سلبو حماي الحمه
الله يعينج فاطمه
######
توجع سوالفهم تره هاي الحقيقة المؤلمه
مو ذيج ريحانة علي ذبلانة كلش فاطمه
الجانت لبوهة مدلله وحصتهة بس الغانمه
طفاهة ياوسفة النذل مكسوره تبجي مألمه
مات الوحي ومات الشرف
الزين والشين انعرف
بنتك عليك معلمه
الله يعينج فاطمه
مهند الشمري
#رقيه_عزيزة_الحسين
#يارقيه
زغيره وهمج اهواي
بحصرتج شربت الماي
زغيره وبالمصايب عمرج اسنين
ماشافت فرح بس تدمع العين
طير الجنه تالي وي شياطين
ضايع منج الراي
بحصرتج شربت الماي
//////////
من دون الجهال الشيب غطاج
گلبج والكصايب شابن وياج
انكسر كلب الحسين بنحره حناج
صوتج يشبه الناي
بحصرتج شربت الماي
/////////
من حرك الخيام الصعدت النوگ
چن باب الزجيه الگلب محروگ
البنت احسين وسفه ذني متلوگ
مصيبه الراح والجاي
بحصرتج شربت الماي
////////
من جف الابو لجفوف الاحبال
شد حيله السبي شوفهه الاشكال
درس صارت رقيه الكل الاجيال
بشمس ماشافت فياي
بحصرتج شربت الماي
///////
عد باب القصر من نزلوهه
اتلفت بلكي لان اتشوف ابوهه
تالي بطشت راسه وكدروهه
اعله راسه تموت بهداي
بحصرتج شربت الماي
مهند الشمري
#زينب_الفخر_والعفة
#زينب_العقيلة
انة زينب بالحرم متكفلة
حرة بت حيدر تكضني السلسة
انة رباني علي اليوم النزال
انه عباس وعلي يوم القتال
بية چلماتة بعدهن لا يزال
انه تربات البتول معدلة
/////
انه مسبيه صدك بس بالاسم
فوك ناكتهم لچن امطر عزم
انه ربتني الفحول من الزلم
عندي تاريخ وتسولف كربلة
/////
خلهم يكولن زينب باليسر
اقرآ جنسيتي فخر ظهر الظهر
بيهة حيدر هل اسم ماينكسر
الفخر والزود حاجزهن الة
/////
نامو والعيلة بركبتي سالمة
شحدة يوصل اقرب انجوم السمة
انة اجيب الماي وشحدة الضمة
ال بالدلال ضل يخوية مدلله
/////
بمجلس ابن ازياد اختك حيدرة
العود زلمة متر رجعتة ورة
مخدرة وچلماتي مثلي مخدرة
انه زينب بت علي عقد الولة
مهند الشمري
@mohand8989
لسان حال السيدة زينب
#ابيات_نعي
ليل اهدعش موجود ريتك
من خيمة لحد خيمة اخيتك
يم صوب النهر رحت ونخيتك
تمنيتك عدل خوية وتجيني
حفاي وركضنة وتلحگ النار
كلهة اتصيح عمي ازغار وكبار
جبدك ينمرد لو سولف الصار
اسكت والعتب ينشال عل طاح
حگي من اعتب وحگي من اكلك
شحلالك بالنهر يل عايف اهلك
صوتي وية الهوى خوية وصلك
وانة انطر يخوية وين الجواب
رسالة من اليتامة ادكول وينك
وادري المانعك سهم البعينك
اكلهم مايجي والله اليعنك
لو كلهم يجي وخاف اتاخر
مهند الشمري
#نزلة
#للقاسم_سلام_الله_عليه
عريس--عينه مكحله
عريس--شهدي كربله
هل برز بالسيف شهدي كربله
جن صگر ياناس بسما وعله
هذا تربات الحسن نفس العزم والهيبه
وحكه ياناس وعلي ابطن السبع ويجيبه
هذا قناص بيمينه يلوح حتى الشيبه
جايوس--طگته معدله
عريس-- شهدي كربله
----------------*
مايهاب الموت وزغير العمر
جن علي الكرار وزنوده سمر
من دخل ارض الحرب خله الزلم طشاره
وهناك عد ارض البقيع وده الابو ابشاره
مامات ليخلف ولد بس كون هيج اخباره
للسيف--الله امفصله
عريس--شهدي كربله
---------------*
ياحلات السيف شوفه بيمنته
من اصد يسرا حنه بيسرته
حكهه امه اتسولف بهذا الشبل تتباها
اجيوش فرسان وزلم والوحده ورداها
ازغار كل هاي الزلم هيج الشبل شافاها
مهيوب--من الله المنزله
عريس -- شهدي كربله
----------------*
من الخيم جسام طالع مبتشر
كال ابشرن جوه رجليه الشمر
لبس اثياب الحسن وبكصته عصابه
صاحت الفرسان مو هذا الحسن وشجابه
من بعيد امرجف الميدان كلهه اتهابه
مهيوب--اية زلزله
عريس--شهدي كربله
----------------*
جن بدر ياناس وجهة بديرته
وجن وفه العباس هيج بوكفته
من طلع من الخيم فلقة كمر يتلاله
سيفه يبره يمنته وعمه السبط يبراله
روس وزلام الارض كل هاي من افعاله
يمنا--يمنه أماصله
عريس--شهدي كربله
مهند الشمري
@mohand8989
انتو خطيتو بديكم
يشهد التاريخ بيكم
ياسلام الله عليكم--ياسلام الله عليكم
شما تعد بنعمة الله صعب تحصاهه النعم
الكلف والخوش زلمه تعرفه بس تقرأ الاسم
شما تهزة الدنيا باقي نفسه ذاك وما يهم
حسين يعرف من يرافگ اختار بس وين الزلم
عافو الري والقصور
الهل تجارة الماتبور
ياسلام الله عليكم--ياسلام الله عليكم
$$$$$$$$$$$$
الكلبة طيب لليشبه والكفؤ هم للكفؤ
بعالم الذر ذوله لجله ما اجو تالي ولفو
ياحبيب وشحجي عنه سيفه بي شمرت بدو
وعن برير الذاب لجله ونعم من هل اخو
ثبتو للخوه باب
درس صارو للشباب
ياسلام الله عليكم--ياسلام الله عليكم
$$$$$$$$$$$$
الرزق بالسمه نعرفه حسين رزقه بكربله
عابس المات بجنونه منين هذا انحصله
الخوه والصحبه بوكتنه صارت اكبر معضله
الله لحسين شتخير شلون خوه معدله
فدكلب فدروح كلهم
بالذهب خطو اسمهم
ياسلام الله عليكم--ياسلام الله عليكم
$$$$$$$$$$$$
بالنحر كتبو رساله حسين اغلى من النفس
عكس اصحاب السقيفه ذوله للخوه درس
استعرضو يم الهواشم اششبهة اليوم بأمس
اقتدي بهل نجم تفلح بالكت الراوي يحس
النجوم ال بالروايه
كربله شاهد وايه
ياسلام الله عليكم--ياسلام الله عليكم
$$$$$$$$$$$$
انياله اليحصل مثلكم ولو ماشي اعله الدرب
انريد بس حجايه طيبه هسه ماعدنه حرب
كون من اتصير زلة يوكف الزاد الشرب
الخوه والصحبه مثلهم كلب كون اعله الكلب
غيرو كلشي النعرفه
زلم مال زماط كلفه
ياسلام الله عليكم--ياسلام الله عليكم
مهند الشمري
2024
الغيره الغيره الغيره مسلم يراعي الغيره
يعرف احسين شيختار مسلم عليهم وده
صاحو علي نعرف مات هذا علينه اشرده
حده البحر ماينگاش ياهو يچرب حده
طاحت زلم فوگ الخيل تيهو درب الشرده
(مايدنونة تربات الطف)
////////////////////
خيال نعمة الخيال فوگ الفرس من صاعد
جن حيدره وبصفين بنفس الثقه من كاعد
عاجل تجيك الاخبار والكوفه اكبر شاهد
مسلم اجانه وخيال واحد يخبر واحد
(حيله بحيلة وبكيفة الموت)
//////////////////
بالكوفة عندة تذكار واليوم رد امجاده
عنوانة يرعب بي صيت هذا سفير الساده
مايكتلة ياهو الجان يختار بس القاده
وارث علي بطگ السيف وعباس منه اعناده
(شيكدرونه تربات العز)
///////////////
هاشمي وتربات السيف متميز بشخصيته
زلمة حرب من يدنا ابجفه كاتب صيته
متربي يم الكرار يانعم من تربيته
والبيت هذا معروف شتطلع زلم من بيته
(عباس وطب لرض الحومه)
///////////////
كاتب هلا بظهر السيف ويعزب بفقاره
بالكوفه رايه وعنوان وصلت حسين اخباره
خيال گل الخيال للشرده مامش جاره
من سيفه لو ردنه انميل يحركنه والله بناره
(هاي الساحه وبكيفه يصول)
مهند الشمري
2024
@mohand8989
الليلة مراد اطلب يل موالي
اطلب حاجتك سولف العندك
كلفة معدلة لا ما تردك
خادم للحسين انته وتودك
واليخدم ابنهة عدهة غالي
////////
مشرعه ابوابهه لليخدم احسين
عدنه مجربة من سنين وسنين
ثلثت انعام منج يم البنين
رايد نضرتج تدرين حالي
///////
ياامنه وابونة انريد منج
بكل عام نتوفق نخدم ابنج
نون اعله المنابر مثل ونج
ننعة البل غرب وبلايه والي
///////
بابج جن سمه مايوم مسدود
انتي ام الكرم ودلالكم سود
اسلالة مترسة المنعدكم يعود
غيرج بالشدايد والله مالي
////////
بس اومي بجفوك هيه تنطيك
تعرف اليوجعك من بعيد تدريك
اذا شاري الحسين الحره تشريك
الاول تدري هية وتدري تالي
////////
يانبع الوفه ونبع المحنه
يم كلب الحنين الماكو منه
مستشفى وطبيب ودوة النه
منمد ايدي الج ما ارد خالي
مهند الشمري
2024
@mohand8989
تعلمنه من اهلنه
خدم لحسين كلنه
جنه ازغار من يمر محرم
ابوي بفطره لحسين يتلثم
ينصب جادره والفرع يلتم
ويصيح فرصه النه
خدم لحسين كلنه
/////
كل البيت يتحول سوادات
وچان يكول هاي من العبادات
نعوف حسين وسفه والف هيهات
يدعي شكد تمنه
خدم لحسين كلنه
/////
يرد انوب للباب ويشيله
ويسمي البيت موكب للعقيله
ما فد يوم غمض نام ليله
يكول العوض الجنه
خدم لحسين كلنه
/////
نعلك بالفرع رايات ودموع
من ابعيد صوت الحمزة مسموع
بضمايرنه يضل حسين مطبوع
سنه وشيعه چنه
خدم لحسين كلنه
/////
اجانه الدور هسه احنه وكبرنه
وعرفنه حسين يستاهل عمرنه
لطمنه هنا وعل ساتر سهرنه
نعمه وماكو منه
خدم لحسين كلنه
/////
نعلم اولادنه تكمل المسيره
خدم لحسين والسبع العشيره
بس حسين عدنه ماكو غيره
خدم وبلايه منه
خدم لحسين كلنه
مهند الشمري
2024
@mohand8989
#ياعلي_أمروتك
#ياعلي_ياابوالحسن
#عظم_الله_اجركم
ياليل سولفلي بعلي شنهو الجره
اسمع نياح بداري وانه امخدره
شنهو الجره وشنهو الصار
چا وين عنه الفقار؟؟
ياليل سولفلي بعلي حاجيني
سابع سمه واصل ياليل ونيني
من البواچي بجفي طاحت عيني
انطيك كلشي بس ابويه انطيني
بالكوفي اسمع صوت ماخذ حيلي
والدمع بطراف الجفن يوميلي
اضلم احس صار الدار
چا وين عنه الفقار؟؟
---------------------
واهس بچي بعيوني مدري شجاري
ونيران باب الزهره تشبه ناري
كلهن اجن ابراسي والله الداري
يعگوب حالي ومثله اكره داري
كفيت منهه وبعده واهس بيه
بين فجرهه والدي بلا جيه
والكلب كاعد محتار
چا وين عنه الفقار؟؟
---------------------
مرتين حلفتة بعلي گلبي وكال
عندي سوالف والحجي ماينكال
مو ذاك حيله الصال بالكوفه وجال
دمه اعله طوله حيدر وهذا الحال
صاحي اعله روحك ياگلب والكلته
ولو ادري حيدر بيهة ما سالته
والكون جن بيه اندار
چا وين عنه الفقار؟؟
--------------------
من اليوم هذا وكلشي بينه تيتم
غاب الفرح والدنيا صارت ماتم
كعدن اجروحي من دفنت البلسم
كلشي بغيابك ياعلي يتالم
حتى الهوى من يفوت يجرح ريتي
زينب جنت هسه اليتمه صيتي
والقدر ليه شمختار
چاوين عنه الفقار؟؟
----------------------
دمعي اعله طولي والنفس متوازي
شيبي غزاني بالحظه تارس راسي
ياناس مأدري شيوصف احساسي
عدله اعله طولي وميته بيه انفاسي
وياكم اخذوي ويه ابوي اتوسد
بس هذا حيدر عگبه ماعندي احد
بالروح هل شبت نار
چاوين عنه الفقار؟؟
مهند الشمري
@mohand8989
يا اول سجين وصوته مسموع
رغم ماسولفنه بس بالدموع
صرخ هيهات للذل
رساله من السجن وداهة النه
مثله انصير لو يثكل حملنه
من دك باب واحد يفزعلنه
نصبر والصبر مفتاح جنه
اعرف بالمشي من الشعائر
بس بخطوتي بخطوا سائر؟؟
صرخ هيهات للذل
--------------------
أمر ثاني مهم مولاي راده
خلي بكل عمل عندك اراده
هارون بعظمته وكل بلاده
مولاك بدعاء وتربه باده
خلي بكل عمل للباري نيته
امامك للبشر هاذي وصيته
صرخ هيهات للذل
--------------------
خل صومك صلاتك واقع تكون
الله اليدري بيهن موش يدرون
موسى الدنياعنده ويحكم الكون
مافارك فرض وسنين مسجون
يتوضى من الصبح لليل ساجد
كاظم غيظ كلبه الربه عابد
صرخ هيهات للذل
-------------------
تعلم من امامك ذني الاطباع
بكسرة خبز عاش وعمره ماجاع
ضل صاحب عقيده وابد ماباع
ذل الريح صيته مثل الشراع
يااول سجين يحبه سجان
حر الفكر عاش بوسط قضبان
صرخ هيهات للذل
-------------------
أخذ عبره بسلوكه واقره عنه
عارف كون قدره من اتعنه
عاش ومات ناذر عمره النه
نعيش احرار بس هاي يتمنه
نخلي (الا) بوجوه اليحكمون
احنه اتباع موسى خل يسمعون
صرخ هيهات للذل
مهند الشمري
@mohand8989
#يازينب
چبيره بكد سمانه---عزيزه بكد هوانه
الچ لليوم وكفات--صوتچ يدوي هيهات
چبيره بكد سمانه
ياراية نصر بالمعركه اترف
يانهر الوفه لليوم ماجف
ياشمس المواقف يشهد الطف
ماهزج عددهم رغم چم صف
عقيله انتي وكفيله--ورثتي وخليله
ذكرج بينه مامات---صوتج يدوي هيهات
---------------------------------
يا أول جرح يهزم الجلاد
ياعباس ثاني وكلج اعناد
شكد حاول يهزج لجن مافاد
زينب انتي زينب بنت الأجواد
ياسر من الاسرار--بيج الجنه والنار
جرعتي اسنين مرات--صوتج يدوي هيهات
------------------------------
يا أول اسيره اتفك القيود
رغم موت الولي بس جنه موجود
وگفتج ردت العباس الزنود
وكلامج يروي زينب عوض الجود
اخت عباس انتي---ومثله شكد حملتي
جزيتي هواي صعبات--صوتج يدوي هيهات
-------------------------------
ياقبلة شرف حيرتي الاجيال
الج وكفات زينب مالت ارجال
زينب بت علي مضرب للامثال
خيالت مواقف وخت خيال
شحده اليصل يمج--بكلهن جنج أمج
خطابج كله حملات---صوتج يدوي هيهات
-------------------------------
جن حيدر علي وكفاتج انتي
ياكعبة صبر وشكد حملتي
عباس وعلي وحسين صرتي
ومن أمج الزهرة شكد ورثتي
رغم دخيان الاخيام--ورغم مگيوده للشام
هزمتي جيوش شمات--صوتج يدوي هيهات
مهند الشمري
@mohand8989
#قصائد_شهادة_فاطمة_الزهراء_ع
بويه شو رديت وعيونك غريبه
بويه سولفلي الجره وين الحبيبه
امنه وين بيا كتر
والله ماضلي صبر
من أمس لليوم كلبي ابلايه راي
كلبي عطشان ويريد الزهره ماي
والله مو مالت بعد انه بصباي
واليتم ذل البنت معروفه هاي
بويه اشوف اتراب ودموع بلحيك
لاتكول من الكبر لا هايه جيتك
وياك اخذني للكبر
والله ماضلي صبر
ــــــــــــــــــــــــــــــــــــــــــــــــــــــــ
انته داحي الباب بس مو انته ذاك
اعيونك تسولف دمع شنهو الوراك
ياعلي مخنوك جن دافن هواك
وعني متعطل دكلي العطلاك
كلشي بيك يكول دافنلك سمه
مو نفس حيلك علي حامي الحمه
بويه سولفي الامر
والله ماضلي صبر
ــــــــــــــــــــــــــــــــــــــــــــــــــــــــ
انه عندي احساس ماريده يصيب
شما اصد الشفتك بيهه نحيب
انه متاكده علي دافن حبيب
والدليل بهاي حيدر كله شيب
وياهه خل نموت لو عنه ارحلت
شلي بالدنيه بعد امنه ومشت
نستعد جانه العسر
والله ماضلي صبر
ــــــــــــــــــــــــــــــــــــــــــــــــــــــــ
حتى باب الدار جنه يصد الي
يدري هذا البيت هل اصبح خلي
جنه يدري بهل مسه راحو هلي
وللدمع وال اه ضلت بت علي
بويه بالتابوت سويلي مجان
فقط يم امي احسن ب الامان
بعد مايسوه العمر
والله ماضلي صبر
ــــــــــــــــــــــــــــــــــــــــــــــــــــــــ
شلون كلي شلون تغمض عيني
ياهو اليصبح عليه وياهو اليمسيني
زينب ابنيتي الحبيبه ياهو اليسميني
والكلب يشبه ضلعهه ومحد يتجيني
شلون دنيه تدفن كليبك بديك
والمصيبه بهاي محد يدري بيك
بعد مامنهه خبر
والله ماضلي صبر
مهند الشمري
@mohand8989
#ياموسى_ابن_جعفر
شد رايتك يازاير---لجل الامام الصابر
شد رايتك فوك السمه
هذا ابن حمام الحمه
واسي الزجية فاطمه
بدموعك اعمي الناظر
/////
شد رايتك شد الدمع
صوت اللطم خل ينسمع
جف اعله صدرك ينطبع
الطم بحركة عاشر
/////
شد رايتك غيض العده
مو مثل كبل الوحده
هاي الافواج تسانده
واليجفي عنه الخاسر
/////
شد رايتك شدهة بعد
منطين للكاظم وعد
كل سنة يزداد العدد
والشيعي حاظر حاظر
/////
شد رايتك رغم المحن
وصلهة يم باب الصحن
كل الحوائج يندحن
الداحي الحوائج ساير
/////
شد رايتك فوك الجتف
بيرق الحق خلي يرف
شيعي واعرفنك گلف
بحساس امامك شاعر
مهند الشمري
#ياحسين_ياشهيد
#قصيده_للمشاية
معلمين معلمين
كل سنة نزو الحسين
احنه كول وفعل شيعة
احنه تربات المجالس
احنه مابينه التكتر
فارس يسلم الفارس
جعفر الصادق امامي
ونعم من هل مدارس
وبالجنون استاذ عدنه
استاذنة يسمونه عابس
راجلين راجلين
كل سنة نزو الحسين
//////////
الدمع سابگ خطانة
عارفين بحق اجينه
نعتقد هاي الزياره
رحمه من الله علينه
الزاير مدلل بدربه
خير متروسات ادينه
ياعظم هاي الشعيره
ويا بختنه من حضينه
عارفين عارفين
كل سنة نزو الحسين
//////////
الحاجته كلش ثكيله
يعگد الرايه ويزوره
وعلي ماتبقه الحوائج
بدمع لو سجل حظوره
بفطره من ذيج الطفوله
بجفنه مشدودة النذوره
النيه للباري بمشينه
وهوه اليعظم اجوره
سالكين سالكين
كل سنه نزور الحسين
/////////////
شكثر رادونه نعوفك
كل سنه يزيد العدد
زلام والكلمة شرفنة
عدنة ويه اهلك وعد
لو نصيح بصوت حيدر
مدد من عنده مدد
لو تصير الدنيا ضدنه
ابد ما نخلف عهد
قادمين قادمين
كل سنه نزور الحسين
////////////
زينب اترحب تهلي
العفة وصت للبنات
صيري كلج ستر كلج
بحقي صيرن عارفات
الشرف يسبگ خطوتج
بعفة كون امحجبات
والاهم من ذني يختي
ابد متفوت الصلات
عازمين عازمين
كل سنه نزور الحسين
مهند الشمري
#الامام_السجاد
#الامام_السجاد
#يازين_العابدين_مولاي
مكسورة منفجعة
وبحركة من تنعة
ياسيد الدمعة//ياسيد الدمعة
بصوغة دمع عاشور متعنية يمة
گلب وضلع مكسور الزهرة امه
دنكت عل سجاد رادت تضمة
اخر انفاسة وجان يلهج بأسمة
بالدمعة والحسرة
وصلت اله الزهرة
اتعنت البضعة//ياسيد الدمعة
/////
بأخر انفاسنة وچان الدمع يجري
كللهة جدة الموت واصل الصدري
سمهم احسة هنا بكلشي يسري
شمحلة الوداع وياج ينختم عمري
يم راسة هل حلت
بي كربلة شخلت
ياعظم هل فجعة//ياسيد الدمعة
/////
جانت ادموعة هواي ودموعة حمرة
من الخيم چن ضال بعيونة جمرة
تعرف مصابة اليوم رادت تحضرة
كربلة وطف حسين غافي اعله صدرة
يامكثر جروحة
شضل بعد روحة
ماتت مثل شمعة//ياسيد الدمعة
/////
ياجدة شفت اهوال بالطف چثيرة
يم النهر مشمور شيخ العشيرة
حيرة حسين هناك ياجدة حيرة
معلم اعلة العباس ماعندة غيرة
شيضل بعد عمرة
شافة يحز نحرة
ماغيرت وضعة//ياسيد الدمعة
/////
خيل وزلم وسهام هجمت علينة
فوگ السبي والموت مشدودة ادينة
الجانو خادم للناس ضل يحدي بينة
ال النبي الاشراف جدة انسبينة
ماغيرت منة
ونة بأثر ونة
مامش دوة ينفعة//ياسيد الدمعة
مهند الشمري
@mohand8989
#نزله
#فزاعي
#ليلة_الوحشة
اليوم الحره ياشيعة وحيده
دكو اعله الصدر حيل وبعد حيل
تمشي ابلا اخو ويخوف اليل
وعيون الشماته بزينب تعيل
وينك ياعلي سبع الصميده
---------------
ابجي اعيون كون اطيح العيون
ابجي بصوت كون الكل يسمعون
عله الراحو اهلهة وما يردون
دروب الشام أذتهة وبعيده
---------------
الطم حيل ذب جفك عله الكاع
زينب والخدر هل ليله الوداع
سبيه بكل بلد هل خبر ينذاع
منين الكافل أترده تريده
---------------
تمشي بعيد والكافل تعوفه
وراس حسين يحديهه وتشوفه
جروح هواي ياهو اكثر تروفه
رقيه شلون؟؟لو تلحك حميده
---------------
علي السجاد وحده يريد كلبين
مريض وبس دواه يشوف الحسين
شيضل سالم كلب وتشوف ياعين
شما نوصف بعد لازم نزيده
---------------
نسوان شكثر وايتام واطفال
هواي هموم زينب كلش اثكال
اخوهة اعله الرمح تمشي ويجتال
هذا البيت مله لا تعيده
مهند الشمري
@mohand8989
#نزله
#علي_الاكبر
كبر وطرهم سيفه-----ابن الحسين بكيفه
صايود حتى الشارد-----شايل گلب فد بارد
ياطوله وشمحلاته
حيدر علي بحملاته
كل الحرب متهمه
زلمه ومعدل زلمه
ماهمته الخياله
صايود سيفه فاله
ابن الحسين معدل
جايوس كلش يندل
گبر وطرهم سيفه
ــــــــــــــــــــــــــــــــــــــــــــــــــــــــ
شحجيلكم ها عنه
الوجه وصلت جنه
الهادي چن بوصافه
انيال كلمن شافه
حگهه اتشيم امه
وحگه يزامط عمه
وجه الگمر بتمامه
بس يختلف بعمامه
گبر وطرهم سيفه
ــــــــــــــــــــــــــــــــــــــــــــــــــــــــ
وين اليگابل وينه
ذبهن هدر اسنينه
ماخله بيهم سالم
والباقي الله العالم
حتى الشمس غطاهه
يعني الچثث علاهه
فخر الهواشم هوه
زلمه ومعدل كوه
گبرهم وطرهم سيفه
ــــــــــــــــــــــــــــــــــــــــــــــــــــــــ
خيال من يلگدهه
مالت معارك گدهه
زامط وگد الكلمه
راعبهم وبس اسمه
ماهمته ولا يهتم
الكابلاه يتندم
لا خله خيل وخيال
جندلهه كلهه الابطال
گبر وطبهم سيفه
ــــــــــــــــــــــــــــــــــــــــــــــــــــــــ
تاريخه يشهد شاهد
خيال زاهد عابد
عل خيم واكف حارس
ميثني لكبر فارس
الماي اجيبه وممنون
يرضون او مايرضون
نعمين منه الاكبر
بالحرب بيهم گبر
گبر وطبهم سيفه
مهند الشمري
@mohand8989
#نزلة
#للعباس
عباس وحده احچايته
عباس رفت رايته
(عباس ياشيخ الزلم)
زلمه وبكيفه اليريده سوه كلشي الراده
مايطك المنه شارد صاد بس القاده
والچبير الزين بيهم جابه كود وكاده
كلهه لحظات وطواهم طويت السجاده
(عباس منك ونعم)
---------------------------
من چبل عل كوم كلهم تيهو ممشاهم
چن سرب نعام همه والصگر طباهم
منچل السيف بيمنه وچن زرع ساواهم
لمت الفارش عباته هيج من لماهم
(عباس زلمتنه الشهم)
---------------------------
زلمة من حيدر شمرته والمعارك عيده
نار ماتشبع يمينه ويدعي الله يزيده
اليمنه عل يسره طبگهة فقط اومه بايده
اليشرد من السيف عنه بنظره والله يصيده
(عباس ضاوي جن نجم)
---------------------------
القارعه السيف بيمنه الزلزله بيساره
زلمه بس مالت معارك الله الهة اختاره
چن عصه موسى وشهرهة ماشبع فقاره
مثله ياناس اشحلاهة مثله كشخه اخباره
(عباس بس غيره وعزم)
--------------------------
شما كثر بالطف عددهم والله ميهمونه
هذا همته حيدريه والحروب افنونه
وين بيهم زلمه مثله وين يتحدونه
هذا عزرائيل اجانه كامو يسمونه
(عباس حاشه ينهزم)
---------------------------
رفت الرايه شحلاهة وعل نهر دكاهه
صاح يازينب ابشري محد اليدناهه
انه عباس وكفيلج بروحي انه افداهه
محد اليوصلهة حاشه وزلمتج وياهه
(عباس يانعم الاسم)
مهند الشمري
@mohand8989
#رسالة_مسلم_ابن_عقيل
لون بيدي اوصلهة
لا چن موتي ما خلهة
موكوفت اهلنه وذيج السنين
ماهم ناسنه ياخوية يحسين
لاهم ناسنه ولاهم اهلنه
ولاچلمة هلا لمن وصلنه
لا باب انفتح لحد تدنه
ولا واحد وصلنه ولا تعنه
رساله بروحي مجتوفه
ابعد وترك الكوفه
لابيهة سند لا واحد حنين
ماهم ناسنه ياخوية يحسين
//////////
ناس البايعت خدعونة كلهم
شهرو سيفهم همة واهلهم
راضين بحكم ذل ويذلهم
لادين ورسالة جن وصلهم
عجبة من بشر ذوله
لبن زياد ركعوله
نسو ال النبي وطلگو كل دين
ماهم ناسنه ياخوية يحسين
////////////
ولا جنة علي بالكوفه صله
اريد اذان ماكو بكل محله
بليلة ويوم خاب الامل كله
ضل صوت الكفر بيهة يتعله
بكطرت ماي ماحنو
لجل موتي فلا ثنو
كلهم جن شمر مابيهم الزين
ماهم ناسنه ياخوية يحسين
///////////
مدري منين هاي الناس غربه
اريدن ماي شحو علي شربه
المصالح دينهم والكرسي ربه
طريق الكوفة ابد لاتمشي دربه
غابت كل اهالينه
ولاواحد نشد بينه
اجة ابالي علي وهل مدمع العين
ماهم ناسنه ياخوية يحسين
//////////////
لكن للامانة هناك فد دار
عن الكوفه فرق الجنه والنار
يرحب باليجي مايرد خطار
هلا بريحة امامي علي الكرار
دار الطوعه منسوبه
يعثر بي الف حوبه
تصد عني النبل بجفوهة ثنين
ماهم ناسنه ياخوية يحسين
مهند الشمري
2024
@mohand8989
انه اول فاكده خيعونهه
التنطي لحسين اربعه يحسدونهه
انه اول فاگده فرحانه
بروحي حشمت الكمر وخوانه
عندي عيد ولاتضن حزنانه
حسين كال ام البنين ويانه
التفكد اربع ولد تعمه اعيونهه
/////////////////////
ارباي ماضاع وتعب ذيج السنين
ماتفشل حيدره ام البنين
فدوه ولدي وانه فدوه للحسين
وين المعدل انطيته والحنين
الزهره تستاهل ولد يفدونهه
//////////////////////
وياهم اتوسد فرد تربه ردت
بيه حسره بس ولد من خلفت
خادمه الزينب ردت تطلع بنت
شمحله هايه مني للحره اخت
المهم زينب فدوه خي ذبحونهه
////////////////////
حسين نجمه ولازم بصفه كمر
الخوه فزعه وبيهه ينشد الظهر
سنين ازرع حان وكتك ياثمر
الريح هبت وانه تربات الجمر
المهم زينب سالمه وضعونهه
///////////////////////
انه ربيت الزلم فدوه اله
من يلاكي الموت يصرخ ياهله
عندي عباس الشهم من يوصله
بعالم الارواح ذوله الكربله
كربله مالت زلم يدرونهه
////////////////////////////
اربعه وماردت من عدهم خبر
شنهو اخبار السبط كلبي انفطر
ادري عباس واخوته اعله النهر
المهم يبقه حسين مايوصله شر
انه ام الاربعه يسمونهه
مهند الشمري
2024
@mohand8989
عمه اترجاج---اخذيني وياج
افراك الغالي يهد الحيل
فكرة انه اضل بالدار صعبة شلون اقبلهه
علميني شيخلص اليل ويه النوم شيحلهه
اذا روحي المرض كضهة مثل اثيابي ابدلهه
اعرف الثمن ادري موت المهم وياكم اوصلهه
خليني ويا---يصعب فركا
وحشه ومايرحمني اليل
//////////////
شالو مني اهل البيت ودموعي ترست خدي
يمهم والكلب يشتاك عمه شلون من وحدي
اعاين دمي بالخطوات يمكن كلبي اليندي
هوه حسين بس حسين غيره كلشي ماعندي
يهلي الماشين---بنيتكم وين
زغيره وماثكل عل خيل
//////////////
وضعي يكسر الخاطر وانه بنيه وزغيره
خاطر طفله لاتكسرون وانتم منبع الغيره
يهل الهله والخطار وحشه صارت الديره
كل الناس تشمت وجهي منين ما ديره
كبرني سنين---افراك احسين
شفت ال اه وشفت الويل
/////////////////
شمحله اللمة وسط البيت وحسين اليباريني
صباح الخير من يكول احسن طعم بسنيني
عين الماتشوف كون تعمه وماتضل عيني
اذا النيه اضل هنا بس بدربه دليني
طلعت هل روح---من شفته يروح
يوم افراگه يكبر جيل
///////////////
عوفولي اثر بالبيت اصبر العمر بي كله
اشم اثياب عبدالله تهيد بروحي الف عله
انام بعطره وتخيل ليلي ويا شكد يحله
من تشتاگ للماشين مرة ولاتضن سهله
دمعي من هد---يحفر بالخد
مايكطر من ينزل سيل
مهند الشمري
2024
@mohand8989
لازم نزكي العين لازم
حنينه لدموع الماتم
دارت سنه والگلب ناطر
يوميه باجر عكب باجر
شوغات عنده وكلشي حاظر
ويه الحسين الكلب شاطر
يذبح بنفسه وغلب حاتم
حنينه لدموع الماتم
///////////////////
لهفة اعيوني ويه الهلال
طلاب ثار ولكه الچتال
بيهن دمع موابيض اشكال
احمر دمعهن جنه شلال
جفني توزر زين عالم
حنينه لدموع الماتم
/////////////////////
روحي اشتهت تسمع نعاوي
كون الحجي لمملوح راوي
اليحوي بمحرم كلشي حاوي
ماخلي صدري السنه ناوي
درب الحسين يسوي اوادم
حنيه لدموع الماتم
/////////////////////
هذا الشهر مو مثل الشهور
عاشور اجانه اليوم عاشور
عبرة ودمع وهواي ماثور
مشكور رب الكون مشكور
اليكثر سواد بحقه فاهم
حنينه لدموع الماتم
/////////////////////////
دورنه البيوت الدرابين
وين المجالس وين ما وين
مجلجل دمعهة وتسال العين
دلوني مجلس ينعة الحسين
لحد القيامة الدمع قائم
حنينه لدموع الماتم
مهند الشمري
محرم 2024
@mohand8989
عرش الله انفجع مو فقط محرابه
طاح الكون كله الليله بصوابه
كلشي اليوم مجروح
كلشي ملثم ينوح
ودأعا ياعلي
الله يعين ربعه الليله وأيتامه
شكم كلب نكسر وي طبرة الهامه
اضن حتى العرش يلطم عله العمامه
لان الدين النبي هل ذبحو اسلامه
حد سابع سمه صوت النعي ترتل
جبريل النعا ويقرأ بالمقتل
حتى الجزع مسموع
كلشي ملثم ينوح
ودأعا ياعلي
ــــــــــــــــــــــــــــــــــــــــــــــــــــــــ
مخنوك الهوه مايرضة بالريه
لان زينب وضعهة اليله مو هيه
حزنان الكمر ومسوي لطميه
رح الابو الجنه انسير ابفيه
فكدك ياعلي بين شكو خله
منين انجيب حيدر مثله ونخله
الكون ابأسره مذبوح
كلشي ملثم ينوح
ودأعا ياعلي
ــــــــــــــــــــــــــــــــــــــــــــــــــــــــ
القران القصد معروفه هل غايه
لان براس حيدر شكم الف ايه
بلكي يطيح منهن ويه الدمايه
بلكي يموت حيدر ناخذ الرايه
سبطين وعقيله حفظو الدين
ميموت اليخلف حسن وحسين
القيامة بطلعة الروح
كلشي ملثم ينوح
وأعا ياعلي
ــــــــــــــــــــــــــــــــــــــــــــــــــــــــ
من ذاك الوكت والكوفه حزنانه
صعب حيدر علي ياهو اليجي مچانه
وحگك ياعلي فگدك الأذانه
نبجي اعيونه لو نسمع أذانه
طبرت هامتك چن طبرو الكون
جن ارض وسمه كامو يلطمون
صوت الدنيا مبحوح
كلشي ملثم ينوح
ودأعا ياعلي
ــــــــــــــــــــــــــــــــــــــــــــــــــــــــ
وداعا ياعلي والكلب بي حصره
تردلهم علي والشيعة منتظره
طبرت هامتك خلفت چم طبره
بكلب الشيعة اثرهة كلوبهم جمره
وداعا ياعلي ماتمم الصوم
وداعا ياعلي والكلب ملجوم
عليك الشوف مشبوح
كلشي ملثم ينوح
وداعا ياعلي
مهند الشمري
@mohand8989
ياهلا بزورا موسى ياهلا
ياهلا بالجاي لينه
نعزبه ونوكله مندينه
(ذوله احنه مجربين)
المواكب كلهه بيتك
منين ماجانت هويتك
(هيج علمنه الحسين)
نركض مسابگ نخدمك
شرف النه اتراب جدمك
(ماتغيرنه السنين)
ياهلا بزورا موسى ياهلا
/////
الله خالقني الخدمتك
لا تفشلني اعله بختك
(سولف وتامر امر)
انته بس كول التريده
بالحظه ونيجب البعيده
(الك مرخوص العمر)
انته زاير باب حاجه
وباجر الناس اتلاجه
(شلون وشلون العذر)
ياهلا بزورا موسى ياهلا
/////
طيور ملتمه اعله حظره
فزعه والزاير نحظره
(هذا خطار الامام)
والبگلبه احنه نقره
كلشي عدنه رغم فقره
(وحگ زينب والخيام)
راهنو نترك دربكم
كل سنه يزاد حبكم
(بخدمته ننسه ننام)
ياهلا بزورا موسى ياهلا
/////
الخير من خيره ونعزب
واليمرنه بي نجلب
(ابد مانخلف وعد)
احنه تربات المضايف
اصل عندي موش طايف
(نلتزم عدنه عهد)
والدليل اليجي زاير
زادي والم جايي فاير
(ننطي ميهمنه العدد)
ياهلا بزورا موسى ياهلا
/////
شما يطول العمر بينه
احنه عشاگ وهوينه
(مانبدل هل درب)
هذا خيري من وجوده
الله خالقني اعله موده
(غيره مانهوه ونحب)
من الزغر ويا ربينه
معدليين ويدري بينه
(بالمواكب بالحرب)
مهند الشمري
@mohand8989
#يازينب
(أمشونه نشيع بت علي)
يله يشعه امشونه-(أمشونه نشيع بت علي)
وصرخاتكم سمعونه (أمشونه نشيع بت علي)
شيعة علي يسمونه(أمشونه نشيع بت علي)
نجزع ولا يلومونه(أمشونه نشيع بت علي)
وي زينب ايجفنونه(أمشونه نشيع بت علي)
انه وعمامي وكل هلي(أمشونه نشيع بت علي)
ــــــــــــــــــــــــــــــــــــــــــــــــــــــــ
دمعاتكم فوك الوجن(أمشونه نشيع بت علي)
تستاهل نجدد حزن(أمشونه نشيع بت علي)
مسبيه راحت للوطن(أمشونه نشيع بت علي)
والمتن يالون المتن(أمشونه نشيع بت علي)
نلطم ونلطم بالعلن-(أمشونه نشيع بت علي)
دار الوحي اصبح خلي(أمشونه نشيع بت علي)
ــــــــــــــــــــــــــــــــــــــــــــــــــــــــ
يخسه اليكول مسلبه(أمشونه نشيع بت علي)
بالناگه وبچفهه العبة(أمشونه نشيع بت علي)
عفه وشرف من الصبه(أمشونه نشيع بت علي)
بت حيدر ونعم الربه(أمشونه نشيع بت علي)
مو مالت گيود وسبه(أمشونه نشيع بت علي)
الله يعينك يالولي(أمشونه نشيع بت علي)
ــــــــــــــــــــــــــــــــــــــــــــــــــــــــ
خلونه نلطم عل صدر(أمشونه نشيع بت علي)
بسمانه مبيوگ البدر(أمشونه نشيع بت علي)
نبچي دمع لم الخدر(أمشونه نشيع بت علي)
والقدر باكاهه القدر(أمشونه نشيع بت علي)
يأمر من هذا الأمر(أمشونه نشيع بت علي)
والحزن صوته يعتلي(أمشونه نشيع بت علي)
ــــــــــــــــــــــــــــــــــــــــــــــــــــــــ
وي فاطمه نصب الدمع(أمشونه نشيع بت علي)
صوت البچي خل ينسمع(أمشونه نشيع بت علي)
الگلب ذايب چل شمع (أمشونه نشيع بت علي)
الحزن بينه يجتمع (أمشونه نشيع بت علي)
چفي اعله وجهي ينطبع(أمشونه نشيع بت علي)
رايات زينب تعتلي(أمشونه نشيع بت علي)
مهند الشمري
@mohand8989
#قصائد_شهادة_فاطمة_الزهراء_ع
بقت بس ذكراها
والله ما انساها
كون اموت وياها
امي جنه--امي جنه
ياصباح الخير من اتكولهه
شكبر بخته الي سمعهه ينولهه
والله مشتاگ الحجيهه وطولهه
انه مشتاگ وعلي كلولهه
ياخلگ واسوني
بچلمه بس عيوني
رح اخلص اعيوني
امي جنه---امي جنه
ــــــــــــــــــــــــــــــــــــــــــــــــــــــــ
شمعه جان البيت بيهه و ضاوي
والحجي بشفافهة شكد راوي
ما دريت الموت رادج ناوي
أختار وين الكلبي راده وراوي
شلون يمه وتالي
ياهو ينشد حالي
انه دافن غالي
امي جنه---امي جنه
ــــــــــــــــــــــــــــــــــــــــــــــــــــــــ
كلشي بيه يحن الج وبعيده
كلبي صار هلال ميت عيده
بعد هيهات الزمن شي عيده
ومن اديهه ناخذ النريده
كلشي حلو وياها
بعجل ضيعناها
كربله فركاها
امي جنه---امي جنه
ــــــــــــــــــــــــــــــــــــــــــــــــــــــــ
كون اموت وياج يمه ادعيلي
يمه وحشه البيت لو مر ليلي
انه زلمة والبعد هد حيلي
يمه صرنه اطفال مترجعيلي
والبعد هداني
اعترف اذاني
والدمع جواني
امي جنه---امي جنه
ــــــــــــــــــــــــــــــــــــــــــــــــــــــــ
شكد بخيت العنده امه يشوفهه
يكول يمه وشحلات احروفهه
خل تزيد اجروحه يمهه يروفهه
مثل كعبه بكل مسيه يطوفهه
موت ياكلبي بعد
هيج راداهة الوعد
اهدو وياي الحمد
امي جنه---امي جنه
مهند الشمري
@mohand8989
#استشهاد_مولاي_الحسن_العسكري_ع
من واحد محرم لحد هل يوم
عازله دمع لمصابه مضموم
وداعآ يا أمامي
جرح عاشر محرم بعده بينه
بدمع عاشور يم گبته بچينه
نفس خطواتنه وبثيابنه السود
اجينه انعزي يالمهدي أجينه
اجت بغداد والكوفه ابحزنهة
النجف لبست سواد الراح ابنهة
وداعآ يا أمامي
////
نفس ذيج المواكب نفس الزلام
من ارض الحسين البيته كل عام
نتسابگ بالحزن چن ملگه الاعزاز
خدام ونضل للموت خدام
شيعة ومانمل لو نخدم اسنين
ويضل شاهد علينه درب الحسين
وداعآ يا امامي
////
يالمهدي اعله بابك كلنا جينه
بدموع وحزنة يحدي بينه
بسامره المجلس وانته رادود
ونذرنة من اللطم منبقي ادينه
سمو بغدر بعدة ابشبابه
هم عدهم سقيفه وهم عصابه
وداعآ يا امامي
////
ياوسفة غده ومن مات مسموم
مثل جده الحسين اليوم مظلوم
فگدنا بشبابة وغمض العين
واليفارك حبيبة يكره النوم
نمشيلك مشي لو نعرف ارواح
كون ويا ذابحني يا ذباح
وداعآ يا امامي
////
ياباب الحوائج جينه بالباب
ومن كثر الحزن مرتين النگاب
مابينة بعد ماضلت ادموع
من واحد محرم والجفن ذاب
يالمهدي عليك بنحر الحسين
سجلنا ويخدام المعزيين
وداعآ يا امامي
مهند الشمري
@mohand8989